HOME PLAATSNAMENOVERZICHTHOME


LACHE, DANSE, SJPRÈNGE
Tekst : Gerda Meulenbeek - muziek: Jo Deusings
Uitvoerende: Gerda Meulenbeek

Refrein:
Lache, danse, sjprènge, dat is zoa fijn,
sjprèng mit mich mit, van 't ein op 't anger bein.
Lekker bewaege, blief neet sjtaon,
mit de vastelaovend ken ver os ens laote gaon.
Lache, danse, sjprènge, dat is zao fijn,
sjprèng mit mich mit, van 't ein op 't anger bein.
Blief neet zitte, 't is toch gein gezich.
Dát mit vastelaovend, jao pakke zal ich dich.

Mit de vastelaovend, hild mich geine vas,
komme al mien pekskes, oet de kleïerkas.
't Ein dat is te graot, 't anger is te klein,
lever gaon ich dan nog in mien blaote bein.

Dees drie dolle daag, nump mich geine aaf,
'zet alles oppe kop en kom dan gaar neet sjtop.
Roop dan weer "alaaf", jong dat vèng ich gaaf.
Mit de kriebels in mien priej zèt ich alles op 'n riej.


HOME PLAATSNAMENOVERZICHTHOME


LAEVE ZONGER WOOSJ
Tekst: ? - muziek: ?
Zang: Trio Uulebélkes

De sjlegter wos ut al van vreuger
veur dat hae zien zaak begoosj
't is gein laeve 't is gein laeve zonger woosj.

Aet geer jedere daag ein biefsjtuk
of ein kottelet mit knoosj
't is gein laeve 't is gein laeve zonger woosj.

zonger woosj... etc.

Haet ut vruijke waal ens verlanges,
en doe bes nog neet begoosj.
Denk dan effe neet aan get angesj,
want ut drejt zich om de woosj.

Adam zag al taege Eva
haut dae appel mer veur de doosj.
't is gein laeve

Vraog ut mer uns aan mien vruijke waorom zie toch trouwe moosj
't is gein laeve ... 't is gein laeve .. zonger woosj.

zonger woosj... etc.


HOME PLAATSNAMENOVERZICHTHOME


LANGS DE MAAS
Teks: Jan Ridderbeekx & Roos Vossen - meziek: Arno Op den Camp

't Is nog heel erg vreug, wanjel op mien gemaak,
euver dae veldjwaeg, woo 't laeve sjus óntwaak.
De sjtraole van de zón, de dröppels van de dauw,
't geuf mich zoa'n geveul, dat ich waal zènge wou.

Refrein:
En langs 't water bie de Maas, gaon ich zitte oppe sjtein.
Hiej kaom ich vreuger al, hie woor ich noajts allein.
Hie kósj ich loestere nao de dere en de wèndj,
hiej kósj ich auwer zeen, mer aaf en toe kèndj.
Jao nao dit plekske kóm ich gaere weer terök,
hie vènj ich ummer weer mien rös en gelök.

De maelder reup mich al, de vlinders höbbe bal,
en óm mich haer wurd alles wakker, de sjäöp zeen oet de sjtal.
De eësjte vösjer zit gereit, mit peerlinke en vösjgerei.
De 'Albatros' kump traog veurbie, is gevöld mit Limburgs klei.


HOME PLAATSNAMENOVERZICHTHOME


LAOT DICH 'NS KIEKE KÈNDJ
Teks & meziek: Miets Zijlstra-de Loo & Ben Erkens
Oetveurende (*) : Ben Erkens & Hilly Jetten

Refrein:

* cd : Ben Erkens - "Haol de sjpas mer oet de kas!" - Marlstone Recordings bv - 099018 CD


HOME PLAATSNAMENOVERZICHTHOME


LAOT MICH MER GEWAERE
1954: Tekst & muziek: E.Ehlen
Zang: Guido Strouken

Mit vastelaovend sjteit Gelaen te waggele van plezeer
dan sjprènge alle Flaarisse de sjtraote op en neer
dan danse Mie en Berp en Truu, mit Sjabg en Tis en Mat
en wurd ós vruike soms sjaloers da zègke veer leve sjat.

Refrein:
Mit Vastelaovend móste mich laote gewaere
mit Vastelaovend doon ich drie daag wat ich wil.
Doe hoofs mich drie daag lank noe neet te kommandere
hawt doe dich noe tot Essjelegoonsdig mer èns sjtil
hawt doe dich noe tot Essjelegoonsdig mer èns sjtil.

't Zóndigs dan begint de sjpas dan trèkke veer d'r op oet
't gans gezich vol waterverf of mit ein verkessjnoet.
En drènke veer dan èns get meë es me verdrage kan
Dan zèt ós geine op de bón veer zègke leve man.

Mit Vastelaovend zètte veer ós zörge aan de kantj
want riek en erm en jónk en awt
die sjprènge handj in handj
Dan zjwèjt euver de Waereldsjtad de Prins
weer ziene sjtaaf
en jederein van groot tot klein, doe reup:
Gelaen Alaaf !


HOME PLAATSNAMENOVERZICHTHOME


LEEF IS MIE LAND
Tekst: J. Hendriks - muziek: J. Innemee
Zang(*) : Carboon

Wie greun woar dit land vuur de koele hej koame,
wie greun en wie sjoën, mar vergeëte en erm !
Wie zjwat woëd dit land wie de sjteeberge koame,
wie zjwat van d'r zjwaam, van d'r sjtöb en d'r lerm !
Wie riek woëd dit land , wie me löaker ging boare,
en de goodsjtukke d'r oet bloos mit zjwoar dynamiet !
Wie sjeef hong dit land wie de eëd doe ging basjte,
en de hoezer verzakde, wie me huuj zelfs nog ziet !

Refrein:
Mar leef is mie land mich ummer gebliëve,
wie 't woar, wie 't is en wie 't och weëd !
Want good is mie land en zoë zal et blieve :
e sjtuk van mie hart, van mie leëve op eëd !

Wie vol woëd dit land wie al die vreëme hej koame,
en ing botteram vonge deep in de gronk !
Wie gruuëtsj woar dit land op de krach van d'r koelmaan,
deë et land en zien luuj neuje welvaart toen sjonk !

Wie modern woëd et land wie et chemisch gong dinke,
en nylon kos winne oet öal en oet koal !
Wie sjiek woëd dit land wie et Holländsj kos sjpreëke,
en dörpkes ging bouwe oet plastic en sjtoal !

Wie sjraal woëd mie land wie de koele verdwene,
mit wekplaatsje, keultoeres, piepe en aal !
Wie vlak woëd et land oane sjteeberg en sjachte,
doa likt noe mie land, kiek, wie naksj en wie kaal !

Wie kòd is mie land en wie kòd is et leëve,
van koelluuj mit sjtöb en e krankepensioën !
Wie sjtil is dit land vuur al die wirkloze,
die hèl hont gewirks, is dat noe hun loën ?

* cd 1992 : Diverse artiesten - Milieufederatie Limburg - "LimburGreun!" - Marlstone recordings BV - CDL9242


HOME PLAATSNAMENOVERZICHTHOME


LEËVER IN LIMBURG
Tekst & muziek: R. Krans
Zang (*) : Óngerein

Ich sjtong zo allein, mit un glaas aan de teek en ich dach:
Wo blief noe dat meadje, ut zou hie toch zin, zoa um ach ?
In de gezet sjtong: Ich veul mich toch vaak zwoa allein,
zeuk unne man oet de buurt, neet te groot, neet te klein, want witste ...

Refrein:
Ich bin leëver in Limburg, en de sjpass is veur mich.
Es de trèkzak geit sjpele, dans ich lekker mit dich.
Ich bin leëver in Limburg, hie mit dich aan mien zie.
Es de trèkzak geit sjpele, heurt ein meadje der-bie.

Same hub' veer veul gereis en ver zoge de welt.
Dat veer biejein zin is good en dat is toch wat tèlt.
Al die vream lenj waor waal sjoon, maar veer wiste meteen:
Hie in os Limburg hub' veer lang neet alles gezeen.

* cd : Óngerein - "Hei Hallo !" - Studio ARE U Recordings ESC20011102


HOME PLAATSNAMENOVERZICHTHOME


LEKKER FITSE !
Teks & meziek: Jan Raven & Wil Aendekerk

Refrein:
Lekker fitse !! lekker fitse !!
Och, ich fits zoa gaer, och, ich fits zoa gaer, 't leefs van al mit raege-waer.
Jao, ich fits zoa gaer ... fits zoa gaer, jao, ich fits zoa gaer ... mit raege-waer.
Geine zeiver, niks verplich, wèndj en water in 't gezich.
Jao, ich fits zoa gaer ... fits zoa gaer, jao, ich fits zoa gaer ... mit raege-waer.

't Laeve op vandaag, sjtervesdrök en opgejaag, sjtres haet de atmosfeer verpes.
Dao krieg ich soms de sjiet van, trèk dan gauw mien eige plan.
Sjmeer de kètting en de naaf, trèk mich óm en hauw dan aaf.
Jao, ich fits zoa gaer ... fits zoa gaer, jao, ich fits zoa gaer ... mit raege-waer.

Ich plek gaer oppe zaal, sjtamp 'ns flink op dae pedaal, bliej zèt ich nog ein tendje bie.
Hangend aan dat krómme sjtuur, vaar ich door 'n sjtök natuur.
Zoa cross ich mich dan gans kapot, pès ich pien krieg aan mien vot.
Jao, ich fits zoa gaer ... fits zoa gaer, joa, ich fits zoa gaer ... mit raege-waer.

* cd: " Vastelaoveskokteel "


HOME PLAATSNAMENOVERZICHTHOME


LEKKER MOT ´T ZEEN
Tekst: Frans Derhaag - muziek: ?
Zang: Trio Uulebélkes

Wie ich jongk waor....zaot ich dekser
Mit'ne vinger in de naas
En de mam die zach dan ummer
Der is aorlog in de maak
Kiek hae dreijt zien eige keugel
Wo der toch gein miensj mit raak
En dan zach ich, mam noe loester
'T geit om de eige sjmaak.

Refrein:
Es... Doe.... Mich dat noe zou's vraoge
Zegk ich.... Lekker mot 't zeen
Neet wie auwe zeem...Lekker mot 't zeen
Mot'me ouch nog der veur maore
Maog 't ens zoa lekker zeen
Extra lekker zeen

Veur mien zöster ens gong vrieje
Leep vaol water door de Maas
Ich koosj der mer neet aan wenne
Aan dae sjmaale lange sjnaak
Hae haw las van sjwaere sjweitveut
Loerde mit ‘ne franse sjlaag
Mer zie zach nao jaore zeuke
’t geit om de eige sjmaak

Sjtraks dan gaot geer weer nao boete
Laeft 't laeve van den daag
Wilt uch toch get ammezeere
Want de sjpanning mot der aaf
Tref geer dan ein lekker maedje
Of ne sjoanne leeve sjnaak
Kiek ze dan deep in de ouge
en zegk.....Doe bes miene sjmaak


HOME PLAATSNAMENOVERZICHTHOME


LEKKER WANJELE
Teks & meziek: Guus Smeets

Ich bèn zoa gek op wanjele, dao bèn ich op verleef.
Ich wanjel gaer door bösj en hei, door beemden en door dreef.
Ich wanjel gaer in de natuur, de wanjelsjport bedrief ich mit väöl vuur.

En is der weer 'n wanjeltoch, ich sjrief mich in en bèn verkoch.
Al wurd 't weer ein lange rit, ich riej dao haer want ich doon mit.
Ich wanjel gaer in de natuur, want wanjele, wanjele is puur.

Refrein:
Want ich wil toch allein mer lekker lekker wanjele, ich wil wanjele zónger sjtres.
Ich wil toch allein mer lekker lekker wanjele, mer ich kóm de wage nurges kwiet en da's sjus de pes.
Ich wil toch allein mer lekker lekker wanjele, ich wil wanjele zónger sjtres.

Wat mótte al die auto's hie, dat blik, dat maak mich gaar neet blie.
Die wages euveral langs de kantj, parkeerprobleem löp oet de handj.
't Is ein en al ónveiligheid, de wanjelaer wurd heèl vlot aafgeleid.

Mer is dèr weer 'n wanjeltoch, ich sjrief mich in en bèn verkoch.
Al wurd 't weer ein lange rit, ich riej dao haer want ich doon mit.
Ich wanjel gaer in de natuur, want wanjele, wanjele is puur.


HOME PLAATSNAMENOVERZICHTHOME


LENTEZON
Teks: Jan Ridderbeekx & Wil Aendekerk - meziek: Wil Aendekerk

Wiej ich vanmörrege opsjtóng, wat woar dat ein genot.
Ich dach doe biej mien eige, wat is d'r noe kapot.
De thermomaeter sjteeg inèns, pès óngekende heuègte.
Gein raenge, hagel, sjnee te zeen,allein mer zón en dreugte.
Ich sjnapde de kalender, en keek sjnel nao de datum:
21 meert, ich sjpróng ènne maeter van de balatum.
De wèntjer is noe ech waal óm,'t sjlechte waer veurbiej.
Ich leep nao 't balkon, en alle luuj die keeke bliej.

Refrein:
Dao is de lentezón, dao zeen al blaedjes.
Vanaaf mien tuinbalkon, zeen ich de maedjes.
Ich gooj mien hertje aop, de deure en de roete,
kóm oet miene wèntjersjlaop, sjtap oetgelaote boete.
Ich kèn waal danse noe, krieg noe weer gooje mood,
kóm weer aan sjanse toe, dit deit mich baere-good.
Ich bèn gelökkig luuj, en och ich laot dat mirke,
en in ein gooje buuj, gaon ich weer lekker wirke.

Sjwèntjers höbste duuster daag, mè krit dan niks gedaon.
Dèr zeen dan oere minder zón, óm zès oer al de maon.
In 't duuster geit mè wirke, en kump in 't duuster heivesj.
De kènjer zeen dan auch weer bliej, dat papa eindelijk heim is.
Mer toch haet auch dat jaorgetiej, zien eige kleine sjarmes:
sjaatse op natuur-ies, chocomel de gleujend werm is.
Mer toch die eeèsjte zónnesjtraole sjpraeke mich get meeè aan.
Langzaam wurd 't lente en de zomer kump d'r aan.


HOME PLAATSNAMENOVERZICHTHOME


EIN LEPKE VAN SJMART
2002: Tekst: John Goossen - muziek: Jo Deusings
Zang: Juul Baeten

Refrein:
Doe zaes: Doe hils mich sjteeds in de gate.
Doe zaes: Ich wil dat neemes mich kleemt.
Doe zaes: Ich ken ´t loupe neet laote.
Mer sjat, doe geis auch zo vreemd.
(alleen laatste keer):
Doe zaes: Ich ken ´t loupe neet laote.
Ich gaon mit, al geiste auch vreemd.

Ich merk das`te mich al geis haate,
en dreigs mit: Ich gaon van dich haer.
Mer sjat, doe mos mich neet verlaote,
want leefste, dan löpste allein.

Ich zaog dich laupe in andermans erme.
Toen dach ich, doe zeuks alweer sjteun.
Mien hart kromp inein van erberme,
en aan mien´ mondj ontsjnapte ein kreun.

Door diene wanjel höb ich voöl geleeje,
dien laupe sjnee mich door de zeel.
Toch höb ich dich altied aanbeeje,
missjien vingste mich ein sjlemiel.


HOME PLAATSNAMENOVERZICHTHOME


LIK NEET TE LEMMENTERE
Teks & meziek: J. Schlein-van Velzen & J. Deusings
Oetveurende (*) : Joke Schlein-van Velzen & Jo Deusings

Refrein:
Lik neet aan miene kop te lemmentere,
want de vastelaovend sjteit weer veur de deur.
Kóm, veer gaon ós èns lekker ammezere,
dat deit ós good, èns effe oet dae sjleur.
Ich sjpits d'r mich al waeke op,
mit karneval bèn ich beklop.
Dus lik neet aan miene kop te lemmentere,
mit vastelaovend laai ich mich weer op.

't Ganse jaor, dan zitste mit de zenuwe en sjtres.
Jeder daag mer wèrreke, pès daste vaerdig bès.
De kopzörreg van de hypotheek, recepte van de apotheek.
Vergaet dae sjtómme kal, wae 't langste laef haet al ... dus ...

Ze zègke waal èns taenge mich: doe bes te serieus.
Mer al dat politiek gedoons, dat maak mich ouch nerveus.
Veur kerncentrales bèn ich bang, de zoere raege vilt allang.
Dat is geine sjtómme kal, daoróm vier ich karneval ... dus ...

* cd 1993 : Diverse artiesten - "Gelaen alaaf" - Marlstone Recordings bv - CDL9350


HOME PLAATSNAMENOVERZICHTHOME


DE LIMBO TREIN
Tekst: Herman Geenen - muziek: Huub Lemmens
Zang: Biejein Geraap

Refrein:
Veer loupe achterein, in ènne Limbo trein,
en wae neet mit wilt gaon, dae blif mer thoes.
Veer loupe achterein, in ènne Limbo trein,
Noe gank mer aan de kantj, hiej wurt gesjpoes.

Noe gaon v'r same droet, en blaoze....oet.

Kris kras door 't heuvellandj, raoze veer veurbiej
Belfeld, Baoksem, Brach en Beeg, Postert of Pertie.
Alle Limbo's sjtappe in, van Mesch pès Meulehook,
mer hiej in ózze Waereldsjtad, wèrd eësjte klas gebook.

Es v'r flak veur Haerle zeen, kóm v'r koum veuroet,
want dao wejt d'r wèngk zoa hel, rech in ózze sjnoet.
Sjtaon v'r veur dae böltj in Vaols, dat is veur ós gein punt,
Dan dreije veer toch effe óm, en zègke veer: "v'r junt".


HOME PLAATSNAMENOVERZICHTHOME


LIMBURG EIN
2009/2010 : Tekst: Lilian Steps – muziek: Ronald Claessens
Zang: Marc Tholen

Refrein:
vastelaovend hiej in limburg
brink os allemaol biejein
van Parkstad tot de Peel
tot aan de Westelijke Mijn
wo se bèes gebaore
oppe Ruiver of Mesjtreech
zoogs se oppe Mokerhei
doew ‘t allereësjte leech
os Modermaas drif Limburg
in ‚t midde wied oetein
mer de blauwe sjuut die brink dich
noe van Venlo zoa nao Sjtein
Limburg allein, dat is toch wat ich wil
mit vastelaovend viere is d’r gein versjil

besjtel ich mich ein pilske
dan krieg ich ein glaas beijer
en höb ich vastelaovessjpas
dan maak ich gaer plezeijer
al roop veer zelf al jaore
veer heüere neet biejein
van’t Vriethof tot de Zoepkoel
gans Limburg same ein

ein nuje herindeiling
die geit dich aan dien hart
d’r kènt gaaroets niks tippe
aan dien aller eige sjtad
mer wille die dao baove
os Limburg aan de jas
dan pakke veer os same
dat kump os good van pas

es chauvinis gebaore
mit ein vastelaoveshart
dat klop veur ein klein dörpke
of veur de groate sjtad
’t versjil zit ‘m al jaore
in os eige dialek
al versjtaon veer os neet ummer
toch sjnap veer os direk


HOME PLAATSNAMENOVERZICHTHOME


DE LIMBURGER HAET 'T
Teks & meziek: Jan Ridderbeekx

Hae maakde de zón en de maon, de aerd, mer auch nog 't waer.
Mer de Limburger, 't is waal sjterk, waor zien kreatiefste werk.

Refrein:
Want ènne Limburger dae haet 't, en jeederein dae zaet 't:
Hae is ènne vastelaovesgek, jao, de Limburger dae haet 't !
Enne Limburger dae haet 't, want jeederein dae zaet 't:
Hae is ènne vastelaovesgek, jao, de Limburger dae haet 't !

D'r is ein provincie zoa sjoan, dao is auch altied get te doon.
En zeker auch mit de carnaval, de Limburger dae hilt dao van.

't Ganse jaor deit hae zien bès, hae wirk, hae sjleuèp en de res.
Mer èns in 't jaor, geer sjnap 't al, dan viert hae ziene carnaval.

* cd: " Vastelaoveskokteel "


HOME PLAATSNAMENOVERZICHTHOME


LOESTER 'NS HIEJ !!
1999: Tekst & muziek: Wilko Aendekerk
Oetveurende (*) : Dik Betaald BééVéé

'n Gewaarsjuwd miensj, dae tèlt veur tweë, dus lèt 'ns effe op.
Knipper mit de ouge en de zaal sjteit oppe kop.
Wat kènt os noe gebeure es geer d'r èns good veur gaot.
Veer brènge hiej get sjtömming es geer aope d'r veur sjtaot.

Refrein:
Loester 'ns hiej, noe moste toch 'ns heuëre.
Loester 'ns hiej, dao sjtaon veer hiej veur klaor.
Kom d'r 'ns biej, noe geit 't hiej gebeure.
Veer zènge op ós luppe eine dikke blaor.
Loester 'ns hiej, noe moste toch 'ns heuëre.
Loester 'ns hiej, dao sjtaon veer hiej veur klaor.
Kom d'r 'ns biej, noe geit 't hiej gebeure,
veur jederein van nul tot honderdtwintig jaor.

Laeve, laote laeve is ós motto wie't geer wèt.
Dus es geer ouch wilt zènge, jao dan doot mer lekker mit.
Same maak veer sjpas, laot gaon, 't is weer zoa gedaon.
Haol alles oet de kas veurdat veer dalik heivesj gaon.

Legk uch oar te loestere, want veer sjtaeke noe van wal.
Ammezeer uch good mit wat veer zènge hiej zoa-al.
Veer zeen ein koar gemaak van stjèlkes, ummer mit zien tweë.
Veer zènge tot 't kraak en heite DBBV.

* cd 2000 : diverse artiesten - "Van Eijsde tot de Mookerhei 7" - Marlstone Recordings bv CDL2001
* cd 2001: Dik Betaald BééVéé - " Achter de tuba aan " - Marlstone Recordings CDL 2041


HOME PLAATSNAMENOVERZICHTHOME


'T LUIPERKE VAN D'R WILLY
2005/2006: Tekst: Herman Geenen - muziek: Huub Lemmens
Zang: De Pleyzèngers

Hei Willy, de luiper oet, de luiper oet!

Refrein:
Jao, es d'r Willy, òzze Willy aan d'n trèkzak trèk,
dat löp wiej'ne wèk, dat löp wiej'ne wèk,
Jao, es d'r Willy, òzze Willy aan d'n trèkzak trèk,
dan löp 't hiej dat 't verrèk.

En sjpeelt d'r enne luiper, dan reup de ganse boet.
'Hei Willy lègk de luiper oet, de luiper oet !!'

Jao, es d'r Willy, òzze Willy aan d'n trèkzak trèk,
dat löp wiej'ne wèk, dat löp wiej'ne wèk,
Jao, in de zomer, in de winter, mit de karneval,
dae luiper deit 't euveral.

Biej òs 'Onger de Buimkes' dao kom v'r dèks biejein
Dan wurt 'n buimke opgezat, waal oere achterein
Mer es dae kleine Willy, weer op zien sjteulke sjteit.
Dan luch zich toch de ganse tent, es Willy fied'le geit

Want dan loup v'r oppe maot, ròndj de sjtool en euver sjtraot.

'n Oetgelaote mösjke, dat in 'n buimke zit.
Zit vrolik get te huppe, en flöt 'n sjtökske mit.
Want al wat puëut en bein haet, bewaeg noe allemaol.
Nae niks en nemes sjteit hiej sjtil, sjus de lantaarnpaol.

D'r is laeve ròndj de plèj, 't is 'n fieës veur allenèj.


HOME PLAATSNAMENOVERZICHTHOME


MAAK DICH EWEG
M. Jagger, K. Richard, F. Rademacher & B. Erkens
Zang (*) : Valsj Plat

Wie ich nog ein jungske waar, mit krollend hoar, zo van ein joar of zes
Toen vong ich gaer van alles aan, zoot euveral en leet ich niks mit rus
Toen zoot ich aan ut trummelke, stom lummelke en ich pakde mich ein keukske
De mam die zag det duisse neet, doe deugeneet en ich mosj nao mien heukske

Ze zag: Hej (hej), doe (dich), maak dich eweg!!! (3x)
Kiek neet zoe stom en doon wat ich zak (jao det zag ze)

Wie ich later vrieje gong es jonge jong ich waas vol gauwe mood
Veer nome aafsjiet in de gank waal oere lank ich weit det nog zo good
Opens versjeen de sjoonpapa, nondemiljaar dae zag toen in ein vleukske:
Ja maar, ja maar ja maar waat stoat ger mich hie te vrieje op dae gank,
Van werke hub geer niks in en doe nutte prie, ich stamp dich oet det heukske
Verdorie nog aan toe

Hae zag: Hej (hej), doe (dich), maak dich eweg!!! (3x)
Kiek neet zoe stom en doon wat ich zak (jao det zag ze)

Hae zag: Hej (hej), doe (dich), maak dich eweg!!! (3x)
Kiek neet zoe stom en doon wat ich zak (jao det zag ze)

En as ich strak biej Petrus kom oud en krom en klop dao aan de deur
Tadadadoem der Petrus er geht um

Dan zaet dr jong blief boete sjtoan doe sjteis der neet good veur
Veur dich is hiej gein plaetke vriej, kiek mer hiej, zelfs gein enkel heukske
Doe waars dan ach gein engelke, doe bengelke, zek witse nog van det keukske

En witsse wat er zaet, hae zaet: Hej (hej), doe (dich), maak dich eweg!!! (3x)
Kiek neet zoe stom en doon wat ich zak (jao det zag ze)

* lp 1983 : Diverse artiesten - "Plat in de jaore tachtig" - Marlstone Recordings bv - MARL 198307


HOME PLAATSNAMENOVERZICHTHOME


MAAK VAN VASTELAOVEND EIN BÓNTJE PAREPLUUJ
Tekst & muziek: Guus Smeets
Zang: Onger Ein

Refrein:
Maak van Vastelaovend ein bóntje parepluuj
maak van Vastelaovend 'n feës veur alle luuj.
Gooi noe al dien zörg en sjtres èns aan de kantj,
en vier de Vastelaovend mer doog 't mit verstjandj.

Volges de tradiesie, 't is 'n good gebroek
maoge v'r in de kirk mit 'n patsj of pruuk.
De hoagmés sjteit in 't teike van de carnaval
Pèstoor geuf dan de zaenge mit trómpetgesjal.

De prins mit zien gevolg gaon nao 't sjtadhoes
Dao haolt de burgemeister de sjleutel oet de kloes.
En nao dees seremonie jao dat sjnap geer al,
Begint veur jederein weer de carnaval.


HOME PLAATSNAMENOVERZICHTHOME


DE MAAS IS KAOD
Teks: Jan Ridderbeekx - meziek: Ton Hendrikx & Jan Ridderbeekx

Jaore lank haet zie 't genömme, aafval is der gedump mit tönne.
Os Maas woord ein opsjlaagplaatsj van gif, 't möt noe sjtoppe, dat is ös aller plich.

Refrein:
De Maas is kaod dat kump van al dat gif.
Zie geuf noe teruk wat zie al jaore krig.
Zie leet ös zeen dat 't zo neet door kènt gaon.
Tönne aafval, maer neemes haet 't gedaon.

Jao zie haet 't ös teruk gegeve, want geine vòsj koosj der meeè laeve.
't Is heel erg veur al die erm luuj, maer de Maas is dao door in ein sjlechte buuj.

De hoeze zat zie allemaol blank, men heel 't neet oet van de sjtank.
Ze woord heel dèks en sjoan bezönge, maer vervlookt wie ze in 't water sjtönge.


HOME PLAATSNAMENOVERZICHTHOME


MANSLUUJZITTING
Teks: Henk Peters - muziek: Jo Deusings
Uitvoerende: Pleyzengers

Opgetaoge en mit heel vööl gooje mood,
same nao de mansluujzitting, dao zitte veer good.
Hauwf teen in de mörge, op sjtraot ei mit sjpek.
Veur alles is gezörg en aan beer is gein gebrek.

De Soos van de Baan äöpent dan de paort,
en krig bezeuk van doezend mansluuj van allerlei saort.
Allemaol die mansluuj hö get gemein.
Zo'ne zóndig zónger vrouwluuj is auch waal 's fein.

Refrein:
Man, sjtangk op dien sjtreepe en kóm op veur dien rech.
De mansluujzitting nump dich auch dien vrouw neet weg.
Man, sjtangk op dien sjtreepe en kóm op veur dien rech.
De mansluujzitting nump dich auch dien vrouw neet weg.

De boek good gevöld mit sjpek, ei en kjeës,
is veur al die mansluuj ein gigantisch fjeës.
Onger leiding van de opper, de opper van de baan,
wurd'r beer gesjöd en d'r kump gein ènj meer aan.

Laat in de middig is 't dan toch gedaon,
en zuus-te al die mansluuj weer nao hoes toe gaon.
Ze waggele nao boete en zeuke hunne sjat,
en fluust're in häör oor: die mansluujzitting is mich wat !


HOME PLAATSNAMENOVERZICHTHOME


MARCELLINUS EN PETRUS
Tekst: Henk Peters - muziek: Jo Deusings
Zang: Gub en de Gubkes

Marcellinus en Petrus höbbe eine sjterke bandj
Die sjtaon al jaore op ós waope, eine aan edere kantj
En es heilige besjerme ziej ós sjoane waereldsjtad
Al jaore ónverdroote en mit gooje mood doon ze dat

Refrein:
Hei heilige kóm 's van dat waope aaf
't is nog neet esjgoonsdig dus Gelaen Allaaf
Hei heilige veer drènke same ein glaeske beer
Dat kènt gein kaod want dat zaet ózze leeve Heer

Marcellinus en Petrus sjtaon auch veur de sjötterie
Al meer dan driehónderd jaor zin ziej d'r altied biej
Veur 't gemeintehoes in 't mozaiek gelag
Hauwte ziej oppe mert al jaore saame de wach

Mit vastelaovend op 't waope van de prins zin ze d'r biej
Viere ze saame vastelaovend mit de raod ziej aan ziej
Marcellinus en Petrus drènk mer ein glaeske beer
Want dat kènt toch gein kaod dat zaet ózze leeve Heer
Hiej 'n pilske veur uch trouwe wach
Dat is't minste wat geer höb verdeend haet ózze Heer gezag.


HOME PLAATSNAMENOVERZICHTHOME


MARIE, GOAJ GET EIER IN DE PAN
Harie Baggen en Jan Theelen

Marie, goaj get eier in de pan,
want vanaovend gaon v'r dran.
Goaj get eier in de pan,
Marie, goaj get eier in de pan,
want vanaovend, jao vanaovend gaon v'r dran.

Laot mer gaon, laot mer gaon,
noe móste heuëre die kapel.
Laot mer gaon, laot mer gaon,
kóm v'r gaeven 'm 'n lel.


HOME PLAATSNAMENOVERZICHTHOME

MARLON BRANDO
Limb.teks: Koos Snijders - meziêk: J.Jackson ("Shape in a drape")
Publ. : M.C.A. Music Holland
Oetveurende (*) : Kepsj

Biej de dames waor ich populair,
ze vónge mich spectaculair.
Wo ich bennekaom ging alles opziej,
acterein sjtonge ze in 'n lange riej.

Refrein:
Ze wouwe danse mit mich, danse mit mich.
Allein mer danse mit mich, de Marlon Brando van de dansvloer.

De Casanova van 't danscircuit,
keuning van de swing op jeder melodie.
De allersjiekste, de meist gewiekste,
't middelpunt van jaloezie.

Ich waor de bèste, de allerbèste,
bleef pès 't allerlètste.
Neemes waor zo populair,
ich dreijde róndj wiej Fred Astaire.

* cd (1996) : Kepsj - "Keet in de boet"


HOME PLAATSNAMENOVERZICHTHOME


MARIJKE OET DE WAERELDSJTAD
2000: Tekst: Henk Peters - muziek: Jo Deusings
Zang: Jo Deusings & Henk Peters

Marijke, Marijke, mien allerleefste sjat,
sjoonste maedje van de ganse waereldsjtad.
Ich druim allein, allein mèr van dich.
Druims-toe missjien auch waal èns van mich ?

Marijke, Marijke, alle jonges zeen dich sjtaon,
met dich lèts ze allemaol veur mich gaon.
Marijke, ich hauwt zovaöl van dich.
Missjien hils-toe auch waal 'n bietje van mich.

Marijke, Marijke, ich wil erg gaer mit tich,
mèr dien mam, die haet 't neet zo op mich.
Toen ich dich lèts 'n bezeukske brach,
woord ich bie de deur door dien mam opgewach.

Marijke, Marijke, ich veul nog ummer de pien,
van dae klap mit die deigrol, dae van dien mam mot zin.
Geluif mich Marijke, ich hauwt enorm van dich.
Mèr dien mam, dien mam haet 't neet zo op mich.


HOME PLAATSNAMENOVERZICHTHOME


MEN ZUUT DICH NEET MEEE SJTAON
Teks: Jan Ridderbeekx - meziek: Ton Hendrikx

Refrein:
Höbste werk, bès gezóndj, nae is niks aan de handj.
Höbste werk, bès gezóndj, nae dan dènkste nurges aan.
Höbste werk, bès gezóndj, geneet van 't laeve.
Want gauw is 't gedaon, en mèn zuut dich neet meeè sjtaon.
Want gauw is 't gedaon, en mèn zuut dich neet meeè sjtaon.

Höbste jaore lank gesjraveld, mer inèns geit 't neet meeè.
Nao ein jaor van krank zeen thoes, kumpste dan in de W.W.
W.A.O. kènste vergaete, höb veer dao noe veur gewirk ?
Op 't lèts dan nao de biesjtand, zoa vergeit 't menigein.

Wie mót dat dan noe wiejer, hiej in dees maatsjappie.
Veer höbbe ein eige huuske, mer dat is gauw veurbiej.
Väöl wurd ós aafgenómme, höb veer dao noe veur gewirk ?
Veer kènne 't neet begriepe, zoa vergeit 't menigein.


HOME PLAATSNAMENOVERZICHTHOME


DE MERT
Tekst: ? - melodie: 'Always look at the bright site of life' (Monthy Python)
Zang: Trio Uulebélkes

‘t Zoaterdigs sjmurges goan veer mit ‘t vruike nao de mert.
Dat waekelikse verzetje, dat is os heal get weard

Aesj gaon ver veur earpel,
greunte en veur fruit.
W:
Ich bin zoa blie dat ich een deuntje fluit.
Sjteit ‘t vruike bie de boane,
W:
Zeen ich een mokkel mit zoan Meloone.
A:
Den eesjte keer dat ’t wifke nao ‘m huijd

‘t Zoaterdigs sjmurges goan veer mit ‘t vruike nao de mert.
Dat waekelikse verzetje, dat is os heal get weard

De kjaes en auch de wek,
is ‘t zaoterdigs vaste prik.
W:
De tesje waere sjnel beheurlik vol
De kaopman zaet: “’t is get mej”
Mien vruike is allang tevree,
W:
Mer ich weit dat ich sjtrak thoes neet mej haol.

Mer..
‘t Zoaterdigs sjmurges goan veer mit ‘t vruike nao de mert.
Dat waekelikse verzetje, dat is os heal get weard

Bie de letste kraom gekome,
Krit ’t sjatje van mich bloome.
W:
Al is dat auch een waekeliks ritueel.
W:
En wil ich mich nog get aete,
Zao lekker oppe voes.
A:
Motte – veer - op -sjtel - en - sprong – noa - hoes.

Jao..
‘t - Zoaterdigs - sjmiddigs, komme – ver – sjellentaere - van – de - mert.
Dat - waekelikse - verzetje, - dat- is – heur - heal - get - weard.

En kommende weak,……………………
W:
Dan geit ze mer allein!!!!


HOME PLAATSNAMENOVERZICHTHOME


MÈT 'N BIETJE WA-WA !
2000/2001 WVK nr.2 : Teks: Paul Donners - meziek: Bettina Kamps Oetveurende: San & Co

Intro:
't Laeve is soms ein crime, soms ontbrèk dich nog de zjiem.
Dich veuls-dich zoa de klos, de wèts neet was-se mos.

Shout:
Doe broeks 'n bietje wa-wa !

Refrein:
Mèt 'n bietje wa-wa en 'n bietje wae-wae,
geine bla-bla, toch lever neet, nae !
Mèt 'n bietje wa-wa en 'n bietje wae-wae,
zènge la-la en heivesj neet, nae !

Hei doe lauwman önger neet, 't is Vastelaovend, 't is Vastelaovend.
Kom noe gauw man, zeiver neet, veer gaon sjtappe dizze n'aovend !

Wo mien reis mich brènge deit, mèt Vastelaovend, mèt Vastelaovend.
Es de Geis weer laeve geit, 't is toch och zoa väölbelaovend !


HOME PLAATSNAMENOVERZICHTHOME


MEZIEK IN ÖS LIMBURGS LANDJ
Teks: Paul Donners - meziek: Patrick Drummen
Oetveurende: Michel Penris, Patrick Hafkamp en Paul Donners

Refrein:
Heuër hiej, heuër dao, heuër euveral, meziek in ós Limburgs landj.
De hermeniej, die sjpeelt en wiej, is in 't café aangelandj.
Heuër hiej, heuër dao, heuër euveral, meziek in ós Limburgs landj.
De sjoanste wies, zeen eige wies, zinge veer hiej handj in handj.

De tröte en de sjuve sjpele sjoan, dus laot mer gaon.
De saxe toete, luuj nao boete, danse oppe sjtraot.
De pauke en de tromme hauwte sjlaag, de ganse daag.
Zoa geit 't pebliek mit de meziek door 't Limburgse vastelaovesriek.

De leedjes die veer zinge zeen 'n sjat, in eige plat.
En väölbelaovend, vastelaovend, gekke oppe sjtraot.
De auwe gaeft de nuuje prins zien raod, hae sjleit de maot.
Zoa geit 't pebliek mit de meziek door 't Limburgse vastelaovesriek.


HOME PLAATSNAMENOVERZICHTHOME


MEZIEK IN ÒS WAERELDSJTAD
1998/1999: Tekst: Paul Donners - muziek: Patrick Drummen
Oetveurende: Sjeive Drek

Refrein:
Heuër hiej, heuër dao, heuër euveral,
meziek in ós waereldsjtad.
De hermeniej, die sjpeelt en wiej,
baeter es oajt, wit-se dat.
Heuër hiej, heuër dao, heuër euveral,
meziek in ós waereldsjtad.
De sjoanste wies, zeen eige wies,
zènge veer hiej handj in handj.

De träöte en de sjuve sjpele sjoan, dus laot mer gaon.
De saxe toete, luuj nao boete, danse oppe sjtraot.
De pauke en de trómme hauwte sjlaag, de ganse daag.
Zoa geit 't pebliek mit de meziek door 't Waereldsjtadse vastelaovesriek !

De leedjes die veer zènge zeen 'n sjat, in eige plat.
En väölbelaovend, vastelaovend, gekke oppe sjtraot.
De auwe geuf de nuje prins ziene raod, hae sjleit de maot.
Zoa geit 't pebliek mit de meziek door 't Waereldsjtadse vastelaovesriek !


HOME PLAATSNAMENOVERZICHTHOME


MIEN AUWESJHOES
Tekst & muziek: Frits Rademachers
Zang: Jan Ridderbeekx

Went ich wanjel door mien sjtedje, dèkser door dat sjträötje gaon,
mót ich altied aeve kieke, nao dat hoes en blief dao sjtaon.
Dan gaon aeve mien gedachte nao daen tied, noe lang veurbie.
En went ich weer wiejer wanjel, zèng ich zach dees melodie:

Refrein:
De sjoanste jaore van mien laeve, die hej ich wiej ich hiej nog zout.
En wat mich doe woort mit gegaeve, jao, dat begriep ich noe eèsj good.
Dèks kèn ich noe zó ech verlange nao mien auwesjhoes, wiej dat dao sjteit.
Nao al dat sjoans dat is vergange, mien auwesjhoes vergaet ich neet.

Dao haet èns mien weeg gesjtange, leerde mich mien moder bae,
höb ich waal èns sjtraof gekrege, mer dat houw dan auch zien rae.
Ummer zal mit gouwe lettesj in mien hart gesjreve sjtaon:
Pap en Mam ich blief uch dankbaar, veur 't geen veur mich gedaon.

Ouch al höb ich noe verlaote, die ómgaeving mich vertroewd,
en al höb ich urges angesj 'n eige nèske mich geboewd.
Ummer kóm ich trökgevlaoge, en ich sjtriek dan aeve neer,
biej dat hoes, dao in dat sjträötje, en dan dènk ich altied weer:


HOME PLAATSNAMENOVERZICHTHOME


MIEN DIKKE TRÓM
2004/2005 nr.1 : Tekst: Herman Geenen - muziek: Huub lemmens
Zang: Pleyzéngers Awt Gelaen

't Ganse jaor dan sjteit bie mich
dae klómmel in de kas.
Dan zeen ich 'm nog gaar neet sjtaon,
en pak 'm ouch neet vas
Mer és 't Vastelaovend wúrd,
dan trómmel ich 'm op
Dan geit 'r mich, dan geit 'r mich,
waal drie daag door de kop

En dan zégk ich: dikke kóm ! dikke kóm
zét dich sjrap ich hang dich óm

Refrein:
Alaaf tjing boem, alaaf tjing boem
v'r gaeve 'm ein lél, en klaene op dat vél
Alaaf tjing boem, alaaf tjing boem
Veer sjlaon ôs d'r door haer, dat doon veer toch zoa gaer.

Tjingeleboem.., tjingeleboem...
Ich ben verleef op mien dikke tróm
Tjingeleboem.., tjingeleboem...
en nao die daag is dat weer óm

Veer sjtónge veur ôs sjtamkaffee
de deur waor al op sjlaot
D'r waor gein plaats mieé veur ôs twee
me sjtóng dao vót aan vót
Toen goof ich eine flinke sjlaag
en eederein keek óm
Ze sjoove aan de kantj veur mich
en ouch mien dikke tróm

En doe zach ich : dikke kom, dikke kom
Veer sjlaon in wie 'n bóm


HOME PLAATSNAMENOVERZICHTHOME


MIEN GELAEN
Teks & meziek: A. Kokkelmans-Baggen
Oetveurende (*) : De Waereldsjtadkènjer

Refrein:
Want in Gelaen, dao wil ich zeen, jao in Gelaen, dao wil ich zeen.
In Gelaen dao vier ich karnaval.
Ich wil noe nurges angesj haer, want in Gelaen, dao bèn ich gaer.
Höb veur ummer aan Gelaen mien hart verlaore.
Lache, danse, sjprènge dat doon veer hie allemaol gaer.
Dao aan zuuste, dat is ènne echte Gelaendenaer.
Jao lache, danse, sjprènge dat doon veer hie allemaol gaer.
Dao aan zuuste, dat is ènne echte Gelaendenaer.

(Kiek mer hie sjteit ènne G'laendenaer. Dit is `enne echte G'laendenaer).

Ich waor 'ns op vekanse in Tirool,
ging skieje, dat is toch zoa sjoan.
Brook dao mien bein, en kaom in 't ziekenhoes.
Ich reep doe: zuster brèng mich gauw nao hoes.
Want.....

Ich koosj doe ouch neet mit d'n optoch gaon,
moosj langs de kantj sjtil blieve sjtaon.
Ich weit noe zeker, luuj ich weit 't ech.
Ich gaon hie vazelaeve neet meë weg.
Want.....

* cd 1993 : Diverse artiesten - "Gelaen alaaf" - Marlstone Recordings bv - CDL9350


HOME PLAATSNAMENOVERZICHTHOME


MIEN GOOD AUWT GELAEN
1978: Tekst: Bert Salden - muziek: Wim Leentjes
Zang: Wim Leentjes

Zèk wétste nog den ouwen tied
wie de Maurits nog besjtoong ?
Wétste nog den ouwen tied
wie nog ein sjtadsbus goong.
Wie dao ‘t kaore bleujde
in die veljer toondj de Kloes.
Wie ze dao doe ginge boewe
dat allerjèrste hoes.

Refrein:
Ens waore dien veljer van koare en vjé
ens waors doe n doörpke
me doe wols völ mjé
Gelaen doe moosj greuje
want doe kreegs de koel
En doe die woort die gesjlaote, kaom chemiese boel
Mer al kènt dae kraom auch soms sjtinke
en al sjtaon noe febrieke te blinke
Toch hauwt ich van dich mei Gelaen
toch blifs dich mien good auwt Gelaen.

Doe boewdes eine promenaad
en ’n eisbaan auch debei
‘t stadion kaom laeg te sjtoan
Daomit is neemens blie
Zo woord jel vöö verangerd
’t dörrepke woord ein sjtad
woo is d’n tied gebleve
van ‘t echte Gelaense plat ?


HOME PLAATSNAMENOVERZICHTHOME


MIEN KÈNDJ
Tekst: Evelyne Koenen - muziek: Evelyne Koenen & Jo Deusings
Zang: Evelyne Koenen

Ich höb vreuger nooit geweite
Dat zo`n groot gelök besjtóng
Mer doe bès toch in mien laeve,
Nog väöl wermer es de zón
Hils van mich ouch es de ganse welt mich valle leet
Daoveur sjrief ich ouch veur dich `n gans nuuj leed

Refrein:
Doe bès mien kèndj ich hauwt van dich
Doe bès nog klein mer waal van mich
Want de zon de maon de sjterre sjtraole van dien leef gezich
Es-te sjtrak groot bès gewore en doe höbs ouch waal èns leid
Kóm dan mer bie mich want dat is wo `n mam veur sjteit

Taege mich kèns te alles zègke
Veer zeuke same ènne weg
Ouch al kómme waal èns traone
En höbs doe waal èns verdreet
Ich hauwt van dich ouch es de ganse welt dich valle leet
Doe bès `t leefste wat ich höb ich vergaet dich neet

Sjtrak höbs doe mesjien ouch kènjer
Wèts ouch doe wat ich noe veul
Sjrifs mesjien veur mich `n leedje
Wèts dan ouch wat ich bedoel
Zuus dien eige kiendje en zien uigskes sjtraole
Vertel dan doe ouch aan dien kenjd al dien verhoale


HOME PLAATSNAMENOVERZICHTHOME


MIEN LEEF JOSÉ
Teks: Ben Erkens - meziêk: Roy Tokaya
Oetveurende (*) : Kepsj

Ich riej in miene waage, bèn op waeg nao mien werk,
óm dich weer te behaage, mit väöl geldj door euverwerk.
Och nóndepie, mien leef José, nae, 't vilt ech neet mit.
Doe wils vanalles koupe, dan weer dat en dan weer dit.

Refrein:
Mien leef José, wat wilste dan nog meè ?
Mien leef José, dat vraog ich ummer weer.
Doe wèts, ich doon èt gaer veur dich.
Mien leef José, dènk 'ns aan mich, dènk 'ns aan mich.

En kóm ich thoes, dan sjteit alweer d'n aafwesj veur mich klaor.
Doe ligks lankoet op de zónnebank, mit sjpange in dien haor.
't Hink mich ech de vot oet hiej, de ganse santekraom.
Mer ómdat ich hauwt van dich, José, wirk ich mich boete aom.

Noe vertèl 't mich 'ns gauw, wat móste mit z'n vrouw ?
Waoróm höb ich oetgeraekend häör oetgekaoze ?
Mer ich bèn knatsj op mien José, al weit ich good,
ós leefde die geit ech neet euver roaze.
Mien leef José (wesj mich de roete 'ns), jao, jao, 't is good José.
(póts mich de wage 'ns), jao, jao, 't is good José.

* cd (1998) : Kepsj - " Bubbele " - Marlstone CDL9854


HOME PLAATSNAMENOVERZICHTHOME


MIEN LIMBURG
Tekst & muziek: Th. Roering
Oetveurende (*) : Dik Betaald BééVéé

Ich kèn dich al zoalang van jaore, nog noats höb ich dich `ns bedank.
Dat ich op diene gróndj bèn gebaore, de gróndj van mien Limburgse landj, bedank.
Want doe bès e sjtök van mien laeve, `t sjoanste wat ich höb gekènd.
Ich kèn dich al zoalang van jaore, mer nog noats höb ich dich `ns bedank.

Refrein:
Mien Limburg, doe bès van mich.
Mien Limburg, want ich sjtaon op dich.
Mien Limburg, doe blifs veur mich.
Mien Limburg, want ich hawt van dich.

Dien heuvels, dien velde, dien dale, omringe de dörpkes van dich.
En es ich dao doorhaer kèn dwale, dan veul ich de wermte in mich, veur dich.
Want doe bès e sjtök van mien laeve, `t sjoanste wat ich höb gekènd.
Ich kèn dich al zoalang van jaore, mer nog noats höb ich dich `ns bedank.

* cd 2001: Dik Betaald BééVéé - " Achter de tuba aan " - Marlstone Recordings CDL 2041


HOME PLAATSNAMENOVERZICHTHOME


MIEN LIMBURGS BLOOD
L.V.K. 1983 nr.1 : Teks & meziek: Miets Zijlstra-de Loo & Ben Erkens
Oetveurende (*) : Ben Erkens

Gans Limburg is ein groate buut, mit doezende artiste,
e circus dat me nörges zuut, mit kilomaetesj piste,
róndj d'n tap in elk café, in de sjtraote matinee.
Al wat Limburgs blood in haet, deit driej daag mit en zaet:

Refrein:
Ich zou mien Limburgs blood neet wille toesje,
dat reigelt mienen aard en mien besjtaon.
Zoalang dat door mien aojere blif roesje,
blif auch mien hart veur vastelaovend sjlaon.
Ich zou mien Limburgs blood neet wille toesje,
laot mich dat noe hauwte estebleef.
Zoalang dat door mien aojere blif roesje,
höb ich Limburg en de vastelaovend leef !

Veer sjpele vastelaoveskloon, wie veer allein dat kènne.
Dat geit van vader oppe zoon, dat zit geweun de bènne.
Maskerade euveral op et vastelaovesbal.
Al wat Limburgs blood in haet, deit driej daag mit en zaet:

* cd : Ben Erkens - "Haol de sjpas mer oet de kas!" - Marlstone Recordings bv - 099018 CD


HOME PLAATSNAMENOVERZICHTHOME


MIEN MARIE
Teks: Jan Ridderbeekx - meziek: Arno Op den Camp

Refrein:
Jao, ich hawt van mien Marie, want dat is toch zo'n gooj priej.
Zönger mie Marieke woar ich nurges, mit häör bèn ich zoa bliej.
Jao, ich hawt van mien Marie,
ich kèn allein mer laeve mit Marieke aan mien ziej.

Ich bèn al jaore lank bie mien marie,
mer jedere maondigaovend bèn ich vriej,
Zie zaet: "Gank dich noe mer ein kaertje lègke.
Die anger daag höb ich 't veur 't zègke"

Mien Marie, dat is toch zo'n gooj blötsj,
en meistal is zie auch waal good gemötsj.
Zie zaet: "Ein pilske pakke mót toch kènne.
Maar de res van de waek blifs doe waal bènne"


HOME PLAATSNAMENOVERZICHTHOME


MIEN MÖPKE
Teks & meziek: Jo Deusings & Koos Snijders
Oetveurende (*) : Dik Betaald BééVéé

Mien möpke, mien leef maedje, wat mot ich zönger dich ?
lch laup zoa gaer mit tich door 't paedje, druim van 't kleurke op dien gezich.
Jao mit tich wil ich alles deile, Möpke, doe bis van mich.
Wach noe, gank neet laupe, want ich bin de clown veur dich.

Refrein:
Mien Möpke, mieu leef maedje, wat mot ich zönger dich ?
Ich laup zo gaer mit dich door 't paedje, druim van 't kleurke op dien gezich.

Ich pak dich vas, ich wil mit tich wanjele, euver 't veldj, 't heuvellandj.
'n Blömke veur dich plökke, kieke nao de sjterre, handj in handj.
Blief toch effe op mich wachte, ich zeng dit laedje veur ös twee.
Sjtel neet oet pes morrege, wae wet, ben ich d'r dan neet mee.

* cd: Dik Betaald BééVéé - " Met De Monika en de Sjuuftrombone " - Marlstone CDL9247


HOME PLAATSNAMENOVERZICHTHOME


MIEN SJNUUTJE
1999/2000 : Tekst: Herman Geenen - meziek: Hub Lemmens
Uitvoerende (*) : Biejein geraap


Refrein:
Es ich dat sjnuutje zeen van dich , dan bruk 't zunke door biej mich.
Dien blosse wengskes in de bleuj, diej make dat ich maeters greuj.
Es ich dat sjnuutje zeen van dich , dan bruk 't zunke door biej mich.
Ich veul mien hertje zoa gevleid, doe bès mien zieël en zaligheid.

Vurrig jaor mit vastelaovend, 't waor op 't prinsebal,
keekste mich aan, väölbelaovend, jao, doe wòs ich 't al.
Zaog dae leve lach van dich en dach medein: dae prins bèn ich.

Doe höb ich dich zònger vraoge d'n ieësjte kieër heim gebrach.
Wiej v'r de sjterkes dao zaoge, 'n handj òm dich gelag.
Keek nao dich en dich nao mich, doe sjprook dat sjnutje drek veur zich.

* cd 2000 : diverse artiesten - "Van Eijsde tot de Mookerhei 7" - Marlstone Recordings bv CDL2001


HOME PLAATSNAMENOVERZICHTHOME


MIEN SJOONMAM
2001/2002 nr.1 : Tekst & muziek: R. Krans
Zang (*) : Óngerein

Ich zit der fijn mit opgesjeep, en dat al jaore lank.
Eesj veel 't nog waal reuze mit, mèr toen kaom zie op gank.
Mien Annie haét zich zjwaor vergis, dich bés toch geine kael.
Dich höbs de henj gans links um staon, unne bessem zonger sjteel.
Eesj sjtong ich gans perplex, toen zag ich teage die heks.

Refrein:
Och sjoonmam, doe gekke kröllekop,
is dat dien eige haor, of höbste noch 'n pruukske op ?
Och sjoonmam, doe gekke kröllekop,
is dat dien eige vel, of höbste nog 'n maske op ?
Och sjoonmam, doe gekke kröllekop,
is dat dien eige haor, of höbste noch 'n pruukske op ?
Och sjoonmam, doe gekke kröllekop,
is dat dien eige vel, of höbste nog 'n maske op ?
La, la, la,la,la,laaa, want jeed're sjpégel sjprink door dich vanzelf kepot.

Ze wit 't altied baeter en ze veurt 't hoagste woord,
want in heur auge bén ich maar 'n gans vervélend soort.
Ich wis 't waal, waors dich van mich, ich zat dich veur de deur.
Missjien tröf dich de bliksem waal, dan hej ich gein gezeur.
Mer noe kump miene vraak en ich zék teage déa draak.

* cd 2002 : diverse artiesten - "Veur hauf geljd!" - Studio A Recordings SA2002


HOME PLAATSNAMENOVERZICHTHOME


MIEN SJTÖM DIE BÈN ICH KWIET
2007/2008 nr.2 : Tekst: Lilian Steps - muziek: Ronald Claessens
Zang: Ronald Claessens

Refrein:
Nao 3 daag vastelaovend
Bèn ich mien sjtöm dèks kwiet
Jeder jaor ’t zelfde
Dan is ’t weer zoa wiet
Nao 3 daag vastelaovend
bèn ich mien sjtöm dèks kwiet
jed’re vastelaovend dan is ’t weer zoa wiet

Ich wouw sjus get besjtèlle
Mer wie dae ober kaom
Miene mondj dae deeg ich aope
Mer d’r kaom allein mer aom
Nao mien pilske koosj ich fluite
Dat woort mich neet gebrach
Omdat dae gooje ober
Neet heüerde wat ich zag.

Om 3 oer ging ich heivesj
Mien sjtöm die kaom neet mit
‘t Zouw bès waal ‘ns kènne
Dat die nog bie dae ober zit
Wie mien vrouw begoosj te sjelle
Höb ich mer niks gezag
‘ch’hèj bie dae ober motte blieve
Dat is wat ich toen dach.


HOME PLAATSNAMENOVERZICHTHOME


MIEN TRUMMELKE
Tekst & muziek: Michel Nita
Oetveurende (*) : Dik Betaald BééVéé

Refrein:
Ich ammezeer mich mit mien trummelke debiej,
want mit mien trummelke dan veul ich mich zoa vriej.
En kènt 't ouch mer aeve, dan maak ich toch zoan laeve,
jao, aan die ruffelkes, dao höb ich gein gebrek,
en mit die sjlaeg maak ich de luuj hartsjtikke gek.
Jao, jederein loester 'ns hiej,
want die tróm geit mich aan mien priej.

Ich tróm 't ganse jaor dus krieg ich ouch gein blaor.
Hae geit mer door(koor)
Ich höb 't uch gezag, ich houw mit alle krach.
Veur mien paart wurt 't twellef oer.

Mien vrouw die zag: "ochot , doe huits 'm nog kepot"
Hae geit mer door(koor)
Zie zag: "noe sjei 'ns oet, ich goaj dich angesj droet"
Ich zègk: "da's good 'ch-goaj mich tedoor"

* cd 2001: Dik Betaald BééVéé - " Achter de tuba aan " - Marlstone Recordings CDL 2041


HOME PLAATSNAMENOVERZICHTHOME


MIENE KOALEF
Teks: Michel Penris & Paul Donners - meziek: Paul Donners & Bert Peijmen
Solozangk: Patrick Hafkamp - koarzangk: Sjeive Drek - arrangement: Arno Op den Camp

Miljaar, miljaar, moeregreun, kroateblaar,
notedöp, greun tartaar, is wat ich oppe mèstem vaar.

Sjei oet, sjei oet, mèlksjtruuk, maggikroet,
vètte knien en auw sjroet, dao veur haet sjös de klok geloewd.

Refrein:
In miene koalef greujt louk en andieve, sjproete, greun moos, sjelk en sjpinaat.
In dit paradies wil ich ummer blieve, van sjmörgesvreug, jao pes saoves laat.
Mer in de Vastelaovestied dan bèn ich gans van sjlaag, jao dan veul ich mich gaar neet te gooj.
Dan mis ich miene koalef zoa, veur al die driej lang daag, dat ich mich 't leefste heivesj sjpooj.

Verdeuë, verdeuë, sjtróntvlege, hoondervleuë,
zjweitloch en kop vol sjtreuë, mich hof nemes oet te neuë.

Auw weë, auw weë, kattesjtart, wösj van kleë,
Molmoesgeng, nieneveë, ich zal mer sjnel nuuj graas inzeë.


HOME PLAATSNAMENOVERZICHTHOME


MIETS-MEDLEY
(Ode aan Miets Zijlstra- de Loo)
1999: Teks: Miets Zijlstra-de Loo - meziek: Miets Zijlstra-de Loo & Ben Erkens
Oetveurende (*) : Marlies Notten, Gertje Roumen, Ben Erkens & Jan Ridderbeeks

VEER HÖBBE 'T WEER

Refrein:
Veer höbbe 't weer ! Veer höbbe 't weer !
Jeder jaor einen daag of drie-veer.
Mit vastelaovend zeen veer knatsj,
Höbbe veer sjpas óm get sjaele kwatsj.
Veer höbbe 't weer ! Veer höbbe 't weer !
Mit 'n maske op en 'n glaeske beer.
Dat nump ós nemes aaf,
Veur vastelaovend: alaaf !

Veer fladdere wie confetti,
Van Sjra nao Door of Nettie.
Wie serpentines vlege v'r róndj.
En sjtaon veer neet lang Mit tweë bein oppe gróndj.

VASTELAOVESGEKSKE

Refrein:
Vastelaovesgekske, lekker mómmebekske.
Leve sjat, doe maaks mich noe weer sjtapeldol.
Vastelaovesgekske, lekker mómmebekske.
Leve sjat, doe brings mich weer de kop op hol.
Vastelaovesgekske, lekker mómmebekske.
Leve sjat, doe bès besjlis e muulke waerd.
Vastelaovesgekske, lekker mómmebekske.
Lekker prieke, doe sjtökske paradies op aerd !.

HÖBS DOE DAT AUCH ?

Refrein:
Höbs doe dat auch ? Dat raar geveul van bènne.
Höbs doe dat auch ? Dae sjoever langs de rögk.
Höbs doe dat auch ? Et is weer effe wènne.
Mer et kump jeder jaor weer trök !
Höbs doe dat auch? Ich laot mich toch neet kènne.
Ich haol die drie daag vastelaovend op mien zögk !

WIE GEKKER WIE LEEVER

Refrein:
Wie gekker wie leever.
Mit vastelaovend, dan is et weer raak.
Wie gekker wie leever.
Dan veult ènne Flaaris zich op zien gemaak.
Wie gekker wie leever,
De Waereldsjtad is noe ein gekkenhoes.
Wie gekker wie leever,
Dan veult ènne Flaaris zich thoes !

Veer gaon weer lekker sjprènge, "Oete Waeg" de trom weer sjlaon.
Ós Waereldsjtad bezènge, dat wurt ummer "Gaer Gedaon".
Ós leef tanzmarieke dat tuint zich, en de hermenie geuf gaas,
De burgemeister: Wat tunk dich ! Haet et maske oppe naas ...

SJUUVE EFFE SJUUVE

Refrein:
Sjuuve effe sjuuve ! Sjuuf dich èns e betske op !
Sjuuve effe sjuuve ! Sjuuf dich èns e kretske op !
Sjuuve effe sjuuve ! Sjuuf dich èns opzie !
Sjuuve effe sjuuve ! Sjeufke wilt zoa gaer d'rbie!

(En veur dat me et wèt, doon alle maskes mit! Kóm!)

MIEN LIMBURGS BLOOD

Gans Limburg is ein groate buut, mit doezende artieste.
E circus dat me nörges zuut, mit kilomaetesj piste.
Róndj d'n tap in elk café, in de sjtraote matinee.
Al wat Limburgs blood in haet, deit drie daag mit en zaet.

Refrein:
Ich zou mien Limburgs blood neet wille toesje,
dat reigelt mienen aard en mien besjtaon.
Zoalang dat door mien aojere blif roesje,
blif auch mien hart veur vastelaovend sjlaon.
Ich zou mien Limburgs blood neet wille toesje,
laot mich dat noe hauwte estebleef.
Zoalang dat door mien aojere blif roesje,
höb ich Limburg en de vastelaovend leef !

* CD 1999/2000 : Diverse artiesten - "Waereldsjtadconfetti" - Studio A Recordings SA 1199


HOME PLAATSNAMENOVERZICHTHOME


MIT ÈNNE LACH
Tekst & muziek: Wilko Aendekerk
Oetveurende (*) : Dik Betaald BééVéé

Zit èns get taenge en veulse dich sjlech, liek alles veur dien geveul ein gevech,
truf dich dae moker, wurs richtig gedöp, is diene tejjer te vol opgesjöp ?
Wat gaon veer doon och ich weit 't neet meë, laot ós get zènge, dan geit 't waal weer.

Refrein:
Laot v'r get zènge, get lache en danse.
Sjnap dich èns vas, kom en maak get plezeer.
Laot v'r get zènge, get lache en sjanse.
Mit ènne lach dan löp alles waal weer.

Bèsse aan't sjpinne, en tolt diene kop, alles liek hommeles, niks is meer top,
sjteis sjmörgens op en bès drek al weer meug, zuus 't neet zitte es eine get vreug.
Wat gaon veer doon och ich weit 't neet meë, laot ós get zènge, dan geit 't waal weer.

Wage kepot, wesjmesjien in de sop, geldj dat kump bènne, is drek al weer op,
tied is vervlaoge, hawt 't neet meë biej, veur daste 't wèts is de maondj weer veurbiej.
Wat gaon veer doon och ich weit 't neet meë, laot ós get zènge, dan geit 't waal weer.

* cd 2001: Dik Betaald BééVéé - " Achter de tuba aan " - Marlstone Recordings CDL 2041


HOME PLAATSNAMENOVERZICHTHOME


MIT ÓS VIEVE WAAL ÈNS EFFE BEWIEZE
Tekst: Wybrand Leinders - muziek: Pasqual Boer
Zang (*) : Peptalk

Refrein:
Veer zörge dat 't neet zal gebeure
wo ze noe al jaore euver zeure.
Zitterd krig weer opnuuj oôze zaenge
want Gelaen is en blif d'r ummer taenge.
"Kóm neet aan Gelaen", rope veer noe in koor
Veer make 'n voes en zette oôs door.
Dat zulle veer mit z'n viebe waal 'ns efffe bewieze.
Nae Gelaen vilt veur Zitterd neet in de prieze.

* cd 1996 : Diverse artiesten - "Same 11 (òngeplök)" - Studio A Recordings SA 9621


HOME PLAATSNAMENOVERZICHTHOME


MIT VASTELOAVEND
1999: Tekst & muziek : M. Suyk
Uitvoerenden: Ônger Ein

Mit vasteloavend hoale veer de pekskes oet de kas,
want jeder geit verkleid.
Mit vasteloavend loupe veer 's neet gans in de pas,
g'r wet toch wie dat geit.
Doarom pak uch allenej 's vas, en maak dees daag dan väöl sjpas.

Refrein:
Doot noe mit os mit, 't geit toch van allein.
Loup 's achterein, in de polonaise trein.
Doot noe mit os mit, 't geit toch van allein,
in de polonaise trein.

Mit vasteloavend goan veer alle kroege nog 's aaf,
dat hilt de sjtömming drin.
Mit vasteloavend heure veer dan euveral alaaf,
dat teikend toch de zin.
Loup allemoal es achterein, en zeng mit os dan dit refrein.

Mit vasteloavend klink de treut en auch de dikke trom,
die kenne veer versjtoan.
't Is vasteloavend, mer dees daag zeen veul te sjnel weer om,
dan is 't weer gedoan.
't Is veurbie veurdat g'r 't wet, drom doot nog eine keer mit.


HOME PLAATSNAMENOVERZICHTHOME


DE MONIKA
Tekst: Koos Snijders - muziek: Jo Deusings
Oetveurende (*) : Dik Betaald BééVéé

Gans wiedeweg heur ich kènjer zènge, gans wiedeweg heur ich ós instrument.
Dat maak ein geluid, wat veer allemoal kènne, gans wiedeweg, amusement.
't Kump dichterbiej, kabaal in de sjtraot, 't maak ós bliej ... Falderie.

Refrein:
Heur ich de monika, dan zaet mien kertje tra-la-la.
Heur ich de monika, dan sjleit mien hertje falderie.
Jao, mit de monika door de sjtraote la-la-la,
achterein of ziej aan ziej, dat maak niks oet,
want wiej of wiej, veer laupe saame in de riej.

Heij!!!! Luuster good! Ich her de tweede, en auch nummer 3, en veer en vief.
Wat mót ich doon? Ich wil noe zènge, ich veul alles trille in mien lief.
't Kump dichterbiej, kabaal in de sjtraot, 't maak ós bliej ... Falderie.

* cd: Dik Betaald BééVéé - " Met De Monika en de Sjuuftrombone " - Marlstone CDL9247
* cd 2001: Dik Betaald BééVéé - " Achter de tuba aan " - Marlstone Recordings CDL 2041


HOME PLAATSNAMENOVERZICHTHOME


MOSJELE
Tekst: ? - muziek: ?
Zang: Sjeive Drek

Mosjele, mosjele
Gaef mich ein porsie mosjele
Tiel van ut Vlaegelke
Dae haet ze al gekaok
Mit selderie en poor


HOME PLAATSNAMENOVERZICHTHOME


DE MOTOR VAN 'T LAEVE
2000: Tekst & muziek: Dennie Peijs & Pierre Jansen
Zang: De pap en de Poet, Dennie Peijs enzo.....

Refrein:


HOME PLAATSNAMENOVERZICHTHOME


DE MP3 VAN MARIE
2007/2008: Tekst & muziek: Jan Ridderbeekx
Zang: Jan Ridderbeekx

Refrein:
Marie haet eine mp3, haet van die döpkes in de ore
Marie haet eine mp3, ze drèjt de ganse daag folklore
En soms zungk ze waal èns mit, mit de ein of anger hit
Nou, dan toe-toe-toete mich de o-o-re
Marie haet eine mp3, och, mien Marie, wat is ze bliej

Marie hilt van folklore en ich soms van klassiek
Dus kènne veer noats same genete van meziek
Wiej los v’r dat noe op, nae dat geit neet 1,2,3
Bedach ich mich opèns, koup häör eine mp3 (3,3,3)

Ein waek veur vastelaovend begint ’t biej Marie
Zie zèt dan al die sjlagers op häöre mp3
Ich zègk: “Ach sjat noe kóm, lègk dat denk èns aan ein ziej”.
Dan zaet ze: “Jóng, wat zaes te?”, dan denk ich: “Nondepie (pie,pie,pie)”.


HOME PLAATSNAMENOVERZICHTHOME


'NS EFFE NIKS ...
Teks & meziek: Miets zijlstra-de Loo & Ben Erkens
Oetveurende (*) : Ben Erkens

Refrein:
'ns Effe niks aan miene kop óm aan te dènke.
'ns Effe weije wie è wölkske in de wèndj.
'ns Effe vriej zeen en nao alle zörg wènke.
'ns Effe bliej zeen wie 'n oetgelaote kèndj.
'ns Effe niks aan miene kop noe gein geleuter.
De vastelaovend maak geweun 't laeve zeuter.
Noe effe niks van al dae dómme póppekas.
'ns Effe laeve allein mer veur de sjpas.

Ich höb jaore geprobeerd emes angesj te zeen.
't Is niks gewore! 't Is niks gewore!
Ich kaom d'r langzaam achter wo dat zaot en 't sjeen.
Tösse mien ore! Tösse mien ore!
Dao sjpint 't sóms wie eine kokkeral.
Euver alles wat ich mót en wat ich zal.
Dus naom ich veur michzelf e wies besjloet.
Ich kniep d'r aaf en toe 'ns tössjenoet...

Noe is 't mich gelök eemes angesj te zeen.
't Is get gewore! 't Is get gewore!
't Haet effekes gedoerd eër al daen ambras verdween.
Tössje mien ore! Tössje mien ore!
Dao zitte noe gein moezenèste meer.
Eind'lik ruumte veur michzelf en veur plezeer.
Dan dènk ich weer 'ns trök aan mien besjloet,
en kniep d'r weer 'ns effe tössjenoet...

* cd 1993 : Diverse artiesten - "Gelaen alaaf" - Marlstone Recordings bv - CDL9350


HOME PLAATSNAMENOVERZICHTHOME


DE NAAS
Guus Erkens en Ben Erkens

Wie Adam pas gebaore waor, wat keek 'r op zien naas.
Dat jederein e vruijke hauw, veur häöm d'r doew gein waas.
Me haet zoa in 't laeve waal èns dómme pech.
En kik dan langs 't naeske aaf, al is 't krómp of rech.

Refrein (2x):
Wat höbste eine gevel, wat höbste toch ein naas.
Doe zouws toch gaar zoa sjaon neet zeen es die d'r èns neet waas.

Wat geuf de naas neet e gemaak biej 't drage van de bril.
Of es me same op ein bank èns naeske sjliepe wil.
De sop die waor dèk aangebrend es ich die naas neet hauw.
En mit de vastelaovend is ze road, gael, greun of blauw.


HOME PLAATSNAMENOVERZICHTHOME


NAEVE DE SJOON
Teks & Meziek: Guus Smeets

Verseer dien laeve èns mit kleine decoraties.
Die gaeve kleur dat weit ich pertinent.
Die kleine dènger in zoan doezend variaties,
zoa wiej ein vruntjelijk woord of ein compliment.

Mer soms gedrage luuj zich angesj in 't laeve.
Ze loupe langs dich door mit väöl ónachzaamheid.
Dèks te beroerd óm dich 'ne gooiendaag te gaeve,
en ze verdrènke in hun eige greutsjigheid.

Refrein:
Naeve de sjoon dat läöp zich toch zoa lestig.
Mè löp allein want nemes löp gaer naeve dich.
Naeve de sjoon dat is op blaore laupe,
en 't einddoel van de reis kump neet in zich.

't Is neet lestig òm 'ne sjouwerklop te gaeve,
of te bedanke es 'ne minsj get veur dich deit.
Mer soms gedrage luuj zich angesj in 't laeve.
Ze loupe langs dich door mit väöl ónachzaamheid.

Arrogantie en verwaandheid, nae, dao loup ich neet mit weg.
Ich sjtaon mit twee bein sjtevig op de gróndj.
En wat ich zèng en wat ich zègk, jao, dat mein ich gans oprech.
Naeve de sjoon dat is toch óngezóndj.


HOME PLAATSNAMENOVERZICHTHOME


NAO LIMBURG 1-2-3
Tekst: Koos Snijders - muziek: Jo Deusings
Oetveurende (*) : Dik Betaald BééVéé

Jeder jaor óm dizzen tied waer ich zoa ongerös
Ich mót nao Limburg 1-2-3, ich heur mien melodie
Ich mót nao Limburg noon-de-pie, ich zit te beeve en te zweite in de trein
Normaal bèn ich zoa groat, mèr noe veul ich mich klein

Refrein (2x):
Ach leeve heer, bring mich sjnel trök
Ach leeve heer, loester nao mich
Ich mót nao Limburg 1-2-3
Want dao viert me vastelaovend
Jao dao viert me carnaval
Ach leeve Heer, bring mich sjnel trök

Wo ich gaon en wo ich sjtaon roop ich zoa hèl ich kèn
Ich mót nao Limburg 1-2-3, ich heur mien melodie
Ich mót nao Limburg noon-de-pie, in de verte kump mien hermenieke aan
Marsjeere twee aan twee, achter de grote vaan

* cd: Dik Betaald BééVéé - " Hi, Ha, Ho, Circus Dik Betaald BééVéé " -Marlstone CDL9631


HOME PLAATSNAMENOVERZICHTHOME


NAPOLEON
Teks & meziek: Marlies Notten
Oetveurende (*) : Marlies Notten

Refrein:
En in Gelaen, joa in Gelaen regeert Napoleon.
Jónge jónge jóng sjuuf op die sjuuftrombaon.
Gelaen dat geit noe boave al, Viva de Carneval.
En in Gelaen, joa in Gelaen regeert Napoleon.
Jonge jonge jong houw op die dikke tróm.
Gelaen dat zingk noe euveral, Viva de Carneval!!

Mestreech dat haet zien Mooswief en viskes in de Maos
En dae Wingk van Haele, dae kump neet oetgeraos
Zitterd haet nog ummer, 't Auwt gries Zefke Mols
mer wat ós sjtad Gelaen haet, dao-op zeen veer sjtols.

De sjterre blieve sjtraole, en Venlo zingk dat fein
De Bök van Vallekeberg, die gaon wie die van Stein
Gelaen haet get biezunjers, wae hauw dat oajt gedach
Eine burgemeister, wovan noe wurt gezag:

* cd 1993 : Diverse artiesten - "Gelaen alaaf" - Marlstone Recordings bv - CDL9350


HOME PLAATSNAMENOVERZICHTHOME


NEMES BOETESJPEL
1999: Tekst: Jan Ridderbeekx - muziek: Wilko Aendekerk
Oetveurende (*) : Dik Betaald BééVéé

Refrein:
Ach, hiej biej ós sjteit nemes boetesjpel.
Gaef nog ein rundje, trèk èns aan die bel.
Laot de kastelein nog mer èns eine tappe.
Veer zeen waal, wae dat dan oeteindelik zal lappe.
Ach, hiej biej ós sjteit nemes boetesjpel.
Gaef nog ein rundje, trèk èns aan die bel.

Jederein is angesj, al zuus-te dèks ein geliek.
Dat is ein dènk wat zeker is ach wie ich dat ouch bekiek.
Nemes sjlete veer hiej oet, dat ligk neet in ózze aard.
Veer make sjpas mit jederein, van jóngk tot gans bejaard.

Bès-te ouch neet ech van hiej, dat zaet niks kóm noe d`rbiej.
Hawt dich neet dao aan de kantj och sjtèl dich neet aan ein ziej.
Allenej van vleisj en blood, dat is wo 't 'm óm geit.
Kom, drènk d'r eine mit, mit ós, geer wèt noe van besjeid.

* cd 2001: Dik Betaald BééVéé - " Achter de tuba aan " - Marlstone Recordings CDL 2041


HOME PLAATSNAMENOVERZICHTHOME


NÖLKE MIT ZIEN BÖLKE
1983: Tekst & muziek: Wim Leentjes
Zang: Wim Leentjes & Jan Ridderbeekx

Es kleine sjnaak marscheerde Nöl heèl sjtram in ’t gelid
Hae leep dan biej de hermenie veur sjpek en boane mit.
Mae wiej ’t vastelaovend woort, doe reep d’n dirigent.
"Noe zeet èns allemaol aeve sjtil, veur Nöl zien insjtruument".
En Nölke reep: "Alaaf !" en goof ‘m eine paaf

Refrein:
Nölke mit zien bölke mót d’n tingk-tank sjlaon
D’n tingk-tank sjlaon, d’n tingk-tank sjlaon
Nölke kènt noe driej daag neet nao hoes toe gaon
Nölke viert vastelaovend.

D’r waor ‘ne tied, doe vriejde Nöl heel sjteevig mit Sophie.
Hae waor heèl troe en week dan ach geine maeter van häör ziej
Mae wiej ’t vastelaovend woort dreejde Nölke häör de rögk
En zag: "Leef kèndj doe zuus mich waal nao drie daag weer terök."
Want Nölke mót noe gaon, hae mót de tingk-tank sjlaon.

Noe zit de kael ’t ganse jaor es braave vader thoes.
De kris ‘m zelfs neet mit ‘ne sjtek, geine maeter oet ’t hoes.
Mae kump de vastelaovend aan, dan kriebelt häöm ’t blood.
Dan sjnap ‘r ziene sjluppejas mit kammezaol en hood.
Want einmaol in ’t jaor, dan sjeit ós Nölke klaor


HOME PLAATSNAMENOVERZICHTHOME


NOOJTS ALLEIN
2007/2008: Tekst: Han Keulen & Patriesje Harris - muziek: Piet Muurmans
Zang: Patriesje

Vastelaovend viere, mit de pap, de mam en de poete
Veer kómme veur d’n optoch allemaol nao boete
Al die sjoane kleure, dae groate bóntje sjtoet
Same höbbe veer plezeer, dat zeen ze aan ós sjnoet.

Refrein:
Ich sjoenkel op mien bein, dat doon ich noojts allein
Mit mien vrunj sjoenkel ich mich werm
Ich sjoenkel op mien bein, dat doon ich noojts allein
Pak uch noe ‘ns vas, mit groat en klein

Nao d’n optoch same in ‘r dörp gaon veer door de sjtraote
Mit de ganse bubs, geine wurt achtergelaote
Sjtaon veer naeve-n-ein en dan sjnappe veer ós vas
De zate hermenie haolt nog èns alles oet de kas

Sjeit de meziek dan oet en is d’r niks meë aope
Dan weite veer, de tied, dae is noe dao, óm te gaon sjlaope


HOME PLAATSNAMENOVERZICHTHOME


'T NUUJE SEIZOEN
Tekst: Frans Derhaag - muziek: George Bakx
Zang: De Waereldsjtadkènjer

Nao de wèntjer kump 't veurjaor,
d'r achter-aan sjient vol de zón
Es de blaajer zeen gevalle,
höb veer hie ein nuuj seizoen.
Alle tinte van de wèntjer,
naojaor, zomer, veurjaorsgreun,
sjitt're drie daag wie boekette,
in de Vastelaoves-kleur.

Refrein:
't Nuuje seizoen, 't vastelaoves-seizoen,
verseerd ós hieële laeve
't Nuuje seizoen, 't vastelaoves-seizoen,
ouch al doert dat mer hieël aeve.
't Nuuje seizoen, 't vastelaoves-seizoen,
geuf pas zin aan ós besjtaon.|
't Nuuje seizoen, 't vastelaoves-seizoen,
kóm mit ós mit en laot dich gaon.

Alle veugel, sjtruuk en bloome,
doon ós werme door 't jaor.
Tössje Kèrsmis en Paosje,
sjleuëp dat vas de wèntjer-sjlaop.
Veur get nuuje laeves-wermte,
seert mè road, gael, greun de sjtraot,
Leuët mè los 't daag'ligks jachte,
in de Vastelaoves-maot.


HOME PLAATSNAMENOVERZICHTHOME


OCH DOE GEKSKE
Tekst & muziek: Patricia Hornesch & Rick Bouman
Zang: Patricia Hornesch

Refrein:
Och doe gekske in dat pekske
Mit dat vaerke op dien hood.
Och doe gekske in dat pekske
laot met gaon doe deis dat good
Och doe gekske in dat pekske
mit dat vaerke op dien hood.
Och doe gekske in dat pekske
laot met gaon ’t zit in dien blood.

Kiek dao geit de raod van èllef,
En de dames zeen d’r biej.
Mer wae löp dao in dat pekske,
Dae kiek waal heel erg bliej.
Kiek dao geit de raod van èllef,
wirke hel ’t ganse jaor.
Veur de luuj van ós Waereldsjtad,
make zie de prins sjtartklaor

Kiek dao geit de raod van èllef
mit dao beij ’n adjudant.
Wat is ’t ein sjoan plaetje
Same sjprènge ze oet de bandj.
Kiek dao geit de raod van èllef,
Is dat neet ’t sjoanste d’r oet.
Mer dae in dat prinsepekske,
dae sjprunk d’r baove oet.


HOME PLAATSNAMENOVERZICHTHOME


OCH LEEF GEZICHSKE
Tekst & muziek: Paul Donners & Bettine Kamps
Zang: Paul Donners

Wós ich nog ein möpke, ich zou 'm dich vertèlle,
Doe zouws nao mich kieke, mit ein allerleefste lach.
Dat blieje in dien auge, zou dat dan wille zègke.
Zègk jónk noe pak mien hendje en kniep éns aeve zach.

Refrein:
Och leef gezichske, wil-ste mit mich mit gaon.
Och leef gezichske, noe kiek mich nog éns aan.
Ich wèngkde zoa-aeve en doe goofs mich ein uigske.
Och vastelaoveszunke, doe bes eine echte sjat,
't allerleefste gezichske van ós Waereldsjtad.

Druim ich noe nog ummer, ich kèn 't neet geluive.
Kóm vastelaovend viere, mit dich heij aan mien ziej.
Ich bèn waal get verlaege, met ich laot mien hertje sjpraeke.
Och allerleefs gezichske, noe kóm èns aeve hiej.


HOME PLAATSNAMENOVERZICHTHOME


OCH, WAT BÈN ICH BLIEJ
Tekst en muziek: Ben Erkens
Oetveurende (*) : Dik Betaald BééVéé

Refrein:
Och, wat bèn ich bliej, dat ich neet zoa bèn wie die
Laot mich mèr lekker vastelaovend viere,
Och, wat bèn ich bliej, dat ich neet zoa bèn wie die
Laot mich mèr lekker zónger latte zwiere
Laot ze auch mèr langkoet ligke aan 't strandj
Ich vier de vastelaovend in mien Limburgs landj
Och, wat bèn ich bliej, dat ich neet zoa bèn wie die
Mit vastelaovend blief ich lekker hiej!

Wie dök wurt neet gedach, wie dök wurt neet gezag
Me mót de luuj toch mèr numme wie ze zeen
Dat is ein prima zaak, gein minsj is toch volmaak
Toch vraog ich mich sóms aaf: "Wo mót dat heen?"
Want es Limburger kèn ich neet begriepe
Dat ze mit die daag d'r tössje-oet gaon kniepe
't Liek mich sjterk dat ich mich noe vergis
Ze weite neet wat vastelaovend is!

Dan kómme ze trök, ze laupe op 'n krök
Jao, ze höbbe eine flinke roetsj gemaak
De zón, dat veel taenge, ze hauwe niks es raenge
Oere wachte aan de grens, d'r woort gesjtaak...
Nae, es Limburger kèn ich neet begriepe
Dat ze mit die daag d'r tössje-oet gaon kniepe
't Liek mich sjterk dat ich mich noe vergis
Ze weite neet wat vastelaovend is!

Refrein:
Och, wat bèn ich bliej, dat ich neet zoa bèn wie die
Laot mich mèr lekker vastelaovend viere,
Och, wat bèn ich bliej, dat ich neet zoa bèn wie die
Laot mich mèr lekker zónger latte zwiere
Laot ze auch mèr langkoet ligke aan 't strandj
Ich vier de vastelaovend in mien Limburgs landj
Och, wat bèn ich bliej, dat ich neet zoa bèn wie die
Mit vastelaovend blief ich lekker hiej!
Och, wat bèn ich bliej, dat ich neet zoa bèn wie die
Mit vastelaovend bèn ich weer d'r biej!

* cd: Dik Betaald BééVéé - " Hi, Ha, Ho, Circus Dik Betaald BééVéé " -Marlstone CDL9631


HOME PLAATSNAMENOVERZICHTHOME


ODE AAN ÓS BELZJE VRUNJ
2005/2006: Tekst & muziek: Jo Deusings & Koos Snijders - melodie: 't Vlaegelke (Jo Deusings & Koos Snijders)

Wat zeen veer greuëtsj op de Belzje
Oos vrunj oet 't Vlaamse landj
Veer kènne elkaar waardere
Daoróm hawt vas, dees vrundjsjapsbandj
Veer zeen oet 't zelfde hout gesjneje
Allebei altied optimis
Zeen euver mekaar dik tevreje
Tösje ós tweë geit noats-niks mis

Refrein:
Höf 't glaas en drènk mit ós in dit kefeeke
't Is zoa gezellig in ós stamineeke
Höf 't glaas en drènk mit ós in dit kefeeke
Van Brugge tot Genk, in Leuve, jao euveral

Eddy Merckx waor de groatste
Pol van Himst 'n supervedèt
Antwerp is 't allersjoanste
Ouch de Ardenne zeen zoa net
Wat veer mit dit leedje wille zègke:
'Veer gaon veur België door 't vuur'
Waereldsjtad, zèng mit ós dit leedje
Brèng ein ode aan ózze bèste buur


HOME PLAATSNAMENOVERZICHTHOME


‘T OLS DAT ZULLE VEER WINNE
Tekst : Koos Snijders - muziek: Jo Deusings
Uitvoerenden: Jo Deusings & Lei Meisen

Refrein:
‘t OLS,dat zalle veer winne.
d’n Auwe Limburger numme v’r mit nao hoes.
Nao ‘t defile geit ‘t fees beginne,
aan de sjeetsjtang maake veer ‘n voes.
De bolkes vleege om de oare.
‘t OLS, neij dat geit noojts verlaore.
En vannach zenge veer dees melodie:
Dit jaor zeen veer .... de beste sjotterie.

Marketensters, bielemen en auch de generaal,
pastoor of burgemeister, jederein sjpruk dezelfde taal.
Midde in de zomer zeen v’r allemaol biejein.
Wae dorf hiej te roope: "Os Limburg is zoa klein" ?
V’r zeen zoa greutsj, en auch nerveus ofwaal ‘n bietje bang,
v’r sjtaon te trille op os bein, en kieke nao de sjtang.
En vilt d’n Um ‘s aoves laat nog neet van zien sjtok,
gein probleem, euver zeeve daag zeen veer os weer trok.

Keuninginne, keizers en auch de commandant,
Alf, Mia, Nico, al die angere, aan de kantj.
Midde in de zomer, hiej op de sjottewei,
‘t allergrootste woord, aha, dat haet ozze Lei.
V’r zeen zoa greutsj, en auch nerveus ofwaal ‘n bietje bang,
v’r sjtaon te trille op os bein, en kieke nao de sjtang.
En vilt d’n Um s’ aoves laat nog neet van zien sjtok,
gein probleem, euver zeeve daag zeen veer os weer trok,


HOME PLAATSNAMENOVERZICHTHOME


OMKIEKE IS VERBAOJE
Limb.teks: Koos Snijders - meziêk: J.Deusings/A.v.Nuenen ("Facade")
Oetveurende (*) : Kepsj

Refrein:
Ómkieke is verboaje, me dènk allein veuroet.
Groate planne maake, wie os Limburg wurd verboewd.
Aan de toekómst dènke, dat is de groate trend.
Niks zal 't zelfde blieve, nei, wat tèlt dat zien de cent.

't Dörpsgezich mót wieke, alweer 'n autobaan.
Wo veldj waor, sjtaon noe dieke, 't auwe landsjap geit d'r aan.
De Graethei mot auch verdwiene, DSM greujt oet z'n jas.
Zal de zón nog wille sjiene, baove de grindj waterplas ?

De Oost-Westbaan mót d'r kómme, economisch belang.
Sjtraks kènne veer de kaorebloome allein van 'n teikening op 't behang.
Is 't aafbrokk'le nog te sjtoppe, in de bosj zeen de buim zoa kaal ?
Geit ales noa de knoppe, wo blif ooze Nachtegaal ?

* cd (1996) : Kepsj - "Keet in de boet"


HOME PLAATSNAMENOVERZICHTHOME


ONGER DE ROUK VAN DE KOEL
Tekst: Frans Derhaag - muziek: ?
Zang: Trio Uulebélkes

Refrein:
Onger de rouk van de koel
Langs de baenje

Jao dao veul ich mich pas heim
Want dao stjaon ich neet allein

Onger de rouk van de koel
Langs de baenje
Jao dao ligk mien sjoan en leeflik Awt Gelaen.

Al kom ich van de berg
Of oet de Sjteinerbosj
Der krup get in mien blood
Dat leuet mich neet miee los

Ut veult zich aan es heimwee
Nao eine lang vervloagen tied
En wat ich ouch prebeer
G'waer dat geveul in mich neet kwiet.

Al sjtamste neet van hie
Doe wurster ummer mit besjmet
Dat werm geveul stjruimt in dich
Veur das'doe dat wets.


HOME PLAATSNAMENOVERZICHTHOME


OP EIN ZOER GEZICH PAS GEIN MASKE
Tekst & muziek: Jo Deusings & Koos Snijders
Oetveurende (*) : Dik Betaald BééVéé

Refrein:
Op ein zoer gezich, neij-neij, dao pas gein maske.
Op ein zoer gezich sjteit gein inkel kleur.
Mit zo'an zoer gezich zeen ich gein kanse veur dich,
blifs dich allich ein sómber sikkeneur.

Kóm noe van dien plek, en kiek 'ns opgewèk,
d'r is gaaroets gein vuulke aan de lóch.
Gaef 'ns heel vlot gaas, angesj bits doe in 't graas,
sjpring eind'lik oet de boch.

't Nuujts sjpruk zich róndj, dae lach om diene móndj,
potverdrie, wat höb ich lang gewach.
Noe is de wèndj gedreijt, ich höb d'r jaore veur gebèijt:
Doe sjuts eind'lik in de lach !

* cd 2001: Dik Betaald BééVéé - " Achter de tuba aan " - Marlstone Recordings CDL 2041


HOME PLAATSNAMENOVERZICHTHOME


OP JEEDER PÖTJE
Teks & meziek: Jan Ridderbeekx & Wil Aendekerk

Ich höb häör leeère kènne, hiej op 't boerebal,
ging naeve häör in 'n heukske sjtaon, veer kaome aan de kal.
Daonao zeen veer gaon sjräöme en sjtiekem nao de gangk.
Veer sjmoezelde en foezelde de ganse aovend langk.

Refrein:
Op jeeder pötje pas 'n dèkselke, dat höb ich vreuger van mien mam geleeèrd.
Op jeeder pötje pas 'n dèkselke, bBegriep mich neet verkeeèrd.
Ens kómp geer de waore Jaocob taenge, dan krit geer van mich sjpontaan de zaenge.
Op jeeder pötje pas 'n dèkselke, dat zeet g'r waal aan mich en mien Mariej.

Veer goove ós 't jao-woord sjnel, pèsjtoar dae beijde veur.
't Waor 'n plaetje, doe en ich, och jóng ich hauw 'n kleur.
Nao 'n jaor waors doe get zjwaorder, dat waor waal get verdach.
Noe höb v'r zeeve poete, want ich höb doe vas gedach.

Ich zit noe 25 jaor al aan Marieke vas,
dèks in de zevende hemel, mer auch soms oppe kas.
Os sjräömke doon v'r ummer nog, 't geit neet meeè zoa sjnel.
Noe loester nog èns eine keeèr nao wat ich uch vertèl.

* cd: " Vastelaoveskokteel "


HOME PLAATSNAMENOVERZICHTHOME


OP MIEN MANEER
Teks: Jan Ridderbeekx - meziek: Wil Aendekerk

Refrein:
Zènge... dat is mien laeve,
da's mich van kèndjs-aaf aan mit gegaeve.
't Leefste zèng ich in mien Limburgs plat,
ich zèng euver dörp, mer auch euver sjtad.
Zènge... dat is mien laeve,
probeer ein boodsjap mit te gaeve.
Ich zèng euver alles en waer 't nooijts zat,
en doon dat in mien Limburgs plat.

Jedere vogel zungk wiej hae gebek is, en ich doon dat op mien maneer.
Jeder haet toch zien eige geveulens, jao, dao drej ich neet ómhaer.
Soms klink 't waal èns get treurig, dat heuèrt geweun derbie.
Soms zelfs waal èns get humeurig, mer meistal klink 't bliej.

Soms möste waal èns bäöke van 't lache, mer auch waal èns van verdreet.
Toch es 't sjlechte waer veurbie is, sjient de zón daoróm luuj geneet.
Jao ich gaon zèngend door 'laeve, dat heuèrt geweun bie mich.
Zoa blief ich mien leedjes brènge, ich veul dat es mien plich.


HOME PLAATSNAMENOVERZICHTHOME


OP MIEN SJLÓFFE
Tekst & muziek: Jo Deusings & Koos Snijders
Zang: Dik Betaald BeeVee

Veer braeke ós de kop euver van-al en euver niks
Op zo’n momente twiefels-te ofs-te nog waal richtig tiks
Dèks vraog ich mich aaf: worom toch? wat haet ‘t noe veur zin?
Num dich de tied, sjus wiej ich, zit ‘r neet euver in

Jedere keer is d’r waal get wo-ste wakker van sjriks
Dat is van die pille taege de sjtress diej-ste ummer sjliks
Hawt tich in ach, spooj dich neet, ’t kump wiej ’t kómme mót
Num dich de tied, sjus wiej ich, dan blifs-te boete sjot

Refrein:
Ich doon ‘t op mien sjlóffe, ich taffel toch zoa gaer
Zónger te ontploffe trampel ich door ‘t laeve haer
Ich maak mich neet gek, aan tied noojts gebrek
Al kump op zien peutjes terech
Op mien ellef-en-dertigste, niks euverhaos
Es ich kóm is jederein weg…

Luuster good nao miene raod, neij ich mein ’t neet sjlech
Kiek nao mich, sjlóf lekker mit, goaj dien laeve neet weg
Röstig noe! Ho-ho! Sjtop! Neet mit dien naas veuraan!
Num dich de tied, sjus wiej ich, dao is gein kunsje aan


HOME PLAATSNAMENOVERZICHTHOME


OP OOZE BOELEVAAR
1982: Tekst & muziek: Jean Savelkoul
Zang: Wim Leentjes

Refrein:
Op ooze boelevaar
dao loupe leefste maedjes
en achter eeder bar
dao höbste auch nog paedjes.
Op ooze boelevaar
dao sjteiste oet d'n trek
dao brenne sjnachs de lempkes
en dao löpste euverdèk.

De sjtóp sjteit vol prosessiepäöl
't zeen d'r auch nog taam'lik väöl.
Dao baovenop dao lik 'n daak
't is aan de hoezer vasgemaak.
Dao ónger loup v'r achterein
door de Waereldsjtad Gelaen.

Es de Prins mit ziene optoch trèk
dan sjtaon veer alle euverdèk
veur waer en wèndj zeen veer neet bang
want veer sjtaon altied eèsjte rang.
en kriege veer 't in de kop
dan kroepe veer baove drop.


HOME PLAATSNAMENOVERZICHTHOME


OP 'T PUNTJE VAN MIEN TÓNG
Tekst & muziek: Jo Deusings & Koos Snijders
Zang: Theater Vastelaovend

Refrein:
Op 't puntje van mien tóng,
zeen 'n paar weurdjes al die jaore blieve ligke.
Op 't puntje van mien tóng,
ligk heël get leefs, dat ich noats höb durve zègke.
Mèr vendaag sjreëf ich de lónge oet mien lief,
sjnap dich vas en roop dan keihèl "Sjat!"
"Doe bès 't aller-allerleëlikste auwt wief"
"Mèr zoaget sjoans höb ich nog noats gehad!"

Dien pukkele zeen afsjuwelik, dat brilke sjteit zoa dóm,
en dan dien bein, ojee-ojee wat zeen die króm.
'n Figuur wiej eine aolifant, 'n naas wiej ein zoer bóm.
Toch vraog ich óm dien handj, lèt op wat ich tich bróm.

Ich durf d'r om te wèdde, op 't auwt wieverbal,
bès doe de allerleëlikste, de leëlikste van al.
Toch hak ich de knoup noe doorm, 't löp oet de klauw,
en fluuster in dien oar, wat ich al jaore zègke wouw.


HOME PLAATSNAMENOVERZICHTHOME


OPA, KIEK ICH VONJ OP ZÖLDER
Tekst: Frans Derhaag - melodie: 'Zuiderzeeballade'
Zang: Trio Uulebélkes

Opa, kiek ich vonj op zölder
ein foto van den auwe mert
Veur dat me dem good verknaojde
Waor dae mert nog hieel get waerd.

Kiek ens nao die sjoan kafeekes
't raodhoes mit de lempkes aan
buimpkes wie ein kralleketting
zörgde veur ein ieere-haag

Dao bie den Doufpot.... dao sjloog de Vlaegel
Op eine Blaosbalg........ de Bieje weg
En Maximiliaan.............. zoat onger de Luifel
Van os Neerlandia........ en heel zich rech

Jao, want 't hart.... van mien sjtad
sjluit allein oppe mert
dae zich dao aan kuurt.... is Gelaen neet waerd
Och leeve opa..... ich mis de wermte
van dees auw foto's... wo is die haer
Zoa wie 't noe is......... is der geen zieel miee
't Gelaense hart dat is zoa...oa...oa.. kauwt en lae..ae..aeg.


HOME PLAATSNAMENOVERZICHTHOME


OPPE MERT SJTEIT WILLEMIEN
Teks & meziek: Thijs Arts & Ben Erkens
Oetveurende (*) : Ben Erkens

Oppe mert sjteit Willemien al jaorelank te kieke.
Gans ech, neet veur de sjien, al leët ze 't neet blieke.
Biej alles was-te deis, bedènk es-se dao sjteis.
Ze sjteit dich te bekieke, al leët ze 't neet blieke.
Biej alles was-te deis, es-se langs häör sjtandbeeld geis.

* cd : Ben Erkens - "Haol de sjpas mer oet de kas!" - Marlstone Recordings bv - 099018 CD


HOME PLAATSNAMENOVERZICHTHOME


OPPERUUL (Auwt Gelaen)
Tekst: Evelyne Koenen - muziek: Jo Deusings

Vandaag geis doe biej de Uule weg
Noe is ’t ech gedaon
Viefentwintig jaor is enne hele tied
Veer laote dich neet gaer gaon
Want ’t is toch sjiek en zeker heel uniek
Wies-d oe dien taak altied höbs vervöld
Nick bedank veur wats’te höbs gedaon
In diene geis zul veer wieër gaon

Refrein:
Opperuul, dit is dan noe de lètste keer
Es opperuul, ’t wurt zeker wènne toch vènge veer
Doe bès veur ós enne Uul in hart en zeel
Op ’n gooj meneer hools-doe de Uule in ’t gareel
Bès de man dae nemes nog ooit vergit
Opperuul; Weit wie deep ’t biej ós zit

Doe bès ’n boegbeeld hiej in Auwt Gelaen
Veur Nick haet ederein respect
Ummer zeer actief en enthousiast
Emes dae de kar altied trèk
Veer kènne ’t begriepe aan alles kump ’n ènj
Bedank veut wats-doe veur ós höbs gedaon
In ós hart blifs doe dan auch veurgood
Es opperuul veur ós besjtaon


HOME PLAATSNAMENOVERZICHTHOME


ÓS BÈSTE MEDESIEN
2007/2008: Tekst: Jo Stevens - muziek: Huub Lemmens
Zang: Pleyzengers

Refrein:
Lache, giere, brulle en veural väöl sjaele kal
Dat is veur ós ’t waeze van de echte karnaval
Lekker oet de bol gaon, ’t versjtandj gewoon op nul
Veer sjoengkele, sjprènge en veer make flauwe kul
Meh rope veer mit heisje sjtöm de lèste keër alaaf
Dan is die kwaol inèns weer trök en ligke veer weer aaf
Lache, giere, brulle en veural väöl sjaele kal
Dat is veur ós ’t waeze van de echte karnaval

Kiek ós ouwdjes hiej ‘ns sjtaon, sjtram in ’t gelid
’n Gans jaor langk höb veer gekreund, meh noe doon veer weer mit
Dae ganse tied höb veer geklaag van pien in elk gevrich
Meh kump de vastelaovend d’raan, dan klaort weer ós gezich, want…

’n Pilke hiej, ’n zejfke dao, las van derm en maag
De sjpataore, die sjtaeke weer, veer kume jederen daag
En es de vrouw ós neuëdig haet, verrèk veer van de jich
Meh kump de vastelaovend d’raan, dan klaort weer ós gezich, want…


HOME PLAATSNAMENOVERZICHTHOME


ÓS VASTELAOVESHART
2005/2006: Tekst & muziek: Henk Peters, Ben Erkens, Jo Deusings & Georg Bakx
Zang 1 : MisjMasj
Zang 2 : De Koel Klöppele

Refrein:
Klop dien hart veur de vastelaovend
Dan klop et auch veur mich
Klop dien hart veur de vastelaovend
Dan klop et auch mit dich
Al bèste driej daag 'n bietje beklop
Mit dien heudje, naeske en dien pruukske op
Es dien hart veur Limburg sjleit
Dan weit ich van besjeit!

Hiej in Limburg höb veer ós manere,
Klasjenere, gezèllig ammezere
Mit vastelaovend gaon veer veur de sjpas
Veer haole driej daag alles oet de kas!

Al mien leefde wil ich aan dich gaeve
Doe bès 'n maedje veur 't ganse laeve
De vastelaovend brach ós tweè biejein
Veer make driej daag sjpas mit jederein!


HOME PLAATSNAMENOVERZICHTHOME


DE PAP VAN ÔS WOOR ZWENTIBOLD
19??: ?

De pap van ôs woor Zwentibold,
de mam ein graasboerin.
En weer zeen dao de kenjer vanne.
Alaaf, waat ei gezin !

Refrein:
Blauw is oos blood, onthat det noe mer good !
Want de graasburgers, alaaf, die sjtamme van ne keuning aaf !

Jao, de keunigskenjer, det zeen weer,
en det is geinen droum.
Oos naobers hauwe nog velkes om,
doe hauwe weer al sjtroum !

Dae Zwentibold, den woor nen hëër,
dae drônk en peünde raak.
Toch höbbe ze van dae man bienao,
'nnen heilige gemaak !


HOME PLAATSNAMENOVERZICHTHOME


PATER CAROLUS (Pater Karel Houben)
2006: Tekst: Evelyne Koenen & Koos Snijders - muziek: Jo Deusings Zang: Evelyne Koenen

Ich weit `n kirkske in `n leef klein dörpke,
Es te zörg höbs mós te dao mer èns nao toe.
Wae wèt gebeurt d'r waal `n heel klein wónjer,
Kump `t gelök wie vanzelf nao dich toe.

Refrein:
Sjtaek `n kaerske aan bie Carolus,
`t Zal dich helpe, `t geuf dich mood.
Deil dien verdreet mit häöm in zien kepelke,
Veur das te `t wèts is al waer good.
Sjtaek `n kaerske aan bie Carolus,
`n Klein gebedje geuf mood en krach.
Laot dat kaerske gerös `n tiedje brenne,
't Vlemke hulp dich door de duust're nach.

Dao bie die meule is jederein welkom,
In dat sjoon kepelke, vlakbie de baek.
En es Carolus dich kènt helpe,
Zal Hae dat doon, mesjiens al bènne 'n waek.

In dat kirkske veuls te wermte, Zien krachte,
Prakkezeers te, dènks te neet aan de tied.
Jao Carolus nump dich mit in Zien gedachte,
Van dat kaerske kris doe geine sjpiet!


HOME PLAATSNAMENOVERZICHTHOME


PRINSHÉÉRLIK
Teks & meziek: Jo Deusings & Koos Snijders
Zang (*) : Soosiëjeteit Awt Prinse (=SAP)

Hiej sjteis-te dan es ózze Prins, zoa greuëtsj tösje ós in.
't Middelpuntj van de bóntje kringk, doe vollegs dien eige zin.
't Vollek, dat dreug dich op de henj, gein sekonde raaks-doe achterop,
sjtiks hoag baove jederein oet, lups vol bravoer veurop.

Refrein:
Prins bès-te drie daag, dat doet mer aeve.
't Geveul blifs-te waal hauwte, gans dien laeve.
Doe bès gekaoze en wils dien hart noe gaeve,
aan de vastelaovend van ós, van ós allemaol.

Te gek veur weurd, vertèl 't mich, 't geit väöl te vlot veurbiej.
Vanaaf esjelegoonsdig hings-te op in de foto-galeriej.
"Ozze bèste Prins!", rope alle luuj en dan dènks-te sjtilkes trök,
wiej 't gister waor, wiej-ste es Prins richtig sjtraoldes van gelök.

* cd 2001: Diverse artiesten - "Vastelaoves Virus deil 3" – Limbo Music/Telstar


HOME PLAATSNAMENOVERZICHTHOME


PUNK MARIE
Tekst & muziek: Marlies Notten
Zang: Marlies Notten

Refrein:
't Is neet normaal, 't is un sjandaal mien Punk Marie
wie zuuste oet? Gangk zoa neet droet mien Punk Marie.
Dae rok dae is toch vööl te kort
ich gaon neet mit ich sjaam mich rot
't Is neet normaal, 't is un sjandaal mien Punk Marie.

'n Gans einvoudig vruike bin ich zoa wieder zeet
ein hoesvrouw wie nog doezend die zuuste bie de vleet
Ich bin noe omgeschakeld en höb un nuuj gezich
met Harrie zaet: "Marieke loester ins nao mich".

De buurvrouw dreit de kop öm ze zuut mich neet mie sjtaon
de dochter zaet leef mamma wat höbste noe gedaon?
En gaon ich nao de winkel mit ketting aan de zie
dan reup de ganse buurt, kiek dao geit Punk Marie

De dokter zag Marieke gaef mich dat nuuj resep
doe lieks waal teen jaor jonger, wat haet dich opgepep?
De kapper kiek wie Blugher es hae mich zo zuut gaon
want mit ein sjieke spuitbus höb ich mien haor gedaon.


HOME PLAATSNAMENOVERZICHTHOME


RATELAERKE
Teks & meziek: Jos van Cleef & Godfried Huisman

Refrein:
Jao, mit dien ratelaerke en mien tamboerein,
brèng v'r jeeder oppe bein, al is t'r groat of klein.
Want mit dien ratelaerke en mien tamboerein,
hawt v'r jeederein biejein, van groat tot klein.

Es 't vastelaovend is, loupe veer gein denske mis.
Dan wille veer weer viere gaon, eer 't is gedaon.
Veer danse en v'r sjprènge róndj, auch al zeen ós vuit dan wóndj.
Mer löp 't taege twellef oer, dan zèg ich "mon amoer" ...

In dae vastelaovestied, raake veer dat neet meer kwiet.
Ummer wil v'r wiejer gaon, blieve nurges sjtaon.
Al sjoenkelentaere door de sjtraot, löp toch neemes oet de maot.
En sjleit 't klökske weer de twellef, dan zèng ich wie vanzellef ...

* cd: " Vastelaoveskokteel "


HOME PLAATSNAMENOVERZICHTHOME


RIO DE GELAEN
1993: Tekst & muziek: Angèle Kokkelmans-Baggen & Frans Ongenae
Zang: De Waereldsjtadkènjer

Refrein:
In Rio de Gelaen is vastelaovend
Dao waanse dich in Zuud-Amerika
Ze sjprènge van de mörge, pès d'n aovend
Oh la la, Oh la la, op de cha cha cha

Vâöl bèntje kleure hie, väöl bómtje kleure dao
't löp door-ein wie enne raegeboag
's Sjtad vol fantesie en jeeder heurt d'r bie
dat sjprik vanzelf, dat is gein vraog.
Neet aan de kantj gaon sjtaon
mer op die trommel sjlaon.
Laup in d'n optoch mit , dat hilt dich fit
doe bès de sjter vandaag, zoa mer op eine sjlaag
en neemes wèt woo-um dat in zit.

Een feeès veur jeederein, nou zuug dae kloon allein
sjpas aan zich zelf en aan die anger luuj
Wae dan nog sjtil blif sjtaon
dae kènt waal heivesj gaon
Hie wurdt gedans, noe pak dien kans
Zèt den versjtand op nul, vertèl met flauwekul
Ontsjpan de geis 'ns good, veur nuuje mood
dan is veur dich d'n daag, auch gans besjlis geslaag
en vanzelf kriebelt dan dien blood.


HOME PLAATSNAMENOVERZICHTHOME


ROAD, GAEL, GREUN
1999: Tekst: Denny Peys - muziek: Pierre Jansen

Elke daag weer wirke, van sjmörges vreug tot saoves laat,
centjes verdene, gölles of nog ènne knaak,
tientjes, viefentwintig, vieftig of nog meër,
wirk veur 't gezin, zoa geit 't keër op keër ...
Mér dan jao kump de tied, jidder jaor weer trök,
väöle bóntje kleure, dus maak dich mér neet drök.

Refrein:
Es alles road, es alles gael, es alles greun weurd,
dan kómme veer oet ós sjulp, is alaaf ozze hulp.
Es alles road, es alles gael, es alles greun weurd,
dan is 't zènge, sjprènge, carneval.

Carneval is viere, same of allein,
carneval is carneval, sjprèngend op de bein.
Drie daag sjminke of mit 'n maske op.
Carneval is carneval, Gelaen sjteit op de kop.
Deze sjoane tied kump jidder jaor weer trök.
Väöle bontje kleure, dus maak dich mèr neet drök.

Nao drie daag vastelaovend veule veer ós knäök.
De vastelaovendvoerder leët dan ènne bäök,
trök in 't normale ritme, daag in, daag oet,
lekker weer gaon wirke veur pap, de mam en de poet.
Mer èns dan kump de tied van drie dolle daag,
dan rope veer alaaf, alaaf, Gelaen in eërehaag.


HOME PLAATSNAMENOVERZICHTHOME


ROAZEGEUR EN MAONESJIEN
Frans van der Heijden - Jan Theelen

De reis va Venlo nao Mesjtreech ging ens door veljer, sjtad en sjteeg.
Doa woar niks aan te doon.
Me sjtobde hiej of doa 'ne keer gelökkig biej ei glaeske beer.
Zoa waar 't doe, wat wol eine minsj nog meèr.

Refrein :
't Waor de tied va roazegeur en maonesjien,
en Charel Lindberg vloog zien eèsjte vleegmesjien.
Helder water in de Maas, nemes sjpeelde doe de baas,
euver roazegeur en maonesjien.

Dèn orgels sjpeelde in de sjtraot, de luuj diej dansde op de maot.
En ederein waor blie.
En mit de kirmès "Bal publiek", de maedjes waore ekstra sjiek,
en veur drie cente danse op meziek.

Refrein :
't Waor de tied va roazegeur en maonesjien,
en Charel Lindberg vloog zien eèsjte vleegmesjien.
Helder water in de Maas, nemes sjpeelde doe de baas,
euver roazegeur en maonesjien.

En zelfs in dees moderne tied wurd ter nog heel get aafgevried,
Doa zeen nog sjtruuk genòg.
Men haed 't vruiger al gedoan, zoa zal 't auch waal wiejer goan,
en dat zoalang es Limburg blif besjtoan.

Refrein :
D'r is nog altied roazegeur en maonesjien,
D'r is niks nuuts aonger de zon, of waal mesjien ?
D'r is nog water in de Maas, daoveur zörg de "Grote Baas".
En auch veur roazegeur en maonesjien.


HOME PLAATSNAMENOVERZICHTHOME


SAME DOERT MER AEVE
1997: Teks & meziek: Ben Erkens


Sóms zeen d'r van die tieje, nae, dan kènste neet väöl lieje.
Me veult zich óngelökkig en allein.
D'r is mer ein remedie, kóm, sjei oet mit die kommedie !
En dènk mer zoa: Dat haet toch jederein
Nao wèntjer kump weer lente, dus wat maakse dich toch drök.
D'r zeen zoa väöl momente van get leefde en gelök ...

Refrein :
Same, och dat doert mer aeve, same, geit zoa sjnel veurbiej.
Genete van et laeve dat deiste noe en hiej.
Same hiej mit dich te laeve, same druime zie aan zie.
Ich weit et doert mer aeve, gelök geit gauw veurbiej.

Mer ach, d'r zeen auch tieje, jao, dan bèsse weer dae "blieje".
Zónger zörg en ozel aan de kop.
Neet meè neij en nökkig, veuls dich vriej en zeelsgelökkig,
en lachs óm dien verdreet en dien getob.
Dan sjient de zon, 't is lente ! Tied van leefde en gelök.
Geneet van die momente want ze kómme noaits meè trök !

Dus laot dich neet gauw kènne, laot et laeve dich verwènne,
biej alles waste deis en waste leès.
Laot de leefde dich ómerme en gelök dien hart verwerme.
Jao, maak van jedere daag e luchtig feès.
Want alles waste angere geufs aan leefde en gelök,
dat beste ech neet kwiet et kump vanzelf weer nao dich trök ...


HOME PLAATSNAMENOVERZICHTHOME


SIGARE
Limb.teks: Toine Strouken & Thijs Arts - meziêk: Migliacci & Modugno ("Volare")
Publ. : Curci Ed./Basart Ed.
Oetveurende (*) : Kepsj

Op 'n terras, gezellig mit dich in de zón,
kump 'nne kael en zoa is wie 't begón.
Pak 'nne sjwaegel en sjtik die roukbóm aan.
Tied veur de brandjwaer, noe kiek toch èns wat ènne sjwaam.

Refrein:
Sigare, oh, oh.
Bèndjes sjpaare, oh, oh, oh, oh.
Doe sjtinks 'n oer in de wèndj.
Sjnap neet dat eemes dat lekker vèntj.

Oet de móndj, oet de oare, oet de naas, jao helaas,
kump dae sjtank van dae vieze sigaar.
Jederein dae dat ruuk, raak bepaald neet verruk, zègk dat gerös.
En die vrouw, die get wouw, haet al sjpiet en vilt flauw nao ein kös.

Al dae rouk, dae hink zjwaor, dat is waor, nao 'n oer zit dae sjtank in dien haor.
Zónne Ha-va-na-sjtek, ruuk neet gek, zègk dat gerös.
En die vrouw, die get wouw, haet al sjpiet en vilt flauw nao ein kös.

Eine kael mit sigaar en colbaer hilt van dae ambiance dao ómhaer.
veult zich ech einen heer en hilt van dae sfeer, zègk dat gerös.
En die vrouw, die get wouw, haet al sjpiet en vilt flauw nao ein kös.

* cd (1996) : Kepsj - "Keet in de boet"


HOME PLAATSNAMENOVERZICHTHOME


SJAELE GAELE
2000: Teks: Pom-Manda-Lai - org. muziek: Hannie
Oetveurende: Pom-Manda-Lai

Kump-se toes nao 'ne daag hel wirke, haet die auw weer 'ns neet gekaok.
Doe verrèks toch van de honger, d'r wurt mèr weer get gehaold.
Wurt 't sjwarma, frit of pizza, nae dan toch mèr weer chinees.
En dan sjteis se veur dae balie, kiks dich sjael op die hoore lies.

Refrein:
Veer-en-dertig, (34), Neet te vraete, (neet te vraete)
Nummer zös, (nummer 6), Sambal bij, (Sambal bij)
Sjaele gaele, (sjaele gaele), Blif mer lache, (Altied Lache)
Neuge-en-zestig, (69), Get mèt vösj.

Babi Pangang, Nasi Goreng, Koe Loe Yoek, Haaievinnesop,
Bami Extra, Fou Yong Hay, Pisang Goreng, Heite Kip,
Gado Gado, veur 2 persoone, en biej alles gèt Saté,
Tjap Tjoi of Chineese Garnaale, alle Loempiaas vol Taugé,

Doe kumps toes mèt de hènj vol tuute, haet die auw nog neet èns gedèk.
Doe sjmits de kraom dan op de taofel, de poete vraete 't neet.
Nao 'n hawf oer mos'se sjiete, jao, 't-is alweer zoa wied.
Hoofs neet èns ech hèl te duuje en doe bès 't alweer kwiet.


HOME PLAATSNAMENOVERZICHTHOME


SJEI OET
Limb.teks: Ben Erkens - meziêk: DP.B.Kragting Jr. ("La Cruz")
Oetveurende (*) : Kepsj

Vreuger, es klein jungske, hauw ich ein doas "Mecano".
Dao sjpeelde ich zoa gaer mit, mer ich moosj "op piano" !
Oere repeteere, saame mit de juffrouw,
en maakte ich e fuitje, jao, dan zag mich die juf gauw:

Refrein:
"Sjei oet, sjei oet, doe zits ouch ummer d'r naeve.
Kiek good oet dien auge, esse neet dauge, zal dich e brilke gáeve.
Sjei oet, sjei oet, doe zits ouch ummer d'r naeve.
allein mit probere kènste et leere, zitste neet meer d'r naeve"

Nao jaore repeteere kaom ich biej dit orkes.
Geluif et mich, ich doon ouch wie d'n drummer good mien bès.
Mer sjpeel ich eine solo.

Ein, twee, drie ... heuèrste wie, ein, twee, drie ... dan effe sjtop.
Nóndepie, noe weit ich wie, mien partie ligk oppe kop.

Zoa geit 't in 't laeve, me mòt vanalles leere.
Mer lök 't neet direk, dan blief ich 't toch probeere.
Sóms sjleiste eine flaater, dan veulste dich heel klein.
Nae, trèk 't dich neet aan, al zaet ouch jeederein:

* cd (1996) : Kepsj - "Keet in de boet"


HOME PLAATSNAMENOVERZICHTHOME


SJEIVE DREK
Tekst: ? - muziek: ?
Zang: Sjeive Drek

Kom doog uns mit, mit Sjeive Drek
Pak dien gebit en doog uns gek

Al zin veer meug deep in de veuheut
Al zin veer blau van in de kau
Al zin veer zaat van oet ut vaahaat
Toch sjpele veer pès soaves laat


HOME PLAATSNAMENOVERZICHTHOME


SJEIVE DREK EIKEBAUM
Teks & meziek: Paul Donners
Zangk: Sjeive Drek

Refrein:
't Is eine eikebaum, 't is eine eikebaum,
De Sjeive Drek eikebaum.
't Is eine eikebaum, 't is eine eikebaum,
De Sjeive Drek eikebaum.

Es men in Daanikke wanjele geit, dan geluif men d'n auge kaum.
Doa veur aan, doa sjteit 'r dan: d'n aller sjoanste baum.
Hae is neet groat, mer hae is waal greun en hae is zoa iezersjterk.
't Is gein linj, 't is gein beuk en 't is auch geine berk.

De sjoanste klup van gans Gelaen, dat is toch Sjeive Drek.
Die sjpele gaer, die zinge gaer, mer 't zin waal zeiverzek.
Doa in dae boesj, dao in dae grondj, doa bie dae berg mit zandj,
doa hubbe die sjtremg zonger bezeij, eine eikebaum geplant.

En noe al joare later, is dae baum toch oh zo sjoan.
En al de luuj die zigke, wat hubbe ze dat fijn gedoan.
De aekheurnkes en de veugelkes, die zin toch oh zo bliej.
Mer wae aan ozze baum kump, dae goan veer aan die priej !!


HOME PLAATSNAMENOVERZICHTHOME


DE SJEPENE VAN EIJS
Tekst & muziek: Thijs Arts & Henk Steijvers
Zangk: Carboon

De sjepene van Eijs, die zaote 'ns te plenke
Óm veur 'n groat probleem 'n oplossing te bedènke
De kirk in 't dörp, die waor te hoag gelaege
En minder trappe op, dat waor waal eine zaenge
De sjepene van Eijs, höbbe neet lang gevreigeld
De kirk die moosj verplaatsj, dus dat waor zoa gereigeld
Onger in 't dörp, dao sjtóng ze sjtökke baeter
Dus moosj d'r get geduujd, hoagoet zo'n hónderd maeter

Refrein:
Ein, tweè, drie, dao gaon v'r weer!
En höp en duuj nog eine keèr
Ein, tweè, drie en höp en duuj!
De kirk korter bie de luuj

De sjepene van Eijs trókke daonao de berg op
En zatte einsgezind, hun henj taenge de kirk op
Ze duujde volle krach, de kirk die sjtóng erg sjtevig
Ze hele zich dao doe, de ganse daag mit bezig
De sjepene van Eijs, die waore neet vergaete
Óm jeder hauf oer d'n aafsjtandj nuuj te maete
D'n eine meinde dat de kirk al korterbie sjting
Angere geluifde neet, dat 't waal ech veuroet ging

De sjepene van Eijs, wolle dat zeker weite
En lagte veur de kirk, euver de ganse breidte
Hun kammezäölkes neer, es 'n saort van bake
Zo koosjte ze dan zeen, of ze waal ech veuroetgang maakde
Doe kaom d'r 'ne wirkman de kirketrap nao baove
En zoog de kammezäöl, mer geine wovan ze waore
Hae bedach zich neet, 't waor met eine erme
En noom de kleier mit, óm zien kènjerkes te werme

De sjepene van Eijs, die zaoge effe later
Gein kammezäölkes meè en preze God de Vader
't Waor hun toch gelök en dat is neet gelaoge
De kirk die waor inèns ein sjtök veuroet gevlaoge...


HOME PLAATSNAMENOVERZICHTHOME


SJLOK NEET UMMER
Tekst & muziek: Jean Savelkouls
Zang: George Bakx

Refrein:
Sjlok neet ummer aan de zelfde aan de zelfde bonbon
Sjlok neet ummer aan de zelfde aan de zelfde bonbon
Sjeij noe oet mit dat geleuter,
want missjien zeen die angere zeuter.
Sjlok neet ummer aan de zelfde aan de zelfde bonbon

Mien eejste leefde, dat is lang geleeje
En de tweede die is auch veurbiej.
En de derde höb ich neet gekreege.
Mèr de veerde is gewôre mien Marie

Kom ich zoon vreuger vlam nog waal ens taege
Denk ich “Hej dao höb ste in van die.”
Haet dat kèndj toch ein figuur gekreege.
En dan bèn ich weer gelökkig mit Marie.


HOME PLAATSNAMENOVERZICHTHOME


SJOKKELEND GELAEN
1950: Teks & meziek: Em. Paes & Hub Zelis
Oetveurende (*): George Bakx & CD koor

Es de Flaaris sjprèngend danst,
en de Flaarin zèngend sjanst,
eo de maon mit wag'le geit,
es de Flaaris sjokk'le geit.

Hot en haar en dan ens huuj,
sjokkel zoa mit alle luuj.
Boete, bènne euveral,
alle zale sjokkelbal.

Refrein:
Sjokk'le in 't Flaarisriek, is veur jeder, erm en riek.
Dae mer get te sjokk'le haet, es Gelaen Vastelaovend zaet.
Dan is 't weer Karneval, hiej en dao en euveral.
Sjokk'le, sjokk'le allemaol, sjokk'le in Gelaen.

Sjokkel zoa Gelaen get róndj,
road, gael, greun of kakelbóntj.
Sjokkel mit uch sjokkelpaerd,
van deeze hiej nao daene waerd.

Sjokk'lend door 't Flaarislandj,
walsend same handj in handj.
Mit väöl Vastelaoveszin
wie de Flaaris en Flaarin.

* CD 1999/2000 : Diverse artiesten - "Waereldsjtadconfetti" - Studio A Recordings SA 1199


HOME PLAATSNAMENOVERZICHTHOME


SJÖPJE
1996: Muziek: Jo Deusings - tekst : Koos Snijders

Refrein:
Sjnie aaf dat sjöpke beer, mien lippe zeen zo dreug.
't Buffet geit op en neer, van 'saoveslaat pès 'sjmurgesvreug.
Sjnie aaf dat sjöpke beer, maak de glazer hagelevol.
Sjeet op nog eine keer, Vastelaovend zit-in-miene bol.
Sjeet op nog eine keer, maak de glazer hagelevol.

Mit vastelaovend sjtruimp ós Limburgs beer, door 't kanaal en de kolkende Maas.
Veer sjuuvele op en neer, es 't mót drènk v'r beer oet 'n vaas.
De fanfaar en de herre-menie, blaoze drie-daag-achterein dees melodie.
De vlagge hange oet, Vastelaovend en sjtimmung in de boet. (2x)

Gein zörreg want veer duuje ós d'r door, in polonaise door de sjtad.
V'r danse mit-de-vrouwe-van-'t-dameskoor, 'n sjöpke beer mit miene sjat.
't Kapelke en de zaate hermenie, blaoze drie-daag-achterein dees melodie.
De vlagge hange oet, Vastelaovend en sjtimmung in de boet. (2x)

De Spatzen oet 't Palemiger landj laupe veurop van je retteketet-holée.
Ze maake sjpas en geine trammelantj, es 't mót marsjeere ze door de schnjee.
De Spatzen gaon veurop, van je ein-twee-drie, blaoze drie daag achterein dees melodie.
De vlagge hange oet, Vastelaovend en sjtimmung in de boet. (2x)


HOME PLAATSNAMENOVERZICHTHOME


DE SJOUTVOTTESJLAGER
2004/2005: Tekst & muziek: George Bakx

Henricus kump der oet
Dan sjtart de vastelaovestrein
Kömp sjtömming in de boet
Pak ederein zich good biejein
De Prins, dae löp veurop
Daonao de wieze Sjoutvot-raod
De vaan geit in de Top
Dan heurste in de sjtraot:

Refrein:
Ich bèn zoa greutsj dat ich ein Sjoutvot bèn
Hie sjteit nog ummer 't auwesjhoes.
Ich bèn zoa bliej dat ich de luuj hiej kèn
Dat deit mich good, ich veul mich toes.
Ich bèn zoa greutsj dat ich ein Sjoutvot bèn
Ich bèn mich zelf hiej aan de Kloes
Bes te Flaaris of Marotte;
Kom mèr sjnel biej de Sjoutvotte
Beste ech neet mea sjelloes

Ein Sjoutvot aan de Kloes
Dach lèts: 'Ich höb 't hiej gehad!'
Verkoch doe zien sjoon hoes,
Ging nao de Zittesje bènnesjtad.
Zoch dao nao zien gelök:
Heij nao ein waek al groate sjpiet
Kaom nao de Kloes terök
Wilt deze raod gaer kwiet:

En jeder jaor opnuuj
't is langzaam ein traditie, Ja!
Bezeuk de Prins de luuj,
Die wone in Odilia
Zie zeen dan heel erg bliej
Dan zuuste weer ein breije lach
Ze heure der ech biej
Dan wörd sjtilkes gezach:

Bes te Flaaris of Marotte;
Kom mèr sjnel biej de Sjoutvotte
Veulste dich wie oos hiej thoes


HOME PLAATSNAMENOVERZICHTHOME


SJTERRE PLÖKKE
Tekst : Gertje Roumen - muziek : Jo Deusings
Uitvoerende : Gertje Roumen

Veur uch wil veer de sjterre van de hemel plökke,
en ze veurzichtig in 'n glaze deuske doon.
Auch 't zunke en de maon es dat zou lökke,
zouw veer aan uch wille gaeve gans gewoon.

't Zunke zou uch eedere daag verwerme,
sjterkes sjtónge veur al uch wunsje klaor.
De maonesjien zou uch ómerme en besjerme,
de blauwe hemel hauw dao taege gein bezjwaor.

Mer sjterkes laote zich neet zoa mer plökke,
de zón en maon blieve hoog aan de hemel sjtaon.
Zolang de waereld al besjteit, zin die twee same.
Zónder hun hiejbaove zou de waereld gauw vergaon.

Auch de zón en maon höbbe waal ens kuure.
Dan raegent 't traone, mer daonao kump zónnesjien.
Zo is auch 't laeve, 'ne lange waeg vol avonture,
van numme, gaeve en sóms get water biej de wien.

Zolang de sjterkes aan de hemel blieve sjtraole,
zolang verleef zin wie 't zunneke en de maon,
zovööl gelök, dat wunsj veer uch waal doezend jaore.
Zo te kènne laeve, dat geuf zin aan uch besjtaon.

Veer wunsje uch 'n sjtraolend laeve.
Waer zo gelökkig wie 't zunneke en de maon.
't Sjteit in de sjterre wat 't laeve uch zal gaeve.
Laot de leefde nooits verlaore gaon.


HOME PLAATSNAMENOVERZICHTHOME


SJTILLE HAOP
Tekst & muziek: Ben Erkens & Math Schols
Oetveurende (*) : Ben Erkens

Es de stjof weer op is, dan moste weer aan de gang.
Mit dien lief geldj verdene, de aovend wurd weer lang.
Doe sjteis dao op daezelfde hook, leunende taenge ein moer.
Sóms wanjel se èns op en neer, wachtend, oer nao oer.

Sjtilkes haupe dat d'r neemes kump.
Neet mit te hoove gaon, och, laot mich hiej toch sjtaon.
Missjiens vènj ich dan eindelik de mood,
óm te sjtoppe mit dit laeve, mit dae rotzooi in mien blood.

De lampe van de waages sjiene vreg in dien gezich.
Doe zèts dienen sjoanste lach op, misjiens wille ze dich.
Doe kèns neet meè, doe bès kepot, wils eigelik nao hoes.
Dao sjpruk dich toch nog enne aan, doe bès nog lang neet thoes.

En este 's mörges thoeskumps, dan is diene eèsjte gank,
nao et kleint, dat ligk te sjlaope in de kaamer oppe bank.
Doe legks dich sjtilkes naeve häör gans dich taenge-ein.

Saame druime dat et angesj wurt,
neet weer te hoove gaon, om op dae hook te sjtaon.
Missjiens vènj ich dan eindelik de mood,
óm te sjtoppe mit dit laeve, mit dae rotzooi in mien blood.
(Kump alles nog 'ns good)

* cd 1998 : Diverse artiesten - " Laot de sjterre sjiene " - Marlstone Recordings BV - CDL 9865


HOME PLAATSNAMENOVERZICHTHOME


SJTOLZE VAERE
2007/2008 nr.1 : Tekst & muziek: Jo Deusings, Ben Erkens, George Bakx & Henk Peters
Zang: Misj Masj

Viefhonderd jaore geléé
Voort Columbus euver zee
En hae kaom in Amerika aan
Hae dach: ’’Zeen ich dat noe good
dae haet ein vaer, geine hood!”
En hae zag taege dae indiaan

Refrein:
Mit ’n vaer oppe kop
Jóng, dan veulste dich top!
Want die zaet dich: ’’Hie kóm ich vandaan!”
Löpste door dörp of sjtad
Ein sjtolz geveul geuf dich dat
Al bèste prins of geweun indiaan

Veur heèl väöl jaore terök
Brach die vaer ós gelök
Doe woort "Limburg" toch éch werklikheid
Mit ein vaer in de handj
Sjreef de prins van ós landj
Dae sjoane naam; woveur de zuderling geit

Veulste dich hiej opperbest
Of woonste dao in de ”Wild West”
Vastelaovend dat viere veer gaer
Et versjil is neet groat
Maak plezeer, geine noad
Draag die daag dan mit sjtolz auch dien vaer


HOME PLAATSNAMENOVERZICHTHOME


SJTRAKS IN DE HERFS VAN DIEN LAEVE
Tekst & muziek: Jo Deusings & Koos Snijders
Zang: Evelyne Koenen

Ich weit, doe zals mich neet vergaete
Ich veursjpel dich, oojt kris-te sjpiet
Eige sjöld, doe hejs ’t kènne weite
Ich blief in dien hart, veur altied

Refrein:
Sjtraks, in de herfs van dien laeve
Jao-straks dènks-te sjtil’kes aan mich trök
Aan de hartstoch dae ich-dich höb gegaeve
Aan dae sjoone tied van gelök

Dan zaes-te: hej ich häör mer noojt verlaote
Blifs-te dreuvig euver die gemiste kans
Löps-te sjnachs einzaam door de laege sjtraote
Op diene auwe daag, raaks-doe oet balans

Al de pien, die ích hej, is noe verdwene
Ouch de traone van mien verdreet
Doe ervaars sjtraks, dat de zon oojt haet gesjene
Wurste verdretig biej ’t heure van dit leed…


HOME PLAATSNAMENOVERZICHTHOME


DE SJTRAOTMUZIKANT
Tekst: Koos Snijders - muziek: Wilko Aendekerk
Oetveurende (*) : Dik Betaald BééVéé

Refrein:
Hae sjpeelt zien chanson d'amour, die leedjes mit vööl bravour,
getrouwd mit zien instrument, hae laef van zien talent.
Meziek in 't dörrepscafé, op sjtraot brungk hae varieté.
De echo dreug ziene klank, biej 't laupe van zien gangk.
Hae sjpeelt veur 'n kleinigheid, 'n lach of 'n vruntjelik woord,
en gooij-se haöm get in de hood, dan sjpeelt 'r 'n extra akkoord.
Hae sjpeelt zien chanson d'amour, die leedjes mit vööl bravour,
getrouwd mit zien instrument, hae laef van zien talent.

In Mestreech oppe Vriethof, in Remunj aan de Maas,
in de Zoepkoel van Venlo, galmp zien area.
Wieskes van vreuger, van d'r Lange Jan,
dae euver gans Haele kieke kan.

Op de Merret in Zitterd klink deep in de nach,
't leed van Gelaen mit 'n gulle lach.
'sj-Middigs in Kirchroa, biej 't beeld van d'r Joep,
't melodieke van Roda, d'r kloep.

* cd: Dik Betaald BééVéé - " Hi, Ha, Ho, Circus Dik Betaald BééVéé " - Marlstone CDL9631
* cd 2001: Dik Betaald BééVéé - " Achter de tuba aan " - Marlstone Recordings CDL 2041


HOME PLAATSNAMENOVERZICHTHOME


SJTUUR MICH TRÖK NAO LIMBURG
Tekst : Koos Snijders
Oetveurende (*) : Kepsj

Ich höb vööl gereis en vööl gezeen, op zeuk nao avontuur.
Gesjlaope in hotels, sóms goojkaup, dan heel duur.
Mèr wo ich góng (ging), en wo ich sjtóng (sjting), 't waor eu'vral aeve kil.
Sjtuur mich trök nao Limburg, dat is alles wat ich wil.

Tilburg is te röstig, Rotterdam vööl te drök,
't sjtrandj van Sjeeveninge, neij, dao vóng ich gein gelök.
Ze zègke dao in Holland: de Randsjtad is de spil.
Mèr sjtuur mich trök nao Limburg, dat is alles wat ich wil.

Refrein:
Sjtuur mich trök nao mien Limburg, sjtuur mich trök nao Limburg.
In 'n groate doos, mit van Gend en Loos.
Wat höb ich toch gedaon? Worom noe weggegaon?
Sjtuur mich trök nao Limburg, sjtuur mich trök nao Limburg.
Ich sjtaon in brandj veur mien heuvellandj.

Ich wil neet meej gaon zeile, want Loosdrech is te naat.
Ich wil auch neet meej sjaatse, in dat Heereveense gaat.
Amsterdam dat is veur mich 'n doevetil.
Dus sjtuur mich trök nao Limburg, dat is alles wat ich wil.

't Vriethof in Mestreech, of 't kesjteel van Gebrook,
Limburg is 'n paradies, tösje Vaols en Mook.
't Roesje van de bösj, daovan kriste toch 'n ril.
Sjtuur mich trök nao Limburg, dat is alles wat ich wil.

* cd (1994) : Kepsj - "Sjtuur mich trök nao Limburg"


HOME PLAATSNAMENOVERZICHTHOME


DE SJUUFTROMBOON
Tekst : Koos Snijders - muziek : Jo Deusings
Oetveurende (*) : Dik Betaald BééVéé


De bóntje sjtörrem road, gael, greun, vol vastelaovesvrunj.
Sjtap noe in, sjtel neet oet, want dat is toch zunj.
Veer walse euver 't heuvellandj mit ós hermenie.
Veer balanseere op de randj mit dees melodie.

Refrein (4x) :
Ich wil de sjuuftromboon, pak tich de saksefoon.
Gaef mam de babyfoon, veer gaon op sjtap.

Kaffee in en kaffee oet, veer hauwe op die kis.
Veer blaoze drie daag omdèt 't vastelaovend is.
Niks aan de handj, sjprèng oet de bandj, 't maske oet de kas.
En es awt wief of jónge jóng, of in de sjluppejas.

De foebalklup, de doeveklup gaon same door de sjtraot.
De vrouwebóndj, 't kirkbesjtuur marsjeere in de maot.
Erm of riek en dik of dun, 't sjoenkelt op en neer.
't Is carnaval, veer sjprènge róndj, alles waggelt keer op keer.

* cd: Dik Betaald BééVéé - " Met De Monika en de Sjuuftrombone " - Marlstone CDL9247
* cd 2001: Dik Betaald BééVéé - " Achter de tuba aan " - Marlstone Recordings CDL 2041


HOME PLAATSNAMENOVERZICHTHOME


SJUUVE EFFE SJUUVE
Teks & meziek: Miets Zijlstra-de Loo & Ben Erkens
Oetveurende (*) : Ben Erkens

Refrein:

* cd : Ben Erkens - "Haol de sjpas mer oet de kas!" - Marlstone Recordings bv - 099018 CD
* cd: Diverse artiesten - "Vastelaovend in Limburg 3" - Telstar TCD 100.859-2


HOME PLAATSNAMENOVERZICHTHOME


SWENTIBOLD SWENTIBOLDERRIEJ
Tekst: Herman Geenen - muziek: Huub Lemmens
Zang: Biejein Geraap

Refrein:
Opziej, opziej, opziej,
Hiej kump ein riej veurbiej,
Mit zien alle tegeliek,
ut Swentibolderriek.
Opziej, opziej, opziej,
Hiej kump ein riej veurbiej,
Op de maot van de meziek,
Oet ut Swentibolderriek.

Vastelaovend vier veer zo gaer,
Vleege derin al laot veer ein vaer,
Want zo zette veer alle zorg oet de knütsj,
Daarom zeen veer good gemütsj.

Humor, sjpas en kolder en kwatsj,
Dat zit biej oos hiej onger diej patsj,
Same zeen veer ein bietje versjlaaf,
Aan os Swentibold alaaf.


HOME PLAATSNAMENOVERZICHTHOME