HOME
PLAATSNAMENOVERZICHTHOME
AS DE KERKBUIM INS KOSTE ZINGE
Tekst: Peter v.d. Heuvel - muziek: Maarten Peskens
Zang (*) : Heytser Hofzengers & Heytser Maedjes - solo: Maarten Peskens, Jan Caris & Peter Swinkels
Refrein:
As de kerkbuim ins koste zinge,
en de minse onger häör zoge sjpringe,
den kos't haenke zinge oppe solotoer,
met oppe achtergrondj 't kerkboumkoeër. (2x)
As de minse den gaon hosse en gaon sjpringe,
en as die kerkbuim met z'n alle met gaon zinge,
den is't vastelaovendj in Klein Paries,
en is't hie net ein groeët paradies.
.........................
( Wae ken de res van de teks ? )
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEAS MÈT VASTELAOVENDJ ‘T ZUNKE SJIÊNTJ
2006/2007: Tekst: Jo Hanssen - muziek: Peter Wijnhoven
Zang: Rianne Bergervoet
’s Mörges kiêk ich ‘ns nao boête,
zeen allein, mer wasem oppe roête.
Waat jaomer noe, precies mèt vastelaovendj
det ’t raegendj, toet inne aovendj
Refrein:
As mèt vastelaovendj ‘t zunke sjiêntj,
is limburg op zien sjoeënst.
As mèt vastelaovendj ‘t zunke sjiêntj,
meuktj ’t neet oêt, woeë desse woeëns.
Zeen de wölkskes op vakantie gegaon,
en is de raegen, ouch mèt verlof,
haet d’r de zón, neet allein väör mich gestaon
ederein haet d’r fijn mèt geboftj
as mèt vastelaovendj ‘t zunke sjiêntj,
is limburg op zien sjoeënst.
Staon ich op, vaeg mèt miên hendje,
sjientj de zón, toch lekker in ós lendje
ein gelök is, det ich mich höb verkaeke,
zeen gein wölkskes, is noê geblaeke.
HOME
PLAATSNAMENOVERZICHTHOMEBACCHUS
Tekst: Jac Stoop - muziek: Peter Swinkels
Zang (*) : Heytser Hofzengers & Heytser Maedjes - solo: Maarten Peskens, Jan Caris & Peter Swinkels
Van de Dreef tot aan de Sport komme wae henj en veut te kort,
want mait ein treutje in de montj traekke wae gans Heitse rondj.
Refrein:
Aan Bacchus van dao baove höbbe wae motte belaove,
det wae driej daag zooje gaon, en gein pilske leete sjtaon.
Jao, aan Bacchus van dao baove höbbe wae motte belaove,
det wae driej daag zooje gaon, en gein pilske leete sjtaon.
Kiek ig noe mait dees daag rondj, waem is den krank, waem is gezondj ?
Groeêt is de dorst en groeêt de lol, "Ober maak det glaas ins vol".
Et zitj de kwakkert in 't blood, hossen en sjpringe duit um goot,
want mait dees daag in Klein Peries is tog eederein neet wies.
Mer nao de waever op 't plein, den gaon de kwakkerte oetrein.
Ze haaje lol en vôl plezeer, mer lusjde nog ein glaeske beer.
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEBOREBROELOFT
Tekst: Maarten Peskens - muziek: Maarten Peskens & Pieter Steenvoorden
Zang 1 : Monica Mertens & Maarten Peskens
Zang 2 (*) : Heytser Hofzengers & Heytser Maedjes - solo: Peter Swinkels
Refrein:
Hei, bössel maore, hutje moos, selderie en ein sjpeerke paor.
Borebroeloft vere wae hie in Heytse eder jaor.
Ein komp kerboet, proeme op saap, huidvleis aan ein sjtök,
Borebroeloft kumtj eder jaor weer trök.
Ein echtpaar aojer as fieërtig jaor, sjteit den op 't sjtadhoes weer klaor.
Zoeas det huuërtj väör de'n ongertrouw, belaove same gelök en trouw,
gaeve 't jaowaord aan elkaar en waere den borebroeloftspaar.
In optocht gaon ze noe nao "Marcel", Haike Claesse verwachtj det sjtel.
Pastoeër, dae is ziene'n adjudant, en zaet den: gaeftj uch de rechterhandj.
Gae zeetj hiebie noe vrouw en man, zoeëdet 't fieëst noe beginne kan.
Profisiat winse kan ederein, bolheudjes sjpele ein leuk refrein.
Aod Prinse op aartje bie 't paar, bruuëdjes en krintemik zeen gaar.
Met ein bietje Heytser meziek is 't fieëst in 't Kwakkerteriek.
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEDE BOREKEEL
Tekst & muziek: Sjra Hendriks
Zang 1 : Luc Kakobs
Zang 2 (*) : Heytser Hofzengers & Heytser Maedjes - solo: Peter Swinkels
Maak de kist noe hieël gauw aop, want ich koom neet mieër in sjlaop.
Jao, ich mot det pekske aan, haol't gauw oet't sellofaan,
want de vastelaovendj is weer dao.
Refrein:
Gaef mich de borekeel, det is mien hert en zeel.
Omme nak eine plak, de klak get aafgezaktj.
Zo ben ich drie daag op mien best,
en 't zjwaegelduuëske duit de rest.
't Zuut zjwart hie van de luu, van de möle toet de fuu,
van de Kreppel toet de Dreef, de gekste kleijer, hemel leef.
Zo'n tenuu is mich toch väölste nuu.
Te gauw is get aangedaon, punkers, paters, aoje kraom.
"Kiss me", "Take me", "Love" en "Hot", de sjmaalste taal oppe diekste vot.
Laot mich mer in mien eige pekske gaon.
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEDE DIEKE TROM
Tekst: Jac Stoop & Peter Swinkels - muziek: Peter Swinkels
Zang 1 : Luc Jakobs
Zang 2 (*) : Heytser Hofzengers & Heytser Maedjes - solo: Peter Swinkels
Refrein:
Vastelaovendj, vastelaovendj, Heytse oppe kop.
Vastelaovendj, vastelaovendj, de dieke trom väörop.
Hae geit door kappes en tabak,
want battere, det is zien vak.
Ein joekskapel of borekapel, ich bin der altied bie.
Al batter ich hel, dök get te fel, ich maak uch altied blie.
Want ich haoj oppe sjtraot uch in de maot, drie daag aan ein sjtök,
met de meziek door't Kwakkerteriek, haer en auch weer trök.
Ben met die daag hieël good op sjlaag, ich haoj de mood derin.
Ich sjtaek mien naas neet in ein glaas, ich höb toch goje zin.
Want mien batterpartie, die huuërtj derbie, men kintj neet zonger mich,
dae doefe sjlaag, och 't is mer drie daag, men hauwt mich op 't gezich.
Met eine sjtek, wie eine gek, op mien trommelvel.
Det kumtj neet krek, det huuërse drek, 't is neet sjoeën mer hel.
Want ich maak väöl kabaal, det is mien taal, mien waordesjat is klein.
Ich koom äöveral, oppe sjtraot, inne zaal, mich huuërtj ederein.
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEEIER MÈT SPEK
Tekst & muziek: Maarten Peskens & Pieter Steenvoorden
Zang 1 : Luc Jakobs
Zang 2 (*) : Heytser Hofzengers & Heytser Maedjes - solo: Peter Swinkels
Refrein:
Zeen de hoonder oppe stek, zeen de hoonder oppe stek,
jao, den aete wae get sjarreleier mèt ein stökske spek.
En 't vèt waat den blieftj zitte inne pan,
det soppe wae den droet met 'n bótterham.
't Verke bie ós thoes waertj biologies groeëtgebrach,
de eier waere door mien sjarrelhoonder zelf gelag.
Väör broeëd en mik gaon wae den nao de werme bekkerie,
det is ein degelikke vastelaoves-lekkernie.
S' nachs, ein oor of twieë, den kries se hónger wie 'ne baer.
Doe huuër se de minse vraoge: "Zèk, wao gaon we noe ins haer?"
Ich weit ein leuk adres, dao is 't lang nog neet zo gek,
väör ein tas koffie en gebakke eier mèt get spek.
De groeëte braodpan met 't spek steit op 't gaasfornuus.
Dao kumtj toch eine walm vanaaf, zoeë des se niks mieër zuus.
Doe duis d'r gauw get eier bie, den is 't bienao klaor,
mèt zaot en paeper waertj 't den nóg lekkerder, echt waor!
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEGAON
Tekst: Jan Caris - muziek: Peter Swinkels
Zang (*) : Heytser Hofzengers & Heytser Maedjes - solo: Maarten Peskens, Jan Caris & Peter Swinkels
Waat zinge en waat toete we toch gaer,
egaal wao get te doon is gaon we haer.
't Duit dich toch get asse den neet kins,
doe veuls dich toes mer eine halve mins.
Ich toegel mich get aan en gaon der haer,
der toch weer bie te zeen, det wil ich sjrik'lik gaer.
Refrein:
We gaon hie, we gaon dao, we laupe os zellef achternao.
't Is zo fijn, 't duit dich good, tampieëste zitj dich in't blood.
Hie nao binne, dao weer droet, zoeë zinge wae de vastelaovendj oet.
.........................
( Wae ken de res van de teks ? )
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEGEINE TIED
Tekst & muziek: Wilbert Hermans
Zang (*) : Heytser Hofzengers & Heytser Maedjes - solo: Maarten Peskens, Jan Caris & Peter Swinkels
Geine tied, geine tied, geine tied.
't Werk waertj neet gedaon toet miene sjpiet.
Laot mich gaon, laot mich gaon, laot mich noe gaon,
anges is de vastelaovendj weer gedaon.
.........................
( Wae ken de res van de teks ? )
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOME'T HAENKE VANNE TAORE
Tekst & muziek: Peter Swinkels
Zang 1 : Luc Jakobs
Zang 2 (*) : Heytser Hofzengers & Heytser Maedjes - solo: Peter Swinkels
Refrein:
Och, och, leef haenke, vanne taore,
wat is der noe toch van oos leef klein dörp gewaore ?
Want och, leef haenke, vanne taore,
de meiste Heytser luu, die zeen hie neet gebaore.
Hie oppe taore vanne kerk, dao sjteit hieël gruuëts de haan.
Hae heltj zien naas good in de windj, trektj zich van niks get aan.
Toch zuut ter al waat hie gebäörtj en sjötj zich dök de kop.
Den gaon ich waal ins nao 'm toe, en vraog 'm den hel-op:
As taorehaenke zuus dich toch wat Heytse is gegruutj.
Doe zuus waat ter waeertj biegebouwdj, doe zuus waat waertj vernuutj.
De Heytser kern blieftj aod en vaal, is det noe toch neet zunj ?
Mer boetenom waertj oetgebreidj, 't waertj groeëter es Remunj !
Doe wets nog waal wie Heytse waas, väör hieël väöl jaore trök:
't Waas nog sjoeën, 't waas nog klein en 't waas nog neet zo drök.
Wae Heytser luu, wae neumdje dit toen gruuëts oos Klein Paries.
't Waas toen klein, 't waas toen greun, mer noe waertj't te gries.
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEHEYTSE IS GOOD
2008/2009: Tekst & muziek: Thijs Claessen
Wiet van de Maas, en dichtbie de hei
Paerd oppe dörpsjtraot en Truus en Thei
Frietkraom op't kerkplein en aod vorst Sjang
Hie wil ich woeane, mien laeve lang.
Refrein:
Heitse is good,
Man waat ein sjoean dörpke,
Neet breid en neet langk,
Ent ligktj hoeag godzijdank,
En toch löptj 't hie noeait oet de ...
Heitse is good.
Vastelaovendj in Heitse, dae is briljant
Wae hosse en sjpringe gaon gans oet de bandj.
Beer väör plezeer want det huertj d'r bie,
Det is noe Heitse bön hie zoea blie.
Ich woean hie in Heitse al hiel väöl jaore,
Bön d'r opgegruutj bön d'r zelfs gebaore.
Ierst nao de kresj en later nao de sjoeal,
Nicolaas of Beukenhof, det waas cool.
Gruudje op hong gaer oppe sjtraote,
Waas gans veilig waerdje noeats gesjaote.
Lekker handjballe met al mein vrunj,
Daorom bun ich blie det ich van Heitse bön.
Doe kins bie de kwakkert of her-me-nie
En esse gaer wils sjeete bie de sjotterie.
En väör de mik den geisse nao de bekker,
En vaor snoepjes nao de Super, det is lekker.
Heitse dorp van Klein paries,
Alles geit hie same van jonk toet gries,
Praothoes, slegter, Klaos en de chinees
Sjnap gae noe den waorom ich väör Heitse Kees.
HOME
PLAATSNAMENOVERZICHTHOMEHEYTSERS PLAT
Tekst: Jan Evers - muziek: Bert Janssen
Zang (*) : Heytser Hofzengers & Heytser Maedjes - solo: Maarten Peskens, Jan Caris & Peter Swinkels
Heytsers mot blieve, det huuërtj zoeë in't Leudal.
Heytsers mot blieve, want det is oze kal.
Mosse ins huuëre, zing det ins met os met.
Waat ein sjoeën taaltje: det taaltje duit os get. (2x)
.........................
( Wae ken de res van de teks ? )
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEHIEJ IS GET LOOS
2004/2005: Tekst: Jo Hanssen - muziek: Peter Wijnhoven
Zang: Plok en Pleej
Met dees daag mótj gae neet prakezere
Mer gaotj uch noê mer 'ns flink amusere
Laot 't mets vanaovendj in 't verke staeke
En gaotj draan, det is pas good bekaeke
Refrein:
Hiej is get loos, hiej is get oêt
Häök noe mer in en trèk ein blieje snoêt
Kóm hosse, kóm danse, den geit 't dich al good
Want vastelaovendj zitj in ós blood
Met dees daag koomptj gae 't weer te weite
Van 't mèt doon geit de rök nog gans zweite
Inne zaal kintj gae de aovendj lang bonjoêre
Dus gaef gaas, en dreij mèt op volle toêre
Met dees daag, drinktj gae óm good te smaere
Laotj eur zorge en de kael mer gewaere
Ein dink zal uch deze aovendj neet berouwe
As wae zoeë, dit fieësje same bouwe
HOME
PLAATSNAMENOVERZICHTHOMEJAO, JAO, DAO IN HEITSE
Tekst & muziek: Clement Bartelet
Refrein:
Jao, jao, dao in Heitse, dao zeen ig, dao geit se,
op 't fietske door de sjtraot, de pedale oppe maot.
Jao, jao, dao in Heitse, dao zeen ig, dao geit se.
En ig höb zonne zin, mer ig haol der tog noeëts in.
In Heitse, in Plan Zuid of Noord, ig weit èt neet presies,
dao fietsj tog zo'n net maêdje rondj, det haêtj gewuën Marlies.
Ig laup hör noe al jaore nao, mer noeëts krieg ig 'n kans.
Ze is mig altied sjneller aaf, al gaêf ig mig aug gans.
De vôrige waêk waas 't bienao raak, toen kwoom dao enne angere sjnaak.
Dae haaj eine renfiets, de's onsjportief, noe is 't neet mieër mien lief.
HOME
PLAATSNAMENOVERZICHTHOME'T KAPELLE MELODIEKE
Tekst: Elly piepers v Buggenum - muziek: Har Piepers & Thei en Marij
Os Heitse det is zo fijn
Det plekske heltj os biejein
De muziek is hie
Drie daag op een rie, de minse bliej
Schutterie en Harmonie
De baom van de blaosmuziek
Det bringtj 't plezeer vaor ederein
Huur de Kapelle vaor os spele
Jonk Geweldj en Wie zo Vals
Toch wie schaon die melodiekes
Kiek uns hie wat kippevel
Huur de Kapelle vaor os spele
Boorekapel en auch Kei-greun
Zo klinktj den in Heitse die deun
Vastelaovendj met muziek
De kapelle zeen uniek
Boete op de straot
Same in de maot, en gans geliek
't Café zitj den weer vol
De minse hubbe lol
En Heitse det veultj zich den zo riek
HOME
PLAATSNAMENOVERZICHTHOMEKIGGEPAEDJE
Tekst & muziek: Peter Swinkels
Zang 1 : Jan Caris & Peter Swinkels
Zang 2 (*) : Heytser Hofzengers & Heytser Maedjes - solo: Peter Swinkels
Tösse de dörpsjtraot en 't plein van Frans en Maan,
onbeklinkertj, vol met koele, neet väöl aan,
dao wao ich laupe lieërdje, sjpeelde, fietsje, vriejdje met'e maedje,
gevange tösse beukehek, dao loog 't Kiggepaedje.
Refrein:
Kiggepaedje, Kiggepaedje, waorom bes dich der neet mieër ?
Waorom höbs doe oos dörp motte verlaote ?
Kiggepaedje, Kiggepaedje, ich wooj det ich nog eine kieër,
mien kölsekuulkes in dien lief kos paote.
't Kiggepaedje, och 't sjtelde neet väöl väör.
Ich kwaam dao dök, 't loog bie os toen väör'e däör.
Dao wao ich sjräöm veel, gater inne kop en keek achter eder blaedje,
want meikaevers, die zote toen nog väöl in't Kiggepaedje.
Dao in en om die sjmits waas väöl bedrievigheid,
gelash, gesjmaedj 't iezer, of 't kaod waas, werm of heit.
De locht rook nao 't paersbesjlaon, ein Maggieblikske met'e gaetje,
we klauwdje get kerbiet, en der klonke sjlaeg in 't Kiggepaedje.
't Kiggepaedje hetj noe Magdalenasjtraot,
de weag is recht en sjtrak, niks äöver van det aod.
Toch is dae naam dao vraemdj, aan Magdalena zal det wal neet ligge.
Sins minseheugnis woeëne op die sjtraot toch luu van Kigge !
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEKLEIN PARIES
Tekst & muziek: Cees Stoop
Zang 1 : Ine Hermans
Zang 2 (*) : Heytser Hofzengers & Heytser Maedjes - solo: Peter Swinkels
Wie ich jonk woor en nog eine koel'kop waas,
toen mog ich ins drinke aan oos pap zien glaas.
Mam zag: "Jonk gelieërtj, det is auch aod gedaon,
dus noe laot ich 'm met dees daag duchtig gaon".
Refrein:
Klein Paries, dao ben ich gebaore,
ben ich groeët gebrag, ich woeën der noe al jaore.
Paradies, rondj de kerktaore,
aan Klein Paries höb ich mien Limburgs hert verlaore.
Klein Paries, dao ben ich gebaore,
ben ich opgegruutj, ich haoj 't hie good naat.
Ich huuër hie toes, wie de möle bie 't kaore.
Ich haoj mien waord, dus ben ich al die daag paraat.
Bronsgreun eike haet mich altied get gedaon,
den kan ich gewuuën neet sjtil mieër blieve sjtaon.
Mer ein dörp, det liktj mich hieël nao aan 't hert,
dao klinktj met dees daag ein groeët Kwakkerte-konzert.
Tieën jaor trök, toen kos ich alle Heytser luu,
mer zoget de helleft is noe väör mich nuu.
Heytser minse haoje toch altied biejein,
daorom zing ich noe nog ins dit dörps refrein :
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEDE KLUTS KWIET
Tekst: Jo Hanssen - muziek: Peter Swinkels
Zang (*) : Heytser Hofzengers & Heytser Maedjes - solo: Peter Swinkels
Refrein:
Ich ben 'm kwiet, ich ben 'm kwiet, wao's miene kluts ?
Ich mot 'm höbbe, väör ich dees daag verpruts.
Ich veul mich zonger kluts 'ne sjrikkelikke bluts.
Ich ben 'm kwiet, wao's miene kluts ?
Det dink ben ich verlaore, 't is echt waor,
oppe elfdje vanne elfdje, fäörig jaor.
Opins, toen waas'ter weg, neet mieër gezeen.
Ich vraog mich aaf, wao ich dae pech toch aan verdeen.
Op alle bals laup ich mer get verlaore rondj.
Ich kroep dök ore inne zaal hie oppe grondj.
Onger taofels, onger viltjes, onger luu,
en mörgevreug begintj 't zeuke weer opnuu !
As gae 'm zeetj, sjteur 'm den estebleef weer trök.
Op dees meneer zeuk ich mich nog ein ongelök.
Och, anges laot auch mer, ich gaon waal weer allein.
Hae kumtj waal weer nao de waever op 't plein !
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEKUS MICH
Tekst: Jo Hanssen - muziek: Peter Wijnhoven
Zang: Maarten Peskens
Ich lieërdje ein maedje kinne, tösse kersmis en nuujaor.
Ich mót d'r nog aan winne, mer dao koom ich waal mèt klaor.
Blónj haor, ouge zoeë blauw, eine sjoeëne bóksebaom
ich wil häör as mien vrouw. Dus zag ich hieël bekwaom:
Refrein:
Kus mich op mien muulke, kus mich ins, op mien wang.
En bèsse get verlaege, kom wacht toch neet zoeë lang.
Kus mich op mien muulke, kus mich ins, op mien snoêt.
Vraog ich dich nao vastelaovendj, zeker tot mien broêd.
't Maedje waas verovertj, wie ich taege häör zag:
“Doe höbs mich sjoeën betovertj, mèt dien kóntj en diene lach.
Asse kus, den doon ich get, mer väör twieë doon ich nog mieër
ich vinj dich toch zoeë net”. Dus vraog ich kieër op kieër,
HOME
PLAATSNAMENOVERZICHTHOME'T KUULKE
Tekst: Karel Timmermans - muziek: Peter Swinkels
Ig zoog ein maedje oppe sjtraot, ig kraeg 't werm, ig kraeg 't kaod.
Det haaj get waat ig nog noeëts zoog, begriepse noe det ig 'm vroog:
Refrein:
Zaek, höbs tig det allang, det kuulke in dien wang ?
Ig zeen det kuulke tog zo gaer, ig gaon door alles haer.
Zaek, höbs tig det allang, det kuulke in dien wang ?
Lang tog get mieër, want den zeen ig 't eedre kieër.
Al is 't boete nog zo kaod, wae traekke zingendj ôver sjtraot.
En binnen biej ein glaeske beer, den zeen ig dig en vraog ig weer:
Hieël kort bieein is lekker werm, pak mig mer sjtevig in den erm.
Den val ig neet op mien gezicht, en vraog ig aug noeëts miër aan dig:
HOME
PLAATSNAMENOVERZICHTHOMEKWAKKERT, OG KWAKKERT
Tekst & muziek: T. Driessen & M. Sillekens
Refrein:
Kwakkert, og kwakkert, laot em noe tog gaon.
Wae vere vastelaovendj zoêas wae nog noeëts höbbe gedaon
Kwakkert, og kwakkert, want nao zo'n glaas of veer,
den kumptj tog edere kwakkert los en meuktj hiël vôl plezeer,
den kumptj tog edere kwakkert los en meuktj hiël vôl plezeer.
Ome Frits, dae kaek dae aovendj aug vôl te deep in 't glaas,
want de pliesie heel em smôrges aan toen der al bienao toes waas.
Ze nome hem ziene auto aaf, ome Frits, dae zag toen: "Good,
gae kriegtj mig dao hiëlemaol neet maet, gaon môrge waal te voot".
Tante Fien, die et hieële jaor door ein echte hoesmôs waas,
ging noe edere nacht op sjtap, ze sjpeeldje eige baas.
Ze dansje en sjprong met ederein, met Frans en Lei en Kees,
en misje vör de ieërste kieër in drie jaor "Peaton Plees"
HOME
PLAATSNAMENOVERZICHTHOMEKWAKKERTEMARS
Tekst & muziek: René Barion
Zang (*) : Heytser Hofzengers & Heytser Maedjes - solo: Maarten Peskens, Jan Caris & Peter Swinkels
Ein kwekkerke in nen hiële druëge graaf, det sjtong van dorst te kwake.
Zie mooder zag: "Waat huër ig noe, die Heitser kwake krek wie's toe".
Refrein:
Want de Kwakkers oet Klein Peries, die zeen allemaol neet wies.
Ze laeve in eine groeëte pool, vol pils en coca-cola.
"Og man", zag dae jong, "Haaje wae mer ein vol glaas van de kwakkerte oet Heitse.
Den haaje wae aug ein lekker peulke beer en met hôr same vôl plezeer.
Refrein:
Want de Kwakkers oet Klein Peries, die zeen allemaol waal wies ........
"Mer jong", zag zien man, "Doe bais tog neet good wies. Waat wits doe noe van Klein Peries ?
Doe bais nog eine kleine baaij, de moel, anges kries toe ein flaaij".
"Mer man", zag dae jong, "Wat zaektj gae noe, ge zeetj tog aod ent waere.
Mer as de Kwakkers van Heitse gaon, den zeetj gae nig hiej neet miër sjtaon".
Braaf minskes, dootj waat et kwekkerke wiltj doon en haodj good vastelaovendj.
En haoje wae good ôverein, den zeen wae al die daag bieein.
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMELAOT DIE MAAR SJUVE!
2008/2009: Tekst: Bergervoet - muziek: ?
Zang: Rianne Bergervoet
Al jaore maak ich vastelaovendj mèt.
Noe is d’r ein klein dingske waat nog nemes wètj:
Vandaag vinj ich ut tied det ich ut zegk:
Missjien vinjtj gae mich waal ein bietje gek…
Ich höb get – mèt manne mèt metaal.
Die kaerels mèt häör träöt, gae kèntj ze waal!
En ich vinj zelf: ein man mèt instrument,
Det is väör mich ein int’ressante vent!
Refrein:
Laot die maar sjuve (weah, weah!)
Laot die maar sjuve (weah, weah!)
Jao, ich waer mien zörreg kwiet
In de vastelaoves-tied.
Laot die maar sjuve (weah, weah!)
Laot die maar sjuve (weah, weah!)
Al die manne òm mich haer,
Ach, det höb ich toch zoë gaer!
Zie brènge sjtumming in de tent,
Allein al mèt häör instrument!
Mèt vastelaovendj gaon ich gaer op stjap.
Den bin ich waeke lang volledig van de wap.
Ich zing en hos en fiës gezellig mèt.
Verkoup get sjaele kal, det is mich get.
Toch wach ich – allein op det moment,
Det manne kòmme mèt häör instrument.
Want laif-muziek det geit toch baovenal.
De träöt geit aan de mòndj, ’t is carnaval!
HOME
PLAATSNAMENOVERZICHTHOMEDE MAEDJES VAN HEITSE
Tekst & muziek: Louis Berben & Hans Schoenmakers
En hieël aardig maedje sjtaildje ziene jong ins dees vraog:
"Vinse mig gein plaetje?", toen zag dae jong hieël traog:
Refrein:
De maedjes van Heitse, die zeen tog zo sjoeën, allemaol.
En as det neet waor is, den zeen wae ein boeën, allemaol.
de maedjes van Heitse, die zeen tog zo sjoeën, want det vindj ederein.
We zeen den aug in Klein Peries, et is net ein paradies.
In det Kiggesjtrôtje zuuse ze saoves gaon.
In det Kiggesjtrôtje achter ein haikske sjtaon.
En waat eine zaegen, lampe die zuuse dao gein.
Sjtaon ze in de raegen, mait hôr twieë allein.
HOME
PLAATSNAMENOVERZICHTHOMEMIENE LEVE JONG
Tekst & muziek: Lei Boonen
Zang 1 : Peter Swinkels & Jacqueline Coolen
Zang 2 (*) : Heytser Hofzengers & Heytser Maedjes - solo: Peter Swinkels
As ich op mien krökske zit, dink ich altied aan dich:
Waat zuusse der toch altied lekker oet.
En oppe teek, dao sjteisse den en kieks zo fijn nao mich:
Kom drink mich toch ins oet.
Refrein:
Miene leve jong, hie ben ich den, haoj mich effe vast en kiek mich aan.
Höf mich op tot aan dien mundje, jonge, jonge, jong, det kosj ein rundje.
Miene leve jong, hie ben ich den, haoj mich effe vast en kiek mich aan.
As we sjtrakkes nao de hemel gaon, is alles weer gedaon.
Mariekatrien, 't maedje van mien draumpalies,
det fluusterdje mich zäögjes in mien oeër:
Geluif mich noe, de waereldj is toch neet zo gries,
vandaag geit 't fieëst weer door.
En as mien vrouw op dinsdigaovendj weer oet sjporte geit,
den ben ich moderzeel allein in hoes.
En midde in de nacht, den waer ich wakker, waat e'leid:
ze kumtj den zingendj toes.
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEDE NONDEDJUU
Tekst: jo Hanssen - muziek: Peter Swinkels
Zang (*) : Heytser Hofzengers & Heytser Maedjes - solo: Maarten Peskens, Jan Caris & Peter Swinkels
Normaal op zunjig haet hae eine sjlieps om ziene nek.
Det huuërtj derbie, mer hae dinktj: det dink, det sjteit wie eine gek.
Hae köptj zich mer ins eine sjoeëne bontje nondedjuu,
en kumtj den ins gans anges as die anger Heytser luu.
Refrein:
Hae ruultj ziene sjlieps om väör get anges,
ein nondedjuke: bontje bölkes met ein sjtiekske omme nek.
Want as vastelaovendj aane gang is,
is eine bontje nondedjuu, nog gaaroet neet zo gek.
.........................
( Wae ken de res van de teks ? )
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEDE NOZEMPET
Tekst & muziek: Lei Boonen & Frans Swinkels
Ig zit op ein krôkske aan 't buffet, mait oppe kop ein nozempet.
Ig vôl mig neet miër zoê allein, sjtaon vaster op mien bein.
Refrein:
Ig hôp ein nozempet, wiej vinse noe zoget ?
Want eine hood, de sjeit mig vôlste deur.
Mer met zo'n nozempet, bôn ich nog ins zo net.
Miej mooder zag: "Wat sjtelse noe eigelijk vôr?".
Brom ig sjtraks door Klein Peries, den kindj ederein dees wies.
Ig traêk de pet weer in de kop en zing den weer hellop.
As ig sjtraks get aojer waêr, Beek en Bos, det zuut det gaêr,
met die pet oet deze tied, die wil ig gaar neet kwiet.
HOME
PLAATSNAMENOVERZICHTHOMEOME HARIE
Tekst: Peter Swinkels - muziek: Luc Jacobs
Refrein:
Hubse nem zeen laupe, hubse nem zeen gaon ?
Hae geit der eine kaupe, kom mait en blief neet sjtaon.
Hubse nem zeen laupe, hae blieftj hiej neet sjtaon.
't Is tog vastelaovendj, kom en laot em gaon.
Ome Harie woeëntj noe op Beek en Bos.
Ins per jaor, den kumptj dae mins good los.
Met zien nuujste vastelaovendjpak,
geit dae mins door kappes en tabak.
Daorom, Kwakkers, dootj wie dae aoje mins.
Veer vastelaovendj zolang as se nog kins.
HOME
PLAATSNAMENOVERZICHTHOMEOOS PUMPKE
Tekst & muziek: Wiel Peute
Zang 1 : Peter Swinkels
Zang 2 (*) : Heytser Hofzengers & Heytser Maedjes - solo: Peter Swinkels
De vastelaovendj, dae kumtj alle jaore weer,
dae sjoeëne tied van hoempapa en hieël väöl beer.
De vastelaovendj, ging dae mer noeët väörbie,
den wore alle minse toch weer aeve blie.
Mar ja, ge wetj: aan alles kumtj'n inj,
ge mosj ins weite, wie zunj det ich det vinj.
Refrein:
Sjtraks sjteit oos pumpke weer verlaote, weer verlaote op 't plein.
Sjtraks sjteit oos pumpke weer verlaote, nemes is mieër oppe bein.
We motte al'maol weer nao hoes toe, meziek, dae sjpeeltj de leste toeën.
Drie daag van zweije en van zwiere, 't is väörbie, 't waas zo sjoeën.
De vastelaovendj is noe bienao weer gedaon,
ein leste pilske väör we weer nao hoes toe gaon.
De vastelaovendj is väörbie, wie 't mich auch sjpietj,
noe nog de waever, dae eders hert verblietj.
Det leste denske, dao midde op 't plein.
De Prins nao hoes, noe zeen we weer allein.
Oos borekeelke, det kan noe weer in de kast.
't Is väörbie, dae sjoeëne tied, daag jong, tot sjtraks.
De vastelaovendj is gedaon, 't masker aaf.
Kom, laot dien traone gaon, aswoonsdig kumtj deraan.
't Is väörbie, 't is gedaon, wie 't mich auch sjpietj.
't Is väörbie, gedaon dae sjoeëne tied.
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEPAKTJ UCH INS VAST
Tekst: Elly Piepers v Buggnum - muziek: Har Piepers, H.Winter & Beppie Kraft
Zang: Har & Elly
Straolende minse en sjoeëne meziek
Det is in Heitse te doon.
Springendje kinjer en sjoenkelendje luuj.
In oze Kwakkertepool
Refrein:
Paktj uch ins vast en en kiek uch ins aan
Dit is noe Vastelaovendj
Heitse och Heitse en gaotj noe deraan
Tot in de late aovendj
Ein sjoeën Heitser maedje, ein jungske der biej
Det is toch sjoeën op ein mooi melodie
Paktj uch ins vast en den kiek ins nao mich
En zek ich haoj van dich
Kwakkertevlaggen die hange weer rondj
En det maaktj Heitse zao bontj
Ballon en slinger det hingtj bie die vlag
en wappertj dààg en nach
HOME
PLAATSNAMENOVERZICHTHOMEVASTELAOVENDJ
Tekst & muziek: Thei Eerens
Zang 1 : Conny Steenvoorden, Anita Seunis & Maarten Peskens
Zang 2 (*) : Heytser Hofzengers & Heytser Maedjes - solo: Peter Swinkels
Refrein:
Vastelaovendj, vastelaovendj, 't is weer zo wiet.
Jao, van noe aaf alle zorge, alle zorge kwiet.
Drie daag zinge, drie daag sjpringe, ich begin op sjlaag.
Laot de boel, de boel, de boel vandaag.
Riek of erm en dun of diek, neet väöl zin of fanatiek.
Aane hek of opp'n hondj, drie daag lang geit ederein weer rondj.
Maak dich neet te drök vandaag, de's neet good väör diene maag.
Laef dich mer ins lekker oet, drie daag lang geit ederein weer droet.
Zit det masker dus mer aaf, kiek ins drie daag neet zo braaf.
Doot dich get onnuuëzels aan, drie daag lang geit ederein weer draan !
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEVASTELAOVENDJ SAME
Tekst: Karel Timmermans - muziek: Peter Swinkels
Vastelaovendj same, echte Heitser luuj.
Wat wae ug bringe gaon, det is harsjtikke nuuj.
Ozen eige Heitser "Top-Pop" op ein plaat.
Al waat t'r op sjteit is echt Heitser fabrikaat.
Wiltj gae as Kwakkerte echt vastelaovendj vere,
den motj gae al dees sjlagers good van boete lieëre.
Dréj hieël duk dees plaat en zing of loester braaf.
Veertj vastelaovendj, Heitse waerdig en alaaf.
HOME
PLAATSNAMENOVERZICHTHOMEVASTELAOVES CARESEL
2005/2006: Tekst: Jo Hanssen - muziek, Peter Wijnhoven
Zang: Plök en Pleej
Caresel dreij maar rônd
Kleur ôs laeve nou gans bônd
De minse kriege weer plezeer
Want vastelaovend kûmp al weer
Jao we zien auk van de partie
De ozel geit nou dreej daag lang opzie
Refrein:
Wae haet ein muntje dan trek ik aan de bel
Veur nog ein runtje vastelaoves caresel
Dae dreijt wie eine tierelier dus kôm d'r beej
Dreij met ôs mei, dan halt ik veur dich ein plaetske vreej
Dinsdaag laat geit de bel
Want dan stopt de caresel
De minse zien weer dol gedreijt
Dreej dolle daag zien oëtgeweijt
Sangerdaags dan zien weej de haas
Begint alweer de kermis beej de baas
HOME
PLAATSNAMENOVERZICHTHOMEVASTELAOVESLEEFDJE
Tekst: Thei Eerens - muziek: Jan Theelen
Zang 1 : Jan Schroen
Zang 2 (*) : Heytser Hofzengers & Heytser Maedjes - solo: Peter Swinkels
Refrein:
Eder jaor, as ich dich zeen dees daag,
krieg ich de kriebels weer inne maag.
Dien knap gezicht, gans onger de sjmink,
zo wie ich ein gans jaor aan dich dink,
jao, wie ich ein gans jaor aan dich dink,
Koom ich dich door 't jaor ins taege, eine dieke jas inne raege,
zooj ich dich echt neet mieër herkinne, nae, veul ich gaaroet niks van binne.
Al kan ich zelfs neet op dich winke, toch mot ich sjteeds weer aan dich dinke.
Altied bes dich in mien gedachte, ein gans jaor blief ich op dich wachte.
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEVASTELAOVESWELSKE
Tekst: Peter Swinkels - muziek: Lenie Boonen
Zang 1 : Lenie Boonen & Jacqueline Coolen
Zang 2 (*) : Heytser Hofzengers & Heytser Maedjes - solo: Peter Swinkels
In deze tied is der väöl aane handj,
mer vastelaovendj is weer in 't landj.
3 Daag op rie gaon de zorge opzie.
Kom, paktj uch vast en zing dit welske, handj in handj.
Refrein:
Want dit vastelaoveswelske heltj os drie daag oppe bein.
Jao, dit vastelaoveswelske heltj oos Kwakkerte drie daag biejein.
Besse getrouwtj of al jaore allein,
met vastelaovendj is al oppe bein.
3 Daag op rie gaon de zorge opzie.
Want asse same bes, den sjteisse noeët allein.
Geit 't op sjoeël of op 't werk neet zo good,
ein dink is zeker, det guftj dich weer mood.
3 Daag op rie gaon de zorge opzie.
Want toet aswoonsdig zjwumtj 'ne Kwakkert in dien blood.
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOME'T VILTJE
Tekst: Maarten Peskens - muziek: Pieter Steenvoorden & Maarten Peskens
Zang (*) : Heytser Hofzengers & Heytser Maedjes - solo: Maarten Peskens, Jan Caris & Peter Swinkels
Refrein:
't Visitekaertje van de brouwerie bin ich,
ich bin 't viltje, ich bin 't viltje väör dich.
Oppe taofel en buffet oppe boek of oppe rök,
höb ich 't as viltje, höb ich 't as viltje,
höb ich 't as viltje toch zoeë drök.
Bin gemaaktj van kartón en meistal sjoeën róndj,
väör al die kwakkerte maak ich mich extra bóntj.
Zoeë höb ich net as ederein altied ein dolle buuj,
jao mèt dees daag bin ich toch gaer ónger de luuj.
Ónger Spa ónuuezel of ein good glaeske beer,
lik ich mich mèt mien hert en zeel toch hieël flot neer.
Ich krieg altied väöl natigheid det höb ich toch zoeë gaer,
zoeë rie ich drie daag lang op mien menneer de baer.
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOMEWAAT BIN ICH D'R EINE
2002: Tekst: Jo Hanssen - muziek: Peter Wijnhoven
Zang: Maarten Peskens
As ich äöver de straote loup,
kiêk ich ins good, om mich haer.
Zeen d'r gein twieë dezelefdje,
geluif mich det mer gaer.
De kläöre vanne ouge,
't vel en ouch, vanne haor.
De eine diek,de angre smaal,
jao det is werklik waor.
Refrein:
Waat bin ich d'r eine,
zoeë vinse d'r echt geine.
Ich bin toch hieëlemaol uniek,
is det neet manjefiek?
Waat bin ich d'r eine,
ich zal mich mer niks meine.
Ich höb neet hieëlemaol geliêk,
as ich inne spegel kiêk.
Is 't weer vastelaovestiêd,
den veul ich mich, toch zoeë riêk.
Zeen dao hieël get minse, jao kiêk,
woeë ich den väöl op liêk.
As 't strakkes is gedaon,
den steit weer dao, toch nog waal,
det menke inne spegel,
woeë ich zoeëväöl op staal.
HOME
PLAATSNAMENOVERZICHTHOMEWAAT EINE WAZEL
Tekst: Peter Swinkels - muziek: Jan Schroen
Zang 1 : Jan Schroen
Zang 2 (*) : Heytser Hofzengers & Heytser Maedjes - solo: Peter Swinkels
Ich kin eine mins, dae wooj auch waal ins eine karnavalssjlager gaon make.
Hae zoch nao get geks, väör eine tekst, dae ederein kos kwake.
Mer och, zien vrouw zag: "Jan, dao kins dich gaar niks van".
Refrein (2x):
Waat eine wazel, waat eine wazel,
waat ein geklets, waat ein gezjwets,
waat ein gebazel.
Mer hae zag: "Och vrouw, noe loester ins gauw, doe brings mich dao op ein ideetje.
Waat zags dich dao net, det waas toch get, as tekst väör bie mien leedje !"
Doe sjprook die vrouw nog ins tot häöre eige mins :
Noe waas 't gebäördj, noe haaj der zien wäörd, eine sjlager, dae waas noe gebaore.
Hae sjteurdje n'm op, en waat ein mop, 't is auch nog get gewaore.
Dus noe zingtj ederein met dees daag dit refrein :
* cd (1992) : Stichting Heytser Sjlager - " Klein Paries " - Onger Os CD 7224
HOME
PLAATSNAMENOVERZICHTHOME