HOME
PLAATSNAMENOVERZICHTHOME
DE TAAL VAN 'T LIÈF
Teks en Meziek: Frans Driessen, BenVerdellen & Sef Gubbels
Zang: Petra Houben
Oet de Revu: "Rundje Bliërick op de kannepee"
't Boètelands det is wal moëi, allein die taal de's rot!
De raks dao dök mei in de knoëi, of hels dien mônd op slot.
Beej al die taale is d'r ein, waomei-se wiejer kumps:
de taal van lièf en erm en bein en ouk nog van d'n bums.
Met Spaans en Ingels, Duits en Frans halt ik mich gaar neet op.
Ik hoof det stômme boètelands neet ouk nog aan de kop.
Ik kin det misse en ik blièf toch internationaal:
ik heb daorveur mien eige lièf, det sprik zien eige taal !
Refrein:
Ditte is noow kôm ens heej, en dette gank e-weg.
En ditte alles is okeej en dette bah wat slech.
Wae haet d'r zoëvuul pinke pinke, gaef mich ouk ens wat.
'k Zal altièd aan dich dinke, dich bis miene leeve schat !
HOME
PLAATSNAMENOVERZICHTHOMETANTE FIEN
Teks en meziek: A. Wassen, Ben Verdellen, F. Tilburgs
Zang: Ben Verdellen
Tante Fien kwaam op bezeuk, in de gank hink nog de reuk,
van dae môtteballe-jas, oët dae muffe kleijerkas.
Zeej zag: "Ik môt zuinig laeve", auk al heb ik gen gezin,
Um de naefkes wat te gaeve, as ik d'r ens neet mier bin.
Refrein : Tante Fien, Tante Fien,
jao, wat zal det zalig zien.
As ze zegge: "Det Fien,
môt waal dreej maol zeven zien"
In zien bukske steit hiel net,
dae krieg dit en dae krieg det.
En de kwaoje krieg niks.
Zoë is 't maar net !!!!
Toen ging Tante Fientje doëd, de verslagenheid waas groët
Ik heb auk mien bes gedaon, um ein traon te laote gaon.
Maar ein oor nao de ver-assing, zag d'n Hier Notaris: "Heej,
Tante Fien haet ein verrassing, diene naam steit neet d'r beej."
HOME
PLAATSNAMENOVERZICHTHOMETANTE MIEN
Teks: Peter Jansen - muziek: Wim Janssen
Zang 1 : Hald ut Naat
Zang 2 (*) : Mieke Stevens
Refrein:
Tante Mien, Tante Mien,
die is baeter op de huëgte as de krant kin zien !
Tante Mien, Tante Mien.
Wilse weite wat t'r loos is, vraog aan Tante Mien.
De hoofs maar einen boer te laote,
of Tante Mien haet 't geschaote.
Tante Mien, och Tante Mien:
Laot ens huure wat de niejtjes zien.
Tante Mina van d'n hook, ôch det mins is toch zoe klook:
Die wet van alles van de buure.
Met ein half aug zuut die miër dan weejzelf in zeve kiër.
En wat ze zuut, det meugse huure !
En nao det gepraot, dan huurse zinge door de ganse straot !
* cd (1999) : De Wortelepin - " D'r hingk wat in de lôch " - Onger Os - 7350
HOME
PLAATSNAMENOVERZICHTHOMETE LAAT
2002/2003: Peter Jansen
Zang: Ruuth & Renée
Wie ik klein waas woord d’r zônder greke,
Noeit door mich ens op ein klok gekeke,
Maar de meister haet ze mich geliërd,
En sinds daen tiëd geit ’t verkiërd:
Refrein:
Te laat, te laat, alweer te laat,
Det huur ik idders kiër,
Te laat, te laat, alweer te laat,
Maar noow huur ik det neet miër,
Met vastelaovend geit det baeter,
Dan heb ik alle tiëd,
Dan telt die klok veur genne maeter,
Dan is idderein de eurkes kwiët.
Efkes speule veur det weej gaon aete,
En dan wuurd d’n tiëd waal ens vergaete,
Veurse det ens in de gate haes,
Dan is de pudding al gewaes:
Maar ôs Mam die kôs det waal verklaore:
“Och, det is al sinds dich bis gebaore,
Want daen daag, det wetse waal meschien,
Hat ein waek iërder môtte zien…”
HOME
PLAATSNAMENOVERZICHTHOMETE MOEIJ UM WAER TE ZIEN
1987: Zang: John en Marcel Basten
Idder jaor met vastelaovend dan krieg ik ut weer te kwaod.
As ik nao ôs dansmerietjes kiëk gaon ik haos van de graot.
Mien hert begint te boenze en ut zweit det brik mich oet.
Och wie gaer zoel ik ze kösse op eur snoët...
Refrein:
De moeijste maedjes oët de ganse tent.
Det zien de grietjes, ôs dansmerietjes.
Eur sterkes staon te straole permanent.
Aan `t vastelaovend firmament.
Met de schoëne korte rökskes en die kwante piëpelökskes.
Dansend wie ein bellerien, leuke snuutjes, moeije lien.
Haos te moeij um waor te zien.
Kiëk ze danse kiëk ze springe op de maot van de meziëk.
Trekke saame in den optoch door ôs wortepinneriëk.
Met Vorst en Raod van Ellef aan de zie van ôzze Prins
Dao aauk beej te huure det is miene wins...
Sômmedein is ut aswoensdaag en dan is ut weer veurbeej.
Leeve maedjes twië knölle die zien allebei nog vreej.
Met hiëringschelle zeen weej ôg dan truuk.
Zônder hudje, zônder pekske, zônder pruuk.
HOME
PLAATSNAMENOVERZICHTHOMETIENERTOER
Teks en meziek: Ben Verdellen & Frans Boermans
Zang: Ben Verdellen & De kinder
Ik heb sperrejus gestaoke, ik heb krante rond gebrach.
Wao ik cente had geraoke, waas ik bezig daag en nach.
En al meus ik smeis auk bale, tienertoerkaart hoot mien doel.
Maar toen kôs ik ze betale, en now heb ik waat ik woel.
Refrein:
Met d'n trein ---- door Nederland,
nao ein leuke stad of nao 't strand.
Met d'n trein --- door Nederland,
zoë haet 't laeve ziene leuke kant.
De huurs dan oet de raemkes 't ganse tienerkoër,
weej gaon op tienertoer, now allemaol bonjour.
Met d'n trein --- door Nederland,
zôn joeksig reisje is toch allerhand.
Al mien vrinde en vriendinne, kreeg ik allemaol zoë vaer.
En weej reize as weej kinne altied same örges haer.
Wie weej ôs dan amuzere, och det weite weej 't bes.
Wilt geej zelf 't auk probere, gaot dan gauw nao de N.S.
HOME
PLAATSNAMENOVERZICHTHOMED'N TÔFSTE
1995: Teks en meziëk: Quin Warmerdam
Zang: Quin Warmerdam Hay Wilders
Refrein:
Mien leefste, heej staon ik dan.
Tôffe knöl, neks gebaore.
Jao, ik zeg dich in eine zin,
det ik gek op dich bin.
En ik haop det ik kösse meug.
Zoë kan ik mich verklaore.
Maedje kôm ens heej,
ein leuk stel det zien weej
en det zeg ik neet dök.
Och wat bin ik verleef,
dich bis wao ik naor streef.
Lekker dingk, lekker stök.
Nôw kiëk toch ens heej; naor die twië die heej staon,
en zeg mich ens, wae is de netste?
D'n deze meug bliëve, daen ander môt gaon.
Want ik bin de schoënste, det wét-se.
Maar met vastelaovend dan zuut dae neet d'roët.
dan is dae ein bietje geweijt.
Ik dink det dae det zaet, zoë gaer ein maedje haet
Maar volliges mich is det juus umgedreijt
Ik dink det dae det zaet, zoë gaer ein maedje haet
Maar volliges mich is det juus umgedreijt
Ik bin mich wies achter de oëre verleef,
en heb nôw mien hert auk verlaore.
Daen eine zoel weggaon, daen ander dae bleef,
maar wae van ôs twië is de waore?
Ik kriëg zoë d'n indrök det ik ut neet waer
Weej kômme zoë gaar neet beejein.
En luuster wat ik zeg, d'n deze haet weer pech
met vastelaovend bin ik allein
En luuster wat ik zeg, d'n deze haet weer pech
met vastelaovend bin ik allein
HOME
PLAATSNAMENOVERZICHTHOMETRUUJ WILLE WEEJ ZIEN
1991: Teks en meziëk: Doortje Schreurs
Zang: Doortje Leurs en Rietje Schreurs
Refrein:
Want Truuj wille weej heite, jao Truuj wille weej zien.
Ik heb altiëd geweite ut is de beste medisien.
Veur alle leefde en dae saorus.
Wie dét met manne zoë al geit.
Maar as ut straks weer twelluf oor is.
Bin ik toch bliej det hae der steit.
Jao Truuj wille weej heite, jao Truuj wille weej zien.
Ein paar daag veur dae schoëne vastelaovend.
Gaon alle vrouwe hand in hand.
Jao dan laupe zeej in einen tred door waer en wind.
Nao daen burgelikke stand.
En zegge aan daen ambtenaar, dae kleine groëte man.
Det hiël register van dich, dao klop gén poës mier van.
Daen ambtenaar zae zag hiël vuël belaovend.
Noow laot ens kiëke waat heej steit.
As ik doorwerk wies den hiële late aovend.
Gluif ik zeker det det geit.
Gaef mich maar ens ein potloëd aan en verder gen getoët.
Want as ut weer aswoensdaag is dan gum ik det toch oët.
Toen hebbe weej dae mins wat toegeschaove.
Maar hae zag: luuster waat ik zeg,
Dan kriëg ik van die luuj hiël hoëg dao baove.
Dan krieg ik flink op miene nek.
Got geej dan noow maar gauw nao hoës, as Truuj det sprik veur zich.
En kômp geej dan ut volgend jaor, vraog dan maar weer nao mich.
HOME
PLAATSNAMENOVERZICHTHOMETRUUK VAN WEGGEWAES
1981: Teks en meziëk: Peter Jansen en Wim Janssen
Zang: Mieke Stevens en Hans Mans
Refrein:
Biste micht kwiët, of ikke dich,
Heb ik dich laote staon
of bis dich noow weggegaon.
Biste micht kwiët, of ikke dich.
Ik woel det ik wis wae ziën schöld det is.
Miene golde, miene leve.
Wao waas dich inens gebleve?
`t Is leuker same, net wieste zaes. 2x
We zien weer truuk, trukk van weggewaes.
Ik stônd dao en het zoot d'r
Inens waas ik um poter.
Wie det noow toch kan,
Dao snap ik gaar niks van.
Maar we zeuke neet te lang.
Want `t kump waal truuk, ik maak mich gaar neet bang.
Ik had al ens gekeke.
En begôs te greke.
Wao is dae noow haer?
Die hebbe we neet gaer.
Maar ik had weer ens gelök.
Want d'r tikde emus zach op miene rök.
D'n optoch in ein gruupke.
Guf altiëd snoëtesuupke.
In de Kloësterstraot.
Verleere weej d'n draod.
Dan löp ôs verkleipartie.
Van de ruiterklup wie aan de hermenie.
HOME
PLAATSNAMENOVERZICHTHOMETWIË NAME
Teks en meziek: Jan Theelen & Frans Boermans
Zang: Ben Verdellen & Lottie Boermans
Ik waet 't nog good lang geleeje,
ik zeen nog dae'n beukebaum staon.
Twië name dao-in oëtgesneeje,
det had ik oët leefde gedaon.
Die kleine dinger oët ôs jônge jaore,
vergaet ik neet, die rake noeïts verlaore.
De riëkdôm dae toen in ôs jeug is opgespaard,
blief in de schatkis van ôs hert veurgood bewaard.
Dae'n baoveste naam waas det blôndje,
ik zeen nog zien leeflijk gezich.
Waat waas ik verkikkerd op Gôndje,
dao ônder dae naam waas van mich.
Zoë woelste dien leefde verklaore,
umdet 't veur iëwig dan scheen.
Waat zoël d'r van um zien gewaore,
ik heb Gôndje noets mier gezeen.
HOME
PLAATSNAMENOVERZICHTHOMEUMDET UT ZOË LEUK IS
2005/2006: Tekst & muziek: Paul Lenders & Ruud Bettinger
Zang: Bert Buskens, Graat Peeters, Onno Vaessen & Funs Houben
Refrein:
Weej bliëve heej, weej bliëve heej
In dit kefee, in dit kefee umdet um zoë leuk is, umdet ut zoë leuk is
Weel halde paol weej allemaol, weej halde paol weej allemaol
Wies ut ind van dit verhaol
En as ut aan ôs leet
Dan gaon weej nog neet
Wae gaon wilt dae haet pech
Weej gaon nog neet eweg
Weej bliëve heej, weej bliëve heej
In dit kefee, in dit kefee umdet ut zoë leuk is heej
Ut is weer ens zoë wiëd
Ze wille ôs heej kwiet
Ze wille ôs d’r noow oëtvaege
Maar weej wille nog neet gaon
Weej bliëve nog ef staon
Want gaon kump ôs neet gelaege
Ut is alweer gedaon
Ze wille det weej gaon
Ze zien d’r s heej oët aan’t kiëke
Maar zeej houwe op ‘nen aos
Weej hebbe gennen haos
Want weej weite van gen wiëke
HOME
PLAATSNAMENOVERZICHTHOMEUT DREIT ALLEIN MAAR UM DE JOEKS
1996
Ik meug neet dit, ik meug neet det,
nae ik meug gaar niks.
Toch hald ik mood, dan geit ut good,
want ik heb vastelaovesblood.
Ik meug neet dit, ik meug neet det,
nae ik meug gaar niks.
Wie ut auk geit of wie ut steit,
ut is toch de joeks wao ut um dreit.
Laot mich nôw maar lekker gaon.
ik zal d'r ech weer staon.
um met dich mei te gaon.
as dees dreej daag zien gedaon.
Ik meug neet dit, ik meug neet det,
nae ik meug gaar niks.
Toch hald ik mood, dan geit ut good.
HOME
PLAATSNAMENOVERZICHTHOME'T VAANDEL
2008/2009 nr.3 : Tekst & muziek: Ben Verdellen
Zang: Leo Faessen
Refrein:
HOME
PLAATSNAMENOVERZICHTHOMEVASTELAOVEND!
vóór 1949: Tekst: ? - muziek: ?
Pekskes en maskes fijn bringen vuul joeks en gijn met de carnaval.
Eine leuken tied is ut dan, we zinge veur nemus bang, met de carnaval.
Der wuurd gehos, gespronge en ouk hiel vuul gepraot,
in café of in danszaal of ouk waal op de straot.
Refrein:
Jao, jao, jao, Vastelaovend, dae kump now toch weer in 't land.
Jao, jao, jao, Vastelaovend, dae krieg dreej daag noow de euverhand.
Jao, jao, jao, Vastelaovend, det is eine joeksigen tied.
En we danse zinge en hosse maar, jao, det is Vastelaovend.
Enne Blierickse wortelpin haet dan ouk gooie zin, met de carnaval.
Einen optoch kump veur den daag, dao euver neet mier geklaag, met de carnaval.
Wat zulle we staon te kieke, nao al die joeksigheid.
We hebbe Vastelaovend en vergaete zörg en leid.
Heej is dan de schlager now, ik haop det te zal voldoon, met deez carnaval.
Ik zing neet van Wae nog haet van det ech bliericks blood, met deez carnaval.
We kriege einen optoch, heej veur den ierste kier.
We haope det ut metvelt , dan kriege we der nog mier.
HOME
PLAATSNAMENOVERZICHTHOMEVASTELAOVEND DAE MOT GEEJ VIERE
vóór 1949: Tekst: A.J. van Maasakker - melodie: "It's a long way to Tipperary"
Met vastelaovend dan is alles ouk alweer beej ein,
dan zink me leuke leedjes en weej danse onderein.
Weej hosse en weej springe, op de klomp en eine stek.
Mit deze vasteiaovend doon weej alle aeve gek.
Refrein:
Vastelaovend, dae mot geej viere,
vastenaovend veur aan.
Jonk en ald, det is aan ut zwiere,
jao, dao kunt geej van opaan.
Vastenaovend, dae mot geej halde.
Doot ge ut neet, dan höb ge spiet.
Lik dan nao dees daag neet te greeke,
des gewoenlik altied.
Now aIle zörg opzie en hang ut maske og maar veur,
doot net wie kleine kinder en gaot zingend langs de deur.
En ein alde bôks van vader en ein bloesje van os Fien.
Maar veur dae vastenaovend mot ge toch in Blierick zien.
Geej alle minse heej oet Blierick, det is groët en klein,
vermaak og op ein wieze, eederein, dae vind det fijn.
En laot dan blieke det geej hub eine reuze groëte wins.
Met deze vastelaovend kriege weej den ierste prins.
HOME
PLAATSNAMENOVERZICHTHOMEVASTELAOVESBLOES
2003/2004: Tekst: Hannelore Laurence Winter - muziek: Jan Bax
Zang: Frank Donders & Herman Houkes
Miene vastelaovesbloès leet weer gladeweg
van 't lache in de kreuk
gister loog daen dölles van 't dolle
wies de kraag in einen deuk
Refrein:
Vastelaovesbloès..vannach
wuurse dán waal thoès gebrach?
det maedje van nét..ao..det snuutje
hád 't op dich en kösde mich
Vastelaovesbloès..ik dach
as ik dich nôw ens op hoès-aan draag
blauwsig of neet..sloap dae roes oèt
druim dich det stök oèt diene kraag
As dae vastelaovesbloès
weer geknoèveld wuurt
as ik in mien haempje staon
wilt dae neet de was in, neet de kas in
dreit zich um, um oét te gaon
HOME
PLAATSNAMENOVERZICHTHOMEVASTELAOVES VREEJERIE
1986: Tekst & muziek van Peter Jansen & Wim Janssen
Zang: Loek Ewalds & Astrid Faessen
Eine knöl um mei te viere dae vinse bes waal rap.
Maar ja, de meiste hiëre die zien zoë aafgeknap.
Det zeuke deurde ore, en det waas lang genôg.
Maar noow heb ik de waore, ik vônd wao ik nao zôch.
Refrein:
Weej met z'n twieje det kin wat lieje.
Blieve dreej daag allebei zoë good wie nie.
Weej met z'n beie det zien twië teie.
Veur dae kater gaon weej neet opzie.
En haet d'n eine sôms ein bietje las.
Dan hilt d'n and're um ens lekker vas.
Jao jao weej same det is reclame.
Veur die Vastelaovesvreejerie.
En ik zag `t taege nemus, ik had ein groët verdreet.
Want och, ik misde emus, maar wae det wis ik neet.
Ik heb ens good gekeke, nao idder leef gezich.
En toen is mich gebleke, dae emus det waas dich.
HOME
PLAATSNAMENOVERZICHTHOMEVEER KLEINE WÄÖRDJES
1984: Teks: Wim Janssen - meziëk: Peter Jansen
Zang: Mieke Stevens en Hans Mans
't Velt neet mei veur idderein zien leefde te verklaore.
Dan steise met de mônd vol tand, de tông biste verlaore.
En aste den ens wis.
Wie simpel `t toch is:
Refrein:
Veer kleine wäördjes, och jông det duit dich good.
Veer kleine wäördjes, det werk op mien gemood.
Ik hoof gèn langk gedich, of groëte geschingke.
Maar aste held van mich, dan môsse heej aan dingke;
Veer kleine wäördjes, allein veur mich.
Veer kleine wäördjes, ik hald van dich.
Al gufse mich ik weit neet wat, det haet dan nog det kalde.
Die bloome en dae krallentoer, die maagse röstig halde.
Maar aste mich gaer haes.
Dan haop ik deste zaes....
HOME
PLAATSNAMENOVERZICHTHOMEVEKANSIE
Teks en meziek: A. Wassen, Ben Verdellen & F. Tilburgs
Gezônge Ben Verdellen
Kind, ze kinne op de kop gaon staon,
maar weej zulle op vekansie gaon.
't Wuurd misschien -- vleegmesjien, en -- weej -- zien.
Twiëje waeke lekker eige baas.
Middelandse zië vervink de maas.
Hand in hand- in de zand, van 't strand.
Refrein:
Weej zitte in de zôn, geneete op 't balcôn.
't Liek waal of weej hôn...derd - doëzend gölde wönne.
In de zôn, geneete op 't balcôn.
Dit is de schoënste tiëd van 't jaor.
Dalik zalle weej in Spanje zien.
En dao zal de zôn oranje zien.
Kriege fijn, broene bein naeve ein.
Veur de allerletste Pé-sé-ta
Kaupe weej ein glaeske cer-vé-sa.
Dich adrem zaes: "de klem...toën verkiërd".
HOME
PLAATSNAMENOVERZICHTHOMEVERGAET UT MAAR
2002/2003 nr.2 : Tekst: Frank van den Broek - muziek: Jan Bax
Zang: Marius & Vic Suiker, Marc & Petro Janssen
Refrein:
Zeg schat, det kinse waal vergaete, vergaete, vergaete.
Zoëe heit wuûert soep toch noêits gegaete.
Neet zo heit, wie zeej is opgedeend.
Dus zeg ik poepeloestig, dich bekieks ut maar.
Gaon miene eige waeg, det is toch neet zoëe raar.
Dus leeve schat, dich kins ut waal vergaete.
Vergaet ut maar, vergaet ut maar.
Wie ik jónk waas woei ik alles weite,
woei alles weite, tot elke pries.
As ut lastig woort, dan waas ik pleite,
en waas auk bes waal eigewies.
Dan zei mooder teage mich :
Kins in't leave toch neet alles kriège,
al duisse nog zo hiel good dien best.
D'r zal altièd waal wat euverbliève,
dus luuster nao dees wièze les.
Dan zeg ik nów taege dich :
Nów dink ik, d'r kin mich niks gebeure,
ik kin toch alles oèt mienen bol.
Zoëe wie ik dan hoofse noëits te treure.
Ik leef allein maar veur de lol.
Zing nów allemaol met mich :
HOME
PLAATSNAMENOVERZICHTHOMEVERGÖLD OP SNEE
Teks en meziek: Frans Driessen, Ben Verdellen & Sef Gubbels
Zang: Hilde Schreurs
Oet de Revu: "Rundje Bliërick op de kannepee"
Door de waek gaef ik vlaai beej de kóffie en d'n thee,
en op Zôndaag 't baetere gebak.
Mien serviés is hiël fraai; met 't zilverwerk d'r beej,
zuus-se drek: jao die is van d'n baetere tak.
Al 't grei beej mich thoés is van extra kwaliteit,
alle muibels, gerdiéne en behang.
Iddre ruumte in mien hoés haet verfiénde deftigheid,
op toilet dao zit-se beej ôs iërste rang.
Wie 't kump weit ik neet; misschien leet 't aan de stad.
Dao is alles net wat fiéner nog as heej.
Of misschien det 't leet aan de elders die ik had:
allebei van goojen stand, vergöld op snee !
HOME
PLAATSNAMENOVERZICHTHOMEVERLEEF VERLAORE
1981/1982 nr.4: Tekst & meziëk: Hay Steegh
Oetveurende (*) : Petra Houben & Hay Steegh
Refrein:
Aan dich bin ik mien hert verlaore,
"boem paaf" in "ein twiëj dreej".
Ik kin ut nog maar neet verklaore,
toch waas ik d'r gans zelluf beej.
Aan dich bin ik mien hert verlaore.
K'wis neet ens waat ut waas.
En toch zien weej verleef gewaore,
dao ônder in det paedje aan de Maas.
Dich waas ein aardig maedje, ein leef dink um te zeen.
Dao ônder in det paedje, zoots dich dich op mien kneen.
Weej kösde hiël verlaege, de kreegs ein roëje kleur.
De waas d'r neet op taege, maar auk neet gans d'r veur.
Dien muulke veul ik nog, ik waas metein verkôch.
Noow is det aardig maedje, al jaore lang dien vrouw.
En laupe weej det paedje, trek ik dich aan de mouw.
Weej veule wiej veur jaore, ös leefde heej begôs.
Ös hert heej zien verlaore, neet weitend det det kòs,
Dan vraog ik leve man, wets dich noow wie det kan ?
* cd (1999) : De Wortelepin - " D'r hingk wat in de lôch " - Onger Os - 7350
HOME
PLAATSNAMENOVERZICHTHOMEVERVLAOGE JAORE
1981: Tekst en Meziëk: Ben Verdellen en Sef Gubbels
Zang: Ben Verdellen
Refrein:
Dae'n tied is veurbeej, van reipe en rölse.
Dae'n tied is veurbeej, van koetele en kölse.
De ierste leefde , det gelök en dien verdreet.
Die schoënste jaore, och dae'n tiëd vergitste neet.
Wetse mog van vruuger wie d'n paerdetram nog ree.
Door Bliërick haer nao Venlo toe, van Helde wies Maasbree.
Dinkse truuk aan vruuger wat waas det toch ein rös.
Wetste nog wie ik dich beej de paerdskoel heb gekös.
Wae wet neet miër d'n kaolentip, de Wassum en ut Brook.
Kinse ut miersbaekske nog wat waas ut dao toch good.
Lang is ut geleeje det weej zwômme in de baek.
en schuumke deeje trekke oët zôn fleske sökkerpaek.
De jaore zien vervlaoge, wat ging d'n tiëd toch vlot.
Toch deurde ut ein iewigheit, noow zien de daag te kort.
En as ôs blage groët zien, dan kieke zeej ouk um.
Dan zegge zeej, net wie weej noow, met weemood in eur stûm.
HOME
PLAATSNAMENOVERZICHTHOMEVEUR DICH
Teks en meziek: Ben Verdellen
Zang: Ben Verdellen
Gevuel haet idder mins, de môs allein ut laote bliëke.
Det duiste met ein kös, met ein paat wäörd of efkes striëke.
Dan kump wat in dich los, geslaote deure gaon weer aope.
En s'nachs leeste in bed en de kins neet mier slaope.
Refrein:
Jao wind en zôn,..... spraeke ôs taal,
en örges fluit.... unne nachtigaal.
Vlinders vleege um ôs haer,
't weit hiel zaag ut is moei waer.
Dien hand striek mich, door mien gezich,
schat blief toch beej mich.
Dan dinkse efkes truuk aan det moment wie weej ôs köste,
wies dich met dien gezich zoë op mien bors loogs oët te röste.
Mien erm gans um dich haer, zoe looge weej in ein verwaove,
en deeje tösse door ... ôs vanalles belaove.
Kieks op de klok, 't is al laat, paks diene jas en wils nao hoës gaon.
De gufs mich nog ein kös en dinks wielang zal dit nog doorgaon ?
De geis, kieks nog ens um, ein traon die löp euver mien wange.
Maar mien hert det blief steeds weer nao dich verlange.
HOME
PLAATSNAMENOVERZICHTHOMEUT VEURJAOR
1994: Teks: Jo Janssen - meziëk: Wim Roeffen
Zang: Franka van Bergen en Han Spaay
Refrein:
Steit ut veurjaor veur de deur.
Brink ut zunke ôs weer kleur.
Flotse fluite, kinder kuite.
Jao dao is ut veurjaor veur.
Jônge paartjes doon en wie.
Volop aan de vreejerie.
Kiëk ze lache, jao waat dach-ge.
Want auk zeej opniej weer bliej.
As schäöpkes laupe in de wei.
Dan brik `t veurjaor aan.
`t Laeve krieg weer ziene dreij
Weej gaon der weer taegenaan.
`t Waer det druug `t ziene beej.
det duit ut gans veur nop.
En idderein zaete net wie weej.
De winter zit d'r op.
Jao zuuse weer die struukskes staon.
Langs waeg of in de wei.
Of bleumpkes die weer bleuje gaon.
Die neem ik dich dan mei.
Auk meuderkes die gaeve zich.
Eur huuskes wuurt gepoets.
En asse daomei vaerdig zien.
Dan wuurt der weer gejoets.
Copy Cat MC
HOME
PLAATSNAMENOVERZICHTHOMEVIEFTIGJÄÖRIGE BROÈLOF VAN THEI EN MARIE
Teks en meziek: Hay Verberkt, Ben Verdellen & Sef Gubbels
Zang: Martin Peters & Will Kuhlman
Oet de Revu: "Rundje Bliërick op de kannepee"
Ein halve iëuw geleeje toen trouwde heej dit paar.
D'n hoèsraod hadde zeej beejein, Pastoër zei: doot 't maar.
Hae goof eur eine gooje raod: dink aan 't naogeslach.
Kièk nao 't veurbeeld in óg straot, dus neet te lang gewach !
Noow viëftig jaore later, zien zeej nog gans gezónd.
Zeej hebbe, 't woort wat stil in hoès, ein kat en einen hônd.
Maar as d'r thoès wat is te doon, en det gebeurt hiël dök.
Die twelf van euren aldste zoon, die zien dan wal ens drök.
Refrein:
Theike Saorbrook en Marie van Wassum
Zien noow vieftig jaor getrouwd.
Hebbe in dae gansen hampel jaore.
Zich neet eine kiër gehouwd.
Vruuger waas det zoë, det is noow net 't stômme:
Twellef kinder, waovan dreej zien naogekômme.
Maar det haet eur saame noëts berouwd.
Vieftig jaor zien zeej getrouwd.
HOME
PLAATSNAMENOVERZICHTHOMEVIVE LA COMPAGNIE
Traditional - Teks: Jo Hofman - zang: De Maaszengers
Un glaeske van dit of ein glaeske van det.
Vive la Compagnie.
Un pilske un wienke un glaeske van met.
Vive la Compagnie.
Refrein:
Vive la vive, la vive l'amour.
Vive la vive, la vive l'amour.
Vive l'amour, vive l'amour.
Vive la Compagnie !
As iddere mins altiëd dink aan zien hert,
Vive la Compagnie.
De flôts en den hônd hebbe ouk eine stert,
Vive la Compagnie.
Un maedje zoe moeij of ein maedje zoe bliej,
Vive la Compagnie.
Veur maedjes wie plaetjes staon weej in de riej,
Vive la Compagnie.
cd 1997 : De Wortelepin - "Laot ens un belunke op" - Onger Os 7309
HOME
PLAATSNAMENOVERZICHTHOME'T VOLK ZIT IN DE NISTE
Teks en meziek: Frans Boermans & Jan Theelen
Zang: Ben Verdellen
't Volk zit in de niste,
de veejand met zien liste dae leet weer op de loer.
Weej zulle um verjage, weej speule nôw pandoer.
Kôm vrinde det wuurd vechte
de mismood met zien knechte dae steit weer veur de paort.
weej zulle neet versage, gluif det maar op ôs waord.
Allez ! allons !
Kôm makkers, die rakkkers weej jage ze achternao.
Weej wille nôw de luuj weer laote lache,
weej dwinge ze met ôzze goojen daag.
E wae d'r zich dan waere wilt, waat dach ge,
dae velle weej met eine gekke slaag.
Kôm manne op ôg poste,
en waat 't ouk maag koste, weej gaon nôw aan de slaag.
't Volk geit haos bezwieke, door sômberheid belaag.
Weej laote ôs neet kiste,
weg met de pessimiste, nôw gaon ze veur de vloër,
die nuëtelikke näölers, det zore klagerkoër.
Allez ! allons !
Te waopen ! te waopen ! de zwartkiëkers zien weer dao.
Allez ! allons !
kôm makker, die rakkers weej jage ze achternao.
Weej wille nôw de luuj weer laote lache,
weej dwinge ze met ôzze goojen daag.
En wae d'r zich dan waere wilt, waat dach ge,
dae velle weej met eine genne slaag.
HOME
PLAATSNAMENOVERZICHTHOMEVREEJHEIDSLIED
Teks en meziek: Wiel Aerts, Ben Verdellen & Sef Gubbels
Zang: Hay Smeets & Martin Peters
Oet de Revu: "Rundje Bliërick op de kannepee"
Luuj, al jaore aan ein stök,
slaop ik heej ônder de brök.
Mien matras det is de grônd
en d'n hemel 't plafònd.
Nae ik bin gennen erme stakker,
want de zôn die mak mich wakker.
En dao baove kiek de maon.
Zaet gooje nach beej 't slaopegaon.
Refrein:
Veur gen geld wil ik dit misse.
Alles kin ik zelf beslisse.
Van’t schoënste op dees aerd,
is mich de vreejheid 't meiste waerd.
Gluif mich, ik kin gen probleeme.
Hoof niks te gaeve, kan alles neeme.
't Deej vuël minse minder pien,
as ze zoë vreej wie de clochard ens kôste zien.
HOME
PLAATSNAMENOVERZICHTHOMEVRIENDSCHAPSLIED
Limb.teks: Hay Verberkt - meziek: trad. "Auld lang syne" Zang: de Maaszengers
Weej ware heej weer ens beejein,
saame hadde weej weej plezeer.
Nôw geit de deur weer in ut slaot,
veur un jäörke ôngeveer.
Wat jaomer nôw, ut is veurbeej, aan alles kump ein ind.
Weej kômme truuk van weggewaes, as ut speulke weer begint.
Wat jaomer nôw, ut is veurbeej, aan alles kump ein ind.
Weej kômme truuk van weggewaes, as ut speulke weer begint.
Weer begint !!!!!
cd 1997 : De Wortelepin - "Laot ens un belunke op" - Onger Os 7309
HOME
PLAATSNAMENOVERZICHTHOMEVRINDESTEL
Teks en meziek: Wiel Aerts, Ben Verdellen & Sef Gubbels
Zang: Ben Verdellen
Refrein:
Wilse gelökkig zien heej in dit laeve,
dan zalste toch meschien auk môtte gaeve.
En dan telt ech neet miër 't geld,
maar de vrindekrink, dae gelök dich brink.
Geld..... zelfs met unnen haup,
gelök is neet te kaup.
De mins mak zich mei zoe drök,
as hae weer merk, dit is mich neet gelök.
Altiëd weer, wilt hae gaer,
det 't aan kump weije zônder oeïts nog oët te scheije.
En floep 't mei ens neet,
dan haete pech isse vol verdreet.
Meint alles wat hae deej,
wat hae auk aan goods belaef,
hae gluif 't is veurbeej.
De mins is ech neet gaer allein.
Ein vrindestel, wins zich idderein.
Unne vrind, 't is bekind,
zal ôch later bliëke is in 't laeve pas 't riëke.
Dus liër heejoët dees les,
egaal wievuuël geld of deste hes,
oeïts vertrekse van dees aerd,
merkste waal te laat,
dien geld waas nog gen äörtje waerd.
HOME
PLAATSNAMENOVERZICHTHOMEDE VROLIKKE FRANSMENKES
Teks en meziek: Giel Geurts, Ben Verdellen & Sef Gubbels
Zang: Hay Crompvoets, Martin Peters & Hay Smeets
Oet de Revu: "Rundje Bliërick op de kannepee"
Zoë ens in 't jaor gaon ze zwerve.
De guns van de maedjes verwerve.
Dan wuërt d'r van hot nao haar gerend.
Met 't hert vol temperament.
Laot die dreej kavaliers maar gewaere.
Die weite van appels en paere.
Die weite van d'n hood en van de rand.
En det is allerhand.
Refrein:
Dao kômme de vrolikke Fransmenkes aan:
Jean, Pierre en Luc oét de Dordogne.
Ze zien net gewasse, det zuus-te d'r aan,
Die geure nao Eau de Cologne.
Die kwante gezelle zeuke mademaiselles.
Die zien op d'n tour pour l’amour.
Oui, Ou i!
En kriége ze hônger dan vinds-se ze heus.
Beej Pommes aux Carottes chez Sur Meuse.
HOME
PLAATSNAMENOVERZICHTHOMEVRUËGER KÔS UT NEET
1989: Teks : Hay Verberkt - meziëk: Ben Verdellen en Sef Gubbels
Zang: Petra Houben en Jan de Rijk
Refrein:
Zoë vruug in fibberwari.
Nae vruëger kôs ut neet.
Toch geen weej weer de zôlder op.
Wao al dae knômmel leet.
Ut maske en de träöte die ligge in de kas.
Ut kan veur mich neet vruug genôg.
Ik gaon maar vas...
Wae haet det oëtgevônde.
Niejaor is net gevierd.
Wao pas nog kersbuim stônde.
Zien kamers al versiërd.
Weej viëre vastelaovend.
Dus twië kiër in ein jaor.
Of kin ik soms neet telle.
Want wat waor is det is waor....
Pas waas ut nog Dreejkeuninge.
Die zien op waeg nao hoës.
Die zitte nog op de kemiël.
Of zien noow net pas thoës.
Wat kan `t eiglik gaeve.
Wanniër of wat me viërt.
En zeker vastelaovend.
Det is toch neet verkiërd.
HOME
PLAATSNAMENOVERZICHTHOMEVUËL PLEZÊER DAO KUMP UT OP NEER
1993: Teks en meziëk: Quin Warmerdam
Zang: Quin Warmerdam en Hay Wilders
Refrein:
Vuul plezeer, dao kump ut op neer.
De kins toch gaarneet zônder det.
Vuul plezeer, det make weej gaer.
Dus vastelaovend is veur ôs, je van het.
Same hosse, same kleppe.
En dao nao mekaar nog op gaon peppe.
Gank noow maar ens oët dien daak.
Maar auk lache, en waat zinge.
En de maedjes fijn nao hoës toe bringe.
Och, wat ein vermaak.
Ut plezeer det geit beej ôs noeits mier verlaore.
En waorum det gaon weej ôg noow ens verklaore.
Ut is iets waat altiëd in ôs hert gezaete haet.
Weej zien ech waor met zôn hertje gebaore.
Maar de môs toch maar iers ens laote bliëke.
Det se auk de gôje kante kins bekiëke.
Want ut laeve is dan vuul mier waerd, noow gluif ôs maar.
Veur dien geveul, huurs se dan beej de riëke.
Vastelaoven, jao det môsse ens belaeve.
In d'n optoch, maar auk aeve good d'r naeve.
En dao nao zakke we lekker door wies `s aoves laat.
Det is daen tiëd wao weej ôs oët gaon laeve.
HOME
PLAATSNAMENOVERZICHTHOMEVUTJE VEUR VUTJE
1981/1982 nr.1 : Tekst: Peter Jansen - meziëk: Wim Janssen
Oetveurende (*) : Mieke Stevens & Hans Mans
Refrein:
Vutje veur vutje zoë geit `t, zoë geit `t op en neer.
Hutje beej mutje zoë steit `t, we zien weer aevevaer.
`k Zeen dich waal mien leve snoët.
Maar ik kan neet veur of achteroët.
Vutje veur vutje zoë geit `t, we zien weer aevevaer.
Ik zeen dig waal zweie, maar ik kan mich gaar neet dreie.
`t Is afgelaaje heej, jao, ik kan d'r ech neet beej.
Ik wil dich waal kôsse, maar ik kôm d'r gaar neet tôsse.
"t Höf zich wie nog nie, ze staon weer in de rie:
Môsse noow ens kiëke, det die minse neet bezwiëke.
De kumps heej ech neet vaer, eine maeter per keteer.
Zoë kôm ik neet wiejer, en d'r kômme d'r nog mier.
Ik wil nao miene môp, al môt ik euver de köp.
* cd (1999) : De Wortelepin - " D'r hingk wat in de lôch " - Onger Os - 7350
HOME
PLAATSNAMENOVERZICHTHOMEWAT EIN GELÖK
2003/2004: Tekst: Frank van den Broek - muziek: Jan Bax
Zang: Marius & Vic Suiker, Mark & Petro Janssen
De hemelpoort stônd aope
Kôs zoeë nao binne gaon
Ik bin d'r door gekraope
Zoeëdet ik nôw heej staon
Refrein:
Wat ein gelök det ik dich trof heej in d'n hemel
Ik heb van mien laeve neet zoeë gebôf
Want in d'n hemel, leeven hemel
Geluif mich maar, dao is ut tôf
Dao kinse druime en met aope auge luime
Gelök is dao nog op de pôf
Kinse druime, met de auge aope luime
Dao is gelök nog op de pôf
Nôw heb ik ut beslaote
Wil nôw neet mier allein
Ik kôs ut toch neet laote
Weej huùre ech beejein
Nôw staon weej heej dan same
Beejein vol laeveslös
En kinne ôch beame
Ut laeve wuurt gekös
HOME
PLAATSNAMENOVERZICHTHOMEWAAT EIN INGELKE
Teks: Hannelore Roggeveen - meziëk: Frits Stamfort
Zang (*) : Hannelore Winter-Roggeveen & Ben Verdellen
Wie ôzze Kueb ein maedje zoog,
en had gezeen wat dae schat droog,
begôs opens zien hert te slaon,
en reep e nog, wiej hae nao bed is gegaon:
Refrein:
Waat ein ingelke, waat ein ingelke !
Wae wuurt d'r neet gek op zôn bingelke ?
Met zônnen hertendeef, dan veulse dich pas seef.
Ik had nog noëit iërder aan Amor gedach,
en toch haet-e mich deeze schat gebrach.
Jao, zôn ingelke, jao zôn bingelke,
mak mich op slaag verleef !
* lp 1982 : " Dreejmaol ellef 1981/1982 "
cd 1997 : De Wortelepin - "Laot ens un belunke op" - Onger Os 7309
HOME
PLAATSNAMENOVERZICHTHOMEWAAT WAAS DE WAERELD ZÔNDER MAEDJES
Teks en meziek: Frans Boermans & Jan Theelen
Zang: Ben Verdellen
Refrein:
Waat waas de waereld zônder maedjes.
waat waas 't laeve zônder eur.
Wie eine zomer zônder blaedjes,
ein kerke zônder raedjes,
of ein kachel zônder veur.
Waat waas de waereld zônder maedjes,
waat waas 't knudde op dees aerd.
Nae dan zoelste veur 't laeve
gen piep tebak mier gaeve.
dan waas de waereld toch niks waerd.
Maar good det Adam lekker loog te slaope
zoë haete d'r niks van gemerk.
Want toen woord Eva oet zien rub geschaope
waat waas det ein prachtig stôk werk.
Hae keek met böl van auge nao zien broêd
en reep toen van veralterasie oet: ahoe! aha!
Waat waas d'r van de waereld nôw gewaore.
wannier d'r gen vrouw had bestaon.
Dan waas d'r vaerder nemus miër gebaore
d'n boel nao de knoppe gegaon.
Gelökkig det 't neet beej eine bleef.
nôw rope alle mansluuj: "uig wie leef!" ahoe! aha!
HOME
PLAATSNAMENOVERZICHTHOMEWAAT ZIT DER IN DET BEER?
Teks: ? - muziek: ?
Refrein:
In det beer, beer, beer zit de geis van ut plezeer,
Daorum drinke weej zoe gaer ein glaeske beer.
In det beer, beer, beer zit de geis van ut plezeer,
Daorum drinke weej zoe gaer ein glaeske beer.
Ik zoog in den optoch, det waas eine mop,
Os worteletruuke det stond op de kop.
De hekse die dronke 't beer oet den hood,
Die zonge waat duit os den optoch toch good.
En in ein kefeeke zoot Pipo de kloon,
Dae dronk zich ein glaeske, met met stiefkind en zoon.
En Pluto den hond jao dae waas toch zoe blauw,
Dae kos neet mier blaffe en zag toen miauw.
HOME
PLAATSNAMENOVERZICHTHOMEWAAT ZOELE WEEJ ÔS KWAELE
Teks en meziek: Jan Theelen & Frans Boermans
Zang: Ben Verdellen & Lottie Boermans
Al zien aan al ôs winse zoë ônderhand vôldaon,
toch zien d'r van die rare minse die ik neet verstaon.
Die loupe maar te klage en zich op stang te jage.
Wae wet wat d'r gebeurt as alles scheif zal gaon.
Schei oët met det gemeier, 't spraekwaord zaet allang:
"Veur alle ôngelagde eier mak me zich neet bang".
Want aste geis verzinne waat allemaol zoel kinne,
dan hebste gaar gen laeve miër, diën laeve lang.
Refrein:
Waat zoele weej ôs kwaele um waat nog kômme kan.
Waat kan 't ôs ouk schaele, wae leet dao wakker van.
Weej hebbe neet te keze oët veurspood of verdreet.
Nôw weit geej dan beej deze, waat d'r kan, det kan ouk neet.
Hald op dus met die klachte en doot niet miër zoë raar,
maar gluif geej nog neet waat weej zagte, nôw dan laot 't maar.
Weej kinne ôg neet dwinge um met ôs mei te zinge,
d'r steit beej ôs gen klaagleed op 't rippertoire.
Geej môt det toch begriepe, det haet toch genne zin,
want wae zien auge toe wilt kniepe zuut 't duuster in.
Ge kint maar baeter kieke, dan zal 't ôg waal blieke,
wao schaduw is dao môt toch ouk 'n zunke zien.
HOME
PLAATSNAMENOVERZICHTHOMEWACHTKAMERTANGO
Tekst: Peter Jansen - melodie : "Kriminaltango" (Trombetta/Feltz)
Zang: Neutjes 4 (Henk v.d. Ham, Wim Janssen,Peter Jansen & Hans Mans)
Lets had ik ens det benauwde,
det nao daag nog neet verflauwde
Wie mien vrouw det neet vertrouwde,
woort ik nao d'n arts gesteurd.
En dae man waas eine nieje
en det kôs ik al neet lieje.
En benauwd waas ik veur twië,
wie ik wachde op mien beurt.
Wachtkamertango,
strakke gezichte, die zich maar richte,
Dao op die deur ...
Ik laes aandachtig Libbeles, de's prachtig, oët negetiëntachtig,
ald en verscheurd.
Toen schrôk ik mich haos de velle,
wie d'r eine ging vertelle,
euver zwaere en gezwelle,
'k waas benauwd wies in de kneen.
Emus anders zag tevreeje,
wao ze, in ein vaer verleeje,
in ziën liëf hadde gesneeje,
en det leet dae auk nog zeen !
Wachtkamertango, en dan dink ikke: 't is um te stikke,
dao kump-e haer ...
Eine straotvechter verkleid as de slechter.
D'n allerkranksten hônd wuurd van zoë iets drek gezônd.
HOME
PLAATSNAMENOVERZICHTHOMEWAE BRINK MICH NAO HOES TOE ?
1951 nr.1 : Tekst & muziek: Hub Warmerdam
Ik kôm jus van 'n balmasqué, met borrels en vuul beer.
Ik woel nôw waal nao hoes toe gaon, maar 'k weit de waeg neet miër.
Is heej nôw neemus dae mich kint en met mich mei wilt gaon ?
Och minse, doot ôch hert ens aop, en laot mich heej neet staon.
Refrein:
,,Wae brink mich nao hoes toe ? Wae wit wao ik woën ?
Wae wilt mich dae sleutel in 't sleutelgaetje doon?” (2x)
Dao waar 'n maedje wie 'n bloom, met auge kaoreblauw.
Ik zei dao taege det aardig kind, dich wuurs nog ens mien vrouw.
Maar 't fiespelde mich in mien oër, ik snap neet wie det kan.
Dae zwarte dao mit zien lange neus, det is toch miene man.
Nao deze vastelaovus, zeen ik gennen drank mier staon.
Want al dae jajem in dien liëf, det is toch niks gedaon.
De kriegs heej binne ein geveul, of 'n atoom zich splits.
En was-te dao auk aan wils doon, de kriegs 't toch neet spits.
HOME
PLAATSNAMENOVERZICHTHOMEWAE DE SCHOON PAS ...
Teks: Wiel Aerts
Zang (*) : Resi Wolters
D'r zien altiéd van die luuj met flink wat aan de veut.
Die laeve zoë gezag op groëte voot.
Maar vuul die geit ut smaaler en de kinder ein paar neut.
Die letste geit ut aevel net zô good.
Refrein:
Wae de schoon pas, dae haet gelôk gehad,
dae hoof d'r neet naeve te loupe.
Wae de schoon pas, dae haet gelôk gehad,
dae hoof zich gen nieje te koupe.
Wae de schoon pas dae haet pas gelôk,
jao, dae haet toch wal gebôf.
Det is ech gennen held op zök,
en hae schuut noéits oét ziene slôf.
* cd (1992) : " Rundje Blierick blief in de buurt "
HOME
PLAATSNAMENOVERZICHTHOMEWAE HEEJ GEBAORE IS
1998: Meziëk en teks: Jan Bax en Hannelore Winter
Gezônge door: Resi Wolters en René Hutjens
Refrein:
Wae heej gebaore is geit neet verlaore.
Ôs dolce vita löp wie einen boemeltrein.
Det zeute laeve is.
Wao's dich ein deil van bis.
Ônder d'n hemel van gabbers ônderein.
Wae heej gebaore is.
Dae dreijt maar wie de wind um weijt.
Umdet `t sein van ôzzen trein op veilig steit.
Stap in dae bônten ônderein.
met alle boètebein.
En laot dich vare in dae vastelaovestrein.
Weej hebbe alles en genôg, in ôs eige paradies.
Wolke die krölle door de lôch, wie blauwe slingers tösse griës.
Weej hebbe kinder, zeej hebbe ôs, det is ge-orreve van begin.
Weej hebbe alles, wat de mins neet misse kin.
Dieke petatte op `t veld, auk de wortel en de pin.
Ein lekker deer wat dich vertelt: Ik heb `t biëstig nao de zin.
Weej hebbe vrinde, zeej hebbe ôs, op dit bonte stökske grônd.
Weej hebbe alles en daobeej, weej zien gezônd.
HOME
PLAATSNAMENOVERZICHTHOMEWAE NEET HUURE WILT
Teks en meziek: Ben Verdellen & Frans Driessen
Zang: Ben Verdellen & De Kinder
Pap, neet met de mond vol praote,
doot now die veut ens van de bank.
Mam, neet s'nachs de lamp aan laote,
stel ôch neet aan, geej ziet neet krank.
Pap en Mam wat ziet geej stout,
nae, zoë zien weej neet getrouwd.
Refrein:
Wae neet huure wilt môt veule,
dus nimmer boëte speule.
Tilleviesie kint geej vergaete,
nao bed toe zonder aete.
Ein verhäölke wuurd neet verteld,
dees waek gen zôndaagsgeld.
Weej doon nimmer met ôg speule,
wae net huure wilt môt veule.
Mam, daen telder gans laeg aete,
waat eine rômmel weer in hoës.
Pap, d'n haof alweer vergaete,
nao middernach pas waarse thoës.
Pap en Mam speciaal van ôch,
hadde weej det neet gedôch.
Pap en Mam, gen ruzie maake,
dreij ens waat zaachter dae muziëk.
Let iërs op ôch eige zaake,
veur geej weer nao ôg kinder kiek.
Pap en Mam wao môt det haer ?
Waorum dôt geej det steeds weer ?
HOME
PLAATSNAMENOVERZICHTHOMEWANDELE LANGS DE MAJJUM
1999: Teks: Karel Gatzen - meziëk: Theo Heijnen
Oetveurende (*) : Frank Donders
Refrein:
'k Wil met dich wandele in ut maonleech langs de Majjum,
erm in erm met dich det vreejerspaedje gaon.
En ut menke van de maon det lach ens stiekum,
't kniep un uigske toe als weej ens bliëve staon.
Ik kös dich maedje, 'k striëk leef door dien gezich,
en zeg dich op det paedje, ik hald zoë vuul van dich.
In d'n optôch leep ut mei, zoë schoën verkleid as kloon.
Ik keek um nao wies aan d'n dreij, en wis toen wat te doon.
Ik bin um achter nao gegaon, maar ik heb um neet gevônde.
Mien kleunke zoog ik nörges staon, d'n optôch waas ôntbônde.
Ik had te lang gewach, had ik um maar gezag.
Nao d'n optôch wie det geit, drônk ik un glaeske beer.
De joekskepél makde leweit, maar ik had gen plezeer.
Mis-meu-jig keek ik vur mich oët, want ik waas zoë ôntevreeje.
Maar dao op ens zoog ik zien snoët, en waas mien leid geleeje.
Ik bin d'r Haer gegaon, en goof um te verstaon.
* cd (1999) : De Wortelepin - " D'r hingk wat in de lôch " - Onger Os - 7350
HOME
PLAATSNAMENOVERZICHTHOMEWAORUM DOON WE DET NEET IDDEREN DAAG?
Teks: ? - muziek: ?
Refrein:
Waorum doon we det neet idderen daag?
Waorum, waorum, as ik vraoge maag!
Ik zoel 't zoe gaer ens dokker wille doon,
Lekker pierewaaie en op de zwabber gaon!
Waorum doon we det neet idderen daag?
Waorum as ik 't vraoe maag!
Der waas der ens eine, dae ging zoe gaer op paad,
Zoot urges dan te toepe, maar kwaam dan thoes te laat.
Totdet zien vrouw det muug waas, hae kwaam der neet mier in,
Maar det waas net wat hae gaer woel, det waar ziene zin
Ik woel net gaon kosse, want ik had ein beitje sjans,
Toen kwaam der emus tosse, en weg waas toen mien kans,
De vreejer van det maedje, haet mich der ein gedreit,
En zag det det allein met vastelaovend geit!
HOME
PLAATSNAMENOVERZICHTHOMEWAT HEB IK NOOW ?
1997: Tekst & muziek: Suzanne v. Bree, Ruud Bettinger & Paul Lenders
Zang (*) : Vilma Houba, Suzanne van Bree, Michel Jeurissen & Lei van Heijster
Wae wet wao ut aan leet ?
Wat zoël d'r met mich zien ?
Dao-net had ik ut neet.
Duüzelt ut mich misschien ?
Ut kwaam in-ens zoë aangeweid
Wao kwaam det toch van haer ?
Ik zeen waal wat d'r komme geit
Maar noow trek ik van laer.
Refrein:
Det wat ik noow heb, had ik gister neet.
Allein maar joeks, zoë wie geej zeet.
Nae, ik wil neet euverdriëve.
Dit velt met gen pen te beschriëeve.
Want ik kin d'r gaar neet beej.
Beej wat ik veul einen daag of dreej.
Jao, wie me ut kiërt of dreijt:
Ut geit toch good zoë wie ut geit.
Ut wuurt mich noow al slech
As ik aan morge dink...
Dus gaon ik nog neet weg.
`k Dink det ik nog wat drink
Aswoensdaag kump dae kater.
Weit ik wie laat ut is.
Al wuurt ut noow auk later.
Ik weit det ik niks mis.
* cd 1997 : De Wortelepin - "Laot ens un belunke op" - Onger Os 7309
HOME
PLAATSNAMENOVERZICHTHOMEWAT KAN 'T GAEVE
1991: Teks: Jo Janssen - meziëk: Wim Roeffen
Zang Anita Gaspersz en Theo Peulen
Refrein:
Maar wat kan ut gaeve.
Want de laefs maar eine kiër.
Moei um te belaeve.
En zoë gaon we dan maar wiër.
Laot ôs maar gewaere.
Want we blieve wie we zien;
Dreej daag gezange doon ôs verlange.
Nao nog ein bietje dit en dét.
Dreej daag gezange doon ôs verlange.
't Is maar dét geej dét wet.
Miena det woel gaer dreej daag op stap.
Maar ik neem aan det geej det waal snap.
Met ziën schoën geverfde snoët.
Zoog dét kind d'r prachtig oët.
Miena det zoog toen daen hertedeef.
En toen woort het mich auk nog verleef.
Jao, wae wet waat dao van kump.
Waas dae knöl veur um bestump ?
Miena det straolde gans van gelök.
Woel neet nao hoës, nog neet op de zök.
Jao daen aovend waas geslaag.
Laot maar gaon veur dees dreej daag.
Jan Theelen MC 8093
HOME
PLAATSNAMENOVERZICHTHOMEWE ZIEN D'R WEER
2001/2002: Tekst & muziek van Peter Jansen & Wim Janssen
Zang: Peter Jansen & Wim Janssen
Door 't jaor dan bliëve weej 't leefste thoës,
make weej ouk nörges kraeg.
Nae veur niks of nemes gaon weej dan van hoës,
wies die ellef dónderslaeg.
Hure weej aan de wal det kenón, det geknal,
zien weej twië al ónderwaeg:
Refrein:
Dan huurs se euveral: we zien d'r weer,
noow is 't ketjesbal: we zien d'r weer.
Wao weej dees daag de veut ouk vaege,
de kumps allein bekinde taege.
In frakjas of as kloon: we zien d'r weer,
want 't is heej te doon: we zien d'r weer.
Wae det neet gluif dae kiek maar um zich haer:
We zien d'r weer.
Nao niejaor, dan weite weej 't vlot genóg:
Tiëd veur weer ein nie behang.
En weej mótte ouk ens nuuëdig op de lóch,
muug van al det thoës gehang.
Jao, weej zeuke metein weer ós pekske beejein,
want noow deurt 't nimmer lang:
Is 't nao det wachte intelik zoëwiëd,
kinne weej ens good op paad.
Daoveur kriege weej maar dreej daag lang d'n tiëd,
dus dan wuurt 't waal ens laat.
Maar aI boens ós gemein haos de kop oëterein,
's morges staon we weer paraat:
HOME
PLAATSNAMENOVERZICHTHOMEWEEJ BLIEVE HEEJ
1998: Meziëk en teks: Paul Lenders en Ruud Bettinger
Gezônge door: Mirjam Alders en Bernie Billekens
Refrein:
Met de vastelaovend naor de wintersport.
Jo-de-la-di-tei, jo-de-la-di-teej.
Met de vastelaovend nao de wintersport
Weej gaon neet mei, weej blieve heej.
Al kriëge weej zô'n reis veur nop of as geschink.
Gen haor op ôzze kop die euver zoëwat dink.
Met de vastelaovend nao de wintersport.
Jo-de-la-di-tien, nog neet messcgien !
Vastelaovend wuurd almaar minder.
Zoë stônd d'r in de krant.
Vuul minse die gaon met de kinder.
Dees dreej daag naor ut boèteland.
Maar weej , weej doon dao neet aan mei.
Weej vinde heej in Bliërick ôzze dreij !
Jao, zeej gaon maar as zeej det wille.
Zee doon maar wat zeej doon.
Dao kinne weej neet zwaor aan tille.
Weej gaon auk, maar in de kloon zien schoon.
Dreej daag zien weej ônderwaeg.
Weej make ôzze accu dan gans leeg.
HOME
PLAATSNAMENOVERZICHTHOMEWEEJ LAOTE ÔS NEET KINNE
1992/1993: Tekst & muziek: Paul Lenders & Ruud Bettinger
Zang: Hard en Vals
Weej zien allemaol minse, auk al bis-se diek of dun.
Nae, dao geit ut gaar neet um.
Hebs-se vuül monete in dien ves of genne roëje op de tes.
Maak vuül plezeer, maak vuül plezeer, dao kump ut toch op neer.
Refrein:
Want weej laote ôs neet kinne, nae, ôs kriëge ze neet klein.
Weej zulle altiëd bliëve zinge, en make ôs gen dieke bein.
Ôs zörreg die zien veur later, weej make joeks en vuül plezeer.
Weej zien gebaore um te laeve, en det doon weej toch zoë gaer.
Idderein haet zien winse, ik wil dit en dich wils det.
Jao, zoë is ut toch maar net.
Zits-se vasgebakke in de sleur, of bringk ut laeve klank en kleur.
Maak vuül plezeer, maak vuül plezeer, dao kump ut toch op neer.
HOME
PLAATSNAMENOVERZICHTHOMEWEEJ MAÈDJES OP ÔS BES
Teks: Jo Janssen - meziek: Wim Roeffen
Joa, weej zien maèdjes, jonk en bliej, weit geej wao det aan leed ?
Misschien is det veur ôg neet niej, veur ôs is det 'ne weet.
Refrein:
Weej maèdjes zien weer op ôs bes met vastelaövend,
flaneere dan door de Kloësterstraot,
en halde de jungskes aan de praöt.
Sjauwe dan met eur aan d'n erm, jao, idd'ren aövend.
Zoë halde weej ôs dan werm en zien weer van de straöt.
Gaon weej dan dreej daag lang op stap,
dan zorg ôs mam weer veur d'n hap,
want zeej steit dan altied klaòr, kiek neet op 'n oor.
Weej zakke door zoë lang 't kan met vastelaövend,
al wuurd 't dan morgevruug, weej zien det noëits neet mueg.
Wat is 't leäve zonder lol, det is gen pere waert,
dus gôt van lol maar oët d'n bol, 't leâve lop dan gesmäert.
HOME
PLAATSNAMENOVERZICHTHOMEWEEJ VEURE AKSIES
Teks: Hay Verberkt
Zang (*) : Frans Burhenne
Refrein:
De barricade op, weej veure aksies, met de spandeuk in de hand.
De politiek in de gemeintefraksies is veur de sloop van Gôn zien pand.
Maar weej zulle d'r veur vechte det dae winkel blief bestaon.
Weej kômme op veur Gôn zien rechte, laot ôs noow de straot op gaon.
Gôndje Sôkkerpaek haet heej doordewaek, ouk op zôndaag klante zat.
Neemus geit ouk gaer örges anders haer, daorum meug de zaak neet plat.
Wae haolt ut in zien herspan, det Gôn verdwiéne môt ?
Weej hoove gen bestummingsplan, det biel van ôg is bot.
Geej heb genôg met ôs gesold, det geit dus moëij neet door.
Biét geej maar op ein stökske holt, weej staon heej idder oor.
Weej hoove genne kôffiesjop, det geit ôs net te vaer.
Noow hoepel dich maar hiel gauw op, projeksiewikkelaer.
Ouk winkels hebbe weej genôg, en flets die zien d'r zat.
Weej hebbe noow nog frisse lôch, gank dich maar nao de stad.
* cd (1992) : " Rundje Blierick blief in de buurt "
HOME
PLAATSNAMENOVERZICHTHOMEWEEJ WAERE ALD
2010/2011: Tekst & muziek: Frans Pollux
Zang: Petro & Mark Janssen, Vic & Marius Suiker
D'n optoch trek zich langer want we loupe minder vlot
Weej middelbare manne zien nao einen dreij kepot
Vruger leep det baeter, toen ging alles gewoën vanzelf
Maar noow kos 't nog meuite um te telle wies de elf
't Liëre van de liedjes haet nog noëit zoë lang gedeurd
We rake van de wiës beej 't ónthalde van de wäörd
Vruger leep det baeter, toen ging alles gewoën vanzelf
Maar as weej noow wies elf telle haole we de helf
Refrein:
Weej waere ald
En alder idder jaor
Met idd're vastelaovend weer ‘n bietje minder haor
Wat minder lange nachte en wat minder lange daag
En minder rundjes wachte op ‘n stökske in de kraag
Weej waere ald
En alder idder jaor
Met idd're vastelaovend weer ‘n bietje minder haor
't Geit anders noow as vruger wie alles nog gewoën kós
Al kin d'r dan wat minder:
Weej, hebbe ós
Verkeke zien ós kanse, gen interesse in ós miër
We misse beej 't sjanse de souplesse van waalier
Vruger leep det baeter toen ging alles gewoën vanzelf
Maar noow kos 't nog meuite um te telle wies de elf
't Danse beej 't zinge waas toch oëit ós kapitaal
Maar as weej noow gaon springe piep en kraak 't door de zaal
Vruger leep det baeter, toen ging alles nog vanzelf
Toen telde weej van ein nog zónder stoppe wies de elf
HOME
PLAATSNAMENOVERZICHTHOMEWEEJ WILLE EIN MASKE VEUR
2010/2011: Tekst & muziek: Peter Jansen
Zang: Roy Rohwer & Koen Verdellen
Mien elders die bemeuje zich hiël gaer,
Met wat ik met de vastelaovend waer.
Maar wies se dich ouk allemaol verkleie kins,
Weej hebbe toch maar eine wins:
Refrein:
Weej wille ’n maske veur (2)
Met zo’n dink veur ózze kop.
Staon weej d’r pico bello op,
Weej wille ’n maske veur (2)
Det guf ózze vastelaovend kleur
Jao zo’n maske det vinde weej fijn,
Want ós kin nemes zeen,
Maar weej zeen idderein,
Weej wille ’n maske veur (2)
Dan allein gaon weej wie ‘nnen trein.
Maar miene pap dae zag: det is geklets,
Och jong , zo’n maske det is alderwets.
Kiëk geej maar in ’t spegel en geej zeet beslis,
Det det beej óg neet nuuëdig is.
Mien moder zag kómp geej ens ef beej mich,
Dan schmink ik allebei óg gans gezich.
Maar al det naat geklieder op ós moëje snoet,
Det halde weej toch gaar neet oët.
HOME
PLAATSNAMENOVERZICHTHOMEWEEJ ZETTE DE BLEUMKES BOETE
1991/1992: Teks en meziëk: Paul Lenders & Ruud Bettinger
Gezônge door: Michel Jeurissen & Lei van Heyster
Refrein:
Weej zette de bleumkes boëte en gaon dan same op paad.
Wiesdet de kefeekes sloëte halde weej de bleumkes naat.
Geej wilt ut messchiën neet gluive, maar ech, ut is ech waor.
Weej zette de bleumkes boëte, maar dreej daag in ut jaor.
En det is met vastelaoveszôndaag en maondaag en dinsdaag.
Jao, det is van vastelaoveszôndaag,
wies aswoonsdaag zien weej gans van slag.
Schient de zôn of raegent ut, det mak ôs gaar niks oët.
Weijt ut hard of weijt ut neet, daovan geis-se neet doëd.
Want as d'n tiëd gekômme is, doon weej d'n iërste stap,
en zingend met de ganse zwiëk, gaon weej dan nao d'n tap.
Gaon weej vruug en wuurd ut laat, det mak ôs niks oët.
Dingk-se zoë of dingk-se zus, blauw wuurd daomei gen roëd.
Maar as weej dan weer wiejer gaon, wae geit d'r met ôs mei.
Weej gaon neet wiëd en kômme truuk, wej gaon wies aan d'n dreij.
HOME
PLAATSNAMENOVERZICHTHOMEWEGGEWAES
Tekst: Peter Jansen - melodie : "Als jij ’t wilt" (Jules de Corte)
Zang: Neutjes 4 (Henk v.d. Ham, Wim Janssen,Peter Jansen & Hans Mans)
Môt ik van hoës,
dan neem ik ein dink met mich mei in mien gedachte.
Môt ik van hoës,
dink ik aan thoës, jao, de godganselikken tiëd.
En aevel wao mien reize op dees aerd mich brachte,
ik woord toch nörges det vertrouwd gezich oeit kwiët.
En zônnen heimwee mak beej ôs, beej jônk en ald,
iërs werm, dan kald.
Kôm ik nao hoës,
dan kin ik iërlik gen secônd miër langer wachte.
Kôm ik nao hoës,
dink ik aan ein dink nog maar insig en allein.
De minse zeen 't, kiëk dae jông steit te versmachte.
Ik krieg de kriebel en de razel in de bein.
Want d'r is niks op aerd wao ik zoë vuul van hald:
Det Venloosch Alt.
HOME
PLAATSNAMENOVERZICHTHOMEWELKÔM IN PARIÉS
Teks en meziek: Wiel Aerts, Ben Verdellen & Sef Gubbels
Zang: Resi Wolters
Oet de Revu: "Rundje Bliërick op de kannepee"
Welkôm, welkôm in Pariés, die schoëne waereldstad.
Wae nog niks wet, dae wuërd heej wiés, heej zuut me nog ens wat !
De Moulin Rouge, Folies Bergères en tout de ratteplan.
Veural de manne zeen det gaer, ze liëre d'r nog wat van.
Dus kôm gerös ens nao Pariés, kôm nao hotel Chez Jacques.
't Is betaalbaar heej qua priés en 't bed fris opgemak.
Madeleine det zörg good veur ôg, steit altiéd veur ôg klaor.
Wae einmaol ôs haet opgezôch, kump truuk, jao idder jaor.
Tössestök:
Nao de Moulin Rouge, nao de Moulin Rouge,
nao de Moulin Rouge en de Folies Bergéres.
HOME
PLAATSNAMENOVERZICHTHOMEWENGSKE AAN WENGSKE
Teks & meziek: S. Gubbels, Ben Verdellen & Frans Driessen
Gezônge (*) : De Vrijbuiters
Refrein:
Wengske aan wengske, same op ein bengske,
in de golde maoneschiën.
Vlak beej dae viëver zoote weej vol iëver,
met mekaar ein paar te zien.
Maedje leef, nôw luuster, zag ik in d'n duuster,
de kins mich dao aan halde wat ik nôw verklaor:
As mich is gegaeve, dán te meuge laeve,
zal ik nog van dich halde euver vieftig jaor !
Wie ik nog op schoël zoot waas dao ens per jaor ein bâl.
Sôms ging ik dao neet nao toe maar meistal ging ik wâl.
Toen ik dao d'n allerletste kiër heb meigedaon,
bin ik met ein maedje nao 'n perkske toe gegaon.
Verleef, verloof, getrouwd en ouk kinder um ôs haer;
die bringe ôs wal zörg, maar och wat hebbe weej ze gaer !
En achter in d'n haof dao steit 'n benkske in ut graas,
dao druime weej geregeld wie ut beej dae viëver waas:
As ik met mien leef in 'n bejäördehuuske woën,
en de golde broëlof kump, dan wuurt ut toch zoë schoën.
Laot ut, zaet mien vruike dan, nog ens wie vruuger zien,
zing nog ens det leedje van dae golde maoneschien.
* cd : De Vrijbuiters " De Vrijbuiters (met zang van Ben Verdellen) " - Onger Ôs - CD 7187
HOME
PLAATSNAMENOVERZICHTHOMEWIE ALDER, WIE JÓNGER
2004/2005 nr.3 : Teks: Peter Jansen & Piet Welles - muziek: Wim Janssen & Peter Jansen
Zang: Piet Welles & Onno Vaessen
Altiëd as ik vastelaovend vier
En det doon ik al jaore
Dan veult 't óngelaoge idd're kier
Asof ik jónger bin gewaore
As geej mich dan zoë bezig zeet
Gluif geej óg ouge neet
Refrein:
Wie alder, wie jónger
Det merk ik idder jaor
Wie alder, wie jónger
Jao met of zónder haor
Want door det pilske en zó'n liedje
Bin ik weer twintig en ein bietje
Dan geit 't weer van yes, en bin ik blaag
Och luuj, det kin ik bes..... dreej daag
Ome Toën dae haet ein ald gezich
Dao kós dae euver miere
Ein good recept, det kreeg dae toen van mich:
"Gank toch ens vastelaovend viere!"
Noow is-se gruuëts op ziene kop
Zelfs schmienk hoof d'r neet op
Hebs-se ouk d'n derde daag geplök
En dich tevuuël gegaeve
De kins met alde knäök en piene rök
Vanaaf aswoensdaag röstig laeve
As dich d'r aevel maar weer bis
As 't Sintermerte is
HOME
PLAATSNAMENOVERZICHTHOMEWIE WET HET DET ?
2002/2003 nr.1 :Tekst & muziek: Peter Jansen & Wim Janssen
Zang: Peter Jansen & Wim Janssen
Veur jaore truuk trof ik de waore.
Ik dach, det is 't gans veur mich.
Maar juus wie ik mich woel verklaore,
zag het metein: "Ik auk van dich!"
Refrein:
Wie wet het det ? Wie wet het det ?
Dao heb ik gaar niks van gezag.
Wie wet het det ? Wie wet het det ?
Det had ik zelf pas net gedach.
Jao, miene leeve is dreej maol zeeve,
of steit ’t op miene kop geschreve ?
Det geit mich ech baove mien pet.
Wie wet het det ? Wie wet het det ?
Det kind haet alles in de gater.
Wil ik sôms op de lappe gaon,
veur ik zeg: weej gaon op de klater,
haet het de jas al aangedaon.
Wie slum det is, zal ik ôch zegge.
Kôm ik laat thoës beej miene schat,
wet det mich haorfiën oët te legge,
wievuul det ik d’r heb gehad.
HOME
PLAATSNAMENOVERZICHTHOMEWIEBELKUNTJE
2001/2002: Zang: Jelske Wilmer
Refrein:
Det is ein wie, wa, wiebelkuntje, veur jungskes 'n idool.
Dreit det de bille in 'n rundje, kriege menkes kleur wie koël.
Genne mins kin bliëve zitte, beej det geschravel um zich haer.
Det gedeuns van det of ditte, door det wie, wa, wabbel, waer.
Al det gedeuns van det of ditte, door det wie, wa, wabbel waer.
Wie 't nog op schoel zoot, waas 't al zó'n wiebelvot.
't Is door menig steulke haergegaon.
Altiëd op 't puntje, geit zó'n dingk vanzelf kepót.
Had 't maar det steulke laote staon.
Lets mós 't nao d'n dokter veur 'n pilke veur de piën.
't Waas weer ens 'n kiertje mis gegaon.
Goof um goje raod laot det gewiebel noow ens zien.
Laot die steul noow op de puuëtjes staon.
Noow zit het in 't leger en geit 's morges op appèl.
Mót het dan dao op zó'n rieke staon.
Huurt dan die trómpette, dink 't mei aan 'n kapel.
Kriëg 't op de heup en luuët zich gaon.
HOME
PLAATSNAMENOVERZICHTHOMEWIEJ HÈT HÈT ?
Teks: Gerrit Gommans - muziek: Jan Theelen
Zang: Claar Boots-Hinssen
Refrein:
Wet eemus sôms wiej det det hèt ?
Wie zoel det kind toch heite ?
Det det nôw neemus wet,
ik zoel ut wille weite !
Wae wet d'r nôw wie of det hèt ?
Misschiens of det det dèt det wèt.
Det dèt nôw neemus wet...
Det geit baove mien pet !
D'r leep ens in den optoch, ein hiël leuk maske mei.
D'r woord gevraog "Wiej het det ?", maar neemus had bezei...
Toen vroog ik mienen buurman, en dae dao naeve stônd.
Die keeke zich de auge oët, maar heele eure mônd ...
cd 1997 : De Wortelepin - "Laot ens un belunke op" - Onger Os 7309
HOME
PLAATSNAMENOVERZICHTHOMEWITTE DOËF
Gezônge door: De Vrijbuyters & De Vrouwluuj van de Maasvallei
O la paloma blanca, witte doëf kôm nao ôs.
O la paloma blanca, as dich de waeg vinde kôs.
Ao doëf van de vrede, nôw klum nao de zôn,
en vleeg ens nao Moskou en nao Washington.
Witte vogel van verlange,
och wie is 't met dich gesteld ?
Waorum zits dich toch gevange,
achter tralies van geweld.
HOME
PLAATSNAMENOVERZICHTHOMEDE WORTEL EN DE PIN
1947: Tekst & muziek: Louis Baets
Zang 1 : mej. A. Renkien
Zang 2 (*) : Claar Boots-Hinssen
Gooijenaovend beste luuj. 'k heb auk ech zô 'n gekke buuj !
Want ik heb auk Bliëricks blood, wat we doon det doon we good.
En 't refrein zeet ge dao staon,
Dus Wortelepinne laot um gaon:
Refrein:
De Wortel en de pin die zien weer beejein:
AId en jônk, groët en klein.
Weej zette alle zörrig dreej daag aan de kant,
want de prins dae is weer in 't land.
En ôs Bliërick det zal noeits vergaon,
zoelang de wortel en de pin bestaon.
En ôs Bliërick det zal noeits vergaon,
zoelang de wortel en de pin bestaon !
* lp 1982 : "Dreejmaol ellef 1981/1982"
cd 1997 : De Wortelepin - "Laot ens un belunke op" - Onger Os 7309
HOME
PLAATSNAMENOVERZICHTHOMEDE WORTELEPIN
Teks: Jo Linssen - muziek: Jo Hofman
Zang: Tiny Hofman
Refrein:
Ik bin, jao, ik bin eine Wortelepin, en de vastelaovend vièr ik.
Ik kin, jao, ik kin eine Wortelepin, in ôs gooie alde Bliërick.
Van de brök wies Meulebös, wuurd gezônge, wuurd gekös ...
Ik bin, jao, ik bin eine Wortelepin, det verliër ik noeits in Bliërick !
Remund det haet zien Uulke en Jocus zienen Haan,
in Heerle weijt ut Buulke, maar wao kôm ik vandaan ?
Ik bin gen Tempeleerke, ik neum mich neet Marot,
gun idder zien plezeerke, ik weit toch wiej ut môt ...
Zeen ik den optoch trekke, al door de Kloësterstraot,
met vastelaoves-gekke, dan kriëg ik ut te kwaod.
Ik kin dan neet miër zwiëge en waer d'r eine kwiët,
bin neet kepot te kriëge, en zing de ganse tiëd ...
* cd 1997 : De Wortelepin - "Laot ens un belunke op" - Onger Os 7309
HOME
PLAATSNAMENOVERZICHTHOMEWORTELESTAMP
1986: Prissentasie Elly van Rijn
Petatte die kômme oet Tegele van Nel.
Veur lauk trekke weej aan de Poerker zien bel.
De wortele kômme beej ôs oet de koel.
Dat alles det haet maar ein doel.
Refrein:
Dan kriege we wortelestamp met wors.
Met ein pilske veur d'n dors.
Gaon pierewaaje, ôs flink begaaje.
En dan krieg `t groëte gros.
Nao `t springe en gehos.
Özze eige gooje vastelaoveskos.
Wat pas d'r zoë good beej d'n alcoholdamp.
Det is ôzze Bliërickse wortelestamp.
De wortele, lauk en petatte doorein.
Det knaeje we allemaol klein.
En wuurd dan ôs Worteletruuj weer verbrand.
Wat weej daobeej aete det leet veur de hand.
Dao steit op de kaart "vastelaovesmenue"
Gekaok door ôs Worteletruuj.
HOME
PLAATSNAMENOVERZICHTHOMEWORTELESTAMP
2004/2005 nr.2 : Tekst & muziek: Franx Pollux
Zang: Marius & Vic Suiker, Petro & Mark Janssen
Weej…, hove genne boere-moos [met wors nae]
Weej…, löste genne vis [of bôtter]
Weej…, gaon ‘s richtig dreej daag loos,
Pas as d’r Bliériks bikke is.v
Waat ruuk ik?
Refrein:
Wortelestamp, Wortelestamp,
Van telder wies kelder,
Hingk gans de hut weer vol met damp van:
Wortelestamp, Wortelestamp,
Pètatte die spatte,
De kaetel oët wies aan de lamp d’r is:
Wortelestamp, Wortelestamp
Aet en vergaet de kramp, d’r is wort’lestamp
Heej…, kriëgs-se genne roëje koël [met wors nae]
Heej…, genne vraemde dis [met sperjes]
Heej…, löp ôs water in de moel,
Pas as d’n bik oét Bliërik is.
En wortels zien op zich neet slech,
Pètatte zien oké.
Maar wort’lestamp dae smak pas ech,
Met ’n good glaas beer d’r beej.
HOME
PLAATSNAMENOVERZICHTHOMEWORTELTRUUJE SAMBA
1988: Teks en meziëk: Wim Roeffen
Zang: Resi Wolters en Hay Smeets
Refrein:
Ai ai ai ai, det is de worteltruuje samba.
Ai ai ai ahai, daoveur zien weej heej.
Ai ai ai ai, idder truuj die rup caramba.
Ai ai ai ahai, en daonao olé.
In Bliërick wet haos idder truuj van wante.
Me haet ut nieje ritme al gelierd.
En wie det geit det is noow net ut kwante.
Det duit heej haos neemus verkiërd.
Auk Nel det woel zoë gaer de samba danse.
Want daoveur veulde het zich jônk genôg.
En efkes later dach ut "heej det kanse"
En vlaoge zien bein in de lôch.
Merie det kôs de samba neet bekaore.
Det zoot zoë gaer beej Kubus op de kneen.
Maar nao ein tiedje waas auk het verlaore.
Toen had ze ze ens môtte zeen.
Jan Theelen OS 8070
HOME
PLAATSNAMENOVERZICHTHOMEWORTELTRUUJKA
1981/1982 nr.2 : Tekst & meziëk: Frans Driessen
Oetveurende (*) : Frans Driessen
Refrein:
Nôndedjuuka, Worteltruujka, mien Schatja !
Waorum kins dich gen Wolga-maedje zien ?
Met Anoesjka of Petroeska of Katja.
Had ik noow neet daen deepe hertepien.
Want ik môt dich gaon verlaote.
Truuk nao `t Roëje Plein.
Kin dan neet miër met dich praote.
Bin potdomski gans allein.
Nôndedjuuka, Worteltruujka.
Bin potdomski gans allein !
Iwan Wortelpinski kwaam oët Moskou op bezeuk,
veur ein weiteschappelik vastelaovesônderzeuk.
Wie hae ônderzôch had wat persies ein Truujke waas,
hoorste zien Kozakke-stum waerklinke aan de Maas:
Iwan Wortelpinski völt in Moskou dieke beuk,
met resultate van zien Bliëricks ônderzeuk.
Haet hae vreej, dan zit hae beej de Wolga in ut graas;
Zuut dan in gedachte waer zien Truujka aan de Maas.
* cd (1999) : De Wortelepin - " D'r hingk wat in de lôch " - Onger Os - 7350
HOME
PLAATSNAMENOVERZICHTHOMEDE ZAACHTE G
Tekst: Peter Jansen - melodie : "Em winter dann schneit et" (Schmitz)
Zang: Neutjes 4 (Henk v.d. Ham, Wim Janssen,Peter Jansen & Hans Mans)
Ome Jan, dae waas verhoës gans nao Uterech.
Waas viëf jaor in Holland thoës en bleef oët Limburg weg.
Op bezeuk jao, kwaam hae toch, en wie hae beej ôs zoot.
Vroog ik um: "Wie geit 't nog?" en gae zag: "'t Cheit mich Choot".
Noow môsse det huure, dae schaamp zich zeker heej,
veur zien G, veur zien G, veur zien G.
Waat zien det veur kuure, wae kump op zôn idee.
Met zôn chee, met zôn chee, met zôn chee.
Iddere vogel zingk nao ziene bek,
det klink perfek oët iddere nek.
En asse neet dien mooderstaal heej kals,
dan zingkse vals, hartstikke vals.
Iddere Amsterdammer vindt "zun eiche taal 't bes"
En ein 's-Gravenhage's kind sprik "fèner as de res"
Grunningers "die praat'n zo", nemus vindt det raar.
Auk zôn Hilversumse show met "liedjes hiej en daaj"
Dus laot 't maar huure, det hebbe weej jao heej:
Zaachte G, zaachte G, zaachte G.
Det wille weej weite, jao net zoë good wie zeej.
Zaachte G, zaachte G, zaachte G.
Iddere vogel zingk nao zienen bek.
Det klink perfek oët iddere nek.
En geej dao baove, huur ens efkes heej:
De moeiste G die hebbe weej.
HOME
PLAATSNAMENOVERZICHTHOMEZAKTELEFOON
Teks en meziek: Ben Verdellen.
Zang: Ben Verdellen
Refrein:
Ik bin kepot van miene zak.........(koer) miene zak,
van miene zak telefoon.........(koër zak telefoon.
Det dink det kin ik neet mier misse,
ik bel nog as ik staon te... la,la,la,la,la.
Ik bin kepot van miene zak........(koër) miene zak,
van miene zak telefoon...........(koër) zak telefoon.
Wie kôm ik dao oeïts van aaf ?
Ik bin aan det dink verslaaf.
Euveral wao minse zien, bekruup mich 't verlange,
dao wil ik as 't efkes geit d'n breië oët gaon hange
Dan pak ik mich d'n telefoon 't leefs waal twintig kiër,
en blief maar aan 't moële auk al huur ik nemes mier.
In de bus of in d'n trein ik kin 't maar neet laote,
um taege zak d'n telefoon hiel efkes te gaon praote
De minse kiëke mich dan aan maar nemes dao dae wit,
det in mien telefoontje gaar gen batterieke zit.
HOME
PLAATSNAMENOVERZICHTHOMEZEEN IK DICH VANAOVEND NOG?
vóór 1949: Tekst: ? - muziek: ?
Zang: mej. A. Renkien
Dan gaon weej ens zaIig oet.
Kump se neet, dan wetse toch,
vur mich mak tet weinig oet.
Want ik môt gen misselijkheid,
zeuk allein maar joeksigheid.
Menkes zien der beej de vleet,
dachse det ik det neet weit ?
Zeen ik dich vanaovend nog ?
Dan gaon weej ens zalig oet.
Kumpse neet dan wetse toch,
dan liks tich finaal d'r oet.
HOME
PLAATSNAMENOVERZICHTHOMEDE ZESTIGER JAORE
Teks en meziek: W. Aerts, Ben Verdellen & F. Tilburgs
Zang: Ben Verdellen
Jao die schoëne, zestiger jaore,
met die moeïe alde hits.
Dae meziek geit noeits verlaore,
des iets waasse neet vergits.
Refrein:
Och zoë waas det in daen tiëd,
zôndaags op de instuif swinge.
Weej hadde maling aan den driët,
die leedjes wuurse noeits mier kwiët.
Man wat waare weej toch verlaege,
met zôn vetkoëf op de kop.
Lekker twiste, vluurke vaege,
op tevee waas Top of Flop.
HOME
PLAATSNAMENOVERZICHTHOMEZET DIEN MASKE AAF
2008/2009 nr.4 : Tekst: Frank van den Broek - muziek: Hay Geritz
Zang: 2 kier 2
Refrein:
Zet dien maske aaf,
en laot dich noow ens zeen
Speul efkes gen toniél mièr,
veur neemes op de kneen
Zet dien maske aaf
en toën dien waor gezich
Noow efkes gen geeimer,
veur dich en mich
Kroep oët dien schölp
en toën dien waore ik
Laot zeen zoë wiesse bis,
dan haese dreej daag dieke mik
Zet dien maske aaf,
dae lach weer op dien toét
Dan trekse nao die greekers,
ein lange snoét
Gans ut jaor löp alles wie gesmaerd.
Gedrage door dae sleur,
hebs dich ein maske veur
Noow steit vastelaovend veur de deur
Dan zaesse doei,
ik gaef die daag weer kleur
Alles geit neet altied wiese wils
Dan wuuert d'r weer geklaag,
dich haes zoë van die daag
Kiek dan vastelaovend um d'n hook
Dan duise mei,
en rupse met bedraag
Mei dan geit ut neet wie det ut mot
En lök ut neet zoë zièr,
wets dich ut ef neet mièr
Vastelaovend kin dao wat aan doon
Noow laot dich gaon,
en kap met dien gemiér
HOME
PLAATSNAMENOVERZICHTHOMEDE ZIEËMAN
Teks en meziek: Ben Verdellen & Frans Boermans
Zang: Ben Verdellen en De kinder
Mam en ik, weej ginge weer allebei,
fijn met d'n trein wiëd eweg met Pap weer mei,
gans nao Rotterdam.
Want Pap dae geit wie altied weer ens nao zieë,
weer op zôn lange vaart van eine maond of twieë,
weg van mich en Mam.
Refrein:
Pap, waorum môs dich ôs weer gaon verlaote,
is 't zieëmanslaeve den zôn deure plich.
Och Mam now kriet maar neet, heb neet zôn verdreet,
vaeg dien traone now van dien gezich.
Neet zoë dreuvig zien, det duit Pap zôn pien,
want hae hild van dich en van mich.
Maar dao op de kade velt toch weer ein traon,
as Pap ôs kûs en weer zaet: "Now môt ik gaon,
as 't ouk meute kos"
Dan zweijt hae de pungel gauw op ziene rök,
en wink ôs nog eine kiër vanaaf de brök,
en de tros geit los.
HOME
PLAATSNAMENOVERZICHTHOMEZOË DEUR
Teks: Jo Linssen - muziëk: Jo Hofman
Zang (*) : Tiny & Jo Hofman
Refrein:
Waorum bis tich zoe deur ?
Wat baatte mich det potte.
Wao deent det nôw toch veur ?
Ik heb neet miër klemotte.
Wan môt det nôw toch haer ?
Hebs dich neet in de gate:
Ik trek neet miër van laer;
Ik heb neet zoevuul plate ...
Gaon weej zoë same weer ens oët,
gaef ik ein rundje veur de boët.
Dan steit det mich toch gaar neet aan.
Ik dink: Wao kump die poen vandaan ?
* cd (1999) : De Wortelepin - " D'r hingk wat in de lôch " - Onger Os - 7350
HOME
PLAATSNAMENOVERZICHTHOMEZOE MÔT UT
vóór 1949: Tekst: ? - muziek: ?
De Vastelaovend is weer in ut land.
Hiel Blierick reik zich now de hand.
Groët en klein, allemaol zien ze op de bein.
Now is ut den tied veur lol en gijn.
Blierick, os dörpke aan de Maas,
Is dit jaor veur ut iers zichzelf de baas.
Nog neemend haet ut oeit kunne belaeve,
Det os städje zonne fijnen optoch kos gaeve.
Met Vastelaovend blief alles dus beejein,
Dan wuurd ut pas gezellig, dan is ut pas fijn.
Os middestand mot ouk kunne laeve.
Waerum alles aan de vraemde gaon gaeve?
Kölle stond in ut boeteland bekind,
Maar now is ut gedaon, now Blierick begint.
Gen twintig maar tachetig wages zien d'r al klaor,
Dit is genne bluf, nae, det is iérlik waor.
De boerebroelof wuurd ouk ein succes,
Want Holt-Blierick en den Bokend doon d'rveur eur bes.
Ge zult ens zeen, ouk de koffietaofel wuurd fijn.
Neet allein broëd, maar spek van un everzwijn.
En as de carnaval dan is aafgeloupe, is gedaon,
dan motte ze zegge, Blierick wet wao ut met staon.
Gaef aan alle plaats ut veurbeeld van gepas plezeer,
dan kinne we gerös zegge: ut volgend jaor zien we d'r weer.
Dus idderein, alle vereiniginge, doot good og bes,
de Prins en Raod van Elf doon dan de res.
HOME
PLAATSNAMENOVERZICHTHOMEZOË MÓT 'T WAERE
2004/2005: Tekst: ? - muziek: ?
Zang: Mai Anröchte
Zoë mót 't waere
Zoë mót 't zien
Nog baeter dan dae vastelaovend aan de Rien
Zoë mót 't waere... wie hae altiëd al waas
Heej in Bliërick aan ós eige moder Maas
Wae joeksig is viert vastelaovend
In Rio in Kölle of heej
In iddere plaats vuuëlbelaovend
De beste det wetse zien weej
Kins-se det geveul
Dan kóm ens oët die steul
Zoëlang ik mich heej nog kin ute
Gewoënwaeg mich zelf kin zien
Blief ik euver alles heej stute
Toch kwant um zoë joeksig te zien
Kins-se det geveul
Dan kom ens oët die steul
Heej bis-se al wiët van teveure
Veur alles wat kump in de waer
Dit groëts en geweldig gebeure
Vastelaovend det viere weej gaer
Kins-se det geveul
Dan kom ens oët die steul
HOME
PLAATSNAMENOVERZICHTHOMEZOE WERM WIE TOEN
Tekst: Peter Jansen - melodie : "Als op ’t Leidseplein" (Steyn/Eyck/van Zuylen)
Zang: Neutjes 4 (Henk v.d. Ham, Wim Janssen,Peter Jansen & Hans Mans)
Dao in die wei, wao weej as jônges altiëd speule ging,
is noow 't sportterrein met pindraod oëtgebreid.
En op dae paad, wao alle maedjes ginge tuike springe,
löp noow d'n asfaltwaeg van zeve maeter breid.
Dae kleine winkel beej ôs, wao-se alles kriege kôs,
is noow ein shoppingcenter met parkeerterrein.
En wao det böske waas veur allemaol verleefdelinge,
steit ein ontmoetingscentrum, gans van glaas en stein.
En idder hoës haet t.v., wermte kump van de c.v.
Weej staokde vruuger ens per aovond eine kiër.
Al zetse auk op twellef al die airconditioninge.
Zoë werm wie toën wuurd 't dien laeve lang neet miër.
HOME
PLAATSNAMENOVERZICHTHOMEZOE WIEJ UT VRUUGER WAAS
Teks Gerrit Gommans - muziek: Jo Hofman
Zang: Claar Boots-Hinssen & de Maaszengers
As ik richtigge Bliërickse grônd ônder mien veur wil veule,
gaon ik trukk nao de plaetskes, wao ik as kind kôs zien !
Jao, dan zeen ik ôs weer die alderwetse spelkes speule.
Wao blief daen tiëd, wat heb ik spiët, det duit mich piën !
Refrein:
Zoe wiej ut vruuger waas, zoe zal ut noëits miër waere.
Wiej ut vruuger waas, zoë zal ut noëits miër zien !
Zoe wiej ut vruuger waas, dao wille weej op taere.
Wiej ut vruuger waas, zoe kôs ut nôw nog zien !
lp 1978: "Mooder ut is vastelaovend"
cd 1997 : De Wortelepin - "Laot ens un belunke op" - Onger Os 7309
HOME
PLAATSNAMENOVERZICHTHOMEZOËLANG WE LAEVE
2003/2004: Tekst: Hannelore Winter - muziek: Jan Bax
Zang: Henk & Mandy Sneyers & Resy Wolters & René Hutjens
Wae hilt'er heej de kletskook beej
wae haet 't al gehuurd
van de 100 aaf...is ut waor ?
heej kump ut präötje van ut jaor :
Refrein:
Zoëlang we laeve...haole weej de 101
as weej ôs gaeve...en we halden-ut zoë fijn
Zoëlang we straole...op ut paedje van gelök
met álle leefde...wies ôzze letste plök
Alleen laatste refrein:
as weej det haole...wies 101..2...3...
zoëlang we straole...zien weej nog hiël...lang heej.
Wie alder én wie gekker kén
de wind in ôzze rök
as de wage kraak ..douw maar door
we laeve langer met 't oor
Wae nôw geheid zoë wièjergeit
dae haet ein pluum verdeend
zeg maar 'petje aaf' en 'sjapó'
dae krieg de hoeëgen hood kedó
HOME
PLAATSNAMENOVERZICHTHOMEZÔNDER DICH
1992: Teks Frans Driessen - meziëk: Wim Roeffen
Zang: Petre Houben en Han Spaay
Refrein:
Zônder alles in de waereld kôs ik laeve.
Allein neet zônder dich, det deej mich vuels te piën.
Ik zoel alles wat ik heb waal wille gaeve.
As ik dan laeveslang beej dich zoël meuge zien.
Zônder dich waas d'r van mien laeve niks gewaore.
Zônder dich waas zelfs idderen daag veur mich verlaore.
Ik zoël alles wat ik heb waal wille gaeve.
As ik dan laeveslang beej dich zoel meuge laeve.
As ik ens neet weit wao's dich haer bis gegaon.
Veul ik altiëd weer pien aan mien hert.
De boens en det juëg of ut liek stil te staon.
Det is allemaol leefdes-smert.
Dich gings ens op reis veur wat langere tiéd.
En ik waas metein gans van slaag.
Want wao's dich auk haer geis: ut is mich te wiéd.
En te lang deurt mich idd'ren daag.
As Wortelepinne doon weej altiéd gaer
Met de dreej vastelaovesdaag mei.
Dan joetse weej zônder te weite waohaer.
En huur-se beej idd'ren dreij:
Jan Theelen MC 7207
HOME
PLAATSNAMENOVERZICHTHOMEZÓNDER DICH
Tekst: Frank van den Broek - muziek: Hay Geritz
Zang: Petro & Mark Janssen, Vic & Marius Suiker
Refrein:
Nae, zónder dich kin ik neet
Vraog mien hert wao det aan leet
Waas al jaorelang op zeuk naor wat gelök
Zónder dich wil ik neet
Weit hiel good wao det aan leet
Blief beej mich, weit ik zeker det ‘t lök
Dich bis wat ik altiëd heb gezóch
Plök veur dich de wölkskes oët de lóch
Weit nog good wie ik toen veur dich veel
Ik veel veur dich met gans mien hert en zeel
As dich beej mich bis veul ik mich good
Weit nog wie det waas en wie det zoot
Veul ik noow dien erm weer um mich haer
Ik weit toch wie det veult, det heb ik gaer
Fijn waas toch daen tied met dich allein
Same hand in hand det veulde fijn
Zeg mich is daen tied noow ech veurbeej
Of staon weej volgend jaor weer same heej
Vastelaovend viere
Duis se neet allein
Weit det ik van dit moment geneet
Door de straote zwiere
Same op ‘t plein
Zónder dich det kin en wil ik neet
HOME
PLAATSNAMENOVERZICHTHOMEDE ZONNEBANK
Tekst: Peter Jansen - melodie: "Blame it on the Bossa Nova" (Mann/Weill)
Zang: Neutjes 4 (Henk v.d. Ham, Wim Janssen,Peter Jansen & Hans Mans)
Ôs leeve Nel det is genne optimis,
en det vindt, jao ech, iddere zomer slech.
Waat det kind neet duit veur ein broene huid,
veur zien figuur duit het ein zônnekuur:
Op 't zônnebenkske ligge, mak mich broen wie nie.
Op 't zônnebenkske ligge, van veur, van achter en opzie.
En gaon ik dan waal ens wandele heej of dao,
dan rope alle jônges mich weer nao.
Jao, wao zoel det toch aan ligge, dan rope ze: aoh !
Is det van de zôn ? Nae, nae, 't zônnebenkske.
Op dien balkôn ? Nae, nae, 't zônnebenkske.
Ech neet van de zôn ? Nae, nae, 't zônnebenkske, zôn kanôn !
Zeg, waas dich dao hes, Jao, jao, 't zônnebenkske.
Kump det oët ein fles ? Nae, nae, 't zônnebenkske.
Jao, 't steit dich bes. Jao, jao, 't zônnebenkske, zôn suukses !
Maar Nellie ziene kop, dae veel gaar neet op.
Broen waas idderein, want 't waer waas fijn.
Toen haet het bedach: Noow op volle krach !
Het kwaam pas d'r aaf zoë nao ein oor of ach.
Op 't zônnebenkske pitte, ôngelaoge waor.
Op 't zônnebenkske pitte, det is toch ech waal ein gevaor.
Jao, det Nellie kinde weer ens neet zien maot,
verbörde zoë maar wies d'n derde graod.
En 't kôs nog nimmer zitte en idderein vroog:
Och, dich erme schat. Jao, jao, 't zônnebenkske.
Hebse slaeg gehad ? Nae, nae, 't zônnebenkske.
Of te lang in bad. Nae, nae, 't zônnebenkske, 't is mich wat !
Itse sôms te vet ? Nae, Nae, 't zônnebenkske.
Dinkse det 't smet ? Nae, nae, 't zônnebenkske.
Gank maar gauw nao bed. Jao, jao,'t zônnebenkske, det is det !
HOME
PLAATSNAMENOVERZICHTHOMEDE ZWARTE KATER
1999: Teks: Hannelore Winter - meziëk: Jan Bax
Oetveurende (*) : René Hutjens, Henk Sneijers, Resi Wolters & Hannelore Winter
Vruug of later kump dae kater, want dae leet weer op de loer.
Dae zoë trouw is det det mauw is, op ôs vastelaovestoer.
Refrein:
Dae zwarte kater van beej ôs naeve, dae zit ôs alzelaeve nao.
Det lillik dingk kôs ik d'r eine klaeve, dae mak mich krank van heej wies dao.
Dae zwarte kater huurse drek, löp met ein belke um de nek.
En det getingelingeling aan miene kop, det belke hilt en hilt neet op.
Nae det getingelingeling aan miene kop, asof det noëits miër stop.
En det geit ouk vannach nog, zoë van hadse neet gedach.
Beej 't opstaon beej 't nao bed gaon, of ik bäök det ik lach.
Asse hure beej de bure, det ik mich zoë giftig maak,
kwaam 't muuske oët 't huuske, en 't kaeterke woort zwaak.
* cd (1999) : De Wortelepin - " D'r hingk wat in de lôch " - Onger Os - 7350
HOME
PLAATSNAMENOVERZICHTHOME