HOME PLAATSNAMENOVERZICHTHOME


BIEËGDJE DÖRPKE AAN DE MAAS
1998: Tekst & meziek: F. Delissen, AjuuParapluu
Zang: La Traalknaal

Refrein:
Bieëgdje, Bieëgdje, dörpke aan de Maas.
D'r is gein plaats in hieël 't landj, woea ich lever waas.
Bieëgdje, Bieëgdje, noeats wil ich hie weg.
Miense höbbe goje kiek op 't laeve in 't 'Joker-riek'.
Zit dien zörg mer aan de kantj in ós sjoeane Bieëgdjerlandj.

Väör hieël väöl hóngerdje jaore waerdje hie ein plaetske gesjtichtj.
Woea mènnig miens is geboeare kreeg Bieëgdje zien gezicht.
Die plaats is altied gebleve, mèt Maas en hei en boes.
Is men in de vraemdje, den kump se hie gaer weer thoes.

De miense die hie laeve, die woeane ouch gaer hie.
Ze dörve zich te gaeve en zeen gaer uev'ral bie.
Mèt vastelaovendj en kèrmis, den hieët 't dörp plezeer.
Miense gaon in polonais', mèt ein glaeske beer.


HOME PLAATSNAMENOVERZICHTHOME


BIEËGDJE, MIEN BIEËGDJE
1982: Tekst: Henk Evers - muziek: A. Preud'homme

Refrein:
Och Bieëgdje, mien Bieëgdje, ós dörpke zoea sjoean,
't Is vastenlaovendj, die spins hie de kroean,
Gevange door 't water, dien hei geit d’r aan,
Zoea is noe ‘t laeve, gein miens dinktj dao aan.

De baggers zeen gekómme, dien purper hei mós weg,
Väör hiel väöl doezendje göljes, gein miens sprook toen van pech,
De grindj dae mót de gróndj oet, det vindj neet ederein,
De groeate stjapel haardho’t is väör väöl weer fijn.

Mer wiltj gae rekraesie, wètj gae waal waat det is,
Ós hei en ouch ós boesse gaon nao de verdómmenis,
Waae kriege väör dit alles ein hiel groeat watermeer,
Mer es 't ins aan ós laag, kwaam 't vol mèt beer.


HOME PLAATSNAMENOVERZICHTHOME


BIEËGDJE MIEN DÖRPKE KLEIN
1960 ????: Tekst: Sjeng Rijckx – Arr: Huub van Ostaijen
Zang: De Zank

Dao liktj ein plaetske in ós landj, woea ins mien weegske sjtóng,
woea ich mien hert aan höb verpandj, es richtige Bieëgdjerse jóng.
Dao lieërdje ins mie Moder mich 't Bieëgdjers dialekt,
en mót ich later weg van dich, den dink ich toch weer drek:

Refrein:
Bieëgdje mien dörpke klein, ich droum van dich allein.
Dao woea mien aojers-hoes nog sjteit, det plaetske vergaet ich zelaeve neet.
Bieëgdje zoea aod en zoea sjoean, doe spins bie mich de kroean.

Hie mós ich vreuger jaore es kindj nao 't sjuelke gaon.
Daoróm dörf ich noew verklaore, mien hert blieftj väör Bieëgdje sjlaon.
Dao woea det leeflik kèrkske sjteit, det uever ós dörpke waaktj.
Es saoves zien Angelus-klökske sjleit, den bön ich op mien gemaak.

Ich haoj zoea van de Bieëgdjer hei, de mäöle en de Maas,
woea ich es kindj gewanjeldj höb, en bleumkes plocht in 't graas.
Och mót ich nao de vraemdje gaon, den höb ich heimwee nao dich,
den laot ich zeker mènnige traon want doe bös alles väör mich.


HOME PLAATSNAMENOVERZICHTHOME


BLAOS MICH BLIE
2006/2007: Tekst & muziek: Ren Bours
Zang: HerRen (Herman Claessen & Ren Bours) o.b.v. Arosakapel


Refrein:
Blaos, blaos, blaos, blaos, blaos Arosakapel
Blaos, blaos, blaos, blaos maak ederein blie mèt dien sjpel
Blaos, blaos, blaos, blaos de ein nao de anger melodie
Blaos, blaos, blaos, blaos Arosakapel blaos mich bliej

Want ich kin toch neet gaon es ich weit
Dalik huer ich de sjoeanste trompette
En ich kin toch neet gaon es ich weit
Dalik huer ich de sjoeanste klarinette
En ich kin toch neet gaon es ich weit
Dalik huer ich de sjoeanste trombóne
Nae den kin ich neet gaon
Den kin ich neet gaon
Den kin ich neet gaon


HOME PLAATSNAMENOVERZICHTHOME


CHANG
2005/2006: Tekst & muziek: HerRen (Herman Claessen,RenBours, Peter Hustings)
Zang: HelLen

Zien moodel kumptj oet China
En zien vadel is eine lus
ze deje same lotzooje
En toen waas Chang d’r dus

Chang is hiej de noewe plins
Mèt eine gloeate wins
Ed’lein achtelein inne lie
Den zeen de Jokels blie, Den zeen de Jokels blie.

Refrein:
Dokke, fokke, gokke, lokke knokke, klok
Mokke, pokke, lokke Hieële lekkele wok
Dokke, fokke, gokke, lokke knokke, klok
Mokke, pokke, lokke Hieële lekkele wok

Chang dae gaele vellekkeling
Dae kintj toch mel ein ding
Mèt de wokpan ane gang
Dlie maol HOELA, Plins Chang

’t Jokellieëk is noe van Chang
Guftj kusjes op ‘t wang
en sjteit hae thoes te wokke
Duit d’l alle katte lokke, Duit d’l alle katte lokke


HOME PLAATSNAMENOVERZICHTHOME


UT DAAK D’R AAF
2008/2009: Tekst: Hugo Delissen - muziek: Hub Abels

Waeke väör de carnaval den kóm ich in de noeat
Den mót ‘t gaon gebäöre want dan kriebeltj mich ‘t blood
Ich sjooi den alle merte aaf op zeuk nao vast get lol
Want es ‘t vastelaovendj is den gaon ich oet de bol

Refrein:
Geine Joker heltj mich vast, ich haol alles oet de kast
Wae gaon hie väör uch knalle jao man det is gaaf
Nog efkes en den geit jao, den geit ‘t daak d’r aaf
Geine Joker helt mich vast, ich haol alles oet de kast
Wae gaon noe echt beginne en laote um flink gaon
Want väör det gae ’t wètj is ’t weer gedaon

Mèt träöt en tróm nao carnaval jao es gae det mer wètj
Nieks det is noch sjoeaner, leuker, baeter, of cool vet
En es d’r repetitie is van de zate hermenie
Den bön ich neet te haoje kaerel waat bön ich den blie

Wae gaon ouch mèt d’n optocht inne groep of oppe ker
Es einzelgenger, duo, trio, ‘t is net zoea ver
Zeen wae aan ‘t inj en sjtaon dao den noch steeds ós vrunj
Den pakke wae ós same en den loupe wae noch ein runj


HOME PLAATSNAMENOVERZICHTHOME


DAO KUMPTJ 'T
2004 nr.1 : Tekst & meziek: HerRen (Herman Claessen, Ren Bours & Jos van Rens)

Mèt vastelaovendj duuk ich weer ins inne kas.
Ich zeuk ein pruuk, ein boeks, ein humme en eine jas.
Mèt gekke kläöre en mèt de geur van mottebel,
es ich det áán doon, jao den höb ich 't sjnel.

Refrein:
Dao kumptj 't, dao kumptj 't,
ich väöl 't alweer.
Dao geit 't, dao geit 't,
Op en neer. (x2)

Mèt de bóntje aovendj, den begintj ‘t alweer.
Ich bön d'r klaor väör, ich ruuk de sjmink en 't beer.
En dae meziek, manne, dae maaktj 't pas aaf.
De vloer begintj te sjödde, alaaf, alaaf, alaaf, alaaf..

Alle Zuderlinge, jao ouch de Gouverneur,
wille mèt de vastelaovendj, estebleef gein gezeur.
Allein mer polonaise, achter de Prins in zien gewaad.
Mèt vastelaovendj is ederein zo gek wie ein raad.

Hallou maedje, allang neet mieër gezeen.
Ze hèltj mich vast man, ich gaon bienao door mien kneen.
Ze, ze, ze, ze....
Gesproken door HER:
'Waat noew weer ? Net noew 't sjpannendj waerdtj sjèjt d'r oet?'
Gesproken door REN:
'Potverdomme ich bön de tekst kwieët, mer de bewaeginge die weit ich waal, dus ich bön neet alles vergaete.
Wacht ins efkes, dao kumptj ‘t, noe weit ich 't weer'


HOME PLAATSNAMENOVERZICHTHOME


DUITS BEER
2009: Tekst & muziek: HerRen (Herman Claessen, Ren Bours, Peter Hustings)

Eder jaor den kómme wae mèt alle vrunj biejein
wae zeen den mèt z'n 2e det is baeter den allein
d’r is get waat bie ós óntbriktj, mer vastelaovendj neet
wae sjild’re en wae plekke, doe gluifs dien ouge neet!
Wae boewe aan de wage en kriege ’t hiel werm
de verf plektj aan de vingers en ouch aan oze erm
’t resultaat det moogs se zeen, ’t kintj neet mier kapot
Mer wae höbbe nog get nuedig bie dit Hemelse genot:

Refrein:
Duits beer, Duits beer, Duits beer een vettige wórst,
de wórst is väör de hónger en ‘t beer is väör de dórst
Duits beer, Duits beer, Duits beer een vettige wórst
de wórst is väör de hónger en ‘t beer is väör de dórst

Nao 6 oer sjtevig zoepe zitj de sjtumming d’r good in
wae zeen al hieël get lolliger den sjtraks in ‘t begin
de kratte beer zeen laeg gemaaktj, wae rouke nog ein peuk
De wage vluugtj noe in de fik det vinje wae best leuk
De brandjwaer waertj dr bie gehoealdj die sjpuite ‘m flot oet
Wae lache same ós kapot met ein koealzjwarte sjnoet
de vingers zeen verbrandj en ouch de haore oppe bórst
is hie nog get te kloeke wae verrekke van de dórst


HOME PLAATSNAMENOVERZICHTHOME


GEK OP VASTELAOVENDJ
2008/2009: Tekst & muziek: Thijs Claessen
Zang: De Briljantjes


Ich mot uch get vertelle, dus loestertj noe ins good,
Ich haoj van vastelaovendj, det zit bie mich in ’t blood
Want wie ich waas gebaore toen zag de pap al drek,
Kiek hie waat eine Joker eine vastelaovesgek,
(Kiek hie waat eine Joker eine vas-te-lao-ves-gek)

Mèt pap ging ich toen same, in de optocht mèt.
Wae hoealdje toen de ieëste pries, ’t sjtóng zelfs inne gezet.
Ich haaj de sjmaak te pakke, men zag toen ouch al drek,
Kiek hie waat eine Joker eine vastelaovesgek,
(Kiek hie waat eine Joker eine vas-te-lao-ves-gek)

Refrein:
Want ich bön zoea gek op vastelaovendj,
Ich bön zoea gek op karneval
Ich bön zoea gek op vastelao-hao-vendj
Daorom vins se mich äöveral

De vastelaovendj vere, is ’t sjoeanste waat d’r is,
Lekker drie daag ane gang mèt koffie beer of fris.
Gans limburg det is ein groeat fieëst dao bön ich op mien plek
Want ich bön eine Joker eine vastelaovesgek
Want ich bön eine Joker eine vas-te-lao-ves-gek

Mèt is ’t den asgoonsdig, den is ’t fieëste klaor.
De vastelaovendj is gedaon, alaaf toet volgendj jaor.
Mer ich ich kan neet wachte gluif mich es ich zegk,
Ich bön eine Joker eine vastelaovesgek.


HOME PLAATSNAMENOVERZICHTHOME


GING ZOEA GOOD
2008 Tekst: Peter Hustings - muziek: Michel Delpech

lalalalalala lalala lalalalalala lalalala lalalala
Geit zoea good, geit zoea fijn, Ut geit zoea verrekte fijn,
geit zoea good, geit zoea fijn
Dieke pret aaf en toe, jao dao bön ich hel aan toe,
geit zoea good, geit zoea fijn.
Oeoe, bön ich aan toe, bön ich aan toe, bön in mien sas.
Oeoe, bön ich aan toe, bön ich aan toe, dit is pas sjpas

lalalalalala lalala lalalalalala lalalala lalalala
geit vanzelf, löptj gesmieërdj, veuldje mich toch zoea verieërdj,
geit zoea good, geit zoea fijn
Doe en ich neet verkieërdj, en ein muulke oetprobeertj,
det waas good, det waas fijn.
Oeoe, bön ich aan toe, bön ich aan toe, bön in mien sas.
Oeoe, bön ich aan toe, bön ich aan toe, dit is pas sjpas

lalalalalala lalala lalalalalala lalalala lalalala
Waerdje sjlap, zat mich sjrap, mer toen ging ’t mich te rap,
waas neet good, waas neet fijn
Oppe rem doefe klap, jao ich waas weer ingezaktj,
neet zo good, neet zo fijn.
Oeoe, waat ein gedoons, bön oet mien doon, waat eine zeik
Oeoe, waat ein gedoons, bön oet mien doon, waas eine EIK.


HOME PLAATSNAMENOVERZICHTHOME


DE GROEATE VASTELAOVES-HIT
2008/2009: Tekst: Bas Keltjens & Hugo Delissen - muziek: Hub Abels

Ich kin ein hiel leuk leedje, ein vastelaovesleedje,
ich kin ein superleedje en det geit neet oet dae kop
Ich höb det noe al waeke, ‘t is örges blieve sjtaeke,
en waat ich ouch probeer ‘t hèltj neet op
Noe weit ich ongertösse, det veur is neet te blusse,
de dokter in ‘t ziekehoes “ich weit ‘t echt neet“ zaet
Noe bliektj det is ‘t vage, det ederien al dage,
det zelfdje leedje in zien köpke haet

Refrein:
Want ederein zingtj mèt, mèt deze groeate vastelaoves-hit
In eder dörp en eder stad, die gaon mèt dit leedje plat
Kom zing noe mèt ós mèt, mèt deze groeate vastelaoves-hit
Höbs dich det leedje inne kop, wil neet mier det ‘t sjtop

Och had ich maar, waat zaeter, bestel drek eine maeter,
hat Ome Wielie Josefien noch good geammezeerd
Ich zek dèh dan dao issie, ‘t weurdj bienao ein missie,
die superleedjes waere noe geëerd
Den huer ich ‘nne Late, höbtj gae ‘t in de gate,
hie blief ich zeker plekke miense es gae det mer wètj,
Wiebele of Drejje, doon wae zónger bezaeje,
omdet det blood in ós familie zitj


HOME PLAATSNAMENOVERZICHTHOME


HARIE ZIEN KERNALIE
2008/2009: Tekst: Hugo Delissen – muziek: Hub Abels

Refrein:
De vrouw van oze Harie
Det is mich ein kernalie
’t Ganse jaor den pastj d’r op
Mer kriegtj ze toch op ziene kop
Mer waat duit oze Harie
Verklèdj in februari
Hae löptj den neet mier inne riej
Nae, Harie dae is vriej

Drek mèt vastelaovendj geit Harie flink op zjwier
Zien kernalie kan den grijze waat ze wiltj, hae geit allein mer wieër
Kumptj d’r ’s-aoves thoes en kriegtj dae erme ze alweer
Den flötj dae Harie vrolijk wieër want mörge geit d’r weer

Hae versjtoptj zien pekske woea ze toch gaar neet kiektj
Den kloptj d’r zich de rotzooi vanne kraag zoeadet ’t toch get liektj
En ’s-aoves nao ’t fieëste hèltj hae zien pekske aan
Den is d’r ’s-mörges flotter oet zien nest en kan d’r ieërder draan

Oppe dinsdigaovendj den ruuk se al van wiet
Det Harie nog sjteeds vastelaovendj veertj hae hieët nog efkes tied
Zie moeltj weer es d’r thoes kumptj mer Harie hieët gein leid
Hae wètj det d’r nao sjlaop en douche weer Hieëringbiete geit.


HOME PLAATSNAMENOVERZICHTHOME


HUERE ZEEN & ZJWIEGE
2008/2009: Tekst: Hugo Delissen - muziek: Hub Abels

Refrein:
Doe mós huere zeen en zjwiege
Waat höbbe wae ‘t good
Doe mós huere zeen en zjwiege
Gein risico gein gekloot
Steeds mer huere zeen en zjwiege
Zeuk de mekkelijke waeg
Doe mós huere zeen en zjwiege
En gaef um nog ein vaeg

Bie moder in de kueke
Dao woor altijd get oet
Dao zoot ós Sjra en Tjeuke
Want die haje nog gein broed
De eine dae kós neet kalle
Dae angere dae woor blindj
Mer bie moder in de kueke
Dao waerdje die twieë verwintj

Mien vader mós ich zeuke
Mien moder die woor kwaod
En same mèt Sjra en Tjeuke
Zóg ich toen oppe straot
Mer bie Mie in ‘t cafeeke
Dao wore zien remme los
Mer good det Sjra neet kieke
En Tjeu nieks verraoje kós


HOME PLAATSNAMENOVERZICHTHOME


HOONDEREVELLE
1985: Tekst & muziek: Jo Delissen

Refrein:
Van dich krieg ich hoonderevelle, hoonderevelle, hoonderevelle.
Van dich krieg ich hoondervelle, ich zek ‘t dich kei-helle.

Sjang wól einen aovendj oet,
Mer An wól neet mèt hum mèt,
Waat Sjang ouch zag, An ging neet droet,
En kroop vreug in häör bèd,
Hae reet zich toen flink op,
En Sjang kwaakdje volop.

En Sjang mós toen allein mer gaon,
Hae trof ein leuke meid,
Mer die zoog Sjang gaaroet neet sjtaon,
Waat deej um det ein leid
En loester waat d’r zag,
Ich huerdje um vannach.

Sjang dae waerdje sjterrezaat,
De peliessie heel um aan.
Zek Sjang waat duis doe nog zoea laat.
Kom mèt doe bös d‘r aan.
Mer Sjang dae waerdje gek.
En zag och man verrek.


HOME PLAATSNAMENOVERZICHTHOME


JAO, JAO
2008/2009: Tekst & muziek: Nicolette Derckx

Refrein:
Mèt vastelaovestied bön ich d’r altied bie, jao, jao, jao, jao.
Mèt vastelaovestied den bön ich altied blie, jao, jao, jao, jao.
Doe zuus mich ueveral woea noch ein lempke brandtj, jao, jao, jao, jao.
Want ederein dae wètj, ich bön de letste klantj, jao, jao, jao,jao.

Huer ich al die leuke leedjes weer,
kriebeltj het mich ueveral.
Zit ich op het puntje van de sjtool,
te wachte op het ieëste bal.
Mien pekske hingtj al waeke inne kas,
ich höb ’t al doezend kier gepas!!!!

Ich gaon den echt dit sjoeane dörp neet oet,
sjtel dich väör det ich get mis.
Nee, vief daag höb ich ein gekke sjnoet,
en houw ich kei-hel op die kis.
De geur van sjmink en beer lieëtj mich neet los,
ich weit ich bön alweer de klos!!!!


HOME PLAATSNAMENOVERZICHTHOME


DE JOKER
2008/2009: Tekst & muziek: Thijs Claessen
Zang: De Arosakapel


Refrein:
Enne Joker dae zingtj enne Joker dae lacht,
Enne Joker wiltj fieëste toet laat inne nacht.
Enne Joker haet lol, maaktj sjpas en plezeer,
Enne Joker dae drinktj ouch hiel gaer get beer.
Enne Joker dae zitj, enne Joker dae sjteit,
Enne Joker hèltj väöl van gezelligheid.
Enne Joker is dun, enne Joker is diek,
Enne Joker is sjoean en uniek.

Versjaole tösse Häör en Hael, ’t water en de boes.
Dao ligktj ein hiel klein dörpke sjoean, dao veultj zich ederein thoes.
Det plaetske is ’t Jokerriek mèt miense groeat en klein,
Dao bösse eine Joker en sjteisse noeats allein.

Es Joker bön ich groeat gebracht toet echte Bieëgdjermins,
Den witse ouch waat Bieëgdje haet, detse nörges angers vins.
Al geisse den oeats weg van hie väör eine lange tied,
Dae Joker blieftj altied in dich dae raakse noeats mier kwiet


HOME PLAATSNAMENOVERZICHTHOME


DE KNAPSTE BINKE
2008: Tekst & muziek: Ren Bours
Zang: HerRen (Herman Claessen, Ren Bours, Peter Hustings)

Mèt de vastelaovendj zeen wae in Bieëgdje de knapste binke,
Doe kins ós al van aafsjtandj zeen blinke
En alle maedjes fluite ós sjteeds nao………
Hei, kiek dao, Hei, kiek dao…….
En den reuptj ederei….ein…..

Refrein:
Jónge jónge jónge jónge jónge
Jónge jónge jónge jónge jóng
Jónge jónge jónge jao det zal waal
Mer waem det neet geluive wiltj is simpel.
Mer waem det neet geluive wiltj is simpel.

Ze vlege wie de vlege op ós aaf,
Ich zègk gank weg, ich zègk, wae zègke blief van ós aaf.
Ze sjpringe wie ein geitje op oze rögk
Ich zègk sjèj oet, ich zègk gank weg, gank trögk
Mer den reuptj ederei….ein…..!

Ze zuge wie ein vaerske aan ein oear
Ich zègk gank weg, laot det, ich zègk …..gank door.
Ze lange zich wie eine aol om ós haer
Ze wille ós allemaol toch zoeaaaaaaa gaer
Mer den zaet ederei….ein…..


HOME PLAATSNAMENOVERZICHTHOME


LEK MICH DE ZÖK
2005 nr.2 : Tekst & meziek: HerRen (Herman Claessen, Ren Bours & Jos van Rens)

Ich zaag dich biej de tapkast sjtaon,
ich wól opsjlaag mèt dich danse gaon.
Ich waas get flot, en doe flötdjes mich trök (en zags...):
Lek mich de zök, lek mich de zök.(2x)

Ich zei hei, sjat noe bön ins leef,
Dans mèt mich, dans mèt mich estebleef.
Zie zaet jóng, zit dich dao op die krök (en...)
Lek mich de zök, lek mich de zök.(2x)

Ich zei mejaar, sjat waat zuus doe oet.
Ich maak dich gaer opsjlaag mien broed.
Kom nao boete, det ich dich ein bleumke plök (ze zaet...):
Lek mich de zök, lek mich de zök.(2x)

Ich zei waatbleef, ich kin dich neet versjtaon.
Mèt dae helle meziek, zie zaet loup nao de maon.
Kom mèt nao boete, ich vinj 't hie te drök (ze zaet...):
Lek mich de zök, lek mich de zök.(2x)

Ich zei dets good, es 't neet angers kin.
Doot ze mer oet, den gaef ich dich diene zin.
Ich doon alles, alles väör ós gelök (desnoeats...)
Lek mich de zök, lek mich de zök.(2x)

Lek mich de zök, lek mich de zök.(2x)
Num det mer gelök, höb pien inne rök,
waat höb ich 't drök, sjtök óngelök.
och... lek mich de zök.


HOME PLAATSNAMENOVERZICHTHOME


MÄÖLESJTRAOT
2007: Tekst & muziek: Ren Bours
Zang: Ren Bours

Ich gaon weer heives, ich gaon weer op Bieëgdje aan
Langs Sjeng de Mölder, langs Trienke, Wullem en Lei en Plien
Langs Greet en Ties, op Sjeng en Clummentien opaan,
Wullem de Gruiter, en Frenske en Fien
Ich zeen haost nemes mieër bekindj
Oppe Mäölesjtraot, van begin toet aan ‘t indj
Gesjpeeldj hiej noch es kindj

Ich gaon weer heives, ich gaon weer op Bieëgdje aan
Langs Funs en Tiela, Broenskes Duerke, Tieskes Ties en Tieskes Nel
Langs Sjeng van Tuemke, langs Merieke en langs Piet van Jaan
Bie-Naad, Graad en Nieëske, trok ich sjtiekum ane bel, waat geit ‘t sjnel

Ich zeen haost nemes mieër bekindj
Oppe Mäölesjtraot, van begin toet aan ‘t indj
Bekans nemes mieër te vinje
Cristien en Harrie de Blinje
Triene, Tjeu en Oeame Keup

Ich gaon weer heives, ich gaon weer op Bieëgdje aan
En ich bön gewuen eine vraemdje, kóm allein efkes väörbiej
Ich kin nemes hiej

Ich zeen haost nemes mieër bekindtj
Op ’t zand hiej, van begin toet aan ‘t indj
Sjengske en Teun, Truuke en Graad, Harrie en Merie,
Guulker Graad en Graad van Nol, Sjeng en Merie, Neelke en Lei,
Neerke en Truuj, allemaol aoj Bieëgdjer luuj,
Ich kin ze neet mieër vinje sakkerdjuuj.


HOME PLAATSNAMENOVERZICHTHOME


MIEN FÈL ROSE RUUTJESPAK
2008/2009: Tekst: Hugo Delissen - muziek: Hub Abels
Zang: Twiee in ein Nès

Refrein:
In mien fèl rose ruutjespak
Blaos ich op dae doedelzak
Samen mèt de trommeleer
Sjpeel ich det leedje weer
In mien fel rose ruutjespak
Sjtaon ich sjots en sjeif
Det maaktj nieks oet toet saoves laat
Sjpele wae nog leif

En bienao ederein
Zooj ins hiel gaer wille zeen
Waat ónger ós rokke hingtj
En waat bie ós kneen zao blinktj
‘t is echt gein groeat geheim
Wae zegge taege ederein
Wied ónger die Sjotse rök
Dao böngeltj os gelök

Blaoze op de doedelzak
Is ein hiel inspannendj vak
Mer waat mich ‘t meiste reuktj
Is es mich dae zak weer sjleuptj
Es ich um den wakker höb
En hae mèt mich nao boete löp
Hingtj baove die Sjotse zök
Noch steeds ós groeat gelök


HOME PLAATSNAMENOVERZICHTHOME


MER, MER, MARIEKE
2001: Tekst & muziek: Herman & Thijs Claessen, Frank Delissen
Zang: La Traalknaal

Refrein:
Mer, mer, Marieke, waat sjteisse dao alweer te prieke ?
Wilse det alle jónges kieke nao dien blome bluuske en dien noewe sjoon ?
Mer, mer, Marieke, mótte den anger maedjes wieke ?
Doe lieëts dich toch door nemes sjtrieke, kindj, doe zits dich zelf väör kloon.

Marieke surftj op Internet, de ganse daag en nacht.
't Meeltj en babbeltj en 't sjetj, sjteeds op mannejacht.
Zoea aaf en toe den hieët 't beet, de leste, dae hètj Fred.
't Hiet mèt hem ein blinje deet gesjnaptj op Internet.

Noe sjteit 't bie ós oppe hook te wachte op dae Fred.
Ein plaetje oet ein plaetjesbook, 't sjtök van Internet.
Ein blome bluuske en noew sjoon, det's woea d'r hem aan kintj.
't Dörp, det hieët mèt hem te doon, en ederein, dae zingtj:


HOME PLAATSNAMENOVERZICHTHOME


MIEN MOEL-KEPEL
2005/2006: Tekst & muziek : H2O (Herman Claessen & Hein Moors)
Zang: : De Moelkepel


Ich wil bie ein joekskepel
Mer kóm duchtig in de knel
Songer träöt of trómmelvel
Mer ich höb ein parallel

Wie ‘ne repper moel ich sjnel
Krieg ich zellef hoondervel
huer waat ich uch noe vertel
ICH bön … mien eige MOEL-kepel

Tuppedetuppetup det is de tróm
Zoemmmm zoemmm de saxofoon
Boep-boep-boep-boep det is de bas
Mien moel-kepel die klinktj zoea sjoean
Retteteketeteketet klinktj de trómpet
Peuuuweuuuheuuu klinktj de trómboon
Boem…. boem …..de dieke tróm
Mien moel-kepel die klinktj zoea sjoean

Bie mien eige moel-kepel
Is plaats väör de vriegezel
Väör de kloon en de rebel
mèt en songer sjarretel

Kóm op, sjpeel dit moele-sjpel
Fien en licht wie ein libel
In de maot en den knoer-hel
DIT is … ein echte moel-kepel


HOME PLAATSNAMENOVERZICHTHOME


MIEN POLONAESETRÄÖTJE
2000: Tekst & muziek: Herman Claessen & Frank Delissen
Zang: La Traalknaal

Refrein:
Mèt vastelaovendj klinktj de samba, toch huer ich lever polonaes.
Mer ederein sjtamptj op dae klamba, de polonaes is d'r gewaes.
Hie klinktj de mambo, dao klinktj de limbo, men drèjtj hiel duchtig mèt die kóntj.
Soms klinktj de rumba, den weer de cha-cha, mer geine polonaes drèjtj róndj.
Mèt vastelaovendj klinktj de samba, toch huer ich lever polonaes.
Mer ederein sjtamptj op dae klamba, de polonaes is d'r gewaes.

't Is weer vastelaovendj, ein sjoean noew pekske aan.
Mien polonaeseträötje óm: pas op, hie kumptj-er aan !
Ich doon de däör wied oeape, van mien sjtamcafé.
Dao kumptj-er mich al tieënge, ich dink: Héreminee !

Get later oppe aovendj, gooj sjtumming en gooj zin,
de zjwaam löptj langs de rame aaf en ich loup midde d'rin.
De sambaklanke klinke, toch misjt det ritme get.
Mien polonaeseträötje, det is toch je-van-het !


HOME PLAATSNAMENOVERZICHTHOME


ÓS MAM
2008/2009: Tekst & muziek: Hub Abels

Es de jónge weer gaon sjtappe, is Mam al óngerwaeg
De sjlabber óm en happe, och waat hieët ze ’t toch gaer
Den sjtaon ze dao te träöte, ze wètj toch gaar neet waat
Ze reuptj den: “Des pas lekker, waat zitj d’r in det vaat?”

Refrein:
Ós Mam, die vieftig is, is d’r tösse oet.
Mèt ’n pruuk en roeaje naas en ein gevèrfdje sjnoet
Drie daag noe aan de rol, ós Mam die lieëtj ‘m gaon
Ze sjoeajtj noe al de kroege aaf en lieëtj d’r geine sjtaon

Die blage van ós naeve, zeen noe lekker weer op sjtap
Es ederein geit druime, jao den lache die zich sjlap
Die jónge van ós naeve, die löste mieër es pap
Dao waerdtj weer eine gegaeve, riet oeape noe dae tap


HOME PLAATSNAMENOVERZICHTHOME


OOS SJOEAN JOKERRIEK
1963: Tekst & meziek: Thei Peters oet Häör

Jao, Bieëgdje is ein dörpke, al is het ouch ein klein,
mer carnaval in Bieëgdje det is ein waar festijn.
Dao kinse danse, sjpringe en sjoemele tieënge ein.
Jao, carnaval in Bieëgdje, det is väör groeat en klein.

Refrein:
Lang laeve de Jokers, de carnaval in 't landj.
Lang laeve de Jokers, wae kieke neet nao rang of sjtandj.

Wae höbbe ouch ein mäöle, die sjteit jao op 't zandj,
en waat dao dróm en draan hingtj, det is 't vaste landj.
Drie daag het is nog gekker, noe alles aan de kantj.
Veertj carnaval in Bieëgdje, in ós eige Jokerlandj.


HOME PLAATSNAMENOVERZICHTHOME


DE POLONAIS
2004/2005 nr.1 : Tekst & meziek: Thijs Claessen
Zang: De Briljantjes


Refrein:
Dao kumptj d'r aan, dao kumptj de Jokerprins. (Alaaf)
Sjloet achter aan, eder kindj en groeate mins. (alaaf)
Kiek ins, zeetj gae hem neet kómme? Den is hae al gewaes,
Hei, kóm op, sjloet mer achteraan en loup de polonais.
Hei, kóm op, sjloet mer achteraan en loup de polonais.

Hei, Jokers, luuj van Bieëgdje, höbtj gae 't al gedaon.
Want de vastelaovendj is zoea flot gedaon.
De elfdje van de elfdje is allang gewaes,
Hei, kóm op, sjloet mer achteraan en loup de polonais.

Hei, Jokers, luuj van Bieëgdje, Sjtaptj noe mer lekker in
De polonais is langer, es in het begin.
Doot mèt en volg de sjlinger, bön toch neet zoea waes.
Hei, kóm op, sjloet mer achteraan en loup de polonais.

Hei, Jokers, luuj van Bieëgdje, is dit neet briljant?
Stjrak geit de polonaise door 't ganse landj.
De rits die waerdj sjteeds langer, zeker esse zaes,
Hei, kóm op, sjloet mer achteraan en loup de polonais.


HOME PLAATSNAMENOVERZICHTHOME


’T PRINSEPEKSKE
2008/2009: Tekst: Jan Kessels - muziek: Jan Kessels & Frank Delissen

’t Is weer vastelaovendj
De sjoeanste tied van ’t jaor
En net es anger jaore
Haaj ich mien klonepekske klaor
Mèt ein möts, ’n naas en ein gek träötje
Gaon ich d’r tieënge-aan
In de polonaise loup ich weer gans väöraan
In de polonaise loup ich weer gans väöraan

En den zingtj weer ederein
Vanne Jokers groeat en klein

Refrein:
Hae geit väörop (boem boem)
Mèt zien klonepekske aan
Hae geit väörop (boem boem)
Mèt zien klonepekske aan, zien klonepekske aan

Mer dit jaor mèt vastelaovendj
Waer ich ins geine kloon
De Jokers die kwoeame vraoge
Of ich dit jaor de prins wól doon
Ich wis neet, waat ich huerdje
Det waas miene groeatste wins
Eine kieër in mien laeve es echte Jokerprins
Eine kieër in mien laeve es echte Jokerprins

En dus zingtj noe ederein
Vanne Jokers groeat en klein

Hae geit väörop (boem boem)
Mèt zien prinsepekske aan
Hae geit väörop (boem boem)
Mèt zien prinsepekske aan, zien prinsepekske aan


HOME PLAATSNAMENOVERZICHTHOME


SAME MÈT DEN OPTOCHT MÈT
1984: Tekst & muziek: Jo Delissen & Henk Evers

Refrein:
Same mèt den optocht mèt, den optocht mèt, den optocht mèt,
Same mèt den optocht mèt, same, same, same

Wae doon ós get aan, en gaon der tieënge aan,
Wae gaon nog neet nao hoes väör morgevreug,
Al weurdj het ouch get laat, mesjien ein bietje zaat,
Det is baeter den vreug en neet meug.

Kóm tap 'm nog ins vol, wae make flinke lol,
In Bieëgdje is noew eine óngerein,
Ederein duit mèt, en nemes geit nao bèd,
Wae blieve allemaol driej daag oppe bein.


HOME PLAATSNAMENOVERZICHTHOME


DE SCEPTER (kiek of ze hem vins)
2005/2006: Tekst & muziek: Thijs Claessen
Zang: Briljantjes


Refrein:
Griep hem es se kins,
De scepter vanne Prins.
Want det dink det moog hae noeats vergaete,
Ouch al is hae aan 't aete
Dus kiek of se hem vins,
De scepter vanne prins.

En de Prins dae haet get sjieks
Get sjpesiaals en get unieks
Altied zjwèje inne lóch
Esse hem te pakke kriegs
Den wins doe de ieëste pries
Want den kriegse drie daag beer genóg>

Dus let good op, en kiek sjteeds weer,
En verdeen ein groeat vaat beer.
Dus zegk ich....

Oze prins dae hieët 't zwaor,
Drie daag lang als leste klaor.
Al daag mèt det dink op paad,
Lieët de prins 'm aeve los,
Den is de adjudant de klos,
As doe hem paks den waerse lekker zaat.


HOME PLAATSNAMENOVERZICHTHOME


DE SCHÖPPESJTEEL
1983: Tekst: Henk Evers - muziek: Jo Delissen

Refrein:
't Is weer vastenaovendj ein fieëst väör allemaol,
Offertj good aan Bacchus, laotj der geine sjtaon,
Doot neet wie eine Hollenjer in eine boerekeel,
Want esse mörge krank bös, reuptj ederein sjöppesjteel

Väöl miense kniepe d’r tössenoet en gaon op wintjersjport,
Nao Zjwitserland of Oeastenriek ze doon zich zellef te kort,
En oere aan de skilift sjtaon in deze sjoeane tied,
Blief mer hiej in Limburg, doot neet aan dae kale sjiet.

Ein gans jaor wirktj gae uch kapot väör ein waek vol ergernis,
Alles hiej in ‘t Zuide, wètj wie fijn vastenaovendj is,
Dootj gewuen, blieftj aan thoes, drinkt ein glaeske beer,
Asgoonsdig is 't weer verbiej, begintj 't werk alweer.


HOME PLAATSNAMENOVERZICHTHOME


'T IS VASTELAOVENDJ
2004/2005: Tekst & meziek: Ren Bours
Zang: HerRen

Ich kós miene pap, oeame Ties, oeame Sef en Piet van Klaos huere.
Ze haje vergadering hiej, bie ós oppe sjtal.
Zaege en tummere en herrie en nemes móg sjtuere
Zinge en sjliljere, grauwele, en eine houp sjaele kal.

En ós meuderke, tante Nel, tante Mie, die woeare inne käöke
't Nèjmesjieën drèjdje mer door en sjèjdje neet oet.
Sjtrieke en perse, de pekskes die mógte neet kräöke
En tössedoor oeate ze zjwartbroead, mèt werme kreboet.

Refrein:
Want 't is vastelaovendj (vastelaovendj)
Väör de rest efkes nieks (efkes nieks)
Allein vastelaovend, (vastelaovendj)
Jao det is get sjieks (zoea get sjieks)
't is vastelaovendj (vastelaovendj)
Väör de rest efkes nieks (efkes nieks)
Allein vastelaovend, (vastelaovendj)
Det is get unieks. (zoea uniek)

En de bekker, de sjlechter, de boerebóndj, die woeare gesjloeate.
En nemes dae maakdje zich drök, 't ging van allein
En gans 't dörp haaj d'r echt zin inne, mezieëk oppe sjtraote
Want väör ederein is vastelaovendj, väör groeat en väör klein.


HOME PLAATSNAMENOVERZICHTHOME


DE TATOE-AASJ
2002: Tekst & muziek: Frank Delissen & Herman Claessen
Zang: La Traalknaal

Refrein:
Ich wil ein tatoe, tatoe, tatoe-aasj.
Geine oearrink, geine naasrink, mer ein echte tatoe-aasj.
Gein piersing, mer ein ech dink... ein sjieke tatoe-aasj.
Ich zoog ze van de zomer, bie sjoean waer ane Maas.
Ein vleis gewoeare sjilderie: ein machtig taoe-aasj.
Ich wil ein tatoe, tatoe, tatoe-aasj.
Gein piersing, mer ein sjieke tatoe-aasj.
(Tatoe-aasj)

Es wicht al kocht ich plaetjes en plekdje ich mich vol.
Zeen ich noe zó'n tatoe-aasj, den gaon ich oet de bol.
Ein sjattig, leef, klein, baerke bie emes oppe kóntj,
rueskes op ein maedjes-bórst, den väöl ich mich gezóndj.

Mamma deer 'I love you so', ein hertje oppe erm,
in roead, en gael, en helder-greun, den krieg ich 't zoea werm.
Ein anker det waas vreuger, mer Elvis, dae blieftj in.
Och maak mich toch ein tatoe-aasj, den höb ich miene zin.

Ein sjroef inne naas, ein kètting inne aasj.
Geine auto inne graasj, mer waal ein tatoe-aasj.


HOME PLAATSNAMENOVERZICHTHOME


DE TUBA
2005/2006: Tekst & muziek: Thijs Claessen
Zang: Arosakapel Beegden


Ein kepel..... die kumptj nao boete,
Mèt de vastelaovendj lekker drie daag toete.
Ein kepel... die kin't neet laote,
Om te träöte boete oppe sjtraote.

Ein kepel..... die kèntj sjoean klinke,
Mer natuurlijk ouch ein sjtevig pötje drinke.
Det is sjoean..... det is gezellig,
Lekker toete toet op asgoonsdig.

Mer 't sjoeanste det besjteit,
Is es de tuba aan 't sjpele geit. (dao gaon we)

Man wie sjiek..... ein Limburgs leedje,
Mer die Hollenjers 'verstaan nog niet een beetje'
Van de kal........en sjaele wa-zel,
Wat betekent nu toch al die prazel,

Mer meziek.....dae lieëtj ós danse,
Ouch de Hollenjers, Japanners en zelfs Franse.
Van Mesjtreech..... toet gans in Cuba
Zingtj gae lalala mèt mèt de tuba.

Want 't sjoeanste det besjteit,
Is es de tuba aan 't sjpele geit. (dao kumptj d'r)


HOME PLAATSNAMENOVERZICHTHOME


VASTELAOVENDJ (3 DAAG FIEËST)
2007/2008 nr.1 : Tekst & muziek: Thijs Claessen
Zang: Prins Jean 1, Adjudanten Tom & Luc


‘t ganse jaor langk wèrkse, wèrkse väör de baas
sjmörges vreug toet saoves dich altied de haas
Mer eine kier per jaor, den gaon de remme los,
Doe kin se drie daag fieëste vastelaovendj is begós, mèt

Refrein:
Vastlaovendj is ’t altied fieëst, altied fieëst, drie daag fieëst
vastelaovendj is ’t altied fieëst, drie daag langk ein fieëst

’t Hiele jaor door klusse, in en om ’t hoes
hei noe poets de auto of Sjeng dao löptj ein moes
eine kier per jaor den heltj mich nemes vast,
den kumptj de echte Joker drie daag oet de kast, mèt

Bösse aod en gries en al hiel lang mèt de vut
Höbs dus tied genóg mer misjien waal geine fut.
Goeaj dien remme los en geneet nog eine kier,
Want boeave in de hemel dao geit det sjtraks neet mier, mèt

Geneet van die daag de vastelaovestied,
En laef dich good oet, den kriegse geine sjpiet
Want väör des ’t wèts, is ’t weer gedaon,
Dus laot ‘m 3 daag gaon, mèt


HOME PLAATSNAMENOVERZICHTHOME


VASTELAOVENS VERSJLAAF
2008/2009: Tekst: Hugo Delissen - muziek: Hub Abels

Es ich op vakantie bön hang ich op ein terras
Al is ‘t dertig graoje toch noch kaod in eine jas
In miene kop ein sjuuftrobone ich huer den blaosmeziek
Es ich aan vastelaovendj dink den veul ich mich zoea riek

Ich wil ‘t leefs nao hoes
En dink al aan die daag
Det ich weer mèt dich fieëste maag

Refrein:
Jao ich bön neet meer te haoje want ich bön versjlaaf
Waat is ‘t gaaf
Ich roop alaaf
Jao ich bön neet meer te haoje want ich bön versjlaaf
(Eine) vastelaovendj sjlaaf

En es ‘t den asgoonsdig is waat veul ich mich den sjlech
Ich dink sjteeds aan dae Carnaval want woor det ouch waal ech
Zooj alles wille gaeve mèt trompet op taofel sjtaon
Ich wil det weer belaeve en ‘t letst nao hoes toe gaon

En dan dink ich weer
Wie straks weer veule zal
Wie ‘t is mèt dich mèt carnaval


HOME PLAATSNAMENOVERZICHTHOME


VASTELAOVESWELSKE
2005: Tekst & meziek: Frank Delissen
Zang: Ajuu Parapluu

‘t ganse jaor gedraag ich mich wie men det van mich verwachtj
‘t wèrke doon ich ueverdaag en sjlaope det doon ich sjnachts
Mer is den de kerstboum de däör oet
Den huer ich weer sjoeane meziek
De vastelaovendj kumptj d'r aan, den veul ich mich weer zoea riek

Refrein:
Op zó'n vastelaoveswelske, kin'se-m veer daag laote gaon
Jao zó'n lekker sjoenkelwelske, woea-se neet bie sjtil kins sjtaon
Huer ich mèt die daag zó'n welske, kriebeltj ‘t in hieël mien lief
Want ‘t 'vastelaoves-vere', det zitj in mien' hert en nere
Jao ‘t 'vastelaoves-vere' is ‘t sjoeanste tiedverdrief

Ich haoj van harmeniemeziek en ouch waal van de Zank
En zelfs bie country, rock of blues vlucht ich neet weg oppe gank
Mer is vastelaovendj begónne
Den drèj ich de radioknoep óm
En zing ich mèt zó'n welske mèt, gesjpeeldj door ein träöt en ein tróm


HOME PLAATSNAMENOVERZICHTHOME


VERGAETE PAEDJES
2009: Tekst: Herman Claessen- Muziek: Thijs Claessen
Zang: HerRen (Herman Claessen, Ren Bours, Peter Hustings)

Loup ich te voot door Bieëgdje haer, Ich zeen de bördjes langs de waeg
Ich zeen de name oet mien jeugd, ich weit nog good
zoea greun wie graas, wie ich toen waas

Den dink ich trök weer aan dae tied, Mien ieëste muulke geine sjpiet
Mien ieëste maedje get gevriej, vergaete paedjes op ein rie
‘t Paeperkeukske en de Brèj

Refrein:
Vergaete paedjes in ós Bieëgdjerdörp
Grathemerwaeg, de Brèj, Aan de Sjeetboum
Kaaljuffersjträötje, Paeperkeukske
Gaardwaeg woea ich van droum
Vergaete paedjes in ós Bieëgdjerdörp
Grathemerwaeg, de Brèj, Aan de Sjeetboum
Kaaljuffersjträötje, Gaardwaeg woea ich van droum

De Gaardwaeg leep door boes en veldj, Achter de sjtruuk waas ich de heldj
Hie liktj mien jeugd, hie liktj mien zeel, mer det waas toen
Weg is de haas, dae hie toen waas

Grathemerwaeg waertj Kreiteberg, ’t Paekerkeukske ‘vol’ waat erg
de jeugd hingtj róndj sjteit op ’t plein, vergaete paedjes zeen d’r gein
en vrieje kinse dao neet fijn


HOME PLAATSNAMENOVERZICHTHOME


WAE ZÈTTE DE JOKER IN !
1999: Tekst & muziek: H. Claessen & F. Delissen
Zang: La Traalknaal

Refrein:
Wae zètte de Joker in mèt dees daag.
Vastelaovendj is d'n tied det alles maag.
Doot ins lekker gek en sjpring ins oet de bandj.
Danse, sjpringe, hosse door ós Bieëgdjer landj.
Wae zètte de Joker in, dus laot 'm gaon,
want op Aswoonsdig is 't weer gedaon.

In eder dörp en sjtad is 't aan de gang.
De vastelaovendj, dae laefdj ueveral.
Miense, sjtrieke sjmink op eders naas en wang.
in de optocht of bie 't boerebal.
't Is eine bóntje kraom óngerein,
want emes dae op sjtap geit, dae is noeats allein.

De vastelaovestied, dae zitj vol plezeer.
Jónk en aod, det paktj zich inne erm.
Rieje polonaises loupe wie ein sjpeer.
Ouch al is 't kaod, doe kriegs 't werm.
't Is eine bóntje kraom óngerein,
want emes dae op sjtap geit, is den noeats allein.


HOME PLAATSNAMENOVERZICHTHOME


EIN WA-WA-WA-WA-WATERGAAT
2002/2003 nr.1 : Tekst & muziek: Herman Claessen & Frank Delissen

Refrein:
Ein wa-wa-wa-wa-watergaat, det is waat hie noe liktj.
Ein wa-wa-wa-wa-watergaat, wie det in Bieëgdje liktj.
Drink water oet det watergaat, det geit hiel mekkelik.
Want water oet det watergaat, kumptj oet dae kraan van dich...

Dus drèj oeape noe dae kraan, wae drinke allemaol ins d'raan.
Want sjtilaan waerdj ‘t toch bekintj: 'Bieëgdjes water, det verwintj!'
Zoea-wie water oet de Lourdesgrot, sjpring-se van Bieëgdjes water ouch hieël flot !

Ouch de Bieëgdjer kasteleins, die zeen ‘t same ins mèt ein.
D'r kumptj gein beer meer oet de tap: 'Bieëgdjes water, vakmansjap!'
Want mèt water oet de watergaat, waer-se in Bieëgdje noeats mieër zaat mer naat !


HOME PLAATSNAMENOVERZICHTHOME