Carnavalsliedjes uit HEEL in Limburg (NL)

HOME PLAATSNAMENOVERZICHT HOME

DE AAP
1998/1999 nr.2 : Teks & meziek: Lowie Eijkelhardt
Oetveurende (*) : Désirée Geelen/Lowie Eijkelhardt en het Aod Adjedante Peloton

Refrein:
Hallo, hallo hiej is de AAP.
Wae zeen 't Aod-Adjedante-Peleton.
Wae make lol, en höbbe sjpas,
En ueëveral woeë wae zeen,
Dao sjientj, toch weer de zón.
Hallo, hallo hiej is de AAP.
Mèt vastelaovendj gaon wae op sjtap.
En zinge den, väör oze Prins :
Zónne gooje höbbe wae nog noeëts gehadj !

Wae woeëre vreuger, èns Adjedant ;
Mèt de Prins, in de vastelaoveskrant.
Wae trokke drie daag mèt väörop,
En zatte zale oppe kop.
Mer opèns, waas 't väörbiej,
en wae woeëre gaar neet bliej.
Nao 't aaftraeje reep de hieële zaal:
Gae zitj noe in de AAP.

Mèt vastelaovendj zeen wae nog sjteeds present,
en wae make, väöl luuj kóntent.
't Kloonebal det is, zoeë sjoeën,
al die kinjer, gesjminktj wie eine kloon.
En ouch, 't Jan-Klaasen-buffèt,
det waas eine hieële gooje zèt.
En es wae al die kinjer zoeë heppie zeen,
den bön ich grueëts óm eine AAP te zeen.

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

ALLEMAOL IN 'T BAAD
1969: Teks: J. Drabbels - melodie: "Pa wil niet in 't bad"
Zang: Hugo Luijten, Emile Gijsen, Arjan Gijsen, Brigitte Doensen

Höbdj'r 't al vernômme, in Hael waerdj sjtraks gezjwômme.
Provinsie kocht de grôndj, sjtraks bagkertj men in 't rôndj.
't Waere allemaol gater, toet Daalzicht kumptj 't water.
Dus duuktj eeder gezin, dao vlot 't water in.

Refrein:
Allemaol in 't baad, hiël 't dörp waerdj naat.
En van vreug toet laat is men dao paraat.
Borst- en vlindersjlaag maaktj men eed're daag.
Mer oos groëtst gelök is zjwumme oppe rögk !

Höbdj'r 't al vernômme, in Hael waerdj sjtraks gezjwômme.
Sint Joep, det kriegtj ein bad, uëverdèktj wie in ein sjtad.
Vanwaege 't konsielie gaon de zösters in bikini.
Auch dao in 't bad, want plaats is d'r jao zat.

De psychiater en de pater, die gaon vlot te water.
De jônges van de klas, die zjwumme d'r al ras.
En kumptj'r visite, men luëtj ze mèt geniete.
't Bezeuk veultj zich dao thôes, en wiltj neet mië nao hôes.

De vaers en de moeders, de zösters en de broeders,
de élite en de jeugd, 't zjwumme duitj häör deugd.
En kumptj de Olympiade, den reuptj men ôm genade.
Medaalies goud en gael, die gaon den mèt nao Hael !

* cd (2004) : C.V. De Gangmaekers - " Tamtasie "

HOME PLAATSNAMENOVERZICHT HOME

ALLES BIEJEIN
1996: Teks & meziek: Peter Schoenmakers
Oetveurende (*): de Globeträöters

Höb-se 't-al gehueërdj, ich gaon nao Afrika.
Allein mer kans, det-se verbrands, dao in 't heite zandj.
Höb-se 't-al gehueërdj, ich gaon nao Kanada.
Väöl te ver, jao, gank dich mer, dat zieët mich 't verstandj.
Al 't vieë, det kumptj ouch van sjtal, mèt 't Haelder Karnaval.

Refrein:
Twieë dieke olifante en ouch de baer, Sjeng sjuutj de vogel aaf mèt zien gewaer.
De meikaever zingtj väör de A.A.P. en de Mös, alles geitj good want d'n draak dae sjlueëptj gerös.
Tösse de minse löptj vast nog eine os, en boeëve de wolke vluugtj Hepapolos.
Alles biejein, de ganse ark, ein menke en ein vruiwke oet 't hieële dierenpark.

Geis-se mèt mich mèt nao Zuudamerika ?
Väöl te werm, pas op dien derm, det is väör dich mien raod.
Geis-se mèt mich mèt noe nao Antartika ?
Doe bös neet wies, allein mer ies, dao is 't väöl te kaod.
Al 't vieë det numptj toch de wiék, nao 't Haelder Gangmaekersriek.

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

ALLES INEIN
1998/1999: ?

Refrein:
Vastlaovendj veer ich sjoeën in Hael,
gein kans det ich mich hiej vervael.
Ich hos en spring, ich dans en zing,
en laef mich oêt.
Vastlaovendj hiej in eige dörp,
de sfeer dae ich den drie daag sjlurp.
Alles inein, 't-geitj wiene trein,
ich versjeet miên kroêt.

Haoj mich noe vas (haoj 'm noe vas),
ich krieg de kriebels weer.
En höb zoeë 'n las (hae hieët zoeë 'n las),
vanne vastelaovessfeer.
Det höb ich al vanaaf miên kinjertiêd,
get woeë de pap auch zjwaor aan liêdj.

Haoj mich in toeëm (haoj häör in toeëm),
sjtel mich neet oppe waag.
Ich bön neet vroeëm (ziej 's neet vroeëm),
met de vastelaovesdaag.
Det geitj zoeë al vanaaf miên pupertiêd,
get woeë de mam ouch las van hieët.

HOME PLAATSNAMENOVERZICHT HOME

ANGELINE
1969: Teks & meziek: ?

Wie ig dig vuur 't iejst zoog, sjtongs dig achter 't buffet,
en mien hertje ging metein toen al van reteketeteketet.
Sinds dei daag dronk ig bie dig 't beer es water,
en des anger daags, den haai ig eine kater.
Mer wat ig oug probeerdje, ig waas noets mit dig allein.
En door det sjtom buffet zaag ig neet ens dien nette bein.

Refrein:
Angeline, Angeline, ig wool dig zoea gear kusse.
Angeline, Angeline, mer doa kump altied get tusse.
Kom 'ns mit mig noa ein duuster plekske hear,
want doe wits, ig kus dich toch zoea sjrikkelijk gaer.
Angeline, Angeline, en den luktj 't mig mesjien.

Ig bin mit dig getrouwdj en moog noe ouch mit dig noa bed.
Mer mien hertje daet nog altied door van reteketeteketet.
Sinds dei daag krieg ig van dig allein mer water,
en doadoor hub ig den dekker eine kater.
Doe hubs altied bezeuk, ig bin toch noets mit dig allein,
en al die angere kieken noe toch noa dien nette bein.

HOME PLAATSNAMENOVERZICHT HOME

DE BAER IS LOS
1994/1995: Tekst & muziek: Peet Schoenmakers jr.
Zang : Zanggroep New Generation

De daag die waere kórter, en de nachte zeen kaod
De gemeindje veurtj d’r op oet om te sjtruije mèt zaot.
De wintjer dae is bezig mer det deertj os neet,
Want den ligktj Vastelaovendj hiej in ‘t versjeet.
We höbbe Niklaas, Kersman en Drie Wieze gehadj.
De Prins waerdj oêtgerope en de Kerstboum kin plat.
Bie eder väörbereiding jao den zeen we present.
Den is ‘t draan wie Verkes Wullem, hie in de tent!

Refrein:
‘t Is Vastelaovendj bie os. En jao de Baer dae is weer los.
We renne door de sjtraote ‘t geweldj det is enorm.
‘t Is neet mieër te sjtuute, trèktj op en ueëver de sjtorm.

Es Sint Merte kumptj, den sjpring ich achterop.
En toet in fibberwarie val ich den neet mieër sjtop.
De hoofs mich neet te sjture want ich drej vanzelf.
Toet aan de Waever danse ónger ‘t hieëmels geweldj!

* cd (2003) : C.V. De Gangmaekers - " Door ein veersjteinse moer "

HOME PLAATSNAMENOVERZICHT HOME

BAERE-LEEDJE
1994: Tekst: Martin Abels - muziek: Ben Zeegers
Zang(*): Kinjerkoeër "De Vrolijke Noot"

Refrein:
Wae sjtampe oppe gróndj, gróndj, gróndj,
en kläöre het weer bóntj, bóntj, bóntj.
Dootj mèt, den make wae het hie toch knal gezellig,
en heite uch welkom op deze baeremiddig.

Wae höbbe de jeugd, jeugd, jeugd,
dus zeen wae neet meug, meug, meug.
Daorom gaon wae nog lang neet hao hoes,
want bóntje middig sjpeelse neet toes.

Wae zinge van brom, brom, brom,
en doon den weer grom, grom, grom.
Want deze middig hie is gans van ós,
in Hael, dao is de baer weer 'ns los.

* cd (1998) : C.V. De Gangmaekers - " Hael blieftj Hael "
* cd (2004) : C.V. De Gangmaekers - " Tamtasie "

HOME PLAATSNAMENOVERZICHT HOME

'T BAGKERLEEDJE
1973: Teks: J. Drabbels - melodie: "Mandolinen in Nicosia"

Bagkermäöles male sjtraks in Hael en Panhael.
Woëe ich sjpeeldje eins es kindj, bagkertj men nao zandj en grintj.
Bagkermäöles male sjtraks in Hael en Panhael.
En ze male grintj en zandj väör oos ganse Nederlandj.

Refrein:
Bagge-baggeria, dao kumptj väöl water.
Bagge-baggeria, waat waerdj det later ?

Bagkermäöles male sjtraks in Hael en Panhael.
Woëe wae vriejdje handj in handj, valle ganse sjtökker landj.
Bagkermäöles male sjtraks in Hael en Panhael.
Waat in iëeuwe is gebouwdj, waerdj nao elders weggesjouwdj.

Bagkermäöles male sjtraks in Hael en Panhael.
Woëe ich ein maedje (jungske) höb gekösjtj, veul ich mich neet miëe gerösjtj.
Bagkermäöles male sjtraks in Hael en Panhael.
Hiej en dao kumptj den ein brök, waat kumptj van oos landj terök ?

HOME PLAATSNAMENOVERZICHT HOME

DE BÄÖRS
1994: Teks & meziek: Martin Abels
Oetveurende (*): Désirée Geelen, Martin Abels en de Batterbende

Refrein:
Jao, eine kieër per jaor, den hieët mien bäörs 't zjwaor.
Ich veur den ein beleid : laot gaon zoeëlang 't geitj.
Want bie elk noew bezeuk, den kriegtj ze weer 'n deuk.
En nao mien lèste zoes, gaon ich mer weer nao hoes.

Mèt Sinterklaos of met de Kerst, den waerdj de bäörs al èns getesjtj.
En ouch al gluifs-se d'r neet in, 't houwtj toch eder jaor weer d'rin.
Mer èns per jaor k6mme die daag, den kriegs-se kriebels in dien maag.
Doe paks dich op, trèks dich get aan, en väör de rest is 't den "dráán".

De ein kroeg in, de anger oet, en den weer nao de frieteboet.
Hieël langzaam kumptj d'r ein probleem: de bäörs die hèltj 't väör gezeen.
Doe veuls 'ns links en den 'ns rechs, 't zitj mesjiens los in dien tes.
Det is toch mer van korte doer, want doe kóns "Pinne" oet de moer.

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

BELAEF UT MÈT
2000/2001 nr.2 : Tekst & muziek: Koen Sniekers & Frank Vossen
Zang: Koen Sniekers & Frank Vossen

Jao, höb gae net wie väörig jaor, ein bóntj pekske kantj en klaor.
Nou, den dootj ut mer ins aan.
Wae zeen d'r noe al vaerdig väör, mèt ós sjnoet gans vol mèt kläör.
Vastelaovendj, wae komme draan.
Wiejer gein gewazel mieër, want doe laefs mer eine kieër.

Refrein:
Alaaf, alaaf, de Vastelaovestiêd, drie daag lang d'r tieengenaan.
Mèt wien en beer waere wae den verbliêdj, thoêsgekomme kreitj al den haan.
Wae gaon noe saame danse, en maake den allemaol plezeer.
Mèt dich d'n aovendj sjanse, belaeve wae dae sjoeëne sfeer.

Jao, en den optochtj, dae trèktj róndj, ein gezelsjap groeët en bóntj.
Belaef ut mèt, geneet d'r van.
Nog get te aete oet de moêr, eine hieëring in ut zoêr.
Dootj maar mèt noe ut nog kan.
Hieël ut jaor zeen wae al braaf, mer noe is het den, ALAAF

* cd (2002) : C.V. De Gangmaekers - " ’t Viefdje sezoen "

HOME PLAATSNAMENOVERZICHT HOME

BLAUW AUGE ...
1989: Teks & meziêk: Tjeu Ramakers
Zangk (*) : de Seurama's

Refrein:
Waat höbs doe sjoeën blauw auge, noe laot mich väör dae eine rotte kieër,
ens kiêke in diej auge, want mörge geitj neet mieër ... ;
Doe rieds mich dén väörbiej, in diêne Gee-Tee-Iej.
Dus bliêf nog effe zitte sjat, en loêster noe èns hiej ... ;
Haaj ich zoeën sjoeën blauw au-au-ge, au-au-ge, blauw au-au-ge.
Haaj ich zoeën sjoeën blauw au-au-ge, dén keek ich driej daag bliej ... !

Tròf mèt vastelaovendj ein hieël leuk maedje, zaat mèt ziên vötje oppe vinsterbank ;
Haaj zoeë gaer gekösjtj mèt det greun blaedje, achter diej gerdiên of inne gangk.
Mer wiej ich hieël don biej hem sjting ... det hert van mich toen kloppe ging ...

Kwaam op einen aovendj trök van resepsie, kroeëp pas aanderdaag biej Truuj in bèd.
Zòng nog eine kieër: 't waas mer Pepsiej ..., kreeg van hem ein flinke vaeg toen mèt ;
Mer wiej ich sj'mörges wirke ging ... miên buurvrouw zingendj boête sjting ...

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

DE BOEL, DE BOEL
1997: Teks: Frank Henckens - meziek: Ben Zeegers
Oetveurende (*): De Haelder Aod Prinse

Wae laeve langs Maas, Roer of Geul,
en èns in 't jaor kumpij det sjpesjale geveul.

Refrein:
Den laote wae de boel, de boel.
Es echte Limburgers wètj gae den waat waerdj bedoeldj.
Mèt vastelaovendj gein gemoel,
wae laote drie daag de boel, de boel.

Kóm minse, hoeël noe dae drök van de kieëtel.
Deze sjlager mót der in, es pap mèt eine lieëpel, want ...

Kóm minse, det drök gedoons zeen wae good zat.
Dus dit leedje zinge wae noe in ós eige Limburgs plat, want ...

Laatste refrein:
Den laote wae de boel, de boel.
Es echte Limburgers wètj gae den waat waerdj bedoeldj.
Mèt vastelaovendj gein gemoel,
wae laote drie daag de boel, de boel.
Gans Hael lueëtj drie daag de boel, de boel.
De boel, de boel, de boel, de boel.

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

DE BÔTTERBLEUMKES
1961: Teks & meziek: Out Cuijpers-Janssens

We woëene hiëel kort bie de Maas en Kenaal,
aan water is dus gein gebrek.
Al is dén oos sjtraot auch geine boelevaar,
toch vinje we Pol lang neet gek.

Refrein:
Wae zeen de bôtterbleumkes, we höbbe altiêd lol.
Wae zeen de bôtterbleumkes, we gruujden op in Pol.
Dao bie ôs in det dörpke,
of se groëet zeen of klein, alles sjloetj zich aanein.
Jao, bie ôs in det dörpke,
sjteitj toch noeëts eine mins gans allein.

Biej ôs sjnietj aan twiëe kantje altiêd 't mets,
we gaeve aan eeder ein deil.
Nao Wessem, dao geitj oos belastinggeldj haer.
Oos zeel, die is toch gans van Hael.

Mer vraoge we ôm ein verbaetering in Pol,
den kriêge we noëets niks gedaon.
Ze loêstere neet en ze sjloête de däör,
en laote ôs kalm boête sjtaon.

HOME PLAATSNAMENOVERZICHT HOME

CARNAVAL IN HAËL
1963: Teks & meziek: ?

Refrein:
Vanaaf de Linj toet aan Sint Joep en van Sint Joep noa Maan,
en alles wat doa tussen likt, det doon wè drie daag aan.
't Beer, det sjtroumt noe uuveral, zoa lekker door dien kaël,
want 't is drie daag Carnaval, oos Carnaval in Haël.

Zek, wils doe neet mien maëdje zeen, ig waet hie good de waeg.
En helts doe dig aan mig good vast, den is dien glaas noat laeg.
Dien uigskes sind wie sjterkes en mien hertje klopt zoea werm.
Doe hoofs neet bang te zeen mien kindj, vertroew op miene erm.

HOME PLAATSNAMENOVERZICHT HOME

DAO KÓMME ZE AAN
2005/2006 nr.1 : Tekst: Koos Luijten - muziek: Jan Delissen
Zang: Koos Luijten & Roger Drabbels

Refrein:
Dao kómme ze aan, die men van de meziek
Waat eine klank en zeldje ongeliek
Woeë zeen die van, det vrueëgtj men zich döks aaf
Die zeen van Hael, Hael alaaf!

Mèt vastelaovendj hueër se,
in kroege en de zaal,
Väöl molle en väöl kruutse,
mèt schwung en mèt kabaal,
De joeksers en de träöters
Die laote zich den gaon
Die mótte blieve träöte
Want sjtraks is 't gedaon

De lètse noewe aanwinst
Qua zaate Hermenie
Is waat zich edre haan winstj
Op menig boerderie
De kuuj en anger dere
Die träöte dao hieël bliej
En kómme aanmarchere
Es zaate boerderie

* cd (2006) : C.V. De Gangmaekers - " Dao zeen we weer "

HOME PLAATSNAMENOVERZICHT HOME

DOA KUMPTJ KAL VAN
2004/2005: Tekst: Margriet Polmans - muziek: Angelique van Dijk
Zang: Niks Mót

Wae zeen hiej same groeët en klein
Hiej sjteit mich get biejein.
Nette maedjes, noe kiek tegooi
Van allerlei allooi.
Biejeingeraaptj, väör de fun,
Lank, breid en diek of dun.
Wae zeen os in 't kefee
Of soms oppe weecee.

Refrein:
Jao dao kumptj kal van, det sjprikt zich róndj,
Det geitj van klepperdeklepperdeklep,
Dus haoj mer gauw diene móndj.
Want dao kumptj kal van, det sjpriktj zich róndj
Van klepperdeklepperdeklep 't waerdtj te bóntj.

Ens per jaor is 't weer zoeëwied,
Wao höbbe geine tied.
Neet mieër koeëke, geine was
Wae pakke ós de jas.
Nao de zaal, nao de kroeg,
Zangk, dans en gein gezjwoeg.
Waat gae der auch van dinktj,
De kastanjette klinktj.

De zaal dae sjteitj noe oppe kop,
Wae vrouwluuj gaon väörop.
Toch zeen wae neet gans kontent
De Prins is eine vent.
De mansluuj sjtaon aan de tap,
Vorst, Raod en auch de HAP.
Wae höbbe mer eine wins,
Maak ein vrouw 'ns prins !!!

* cd (2006) : C.V. De Gangmaekers - " Dao zeen we weer "

HOME PLAATSNAMENOVERZICHT HOME

DAO ZEEN WAE WEER
2007/2008 nr.1 : Tekst & muziek: David Peters
Zang (*) : Brigitte Doensen & David Peters

Refrein:
Dao zeen wae weer. Dao zeen wae weer.
Groeët en klein geitj achterein.
Es hiej “Limburg-breid”, de klok weer sjleitj.
Ederein is oppe bein.
Dao zeen wae weer. Dao zeen wae weer.
Wiej ’t geitj det is geheidj…
Regeertj hiej kieër op kieër, dae sjoeëne sjfeer.
Den raeken mer: “wae zeen d’r weer”.

Briktj de wintjertiêd weer aan.
Doe veuls det de Vastelaovendj kómme geitj.
Alle zörge van de baan.
Doe wèts waat dich te wachte sjteit.

Geitj ’t good of soms ouch sjlecht?
De karneval kumptj op ziên pueët terecht.
Alle daag zeen wae d’r biej.
En sjtaon al zingendj in de riej.

Karnavalsvrundjsjap besjteit. Nao 11 van 11 deilsse waeke leef en leid.
Versjientj dae lach op diêne sjnoêt. Doe wèts, hiej is en blieftj get oêt!

* cd 2007 : : "Hiej is get oet" - V.V. De Gangmaekers
* cd 2008/2009 : C.V. De Gangmaekers - "Dich en Ich"

HOME PLAATSNAMENOVERZICHT HOME

DICH & ICH
2008/2009: Tekst: Patrick Ummels - muziek: Philippe Reuser
Zang (*): Eine Pot Zaat

Refrein:
Es dich en ich èns ein waas
Leep 't laeve krek wie eine trein
Es dich en ich geliek waas
Den haaje wae 't toch zoeë fijn
Es dich en ich verleefdj waas
Den waas det väör ós twieë
't Sjoeënste cadeau waat ich kan kriege
Waat wil ich den nog mieër

Doe bös 't masker, ich 't sjnuutje
Ich bön 't beer en dich mien glaas
Ich bön de hieërring, dich 't kueëtje
Dich bös de clown en ich d'n dwaas
En 't sjoeënste in mien laeve
bös dich, de nummer ein
Nae, ich zit neet wied d'r naeve
Wie hueëre dón biejein

Doe bös konfetti, ich 't zönke
Ich bön de sjnieë en dich de windj
Ich bön de ober, dich 't bönke
Wae zeen gelökkig wie ein kindj
En 't sjoeënste in mien laeve
bös dich, de nummer ein
Nae, ich zit neet wied d'r naeve
Wie hueëre dón biejein

* cd 2008/2009 : C.V. De Gangmaekers - "Dich en Ich"

HOME PLAATSNAMENOVERZICHT HOME

DRINKLIED
1950: Teks & meziek: Out Cuijpers-Janssen

Refrein:
Ig drink mig vandaag ein stuk in de kraag.
En al mien zurg en al mien pech, die sjpeul ig mit ein glaeske weg.
't Laeve is kort, dus sjud mien glaeske nog ens vol,
want og, zoe glaeske bringt ne mins allein mer lol.
Want og, zoe glaeske bringt ne mins allein mer lol.

Os vader haai herrie am mit ziene baas, en è maakde zig danig kwoad.
Hè gooiden 'm alles noa de kop en de baas gooide hem op de sjtroat.
En toen keek der in zien portememenee en hè trommelde noa ein café.

HOME PLAATSNAMENOVERZICHT HOME

EN NOE EFKES NIKS AAN DE KOP
1991: Teks & meziêk: Hup Marie
Zangk (*) : Hup Marie

Refrein:
Och minse leef, waat kan uch 't laeve,
get sjoeëners dén de vastelaovendj gaeve.
Niks aan dae kop en neet hoove dinke,
allein det glaeske woeës-se aan geis drinke.
Sjeij noe oêt mét det geprakkezeer,
want det kins-se mörge weer.
Och minse leef, waat kan uch 't laeve,
get sjoeëners dén de vastelaovendj gaeve.
Niks òm 't liêf, allein ein bòntj pekske,
bös dich väör mich miên vastelaovesgekske !

Wae jakkere en jaage, agendaa's die sjtaon vol,
mèt hoêshaoje en wirke, en gaar gein tiêd väör lol.
En es tieënge d'n aovendj de aafwas is gedaon,
dén is de tiêd gekòmme òm d'r op oêt te gaon.

Mam mòt nao de vrouwebòndj of kiene in de zaal.
Pap, dae mòt nao fitnis, al kaal en nog vitaal.
Zoon mòt nao de traening, of bròmmertj mer get ròndj.
dochter, die mòt danse, de veutjes vanne gròndj.

Ze höbben 't, sjtök väör sjtök, toch allemaol zoeë drök.

Ein hoon, die mòt häör ei kwiêt, 't leefste al daag ein.
De haan mòt sj'mörges krèjje, hae is vreug oppe bein.
't Verke, det mòt aete, zoeë waerdj 't groeët en vèt,
en es de minse meug zeen, dén mòtte ze no bèd.

Zoeë ròndj vastelaovendj, dén mòtte wae op zeuk.
Sjmink of maskers koupe, ein pruuk en bòntje deuk.
Sjteis-se väör de sjpeegel, bekieks-se dich 'ns good.
Dèn kriegs-se de kriebels, in diên Haelse blood.

Ze höbben 't, sjtök väör sjtök, toch allemaol zoeë drök.

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

ES ICH DICH ZEEN
2001/2002 nr.2 : Tekst: Patrick Ummels - muziek: Wino v.d. Bosch
Zang: Eine Pot Zaat

Refrein:
Es ich dich zeen hingtj de leefdje in de lócht,
den moogste weite, den bön ich hieël gauw verkochtj.
Ich weit den neet mieër wat ich doon.
Loester good waat ich vertèlle gaon.
Noe pak mich in dien er-m en haoj mich èns good vast.
Wae vlege nao den hemel en wae zitte ieërste klas.
Es ich dich zeen hingtj de leefdje in de lócht,
doe bös mien maedje en aan dich bön ich verkochtj.

't Waas mèt vastelaovendj 't waas 't sjoeënste waer.
Ich keek toen in dien ouge en zat mich toen d'rneer.
Ich sjtaardje toen nao boeëve en wis toen gauw genógt,
doe bös mien leefste maedje, ich höb zoeë lang gezóchtj.

't Waas op 'eine aovendj, waat haaje wae 'ne lol.
Ich keek toen in dien ouge, mèt leefdje knettervol.
Mèt alle leefdje in dich hoaj ich hieël väöl van dich.
Doe bös mien sjoeënste maedje, hèls doe ouch get van mich ?

* cd (2003) : C.V. De Gangmaekers - " Door ein veersjteinse moer "

HOME PLAATSNAMENOVERZICHT HOME

ES 'T MÖRGE GISTER WAAS
1997: Teks: Hugo Luyten - meziek: Gerard v.d. Heul & Hugo Luyten
Oetveurende (*): Gerard & Hugo

Refrein:
Gein gegreis, gein gegraas, es 't mörge gister waas,
want ich krieg 't neet op ein riej.
D'r ging ós niks langs de naas, es 't mörge gister waas,
en den pakdje ich mich gistermörge vriej.

Den wis ich gister al, waat vandaag gebäöre zal,
wiene ich nao hoes mós gaon, óm mörgevreug fris op te sjtaon.
Ich wis waem nog van mich heel, kós mich ligke, väör ich veel.
Ich wis gister al hieël bliej: mörge bön ich t'r weer biej.

Dinsdig nach, det hae dach, waem haaj det van hem verwach.
Nondepie, zach ós Lewie, de vastelaovendj is väörbiej.
En al sjteit den volgendj jaor, ederein weer keurig klaor,
es 't mörge gister waas, waas vandaag de Prins de baas.

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

DE FLUITENDJE HIEËRING
2004/2005: Tekst: Gerard van der Heul & Hugo Luijten - muziek: Hugo Luijten
Zang: Hugo Luijten en Haelder Aod Prinse

Refrein:
Es t'r aswoonsdig nog neet flötj,
Den aet ich 'm op, den aet ich 'm op.
Es t'r aswoonsdig nog neet flötj,
Aet ich 'm mèt get eunje op.
Hae kan t'r noe nog get van make,
Väördet ich 'm mich good laot sjmake.
Es t'r aswoonsdig nog neet flötj,
Zèt ich 'm op, den kriegtj 'r klop, aet ich 'm mèt get eunje op!

Eder jaor mèt vastelaovendj, hoeël ich hieëringe in hoes,
Eine hang ich in ein kueëtje, dao veultj hae zich drek toes.
Blief 'm drie daag lang verzörge, en det krachtvoor duit 'm good.
Mer hae mót noe rap gaon fluite, ich verlees langsaam de mood!

Es ich 's aoves laat den toeskóm, gaon ich altied nao 'm haer,
Vertèl 'm den vanalles, det hieët t'r dink ich gaer.
Zing väör hem den nog get sjlagers, mer ouch det hieët neet väöl zin.
Want waat ich ouch perbeer, hae versjödj nog neet ein vin!

't Waerdj noe toch langsaam tied, mien gedöldj raaktj sjtilaan op,
Höb väör 'm sjtaon te goochele, sjting zelfs op miene kop!
't Kós 'm waal niks verrèkke, dalik trèk ich flink van laer,
Hae liktj dao mer get te gape, en hieët zelfs neet èns ein vaer!

* cd (2006) : C.V. De Gangmaekers - " Dao zeen we weer "

HOME PLAATSNAMENOVERZICHT HOME

DE GANGMAEKER
1988: Teks: Peet Schoenmakers sr. - meziêk: Fried v. Doren
Zangk (*) : Helma v. Gorkum & Wiel Drabbels

Refrein:
Wieërt, det hieët ziên Ménke, Remunj hieët ziêne Uul,
mer waat hiej op oos plein sjteitj, is väör alles neet te ruul !
De Gangmaeker is gekòmme, det wètj toch eederein,
en waem hem nog noeëts gezeen hieët: hae sjteitj hiej op oos plein !

Kens doe daen tiêd van vreuger nog, oos dörpke waas mer klein.
Toen haad-se Sjeng en Sjang en Baer, en doe kòst toen eederein.
De septer zjwejde toen den Draak, daen tiêd, dae is väörbiej.
De Gangmaeker, dae is noe de baas, toch sjtaon ze ziej aan ziej.

Al kins-se alle minse neet, het laeve, det geitj door.
De dörpsfiguure zeen neet mieër, mer de zaal doon noe Jos en Door.
En esse dao ein pilske drinks, dink dén mer èns terök,
aan alles waat lang geleeje waas, mer vinj noe diên gelök ... !

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

EIN GOOJ BUUJ
2008/2009: Tekst: ? - muziek: ?
Zang: De HAJ

Refrein:

HOME PLAATSNAMENOVERZICHT HOME

GRINDJGAAT BOSSA NOVA
1987: Teks: Ghiel Pijpers - meziêk: Jan Delissen
Zangk (*) : De Aovendjsjter

Refrein:
Hiej aan 't grindjgaat, hiej aanne Maas,
hiej laag ich lekker, hiej in 't graas.
Det is noe angers es det 't waas,
want waem is noe dén hiej nog de baas ?

Waat zuusse, waat zuusse, waat zuusse aanne kantj ?
Waat zuusse, waat zuusse: die Braadwoerst ien der Hand !
Waat zuusse, waat zuusse: die Broesten braun verbrand !
Waat zuusse, waat zuusse in Aakwaa-Terra-Landj ?

Waat zuusse, waat zuusse, waat zuusse aan 't gaat ?
Waat zuusse, waat zuusse, de surfplank waas paraat !
Waat zuusse, waat zuusse, dae Pruus, dae groof ziên gaat.
Waat zuusse, waat zuusse, dés doe noe bös te laat !

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

HAEL BLIEFTJ HAEL
1986: Teks: Ben Zegers - meziêk: Martin Abels
Zangk (*) : Huub Stoop

Refrein:
Waat ze d'r auch van wille maake,
zal toch d'n Haelder echt neet raake.
Ich wil mer zègke: oos vlag is paars mèt gael.
Mèt anger wuuërd: Hael blieftj Hael !

Höbdjer gehuuërdj, in Hael geitj get verangere.
Waat mòtte wae gaon doon mèt al die angere ?
Gemeindjeraod, noe laotj 't biej 't aoje,
dén deile wae 't gooje mèt 't kwaoje.

Al sjrieftj die gezèt van alles en nog hieël väöl mieër,
väör òs dees daag gein noewts, wae pakke het plezeer.
Mèt ein glaeske op of soms mèt ein gans kretje,
laes ich mèt Baer 'Den Draak', oos Haels gezètje.

Sjloêt-refrein:
Waat ze d'r auch van wille maake,
zal toch d'n Haelder echt neet raake.
Ich wil mer zègke: oos vlag is paars mèt gael.
Mèt anger wuuërd: Hael blieftj Hael !
De lèste kieër: oos vlag is paars mèt gael.
Noe loêstertj good: Hael blieftj Hael, blieftj Hael, blieftj Hael !

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193
* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

HAELS VOLKSLEED
(ode aan de kaoje gróndj)
1994: Teks: traditional - meziek: Hugo Luyten
Oetveurende (*): Jac.Engelen, Wiel Drabbels. Bert Verkoulen, Hugo Luyten & kinjerkoeër "de Vrolijke Noot"

Jao, Hael, noe laot ós dich 'ns ieëre, jao, Hael, doe dörp van Sint Lambaer.
Al kreeg se sjlaeg te inkassere, en troch men tieënge dich van laer.
Al bös se neet wie lang geleje, versjtueërdj is noe dien aangezich.
Toch höb se ós nog väöl te beje, en hèls de kroeën nog opgerich.
Toch höb se ós nog väöl te beje, en hèls de kroeën nog opgerich.

Mèt Sint Sjtefanus es besjermhieër, 't kwaod van ieëwe aan de kantj.
D'n draak, es Hornes of ein dwaallieër, dae is al jaore aafgebrandj.
Kom, laot ós noe historie sjrieve, boew same aan ein laefbaar Hael,
zoeëdet ós kinjer hiej ouch kónne blieve, en deile kónne in ós waelj.
Zoeëdet ós kinjer hiej ouch kónne blieve, en deile kónne in ós waelj.

Van hoesoet altied aeve vredig, dien dade zeen de mote waerd.
Ein dörp det zich zoeë hieët verenigtj, det is ein paradies op aerd.
Woeë sjoeëne kuns al waerdj bedreve, men sjportj mèt sjnelheid en mèt flair.
Woeë Vastelaovendj puur is gebleve, jao, in zó'n dörp, dao woeën ich gaer.
Woeë Vastelaovendj puur is gebleve, jao, in zó'n dörp, dao woeën ich gaer.

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

HAIL-WALS
1947: Teks & meziek: Out Cuijpers-Janssen

't Is vastenaovendj, vergait al dien zorgen.
Hola-drie-i, hola, drie-o.
Weg met verdreet en dink neet aan morgen.
Hola-drie-i, hola, drie-o.

Refrein:
Hail, Hail, wie dich is mer ein.
Carnaval veere, det kónst dich zoë fijn.
Hail, Hail, al bust dich ouch klein,
wai blieve dees daag hie toch allemaol bieëin.

Wai hubbe eine Prins, de beste van alle.
Hola-drie-i, hola, drie-o.
En ziene Raod kan ós ouch bevalle.
Hola-drie-i, hola, drie-o.

De Draak is weer hie, noe lache en zinge.
Hola-drie-i, hola, drie-o.
Allemaol met doon, danse en springe.
Hola-drie-i, hola, drie-o.

Van Panhail en Pol en wiet oet de Haij nóg.
Hola-drie-i, hola, drie-o.
Alles kumptj kieke nao ooze optoch.
Hola-drie-i, hola, drie-o.

Wai hubbe weer schpas, doontj allemaol gek noe.
Hola-drie-i, hola, drie-o.
Es carnaval óm is, gaon wai nao hoes toe.
Hola-drie-i, hola, drie-o.

HOME PLAATSNAMENOVERZICHT HOME

HEI !
1996: Teks & meziek: Peter Schoenmakers
Oetveurende (*): Mrs.Neersjtein

Altieêd eine echte hieër, sjtrak het pak, sjiek kieër,
allein mer van dae fiêne kal ! mer noe is 't karnaval !

Hei ! doe sjat van mich, sjmink dich diêne sjnoêt,
tôddel diên pekske aan, trèk mèt mich d'r op oêt.
Hei ! doe sjat van mich, bliêf noe hiêj neet sjtaon.
De vastlaovestiêd is hiêj, laot ós same gaon.

Altieêd eine echte hieër, brave vent mèt gooj meneer.
Al bös-se van ein gooj kómaaf, noe is 't ... Alaaf !

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

HEI MARIE
1981: Teks & meziek: Out Cuijpers-Janssens

Refrein:
Hei Marie, höbs dich nog cente in de beurs,
want ich zooi zoea gaer nog eine drinke.
Hei Marie, höbs dich nog cente in de beurs,
want ich wil nog neet noa hoes.
't Is nog te vreug om al te goan, mer ich kan neet dreug hie blieve stoan.
Hei Marie, höbs dich nog cente in de beurs,
want ich zooi zoea gaer nog eine drinke.
Hei Marie, höbs dich nog cente in de beurs,
want ich wil nog neet noa hoes.

Wae hadde alle cente van 't spaarbok te good,
mer doa sting neet veul mier op, dus noe ston wai in 't rood.
Wae deelde os de cente en we zeen op stap gegaon.
En alles ging zoe lekker, mer op ins waar 't gedaon.

't Verke mit vacantiegeld, det höbbe we geslacht,
alle zegelbeukskes zeen nao de winkels toe gebrach.
Wae deelde os de cente en we zeen op stap gegaon.
En alles ging zoe lekker, mer op ins waar 't gedaon.

HOME PLAATSNAMENOVERZICHT HOME

HEIMWEE NAO HAEL
2007/2008: Tekst & muziek: Angelique van Dijck
Zang (*) : Niks Moog

Wae ginge op vakantie, mien vrouw haaj alles klaor gelag:
de passe en 't geldj en ouch de Vastelaovesvlag.
Wae knipdje hóngerdj foto's, mer ein speciaal höb ich bewaardj:
de vlag hingtj half-sjtok en ouch ichzelf höb geine aard.
En achter op die foto sjteitj gesjreve:
"Och waas ich maar biej Moder thoes gebleve"...

Refrein:
Aan de vlag kóns se zeen det ich heimwee höb
en det ich mich vervael.
Aan de vlag kóns se zeen det ich heimwee höb
nao Hael, nao Hael, nao Hael.
Einen Haelder-boum dae mós se neet verpaote,
dae mós se lekker in zien waeze laote.
Aan de vlag kóns se zeen det ich heimwee höb
nao Hael, nao Hael, nao Hael.

Mien broor dae ging nao Rome, in 't koffer zoot "de vlag"
De Paus dae zoog ‘m en reep: "Jong, waat höbs doe mètgebrach? "
"De Haelder-vlag" zach Rob toen, mit ein sjtraolendj, bliej gezich.
De Paus zach: "Maak ein foto van die vlag en dich en mich".
Mer wètj gae waat os Pap toen later zach?
"Waem sjteit in hemelsnaam noe mèt ós Haelder vlag? "

Oze hoesarts kreeg in Oeësteriek ein artistieke buuj
en maakdje dao ein foto, die d'r neumdje "Vlag mèt kuuj".
"Ein meisterwerkske", zach d'r, want ich höb.....en det is apart,
't roeëd en gael en greun gecombineerdj mèt wit en zjwart.
Toch zègk ich es ich langer nao die foto kiek:
"Die Haelder vlag die hueërtj neet thoes in Oeësteriek ! "

* cd 2007 : : "Hiej is get oet" - V.V. De Gangmaekers

HOME PLAATSNAMENOVERZICHT HOME

HIEJ IS DE H.A.P. (Klupleed)
1988: Teks: Ben Zegers - meziêk: Frank Henckens
Zangk (*) : Huub Stoop

Refrein:
De vastelaovendj, dae is òs ingegaeve es pap.
Hiej is de HAP, hiej is de HAP, hiej is de HAP !
En mèt dees daag, dén gaon wae weer mèt z'n alle good op sjtap.
Hiej is de HAP, hiej is de HAP, hiej is de HAP !
Wae loupe naevenein, mer döks auch in ein riej,
en eeder jaor, dén kumptjer eine biej, jao, eine biej.
De vastelaovendj, dae is òs ingegaeve es pap.
Hiej is de HAP, hiej is de HAP, hiej is de HAP ... !

Wae zeen bekèndj biej hieël väöl minse,
want 'HAP' sjteitj väör: Haelder-Aod-Prinse.
Al diej jaore leep der eine van òs väörop,
en zat, saame mèt uch, hieël 't dörp oppe kop.
Es echte Gangmaekers zeen wae nog sjteeds d'r biej.
Daoròm, maaktj plaats väör dees Aod-Prinse-galeriej.

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

HIEJ IS GET OET
2007/2008 nr.2 : Tekst: Patrick Ummels, Emile Gijsen & Gerard van der Heul - muziek: Patrick Ummels
Zang (*) : De Haelder Aod Prinse

Refrein:
Hiej is get oet.
Hiej is laeve in de broeweriej.
Hiej is get oet.
Hiej vinjse laevemaekeriej.
Ich HAP confetti, sjminck en fieëst mèt flair.
Hiej laot ich noeëts gein vaer.
Lös ich ‘m toch zoeë gaer.
Hiej is get oet.
Hiej is laeve in de boet.

Sinterklaos mèt mijter zitj mich biej mien vrouw op sjoeët,
of dae man verkleidj es vrouwmes mèt de luppe roeëd.
Eine hieëring in ein kueëtje en de hóndj verkleidj es hoon,
ich zeen ze vlege, vraog mich aaf, wie ziej zoeë get doon.

Prinselik gezelsjap ueëpentj hiej ’t aovendjbal,
en de luuj sjtaon mer te sjpringe of höbbe get kal.
Mer den later op de aovendj krieg ich toch pien in mien sjoon,
wie kóm ich heives, vraog mich aaf, wie ziej zoeë get doon.

* cd 2007 : : "Hiej is get oet" - V.V. De Gangmaekers

HOME PLAATSNAMENOVERZICHT HOME

HOUW D'R NAEVE
1998/1999 nr.1 : Teks: Hugo Luyten - meziek: Gerard v.d. Heul & Hugo Luyten
Oetveurende (*): Gerard & Hugo

Refrein:
Houw neet d'rop, mer klaats d'r naeve,
aan sjaele kal gaon wae ós gaeve.
Houw neet d'rop, mer klaats d'r naeve,
det is 't vastelaoveslaeve.
In boerekeel of riopak,
ederein houwtj zich get oet de nak.
Houw neet d'rop, mer klaats d'r naeve,
det is 't vastelaoveslaeve.

Waat is mèt dees daag 't geval,
ederein duit sjtómme kal.
Gesjminktj of mèt ein bleike sjnoet,
houwts doe weer flink get gekke wazel d'roet.

Waat waas d'r lès toch aan de handj,
de karneval zat al in brandj.
De brandjwaer zach toen desgevraogdj;
"door zjwaegele zeen wae al dök geplaogdj".

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

HOUW OP DIE TRÒM
1991: Tekst & muziek: Hugo Luijten
Zangk (*) : Hugo Luijten

Refrein:
Houw mer op die dieke tròm,
ens duchtig op det vel, det is gaar neet te hel.
Houw mer, zoeë hel es 't dich tungtj,
toetdet de plefòng nao ònger kumptj !

Jao, eeder jaor mèt karneval, doe zuus 't kieër op kieër,
op sjtraote en auch in kefees, 't waere d'r sjteeds mieër.
De ein mèt ein hieël groeëte en d'n angere mèt ein klein,
sjtaon oppe maot te tròmme, jao, ze gaon wiej eine trein.
't Waas toch waal ein pracht, es eederein zoeë dacht.

En 's-zunjigs mèt d'n optocht, jao, dén zuusse ze weer sjtaon.
D'n eine es pesjtoeër verklèdj, d'n angere es keplaon.
Mer ein dingk höbbe zie gemein en det is lang neet sjtòm,
ze sjlaon zich vastelaovendj door mèt klöppele en ein tròm.
Ze gaon weer duchtig d'raan, 't liêktj waal ein orkaan !

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

ICH WEIT 'T ZEKER
2006/2007: Tekst & muziek: Koos Luijten
Zang: Koos & Bert en de Haelder Aod Prinse

Refrein:
Ich weit 't zeker, ich weit 't zeker,
Ich weit 't zeker al van juli väörig jaor
Ich weit 't zeker, ich weit 't zeker,
Sjtaon neet te bluffe en 't is ongeloeëge waor
En ich vergis mich in gein hóngerddoezendj jaor

Hae hieët zichzelf verraoje, want
lets reej Ton Abels biej 'm langs
Gein mins dae dao get achter zeuktj
Det maaktj 't nog 'ns extra leuk
Al geluiftj 't mich neet eine mins
..... dae waerdj prins

Gemèjdje haor, gekniptj gazon,
En eigelik mót det angersom.
Zien hieël femilie in de zaal
Hae riejertj en hae kiektj get vaal
Al geluiftj 't mich neet eine mins
..... dae waerdj prins

* cd (2007) : C.V. De Gangmaekers - " Kiektj, loestertj en lachtj "
* cd 2008/2009 : C.V. De Gangmaekers - "Dich en Ich"

HOME PLAATSNAMENOVERZICHT HOME

IEËRELEDELEEDJE
2001/2002: Tekst: Ton Brouns - muziek: Traditional
Zang: De Hieër, de Haelder Ieërelede Raod

In ‘t Haelder landj, zeen wae geboeëre. Mèt Vastelaovendj in oos blood.
Oos moodertaal nog neet verloeëre. En grueëts op oze sjoeëne hood.

Refrein:
Es wae aan Vastelaovendj dinke. En oppe Linj det beeldj zeen sjtaon.
Den wille wae nog efkes klinke, väördet wae röstig heives gaon.
Jao gaer mèt uch ein glaeske drinke, en den te voot op Hael aangaon.

Èns droeëge wae gelieëndje mötse. Waat waas ‘t klupke toen nog klein.
Toch is dao-oet, en det vergitse. Dit sjoeëns geboeëre hie biejein.

Es eder jaor de kriebels kómme, den is daen tied weer hieël dónbiej.
Den hueëre wae al wied te tromme. En sjtaon gaer väöraan inne riej.

Wae höbbe oeëts d’n Draak gezjwoeëre. Om aan daen torbel mèt te doon.
Det is zoeë sjoeën. Soms doertj ‘t oere. Den hingtj de naas os oppe sjoon.

* cd (2002) : C.V. De Gangmaekers - " ’t Viefdje sezoen "

HOME PLAATSNAMENOVERZICHT HOME

IN HAEL ... !
1983: Tekst & muziek: Ghiel Pijpers
Zangk (*) : Wiel Drabbels

Refrein:
In Hael, in Hael, jao, dao kieks-se dich döks sjael.
Waat dao allemaol väör bleumkes gaon, dies-se nauweliks kòns laote sjtaon.
In Hael, in Hael, jao, dao kieks-se dich döks sjael ... !

In Hael, dao woeëne hieël get luuj van alle rang en sjtandj.
Mèt vastelaovendj aevel, dén sjteitj neemes aan de kantj.
Jao, eederein, dae lachtj en zingtj en drinktj ziên pilske oêt.
Men kiektj elkaar 'ns in de uig en kösjtj ein leuke sjnoêt.

De dörpskefees verangerdje nogal 'ns van baas.
Mér Sjtoop, dae bleef dezéllefdje en taptj 't zelfdje glaas.
Sint Jozef waerdje diskoteek en goof ein hieël groeët fieëst.
De Morgensjter kreeg eine baard, mer Bos waerdj gein Sjinees.

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

IN HAEL BÖN ICH GEBOEËRE ...
1988: Teks & meziêk: Huub Abels
Zangk (*) : Jack Verkoulen

Refrein:
In Hael bön ich geboeëre, in ein huuske biej de Maas.
Det ligktj zoeë sjoeën versjoeële, dao tösse hei en graas.
Ich zal dich noeëts vergaete en waat ich dich zégk is waor.
Es Haelder wil ich laeve, al waer ich hòngerd jaor !
Es Haelder wil ich laeve, al waer ich hòngerd jaor !

Van wiêd zeen ich dae toeëre, van mergel en van sjtein.
Wiej ich dao bön geboeëre, toen waas oos dörpke klein.
Woeë is dae tiêd gebleeve, van kölse en plezeer.
Ich zal dich noeëts vergaete, mesjien kumptj 't waal weer.

En es de sjterre sjtraole, de maon weer sjiêne geitj,
en zit dao op det benkske, woeë miêne naam nog sjteitj ;
Ich bön weer aan 't dräume, van dae gooje tiêd.
Die pòmp dao op det pleintje, det beeldj raak ich neet kwiêt !

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

'T KEMPKE
1954: Teks: traditional - meziek: Jo Drabbels +
Oetveurende (*): Lei Tubée

Op gooje gróndj, is men hieël gek.
In Limburg kumtj, det gaar neet krek,
Dus baggertj men mèt väöl geraas,
Hael waerdj ein eilandj in de Maas !

Refrein:
Kóm laot ós drinke, kóm laot ós klinke,
wae zeen toch allemaol prezent.
Nog lang gein dómme, mer allemaol flinke,
wae sjtèlle ederein kóntent.

De boerinnebóndj, zaat in de knel,
mèt ein dinee, in ein hotel.
Waat hieëtj de boerinnebóndj gedaon,
ze höbbe 't aete laote sjtaon.

't Kempke waas, ein pracht natuur.
D'n "diepo" kocht, det gaar neet duur.
Mer minnig paartje vrueëgtj óntdaon:
"woeë mótte wae Zunjes vrieje gaon ?!"

De Neijens- en de Driessensjtraot,
de Doormanwaeg, det klinktj neet kwaod.
Gemeindjeraod wae haaje gaer,
numtj èns ein sjtraot nao fleskesbaer !

Eine man dae sjpraak, Don-Bosco zaal,
boewdje ich van, EUR kapitaal.
Mer wiltj gae danse in det hoes,
bringtj vieftig gölje väör MIEN kloes.

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

KIÊK 'M KIÊKE
1991: Teks & meziêk: Huub Abels
Zangk (*) : Jack Verjoulen & Lianne Huijskens

Refrein:
Kiêk 'm kiêke, dao 'ns priêke, Hael det geitj noe weer 'ns oêt dae bol.
Kiêk 'm kiêke, dao 'ns priêke, drie daag langk noe weer de groeëtste lol.
Jao, jao, de Gangmaeker is noe wakker en reuptj van sjöd 'm nog 'ns vol
Jao, jao, de Gangmaeker is noe wakker en geitj noe weer 'ns oêt dae bol.
Kiêk 'm kiêke, dao 'ns priêke, Hael det geitj noe weer 'ns oêt dae bol.
Kiêk 'm kiêke, dao 'ns priêke, drie daag langk noe weer de groeëtste lol.

Kòm noe d'r beij, gank neet opziej,
want wae gaon d'r noe 'ns lekker tieëngenaan.
En wae hange dén zo'n drie daag aan dae kraan.
Kòm noe d'rbiej, gangk neet opziej,
want eine Gangmaeker, dae leutj 'm noe weer gaon,
drinktj ziên pilske en leutj d'r geine sjtaon.

Kièk 'm dao sjtaon, gesjminktj en zoeë voldaon.
Mèt ziên keelke en Marietje oppe bein,
hèltj d'r drie daag langk de ganse klup biejein.
Kièk 'm dao sjtaon, gesjminktj en zoeë voldaon.
Want wae houwe noe weer drie daag oppe kist,
omdet 't in Hael weer vastelaovendj is.

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

KIEKTJ, LOESTERTJ EN LACHTJ
2006/2007: Tekst: Patrick Ummels - muziek: Jos Kuijpers
Zang: Eine pot Zaat

Refrein:
Kiektj, Loestertj en Lachtj
Drie daag met vastelaovendj
Kiektj, Loestertj en Lachtj
't waerdj eine bóntje aovendj
Mer kiektj èns nao d'n optocht
Loestertj nao ein harmonie
Lach èns nao de konfetti locht
Wat wil se dan nog mieër
Kiektj, Loestertj en lachtj
Dit is 't fieëst van vastelaovendj

Kieke duis se in de optocht van plezeer
Den gaon die pöpkes van dien ouge knatsjgek op en neer
Waat höbbe al die luuj de wages volgeboewdj
En waertj door de Kermelle op de trómme flink verboewdj
Den kiek ich nao de wage vanne Prins
En dink dit is miêne groeëtste wins

Inne pyjama dansendj nao 't pyjamabal
Det is weer èns get angers es 't sjieke prinsebal
En inne optoch bon ich ouch altied d'r biej
En doon es ieërste mèt mer sjloêt es lètste den de riej
Den kiek ich nao de wage vanne Prins
En dink dit is miêne groeëtste wins

* cd (2007) : C.V. De Gangmaekers - " Kiektj, loestertj en lachtj "

HOME PLAATSNAMENOVERZICHT HOME

KLATSCH, BOEM EN PAAF
1988: Teks: Ben Zegers - meziêk: Frank Henckens
Zangk (*) : Huub Stoop

Refrein:
Miên lèste sjnipperdaag höb ich aanein geplektj,
mèt de nuuëdige uuëveroêre miên laeg bäörs gesjpektj,
d'r nog ein knuipke aangenèjdj, en miên pekske det waas aaf.
Allein väör dees drie daag van klatsch, boem en paaf !
D'r nog ein knuipke aangenèjdj, en miên pekske det waas aaf.
Allein väör klatsch, boem en paaf !

't Hieël jaor door, dréj ich verplichtj miên figuure.
Mer mèt dees daag laot ich mich door neemes sjtuure.
De èlfdje van de èlfdje is väör mich 't groeët sinjaal.
Dén bereij ich mich gans väör op 't allersjoeënst kebaal.

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

LAOT ÓS MER SJUUVE
1997: Teks: Jac. Engelen - meziek: Jac. Engelen & Jan Velmans
Oetveurende (*): de Haelder Hofzengers

Refrein:
Laot ós mer sjuuve, laot ós mer gaon, altiéd mer wirke is niks gedaon.
Wae fieëste en fampieëste, wae sjuuve aan.
Wae sjuuve hie, wae sjuuve dao, wae sjuuve ueëveral.
Wae sjuuve op, wae sjuuve aaf, wae make sjoeëne kal.

Eder jaor de ellefdje van de ellefdje, is 't bie ós altied 't zellefdje.
't Pekske höbbe wae al hieël lang klaor, zoeë geitj det eder jaor.

Prinsebal, dao gaon wae mèt z'n alle haer, waem waerdj de Prins, det wiste wae zoeë gaer.
Wae zitte den vol sjpanning ieërlik waor, zoeë geitj det eder jaor.

Vastelaovendj zeen wae elke daag prezent, veule ós nao die drie daag hieël kóntent.
Mer den dae waever danse vèltj get zjwaor, zoeë geitj det eder jaor.

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

LAOT OS SAME
1999/2000 nr.1 : Teks & meziek: Patrick Ummels & Philippe Reuser
Oetveurende: Eine Pot Zaat

Refrein:
Laot os same genete,
van de vastelaovendj, hie in Hael.
Want 't laeve, det doertj mer aeve,
zjweij met de vlag van paars mèt gael.
Zitste bie de harmenie, 't koeër of bie de sjötterie,
det maaktj toch gaar niks oet,
want 'nne Haelder trèktj met vastelaovendj,
drie daag lank d'rop oet.
bij laatste refrein:
(want ‘nne Gangmaeker, dee trèktj met vastelaovondj,
drie daag lank d’rop oet)

Op zunjig trèktj d'n optoch oet,
gans verkleidj bin iech d'rbiej.
Op maondig speel 'ch sjoeën de klown,
en sjtaon gesjminktj al in de riej.
Mer alles doon wae same,
det steitj bie m'ch väörop.
En klinktj opens de waever,
den zet 'ch Hael nog effe oppe kop.

Als Limbo veul ich mich zoeë riek,
in ós Limburgs paradies.
Dao kènne wae toch niks aan doon ,
want aan de Maas liktj ós pelies.
Wae doon ouch alles same,
dao in det Limburgs landj.
Hie völtj get te belaeve,
zètj noe de sjteul mer hieël gouw aan de kantj.

HOME PLAATSNAMENOVERZICHT HOME

LAOT ZE MER ROLLE ...
1959: Teks: J. Drabbels - melodie: "Zie de boerinnekes"

De vastelaovestiêd is weer gekômme.
Mèt Panhael en mèt Pol make wae weer väöl lol.
Gein zoêr gezichte en auch neemes brômme.
En eederein duitj mèt, van sjmörges toet in bèd.

Refrein:
Laot ze mer rolle, laot ze mer gaon.
Mèt de Sjpoetnik nao de maon.
Wae make laege en väöl plezeer,
mèt Sjaak en Math häör beer.

Oos Hael waerdj deftig noe mèt al ziên pleine.
De sjpeeltuin is ein pracht, det haaj men noëets verwachtj.
Toch hoove wae ôs daorôm niks te meine.
't Blieftj nog hiëel gewuëen: Biej Maan, Tant Tiën en Tuëen.

En begintj 't beer ôs auch eins get de drökke.
't Löptj toch van allein, mer neemes tiëenge de bein.
En kan de broêne 't auch neet miëe rökke,
toch geine wiltj nao hoês, auch neet die vanne sjloês.

Zoëe zôlle wae de vastelaovendj viere.
Wae zeen wie allemaol vrinj, 't is net ein groëet gezin.
En 'sdinsdigsaoves is 't potvertiëere,
den duitj 't ôs weer leid, es 't twellef oere sjleitj.

HOME PLAATSNAMENOVERZICHT HOME

LAOTJ UCH MER GAON
1992/1993: Tekst & muziek: Martin Abels
Zang: Martin Abels, Desiree Geelen en de Batterbende

Refrein:
Laotj uch mer gaon mèt Vastelaovendj, drie daag lang op sjtap.
‘t Sjoeënste fieëst is Vastelaovendj. Al geitj det nog zoeë rap.
Mèt väöl meziek en väöl gerammel, geitj det alsmer door.
Laotj uch toch gaon mèt Vastelaovendj, det kinse ueëveral.
Laotj uch toch gaon mèt Vastelaovendj, det is ‘t sjoeënst van al.

Det hieël gedrang kumptj langksaam op gang.
Sjping in dae trein, de rest geitj van allein.
Zieët toch neet bang. ’t Doertj mer drie daag lang.
’t Is sjteeds weer sjoeën toet aan de lèste toeën.

De sjoeënste mins det is toch de Prins.
Hae löptj väörop. En kumptj den neet mieër sjtop.
Mer èns kieërtj ‘t tiej. Den is det weer väörbie.
Es hae uch den bedanktj. Geluif mer det hae den janktj.

* cd (2001) : C.V. De Gangmaekers - " Laot gaon "

HOME PLAATSNAMENOVERZICHT HOME

'T LEEDJE VAN DE AAP
?

Refrein:
Want ein AAP bringtj laeve in de brouweriej,
dae wetj waal van wantje, zonger de prins d'r biej.
Want nao ein jaor zeen wae den eindelijk noe vriej,
wiej sjoeen 't toen oug waas, wae zeen noe eige baas.

Sjmorges es hae opsjteit, den zeen wae alweer klaor.
Es hae den nao de kueeke geitj, en sjtriektj zich door 't haor.
Hae vreugtj den aan os, wiej laat of 't noe is,
dan weite wae allang, och god dao is get mis.

Precies ein jaorke later laupe wae ueever de sjtraot,
eine met eine bolhood, dae vreugtj os den om raod.
Hae guftj os den ein handj, en zieet den hieel oprechtj,
het is toch eine AAP, dae dao den weer vuer vechj.

HOME PLAATSNAMENOVERZICHT HOME

LEEDJE VÄÖR DE JOEKS
2008/2009: Tekst: ? - muziek: ?
Zang: De HAP

Refrein:

HOME PLAATSNAMENOVERZICHT HOME

LEK MICH TOCH DE ZÖK
2005/2006: Tekst & muziek: Lowie Eijkelhardt
Zang: Lowie Eijkelhardt en het Aod Adjedante Pilleton

Refrein:
Doe mós neet zoeë kaake, mich neet aaf te krake,
Lek mich toch de zök!
Doe mós neet zoeë boeze, zit neet zoeë te sjpoeze
Maak dich neet zoeë drök.
Zit neet zoeë te pikke, hoof det neet te sjlikke,
Kóns mich oppe rögk!
Laot mich neet tornere, en neet kommandere,
Kriegs mich toch neet sjtök.
Doe mós dich zjenere, doe höbs gein menere,
Lek mich toch de zök!

Ich haaj lèst neet zo'n good gesjprek
Mèt miene groeëte baas.
Ich kreeg van hem der flink van langs
Toen gaaf ich tieëngegaas.
Ich zag: "Haod diene kop
En riet dich neet zoeë op"

Ich kwaam lèst thoes van ein sjoeën fieëst
Ich haaj der zat gegadj.
Miên vrouw die waas toen hieël erg kwaod
Toen zag ich leeve sjat:
"Maak doe dich neet zoeë diek,
Det vinj ich gaar neet sjiek"

* cd (2006) : C.V. De Gangmaekers - " Dao zeen we weer "

HOME PLAATSNAMENOVERZICHT HOME

LOE-LOE
2003/2004 nr.1 : Tekst & muziek: Lowie Eijkelhardt
Zang: Lowie Eijkelhardt en het Aod Adjedante Peloton

Refrein:
Loe-Loe, Loe-Loe, Loe-Loe woeë geis se toch nao toe?
Loe-Loe, Loe-Loe, Loe-Loe wat maakse mich toch noe?
Loe-Loe, Loe-Loe, Loe-Loe ich haup, doe bliefs mich troew.
Loe-Loe, Loe-Loe, Loe-Loe ich haup, doe bliefs mich troew.
Al sjteis se weer te danse, mèt ederein te sjanse,
en dink ich döks doe bös ein nötte sjroêt,
jao, Hieëre God genaoje, ich blief toch van dich haoje,
want doe bös miên Loe-Loe.

Loe-Loe, det is miên maedje, al eine lange tiêd.
Mer mèt de vastelaovenjdj bin ich Loe-Loe döks kwiêt.
Zie rentj door eder tent, is op zeuk nao eine vent.

Op de prinseresepsie, Loe-Loe gedrueëgtj zich neet.
Loe-Loe lueëtj mich den zitte, 't is weer 't zelfdje leed.
Loe-Loe maaktj 't den bóntj, kösjtj de Prins op ziêne móndj.

* cd (2004) : C.V. De Gangmaekers - " Tamtasie "

HOME PLAATSNAMENOVERZICHT HOME

DE MEIKAEVER-SIMFOONIEJ
1990: Teks & meziêk: Tjeu Ramakers
Zangk (*) : De Seurama's

Refrein:
Es ich nog èns jònk waas, mèt dich mòcht laupe,
waat zooj ich 'm dén gaer ein vaeg verkoupe !
Ich kösjdje dich dén weer zoeë dék, wiej toen ... aan diej hègk.
Waat zoeëte dao mei-kaevers, zègk, in diej hègk, in diej hègk, in diej hègk !

Es Haelder-jòng geëmigreerdj, kwaam Sjeng mèt hieël väöl geldj,
nao jaore oêt Amerika, en zaag ... Truuj op 't veldj !
Waat haaj ooze Sjeng 't zjwaor ... en zòng nao zoeëväöl jaor ...

Mariêke mòst nao Sjterrebos, waat haaj det vruiwke leid.
Leet alles achter, hiej in Hael, 't ergste waas: ... häör geit !
Mer wiej ze dao driej daag zaat, toen zòng ze väör Nònk-Graad ...

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

MÈT MEZIÊK VÄÖROP
1990: Teks & meziêk: Peter Schoenmakers jr.
Zangk (*) : Bert Verkoulen

Refrein:
Alle minse, groeët en klein, kòm sjloêtj uch biej òs aan.
Mèt meziêk väörop, kinne wae de waereldj aan.
Bliêf neet sjtaon, laot òs gaon, door de aerd en door de klei,
de Kirkberg op en aaf, langs 't water, door de hei.
En dachts doe dén mesjien, det is toch niks väör mich,
mer miêne leeve mins, dao vergis doe dich.

Vannacht waas 't laat en vanmörge waas 't vreug.
Waas ich mer versjenjig, dèn waas ich noe neet meug.
Ich drink miên tas koffie op en laes nog de gezèt.
Daonao gaon ich fieëste, waem geitj'r mèt mich mèt.
Mer ieërst nog de träöt oêt de kast gepaktj,
om te väörkòmme det de sjtumming zaktj.

Wae loupe noe al mèt 'n man of viêftig ròndj,
allemaol geboeëre oppe Haelse gròndj.
Väöraan löptj de saks en achteraan de bas,
zoeë loupe wae keurig inne pas.
En haodj elkaar noe mer sjtevig vast,
want die van 't sjlaagwerk hoeële alles oêt de kast.

Koda:
Dus klap in diên henj en sjtamp oppe vloer,
maak meziêk tot diên lèste oêr.

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

MIEN DÖRPKE HAEL
1946: Tekst: J.H. Delhoofen - muziek: ?
Zang: Jack Verkoulen

Ich wil zinge van mien dörpke
det ligtj tösse Maas en hei
woeë ich jonk waas en gespeeldj höb
inne buus en veldj en wei
woeë mich moder lieërdje baeje,
es ich zaat op höre sjoet
woeë mich vader lieërdje wirke
wirke vör mien daagliks broeëd

Refrein:
Heèl ich zal dich noeët vergaete,
waat ich zègk is zeker waor
Heèl geit noeët oet mien gedachte
auch al waer ich hongerd jaor !

HOME PLAATSNAMENOVERZICHT HOME

MIEN MAEDJE?!?
2004/2005 nr.1 : Tekst & muziek: David Peters
Zang: David Peters & Roger Drabbels

Refrein:
Ich höb ein maedje...zoeë magnefiek
T is net ein plaetje woeë det op liêktj
T is ut sjoeënste maedje van de ganse sjtad
Kós doe mer zègke dets d’r haajts gegadj
Al liêktj ‘t allemaol egaal
Ein perbleem det is d’r waal
Want, alles liektj zoeë perfekt...
D’r is allein ein defekt...
Get waat mich toch waal verrektj
Waat is de naam dae op häör plektj??

Ich zaag häör loupe...door de sjtad
Kós neet mieër dènke...ich ging drek plat
Waas det Merieke of ein anger sjnoet
Toch zing ich es ich gaon d’r oet...

Noe vraog ich mich al dage aaf...
Wiej kom ich van dit perbleemke aaf
Zellefs raoje hieët gein eine zin
D’r is mer ein dink, det ich dènke kin

Waat is de naam dae op häör plektj?
En ich hoeëp det es gae häör zeetj...Mich Wèktj!

* cd (2006) : C.V. De Gangmaekers - " Dao zeen we weer "

HOME PLAATSNAMENOVERZICHT HOME

MIENE HIERING
Tekst & muziek: Twan Smets (Twan v. Nellegraad)

Refrein:
Mar mergevruuj den krieg ik 'nne kater,
want ik bin al van vanmerge oppe klater
en de kastelein haed mich gezag:
Asse zoë door gès kump hae al vannach
en zien mendje steit al klaor
met 'nne hiéring, met 'nne hiéring, met 'nne hiéring in 't zoor

ik heij 'n hamster en 'nne goudvis in 'n kòmp,
want angerum det geit net den wuurd zo'n hamster krômp
'kHeij ok 'n knienke in 'n hölter hökske,
en 'nne Hoebhab mâr dae veel stieds van zien stökske
Maar wat mich trèk det klink meschiens get raär
det is zo'n prachtig wollig eksemplaar.

'kHeij 'nne paoling mèt 'n hiele zachte stum,
zoop al 't water oët mien akwarium
'kHeb ok 'n kwartel met 'n veerkent köpke
en 'nne melder dae verdronk zich aan mien dröpke.
Maar wat ik wil, dao is toch niks met mis
tis zach en werm en hèlt hiel vuül van vis

HOME PLAATSNAMENOVERZICHT HOME

MIENE SJPEEGEL
2008/2009: Tekst: ? - muziek: ?
Zang: Niks Mót

Refrein:
Es ich mit vastelaovendj
Weer in de sjpeegel kiek
Den dink ich: hei, dao bösse weer
Ich kin dich aan dae sjmink.
Dezelfdje sjnoet, dezelfdje pruuk
Dae lach op dien gezich
Went es ich in dae sjpeegel kiek
Den zeen ich dich en ich

Wie eine kloon stjaon ich veur dae sjpeegel
Pekske aaf, gezich puur natuur
Ren ich mer gaw nao de sjminkdaos haer
En zeuk mich dao get kluüer.
Mit ein paar vaege en streepkes en glitters
Krieg ich al ein anger gezich
Liek in inéns weer op dich, of höb ich ut mis…
En lieks doe op mich

Wie eine kloon stjaon ich veur dae sjpeegel
Pekske aaf, gezich puur natuur
Ren ich mer gaw nao de sjminkdaos haer
En zeuk mich dao get kluüer.
Mit ein paar vaege en streepkes en glitters
liek ich toch inéns weer op dich
of is het toch net angesóm
En lieks doe veul mieé op mich

HOME PLAATSNAMENOVERZICHT HOME

MORE TEKIELJA ... !
1983: Teks & meziêk: Martin Abels
Zangk (*) : Jack Verkoulen

Refrein:
More tekielja, more tekielja, si sinjorita mi amor.
More tekielja, more tekielja, si sinjorita mi amor.

Twieë dieke oeëlifantje, woeëre de bèste klantje,
in ein kefee in Meksiko.
En nao ein sjtök of drie, veer, van diej gevöldje pöt beer,
zònge ze deeze aariejaa :

La - la - la - la - la ...

Zònge die oeëlifantje, saame mèt alle klantje ;
eederein haaj de groeëtste lol.
Lol maake mèt diej klantje, kòste diej oeëlifantje,
want saame zònge ze in koeër ... :

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

NOA DE BÔNTJE AOVENDJ
1961: Teks & meziek: ?

In Hael, dao is weer Karneval, en eederein hiëet plezeer.
Oos zorg verdrinke wae dees daag, mèt sjnaps of ein glaas beer.

We woëere toch zoëe sjoëen begosjtj met eine aovendj bôntj.
Wae dachte inkel aan plezeer, want lache is gezôndj.

En twiëe man maakdje dao ein buut, ze mendjen 't zoëe good.
't Volk, det klapdje inne zaal, det goof häör werkelik mood.

De aovendj waas zoëe sjoëen gesjlaagdj, 't volk, det waas voldaon.
En neemes is toen met krom zin van dao nao hoês gegaon.

Mer daomet waas de kous neet aaf, want minse, wetj det waal !
Dao zoëete tösse 't hiëel good volk auch wölfkes inne zaal.

Ze ginge nao de groëete baas en 't waerdje ein echt sjandaal:
Dao daugdje niks van alles, waat wae deeje in de zaal !

Want waat wae zachte in oos buut, waas neet nao häöre zin.
't Gemeindjehoês, det ging op sjlot: wae mochte der neet miëe in !

Zoëe geitj 't altied in dit dörp, mer al braeke-ze alles aaf,
toch zegk ich met de Karneval: Alaaf minse !! Alaaf !!!

HOME PLAATSNAMENOVERZICHT HOME

OCH KÔM TOCH MIÊN LEEFKE
Gebaseerdj op de Gouje Broêlof van Flessebaer en Tant Merie
1968: Teks & meziek: Out Cuijpers-Janssen

Mariêke waas 't netste maedje van de ganse sjtreek,
en mennig jungske, det den auch nao oos Meriêke keek.
't Haaj van väöre en van achter alles volges maot,
en eederein, dae reep den auch Meriêke nao op sjtraot:

Refrein:
Och kôm toch miên leefke, och kôm toch miên wicht.
Ich höb get sjoëens, get sjoëens, get sjoëens, get sjoëens väör dich.
Och kôm toch miên leefke, och kôm toch bie mich.
Ich höb get sjoëens, get sjoëens, get sjoëens, get sjoëens väör dich.

Mer nao ein tiêdje kreeg Meriêke eine jông hiëel gaer,
en trouwdje 't väör Wèt en Kirk mèt ziêne Flessebaer.
't Waas ein hiëel sjoëen broelof, eederein dae haaj plezeer.
Ze oote good en zônge hel, bie ein lekker glaeske beer:

Oos Baer, dae haaj ziên ganse geldj verzoëepe in ein nacht,
en waerdje door de Sjterke Erm hiëel fein nao hoês gebrachtj.
De minse, die hem zooge gaon, die sjödje häöre kop,
want Meriêke wachdje mèt de sjtek hem bie de väördäör op:

Noê zeen ze viêftig jaor getrouwdj, ze deildje leef en leid.
Oos Baer is nog eine flinke vent, Mariêke ein flinke meid.
Ze woëere altiêd gaer biejein en noëets kreege ze sjpiêt.
We hoëepe det ze alle twiëe nog zinge lange tiêd:

HOME PLAATSNAMENOVERZICHT HOME

OET AETE
1993/1994: Tekst: Peet Heerekop - muziek: Frank Henckens
Zang: Tim Tomsons Traveling Theater

De ideale hoesvrouw höb ich en det is waor.
Want es ich ‘s aoves thoes kom, dènk ich ‘t aete is klaor.
Mer waat sjtetst mien verbazing. Ze zieët ich höb gedaon.
Wae motte den zoeë nueëdig weer oet aete gaon.

Refrein:
Bie de Sjinees aete wae mèt sjtekskes. Bie Diemer à la carte.
Bie Margie oet ein bekske en eine pizza oet de handj.
Bie de Sjinees aete wae mèt sjtekskes. Bie Diemer à la carte.
Bie Margie oet ein bekske en eine pizza oet de handj.

Wae höbbe al die huuskes al hóngerdj kieër gehadj.
Ich bön det oêt gaon aete zoeë langksaam herdsjtikke zat.
Want aojerwetse sjtampot, det is toch gaar neet deur.
Mer mam die wiltj oet aete verder gein gezeur.

* cd (2003) : C.V. De Gangmaekers - " Door ein veersjteinse moer "

HOME PLAATSNAMENOVERZICHT HOME

OP SJTAP
2007/2008 nr.3 : Tekst: Ton van Engelen & Peter Bijlmakers - muziek: Jan Delissen
Zang (*) : De zjwarte kreije oet Mira

Refrein:
Hiej is get oet, de lócht hingtj vol meziek.
Hiej is get oet, ich zeen ’n zieë van kläöre.
Hiej is get oet, ich bön de käöning te riek.
Hiej is get oet, hie sjteit get te gebäöre.

Vastelaovendj väör de däör, en gaon ‘ns good op stap.
De aafwas klaor, ‘ne gooie baom, ich höb ’t weer gelap.
Gezicht gesjminktj, ’t pekske aan en den ’t mötske op.
D’r kan niks mieër gebäöre, ich drink dao eine op.

’t Drenkske sjmaakt, meziek is good, ’t fieëst in volle gang.
Met al dees kläöre op mien snoet bön ich väör neemes bang.
Ich fluit get mèt, bewaeg mien veut en kiek get in ’t róndj
Ich veul mich good, ich höb plezeer en maak ’t lekker bóntj.

Sjrik mich kapot, krieg geine aom, mien hert is ram van sjlaag.
Dao kieke mich twieë ouge aan, det höb ich neet al daag.
Om mich haer sjteit alles sjtil, höb inkel oug väör dich.
Zeldje zoog ich zoeëget sjoeëns, ich haop dich bös väör mich.

Hiej is get oet, mien hert zitj vol meziek.
Hiej is get oet, mien hert zitj vol mèt kläöre.
Hiej is get oet, mien hert veultj zich zoeë riek.
Hiej is get oet, waat kan mich nog gebäöre!

* cd 2007 : : "Hiej is get oet" - V.V. De Gangmaekers

HOME PLAATSNAMENOVERZICHT HOME

D'N OPTOCH
1897: Tekst: Sjang Bongaerts - melodie: "Wer muss unter die Soldaten" (Friedrich Güll)
Zang: Hugo Luijten, Emile Gijsen, Arjan Gijsen, Marion Gijsen

Oppen tied waas men aan 't wirke,
mèt väöl iefer en väöl mood, óm te höbbe alles good.
Want wae wiste al väöroet, eeder kwaam nao zónne sjoeëne sjtoet.

Refrein:
Vastelaovendj is in 't landj, op nao Hael toe, handj in handj.
Optoch wie men noeët zuutj weer, nörges hieët men mieër plezeer.
Vastelaovendj is in 't landj, op nao Hael, op nao Hael, op nao Hael.

Wae höbbe gesjpaardj, noch mote noch köste.
Ueëveral woeë men ouch kiektj, alles is 't aeve riek.
Nörges woeë 't minst mankeertj, gae zeetj zeker detj g' uch ammezeertj.

Refrein:
Vastelaovendj is in 't landj, op nao Hael toe, handj in handj.
Optoch wie men noeët zuutj weer, nörges hieët men mieër plezeer.
Vastelaovendj is in 't landj, jao nao Hael, jao nao Hael, jao nao Hael.

Zeetj hiej noe de versjillendje legers,
die uch tuinen in 't klein, mer toch hieël juust en fein.
Wie 't oeëste kriegtj väöl macht, en sjleitj 't weste, zoeë is väörzachtj.

Refrein:
Vastelaovendj is in 't landj, op nao Hael toe, handj in handj.
Optoch wie men noeët zuutj weer, nörges hieët men mieër plezeer.
Vastelaovendj is in 't landj, al nao Hael, al nao Hael, al nao Hael.

Nao hóngerd jaor zal 't gebäöre,
det de gaele Jappanees, d'n Turk en de Chinees,
mèt de wilje negers en zoeloes kómme haoje hiej den lieëlik hoes.

Refrein:
Vastelaovendj is in 't landj, op nao Hael toe, handj in handj.
Optoch wie men noeët zuutj weer, nörges hieët men mieër plezeer.
Vastelaovendj is in 't landj, laeve Hael, laeve Hael, laeve Hael.

Hieël sjoeën, al die versjillendje volke,
die mèt sabel of gewieër exsersere op en neer.
En ge meziek en wages daobie, jao, teväöl óm te numme op ein riej.

Refrein:
Vastelaovendj is in 't landj, op nao Hael toe, handj in handj.
Optoch wie men noeët zuutj weer, nörges hieët men mieër plezeer.
Vastelaovendj is in 't landj, Viva Hael, Viva Hael, Viva Hael.

Wiltj uch den in alle eindracht vermake.
Riek en erm en jónk en aod, det wins ich uch inderdaod,
'ch Houp es zó'n fieëst hiej kieërtj weer, det gae zoltj zinge op lustige meneer.

Refrein:
Vastelaovendj is in 't landj, op nao Hael toe, handj in handj.
Optoch wie men noeët zuutj weer, nörges hieët men mieër plezeer.
Vastelaovendj is in 't landj, weer nao Hael, weer nao Hael, weer nao Hael.

* cd (2003) : C.V. De Gangmaekers - " Door ein veersjteinse moer "

HOME PLAATSNAMENOVERZICHT HOME

PAK 'M DICH ENS EFKES VAST
1961: Tekst & muziek: Out Cuijpers-Janssen

't Ganse jaor door zitte wae wiej in ene sjtieve kraag,
es ape in ein groëete koëej, woëe dit en det neet maag.
Mer kumptj de vastelaovendj aan, den roope wae alaaf!
En zètte väör driej ganse daag det sjtieve maske aaf.

Refrein:
Noe pak 'm dich ens efkes vast en griêp 'm dich ens good.
En esse get verlaege bös, den drink dich iëesjt get mood.
Want in dees driej daag Karnaval is det waal toegesjtaon.
Dus pak 'm dich mer lekker vast, sjtraks is 't weer gedaon.

't Ganse jaor wirke wae en laote hiëel get zjweit.
D'n eine hiëet 't soms te sjmaal, d'n angere te breid.
Mer kumptj de vastelaovendj aan, is eederein geliêk.
Wae zeen den ein, van jônk toet aod, mer auch van erm toet riêk.

HOME PLAATSNAMENOVERZICHT HOME

PLÖK 'T GELÖK
2005/2006 nr.2 : Tekst & muziek: David Peters
Zang: Haelder Aod Jeugdprinse

De zörge zeen väör mörge, 't plezeer is van vandaag.
Mèt niks zitte wae dees daag in de maag.
Laotj uch drie daag lekker gaon, ónger 't sjtraole van de maon.
Want zörge make det is niks gedaon.

Refrein:
Zèt de zörg mer aan de kantj, zie aan zie en handj in handj.
Wae höbbe weer de windj in oze rögk.
Mèt väöl passie en bravoer doorgaon toet 't lèste oer.
Bön blie en plök drie daag lang 't gelök.

Och minse plök de daag, zoeë lang 't kan, zoeë lang 't maag.
Laot 'm neet sjete, griêp 'm in de kraag.
Väör se 't wèts is t'r väörbie, dootj dus mèt en veul dich vrie.
Bliêf noe neet sjtaon en kom d'r efkes bie.

Ouch al veulse dich get meug,
Gank toch door toet mörgevreug.
Plök 't gelök toet aan de lèste teug.

Mèt väöl passie en bravoer doorgaon toet 't lèste oer.
Bön blie en plök drie daag lang 't gelök.

* cd (2006) : C.V. De Gangmaekers - " Dao zeen we weer "

HOME PLAATSNAMENOVERZICHT HOME

DE POLDERWAEG
1961: Teks: Jo Drabbels - meziêk: Jan Theelen
Zangk (*) : Lei Tubée

Refrein:
En wae hobbele, hobbele, hobbele mer, en hieël det Pol det zumptj-er.
Zeetj mer röstig, zieët de Raod, dae gooje waeg, dae kumptj-er.
Hobbele, hobbele, hobbele mer, door gaater en uuëver sjtein.
Det vindj Pol gemein, dus reuptj groeët en klein:
Petuumwaeg, det waas toch fijn !

Op dae Polderwaeg, nao de oeërlogsjaore,
dae dao väöl op leep, dae kreeg last vanne blaore.
Toen zagte die van Hael: wae wille hem maake,
es auch die van Wèssem get biej wille draage.
Mer die van Wèssem, die zagte: dén mòtj gae lang wachte,
oos waeg, zie zeen good, dao hieët neemes gein klachte.
Dus bleeve wae gaon, dae waeg bleef besjtaon,
al waas der zoeë sjlecht, det d'r leep nog gein kraon !

En Miet van Pol ging in Hael nao de bekker.
Det kreeg dao gewuuënlik ein tuutje mèt lekker.
Op dae Polderwaeg ging 't mèt hoeëge hakke,
daomèt is 't achter die sjtein bliêve hakke.
De knieje gesjaafdj, de nijlons kepot,
en de minse, die keeke hem tieënge ziên ... bein.
Het vlookdje en zag: waat zeen det väör draake,
det ze dao in Hael noe dae waeg auch neet maake !

En eindelik, toen waas 't dén haost zoeë wiêd.
De minse, die zagte: 't waerdje auch tiêd.
Toen kwaam de besjteedingsbeperking d'r aan,
dae Polderwaeg, dae waas weer vanne baan.
Mer mèt de ruilverkaav'ling, toen waas d'r weer mood.
't Riêk gaaf supsiedie, dus waerdje 't good.
Toen sjtòng inne gezèt, 't is òm te gille:
es die boere dae liêst mer teikene wille !

Miène buurman zaet waal: det is ein groeët sjandaal.
die lep òngere sjoon kòsjtje ein kapitaal.
De fietsbenj versjleete, 't is òm te kriête,
det höbbe wae aan de Polderwaeg te verwiête.
En Piet en Toeën, ocherm ein paar aoj minskes, die mòtte dao mer flaakere,
om dao naeve dae waeg te raake.
Wiej lang zal oêteind'lik die ieëlénj nog doêre,
väör die Polder burgers en Polder boere ???

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

DE PRINS VAN HAEL
1954: Tekst: Jo Drabbels - muziek: traditional
Zangk: Thei Verheugen en Hugo Luijten

De Prins van Hael hètj Sjaak van Baer.
Dae kintj ederein en dae lösjtj ‘m gaer.
Want limmenaad en koladrank det vindj ‘r hieël ordinair.
Mer zunjigs den is t’r gewueënliks get zaat.
Väör ’t aete te laat. Den hèltj ‘r ‘m naat.
En es t’r èns vèltj den zieët t’r mer: och waat is ’t toch laat!
Es broewer gueëftj ‘r dökser waal ein rundje.
En Milke kösjtj ‘m gaer èns op ziên möndje.

Refrein:
En esse den gein beerke lös den bösse eine saaie.
Den bösse eine saaie. Den bösse eine saaie.
De Raod van Ellef biej os in Hael det zeen toch allemaol fraaje.
Det zeen toch allemaol fraaje; Det is eine sjoeëne boel.

Toen kwaam t’r bie Hènckens dao in de kefee.
Krieg pien inne rögk, wól neet nao de plee.
Zat zich in ’t graas en zaat dao toen hieël röstig en hieël tevree.
Hae ging weer nao binne en zag nondepie:
’t is gek det ich ’t zègk mer waat sjtinktj ’t toch hie!
Hie sjtaon t’r ein sjtök of vief op ein rie en de dader dae is t’r bie!
Men hieët ‘m toen väörzichtig laote wete;
De Prins haaj zich d’n ueëverjas besjete.

* cd (2001) : C.V. De Gangmaekers - " Laot gaon "

HOME PLAATSNAMENOVERZICHT HOME

RAMMELESJANG
2006/2007 nr.1 : Tekst: Margriet Polmans - muziek: Angelique van Dijk
Zang: Niks Mót

Refrein:
Jao... Jao - Jao
Dit is vastelaovendj - dus blief hiej allemaol lang
waat is ter noch sjoeëner es rammele mit Sjang
noe haodj uch sjtevig vas - den gaon wae in ein riej
en rammel mit Sjang, blief aanne gang 't is weer zo veurbie...

Kiektj ens nao os pekskes, diej hubbe wae zelf genejdj
ze zitte wiej gegaote, wiej de windj auch wejdj
en mit dee Rammelesjang in henj zin wae op os gemaak
die belkes en die toeters rammele door de hieële zaak...

Loeëstertj waat wae zinge, det doon wae toch neet verkeerdj
't is missjien neet zuuver, det kriege wae nog geleerdj
mer rammele mit Sjang det doon wae aardig oppe maot
zo haoje wae os bezig 't hilt os efkes vanne sjtraot...

Lachtj en laot os zinge, den sjpanne wae weer de kroeën
en zeg de res van 't jaor, waat waas 't toch weer sjoeën
wae rammele nag efkes door den tied is nag neet op
dus doot mer mit os mit wae zitte dae zaal ens oppe kop

* cd (2007) : C.V. De Gangmaekers - " Kiektj, loestertj en lachtj "

HOME PLAATSNAMENOVERZICHT HOME

DE RAOD VAN ELLEF
2001/2002: Tekst & muziek: Jac Engelen
Zang: de Haelder Hofzengers

Refrein:
Wae zeen de Raod, de Raod van Ellef.
Zoeë es gae zeetj, wae zeen ‘t zellef.
Wae sjtaon väör os Prinske altiêd klaor.
Al höbbe wae ‘t zellef waal èns zjwaor.
Wae sjtaon hie in oos zjwarte pak,
De sjeunkes zeen weer pas gelaktj.
Zoeë es gae zeetj, wae zeen ‘t zellef.
Wae zeen de Raod, de Raod van Ellef.

Alle medalies op ‘t pak geplektj.
‘t Hingtj vol van de boks toet in de nek.
‘t Sjtrikske zitj al netjes op de kraag.
Bie de Gangmaeker dae ich altied draag.

Wae zeen t’r bie vanaaf de ellefdje.
Allein de Prins is noeëts de zellefdje.
Wae zolle toch neet väör verangere.
Mer det is sjteeds weer eine angere.

* cd (2003) : C.V. De Gangmaekers - " Door ein veersjteinse moer "

HOME PLAATSNAMENOVERZICHT HOME

SAME BELAEVE
1998/1999: ?

Wie ich thoes waerdje geboeëre, haaj ich al de groeëtste lol.
Bie het hueëre van meziek ging ich geliek al oet de bol.
Op de meiste fieëste sjtóng ich bieno altied op de sjteul,
en ich haaj toen al det ritmiese geveul.

Refrein:
Sjat, ich houp desse mich weer èns wils vergaeve,
es wae de vastelaovendj same gaon belaeve.
Laot ós mer gaon, wae waere toch neet thoes verwachtj,
en sjloete zelf waal de däöre en de tap vannacht.
Wae belouve ós noe plechtig, det wae al daag zólle gaon,
en gein inkel pilske laote wae nog staon.

Door de leefdje väör meziek, houw ich op eder trómmelvel.
Det geveul väör ritme, haoj ich ouch es ich weer get besjtèl.
Wie de windj ouch sjteitj, mien naas die loup ich altied achternao,
en bie het volgendj rundje bön ich al weer dao.

De gezelligheid die kènt gein grens, wae gaon wie eine trein.
Bleef de tied mer altied sjtilstjtaon, jao, det vindj toch ederein.
En gesjminkt in alle kläöre vinje wae noe gans normaal,
want wae haoje van dit karnavals kabaal.

HOME PLAATSNAMENOVERZICHT HOME

SJANSE ONGER 'T DANSE
1996/1997: Tekst & muziek: Marcel Knoops
Zang (*) : Brigitte Korsten & Marcel Knoops

Refrein:
Ein bietje sjanse onger 't danse, jao det kèn toch ech gein kwaod.
Wae haoje erg van sjanse, danse sjtevig inne maot.
Al moogse mich waal hongerdj kieëre traeje op miên veut.
Wae haoje os mèt vastelaovendj same zeut!

Ich zaag dich gans allein dao in det duuster heukske sjtaon.
Doe woeërs zoeë sjoeën verkleidj, gesjminktj en keeks zoeë zelfvoldaon.
Hiej mos ich wèrk van make en ich leep toen flot nao dich.
Wils doe dit vastelaovesdenske danse noe mèt mich?

Doe zags gelökkig, jao mer daodoor bön ich de pineut.
En sjteis se mich waal drie daag lang al dansendj op miên veut.
Ich dans allein mèt dich en det vèltj mich besjlist neet zjwaor.
Zo'n prachtig denske danse wae mer eine kieër per jaor!

Wae gaon noe same d'roet, wae zeen gein einzelgengers mieër.
En haoje os hieël sjtevig vast, al zingendj kieër op kieër.
Doe bös väör mich de hoofdpries oêt ein groeëte loeëterie.
En ederein dae sjanst dae sjtuit noe väöraan in de rie!

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

DE SJOEËNSTE
2008/2009 nr.3 : Tekst: Bert Verkoulen - muziek: Angelique van Dijk
Zang: Niks Moog

Refrein:
Sjoeën, sjoeën, sjoeën, ich bön zoeë sjoeën,
En dao is niks, nae gaaroet niks waat ich dao-aan kan doon.
Jaomer väör de res en ouch väör dich.
Mer de sjoeënste in de zaal, jao det bön ich.

Dieete, pille, kuure: väör de ein verplich,
Mèt mien figuur zoeë sjoeën, is det toch niks väör mich.
En kiek mich noe toch sjtraole, kiek mich noe toch sjtaon,
Want nemes dae ein sjoeëner figuur kan sjlaon.

Väöl beerkes, sjlingers, welskes, den de polonais,
Det sjloet ich aaf mèt friet en dieke mayonais.
Get sjoenkel en get sjwinge, väör en achteroet,
En 's aoves 'n gebakke ei mèt väöl kerboet.

Van vriedig toet de woonsdig. Alles väör de sjport,
Want Vastelaovendj blieftj, toch altied weer te kort.
Mèt sjmink en ein sjiek pekske en eine blieje lach,
Blief ich sjteeds aan de gang, toet laat in de nach.

* cd 2008/2009 : C.V. De Gangmaekers - "Dich en Ich"

HOME PLAATSNAMENOVERZICHT HOME

DE SJÖT
1989: Teks & meziêk: Huub Abels
Zangk (*) : Lianne Huijskens

Refrein:
Sjeng sjuutj drie daag de bölkes plat, hae hieët de vogel aaf.
Es Gangmaeker is hae hiej op sjtap, en reuptj dus noe: Alaaf !
Mèt ziên keelke en ziên kleintje beer en auch ein gooj sigaar,
is Sjeng de kuuëning van de tap, dus drink op en kiêk neet raar.
Is Sjeng de kuuëning van de tap, dus drink op en kiêk neet raar.

Sjeng geitj noe weer marsjeere mèt ziên glaeske aan ziên ziej.
Aan de bar kan hae repeteere en hieët weer lol väör driej,
en huuërs-se 'm kommandeere: zèt aaf en völ opnuuj ?
Mèt dae Sjeng wil ich paradeere ... jao, det zègke noe alle luuj.
Mèt dae Sjeng wil ich paradeere ... jao, det zègke noe alle luuj.

En höbs-se dén diên sente op en höbs de bölkes aaf,
roop dén toch neet van: alles sjtop, mer sjrieëw leever: Alaaf !
Mèt 't pekske en 't heudje op en 't trumke aan diên ziej,
waers doe de sjötter van 't jaor, dus gangk noe neet väörbiej.
Waers doe de sjötter van 't jaor, dus gangk noe neet väörbiej.

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

DE SJTERKES IN DIEN OUGE
2001/2002 nr.1 : Tekst & muziek: Marcel Knoops
Zang: Marcel Knoops & Brigitte Korsten

Het waas mèt Vastelaovendj, jao, det weit ich nog hieël good.
Dich sjtóngs dao met get vrouwluuj, örges achter in de hook.
Wie ich toen in dien ouge keek, det sjloog mich op de maag.
En ouch de klok die boeëve hingtj, die waas geliek van sjlaag.

Refrein:
Es ich de sjterkes in dien ouge weer zeen sjtaon,
den is het zeker geine tied óm al nao hoes te gaon.
Es ich den nao dich kiek, bön ich weer gans verloeëre.
Ich weit noe zeker, sjat, dich bös väör mich geboeëre.
Doe kieks mich aan, hie is het lang nog neet gedaon,
es ich de sjterkes in dien ouge weer zeen sjtaon.

Ich vroog aan dich, blief hie neet sjtaon, och kóm der noe toch bie.
Verlofdaag höb ich opgesjpaardj, ich bön noe drie daag vrie.
Het is hie hieël gezellig want hie sjpeeltj ein hieël gooj band.
En same door het lintj gaon, det bringtj sjtumming in de tent.

Wae sjpringe same oet de bandj, det doon wae neet allein.
In polonaise achterein, sjtaon wae noe doon biejein.
Dich höbs mien hert gesjtoeële, det bringtj mich noe van de wies.
De vastelaovendj is väör ós ein hemels paradies.

* cd (2002) : C.V. De Gangmaekers - " ’t Viefdje sezoen "

HOME PLAATSNAMENOVERZICHT HOME

SJUUF MER OP DE SJUUFTROMPET
1992: Teks & meziek: Hub. Abels
Oetveurende (*): Lian Huijskens & Jac.Verkoulen

Refrein:
Sjuuf mer op de sjuuftrompet, how mer op de tróm.
Drie daag langk d'r tieëngenaan, det is neet zoeë sjtóm.
Hael det is weer wakker, noe sjöddeltj van plezeer.
Met de ganse troep noe oppe sjtoep, in de handj ein pötje beer.
Met Lies en Har hange aan de bar, jao, dae tied dae is d'r weer.

't Hieël jaor door wirke wae en laote hieël get zjweit,
mer kumptj de vastelaovendj draan, den roope wae hieël breid;
Dootj uch noe ein masker op en paktj ein pötje beer.
Drie daag lang d'r tieëngenaan en maakti mer flink plezeer.

Dootj uch noe ein pekske aan en kom noe vanne bein.
Blieftj dao noe toch neet sjtaon, blieftj toch neet allein.
Met de Gangmaeker handj in handj en flink get gooje mood,
drie daag lang noe duchtig d'raan, want 't zitj os in 't blood.

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

SUPERRR JAN
2008/2009 nr.2 : Tekst: Paul Flekken - muziek: Diana Flekken
Zangk: de 3 Tenore

Jan is waat se nums eine groeëte hampeleman.
't Hieële jaor löptj hae verklèdj es de echte Superman.
Sjtoptj treine, trams en auto's, gein gevaor is hem te groeët.
Hae durftj allein zien hoes neet oet, den is d'r es de doeëd.
Waat mós se dao van dinke, waat kumptj den in dich op?
Dae is neet biej de pinke, dit liektj waal ein gooj mop!

Refrein:
Dae hieët ein pan aaf!
Nae, ein gans daak aaf!
Dae hieët ein sjlaag van de mueële gehadj.
Dae hieët ein pan aaf!
Nae, ein gans daak aaf!
Dae hieët ze noeëts op ein rieke gezatj

Jan dae zitj zoeë maondje thoes te kieke oppe bank.
Väör hem gein nette vrouwluuj, hae veultj zich toch zoeë krank.
Mer is de tied van carnaval, den geitj d'r mèt geweldj.
Hae vluugtj den door de kroege, wiej eine echte Superheldj.
Waat mós se dao van dinke, waat kumptj den in dich op?
Dae is neet biej de pinke, dit liektj waal ein gooj mop!

* cd 2008/2009 : C.V. De Gangmaekers - "Dich en Ich"

HOME PLAATSNAMENOVERZICHT HOME

'T IS GET
1993: Tekst & muziek: Hugo Luijten
Zang: Hugo Luijten

Refrein:
’t Is get. ’t Is get. ’t Is get manjefieks.
Waat is det. ’t Is get. ’t Is get hieël erg sjieks.
’t Is get. ’t Is get. ’t Is get manjefieks.
Waat is det. ’t Is get. ’t Is get hieël erg sjieks.

Wae höbbe ’t waal dökker. Ouch midde in ’t jaor.
’t Is neet ech opdringendj, mer wae sjtaon den drek klaor.
’t Kumptj ieërst get väörzichtig, en zjweltj den langksaam aan.
’t Is neet echt opzichtig, ’t kiektj ’t zich ieërst aan.
Mer op ein zeker ougenblik hieët ’t dich in zien greep.
Doe bös den onbesjtuurbaar wie ein hoos ónger ein sjeep.

’t Is esof ein sjtormbuuj dich door dien aore raosjtj.
Of det ein knetterendj onwaer zich door dien oeëre haosjtj.
Dien hert zooj kónne zinge. ’t Jubeltj in dien priej.
Dien bein die kónne sjpringe, drie maeter in ein riej.
’t Is det ’t Vastelaovendj is dus windj zich op mien kuit.
Mer angers vroeëg ich mich toch aaf, waat is det det det duitj?

* cd (2004) : C.V. De Gangmaekers - " Tamtasie "

HOME PLAATSNAMENOVERZICHT HOME

'T IS WEER KARNEVAL
1958: Teks: Out Cuijpers-Janssen - melodie: "De smokkelaar"

Gans Hael, gans Panhael, ja zelfs Pol det viertj weer karneval.
Wae danse, sjpringe, make lol, want drie daag is 't bal.
Kòm trèk diên sjoëenste pekske aan en sjmiëer dich eins de bein.
Al bès dich auch waal zestig jaor, ich laot dich noëets allein.

Refrein:
't Is weer karneval, kôm hiej, miên leef wicht.
Den gaon wae nao 't bal en dans ich mèt dich.
Waat zeen diên lupkes roëed, diên wengskes zoëe rôndj.
Kôm laot ôs drejje, det is zoëe gezôndj.

Blieftj neet achter de gerdiênkes sjtaon, mer kômtj gerösjtj op sjtraot.
Wae zôlle den same danse gaon, gae kriegtj 't neet te kwaod.
Drie daag regeertj de zottekap, want volgendj jaor, waem wètj,
höbbe wae mesjiens get angers aan en gaon mèt Sjpoetnik mèt.

HOME PLAATSNAMENOVERZICHT HOME

TOET ASWOONSDIG SAME
2008/2009 : Tekst & muziek: David Peters
Zang: Koen & Brigitte

Eindelik Vastelaovendj! ´t Sjteit weer väör de däör.
In ’n ougenblik, väölbelaovendj. ‘t Duuster det kriegtj kläör.
Want dich, dich en ich, wae zeen weer biejein. Allein is mer allein.
Drie daag Vastelaovendj, det hèltj ós biejein. Toet ’t lètste, jao ’t lètste same ein.

Refrein:
Toet aswoonsdig same. Same dón biejein.
Lever drie daag lang same den ein ieëwigheid allein.
Pas es de flikkersjter en ouch “de lamp” neet mieër brandj,
zeen wae op ’t inj aanbelandj.
Toet aswoonsdig same. Same dón biejein.
Lever drie daag lang same den ein ieëwigheid allein.
Pas es de flikkersjter en ouch “de lamp” neet mieër brandj,
Zeen wae op ’t inj aanbelandj.

Es ’t kaod is zal ich dich werme mèt ‘n drengkske en ‘n lach.
Ueëver dich gaon ich mich óntferme. Oet dien vrundjsjap pöt ich kracht.
Want dich, dich en ich, wae zeen weer biejein. Allein is mer allein.
Drie daag Vastelaovendj, det hèltj ós biejein. Toet ’t lètste, jao ’t lètste same ein.

Nao dinsdigaovendj mót ich wiejer sónger dich.
Dus toet aan Vastelaovendj haoj ich vol want den sjpriktj ein dingk väör zich.

* cd 2008/2009 : C.V. De Gangmaekers - "Dich en Ich"

HOME PLAATSNAMENOVERZICHT HOME

VASTELAOVENDJ!
1996/1997: Tekst & muziek: Marcel Knoops
Zang: Brigitte Doensen en Marcel Knoops

De Vastelaovestiêd dae is t’r weer wae loupe op en neer.
Zoeë zenuwechtig es wae zeen gebäörtj det kieër op kieër.
Doe kiêks mich in de ouge en ich veul det zitj weer good.
Det kan toch neet verkieërd gaon mèt os Vastelaovesblood.

Refrein:
Mèt Vastelaovendj gaon wae diedel dao.
Doe vrueëgs mich al daag oêt en ich zègk jao.
Noe wètse zeker det ich dich neet mieër allein zal laote gaon.
Mèt dees daag laote wae os hieël good gaon.
Al zeen wae nogal döks get kort van aom.
En esse s’aoves laat in bèd ligks zuusse alles oppe kop.

Oet ein kefee dao klinktj meziek
doe veuls dich wie ‘ne Prins zoeë riêk.
En ederein dae duitj good mèt det zuusse toch geliek.
Ze rope kom noe flot t’r bie mer grieptj os bie de erm.
En nao ein paar momente höbbe wae ’t hieël erg werm.

Det fieëst det is toch zoeë versjlavendj, doe höbs gein zörge aan de kop.
’t Is hiej hieël gezellig, och hieël det mer noeëts mieër op.
Wae gaon os nog get drinke ’t is hiej lang nog neet gedaon.
En loupe same neet mieër recht es wae nao hoes toe gaon.

* cd (2001) : C.V. De Gangmaekers - " Laot gaon "

HOME PLAATSNAMENOVERZICHT HOME

VASTELAOVENDJ EIN FIEËS VAN MEZIEK
Tekst: ? - muziek: ?
Zang: Niks Mót

Dans mit mich de ganse nach,
Hiej op hub ich lang gewach
Danse is de passie in mien laeve
Dans mit mich de ganse nach,
Hiej op hub ich lang gewach
Dit is vastelaovendj veur mich
Doon wae de tjatjatja of toch de hoempapa
’t swingt den is ’t om ‘t aeve
Doon wae de tjatjatja of toch de hoempapa
Den is get oet…….

Refrein:
Vastelaovendj ein fiëes van meziek.
Vastelaovendj ein fiees mit kleur en vaere
Danse en zinge mit de sjminck op diene sjnoet
Kiek om dich haer hiej is get oet.

Zing mit mich de ganse nach
Hiej op hub ich lang gewach
Zinge is de passie in mien laeve
Zing mit mich de ganse nach
Hiej op hub ich lang gewach
Dit is vastelaovendj veur mich
Zinge wae tralala of toch mer hoelala
Doe zings de res is om ’t aeve
Zinge wae tralala of toch mer hoelala
Den is get oet…..

HOME PLAATSNAMENOVERZICHT HOME

VASTELAOVENDJ TROPICAL
2001/2002: Tekst & muziek: Lowie Eikelhart
Zang: Lowie Eijkelhardt en het Aod Adjedante Pilleton

Refrein:
Mèt vastelaovendj dans ich de Samba, de sambaballe gaon in 't rondj.
Ich zegk caramba, copacabana, eine tequilla aan miene mondj.
Mèt vastelaovendj dans ich de Samba, en waat zuus doe den jao euveral.
Al die sombrero's en al die poncho's, is Vastelaovendj Tropical.
Al die sombrero's en al die poncho's, is Vastelaovendj Tropical.

Ich bön geboeëre, in Zuud-Amerika, mèt vastelaovendj vèltj det op.
As ich den oetgaon, det is al jaore zoeë, ich sjtaon den altied oppe kop.
Ich trek mich noeëts ein kloonepekske aan, mer gaon as Mexicaan of Braziliaan.

En mèt die drie daag in eine bóntje sjtoet, trèkke wae door 't Limburgs landj.
Wae veule ós good, wae veule ós hiej toes, höbbe oos eige Rio-sjtrandj.
En mèt oos vurig tropisch temprement, wae bringe sjwung in eedere duffe tent.

* cd (2002) : C.V. De Gangmaekers - " ’t Viefdje sezoen "

HOME PLAATSNAMENOVERZICHT HOME

VASTELAOVESJEUK
2002/2003 nr.2 : Tekst & muziek: Lowie Eijkelhardt
Zang: Lowie Eijkelhardt en het Aod Adjedante Peloton

Refrein:
Ich veul 't hiej, ich veul 't dao, ich veul 't noe toch ueëveral.
Waat is det toch väör ein geveul ?
Jao, van de 11e van de 11e toet en mèt de Karnaval,
det is ein hieël apaart geveul.
Van de kop, de bein toet aan mien batse,
ich zit mich ueëveral te kratse.
Mer ich veul mich hieël geröstj, want ich weit noe waat 't is.
't Is de vastelaovesjeuk, de vastelaovesjeuk.

Ich veul mich waal èns dökker neet zoeë bèst,
geboektj ònger de sjpanning en de sjtres.
Mer kumptj de vastelaovestiêd der aan,
den veul ich mich der langkzaam baeter aan.
En zitj de kriebel den in miêne boêk,
ich sjpring mich alle sjtres en sjpanning droêt.

As ich ein vastelaovespekske draag,
de kriebel zitj mich den in miêne maag.
Aswoonsdig, jao, den höb ich dieke pech.
De vastelaovesjeuk, dae is den weg.
Maar volgendj jaor höb ich toch weer gelök,
de vastelaovesjeuk kumptj zeker trök !

* cd (2004) : C.V. De Gangmaekers - " Tamtasie "

HOME PLAATSNAMENOVERZICHT HOME

VASTELAOVESLEEDJE 1946
1946: Teks: J. Drabbels - melodie: "Der Wandersmann"

't Laeve bringtj väöl narigheid, väöl leef mer naog miëe leid.
Wae zètte alle zörg opzie, es't nao vastelaovendj geitj.
Falderie - faldera

En kumptj de karneval in zicht, numptj den ein good besjloêt.
Hoëeltj allemaol, van groëet toet klein, 't vastelaovespekske oêt.

Sjloetj uch aan bie de Raod van Elf, die make väöl plezeer.
Van 'sjmörges vrueg toet 'saoves laat, bie Flessebaer ziên beer.

Laotj de glaeskes neet vol sjtaon, mer laotj ze auch neet laeg.
Gae dootj ôs noëets neet gek genôgt, dus gaeftj 'm mer ein vaeg !

En hangtj gae nao drie drökke daag 't pekske inne kast,
zegktj den mer: toet 't volgendj jaor, es 't uch dèn naog mer pasjtj !

HOME PLAATSNAMENOVERZICHT HOME

VASTELAOVESMEZIÊK
2000/2001 nr.1 : Tekst & muziek: Lowie Eikelhart

Refrein:
Te, te, re, te, sjing, paaf, boem, paats en van dae hoempa, vastelaovesmeziêk.
Op de trompet, de sjuuftrombón en ouch gezonge, det maaktj Limburg uniek.
Te, te, re, te, sjing, paaf, boem, paats en van dae hoempa, deze sound zal noeëts vergaon.
Zolang de Limburger die sjoeëne leedjes maaktj, vastelaovendj blieftj besjtaon.
Zolang de Limburger die sjoeëne leedjes maaktj, vastelaovendj blieftj besjtaon.

Sjtel väör, dao waas gein meziek mieër, de prins leep verlaore rondj.
Dao waas den ouch gein plezeer meer, neemes maaktj 't nog bontj.
Maar daorom zeen wae hieël bliej, want eeder jaor hueër se opnuuj.

Ein dörp hieët zien eige leedjes mèt de Vastelaovestied,
gesjreve op ein paar blaedjes, ontsjteit zoeë den dae meziek.
Loester noe mèt alleman nao deeze vastelaovesklank.

* cd (2001) : C.V. De Gangmaekers - " Laot gaon "

HOME PLAATSNAMENOVERZICHT HOME

VASTELAOVESPEKSKE
Tekst: Marij Peelen - muziek: Martin Abels

Refrein:
Luuj hiê is weer get oêt,
Dao kumptj weer eine sjoeëne tiêd.
Met zweitdröppels oppe snoêt,
Hoeële wae ut nejmesjien weer oêt.
Eder jaor get noewts bedachtj,
Waem haet det toch oêts verwachtj.
Wae höbbe geine tiêd,
Ut is weer zoeëwwiêd.

En es wae dinke wie det vreuger ging,
Woë oppe zölder ein doeës sting.
Met vastelaovendj vonje wae den weer,
Die sjoeëne pekskes van lol en plezeer.
De jungskes koiboi of indiaan,
De maedjes ginge es dansmarieke d’raan.

Met vastelaovend kieke wae noê rondj,
Nao sjoeëne pekskes in ut bontj.
Zo’n pekske maaktj mich den dae eine mins,
Daes se den hiej en dao of nörges vinds.
En is ut den alweer gedaon,
Ut volgend jaor zal ós nejmesjien weer gaon.

HOME PLAATSNAMENOVERZICHT HOME

VASTELAOVESSJPROOKJE
1999/2000 nr.2 : Tekst: Jack Engelen & Jan Velmans - meziek: Lei Tamakers
Oetveurende: De Haelder Hofzengers

Refrein:
Vastelaovondj is net ein sprookjesbos,
èllef kebouters en de prins zeen los.
Ederein in alle sjtaote, es diej den waere losgelaote.
Vastelaovondj den waerdj vanal bedacht,
’t liektj waal doezendj en ein nacht.
Same handj in handj, door ’t vastelaoveslandj.
Same handj in handj, door ’t vastelaoveslandj.

Sjnieëwitje det haaj ’t kwaod, wis mèt det prinske geine raod.
En Roeëdkapje diej kleine vaeg, waas mèt dae wolf weer ongerwaeg.

Pinokkio dae houte klaas, dae keek neet verder den ziên naas.
En Alladin geitj hieël gaer droêt, mer ging al gouw ’t lempke oêt.

HOME PLAATSNAMENOVERZICHT HOME

VASTELAOVES VERSJLAAF
Tekst: Marij Peelen - muziek: Martin Abels

Refrein:
Ich wil gaer same op vakansie gaon,
Zoë gauw de vastelaovendj is gedaon.
Dees traditie wil ich in sjtandj hoaje,
Al krieg ich vakansies aangebaoje.
Dees drie daag wil ich näörges angers viere,
Vastelaovendj hoaj ich in iëre.

Es kind zeen waor ich al versjlaaf,
’t hiëel jaor door rèèp ich steeds weer alaaf.
Mèr neemes sjchnapdje ’t wie dèt kòs,
En zeije dèt ich mèt vakansie mòs.

Ging vrieje, waor al jonk getrouwdj,
Rondj vastelaovendj kreeg ich ut sjpaans benauwdj.
Dae sjchat wou leever met vakansie gaon,
Ich zeen um noch dao op ’t vleegveld sjtaon.

We kreege kinjer bie de vleet,
Mèr waat ein pech die sjchnapdje ut mèr neet.
Ze wille leever nao ein hiëel ver sjtrandj,
Mèr ich blief leever in òs Limburgs landj.

HOME PLAATSNAMENOVERZICHT HOME

'T VERLOEËRE MAEDJE
1978/1979: Tekst & muziek: Frank Henckens
Zang: Frank Henckens

In ein kefee höb ich dich lieëre kinne.
Doe zoots dao aan de bar mèt ein glaas beer.
Ich bön toen regelrecht nao dich gegange.
En wae maakdje same väöl plezeer.
Kefeeke in, kefeeke oet, gezellig aan de gang.
Maakdje wae same toen die drie daag lekker väöl tam-tam!

Refrein:
Mer, kinse mich aswoonsdig, kinse mich aswoonsdig,
kinse mich aswoonsdig nog waal trök?
Kinse mich aswoonsdig, kinse mich aswoonsdig,
kinse mich aswoonsdig nog waal trök?
Want mèt Vastelaovendj zeen wae aan de rol gegaon
Mer dae dinsdigaovendj bösse t’r tössenoet gegaon.
Dus kinse mich aswoonsdig, kinse mich aswoonsdig,
kinse mich aswoonsdig nog waal trök?

Die drie daag die zal ich neet gauw vergaete.
Die drie daag Vastelaovendj hie mèt dich.
Ich zal daorom nog hieël döks aan dich dinke.
Dinkse den ouch nog waal èns aan mich?
Kefeeke in, kefeeke oet, gezellig aan de gang.
Maakdje wae same toen die drie daag lekker väöl tam-tam!

* cd (2002) : C.V. De Gangmaekers - " ’t Viefdje sezoen "

HOME PLAATSNAMENOVERZICHT HOME

'T VIEFDJE SEZOEN
1998/1999: ?

Wintjer, sjneë en kaod, gein minse oppe sjtraot.
't Väörjaor guftj ós mood; kriebels in ós blood.
Vreug väör de tied van 't jaor, liktj al mien pekske klaor.
Want nao die veer sezoene is 't Weer De Tied Väör:

Refrein:
't Viefdje sezoen, den gaeve wae 'm van katoen.
't Viefdje van die veer, rake wae 'm weer.
't Viefdje sezoen, den bakke wae ze duchtig broen.
Al raengeltj alles vol, wae höbbe lol.

Zomer heit en werm, zjweit drieftj mich langs mien erm.
Mèt ein bietje pech, wejtj oktoeëber weg.
Men hieët get mèt ós väör, dao sjteit get väör de däör.
Want nao die veer sezoene is 't Weer De Tied Väör:

Brök:
Dus dae klaagtj dae geit mer lekker örges anges haer,
Gank mer nao Kaevelaer, Baej óm baeter waer (want):

HOME PLAATSNAMENOVERZICHT HOME

WAAT AUCH GEBÄÖRDJ
1991: Teks & meziêk: Martin Abels
Zangk (*) : De Batterbende

Refrein:
Waat auch gebäördj, wae viere vastelaovendj.
Drie daag paraat, van hieël vreug toet hieël laat.
Waat auch gebäördj, jao, wae viere vastelaovendj.
Dus haoj 't naat, aswoonsdig is 't te laat.

Hieël Limburg, det löptj oêt mèt rammels en ein toèt ;
det is de tiêd van vastelaovendj.
't Sjöddeltj op en neer en sjoenkeltj heen en weer ;
det is de tiêd van vastelaoventj.
De sjlaagers, die zeen gaaf, de optocht, dae is aaf,
de Prins, dae reuptj sjteeds weer: Alaaf !
Kòm minse, laotj toch gaon, auch al gaon wae nao de maon,
want èns, dén is alles gedaon.

't Is weer tiêd väör lol, wae gaon weer oêt de bol ;
det is de tiêd van vastelaovendj.
Want mèt meziêk väörop geitj alles oppe kop ;
det is de tiêd van vastelaovendj.
Wae maake 't weer bòntj en danse in 't ròndj,
det hèltj diêne geist toch gezòndj.
Kòm minse, laotj toch gaon, auch al gaon wae nao de maon,
want èns, dén is alles gedaon.

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

WAAT MAAKTJ 'T OÊT ... !
1997: Teks: Lei Ramaekers - meziek: Tjeu Ramaekers
Oetveurende (*) : de Seurama's

Refrein:
Waat maaktj't oet, waat maaktj 't noe toch oet,
laot ós nog aeve, get belaeve.
Want vreug of laat, höbbe wae ós erte oet,
en den is niks mieër te numme of te gaeve
Och pak mich vas, wae zeen noe nog biejein.
Allein mèt dich haoj ich mich hiej nog oppe bein ...

Mien vrouw, die hieët ein lila aetservies, det sjteitj al jaore achter glaas.
Väördet mien vrouw det oeëts gebroeke zal, geitj hieël get water door de Maas.
Noe vèltj mich gister ... ochgot-ochgot ... ein lila tas en ouch ein sjuttelke kepot ...

Dae aodste jóng van ós, dae trómtj zoeë-gaer, mét vastelaovendj ... daag en nach.
Zién maedje hieët hem boete oppe sjtoep, de wach toen duchtig aangezag.
Noe kónse keze: die tróm of mich ... toen zóng dae jóng en ouch nog rech in zien gezich ...

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

WAAT SJOEËN ...
1985: Teks & meziêk: Tjeu Ramakers
Zangk (*) : Anita Mewissen & Jack Verkoulen

Refrein:
Waat is 't sjoeën in Hael te laeve,
en oppe tiêd te numme en te gaeve ... !
Mèt vastelaovendj, det zègk ich dich noe,
duitj zelfs de maon väör òs hieël gaer ein uigske toe ... !
Mèt vastelaovendj, det zègk ich dich noe,
duitj zelfs de maon väör òs hieël gaer ein uigske toe ... !

Zègk, wisjtj gae det achter die brök, - det zagt die van òs naeve,
noe zègk häör det waal neet terök, - gevriejd waerdj biej 't laeve ... !
En zeen ze meug gekösjtj, dén waerdj langk-oêt gerösjtj ... !

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

WAE HÖBBE VAN HAEL GEHAOJE
Teks: Jack Engelen & John Henckens - meziêk: Martin Abels
Zangk (*) : De Hemelrijckboys

Refrein:
Wae höbbe van Hael gehaoje, wiej det 't vreuger waas.
't Is oppasse gebaoje, sjtraks zitte wae in de Maas.
Wae höbbe van Hael gehaoje, wiej det 't vreuger waas.
Mer mèt de vastelaovendj, is allein de Prins de baas !
Mer mèt de vastelaovendj, is allein de Prins de baas !

Hael, waat is van dich gewoeëre,
want dao zeen hiej väöl gaater geboeëre.
Wanjele, det kòst-se nao Grathem en Kelpe,
noe mòsse dich mèt eine zjwumbandj behelpe !

Wae hoeëpe det ze Hael weer gaon hersjtèlle,
want dén hoove wae de Provinsie neet mieër te belle.
Wae veule òs dén heppie van top tot tieën,
want 't is sjoeën eine Haelder te zeen.

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

WAE ZÈTTE DE BLEUMKES BOETE
1998/1999: Tekst: Jac Engelen - muziek: Martin Abels

Refrein:
Wae zètte de bleumkes boete, en gaon èns flink op sjtap.
Mèt belkes en mèt toete, noe driej daag aan de tap.
't Wirke ligk noe efkes sjtil, dao dink ich noe neet aan.
't Einigste waat ich noe wil, is d'r oêt en noe d'r aan.
Driej daag de bleumkes boete, jao det sjteitj ós waal aan.

't Ganse jaor, den zeivertj ós dae baas get aan de kop:
zègk doot noe dit, zègk doot noe det, det levertj toch niks op.
Mer noe kumptj den dae gooje tiêd van lol en sjoeëne kal.
Wae fieëste en tampieëste en den hueërse ueëveral.

Miên vrouw, diej zieët: noe ruum èns op, det is toch zoeë gein doon,
diên kleijer ligke ueëveral, doe sjtruukels ueëver sjoon.
Den zègk ich: det kumptj later waal, mins maak dich noe neet drök,
doot dich noe mer ein pekske aan doe bliefs miên lekker sjtök.

HOME PLAATSNAMENOVERZICHT HOME

WAEM, WAEM, WAEM ?
1968: Teks & meziek: Out Cuijpers-Janssen

Ich bön gekösjtj wie ich deez nacht nao hoês toe bön gegaon.
Ich deej miên auge toe en leet hem sjtilkes mer begaon.
Mer toen ich nao ein tiêdje keek, toen haaj ich waal väöl pech.
Dao waas gein mins miëe ôppe sjtraot, mer miên hertje, det waas weg !

Refrein:
Waem, waem, waem ?
Waem, waem, waem, waem hiëet miên hert gepiktj ?
Waem, waem, waem, waem hiëet 'm det gefliktj ?
Noe môt ich eederein dae ich tiëenge kôm waal kösse,
want de deef, dae zitj dao vast en zeker tösse !
Waem, waem, waem, waem hiëet miên hert gepiktj ?
Waem, waem, waem, waem hiëet 'm det gefliktj ?
Noe zeuk ich links, noe zeuk ich rechs, vol gooje mood,
want och, det kösse, kösse, kösse duitj toch good !

Ich höb miên hert verloëere en ich vroog aan eeder raod.
Waem hiëet miên hert gesjtoëele, deez nacht toch oppe sjtraot ?
Ich kan toch zeker zônger hertje neet miëe heives gaon !
Och, wist ich toch, och wist ich toch: waem hiëet det noe gedaon ?

HOME PLAATSNAMENOVERZICHT HOME

WAEM WIESJTJ MICH DE WAEG 'NS
1995: Teks: Marc v. Aarsen - meziek: Marc v. Aarsen & Hup Marie
Oetveurende (*): Hup Marie

Refrein:
Want op de klank van de meziek, gaon dien bein wie elastiek.
't Is vastelaovendj, vastelaovendj.
Dich rammels met dae rammelieer, en doe reups nog eine kieer:
't Is vastelaovendj, hiej in Hael.

Waem wiesjtj mich de waeg 'ns, waem wiesjtj mich woeehaer ?
Sjtaon hiej get te drèjje, ich wol nog waal zoee gaer.
Och, mien leefste jungske, kom d'r noe mer biei.
Wae gaon dich noe lieëre danse in ein riej.

Ich höb 't noe gevónje, jao, det duitj mich good.
Kan gewueën neet sjtoppe, broesjtj mich in 't blood.
Kiek 'm dao 'ns danse, taofel op en aaf.
Haelse vastelaovendj, Drie maol Hael alaaf !

* cd (1998) : C.V. De Gangmaekers - " Hael blieftj Hael "

HOME PLAATSNAMENOVERZICHT HOME

WOEË BÖS SE?
2008/2009: Tekst & muziek: Marij Peelen
Zang: De Sjpetters

‘t waas op dinsdigaovendj,
det ich dich weer zaag sjtaon.
Al dage lang neet mieër gezeen,
wie zal ’t dich zeen gegaon.
Mer väör det ich dich kós vraoge,
wie geit ‘t noe mèt dich.
Waas dich al weer verdwene,
jao det gebeurt noe mich.
Ich bedach mich gein moment,
en reep toen door de tent….

Refrein:
Woeë bös se……..Hiej bön ich
Noe blief ‘ns efkes staon,
ich wil toch waal ‘ns weite,
waat höb ich dich gedaon.
Zoeë woeëre wae nog same,
nao d’n optoch óngerwaeg.
Des ’t lèste waat mich biej steit,
Van de aafgeloupe waek.
Wo bösse……hiej bön ich
Jao, noe wach ‘ns ef op mich,
want ich höb ‘t tieënge dich.

Ich weit, wae zate same,
In ‘t kaféke aan de tap.
De luuj die sjprónge óm ós haer,
De pilskes kwoeëme rap.
Dao ging in èns mien leecht oet,
En kreeg ich niks mieër mèt,
En wiej ich langzaam biej kwoeëm,
Laag ich in mien eige bèd.
Ich veuldje mich hieël laam,
Dus reep ich oet ‘t raam…..

HOME PLAATSNAMENOVERZICHT HOME

WOEË HÖB ICH 'T UEËVER
2002/2003 nr.1 : Tekst: Hugo Luijten & Koos Luijten - muziek: Hugo Luijten
Zang: De Gebreurs

Refrein:
Och waat wól ich noe weer zègke, och waat waas 't ouch weer jóng ?
Waat ich dich te zègke haaj, tra-la-la-la get mèt sjaaj.
Fal-de-rie-re op mien tóng , waat ich dich te zègke haaj.
Heisa-hopsa gaar gein sjaaj, krottekelder, bótterflaai.

Wiej hètj 'r, zitj jaore in de raod,
en kumtj dao, mèt dinges väör d'n draod.
En kumtj hae, 'ne kieër neet oet zien wäörd,
bla-bla-bla op zien bäört:

Eh dingske, sjteit dökker in de buut.
Ich mein Sjang, of waas 't noe toch Ruud ?
Lès veel hae, èns van de podiumtrap,
tra-la-la…van de wap:

* cd (2003) : C.V. De Gangmaekers - " Door ein veersjteinse moer "

HOME PLAATSNAMENOVERZICHT HOME

DE WOELIE-WALLIE DANS
1990: Teks: Ben Zegers - meziêk: Frank Henckens
Zangk (*) : Huub Stoop

Refrein:
Zie zagt, de Woelie-Wallie doon ich allein mèt Wielie,
want jao, dae jòng, dae dansjtj gaer op meziêk oêt Brazielie.
Zie zagt, de Woelie-Wallie doon ich allein mèt Wielie,
want jao, dae jòng kumptj oêt ein vastelaovesfemielie.

't Kefeeke, det waas sjtampendj vol, eederein haaj de groeëtste lol.
Mèt meujte vònj ich de lèste krök biej ein gemaskerdj sjtök.
Saame drònke wae ein kleintje beer, eigelik wòl ich nog get mieër,
sjpraak toen aaf òm ein oêr of acht, mer dit haaj ich neet verwachtj :

Daen optocht waas mer net väörbiej, 't gelök haaj ich al aan miên ziej.
Daen aovendj dansjdje wae in de zaal, 't masker waas hieël sjpesiejaal.
Wae nòmme nog ein glaeske beer en eigelik wòl ich toch väöl mieër.
Sjpraak toen aaf òm ein oêr of èlf, häör atjwoeërd sjpraak väör zichzelf :

* cd (1991) : C.V. De Gangmaekers - " Waat ze d'r auch van wille maake ... (11 Jaor Haelder Schlagers) " - Onger Os 7193

HOME PLAATSNAMENOVERZICHT HOME

ZUNJIGSE SOEP
2008/2009: Tekst: ? - muziek: ?
Zang: De Zjwarte Kreije

Refrein:

HOME PLAATSNAMENOVERZICHT HOME