HOME PLAATSNAMENOVERZICHTHOME


ÁFTRAEJLIED
2004/2005: Tekst & muziek: RoRoGeHaPé
Zang: de Opa's

Refrein:
Kôm d'r beej, Kôm d'r beej, kôm d'r beej,
welkôm beej ôs alde prinseclub.
Kôm d'r beej, kôm d'r beej, kôm d'r beej,
jao d'r vaelt d'r os wer unne in de slup.
Keus-te dieg wât moëjes winse, dân dât dieg de alde prinse,
dien OPA-jeske kômme bringe, en d'r ok nag wât beej zinge.
Zônne gôjje, woord gezônge, hâje weej nag noeit gehad,
mâr beej ôs, beej ôs guf 't die zât

Prins van Ârce is un hiële iër,
dât gebeurt dieg ech mâr iëne kiër.
't Gánse jaor de parel vân de kei,
dât mâkste vân-ze-leave nimmer mei.
Mâr dân toch, staon weej hârdôp te zinge,
kôm beej ôs, dân hôf-ste neet te springe.
Âs prins wört diech iën keigood jaor gegaeve,
mar OPA bees-te vör 't laeve.

Nae dit liedje zinge weej heer neet,
vör de prins daen in de watte leet.
Weej winse eúm 'n hiël moëj prinsejaor,
wies vollegend jaor, dân is-ie vör ôs klaor.
Vollegend jaor stiët daen in de finale,
en dân kômme weej eúm ôk wer hale.
Dân zings ôk doé wât weej dieg nów al winse,
waer OPA beej de alde prinse.


HOME PLAATSNAMENOVERZICHTHOME


'T ALLERSCHOËNSTE BLEUMKE
2000/2001: Tekst: Robert Janssen - muziek: Robert Janssen & Willem Heldens
Zang: Anja Schers & Wim Lichteveld

Refrein:
Doe bees 't aller-, allerschoënste bleumke, heej op dees aerd.
Doe bees 't aller-, allerschoënste bleumke, doe bees mich alles waert.
Mit dien zalig zeute lintegeur, gufs diech 't laeve kleur.
Doe bees 't aller-, allerschoënste bleumke.
Wât heb ik toch geluk.
Wât zuj-se d'r vân dinke, âs ik diech now 's pluk.

Wie Wimke nag 'n menke waor en speulde in de haof,
woos mooder al wie laat 't woar âs haen de straot op stoof.
Dân kwaom 'n megje naeve, wât Wimke nag neet koos,
en neemus wet woej of 't kwaom, mâr toen is 't begoos.
Haen sprook de megjes aan en haen zong dân hiël spontaan.

Now is Wim wâl gen menke miër mâr altiéd nag ôp zeuk.
En haen deut, jao dât môt gezág, zien aanzeuk áltiéd leuk.
Misschien dât in zien laeve, haen éns de waore vindt,
en dât haen dit refreintje gáns alliën vör eur dân zingt.
Dât wât haen altiéd reep, âs haen wer 'n blauwtje leep.


HOME PLAATSNAMENOVERZICHTHOME


DAO GAON WE DÂN
2010/2011: Tekst: Wim Janssen - muziek: Hay Korsten
Zang: Trio Ôngezalte (Wim Janssen, Wiel Reivers, Chris Reutelingsperger)

Refrein:
Dao, dao, dao, dao gaon we dân
Weej kriége, kriége noeijts genôg d'r vân
Dât kump, ge môt dât nï vergaete
Weej zien d'r vân bezaete
Dao, dao, dao, dao gaon we dân
D'rum gaon weej door zoëlang as ut ma kân
Want hebbe weej iets in de kop
Dân halde weej d'r neet mei op.

Weej gaon oow wât vertelle,
't is dât geej 't wét
Weej hebbe in de letsten tiéd,
hiël wât áfgezwet
'n Liedje te gaon zinge,
dât wôje weej persé
Weej hâje wâl 'n melodie,
mâ gen waörd d'r beej
Ma toen dât iënmaol wao geluk
Bleve weej zinge ân iën stuk ......

Straks is 't Vastenaovend,
de wages staon gereid
De vrouwluuj hebbe môndelang,
pekskes wer geneid
Zoë gaon we naor d'n ôptoch,
al jaore ôp 'n rij
Weej zegge ves, ôk vollegend jaor
trekke weej wer mei
Weej hebbe nag ideeje zât
Zegge oow evvel nï âs wât ......

Ôs oma en ok opa,
vân viéfentachtig jaor
Die danse al eur laeve lang,
wât is gén bezwaor
Mit step of losse polka,
dao zien ze mei begoos
Nów sjouwe ze de parties áf,
dao giët 't nów loos
En ôp de maot vân de meziek
Zinge ze ôk nag tegeliek ......


HOME PLAATSNAMENOVERZICHTHOME


DOEDELIGE NACHMERRY
2000/2001: Tekst: ? - muziek: ?

Ik zoog eur al kômme vân wiét en waor óp slaag de kluts ok kwiét.
Ut leek geweldig, iérlik waor,
Ik reep: “Me Tarzan, are you Jane?”, en mit hâj ik 't al gezeen.
Mâr ja, toen waor 't liëd al daor.
't Waor ech zo'n madam en ze kwaom oét Amsterdam.

Refrein:
Die Dam die hâj, die hâj, oe waj die hâj, die hâj,
die hâj zon tralalalala, dôm doedelding.
Die doedeldam die deej, ai jai die Dam die deej,
die deej d'n tralalalala, zoë doedeldôm.

Ze zei: Ik kân diech evvel neet, neet dât dât ech geveulig leet,
want daorân kunne weej wât doon.
Ik kreeg 't waerem en wer kált, want jao, die waor mich ech te áld.
Mich stônd 't water in de schoon.
Woej ik die dao zoog staon, bin ik d'r vândoor gegaon.

Zo kwaom mich achternao, oei jee, en ik mâr renne, wât ment geej.
Ik heb gewônne, evvel net.
Iën ding heb ik toen wâl geliërd, kwaak noeit te vroeg, dât is verkiërd.
Toen woord ik wakker in mien bed.
Ik schrik nag wâl us flink, âs ik dao mei nag ân dínk.


HOME PLAATSNAMENOVERZICHTHOME


HARIE EN ZIENE BOMBARDON
2008/2009: Tekst: Wim Janssen - muziek: Hay Korsten
Zang: Joost,Jasper, Ron & Wim

Refrein:
Harie daen blus de bombardon,
wetse wâl die groëte toet
Meistal löppe daomei achteraan,
en blus zoë de zaak veuroét
Harie stik d'r baovenoët,
mit zienen bombardon
Haen blus âsse daomei 't kefee in giët,
zoëma un gaat in 't plefôn
Woej dât kân heb geej gedoog ......
Gewoën, want Harie haet völ loog
En soms, haen zal d'r nï um leege
Lötte die, ok waal us vleege

Al waeke vân te veure, oefent haen zieg oét de naod
Want ut zal um nï gebeure, dâtte váls speult of oét de maot
As haen dân straks op paad giét, heej mit zien joekskepel
Dân kriegse vân zien traöte, gewoënwaeg kiepevel .....

De minse vraoge Harie, jông woej speulse dât toch klaor
Wâs dieg um de nek haes hange, dât ding is ok nag biëstig zwaor
De môs good kunne höffe, zaet Harie serieus
En dao môsse mei doorgaon, zoëlang âsse ma keus ......


HOME PLAATSNAMENOVERZICHTHOME


INSCHETE ELLEF ELLEF
2007/2008: Tekst: Geert van Rijswijck - muziek: Geert van Rijswijck
Zang: Bram Hoogveld, Ralph Smits, Ruud Gisbers & Peter Cornelissen

Refrein:
Weej schete ellef ellef in mit ‘t kenôn,
Van knal boem pats, laot mâr lekker gaon.
‘t Seizoen is nôw al wer begônne,
pak de vlage, de slingers en balonne.
We schete ellef ellef in mit ‘t kenôn,
Huuër die knalle nôw is gaon.
Dit dreunt ellef kier dân in ‘t oer,
Vastenaovend leet ôp de loer.

Ôp de maert is ‘t te believe,
Dao wört ‘t startschot gegaeve.
Kôm nao boéte en bliéf neet binne,
Ellef ellef giët beginne.

Alaaf, alaaf, alaaf, boem paaf.

Ôp de mârt giët ‘t nôw gebeure,
Mit gier en hiël völ kleure.
Weej gaon ôs same nôw bezinne,
Ellef ellef giët beginne.


HOME PLAATSNAMENOVERZICHTHOME


KARNEVAL IN LIMBURG
1998: Geert v. Rijswijck

Refrein:
Karneval in ôs limburg, dât is wônderschoën
Joekskepelle blaoze, euren vastenaovestoën.
Karnaval in ôs limburg, dât is grandioos.
Heej vaelt wât te belaeve, is altied wâl wât loos.

En âs heej alle ôp de kop giët staon, dân late weej ôs wer is lekker gaon.
Mit hoempapamuziek en hiël völ lol, giët iederiën in limburg oet d'n bol.

Drie daag lang mit 'n maske ôp de kop, tot d'n ober rupt 't beer is al ôp.
Mâr dât zal heej noeit ech gebeure gaon, dus blieve weej toch ân d'n tapkraan staon.

Mit aswoensdig is 't dân wer vörbeej, dân is 't gedaon zoë zinge ze heej.
Alles wördt wer gewoën normaal gedaon, en iederiën môt zellef verder gaon.


HOME PLAATSNAMENOVERZICHTHOME


KATER
2008/2009: Tekst: Wim Janssen - muziek: Hay Korsten
Zang: Ron-Edwin-Peter-Wim

Refrein:
Wétse wât, wétse wât, zaet ôzze kater
't ganse daörep is nów op de klater
's Maerges gaon ze weg en 's nachs kômme ze truk
drie daag lang en dât zoewât aan un stuk
Ma weej staon d'r hiël good veur
Aswoensdig stiët wer vör de deur
Want wetse, ze hebbe mich gezág
Dât dân de kater, jao unne kater
mit haeringslaat in de watte wört gelág.

De Kater vân ôs naeve, deut zien beklaag
beej daen vân ôs, dât deute iedere daag
Haen zaet ik wil ut nimmer langer pikke
wât ik heej iederen daag wér krieg te bikke
Nów kiék toch us wât ik kriég veurgezatte
unnen taelder mit wât vleis en druuëg petatte
Mâ zeg nów zellef wellike kat
it unnen druuëge petat ......

Mei löp d'r beej ôs naeve, 'n schonne moés
mâ mit dees daag, is zellefs die neet thoés
Dân is de gánse firma ôp de lappe
en vaelt d'r vör eur kat gén moés te snappe
Die môt 't doon mit wât wört veurgezatte
dâ's daen telder mit dât vleis en die petatte
Ma zeg nôw zellef wellike kat
it unnen druuëge petat ......


HOME PLAATSNAMENOVERZICHTHOME


DE KEIESCHIÈTER
2009/2010: Tekst: Pim Remmen & Geert Verschueren - muziek: Geert Verschueren
Zang: Ron Pingen, Florijn Neeten, Edwin Ritt en Peter Siemes

Refrein:
’t Is genne Prins en genne Champieter
Mar unnen echte Keieschiéter.
Blauwe bôks, gaelen trui en unne roëjen hood,
Keie schiéte kân haen hiël aerig good.
Mit de Karneval hiel fijn,
Stiët haen ôp ’t Raodhoésplein.
Gáns Ârce vult ziech riéker
Door ….. dae Keieschiéter

In de Keieloëds ân de Brandemeule
kriég ik, de kriebels wer
Aldewiéverdaag stiët d’r aan te kômme.
Daor is de Keieschiéter wer.
Efkes later stui ik ôp de wage
Minse oét Ârce …ik kôm d’r aan
Kôm nao ’t plein jao mit z’n alle
De Keieschiéter kump d’r aan.

Ôp aswoensdig dân kômme ze mich hale
Ik meug, wer nao de loëds
Daor krieg ik dân toch wer mien váste plekske
Ik waor dit jaor wer hiël aerig groëts
De Keieschiéter sluut nôw zien oëge
Ik krieg ‘n daeke…ovver mich hin
Ik wách ôp diech wies ‘t vollegend jaor
De Keieschiéter haet wer zin.

* cd 2009/2010: "Weej Laote ôs huúre"


HOME PLAATSNAMENOVERZICHTHOME


KIÉNDERKARNEVAL
Tekst: ? - muziek:?

Refrein:
Weej zien al echte Keieschiéters, en viere kiénderkarneval.
Want jao, daen echte vastenaovend, dât is't vör ôs wâl.
Al veer kiër ellef jaor staon weej daor al vör klaor,
De kiénderkarneval, dât guf ôs unne knal. (boem)
Jao, minse ierlik waor, al veerenvertig jaor………
't Allergrötste fiês vör ôs is kiénderkarneval.

Kiék ôs is staon, de Ârcese jeug,
die mit dees daag, ok mej viere meug.
Weej huure d'r beej en doon mit oow mej.
De kleine kiezelstiëntjes vân d'n Arcese kei.

As kleinen blaag, naor 't peuterbál,
nao 'n paar jaor, discokarneval.
Zoë liére weej vlot, wât karneval is.
En dât 't fijn is, dâs-te unnen Ârcese beés.


HOME PLAATSNAMENOVERZICHTHOME


KNETTERGEK
2009/2010: Tekst & muziek: Petrie Hendrickx
Zang: Ivonne Vullings, José Imming, Mia Groot, Ans Renkens, Jacqueline Valckx

Weej dánse door ’t laeve en sjouwe lekker door.
Weej zien ech ni te stoppe, al stiët d’r ok ’n moor.
Want âs de Vastenaovend kump, dân trekke weej d’r oét
Weej bliéve lekker hange en weej zinge dân vóloét.

Refrein:
Gek, gek, knettergek, dât zien weej mit karneval.
Gek, gek, knettergek, jao dât zien weej wâl.
Gek, gek, knettergek, ôp ’t Vastenaovesbál
Gek, gek, knettergek, jao dât zien weej wâl.

Weej fiëste in ’t daörep en ok nag ôp de hei,
Weej gaon gewoën mâr verder, mit ál dit bônte grei.
En âs ’t dân Aswoensdig is, dât vinde weej neet fijn,
Mâr al ’n paar mond later zing-se toch wer dit refrein.

* cd 2009/2010: "Weej Laote ôs huúre"


HOME PLAATSNAMENOVERZICHTHOME


KÔM NAO ARCE
Ca. 1950: Muziek en tekst: Hans en Mie Siemens


As ge halt van rustig laeve van een fijn vakantieoord,
loat de goje road ouw gaeve minse al van zuid en noord.

Refrein:
Kom nao Arce in os Limburg met zien bös en met zien hei,
zien kestiël, zien watermeulen, minse vriendelijk en fijn. (2x)

Noa en jaor van groetstadlaeve, noa en jaor van plicht en werk,
zal dit Arce ouw wer gaeve gezondheid, joa en hart zoe sterk.

Woei de liewerik goan steige, boven op de "Zwarten berg",
wat ge zeet is al ouw eigen, maar het is des scheppers werk.


HOME PLAATSNAMENOVERZICHTHOME


LAEVE EN LAOTE LAEVE
2002/2003: Teks & meziek: Pé Reivers
Zang: Mannekoër 't Remspaor

Ze doon verdorie teggewaorig mâr.
Neet te geluuëve, nae, ’t is toch soms te bar.
‘n Eige hoés en unnen auto vör de deur,
daor hâje weej toch vroeger neet de cénte veur.
Weej hâje wâl en dât is toch wâl ierlik waor,
de grötste lol, al waor ’t laeve toen wâl zwaor.
En toch âs ik dât allemaol bekiék,
dân waore weej ok vroeger biëstig riék.
Ja, now dân…..

Refrein:
Laeve en laote laeve,
dât is ôs motto en dât hálde weej d’r in.
’t Is neet áltiéd um ’t aeve,
gaef iederiën ’t zien, dân hilste gôje zin,
’t Is toch prachtig, geweldig machtig,
’t giët ôs allemaol toch vör de wind.
Zoë-âs ’t laeve ôs is gegaeve,
zoë is ’t laeve ôs wâl biëstig good gezind.

Âs ik bedínk zoë-âs dât vroeger ging.
Weej mâkte fiës vân n’import wât now vör ‘n ding.
En teggewaorig now môt alles serieus.
Dân hâje weej in ôzzen tiéd toch völ miër keus.
Weej ginge dánse ôp de fiets, God wet wao hin.
Wât mens-te of d’r now nag emus dânse kân.
Dât, dánse! Nae die schudde mit de vot.
Jao, ierlik waor, doe lachs diech mei kepot.
Ja, now dân………


HOME PLAATSNAMENOVERZICHTHOME


ÔP DE KLATER
1999: Teks & meziek: Pé Reivers

Refrein:
Laot ôs ôp de klater gaon, laot ôs dât mâr doon.
Laot ôs lekker wazelend ân d'n tap gaon staon.
Mit de gánse bubs ôp paad, allemaol verkleid,
drie daag laeve en mâr doon, wie 't jeske weit.

Altiéd zien we mâr aan't plahare, zörge vör d'n bik.
En dân wil-se ok nag spare, mei dink-se: ik stik.
Af en toe dât haes-te nuëdig, midden in daen rats,
jao, dân gaon we ôp de klater, lekker ôp de jats.

Mennigiën daen wördt d'r knater vân, altiéd in de rei,
Zon momente jao wât dinks-te dân, ik duj nimmer mei.
Mâr de kârrussel dreijt verder en doe zits d'r op.
Dân ôpens zet vastenaovend alles ôp de kop.


HOME PLAATSNAMENOVERZICHTHOME


ÔP DE LAPPE
2007/2008: Tekst: Mario Valckx - muziek: Geert Remmen
Zang: de A1 van voetbalvereniging DEV-Arcen

Refrein:
Ik göj mit diech drie daag lang stappe,
Ik göj mit diech d’r taegen aan.
Ik wil mit diech nów ôp de lappe,
‘t kúmp d’r ánders toch neet vân.
Ik göj mit diech drie daag lang stappe,
Ik göj mit diech fijn ân de zwiêr.
En aoverál ‘n pilske pakke,
We gaon de hort ôp en nog wiër.

Doe zits dao ôp dien kaemerke en liërs diech dao kepot,
Kôm nów trug nao Ârce dân klats ik mich ôp de vot.
En laot de beuk de beuk zien en kôm nów is mit mich mei
Wet-se nag wât ik gister zei?

Studentje in de groëte stad, dât is misschien wâl leuk,
Mâr in Árce karneval dât is toch wât ik zeuk.
Ik kân diech gaar neet misse en zuuj diech toch zoë gaer,
Kôm toch mei man en maak plezeer.


HOME PLAATSNAMENOVERZICHTHOME


ÔZZE KANARIE
2007/2008: Tekst: Wim Janssen - muziek: Hay Korsten
Zang: Florijn Neeten, Ron Pingen, Edwin Ritt & Roy Munten

Refrein:
Ellik joar ôpni-j rônd fibberwarie,
Jao dân flöt, flöt, flöt ózze kânarie
Unne wáls, unne polka, alles zuúver in de maot,
En toch krieg haen gene borrel, mâ gewoën kânariezaod.
Luuster good, ech waor, ‘t is genne larie,
Wât weej zegge, over ôzze knarie.
Vrog geen dân woej haen dât fluite kân?
Nów, dân snap geej d’r ok gaar niks vân.

Beej ôs thoés vör ‘t raam, dao is zien váste plek.
Zuut vân alles um zieg hin, is haen ôp ziene stek.
In de kamer en ôp straot, dao huur-te allerlei,
Wât joeksig in zien oére klink, dao deut-te dân ân mei……

Beej ôs thoés ôzze Piet, want dât is wie-je het,
Âs ‘t wer aswoensdig is, dât vint-te naatje pet.
Kiek dân treurig, flöt neet miër, jao ‘t is ierlik waor,
Dân dink-e beej zieg net âs weej, wât deurt dât lang zon jaor….


HOME PLAATSNAMENOVERZICHTHOME


SAME STAPPE
2004/2005: Tekst & muziek:Pé Reivers
Zang: Jost Reivers

Mit vastenaovend vörrig joar
't waor zôndig nao ik mein,
toen zoog ik veur 't örs dieg staon
dao op 't kaerikplein.
En doé zoogs mich, ik keek dieg aan
en waor geliek vân slaag.
Ik sprook dieg aan en wetste nag
Wât ik toen heb gezág....

Refrein:

Mit dieg wil ik wâl is gaon stappe.
Mit dieg wil ik wâl is ôp paad,
lekker same ôp de lappe
vân 's-maerges vroeg wies 's-aoves laat.
Ik wil dieg ôk hiël gaer vertelle.
Daorum gaef ik dizzen hint,
âs-te wees dân gaon weej same
drie daag lang twaers door 't lint.
Âs-te wees dân gaon weej same
drie daag lang door 't lint.

Mâr dieg zeis tegge mich helaas
dât zal neet kunne gaon,
want doé moos mit dien elders toen
nag op vakánsie gaon.
Dât guf 't neet doog ik toen nag
en ging has vân de biën
Tot dâs dieg zeis 't vollegend jaor,
dân gaon die mâr alliën.


HOME PLAATSNAMENOVERZICHTHOME


SNAP GEEJ DÂT NÓW?
2008/2009: Tekst & muziek: Peter Cornelissen
Zang: De Drriebkes

Snap geej dât nów, ‘t-is moeilik te bevatte
Mit vastenaovend staon d’r mínse ôp de latte
Geej meug baes wiëte dât ik mich allang verwônder
Daag in daag oêt nao baove en dân wer nao onder.

Refrein:
Mit vastenaovend gaon de príns en dansmarie drie daag veurôp
En kump-se zônder steulkeslif aevegood wâl ân d’n top.
Gen gerodel, gen gejodel, aprè ski of ôp ‘n bord
Weej make heej…… HÉÉÉÉÉ PILSKE! …..heej ôs eige wintersport.

Ik zuuj ze gaon en kân ’t neet begriépe
Mit koffer ôp ’t daak d’r tussenoét te kniépe.
De werme muts giët ôp in plâts vân ’n klein kiepske
En mei beej terugkômme ‘t puuëtje in ’t giepske.


HOME PLAATSNAMENOVERZICHTHOME


STUI-J NI TE KIÉKE
2000/2001: Teks: Sef Ritt & Pe Reivers - meziek: Pe Reivers
Zang: Geert van Rijswijck, Peter Siemes & Theo Collin

Alliën mit kiéke kump-se d'r neet mei.
alliën mit kiéke. dân wörse genne kei.
De vastenoavend is vör iederiën,
vör keieschiéters en vör kiezelstiën.
Stui-j ni te kiëke wie 'n doëje moés,
duj mei en veul diech lekker beej ôs thoés ...

Refrein:
Mit mekaar dân kunne weej 't make, make ôzze karneval.
Heej wât drinke doa wât kwake, och jao dân lukt dât zeker wâl.
Âs-te d'r mit ôs teggenaan giës vul-ste diech ôp dien gemaák,
dân is karneval 'n ech fiës, en dât is... un gôje zaak.

Giëste 's stappe, gui-j dân neet alliën.
D'r zien d'r miër nag dân diech heej ôp de biën.
Stel diech mâr aope en 't giët vânzellef,
un bliej gezeech, dât schilt ok al de haelef.
Duj mit ôs mei en laot diech lekker gaon,
vör mien pârt giës-te ôp de taffel staon.


HOME PLAATSNAMENOVERZICHTHOME


'T ZIT IN DE LOÓCH
2000/2001: Teks & meziek: Pe Reivers
Zang: Wiel & Pé Reivers

Refrein:
't Zit in de loóch en me kân 't veule.
't Is 'n virus dât ôs allemaol wer pak.
't Is die vastenaoves-meule,
die ôs alzelaeve wer zô joeksig mâk.
't Griept um ziech hin in ieder daörep of stad.
De werreld drejt alliën um vastenaovend.
drie daag lang leet alles plat.

Ôp ellef-ellef kump 't langzaam ôp.
't Vastenaovesvirus in de kop.
Wörs-se besmet, dân giët 't langzaam graöje,
wies in 't veurjaor, âs de bleumkes wer gaon blaöje.
't Is 'n koorts, die griep vlot um ziech hin.
En middiciéne hebbe dân ok genne zin.

Dât vastenoavesvirus rizzelteert,
in simpelwaeg dât me ziech ammezeert.
En haes-te dât dân eind'lik oétgevônde,
bees-te daormei wies ân aswoensdig vás verbônde.
Âs iederiën daor dân door is gepak,
wört d'r de gánse vastenaovend lol gemâk.


HOME PLAATSNAMENOVERZICHTHOME


DE VASTENAOVEND OPA'S
2000/2001: Tekst & muziek: Pe Reivers
Zang: de Opa's

Refrein:
Weej zien de vastenaovend OPA's, d'n alde glorie ván de kei.
Weej droge éns de prinse-mantel, en hâje toen... de heerschappij.
Âs kommandeure vân d'n Hoephap, zien weej 'n prachtig stel apârt.
Weej alde Keieschiéter-prínse, weej drage Ârce in ôs hârt.
Weej zien de Keieschiéters-OPA's en drage Ârce in ôs hârt.

Âs alde píinse beej mekaar zien, dân wört d'r ech plezeer gemâk.
D'r wört gelache en gezônge en gaer 'n gleske beer gepak.
Weej zien 'n hiël selèk gezelschap en springt d'r eemus oét de kei,
dân wiëte weej âs alde prinse: 't volgend jaor, dân deut daen mit ôs mei.


HOME PLAATSNAMENOVERZICHTHOME


VASTENAOVEND VIÉRE
2009/2010: Tekst: Ans Vullings - muziek: Pé Rievers
Zang: Ivonne, Matthijs, Irma & Mira Vullings

Refrein:
Âs de Prins is oét de Kei, gaon weej wer vastenaovend viére,
En iederiën deut mei, weej gaon ‘t gánse daörep versiére
Dân hosse en dân springe weej de gánsen daag mâr door,
Wies ’s aoves laat ‘t klökske sliët ’t hiële kleine oor.
Prins en dansmarietje, die zien heej dân d’n baas
In Ârce in ôs daörepke heej ân die schoëne Maas.

D’n ellefde vân d’n ellefde, ‘t fies is wer begoos,
Al zien ’t losse flodders weej scheete d’r op los.
Nao ‘n paar waeke later, is dao de ni-je Prins,
Daen is heej in ôs daorepke, d’n allerhögste mins.

’t wört ok wer aswoensdig, nao dees 3 lange daag,
Dân giët al wer de kás in, ôs maske en de vlaag.
Weej gaon ni zitte wáchte, maar druuëme lekker door,
Vân ôzze vastenaovend, dae kumpt wer volgend jaor.

* cd 2009/2010: "Weej Laote ôs huúre"


HOME PLAATSNAMENOVERZICHTHOME


'T VASTENAOVEND VIRUS
2004/2005: Tekst & meziek: Geert van Rijswijck
Zang: Geert van Rijswijck en Herman van der Coelen

Refrein:
Jao, dât virus is vastenaovend,
laot 't mâr kômme in ieders geval.
Daor guf 't gaar gen spuite veur,
dât stiët zoëmâr dân vör de deur.
Jao, dât virus is vastenaovend,
sliët in âs 'n bôm mit unne knal.
wât 't zekere doar vân is,
doe bliefs gezônd wie unne vis.

Mínse wât is d'r nôw wer loos,
groëte orkaan of is ut unnen hoos.
Felbônte wóllike trekke ovver 't Limburgslánd,
D'r is iets, dât haet ôs bijna in de hand.
Weej zien heej allemaol nów ovversteur,
haet daor dân neemus meddisiene veur.
Zien weej vör dât alles ingeént,
waor is d'n dokter daen dit virus kent.

Dokters zeg geej nów wât 't is,
Is 't 'n ziekte wât is d'r wer mis.
Gekleurde wóllike trekke ovver 't Limburgslánd,
dât is iets, mâr neet zoë-âs saharazand.
Adrenaline schuut in ôzze kop,
de tempratuur die löp heej hiel vlot ôp.
Zien weej vör dât alles ingeént,
waor is d'n dokter daen dit virus kent.

Limburg kiék now is um oow hin,
De vastenaovend guf ôs gôje zin
Griekse siertakies huür-se ovver 't Limburgslánd,
Nów daorum gaon weej dus neet nao Griekeland
Mâr unnen ouzo guf ôs gôje mod,
Is zon Grieks virus nôw wâl vör ôs good
Zien weej vör dât alles ingeént
Waor is d'n dokter daen dit virus kent.


HOME PLAATSNAMENOVERZICHTHOME


DE VASTENAOVESBLOÉS
2007/2008: Tekst: Peter Cornelissen - muziek: Peter Cornelissen
Zang: Peter Cornelissen

De massa giët verkleid
Klonesk, unne nar, unne zot
Meziek dae klink geheid
En dringt zieg door tot ôp ‘t bot
Völ wazel, flauwe kul
En dân vôldaon wer nao hoés
Dât ik dât wônderlik geveul
Ik heb de vastenaovesbloés

De dánsvloër môt ônveilig
Vân swing wies polka, wals
Kapelle, bends zien heilig
Al giët t zuúver of biëstig váls
De blaozers stoan ôp de steul
Ôp dieke trom flink geboés
Dât ik dât wônderlik geveul
Ik heb de vastenaovesbloés

Unne bônte stoet giët trekke
Völ wages, prach en praal
De sfeer blief bóete plekke
Of giët wer wiër in kroeg of zaal
Gen scheive waörd of genaöl
Me pakt ziech same en vult ziech thoés
Dât ik dât wônderlik geveul
Ik heb de vastenaovesbloés

De vastenaovend liënt zich toch vör allehande maote
‘t Giët d’r um dât geej begriep waoraover ik ‘t heb
wât kân ‘t boeie dât unne schlager in ‘n jeske is gegaote
en gekleid giët in de vastenaovesbloés of unne rep
ach jao, uh!
Ach jao, mmm!

Aswoensdig start ‘t liëd
Genne joeks unne mârs vân treur
Mâr vör se t wets dân stiët
November ellef vör de deur
Zet ‘t verstand ôp nul
En dwaal wer rônd in dae roes
Dât ik dât wônderlik geveul
Ik heb de vastenaovesbloés

Kent geej dât wônderlik geveul, NOW?
Geej hebt de vastenaovesbloés.


HOME PLAATSNAMENOVERZICHTHOME


VRINDELIED
2008/2009: Tekst & muziek: Petrie Hendrickx
Zang: Gen Fatsoén

't Gánse jaor kiek-se wer oét
wils wer verref ôp dien snoét.
En de gánsen daag wer ân d’n boemel gaon.
Mit ‘n pilske in de hand
gaon weej door ’t keielánd.
Bliéve mit z’n alle ân de kánt ni staon.

Refrein:
Want âs de vastenaovend giët beginne,
gaon weej âs vrinde same wer ôp stap.
Lekker fiëste, drinke en wât springe
gaon naor de kroeg en hangen ân d’n tap.
Weej zakke door wies twië oor
en ‘s maerges vroeg dân zien weej ok wer daor.
Want âs de vastenaovend giët beginne
gaon weej âs vrinde same wer ôp stap.

Wâl drie daag lang wer ôp de biën
same mit ôs kiezelstiën.
Sjouwe weej gezellig door ‘t keieriék
vân ‘t daörep wies de hei
mit de prins en ál zien grei.
Want dit fiës is toch in Ârce wâl uniek.


HOME PLAATSNAMENOVERZICHTHOME


ZEUK NI TE WIÉT
2000/2001: Teks: Ans Vullings - muziek: Petrie Hendrickx
Zang: Petrie Hendrickx

Refrein:
Zeuk ni te wiét, weej hebbe heej toch alles.
Zeuk ni te wiét, want wât is 't geval.
Zoë fijn âs heej zult geej 't nörges vínde.
Daorum bliéf heej en vier mei karneval.

De Raod vân Ellef stiët wer klaor, en hiël moéi in 't pak.
Daobeej ôs prinsegarde, de haor stiéf in de lak.
De sirremoniemeister, daen giet wer vör ôs ôp,
en ok ôs gaele-blauwe vlaag, die hink hoëg in den top.

't Afscheid vân d'n alde príns, de ni-je in de kei.
En âs daen dao dân oét kump dân lef gáns Ârce mei.
We hosse en we spinge, gaon dân wies hiël laat door.
Zoë-âs alliën in Ârce kân, zoë giët dât ieder jaor.


HOME PLAATSNAMENOVERZICHTHOME


ZOË IS 'T GOOD
2004/2005: Tekst & muziek: Hans Coenders & Wil van Oers
Zang: Audrey Appeldoorn, Henk Rheiter, Steffie Reivers, Geert Reivers.

Refrein:
Daor flitse de sterre wer aan
Serpentines in 'n hemelse baan
Weej kieke nao 'n kloonsgezeech
Vastenaovend 'n aards gedeeg
Weej kieke nao ôs eige blood
En zinge same: Zoë is 't good

Ik veul mich wie unne prins zoë riék
Âs 's aoves ik naor d'n hemel kiék
Ik zuuj 'n klootje mit unne klingeling
Kiék dân nao baove, huur en zing

Belaef-is same dees moëje daag
Vân groëte minse wies kleinen blaag
'n Melodieke vân unne muzikánt
de vastenaovend mâkt daen bánd


HOME PLAATSNAMENOVERZICHTHOME