HOME PLAATSNAMENOVERZICHTHOME


BIËSTECHTIG GOOD
2002/2003 nr.2 : Tekst: Panklaor - muziek: Bart Hilberink & Edward Clerkx
Zang: Panklaor

Wirke doon we hel, ut hiële ganse jaor.
Mer soms, den zeen d'r tieje, man, den veulse dich panklaor.
Den kiekse alweer oet nao die biëstechtige daag.
Det is mèt vastelaovundj, as get extra's maag.

Refrein:
Ich wil fiëst, doe gekke biëst.
Wils dich neet mèt mich gaon danse ?
Ich wil fiëst, doe gekke biëst.
Same griepe wae os kanse.
Rennen in ut rondj, stampe oppe grondj.
Biëstechtig wie wae d'r aan gaon.
Rennen in ut rondj, stampe oppe grondj.
Biëste, det is zoea gezondj.

We hange den de biëst oet, mer blieve hiël sociaal,
as we mèt z'n alle hosse, springe danse door de zaal.
We brulle den auch same de meiste leedjes mèt,
en gaon den lekker 's aovus kei kapot nao bèd.

Mekklijk is ut neet, mer oet is ins det fiëst.
Den mosse aafsjeid numme van det vastelaovundj biëst.
Ut laeve geit weer wiejer in pak of euveral.
Ut deurtj un jäörke veur det ich weer brulle zal.


HOME PLAATSNAMENOVERZICHTHOME


DRIE DAAG LANK
2000/2001: Teks: ? - meziek: ?
Artiest: De Mammaa's

Refrein:
Drie daag lank, is mamma neet te remmen
Drie daag lank, is mamma neet te temmen
Drie daag lank, springtj mamma door 't landj
Den springt sje oet de bandj

Doe huurst 't euveral, 't is weer carnaval
De hiel zaak steit op zien kop
't is drie dage fieest
uns fein allein op sjouw
en weem der get van zegge wiltj
dae zeet 't noe mer gauw

Ich haaj mich hielemaol, as haremvrouw verkledtj
En op 't fieest zoog ich toen pap
Dae hiel verliefdj toen dee
Hae vroog: durfs dich ut aan
Om same op stap te gaon
Toen dee ich vlot mien sluier aaf
En zong oet volle borst

Zoea geit mam heure gank, drie gekke daag lank
Mer woea ze geit, of woea ze steit
Pap letj heur toch mer gaon
Hae heet nog gooie mood
Hae waetj verrekkes good
Ze is zoea gek as ein raad
Toch is ze lang neet zaat


HOME PLAATSNAMENOVERZICHTHOME


DRIE DAAG LANK
2005/2006 nr.1 : Teks: ? - meziek: ?
Artiest: De Kujeltraoters

Refrein:
Drie daag langk,springtj ut durp weer oet de bandj
Drie daag langk,hub icg dees daag weer gein verstandj,
wae goan dur aan beginne want os pekske hangtj weer klaor,
mer doe zuls mich neet herkinne met die strikke in mien haor,
Drie daag langk,hub ich dees daag weer gein verstandj,
ut zal dich mer gebeure bisse vastelaovesj-gek,
den besse hie in Kelpe-Oler bie os op de juuste plek.

Wae maake os gein zurge,
want ut is pas vriedigmurge,
ich haaj de ganse daag niks oppe plenning staon,
mer weit den toch desnaovondj
den begint de vastelaovondj
det laot ich mich toch zoemer neet
mien naas veurbiehie gaon.
De schmink weer opt gezicht,
en auch de pruuk zitj noe waal good,
wae gaon neet met de waage,
nae met zen alle weer te voot.

Ut geit noe vast beginne,
want de prins dae is al binne,
de muts steit al verkierdj op ziene kop
mer waat kumtj dao achter aan,
eederein maakt al vriej baan,
de joekskapelle, man det geit derop,
muziek en auch wat glazer beer,
det geit der noe waal in,
stomme kal en gekke zanik,
eederein dae heet gooi zin.

Zek mich mer wao det aan loog,
det gesjans dao aan dae toog,
mot ich dae letste toch mer laote staon,
murgevreug, nae geine spiet,
want ich bin de rest al kwiet,
zoeje we den neet verstenjig heives gaon,
halverweeg de deur nao boete,
polonaise door de gangk
de gans beslage roete,
vastelaovondj... drie daag langk


HOME PLAATSNAMENOVERZICHTHOME


HIEJ IS VASTELAOVUNDJ
2009/2010 nr.1 : Tekst & muziek: Ria Stals-Baetsen
Zang: Sjingboem

Refrein:
Jao jao jao......
Hiej is vastelaovundj
van smurges toet wiejt in de aovundj
de juuste joeks is oetgezocht
hiej aoms se vastelaovuslocht
Jao jao jao......
Hiej geit ut gebeure...
hiej hange Vastelaovusgeure...
de minse gaon hiej ziej aan ziej...
de beste Vastelaovus-teerapiej

Wae sloete hiej gans achteraan
nog nuchter en verlaege
det is hiej druk de waasum kumtj os taege
de raod van os steit midde drin en staon op os te winke
en zegge os det wae get motte drinke
Den ut rundje van de kastelein
bringt gans kefee op dit refrein

De Prins dae is allang bekindj
hub net langs hum gezaete...
dao kinne wae de-snag nog get gaon aete...
Hub net auch nog de vors gezeen
Dae stong dao guns te haoje...
dae haaj gein stum mier
en dae waas verkaoje
En as wae nog neet zeen oetgekaldj
Waerdj door't kefee dit leed gebraldj

De kapel diej wae hiej hubbe
deut de lampekappe sjudde
en confettie waerdj vandaag geweiktj
laot nog ins diej glaazer vulle
en weer draan wiej eine dulle
vastelaovundj is bereiktj


HOME PLAATSNAMENOVERZICHTHOME


HUËR DAO KUMPT EIN JOEKSKAPEL
2000/2001: Teks: ? - meziek: ?
Artiest: Op 't lèste moment

Klinkt de joeks door Kelpen-Oler, zitj de stumming d'r flót in.
De groeëte bas en de trombone, jao, die gaon toet aanne pin.
Saxofoon en auch trompette, dieke trom en de cymbaal.
Man, zo'n club die haeltj de sjwoeng d'r in, daorom zingtj de ganse zaal.

Refrein:
Huër, dao kumptj ein joekskapel, en die besteit oet èlluf gekke.
Kiek ze blaoze, kiek ze träöte, en ze blieve lekker plekke.
Mer ze doon ut neet allein, want Kujeldreiers doon gaer mèt.
Róndj de prins en mèt de ganse bubs, joeksmuziek, det haeltj ós fit.

Kiek ze hosse, kiek ze springe, zwart en roeëd, kleurtj de muziek.
Blief neet staon ónger ut zinge, doot noe mèt, det meuktj 't sjiek.
Laot um gaon en laot um dreije, mèt de Kujelprins veurop.
Sleit de tróm en klinktj de tamboerijn, Kelpen-Oler oppe kop.


HOME PLAATSNAMENOVERZICHTHOME


ICH WEIT DAE VASTELAOVUNDJ
2005/2006: Tekst: Ria Stals - muziek: Paul Ramaekers & Ties Wagemans

Refrein:
As November elluf elluf zeet,
en dao neemus nog gein erg in heet,
En mien pekske kumtj weer oet de kast,
eeder jaor steit det weer vast.

As mien hert get sneller kloppe geit,
en auch Roed Gael Greun weer kleurtj,
As dae Burgervader weer veur os steit,
en ziene buut weer heet geveurdj.

Refrein:
Ich weit dae vastelaovundj, det sjuptj toch eene bandj,
en zeker biej die minse in det Kujeldreierslandj.

Ich ben bliej det ich den zegge moog,
det ut neet aan die van Heytse loog,
Die van Baoksum en auch Grathum neet,
Hoew neemes Kujeldreier zeet.

Refrein:
Ich weit dae vastelaovundj,
detsjuptj toch eene bandj.
en zeker biej die minse in det Kujeldreierslandj.

As ich snachs weer spek met eier aet,
biej eemes dae mich, gaar neet kintj,
Dae mich daags dao nao weer tege kumtj,
en mich de aller sjoenste vindj.

Refrein:
Ich weit dae vastelaovundj det sjuptj toch eene bandj,
en zeker Biej die minse in det Kujeldreierslandj.

Die daag die vleege om en auch,
mien stum diej heet ut hel,
hiej dae letste daag staon zumpe,
aan det beeldj met hoondervel.

Refrein:
Ich weit dae vastelaovundj,
det sjuptj weer eene bandj,
en zeker hie in Kelpe in det Kujeldreierslandj.

een truust, mer auch weer volgundj jaor,
vastelaovundj bin weer dao,
En ben bliej det ich den zegge kin,
det ich eene Kujeldreier ben,.....
Ben bliej det ich den zegge kin, det ich van Kelpe-Oler ben.


HOME PLAATSNAMENOVERZICHTHOME


KELPEN-OLER DÖRPKE!
Tekst: ? - muziek: ?

Refrein:
Kelpen-Oler dörpke, woë ich zoëvöl van hoaj
Ut allerleefste plaetske, det ich altied ônthaoj
Ich kin dien slingerwaegskes, tûsse veljur, wei en k'naal
Doe bûs zoë sjoeën gelaege in ut Midde-Limburgs landj.

Al is sinds oos jeugd in oos dörp völ vurnoedj
En zeen t'r völ plekskes mit hoëzer beboedj
Toch zeen t'r nog völ woë ich dök haer kan gaon
Mien dierbaarste plekskes zeen blieve bestoan.

Ich loap door ut Wessemerven nao de hei
Doa zeen ich de golving van veldj en van wei
Al kômme de hoëzer dao steeds dônder biej
Ich zeen zoëvöl sjoeëns nog en det meuktj mich bliej.

Hiej is völ vurangeurdj, hiej is hiël völ noew
Völ stroate mit hoëzer, völ minse zeen noew
Die zeen auch van hiej, joa die heure d'r biej
Ze woëne hiej gaer, daarôm zinge auch diej.


HOME PLAATSNAMENOVERZICHTHOME


MÈT VASTELAOVUNDJ
2000/2001 nr.1 : Teks: Panklaor - meziek: Bart Hilberink & Edward Clerkx
Artiest: Panklaor

't Is weer tege sloetestiet, 't geit neet miër zoë vlot.
D'n hiële aovundj hosse, den bèsse ram kapot.
Weem haaj dao de keulkast vol ? Det kreeg ich net nog mèt.
Nog efkus get kaojsjottel, en dan pas weer nao bèd.

Refrein:
Hubse toch zoëvöl in hoes ?
Nou den aete wae neet thoes,
mèt Vastelaovundj.
Wae gaon gerusj mèt uch op reis,
veur dae ummer mèt zoorvleis,
mèt Vastelaovundj.
Echt, ut is os waal get waerd,
ich hub honger wie un paerd,
mèt Vastelaovundj.
Want van hosse en van lol,
kriege wae de maag neet vol,
mèt Vastelaovundj.

's Zundjigs is de optocht d'r, det weurdj 'ne lange daag.
Mer det wiltj niks zègge, mèt unne volle maag.
Moder heet nog good gekooktj, den kinne we weer draan.
D'n hiële daag tampiëste, van veur toet achteraan.

's Mondigs nao de kroegetocht, de boek dae protesteertj.
Allein zo'n vloeibaar bottram, die is get snel verteertj.
Mer dao kumptj de buurman al, dae sleiptj os mèt zich mèt,
en goëdj biej um vol leefdje get frieten in ut vèt.


HOME PLAATSNAMENOVERZICHTHOME


NET MENKE
2000/2001: Teks: ? - meziek: ?
Artiest: Kujelträöters

Zaek kiek es aan, dao steit un hiel net menke,
met een nuuj jeske en een muts oppe kop.
Dao aane zaal, dao steit un hiel net menke,
dae zeet d'r geine eine met hae steit d'r netjes op.

Ich gaon uch get vertelle, 't is ein sjoean verhaol,
want waat ich noe gezeen hub, det is echt te dol.
Sensatie veur ut ganse durp det sleit ut hielemaol,

Dao steit d'r, Dao steit d'r, Dao steit d'r, Dao steit d'r, Dao steit d'rrrrrrrrrrrrr,
Dek steit d'r echt veur paol.

Veur ozze kujeldreier waerdj hiel good gezurgdj.
Zoea mer eine zak oet, dae bak gewurgdj.
Eder waek nuuj kleier, det toch hiel royaal.

Zaek kiek es aan, dao steit un hiel net menke,
met een nuuj jeske en een muts oppe kop.
Dao aane zaal, dao steit un hiel net menke,
dae zeet d'r geine eine met hae steit d'r netjes op.

Weem det d'r veur hum duit zurge, steit vast in zien sjoon.
Det d'r noe niks aan heet, kan d'r niks aan doon.
Noe hubbe ze de bak gelaegdj, hae weit zich geine raod.

Dao steit d'r, Dao steit d'r, Dao steit d'r, Dao steit d'r, Dao steit d'rrrrrrrrrrrrr,
Dek zeen ze waal get vaal.

Kiek noe toch aan, dao steit un hiel net menke,
mer noe zonger jeske of muts oppe kop.
Dao aane zaal, dao steit toch zo'n sjoean menke.
Auch zonger al die vodde is ut echt nog geine flop.

Dao steit d'r, Dao steit d'r, Dao steit d'r, Dao steit d'r, Dao steit d'rrrrrrrrrrrrr,
Hae steit d'r netjes op.


HOME PLAATSNAMENOVERZICHTHOME


OPTOCHTLEID
2005/2006: Tekst: ? - muziek: ?
Zang: Panklaor

Ut is alweer November 't zitj te spele door de kop
Ich mot ideeen gaon creeren angus weurdj ut unne flop
Det dink van veurig jaor 'ch haaj d'r hiël get van gedach
Dao waerdje ich mer veerdje mèt, blamage op ut zaochst gezag

Refrein:
As mer baeter, as mer sjoeaner, angus win ich dit jaor neet
As mer hoeager, as mer groeater angus wintj dae anger weer

Dao vaeltj mich auch dae knommel nog inein
Det is noe echt neet fijn, Det is noe echt neet fijn.
Dao vaeltj mich auch dae knommel nog inein
Ich raap de rommel weer biejein

Ut idee det is geweldig mer de oetveuring is pet
As ich de buurman noe's d'r biejvraog dae haetj Nico of zoëget
Enthousiast paktj d'r de slieptol en ut lasapraat d'r biej
Wae zulle hiej us get van make dao is de rest echt niks miër biej

Dao vaeltj mich toch dae knommel weer inein
Det is noe echt neet fijn, Det is noe echt neet fijn.
Dao vaeltj mich toch dae knommel weer inein
Ich raap de rommel weer biejein

Nao maondje kei hel wirke 't resultaat det zeen ich gaer
Gaon ich same mèt de buurman nao de startopstelling haer
De windj dae stuuktj de kop op en ut weurdj waal erg gries
Mer gelukkig deurtj ut neet lang want we starte van plaats vief

Dao vaeltj mich toch dae knommel weer inein
Det is noe echt neet fijn, Det is noe echt neet fijn.
Dao vaeltj mich toch dae knommel weer inein
Ich raap de rommel weer biejein

neet miër biejein


HOME PLAATSNAMENOVERZICHTHOME


VASTELAOVUSTREIN
2000/2001 nr.1 : Teks & meziek: Martin Hermans & Edward Clerkx
Artiest: Bölke


Refrein:
Kujeldreiers, 't is alweer zoea wiet.
Lang gewachtj op dae vastelaovustiet.
Op vakantie ? Ich gaon neet mèt uch mèt.
Ich hool lever mèt de optocht de gezèt.
Nemus kriegtj mich de bus op nao Tirol.
Ich laup lever veur gek of halve zool.
Vastelaovundj viere wae biejein.
Kelpe Oler in dae vastelaovustrein.

Skieen, det leek mich altiet waal uns leuk,
bekeek hiel wat reize in vakantiebeuk.
Ich zocht un fijn oet en hub die toen snel gebooktj.
't Waas met vastelaouvundj, waat hub ich gevlooktj.

Ich bèn toch mer gegange, met loead in de sjoon.
D'r waas al gebooktj dus ich kos niks mier doon.
Gein lol, geine optoch en nurges unne prins.
Waat hub ich mich toen truuk in Limburg gewinsj.

Toch met vastelaovundj pak ich mich de trein,
unne trein van un hiel lang riej minse biejein,
die hosse en danse en springe, handj in handj.
Ich vier vakantie in os Kujeldreierslandj.


HOME PLAATSNAMENOVERZICHTHOME


VERSIERE
2010/2011: Tekst & muziek: Ria Stals-Baetsen
Zang: SjingBoem

Refrein:
zoew greun as graas, ich net nog waas
krieg ich de deksel op mien naas
staon ich de hiel verkierde te versieren
dezelfde naas, de juuste haor,
wiej vastelaovend veurig jaor,
mer waat zu heet, heet hae weer neet
hub de gans verkierde beet.

Miene hertslaag sleit op hol
as ich weer aan venaovend dink
goej vandaag eens alle sjarmes in de strijd
hub mich al mer get gedronke
en ich haoj mich best waal flink
as dae clown van veurig jaor weer veur mich steit
staon te traeje, biete, plukke, kratse, druime aan’t buffet
ben ich neet op aan’t lette
piktj mien aug dao net nog met!

haoj mien uig vandaag wiet oop
gebeurt mich geine twiedje kiejr
goej mien sjarmes gans opnuuj weer in de strijd
hub de polonais gelaupe
veur de allerletste kier
as ich mich omdreij
zeen ich weem der veur mich steit
staon te traeje, biete, plukke, kratse, druime, tis mich get
dae clown liet mich neet zitte
trekt mich in die riej weer met!

hub mich lang zat blauw gelaupe
dink ich gaef ut noew mer op
goej mien sjarmes veur venaovend euverboord
wil det in mien oere knaupe
zet dae clown oet miene kop
vinj dees leefdje heet al veul te lang gedoord
staon te traeje, biete, plukke, kratse, druime,tis mer net
toch baeter op gaon lette
‘t waas een hae of toch een het!


HOME PLAATSNAMENOVERZICHTHOME


VEUL TE VREUG
2004/2005: Tekst: ? - muziek: ?
Zang: Panklaor

Begintj ut noe al? Volgus mich hingtj zelfs mien pekske nog te druëge aan de waslien in de zon.
En de kerstbaum?Dae steit biejos nog get te ruzele inne hook valle zien naoldje oppe grondj
Wages bouwe. In de kerstvakantie zeen we d'r aan begonne angus komme we neet klaor.
't Is toch zoea kaod, 't is toch zoea kaod det we d'n optocht mer 't beste op de sjaats kinne gaon doon.

Refrein:
Want dae tied dae is toch väöl te kort
as ut hiel program dao passe mót
't is toch neet zoea det ut prinsebal met de Borebroelof same mót.
Vastelaovundj, Vastelaovundj, Vastelaovundj det vaeltj väöl te vreug dit jaor.
Vastelaovundj, Vastelaovundj, Vastelaovundj det vaeltj väöl te vreug dit jaor.

Stumbenj training, want mien stum haaj väöl geleje door ut zinge van os Kelpe-Oler leed.
En de laever? Dae heet zien laetste glaeske van de aafgelaupe vastelaovundj net verwirktj
As dit zoea door geit, den waere Kerst en Vastelaovundj op dezelfdje daag gevierdj en weurdj ut zwaor
Mer 't heet as veurdeil det met die 3 te gekke Kerstdaag d'r neet echt gebrek aan ezels is det jaor

't Is toch jaomer det asse net op dreef bès det de rem weer op mot angus gaon we gewuën door
't Is toch jaomer det ut hoegtepuntj kumptj as det dien geveul zeet van : Wae gaon d'r nog us veur
Besse werrum en hubse net zin om dich hiel te gaeve en d'r weer ins vol tege te gaon.
Besefse den pas, det ze met de prins weer hulendj biej ut Kujeldreiersstandjbieldj hubs gestaon.


HOME PLAATSNAMENOVERZICHTHOME


WAAT BÈS DICH ?
1999/2000 nr.1 : Teks & meziek: Martin Hermans & Edward Clerkx
Artiest: Bölke


Refrein:
Kuujel-, Kuujel-, Kuujeldreijer, waat bès dich ?
Ich wil ut zoea gaer weite, dus vertèl ut mich.
Hubse goojen aard ? Hubse gooje lol ?
Want mèt vastelaovundj gaon wae drie daag same oet de ból.

Eder dae se vreugs waat eine Kuujeldreijer is,
vertèltj dich un verhuelke, mer hae waetj neet waat ut is.
Want zelfs de geliërdje zeen d'r neet echt euver oet,
of ut noe un spel is of 'ne aerpel in un toet.

Ich ging eigenlijk oet van waat mien opa mich uns zei:
Grathem Kelpen-Oler, det waas echt neet kook en ei.
Diej luuj van Kelpe-Oler wore toen al neet te flauw,
en bonje den 'ne stein in unne zakdook aan un touw.

Vonj ich mich op zulder toch ein Limburgs woordebeuk.
Ut wuerdje kujeldreier, dao ging ich dus nao op zeuk.
Mer toen waerdje mich inins de smaak toch erg zoor,
wie un anger woord veur Kujeldreier, flauw bujel woor.

Gae vraogtj uch noe waal aaf, woearom det ich dit weite mot.
Ich zal ut uch vertelle, auch al sjaam ich mich kapot.
Ich wil ut zoë gaer weite, want mien mam heet mich gezag,
det ich neet mèt vreemdje fiëste maag, toet hiël deep in de nacht.


HOME PLAATSNAMENOVERZICHTHOME