HOME PLAATSNAMENOVERZICHTHOME


?
1900-1920: Tekst & muziek: ?

Vastenoavend dok en dof, kleenkt ut op die bussen.
Heer enne stoal en doa enne stoal en op iedere stoal en kussen.
Kiek is in de schoarstieën, doa hangen de lange woarste.
As de lange gegeaten zieën, zullen de korte waal beater zieën.
Snij maar deep, snij maar deep, ut veal allieën, daat lus ik ni.


HOME PLAATSNAMENOVERZICHTHOME


33 JOAR DREUMELS ONDERIËN
Tekst: ? - muziek: ?
Zang (*) : Horster Zengers

Refrein:

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


100 JAOR (KLEFFE ZÖK)
1999/2000 nr.1 : Tekst & muziek: Paul Beurskens, Wim Duffhaes & Cay Kleeven
Zang (*) : Wim Duffhaes, Cay Kleeven, Nicole Lemmen & Gert vd Sterren

Refrein:
ÁI waere weej hoonderd jaor, 't is vur ós zónneklaor,
mit vastenoavend blieve weej aalt goan.
Ál waere weej hoonderd jaor, dát is vur ós gen bezwaor,
want ge wet dát joonk gelierd is alt gedoan.

Mit vastenaovend zidde ós keiduk.
Weej fieste door, joa drie daag án ien stuk.
Aswoensdág hebbe weej da kleffé zök.
Daoraover make weej ós ga neet druk.

D'n optoch en da nò de Merthal hin,
daonoa duike weej e kefeeke in.
Ál stoan weej op de bank straks in de min,
weej hajen ál en halde goje zin.

Op deensdág kieke nor ós borebroed.
Wát haet dát megje toch e leve snoet.
De joekskapel speult elf liedjes oet,
en daonao stoppe zeej mit dát getoet.

* cd 1999/2000 : C.V. D'n Dreumel - "Carnaval 2000"


HOME PLAATSNAMENOVERZICHTHOME


DE ALDE PREENSE
2002/2003: Tekst: Ald Preens Cor II - muziek: Alde knoeperdrager Thijs Kleeven
Zang: Alde Preense o.l.v. Paul II

Dreumel, Dreumel, Dreumel...

Refrein:
Weej zién de Alde, Alde Preense,
Preense oét vervloagen tiéd.
Mógde iën joar heer regaere,
Ma ziën á-lang os vaere kwiét.
Och dát Preens zién is zo kort
Má Alde Preens dát bliefde,
Ow gánse laeve vort.
Weej zien de Alde, Alde Preense,
Preense ván os Dreumelriék.

Rinus waas d'n iërste,
D'n iërste in de reej.
Ma mótte nou is kiéke
En gánse compeneej.
Joa zuj di zien gebleve,
Waas di ni weggegoan,
Dán háje d'r gen alde preense
Heer in Hôrst bestoan. (Dreumel...álaaf!!)

Weej waere wál wát troager
En mei is dát te zeen.
't Springe en 't dánse,
Wuurdt langszaam á wát meen.
Ma dát haet ok zien vurdiël,
Wánt wette wát dá bliekt;
Dát drie daag vastenoavend dá
En hiël stuk langer liekt. (Dreumel...álaaf!!)


HOME PLAATSNAMENOVERZICHTHOME


ÁLLES WÁT VÁN HÔRS ÂF KEUMT
1990 nr.4 : Tekst & muziek: Háy Hesen
Zang: Doorgestoake Kaart

Refrein:
En vastenoaveswaelske
Kleenkt dór ós Dreumelse land
En joonk en âld dát wet al wer:
Heer is wát án de hând
Ván âchter ván d’n Österik
Wies án de Diêkerhei
En álles wát váan Hôrs âf keumt
Dát vingt heer zienen draej
En álles wát váan Hôrs âf keumt
Dát zingt heer állemoal mei

Ik kende ‘t drek
Zeg, vingde dát gek
Toen ik ‘t aens háj gehuurd
En ik ni alliën, má iederiën
Zóng ‘t bej ós in de buurt
Di ni zingen kós zâch: “Vur mien párt
Dá má ni zò schon má wál keihárd.”

En iederiën springt
’t Host, draejt en swingt
Doa ziên weej heer á gewend
In hoëgste octaaf, Dreumels Alaaf
Doa stoan weej heer vur bekend
Joa, weej laeve alliën ván de lol
En dát hâlde weej joare lânk vol


HOME PLAATSNAMENOVERZICHTHOME


ÁS ASWOENSDÁG NI MIER ZUJ KOME
1999: Teks & meziek: C. Kuijpers & T. te Baert



HOME PLAATSNAMENOVERZICHTHOME


ÁS DE LESTEN DREUMEL 'S NACHS NA HOES TOE SCHUUFELT
1999/2000 nr.2 : Tekst & muziek: Hay Hesen
Zang (*) : Anja Hoeijmakers

Ás de lesten Dreumel 's nachs na hoes toe schuufelt, e kiekt nag efkes beej ós Liesbeth dór de glaas.
Heej zuut dán án d'n tap dán ok ga niemes zitte, dán is 't um, wet dát 't vastenaovend waas.
Zit op e stuupke, e kiekt dán d'n duuster i, ma nae d'r is gen meens nou mier te zi.
Heej zet zien huudjen op, e zaet kóm jóng we gaon, nou wiet ik zeker vastenaovend is gedaon.

Ónderwaeg na hoes deut heej wát prakkezere, ovver dát alles wát ie dees daag haet gedoan.
Ma dát filmke dát mót hiel langsem dreije want zie verstand, dát haet op nöl gestaon.
Ónder de luchtepaol beej wát schaemel licht, zuut in de weenkelroet nag zie geschminkt gezicht.
Heej huurt de kerkklok nag slaon, 't zit d'rop, da wet ie zeker, merge vroeg mót ik vroeg op.

Ás 't vurbeej is nou da kós ik wál gaon bäöke már ik wiet 't good, án álles keumt en end.
Toch is 't fijn ás geej 's enne kier kunt merke dát Jan en álleman oow dán ok nag 's kent.
Want nou giet álles wer ziene gewoene gang 't is gauw vurbeej már e jaor dát deurt ni lang.
Merge bin ik wer enne doedsgewoene meens meschien wer ik 't volgend jaor de neje preens.

* cd 1999/2000 : C.V. D'n Dreumel - "Carnaval 2000"


HOME PLAATSNAMENOVERZICHTHOME


AS DE WERELD TOCH IS PLAT WAAS
2006/2007 nr. 3: Tekst: Cor Kuipers - muziek: Wiel Vervoort
Zang: Marc Aerts & Jac Jeurissen

Refrein:
Ás de werreld toch is plat waas,
dá stónge weej wiet vaster óp ós biën,
rónterum mós wál en leuning,
wánt anders zuj 't te gevaorlijk ziên!
En vur de schoon waas 't ok baeter,
't scheif áfsliête waas gedaon,
nou huur ik ów ál hárdóp zegge,
loëp met di schaele kwats toch nao de maon.

't Waas met vastenaovend, Piet ging óp hoês óp a,
heej ging duk puütje aover, heej snapte d'r niks va.
Zien vrouw zaog zien geschravel en zâg vur de lol,
Ja, Piet, da's moeilijk loëpe, óp zonne rónden bol.

Has álle neej ideeje, die waere áfgekrákt,
doabeej ok de bedenker, vur vánálles oêtgemákt.
Pas nò verloëp ván joare, kriêge ze 't door,
"Joa dát is nagál logisch" zaet da de stomste boor

* cd 2006/2007 : C.V. D'n Dreumel - "Carnaval 2007"


HOME PLAATSNAMENOVERZICHTHOME


ÁS IK OOW ZEEJ
1998/1999 nr.4 : Tekst & muziek: Leo Huijs
Zang: "Knats Um" (Hay Emonts, Peter Hagens, Leo Huijs, Mart Wijers)

Ik kiek mien oegen aaltied oet mit vastenaovend,
de moeijste meense kome da vurbeej.
Ik kiek nò leenks nò rechs, nor oonder en nò baove,
't is te gek, 't is te moeij, wát ik da zeej.
Már 't moeijste en het schonst ván állemaol,
dát ziedde geej dao, geej jao, hielemoal.

Refrein:
Ás ik oow zeej, da mót ik lache.
Ás ik oow zeej krieg ik aaltied goje zin.
Ás ik oow zeej kán ik ik ni wachte,
kán ik ni wachte tot ik eind’lik beej oow bin.
Geej zied mien leefste, jao ván oow hal ik't miest.
Mit oow d'r beej is 't laeven ien groet fiest.
Ás ik oow zeej, da mót ik lache.
Ás ik oow zeej bestiet d'r verder niks vur meej.

Jao, in de zaal velt d'r hiel wát te bekieke,
de moeijste kleure samen in e reej.
D'r zien d'r ok, die ech op niemes lieke.
Wát mákt dát oet, we make lol, we zien d'r beej.
En 't áller-állermoeijst ván álle-moal,
dát ziede geej dao, geej dao, hielemaol.

Ás da d'n állerlátsten aovend is gekome,
en weej muuj en hiel voldaon nò hoes toe gaon,
da kriede geej va meej 'n buuske roeije blome.
En beej 't schiensel ván de sterren en de maon,
vrogde geej wie waor 't schonst ván állemaol.
Da zeg ik geej jao geej jao hielemaol.

* cd 1998/1999 : C.V. D'n Dreumel - "Carnaval 1999"


HOME PLAATSNAMENOVERZICHTHOME


D'N BOËM
Tekst: ? - muziek: ?
Zang: De Wazelvotte

Iedeirën, di kent waal urgens ennen iëuwe alden boëm,
beej 'n wei of en kapelke, of ôp en plein gewoën.
Heej zoag veul meense kôme, ma ok veul meense goan.
Zoëlang âs dât ze wiëte, haet doa din boëm gestoan.

Âs din boëm is kôs vertelle, vân röst in vroeger daag,
d'n tiëd noom ziene tiëd nag, d'r waas nag gen gejaag.
't Kôs toen nag niks gaeve, âl haaj iets lang gedeurd,
wânt wât din daag ni kloar kwoam, waas merge ân de beurt.

Âs din boëm is kôs vertelle, wât heej haet meigemâkt,
en hoe 't aens te kier ging, hoe 't toen haet gekrâkt.
Toen alle meense baejde "Ô, lot dit oavergoan",
en op eur kneeje dankte, toen 't wer waas gedoan.

Âs din boëm is kôs vertelle, vân liefde en vân haat,
de herrinnering die zidde, de scherf vân en granaat.
Ma ok zie d'r hârtjes, woa enne piël doar stukt,
oëits met en maes gesneeje, getuuge vân geluk.

Âs din boëm is kôs vertelle, wât doa is a-gericht,
hoe duk dât doa en hundje zien puütje haet gelicht.
En hoe in ziene schaduw, doa sômers woart gerust,
en stiekum jong en megje zich doa hebbe gekust.

Âs din boëm straks kôs vertelle, hoe zien laeve is vergoan,
hoe heej de zoare raegen da joare haet doarstoan.
God wet wât heej nag mei mâkt, hoe giët zien laeve wier?
We zulle 't noëits wiëte, weej zien d'r da ni mier.


HOME PLAATSNAMENOVERZICHTHOME


BOËNE SOEP
1981 nr.3 : Tekst & muziek: Toën Smits
Zang: Toën en Jan Smits en ’n Venlo’s maedje

Refrein:
Och háj ik má gen boënesoep gehad,
Daan háj ik nag dát megje oet de stad
Joa, wánt in die soep huurt toch en dik speer prei
En ván deen tiëd af móg ik nimmer mei
“Boënesoep”, zach mooder, “is toch hiël gezoond”
Má nou loëp ik wir alliën, alliën joa mit d’n hoond

Tienuske di scharrelde mit en megje oet de stad
En dát heej doa gröts óp woar, dát woar nog al glad
Má ónder ’t vreeje zaet óp aens dát “kind”:
“Zeg snaps dich dát, Tinus
woar haer keump toch dae weend?”

’s Oaves toen d’n tiëd d’r woar dát Tienuske mós gó
En ze toen nag hiël efkes in ’t gengske ginge stó
Zaet ze tegge Tienus: “Mák ’t neet te lank
Ik gluif ’t keump van dich, joa astebleef man, gank.”

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


BOREBRULLEF
1982 nr.3 : Tekst & muziek: Joost de Koning
Zang: Annemie Mooren & Joost de Koning

Óp ós boordereej, joa, doa is 't nag neej,
má messchien hedde 't neejs aal gehuurd.
Beej ós óp 't vaeld woord 't gister verteld:
Ózzen Toën mit Marie oet de buurt,
die hebbe wát same, de köster zâg ame,
ós vader trok flink à zien piêp.
Iërs 't huuej ván 't vaeld, daan de kerk en 't gaeld.
Oow leefde is lang nag neet riêp.
Och mam, hoe kôm ik doar âf ?
En wette wát mam zâg ?

Refrein:
Ás de koewe loeje en de bore bore wer 's good,
stiët 't zunke án d'n hemel, kriegde kriebels in ów blood,
schoor daan ów kleumpkes, pluk daan ów bleumkes.
Hedde án iën ów hárt verpand,
dát guf en bore-borebrullef in ós Horster Dreumelland.

En joar is vervloage, 't is ongeloage,
má pap háj toch wer 's geliêk,
Toën noom 't besloêt en zien leefde ging oêt,
en heej sjanste in ós dreumelriêk.
De megjes die wachtte, Toën danste en lachte,
en dóch án wát moder 's vong:
Pluk heer daan ów bleumke, iën en iën is en sömke,
't leefste dát nimde ów jóng.
De moraal ván dit verhaal, dát zingt de ganse zaal.

* cd 1993/1994 : C.V. D'n Dreumel - "Carnaval 1994"


HOME PLAATSNAMENOVERZICHTHOME


EN BRUÜDJE WALVIS
2009/2010 nr.3 : Tekst: Chris Winkelmolen - muziek: Wim Duffhues
Zang: Huub Cox & Chris Winkelmolen

Dinsdágs gój ik aaltiêd nao de maert
wánt dao is d'n euro nag wát waerd
Ik koëp meej dao en krinte-wekske
of wát stóf vur en carnavalspekske
Ma vur de maert is âfgeloëpe
nag gauw en bruüdje walvis koëpe

Refrein:
En ás ik dát gój bestelle
giët di visboor meej vertelle:
"Jao ma walvis heb ik neet"
Ik zeg: "Man dit is te gek"
griep di visboor um de nek
"Kiek wao di kraom heer vaol mei leet,
geej het walvis, geej het walvis, man geej het walvis.
Met mien oëge is niks mis, man geej het walvis
man geej het walvis"

Ás d'n óptocht net wer is begós
is ut ierste gaat d'r wer dór ós
Beginne met nummerke elluf
en kome aan ás honderdtwelluf
Ma ás d'n óptocht is âfgeloëpe
nag gauw en bruüdje walvis koëpe

Is ut dinsdágsoave’s twelluf oor
joa da schrik ik meej ut apezoor
Dát is ieder jaor wer bale
ik gój en látste pilske hale
Vastenaovend is wer âfgeloëpe
nag gauw en bruüdje walvis koëpe


HOME PLAATSNAMENOVERZICHTHOME


CARNAVAL IN AUGUSTUS
1988 nr.4 : Tekst: ? - muziek: ?

Refrein:

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


UT DAAK DUR AF
2000/2001 nr.2 : Tekst & muziek: Erik van Rengs
Zang: Erik van Rengs & Ellen Jeurissen

Refrein:
Vanoavend daan giet ut daak dur af, den ber in meej is los.
De ganse tent achter oos a, we goeje alle remme los.
Blief neet an de kante stoan, ne how es op die kist.
Same wat goan viere , he of doa us wat versiere, domei is toch ga niks mis.

Weej speule in en joekskapel de hoegste toene mei,
en as ut da wat later wurd daan deut ok ieder mej.
Met de vastenaovend kenne weej ga genne sloap,
we halde daan de oege drie daag lekker oap.
Weej zien in ooze sas en geve duchtig gas.

Zoe trekke weej drie dolle daag door ut dreumelland,
en make da veul joeks en lol en gene trammelant.
Ut latste urke stoan weej daan bove op de tap.
We zwaaje en we sjoenkele en drinke nag wat sap.
Weej haele nag es oam en goan tot op den boam.


HOME PLAATSNAMENOVERZICHTHOME


DAT DEUT ‘T VEURJOAR
1990 nr.1 : Tekst & muziek: Dorothé Cox
Zang: Dorothé Cox

Refrein:
Ik vul ’t veurjoar in de lóch
De weenter waas ok lânk genóg
Ik wil wer vaste-, vaste- vastenoavend viere
Ik dâns en waelske óp de stroat
Neurie zachjes in de moat
Ik wil wer vaste-, vaste- vastenoavend viere
Joa joa de moan die schient
Ik bin en Hôrster kiênd
Ván Vastenoavend krieg ik noëjts genóg
Joa ás de moan dá schient
Vul ik meej en Hôrster kiênd
Dát deut ’t veurjoar, veurjoar in de lóch

De kattemieskes blöäje has
’t Is nag vroeg, má ik denk ás
De kattemieskes wer án ’t gröjje goan
Dá zulle d’r ok gauw wir blome stoan
En is ’t mit de weenter ech gedoan

Mit vastenoavend, ieder joar
Al is ’t boete nag wát zoor
Niks helt meej thoês
Ik halt ’t dá ni miër
Ik zuk dá gauw mien vastenoavendkliër
Dá wuurt ’t tiëd dát ik dees daag wer vier

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


DÁT HEB IK VAN GEN VREMDE
2007/2008 nr.2 : Tekst: Cor Kuipers - muziek: Ron v.d. Beuken Mieterik
Zang: A-MuziCaal, Ger v.d. Bekerom, Thijs v.d. Munckhof en Jan v.d. Munckhof

Refrein:
Dát heb ik ván gen vremde
dát zit d’r beej ós een
dát zit deep in mien gene
mótte ózze pap is zeen
di sjouwt nao álle kroege
zit ‘t lifste óp en kruk
en ik heb dát ge-erft
dörrum kóm ik heer zò duk
dus raeken ‘t meej ni á
‘t leet án ózze Vá
Laatste nazin:
ózze Vá, - ózze Vá, dao.... leet ‘t á)

Di zoën ván ózze’n buurman,
wis ni good wát “erfelijk” waas
en vraog toen án zien vader:
‘Heb ik ok zon lange naas’?
Ze ginge toen ánt maete
en kwaome d’r toen oêt,
tot óp de millimaeter
háj heej krek dezelfde snoêt.

Gister vraog ós Jantje:
zeg hoe zit dát nou met meej,
bin ik nou ‘t zelfde,
‘t zel-lef-de ás geej.
Ik zág: WáI ál dát gójje,
jao dát is hiël frappant,
má aal die minder dinge
hedde ván d’n andere kant.

* cd 2007/2008 : C.V. D'n Dreumel - "Carnaval 2008"


HOME PLAATSNAMENOVERZICHTHOME


DEEN ADAM TOCH
1978 nr.3 : Tekst & muziek: Toën te Baerts
Zang: Toën te Baerts

Refrein:
Deen Adam daen haet zich vergaete
Um stiekum ván deen appel te aete
Wánt háj heej ván de pilskes áfgewiëte
Dán háj heej dát noëits gedoan
Deen Adam deen haet zich vergaete
Wát wás meej dát toch enne dómme jóng
Um stiekum ván deen appel te aete
Toen heej dó beej dát buümke stóng

Eva wás zien vrouwke, joa dát mákte ze ós wiés
Ze laefde same lekker, in dát groëte paradiés
Eva háj zon fijne hoar, mà niks vur um de biën
Ik háj wál in de pláts ván eum dó efkes wille zién
Deen appel ván d’n boëm, bederfde mienen droëm

Ik woar zó gaer mit Eva lekker án de zwier gegoan
’t Wás joamer dát deen Adam
Beej dát buümke mós goan stoan
Wát háje weej ’t good gehad
Ás dát neet woar gewest
Wát deej ik mit de andere, wát deej ik mit de rest
Deen appel ván d’n boëm, bederfde mienen droëm


HOME PLAATSNAMENOVERZICHTHOME


D'N DOEDELZAK
1978 nr.1 : Tekst & muziek: Tiny & Cor Kuipers
Zang: Tiny & Cor Kuipers

Refrein:
Sjeng speult óp d’n doedel, doedelzak
Rakketakketak, óp d’n doedelzak
’t Kán eum állemoal niks mier gaeve, di zak dát is zien laeve
Heej blust zich kapot óp de piepe
En kriegt lame erm ván ’t kniepe
Má heej speult door óp d’n doedelzak
Rakketakketak, in zien sóndags pak
Wánt ás ge ’t nag ni wist:
Sjeng is d’n iërste doedelzakkenist

Enne verre vriend oet Schotland
Di broacht Sjeng is wát mei
Enne laere zak mit piepe
Wát waas meej dát en grei
Heej zoat d’r iërst mej in zien maag
Wát mót ik mit zón ding
Má heej is ’t goan prebere
En ’t ging, ’t ging, ’t ging

Is d’r örges wát te viere
Sjeng is ván de párteej
Mótte eum dà gruts zeen kieke
Gans veuraan in de reej
De meziek di klinkt hiël erg moëi
En ás dát mei ni klopt
Joa dán is ’t wál has zeker
Dá zit d’r en piép verstopt


HOME PLAATSNAMENOVERZICHTHOME


DON JUAN
2002/2003 nr.4 : Tekst & muziek: Kleffe Zök (Paul Beurskens, Wim Duffhues, Cay Kleeven en Gert v.d. Sterren)
Zang: Kleffe Zök (Paul Beurskens, Wim Duffhues, Cay Kleeven en Gert v.d. Sterren)

Refrein:
Waas ik toch ma en Don Juan, zon Casanova, deen versiere kaan.
Aan elke hand daan twië vriendinnekes, de allerleefste Dreumelinnekes.
Waas ik toch ma en Don Juan, doa droëm ik zellef nou al joare vaan.
Ma moëie droëme zien bedrog, ik bin joamer genog vur megjes alliën loch.

Ik bin op eur gevalle, doa in daat klein kefee,
toen ik d'n dörpel miste, en zoë noa binne gleej.
En ie-moal oetgegleje, ik aan eur veut doa loag,
deej zeej net, as-of ze meej neet zoag.

Waorum zeen megjes meej neet stoan?
Waat is d'r misgegoan?

Ik heb mien hart verloare, ma hoe maak ik en kans?
Haal ik eur wat te dreenke, of vroag ik eur ten dans?
Toen ik noa hiël lang denke, de stoute schoon a-trok,
zoag ik daat, zeej met en jong vertrok.

Waorum zeen megjes meej neet stoan?
Waat is d'r misgegoan?


HOME PLAATSNAMENOVERZICHTHOME


DREUMEL DREUMEL DREUMEL
1968 nr.4 : Tekst & muziek: Jo Poels
Zang 1 : Jo Poels
Zang 2 (**) : Horster Zengers

Refrein:
Dreumel, dreumel, dreumel, mak ow now is los.
Dreumel, dreumel, dreumel, vroag ni waat 't kost.
Dreumel, dreumel, dreumel, kunde neet mier stoan.
Geej het 30 pilskes door ow kelgaat loate goan.

3 Daag vastenoavend, 3 daag aan ien stuk.
3 Daag vastenoavend, jong, waat en gelök.
We trekke mit d'n optoch mei, mit en masker op.
En kiekte 's oavends in de zaal, stiet alles op de kop.

Mit en bitje oet de Fles kunnen weej daat ok best,
Waant weej dreumels zien beejiën, schut ma onderiën.
Sjouwe weej 3 daag vur gek door os dreumelland.
Weej make same hiel veul lol, en maerge ne zeeke bol.

* cd 1993/1994 : C.V. D'n Dreumel - "Carnaval 1994"
* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


EN DREUMELINNEKE IN RIO
1985 nr.4 : Tekst & muziek: Fer Hobus
Zang: Fer Hobus

Refrein:
En Dreumelinneke in Rio, oh mama, mama, mama mio.
Mit op de kop en groëte vér, och waat zeej ik daat toch gér.
Ole, ole, ole.
En Dreumelinneke in Rio, oh mama, mama, mama mio.
Lekker danse op de playa, de zurg vur manjana.
Ole, ole, ole.

Oz Truus is mit de carnaval in Rio gewest.
En minse, daat vong die toch zoa fijn ... Ole.
Zeej danste de samba, caramba ole.
En geluuf meej, die ging aas ennen trein.
Begin waas waat moeilik, oz Truus is waat druug.
Ze stond nag waat stief nevve de kant.
Ma noa 'n paar oor waas d'n ozel vurbeej,
en stong ze vaan kop wies tiën in brand ... Ole.

En sinds di vastenaovend is oz Truus hielemoal dol.
Ze zingt en ze danst de gansen tiëd ... Ole.
Vaan vroeg in d'n merge wies deep in d'n nacht.
Zeej kaan urren energie neet kwiët.
Ma smeis wuurt ut meej toch 'n bitje te dol,
en roop ik, "Schei now is vaan gedoan".
Maar as ik daan zeej, hoe oz Truus doa zoë danst,
kaan ik zelf has nimmer blieve stoan ... Ole.

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


EN DREUMELLIEDJE
1981 nr.2: Tekst: ? - muziek: ?

Refrein:
Gef méj mâr en dreumellieje,
op en Vastenoavesmelodiejke.
Gef meej mar ennen dreumeldans,
mit wât Vastenoavendsjans.
Wânt Vastenoavend viëre ôs ni miër te liëre.

Ik bin in de stad weste kiëke,
um de vastenoavend te vergeliëke.
Ma wette wát ik zóng,
toen ik noa en urke ál wer góng ?

Ze keeke méj allemoal á,
en vrooge: "Woa komde geej toch vá ?".
Ik schoot hiel hárd in de lach,
heb ur de leste kiër gezach ...

* cd 1998/1999 : C.V. D'n Dreumel - "Carnaval 1999"


HOME PLAATSNAMENOVERZICHTHOME


DREUMELS, DRÖDJES VÁN PLEZEER
2005/2006 nr.3 : Tekst: Jan Hesen - muziek: Anja Hoeijmakers
Zang (*) : 11-7 (Mark van den Beuken, Leon Jacobs, Wim Peeters, Lambert van Rens)

Refrein:
Dreumels, drödjes van plezeer
kom toch wer 's heer
Ut is begos, 't is begos
maak ow nou ma los
kom oêt di stool en oêt die kiët
volg de preens di veurop giët
maak oow los, maak oow los
't is nou wer begôs

Kiekte nao d'n optocht in de Loevestraot
dán zwaaie weej nao ow met de hiële Raod
wat en greij stiet d'r aan de kant
't is zao schôn in 't Dreumelland

Kraomde op de Viëmert van di schèle praot
dan luustere weej nao ow met de hiële Raod
aal di kwats giet d'r in as kook
't is zao schon op din Dreumelhook

Hoste in de Mèrthal wer us óet de maot
dán loëpe weej veurop met de hiële Raod
elf kels zette zich te kiek
't is zao schon in 't Dreumelriek

* cd 2005/2006 : C.V. D'n Dreumel - "Carnaval 2006: 4x11 Jaor"


HOME PLAATSNAMENOVERZICHTHOME


UT ELFDE GEBOD
2005/2006 nr.4 : Tekst: Wim Hendrix - muziek: Ron v.d. Beuken
Zang (*) : Peter Minkenberg, Peter Hagens en Ron v.d. Beuken

Refrein:
Geej zult vastenaovend viere
Alleluja-alaaf
En ow tot dit fiëst bekiere
Alaaf, alaaf, alaaf
As weej deepgeluuvig waere
En da beej d 'n ellufde zwaere
Goan weej vastenaovend viere
Alleluja-alaaf

Oeijt kwaam Mozes ván den Berg mit de Tien Gebaoje
Èn ellufde dat waas dur ok, ma woj heej ni verraoje
Dat haet heej toen verzwege, haj ie dat ma ni gedaon
Ma weej wiete wat der toen ok beej haj motte staon...

Hiel veul jaore zien ze nou beej ze club van Roeme
Has allemaol van dat gebod al stiekum aan ut droëme
Ze hebbe ozze zaegen, as de werreld zich bekiert
En net as weej gans vanzelf vastenaovend viert

Beej ut bisdom zagte ze les taege den daeke
Den elllufde van den elfde da motte geej gaon praeke
In de kerk drinkt der iene, heer allemaol
Ut ellufde gebod dat zaet, 'dud ze nàg 's vol...'

* cd 2005/2006 : C.V. D'n Dreumel - "Carnaval 2006: 4x11 Jaor"


HOME PLAATSNAMENOVERZICHTHOME


DEN EUROVASTENAOVEND
2001/2002 nr.4 : Tekst: Wim Hendrix - muziek: Petri Vullings-Boots
Zang: Aal HOVOCaal: Auke Dorssers, Koen Hendrix, Pieter v.d. Bekerom & Roel Gielen

Refrein:
Mit den euro vastenaovend viere, doa goan weej veur.
Mit den euro vastenaovend viere, dá liekt alles má halluf zo deur.
Der wurt besteld en má besteld, want 't kost ni zoveul geld.
Ma vur ge 't wet, dá ziedde foeps en "oetgeteld".

't Wurt wal efkes wenne, aan daat neeje geld,
umdaat der nag genne in die euro's telt.
En ok hiel waat minse, zeen die munt ni gaer.
Vaan vandaag op merge zien zeej nimmer miljonair.
Ma miljonair of baedeler, wiej is stinkend riek.
Ik wil ni wiëte op welleke ik liek.

D'n ós vertrouwde gulde haet vort afgedoan.
Der wurt nag allien vaan den euro "oetgegoan".
Overaal betálde mit gelieke munt,
zoedaat ge mit daat geld ok "Rosen Montag" viere kunt.
Vaan dreumelriek tot Gürzenich; jonges daat is gaaf.
Dreumels en Kölle …… …… …… Alaaf Helau Alaaf.


HOME PLAATSNAMENOVERZICHTHOME


FOEMELE
1994/1995 nr.2 : Tekst & muziek: Hay Hesen
Zang (*) : Jack Cuypers & Anja v.d. Munckhof

Refrein:
Ik zui mit oow wille foemele, foemele, foemele,
en same wât goan boemele, boemele, boemele,
want ik ving oow toch zô leef "och, An",
ma wao haal ik nou de mood vandan ?
Sinds dât ik oow wer heb gezi,
en oow vergaete, dât bin ik nag ni.
Kôm laote weej um nag is goan,
wies vastenaovend is gedoan.

Ik ken oow wer trug, nag vân vurrig joar.
Ik krieg has de kriebels, dât is iërlik waor.
Lat os vastenaovend goan vieren,
en same de zaak wât versiere.
Stil's en huur wât ik zeg.
Vân oow bin ik hiëlemoal weg.

Wao de muziek is, doa zulle weej zien.
En let mâr is op, weej ziën neet alfiën.
Jan en âllemân kômde taege,
en niemus, deen is nag verlaege.
Kôm nou en mâk is wât vort,
straks kome weej nag tiëd te kort.

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


DE GANSE SANTEKROAM
1994/1995 nr.1 (L.V.K. 1995 nr.1) : Tekst: Cor Kuipers - muziek: Thijs Cleven
Zang (*) : De Wazelvotte (Rob Achten, Thijs Kleeven & Toen te Baerts)
Winnaar Limburgs Vastelaovesleedjes Konkoer 1997

Refrein:
Strakkes goan we mit de ganse santekroam,
noa d'n hemel, noa d'n hemel.
En Pietrus zaet, geej het 't good gedoan.
Godde geej ma beej daat engelke doa stoan.
En engelke heer, en engelke doar.
't Lifste en engelke met echte engelenhoar.
Strakkes goan we mit de ganse santekroam,
noa d'n hemel, daat is rechsaf beej de moan.

Beej Kaarte wer gen troef, of enne kraan di lekt.
Waat werde saggerijnig vaan en bus die net vertrekt.
Ok vaan en laege knip of en kapotte toet.
Ma maak d'r ma 't beste vaan, want ens, da is daat oet.

'n Wingse weenkelkar of enne slechte buut.
Misschien loepte al roed a, as d'n tap heer dalik sluut.
Of ennen blauwe breef, en oor te laat de krant.
Ma oeits keumt d'r en ende án, án al di trammelant.

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


GATE IN DE BOKS !!!
2007/2008 nr.3 : Tekst & muziek: Joep Hoebers
Zang: Altiëd Noeït Te Laat (Erik van Rengs, Ber van Issum en Leon Geurts)

Refrein:
Ik heb wer gate in de boks vaan gisteroavend
En loag veuls te laat wer op mien iene oer
Din daag vaan gister deen begos zoe veulbeloavend
Ik hai en enkeltje ma mos ok nag retour
De paad na hoes dat zien düstere wege
En ik heb wal drie kier an de kant gelege
Ik heb wer gate in de boks vaan gisteroavend
En os mam die hai ut meej nag zoe gezag

Mien vastenoavespekske wer oet de kas gehaald
Vurig joar nag neej gekocht nag neet gans afbetaald
Tocht zitte dur now gaate in de piepe vaan die boks
Ik kreeg ut in de gate ma wis neet doe dat now kos
Mien mam die zág jong denk now us good noa
Hoe trof ik oow now a mit vastenoavend vurig jaor

Now kost di vastenoavend toch mier da geld alliën
Drie daag op en reej die neeje bokse um mien biën
Iedere merge zit in mien geheuge en groet gaat.
Ut waas wer te gezellig en ik makte ut te laat
Gate in mien boks die kan ik make
Ma ik mot um in ut vervolg wat minder minder minder rake

* cd 2007/2008 : C.V. D'n Dreumel - "Carnaval 2008"


HOME PLAATSNAMENOVERZICHTHOME


GE LEFT PAS ÁS GE ZINGT
1986 nr.3 : Tekst: ? - muziek: ?

Refrein:
Ziede oet de moat en vaan de wiês, of valde oet d'n toën,
al zingde d'r naeve, zing 's mei, zinge is toch zò gewoën.
Waat kán 't gaeve, waat iemus anders d'r va vingt:
Ge halt ás Dreumel ván 't laeve en ge left pas aas ge zingt.

Hedde 's pech of zit 't ôw taege ?
Keumt iën en ander wál êrg óngelaege ?
Ziede d'n Hannes of ziede de klos ?
Zing 's en liedje dá luuëpt 't wál los.

Probeer gewoënweg alle probleme,
's mit en körrelke zalt te neme.
Zing 's waat liedjes, doa zie ze toch veur.
En schmink guf 't laeve daan 3 daag kleur.


HOME PLAATSNAMENOVERZICHTHOME


GEEH, HEEJ EN IK
1988 nr.1 : Tekst & muziek: Hay Hesen
Zang: Noeijt Pries

Refrein:
Geej, heej en ik, weej hebbe enne vastenaovendstik.
Heej en ik en geej, we zien de iërste en 't lest d'r beej.
Ik en geej en heej, we veule os nou echt wer vreej.
Kom d'r ma beej os achternoa, de vastenoavend is wer doa.
Kom nôw ma gauw achter ôs a, mit ôwwe ganse heisasa.

Iëder joar, dát is woar, stoan weej mit os huudje kloar.
't Is wer vastenoavend, iëder joar, dát is woar,
mit en bitje griezer hoar, ma dát is vur ôs ga gen bezwoar.
Zolang 't ka goan weej nag ieders kier.
Misschien da giet 't strakkes waal ni mier.
Doarum, woarrum, vroag nou ni woarrum.

Zinge heej, springe doa, loepe mooders megjes noa,
mit de vastenoavend, ieders kiër wer opneej,
stoan weej veur in de reej, goan ok mit de borebrullef mei.
Zolang 't ka zien weej d'r aaltied beej,
geej allemoal en geej en ik en heej.
Doarum, woarrum, vroag nou ni woarrum.

* cd 1997/1998 : C.V. D'n Dreumel - "Carnaval 1998"


HOME PLAATSNAMENOVERZICHTHOME


GEEJ ZIET 'T MOËJSTE
1985 nr.3 : Tekst: Dorothe Cox & Cor Kuipers - muziek: Dorothe Cox
Zang: Dorothe Cox

Refrein:
Geej ziet 't moëjste waat ik heb.
Geej ziet 't leefste waat ik ken.
Geej ziet 't beste waat meej oëjt is ovverkome.
Denk ik aan ow, daan zeej ik honderddoezend blome,
in ennen óptoch di ma noëjts veurbeej zal goan.
De vastenoavend zoonder oow is griês en kald.
Ge moot toch wiëte daat ik zovveul ván ow hald.

De vastenoavend waas dát joar zò kald.
Ze strouwde vur d'n optoch oêt met zâlt.
't Sniëjde en 't waejde, joa, 't waas ontzettend zoor.
Ma toen ik ow zoag, brook de zón d'r door.

Vier ik nou vastenoavend in de stroat.
Joa, zoonder oow wet ik meej genne road.
Ma aas geej daan wer beej meej ziet, daan giët 't allemoal.
Geej ziet mien allerleefste zónnestroal.

* cd 1993/1994 : C.V. D'n Dreumel - "Carnaval 1994"


HOME PLAATSNAMENOVERZICHTHOME


GEN HEN MAR ENNEN HAAN
1979: Tekst: ? - muziek: ?

Refrein:

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


GENIET VAAN UT LEAVE
Tekst: ? - muziek: ?
Zang (*) : Levensvreugd

Refrein:

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


GESTOALE HART
2003/2004 nr.4 : Tekst: Wim Hendrix - muziek: Petri Vullings-Boots
Zang: Marion Peeters-Boots & Ron v/d Beuken

Refrein:
Ik heb mien hart verloare, ma zoonder pien of spiet,
verloare aan de waore, mien hart dat bin ik kwiet.
Toch veul ik ut te kier goan en wiet wao dat aan leet,
want zuj ut der van stilstaon, daan klopte der iets neet.

Mien hart, dat is gestaole door ennen hartendief.
Toch loep ik te straole, ik bin gewoen verliefd.
Want ut vult wal lekker dat ik mien hart verloor.
Al mis ik miene wekker, den tied tikt vur os door.
En ik bin elken daag wer hielemaol van slaag.

Ik waas mien hart aan't luchte, daodoor is ut gebeurd.
Nou zit ik te verzuchte, hoe lang dat dit zoe deurt.
Ut kreeg meej te pakke en leep toen oet de hand.
Ik doch, ik zit gebakke, ma staj nou gans in brand.
Dat veur wurt ni geblust umdat geej meej wer kust.


HOME PLAATSNAMENOVERZICHTHOME


GÒDDE MÈJ
Tekst: Piet Keijsers - muziek: Hay Hesen
Zang(*): Dreumelkoër

Gòdde mèj met vastenaôvend,
Dán gaon weej lekker oèt.
Wát èn greij met vastenaôvend,
Èn masker op ów snoet.

Às weej dan d'r enne drînke,
Òs gleskes laôte klînke.
Dán veul ik meej ôk wer gàns ás neej,
Ik kán de gànse werreld dán wer aan.

Èn glaas beer, of twië, drie, veer kunme we lichtig aan,
Naô en rundje gaôn we d'r wer duchtig tèggenaan.
Ùt is òs aal wer um ùt aeve,
Dîn aan de beurt is mot en rundje gaeve, rundje gaeve.

En dán prooste weej wer op de milde gâever,
En Áswoonsdág kriegde gènnen drúëge lèver.
En zeej ik èn schon mègje loëpe,
Dénk ik beej meejzelf wát is ùt laève schòn.

Jòng jòng jòng, joa zò schòn,
Jòng jòng jòng, joa zò schòn.

Mègje gòdde met meej mèj,
Wilde geej neet met meej mèj?
Drînke weej èn glèske beer,
Twië of drie messchien wàl veer.

Mien verstand dát sliët op hòl,
Joa ik krieg ùt in d'n bòl.

En de lòch en de lòch ruukt nar pàprika,
Às d'n hemel, hemel, hemel tralala.

Gòdde lekker mèt meej mèj,
Gòdde lekker mèt meej mèj.
Zien weej sâme dán beejiën,
Drînke d'r èn in de maôneschien
Mien verstand dát sliet op hòl,
Joa ik krieg ut in d'n bòl.

En de lòch en de lòch ruukt nar pàprika,
Às d'n hemel, hemel, hemel hiep hoera.

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


GOULASH
Zang: Serf Smits & de AMC zengers

Vroeger toen ùt nog rûstig woar, rûstig op ut werk.
Toen oate ze nog groete stukke verkes achterwerk.

Refrein:
Má…. now d’n tied vort sneller giet now is dat ni mier good,
Now mòte ze wat heiters heiters heiters in dat blood.
Hej hej goulash, goulash mot ut zien.
Goulash vleis en goulash soep en goulash in de poep joa joa joa.
Hej hej goulash, goulash mot ut zien.
Goulash vleis en goulash soep en goulash in de poep hej.

Vroeger toen ùt nog rûstig woar, woar d’r genne mot.
Ze oate toen nog stukke spek en boene oet de pot.

Vroeger toen ùt nog rûstig woar, worte ze hiel ald,
dat kwoam van al dat geitevleis en hiering in ut zalt.

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


GREUNE ZIEP
Tekst: ? - muziek: ?
Zang : Um en Um (Math Craenmehr en Wim Hendrixks)

De sopkeatel wuurt heit gestokt, zolang wies aal 't water kokt.
Daan in de kuup en ien vur ien, woarte gewasse van kop tot tien.
't Is of ik 't nog vur meej zeej, as nummer zeuve in de reej.
De veut wat zwart, de neagel fies, 't water aal waas blauw en gries.

Refrein:
Greune ziep zonder o'klok,
en d'n borstel gebroekte mooder ok.
Greune ziep, niks waas gezonder,
en op 't end nog efkes kupke onder.

De pyama waas al kloar gelag, noa bed pas um en oar of ach.
Neagel geknipt, de hoar gekemt, en schonne oonderboks en hemd.
De greune ziep, die rook nog fris, op zondaagmerge in de mis.
Ma daags d'r noa, haj mam 't zwoar, umdat ok daan wir wasdaag woar.


HOME PLAATSNAMENOVERZICHTHOME


DE HÁRMENIE
1983 nr.4 : Tekst & muziek: Fer Hobus
Zang: Sraar v.d. Beuken, Fer Hobus, Wim Moorman

Refrein:
Huur doa, doa keumt de hármenie, huur ze toête, huur ze bloaze.
Kiek doa, doa is de hármenie, zit ze loëpe, zit ze kroaze.
Al is dát wát ze speule ok neet allemoal in de moat,
de hármenie die brengt toch aaltied laeve in de stroat.
En ás ze oêtgebloaze ziên daan hebbe de miëste doars.
Dát is de Keuninkleke Toeteklup van Hoars.

De keuninkleke Hármenie ván Hoars die is ál áld.
Joa, die bestiët ál joare.
Die is, zoä weurt ós oet de hiele alde beuk verteld,
in achttienhoonderdzuvventien geboare.
Oet de waeg, doa keumt ze hin, en dát guft zon góje zin.

En iëne kiër in de zovveul joar, dá mótte ze óp konkoer.
Joa, doa kunne ze ni boête.
Ennen iërste priês mit lof of ennen derde priês mit niks,
't is má net wò good of dát ze toête.
Ma ze halde góje mood wánt dát zit eur in 't blood.

* cd 1993/1994 : C.V. D'n Dreumel - "Carnaval 1994"


HOME PLAATSNAMENOVERZICHTHOME


HÁRT IN DE WÁR
1990 nr.2 : Tekst: Felix van Haren - muziek: Felix van Haren, Mien Vermeeren & Mieke Brinkmans
Zang: Mien Vermeeren & Mieke Brinkmans

Refrein:
Hoe zui ’t kome dát ik mit vastenoavend
Zó duk mien hárt verlis en iedere kiër má wer?
’t Liekt daan allemoal zò moëj en veulbeloavend
Zui dát nou kome dór ’t beer of dór de sfeer?
Ik wiët ’t ni. Kán iemes meej dát zegge?
Daan zui ik ech gelukkig ziên dees gekke daag
Wilde geej efkes haelpe um ’t oêt te legge?
Want ânders blief ik kriebels hâlde in mien maag

Ván ’smaerges vroeg tot in de middág
Loëp ik dór de stroat
Mien gedachte ziên ni béj mekaar
Och dát kán toch gen kwoad
Tot ’saoves toe má aevegood
Ik kóm d’r nag ni oêt
Dát ik alliën bin mit zon verlifde snoêt

Ik zéj d’r loëpe mit dees daag
En dát zien d’r nag al wát
Has ’t zelfde ás ik en dán daenk ik:
“Nou die hebbe ok ni dát”
Die prakkezere en dát motte eigelik gaar ni dó
Gewoën d’r teggen-á
Má mien vroag blieft dá wál stó


HOME PLAATSNAMENOVERZICHTHOME


HEI GODDE GEEJ
1990 nr.3 : Tekst & muziek: Wim Duffhues & Rob Driessen
Zang: Wim Duffhues & Rob Driessen

Refrein:
Hei godde geej neet mit meej mei ?
In deze vastenaovestiëd wil ik det geej beej meej ziëd.
Hei, godde geej neet mei mit meej, noa iën of ander leuk kefee, dan wuurt dees carnaval okee.

Ik stong ma wat te kiëke noa d'n optoch, zô stil en gans alliën.
Doa kwoam toch zon schon megje dat meej opzoch, zeej woj waal beej meej ziën.
Zeej keek meej leef a en ik kreeg en roeje kleur, det megje stelde toen a meej veur...

Ik heb det megje doa neet loate stoan, weej ware en aardig stel.
Al hossend ziën weej door ut dörp gegoan, op meziek vaan en joekskapel.
Dus ziede geej allïen, nou daan deut ma neet zô flauw, stap op en megje af en vroag d'r gauw...

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


HENNE ZIEN GEN HANE
1978 nr.2 : Tekst & muziek: Jan Derix & Joep Stroeken
Zang: Jan Derix & Joep Stroeken

Refrein:
Hene zien gen hane
En sproan is genne jiets
En kat is genne kater
En ped is genne fiets
En megje is gen jungske
Dát wet heer iederiën
Má woa ’m dát nou krek i zit
Ni in de kleinen tiën

Vroeger thoés, ik wás de klenste, gen beneul
Zoag ik de verkes, zoag de koewe, wós ik veul
Má ós mooder haet meej later oétgelag
En nou sloj ik genne flater
Maaj haet ze zò duk gezag

Teggeswoardig in ’t laeve, ’t is zò schon
Keumpt zon bruudje beej ów naeve joa en won
En dán denk ik aan die joare in de wei
Kiek neet zoë, ik bin verloare
Dá zing ik nou tussebei


HOME PLAATSNAMENOVERZICHTHOME


HOCKEYCLUBLIED
2000: Tekst: ? - muziek: ?

Lang lève HCH

Weej zinge heer oet volle borst 't Lied van allegaar.
't Strijdhed van de hokkieclub, 't Lied van HCH.

Refrein:
Ha li, ha lo lang lève, lang lève HCH.
Ha li, ha lo lang lève, lang lève HCH.

Enne wedstrijd thoes, da motte d'r zien, 't is ok vur oow plezeer.
Ge kunt stoan schriewe an de lien, bej en lekker fleske beer.

't Is gezellig ozzen troep, gèn mins, din os wat deut.
Din iene din dat toch probeert, deen is dan de pineut.

En as ze oet goan speule, en verleeze met ien-nul,
dat kan os niks mier schille, onder 't drinke van en pul.

't Is zo fijn bej ozze klub, och mins, wat bin ik bliej,
um net as aal die andere, bej ozzen troep te zien.

* cd 1999/2000 : C.V. D'n Dreumel - "Carnaval 2000"


HOME PLAATSNAMENOVERZICHTHOME


HOVOC NUMMER IËN
2001/2002: Tekst & muziek: Bob Soberjé & Jac Jeurissen
Zang: Leeje ván Hovoc

In de speultuin zien we allemoal begónne
't Ging toen nog alliën már vur de lol
D'n iërste wedstrijd hedde da gewónne
D'n baekerkast di keumt gauw biëstig vol.

Refrein:
Joa weej zien d'r mej gebaore
En weej gaon d'r mej nao bed
Laot már 's huure wát geej in ôw het..........
Hovoc, Hovoc nummer iën
Hovoc is de club jao vur iederiën
Hovoc volleybalplezeer
En af en toe 'n lekker gleske beer
(H.O.V.O.C. HOVOC OLE)

An 't eind van 't jaor, laote weej os droppe
In d'n duuster sjouwe weej daan in 't roond
De veut vol blör, toch zien weej neet te stoppe
Want volleybal mákt alles wer gezoond

leder jaor is 't 'n vast gegaeve
Gans Hors volleybalt daan mit os mej
'n Schon toernooi, kunde daan belaeve
Lekker balle boéte in de wei

Hovoc, Hovoc nummer iën
Hovoc is de club jao vur iederiën
Hovoc volleybalplezeer
En af en toe 'n lekker gleske beer
En af en toe 'n lekker gleske beer
Vur jong en ald'n biëstig gooje sfeer.


HOME PLAATSNAMENOVERZICHTHOME


HUUS KIEKE
Tekst: ? - muziek: ?
Zang (*) : Um & Um

Refrein:

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


EN HUTJE OP DE HEI
1997/1998 nr.4 : Tekst: Cor Kuipers - muziek: Thijs Kleeven
Zang: De Wazelvotte

Refrein:
Ik woj zô gaer... en hutje op de hei.
En hiël klein hutje, já zon hutje, zon hutje vur ós állebei.
Keumt de zón, da goan de remkes oape.
Giët ze weg, dán goan we lekker sloape.
Mit en geit, wát schöpkes en wát henne.
Ik zöj oow doa mien gánse laeve lang verwenne.
Leeve, schat dát woj ik zó gaer.
Gewoën te laeve, já te laeve ván de liefde en 't waer.

Ik zörg vur, de kachel en mélk ok de geit,
bak oow en spegeleike, ás geej mien zökskes breit.
We loaten ôs ni jage, we loaten 't már goan,
en droëme die we hebbe, die loate we bestoan.

Wilde ós bezeuke, álliën of állebei,
't schouwke zidde roëke, doa áchter op de hei.
Ik dörf has te wedde, ás geej ôs hed gezeen,
dán bouwde ok zon hutje en kroepte d'r samen een.

* cd 1997/1998 : C.V. D'n Dreumel - "Carnaval 1998"


HOME PLAATSNAMENOVERZICHTHOME


D'N IDEALE
2003/2004 nr.2 : Tekst: Cor Kuipers - muziek: Jac Hanssen
Zang: Vera Hendrix, Suzanne Keizers, Nicole Lemmen

Refrein:
Geej ziet d'n ideale, d'n ideale kel.
Ás geej meej ni kómt hale, da daenk ik dát ik bel.
Geej ziet d'n állerbeste, ziet werkelijk enne kei.
Geej het, um zoë te zegge, álles mei.

Ik ken ów ál joare, joa ál joare án iën stuk.
Weej zien vuriën geboare, geej ziet precies wát ik zuk.
En dát geej vroeger óp de schoël, wál viëf kier zitte bleef,
't hofd niemand te wiëte wánt geej ziet meej net zo leef.

Ok die schriepel biëntjes, joa, moëi ving ik die ni.
en zon grove staekelhoar heb ik nag noëits gezi.
Ów gezicht, dát is wál wenne, ma och, dán daenk ik ma:
Toen ze oét an't diële woare, stóngde geej gans achter a.

Ma toch ziede d'n beste en weurum dát wette waal.
Geej ziet d'n állerlifste, vur meej ech ideaal.
't Woar en bitje ploage, ik mákte ow wát zwárt.
Geej ziet d'n ideale, want geej het en goude hárt.


HOME PLAATSNAMENOVERZICHTHOME


IËN EN TWIË IS DRIEJ
1983 nr.3 : Tekst & muziek: De Wazelvotte
Zang: De Wazelvotte (Toen te Baerts, Thijs Kleeven & Cor Kuipers)

Refrein:
Iën en twië is driej.
Mit vastenoavend kieke alle dreumelinnekes wer blie.
Driej en driej is zes.
Kom op nôw jonges, dut de hand is oet de taes.
Waat enne wazel !!! Zes en twië is ach.
Joa, we pakken ôs mekaar en goan daan door wies in de nach.
Ach en twië is tien, en deen nî weg is, deen is gezien.

Doortje van os naeve, die haj nag noeits gevreejd.
Ze deej aalt wát verlaege, ma waas toch waal beneejd,
En net mit vastenaovend, wie haj dát oeijts verwach.
Ze leep noa enne jong toe, en wette wát ze zach ... Veer- driej-twië.

Oma waas al tachentig, ma toch nag good ter biën.
Ze zach toen taege opa, wát zitte weej alliën.
Wette nag vaan vroeger, toen ik doa vur ow stong.
Mit vastenaovend in de zaal dit liedje vur ow zong ... Veer- driej-twië.

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


D'N IËRSTE
2008/2009 nr.2 : Tekst & muziek: Joep Hoebers
Zang: Halluf laeg (Joep Hoebers, Marc Aerts)

As junkse op de basisschoel haaj ik nog gen beneul
D’n oetleg vaen de rekenles vong ik ma flauwekul
Een aantal joare later…. denk ik nog aan den tied
Ik wer heej als ma zatter do van krieg ik merge spiet

Refrein:
Is dit d’n iërste van vandaag of de leste vaan vanach
Is d’r iemes di dat wet
Want en glaas kan halluf laeg zien of half vol wurd zoë gezach
Haet d’r da niemes opgelet

D’n ober zei och junkske kom nou toch es heej
As geej d’n tel gans kwiet ziet starte toch opneej

Is dit de iërste vaan vandaag of de letste vaan vanach
Dat hedde zelluf in ow mach

Nou heb ik is good noagedocht wat deuj ik now verkiërd
Ik heb heer ok ni um gevrocht mien lesje wal geliërd
Ma mam zei kunde telle da tel d’r ma ni op
Want noa drie kier probeere stiët ow werreld op de kop

* cd 2008/2009 : C.V. D'n Dreumel - "Carnaval 2009"


HOME PLAATSNAMENOVERZICHTHOME


IK BIN ALLIËN
1980 nr.4 : Tekst & muziek: Toen te Baerts
Zang: Annemie Moorren & Annebert v.d. Munckhof

Refrein:
Ik bin alliën, joa gans alliën.
Wie zui meej in de ermkes wille nemen ?
Ik bin alliën, joa gans alliën.
Aas meej en jungske zuut, dá nimt heej gauw de biën.
En ik bin neet verlaege, geluéf dát ma geröst.
Ut velt echt neet taege, ás ge meej het geköst.

Ik bin en Limburgs megje ván twintig lentes alt.
Wát ik mit aete noëjts gebroek, is paeper en ut zalt.
Misschien is dát de reeje dát ik bin blieve stoan,
dát d'r nag noëjts en jungske mit meej is mej gegoan.

Ik leep dór alle stroate, ván 't Brook toet án de hei.
Má dát zeuke bate neet: genne jong leep mit meej mei.
Ik heb ok loëpe zeuke hee tusse Piël en Maas,
má kreeg doa ván gen jungske en kusje in 't graas.

* cd 1993/1994 : C.V. D'n Dreumel - "Carnaval 1994"


HOME PLAATSNAMENOVERZICHTHOME


IK BIN ZO BLIEJ
2002/2003: Tekst: Wim Hendrix - muziek: Petri Vullings - Boots
Zang: Joske Peeters

Refrein:
Ik bin zo bliej, ik bin zo bliej,
driej daag gen K-driej.
Ut ganse joar zing ik eur melodietjes,
má mit vastenoavend wil ik vastenoavesliedjes.
Ik bin zo bliej, ik bin zo bliej,
K-driej, leg ik driej daag lang opziej.

Ik bin ennen hielen echte K-driej -fan,
diej meide woaván ik has álle liedjes ken.
Want eur CD's waere geheid,
zo good as elken daag gedrejd.
Ma nou wil ik efkes waal waat anders huure.

Groëte meense neume ut ma kienderpop.
Driejhoonderdtwieënzestig dage zien ze top.
Ma keumpt de K van karnaval,
dat giet K-driej driej daag op stal.
Mit karnaval wil ik waat anders huure.


HOME PLAATSNAMENOVERZICHTHOME


IK GAJ NI MIËR
1993/1994 nr.3 : Tekst: Henny Spreeuwenberg - muziek: Toën te Baerts
Zang (*) : Jack Cuypers

D'n optoch is vurbeej, 't waas en bitje kâld.
Umdaat ik toch waal vaan 'n lekker gieske hâld,
ging ik na 'n kefeke, en zat meej aan ’t buffet.
Ik veel has vaan de kruk, ik zoat 'r nag ma net.
En 's oaves toen de ândere wojje goan,
Kôs ik has nimmer bliëve stoan.
Ik heb has altiëd pech en gluüf ma wat ik zeg.

Refrein:
Ik gaj ni miër, ik gaj ni miër en daan deuj ik ’t toch wer.
Ik gaj nag iëne kiër.
Ik ben waal vreejgezel, meschien waal mien geluk,
ma noa de vastenoavend, da hal ik voot beej stuk.
Ik gaj ni miër, ik gaj ni mier.
Joa, iën ding wiët ik zeker, dit is de leste kiër.

Ik vrog meej waal is âf, woa heb ik daal toch va ?
Daat ik mit vastenoavend, daat noëits ni loate ka.
Ik haj meej veurgenoame, dit is de leste kiër,
want na't hiëringschelie, da zi ze meej ni miër.
En wilde deensdaags na de brullef goan,
da zulde meej doa ni zi stoan.
Ma gluuf meej waat ik zeg, ik heb has aaltiëd pech.

* cd 1993/1994 : C.V. D'n Dreumel - "Carnaval 1994"


HOME PLAATSNAMENOVERZICHTHOME


IK HALD TEVEUL VAN OW
1984 nr.2 : Tekst: ? - meziek: ?
Zang: Dorothea Cox

Refrein:
Ik hald teveul van ow, um kwoad op ow te blieve.
Ik hald teveul van ow, um kwoad op ow te zien.
Geej ziet mien ster, mien moan, mien zunke,
vlig neet weg as en ballönke.
Blief beej meej, 3 daag beej meej.
Geej ziet mien ster, mien moan, mien zunke,
vlig neet weg as en ballönke.
Blief beej meej, 3 daag beej meej.

Ut laeve is neet aaltied röezegeur en moaneschien.
D'r zal waal aalzeleave wat neet gans in orde zien.
Pas ow is aan en hald de oere neet te stief.
Zon bitje herrie haet duk gaar niks um 't lief.

Ut is mei hiel onnuezel, woa d'n heibel um begint.
Ge zit doa daan te knoaje ovver iets waat ow ni zint.
En daan inens schit ik wer lellik oet de slof.
Ma toch ving ik daat ik mit ow ontzettend bof.

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


IK HEB HURE ZEGGE
2006/2007 nr.4 : Tekst: Cor Kuipers - muziek: Thijs Kleeven
Zang: A MuziCaal

Refrein:
Ik heb hu-re zeg-ge, dát de wer-reld has ver-giët
-------- dat is wál ba-le -----------
Pas nò vastenaovend, zò wiet âs ik ‘t wiët
--------- ás we dát ma ha-le -----------

Jao ‘t is hiël zeker, ze hebbe ‘t veurspeld
dát nò vâstenaovend, ós daag heer zien geteld
en dát we dá inaens mit enne`n hárde slaag misschien
ál-le-maol en-gel-kus zien

Joa joa ze hebben 't vurspeld,
dát os daag heer zien geteld
en weej beej iëne slaag misschien
engelkus ziën

Ge het duk ván die profiëte die veurspelle állerhand
doon net ofdat ze 't wiëte, doon baere-intresant
ma wát ze ok veurspelle, ‘t lut meej eigelijk álmaol kâld
nim álles wát ze zegge, met en haffel zâlt

Nim ‘t zekere, vur ‘t zekere, wánt misschien is ‘t wál waor
zet de bleumkes boête, dit vastelaoves-jaor
Zuj ‘t zien gelaoge, klopt d’r gen dónder ván
dán is d’r niks verlaore, fiëst zoë veul ás dát má kán

* cd 2006/2007 : C.V. D'n Dreumel - "Carnaval 2007"


HOME PLAATSNAMENOVERZICHTHOME


IK KÁN VANDAAG DE GANSE WERELD Á
2004/2005 nr.1 : Tekst: Cor Kuipers - muziek: Thijs Kleeven
Zang: Thijssen en Co

Ge het ván die daag, 't laeve lacht
ut luüpt ge-oliëd zoëgezágd,
iederiën din tegge ów waenkt
zonn'n daag dát ge daenkt
Huf de glaas umhuüg
want we hâlde 't vandaag ni druüg

Refrein:
Ik kán vandaag de gânse werreld á (He-ho-ha-ha)
't liekt ás-of heer werkelijk álles ká (He-ho-ha-ha)
Heer wuurdt nag lang aover nao-geprot
deze'n daag ká nimmier kapot
ik kán vandaag de gânse werreld á (He-ho-ha-ha)
ik kán vandaag de gânse werreld á (He-ho-ha-ha)

Aaltiêd ás ik vastenaovend vier
goj ik ás enn'n tierelier,
ik vul meej ni-j, bárs ván de zin
of(dát) ik tien jaor jónger bin
Huf de glaas umhuüg
want we hâlde 't vandaag ni druüg


HOME PLAATSNAMENOVERZICHTHOME


IK WIËT VÁN NIKS
2009/2010 : Tekst: Cor Kuipers – muziek: Ron van den Beuken
Zang: A-MusiCaal

Refrein:
Ik wiët ván niks en kóm ván näörges,
ik loëp mien neus ma’r achternao
Da kóm ik ált vánzelf äörges,
is ‘t ni heer dán is ‘t dao.
En vur de rest lot ik ‘t loëpe
ik lot ‘t ma zien gengske gaon
En goj d’r meej nou enne koëpe
vur dát ‘t dalik is gedaon
Tra-la, tra-la, trala la la la la

Goj ik met de vastenaovend stappe,
da goj ik zoëma äörges hin
ik daenk aalt: Och wao ze tappe,
kriegde vánzelf gójje zin
wao ik daonao terech kóm dat zit nag in wiej zek
’t kán meej niks verschille, ’t keumt zich ni zao krek

En ás ze meej dágsternao da vraoge
wao ziede gister aal gewest
da zeg ik: ‘t is ni gelaoge
ma ik waas wer ‘t állerlest,
ma wao..? dát wet ik ech ni,
‘t mákt meej ok gen bal
ge wet toch dát ik zoë-iets,
zoë-iets toch noëits ónthal.


HOME PLAATSNAMENOVERZICHTHOME


IK ZUI ZÒ GAER
1980 nr.1 : Tekst & muziek: Jochem Cox
Zang: Dorothe Cox

Refrein:
Ik zui zò gaer, zò gaer nag efkes blieve.
Ik waas zò gaer, zò gaer nag efkes heer.
Al zal ós mam, ós mam ok duchtig kieve,
má ik hald vá lol, vá laeve en vá veul plezeer.
Ik hald vá lol, vá laeve en vá veul plezeer.

S:
Aas pap wer rippetiesie haet, Wette wát os mam dá zaet:
M:
"Mák ut neet te laat vánnach, wánt geej wet toch dát ik wach.
Drink neet zovvul beer, en ziet óp tied wer heer".

S:
Ieder joar mit Carnaval, huurde dát gejoamer al:
P:
"Got nou neet te lang ván hoes, menke, ziet óp tied wer thoes.
Mák ut neet te bönt, wánt dát is neet gezoond.

* cd 1997/1998 : C.V. D'n Dreumel - "Carnaval 1998"


HOME PLAATSNAMENOVERZICHTHOME


IN HORS AAN DE MAAS
2000/2001 nr.6 : Tekst & muziek: Jac Hanssen
Zang: Huub Cox & Chris Winkelmolen

Refrein:
In Hors án de Maas wil ik laeve, in Hors án de Maas, dao wil ik zien.
Gen ander pláts waor ik zoe 'm kán gaeve, umdát ik zò gaer in Hors wil zien.
In Hors án de Maas, daor is mien plekske, in Hors án de Maas, dao stiet mien hoes.
't Lifste goj ik nao mien Horster stekske, want in Hors..., jao in Hors...,
jao in Hors, daor án de Maas veul ik meej thoes.

Ik zworf mei wát verlaore, dór 't schonne Limburgse land,
en vierde vastenaovend heer en dao.
't Waor mei ok wál schon, már ik vulde gennem band,
dus toch ma terug nao Hors gegaon.

Weej gaon mei op vekansie, daor in 't boeteland,
en zien dán mei ok hiel erg wied van hoes.
Ze spraeke dao gans anders en ge lest ok genne krant,
már eigelik zien weej leever thoes...

Zoe woene weej ál jaore, 't giet ós heer zo good,
weej halde ván ós dörp 't állermiest.
Dao wao weej zien gebaore, lefde vol goje mood,
in Hors, daor is 't aaltied fiest.


HOME PLAATSNAMENOVERZICHTHOME


IN OS VOLGEND LAEVE
2007/2008 nr.1 : Tekst: Koen Hendrix - muziek: Koen Hendrix & Ron v.d. Beuken
Zang: Ma Veer !

As weej heer vertrekke begint ut wer vuraan
Tenminste daat stiet heer en dao geschreve
Ik haop ma daat daat woar is, want daan gaon weej d’r wer aan
Weej wille heer wer reïncarnere

Refrein:
In os volgend laeve zien weej d’r ok wer beej
Um d’n vastenoavend heer te viere
In os volgend laeve zien weej ok wer heej
Daan hove weej ut neet opneej te liere

Weej haope terug te kome ok noa deze kier
Um heer de vasteoavend te belaeve
Ik haop daat daat giet lukke, want daan viere weej wer wier
En reïncarnere beej ut laeve

Weej versliete hiel waat laeves door de joare hin
Zien zelfs d’n tel al kwiet gewaore
Ma door de vastenaovend, wille weej wer terug
En waere op d’n 11e herbaore

* cd 2007/2008 : C.V. D'n Dreumel - "Carnaval 2008"


HOME PLAATSNAMENOVERZICHTHOME


JOA, DOA LEET IE !
2008/2009 nr.1 : Tekst & muziek: Erik van Rengs
Zang: Altied noeit te laat (Erik van Rengs, Ber van Issum, Leon Geurts)

Refrein:
Jao dao leet ie, jao dao leet ie, jao dao lee-heetie
Och wát kiekt ‘t menke muuj
Jao dao leet ie, jao dao leet ie, jao dao lee-heetie
De ganse aovend zaot ie in ‘n gooje buuj
Ma ‘t látste urke gaon de oëge neet miêr aop
En velt dán ok hiêl röstig beej enne stapel jes in slaop
Jao dao leet ie, jao dao leet ie, jao dao lee-heetie
Jao dao leet ie met zien dúmke in de moond

De buurvrouw ván mien buurvrouw ging met eure kel op paad
Same nao ‘n joekzig bâl, dán wuurdt ‘t miestal laat
Tot in ‘t allerlátste oor laog ‘t tempo hoëg
En door ál die drukte verloor z'um oêt ‘t oëg
En wette wát ze zóng toen z'um in ‘n hukske vóng

Ze naom ‘m mej nao hoês toe, ma dát ging neet ál te vlot
En dao aangekome waor de veurdeur nag op slot
Heej woj ‘r toen nag helle-pe en zat ‘s duchtig á
Met deur en aal nao binne toe, dát kriede dao dán vá
En wette wat ze zóng, doen z'um beej de kapstok vóng

* cd 2008/2009 : C.V. D'n Dreumel - "Carnaval 2009"


HOME PLAATSNAMENOVERZICHTHOME


DE KEUNING TE RIEK
1996/1997 nr.4 : Tekst: Wim Hendrix - muziek: Hay Hesen
Zang: Yvonne van Rens

Refrein:
Âs ik 't âllemoal bekîek, zien weej de keuning te riek,
want heer kân iedere meens laeve âs enne preens.
De nar, di spent de kroën, heej zit driej daag op den troën.
Weej zien dân allemoal geliek, en veulen ôs,
(weej veulen ôs, weej veulen ôs) de keuning te riek.

Smeis hedde dit, smeis hedde dât.
D'r is has aalzelaeve wât.
Daan is 't zoë, daan is 't zus.
Smeis in de min, smeis in de plus.
Má ...

Smeis is 't grauw, smeis is 't gries,
dá wer 't aardse paradïes.
Dá wer te wérm, dá wer te kâld.
Smeis is 't joonk, smeis wát te âld.
Má ...

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


KIEK 'S NOR OOW EIGE
1998/1999 nr.3 : Tekst: Wim Hendrix - muziek: Petri Vullings-Boots
Zang (*) : Marion Boots & Hay vd Beuken

Kiekte in de spegel, da zidde dao állicht,
of toch wál in de regel, en hiel bekend gezicht.
Ma smeis ás ik meejzellef zeej, ok les wer enne kier,
dán denk ik "Zeg wie ziede geej?", ik ken meejzellef ni mier.

Refrein:
Kiek, kiek, kiek's nor oow eige, kiek 's nor owe kersepit.
Kiek nou toch 's nor oow eige, ge wet ni wát ge zid.
Zien dát mien oege, neus en haore, ge denkt: "Ooh nae, oewie!!
Bin ik daomej gebaore? Zoe guf 't d'r gen twie".
Már ás ge good in de spegel kiekt, da bliekt dát wát ge zid toch ech wál op oow liekt.
(Da bliekt, dát ge liekt, op di kierewiet di nor oow kiekt)

Halde iemes anders e spegel vur de snoet,
"Zoe ziede veranderd, zoe zidde d'r oet".
Ze zegge da verwoonderd: "nae dát wis ik ni,
Dát is gewoen biezoonder, 'k gluuf mien eigen oege ni".
Um 'n oor of zeuve, nor enne korte slaop,
en nor aal 't preuve, de uugskes amper aop.
't Zál um ech ni gaaje, wát ge da kunt zi.
Die vouwe en die vaaje, ziede dát zellef nou of ni ???

* cd 1998/1999 : C.V. D'n Dreumel - "Carnaval 1999"


HOME PLAATSNAMENOVERZICHTHOME


KOOM D'R BEEJ
1984 nr.4 : Tekst: Jac. Wismans - muziek: Thijs Kleeven
Zang: Geej twië en Ik

Refrein:
Koom d'r beej, koom d'r beej, d'r is nag aalt waal en klein plekske vreej.
Nou ma ni lang noagedooch, want d'r is nag plaats genoog.
Leef Marie, schuuf 's oopziej, da is d'r waal wir plaats vur drie.
Aal stodde mei ok achter in de reej, d'r kaan d'r aalt nag enne beej.
Aal stodde mei ok achter in de reej, hupsakee, ik wil d'r beej.

Graad woar mit de vastenoavend oetgegoan,
mit de fiets is heej zien hoes goan zeuke.
D'n allerletste boëm zoag heej ni stoan,
doa loag ie da, vol blutse en vol deuke.
In 't zeekenhoës stoong iederiën aal kloar,
en waat huurde Graadje doar ?

We kwoame in en zaak doa woar 't druk,
iederiën hoong mit de biën na boete.
Ik doch nag: is daat nou waat ik zuk ?
D'n ober reep: we goan nag lang ni sloete.
En we haaje nag d'n deurknop in de hand,
toen 't kloonk vaan alle kant:

* cd 1998/1999 : C.V. D'n Dreumel - "Carnaval 1999"


HOME PLAATSNAMENOVERZICHTHOME


KOOM IN DE MÈRTHAL
1993/1994 nr.4 : Tekst & muziek: De Brookboksen
Zang (*) : De Brookboksen (Jac Truijen & Jac Jenneskens)

Refrein:
Kom in de mêrthal ovver d’n drêmpel,
got in de mêrthal door die deur.
Kom in de vasteloavestêmpel,
er brek deen alledaagse sleur.
Kom in de mêrthal ovver'n drêmpel,
en zet oow zörge aan de kânt.
Drie daag vaan fiëste in di têmpel,
't hoës vaan preens, vaan road vaan 't gânse dreumellând.

Noa joare van hândel in koewe, schööp en paerd,
de grötste Hôrster viëmêrt.
De mênhal, en viëhal, ma daal is toch gewes.
De vasteloavestêmpel is now op zien best.

Vur sporte en hiltho de mêrthal dûk gebroekt,
ma daat is now ok opgedoekt.
De laatste en schonste momênte in dees hal,
we viere boorebruilef mit de carnaval.

* cd 1993/1994 : C.V. D'n Dreumel - "Carnaval 1994"


HOME PLAATSNAMENOVERZICHTHOME


ENNE KOP HOE ENNE KEI
1996/1997 nr.2 : Tekst: Jan Hesen - muziek: Jac Hanssen
Zang: Trio 'Keischon' (Anja Hoeijmakers, Hay Emonts, Mart Wijers)

Huur de veugelkes fluite, bin ni miër te stuite:
Ieder veurjoar gooje mood, 't begint te tintele in mien blood.
Wer carnaval viere, mit dees kale hiere,
want ze hebbe âllebei enne kop hoe enne kei.
Vân welk grietje is mien hârtje voal,
welk frauke maakt meej hârtstikke doal ?

Refrein:
Joa dât is Anja, joa, dât is Anja,
gen Wendy en gen Wanda, ma ech Anja.
Ze drinkt gaer en gleske wien, dus genne ranja.
Joa, dât is Anja, ôs leefste Anja !
Ik kán d'r taege, bin ni verlaege,
vur meej begint nou ech ut gooie laeve.
Ik zing drie daag ân en stuk d’n hoempapa,
en veul meej prima, geej ok of ni da ?

Nou duchtig fiëste, zoë âs de miëste,
Steeds miër dreumels klampen aan, en begrîepen hoe dât kaan:
Zien krolle goan zakke, zien pluuskes pakke,
want ze hebben âllebei enne kop hoe enne kei.
Vân welk grietje is mien hârtje voal,
welk frauke maakt meej hârtstikke doal ?

ASWOENSDÂG gewoare, ze loëpe verloare,
en klage de gansen daag: "'t dreijt zoë in mien maag".
D'n detz bliefde veule, neet werken of speule.
Joa, ze knoajen âllebei: "miene kop is enne kei". (of ni da?)

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


DE KWIETE KLUTS
1980 nr.2 : Tekst & muziek: Tiny & Cor Kuipers
Zang: Tiny & Cor Kuipers

Refrein:
Ik bin de kluts kwiet, bin ik daat ding verloare ?
Ik bin de kluts kwiet, of zie ik zoë geboare ?
Daat ik di kwiet bin, is meej zò duk gezach.
Ma wat vur ding daat is, wuurdt daan neet oetgelach.
Toch mót ik wiete wát daat nou eigenlijk is.
Loat owwe kluts nou is kieke, daan wiët ik wát ik mis.

Ik veul meej ás en viske in ut water.
Ik veul meej ás en muske in de lóch.
Dát ik anders zie ás geej,
zegge ze aaltied tegge meej.
Dörrum heb ik doa is ovver noagedóch.

Kós ik zon ding má heer of doa goan koëpe,
má och, ut keumt zich eigenlijk ni zò krek.
Want ik veul meej zoë toch good,
heb nag aalt en gód gemood.
En mit dees daag is alles toch zò knettergek.

* cd 1997/1998 : C.V. D'n Dreumel - "Carnaval 1998"


HOME PLAATSNAMENOVERZICHTHOME


LAO MA ZIEN
2000/2001 nr.1 : Tekst: Jan Hesen - muziek: Ron vd Beuken
Zang: Liesbeth Coenders, Anja Hoeijmakers, Marion Peeters & Marion Vullings

Refrein:
Jao, lao ma, lao ma, lao ma zien, kiek deez drie daag wât minder fien.
haet toch schijt aan aal di möoije schien en laot d'n boel d'n boel ma zien.
Jao, lao ma, lao ma, lao ma zien, ôet oow daak gaon dud ni pien.
Hos op Beppie, zing meij mit Josefien, en laot d'n boel d'n boel ma zien.
('t is zao fijn d'r beej te zien)

Âs 't oow efkes nimmer zint, zuchte deep âs vastenaovend begint.
Laeve zonder d'n agenda, gen geplaar en gen geren da.
Zoë laaije weej d'n accu duchtig op en neme 't laeve wer luchtig op.

Âs en schiër gaon we door 't lint, weie ôet âs zudjes in de wind.
Fiëste doon we op d'n hoempa, gen genöl en gemoel da.
Zoë laaie weej d'n accu duchtig op en neme 't laeve wer luchtig op.


HOME PLAATSNAMENOVERZICHTHOME


LATER KEUMT IERDER ÁS GE MENT
1998/1999 nr.1 : Tekst & muziek: Sjeng Bertrams
Zang: Dubbelop ( Roel Backus & Johan Bertrams)

Refrein:
Want later, dát keumt iërder ás ge ment.
Gedroonken en de klok ni good mier kent.
D'n tap is iërder toe ás dát ge wet,
't Is wir tiëd vur ós te gaon nò bed.
Want later dát keumt iërder ás ge denkt.
Zörg dát ge oow laeste pilske tieds genóg inschenkt.
D'n tiëd is um, d'n tap is toe, 't is gedaon.
Dus ás ge kunt, lat gennen tiëd verlaore gaon.

Ziede op en fiësje, ge lat oow lekker gaon,
ge hed wát veul gedroonke, en ge kunt has neet mier staon.
Neet op de klok gekeke, en mákte flauwe keul.
Dát klökske tikte verder, ván tiëd wir gen beneul ... Joa, jao.

't Laeve giet mit sprónge, 't is zò gauw gedaon.
En hiel snel kómde baove, vur de hemelpaort te staon.
Dus stel neet oet tot later, da kómde net te laat.
Di Pietrus zaet verlaege, heer is gen gerstenaat ... Joa, jao.

* cd 1998/1999 : C.V. D'n Dreumel - "Carnaval 1999"


HOME PLAATSNAMENOVERZICHTHOME


LEAVE IN DE BROUWEREEJ
2000/2001 nr.3 : Tekst & muziek: Kleffe Zök tw: Paul Beurskens, Wim Duffhues, Gert v.d. Sterren & Cay Kleeven
Zang: Kleffe Zök tw: Paul Beurskens, Wim Duffhues, Gert v.d. Sterren & Cay Kleeven

Refrein:
Weej zien vaan achter sleumer daan vaan veur,
ma met wat leut, en en good humeur,
daan brenge weej leave in de brouweereej.
Weej goan d'n ganse aovend oet d'n bol,
dut mit os mei, gaef oow hielemoal.
Aalt wer opnneej leave in de brouwereej.

Ut verstand keumt mit de joare, wie wet wurt ut mit os nog wat,
want weej zien ut os verloare of hebbe weej ut noeits gehad ?

As beej os mam de tiën goan kromme, vaan zovveul keul en kwats beejiën,
halde weej os vaan d'n domme en doon of we ni wiëzer zien.


HOME PLAATSNAMENOVERZICHTHOME


LEKKER IN ÔS VEL
2007/2008 nr.4 : Tekst & muziek: Kleffe Zök
Zang: Kleffe Zök (Wim Duffhues, Paul Beurskens, Gert v.d. Sterren en Cay Kleeven)

Refrein:
Wat zitte weej toch lekker in os vel
’t zit neet te ruum, en ’t zit ôk neet te krap
Wat zitte weej toch lekker in os vel
Joa dat os vel zo lekker zit dat is toch knap
Want d’r zien velle, in sorte en in moate
Ma dat vaan os, dat zit os as gegoate
Wat zitte weej toch lekker in os vel
Dat deut ‘m de vastenaovend, wat ik ow vertel

Weej zien hoe we zien, met os is gaar niks mis
We doon alliën wat gekker as ut vastenaovend is
Weej hovve drie daag neet te jakkere
En weej deanke nag ma neet aan sonjabakkere

Weej veule os good, en make os gen zörg
En good humeur wearkt beater daan en plastisch chirurg
Weej wille echt neet in de sportschoël stoan
Weej wille livver veurop in de polonaise goan

Vur os gen botox, peeling, face-lift, sap- of sherrykuur
Weej zitte lekker in os vel, weej blieve puur natuur

* cd 2007/2008 : C.V. D'n Dreumel - "Carnaval 2008"


HOME PLAATSNAMENOVERZICHTHOME


'T LIFSTE MEGJE
1993 nr.2 : Tekst: ? - muziek: ?

Refrein:

* cd 1997/1998 : C.V. D'n Dreumel - "Carnaval 1998"


HOME PLAATSNAMENOVERZICHTHOME


LIMBURG LIEJT PIÊN
Tekst & muziek: M. Craenmehr & W. Hendrix
Zang: Um & Um

Limburg, wette nach hoe de nachtegaal zóng ?
Ut bronsgroene eikehout, dát waas ów long.
Ze winne broenkoël in Duidsland, ów groondwater zakt.
Veul verkes, veul ammoniak.

Limburg, miën Limburg gadde kapot,
aan de winning vá grind of ut mestoaverschot.
Limburg, ós Limburg, Limburg liejd piên.
Limburg, woa weej aal 'n klein stukske vá ziën.

De roëk ván ut Ruhrgebied, wát haet ie gebroch ?
Alarmfase 3, Limburg in smog.
De DSM en de PLEM mit dampe en roëk.
Ge ruukt ze vaan Eysde tot Moëk.

Limburg miën Limburg mit ów Maas en de löss.
Wat blieft der vur later ván ów baeke in bös ?
Limburg, ós Limburg, Limburg liejd piên.
Limburg, woa weej aal 'n klein stukske vá ziën.

De ENCI vrut verder, vur tonne cement.
Dörpe verdwiene, diej geej hed gekend.
Ik gluëf ni dat ós Limburg nag lang blieft bestoan,
as álles zoë wiejer blieft goan.

Weej môtte dát stoppe, net ás de miên,
al deut, net als toen, dát en klein bitje piên.
Alarmfase 3, as dát nimiër klinkt,
gluëf má dát de nachtegaal hee dá wer zingt.
Alarmfase 3, as dát nimiër klinkt,
gluëf má dát de nachtegaal hee dá wer zingt.

* cd 1992 : Diverse artiesten - Milieufederatie Limburg - "LimburGreun!" - Marlstone recordings BV - CDL9242


HOME PLAATSNAMENOVERZICHTHOME


LIMBURGS VASTENOAVESVIRUS (BLC-lied)
2001/2002: Tekst: Cor Kuipers - muziek: Thijs Kleeven
Zang: Petra en Thea Thijssen en Thijs Kleeven

Weej zien in ós Limburg, has állemoal besmet
Met en goodaardig virus, wát vastenoavend het
Weej kenne de oërzaak, joa woa 't án leet
Ma genaeze, verget ma, dát wille weej neet

Refrein:
Aan vástenoavend heb ik mien hárt verloare,
Ik bin doa eigelijk zoëgezágd vur geboare,
Weej zien in Limburg, ónder òs gezágd,
Toch vur de vástenoavend in de weeg gelágd

En ás weej os Treffe, onstiët 't spontaan
Wánt 't virus verspreid zich, en stukt os da wer aan
't Haet ma iën noadiël, 't guft mei verdreet
Wánt noa hoës goan, verget ma, dát wille we neet


HOME PLAATSNAMENOVERZICHTHOME


LOT KOME WAT KEUMT
2004/2005 nr.2 : Tekst: Cor Kuipers - muziek: Thijs Kleeven
Zang: AmuziCaal

Refrein:
Lot kome wát keumt, lot goan wát giët,
álles verandert, 't keumt dór d'n tiëd.
Ge sputtert iers taege, ge zegt: 'wát en grei,
ik duj án din tra la ni mei...!
Ma da nò en tiedje, da daenkte: Och ja,
wát kán 't ok schille ván tra la la la.
Lot kome wát keumt, lot goan wát giët,
álles verandert, 't keumt dór d'n tiëd,
aal guft 't duk heisa en tra la la la
knetter wer ik d'r va

Nag ni zò lang geleeje, waas hiël veul nag taboe
Dát is toch ech en schande, zág Va en ok ós Moe
We wiëte nou wiet baeter, en doon't óp ós manier
zoë giét 't gânse circus, aaltiëd ma wer wier (ja ja ja)

Pietje kreeg en piercing, heej vong dát ech kei-vet
en haet d'r nou wál zeuve, zo wiet ás ik 't wet
ik mós wál efkus schrikke, toen heej meej die leet zeen
ma heb nou twië jaor Iátter, d'r zelf elf een (ja ja ja)

Met en mobieltje belle, dát waas iets vur de Jup
inmiddels zitte zelf, aal joare beej die club
Muziek di stóng óp plate, en nou óp DVD
nag efkus en we kriêge en digitale plee (ja ja ja)


HOME PLAATSNAMENOVERZICHTHOME


LOT 'T MÂ WEIJE
1996/1997 nr.1 : Tekst: Cor Kuipers - muziek: Thijs Kleeven
Zang: De Wazelvotte

Refrein:
Lot 't mâ weije, lot 't mâ weije, lot 't mâ dreije.
Joa, lot 't ziene geng mâ goan.
Wât kan 't gaeve, 't is um 't aeve,
âs weej mekaar ma good verstoan.
Ret-te-ke-tet-te, wât aldebette,
en bitje mökke ônderiën.
Ik heb mei vân die dage, dât ik dênk beej vlage:
Wörrum nou klage, lot goan di wage.
En ma good dât ik ni wiët wanniër de werreld heer vergiët.

Lot 't mâ weije, lot 't mâ dreije.
Joa, lot 't ziene geng mâ goan.
Wât kan 't gaeve, 't is um 't aeve,
zoëlang de werreld bleift bestoan (lot 't ziene geng ma goan).

De werreld dreijt âl ieuwe, âl ieuwe in ’t roond.
We kukele köpke oaver ma brieve op de groond.
't Is krek âs en meule die in de roonte dreijt.
Gelukkig dát ôs werreld ok dreijt ás 't ni weijt.

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


MAAK OOW 'S LOS
2004/2005 nr.4 : Tekst: Joep Hoebers & Jeroen Kuijpers - muziek: Joep Hoebers
Zang: Joep Hoebers & Jeroen Kuijpers

Refrein:
Heej dudde geej nou toch 's meij maak ow 's los
Want anders ziede met die klier vur niks moei oetgedos
Daat is waat telt want ut is nog lang neet oet
Ge blieft owzelf al hedde schmink op oowe snoet
Daat is waat telt want ut is nog lang neet oet
Ge blieft owzelf al hedde schmink op oowe snoet

Soms ziede meij ni zoa tevree en ligde ma te klaage
Wilt de neejste DVD en ok 'n schonne wage
Elken daag ut zelfde leed, dan raakte in 'n sleur
Gelukkig stiet al snel de vastenoavend vur de deur
Loat ow da goan, want di kans kriede ni mier
Kom beej os stoan met die bont gekleurde klier...

Ok ik heb soms mien twiefels, mot ik nou wal goan
Ma achter de geraniums, daat is toch niks gedoan
Dan stoij ik op en pluk d'n daag, want ut is prachtig wear
D'n iersten daag begint pas net, ut leave heb ik gear
Ik zie ni bang vur klets of alde wieve proat
Ik sloet meej aan, d'n optocht trekt heej door de stroat

Nou zit ik te bedenke, hoe lang giet dit nog good
Ik mot ni zeure en hald mien gojje mood
Ik goj d'r vur en loat meej goan, allien da's niks gedoan
Anders bliefde eanzaam in ut leave stoan


HOME PLAATSNAMENOVERZICHTHOME


MAERGE DÁ KEUMT D'R WIR ENNEN DAAG
1982 nr.2 : Tekst & muziek: Annemie & Math Craenmehr
Zang: Annemie & Math Craenmehr

Refrein:
Maerge dá keumt d'r wir ennen daag,
nag veul schonder ás vandaag.
Schei toch oët mit dát geklaag,
want merge keumt d'r wir ennen daag.
Pak ôw mekaar má aerm in aerm,
kort beej iën is lekker waerm.
En daan is 't óp slaag ennen moëjen daag.

Al wuurt heer of doar ok ôw hoar wát griës,
dát is neet aerg, dát is neet fiês.
Al kriegde ok rimpels in de snoêt,
dat mákt toch gaar niks oêt.

De tieje die ziën óntiecheluk slaech,
ós knipke is gedurig laeg.
Má weej blieve zinge, zô lang dát kán,
doar kunde ván óp á.

* cd 1998/1999 : C.V. D'n Dreumel - "Carnaval 1999"


HOME PLAATSNAMENOVERZICHTHOME


UT MEGJE MIT UT VLECHTJE
2003/2004 nr.3 : Tekst: Wim Hendrix - muziek: Ron v/d Beuken
Zang: Peter Minkenberg & Peter Hagens

Refrein:
Wie haet der dat megje mit dat vlechtje nag gezeen ?
Is ze heer of doa ?
Wiej haet der dat megje mit dat vlechtje nag gezeen ?
Want ik wil eur achternoa.
As ik eur neet kan vinge, koom ik de knoeij.
Ze is zo moeij, zo moeij ...
Wiej haet der dat megje mit dat vlechtje nag gezeen ?
Ze is ut eind en ut begin.

Ik ging net noa binne toen zeej noa boete leep.
Hiel efkes keek zeej meej aan.
Ik wist ni of ik droëmde, doa zit 'm nou de kneep.
Ik slaop der bijna neet mier vaan.
Ik waas op slaag verloare, mien hart dat ging te kier.
Ik bin te laat wakker gewoare, want ik zaog eur al ni mier...

Ik loep nou ma te zeuke, tot ik daat megje ving,
mit eur lachende lippe zo roeij.
Ut loch a meejzelf, dat ut de mist i ging,
en nou mienen tied verknoeij.
Haj ik um neet geknepe, toen doa beej diej deur,
en mien kans gewoen gegrepe, da stong ik der baeter veur.


HOME PLAATSNAMENOVERZICHTHOME


MERGE VROEG
Tekst: ? - muziek: ?
Zang (*) : Jôngerekoër

Refrein:

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


'T MENKE IN DE MOAN
1979 nr.4 : Tekst: ? - muziek: ?
Zang (*) : ?

Refrein:

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


MIEN G.S.M.-e-ke
2001/2002 nr.2 : Tekst & muziek: Hay Hesen
Zang: Peter Minkenberg

Refrein:
Mien G.S.M.-e-ke, di lut gen liedje hure.
Daat leet thoes in de laaj en kán meej nou ni sture.
D'n telefoon, di wil nou ni zi,
en ok mien antwoordapparaat, daat werkt ni.
Doa velt ok hielemaol niks te internette.
Lat ós ma same waat gezellig alde bette.
Ik wil en paar daag gennen trammelant,
Vastenaovund vieren in ós Limburgs land.

Nae, gen berichjes, zeker genne fax.
Wát doa da vá keumt, dát huur ik straks.
Gennen toemel en is genne flauwekul.
Mit vastenaovend ós verstand óp nul.

De stekker, di trek ik nou thoes dur oet.
Weej gaon dur mit z'n aalle tussenôet.
We veule ós nou efkes lekker vreej.
Mit vastenaovund hure weej dur beej.


HOME PLAATSNAMENOVERZICHTHOME


MIEN JESKE
2002/2003 nr.6 : Tekst: Toon te Baerts & Cor Kuipers - muziek: Toon te Baerts
Zang: Toon te Baerts

Ik heb mien jeske loate hange, örges woa weej zien gewest.
Zonne roëien halve lange, schat, woa woare weej ut lest ?
Waas ut heer of woar ut doa, wette geej misschien nag wao ?

Refrein:
Wao is mien jeske ... mien jeske, 'k krieg enne kalde rug.
Ik wil mien jeske ... mien jeske, 'k wil mien jeske hiel gaer trug.
Want in mien jeske zit 'n fleske, mit zo'n lekker foezelgrei.
Di dat fleske haet gevonge, deen haet ok mien jeske mej.
Wao is mien jeske ... mien jeske, ik krieg enne kalde rug.

Noa dat fleske kaan ik fluite, ik ving dat en groët gemis.
Ma doa velt waal mej te laeve, ma wette wat wiet erger is ?
Want da keumt 't liekt meej stug, ok mien jeske noëts mier trug.

Schat, ik mot nag efkes trug.


HOME PLAATSNAMENOVERZICHTHOME


MIEN MENKE
1986 nr.4 : Tekst: Paul Hanssen - muziek: Paul Hanssen & Math Craenmehr
Zang (*) : Paul Hanssen / Petra & Thea Thijssen

Refrein:
Menke, woa ziede gebleve, woa woarde geej vannâch ?
'k Heb nag noëjt óp ôw gekeve, 'k heb d'r noëjt waat va gezâch.
Misse kaan ik ôw neet miër, ma daat flikte meej gennen twedde kiër.
Want, menke, da waer ik kwoad, en zet ik ôw óp de stroat.

Aas beej ôs heer in Hôrs - daat is aens per joar-
de zörreg waere vergaete.
Daan vleeg ik mien menke - en daat is woar -
drie daag óp reej in de hoar.
(en daan keumt deen thoês en daan zeg ik:)

Ik gôj drie daag net aas iederiën,
de Horster megjes bekiêke.
Ik stôj daan 't lifste óp eige biën:
Mien vrouwke blieft daan alliën.
(en daan koom ik thoês en daan huur ik wer:)

* cd 1993/1994 : C.V. D'n Dreumel - "Carnaval 1994"


HOME PLAATSNAMENOVERZICHTHOME


MIEN NEUS
2002/2003 nr.1 : Tekst: Geert Versleyen - muziek: Peter Aerts
Zang: The happy Jordans: Luc Althuizen, Hans Lemmen, Chris Nellen, Geert Versleyen

Refrein:
Kiek noa mien neus.
't Is gen witte ma en rooie, ut is en reus.
Ma waal en mooie, weej zien zo trots.
Oos mam eur neus beat loate kloone.
Ut is en genot mit carnaval.

As jungske zoag ik weinig, de neus zaot aalt in de weeg.
Ik haaj hiel duk gen honger, want oat ze aaltied leeg.

En vrouw is moeilijk te versiere, zo'n ding, daat vinge ze raar.
Ma daat kaan oos niks geve, weej halde vaan geplaar.

Laatst kwoame weej iemand tege, hecj zeat daat is neet normaal.
Zoe bin ik eenmoal geboare, en zing mit de ganse zaal:


HOME PLAATSNAMENOVERZICHTHOME


MIEN ZÔNNESTRAOL
1997/1998 nr.2 : Tekst: Piet Keijsers - muziek: Hay Hesen
Zang (*) : Leo Gebe, Hay Goumans, Jack Cuypers & Fons Vullings

Refrein:
Geej zied ás en zónnestroal vur meej.
Dát dénk ik aalt âs ik oow zeej.
Want geej zied mien zunke, aaltied wer opneej.
Ied're kiër âs ik oow zeej, giët d'n fied zó snel veurbeej.
En ik dénk, geej huurt nou aaltied vort beej meej.
Já, dát zöj gáns bezoonder zien, want ik háld va zónneschien.
't Waas zó schon, âs zon zôn va meej zöj zien.

En velt 't mei heer of dao en bitje taege,
of luüpt 't mei heer of dao en bitje mis,
dân dênkte ma vort de zón schient nô de raege.
't Giët wer good jâ âs mien zôn d'r ma wer is.

Mit raegen en weend of sniëj en mit gedoonder,
zon duustere daag, 't waer is biëstig roow.
Ma zeej ik oow da, dân dênk ik wât e woonder.
Jâ, da krieg ik wer zon wêrm ­geveul vân oow.

* cd 1997/1998 : C.V. D'n Dreumel - "Carnaval 1998"


HOME PLAATSNAMENOVERZICHTHOME


MOEÏER DÁN HONDERDDOEZEND TON
2003/2004 nr.5 : Tekst: Jan Hesen - muziek: Ron v.d. Beuken
Zang: Anja Hoeijmakers & Wim Dufthues

Refrein:
Geej komt mekaar inaens wer taege,
jao, 't liekt wal enne goddelijke zaege.
De loch, die spártelt dwárs door de longe,
en dit hedde ow hártig toegezonge:
't Is zao fijn, 't is is zao schon,
in de prille prille vastenaoveszon.
't Is zao fijn, 't is is zao schon,
't is nag moëier dán honderdoezend ton.

Ik bin op zëuk nao 't állerleefste snuutje,
kiek op elke hook en ok door ieder ruutje.
Wao zuij ze zien, wao zuij ze staon,
wao is dát möpke hin gegaon?

Ik bin op zëuk nao 't állerschonste menke,
kiek in elke kroeg en ok door ieder remke.
Wao zuij ie zien, wao zuij ie staon,
wao is di snoebel hin gegaon?

Weej gaon te kier opt állerdaolste fiëstje,
vleege rond ás en gevleugeld hemelbiëstje.
Hoe zuij 't zien, jao tusse ós,
ás dit aal nag aens begós?


HOME PLAATSNAMENOVERZICHTHOME


NAG DREUMELECHTIG
1993/1994 nr.1 : Tekst & muziek: Hay Hesen
Zang (*) : Anja van den Munckhof

Refrein:
Nag dreumelechtig en aal in de 30.
Ma dát is neet a meej te zi, ik heb zonnen alde kop nag ni.
Nag dreumelechtig, goaj na de fertig.
Daat mákt toch hielemoal niks oet, ik heb aaltiëd lol.
Mit vastenoavend speult de laeftiëd ga gen rol.
Ás ik zoë blief, hald ik dát nag joare vol.
Mit vastenoavend speult de laeftiëd ga gen rol.
Ás ik zoë blief, hald ik dát nag joare vol.

Zuutjes a, da wuurt me al waat alder.
En me haet 't da ok gauw genog wát kalder.
Behalve in de vastenoavendstiëd.
Daan is me 't hennevel gauw genog kwiët.

Ik veul meej nag aaltiëd aeve lekker.
Aas 't efkes ka duj ik ok nag wát gekker.
Me is zô alt joa zoë ás geej ôw vult.
As dát neet is, is dát ow eige schuld.

na laatste refrein:
Joa dát denk ik, echt woar .....

* cd 1993/1994 : C.V. D'n Dreumel - "Carnaval 1994"


HOME PLAATSNAMENOVERZICHTHOME


NAG IËNE DÁ
2004/2005 nr.3 : Tekst: Peter Kleuskens - muziek: Marcel Engelen
Zang: Peter Kleuskens & Kristiaan Teluy

Refrein:
Ja hup, nag iene da, en daan goaj ik na hoes,
Dus hup, nag iene da, want der is nag n'iemus thoes.
Snel nag enne vatte, en raak wer in enne roes,
Dus hup nag iene da, teage de vastenoavendblues.
Dus hup nag iene da, teage de vastenoavendblues.

Ja met de vastenaovend, da goaj ik ger op paad,
Ik bin noeit vaan de ierste weg, ik maak het duk hiel laat.
Maar oeit kumt der een end a, deen oavend vaan plezeer,
Ma dut der meej nag iene, z'on lekker gleske beer

En zondaags met de carnaval, de ganse snoet vol smink,
Der is gen man di ow herkend, geej vult oow hiel erg flink.
En 's middaags in de Merthal, geej haalt een hielvol blaad,
Ja met daat moei gekleurde grei, daat lekker gerstenaat

De kastelein di zeat op ens, het is heer has gedoan,
Heej zeat het is dun hoegste tied, geej kunt has neet mier stoan.
Ik zeg het waas gezellig, het waas een hiel schon fiest,
Ik zal oow waal goan misse, ma ien ding nag het miest


HOME PLAATSNAMENOVERZICHTHOME


NAG IËNE KIËR
1995/1996 nr.4 : Tekst & muziek: Hay Hesen
Zang (*) : Doorgestoake Kaart (Peter Speijcken, Jan Nabben & Jac. Wismans)

Refrein:
Nag enne kiër goan weej d'r teggen aan, en hoove daan 's nurges vur te zurge.
Nag enne kiër goan weej d'r teggen aan, waat d'r da va keumt, daat zi we merge.
Nag enne kiër goan weej d'r teggen aan, want as we goan, joong, da goan we good.
Nag enne kiër goan weej d'r teggen aan, verstendig liekt 't meej: we goan te voot.

Goan we nag af goan we neet, zeg meej daat da metiën.
Gadde mei af bliefde heer, anders gaj ik alliën.
Doa geuns huur ik muziek, ik hald 't nimmer oet.
Koom nou ma mit meej mei, weej goan d'r tussenoet.

Zitte ma waat vur die buus, te schravele oop die bank,
d'n tiëd di schuut ni oop, d'n oavend velt zo lank.
Daat gehengel bin ik muuj, lat oos nag efkes goan.
Maak nou en bitje vort, d'n tiëd deen is zo kort.

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


NOEJT MIER ASWOENSDAG
2006/2007 nr.1 : Tekst: Wim & Koen Hendrix - muziek: Koen Hendrix
Zang: Koen Hendrix & Eva Duijf

Refrein:
Noejt mier aswoensdaag
Weej blieve vort hee
Noejt mier aswoensdaag
In dit kefee
Noejt mier aswoensdaag
Noejt mier alliën
Weej blieve hee same
Weej blieve beejiën

Ieder jaor dan wette dat ut ma driej daag deurt
Dan is ut vurbeej, dan is ut gebeurd
Ma as ut woar is dat woondere bestoan
Dan is ut nou nag lang ni gedaon

Wie kan os dat regele, wie is der zonnen baas
Op eum huffe weej, nou gaer ut glaas
As ie dat waor makt is dat ongekend
En kumpt aan deze nacht gar gen end

* cd 2006/2007 : C.V. D'n Dreumel - "Carnaval 2007"


HOME PLAATSNAMENOVERZICHTHOME


NURGES HUNGT ZON SFEER ÂS HEER
1995/1996 nr.3 : Tekst: Wim Hendrix - muziek: Hay Hesen
Zang (*) : Petri & Marion Boots

D'n oavend ka nimmer kapot, want:
Refrein:
Nurges, nae nurges, hungt zon sfeer âs heer.
Kôm der ma beej en preuf vân 't plezeer.
Wiej ni keumpt, keumpt ni en hôf ok ni te goan.
Wiej ni zitte wil, ka blieve stoan.
Nurges nae nurges, hungt zon sfeer âs heer.
Heer liekt en oor, gen oor ma en keteer.(2x)

Mej ziede zoë op zeuk, woa is 't vânoavend leuk.
Âl hedde nag zon baan, iederiën is wâl 's aan.
Ziede aan en gadde oêt, kiek da heer ma's noa binne dôr de roêt,
Want ...

Wiej nou ni binne is, môs 's wiëte wât ie mist.
Ma dudde mit os mei, heer vingde owwen dreij,
en stadde mit 't hiële speul ok te springe en te zinge oppe steul.

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


OET DE WEG
1993 nr.3 : Tekst: ? - muziek: ?
Zang: Pieter Joosten

Refrein:
Goat 's efkes oet de weg
want ik heb mien gleske laeg
daat is mit de carneval
waal dukker 't geval
Goat 's efkes oet de weg
want ik heb mien gleske laeg
daat kaan toch ni, daat is te dol
mien gleske mot wer vol

De Carneval deut os zo good
di zit os gewoen in 't blood
lekker dire daag an en stuk
't Vastenoavesgeluk
weej make daan same veul lol
weej goan efkes gans oet d'n bol
en giet os 't drinke te troag
daan stelle weej gewoen dees vroag

D'n optocht din trekt door de stroat
Ik goaj zuutjes mej in de moat
Langzam koom ik dan op dreef
de Carneval heb ik zo leef
En stoj ik doanoa an d'n tap
daan drink ik gen moelbaeresap
en pilske daat smakt meej zo good
doava krieg ik wer goje mood.


HOME PLAATSNAMENOVERZICHTHOME


OOS MAM (tenminste veurluëpig)
1989: Tekst & muziek: Duk Blauw: Hans van Vulpen en Lei Seuren Zang: Duk Blauw

Refrein:
Os mam die speult in en joekskapel
Mit eur koffiekraenske en ok tante Nel
Ze zörge mit de Carnaval vur sfeer
En bloaze oow en liedje vur en gleske beer
’t Is toch zon gezellig stêl:
Oos mam, tante Nel en de hiële joekskapel

’t Waas ’t vurrig joar
Toen oos mam aan ’t poetse woar
En zoë óp de zoalder kwaam
Doa vong ze in en nis
En kleine zwárte kis
Mit doa óp eur vaders naam
In die kis loag i-gevet
En blinkende trompet

Mit die dolle daag
Is oos mam duk gâns van slaag
Vur eur is ’t iën fiës
Noa daat getröät en gehos
Is oos mam daan “total loss”
Vaan dezen tiêd hult mam ’t miës
Ze haet de grötste pret
Mit eur blinkende trompet

* cd 1993/1994 : C.V. D'n Dreumel - "Carnaval 1994"


HOME PLAATSNAMENOVERZICHTHOME


OZZE LEI
1977 nr.3 : Tekst: ? - muziek: ?

Refrein:
Ózze Lei, ozze Lei, deen deut ni mèj.
Di keumt d'r noëts tusse, wânt di wil ni kusse.
Ózze Lei, ozze Lei, deen deut ni mèj.
Di blieft mâr alliën béj ziene prei.
Mit carneval kriege de megjes gen kans,
want Lei wil ni vreje, want Lei wil gen sjans.
Ózze Lei, ozze Lei deen deut ni mèj.
Di blieft mâr alliën béj ziene prei.

Mit twintig joar ging heej d'n iërste kiër oet.
En megje háj Lei toen gekust op de snoet.
Och Lei, ziede géj miene lekkere schat,
Lei haet doanoa noëits miër geprat.

Di Lei haet mit megjes nag noëits ni gesmoest.
Héj is béj ós echt wal de zuureg van ós toes.
Van carneval haet Lei totaal gen bezeij.
Deen druüge wil neet mit ós mèj.


HOME PLAATSNAMENOVERZICHTHOME


PAK EN ROK EN BLOES
1989 nr.2 : Tekst & muziek: Felix van Haren Zang: Felix van Haren

Refrein:
Dreumelinnekes in rok en bloes
Dreumels in ‘t pak goan zoë vaan hôes
D’r wuurt ok in ’t kliëd gegoan,
De kels en huudje opgedoan
Dreumelinnekes in rok en bloes

Verkliëje mit de Carnaval
D’r is gen spel zò leuk
Geej griept oow oet de kâs wát vlots
Modelke oet de beuk
Zoë godde mit d’n óptoch
Of de borebrullef mei
Daan huurde minse zinge,
Wát is daat toch en schon grei.

Aas Dreumel danste geej dán ok
D’n Dreumelinne-rock
Daan dudde net ás aal die andere
En daat kaan ok.
Geej zwaait wat mit de biën
Of anders zwaai gewoën waat roond
Mit Carnaval maakt daat niks ôet
En ’t is ok nag gezoond.


HOME PLAATSNAMENOVERZICHTHOME


'T PEUMPKE
1985 nr.1 : Tekst: Jochem Cox - muziek: Dorothe Cox
Zang: Dorothe Cox

Refrein:
Woa óp de mêrt dát peumpke stiët, bin ik geboare.
Woa óp de mêrt dát peumpke stiët, woën ik ál joare.
Doa stiët mien hoês, doa veul ik meej thoês, doa is lol en liëd.
Woa op de mêrt dát moëje alde peumpke stiët.
Woa op de mêrt dát moëje alde peumpke stiët.

In de schaduw ván de kêrk, doa stiët en peumpke.
Doa leste vroeger Hôrster meense euren dôrst.
En di gen glás háj, drónk gewoënweg oet zien kleumpje.
Dát wet toch ieder, die geboare is in Hôrst.

Ieder joar, da keumt d'n óptoch heer wer naeve,
en trekke dreumels in en hiële lange reej.
Da keumt 't pleintje mit 't peumpke wet tot laeve,
en St. Lambertus denkt: "Dát wás nag wát vur méj".

* cd 1998/1999 : C.V. D'n Dreumel - "Carnaval 1999"


HOME PLAATSNAMENOVERZICHTHOME


PLAZA WILHELMINA
1989 nr.3 : Tekst & muziek: Fer Hobus
Zang: Fer Hobus

Refrein:
In Hôrs op de plaza Wilhelmina, doa is 't has aalt fiësta.
In Hôrs op de plaza Wilhelmina, joaaa, doa is zoë ván alles te doon.
Al huurde de minse mej knoaje, ma 't is d'r nag lang ni zô slêch.
Vur en pilske of en wientje, daags d'r noa en asperientje.
Joa, ge kunt vur ván alles terêch.

Has iedere stad, of dûrp op de weld haet zien pleintje,
en plaza, piazza, ein platz, ofwaal un square.
't Iene nag moëier en grötter en fender as 't ander,
má 't schonste vá álmoal die pleine, dát leet toch heer.

En iedere kier is 't wer en groët fiës óp di plaza.
Egaal wie of waat of wörrum, ge zit has iederiën.
't Is dá wer krek, iën groëte Hôrster femilie.
Joonk en ald, dik en dun, joa 't luëpt, aal oonderiën.

* cd 1998/1999 : C.V. D'n Dreumel - "Carnaval 1999"


HOME PLAATSNAMENOVERZICHTHOME


REULSE EN MOELE
1995/1996 nr.2 : Tekst: Jan Hesen - muziek: Ron vd. Beuken
Zang (*) : Marion Vullings & Peter Minkenberg

Weej kome oet hôrs en proate plat.
Neet vân "wât môs dich dan", doa oet de stad.
Dreumels kenne elkaar toch âllemoal.
Dukzât buurte ze beej enne luchtepoal.

Geej kent meej en ik ken oow.
Geej ziet fien, ma ik bin roow.
Geej het 't heit, ik heb ’t kald.
Geej drinkt wien, ik drink malt.

Refrein:
Deez dol drie daag begriepe weej elkaar.
(Deez dol drie daag vergaete weej ni miër)
En dus vurme weej en joeksig dreumelpaar.
('t Is hiël zeker neet ôzze leste kiër)
Vier vastenoavend mâr mei mit ôs,
vân Reulsberg tot Moelbaerebos.
Reulse, reulse, reulse, moele, moele, moele, ma.
Reulse, reulse, reulse kus..moele! (hald...de moel!)

D'n optoch, di zuut d'r prachtig oêt,
en in de mêrthal zeej ik ôw leuke snoêt.
De boorebrullef trekt dôr ôs Hôrs.
Straks schelle weej hiering op en kôrs.

Geej kent meej en ik ken oow.
Geej ziet moeij en staelt de show.
Geej wât schminck op di kale plek.
Geej enne tesnuzzik um de nek.

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


DE RIKKENTIK
2002/2003 nr.2 : Tekst: Cor Kuipers - muziek: Thijs Kleeven
Zang: Thijs Thijssen & Co. (Thijs Kleeven, Thea Thijssen, Petra Thijssen, Paul Hanssen)

Refrein:
Zolang de rikkentik nag tikt,
en 't ónder os ma same lekker klikt,
da moge weej ós op de batse klatse,
aal hebbe we genne nagel um de vot te kratse.
Aal stoan we ok mei in 't roëj, we goan ma door op de bónnefoei.
Zolang de rikkentik nag tikt en 't onder ós ma klikt.

Ik mót nag aal 't koper poetse, wâsse, striêke, vaege, schroebe,
en ik heb 't hoês nag - ni gezóge.
Ik móg gen frikandelle, frietjes, nassi balle, bôtterkukskes,
want ik heb meej net nag pas gewóge.
't Is ma hiël good dát ik wiët,
woa 't eigelijk in 't laeve toch um giët.

Ik mót nag no d'n werme'n bekker, no de kapper, slaechter, schoester,
en dan ok nag no d'n apotheker.
Ma van die smerge pille, rare poeiers, gekke drenkskes,
doava wer ik, gluüf ik, elken daag nag zeker.
't Is ma hiël good dat ik wiët,
woa 't eigelijk in 't laeve toch um giët.


HOME PLAATSNAMENOVERZICHTHOME


SAME OET
1991 nr.2 : Tekst: ? - muziek: ?
Zang: Pieter Joosten

Toen ik doageuns lierde kenne
doageuns in dat kleine kefee
Doch ik, nou zoe vingde d'r genne
Joa deze, di wuurt allien vur meej

Refrein:
Weej twie goan mit de Vastenoavend samen oet
Samen oet d'n bol
Joa weej dansen en springen en goan aalt ma door
Mak de glaas ma wer 's vol
Weej twie goan mit de Vastenoavend same oet
Same hebbe weej pas lol

Geej kwoamt dat kefeeke doa binne
Ik zoag oow, ik woar drek verkoch
Ik woj oow toen gaer vur meej winne
dus heb ik oow toen metien gevroag.

Mit Carneval goan weej wer fieste
Weej zien dan die drie daag beejien
Want van oow halt ik toch 't mieste
Weej zegge dus nou ma teggenien


HOME PLAATSNAMENOVERZICHTHOME


SJENG AAN DE GENG
Tekst: ? - muziek: ?
Zang (*) : Mühltaler

Refrein:

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


DE SNOEZEPOEZE
1999/2000 nr.3 : Tekst: Jan Hesen - muziek: Ron vd Beuken
Zang (*) : Liesbeth Coenders, Anja Hoeijmakers, Marion Peeters & Marion Vullings

Drie daag mit geschminkte snoete, nò binne en nò boete.
Drie daag kousen um de koete en heer en doa wát zwárte sproete.

Refrein:
Weej zie de snoeze, snoezepoeze, de snoezepoeze ván de neje ieuw,
en zinge mit zie veere dit refreintje oet de Piel.
Iers de hendjes op de batse, da de hendjes wied oetien.
Mit de hendjes in de huugte, halde weej ós op de bien.
Iers de hendjes op de batse, da de hendjes in de ziej.
Mit de hendjes in de huugte, doon we mit z'n álle bliej !

Drie daag same op d'm boemel, effe weg oet d'n toemel.
Drie daag zoonder dát gepoemel e gen zörg án ózze "knoebel".

Drie daag kunde op ós telle, mit toeters en wát belle.
Drie daag ringen in de lelle en op aswoendág hiering schelle.

* cd 1999/2000 : C.V. D'n Dreumel - "Carnaval 2000"


HOME PLAATSNAMENOVERZICHTHOME


SNUBELKE
1980 nr.3 : Tekst & muziek: Thijs Kleeven & Truus Verberkt
Zang: Thijs Kleeven & Truus Verberkt

Refrein:
Snubelke, mien snubelke, ôch mien lekker drubelke.
Zulle weej má same goan, iënen álliën is niks gedoan.
Snubelke, mien snubelke, ôch mien lekker drubelke.
Kóm, weej motte nou goan, anders is 't strakkes gedoan.

Tienus en Mientje, die zoate beej iën, beej 't endekuulke.
Ze zatte zich wát doënder beej iën en goave mekaar en muulke.
Tienus, deen is toen vur Mientje goan stoan,
heej wôj noa de vastenoavend goan.
En Mientje háj dát neet verwach, en wette wát ze zach ?

Ze zien toen noa d'n optoch gegoan, en stonge mei te zinge.
Mientje kós ni stil blieve stoan, ze wás al mei án 't springe.
Mientje zach: "Tienus, nou dut ni zoa flauw,
godde nag mei of hoe zit dát nou ?"
Tienus háj dát ni verwach, en wette wát heej zach?

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


'T GIËT LEKKER ZOÊ
Tekst: ? - muziek: ?
Zang (*) : Hôrs d'Oevre

Refrein:
Want ut giët allemoal toch lekker zoë, wat kaan ôs nou gebeure ?
De zörg zien veur later zörg, loat ut plezeer nag efkes deure.

Mit carnaval, ut is ech woar, daan goan d'r minse skieë.
En weak aweg mit veul gevoar, det moste ze verbieje.
Want wilde drie daag vaan plezeer, kaan det alliën ma lukke,
mit ôs alle same heer en neet ver weg op krukke.
Ut makt neet oet hoe geej vaan dees daag geniet,
as geej d'r ma ziët.

Veuls te riek of gaar gen geld, al ziede enne giere,
as weej d'r ma same zien um carnaval te viere.
Ut makt neet oet hoe geej vaan dees daag geniet,
as geej d'r ma ziët.

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


'T GIËT ÔS WER VUR DE WIND
1994/1995 nr.3 : Tekst: Wim Hendrix - muziek: Hay Hesen
Zang: Petri & Marion Boots

Refrein:
Ut giët ôs wer vur de wind, âs ut veurjoar begint.
Ge vult ôw miljonair mit zo'n lekker lentewaer.
Ut zunke schient: gen parapluuj, weej ziën in en gooje buuj.
Âs ut veurjoar begint, giët ut ôs wer vur de wind.

In fibberwarie of in mârt stiët vastenoavend vur de deur.
Âl vroor ut nag zô hârd, nou kriegt de werreld wâl wer kleur.
Keuning winter haet verloare, wânt ut wuurt âl wer wât wêrm.
En ge vult ôw âs herboare, nae, niemus vult zich êrm.

Vân en bitje taegewind kriegt gen mins ut nou nag kald.
Ge gad same dôr ut lint umdât ge vân ut laeve hald.
Ut kriebelt in mien koëte, mien hârt dât sliët op hol.
Zet de bleumkes ma boëte, elke tulp giët oet den bol.

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


'T GIËT VÁNZELF
2001/2002 nr.1 : Tekst: Jan Hesen - muziek: Ron vd Beuken
Zang: Liesbeth Coenders, Anja Hoeijmakers & Marion Peeters

Refrein:
Ut giet vánzelf, weej hove ni te reeme, Vastenaovend zit ôs in de geene.
Ut giet vánzelf, jao, zonder bakkeleije laote weej de vleugels luchtig weije.
Weej zien smeis heer en dukzát dao, wiete wál-is neet mier wao.
Kom ôs ma nao, weej zien wer heer, want weej halde ván plezeer.
Plezeer, plezeer, weej halde ván plezeer.

Weej make joeks en vul geweld, ás gans Limburg bárst ván de kelt.
D'n duuster ruumt dán ut veld, vur de maon, die zich aan d'n hemel stelt.

Weej make joeks, dát is zao fijn, en gans Limburg liekt vuls te klein.
Has elke straot en ieder plein puile oêt ás d'n állervaolste trein.

Weej make joeks, drie dage lang, en gans Limburg giet ziene gang.
Nae niemus jögt os op stang ás we fieste op állerhands gezang.


HOME PLAATSNAMENOVERZICHTHOME


'T IS AALTÎED EFKES
1997/1998 nr.3 : Tekst: Wim Hendrix - muziek: Frank Everaerts
Zang (*) : Jack Cuypers

Hiël duk, ás 't aeten oppe taffél stiët,
dán is d'r wál wer iëne di ni zitte giët.
Heej rupt vánoet de kamer: "begin ma zoonder meej.
Ik maak 't efkes áf, da koom ik ok d'rbeej...!"

Refrein:
't Is aaltied efkes; efkes dit of dát,
aaltied efkes; aaltied efkes wát.
Efkes proate, efkes kieke, efkes aaie, efkes strieke,
efkes wáchte, dán is 't zoë gebeurd,
ma gen meens wet hoe lang dát efkes deurt. (2x)

Ziede krap beej kas, en zitte op zwárt zoad,
da gadde na en bánk vur géld en goje road.
Of ge efkes wát kunt liëne umdát ge niks miër hed.
Zaet pinnig doa di mán, vánachter zien loket ...

Âs ge stappe gad en geej hed hiël veul lol,
dán is d'n állerleste dukker laeg da voal.
Ge gad nag ni na hoés toe, ál is 't kwárt vur veer,
en iederiën di zingt: ”ik blief nag efkes heer".

* cd 1997/1998 : C.V. D'n Dreumel - "Carnaval 1998"


HOME PLAATSNAMENOVERZICHTHOME


'T IS DE MOOJTE WAERD
1981 nr.4 : Tekst & muziek: Joost de Koning
Zang: Joost de Koning

D'n drukker, deen drukt óp 't drukst van d'n daag.
D'n bekker, deen lekt ván zien beste beslaag.
D'n vaeger, deen vaegt tot 't end ván de stroat,
denkend án Bachus, di goof 'm di road.

Refrein:
't Is de moojte waerd um ow 's oet te laeve,
't is de moojte waerd ów te loate goan.
Wát kán 't ów gaeve, 't is um 't aeve,
de laevesklok die tikt en sliët má blief noët stoan.
Halleluja, kiek ós ma mit ós vá.
Tante To mit oëme Jo geniete zó.

Begin beej 't end, ás 't ende begint.
Verwen juus diegeen die ów 't miëste bemint.
Lach taege 't laeve, joa, preuf d'r má vá.
Drink nag en gleske, 't zit d'r nag á.

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


'T VULT ZAO GOOD
2002/2003 nr.4 : Tekst: Jan Hesens - muziek: Ron v.d. Beuken
Zang: Peter Minkenberg & Ron v.d. Beuken

Refrein:
Dat kunde huure, dat kunde zeen, Vastenaovend blieft aaltied in.
Dat kunde preuve, 't vult zao good, Vastenaovend guft gooije mood.
In mien linker en rechter voot kruupt dan zoëma dat hoempablood.
't Vult zao good.

'k Vraog meej wal 's af wurum dreije luuj 't knöpke um,
schminkt os mam en moodervlek en doon we vur de vaste gek?

'k Vraog meej wal 's af wurum dreide dukker linksum um,
laefde van plezeer zoë op en stiët 't veurjaor oppe kop?

'k Vraog meej wal 's af wurum speulde trom in pláts van drum,
klinkt en tuba aalt zao haol en zien de hermeniekes daol?

't Vult zao good dat hoempablood, 't vult zao good di gooije mood.
't Vult zao good, 't Vult zao good.


HOME PLAATSNAMENOVERZICHTHOME


TIEKE TOM
1981 nr.1 : Tekst & muziek: Truus en Thijs Kleeven
Zang: Truus en Thijs Kleeven

Refrein:
Tieke tieke tom, perom pompom,
zoë klinkt 't 's oaves in de zaal.
Tieke tieke ta, tara tata,
dut nou má mei, dát kunde waal.
Tieke tieke tom, perom pompom,
mák genne kwats en dut dát má.
Ván zoë iets kunde ván óp á.
Lala lala ...

Sjang is vreejgezel, speult altiëd in de joekskapel.
Ze kome oaveraal, in elk café en elke zaal.
Dát is meej daan en grei en iederiën zingt mei.
Wánt klinkt dees melodie, kiekt ideriën hiël blie.

Tegge carnaval giët Sjang gaer noar 't toetebal.
Heej speult ván tieke tom en houwt dwárs dór zien dikke trom.
Heej zaet: " Niks án de hand, ik heb nag iëne kant".
Daan zingt de ganse zaal en ge huurt ván oaveraal.

* cd 1997/1998 : C.V. D'n Dreumel - "Carnaval 1998"


HOME PLAATSNAMENOVERZICHTHOME


TUSSE PRUUSSE EN DE PIËL
1995/1996 nr.1 : Tekst: Cor Kuipers - muziek: Thijs Kleeven
Zang: De Wazelvotte (Thijs Kleeven, Rob Achten & Toen te Baerts)

Ut allerschonste werrelddiel, leet tusse Pruusse en de Piël.

Refrein:
Jao tusse Pruusse en de Piël, dao leet ut âllerschonste werrelddiël.
Dât is ôs eige Limburgsland, dao is âlles naovenant.
Ge left dao fijn jao ik bedoel, âs enne prins in en petattekoel.
Ut âllerschonste werrelddiël, leet tusse Pruusse en de Piël.

In dât land vân buutnereedners, is d'n humor nag in tel.
Mit de zaate harmeniekes, of joekse joekskapel.
Oet de maot of flink der neave, dao um maak ik meej ni druk.
Want de stemming die ze make, is precies wao nao ik zeuk.

In dât riek vân spek en boene, is de vastelaovestied,
iene groête schêle wazel, jao, de logica is kwiet.
Gat ni zeuke, dut gen mojte, lot di flauwekul bestaon.
Want ge vult ôw in d'n hemel, âs ge ow is gans lat gaon.

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


TUSSE ’T WIETVELD EN D’N TIENDERSENDIÉK
1978: Tekst & muziek: Truus Verberkt & Thijs Kleeven
Zang: Truus Verberkt & Thijs Kleeven

Refrein:
Joa tusse ’t Wietveld en d’n Tiendersendiék
Doa leet en pletske. ’t Is ós Dreumelriék
Doa zien weej geboare doa stiët ós elderlek hoés
Doa blieve weej aalt woëne
Dó veule weej ós thoés

Os tante Mien, die keumt ván ’t Brook
Ze is mit Driekes getrouwd
Din is geboare óp de Stokt
En haet ’t noëits berouwd
Nou woëne ze óp de Middelik
En zien ván ’t sterke sort
Wánt kome ze boete ’t dörpke
Dán zinge ze áltied vort

Mit Karneval; dán giët Drieks oét
Heej giët dán drie daag óp sjouw
Má Mien die blieft beej de verkes thoés
Wánt dreenke deut Mien ni gauw
Má ás d’n optoch án ’t trekke is
Deut Mien zò gek ás ze kán
Dát is veur eur de schonste tiéd
En allemoal zinge ze dán


HOME PLAATSNAMENOVERZICHTHOME


TWIË HÁRTJES
1985 nr.2 : Tekst: ? - muziek: ?

Refrein:
Twië hártjes die vur iën goan kloppe, luuster good.
Degene die 't ziën, kriege wer gôje mood.
Tesame goan ze daan 't geluk toch tegemoot,
bliej daat ze same kunne goan op iëne voot.
Ik zoag oow stoan en ik zâch: "hei, wie ziede geej ?"
En geej zâch drek: "Koom op geej huurt noa vort beej meej".
Twië hártjes die vur iën goan kloppe, luuster good.
De leefde zit beej iederiën waal in 't blood.

Mit vastenoavend gans alliën, daat is toch niks gedoan.
Geej stot d'r zô verloate beej, och, koom toch beej meej stoan.
Ik veul meej toch zô good beej ôw, ik krieg d'r kriebels va.
Gezellig is toch de carneval, de zörrig vaan de baan.


HOME PLAATSNAMENOVERZICHTHOME


VA'S MERGES WIES 'S AOVES
1998/1999 nr.2 : Tekst: Jan Hesen - muziek: Ron vd Beuken
Zang (*) : Anja Hoeijmakers

Refrein:
's Merges bin ik 'm taege gekome, 's middágs dóch ik 't is genne slome.
's Aoves haaj ik 't wál gezeend, d'n hiele bubs wet 't: ik hald ván deen.
Ik zeej 'm bes duk dát kiebig stuk oet ós dreumelland.
E loep op de maot dór de straot beej eum án de hand.
's Merges dreenkte wát thie zoonder sókker, ‘s middágs kiekte da hielemaol flókker.
's Aoves bin ik ál nimmer állien, d'n hiele bubs wet: weej hure beejien.

Ik veul dát ik smeul in om erm, dát is fijn en zò lekker werm.
Geej zied e snuupke, nò miene zin, ik wiet hiel zeker dát ik oow bemin.
Geej dut gaer gek en stat ni stil, de vastenaovend is wát geej wilt.

Ik tel op di kel waor ik um gaef, wát e zwijn dát ik beej om laef.
Geej zied e snuupke, mien lekker ding, ik wiet hiel zeker dát ik oow aalt ving.
Geej dut gaer bliej e kiekt ni zoor, de vastenaovend giet álsmár door.

* cd 1998/1999 : C.V. D'n Dreumel - "Carnaval 1999"


HOME PLAATSNAMENOVERZICHTHOME


VAAN DIT, VAAN DÁT
1979 nr.3 : Tekst: ? - muziek: ?

Refrein:

* cd 1998/1999 : C.V. D'n Dreumel - "Carnaval 1999"


HOME PLAATSNAMENOVERZICHTHOME


VAAN WERKE ALLIËN
1989 nr.1 : Tekst: Wim Duffhues & Rob Driessen - muziek: Wim Duffhues
Zang (*) : Wim Duffhues, Rob Driessen

Refrein:
Want vaan werke alliën kunde neet leave.
Ge mot op zienen tiëd is wat beleave.
Daan nim ik ow 's mei, noa os Hôrster Dreumelland.
Veur gojje carnaval stiët dat garant.
Daan nim ik ow 's mei, noa os Hôrster boorebal.
Doa viere ze pas echte carnaval.

Vaan 's merges vroeg wies 's oaves laat, daan ziede geej vaan hoês.
Noa 'n en daag haard werke, komde geej pas thoês.
Ge zit da mit en pilske te kieke vur d'n kâs,
ma mit d'n carnaval, begeent ut leave pas !

Noa drie daag good fiëste, is ut wer veurbeej.
Ge het ut zellef gemerkt, geej luusterde noa meej.
Werke is neet alles, d'r is nag zovveul mier.
Geej zult dat wer ervare, kiër op kiër.

* cd 1997/1998 : C.V. D'n Dreumel - "Carnaval 1998"


HOME PLAATSNAMENOVERZICHTHOME


VÁNAOVEND GOAN WE STAPPE
1999/2000 nr.4 : Tekst: Wim Hendrix - muziek: Johan Bertrams
Zang: Duo Dubbelop (Roel Backus & Johan Bertrams)

Teggewoarig zit me gauw óp ziennen hit,
en trekt da fleenk va laer.
We maken ós hee duk um niks wer veul te druk,
weej zien aalt in de waer.

Refrein:
Vánoavend goan we stappe, vánoavend zit 't d'r a.
Weej kunnen in de hendjes klappe, we nemen 't d'r va.
Kóm mèj .... da goan weej stappe, lekker laeven op groëte voot.
Vánoavend goan we stappe, vánoavend giët 't ós good.

Weej waore zò gaer 's efkes miljonair,
dát zöj nag 's wát zien.
Ech woar, da zagte weej, weej halden oow wál vreej,
dát geldt vur iederiën.

Dudde geej messchien ál joaren án de lien,
och meens, mák oow ni dik.
Weej staon op en dieet, dát oow ok zeker leet,
en dát is vaste prik.

* cd 1999/2000 : C.V. D'n Dreumel - "Carnaval 2000"


HOME PLAATSNAMENOVERZICHTHOME


VÁNDAAG IS ÁLLES ÂNDERS
2008/2009 nr.4 : Tekst: Cor Kuipers - muziek: Thijs Kleeven Horst & Ron v.d. Beuken (Meterik)
Zang: AMusiCaal (Ger v.d. Bekerom, Thijs v.d. Munckhof, Jan v.d. Munckhof)

Refrein:
Vándaag is álles ânders
't laeve lacht, 't haet wer kleur
vándaag is álles ânders
jao mînse kóm we gaon d'r veur
vándaag ....ja jóng dát wette
mótte de bleumkes.... boete zette
vándaag, 't zit d'r een,
hedde van, zal ze lang zal ze laeve ni gezeen

Ge het mei ván die dage, dát echt has álles lukt
ge vingt ów goude loëzie, die ge jaore zukt
D'n hoëfdpriës in de lotto, 't is ónzettend stug
en ok ván de belasting, kriegde inaens wát trug
Ge vrogt ów áf hoe kán zoë-iets bestaon
ik'heb zin vandaag um lekker oet te gaon

De hônd di noëits ni luustert, inaens deut heej 't waal
ge kiekt is in de spegel, ge liekt veul minder kaal
't zönke stiët te schiene, ál waas 't ni verspeld
inaens zaet ok ow vrouwke, dát ze veul ván ów held
Ge vrogt ów áf hoe kán zoë-iets bestaon
ik'heb zin vandaag um lekker oet te gaon

* cd 2008/2009 : C.V. D'n Dreumel - "Carnaval 2009"


HOME PLAATSNAMENOVERZICHTHOME


VASTELAOVEND ALLEMACHTIG
2000/2001 nr.5 : Tekst & muziek: Hay Hesen
Zang: Peter Minkenberg & Marij janssen

Refrein:
Zoeás de Maas stroemt dór ós Limburg,
stroemt Vastenaovend mit eur mej.
Langs ieder dörrep en ieder stedje,
vánaf Maastricht tot án de Moekerhei.
En ónder leiding ván ás Preense,
trekt dán d'n optoch mit meziek.
Dát is vastenaovend állemachtig, dán is Limburg magnifiek.
Dát is vastenaovend állemachtig, dán is Limburg magnifiek.
Dán kleenkt dór ós Limburgs land: Alaaf!, Alaaf!, Alaaf!
Láátste refrein:
Dát is Limburg, dát is Limburg, dát is Limburg.

't Ald jaor is wer net vurbeej, en 't veurjaor vur de deur.
't Is wer has vastenaovend, dát guf ós laeve da wer kleur.
Hermeniejkes zien ok wer dao, di meziek di gaon weej achternao.

En drie daag giet de deur op slot, weej zien samen ónderwaeg.
Mit zonne schonne vastenaovend, make weej ós knipke laeg.
Weej zien in en goje buuj, vastenaovend waere weej noeijts muuj.


HOME PLAATSNAMENOVERZICHTHOME


VASTELOAVEND IN HORS
2002/2003 nr.5 : Tekst: Marij Janssen - muziek: Jac Hanssen
Zang: Marij Janssen, Jac Hanssen

Refrein:
Joa, ik vier wer in mien dorp de vastenoavend,
mit wie-of woar-en hoe, daar maakt doar gaar niks oet.
Lekker vier ik in mien dorp de vastenoavend.
De polonaise door de zaal giet aal veuroet.
Ik huur "Den dreumel" en 't fiest dat kaan beginne,
Ozze preens di giet gans veurop in de reej.
Joa, doar woar ik bin geboare, stil aan grôter zie gewoare,
doa denk ik: joa, ging dit fiest ma noeits veurbeej.

As de Preens kumt dat begint ut meej te jukse.
De vastenoavendkriebels zitten in mien blood.
Joa, dat heb ik aal van hoes oet mej gekrege.
Waat en geluk, want ut bevelt meel toch zo good.
Veul schaele wazel duk, mit in de hand en pilske.
't Plezeer, de lol, ik bin toch zo gér heej.
Joa, doar woar ik bin geboare, stil aan grôter zie gewoare,
doa denk ik: joa, ging dit fiest ma noeits veurbeej!

En op zondaag goj ik noa den optoch kieke,
aal die meense kome da veurbeej.
Ze blieke allemoal wat op mekaar te lieke.
Zeg ken ik ow of kende geej misschien nog meej?

Doarum vier ik heer in Hors de vastenoavend,
wil ik noeit noa hoes, ne ik kan now ech ni goan.
Lekker vier ik in mien dorp wer vastenoavend.
't Lich, dat velt meej oet, ut is ok has gedoan.
Ozze preens, din haet zien letste weurd gesproke:
"'t Fiest zal verder goan", ik gef ut nog ni beej.
Joa, doar woar ik bin geboare, stil aan grôter zie gewoare,
doa denk ik: joa ging dit fiest ma noeits veurbeej.
Joa, doar woar ik bin geboare, stil aan groter zie gewoare,
doa bin ik 't volgend joar van de parteej!!


HOME PLAATSNAMENOVERZICHTHOME


VASTELAOVEND IN HORS
2008/2009 nr.3 : Tekst & muziek: Joep Hoebers
Zang: Joske Peeters & Jori Beeren

En joar giet vurbeej
Wat giet dat toch snel
D’n tied liekt te vleege
Vuraal beej owzelf
En merge werd middag en middag werd nach
D’n oevend door tusse laef ik zoegezach

Refrein:
In hors vastelaovend ik veul meej heej thoes
In hors vasteloavend dat veult as mien hoes
Alles waait over en giet oeit vurbeej
In hors vasteloavend ik draag ow beej meej

Ge merkt pas hoe kostbaar momente heej zien
Als ze zien vervloage dan veulde de pien
Dus loat os geniete van alles en niets
Pak ow eigen moment met dit lied

Woa ik ok terrech kom , wao ik lande zal
Drie daag zien vur meej, Horster carnaval

* cd 2008/2009 : C.V. D'n Dreumel - "Carnaval 2009"


HOME PLAATSNAMENOVERZICHTHOME


VASTELOAVEND IS !!!
2001/2002 nr.5 : Tekst & muziek: Erik van Rengs
Zang: Ellen Jeurissen & Erik van Rengs

Refrein:
Joa, vastenoavend is vúr oos hielveul worst met booremos.
Polonaise in en reej, laat na bed en drie daag vreej.
Kefeeke in, kefeeke oet, bloase op en groete toet.
Ut latste urke zien weej mue, ma noch stiets in en gooje büj. (2x)

We laeve veuls te hastig en hebbe ut aal druk.
We neme oos den tied ni mier veur en eurke op en kruk.
We motte mier geniete, vaan lol en vaan plezeer.
Oow aventoe is loate goan mit en potje beer.

Dus zitte in en dippie of haalde noeit de ierst.
Dat kan toch ga niks boeme, geniet vaan ieder fiest.
Gat drie daag lekker stappe en roop hiel duk alaaf.
En is de stemming op zien best, daan kan ut daak dur wal wer aaf.


HOME PLAATSNAMENOVERZICHTHOME


VASTELOAVEND, WAAT ’N GREIJ
2006/2007 nr.2 : Tekst: Joep Hoebers & Jeroen Kuijpers – muziek: Joep Hoebers
Zang: J3 (Joep Hoebers, Jeroen Kuijpers en Joep van Wegberg)

Os mam zei: jungske, weej hebbe ’t neet briëd
Geej zult dit joar opneej, ut zelfde pekske drage
Gef meej ma nald en droad, misschien daat ik waat wiët
Daan godde toch wer op en top verklied

Refrein:
Vastenoavend, waat 'n greij
Zit, os aas gegoate
Vinge weej wal ozzen dreij
Stof genog um door te proate
Vastenoavend, waat en greij
Woa hedde geej daat schonne pekske vaan?
Hedde en stukske in de kraag, op ien vaan die drie daag
Trek ow doa da ma neet al te veul vaan aan

Boavenin os hoes doa is 'n plekske
Woa niemes ut ganse joar mot zien
Doa hengt daan hiel allien aan ‘n klein rekske
Un pekske woa ut licht neet mier op schient
Ut hengt d’r plompverloare tusse alde jes
Met de vastelaovesreuk nog in de tes
Daat pak met mötje elluf
Is de vastenoavend zelluf

As iemes beej os thoes waat weg mot stalle
Komde op os zölderke terech
Doa ruukt ut meij waat muf noa motteballe
Ma luuster noa waat ik ow zeg
As daat lepke 's kos proate, en meej daan òvertrof
Is ie pas èch lang vaan stof
Daat pak met mötje elluf
Is de vastenoavend zelluf

* cd 2006/2007 : C.V. D'n Dreumel - "Carnaval 2007"


HOME PLAATSNAMENOVERZICHTHOME


DE VASTELOAVESPOT
1982 nr.1 : Tekst: Sjaak Wismans - meziek: Thijs Kleeven

Refrein:
Nou bin ik heer, nou blief ik heer.
Och ober, gef meej nag wát beer.
Nou bin ik heer, nou blief ik heer.
Zet dát pilske doa má efkes neer.
Wánt noa hoës toe goan, is d'r noa nag lang ni beej.
De vastenoavend begint nou pas vur meej.
Nou bin ik heer, nou blief ik heer.
Joa, zet 'm doa má neer.

't Ganse joar door zidde meej neet, mot werke, poetse en plare.
Al deut meej dát ok mei wát verdreet, mien cente kan ik zoë moëj spare.
Má is de vastenoavend wer doar,
dá staj ik mit mien fiësneus en dorusbloes wer kloar.

En is 't fiëste 's woensdags gedoan, bin hiëlhoeds thoës kunne rake,
kiek woar de laege spaarpot mót stoan, zoëdát ik deen wer voal kán make.
Want is de vastenoavend wir doa,
dá staj ik mit mien fiësneus en dorusbloes wer kloar.


HOME PLAATSNAMENOVERZICHTHOME


DE VASTELOAVESSTURREM
2004/2005: Tekst: Wim Hendrix - muziek: ?
Zang: Oenoemoeloeke 5

As de Vastenaovessturrem wejt
Zien weej as boonte blaar
Kiek hoe heej speult en mit os drejt
Heej vaegt os beej mekaar
En giet ie da mit windkracht ellluf
Driej daag lang te kier
Da schoele weej in elluk kefee
Want weej halde ut ni mier

Ma weej halde ut binne ok ni druug
dat is geluk beej pech
We halde os ma vast aan de glaze beer
want da weje weej ni weg

Dit is ut waer dat is vurspeld
Weej zien der op gekliejd
Der wurt en buuj mit beer besteld
As 't confetti sniejt
We hebbe aal en parapluuj
Mit greun en gael en roed
Ma schoele vur gen enkele buuj
Weej zien binne, genne noed

As den beeromaeter zakt
wurt der wer gauw en glaas gepakt
Dit jaor dat zag Lei Sprieuwenberg
da wurt dae wind pas erg
Ok al staon weej hee noeijts ni druug
dat is da geluk beej pech
We halde os ma vast aan de glaze beer
want da weje weej ni weg

Ut hong al waeke in de loch
Der kumt wer zwaore wind
Aoveraal stoan der wer glaas genog
Klaor vur as ut begint
De ierste draop diej valle al
En da  kumpt ut geraas
Ma weej weje heer nag lang ni weg
Want weej hebbe volle glaas


HOME PLAATSNAMENOVERZICHTHOME


DE VASTELOAVESTREIN
1993/1994 nr.2 : Tekst: W. Hendrix - muziek: H. Hesen
Zang (*) : Petri en Marion Boots

Refrein:
Weej goan as ennen trein, de conducteur is de kastelein.
Lekker aan d'n boemel, efkes oet d'n toemel.
Elk kefee is en station, elken tap is en perron.
De conducteur is de kastelein, weej zitte in d'n boemeltrein.

Op drie daag reize is geteld, de kastelein haet wisselgeld.
't Sein op greun, dus gen gevoar, weej zitte al wer op 't gooje spoar.

En örges da beej en perron, doa stiët en jungske, toch zo schon.
Zeg leeve schat, blief nou ni stoan, 't flötje vaan de chef haet al gegoan

* cd 1993/1994 : C.V. D'n Dreumel - "Carnaval 1994"


HOME PLAATSNAMENOVERZICHTHOME


VIVA LA CARNAVAL
1986: Tekst: ? - muziek: ?

Refrein:

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


WAAT IK OK PROBEER
1994/1995 nr.4 : Tekst & muziek: Janine, Sandra Lemmen & Hay v.d. Beuken
Zang (*) : Janine & Sandra Lemmen

Refrein:
Wât ik ok probeer, ik kôm ni weg vân heer.
Mit de kriebels in de biën, hey, loat meej ni alliën.
Ut fiëst is nag lang ni gedoan, ik zui wâl wille goan.
Ma wât ik ok probeer, ik kôm ni weg vân heer.

Oet 'n kroeg doa klinkt meziek.
Dât werkt op meej âs ellestiek.
't Is âl laat, wât môt ik toch beginne ?
'n Huudje op en dâ ma gauw nô binne.

Dees 3 daag zeej ik ow ni stoan.
Dân wil ik alliën d'r op oët goan.
Geej snapt dat ni, ma zoë bin ik geboare.
Ut dreumelblood, dât kriebelt meej âl joare.

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


WÂT EN GELUK
1997/1998 nr.1 : Tekst & muziek: Petri Vullings-Boots
Zang (*) : Marion Peeters-Boots, Dian Driessen-Heldens, Hay v.d. Beuken

Refrein:
Wát en geluk, dát ik oow taegekwoam.
Wát en geluk, dát ik ni thoés gebleve bin.
Wát en geluk, dát ik toch bin gegoan,
want eigelik haaj ik toch neet zon erge zin.
De gansen daag zoat 't meej taege en 't leep neet wie 't môs.
Ma zoë inêns doa kwoamde geej, ik snap nou nag ni hoe dát kôs.
Wát en geluk, dát 't zoë is gegoan, wát en geluk dát weej toen same zien gegoan.

Ik dóch de vastenoavend is vur meej niks miër.
Di vier ik dán ech nach wâl ennen andere kiër.
Ma wie haaj dát gedroëmd dát ik oow doa zoag stoan.
‘t Hosse hebbe weej toen same ma gedoan.

Zoë viere weej ál joare same dees drie daag,
en ok sinds kort mit ózzen âllerklenstem blaag.
Want vastenoavend viere dudde toch neet thoés.
Dus meense fiës toch mei en kóm toch oet oow hoés.

* cd 1997/1998 : C.V. D'n Dreumel - "Carnaval 1998"


HOME PLAATSNAMENOVERZICHTHOME


WAT ENNE'N HOEMPAPA
2001/2002 nr.6 : Tekst: Cor Kuipers - muziek: Thijs Kleeven
Zang: Cor Kuipers, Thijs Kleeven & Rob Achten

Refrein:
Wát enne'n hoempapa, wát enne'n tra la la.
Ás ik dát zoë bekiëk, denk ik kiër op kiër:
't Hóft ván meej ván ze laeve zoë ni miër.
Wát enne'n hoempapa, wát enne'n tra la la.
't Is toch ni wát ik zoch en ik haj zoë gedoch.
Gewoën, is gek genóg.

Viëf sterre dinere, 't is te probere, ma raak da ni drek in paniek.
Buige en knikke en wachte met bikke, dát huurt nou iënmoal beej sjiek.
Da kome de höpkes, miezerige möpkes óp telders ván twië maeter groët.
En beej 't betale, is 't good bale, ge stot da, metiën wer in 't roëd.

Nó hiël lang soebatte, mós ik mei Stadte, ge wet toch hoe dát giët.
Kieke en pásse, hoe mót ik 't wásse? En zeg is of meej dit stiët!
Nó ore lang sjouwe en áf en toe snauwe wuurdt d'r dán toch wát gekocht.
En twië dage later, jong wát enne flater, da wuurdt 't geruild of truggebrocht.


HOME PLAATSNAMENOVERZICHTHOME


WÁT TOCH TOEVALLIG
1983 nr.1 : Tekst: Sjaak Wismans - muziek: Thijs Kleeven
Zang: Geej twië en ik

Refrein:
Wát toch toevallig, dát ik oow heer zeej,
óp zonnen daag ván fiëste en plezeer.
Blief nou má efkes lekker doën beej meej,
daan bouwe weej en fiësje same heer.
Ik heb ów neet gezeen 't ganse joar,
má zoë inaens, dá ziede geej wer doar.
Wát toch toevallig, dát ik oow heer zeej.
Blief nou má efkes lekker doën beej meej.

Grad woar 's stout gewes, mós drek in 't gevang.
En halluf joärke weg, dát vóng ie toch wál lang.
't Waas net vur de carnaval, doa lete ze eum goan.
Toen is ie in de zaal óp enne stool goan stoan,
en heej reep: "meense heer bin ik", en toen zóng de gânse zwik.

In de vastenoavestiëd, joa, woa dát toch aan leet,
ge host mit iederiën, ál kende mekaar neet.
D'n iëne zaal di sjouwde in, d'n andere wer oèt,
ge zit d'n halven tiëd toch wer dezelfde snoêt.
Meensekiender kiek nou toch 's á, zeg, ów ken ik örges vá.

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


WEEJ BRENGE UT LICHT
2003/2004 nr.6 : Tekst & muziek: Kleffe Zök feat
Zang: The Gospelbrothers

  Refrein:
Weej zien apostelen vaan d'n vastenoavend.
As weej d'r zien, is de redding in zicht.
Want weej verkondigen heer d'n vastenoavend,
en weej brenge ut (vastenoaves)licht.
Weej brenge ut licht... sloet beej os a.
Weej brenge ut licht... ut giët d'r a.
Weej brenge ut licht... kom, blief niet stoan.
Weej brenge ut licht... loat ow 's goan.
Joa, weej brenge ut (vastenoaves) licht.

Wette geej neet hoe ge vastenaovend viert ?
Daan hedde duchtig pech.
Hedde geej det vroeger daan toch noeits gelierd ?
Weej helpe ow op weg.
Zidde ut nag duuster een ?
Daan hedde os nag neet gezeen.

Hedde zin, kom op, en got mit os op paad.
Doavaan kriede gen spiet.
Kom ma gauw, weej blieve nag wies deensdags laat.
Ut wuurt en schonne tied.
En tot slot en good bericht:
Ut end is nag lang neet in zicht.

En nou geej, de smaak daan good te pakke hed,
os missie is volbroch.
En as geej, dees vastenoavend noeits verget,
daan wiëte weej genog.
Daan ziede geej ôk net as weej,
d'r is wer en apostel beej.


HOME PLAATSNAMENOVERZICHTHOME


WEEJ GOAN DEN BOOR ÔP
Tekst: ? - muziek: ?
Zang (*) : Meuleveldkoër

Refrein:

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


WEEJ GOAN NAG LANG NI NA BED
2003/2004 nr.1 : Tekst: Cor Kuipers - muziek: Thijs Kleeven
Zang: Thijssen Thijs en co

Refrein:
We goan nag lang ni no bed, 't is hielemoal te vet.
We goan nag lang ni no bed want we beginne nag ma net.
De kastelein haet vette pech, di kriegt os heer ech noeits mier weg.
We goan nag lang ni no bed, zoë is 't ma net (ás ge ma wet).

Ik mot ierlik zegge, 't gaajt meej 't miëst,
as d'r duk en fleenk wuurdt gefiëst.
En zeg tegge iemand, din beej meej keumt stoan,
en has no hoes wil goan:
"Zeg ni daat ge ni blieve kunt,
nou no hoes goan is lewig zund".

Ma nou heer vanoavend, bekiek 't is aal.
Dit ving ik ech, nimmier normaal.
Vaan zoe-iets joa droemde, ma nou is 't woar.
't Schonste, in honderdjoar.
Zeg ni: ïk heb nou genne'n tied,
want doava kriegde lewig spiet".


HOME PLAATSNAMENOVERZICHTHOME


WEEJ GOAN, NAG NI MISSCHIEN
1996/1997 nr.3 : Tekst: Paul Hanssen - muziek: Wim Reijnders
Zang: Hôrs d'Oeuvre (Rob Driessen, Wim Duffhues, Paul Hanssen, Peter Thijssen)

Refrein:
Weej goan, weej goan nag ni misschien
Weej zulle waal de leste zien
Weej loaten os nou toch neet kenne
Doa môtte ze thoes ma gauw a wenne
D'n tîed, d'n tîed deen blieft ma goan
Kôs heej vânoavend ma blieve stoan
Weej goan, weej goan, weej goan, weej goan,
Weej goan, weej goan, nag ni misschien

Aalts te vroeg en noeijts te laat, noa hoes toe goan is, wât ik haat.
Weej fiësten door in elke kroeg, 't sloête keumt aalt wieds te vroeg.
Gluüf 't ni, gluüf 't waal, merge stodde in deze zaal.
Steeds opneej vaan daag tot nâch, daan wuurdt d'r wer opneej gezág.

De wiezer ván de klok luüpt door, din telt steeds af joa ieder oor.
De groëte haalt de kleinen i, ik kiek ni miër, ik heb niks gezi.
Dalik is 't wer gedoan, âs de wiezers de nâch i goan.
Op hoês op a, gen denken a, dât doon we dinsdâgnâch ma da ...

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


WEEJ VAN DE WAGEBOUW
2009/2010 nr.2 : Tekst & muziek: Bart van der Sterren
Zang: De Wagebouwers

Hup, laot gaon di wage
Weej wage ut wer good
Want as weej d’r ni ware
Da kos de preens te voot

Refrein:
Weej zien de wagebouwers
Weej zien vaan de wagebouw
’t Is en ier, ’t is en plicht
’t is en aangenaam gesjouw
Weej vaan de wagebouwers
Vaan fieze hand ni fies
Aalt de moëiste wage
Ma noëits d’n ierste pries

Vurdaat de carnaval jaorlijks in ’t verschiet leet
Hebbe weej os gereedschap al paraat
Zo druk as de compressor make weej os neet
Weej zien zo opgewekt às d’n aggregaat
Vaan inspiratieloos nao hoonderde ideeje
Beej Verhuur en op d’n Denewaeg
Jan vaan d’n Beuke knikt hiël tevreeje
‘t Keumt aaltied wal wer op zien puut teraeg

Moei doonkerblauw daat is neet lellik
Want in d’n optocht drage weej ma al te gaer
Die blauwe kieps en trui dus nim ut os neet kwellik
Ozze wage: giët door wind en waer


HOME PLAATSNAMENOVERZICHTHOME


WETTE GEEJ WAAT ENNEN DREUMEL IS
1987 nr.4 : Tekst: ? - muziek: ?
Zang (*) : ?

Refrein:

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


WIE GIËT D'R MIT ÓS MEI
1982 nr.4 : Tekst: Truus & Thijs Kleeven - muziek: Toen te Baers
Zang: Truus & Thijs Kleeven

Refrein:
Wie giët d'r mit ós mei mit vastenoavend,
lekker sjoenkele en zinge dór de stroat.
Een we zakke lekker door, de gansen oavend,
mit z'n allen onderiën, dat kán gen kwoad.
Lot de panne en de potte nou ma stoan,
wies dát de vastenoaend is gedoan.
Wie giët d'r mit ós mei mit vastenoavend,
lekker sjoenkele en zinge kán gen kwoad.

D'n buurman zoat te kiëke vur 't koesje thoês.
Zien vrouw waas eum d'n baas, heej woj zò gaer ván hoês.
Heej zoag en stelke kome, doa achter in de stroat.
Ze belde beej d'n buurman aan en goven eum deze road.
Kom nou má allebei en zing ma mit ôs mei.

Weej zinge mit z'n alle noar 't prinsebal.
De zaal stong op de kop, doa in d'n dreumelstal.
Weej plaarden ós noa vurre, wies beej de road ván elf.
En iedereen di sloot zich á, joa, dát sprook toch vazelf.
Wát waas meej dát en grei - en iederiën zóng mei.

* cd 1998/1999 : C.V. D'n Dreumel - "Carnaval 1999"


HOME PLAATSNAMENOVERZICHTHOME


WIE HAET DE POT?!
2005/2006 nr.2 : Tekst & muziek: Joep Hoebers
Zang (*): J3 (Joep Hoebers, Jeroen Kuijpers en Joep van Wegberg)

Refrein:
Wie haet de pot,
De pot met flappe?
Is 'ie vol
Of mot ik beej gaon lappe?
Want op wát cente nao zit d'r echt ga niks in,
Ma in en lekker potje beer heb ik zo'n zin.
Wie haet de pot,
De pot met flappe
Kom leg snel beej
Laot d'r vès enne tappe

Weej stonge in en volle zaal, ôs pláts net oetgezôch
Ut fiest dát waar in volle gang, ma ik haaj slechts iën vraog
Hoe gaon we daat nou regele, jao wie betaalt nou waat
Jao iederiën deen deut ut zelluf of weurdt d'r beejgelapt
De vastenaoves-tied di giet zo snel veerbeej
Ma in dit beerglaas zit zát geld, dus zien weej gauw tevreej.

De polonaise trok meej meij, verzette haaj gen zin
Ik keek nao links, ik keek nao rechts, ik zaot d'r middenin
En toen ik terugkwaam laog d'r in de pot en brifke klaor
'de pot is laeg dus lapte beej', daan gaon we vrolijk door
Ik kreeg mien knip wál errug snel te pakke
En met de inhoud hajje weej nog zaat te makke

Dao haij ik meej toch hoege noëd, môs snel nao de wc
De pot ma efkes meigenome, bang daat ik niks kreeg
Ik haij meej dao geinstalleerd, de deur die zaot op slot
En leet ik meej dao gaon, ma pakte de verkierde pot
Ik heb de waorheid efkes overwaoge
Ma heeld meej dom en heb ze veurgelaoge

* cd 2005/2006 : C.V. D'n Dreumel - "Carnaval 2006: 4x11 Jaor"


HOME PLAATSNAMENOVERZICHTHOME


WIE WET HEER
2000/2001 nr.4 : Tekst: Cor Kuipers - muziek: Thijs Kleeven
Zang: A. Muzi Caal; Thijs v.d. Munckhof, Jan v.d. Munckhof, Ger v.d. Bekerom, Hay Verheijen (www.wie wet heer.com)

Refrein:
Wie... wet heer, wie heer dit beer heer, wie heer dit beer heer môt betale ?
Wie wet heer, wie heer dit beer heer, wie heer dit beer heer haet besteld.
Dát mót toch iemus, iemus wiete, iemus haet dát toch gedoan.
Anders háj heer van ze laeve, lang ni zoveul beer, heer gestoan.

Teggewoardig wiëtte meense joa toch zoë ontieglijk veul.
Ván computers en zon dinge, dis veur eur aal kienderspeul.
Ma hedde soms en hiël klein vrugske, zo onnuüzel as ma kaan,
da kunne ze gen antwoord gaeve, doa wiete ze de balle vaan.

En as ze toch en antwoord gaeve, is 't ok nag knats verkiërd.
Ge'vrogt ow áf weurum zon meense, dán toch hebbe doorgeliërd.
Dát ze meej zoë loate zitte, ving ik ech en groët gemis.
Ge snapt toch wál dát ik wil wiëte, woaván aal dát beer heer is.


HOME PLAATSNAMENOVERZICHTHOME


WIEBELKEUNTJE
2005/2006 nr.1 : Tekst: Cor Kuipers - muziek: Thijs Kleeven
Zang (*) : A Muzi Kaal (Ger van de Bekerom, Thijs van de Munckhof, Jan van de Munckhof, Hay Verheijen)

Refrein:
Ze heat en wiebel, wiebel keuntje,
en enne giebel, giebel lâch,
en ás ze zoë parmantig roondluupt,
da wuurdt 't werk stilgelâg.
En ze wiebelt en ze giebelt,
gans de straot die kiekt eur nao,
ás iederiën zich umdreijt,
luupt ze hoëgswàrschienlik dao.
Ze haet en wiebel, wiebelkeuntje,
en enne giebel, giebel lâch.

Ik ken en hiel moei megje, dát megje dát het Miep,
't is en hiel ópvallend tiep.
En ás ge óp de man vrogt, wát ik dao nou ván ving,
Zeg ik: 'Dát is en richtig huppelding'.

Ze is wâl wát opzichtig, dat wet ze hiël good zèlf,
en haet ál vreejer nummer elf.
't Waore zeg ma álmaol, óntzettend schonne luuj,
ma waorte aal dat wiebele zo muuj.

't Waor met vastenaovend, inaens toen zaog ik ze,
ze wiebelde ma te-te-te.
't Waas ech aoverdreve, 't waas vur meej gen vraog,
wao dát wiebele en giebele aan laog!

* cd 2005/2006 : C.V. D'n Dreumel - "Carnaval 2006: 4x11 Jaor"


HOME PLAATSNAMENOVERZICHTHOME


WIEDEWEG
2009/2010 nr.1 : Tekst: Cor Kuipers - muziek: Thijs Kleeven
Zang: Joske Peeters en Jori Beeren

Geej ziet wiet, jao wiede-weg d'n beste
d'n állerbeste din ik ken,
ma got wiet, jao wiede-weg 't leste,
zn laat ás geej got, gaon d'r gen.
Ma toch blief ik áaltiëd ván ow hâlde,
aal waere weej straks heer weggekaerd
wánt geej ziet, ik'wil 't ow zegge:
miene prîns óp't witte paerd

Ik bin in de wôlke, ás ik ow wer zeej
daenk da beej meej zellef, din huurt echt beej meej
ma aalt óp 't ende, 't eindresultaat
met ow wuurdt 't toch zn verschriklijk laat
Ma ik ving wál dát geej wiet,
... wiedeweg d'n beste ziet

Ik zal 't ma zegge,wánt dát daenk ik duk
geej ziet miene leve, geej ziet mien geluk
ma óp tied nn hoes gaon, zit t'r ech neet een
wánt dát heb ik tot nog toe noëits gezeen
Ma...


HOME PLAATSNAMENOVERZICHTHOME


ZEG HEDDE GEEJ GENNE ZIN
1984: Tekst: ? - muziek: ?

Refrein:

* cd 1996/1997 : C.V. D'n Dreumel - "Carnaval 1997"


HOME PLAATSNAMENOVERZICHTHOME


ZIDDE DAT BLEUMKE ?
2001/2002 nr.3 : Tekst: Jan Hesen - muziek: Ron v/d Beuken
Zang: Jack Cuijpers

Refrein:
Zidde dat bleumke beej 't peumke, met en golden rinkske um 'r pinkske.
Zeej huurt beej meej en ik beej eur, ik gaef meej gans aan deez bellefieur.
Want ze haet 't en makt vul lol op dit stuk van de waereldbol.
Jao, ze haet 't en maakt vul lol, dit mooje stuk van de waereldbol.

lk loep door de kelt op de mert, de wind sneejt door 't gezicht.
Toch de reis is de moeite waerd want guns wied dao stiet mien lich.
Zeej wacht op meej vol gooije zin, en zaet hoi as ik beej 'r bin.

Weej springe hiel wat op en neer, doon lekker meij met de res.
Nao enne aovend van vul plezeer, zien weej trug van weg gewes.
Weej staon dao dan vol gooije zin en ik kiek nao mien keuningin.


HOME PLAATSNAMENOVERZICHTHOME


ZING MIT ÔS MÈJ
1983 nr.2 : Tekst & muziek: Jochem Cox
Zang: Dorothe & Ingrid Cox

Refrein:
Zing mit ôs mèj, zing mit ôs mèj, dit melodietje.
Zing mit ôs mèj, zing mit ôs mèj, en Horster liedje.
Maak is waat lol, slot is op hol, kus is en grietje.
Vastenaovend beej de Dreumels is zoa fijn,
Vastenaovend mit de Dreumels groêt en klein.

De vastenaovend is maar drië daag in ‘t jaor.
Maar juust zon daag, die ziën vur hiël waat minse zwaor.
Giët ut neet good en keumt de mismood ôw d'r aan,
pieker dán neet, wánt och, dao kriede koppien vaan.

Bekiëk ut laeve vaan d'n allerbeste kant,
waant aan d'n slechte kant, dao zit d'n trammelant.
Laot ôw neet onderkriëge, nè, en ziët toch blië.
En darrum zing mit ôs dees kleine melodie.

* cd 1994/1995 : C.V. D'n Dreumel - "Carnaval 1995"


HOME PLAATSNAMENOVERZICHTHOME


ZIT D'R NAG WAAT LEKKERS IN UT VAAT
2004/2005 nr.5 : Tekst & muziek: Kleffe Zök
Zang: Kleffe Zök

Refrein:
Zit d'r nag wat lekkers in ut vaat?
Daan wille weej d'r nag wal enne dreenke!
Geaf os nag en pötje gerstenaat
Daan goan weej oppe vastenaovend kleenke
Wat in ut vaat zit, nea, dat verzoort toch neet
Dat zal ôk neet gebeure, as ut aan os leet!
Zit d'r nag wat lekkers in ut vaat?
Daan geaf os gerstenaat!

Ut ganse jaor door, leas ik smerregus de krant
en aal ut neejs, volg ik, alles intressant
Ma mit de carnaval, is det alles meej niks weerd
Umdet meej daan, werkelijk, ma iën vroag intresseert
De vroag die ik daan stel aan deze kel
O-o-o-o-ber zeg nou toch 's snel...

En as ge beer bestelt, velt dat ôk nag gaar neet mei
Joa wat en keus, alles smakt, wat en lekker grei
En halluf um of pils, de kastelein het ut op vaat
Ut geft neet wat, heej daan tapt, ut is toch iën pot naat
De vroag die ik daan nag's effe stel
O-o-o-o-ber zeg nou toch 's snel...


HOME PLAATSNAMENOVERZICHTHOME


ZITTI ZITTI
Tekst: ? - muziek: ?
Zang (*) : Mannekoër

Refrein:

* cd 1995/1996 : C.V. D'n Dreumel - "Carnaval 1996 - Dreumels onderiën"


HOME PLAATSNAMENOVERZICHTHOME


ZOE IS 'T GOOD
1999/2000 nr.6 : Tekst & muziek: Hay Hesen
Zang: Doorgestoake Kaart (Jan Nabben, Peter Speijcken en Jac Wismans)

Refrein:
Zoe is 't good, daat ka ni baeter.
Zoe is 't good, zoe is 't fijn.
En lat oos hee ma same zinge,
daan is oos Hors wir vuls te klein.
Lot ze doa boave nou ma proate,
doa trekke weej oos niks vaan aan.
Want as weej vastenoavend viere,
keumt half Holland heer oop aan.

Waat trekt oos ieder joar toch wir 't miest,
vastenoavend is en blieft aalt en prachtig fiest.
Preense trekke oaveraal door oos Limburgs land,
en zinge in eur eige taal, same hand in hand.

Doa speult en joekskapel carnavalsmuziek,
dansmarietjes danse da, joong, daat is uniek.
De boorebrullef huurt d'r beej, daat zal noeits vergoan.
Godwet: ovver hoonderd joar zal daat nag bestoan.

* cd 1999/2000 : C.V. D'n Dreumel - "Carnaval 2000"


HOME PLAATSNAMENOVERZICHTHOME


DE ZOÊPFIETS
2004/2005 nr.6 : Tekst & muziek: Erik van Rengs
Zang: Altied Noeit Te Laat

Refrein:
Jao miene zoepfiets man deen wet de weg
Gaj ik op paad koom ik altied wer tereg
Mej rakt ie enne bloomenbak of enne luchtepoal
Dat kan tog ga niks schille
Want weej zien kels vaan stoal
En wilde op den terugweg achterop
Iene road zet ow enne helm op

Heej stiet op slappe bendjes achter in de schop
Met vastenoavend pompe weej die bendjes da wer op
Dreje ok nog efkes an ut ventiel
En hale alle sleg wer oet ut wiel
De ketting efkes smere en goan daan snel op paad
We kneie daan hiel hard en zien dus altied nooit te laat.

As ut fiest gedoan is stappe weej wer op
En valle an den andere kant zo ma op de kop
Knierse deut de zand tussen de tand
En ok nag hiel wat splinters in de hand
We motte wer na hoes toe de weg is wiet en lang
En stoete os dan regelmotig an die werse stang


HOME PLAATSNAMENOVERZICHTHOME


ZONNE NACH ZOËÁS VANNACH
2005/2006: Tekst: ? - muziek: ?
Zang: Oenoemoeloeke 5

Moeien daag
We drinke den aovend oet
Ooh moeien tied
Zo laat

Ooh moeien tied
We drinke de nach wer in
Kom wiej giet 'r
Mej op paad

Laot ut laeve loepe zoeas ut laeve luupt
Zolang as der ma beer is en ok iemus ut verkuupt
Of ut in en tent is of urges in en kroeg
As ut ma blieft loepe, ut lifst tot mergevroeg

Baove alle kopkes danse volle blade beer
Ze lieke wal te zweve en ze kome zuutjes neer
Da wurt der wat gegraaid en elke hand is gauw gevuld
De nacht den deurt nag lang; we zien nag lang ni oetgeluld

We zulle ni verdorste want der is beer genog
en we veule allemaol, der hungt wat in de loch
Iederien den heer is is wer trug va weggewest
En iederien wil blieve, wil blieve wies ut lest

Want zonne nach zoeas vannach kumpt noeijts mier trug

As de nach zoe doorgiet kan ie echt ni mier kepot
En de deur nao merge diej halde weej op slot
Al is diej deur geslaote, toch veule wej os vreej
Want as de merge kumpt dan is deze nacht vurbeej

En in zonne nach
wao de liefde lacht
dao vingt alles zienne waeg

Iederien wil mier
En rupt nag iëne kier
En de glaas zien laeg
Wer laeg, wer laeg, wer laeg


HOME PLAATSNAMENOVERZICHTHOME


ZÔNNEN AOVEND
1979 nr.1 : Tekst & muziek: Jan Verheijen
Zang: Toon & Jan Smits

Refrein:
Ma zonnen oavend zoe as vanoavend guft ow wer mood.
Wat schaele wazel en daan is wer alles good.
Zet op die neus, trek ow vrouwke oet de keuke.
Want ennen oavend zoe as vanoavend motte goan zeuke.

Me haet van die daag, daat d'r niks good wil goan.
Me stuet zich de kop vur me op is gestoan.
En gaat in de zök, grezereei aan de maag.
Nou, da wette 'm waal hange, daat wuurt niks vandaag.

Gebluts en geplaar, vur en baeter bestoa,
dat is 's leaves loëp as geej ok mei wil doa.
Me ment me ik griep ‘t geluk beej de kraag.
Nou, da raeken ma röstig, dat wurt niks vandaag.

* cd 1993/1994 : C.V. D'n Dreumel - "Carnaval 1994"


HOME PLAATSNAMENOVERZICHTHOME


ZOVVEUL TE KLENDER
1984 nr.3 : Teksts: ? - muziek: ?

Refrein:
Zovveul te klender, zovveul te fender, daat is toch woar.
Wánt ôs klein dreumelke is twië-entwintig joar.
Woa is deen tiëd toch hin gegoan ?
Hebbe die joare wál bestoan ?
En da mit carnaval, deen iëne kiër per joar.
Woa is deen tiëd gegoan ?
Hebbe die joare wál bestoan ?
Wánt ôs klein dreumelke is twië-entwintig joar.

't Is affaant 't same âfgesproake woar,
net mit die dolle daag, deen iëne kiër per joar.
't Is enne fijne má enne kleine, woort ôs gezâch.
Ze is vur vastenoavend in de weeg gelâch ... waant

De vastenoavend is vur eur de schônsten tiëd.
We wille same toch die dolle daag ni kwiët.
Ze lut ós mei wâchte, aal deurt 't nâchte, 't deut ós gen pien.
We wojje same daat ze wer zô klein zui zien ... waant


HOME PLAATSNAMENOVERZICHTHOME


DE ZUVVENDE HEMEL
1999/2000 nr.5 : Tekst: Wim Hendrix - muziek: Ger de Mulder
Zang: Jack Cuijpers & Marion Peeters-Boots

Refrein:
Weej zien in de zuvvenden hemel; dát is d'n hemel op aerd.
Schat, geej zied mien engelke, en wál e zónde waerd.
De hemelpaort, die blief vur ós wagewied aope staon.
Weej zie vreej um te kome en ok um wer te gaon.
In de zuvvenden hemel zien, is wál e zónde waerd.
Mit oow, mien engelke, is dát d'n hemel op aerd.

Ik bin gans in de wolke en in de sterre stiet,
dát ós waore liefde noeits verlaore giet.
't Is gewoen e woonder, dát dit móg bestaon.
Ik veul ás ik oow kus, beej 't licht ván de maon ...

Di gojen alde Pietrus, din haaj 't gauw gezeen.
Hemel nummer zeuve leet heej ós wál een.
Heej zag, vur mienen engel, gaj ik dór 't veur,
en haalde toen 't slot, ma veurgood ván de deur.

* cd 1999/2000 : C.V. D'n Dreumel - "Carnaval 2000"


HOME PLAATSNAMENOVERZICHTHOME