HOME PLAATSNAMENOVERZICHTHOME


DE MAAS
Uit de revue "Grubbevors, mien dörp"
Tekst & muziek: Wiel Wijnen
Zang(*) : Shantygroep "Maashave" (solisten: Piet Driessen, Carlos Meerts, Wendy Heutjens)

Zitten aan de Maas, op en benkske aan de kant,
kiéke wie 't water, rustig aan, zuutjes aan,
al sinds ieuwe ziene waeg zukt door 't greune land.
Zitten aan de Maas, op en benkske aan de kant,
kiéke wie 't water ein is met 't land.

In de verte speule kinder, dagen oét met treiterzang,
durven haos wies in 't water, nae ze zien neet bang !

Vechte met de Maas, âs de zwaore raegen velt,
en 't zwarte water, herteloos, schaamteloos,
in de huús wil binnetrekke oet 't modderveld.
Vechte met de Maas, as de zwaore raegen velt,
en 't grauwe water zich zoë dreigend meldt.

Maar zoëgauw de zon dân doorbrikt, lokt aiweer 't avontuur,
trekt ôs weer dat keule water, trekt ôs de natuur.

Varen op de Maas, kapiteinspet op ein oer,
op 't breije water. Hiël bedaard geit de vaart.
Vân de kante zinge krekels in 'n zomers koër.
Varen op de Maas, kapiteinspet op ein oer.
Dich regeers 't water, dich steis aan 't roer.

Zuus 't landschap naevegleije, luëts dich zakken in de sIoés.
Straks zuls dich weer aan gaon legge, straks bis dich weer thoés.

Zitten aan de Maas, vechte met de Maas, varen op de Maas ...

* cd: Diverse Artiesten - "Grubbevors, mien dörp" - Hansofoon CDL 200103


HOME PLAATSNAMENOVERZICHTHOME


MAEDJE LEEF
Tekst: Riek Paulus - meziek Hans v.d. Brandt
Oetveurende (*) : Wooden Chain

Refrein:
Maedje leef, kiëk toch um dich hin.
Ut Iaeve haet toch ech vuûl gôds in zin.
Maedje leef, zuus-se ut neet in,
en traônke is ok duk en niej begin.

Ut waas op enne zomerdaag, al mennig jaor geleej.
Mien vriendje zag: "Nouw kôm is doenderbeej".
Ik schoof ok lekker taegen-um-aan, maar toch verschrôk ik mich,
want hae zag: "Ik hald ni miër van dich".

Ik heb um toch gevonde, de man wao ik vuûl um gaef,
en al hiël wat fijne jaorkes mei belaef.
Soms hebbe wee ôk trammelant, en ik traön op mien gezich,
mâr dan zaet, hae zagjes taege mich:

Ut laeve haj vur ôs allein al hiël waat moeis in zin,
met kinder um ôs hin en fijn gezin.
En kump mien dochter nao mich toe, met eur iërste klein verdreet,
dan zeg ik zach: "Vergaet dit leedje neet":

* lp: Onger os DC7090B
* cd: Onger os CD 7090DC


HOME PLAATSNAMENOVERZICHTHOME


MARIEKE DE WATS-STER
Tekst & meziek: Jose Vercoulen
Oetveurende: D.U.V

Refrein:
Zal ik dich 's teage diene kop aan klatse,
wats, wats, wats aan dien oëre flatse.
Det vind ik toch zoë fijn,
zoë krieg ik dich wâl klein.
Zal ik dich 's teage diene kop aan klatse,
Wats, wats, wats aan dien oëre flatse.
En hald ik mich dân keduük.
Dan houwse mich gewoën maar truuk.

Zeg kense ôs Marie, det is mich toch en truuj,
as det met vastenaovend aan d'n boemel geit.
Det kind det kûst zoëvuul, maar Jan, daen erme ziel,
dean barst dan alzeleave van jaloersigheid.
En steit ut beej 'n junske, dan wûrd hea ongerûs,
dan vrûg hea aan Marieke: "Zeg, hebse dea gekûs ?"
Dan zead zien vrouwke: Wat hadse dich gedach,
wetse wat ik teage dea heb gezag !

* cd : Gekke Maondaagsvereiniging De Plaggenhouwers - " 4x11, det ging vânzelf " - Grubbenvorster Carnavalsmuziek 82/88 ... 96/97 - The Famous Mudraod Studio's Grubbenvorst CD 9610


HOME PLAATSNAMENOVERZICHTHOME


MARLEEN
Teks en meziek: Hans v.d. Brandt
Gezônge: Wooden Chain

Refrein:
Who-ho-ho-ho Marleen, (Who-ho Marleen)
iddre kiër as ik dich seen (Who-ho Marleen)
Dan seen ik diene blieje lach, en prach
veur daag en nach (Who-ho Marleen)
Iddre kiër as ik dich seen Who-ho-ho Marleen.

Vraogend eugkes zoë blau (En zoë fris)
vertelle de minse al gauw (Hoe laat 't is)
Waat ze ech wille, nou nou (Daas ni mis)
Maar ik zwicht allein veur ein vrouw ...

Vleinde waördjes zoë schoën (Och leve schat)
met en verleidende toën (Zeg wilse wat)
Zien ech ni zoë boetegewoën (Daas pech gehad)
As mien eigen leefdesbetoën ...

Romantische denskes zoë fein (Nou opgelet)
met aaiende erm en bein (Zeg meug geej det)
Die gaeve ôs hertjes en sein (Daas dolle pret)
en bringen ôs leefde beejein ...


HOME PLAATSNAMENOVERZICHTHOME


DE MEGJES VÂN DE RAOD
2000/2001: Teks & meziek: Carlos Meerts
Gezônge: De Megjes vân de Raod

As d'n ellufde november, op de kalender steit,
dân weite weej wir vort: wie of ut klôkske sleit.
De Raod van Elluf dae haet: dukker 'n termién,
mâr soms dan meug se als aanhang ok aanwezig zien.

Refrein:
Weej zien de Megjes vân de Raod,
weej danse mei op iddre maot.
Weej zinge gaer en ok hiël bliej,
want ok de Megjes zien vân de partiej.

Kômme de mansluuj laat nao hoés, dan is ut vruiwke dao.
Ze vinde en gewillig oer en praote efkes nao.
Zöe geit ut wiej ut lets, dât is elk jeor ut zelfd,
mâr daoveur bisse en Megje vân de Raod van Elf.

Met ellukjeoren nie kreasie, in ôzze optôg mei.
Gezellig en idee bewerke, weej vinden altiëd grei.
En fijn boeketje, en kusmuulke, vur ä1 die extra was,
en nao aswoensdig, dän leet wir alles in de kas.


HOME PLAATSNAMENOVERZICHTHOME


MET DE TENT OP VAKANTIE
1992: Teks & meziek: Hans v.d. Brandt
Oetveurende (*) : Wooden Chain

Refrein:
Hoi, hoi weej gaon met de tent op vakantie.
Lekker zunke d'rbeej, lekker veugelkevreej.
Hoi, hoi weej gaon met de tent op vakantie.
Blieje snuutjes d'rbeej, Oooooo Holly-day.

Zelfs waer en wind, helt os ni taege,
iddreskier gaon weej d'r oet.
Hardstikke naat, vaan dae kalde raege,
zegs dich waers razzellende snoet.

Inheemse mugge die blieve kliere,
zelfs muggespray dae baat gen steek.
Tussen de lakens, zelfs roeije mieren.
Weej blieve heej, gen gesanik en gegreek.

Het sanitaire det kent gen luxe,
't blief behelpen net dae kaldendouche.
Ni permiteren achter en struukske,
dieverse "windjes" verfrissen de busch-busch.

* cd: Wooden Chain - " Proficiat " - Marlstone Recordings bv CDL 9212


HOME PLAATSNAMENOVERZICHTHOME


MET PAP OP STAP
2006/2007: Tekst: Xander Boers & Hans vd Brandt - muziek: Hans vd Brandt
Zang: Maaike & Hans (Handgraaf)

Refrein:
Met vastenaovend gaon weej same oét
Maf gekleid met en geverfde snoét
Dân bin ik efkes ni dae alde greek
Of ik dât megje,dât zoë op mooder leek
Dân zien weej dreej daag, gen
dochter en gen pap
Mâr vastenaoves gek,en gaon
weej gruüts op stap (2x)

Ik meug eur altiéd, nao d`n disco rièje
Oëit kwaam ik dao, âs zonne jônge bliéje
Lets zoog ik hand vân jonges op eur knie(je)
Dus bliéf ik thoés, dât wil ik toch ni zeen
As ik vur vastenaovend zwich
Dân kniep ik gaer en uigske dich………

Met ôs vriendinne praote weej euver pappies
Vân baove kaal eur buukskes al wât slappies
Lui op de bank, wil altied vroeg nao hoés
Daorum laot ik d´n alde leever thoés
Allein met vastenaovend ni
Dân joetse weej twië zônder keet……….


HOME PLAATSNAMENOVERZICHTHOME


MET VASTENAOVEND IS UT SCHOËN
Tekst & meziek: Piet(je) Straten, Roy Huys & Roel Alsters
Oetveurende (*) : de Gladiolen

Refrein:
Met vastenaovend is ut schoën, beej Gerard, Baer en Toën.
Da'n gaon weej op de lappe, met zien alle lekker stappe.
Met Gekke Maondig is ut wir zoë wiét, jao, dân is wir dae klugtiggen tiéd.

De joekskapel en de raod, det is d'n roeije draod.
Die gaon veurop ut ganse jaor, zônder eur geit ut fiës ni door.
Dus gaef die en lekke pôtje beer, want ze doon ut vur ôch plezeer.

Met alle Plagge heej beej-ein, och, wât vinde weej det fijn.
Weej zien toch zoé bliej met ôch, alle hendjes in de lôch.
De klug struimt âs door ut blood, och, wât zitte weej wir good.

De Plaggenhouwers - Grubbenvorster Carnavalsmuziek 95/96


HOME PLAATSNAMENOVERZICHTHOME


MEUG IK DEZEN DANS VÂN DICH ?
Tekst & meziek: Hans v/d Brandt
Oetveurende (*) : Margo Verbeek & Loek v.d. Liefvoort

Refrein:
Meug ik dezen dans vân dich, ut is Vastenaovend,
heb ik en kans beej dich, vur eine kiër ?
Meug ik dezen dans vân dich, ut is Vastenaovend ?
Wals met mich mei, geniet, straks geit ut ni miër.
Wals met mich mei, geniet, straks geit ut ni miër.

Vânaaf mien iërste dansles deej ik altiéd good mien bes.
En ik drink leever pilskes en luuster nao ut orkes.
Wiej kân ik dich now kriége, ik veul mich zò gans allein,
want same zien wal hiël vuül dinge dubbel leuk, dus fijn.

Ik dôch nag net, zal ik ut vur d'n iërste kiër mar doon,
wat môt ik met zò'n blieje meid verkleid âs enne kloon ?
Ik doon ut toch: Zeg luuster jông, kôm now is doën beejein,
want same zien wal hiël vuül dinger dubbel leuk, dus fijn ...

* cd : Gekke Maondaagsvereiniging De Plaggenhouwers - " 4x11, det ging vânzelf " - Grubbenvorster Carnavalsmuziek 82/88 ... 96/97 - The Famous Mudraod Studio's Grubbenvorst CD 9610


HOME PLAATSNAMENOVERZICHTHOME


MIEN KORTE ERMKES !
Tekst: Wout de Kievit - meziek P v. Steenvoorden
Oetveurende (*) : De Kroegzengers

Refrein:
Kriég now wat, mien erm zien te kort,
wât is d'r aan de hand, wât steit d'r in de krant ?
Ik kân de bôt'ram op d'n telder nimmer vinde,
ik kân ut pilske op d'n tap nimmer zeen staon.
Ik zeen de krant nag wal, mar ik weit ni wât d'r steit,
omdet ut laeze zônder brilke nimmer geit.

's Morges vroeg, dân velt ut krentje in de bus,
lang vur det ik ut vruiwke heb gekus.
Beej de koffie, dao slaon ik um dân aop,
en kiék mien vrouw aan, de wets wal, wiej en schaop,
want de letters zien zò klein, ik kiék wiej enne blieje,
en strek mien erm hiël wiët wies op mien knieje.

'K-waar d'r vroeg beej, waar al hiël flot aan d'n bak,
heb ut haof aan mennige schat gemâkt.
'K-heb de megjes met miene scherpe blik ,
allein met kiëke, beej bosjes al gestrik.
Mâr-det waas vroeger en now kàn ik die leuke bruudjes,
allein mâr zeen door vân die kleine ruutjes.

De Plaggenhouwers - Grubbenvorster Carnavalsmuziek 97/98


HOME PLAATSNAMENOVERZICHTHOME


MIEN PARADIESKE
Tekst: Wiel Hermans - meziek: Hans v.d Brandt
Oetveurende (*) : Wooden Chain

Mien hoës det spoës en roezemoës, 't snatert en 't kreijt.
Beej mich is altiëd aope hoës, met biëstig vuul leweit.
't Lôp hee rônd van kat wies hônd, mien waereldje is kakaelbônt.
d'n Haan rup op de neuchtermaag: "Waer wakker, plôk d'n daag"

Refrein:
Mien paradieske op aerde steit midde op de hei.
Waat greujt en bleujt is puur natuur, daozit ech alles mei.
Zôn paradieske op aerde, wie minnig mins zich wins,
dao is 't idder daag opnie ein linte symphonie.

De geitenboek en moder kloek, de ponny in de wei,
auk Miep de kiep en Fien de knien of Lei de pappegei.
Ik heb ze gaer heej um mich haer, beej zônnig of beej raegenwaer.
Ze ligge op de vinsterbank en lankaaf in de gank.

Beej 't fornuus zuuse de muus, de doëve op 't daak.
De spin die spint eur eige kruus, de poes wuurt weer geschaak.
Ik hald daovan met hert en zeel, dit dagelikse tafereel.
En moek d'n boek, dan vritte good, d'n aezel smoës ik "waer ens klook".


HOME PLAATSNAMENOVERZICHTHOME


MIENE NUMMER EIN
Tekst & muziek: Hans v/d Brandt
Oetveurende (*) : Wooden Chain

Dich bis veur mich de nummer ein.
De haes nao jaore, nog niks aan wert verlaore.
Dich bis veur mich de nummer ein.
D'n allerbeste is miene nummer ein.
Al tel ik op mien telmachien, met en controle-rol,
of doon ik de computer pien, 't geheugen is zoë vol.
Toch wil ik gaer becijfere, waat'se wert bis miene schat.
Ik tel, ik tel, ik tel mich suf, bis ontelbaar wert veur mich ...

Ik vroog ok enne taxateur, vaan kunst, jao, zelfs antiek.
Zien kennis stelde mich teleur, zoë apart waas ni uniek.
Toch wil ik gaer ens weite waat'se wert bis miene schat.
Ik schat, ik schat, ik schat mich suf, bis ontschatbaar wert veur mich.

Toen kwaam dae van de fiscus, ik ging has van de gaert.
Ik klaagde wellus-nietus, dich waas en vermeugen wert.
Dae kos mich zoë becijfere, ik veulde mich opgelich.
Ik betaal, ik betaaal, betaalde mich schael, maar ik betaal ut gaer veur dich.


HOME PLAATSNAMENOVERZICHTHOME


MOËIE PLEKSKES
Oet de revue "Grubbevors, mien dörp"
Teks & meziek: Wiel Wijnen
Gezônge (*) : Wendy Heutjens & Ron Muijres

Wetse nog wie's dich mich mei noms, 's middaags nao 't Vullingsplein,
ônder hoëge buim beej 't kiosk, op 'n benkske naeveein.
Breidenbach stônd gruets te prônke naeven ôs gemeintehoes.
Op die moëie plek, dao op 't plein, veulde weej ôs ech gans thoés.

En daen daag dât weej dao zoote, aan de baek van Kaldenbrook,
wao d'n buizerd stistond in de loch, toen inens nao ônder dook,
wao de paerd met jônge vulkes zôchten nao't fijnste graas,
toen zags dich: "Ik weit gen and' re plek wao ik nou nog lever waas."

En toen letsaan in 't park, beej 't standbiéld van de non,
huurde weej vanoét de kloëstertuin kIökskes van 't carillon.
En toen same, erm in erm, door 't Iaantje naor de Steegh,
wao destiéds ôs mam van ôzze pap 't alIeriërste kusje kreeg.

Tusse greune sperjespluume, die in lange rieje staon,
wao ik indertiéd âs staeker nog pienlijk lang gebukt môs staon.
Allemaol die schoëne plekskes zoogs dich al zoë duk met mich,
en toch weit ik elke kiër opniej: "Leeve schat, ik hald van dich!"

Grubbevors. heej wiI ik altied bliéve, Grubbevors, heej wil ik altied zien.

* cd: Diverse Artiesten - "Grubbevors, mien dörp" - Hansofoon CDL 200103


HOME PLAATSNAMENOVERZICHTHOME


DE MOËISTEN TIËD
Tekst & meziek: Hay Verbong
Oetveurende (*) : de Kroegzengers

Refrein:
De moeisten tiëd, dât is toch karneval,
dân zuusse minse, wir euveral.
Ik huûr meziek in alle straote,
d'r hingt en sfeer waoeuver minse praote.
Zing ik en lied, dân met en blaosorkes,
en schient de zôn, dân duit die wal de res.
Dit waas toch wât ik zôg, de lente in de lôg.

Ik koch mich enne jas vur vastenaovend.
Hae pas mich nôw meschien nag vur vânaovend.
Of doot mich mâr en ves, dân pak geej ôg de res.
Zoe kân ik toch mien cente, nag altied in de tes.

Wât kôs me dit jaor vuúl in de boëtelôg.
De zôn goof ni op en haet ôs duk bezôg.
Dât kump mich good vân pas, en gaon nao en terras.
Dao bliëf ik dân wal zitte, en ok nag zônder jas.

* cd : De Plaggenhouwers "Klug is ni te kaup (Grubbenvorster Carnavalsmuziek 92/93 - 94/95)" - Hansoƒoon CD 9410


HOME PLAATSNAMENOVERZICHTHOME


MONICA
1992: Teks & meziek: Hans v.d. Brandt
Oetveurende (*) : Wooden Chain

Refrein:
Monica, Monica.
Dich zei's: "Heej Hallo"
Ik dach: "Hola Lala"
Monica.

Ik zoog ze staon en vroog waat zeej wou drinke.
Daat leek mich toch en orgineel idee.
Ut schoot mich oet, geej had ut kunne dinke,
midden in eur decollitee.

Oeit keek zeej vremd, ik kos d'r ni aan wenne.
Ze deej ok raar maar ik doch nog: "nou ja".
"Hola hendjes thoes" zeej mos mich waat bekenne,
't waas de twieling zus, want dao kwaam Monica ...

* cd: Wooden Chain - " Proficiat " - Marlstone Recordings bv CDL 9212


HOME PLAATSNAMENOVERZICHTHOME


MORGE (IS VANDAAG ALLANG WAER GISTER)
2004/2005: Tekst & muziek: Hans v/d Brandt
Zang(*): Wooden Chain

Refrein:
Morge (Morge), Morge (Morge)
Morge is vandaag allang waer gister
Morge (Morge), Morge (Morge)
Morge is vandaag verleeijen tied Dus aopen nou en positief register
Dus aopen nou dien auge/hert waagewiet
Morge (Morge), Morge (Morge) Morge is vandaag verleeijen tied

Zit ut dich, waer ni mei
Zit ut dich waer taege
Luk ut dich ni eintwiedreej (Ein, Twie, Dreej)
Tel d'r nou maar ni-mier op
Gaef vandaag de zaege
Gaef dich zelf maar vreej... (Heej!)

Wilse wal, geit ut ni
Gaon daan ni forceren
Zet de knop op Stand-by (Ein, Zwei, Drei)
Geit ut waer, geit ut snel
Zonder permitteren
Zonder vuul ge-aij... (Hi!)

Waat is nou eine daag
Op dien ganse laeve
Wat boeijt 't dan, "Boe noch Bah"(Un, Deu, Troi)
Bekiek ut van de gooije kant
Bekiek ut as gegaeve:
"Nao heisa kump hopsasa..." (Ha!)

* 2-cd 2004 : Wooden Chain - "De beste winse" - CDL 2415


HOME PLAATSNAMENOVERZICHTHOME


DE MUUGE
1987: Teks & meziek: René Hermkes
Gezônge (*) : René Hermkes

Refrein:
Wât bin ik toch muug, mâr ik gaon ni nao bed,
want 't is nag zoë vruug, en ik bin heej mâr net.
Ik zeen straks nog wal, wie ik toës kômme zal,
want 't is zoë gezellig op dit Gekke Maondigs bal.

Op Gekke Maondig zeg ik wir alaaf,
vân 's morges ach oor, de gansen daag door.
Mâr is 't 's aoves elluf oor gewaes,
of elluf euver elluf, dân zech ik mich zelluf:

En mit vastenaovend gaon ik wir,
precies aeve dol, want dât hald ik good vol.
En wûrd 't mich soms toch efkes te vuul,
dân gaon ik nach neet, want dân zing ik mien leed:

* cd : De Plaggenhouwers "Zeuk ut ni te wiéd (Grubbenvorster Carnavalsmuziek 83/88 - 95/99)" - The Famous Mudraod Studio's Grubbenvorst - Hansoƒoon CD 9811


HOME PLAATSNAMENOVERZICHTHOME


MUZIEK
1992: Teks & meziek: Hans v.d. Brandt
Oetveurende (*) : Wooden Chain

Refrein:
Muziek, dich bis d'n allerbeste vrind van mich,
en symphonie van: "Schat ik hald vaan dich".
Ik ken ni zonder muziek.
Muziek, dien hert straalt immer waer laevesvreugd,
dien sympathie deut mich iewig deugd.
Ik ken ni zonder dich muziek.

Mien dagelijks humeur, krieg en aangepaste kleur.
En wilt geej weite wie ?
Door de juuste melodie, door de juuste melodie.

En raegenbuuj verdwient, zoëdet 't zunke schient.
En geej zult weite wie ?
Door de juuste melodie, door de juuste melodie

* cd: Wooden Chain - " Proficiat " - Marlstone Recordings bv CDL 9212


HOME PLAATSNAMENOVERZICHTHOME


NAATE ELLEBAOG !
Tekst & meziek: Francien Frencken
Oetveurende (*) : Dora & Grada

Refrein:
Ik heb las vân enne naate ellebaog, ik weit ni wie det kân.
Wiej kôm ik toch aan dae naate ellebaog, ik snap d'r niks miër vân.
lederein zal now wal zegge det ik det verzin en ok ni druüg achter de oêre bin.
Mâr wiej kôrn ik, det blief de vraog, aan dae naate ellebaog.

Weej halde op d'n tiéd vân en verzetje, en gaon dus gaer en aovendje op stap.
Mar wiej det meistal eindigt is gen pretje, door det plekke aan d'n tap.
Dân veule weej det kalde, wao weej gaar ni van halde.

Jao, Sjeng dae kump-se dan ok dukker taege, dae zakt ok gaer is lekker effe door.
Mâk hae ut laat, dân wördt hae hiël verlaege, want zien Truuj kiek dan hiël zoor.
En vult zeej naatigheidm, dân rup dae Sjeng geheid ...

De Plaggenhouwers - Grubbenvorster Carnavalsmuziek 97/98


HOME PLAATSNAMENOVERZICHTHOME


NAO DE KERMIS
Tekst & muziek: Hans v.d. Brand
Oetveurende (*) : Wooden Chaint

Wee gaon met z'n allen nao de kermis toe,
en lache nao de minse, zwaaje toedaloe.
"Wie geit 't och, wae had daat gedoch",
euveral ruukse de gebakken loch ...
Weej gaon met z'n alle nao de kermis toe,
weej groete idderein zegge kiekehoe.
Gok en win, men haet gooije zin,
en kermis geit d'r altied in.

Eine kier per jaor striekt de kermis neer,
en gaeve aan 't durp en hiel aparte sfeer.
De familie kump alle in 't niej,
't durp haet zien reunié.

Dan met z'n alle nao 't matinee.
Da kastelein lacht, hae is diek tevreej.
Danse, zinge, lache en de jeugd uigt vrek,
en durp is nôg lang ni gek.


HOME PLAATSNAMENOVERZICHTHOME


NI MIËR EN NI MINDER
2008/2009: Tekst & muziek: Rene Verschueren
Zang: De Toddezek

Refrein:
Ik gaon ni miër, ni miër, ni miër
Mâr ok ni minder.
Vastenaovend kân ni zônder mich!
Ik zeg taege dich: "Ik bin d’r beej".
Ik gaon ni miër, ni miër, ni miër,
mâr ok ni minder.
Knûp de lakes oét de raam,
Aan de kant, ik kom d’r aan.

Ik blief dit jaor ens thoës
dât haj ik ech belaof.
De prikkeldraod dae loog
oét veurzörg in d’n haof.
De achterdeur die woort
gebarricadeerd.
Toen heb ik mâr gewoën
de veurdeur geprobeerd.

Ik probeer ut elk jaor,
mâr zônder mich geijt ut ech ni door.

Ik ging in therapie
dât waas de letste haop.
Loog dao op die bank
veel geliék in slaop.
Ut waas de meujte waerd
al haet ut wât gekos.
Dae zielekniéper zei:
"Dich hes en raedje los".

Ik probeer ut elk jaor,
mâr zônder mich geijt ut ech ni door.


HOME PLAATSNAMENOVERZICHTHOME


NIKS DOON
1992: Teks & meziek: René Verschueren
Oetveurende (*) : Wooden Chain

Refrein:
Niks doon, oet die schoon,
langoët op de bank, met de krant in de hand.
Niks doon, oet die schoon, det haj hae wal verdeend.
Niks doon, oet die schoon,
langoët op de bank, met de krant in de hand.
Niks doon, oet die schoon, det haj hae wal verdeend.

Noeit zoej zeej um verlaote, toch haj zien vrouw beslaote,
um same met vriendinne en weekend weg te gaon.
Pap zoej op de kinder passe van nao schoel gaon tot "ik mot plasse".
Ut laeve van de hoesman kwaam um toch zwaor te staon.
De ganse daag maar renne zien kinder te verwenne.
Weltruste met enne kus dan begos veur um de rust.

Wasse, strieke, kaoke en stiekum toch maar haope,
daat ut neet mier lang zoej deure veur mam waer thoes zoejzien.
Hae haj ut noeit geweite d'n hoeshalt daat is zweite.
Zien dochter waas gevalle, kos ni slaope vaan de pien.
De ganse daag maar renne, zien kinder te verwenne.
Weltruste met enne kus dan begos veur um de rust.

* cd: Wooden Chain - " Proficiat " - Marlstone Recordings bv CDL 9212


HOME PLAATSNAMENOVERZICHTHOME


NOËIT MIER ALLEIN
Tekst & muziek: Hans vd. Brandt
Oetveurende (*) : Wooden Chain

Noëit mier allein, daat klinkt zoë fein,
maar vraog ni bang "Hoe lang ?".
Noët mier allein, daat is zoë fein.
't Laeve biedt, dus geniet.

Ik weit in nog good, ik waas gezwich.
Ut klonk idioot, blief altied beej dich.
Dich zei's opens, Zeg noëit, noët, noëits,
en zoe vervloog iets moeis.

Ik halt voort reserve, maar bin ni bang.
Ik laef of ik sterf, al nao gelang.
Want ik ontheelt, Zeg noëit, noëit, noëits.
Veurste ut wets vervluug iets moeijs.


HOME PLAATSNAMENOVERZICHTHOME


O O MATHILDE
Tekst & meziek: Hans v/d Brandt
Oetveurende: De Blauwkop

Refrein:
0, o, Mathilde, ik woej ik wilde,
zoe gaer nag eine kiër, mâr lifs nag miër.
0, o Mathilde, ik woej ik wilde,
zoe gaer nag eine kiër, mâr ja, dât meug ni miër.

Ik kôs mienen dreij nag ni vinde,
wie ik dich in en hukske zoog staon.
Enthousiast vertel ik steeds mien vrinde,
wie ut mich dreej daag haet vergaon.

Weej fiëste as kienger dôr de straote,
en verkleid as boër en boërin.
En weej leete de minse mâr praote.
dreej daag waar-se mien beste vriendin.

Mâr good dât ut ens is aafgelaupe,
anders woord ut fiëste nag 'ne sleur.
Vân de bank môs ik dân ut hoes verkaupe.
Eure mins wees mich vierkant de deur ...

* cd : De Plaggenhouwers "Klug is ni te kaup (Grubbenvorster Carnavalsmuziek 92/93 - 94/95)" - Hansoƒoon CD 9410


HOME PLAATSNAMENOVERZICHTHOME


OCH DIERBAAR PLAETSKE
1985: Teks: M. Wijnhoven-Berkers & Sraar Willems - meziek: Piet v. Bree
Gezônge (*) : Els Aarts

Refrein:
Och dierbaar plaetske, heej wao ik woën,
um heej te laeve, och wât is dât schoën.
Ik wil ut zinge oët volle bors:
De vins gen plaetske zoë as Grubbevors.

As weej in de zomer zoë is same wand'le gaon,
zeen weej op ôs beddevelde al dae sperjus staon.
Laupe weej dân langs dât smale pedje naor de bös,
vinde weej al wandelend daor in die bös wât rös.

Kiëk is wie dun dauw daor euver al die weije hingt.
Huür is wie de nachtegaal daor in de verte zingt.
As weej dân beej Roeffe Mart is efkus bliëve staon,
zeen weej bliëste, kinderspeule hiël fijn same gaon.

* cd : Gekke Maondaagsvereiniging De Plaggenhouwers - " 4x11, det ging vânzelf " - Grubbenvorster Carnavalsmuziek 82/88 ... 96/97 - The Famous Mudraod Studio's Grubbenvorst CD 9610


HOME PLAATSNAMENOVERZICHTHOME


OËTGEKNIKKERD
Tekst & muziek: Hans vd Brandt
Oetveurende (*) : Wooden Chain

Maar het dreijt steeds um de knikkers, deet is nou net de pest.
't Liêke liêke pikkers, en ze verdeilen snel de rest.
Ze schôppe dich veur de scheene, asse nog dien wonde liks.
Want aafgunst mosse verdeene, en mitliej ... daat kriesse veurniks !

De groete vaan de schoël, die knikkerden, ut waas en prach.
Zeej speulde iërste vioël, zeej hadde pas ontzach.
Hae wou zich hiel gaer maete, kocht 10 knikkers vuur eine cent.
Hae zou het noeit vergaete, vernederd as kleine vent.

Al vechtend woort hae sterk, hae zog ut hoeger op.
Op schoël, daonao zien werk, zien ster steeg ten top.
Ens waas zeej oëtgeflikkerd, door recessies ten einde raod.
Hae woort d'r oëtgeknikkerd, stond met niks waer op de straot ...

Hae vocht, ging door en won, vuul geld en jaloezie.
Waat ie ech ni weite kon, waas zien eige ironie.
Want zien rikketikkerd, dae heelt d'r plots mei op .
Veurgood waas hae oètgeknikkerd, hiel ut durp stond op de kop.


HOME PLAATSNAMENOVERZICHTHOME


OLÉ, OLÉ
Teks & meziek: Hans van den Brandt
Oetveurende: Margo Verbeek

Refrein:
Olé, olé, olé, olé, weej viere Gekke Maondig.
Olé, olé, olé, olé, dân veule weej ôs lekker vreej.
Dus ruil dât dreuvig snuutje vur enne gulle lach,
dât guf dich nieje laeveskrach.
Dân waar ik ef dien bruudje, wât hâj-se dich gedach,
en dân fiëste weej âs echte Plag.
Olé, olé, olé, olé, weej viere Gekke Maondig heej.

Weej zien mâr altied bezig en gunne ôs gen rus.
Weej zien ok noëjt aafwezig, weej laeve hiël bewus.
Toch zuuj-se dich vergisse, en dât zuuj jaomer ziën.
't Moëjste fiës te misse, dât duit toch iëwig piën.
Dus zing oët volle bors, op 't fiës vân Grubbevors ...

De môs 't is mei make, de speuls toch altiëd kiet.
Dân pruf-se al die smake, die Gekke Maondig biedt.
Wât kân 't geld dân bômme, dien hertje, dât is vol,
want nemus huurse grômme, dôr de leefde en de lol.
Dus zing oët volle bors, op 't fiës vân Grubbevors ...


HOME PLAATSNAMENOVERZICHTHOME


OPA ZIENE OPA
Tekst & muziek: Hans vd. Brand
Oetveurende (*) : Wooden Chaint

Zeg opa, wae waas opa ziene opa ?
Wae wae waas hae ?
Zeg opa, wie waas opa ziene opa ?
Wie wie waan ie?
Hae waas net zoè wie dich,
en hae waas net zoe wie mich.
Veur honderd jaor terug,
had hae net zo'n gezich.
Zeg opa, wae waas opa ziene opa ?
Wae wae, wie wie waas ie ?

De jeugd, die ken dich soms waat knulligs vraoge.
Wae wet wal wie, wae waat waar ?
Wal doezend kier blieve die mich plaoge.
Och, vraoge ut diene opa zellef maar.

Waas ie vlot of waas ie enne traoge ?
Deej dae domme dingen door d'n drank ?
Dien vader hofse nou niks mier te vraoge,
dae snurkt al oorelank op de bank.


HOME PLAATSNAMENOVERZICHTHOME


ÔS DÖRPKE
Tekst: Ton Stoot - meziek: W. Knipa

Refrein:
Ut moeijste en ut beste, al velt ok soms en traon,
vât is ôs dôrpke, wao weej gruuts op gaon.
Heej zien weej bliej, ok al is de lôch neet blauw.
Ôs klein te kriëge, dât lukt toch neet zoë gauw.

Grubbevors, mien dôrpke, dât is hiël wât mans.
In vreugde of mizaere guf ut ôs en kans.
Zit ut ôs is taege, haet me vrinde heej.
Is dur wât te viere, zien ze ok dur beej !

Tuinfiës in de zomer, scheete in de wei.
Is dur wât te viere, doon weej ok wir mei.
Wurd dur dân gezônge, vân dit dôrpke heej,
dân is me al tevreeje en daorum zinge weej:

* cd 9811


HOME PLAATSNAMENOVERZICHTHOME


ÔS HALDE ZE NI TAEGE
Tekst & meziek: Sraar Willems
Oetveurende (*) : Raod vân Elf

Refrein:
Plaggenhouwers zien weej gaer, ôs halde ze ni taege,
bliëve altiëd in de waer, ôs halde ze ni taege.
Nemus dae ôs heej nag stop, weej gaon mâr door,
allemaol same, tot ut letste oor.
Plaggenhouwers zien weej gaer, gluif ôs nôw mâr.
Ôs halde ze ni taege, ok al duit me nag zoë raar.

Ens per jaor, iërlik waor, zien weej ni te kiëre.
Hand in hand, oët d'n band, Gekke Maondig viere.
Groët en klein, biëstig fijn, same dân op paad,
en um dât te liere is ut noeit te laat.

Vroeg of laat, druüg of naat, weej zien ni te halde.
lederein op de bein, d'jônge en de alde.
Zoe gaon weej, lekker vreej, dôr ôs Plaggeland,
en um dât te halde, gaon weej hand in hand.

* cd : "Ôs halde ze ni taege (Grubbenvorster Carnavalsmuziek 91/92)" - Hansoƒoon


HOME PLAATSNAMENOVERZICHTHOME


ÔS HALDE ZE NI TAEGE
Tekst & meziek: Hans v/d Brandt
Oetveurende (*) : de Blauwköp

Refrein:
Nae ôs halde ze ni taege, ni taege, ni taege.
Nae ôs halde ze ni taege, nl taege, nae dât lukt ôg noeit.
Want weej zinge en weej springe, make vuul plezeer,
en weej drinke of weej pinke aan en pötje beer.
Nae ôs halde ze ni taege, ni taege, nae dât lukt ôg noeit.

Weej, alde weej halde nôw al zoëvuul jaor,
vân die vastenaovesdaag.
En recessie, depressie, is toch gen bezwaor,
ok al drukt dit op ôs maag.

Nao raegen kump toch zônneschiën.
D'n baog môt oeit ôntspanne zien.

Wie griëzer, wie griëzer, weej liëre ieder jaor,
vân dees vastenaovesdaag.
Kôm same beame, ok die daag dao nao,
as en sprookje vur ennen blaag.

* cd : "Ôs halde ze ni taege (Grubbenvorster Carnavalsmuziek 91/92)" - Hansoƒoon


HOME PLAATSNAMENOVERZICHTHOME


OS PLEKSKES AAN DE MAAS
Tekst & meziek: Hans v.d Brandt
Oetveurende (*) : Wooden Chain

Refrein:
Jao, weej hadde zoe ôs plekskes aan de Maas,
wao ut durp loog te zonne in ut graas,
wao de allerierste zwemles begôs,
wao de jeugd avontuurlijk flirte kôs.
Die daag leeke eindeloos te deuren,
maar d'n tied, dae vloog stiekem zoë veurbeej.
Wao daan zomers mennig durp jaloers op waas,
daat ware juust os plekskes aan de Maas.

De oevers leeke goud gaele stranden,
as zandkastiel, zonnebank of modderbad.
Jonge meiden pronkte, um te watertanden.
Zelden had men zonne dorst gehad ...

De ruigste jonges deeje sleipbuût vangen,
en voeren mei, waat hadde ze en klug.
En "lift-retour" waas het stil verlangen,
anders mos men op bloete veut terug ...

En giftig riool met troep det zuusse,
want ut miljeu kreeg enne flinke dreun.
Met dieke buut stikt het nou vaan de pruusse,
want die vinden heej nog alles "wunderschôn".

Wao ut eigen durp oeit zoe gruuts op waas,
daat ware juust os plekskes aan de Maas.


HOME PLAATSNAMENOVERZICHTHOME


ÔZZE PRINS
Tekst & meziek: Sraar Willems
Oetveurende: Raod van Elf

Refrein:
Laéve ôzzé Prins, hae is jao ni kepot te kriëge.
Kiëk nôw zônne mins, nao oore nag ni staon te hiëge.
Minse, wât en klûg, hae geit veur ôs, jao, gans veurop.
Âlles op de kop, Plaggevlaag in top.
Hae zörg dât ut haeéj nâg lang ni stop.
Laeve ôzze Prins, hae is vur ôs jao ech de man.
Plagge en Plagginne zien d'r gans kepot van.

Prinsemantel vaèremuts, jao wât en prach.
En die ketting vól medaljes, iëremach.
Zweijend met de skepter zet hae ôs in vlam.
En de Gekke Maondig wurt dân vân je rambambam.

Hupsakeè wir op de stool, dao steite dân.
Zinge, lache, springe, noëits genôg d'r van.
Met zien adjudante, jônge wât en stel.
En ôs Plaggeriëk dât wurt wir vân je reldeldel.

* cd : De Plaggenhouwers "Klug is ni te kaup (Grubbenvorster Carnavalsmuziek 92/93 - 94/95)" - Hansoƒoon CD 9410


HOME PLAATSNAMENOVERZICHTHOME


OZZE THEJ ZIT NÖRGES MEI
Tekst: Jo Janssen - meziek: Rene Verschueren
Oetveurende (*) : Rene & Geert Verschueren

Refrein:
Nae, ôzze Thej zit nôrges mei, dae vind wal altiéd zienen dreij.
Thei houwt vân wiek, mâk zich ni diek, want hae vind vastenaovend sjiek.
Kump Thei is thoés, is d'r gen moés, allein d'n hônd past op ut hoés.
Nae, ôzze Thej zit nôrges mei, dae laeft heej op en gôjje wei.

Jao, vastenaovend viert Thei good, det zit um ech wal in ut blood.
Thei geit dreej daag op de lappe, lôt zich gaer en pilske tappe.

En geit Thei oét, det môs-se zeen, zien bôks hink wies op zien kneen.
Kiék um staon, wât enne knappe, neemus kân vân Thej det snappe.

Thej speult ok in en joekskepel, guf dan zien dieke trôm en lel.
Kiëk um door de straote sjouwe, megjes zien ni weg te houwe.

* cd : Gekke Maondaagsvereiniging De Plaggenhouwers - " 4x11, det ging vânzelf " - Grubbenvorster Carnavalsmuziek 82/88 ... 96/97 - The Famous Mudraod Studio's Grubbenvorst CD 9610


HOME PLAATSNAMENOVERZICHTHOME


PAAIEN
Tekst & meziek: Hans v.d Brandt
Oetveurende (*) : Wooden Chain

Refrein:
Beej d'n bekker ein klein bruudje, beej de slegter ein schief worst,
beej de grunteman en b'naantje, of 'ne appel veur de dorst.
En snuupke heej en lollie dao, 't paaien wurt te dol,
't aete thoes wurt enne ramp, want ut buukske is al vol.

Vroeger had zoë elke winkel zien eigen handelswaar .
Toen kwaame supermarkten verkochte alles, det waas raar.
Men mos zien klante halde want anders ging het mis,
en attentie veur de kleine werkt 't beste, jao gewis ...

As ik nou zelf gaon winkle, wille al mien kinder mei.
't Is en herry van lewelste, ik schaam mich doëd veur daat gekrei.
De zuus de minse denke "klats die op eure bil",
maar de winkelier dae haet ze met en kleinigheid zoë stil ...

Soms bin ik zonne luie um te kaoke veur mien jeugd .
Daan gaef ik ze waat centies veur en iëske tot eur deugd.
Maar ze make ierst en rundje langs ozze middenstand,
en vuile ierst eur buukskes pas daan kumpt ut iës terhand ...


HOME PLAATSNAMENOVERZICHTHOME


PAREL AAN DE MAAS
Tekst & meziek Leo & Theo Stappers

Refrein:
Grubbevors, jao Grubbevors, dich parel aan de Maas,
wao ik in miene kindertiëd zoê ech gelukkig waas.
Ik hald vân dich mien laeve lang, al bin ik wiët vân hoës,
want Grubbevors aan Mooder Maas blief iëwig mienen toës.

De plaats wao ik gebaore bin en wao ik gruüts op gaon,
wao ik de schoënste plaetskes ken, duk kattekwaod heb gedaon.
De sperjus is ok hiël bekend, wiët boëte ôs Limburgs land,
en daarum zing ik euveral, vur iddere rang en stand:

De megjes zien beej ôs hiël leef, zoe good met en leuke snoët.
't Is daorum dât vas iddere jông zôn megje nimp as broëd.
Met Gekke Maondig in ôs dôrp, zien da alde ok dur beej.
Zeej springe met en masker veur en zinge net as weej:

* TBL 4433


HOME PLAATSNAMENOVERZICHTHOME


PLAGGE BLUES
1986: Teks & meziek: Hans v.d. Brandt
Gezônge door (*) : Sraar Willemd & het JKK

Refrein:
Weej zinge de Plagge Blues, want weej veule ôs heej toës.
Weej zinge en weej schriëwe in idder hoës.
De plagge Blues in idder hoës.
Weej vinde 't heej gezellig en weej gaon nag ni nao hoës.

Waar met Gekke Maondig in ut dörp oët gewes,
en de cola waar lekker en 't beer smâkde bes.
Woord 't wât laat, dân zei mooder woes:
"Dich, nut menke, bliefs zôndig mâr toës"

...................(?)...................
...................(?)...................
...................(?)...................
...................(?)...................

* cd : Gekke Maondaagsvereiniging De Plaggenhouwers - " 4x11, det ging vânzelf " - Grubbenvorster Carnavalsmuziek 82/88 ... 96/97 - The Famous Mudraod Studio's Grubbenvorst CD 9610


HOME PLAATSNAMENOVERZICHTHOME


PLAGGEJEUGD
2002: Tekst: Jan Arts - muziek: Geert Verschueren
Zang: Jeugdraod

De huürs wal dukker zegge:
"Wat is die jeugd toch slech." Mâr och geej laeve minse,
Meint geej dât now wal ech?
Nag ni zoë lang geleeje,
Hort geej nag beej de jeugd,
En wet geej wal hiël zaeker,
Dât geej toen hebt gedeugd?

Refrein:
Heb-se de jeugd, heb-se de toekoms,
Dât geld vur Gekke Maondig en Vastelaovestiéd.
Bescherm de jeugd, en Gekke Maondig,
Dan krieg geej later zaeker genne spiét.
Want euver viéf of viéftién jaor,
Staon weej dan zaeker vur ôg klaor.
Dus aan de kant vur de Plagge jeugd,
Dât duit ôg later zaeker deugd.

Weej gaon met Gekke Maondig,
Is duchtig aan de rol,
Vân 's morges tot d'n aovend,
Halde weej dât vol.
Alleein die letste urkes,
Dan zién weej nu miër druk,
Mâr euver ein paar jeurkes,
Komme weej sterk trük.


HOME PLAATSNAMENOVERZICHTHOME


PLAGGEJOARSDAAG
Tekst: Ton Stoot & meziek: Sef Gubbels

Refrein:
Gekke Maondaag, dat is ozze Plaggendaag, dae halde weej in iere.
Norgus kwaoje luu en norgus gen geklaag, as weej dae kluchtig viere.
Den helt os nemus thoes of aan de lien,
want dan zuuje weej, des waor, jao, dat is toch zonneklaor,
heej gen echte gooje Plaggenhouwers zien.

D'n ierste januari, dee steit al vuuls te vast.
Woa blief de variatie, dee beej os Plagge pas ?
Maar as deen daag veurbeej is, dan telle weej weer aaf,
en dan klingt in os durp heej, os Grubbevors alaaf.

Hae steit ni op de kalender, dae Plaggejoarsdaag heej,
maar met os hert as zender, kump dae os ni veurbeej.
Met enne hoege polsslag zeuk ik dan in de kas,
en hoop daan det 't pekske mich nag ein jaorke pas.

* cd 9811


HOME PLAATSNAMENOVERZICHTHOME


DE PLAGGEMARS
1985: Teks: H. Jacobs, A. Seuren & J. Boers - meziek: traditional, Wiel Joosten
Gezônge (*) : De Raod van 11

En weej zien de Plagge, weej schriëwe as bagge.
Gekke Maondig en plezeer, leuke maskers, pötjes beer.
En morge wir platzak, hebbe niks miër as ôs bakpak.
En al gaon weej dân ok op de fles, duit de fiscus de res.
Weej speule vur zotte, ôs kleier vôl motte.
Enne lollie of enne staaf mâk ôs morge wal wir braaf.
En laot mich mâr laope, ik laot mich oëtverkaupe
Ut is mâr ens per jaor de Gekken Daag, dât ik en masker draag !
Asse vuul geld vur ut pakke hes, en de drinks daobeej nag good,
Hesse zoë de kater in de tes, al is hae neet vân vleis en blood.
Schud hae dân met ziene stert en kop, en kwispelt hae met ziene snor,
Zink hae hiël bezaope en hiël schor: Miau, miau, ik vraet dich op.

* cd : Gekke Maondaagsvereiniging De Plaggenhouwers - " 4x11, det ging vânzelf " - Grubbenvorster Carnavalsmuziek 82/88 ... 96/97 - The Famous Mudraod Studio's Grubbenvorst CD 9610


HOME PLAATSNAMENOVERZICHTHOME


DE PLAGGEWALS
2000/2001: Tekst: Carlos Meerts - muziek: Piet Driessen

Refrein:
Ik wals met dich allein, de liem en latte ôet ut parket.
Ik dans met dich zoe fijn, dan goan weej wie ein trapsraket.
Weej danse lekker in ut roond, al is de vloer ok glad.
Ut is vur idderein gezoond, van dreije wuurse neet zat, wae duit ôs wat ?

Ut verkeskopbal is vur os un fiest um oet te goan.
Dus idderein diej dansvloor op, en neet aan de kant blieve stoan.
Vurzichtig in dun ierste dreij, gewinnig beej dun twiede dreij.
Dun derde efkes opgelet, en dan un pirouet.

Weej plagge walse toch zoe gaer, doa keumt os neemus aan.
De veiling zien weej dan waal kwiet, doe kreit now de Jocushaan.
De schutterswei blief Grubbevors, os durpke wuurt gemeinte Hors.
Toch danse weej steeds op os bals di schoene Plaggewals.


HOME PLAATSNAMENOVERZICHTHOME


POPPEKAS
Tekst: ? - muziek: ?
Zang: De Toddezek

Ut waas op vastelaoves dinsdigmorge,
Dun ooievaar dae vloog euver os buurt
Hae hing mich stiekum op aan ôzze wasdraod
Mar os mam die had det al gehuurd

Wat zeej taege mich zag
Det had ik wal verwach

Refrein:
Miene snoebel miene doedel, hald mich toch ens vas
Jao ut allermoeiste popke oet de poppekas
Kom ens heej det ik dich fluuster,
Dich bis mien lempke in ut duuster
Miene snoebel, miene doedel hald mich toch ens vas
Jao ut allermoeiste popke oet de poppekas

Beej os in de straot kwaam en niej megje
En wonder rechtstreeks oet ut paradiës
Dus ik ging nao eur toe en zei "heej pöpke"
En gebraoke waas ut iës

Wat zeej taege mich zag
Det had ik wal verwach

Now hebbe weej dan zelluf zônne kruumel
En weit ik ut hiel zeker en hiel vas
Ut laeve is mei net wie vastelaovend
Ut is eine poppekas

Wat ik taege eur zag
Det had geej wal verwach


HOME PLAATSNAMENOVERZICHTHOME


PRETTIG WEEKEND
Tekst & meziek: Hans v.d Brandt
Oetveurende (*) : Wooden Chain

Refrein:
0, la, la, waat waere weej verwent.
0, la, lalala, ut is waer weekend.
Prettig Weekend,

Arbied wurt verheven tot 't heîligst doel.
"Daats ni euverdreve", stelt de chef hiel koel.
Ut verkier blief steeds einrichtig, mier presteren is de plicht.
Maar de vriedaag guf verlichting, want de eindstreep die is waer in zicht ...

Zaoterdaags same winkelen, met de jeugd nao sport,
tuin en auto besprinkelen, niks kunt iets tekort.
Nao de kerk familiebezeukskes, nao de letste geit oët ut licht.
Oetgeblus kumse ef tot rust, want de maondaag dae is waer in zicht ...


HOME PLAATSNAMENOVERZICHTHOME


PROFICIAT
1992: Teks & meziek: Hans v.d. Brandt
Oetveurende (*) : Wooden Chain

Refrein:
Proficiat, prodiciat, de beste wense leeve schat
nog vuule jaore gezondheid en geluk.
Proficiat, proficiat, de beste wense leeve schat
nog vuule jaore gezondheid en geluk.
Weej vieren gaer met hoempapa
vaan Hiep-per-depiep, Hiep Hiep Hoera...(hoera?)
Proficiat, proficiat, de beste wense leeve schat
nog vuule jaore gezondheid en geluk.

Is d'r enne jaorig of getrouwd,
wurt meistal ein fiëst gebouwd.
Enne fiëstganger is noeït allein,
want dae deilt die vreugd met idderein.
En wurt geej op zôn fiësje getrakteerd,
daan wurt d'r gefeliciteerd ...

Wurt d'r en succes gevierd,
wurt men op niveau ge-ierd.
Zôn receptie helt men noeït allein,
want men deilt die vreugd met idderein.
En wurt geej op zôn fiësje getrakteerd,
daan wurt d'r gefeliciteerd ...

* cd: Wooden Chain - " Proficiat " - Marlstone Recordings bv CDL 9212


HOME PLAATSNAMENOVERZICHTHOME


DE PUNAISE WALS
Tekst & meziek: Hay Verbong
Oetveurende (*) : de Blauwköp

Refrein:
Wals de punais, wals de punais, midde op de straot, enne wals de punais,
Idderein keek op, terras op de kop, d'n trekbuul, dae spult der lustig op los.
Alles oët de kas, wât los zit of vas, dink nôw mâr ni, wât gewes is gewes.
Dae wals mit dich, zoë midde in de nach, wae haj dât oëts verwach ?

De zomer leet lang op zich wachte, vuül minse keke wât zoor.
Die woeje zoë gaer nao boëte, weg achter die dieke moor.
Mâr toen woord 't toch nag heit, ik wals mich nôw in 't zweit.

Ut waas op dae zomeraovend, d'n daag waas allang vurbeej.
Weej zuuje 'n glaas gaon drinke, want daoveur bleve weej heej.
Opens, toen woord d'r gezag: nôw wals ik met dich venach.

Waas carnaval in de zomer, vur ôs toch en good idee.
Dân geit toch alles nao boëte, want ze veule zich toch okée.
Wât vind geej van deze raod, enne wals zoë lekker op straot.

De Plaggenhouwers - Grubbenvorster Carnavalsmuziek 97/98


HOME PLAATSNAMENOVERZICHTHOME


ROCKA-BILLY RODEO
Teks en meziek: Hans v.d. Brandt
Gezônge: Wooden Chain

Refrein:
Zing Jippi-jè, zing Jippi-joho,
't is waer Rocka-billy rodeo.
Zing Jippi-jè, zing Jippi-joho,
't is de allergroëtste crazy cowboy-show.
Zing Jippi-jè, zing Jippi-joho,
't is waer Rocka-billy rodeo.
Kom zing nou met z'n alle, Jippi, jippi-jo,
daan wurt 't waer de groëtste cowboy-show.

Ik seen de Indianen en uch... waat zien ze vlug.
En dao zien de cowboys, die scheete in de luch.
Want dao kwaam de sheriff in dae groete Jeep,
en samen met 't opperhoofd roukt hae de vredespiëp ...

Ik seen de boeve-bende, daat had ik neet verwach,
en ok de soldaoten, die scheete in de lach,
want dao kwaam de captain, met en stuk in de kraag,
en same met d'n opperboef, zwaait hae de vredesvlaag ...


HOME PLAATSNAMENOVERZICHTHOME


ROTS IN DE BRANDING
Teks en meziek: Hans v.d. Brandt
Gezônge: Wooden Chain

Refrein:
Dich bis de rots, de rots in de branding.
Dich bis de rots, in de wilde zië.
Dich bis de rots, de rots in de branding.
Dus bin ik trots, zoë trots op os twië.

Alles haet grenzen, good is good.
Mei kriegse wensen met euvermood.
Dan krieg ik vleugels, de waereld is van mich.
Daan val ik juus te pletter, ik verloor mien aevewich.

Alles haet maote, te is te.
Meist ken ik 't laote soms zeg ik: "phuh".
Daan waer ik machtig met eine groëte mond.
Daan val ik van mien vootstuk met twië bein waer op de grond.

Maar ondanks alle wiesheid, hek ik toch nog mei zôn streek.
De remmen los, och mins laot mich toch gaon.
Daan krieg ik alle vreejheid, in plaats van enne praek.
Daat guf daan juus de krach, um allein te blieve staon ...


HOME PLAATSNAMENOVERZICHTHOME


SAME
Tekst & meziek: Ruud vd Brandt
Oetveurende (*) : Wooden Chain

Twie waeg die nou dan samengoan, beel lol, plezeer en gein.
Veur elkaar steeds oapestoan, wal ierlyk, neet gemein.
Wat geave en wat neeme.... doa kump ut steeds op neer.
Same zorge veur de jusste sfeer.

Same door dezelfde deur, goan weej de toekomst in,
geave aan os leave kleur, stoan weer aan ut begin.
Kunnen hiel de waereld aan, doa zorge weej wal veur.
Same geave weej os leave kleur.

D'r zien ok wal ens taegeslaeg, doa ken men neet umhin.
Toch vinde wee de juuste waeg, weit zeeker dat dat kin.
Met leefde en begrip, haet men de sleutel tot succes.
Same euverwinne weej de rest.


HOME PLAATSNAMENOVERZICHTHOME


SCHRIEF MAAR OP DE LAT
Tekst & meziek: Hans v.d Brandt
Oetveurende (*) : Wooden Chain

Refrein:
Schrief maar op de lat en doon waat te drinke. (heej)
Schrief maar op de lat en doon maar lekker mei.
En we gaon oët d'n bol, lang laeve de lol.
Weej verzoepe de boel veur de kat zien vioel. (hol)
Schrief maar op de lat en doon waat te drinke. (heej)
Schrief maar op de lat en doon maar lekker mei.
Zonder geld op de tes, amuseren weej os bes,
want de raekening geit "cool" nao de kat zien vioel.

Idderein haet wal wat (0 jao?), meistal heb ik zat.
Maar nou heb ik tekort um d'r eine kleine weg te gaeve.
Daat is lewig zund, en nemus ech gegund.
Dus vroag ik blie d'n hier, toe mats mich eine kier, dus ...

Zeg kniep en eugskes dich, vergaet veur ef dien plich.
En bin neet te beroerd um d'r eine kleine weg te gaeve.
Dich kriegs ut geld gewis, ech met St Juttemis.
En zonder vuul geschoel kriegs dich de diekste foel.


HOME PLAATSNAMENOVERZICHTHOME


DE SIËSTA
Tekst & meziek: Hay Verbong
Oetveurende (*) : de Kroegzengers

Refrein:
Ik hald mien siës, siës, siësta in de hangmat.
Ok mien vrouw, die leet al oore lang plat.
Dân druim ik weg, 'n urke is genôg.
Mâr staon dân op en zing ik wir vur ôg.
A ja-ja-ja-ja-ja a ja-ja-ja-ja-ja toedeloe.

Ik veul mich thoës, 't liek heej wal Braziel.
Dân roop ik: Oe, dât duit ok ôzze Wiel.
Zoë geit dât door tot midde in de nach.
Dae helt ni op, dao wurd ok ni gewach.

De kastelein veurop met tamboerijn.
D'n ober, oe, dao velt mien blaad oëtrein.
Hae zwiert en swingt en idder rup olé.
Ik bin dân muuj en vind 't wal oke.

Dit is en fiës vur alt en jônk beej-ein.
De megjes, oe, dât kân toch iederein.
Kôm oet de slaop, jao, nemes kiekt d'r zoor.
Laot gaon Braziel, al geit 't iëwig door.

* cd : De Plaggenhouwers "Klug is ni te kaup (Grubbenvorster Carnavalsmuziek 92/93 - 94/95)" - Hansoƒoon CD 9410


HOME PLAATSNAMENOVERZICHTHOME


SJENGSKE
2000/2001: Teks: ? - meziek: ?

Sjengske drinkt zich, net âs weej, zoe gaer en gleske beer,
mâr Siengske, dae haet ein probleem: Hae is mâr eine maeter veer.
Gen inkel fiës in ut dôrp lôt Sjengske zich ôntgaon.
Mâr altiéd kump hae nuchter thoés, want neemus zuút um staon.
Geschörgt vur de vot, ut kân nimmer kepot.

Refrein:
Al bin ik mâr klein vân stuk, des altiéd zoë gewes.
Ik maak mich daorum ni zoe druk, kiék minse in de tes.
Al bin ik dân mâr klein vân stuk, bin zoë gewoën gebaore.
Ik maak mich daorum ni zoe druk, dât is gewoën gewaore.

Wiej Sjengske met zien leeve moés ens discodanse ging,
vônd hae de waeg nimmer nao hoès, hae wis nag mâr ein ding.
Dât âs hae dalik vreeje môs, met zien leefste druufke,
hae ech ni zônder trepke kôs, anders kuste hae eur schruufke.
Geschörgt vur de vot, ut kân nimmer kepot.

En beej zichzelf zaet hae dân, dink dao ut ôgge mar vân.
Wae duit mich wät, wae duit mich wât, want morge bin ik wir zat.
Sjengske geit gewoën zoë door, hae leeft zien eige laeve.
Al löpt hae wal is taege en moor, he lôpt d'r ok duk naeve.
Geschörgt vur de vot, ut kân nimmer kepot.


HOME PLAATSNAMENOVERZICHTHOME


SJIENGTELADIEJEE, UT IS NÔW WIR VASTENAOVEND
Tekst & meziek: Sraar Willems
Oetveurende (*) : Dick Seuren & Wendy Heutjes

Refrein:
Sjiengteladiejee, sjiengteladiejoo, ut is nôw wir vastenaovend.
Sjiengteladiejee, sjiengteladiejoo, dât is toch vuül belaovend.
Laot ôs nôw mâr zweeve op die schoëne wolke vân de klug,
fijn met miene leeve, met de hendjes baove in de luch.
Sjiengteladiejee, sjiengteladiejoo, sjiengteladiejee en sjiengteladiejoo.
Sjiengteladiejee, sjiengteladiejoo, zoë môt ut altied bliëve.

Mooder Maas beheers ôs dierbaar Limburgs land.
Zoe smeed vastenaovend zienen eigen band.
Laot ôs dât zoe halde, dât guf nieje mood.
D'erns op tiëd dôrbraeke duit ôs zeker good.

Dokters, psychiaters, hebbe ut zoë druk,
mâr de stress bezwaere luk eur ni zoë duk.
Vastenaovend brink ôs juuste medisiën.
Laot ut dân mâr iewig vastenaovend zien.

* cd : De Plaggenhouwers "Klug is ni te kaup (Grubbenvorster Carnavalsmuziek 92/93 - 94/95)" - Hansoƒoon CD 9410


HOME PLAATSNAMENOVERZICHTHOME


SPERJES STAEKER
1986: Teks: Ton Stoot - meziek: P. Huiskens
Gezônge (*) : De Kroegzengers

Refrein:
Sperjes staeker, sperjes staeker.
Met mien kisje ân d'n erm, wûrd hae riëk en ik bliëf erm.
Sperjes staeker, sperjes staeker.
Mennig oor breng ik zoë door, âs sperjes staeker.

Ik staon al klaor wie idder jaor, ik bin 'ne staeker.
Vroeg oët de slaop, de auge aop, met tuit en baeker.
Ik kriëg dân slech de rug wir rech vân âl dat staeke.
D'n boër, dae haolt ut witt gold vân die um aete.

...................(?)...................
...................(?)...................
...................(?)...................
...................(?)...................

* cd : Gekke Maondaagsvereiniging De Plaggenhouwers - " 4x11, det ging vânzelf " - Grubbenvorster Carnavalsmuziek 82/88 ... 96/97 - The Famous Mudraod Studio's Grubbenvorst CD 9610


HOME PLAATSNAMENOVERZICHTHOME


'T STAMMINEKE
Tekst & muziek: Hans vd. Brandt

La, la la ...
Minse zing met mich.
La, la la ...
Minse de rest vind ik la, la, la

In ut durps stamminé is idder tevreej, ut weekend steil waer veur de deur.
Het beer vloeit royaal, de sfeer broeit brutaal, en idder vergaet ziene sleur.
De kastelein juint de zaak op, en de tent steit waer op de kop.
De jongens die zinge, de meide die swinge, en de alde our auge ok.
De vreejgezellen gaon mier beer bestellen, en wange weer ons anne gok.
Uur goosling juint de zaak op en de tent steit waer up de kop.

De tied dae vluugt wae nuchter is luugt,
waat waor is, is einmaol waor.
Ik draag dich nao hoes, zoe blauw vaan d'n booze,
al wurste mich daan vuul to zwaor,
Dien charme juint mich daan op,
en mien liëf steit waer op de kop.


HOME PLAATSNAMENOVERZICHTHOME


STEL ÔG VEUR !
1986: Teks: Ton Stoot - meziek: P. Huiskens
Gezônge (*) : De Kroegzengers

Refrein:
Weej wille gen groëtstad waere, en Venlo is gaer groët.
Dân pakke die mâr Velde, dât kumt ôs baeter oët.
Weej wille ôs dûrp behalde, want heej zien weej toch toës.
Hendjes aaf vân Grubbevors, weej zien ni veur de poes.
Hendjes aaf vân Grubbevors, weej zien heej vasgeroes.

Stel ôg veur, de Zumpel doord de Kalverstraot,
stel ôg veur, wie koewe in de riej.
Jao, dreej hoëg is nag lang ni wie de Bijlmer dao,
heej op ut Reuveld woënt me ziej aan ziej.
De EJ Ban, veur ôs en grandioos orkes,
ut Haeren zeen weej as en saort Carré.
Al staeke weej vân C.R.M niks in de tes,
weej zinge gaer en lekker stukste heej.

Stel ôg veur, ut kloëster waar dât moëj peliës,
stel ôg veur, ôs koe ut monument.
Weej Plagge râkde vas en zeker vân de wiës,
en gove um ôs pretpark genne cent.
Ôs Maas is vuul schoëner dân eur grachte daor,
of heb geej Amsterdam nag ni bezôg ?
Heej zien gen wasse bielde, dât is zeker waor,
mâr wasse neuze zitte heej genôg !

* cd : De Plaggenhouwers "Zeuk ut ni te wiéd (Grubbenvorster Carnavalsmuziek 83/88 - 95/99)" - The Famous Mudraod Studio's Grubbenvorst - Hansoƒoon CD 9811


HOME PLAATSNAMENOVERZICHTHOME


STRAOLE !
2000/2001: Teks & meziek: Piet Driessen

Ik gaef dich enne raod, ik mein ut ech met dich ni kwaod,
vergaet de stress, dân geit de krômme zin verdwiéne.
Dât knôpke umgedreit, dän kump plezeer wir aangeweit,
dân wôrdt wât iërs zô krômp waas, allemaol wir rech.

Refrein:
Kôm, laot mich is kiëke in die kiëkerkes vân dich.
Laot mich maâr is zeen dât die kunne straole nao mich.
Kôm, straol mâr nao mich.
Ik straol nao dich truuk, dân mixe die straole, die straole zich.
Jao, ik huür beej dich en dich huürs beej mich.

Al lukt dât soms ok ni, en hes-se aaf en toe verdreet,
dink dân mâr aan ut zunke, dât wir zal gaon schiëne.
Dân kump ut ok wir good en kries-se ok wir nieje mood.
Veurâl âs ik dân zuutjes taege dich dit zeg:

Wae duit ôs now nag wât, dich bis mien allerleefste schat.
Jao, iërlik waor, dao kump ech niks en neemus tusse.
Ut is met mich gedaon, ik wil vort same met dich gaon.
En dae dât ok met dich woej doon, dae haet mâr pech.


HOME PLAATSNAMENOVERZICHTHOME


TE GEKKE GEKKE MAONDIG
Tekst & meziek: Ruud v/d Brandt
Oetveurende (*) : Loek v/d Liefvoort & Geert Verschueren

Refrein:
't Is wir Gekke, Gekke Maondig, weej meuge wir op paad.
't Is wir Gekke, Gekke Maondig, zoe gek doon as en raad.
Kôm op, en kôm d'r beej, en veul dich lekker vreej.
op dae te Gekke, Gekke Maondig heej.

Lets vroog mich enne knul: "Wât môt dae flauwekul ?"
Hae kwaam vân oet de Stadte, en kôs ut mâr ni vatte.
As Grubbevorstenaer, vertelde ik mâr weer:
"Ik zal ut dich verklappe, al zal-se ut noeits snappe".

Um ach oor oët de vaere, weej gaon ôs amusere.
En geit de tent dân sloete, dân gaon weej pas nao boëte.
Wao môt dât met ôs hin, ut haet gaar genne zin,
want is daen daag wir daor, dân zien weej d'r vur klaor.

* cd : De Plaggenhouwers "Klug is ni te kaup (Grubbenvorster Carnavalsmuziek 92/93 - 94/95)" - Hansoƒoon CD 9410


HOME PLAATSNAMENOVERZICHTHOME


D'N TENDUM
Tekst: Wiel Hermans - meziek: Wim Roeffen
Oetveurende (*) : Wooden Chain

Op d'n tendem met ôs twiëe, door det schoëne Limburgs land,
gaon wee same rundjes rieje, ums de beurt, met losse hand.
As 't zunke ôs veuroët geit en de wind zit in de rôk,
wetse wao det dan op oëtdreijt, weej gaon zinge van gelôk.

Refrein:
Uich heej, wae duit ôs wat, wee hebbe âômke zat,
En ôs bein, die bliëve traeje, op daen tendem lekker knaejer.
Wee gaon van hee nao dao, os neuze achternao.
Allein 't ind is ôs bekind, maar det is ech nog hiel wiët eweg.

Langs de Maas door bonte weije, op daen tendem, ik en dich.
Jennig nao de minse zweije met ein vrintelijk gezich.
Op d'n tiëd ein heilig huuske, efkes smaere huurt d'r beej.
Kinse slaope wie ein muuske en dan zingkse net wie wee.


HOME PLAATSNAMENOVERZICHTHOME


D'N TODDEZAK
2002/2003 nr.1 : Tekst & muziek: Rene Verschueren
Zang (*) : De Toddezäk (Rene Verschueren, Twan Relouw & Geert Verschueren)

Os jetje haet en groët probleem, d'r is wât aan de hand.
Zoë taege Vastenaovend, is d'r altiéd trammelant.
"Wât môt ik aan, dât zuút nie oét, wât doot ik op mien snoét".
Jao, vân en mug, en dât is kwant, mâk zeej ennen olifant.
Mâr megje luuster now toch hiël good:
"Vastenaovend zit ni in de kleier, mâr zit in ut blood".

Refrein:
D'r kân d'r mâr eine de moëjste zien,
d'r kân d'r mâr eine de schoënste zien.
Op zölder in d'n toddezak zit altiéd nag wal wât.
In enne mum vân tiéd hes-se dien Vastenaovespak.
D'r kân d'r mâr eine de moëjste zien,
d'r kân d'r mâr eine de schoënste zien.
Ut mâk nieks oét wiej-se mich zuús, ôf de-se mich ni kins,
zoelang âs-se dich zelf mâr ut moëjste vinds.

Os Jantje sanikt elk jaor, en zaet dân idders kiër:
"Ik zeen heej in de winkel, door de buim ut bös ni miër".
Wât môt ik aan, dât zuút ni oet, wât doot ik op mien snoét.
En Zorro waas ik ut vurrig jaor en met cowboys bin ik klaor.
Mâr jungske luuster now toch hiël erg good:
"Vastenaovend zit ni in de kleier, mâr zit in ut blood".

* cd 2003 : Diverse artiesten - "Van Eijsde tot de Mookerhei 10" - Marlstone Recordings bv CDL2301


HOME PLAATSNAMENOVERZICHTHOME


TORTELDOÉF
1999 nr. 4 : Tekst: Xander Boers - meziek: Hans van den Brandt
Gezônge door: Dubbel & Diek

Refrein:
Neum mich gen hertje, baerke, torteldoéf ôf moés,
want dân geis-se straks wis allein naor hoés.
Jao, wil-se mich, verknal dân ni dien kans,
met dae biëstepraot hes-se gen sjans.
Neum mich gen hertje, baerke, torteldoéf ôf moés,
daen halve dierentuin löt se mâr thoés.

Zeen ik dich heej dees Vastenaovesdaag,
kriég ik flot kriebels, ônder in de maag.
Mien hertje bônkt hiël hârd, ik krieg ut werm,
en neem dich stevig vas tusse mien erm.
Zeg schat wils dich messchien,
mien tortelduufke zien? ... Nae!

Want ik bin mins, dât huürs-se al hiël gauw,
ik roop gen boe en zeker gen miauw.
Dus wil-se wât vân mich, jao vur mien part,
mâr laot die boerderiej beej Roeffe Mart.
Zeg mich in mien gezich,
gewoën ik hald vân dich.


HOME PLAATSNAMENOVERZICHTHOME


TRUUK VÂN WEG GEWES
Teks & meziek: Geert Verschueren
Oetveurende (*) : Geert & René Verschueren

Refrein:
Weej zien wir truuk vân weg gewes, weej zien wir wao weej môtte zien.
Heb geej as soms gemis, dan heb geej ôch vergis.
Weej ware efkes weg, mâr zien nôw wir terech.
Weej zien wir truuk vân weg gewes, jao, truuk vân weg gewes.

Lets woeije weej wat happe, gewoën en frietje pakke.
Vurdet weej ut wiste, ware we aan ut twiste.
En pilske woort gepak, ut denske woort gemâk.
En kwame weej dân thoës, dân zônge weej in hoës.

Gaon weej same stappe, duchtig op de lappe.
En as weej dân wât drinke, vergaete weej te dinke.
Ein, twië, dreej, d'n tiëd dae vluug vurbeej.
En kômme weej dân thoes, dân zinge weej in hoës.

* Grubbenvorster Vastenaovesmeziek - Winnende liedjes 92/93 - Hansoƒoon


HOME PLAATSNAMENOVERZICHTHOME


D’N TRUUKWAEG
2010/2011: Tekst & muziek: Rene Verschueren
Zang: De Toddezek

Refrein:
Wet eemus soms
Waorum dât dât gebeurt
dât d’n truukwaeg altied langer deurt
Wet eemus soms
waorum dât dât zoë is
des-se langer onderwaeges bis
As wies-se op dun haerwaeg bis gegaon
Toen haet mich zeker niks ôf neemus in de waeg gestaon
Wet eemus soms
Waorum dât dât gebeurt
det d’n truukwaeg langer deurt

ik heb ut naogemaete
en alles naogeteld
ik bin ech niks vergaete
en heb nao hoés gebeld
vânaaf ôs breevebus
jao haer en ok wir truuk
is krek utzelfde dus
hald ik mich zeker ni keduuk
krutjuuj, wie kriég ik dât dân klaor
beej de retonde dreij ik altiéd door

mien koördinasie
is dreej daag ni zoë bes
dus douw ik dan mar bliej
de tom tom in de tes
en vur de zekerheid
de pliessie nag gevraog
zoëdet ik zeker weijt
laup ik te snel ôf toch te traog
krutjuuj, wie kriég ik dât dân klaor
beej de retonde dreij ik altiéd door


HOME PLAATSNAMENOVERZICHTHOME


TWIË IS GENÔG
Tekst & meziek: Francien Frencken
Oetveurende (*) : Francien & Jan Frencken

Refrein:
Twië zien d'r genôg um te gaon wandele langs de Maas.
Twië zien d'r genôg um dao te fluustere in 't graas.
Twië mundjes hesse nuudig veur en kusmoel.
Twië herte die dân boënze, geej wet bes wât ik bedoel.
Want Amor haet dât zoë veur ôs bedôch.
Twië is genôg, twië is genôg, twië is genôg.

Vuul is d'r ni nuudig um de leefde te belaeve.
In 'n minse laeve is dât mennig-ein gegaeve.
Dât is toch zoe fijn, want dât kos ôs genne cent.
Wievuul hesse nuudig, veur dât me de leefde kent.

Opdât heej op aerd 't minse ras ni oët zal sterve,
môt me veur de leefde steeds wir nieje minse werve.
Dât is ech ni erg en duit ok gaar gen pien.
Vuul hesse ni nuudig um wir is verleef te zien.

* cd : "Ôs halde ze ni taege (Grubbenvorster Carnavalsmuziek 91/92)" - Hansoƒoon


HOME PLAATSNAMENOVERZICHTHOME


'T IS GOOD GEWES
2004/2005: Tekst & muziek: Hans v/d Brandt
Zang: Wooden Chain

(Jao) 't is good gewes 't is good gewes
De strijd kos dich ni winnen
Al-deese nog zoe good dien bes
(Jao) 't is good gewes
't is good gewes
Weej gaon van heej oet verder
Daat waas veur os dien les
Want door dit end start en niej begin
Vuul te vroeg, te vroeg nao miene zin
(Jao) 't is good gewes 't is good gewes
Weej gaon van leej oet verder
Daat waas veur os dien les
(Jao) 't is good gewes

Men haet gelukkig mier geluk dan pech
Al goei ik alle truust nou wiet-e-weg
Wat heb ik nou aan andermans verdreet
Hoe ik het veul, zoe veult geej ut toch neet
Toch mot ik allein verder. Verder daan ik eigenlijk wil
Daan denk ik aan die wurt
En opens wuert ut zoe stil

Mien daag die kwaome oeits, em veur ein
Maar same kreeg d'n tied os ech ni klein
Nou haet ie dich toch vuul te zwaor gestraf
Dich kreegs tekort en ik bin terug beej af
Toch mot ik allein verder
Verder daan ik eigenlijk wil
Daan denk ik aan die wurt
En opens wuert ut zoe stil

* 2-cd 2004 : Wooden Chain - "De beste winse" - CDL 2415


HOME PLAATSNAMENOVERZICHTHOME


UT IS TOCH WÂT !
2009/2010 : Tekst & muziek: Rene Verschueren
Zang: De Toddezek

Refrein:
Ut is toch wât
ik zit wir krap
Ik hâj ut op de greuj gekoch
Zeker wir beej de verkiërde maot gezôch
Ut is toch wât
ik zit wir krap
dât wug mich toch wal zwaor
wânt ut gebeurt mich elk jaor

Idders kiër dân staon ik wir te zweite
Môt ik wir gaon passe in zo’n hok
Ut näödje vân de kous wil ik now weite
Want niks kriég ik nag euver miene kop

Te kald ôf te heit gewasse
Wie kân dae knômmel mich inens now nimmer passe

Staon ik in de speegel dân te kiéke
Zwaore knäök, mâr zeker ni te diek
Mâr âs-se op ut vurrig jaor wils liéke
maak dân de kleijer mâr vân elastiek

te kald ôf te heit gewasse
wie kân dae knômmel mich inens now nimmer passe


HOME PLAATSNAMENOVERZICHTHOME


UT IS WIE UT IS
2007: Tekst & muziek: Geert Verschueren
Zang: Loek vd Liefvoort & Geert Verschueren

Refrein:
't Is wie 't is, 't geit wie 't geit
Want morge is toch al lang veurbereid
Was-se ok probeers, of was-se verzins
Dât haet ginne zin
Want 't is wie 't is en 't geit wie 't geit
Neemus is dao op veurbereid
Dus maak dich ni druk
Want wât is geluk
Ut is wie 't is

Jaore stônde weej heej met mekaar
Weej ware en ech vastenaovespaar
Moëje dinge hebbe weej gebrach
Jao soms met 'n traon mâr meistal met enne lach
Nag eine kiër allein met dich
Daonao is ut idder vur zich

Euver alles hebbe weej ut wal gehad
Moëje momente ware d'r zat
Altiéd ware weej d'r beej
Mâr dât is vurbeej, veurgood vurbeej
Mâr ein ding ônthald dât good
Jao alles, alles kump good


HOME PLAATSNAMENOVERZICHTHOME


UT KEN GEN KWAOD
1986: Teks: Terry v.d. Beuken - meziek: Geert Verschueren
Gezônge (*) : Loek v.d. Liefvoort & Geert Verschueren

Refrein:
Nae, dich hôfs ech ni jeloërs te zien, want ut kân gen kwaod.
Kiëk ik ok verlief misschien, nao en hiël leuk megje op de straot.
As ik dât dân ok en kusje gaef, og d'r wât mei smoës,
dich wets toch, as ik gôjjen hônger kriëg, kôm ik gaer nao hoës.

As ik en aardig megje zeen in en kefee,
dân zeg ik: "Schatje, kôm d'r lekker beej".
Huurt mien vruiwke later wât ik heb gedaon,
is ut vurluipig met ôs gedaon.

Ik gaon s'aoves gaer nag hiël efkes oët,
kiëk dân netuurlik nao en leuke snoët.
Huurt mien vruiwke later wât ik heb gedaon,
is ut vurluipig met ôs gedaon.

* cd : De Plaggenhouwers "Zeuk ut ni te wiéd (Grubbenvorster Carnavalsmuziek 83/88 - 95/99)" - The Famous Mudraod Studio's Grubbenvorst - Hansoƒoon CD 9811


HOME PLAATSNAMENOVERZICHTHOME


UUTE NOCH STUUTE
2004/2005: Tekst & muziek: Hans v/d Brandt
Zang(*): Wooden Chain

Refrein:
Neet kunne uute, noch stuute
Det hebbe toch os elders noeit gelierd
Neet kunne uute, noch stuute
En compliment det is toch noeit verkierd~

Doon maar gewoen, daan duise gek genoch
Weej kaupe niks veur gebakke loch
Ik waas zoe trots, op waat ik hiel good deej (0, Jee)
Maar ein compliment, daat waas d,r thoes ni beej

Mien Schoelrapport, daat waas toch ech ni slech
Mien teikeningen leken spraekend ech
Ik hunkerde nao en positief signaal (egaal>
Waat jaommer toch, die generatiekwaal

Mien eige leave ,mien kind, mien dich en ik
Och alles went,ok zonder schoudertik
Ik gaef nou vuulen krieg duk kiepevel (jawel)
Helaas veur eur,staon zeej duk boetespel

* 2-cd 2004 : Wooden Chain - "De beste winse" - CDL 2415


HOME PLAATSNAMENOVERZICHTHOME


VAN MESTRICH TOT IN UT NOORDE
Tekst: Kloëte Kook - muziek: Theo Rutten

Refrein:
Van Mestrich tot in ut Noorde, hebbe ze zôn stel.
Van Mestrich tot in ut Noorde, t'is de joekskapèl.
Groëtmeisters in de accoorde, wât en samespel.
Vals d'r naeve, biëstig hard en oët de maot.
Met vastenaovend heej, op straot, in ut kefee.
Ze bringe stumming in gans Limburg.
Jao, det is de joekskapèl.

Idder jaor kom ik in Wiert, met carnaval.
Daor Klinkt dán meziek, det huur ze euveral.
Alle kroege, groët en klein, gaon op de kop.
Jao, ut is wir zoëlaat, de hermeniekes gaon veurop.

In ut midde van Os land, zoë beej Remund,
make ze plezeer, is echte lol gin punt.
Rup daor eemus veer veuraaf, zien minse bliej.
Jao, ut is wir zoëlaat, daor kump de zaate hermenie.

Boave aan beej Mooder Maas, rond Venlo stad,
met dees dolle daag, guuf ut daor blaozers zat.
Huurt geej al de diëke trom, die krieg en lel.
Jao, ut is wir zoëlaat, beginnen geit de joekskapèl.

* cd 9811


HOME PLAATSNAMENOVERZICHTHOME


VASTELAOVEND KUMP THOÉS
2007: Tekst & muziek: Hans vd Brandt
Zang: Raod vân elf

Refrein:
Al geis-se 't nag zoë wiédweg zeuke
Al kriés-se alle hulp en steun
Al pruf-se in de vremste keuke
Al liék ut graas greuner dân greun
De zals ut waore ech ni vinde
Dan kriegse heimwee nao dien hoés
Nao vastenaovend met dien vrinde
Vastenaovend viér-se thoés
Vastenaovend met dien vrinde!
Vastenaovend, kump thoés!

Men vroog de wiéze raod vân elf:
"Heb geej enne golden tip?
Geej bestôt now 5 x 11
5 x 11 zônder dip
Zônder stuúte ôf geslijm
Wât is dan now ôg topgeheim?"

D'r zien zoëvuül beuk geschreve
En genne kursus dae ech bât
Mâr ut is ni euverdreve
Idder haet praktijk gehad
Zônder strôntse ôf geslijm
Weej hebbe ech gen topgeheim...


HOME PLAATSNAMENOVERZICHTHOME


DE VASTENAOVEND BURGEMEISTER
2002/2003: Tekst & muziek: Hans van de Brandt
Zang (*) : De Wiebel Club

B & W die keeke euverspanne, toen ik eur en veurstel deej.
Zeg, vergaet die idiote planne, neem ôg zelf now dreej daag vreej.
Gen gemits en gen gemaar, want ik neem ôg beide waar.

Refrein:
Ich bin de Vastenaovend burgemeister, heej in ut Vastenaovend land.
Dreej daag lang zien weej hiër en meister, met de sleutel in de hand.
Kôm burgerluuj, weej gaon ut same make, höf ut glaas op ôs profiét.
De burgemeister zal good wake, weej kenne gen sloétingstiéd.

B & W die kwaam ik later taege, jao, dân kân ik gen pardon.
Dân bekeur ik eur tot zaege met en echte consumpsiebôn.
Gen gemits en gen gemaar want ik neem ôg beide waar.

B & W die mâkte 's nachs comosie, hoe môt dât now ut volgend jaor ?
Gaef die blieje toch promosie, dreej daag is toch gen bezwaor ?
Gen gemits en gen gemaar want zeej nimt ôs prima waar.

* cd 2003 : Diverse artiesten - "Van Eijsde tot de Mookerhei 10" - Marlstone Recordings bv CDL2301


HOME PLAATSNAMENOVERZICHTHOME


VASTENAOVEND KERMIS
Tekst & meziek: Huub Janssen
Oetveurende (*) : Michel Hornix & Sander Jansen

Refrein:
Met vastenaovend is ut net kermis, de karoesel dreijt wir in ut rônd.
En ôf ut now kald of wérm is, de stoet, dae blief toch aeve bônt.
Om net zoë lang heej rônd te zwiere, wies det ut in dien oëre soés,
um vastenaovend zoë te viere, dän vuls-se dich heej pas ech thoés.

Dreej daag lang wir pierewaaie, det is idder jaor wir vaste prik.
Mekaar wir euver ut kôpke aaie, dân is ut heej wir dieke mik.

Dees daag waere ôs gegaeve, die kriége we gans kado, vur nop.
Daag um dich hiëlemaol oét te laeve, dus zet de zaak mâr op de kop.

Daag um noëits miër te vergaete , enne gôjje raod vur idderein.
Tussedoor môt ge ok hiël good aete, det helt ôg langer op de bein.

De Plaggenhouwers - Grubbenvorster Carnavalsmuziek 95/96


HOME PLAATSNAMENOVERZICHTHOME


DE VASTENAOVENDKLOON
2004/2005: Tekst & muziek: Geert Verschueren
Zang(*): Loek vd Liefvoort & Geert Verschueren

Refrein:
Kiék dae dao (woa) jao dae dao steit
Wât is dae moei geschminkt, wât is dae schoën verkleid
Kiék dae zich dao ens good staon amusere
Kiék dao wie dae de minse ken plezeere
As ik es kôs wât dae ken doon
Woort ik met vastenaovend kloon (clown)
Waas ik de vastenaovendkloon (clown)

Veur zien werk altiéd netjes gekleid
Huuske, buimpke, bedje gespreid
Altiéd löp hae in de pas
Allein veur vastenaovend, kruup hae in de kas
Un doës met schminck, un pak, un proék
Un neus, groëte schoon haalt hae d'r oét

Elluk fiës dao is hae present
Neemus dae um dao dân herkent
Niks trekt hae zich dao vân aan
Hae wet de vastenaovend, jao dae kump d'r aan
Dân is hae geschminck, met pak en proék
Te groëte schoon en un neus op zien snoet

* cd 2004 : "Ein Groëte Femiélie" - Marlstone CDL 2440


HOME PLAATSNAMENOVERZICHTHOME


VASTENAOVEND TROPICANA
2003/2004 nr.2 : Tekst & muziek: Geert Verschueren
Zang (*) : Marcel & Geert

Refrein:
Weej hebbe ut heit, heit, heit,
Zien gans naat vân de zweit,
Dât kump vân dât hosse en springe,
Weej hebbe ut heit, heit, heit,
Zien gans naat vân de zweit,
Blief ni staon en zing met ôs meij,
Olé olé, ola ola,
Kom dreij met de kônt en rol met dienen boék,
Olé olé, ola ola,
Vastenaovend Tropicana.

Carnaval in Rio, wae geit d'r nag nao toe,
Want de reete rökskes zien ok heej gen taboe,
Vastenaovend in de straote, gezwaai met de erm,
En gaon weej dân nao binne, wördt ut vanzelf werm.

In de kefeejs wördt gesprônge en gedanst,
Lekker doën beejein, idderein dae haet sjans.
Zuus-se dien leeve, kiek-se um deep aan,
Begins met um te danse, hiël dich taege um aan.

* cd 2004 : Diverse artiesten - "Van Eijsde tot de Mookerhei 11" - Marlstone Recordings bv CDL2401


HOME PLAATSNAMENOVERZICHTHOME


UT VASTENAOVES-CIRCUS
Tekst & meziek: Rene Verschueren
Oetveurende (*) : 't Viefde

Refrein:
Heej zien weej wir, mevrouw, meneer.
Allemaol kunstenaer, vur en toët beer.
Heej zien weej wir, mevrouw, meneer.
Weej trekke door en zien wir truuk, ut volgend jaor.

De zuus ut aan ôs laupe, dao kump ut circus aan.
De kens gen kaertjes kaupe, dus kôm achter ôs aan.
Weej gaon nao ut café, de veurstelling begint,
wannier oet ut publiek d'r enne ôs en rundje bringt.

Allein met vastenaovend, dân kôme weej beejein.
Vân clown tot acrobaat strekke weej ôs bein.
Ut tromgeroffel start, de veurstelling begint,
wanniër oët ut publiek d'r enne ôs en rundje bringt.

* cd : De Plaggenhouwers "Klug is ni te kaup (Grubbenvorster Carnavalsmuziek 92/93 - 94/95)" - Hansoƒoon CD 9410


HOME PLAATSNAMENOVERZICHTHOME


VASTELAOVUSKAROUSEL
1985: Teks & meziek: Wim Roeffen
Gezônge (*) : Hay Vaessen & Margo Verbeek

Refrein:
As ik toch zeen wie weej heej laeve,
sôms is ut net unne karoesel.
Want ofste now dae poës treks op d'r naeve,
aan ut ind geit toch die bel.
Dân is ut tiëd veur weer ein rônde,
en idderein dae steit dan klaor.
As me zien plaetske haet gevônde,
dan dreit dae karoesel weer door.

En wae zich neet wilt laote kinne,
dae dreit maar röstig met ôs mei.
Auk al boets det sôms van binne,
maar dao zitse toch neet mei.

Ik zoel gen rônde wille misse,
want gluif maar grös det det mich speet.
Maar auk ik kin mich vergisse,
maar d'n deze kiër toch neet.

* cd : Gekke Maondaagsvereiniging De Plaggenhouwers - " 4x11, det ging vânzelf " - Grubbenvorster Carnavalsmuziek 82/88 ... 96/97 - The Famous Mudraod Studio's Grubbenvorst CD 9610


HOME PLAATSNAMENOVERZICHTHOME


DE VASTENAOVES POLKA
1988: Teks & meziek: Hay Verbong
Gezônge (*) : De Blauwköp

Refrein:
Dans met mich de polka nôw, is 't vroeg veur daag en dauw.
Links en rechs um in 't rônd, doot de bein mâr vân de grônd.
Maak met mich d'n alden dans, ni veur half mâr ech veur gans.
Tingelingeling, dân geit de bel, klap, klap, klap, veur dât ander stel.
Tingelingeling, dân geit de bel, ik kriëg al kiëpevel.

Ik zoot is op en leuk terras, dich kwaams toen beej mich staon.
Ik zag: "Kôm zitte, blief wât heej, dich hôfs nog ni te gaon.
'k Heb en idee veur morgevroeg of vin-se dât ni good.
En lekker druime in de slaop, want de polka gûf mich mood".

Ik wil met dich nao d'n optoch gaon, jao, lekker in de riëj.
En bliëje minse langs de kant, die kiëke nao wât niëjs.
Sjunkel, hoempa, de gansen daag, mâr wât ik heej nog mis,
't is de polka tja-tja-tja, of heb ik mich nog vergis ?

* cd : Gekke Maondaagsvereiniging De Plaggenhouwers - " 4x11, det ging vânzelf " - Grubbenvorster Carnavalsmuziek 82/88 ... 96/97 - The Famous Mudraod Studio's Grubbenvorst CD 9610


HOME PLAATSNAMENOVERZICHTHOME


VASTELAOVESSCHOON
Tekst & meziek: Geert Verschueren

Refrein:
Trek ik mien vastelaovesschoon aan, kan ik de ganse waereld aan.
Dan kan ik danse, springe, hosse de ganse nach,
hoof neet te lette op d'n tied, umdet d'r neemus op mich wach.
Jao, met mien vastelaovesschoon aan, gaon ik d'r dreej daag taegenaan.

Jao, beej mich thoes had ik un paar schoon staon,
die ware knats kepot, met ein gaat in d'n baom.
Ik deej un laerke op de zaol, anders kreeg ik naate veut,
en verfde ze toen op, road en gael leek mîch wal leuk.
Now kan ik ni stil blieve staon, dus laot mich now mar gaon.

Doordewaeks trek ik mich mien werkschoon aan,
en mien tennisschoon gebroek ik allein mar op de baan.
's Zondaags gaon ik voetballe, staon ik op voetbalschoon.
Mar de vastelaovend mot ik met dees traejers doon.
Dan kan ik ni stil blieve staon, en laot mich lekker gaon.

* cd 9811


HOME PLAATSNAMENOVERZICHTHOME


DE VEILING
Oet de revue "Grubbevors, mien dörp"
Teks & meziek: Wiel Wijnen
Gezônge (*) : Jan Frencken

Refrein:
Hald de veiling in de peiling, ik krieg 't neet op en riej.
Sinds de deiling, de herindeiling, is dao opens alles niej !
Gen veiling miër, dat is neet sjiek,
maar 't wereldwiéje knauppunt vân logistiek !

Appels, pere, slaaj en môs, dao was 't vroeger um begôs.
"Maar, nae", zag Venlo, "dâ 's ni waor, vur ôs is dât dus zônneklaor:
't Geit heej gaar neet um d'n boer, 't dreijt heej puur um vrachtvervoer !"

Roëze, anjers, of jasmijn, zon blome vinde weej dus fijn.
De Venlonaer zaet: "Oh, wat net: die kerkes wao geej die op zet !
Die blome zegge mich gen moer, ik kiëk allein nao vrachtvervoer !"

Staeker, kweker, gerdeneer, dao kiekt de Venlonaer op neer.
Die zegge: "Gaef ôs maar chauffeurs, die spekke met plezeer ôs beurs.
Want gerdeneers die zién neet stoer, die gaeve niks um vrachtvervoer !"

* cd: Diverse Artiesten - "Grubbevors, mien dörp" - Hansofoon CDL 200103


HOME PLAATSNAMENOVERZICHTHOME


DE VENLOSEWAEG
Oet de revue "Grubbevors, mien dörp"
Teks & meziek: Wiel Wijnen
Gezônge (*) : Jôngerenkoër

De Venlosewaeg is slech, de Venlosewaeg môt weg.
De haes altiéd taegewind, wuurs duk door de sniëj verblind.
Ik zwoeg met mien raegenpak, wie en wrak,
ik veul mich zoë naat en kald en klein.

De Venlosewaeg is druk, dât is en vervaelend stuk.
De wuurs vân de waeg gedrukt, bis neet verôngelukt.
Weej willen heej gen verkiër! Nemus miër!
Weej willen dae waeg vur ôs allein!

"De Venlosewaeg", zaet pap, "daen is vur ôch vuël te krap,
dich bis dao in groët gevaor, vân zörg kriég ik griéze haor,
en op de gemeinteraod bin ik kwaod!"
En daobeej kiék pap dân hiël gemein.

Maar kiék, pap, ik bin d'r nog, ik vleeg neet gauw oét d'n boch.
D'r is gaar niks aan de hand, die auto's gaon aan de kant.
Maar wetse wât opa zag: "'t is en prach!
Dae Venlosewaeg fietst zich nou fijn!"

* cd: Diverse Artiesten - "Grubbevors, mien dörp" - Hansofoon CDL 200103


HOME PLAATSNAMENOVERZICHTHOME


VEURGOOD VEURBEEJ
Teks en meziek: Hans v.d Brandt
Gezônge: Wooden Chain

Refrein:
Maar ut is veurbeej, ut is veurbeej,
ôs schoëne jeugd die vloog veurbeej.
't Allerbeste preufde weej,
maar 't is veurbeej, veurgood veurbeej.

Elke mins haet zoë zien jeugd verhaol,
de speulse greuj nao "echte-mins".
Geliëke rechten veur ôs allemaol,
daat waas de allergroëtste wins.

Elke tiëd haet zoë zien modebield,
de mini-rok of petticoat.
Men snapt toch noëit waat de jeugd bezielt,
eur eigen norm, die waas pas good.

Elke tiëd haet zoë zien jeugmeziek,
de rock & roll of disco-beate.
Zelfs de haordracht waas altiëd ludiek,
die zien de meiste nou al kwiët.


HOME PLAATSNAMENOVERZICHTHOME


VINDSE 'T THOES NI
1992: Teks & meziek: Hans v.d. Brandt
Oetveurende (*) : Wooden Chain

Refrein:
Vindse 't thoes ni, daan vindse 't nurges,
daas en spraekwoort oet mooderstied.
Vergok ni alles um te winne,
veurse 't wets, bisse alles kwiet.
Vindse 't thoes ni, daan vindse 't nurges,
daas en spraekwoord oet mooderstied.
Denk good nao veurse ges beginne,
anders kriesse iewig spiet.

Nao en tiedje liek alles zoë veurspelbaar.
Nao en tiedje liek alles zoë normaal.
Det verblindt, de sleur is euverwinbaar.
Lier och braille, door mooder eur verhaal.

Idder huuske daat haet zoë zien kruuske.
Idder gek dae haet zoë gebrek.
Speul aope kaart in plaats van kat en muuske.
De beste troef is thoes d'n eigen stek.

* cd: Wooden Chain - " Proficiat " - Marlstone Recordings bv CDL 9212


HOME PLAATSNAMENOVERZICHTHOME


VLINDERS IN D'N BOEK
2005/2006: Tekst & muziek: Geert Verschueren
Zang: Maaike & Hans (Handgraaf)

Refrein:
Vlinders in d´n boek
Ik heb de razels in de bein
Ik kleur met hiel mien snoet
En det kump daor dich allein
Vlinders in d´n boek
Jae miene maag dae dreijt zich um
Kump mienen druim nog oet
Of huer ik allein dien stum

Ik kwaam dich taege
Waas knats verlaege
Zoe iets moeijs wie dich
Waas ut gans veur mich
In mien bed ligge dreije
Dinkend aan os beije
Wandelend hand in hand
Wat is d´r met mich aan de hand

Vuel heb ik geschreve
Euver wolke wao weej op dreeve
Euver blumkes en de bije
Same in de rundte dreije
In dien erm ligge druime
Lekker lui zitte luime
Dinkend aan dien stum
Vraog ik mich aaf waorum


HOME PLAATSNAMENOVERZICHTHOME


VRINDEN VEUR UT LAEVE
1992: Teks & meziek: Hans v.d. Brandt
Oetveurende (*) : Wooden Chain

Refrein:
Weej ware vrinden vaan elkaar veur hiel ut laeve,
door waer en wind, speuls als en kind.
Waas d'r noet, stonden weej klaor um steun te gaeve,
door diek en dun, zelfs um en um.
Weej straevelde zonder wûrt te hebben,
maar ut wederzijds respect is noeit gegaon.
Weej ware vrinden vaan elkaar veur hiel ut laeve,
en die vrindschap zal iewig veurtbestaon.

Ik dreigde dich veur 't ierst te verleren,
toens dich plots dien ierste leefde vonds.
Dich te deilen lierd’ik snel te respecteren,
want ik kreeg vaan dich , noeits d'n bons.

En toense veur dien werk verhoeze mos,
nao lange tied vertelsde dien relaas.
Maar nog veurse met dien ierste wurt begos,
waas 't net ofse altied beej mich waas.

Diene rouwbreef bevestigd dien tragedie,
ik waas verslage, al waarse jaore oët mien zich.
Enne glimlach euverwint steeds mien emotie,
want in mien hert, laefse altied veurt beej mich.

* cd: Wooden Chain - " Proficiat " - Marlstone Recordings bv CDL 9212


HOME PLAATSNAMENOVERZICHTHOME


VRINDSCHAP
Tekst & meziek: Hans v.d. Brandt

Refrein:
Vrindschap, wat is d'r schoêner dan ôs
Vrindschap, wat is gewoêner dan ôs
Vrindschap, det is 't schoênste wat d'r is (Det is ni mis)
Vrindschap, wat is gezonder dan ôs
Vrindschap, det is bisonder aan ôs
Vrindschap, det is 't schoênste wat d'r is !

Elke mins haet ziene daag, wao alles mar mislukt.
De vuls dich rot doordet gejaag en door de stress gebukt.
De môs vur-oët met vuul gekreun, want de hes ut toch zoë druk.
Dan krieg ik diene ruggesteun en preuf ik mien geluk.

Elke mins haet ziene daag wao alles prima lukt.
Devulsdich bliej en ni gejaag of door de stress gebukt.
De zuks vertier en gen gekreun, dien hert haet ut zoë druk.
Dan krieg ik diene ruggesteun en deil ik mien geluk.

* lp: Onger os DC7090B
* cd: Onger os CD 7090DC


HOME PLAATSNAMENOVERZICHTHOME


VROEGER
Teks en meziek: Hans v.d. Brandt
Gezônge: Wooden Chain

Refrein:
Vroeger speulde kinder veilig op de straot,
en men deilde leef en leid of kattekwaot.
Toen waas de hoêselijkheid in hoês zonder TV,
en ok Oma, breide sôk, huurde d'rbeej.
Bôtterbleumkes greuijde toen in idder wei,
en die brachte weej wal’is veur mooder mei.
Vroeger laefde me gezônd en hiel tevreej,
maar daas lang geleej, hiel lang geleej.

Huurse die verhaole oët vervlaoge tiëd,
d'r waas toen miër, alle ermooj ten spiët.
Weejmoedig rolt beej mich daan soms en traon,
met de veuroëtgang is vuul achteroët gegaon ...

De loch waas klaor en rook toen heerlik fris,
die vitamien wurt straks daagliks gemis.
En de kaoleboer kwaam meistal ni zoë ver,
want nao "waat borrels" ging hae wiër, met perd en ker ....

De toekomst zal ok oëit verleeije zien,
en misschien haet men daan de zelfde piën.
Al haet men ôzzen tiëd daan noeit gekent,
eder mins helt zoë zien eigen sentiment ...


HOME PLAATSNAMENOVERZICHTHOME


VUUL TE WEINIG
2006/2007: Tekst: Lonneke Alberts & Linda Aarts - muziek: Geert Verschuren

Refrein:
Dreej daag vastelaovend, det is toch vuul te weinig.
Dao veur zien dees dolle daag vur ôs ech supergeinig.
Alles steit heej op de kop, dreej daag is vuul te min.
Det motte minstes zes daag zien weej wille ôzze zin.

Zôndaag is ut wir zoë wiët, we gaon weer allemaol verkleid,
Pipi Langkous, Mickey Mouse det is gewoën en feit
Idderein dea danst en zingt, dea huppelt en dea springt
´S aoves laat ken neemus mier dus gaon weej morge wier.

Maondaag is d´n twiëde daag, d´r kômme dansmarietjes
Jearke in de buuteton en minse zinge liedjes
Wea d´r ok is, is de prins, hea ken iddere mins
Nog einen daag te gaon, dao nao is ut gedaon.

Dinsdag is de letsten daag, dan nao mot de vlaag wir weg
Nao vanaovend is ut wir gedaon wat hebbe we en pech (schloess)
Ut leefs ginge we nog en paar daag door,
Maar helaas motte we wachte tot ut volgend jaor.


HOME PLAATSNAMENOVERZICHTHOME


WAE DUIT ÔS WÂT ?
2000/2001 nr.1: Teks: ? -meziek: ?
Oétvoering: Geert-Loek-Gerard

Refrein:
Wae duit ôs wât, wae duit ôs wât,
ut mâk ôs niks oét want weej hebbe nag zât.
Wae duit ôs wât, wae duit ôs wât,
ut mâk niks weej hebbe nag zât.
Wât ok nag gebeurd, jao, dât kân ôs niks bômme.
Weej hebbe genôg um dees daag door te kômme.
Wae duit ôs wât, wae duit ôs wât,
ut mâk niks, weej hebbe nag zât.

Idder jaor dân hes-se dât wir.
De vastenaovend kump, d'n tiéd vân lol en vuül plezeer.
Elke stuúver elke cent, hebbe weej d'r vur gepot,
um te drinke, en lekker gleske beer.

Vaer daag gaon weej lekker aan de zwier.
Vân 's morges vroeg tot 's aoves laat, gaon weej dân op stap.
En denske heej en pilske dao, d'n tiéd dae vluug vurbeej.
En is ut geld op, wördt d'r wir gelap.


HOME PLAATSNAMENOVERZICHTHOME


WAE DUIT ÔS WÂT ?
2000/2001: Kroegzengers

Refrein:
Wae duit ôs wât, wae duit ôs wât, wae wilt ôs heej wât doon ?
Wae duit ôs wât, wae duit ôs wât, wae helt ni vân zonne kloon ?
Mâr dae dân toch wât doon wilt, dae lôpt mâr nao d'n tap,
en brengt ôs en gleske mei want dae haet ut gesnap.

Ut ganse jaor mâr doon zien weej ôs aan ut spooje,
en laupe ôs duk vurbeej', want weej zien vân die gôjje.
Weer renne dân, zoë wiej me zaet, vân hot wir truuk nao haar.
Vândaag doon weej dao ni aan mei, jao, nae, vergaet ut mâr.

Vândaag is gen gehaôs, weej neme ôs wât miër tiëd,
weej make vuül lol en klug, en rake zoë de zôrg kwiét.
Daobeej gaon weej is oét d'n bôl en kômme ni d'r in truuk.
Vândaag zien weej' dât gek gezich, met masker en niet pruuk.


HOME PLAATSNAMENOVERZICHTHOME


WAE DUIT ÔS WÂT ?
2000/2001: Raod vân Elf

Refrein:
Wae, wae, wae duit ôs wat, weej hebbe vân alles zât.
Zât genôg vur en joeksig laeve, zât genôg um steeds ut beste te gaeve.
Wae, wae, wae duit ôs wât, weej hebbe vân alles zât.
Zât genôg vur vastenaovend good te viëre, zât genôg vur ne vastenaovend met meniére.
Wae wae, wae duit ôs wât, want door ut jaor zien weej wir nuchter zât.

De Raod vân Elf is wir wât vân plan.
"Hoe doon die dât dân, hoe doon die dât dân ?"
De vastenaovend helt eur in de ban.
''Hoe halde die dat dân ?'
Wilt geej weite hoe ? Weej verklappe gaer de kloe.

Ze verkaupe schaele wazel beej de vleet.
"Hoe doon die dat dân, hoe doon die dât dân ?"
Mâr beure noppes pieke tot verdreet.
"Hoe verkaupe die dat dân ?"
Wilt geej weite hoe? Weej verkaupe gaer de kloe.


HOME PLAATSNAMENOVERZICHTHOME


WAE HÂJ DÂT GEDRUIMP
2004/2005: Tekst & muziek: Elian van Ewijk
Zang(*): Wooden Chain

Refrein:
Wae hâj dât gedruimp, ut velt ni te beschriéve.
Ik bin vort good geluimp, zoë zal ut altiéd bliéve
Wae hâj dât gedruimp, ut waas mienen hertewinse
Iëuwig same, same ein, en sprookje vur elke mins.
Iëuwig same, same ein, en sprookje vur elke mins.

Mien druime waere werkelikheid, d'n hemel heej op aerd.
Ik zoog opèns dae schoëne man, de prins op zien witte paerd.
Vur mich waas dit de groëte wins, dât hâj ik noeit gedach.
Zoë kump-se in d'n druim terech, vân doézend en ein nach.

Daor nao de Vastenaovestiéd, ik kreeg ut plots te kwaod.
Toen bleek dae moëje prins vân mich, enne gewoéne jông vân de straot.
Zelfs ut paerd, dât bleek toch achteraaf, enne fiets, wât mâk ut oêt.
Daen druim vân mich waas gen bedrog, hae blief miene prins, ik zien broéd.

* 2-cd 2004 : Wooden Chain - "De beste winse" - CDL 2415


HOME PLAATSNAMENOVERZICHTHOME


DE WAEG KWIÉT
2001: Tekst: Xander Boers - muziek: Geert Verschueren
Zang: Kloëte Kook

Refrein:
Want ik...(wae dich?)... bin de waeg kwiét... de waeg kwiét.
En jaowal huür net dât stuk naor hoés.
Want ik...(wae dich?)... bin de waeg kwiét... de waeg kwiét.
En kôm dus nimmer thoés.
Gluif mâr minse mich duit ut ok pien.
Dât ik nag steeds gezellig heej beej ôg môt zien.
Gluif mâr dât ik mich te barste zeuk.
Want heej beej ôg, jao heej beej ôg, heej is ut gaar ni leuk.

Wiej ik gistermorge vroeg de deur oét ging.
Zag mien mooder mich, jông ônthald ein ding.
Vânaovend vur d`n duuster steit ut aete klaor.
Dân bis dich heej beej mich en nimmer daor.
Net hâj ik eur kwaod aan de tillefoon.
Mâr mam ik kân dao niks aan doon.

Nae ik weit ech nimmer wiej ik laupe môt.
Alles liek op ein, jao ik zeuk mich rot.
Wiej ik vân hoés naor heej ging wis ik nag de waeg.
Now ik môt gaon is mien geheuge laeg.
Nao Vastenaovend kump dât wal wir truuk.
Tot dân hald ik mich heej keduuk.


HOME PLAATSNAMENOVERZICHTHOME


WAER OF GEN WAER
?

Refrein:
Al is 't biëstig kald vândaag, dât leet ôs ni zwaor op de maag.
Weej bliëve zinge, hiël doën beejein.
Âs daodoor dân ôntduujt 't iës, heej in ôs Plagge paradiës,
dân klink heej op 't Vullingshplein :
't Is vândaag d'n Plaggendaag, jao Gekke Maondig,
dât is vur elke Plaggenblaag net enne zôndig.
Weej kunne taege kelt en reagen, sniëj en mis,
um det 't Gekke Maondig is.

Heej hink met Gekke Maondig altiëd en gooje buuj,
al staon weej ôk te schuule ônder en parapluuj.
En âs ônder d'n optoch 't zunke vur ôs schiënt,
dân roope weej "Dât klopt toch, dât waar zoë oëtgekiend".

D'r hink heej gen depressie, weej staon hoëg ônder druk,
in plaats vân en presessie, enne optoch oët ein stuk.
en geit dân vân de raegen de smienk vân mien gezich,
dân is dât enne zaegen, âs dich mâr hels vân mich.


HOME PLAATSNAMENOVERZICHTHOME


DE WEARDE VAN MIEN LEAVE
2004/2005: Tekst & muziek: Bart Tabbers
Zang(*): Wooden Chain

Ik zoog dich staon waord gans verleef,
Waas gans van de graot.
Blief beej mich astebleef,
Ik waas in alle staot.
Zoe- iets leefs kwaam ik in jaore nog neet taege.
Dus ik vroog dich gans verlaege.

Refrein:
Wilse beej mich blieve, alles deile met mich?
Kom ens efkes heej, ik hald zoe vuul van dich.
Dien auge spraeke waord die ik eind'lijk kin verstaon
Wilse hiel dien leave met mich veerder gaon?
Dich bis de waerde van mien leave, guefs mien leave zin.
Dich bis ut moeiste waat ik mich winse kin.

Dich bleefs beej mich, gings met mich door,
Ozze druim kwaam oet.
Noow is ut eind'lijk waor,
Dich bis vandaag de broed.
Vanaaf vandaag zien weej nog hechter,steeds beejein
Dich bis miene nummer ein

* 2-cd 2004 : Wooden Chain - "De beste winse" - CDL 2415


HOME PLAATSNAMENOVERZICHTHOME


WAO IS MIEN MEGJE ?
Tekst & meziek: Geert Verschueren
Oetveurende (*) : Marc Verheijen & Gert Paulus

Refrein:
Ik bin mien megje kwiët, wao zal dât nôw toch zien ?
Ik bin mien megje kwiët, haet eemus eur gezeen meschien ?
Ik bin mien megje kwiet, ik snap d'r niks miër vân.
We zien toch same weggegaon, ik weit ni hoe dât kân.

Elk jaor, met vastenaovend, gaon weej d'r op oët,
en aete weej dân 'smorges en bôttram met kârboët.
Mâr zien weeij in ut kefee, let ik efkes ni op,
dân dink ik wir: "Ojee, wao haet ut zich verstop ?"

As d'n daag gedaon is, en idderein nao hoës is,
dân kiëk ik um mich hin, zeen ik nörges mien vriendin.
Ik zeuk in hiël ut kefee, zet alles op de kop,
en wir dink ik: "Ojee, wao haet ut zich verstop ?"

* cd : De Plaggenhouwers "Klug is ni te kaup (Grubbenvorster Carnavalsmuziek 92/93 - 94/95)" - Hansoƒoon CD 9410


HOME PLAATSNAMENOVERZICHTHOME


DE WARE LEEFDE
Tekst & meziek: Hans v.d. Brandt
Oetveurende (*) : Wooden Chain

Refrein:
De ware leefde heb ik nouw gevonde.
De ware leefde vur de ware mins.
Die ware leefde haet ôs nou verbonde.
Die ware leefde vur de ware mins.

D'n ein had dit en d'n andere dat,
mar nemus had det bietje, wat ik nouw nuudig had.
D'n eine waas zoè en d'n andere zus,
mar nemus waas de ware, dae mich wakker had gekus.

Mien hertje bleef mar dwale, door d'n eindelose nach,
wies dich mich dao kwaams haale, en de leefde hes gebrach ...

D'n eine wou dit en d'n andere dat,
mar nemus wou det bietje, wat miene wil nou nuudig had.
D'n eine kôs zoë en d'n andere zus,
mar nemus kôs mich temme, nemus haet 't veur geblus.

Mien hertje bleef mar dwale door d'n eindelose nach,
wies dich mich dao kwaams haale, en de leefde hes gebrach ...

* lp: Onger os DC7090B
* cd: Onger os CD 7090DC


HOME PLAATSNAMENOVERZICHTHOME


WÂT EN WAER WIR
1985: Teks & meziek: José Vercoulen
Gezônge (*) : DUV

Refrein:
Wât en waer wir, wât en waer wir.
Windstil, genne wind en ut wejit gaar ni.
Wât en waer wir, wât en waer wir.
Windstil, genne wind en ut weijt gaar ni.

In ut park stônd en hiël klein ventje,
met geschoepte bloome in zien hendje.
Hae gaj ni de pliesie aan zeen kômme,
dôch: as dae mâr ni op mich deut grômme.
Met en snuutje wit vân schrik vertrokke,
zag hae taege dae pliesie hiël verschrôkke:

Zeej zoote same op en benkske,
hae lag zien wang taege eur wenkske.
Och, wât waas hae toch verleage,
wis ni wâtte taege eur môs zegge.
En nao ennen hiël tiëd vân zwiëge,
waas ut innigste wât hae dur oët kôs kriëge:

Hae haj, dât zoogse aan zien laupe,
ni zoëvuul beerkes môtte kaupe.
Ut sleutelgaat, dât kôsse net nag vinde,
mâr veel toen met de veurdeurmat naor binne.
Hae zoog ni dât zien vruiwke stônd te kiëke,
en wis nag net de deigrol te ôntwiëke. (en hae zag:)

* cd : Gekke Maondaagsvereiniging De Plaggenhouwers - " 4x11, det ging vânzelf " - Grubbenvorster Carnavalsmuziek 82/88 ... 96/97 - The Famous Mudraod Studio's Grubbenvorst CD 9610


HOME PLAATSNAMENOVERZICHTHOME


WÂT KAN ÔS GEBEURE
2000/2001: Teks: ? - meziek: ?

Refrein:
Wât kân ôs gebeure, wae duit: ôs wat,
ut is wir vastenaovend in ut dôrp en in de stad.
Laot ôt mâr gewaere, d'r is al oozel zât.
Wât kân ôs gebeure, wae duit ôs wât.

Ik zag iets taege Harie: "Jông, kiëk ni zô zoor.
Um zoë te bliëve kiëke, hoe krieg-se dat toch klaor ?
Maak dien auge efkes toe en goëj dien gezich in en andere ploej."

Willem zag taege Bertha: "D'n aovend is nag lank.
We bliëve same heej ech ni druüg zitte op de bank.
Doot en lekker kleurke op dien snoét, dan gaon weej vänaovend oët."


HOME PLAATSNAMENOVERZICHTHOME


WÂT TE DRINKE ?
Tekst & meziek: Ruud vd Brandt
Oetveurende: Margo Verbeek

Refrein:
Meug ik vur Mien, en gleske wiën, en vur Merie, enne cherry.
Özze pap, drinkt appelsap want ôs mam stelt beej d'n tap.
Meug ik vur Mien, en gleske wiën, en vur Merie, enne cherry.
En vur mich haj ik hiël geer en gleske beer.

Ut ganse jaor zeen weej d'r wir naor oët,
weej make lol en schminke os de snoët.
Dân gaon weej met de hiële bubs op stap,
en bestelle ôs te drinke aan d'n tap.

Lets ware weej met vastenaovend heej,
en hiël moeij megje, jao dât zoge weej.
Ut ging hiël good ge kunt ut ôg wal dinke,
totdât zeej vroog, wât zuujt geej wille drinke.

* cd : De Plaggenhouwers "Klug is ni te kaup (Grubbenvorster Carnavalsmuziek 92/93 - 94/95)" - Hansoƒoon CD 9410


HOME PLAATSNAMENOVERZICHTHOME


WEEJ DANKE DAOVEUR IDDEREIN
Teks en meziek: Hans v.d. Brandt
Gezônge: Wooden Chain

Refrein:
Maar minse leef ut is gedaon,
weej môtte nou nao hoës toegaon.
Ut wass geweldig ut waas zoë fein,
weej danke daoveur idderein.

Weej deeje zinge euver dinge,
soms met en traon of enne lach.
Waat melodietjes en leefdesliedjes,
die hebbe weej veur och gebrach.

Groët en klein zit doënbeejein,
en men herkent zien sentiment.
't Waas 'n aovend, vuul belaovend,
en dae kumt nou aan zien end.


HOME PLAATSNAMENOVERZICHTHOME


WEEJ KÔMME WÂT LATER
2002: Tekst & muziek: Geert Verschueren
Zang: Geert & Loek

Refrein:
Weej, weej, weej, weej kômme wât later,
weej, weej, weej, weej kômme d'r aan.
Weej môtte efkes nag wât doon,
ik môt mich sminke âs enne kloon
en ut verve vân mien haor,
nae weej zien nag lang ni klaor.
Weej, weej, weej, weej kômme wât later,
trek ôg vân ôs mâr niks aan,
weej kômme d'r aan.

Geej kent ze wal de minse vân d'n tiéd.
De spriks wât aaf met eur mâr kriegs dân spiét.
Want wiej gewoënlik zien ze wir te laat.
Dân geit de bel en dich steis al paraat.
(En zeej zegge dich)

Met âl dât werke hebbe weej ut druk.
Zelde nag wât tiéd vur wât geluk.
De daag die zien te kort dât merk-se snel
en vur des-se ut wets geit wir die bel
(En wât zaes-se dân)


HOME PLAATSNAMENOVERZICHTHOME


WEEJ WEITE VÂN WANTE
Tekst & meziek: Huub Janssen
Oetveurende (*) : Michel Hornix & Sander Jansen

Refrein:
Weej weite vân wante, weej kômme euveral,
weej zien vaste klante op ut vastenaovesbal.
En maske zoë schoën, det mâk vur ôs niks oét,
weej trekke gewoën idderskiër en andere snoét.
Weej weite vân wante; weej halde gooje mood,
weej zien vaste klante; ut bevèlt ôs heej hiël good.
Weej make meziek, mâr weej dreije ni door,
weej zien good publiek, wies in ut late oor.

Weej laote âs de kônt naodrage, zitte met ôs vot steeds in de wage.
Mâr kump ut vastenaovesfiës, dân gaon weej wiej en riés.

Weej zien soms ni veuroét te brande, al hebbe we zelfs niks um hande.
Mâr kump ut vastenaovesfiës, dân gaon weej wiej en riës.

Weej rake ni gauw opgewônde, hebbe heej ôs plekske al gevônde.
Mâr kump ut vastenaovesfiës, dân gaon weej wiej en riés.

De Plaggenhouwers - Grubbenvorster Carnavalsmuziek 95/96


HOME PLAATSNAMENOVERZICHTHOME


WEEJ WINSE DE MINSE ALAAF
Teks & meziek: Hans van den Brandt
Oetveurende: Hay Vaessen & Ingrid vd Liefvoort

Refrein:
Weej winse ôg alaaf, aan vastenaovend zien weej kei verslaaf.
Weej winse ôg alaaf, zelfs genne dokter helpt ôs dao vânaaf.
Weej winse ôg alaaf, pas âs weej slaope, zien weej braaf.
Al zien weej kupot ôf bek-aaf, weej winse alle minse alaaf.

't Ganse jaor duisse de groete, veur elke mins en hertewins.
Dao hôf-se noeit ni vur te boete, d'rs genne mins, dae det verwins.
Vândao ôs vastenaoves geste "Wins idderein nou is alaaf",
en gun iederein dân 't beste, en break vastenaovend neet aaf ...

De zuuj's 't enne kiër probere en de vônds dân dien geluk.
Wât zuuj dien greekzin snel sanere, want wât kreeg-se 't dân druk.
Vândao ôs vastenaoves geste "Wins idderein nou is alaaf",
en gun iederein dân 't beste, en break vastenaovend neet aaf ...


HOME PLAATSNAMENOVERZICHTHOME


WELKOM THOÊS
Tekst & muziek: Hans vd. Brandt
Oetveurende (*) : Wooden Chain

Waat is ut fein um waer ens thoês te zien, preuf de roezegeur en maoneschien.
Alles is waer zoë vertrouwd, slappe koffie wie van ouds.
Waat is ut fein um waer ens thoês te zien, preuf de roëzegeur en maoneschien.
Ouwe jongens krente-broëd, ouwe koeije oët de sloët.
Welkom thoês duit altied good.

Ik trok al vroeg da waereld rond, op eige bein leek mich gezond.
Zoog vuul minse heej op erd, gokte op verkierde perd.
Verloor alles wat ik had, woord zoë mager es en lat.
En verlangde waer nao hoés, oëit kom ik thoês, eindelik thoês.

Ik goeij de deur ni gauw mier dicht, elke tunnel straolt oeit licht.
Al stoëts se noch zoê duk de kop, gaon toch door, gaef ni op.
Euveral is wal ens wat, ik heb mien les allang gehad.
En truëst mich zelf zonder schroom, d'r is mar ein "home sweet home".


HOME PLAATSNAMENOVERZICHTHOME


WIE ZUUJ UT ZIEN ... ?
Teks: ? - meziek: ?

Refrein:
Wie zuuj ut zien as Grubbevors nôw beej Venlo kwaam,
dân waas ut enne groëte puinhaup heej.
Vur elke scheet kôste weej nao Venlo gaon.
Weej bliëve leever op ôs eige Plaggebein staon.
Wie zuuj ut zien as Grubbevors nôw beej Venlo kwaam,
och minse, laot toch zien.
Want weej halde vân en bliëve in ôs Grubbevors,
genne Jocus, dae dao um tôs.

Beej Clevers op d'n hook kwaame stoplichte,
de Kloësterstraot woord enne autowaeg.
Beej Jan Linders zoog-se hônderdtachtig auto's staon.
Nae, weej hâjje nag gen Plagge-plekske um nao toe te gaon.

Natuurlik kwaame heej ok die Pruuse dân nao toe.
Opens schrôk ik mich wakker en ik dôch, dit is enne druim.
Wie ik door de rame nao boëte keek, zoog ik mien dörpke weer.
Nae, dân bleif ik toch mâr leever enne Grubbevorstenaer.


HOME PLAATSNAMENOVERZICHTHOME


WIEBELE
2001/2002 nr.3 : Teks & meziek: Hans vd Brandt
Zang (*) : Wooden Chain (Wiebel Club)

Refrein:
As mienen boék begint te wiebele,
de maag te kriebele, de snoét te giebele,
dân wiebelt Vastenaovend in de luch,
en dân wiebele we dreej daag vân de klug.
Ut duit mich good, ut duit mich bes,
duchtig wiebele verlos dich vân de stress.
As dienen boék begint te wiebele,
doon mei met giebele, en wiebel met ôs mei.

Ik gebroék miene agenda noeits ni miër,
um te plenne ôf ik Vastenaovend vier.
Want ik luuster nao mien eige lichaamstaal.
Ik waer gewaarschuwd zônder vuül kabaal.

Mien epies centum, schud mich op en neer,
dân kriég ik dors en snak nao en toét beer.
De schaal vân Rigter, wies op nummer elf.
De remme los, de res geit dân vânzelf.

* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201


HOME PLAATSNAMENOVERZICHTHOME


DE WITTE DAME
1988: Teks & meziek: René Verschueren
Gezônge (*) : René Verschueren

Refrein:
De Witte Dame, de Witte Dame.
De minse zagte "Dich bis dol", maar mien hert, dât sloog op hol.
(Want ik zoog) De Witte Dame, de Witte Dame.
Jao, zeej stônd dao maar te staon en 't waar ni ens volle maon.
De Witte Dame.

Met Gekke Maondig ging ik stappe, heeja, heeja hossasa,
en paar pilskes pakke, heeja heeja hosssa.
Opens kwam dao en kleid vurbeej, heeja .....,
dât hâj ik nag noëjt gezeen, heeja ......
Toen drông 't tot mich door, 't is ôngeluiflik, maar 't is waor.
Dât waar 't Witte Megje, wât dao rônd zweef op 't Slaot.
Iederein dôch dât ik loog, maar ik wis wâl wât ik zoog.

Ik môt zegge, ze waar bes wâl knap, heeja, heeja hossasa.
al waar ik dân en bietje zat, heeja, heeja hossasa.
Wie zeej mich in de auge keek, heeja .....,
dôch ik ech det ik bezweek, heeja ......
Toen drông 't tot mich door, 't is ôngeluiflik, maar 't is waor.
Dât waar 't Witte Megje, wât dao rônd zweef op 't Slaot.
Iederein dôch dât ik loog, maar ik wis wâl wât ik zoog.

* cd : Gekke Maondaagsvereiniging De Plaggenhouwers - " 4x11, det ging vânzelf " - Grubbenvorster Carnavalsmuziek 82/88 ... 96/97 - The Famous Mudraod Studio's Grubbenvorst CD 9610


HOME PLAATSNAMENOVERZICHTHOME


WONDERLAND
Tekst & meziek: Hans v.d. Brandt
Oetveurende (*) : Wooden Chain

Refrein:
Kom gaef mich nou dien hand, en kom mei nao wonderland.
Dao is alles puur natuur, elke daag en avontuur.
Dus gaef mich nou dien hand, en kom mei nao wonderland.
Dao is nurgens haat en nijd, en nurgens klassenstrijd.

De zuûs ût op TV, echt niejs is d'r neet beej.
De lôs ût in de krant, waat is d'r toch aan de hand ?
Allein mâr minse-leid, dae nuttelose strijd.
Maar adem deep en zucht, en neem met mich de vlucht.

De natuur raakt knats van streek en de buim die zien al zeek.
Gen blûmke det mier lacht of op en beijke wacht.
De leefde is verliert, die weej hebbe veriert.
Maar adem deep en zucht, en neem met mich de vlucht.

* lp: Onger os DC7090B
* cd: Onger os CD 7090DC


HOME PLAATSNAMENOVERZICHTHOME


DIE WONDERSCHOËNE MELODIE
Teks en meziek: Hans v.d. Brandt
Gezônge: Wooden Chain

Refrein:
Speul nog eine kier veur mich die wonderschoëne melodie,
wao op weej ôs liërde kenne in perfecte harmony.
Speul nog eine kier veur mich die wonderschoëne melodie,
wao op weej ôs liërde kenne laeveslustig, jonk en bliej.

D'r zien zoë van die deuntjes, die me kier op kier herkent.
Daat zien duk ruggesteuntjes, of vervlaoge sentiment.
Nao jaore "same jenne", denk ik efkes dao aan terug,
wie weej ôs lierde kenne, vreejerstiëd geit vleeges vlug ...

D'r zien zoë zo'n momentjes, wao me kier op kier aandenkt.
Daat zien duk complimentjes, die allein de leefde schenkt.
Nao jaore "same jenne", denk ik efkes dao aan terug,
wie weej ôs lierde kenne, vreejerstiëd geit vleeges vlug ...


HOME PLAATSNAMENOVERZICHTHOME


ZEUK UT Nl TE WIED
1999: Tekst & meziek: Geert Verschueren

Refrein:
Zeuk ut ni te wied, vindse ut heej ni, vindse ut nôrges.
Zeuk ut ni te wied, veurse ut wets, dan bisse alles kwiet.
Zeuk ut ni te wied, blief beej dien eige nes.
Kiek good oet, en dink good nao, mar zeuk ut ni te wied.

Weej viere alle ozze eige vastelaovend.
Joeks, jen en kluch, det steit veurop.
Idderein kint idderein, des vuulbelaovend,
gen and're plaats kan d'r taegenop.
Dus, minse, let good op, veurdet geej zeuke got.

Idder dôrp en idd're stad viert vastelaovend,
met ennen optoch, unne prins of un prinses.
D'r wurt gehost, gedanst tot laat in d'n aovend.
Met eige minse geit det toch ut bes.
Dus, minse, let good op, veurdet geej zeuke got.

* cd 9811


HOME PLAATSNAMENOVERZICHTHOME


ZOË MÂR EN DÛRP
Teks: ? - meziek: ?

Refrein:
Zoë mâr en dûrp vân en paar doëzend minse,
haet ziene trots en ok zien' eige trant.
In Grubbevors zuj me ni anders winse,
en dât mâk alles, dât mâk alles zoë interesant.

En âs me zoë s'aoves is kiekt nao die winkels,
me löpt zoë en klein straötje um,
dân velt ut ôs op dât me alles kân kaupe,
vuur prieze, die lege ni drum.
Ut is heej nag deurder dân wie in de stad,
mâr de keuning, dae is heej nag klant.
D'r is heej vân alles, vân dames salon,
tot en ech Chinees restaurant !

En âs me zoë lus euver ôs schoën gemeinte,
dân geit ut toch duk um de raod.
Me vrug zich dân aaf, wie dât verder môt laupe,
zeg meine die luuj ut wal good.
....................................(?)
....................................(?)
....................................(?)
....................................(?)


HOME PLAATSNAMENOVERZICHTHOME


ZOË ZIEN WEEJ
2005: Tekst & muziek: Hans van den Brandt
Zang: De klos & de sigaar

Refrein:
Zoë, zoë, zoë zien weej
Is d’r waat loos, zien weej d’r beej
Weej zette gaer de blumkes boete
En Floriade blieje snoëte
Zoë, zoë, zoë zien weej
Is d’r waat loos, huurt geej d’r beej
(Lim)-bourgondisch met en zachte G
Zoë, zoë, zoë zien weej
(Lim)-bourgondisch met en zachte G
Zoë, zoë, zoë zien weej

Met vastenaovend laupe weej veurop
Met waat schminck, schmincke weej volop
Op idder snuutje met en bleike kleur
Kump en blumke met de juuste fleur

Idder straolt wie en orchidee
En nemus vrugt waorum fleurt det heej...

De ganse straot wurt enne bloomentuin
Puur natuur, en zonder puin!
Op eige krach zonder groeihormoon
Speule weej dreej daag de kloon

Idder straolt wie en orchidee
En nemus vrugt waorum greuijt det heej...


HOME PLAATSNAMENOVERZICHTHOME


DE ZON GEIT WAER SCHIENE
Tekst & muziek: Hans v/d. Brandt
Oetveurende (*) : Wooden Chain

De zon die geit waar schiene, minseleef, geneet d'r vaan.
De wolke die verdwiene, dus geneet zoelang het kan.
De veugel kleure de reagenboog, ik dacht daat ik ze vleege zoog.
De zon die geit weer schiene, minseleef, geneet d'r van.

Ik kiek nao boête, waat en waer, 't miesselt daag op riej.
Bedreufde snoête, die wille gaer nao boête, fris en bliej.
En straolke wringt zich door en wolk, verlicht dâomei ut somberre volk.

Iddere mins krieg taegesleeg, verluust zien aevenwicht.
Alles steil steeds in de waeg op zeuk nao 't laeveslicht.
En straolke wringt zich door en wolk, verlicht däomei ut somberre volk.


HOME PLAATSNAMENOVERZICHTHOME


ZONDAAGSGELD
Tekst & muziek: Hans v.d. Brandt
Oetveurende (*) : Wooden Chain

Zondaagsgeld, zondaagsgeld, kriege weej nag zondaagegeld ?
Weej zien weer blut, wear oëtgeteld, kriege weej nag zondaagsgeld ?
Zondaagsgeld, zondaagsgeld, geej wet toch wal wae vaan och helt ?
Kriege weej nag zondaagsgeld ?

Ligge weej zondags lang in bed, deurt veur os neet lang de pret.
Wekt de jeugd os met kabaal, komme weej amper op verhaal.
Kriege weej dit of dat of zelfs ontbijt op bed ?

Ik heb nog muntjes zilverwerk veur te offere in de kerk.
Papeere geld is vuul te groët, al klaag geej nag zoë ogge noëd.
Geej krieg 't morge wal, maan mich veur 't geval.

De jeugd is toch jao zou gehaaid, idderen wurt op maot gepaaid.
Ze dwinge os nao uur oma toe, zelfs opa snapt ok dan de klou.
Eur IQ is Oké, alles telt maar dreej.


HOME PLAATSNAMENOVERZICHTHOME


ZONDER DICH
1992: Teks & meziek: Hans v.d. Brandt
Oetveurende (*) : Wooden Chain

Refrein:
Zonder dich, is 't duuster zonder lich,
blief 't kieke zonder zich, zonder dich bin ik neet mich.
Zonder dich, is 't zwerve zonder thoës,
blieft 't kalt in idder hoës, zonder dich bin ik neet mich.
Telkens waer, spant opniej waer die vaer,
ken ik hup zoe veuroët, met en hiele frisse snoêt.
Zonder dich is mien laeve neet compleet,
veur geluk of soms verdreet, zonder dich bin ik neet mich.

As en joârke zoë veurbeej is, en asse daobeej nog tevreej bis,
alles geit zoë ongeremd, alles liek al veurbestemd,
dan denk ik: "hoe zou det nou komme ? Niks te wensen niks te gromme!"
Maar 't antwoord kumt vanzelf samen met mien wederhelf ...

Asse alles gaer gedaon hes en asse daobeej hiel voldaon bis,
alles geit zoë hiel gewoén, alles is zoë wonderschoën,
dan denk ik:" Zal det altied bliëve ? Niks te klaage niks te kiëve !"
Maar det seen ik dan vanzelf samen met mien wederhelf ...

* cd: Wooden Chain - " Proficiat " - Marlstone Recordings bv CDL 9212


HOME PLAATSNAMENOVERZICHTHOME


ZÔNNE BLÔND GEKOËFDE GAELE MAKKER
Tekst & meziek: Xander Boers
Oetveurende (*) : Xander, Matje en de Kuufkes

Refrein:
Zônne blônd gekoëfde, gaele makker, helt dich laevendig en wakker.
Lekker kalt met enne moeije kraag, leet dae heerlik in de maag.
Vul-se dich enne muujje stakker, neem dân zônne blônd gekoëfde gaele makker.

As 's morges vroeg d'n haan geit kreije, vuül minse zich nag 's dreije.
Geit Gekke Maondig vur ôs starte, spult de slaop nag wal wât parte.
Mâr dât verdwient al snel en gaer, dân pakke weej ôs iërste potje beer.

En 'smiddigs geit d'n optog trekke, gaon weej de bein mâr 's strekke.
Nao raegen, wind en oore laupe, môtte weej snel wât gaon kaupe.
Want zien weej kalt vân ut slechte waer, dân drinke weej ôs snel en pötje beer.

En kômp geej ôs dân laat nag taege, zien weej ni miër te bewaege.
Muuj in de bein vân al dât springe, en de kael schor dôr ut zinge.
Jao, doot ôs dân en groët plezeer, en gaef ôs snel en lekker pötje beer.

* cd : De Plaggenhouwers "Klug is ni te kaup (Grubbenvorster Carnavalsmuziek 92/93 - 94/95)" - Hansoƒoon CD 9410


HOME PLAATSNAMENOVERZICHTHOME


ZÖRG VUR MORGE
Tekst & meziek: René Verschueren
Oetveurende (*) : René Verschueren

Refrein:
Al hesse zörg ân diene kop, dink ni aan morge.
Dao kumse baove op, dink ni aan morge.
Dreej daag meugse dich laote gaon,
dreej daag meugse alles laote staon.
Dus laup mâr door in galop,
én schriëf dien zorg wies morge op.

Herkent geej 't verhaol:
Schat, dit is mien letste glaas.
Mâr 't waas te gezellig de gansen daag.
Ze dringe beej dich aan:
Och kôm, doot toch ni zoë flauw.
Och zörg genög vur de res vân 't jaor.
Dus met vastenaovend fiëste weej door.

Herkent geej 't verhaol:
Schat 't is al vuul te laat.
Mâr de kael is druug en ni miër naat.
De kiëks mekaar 's aan.
Och, we bliëve ok mâr heej.
En zoë zien de probleme vurbeej.
Och zörg genôg vur de res vân 't jaor.
Dus met vastenaovend fiëste weej door.

* cd : "Ôs halde ze ni taege (Grubbenvorster Carnavalsmuziek 91/92)" - Hansoƒoon


HOME PLAATSNAMENOVERZICHTHOME


ZÜNDAPP
1992: Teks & meziek: Hans v.d. Brandt
Oetveurende (*) : Wooden Chain

Refrein:
Ik gaon op stap, met de Zündapp.
Ik riej wiet weg, det doot ik ech.
Ik veul mich good, "Queen of the raod"
Ik gaon op stap, met de Zündapp.

Ik waas en tienerqueen,
en wou gaer de blitste zien,
Maar had en groet complex,
ik wou genne So-ho-lex.
Ik waas gans van de wap,
vaan enne Zü-hündapp,
dus koch ik veur de wiets,
enne hieren bromfiets ...

* cd: Wooden Chain - " Proficiat " - Marlstone Recordings bv CDL 9212


HOME PLAATSNAMENOVERZICHTHOME


ZUSTER LOELOEWATS
2001/2002 nr.2 : Teks & meziek: René Verschueren
Zang: René Verschueren & Twan Relouw
Gezônge:

Eur vader dae waas dokter en mooder, die goof les.
Op de Vastenaovesschoël deej Loeloe good eur bes.
Mâr wât môt ik now waere, wât zal ik later zien ?
Messchien waer ik wal Prins ôf studeer ik medicién.
Zeej hâj ut toen gevônde en schreef groët op ut bord:
"Ik waer enne kwatszalver in enne witte schort".

Refrein:
Wae is spesjalis in Vastenaoveskwats ?
Dât is zuster Loeloewats.
Wae trek dae witte schort euver daen dieke bats ?
Dât is zuster Loeloewats.
Wae guf gôjje raod vur enne habbekrats ?
Dât is zuster Loeloewats.
Vur elke Vastenaovespién, haet zeej de juuste medicién.
Zuster Loeloewats.

Os Loeloe kreeg en tuintje en dât waas juus zoe kwant,
zeej kweekte met vuül liefde en polonaiseplant.
Precies zoë wiej ut huurde, netjes in en riej,
en soms dân stroëjde Loeloe met wât confetti.
Toen hâj zeej ut gevônde, ut galmde door de gank:
"Wae wil d`r now is preuve vân miene kwatsendrank".


HOME PLAATSNAMENOVERZICHTHOME