Carnavalsliedjes uit BORN in Limburg (NL)

HOME PLAATSNAMENOVERZICHT HOME

3 DAAG SJPAS (d'r wurd nog neet gevas)
1990: Tekst: Niks Dao - muziek: Frank Pörteners
Zang: Niks Dao

Sjear, dae waor al maonje vanteveure flink in touw,
want van de vastelaovend hilt hae mea dan van zien vrouw.
Toen waor Merie 't zat en zag: "Doe kèns van mich vertrèkke".
Het zal Sjear niks verrèkke, es de optoch mer blif trèkke.

Refrein:
40 Daag veur Paosje, geit 't in Born weer richtig loos.
Veer make 3 daag sjpas, d'r wurdt nog neet gevas.
Nae, zoane Border vastelaovend is 't gans,
de echte Pierewieters griepe dan hun kans.

Sjear, dae ging van ealendj 'sjmaonjes mer allein op sjtap,
'sjmörges al nao 't piejamabal pes 'sjmiddes aan de tap.
't Waor enorm gezèllig, noch geine tied om weg te gaon.
Sjear, dae blif fèin zitte, dae kômme ze nog droet aan 't sjlaon.

Merie, die dach 't hööre, bleef neet zitte mit zoan sjnoet,
belde 'n gooi vriendin op, ginge same flink drop oet.
De kènjeroptoch dit jaor, "djuu", dat waor mich önne lange.
Ôm 'n oer of tean koos te ze ônger ein heutje vange.

Biej 't bessemverbrenne kaom Sjear zien vrouw weer taege,
vele zich in de erm, mekaar de tröönkes weg aan 't vaege.
Wat geit hun baove alles, naeve 3 daag flink te zjwiere:
dat blif toch in ôs Bor, same vastelaovend viere.

HOME PLAATSNAMENOVERZICHT HOME

11 EN 30STE
2002/2003: Tekst: Giel en Corrie Creuwels & Richard Coenen - muziek: Richard Coenen
Zang: Duo Jônk Belaege

Es kleine sjnaak bleek Herman al eine heale traoge
Veer jaor lank de easte klas dat haet 'm niks gebaat
Kènjer oppe sjoal die deege Herman dao mit plaoge
Treuzele deeg hae 't leefs van 'sjmörges vreug tot saoves laat

Refrein:
Opzien èllef en dertigste zich sjpooje deeg hae neet
Èllef en dertigste zich jaage leet 'r neet
Mer nao èllef november dan kènt geer häöm neet trök
Dan löp hae euveral veurop... drie daag aan ein sjtök

Wie zien auch op maedjes veel koos häöm dat wal bevalle
Gooje raod van al zien vrunj dat haet 'm niks gebaat
Wie d'r mood verzameld houw sjtông zie mit Sjaak te kalle
Treuzele deeg hae 't leefs van sjmörges vreug tot saoves laat

Wie d'r einmaol baove waor doe kaom d'r Peatrus taege
Peatrus zag wo blifse noe doe bès toch väöls te laat
Ondanks al dien saajele krisse noe toch de zaege
Treuzele deeg hae 't leefs van sjmörges vreug tot saoves laat

HOME PLAATSNAMENOVERZICHT HOME

AETE
2002/2003: Tekst & muziek: Lei Wetzels
Zang: Lei Wetzels

Refrein:
Kiek oet mit wasse uts,
En dasse auch 't drènke neet verguts
Kiek oet, mit wasse uts
Anges höbse sjtraks dien derrem in de kluts
Kiek oet, mit wasse uts
Dat môsse neet vergaete
'n pilske op d'n tied en dus d'n doosj tenminste kwiet
mer luuj noe kiek oet mit 't aete

Jan, dae van de wieze road lös gaer een fritje mit
Mer sang_rendaags is 't Lizet, dat doa 't meis mit zit
Dae Jan, dae klaag de ganse daag, ich höb toch zoane pech
De frit van gisteroavend löp aan alle kentje weg

Hub, joa dae es jurylid, dae kan d'r auch get van
Es dae lekker aete zuut, dan ut 'r wat 'r kan
Mer saoves laat 't buukske pien en wae krig dan de sjout
Hub dit kan toch zeker neet, dat is dien eige fout

Luuk van 't gemeinsjapshoes, dae wèt dit alles good
Want kaoke luuj, dat is zien vak, dat zit 'm in 't blood
Hae geuf uch net wie ich advies, num dat noe van ôs aan
Want anges is de vastelaovend heal sjnel van de baan.

HOME PLAATSNAMENOVERZICHT HOME

AUW TESJ
2003/2004: Teks & muziek: Roy Meisters
Zang: Angesj Geit auch

Mien vader woord 'ns vieftig
En ich dach wat wurd dae auwt
Ich zoog toen al dat grieze haor
En kreeg 't sjpaans benawd
Mien god wat môt dat waere
Es ich zoa auwt 'r bèn
Es ich dat noch kèn.

Refrein:
Ein heal auw tesj in d'n erm
Wie mòt dat zeen?
Ein heal auw tesj in d'n erm
Ach laot mer zeen!
Ein heal auw tesj in d'n erm
Wie môt dat zeen?
Ein heal auw tesj in d'n erm
Wil ich neet zeen!

Mien moder blif weer achter
Want zie kènt neet alles zeen
Häör auge waere sjlechter
Jao dat is auch good te zeen
Mien god wie môt dat waere
Es ich zoa auwt 's bèn
Dan riej ich in 'n rolsjteulke
Es ich dat nog kèn!

HOME PLAATSNAMENOVERZICHT HOME

AUWT WIEVERBAL
2004/2005: Tekst: Marie Lou Potma & Frank Hoedemakers - muziek: Richard Coenen
Zang: Marie Lou Potma/Frank Hoedemakers

Refrein:
Ich gaon 't leefs nao 't Auwt Wieverbal,
Want ich weit wat dan gebeure zal
Dan kump 't jeske oet 't keske
En 't breukske oet 't heukske
't maske en de pruuk, veer gaon op stjap
Ich gaon 't leefs nao 't Auwt Wieverbal,
Want ich weit wat dan gebeure zal

't Jaor zaot d'r weer op en veer ginge op paad,
Sjus wie die anger kiëre, waor 't dan ummer laat
Veer zeen dan sjoan verkleid, gein minsj dae kent os trök,
Neet èns mien eige buurvrouw, tsjuu waat ein gelök
Veer höbbe veul sjpas en zitte hiej biejein,
En zènge mit zien alle dit refrein

't Waor wie eine druim wie ich dich dao zaog sjtaon,
Ich dach bie mien eige dem laot ich neet meer gaon
De maskes ginge aaf, 't leeg dat ging aan
ich sjtong doe aug in aug mit miene zjwaoger Daan
Zoa bleek weer in de sjtaart zaot 't venijn,
Toch zeng ich nog ummer dit refrein

HOME PLAATSNAMENOVERZICHT HOME

DE BESSEMEBÈNJERSDANS
2003/2004: Tekst & meziek: Manuel & Willy Janssen
Zang: Niks Dao

De Bessembènjerdans
Gans Bor dans op de sjtraot,
de vastelaovend is 't sjoanste waat besjteit.
Meziek klink hie en danse is waat jederein hie deit.
Verkleid en mit get sjmink,
mit in d'n optoch en auch op 't patsjebal.
Alles waat se nuedig höbs, dat höb' v'r al.

Refrein:
Want eine Bessemebènjer, Bessemebènjer, zunk de gansen daag
Dae sjprunk de gansen daag
en sjans de gansen daag
Jao eine Bessemebènjer, Bessemebènjer, dans de ganse daag
al haet er auch ein flink sjtök in dae kraag

Altied 'tzelfde leed,
veer danse walse en auch op de marsmeziek
en soms doon veer get waat op eine polonaese liek.
Mèr ôzze bessemdans
dae leart ein kèntj al esser net pas laupe kènt.
Eine bessem in de hendj raak gauw gewènd.

De Bessembènjerdans
dae hiltj dich op de bein de ganse drie daag lank
Al bèsse meug of höbse heal väöl noate op dae zank.
Zits doe vol sjaele kal
door al die pilskes en nao al dat gek gesjpoes,
leunend op dae bessem kump se altied toes.

HOME PLAATSNAMENOVERZICHT HOME

BALLONNE
2001/2002: Tekst: Lei Wetzels - muziek: Richard Coenen & Lei Wetzels
Zang: Lei en de Heikrekels

Refrein:
Ballonne, ballonne, ballonne, dao is 't ummer mit begônne.
Blaoze, blaoze, blaoze, en dao nao lekker drie daag raoze.
Ballonne, ballonne, ballonne, hie nog ein pekske bie verzônne.
Dus blaos al zuuste road gael greun, dat is mit dees daag gans geweun.

Zitte v'r weer in 't nuuje jaor,
dan ligk veur mich ein tuutje mit ballonne klaor.
De mam, die haet d'r aan gedach,
en mich ballonne mitgebrach.

Is 't dan eindelik vastelaovestied,
dan bès doe van dat blaoze diene aojem kwiet.
Mer toch, doe sjteis d'r gans sjiek op,
mit die ballonne oppe kop.

Esjgoonsdig, dan kums doe de trappe aaf,
dao ligke dien ballonne, bès nog gaaf.
De sjnaps dich dan de easte bèste sjpang,
en de ganse buurt heuert PANG, PANG, PANG.

HOME PLAATSNAMENOVERZICHT HOME

BESSEM
1999: Tekst: Jan Heffels - muziek: Richard Coenen
Oetveuring: Ummer Dao

Refrein:
Jao, 'nne Bessem, dae mot good kènne kaere,
van veur nao achtere euver de sjtraot.
Want 'nne Bessem deit 't zoa gaere,
heller of zachter, mer waal in de maot.
Lang veur vastelaovend truk jederein zien plan,
van wat sjteit te gebeure en wat maak me d'r van.
Al geit euver taofel, mer op 't enj is 't vaak,
kaert me al weer bie-ein en wurd get nuuts gemaak.

Eder Pierewiet-treffe kènt waal 'n begin,
mer d'n ènjtied, dae vilt bie de meiste neet d'rin.
Want 'nne richtige Bessem geit door wie hae zjwaert,
pès dat'r't saoves nao boete wurd gekaert.

Op essjelegoonsdig liek 't feas gedaon,
es de mam en de buurvrouw oppe sjtoeprendj sjtaon.
Zie kaere oet de gööt de restante bie-ein,
Van wat d'r bleef hange van ôs bôntj festein.

HOME PLAATSNAMENOVERZICHT HOME

DE BESSEMBÈNJER
2001/2002: Tekst: Jan Heffels - muziek: Linda Koolen
Zang: Groep Zônger Naam

Refrein:
De Bessemebènjer heuert in Bor toes;
Jao, dae heuert hie in Bor toes,
wie 't Sjtaedje en de Sjloes.
Zèt dae kaerel op 'n sjtupke.
Jao zet 'm in 't zunke,
en maak veur häöm 'n voes.

De Bessemebènjer heuert in Bor toes;
Dus zet 'm in 't sjpotleeg,
veer vènje häöm zoa gaaf.
Veer zeen greuetsj op deze man,
mer blief d'r es 't effe kan,
mit dien jatte d'r vanaaf.

Eas gesjpaard in 'n fôns,
en doe kaom'r in 't brôns.
Mit 'n graasveldj rôndj-ôm,
mer 't klink mesjien sjtôm,
want door luuj die hun hunj dao-op lee-hee-te,
woord dat greun ram vol gesj?.

Vies' veut waor jeders angs,
dus kaom keezel d'r langs.
En 'n sjpotje d'rop,
veur get leeg op ziene kop.
Mer 't is toch van de geh-hek-ke,
datse die lamp mooste verr...

Gans in eare herstelt, bes dich noe ooze held.
Vastelaoves - figuur én Bors karrikatuur.
Doe höbs Jan Pierewiet hiej versjtoa-hoa-te.
mer dich laot' veer noats mea verkl...

HOME PLAATSNAMENOVERZICHT HOME

DE BESSEMEBÈNJER VAN BOR
1998: Tekst: Petra Mooren - muziek: Richard Coenen
Oetveuring: De Sjravelaere

Vreuger, lang geleeje, ich haw 'n sjoan beroep
Luuj kochte mien besseme, en kaerde hunne sjtoep.
Toch woor ich oetgelache, behauwve hie in Bor.
't Dörp van zwaegelskreamers, zoa mager en zoa dor..

Refrein:
Kiek 'ns hie nao mich, wèt geer waal wae ich bèn ?
Ich bènj de besseme bie-ein, ze kaere heal erg rein.
Geer kènt bie mich ummer terech,
veur lang of kort, sjeif of rech.
Veur besseme en sjnuppere,
de Bessemebènjer bèn ich !

Zeuk geer eine bessem, veur bènne of 't goot ?
't Geuf ôs ummer minder, weer waere zeldzaam blood.
Toch bèn ich mea es vreuger, ich höb noe zelfs 'n beeld.
Ich zit dao bie de Pastorie, maak hei vas aan de sjteel..

Vastelaovesdinsdig, de bessem wurt verbrent.
Ich gaon weer trök nao-'t wirke, 't-verdeene van de sent.
't Make van uch besseme, dat is mien laevesvreug:
groate veur de groate luuj, en kleintjes veur de jeug..

HOME PLAATSNAMENOVERZICHT HOME

DE BESSEMESAMBA
1995: Teks : A. Herzig - muziek: N. Dirkx
Oetveuring : Niks Dao

Refrein:
Olé, olé, olé, olé, jao de bessemesamba, dat is een good idee.
Olé, olé, olé, olé, door deze samba veuls doe dich weer okee.
In eine groate sjlinger gaon weer van hoes tot hoes,
danse noe de samba van oppe mert tot aan de sjloes.
Sjnap dich ein sjoan maedje en laot dich mer ens gaon,
want de Borse vastelaovend is door neemes te versjlaon.
Olé, olé, olé, olé, jao de bessemesamba, dat is een good idee.
Olé, olé, olé, olé, door deze samba veuls doe dich weer okee.

Mit de vastelaovend, dan zeen weer sjtapeldol,
danse dan de samba en gaon oet ôzze bol.
Pesjtoar, dae krig drie daag gein mèske opgedraage.
Hae môt dit jaor wirke, hae veurt de bessemwaage.

In jeeder kefeeke en eedre groate zaal,
heuerse noe de samba, dat is toch idejaal.
Pap, mam en de poete, die doon auch allemaol mit,
want ôzze bessemesamba, dat is de groatste hit.

Bèsse dèks verlaege, dan sjnap ich dich waal vas,
en hilse dich die drie daag good vas aan miene jas.
Op maot van de kepelkes sjoaje weer dan mit ze rôndj.
Ôzze bessemesamba, dae hilt ôs waal gezôndj.

Es de besseme brenne, 't feas dat is gedoan,
de echte bessemebènjer, dae leat dan waal ein traon.
Mer ein dènk weit ich zeker en dat vertel ich luuj:
De volgende vastelaovend is 'Niks Dao' der weer opnuuj.

HOME PLAATSNAMENOVERZICHT HOME

BESSEMKE
2001/2002: Tekst: Evelien & Frans De Bruijn - muziek: Frans De Bruijn
Zang: 'n Border maedje

In Bor is 't bessemke 'n simbool veur de vastelaovend.
Want geise mit die daag op sjtap, dan zuuse die jedere aovend.
Doe kumse taege in ôs dörp en hangend aan roet of deur.
Noe sjnap dich gaw zoan bessemke, want dat haolt dich oet de sjleur.

Refrein:
Bessemke, bessemke, bessemke, kôm dans mit mich mit in 't rôndj.
Bessemke, bessemeke, bessemeke, veer vaege same de grôndj.
Bessemke, bessemke, bessemke, noe sjônkel 'ns mit mich mit,
want ich weit dat in 'n ech bessemke väöl vastelaovend zit.

'n Jungske en 'n maedje oet Bor, jao, die kaome zich veur 't eas taege.
't Jungske keek 't maedje leef aan, mer dat waor neet verlaege.
't Zag: "Och jông, kôm doe mit mich mit, kôm dat ich dich 'ns sjnap,
dan gaon veer es richtige besseme dees drie daag lank op sjtap".

En esse dich dat höbs verdeent, jao, dan krigse mit vastelaovend,
'n bessemke van ôzze prins en dat is väöl belaovend.
Hae is van zilver, brôns of goud, zien sjteelke oet berkehout.
Doe bès dan greuetsj op dien bessemke en zungs mit jônk en awt.

HOME PLAATSNAMENOVERZICHT HOME

BOETEGEWEUN
2001: Tekst: Willy Janssen-Savelkoul - muziek: Manuel Janssen
Oetveuring: Niks Dao

Geweunlik bèn ich gans geweun, bèn ich ech ein grieze moes.
Mer es 't vastelaovend is, kôm ich drie daag laat nao hoes.
Mit kloonspak en ein bôntje patsj, gaon al sjnel mien remme los.
lch sjtort mich in dae bôntje sjtruim, gans egaal waat of dat kos. (2x)

Refrein:
Boetegeweun; dat is de vastelaovend.
Boetegeweun; van sjmörges tot d'n aovend.
Boetegeweun; boetegeweun.
Mit allein mer, mit allein mer, mit allein mer gekke teun ! (2x)

Geweunlik bèn ich gans geweun, mer dees daag zeen gans apaart.
Dan schmink ich miene ganse kop, bèn dan lekker van de kaart.
Ich laup achter de träöte aan, mit ein pilske in mien henj.
De ganse optoch laup ich mit, roop 'Alaaf' nao alle kenj. (2x)

Geweunlik bèn ich gans geweun, mer es drie daag is gerend.
En alles op zien ènj aan geit, ôzze bessem wurt verbrent.
Nao al dat raoze krieg ich weer, get van mismood in mien prie.
Mit hearingbiete weit ich weer, vastelaovend is veurbie. (2x)

HOME PLAATSNAMENOVERZICHT HOME

BOKKIE WOKKIE
2001: Teks & muziek: Frank Dullens & Paul Heffels
Oetveuring: Böshuuske Ôntsjpannings Vereiniging

Refrein (2x) :
Nokkie, nokkie, ich bèn Bokkie Wokkie,
vrek van d'n hônger, is dèks eine kok hiej ?
Es ich niks aet, dan gaon ich van mien stokkie.
Noe sjeet mer op, anges wurd d'r nog geknok hiej.

In de frietuur sjnachs ôm 'n oer of drie,
sjtong veer te gaape in ein lange riej.
Vaerdig wie eine kemuniejas.
Dao vloog'r bènne, dae rare gas.

D'n daag dao nao, 't waor alweer neet vreug,
ging-v'r sjineeze, wie ein maaj zoa meug.
Zag: "Doog mich nummer 11 mit get sambal biej".
Wie hae dao kwaakde luuj sjuuf opziej:

Laatste refrein:
Nokkie, nokkie, ich bèn Bokkie Wokkie.
Vrek van d'n hônger, is dèks eine kok hiej ?
Es ich niks aet, dan gaon ich van mien stokkie.
Noe sjeet mer op, anges wurd d'r nog geknok hiej.
Ich höb gein paerd, anges waor ich eine zjokkie.
Wie laat is 't noe, kiek 'ns effe op uch klokkie.
Waerd geer neet gek, in zoan duuster dômpig hok hiej ?
Noe wurd 't tied, dat ich mer 'ns heal vlot nok hiej.

HOME PLAATSNAMENOVERZICHT HOME

DE BONTJE PARAPLUUJ
1994: Teks & muziek: Feeling Young
Oetveuring: Feeling Young

Dae waor nog van de pap, dat dènk, jao, hae haw 'm altied bie zich.
Wo hae es vriegezel auch ging, jao, haw 'm altied bie zich.
't Raegende wie pap de mam veur 't eas nao hoes höör brach.
En wètste waat hae toen zach ?

Refrein:
Kôm ônger mien bôntje parapluuj.
Kôm toch 'ns hiej, get korter biej.
Kôm ônger mien bôntje parapluuj.
Dat ich dich 'ns leee....kker duuj.

Wie ich lèts op de zölder kaom, jao, ich waor 'm gans vergaete.
Zaog ich 'm in ein heukske sjtaon, jao, ich haw 'm gans vergaete.
Ich höb mit bôntje sjtôf de mottegate toegemaaak,
passend bie mien klonepak.

Gaon ich die daag in Bor op sjtap, jao, ich höb 'm altied bie mich.
Mit de Pierewieters aan de tap, jao, ich höb 'm altied bie mich.
En zeen ich dan ein maedje dat mich good bevilt, leef luuj,
jao, dan zèng is sjteeds opnuuj:

HOME PLAATSNAMENOVERZICHT HOME

BOR (...neet de wolf...)
1991: Teks : Niks Doa - meziek : Frank Pörteners
Oetveuring: Niks Doa

D'r is niks sjoanders es in Bor de vastelaovend viere.
Dao is get oet, dao is get los en ederein sjprunk d'r op los.
't Is soms get kauwt en soms get naat, mer dat maak ôs niks oet.
De vastelaovend hie in Bor, dae sjprunk d'r veur ôs baove oet.

Refrein:
Wat sjteit d'r dan noe weer veur oze deur ?
Ein klein waekske vol plezeer.
Hie laeve veer sjteeds ein gans jöörke veur,
veer kriege vööl sjpas en beer.
't Zjwart en 't wit pak zich bie ein.
En nemes krig ôs dan nog klein, klein, klein, klein.

D'r is niks sjoanders es in Bor de vastelaovend viere.
De optoch blif altied besjtaon en alle luuj laote zich gaon.
Hae is soms get kort en soms get lank, mer ummer aeve bôndj.
Es de sjtoet neet trèkke zouw, dan sjtaon veer toch sjoan in de kauw.

D'r is niks sjoanders es in Bor de vastelaovend viere.
Die drie daag hilt ôs geine toes, veer raoze van hie tot de sjloes.
Oawaal jônk es auwt löp hendj in hendj door 't heale Borse lendj.
Allein of in eine groate groep, 't is eine gezellige troep.

D'r is niks sjoanders es in Bor de vastelaovend viere.
Kiek mer hie nao al die luuj, ze zeen in ein raadgekke buuj.
De Pierewieters zeen d'rbie, al veer kear ellef jaor.
Daorôm viere veer noe feas, es of 't de lètste kear waor.

HOME PLAATSNAMENOVERZICHT HOME

BOR OPPE KOP
1992: Teks & muziek: Ank Lebens
Oetveuring: De Mosemzengers & De Bessemkapel

D'n optoch truk door Bor en ooze Prins dae geit veurop.
Ein prinselike vot te zeen, mer nurges unne kop.
Hae zeuk nao appelsiene en hae zunk daobie get sjor:
"Jao, zèt alles, alles oppe kop in Bor !"

Refrein:
Pak mich vas, niks dan sjpas, zèt Bor oppe kop.
Zoa trèk weer drie daag rôndj en wurd'er neet gesjtop.
Pak mich vas, niks dan sjpas en mit alle man zètte weer Bor oppe kop !

't Haenke oppe kirrektaore, altied fier rech-op,
dae sjtuk de vastelaovesdaag zien vaerkes in de loch.
Zien köpke leat'er hange en hae kreat dan auch get sjor:
"Jao, zèt alles, alles oppe kop in Bor !"

Sjeng wol al heal sjnel heives, want hae waor versjrik'lik meug.
Marie, die moos toen mittem, auch al vônj ze't vööl te vreug.
Mer weer, weer zènge wiejer, auch al klink 't valsj en sjor:
"Jao, zèt alles, alles oppe kop in Bor !"

HOME PLAATSNAMENOVERZICHT HOME

'N BORDER BAL
1989: Tekst & muziek: Wil Voorter
Zang: De Sjravelaere

Refrein:
't Is weer tied veur 'n richtig Border bal.
Mit allein 'n patsj of gans verkleid gaon veer d'r haer.
Mit 'n trôm, 'n trööt, eine ratelaer of sambabal.
En de meziek, dae daovan kump, dae heur veer allemaol zo gaer.
Vanaaf Sint Maerte kriebelt ôs 't blood,
tot Vastelaovend doert ôs vööl te lang.
'n Border bal d'r tösje door, dat geuf ôs nuuje mood,
dat hilt ôs tiedelik weer in bedwang.
'n Border bal d'r tösje door, dat duit ôs toch zoa good.
Veer höbbe fut genôg, bèn mer neet bang.

't Patsjebal, alôm bekènd, twea waeke veur de Vastelaovestied.
Dao geit men haer es 't effe kènt, jao, daoveur kump men zelfs van hièl erg wiet.
Geine zaal in Bor waor groat genôg veur al die luuj mit pet, patsj en hood.
Men haet nao 'n oplossing gezoog, 'n groate tent, die goof ôs nuuje mood.

'n Vies awt wief mit 'n dikke vrat, bekans gein tènj en gans versjrumpelt vel
Dat is mesjien waal diene sjat, de stjöm herkèns se neet, die is te sjel.
Geit ôm twellef oer 't maske aaf, renne alle wiever nao 't buffèt.
De doosj wurd eindelik gelaaf, de ganse aovend how 't maske dat belèt.

Huub, Tiny, Martin, Wil en Truuj, die gaon nao Bartok nao 't Sjolkebal.
't Maak neet oet, 'n raegebuuj, nae, daovan make zie noe geine kal.
Mit de taxi, fits of zelfs te voot, geit noe mènigein op waeg nao Bor.
Da's neet zoa gek want 't is dao good, alle zörg interseert ôs noe gein lor.

HOME PLAATSNAMENOVERZICHT HOME

BORSE DRUIMEN
1988: Tekst: Marianne Lomme - muziek: Harrie Kusters
Zang: Wie Besjteit 't

Refrein:
Kòm en druim 'ns lekker mit ós mit.
Jao, veer kriege 'n gezellig dörp.
'n Kiosk en de mèrt zit weer vol luuj,
't kesjtèäl dat wurd wie nuuj.
Klap in de hènj, fluit tôsje de tènj,
't is Bor van alle kènj.

Oze mèrt, dat is ein plaetske, wo zo mennigein van druimp.
In 'n heukske op ein benkse, zitte Truu en oze Sjeng.
In dae sjoane vastelaovesteid wilt Sjeng ein muulke kwiet.

Os kesjtéäl dat is ein plaetske, wo zo mennigein van druimp.
Sjeng zaet: "Truu doe bès ein plaetje en ich draag dich op mien hènj.
Nao dae sjoane vastelaovestied wil ich hie mien jao-woord kwiet".

Leeve Sjeng, doe kèns toch druime, och, dat doert nog zoavööl jaor.
Eär-ste ´t jao-woord hie kèns gaeve haet de burger al gries haor.
Geneet noe van de vastelaovesteid, eshgoonsig bèn ich tich kwiet.

HOME PLAATSNAMENOVERZICHT HOME

BORSE ÈNGELKES
1999: Tekst: Mia Leurs - muziek: Hub Scheffers
Oetveuring: De House Vrouwe

Refrein:
Es Borse èngelkes vastelaovend viere,
dan is weer feas in 't dörp, weer hosse en weer zjwiere.
En es me dan in d'n hemel noe 'ns wis, wie sjaon de vastellaovend bie ôs is,
dan kaome ze nao ônger, gans geheid, en waore dan in vastelaoveskleid.

Merie Persil kaom in de sjluppejas,
en hauw mit ôs de allergroatste sjpas.
En Sjang van Jen, dae kaom es ein auwt wief,
mit aan d'n erm ein èngelke of vief.

Sint Peatres leet ze dan nao ônger gaon.
Hae zag: "Laot gaon, 't is toch volle maon.
Geer maak mer sjoan 'nne vastelaovestoer,
mer kômp terök veur essjelegoonsdig 12 oer".

Essjelegoonsdig zagte zie taege ôs: "Bedank,
veur de gezelligheid en de lek're drank.
V'r gaon noe trök, mer v'r zeen ôs toch waal weer.
Kômmende vastelaovend, biej ein glaeske beer.

HOME PLAATSNAMENOVERZICHT HOME

BORSE VASTELAOVEND
1994: Tekst: Diana v.d. Hurk - muziek: ? (besjtaonde milledie
Oetveuring : Achter 't Sjpaor

Refrein:
't Is weer vastelaovend, tied van lol en sjpas.
Alle gekke kleijer kômme oet de kas.
Wages en auch leedjes waere weer gemaak,
zoadat 't in Bor mit vastelaovend KRAAK.

Dae gekke tied deit ôs toch good.
't Zit hiej in Bor bie mènnigein in 't blood.
Weer trèkke d'rop oet en make vööl sjpas.
Jao, geer zult zeen, 't zit in 't Borse ras.

Op zunjig, dan trèk hiej d'n optoch weer rôndj.
De luuj zeen verkleid en make 't te bôndj.
Op deensdig, dan loupe weer auch in de maot.
Sjprèng noe mer mit, 't kènt toch gein kaod.

HOME PLAATSNAMENOVERZICHT HOME

DE BORSE VASTELAOVESBLOES
2000: Teks & muziek: Richard Coenen
Oetveuring: De Bloes Brodders en Sisters

Mit de vastelaovend haol ich mich 't pekske oet de kas.
Jao, dan veul ich 't weer kriebele.
Mit dat pekske aan sjprèng ich dan door de ganse boet.
Vastelaovend is weer dao,
lch bèn de motteböl vergaete, mien pak hauf opgevraete.
Mit de vastelaovend haol ich mich 't pekske oet de kas.
Jao, wat höb ich dan een leid.

Refrein:
lch zèng de Borse, de echte Borse, ich zèng de Borse Vastelaovesbloes, alaaf.
lch zèng de Borse, de echte Borse, ich zèng de Borse Vastelaovesbloes, alaaf.

Mit de vastelaovend haol ich miene sjmink weer oet de kas.
Jao, dan veul ich 't weer kriebele.
't Dekselke d'r aaf en 't sjpunske in de henj.
Vastelaovend is weer dao.
lch môt nog nuuje sjmink gaon kaupe, de kleuer is oetgeloupe.
Mit de vastelaovend haol ich miene sjmink weer oet de kas.
Jao, wat höb ich dan een leid.

Mit de vastelaovend haol ich weer mien tröätje oet de kas.
Jao, dan veul ich 't weer kriebele.
De ventiele effe sjmaere en 't mondjsjtök weer d'rop.
Vastelaovend is weer dao.
Mer wat ich gans bèn vergaete, de prins haet d'rop gezaete.
Mit de vastelaovend haol ich mien tröätje weer oet de kas.
Jao, wat höb ich dan een leid.

HOME PLAATSNAMENOVERZICHT HOME

CARNAVAL IN BORNIO
1988: Teks & muziek: Jacq Knapen
Zang: Feeling Young

Weer viere auch dit jaor weer vastelaovend, jao, minstens drie daag lank.
Mer elk jaor die hoempa, hoempa sjlagers, dat vènje weer mer sjèle zank.
In Rio de Janero geit 't anges, worom kent dat hie in Bor auch neet ?
Weer viere dit jaor carnaval in Bornio en daorom zènge weer dit leed:

Refrein (2x):
Weer wille cha-cha gein hoempa, gein sjunkel mer samba.
't Kènt veur ôs neet sjnel genog, weer zjweite ôs kepot.
Weer danse salsa en zènge en sjlaon op de konga's.
Dit is carnaval in Bornio.

HOME PLAATSNAMENOVERZICHT HOME

DANS MIT MICH...
2005/2006 nr.1 : Tekst: Jan Heffels - muziek: Stevie Thiessen
Zang: MiNi (Michel Dekkers en Nicole Salden)

Refrein:
Hei sjat, wilse mit mich danse
't kriebelt al in mien prie
Hei sjat, wilse mit mich gaon danse
En sjtaon mich oppe dansvloer bie
Ich wil mit dich gaon sjufele en swinge
Oet de bol gaon wie fanatiekelinge
Sjat kòm op en sjtel dich noe neet aan
Ich vaeg mit dich d'n dansvloer aan

Ich hawt neet zoa van danse, ich gaon ech noats geliek
De foxtrot, tango, kwikstep of mië van dae meziek
Dae van mich haed gaar gein ritme, dus sjtèl ich mich kontent
Es hae wie 'n gaws, in de polenaeze rent.

Es hae noe mer 'ns ein maol, bie mich oppe dansvloer bleef
blauw tiëne, dikke sjeene, die noom ich dan veur leef
Och worom, zoa vroog ich mich aa,f kènne veer oppe zaal
't neet same doon en al die angere waal

Mer esse miene sjat dan, saoves van nao hoes gaon kals
Dendert hae door de zaal op wie 'n echte wals
Dan krieg ich 't op mien heupe en maak ich mich de toer
En rock en rolle veer saame, nog oere-oppe vloer

HOME PLAATSNAMENOVERZICHT HOME

'N DANSMERIE
2002/2003: Tekst: Paul Heffels - muziek: Truus Lebens & Richard Coenen
Zang: 'n Border Maedje

Refrein:
Noe bèn ich dan 'n dansmerie, 'n dansmerie, 'n dansmerie
Es dansmerie heuer ich d'r bie, in de vasteloavesriej
Ich dreaj en ich huppel door Bor zoa bliej
Ich dreaj en ich huppel 'nne daag of driej
En ich sjprèng wie een vaer in 't rôndj
Mer blief ummer mit twae bein oppe grôndj

Es klein kèndj zaot ich zittinge te kieke
Want ich waol op die pruuse maedjes lieke
Mer toen zag de mam mich: och gekske,
Doe bès vöäls te klein veur zoa'n pekske

Noe bèn ich groater en neet mear zoa lenig
Ich höb mien pekske en dat vènj ich enig
Wo ich kôm sjlaon ich in wie een bôm
Mit mien lökskes en ruusjkes rôndjôm

Dus bèste Bessemmebènjers doot noe mit
En loat èns kieke wat toch in uch zit
Ich vraog van uch ech geine sjpagaat
Mer laot gaon en maak flink get paraat

HOME PLAATSNAMENOVERZICHT HOME

DAT MOT KENNE !!!
1987: Tekst: Jan Heffels - muziek: Jan Kitzen
Zang: De Sjötte

Refrein:
Dat mót kènne, dat mót kènne, dat mót kènne.
Este get verlus, móste toch weer effe wènne.
Zelfs veur oet te gaon, gaon weer urges bènne.
Dat mót kènne, dat mót kènne, dat mót kènne.

Get winkels op 't Hunjsbrook, dat haet de Lozo gaer.
Mèr woo mót 't mit zake rondj de mèrt en kirk dan haer ?
En de luuj, die veur hun waar noe jeder waek nao Zitterd gaon,
zeen weer die mit hun winkelkar aan de euverwaeg sjtrak sjtaon ?

't Kwantum aan kaffeekes is in 't dörp get min.
Pak 'n wiek es de Graethei, die haolt ós noe al langsaam in.
Sjlut in Bor de lèste kroeg, dan mót weer allenèj,
dus nao 't Heiderhöfke of Maria oppe Hei...

Sjraav'lentaere blaoze weer de ein of anger wies.
Este dao aan sjpas belaefs, vilste ummer in de pries.
Lik de Bessum-kepel nog altied op ein oar,
weer höbbe muzikante zat en die, die sjpele door...

HOME PLAATSNAMENOVERZICHT HOME

... DET RAAR GEVEUL VAN BÈNNE
Tekst: Petra Coenen - muziek: Richard Coenen
Oetveuring: De Sjravelaere

't-Is neet det ich wil klage, ich höb 't al drie dage,
zo'n raar geveul van bènne, jao jao.
'ch-weit neet wie ich deraan kôm, al gaar neet wie ich draaf kôm.
't-is zelfs al aan 't wenne, jao jao
Op èns koom 't nao baove, get later op den aovend,
't dudelikke dreije van de maag.
Vraog neet wie ich deraan kôm, wie kôm ich der weer aaf.

Refrein:
'chöb 't zjweit op de kop sjtaon, en mien erm vol mit hoondrevel.
Ich krieg 't werm en koud, zelfs tegeliek,
kèn neet sjtaon op de bein es ich nao dich kiek.
Miene mondj is erg dreueg en ich höb doosj.
-chwou det ich baeter oet mien weurt komme koosj.

Mesjien tevööl gedrônke, ich veul de kop al bônke,
det allerleste pilske, jao jao.
Mesjien neet good gegaete, de broesjtablèt vergaete,
bie frit mit hieel vööl unne, jao jao.
Of op den trèk gesjtange, te lang dao blieve hange,
get opgeloupe tösje al die luuj.
Vraog neet wie ich deraan kôm, wie kôm ich der weer aaf.

Den dokter wou waal wachte, vertèld van mien gedachte.
Wat haet d'r toen gelache, jao jao.
Ich hõb mien hart verlaore, ich kèn 't noe verklaore,
det raar geveul van bènne, jao jao.
't Kump dus neet van aete, en auch neet van 't drenke,
't fladdere van vlinders in de boek.
Vraog neet wie ich deraaf kôm, ich wil d'r neet van aaf.

HOME PLAATSNAMENOVERZICHT HOME

DAT WÈT TOCH JEDERMAN...
2007/2008: Tekst: Paul Heffels Frank Dullens - muziek: Jos Heutmekers, Frank Dullens Paul Heffels
Zang: BOV BORN

Refrein:
Dat wèt toch jederman dat dat allein in Limburg kan
Dat woos ich eader dan ich laupe koos es bôkseman
Veer gaeve alles want veer numme 't oos noe d’r van
Dat wèt toch jederman dat dat allein hiej kan
Dat dat allein in Limburg kan, dat wèt toch jederman !!

Gezellig haet 2 zachte G-je
Nurges klink ’t plat zoa rondj
Feas ! om de geringste reje
En vastelaovend hilt gezondj!
Wat mosse wiejer dan nog zègke
Dao mosse niks aan oet gaon lègke

Driej daag sjpas is drin gegaote
Door de mam al mit de pap
Dat wurd neet mea losgelaote
Dat is oos beste eigesjap!
Wat mosse wiejer dan nog zègke
Dao mosse niks aan oet gaon lègke

HOME PLAATSNAMENOVERZICHT HOME

DIEN MOMMEGEZICH
1987: Tekst:Jan Heffels - muziek: Han, Ger & Richard
Zang: Jong Nederland

Refrein:
Gaef mich, gaef mich, dien mómmegezich, dien mómmegezich.
Gaef mich, gaef mich, dien mómmegezich, dien mómmegezich.
Want ech, dae kop is klasse, zal mich good sjtaon en passe.
Gaef mich, gaef mich, dat mombakkes van dich.

Sjang maakde zich klaor veur 't auw wieverbal,
mèr wiej hae zoawied waor, zaoch hae ónger in de hal,
'ne heale sjoane kop, hae dach, dae zet ich op.
Mèr wat sjrók dae Sjang wie bleek, dat hae in de sjpegel keek.

Nes vroog hööre minsj, dae'ne flinke bölles haw:
"Lean mich veur de zitting, dien mómbakkes 'ns gaw".
Mèr Sjang verrekde dat, zag: "Loester leve sjat,
Doe höbs toch de glieke kop", "Mèr", zag Nes "Ich zit t'r op".

Vastelaovend bruk de dagelikse sjleur.
Mèr Sjang dae blif zichzelf, auch mit 'n maske veur.
't Maak hööm gaar neet oet, auch mit 'n anger sjnoet,
lach hae taege dich en mich en hae tuint zien waore gezich.

HOME PLAATSNAMENOVERZICHT HOME

DE DIKKE TRÔM
1998: Tekst: H.Hochstenbach - muziek: A. Geelen
Oetveuring: Feeling.Young

Refrein:
Gaef mich mer 'ns die dikke trôm, en loester wie die sjleit.
die hilt alles in de maot, wat löp, wat geit of sjteit.
En wilse weite wie dat geit, kôm mich dan achter nao.
Dan bèsse noe nog effe hie, en dalik dan bèsse dao.
Dan bèsse noe nog effe hie, en dalik dan bèsse dao.

`t Waor mit vastelaovend, `t trok de hermenie.
Ze leepe zoa goot oet de maot, `t leeke d'r waal drie.
De dieriegent, dae leep veurop, en dan weer midde d'rin.
Op einmaol reep hae: "Heuer mer op, dat haet zoa geine zin !"

De raod van èllef leep aoch mit, al in de sjlöppe jas.
De zon, die sjeen zoa heit, `t woort nao drank gesjnak.
Ze deilde zich ein krat of wat, hun bein die woorte sjlap.
Ze sjokkelde van hot nao haar, mer veuroet geine sjtap.

HOME PLAATSNAMENOVERZICHT HOME

DIT SJMAAK NAO MIË
2004/2005: Tekst: Jan Heffels - muziek: Lars Dullens
Zang: Michel en Hub

Refrein:
Dit sjmaak nao mië, dit sjmaak nao mië
Dit zou veur mich pès mörge kenne doe-hoere
Dit sjmaak nao mië, dit sjmaak nao mië
Kom zèk 't wiejer, sjrief 't oppe moe-hoere
Dit sjmaak nao mië dit sjmaak nao mië
Al wae 't preuf, kôm sjmiet uch in de boch
Dit sjmaak nao mië, dit sjmaak nao mië
Vier vastelaovend en doe bès verkoch.

Doe sjpeels in kômpetiesie, zungs de panne van 't daak.
Bliek op 't ènj das dich dit jaor d'n iëste höbs gemaak.
't Is neet te geluive 'tganse dörp sjteit oppe kop.
Want ech 't is geweldig, doe veuls dich super top.

't Gans gezin geit sjtappe, maak väöl sjpas mit zank en drank.
Dus sjmörges kenjer lestig, pap kepot- meug en krank.
Mer mam haed geine kater, die sjteit fluitend aan de sjpeul.
Zie denk aan gisteraovend, en zie krig weer dat geveul.

Ein gans sezoen lang fiëste, weer höbbe daag te min.
Drek nao de vastelaovend, höb ich weer zin d'rin.
Mit vrunj get naogeneete dao-op sjpich ich mich zoa ziër.
Want zelfs in jeder zoer gezich, preuf ich alweer dae sfeer.

HOME PLAATSNAMENOVERZICHT HOME

DITTE DEIT ÔS NEMES NAO
Tekst & muziek: Paul Heffels & Frank Dullens
Solisten (*) : Böshuuske Ontsjpannings Vereiniging

Refrein:
Ditte deit ôs nemes nao, dat is "jé van hét", ja, jao.
Ditte deit ôs nemes nao.
Dach geer dat van die déks dao ? Doon die ôs dat drek hiej nao ?
Dach geer dat van die déks dao ?
Die probere 't waal, dat klop tsja jao.
Kiek ze gape die dao, en drek ape ze-os nao.
Ditte deit ôs nemes nao, dat is "jé van hét", ja, jao.
Ditte deit ôs nemes nao.

Rempetemp reet ôs wakker oet de wentjersjlaop.
Vanaaf vandaag zeen ôs weer ôs auge aop.
Wat is 't sjaon, om hiej zoa bontj en bliej te zeen.
Wat is 't sjoan, om same noe en hiej te zeen.
Gein minsj hoof ôs dat veur te doon,
dat bezunjere dat höbbe veer gewoon !

Veult geer 't auch, noe dat geer dat hiej zoa zeet van ôs ?
Denk geer dan auch, ich-wol dat ich dat auch zoa kòs ?
Hobbel dan mit oppe hoempa van ein hermeniej,
hobbel dan mit, dan komp geer al heal kort derbiej.
Gein minsj hoof uch dat veur te doon,
dat bezunjere, dat höb geer dan gewoon.

* cd 2001 : Diverse artiesten - "Van Eijsde tot de Mookerhei 8" - Marlstone Recordings bv CDL2101

HOME PLAATSNAMENOVERZICHT HOME

DO RE MI FLATSJ
1987: Tekst: M. Jetten - muziek: Lou Fijten
Zang: Gemèngde Raod

Refrein:
Do re mi flatsj klink 't hèl op de wies van Zjeems Las.
Toon zörg al weer veur geluidseuverlas.
Wat 'n naot, wat 'n toan, wat 'n knettergeluid.
Ich vraog mich aaf of dao toch neet get anges sjtuit.
Do re mi flatsj klink 't hèl op de wies van Zjeems Las.

Höb ze 't al geheuerd, Toon is aan de beurt.
In 't Pierewietersriek zörg hae veur de meziek...

Höb ze 't al gezeen, Toon dae is te léèn.
Same mit ein sjieke bend kump sjtömming in de tent...

HOME PLAATSNAMENOVERZICHT HOME

DOE BLIFS TOCH MIENE SJAT !
1995: Teks & muziek: Feeling Young
Oetveuring : Feeling Young

De jôngste sjproet oet ôs gezin, dat vrut vanalles oet.
Koor:
Jao, dat vrut vanalles oet.
Ich môt dan waal 'ns sjelje, en dan rammelt toes de roet.
Koor:
Mer es ich dan die auge zeen ...

Refrein:
Dan zèng ich:
Doeblie-doeblie-doeblie-doe, doe blifs toch miene sjat.
Doeblie-doeblie-doeblie-doe, doe blifs toch miene sjat.
En auch mit vaste-vaste-vaste, vastelaovend mein ich dat,
doe blifs toch miene sjat.

Ôs dochter van ruum zestean jaor, dat vriet mit zoane sjnaak.
Koor:
Jao, dat vriet mit zoane sjnaak.
Noe kump 't euversjtuur nao hoes, hae haet 't oetgemaak.
Koor:
En es ich dan die auge zeen ...

Es ich ein heal leuk maedje zeen, doe wèts 't vleisj is zjwaak.
Koor:
Jao, doe wèts 't vleisj is zjwaak.
Dan kik mien vrouw sjtrak veur zich oet, es of dat höör niks maak.
Koor:
Mer es ich dan die auge zeen ...

HOME PLAATSNAMENOVERZICHT HOME

DOOR 'T DULLES HAER
2000: Tekst: Hub, Frank & John Dullens - muziek: John Dullens
Oetveuring: De Dultons

Refrein:
Veer zeen....... ram door 't Dulles haer,
zoa gek wie ein raad, zoa wildj wie eine baer.
Veer zeen....... ram door 't Dulles haer,
1000 volt en tig ampaer.
Aan diefeasnaas op ziene bölles, aeet geer dat hae geine pröl-is.
Veer zeen ram door 't Dulles haer, zeet geer dat auch zao gaer.

Dat geveul dat is sjlech te ômsjrieve, esset höbs dan kènste neet nao bèd.
Dan is 't: "Vrouw ich wil gaer blieve, want mien lief is weer besjmèt".

Auch os kènjer hawte veer neet taege, die doon alles mit ôs mit.
Of 't sjoan wear is of raege, gein moment dat 't ôs sjpit.

Biej mich bubbelt 't tösje de oare, 't broesj en borrelt, maak mich ram gek.
Ich kom los van mie werk op kantoare, dat de ganse kraom mer vrek !

Tösjesjtök:
En es veer dan nao hoes toe gaon ...,
dan höbbe veer nog ummer lekker eate sjtaon.

HOME PLAATSNAMENOVERZICHT HOME

DRUIME...
1996: Tekst: Petra Mooren - muziek: Rein Wijnands & Richard Coenen
Oetveuring: De Sjravelaere

Vreuger, ich waor pas drie, hauw ich ein fantazie.
Bonanza oppe teevee, brach mich op ein iedee.

Mam, ich wil zoane hood. Jông, doe bès neet gans good.
Mit vastelaovend, ech ich belaof 't, koup ich dich waal zoane hood.

Refrein:
Druime, jederein, druimp waal ens of groat of klein.
Druime, daag en nach, dènger die me neet verwach.
Druime, maog altied, raak ze noatse-laeve kwiet.
Druime, kentj en klaor, vastelaovend maak ze waor !

Waake euver 't vea, honderd of nog vööl mea.
Ganse daag op 't paerd, jông, dat waor mich get waerd.

Langsaam geit dao de tied, noaijt krieg ich daovan sjpiet.
Wat 'n gedachte, ich kèn neet wachte, waor 't alvas mer zoa wiet.

Ganse daag in de zaal, nou, dan wètse 't waal.
Saoves nao de seloen, laat in de afternoen.

Kaarte dao 'nne pot, wiskie is ein genot.
Vööl zou ich gaeve dit te belaeve, nemes dae dao nog mit sjpot.

HOME PLAATSNAMENOVERZICHT HOME

EFFE DANSE ...
1991: Teks & muziek: Frank Dullens & Paul Heffels
Oetveuring: B.O.V.

Ich zeuk al vööle jaore ein flinke dansmarie.
Eder jaor weer maore veur eine daag of drie.
Mer kump de vastelaovend d'raan, gerös, geluif mich dat,
dan riet ich mich de danssjoon aan en wals zoa alles plat.

Refrein:
Ich doon zoa gaer 'ns effe, effe danse,
mit ein gans gezjwanke dansmarie.
De vastelaovend geuf mich daoveur kanse,
want danse heuêrt veur mich d'rbie.
Ich vraog neet vööl, ich bèn neet vööl gewènd,
sjus dat ze mit höör bein ônger de veut oetkènt.
Ich doon zoa gaer 'ns effe, effe danse,
mit ein echte dansmarie.

Ich oefen noe al waeke, bekans op elke plaat,
want ich wil niks braeke, sjtrak bie de spagaat.
Ich doon auch wals en polonaes, nae, niks geit mich te flot.
't Is noch noats te zeen gewaes, wie ich de fox noe trot.

Zoa zjwiere weer ôs röndjes, mien dansmarie en ich,
verzörg tot in de puntjes, zie nog mea es ich.
In ein road pak mit witte bôndj,ein pruuk mit piepelök,
ein klein zjwart puntje aan de môndj, 't brunk mich van mien sjtök.

HOME PLAATSNAMENOVERZICHT HOME

EFFE GET ANGES
2001/2002: Tekst & muziek: Roy Meisters
Zang: Effe get anges

Hae waor dik twintjig jaor en hae laefde veur de meziek,
en hae dach bie zichzelf: Èns dan krieg ich toch geliek...
Jao, dan waer ich bekènd mit mien eige polkabend,
en dan loup ich euver sjtraot en waer door jederein herkènd.

Refrein:
Hei, hei, dit is effe get anges.
Hei, hei, dit is effe get nuuts.
Hei, hei, dit is effe get anges.
V'r kènne 't neet laote,
jao, v'r brènge uch get nuuts.

Hae trooj op in zien dörp en 't deeg 'm väöl plezeer,
want hae koos alle luuj en hae brach ze väöl verteer.
Jao, want rech oet zien hart zông 'r alles weer opnuuj.
Mit weer altied gooje mood en dus noats 'n sjlechte buuj.

HOME PLAATSNAMENOVERZICHT HOME

DE EINZELGENGER
2001: Tekst: Ronald Colée - muziek: Marisse Damen-Jetten
Oetveuring: Marisse en Ronald

Refrein:
Ich bèn zoa oetgelaote blie, en loup mich zellef ram veurbie.
"Hei, Hoi, Doe, Mich, Wat 'n bekènd gezich".
En sjloet ich achter aan de rie, dan loup ich veurop auch d'rbie,
en zaet de Dich taege de Mich: "Wat hauwt ich vööl van dich".

Op drie daag nao hauwt ich 't vol, en blief ich prima in mien rol.
Mer dan betaal ich toch d'n tol, en gaon ich ram oet miene bol.

lch veul mich neet op mien gemaak, te weinig sjpas, nao miene sjmaak.
Mer drie daag lank; dan is 't raak, dan gaon ich mit, Mich oet 't daak.

't Ganse jaor ônger de luuj, dat maak mich soms 'n bietje sjuuj.
Mer drie daag lank bèn ich wie nuuj, en höb ich ein te gekke buuj.

En zaet de Dich taege de Mich: "Wat hauwt ich vööl van dich".

HOME PLAATSNAMENOVERZICHT HOME

ÈLLEF JAOR GELEJE
2005/2006: Tekst & muziek: Hub Dullens
Zang: Hub & Cliff

Refrein:
Èllef jaor geleje, èllef jaor veurbie
Èllef jaore later, veur ò sein reunie
Èllef jaore auwer dat maak toch niks oet
Ein vaer gelaote en noe same oet.

De resepsie waor sjoan, ederein waor dao
Femielie en al òzze vrunj
Ze sjtònge tot boete, tot boete de deur
Mer nemes verloor zien humeur

Weer trochte mit òzze Raod euveral haer
De Dansmeriekes ginge auch mit òs mit
Zie dansde em sjprònge en veer hauwe plezeer
Ederein drònk mit òs ein glaas beer.

Dan gònge veer nao 't keffee, sjtònge op 't befèt
Alle luuj die dege mit òs mit
De hendjes de lòch in en hauwe op ein krat
De prinsedans woord dan ingezat.

De bessem woord verbrent, 't ènj waor noe dao
De vlamme sjtege hoag in de lòch
Doe keeks òm dich haer en leets ein traon
Dan wisse: noe is 't gedaon.

HOME PLAATSNAMENOVERZICHT HOME

'T ÈNGELKE MIT DE BAOG ('Essepoesther')
2004/2005: Tekst: Ronald Colée - muziek: Richard Coenen
Zang: Klee

Refrein:
Jao, jao 't èngelke mit de baog, haet mich gesjaote
't haet zien pielke aangelag, oet zuuver goud gegaote
Jao jao 't èngelke mit de baog, koos 't neet laote
't Sjoot mich midde in mien hart, mit vastelaovend
't Èngelke mit de baog haet vasbesjlaote
ôs biejein gebrach en sjerp gesjaote

Èngelkes vlooge mich veurbie
Ich hej nog noajt eint aan mien zie
En zaog mich eindelik eint sjtaon
Woor 't verblèndj, door volle maon

't Kratsde zich achter de kop
en goof de mood al bienao op
Want tig kear hej 't al gerich
Mer bukdes tich, of bukde ich

Toch is 't höör esnog gelök
En wèt se wie? 't Loerde drie daag aan ein sjtök
Wie 't de piel sjoot, trôf 't mich
En veel ich wie, 'nne blok veur dich

'n Kèndj van goud, 'n gaaf gezich
Mit kröllend haor, ômermde mich
Het sjient; Ich sjtraol, en bèn zoa blie
Mit dizzen èngel aan mien zie

HOME PLAATSNAMENOVERZICHT HOME

ES DE BESSEM HAET GEBRENT
2001: Tekst: Jan Heffels - muziek: Leon Packbier
Oetveuring: Duo Noats biejein

Kiek de Bordenear, dae good gemötsj,
gesjmink en ram verkleid, drie daag door de sjtraote geit.
Veur de groate optoch op, mit de kènjeroptoch mit,
Pès de letste keer op deensdig, 't 'm ech hie baove zit.

Refrein:
Es de bessem haed gebrent, jao, dan gaon veer nao hoes,
dan zènge veer neet mea, dan sjprenge veer neet mea.
Es de bessem haed gebrent, jao, dan is 't gedaon,
zjwieg de troöt en zjwieg de trôm, de vastelaovend is weer ôm.

Gaef de Bordenaer twea dèksele, un trumke of trômpèt,
kump hae gaar neet mea in bèd.
Hae marsjeert kaffeeke in en marsjeert kaffeeke oet.
Hae brunk laeve en get sjtömming mit getrômmel en getoet.

Gaef de Bordenaer get zjwaegele, 'nne bessem en get tek,
sjpeelt hae gaar neet mea de gek.
Es de vlam de bessem wermp, en 't vuur de bessem krump,
veult hae dat van leid en bliedsjap, langsaam toch un träönke kump.

HOME PLAATSNAMENOVERZICHT HOME

ES ICH DE MEZIEK HEUER
2001: Teks & muziek: Truus Smeets & Bettie de Lange
Oetveuring: De Borse Sjtadsmaedjes

Al vreug in 't jaor is Bor oetgeloupe, al vreug in 't jaor wurt de prins oetgerope.
In de revu is 't lache geblaoze, en kenne veer alvas ei bietje gaon raoze.
Mich is 't nog te vreug , ich veul mich nog te meug, mer ...

Refrein:
Es ich de meziek heuer, es ich de ratel heuer,
es ich de sjmink ruuk, de muulkes preuf,
de kleure zeen,
dan zeuk ich mien pekske, bèn zo gaer ei gèkske.
Luuj pak uch allemaol vas.
Kom mit ôs mit.
Ein, twea, drie daag make veer sjpas.

In Bor trek d'n optoch op zunjig ellek jaor, en sjtaon ich alweer mit mien nuut pekske klaor.
't Is sjoan om te zeen wie ze allemaol gaon, ich gaon alvas bie de Sjoester sjtaon.
Langzaam kump dae kriebel aan, luuj veer gaon d'r taegenaan, want ...

Op maonjig zeen veer es kloone d'rbie, en 't sjaopechtig kieke in de Auw Pastorie.
In de Limburgse Pot is de meziek ummer good, steit Huub achter de taofel mit ziene hood.
Wat is vastelaovend good, luuj 't zit ôs in 't blood, want ...

Deensdig trèkke de kènjer in d'n optoch mit, d'n eine is meuch en de angere fit.
Bor viert vastelaovend noe vanzellef, mer langsaam kump toch weer die klok van twellef.
De Bessem sjteit gereid, mer wat ich veur 't volgend jaor weit ...

HOME PLAATSNAMENOVERZICHT HOME

ES ICH MICH NEET VERGIS
2003/2004: Tekst & muziek: Hub Dullens
Zang: : Opèns

Refrein:
Es ich mich neet vergis
Höb ich dich dekker gezeen
Es ich mich neet vergis
Dan bès dich Berta van tant Nes
Dae loup, dat denske en die sjoan tenj
Es ich mich neet vergis
Es ich mich neet vergis herkèn ich auch dien henj
Es ich mich neet vergis
Bès dich nog altied aeve sjoan
Ich wil mit dich vastelaovend viere gaon

Doe veels mich op ich zoog dich sjtaon
En ich veulde mien hertje dat ging sjneller sjlaon
Oet doezend vrouwluuj herkèn ich dich
Want in mien laeve waors doe 'ns 'n bietje van mich

Waat zeen ich mich dao dan
Ich gluif dat ich dich kèn

Verkleid en versjaole achter ein gesjmink gezig
Auch doe keeks rôndj en herkèndes mich
Neet mea verleef mer bliehj es 'n kèndj
De vastelaovend ginge weer door 't lèntj

Waat zeen ich mich dao dan
Ich gluif dat ich dich kèn

Nao drie daag feaste is 't gedaon
Noe môtte veer ôs eige waeg weer gaon
't deeg mich good dao kènse van opaan
Ich kèn d'r noe weer 'n gans jaor taegenaan.

HOME PLAATSNAMENOVERZICHT HOME

ESJE-GOONSDIG
2002/2003: Tekst & muziek: Hub Scheffers
Zang: De Housevrouwe

Refrein:
Mit esje-goonsdig haal weer os ein kruuske
Mit esje-goonsdig is 't weer veurbie
En saoves aet veer os nog 'nne hearing
En dan kal veer os weer effe bie

De èllefde van de èllefde, gank 't dich mer nao
Veur alle narre, gekke, is de tied weer dao
Weer gaan optied beginne weer äöpene 't sezoen
Want vastelaovend viere is os mea waerd es poen
Mer loester wat ich vènj
Aan alles kump 'n ènj

De drie daag vastelaovend, de narre höbbe feas
En sjmörges 'nne kater, ich veul mich wie dat beas
Mer saoves kump weer leave, ich môt 'r weer opoet
Ich gaon mich weer verkleije en verf mich weer mien sjnoet
Mer loester wat ich vènj
Aan alles kump 'n ènj

't Bessemke verbrenne, 't is alweer zoa wiet
Ich zou wal kenne griene mer wer ich troane kwiet
En mörge ein esje-kruuske ter eare van de Hear
De kleijer in 't kesjke, gereid veur volgende kear
Mer loester wat ich vènj
Aan alles kump 'n ènj

HOME PLAATSNAMENOVERZICHT HOME

FIESTE!
2006/2007: Tekst & muziek: Roy Meisters
Zang: Effe get angesj

Refrein:
Jalalalaaa

V'r zenge en v'r sjprenge en v'r gaon nog neet nao heim,
want toes zit mam te wachte en det venj v'r gaar neet fein.
Kom op v'r gaon noe fieste, dus sjöt nog mer ens in,
want es ich nao de tap laup den krieg ich weer väöl zin!

V'r danse en v'r sjanse en v'r weite wat te doon.
Vanaovend gaon v'r fieste en det venje v'r zo sjoon.
V'r gaon noe ech neet sjlaope, nae det doon v'r mörge waal,
dus dans de polonaise lekker same door de zaal!

HOME PLAATSNAMENOVERZICHT HOME

'T FIGUUR
1993: Teks & muziek: Paul Heffels & Frank Dullens
Oetveuring : B.O.V.

Wiej ich mich ging verkleije, doe merkde ich 't pas.
Ich zaot dao haos gevange in miene sjluppe-jas.
Wiej ich dae jas gekoch höb, waor ich noch eine sjmaale.
Mer noe sjtaon ich veur uch, mislök es sjippendaale.

Refrein:
Mer ich laot mien kwabbele mer wabbele, wènk get mit mien sjènke,
laot mien remmele flink bemmele, en zeen de luuj dan dènke.
"Maorejue, wat wabbele die kwabbele, en wat wènk die sjènk!"
Es ich die remmele laot bemmele, en daobie gaar neet dènk.

Ich moos dae jas vermaake, ein sjtök in miene kraag.
De zaum woord oetgelaote, sjus wie ich mit die daag.
Wie kènt dae jas zoa krumpe, ich bèn toch geine dikke.
Mer veur ich mich bewaeg, zal ich eas hie môtte sjtikke.

De luuj die mich vertèlle: "Leef jông, doe wurs te zjwaor!",
die kèn ich ech neet volge, dat is veur mich neet waor.
Ich woord geweun get auwer, gewich kump mit de jaore.
Ich waog dus neet te vööl, mer bèn te vreug gebaore.

HOME PLAATSNAMENOVERZICHT HOME

FRITSKE EN Z'N VROUW
1993: Tekst: Jan Heffels - muziek: Richard Meeuse
Oetveuring : De Bessemezèngers

Fritske trôf in Bartok 'n maedje van achtean jaor.
Veur hööm zaot alles d'rop en d'raan, kwa bein, kwa bors, kwa haor.
En wiefelend, get twiefelend, haed hae ein gesjprek op gank gebrach.
Mer 't kèndj reet'm d'n dansvloer op, wo zie 't hööm 'ns haed gezach ...

Refrein:
Höbste dèks ein gaetje in dien köpke ? Want doe zeivers mich get lang.
Höbste dèks ein gaetje in dien köpke ? Want doe hils dich aan de gang.
Kèns doe noe de môndj neet effe hauwte, want door dae kal daes' dich verköps,
zouste nog gaon dènke das'te noe en dan 'n gaetje in dien köpke höbs.

Toch is 't get woore tösje Fritske en zien vrouw.
Nao ein jaor aan ein sjtök vrieje, volgde wie vanzelf de trouw.
't Bleek twea henj op eine boek, wie me einmaol veur d'n eltjer sjtông,
wo pesjtoar 't 'ns neet koos vènje, Frits zien vrouw dit leedje zông ...

Fritske, dae veur hobbie 'nne vogelleefhöbber waor,
maakde auch in zien eige koaj, 't nès geregeld klaor.
Wie de achste maol d'n ooievaar, mit zien vrach de waeg nao Frits in sjloog,
heuerde veer dat dat beas waal wôs wo 't bie oze Frits aan loog ...

HOME PLAATSNAMENOVERZICHT HOME

GAEF MICH NOG EIN MUULKE
1987: Tekst: Marianne Lomme - muziek: Harrie Kusters
Zang: Wie Besjteit 't

Refrein:
Gaef mich nog ein muulke, midde op mien wang,
Nemes dae dat zuut, dus bès noe mèr neet bang.
Wètste dat nog neet, wètste dat nog neet ?
Vastelaovend is veur os 't sjoanste wat besjteit.
Jao, gaef mich nog ein muulke, midde op mien wang,
Nemes dae 't zuut, dus bès noe mèr neet bang.
Wètste dat nog neet, wètste dat nog neet ?
Kéndj ich veul mich jonk.

Keuèp, dat is 'ne richtige Borse boerejong.
Sonjigs geiter sjarrele en 'n sjtröötje om.
Hae reis dan van Bios nao de Auwe Pasterie,
en op waeg nao Zef reup hae opèns: "Allee Marei, jao...

Ich kèn 'n aardig maedje, Marie is höre naam.
Wie ich lèts ging wanjele, sjprook ich höör ens aan.
Bès noe neet verlaege, mèr kom noe toch mit mich mit,
en nao 't éèste muulke zag 't toen taege mich...

HOME PLAATSNAMENOVERZICHT HOME

GEIN ZITVLEISJ ... !
1996: Teks : Jan Heffels - muziek: Paul Voncken
Zang: De Sjötte

Refrein:
Dae haed gein zitvleisj, gein rös aan zien vot.
Mit vuur in de bôks is hae gebao-haore.
Veur de vastelaovend löp hae zich kepot,
want hae laef van sjravele en mao-haore.
Dae haed gein zitvleisj, gein rös in die prie.
Geine tied of meug is veur'm neet d'rbie.
"Doot 't good of anges neet" dat is zien sjtraeve !

Geer kènt ze waal in jeder buurt: dae Jôp, dae Sjeng, dae Sjaak,
dae mit vastelaovend zörg dat d'r get wurd gemaak.
Gein waer of wèntj of ouwerdôm, gein krenkde krig hööm klein.
Ruum drie maondj vanteveur reup dae al ziene trôp bie-ein.....

Of de buurt dit jaor mittruk ? Me haed gein iedee d'rvan.
Jus dae Jôp, dae Sjeng, dae Sjaak, dae lik dao wakker van.
Hae prakkezeert van alles oet en hauverwaegs 't jaor,
haed hae de planne oetgewirk, veur ziene trôp al klaor.....

En kump de vastelaovend d'raan, geit hae de deure langs.
Want dat me get neet tiejig wèt, is ziene groate angs.
Weer euverdrieve hiej mesjien, mer geer zeet mit ôs èns,
daste es trôp zônger dae Jôp, dae Sjeng, dae Sjaak niks kèns.

HOME PLAATSNAMENOVERZICHT HOME

GEK OP DE HERMENIE
1998: Teks & muziek: Hub Scheffers
Zang: De Housevrouwe

Refrein:
Heuere weer de hermenie, joa, dan rammelt os de prie.
Heuer wie sjoan ze blaoze, leedjes oetgekaoze.
Jan, dae sjpeelt op de trômpöt, Mia, haet ein klarienèt,
en ôzze Sjeng sjpeelt wie gewoon op ziene tenoor-saksefoon.

Heure weer de hermenie weer gaon, dan laot w'r 't boeltje weer 'ns sjtaon.
En dan doert 't ouch mer effe , veurdat weer os weer same treffe.

Sjtaon w'r dan te kieke aan de kentj, dan sjleit ôs 't hertje gans in brendj.
Mer dat wurd vanzellef weer baeter, w'r zeen verleef op de tamboer-maeter.

Bie 't geluid van de dikke bas, höbbe weer de allergroatste sjpas.
Of de zôn sjient en of 't raegent, 't is de hermenie die ôs zaegent.

HOME PLAATSNAMENOVERZICHT HOME

GEK OP KARAMELLE
1994: Teks & muziek: Frank Dullens & Paul Heffels
Oetveuring : B.O.V.

Ich sjtaon hiej, jaor nao jaor, om te prikke weer klaor.
Langs de kentj van de waeg, mit mien tesj nog laeg.
Kump de prins ôm de boch, dan bèn ich weer verkoch ...

Refrein:
En dan bèn ich weer dae sjnelle, op jach nao karamelle.
Gek, dat ich zoa kan waere, op jach nao babbelaere.
Duuj zellefs kènjer aan ein ziej, anges kèn ich neet d'rbiej.
Verhang mich veur karamelle, knatsj-gek op karamelle.

Is d'n optoch veurbiej, sjlut de prins nog de riej.
Mit nog niks in mien tuut, roop ich, pès hae mich zuut:
"Sjmiet mich hiej veur de veut, èns twea hamfele zeut ..."

Zit ich smaonjigs dan toes, waer ich richtig sjeloes.
Bie d'r Zoeg oppe pruus wètse neet wasse zuus.
Sjmit mich zoa'n neuezel tuup, dao de sjlôk mit de kuub.

HOME PLAATSNAMENOVERZICHT HOME

GEKKE BEAS
1997: Tekst: Jan Heffels - muziek: Paul Voncken
Oetveuring: De Sjötte

Refrein:
Durfste waal, durfste waal doe gekke beas.
Es dae get gedrônke haed, maak hae richtig feas.
Want al nao 't easte glaas, kènt hae zich zellef neet mea de baas.
Es dae get gedrônke haed, is 'm alles sjiet egaal.
Pas dan, jao dan, dan durf die beas 't waal.

De höbs van die heare, die zich ammezere mit 't kieke nao anger luuj.
Mer nao pils of ein dröpke wurd 't loch in hun köpke en dan heuerste die kontenuu.
D'r zeen van die dames, die vènje 't sjames-waerd ôm 'ns good mit te doon.
Mer nao 'n paar jônge wurd gedans en gezônge, pas dan vènje die dat pas gewoon.

Geer kènt waal die sjieke, die eas optoch kieke, geweun in 't zunjigs kestuum.
Mer mit drank in 't liefke geit de sjpas veur 't wiefke en wurd kal en vrundsjap get ruum.
Auch geer zult ze kènne: Luuj die eas môtte wènne; kieke de kat oet de baum.
Mer bliek aeve later dan die kat 'nne kater, jao, dan herkènste ze kaum.

En dan die figure die ôs sjtaon te beglure, van kiek dao die gekke 'ns gaon.
Nao drie daag rippetere kènne ze de menere, helaas is 't dan weer gedaon.
Es weer uch dan aeve eine raod maoge gaeve: Zeen 't mitdoon es jaorlikse plich.
Geweun neet bie dènke, mit maote get drènke, anges zènge weer sjtraks veur dich.

HOME PLAATSNAMENOVERZICHT HOME

DE GOUWE HEARING
1994: Teks & muziek: Marisse Jetten & Ronald Colee
Oetveuring : Bienao Beet

Refrein:
Miene goudvösj sjtudeert veur hearing,
want 'nne hearing zjwump in beer.
Dat vuntj miene goudvösj toch neet earlik,
want hae is ein lekker deer.

Mit vastelaovend wurt de vösjkômp road en gael en greun verseerd,
want miene goudvösj is ein vastelaovesdeer in hart en neer.
Van Zunjigmörge tot esjgoonsdig sjwinkt'r lekker oet de kômp,
dan môt hae wieke veur daen hearing en dat vuntj hae vraem en krômp.
De luuj, die höbbe lever 'nne hearing dae nao unne sjtink,
dan miene gouvösj in zien kumpke, dae zoa sjoan en prachtig blink.

Zös jaor hearingakkedemie laog 'm zjwaor op ziene maag.
Hae moos en zou op unne prônke op d'n easte vastedaag.
Hae zông de sjterre van de hemel, learde sjlagers oet de kop.
Mit èllef unne kreeg hae zjwömles in 'nne grote plestiek top.
Op al die jaore haet hae eigelik eine groate les geleard:
"Es luuj gaon feaste wie de beaste, keze ze altied verkeard".

Nao dokterandes woord'r doktor in de hearingteejorie.
De zjoernaliste van De Bessem sjtônge veur 'm in de riej.
Toch haw de goudvösj zich d'r eigelik get mea van veurgesjtèld,
want wets'te wat'r sjtiekem aan de zjoernaliste haet vertèld ?
"De luuj die höbbe lever 'nne hearing dae nao unne sjtink,
dan mich es goudvösj in mien kumpke, dae zoa sjoan en prachtig blink".

HOME PLAATSNAMENOVERZICHT HOME

GREUMELS IN DE TRÖÖT
1995 nr.1 : Tekst: Petra Mooren - muziek: Richard Coenen
Zang: de Sjravelaere

't Is weer zoa wiet, 't is vasteloavendtied,
'n gans jaor lank gein noate op de zank.
Trôm oet de sjtööf, de trööte oet de kis,
wat höb v'r 't gemis

Refrein:
D'r zitte greumels in de trööt, dumpele in de deksele,
confetti in de fluit, sjaele zeiver kump oet de sjuuf.
De sjtekke van de trôm trèkke mich gans krômp,
de soezafoon klink vööls te hel, de trôm sjprunk oet zien vel.

Geer wèt toch waal in Bor is dat normaal,
zoa'n zaate bend brunk sjtömming in de tent.
Het heuert d'r bie, meziek get oet de maot,
hermeniekes in de sjtroat.

Ein good glaas beer, of twea of drie of veer,
want ôzze klank, dae löp heal good op drank.
Kôm sjravel mit, d'n ammezjuur is trök,
v'r sjpeele nog ein sjtök.

HOME PLAATSNAMENOVERZICHT HOME

DE HAMER
2005/2006: Tekst: Esther Keulers - muziek: Huub Lemmens
Zang: Loz van de Berg

Ein paar daag is `t nog mer
Vastelaovend kump d'raan
Dao mòtte veer, eine op drènke
Jao dao kènste van op aan
'T pekske hink al klaor
Mesjien nog get in't haor
Mer kump dae mit de hamer
Jao dan kris 't hiël erg zjwaor.

Refrein:
'T menke mit de hamer
Dae huit d'r flink op los
Kumps boete zònger kater
Veur ste't wèts bèsse de klos
'T menke mit de hamer
wae kènt dae man nog neet?
Want mit de vastelaovend
Huit dat menke bie de vleet

Mit de optoch, hie hiël väöl sjpas
Want doe hubs nog geine las
Doe dènks dan, nog ein glaas beer
Want ich höb zoaväöl plezeer
Dan kump toch ech dae man
Dae hiël goot houwe kan
Hae huit zoa goot, zo hel, zo sjnel
De kater in dien vel

Vastelaovend, hie in `t törp
Mit ein pilske en ein tröot
Dat is hie toch, jao zoa gezèllig
Mer sjtraks lik v'r in de gäöt
'T wurt al hiël sjnel laat
En ouch ein bietje zaat
'T menke mit de hamer
Kömp te vreug mèr noats te laat.

Refrein:
'T menke mit de hamer
Dae huit d'r flink op los
Kumps boete zònger kater
Veur ste't wèts bèsse de klos
'T menke mit de hamer
Dea huit dich op de kop
En iche kèn 't weite
Want ich hej 'm vol d'rop

HOME PLAATSNAMENOVERZICHT HOME

HANGPLEK (VAN DE VASTELAOVEND)
2004/2005: Tekst: Willy Janssen-Savelkoul - muziek: Manuel Janssen
Zang: Niks Dao

Vastelaovend, hosse en raoze,
aaf en toe auch effekes blaoze.
In 't midde van dat gedruus
sjteit òs taofel wie se hie zuus.
Wurt 't later, dan sjteunt ze òs;
zònger hangplek waor niks begoos.

Refrein:
Hangplek, drie daag mien hangplek,
dat is toch neet gek,
drènk ich mien pilske hie,
doe bès mien hangplek,
drie daag mien hangplek,
dat is toch neet gek,
täöfelke, hie bèn ich blie!

Ozze hangplek, dat is ein trefpuntj,
geine dae dat hie ein probleem vundj.
Geine wanklank of euverlas,
dat is dees daag auch neet gepas.
Hie vènj ich auch mien glaeske trök,
auch al is 't dan altied drök!

Same sjtaon veer, lekker te zènge,
kieke nao de kènjer die sjprènge.
Dao wo eederein zich weer vundj,
is òs taofel het middelpuntj.
Same lache, veer höbbe sjpas,
want òs hangplek, is iëste klas!!!

HOME PLAATSNAMENOVERZICHT HOME

HEIBEL IN DE BOET
1997: Tekst: Anita Puts & Marlies Kleinheerenbrink - muziek: Tom Puts & Marcel Niessen
Oetveuring: Boetegeweun

Mit vastelaovend is biej ôs weer heibel in de boet,
mer dat maak toch gaar niks oet, weer trèkke d'rop oet.
De vastelaovend is veur ôs ein gooie oetlaotklep,
want geine dae zich rep, es de ein de angere mep.
't Maak jao gaar niks oet, d'r is heibel in de boet.

Refrein:
Weer zeen de kènjer van Boetegeweun.
De kop dae is road-gael, 't pekske is greun.
Weer make 't drie daag weer hartsjtikke bôntj,
want mit al die kleuere, dao trèkke weer rôndj.

En es de mam de vastelaovespekskes veur ôs neat,
is 't heale hoes mit vaem en sjtökskes sjtof bezead.
Weer renne dan get rôndj en make 't dèk te bôntj.
Pas es de mam de sjteuert is 't mit de sjpas gebeurt.
't Maak jao gaar niks oet, d'r is heibel in de boet.

De pap van ôs, dae löp al jaore sjtevig in de maot,
want in dae gekke tied, zit hae bie ôzze Raod.
Hae zuut ôs gaar neet sjtaon, hae môt dan ummer gaon.
Drunk dan heal get beer, en toes dao wachte weer.
't Maak jao gaar niks oet, d'r is heibel in de boet.

HOME PLAATSNAMENOVERZICHT HOME

HEIJ, WO BLIFS DOE ?
2006/2007: Tekst & muziek: Frank Dullen & Paul Heffels
Zang: BOV BORN

Refrein:
Heij, wo blifs doe, wat maaks doe noe?
Jong, wat maakse mich peraat!
Heij, wo blifs doe; wo bes doe noe?
Man, doe bes rejaal te laat
En es of ich ut zellef nog neet wis,
Zag hae: jong, doe höbs de boat gemis!!
Heij, wo blifs doe, wo bes doe noe?
Eine richtige piraat is noats te laat!!!

Vannach om drie oer waor ut eindelik klaor
Oos piratesjeep, ut werk van haos ein jaor
Vanmiddig vaar veer sjtraolend door de sjtraote
Vol gelaaje, oos kroet nog neet versjaote
Veur dat veer gonge trekke, hauw’ch mich effe neergelag
Sjrok wakker wie ut belde, en emes pritsj mich zag..heij, heij, ..

Ofsjoan ich dach kom jong, blief röstig noe
Vloog ich wie’ne gek nao d’optochroete toe
De luuj die zagte: “Biej dem mot ut waal brenne!”
Hauwe noats eine piraat zoa hel zeen renne
“Doe lieks waal eine van dae groep, die mit dat sjieke sjeep
Die gans veurop al voorte, ‘ch mein dat eine van die reep.. heij, heij, ..

Zoa leep ich mich de longe oet de priej
Tot in de letste sjtraot, pas doe kaom ich ze biej
Ich waor ram vaerdig en gong totte baojem
Den optoch benne en ich gans boete aojem
De Prins dae zag geer zeet bedank, veer zeen noe bienao klaor
Allein de poedelpries nog veur de waegpiraat van ut jaor.. heij, heij, ..

HOME PLAATSNAMENOVERZICHT HOME

'N HEMFELKE KONFETTIE
2000: Tekst: Mia Leurs - muziek: Hub Scheffers
Oetveuring: De House-Vrouwe

Refrein:
Mit ein hemfelke konfettie, eine sjlinger hiej en dao,
zaate hermeniekes blaozend, is de sjtömming d'r bienao.
Laot de trööte noe mer heuere, trômme heuerse in de sjtraote.
Road, gael, greun zal ôs dörpke kleuere, veur 't karnavalsgebeure.

De prins kump mit de Wieze Raod, mit de septer huit'r in de maot.
De vors, dae luip weer 'ns veuraan, die anger tean, die zènge gans sjpontaan.

D'n optoch is weer kakelbôntj, Sjeng geit mit verkleid es bôntjen hôndj.
Kwispelsjtarde hae nao al die luuj, blafde hae dit leedje weer opnuuj.

Es 't kefee nao hearing sjtink en de meziek nog ônger kaanjels klink,
dan is vastelaovend pas gedaon, veer dènke dan 'ns om nao hoes te gaon.

't Road gael greun zal ôs dörpke kleuere, want 't is weer karnaval.

HOME PLAATSNAMENOVERZICHT HOME

DE HENJ IN DE LÓCH
1986: Tekst: Paul Heffels - muziek: Lou Fijten
Oetveuring: B.O.V.

Eine euvervaller kóm bie de bank,
hae droog ein maske en stónk nao de drank.
Bènne zag er: "Hie is niks te belaeve.
Ich hoof gein geldj mer völ mea laeve".

Refrein:
Staek allemaol de henj in de lóch.
Die drie daag doeren oos neet lang genóch.
Staek allemaol de henj in de lóch.
En jederein blif gaon, geine blif mea stoan.
En jederein blif gaon, geine blif mea stoan.
Staek allemaol de henj in de lóch.
Weer kriege van dae Vastelaovend noots genóch.

De voetballers van oos Border klup,
höbben het dit jaor al erg wied gesjöp.
Ze make goalen aan de laupende bandj,
en noe hörste roape langs de kantj:

Mit deez daag zuuste in Bor op sjtraot,
zaate hermeniekes laupen oet de maot.
Ze drènke flink en hauwen op die kis.
Zörg mer dat geer dao niks van mis.

HOME PLAATSNAMENOVERZICHT HOME

'T HEUTJE
2001: Tekst: Richard Coenen & Ronald Colée - muziek: Richard Coenen
Oetveuring: De Sjravelaere

Refrein:
Sjnap ich dich oet de kas, begint veur mich de sjpas.
lch zèt dich oppe kop, hauwt dich good vas.
Esse dèks neet, good pas, griep ich dien litsjke vas.
Doe zèts mich oppe kop, hauwt dich good vas.
En es dan eemes anges dich wilt leane,
dan is dat gaaroets gein probleem.
Sjnap ich dich oet de kas, begint veur mich de sjpas.
Doe zèts mich oppe kop, hauwt dich good vas.

Ich höb een heutje gezeen, sjoanste heutje dasse aojt gezeen höbs.
Klômmels en vaere d'raan, laog biej de Sjter aan de raam.
Es ich dat heutje 'ns koch, waor ich dao-aan heal verknoch.

Ich höb 'n heutje gekoch, sjoanste heutje dat ich oajt gekoch höb.
Road, gael en greun is de rendj, sjloes kieke luuj aan de kentj.
Zèt ich dae'n hood oppe kop, sjtaon ich 't sjaanste d'rop.

Ich höb een heutje gehad, sjoanste heutje dat ich oajt gehad höb.
'sjDeenses, doe knapde de litsj, mich van de kop aaf geglitsj.
Ich waor heal effe van sjlaag, drônk mich 'n sjtök in de kraag.

HOME PLAATSNAMENOVERZICHT HOME

HIEJ IN BOR ZEEN VEER GEBAORE
2006/2007 nr.1 : Tekst: Christel Nouwen - muziek: Stevie Thiessen
Zang: De Kènjer van Bor

Dao haet os eine èns gevraog:
"Wo kòmp geer vandaan?".
Veer hejje nog 't leefs gezag:
"Dat geit dich gaar niks aan".
Mer veer kòmme d'r toch zoa gaer veur oet,
veer höbbe os neet bedach.
Weer zègke uch noe èns effe gauw,
wie weer dat höbbe gezag:

Refrein:
Hiej in Bor zeen weer gebaore,
Hiej in Bor veule weer os toes.
Weer wille nurges angesj wone,
hie sjteit òs auwesjhoes.
Hiej in Bor zeen weer gebaore,
auch al is dat kort gelee.
Weer wille nurges angesj wone,
want hiej in Bor zeen weer tevree.

‘nne Aldi dae höbbe veer noe
Hiej in ’t sentremplan
Mer wo blif os nuuj gemeinsjapshoes
Dao zeen veer nog niks van
Toch zeen v'r op de gooije waeg,
de kènjer gans veurop.
Vanaaf dat die zich reure,
sjteit gans Bor op ziene kop.

HOME PLAATSNAMENOVERZICHT HOME

HÖBSE HUUB AL GEZEEN ?
1988: Tekst & muziek: Jan Heffels & Frank Dullens
Zang: B.O.V.

Refrein:
Höbse Huub al gezeen, höbse Huub al gezeen.?
Huub truk door Bor as Auwt Wief.
Höbse Huub al gezeen, höbse Huub al gezeen.?
Huub dreug auw lommele aan zien lief.
Höbse Huub al gezeen, höbse Huub al gezeen ?
Hub truk door Bor as Auwt Wief.
En hae zungk en hae sjprungk, en hae dans en hae sjans.
Mit Vastelaovend grip dae Huub zien kans.

Veur Huub sjtong ut al maonje vas,
hae sjnapde zich de kleijer oet de kas.
Mit ein pèkske en ein sjtèkske en veur op zien naas,
ein brilke van draod, mèr zonger glaas,
mit bloome kleid en hakke sjoon,
ging ooze Huub aan Vastelaovend doon !

Miej, dat koos dae Huub neet trök,
hae leep mit eine kromme rök.
Op ziene kop ein heutje mit ein vaer,
en aan den erm ein tesj van laer.
Auch zien sjtöm, normaal zoa zjwaor,
klôngk noe hoag zoadat hae neet te kènne waor.

Soms drunk Huub zich mit die daag,
ein héäl flink sjtök in de kraag.
Hae geit dan mit eine zaate kop,
Door de deur haer mit ut vruike dr'op.
Es er vilt, kent hae dao niks aan doon,
dan lik dat aan zien hakke sjoon.

HOME PLAATSNAMENOVERZICHT HOME

HODDELE EN TÒDDELE
2004/2005 nr.1 : Tekst: Truus Lebens & Lei Wetzels - muziek: Richard Coenen
Zang: Truus en Lei

Refrein:
Veer hoddele en veer tòddele, mit dees daag zoa gear
Van sjmurges tot d`n aovend, zeen veer in de waer.
`t kan joa gaar neet sjaele, wat `t òs auch kos
dees drie daag lank, gaon alle remme los.

Zit veer in `t nuuje jaor, dan vlege veer d`r in
En is de vastelaovend òm, dan h'b v`r ein begin.
`t geit dan op de paosje aan, `t jaor kump weer op gank,
doe dènks ich h'b nog tied genòg, `t joar doert bès nog lank.

Is dan de vakantie òm, dan denkste wat is dat,
Nog effe en dan h'bbe veer dit jaor alweer gehad.
`t euverzich van carnaval, dat heat al jederein
`t geit verdomme toch zoa sjnel, `t geit wie eine trein.

D`r is dan toch nog ein probleem, wie kump dat alles klaor
Mer dat vilt allemaol waal mit, `t is zelfs gein bezjwaor.
Want jederein wèt van zichzelf, al is `t hiël kort daag
Dat es `t zoawiet weer 'ns is, zeen veer toch van de sjlaag.

HOME PLAATSNAMENOVERZICHT HOME

HOSSE EN ROSSE
2000: Tekst: Anita Puts - melodie: "Marina"(Rocco Granata) Oetveuring: Boetegeweun

In Bor, dao viere veer gaer vastelaovend, dat doon veer van de mörge pès d'n aovend.
Veer make sjpas 't is hie weer gezellig, de sjtömming d'rin veer gaon nog neet nao hoes.
Op zunjig trèk bie ôs de bôntje optoch, dat is waal zjwaor mer maondig gaon veer toch nog,
de Hei op veur 't echte kloonetreffe, en 's aoves gaon veer kieke wie 'n sjaop.

Refrein:
In Bor gaon veer feaste, jao, feaste, dat geit hie toch ummer vanzellef.
In Bor gaon veer feaste, jao, feaste, en dat doert hie twea kear de hellef.
Gaon veer lekker rosse, de ganse daag get hosse.
Veer zènge, danse en sjprènge, dat doon veer drie daag lank.
Gaon veer lekker rosse, de ganse daag get hosse.
Veer zènge, danse en sjprènge, dat doon veer drie daag lank.

De deensdig is in Bor ech veur de kènjer, veer loupe dan auch langs de bessembènjer.
De grote laote zich dan auch neet kènne, en 's aoves wurt de bessem dan verbrent.
Veer weite dat veer hiej toch neet mit wènne, mer ja, v'r mooste toch mer get verzinne.
't Geit ôs neet ôm hiej bekènd te waere, 't mitdoon is veur ôs de groatste sjpas.

HOME PLAATSNAMENOVERZICHT HOME

HOUW OP DIEN TROM
1987: Tekst: Wil Nüsser - muziek: Wil Duysings
Zang: Valsj Alarm

Refrein:
Houw op dien trom... (boem, boem)
Blaos op dien trööt... (retteketet)
Gans Bor sjteit op..., gans Bor sjteit op...,
gans Bor sjteit oppe kop.
Houw op dien trom... (boem, boem)
Blaos op dien trööt... (retteketet)
Weer komme neet méè sjtop.

Es Matje op zien bas bleus, dan is 't weer ens tied.
Hae kent 't toch neet laote, de zörg raak hae zoa kwiet.
En jederein dae reup dan: Noe blaos mèr alle mit:

Sjuuf Harie blif mèr sjuuve, dat is jao ziene lol.
En jederein, da heuèrt 't, de kaffee raak al vol.
En alle luuj die zènge, of blaoze lustig mit:

De Sjoester tap de glaze en kik al héèl erg blie.
't Is jao vastelaovend, auch in de Pasterie.
En jeder Pierewieter, dae zungk oet volle bors:

HOME PLAATSNAMENOVERZICHT HOME

HUB, DAE ZAL WAAL BELLE ?
1986: Tekst: Jan Heffels - muziek: Frans de Bruijn
Oetveuring: Jong Nederland

In deze vastelaovendtied sjteit heal get te gebeure.
Me kent in Bor van wied en zied appaarte geluide heure.
Kump 't van 't Prüses haer, dan hét 't eine schlager.
Doorbruk 't soms de barriaer, is 't eine Belsje jager.

Refrein:
Wat is dat veur kabaal, jeug dao déks eine sjtraal.
Dat is ós sjiet egaal, Hub, dae zal waal belle ?
Wat is dat veur kabaal, jeug dao déks eine sjtraal.
Luuj, noe sjöp gein relle, want Hub, dae zal waal belle.
Luuj, noe sjöp gein relle, want Hub, dae zal waal belle.

En boewt me eine wal óm 't geluid te sjtelpe,
kos dat vööl geldj en kal mer sjient gein fluit te helpe.
Noe zaed dae commandantj: "Haol wetjes oet de ore.
Oos luchmach blif aan landj, de piloot is krank gewore."

Café's om twea oer toe, zoa zeen de Raodsbesjloete.
Mer ja, wat zuut me noe, 't laeve kump nao boete.
Mer mit die vastelaovesdaag, dan heurs te toch mer zelje,
dat me dao dan euver klaag, of belt om 't te melje.

HOME PLAATSNAMENOVERZICHT HOME

HUNJSBROOK CITY
1988: Tekst: Jan Heffels - muziek: Jan Kitzen
Zang: De Sjötte

Refrein:
Gaot mit ós mit nao Hunjsbrook City, 'n nuuje wiek, dao achter 't sjpaor.
Gaot mit ós mit nao Hunsjbrook City, dao vier veer Carnaval dit jaor.
Vastelaovend op 't Hunsjbrook, kómp mit ós mit noe 't weer geit.
Vastelaovend op 't Hunsjbrook, 't allersjoanste wat besjteit.

Veer höbbe weer ein wiek d'r biej, mit kaup- en huurhoes, ziej aan ziej.
Wo vraeme mit de autochtone noe óngebónje same wone.
En tössje sjpaor en autowaeg veult jederein zich vriej.
Dus volg ós nao 't Hunsjbrook... sjloet aan in óze riej.

'n Winkelcentrum sjtong me veur, dao kaupe hiej de luuj niks veur.
De supermert van Moeke Schlange is jaore trök al plat gegange.
De hakkebar van Sjeng de Grien, die sjloot zelfs hiej de deur.
Mer kómp toch nao 't Hunsjbrook... sjtel ós hiej neet teleur.

De boere zat me ónger drök, me brach ze letterlijk van hun sjtök.
En wie vernuujing is gekómme, haed hiej de boer de wiek genómme.
Mer euverall en boerekeel, dae kump hiej nog 'ns trök.
Kómp mit ós na 't Hunsjbrook... veer wedde dat 't lök.

HOME PLAATSNAMENOVERZICHT HOME

HUP BOR, ALAAF !
1990: Tekst: Ank Lebens - muziek: Fred Lebens
Zang: Altied Get

De bekker löp es sjlechter door de sjtraote van os Bor.
Dat ze'm aan zien' naam herkènne, interesseert 'm toch gein lor.
De greunteboer blif zakeman van oetzunjerlik formaat,
deit zich ein fruitig pekske aan, dae geit es 'n tomaat...

Refrein:
Hup Bor, alaaf, veer houwe op die kis,
en sjnappe eine bie den erm, egaal wae dat auch is.
Hup Bor , alaaf, veer gaon d'r taegenaan.
De kal, dae is vergaete en de zörg van de baan.

'n Fanclub truk es maedjes drie daag lank de straote rondj,
mit opgemaak gezich en reete rökskes ôm de kôntj.
En Wim, dae zuut zoan maedje, zaet dat is 'n lekker sjtök,
bliek dat 't ziene buurman is, hae koos 'm gaar neet trök...

De kapper sjlut de zaak dees daag, de knip geit op de deur,
d'n dokter meint: mit vastelaovend drie daag gein gezeur.
De meister dao geweuènlik röstig veur zien kleske zit,
dae worstelt noe mit punjtje, tja, dat vilt neet altied mit...

HOME PLAATSNAMENOVERZICHT HOME

HUUPKE
1996: Tekst: Anita Puts & Marlies Kleinheerenbrink - muziek: René Haustermans & Marcel Niessen
Oetveuring : Boetegeweun

Refrein:
Es Huupke aan de gang geit in ein gekke buuj,
dan kènste 't geluive, dan kieke alle luuj.
Want sjminke en verkleije, dat deit'r toch zoa gaer.
't Hauwve dörp löp oet ôm te kieke nao dae poet.

Hae haet 't van gein vraeme, kiek mer nao zien pap.
Same mit zien Lieske, geit dae gaer op sjtap.
Is t'r get te viere, is t'r gaer debiej.
Doe kèns'm ummer vènje, veuraan in de riej.

Hae waor noch mer ein jungske, van ein jaor of veer,
toen drônk'r al ein sjlukske, bie de pap aan 't beer.
Daonao ging'r zènge, sjprông get in 't rôndj.
Hae waor neet mea te sjtoppe, maakde 't te bôntj.

Nao ein aantal jöörkes, hae waor ein jaor of twellef,
toen waol hae eine septer, vraog 't aan hööm zellef.
Hae zjwejde euver Bor haer, 't Pierewietersriek.
Baove op de wage, sjting hae weer te kiek.

HOME PLAATSNAMENOVERZICHT HOME

ICH BEN UMMER DE ZAK!
2006/2007: Tekst: Esther Keulers - muziek: Nicole Bemelmans
Zang: LOZ

Refrein:
Joa ich bin ummer weer de zak
Ich kèn d’r toch ech niks aan doon
Jao ich bèn ummer weer de zak
Ze sjtrikke mich mit väöl gemak
Jao jao de zak bèn altied ich
Ich bèn alweer d’r veur gezjwich
Waat höb ich noe toch weer gedaon
Is dit de raej van mien besjtaon?

Vasteloavend kump d’r aan
De pekskes zeen nog neet klaor
De sjtress kruupt langsaam in de prie
En dan belle ze weer noa Mie
Mia zet de knuip d’r op
Nog ‘n patsj veur oppe kop
Lepkes sjtòf van road geel greun
Och Mie waat ‘n gekreun

De prinsewage waor neet klaor
Dat veel òzze buurt waal zjwaor
Want d’n optoch kaom in zich
Toen is hae mer weer gezjwich
Wirke veur un glaeske beer
Dat deit dae Harie gaer
De sjtömming zoot d’r gans good in
Dat waor nao ziene zin.

Jao jao de zak zeen altied weer
Weer zeen alweer d’r veur gezjwich
Waat höbbe weer noe toch gedaon
Is dit de raej van òs besjtaon

HOME PLAATSNAMENOVERZICHT HOME

ICH BLIEF NOG EFFE HIEJ
1989: Tekst & muziek: Frank Dullens & Paul Heffels
Zang: B.O.V.

Refrein:
Ich blief nog effe hiej, dan gaon ich sjtrak get eader.
Ich blief nog effe hiej, ich gaon nog neet nao hoes.
Vastelaovend in Bor, dao ben ich aan versjlaaf.
Dat wil ich gans belaeve, al höb ich de knuip al-aaf, alaaf, alaaf.
Ich blief nog effe hiej, dan gaon ich sjtrak get eader.
Ich blief nog effe hiej, ich gaon nog neet nao hoes.
Es ich noe gaon, weit ich neet wat ich mis.
Ich blief hiej omdat het Vastelaovend is...

Noe Vastelaovend weer is gekômme,
heur ich trööte en dikke trômme.
Ich höb noe zin om aan de gang te gaon,
ich höb zelfs zin om drie daag lang te gaon.
En euver meug zeen môsse mich zjwiege,
want ich ben neet kapot te kriege.

Jao, deze aovend wil ich uch zjweare,
ze kômme mich hie droet aan 't keare.
Ich höb geine zin om noe al meug te zeen,
ich höb zin om hiej tot mörge vreug te zeen.
Want vastelaovend, dao höb ich op gewach.
Jao, noe kèn ich raoze, de ganse nach.

HOME PLAATSNAMENOVERZICHT HOME

IN BOR DAO IS CARNAVAL
1992: Tekst: Marita & Ed van Cleef - arrezjement: Dhr. L. Marx
Oetveuring: M. Daemen & J. van Mousch

Harie, dae zag 'ns taege Mieke,
Weer gaon 'ns effe kieke, wat dao is te doon.
Ich zaog net sjoan verkleide luukes,
mit sjoan gekleuerde pluukes, en eine waor kloon.

Want dae Harie hilt van lol en plezeer,
en gooje sfeer mie ein glaas beer.
En dat Mieke lach en geit oet de bol.
Die zeen d'r gans van vol.

Refrein:
In Bor is carnaval, weer viere dit mit zien al.
Jao, sjtank mer op en pak uch vas, doog noe mer mit en höb sjpas.
Jao, jao in Bor, dao is carnaval, dao klink meziek euveral.
Want in dat dörp oet 't Limburgs lendj geit jederein oet de bendj.

Doot uch verkleije, sjminke, kömme,
instremènte sjtömme, en gaot gauw op paad.
Gaot noe uch milledieke blaoze,
en same nog get raoze, mer waer neet te zaat.

Want de carnaval is drie dage sjpas,
nemes tot las, pak uch 's vas.
Auch al dènk g'r: "Ich bèn mörge neet fit",
doog toch mer effe mit.

HOME PLAATSNAMENOVERZICHT HOME

IN EIN LAERE BUKSKE
2005/2006: Tekst & muziek: Effe get angesj
Zang: De Housvrouwe

Henkie löp zien leave lank, en doe zuus häöm euveral.
Hae löp weer door `t ganse jaor tot aan de carnaval.
Want carnaval is veur daen Henk d`n allerjoanste tied.
Dan roope ze op òzze Henk en dan zjwejt`r al van wiet.

Refrein:
In ein leare bukske, lòp `r lekker door de sjtad,
Man dat is geweldig zèng mer mit òs mit in `t plat.
In `n leare bukske löp `r lekker door de sjtraot.
Man dat is geweldig en dat kènt toch gaar gein kaot.

Henkie löp de gansen daag en hae wèt mer neet wo haer.
Hae löp van kroeg nao kroeg en dat deit `r toch zo gaer.
En jederein dae Henkie zuut dae reup 'Wie is `t jòng?'
Mer Henkie löp mer sjtevig door en hae kik neet achteròm.

Mer noa de vasteloavostied.
Dan löp Henk noch in de maot.
En d`r is nemes dae weer kalle wilt.
Mit 'nne gek zoa van de sjtraot.

HOME PLAATSNAMENOVERZICHT HOME

DE JAN PIEREWIET-SAMBA
1991: Teks : Jan Heffels - muziek: Richard Meeuse
Oetveuring: Jong Nederland

Vandaag veer maol ellef jaor geleje,
bie de gebaorte van de wieze raod,
zoochte zich alle ellef de leje,
nao eine passende naam oet de naod.

Refrein:
De Jan Pierewiet-samba, dae danse en zènge weer saam.
De Jan Pierewiet-samba, dat is mea dan allein mer dae naam.
De Jan Pierewiet-samba, wae begint môt waal door blieve gaon.
De Jan Pierewiet-samba, veer maol ellef jaor neet sjtil blieve sjtaon.

Bor waore de Besseme-bènjers,
dat waor hie rôndj en tôm 'n begrip.
Mer me waol orzjineel zeen en haolde,
hunne raodsnaam doe oet eine sjtrip.

Ich heuêr 't dae Huupke nog zègke:
"Hauwt 't zoa sumpel es 't mer kan".
Hae sjloog de gezèt aop en hae zag doe:
maak d'r mer Jan Pierewiet van.

HOME PLAATSNAMENOVERZICHT HOME

JEDER JOAR
1994: Tekst: Jan Heffels - muziek: Bert Vola
Zang: De Sjötte

Jeder jaor 't zelfde leedje, mit allein get anger weurd,
wovan me nao twea-drie maote zaed: "Dat höb ich dekker geheuerd".
Midja-taratata, k'rdju-turututu,
nao twea-drie maote zènge alle luuj..........

Refrein:
Noe èns de teks van deze, dan de meziek van dae.
Egaal, egaal, egaal, 't vilt toch haos neet op.
Waat höbbe veer toch te keeze, de kastelein geuf aan,
wat dreajt in oze kop en Essjele-goonsdig sjtop.

Jeder jaor 't zelfde leedje, mit allein ein anger wies,
wovan me nao drie veer maote zaed: "Wat, vilt dat neet in de pries?"
Midja-taratata, k'rdju-turututu,
nao drie veer maol zunk me weer opnuuj............

Jeder jaor 't zelfde leedje, mit vastelaovend d'r op oet.
En 'n achtergróndj-meziekske brunk daobie laeve in de boet.
Midja-taratata, k'rdju-turututu,
oppe achtergrôndj heuerste kontenu..........

HOME PLAATSNAMENOVERZICHT HOME

JÔNGE JÔNGE JÔNG
2002/2003: Tekst: Frank Dullens & Paul Heffels - muziek: Frans De Bruijn
Zang: Böshuuske Ontsjpannings Vereiniging

Refrein:
Jônge, jônge, jônge, jônge, jônge,
Jônge, jông: hiej is get oet!!
Jônge, jônge, jônge, jônge, jônge,
Jônge, jông: hiej broesj de boet
Wae hauw dat kenne denke,
wiej dat zoa-sjtrak begoos
Waat môt dat neet gaon gaeve
Waat is hiej rechtoe loos!
Jônge, jônge, jônge, jônge, jônge
Jônge, jông, hiej is get oet!!

De bôntje sjmaak van vastelaovend
Zit in 't höffe van mien glaas
De lôch van sjmink en bliej ballonne
Die krup mich fienkes in mien naas
Waat môt dit feas mich mea nog brènge
Laot mich mer lekker drie daag zènge..

't sjel gesjetter van de träöte
Dat klunk mich wiej ein simfonie
En al die bôntje blitse kleuere
Heal Limburg liek ein sjilderiej
Waat môt dit feas mich mea nog brènge
Laot mich mer lekker drie daag zènge..

* cd 2003 : Diverse artiesten - "Van Eijsde tot de Mookerhei 10" - Marlstone Recordings bv CDL2301

HOME PLAATSNAMENOVERZICHT HOME

KAERE
1990 of 1999 : Tekst: Jan Heffels - muziek: Richard Coenen
Zang: Duo Ummer Dao

Refrein:
Jao 'nne Bessum mót kenne kaere,
van veur nao achter euver de sjtraot.
Want 'nne Bessum deit 't zoa gaere,
heller of zachter, mer in de maot.
Jao 'nne Bessum mót kenne kaere,
van veur nao achter euver de sjtraot.
Want 'nne Bessum deit 't zoa gaere,
heller of zachter, mer waal in de maot !

Lang veur vastelaovend, truk jeder zien plan,
van wat sjteit te gebeure en wat maak me d'rvan.
Al geit euver taofel, mer op 't enj is 't vaak,
kaert me al weer bie-ein, en wurd get anges gemaak !

Jeder Pierewiet-treffe kent waal 'n begin.
Mer d'n eindtied, dae wilt'r bie de meiste neet in.
Want 'nne richtige bessum geit door wie hae zjwaert,
pis dat hae 't saoves d'roet wurd gekaerd.

Op Essjelegoonsdig liek 't feas weer gedaon,
as de mam en de buurvrouw oppe sjtoeprandj nog sjtaon.
Zie kaere oet de gäöt de restantje bie-ein,
van wat d'r bleef hange van os bóntje festijn.

HOME PLAATSNAMENOVERZICHT HOME

KÈNJERGEZICH
2004/2005: Tekst & muziek: Hub Dullens
Zang: Hub, Linda, Björn en Christie

Refrein:
Kènjergezich, kènjergezich
Kiek nao die uigskes, net lempkes veur mich
Bie de pap oppe sjouwer, kiekend nao ein träöt,
Sjtertjes die wiebele zoa wie 't geheuert
Ein bietje bang veur dat maske of dea groate hood,
Mer kort genòg bie de pap of de mam kump alles toch weer good

D'n optoch trök langs, waat ein gek gedoons.
Wat zal dat kèndj noe dènke, sjtarend nao de kloons.
Roaje wengskes ein puntje oppe naas,
Verkleid es sjniëwitje of eine haas.

Kiek dao kump de harmenie, 't kènjergezich kik weer blie.
De träöte en de tròmmels trèkke sjtrak veurbie.
Mollige hendjes ein koddig gezich,
Ein van de sjoanste wònjere veur mich.

HOME PLAATSNAMENOVERZICHT HOME

DE KEUNING VAN DE KARNEVAL
1986: Teks & muziek: Jean Huveneers
Oetveuring: Dames Raod van Ellef

Refrein:
De keuning van de Borse karneval, dat is nog altied de kastelein.
Hea regeert op jeder patsjebal, en is de ganse daag op de bein.

't Middelpuntj van dees dol daag, is de Prins en zien maag(d).
De keuning wurt hie gauw vergeate mèr hea zörg veur 't drènke en 't eate.

Es veer kalle euver rang en sjtenj is mèr eine, dea aanpak mit zien henj.
Hea zörg veur vol en leage vate al wurt 't dan auch eine late.

Deze keuning van de karneval geit nao de bank veur 't lètste bal.
Hea vreug hie veur ein léaning, dat veer os vol kènne eate met héaring.

HOME PLAATSNAMENOVERZICHT HOME

KIEK OET
2001: Teks & muziek: Richard Coenen
Oetveuring: De Klotsköp

Refrein:
Kiek oet, de raod van ellef truk weer oet.
Kiek oet, de hermenie die löp veuroet.
Kiek oet, 't prinslik hoes wurt noe verboewt.
Kiek oet, 't is vastelaovend, dus kiek oet.
De luuj, die langs de kentj sjtaon, die sjtaon een bietje sjtil.
Mer es 't sjtraks zoa wiet is, die sjödde weer eine in.
Kiek oet, de raod van ellef truk weer oet.
Kiek oet, 't is vastelaovend, dus kiek oet.

Door 't jaor, dan is in Bor neet väöl te doon.
De paosjmert en de kirmes, dat is mich te gewoon.
De awt prinse sjtarte 't vastelaovesbal.
Bèdderees, dat is veur ôs pas echte carnaval.

In de zomer höbse neet zoa väöl te doon.
Doe geis 'ns nao 't sirkes, doe lachs get mit dae kloon.
Raod van ellef sjtart het vastelaovesbal.
Leedjesaovend is veur ôs pas echte carnaval.

In 't veurjaor höbse neet zoa väöl te doon.
Geis mit de fits nao Zitterd, doe drunks get biej de Kroon.
Bartok sjtart veur ôs 't vastelaovesbal.
Patsjebal, dat is veur ôs pas echte carnaval.

HOME PLAATSNAMENOVERZICHT HOME

DE KLOON
2005/2006: Tekst & muziek: Corrie en Giel Creuwels en Richard Coenen
Zang: Duo- Jònk Belaege

Vreuger op sjtroat wore sjpelkes gedaon
Nemes dae gaer aan de kentj bleef sjtaon
V'r sjpeelde veur kojboj of indiejaan
Die gekke sjoon, die gekke sjnoet
Gank weg mit dae klòmmel
Dat höb veer neet gaer
Kloon mit sjeetgewaer.

Refrein:
Dae deit mit ---,--- dat is eine sjaone
Wat 'r deit ---,--- dat is egaal
Dae deit mit ---,--- veur sjpek en boane
Wie 't geit hae zuut 't waal.

Mit vastelaovend de kloon is d'r bie
Sjoenkelt mit jederein zie aan zie
Gans dul van 't driëje, dat maak niks oet
Die gekke sjoon, die gekke sjnoet
Doe brungs òs plezeer en dat höbbe veer gaer
Kloon mit sjeetgewaer.

HOME PLAATSNAMENOVERZICHT HOME

DE KLOON
2006/2007: Tekst: Mia Leurs - muziek: Dominique Leurs
Zang: De Housevrouwe

Ich zit veur de sjpegel en sjmink mien gezich
Ich kiek nog ‘s good , is dat ech van mich
Ich zeen ein roai naas, kiek prachtig roai haor
‘t is weer vastelaovend, ich bèn d’r veur klaor
De kleuere zeen bòntj, mien pekske is gaaf
Hiël groat miene mòndj, ich roop hel alaaf

Refrein:
Ich bèn eine kloon
mit ein lach en ein traon,
‘t is weer vastelaovend
Dus luuj laot mer gaon.

Zit in ein kefee, aan de bar op ein krök
Mit Huub en José, ‘t is hartsjtikke drök
Ich dans en ich sjprèng, ich lach en ich zèng
‘t is weer vastelaovend, ‘t is sjpas wat ich brèng
Nao drie daag good raoze is ‘t pekske gekräök
De meziek sjtop mit blaoze, bie ,t vuur wurt gebäök

Laatste refrein:
Ich waor eine kloon
Mit sjpas en plezeer
Dit waor vastelaovend
Tot de volgende kier

HOME PLAATSNAMENOVERZICHT HOME

DE KOALETREIN
1947: Tekst & muziek: Jan Haagmans
Zang: De Dultons

Bor, ein dörpke in ôs Limburg, is neet groat mer toch waal fein,
mit zien sjloes en mit zien have, ziene zjwarte kaole-trein.
Mer 't sjoanste toch van alles, wat ôs Bor noe prizzenteert,
is eine echte vastelaovend, wo zich jeder ammezeert ...

Refrein:
Bor zèt 'm op ha, ha, ha,
laot mer gaon, blief neet sjtaon, sjpas kump noats gedaon.
Bor zèt 'm op ha, ha, ha,
't kump neet krek, doot mer gek, aan zotte gein gebrek.
Alles biejein, ha, ha, ha,
auwt en jônk, dik en dun en aug groat en klein.
Bor laot mer gaon, want de sjpas die kump toch noats gedaon.

Bor 't riek der Pierewieters, ôzze Prins is hiej de baas,
en dae brunk ôs in dees dage, flauwekul mit vööl geraas.
Alle jônges, alle maedjes, pakke zich noe weer biejein,
en dan klink 't door de sjtraote, in kefees sjlechs dit refrein ...

HOME PLAATSNAMENOVERZICHT HOME

KÔM MIT NOA BOR HAER
2003/2004: Tekst: Roy Meisters - muziek: Roy Meisters & Dominique Leurs
Zang: Effe Get Angesj

Karnaval in Bor, jao dat is toch ech waal feijn
Mit Karnaval is jederein weer op de bein
Dan feaste v'r waal drie daag, drie daag aan ein sjtök
Danb höbbe v'r waeke later de pien nog in de rök

Refrein:
Esse noe heal gaer wils, van vastelaovend hils
Kôm dan noe mit, veer gaon nao Born haer
Laot alle glaze sjtaon, laot v'r toch same gaon
Kôm toch mit nao Born haer.

Karnaval in Bor, jao dao blifse toch veur toes
Op karnavalsaovend, is nemes mea in hoes
Dan aet v'r drie daag fritte, ach wat ôngezôndj
Dan zeen v'r waeke later noch krank wie 'nne hôndj.

HOME PLAATSNAMENOVERZICHT HOME

KOM ÔS ... MER NAO
2001: Tekst: John & Frank Dullens - muziek: John Dullens
Oetveuring: De Dultons (John, Frank & Hub Dullens)

Refrein:
Kom ôs ..mer nao, dan make veer d'r ein pötje van.
Kom ôs ..mer nao, veer genete zoalang es 't kan.
Kom ôs ..mer nao, 't löp toch wie 't löp.
Ôzze oop haet 't ôs veurgezat, weer höbbe 't allein mer ingeköp.
Ôzze oop haet 't ôs veurgezat, weer höbbe 't allein mer ingeköp.

Mit z'n drieje laupe veer oos deks zellef veurbie,
mer dan sjprènge veer sjnel euver nao ein anger riej.
Veer zeen nog frisj en lekker jônk belaege,
kômme ôs zellef trampelentaere nog neet taege.

Al gaon weer d'raan, gluif neet dat ôs vaemke knak,
zeen nog lang geine oetgevrônge sjotelsplak.
Esjgoondig is veur ôs dan gelaupe zaak,
't lètste rundje is dan in de maak ...

HOME PLAATSNAMENOVERZICHT HOME

KÖPKE
1993 : Tekst: Jan Heffels - muziek: Richard Meeuse
Zang: Jong Nederland

Fritske tròf in Bartok 'n maedje van ruum achteen jaor.
Veur häöm zaot alles d'rop en d'raan, kwa bein, kwa bors, kwa haor.
En wiefelend, get twiefelend, haed hae 'n gesjprek op gank gebrach.
Mer 't kendj reet'm de dansvloer op, wo zie 't häöm 'ns haed gezach ...

Refrein:
Höbste deks 'n gaetje in dien köpke ?
Want doe zeivers mich get lang.
Höbste deks 'n gaetje in dien köpke ?
Want jong, doe hils dich aan de gang.
Kenste noe de mòndj neet effe hauwte,
want door de kal dae dich verköps,
zouste nog gaon denke daste werkelik,
'n gaetje in dien köpke höbs ...

Toch is 't get wore, tössje Fritske en zien vrouw.
Nao 'n jaor aan ein sjtök vrieje, volg wie vanzelf de trouw.
't Bleek twe henj op eine boek, wie me einmaol veur d'n eltjer stjòng,
wo pesjtoar 't enj neet venje koos, Frits mit zien vrouw dit leedje zòng ...

Fritske dae veur hobby 'nne vogelleefhöbber waor,
maakde auch in zien eige koaj, 't nès geregeld klaor.
Wie d'achste maol de ooievaar mit zien vrach de waeg nao Frits is sjloog,
heuerde veer dat dat beas waal wos wo 't biej oze Frits aan loog.

HOME PLAATSNAMENOVERZICHT HOME

'N KÖPKE WIE 'N ZEEF
1991: Teks & muziek: Ank Lebens
Oetveuring: Jan en An

Refrein:
Ich höb dich leef, al höbse ein köpke wie ein zeef,
ein gaetje in de hendj, en auch get min versjtendj.
Ich höb dich leef, al höbse auch ein köpke wie ein zeef,
doe blifs veur altied miene sjat !

Jao, es bebie zag de mam al: "Kèndj, wie zuuste d'r toch oet.
't Vötje höbse van de pap, van mich höbse de sjnoet.
De uigskes zeen van oma en de euêrkes van dien nich."
Ich dach: "Och moder, wat eine kal, dat köpke is van mich !

En later wie ich vrieje ging, 't maakde toen niks oet..
Ich keek allein mer nao de boetekentj, allein mer nao de sjnoet.
Mer mit de vastelaovend dach ich: "Jong, doe höbs 't mis.
Dit maedje leart toch noats wat echte vastelaovend is !"

Dus ich toen mer opnuuj aan't zeuke, ich zoog mich ech kapot.
Toen zaog ich hie dit maedje, mit toch waal ein flinke vot,
ein köpke wie ein zeefke en höör buukske kogelrôndj.
Mer mit de vastelaovend sjteeds de veutjes van de grôndj !

HOME PLAATSNAMENOVERZICHT HOME

DE KUUSJ
1995: Teks & muziek: Frank Dullens & Paul Heffels
Oetveuring : B.O.V.

Refrein:
Miene kuusj - knor, knor - dae geit dr'aan,
ich kèn dat verreke neet mea sjpaare.
Miene kuusj dae geit dr'aan,
hae hoof gein sent mea te bewaare.
Mit Vastelaovend geit'er dr'aan,
dan is 't potte van de baan,
en geit dae kuusj van mich dr'aan.

Ich ben door 't jaor zoa haol wiej ein verreke, dreaj jeder guije twea maol ôm.
Toch zult geer dat aan mich neet merreke, geweuen omdat ich nurges kôm.
Mit vastelaovend kôm ich dan los, is die porseleine zeug van mich de klos.

Ich duuj al heal lang mien kwartjes en guijes, jedere sjtuuver in ziene rök.
Mer hae wurd neet vetter omdatter te luij is, dus geiter in sjerve veur mien gelök.
Die knabbe mot ich höbbe die daag, dus krig dat nèje beas van mich den hamersjlaag.

Noe zit ich mich hiej waal aaf te vraogem wo môt ich mit mien sente haer.
Un bietje potte, dat mot toch maoge, 'ch ben noe einmaol 'ne haole baer.
Veur de bank ben ich geine man, dan maak ich d'r nog net zoa leef ein pötje van.

HOME PLAATSNAMENOVERZICHT HOME

LAMBAER
1998: Teks & muziek: Paul Heffels & Frank Dullens
Oetveuring: B.O.V.

Gister sjtông ich aan d'n teek, zaog dat eemes nao mich keek.
Ich kèn dich nog van vreuger haer, ich bèn 't diene vrundj Lambaer.
Hae kaom op mich aan van die anger ziej en daomit waor ich gaar neet bliej.

Refrein:
Nae Lambaer, dat höb ich neet gaer, maak dich eweg veur ich giftig waer.
Nae Lambaer, dat höb ich neet gaer, sjaer dich eweg veur ich giftig waer.
Kiek oet Lambaer, ich höb ein flambaer, wo ich dich rechtoe ein mit paer.

In d'n optoch kaom hae weer opnuuj, hae zaog mich tössje al die luuj.
Waat kikse sjpits, is dat 't waer, kom werm dich mer get biej Lambaer.
Ich zag gank weg, doe misselikke vent, bèn sjraevend nao de mert gerend.

Vanmörge om ein oer of zös, ich waor nog gaar neet oetgerös:
Hello bes doe dat aan de foon, doe höbs 't mit Lambaer van doon.
Hae zanikde mich doe get aan de kop, ich zag: lèk noe neer of ich hang dich op !

HOME PLAATSNAMENOVERZICHT HOME

DE LAMP
1986: Tekst: Jan Heffels - muziek: Frans de Bruijn

Piaer haed biej zien kechelke 'n héal sjoan kaolekit.
Ut is allein 'n naodeil, dat dao geine baom in zit.
En haold dae Piaer noe kaole, achter oet de sjuur,
dan brent waal de lamp, mer lang nog neet 't vuur.

Refrein:
Hallo Obbich, Houtum, Buchte, Beeg !
Zeet geer boete Bor 't brenne van ós leech ?
Al zeet geer 't auch neet is dat nog geine ramp,
mer in Bor, dao brent de vastelaoveslamp.

Wie Hoebaer unne aovend 'ns fitse waor gegaon,
zooch hae, wie d'r heives wol, de Pliesie veur zich sjtaon.
Dae zag, wie hae um aanheel biej de Sjoester in de sjteeg:
"Hiej brent waal de lamp, mer neet dien achterleech".

In al oos dörps-cafeekes wurd bezuunig tot en met.
't Leech geit oet, me plaats geweun 'n kaes op ut buffet.
Mer wurd 't dan auch duuster, toch mirk veer mit alleman,
dat in Bor de vastelaoveslamp nog henjig brenne kan.

HOME PLAATSNAMENOVERZICHT HOME

LAOT MÈR GAON
1989: Tekst: Ank Lebens - muziek: Fred Lebens
Zang: Altied Get

Mit vastelaovend gaon weer mit zien allen aan de zjwier,
want gein rang of sjtand besjteit dan nog, ein eder zeukt vertier.
Heare Pierewieters zeen in touw, dat alles good verlup.
Tja, ze zeen mesjien van 't reeg'le meug, toch zunkt de ganse klup:

Refrein:
Laot mèr gaon, laot mèr gaon, zèt gans Bor mèr op zien kop.
Laot mèr gaon, laot mèr gaon, de groatste gek, dea löp veurop.
Blief neet sjtaon, blief neet sjtaon, gank neet zitte op dien vôt,
Laot mèr gaon, laot mèr gaon, want ze kriege ôs neet kapôt,

't Gemeintehoes hilt vastelaovesdaag de deur op sjlot,
want die drie daag in 't jaor, dan zitte ze dao neet op hun vôt.
En de winkels zeen gesjlaote, de kefees die zitte vol.
't Ganse Bor pak zich dan same, jeder haet de groatste lol.

Kiek ze loupe, kiek ze sjprènge, kiek ze hange aan de tap.
Zelfs de serieuze meister is te vènje veur ein grap.
En de Burgemeister heat veur drie daag 't zèggesjap neet mear.
Borse vastelaovend-vierders zènge doarum kear op kear:

HOME PLAATSNAMENOVERZICHT HOME

LEAR UCH AMMEZEERE (deil 1)
2000: Tekst: Ronald Colée - muziek: Pascal van Teeffelen
Oetveuring: Öööööööö

Dames en heare, 'lear uch ammezeere, deil ein'

Dit is 'm, sjiek hè?

Dat waor de milledie, v'r gaon beginne

Wat zit se dao, noe get v'rlaore in diene laere jas ?
En eder jaor, weer opnuuj, geine sjpas.
Doe sjnaps dat neet, doe bès v'rkleid, in diene bèste jas, in diene laere jas.
Wo blif dan toch de sjpas ?

Refrein:
Bie echte sjpas môs te neet te vööl dènke.
Wat höb ich aan ? Wat zègk ich noe ? en Veul ich mich waal good ?
Nae, echte sjpas kump auch neet door te drènke,
al sjmaak dat soms v'rèkdes good.

Gaaf hè ?

Wat zit se dao, noe vasgevraore, doe hilts dien pilske vas.
En ederjaor, weer opnuuj, geine sjpas.
Doe sjnaps dat neet, doe drunks zoa vööl, wo blif dan toch dae sjpas ?
Doe höbs 'n pilske vas, wo blif dan toch dae sjpas ?

Wat zit se dao, dik vear-tigjaore, te kalle euver 'las' ?
En ederjaor weer opnuuj geine sjpas.
Doe sjnaps dat neet, doe meins dat ech, doe höbs toch zoa'nne las.
Worôm höbs doe dae las, en worôm geine sjpas ?

HOME PLAATSNAMENOVERZICHT HOME

LEEDJE VEUR DE LOL
2004/2005: Tekst & muziek: Richard Coenen
Zang: Sjravelaere

Refrein:
Dit is 'n leedje veur de lol
Vèndj geer dat auch lach mit òs mit
Geer weit toch lache hilt uch fit
Dit is 'n leedje veur de lol
Vèndj geer dat auch lach mit òs mit, dat hilt uch fit.

'nne Gooje vrundj van mich dae wirkde in 'n zaak
verkoch dao kes en bèdde, gan op maot gemaak
eine kiër doe haolde hae nog bienao de kezèt
hae verkoch meniër pesjtoar 'n groat twiëpersoansbèd
Allemaol: Laot v'r nog get lache dat hilt òs oppe bein
Sjpas en vastelaovend dat heuert zoa good biejein

Miene buurman ging 'ns nao de dokter in de sjtraor
Ein prebleem mit poepe op zeuk nao gooje raod
Sjmörges vreug òm hawf veer dan moos hae altied gaon
De iëlendj waor hae hoofde pas òm neuge op te sjtaon
Allemaol: Laot v'r nog get lache dat hilt òs oppe bein
Sjpas en vastelaovend dat heuert zoa good biejein

Ein vrouw zag plòmpverlaore, ich m 'nne nuje bril
Ich kèn neet sjerp mier kieke, ich zeen neet wat ich wil
Ich gluif dat kènt wal kloppe, zag hae doe euversjtuur
De dokter is hienaeve, doe sjteis in de frietuur
Allemaol: Laot v'r nog get lache dat hilt òs oppe bein
Sjpas en vastelaovend dat heuert zoa good biejein

HOME PLAATSNAMENOVERZICHT HOME

DE L.E.L.-KEPEL
1993 : Tekst: Jan Heffels - meziek van Bert Vola
Zang: De Sjötte

Refrein:
Tadara Dzjing Boem Toet in Bor dao is get oet, Tadara Dzjing Boem Toet get oet.
Want de L.E.L.-Kepel die truk noe oet, brunk laeve in de vastelaovesboet.
Tadara Dzjing Boem Toet keihel, sjpeelt hie veur uch de L.E.L.-Kepel.
Es de Limburgs Easte Lektrisje, drie daag lank de L.E.L.-Kepel.

In drökke kaffeekes vergeit de lol,
de trööt d'rvan laeg, de tuut d'rvan vol.
Veer lègke 't aaf bie hun apratuur.
Om dat de kop te beeje, griepe noe al ôs leeje,
nao lektrisj' ammezjuur.

Drie daag hermeniekes geblaos veur sjpas,
de lônge oet 't lief, de lôch oet de kas.
Wie mea of getrööt, wie helder getoet.
Mer veer es ammeteure, wil veer ôs laote heuere,
môt veer lektrisj d'rop oet.

In jeder optoch blaoze veer braaf,
de tông oppe sjoon, de knuip d'rvan aaf.
De luidsjpraeker-box dreunt hel euver de sjtraot.
Dao baove oet te kômme, sjpele ôs trööte en trômme,
zich lektrisj oet de naod.

HOME PLAATSNAMENOVERZICHT HOME

DE LÈTSTE
2003/2004: Tekst & muziek: Roy Meisters
Zang: TT-tjes

Es 't klökske van geheuerzaamheid weer
Sjnachs ôm twea oer sjleit...
Jao, elke vastelaovesgek dae wèt dan van besjeid
Mer veur dat hae nao hoes toe geit
Jao dan vreug de kastelein:
"Hei, wilse soms nog eine?"
Kôm zèng dan dit refrein:

Refrein:
Dit is de lètste, ich môt noe gaon
Dit is de lètste, want ich môr nao hoes toe gaon
Dit is de lètste, 't is gedaon
Jao want ich kèn neet, jao want ich kèn neet
Jao want ich kèn neet tot de mörge blieve sjtaon!!

Mer dan dènk ich bie mien eige..
Ach wie kènt zoa get besjtaon?
Want heal kort is dit laeve en soms opèns gedaon!
Gank vrolik door dit laeve,
Zèt de zörg mer aan de kentj
Och doot'r mich nog eine
Kôm zèng drie dage lank:

HOME PLAATSNAMENOVERZICHT HOME

DE LIMBURSE MÈS
2006/2007: Tekst & muziek: Richard Coenen
Zang: De Sjravelaere

Es kleine sjnaak wis ich al vlot, hiej waer ich pasjtoar
Mit het fitske nao Rolduc, jòng ich hej ’t zjwaor
De litanie, eucharistie, de ganse santekraom
Nao ach jaor lang sjtudere waor ich eindelik gans klaor
Ich doon veur jeder mès ongeluifelik mien bès
Mer ich ben pas op mien bès in de Limburgse mès

Refrein:
Kom mit uch zörge
Op zunjigmörge
Mer nao mich hiej in de kirk
Ich gaef de zaege
Ben neet verlaege
Ich doon get water biej de wien
Veur wae wilt dokke
loew ich de klokke
doon ich de mes auch in ‘t plat
en blief geer toch mit zörreg zitte
laot dan veural de kirk in ’t midde

Door ’t joar doon ich de mès, 51 kiër
Veur een sjtök of fieftig luuj, mit kersmis een paar miër
Duipe, trouwe, praeke en de ganse santekraom
Òm dat hiej in Bor te doon blif een hiële iër
Ich doon veur jeder mès ongeluifelik mien bès
Mer ich ben pas op mien bès in de Limburgse mès

De vastelaovend is hiej ‘nne hiële drökke tied
‘sjdaags veur dat ‘t loos geit, dan kòmme ze van wied
Het prinsepaar, de raod van ellef, de ganse santekraom
Die sjoan Borse tradiesie, jao die wil ich neet miër kwiet
Ich doon veur jeder mès ongeluifelik mien bès
Mer ich ben pas op mien bès in de Limburgse mès

HOME PLAATSNAMENOVERZICHT HOME

DE LÔTSJ
2000: Teks & muziek: Marijn v.d. Munckhoff en Richard Coenen Oetveuring: De Sjravelaere

Refrein:
Sjnap dich de flesj en duuj dich de lôtsj in de môndj,
zabbel af en toe 'ns, mer maak 't neet te bôntj.
Sjnap dich de flesj en duuj dich de lôtsj in de môndj,
noe en dan ein sjlukske is gezôndj.
Is 'r dan laeg, vul 'm dan bie,
want veur ein laege flesj sjteit neemes in de rie.
Sjnap dich de flesj en duuj dich de lôtsj in de môndj,
noe en dan ein sjlukske is gezôndj.

Mit vastelaovend, dan hunk me zich zoan flesjke ôm de nek,
gevuld mit apfelkorn of sekt.
Dan sjnap v'r ôs de lôtsj en ver drejje 'm d'r op,
veer zabbele en zènge oet de kop.

Vrus 't boete 15 graden en sjtaon pegels op de roet,
veur ein bietje vors blif neemes in de boet.
Dan sjnap v'r os de lôtsj en v'r drejje 'm d'r op,
effe later sjteit de tent hiej op de kop.

HOME PLAATSNAMENOVERZICHT HOME

MAEDJE, DOOG MICH HIE EIN BLAEDJE
2001/2002: Tekst & muziek: Paul Heffels & Frank Dullens
Zang: BOV

Refrein:
Maedje doog mich hie ein blaedje en pak dich zellef auch get sjat.
Want zoan plaetje van ein maedje, gluif mich gerös, die gun ich dat.
Maedje doog mich hie ein blaedje, dich te zeen is mich alles waerd.
Maedje doog mich hie ein blaedje, da's d'n hemel veur mich op aerd.

In 't Paradies, al effekes geleeje, zag Adam taege Eef: "Wies dich dao sjteis,
bèn ich mit dich waal heal dik tevreeje en doe kèns waal zeen dasse mich get deis.
En wèt geer wat dae Adam zich bedach, wat dae dao noe nao veure brach??

Nao de polonaes, al effekes geleeje, ram boete aom, de tong oppe sjoon,
ich deeg dao aan mit ômdat angere dat deeje en door d'n doos raakde ich oet mien doon.
Ich waor meug wie ich noats waor gewaes, 't lik veur de hendj dasse dan zaes:

HOME PLAATSNAMENOVERZICHT HOME

MANSLUUJ...!
2003/2004: Tekst: Ronald Colée & Patty van de Weerdt - muziek: Richard Coenen
Zang: Taege 't lief geloupe

R: (Wiet wiew)'Kèn ich dich neet urges van'
P: Nae, dat dènk ich neet
R: Wèt se dat zeker?
P: Jao, dat weit ich zeker
R: Oaaahhh, de bès waal 'n hart..sjtikke sjaon kèndj
P: Aoh, nae hè

Refrein:
Sjeij oet, sjeij oet, (R: Ich?) doe gekke flap (R: Ich doon toch niks?)
Sjeij oet mit dramme, (R: Dramme?) ich bèn op sjtap (R: Ja, dat zeen ich)
Sjeij oet mit drènke, (R: De easte) pak appelsap (R: Ja, dahag)
Sjeij oet, sjeij oet, (R: Worômme?) ich roop de pap!

Kalle:
R: Kèn ich dich ech neet urges van?
P: Ja, ich dich neet
R: De, de de höbs'.. de bès zoa bekènd'de höbs get
P: Wat höb ich dan?

Veul ich dien uigskes sjpieke
Dan aojem ich nog koum
P: (Zuch)
Weit ich neet wo te kieke
En sjtaon ich ônger sjtroum

Refrein:
Sjeij oet, sjeij oet, (R: Ich?) doe gekke flap (R: Ich doon toch niks?)
Sjeij oet mit dramme, (R: Dramme?) ich bèn op sjtap (R: Ja, dat zeen ich)
Sjeij oet mit drènke, (R: Miene tweade) pak appelsap (R: Ja, dahag)
Sjeij oet, sjeij oet, (R: Worômme?) ich roop de pap!

Kalle:
P: Doe höbs höm ech neet door hè
R: Ja mer dan hoof se de pap toch neet te rope
P: Ja mer ööm?..bèn ich?..ich bèn neet dudelik genôg. Of waal soms?
R: Wil se get drènke?
P: Nae, ich wil niks drènke
R: Cola?
P: De zuus toch dat ich get höb
R: Sjips?
P: Nae, auch geine sjips
R: Sjoklaat?
P: Auch gein sjooklaat

Doe bès de iedeejaale
Jao, gans nao miene zin
P: (Zuch?)
Allein mer groate plusse
Neet eine kleine min

Refrein:
Sjeij oet, sjeij oet, (R: Ich?) doe gekke flap (R: Ich doon toch niks?)
Sjeij oet mit dramme, (R: Dramme?) ich bèn op sjtap (R: Ja, dat zeen ich)
Sjeij oet mit drènke, (R: Miene driede) pak appelsap (R: Ja, dahag)
Sjeij oet, sjeij oet, (R: Worômme?) ich roop de pap!

Kalle:
R: Ja mer, mer mer'.Mao'.mao.. Maog ich dich nog ein, ein klein dènkske vraoge?
P: Nae
R: Eint?
P: Nae. Wat is toch in godsnaam mit dich aan de hand? Ich sjnap d'r ech niks van.
R: Ja, ein. Ein gans klein dèngske
P: Nae, auch gein klein dingske

Ich veul mich zoa gelaaje
Tweahôndertwintjig volt
P: (Zuch?)
't Is neet Moder Aarde
Mer deze jông dae tolt

Refrein:
Sjeij oet, sjeij oet, (R: Ich?) doe gekke flap (R: Ich doon toch niks)
Sjeij oet mit dramme, (R: Dramme?) ich bèn op sjtap (R: Ja, dat zeen ich)
Sjeij oet mit drènke, (R: Miene veerde) pak appelsap (R: Jao, pak zellef)
Sjeij oet, sjeij oet, (R: Worômme?) ich roop de pap!

Kalle:
P: En noe gaon ich höm dus ech rope hè)

Refrein:
Sjeij oet, sjeij oet'Doe bès zoa knap (P: Zuch)
Sjeij oet mit dramme..Gank mit op sjtap (P: Naehae)
En sjeijt se noe 's oet mit drènke..Nae. Get van de tap?
Sjeij oet, sjeij oet.. 't Is 'n grap!

Kalle:
P: Haoaoaoaoao?Pàààààààp!

HOME PLAATSNAMENOVERZICHT HOME

DE MEJOO (van vot tot tean flexiebel)
1996: Tekst: Ronald Colee - muziek: Marisse Damen-Jetten
Oetveuring: Croma (collektief Ronald en Marisse)

Refrein:
Ozze prins bewaeg zoa sjiek, hae is eine groate wiebel.
Zien ôngerlief liek elestiek, hae is van vot tot tean flexiebel.
Door dat ierietant gekriebel is hae van vot, is hae van vot,
is hae van vot tot tean, van vot tot tean flexiebel.

Es kèndj ôntkumpse d'r neet aan, doe môs en zuls die dènger aan.
Niks zoa good es werme batse, höbse jeuk dan kènse kratse.

D'r is mer eine dae dat wilt en dus zien bein gevange hilt,
in die witte wolle piepe, urges auch waal te begriepe.

't Zit 'm in die wolle drööd en die versjrikkelikke nööd.
Door die kriebelende dènger, is hae dus de bèste sjprènger.

HOME PLAATSNAMENOVERZICHT HOME

MIDDE IN DE NACH
2005/2006: Tekst & muziek: Roy Meisters
Zang: Effe get angesj

Carnaval dat geit
soms hiël erg sjnel veurbie
en zeker mit zo'n sjoan
leef maedje aan mien zie

Refrein:
Opèns mit vastelaovend
midde in de nach
bleek het laeve zo väöl sjoaner
dan ich ooit hej verwach

Noe in dees drie daag
dan zeen veer mit òs twië
ich hawt zoa väöl van dich
en wil niks angesj meer

Doot geer mit òs mit ?
dan drènk op dit gelök
zoa dènk geer volgend jaor
weer aan dit leedje t'rök

HOME PLAATSNAMENOVERZICHT HOME

MIEN FLUITJE
2005/2006: Tekst & muziek: Richard Coenen, Diana v/d Hurk & Tineke Dassen
Zang: De Sjravelaere

Zunjigmiddig, twië en twintjig man zeen opgesjtèld
Sjtaon klaor veur de wedstried es de sjeids kump aangesjneld
Mit mien fluitje regel ich de ganse santekraom
Driej gael kaarte en ein roaj ich ben gans boete aom.
Ich höb toen van de sjrik, mien fluitje ingesjlik

Refrein:
Es ich dich noe mòt höbbe heuerse..
Höb ich gooj zin dan geit dat noe van..
Es ich mit vastelaovend wil besjtèlle,
Hoof ich dat noe aan neemes te vertèlle
Dan doon ich..
En is mien pilske laeg
Dan fluit ich weer opnuuj

Moanjigmörge kwart op zös de trein dae sjteit al klaor
Es kondukteur bèn ich al dao, ich sinjaleer gevaor.
De trein wilt sjus vertrèkke en de deur die geit zoa toe
D'r kump nog emes aangerend, verrek wat wilt dae noe?
Ich höb toen van de sjrik, mien fluitje ingesjlik

Deensdigoavend kwart op ach is jederein d'r biej
Alle muziekante zitte saame op 'n riej
't Iëste sjtök begint mit 'nne solo veur de fluit
dieriezjent huit aaf verbaas, wat is dat veur geluid.
Ich höb toen van de sjrik, mien fluitje ingesjlik

HOME PLAATSNAMENOVERZICHT HOME

MIEN TOAJ EN ICH
1996: Teks & muziek: Frank Dullens & Paul Heffels
Oetveuring : B.O.V. / Jack Hölsgens (penspiano en sjtriekiezers)

Refrein:
Ich zèt mit mien toaj de zaak oppe kop.
Wie langer ich sjoaj, wie later ich sjtop.
Veer zeen ummer same, ummer biejein.
Veer zeen mit zien tweaje, mer toch zeen veer ein.
Al zit ich d'r ônger, dat deit mich gein leid.
Ich kèn neet mea zônger: dat zoa get besjteit.

Went ich mit vastelaovend urges bènnekôm,
dan kènne mich de luuj neet, die kieke gans sjtôm.
Bèn ich anges allein, sjnoet in de ploaj.
Die daag kôm ich nurges, zônger mien taoj.

Es de luuj d'r nao kieke, dan höb ich dat gaer.
Dat is veur mich prônke mit angermans vaer.
'ch Geneet van de aandach die mien toaj krig,
al lètte ze zoa get minder op mich.

En es dan op deensdig de bessem brenne geit,
dan wurd mich die toaj toch ein tikkelke heit.
Dat is dan 't teike ôm heives te gaon.
Oos drie daag biejein zeen noe weer gedaon.

HOME PLAATSNAMENOVERZICHT HOME

MIEN VOGELHUUSKE
1996: Tekst: Willy Janssen-Savelkoul - meziek: Manuel Janssen
Zang: Niks Dao

Refrein:
Jao, in mien huuske, mien vogelhuuske,
dao in de mosem, op miene paol.
Jao, in mien huuske, mien vogelhuuske,
dao wurd gevogeld, op groate sjaol.

Ich woon dao same mit mien vrouw, weer zeen gelökkig en heal trouw.
Weer laeve vredig dao en bliej, mit ôs gevuchel vogelvriej.

Ôs vogelkoaj is vol mit sjtrôntj, wo dasse kiks gans oppe grôndj.
Mer es ich pôts zaet miene sjat: "Höbs eine vogel, wètse dat ?"

Vogelsversjrikkers sjtaon heal sjtil, weer zeen mit luuj waal 't versjil.
Ze make ôs daomit neet gek, weer zeen neet bang veur hunne sjtek.

De sjötterie, die maak zich meug, mit vogelsjete laat en vreug.
En vilt 't bölke eind'lik d'raaf, höbbe ze gans de vogel aaf.

HOME PLAATSNAMENOVERZICHT HOME

MIEN ZÔNNESJTRÄÖLKE
2003/2004: Tekst: Jeu Selder & Frank Hoedemakers - muziek: Jeu Selder
Zang: Frank Hoedemakers

Refrein:
Doe bès mien zônnesjträölke, de maon in volle prach,
Dien auge zeen net sjterre, die fonkle in de nach
In jedere wang ein kuulke, ein hart van goud mesjien
Dat mot jao, dat kent neet anges es ein Border maedje zeen
Dat mot jao, dat kent neet anges es ein Border maedje zeen

Ich hauwt väöl van ein maedje, ein leef en lollig kèndj,
Dat van de vasteloavend hilt, en geit dan door 't lèndj
Ich weit 't noch d'n easte kear, doe leeps dao gans oetgedos
Ich keek verlaege in dien uich en woar geliek de klos

Veer hauwe aafgesjproake, veer waere gauw ein paar
En ginge noa ut gemeintehoes tot veur d'n amtenaar
Doe sjtongs dao in dien sjoanste kleid, ich veulde mich zoa riek
Mien hart dat sjluit noch sjteeds op hol, es ich mer noa dich kiek

HOME PLAATSNAMENOVERZICHT HOME

MIENE DOKTER, DAT IS VASTELAOVEND
1990: Tekst: Frank Dullens - muziek: Paul Heffels
Zang: B.O.V.

Refrein:
Miene dokter, dat is de vastelaovend.
Gein baeter middesien, hulp taege alle pien.
Jao, miene dokter, dat is de vastelaovend.
Noe krig mich niks mea klein, zoa lang blief ich op de bein.
Good taege grip, taege koorts en taege kaw,
'ch waol dat den dokter ummer sjpraekoer haw.

Vlak veur den optoch, op den easte daag,
bèn ich altied ein bietje van de sjlaag.
Este good kiks, dan zuuste aan mich:
De sjpanning weik mich de sjmink van 't gezich.
Mer es den trop weer door de sjtraot op geit,
is 't gedaon mit mien zörg en anger leid.

Op maonjigmöre höb ich 't in de rök,
klop mien easteraug mich in de zök.
En es ich noe èns in de sjpegel kiek,
dan vènj ich neet dat ich op mich zelf liek.
Es ich dat zeen, kèn ich niks anges doon:
Ich gaon opnuuj in piejama of es kloon.

Is 't dan deensdig, mien keal wurd al get sjor,
trèk ich veur de tweade kear door Bor.
Ich gaon door 't dörp, omringk door al die jeug,
mèr houp dat geine mich om te sjprènge vreug.
Toch gaon ich wiejer tot aan de lètste sjlik,
en bèn dan saame mit de bessem aafgefik.

HOME PLAATSNAMENOVERZICHT HOME

MIT DE SAMBA DOOR BOR
1997: Teks & muziek: Wil Bolenius
Oetveuring: Feeling Young

Refrein:
Mit de samba door Bor en konfettie door ôs haor,
dans de samba achterein, 't maak neet oet of groat of klein.
Mit de samba door Bor en konfettie in ôs haor.
Erm of riek, weer zeen geliek, in ôs Pierewietersriek.

Samba, samba, samba, 'ne dans wo pit in zit.
Samba, samba, samba, mit de optoch gaon weer mit.
Samba, samba, samba, de zörge van de baan.
't Is in Rio zoa geweuen, zelfs auch zônger kleijer aan.

Samba, samba, samba, de Prins en ziene Raod.
Samba, samba, samba, swinge lekker in de maot.
Samba, samba, samba, weer gaon neet wier es Beeg.
Van 't danse krigste doos, dao bie de Sjoester is nog leeg.

Samba, samba, samba, de luuj die ôs zeen gaon.
Samba, samba, samba, kènne neet sjtil blieve sjtaon.
Samba, samba, samba, weer zènge kear op kear,
zellefs auch nao dees gekke daag, 't volgend jaor, dan gaon v'r weer.

HOME PLAATSNAMENOVERZICHT HOME

MIT VASTELOVEND DOON VEER GEINE SJTEEK
1986: Tekst: Franc Coenen - muziek: Paul Heffels
Oetveuring: Jongerenkoor

Refrein:
Es 't esjgoonsdig is, dan is 't weer veurbie,
dan zètte veer 't masker aaf en gaon weer aan de sjlaag.
Mèr tot dan viere veer en make vööl plezeer,
want es 't vastelaovend is, dan doon veer geine sjteek.

Der Harie koos gaon wirke, hae kreeg ein héal leuke baan.
De baas, dae waor tevreje, der Haar, dao koos ze op aan.
Mèr wie 't vastelaovend waor, zag Harie: "Zèk loester baas,
doe zuus mich neet méar, 't maske geit op,
want drie daag, die doere zoa kort".

Jao, Jacques, dae ging in 't leger, hae brach 't dao tot korperaol.
Hae moos toen auch op wach sjtaon, Jacques vonj dat gaar oet neet leuk.
En wie de kapitein aan kaom, reep Jacques: "Zèk loester ens good,
ich blief hie neet sjtaon, ich gaon noe nao hoes,
want karneval doert mèr drie daag".

HOME PLAATSNAMENOVERZICHT HOME

MORDJU VEER KÒMME NEET WIEJER
2004/2005: Tekst & muziek: Hub Dullens
Zang: TT-tjes

Refrein:
Mordju veer kòmme neet wiejer, wie mòt dat noe toch gaon.
Mordju 't is net 'nne eazel dae te lang sjtil blif sjtaon.
Mer veur òs is vastelaovend, de sjoanste tied van 'n jaor,
Dan sjmaere veer os sjtömme om weer oppe buun te sjtaon

De priezekas blif laeg, òs maak dat neet oet,
Same vastelaovend viere, jao gezellig effe droet.
Dao geit niks baove, dat is zoa sjoan, èns p'r jaor veur uch te sjtaon.

Neet gesjaote is altied mis, daorom zeen veer d'rbie.
Mitdoon is alles veur òs, zoa lang 't geit gaon veer zie aan zie.
Neet denke mit die daag mer doon, want ech 't is zoa sjoan.

HOME PLAATSNAMENOVERZICHT HOME

MORGEVREUG
1992: Teks & muziek: Paul Heffels & Frank Dullens
Oetveuring: B.O.V. & De Bessemkapel

Mit vastelaovend klaen ich mich drie laoge sjmink in mien gezich.
Bèn neet te kènne, dat maak mich niks, zelfs in mien haor zit bônjte wiks.
Mer toch is get mit dat sjminke, want wat is dao aan 't linke ... ?

Refrein:
Sjmink op mien kösse biej 't ôntwake, haorsjpreej oet bösse, plek in mien lake.
Bèn gisteraovend nao baove gesjlaope, 't wesje vergaete, 't bèd in gekraope.
Sjmink op mien kösse, sjteit waal get sjtom, mer ich bèn sjlum, dus dreaj ich 't ôm.

En veur de sjpegel, 'ch sjaam mich doat, dat sjpaart mich sjmink, veural 't roat.
Op mien blauw walle kiek ich mich sjael, en erger mich dan greun en gael.
Mer toch blief ich mich waal sjminke, auch al is dao aan 't linke ...

Vanaaf Esjgoonsdig alles op, môt ich weer wiejer, niks oppe kop.
Mer es de vrouw sjleuëp, 't is get gesjif, sjtort ich mich op de luppesjtif.
En zoa blief ich mich dus sjminke, auch al is dao aan 't linke ...

HOME PLAATSNAMENOVERZICHT HOME

NAAS
2001: Tekst: Ronald Colée - muziek: Pascal van Teeffelen
Oetveuring: Öööööööö

Refrein:
Ich höb 'n naas veur vastelaovend, zoa geuf 't d'r mer ein.
Ich höb 'n naas veur vastelaovend, die löp wie eine trein.
lch höb 'n naas veur vastelaovend, zoa geuf 't d'r mer ein.
Want zuut ze eemes vleege, dan ruuk ich dat metein.

De groatste gek, dat is de kloon, dat zuusse drek.
Die flinke tôttel op zien trööt is ein roaj vlek.
Mer sjteit dae narrekeuning mit zien vrunj biejein,
dan weit ich neet mea wo te kieke, dan löp 't mich doorein.

De groatste heks, is een auwt wief, mer dan ein vrech.
Mit al die pukkels op höör naas, wurt 't mich sjlech.
En zaet zoan tang mich: "Sjat weer höbbe get gemein",
dan begint mien naas te jeuke, en num ich vlot de bein.

De sjoanste meid zuut d'r good oet, dat is neet aek.
Dat leef klein naeske in die sjnoet, zit op zien plek.
Jao, deze sjnoebel wurt dien broed, dien torteldoef,
mer begint höör naas te greuje, dan moef veurdat ze sjnoef.

HOME PLAATSNAMENOVERZICHT HOME

NEET MEAR OP DIEJEET
2001: Tekst: Mia Leurs - muziek: Hub Scheffers
Oetveuring: De Housvrouwe

Refrein:
Op diejeet, op diejeet gaon ich neet mear, dit waor veur mich de lèste kear.
Mien figuur geit wie 'nne jojo op en neer, leine doon ich z'elaeve dus neet mear.
Op diejeet, op diejeet gaon ich neet mear, dit waor de èste kear.

Es ich op de waog sjtaon, waer ich sjtapelgek.
Kiek ich in de sjpegel, zeen ich te vööl sjpek.
Eate kèn ich wat ich wil, 't haet toch geine zin.

Veur de vastelaovend lijn ich waeke lank.
Eate doon ich nauweliks, vööl ich mich lekker sjlank.
Mer mit vastelaovend, de tied van lol en sjpas,
dan weit ich van mich zellef dat ich absoluut neet vas.

Saoves ein paar pilskes, frietjes in de nach.
Kômme weer de kieloos, hauw 't waal verwach.
Laot 't noe mer kômme, en 't kump mer wie 't geit.
Dit alles hiej is duur betaald, 't is mer dat g'r 't weit.

HOME PLAATSNAMENOVERZICHT HOME

DE NEET-SKIE-KLUP
2000: Tekst: Willy Janssen - milledie: "Yellow Submarine"(The Beatles)
Oetveuring: Niks Dao

In ôs dörp dao is get oet, eine kear per joar gaon veer droet.
Jeederein maak zich dan klaor veur die waek van feas in 't jaor.

Mer der zeen zoa van die luuj, veur de vastelaovend zeen die sjuu.
Sjnappe neet wat veer hie doon, pakke koffers in en langlaufsjoon.

Refrein:
Veer zeen lid van de Neet-Skie-Klup, Neet-Skie-Klup, Neet-Skie-Klup.
Veer-zeen lid van de Neet-Skie-Klup, Neet-Skie-Klup, Neet-Skie-Klup.

In de sjnea op mien gezich, op die latte is niks veur mich.
Vastelaovend is in Bor !!

Bèste luuj, vergaet toch neet , dat geer Besseme-bènjers zeet.
Blief die waek mer lekker hiej, dit is sjoaner es de après-skiee.

HOME PLAATSNAMENOVERZICHT HOME

NIKS DAO ES TUBA
1999: Tekst: Willy Janssen-Savelkoul - muziek: Manuel Janssen
Oetveuring: Niks Dao

Refrein:
Miene tuba, tuba, tuba, dae haet nog geine sjlaop.
Miene tuba, tuba, tuba, truk alle kleppe aop.
Miene tuba, tuba, tuba, dao hauwt ich mich aan vas.
Miene tuba, tuba, tuba, geuf lol plezeer en sjpas.
Miene tuba, tuba, tuba, geuf lol plezeer en sjpas.

Drie daag zeen vööl te kort, ich höb nog ammezjuur,
en blaos nog einen toesj mit vastelaoves-vuur.
Zoa lang d'n tuba geit, môt ich waal mit 'm mit.
Ich wil nog neet nao hoes toe gaon, ich laef op beer en frit.

In edere kefee, gaef ich heal good pertie,
mit trômmel en trômput, de zate hermenie.
Mer es die heives gaon, dan trap ich dao neet in.
Dan gaon ze mer allein eweg, ich höb nog heal vööl zin.

De waeg nao hoes is lank, en kump langs heal vööl beer,
want elke kastelein, zèt ein nuuj pilske neer.
Al laup ich nao drie daag, get sjeif en meug d'rbiej,
ich blaos alweer mien lônge laeg, meziek zit in mien prie.

HOME PLAATSNAMENOVERZICHT HOME

NOG EINE EN DAN GAON VEER...
2003/2004: Tekst & muziek: Frank Dullens & Paul Heffels
Zang: Böshuuske Ontsjpannings Vereinging

Refrein:
Nog eine en dan gaon veer,
Dae'n eine kent nog waal
Nog eine en dan gaon veer
Waat dan kump, is oos egaal
Nao die anger keare wètste
Dat nao den allerlètste
Nog eine kump en dan gaon veer
Nog ens op en aaf door dae zaal

't Sjteit weer te gebeure, ich ben ram opgedreajd
Al waeke van teveure woord mien pak geneajd
En de sjoanste van de waages, höbbe veer inein gepaaf
't Sjteit noe te gebeure, ich tel de daag al aaf

't Sjteit weer te gebeure, 't waor te vreug te laat
Drek sjloete ze de deure en kump de letste plaat
Doe sjteis nog nao te kaarte, same mit dien vrunj
Drek sjteit 't te gebeure, dao kump de letste runj

't Sjteit weer te gebeure, esjgoonsdig veur de deur
Waat zeen veer te betreure, ein bietje in mineur
Tot volgend jaor te wachte dat is oos toch väöl te wied
Noe sjteit 't te gebeure, vandaag is 't nog tied

HOME PLAATSNAMENOVERZICHT HOME

OOS BESSEMKEPEL
1990: Tekst: Ank Lebens - muziek: H. Stevens
Zang: De Bessemkepel

Refrein:
De jônges van... oos hofkepel,
blaoze zich oet de naod.
Al klink 't soms auch waal get sjnel,
zwe blieve netjes in de maot,
oos eigen Bessemkepel.

Veer höbbe özze Jan, dae zjwèit heal driftig mit de sjtèk,
sjpeelt daobie nog tromboon.
En Huub dae soms 't klööske is, bie de revuuj neet te misse is,
besjpeelt heal vrolik saxefoon.

En Piet zaet taege Ellie, lèk mien pekske mèr vas klaor,
este meug bès gank nao bed.
Want Piet truk dees dreij daag in 't rôndj, reete rökske ôm de kôntj,
dat is die vrouw miet die trômpèt.

Jo geuf önne rôffel, brunk de trôm haes oet balans,
ziene buurman hondervel.
Mèr 't pebliek is hael kontent, euver de bend mit vööl talentj,
mit ooze Bessemkepel.

HOME PLAATSNAMENOVERZICHT HOME

OOS KAFFEEKES
1987: Tekst: A. Mangham-Maassen - muziek: Jan Kitzen
Zang: Buurt 't Kepelke

Refrein:
Höbbe weer in Born waal beer genóg ?
Kriege wer genóg van al dat lekker vóg ?
Die vraog is toch neet van de lóch.
Höbbe weer in Bor waal beer genóg ?

Bor haw vreuger zoa vööl kaffees,
mèr dae tied is gewaes.
't Is nog ummer Bor alaaf,
toch vraoge weer os aaf...

Via de Huitmaeker, Tom en Maan,
ging w'r nao Naart veur ein lekker glaas.
En waore weer dan ein bietje zaat,
drónke weer bie Bèj limmenaad...

Via de Kits bie Chris belandj,
nao de Sjoester en Duis aan de euverkantj.
Marie op de Hei, en de Sjloes waor gét wiet,
dat haolde weer neet veur sjloetingstied...

De Bios krege weer debie,
Zef en Pierre zeen noe nog hie.
Dèk dènk ich mit vööl gelök,
aan die auw kaffeekes trök...

HOME PLAATSNAMENOVERZICHT HOME

OOS MASKE
1988: Tekst: A. Mangham-Maassen - muziek: John Maassen
Zang: Buurt 't Kepelke

Refrein:
Es de wesjmesjien kepot geit en T.V. 't neet méä deit,
en de dènks dan dat 't leave ech neet wiejer méä zoa geit,
dan kump de vastelaovend en alle zörg zeen weg.
W'r roope hel "Alaaf" en zette oos maske nog èns rech.
W'r roope hel "Alaaf" en zette oos maske nog èns rech.

De zoon, dae haet gei werk en de dochter zit auch toes,
en in de keuke höb w'r al den twéäde kéär 'n moes.
De pap, dae grauwelt in de VUT en de man, die haet 't drök,
en es ze dan de bedde maak, krig ze 't auch nog in de rök.

De kenarie ging kepot en d'n hondj dae leep weg,
de jongste kreeg e blauw aug in e jôngeregevech.
De waterleiding sjprong en d'n auto ging kepot,
en in de graasj dao zagte ze, dat denk is gans verrot.

In de gemeinteraod, dao is 't auch neet ummer féin.
Die héäre redenere waal, mer trekke noats ein lijn.
W'r weite neet woorom, want betale motte weer toch,
veur al wat de riejool aafgeit en veur get zuuver loch.

't Laeve haet zien vuer- mer dékker taegesjpood,
en jederein verlus zop zienen tied waal ens de mood.
Mer dan zeen ze weer dao, die leuke gekke daag,
mit maskes, nonnevotte en dan'nen héäring in de maag.

HOME PLAATSNAMENOVERZICHT HOME

OP 'T LIEF GESJREVE ...
1992 : Tekst: Jan Heffels - muziek: Jan Kitzen
Zang: De Sjötte

't Kèndj waor jus 'n jaor of drie, ontdèkde alles aan zien prie.
En mit zien moder in 't bad, klônk 't bie alles: "Wat is dat?"

Refrein:
Dit zeen de uigskes, dit de euerkes, dit is 't naeske, dit de môndj.
Dit zeen de ermkes, dit de hendjes, en hie ôngeraan de kôntj.
Dit zeen de beinkes, dit de veutjes, dit is 't buukske, dit de rök.
Kènste daomit good bewaege, nou, dan maak dich mer neet drök,
en gebroek dien lief en leje, laef gezôndj en bèn tevreje.
Sjterve kenste dan allein nog van gelök.

't Kèndj woord auwer, 't woord man, zaog vrouwluuj en hae dach daovan:
Dao zit jao alles d'rop en d'ran, de sjnaps neet wie 't wasse kan.

Refrein:
Kiek 'ns die uigskes en die euerkes, kiek 'ns dat naeske en dae môndj.
Kiek 'ns die ermkes en die hendjes, en dao ôngeraan die kôntj.
Kiek 'ns die beinkes en die veutjes, kiek 'ns dat buukske en dae rök.
Kènste daomit good bewaege, nou, dan maak dich mer neet drök,
en gebroek dien lief en leje, laef gezôndj en bèn tevreje.
Sjterve kenste dan allein nog van gelök.

't Kèndj es man geit gaer op sjtap, 't hunk dèks zoa lang aan de tap,
dat 't dan toes deep in de nach in sjpegelbeeld wurd oetgelach.

HOME PLAATSNAMENOVERZICHT HOME

OPA EN OMA
1993: Teks & muziek: Wil Voorter
Oetveuring : De Kleinkènjer

Refrein (2x) :
Miene opa, dae deit 't mit mien oma,
auch al is 'r douf, zuut sjlech en is neet zoa good ter bein.
Mer dan waal allein mer mit de vastelaovend,
dan zunk opa mit mien oma dit refrein.

'n Waek veur vastelaovend, ze dweilde sjus de vloer,
en opa zaog zien kans toen waor, hae lag zich oppe loer.
En wie ze weer gebuk sjtông, jao luuj, noe waer neet sjloes,
toen ginge ze al bôksjprèngend, jao, door 't ganse hoes.

Ze wille noajt get misse, doe zuus hun euveral,
van optochte, revuuj tot zitting en 't patsjebal.
Dat zit noe einmaol in hun, van kop tot in de tean.
Dao loupe heal vööl luuj rôndj, die laote ze get zeen.

HOME PLAATSNAMENOVERZICHT HOME

D'N OPTOCH
1990: Tekst: Jan Heffels - muziek: Jan Kitzen
Zang: De Sjötte

Rinus, 'nne pliesieman dae ergerde zich blauw,
omdat hae vastelaovesdaag de lange zunjig hauw.
En wie hae aan d'n euverwaeg 't verkear te regele sjtóng,
heuêrde weer dat hae bénnesmóndsj dit refreintje zóng :

Refrein:
En dao dao truk de optoch langs, en ich bén neet d'rbiej.
Ich waor zoagaer 'ns mitgetroch, mer mót wirke non de pie.
Mer klage haed toch geine zin, es me 't vriej neet krig.
Dus truk dao de optoch langs, en dits kear zónger mich.

Jan kaom mit de taxi aan, jus van die anger zie.
"Sorry", zag Rien "de optoch eas, pas dan kens dich veurbie".
Dus zat zich Jan de wagel mer dao lang de Parkwaeg sjtop.
Vertwiefeld reep hae mit deez' weurd de centrale (R)op :

Veer trekke wie jeder jaor weer mit de optoch mit.
De kénjer dao zörg oma veur, wurd op gebebie-sit.
Zie geuf hun 'nne zu'vre dook en fleske oppe tied,
en zunk hun later dan in sjlaop, mit geveul van sjpiet:

De DSM-er, krankezuster, kelner, kastelein.
Wae dae middig wirke mót, dae zunk dan dit refrein :

HOME PLAATSNAMENOVERZICHT HOME

D'N OPTOCH
2002/2003: Tekst & muziek: John Dullens
Zang: Neet ummer te laat

Refrein:
D'n optoch, d'n optoch., d'n optoch, truk jeder jaor mit ôs d'rbie
D'n optoch, d'n optoch, d'n optoch mit veurop de hermenie
D'n optoch, d'n optoch., d'n optoch, doe maaks gebroek van dien fantazie
Mit väöle groepe groat en klein
De einzelgenger duit 't leefs allein
Prinsepare stjaon smietend zie aan zie
Hermeniekes make sjus de zjwoeng d'rbie

De lètste waeke wurd begoos mit boewe
Dan is t'r sjtres..., kump 't nog waal klaor
Mer dan is t'r altied waal nog 't vertroewe
De väöle oere zeen noats ein bezjwaor

Zunjigsvreug geis te 't nummerke aafhoale
Pas dan op... blief dao neet lang stjoan
In de optoch sjmiddes môste waal nog sjtraole
Op de mert is 't lang nog neet gedaon

Dus luuj kômop, laot gaon, laot gaon
Veur g'r 't wèt is 't sjtraks alweer gedaon.

HOME PLAATSNAMENOVERZICHT HOME

OZE KEUNIG PIEREWIET
1986: Tekst: Frank Dullens & Francien Hoens - muziek: Harrie Mangham
Oetveuring: Buurt Kapelweag

Op 't kesjtéal van Bor, dao woont keuning Pierewiet.
Dea is mit die drie daag zien héal riekdom kwiet.
Want ederein, dea trèk dan toch van buurt nao buurt.
't Pierewietersriek wurt door de Prins besjtuurt.

Refrein:
Kom jonges, laot os zènge, weer zeen alle Pierewieters,
Mit zènge en sjprènge sjeije weer vandaag neet oet.

Oze keuning, dea veult zich noe einzaam en verlaote,
bie 't zeen van dat gedruusj op de Borse sjtraote.
Dan denkter: "Ich mot noe toch waal héal sjnel besjloete,
ich blief hie of ich gaon auch nao boete".

En es de keuning dan toch in 't dörp belandj,
dan sjprunkter mit zien völkske handj in handj.
Wat maak dat toch noe oet, 't is 'm om 't eave.
De vastelaovend, dat is pas 't echte leave.

't Easte gleaske beer, dat drunkter in de Bios,
want dao is toch veur jonk en auwt get los.
Dan geiter sjnel op weag nao de Auw Pastorie,
en zuut ze doon get anges dan beaje hie.

En dan truf ter ein auwt wief, die zeat: "Kom 's hie en loester
weer gaon mit zien twéaje nao de Sjoester".
Dao waor de ganse raod en auch de hermenie.
Me zong oet volle bors dees melodie:

En dan denkter gans opèns: "Ich mot auch neet vergeate,
om mich hiej of dao noch get te eate.
De keus tösje de Sjinees en eine tostie vilt neet mit.
't Bèste eat ich mich mèr eine flinke frit."

't Is ongerhandj al laat en oze keuning dea is zaat,
toch is ter noch sjteets op paad.
Hea dènk: "Ich kom toch al gaar neet méa toes.
Ich blief mèr lekker sjlaope in 't gemeinsjapshoes."

HOME PLAATSNAMENOVERZICHT HOME

ÔZZE VASTELAOVEND
2001/2002: Tekst: Mia Leurs - muziek: Huub Scheffers
Zang: De Housevrouwe

Refrein:
Al bèste Opperflaris, veur mien part Vors Marot.
De vastelaovend, hie in Bor, krig neemes mea kepot.
Vastelaovend vier kènne v'r op en top,
es Bessemebènjers loupe veer veurop.

Greuetsj es Bessemebènjers, jônges, is dat niks,
want kiek 's nao väöl angere: die kriege dat neet gefiks.
En auch al is ôs dörpke noe bie ein groate sjtad,
op ôzze vastelaovend gaon veer prat.

Zörg mit vastelaovend, zèt veer aan de kentj,
en sunjes in d'n optoch, dao loup v'r hendj in hendj.
En same eine drènke in ôs eige dörpskefee,
dao zènge veer weer same: holladiejee.

Borse Bessemebènjers doon ederein get veur,
en zeker mit de karnaval, dao sjteit weer veur de deur.
Al vief kear èllef jaore, zjwej veer de bessem al,
lang laeve ôzze Borse Karnaval.

HOME PLAATSNAMENOVERZICHT HOME

PIEREWIET HOERA
1991: Tekst: Jan Heffels - muziek: Jan Kitzen
Oetveuring: De Sjötte

B'lonne, sjlingers, toeters, belle, jônges 't is feas.
Ederein is oetgelaote, gedreug zich wie ein beas.
Zelje sjtông in Bor 'n tent zoa op ziene kop.
Ellef november wurd begoos, Esjgoonsdig pas gesjtop.

Refrein:
Oze Jan dae is jaorig, Piere.. Piere.. Pierewiet Hoera.
Weer viere feas in ôs dörpke, Piere.. Piere.. Pierewiet Hoera.
Wéér ellef jaor haet dae d'rbie, feasvierend Bor, dat zunk dus blie.
Mit alle man, zoa hel 't kan, Pierewiet Hoera, veur oze Jan.

En noe Bor 'ns ech geit feaste, noe is hie get loos.
Gaef mich nog get bônne Hoebèr, dalik liej v'r doos.
Dreaj de kraan mer volop aop, röndje van de zaak.
Gaon weer saam d'r taege-aan, door 't lintj en oet 't daak.

De vastelaovend doert dit jaor haos zeker èns zoa lank.
Gans 't dörp löp dus te viere en gein minsj is krank.
Toes hild me noe nemes mea, sjuu dat me get mis.
Volg de Bessem Pierewiet, ômdat dae jaorig is.

HOME PLAATSNAMENOVERZICHT HOME

PLÖK DE DAAG
1986: Tekst: Mientje Dumernit-Maas - muziek: Frans de Bruijn
Oetveuring: Mientje Dumernit-Maas

Sjang, dae barsde van de cente,
mer hae haw altied kròm zin.
Mit tachtig sjnakde hae nao leefde,
en kreeg toen gein vriendin.

Refrein:
Plök de daag, plök de daag, hauwt uch leef.
laot 't hart get sjneller kloppe.
Plök de daag, plök de daag, estebleef !
Leef luuj, ich kèn neet sjtoppe.
Laot uch hart get sjneller sjlaon,
want dees drie daag zeen zoa gedaon.
Laot uch hart get sjneller sjlaon,
want dees drie daag zeen zoa gedaon.

Soms bès te blie en soms auch waal èns neet.
Gelök, dat besjteit neet zònger verdreet.
'n Bietje numme, heel vööl gaeve,
mer dees daag is dat òm 't aeve.

Woonste in Bor of woonste in Paries,
in ene auwe kraom of in 'n sjoan palies,
veer laeve noe op òs geveul.
't Hart verwermp en 'n pilske keul.

HOME PLAATSNAMENOVERZICHT HOME

POLONAISE IN BOR
1989 : Tekst: Jan Heffels - muziek: Richard Meeuse
Zang: Jong Nederland

Sjuuf sjteul aan de kant, op nul dat versjtand,
En dans de polonaise in ós Border landj.
't Sjteit zich geliek op welke meziek,
in polonaise door 't Pierwieter-riek.

Al sjtraote en al buurte gaon handj en handj dit jaor.
De hei sjteunt oppe sjouwers van de buurt achter 't sjpaor.
Van hunjsbrook tot de verkeshei blif geine noe mea thoes.
Me dans de polonaese van graasbrook pis oppe sjloes.

De Parkwaeg en de Vauwersjtraot slut aan bie gans de Berg.
De Pötsjtraot sjnap get achter baks mer geine vundj dat erg.
De Bergstrjtraot en 't Getelberg haoke nog jus d'raan.
Wes ein en twea dat ermp zich van kepelke pis auw baan.

De Kirksjtraot sjnap 't Städge noe bie de sjouwers was.
De prins dae volg de wieze raod aan hunne sjluppe jas.
De polonaese hilt gans Bor van de sjteul en oppe bein.
De bóntje sjtórm dendert door Bor wie ens de kaole-trein.

HOME PLAATSNAMENOVERZICHT HOME

DE (NUUJE) PRINS
1989 : Tekst: Jan Heffels - muziek: Jan Kitzen
Zang: De Sjötte

Refrein:
Dae maoge veer waal, jao dae höbbe veer gaer.
Dae jóng mit die patsch en mit dao op die vaer.
Dao truk noe gans Bor drie daag achter haer.
Dat is jao óze prins mit die patsch en die vaer.

Jeder jaor is 't toch weer effe zeuke,
venj veer aug dits kear opnuuj zoa'ne leuke.
En dae 't dan wurd, krig dae noe aug wieze raod.
Dan wet Bor drie daag van ziene Prins gein kaod.

Veuraaf heuêrste luuj die meine 't te weite,
wo of dat ter woont en wiej hae zal heite.
Versjient de prins good gemöts, sjoan oetgedos,
bliek dat toch in Bor haos nog geine get wos.

Wae sjtrak euver ós heers dat kan neet v'rekke,
want veer laupe mit as d'optoch geit trekke.
Sjmit hae intiej zien appelsien en babbelaer,
dan wurd hae dit jaor besjlis weer poppulaer.

HOME PLAATSNAMENOVERZICHT HOME

DE PRINSEVAER
2000: Tekst: Ronald Colée - muziek: Richard Coenen
Oetveuring: De Awt Prinse

Weer hejje gaer ein prinsevaer, op de revaer van ôs kolbaer.
Welke vaer is ôs egaal, al plök d'r ziene sjteek ram kaal.

Refrein:
Want mit ein vaer kômme veer los, zônger dat dat meujte kos.
Mit zien alle vaer v'r op, de ganse zaal sjteit oppe kop.

Weer hejje gaer ein prinsevaer, op de revaer van ôs kolbaer.
Welke vaer is ôs egaal, al geuf d'r ôs zien bèdsjpieraal.

Weer hejje gaer ein prinsevaer, op de revaer van ôs kolbaer.
Welke vaer is ôs egaal, Fezantevaer of Bèdsjpieraal.

HOME PLAATSNAMENOVERZICHT HOME

RAEKENE
2001/2002: Tekst & muziek: Richard Coenen
Zang: Duo Jônk Belaege

Refrein:
Mit Vastelaovend kènt geer op mich raekene, sjrieve en teikene.
Mit Vastelaovend kènt geer op mich raekene, hônderdelf prozent.
En zeen mien krietjes op, doon ich 't oet de kop.
Dat geit vanzelf da's gaaroet gein probleem.
Mit vastelaovend kènt geer op mich raekene, hônderdelf prozent.

Vreuger op de sjoal zag de meister taege mich:
Teikene en sjrieve dat is toch niks veur dich.
Optèlle en deile, dao-aan hauw ich sjpas.
'ch Höb doe heal good opgelèt, dat kump mich noe van pas.

Later op mien werk zag de baas 'ns taege mich:
Besseme bènje, dat is toch niks veur dich.
Raekene en tale, dao-aan hauw ich sjpas.
'ch Höb doe heal good opgelèt, dat kump mich noe van pas.

HOME PLAATSNAMENOVERZICHT HOME

DE REMME LOS
1998: Teks & muziek: T.Puts, B.Puts & C.Verjans
Oetveuring: De Koetnaze

Refrein:
Mit de vastelaovend, gaon bie ôs de remme los.
Weer weare dan zoa drök, de mam is dan de klos.
Ze maak veur ôs de pekskes klaor, dan kènne w'r weer gaon dit jaor.
Es gekke gaon w'r weer tekear, w'r woare bie de pap en de mam in de lear.

Op d'n easte daag beginne weer flink te feaste,
de optoch trök dan door 't dörp.
Reage of wèndj, weer trèkke dan mit.
Daonao gaon w'r dan oet..

0p d'n tweade daag, es weer zeen oet-gesjlaope,
de sjmink nog op de kösses zit.
Weer verkleije ôs weer, weer drènke get beer,
en weer maake dan vööl plezeer.

Op d'n derde daag, de letste daag van feaste.
's Aoves brent de bessem aaf.
dat is 't ènj, pas volgend jaor weer.
Jao, dan doon weer 't weer.

HOME PLAATSNAMENOVERZICHT HOME

DE RIEJ-OUWERS
2006/2007: Tekst: Jan Heffels - muziek: Stevie Thiessen
Zang: MiNi (Michel Dekkers en Nicole Salden-Daniëlse)

Refrein:
Ich ben de taksi-mam, en ich de taksi-pap
Veer mòtte nuchter blieve, òs kènjer gaon op sjtap
Ich ben de taksi -mam, en ich de taksi -pap
Veer sjtaon hiej dreueg te kieke op aafsjtendj van de tap
Mer veer zeen zoa hauvernachte
neet de ènnige die op hun kènjer wachte
mit zien alle gaon veer door ’t Limburgs lendj
Noe ’t kiendje auwer wurd, wurd de auwer effe kèndj.

Mien dochter die is dertiën en dae kleine poet
Die wilt mit vastelaovend noe aug ’t törp ‘ns oet
Zoa’n maedje sjnachs allein dat vunjste neet normaal.
Doe sjtrieks euver dien hart, brungs en haols dien sjäöpke waal.
Mer wachtend in ‘t duuster klink muziek vertroewd
En mit kollega-riejers wurd sjpontaan ’n fiës geboewd

Ich staon ies te baere of leun in de porteer
Vief minute euver tied wurd langzaam ’n kerteer.
Ich heuer michzelf al vloke wo blif dae krauwel noe
En door al dat wachte sjleit vervaeling aug nog toe
Dus heuerste door de aope deur ’n vastelaoves-deun
zeukste op de sjouwers van collega-auwers sjteun

De klok tik richting drieje ’t feas dat zit d’rop
Mer veer ouwers driëje nog ’n rundje oppe sjtòp
De kènjer waere langzaam meug en wille bès nao bed
Hun pap en mam kriege ze veurluipig nog neet mit
Die trekke door de duusternis ‘nne lètste polonaes
òf hunne vastelaovend get anges is gewaes

HOME PLAATSNAMENOVERZICHT HOME

SAMBA CARNAVAL
1986: Tekst: John L'Espoir - muziek: Frans de Bruijn
Oetveuring: Ach maol Ellef

In de tied van carnaval, mit sjprènge en plezeer,
löp os Tru mit sambaböl en reup dan kieër op kieër:
"De samba zit mich in 't blood, kom, dood noe aeve mit,
en zèng ens flink oet volle bors de allernuuste hit."

Refrein:
Samba samba samba carnaval.
In jeder sjtad jeder dörp heurt me euveral:
Samba samba samba carnaval.
De sambaböl, die doon weer mit.
De sambaböl, die doon weer mit.
't Is samba carnaval.

Frens keek zich de auge oet en dach: "Wat is hie loos ?".
"Zoget höb ich naots gezeen", zag he taege Toos.
Toos zag toen: "Doe gekke Frens, kom blief hie noe neet staon,
en dans de samba carnaval tot weer noa hoes toe gaon".

Drie daag dolle carnaval, mer jederein hilt vol.
Tru huijt mit de sambaböl, haet veul sjpas en lol.
Es de bessem aan 't brenne is, de tied is dan weer om.
Sjpeel weer de samba carnaval nog effe op die trom.

HOME PLAATSNAMENOVERZICHT HOME

DE SAUS VAN 'T LAEVE
1999/2000 : Teks & muziek: Frank Dullens & Paul Heffels
Zang: Böshuuske Ontsjpannings Vereiniging

Refrein:
't Is de saus van 't laeve, die hiej pruttelt in de Limburgse pot.
Gooje sjmaak is oos gegaeve, dus sjuuf mer aan, kom dooch ut noe mer flot.
En zeen veer weer die hauve gaare luuj, is dat de jus, is dat de jus.
't Is de saus van 't laeve, Die hiej pruttelt in de Limburgse pot.

Veer maake 't, veer maake 't, veer goajen 't biejein.
Veer sjnappe oos van alles get en reure dat doorein.
Ein bietje sjpas, ein bietje trööt, ein bietje clowneriej.
D'r is veur jederein genog, dus luuj kom auch derbiej.

Veer maake 't, veer maake 't, veer reure 't doorein.
Biej os hiej kump oet jeder sjtreek ut beste noe biejein.
Ein bietje Peel, ein bietje Maas, ein bietje Heuvellandj.
En alles zit d'r middenin, nae, niks hungk aan de randj.

Veer make 't, veer make 't, veer reure 't doorein.
Biej ôs kump oet 't ganse dörp 't bèste noe biejein.
Ein bietje Hei, ein bietje Berg, ein bietje Meulesjtraot,
en alles zit d'r middenin, veurop de prins en raod.

Laepelt geer uch leapelke mit, van al dat lekker dat dao in zit.

HOME PLAATSNAMENOVERZICHT HOME

SJAAK-MAT!!
2002/2003: Tekst: Willy Janssen-Savelkoul - muziek: Manuel Janssen
Zang: Niks Dao

Refrein:
Sjaak-mat; mit vastelaovend, ich bèn gans verlaore
Sjaak-mat; doe höbs mich plat, doe deegs dae sjlumme zat
Sjaak-mat; mit vastelaovend, ich bèn gans verlaore
Sjaak-mat; doe höbs mich plat, doe höbs mich sjaak gezat.

Es de keuning van 't sjaaksjpel jeeps dich op 't patsjebal
Ich kreeg 't kauwt en werm, sjnapde dich gaw in d'n erm

Same in de polonaese, ein pilske aan d'n tap
drie daag bèn ich gesjaak, höb se mich gans blie gemaak.

Nao de vastelaovend ging toen dien masker in de kas
ich weit mich geine raod, ich weit neet wae d'r ônger zaot!

HOME PLAATSNAMENOVERZICHT HOME

'T SJAELKE
2000: Tekst: Mia, Lex en Lei - milledie: "Caramba Carachi" (Heino)
Oetveuring: Duo Geplök

Refrein (2x) :
Angaelke, wo is toch mien sjaelke ?
Angaelke, mien vastelaovessjaal.
Angaelke, wo is toch mien sjaelke ?
En de res dat is mich egaal.

Angael ruirnp altied alles op, höör hoes is dan auch tip en top.
Mer wurd 't vastelaovestied, dan is dae Wil weer alles kwiet.
Wil, dae reup mit vööl kabaal: "Zèk Angael, wo is mien sjaal ?
lch gaon zeuke en zeuke en zeuke. en oeteindelik, dan vènj ich ze waal".

Truk sunjigs dan d'n optoch rôntj, sjteit Wil dao lekker werm en bôntj.
En hae vuntj 't onnog gaar neet gek, want hae haet 'nne werme nek.
Wil dae kik ôs lachend aan, en hae zaet dan gans sjpontaan:
"Ich ging zeuke en zeuke en zeuke, vônj ze bie de vastelaovesvaan".

Laatste refrein:
Angaelke, ich höb noe mien sjaelke.
Angaelke, ich höb noe mien sjaal.
Angaelke, ich höb noe mien sjaelke,
en de res dat is mich egaal. (2x)

HOME PLAATSNAMENOVERZICHT HOME

SJLEUTEL
1998 : Tekst: Jan Heffels - muziek: Paul Voncken
Zang: De Sjötte

Aan de garderobe zuuste mich ummer weer,
zeuke nao 't bunke, 't doert waal 'n kerteer.
Sjtaon ich effe later g'reid, mit mien erm vol jes,
reup die van mich van wiet aaf: "Hei, zèk, noe gank mer vas."

Refrein:
Lèk mich de sjleutel, sjat, mer ônger de deurmat, sjat.
Maak dich mer ôm mich neet drök, want ich, ich gaon nog effe trök.
Lek mich de sjleutel sjat, en dich, dich plat, sjat, mer alvas op diene rök.

Beste eindelik vaerdig, klaor veur nao hoes te gaon,
zuuste diene leefste aan 't buffet nog sjtaon.
Die wèt nog neet van wieke, in jeder hendj nog beer.
Die zal nog waal get blieve, lèk dich dao mer bie neer.

Sjnachs lik ich te druime, badend in 't zjweit,
van bônke oppe veurdeur, die mer neet aope geit.
Es ich dan in mien bed 'n laege plek besjpeur,
is 't of ich van boete 'n vrouwesjtömke heuer.

HOME PLAATSNAMENOVERZICHT HOME

SJLOET MER AAN
2001: Tekst: Boetegeweun - muziek: Richard Coenen & Marijn v.d. Munckhof
Oetveuring: Boetegeweun

Refrein:
Sjloet mer aan, sjloet mer aan, luuj noe pak uch lekker vas.
Sjloet mer aan, sjloet mer aan en lang laeve de sjpas.
Sjloet mer aan, sjloet mer aan en haol 'ns alles oet de kas.
Sjloet mer aan, sjloet mer aan en lang laeve de sjpas

Weer zeen hiej weer biejein, mit ôs alle, groat en klein.
Doot geer mit, sjloet mer aan, trèk uch nurges get van aan.
Veer höbbe't altied nao de zin, beer, dat geit d'r ummer in.
Doot mer gek, blief neet sjtaon, laot uch noe 'ns lekker gaon.

Weer zeen hiej ummer te vènje, mit 'n leedje dat weer zènge.
Doot geer mit sjloet mer aan, trèk uch nurges get van aan.
Lach geer mit en gaot neet griene, laote weer 't zunke sjiene.
Doot mer gek, blief neet sjtaon, laot uch noe 'ns lekker gaon.

HOME PLAATSNAMENOVERZICHT HOME

DE SJLUMSTE HOON
1990: Tekst: Jan Heffels - muziek: Richard Meeuse en L. Marx
Zang: Jong Nederland

Refrein:
Auch de sjlumste hoon lèk in de netele,
de beste haan kreat waal èns 'sjnachs.
Jeder ei kan bès ein kuuke waere,
auch went me dat neet mea verwach.

Wae zich sjtrak get drènke wilt, mit de vastelaovesdaag,
vreug neet nao de heuègte van de pries, of dae van de kraag.
Of dat de ober veur 'n runj, zös maole veur dich löp.
En geit 't èns fout, leat ôs dat koud,
geine krig van ôs de sjout, want leef luuj ônthoud:

Mit de sjlager of optoch neet de easte pries gemaak,
dat lik toch neet aan oos zjuurie, mèr auch aan oos zelf,
of waal of neet zoa vööl plezeer, neet in dat prieske zit,
En geit 't èns fout, leat ôs dat koud,
geine krig van ôs de sjout, want leef luuj ônthoud:

HOME PLAATSNAMENOVERZICHT HOME

SJNOEF, SJPUIT EN SJLIK
1995: Teks & muziek: Marisse Jetten & Ronald Colee
Oetveuring : Sjlik, Sjpuit en Sjnoef

Ich zjweit al es ich d'r aan dènk,
en riejer wie ein blaad door wèndj.
Ich kèn d'r neet genôg van kriege,
en es 't langs mien naas geit, dan gaon ich door 't lèntj.

Refrein:
Dus .. sjnoef ich aan mien sjminkdoas, sjpuit verref in mien haor,
sjlik kieloos appelsiene en dat al èllef jaor.
Versjlaaf aan vastelaovend, dat brunk dich gein gevaor,
versjlaaf aan vastelaovend bèsse zônger bezjwaor,
versjlaaf aan vastelaovend bèsse zônger bezjwaor.

Ich verkleij mich al van jôngs aaf aan,
es kojboj of es indiejaan.
Ich kè dao eine kik van kriege,
en kèn d'r daonao weer 'n tiedje taegenaan.

En zeen de drie daag weer veurbie,
krieg ich jeuk aan mien ganse prie.
Mien ganse lief begint te trille,
zoa wie 'nne, jao, wie 'nne, ich weit neet wie.

HOME PLAATSNAMENOVERZICHT HOME

DE SJRAVELAER
2003/2004: Tekst: Magda Tholen & Marjon Olijve - muziek: Richard Coenen
Zang: De Sjravelaere

Refrein:
Ich bèn Sjravelaer en hawt van vastelaovend
En mien hart sjleit in de maot
Rippetiesies loupe altied väölbelaovend
'n Valsje noat kènt dan gein koad
Hawt geer van sjpas... of... Hawt geer van sjpas
Sjnap dich de jas... Snjap uch dan vas
Heuert geer de bas... Sjpring mit ôs mit
Haut dem dan vas... Dan blief geer fit
Ich bin Sjravelaer en hawt van vastelaovend
En mien hart sjleit in de maot

Es muziekant gebaore zag de mam 's taege mich
'n Instrement bespjele jông dat waor noch get veur dich
Ich höb neet lang getwiefeld en 'n träötje mich gekoch
Ein Zaate Hermenie höb ich toen sjnel d'rbie gezoch

Op deensdig rippetiesie, dan zeen veer weer paraat
Behawve ôzze Matje, dae kump weer 's te laat
't Sjlaagwerk en de sjuuve die zitte dan al kloar
De tuba's en de saxe die träöte zich ein bloar

HOME PLAATSNAMENOVERZICHT HOME

'T SJRAVELLEED
1988: Tekst: De Sjravelaere - muziek: Guus Smeets
Zang: Sjravelaere

Refrein:
Dae hiej biej ós in Bor gebaore en getaoge is,
dae sjaamt zich neet en kump dao altied gaer veur oet.
Dae huit van sjmörges tot saoves laat flink op die kis,
dat is eine bessemebenjer, dat zuuste aan zien sjnoet.

De Pierewieters, bekker Jan en auch de sjlegter,
gaon nao de pasterie en numme 't dervan.
Ze drènke beer en waere zaat van Kellergeister,
ze pakke 'n maske en sprenge drie daag achterein.

En auch de Hei kump noe nao Bor om sjpass te make,
de groatste braniemaekers loupe weer veurop.
Niks kan ós méär sjèle, auch het waer deit neet terzake,
veer sprenge ós werm en zenge dan oet volle bors.

Mèr nao drie daag zeen veer verplich om dat te sjtake,
onger de auge höbbe veer dan zjwarte renj.
Al dat gesjjpreng en gehos kènne ver neet langer make,
verbrenne de bessem, mit de héäring tösje de tenj.

HOME PLAATSNAMENOVERZICHT HOME

DE SJTAP
2002/2003: Tekst: Truus & Tea - muziek: John Dullens

Refrein:
Zjwej mit de errem van veur nao achter
Sjtamp mit de veut hel en zachter
Eine sjtap nao lènks, weer gaon ôs vermake
Eine sjtap nao rechs, vastelaovend geit ôs rake
Eine sjtap veuroet, ach zoane sjoane tied
Mer ein sjtepke trök, dat kènt altied
Wèt' ste dan nog neet wie 't môt
Dreaj dan 'ns mit dien vot

Drie daag lank verkleit en mit een gekke sjnoet
Danse weer de polenaes veur- en achteroet
Pak de buurman biej de erm, de henj gaon van de grôndj
Jông, wat höbbe weer plezeer, weer gaon de zaal weer rôndj

Zet de zörrig mer weg en pak uch noe biejein
Hie bie ôs geneet se drie daag zeker neet allein
Jao, v'r gaon noe in de rie, weer same achterein
Jông, wat höbbe weer plezeer, kefees zeen weer te klein

HOME PLAATSNAMENOVERZICHT HOME

DE SJTILLE
1992: Tekst: Frank Dullens - meziek : Ank Lebens & Frank Dullens
Oetveuring: Ank en Frank & De Bessemkapel

Ich kèn neet mitdoon, bèn vööl te sjtief, nae gans geweun, ich kèn 't neet.
Gein polenaese aan mien lief, ellek jaor 't zelfde leed.
Daorôm maedje, laot mich los, want mit mich bèsse de klos.
En 't kalle van die luuj, maak mich ônzeker, sjtil en sjuu.

Refrein:
Wat ze zègge, zaet mich niks, wat ze vènje, vènj ich neet.
't Is mer sjus wieste-'t bekiks, mit eine lach of mit verdreet.
Zeuk nao de zôn doe "Klaos van hout", die sjtraolt veur niks 't sjoanste gout.
Laef dich oet, doe "reub van zaot", in de vastelaovesmaot.
Laef dich oet, doe "reub van zaot", in de vastelaovesmaot.

Vööl te vööl load zit in mien sjoon, want ich weit zeker dat ich faal.
Ich höb 't zjwaor mit mich te doon, ich verzoep hiej in dae zaal.
Daorôm maedje, kiek en merk, doe bès mich ein maot te sjterk.
En 't kalle van die luuj, verzèt mich in ein sômber buuj.

Wie mea dat ich dich zeen en heuër,
Wie langer dat ich mit dich sjoai, deste sjneller ich ôntdoai.
Doe bevrieds mich van mien rem, Vastelaovend krig mich klem.
En 't kalle van die luuj, zaet mich noe niks mea, nondeju.

HOME PLAATSNAMENOVERZICHT HOME

'T DEIT MICH GEIN FLUIT
1993: Teks : Frank Dullens - muziek: Jan van Mousch
Oetveuring : De Mosemzèngers

Refrein:
't Deit mich gein fluit, dat ich nurges op sjlaon.
Vastelaovend besjteit, door d'rnaeve te gaon.
't Deit mich gein fluit, dat ich nurges op sjlaon.
Vastelaovend besjteit, door veur joker te sjtaon.
't Deit mich gein fluit, dus laot ich mich gaon.

Al vèntj geer mich ein sumpke, ich koch mich lèts ein trumke.
Zaot al aan d'n top, mer 't sjloog nog nurges op.
Mien trôm, die hauw 't hel, sjprông van ealendj oet 't vel.

Doe höb ich ôm te blaoze, veur saxefoon gekaoze.
Waor daoveur te lômp, mien noate klônke krômp.
Ich beet, tot mien verdreet, eine sjplinter oet 't reet.

't Leek mich auch bès klasse om ein pertie te basse.
Jông wat ein gemaor, dae klômmel bloos te zjwaor.
Veur sumpel tiedverdrief, bloos ich lônge oet mien lief.

HOME PLAATSNAMENOVERZICHT HOME

'T IS CARNAVAL
2002/2003: Tekst: Roy Meisters - muziek: Dominique Leurs & Roy Meisters
Zang: Effe Get Angesj

Refrein:
't Is carnaval, dat heuerse euveral, in Bor is get te doon
Laot noem er gaon, v'r blieve ech neet sjtaon, dat vènje v'r väöl te sjoan
't Is Carnaval, dat heuerse euveral, dan hauw v'r op die kis
V'r blieve noe weer drie daag gaon, ômdat 't vastelaovend is.

Bor dat is 'n sjoane sjtad, v'r sjtaon zoa fejn d'rop
Noe heit v'r Zitterd en Gelaen, en Bor kump achterop!
Worôm is 't toch zoa gegaon? Dat zaet mien tante Cor
Want nemes kalt hiej Zitters, jao, v'r kômme toch oet Bor.

Hej v'r toch noats "jao" gezag, dan waor 't noats gebeurd
Noe sjtaon v'r hiej te sjprènge en te sjejje ôm de beurt
Mer wètse wat ich mich bedènk: Dat zit hiej bès waal sjnor
Want nemes kènt zoa feaste, wie de luukes hiej oet Bor!

HOME PLAATSNAMENOVERZICHT HOME

'T IS WEER VASTELAOVEND
1991: Teks & muziek: Ank Lebens
Oetveuring: Altied Get

Eine echte Pierewieter zeuk plezeer neet wiet van hoes.
De Tempel is dan drie daag lank zien ènnigste tehoes.
Biljarts zeen dao aafgedèk en eine tweade tap d'rbie.
Polonaise door de Sjoester, alle luuj die zènge blie:

Refrein:
Alaaf, 't is weer vastelaovend.
Jao, gans Bor huit noe weer drie daag op die kis.
Alaaf, 't is weer karnaval.
Vastelaovend in Bor, da's 't sjoanste wat 'r is.

Van Zef oet geit 't dan ein heal klein sjtökske wier op.
Bie Pierre en Ellie sjteit de tent dan auch op ziene kop.
De tillefoon, nae dae sjteuêrt gaar neet, in 't midde van 't kaffee.
Dao wurd geweun omhaer gedans en ederein zunk heal tevree:

Dan trèkke veer weer wier, kômme in 't gemeinsjapshoes.
Dao sjprunk van alles rôndj, allein dae Luc, dae geuf neet toes.
Eine D.J. veur meziek, veur jônk en auwt en groat en klein.
't Is waal zjweite, trèkke, duuje, mer auch dao klink dit refrein.

Al zèngend door de Kirksjtraot gaon veer dan nog richting sjpaor.
't Terras verleech en 'n pilske sjteit bie Wim en Mar al klaor.
Zellefs de tekste van de Leedjes höbbe zie dao zjwart op wit.
De dirizjent steit aan de tap en ederein zunk mit 'm mit:

HOME PLAATSNAMENOVERZICHT HOME

'T IS ZJWAOR IN MIEN KÖPKE
2003/2004: Tekst: Jan Heffels - muziek: Michel Dekkers
Zang: Michel Dekkers

Refrein:
't Is zjwaor 't is zjwaor in mien köpke
In miene kop is 't eine ôngerein
't Is zjwaor 't is zjwaor in mien köpke
Veur die geveules is mien köpke te klein
't Is zjwaor 't is zjwaor in mien köpke
Veur die geveules is mien köpke te katsch
Alees bleujt, breujt en gleujt in mien köpke
Miene kop geit mich baove de patsj

Ich kaom oet Hollendj en ich wol 't 'ns zeen
Get waat in mien auge belachelik sjeen
Mer wie ich ze zoog gaon in get geks
Dao kaom ich neet wiejer es jus deze teks

Noe doog mer 'ns mit goof me mich toen es raod
Dich ammezere, dat kan toch gein kaod
De blik heal aeve ôneindig gerich
Op nul dat versjtendj da's neet meuijlik veur mich.

Drie daag rempetempe dat veel mich neet good
Ich haw las van mien sjpiere, mien bein en mien blood
Mer baove dat alles, zoa woord ich gewaar
Waor auch 't geveul in mien köpke get raar

En noe jaore later bèn ich 't gewènd
Hoewaal 't auch noe nog gebeure kènt
Dat ich bie 't zeen van vastelaovesplezeer
'ns Trök dènk aan vreuger en dan höb ich 't weer.

HOME PLAATSNAMENOVERZICHT HOME

'T MAAK NIKS OET
1999: Tekst: Marian Hochstenbach-Peters - muziek: Arthur Geelen, Ilona Schouten
Oetveuring: Feeling Young

Refrein:
Carnaval of vastelaovend, maak neet oet wie geer 't nump.
Es geer allemaol mer mitdoot, dan is ederein good gesjtömp.

Kiek ze loupe door de sjtraote, sjprènge hie mer in 't rôndj,
zeen geverf in alle kleuere en dan zeen ze kakelbôntj.
Ze sjprènge en ze zènge en ze höbbe reuzelol,
want 't is weer vastelaovend en dan zeen ze sjtapeldol.

De optoch truk weer door 't Borse, doezend luu sjtaon langs de kentj.
Vastelaovend viere weer same en dat doon weer hendj in hendj.
Nao de hei en dan weer trök, jao, dat geit in eine rök.
Bie de Bènjer kômme weer same, dan is 't dit jaor ame.

Nao esjgoonsdig is 't euver, drie daag lank van sjpas en lol,
en ôndanks de kater, sjöt de glaeskes nog 'ns vol.
Masker dat geit noe de kas in, zoa wie auch de sjluppe jas.
En dan zulle weer mer houpe, dat 'r volgend jaor nog pas.

HOME PLAATSNAMENOVERZICHT HOME

'N TOP-LEEDJE
1995: Tekst: Jan Heffels - muziek: Paul Voncken
Oetveuring: De Sjötte

Refrein:
De top..., de top...; jederein bruk zich 't gans jaor de kop,
wie haol ich oats... de top ?
Mer mit de vastelaovend sjteit alles oppe kop,
kènt me mit zien alle, de pot op mit de top.
En allein veur 'nne nachtelijke sjtop,
de top..., de top...; verlank me mit die daag nog nao de top !

Eine van de zengers die of geer heuert vandaag,
hauw van bènne 'n appaart geveul en zenuwe oppe maag.
Op 't lèts waor hae zoa dreajerig dat hae hals euver kop,
de hoage noat aafkniepe moos in zien sjtraeve nao de top.

D'n dweil dae hing 't sangerendaags verlaore aan d'n teek,
en veulde duud'lik natigheid, wie de bessem nao 'm keek.
"Doe môs aan de voot beginne", zag dae, "sop 't dich mer op,
Al is 't neet de sjoanste waeg, 't is de sjnelste nao de top !"

'nne Naatsje hearing, dae zat d'r alles op,
later es hae groat waor, wol hae es rolmops nao de top.
Mer op esjelegoonsdig, sjprook hae mit zoan zoer gezich:
" 't Haed niks maoge bate, ich höb de top al achter mich !"

HOME PLAATSNAMENOVERZICHT HOME

TÖSSJE AUTOWAEG EN KENAAL
1997: Tekst: Har Hochstenbach - muziek: Jo Caelen & Har Hochstenbach
Oetveuring: Veer Veer

Refrein:
En tössje autowaeg en kenaal, waor 'ns heal vööl kabaal.
Ze kaome kieke oet alle wieke, de raod van èllef leep veurop.
De Prins dae sjtông weer in de top, en in Bor sjtông ederein weer oppe kop.

Ich loup hie door 't dörp aaf, ich weit neet wat ich zeen.
De luuj die sjtônge boete, dat waor heal good te zeen.
Ze zônge en ze sjprônge, dat deit ein minsj toch good.
Ze viere vastelaovend mit heal vööl gooje mood.

Es ich mit vastelaovend 't dörp 'ns rôndj zal gaon,
zal ich mich neet vervaele, ich zeen de luuj al gaon.
De kaffees die kôm ich bènne, dao is 't al weer vol.
Dao blief ich effe kieke, al is 't veur de lol.

Saoves aan de tapkas, dan is d'r weer get oet.
Dan kômme ze nao bènne mit ein geverfde sjnoet.
En este dan 'ns loesters nao al dae sjaele kal,
dan krigste auch te heuere wat die daag gebeure zal.

HOME PLAATSNAMENOVERZICHT HOME

TUINMAN HARIE
1985: Tekst: Jan Heffels - muziek: Frans de Bruijn
Oetveuring: De Sjötte

Refrein:
Harie woord tuinman van beroep.
Hae raek noe de kezel, hae vaeg noe de sjtoep.
Leet buim en hegge greuje,
leet sjtruuk en bleumkes bleuje.
Door zien werk en ziene sjteun,
blif oos Graethei toch nog greun.
Door zien werk en zìene sjteun,
blif oos Graethei zoa greun.

Mea es twintig volle jaore moos Harie in de koele maore.
Mer opèns looch Harie d'r boete want de Maurits ging toen sjloete.
Van 't beenewerk houw hae genóch en zooch zich 'n baenke in de boete-loch ?

Zien koempels, dat is ummer, die meinde zie waore sjlummer.
Noe de miene waore verdwene, wolle die dreug hun geldj verdene,
en gónge nao DAF of SBB., mer wèt geer wat koempel Harie dee ?

Mer noe begint hae te mirke, hae haed dao veur niks laupe wirke.
Veer hove 't neet oet te wieje, ´t is de sjout van de industrieje.
Sjtrak zit Harie es tuinman klem tössje de paorte van de DSM ?

HOME PLAATSNAMENOVERZICHT HOME

TWEA NÔNNE
2001/2002: Tekst & muziek: John Dullens
Zang: Flying Lights

Refrein:
Weer zeen twea nônne, jao van die knonne,
vlege mit dees daag weer oet.
Weer zeen twea nônne, vlegende knonne,
brènge sjtömming in de boet.
Weer zeen twea nônne, richtige knonne,
doon aan alles mit uch mit.
Es zuster Ameretia en zuster Amehoela.
Weer zeen twea nônne wo meziek in zit.

Veur ôs is deze tied ein zaege.
Dan kèn v'r d'r ein gans jaor weer taege.
Weer zeen twea zusters ônger ein kap.
Jao, dit feas wirk wie eine roaje lap?

Ein leedje zènge doon v'r waal vaker,
in ein kepel, mer dat is noats eine kraker.
Mit zangles höbbe v'r d'r alles aan gedaon,
ôm hie veur uch... 'ns te sjtaon.

HOME PLAATSNAMENOVERZICHT HOME

VAN PIERRE TOT AAN DE SJLOES
1989: Tekst: Niks Dao - muziek: Frank Pörteners
Zang: Niks Dao

De èlfde van de èllefde begint veur ôs de sjpas.
Alle hermeniekes haole hun trööt dan oet de kas.
En zeen de feasdaag ôm, dan gaon veer nao de revuuj.
Omdat het altied leuk is, kôm veer jeder jaor opnuuj.

Refrein:
Vastelaovend brunk ôs vööl plezeer,
mit ein gekke patsj en ein good glaeske beer,
Vastelaovend brunk ôs vööl plezeer,
en daorôm viere veer het dan auch jeder jaor weer.

Zunjig ôm 'n oer of twea, dan truk den optoch oet.
Jederein dae sjravelt mit, de pap de mam de poet.
De Prins en de Prinses, die sjtaeke der baovenoet.
Ze goaje dich mit sjlôk en appelsiene in dien sjnoet.

De jôngste ônger ôs, die hosse in 't gemeinsjapshoes.
De res van ôs viert karnaval van Pierre tot aan de Sjloes.
En op de Meulesjtraot, dao gaon ze nao La Mar.
En veurdat het tied sjloete is, dan kômme ze ônger de kar.

HOME PLAATSNAMENOVERZICHT HOME

VASTELAOVEND IN BOR
2001/2002: Tekst & muziek: John & Hub Dullens
Zang: De Dultons

Refrein:
Vastelaovend wil ich viere in Bor.
Dao sjreaf ich mien kael 't leefs harsjtikke sjor.
Dao bèn ich gebaore, dao veul ich mich toes,
bie 't kepelke, 't sjpaor en de räök van de sjloes.

Laot mich mer raoze, dan veul ich mich top.
Geine sjtres, mer ein roaj naas op miene kop.
Euver de Meulesjtraot, langs de kirk mit ziene haan.
Ein lekker pilske en ich dènk nurges mear aan.

Wat kènt mich gebeure, wat maak 't auch oet ?
Mit vastelaovend bèn ich 'ns lekker d'roet.
Langs borse kefeekes, rie aan rie.
Jao, mit die daag geit 't mich lekker aan die prie.

Es 't dan later wurd, naat van de zjweit,
weit ich eigelik neet of 't nog langer zoa geit.
Versjtendj op nul 'n eike in de pan.
D'n daag dao nao gaon ich weer net zoa hel d'ran.

HOME PLAATSNAMENOVERZICHT HOME

VASTELAOVEND IS VEUR MICH
2006/2007: Tekst & muziek: Richard Coenen
Zang: Duo Jônk Belaege

Vastelaovend is veur mich een heutje en een pruuk
Ein bòntj pekske en dae sjmink dae zoa lekker ruuk
Vastelaovend is veur mich die sjoane valsje noat
Einzelgenger mit ‘nne sjamp, wat is dae waage groat
Wat geer mesjien wal weit wo ’t eigelik om geit

Refrein:
25 prozent van tradiesie en meziek
35 prozent sjpontanieteit
mit nòg 40 prozent lol en sjpas maak biejein
100 prozent vastelaovend

Vastelaovend is veur mich ‘n masker en ‘n träöat
Polonaise oppe sjtraot, confetti in de gäöt
Vastelaovend is veur mich ‘t lache mit ‘n buut
Wirke op de achtergròndj, luuj die nemes zuut
Wat geer mesjien wal weit wo ’t eigelik om geit

Vastelaovend is veur mich de vaere van de prins
de toesj veur een sjoan leedje, applaus toch op z’n mins
Vastelaovend is veur mich besjtèlle van hauf-òm
‘n Medaaje, sjluppejas, ‘n sjuuf, de dikke tròm
Wat geer mesjien wal weit wo ’t eigelik om geit

HOME PLAATSNAMENOVERZICHT HOME

VASTELAOVEND IS WEER TOP
2004/2005: Tekst & muziek: Stevie Thiessen
Zang: Opèns

Refrein:
Vastelaovend is weer top,
De ganse tent sjteit oppe kop.
Van sjmurgesvreug tot saoves laat,
Jederein dae sjteit paraat.
Bòntje kleuere euveral,
Glaeskes beer en sjaele kal.
Al bèsse jònk auwt, hoag-bejaard,
Mit vastelaovend raakse van de kaart,
Veer höbbe dan väöl sjpas en lol,
Mit vastelaovend oet de bol.

Jederein wilt iësjte rangs,
Want dalik kump d'n optoch langs,
De luuj die sjtaon in waer en wèndj,
Verkleid, mit d'n hòndj, veule zich weer kèndj.
De sjlòk dae vlug weer door de lòch,
´n Tuut vol is nog neet genòg.
Daonao gaon ze de kroeg weer in...
Hei ober, sjöt os nog mer 'ns 'nne in!?

De meiste luuj die zeen verkleid,
Get sjmink op diene kop en doe sjlaags geheid.
Al bèsse 'n sjaop, 'nne kloun mit 'n naas,
De vastelaovend doert väöl te kort helaas.
Veurse 't wèts is de tied gedaon,
En jederein mòt weer wirke gaon.
Vastelaovend veurbie, fienieto, klaor,
'Mer ich, ich verheug mich weer op volgende jaor!'

HOME PLAATSNAMENOVERZICHT HOME

VASTELAOVEND VIERE
2002/2003: Tekst & muziek: Hub Dullens
Zang: Hub Dullens

Refrein:
Vastelaovend viere dat doon veer allemaol
Klappe in de hendjes en make heal väöl lol
Sjtampe mit de veutjes en hauwe op ein trom
Ôs lekker ammezere dat is gaar neet sjtôm
Ôs lekker ammezere dao geit 't toch ôm

Same in d'n optoch of in 't kefee
Gesjmink of mit ein maske
Oetzeen wie ein fee
Kiek dao de Raod van Èllef de Prins en zien Prinses
Die gaon in polenaese nao de vastelaovesmès
Nao tean glaze beer is eder maedje sjoan
'n pruukske of ein heudje
Ich wil van veure sjtaon
Mer is 't dan laat, tied ôm nao hoes te gaon
Zeuk ich ein raos pruukske
Wo ich mit heives wil gaon.

HOME PLAATSNAMENOVERZICHT HOME

VASTELAOVEND VIERE WEER
1994: Tekst: Hub Scheffers - muziek: Rein Wijnands
Oetveuring : De Sjravelaere

Luukes, loester effe hiej, ozze tied is zoa veurbiej.
Daorôm eine gooje raod, ear d'r weer nao hoes toe gaot.
Sjlaot de henj mer 'ns inein, zèng mit ôs 'ns 't refrein.
Sjlaot de henj mer 'ns inein, zèng mit ôs 'ns dit refrein.

Refrein:
Vastelaovend viere weer, daag van lol en van plezeer.
Same pak v'r ôs biejein, en v'r make heal get gein.
Danse sjprènge doon v'r saam, totdat sjmörges kreat d'n haan.
Danse sjprènge doon v'r saam, totdat sjmörges in de vreugte kreat d'n haan.

Es de sjtömming nog good is, en ôs toes nog geine mis,
laote weer de klok sjtilsjtaon, dènk v'r neet aan heives gaon.
Drènke nog ein pötje beer, want v'r höbbe doos veur veer.
Drènke nog ein pötje beer, want v'r höbbe doos veur veer.

Pierewieters maak plezeer, tied van zörg, dae kump waal weer.
Zeet gelökkig es 't kan, dao waerd geer lao baeter van.
Zèt de zörg aan de kentj, 't is ein rös veur 't versjtendj.
Zèt de zörg aan de kèntj, 't is ein rös veur 't versjtendj.

HOME PLAATSNAMENOVERZICHT HOME

VASTELAOVESBLOOD
1990: Tekst: Marianne Lomme - muziek: Jo Janssen
Zang: Wie Besjteit 't

Refrein:
Pak 't heutje oet de kas, en de sjluppejas,
roaje naas, geverfde sjnoet.
Mit de ratel ôm de nak, vastelaovesfrak,
trèkke veer in Bor d'r op oet.
Nog 'n muulke veur Marie, och leef lekker prie.
Kôm, veer gaon nao Kueb en Nel.
Vastelaovesblood deit m'n hertje good.
Jao, 't kriebelt in mien vel.
Vastelaovesblood deit m'n hertje good.
Jao, 't kriebelt in m'n vel.

Marieke, leve sjnoet, veer gaon d'r effe oet.
Ich höb de kriebels in de bein.
Wat hawste dich gedach, veer gaon de ganse nach.
Veer passe toch zoa good biejein.
Noe köm toch mit mich mit, 'n maske maak dich fit.
Zèt al d'n zörg noe aan de kantj.
'n Pruukske oppe kop, dooch weg noe al dat sop.
Veer sjprènge weer 'ns oet de bandj.

Leef jông waat zaeste noe, wo wilse dan nao toe ?
Ich heuèr de trööte in de sjtraot.
Waat hawste dich gedach, ich dans de ganse nach.
Kepelle blaoze in de maot.
Kôm veer make kwatsj, mit of zônger patsj.
Ich höb m'n pekske aangedaon.
Allei, noe laot mèr gaon, laot alles dan mèr sjtaon.
Laot ôs noe aan de boemel gaon.

HOME PLAATSNAMENOVERZICHT HOME

VASTELAOVESGEVEUL
2006/2007: Tekst & muziek: Hub Dullens
Zang: Hub Dullens

Refrein:
Kènjer, mama's
Papa's, oma's en opa's
Danse, zènge,
Gaon in polonaise mit

Dan zeuk ich op de zölder
Trek kleijer oet de kas
Zet ein heutje op
En dan veul ich ’t pas

D'n optoch truk ròndj
Alle luuj die make lol
Wèts neet waat ze zuus
Ederein geit oet de bol

Gaon weer nao de kroeg
De pilskes die stjaon klaor
Danse weer oet de pas
En dan zuse ze ech waor. Wae?

Sjtaon ich sjmörges op
Ich weit neet wo ich bèn
Las van miene kop
Ich veul mich net ein hèn

HOME PLAATSNAMENOVERZICHT HOME

VASTELAOVES KRIEBELS
1998: Tekst: Anita Puts - muziek: Jo Caelen
Zang: Boetegeweun

Refrein:
Vastelaovend in Bor en weer zeen weer d'rbie.
Weer sjoenkele en zènge en danse ziej aan ziej.
Vastelaovond in Bor, d'n optoch trèk weer rôndj.
En jederein dae krank waor, dae veult zich weer gezôndj.

D'r sjteit get te gebeure, ich veul 't aan mien blood.
Dat begint zoa gek te kriebele, zèk luuj is dat waal good.
Gein rös mear ôm te zitte, gesjpanne wie ein vaer.
Miene baas is dao neet bliej mit, vreug wo môt dat toch haer.

Ich höb dat jeder jaor weer, zoa aan 't ènj van 't jaor.
Dat doert waal 'n paar mööndjes, toch kent 't gein gevaor.
Nao nuujaor wurt 't erger, dan sjteig mien temperatuur.
Daotaege hulp gein pilke, 't is geweun miene natuur.

Fibberwarie is de maondj, ich zit aan miene top.
Nao de vastelaovesmès steig 't blood mich in de kop.
Drie daag in bewaeging, ze kriege mich neet klein.
Neet te remme tot esjelegoonsdig, 't geit wie eine trein.

HOME PLAATSNAMENOVERZICHT HOME

'T VASTELAOVESMIDDESIEN
1997: Tekst: Petra Mooren - muziek: Richard Coenen
Oetveuring: De Sjravelaere

Refrein:
Es vastelaovend kump, dan veul ich mich top,
höb ich gein boekpien mea, gein sjteke in de kop.
Zit lekker in mien vel, fit wie ein hoon,
ich sjprèng ein gaat in de lôch, krieg van zènge neet genôg.
Drie daag lank kèn ich a-a-lles doon.

Es boete bleumkes bleuje, veul ich mich neet zoa good,
höb las van veurjaorsmeugheid, bezinksels in 't blood.
Van huikoors môt ich neeste, mien naas die ummer löp.
Dao zeen ech neet vööl kwaaltjes, die ich nog neet höb.
Somers blief ich bènne, de zon is mich te fel.
Waer misselik en lestig, verbren mich haos mien vel.
Van ieskes krieg ich maagpien, dus lègk ich mich in bèd.

Gaon de blaedjes valle, dan waer ich get bedrök,
veul wèntjerteane kômme, dus draag ich dikke zök.
Wie korter waere dage, wie sjlechter mien humeur.
Jao, dasse mich zuus lache, zoaget kump zelje veur.
En zellefs in desember, de waereld is dan wit,
van marsepein en krenskes, krieg las van mien gebit.
Höb vööls te vööl gegaete en veul mich weer neet fit.

HOME PLAATSNAMENOVERZICHT HOME

VASTELAOVES-POLKA
1996: Teks & muziek: Feeling Young
Oetveuring: Feeling Young

Refrein:
Este mit vastelaovend oet wils gaon, doog ----- dan mit en blief neet sjtaon.
Veer trèkke drie daag rôndj op 'nne polka, da's gezôndj.
Alle zörrig van de baan, veer gaon ----- d'r sjtevig taegenaan.
Este mit vastelaovend oet wils gaon, doog mit en blief neet sjtaon.

Wiel is 'nne gooje sul, 't ganse jaor ein groate nul.
Mer mit de vastelaovend geit hae eed're aovend.
Groate veut en 'nne kale kop en toch löp Wiel veurop.

Auch Truuke danst de polka gaer, neet mit Wiel maar waal mit Baer,
want Wiel dae maak 't dèks te bôntj, dan sjöört de brook 'm van de kôntj.
En Truuke lach zich dan kepot om Wiel zien bloate vot.

HOME PLAATSNAMENOVERZICHT HOME

VASTELAOVESSJPAS
1992: Teks & meziek : Jolanda Croonen
Oetveuring: Altied Get & De Bessemkapel

Drie daag lank gein maske drage, lealik och, dat maak niks oet.
Geine zal dao euver klage, 't geit 'm ôm ein gekke sjnoet.

Refrein:
Vastelaovend is weer dao, da's 't sjoanste van 't jaor.
Jônk en auwt sjnap zich dan vas, dat is vastelaovessjpas.

Saoves bèn ich dan gebraoke, doon mich al mien sjpiere pien.
Sangerendaags bèn ich herbaore, en ich sjprèng weer wie 'ne knien.

Sjmörges vreug höbste 'ne kater, karnaval, dat hoof neet mear.
Mer och, weer ein jäörke later, zungste toch weer kear op kear:

HOME PLAATSNAMENOVERZICHT HOME

VASTELOAVESSJPEEGEL
1995: Tekst: Boetegeweun - muziek: R.Haustermans
Oetveuring : Boetegeweun

Refrein:
Miene sjpeegel is euver zien toere want hea maak euveroere.
Jederein geit veur hööm staon, veurdat me weer op sjtap kent gaon.
Jao, in ôs Pierewietersriek wille veer de sjpeegel gaar niet kwiet.

Jao, Keueb dae wol 't viere goan, mer wis neet wat hea aan moos doon.
Ein pekske dat hööm good zou sjtaon, zoadat ze zagte: "Wat eine kloon."
Ein pekske mit gekleuerde bolle, doa in is men nao drie daag dolle.

Mit de kleuere road, geal, greun veult me zich die daag heal geweun.
Eine roaje mondj mit flinke lach, dat is dan toch wat jeder verwach.
Keueb wis neet of er d'rop zou lieke, ging daorôm in de sjpeegel kieke.

Wètse waat dea Keueb toen zei: "Van al dat aan en oetgekleij,
höb ich geine sjmink mear op 't gezich en daomit veul ich mich neet mich.
Ondanks die kleijer op ein riej ... lekkerder in mien bloate prie."

HOME PLAATSNAMENOVERZICHT HOME

VEER HANGE DE KLOON OET
2005/2006: Tekst: Paul Heffels - muziek: Richard Coenen
Zang: Marie-Lou & Frank

Refrein:
Veer hange de kloon oet,
Nemes de kael en neet de biës
Hiej in Bor mit Vastelaovend
Wurd 3 daag allein gefiës
Dus hang veer de kloon oet
Mit de prins en ziene raod
En maake 't ein fiës in 't kefee en oppe sjtraot

Kom kleij dich òm, pak roaje naas
Kom hang mer oet de vaan
Kom sjnap dich mer dien sjoanste patsj
Kom pungel dich get aan
Kom laot dich mer es gaon, kom hauw mer op die kis
Kom, straks is 't gedaon en höbse get gemis

Hiej is meziek, hiej höbse sjpas
Hiej kent zich jederein
Hiej is al daag get anges loos
Hiej is alles oppe bein
Hiej is me gaer biejein en hiej is geine stress
Hiej in Bor dao veult zich geine baeter es de res

HOME PLAATSNAMENOVERZICHT HOME

VOGELVRIE
2005/2006: Tekst: Ronald Colée - muziek: Marisse Damen-Jetten
Zang: Ronald & Marisse

Refrein:
Weer trèkke same d'r op oet
En laote lachentaere vaere
Weer sjlaon drie daag òs vleugels oet
En kènne dao 'n jaor op taere
Weer vleege in, weer vleege oet
En niks of neemes hilt òs taege
Dus zuuse òs hie fluitentaere
Wie 'nne vogel vrie bewaege

Weer kòmme oet 't gooje nès
En kreege zoa òs iëste les
'Wil se vrieje vogel waere?
dan liët se dèks de sjoanste vaere'

Weer fluite in gevangesjap
Sins 'nne baas òs haet gesjnap
In zien keuejke neergesjtreeke
Wurt nao dees drie daag oetgekeeke

Zeen de iëste sjlaeg nog sjlap
Nao twië drie daag dan geit 't rap
Dan hilt òs bienao neemes bie
En veule weer òs vogelvrie

HOME PLAATSNAMENOVERZICHT HOME

WAAT EIN WAER
1998/1999 nr.1 : Tekst en muziek: Frank Dullens & Paul Heffels

Refrein:
Weer höbbe gaer, gaer, gaer good waer,
mit alle luuj in ein te gekke buuj.
Weer höbbe gaer, gaer, gaer good waer.
Zoa waere weer waal weer wie nuuj.
Al is 't waer ôm ôs haer ôm te griene,
biej ôs van bènne blif 't altied 't zunke sjiene.
Weer höbbe gaer, gaer, gaer good waer.
Kôm mit ôs mit, dan zeen weer waal wo haer.

Soms is 't boete naat en grauw en gries.
Dat brunk hiej bènne gaaroets nemes van de wies.
Kôm, laot 't noe mer sjpoeze en mer raoze.
Dat wurd d'rek door dae bôntje sjtôrm waal weggeblaoze.

Krôm zin, dat haet toch ederein waal èns.
Mer wètse dasse aan die buje wirke kèns ?
Tössje ôs in, dao sjteise noats d'rnaeve.
Dan geise, veurse 't wèts, weer sjtraolend door 't laeve.

Es door diene raege de zôn sjiene maog,
dan kriste alle kleuere van de bôntje raegebaog.

HOME PLAATSNAMENOVERZICHT HOME

WAAT ZAETER?!
2004/2005 LVK nr.1 : Tekst: Paul Heffels, Frank Dullens & Ben Erkens - muziek: Ben Erkens
Zang: Böshuuske Ontsjpannings Vereiniging

Refrein:
Wat zaeter, wat zaeter, wat zaeter
Ich versjtaon dae man
veur geine maeter
Wat moelter,wat moelter, wat moelter,
Heuer wie dae moele kan,
Mer wat bedoelter?
Wat zet-die, wat zet-die, wat zet-die
Wat mot-den diejen dan,
Zeg mei wat het-die?
Elke sjtreek haet zoa zien eige taol
Mer veer versjtaon ós hiej allemaol !

Ich zat mich 'ns op ein sjtupke
Zaot naeve Jüp, zoa richtig Zittesj tüp
Hae zag: "veer make same hiej plezeier,
Mit vastelaovend en veier glazer beier",
Al klink dat sjoan en hiël besjaaf,
Toch vraog ich mich nog waal 'ns aaf!

Lets tróf ich d'r Wiel oet Kirchrao
Wat dae mich zag, dat zègk ich häöm neet nao
"Joeng, sjnap dich mer ein hemfelsje konfettie
Dan zalste zieè dan jeet alles jans paletti"
Al klink dat sjoan en hiël besjaaf,
Toch vraog ich mich nog waal 'ns aaf!

Zoa geit dat bie ós in Limburg
Veer kalle plat, nae maak dich mer neet drök
Zoa hauwte veer ós dialek in iëre
En zulle zeker ós kènjer dat auch liëre
Al klink dat sjoan en hiël besjaaf,
Toch vraog ich mich nog waal 'ns aaf!

HOME PLAATSNAMENOVERZICHT HOME

WAEGES VASTELAOVEND GESJLAOTE!!!
2002/2003: Tekst: Bart Heuts & Richard Coenen - muziek: Richard Coenen
Zang: De Sjravelaere

Vastelaoveszunjig dan höb ich sjmörges hônger
Ich_kiek in alle kesjkes ich höb niks in de koaj
Sjtraks begint d'n optoch ich_loup nao de vreezer ônger
Ich sjnap mich gauw een mikske, krieg ich dem nog gedoajd
Ich höb een lètste haop, de bèkker dae is aop.

Refrein:
Waeges vastelaovend gesjlaote, sjting op het bördje oppe deur
En vanaaf goonsdig gaon ich weer aope, dan wurt hie pas weer geldj gebeurd
Ich kiek 'ns good, d'r brent gein leeg, wat môt ich noe, wo môt ich haer
Waeges vastelaovend gesjlaote, sjting op het bördje oppe deur

Vastelaovesmaonjig, ich môt mich vlot get aete
Ich sjnap mich gauw de pan en klop mich dan een ei
Ich kèn 't neet geluive, die waor ich auch vergaete
Ich gaon toch zeker neet mit hônger nao de Hei.
Ich höb een lètste haop, de mellikboer is aop.

Vastelaovesdeensdig aet ich 't leefste braodwoosj
Ich kiek in d'n ieskas, dae is harsjtikke laeg
Sjtraks dan brent de bessem, ich krieg al las van naodoosj
Ich kèn zoa wiet neet loupe, mit hônger ôngerwaeg.
Ich höb een lètste haop, de sjlechter dae is aop.

HOME PLAATSNAMENOVERZICHT HOME

WEER ZEEN HIEJ...
1987: Tekst: Paul Heffels & Frank Dullens - muziek: Frank Dullens
Zang: B.O.V.

Refrein:
Jodelie, jao, jao, jodelie, jao, jao.
In Bor zeen weer d'r dit jaor biej.
Jodelie, jao, jao, jodelie, jao, jao.
Weer gaon noe same ziej aan ziej.
Jodelie, jao, jao, jodelie, jao, jao.
In Bor kik elk gezich héèl bliej.
Jodelie, daoveur jodele-wer-hiej.

Weer zeen dr Fränzl en 't Greet,
waarsjienlik kènt geer ós neet.
Wie weer hiej sjtaon is gans normaal,
biej ós toes im Zillertal,
Mesjien mót geer nog aan ós wènne,
mèr bloate bein, dat mót toch kènne...

Weer sjnappe 't van geine kantj,
wie luuj hie oet 't Border landj,
dèk oerelank gaon rieje,
om 'n waek biej ós te skieje.
Ze gaon berg op en auch weer aaf,
mèr misse zoa dit jaor "Alaaf"...

Biej ós toes, jao dat is waor,
frage weer dit pak 't ganse jaor.
Zoa zeen weer zónger pien en leid,
gemèkkelik en good verkleid.
Mit laere bóks en greune hood,
sjprènge weer zoa wie geer dat doot...

HOME PLAATSNAMENOVERZICHT HOME

WÈTSE WO ICH VEUR GEBAORE BÈN
2004/2005: Tekst: Mia Leurs - muziek: Bert Hinlopen
Zang: Housvrouwe

Refrein:
Wètse wo ich veur gebaore bèn
Dat is de karnaval
Wètsewo ich good mit laeve kèn
Dat is de karnaval
Wètse wat mich zoa gelökkig maak
Dat is de karnaval
Es auw wiever mit zoa väöl iever
Nao 't auwt wieverbal.

Veer es auw tesje, gans frisj gewesje
Sjtaon hie veur uch naas
Neet lammentere, mer ammezere
Kòm op en gaef ´ns gaas
Same get danse, klein bietje sjanse
Doon ich mit dich, mit dich en dich
Gank dich verkleije, laot dich verleije
Sjmink op dien gezich

Besjtèl get te drènke, de ober ´ns wènke,
Sjöt òs ein glaeske beer
Lik neet te male, 't beer geit versjale
Drènk oet 't sjmaak nao miër
Same get danse, klein bietje sjanse
Doon ich mit dich, mit dich en dich
Gank dich verkleije, laot dich verleije
Sjmink op dien gezich

HOME PLAATSNAMENOVERZICHT HOME

WIE 'T BESJTEIT: SJINEES !
1991: Teks & muziek: Jo Janssen & Marianne Lomme
Oetveuring: Wie Besjteit 't

Truu, noe kiek toch 'ns wie blits, de Sjinees haet eine fits.
Dae wil ich waal, mit volle maag, veur dees drie dolle daag.
Want die sjees, die sjteit good vas, veur de vastelaovessjpas.
Van sjmörges vreug pès saoves laat, mit zien derde raad !

Refrein (2x):
Koeloejoek, satee en loempieja,
wil ich aete mit de vastelaovesdaag.
Frit mit frikkedel maog 't auch waal zeen,
es 't geit leefs neet te min.

Sjat , dat is 'n good iedee, nao de Sjoester mit zien twea.
't Is gein prebleem wae rieje zal, veer höbbe geine kal.
Dich sjnaps dich dan sjnachs die sjees, mit eine frit nao hoes gepees.
Al wurd 't toch waal heal erg laat, veer höbbe ein derde raad !

Luukes, 't is eine gooje raod, zoa ein sjees die kènt gein kaod.
Want veur dae kear, mit al dat beer, blif geer hear in 't verkear.
Want die sjees die sjteit good vas, veur de vastelaovessjpas.
Van sjmörges vreug pès saoves laat, mit zien derde raad.

HOME PLAATSNAMENOVERZICHT HOME

WIE, WAAT, WAE ?
2003/2004: Tekst: Richard Coenen & Ronald Colée - muziek: Richard Coenen.
Zang: Duo Jônk Belaege

Ich zit hie op mien krökske en höb weer gein gelök
Ich kèn 't mer hauwf heuere, 't is hie vööl te drök
En sjuuf ich 'n klein sjtökske, ligk ich op miene rök
Dus ummer es 't sjpannend wurd, mis ich 't sjoanste sjtök

Refrein:
Dan zèk ich wie, waat, wae
Waat is hie aan de hendj ?
Wie, waat, wae worôm ?
Dan zèk ich wie, waat, wae ?
Wo bèn ich hie belendj ?
Wie, waat, wae wo dan ?
Dan zèk ich wie, waat, wae
Ich zeen hie gein verbendj
Wie, waat, wae wiezoa ?
Ich hauwt 't neet mae oeterein
Wae, wie, waat deit worôm wiezoa

Ich heuer weurt wie eine puuzel, van hônderddoezend sjtök
'n graote zea vol water, gans blauw en zônger brök
Nog effe en ich duuzel, zeuk mich ein ôngelök
Ich kèn de boel neet plaatse, gaon bienao van mien zök

HOME PLAATSNAMENOVERZICHT HOME

WIEBEL 'NS MIT ÔS MIT
2002/2003: Tekst &n muziek: Hub Dullens
Zang: Opèns

Refrein:
Wiebel 'ns mit ôs mit
Wiebel 'ns mit ôs mit en blief dao neet zoa sjtaon
Allemaol same danse, ôs lekker laote gaon
't zeen toch mer drie daag zônger sjtress oppe maag
En is 't sjtrak veurbiej, höb geer weer pien in uch priej

Dao zeen toch heal väöl luuj die kieke langs de kentj
Die weite neet wie sjoan 't is en höbbe dus get aan de hendj
Kôm pak uch noe 'ns op, vastelaovend is top
Geer zeet toch neet te kènne, dus gaot uch 'ns lekker verwènne

Nao al die daag dat geveul, 't is noe good gewaes
Volgend jaor 'nne nuuje sjtart, oetkiekend nao 'n sjoan feas
Fejn ôm dat te veule, ein kort jaor ôm aaf te keule
Kiek altied veuroet, ein pilske tot besjloet.

HOME PLAATSNAMENOVERZICHT HOME

WO IS NIKS
2001: Tekst: Lex & Lei - muziek: Frans de Bruyn & Lei Wetzels
Oetveuring: Duo Geplök

Refrein:
Wo is niks, wo is niks, d'r môt toch get gebeure.
Wo is niks, wo is niks, anges geit 't leave sjleure.
Doarôm kump de vastelaovend jeder jaor weer sjoan op tied,
en kenne veer ôs zörrig doa weer allemaol aan kwiet. (2x)
Die van niks doa, die zulle heal sjnel mirke,
dat niks is niks, doa môste hel aan wirke.
Aan dees drie daag heat jederein vööl sjteun,
en dan veulste dich weer sjnel boetegeweun.

Die van de Hei, Laot die mer sjtil gewaere.
Die goan van zellef, kiek noa de Sjravelaere.
De B.O.V., die zènge sjtök veur sjtök,
't nuujtste ]eedje van 't Trio Ôngeplök.

Hie op de sjoal. doa zènge alle kenjer.
Veer doon auch mit, veer zeen bessemmebènjer.
En alle luuj, die zeen ram kierewiet.
Dat môt van Jan, dae auwe Pierewiet.

HOME PLAATSNAMENOVERZICHT HOME

WOE IS MIEN TÈSJKE
2008/2009 nr.1 : Tekst & muziek: René Raats
Zang: Sjiek Bie-ein

Este s’mörges wakker weurs dan is t weer zoa wiet
Doe dènk’s dan weer ‘s “non de pie, ich bèn mien sjpölle kwiet…..”

Refrein:
Woe is mien tèsjke, woe is mien trömmelke
jao die sjpölle die vergaet ich toch zoa gaer
Woe is mien tèsjke, woe is mien trömmelke
Woe zeen die sjpölle noe weer haer?
Woe is mien tèsjke, woe is mien trömmelke
jao die sjpölle die vergaet ich toch zoa gaer
Woe is mien tèsjke, woe is mien trömmelke
Jao die vergaet ich toch zao gaer!

‘S mörges es de sjool begint dan mot ‘t ummer sjnél
Klei dich aan en sjeet noe op.. dalik geit de bél
Dink’se dat ‘se vaerdig bis.. de wagen in en wég
Reup der eine “pap noe wach, ich höb ein bietje pech..”

Viere veer weer karneval dan wurt ‘t ummer laat
Veer drinke dan auch gaer get vaöl en waere waal éns zaat
Es ‘t tied nao hoes gaon is, dan pakste al bie-ein
Mér ‘s mörges mis ‘te dan van al en zèks’te taegenein

Zeen veer later oud en sjtief dan dènke veer weer trök
Aan die vasteloavesdaag en veule weer gelök
De laesbril en de wanjelsjtek die motte ummer mit
Mer veer vergaete ummer weer woe dae noe weer zit

HOME PLAATSNAMENOVERZICHT HOME

ZÈGK OBER
2001/2002: Tekst: Petra Mooren, Marjon Olijve & Richard Coenen - muziek: Richard Coenen
Zang: De Sjravelaere

Gaon ich oets sjtappe, dan gaon ich neet allein.
Mit vrunj, dan blief ich get baeter oppe bein.
Loup ich nao bènne, dao biej de Pasterie,
sjtaon ich te danse, 'n maedje aan mien zie.
Geit zie nao 't twalèt, vleeg ich nao 't befèt.

Refrein:
Zègk ober, sjöt ôs hie nog 'ns get bie,
vieftean pilskes op 'n rie,
en es 't geit 'n bietje sjnel.
Zègk ober, laot noe toch ein bietje gaon,
'ch höb allein nog laege sjtaon,
en anges krisse hie ein rel.
Zègk ober, zit dèks niks mear in 't vaat ?
Doot mich dan mer limmenaat.
Sjtrak dan sjprèng ich oet mien vel,
want mit vastelaovend riet ich 't leefste aan de bel.

Mit vastelaovend bèn ich d'r altied bie.
Dao bie de Sjoester, dao geit 'n bôntje rie.
De polenaes, dae is dao sjus begoos.
Mer neet veur mich, want ich krieg dan ummer doos.
Veur eine appelsap ren ich dan nao d'n tap.

Sunjes d'n optoch en dan 't kloonebal.
Sjaopechtig kieke en dan weer sjaele kal.
Sjdeensdes bie Hupie, 't ènj dat kump in zich.
Bessemverbrenne, 'n traon in mien gezich.
Bèn ich dan oetgemeek, hang ich mich aan d'n teek.

HOME PLAATSNAMENOVERZICHT HOME

ZOA ZEEN VEER GEBAORE
2004/2005: Tekst: Richard Coenen, Giel & Corrie Creuwels - muziek: Richard Coenen
Zang: Jònk Belaege

Veer hauwe ein iedee veur ein vasteloavesleed
't is alweer gelök zoa wie't geer noe wal zeet
mit insjrieve waor ich alweer drie waeke euver tied
veer waore neet de lètste, dat wil ich effe kwiet

Refrein:
Krigse ummer gekke zin
Höbse 'n kuulke in de kin
Zoa zeen veer gebaore
Lèt mer neet op dien gewich
Höbse sjproete in 't gezich
Zoa zeen veer gebaore
Höbse 't eine kier gedaon
Is dien onsjuld nao de maon
Zoa zeen veer gebaore
Want zoa is 't noe mer net
Haet neet jederein wal get
Zoa zeen veer gebaore

In 't road gael greun nao Mesjtreech mit de trein
Erm in erm òngerein polonaes op 't plein
Zoa öäpen ich tradiesjeneel de vastelaovestied
Dat is oet noad gebaore, dat wil ich effe kwiet

Meziek dat is mien laeve en sjtruimp mich door 't blood
Veur 't sjrieve van een leedje, ich gaef uch gooje mood
Ich sjtiemuleer, ich adviezeer, dat kos mich miene tied
Mer wurt verrekde good betaald, dat wil ich effe kwiet.

HOME PLAATSNAMENOVERZICHT HOME