HOME
PLAATSNAMENOVERZICHTHOME
ALLES GEIT WIE EINE TREIN
Tekst: Herman Bekx - muziek: Burlesco
Refrein:
Keffeke in, kefeeke oet, mit ein sjoan gesminkdje snoet,
Ein mulke hie, ein denske doa, waem lupt mig noe achternoa ?
Lekker hosse achterein, alles geit wie eine trein.
Nemes steit nog ane kantj, de vasteloavendj is in 't landj.
Eeder haet 't, veuls te druk, dus noe spring ins oet de bandj.
Sloet dich aan, doot toch mit, zet dien zurg mer ane kantj.
Loat de aafwas, mer ins stoan, enne striekplank ane kantj.
Gauw get knommele aangedoan, eder geit noe handj in handj.
Neem diene sjat altied mit, want den kumps se noats te laat.
Effe eate, en get sloape en den 's morges weer op paad.
HOME
PLAATSNAMENOVERZICHTHOMEBOAKSUM MIEN PLEKSKE
1998: Tekst: Jean Pisters - muziek: Jean Pisters & Wim Suilen
Refrein:
Boaksum mien plekske, Boaksum mien stekske,
Boaksum is 't paradies op aerd.
Bön d'r geboare en groot gewoare.
Joa, dit dörp det is mig alles waerd.
En kömt m'n van boete aaf,
raaktj m'n aan dit dörpke verslaafdj.
Boaksum mien plekske, Boaksum mien stekske,
Boaksum is 't dörp wo ig van hoaj.
Mit dees daag in 't Boaksums landj, goan alle zoerge aan de kantj.
De stömming steigt ten top, hièl Boaksum steit op ziene kop.
En stoan weer den bie ein, den zinge weer dit refrein.
Regs ter neave of in de göt, mit zang of spelendj op de tröt.
De trommels sloan op hol, de kroege loape noe toch vol.
En is 't fiès verbie, den klinkt nog dees melodie.
HOME
PLAATSNAMENOVERZICHTHOME(DANS) MARIETJE
2003/2004: Tekst: Jean Pisters - muziek: Jean & René Pisters
Refrein:
oos marietje is noe lid van de garde,
't zeen de meadjes in blauw-wit.
oos marietje is noe lid van de garde,
joa de meadjes doon aan vasteloavundj mit,
ze danse op meziek van de baxheimer kapel,
en geave den noa aaflaup eine flinke jel.
oos marietje is noe lid van de garde,
`t zeen paradepeardjes van de road.
marietje ging als baby al mit pap en mam op stap,
't kreeg 't mit de paplepel gegeave.
de pap zoot bie de road en de mam bie ein kapel,
't heurdje bie ut sjoén limburgse leave.
marietje gruudje oet de babysjoon,
en witj gea waat 't toen is goan doon.
marietje weardje groeter en 't pekske woar te klein,
't w'l d'r toch 't danse neet veur loate.
marietje zog ein sponser det vonj 't toch zo fijn,
't heat noe pekskes in ein aantal moate,
marietje gruudje oet de kinjersjoon,
en witj gea waat 't nog woar aan doon
HOME
PLAATSNAMENOVERZICHTHOMEDRIE MAOL ALAAF
2005/2006: Tekst: Jean Pisters - muziek: Jean & René Pisters
Refrein:
Drie maol alaaf, laef dich oet en doot die daag toch neet zo braaf
Drie maol alaaf, vasteloavendj in Boaksum is vet cool en auch gaaf
Drie maol alaaf, hiej in Boaksum geit ut daak d'r aaf
In ut plekploasterriek steit de carneval veurop
want eine vasteloavesveerder zit hiel Boaksum oppe kop
eder joar opnuuj in de vasteloavestied
den waer ich door ein viruske geveldj
ich loat mig ongerzeuke waat der mis is mit mien lief
en wet ger waat de dokter mich verteldj
es ut vasteloavesvirus in dich zit
zing dit leed oet volle borst mer mit
ederein deit mit, joa waat höbbe weer ein sjpas
det virus hilt dich drie daag op de bein
van 's mörges toet de aovendj zeen weer toch in oze sas
want vastelaovendj veers se neet allein
es ut vasteloavesvirus in dich zit
zing dit leed mer mit os alle mit
HOME
PLAATSNAMENOVERZICHTHOMEEINDAAGSVLEEG
2004/2007: Tekst & muziek: Peter Berghs
Zang: MacBukkum
Refrein:
Ig bèn 'n vleeg van eine daag en dao sjaam ig mig neet väör
ig zit hie in de zón achter de roêt
en 't boeitj mig absoluut neet waat 'r nao vandaag gebäörtj
dus woeë ig geine zin in höb .... sjtèl ig toet mörge oet
Vanmörge róndj 'n oor of zeve kraop ig oet mien ei
ig kós nog neet drek vlege dus ig sjraveldje get róndj
ig zoog det ig gebaore waas midde in de wei
parmantig sjtóng mien weegske dao ... 'ne dieke paerdesjtróntj
en ig haai hónger det 't kaakdje meer 't ging mig get te wiêt
óm te aete van dae käötel in 't graas
dus ig pakdje mig 'n eike mer toet miene groeëte sjpiet
haai nemes mig vertèldj det det ... missjien femielie waas
Zoeë tösse tieën en elf kwoom ig in de puberteit
disco in de koesjtal en we dandsje op 'n vlaai
ig lieërdje woeë 't laeve van 'n eindaagsvleeg óm dreitj
noeëts geweite det 'n vleeg ... zoeë väöl hormone haai
want ig deei 't in 'n duikvlucht en op 'n rotte paer
en drie kieër achterein ónger de vli-zo-trap
toen ig mien kroet versjaote haai kaek ig óm mig haer
ein waas d'r al aan 't eikes ligke ... en 'n anger platgetraptj
Ig höb al 'ns gezónge väör 'n vólle zaal
'n hieël romatisch leedje van 'n dörpke in de buurt
't kwoom aug op de radio al waas det mer lokaal
helaas haet daonao noeëts mieër emes .... nog get van mig gehuuerdj
mer 't sjoeënste augenblik oet mien zoeë kórte carriér
waas 's aoves laat we zote mèt z'n alle in de graaf
ig sjpeeldje dao mien leedje, twintjig jónge óm mig haer
waat ig dao toen höb mètgemaaktj .... paktj nemes ós nog aaf
Ig bèn 'n vleeg van eine daag in de zón achter de roet
en woeë ig geine zin in höb .... sjtèl ig toet mörge oet
HOME
PLAATSNAMENOVERZICHTHOMEHARIE LÖPT REGS TER NEAVE
1996: Tekst: John v. Bilsen - muziek: Jean Pisters & Wim Suilen
Refrein:
Höbse veul gedronke of bösse ein bietje zaat,
höbs neet goot opgepast, 't is noe al te laat.
Höbse veul gedronke en löps al neave de sjoon,
den löpse regs ter neave, höb ig mit dich te doon.
Den löpse regs ter neave, höb ig mit dich te doon.
Harie ging mit carnaval op stap.
't Waas gezellig, hea hong get aan de tap.
Harie zong en dansjde, hea mook veul plezeer.
De beinkes wearde zwakker, ginge neet mièr op en neer, want...
Harie leep van Jan de smeed noa Nel,
hea kroop de kruk op en trok toen aan de bel.
Harie noom as medicien ein flink glaas beer.
De kater kwaam toen neave, 't waas neet zo'n lekker deer, want...
HOME
PLAATSNAMENOVERZICHTHOMEHIEJ KLOPTJ 'T HERT VAN DE VASTELAOVENDJ
Tekst: ? - muziek: ?
Refrein:
Hiej kloptj 't hert van de vastelaovendj
Hiej kloptj 't hert van de carnaval
Lache, zinge, drie daag sjaele wazel
Hosse, sjpringe, sjoeane sjaele kal
Ich höb mien hert aan vastelaovendj verloare
Doa laef ich väör en det met hert en zeel
Bön mit een vastelaovenshert gebaore
Ich sjpeel zoea gaer det vastelaovessjpeel
Dus kloptj mien hert, dus kloptj mien hert väör vastelaovendj
Van Noord toet Zuid sjteit Limburg gans oppe kop,
hiej geit weer get gebäöre.
De vastelaovesvlag sjteit gruets en hoeag in top,
de lòch roead, gael, greun te kläöre.
Vastelaovenj is miene hertedeef,
dao kumtj mich nemes aan.
Gaef mich vastelaovends, estebleef,
den gaon wae drie daag d'raan...
Door hiel 't Baoksums landj dreuntj drie daag de cadans,
van ellef volle maote
En al die daag doertj auch dae vastelaoves trance,
van nieks te hove laote
Vastelaovendj sjtiktj os ein hert onger de reem,
det kloptj toet 's oaves laat.
Det geveul zetj alles wied inne sjeem,
hiël Baoksum is paraat.
HOME
PLAATSNAMENOVERZICHTHOMEDE KOP LOS
2000: Tekst: Jean Pisters - muziek: Jean & René Pisters
Refrein:
Ig höb de kop los mit de vastelaovesdaag,
en aug höb ig de kriebels in de maag.
Waat geit d'r noe gebeure,
loup ig nao achter of nao veure ?
Ig höb de kop los waat ein lol.
Jao, drie daag lang, haoj ig 't vol.
Ig gaon mit vastelaovendj, mit die daag, den gaon ig gear,
van de mörge toet de aovendj, maaktj niks oet in waat veur wear.
Doon zinge en doon springe, ig doon danse in de maot,
of loup de polonaise mit die ellef van de raod.
De start is op de aovendj, veur 't leedje van ut jaor.
Van november tot asgoonsdig, staon ig altied veur dig klaor.
Mit instrument en zang of op de trom ein houp kabaal,
huër ig den alle leedjes in mien eige mooderstaal.
HOME
PLAATSNAMENOVERZICHTHOMELAEVE DE PLEKPLOASTERS
2008/2009: Tekst: Jean Pisters - melodie: "Viva Colonia"
Mit de vasteloavendj den kömptj de kriebel trök
Begintj 't weer te jeuke van de kop tot in de sök
Huër ich de vasteloavendjsjlager veul ich mich weer good
Want vasteloavendj zit mich in 't blood, geuf mich gooje mood
Refrein:
Lang zulle we laeve,
Laeve de plekploasters
Wea blieve hie noe plekke
Wea blieve hie noe stoan
Mit vasteloavendj zulle wea toch neet oet Boaksum goan
Wea goan os amusere, wea pakke os biej-ein
vasteloavendj veerse samen, duise neet allein
Wea kieke neet op oer en tied, wea hoaje 't toch vol
Mit vasteloavendj geit ut om de lol, goan flink oet de bol
Wea danse, zinge, springe, en rope auch alaaf
Wea zeen noe echte ploasters, det vinje wea kei gaaf
HOME
PLAATSNAMENOVERZICHTHOMEDE MUZIKANT
2004/2005: Tekst: Jean Pisters - muziek: Jean &n René Pisters
Refrein:
Waat is ter sjoener in oos Boaksums landj,
Mit vasteloavendj euver stroat te goan as muzikant.
Pak noe de trom of hoat de träöt mer aan dien snoét,
Want mit meziek goej ich dees daag alle stres der oet.
Vasteloavendj in Boaksum is toch grandioos,
Doa viltj get te beleave, doa is van alles loos.
Sjnap dich `t pekske en de patsj mer oet de kas,
En zit de veutjes in de vasteloave`s pas.
Wie ich ut aardse leave kreeg woar ig al muzikaal,
Ich sjriewdje toch van al bie-ein, ig trok eine volle zaal.
De dokter zag: eine muzikant det is toch wal te zeen?
Van pap kreeg ich de rammelier, van mam direct de speen.
As kleine ukkepuk ging ig al noa ut kleuterbal,
En woar ig al get groeter waas ut disco euveral.
Noe bun ich eine flinke vent en lid van ein kapel,
As Boaksums muzikant zit ig toch lekker in mien vel.
HOME
PLAATSNAMENOVERZICHTHOMENEET NOA HOES
2004: Tekst: R. van Loon & I. Ronckers - muziek: R. van Loon & G. Ronckers
Zang: Ommezang
Refrein:
Leve sjat, ich goan neet met noa hoes.
Ig wil nog danse in de kroeg,
ig wil nog blieve tot ut inj,
en nog get fiéste met mien vrinj.
Dus nea, ig goan neet mit noa hoes.
want ut is hiej nog lang neet sjloes.
Ig bun ut hiej nog lang neet meug,
en goan dus door tot murgevreug.
Un leave vol gejakker, doa kiéktj nemus miér vanop.
Ig kin gein inkel mins woeabiej ut jage is gestoptj.
Mer ig hub get besjloate woea ig mig aan hoaje wil:
Vanaaf vandaag gein hoaste miér, de tiéd, dea zet ig sjtil.
En doarom zeegk ig dig, noe recht in die gezigt:
Dus bliefs ze aan 't renne en kriégs ze geine rust.
De hiéle daag mer wirke en 's oaves oetgeblusjt.
Den dink mer aan dit leedje truuk en neem noe ut besjloet:
Vanaaf vandaag gein hoaste miér, de tiéd zette we oet.
En doarom vroag ig dig, zings dig noe ach mit mit?
HOME
PLAATSNAMENOVERZICHTHOMEODE AAN HEITSE (haot dig vast)
2004/2007: Tekst & muziek: Peter Berghs
Zang: MacBukkum
Wil se trök in de tied jóng den geis se
met de bös of de fiets richting Heitse
want doa achter die brök laeftj men 50 joar trök
en kin se vrie door de gesjiedenis reize
As se d'r bènne kums den zul-se waal merke
det ze dao nog gans angesters wèrke
want ze sjeete d'r nog met de piêl en de baog
en de pliesie rietj d'r nog op 'n verke
Refrein:
Hei hei Heitse, woeë is dien gezicht
't waas al neet väöl mer noe lach ig mèt dig
hei hei Heitse, trök op de plaats
gein gemèndje mieër mer allein nog 'n gaat
Ig höb d'r vörige waek nog gezjwómme
en ig heel d'r mig wiés van de dómme
want ig huërdje dao kal van heitser minse väöral
det 't millennium d'r nog mót kómme
Toen kwaam 't Luuedal Heitse äöversjtelpe
en auch in Grathem en Baoksum en Kelpe
kwoom de fusie d'r aan, zeen ze bliej mèt dae naam
want mèt Heitse waas 't toch mer behelpe
Waat de sjport betreftj deeje de hieëre
de subsidies aan Heitse oetkieëre
't is 'n prachtig veldj van oos belastinggeldj
allein voetballe det mótte ze nog lieëre
Och-erm 't cultureel centrum "de Zaal"
volgens kinners 'n graof sjandaal
want nao 't politiek sjpeel blieftj de vraog aktueel
waat moog d'r neet en waat moog d'r noe waal
En de carnavalsclub hètj "de kwakkert"
mer dao zeen ze neet altied good wakker
óndanks al det gekwaak kin-se die mèt gemaak
biej de naas of biej de puuetjes pakke
Pappa kiek 'ns dien dochter dao sjteit ze
en doa kumtj unne daag jao den geit ze
d'r vandoor mèt dae vent, accepteer det moment
mer asjebleef .... neet mèt eine van Heitse
Hei hei Heitse, trök in de manj
anges meuk se mig 't ganse Luuedal toet sjanj
HOME
PLAATSNAMENOVERZICHTHOMEDE SCEPTER VANNE PRINS
2002: Tekst & muziek : R v.Loon & G.Ronckers
Refrein:
Hiej geit de scepter, altied väörop,
en zètj hiél Boaksum mit vasteloavendj oppe kop.
Hiej geit de scepter, noeats allein.
De prins dea dreugt um want de scepter heat gein bein.
Eine kiér per joar, den kumtj de scepter oet de kast,
en hiltj de prins um driej daag sjevig vast.
De scepter sjleit ut vasteloavesleave in de moat.
Hea geit väörop en achter um, doa kumtj de gooie road.
Mit vasteloavundj zjweitj de scepter boave alles oet.
Laat noa bed en 's mörges vreug d'r oet.
Hea moog um neet verleeze, anges is ut bäökkes tied.
Den is de prins väör Boaksum weer ein lekker veatje kwiet.
HOME
PLAATSNAMENOVERZICHTHOMEDE SJLEUTEL
1997: Tekst: ? - muziek: ?
Zang: Biejeingeraaptj
Refrein:
Met eine sjleutel oapense de deure,
zoa aug ut vasteloavesgebeure.
En same mit de road en de meziek,
zeen wea dees daag de köning te riek.
En op aswoonsdig sjloete wea den aaf,
ut klinktj den vör de letste kiër: alaaf!!
Wea hoaje van ut leave en van gooje meziek.
Groat of klein, det is allemoal geliek.
De prins, dea kriegtj de sjleutel en dea geuftj d'r neet miër aaf.
Ut fiëst begintj en det is tog keigaaf.
Ut gekke heudje op en ut pekske oet de kast,
de sjnoet vol sjmienk en noa hoes toe oppe tast.
De sjleutel maaktj van Boaksum noe ut plekploasterriëk.
Van niks of némes sjtoan wea nog te kiek.
Wea fiëste en tampiëste en gea kriegtj os tog neet klein.
Danse en zinge, joa, det vinje wea zoa fijn.
Mer eder fiëst heat un begin en aug un inj.
Wea goan oetrein en blieve hiël gool vrunj.
HOME
PLAATSNAMENOVERZICHTHOMEDE SJOENKELIER
Tekst: ? muziek: ?
Zang: Ommezang
Refrein:
Joa kiek doa … steit d’r, doa geit d’r, ut is weer zoea wiét
De Sjoenkelier sjoenkeltj, dit is ziéne tiéd
Hea walstj noe zién welske, de köning te riék
En mosse de minse zeen kiéke
De sfeer die verangertj, de zaal dea kumptj los
De Sjoenkelier is noe voldoan
Hea kiéktj en hea dinktj, ut is weer gelöktj
Gein mins kan noe miér bliéve sjtoan
Joa mèt vasteloavendj is hea d’r biej
Mer huurtj d’r de zjoem-pok den weardj d’r bliej
Den zuuse um sjtroale, hea grieptj zién kans
En dansjt d’r ziéne dans
De Sjoenkelier dea kintj echt ederein
En bringtj alle minse hiej oppe bein
As d’r begint den blieftj nemes stoan
En kiék um noe weer goan
HOME
PLAATSNAMENOVERZICHTHOMEDE SJPREUK VAN DE PRINS
2004/2007: Tekst & muziek: Peter Berghs
Zang: MacBukkum
Refrein:
De sjpreuk van de prins bringtj de zaal in extase
de sjpreuk van de prins, 't symbool van de lach
as de prins haet gesjproake huffe wae de glaze
op oze prins dae die sjpreuk haet bedacht
Ze huuere biejein wie de vès bie 't water
de kip biej 't ei, de sirtaki biej de griek
wie de geit biej de koeël en de non biej de pater
de prins en zien sjpreuk die zeen same uniek
Hae kan kort zeen en soms is 't hieël get gebazel
kan goan äöver sjmaal, kan goan äöver breid
en soms is ut waor, soms is 't sjaele wazel
't meuktj gaar niks oet woeë dae sjpreuk äöver geit
En is, sjteit biej ós op dae tegel gesjraeve,
de sjpreuk van de prins of de prins van de sjpreuk
mèt potloeëd haet emes 't antjwaord gegaeve
“det kan niks verèkke, 't is allebei leuk“
En as ig nog oeëts eure prins 'ns moog waere
en net väör 't sjpraeke vergeit mig de mood
den haop ig det ig mig van ònger die vaere
dit leedje herinner den kumtj 't weer good
en op de sjpreuk die de prins haet bedacht
op oze prins dae die sjpreuk haet bedacht
op oze prins en zien prinses ...... vannacht
HOME
PLAATSNAMENOVERZICHTHOMESTAPPE STAPPE STAPPE
1989: Tekst: Herman Bekx - muziek: Burlesco
Refrein:
Stappe, stappe, stappe, saame oppe lappe.
Tap nog ins ein lekker gleaske beer, mien leef.
Tappe, tappe, tappe, oet det veatje tappe.
Vatseloavundj geuftj os weer heel veul plezeer.
Stappe, stappe, stappe, saame oppe lappe.
Stappe wae van 't dörp weer noa de staassie hear.
En mit de vasteloavundj geit oos buurt op stap,
en oze centemeister, dea reuptj aan eed're tap.
Ins in 't joar, den spring ig oet de bandj,
det is toch zoa gezondj, alle zorge aan de kantj.
't Aller sjoanste plekske, det is aan 't buffet.
Zèk geef nog ins ein rundje, ig wil nog neet noa bed.
Saame leedjes zinge, 't sjoanste waat d'r is.
En as wea saame droet goan, den houwe wea op die kis.
HOME
PLAATSNAMENOVERZICHTHOME'T VASTELOAVESMENKE
2002: Tekst: Jean Pisters - muziek: Jean & René Pisters
Refrein:
Ich bön ein vasteloavesmenke,
gea kentj 'm allemoal, det is de kloon.
Ich bön ein vasteloavesmenke,
det menke mit die hièle grootte sjoon.
Ein heutje oppe kop en ein grootte bontje strik.
Höb ich die dolle daag eine vasteloaves-tik.
Ich bön ein vasteloavesmenke.
Ich bön de kloon, det menke mit die grootte sjoon.
De vasteloavendj en de kloon, die huère bie elkaar,
wie ein broed en broedegom, 't is ein prachtig paar.
Drie daag in het joar, den steit de kloon vreug op,
en zit den mit z'n alle hièl limburg oppe kop.
Pierrot, det is toch eine kloon, dea mit die dikke troan.
Lièt det water mit dees daag den van zien wang aaf goan.
Maaktj mit vasteloavendj auch hièl veul plezeer.
En is 't den asgoonsdig, doa kömtj 't tröänke weer.
HOME
PLAATSNAMENOVERZICHTHOMEWAAT GEIT DEA TIED
2001: Tekst: John v. Bilsen & Jean Pisters - muziek: Jean & René Pisters
Refrein:
De vastelaovestied, dea stuit weer veur de deur.
't Is ein tied van lol en auch is 't ein tied van hièl veul kleur.
Dus doot mer mit ôs mit en staon neet aan de kantj,
mer pak uch alle vast, joa, pak uch handj in handj.
Mit sambabal en feep, of eine tambourein,
duuk ig de vastelaovendj in, ein fiès veur groot en klein.
't Vastelaovespak, doon ig d'r den bie aan,
en treffe weer ôs oppe straot, den kom mer achter mich aan.
Mit mien gezicht vol sminck of eine sluppe jas,
doon ig de letste kièr mit dich de wals in ganzepas.
't Fiès is noe verbie, 't is de hoogste tied.
Noe môt ig weer noa hoes toe gaon mer wil dit alles neet kwiet.
HOME
PLAATSNAMENOVERZICHTHOMEWAE VEERE SAME VASTELAOVENDJ
2008/2009: Tekst: ? - muziek: ?
In het plekploasterlandj
is van alles aan de handj
mit dees vastelaovesdaag
Aan plezeer gein gebrek,
bön ein vasteloavesgek
Joa mien hert det raaktj van slaag
Refrein:
Hé, kom d'r noe toch biej
Wea veere same vasteloavendj hie
In Boaksum bös se neet allein
Doa zeen ze mit z'n alle oppe bein
Wea zeen zo bliej, bliej, bliej
Mit carnaval huërt ederein d'r biej
Want hie, in 't boaksums landj
Geit vasteloavendj ech neet aan de kantj
In het plekploasterriek,
huërt m'n euveral meziek
Van de zaate hermenie
Raap de mood mer bie-ein,
blief dees daag noe neet allein
Want 't fiës is zoa verbie
HOME
PLAATSNAMENOVERZICHTHOMEDE WAEVER
2004/2007: Tekst & muziek: Peter Berghs
Zang: MacBukkum
Refrein:
en sjtraks waerdj de waever gedansdj
as bachus verzuuptj en de rog sjteit in brandj
den is 't 'n jaor weer gedaon
toch kinne wae same door 't laeve gaon
Ze troffe zich op 't aodwieverbal
't maedje det dreidje verlaege get róndj
de jóng verkoch ieërst nog get maelige kal
mer opins kwoom 't vönkske te doon bie 't lóntj
Hae raapdje bie-ein al zien mood
en vroog geis se mèt nao de sjmaed en weer trök
efkes de lócht op det duit dig zoeë good
en mèt 'n knipaug óntsjtóng pril gelök
Bie de kèrk dao kiektj nemes dus gauw achteróm
in de sjeem van de taore de fiets aan de kantj
hieël in de verte klinktj örges 'n tróm
het fluusterdje “hei” en toen vónj 't zien handj
Weer trök in de zaal, de vrinj op de vloer
die wiste allang mèt die twieë is get loos
het bloosdje vól op, hae dee nog get sjtoer
mer toen 't 'm aankaek waaerdje d'r broos, hei
Refrein:
en sjtraks waerdj de waever gedansdj
en bachus verzuuptj, 't mooswiéf kumtj neer,
ze sjtriêke de windjbuul, begrave 't masker,
de heks geit de fik in, de turf geit de lócht in,
waem kristj 't watje,
ze danse de waever en de rog sjteit in brandj
den is 't 'n jaor weer gedaon
toch kinne wae same door 't laeve gaon
HOME
PLAATSNAMENOVERZICHTHOME