HOME PLAATSNAMENOVERZICHTHOME


AAN DE MAAS
2003/2004: Tekst: Jos Hanssen - muziek: J. Blenco & F.Mays
Zang: de Patronaatsknöppele

Refrein:
Ich zit te vusje aan de Maas
Zonnebril veur op mien naas
Kiek nao 't lèndje wo ich noe al zwa lang laef
Jao dao sjteit mien auwershoes
En dao veul ich mich zwa thoes
Want dao woone alle luuj wo ich om gaef.

Wie prachtig lik dao dat kestjèl
En sjwanne Maas wat sjtruimste sjnèl
Eine holle waeg mit aan 't eind ein hjèl auw meule
Ich hwèr de klank van ein fanfaar
Kiek dao vluug eine ooievaar
Grwatter leefde veur mien land zal ich nwats veule

De weintjer dae opins verdween
Toen de jètste zon versjeen
Frisje blaetjes aan de buim in sjtil gefluuster
Serpetines aafgedrèjd
Vastelaovend weggewèjd
Ich môt noe gaon want 't weurt al sjtilaan duuster.


HOME PLAATSNAMENOVERZICHTHOME


AELSE SAJELAIR
2007/2008: Tekst: Jos Hanssen - muziek: Jurgen Daemen & Harry Nijsten
Zang: Döbbel D

Hiej in oos Aelser Sajellèndj
Dao woo-ne veer gaer
Veer sjpringe gaer ins oet de bèndj
Trekke ins flink van laer
Veer gaon gaer op sjtap
Mit mam en de pap
Sjtaon ver aan de tap
Dat Sajele dat weurste ech nwats zat
Wat höb v’r ‘t sjwan gehad

Refrein:
Aelse Sajelair
Ich bèn zwa grwètsj op dich
Aelse Sajelair
Doe höbs zwa’n prachtig dörpsgezich
Aelse Sajelair
Ich gaon hiej ech nwats mjè weg
En daoveur zeing ich noe mit sjpas Döbbel D

Noe pak uch vas
Hauw op die kas
Ich zèk ’t jhèl erg gaer
Ich bèn ne Sajelair
Ich zèk ’t jhèl erg gaer
Ich bèn ne Sajelair

Hiej telt de vastelaovesgeis
In ’t Sajelriek
Wo ste geis of wo ste sjteis
Hiej is ’t ummer sjiek
Is ‘t vreug of laat
Gans nuchter of zaat
Dan mèr leever laat
Dat Sajele dat weurste ech nwats zat
Wat höb v’r ‘t sjwan gehad


HOME PLAATSNAMENOVERZICHTHOME


AELSER BALADE
Tekst: Piet Ronden & Fons Meijers - muziek : Piet Ronden & Jos van Hees

Es te smörgens vreug door de velder geis
dan zuus te denger woos te stil bie steis
Dao has te vreuger neet bie nao gedach
dat vilt dich noe op en dan denk ste
aan wat de pap haet gezach :

Refrein:
Zeen ich mien AELSE
hie aan de maas
Staon ich van hjel veul
dinger verbaas
Kiek nao et veldje
en et sekendaal
Et trage pötje
dat kent geer toch waal
'Tis sjus of de tied
is stil blieve staon
De knup en de baenje
zulle nwaits vergaon.

Es saoves in 't dorp de lampe branne gaon
en de wers de taore neuge oere slaon
Dan pak dich mit diene sjat biejein
Laup dan et dorp in en dan veul ste
in dien hart wat ich mein.


HOME PLAATSNAMENOVERZICHTHOME


AELSER GEIS
1995: Teks & meziek: Jan Bovens
Artiest (*) : Jan Bovens

Aelser lènjd, es ich door dien sjtraote gaon,
bie de kirk of op de Sjarberg sjtaon,
kiek ich neer op dien brök, op Maas en Knaal,
veul ich mich, de keuning te riek.

Denk ich trök wie ich hie, es kleine jong,
mit mien sjlei, baove aan de Rolberg sjtong.
Wie 't vaer os moos brenge nao de Maas,
mèr dae tied dae is noe veurbie.

Dat is wat veer deile, die herinnering,
en Aelse dat oos leef is, sjus wie 'n grwat gezin.

Refrein:
Dae Aelser Geis, verbonj os al die jaore,
dae Aelser Geis, dae laef onger os.
Höbs doe aan Aelse, auch dien hart verlaore,
is 't dae Aelser Geis, woo-ste veur sjteis.

Eederein, dae wat hie zwa bie os is,
dae is grwètsj, dat hae van Aelse is,
veult zich thoes in dit dörp, dit Sajelriek.
Eederein, dae is hie geliek.

In oos Aelse mit ziene Dikke Stein,
wo de luuj zich kenne ongerein,
wo tradisies besjtaon, van vreuger tied.
Neemes wilt dat alles toch kwiet.

Dat is wat veer deile, die herinnering,
en Aelse dat oos leef is, sjus wie 'n grwat gezin.

* cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


AELSER MAEDJE
Tekst & muziek: J. Pluis

Ich haol de patsj, de brook, de jas mèr oet de kas,
de vastelaovesdaag, die make mich gans knatsj.
In oos Aelser Sajellendj, stoon veer neet aan de kentj.
Want veer zinge, en veer springe,
van de mörge tot d'n aovend, drie daag lank ... want ...

Refrein:
Eeder jaor, dan höb ich 'n maedje aan mien zie.
Dat is vastelaovend, non-de-pie.
Jets om mèt te danse, en dan om mèt te sjanse.
Zwa viere veer de carnaval:
Ich snap dich hie, ich snap dich dao,
Vastelaovend vier doon veer allemaol.

Es veer 's aoves laat, same heives gaon,
dan blieve veer 'ns effe örges staon.
Dan pak ich dich 'ns good, dat geuf oos gooie mood,
in dat paedje, Aelser maedje,
om d'n daag daonao weer same oet te gaon ... want ...

Noa die daag doon veer 't pekske in de kas;
Veer houwe al die daag de grwatste sjpas.
't Lètste glaeske beer, dat is veur 't plezeer.
Eine kater, kriegs-te later,
veur oos Sajelaire, maak dat gaar niks oet ... want ...


HOME PLAATSNAMENOVERZICHTHOME


AELSER REVUE
1979: Teks & meziek: P. Ronden & F. Meyers
Artiest (*) : Sajelkwar

Refrein:
Aelser Revue, Aelser Revue, dat is om uch te amuzeere.
Mit Aelser luuj, mit Aelser luuj slooge veer aan 't repeteere.
En veer houpe dat 't uch zal bevalle en dat geer d'r nog lang euver zult kalle.
Hie in Aelse is nog zwaväöl talent, en dees artieste koste, geine cent.

In Aelse is weer get gegreujd, hie is weer jhel get oet.
't Hauf dörp is dao mit gemeujd, dao is laeve in de boet.
Veer brenge uch weer de revue, eine aovend van de slappe lach,
gesjpeeld allein door Aelser luuj, hawt geer dat wats gedach ?
En eeder jaor, ummer opnuuj, presenteere veer de Aelser Revue.

Veer traeje op veur grwat en klein, de kop is greun en gael.
De kriebels zitte in os bein, ze giere door oos kael.
En eederein haet plankekaorts, dat zuuste oos waal aan.
Veer drènke konjekskes en aete woosj, dan denk veer neet mjè draan.
En eeder jaor, ummer opnuuj, presenteere veer de Aelser Revue.

* cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


ALLEIN
Tekst & muziek: Guido Olischläger
Zang: Sjach Veer

De löps de kamer door
en weits neet wat te doon
wils bie den vrunj zin
dus de paks de telefoon
den eine is neet thoes
en un angere de is krank
de res is wèrreke
en de leeks dich op de bank

Dan kump ut besef, ut geit dich door de kop
kins nurges aan dinke, den gedachte liege sjtup
de bis gans allein

Neemes dae dich kint
este löps euver de sjtraot
al die luuj om dich heen
mer geine dè mit dich praot
geine vunck dich up, este vils
geine dae luustert, este kals

De vraogs dich aaf
haet ut laeve nou waal zin
maak ich d'r nog get van
of hob ich ut waal gezeen
wils de knop omdrije
mer bis bang veur de pien
leks die gedachte trök en dinks
mörge misjien

Sjteeds blief dat besef
ut geit dich door de kop
kins nurgens aan dinke
den gedachte ligge sjtop
de bis gans allein....


HOME PLAATSNAMENOVERZICHTHOME


ALLES KUMP WEER GOOD
Tekst: Jan Thomassen - muziek: L. de Bruyn & V. Huits
Zang: de Patronaatsknöppele

Refrein:
Alles kump weer good
Jao alles kump weer good
Zit 't sôms gèt taege
Verlees dan neet de mood
Alles kump weer good
Jao alles kump weer good
Höbbe ze de fits geklauwd
Gaon veer gewoon tevoot

Ins in 't jaor sjteit biej oos, de kirmes op 't plein
Veer ginge mit oos alle dreen veer veulde oos weer klein
Veer ginge in 't reuzeraad dao hèj veer zwanne sjpas
Mèh wie veer baove kaome, hing dat deink dao oere vas

Later ginge veer op sjtap in 't cafeeke op 't plein
Toen zaog ich ein swan maedje dao sjtaon, verseerde häör metein
Wie ich häör toen pwènne wou, waor häör sjtöm jhèl zjwaor
Toen hèj ich in de gate dat 't eine manskael waor

Geit 't neet zwa wiet geer wilt
Weit wat geer dan doot
Deink dan biej uch eige
Alles kump weer good


HOME PLAATSNAMENOVERZICHTHOME


ALTIED VAN DICH BLIEVE HOUWE
Tekst: ? - muziek: ?
Zang: Sjach Veer

Ich weit noch good dat ich dich veur d'n jerste kjer zaog
Ich wis metein dats dich bie mich zous blieve
Eedren daag loupe veer noe saame euver sjtraot
un baetere vrunjtsjap zal ich nwats mjer kriege

Ich kiek deep in d'n auge en ich zeen dao wat ich veul
Ich zal altied van dich blieve houwe
Altied van dich

Veul ich mich sjlech dan weit ich dat's dich d'r veur mich bes
Ein blik van dich deit mich mien zörreg vergaete
Es dank veur diene trouw, daag in en daag oet
Gaef ich dich eedren daag weer dien aete

De zals d'r neet altied zin dus geneet ich van den tied
dat dich mich 's mörges de gezet kumps bringe
tevreeje likste aan mien hand en ich krats dich in de nek
Un baetere vrunjt zal ich nwats mjer vinge

En es du sjtraks de piep oet bis, de höbs den sjpuit gehad
Weit dan dat ich aan dich blief dinke
Wie stich dich lekdes aan d'n vot en dabdes achter 'n oor
nwats zal un angere hond oet dien bekske drinke


HOME PLAATSNAMENOVERZICHTHOME


AUWE BUULE
Tekst: Guido Olischläger & Ivo van der Bijl - melodie: 'Mädchen drüben' (Sigl & Guenther)
Zang: Sjach Veer

Zuug' ze dao noe zitte
met z'n driee op un rie
d'n eerste douf, de tjweede kaal
en de letste kiek get blie
ouwe buule in ut dörp
ze meine ut zwa good
get vreims dat wille ze neet kinne
dat zit ze in ut blood

Auwe buule, ze kalle toch zwa gèr
auwe buule, euver luuj en euver ut waer

Euver eederein un meining klaer
auch al weite ze nurgens van
ut sjient dat hae aan den drank is
en is zie ech weg bie de man?
zou hae z'n vrouw noch ummer sjlaon
zit er weer zonger werk
en op zondeg zuuste ze
dan zitte ze sjeinheilig in de kerk

Denk es aan den anger
hub neet zwa snel den meining klaor
laot eederein zich zellef zin
dat is toch zeker gein bezwaor?
ouwe buule vindste euveral
waorum doon ze zwa sjtom
in jeker laeftied vingste ze
en kalle ze, achter d'n ruk om


HOME PLAATSNAMENOVERZICHTHOME


AUWT
2001/2002: Tekst: Jos Hanssen - muziek: Jurgen Daemen
Zang (*) : De Patronaatsknöppele

Refrein:
Mèh mit de vastelaovend kènt 't mich niks sjaele,
dan gaon ich mich neet op de bank zitte vervaele.
Dan bèn ich fit en zit vol energie,
kôm, sjtank ins op en doog mit nondepie,
kôm, sjtank ins op en doog mit nondepie.

Es de jäörkes mit gaon tèlle, kriegs dien knäök neet good bewaeg,
môste riessjtartele beinge, en de boek zit in de waeg,
weurt dien haor ein bitje dunner, bèste gries op diene kop,
jao, dan bèste auwt aant waere, kiek mèr oet en pas mèr op.

Bes te de gèzet aant laeze, en dien erm zin te kort,
drunks gein liters beer mjè, mèh ein einkel glaeske port,
flötste op ein jhèl sjwan maedje, kriegs ein hèndjtesj op de kop,
jao, dan bèste auwt aant waere, kiek mèr oet en pas mèr op.

Hoofs dien tènj neet mjè te pôtse, zaetse s'aoves in ein glaas,
greuje haore oet dien warre, of ônger oet dien naas,
bèste diene bril aant zeuke, en hae sjteit op diene kop,
jao, dan bèste auwt aant waere, kiek mèr oet en pas mèr op.

* cd 2001 : De Patronaatsknöppele - " Laot d'n tap mèr laupe " - Pebble Music


HOME PLAATSNAMENOVERZICHTHOME


B.V.H.O.M.V.G. (Blief ver hie of mot ver gaon)
Tekst: Ivo van der Bijl - melodie: "Should I stay or should I go" (The Clash)
Zang: Sjach Veer

Meadje de mos mich laote weite
blief ver hie of mot ver gaon
ich begin noe ech te sjweite
ich blief hie ech neet langer sjtaon
dus doe mos mich laote weite
blief ver hie of mot ver gaon

Ich veul mich sjit, sjit, sjit
en ich wil zwaogaer nao bed
op zwanne daag veul ich mich rot
en ich sjweit mich ech kepot
dus doe mos mich laote weite
blief ver hie of mot ver gaon

Blief ver hie of mot ver gaon noe (2x)
es ich gaon ben ich dich kwiet
daovan krieg ich allein mer sjpiet
dus doe mos mich laote weite
blief ver hie of mot ver gaon

Jao ich veul em noe al plekke
dat kump van aan dat beer te lekke
dus doe mos mich laote weite
blief ver hie of mot ver gaon


HOME PLAATSNAMENOVERZICHTHOME


BIE OS IN AELSE IS WEER HJEL GET OET
Tekst: Jose Bours – muziek: Jean Janssen
Zang: Jose Bours & Ineke Gelissen

Bie os in aelse is weer hjel get oet
vanaaf november geit weer eederein droet
De vasteloavend steit dan veur de deur
Dan kump den tied van sjpas en kleur
Weer trekke dan onger auwt aelse in
Want doa bie et museum doa moste zin

Refrein:
Guske wear wakker noe, et is veur dich de hwagste tied
Piet heat dich good bewaard, dien kracht is weer opgespaard
Guske wrief dien auge oet, en kiekt ens ff door de roet
De vasteloavend steit veur de deur, kom op en trek os oet de sleur
Guske strui mit de aelser geis, want dat is(toch) wo ste veur steis

de zate hermenie is natuurlijk auch derbie
ze spele veur os ein vrolike partie
vanaaf vandaag kent de sajelair weer goan
Kom op dog mit ,en blief neet zwa stoan
jonk en oud pakke zich hendj in hendj
en danse same door et aelser lendj

Zelfs de jeugd blief in os eige aelse
Venje et leuk om hie mit os te fjeste
In os sajel aelse veule zie zich good
Want sajelle dat zit hun in het blood
Ze sprenge rondj op ketelemuziek
En hie en doa greujt zelfs get romantiek


HOME PLAATSNAMENOVERZICHTHOME


BLUMPKES EN DE BIEJE
Tekst: Theo Olischläger - muziek: Guido Olischläger
Zang: Sjach Veer

Heet de mam dich al verteld
van de blumkes en de bieje
meedje es dich van mich haws
kinste rustig met mich vrieje

Haet de mam dich al verteld
van de blumpkes en de bieje (2x)

Biste nog get verlaege
en wetste neet wat te daon
en dinkste bie oen eige
wie mot dat noe wiejer gaon

En achter op de brommer
haw dich mer hjèl good vas
den hellem op de krölle
dae kump dich good van pas

Geit ut dich get te sjnel
dan wies ich dich waal de waeg
en este wils vertel ich dich
wie ich dat vreuger deeg


HOME PLAATSNAMENOVERZICHTHOME


BOERELOCH
Tekst: Pierre Lemmens - muziek: Jürgen Daemen
Zang (*): De Patronaatsknöppele

In Catsop bèn ich gebaore, biej 't kèpelke op 't Einj.
Dat is jhèl lang geleeje, ich waor ein jhèl klein keindj.
Toen voore nog gein auto's, al ging nog tevoot.
Plasse waor nog pisse in de zeinkput op 't good.
In Aelse ginge veer nao sjwal, dat waor veur oos wiet weg.
Dao numde ze oos boere, wat waore die dao vreg.
Weurste auwer, dan wilste jhèl gauw oet dat laok,
neet väöl wier es Aelse, angesj raakste van de kaok.
Dao greujt dien eige gezin dan op, de maaks auch jhèl get mit.
Gelök en leid dat deilste, mèh dao is get wo ich mit zit.

Refrein:
Want kom ich weer in Catsop, biej 't kèpelke aan 't Eindj,
dan kump 't weer nao baove, 't geveul wat mich hiej beindj.
Dan mis ich weer die boereloch, de gezelligheid van toen,
wo ver vossejage deege, op d'n Dreesj de jètste poen.

En es ich weer door Catsop laup, op de Knup of op de Hoos,
dan deink ich: sjtômme os, dats dich hiej noe neet woons,
wo pap en mam gebaore zin, wo 't ouwershoes nog sjteit.
Eine kilomaeter weg, mèh 't deit nog ummer leid.
Väöl luuj die zin oet Catsop weg, verhoes of nao't paradies,
väöl vraeme zin gekomme en väöl luuj oud en gries.
Wo zin ze toch gebleve, de sjwalvrunj van dae tied,
of höbbe die, sjus wie ich, al jaore grwatte sjpiet ?

Refrein:
Want kom ich weer in Catsop, biej 't kèpelke aan 't Eindj,
dan kump 't weer nao baove, 't geveul wat mich hiej beindj.
Dan mis ich weer die boereloch, de gezelligheid van toen,
wo ver vossejage deege, op d'n Dreesj de jètste poen,
wo ver vossejage deege, op d'n Dreesj de jètste poen.
Messchien kump ein bejaardehoes, op d'n Wakkel of de Knup.
Dan bedeink ich mich gein ein moment en kom direk weer truk.

* cd 2001 : De Patronaatsknöppele - " Laot d'n tap mèr laupe " - Pebble Music


HOME PLAATSNAMENOVERZICHTHOME


'T BRUMMERKE VAN PIEKE
1963: Tekst: G. Alberichs - muziek: J. Tilmans
Zang (*) : A. Driessen

't Brummerke van Pieke, dat is zwa'n aardig dènk.
't Is sjus ein sjilderieke, de haols 't door ne renk.
't Haet haos gein gebraeke, 't löp haos van allein.
Mè ruukt 't ein kafeeke, dan geit 't door de bein.

Refrein:
Paaf klaatsj boem en dan sjleit 'r 'm aaf dae batteraaf.
Paaf klaatsj boem en dan bliet 'r 'm sjtaot, wat noe gedaon?
En dae Pie mèr duuje, en dae Pie mèr duuje.
Paaf klaatsj boem en dan sjleit 'r 'm aaf en ooze Pie mot d'raaf.

Pie geuf 'm dan ein dröpke, hae geuf 'm auch get beer.
Probeert 't mit ein "Äelske" , soms löp er dan waal weer.
Mè 't zit 'm in 't velke, want sjtap Pie dan wwer op.
Bie 't volgende kapalke, dan sjtaon ze toch weer sjtop.

Pie haet van al dat sjtoppe, al lang ein vuurrwaj naas.
En 't kleurke van de brommer kump bie dat van de baas.
Soms zaet 'r in zien eige: "noe is 't toch gedaon".
Mer bie 't volgende kafeeke, dan bliet dat kreng weer sjtaon.

* cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


DE BUIM IN!
2004/2005: Tekst & muziek: P. Meijers & F. Meijers
Zang: 2Pees

Ich ben ein röstig menke, dao kriet mich geine kaod
Mae mit de vastelaovend, dan steit op mich gein maot
Bèn dan neet mjae te hauwe, sprèng mich 't apezoer
De lamp die geit dan brènne, de plènk gaon oet de vloer

Refrein:
Geer kent mich allemaol de buim in, geer kènt mich allemaol.... prrt prrt
't is mich sjiet egaal, ich sprèng noe door de zaal
Neemes kènt mich noe nog stoppe, ich gaef toch volle gaas
En wae dat dan neet good vungk, dae lèk mich mèr e ....

Mien vrunj die zèkke ummer, dat mos dich toch neet doon
Die hobbe meklik kalle, die staon neet in mien sjoon
Mien sjoon die wille danse, mien sjoon die wille gaon
Want es ich de meziek wèr, kèn ich neet blieve staon


HOME PLAATSNAMENOVERZICHTHOME


CHA CHA CHA
Tekst: Jos Hanssen - muziek: Jürgen Daemen
Zang (*): De Patronaatsknöppele

lch mot op danslès, eedere dônderdig,
mot mit mien vrouw mit, die wilt neet zônder mich.
En ze schjult dat ich häör op de tjènne sjtaon.
Ze zaet " nog eine kjèr dan is 't ech gedaon".
Ich zaek nog " schjat' ich deeg 't neet expres",
toen vloog ze mich bewèrlik in de sjtrès.

Refrein:
Mèh in de polonaise kènste heerlik laupe,
en ôngerwaeg dich nog ein lekker pilske kaupe.
Mit de veut al-le-maol nao eine kèntj,
laup veer de polonaise door oos Limburgs lèndj.

Noe eine tango, dan eine cha cha cha.
lch bèn de tèl kwiet en zie zaet "bah bah bah...".
En ze tèlt van ein twjè drie veer vief.
"Man bewaeg dich ins en haut dich neet zwa sjtief".
Ich zaek nog: "Schjat, ich höb ein bitje pien".
Toen zaet zie: "Man, dat is good veur dien lien".

Noe eine foxtrot, merènge of zwa gèt,
en zaet de ljèraar: "Al-le-maol opgelèt,
want veur dich is danse van de baan.
Daorom kôm ich hiej mit ein diploma aan.
Das dich kaoms danse, vong ich jhèl erg gaaf,
noe is de lak van de dansvloer aaf".

* cd 2001 : De Patronaatsknöppele - " Laot d'n tap mèr laupe " - Pebble Music


HOME PLAATSNAMENOVERZICHTHOME


CRÈME PUFF
Tekst: Jos Hanssen - muziek: J.Blenco & F.Mays
Zang: de Patronaatsknöppele

Refrein:
Ei cremke hiej ei puffke dao
Truuke geit op sjtap
Poejer veur en poejer nao
Truu doe bes geweldig knap
Ei cremke hiej ei puffke dao
Truuke geit op sjtap
Poejer veur en poejer nao
Truu doe bes geweldig knap

Gans vreug op vriedigaovend
De sjpeegel haet gedöld
'T is jhel vaolbelaovend
Zin de sjouwers good gevöld?
Get poejer op 't naeske
Dat dat neet mje zwa blönk
Sjus ei bleumke in ein vaeske
Zin de walle weggesjmink?

Ein jhel sjwan mantelpekske
Of eine plwaije rok
Sjeun mit ein jhel klein hekske
En ein pentie of ein zok
Rwaj sjeun mit paarse zökke
Zou dat ein bitje sjtaon?
Noe geit 't nwats mje lökke
Tis te laat om nog te gaon


HOME PLAATSNAMENOVERZICHTHOME


EINE DAAG IS VEUR DE VROUW
1995: Teks: Jan Bovens & Anja Beckers - meziek: Jan Bovens
Artiest (*) : A. Beckers

De Babbelaire zaote sjterk te prakkezeere,
om mit de vrouwluuj gans allein get te probeere.
Zwa kaom 't vrouwluuj-sjoppe drin, ein bitje vraem in 't begin.
Noe zin veer zondig mörge allemaol bie ein.
Al weurt 't zaoterdig zwa laat, op zondig zin veer vreug paraat.
en daorom zènge veer noe saame dit refrein.

Refrein:
Want eine daag is veur de vrouw,
jao, eine daag is veur de vrouw.
En de mansluuj, ach, die mansluuj,
die staon vrouwluujfrühshoppezondig sjwan in de kou.

De mansluuj laote veer hun eige pötje kaoke,
en auch 't kechelke zichzelf werm sjtaoke.
Al löp dan alles in de sop, al sjteit 't hoes op ziene kop,
veer vrouwluuj trekke os vandaag dao niks van aan.
Want veer zin same hie bie ein, alle vrouwluuj grwat en klein,
en veer gwajje os 'ns good d'r taege-aan.

Es vrouwluuj weite veer waal baeter op vandaag,
mesjien sjtrak heives mit ein stökske in de kraag.
Dus vrouwluuj pak uch nog 'ns vas, maak vandaag de grwatste sjpas.
Zonger mansluuj, dat deit good 'ns eine daag
en neemes denk noe aan de lijn, weg mit de zörg grwat of klein,
want die ligge dich allein mèr op de maag.

* cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


DIMITROS
Tekst: Jos Hanssen & Pierre Lemmens - muziek: L. deBruyn & V.Huits
Zang: de Patronaatsknöppele

Jappa

'T is weer zôndig veer wille gèt gaon aete
Veer laupe door 't centrum van de sjtad
Doe maogs 't zaegge wo höb v'r 't letst gezaete
Geine Chinees dae höb veer gister nog gehad
Sjeet op laot gaon veer laupe hiej nao bènne
Ich waor nog nwats biej eine echte Griek
Roop d'n ober dan kènne veer beginne
Ich bèn Dimitros, en ich maak hiej meziek

Refrein:
Hei Dimitros gank Dimitros
Pak diene boezoeki in
Roop d'n ober want, veer höbbe zwanne zin
Hei Dimitros gank Dimitros
Bèste noe nog ummer hiej
Sjuuf dich ins opziej d'n ober geit veurbiej

Woppa

Gelökkig höb ver de menukaart noe te pakke
Bestèl mich al ein glaeske Griekse wien
Jao 't peil van de meziek begint te zakke
En ooze maag jao dae drèjt al van de pien
Môt veer oos noe, 't aete zellef haole
Veer veinge 't hiej gaaroets neet mjè sjiek
Wo bliefste veer zit' op heite kaole
Ich bèn Dimitros en ich maak hiej meziek

Veer wachte noe al oere op oos Griekse aete
Houwe veer dat van teveure mèr geweite
Veer vienge 't noe ech genôg gewaes
Sjtank mèr op, veer gaon nao de Chinees.


HOME PLAATSNAMENOVERZICHTHOME


DIT WAOR 'T WEER
Tekst: Jos Hanssen - muziek: L.deBruyn & V.Huits
Zang: de Patronaatsknöppele

Refrein:
Dit waor 't weer dit waor 't weer
Tot de vol-le-gen-de keer
Dit waor 't weer dit waor 't weer
Tot de vol-le-gen-de keer

Raegent 't in november
Dan vilt kèsjmes in december
Hwèrste peerlinke ônger de grôndj kwaeke
Dan kènste s'anderendaags de perepluu opsjtaeke

Höbste in februari väöl weindj in de zökke
Dan kènste in augustus keesje plökke
Raegent 't sjtrôndj in plaats van raege
Dan is dat veur de boer eine zaege

Krèjt d'n haan neet veur 't aovendrwad
Dan kriegste of raege of d'n haan is dwad
Kraake de knäök of piep diene rollater
Dan krieg veer s'anderendaags hjèl väöl raegewater


HOME PLAATSNAMENOVERZICHTHOME


DOOG AOPE
Tekst: P. Meijers & P. Goossens - muziek: J. Daemen
Zang: 2-Pees

Lèts ging ich èns op stap, hauw flink gèt beer gehap
Mòs dus nao hoes te voot, mae dat ging gaar neet good
Toes kreeg ich jèl krom zin, de sleutel ging neet drin
Ich woor ein bitje kaod en reep toen door de straot:

Refrein:
Hei, hei, hei,.. doog aope, ich wil noe bie dich slaope
Höb gaar neet veul gezaope, kom doog die deur noe aope
Hei, hei, hei,.. doog aope, ich wil noe bie dich slaope
Höb gaar neet veul gezaope, kom doog die deur noe aope

Ich trok toen aan de bel, 't leech ging aan jèl snel
Doa baove in die roet, zaog ich ein vrèmde schjnoet
Ich waor toen gaar neet blie en reep wat is dat hie!
Dach toen: krieg noe de sjiet, dich bès ein deur te wiet!

Ich höb auch altied pech, kom nwats èns good terech
Probeerde mien gelök, toen maer ein deurke trök
Ich woar ein bitje zaat, mae vòng direk 't gaat
Ich hauw mich neet geklwaot, want dao laog miene schjat

Kreeg toen weer gooije zin en lag mich bie heur drin
Ich waor èch gans kepot en kroop taege heur vot
Zie veulde lekker wèrm, ich pakte heure èrm
Ich zag: doe lekker prie, kom maak mich noe èns blie


HOME PLAATSNAMENOVERZICHTHOME


DRINK UT BEER
Tekst & muziek: Guido Olischläger
Artiest: Sjach Veer

't Woor op mien verjaordig van 't achste jaor,
verteldje pap van opa, dae d'r neet mieë woor.
Hae zei: daen awwe mins zoot vol mit gooje raod,
en dit woor waat ér zag es hae in ziene stool zoot:

Refrein:
Drink 't beer es 't kawd is, drink 't beer es 't kawd is,
drink 't beer es 't kawd is, drink 't kawd, drink 't kawd.

Gaef ich 'ns un feeske, löp de tap op volle krach
ut beer dat blief dan sjtruime tot deep in de nach
met get sjreive kal hübbe veer dan hjel veul lol
met un sjtök in de klwatte zinge veer dan allemaol

Strak gaontj geer nao hoes toe mit dit leedje inne kop.
Gaont metein den slaope of 'ns lekker drop.
Weurse 's mörges wakker en woor 't neet zoa fijn,
vergaet den al die sores en zèng dit refrein:


HOME PLAATSNAMENOVERZICHTHOME


DURF TE SJIETE
Tekst: Ivo van dr Bijl - muziek: Guido Olischläger
Zang: Sjach Veer

Kiek om dich haer, de waereld is verrot
de schjlechte winne, de gooje gaon kepot
eederein, deit war er wil
kinste neet met komme, dan sjteit d'r geine sjlit

Durf te sjiete, op wat dich weurt opgelag
durf te sjiete, op gezag

Alles wat ste wils, dat moste zelf daon
laot neemes laope, in den eige sjoon
un groot moelwerk weurt neet geaccepteerd
alles wat ste kreigs is wat ste zelf presteers

Neemes, neemes, zaet mich wat ich mot daon
ich maak zelf wel oet, welke waeg ich gaon
ich zörreg veur mien eige vraet
sjiet op alles, 't is mer dat ger ut weit


HOME PLAATSNAMENOVERZICHTHOME


EEDER VEUGELKE
Tekst: Jos Hanssen - muziek: L.deBruyn & V.Huits
Zang: de Patronaatsknöppele (duet mit Dé-jà Vu)

Refrein:
Eeder veugelke dat zink wie 't gebek is
Kumpste oet Aelse, Mesjtreech of oet 't heuvelland
Kalt eemes angesj deink dan neet dat dae gek is
Mèh loester good, dan klink 't bès charmant

Veer zègge 'n kalbas
Veer zègge tèsj
Goei de zakdook in de was
En de maalplak in de wèsj
Veer zègge boe
Veer zègge woo
Boe zèk veer ummer zoe
Dat zaet biej oos ein koo

Veer goon commisies doen
Veer haole waar
Veur oos klink dat hiel gewoen
Mèh veur oos klink dat jhèl raar
Veer praote laaaank
En veer gewoon
Klink sjoen in de zaaaank
Ja dan môt geer dat mèr doon


HOME PLAATSNAMENOVERZICHTHOME


EIKES BAKKE
1999/2000 nr.1: Tekst: Jos Hanssen - meziek: Jürgen Daemen

Jao, veer waore ins op sjtap, mit de poete en de pap.
En de sjtömming waor jhèl good, want dat zit oos in ut blood.
Nao ne ganse aovend sjpreinge, vastelaovesleedjes zeinge,
reep de pap opins jhèl hèl, doog de jas aan en kôm sjnèl.

Refrein:
Eikes bakke biej de mam, jao, die kènt toch get devan.
Och wat höb ich eine zin, gwaj nog mer ein koppel in,
mit get lekker reepkes sjpèk, dat maak mich hartstikke gek.
Eikes bakke biej de mam mit ein zjwarte boterham.

Jao ich waor ins op ein fjès en hauw hônger wie ein bjès.
Om hauf èlf oetgetèld, koud beffèt woor opgesjtèld.
Ich sjtông veurop in de rie, och, wat rammelt mich de prie.
Kump de pap nao bènne renne, doog de jas aan en kom sjnel.

Nao d'n optoch, 't waor al laat en ich waor ein bitje zaat,
beer versjaald en auch gans lauw en ich hauw ein flinke kouw.
Gèt te aete 't is egaal, doog mèr frikedel speciaal.
Kump de pap, nao bènne renne , doog de jas aan en kom sjnel.

* cd 2001 : De Patronaatsknöppele - " Laot d'n tap mèr laupe " - Pebble Music


HOME PLAATSNAMENOVERZICHTHOME


EN EEDEREIN DÈ ZAET 'T
2003/2004 nr.1: Tekst & muziek: Gaston Jacobs
Zang: Neet van Aelse


Refrein:
En eederein dè zaet 't, gans Aelse dat haet 't
de vastelaovend in de prie
En eederein dè zaet 't, gans Aelse dat haet 't
de Sajelaire gaon weer in de rie
Dit gaeve veer neet aaf, 't ganse dörp dat zink noe weer alaaf
dit wille veer neet kwiet, want hie veule veer os riek
En eederein dè zaet 't, gans Aelse dat haet 't
de vastelaovend in de prie

Veer gaon os amusere... jao, jao, jao
En same profitere... jao, jao, jao
Noe laot de glaze klinke... jao, jao, jao
Veer gaon os eine drinke... jao, jao, jao

Veer gaon ein pekske kaope, jao, jao, jao
En polonaise loupe, jao, jao, jao
Sajelend 't dorp door, jao, jao, jao
En drinken dan good door, jao, jao, jao


HOME PLAATSNAMENOVERZICHTHOME


D'N ENGEL MIT 'T LEECH
1983: Teks: Jan Bovens & Graad Beckers - meziek: Hardy & Geurts
Artiest (*) : J. Bovens

Refrein:
Olé, avé, ich bên d'n engel, ich bên d'n engel.
Olé, avé, ich bên d'n engel mit 't leech.

Wie ich bên gebaore, in Aelse jaore trök,
toen haw ich natuurlik nog gein vleugelkes op miene rök.
Mèr ich waor eine engel, dat zag de mam altied.
Mien krulkes, mien engelehaor, die bên ich nog neet kwiet.

En engelechtig braaf, waor ich auch in de klas.
Dat waor bie meister Jansse, dae hauw van mich gein las.
Zwa greujde ich op in Aelse, dörp van de Dikke Stein.
Ich sajelde al good, auch al waor ich nog mèr klein.

Mit engelkes van maedjes, dao ging ich mit op sjtap.
De ein die waor jhèl leef en de anger die waor knap.
Zwa kaom ich in d'n hemel, nao väöl sjpas en nao väöl lol.
En es geer auch wilt komme, doot 't gauw, want 't raak vol.

Geer höb 't noe gewhèrd, ich höb 't uch gezag,
ich ben es sajelengel in de weeg gelag.
't Is neet te verangere, dat wil ich gaaroets neet.
Èns eine engel, blief eine engel, dat is eine weet.

* cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


ES SAJELAIR GEBOARE
1953: Tekst & meziek : L. Alberichs
Artiest (*) : J. Thomassen

Refrein:
Es Sajelair gebaore, zwa sajel ich al jaore.
Ich sajel, sajel toch zwa gaer.
Ich bên eine richtige Aelsenaer.
Ich weit auch neet van heives gaon,
tot dat de klok mit bitjes geit slaon.
Ich sajel, sajel toch zwa gaer.
Ich ben eine Aelsenair.

Ich hauw van 't beer, ich hauw van plezeer,
ich lik euveral mit te gekke.
Mêr es ich 'ns gaon, is 't gaar niks gedaon,
dan blief ich jhèwig plekke.

Dan höbste Marie, dat is mich ein prie.
Die lik euveral mèr te kletse.
Kriet gaar niks gedaon, zuut 't werk nog neet staon.
Dat kump van al dat zwetse.

Wae jonk is of auwt, of 't werm is of kauwd,
Dat höbste neet zelf te besjtèlle.
Of 't good is of sjlech, gelök hobs of pech,
dat is neet te vertèllen

* cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


ES 'T WEER VROUWLUUJFRÜHSHOPPE-ZONDIG IS
1987: Teks & meziek: Jan Bovens
Artiest (*) : M. Bovens

Refrein:
Es 't weer vrouwluujfrühshoppezondig is,
dan is get oet, dan is get oet.
Es 't weer vrouwluujfrühshoppezondig is,
dan gaon in Aelse alle vrouwluuj saame oet.

In Aelse veur de carnaval dan is 't toch weer tied.
Op zondig is de Sajelair zien Babbelairke kwiet.
De vrouwluuj komme dan bie ein, dat deit ze richtig good.
De sjtumming is geweldig mit ein sjnepske in 't blood.

En is 't weer 'n oer of tswjè, de mansluuj maoge drin.
Die kieke zich de auge oet, zwa nuchter es ze zin.
En saame geit 't fjès dan wier en om ein oer of drie,
dan haet toch eedere Sajelair ein maedje aan zien zie.

* cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


DE FRIETEBOET
Tekst: Jos Hanssen - muziek: L.deBruyn & V.Huits
Zang: de Patronaatsknöppele

Maan waor mit vastelaovend, verkleid es baviaan
En kaom nao zeve cafees, biej ein friettekräömke aan
't waor hartsjikke drök, en hae sjtông gans achteraan
hae reep hallo hallo, höb geer, veur mich hiej ein benaan

Refrein:
Jao 't is toch zwa gezellig hiej in de frietteboet
't is jhèl errig drök de condens sjteit op de roet
hiej kriegste frit mit frikandel of eine hauve haan
dat intreseert mich gaaroet niks ich wil allein benaan

Gans veuraan aan de balie, sjtông eine indiaan
Hae vroog zich frit mayonais en auch eine mexikaan
En Maan reep toen jhèl hèl, hei doe frittepyromaan
Ich wil hiej weg höb geer veur mich, hiej eindelik benaan


HOME PLAATSNAMENOVERZICHTHOME


DE GOKKAS
Tekst & muziek: Guido Olischläger
Zang: Sjach Veer

Doch mich un rölke, ich mot weer neudig aon de gokkas
40 knaake, hea maak mich erm, dae gokkas
hae gaet gaeve, nog sjnel get geld d'r bie in de gokkas

Eedren daag mot ich weer gaon
bin versjlaaf, kin d'r niks aan daon

100 punte, ich veul dat ich gaon winne op des gokkas
volle bak, ur gelök is met mich aan de gokkas
begin te vlooke, m'n punte weg vleege weg van de gokkas

Pak nog un rölke en sjmiet ut allemaol in de gokkas
weg zin mien punte, ut is veurbie aan de gokkas


HOME PLAATSNAMENOVERZICHTHOME


GRWÈTSJ
Tekst: Jos Hanssen - muziek: Jürgen Daemen
Zang (*): De Patronaatsknöppele

Ich laog ins op de Sjarberg,mit mien maedje in 't graas,
toen kaom ein vleeg aan vleege, die zat zich op häör naas.
Ich dach nog biej mien eige, hei vleeg doe bes van mich,
en heef ich mit mien volle hendj rech in häör gezich.

Refrein:
Wat waor ze grwètsj op mich, wat waor ze grwètsj.
Ze hauw ein lank gezich, ze waor zwa grwètsj.
Wat waor ze grwètsj op mich, wat waor ze grwètsj.
Oh jônge, jônge, jônge, ze waor grwètsj.

Veer ginge nao d'n auto, dae sjting neet op zien plek.
Zie zaet: bel gauw de pliesie, dat ze zeuke wie'ne gek.
Ich zaek taege dae blauwe: dat haet toch geine zin.
Laot d'n auto mer want mien sjwanmam zaot nog drin.

Toen zin ver get gaon aete en kreeg ich flink de hik.
Veer môste gaon betale, toen waor mien beusj gepik.
D'n ober greep oos vas, dat deeg ein bitje pien.
Hiej sjteit ein bergske aafwesj, ich höb nog gein mesjien.

* cd 2001 : De Patronaatsknöppele - " Laot d'n tap mèr laupe " - Pebble Music


HOME PLAATSNAMENOVERZICHTHOME


GUSJKE
Tekst: Jos Hanssen - meziek: Jürgen Daemen
Oetveurende (*) : de Patronaatsknöppele

Gusjke Gusjke, 't is noe weer gedaon,
doe mos noe veur ein tiedje int muzeum sjtaon.
Veer komme dich weer haole aan 't einde van 't jaor.
De vastelaovend is weer om, veer zin mit dich noe klaor.

Gusjke Gusjke, veer zaegge noe alaaf.
Veer höbbe väöl plezeer gehad, dat pak oos geine aaf.
Dao waor weer ein revu, en mit den optoch leep ver mit,
en 's aoves ginge veer op sjtap, en 's mörges waor ver fit.

Gusjke Gusjke, 't is noe weer veurbiej,
veer laupe ein paar waeke mit pien in de prie.
Mèh sjtrak, taege November, dan is 't al weer tied,
dan zin ver ein paar möndjes oos gans versjtand weer kwiet.

Gusjke Gusjke, 't is noe oet mit de sjpas,
de vastelaovespèkskes, die gaon weer in de kas.
Veer zulle neet vergaete dats dich hiej noe weer sjteis,
en dat is neet veurniks, want doe bewaaks den Aelsergeis.

* cd 1999 : De Patronaatsknöppele - " Lache is gezondj " - Domi9902


HOME PLAATSNAMENOVERZICHTHOME


HOEBAIR
Tekst: J. Hanssen - muziek: J. Blenco & F.Mays
Zang: de Patronaatsknöppele

Hoebair biej oos naeve, dae is Oos-indies dauf.
Este op h'm reups, kiek hae dich aan sjus wie ne wauf.
Ich höb h'm ins gevraog: zitte dien warre vôl mit knauf ?
Gank ins nao d'n dokter veur gèt pille of gèt zauf zauf zauf zauf zauf.

Refrein:
Hoebair kôm noe heivisj 't is good gewaes.
( Wat zaeste? )
't Kènt neet blieve doere, kôm oet dae polonaes.
( Wat zaeste? )
Vastelaovend viere is dat alles watste wils ?
( Ich verstaon diech neet! )
Kôm gauw aant buffèt, dan besjtèl ich dich ein pils.
Kôm gauw aant buffèt, dan besjtèl ich dich ein pils.
( Good, doog mich mèr ein piepke! )

Hae waor ins in de Alpe, dao haet hae langgelauf,
en vroog dao nao die hûtte, dan mussen sie daarauf.
Dao vloog hae gauw nao bènne en reep doog mich gèt zu zauf.
Wollen sie ein pilsje, nein doog mich mèr ôngerhauf hauf hauf hauf hauf.

Hoebair ging ins aete, besjtèlde zich dao knauf.
Jao, dat is ein kruusing tusche knien en tusche kauf.
D'n ober vroog aan Hoebair: gans doorbakke of leever hauf ?
Ich höb toch zwanne hônger, jao, doog mich mèr ôngerhauf hauf hauf hauf hauf.

Refrein:
Hoebair, kôm noe heivisj, 't is goot gewaes.
( Wat zaeste?? wat zaeste? )
't Kènt neet blieve doere, kôm oet dae polonaes.
( Heh???)
Vastelaovend viere, is dat alles watste wils ?
Kôm gauw aant buffèt, dan besjtèl ich dich ein pils.
Kôm gauw aant buffèt, dan besjtèl ich dich ein pils.
( Doog mich mèr ein piepke!)

( Wat heh wat zaeste? )


HOME PLAATSNAMENOVERZICHTHOME


ICH HAWT VAN AELSE
1990: Aelser teks: Jan Bovens - meziek: Schootemeyer
Artiest (*) : J. Bovens

Aelse, aan de Maas bes doe gelaege,
mit dien veljer en dien waege,
dich vergaete ken ich neet.
Aelse, mit dien Catsop en Terhage,
nei veer maoge toch neet klage,
want get sjwanners geuf 't neet.

Ich hawt van Aelse, mit de Knup en 't Ermsterveld.
Aan 't Trage Pötje, kos 't water nog gein geldj.
Wenjel de Baenje in, of nao 't Zjêkendaal,
onger de duuker door, dan zuuste zellef waal.

Wie sjwan is Aelse, mit kestjèl en Dikke Stein.
En dus blief Aelse, veur mich nummer ein.
Wo ich gebaore ben, wo ich de waegskes ken,
dat is in Aelse, wo ich 't leefste ben.

* cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


ICH HÖB 'M PLEKKE
Tekst: Guido Olischläger - melodie: 'Speedball Trucker' (Jim Croce)
Zang: Sjach Veer

Elke vriedig um un oer of ach, dan duuk ich weer ut weekend in
in mien sjtamcafé zit ich dan, en dao sjöt ich mich weer eine in
rond un oer of teen komme de luuj al get los
zit ich al wankel op mien kruk
en is ut dan half twelf, dan kump ut aete van de mam mich trök

Ich höb um plekke, how noe toch op
ich höb um plekke, mien cent zint lang op
ich höb minstens 20 liter op, en en un dikke eikehoute kop

Mèr ich hou pin, want ich höb noch gein zin
om noe al nao hoes te gaon
ut is mèr good dat ich un kruk höb
want op mien bein kin ich allang neet mie sjtaon

Ich bin un echte vent, ut gans café drink van mien cent
de rekening dae lop flink op
mer ich bin effe bie de vrouw weg, dus hob geine zeiver aan min kop

En is ut dan alweer beinao sjleetingstied
gaef ich nog un rondje weg
eederein kump mich bedanke
dan wurt ut mich inins gand sjlech

De frit mayonaise dae sjteut mich op
en de kastelein vreug: "Mörge weer"
ut einige wat ich dan kein is kotze en dinke
"ich drink noets mie beer"


HOME PLAATSNAMENOVERZICHTHOME


ICH HÖB MICH VERSJLAOPE
2003/2004: Tekst: Jos Hanssen - muziek: Fred Mays & Johny Blenco
Zang: De Patronaatsknöppele Aelse

Op vastelaoves Dinsdig midde op d'n daag
De frit zoervleisj van Maondig die laog mich op de maag
Ich dach lèk dich ein uurke lekker op de bank
Woort wakker van de breevebös ônger op de gank
Ich leep de gank gauw op, reep wae maak dat kebaal
De kezèt van Goonsdig dat is toch neet normaal

Refrein:
Ich höb mich versjlaope
En dat maak mich gaar neet bliej
Op èsjgoonsdig ginge mich de auge aope
En toen waor de vastelaovend al veurbiej
Ich höb mich vesjlaope
En dat maak mich gaar neet blie
Op èsjgoonsdig ginge mich de auge aope
En toen waor de vastelaovend al veurbiej

Op de käöketaofel laog de narrekap
Mien sjeun die sjtônge sjus wo ich waor droetgesjtap
De jas vôl mit confetti laog nog op de bank
Höb ich ech gesjlaope achtjèn oere lank
Vastelaovend jao dae is veur mich noe klaor
Mèh de volgende dae doert nog mèr ein jaor


HOME PLAATSNAMENOVERZICHTHOME


ICH ZAL ALTIED VAN DICH BLIEVE HAUWE
Tekst: Guido Olischläger - melodie: 'End of the world as we know it' (Berry, Buck, Mills, Stype)
Zang: Sjach Veer

Ich weit nog good dat ich dich veur d'n jèrste kjer zaog
ich wis metein dats dich bie mich zous blieve
eedren daag loupe veer noe saame euver sjtraot
un baetere vrunjtsjap zal ich nwats mjèr kriege

Ich kiek deep in d's auge en ich zeen dad wat ich veul
ich zal altied van dich blieve hauwe
altied van diech (3x)

Veul ich mich sjlech den wein ich dat's dich d'r veur mich bès
ein blik van dich deit mich mein zörreg vergaete
es dank veur diene trouw, daag in en daag oet
gaef ich dich eedren daag weer dien aete

De zals d'r neet altijd zin dus geneet ich van den tied
dat dich mich 's mörgens de krant kumps bringe
tevreeje likste aan mien hand en ich krats dich in de nek
un baetere vrunjt zal ik nwals mjè vinge

en es dich sjtraks de piep oet bès de höbs d'n sjpuit gehad
weit dan dat ich aan dich blief dinke
wie stich dich lèkdes aan d'n vot en dabdes achter 'n oor
nwats zal un angere hond oet dien bèkske drinke


HOME PLAATSNAMENOVERZICHTHOME


IN OOS AELSE
1986: Tekst & meziek : Jan Bovens
Artiest (*) : J. Thomassen

In Aelse mit de carnaval, dan is op alle plaatse bal.
En euveral wo ste mèr geis, dao zuus te niks es Aelser vleisj;
Dao wers te niks es Sajelair en "ich bèn 'nne Aelsenaer".
Dao gaon de luuj nog altied gaer, mèt carnaval zinge ze weer.

Refrein:
Want in oos Aelse, dat sajelend Aelse,
dat dörpke van de 2 en van d'n Dikke Stein.
Jao in oos Aelse, dat sajelend Aelse,
oos dörpke van de 2 en van de Dikke Stein.

En is 't weer tied heives gaon, de pliesje op de straot kump staon,
en reup de kastelein: "ich sleet", dan lök dat toch zwa gauw nog neet.
Dan zinge ze weer van Sajelair en ",ich bèn 'nne Aelsenaer".
In Aelse gaon de luuj nog gaer, mèt carnaval, waer of gein waer.

* cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


JACQUELIEN
Tekst: Pierre Lemmens - muziek: Jürgen Daemen
Zang (*): De Patronaatsknöppele

Ich zaog dich in ein manneblaad,
Zwa knap, zwa sjwan, ich leek waal zaat.
Ich waor geliek verleef op dich.
Wat maakdes dich toch los in mich ?
Es ich dan dien foto zeen,
Dan gaon ich door 't dölle heen.
Ich pak ein sjèr en knip dich oet,
En plèk die foto op de roet.

Refrein:
Jaque, Jaque, Jaquelien.
Ich kôm neet aan dich, dat deit pien.
Kom noe van die foto aaf,
dan veing ich dich jhèl erg braaf.

Dao bèste weer, ich krieg 't werm.
Doe bès zwa sjwan, kom in mien erm.
Es dich ins wis wie ich noe lie,
in mien gedachte mit dich vrie.
Och wat is die foto sjwan,
ich bèn volledig gek de van.
Ich pak ein sjèr en knip dich oet,
en plèk die foto op de roet.

Ich druim van dich de ganse nach,
figuur, gezich en diene lach.
Ich waer ech knettergek van dich,
van dien prachtig rondj gezich.
Es ich dich in't ech zou zeen,
vloog ich drèk euver dich heen.
Ich pak ein sjèr en knip dich oet,
en plèk die foto op de roet.

* cd 2001 : De Patronaatsknöppele - " Laot d'n tap mèr laupe " - Pebble Music


HOME PLAATSNAMENOVERZICHTHOME


JEANETTE
Tekst & muziek: Fonz Meyers
Zang: 2-Pees

Refrein:
Jeanette gànk noe nao bèt
En schjèl mich miene pòkkel noe neet vol
Jeanette gànk noe nao bèt
Kom doog mich ein plezeer en gun mich dat glaas beer
Jeanette gànk noe nao bèt
En laot mich toch allein
Want zwalang ès de kaffee's aope zin, blief ich op de bein

Jeanette dat is ein hollese, ze pas zich gaar neet aan
En es 't vastelaovend is, dan bèn ich de benaan
Ze begint dan weer te schjèlle en zaet dan auwe gek
Doe mòs nog mer gèt sprènge, doe brûks nog diene nek

Jeanette die bliet mèr schjèlle, ze sprùnk haos oet hör vel
En es ze zwa bliet doorgaon, waer ich nog vriegezel
Dan kèn ich lekker jatse, drie daag oet de bol
Sajele en flatse, lang laeve dan de lol

Hie staon ich dan noe veur ùch, al drie daag vriegezel
En es geer mich zot vraoge, bevilt dich dat dan wel
Dao is mèr ein probleemke: de cente die zin op.
Ich höb gein brook mjè zuuver, 't hoes sjteit op de kop

Intermezzo:
Jeanette, hei Jeanette, lig je nog in de kooi
Sta eens op, het hele huis is ennut!

Slotrefrein:
Jeanette, kom oet dat bèt
En laot noe toch die hèntjes nog èns goan
Jeanette, kom oet dat bèt
Kom doog mich ein plezeer en haol èns ein krat beer
Jeanette, kom oet dat bèt
En laot noe toch èns gaon
Want doe liks al drie daag in dien nès, dat is toch niks gedaon
Want doe liks al drie daag in dien nès, dat is toch niks gedaon


HOME PLAATSNAMENOVERZICHTHOME


JODELODELOHITI
Tekst: Jos Hanssen - muziek: J.Blenco & F.Mays
Zang: de Patronaatsknöppele

Refrein:
Jodelodelohiti jodelodelohiti hae sjteit hiej weer te jodele wat is dat ein kebaal
Jodelodelohiti jodelodelohiti 't deit ein bitje pien is hiej ne dokter in de zaal
Jodelodelohiti jodelodelohiti hae sjteit hiej weer te jodele wat is dat ein kebaal
Jodelodelohiti jodelodelohiti 't deit ein bitje pien is hiej ne dokter in de zaal

Hae waor ins in de supermèrt hae is ein bitje klein
Gans baove op de plank sjtônge de erwte extra fijn
Hae reikde en hae reikde en dat ging gaaroets neet good
Kaom die blik nao ônger, rech op ziene voot

Hae waor ins in de kamer hing ein foto aan de moer
Zien vrouw sjtông in de käöke maakde knien klaor in 't zoer
Mit eine voot op't trèpke en d'n angere op de schouw
Heef mit alle krach ziene nagel bondj en blauw


HOME PLAATSNAMENOVERZICHTHOME


KAETELE-MEZIEK
1979: Tekst & muziek: F. Meijers & P. Ronden
Zang (*) : Geerling Brands & Jo Collard
Zang: (**) : J. Akkermans

Refrein:
En steendes en steendes en steendes in 't tied.
Dan is de mam al häör dèksele kwiet.
Want eedere Sajelair mèt laeve in de prie,
dae löp dan mit in 'n zaate hermenie.
De familie maak 'n hermenie,
eederein, dae sajelt zie aan zie.
Om 2 oer kômme ze bie-ein.
Eederein, eederein,
eederein bie d'n Dikke Stein.

Bes-te jônk of bès-te oud; bès-te riek of höbs te sjout.
Dat maak toch gaar niks oet, 't veurnaamste is, doe bès ins d'roet.
Op de houding aan 't buffèt, weurt jel good op gelèt.
De jury is jel wies, eederein dae haet de jetste pries.

De cafè's zin euvervol, doe höps de grwatste lol.
En laop mèr oet de maot, want op deensdig kènt dat gaar gein kaod..

* ep 19?? : De Sajelaere - " ? "
** cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


KAL PLAT
2005/2006: Tekst & muziek: P. Goossens & P. Meijers
Zang: 2Pees

Refrein:
Kal plat, kal plat, hou dien mooders taal in laeve
Kal plat, kal plat, door dien ouwers dich gegaeve

Es Limburger gebaore, blaos ich jèl grwètsj van d'n taore
Op mien aafkoms gaon ich prat, dus kal ich altied plat

Bès ste aan 't werk of zit ste nog op schjwal
Dan wèrs ste dao allein mèr van dae hollese kal
Doe vreugs dich waal èns aaf, woo môt dat toch op aan
Kal toch gewoon limburgs, want dao kump ste vandaan
Veer spieje hie ôs gal, kal plat luuj euveral!

Mit de vastelaovend doon veer altied lekker gek
Veer zeivere en sjneure in ôs eige dialec
En kalt dan eemes holles, dan spraeke veer em aan
Waarom praat jij huilands, ben jij niet hier vandaan?
Noe zèk neet: ich höb spiet, kal plat luuj, jao altied!


HOME PLAATSNAMENOVERZICHTHOME


KIEK MICH NOG ÊNS AAN
Tekst & muziek: Piet Ronden

'T waor vriedigs veur de karnaval
Ich zoug dig dao in Catsep op 't Patsjebal
Doe keeks mich toen êns lachend aan
En ich wis metein, noe bês ze de Banaan.

Refrein:
Den daag waor kort, de nach waor lank
Wie ich häor dao in Catsep höb gezeen
Den daag waor kort, de nach waor lank
Wie ich häor höb gezeen
Jao, jao, jao, kiek mich in mien ouge
Kiek mich nog êns aan
Want al in die ouge, steit toch miene naam.

Noe zeen veer al mennig jaor getrouwt
En 't haet os van ze laeve ouch nog neet berouwt
Mêr vriedigs veur de karnaval
Dan gaon veer weer in Catsep nao 't Patsjebal.


HOME PLAATSNAMENOVERZICHTHOME


KIEN
2004/2005: Tekst & muziek: F. Meijers
Zang: Tilla en Netta

Tilla van oos naeve geit altied mit oos mit
Vriedigs gaon veer kiene, dat hilt de geis zwa fit
De kan zit vol mit koffie, de tèsj vol sjokolaat
Om zès oer zit veer in de zaal, veer komme nwats te laat
En is de kien naobie, dan stwet zie in mien zie

Refrein:
Haol um, haol um ich sjtaon alweer op ein
Ach wat spannend, kniep de bein bie-ein
Rammel, rammel rammel mit die kis
Jao dan weit ich zeker vilt mien nummerke gewis
Jao dan weit ich zeker vilt mien nummerke gewis

In de pauze ren ich altied nao 't buffet
Zèk taege 't maedje, gwaj mèr in 't vet
Mos ich effe wachte, stong ein ganse rie
't Kiene waor weer bezig, dat maakde mich neet blie
Ich whèr opins kabaal, reup Tilla door de zaal

Nao 't kiene ging veer heives mit de pries
Tilla hauw ei bankstèl en ich ei sjwan servies
Dao waor mèr ein probleem, veer waore mit de bus
Mèh nao veul gesjravel pasde dat noch sjus
De bus vloog oet de boch, 't bankstèl door de loch

Kien!


HOME PLAATSNAMENOVERZICHTHOME


LACHE IS GEZONDJ
Tekst: Jos Hanssen - meziek: Jürgen Daemen
Oetveurende (*) : de Patronaatsknöppele

Lache lache lache lache is gezondj.
Kiek, dao löp Sjannet mit tswjè vaere in de kontj.
Laot nog mèr ins gaon en höb mer väöl plezeer.
Lache is gezondj, sjûs wie ein pötje beer.
Lache is gezondj, sjûs wie ein pötje beer.

Veer zin nao de revu gewaes, dao waor 't errig leuk.
Ze maakde kwlaterieje en veer laoge in ein deuk.
't Kôs dich bienao niks veur eine ganse aovend lol,
en mit dae sjtomme kal geit de zaal oet ziene bol.

Veer sjtonge biej de Dikke sjtein, den optoch kaom weer aan,
de sjûtterie en de fanfaar, veurop ein grwatte vaan.
Get waages, eine groep of eine moderzjèl allein,
ech luuj veer zin in Aelse en dat hilt dich op de bein.

En 's Deensdigs, taege twèllef oer, dan is 't weer veurbiej,
dan wachte veer ein jäörke mit get pien in ooze prie.
Mèh laot de mood neet zakke, vastelaovend kump opnuuj,
mit sjaele zeiver, sjtomme kwatsch, d'n optoch en revu.

* cd 1999 : De Patronaatsknöppele - " Lache is gezondj " - Domi9902


HOME PLAATSNAMENOVERZICHTHOME


LAOT D'N TAP MÈR LAUPE
Tekst: Jos Hanssen - muziek: Jürgen Daemen
Zang (*): De Patronaatsknöppele

Op vastelaovesdinsdig, veer hejje flinke doosj,
gans ônger in 't dörp, dao zin veer weer begoosj.
En nao 't jètste rundje trôk ver aan de bel:
Doog nog gèt te dreinke, kôm op, ein bitje sjnel.

Refrein:
Laot d'n tap mèr laupe, riet mèr aan dae kraan.
Doe kèns weer get verkaupe want dao kômme veer weer aan.
Doog ter oos mèr veer en gaef mèr volle gaas.
Neet zwa'n kleintje beer, mèh ein flinke grwatte vaas.

Nao zèsentwintig rundjes, veer sjtonge op de kop,
toen wilde veer gaer heivesj, veer kreege niks mjè op.
De deur, die vloog wiet aope, dao kaom ein lekker sjtök.
Die reep: doog get te dreinke, auch die veer dao op die krök.

Nao drieèndertig rundjes, 't ging noe ech neet good,
dat lekker sjtök, dat zag: geer höb mjè alcohol es blood.
Kom hiej, ich breing uch heivesj, veer zin toen opgesjtap.
Ich höb waal geine koffie, mèh waal ein echte tap.

* cd 2001 : De Patronaatsknöppele - " Laot d'n tap mèr laupe " - Pebble Music


HOME PLAATSNAMENOVERZICHTHOME


HET LEEDJESCONCOUR
2005/2006 nr.1 : Tekst: Jose Bours - muziek: Jean Janssen
Zang: Ineke Gelissen & Jose Bours

't Leedjeskonkoer, dat is het begin,
Doa stoan al hjel get artieste veur in
En kiek ens hie wae hauw dat verwach
'e leedje door twjae vrouwluuj gebrach
Twjae maedjes oet Catsop nog waal
En dit veur eine volle zaal!

Refrein:
Al komme ze NEET OET AELSE hie
Tilla en Netta oet Tailand der bie
Die tjwae van d'n TAP die zin doorgezakt
Ze hubbe zich weer bie ein gepak
De BLEUMKES die zin auch ON TOUR
En zonger twje P-TJES geine konkoer
De BABBELAIRE hubbe PIT
En zelfs de KAETELEJURIE deit mit

De oud-prinse sprengge same in 't rondj,
Hun vrouwluuj make 't auch erg bondj
't Sajele zit bie os in 't blood,
Hub geer dat auch dan zeet g'r hie good
Noe laot uch maer effekes gaon
't Is noe nog neet gedoan

Noe pak uch ens effekes bie de hendj
En zet de zurg mer aan de kentj
Denk dan mer aan ozze Aelser geis
Want dat is wo ste altied veur sjteis
Es Sajelair geis ste veurop
Zet ste gans aelse op de kop


HOME PLAATSNAMENOVERZICHTHOME


DE LEPTOP
Tekst: J. Hanssen - muziek: J. Blenco
Zang: De Patronaatsknöppele

Vastelaovesleedje klaor, sjrief 't lètste woord gauw op,
dao kump mien vrouw nao baove mit eine tèijer unnesop.
Ich zit al zeve oere veur miene p.c.,
krieg ich flinke boekpien, en ren nao de w.c.

Refrein:
Ich trèk mich trûk op de w.c. mit miene leptop,
zit hiej te type en opins vilt mich de klep drop.
En duuj per ongelök op control alt delete,
bèn ich inins de ganse raffel tekste kwiet.
En duuj per ongelök op control alt delete,
bèn ich inins de ganse raffel tekste kwiet.

Zit ich hiej en dènk ich wo is dae sjtômme teks noe heen ?
Ich weit neet gans zeker of ze in de pot verdween.
Van de gank aaf reup mien vrouw of ich dao sôms woon.
D' zits al oere drop wat bèste toch aant doon ?


HOME PLAATSNAMENOVERZICHTHOME


LIMBURG ALAAF
Limb.tekst: Ivo van der Bijl - melodie: "Kölle feiert feste, Kölle alaaf"
Zang (*) : Ivo van der Bijl

Midde in de winter,
Es de sneeuw weer velt,
kump de vastelaovend,
de daag zeen al geteld,
alles kump vanne zolder,
het wurt de hoogste tied,
Oze vastelaovend dae wille weer neet kwiet,

Refrein:
En es 't trummelke geit,
Den zeen wer weer paraat,
En weer trekke door de stad,
Van vreug toet 's aoves laat,
Limburg alaaf, alaaf, Limburg alaaf.

De elfde november is biej os get los,
Ich wil weer der biej zeen,
Egaal waat mich det kos,
Den gaon ich genete,
Gooi mich flink ter door,
Drink ein lekker glaeske beer,
en loer neet op ein oer.

* cd 2000 : Diverse artiesten - "Van Eijsde tot de Mookerhei 7" - Marlstone Recordings bv CDL2001

HOME PLAATSNAMENOVERZICHTHOME


MAONDIG MÖRGE
Tekst: Ivo van der Bijl - muziek: Guido Olischläger
Zang: Sjach Veer

Maondig mörge, ich vrief mich door de pupsje
maondig mörge, ich liek nog get te rupsje
dat beer haet mich gein good gedaon
bin wir ins te laat nao bed toe gegaon

Maondig mörge, ich lick nog get te ronke
maondig mörge, ich wer ut baove bonke
denk dat ich vandaag mèr weer 'ns euver sjlaon
en lekker vreug nao bed toe gaon

Maondig mörge, wea kind dat geveul neet
maondig mörge, de veuls dich neet kompleet
urgens un sjtökske, film kwiet geraak
in ut weekend hubste ut weer te bont gemaak

Maondig mörge, is de zwaorste van de allemaol
maondig mörge, dan is opsjtaon unne ???
Kumps euvereind mèr de vals gelik weer om
vlooks in den eige, en vings dichzelf sjtom

Maondig mörge, wae haet daen daag bedach
maondig mörge, kump altied onverwach
mèr de mes op, of ste wils of neet
treks den brook aan en veuls dich neet compleet


HOME PLAATSNAMENOVERZICHTHOME


MARIE
2000/2001 nr.1Tekst: Jos Hanssen - meziek: Jürgen Daemen
Oetveurende (*) : de Patronaatsknöppele

Refrein:
Och Marie, och Marie, och Marie,
wat höbs dich toch ein dikke batterie.
Och Marie, och Marie, och Marie,
zèt de veutjes op de vloer, want de knöppele zin weer hiej.
Och Marie, och Marie, och Marie,
gank mèr in de polonaes, dan maak veer ein flinke rie.
Och Marie, och Marie. och Marie,
es dich veurop löps kump dich geine mjè veurbiej.

Marie, die haet ein vötje of zèk gerös mèr vot.
Es die op dich geit zitte, dan bliefste gans kepot.
En es ze eine sjéét ljèt, dan dènk ich biej mich zèlf:
Maak datste èweg kumps, dao kump weer wèndjkrach twèlf.

De aafgeloupe zomer, 't waor ein bitje wèrm,
Marie houw van die bèndjes, hiej baove om de èrm.
Ze sjtong dao op de duukplank en ging gans oet de bol,
en toen ze waor gesjpronge waor 't sjwumbad neet mjè vol.

Veer waore 'ns in Zandvoort, 't weinde tot 't verrèk.
Ich wou achter Marie sjtaon, dan sjteiste oet d'n trèk.
Ich keek neet oet mien döppe en veel rech in ein koel.
"Koekken sie toch aus mènsj" reep ein grwatte moel.

Mèh lank of sjael of dik, leef luuj, dat maak toch gaar niks oet.
Este mèr gelökkig bès, get laeve in de boet.
De bèste van de waereld, dat is toch mien Marie.
Al is 't neet de knapste, die dikke batterie.


HOME PLAATSNAMENOVERZICHTHOME


MIEN JÈTZTE MUULKE
2002/2003: Tekst & muziek: Ivo van der Bijl
Zang: Ivo van der Bijl

Bie de auw kirk, onger de Toare, doa höbs doe op mich gewach.
Doa kreeg ich mien jètste muulke, en dat houw ich neet verwach.
Bie de auw kirk, onger de toare, allein mer leefde in dae nach.
Bie de auw kirk, onger de toare, doa höbs doe op mich gewach.

Refrein:
De luu, die blieve vroage: wo gaot geer ummer haer ?
Veer zwiege wies en zëgge niks, mer doon ut toch zwa gaer.
Oet kafees komme geluide van sjpass en van meziek.
Veer kieke noa dae'n toare en veule os zwa riek.

Dae sjwanne vasteloavend, belaef veer eeder joar.
Allein noe is er get sjwanner, gluif mich mer, ut is ech woar.
Ich keek deep in dien auge, doe sjtreeks mich door mien hoar.
Bie de auw kirk mit vasteloavend, ut aafgeloape joar.


HOME PLAATSNAMENOVERZICHTHOME


MIT DE TENT
Tekst: Jan Thomassen - muziek: L.deBruyn & V.Huits
Zang: de Patronaatsknöppele

Vekansie kos oos neet väöl cent
Want veer gaon weer mit de tent
Vjèrtjèn daag höb veer 't breid
Neemes dae oos nog gèt deit
De hondj dae is al weg gebrach
De buure höb veer daag gezach
Lekker weg ein waek of twjè
Wat wilste noe nog mjè

Eeder jaor steeds weer opnuuj
Gaon veer net wie alle luuj
Gaer ins effekes droet
Veur ein lekker broen sjnoet
Gans bepak en auch gezak
Alles weurt weer ingepak
D'n auto gans tot aan 't daak toe vol
Begint de vekansielol

Kom veer dan in Spanje aan
Nao achtjèn oere autobaan
Höb veer weer ein gevech
Want de tent die môt rech
Dan is 't alweer zwawiet
Wo waere veer oos sjpulle kwiet
Allein mèr Hollènjers hiej ôm oos haer
Vekansie höb veer gaer

S 'aoves zit veer veur de tent
De sjouwers zin gans rwad verbrènd
Ein glaas beer in de hendj
Alles zit vol mit zendj
Es men dan eindlik sjlaope geit
Bliek 't daoveur väöl te heit
'T leukste wat dan eindelik weurt gedaon
Is weer nao hoes toe gaon


HOME PLAATSNAMENOVERZICHTHOME


MIT DE VOT NAO STEIN
2004/2005 nr.1 : Tekst: Gaston Jacobs, Leon Quix & Michel Pinxt - muziek: Gaston Jacobs
Zang: Neet van Aelse

Refrein:
Aelser Geis - Alser Geis - dat is who ste veur sjteis
dat whert bie de Sajelaire, want veer zin Aelsenaire
veer make weer ein rôndje mêt eederein
en gaon weer door de sjtraote en om de dikke sjtein
Aelser Geis - Aelser Geis - dat is who ste veur sjteis

Veer gaon weer same sjpringe - dat zit os in 't blood
en eederein in Aelse veult zich dan weer zwa goot
Laot Gusjke dao mêr zitte dao bove op die sjlak
dao weurt hie weer gezonge en zich bie-ein gepak

Zwa geit 't noe al jaore veer houwe op die kis
zwa blieve veer auch doorgaon - dan kint 't neet mje mis
veer laote os neet kinne dat gôld veur grwat en klein
laot Gusjke dao mêr zitte jao mit de vot nao Stein


HOME PLAATSNAMENOVERZICHTHOME


MIT Z'N ALLE SJOENKELE
Tekst: Guus Smeets - muziek: Lei de Bruin
Zang: Neet van Aelse

'n Welske heur veer toch zwao gaer
Dat geit ös aan de prie
Zo ein welske is wie prachtig waer
Dan kump de zon derbie
En este neet van sjoenkele hils
Dan kin veer dao niks aan doon
Mé este noe toch ins probere wils
Dat is zwao gemekelik te doon

Refrein:
Kom noe gaon veer mit z'n alle
Weer ins sjoenkele
Jao dan gaon veer eers nao links
En dan nao rechs
Kom noe gaon veer mit z'n alle
Weer ins sjoenkele
Allein este neet van sjoenkele hils
Dan höbste pech

Veer vraoge uch noe doog ins mit
Dan zitste neet allein
Pak de buurman onder ziene erm
Dat göld veur eederein
En este neet van sjoenkele hils
Dan kin veer dao niks aan doon
Meh este noe toch ins probere wils
Dat is zao gemekelik te doon


HOME PLAATSNAMENOVERZICHTHOME


NAARD
Tekst: Jos Hanssen - muziek: L.deBruyn & V.Huits
Zang: de Patronaatsknöppele

Kiek dao ins op d'n trakter is dat neet ooze Naard
Hae veurt achter de keu aan door de proemegaard
Hae zal waal weer gaon mèlke dat deit hae eedere daag
Drunk zelf nwats gein mèlik want die lik h'm op de maag

Ziene klômp dae blief h'm hange in de brookezaum
Hae veurt mit volle vaart taege eine proemebaum
Dae proemebaum dae sjtôggeld alle proeme op de grôndj
En Naard mit zien gezich rech in de koojesjtrôndj

Kiek dao ins op de baojèm is dat neet ooze Naard
Hae lik op zien gezich dao in de proemegaard
Zou hae alweer gaon mèlke dat deit'r eedere daag
Drunk zelf nwats gein mèlik want die lik h'm op de maag

Naard geit weer aan 't wèrk mèh is dat neet errig vraem
Die koo wat noe gemèlk weurt die haet mèr eine daem
Wo zin die anger drie haer Naard dae wèt zich geine raod
'T is gein koo mèh ein sjtier en dae's verschrikkelik kaod

Wae rent dao door die wei haer is dat neet ooze Naard
Wat is hae zich aant sjpooje in de proemegaard
Hae môt zeker nog mèlke dat deit'r eedere daag
Drunk zelf nwats gein mèlik want die lik h'm op de maag

Wae rent dao door die wei haer is dat neet ooze Naard
Wat is hae zich aant sjpooje in de proemegaard
Hae môt zeker nog mèlke dat deit'r eedere daag
Drunk zelf nwats gein mèlik want die lik h'm op de maag


HOME PLAATSNAMENOVERZICHTHOME


DE NAAS DE LOCH IN
Tekst & muziek: Fons Meijers
Zang: 2Pees & The Swinging Sajelband

Ich bèn neet mjè te stuute, dat veul ich in mien kuute
Dat kump al bie de jètste paaf, bie tromgeroffel of alaaf
Dan veul ich 't euveral kriebele, mien batse wille wiebele
Höb geer dat auch dan doot mer mit, vastelaovend hilt dich fit

Refrein:
Staek jèts de naas de loch in,
De hèndjes in de zie
Gwaj noe de beintjes van de vloer,
Dan weurste mager op den doer
En es ze dan geis sprènge, gewoonweg op en neer,
Dan zul ste ongervènge, vastelaovend is d'r weer

Kump ste d'n dokter taege, gaef 'm van mich de zaege
En zèk 'm mer 't geit mich good, vastelaovend zit mich in 't blood
Krieg ei flink stök in mien hakke, hoof gein medicien te pakke
Höb geer dat auch dan doot mer mit, vastelaovend hilt dich fit


HOME PLAATSNAMENOVERZICHTHOME


NESKE
Tekst: Jos Hanssen - muziek: L.deBruyn & V.Huits
Zang: de Patronaatsknöppele

Kèns dich Neske Sjtiene
Die geit toch ummer kiene
Nei winne deit ze nwats
Dan waere deure toegeklats
En hink de kat in de gerdiene

Refrein:
Oh Neske Neske haut toch dien gemaak
Doe jeugs hiej eederein nog op 't daak
Sjei noe oet mit sjelle, haut toch diene mondj
Doe môs get mje gaon lache, want lache is gezondj
Doe môs get mje gaon lache, want lache is gezondj

Neske ging mit Christiene
Verkleid es twjè begiene
Mit de carnaval op sjtap
Mit eine pater aangepap
En toen reep Nes dat is de miene

Neske drûnk auch gaer wiene
Gemaak van appelsiene
Ze pak zich eine sjlôk
En häör gans gezich vertrôk
Want dae sjmaak nao terpetine


HOME PLAATSNAMENOVERZICHTHOME


OBER
Tekst: Pierre Lemmens - meziek: Jürgen Daemen
Oetveurende (*) : de Patronaatsknöppele

't Is weer vastelaovend, veer zeuke oos weer op.
Eederein dae is verkleijt, mit 'n pètsjke op de kop.
De café is verseert en 't beffèt sjteit vol mit beer.
Den ober trampelt driftig mit ein schotel heen en weer.

Ober, ober, veer höbbe zwa 'n doosj.
Gaef mich gauw ein pilske en mien vrouw ein sjtökske woosj.
Ober, ober, scheet toch ins gèt op.
Gaef oos gauw veer pinte en eine teijer sop.

De luuj, die sjtruime bènne, gwaje jès op eine houp.
Veer laupe nao de kassa, dao zin penninge te koup.
De meziek dae sjteit keihèl, de zaal geit heftig op en neer.
Veer sjleete achteraan, dae mit de beusj besjtèlt al beer.

Hèndjes op de schouwers en hèndjes in de zie,
eederein in sjtömming en eederein is blie.
In eine lange polonaise, mit eine houp kabaal,
van veur in de café tot jèllemaol achter in de zaal.

'T is al bienao sjleete, de meziek dae geit al oet.
Den ober zaet nog effe, mèh dan mot ger waal der oet.
Veer gaon nog lang neet heivisj, doe kèns oos noe op de rûk.
En krieg ver niks te dreinke, kom ver mörrige weer trûk.

Ober, ober, veer höbbe zwa 'n doosj.
Gaef mich gauw ein pilske en mien vrouw ein sjtökske woosj.
Ober, ober, scheet toch ins gèt op.
Gaef oos nog veer pinte en dan ljètste mèr die sop.

* cd 1999 : De Patronaatsknöppele - " Lache is gezondj " - Domi9902


HOME PLAATSNAMENOVERZICHTHOME


OMA
Tekst: J. Hanssen - muziek: J. Blenco
Zang: De Patronaatsknöppele

Achter de vinster, op d'n oetkiek zeen ich oma nog.
Es zie mich zaog, zwèjde ze mit häör hèndjes door de loch.
Pakde 't koffiemeuleke gauw oet de kas,
en daonao de aller grwatste koffietas.

Refrein:
Ich zeen mien oma aan de koffiemeule drèje,
häöre rok int tempo heen en weer mit zjwèje.
En ze drèjde en ze drèjde in 't rondj,
want ein teske koffie, dat is toch gezondj.
Jao, ze drèjde en ze drèjde in 't rondj.
Nog ein sjöpke Buisman drop, dat is gezondj.

Mien oma zag: kom hiej ich maak dich gauw ein boterham.
Ich zei: nei oma, ich môt dalik aete biej de mam.
En es ich heivisj ging hauw ich mien tèsje vol:
Boterham, ein waffel, eine krentebol.


HOME PLAATSNAMENOVERZICHTHOME


PILSKES
Tekst: Jos Hanssen - muziek: Jürgen Daemen
Zang (*): De Patronaatsknöppele

Zeve pilskes op ein deenblaad, baove op ein krök.
Dae wat ze besjtèld haet kump dae neet mjè trök ?
Sjtaon dao te versjaale, is dat noe gein zunj ?
Zou ze wille pakke, veur mich en veur mien vrunj.

Refrein:
Ich bèn knettergek op pilskes, pilskes gael en blôndj,
pilskes oet d'n tapkraan, drèk in miene môndj.
Ich bèn knettergek op pilskes, pilskes gael en blôndj,
pilskes oet d'n tapkraan rech in miene môndj.

Ich kèn ut neet mjè aanzeen en pak t'r mich gauw tjwè.
Es d'n ober trökkump, dae waet dat toch neet mjè.
Sjöt ze achtereuver, zwa sjnel es mich dat lök,
kiek nog effe rondj en zèt de glaaze gauw weer trök.

Vief pilskes op ein deenblaad, dat is toch neet normaal.
Pak t'r mich nog twjè want 't is mich sjiet-egaal.
Noe sjtaon t'r nog mèr drie, dat is toch gein gezich.
Nummer vief en nummer zès, die zin noe auch van mich.

Mooderzjèl allein sjteit éin pilske op dat blaad.
Ich kèn'm nog waal höbbe, ich bèn nog lang neet zaat.
Zèk doe lekker pilske, ich höb dien vriendjes nog gezeen.
Kom mèr gauw biej mich dan breing ich dich daoheen.

* cd 2001 : De Patronaatsknöppele - " Laot d'n tap mèr laupe " - Pebble Music


HOME PLAATSNAMENOVERZICHTHOME


SAJELPOLKA
2005/2005 nr.4: Tekst: Roger Bours & Leike Vaessen - muziek: Harry Wassenberg & Jean Janssen
Zang: TAP (Tsjwè Auwt Prinse)

'nne-nuuje prins kriege v'r eeder jaor weer,
dat viere-veer dan mit-väöl-plezeer.

de Aelser Revue dae is sjiek nôndedjuu,
dat truk eeder jaor jèl väöl luuj.

auwt-prinse die vange zich dan eine baer,
dat doon zie dan eeder jaor weer gaer.

hauw dich mit die daag veur-neemes gedeis,
de Aelser Geis dat is tog woo-ste veur steis.

Refrein:
jao in Aelse dao is tog altied get te doon,
sajel mit op de klômpe of de sjoon.
in-oos Aelse dao steit gaar-oet-geine aan de kèntj,
veer zin grwètsj op de tsjwè en 't Aelser lèndj.
jao in Aelse dao is tog altied get te doon,
sajel mit op de klômpe of de sjoon.
in-oos Aelse dao steit gaar-oet-geine aan de kèntj,
veer zin grwètsj op de tsjwè en 't Aelser lèndj.

op 't auwt wieverbal loupe-ze-rôndj verkleit en gries,
snags krieg eine-de jetste pries

oos Gusjke dae steit veur 't auwt gemeintehoes,
euver Aelse waak hae en-veult zich thoes.

de grwatte optoch truk-op-zondig door de straot,
es letste de prins, vors en raod.

De-Carneval-Mundial tot midde in de nach,
eeder-ein steit dan dao-bie mit eine lach.


HOME PLAATSNAMENOVERZICHTHOME


SAJELROCK
1984: Teks: Jan Bovens - meziek: J. de Knight & M.C. Freedman
Artiest (*) : J. Bovens

1 - 2 - 3 - 4, Sajel mèr mit.
5 - 6 - 7 - 8, Sajel mèr mit.
9 - 10 - 11, En sajel mèr mit,
en sajel mit, want eederein deit mit.

Veer sajele de ganse daag, want sajele dat lik neet op de maag.
Doe höbs de kriebels hie, doe höbs de kriebels dao,
Dus bedenk dich neet lang en doog os auch mer nao.
Denk es effe neet aan mörge en sajel op deezen daag.

Zèt dich 'n heudje op, grwat of klein,
veer sajele hie tot ein oer of ein.

Veer blieve sajele tot mörge vreug,
want neemes weurt van al dat sajele meug.
Veer blieve sajele, sajele, sajele de ganse nach.

En sjleug de klok dan tsjwè, drie of veer,
dan pakke veer os nog ein lekker glaeske beer.

En schleug 't vief en zès, of zeven al,
dan höbbe veer nog ummer ooze sajelkal.

Zwa weurd 't ach, näöge, tjèn en elf oer,
mè veer zin nog ummer op de sajeltoer.

Dan om 'n oer of twellef, zwa stilkes aan,
beginne veer weer van veurenaaf aan.

* cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


SJAELE
Tekst: Jos Hanssen - meziek: Jürgen Daemen
Oetveurende (*) : de Patronaatsknöppele

Sjaele, sjaele, kiek ins wat ste deis.
Alles geit verkjèrd, wo ste löps of wo ste sjteis.
Kiek ins oet dien döppe door dien thermopeen,
en zèk noe neet weer dalik, dat hauw ich neet gezeen.

Ich waor ins biej de sjûtterie, ich hauw dao jhèl väöl sjpas.
Op eine gooie daag hauw ich 't gewaer verkjèrt om vas.
Ich richde en ich richde, 't gewaer dat zag toen paaf.
Toen sjoot ich de sjûttekeuning de medaaljes de vanaaf.

Toen ging ich biej de voetbalklup, de bal dae kaom van lènks.
Ich dach nog biej mien eige, noe kriegste eine hènks.
Ich richde en ich richde en ich goof um eine sjtamp.
Toen laog de bal in eige gool en kreeg ich auch nog kramp.

Fitse ging ich, fitse, dat leek mich auch jhèl leuk.
Toen höb ich eine fits gekoch en nao ein ploog gezeuk.
Ich fitsde en ich fitsde en ich laog allein op kop.
De luuj die kwaekde: "Suffert, den angere kêntj moste op".

Sjééte, fitse, voetballe, dat is toch niks veur mich.
Es ich zwagèt doon, gaon ich rech op mien gezich.
Zênge kèn ich good, ech zênge, neet van dat kabaal.
Ich höb ein sjtöm zwa zuuver wie eine nachtegaal.

* cd 1999 : De Patronaatsknöppele - " Lache is gezondj " - Domi9902


HOME PLAATSNAMENOVERZICHTHOME


SJENG
Tekst: Jos Hanssen - muziek: L. deBruyn & V.Huits
Zang: de Patronaatsknöppele

Refrein:
Sjeng haet ein grwat probleem
Ôm ziene boek pas geine bôksereem
Op ziene kop pas geine hood
En aan zien rechter bein zit eine leinkse voot
Sjeng haet ein grwat probleem
Ôm ziene boek pas geine bôksereem

Hae kènt in polonais neet door de kneeje zakke
Door dae boek kènt hae de sjouwers neet vaspakke
De kastelein dae reup hei doe batteraaf
Maak toch geine kwatsj kôm van'.d'n dansvloer aaf

Sjeng haet 't in de polonais zjwaor te verduure
Mit twjè leinkse veut onmeugelik te sjtuure
De kastelein reup weer hei doe batteraaf
Noe is de ganse lak van mie'.ne dansvloer aaf


HOME PLAATSNAMENOVERZICHTHOME


SJEUF
Tekst: Jos Hanssen - meziek: Jürgen Daemen
Oetveurende (*) : de Patronaatsknöppele

Hei Sjeuf, Sjeuf, Sjeuf, wo is dien gleuf, gleuf, gleuf.
Höbste sjûs eine nuuje hood,
zit dien gleuf al neet mjè good. (2x)

Achter de mèstem en de sjtal, tûsche de bwanne en de kwal,
zaot Sjeuf aerpele oet te doon, jao dat is toch jhèl gewoon.
Mèr toen kaom ein flinke buuj, hae hauw geine parapluuj,
kaom Marie weer aan de roet en die reep; "Sjeuf kom toch droet".

Sjeuf zaot te vêsje aan de Maas, en gweej flink get vèrdervaas,
zaot eine vêsj aan zien gaert en dae trôk wie ein paert.
Toen waor hae haos nog verzoope, sjtong Marie alweer te roope:
"Zuuste noe wat daovan kump, laot die gaert los, sjtomme sump".

Sjeuf zaot te mèllike in de wei en dae sjtier kaom tûschebei.
Jao, dae sjtier, dae waor zwa kaod,dat Sjeuf aan zien maedje zaot.
Hae toen renne wie ein kauf, mèh dat lökde hûm mèr hauf.
Toen gauw door de tankeldraod en Marie, die reep toen kaod.

Al dae zeik en dat gekwlat, jao dat weurt nog ziene dwad.
Sjeuf, dae blit neet sjtaon te hèlle mit Marie die sjteit te sjèlle.
In dae sjtool zit hae jhèl good, mèh dao laog sjûs ziene hood.
En Marie die reep opnuuj: "Weer dae hood plat nondedjuu".

* cd 1999 : De Patronaatsknöppele - " Lache is gezondj " - Domi9902


HOME PLAATSNAMENOVERZICHTHOME


SJIETBONNE
2001/2002 nr.1 : Teks & meziek: Ivo van der Bijl & Ab Broersma

Mit de vastelaovend gaon veer d'r op oet.
Gekke kleijer, de sjmink dik op de snoet.
Bieein weurt 'r gelag, ein põtje weurt gemaak.
Dan goon veer gezellig oet oos daak.

Tjwae seconde later is 't drenkes op,
weurt d'n ober op de rõk geklop.
Twintig pinte beer waere d'r besjteld,
en de cente waere alvas geteld.

Gesproken:
Zeg, hõb geer auch bonne '
Bonne, bonne, wat motte veer mit bonne '

Refrein:
Veer kriege sjiet van die bonne, duu ze dich maer wo 't duuster is.
Veer kriege sjiet van die bonne, mit die bonne loupe veer get mis.
Veer kriege sjiet van die bonne, duu ze dich mer wo 't duuster is.

Achter op de zaal weurt gespronge en gesjwaet.
Polonaise, eederein deit mit.
Ein kael wie sjoerpapier, de tong ein laere lap.
Snel op waeg nao de blankehouten tap.

Mit duuje en trekke kome veer dan aan.
Blie blifste kieke nao dae kouwe kraan.
Doe zaes taege 't maedje: Sjatje, doon dien plich,
tap mich maer ein pintje en kiek in mien gezich.

Gesproken:
Hub geer auch bonne ?
Bonne, bonne, wat motte veer mit bonne ?

Nao de dinsdigaovend is 't weer veurbie.
't Maske in de kas, 't geit oos aan de prie.
De beusj hartstikke laeg, gein cente in de tesj.
De nutte kleijer doon veer in de wesj.

Hjel veul gepiep, afsjuwelik gekrijs.
't Wesjmesjien dat geuf de Aelser Geis.
De deur die vluug d'r oet, bonne op de vloer,
en dan reup de mam ontzettend zoer:

Gesproken:
Dat kump door die rotbonne van uch.
Bonne, bonne, wat moos doe mit oos bonne ?


HOME PLAATSNAMENOVERZICHTHOME


DE SJLAKKEGANK
2005/2006: Tekst & muziek: Gaston Jacobs (Ulestraten)
Zang: Neet van Aelse, Leon Quix & Michel Pinxt

Refrein:
Neet zwa vlot - neet zwa vlot - neet zwa vlot
want anges zeen ver te gauw kapot
Neet zwa sjnel - neet zwa sjnel - neet zwa sjnel
angersj trekke veer aan de bel
want veer zin Aelsenaere en doon alles kroepentaere
neet zwa vlot - neet zwa vlot - neet zwa vlot
anges zin v'r te gauw kapot

V'r zin neet van de vlotste - v'r kinne geine tied
mer langzaam doert toch langer - zwa veule veer os riek
V'r doon os amusere mêt zinge en get drank
dat doon v'r mêt gans Aelse - in eine sjlakke gank
kom luuj - kom luuj - v'r zinge weer opnuuj

Al zin v'r auch de letste - dat maak os toch niks oet
want es 't tied van goon is - krieg men os auch neet droet
Ze kinne os verrekke - trêk nog eens aan dé tap
en gêêf os nog ein pilske - get vlotter es ein sjlak
Kom luuj - kom luuj- v'r zinge weer opnuuj


HOME PLAATSNAMENOVERZICHTHOME


SJÖT ÔS EINE IN
2008/2009: Tekst: ? - muziek: ?
Zang: Döbbel D

T’is weer vastelaovend nondepie
Jao dan gaon ich weer op sjtap en, dan rammelt mich de prie
Veer danse zenge sjprenge en veer höbbe de grwatste lol
Veer veule ôs nog fit en gaon, lekker oet de bol
De tied dae geit hjel schnel veurbie, ’t is al weer zwa laat
Ich veul mich nog gans fit en ich ben nog lang neet zaat

Refrein:
Sjöt ôs eine, sjöt ôs eine, sjöt ôs eine in
Sjöt ôs nog mer eine in
Sjöt ôs eine, sjöt ôs eine, sjöt ôs eine in
Sjöt ôs nog mer eine in
Veur veer nao hoes gaon noe sjöt ôs eine in
En es geer gaot sjleete veer höbbe nog zin
Noe doog neet vervaelend en sjöt ôs eine in
Kom sjöt ôs nog gauw eine in

S ‘angrendaags dan bonk ’t in de kop
En dan sjtaon ich aan de kachel zet sjpek en eier op
God waet wie dek nao boete veur get lekkere frissche loch
Dan trek ich mich `n pekske aan, gwaj mich in de boch
En gaon veer noa ut sjtamcafe en treffe eederein
De loch van beer, gezelligheid, och wat is dit fein

Doe paks mich ins lekker stevig vas, en sjoenkels mit mich de ganse nach
Zwa höb ich ’t nao de zin, begin weer biej’t begin


HOME PLAATSNAMENOVERZICHTHOME


SOMS WHERE STOUTE DRUIME WAOR
Tekst: Jose Bours - muziek: Jean Janssen
Zang: Sopsiemes en de Pummeletergers

Soms where stoute druime woar
Ich hub eine come-beck dit joar
Gans aelse hub ich rondj motte zeuke
Veur get vrouwluij zonger deuke
Mit d’n vasteloavend kump ste ze euveral teage
Mer noe nurges, in gein velj of weage
Ich keek nog bie et lyceum
En koam terecht bie ein museum

Refrein:
Mer dat is gaar neet who et hie om geit
Dat is dat eine aelsenaer der steit
Doe hoofs geine alt of sopraan te zin
Nei hie in aelse is geine te min
Jonk of auwt, dat maakt hie gaar niks oet
Mit vastlaovend goan veer same droet

Ich houw ze lever get jonger gezin
Lekker stevig, mit eine hwaage pin
Mer mje es dit koam der neet oet
Noe hub ich tjwe kjer ein auw schroet
Mer et zin waal echte aelser maedjes
Auch al zin het gein jong blaedjes
Mien stoutste druime were weer neet woar
zek et zelf hub ich et neet zwaor?


HOME PLAATSNAMENOVERZICHTHOME


'T IS GEDAON
Tekst: Jan Thomassen - muziek: Jürgen Daemen
Zang (*): De Patronaatsknöppele

Refrein:
't Is gedaon, 't is gedaon, ver môtte heivesj gaon.
Veer hejje toch al weer de grwatste sjpas.
't Is gedaon, 't is gedaon, ver môtte heivesj gaon.
Veer haolde ech weer alles oet de kas.
Veer hejje väöl plezeer, dronke ein pötje beer,
en veur dat veer 't wiste, waor 't al ein oer of veer.
't Is gedaon, 't is gedaon, ver môtte heivesj gaon.
Veer hejje toch al weer de grwatste sjpas.

Veer waore mit zien alle gezellig op sjtap,
en sjtonge get te dreinke biej 't maedje aan d'n tap.
't Lètste rundje woord besjteld, 't waor al weer ins tied.
't Maedje zei: noe mot ger gaon, wie zjèr 't mich auch sjpiet.

Veer sjtonge mit zien alle te zeinge veur de lol.
De jhèlle zaal dae sjprong en ging kompljèt oet ziene bol.
De pilskes die ver dronke, jao, die sjmaakde oos jhèl good.
En toen 't aafgelaupe waor, toen zakde oos de mood.

* cd 2001 : De Patronaatsknöppele - " Laot d'n tap mèr laupe " - Pebble Music


HOME PLAATSNAMENOVERZICHTHOME


TRAMPELGAUWS
Tekst: Jos Hanssen - meziek: Jürgen Daemen
Oetveurende (*) : de Patronaatsknöppele

Hae leep in polonaise, 't ging ein bitje hèl.
't Sjtong nog op ein bäördje"gaot hiej neet te sjnèl".
Toen kaom dae lènkse boch weer, en waor 't klaatsch, boem, paaf.
Laog er mit de veut in de loch en 't vel van de kneeje aaf.

Doe bès ein echte trampelgauws,
noe zuuste toch gèt sjtaon.
Dien vrouw dat is eine èrremehaus,
om mit zwa gèt om te gaon.

Hae waor aant mountanbike, gans door 't Zjêkendaal.
Eine tak kaom in zien sjpeike, in de maag eine pendaal.
Hae is weer opgesjtange, zien naas waor gans kepot.
Tevoot mèr wiejergegange, eine houp pratsch aan zien vot.

Ut waor al ein bitje duuster, hae zaog ech geine sjteek.
Hae rende op 't voetbalveld, dao laog sjûs eine reek.
Dae heef um taege zien harre, de bril dae laog in tswjè.
Ut duuzelde tûsje zien warre, dus voetballe deiter neet mjè.

Hae is nwait mjè weggegange, dat klink messchien waal sjtom,
oet bed neet mjè opgesjtange, get wat lik, dat vilt neet om.
Zien vrouw, die blief aan hum trèkke: "Noe kom toch oet dat bed".
Hae zaet: "Doe kèns mich verrèkke, zèt dat mèr in de kezèt".

* cd 1999 : De Patronaatsknöppele - " Lache is gezondj " - Domi9902


HOME PLAATSNAMENOVERZICHTHOME


UT KUMP GOOD
Tekst: Theo Olischläger - muziek: Guido Olischläger
Zang: Sjach Veer

De waege in dien laeve
zint soms grillig en soms hèl
soms is ut om ut aeve
en soms sjpringste oet den vel
ze zin auch nwats
met roze aafgedek
en dan dinkste
dat de ganse zooi toch mèr vèrrèk

Haw dich mèr vas aan mich
hjel sjtevig vas aan mich
dan kump ut good

De höbs van die momente
dat ut weer get beter geit
geneet dan van ut laeve
veur ut gelök weer euver geit
en alles haet
vanzellef zien belaop
gelök is ummers
nurges te kaop


HOME PLAATSNAMENOVERZICHTHOME


DE VAAN
Tekst: Jos Hanssen - meziek: Jürgen Daemen
Oetveurende (*) : de Patronaatsknöppele

Ich bèn biej de fanfaar en dao laup ich gans veuraan,
besjpeel ein hjèl sjwan instrument, ich draag de grwatte vaan.
En es veer in den optoch gaon, dan laup ich weer veurop,
kostuum mit gouwe knuip en ein patsj op miene kop.

Op vastelaoveszondig hauw ich ein bitje pech,
ich hauw de vaan weer veur mich en heel ze hjèl good rech.
Dao sjting mich eine proemebaum, 't waor jhèl gauw gebäört,
ich hing dao mit mien vaan in vas, ze waor mich gans geschäört.

De veurzitter, dae kaom debiej en woort gael greun en rwad:
"Oos antieke vaan kepot, dat weurt nog miene dwad.
Zeuk dich eemes wat ze maak, doe kumps nwats mjè veurop''.
En Gerda Bolle zag: "Kom hiej, ich zaet ein sjtûkske drop''.

Ich höb ein sjtûk in mien vaan,
jao, jao, wie kom ich dao noe aan.
Ich höb ein sjtûkske in mien vaan,
en laup weer gans veuraan.

* cd 1999 : De Patronaatsknöppele - " Lache is gezondj " - Domi9902


HOME PLAATSNAMENOVERZICHTHOME


VAN D'N EUVERWAEG TOT D'N DIKKE STEIN
1954: Teks & meziek: L. Alberichs
Artiest (*) : A.Driessen & J.Thomassen

In oos Aelser Sajelaire-lèndj, woo de Maas zich krunkelt aan de kèntj,
dao is drie daag laeve en plezeer, want de Aelsenaer, dae sajelt weer.
Neemes wilt die daag bekrompe zin, sjprènge, sjrompe hilt de mood weer drin.
En doe drunks mèr brandewien of beer, pas mit èsjelegoonsdig bedaarste waal weer.

Of hilste neet van eine kater, dan drunks te drie daag sokkerwater.
Es nog laeve in dien röbbe zit, sajel dan mèr mit, sajel dan mèr mit.
Van d'n euverwaeg tot d'n Dikke Stein bliet gans Aelse drie daag lank bie-ein.
Van d'n euverwaeg tot d'n Dikke Stein bliet gans Aelse, Sajelaelse,
bliet gans Aelse drie daag lank bie ein.

Sjient de zon of is 't raegewaer, veer bonsjoere altied aeve gaer.
Brach 't laeve dich neet väöl gelök, vastelaovend brunk de sjtumming trök.
Sjnap 'n Aelser maedje en dooch mit, en doe mirks dat nog get in dich zit.
En doe drunks mer brandewien of beer, pas mit èsjelegoonsdig bedaars te waal weer.

* cd 1996 : De Sajelaire - " Aelser Geis, dat is woo-ste veur steis ! " - JABO01111


HOME PLAATSNAMENOVERZICHTHOME


VAN HIE OF DAO
Tekst: Piet Ronden - muziek: Koert Dillema & Piet Ronden

Bie 't graave van 't kanaal toen kaome zie
Wirkde hie op de koel jao dat deege die
Kaome oet 't ganse lèndj wirke veur sent
Zie sjreeve zich Broersma Staeves Everaers en Drent

Refrein:
En al kumpste van hie, of kumpste van hie of dao
Dit is 't dörp woo ich zwa gaer woon en laef
En al kumpste van hie, of kumpste van hie of dao
Jao dit is Aelse woo ich alles veur gaef

Aelse dörp, woo ich zwa gaer woon en laef
't is veur dich dat ich hie noe alles gaef
al sting mien weeg neet hie of os auwershoes
in 't Sajelriek jao dao veult eederein zich thoes


HOME PLAATSNAMENOVERZICHTHOME


VAN 'T RÈNDJE TOT 'T GAAT
2007/2008: Tekst: Jos Hanssen - muziek: ?
Zang: Döbbel D

Veer doon dit jaor auch mit
Sjtaon neet aan ’t beffèt
Veer kènne waal neet zènge mèh dat maak niks oet
Dae Harie dae begint
’t maak neet oet wae wint
Jao es ’t mèr gezellig is hiej in de boet
Zèk Raymond loester effe wae hiej zènk
Gwaj nog ein plaetje op dat denk

Refrein:
Veer drèje plaetjes tot sáoveslaat
En blieve lekker nog gèt doorgaon van ’t rèndje tot ’t gaat
Wilt geer noe walse of polonais
Hei bes dich dao in dat heukske al ins op de vloer gewaes
Kom waer ins wakker, allei laot gaon
En laot dat pilske op de teek mèr effe sjtaon
Want vastelaovend dat is zwa veurbiej
Kom in de polonaise riej

’t geit nog ummer good
Veer haute gooje mood
Nog effe ein couplètje en dan zeen veer klaor
Noe’s Raymond aan de beurt
’t is noe zwa gebeurt
Es geer noe mit mich metzènk höb ich gein bezjwaor
Zèk Harie loester effe wae hiej zènk
Gwaj nog ein plaetje op dat denk


HOME PLAATSNAMENOVERZICHTHOME


VASTELAOVEND
2004/2005 nr.2: Tekst & muziek: Fons Meijers & Peter Meijers
Zang: 2Pees

Refrein:
Vastelaovend, Vastelao-aovend, dat is veur eederein
Vastelaovend, Vastelao-aovend, dat is veur grwat en klein
Saame hosse, saame sprènge, saame danse, saame zènge
Saame efkes oet de bol en saame och de grwaatste lol
Vastelaovend, Vastelao-aovend, dat is veur eederein

Waor de vastelaovend mèr te kaup in ein tuup of in ein flèsj,
Dan hauw ich toch 't gans jaor door de vastelaovend op de tèsj
En waor ich depri-down of veulde ich mich neet zwa good
Dan drèijde ich aan't stöpke en kreeg weer gooije mood
't Broesj mich in de prie, tis vastelaovend nondepie

Waor de vastelaovend mèr te kaup wie ei braod of wie 'ne wèk,
Dan hauw ich zeker weete, de vastelaovend jèl erg dèk
En zaot ich in de put of hauw gèt väöl aan miene kop
Dan pakte ich ein sneeke en bleuijde gans weer op
't Broesj mich in de prie, tis vastelaovend nondepie


HOME PLAATSNAMENOVERZICHTHOME


'T VASTELAOVESGEVEUL
2002/2003 nr.1 : Tekst: F. Meijers & P. Meijers - muziek: F. Meijers, P. Meijers & J. Daemen
Zang: 2Pees (P. Meijers / P. Goossens)

't Begos bie mich gans vreuger, veur 't Auw wiever bal.
Ich hauw gaar niks om aan te doon en keek èns in de stal.
Ich zaog dao ein auw dwas staon, van oma in de hook.
Ich tuurde mich van alles aan en och, wat waor ich klook.

Refrein:
Ich ging verkleid nao boete, ich waor in vol ornaat.
Ich veulde opèns gèt kriebele, ich waor in alle staat:
Ich veul mich good, ich veul mich lèkker,
de vastelaovend is weer dao.
Dus gein gezeur en gein gemèkker.
Ich doon 't veur en geer, geer doot mich nao:
En nao veur en noe nao achtere,
jèts nao links en dan gaon veer nao rechs.
Veer dreije rondj en blieve stilstaon.
1,2,3,4, schjuddele mit de kont.
1,2,3,4, schjuddele mit de kont.

Auch veur de grwatte optoch môs ich gèt aan gaon doon.
Ich keek nog èns in de dwas en vong dao hakke schoon,
eine sjwanne bontjjas en eine sjieke hood.
Ich keek èns in de speegel en verdomd, dat stong mich good.

Ich ging op kaeteldinsdig terök nao ozze stal,
zaog dao toen in die dwas eine sambabal.
Auch zaog ich dao ein trommel, mit stèkke gans van hout.
Ich begos doa op te houwe, 't woor mich toen gans koud.


HOME PLAATSNAMENOVERZICHTHOME


VEER HÖBBE DOOSJ
Tekst: P. Meijers - muziek: J. Daemen
Zang: 2-Pees

Veer ginge op vekansie, joa gans noa Griekeland
Doa wauw veer zellef koake, mae dat is aangebrand
Veer zin toen oet goan aete en kreege griekse woosj
Toen höb veer drin gebeete en verrèkte van den doosj

Refrein:
Veer höbbe doosj, doosj, doosj van die boetelènjtse woosj
Doosj, doosj, doosj van die boetelènjtse woosj
Veer höbbe doosj, doosj, doosj van die boetelènjtse woosj
Joa, wat höb veer doosj

Veer koame trùk in Aelse, dat woar op dinsdignach
Dat koam door ein vertraging en woar dus onverwach
Veer wauwe nog gèt aete, geer schjnap dat dat neet koosj
Thoes keek veer in de ieskas: allein salami-woosj

Veer ginge drie daag later, al noa den dikke stein
Doa woar 't erreg druk, veer woare neet allein
Veer kreege gèt te drènke en toen is 't begoosj
Bie eeder glaeske beer, goof dae ein paeperwoosj

Toen koam deraan 't weekend, bie Paul woor veer verwach
Dae woar ôs neet vergaete, dae hauw aan ôs gedach
Hae hauw ein leuke aktie, 't woar zwa of 't moosj
De ganse oavend lank: gratis curry-woosj

't Einde van 't leedje, ich kèn gein woosj mjea zin
Höb velle veur mien auge en zeen doadoor jèl min
De jètste dae mit woosj kump, dae maak ich gans kepot
Ich schjiet mich noe 't board aaf, van mien blwatte vot


HOME PLAATSNAMENOVERZICHTHOME


VEER RIETE H'M EINE BIEJ
1995: Tekst: De Patronaatsknöppele - meziek: Jürgen Daemen
Oetveurende (*) : de Patronaatsknöppele

Op vastelaoveszôndig, hauw veer jhèl väöl zin,
ein pilske te gaon dreinke, dat geit biej oos waal drin.
Veer ginge nao de cafe, dao komme veer jhèl gaer,
en nao ein paar minute leep veer om de biljart haer.
En veer heele jhèl lang paol en ver zônge allemaol...

Refrein:
Veer riete h'm eine biej, veer riete h'm eine biej,
veer riete h'm eine biej, jao, veer riete h'm eine biej,
veer riete h'm eine biej, veer riete h'm eine biej.
En es veer neet mjè kènne sjtaon, dan laegge veer oos debiej.

Veer leepe wier 't dörp in, dao waor 't jhèl erg vol.
Vastelaovend viere, wat hauw veer eine lol.
Dao kaom gèt aangelaupe, 't waor de polonais.
Veer leepe toen op plaatse, nei, dao waor ver nwats gewaes.
En veer heele jhèl lang paol, en ver zônge allemaol...

Opins rook 't nao fritte, oh wat ein lekker loch.
Lik hiej sôms ein frituur, jao, dao achter om de boch.
Mien vrouw die wou niks aete, en ich aot friet zoervleisj.
Daonao weer leedjes zeinge, jao, veer woorte al gèt heisj.
Mèh veer heele jhèl good paol en ver zônge allemaol...

Veer begoosjte meug te waere, 't waor al jhèl erg laat.
Toen ver thoes aankaome, gauw de sjleutel in 't gaat.
Nog eine lange trap op en lekker in oos bèd.
Reup mien vrouw opins: en noe lös ich ein krokèt.
Noe haut nog effe paol en zeing mit allemaol...

* cd 1996 : De Sajelaire - " Aelser Geis, dat is woo-ste veur steis ! " - JABO01111
* cd 1999 : De Patronaatsknöppele - " Lache is gezondj " - Domi9902


HOME PLAATSNAMENOVERZICHTHOME


VERSEERE MIT VASTELAOVEND
2007/2008 nr.1: Tekst: Silvia Bours - muziek: Jean Janssen
Zang: De Babbelaire

Refrein:
Luuj verseere hun hoes en hun roete,
Jao ze seere benne en boete.
Rwad gael greun vlagge hange weer op,
Auch os Aelservlag mit ‘t Gusjke drop.
De hwaers de luuj allein mer praote,
Euver sjwan verseerde straote.
Dat geit in Aelse hentj in hentj,
In os Sajelaire-lentj.

De sjlingers en ballonne hange euveral weer op,
En hie en dao de tósje eine sjwanne klonekop.
Want eederein dae seert toch op zien eige meneer,
Dat doon ze hie in Aelse eeder jaor mit váól plezeer.
Jao bie de Sajelaire, dao zit dat in ut blood,
en wat ze allemaol doon, dat doon ze dan auch good.

De hoeze en de kaffees die zin prachtig aangekleid,
Jao vastelaovend geuf dan auch váól gezelligheid.
En veur d’n optoch wurt auch váól werrik gedaon,
Dat doon ze veur de luuj die langs de kentj te kieke staon.
Al lupste in d’n optoch, of op eine waagel steis,
’t is de carnaval, dao wooste ut veur deis.


HOME PLAATSNAMENOVERZICHTHOME


VRUNJ
Tekst: Jan Thomassen - muziek: Jürgen Daemen
Zang (*): De Patronaatsknöppele

Al höbste eine vila, väöl cente op de bank,
al kènste op vekansie, waal vjèrtjèn waeke lank,
al höbste eine auto, 'n rwaje Chevrolèt,
dan höbste nog neet alles, dan miste toch nog get.

Refrein:
Want zônger vrunj bèste nurges, dan beste mèr allein.
Al beste eine grwatte, dan veulste dich mèr klein.
Want zônger vrunj bèste nurges, doe mis dan eine haup,
want echte vrunjdschap, die is toch neet te kaup.

Al höbste ein sjwan huuske, aan de Cote d'Azur,
al höbste ein leef vruike, mit ein sjwan figuur,
al höbste 'n eige vleegtuug of ein waterbèd,
dan höbste nog neet alles, dan miste toch nog gèt.

* cd 2001 : De Patronaatsknöppele - " Laot d'n tap mèr laupe " - Pebble Music


HOME PLAATSNAMENOVERZICHTHOME


WAER OF GEIN WAER
Tekst: De Patronaatsknöppele - meziek: Jürgen Daemen
Oetveurende (*) : de Patronaatsknöppele

Iezel, hagel, sjnjae of weindj hilt oos neet taege,
de gwratte optoch dae geit door, auch in de raege.
Pak dich ein pilske en ein sjtûkske proemevlaaj,
en lèk dat lank gezich vandaag mèr in de laaj.

Waer of gein waer, op dae baer, op dae baer,
waer of gein waer, op dae baer, op dae baer,
Es echte Sajelaire gaon veer ummer gaer,
waer of gein waer, op dae baer.

De cafédeur aop, de kwalm kump nao boete,
ut is zwa drûk, de luuj plèkke op de roete.
Veer bane oos dan eine waeg nao ut beffèt,
veer kriege niks, de kastelein haet vorsverlèt.

Doog die deur aop, boete is ut noe aant sjnieje.
Gaon veer nog wier mit z'n veer of mit z'n drieje.
Ut is zwa glaad, dao lik dae mit dae waegesjeet,
en effe wier, dao in de sjnjae, lik zien gebeet.

Ônger in ut dörp sjteit de deur nog aope,
zwa te zeen weurt hiej bewêrlik väöl gezaope.
Die in de polonaise höbbe väöl plezeer,
veer sjtaon te roope op den ober: "Brêng veer beer".

* cd 1999 : De Patronaatsknöppele - " Lache is gezondj " - Domi9902


HOME PLAATSNAMENOVERZICHTHOME


WO BÈSTE TOCH GEBLEEVE?
Tekst: Jos Hanssen - muziek: J.Blenco & F.Mays
Zang: de Patronaatsknöppele

Refrein:
Wo bèste toch gebleeve
Mien Limburg aan de Maas
Mit en mit gèt weggedreeve
Versjlak wie bloome in 'n vaas
Limburg dao is väöl goods vergange
Bès grwètsj op alles wat ste höbs
Wat weg is kènste neet vervange
De mis gèt este door oos lèndje löps

Limburg dao bèn ich toch gebaore
Doe bès verschriklik krank
Dao waore veldjwaeg mit karresjpaore
Noe febrikke mit jhèl väöl sjtank
Autowaeg wo kaore sjtông te zjweeve
Mien Limburg wo bèste toch gebleeve

Wie 't waor zwa hauw ver 't motte laote
Oos eige heuvellèndj
Al'mit gaffitie volgesjpaote
Dat höb veer neet mjè in de hèndj
Wat ich zaek, dat is neet euverdreeve
Mien Limburg wo bèste toch gebleeve


HOME PLAATSNAMENOVERZICHTHOME


ZIE LACHTE
Tekst: ? - muziek: ?
Zang: Sjach Veer

Ich zaak heur in een winkel sjtaon
krullend haor en hakke sjeun
ich keek heur aan en ich waor
verlaore, zie lachte
Nwats zag ich un sjôner meadje
ut waor gewoon un plaetje
heur witte tang die kaome bloot
es zie lachte

Ich keek heur aan en ich waor verlaore
zie lachter

Lang how ich hie op gewach
en ich höb mich neet bedach
ging d'r op aaf, en ich zoag dat
zie lachte
Ich vroog wils dich ins met mich sjtappe
zie zij ich zal dich get verklappe
ich dink neet dat miene ???
dat good vunck, en zie lachte

En noe bin ich ram kapot
jao de jong dae veult zich rot
geine sjpas, niks ??? daon
niks te lache


HOME PLAATSNAMENOVERZICHTHOME