HOME PLAATSNAMENOVERZICHTHOME

180 PUNTE
2003/2004: Tekst: Marij Gijsen-Verkoelen - muziek: Leo de Bruyn
Zang: Ger, Karel, John en koor

De regels van darte gaon baove mien pet.
Verkleije as Henkie det leek mich wel get.
Ig kog unne keep en... ut is genne grap,
en roop taege det maedje van onger mien kap...

Refrein:
Hongerdtachtig punte, die kries doe van mig,
want doe trofs met de leefdespiel reg in den trippel van mig.
Mien hert det begint te boetse en der gebeurt mich get geks,
want as ig in dien auge kiek, jong, den razele mien legs.

En gruts wie unne graaf, zoe laup ig hie rondj,
en kus elk sjoen maedje vol op heure mondj.
Ein raakte de roes want die zei taege mig,
ig woej waal ens onger det keepke met dig.

Dees drie daag kenne veur mig neet kapot.
Mien vrunj zegge: Jong, hubs doe kroet aan dien vot?
Ze vraoge mig stieds wie det tog zoe maar geit:
Ich roop den: Gaot aug uns as Henkie verkleid, en zing den...


HOME PLAATSNAMENOVERZICHTHOME

BIN ICH VERHOESD?
2005/2006 nr.3 : Tekst & muziek: Marij Gijsen Verkoelen
Zang: Sjapoo

Met vastelaovend bin ich der altied biej
gaon nao mien stamkafee det is neet wiet van hiej
de waeg nao hoes dae vingj ich altied met mien auge toe
maar gisteraovend dach ich wat kriege we dan noe

Refrein:
bin ich verhoesd, bin ich verhoesd
woende weej op nummer veer
waor is de poster van de prins
waem zat die bloomevaas dao neer
is hiej noch emus wakker
is hie emus thoes
dae mich ken vertelle
sinds wannier bun ich verhoesd?

'g stong dao te kieke dao kwaam de joekskapel
die zeije gank toch meij nao hoes kumt later wel
ut waas al bienao leeg wie ich weer vur mien veurdeur sjtong
en mich sjtong aaf te vrage wie ich dit leedje zong

Ich zat mich op ein benkse
en keek nao den euverkantj
dao hingt miene prinse-poster
Wat is hie toch aan de handj??


HOME PLAATSNAMENOVERZICHTHOME

BOEM IS……….HO!
2006/2007: Tekst & muziek: Marij Gijsen-Verkoelen
Zang: Sjapoo

De bekker dae bakt ilke morge mik… veur idderein
En de masseur dae sjtriekt vol iever aan… die stieve bein
Mer met de vastelaovend, ich weit auch neet wat det is
Geit der hiej en dao wel uns get mis
De bekker nae dae bakt der niks mier van
En de masseur sjtriekt zich der naeve waor hae kan

Refrein:
Det kumt……omdet ut zoe lekker is,zoe versjrikkelik lekker is
omdet met vastelaovend iddderein get gekker is
Get gekker as normaal
Want noe…gaon drie daag de remme los

Om desse alles moogs en lekker gaar niks mos

En zuusse meij get dubbel of huurse stereo
Maak dich neet druk
………….Boem!! Is nach altied…Ho!

De tummerman dae sleit de nagel altied… oppe kop
De fietsemaker lekt der mich nach gauw… un bendje op
Mer met de vastelaovend, ich weit auch neet wat det is
Geit der hiej en dao wel uns get mis
de tummerman haet niks mier in de handj
En de fietsemaker dae springt oet den bandj

Mer weej, weej wille nach get mier
Vur os gen…BOEM…dus kom nach eine kier

… want boem is nog altied 1 2 3 4 5 boem


HOME PLAATSNAMENOVERZICHTHOME

DÈT MENSE NEET
2005/2006 nr.1 : Tekst & muziek: Matij Gijsen-Verkoelen
Zang: Karel, Ger & John

Sjeng dae waas al jaore nao de waore vrouw aan 't zeuke
mèr vreuwkes zooge um neet sjtaon hae waas neet eg in trèk.
Toen werd hae boerebroedegôm zien broët dèt waas un leuke,
zôn boerebroelof dèt leek ôzze Sjeng noë eg te gek.
Mèr met ut gaeve van de ringe,
waas Sjeng zien bruütje neet te vinge.

'ch zag maak èns vroët... wao is dien broët?
Hae zag... Die der tussenoët

Refrein:
Dèt mense neet, dèt mense neet
wao hûbse ze gelaote,
dèt mense neet, dèt mense neet
ich hûb ut toch gezag.
Dèt allemaol dèt sjpraeke
en allemaol dèt praote,
dich te langerlètste
toch tot zjwiege haet gebrach.

Sjeng waoj auch al jaore meidoon aan de liedjesaovend
mèr idder jaor opniej kreeg hae de deksle ôppe naas
noë waas ut eindelik zoë wiët ut leek zoëvuül belaovend,
hae kos neet wachte wies de aovend aagebraoke waas.
Mér wie ut dao toen mos gebeure
Sjtông ozze Sjeng achterste veure.

'ch zag taege ûm... drei dich èns ûm?.
mér Sjeng dae zag... ich hub gèn sjtûm!!!


HOME PLAATSNAMENOVERZICHTHOME

DEZE BLIEF HANGE
2007/2008: Tekst & muziek: Marij Gijsen-Verkoelen
Zang: Sjapoo

Vastenaovend, leedjesaovend
idderein is weer present.
En d espanning is te sjniëje
want de oëtsjlaag wuürd bekind
Hûër de jury zaet;… zèk minse luüster hiej,
’t is waal neet vuül, mèr hiej kin nemûs aan veurbiej;

Refrein:
Dit is d’r eine dae blief hange…. hange.
Dit is d’r eine dae waerse neet miër kwiët.
Dit is d’r eine dae blief hange…. hange.
Haesse um gehûërd, zingse um de ganse tiëd,
Dit is d’r eine dae blief hange…. hange.
Jao raeken dao mèr op,
of ze nôow fluits of dètse zings
of dinks dètse der neet aan dinks.
Dit leedje kriëgse neet miër oët de kôp!

Vastenaovend, sjoëne aovend
sjoëne daag, ach sjoéne tiéd.
Al die lekkere melodiékes
waerse dreej daag neet miër kwiët.
Gluif ’t mèr gerös… jao eg gegarandeerd
ich kin ’t weite, ‘ch hûb ’t zelf geprobeerd.


HOME PLAATSNAMENOVERZICHTHOME

GAEF DAE MAN-DER-EINE
2009/2010 : Tekst & muziek: Marij Gijsen-Verkoelen
Zang: Sjapoo

Refrein:
Noe kiek uns dao wat unne fijne
Kom gaef dae man der reine
Noe kiek ins dao wat unne fijne
En doot die angere der auch maar eine
Vastelaovesvitamine, jao die haoje fit
En ut is zoe lekker zoe lekker as der hiel veul pit in zit
Hé dich! Ich ving dich unne fijne
Kom gaef gaef gaef dae man der eine

Vastelaovend viere, det wet idderein
Duisse lever same, lever same as allein
Geisse met de sjilder, det is zo’n sjoën portret
Of lever met de juffrouw die good oppe kleintjes let
Nae ich ich gaon ut leefste met de grunteboor
Want dae reup de ganse vastelaovend door….
He he he

Vastelaovend viere, det is hiel gezondj
Alles wasse huurs en zuus kumt vers van eige grondj
Kiek die kleine sproete hosse door de zaal
En zelfs de allerzoorste priej wurdt hiej nach muzikaal
Daorum gaon ich zoe gaer met miene grunteboor
Want dae reup de ganse vastelaovend door
He he he

Mer eine is auch mer allein Det is dus is niks gedaon
En idderein dae wet desse op ein bein neet kens staon
(kom mer kom mer kom kom kommer!!!!)


HOME PLAATSNAMENOVERZICHTHOME

DE KEBAALVERDEILER
2006/2007: Tekst & muziek: Marij Gijsen–Verkoelen
Zang: Karel en John

As kleine blaag sjtong ich aldaag
te zweije met un potloëd of 'ne lineaal
'ne jute zak waas miene frak
en ozze haof waas unne hiele groëte zaal
Want deze vent waas dirigent
en jong…wat deej ich good mien bes
ich sjloog de maot veur hiel de sjtraot
en waas kebaalverdeiler van un vastelaoves-joeksorkes

Refrein:
Do re do re do re mi
zing met os dees vastelaovessymfonie
do re do re do re mi
ut zelfde wieske kier op kier opniej

Geit ut te hel, of get te sjnel

of oet de maot, det ken gen kwaod
maar is der eine in mineur
den sjtaeke wae dao gauw un sjtekske veur

Noe sjtaon weej hiej den ziej aan ziej
te zweije veur dit prachtig vastelaoves-koër
ich ben den waal neet muzikaal
om dit te liere waas vur mich unne hiele toer
Wat wuurse roëd??? Die hoëge noët......
ich weit neet of ich det wel red

Maak dich neet druk doe hubs geluk
De ganse zaal zingt ongetwiefeld ut refrein weer met os met
En as hiej sjtrakkes dit concert wuurd aafgeslaote
Zegge wea teagenein......
Wat hubbe wae genoa.{do re mi fa sol la si do...................te)


HOME PLAATSNAMENOVERZICHTHOME

LAOT MICH GEWAERE
2001/2002: Tekst & muziek: Guus Timmermans
Zang: Ger Kley, Karel van Heukelom & John Gubbels

De wonjere, die zien de wereld nog neet oet.
Wat neet is, det ken nog kômme.
Op unne goeien daag neem ich ein wies besjloet,
en hooij mich lekker van d'n domme.
Unne grauwelaer dae dao op let,
en ich roop oet: wae duit mig get.

Refrein:
Laot mig, laot mig noe maar gewaere,
laot mig mien eige stuupke kaere.
Ig kiek allein maar nao mich zellef,
den bliek, bin ig al op de hellef.
Laot mig, laot mich noe maar gewaere,
Ig blief mig zellef, wat ze aug bewaere.

Lets aan heb ig gedruimp, 't zjweit det brook mich oet,
ich had in ut geld gezwjomme.
Opens schrjôk ich rechop want ik veel op mien snjoet,
maar bôn nog good terecht gekômme.
Al zien die druime auch bedrog,
wat kômme môt, det kump d'r toch.


HOME PLAATSNAMENOVERZICHTHOME

LEKKER GEN BUNKE
2004/2005 nr.1 : Tekst: Marij Gijsen-Verkoelen - muziek: Leo de Bruijn
Zang: Sjapoo

Refrein:
Ich höb vanaovend alle tied
want ich bûn ut bunke van de jas weer kwiet.
Hoof mich neet drök te maake, want kóm ich later thoes,
den zek ich "Sjat, ich mûs vandaag ut allerletst nao hoes".
Die laege garderobe, det ving ich zo'n sjoën gezich.
Den hingt der noch maar eine jas... en det is dae van mich.
Dus, ich höb vanaovend alle tied
want ut bunke van de jas, det bûn ich kwiet..

As ich mit vastenaovend uns lekker wil gaon sjtappe,
den wilt mien vrouw maar sjtieds neet mei, det ken ich maar neet sjnappe.
Ich moog den waal allein gaon, maar ze zaet tot miene sjpiet:
"Zek, dink t'r good aan, menke, doe bûs vandaag op tied".
Dus waas ich altied ûnne nette hiër,
maar vandaag wet ich... det hoof neet miër.

Iers hûb ich laupe zeuke in alle twie mien tesse,
vong waal det van de fotograaf en van de laege flesse,
ûnne gebroekde zakdook en un sjnuupke vol mit sjek,
maar neet ut juuste bunke, det waas toch waal te gek.
Iërs raakte ich nog duchtig in panike,
maar inens bedach ich mich... maak dich neet diek.


HOME PLAATSNAMENOVERZICHTHOME

MET DE FRANSE SJLAAG
2008/2009 nr.3 : Tekst & muziek: Marij Gijssen-Verkoelen
Zang: Sjapoo

Ken mich emes zegge wat duit dae Bernard hiej noe
Dao velt mich de mondj van aope en de mondj van toe
Det dae vastelaovend viert ken ich wel snappe
Der is mer ein woord wat hae ken det is etappe
Etappe??? E tappe!!!!

Refrein:
Kiek’s hiej kiek ‘s hiej
Limburg haet weer aope daag
Weej doon lekker alles met de Franse sjlaag
Dae meziek dae meziek
Dae geuft mich de razels man
Luk ut neet met de klemtoën?
Maak der gewoën get angers van
Kiek’s hiej kiek’s hiej
Limburg haet weer aope daag
Driej daag lang bonjoure met de Franse sjlaag

Wie mot ich mich noe verkleije zek wie mot det noe
Des toch simpel doot mer keske aope keske toe
Pak dich den un leuke boks en unne blouse
Schminck dich de auge blauw en doot de moel in rouge
Moulinrouge???? Moel in rouge!!

Wat ich noch zoeij wille vraoge zek wits dich mesjien
In det roeije rukske zoeij det Frans zien of Francien?
Ach wat maak ut oet dao gaon we neet om stresse
Want jong of maedje idderein heet hiej soeplesse
Soeplesse??? zoep-lesse!!!!


HOME PLAATSNAMENOVERZICHTHOME


PLEKT....DET UT VERREKT
2010/2011: Tekst & muziek: Marij Gijsen-Verkoulen
Zang: Sjapoo

Refrein:
Iers wos ich neet wat ich mos
Dét luut det luut dét luut mich neet mier los
dach waor bun ich aan begos
Dét luut dét luut dét luut mich neet mier los
Laot mer zitte wie ut zit
Dit haoj ich vas
Omdet ut nét
Wie hae en hét
en zus en zoe
en dit en dét
Omdet ut toch zoe lekker biej mich pas

Stap ich in de vastelaovend
Volgt geliek ein ganse riej
Of ich hos of sjoenkel
Dich bös altied aan mien ziej
Iers dach ich noch wat is hiej aan de handj
Weej lieke waal un stukske klittebandj

Bouwt de buurt weer aan de wage
Maake weej de resjes op
Alle klatse pleksel
Kiepe weej op ziene kop
Ut plekt det ut verrekt det is neet sjlech
de buurt die is nach good aan ein gehech

Kiek zoe laote weej os lieme Des wat vastelaovend duit
Limburg sjmilt Hiel langzaam same Hingt aanein van Noord toet Zuid
Tot slot Noch eine goeije raod vur uch allemaol
Kus met vreeswaer neet met unne luchtepaol


HOME PLAATSNAMENOVERZICHTHOME

DE SJAAI
2005/2006: Tekst & muziek: Marij Gijsen Verkoelen

Ich bin van hoes oet vrie-gezellig
Mien motto is, der ken der noch wel eine biej
Ben ich allein aan hoes jao ech dan bel ich
Komt geej veur det weej der oet gaon allemaol nog efkes hiej
En weurd ut tied um op te stappe
Reupt d'r eine... morge zellefde tied biej mich
Ich ken ut neet laote um d'r oeth te flappe
Ich zal als ierste aan de deur staon en den zek ich dich...

Refrein:
Hiej bun ich den, hiej bun ich den
Jao ich koom vur de sjaai
Veur al die tasse koffie
En veur die stukskes vlaai
Veur mennig lekker pilske
Gluif mer det ich mich begaai
Hiej bun ich den, hiej bun ich den
Jao ich koom vur de sjaai

Kumt den den tied van vastelaovend
geit nao ut stappe altied alles meij nao mich
'g gaef der nag eine op dae sjoëne aovend
En bak ganse hurtjes eier Met 'ne lach op mien gezich
En weurd ut tied um op te stappe
Reupt d'r eine... morge zellefde tied biej mich
Ich ken ut neet laote um d'r oeth te flappe
Ich zal als ierste aan de deur stjaon en den zek ich dich


HOME PLAATSNAMENOVERZICHTHOME

SJTREK EN SJLOET
2003/2004 nr.1 : Tekst & muziek: Marij Gijsen-Verkoelen

Vastelaovend is net wie nao ut zjwumbad gaon,
Iers blief se nog get veurzichtig aan de kanjt get sjtaon.
Maar sjteis se dao te kieke den kriesse toch waal zin,
En zonger nao te dinke springse der zomaar in.

Refrein:
Sjtrek en sjloet sjtrek en sjloet,
Erm omhoeg en bein veur oet.
Sjloet en sjtrek sjloet en sjtrek,
Doot noe maar uns lekker gek.
En duus se braaf zoe wie de badjuf
Dich det vreuger haet gelierd,
Den blief ut kupke baove water
En den geit der niks verkierd.

En nao den ierste duik bisse geliek verkoch,
Doe geis der duchtig aan en kries bekantj gen loch.
Doe rüps kom doot uns met jong,
En sjpring uns oet den bandj
Want dit is ech geneete van de aller hoegste plank

Idderein sjteit te trappelle om mei te doon,
Dich steit ut water ongertusse in dien sjoon
Doe sjriews doot us un rundje
Zoedet ich door ken gaon
Want ich bin van det ploense waal druug kome te sjtaon.

… nae nae den geit ter zeker niks verkierd.


HOME PLAATSNAMENOVERZICHTHOME

DE SLOEBERJAS
2002/2003 nr.2: Tekst: Marij Gijsen-Verkoelen - muziek: Leo de Bruijn
Zang: Sjapoo

Refrein:
Idder joar opnie, dan is hae blie, den haol ig um weer oet de kas.
Hae moog met mig mei op stap, miene aoje sloeberjas.
Hae haet vuul geleeje, blief tevreeje, is verleef op dees drie daag.
Same hebbe weej un stjuk in ozze kraag.

Hae likt dao in ein heukske en kiek um zich haer.
Ze stoan um op de rôk, maar det mak um niks oet,
want hae is hie zoe geer, hae straolt gans van gelôk.
Miense hosse same in ein rie, sjoene vrouwluuj gaon veurbiej.

D'n aovend geit veurbie, hae struip zien moeuwe op.
Hae haet ut biestig werm, al krieg hae al die glazer beer op ziene kop.
Ich pak um in den erm, ut wuurd tied um weer nao hoes te gaon,
(want) hae ken bienao rechop staon.


HOME PLAATSNAMENOVERZICHTHOME

TE GEK UM LOS TE LAUPE
2002/2003 nr.1 (Kessel): Tekst: Marij Gysen-Verkoelen - muziek: Leo de Bruyn & Victor Huits
Zang: Ger, Karel & John

Iddere zondig morge zit Harie aan de Maas,
kiekt noa ziene dobber, maar vingt allein maar graas.
's Middaags in de stamkroeg, met un pilske op de plank,
weerd dea vis 2 meater langk.

Refrein:
Ut is te gek um los te laupe, jao, det is te gek veur weurd.
Man wat kens doe spreake, wae haet dich hie haer gesteurd ?
Ut is te gek um los te loupe, wae haet dich hie haer gesteurd ?

Ligtelik beneveld geit Harie noa de vrouw, die steit doa te kieve.
Jong, wat bus doe blauw, doe kens noew waal spreake.
Maar hie haes doe hiel beslist, duchtig achter ut net gevist.


HOME PLAATSNAMENOVERZICHTHOME

DE TENT OPPE KOP
2004/2005: Tekst: Marij Gijsen-Verkoelen - muziek: Leo de Bruijn
Zang: Sjapoo

Refrein:
Waem duit ôs get, waem duit ôs get?
De tent, die sjteit al oppe kop, jao dit is eg 'je van het'.
Waem duit ôs get, waem duit ôs get?
Weej zien al lekker ônger zeil en gaon dus drie daag net nao bed.
Kump den ut menke met den hamer, lache weej um duchtig oet.
Veur Aswoensdig haolt hie nemus de hieringe der oet.
Waem duit ôs get, waem duit ôs get?
De tent, die sjteit al oppe kop, en det is eg 'je van het'.

Geit ut veurjaorszunke sjiene, zien weej in ôs element.
zeen weej roëd, geel, greun versjiene, dinke weej drek aan ôs tent.
Nae, weej gaon neet op vakansie, haoj dao maar gauw euver op.
Weej gaon vastenaovend viere, dus... de tent geit oppe kop.

Drie daag lang un fiesje bouwe, en weej hoove, des te dol,
neet de pin der in te houwe, want ôs tent is noëits te vol.
Gaon ze hiej den sjtrakkes sjloete, hûbbe weej nog plaats genôg.
dus weej gaon den door met fiëste, lekker in de boetelôch.


HOME PLAATSNAMENOVERZICHTHOME

WAZIG HE!!!
2007/2008 nr.2 : Tekst & muziek: Marij Gijsen-Verkoelen Zang: Karel en John

Refrein:
Zèk hûb ich dèt allein, dèt ’t gèt wazig is?
Dèt ‘ch alles döbbel zeen, of hûb ich dèt nôow mis?
Mèr ach wat mak ’t oët, ’t kûmp toch hiej op neer
as ich alles döbbel zeen hûb ich ouk èns zoëvuül plezeer.

De raod van 11 is in èns mit 22 man
de prins is mit zien twië
nae dao sjnap ich èg niks van.
Ich zeen twië kasteleins en weit ’t is gewaog
as ich aan ein van häör um nog zôn lekker pilske vraog.

Ich loup de polonaise en ’t geit wiej eine trein
mèr wae haoj ich noë vas, ich zeen der twië naeve ein.
Kôm ich naeve dae sjpeegel; dan roop ich hiel bliej
wat fijn dèt geej der ouk ziet en weej zinge alle driej;

Mit de vastenaovesdaag hûb ich ’t altiëd weer
dèt ’t mich dazelt veur de uig, van al dae joeks en dèt plezeer.


HOME PLAATSNAMENOVERZICHTHOME

ZEK? WETS DICH UT AL
2008/2009: Tekst & muziek: Marij Gijsen-Verkoelen
Zang: Sjapoo

Ut ganse jaor Daag in daag oet
Altied ut zelfde leed
Van smorges vreug Wies s’aoves laat
Doot dit en doot det neet
Mer ich weit get wat nemes wet Dus lach ich in mien voes
En roop dan bliej rondj deze tied bun ich de leukste thoes

Refrein:
Omdet ich weit omdet ich weit Wat der komme geit
Ich ben der achter weej stjaon der hiel good veur
omdet ich weit omdet ich weit Dit is ut sjoenste wat besjteit
Lekker efkes driej daag oet dae sleur
Ich staon der achter ich zal der weer veur gaon
Det haet mich altied al Det haet mich altied al
Ich staon der achter ich zal der weer veur gaon
Det haet mich al mien ganse laeve good gedaon

De sjoon gepoetst De haor geknipt
Ich ben der gans vur klaor
Want idderein dinkt det hae wet Hae wuurt de prins dit jaor
Mer ich weit get wat nemes wet Ich loesde ze derin
Det is toch heerlik en ut geuft mich zonne goeije zin

Dus al geit de maas met ies, win ich noeits ins unne pries
sjtoan in de min vergaet de pin, ich haoj sjtieds de mood der in


HOME PLAATSNAMENOVERZICHTHOME