HOME PLAATSNAMENOVERZICHTHOME


AL-AAF
2008/2009: Tekst: Jan Ridderbeekx - muziek: Frans Martens
Zang: Denise en Richie

Refrein:
Al-aaf al-aaf al-aaf 't vastelaovespekske is al aaf
En auch de wage veur de optoch, dae is al bienao aaf
Alaaf - alaaf - alaaf
Al-aaf al-aaf al-aaf 't leedje veur dit jaor dat is al aaf
Al-aaf al-aaf al-aaf en die vastelaovesnaas die geit neet aaf

Lets woord mich ens gevraog, wie geist dich dit jaor verkleijd
Wat deiste dit jaor aan, is de wage al gereid
Wie zit 't mit 't leedje, is de tekst al bienao klaor
Ich gaon uch noe vertelle, wat mien antjwoord dao op woor

Eder jaor opnuuj, krieg ich de kriebels in mien prie
Mien henj die gaon dan jeuke, ich legk alles aan ziej
Gaon schrieve componere, teen denger tegeliek
Tummere en sjildere, en make van meziek


HOME PLAATSNAMENOVERZICHTHOME


ANNIE'S BLOES
2004: Tekst & meziek: Ed Gravee
Zang: Ed Gravee

Annie, ooh Annie.
Kom noa hoes, ich mis dich hie toes.
Sinds te weg bes gegange, lik mien verlange nog ummer bie dich.

Annie, ooh Annie.
Kom toch teruk, denk aan dat geluk.
Dat veer hejje mit os tweeje, veer woare toch tevreeje zo wie 't ging.

Annie, ooh Annie.
Ich ken 't neet dulje, want ich zit noe in de shulje.
Doe leets mich in de sjteek, mit ein dikke hypotheek, oooh. Oooh.

Annie, ooh Annie.
Ich mot noe verkaupe, want doe bes goan loape.
Ich zit hie noe te baale, want doe wols neet betaale, kom toch teruk.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


APETROTS
2004: Tekst & meziek: Ed Gravee
Zang: Ed Gravee

In de bus op waeg noa hoes, hauw sie zich aangekondigd.
Euverdondert gans verrast ich woar helemoal beduusd.
Ongeluifelijk wat ein vrouwmusj zo charmant en elegant.
Ich zei : kom mer hie bie mich hie is plaats genog veur dich.

Refrein:
Ich woar apetrots mit zo'n meadje aan mien zie.
Ich woar apetrots join the family kom der bie.
Wea hauw dat gedach dat ich dich doa zou ontmoete.
Ich woar apetrots in de bus op weag noa hoes.

Ich wool neet meer van dich aaf en doe wools persé bie mich blieve.
Handj in handj noa 't stadhoes en ein aafsjproak bie pastoor.
Doe en ich veur altiet saame tot 't einde van de rit.
Ich zei : kom mer hie bie mich hie is nog plaats genog in bed.

't Woar bienoa 8 moandj later noa dat veer toen zeen getrouwd.
Op ein kouwe wentjerdaag in de bus op weag noa hoes.
Sie zei : jong doa komme weee, ich zei : lek dich mer gans plat.
Luuj wat ich toen hub gezeen draag ich ummer mit mich mit.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


BAUM
2004: Tekst & meziek: Ed Gravee
Zang: Ed Gravee

't Woar midde in de nach, en de moan die sheen heel zach.
Door de takke van het bos, woo veer zoate in 't mos.
Achtereuver handj in handj, heel wied weg in druimelandj.
't Woar 'n buimke dat os steunde, woo veer saame teage leunde.

Refrein 2:
Zie is weggegange noa ein anger landj.
't Einde van de weareld aan de euverkantj.
Woo is zie gebleve ich wol dat ich 't wis.
't Deit nog ummer pien omdat ich heur zwoa mis.

Veer zeen de ganse nach gebleeve, want in dea baum doa sjtong gesjreve.
Leef Marieke ich houd van dich, zek mich huls doe auch van mich.
't Woar ein hertje mit ein pielke, d'r in gekras mit ein neagelvielke.
Ich kreeg de kriebels in mien bein, zwoa wie Marieke woar der gein.

Refrein 1:
Ich hub vief joar truk dea baum zelf omgezeag.
Hea woar helemoal rot, van benne bienoa leag.
Tot mien vreugde zoag ich heel deep in de grondj.
Heel veul wortels ja die woare nog gezondj.

Elke daag es ich doa laup, hub ich ummer nod dea haup.
Dat die wortels zulle venje, wat mich joare truk deeg benje.
Door 't water en 't zandj, heel gestaag noa druimelandj.
Noa dat meadje oet 't bos, want dat leut mich neet meer los.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


BERGENAER, DAE GEIT ZOA GAER, EINE
Tekst & muziek: Huub Wagemans

Refrein:
Eine Bergenaer, dae geit zoa gaer
Hilt van lol en sjpas
En hae zaet alaaf en hawt mer aan
Geine cent blif in de kas

’t Is weer carnaval
Goat noe mer d’roet
Want d’n Uul, dae vluug weer oet
Zet ’t maske op
Of ’n lang rwaaj naas
Ozze prins is weer de baas


HOME PLAATSNAMENOVERZICHTHOME


CARNEVALSSCHLAGER 1952
1952: Tekst & muziek: Martien van Lewie Heffels

Wae zich ‘ns good wilt ameseere
Hie in ôs Berg aan de Maas
Dae hoof zich oug joa neet te geneere
Zèt zich ein maske op de naas
Want es verkleide trèkke ganse rieje
Maskes op ’t bal
Jônk an auwt löpt te vrieje
Is ’t carneval

Mit vastelaovend goan weer ôs vermake
Zette ôs zörg aan de kent
Want hie in Berg zitte van die sjnake
Höbbe van boemele verstèntj
Dan zulle weer ‘m eine laepel gaeve
Sjpas is euveral
Enkel daag mer in ôs laeve
Is ’t carneval


HOME PLAATSNAMENOVERZICHTHOME


DOE BERGS MAEDJE
Tekst & muziek: Zef van Harie Janssen

Refrein:
Doe Bergs maedje
Bleumke aan de Maas ziene redj
Doe Bergs maedje
Kiendje, veur dich sjteit mien hart sjteeds in brendj
Doe Bergs maedje
Mit dien leef gezich
Es ich dich zeen raak ich van sjtreek
Ich hawt van dich

Harte en piele en name doorein
Onger die zwiegende knaalbrök
Zeen de bewieze bie grwaat en bie klein
Van uurkes van sjtille gelök
Auge en mundjes al aan de pelaer
Zachte ich höb dich zoa gaer
En moosje zie dan heives
Dan klônk weer zien taal
Dat ’t sjalde eiver de knaal


HOME PLAATSNAMENOVERZICHTHOME


ECHTE VRUNJ
2004: Tekst & meziek: Ed Gravee
Zang: Ed Gravee

Es doe mich neudig hubs, dan sjtoan ich ummer veur dich kloar.
Doe bes mien compagnon en maat, geluif mich dat is woar.
Veur wat er auch gebeure zal, ich ben dien toeverlaat.
Ich blief veur dich ein gabber en ein kameraad.

Refrein:
Echte vrunj die kenste blenjelings vertroewe.
Echte vrunj die loate dich neet in de sjteek.
Soms vilste in ein deep ravijn, of sjtort de weareld gans inein.
Dan zeen doa plotseling dien vrunj die helpe boewe.

Ja echte vrunj doa kenste oerelank mit kalle.
En es 't mot dan goan ze veur dich door 't vuur.
't Geit neet ummer vlekkeloos, soms is 't lot meedogenloos.
Mer echte vrunj die loate dich besjlis neet valle.

Es doe der neet meer oet kumps, klop dan aan of bel mich op.
Ich help dich en loester, ich zit dich neet op de kop.
Doe bes veur mich un koempel, ja so wie sich dat geheurt.
Door dik en dun sjtoan ich dich bie dus neet getreurt.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


FIJN GEVEUL
2004: Tekst & meziek: Ed Gravee
Zang: Ed Gravee

't Is vandaag eine daag, zonger poespas en zonger gejaag.
Geine stress en gein gezeur mer effe oet de sjleur.
'ch ben vandaag in miene sas, want vandaag laup ich neet in de pas.
Lekker ongeroet mit dich, wat ein geluk veur mich.

Refrein:
De gerdiene toe, en de deur op sjlot.
Deze daag kent zeker neet meer kapot.

En de kachel brent heel zach, joa 't knettert van zeeve tot ach.
Doa noa wurt 't vuur gedoof omdat 't sjnachs neet hoof.
En den tied tikt sjnel weg, 't geit allemoal zo sjnel dat is pech.
Dus geneet ich mer der van zwoa lang dat 't nog kan.

Refrein:
Zengend op de trap noa de douchekabien.
In mien bloote vot mit ein gleaske wien.

En vanoavend tot vanach, wurt gedans en geknoeveld heel zach.
Tot 't leech oet geit en 't meunke aan de hemel sjteit.
Joa vandaag woar vandaag, en wat murge kump dat is nog vaag.
't Is mer good dat ich neet weit wat murge komme geit

* cd 2004 : Ed Gravee - "Reagenboag"


HOME PLAATSNAMENOVERZICHTHOME


HALLO LIA
2004: Tekst & meziek: Ed Gravee
Zang: Ed Gravee

Refrein:
Hallo Lia, kiek mich toch ens aan.
Ich ben der Joep van vreuger, oet de Beukelaan.
Halleluja, wat ein lekker deer.
'ch Hub dich duks geknoeveld, of wets dich dat neet meer.
Hallo doe joa, 'ch hub 't teage dich.
't Is hie lekker duuster, noe kom hie sjtoan bie mich.
Hallo gein lamp, un kearske is genog.
Ich hub lang gein muulke, in 't donker meer gehad.

Saame in de klas mit juffrouw-------------------Mia Culpa.
't Is alweer zwoalang geleeje--------------------Wat ein troela.
Leere dat vonj ich te wiet goan------------------Veul te voel ja.
'ch Moos goan wirke veur mien cente----------In de koel ja.

Vriedig 's oaves zoate veer toen-----------------Aan de cola.
Ich goof dich hieel leef ein muulke-------------Op den moel ja.
Doe koos dat neet huube doe zeis---------------Aan mien hoela.
Ich zoat in de zurg ich zoat-----------------------In de knoei

* cd 2004 : Ed Gravee - "Reagenboag"


HOME PLAATSNAMENOVERZICHTHOME


HAWT DICH DE BOEK MER VAS
Tekst & muziek: Zef van Harie Janssen

Refrein:
Hawt dich de boek mer vas
En lach en maak mer sjpas
D’n Uul, dae reup boe, boe, boe
Wie geit ’t in de Berg toch toe
Hawt dich de boek mer vas
Geine cent blif in de kas
Fièste, dat kènne weer good
Dat zit os in ’t blood

Droe daag zeen weer sjtapelgek
’t Schleug ôs in de bol
Weer zette ’t dörpke op ziene kop
Dan davert ’t van de lol


HOME PLAATSNAMENOVERZICHTHOME


HEIMWEE NAO BERG
Tekst: Pastoor Bosch – muziek: Willie Oosterman

Wo ich van hawt mie ganse leve, jao wo ich gaon of wo ich ben,
’t schwaonste dat mich woord gegéve, dat zal oos Berg veur altied zeen.

Refrein:
Aan Berg jao zal ich blieve dénke, ’t heét ei plaetske in mien hart.
Wo ich auch bén, ’t weurd noats vergéte, mien eige dörp dat op mich wacht.
Wo ich auch bén, ’t weurd noats vergéte, mien eige dörp dat op mich wacht.

Hie in dit Dörp bén ich gebaore, hie léerde ich mien éerste weurd.
Die sproak héb ich nog neet verloare, wie ’t geer noe in dit leedje héurt.

De Maas, ’t veer, ’t brook, ’t water, de kirk, de sjoal dróm heér, get buim,
zoa blif oos dörp veur noe en later de plaats de grondj wo ich van druim.

En kump ’t eind eens van mie léve, hét léve wo ich zoa van houd,
geer mot mich dan ein plaetske géve, veur altied in eur hart van goud.


HOME PLAATSNAMENOVERZICHTHOME


IN DE KLAS BIE PAP EN MAM
2004: Tekst & meziek: Ed Gravee
Zang: Ed Gravee

't Zeen mien ouwers die mich hubbe biegebrach
Das te hieel hel knokke mos veur dien besjtoan.
't Zeen die twee die mich zo vaak hubbe gezag.
Denk good noa want doe hubs nog hieel lang te goan.
Doog dien bes en hub respect veur eederein.
Auch al mos te hieel hel wirke wie ein paert.
Bes behulpzaam toon begrip doog neet gemein.
Trek conclusies mer loat eederein in zien weart.

Refrein:
Wat is ein flatgeboew, zonger fundament.
Wat is ein kasplantj zonger grondj.
Wat is ein danseres, zonger temperament.
Wat is ein vuurpiel zonger lontj.

't Zeen mien ouwers die mich hubbe loate zeen.
Dat de weareld bikkelhel is auch veur mich.
Doa zeen denger die ste neet kens euverzeen.
Mer wea zjeit zal augsten vreug of laat allich.
't Zeen die twee woo ich veul aan te danken hub.
Kenjerjoare woo ich noe van profiteer.
Veurig joar kreeg ich 'n kendj dat noe al lup.
Ich zeen noe dat ich mien auwers imiteer.

Refrein:
Wat zou 'n kendj zeen zonger leefde en begrip.
Veer hejje soms ein groate mondj.
Wat is ein sjpeeltuin zonger sjokkel. Zonger wip.
De circel is noe helemoal rondj.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


JAO, ZOA DOON VEER DAT IN BERG
2001/2002 : Tekst & muziek: Guus Steinen
Zang (*) : Ger Römers, Jos Gijzen & Jean Steins

Refrein:

* cd 2001/2002 : CV Lombokkers - "2 x 11 Joar"


HOME PLAATSNAMENOVERZICHTHOME


KOETNAAS
2004: Tekst & meziek: Ed Gravee
Zang: Ed Gravee

Wat zuuste elke daag. Krante vol mit eelenj, honger en nood.
Wat heurste elke daag. Oarlog en verdrukking, ermood en blood.
Wat veulste elke daag. Jaloezie en aafguns, haat en nijd.
Wat haup ver elke daag. Dat dit veurbie geit, dit dageliks leid.

Veur wea hie mit door wilt goan, hub ver ein berich.
Loester good blief effe sjtoan, dit is gans veur dich.

Refrein:
Doe bes ein koetnaas, 'n egoist, 'n oproerkraaier en fascist.
Ederein heat recht op leave.
Doe bes ein aso, 'n hypocriet, 'n burocraat en parasiet.
Doe zits faliekant der neave.

Wets doe wat ein toekomst is, zonger perspectief.
Denk ens aan os kenjerkes, hub dien naaste lief.

Wat zuuste elke daag. Neemes kent meer get verdraage vanein.
Wat heurste elke daag. Luuj die konstant klaage, sjtein en bein.
Wat veulste elke daag. Hebzucht en rascisme, auch om os bie.
Wat zuuste elke daag. Leedvermaak sadisme, this is T.V.

Veur wea hie mit door wilt goan, hub ver ein berich.
Loester good blief effe sjtoan, dit is gans veur dich.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


KÔM NAO DE CHAPARRAL
Tekst: Jos Gijzen - muziek: G. Winkler

Refrein:
Kom noa de Chaparral
Doa geit de tied zoa schnel
Ze besjtoan al 40 joar
Wae kriet dat noe nog kloar
Laeve de Chaparral

Kom noa de Chaparral
Doa geit ’t altied hel
Maak noe de glaze vol
Dan höbbe veer weer lol
Op de Chaparral

De Chaparral, die haet noe fiès
Dat zult ger merke, tralalala
’t Ganse joar goan zie dat viere
Mit uch same, tralalala
Dus hawt uch vrie, mer zeet op tied
En sjloet dan aan, tralalala
Dans mit ôs de polonaise
En zeng mit van tralalala


HOME PLAATSNAMENOVERZICHTHOME


LOMBOKKERS SJOENKELE
2001/2002 : Tekst & muziek: Guus Steinen
Zang (*) : Ger Römers, Jos Gijzen & Jean Steins

Refrein:

* cd 2001/2002 : CV Lombokkers - "2 x 11 Joar"


HOME PLAATSNAMENOVERZICHTHOME


MIENE JAS
Tekst: T.HE. Martens - muziek: Frans Martens
Zang: Denis Martens

Refrein:
Kiek ens effe - nao miene jas
Want in dee jas - hub ich noe sjpas
Kiek ens effe - nao miene jas
Want in dee jas - hub ich noe (al) sjpas

Drie daag vastelovendj
Ach wie noe vanovendj
Hub ich weer dee jas ens aan
En dee hau ich dees daag aan
Hie in deze zaal - who ich dan entree betaal
De zurg aan de kenjt - hie in oos limburgs lenjt

"t is waal effe wenne
In dee jas hie benne
Mer ich hub ''m noe toch aan
En ich gaon der tegen aan
Hie in deze zaal - who ich dan entree betaal
De zurg aan de kenjt - hie in oos limburgs lenjt

Pak mich in den erm
Dat is lekker werm
En wat is "t hie toch druk
Gei minjs zit mje op de kruk
Hie in deze zaal - who ich dan entree betaal
De zurg aan de kenjt - in oos limburgs lenjt


HOME PLAATSNAMENOVERZICHTHOME


MIT CARNAVAL
Tekst & muziek: Frans Martens
Zang: Denise en Richie

Refrein:
Mit carnaval - goon veer weer chanse
Veer springe door de stroate - goon de polonaise danse
Drie daag veul plezeer -veer zeen neet mee te houwe
Veer maake spas en lol - en ver blieve mer danse

Carnaval veur de deur - wat steit os te wachte
Den optocht door de stoot- groepe mit zien achte
Dat is de schonste tied - mer motte nog effe wachte
Meziek van je hoem pa pa - kint geer weer verwachte

Mit die gekke daag - goon veer springe en hosse
En loupe de ganse daag - op houte klosse
Verkleid en mit get schmienk - dat is op te losse
Weer weere gaar neet meug - en dat is `t toffe


HOME PLAATSNAMENOVERZICHTHOME


EIN OAPE BOOK
2004: Tekst & meziek: Ed Gravee
Zang: Ed Gravee

Ich, woar veur dich ein oape book.
Zonger deilen, supplement of feuilleton.
Mer doe, sjmeets mich zo mer in ein hook.
Gans verloate gans allein zonger pardon.

Ich, hauw ein handjgemaakte kaf.
En ein inhoud dea ste zwoa koos euverzeen.
Oprecht, neet verwaand en auch neet laf.
Ummer trouw aan dich mer doe gings van mich heen.

Refrein:
Hubs doe dich al ens verdeept in mich.
Zuus doe neet wat stoe hubs aangerich.
Telt dan neet wat ich dich vreuger schonk
Of woare veer toen sjpeels en veul te jonk.

Geaf, mich nog eine keer ein kans.
Veur os saame is ein toekoms weggelag.
Doe, hubs van mich nog ummer sjans.
Oet mien book laes ich dich veur tot middernach.

Kiek, neet ummer noa de boetekantj.
't Is neet ummer goud wat blinkt num dat mer aan.
Ich, hub aan dich mien hart verpandj.
Kom teruk en sjtuur dea anger oet de laan.

Hubs doe dich al ens verdeept in mich.
Zuus doe neet wat stoe hubs aangerich.
Telt dan neet wat ich dich vreuger goof en schonk.
Of woare veer toen sjpeels en veul te jonk.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


'T OUGSTFJIÊSLEED
Tekst: Math Wijnands - muziek: Jo Wagemans

Refrein:
Weer viere Ougsfjiès hie, al 40 joar
Wat zou ’t erg zeen es dat neet woar
’t Grwaatste fjiès in Berg, kènt neet kepot
Weer weite veuls te good, wie dat bie ös hie möt

Eine kjièr per joar, dan lik ’t vaer weer sjtop
Hink aan jeder hoes joa de vlag tot in d’n top
Alle wages zeen klaor, komme op de sjtroat
En es de klokke loeje, truk d’n optocht oet

40 Joar geleje, woor d’r mit begoosj
Wiste toe gaaroet neet, wie ’t eigenlijk moosj
Jederein, dae zei toen, dat höbbe ver nwaait gehad
Mer ’t maakte Berg, nog grwater es ein sjtad

Zoaterdig begint ‘t, kump laeve in de boet
Vierde weer de broelof, mit broedegom en broed
Ozze boerebroelof, vier ’t mit ôs mit
Geer sjnap dan oug vanzelf, woo ’t hie in zit


HOME PLAATSNAMENOVERZICHTHOME


PAK MICH VAS
2004: Tekst & meziek: Ed Gravee
Zang: Ed Gravee

Hub ich dich al ens gezag, wieveul dat ich van dich houd.
Ich hub dich ummer leef gehad, dat haet mich nooit berouwt.
Vief joar truk zoag ich dich sjtoan, dat woar in dat klein cafe.
't Is alsof 't gister woar, ich vonj dich okee.

Refrein:
Pak mich vas, Pak mich vas. Ich loat dich neet meer goan.
Hauwt mich vas, Hauwt mich vas. En loat mich hie neet sjtoan.
Dans mit mich, Dans mit mich. De ganse nach.
Hauwt mich vas, Hauwt mich vas. 'ch Hub lang op dich gewach.

's Oaves veur ich sjloape goan, es al 't werk is gedoan.
Denk ich altied aan den tied, ich wil dich neet kwiet.
Es ich dan 't leech oet doon, wach ich op dien telefoon.
Es 's murges dan de wekker geit, dan hub ich weer leid.

Brug::
Hubs dich dat geveul noe auch, of hub ich dat alein.
Blief toch hie dan drenk ver os noch ein.
Denks doe murge noch aan mich, noe zek mich dat ens gauw.
Anges sjtoan ich murge in de kou.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


PLAT
2004: Tekst & meziek: Ed Gravee
Zang: Ed Gravee

Limburgs plat, hoof neemes te vertaale. Inein gezat, zonger de Dikke van Dale.
Tot de grens, en boave de riviere. Hub v'r fans, die vaker saame mit os viere.

Brug:
Lekker lekker deer, Is plat veur ein leef maedje en os beer,
Dat tap v'r oet ein vaetje keer op keer, Mit moele in 't plat veul ich mich good.

Refrein:
Limburgs plat, dat kent os waal bevalle. Limburgs plat, dat ken v'r allemoal kalle.
Limburgs plat, adrem gevat en super elegant, en charmant.

Regionaal, ja veer zeen hie femilie. Os eige taal, bie os in de provincie.
Dialek, dat proat v'r hie al joare. Dat is neet gek, want veer zeen hie geboare.

Brug:
Vasteloavend dat, Is plat veur carnaval en sjeale kal,
Vertel v'r bie ein lekker glaeske beer, Ja dat zin toch die Limbo's dat zeen veer.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


REAGENBOAG
2004: Tekst & meziek: Ed Gravee
Zang: Ed Gravee

Reagenboag, ich denk ummer aan dea reagenboag.
Euverdaag toen ich dich plots doa zoag. Reagenboag.
Reagenboag, ich denk ummer aan dea reagenboag.
In de reagen hub ich dich gevroag. Reagenboag.

Zonnesjtroale, door dien lange blonje hoare.
En nog ummer niks verloare. Dien sexepiel en diene lach.
Ouw verhoale, neet oet un sprookjesbook gesjtoale.
Die woare joarelank versjoale. Wea hauw dat toch ooit gedach.

Reagenboag, ich denk ummer aan dea reagenboag.
In de reage hub ich dich gevroag. Reagenboag.

Saame in de reage sjtoan, mit de kneeë teagenein.
Hub ver vreuger veul gedoan, doe woars zeker neet van sjtein.
Ich ein rolke pepermunt, bie mich in de boksezak.
Dat woar mich altied gegunt, un dikke zoegvlek in de nak.

Reagenboag, ich denk ummer aan dea reagenboag.
Euverdaag toen ich dich plots doa zoag. Reagenboag.
Reagenboag, ich denk ummer aan dea reagenboag.
In de reagen hub ich dich gevroag. Reagenboag.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


SORRY
2004: Tekst & meziek: Ed Gravee
Zang: Ed Gravee

Tot mien spjiet, hub ich ummer nog geine tied.
Om bie dich langs te komme, mit ein klein puuske blomme.
Tot mien sjpiet.

Tot mien sjpiet, hub ich ummer nog geine tied.
Om veur dich ens te zenge, of ein grap mit te brenge.
Tot mien sjpiet.

Ich ken, dich neet vergeate.
Auch al ben ich hieel veul weg, ich denk aan dich.
Ein denk, mos te toch weite.
Veur ummer aan mekaar gehech, doe en ich.

Tot mien sjpiet, hub ich ummer nog geine tied.
Om dich ens te belle, om geweun te vertelle.
Tot mien sjpiet.

Tot mien sjpiet, hub ich ummer nog geine tied.
Om veur dich get te kaupe, of ens saame te laupe.
Tot mien sjpiet.

Geine sjpiet, ich hub ummer nog geine sjpiet.
Dat ich dich hub getroffe, dat neum ich nog ens boffe.
Geine sjpiet, ich hub nog ummer nog geine sjpiet.
Want mit dich al die joare, zeen veur mich neet verloare.
Geine sjpiet.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


SPAS EN LOL
Tekst & muziek: Frans Martens
Zang: Denise en Richie

Refrein:
Kom veer goon uch amusere
spas en lol weer goon probere
zeng nou mer ens lekker mit os mit
weer goon noe danse, en aug nog chanse
kom nou mer lekker achterein dood mit os mit

Kom weer goon probere
Uch te amusere
Jo dat is de kloe van carnaval
Blief do noe neet zitte
lik do neet te vitte
zak ens lekker door mit carnaval

Zit do neet te zitte
swing noe mer uns lekker mit os mit
klap mer in de hendjes
wat ein lekker ventje
Drink noe geine snaps me tomatte sap

Kiek uns wat ein veere
die goon neet verveele
Zet de feesnaas noe mer op de kop
Pluk mer gein peere
want schroop is om te smeere
poot de bluumkes murge mer in eine top


HOME PLAATSNAMENOVERZICHTHOME


TIED TE KORT
2008/2009: Tekst: Frank Dullens - muziek: Michel Nita
Zang: Robert Buckx

Refrein:
En zeen veer weer oppe hort
Dan höb veer tied tekort!!
Veer hiej höbbe tied tekort, zeen de sigaar hiej
mit mer 28 daag in fibberwari !
't Liek es of die klok neet richtig tik
de oere aan de moere blieke neet good sjnik!
Die wiezers gaeve ongenadig gaas
Es gefeas wurd in 't lendj van Moder Maas

Vreuger ben ich mit de pap op sjtap gegange
Hae zag om 8: "veer blieve neet lang hange,
ein klein kerteerke nog,
en höp dan heives tòchs mich toch!"
Vanzelf zeen veer tot 12 oer doorgegange !!

Gister höb veer weer ein feas rekord verbraoke.
D'r op oet tot sjloetestied, waor aafgesjpraoke.
Mer einmaol aan de gang,
waor de nach doanoa nog lang.
Doe höb veer thoes de tent nog aafgebraoke!

Och, zoa zal 't alzelaeve toch waal blieve.
't Wènt waal mer me kènt 't euverdrieve!
Vemurge zès op zès,
doe kreeg ich nog ein SMS
Mit "yo hey pap !!! ich wouw nog ff blieve!!!!"


HOME PLAATSNAMENOVERZICHTHOME


VAN JE HIE - VAN JE HA
2002/2003: Tekst & muziek: Frans Martens
Zang: Ritchie Martens

Refrein:
Van je hie - van je ha - van je troe lala
Hael limburg is eine hoempa pa
Van je hie - vanje ha - van je troe la la
Hael limburg is eine hoempa pa

De vasteloavend steit weer veur de deur
Gein gezeiver gein gezeur
Veer goan der noe weer lekker tegenaan
En dat is geine schleur
Veer stoan noe al op de kop
Drie daag lank de fees naas op

De dansmariekes springe in de moat
Het is al weer zoo wiet
Gezellig binne mer auch op de stroat
Is de vasteloaves tied
Veer stoan noe al op de kop
Drie daag lank de fees naas op

Wat is toch goande in oos limburgs lenjt
Hie is mich toch get oet
Den optoch doezende luuj langs de kenjt
Gei minsj bliet in de boed
Veer stoan noe al op de kop
Drie daag lank de fees naas op


HOME PLAATSNAMENOVERZICHTHOME


VASTELOAVEND, VASTELOAVEND
Tekst & muziek: Jo Wagemans

Refrein:
Vasteloavend, vasteloavend
Joa, dan gaever’m van katoen
Vasteloavend, vasteloavend
Bie dat alles hawt veer toch nog ôs fatsoen

’t Is weer vasteloavend
Dan zeen ver weer biejein
Mit Berger vasteloavend
Dan vermaak zich jederein
Mit maskes en mit pruke
Loupe jônk en auwt veur gek
Door de glaze en de kruke
Rol’ver allemoal weer drie daag door d’n drek


HOME PLAATSNAMENOVERZICHTHOME


VEER KOMME OET BERG
2001/2002 : Tekst & muziek: Guus Steinen
Zang (*) : Ger Römers, Jos Gijzen & Jean Steins

Refrein:

* cd 2001/2002 : CV Lombokkers - "2 x 11 Joar"


HOME PLAATSNAMENOVERZICHTHOME


VLEUGELS
2004: Tekst & meziek: Ed Gravee
Zang: Ed Gravee

Koos ich toch ens vleege, drie daag aan ein stuk.
Koos ich toch ens vleege, mit ein big bag op mien ruk.
Dan ging ich noa mien vader, dea noe woont in 't hemelriek.
Ich zoch 'm op mit eine radar, en mit shwoan engelemeziek.

Ich noom 'm dan ein book mit, get sigare en ein glaas.
Jonge kloare en ein gaaspit, frishe bloome in ein vaas.
Ein dikke breef van mooder, ein foto van de kids.
Ein teevee en ein decoder, en ziene ouwe opafits.

Doa kump ein tied dan zeen veer saame, mit z'n alle in 't heelal.
't Is neet dat veer dat berame, 't is 't lot dat komme zal.
't Is allein al die gedachte, dat maakt mich bienoa vleugellaam.
't Is 't weart om op te wachten, want ooit dan komme veer tesaam.

* cd 2004 : Ed Gravee - "Reagenboag"


HOME PLAATSNAMENOVERZICHTHOME


WAKKER WAERE!!
2009/2010 : Tekst & muziek: Frank Dullens
Zang: Robert Buckx

Refrein:
Wakker waere, wakker waere, wakker waere,
wakker waer ich hiej toch zoa gaer,
Mit dae sjieke, sjieke vastelaovend,
feas ich lekker door de wekker haer,
Wakker waere, wakker waere, wakker waere,
wakker waer ich hiej toch zoa gaer,
‘t is allein allein mit vastelaovend,
dat ich ‘m mit de easte botram sjmaer!
Ein driejwerf alaaf……
waor de ochtendgimnesjtiek
knatschj boem paaf,
op sjlaag weer energiek!
Wakker waere wakker waere, wakker waere,
wakker waer ich hiej toch zoa gaer

Wakker waere wakker waere, wakker waere , wakker waer ich oet dae sjloap,
Jao allein, allein mit vastelaovend, gaon biej mich de auge aop!!!

Ich-ken eine miensj dae geuf niks om vastelaovend
Jengelt lever van jo-de-la-hietie,
Mer ziej die skieje die misse get vanaovend,
Nurges sjniet ’t confetti zoa wiej hiej,
Dus ich zeng taege diej diej ‘m paere,
wakker waere, …heij wakker waere!!

Dan in bed, druim ich van dansmeniekes,
En hermeriekes, ‘t löp mich ram doorein
Zeng van gelök, zoalang ester meziek is
Tösjedoor effe trööte op ‘t plein
Dan reup mien vrouw: “sjtangk ’s op, wesje, sjaere
Wakker waere, heij wakker waere!!”

Nao Esjgoodsdig, gans gooj herinneringe
Op kantaor get saai, get suf en sjor
“Tillefoon!!”, och laot mer tringelinge
Wazige windows oppe monitor,
Door dae waas huer ich kwaod de baas blaere,
“Wakker waere, heij wakker waere!!”


HOME PLAATSNAMENOVERZICHTHOME


ZOLANG ES MIEN BEIN MICH KENNE DRAGE
2008/2009: Tekst: Jan Ridderbeekx - muziek: Frans Martens
Zang: Denise en Richie

Refrein:
Zolang es mien bein mich kenne drage
vier ich vastelaovend op ein gooj maneer
Zolang es eine Prins wurdt oetgerope
maak ich mit de vastelaovend veul plezeer
Zolang es de optoch hie blif trekke
blif de vastelaovend hie bestoan
Zolang es veer leedjes blieve sjrieve
blief ich zengend door 't leave gaon

Zoa door 't ganse jaor, veulste dich soms get sjlap
Es die daag weer dao zeen, gaon veer drie daag op stap
Doe hubs dan nurges las van, en veuls gaaroet gein pien
Dan trek ich de conclusie, carnaval es medicien

Ich ken 't neet verklaore, dat probeer ich auch mer neet
Ein denk weit ich zeker, mit die daag veul ich gein sjleet
Ben neet kapot te kriege, kom gaaroets neet mee stop
Want mit de vasteloavend, zet veer alles op de kop

Zolang es de optoch hie blif trekke
blif de vastelaovend hie bestoan
Zolang es veer leedjes blieve sjrieve
blief ich zengend door 't leave gaon


HOME PLAATSNAMENOVERZICHTHOME