HOME PLAATSNAMENOVERZICHTHOME

AL RAEGENT 'T PIÉPESTAELE
2007/2008: Tekst & muziek: John Coenen
Zang: Hoëg water

Refrein:
Al raegent ’t piépestaele dreej dage aan ein sjtök
weej zulle ôs neet vervaele, weej make ôs neet drök.
Weej laote ôs neet kinne, pak diene jas mèr vas,
want van zôn biétje raege, hûbbe weej toch gènne las.
Toeraloe, toeraloeralalala, toeraloeralalala.

Weej lepe in de optôch, we ware zeike naat
en tösse alle gekke, zag ich taege ôzze Graad
Weej gaon ôs nôow gèt drinke, weej haoje neet miër op
en biej ’t ochtendglore
sjtônge weej op ôzze kôp, ôzze kôp!

Weej hûbbe ’t getrôffe, de buurman is de prins
hae geuf nôow dök ein rûndje, ’t is zônne sjoëne mins.
Nôow raegent ’t confetti, d’n haof dae ligk al vol
dèt interesseert ôs nôow gèn hol, maak mèr lol.


HOME PLAATSNAMENOVERZICHTHOME


ALLE REMME LOS
2003 nr.8 : Tekst & muziek: Peter Joosten
Zang: De Kaeverkraom

Refrein:
Met vastenaovend goeij ich alle remme los.
Doë kèns weer watse kos, dao nis niks watse môs.
Met vastenaovend goeij ich alle remme los.
Dèn geit alles vanzelf, doë veuls dich driej daag twellef.

Asse twintig bûs zitse nog sjtrak in dien vel,
al kènse de leefde doe veuls dich vriejgezel.
Sjuütse raak, hûbse pech, weg is de vrieje tiëd,
gank neet te wiët, doë bûs zoë dien vrieheid kwiët.

Asse dertig bûs kruütse de kinjer diene waeg
waas ut laeve vol, noë wuurd ut noeits mier laeg.
Met de kinjer ôppe sjlûp, kénse neet zoë hèl mier gaon,
dèt wûlt nog neet zègke dètse sjtil môs bliëve sjtaon.

Asse fiërtig bûs wuurd de leefde deep en riek
doë sjriks neet mier en lûps neet sjnel te kiëk.
Dèn wetse alles baeter en dinks detse alles kèns
mèr fiëste en tempiëste blief diene groëtse wûns.


HOME PLAATSNAMENOVERZICHTHOME


ALLES ALL IN
2008/2009: Tekst: Angéle Pieters - muziek: Emiel Sillen
Zang: Volle Poele

Mien ganse femilie geit met vastelaovend droët
met sjoën gesjtreke pèkskes en gèt sjmienck ôppe sjnoët.
Mèr thoës is ’t nôow, ein waardeloos hotel
de was, de kaok, de sjtriék dèt is veur mich ein hel.
Van die sjtômme klusjes, nae dao haoj ich neet van
daorum hûb ich nôow, ein hiel gèt baeter plan…

Refrein:
Ich wil all in, alles alles all in
gaef mich all in met dees dreej dolle daag.
Ich wil all in, alles alles all in
zellufs de was, de sjtriék en de vulling van de maag
ich wil all in, lekker all in,
ouk met dees daag neet nao de pin.
En dan zôn bèndje um de erm
Dèt veult riék en werm.
Gaef mich gooije zin
En maak mien dörp all in!

Mèr ich mot ut doon met ôcherm dreej sjnipperdaag
dèt is toch neet te gluive dèt is Godsgeklaag.
Jao ich bûn ’t zat, nôow hilt ut veur mich op
gèn bônne, geld of beurs, ich wil niks aan de kop.
Hûb mèr eine wins nôow, allein verwinneriej
alles d’rop en d’raan, ’t leefs nog gèt d’r biej…


HOME PLAATSNAMENOVERZICHTHOME


AS DET ZOOJ KENNE AS DET ZOOJ GOAN
1998/1999: Tekst: Ben Peeters - muziek: Emile Sillen
Zang: John, Patrick & de Eiketskes

Met vastenaovend springe weej oet de bandj.
Weej hosse weej danse, doa blief geine aan de kantj.
Zoe moos det eigenlik 't ganse joar door goan.
Maar druime en auch winse, die blieve bestoan.

Refrein:
As det zooij kenne, as det zooij goan,
de lotto winne ein huuske op de moan.
As det zooj kenne, as det zooj goan,
den hoof ze neet te dinke, den had ze 't gedoan.

'n Pekske, 'n masker en 'n heudje op.
Vastenaovend viere, det doon weej aan d'n top.
Zoe moos det eigenlik 't ganse joar door goan.
Maar druime en auch winse, die blieve bestoan.

Met vastenaovend sjtoan ich norges biej stil.
Drie daag gein gesjtress, ich doon wat ich wil.
Zoe moos det eigenlik 't ganse joar door goan,
maar druime en auch winse, die blieve bestoan.


HOME PLAATSNAMENOVERZICHTHOME


AS ICH DICH ZEEN ...
1998/1999: Tekst: Peter Bouten - muziek: Emile Sillen
Zang: Jack Bruynen, Ester Binneveld & Joyce Hendriks

As ich dien auge zeen, den sjlaon biej mich de maeters oet.
En kom ich aan de kaok, det zuusse aan mien roeie sjnoet.
Den krieg ich genne aodem mier, en mot ich verse loch.
Is koelvloeisjtof of water, veur mich neet kaod genog.

Refrein:
As ich dich zeen, laup ich ein op ach.
As ich dich zeen, met dae sjoene lach.
As ich dich zeen zit ich drek mesjien,
zonger druppelke benzien.
Jao, doe sjleis mien meuterke op hol,
gaon gans oet de bol.
Dupke der vanaaf, sjlengske effe d'rin, goei moch nog us vol !
Dupke der vanaaf, sjlengske effe d'rin, goei moch nog us vol !

Ich heb mer ein probleem, wao ich neet erg good taege ken.
Det ich as ich dich zeen, inens hiel erg verlaege bun.
Ich ken der sjlechs van druime, ach, kos det toch us zien.
Den waas ich Freddy Mercury, en dich veur mich de "queen".


HOME PLAATSNAMENOVERZICHTHOME


AS KLOON DOOR UT LAEVE
1999/2000: Tekst: Jan van Heukelom - muziek: Jan van Heukelom & Sjak Claessen
Zang: Vrindeklup zoe ken ut auch

Refrein:
Weej gaon as kloon met dees driej daag weer door ut laeve.
Det alles hiej op aerdt, haet de leeve hier gegaeve.
't Pekske aan ut heudje op, weej make jen ten top.
Zoë allemaol biejein, allein maar veur de gein,
zoë make weej eine, vastenaovestrein.

't Ganse jaor de rem der op, det is neet altied good.
De joeks en jen det huurt der biej, det zit ôs in ut blood.
't Is allang ein aod gebroëk van vruuger, toen en noë.
Dus gaon weej met gekleurde sjnoët, as groep der tussen oët.

Veur idderein dae noch neet wis, wie good det veur dich is.
En wae dao neet aan meij wilt daon, dae wet neet waat hae mis.
Vergaet de zorg van morge ens, en sjloët dich biej ôs aan.
Dao kries ze straks gen spjiët mier van, dao kins ze van opaan.


HOME PLAATSNAMENOVERZICHTHOME


AS MORGEVREUG DE WERELD VERGEIT
1999/2000: Tekst & muziek: Jan van Heukelom
Zang: Karel & Jan van Heukelom

Refrein:
As morgevreug de wereld vergeit,
en ich zoé sjoén mich zelluf heb verkleid.
't Heudje, det pas precies bie miene kop.
't Is veur de jen , 't waas gewoén veur nop, jao.
Zoë zal ich aan de hemelpaort stjaon,
wao maon en stjerre vur mich stjraole gaon.
Kump Pietrus mich dan taege, zaet hae met eine lach.
Met dich kump alles good, och jong, dao heb ich op gewach.

Ich weit det op vandaag, toch bienao alles maag.
De bleumkes boéte zette, jao, det daon weej met dees daag.
Weej zinge en weej fluite, dan stjeeds 't hoëgste leed.
Maar as ut straks veurbie is, hebbe weej pas ech verdreet.

Ich bliéf gewoén maar stjoer, en kiek neet op ein oér.
Zoëlang as 't nog deurt, make weej nog eine toer.
Weej danse en weej sjpringe, en hebbe gooje zin.
Wat zal ich det toch misse, as ich in den hemel bin.

Met dich kump alles good, och jong, dao heb ich op gewach.


HOME PLAATSNAMENOVERZICHTHOME


AS UT GANSE JAOR IN EIN SJTÛK VASTENAOVEND WAAS
1994: Tekst: Peter Bouten & Mart van Knippenberg - meziek: Peter Bouten, John Timmermans & Mart van Knippenberg

Refrein:
As ut ganse jaor in ein sjtûk vastenaovend waas,
zou alles toch inens hiël angers zien.
As ut ganse jaor in ein sjtûk vastenaovend waas,
det zou veur idderein ut bèste zien.
Den zoog ze lachende gezichte euveral in sjtad en landj,
zoog ze miense same sjoenkele handj in handj.
Den waas alles wat noe sjlech is inens good mesjien.
Ut zou altiëd vastenaovend môtte zien.

Un heutje op en hiej en dao un kleurke,
un jeske mèt un fûddelke der aan.
Eine kiër nog hiël vreug in ut jäörke,
trek idderein zien anger velke aan.

Wee haoje ôs doorlaupend in de gate.
Wee laupe braaf en netjes aan de liën.
Maar eine kiër per jaor moog ut neet bate,
den doon wee ôs juus veur zoë as we zien.


HOME PLAATSNAMENOVERZICHTHOME


DE BAEZEM KWIËT
1996/1997: Tekst: Mart van Knippenberg - muziek: John Timmermans
Zang: Hay Hanssen

Refrein:
De kastelein is ziene baezem kwiët,
dao zit dae toch mèr efkes met te kiëke.
Want geit ût sjtraks zoë taege sjloëtingstiëd
dèn wèt der gènne miens van wiëke.
Vannach wuürd èns nemus nao boëte gevaeg,
wee weite noe waal zeker, mennig dèt blief laeg.
Wee weite ûm te ligke, mèr haoje ôs keduuk
en gaeve ûm aswoensdig dae baezem waal weer truük.

Hae haet de ganse tent al aafgezôch
hae keek al achter iddere gordien.
Noe loester ût is toch neet te gluife
dae baezem zal toch ûrges motte zien.

Hae is ôs langzaam leever erm as riëk
kiëk hae haet ût ôngerhandj neet mier.
Mèr nemus haet met ûm compassie
Bûn sjtil we gewoën röstig aan wier.


HOME PLAATSNAMENOVERZICHTHOME


BÈN ICH AAN'T DRUIME
1998: Tekst: Mart van Knippenberg - muziek: John Timmermans
Gezongen door: Ine Gielen & Mart van Knippenberg

De joekskepel sjpeult lekker zunke, we deine zachtjes mei.
Ich veul mich lich wie un blunke, we lache allebei.
Ut klink mich zoë sjoën in de oëre, net wie un gedich.
En as ich in dien auge kiëk, vreugs dich ens hiël erg zaoch aan mich:

Refrein:
Bèn ich aan't druime, of is ut eg wat der mèt ôs gebeurt ?
Bèn ich aan't druime, of is dit alles werklik waor ?
Kniëp mich hiël veurzichtig in den erm, mèr astebleef neet al te hel,
des ze't net good veule kèns, genôg veur kiepevel.
Det ich net neet wakker waer, want det zou jaomer zien.
Den kèn dit toch nog efkes wiejer gaon hiël mesjien.
Bèn ich aan't druime, of is ut eg wat der mèt ôs gebeurt ?
Bèn ich aan't druime, of is dit alles werklik waor

Ich sjpeul hiël zaoch mei op mien trumke, doë op de tamboerijn,
en huër ich daobiej dien sjtumke, den klink det toch zoë fijn.
Doë kèns toch zoë sjoën nao mich lache, mèt dien gans gezich,
en as ze in mien auge kieks, vraog ich ens hiël erg zaoch aan dich.


HOME PLAATSNAMENOVERZICHTHOME


BÈR D'N BABBELAER
2002/2003 nr.5 : Tekst: Tanay Croonenbroek - muziek: Emiel Sillen
Zang: De Joeksige Kaevers

Ich kin eine man, hae haet ein losse pan,
hae is nog nèèt zoë aod.
Waal wèt der ut letste niës, brink idder van de wiës,
hae krieg ut dörp aan de praot.
Kiëk dao kump der dèn weer haer,
dèt is noë Bèr d’n babbelaer.

Refrein:
Bèr is ûnne babbelaer,
jao dae zwets mich toch zoë gaer,
euver idderein.
Mèr wat der dan auch zaet,
of wat der noë weer haet,
veur ôs is dèt mèr gein.
Hae geit nog sjneller as de krant
en maak van ein mûk eine olifant
Kiëk oët want hae trekt flink van laer,
jao dèt is Bèr d’n babbelaer.

As geej gèt nèèt wèt, kiëk nèèt in tante Beth,
Vraog dèt aan ôzze Bèr.
Elk niës biej ôs in de buurt, haet hae ut iërs gehûërd,
en dèt vertelt der uch gaer.
Hae moëlt dien oëre kepôt,
hae is unne egte wazelvôt.


HOME PLAATSNAMENOVERZICHTHOME


EIN BIETJE SJOENKELE
1992/1993 nr.1 : Tekst & muziek: Mart van Knippenberg
Zang: Annette Hanssen & Mart van Knippenberg

Refrein:
Ein bietje sjoenkele, det haet noch nemes kwaod gedaon,
hiël zachjes druimend weege wee van bein op bein.
Ein bietje sjoenkele, veurdet wee sjtraks weer môtte gaon,
ein bietje knoêvele, zoë lekker doën biejein.
Ein bietje sjoenkele, det haet noch nemes kwaod gedaon,
en same geit det hiël get baeter den allein.

De miense zien aan't hosse en aan 't sjpringe,
dao sjteis ze hutje mutje op elkaar.
En wuür ze weer ens euverhaupgesjtoëte,
dink ze gaef mich det rûstige toch maar.

Ut wuürd get later en get minder drûkker,
de meiste hûbbe al genôg gehad.
Maar doe en ich wee sjtaon noch altiëd same.
Ich zèk: môs doe ens loêstere leve sjat

Ut is al laat, wee laupe sjtil op hoês aan,
de kop ein bietje lich van al det beer.
Den neurieje wee same noch dit liedje,
en weege wee hiël zachjes op en neer.


HOME PLAATSNAMENOVERZICHTHOME


BOEREBROELOFSWALS
1997: Teks: Dion Tijssen - meziek: Cor Beurskens & Dion Tijssen
Zang: Hiërboere `97

Ut is donker en kaod, de kuuj op de sjtal,
genne boer, dae al dink aan broelof of bal.
In dae tied van ut jaor is der neet vuul te doon,
de prei zit nog vas, genne klei aan de sjoon.
Mer kump den ut ierste knöpke aan de sjtroek,
den krieg menig sjtel de kriebels in de boek.

Refrein (2x):
Boeremoos, spruutjes en prei,
kom nao de broelof en zing met ôs mei.
Boere oet Kessel, die blieve neet toes,
kome op dinsdig nao ut sjtadhoes.

De nachte zien lank, op sjtraot is ut sjtil,
den zaet dao zoën maedje opens "jao, ich wil".
Unne boerejong, dae is den hiel bliej,
un maedje wie ein plaetje zoë sjoën aan zien ziej.
Zoë geit det in ôs dörpke, ens in ut jaor,
ut is eg neet gelaoge, ut is ierlik waor.

Den daag veur Aswoensdig, met prach en met praal,
geit ut boeregezelsjap bie ôs nao de zaal.
De paerd, de kuuj en de honder op sjtal,
want ens in ut jaor gaon de boere nao ut bal.
Den belaove der twiej zich onegte trouw,
zoë kump idder jaor eine boer aan zien vrouw.


HOME PLAATSNAMENOVERZICHTHOME


BOEREMAEDJES
1991: Meziek & teks: M. van Knippenberg
Gezônge: Iene & Mart van Knippenberg

Refrein:
Boeremaedjes hubbe get wat nemes anges haet.
Boeremaedjes zegge dich wat nemes anges zaet.
Boeremaedjes kösse dich zoë lekker op dien sjnoët.
Boeremaedjes weite wat ze wille, gank dao maar van oët.

Mien van Sjeng en Koëbus van Petran hubbe ein hiël groëte boerderie.
En ein dochter, die kan der wat van. Alles blink biej Koëbus net wie niej.
Dora is ein pracht van boeremeid. Alles wat ze zuut det pak ze aan.
En as ze dinsdes nao de boerebroeluf geit, pak ze mich want ich sjtaon den veuraan.

Dora jao doë bes ut veur mich gans. Zeen ich dich den krieg ich weike kneen.
Angre kaerls hubbe biej dich gaen kans en ut duit mich good as ich det zeen.
As doë zaes ich haoj zoë vuul van dich, klinkt det in mien oëre wie muziek.
En as weej samen danse doë en ich, veul ich mich de keuning te riëk.


HOME PLAATSNAMENOVERZICHTHOME


UT BOEREVLAEGELSLEED (Boerebroelôf 2007)
2006/2007: Tekst& muziek: De Boerevlaegels
Zang: Boerebroelôfsgezelssjap de Boerevlaegels

Wiej Handrie nog ein Hansje waas toen zooge weej 't al,
hae heel allein van kattekwaod en hiel vuül sjtomme kal.
Mèr toen d'r eindelik groëter waas en nao een vrouw ging zeuke,
Toen woel hae gaer ein vlaegelsvrouw en zoch ein hiele leuke.

Refrein:
Weej zien Boerevlaegels, det blieve weej altied,
Weej zien Boerevlaegels, det rake weej neet kwiet,
En of weej nao de bar toe gaon,
Of midde op de bûhne hiej staon,
Boerevlaegels det zien weej, det blieve weej altied.

Toen Handrie èns nao Eik toe ging keek hae zien auge oët,
Want baove op ein ton zoog hae een echte vlaegelsjnoët.
Die sjnoët die huurde biej os An det zoog hae toen hiel snel,
De vonken sjlooge euver op dit boere-vlaegelstèl
Ôzze Handrie en ôs An ... zien al hiel get jaor biejein,
Twië hiele sjtoute vlaegels .. die hubbe `t same fijn.
Ze besjlaote om te trouwe .. det duit os hiel erg good,
want same wille zeej make .. nog hiel vuül vlaegelsblood


HOME PLAATSNAMENOVERZICHTHOME

BOY ZIENE TUBA
2007/2008: Tekst & muziek: Henk Sneijers Zang: Volle Poele

Ôzze Boy kôch op vakansie in Aruba,
eine twiëdehandse tuba.
En die träöt, die klônk nog wiej niej,
Boy dae dach, ich gaon beej de hermenie.
Hae had de noëte vlôt geliërd,
nôow speult hae gaar neet verkiërd.

Refrein:
Dao kûmp d’r haer, dao kûmp d’r haer,
doë hûërs um al van vaer,
met zien groëte träöt.
Dao kûmp d’r haer, dao kûmp d’r haer,
doë hûërs um al van vaer,
hae bleus de blajer oët de gäöt.
Hae sjpeult zich de vingers blauw en daobeej is ’t ein hiël gesjouw.
Dao kûmp d’r haer, dao kûmp d’r haer,
doë hûërs um al van vaer, met zien groëte träöt.

Veur d’n optôch, jao ich zeen ug al dinke,
dan geit Boy zich iërs gèt drinke.
Want hae sjpeult, wiej hae dèt bewaerd,
baeter as, de kael good is doorgesjmaerd.
En ouk al lötp hae achteraan,
Boy dae geit d’r taegenaan.

Nao d’n optôch en dèt hoof dae neet te liëre,
geit hae vastenaovend viëre.
Met d eträöt, veur ziene dieke boek
geit hae dan, as altiëd weer dûchtig oët.
En aaf en toe dan zaet d’r eine vent;
‘wat bûs dich ein träöt-talent’.


HOME PLAATSNAMENOVERZICHTHOME


CARNAVALSKLEUREN VAN LIMBURG
2002/2003 nr.9: Tekst & muziek: Frank Ebisch
Zang: Volle poele

Dokter, dokter, dokter, ich zeen alles roëd, gael en greun
alles in die kleure, biej alles wat ich neum.
Dokter beste dokter, zelfs geej zûët roëd, gael en greun
Alles in die kleure, dokter gaef mich gèt sjteun.

Refrein a:
Jong, jong, jong tis neet de laever gal of maag
jong mien beste jong det zien de kleure van dees daag.
Gank gewoën diene gank en begin biej ut begin
en houw met aswoensdaag de pin der weer in.
Alles kûmp good auch zônger sjteun
en doërt ut weer ein jaor veur roëd, gael en greun.

Dokter, dokter, dokter, ich zeen alles bôntj en blauw
alles in die kleure, dokter kiëk noë ens gauw.
Dokter, beste dokter, tis roëd, gael en blauw van kleur
alles in die kleure dokter dao kôm ich veur.

Refrein b:
Jong, jong, jong tis neet de laever gal of maag
jong mien beste jong det zien de kleure van dees daag.
Gank gewoën diene gank en begin biej ut begin
en houw met aswoensdaag de pin der weer in.
Volg deze raod doot det mèr gauw
en doërt ut weer ein jaor veur roëd, gael en blauw.

Refrein c:
Jong, jong, jong tis neet de laever gal of maag
jong mien beste jong det zien de kleure van dees daag.
Gank gewoën diene gank en begin biej ut begin
en houw met aswoensdaag de pin der weer in.
Alles kûmp good auch zônger sjteun
en doërt ut weer ein jaor veur roëd, gael en greun.


HOME PLAATSNAMENOVERZICHTHOME


CLAUDIUS CIVILIS
2000/2001: Tekst: Mart van Knippenberg - muziek: John Timmermans
Zang: Aodemnoët

Refrein:
Claudius Civilis, zèk mich ens hûb ich det van dich ?
Is der urges get te fiëste, bèn ich der altiëd bie allicht.
Claudius Civilis, zoot det den al zoë vreug derin ?
Altiëd dao as iërste, direk van ut begin,
mer altiëd wèg as lètste, nao hoês mèt taegezin.

Dae Claudius Civilis, vertèlde ome Wiel us,
waas unne hiël bekende Batavier.
Dae vocht taege Romeine, jao, groëte en auch kleine,
en wie der had gewônne veur den iërste kiër,
zag hae dit gaon we viere, en alle Bataviere
die ote van ut verke aan ut sjpit.
Zee repe och Merieke, gank doe èns effe kieke,
of der auch genôg in alle vaetjes zit.

Die aoje Bataviere, die hoofde niks te liere,
die wiste zoë haör menke waal te sjtaon.
En zelfs die jônge blage, die ginge al mei jage.
Jao, jao det is gegarandeerd toen zoë gegaon.
Mer auch kôste ze fiëste en nachte lang tempiëste.
En idder jaor huërde me weer opnie,
al vreug in fibberwarie, mèt hiël erg vuël bombarie,
de wintjer is gelökkig noë weer gans veurbie.


HOME PLAATSNAMENOVERZICHTHOME


'T DAAK DERAAF ...
1999/2000: Tekst & muziek: Sjors Fassotte
Zang: Annette Hanssen & Sjors Fassotte

Kent geej det onrûstige verlange,
van vlinders in den boek en veut die jeuke in de sjoon.
Onrûstig hingse thoes maar get te hange.
De wets, ut duurt nog waeke, veurse dao get aan kens doon.
Vlinders vleege oet en veut die gaon.
De'n tied van al dae'n onrûs is gedaon.

Inleiding naar refrein:
Alles is der klaor veur,
rieje veur de veurderu.
D'n baromêter sjteit al lang op sjtorm ...

Refrein:
Vandaag geit hiej ut daak deraaf, de zals hiej dalik get belaeve.
Want zônger hulp van baovenaaf, gaon de moere ut sjtraks begaeve.
Rammelende roete, de sjtoppe die sjlaon door.
Wat binne is wuurt boete, zoe geit det eerder jaor.
Weej zien der neet mier veer vanaaf.
Jao vandaag ... allein vandaag ... vandaag geit hiej ut daak deraaf.

Blaore op de luppe van 't tröte,
de wange op de plaats wao toch de auge môtte sjtaon.
Röfkes op de sjtum van al det töte.
Dien oere toete helder dan ein tröt oeits haet gedaon.
Lempkes in dien auge van genot.
Ich praot waal maar mien sjtum, die is kepot.


HOME PLAATSNAMENOVERZICHTHOME


DAO IS GÈN KROÊT TAEGE GEWASSE
1999/2000: Tekst: Mart van Knippenberg - muziek: John Timmermans
Zang: Inge Ramakers & Hay Hanssen

Refrein:
Dao is gèn kroêt taege gewasse, det is noe einmaol wie ut is.
Det zal auch gènne miens verrasse, want ach, ein idder is toch wie der is.
Dao is gèn kroêt taege gewasse en dao gaon wee auch niks aan doon.
Want idderein dae huurt, des zeker, toch thoês in zien eige sjoon.
Jao, idderein, det is toch zeker, zou det net wie ôs zoë doon.

Juchei, ut is vastenaovend, de sjoënste tiëd van 't jaor.
Al vanaaf Sintermerte zien wee der gans veur klaor.
Veurbiej is weer den tiëd van ozel, ich ruuk weer moos mèt sjpek.
Kiëk, oêt iddren hook dao kruup 'ne vastenaovesgek.

We zien noe neet miër te haoje, we môtte der op oêt.
Vaerdig zien alle kleijer, de sjmink zit op de sjnoêt.
De bein beginne ôs te jeuke; ich zing wao gaon we haer ?
Niks wat ôs noch taege hèlt. Wee trèkke flink van laer.


HOME PLAATSNAMENOVERZICHTHOME


DAO LÛSTE WEE WAAL PAP VAN
1999/2000: Tekst: Mart van Knippenberg - muziek: John Timmermans
Zang: Ine Gielen & Mart van Knippenberg

Refrein:
Wat had ze dich gedacht man, dao lûste wee waal pap van.
Doe zits hiej in de goeje hook.
Wat had ze dich gedach man, dao krieg ich noeits genôg van.
Biej ôs geit det der in wie kook.
En nemes vertelt aan emes det der al vreug op hoês aan geit.
Wee bliëve, laote ôs driëve wies in alle iewigheid.
Wat had ze dich gedacht man, dao lûste wee waal pap van.
Doe zits hiej in de goeje hook.
Wat had ze dich gedach man, dao krieg ich noeits genôg van.
Biej ôs geit det der in wie kook.

Al die traöte, klinkt det neet sjoën biejein ?
Vings ze neet, ut swingt wie unnen trein ?
Zie zien vandaag weer op heur bès.
Wee zien precies weer op ut goej adres.

Steis ze ens hiej en den weer euveral.
Duis ze auch ens gaer get sjtômme kal.
Bus ze ut leefs der altiëd biej ?
Den bliëf mèt ôs mer wies ut letste hiej.


HOME PLAATSNAMENOVERZICHTHOME


DAO ZIEN WE DÈN!
Tekst: Fred Walraven & Annette Hanssen - muziek: Fred Walraven
Zang: Fred & Annette

Refrein:
Dao zien we dèn, dao zien we dèn!
Alles derop en deraan, vingt geej auch det dit kèn?
Kiëk ens, kènne wwej zoë mei,
valle weej neet erg op in dit gerei?
En bienao ware weej neet ôppe tiëd
al dèt gedeuns en sjpooje en vannalles kwiët.
Noë gaon weej sjtappe wies ut neet mier kèn,
dao zien we dèn, dao zien we dèn!

Weej ware op vaknsie door ôs geld
Dèt ut zoë deur waas, mèr wae had dao noë opgeteld?
Op de mèrt biej de kerk van Delft,
koste de sjoënste lepkes sjtof nog neet de helft!

Toen haet de neister dit ineingeflans
zeej zei: in dess kreatie hûb geej vas en zeker sjans!
Dus dae toemeltralahoempapa,
verdwient pas nao de vastenaovend in de la.


HOME PLAATSNAMENOVERZICHTHOME


DÈT HÛBBE WEEJ GEHAD
2008/2009 nr.3 : Teks & meziek: Mart van Knippenberg
Zang: Aôdemnoët

Refrein:
Dèt hûbbe we gehad, dèt neemt ôs nemûs aaf,
nae nemûs aaf, nae nemûs aaf!
Dèt hûbbe we gehad, dèt neemt ôs nemûs aaf,
dèt is van ôs, dèt neemt ôs gènne miens miër aaf.
Dan kin d’r kômme wae d’r wilt
dae hûbbe weej dan gauw vertild;
Dèt hûbbe we gehad, dèt neemt ôs nemûs aaf,
dèt is van ôs, dèt neemt ôs gènne miens miër aaf.

Ut laeve deurt gen iëwigheid
’t is iërder kort dan langk.
Dus plök d’n daag en hûb plezeer
gangk lekker diene gangk.
De lol die ze vanaovend haes
die neemt dich nemûs aaf.
En as ’t persé mot
dan zien we morge ouk weer braaf.

Mei hûb ich waal èns krômme zin
dan zit ut mich neet mei.
Ich dink dan zak toch in de prrsjt.
en sjtik toch met dien greij.
As ich vandaag neet lache kin
dan hûb ich neet gelaef
Dus sjtop met dèt gegreek
ich vraog ut nôow nog hiël belaef.


HOME PLAATSNAMENOVERZICHTHOME


DET HOUWT MICH OM
2004: Tekst: Peter Bouten - muziek: Emiel Sillen
Zang: Jack en de Perkplentjes

Idder jaor in ut veurjaor mèr altiëd onverwach
As morge haet verdronge ut duüster van de nach
Dèn kruupt ut sjtil nao baove, klopt neet èns op mien deur
En lik zich op mien kusse hiël luchtig ûnne geur
Dèn môt ich hiël sjnel droët
Want dèn ruukt ut hiele hoës nao ûn braödpan met karboët.

Refrein:
Dèt houwt mich ôm,
dèn ken ich ût waal sjeke,
dèn zeen ich roëd-gael-greun
en verder gaar niks mier.
Dèt houwt mich ôm,
ût is al dûk gebleke
en dit is zeker neet de létste kiër.
Ût is mich iërder euverkômme
jao dèt ut insjleit wie ûn bom
en altiëd weer dèt is ût sjtômme,
houwt ut mich kiër op kiër opniej weer ôm.

Dèn lik der op de taofel de sjminckdoës, pet en blouse.
Un vastenaovesliedje dèt galdert door ût hoës.
En zeen ich door de roëte ûn bôntje lange riej
met träöters, dansmerietjes en auch de prins daobiej.
Dèn hèlt mich niks mier taege
Dèn reupt mich ût 'Alaaf'
sjrieuw ich nao de diëke trôm: 'doot der effe viëf veuraaf!'


HOME PLAATSNAMENOVERZICHTHOME


DE DIEKE TRÔM
2005/2006: Tekst: Peter Bouten - muziek: Emiel Sillen & Peter Bouten
Zang: De Sjuünsmarcheerders

Hae is neet muzikaal, dèt wet der zelluf waal
as hae ûn liedje zingt, zingt hae der naeve.
Dae knariepietvan ûm, waerd sjtapel van zien sjtûm,
Ût zinge nae, dèt is ûm neet gegaeve,
dae knariepiet neet sjtôm, koch ûm ein dieke trôm,
zei: 'hang die dich ût ganse jaor mèr iddere aovend ôm'.
Dèt bleek sjlechs ût begin, die trôm ônger zien kin
noë luud der met viëf sjlaeg de vastenaovend in.

Refrein:
Hûer hiej mien trôm' mien dieke trôm'
die lûët uch weite dèt ût alweer vastenaovend is.
Mien trôm' mien dieke trôm'
jao drie daag lang van smorges vreug toetdèt ût aovend is.
Vraog mich neet wiezoë, waorom
rondj fibberwarie reupt miene knarie:
'Dao is weer ein jaörke ôm,
doon dich èns viëf sjlaeg op dien dieke trôm'.

Hae sjpeult gèn instrument, dèt haet der noeit gekend
de blokfluitgaetjes kôs der zelde vinge.
Men zei doë klinks zoë vals, allein al asse kals
met vastenaovend moch der neet èns zinge.
Mèr kûmp ût veurjaor drek, waerd ziene knarie gek,
dae dreit zich dèn met 't kuntje op de punt van ziene sjtek.
Dao sjleit hae dèn knoërhèl, zien trôm mei op ût vel
sjtart hûere vastenaovend nao de viëfde tel.


HOME PLAATSNAMENOVERZICHTHOME


DOEDELDIEDEL
2004: Tekst & muziek: Dion Tijsen
Zang: Aôdemnoët

Refrein:
Doedel diedel dadel doedel, doedel diedel dadel dei
kôm en diedel dadel doedel met ôs mei.
Doedel diedel dadel doedel, doedel diedel dadel die
zing met ôs die sjoëne doedelmelodie.

De klanke van de doedelzak, die gaon door merg en bein,
ût dreunt nog nao jao oërelang, dèt doedelzakrefrein.

Sjtoëre knape bors veuroët
zûk toet aan de kneen
autoplaid sjtrak ôm de boek
dèt moog ge rustig zeen.
Sjtûk veur sjtûk in vol ornaat
laupe wee veurop
boënesjtaak of zjwaorgewich
barret sjeif ôppe kop.

Sjtoëre knape bors veuroët
hendjes in de ziej
danse nao de piëpe van die doedelmelodie
dreije in ôs rökskes rôndj
van egte Schotse roet.
Boënesjtaak of zjwaorgewich
met oëtgesjtreke sjnoët.


HOME PLAATSNAMENOVERZICHTHOME


DOOR KAPPES EN TABAK
2001/2002: Tekst: Peter Bouten - muziek: Emiel Sillen
Zang: Jack en de perkplentjes

Refrein:
Ich gaon door kappes en tabak.
Jao, ich gaon door toetdet ich op de grondj nao aodem sjnak.
Ich gaon door kappes en tabak.
Jao, ich gaon door toetdet de boks mich op de inkels zakt.
As idderein de piep aan Maarten haet gegaeve,
den haoj mich vas, kom ich toet laeve.
As idderein zoeget zien bieze haet gepakt,
den haoj mich vas, ich gaon door kappes en tabak.

Ut ganse jaor haoj ich mich keduuk, den haet der names las van mich,
gaon ich vreug nao bed, sjtaon auch vreug weer op, en voldoon ich aan mien plich.
Mer as ut veurjaor is gekomme, den sjlaon ich om, ken niks mier bomme,
rek ich mich oet en kraak en kreun, den zeen ich roed, den zeen ich gael, den zeen ich greun.

Ut ganse jaor haoj ich wintjerslaop, den laaj ich miene accu op.
Lig ich nao ut werk langoet op de bank, den wul ich niks aan de kop.
Mer as ut veurjaor is gekomme, den huur ich traote, deksel, tromme,
rek ich mich oet en kraak en kreun, den zeen ich roed, den zeen ich gael, den zeen ich greun.


HOME PLAATSNAMENOVERZICHTHOME


DREEJ DAAG SJPEULKETEER (Sjoëlleedje)
2002: Tekst & muziek: Jacques Linssen
Zang: Juffrouw Ine en 't Merwijckkoertje

Refrein:
Dreej daag sjpeulketeer, wee gaon vastenaovend viere,
hûbbe vuül plezeer, hôve lekker niks te liëre.
Wee veule os weer kindj en vlege wiej de windj
van hot naar haar en van hiej nao dao, kôm os sjtraks mèr nao.
Want wee hûbbe noe alweer, dreej daag sjpeulketeer.

Alle kinjer opgepas, zag de juffrouw in de klas
want der sjteit weer binnekort.
Vastenaovend veur de deur, daorûm stel ich dit noe veur
en toen sjreef ich dit noe op ut bord:

En noe geit de ganse sjoel, met de henj vol boerekoël
nao de boerebroelôf toe.
Met z'n alle ôppe vloer en dao zinge wee in koer
ut is vastenaovend noe.


HOME PLAATSNAMENOVERZICHTHOME


DRUIME
2000/2001: Tekst: Nelly & Dion Tijssen - muziek: Dion Tijssen
Zang: Peter, Dion & Co

Met vastenaovend geit veur mich de zon op,
en den krieg ich weer det heerlike geveul.
Den vergaet ich veur efkes alle zorge,
als zo'n joekskepèl die sjoëne liedjes sjpeult.
Den druim ich weg van dae sjleur, mien gezich, det krieg meer kleur.
Vastenaovend, doe gufs mien laeve fleur.

Refrein:
Druime, lekker druime, same sjoenkele op un sjoëne melodie.
Druime, driej daag druime, mit ut allerleefste maedje aan mien ziej.
Druime, iewig druime, laot de wiezers van de klok mer blieve sjtaon.
Druime, laot mich druime, veur ze ut wets is vastenaovend weer gedaon.

En op aswoensdig waer ich den weer wakker,
stop mien vastenaovespekske in de kas.
Ich hub allein noch mer herineringe,
en dao haoj ich mich ut ganse jaor aan vas.
Den druim ich weg van dae sjleur, mien gezich det krieg weer kleur.
Vastenaovend, doe gufs mien laeve fleur.

Jao druime, lekker druime.
Laot dae sjoëne tied mer noëts verlaore gaon.


HOME PLAATSNAMENOVERZICHTHOME


FIËS BIEJ ÔS
2003/2004 nr.3 : Tekst: Mart van Knippenberg - muziek: John Timmermans
Zang: Veer op riej

Refrein:
Ût is weer fiës biej ôs, ût is weer fiës biej os
en idderein wèt wiej detse fiëste môs.
Dèt merkse toch al drèk wee zien hiej knettergek.
Dèt lûpt hiej wiej gesjmaerd, ût lupt hiej eg perfek.
Die zien hiej neet good wiës mer ja dèt is niks niës
met vastenaovend gaon die alzelaeve wiej un riës
nae nemus jsteit der sjtil as wee hiej rôpe;
'doot met ôs mei, 6ut is weer fiës biej ôs.'

Un sjlaegske van de meule
nog gekker as ûn raad.
Zoë dartel wiej ûn veule ôppe Vaersepaad.
Ich hûbse al zeve
mèr neet krèk op ûn riej,
mèr ja dèt interessert neet
dèt hoof neet ein, twië, driej.

Ich hûb hiej en dao ûn sjruüfke
gèt losser as de res
en mei hûb ich ûn pas los
mèr dèt moog auch bès.
Zoë gek man wiej ûn kwartje
of geuf ût dèt neet mier?
Dèt môt toch zeker kenne
dae eine inkele kiër.


HOME PLAATSNAMENOVERZICHTHOME


DE FILLEM KWIËT
1996 nr.1 : Tekst & muziek: Sjors Fassotte
Zang: Sjors Fassotte & John Jenniskens

Ût kûmp mei waal èns veur, dèn sjtaon ich veur de deur,
en dink dèn wiej kôm ich noë weer hiej?
Juus net waas ich nog dao, mèr wat der kûmp daonao,
ich bûn der met de kôp neet biej.
Ich weit dèt emus zei, jong geisse met ôs mei?
En veur dae einao letste kiër,
ich bûn toen mei gegaon, mèr wat ich hub gedaon,
dét weit ich noë dus èg neet mier.

Refrein:
Ich bûn de fillem kwiët, wae help mich zeuke?
Hae besjlis neet wiët, ût waas toch zônne leuke.
Ein gans sjtûk fillem kwiet, neet te verklaore,
ich môt ûm tusse hiej en dao hûbbe verlaore.
Ich weit nog good wiej ût begin waas en ût inj,
ich haop allein dèt ich ût tussesjtûk nog vinj.
Ich bûn de fillem kwiët, mèr wao der is?
Ich weit allein dèt ich ein gans sjtûk mis.

Hûb gee dèt auch waal èns, dèn dinkse dètse mens,
dae miens dae kèn ich ûrges van.
Wiej deep ich dèn auch graaf, ich vraog mich stiëds mèr aaf,
wao ich ûm toch van kènne kan.
Wiej ich ûm dèt toen vroog, toen zoog ich dèt ich zoog,
Ich kôs ûm truuk van gisternach.
Ût waas toch wiej ût leek, ût bleek auch dèt ût bleek,
dae miens haet mich noë hoës gebrach.


HOME PLAATSNAMENOVERZICHTHOME


FLAAIE SAMBA
1999/2000: Tekst & muziek: Peter Joosten
Zang: De Keverkraom

Refrein (2x) :
Flaaie samba, ich wil samba flaai.
Flaaie samba, ich wil samba flaai.

Mit vastelaovend aet ich drie daag Samba flaai.
Ich haoj auch van iesberg- en Spaanse paeperflaai.
Doa zeen wal 20 saorte, wao ich ins gaer noa graaj.
Dao is mer ein saort flaai, wao ich mich aan begaaj.

De prins dae it te vuul, en veult zich den neet goot.
Det kumpt neet door zien pekske of ziene vaere hoot.
Boeremoos mit worst, versjteit zich neet mit beer.
Ich haoj mich aan de flaai, en daorom zing ich weer.

Idderein dae sjpringt en danst de ganse daag.
Pimpelt neet te vuul, zonger stukke in de kraag.
't Ritme van de samba is wie vuur, zonger gejaag.
Wie vlinders in de boek, of 'n flaai gevulde maag.


HOME PLAATSNAMENOVERZICHTHOME

GAEF MICH ALL IN
2008/2009: Tekst: Angèle Pieters - muziek: Emiel Sillen
Zang: Volle Poele

Mien ganse femilie geit met vastenaovend dröet
Met sjoen gesjtreke pekskes, en get schminck op de sjnoet
Mer thoes is ut noe, un waardeloos hotel
De was, de kaok, de sjtriek, det is veur mich un hel
Van die sjtomme klusjes, nae dao haoj ich neet van
Daorom hub ich noe, un hiel get baeter plan....

Refrein:
Ich wil all in, alles all in,
gaef mich all in met dees drie dolle daag
Ich wil all in, alles all in,
zelfs de was, de sjtriek en de vulling van de maag,
Ich wil all in, lekker all in,
auch met dees daag neet nao de pin.
En den zo`n bendje om de erm
det veult riek en werm.
Gaef mich goeie zin,
en maak mien dorp all in.

Mer ich mot ut doon met ocherm drie sjnipperdaag
Det is toch neet te gluive, det is Godsgeklaag
Jao ich bun ut zat, noe helt ut veur mich op
Gen bônne, geld of beurs, ich wil niks aan de kop
Hub mer eine wins nöe, allein verwennerie
Alles d’rop en d’raan, ut leefs nog get derbiej...


HOME PLAATSNAMENOVERZICHTHOME


GEISSE MEI
1978 nr.1 : Tekst: Pierre Franssen - muziek: Peter Joosten
Zang: John Jenniskens en Esther Boonen

Refrein:
Geisse mei met mich nao de maas
as Kaever vraog is niks laever.
Geisse mei met mich nao de maas
dao wûl ich met dich gaon.

As ût veurjaor is en ût greun weer greutj
dèn zitte ze op ein bènkske, dèn zitte ze wènkske aan wènkske.
As ût veurjaor en ût greun weer greutj,
dèn zitte ze aan de waterkantj, de paartjes oët ût Kesselselandj

As ût veurjaor is en de leefde weer bleutj
dèn sjtaon ze op ein paedje, dèn kûsse zich jûnkske en maedje.
As ût veurjaor is en de leefde weer bleutj
dèn vrieje ze aan de waterkantj, de paartjes oët ût Kesselselandj.


HOME PLAATSNAMENOVERZICHTHOME


GÈNNE TOEMEL
2004/2005 nr.11: Tekst & muziek: Jan Gastreich, Peter Boots, Fred Walraven, Luc Verkoelen & Rezie Bouten
Zang: How about ûs

Refrein:
Wat eine toemel, wat ein gedeuns
of ze mos werke, of desse beuns
alzelaeve mèr drök, drök, drök
met dees daag begint pas ût gelök.
Zinge hôsse, ein pilske drinke
aan ut werk hove wee noe neet te dinke.
Gènne toemel aan de kôp
wee kômme der gans weer baovenop.

Ut ganse jaor door werke veur de baas
de rens de ganse daag wiej eine gékke dwaas.
De waeke te lank en ut weekend te kort
Dét is noe net wao ut biej ôs aan sjôrt.

En mienes jat zaet doot ens dit of dèt
al bûsse nog zoe muüg en wûlse gaer nao bed.
En hûbse ens tiëd, kriegse weer goeije haop
dan vèl dich op de bank sjpontaan in sjlaop.


HOME PLAATSNAMENOVERZICHTHOME


GEWAZEL
2006/2007: Tekst: Angèle Pieters - muziek: Emiel Sillen
Zang: Volle poele

Refrein:
Gewazel, gewauwel, geklets en sjtômme kal,
van naze of oëre of haor euveral.
Gewazel, gewauwel, geklets en sjuûne praot,
jao daomei weite weej allemaol raod.
Gewazel, gewauwel, geklets en sjtômme kal,
van walle of lifte ein lekker geval,
kûmpt gen zinnig waord mier oët
mèr haoje neet ôs sjnoët.
Bla, Bla, Bla ect.

Wannier ich op zaoterdig de zölder ens op gaon
dèn zeuk ich nao mien grei, dich môs mich ens zeen sjtaon.
De letste kiër nog dinke, prakezere wat noë aan,
mèr daonao gaon ich fiëste, kiëk ich gaaroet niks mier aan.

Dao zien van die miense die probere ut sjtiëds weer,
zich in dees dolle daag te 'gedragen als èèn heer'.
Mien God wat is det fout jong, daonao bûn ich neet op zeuk,
want juus dae sjtômme kal hiej dae maakt dees daag zoë leuk.


HOME PLAATSNAMENOVERZICHTHOME


GODMIEJAAR
2006/2007: Tekst: Annika Verlaak, Coen Verlaak - muziek: Coen Verlaak
Zang: Ônger os

Refrein:
Godmiejaar 't is veur mekaar
ich hûb weer zitte braoje.
Eine groëte sjlaag en de zaak sjteit op de kôp.
Ich kin opniej beginne
ich laot mich toch neet kinne.
Oët mekaar weer in mekaar
ich gaef ut èg neet op.
Ritjs, roëtjs en ratjs
alles in de pratjs.
Godmiejaar wat ein geplaar en alles is veur nop.

Meneer Pastoër dae vroog mich; jong kôm dich ens aan
en klûm ens in de taore en kiëk ens nao de haan.
Dèt biës det maakt mich sjtapelgek
dae kreit van vruüg toet laat
drom bing dees krans ûm zienen nek
ich dink det det waal baat.
Mèr wiej verwach
ut ging neet wiej gedach!

En auch de Burgervader sjtông ens langs de kantj
zoë s'aoves in ut duüster met eine platte bandj.
Hae keek zoë bliej wiej hae mich zoog
en deej zien ketting aaf
Hae zag bing dit sjtök aan de haok
ut anger aan de naaf.
Mèr wiej verwach
ut ging neet wiej gedach!


HOME PLAATSNAMENOVERZICHTHOME


GOEIJ DICH VAN DE BEIN
2000/2001: Tekst: Sjors Fassotte - muziek: Sjors Fassotte
Zang: Sjors Fassotte & John Jenniskens

Refrein:
Goeij dich us lekker, van de bein,
veur vandaag is ut weer zat.
Gank us lekker ongeroët, leg dich plat,
want doe hubs ut volges mich allang gehad.
Met de uig, toet op de kneen,
zoë hub ich dich nog noëts gezeen.
Goeij dich oppe rug angers geisse van de zuk.
Goeij dich us lekker van de bein.

'ch Bun aan 't hek, bun aan de pin,
weit nog neet miër wat ich zek of waem ich bun.
Veul mien veut neet miër , betonne bein ...,
sjtaon has te pitte... pitte... pitte..., vaeg mich maar biejein.

Wat ich auch wil, wie ich auch hang,
'ch sjtaon noe eg ut leefste sjtil, kom neet op gang.
Hoaj de kop neet reg, dae is van sjtein....,
laot mich us zitte... zitte... zitte..., vaeg mich maar biejein.


HOME PLAATSNAMENOVERZICHTHOME


GOOD GEMUTST
2000/2001: Tekst: Bart Hölscher - muziek: Pieter Koster
Zang: Zoë ken ut auch

Driej daag pierewaaije, lekker d'r op oet.
Driej daag lang geneete, ein lach op diene snoet.
Driej daag ongerduike in ein hiel groet bal.
Driej daag volop fies, ut is toch carnaval.
Al zien d'r van die miense die hubbe altied get,
dan hebbe weej ein antjwoord, goej det mer in os pet.

Refrein:
Wat hubbe weej toch allemaol veul trala aan de kop.
Verstop drie daag dien zurg en zetter ens get op.
Werme wolle muts, sombrero, hoege hood,
maak dich toch neet druk, alles kump weer good,
Want wat er auch gebeurt, 't is maar det ge 't wet,
as de hemel velt, hubbe wel allemaol ein blauwe pet !

Weej hoije ut gezellig, maakke hiel veul lol.
Weej make os gen zurg, det is os te dol.
Weej proate, lach zinge van os oet geen geklaag.
Weej doon hiej aan geneete, geneete van driej daag.
Wilt eemus ut probere, vertel os maar get nuts.
Geej hubt geen inkele kans, want weej zien good gemutst.


HOME PLAATSNAMENOVERZICHTHOME


HEI DAO DOE DAO
1999/2000: Tekst: Peter Bouten - muziek: Emile Sillen
Zang: Jack Bruynen & Joyce Hendriks

Refrein:
Hei dao doe dao, kom us oet det heukske.
Hei dao doe dao, sjtaon neet zoe te sjtaon.
Hei dao doe dao, vraog mich aaf wat zeukse.
Kroep oet dien sjulp en laot dich us gaon.
Hei dao doe dao, kom us oet det heukske.
Gun os det allebei.
Gaef mich dien handj.
Sjpring mei oet de bandj.
Sjak toch us met mich mei.

Idd're kier as ich mich laot gaon,
sjteit der waal emes aan de kantj te sjtaon.
Aangezeen ich dao neet taege ken,
en ich van hoes oet neet verlaege bun,
veul ich, det ich toch us zegge mot:
Det haet toch genne zin.
Sjteis get te sjtaon en kriegs niks gedaon.
Det ken der biej mich neet in.

Kiek der us emes zielig oet de döp,
gluif mer, det ich geliek kompassie hub.
Weit ich det ich ut weer neet laote ken,
en door nemes om te praote bun.
Veul ich det ich toch us zegge mot:
Det haet toch genne zin
Sjteis get te sjtaon en kriegs niks gedaon.
Det ken der biej mich neet in.


HOME PLAATSNAMENOVERZICHTHOME

HEY LIMBO-MAN
2007/2008: Tekst & muziek: Peter Joosten
Zang: De Anvatterkes

Refrein:
Hey Limbo man-hey man vat an-hey man vat an
Hey Limbo man-hey man vat an-hey man vat an
Brabantse hènnekes met Limburgse mènnekes
Limburgse mènnekes met Brabantse hènnekes

Tusse Peel en Maas, dao geit ’t los, dao geit ’t d’raan
in dèt schônne land, zaet men: Gaon met die banaan.
Kermis en de carnaval; ’t is ’t hiele jaor door ein groët feest
Jônk en aod kint dao tempeeste as un beest.

Limbo’s en de Brabantse gaon al eeuwe lang met ein
Neet allein de joeks en lol, heeft men dao, metein gemein.
Die sjtreek, d etaal en sjoëne carnavalstiéd
ut draan gaon, raakse noeit, noeits miër kwiët.


HOME PLAATSNAMENOVERZICHTHOME


HIEJ IS VAN ALLES TE BELAEVE
1998/1999 nr.1 : Teks & meziek: Mart van Knippenberg
Uitvoerenden: Aodemnoët

Refrein:
Hiej is vanalles te belaeve, hiej bûsse krek woë ze môs zien.
Ut kèn veur ôs niks sjônders gaeve, det is zoë zeker as ut mer kèn zien.
Hiej is vanalles te belaeve, dit is Limburg op zien bès.
En blief ze thoês kèn ze dich zelluf noëits vergaeve,
wat haes ze dich den sjoën vergis.
Kèns ze dich zelluf noëits vergaeve, den haes ze zeker get gemis.

Huur noê mer èns wiedet klinkt, zeen die huppelende veutjes.
Wie einidder lacht en zingt, kiek èns wat un sjoëne heutjes.
Lûp de prins weer èns veurop, met al zien vaeregrei,
den sjprinkt, den swingt, den zingt de ganse sjlinger mei :

't Lûpt mich kaod euver de rûk, huur de joekskepelle sjpeule,
traöte alles van de zûk, kèns ze 't kiepevel al veule ?
Lûp de boerebroêd veurop, mèt boeremoos en prei,
den sjprinkt, den swingt den zinkt de ganse slinger mei :


HOME PLAATSNAMENOVERZICHTHOME


HOEMBAPAJA
2005/2006 nr.4 : Tekst & muziek: Annemiek Jenniskens & Coen Verlaak
Zang: Ônger ôs

Ich hûb ûnne vrindj
´ch weit neet wie gee dét vinjt.
Dae kûmp altied te laat
hûb gee ´ne tip dae baat?
want zellufs d´n dokter zaet:
ich weit neet wat dae haet.
Ich sjtuur ûm door dét helpt mesjien.

Auch in ôs joekskepel,
Sjpeult hae net nao d'n tel.
En och wat waas dèt sjtom,
Hae kreeg de dieke trôm.
Dao zitte wee dus met,
kepel is naatje pet.
En God ocherm det duit zôn pien.

Refrein:
Hoembapaja duit de joekskepel
Hoembapaja met ût ganse sjtèl.
Hoembapaja hûerse euveral
Hoembapaja dèt carnaval.

De repetitie kwaam
kôm op wee gaon d'raan
hae sjpeult weer oët de maot,
de dirigent waerd kwaod.
Hae reupt:'noë is ût zat,
ich hûb ût gans gehad.
Gaef noë mèr hiej die dieke trôm.

Ocherm dao sjtông hae dén,
gewoën met laege henj.
Och wat ein sjtûk verdreet,
dèt hoofde auch weer neet
dus met carnaval
sjpeult hae de sambabal.
En kiëk hae lach der auch nog ôm.


HOME PLAATSNAMENOVERZICHTHOME


HUËR ICH DET GOOD
1996: Tekst: Mart van Knippenberg - meziek: John Timmermans & Mart van Knippenberg

Refrein:
Huër ich det good, wils doe mèt mich danse,
get mèt mich drinke en auch mèt mich sjanse.
Huër ich det good of druim ich mesjien.
Ut waas toch sjoën as det zoë ens kôs zien.
Huër ich det good, wils doe mich vertèlle,
det wee vanaovend de sjterre gaon tèlle.
Huër ich det good of druim ich mesjien.
Ut waas toch sjoën as det zoë ens kôs zien.

Jao kiër op kiër opniej kums doe aan mich veurbiej.
Doe kieks mich aan, ich glunder nao dich.
Al dansend in de riej maak ich un plaetske vriej,
un plaetske veur dich en mich.
Wee danse achterein, hiël lekker doën biejein.
Hiej had ich op gewach.
Verlaege huër ich dich fluust're:"Kôm dans mèt mich hiël de nach."

Ich dreij mich nao dich ôm en vraog aan dich waorôm,
dans doe neet efkes allein mèt mich ?
Ut is toch èns zoë sjoën ôm mèt elkaar hiël doën,
biejein te zien, doe en ich.
Ich pak dich in mien erm, doe lachs nao mich hiël werm.
Hiej had ich op gewach.
Verlaege huër ich get fluust're:"Kôm dans mèt mich hiël de nach."


HOME PLAATSNAMENOVERZICHTHOME


ICH BÈN TOCH ZOË VERLEEF OP VASTENAOVEND
1998: Tekst: Mart van Knippenberg - muziek: John Timmermans
Gezongen door: Inge Ramakers & Hay Hanssen

Refrein:
Ich bèn toch zoë verleef op vastenaovend,
det kèn ze toch waal zeen aan mien gezich.
Jao, hiël mien hert det sjleit veur vastenaovend,
mèr wae wèt, mesjien auch nog veur dich.
Noe kiëk toch hiej ens wie sjoën, leefde kèn zien,
op ut iërste gezich.
Kôm noë mèr biej mich hiël doën, en wae wèt mesjien,
dinks doë den net wie ich.
Ich bèn toch zoë verleef op vastenaovend,
det kèn ze toch waal zeen aan mien gezich.
Jao, hiël mien hert det sjleit veur vastenaovend,
mèr wae wèt, mesjien auch nog veur dich.

De ganse daag op paad, ut leefs wies 's aoves laat,
det is veur mich de vastenaovend.
En geis doe met mich mei, den dink ich sjtiekem hei,
wat is daen daag veur ôs toch vuëlbelaovend.
Un präötje make hiej, un pilske drinke dao,
al gauw vergaete weej den tiëd.
Ich zèk taege dich en doe auch taege mich:
"Dit wil ich vanzelaeve neet miër kwiët."

We zinge zachtjes mei van boeremoôs en prei,
van zeutjes aan en boeremaedjes.
Wie sjoën det ut toch waas, dao ônger aan de Maas,
op al die sjtille onverlichte paedjes.
Get leeve waordjes hiej, un klein kûsmuëlke dao,
al gauw vergaete weej den tiëd.
Bèn ich knettergek of mein ich wat ich zèk:
Ich wil dich vanzelaeve neet miër kwiët."

Ich bèn toch zoë verleef op vastenaovend,
det kèn ze toch waal zeen aan mien gezich.
Jao hiël mien hert det sjleit veur vastenaovend,
en ich weit , noë sjleit ut auch veur dich.
Ich bèn toch zoë verleef op vastenaovend,
det kèn ze toch waal zeen aan mien gezich.
Jao hiël mien hert det sjleit veur vastenaovend,
en ich weit , noë sjleit ut auch veur dich.


HOME PLAATSNAMENOVERZICHTHOME


ICH HÛB UN VEUGELKE
2003 nr.7 : Tekst: Peter Bouten - muziek: Emiel Sillen
Zang: Jack en de Perkplentjes

Refrein:
Ich hun un veugelke, dao bûn ich gek op
dae zit biej mich thoës in de koëi.
As ich nao hoës haer kom, vluüg der de sjtek op
duit zich de vaere in de ploëi.
En den gedreugt der zich raadgek
jao duit der hiel erg oëtgelaote,
den dreit der drie kiër rondj de sjtek
hae haet allein sinds ich ûm hûb nog noeits geflaote.

Ich haaj ûm net gekôch, zat mich veur koëi
en trok un allerleefs gezich.
Hae dreide zich kwaod om, zoog mich neet mier sjtaon
ich dach wat hûb ich aangerich?
Ich sjloog de ganse daag aan't zinge
hae ging mich sjtiëds wat leuker vinge.
Doë zoogs ûm dinke jong wat duitte
mèr wat ich auch deej, ich kreeg ûm neet aan't fluite.

Zien vaere vele oët en ich keek ûm èns aan
ich vroog bezorgd, wat is der noë?
Hae sjoof get op en neer, keek mich verlaege aan
mèr nae heel de sjnavel toe.
Toen sjtaok ich mich un vaer van achter
jao un moment dach ich dao lach der.
Doë zoogs ûm dinke jong wat duitte
mèr wat ich auch deej, ich kreeg ûm neet aan't fluite.

Toen haaj ich ut gevônge, koch ein maedjesmûts
nog noeits zoë hoëg gesjpronge, haaj mich ût leefs gekös.
Hae haolde hiël deep aodem, zoë sjtols wie ûnne vors
Ich dach op tiëd ich laot ûm, toen klonk oët volle bors:

Refrein:
Ich hun un veugelke, dao bûn ich gek op
dae zit biej mich thoës in de koëi.
As ich nao hoës haer kom, vluüg der de sjtek op
duit zich de vaere in de ploëi.
En den gedreugt der zich raadgek
jao duit der hiel erg oëtgelaote,
den dreit der drie kiër rondj de sjtek
hae haet nog noeit sinds ich ûm hûb zoë sjoën geflaote.


HOME PLAATSNAMENOVERZICHTHOME


ICH LAUP VEUR SJÖT
2004/2005 nr.9: Tekst & muziek: Peter Bouten
Zang: De sjuünsmarcheerders

Wiej ich jônk waas woel ich al biej de sjötterie
miene pap zei jong dao kèns dich eg neet biej.
Want laupe die marcherend door de sjtraot
dèn mens dich: ich laup allein sjtrak in de maot.
Toen wees der auch nog nao miene krômme bein
die sjtaon veur ûnne sjöt te doën biejein.

Refrein:
Mèr met vastenaovend laup ich veur sjöt
jao iërlik waor ich bûn sjötter want dèn moog ich ut.
Dèn laup ich weer drie daag op en neer
't is vastenaovend dus ich sjuünsmarcheer.
Dèn gaef ich idderein, met twië linkerbein
ûnne laepel en ein pan derbiej.
Die laupe veur mich op, de doorsjlaag ôppe kôp
dèn kôm ich as sjôtterie.
Met vastenaovend dèn moog ich ut
met vastenaovend laup ich sjoën veur sjöt!

Wiej ich jônk waas woel ich al biej de sjötterie
miene pap zei jong dao kèns dich eg neet biej.
Dich zuüs neet èns de bölkes of de herk
nae dich sjuüts nog gènne kogel door de kerk.
Hae doelde daomei op mien luije aug
't waas duudelik dèt ich veur sjöt neet daug.


HOME PLAATSNAMENOVERZICHTHOME


ICH SJTRIËK MICH DER NAEVE
2006/2007: Tekst: Mariet van Knippenberg - muziek: Marco Mariën
Zang: Karboët

Refrein:
Ich sjtriëk mich dernaeve
wat eine mop
dèt doon ich toch ut leefste
in ut zandj met miene kôp.
Zoedet ich neet hoof te dinke
det duit pien.
Allein mien pilske drinke
en lollig ken zien.

Al die gekke dinge
die gebeure waereldwiëd
de eine dae krieg noeit genog
de angere is alles kwiët.
Met de vastenaovend
neem ich alles ôppe hak
lach om al dae flauwekul
en al dae kale kak.

Asse dich det aankieks
al den ôzel, det gekat
wat d'n eine zaet en de angere duit
hub ich ut zoë gehad.
geld en gold en good,
alles is mèr sjiën
ich drink der mich nog eine
kin auch zoë gelökkig zien.


HOME PLAATSNAMENOVERZICHTHOME


ICH WIS 'T VAN TEVEURE
1998/1999: Tekst: A. Wassen - muziek: L. Gubbels & A. Cool
Zang: John Gubbels & de Eiketskes

Refrein:
Ich wis 't van te veure, en heb mer niks gezach.
Det't zoej gebeure, haaj ich waal verwach.
't Is auch van de gekke, weej zzoje mer efkes gaon.
Mer zien weer blieve plekke, noë kiek ôs hiej 'ns staon.
Mer zien weer blieve plekke, noë kiek ôs hiej 'ns staon.

Miene léve wooj weer 'ns efkes gaon,
mèr det efkes waas neet zoê gauw gedaon.
Aan d'n tap hange, lekker mit ôs twiëje,
oere vlooge maar d'r kwaame auch weer niëje.
Nog ein rundje 't letste glaas,
némus wis wie laat 't weer waas.

Miene snoebel wooj efkes weer nao stad,
en haaj zoë gaer 'ns get niets gehad.
Tusse al die kleier en die bontje stoffe,
sjokte weej ze achternao op ôs schloffe.
Schoejend van kraom tot kraom,
flapte zeej 't troët zonger aom.


HOME PLAATSNAMENOVERZICHTHOME


ICH ZÈT MIEN BÈD IN DE GEZÈT
1996: Tekst: Sjoerd Jochems, Frank Ottenheym & Mart van Knippenberg - meziek: Mart van Knippenberg

Refrein:
Ich zèt mien bèd in de gezèt, ich weit ut zeker, harsjtikke zeker.
Ich zèt mien bèd in de gezèt, ich kèn dae knômmel neet miër zeen.
Ich hoof noe mèt dees daag neet te pitte, wat zou ich mèt zôn bèd blieve zitte.
Ich zèt mien bèd in de gezèt, ich kèn dae knômmel neet miër zeen.

Ich hoof neet te kurke wies 's morges vreug.
Doe huurs mich neet sjnurke; bèn gaars neet meug.
Ôm zeven oer kôffie, un goej sjnee broëd,
den laup ich weer rech in ut loëd.

Doe maaks ut neet mèt det ich gèt versjlap,
of sjtiekum ens efkes un uulke knap.
Ich haoj hiël de nach lang mien auge aop,
want ich hûb gaars gènne sjlaop.


HOME PLAATSNAMENOVERZICHTHOME


IËWIG LAEVE
1997/1998 nr.3 : Tekst & muziek: Sjors Fassotte
Zang: Bas Verhaegen & Moniek van Dijck

Gister nog dach ich vanmorge duisse dit en dèt
as ich sjnel genôg bûn jao dén haol ich dét nog net.
Vandaag bliek d´n daag weer vuüls te sjnel te gaon
Had ich dit en dèt toch nog gister mèr gedaon.

Refrein:
Had ich mèr ein iëwig laeve,
sjtông d'n tiëd mèr altiëd sjtil.
Ich wil nog zoë ontzettend vuül belaeve,
dao is nog vuül wat ich nog wil.
Had ich mèr ein iëwig laeve,
ein laeve van zoë ongevier,
wetse wat ût is, sjtèl dèt ich gèt mis
dao kûmp besjlis génne twiëde kiër.
In zônne korte tiëd, kin ich mien ei neet kwiët,
gaef mich tenminste ein laeve mier.

Sjtaon ich aan de hemelpaort, dèn moog ich d'r neet in
Piëtrus zaet: dich bûs gesjtoord, det haet nog gènne zin.
Maak dich hiej e-weg de geis nog vuüls te gaer
Asse dao mei vaerdig bûs, dén kûmpse dan mér weer.


HOME PLAATSNAMENOVERZICHTHOME


IN DE WOLKE
1999/2000 nr.1 : Tekst & muziek: Dion Tijssen
Zang: Dion, Peter & Co

Refrein:
Dans, dans, dans wie de ingelkes det doon.
Kiek mich aan, jao, det ving ich toch zoë sjoën.
Dans, dans, dans wie op ein wölkske veur de maon.
Geluif mer neet, det ich dich sjtraks allein nao hoes toe laot gaon.

As 's aoves ut zunke nao bed is gegaon,
maak petrus de hemelpaort aope.
De ingelkes danse in 't leech van de maon,
en maake vuül plezeer.
De wölkskes, die sjoenkele mei in de maot,
en neemes, dae den geit sjlaope.
Ze danse en zinge, kösmoele en sjpringe,
dao baove aan de hemelpaort.
Ze danse en zinge, kösmoele en sjpringe,
en hubbe ut hoëgste waord.

As ich mit dich dans, jao den bun ich zoë bliej,
den veul ich mich wie in den hemel.
Ich zit op un wölkske, mit dich aan mien ziej,
en druim det ich dich kös.
Dien auge, die sjtraole en zegge mich dan,
ich zal dich ech noëits vergaete.
Weej danse en zinge, kösmoele en sjpringe,
as ingelkes aan de hemelpaort.
Weej danse en zinge, kösmoele en sjpringe,
en doe gufs mich dien waord.


HOME PLAATSNAMENOVERZICHTHOME


KENSE DET MAKE
Tekst: A.Jenniskens - muziek:C.Verlaak

Refrein:
Kense det make, kense det doon
Zal ich det pilske toch maar laote staon
Kense det make, kense det doon
Zal ich ein kusje van det maedje dit kier euverslaon
Kense det make, kense det doon
Ich wil mich lekker laote gaon

Ich speul noe al huul get jaore
De trommel in os joekskapel
En gluif mich ich bun gebaore
As echte pleejboy van dit stel
Want as weej es urges komme
Den make weej iers vuul kabaal
Den trommel ich der duchtig hel op los
En vraog de jonges hei ken det waal

Ein rundje drek nao ut anger
Ut zicht wuurd den al minder good
Den gaef ich mich op as zanger
Want fieste zit mich in ut blood
En zeen ich ein huul sjoen maedje
Den geit mien hert wier aan de haol
Den hub ich mich echt neet mier in de handj
En vraog den ken dit waal allemaol


HOME PLAATSNAMENOVERZICHTHOME

KIËK DAE DAO!
2007/2008 nr.3 : Tekst: Tanay Croonenbroek & Annette Hermans - muziek: Emiel Sillen
Zang: Roelie & Janine

Idder jaor met dees sjoéne daag, zien weej weer gans van sjlaag
dan kômme weej ze weer euveral taege
Weej kiéke um ôs haer, weej zeen ze toch zoë gaer
die jûngskes die make ôs verlaege
Mèr dèt maak ôs eg niks oët, weej zeuke de leukste deroët.

Refrein:
Kiëk dae dao, kiëk dae dao!
Zèk wat zoelse dao van meine?
Kiëk dae dao, kiëk dae dao!
Dae groéte naeve dae kleine.
Mèr wat dûnk dich van dèt clownsgezich
dae liek nôw eg geknip veur mich,
Ich zeen d’r kiër op kiër, sjtiëds miër en miër,
ouk dae charmante, is eine kwante!
Kiëk dae dao, kiëk dae dao!
mèr wae gaon weej nôw achternao?
2e refrein:
Nao ’t lètste refrein, as aafsloëting:
Kiëk dae dao, kiëk dae dao!
Dae! Dae gaon weej achternao!

As ich dèt nôw èns good bekiék, dan zeen ich al geliék
hiej sjteit d’r veur ôs, eg waal eine tösse.
Weej kriége hiej waal beet, mèr wae, dèt weit ich neet,
want sjtök veur sjtök, ving ich ze um te kösse.
Ich weit neet of geej dèt sjnap, ‘t is um de haverklap:


HOME PLAATSNAMENOVERZICHTHOME


KIËR OP KIËR, MIËR EN MIËR
2008/2009: Tekst & muziek: Peter Joosten
Zang: De Anvatterkes

Refrein:
Kiër op kiër wil ich altiëd miër en kier op kier wil ich altiëd miër,
kier op kiër wil ich miër en miër van dich.
Kiër op kiër wil ich altiëd miër en kier op kier wil ich altiëd miër,
kier op kiër wil ich miër en miër van dich.

Ut veurjaor kûmp in de lôch,
mèr aan die dreej dolle daag, hûb ich noëits, nae noëits genôg.

D’n iërste kier dach ich waat ein knap gezich
en de twiëde kiër kreeg ich ein muülke van dich
en de derde kiër vroog ich: mènke wilse mich?
De veerde kiër woel ich NIKS miër van dich!

De vastelaovend is wiej einen carousel
en mei dreit dae langzaam, mèr meistal vuüls te snel.

Ôppe iërste daag kom ich langzaam aan op gang
ôppe twiëde daag deurt d’n optoch vuüls te lang.
Ôppe derde daag kriég ich kleurkes op de wang.
ôppe veerde daag sjriéf ich MIËR op ’t behang!

Refrein:
Kiër op kiër wil ich altiëd miër (van dich) en kier op kier wil ich altiëd miër,
kier op kiër wil ich miër en miër van dich.
Hey, hey, hey, hey, hey, hey, hey, hey, hey
Miër en miër en miër van dich – Miër en miër en miër van dich,
miër en miër wil ich ALLES , ALLES van dich!


HOME PLAATSNAMENOVERZICHTHOME


KLASJENERE
2002/2003 nr.4 : Tekst: Mart van Knippenberg - muziek: John Timmermans
Zang: Veer op riej

Refrein:
Kôm laot ôs noë nog efkes blieve plekke,
bliëf mèr lekker sjtaon.
Nemus haet al zin om te vertrekke,
laot sjtaon nao hoës te gaon.
Laot ôs nog efkes klasjenere
wee hûbbe toch den tiëd
want zônger klasjenere
kènne wee de kal neet kwiët.

Wee sjtaon al de ganse aovend op dezelfde plek
dit is ôzze eige tegel, jao dit is ôzze sjtek.
Zeen wee euveral bekende, raakse aan de praot,
euver noë en euver vreuger, euver jônk en euver aod.

Sjtaon wee os te amusere, sjteit de mondj noeit sjtil
Huügstens biej ut prakesere wat ich nog drinke wûl.
Nemus hoofs zich nog te haöste niks watse nog môs
zien wee dao neet veur gekômme, is ût dao neet om begôs.


HOME PLAATSNAMENOVERZICHTHOME


DE KÔLDER IN DE KÔP
2008/2009: Tekst & muziek: Tanay Croonenbroek &n Coen Verlaak
Zang: Pim van Wylick & Jennie van der Biesen

Idder jaor gebeurt ’t hiel gestaag
dan kom ich weer hiel joeksig veur d’n daag.
Ich verkleij mich in de gèkste ploéte
en versier ouk miene snoët
blaer alle leedjes zoë van boéte
ich trèk d’r lekker weer op oët.
Alle sjruüfkes sjpringe los
d’n tiéd van joeks is weer begôs;

Refrein:
Ich hûb de kôlder in de kôp en idder jaor zèt dèt weer op,
dèn steit mien hèrt in leechterlaaije
same lekker joetse gaon, veurdèt alles is gedaon
jao dao bûn ich veur te paaije.
Ich bûn lekker knètter gèkker kierewiét
jao bûn mich dreej daag kwiét,
in deze tôffe tiéd.
’t geveul geit neet weg, ’t hilt neet op,
ich hûb de kôlder in de kôp.

Miene pap en mam zien ouk van sjlaag
en veule zich ein biétje eine blaag.
Want d’n haof dae wuürd nôow vergaete
en de kaokplaat neet gepoets
friet dae wuürd ôppe voës gegaete
ze gaon dreej dage ôppe joets.
Alle sjruüfkes sjpringe los
d’n tiéd van joeks is weer begôs;


HOME PLAATSNAMENOVERZICHTHOME


KÔM ÈNS HIEJ
2003/2004 nr.2 : Tekst: Annette Hanssen & Miriam Gastreich - muziek: Fred Walraven
Zang: Fred, Annette en How about us

Refrein:
Kôm èns hiej, kôm dich èns hiej
en vertel mich èns wao dich toch bûs gewaes.
Kôm èns hiej, kôm dich èns hiej
nemus hiej dae wet wao dich gezaete haes.
Kôm èns hiej, kôm dich èns hiej
ich hûb zoë dûk gedach gedach: 'dae zûüse hiej neet mier.'
Ich waas dich kwiët, wao waase haer?
Jao ich zoog dich toch zoë gaer,
Kôm èns hiej, kôm dich èns hiej.

Zet dich noë èns efkes lekker doën biej mich
ût zal mich toch benieje, wiej geit ût nog met dich?
Wets dich waal wiej dûk ich aan dich hûb gedach
Dèt ich dich hiej taegekom, dèt haaj ich neet verwach.

Ich krieg ût der zoë werm van noë ich dich weer zeen
hûër mien hert sjleit euver, wat razele mien kneen,
ût is neet te geluive nao zônne lange tiëd
ût geveul dèt ich toen haaj dèt bûn ich nog neet kwiët.


HOME PLAATSNAMENOVERZICHTHOME


KÔM MET MICH MEI
1991 nr.2 : Tekst & muziek: Petra Steegers & Loes Gubbels
Zang: John Gubbels

As de sjniëklökskes weer bleuje ût zûnke der is,
ich weit ût waerd lente, ich hûb ût gemis.
Ich waer dèn onrustig, raak dèt neet kwiët,
Dao kûmp eine sjoëne tiëd.

Refrein:
Kôm met mich mei, pak mich biej miene jas,
vuüls te sjnel is ût gedaon, laot ôs noë nao dorp toe gaon.
Kôm met mich mei, bezorg mich gènne las,
de vastenaovend is zoë sjoën, biej ôs in ût dörpke wao ich woën.
De vastenaovend is zoë sjoën, in ût dörpke wao ich woën.

As de bieje weer zoemen, de lôch die is blauw,
dén zeuk ich mien pekske en heudje hiel gauw.
Ich krieg dén kriebels, weit ût is waor,
de vastenaovend is dao.

As de optoch weer trekt, met de prins door de sjtraot,
dén weit ich hiel zeker dét lûët ôs neet kaod.
Met hiel vuül meziek en vuül tam tam
dèt zet mich in vuur en vlam.


HOME PLAATSNAMENOVERZICHTHOME


EIN KÖSMOEL VAN DICH
2006/2007: Tekst: Tanay Croonenbroek - muziek: Coen Verlaak & Dion Tijsen
Zang: Biejeingeraap

Ich weit ut nog good, wiej of dèt ut zoot
wee zote nog same op sjoel
En ginge ens oet, dich kösde mien sjnoet
ich wis drek wat ich nog ens woel
Mèr waas unne blaag, ich waas zoë van sjlaag
mèr ut muülke dee mich gen pien
Want wat ich toen dach en wat ich dich zag
ken det neet nog ens zoë zien

Refrein:
Gaef mich nog ens ein kösmoel
want sjat det veulde zoë good
Jao eg nao deze eine kier
sjmaak ut allein nao mier
Der hink hiej noë get in de loch
ich waas geliëk verkoch
Dus gaef dit eg verleef gezich
nog ein kösmoel van dich

Nao dae kûrsetiëd, bûn ich dich nèèt kwiët
wee zien nog sjtieds biejein
Al is der mei wat, dich bliefs miene sjat,
ich laot dich noeits mier allein.
Jao alles op aerd, dèt bûsse mich waerd
dich bûs ûnne ingel veur mich
Ich zèk dich zoë dûk, wat hûb ich gelök
den sjmiespel ich taege dich


HOME PLAATSNAMENOVERZICHTHOME


DE KRÔME GÖLDE
19961/1962 nr.1: Tekst & muziek: Thei Verkoelen

Weej zien same op de lappe,
weej zien ech gezellig oet.
Haoj um naat en doot good pappe,
den kump der laeve in de boêt.

Refrein:
Ich hub nog eine krôme gölde,
en dae sjprink mich in de tes.
Veur dae eine krôme gölde,
kaup ich mich ein groëte fles.
Wat zal ich mich drök gaon make,
al det geld is toch mer sjliëk.
Veur dae letste krôme gölde,
kaup ich beer den bun ich riëk.

As Ut geld dich haet te pakke,
zit ze altiëd op de kis.
Bes ze nao plezeer aan 't sjnakke,
den is der get met dich mis.

Lachendj gaon weej door ut laeve,
de zôn die sjient veur idderein.
Of 't der langs geit of der naeve,
weej zinge altied dit refrein.


HOME PLAATSNAMENOVERZICHTHOME


LANG NEET GEZEEN
2006/2007: Tekst & muziek: Peter Bouten
Zang: Mannewerk

Eine kiër per jaor
zeen weej elkaar weer sjtaon.
De tiëd dae is versjtreke
haet ôs amper wat gedaon.
Ich kiëk dich in dien auge
en dich in die van mich
dich tauvers eine glimlach
op dien gezich.

Refrein:
Lang neet gezeen,
Wat hûb ich dich lang neet mier gezeen.
Ein jaor veurbiej gegleje
wat ein iëwigheid ut sjeen.
Haoj mich vas, laot neet los
laot dich driej daag neet mier gaon,
want weej weite weej zien van ôs
toet vastenaovend is gedaon.
Lang neet gezeen,
Wat hûb ich dich lang neet mier gezeen.
Ein jaor veurbiej gegleje
wat ein iëwigheid ut sjeen.

Eine kiër per jaor
dèt is ôs al lang genog.
Dae eine kiër per jaor
dae veur ôs is oëtgezoch.
Os loën veur al ut wachte
't is zeker dèt ut kûmp
dae eine kiër dae veur ôs twië
is besjtûmp.


HOME PLAATSNAMENOVERZICHTHOME


LAOT DE DEUR MAAR VEUR MICH AOPE
2000/2001: Tekst: Loes Gubbels & André Cool - muziek: Ben Verdellen
Zang: John Gubbels

Refrein:
Laot de deur maar veur mich aope, jao, zet ze mer op enne kier.
As doe vas wils gaon sjlaope, gaon ich nog efkes wier.
Doe mos toch weite, jao ich dach des doe waal wis,
det ich hie neet gaon pleite, noe ut zoe gezellig is.

Os Marie haet nog zoe gezach: "ich maak ut neet te laat vannach".
Maar det wil ich nog waal ens zeen, meistal geit ut door de kneen.
Want as ut weer gezellig is, den geit ut altied mis.
Want vreugse "geise mei of bliefse hiej", den zingt Marie weer iddere kier opniej:

Os Marie haet ut weer gelap, det gebeurt um om de haverklap.
En den ontsjteit d'r waal ens keet, aug al zaet Marie van neet.
Den blief ut weer zoe breit as lank en geit ut ziene gank.
Want vreugse "geise mei of bliefse hiej", den zingt Marie weer iddere kier opniej:


HOME PLAATSNAMENOVERZICHTHOME


LAOT DICH TOCH ÈNS GAON
1995 nr.4 : Tekst & muziek: Sjoerd Jochems & Frank Ottenheijm
Zang: Sjoerd Jochems en Frank Ottenheijm

Gee kent ze allemaol waal
in haör drie-deilige pak,
de ganse waek vuül zörg aan haöre kôp.
De bobo's en ut geld daovan
dèt sjteit biej haör veurop,
pas as de zake good gaon houwe zeej van zak.
Mèr jong wat hûbse dèn, bûsse dèn content?
Kiëk èns om dich haer.
Veranger dien gezich en bûn èns bliej
wae zûüt dèt noë neet gaer.

Refrein:
Genne miens zaet: wat zien wee perfek,
wee laote auch waal èns get sjtaon.
Renne, vlege, jage dèt is neet zoë gek,
want anges kriëgse niks gedaon.
Miense wao môt dèt noë nao toe?
As dèt zoë door geit...
Doë bûs gek!
Laot dich toch èns gaon
met vastenaovend geit ut wiej ut geit...

Miense met un raetje los
die zuüse neet zoë dûk,
die haoje waal van ûnne sjeive mop.
Die weite pas wat fiëste is
en gaon dèn auch veurop,
wat zich auch veurduit nae die make zich neet drûk.
En jong wat zuüse dèn, die zien pas kontent!
Die pakke zich biejein.
Die danse aan ein sjtûk wies s'aoves laat
dèt wûlt toch idderein?


HOME PLAATSNAMENOVERZICHTHOME


LAOT MICH MER GAON
2000/2001: Tekst: Dion Tijssen - muziek: Emil Sillen
Zang: Jack en zien garde

Ich waas nog klein nog neet zoë groët en had auch noëts gekös,
gluif mich mer gerös.
Toen leep ich euver sjtraot mit ein aoje prinsemöts,
gluif ut mer gerös.
Mien mooder zei zoë dök, jong noe doot toch ens gewoën,
gluif ut mer gerös.
Prins mit vastenaovend, det leet mich neet mit rös.

Refrein:
Ich laop veurop, ich laop veurop,
en kan neet blieve sjtaon, laot mich mer gaon.
Noe kiek die luuj dao aan de kantj,
die zin al boete aom, waat hub ich toch gedaon ?
Kom sjloet ens aan, doot mit mich meij,
en loat uch toch es gaon, 't is nog neet gedaon.
Nog eine kier, de letste kier, de allerletste kier,
laop ich veurop dus blief neet sjtaon.

Ich waas al groët neet meer zoë klein en had al ens gekös,
gluif ut mer gerös.
Ich leep opens veurop mit ein echte prinsemöts,
gluif ut mer gerös.
Mien mooder zei toen waal, jong noe zoë ze det waal doon,
gluif ut mer gerös.
Prins mit vastenaovend, det luut dich neet met rös.

Ich weit noe wiej ut is om vastenaovesprins te zien,
gluif ut mer gerös.
Zoën sjoën geveul kump noëts mier truuk, det duit mich waal ens pien,
gluif ut mer gerös.
Ich dink noe iddre daag aan det eine sjoëne jaor,
gluif ut mer gerös.
Prins mit vastenaovend luut mich noëts mier mit rös.


HOME PLAATSNAMENOVERZICHTHOME


LEEN
2005/2006: Tekst: Jacqueline Sturme - muziek: Bart Ebisch & Jacqueline Sturme
Zang: Volle Poele

Vreuger makkte ze lang daag,
altiëd lachend, zônger geklaag.
Noë is ut tiëd veur angere dinge,
dao-in kèn ze zich waal vinge.
Van Harry Potter is ze fan,
ut bliekt dètse al... vlège kèn!
Van Harry Potter is ze fan,
ut bliekt dètse al... vlège kèn!

Refrein:
Zèk Leen, wao geit dae baezem haer,
kiëk oët veur de haan op de kerktaore.
Hee Leen, kénse ut neet zeen,
De taore haet zien kiepke verlaore.
Ut dörp op de kôp,
Wat môt noë op de top?
Verdorie Leen... vleeg der euverhaer!
Ut dörp op de kôp,
Wat môt noë op de top?
Verdorie Leen... vleeg der euverhaer!

't Kessels volk likt in de deuk,
zôn verhaol is altiëd leuk.
Is ut neet tiëd veur haken en breie,
dèn rundjes ôm de taore dreije.
Wat môt Pesjtoer en zien maagd,
as Leen de taore... weer belaagd?
Wat môt Pesjtoer en zien maagd,
as Leen de taore... weer belaagd?

De Burger met zien groët gezag,
haet met raod gét bedach.
In deze tiëd van geld besjpare,
môt der toch d'n haan beware.
Wèt ge noë ut niësjte verhaol,
Kesselse baezems... kaal allemaol!
Wèt ge noë ut niësjte verhaol,
Kesselse baezems... kaal allemaol!


HOME PLAATSNAMENOVERZICHTHOME


LEEVE HIËR
2004/2005: Tekst & muziek: Jacquline Sturme
Zang: Volle poele

Kloksjlaag 10 alweer in bed, euverste haet ein sjtrenge handj.
Sjproëte, tomate, prei en koël, werke boëte in de haof.
Altiëd weer ein haup gewoël, zitte gans ônger ut sjtaof.
We hûbbe ôs gewasse, wat is weer ut geval:
de sjtûmming is weer klasse, jao ut is weer carnaval.

Refrein:
Goh, wat ziet geej sjoën verkleid,
ziet geej maedjes gans allein.
Dét is lank zôn nônnekleid,
zeen wee neet ug sjoëne bein.
Tis toch ôm te lache, we doon lekker met,
morge kômme we weer ´zu sache´!
Baeje waal ein extra gebed, och Leeve Hiër,
we drinke ein glaeske beer, en dèn truük aan de roëzekrans.

s´Morges nao ut iërste gebed weer verder in gebûkte sjtand,
ônger leiding van zuster Annet, dweile we alles aan de kantj.
Eier, brûëdjes, melk en patat, tiëd ôm boëdsjappe te doon
zusters we gaon nao ut dörp, pak de tas en poets de sjoon.
We kômme op ut Mèrtplein, wat is hiej ut geval;
idderein haet joeks en gein, jao ut is weer carnaval.

s'Aoves nao ut letste gebed,
weer verder in gesjtrekte sjtand.

Och Leeve Hiër,
we drinke ein glaas beer... en morge wèèr
en dèn sjnel truük aan de roëzekrans.


HOME PLAATSNAMENOVERZICHTHOME


LEKKER SJTAPPE
Tekst & muziek: D.Thijssen

Id-der jaor met vast-en-ao-vend gaon weej sa-me der op oet,
Lek-ker sjtap-pe op-pe lap-pe zelfs 's moo-der blief neet thoes.
Iers nao bao-ve om te sjtrui-ne op de zul-der in de kas,
jao al wae-ke van te veu-re om te kie-ke wat 's pas.

Refrein:
D'r is gen bal det weej o'ts mis-se,
Gen-ne op-toch zon-ger 's,
as klei-ne hum-mel meij gaon sjtap-pe,
jao zo' is ut o'ts be-g's,
zal det ech no'ts mier ver-lie-re,
det ge-veul kump id-der jaor,
met zien al-le lek-ker sjtap-pe,
den liek ut lae-ve neet zo' zwaor,
met vast-en-ao-vend op de lap-pe,
d'r is niks sjo'-ners, hiel ier-lik waor.

Mie-ne pap det is de erg-ste geit fi-naal oet zie-ne bol,
Maed-je leef m's dich ens huu-re maak zo' gaer un biet-je lol.
Num ut dich auch ech neet kwao-lik gank mer rus-tig dien-e gank,
ken dae pap nao vas-ten-ao-vend weer met moo-der op de bank.


HOME PLAATSNAMENOVERZICHTHOME


DE LETSTE KIER
1999/2000: Tekst: Sjors Fassotte & Peter Bouten - muziek: Sjors Fassotte
Zang: Aodemnoët

Refrein:
De letste kiër, det waas de beste.
De letste kiër, dae waas zoe good.
Nog baeter den dae'n ein nao letste,
en vraog mich neet wao'm det in zoot.
De letste kiër waas neet de letste,
jao, dao komme der nog miër.
Want wetse, dae letste, dae kump de vollegende kiër.
Den ierste ... de beste ... de letste kiër.

Wie se jonk en greun waas, nog naat achter elk oer,
onneuzel ... nog un bùkske, of euverdreve sjtoer.
Toen kos se zoë verlange nao iddre ierste kiër.
Pas einmaol aojer wetse, veurel de letste sjmaakt nao miër.

Wie se jonk en greun waas, onrùstig en op jach,
nao 't ierste, echte kusje, of nao den ierste nach.
Toen kos se nog neet weite, 't is niks daen ierste kiër.
Pas einmaol aojer wetse, veural de letste sjmaakt nao miër.


HOME PLAATSNAMENOVERZICHTHOME


DE LÈTSTE SJOENKEL
2004/2005 nr.7 : Tekst & muziek: Peter Bouten
Zang: Peter Custers & Annelies Bouten

Wee gaon met vastenaovend, idder ôzze eige waeg.
Dèt doert de ganse aovend, toet de zaal wuürd laeggevaeg.
Mèr aaf en toe dèt weit ich, den kruutst zich ôzze blik
dén kiëk ich in dien auge, ich krieg ut werm en sjlik.
Want sjtraks ja osjat dèt weit ich, as ut lètste liedje klinkt
dèn kûmp der dèt moment wao op mioen hert van binne zingt.

Refrein:
De lètste sjoenkel, dae is van ôs
de lètste sjoenkel sjteit veur al wat tösse ôs oeits is begôs.
Dae lètste sjoenkel gans op ut lèts
dae eine sjoenkel is van ôs asse dét mér wéts.
De létste sjoenkel is veur dich en mich
dét is dae eine dae aan ôs is toegedich
De létste sjoenkel is veur dich en mich
dae allerlétste sjoenkel sjteit veur: sjat...
ich haoj van dich.

De kastelein geit sjloëte, ut lètste vaat geit aaf
van achter op de bühne klinkt nog effe ut alaaf.
De joekskepel die sjpeult noe ôs eige melodie
dèn laup ich op dich aan en dich kûmps auch gèt doenderbiej.
Want noe ja osjat dèt weit ich, as ut lètste liedje klinkt
dèn kûmp der dèt moment wao op mioen hert van binne zingt.


HOME PLAATSNAMENOVERZICHTHOME


MAAK MICH NEET GÈK!
2008/2009 nr.1 : Tekst: Mart van Knippenberg - muziek: John Timmermans
Zang: Mart en Ine

Refrein:
Maak mich neet gèk,
ut mot neet gèkker waere.
Maak mich neet gek
neet gèkker dan ich bûn.
Laot mich mèr zoë;
zoë wiej ich bûn, gewaere
want wiej ich bûn
bûn ich al gek genôg!

Sjeng dae hilt van sjoën verkleije
doedelt zich vanalles aan.
Wèt altiëd waal gèt te vinge
mèr zien vrouw sjteit dèt noeits aan.
‘Kôm èns hiej, laot mich èns kiéke
zoë kûmpse mich toch neet eweg.
As we nôow èns dit en as we nôow èns dèt’
mèr Sjeng dae zaet; ‘nôow laot mich toch
gewaere wiej ich bûn.’

Sjeng zien vrouw die hilt van vaere
en van heudjes ôppe kop.
Wèt precies wiej ut mot waere
hiej gèt d’raan en dao gèt d’r op.
Ôzze Sjeng hûërse neet klage
hûërt zich al dae wazel aan
en dan zaet hae röstig en hiel drûëg eweg
‘nôow laot mich toch gewaere miens
wat wilse toch van mich?’


HOME PLAATSNAMENOVERZICHTHOME


MAAK UT LEMPKE OÊT
1994/1995 nr.1 : Tekst: Peter Bouten & Mart van Knippenberg - muziek: John Timmermans
Zang: Annette Hanssen

Ich weit nog good wie ut begôs waas.
Ich zoog dich dao baove sjtaon.
Ut waemeske bôntj, dien traöt aan de môndj,
dich leets dich dao hiëlemaol gaon.
Ich zoog aan dien lachende auge,
det welske det waas veur mich.
Net of ze mich wôjs zègge:
Ich bùn toch zoë gek op dich.

Refrein:
Maak ut lempke oêt en kôm ens biej mich.
Kroêp mer lekker doën taege mich aan.
Want de ganse daag zien weej van idderein,
mer mèt ut lempke oêt zien weej weer van ôs allein.
Jao, de godganslikke daag zien weej van idderein,
mer mèt ut lempke oêt zien weej weer van ôs allein.

Van sjmiddes wies laat op den aovend,
bus doe mèt dien traöt op paad.
Enne mars, enne wals, mei zuver, mei vals,
en veurse ut wèts is ut laat.
De ganse daag zien weej waal same,
mer meis toch te ver oêtein.
Pas nao ôs lètste welske,
bus doe weer van mich allein.


HOME PLAATSNAMENOVERZICHTHOME


EIN MAEDJE OËT ÔS KAEVERRIËK
2004/2005 nr.6 : Tekst: Tanay Croonenbroek - muziek: Emiel Sillen
Zang: Ruud Heines, Niels Houwen, Martyn Peeten

Ich bûn ûnne vlaegel en ich gaon zoë gaer op jach,
zeuk un lekker sjnûütje, met eine gouwe lach.
Bûn gewaes in alle sjtreke, euver ut vaer en in de sjtad,
mèr ja ut is zoë gebleke, nörges vônj ich miene sjat.
Einmaol trûük in ôs Kesselslandj:
Wao zoot ich met mien versjtandj?

Refrein:
Zee hûbbe blônje haore, de lûppe donkerroët,
Zien met haör sjoënheid gebaore, idder menke wûlt der waal mei oët.
Uig dao kûmp wir zôn lachend zûnke, sjtraolend van gelök.
Is ut nèèt un hiël sjoën blûmke, ich hûb haör juus geplök.
Det is wao ich dèn veur bezwiëk,
Veur ein maedje oët ôs Kaeverriëk,
veur ein maedje oët ôs Kaeverriëk.

Ut is nèèt te geluife, wat is Kessel toch riëk,
Euveral sjoëne maedjes van ut dörp wies oppe Diëk.
'ch hûb der noë ein gevônje, zee is mien zônnesjiën,
zien met elkaar verbônje en dèt zal altiëd zoë zien.
Zee is leef en hiël charmant,
och jông dèt vinj ich kwant.


HOME PLAATSNAMENOVERZICHTHOME


MARIE LOUISE
2001/2002: Tekst: Coen Verlaak & Noud Jacobs - muziek: Coen Verlaak
Zang: Les Arties

Refrein:
Marie Louise, sjoenste maedje van ut fies,
doe brings mich steeds van de wies, Marie, Marie, Marie Louise.
Geluif mich waal of geluif mich neet, ich waas verleefd vanaaf de meet,
op det maedje oet Paries, Marie, Marie, Marie Louise.
Druime van den eine kier, blief ich haope steeds maar wier,
op den eine groete pries, Marie, Marie, Marie Louise.

Zeg, kent geej soms Marie Louise, un kindj zoe sjoen, echt waor.
Zee kumt elk jaor wier oet Paries, met vlechtskes in de haor.
Zee lupt den met os mei drie daag en veul ich de vlinders wier kroepe in mien maag.
Maar mien leef Marie, noe kom doch us hie, noe kom doch us hie.

Ich laup her nao, blief in her buurt, mer zee zuut mich neet staon.
En elke aovend in mien bet laot ich un dieke traon.
En as ut straks weer woensdig is, den weit ich det ich mot wachte, hul beslis,
toet ut volgend jaor, ut is toch neet waor, ut velt mich zoe zwaor.


HOME PLAATSNAMENOVERZICHTHOME


MARIE NONDEPIEJ
2002/2003 nr.3 : Tekst: Mart van Knippenberg & Tanay Croonenbroek - muziek: John Timmermans
Zang: Aôdemnoët

Refrein:
Och Marie nondepiej, kôm noë eindelik ens hiej,
ich laup dich al zoëlang achternao.
Bûn ich hiej bûs doë dao, den kèn ich der weer nèèt biej.
Kôm laup nèèt weg, zèk noë ens eindelik jao.
Veur dich zing ich mien liedje, idders kiër opniej.
Och Marie nondepiej, och wis ich noë mèr èns wiej,
ich dich ens winne kôs, want ich haoj van dich Marie.

Zestig ongelaeze breeve, sjmeet ze in de prullebak,
dertig bûüskes roëije roëze kiepte ze in haöre voëlniszak.
Mèr dink nèèt dèt ich sjtop,
ich gaef de mood nèèt op.

Haet ze sjnachs haör raempke aope, sjtaon ich ônger oppe sjtraot,
klagend reupse ich wûl sjlaope, al mien werme leefde lût haör kaod.
Ut velt alweer nèèt met,
noë help mich ens gèt.


HOME PLAATSNAMENOVERZICHTHOME


MÈT DE NAAS VEURAAN
1994: Teks & meziek: Mart van Knippenberg
Gezônge: Aodemnoët

Refrein:
Wee gaon veurop want we willen ut weer weite.
Wee sjtaon altiëd mèt de naas veuraan.
En sjtaon wee druüg, man den zuuse ôs pas zjweite,
mer gluif mer grûs, den doon wee dao get aan.
Ut bèste bènke veur, wee zien de fiene fleur.
Van un sjoëne lentelôch kriege wee mer noejt genôg.
Dao twiefelt nemes aan, want wee sjtaon altiëd mèt de naas veuraan.

Oma geit mèt opa nao ut veurjaorsbal.
Haet gèn las miër van heur rummetiek.
Pap dae pak ôs mam ens sjtevig ônger heuren erm,
en lup op gehuür richting meziek.

Sjengske is op sjoël dit jaor prins carneval,
want jônk geliërd det is toch aod gedaon.
Zelfs ôs klènste hummelke van drieënhalluf jaor,
zuuse mèt zien trummelke al gaon.


HOME PLAATSNAMENOVERZICHTHOME


MET UT GOEJE BEIN OËT BED GESJTAP
2003/2004 nr.6: Tekst & muziek: Sjors Fassotte
Zang: Sjors Fassotte, Dion Tijsen, Peter Custers

Trein te laat, fiets kepot, auto zônger sjpriet.
Hundje van de buüre det biej ôs de sjtoep vol sjiet.
Net te lank of te kort, ut huitje aafgezaag
dét gebeurt haos dagelijks mér zeker neet vandaag.

Refrein:
Wat ein gelök, det ich det moog belaeve,
ich bûn vandaag weer met ut goeje bein oët bed gesjtap.
As ich zoë wakker waer, is alles om ut aeve,
krieg ich neet sjnel genôg de daekes van mich aafgetrap.
Ich plök de daag, zoëmèr veur de voot
wat ich auch doot, vandaag geit alles good.
Vandaag den sjlaon ich miene sjlaag in eine klap
ich bûn vandaag weer met ut goeje bein oët bed gesjtap.

Raegewaer, winkel toe, pareplu kepot.
Alles in de was, hûb nog gen bôks mier aan de vôt.
Sjaersjoëm op, metske bot, sjnee in't gezich,
ken altiëd gebeure, mèr vandaag toch neet met mich.

Soep te heit, bloomkoël pratsj, petatte aangebrandj.
Sjtaon ich aan de kaokpot, lûpt ut meisjtal oët de handj.
Klink kepot, deur die klemt, doem tösse de deur
nao 'nen daag vol pech, zet ich mien beste bènke veur.


HOME PLAATSNAMENOVERZICHTHOME


MET VASTENAOVEND
1991/1992 nr.2 : Tekst: Mart van Knippenberg muziek: John Timmermans
Zang: Annette Hermans

Refrein:
Met vastenaovend bliëf in Kessel,
nae met dees daag kriëgs doë mich nûrges anges haer.
Met vastenaovend hûër in Kessel,
ich gaon neet nao de sjtad of euver ut vaer.
Laot mich mèr sjuüve, laot mich mèr sjanse
vanaaf de Heksendans wies op de Mèrt.
Jao dèn hûër ich toch neet thoës en neet ûrges wiët van hoës,
As ut vastenaovend waerd.

Dae man van mich zag lets: 'zèk loester maedje,
Wee gaon èns met dees daag der tusseoët'.
Hae wûlt de sjnieje zeen en op zôn lange latte,
mèr ich trek dèn ein nutte sjnoët.
Dèn zèk ich: 'miene kaerel mos doë èns loestere,
dees kriegs doë mich hiej neet weg,
want ich vier vastenaovend, dèt is toch mien good rech!

Doë hûbs toch van luuj diej gaon gaer sjtappe
mèr zeuke ut god wiej wiët a weg.
Mèr as in Kessel de optoch weer geit trekke,
bûn ich daobiej wat ich uch zèg.
Wee trekke door de sjtraote môs doë èns kiëke,
dèn zuüse jonk en aod weer gaon,
wee viere vastenaovend, doot mei en blief neet sjaton.


HOME PLAATSNAMENOVERZICHTHOME


MÈT VASTENAOVEND GEBAORE
1998: Tekst: Mart van Knippenberg - muziek: John Timmermans
Gezongen : Annette Hanssen

Refrein:
Bès ze mèt vastenaovend gebaore,
den bès ze huël good aaf, zelfs oêtverkaore.
Jao, det geveul kèn nemes verklaore,
un vastenaoveskindj te moge zien.
't Leefs zooj ze drie daag lang aan ein sjtûk danse.
Al drek vanaaf 't begin haes doë goeje zin.
Doë hèls neet van half wèrk, mèr van 't ganse.
Veur dich is idder einde un begin.
Bès ze mèt vastenaovend gebaore,
den bès ze huël good aaf, zelfs oêtverkaore.
Jao, det geveul kèn nemes verklaore,
un vastenaoveskindj te moge zien.

Huër ich unne samba, krieg ich unne sjeut.
Kèn ich neet miër sjtil sjtaon, krieble mich weer ens de veut.
Môt mer blieve sjuve, môt mer blieve gaon.
Det is get as ze eg neet miër sjtil kèns blieve sjtaon.

Zuuse miense danse, duit dich det zoë good.
Al det gesjpektakel is zoë good veur mien gemood.
As der get te doon is, bèn ich der lich biej.
Wao ich kôm is op tiëd laeve in de brouwerie.


HOME PLAATSNAMENOVERZICHTHOME


’T MEULEBOERELEEDJE (Boerebroëlôf 2008)
2008/2009: Tekst & muziek: Boerebroëlôfgezelsjap De Meuleboere
Zang: Boerebroëlôfgezelsjap De Meuleboere

Hattie en Joséke, jao die woënde naevenein,
dèt waas al jaore ein gegaeve
jao die twië die hadde ut fijn.
Mèr ut hèrtje ging sjneller sjlaon,
Sloog euver iddere kiër.
wannier dèt Joséke weer naeve kwaam
Dan wilde Hattie miër.

Refrein:
Ôppe Meulesjtraot sjnachs um halluf ein,
Jao, dao kwame ze same beej ein.
Höbbe zich gekös,
ut waas un leefdeslös
Ôppe Meulesjtraot sjnachs om halluf ein.

Jao dao is toen die leefde begôs,
en die twieje ,die hûëre beej ôs.
Want wae zien weej dan,
Wilt geej ut weite dan?
´Meuleboere´, zoe neue weej ôs!

Leefde, beej ein meule is ut sjoënste wat d’r is,
Det meuge Meuleboere zègke,
Want die weite wiej det det is,
Die sjnappe waorum dèt die wieke gaon,
Die dreije maar sjteeds in ut rondj,
Antonius geuf ziene zaege
Dan maake zeej ut neet te bontj.


HOME PLAATSNAMENOVERZICHTHOME


MIEN ACHTERNICHT OÊT ECHTERNACH
2001/2002: Tekst & muziek: Mart van Knippenberg
Zang: Aodemnoët

Refrein:
Mien achternicht oêt Echternach, die haet ut dörp op hol gebracht.
Zee haet zoëver as ich ut weit, idd're kaerel al de kop verdreit.
Huüre zee heûre vlotte bebbel, heûre lach of heûr gekwebbel,
of wie zie dribbelt euver sjtraot, rope ze: man det is presies mien maot.
Den zuus ze wie ze kiekt en lacht, alsof ze det waal haaj verwacht,
en zaet wat had ze dich gedacht? Ich bèn dien achternicht oêt Echternach.

Elke kaerel reupt: ich bèn diene allergroëtste fen.
En de rest van al dees daag is hae den compleet van sjlaag.
Is totaal in heûre ban, sjnapt der hiëlemaol niks van,
det ze um aan 't lienke hèlt, wies det um wuürd vertèld.

Aan de vrouwelikke kantj lûpt ut langzaam oêt de handj.
Zee zien heûr lever kwiët den riëk, zètte heûr leefs aan den diëk.
Klage aldoor sjtein en bein: Zèt die meid toch oppe trein.
Stuur ze truuk nao Luuksemburg, den zien wee oêt de zörg.


HOME PLAATSNAMENOVERZICHTHOME

MIEN BLÖMKE
2007/2008: Tekst: Yvonne Ottenheijm - muziek: Emiel Sillen en Frank Ottenheijm
Zang: Frank en Resy

Altiëd as ’t weer lente wuürd
zeen ich dien blömkes sjtaon.
Dan geit ’t mich weer kriebele
veul ich mien hèrtje sjlaon.
Dan kiék ich nao mien maedje
ein sjnuütjeleef as dien,
lûët de leefde bleuje
moog ich dien zönke zien.

Refrein:
Dich bûs mien blömke
mien kliëverke veer.
Kôm dich èns biej mich sjtaon,
ich zeen dich zoë gaer.
Dich bûs mien blömke
miene hèrtedeef.
As ich dien snuütje zeen
waer ich smoorverleef.

De leefde waas mich kwiët ein tiéd
mien hert sjtông allang laeg.
Toen zoog ich dich en wis metein
dich bûs de man veur mich.
Ich wil gaer door ’t laeve
met dich leef, aan mien ziej.
Wil dich alles gaeve
wie jein blömke aan ein biej.

Weej hûbbe ôs gevônge
wat zien weej sjoën biejein.
De kriébels ware neet veur niks
Nôow laeve weej met ein.


HOME PLAATSNAMENOVERZICHTHOME


MIEN DIEKE TRÔM
1994: Teks: Peter Bouten & Mart van Knippenberg - meziek: Mart van Knippenberg
Gezônge: Mart van Knippenberg

'ch Kwaam ze taege, 't waas al 's aoves laat.
'ch Waas nog gans allein op paad.
Hiël verlaote sjtông ze in de sjteek gelaote,
ônopvallend achteraaf.
Met un baögske leep ich der nao toe.
Hië en dao kreeg ich al kiepevel.
Raakte ze ens hiël veurzichtig aan.
Mien hert det sjloog inens hiël sjnel.

Ich hûb un dieke trôm gevônge.
Ut is te gek ...... met unne sjtek.
Die hûb ich mich veur de boëk gebônge.
Det is veur zo'n trôm de bèste plek.
En niks of nemes hèlt mich taege,
ôm der èns duchtig op te vaege.
Zo'n drie daag met mien trôm,
en met dae sjtek ... det haut mich ôm.

Neet te langzaam mèr auch neet te sjnel,
altiëd op den iërste tèl,
hau ich oêtgelaote, bienao alle maote,
met dae sjtek taege ut vel.
Kèn ze neet miër misse, gènne daag.
Ich ben aan mien dieke trôm versjlaaf.
As de meiste dinke: 't is gedaon,
hau ich der al weer twië veuraaf.


HOME PLAATSNAMENOVERZICHTHOME


MIEN DÖRP
1988/1989 nr.1 : Tekst & muziek: Peter Bouten
Zang: Mannewerk

Dich bûs der noë al hiël gèt jaore,
al lang veur ich gebaore waas.
Klein gebleve, gruüts gewaore
sjpegels doë dich in de maas.
Dich kèns de huûskes en de miense,
die de ware en nog zien
dich hels ze biej dich en dèn sjiense
te fluüstere det zien der mien.

Refrein:
Dich büs mien leefde en mien laeve
hûbs hiel vuül aan mich gegaeve.
Dich bûs mien weeg en auch mien graaf,
nae dich kûmps noeit mier van mich aaf.
Dich bûs mien thoës, dich bûs van mich,
Kessel mien dörp, ich haoj van dich.

Dich druügs in dich hiel vuül verhaole,
van leefde vreugde en verdreet.
Ût meiste blief in dich versjaole
alles zegke duis ze neet.
Ich veul mich eg biej dich verborge
hûbs noeit gèt van mich verlangd
veur al dien leefdevolle zorge
zèk ich dich doë bûs bedankt.


HOME PLAATSNAMENOVERZICHTHOME


MIEN HERT
2008/2009 nr.2 : Tekst: Tanay Croonenbroek - muziek: Emiel Sillen
Zang: Ruud en Janine

Wiej ich dich èns trôf, toen dach ich metein,
dèt môt toch waal de leefde zién.
Weej smoésde einen tiéd, zoë doënbiejein,
haos te moei um waor te zien
Mien boénzend hèrt van leefde straolt,
toen zag ze mich, ich bûn gèk op dich.

Refrein:
Want ich bûn mien hèrt verlaore
’t kwiët geraak aan dich
dôow bûs dèn auch de waore,
d’n hèrtedeef veur mich.
Door dich bûn ich zoë good geluimp
en nog lang neet oët gedruimp.
Mien hèrt dèt sleit, dèt spraek veur zich
jao gàns allein veur dich.

Met dich vier ich nôow dees dreej sjiéke daag
ich veul mich de keuning te riék
Vlinderkes kriébele mich in de maag
en as ich in dien ouge kiék
dèn straolt mien hèrt weer van groët gelök
och hèrtjeleef, ich bûn knats verleef


HOME PLAATSNAMENOVERZICHTHOME


MIEN HERTJE VERPANDJ
1993: Tekst: Thei Verkoelen - muziek: Emiel Sillen
Zang: Hupke Herrie

In Limburg lik ein plaetske, dao laef men vriej en bliej,
dao zien nog sjtrûük en blome, 't is net ein sjilderie.
dao veul ich mich gelukkig, omdet ich dao gaer woën
Ich wûl dao altiëd blieve, wat is ut dao toch sjoën.

Refrein:
Want ich hûb aan Kessel mien hertje verpandj
Dèt is toch de fiëne fleur van ut Limburgse landj.
Bûn ich in de vraemde, veul ich ut gemis
Doordet der op aerde, gèn plaetske zoë is.

De Kesselse reuïne, bekend zoë wiët en ziëd
vertelt dich gèt van vreuger, van lang vervlaoge tiëd.
Ich weit nog wiej ich vriëde, ich sjreef van puur gelök
de name van ôs allebei, dao in die mergelblök

Gank auch èns met dien maedje, dao ônger langs de maas,
dèn zalse gauw begriëpe, wiej fijn dèt vreuger waas.
Dao is gèn jachte, jage, dao kûmp men gans toet rûs
Want gluif mèr dèt aan ut kesjtiël hiel gèt is aafgekûs.


HOME PLAATSNAMENOVERZICHTHOME


MIEN KESSEL
1997 nr.1 : Tekst & muziek: Sjors Fassotte
Zang: Sjors Fassotte & Mart van Knippenberg

Bûsse hiej gebaore sjtông in Kessel soms dien weeg?
Of zoogse ûrges wiët a weg ut iërste laevesleeg,
altiëd hiej geblaeve of oëteindelik hiej gesjtrandj
doë kumps toet de ontdekking, dit is eg belaofde landj:

Refrein:
As ich mien auge sjloet den zeen ich weer det plaetje
sjtiëds as ich druim, druim ich allein nog mèr van dich.
Ut geveul det der mèr ein is, wao ut laeve fijn is,
duit mich grûüts zien doë bûs ein deil van mich.
Doon mien auge den weer aope nao ut druime of sjlaope
kiëk zoë wiet ich kèn van Belfeld toet aan Naer,
mien Kessel, wat bûn ich hiej zoë gaer,
jao mien Kessel biej dich bûn ich zoë gaer.

Bûsse lang geleeje toch oët Kessel weggegaon,
Of hûbse in de vraemde noë dien eige hûüske sjtaon.
Ûrges deep van binne, dinkse altiëd met plezeer
trûük aan vreugere jaore jao wiej waas dao auch weer?


HOME PLAATSNAMENOVERZICHTHOME


MIEN LAEVE
1999/2000: Tekst & muziek: Ton Sieben
Zang: Ton Sieben - koor: Resie, Sabine, Ton & Mart

Altied in ut veurjaor, veul ich mich zoe sjlech.
De vastenaovend aafgeloupe, oet, jao gans e-weg.
Kèn d'r neet van sjlaope, ut duit mien hert zo'n pien.
Ach kos ut toch get vlotter weer, vastenaovend zien.

Refrein:
Want met de vastenaovend, jao, is al mien leid e-weg.
Den begint mien laeve, mien laeve pas eg.
Veul mich niej gebaore, wie un veule in de wei.
Lache, zinge, sjpringe, idderein duit mei.
Lache, zinge, sjpringe, idderein duit mei.
Want met de vastenaovend, jao, den krieg mien laeve kleur.
Den helt mich niks miër thoes en gaon ich d'r weer veur.
Veul mich niej gebaore, wie un veule in de wei.
Lache, zinge, sjpringe, idderein duit mei.
Lache, zinge, sjpringe, idderein duit mei.

Zellufs in de zomer, is get met mich mis.
Ich kèn ut neet verklaore, wool det ich ut toch uns wis.
Ich huer det melodieke, ut geit mer neet e-weg.
Det blief toet vastenaovend en maakt mich knatergek.

Refrein:
Mèr met de vastenaovend, jao, is al mien leid e-weg.
Den begint mien laeve, mien laeve pas eg.
Veul mich niej gebaore, wie un veule in de wei.
Lache, zinge, sjpringe, idderein duit mei.
Lache, zinge, sjpringe, idderein duit mei.
Want met de vastenaovend, jao, den krieg mien laeve kleur.
Den helt mich niks miër thoes en gaon ich d'r weer veur.
Veul mich niej gebaore, wie un veule in de wei.
Lache, zinge, sjpringe, idderein duit mei.
Lache, zinge, sjpringe, idderein duit mei.

As de blaedjes valle, waer ich sjtapeldol.
Den kriebelt mich mien blood en razel ich auch hielemaol.
Mer d'n elfde van d'n elfde, is mien leid veurbiej.
Den veul ich mich weer good, den is vastenaovend hiej.


HOME PLAATSNAMENOVERZICHTHOME


MIEN MAEDJE VAN DE VASTENAOVEND
2001/2002 nr.2 : Tekst: Tanay Croonenbroek - muziek: Emiel Sillen
Zang: BH (Roel Boots &Ruud Heines) en de Joeksige kaevers

Ut is weer vastenaovend en ich gaon oët miene bol.
Weej make joeks, plezeer en lol.
En staon ich hiej te sjtaon, jao dan zeen ich dich dao gaon.
Ich kiëk dich achternao.
En doë sjteis noëit èns sjtil,
dèt is wat ich gaer wil.

Refrein:
Doë bùs mien maedje van de vastenaovend,
sjoën verkleid en vûül belaovend.
Doë bûs der altiëd biej, en dao kumpse weer veurbiej,
in die ganse riej.
Al vanaaf ut begin, hûbs doë weer goeije zin,
weej kriëge zin derin.

Op maondaag sjtaon ich hiej, met mien pilske in de handj,
nao dich te kiëke aan de kantj.
Dan loup ich op dich aaf en doë lachs nao mich hiël braaf.
Weej kômme aan de praot.
Dan vraog ich dich hiël zach:
bliefs doë biej mich vannach.

Op dinsdaag zien weej same en doë maaks mich hielemaol los,
met dèt gesjpring en dèt gehos.
Ein welske ziej aan ziej, doë brings laeve in de brouweriej,
dèt is toch waal te zeen.
Ut is bienao gedaon,
laot ôs nog efkes gaon.


HOME PLAATSNAMENOVERZICHTHOME


MIEN SJOON
2001/2002: Tekst: Math Veugelers - muziek: Zoe ken ut auch
Zang: Zoe ken ut auch

Is ut vastenaovend, loap naeve mien sjoon,
krieg jeuk in mien kuu-te, ken ich niks aan doon.
Den huppelt de linkse, de regse, dae wuurd blie.
Dit geit den vanzelf, auch met in de rie.

Refrein:
Ut is neet te begriepe, woe kumpt det vanaaf ?
Want zoe door ut joar haen, zien mien sjoon altied braaf.
Wuurd ut vastenaovend, den doon die hiel gek.
Ich mot den good kieke, angers braek ich de nek.

Dit is vastenaovend, vuul joeks en vuul gein,
mien sjoon die gaon stjappe, de bein gaon van allein.
Ich ken neet mier stjil stjaon, met mien sondigse sjoon,
dus maak ich ein denske, dao ken ich niks aan doon.


HOME PLAATSNAMENOVERZICHTHOME


MIENE LEEFSTE
1997 nr.2 : Tekst: Mart van Knippenberg - muziek: John Timmermans
Zang: Ine Gielen

Refrein:
Doë, doë bûs miene leefste, doë bûs miene sjat.
Wat ich dich nog wûl zegge: 'ich hûb ut nog noeits zoë sjoën gehad'.
Doë doë bûs wiej ut veurjaor, de zon de heldere maon.
Kôm èns hiej in mien erm 'ch veul dich sjtraole zoë zaoch en zoë werm.
Kôm èns hiej doën biejein, laot mich noeit mier allein.

Iddere heldere veurjaorsnach, bezeit met doëzenden sjterre
kèn dich zegge wiej ut veult, om verleef zien.
Hûër zôn sjterke det vertelt aan ôs twiëje hiël sjtiekum en zach:
'elke sjter, geluif mich noë mèr sjtraolt veur uch hiël de nach'.

As de sjuchtere veurjaorsprach, opniej begint te bleuje
dreit elk blûmke hiël verleef zien köpke nao de zon.
Werm mich met dien zeute sjtraole en gun mich al dien leech,
Hüb mich leef en astebleef, sjiën allein mèr veur mich.


HOME PLAATSNAMENOVERZICHTHOME


MOOG ICH DIEN HENDJE EFFE LIËNE
1997/1998 nr.1 : Tekst & muziek: Peter Bouten & Ton Sieben
Zang: Aodemnoët

Refrein:
Moog ich dien hendje effe liëne, want ut jeukt mich op de rúg.
Van de kop wies aan de tiëne, zit dao ... ut lastig stjúk.
Moog ich dien hendje effe liëne, want ich ken der ech neet biej.
Bietje mier nao links haer, krats nog eine kier.
Nae, ut zit toch ech get mier opziej.
Bietje mier nao rechts gaer, gank nog effe wier.
Nae hé, dao begint ut weer opniej.

Ich hub ein hiel klein plekske, det haet has idderein.
Neet op de boek neet op de kop.
't zit neet tússe de tiëne en auch neet op de bein.
Ut zit un stökske hoëgerop.
Zoot ut mer van veure, veur mien part get opziej.
Leever nog get doonder biej de nek.
Op gezette tieje, kier op kier opniej,
maak die kleine plek mich sjtapelgek.

Ich , met det kleine plekske, dus nao den dokter haer,
en vroog: noe kiek der mich us nao.
Hae kós toch ech niks vinge, gen bultje, génne zjwaer,
en wis zeker ut zoot dao.
Ut zit tússe de oere, det zeij der taege mich.
Kom morgevreug biej mich in therapie.
Dus daags daonao leep ich, 't waas un gek gezich,
met mier as twintig angere in un riej.


HOME PLAATSNAMENOVERZICHTHOME


UT MUUSKE
1998/1999: Tekst: Moniek van Dijck & Bas Verhaegen - muziek: Jacques Linsen
Zang: Moniek van Dijck & Bas Verhaegen

Refrein:
Waas ich maar 'n muuske, met zo'n sjnoet en lange sjtert;
den bouwde ich mien huuske, oppe hook van ut buffet.
En as der get te doon is, bun ich, wat ich uch zeg,
as eerste dan aanwezig en pas nao de letste weg.

Groete oeren klein van stuk, muuskes komme euveral;
ech niesjierig bun ich neet, mer toch wiet ich ut gear al.
Noe heb ich ut ech neet slech, mer zoe ut kenne, hiel mesjien,
det veur ens met vastenaovend, ich zo'n moes zoej moge zien.

Is ut 's aoves laat genog, en mot ich al weer nao hoes,
kiek ich met un bietje pien, nao zo'n hölke van ein moes.
As ich sjmorges wakker waer, met de kater in't gevech,
dink ich waar ich maar ein muuske, ren ich veur de kater weg.


HOME PLAATSNAMENOVERZICHTHOME


NAEVE ÔS SJOON
2004/2005 nr.5 : Tekst: Mart van Knippenberg - muziek: John Timmermans
Zang: Aodemnoët

Refrein:
Och wat zien we bliej det we weer hiej zien
want ut wuürd toch pas sjoën as wee der biej zien.
Zèk noe zelf, dès toch neet gek,
as ich zoeget van ôs zelf zèk.
Nae, wee zien èg neet verlaege,
mèr môt det den mesjien?
Auch al wuürd gezag: 'wat laupe die naeve haör sjoon'.
Ut is neet zoe erg det ich dao gèt aan môt doon.

Wat sjaot ge zônger ôs toch te sjravele.
Nae zoe hûb ich gèn plezeer.
want as we der neet biej zien geit ut neet.
Dèt wèt idderein, dao kûmp ut toch op neer.

En det we sjmaerig good zien, det weite we.
Weite we al hiel erg lang.
En det ut pas begint as wee der zien
dèt zègke we ug den auch mèr innegang.


HOME PLAATSNAMENOVERZICHTHOME


NEET ZOË SJLECH BEKEKE
1999: Tekst: Mart van Knippenberg - muziek: John Timmermans
Gezongen door: Ine Gielen & Mart van Knippenberg

Refrein:
Det is nog neet zoë sjlech bekeke, det is nog neet zoë sjlech gedaon.
As ze thoês och erm mer zits te greke, kèns ze baeter aan de boemel gaon.
Neet langer zanike of meke, kôm pak dien grei; gank mèt mich mei,
den zeuke wee un goei kefee, vings ze det gèn sjoën idee ?
Det is nog neet zoë sjlech bekeke, det is nog neet zoë sjlech gedaon.

Doe haes zoë van die luuj die ech de ganse daag,
mer klage van ich hûb zo'n las van miene maag.
Van ich hûb gènne tiëd en man wat hûb ich sjtres.
Hûb gee det auch den dink zoë rondj un oër of zès:

Doe haes de ganse daag mer zörg aan diene kop,
en dinks den constant: Och heel det noê mer èns op.
Ich waer toch neet tegoej, ich gaon ut leefs nao bèd,
den loester èns nao ôs, det baat mesjien, wae wèt ?


HOME PLAATSNAMENOVERZICHTHOME


NOE BEGINT VEUR MICH UT LEAVE
1999/2000: Tekst: Loes Gubbels & Andre Cool - muziek: Karel Koster
Zang: John Gubbels

Intro:
Joa, noe begint veur mich ut leave.
Det van vreuger telt neet mier.

Refrein:
Dich bis veur mich wie ein gedich,
oet den hemel komme vleege.
Daag en nach heb ich op dich gewach,
en heb dich noe den toch gekrege.
Waat bin ich bliej det ich dich heb gezeen.
Doaveur dank ich dich op mien bloëte kneen.

Ich zoog dich stoan, ut waas gedoan,
met mien vreejgezelle joare.
Dien gezich bekeek ich mich,
heb mien hert aan dich verloare.
Waat bin ich bliej det ich dich heb gezeen.
Daoveur dank ich dich op mien bloëte kneen.

Joa, noe begint veur mich ut leave.
Det van vreuger telt neet mier.
Zo'n kusmoel wie's dich mich hebs gegaeve,
wil ich nog waal hongerddoezend kier.
Ich ruil met nemus, geluif mich maar gerus,
d'r is auch nemes, de mich oëts zoë heet gekus.
Want noe begint veur mich ut leave.
Det van vreuger telt neet mier.

Ich heb der zat veur dich gehad.
Det leep altied op de klippe.
Diek en lank wie ein plank.
Nemus dae aan dich ken tippe.
Waat bin ich bliej det ich dich heb gezeen.
Daoveur dank ich dich op mien bloëte kneen


HOME PLAATSNAMENOVERZICHTHOME


OMLIËG, OMHOËG
Tekst: Pierre Franssen - muziek: John Timmermans
Zang: John Timmermans

Refrein:
Ônger naeve de maas dao is ût sjoën,
in dèt oelige dûrpke wao ich woën
Dao geisse omliëg nao de waterkantj,
dao geisse omhoëg nao ut Kesselslandj.
Omliëg, omhoëg zoë blief ût hiej mèr gaon
dèt hûbbe ze hiej altiëd al zoë gedaon.
Omliëg, omhoëg zoë blief ût hiej mèr gaon
dèt hûbbe ze hiej altiëd al zoë gedaon.

Omliëg geisse nao ut wiebelende vaer,
dao is men toch zoë gaer, dao is men toch zoë gaer
en idderein vinjt sjoën dèt ut zoë langzaam veurt,
dèn zeense pas wat allemaol in Kessel gebeurd.

Omhoëg kènse nao ôs aod kesjtiëlke gaon,
dao vriet men ônger de maon, dao vriet men ônger de maon.
Mèr jong dao is ût eg neet altiëd aeve net
want idderein dae wèt ût daak is naatje pet.


HOME PLAATSNAMENOVERZICHTHOME

ÔPPE SJTANG
2007/2008: Tekst: Mia Verkoelen - muziek: René Haustermans
Zang: Hôw about ûs

Refrein:
Kôm mèr biej mich ôppe sjtang,
ich bring dich euveral haer.
As doë mèr neet nao hoes wils,
want dèt hûb ich neet zoë gaer.
Kôm mèr biej mich ôppe sjatng
ich bring dich euveral haer.
Veur zôn net maedje,
doon ich dèt hiel gaer.

Ich en ôs Mien, weej fietse waal èns oët
mèr veur zôn vlôt maedje, kûmpt hèt neet sjnel veuroët.
En euveral wao weej kômme, sjtaon kaerels in de riej
As Mien ze èns aankiekt, dan rôpe die hiel bliej;

Nae dink ôs Mien, ich trèk mien eige plan
ich wach op dae eine, dae ’t vceur make kan.
En al geit ’t nog zoë langzaam, Mien is zeker van häör zaak
’t zal gaon gebeure, gelök is in de maak.

Pech veur ôs Mien, weej ginge weer èns oët
hèt trof ziene waore wat waas dèt ein knappe sjnoët.
Toen Mien ôppe sjtang woel sjpringe, wat waas nôow de wiets
ôs Mien dèt kôs waal bäöke, hae had eine damesfiets


HOME PLAATSNAMENOVERZICHTHOME


ÔZZE HARIE
1993: Tekst: Peter van Knippenberg - muziek: Peter Joosten
Zang: Ilse Sonderkamp en Leotine de Vlieger

Ôzze Harie dae haaj koppien, mèr hae kôs der niks aan doon
en verder haaj der wintjertiën en neepe om de sjoon.
Ziene rûk dae kôs niks hûbbe wat ein ellende nondepie
en as der ver mos laupe, dèn kreeg der ut in de ziej.
Hae dach: 'ch gaon nao de dokter toe, dae help mich der vanaaf
Mèr wetse wat dae kaerel zag, dei zei toen hiel kortaaf:

Refrein:
Harie doë môs drinke, Harie doë môs droët
dnk neet aan de pinke, mèr gaef èns flink gèt oët.
Driej daag vastenaovend dèt is ideaal,
dèn bûsse nao aswoensdig weer hielemaol normaal

Ôzze Harie waoj aan sjport gaon doon, hae haaj ein good figuur
hae haolde zich ûnne waterfiets, die ware net te huür.
Mèr ut lukte van gens kantje ut trappe ging neet vlot,
nao tiëntal maeters fietse, waas hae gans kepot.
Hae toen mèr nao hoes gegaon en haet zich in bed gelag,
zien vrouw kwaam toen nao baove toe en wetse wat die zag:


HOME PLAATSNAMENOVERZICHTHOME


DE ROÊTE RAMMELE
1996: Tekst: Mart van Knippenberg - meziek: John Timmermans

Refrein:
Wee laote de roête good rammele, det haet nog nemes mètgemaakt.
En alle rekaors gaon aan sjnammele, wat mènse wat det hiej kraakt.
Det hûb ge hiej nog noejt gezeen, al is det jaomer van den termopeen.
Wee laote de roête ech rammele, wat mènse wat det kraakt.

Hiej is gèt te belaeve, hiej geit ut richtig loos.
En as det zoë blief ram'le, waer ich noejt wèrkeloos.
Want brik der ens ein ruutje, den zèt ich det waal rech.
Hiej kôm ich aan mien trèkke, as echte sjildersknech.

Jao, unne echte sjilder bring se neet van zien sjtök,
want geit der get aan sjerve, dink ich:"Det brink gelök."
Bèn thoês van alle merte en toet hiël get in sjtaot.
Zelfs mèt gebraoke hertjes weit ich nog waal ens raod.


HOME PLAATSNAMENOVERZICHTHOME


DE SAMBA-POLONAISE
1997: Teks: Mart van Knippenberg - meziek : John Timmermans
Gezônge: Annette Hanssen

Refrein:
De samba samba-polonaise, un sjoen gedeuns as dae weer wuurd gedanst.
En kens ze dae nog neet den haes ze, noe eindelik dien ierste groete kans.
Mer achteraaf, des zeker zaes ze, dae haet ut eg, dae haet ut gans.
De samba samba-polonaise, det is veur mich de sjoenste dans.
De samba samba-polonaise, det is ut eg, det is ut gans.

Wee danse unne samba-polonaise.
De prins met zien gevolg dae geit veurop.
Den tante Truu verkleit as un Francaise,
met camembaer en sjtokbroed oppe kop.
En ome Frans, dae weer ens waas vergaete,
om veur der wegging gauw nog get te aete,
lup achter heur en nimt sjtieds unne hap.
Zoe hoof dae noeit mier hongerig op sjtap.

Wee danse unne Braziliaanse samba.
Zelfs oma vingt dae dans hiel sjiek en hip.
Mer 't is heur eg te kaod veur unne tanga,
met heur gebreide boks, gans anti-slip.
Den zal ut auch neet al te lang mier doere,
of opa kump weer aojerwets op toere.
Hae sjouwt op zien petoefels achteraan,
en swingt nog as 'ne egte Braziliaan.


HOME PLAATSNAMENOVERZICHTHOME


SIES WEEJ GAON NOCH NEET NAO HOES
1998/1999: Tekst & muziek: Jan van Heukelom
Zang: Karel & Jan van Heukelom

Refrein:
Sies weej gaon noch neet nao hoes,
want bee os, dao is gen loës.
Kom, we drinke der nog eine.
Maak niks oet, unne groëte of unne kleine.
As de sterre straole gaon,
en weej dan nog neet nao hoes wille gaon.
Maar och, wat mak ut oët, sjut ens in en drink ens oët.
Maar och, wat mak ut oët, sjut ens in en drink ens oët.

As weej met vastelaovend pierewaaie gaon,
en os dan amusere en aan de tapkast staon.
De joekskapel, die bluus dan sjoen ein lekker stök muziek,
dan kiek miene leeve sjat mich aan, en zeet dan taege mich.

As weej dan nao den optocht un beerke drinke gaon,
en met och allemaol dan um duchtig laote gaon.
En als de letste wuurd getapt, en zeen dan zien gezicht,
dan kiek miene leeve sjat mich aan en zeet dan taege mich.

Op vastelaovesdinsdag is ut bienao gedaon.
Noa dree daag lekker viere, kump dan ein kleine traon.
Maar och wat kan ut gaeve, ik bin nao toch bee dich.
Dan kiek miene leeve sjat mich aan en zeet dan taege mich.


HOME PLAATSNAMENOVERZICHTHOME


SJAAK IS UNNE BOËNESJTAAK
2004/2005: Tekst: Mart van Knippenberg - muziek: John Timmermans
Zang: Ien en der zien

Refrein:
Ôzze Sjaak is unne boënesjtaak, ´ne sjmalen derm, och erm.
Gen vot van achter, genne boëk van veur, sjpillebein en dunne erm.
Ôzze Sjaak is unne boënesjtaak, det is get as ze dao met zits,
want as der eine kiër deep aodemhaolt is de bôks um aafgeglitst.

Ôs mam, die zag um vreuger al: "Doe vels has van de graot.
Gen sjpek oppe rûbbe, zoë kries ze ut vuûls te kaod.
Wat môt der van dich waere? Wie môt det allemaol?
Det zuût toch zoë neet oet, man, zoë sjteis ze toch veur paol."

"'ne Goejen haan, dae is neet vet, ich weit neet of ge 't wet."
"Det ken auch waal zien, mer dao meine ze dich neet met.
Gank dich noe mer nao hoes man en zeuk dich dien bretels,
mer doot dien erm oetrein, veur ze door 'ne ruûster vels."


HOME PLAATSNAMENOVERZICHTHOME


SJAELE WAZEL, SJOËNE KAL
1997: Tekst & muziek: Peter Bouten & Mart van Knippenberg
Zang: Aodemnoet

Refrein:
Sjaele wazel, sjoëne kal, jao dernaeve praote kènne ze euveral.
As de eine mèr neet loestert as de angere get zaet.
As dur toch nog get gezag wuürd as ut gènne zin miër haet.
Sjaele wazel, sjoëne kal, det versjtaon ze euveral.
Van Timboektoe toet aan hiëj toe en van hiëj wies in Nepal.
Sjaele wazel, sjoëne kal.

Ich kiëk in de auge van det leve maedje.
Zeen ôs dao ens sjtaon, ut is toch zôn sjoën plaetje.
Zèg, vraog ich veurzichtig, 'ch kôm toevallig naeve.
Wils doe mich dien hendje gaeve?
't Is good zaet het, det gun ich dich hiël gaer,
mèr zèg mich èns, wao geis ze dao mèt haer ?

Dao hub ich noë un hendje van, 't gebeurt mich èlke daag.
Sjtaon ich weer te kieke wie un pilske zônger kraag.
Ober, zèg wat tunk dich, doot hiej unne kleine.
Twië, vreugt der. Nae, mèr eine.
Hae zaet wat sjteis ze zielig aan de kantj.
Det zuus ze toch zèg ich, niks aan de handj.


HOME PLAATSNAMENOVERZICHTHOME

DE SJLAAG VAN DE MEULE
2007/2008: Tekst: Yvonne Ottenheijm - muziek: Emiel Sillen & Frank Ottenheijm
Zang: VET!

Waer ich nôow gek, of staon eg al die minse ôppe kôp?
Ze loupe mit de veut umhoëg, de tiëne gaon veurop.
Gans in de war, kiék ich nao baove, zeen ich dao mien zök
’t zal toch neet, ich hang kranksûm aan miene hôute krûk.

Refrein:
Ich zeen ze dreije wie jein meulewiek,
zuüs dich ouk… dèt alles döbbel liek.
Mèr vandaag kin dèt allemaol niks gaeve
weej wille same eine sjoëne tiéd belaeve.
Ich bûn gèt van de wap, hûbse neet gans miër op ein riej
ein biétje aan de pin, dao is toch gaar niks biej.
Wat ich nôow begin te veule
dèt is de sjlaag…. van de meule.

Ich buuk mich èns veureuver en dan zit ich op mien kneen
Mesjien dèt ich van ôngeroët de zaal rechop zal zeen.
Zoë zuüs ze mèr, ’t vèlt waal mei, dèt is wat ich sjtiëds zèk
as ich dae kôp meibewaeg, dan zeen ich ’t waal rech.


HOME PLAATSNAMENOVERZICHTHOME


SJLOËT MÈR AAN
2004/2005: Tekst & muziek: Sjors Fassotte
Zang: De Aoj Adjudante

Refrein:
Sjloët mèr aan biej dit zootje ongeregeld
sjloët mèr aan, weej sjouwe nao veur.
Of môt geej plasse? Auch dét is zoë geregeld.
Sjloët noe mèr aan weej bringe ug toet aan de deur.
Wûlse weite... wae of d'r al'maol hiej is,
of wûlse zeen of dae sjpetter d´r auch biej is.
Weej zien de taxi van de zaal toet in de hal
Sjloët noe mèr aan, weej kômme euveral.

Man wat is dèt drök hiej
't sjteit hiej vot aan vot
maak mich èns get plaats vriej
'ch zjweit mich hiej kepôt.
Wae sjteit dao te zjweije?
Kiëk wae is dèt dao,
sjtaon neet zoë te dreije
veuroët ich laup dich nao.

Man wat is dèt vôl hiej
´ch zeen allein mer bein
zien dao die van mam biej?
Ut sjteit hiej zoë doorein.
Wiej môt ich die vinge
as ich niks kèn zeen
kint mich emus bringe
want ich zeen allein mèr kneen.


HOME PLAATSNAMENOVERZICHTHOME


DE SJMIENCKDOËS
2008/2009: Tekst & muziek: Toon te Baerts
Zang: Hoëg Water

As ôs mam veur vastelaovend nao häör truujeklèdje zeukt
en dan ôppe zölder häöre kleijerkas aope rökt
dan foenkele ôs uigskes as weej dao die doës zeen sjtaon
en haole alles oët de kas um dreej daag mei te gaon.
Zèt ich mien veur ’t sjpeegel neer
dan preuf ich al dae sfeer.

Refrein:
As ich die sjmienckdoës weer zeen sjtaon
bûn ich verkôch dan wil ich gaon
want dan is de vastelaovend weer haos dao.
Weej gaon d’r dreej daag tössenoët
met dae sjmienck op ôzze sjnoët.
Dèt gebeurt biej ôs mèr einen kiër per jaor
’t is wao ich altiéd nao verlang
ein lekker zûnke op de wang
dan maak ich mich veur vastelaovend neet zoë bang.
Dan kom ich eg pas good op gang
met dèt zûnke ôppe wang
deurt de vastelaovend veur mich noeits te lang.

As ’t kloonepèkske van ’t veurig jaor mich neet miër pas
dan is d’r lichtig waal ein jeske wat hingk dao in de kas.
De kleure in die sjmienckdoës nae die haoje mich neet thoës
want ouk ’t veurig jaor ging ich d’r dreej daag mei van hoës.
Zèt ich mien veur ’t sjpeegel neer
dan preuf ich al dae sfeer.


HOME PLAATSNAMENOVERZICHTHOME


SJROEM SJROEM
Tekst & muziek: C.Verlaak

Daag en nacht
Hub ich vol ongeduld gewacht
Maar noe is ut wier zoe wiet
Veul mich good en wie herbaore
Ich ken mien ei wier eindlik kwiet
En alles is vergaeve en alles is wier good
Auch dit jaor zit ich vol met goeje mood

Refrein:
Sjroem sjroem ut is wier carnaval
Sjroem sjroem ut is wier dao
Sjroem sjroem ut is wier carnaval
Sjroem sjroem kom mich maar nao
As ich det zek
Klink det hiel gek
Maar onger os
Ut is begos
Noe pak dien grei
En kom maar mei
Sjroem sjroem noe jong allei

Ens te mier
Veul ich mien hert det geit te kier
't geit van hoempa en sjing sjeng boem
Spuit vanzelf ein melodieke met huul klaor de dieke trom
Ich weit ut geit neet euver ich kom der neet vaaaf
Ut veult huul vremd maar urges auch waal gaaf


HOME PLAATSNAMENOVERZICHTHOME


SJTORM, WINDJ OF RAEGE
1992 nr.1 : Teks & muziek: Petra Steegers, Loes Gubbels & John Gubbels
Zang: John Gubbels

Refrein:
Sjtorm, windj of raege, wiej de windj weit euver de maas.
Mèr nemus hélt ôs taege, dén gaeve wee flink gaas.
Wee sjoenkele zie aan zie, nog efkes en ût is weer veurbiej,
wee sjoenkele zie aan zie, nog efkes en ût is weer veurbiej.

Wee gaon noë drie daag sjtappe en laote de kastelein tappe
ûnne groëte of ûnne kleine, wee paakke der nog eine.
Want dèt duit ôs toch good, dèt zit ôs in ût blood.
Ich hûf mien glaas met ein bliej gezich, och vastenaovend ich haoj van dich.

Wae lach kèn vuül verdrage en haet auch niks te klage
ôs erm en ôs knieje, die hûbbe vuül te lieje.
Al bûsse groët of klein, wee bliëve op de bein.
Ich hûf mien glaas met ein bliej gezich, och vastenaovend ich haoj van dich.


HOME PLAATSNAMENOVERZICHTHOME

DE SJTRESSKIËP
2007/2008: Tekst: Annemiek Jenniskens & Coen Verlaak - muziek: Coen Verlaak
Zang: Ônger ôs

ôs An dèt is dök ôore bezig as ’t oët wilt gaon
en kin dan mit waal twintig pèkskes veur ’t sjpeegel staon.
Mit kleurkes op d ewange, kûmp ’t ônger aan de trap
dreit zich weer um, is der noë nemûs dae dèt sjnapt?;

Refrein:
Kinse dèt An van ôzze Jan? Dèt is ein sjtresskiëp.
Wat ein kiep, bekans ’t ganse jaor.
Mèr asse dèt mit de vastenaovend in de polonaise zuus gaon
dan is ’t mit de sjtress gedaon.

Vuül razel in de bein, daobiej de boere trouweriej
die bleik gekleurde wange, trèkke toch al sjnel weer biej.
En baove op ein taofel met ein pilske in de handj
zien sjtress en alle razel zoë weer aan de kantj


HOME PLAATSNAMENOVERZICHTHOME


SJUDDENDE PANNE
2000/2001: Tekst & muziek: Peter Joosten
Zang: de Keverkroam

Refrein:
Sjudde de panne op ut daak, den is der laeve in de zaak.
Nemes helt miet zien gemaak, met 't veurjaor in de maak.
Sjudde de panne op ut daak, den is der laeve in de zaak.
Lodde panne en gekraak, euveral huert men gekwaak.

Miena van Mienke van Tru van Truus en Thij,
sjlaon duchtig oppe Kaetel en sjudde ut gerei.
Harie van de bekker en An van sjlechter Lei,
flink der taegenaan, ut ganse durp duit mei.

Sjudde, sjudde, sjudde, sjudde, sjudde

Nao den optoch fietse, op den optochbal.
Joeks van joekskapellen, dae huer se euveral.
Neet allein gewazel, mer duks auch sjoene kal.
Raoj met wie dae toemel, 's murges valle zal.

Sjudde, sjudde, sjudde, sjudde, sjudde

Waem haet de muts gekrege, waem is dit jaor de prins?
Dees witte muts mit vaere, die past bie idder mins.
Dreugt drie daag de sjleutel, waem haet nog enne wins?
Loat kieke waat se kins, loat os kieke waat se kins.

Sjudde, sjudde, sjudde, sjudde, sjudde


HOME PLAATSNAMENOVERZICHTHOME


TE VREUG
1995 nr.2 : Tekst & muziek: Sjors Fassotte
Zang: Sjors Fassotte & John Jenniskens

Refrein:
Te vreug, ût is nog vûlste vreug,
ze kenne nog neet sjloëte.
Te vreug, wee zien ût nog neet meug,
wee gaon nog neet nao boëte.
As wee der einmaol zien:
'dèn zien wee nog neet weg, begint ût fiës pas èg',
wee gaon nog neet mesjien,
want gaon bevelt ôs toch zoë sjlech.
Te vreug, ût is nog vûlste vreug,
dao is nog nemus dae ôs jeug.

Vreuger kwaam ich altiëd later,
later ging ich meisjtal vreug.
Gaon ich vreug dèn drink ich beer wiej water
gaon ich laat drink ich mèr einen teug.
Mèr wannier ich noë auch gaon,
ich blief toet ût letste sjtaon.

Meisjtal kom ich noë as iërste
iërder ging ich meisjtal neet.
Geisse neet ich zèk uch den verliërs ût
Geisse iërst h6ubse ût langste keet.
En omdet gaer niks mis
Hûb ich veur mich zelluf besjlis.


HOME PLAATSNAMENOVERZICHTHOME


DE TIËD VAN FIËSTE
2003 nr.11: Tekst & muziek: Ilse Sonderkamp
Zang: How about us

Refrein:
De tiëd van fiëste is gekômme
want alle tiëd van ôzel van de wintjer is veurbiej.
Dus sjtum de traöte, sjpan de trômme
en sjuüf de allerdaagse trammelantj mèr vlegesvlug opziej.
Wae ze auch bûs of watse auch duis, dèt ken niks bômme
wee gaon noë drie daag met zien alle ziej aan ziej.
De tiëd van fiëste is gekômme
dus blief neet hange, pak dich op en kôm derbiej!

Normaal gesjpraoke laup keurig netjes in de maot
en niks of nemus maak mich euversjtuur.
Mèr plotseling in eine kiër, verleer ich miene draod
as ich de iërste joekskepel weer hûër.

Gewoën dit is gewoënlik, veur al gek genôg
mich kriëgse eg neet zoëmèr ôppe kneen.
Mèr èns per jaor den vleeg ich efkes duchtig oët de boch
as ich die roëd, gael, greune kleure zeen.


HOME PLAATSNAMENOVERZICHTHOME

TOET DE OËRE TOÊTE
2007/2008: Tekst & muziek: Mart van Knippenberg
Zang: Aôdemnoët

Refrein:
Toet de oëre toête, toet de oëre toête,
rôlle weej heej neet nao boëte.
Ouk al klink ’t heej nog èns zoë hèl
bliéft ’t alsmèr bônke op mien trômmelvèl.
Toet de oëre toête, toet de oëre toête,
Ouk as dèt nog oëre doërt
wètse ze ouk waal, dèt ich weit
as ’t löpt wiej dèt heej geit
kiéke weej neet op ein oër.

Ich bin neet erg muzikaal
allein mei gèt lalala dèt lök nog waal.
Sjpeul neet op ‘ne saxefoon
‘ch weit dèt ich dao ug gèn plezeer mei doon.
Mèr d’r is gèt wat ich kin
waorin ich al jaorelang de beste bin.
Ze kiéke zich de ouge oët
as ich mit mien oëre toêt.

Ich trôf lets aan èns ein sjtèl
die zôchte nog emûs veur häör joekskepel.
En ze dachte toe wae wèt;
zônne mit zôn oëre dèt is waal gèt.
Zôn biezônjer instrumènt
haet nemûs, nae nemûs in de ganse tent.
Ze kiéke zich de ouge oët
as ich mit mien oëre toêt.


HOME PLAATSNAMENOVERZICHTHOME


'N TRÄÖT IN DE GÄÖT
1992: Teks & meziek: Mart van Knippenberg
Gezônge: Aodemnoët

Refrein:
Dao lik 'n groëte träöt, al daaglang in de gäöt.
Wao zooj die toch van zien ? Is die van dich mesjien ?
Dao lik 'n groëte träöt, al daaglang in de gäöt.
As die der nach lang lik is ze van mich.

Met vastenaovend den zeen ich ze sjtaon.
Biej idder bal zien ze der biej.
Zeutjes aan, Viëf veuraaf en den Laot gaon.
Van vreug toet laat drie daag op riej.
De träöt aan de luppe, 't zjweit op de kop.
Ze gaon maar door, haoje neet op.
't Is toch weer altiëd 'n prachtig gezich.
Den dink ich: det is get veur mich.

Idder jaor weer miense neem ich mich veur:
ich wil zôn dink veur mich allein.
Ich toët en ich träöt en ich sjuuf en ich sjeur.
Nemes of niks krieg mich klein.
De träöt aan de luppe, 't zjweit op de kop.
Ich gaon maar door, ich haoj neet op.
Det liek mich toch werklik 'n prachtig gezich.
Den dink ich: det is get veur mich.


HOME PLAATSNAMENOVERZICHTHOME


UT KEN MICH GAAR NIKS GAEVE
2001/2002: Tekst & muziek: Ton Sieben
Zang: Ton Sieben en koor (Sabine Sieben, Rezie Bouten, Sjaak Hanssen, Ton Ton Segers)

Refrein:
Ut ken mich gaar niks gaeve, det maakt mich ech niks oet.
Ich geneet noë van mien laeve, want as ut aaf is, is ut oët.
Gaar niks helt mich noch taege, blief neet thoës, gaon lekker oët.
Ich geneet noë van mien laeve, want as ut aaf is, is ut oët.

Löpt ut in dien leave, neet altied aeve good,
zingse dök d'r naeve, verluuse soms de mood,
haese noëts gèn sjans miër en vulse dich ech sjlech,
mèt de vastenaovend, den zingse det zoë weg.

Löpt ut op dien werk neet, zoe wie se dich det dachs,
kriesse diene drei neet, en sluepse neet mier snachs,
lökt dich garös niks mier en haese altied pech,
met de vastenaovend, den zingse det zoë weg.


HOME PLAATSNAMENOVERZICHTHOME


UT WUÜRD NOG DRÖK VANDAAG
2006/2007: Tekst & muziek: Mart van Knippenberg
Zang: Aôdemnoët

Refrein:
Ut wuürd nog drök vandaag, wat ich dich zèk.
Vandaag det is weer zonnen daag det zuus ze drèk.
Wee zien hiej allemaol weer op pe bein.
En wee geniete de minute ein veur ein.
Ut wuürd nog drök vandaag, kiek toch ens aan.
Det ut gezellig wuürd dao kèns ze van op aan.
En auch al laupe ze ôs dök bienao ôm of van de zök
Zôn sjoëne daag vol puur gelök sjtaon ôs waal aan.

Ich pak mien iërste pilske
en zèk um mèt bedraag
Zeuk dich mèr gauw un goeje plek
ut wuürd nog drök vandaag
Op eine poët kens ze neet sjtaon,
allein is mer allein
Dus zèk ich taege nummer twië
De groete aan nummer ein

Doë haes zoë van die dage
Den wet ze al metein
Vandaag velt alles op zien plaats
En nemes blief allein
Haos èlke kroeg die is te klein
En barst has oêt de naod
Mer kom gerös nao binne
Boete is ut auch mer kaod


HOME PLAATSNAMENOVERZICHTHOME


DE 'V' VAN VASTENAOVEND
2004/2005: Tekst: Hannelore Winter-Roggeveen & Laurence Winter - muziek: Jan Bax
Zang: De Kaeverkraom

Ôs ABC... wat ein idee...
det kreeg ein pluumke op de V.
Van A wies Z... werd die versiërd
en waorom wuürd die V geviërd?

Refrein:
Det is De V van Vastenaovend
die maak ôs driej daag vlindervriej.
En zèt die V.. èns op de kôp
dèn lôp ôzzen hood veurop.
Ze hange hiej... al net wiej W(eej)
wiej vasgebakke aan die V.
De groëte V van Vastenaovend
die sjteit in Limburg aan d'n top!

Ut cômitè, kwaam aan de weet
hiej is de gek zoë gèk nog neet.
Noë haoje weej, waal ônger ôs
wat hiej in Kessel is begôs...


HOME PLAATSNAMENOVERZICHTHOME


VAN DAEN ÔZEL GÊNNE LAS
1993: Tekst: Mart van Knippenberg - meziek: John Timmermans
Gezongen door: Annette Hanssen

Wee gaon nao de optoch kieke, zeuke ein sjoëne plek.
Nae wee weite van gèn wieke, zien eg weer vastenaovesgek.
Môsse door de windj of raege en hûb ze ut gauw kaod ?
Bliëf neet sjtaon, kôm op en laot gaon en sjpring mei in de maot.

Refrein:
Kôm zèt dien masker weer op en zèt de zaak op de kop,
det huürt toch zoë met vastenaovend.
Kôm zing en lach en bûn bliej en sjouw toch mei in de riej,
want idderein wèt det huürt derbiej.
Jao, maak mer joeks en plezeer, en gank toch mei op en neer,
pak uch ens same lekker vas.
Gank mer veuroêt met ein lachende sjnoêt,
den hûb ze van daen ozel gênne las.

Sjteis ze baove op dae wage, razels ze op dien bein,
môs ze ozel mer verdrage, des krek utzelfde veur idderein.
Zjwèj ze ônger nao de miense, nao idderein op sjtraot,
sjtank neet sjtiëf, bewaeg met dien liëf, den hûb ze ut neet kaod.


HOME PLAATSNAMENOVERZICHTHOME


VASTENAOVENDJOEKS WIES IN DEN IËWIGHEID
2000/2001: Tekst & muziek: Jan van Heukelom
Zang: Karel & Jan van Heukelom

Refrein:
Vastenaovendjoeks wies in den iëuwigheid, vuuls te weinig guuf 't van dees daag.
Iëuwe lank wuurd dit toch al bezonge, vastenaovend driej daag allaaf.
Minse kinjer, laot ôs hiej meij doorgaon, Joeks en Jen zoëlang ôs hertje sjleit.
Neet waorum, maar daorum, vier de vastenaovend nôw 't noch geit.
Neet waorum, maar daorum, vier dit fiës tot in d'n iëuwigheid.

Hae geit weer beginne, d'n tied de wets waal van,
maak jen as 't noch efkes kan.
De lol, die zal hiej noëits verlaore gaon,
jao, die blief altied besjtaon.
Weej stjtaon d'r nôw veur klaor, veur weer ens hongert jaor.

Miense gank nôw same d'r driej daag taege aan,
gank same met d'n optoch meij.
Bedink, de jaore die gaon flot veurbiej.
Jao, weej ziën maar efkes hiej.
Dus miense, plôk d'n daag, nôw driej daag neet geklaag.


HOME PLAATSNAMENOVERZICHTHOME


DE VASTENAOVES-CENT
2001/2002: Tekst & muziek: En weej den (How About Us)
Zang: En weej den

Refrein:
Aan de vastenaoves-cent, zien weej hiej al sjnel gewend.
Want noë alles mèr de hellef kòs, sjlaon weej duchtig same der op los.
Weej hùbbe dubbel zoevuel lol, dus sjùt de glaze mèr uns vol,
sjùt alle glaze mèr uns lekker vol.

Ich ging mèt de vastenaovend op sjtap, en haaj oet de moer wat euro's getap.
Toen ich toës kwaam keek ich in mien tes, bleek mien beurs nog lang neet op de fles.
Ich dach det ich neet mier tèlle kòs, noë met de euro is ut laeve pas begôs.

Nel, mien vrouw die kreeg ut in de bol, same laajde weej de koffers vol.
De caravan, dae waas neet mier in trek, Saint Tropez, det waas de nieje sjtek.
Unne maonjd wèg in plaats van zeve daag, jao, met de euro is ut laeve pas gesjlaag.


HOME PLAATSNAMENOVERZICHTHOME


VASTENAOVESENERGIE
1993: Tekst & muziek: Mart van Knippenberg
Gezongen door: Aodemnoët

Refrein:
Ich gaon veurluipig neet nao hoês.
Ich wil nog efkes op de lappe.
En wilse neet met mich met, geisse lever nao bed,
haoj un plaetske veur mich vriej.
Ich gaon veurluipig neet nao hoês,
want met dees daag, elk jaor opniej,
hûb ich gèn sjlaop, blieve mien auge aop.
Dès vastenaovesenergie.

Ôm zeeve oër rammelt de wèkker, en môt ich weer ens oêt mien bed.
Den sjtaon ich sjlaopend veur de wasbak en dink ut vèlt toch allemaol neet met.
Ein goej tas kôffie duit den wônjer, maar geit ut op de vastenaovend aan,
is al die meugigheid inens veurbiej, ich ken weer fris der taegenaan.

Zoë 's aoves net nao't aovendaete, lèg ich mich lekker ôngeraaf.
En kump ut niës op televisie, lik ich dao met mien auge toe hiël braaf.
Mer met dees daag is det gans angers, den hûb ich sjteeds un volle batterie.
En geit ut door toet in de deepe nach, den zing ich sjteeds mer weer opniej :


HOME PLAATSNAMENOVERZICHTHOME

DE VASTENAOVESFOTOGRAAF
2007/2008 nr.1 : Tekst: Tanay Croonenbroek & Jan Arts - muziek: Emiel Sillen
Zang: Ruud en Janine

De ganse zaal, zuüt mich altiëd flitse,
zeen ze dinke; ‘wao kûmp hae inens vanaaf?’
Ze rôpe mei: ‘kiëk dao wat eine blitse,’
ich zèk, ich bûn de vastenaoves-fotograaf
‘t moeiste kiekske wat besteit,
jao dèt sjèèt ich dich geheid;

Refrein:
Haej dich, kôm dich èns efkes hiej
dan maak ich van dich ein joeksig plaetje
Haej dich, nôow loup mich neet veurbiej
want ich gaef dich op ein blaedje;
wiej ich dich zeen, dèt is vuül belaovend
dich bûs geknip veur de vastenaovend!

Idder snoét haet zien eige auge
idder maske, is op zien meneer uniek
Door mien lens, zeen ich dèt die waal dauge
alles glundert, jao dèt is zoë magnifiek.
Hûb ich emûs in ‘t viziër,
dan zing ich weer idd’re kiër;


HOME PLAATSNAMENOVERZICHTHOME


DE VASTENAOVESPRINS
2003/2004 nr.5 : Tekst: Tanay Croonenbroek - muziek: Emiel Sillen
Zang: De joekisge kaevers

Ut is Novembertiëd en ut is nog wiët,
toet det ut vastenaovend is.
Mèr dao wurt aangebeld en ich sjtaon versjteld
hûb gee uch mesjien vergis?
Ich mènde det ich sjleep,
zee zeije nae, zoë det ich begreep:

Refrein:
Ich bûn de nieje vastenaovesprins,
jao det is van kleins aaf aan al miene wins.
Ich haoj uch eg nèèt vûr de dômme,
miene druim is oët gekômme.
Ich zjwei met de septor in de handj
en ich sjpring noë driej daag oët de bandj.
Ich bûn de nieje vastenaovesprins,
det maakt van mich de gelukkigste miens.
LA, LA, LA, LA ect.

D'n tiëd dae deurt noë lang en ich bûn zoë bang,
ich praot mien mundje toch zoë sjnel vurbiej.
Ich hûër ut kiër op kiër, mèr verrek gèn sjpier,
wiej kôm ge d'r toch sjtiëds biej?
Mien adjudante hûb ich al;
noë nog wachte op ut prinsenbal.

Wae zoei ut dit jaor zien, wèt gee det mesjien?
Det hûër ze noë eg euveral.
As de gordien geit aop, is ut wat ich haop:
det ich uch mèr good beval.
Idderein dae wèt ut noë:
dus haoj ich eg miene môndj nèèt miër toe.


HOME PLAATSNAMENOVERZICHTHOME


VEUR GROËT EN KLEIN
1998/1999: Tekst: Dion Tijssen - muziek: Jeroen & Cor Beurskens, Emil Sillen
Zang: Jet, Ank & Dion

Intro:
Allang veurdet ut winter is, bun ich in mien gedachte,
al hiël duk biej dae sjoëne tiëd, vol laevenslus en lol.
Den brik mien hert, veul ich mich riëk,en kèn ich neet miër wachte,
toetdet ut vastenaovend is, daovan zit ich zoë vol.
Want as ut vastenaovend is gaon ich oet miene bol.

Refrein:
De henj omhoëg, nao de boek en den oetein, in de vastenaovestrein.
Det doon weej drie daag lang, en kriege neet genôg.
De henj omhoëg, nao de boek en weer oetein.
Bus ze groët of bus ze klein, sjtap in dae vastenaovestrein.

En hub ich den nog neet genôg, den is det gèn probleem.
Den kiek ich um mich haer en doon ich nao det waat ich zeen.
Den gaon de hendjes weer omhoëg en begin ich weer opniej.
Want idderein duit met, dus gank mer gerös uns get opziej.

Van kleins aaf aan is det gegreujd, ut ging zoëget vanzelf.
Als hummel leep ich toen al achter prins en raod van elf.
De liedjes die ich hub geleerd van mien pap en van mien mam,
diej zatte mich wiej klein ich waas, al gauw in veur en vlam.

Ich waas nog greun en niks gewend en haaj mien iërste leef,
getroffe op ut bal, och, waat waas ich sjmoorverleef.
Ut duurde drie daag aan ein sjtök en ich kreeg mer neet genôg.
Zoë same, ziej aan ziej en met de hendjes in de lôch.

De tiëd geit sjnell, det is bekend, veur ze ut wets, den bus ze aod.
Den geis ze nog uns kieke nao de optoch langs de sjtraot.
En den opens, hiël onverwach, lups ze toch weer in diej riej.
Den veuls ze dich weer jônk en reups ze: gank mer gerös opziej.


HOME PLAATSNAMENOVERZICHTHOME


VEUR UNNE HABBEKRATS
2001/2002: Tekst: Mart van Knippenberg - muziek: John Timmermans
Zang: Annette Hanssen & Mart van Knippenberg

Refrein:
Veur unne habbekrats, veur unne habbekrats,
hûbbe wee lol en 'ne hiële haup plezeer.
Nae eg, des gènne kwats, want veur dae habbekrats,
duit idder det op zien meneer.
Veur unne habbekrats, veur unne habbekrats,
hûbbe wee lol en 'ne hiële haup plezeer.
Nae eg, des gènne kwats, want veur dae habbekrats,
duit idder det op heur of zien meneer.

Det hotel mèt hiël vuul sjterre, kries ze van mich kado.
Of zo'n nachtclub aan de Seine, verwèg in Cannes of in Bordeaux.
Ich wil ôzze vastenaovend, thoês en hiël doënbiej.
Dao doon wee dus neet aan mei, des allemaol diekdonerie.

Det sjalet dao in de Alpe, verwèg in Zwitserlandj,
sjuuf ich zônger lang te dinke toch hiël gemeklik aan de kantj.
Gaef mich ôzze vastenaovend, gaef mich carnaval,
want det is noch sjtiëds veur mich ut sjoënste fiëst van al.


HOME PLAATSNAMENOVERZICHTHOME


VLEGE MET DICH
2004/2005: Tekst: Fred Walraven en Annette Hanssen - muziek: Fred Walraven
Zang: Fred en Annette

Refrein:
Ich wil zoë gaer ens vlege met dich.
de wolke in, geisse mei met mich?
Same drie daag d'n hemel ingaon,
det hûbs doe vas noëit ierder gedaon.
Met vastenaovend in de lôch,
duurt ut vlege neet lang genôg.
en lekker joetse in ôs vleggerei,
d'n toemelhemel in weej twie allein.

Haoj dich vas, ut geit beginne.
same vlege, kiek waat weej kenne.
en weej vlege wies ut is gedaon,
mer ongertösse laote weej ôs lekker gaon.

Waas ut vlege mer te liere,
ginge weej zoë vastenaovend viere.
en den ware weej ut neet gauw zat,
wies Aswoensdig ginge weej den zoë op sjtap.


HOME PLAATSNAMENOVERZICHTHOME


VLINDERS
2001/2002: Tekst: Miriam Gastreich & Jos Notermans - muziek: Marc Comuth
Zang: Miriam & Jos

Refrein:
Wat veule vlinders in de boek as se verleef zien ?
Waere ze duuzelig of leech in heure kop ?
Wat veule vlinders as ze hiël hoëg in de wolke zien ?
Is ut asof heur ganse lichaam weer ontpop ?
Zitte ze te sjmiespele, zitte ze te giebele ?
Wat veule vlinders in de boek as se verleef zien ?
Die veule vas vuul miense kriebele.

Jearke fladderde euver ut vriejerspaad elke daag.
As hae ein meadje zoog waas hae van de vlinderslaag.
Op ein daag zoog hae ut leech, dach det is neet zoë gek,
det vlinderdeske zit mich vuul te strak om de nek.

Lot en Bas, verleefde motvlinders in de nach,
hadde aan kinger noa jaore vrieje nog neet gedach.
Maar opens waas de trouwerie al gedoan,
ut zal hiej lichtig waal om ein 'motje' gaon.


HOME PLAATSNAMENOVERZICHTHOME


VREUGER VAESER MAMBO
1991: Tekst & muziek: Peter Joosten
Zang: Ilse Sonderkamp

Refrein:
Vaers vreug in de morge, vredig, vertroët en gewoën.
Vaers vreug in de morge, ût plékske wao ich zoë gaer woën.

De Haag en Vaersepaad, die zien al iëwe aod,
Kerrewaeg en waeg nao Beesel auch ein sjoëne sjtraot.
Geisse met ût vaer, kupmse langs ein plein,
s'zomers is dao kermis, doë bûs dao noeits allein.

Ût Roëje dorp, de febriek, de loswal en de maas,
Ein sjtûkske Kessel-Eik, mèr Kessel blief de baas.
Jônk en aod, bliej of kwaod aan ein waord haet men zat,
idderein kent idderein, ein dörpke in ein sjtad.


HOME PLAATSNAMENOVERZICHTHOME


WAAT EIN BOMBARIE
2001/2002: Tekst & muziek: Dion Tyssen
Zang: Peter, Dion & co

Refrein:
Ich gaon noe op safarie, veur Riet ziene knarie.
Dae is mich weggevloage, dae is der tössenoet.
Riet, det maak bombarie, wilt truuk ziene knarie.
Dae môt ich noe gaon zeuke, jao, kiek mer nao zien snjoet.
Als ich dae neet gaon zeuke, maak Riet ut met mich oet.

Twiet, twiet, twiet, twiet.
Wao is dèn miene Piet ?

Weej hadden ut gezellig, weej hadden ut zoë fein.
Toen kreeg mien Riet dae knarie, och, ut biesje waas mèr klein.
Ich kôs toen nog neet weite, det mien Riet gèt in um zoog.
Toet inens dae sjtomme knarie, door mien sjlaopkamer vloog.

Dao reep mien eige Riet:
Twiet, twiet, twiet, twiet, twiet.
Wao is dèn miene Piet ?

Ich kôs der neet miër taege, ich ging deraan kepot.
Plots sjtong ut kuëke aope, och, ich waas noch noëts zoë flot.
Mien Riet dèt woel gaon pleite, zei: ich kiek dich noëts mier aan.
Alvluug d'r nao Timboektoe, dich geis der achteraan.

Noe roop ich nèt wie Riet:
Twiet, twiet, twiet, twiet, twiet.
Wao is den miene Piet ?


HOME PLAATSNAMENOVERZICHTHOME


WAO BÛS DOË DER EINE VAN?
2006/2007 nr.1 : Tekst: Mart van Knippenberg - muziek: John Timmermans
Zang: Ine Gielen & Mart van Knippenberg

Refrein:
Wao bûs doë de eine van
Ich vraog mich aaf: wao kèn ich dich toch van
Kiëk al zoë lang nao dien sjnoët
Mer ich kom der mer neet oêt
Zônger sjmienk op dien gezich
Is det gèn probleem veur mich
Mer noë kom ich neet wiejer dan
Zèk wao bûs doë der eine van

Die buurvrouw van ôs naeve
Det is un sjieke prie
Die löp der mèt dees daag
Toch altiëd hiël sjoën biej
Van ’t eine wies ut ang’re oër
Vol sjmienk zoë wied ge zeet
Ich kiëk heur vraogend aan en zee zaet
Kens ze mich den neet?

Dae buurman van ôs naeve
Zag kom èns hiej biej ôs
Veurzichtig vraog hae mich
Wao ich die vrouw van kôs
Kiek noë toch èns, zôn lekker sjtök
Des wat ich altiëd wou
Ich zèk den haese noë gelök
Det sjtök det is dien vrouw


HOME PLAATSNAMENOVERZICHTHOME


WAO IS DET KEFEE ?
Tekst: Mart van Knippenberg - muziek: John Timmermans
Zang: Ine Gielen & Mart van Knippenberg

Refrein:
Wao is det kefee hie mèt det daak deraaf ?
Det môt hie ûrges zien.
Gisteraovend waas ut dao zoë biëstig gaaf.
Wèt gee de waeg daohaen mesjien ?
Zo'n hoês gans zônger daak, och man, det vèlt toch op.
Volges mich sjteit ut noë nog altiëd oppe kop.
Wao is det kefee hie mèt det daak deraaf ?
Dao lûp ze toch neet zoëmèr naeve aaf.

Det kefeeke det is mèr hiël erg klein.
Vieftig miense en 'ne kastelein.
Mèr die braeke dao de ganse tent haos aaf.
Iddren daag, gluif mich mèr, geit dao ut daak deraaf.

Op zo'n plaetske, dao kom ich toch zoë gaer.
Daorôm wil ich dao vandaag weer haer.
Mèr wao is det noë, ich weit ut echt neet miër.
Help mich èns, zèk ut noë, zoë kome wee neet wiër.


HOME PLAATSNAMENOVERZICHTHOME


WAO GAON WE TRAÖTE ?
2000/2001 nr.1 : Tekst: Mart van Knippenberg - muziek: John Timmermans
Zang: Annette Hanssen

Refrein:
Wao gaon we traöte, wao gaon we haer,
want traöte doon wee toch zoë gaer.
Wao gaon we traöte, kôm sjeet ens op,
den zètte wee de zaak dao oppe kop.
Wee gaon nog helder den de res.
Wee gaeve gaas, jao volle fles.
Wao ich auch loester en auch kiek,
volle bak, sjoëne meziek.
Wao gaon we traöte, kôm sjeet èns op,
den zètte wee de zaak dao oppe kop.

Soms kômme wee bie un kefee, en is ut dao hiël drök.
Den geit de dieke trôm veurop, nao veur in eine rök.
En gluif mer det zich idder wiek, veural as hae flink vaeg.
Den haet de ganse joekskepel metein 'ne vrieje waeg.

Ut blaoze bie ôs joekskepel, det geit behuërlik hel.
Det kos, ich ving det gaar neet raar, auch mènnig trômmelvel.
Geliëk beginne is un kuns, det kènne wee hiël good.
Mei sjeie wee auch same oêt, as der niks taege zoot.


HOME PLAATSNAMENOVERZICHTHOME


WAT HAOJ ICH VAN DIT LAEVE!
2006/2007: Tekst: Ben Verdellen - muziek: John Coenen
Zang: Hoëg Water

Refrein:
Wat haoj ich van, wat haoj ich van,
wat haoj ich van dit laeve.
Wat sjoën om hiej te zien,
wat sjoën om te belaeve.
Kôs det mer iëwig doere
die jen en al die kleure
en auch nog dae meziek
wat zien weej hiej toch riek.

Ein hampel vastenaovesdaag
dèt zien der neet genôg.
Dèt mos waeke doere
zôn sjtumming in de lôch.
Die vlege vuülste vlôt veurbiej
veur miense net wiej geej en weej.
Kôm zing noe allemaol
detzelfde verhaol.

Wannier der weer ens sjtûmming is
Op det verkleide bal.
Dan zuüse maskes sjringe
en zinge euveral.
De hûbs der die zien sjoën verkleid
of kômme zoemer aangeweid.
En iddere kiër opniej
klinkt wees dees melodie.


HOME PLAATSNAMENOVERZICHTHOME


WAT HÛB ICH NOÊ WEER AAN MIENE FIETS ?
2001/2002 nr.1 : Tekst: Mart van Knippenberg - muziek: John Timmermans
Zang: Ine Gielen (en koor)

Refrein:
Wat hûb ich noê weer aan miene fiets ?
Der is auch altiëd get, auch altiëd iets.
Ich sjtaon te kieke, ich sjtaon verstèld.
Des neet te gluive, was ze mich dao noê vertèls.
Wat make die mich klaor, nae ôngelaoge, iërlik waor.
Det raakt toch kantj noch wal, det is toch sjtômme kal.
Wat hûb ich noê weer aan miene fiets ?
Der is auch altiëd get, auch altiëd iets.
Des neet te gluive, det zoget kèn,
det ich toch sjtiëds weer te verrasse bèn.

Oma leef, hertedeef van viëfentachtig jaor,
sjpeult dich toch, noe auch noch ens vanalles klaor.
Ze woej gaon bungeejumpe, man, wat haet die vrouw un pit.
Ze kaakte van de lol mer ze verloor toen heur gebit.

Van zien pap en zien mam kreeg Funske unne fiets.
Oêr nao oêr haet der toen sjtiëds mer rondjgekiets.
Kiëk mam wat ich al dûrf, ich kèn ut auch mèt losse henj.
Mer wie der weer veurbiejkwaam, kôs ut auch mèt losse tenj.


HOME PLAATSNAMENOVERZICHTHOME


WAT IS DER AAN DE HANDJ?
2006/2007: Tekst & muziek: Peter Bouten
Zang: De Sjuunsmarcheerders

Refrein:
Wat is der aan de handj, wat is der aan de handj?
Ut liek of alle ingelkes van baove zien gelandj.
Besjtelle zich der eine, met eine hoëge kraag
zeej krege van de Baas dreej sjnipperdaag.
Wat is der aan de handj, wat is der aan de handj?
Ut liek of alle ingelkes van baove zien gelandj.
Ut is toch neet te gluife drek val ich van de gaert
noë liek ut waal de hemel hiej op aerd!

Ich dink ich zeen ze vlege, wat zien die good verkleid
ut sjniewit halflank kledje met twië vleugels draan geneid.
Dae eine dûët ein wölkse de angere zit drôp
en allemaol ein rinkske dae net baove de kôp.
Ich wriëf ens door mien auge ich veul mich zjweverig
zuüs dich auch wat ich zeen, of lik ut èg aan mich?

Zèk kniëp ens in mien wenkske en preuf ens aan mien glaas
dao vluüg der eine baove, dae zoënet nog ônger waas.
Ein herpke, trôm of fluitje dao gaon ze in ut rôndj
mèr waal ne halve maeter zoëget baove de grôndj.
Ich wriëf ens door mien auge ich veul mich zjweverig
zuüs dich auch wat ich zeen, of lik ut èg aan mich?


HOME PLAATSNAMENOVERZICHTHOME


WAT IS ÛT HIEJ WERM!
2005/2006 nr.5 : Tekst: Annette Hanssen & Fred Walraven - muziek: Fred Walraven
Zang: Annette Hannsen & Fred Walraven

Doë hûbs van die miense, jao zien die waal wies?
Die ich weit neet wat zeuke veur iddere priës.
Zoë vreug as zee kenne, veur daag en dauw op.
Sjtaon zee in de file, de zon op de kôp!

Refrein:
Wat is ût werm, werm, werm!
Wat is ût werm!
Ich krieg ût zoë heit, heit, heit!
Wie gauw dét dét geit.
En auch vuul te drûk, drûk, drûk!
Gaon zoë van de zûk.
Mèr wee zien derbiej, jao hiej!
Wee zien der weer biëj!

Ich waas lets in de sauna, ich moch nog èns mei.
Ûn hökske zoë klein, vônj dao neet miene drei.
Al gauw aan mien kaokpunt, ut leech ging mich oët!


HOME PLAATSNAMENOVERZICHTHOME


WAT MEINT GEE?
2005/2006 nr.6 : Tekst: Annette Hanssen & Fred Walraven - muziek: Fred Walraven
Zang: How about us

Ût waas op de camping hiej midde in de bös.
Wee twiëje zoë same geneetend van de rûs.
En toen lekker sjlaope, dèt haaje wee gedach!
Ut sjtikte van de mûgke! Jao eg, de ganse nach!

Refrein:
Wat meint gee wiej dèt dèn geit!
Ut zaoj toch kènne dèt gee dèt weit?
Dèt geit van: hiej en dao! En: haoj èns vas!
En: sjei èns oet! Gank weg! En: doot èns wat!
Wat meint gee wiej dèt dèn geit!
Ut zaoj toch kènne dèt gee dèt weit?
Wee weite zeker dèt ut lûk,
met gèt versjtandj, gedûld en vûül geluk!

De eine kûp ut vaerdig, de anger duit ut zelf.
De ganse daag druk bezig want dèt geit neet vanzelf.
As alles inein zit, wiej kriegse ut veur elkaar?!
Wat motte dao die sjroëve, dao ligke der nog ein paar!


HOME PLAATSNAMENOVERZICHTHOME


WEEJ HÛBBE DE SJMAAK WEER GOOD TE PAKKE
1995: Teks: Mart van Knippenberg & meziek: John Timmermans & Mart van Knippenberg
Gezônge: Aodemnoët

Refrein:
Weej hûbbe de sjmaak weer good te pakke.
In unne tiëd van niks, hûbbe we det gefiks.
Weej hûbbe de sjmaak weer good te pakke.
Wat unne sjoëne ôngerein.
Nemes gèn meujte ôm te wènne,
omdet weej det van hoês oêt kènne.
Weej hûbbe de sjmaak weer good te pakke.
Gaef èns gaas en laot mer gaon dae trein.

Weej zien neet van ut is al laat, weej hûbbe al genôg.
Weej zie miër van noe laot ens gaon, wat hatse dich gedôch.
De sjtumming zit der al gauw in, det hûbse zoë gepreuf.
Al drek naodet de vlotste ut iërste rundje geuf.

Jao mennig eine aoje boek veult zich dees daag weer jônk.
Hae zeuk zich un greun blaedje, want get greuns det is gezôndj.
En vingse den zo'n sjpruutje, nou den kiëk neet op un oer.
Det reujt dich idder bruudje en auch de greuntboer.


HOME PLAATSNAMENOVERZICHTHOME


WEEJ HÖBBE NOËJT GEN AOM TEKORT
1990: Teks & meziek: M. van Knippenberg
Gezônge: Aodemnoët

Refrein:
Weej höbbe noëjt gen aom tekort, want weej doon vuül aan sjport en drinke pap met gort.
Weej höbbe noëjt gen aom tekort. Dus doot mich nog get op mien bord.
Doë dinks kômme die jônges noë noëjt in aodemnoët.
Maar weej kaenne der taege, dao's nemes dae ôs kloët.
Weej höbbe noëjt gen aom tekort. Dus doot mich nog get op mien bord.

Dao haese Piet de melkboer, dae kaent ôs hiël erg good, zien zaak die löp door ôs wiej unne trein.
En lets zoog ich um nog met zôn hiële krat met gort aan't sjouwe op ut KVC-terrein.
Die höbbe ut gevônge, det is toch je van het, die zinge noë auch allemaol met ôs met.

Ut haet zich rôndjgesjpraoke, ut wônjer van de gort en idderein in Kessel wet der van.
Ut kump noë op de taofel biej idderein dae sjport en leefs zoë dûk en vuül as ut maar kan.
Ze höbbe ut gevônge, det is toch je van het, en idderein zink noë al met ôs met.

Dus miense neet vergaete: besjtel optiëd de gort, want met dees daag is det toch van belang.
Ut vastenaovendaete kump zônger gort tekort. Geej redt ut zônger gort neet hiël erg lang.
Weej höbbe ut gevônge, det is toch je van het, met vastenaovend zink ge met ôs met.


HOME PLAATSNAMENOVERZICHTHOME

WEEJ KINNE ’T GELÖK NEET OP
2007/2008: Tekst: Mart van Knippenberg - muziek: John Timmermans
Zang: Mart en Ine

Haes ze van idder keteer
mintens ein ôor plezeer
In de lotto ein tôn
in ein waek sjient ach daag de zôn.
Noeits ein gaat in de zök
tiën jaor aan ein sjtök.
’t Is toch neet te gluive
wat môs ze mit zoëvuül gelök?

Refrein:
Weej kinne ’t gelök neet op
weej hûbbe bakke vol, van leefde en van lol.
Ut is mei waal gèt vuül, dèt klop
jao ’t plezeer sjteit veur ôs altiëd veurop.
Veural gènne kal,
euver pech of ’t geit sjlech.
Zoë wiej ’t zoot, zit ’t good
en kûmp alles op zien puütjes terech.
Weej kinne ’t gelök neet op
dèt geveul dao kin gaar niks taegenop.

Köp ze dich in ein deur tent
fluitjes van eine cent
Drink ze de lètste klats
waal koffie, mèr noeits gènne drats.
Noeits d ebandj ôppe zök
al fietse nog zoë dök.
Kinse mich èns zègke;
wat môs ze mit zoëvuül gelök.


HOME PLAATSNAMENOVERZICHTHOME


WEE LAEVE VAN DE LEEFDE
1994: Teks en meziek: Mart van Knippenberg & John Timmermans
Zang: Annette Hanssen & Mart van Knippenberg

Refrein:
Wee laeve van de leefde,
want laeve van de lôch det ken nog lang genôg.
Wee laeve van de leefde; wat kan der sjoënder zien.
Met vlinders in de boëk ken ich bès waal lang veuroët,
en lach ich met mien ganse sjnoët.
Met kriebels in mien blood veul ich mich God weit wie good,
en zing ich baove alles oët:
Wee laeve van de leefde; wat kan der sjoënder zien.

In den hemel wuürd den auch neet veur niks al lang gezag,
en sjteit der op idder wolk: "In de leefde lik ôs krach".
As we det vergaete zien, valle ôs de daag zoë zjwaor.
Den zeen wee ôs die wolke aan; wat dao sjteit det is ech waor.

Doe en ich wee gaon op sjtap en vergaete alle tiëd.
Gènne aovend is te lank, gènne optoch ôs te wiëd.
Lekker oppe boemel gaon; alle daag zien wee op paad.
Un praötje hiej un praötje dao, auch al wuürd ut nog zoë laat.


HOME PLAATSNAMENOVERZICHTHOME


WEEJ TREKKE DE KER
2006/2007: Tekst: Rob Allard en Tanay Croonenbroek - muziek: Rob Allard
Zang: Zèk der mèr get taege

De baolderker gans opgetuüg, we sjtaon dao gans veur klaor
twië sjtele dao op aangebrach, dèt trekt zich neet zoë zjwaor.
Eine achter d`anger veur, ut zjweit diek ôppe sjnoët
Wie hèl of wiej we trèkke, wee kômme niks veuroët

Refrein:
Dich en ich, ich en dich
weej zien ûn komisch sjtel op zich
Dich sjteis dao en ich sjtaon hiëj
weej traeje gènne maeter biëj.
Dich en ich, ich en dich
Weej kriëge gaar niks aangerich
Trèkke, duuje wat we doon, weej bliëve sjtaon

De luuj die lache dieke träön, weej sjame ôs deep roëd
Ze kiëke, al die miense, nao ôs iëwige gekloët
Mèt volle krach, de vingers blauw, dèt is ôs toch te gek
Wie hèl of wiej we trekke, wee sjtaon wiej vasgeplek


HOME PLAATSNAMENOVERZICHTHOME


WEEJ ZIEN DE KAEVERS
1991: Tekst: T. Sieben & M. van Knippenberg - meziek: G. Verhaag & M. van Knippenberg
Gezongen door: Aodemnoët

Refrein:
Weej zien de kaevers oët ut kaeverriëk.
Woëne in Dörp, Dônk, Vaers of op de Diëk.
Op Kessels sjtraote veule weej ôs vriej.
As der plezeer is, zien we der sjteeds biej.
Weej zien de kaevers oët ut kaeverlandj.
Weej gaon sjteeds same, sjteeds handj in handj.
De vastenaovend zit ôs in ut blood.
En wies Aswoensdig zitte weej dus good.

De maskers en de pruuke gaon weer oët de kleierkis.
En idderein is bliej det ut weer vastenaovend is.
De sjmienk dae kump weer oët de doës, weej sjmaere ôs good vol.
Gans Kessel is weer klaor veur joeks en lol.

De maondigmorge is ut al un drökte van belang.
De kleier ligge klaor, nog sjnel un zunke op de wang.
De kloonspruuk geit weer op en auch de feep geit in de tes.
Op maondigmiddig zien we op ôs bes.

Dun optoch geit weer traekke en op iddere hook en sjtraot,
sjteit ut vol met kaevers en ze hosse in de maot.
De joekskepelle blaoze zich de aom weer oët ut liëf,
want träöte is hör sjoënste tiëdverdriëf.


HOME PLAATSNAMENOVERZICHTHOME


WEE ZIEN WEER HIEJ
1998/1999: Tekst: Mart van Knippenberg - meziek: John Timmermans
Gezongen door: Inge Ramakers & Hay Hanssen

Refrein:
Wee zien weer binne, wee zien weer hiej,
en werklik idderein is der weer biej.
Wao we gister ware gebleve,
beginne wee opnie.
Wee zien weer binne, wee zien weer hiej,
en môs ze zeen zoë ein, twië, drie,
lup ut weer wie unne trein.
Det lik aan ôs, det lik aan idderein.

Wèts doe det nog van gisteraovend ?
Wee sjtônge hiej, ut waas al hiël erg laat.
Mer nemes woei der nao hoês toe gaon.
Dao zoot nog zovuul goods in 't vaat.
De joekskepelle ware klasse,
en ginge door wies aan de pin.
Doe kôs ut idderein auch aanzeen.
Wat hadde wee goei zin.

Wets doe det nog van gisteraovend ?
Of is ut allemaol un bietje vaag ?
Dao 's nemes dae ôs det kwaolik neemt,
ut waas auch zônne lange daag.
Och man, wat hûbbe wee gezônge.
Ich huur gee ziet nog altiëd heis.
Wat kriese dao toch unne dors van,
en wee nog waal ut meis.


HOME PLAATSNAMENOVERZICHTHOME


WETSE WAEM ICH ZEUK
1998/1999: Tekst & muziek: Peter Joosten
Zang: De Keverkraom

Refrein:
Wetse weam ich zeuk, wetse weam ich zeuk ?
Ich zeuk dich en dich, ich zeuk dich en dich.
Wetse weam ich zeuk, wetse weam ich zeuk ?
Ich zeuk dich en dich en dich.

Zeukse ein niej gezich, bekiek dich det van mich.
Doe bes 'n aardig wich, frisser es 't wearberich.
'n Zate hermenie, kapel of sjutterie,
op zeuk nao melodie-ie-ie-ie.

Men zeukt zonger bezej en drejt mer ziene drej,
sjpringt en maakt lewej en kiekt neet mier zo nej.
Zeuk se de boerekeel of 'nne hoege hood,
det is vastelaoves-blo-o-o-od.

Zitse in de driet of bes se alles kwiet.
Doe zeuks al enne tied en zeuks ut wiet, te wiet.
Op zeuk nao dien geluk, prinsemuts of zuk,
maak dich neet zoe dru-u-u-uk.


HOME PLAATSNAMENOVERZICHTHOME


WIEBELE
2002: Tekst: Mart van Knippenberg - muziek: John Timmermans
Zang: Janine Heines

Refrein:
Wiebele, wiebele, det is wat ich zoë gaer doon,
ich veul ût al kriebele, vanaaf de muts wies ônger in de sjoon.
Wiebele, wiebele, mien veut die dreije op de grôndj
det hûb ich al van kleins aaf aan, ich bûn ein egte wiebelkôntj.

Wiej ich ein hiël klein kiendje waas, det klinkt mesjien hiel sjtom
kos ich al good wiebele, met miene luier om.
Wiej ich op sjoel kwaam, mos ich stil gaon zitte op 'ne sjtool,
mèr de meister zoog al drèk, det ich det gaar neet woel.

Mèr as ut vastenaovend is, dan is det hiel gewoën
idderein dae kiekt en zaet: 'wat wiebelt die toch sjoën'.
Wiebele jao det sjtikt zoe aan, ze vinge häöre dreij
En dan roop ich hiel hèl;'kiek! Ze wiebele al mei!'.


HOME PLAATSNAMENOVERZICHTHOME


ZÈK WIEJ ZIT DÈT HIEJ
2005/2006 nr.2 : Tekst: Mart van Knippenberg - muziek: John Timmermans
Zang: Mart van Knippenberg en Ine Gielen

Refrein:
Zèk wiej zit dèt hiej, zèk wiej zit dèt hiej?
Is ut hiej al vol, of kèn ich der auch nog biej?
Zèk wiej zit dèt hiej, wat un drûkte nondepie
miense wat un volk kump hiej iddere kiër opniej.
Dèt zuüse nûrges anges, dèt is allein biej ôs,
dèt zoëvuül aan de gang is, dètse boëte wachte môs.
Zèk wiej sjteit ut hiej, zèk wiej hingt dèt hiej derbiej?
Sjuüf èns unne bats, dèn kèn ich der auch nog biej.

Op vastenaoveszondig dèn geit de ganse hap
de prins felicitere; dèt geit biej ôs noeits rap.
Dao wuurd vuül gesjpraoke, mer noeits hiel vuül gezag,
en wee sjtaon in de riej
jao dèt haaje we auch waal verwach.

Auch met de boerebroelôf is ôzze zaal te klein
dèn zien der zoëvuül köp en nog dûbbel zoëvuül bein.
En weer sjteit die riej dao, wee sjloëte mèr weer aan
ut sjilt dèt wee dèt gaer doon
begin mèr gewoën gans achteraan.


HOME PLAATSNAMENOVERZICHTHOME


ZOË HÛBSE GÈT, ZOË HÛBSE NIKS
2008/2009: Tekst: Peter Jansen & Tanay Croonenbroek - muziek: Peter Jansen
Zang: Ruud Heines & Martijn Peeten

Pilskes, die bestel ich met de twelluf,
ôzzen vrindegroep, dae hilt ’t naat,
Bûn ich dan met deile biej michzelluf,
hûb ich ôcherm nog mèr ’t blaad…..

Refrein:
Zoë hûbse gèt, zoë hûbse niks
’t is mich weer èns neet gegaeve,
zoë hûbse gèt, zoë hûbse niks
en dèt gebeurt mich alzelaeve.
Bûn ich genep? Ich weit neet wiej of wat,
hûb ich inèns neet miër wat ich juus had.
In ein mûm van tiéd waas det gefiks:
zoë hûbse gèt, zoë hûbse niks.

Staon ich met ein maedje leef te praote,
lekker same taegenein geplek,
As ich um dan èfkes los môt laote,
hingk ’t biej einen ang’re um de nek…..

Doëve had ich dökker al gekrege,
leeven hemel, det is mich wat nets!
As ich die d’n iërste kiër zeen vleege,
zeen ich ze auch weer veur ’t lets


HOME PLAATSNAMENOVERZICHTHOME


ZOË KLAOR WIE UN KLÛNTJE
1993/1994 nr.1 : Tekst: Mart van Knippenberg & Peter Bouten - muziek: Mart van Knippenberg
Gezônge: Aodemnoët

Refrein:
Ut is zoë klaor wie un klûntje, dit is de schoënste tiëd van ut jaor.
Huür elke mondj, idder mundje, det vertelt dich weer ut zellufde verhaol.
Ut is zoë klaor wie un klûntje, me zuut in alle auge, elk gezich :
ut is zoë klaor wie un klûntje, dit is eg de sjoënste tiëd veur mich.

Sjnel oêt de vaere, alle rame aop, 't is gedaon met de wintjersjlaop.
Maak dien auge aope, kôm ens gauw oêt diene bôch, want dao hink get in de lôch.

Lachende sjnoête rondj un joekskepel vorme same un hiël sjoën sjtel.
As ze effe loesters, jao den huur ze euveral sjaele wazel, sjoëne kal.


HOME PLAATSNAMENOVERZICHTHOME


ZOË SJOËN
2005/2006: Teks: Tanay Croonenbroek - muziek: Emiel Sillen
Zang: Martijn Peeten en Lisan van Ninhuys

Refrein:
Och wat is ût sjoën om hiej te zien, wat is ût hiej gezellig,
och wat is ût sjoën om hiej te zien, dit is toch èg geweldig.
Ich hûb ût hiej nao miene zin
en kiëk ich om mich haer; de sjtumming zit derin.
Och wat is ût sjoën om hiej zien, ich wûl nog neet vertrèkke
en veuls dich dèn ûtzellefde wiej ich, dèn bliëf nog efkes plekke.

Hûër ich weer zôn plaetje, wiebele mien bein
bûn ich neet te haoje en maak dèn hiël vuül gein
Same met mien kammeraöj en auch ûn leuke sjnoët
gèt hosse en gèt sjanse, drink ôppe tiëd ein toet.

Waerd ut al gèt later, zien wee op ôs bès
zette ein tendje biej, niej bônne in de tes.
Wee zien in de olie, mèr det zien we allemaol
wat kan ut ôs auch gaeve, wee gaon hiej oët de bol.


HOME PLAATSNAMENOVERZICHTHOME


ZÔNNE HAMPLEMAN
2004: Tekst & muziek: Frank Ebisch
Zang: Volle poele

Pierke van Graad dae waas get zaat en vroog ein mûülke van mich.
Lûpse mei nao de maas den zuuse mien anger gezich.
Ich leep met Pier nao de maas en we zôte in ût graas,
nao ût mûülke veel hae flauw en ich trok ûm oët de maas.
En hae zag:

Refrein:
Waorom doon ich ût noeits good?
Jao waorom altiëd ich?
Nûn ich dèn zônne hampleman?
Of lik ût auch gèt aan dich?
Ich zal vûül van dich haoje en ken al bräodwors bräoje.
Ich bûn ûnne hiër in ût verkiër,
ich laot gènne aafwas sjtaon en bun met alles begaon,
mèr nao ein mûülke weit ich ût eg neet mier.
Waorom doon ich ût noeits good?
Jao waorom altiëd ich?
Nûn ich dèn zônne hampleman?
Of lik ût auch gèt aan dich?

Meule Tinus dae reep mich èns en zag ich bûn de man,
kôm mèr met nao ôs thoës ich vroog en wat dèn?
Ich goof ûm ein mûülke veur de deur mèr we kôste der neet in,
zien vader dae waas binne, met weer ûn niej vriendin.

Jaor aan jaor ging veurbiej met Eric, Sjaak en Wiej,
altiëd môs ich mér hûëre, leef loester noë èns hiej:


HOME PLAATSNAMENOVERZICHTHOME