HOME
PLAATSNAMENOVERZICHTHOME
4 X 11
1994: Teks & meziek: Ruud Wauben
Zangk: Elise Timmermans, Jolanda Esser & Ruud Wauben
Refrein:
't Is fieës in Gottekoave, 't Tuurhout jubileert.
Al 4 moal 11 joare van sjpas en veul plezeer.
Mit lank gezich en sjlechte zin kenne veer niks doon.
Want ein Tuurhout, dea viert karneval mit 't hart van eine klauwn.
Want ein Tuurhout, dea viert karneval in ôs dörpke wônjersjoan.
Es te mit vasteloavend in Göttekoave bes,
dan wetste al van te veure, doe kums neet in dien nes.
Van 's oavends laat tot deep in de nach, dan sprenge veer hendj in hendj.
Vertelle sjeale kal en viere karneval in 't sjoanste dörpke van ôs lenjd.
Veer goan noa alle fieëste die oze road veur os verzint.
Zitting, kenjer of auwt wieverbal, 't wurt door jederein bemint.
In 't Tuurhoes, Els of in de verkessjtal, doa is ummer get te doon.
't Vasteloavend viere dat mosj ummer blieve, ach, wat woar 't laeve dan sjoan.
HOME
PLAATSNAMENOVERZICHTHOME44 JOAR VASTELOAVEND
1994: Teks: Inge Deus & Maurits Storms - meziek: Inge Deus
Zangk: Inge Deus, Maurits Storms, Robert Rennenberg & Guido Steevens
Wat ben ich blie dat ich es Tuurhout ben geboare,
dat mich de oojevaar hie boave heat verloare.
Vasteloavend viere kenne ze hie goot,
want in Gottekoave zit dat in 't blood.
Refrein:
De vasteloavend geit dit joar get beloave, hie in Gottekoave.
Dat kom v'r gegarandeerd neet mer te boave, hie in Gottekoave.
Want de Tuurhouters die besjtoan al veer keer ellef joar.
Want de Tuurhouters die besjtoan al veerenveertig joar.
Met vasteloavend trok de optoch door de sjtroate.
Jederein is blie en gedreug zich oetgeloate.
In 't Tuurhoes en bie Els, doa is get oet,
want gans Göttekoave trek d'r dan op oet.
De Tuurhouters goan ein fieës organiseren,
en mesjien auch waal get luuj nog decoreren.
Noe hoal dich mer 't masker oet de doas,
in Gottekoave geit 't fieës noe loos.
HOME
PLAATSNAMENOVERZICHTHOMEALLE DOEVE
1994: Teks: Til Keulen - Org. : Alle duiven op de dam" (Gert en Hermien)
Zangk: Til Keulen & Loe Alberts
Jao, die doeve gaon noe dran, (sha, la, la, li, sha, la, la, la)
want ze kenne der niks van. (sha, la, la, li, sha, la, la, la)
Ze vlege neet meer aan de top, (sha, la, la, li, sha, la, la, la)
dus ze gaon noe in de sop. (sha, la, la, li, sha, la, la, la)
Wie enne druim zuus doe die baesjkes gaon,
doe zuus mich neet meer sjtaon.
Mer geluif mich dat is noe gedaon,
want ich fluit dich noe terok,
en ich hob dien vée geplok.
Veer sjloete noe de sjtal, 't is karnaval.
't Is mer eine keer per joar, (sha, la, la, li, sha, la, la, la)
en dat is ein graot bezjwaor. (sha, la, la, li, sha, la, la, la)
Want deze tied is vol te kort,
't moosj toch vol langer doere.
Want mit dees daag zeen veer ummer bieëin,
en dao nao mótte veer weer oettrein.
Van de vasteloavestied, (sha, la, la, li, sha, la, la, la)
daovan kriege veer naots sjpiet. (sha, la, la, li, sha, la, la, la)
Veer gaan door tot sjmorges vreug, (sha, la, la, li, sha, la, la, la)
en auch dan zeen veer neet meug, (sha, la, la, li, sha, la, la, la)
Wie enne druim zaogs doe die baesjkes gaon,
doe zaogs mich neet meer sjtaon.
Mer geer zeet dat is noe gedoan,
want ich floot dich terok,
en ich haw zien vée geplok,
veer sjloote toen de sjtal, 't is karnaval.
't Is mer eine keer per joar, (sha, la, la, li, sha, la, la, la)
en dat is toch gein besjwoar, (sha, la, la, li, sha, la, la, la)
Want deze tied is vol te kort,
't moosj toch vol langer doere.
Veer goan noe same ens good der taege aan,
jao, dao kent geer van op aan.
HOME
PLAATSNAMENOVERZICHTHOMEBIE HUB VAN SALDE IN DE VERKESSJTAL
1993/1994 nr.1 : Teks & meziek: Trio Poepchique
Zangk: Elmie Hermans & Trio Poepchique
Refrein:
Bie Huub van Salde in de verkessjtal,
doa is vandaag aw wieverbal.
De baer dae löp veurop,
want dae haet d'n allerdikste verkeskop !
't Is doa richtig karneval,
bie Huub van Salde in de verkessjtal,
Lalalalalala........
De noabers höbbe n't auch gehuërd, ze kalle dreuver in de buurt.
Bie Huub doa in de sjtal, doa is get oet.
M'n huërt d'r leave en kebaal, doa achter in de verkessjtal.
Doa is mich toch 'n laeve in de boet.
Wat bliek noe: alle verkes zeen verkleid es boer en boerin.
Mer Huub, dae geuf dan lachend te versjtoan:
Es dalik al die lekker sjenk hie lankoet op de lödder hink,
dan is 't oet, dus loat ze nog mer goan.
Gedans wurd veur en langs d'n trôg, de verkespuëtjes in de loch.
De sjtömming zit al drin, me kump op gank.
't Orkes huijt sjtevig op die kis, en kiek, de polonaise is jus,
'ne hele lange "korte"lettesjtrank.
Huub misj 't beer en wien dan door hun alledaags verkesvoor,
en veurse 't wets -knrr knrr -is alles weg.
Mer ondanks dat die vlerke zich gedrage wie de verke,
kump al weer op zien verkespuët terech.
HOME
PLAATSNAMENOVERZICHTHOMEBOEREBROELEF
1994: Teks & meziek: Joop Deriks & Guus Steinen
Zangk: Elly Muris & Joop Deriks
Refrein:
Geiste mit noa de boerebroelef,
noa de broedegom, de broed en boerebloaskapel ?
Geiste mit noa de boerebroelef, 't is zo'n prachtig sjtel.
Geiste mit noa de boerebroelef, de klok die wurd geloed !
Op zo'n boere, boere broelef löp 't ganse dorp oet.
Op zo'n boere, boere broelef löp 't ganse dorp oet.
Easj 't lenkerbein, dan 't rechterbein, zoa dans bie ós de boer.
Easj 't lenkerbein, dan 't rechterbein, hup, die klompe van de vloer.
Merieke woar 'ne boeremeid, van bienoa veertig joar.
En ze vong bie Sjaak, dae vieftig woar, de leaftied gein besjwoar.
Merieke woar zoa gaer getrouwd en 't plan dat woort gemaak.
Zoa woort zie veur twae sjtökker landj en drie verke de vrouw van Sjaak.
Wat woar mich dat 'ne broelef, zèk wat hob ver 'm geraak.
Wat höbbe ver gedans, doa op d'n dèn op 't good van Sjaak.
Gefieës woort dao tot sjmorges vreug, 't is woar wat ich vertel.
Wae kenônnezaat op heim aan ging, woar de boerebloaskepel.
HOME
PLAATSNAMENOVERZICHTHOMEBONTJE PARAPLUUJ
1996: Teks & meziek: Tiny Alberts
Zangk: De Sjweitveut
Refrein:
Bie ós, bie ós is 't mit vasteloavend weer ein bóntje parapluuj.
Bie ós, bie ós wurdt 't ummer gekker, jeder joar weer opnuuj.
Ze komme veur nao benne en goan achtere weer droet.
Doe zuus se dan oug lachend goan mit hun geverfde sjnoet.
Bie ós, bie ós is 't weer ein gekke parapluuj.
Bie ós, bie ós wurdt 't ummer gekker, jeder jaor opnuuj.
De vasteloaves kleier kômme oet de kas.
't Is mich ein gesjnater, gelach en gepas.
Mesjien de bóks van Sjeng.
En in die gekke kleier goan v'r aan de geng.
De vasteloavend jeder joar sjteit hie op nummer ein.
't Is ein faes van völ plezeer, joa, veur jederein.
Loat ós hie allein neet sjtoan, loat uch toch ens goan.
't Leave is toch mer zo kort, 't is zoa gedoan.
HOME
PLAATSNAMENOVERZICHTHOMEDANS MIT MICH
1998/1999 : Teks & meziek: M.Tummers
Zangk: De "Struukes" en de "Geurtsen"
Refrein:
Dans mit mich de cha-cha, en auch de pata pata.
Wae kent toch neet de rumba, dae kent toch jederein.
Dans mit mich de cha-cha, en auch de pata pata.
Kóm dans mèr mit ôs mit, het geit toch van allein.
Veer wille uch get laere, joa ech geer kent 't best.
Veer maake 'n polonaise, loester, noe kump de rest.
Veer danse op 't ritme, 't is toch neet zoa lestig.
Aug geer ger kent't heur.
Auch mit de vasteloavend dans jederein gaer mit.
Ze swinge en ze sjprènge op ôze nuuje hit.
Veer venje dit geweldig, veer venje dit zoa sjoan.
Dat groat en klein deit danse, 't is eigenlijk heel geweun.
Och joa, die vriegezèlle, die sjtoan weer aan de kenjt.
Noe doot 'ns mit ze danse, woo is toch uch versjtendj.
Kiek de vrouwtuul ens bewaege, wae wèt is dit uch kans.
Es geer noe auch ens mit dee, höb geer missjien nog sjans.
HOME
PLAATSNAMENOVERZICHTHOME'N DÖRP WO PIT IN ZIT
1993: Teks: Joop & Ber Deriks - meziek: ?
Zangk: Karel & Marie
Refrein:
't Is weer vasteloavend bie os in 't Tuurhouterlendj.
't Is weer vasteloavend, veer goan weer hentj in hentj.
't Is weer vasteloavend, veer maake völ plezeer.
't Is vasteloavend in Göttekoave, zoa maak se 't nörges mit.
't Is vasteloavend in Göttekoave, 'n dörp wo pit in zit.
Mit de vasteloavend is 't hie bie os toch ummer fieas.
Ederein deit mit, joa, doe môs der zeen gewaes.
Neemes deit normaal, mer dat maak toch gaar niks oet,
want es de bend begint, joa, dan zunk de ganse boet.
Den elfde van den elfde is veur ôs weer het begin.
't Tuurhout duuk op zölder weer de kleierkas ens in.
Dan kump er weer noa ônger es auwt wief of es matroos.
Dan is weer alles good want dan geit 't fieas weer loos.
HOME
PLAATSNAMENOVERZICHTHOMEES ICH NOG MER WEIT WOA DET KNUIPKE VEUR SJTEIT ...
1996: Teks & meziek: Brigitte Notermans
Zangk: Neet Gans Zuuver
Doe höbs van die luuj en doa heur ich auch bie, die doon 't leefs van alles, vergaete wat of wie.
Vasteloavend viere, dat is zo sjoan, leedjes verzinne, wie goan ich dat doon ?
't Beste idee kump midde in de nach, dan wurt vanalles oetgedach.
Geit de wekker aaf, tot miene sjpiet; ben ich weer mien ideeje kwiet !
Refrein:
Ich num mich dan weer ummer veur, ich maak ein tuike aan de deur.
Ein knuipke d'r in, ich weit besjeid, es ich nog mer weit woa det knuipke veur sjteit:
De hóndj van de buure, dea mót nog oet, die zin op vakansie en ich mót lette op de boet.
Belle noa de mam veur ein bótterham, vriedig zuut nónk Harie Abraham.
Noa de kirk es 't twea kear heat geloet, mörge oavent eate in de fritteboet.
Tentjpasta op en get vleisj veur in de sop, dea vettige dweil lik nog ummer in den top.
Mien, tuike det vergaet ich neet, es ich nog mer weit woa det knuipke veur steit !
Doa zeen van die luuj, heurt geer doa auch biej ?, vergeate van alles, joa zelfs hun eige prie.
Van boodsjappe doon kump gaaroets niks terech, want 't boodsjappelieske is alweer ens weg.
Auch aan de kassa geit 't mis, want wae wet woa mien beursj noe is ?
Wat ben ich toch ein sumpel hoon, alweer ens kwiet wat ich mót doon.
HOME
PLAATSNAMENOVERZICHTHOMEES 'T VASTELOAVEND IS
1998/1999 : Teks: T. Keulen & T. Albertz - meziek: T. Albertz
Zangk: T. Keulen & L. Albertz (De Loutillies)
En es 't vasteloavend is, dan hauwe veer weer op die kis.
Veer maake sjpas en hael völ lol, veer goan aan de rol.
't ganse joar door in de ploai, dat hilste toch neet vol.
Nei, èns dan wurt 't ôs te völ, dan gaan veer oet de bol.
Dan zèkke ze taege os, noe gebroek toch uch verstendj.
Mer d'n eine keer per joar, luuj, dan sjprèng veer oet de bendj.
Refrein:
Want es 't vasteloavend is, dan hauwe veer weer op die kis.
Veer maake sjpas en hael völ lol, want veer goan same aan de rol.
In de polonaise achterein, noe pak uch allenej biejein.
En Ioat uch noe mèr lekker goan, want 't is zoa gedoan.
Veer doon ôs dan verkleije en veer goan noa jeder bal.
Joa ech, geer vèndj ôs mit die daag werkelik euveral.
Veer goan dan door tot mörgevreug en es 't esjelegoonsdig is,
dan weite veer twae zèker, veer höbbe niks gemis.
Dan kèn veer der weer taege, joa ech 't ganse joar.
En loupe dan weer in de ploai, gans zônger bezjwoar.
Zoa ein jaar dat geit weer euver en dat is ôs gelök,
want eine keer per joar, joa, dan kump dit toch weer trök.
HOME
PLAATSNAMENOVERZICHTHOME'T GANSE JOAR
1998/1999 : Teks & meziek: R. Wauben
Zangk: 't Tweede van GVCG
Refrein:
't Ganse joar zeen veer neet oet 't veldj te sjloan.
Veer maake völ plezeer, mit ein lach en mit get beer.
En op 't veldj, dan maake veer en groate voes,
en jederein bie ôs veult zich toes.
En es 't vasteloavend is dan doon ver extra ôs bes.
Veer sjprenge drie daag lank en kômme neet in ôs nes.
't Ganse joar zeen veer neet oet 't veldj te sjloan.
Veer maake völ plezeer, mit ein lach en mit get beer.
Op zunjig zeen veer altied op 't voetbaltrein te zeen.
Veer sjpele 4-4-3 systeem en score dan metein.
Noa de wedsjtried lekker doesje en dan gauw noa de kantien.
Veer drenke dan get pilskes op ôs geweldige partie.
En is 't vasteloavend, dan is voetbalIe taboe.
Veer traine dan op polonais en sjprenge wie kangaroes.
Veer danse dan op leedjes oet ôs Göttekoaves lendj,
en es veer dan meug zeen, goan veer drènke aan de kentj.
En zeen de glaeskes op dan stjoan veer op de kop.
HOME
PLAATSNAMENOVERZICHTHOMEGEINE SJPIET VAN VASTELAOVESTIED
2000/2001 : Teks & meziek: R.Coenen, J.Clermons, Y.Wouters, F.Dols en E.Ubachs
Zangk : Wiks mich 't sjeunke
Aan 't begin van jeder jaor, de pèkskes zeen wiet klaor,
de kriebels kômme langzaamaan op gank.
Mer Marie, die blöde gans, die wilt mich op vakans,
't leefs nao ein of anger hael werm lanjd.
Ich keek haör toen èns aan en sjoof 't van de baan.
Wae geit noe weg ronjd vastelaovestied ?
Doe höbs toch pech, ich gaon neet weg,
ronjd deze tied, dan krieg ich sjpiet.
Refrein:
V'r viere hiej vastelaovend, viere hiej carnaval,
maake ôs op veur d'n aovend, veer gaon nao ein auwt wieverbal.
Viere hiej vastelaovend, viere hiej carnaval.
Gaon v'r oet jedere aovend, verkoupe sjaele kal, dat is de carnaval.
De beukskes in haör hanjd mit foto's van ein sjtrandj.
Ze meinde dat ich toch waal mit zou gaon.
't Koffer sjting al klaor, serieus, 't is èch waor.
Wat wou ze mich noe dao mit aan gaon doon ?
Ich kreeg 't gans benauwd, wat höb ich mich getrouwd,
ein vrouw die neet van vastelaovend hilt.
Ze haet toch pech, ich gaon neet weg,
in deze tied, dan krieg ich sjpiet.
Ze keek nao mien gezich, en is toen toch gezjwich,
veer blieve mit de vastelaovend hiej.
Ze is noe weer gans braaf, de pèkskes maak ze aaf,
veér zeen dit jaor weer alletwae d'r biej.
En kriege v'r hael veul sjpas, dan sjpèk v'r auch de kas,
en gaon ronjd sjloetingstied pas weer nao hoes.
Dus geine pech, ich hoof neet weg,
krieg geine sjpiet van deze tied.
HOME
PLAATSNAMENOVERZICHTHOME'N GLAESKE BEER
1994: Teks & meziek: Ger Janssen
Zangk: Ger en de Heerenland compagny
Refrein:
'n Glaeske beer, dat höb ich gaer, of klein, of groat, of broen, of blondj.
Es ich 't zeen, dat glaeske beer, löp mich 't water oet de mondj.
Doarom loat os nog mer eine drènke, angesj wurd 't zoa naat op de grôndj.
Mien vader, mót ger weite, dae hauw 't aug hiel gaer.
Ich mein dan auch, dat wet ger waal, 'n lekker glaeske beer.
He zag toen: "Jong dat is 't laeve", en ich denk doa dèk aan terök.
Drink op den tied ein glaeske beer, in 't sjtamkaffee op de krök.
D'r zeen zoo van die dage, dan hauwt ich 't neet maer oet.
't Hoes is mich dan völ te klein, ich mot ter dan auch oet.
Dan zaet Marie: "Mien leeve jong, wat is ter aan de hendj ?".
Ich zegk dan: "Vrouw veer goan der oet, lègk noe alles mer aan de kentj".
HOME
PLAATSNAMENOVERZICHTHOMEGÖTTEKOAVE OP BLOARE
1993: Teks & meziek: Maurice van Deurssen & Jos Helgers
Zangk: Maurice van Deurssen & Jos Helgers
Refrein:
Gans Göttekoave danst zich noe de bloare op de peut.
'n Heal sjoan maske, dat es lekker taege dich aan sjteut.
En kent mich nemes venje, zèk dan dat 't mich sjpiet.
Mit de vasteloavend höb ich ech veur niks en nemes tied.
V'r sjrumpe achterein en es de trein dan sjtil blif sjtoan,
verveal v'r ôs kapot want zoa krieg v'r niks gedoan.
'n Glaeske beer, dat wirk tan wie get oalie op 'n raat.
Winnae kump noe d'n volgende deun, weer sjtoan alweer paraat.
Ich woar lets hie bie Mie van Kaat, ich leep sjus wie 'n kauf.
Ich vroog aan her: "Zek, Mie, verkoap ger hie bie uch auch zauf ?"
"Mer zeker jông", zag zie, "mer wat kikste toch mer zeut ?"
Ich zag: "Leef Mie, ich hôb veul bloare op mien veut".
De luuj, die goan noa Els toe en de jeug trok noa 't Waeske.
'n Beerke hie, 'n beerke doa, men kik neet op 'n glaeske.
Vanaaf d'n Uul, de Kirkstroat en den Einikoezerwaeg,
heur se karnavalsmeziek, sjnikkend wie 'n zaeg.
HOME
PLAATSNAMENOVERZICHTHOMEDE HEKSEBERG
1996: Teks: Nico Crijns & Lambert Coenen - meziek: Richard Coenen
Zangk : Wiks mich 't sjeunke
Vreuger, dat weit geer nog waal, in óze kenjertied.
Veer keeke geine televisie, computer heij ver neet.
De bosj, dat woar os sjpeelterrein, doa loag auch jederein.
De polsjtek ging es aesjte mit, de baek die woar te breit.
De aesjte sjpronk get te kort, de sjtevele te laeg, de pratsj tot in de nak.
Refrein:
Pak diene bessem en vleeg noe mit os mit.
Pak diene bessem en vleeg oet.
Achter die baek versjoale, sjoan in 't greun, dao lik de hekseberg.
Sjpreng van de bessem en zeuk noe mil os mit.
Sjpreng van de bessem en zeuk oet.
Wat leek d'r vreuger groat, wat is ter noe toch klein,
toch blif 't ooze hekseberg.
De hekseberg, dat woar 't gans, doa koosj niks teagenop.
Hutte woorte doa geboet en brökskes aangelach.
Mit metse woorte buim gekerf, ein vuurke woort gesjtoak.
Den Alfe woar os jachgebied, veur vusj en kwakkerte.
De kwakkert woort gesjnap, ein sjtröke in zien vot, veer blooze os kapot.
En es v'r dan op hoes aangoan, de zon die woar de klok.
Drenke dee ver aan de bron, gewesje woort zich auch.
Door d'n Doad de waeg gezooch, de wei, die van Proemzef.
Doa woort zich dan ein proem gesjtruip en auch ein peesj van An.
In eine sjpurt noa hoes, wie ummer weer te laat, ein flink pak veur dat gaat.
HOME
PLAATSNAMENOVERZICHTHOMEHEY, HEY HOEMPAPA EN DOA BEN ICH DAN ...
1994: Teks & meziek: Brigitte Notermans-Overmans
Zangk: Brigitte en the Juniors
Refrein:
Hey, hey hoempapa, doa ben ich dan,
Noe kiek mer ens oet, want ich ben hael get van plan.
Ich weit nog gaaroet neet wat mich te wachte sjteit,
mer ich zou zegge: veuroet met de geit.
't Woar ein joar geleje, zoa róndj de karneval.
Ich heur mien vroedvrouw zegge, doa is de datum al.
Mer ich, ich heel um taege, en raoi ens wat ich zag:
Easj wil ich noa ut auwwieverbal, dan kump hea mer vannach !
Doa leep ich dus to hosse, doa op ut auwwieverbal.
Ich heur de luuj nog zegge: Drek kump dien kiendje al.
De prins, dae koam ich taege en zei mich : Hoal 'm sjnel.
Dan kom ich gaer op kraambezeuk, dus dat is 'n bevel.
De prins dae koom op kraambezeuk, det voonj veer hael erg sjiek.
En met ein miniprinsepatschj ging (Pierre) hae toen op de kiek.
Det petschjke sjtuit um hael erg good en goof oos hael veul mood.
Karneval, det kens te zeen, det zout um in zien blood.
Veer oefene en traine oos noe bloare op de tong.
Want jeugprins en auch groate prins wurs toe mesjien nog jong.
Es baby woar ich lekker prins, is was doe zegge kens.
Kom luuj, noe goat ens aan de kentj, want doa kump ooze prins !
HOME
PLAATSNAMENOVERZICHTHOMEICH BEN ALTIED ALLES KWIET
1996: Teks: Roger Kusters, Peter Hustinx, Patrick Eykenboom, Peter Coenen & Chrissy Steinen - meziek: Chrissy Steinen
Zangk: Roger Kusters, Peter Hustinx, Patrick Eykenboom & Peter Coenen
Refrein:
Ich ben altied vanalles kwiet,
ich weit deks zelf neet woo ich al de rotzooi sjmiet.
Ich ben altied vanalles kwiet,
en doavan krieg ich ech de sjiet.
Ich ben 't versjtand verloare, mer doa ben ich mit geboare.
't Is neet terök te kriege, loat ver mer dreuver zwiege.
Ich veul mich ech neet good, ich veul mich vaak gekloot.
Antonius höb ich vereerd, auch Jomanda haet 't geprobeerd.
En es ich dan get kwiet ben, begint 't mich te jeuke.
Ich loup dan alles om, mót euveral kenne zeuke.
Veng ich 't dan neet drek, dan waer ich sjtapelgek.
De ganse kroam steit op de kop, pap zeat: "Ruim dea rotzooi ens op".
HOME
PLAATSNAMENOVERZICHTHOMEICH ZEK 'T 1000 KEER
2000/2001 : Teks & meziek: T.Lamers, N.Lamers & R.Coenen
Zangk: Bie ein geraap
Refrein:
Ich zèk 't 1000 keer, ich zèk 't keer op keer,
vasteloavend ich gaon d'rop oet.
Ich zèk 't 1000 keer, ich zèk 't keer op keer,
mit die daag loat ich de boel de boel.
Ich zèk 't 1000 keer, ich zèk 't keer op keer,
vasteloavend ich gaon d'rop oet.
Ich zèk 't 1000 keer, ich zèk 't keer op keer,
mit die daag loat ich de boel de boel.
Jao, ich loat de boel de boel,
hie in os dörp doa is get oet.
Ich zèk 't 1000 keer, ich zèk 't keer op keer,
mit die daag bin ich neet in de boet.
't Ganse jaor sjpaar ich al mien daag,
want mit vasteloavend sjloan ich miene sjlaag.
Veurbie is dan de dagelijkse sjleur,
de kriebelkoorts sjteit veur de deur.
Lik ich waeke van te veure alles kloar,
sjmink, maske, trômme, pruuke, hoar.
Ich doon mich kleijer neije, om mich sjoon te verkleije.
Joa, mit vasteloavend sjloan ich miene sjlaag.
Mit die daag goan veer d'r dan op oet,
de pap, de mam en auch de poet.
Veer zènge en sprènge op en neer,
drinke cola en auch ein gleeske beer.
Veer make sjpas en plezeer,
en goan in de zaal tekeer.
En doan auch neet vergaete, om os nog get te aete,
al is 't mer get oet de fritte boet.
En is de vasteloavend weer veurbie,
dan bèn ich gaaroets neet biie.
Bööke zauw ich 't leefste doon,
mer ich môt weer potse goan.
De kleijer goan de zolder op,
de vasteloavend geit oet miene kop.
Mer ein dènk, zeker wete, dat zal ich neet vergaete.
't Volgend jaor bèn ich van de partie.
HOME
PLAATSNAMENOVERZICHTHOMEIS 'T WOAR ?
1998/1999 : Teks: R. Wauben, M. Kusters & T. Manders - meziek: R. Wauben
Zangk: R. Wauben, M. Kusters & T.Manders
Refrein:
Is 't woar ? joa 't is woar, de vasteloavend is weer doa.
En mit en maske op de kop, kenne veer neet maer kapot.
Is 't woar ? joa 't is woar, de vasteloavend is weer doa.
De sjoanste tied van 't joar dae is weer doa.
Veer auwe hoore drie daag lank mit uch,
en sjlechte zin geit op de vluch.
Is 't woar ? joa 't is woar, de vasteloavend is weer doa.
't Is de sjoanste tied van 't joar en dat is woar.
't Ganse joar, dan wirke veer ôs bloare op de henj,
en loupe same in de rie, men kik van alle kenj.
Sjmörgens goan veer noa de kirk, doanoa kaarte in 't cafe,
en es 't vasteloavend is, dan ben ich gans tevree.
Dan gaef ich drie daag gaas, en drenk ich mich ein glaas.
En es 't vasteloavend is löp alles van 'n lei.
Miene accu laai ich op, mit beer en sjpek en ei.
Dan goan ich wie ne boemeltrein, en ich boemel mit uch mit.
De polonaise kump ter aan, en ich sjpreng d'r achteraan.
Ich ken neet ma er kapot, mer 't zit weer bienoa drop.
HOME
PLAATSNAMENOVERZICHTHOMEJANTJE O
1996: Teks & meziek: Trio Poepchique
Zangk: Trio Poepchique
Meinigein, dae Jantje kent, is al ens veur 'm eweg gerend.
Stings te urges te kalle in de korte bóks, koosj 't zeen dat ste dich kepot versjróks.
Joa, joa, joajoa !
Hae vertelde taege alle sjnake, hae koosj van 'n korte 'n lang bóks maake.
En dan sjróks te dich kepot, want dan sjtongs te doa in dien bloate vot.
Joa, joa, joajoa !
Jantje 0. Jantje 0. Jantje 0.
Ooooh Jantje !!!!!
Gereigeld zuuste ondeugend Jantje, verkleid es ein klein kommunicantje.
Doa zit 'm veur de vrouluuj sjus de nöttigheid, die meine dan dat 'r niks duit.
Joa, joa, joajoa !
En dan inens renne ze weg, en sjloape sjnachs ontzettend sjlech.
En in hun druime dan verdomme, zeen ze weer die hendjes kómme ...
Joa, joa, joajoa !
Jantje 0. Jantje 0. Jantje 0.
Ooooh Jantje !!!!!
Ich kom lets doa en ich heur gesjnater, sjteit 'r doa mit zoa'ne perforater.
En hae duujde mer op en neer, de ganse gank vol awt pepier.
Joa, joa, joajoa !
Ich zek: "Auw hoor zek, bes doe pater, waorom maaks doe toch al die gater ? ".
Toen reep Adrie - wie spuit elf - : "Jan van mich maak alles zelf ?".
Joa, joa, joajoa !
Jantje 0. Jantje 0. Jantje 0.
Ooooh Jantje !!!!!
HOME
PLAATSNAMENOVERZICHTHOMEJODEL-DIDEL-DALLA
1994: Teks & meziek: Poepchique
Zangk : Elmie en Poepchique
Sjtel dich veur dat Göttekoave neet in Göttekoave loag,
mer örges in Tirol op 'ne berg.
Wie 't dan oet zou zeen, dat is veur ederein 'ne groate vroag,
mer geine Göttekoavenaer, dae vong dat erg.
Want dan leep Pitje in de lederhoos en Wil van Korte auch.
Dan sjtong Jo de Köhl te jodelen mit zo'ne dikke "bauch".
Dan leep Els van Wetzeis in 'n Dirndl kleid.
Tiroler filmkes woare ôs sjpecialiteit.
Jadeldideldi jodeldideldalla...................
Sjtel dich 'ns veur dat Göttekoave neet in Göttekoave loag,
mer örges in de zon van Mexico.
Wie 't dan oet zou zeen, dat is veur ederein 'ne groate vroag,
want dan hele ver hie siësta zowiezo.
Dan leep hie Tin en Mie van Kaat mit de Sombrero oppe kop,
en sjlogen ós bie 't aete doezend vlamme oet de vot.
D'n tortilla en tequilla deeg os good,
in ôs Gattekoaves Mexicaanse brood.
Ay ay ay ayaya ayayayayaya.......................
Sjtel dich veur dat Göttekoave neet in Göttekoave loag,
mer örges in de "boesj" van Afrika.
Wie 't dan oet zou zeen, dat is veur ederein 'n groate vroag.
Ver oate knoakesop in plaats van proemevlaai.
Allenej zoa'n klein lepke, want doa is 't völste heit.
Allenej Obe-Ohne, völste werm veur 'n kleid.
In plaats van tillefoon haw ver doa d'n tam-tam,
en d'n drumband haw doa vas viefhonderd man.
Howa howa hoe, howa hoe...........................
HOME
PLAATSNAMENOVERZICHTHOMEEIN KLEIN DÖRPKE
1993: Teks & meziek: Ger Janssen
Zangk: Ger Janssen & de Heerenland Companie
Ein klein dörpke in 't limburgs lendj, mesjien neet ederein bekènd.
't Is neet groat 't is neet lank, zoa mèr örges neer geplendj.
Mer al is 't nog zoa klein, wone doon ver hie toch fèjn.
Mer al is 't nog zoa klein, wone doon ver hie toch fèjn.
Ref: Göttekoave, Göttekoave, 't dörpke woa ich zo völ van hawt.
Auch al ben ich hie neet geboare, 't leave is hie 'n genot.
Mit de luu die hie leave kènt ôs dörpke neet kapot.
Vroag de luuj die hie leave woa wurt hiël völ plezeer gemaak.
De sjtad of 't platte lendj, dat is ederein bekènd.
Kiek mèr in os dörpke rônjd, lache is toch zoa gezôndj.
Kiek mèr in os dörpke ronjd, lache is toch zoa gezôndj.
Bès te einmoal aangelendj, zetste alle zorge aan de kentj.
Doon dan hiël gaw mit ôs mit, hie is nemes dae doa mit zit.
Want veer make gaer plezeer, lache doon ver kaer op kaer.
Want ver make gaer plezeer, lache doon ver kaer op kaer.
Want ver make gaer plezeer.
HOME
PLAATSNAMENOVERZICHTHOMEKOM OET DIE WEI
1994: Teks & meziek: Guus Steinen
Zangk : Roger Kusters, Peter Hustinx, Patrick Eykenboom & Peter Coenen
Veer zoate aan de eppel en veer zoate aan de paere.
En ummer es daen Thei ós zoag, dan woort daen Theike koad.
Dan koam 'r op zien fitske en dan koosj 'r guttig waere .....
Veer maakde ós eweg euver de hegk of door d'n droad.
Van wietaaf reep dan Thei:
Maak uch eweg doa oet die wei.
Refrein:
Hei, hei, hei, hei, hei, hei, kóm oet die wei .....
Hei, hei, hei, hei, hei, hei, kóm oet die wei .....
Hei, hei, hei, hei, hei, hei, kOm oet die wei .....
Hei, hei, hei, hei, hei, hei, kóm oet die wei ..... doa.
Joa, hei doa, kóm oet die wei doa.
Joa, hei doa, kóm oet die wei !!!
En sjmiddigs es de sjoal oet woar, dan trapde veer ein belke.
De keesje en de proeme boum, dat woar dan oze gool.
Doa ónger in die wei, doa sjpeelde veer zoa meinig sjpelke.
Die wei, die woar van ós, doa loag ver ummer noa de sjoal.
Mer koum Thei op ziene fits dan woar 't tied.
Want dan reep 'r al van wiet:
Later gong'ver vrieje en zoa gauw ver effe koosjte,
kroop ver door d'n droad en lagte ver ós in de wei.
Doa loag'ver dan te vrieje totdat veer op heim aan moosjte.
Dat woar meistal 't moment van 't versjiene van boer Thei.
Dan reip 'r: Maak uch eweg, angesj geit 't uch drek sjlech.
HOME
PLAATSNAMENOVERZICHTHOMEKOM OP
1998/1999 : Teks: Til Keulen & Tiny Alberts - meziek: Tiny Alberts
Zangk: De Sjweitveut
Kôm op, kôm op, kôm op, achter ôs, doa kump de ganse trôp.
Kôm op, kôm op, loat goan, veer blieve hie neet aewig sjtoan.
Kôm op, kôm op, kôm op, veer zètte alles op de kop.
Kôm op, kôm op, loat gaan, veer kènne hie neet blieve sjtoan.
Heur ich ein hermenieke, dan wurt 't mich al werm.
't Begint mich al te kriebele, noe sjnap mich in de erm.
De klanke van ein tröötje of ein dikke trom,
ich kèn doa niks aan doon, doa drej ich mich veur om.
De vaste loavend is veur mich, de sjoanste tied van 't joar.
Egaal wat auch gebeurd, mien pekske hink dan kloar.
Veer goan dan mit de ganse trôp en pakke os biejein,
en gaan dan in ein lange rie, allenej achterein.
De ganse zaal deit mit en sjlingert achterein.
Ze roaze lenks en rechs veurbie en goaie mit die bein.
AI pitsje dich de knöök en wurse auch get meug,
dan hörs ze eine roope, kôm op 't is nog vreug.
HOME
PLAATSNAMENOVERZICHTHOMEEINE LAEGE
2000/2001 : Teks & meziek: R.Wauben, M.Kusters en T.Manders
Zangk: R.Wauben, M.Kusters & T.Manders
Refrein:
't Is weer vasteloavendtied en nao staon veer dan weer hie,
mit eine laege, eine laege,
't Is weer vasteloavendtied en noe staon veer dan weer hie,
in ein laege raegeton.
Van Mark die woar gevöld mit beer, van Ruud mit rooije wien,
en Ton zien beursj woar laeg, die zien ton neet völle kon.
't Is weer vasteloavendtied en noe staan veer dan weer hie,
in ein laege raegeton.
't Woar veur vasteloavend, veer leepe op de rommelmert.
Veer zoage toen 3 tunkes stoan, mer eine zonger boum.
Ach waat, zie ich, num mit die 3, doa ken veer get aan doon.
Mit vasteloavend völ veer die mit beer en rooije wien,
zodat jeder langs de kentj neet mit laege hoof te staon.
Anger joare stônge veer boete in de tuin.
Veer vonge alle raege op, tot oze groate spiet.
Aan deze tied kump noe ein enj, veer sprènge van gelök.
Veer zeen noe tot de nok gevöld mer waat is 't geval ?
Waat haet de laege gedoan, hae haet de sjtöpkes droet gedoan ?
HOME
PLAATSNAMENOVERZICHTHOMELAND VAN 100.000 LEEDJES
1999/2000: Teks & meziek : Guus Steinen
Uitvoerende (*) : Guus & Michèle
Veer kômme oet 't land van 100.000 leedjes,
veer kômme oet 't land van de meziek.
Veer kômme oet 't land van de allersjoonste maedjes,
Limburg zit vol mit romantiek.
Neij, nörges wurd meziek gemaak wie hie.
Neij, nörges zin de maedjes sjoon wie hie.
Veer kômme oet 't land van 100.000 leedjes,
't land van de maedjes en meziek.
Op ederen hook, oet jeder vinster, heurste hie meziek.
Hoas ederein zit bie 'n hermenie.
Die klanke oet die trööte make ôs keuning te riek.
Meziek, dat is veur ôs "la joie de vie".
En veur de hermenie, doa trèkke "zie aan zie",
de sjoonste majôrettes aan ôs allenej veurbie ...
Heur ! ... zelfs de kleinste veugelkes, die zenge hie hun leed.
Sjoon melodieje heurste hie genôg.
En ederein, dae zunk bie ôs 't leefste met die mit.
Meziek, dae zit hie euv'ral in de lôch.
En mien hertje trômmelt mit, es ich op de maedjes let.
Dat rôffelt aan ein sjtök, allein, allein mer van gelök.
* cd 2000 : Diverse artiesten - "Van Eijsde tot de Mookerhei 7" - Marlstone Recordings bv CDL2001
HOME
PLAATSNAMENOVERZICHTHOMEDE LETSTE
1994: Teks: Lambert Coenen & Nic Crijns - org. "Bohemische Musik"(Frantisec Kmoch)
Zangk: Wiks mich 't sjeunke
Refrein:
Gaef os, gaef os toch, gaef os toch de letste.
Dan goan ver nao hoes, aerewoord, dat wetste.
Gerrit geit noa bed, To pots 't befet.
Es ver dan de deur oetgoan, doon ver 't leech waal oet.
Ellef november sjtart veur os de allersjoanste tied.
De waeg nao Els en noa 't Tuurhoes is dan gaar neet wiet.
Sjprenge, hosse, sjlachte, drenke, allenei sjoan biejein.
Heivesjgoan, dat doon ver neet, want dan zeen ver allein.
Es de prins wurt oetgeroope op 't Prinsebal,
dan kos dat in de road altied hael vool sjaele kal.
Wedde, gokke, vroage, raoie, wurt ut Ruud of Peet ?
De prins sjteit altied in de zaal, in de ton zitter weer ens neet.
Es ver dan noa de zitting goan, dan zeen ver meistal op tied.
Mer dan kump 't auwt wieverbal, dan is weer groate sjiet.
Season, maskes, dreuge, zeute, jederein is doa.
Noa vaol sjpas en lol goan ze noa hoes, op zoan man of drie veer noa.
Dan komme de zjwaorste daach, wie haute ze 't vol ?
Drie daag sjoes en frit mit zoervleisj vreug toch ziene tol.
Haering, unne, sneekes zjwartbroad, doa sjloet ver mit aaf.
Joa, 't woar weer sjoan, poepsjiek, Gottekoave allaaf, allaaf.
HOME
PLAATSNAMENOVERZICHTHOMELOEKE
1996: Teks: Til Keulen - meziek : De Peanuts
Zangk: Til Keulen & Lou Alberts
Loe is ein jong woo pit in zit, hea is neet te haute, hae deit ummer mit.
Joa, dat zeet ger waal aan Loeke.
Mit vasteloavend dan geit ter dran, want doa kent dea jong get van.
Faeste wie de beaste, dat kent Loeke.
Refrein:
En hob ger ens ein faeske en 't is ein bietje sjtil,
dan kent ger Loeke huure, geer belt geweun noa Til.
En dan breng ich höm bie uch langs, mien Loeke.
Loeke, kiek ens hiej noa Loeke.
Joa, Loeke wet 't te brenge, en hae haet völ talent.
En 't is toch neet te misse, 't is eine lekkere vent.
En de polonaise is ein beleavenis mit Loeke.
Loeke, kiek ens hiej noa Loeke.
Bie jeder faes geit Loe veurop, hae zet de tent waal op de kop.
Joa, dat is mien baes, mien Loeke.
Ein frikandel of eine bitterbal, die bakt ter op jeder kenjerbal.
Auch dat kent hae hael good, mien Loeke.
En höb ger miene Loe geheurt, denk ter aan, hae wurt waal terök gesjtuurd,
want ich ken toch gaar neet zonger Loeke.
Want Loe en ich, dat wet toch jederein, kenne toch gaar neet zónger ein.
Nei, 't blif toch ummer nog mien Loeke.
HOME
PLAATSNAMENOVERZICHTHOMEMEEKPENS
1993: Teks & meziek: Guus Steinen
Zangk: Marij & Guus
Refrein:
Meekpens ! Doe bes 'n meekpens !
Ummer zeivere en zaege.
Meekpens ! Doe bes 'n meekpens !
Joa, doe höbs auch ummer get.
D'n eine kear is dit en d'n angere kear is dat.
Doe bes 'n echte zeivervot.
Joa, doe höbs toch ummer get.
Doe bes 'n meekpens, 'n echte meekpens !
Joa, doe höbs auch ummer get.
Joa, met de vasteloavend goan ver gaer 'ns op sjtap.
Ver veule ôs in d'n hemel es ver sjoenkele aan d'n tap.
Mer is 't sjnachs 'n oer of twea en ich wil dan noa hoes,
dan zek ich: "Jong doe lieks waal gek, wat motte ver bie os toes ?"
Dan sjnap ich höm 'ns vas aan 't beffet, en dan zunk de ganse kaffee mit mich mit:
Enne Harie bie ôs naeve, dae knootert toch zoa gaer.
En alleze, allezelaeve zeivert hae euver 't waer.
Dan vunk 'r 't te frisjkes, dan weer haet 'r 't te heit.
Of 't is te naat, of 't is weer tied, dat 't weer 'ns raegene geit.
Dan zek'ver taege Harrie: "Zonnekloar ...'t lik aan dich, neet aan d'n tied van 't joar !"
HOME
PLAATSNAMENOVERZICHTHOMEMIEN PARADIES
1996: Teks & meziek: Guus Steinen
Zangk: Michelle Tummers & Guus Steinen
Refrein:
Eder moag 't weite, Göttekoave is mien paradies.
Ederein veult zich hie toes, vroag 't mer aan Märthe Lowies.
(Noorse Prinses)
Auch Henk Noore woont al joare hie in dea'n Uul van os.
Dat is 't bewies, mien paradies lik hie bie os.
Dat is 't bewies, mien paradies lik hie bie os.
Wea hiej in Göttekoave is geboare, dea haet 't in 't begin neet drek zoa door.
Mer dat kump dan meistal in de loup van de joare, dan drunk dat heel veurzichtig tot dich door.
Kiek noa anger dörper en dan wetste, hiej in Göttekoave woon ver toch 't beste.
Op zien eige meneer zo apart, 't is 't dörpke noa mien hart.
Es Eva Adam nog 'ns moosj verleije, dan hoofde ze veur ós neet wiet te goan.
Mer omdat ze toen nog gein Göttekoave heije, haet zie dat örges angesj mótte doon.
En zou m'n die twea auch hiej wille verdrieve, oet Göttekoave woare die noats meer weg te kriege.
Joa, die woare waal neet good wies, die bleve in 't paradies.
HOME
PLAATSNAMENOVERZICHTHOMEMIT LOL EN SPASS
1993: Teks: Gert Wauben - meziek: Ruud Wauben
Zangk: De Sjnuutjes
Refrein:
Mit 't tuurhout in oos blood, ken'ver alles aan,
en houte ummer goowe mood.
Ein tuurhout, dae hilt vol, mit hiël völ spass en lol,
en op zien tied ein glaeske beer.
Want in ôs tuurhoutriek, gevöld mit völ meziek,
is ederein keuning te riek.
Mit maske en ein heudtje vier ich karneval.
Ich spreng en ich hos, op elk aw wieverbal.
Verklei mich op te zölder, zodat mich nemes kent.
En huër ze zegke dan, wae is dae gekke man ?
Dat is de man van lol en spass, en dae maak plezeer,
mit ederein en elk gek deer.
D'n eine haet ein trumke, d'n angere ein trööt.
Ze trekke door oos dörpke en auch waal door de gööt.
Elk ströötje haet zien gruupke, die oos tuurhoutriek verseert.
Mit hiël völ lol en spass, drie daag völ plezeer,
en zènge same nog ein kear.
HOME
PLAATSNAMENOVERZICHTHOMEDE NAASE POLKA
1996: Teks: Ruud Wauben, Mark Kusters & Ton Manders - meziek: Ruud Wauben
Zangk: Ruud Wauben, Mark Kusters & Ton Manders
Refrein:
Langk, schmaal, kromp, hae zit op jeder sjnoet,
mit boch of mit ein wip en soms auch mit ein koet.
Naase doon ich gear mit jederein, 't is zo geweldig, 't is fijn.
En doe höbs ein zoepnaas, piknaas, kromnaas, blitznaas.
mer ein denk is zeker, die van Ruudje die is sjpitze.
Höbs ze gein, dan is dat niks veur mich,
dan höbs doe ein batsegezich.
En mit vasteloavend, dan houw ich op die kis.
Dan zeuk ich mich ein naeske oet, en naas ich dan mit dich.
De polonaise, dae trek dan veurbie, dan zeen ich neaskes alle op ein rie.
'n Langnaas, die höb ich gear, die zorg veur sjpas en heal veul lol.
'n Zoepnaas, die is road, die is hagelvol.
Mit de vasteloavend is dat gein probleem, es ich mer naeskes zeen.
En doe höbs ein lang naas, scheifnaas, rónj naas, klownsnaas.
Mee ein denk is zeker, 't is baeter es gein.
Ein naeske op de kop, dat maak ós blits.
De naeskes van ós, die zeen sjpits, de naeskes van ós, die zeen spitze.
HOME
PLAATSNAMENOVERZICHTHOMENÔNNEVOTTE COWBOY
2000/2001: Teks & meziek : B. Notermans
Zangk: B. Notermans, G. Janssen, K. Clermons & K. Sonke
Refrein:
Nônnevotte cowboy, nônnevotte cowboy.
Dao geit Louis, dao geit Louis, dao geit 'r weer veurbiej.
Nônnevotte cowboy, nônnevotte cowboy.
En haet 'r gein, dat is neet féin, dan reup 'r Nôndepie.
Lewieke is 'n jaor of vief en wet al heel erg good,
wat hae later waere wilt, dat zit al in zien blood.
Cowboy, dat is ziene druim, mit paerd wurd dan gejaag.
't Aete, dat heurt auch biej höm, get lekkesj in de maag.
Want es te heurs wat hae gaer ut, dan lachs se dich kepot.
Van 's morges vreug pes 's aoves laat ut hae ein nônnevot ...
De nônnevot, die deech heur werk, Lewieke woort Louis.
Hae boewde zich ein graote ranch, ein vruike heurt dao biej.
Zie bakde lekkesj veur Louis en waor dus hael erg braaf.
Hae sjtikde in ein nônnevot, noe lik hae in ein graaf.
Om 11 euver 11 's nachts, dan sjteit hae effe op,
en in zien hendj doe zuus 't al: haet hae ein nônnevot ...
HOME
PLAATSNAMENOVERZICHTHOME'T OOJEVAARSLEEDJE
1996: Teks & meziek: Michelle Tummers
Zangk: De Sjtruukskes
Kent geer 'm nog ? D'n oojevaar, ich hauw 'm lang neet meer gezeen.
Hae vloog hael soms hie euver veurdat 'r sjnel verdween.
Geer kent 't neet gluive, g'r kent d'r neet omheen.
Hae haet ôs dorp weer gevonje, dat mirk ver toch metein.
Want wat is d'r noe gebeurd ? Ös dorp wurd opgefleurd.
Refrein:
Hae brunk Tuurhuiterkes, bie de vleet.
Hae maak meinig klein gezinneke gans kompleet.
Hae brunk Tuurhuiterkes, kiek noe mer oet,
want veur dat se 't wets hob ger sjtrak auch zo'n kleine poet.
En dae zaet tata, pappa en mamma,
en doe zaes doedoe dada choechoe en auch lalala,
en auch toetoetoet, de ganse daag.
Joa, dae'n oojevaar, dae maak dich knatsj van sjlaag.
Baby's van Göttekoave. die venj ver hael erg sjiek.
Want Mitch, Kevin en Loma en Wout en Dominique,
Esme, Laura en Femke, zeen auch van de partie.
En Marjolein en Loui die sjloete dan de rie.
Zo zuus te dan mer weer, 't lök 'm jedes keer.
Noe mit de vasteloavend, in ôs Tuurhouterriek,
zeen veer baby's same, mit de auwwesj en wat bliek.
Ze danse en ze sjprenge op óze dörpsmeziek.
Ze zeen zoa groatsj, dat zuuse, wat veule ze zich riek.
Wat is noe 't geval, 't is ech geine sjaele kal.
HOME
PLAATSNAMENOVERZICHTHOMEOMA ANTJE
2000/2001: Teks & meziek: R. Props
Zangk: R. Props & Y. Wouters
Refrein:
Hosse, zènge, danse, sjprènge en vueral vuel sjtömming brènge.
Oma wurd zoa gauw neet meug, ze geit door tot sjmörges vreug.
Hosse, zènge, danse, sjprènge en vueral vuel sjtömming brènge.
Oma wurd zoa gauw neet meug, ze geit door tot sjmörges vreug.
Oma wou ens gear op sjtap, mer ze zoat ein bitje krap.
Thoes ging z' aan de sjterke drank, de flesj naeve zich op de bank.
Woar noa 'n oer flink aangesjoate, scheigelde hie door de sjtroate.
In 't tuurhoes aangekomme is ze de polonaise begônne.
"Wat zeet geer al vrueg oet bed" reep de jong van de gezèt.
"Ich bèn mich goan amezere, doa kèns doe noch get van leere.
't Heat mich geine cent gekos, noe goan ich noa bèd, daag Jos".
"Oma, goat noe mer gauw sjloape, Ron en Myra zeen sjtrak oape".
HOME
PLAATSNAMENOVERZICHTHOMEOS AUWT WIEVERBAL
2000: Teks & meziek : Chrissy Steinen
Zangk: Roger Kusters & Robert Rennenberg
Zoaterdig euverdaag is 't nog röstig euveral.
Mer s'aoves maakste hie get mit, dan is os auwt wieverbal.
Refrein:
Veer gaon hie noa't auwt wieverbal, doa mit begint bie os de carnaval.
Dean aovend speelt Season, doa wille veer bie zin, 't ganse dörp is dao.
Dus goan ver hie nao ut auwt wieverbal, ich zeen de eerste wiever zin d'r al.
Wea wint de eerste pries, 'die zwarte of die gries, deze oavend is zo !
Merrie die zag: "Nei, dit jaor goan ich neet", dit dee Sjeng toch waal 'n heel bietje leid.
Mer opens zag dae: "Doe kens mich get, ich gaon ... lek doe dich mer in bed ".
En om twelif oer toen ging 't masker aaf, doa sjtong Merie !! en reep: "alaaf'.
't Ganse jaor, dan zit ze in de brak, mer vanoavend wurd 't masker oetgepak.
Vanoavend leet ze zich 'ns lekker goan, want dat heat ze 't ganse joar nog neet gedoan.
En es ze heivesch geit dan zeat ze eders keer: "Volgend joar, dan kom ich weer !"
HOME
PLAATSNAMENOVERZICHTHOMEOZE HARIE
1998/1999: Teks: Jacqueline. Schumans - meziek: H. Jasper
Zangk: Jacqueline Schumans & Cecile Keulen
Refrein:
Oze Harie, zunk wie eine kanarie,
oze jông, dae drunk wie eine vösj.
Jeder joar, zoa taege februari dan zunk hae zich te barsjte,
en zien sjtöm krig gaar gein rös.
Oze Harie zunk wie enne kanarie,
en es er niks te drènke krig, dan kwaek er wie 'n mösj.
Harie ............. Harie ................
Harie geit verkleid op sjtap, es echte Göttekoavenaer.
Lekker in zien eige, trèk hae dan drie daag flink van laer.
Ich bèn neet te hauwte, en goan weer mit höm mit.
Same zènge veer dan hel, ... dit aan 't buffet, joa ...
En höbbe veer ôs same dan flink èns loate goan die daag,
zenge, danse, sjprenge, geine van ôs dae noa klaag.
Vèr kènne der weer taege, veur de res van 't joar.
Volgend joar ôm deze tied, hink ôs pekske al weer kloar.
HOME
PLAATSNAMENOVERZICHTHOMEEIN PAN AAF
1993: Teks: Tiny Albertz & Til Keulen - meziek: Tiny Albertz
Zangk: De Sjweitveut
Refrein:
Ich höb ein pan aaf mit vasteloavend.
Ich ben mien daak kwiet, 3 daag lank.
Huër ich kepelkes, hie door de sjtraote,
jao, dan kam ich pas good op gank.
De vasteloavend in os dörp is 't sjoanste wat besjteit.
Es Tuurhouter sjtoan veer bekènt 't is jederein dae geit.
Al höbs te oug gein maske op, sjtank neet aan de kentj.
Zèng en sjprèng noe mit mich mit, hie in 't tuurhouter lentj.
Huër ich mit die gekke daag ein trumke of ein trööt,
dan weit ich bekans zeker, ich lenj weer in de gööt.
Ich hang mich eine lômmel om, en ich gaon noe es Marie.
En zou dat noats mië euver gaon, dat kriebele in de prie.
En is 't dan esj goonsdig, jao, dan is 't weer gedoan.
Dan zuus se mich enne kop wie eine haering sjtaon.
Ein bietje wankel op de bein, dat is jao gein bezjwaor.
Ich kèn der noe weer taege veur de res van 't kômmend jaor.
HOME
PLAATSNAMENOVERZICHTHOMEPESKE VEUR TE PINKELE
2009/2010 : Tekst & muziek: Guus Steinen
Zang: Kartoesj
Refrein:
Straks dan môtte ver nog 'n peske veur te pinkele!
Want zônger nump dich geine minsj meer serieus
Bie de bank of bie de bieb of bie ’t winkele
ich höb d’r al gaw zo’n dikke 20 in de beusj
Doe mirks god- wet- wie- dek per daag toch datste
'n Peske môs veur de geringste sjeet
Zelfs eint ôm dich aan dien vot te kenne kratse,
dat kump d’r vas nog waal ‘ns euver ‘nen tied
Mer egaal waat auch gebeurt: ein dènk sjteit vas
Nootsj zul’ ver 'n peske môtte höbbe veur de sjpas.
Veer pinne en veer sjippe, veer betale niks meer cash
en de veurdeil peskes kriege ver haos neet meer in de tesj
Sjteis in dien beusj te sjnuffele veur ‘ne kassa of ’n gleuf
Is ’t noe ‘ne zaege ,of ’n sjtraof dat ’t ze geuf…?
Wae op vendaag gein peske haet
dae kump besjlis neet wiet,
Hawt ‘t mer gereit,
of bès ‘m weer ‘ns kwiet …….?
Sjteiste aan ‘ne kassa,
joa wat vroage ze? ‘t Peske!!
Tösje de papperasse kènste
zeuke nao ’t peske !!
Zelfs de doe’t zelf zaak
die hamert op ’n peske !!
Kumpste in 't ziekenhoes,
dien ponskaart is dien peske!!
Egaal wao ste auch bènne kumps
De vraog is naovenandj
Altied heurste weer
…höb ger ’t peske bie de handj…..?
Ze vroage ofste airmiles sjpaars,
dus vroage ze 't peske !! '
De bank woa stoe dien geldj bewaars,
die vroage noa: ‘t Peske !!
Dien sjatje wilt dien creditcard ,
dus vreug zie nao ’t peske
Hawt ze dich mer good apart,
men zal en môt dien peske
Egaal wao ste auch bènne kumps
De vraog is naovenandj
Altied heurste weer
…höb ger ’t peske bie de handj…..?
HOME
PLAATSNAMENOVERZICHTHOMERETTEKETET
1996: Teks: Wendy Wetzels & Nicole Lamers - meziek: Chrissy Steinen
Zangk: Los Fanfaros
Zunjig mörge zeen v'r de sigaar, want ôm 10 oer begint de fanfaar.
Ver motte dan vreug oet de vaere, om de sjtööf van 't koffer te kaere.
Mer dat is nog neet alles, ich mot mien ventiele nog sjmaere.
Refrein:
Retteketet, 1, 2, Retteketet, hatsikidee.
Retteketet, al door de sjtroat, Retteketet, al in de moat.
Retteketet, 1, 2, Retteketet, holadiejee.
Retteketet en mit die trööt lig ver dalik in de gööt.
Mien trööt zeuke kos toch zoveul tied, ich bin 'm veur de zoveulste kear kwiet.
Wo is toch miene bas, dae sjtuit nog in 't Tuurhoes in de kas.
Höb ich 'm gevonje, dan geit 't van retteketet.
De repetitie sjaelt ôs gein moer, de sjaftied begint ôm 11 oer.
Noa de pauze dan kump de klap, de partieje motte dan weer oet de map.
Sjeie veer oet mit fluite, dan kenne v'r wiejer goan mit kuite.
HOME
PLAATSNAMENOVERZICHTHOMEROAD, GAEL, GREUN
1998/1999 : Teks: N. Lamers & T. Lamers - meziek: R. Coenen
Zangk: Keppèl esse kèns, dan kèenste
De vasteloavend is begoosj, veer goan noe achterein.
De vaan, die geit noe mit ôs mit, dat venje veer zoa fein.
Veer trööte mit ôs alle hie, van do re mi fa sol.
En geit ut auch ein bietje valsj, veer höbbe ummer lol.
En is d'r get te faeste, dan zeen v'r weer d'r bie.
Veer sjpeele dan veur uch de sjoanste partie.
De kleurriekste klanke, ut is toch geine blues.
Mer road gael greun klink in ut tuurhoes.
De prins wurt oetgeroope, dan kump ut kenjerbal.
De sjleutel goan veer hoale en dan auwtwieverbal.
De optocht, dae geit trekke, joa, noa ut naazebal.
De vasteloavent is veurbie en weg auch ôs partie.
Refrein:
Do re re mi fa sol, veer maake ut te dol.
Road, gael, greun, veer sjpele eine deun.
Dat is ôs kapel, veer sjpeele dèks te hel.
Esse kèns, dan kènste joa, do re re mi fa sol.
Esse kèns, dan kènste joa, do re re mi fa sol.
HOME
PLAATSNAMENOVERZICHTHOMESAME VASTELAOVEND VIERE
Tekst & muziek: Michèle Tummers (i.s.m. Guus Steinen)
Zang: B-Team
Refrein:
Same vastelaovend viere, same dat is sjoan.
Danse, Sjprenge, Tiereliere, lekker gek gaon doon.
Dat geveul van vastelaovend, deit os toch zo good.
Dat zit os hie van kleins aaf aan, direk al in ’t blood.
Donderdigs veur carneval, dan is bie os ’t poetebal.
Zelfs de ruigste poet deit mit, omdat dat einmaol in ‘m zit.
Dit is nog mer hawf zo sjoan, want vriedigs oppe mert.
Doa geit de boel dan ech pas los, carnaval is te gek!
D’n DJ drejt meziek zo gaaf, de prins dae reup alaaf alaaf!
Veurste ’t wets is ’t gedoan, en motte veer weer heivesj gaon.
De optoch geit, ’t fees geit los, dan zeen ver weer derbie.
Veer zeen dan same sjoan verkleid, en danse zie aan zie.
HOME
PLAATSNAMENOVERZICHTHOMESJRAVELE EN SJROEVELE
1996: Teks & meziek : Toos Kitzen
Zangk: Toos Kitzen & Ruud Wauben
Veer sjravele en sjroevele en make vööl plezeer.
Veer drenke dan auch gaer 'n lekker glaeske beer.
Al sjteit de tent van de fanfaar, dat maak veur ós niks oet.
Veer sjravele en sjroevele door de ganse boet.
Veer sjravele en sjraevele door de ganse boet.
En zin ver dan get meug, dan blieve veer effe sjtoan,
veer habbe toch nog drie daag veur oet de bol te goan.
Al doot geer auch neet mit, dat maak veur ós niks oet.
Veer sjravele en sjroevele door de ganse boet.
Veer sjravele en sjroevele door de ganse boet.
't Maske en de sjmink hoal v'r oet de kas,
die komme ós die daag weer heal good van pas.
Al wurd 't s'oaves auch laat die daag, dat maak veur os niks oet.
Veer sjravele en sjroevele door de ganse boet.
Veer sjravele en sjroevele door de ganse boet.
En sjtoan veer goonsdig s'oaves mit zien alle aan de tap,
dan wurd nog get gezeiverd, mer geine dae dat sjnap.
De rolmops en de hering, dat maak veur ós niks oet.
Veer sjravele en sjroevele door de ganse boet.
Veer sjravele en sjraevele door de ganse boet.
HOME
PLAATSNAMENOVERZICHTHOME'T STElT IN DE SJTERRE GESJREVE
1996: Teks & meziek: Brigitte Notermans
Zangk: Neet Gans Zuuver
Refrein:
't Steit in de sjterre gesjreve, wie dat alles geit.
Ze kenne dich vertelle, euver leefde en auch leid.
'n Entjwoort dat mós se dich zeuke in dea sjterreprach.
Och, es se good noa boave kiks is, alles al gezag.
Ich sjnap 't neet, ich weit 't neet, wie dat dat mit die kientjes geit.
Koam ich oet 'n doas, koam ich oet ein hötje moos ?
Koam ich oet 't koare of bèn ich noe geboare ?
De tied geit mich vööls te troag, wèt geer ein entjwoord op mien vroag ?
Ich sjnap 't neet, ich weit 't neet, kentj wèts doe noe nog neet wie 't geit.
Kiek, doa flónkert heat ver, ein sjitterend sjoane sjter.
Die sjitterd ummer boave al, egaal wat 'r gebeure zal.
Geit dich de tied te troag, venj doa 't entwoord op die vroag.
HOME
PLAATSNAMENOVERZICHTHOMETRÖK NOA GÖTTEKOAVE
1993: Teks: Michelle & Lou Tummers - meziek: Bert Dirks
Zangk: De Sjtruukskes
Refrein:
Veer goan trök noa Göttekoave, want doa is 't laeve fejn.
Wat ze op anger plaatse aug beloave, in Göttekoave sjteisse neet allein.
Veer goan trök noa Gottekoave, want doa is 't laeve fejn.
'n Klein dörpke, sjoan gelaege in os prachtig Limburgs lendj.
't Is toch waal hiël bekènd om 't bloate kônjte strendj.
Doa bie die tuurhouter is get te doon,
en nemes löp doa naeve de sjoon.
Mit de kirmes lang oet sjloape hoof se ech neet te probere,
want ederein, dea is vreug op om de sjtroate te versere.
't Zeen de sjoanste luipers oet de buurt.
Joa, dat is woa ederein noa tuurt.
Vasteloavend in Göttekoave, dat is sjpas veur jonk en awt.
Doa wurd get veur de luu gedoan en dat liët ôs ech neet kawt.
't Awt wieverbal is ummer vol,
want veer zènge allemoal.
HOME
PLAATSNAMENOVERZICHTHOMETUURHUITERKES-KEBUITERKES
2000/2001 nr.1 : Teks & meziek: G. Steinen
Zangk: 't Dreamteam
Oppe Hekseberg leep ich, doa bewoog get in 't graas.
Ich ging veurzichtig kieke want ich wôs niet waat 't waas.
Ich wreef mich door de ouge, waat ich zoag dat waas gein mop.
't Krioelde van de menkes mit rooi mötsjkes oppe kop.
(veer loupe zèngentaere, fluitentaere rôndj)
Ich sjtông verpôpzak, vasgenaegeld oppe grôndj.
Refrein:
Oppe Hekseberg wone de kebuiterkes,
hi-hi, hi-ho, de kebuiterkes.
Van die komisch klietse kleine fliere fluiterkes,
hi-hi, hi-ho, sjus Tuurhuiterkes.
Ze höbbe van die ganse ganse kleine hendjes,
hun zaate hermenie haet kleine instrumentjes.
In hun frituurke kilste hele kleine frietjes,
en hun vruikes höbbe hele kleine ... ho ho!!! hoho!! hihoho hi ho hi ho ho ho,
Die menkes oppe Hekseberg zin konstant in de waer,
die vaare met hun sjörkar op en aaf en heen en weer.
Mit sjöpkes en mit ummerkes, zin konstant in bedrief,
van 't sjmörges vreug 'n oer of zös tot sjmiddigs kwart op vief.
(veer loupe zèngentaere, fluitentaere rôndj)
Este't zauws zeen, dan bleefste sjtoan mil oape môndj ...
Die kebuiterkes, die hawte zich 't ganse joar verdèk,
dus es te eine zuus, dan kenste sjpraeke van gelök.
Die böttele en die môrkse doa, dat geit zo ziene gank.
Toch ... es te 'ns good loesters doa dan heurste hunne zangk.
(veer loupe zèngentaere, fluitentaere rondj)
Want 't laeve in de bôsj, dat hilt hun jongk.
HOME
PLAATSNAMENOVERZICHTHOMEUMMER BIEJEIN
1998/1999 : Teks: L. Steinbusch - meziek: W. van Dommelen
Zangk: A. Kusters, M. Coenen, F. Goltstein, R. Vinclair & M. Deckers
Refrein:
Veer zeen ummer biejein, en goan nog wie eine trein.
Veer pakke ôs good biejein, hie bèste ech neet allein.
Veer zeen ummer biejein en goan nog wie eine trein.
Veer sjoenkele op en neer en zènge altied weer.
Noe kump de vasteloavend aan en goan veer der taege aan.
Veer zeuke ôs ein pekske oet en doon ôs get verf in die sjnoet.
Dan pakke veer ôs biejein en zènge dit refrein.
En geiste dan allein op sjtap, dan wurste gauw aangepak.
Waarom bes doe op sjtap allein, geer zeet toch ummer biejein.
Ich zèk hae woar neet fit, doot geer noe mer mit ôs mit.
HOME
PLAATSNAMENOVERZICHTHOMEUMMER PECH
2000/2001: Teks & meziek: M. Tummers & P. Messing
Zangk: De Sjtruukskes
Refrein:
Ich höb auch ummer pech, ich kôm altied te laat.
De eine helf is weg en de angere zeen al zaat.
Ich höb auch ummer pech, ich kôm altied te laat.
De gooje zeen weg, en de res maak niks paraat.
Ich bèn ein bloom van 30 en woon nog bie de mam.
Eine vriejer höb ich noch neet en 't kump d'r auch neet van.
Ich goan sjtappe bie de Wetzel, doa löp toch hael get rôndj.
Mer de eine haet 'n kale kop en d'n anger 'n dikke kondj.
De ronde-miss van 't törp, dat wôhl ich hael gaer zeen.
Ich besjtelde ein road wienke, toen hauw ich hum gezeen.
Mien druimprins sjtong hie veur mich, van schjrik veel mich de wien.
Nèè ... euver mien wit bluuske, veult geer noe auch mien pien ?
HOME
PLAATSNAMENOVERZICHTHOMED'N UUL
1996: Teks: Fam. Jetten, Ingeborg Jetten, Robert Rennenberg & Guido Steevens
Meziek: Robert Rennenberg & Guido Steevens
Zangk: Ingeborg Jetten, Hub Frenken, Robert Rennenberg & Guido Steevens
Sjtokske Gottekoave, bie jederein bekent,
achter 't dörp versjoale, dat zeen de luuj gewent.
En vilt doa get te hoale, dan is de weag neet wiet.
Al kos 't hun get oere, die zeen ze dan gaer kwiet.
Refrein:
D'n Uul, d'n Uul, woo is d'n tied gebleve ?
D'n Uul, d'n Uul, zo ken ich dich neet meer.
D'n Uul, d'n Uul, d'r is vööl euver dich gesjreeve.
Zo bes te neet gebleve, wat is mit dich gebeurt ?
'n Karresjpoar mit beakske, 'n sjtröötje zonger sjtoep.
Doa kenste zelfs nog leave, zonger sjtroum en mit vööl troep.
'n Stökske Göttekoave, hoalt zellefs de krezet,
de Privee en de tillevisie, mer geinen hondtj dea doa op let.
Mennig koppel haet zich doa gevonje, bie Hoebaer in de wei,
zeen zelfs in de ech verbonje, ligge noe saame onger ein sjprei.
Doa achter in dat sjtröötje, sjpeelt zich heel get aaf,
en wat dos van geit komme, 't Tuurhout.......... Alaaf.
HOME
PLAATSNAMENOVERZICHTHOMEVASTELOAVEND
1993: Teks & meziek: Toos Kitzen & Jan Konings
Zangk: Toos Kitzen & Jan Konings
Refrein:
Vasteloavend, vasteloavend.
Noe loester, ich huër de bloaskapel.
Ze trèk al door de sjtroat.
Vasteloavend, vasteloavend.
Ger wèt, 't is mer eine keer per joar.
Vasteloavend, vasteloavend.
Noe pak uch gaw uch pekske oet de kas.
Vasteloavend, vasteloavend.
En belaef met ôs dae sjpas.
Vasteloavend, vasteloavend.
En belaef met ôs dae sjpas.
Ger wèt, de vasteloavend begint hie al vreug,
want 't is in november al tied.
Noa die drie daag lank laeve veer dan auch hèr,
want die zeen dan gaar neet mië zowiet.
En wentj 't hel of lik hie dan dik de sjneëa,
zeet geer dan mer neet benawt.
Dan veurt 'n böske uch euveralle her,
dat geer vasteloavend mit ôs viere kent.
En luu, denk waal, 't laeve is toch mer zo kort,
en geer wet toch neet wat geer mis.
Gein zörg drie daag en zeng mer mit ôs mit,
omdat 't vasteloavend in oos dörpke is.
HOME
PLAATSNAMENOVERZICHTHOMEVASTELOAVEND IN GÖTTEKOAVE
1994: Teks: Tiny Alberts & Til Keulen - meziek: Tiny Alberts
Zangk: De Sjweitveut
Refrein:
Vasteloavend in Göttekoave, dat besjteit al 44 joar.
Vasteloavend in Göttekoave, dat moag noojts meer euver goan.
Veer hauwte van plezeer, la la, tra la la, la la la.
Joa, bie ein glaeske beer, la la, tra la la, la la la.
Ein nonnevot, ein verkes bloas, mesjien verkleid es Sinterkloas.
Zo trekke veer dan 3 daag róndj en maake ut weer bóntj.
't Prinse of auwt wieverbal, 'n Tuurhout geit joa euveral.
Veer roaze door tot sjmorges vreug en zeen dan gaar neet meug.
En sjtoan veer sjmiddigs dan weer op, dan zet veer oze hoot weer op.
Veer goan dan noa 't kenjerbal, zo geit 't jedere karnaval.
HOME
PLAATSNAMENOVERZICHTHOMEVASTELOAVEND IN GÖTTEKOAVE
1993: Teks: Riet & Michelle Struycke - meziek: ?
Zangk: De Sjtruukskes
Refrein:
Vasteloavend in Göttekoave, haily haily ho.
3 daag zenge, 3 daag sjprenge, haily haily ho.
Vasteloavend in Göttekoave, haily haily ho.
3 daag danse, 3 daag sjanse, haily haily ho.
Veer zeen noe same weer bie ein, oh joa,
in het tuurhoes de hiële daag.
En zenge 'n sjoan leed veur uch, joa joa.
Veer hoape dit is good gesjlaag.
Dus loester good wat ver noe zenge,
en zeng dan lekker mit os mit.
Op zoaterdigaovend is 't weer zoa wiet,
ederein is dan hiël sjoan verkleid.
Polonaise danse, joa, de ganse tied,
dit is wo 't allemaol ôm drijët.
De meziek is hiël gezellig,
en dan huër ich deze melodie:
Noa de optoch geit 't fiaes weer door,
en dan zunk 't ganse dorp weer mit.
HOME
PLAATSNAMENOVERZICHTHOMEVASTELOAVESKOLDER
1996: Teks: Robert Rennenberg & Guido Steevens - meziek: Pater Moeskroen
Zangk: Robert Rennenberg, Guido Steevens, Ingeborg Jetten, Mieke Steinbusch, Arie Heutmekers & Hub Frenken
't Is weer zowiet, de kriebels komme op.
De tied is riep, veer goan weer in galop.
't Kump d'r aan, de vasteloavestied.
Hauwt dich mer vas, la la la la.
Refrein:
Vasteloavend, vasteloavend.
De kleijer oet de kas, ei maske op de kop.
Vasteloavend, vasteloavend.
Sjnap uch alleneij vas, de groatste brazelaer veurop.
Ich wil mit dich, mer dan de ganse nach.
Want volges mich, geis doe dan euversjtach.
'n Rooje naas, wae hauw dat gedach.
Veer feaste door, la la la la.
D'n optoch trek, de sjtroate op en aaf.
De prins dae reup, driemoal alaaf.
De klown dae kik, dich mit ein paar sjael ouge aan.
En kump dae lach, la la la la.
HOME
PLAATSNAMENOVERZICHTHOMEDE VASTELOAVES SAMBA
1994: Teks & meziek: Maurice van Deurssen
Zangk: Maurice van Deurssen & Michelle Tummers-Struycke
Refrein:
Veer danse noe de samba, en loat uch noe mer allemoal ens lekker goan.
Want hie in Gottekoave, wurd dat eigelik toch volste min gedoan.
Mit vasteloavend in os dorp sjteit alles op de kop.
Men danst de polonaise en de wals, 't kent neet op.
Noe sjtoan ver hie en vroage uch, doot allemoal ens mit.
Veer hobbe noe get sjieks, 't is ein leed wo mejer in zit.
Tussenstuk:
Twae sjtep noa rechts en twae sjtep noa lenks,
tis toch neet zoa lestig es se denks.
En dan die hendjes in de looch,
dan bes doe verkoch.
Mit de karneval op wenjtersjport, dat liek mich aug waal get.
Op de skies die berg aaf, dat is toch dolle pret.
Mer heurse dan dees melodie, dan denkse: jong loat goan,
ich blief toch lever hie met mien sambaballen sjloan.
't Kump dek veur, doe sjteis bie Mie van Kaat of bie de Kol,
doe heurs de luuj vertelle, jong, wat weite die toch vol.
Doe hobs weer geine tied en 't sjut auch gaar neet op,
en dan opens, dan kump dich weer dit leedje in de kop.
HOME
PLAATSNAMENOVERZICHTHOMEDE VASTELAOVES-TRÓM
2000/2001: Teks & meziek: B. Notermans
Zangk: B. Notermans, G. Janssen & R. Nohlmans
Refrein:
De vastelaoves-tróm, die heurt derbie.
Kènste mit sjoenkele, kôm zie aan zie.
Jao, hae sjluit ôs de maot, kôm, sjnap uch vas.
De vastelaoves-trôm brunk ôs veul sjpas.
Danse, hupse, sprènge, zènge,
in de polonaise swinge.
Allemoal in eine graote trein,
door de ganse zaal geloupe,
geit de trôm os taegehoute.
Zaet: Ich sjei noe oet,
dit wieske geit weer dr'oet.
Op dit vlotte trômgerôffel,
wurd noe in de maot getôffeld.
Dreije veer ôs aliemaole ôm,
gaot noe in ein rundje sprenge,
lache, duuje, lekker dringe.
't Is alweer gedaon,
ich gaon noe röstig sjlaon.
HOME
PLAATSNAMENOVERZICHTHOMEVEER HAWTE SAME
1994/1995: Tekst: ? - muziek: ?
Zang (1): Guus Steinen & Michèle Tummers
Zang (2): Kartoesj
Zo zal 't ummer blieve gaon,
in 't plaetsjke woa ich woon
hie tèlle gein name,
hie doon ver 't same,
en dat is sjoon ..........
Dao wao get môt waere gedaon,
es m'n de henj inein môt sjlaon,
dan leet m'n zich heure,
't zal môtte gebeure,
en 't wurd gedoan ..........
Wat auch gebeurt,
dat eine dat is woar ,
doe zuus 't hie zo dèk,
zo meinig maol per jaor;
veer hawte same ,
egaal wat zich auch veurdeit,
egaal wat auch gebeurt ,
veer hawte same .....
wie dat hie bie ôs zo geit,
meis' wurd gelache,
soms is d'r auch leid,
mer hie höbste al gawwer,
'n handj oppe sjouwer
HOME
PLAATSNAMENOVERZICHTHOMEVEER GOAN WIE 'NNE WÈK
1998/1999 nr.1 : Teks & meziek: Guus Steinen
Zangk: Peter de Bekker & Trio Poepchique
Refrein:
Mit vasteloavend veul ver't direk: Veer goan wie 'nne wèk !
Vreug eweg en 't soaves laat pas trök, veer goan wie 'nne wèk !
Op 't auwt wieverbal of es d'n optoch trèk, veer goan wie 'nne wèk !
Este mich vreugs wie dat dan is, dan zèk ich: "lekker".
Este 't neet gluifs dan vroag 't Peter de bekker.
Kôm mit ôs mit en geer zult zeen dat geer ontdèk:
Mit vasteloavend goan ver nej wie 'nne wèk !!!!!!!
Joa, dit zeen daag om 'ns maelig door te zakke.
Dit zeen de daag om dien "bakkes" te verpakke.
Dit zeen de daag, oh man, oh man, dat is zoa lekker.
't Is "dikke mik" en dan kump alles veur de bekker.
Mit vloeibaar broad sjpeelt ôs kepel nog èns zoa sjoan.
En al zit 'ne greumel in de trööt bak veer ze broen.
Dat "goan wie 'nne wèk", dat zuuste dèkker.
Dat is 'n kauwe kuns veur 'nne werme bekker.
Auch de nonnevotte höbbe drie daag peutjes,
die waere mit die daag verkoch wie werm breudjes.
Mit vasteloavend doon ich jeder joar weer mit,
want ich bèn 'ne echte Göttekoavese kedet.
HOME
PLAATSNAMENOVERZICHTHOMEVEER HÖBBE GET AAN DE FITS
1994: Teks & meziek: Toos Kitzen & Jan Konings
Zangk: Toos Kitzen & Jan Konings
Refrein:
Veer höbbe get aan ôs fitske, veer höbbe get aan de fits.
't Is neet wat ste denks, mer 't is toch waal neet niks.
't Is toch waal vervelend, es'te doa mit zits.
Doe meinst dat alles good geit, mer dan höb se 't toch waal mis.
Doe meinst dat alles good geit, mer dan höb se 't mis.
Veer wouwe noa de optoch, mer dat zoot neet mit.
De sjmeet toe en ver hauwe get aan ôze fits.
Ein sjruufke doa veur. jou. dat hauwe ze bie Sjra.
Dae hauw mesjien get ligke ônger in de la.
Mer mit de vasteloavend, dan sjprenge veer op hol,
en make mit uch same völ sjpas en lol.
Mer d'r is eine tied joa van kômme en goan.
Allein weite ver dan neet meer ôs fitske te sjtoan.
HOME
PLAATSNAMENOVERZICHTHOMEVEER STJOAN IN 'T ROAD
1996/1997 nr.1 : Teks & meziek: Guus Steinen
Zangk: Ans Kusters, Mariet Coenen, Marlies Deckers, Francien Coenen & Rien Vincklair
Refrein:
Veer sjtoan in 't road, veer sjtoan in 't road, jong noe höb v'r ös gekloat.
Veer sjtoan in 't road, veer sjtoan in 't road, 't is vasteloavond en veer zitte op zwart zoad.
Waat 'n gelök, waat 'n gelök, v'r höbbe toes nog gevonge in 'n zök.
En dat is sjoan, joa dat is sjoan, noe kenne veer nog 3 daag goan. (2x)
Ich ging mich eine drenke, mer mien beusj die woar zo plat.
Ich besjtelde toch en rundje, en zag: houw mer oppe lat.
Mer Gerrit zag niks d'rvan, ieasj heivesj en dan trök.
En dan brungste alle cente mit, die ste toes höbs in die zök.
Ich hauw 'n zök veur groate noad, mer die is neet al te groat.
Ich stjong in Einekoeze en dach, ich hoal get oet de moer.
Duuj 't peske drin, doa stong ich, joa, missjiens waal 'n hauf oer.
En toen inens gebeurde 't, mien peske kreeg ich trök.
Mer op 't sjermke stjong gesjreve, kiek easj toes mer in dien sök.
Ich stjong toen sjoan veur poal, mer noe wet ger 't allemaol.
HOME
PLAATSNAMENOVERZICHTHOMEVEER VEULE ÔS GOOD!
2009/2010 : Tekst & muziek: Guus Steinen
Zang: Kartoesj
Refrein:
Veer veule ôs good
(Veer veule ôs good!!)
Veer veule ôs prima
’t Geit ôm ‘t plezeer,
(‘t Geit ôm ’t plezeer!!)
't Kump neet op geldj en tied aan
Wae van ‘t gooje laeve hilt
is dao es d’r get te viere vilt
lekker geneete!!
Aan de res dao höbbe ver sjiet aan!
Pak vastelaovend of egaal welk moment
Veer feeste get aaf, dat is alom bekènd
Door ôs broewerieje altied ’n vol glaas
De sjoonste taal klink aan waerszie van de Maas
De sjoonste taal klink aan waerszie van de Maas
Ôs limburgse leedjes die kènt jederein
Ôs jônges en maedjes die hawte van ein
De limburgse geis dae maak alles kompleet
Ja, zègk ’t noe zelf, waat höb ver hie neet?
Ja, zègk ’t noe zelf, waat höb ver hie neet?
’t Graas is hie greuner, de lôch haet mië blaw
De luuj zin geweuner, en niks môt gaw-gaw
Hie höbbe ver alles, ja neum ’t mer op
… Sjenk .., woosj… en get goods ônger de sjtop
HOME
PLAATSNAMENOVERZICHTHOMEVEER ZETTE DE TENT OP Z'NNE KOP
1998/1999 : Teks & meziek: Roger Kusters & Robert Rennenberg
Zangk: Roger Kusters & Robert Rennenberg
Jeder joar is ut weer tied, dan sjteit bie ôs de tent,
van donderdig pes maondjig, dat is zoa geplend.
Dan is d'r un groat faes, ut ganse wiekend lank,
veur de jonge en de ouwe, mit völ meziek en zank.
Kom, doot allenej mit, de tent die sjteit weer op.
Ut beer löp oet d'n tap, d'n oavend kent neet mer kapot.
Veer sjprènge en veer zènge os d'n oam oet de prie.
Veer goan noch effe door, goat noe allenej op zie.
Refrein:
Veer zètte de tent op z'nne kop,
en viere vief daag faes, ver goan aan 'm wie ein baes.
Veer zètte de tent op z'nne kop.
Veer maake hie de kachel aan, d'r motte noch 30 bonne draan.
Veer kômme noait mer sjtop, veer zètte de tent op z'nne kop.
D'r is sjtömming in de tent, 't wurd vannach weer laat.
Mit beer wuIt d'r gesjmeete, man, ich ben al zeikenaat.
Sjöt noch mer enne in, want de bonne motte op.
Sjpieje doon ich stjrak, aesj zèt ich de tent op z'nne kop.
Kom mèr achter os aan, 't is gezéllig hie.
Veer goan nog neet noa hoes, es veur 'n oer of drie.
De bend die is noe kloar, ze ruume alles op,
en veer zètte dan gezéllig de tent op zenne kop.
HOME
PLAATSNAMENOVERZICHTHOMEDE VRIEGEZELLE MARSJ
1994/1995 nr.1 : Teks: Irene, Ceciel & Denise Kusters - meziek: Irene Kusters
Zangk: Nollie en de Kosjkes
Refrein:
Jan en Sjaak van Kaar, sjtoan same aan d'n tap.
Willie van de Vroom is mit Maurice van Luersj op sjtap.
Paul van Salden, Ger van Lots sjmaak 't beerke good.
En ocherm, dae Jean van Borghoms is mich gans te voot !
Sjra van de Sjmeet en Pitje, die höb v'r nog neet gehad.
In Göttekoave, zegk ich dich, doa zeen nog mansluuj zat !
Bets oet Einekoeze woar al zoalang allein.
't Vonj mer geine minsj, dae woar te groat en dae te klein.
't Zoag 't neet maer zit te, 't woar ten einde road.
Gelökkig zag haor Mie van Maaike boete op de sjtroat:
"Gank ens droet hiej mit de vasteloavend,
dan kenste sjanse en danse jedere oavend.
Veur eine manskael hoofse neet te helle,
want hiej sjtik 't van de vriegezelle !".
Lies oet Lömmerich, ein gezich wie ein vot,
fitsde noa de kirk en doa baejde 't tot God:
"Wo venj ich eine gooie minsj, 't is zoa kauwt in bed.
Alles höb ich geprobeerd, joa zellef de kezet !
"Gank ens droet hiej mit de vasteloavend,
dan kenste sjanse en danse jedere oavend.
Veur eine manskael hoofse neet te helle,
want hiej sjtik 't van de vriegezelle !"
Trees oet Göttekoave, al waeke aan de gang,
hauw 't pekske kloar mer 't doerde hör te lang.
Hör moder hauw gezach: "Dich kumps es beste veur d'n daag.
Ich sjtaek dich waal ein kaerske op en doe sjleis diene sjlaag !"
"Gank ens droet hiej mit de vasteloavend,
dan kenste sjanse en danse jedere oavend.
Veur eine manskael hoofse neet te helle,
want hiej sjtik 't van de vriegezelle !".
HOME
PLAATSNAMENOVERZICHTHOMEWEER AAN DE LIEN!
Tekst: Ria, Marleen, Lisette en Michèle - melodie: 'Sweet Caroline'(Neil Diamnond)
Zang: De Sjanellekes
’t Lop mich doorein
Wo mot ich mit beginnen
Passe de rokskes os nog waal
Waat eine sjrik
Motte get nuuts goan make
Joa, en dan lieke veer weer sjmaal
Refrein:
Beer en get wien, kilo’s bie
Aan die prie, gaar neet blie
Weer aan de lien
Mot neet gekker weare noe
Toch mer de wien
En ein fritje toch missjien sjien, sjien, wien!
Carnavalstied
Veult geer dan auch die kriebels
Wils se dien pekske auch weer aan
kriege gein sjpiet
Van al dea drank en eate
veer goan d’r sjtevig tege aan
NEET aan de lien
mot neet gekker weare noe
Toch mer de wien
En ein fritje toch misschien
NEET aan de lien
mot neet gekker weare noe
WEER……AAN……DE….. WIEN !
HOME
PLAATSNAMENOVERZICHTHOMEWIE 'N TANG OP 'N VERKE
1993: Teks: Robert Rennenberg - meziek: Maurits Storms
Zangk: Inge, Arie, Robert, Guido & Maurits
Es doe bès geboare, mit ein tuurhout in 't hendj,
dan bès te mit de ooievaar hie hiël good aangelendj.
Hie höb'ver zelfs ein camping, en auch nog ein strendj.
Bes doe neet van Göttekoave, dan sjnapste dit van geine kentj.
Refrein:
Göttekoave, Göttekoave, dörpke woo ich woon,
zo geuf 't ter mer ein.
Göttekoave, Göttekoave, woo ver 't allemoal doon,
doa zit de luuj de kriebels in de bein.
Göttekoave, Göttekoave, dörpke woo ich woon,
doa is ummer get te doon.
Hie in Göttekoave verstoan ze veul van sjpas,
want es 't vasteloavend is, dan hawt dich mer good vas.
Dat doert hie gein drie daag mer op zin mins 't ganse jaor.
Hie loupe ze nog mit korsjmis mit confetti in 't hoar.
Bie oos in Göttekoave, doa sjteisse noajt allein.
Der is neet vol veur nuedig want ôs dorpke is mer klein.
Dus kiek maar heel good oet noe, der wurd op dich gelèt.
Es 't ein bitje taegezit sjteisse daags drop in de kerzèt.
HOME
PLAATSNAMENOVERZICHTHOMEWIEBEL POLONAISE
1994: Teks: Michelle Tummers-Struycke - org.: "Mocking Bird Hill" (Horton Vaughn)
Zangk: Michelle Tummers-Struycke & Pascalle Messing-Struycke
Refrein:
Sja la la la wiebele wiebel, sja la la la wiebele wieb.
Veer danse de polonaise, in os Tuurhouter riek.
Sja la la la wiebele wiebel, sja la la la wiebele wieb.
De wiebel polonaise, joa, wat veule veer os riek.
Veer goan same noe probere te danse allemoal.
Dus kom allemoal noa veure, angersj krieg veer niks gedoan.
Sjtoan allemoale, achterein, dat kent toch jederein,
en danse de polonaise en zeng ver same 't refrein.
Loat 't kontje mer bewege, wieberend heen en weer.
Joa, dat geit toch al get baeter es wie de veurige keer.
Dus pak uch same mer bie ein, sjleip jederein mer mit.
Wiebelen mit vasteloavend, kiek ozze prins, dae dans nog mit.
HOME
PLAATSNAMENOVERZICHTHOMEDE ZAATE HERMENIE
1998/1999 : Teks: L. Coenen & N. Crijns - meziek: R. Coenen
Zangk: Wiks mich 't sjeunke
En wat is vasteloavenstied, zònger dae meziek.
Veural van zaate hermenies luuj wat zeen ver riek.
En èsse auch nog zelf mitsjpeels, krigste eine kik.
Mèr este te völ beerkes drunks, dan höbst doe waal de hik.
Refrein:
Veer bloaze in 'n zaate hermenie, zaate hermenie, zaate hermenie,
valsj en oet de moat.
't Sjlaagwerk rit 'm ummer eine bie, ummer eine bie, ummer eine bie.
Trööte eine toan, mesjien neet sjoan, mer 't kump rech oet 't hart.
Veer bloaze in 'n zaate hermenie, zaate hermenie, zaate hermenie,
riet 'm eine bie, paaaaaaaf.
Ein tröötje en ein trumke veurop, mèr good oette moat.
't Wesjbraed, dat hört auch derbie, dat is gaar neet koad.
De rammelesjang en pursjoemhood, zeen van de partie,
en doon doabie ein sjuuftrombon, dat maak ein hermenie.
De poete eine rammelaer, dan wurt gauw vertróch.
Ver zètte dan de Feswies in, deit 't ummer noch.
Dan trööte veer de ganse daag, lieje geine doosj.
't Tuutje wurt dan oetgehoald, dat mit die lekker woosj.
HOME
PLAATSNAMENOVERZICHTHOMEZOA MOOSJ 'T KÈNNE BLIEVE
1982 (L.V.K. 1982 nr.1) : Tekst: John Wauben - muziek: Guus Steinen
Oetveurende: John Wauben, Guus Steinen & Francien Köhnen
Refrein:
Zoa moosj 't kènne blieve, dit maogde noats meer euvergaon !
Zoa moosj 't kènne blieve, mordjuu, wat waor dat sjoan !
Zoa moosj 't kènne blieve, 't ganse, ganse jaor.
Dao zou ich niks om gaeve, dat vong ich gein besjwaor !
Dao zou ich niks om gaeve, dat vong ich gein besjwaor !
't Waor mèt vastelaovend, de pap haw zich verkleid.
en dat is veur mien vader 't sjoanste wat besjteit !
Dan geit 'r mèt zien maske, zoa veur de sjpeegel sjtaon,
en bèjt dan: leve Heërke, laot dit noats euvergaon !
En mèt de vastelaovend pak Limburg zich biejein,
dan zin ôze kefeekes allemaol völs te klein !
Veer zènge ôze leedjes mèt 'n zaate hermenie.
Dan dènk ich: leve Heërke, noe kiek 'ns aeve hie !
HOME
PLAATSNAMENOVERZICHTHOME