HOME
PLAATSNAMENOVERZICHTHOME
DE BAER IS OET!
1996/1997 nr.1 : Tekst & meziek : Thijs Arts & Guus Kitzen
Refrein:
De baer is oet
de bend is los
de tap löp vas
de kop hink los
versjtandj op nul
baove de patsj
wat os boeit
is sjtômme kwatsj
De pletsj begint langzaam te deine
De taore van de kirk geit op en neer
Wo Wil van Dirkse woont wét geine
En neemes dae dat interesseert
Dat zeen de vastelaovesnachte
Die sjlaon wie bliksem in dien bein
Wie Wil en Rosie dat al zagte
Lömmerich löp wie einen trein
Ooze Michiels van Kesseniche
Waore hie ummer al veur alles veil
En alles wat veer hie noe aanrichte
is de erfenis van van Breyl !
HOME
PLAATSNAMENOVERZICHTHOMEBONNE VAN GISTERE...!
2001/2002: Tekst & muziek: Guus Steinen
Zang (*) : Kartoesj
Ich woort vanmörge wakker, sjmeet mien brook hup in de wèsj
En toen veele mich doe gluifs 't neit, noch bônne oet de tèsj
Ich waor geliek klaorwakker, sjtong verpòpzak dao te sjtaon
Maar bedach mich doe, noe ken ich waal vanaovend nog éns gaon
Refrein:
Ich houw noch bônne in de tèsj van gisteraovend
Ich houw noch bônne in de tèsj die laoge bienao in de wèsj
Houw ich dat noe mér geweite gisteraovend
Dan houw ich die bônne in mien bôks, gegarandeerd verjôks
Maar ich höb 't neit, ich höb 't neit geweete
En noe laoge die bônne in mien tèsj bienao in de wèsj
Dat houw ich mich dan mien laeve lang verweete
Ich houw noch bônne bônne bônne bônne bônne in de tèsj
Ich waor al fieftich euro kwiet nao angerhallef oer
Dus ich haolde mich biej de bank noch hônderd fleurkes oet de moer
De kastelein houw gaer veur eedere pils eine bôn gehad
Want mit die daag huijt hae veur geine, ouch mér eine oppe lat
Ich sjnapde neit wie gouw miene létste bôn derdoor ging
Maar noe vonj ichter sjus nog twellef ônger in de vooring
En noe vandaag ,jaa, noe sjnap ich wie dat koum
Want noe zoute d'rs oug nog twintig döbbel in de zoum
Geiste nao hoes toe in 't vervolg vuil dan ummer op 't létst
Loester goud nao ôzze les
Höb ich nog bônne bônne bônne bônne bônne in de tèsj
Höb ich nog bônne bônne bônne bônne bônne in de tèsj
* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201
HOME
PLAATSNAMENOVERZICHTHOMECARNAVALSSCHLAGER 1967
1966/1967: H. Veugelers & M.Veugelers-Ey
Refrein:
Ein Maske op
Eine gekke Kop
En in de henj ein groote toet
En eedre doal
Hilt drie daag poal
En sjprink wie raadgek door de boet
De mam en pap
Goan auch op sjtap
En danse op ’t auwwiever bal
En euveral
Klink sjeale kal
Loat goan, alaaf, ’t is Carnaval
‘t Is vasteloavond in ‘t Doaleriek
En in de sjtroat klink marsmeziek
En eedre doal wo pit in zit
Löp mit de fanfare mit
Weer sjume en weer roaze, want ’t is carnaval
En doale vlege euveral
Want jonk en aut is op de bein
En sjaorme door ’t dorp bie-ein
En es weer doale meug gesjpronge zeen
Dan drinke weer o’s eine pils of teen
En loupe meug van ’t buffet
Heivers noa de man in ’t bed
HOME
PLAATSNAMENOVERZICHTHOMEDAT ZIT BIE OS IN DE FEMILIE
2005/2006: Tekst & muziek: Guus Steinen
Zang: Kartoesj
vastelaovend
't is zo wiet
veer zin dao
noe is 't tied
Refrein:
dat zit bie ôs in de femilie,
en dat kriste neet meer droet ( nae dat kriste neet meer droet !!)
zelfs tant Nel en ome Willy
gaon mèt de vastelaovend oet (die brènge sjtömming in de boet !!)
dat zit bie ôs in de femilie,
auch ôs kleinste apeköp (ôs kleinste apeköp !! )
die höbbe alleney 't zelfde
noa den elfde van d'n elfde....
zo gek wie 'n sjöp !!!!!
eine van ôs môt ummer zènge, dae zeuk sjpas en zal 'm vènge !
gans egaal wat auch gebeurt, da's get wat bie ôs laeve heurt...
veer zin dao es get te doon is, dat is get wat gans gewoon is
't ganse jaor, geer sjtaot versjtèld, höb veer de daag al aafgetèld
op d'n 11e november
geit van bènne hie get los.
sjteit november op de k'lender
gebeurt get bie die van ôs...
Sjtufke haole, pekskes nejje, vastelaovesleedjes drejje
zelfs die van de kawwe kantj kènne ôs leedjes ôngerhandj .
die van de löss, die van de klei, die van 't zand, die van de hei,
die kaome allenej - ja ech - in ôs femilie good terech
hie wurd gans d'n daag gezônge
karnavalsmeziek gedreejd
't ganse hoes - baove pès ônger -
zungk dan 't hoogste leed...
wie dèk dat'r bie ôs neet emes zaet,
dat 'r 't neet van 'ne vraeme haet...
HOME
PLAATSNAMENOVERZICHTHOMEEGON EN JOZÉ
2002/2003: Tekst: ? - muziek: ?
Zang: Koep Marie
Kent geer 't verhaol van die lollige twee holladiejee oh holladiejee
es fees is dan zitte ze in 't café, da's Egon en Jozé
Refrein:
Oh Egon,Oh Egon, loester vandaag toch ein keer nao dien vrouw
Oh Egon,Oh Egon Strjaks sjteist dich weer in de kouw
Bekend in 't dörp en auch in de sjtad holladiejee oh holladiejee
Wilst dich rempetemp gank mit Egon op pad, mit Egon en Joze
Veer goan noe noa hoes, nei veer blieve nog hie , holladiejee oh holladiejee
veer pakke noch effe de letzte d'r bie zaet Egon taege Jozé
Veer hubbe de letzte al tien keer gehad holladiejee oh holladiejee
Nog effe en ich goan allein leive sjat heurt Egon van Jozé
En kikste mit carnaval goud om dich heen holladiejee oh holladiejee
dan weet ich besjlis joa dan zuuste 't metein alles Egons en Jozés
Oh Egon,Oh Egon, loester vandaag toch ein keer nao dien vrouw
Oh Egon,Oh Egon Strjaks sjteist dich weer in de kouw
HOME
PLAATSNAMENOVERZICHTHOMEES DE MAM EN DE PAP
1983/1984 nr.1 : Tekst & muziek: Marij Peters
Zang: Zang: Mary Peters & Pierre Salden
Refrein:
Es de pap en de mam vastelaovend viere gaon
Dan is't nog neit gedaon, dan is't nog neit gedaon
Es de pap en de mam vastelaovend gaon
Dan is't nog neit gedaon
De kleijer oet de kas en èns kieke wat nog pas
Ein maske op gezat want veer gaon nog lang neit plat
Es de pap en de mam vastelaovend viere gaon
Dan is't nog neit gedaon
In Lömmerich mit de carneval dat wèt toch jederein
Dan kòmme alle Doale en Doalinnekes biejein
Ze danse en ze sjpènge en ze höbbe väöl plezaer
En alle zörg diej wurt vergaete biej ein glaeske baer
Veer zènge allemaol eine Daol blif toch eine Doal
En ouch de kleine Däölkes doon al danig goud hun bès
Ze kieke wiej de mam het deit verlaote dan 't nès
Ze sjminke en verkleije zich en danse op de sjtraot
En loesetere nao de wètte van de goeje wieze raod
Veer zènge allemaol eine Doal blif toch eine Doal
Geneit dus van dees daag dat is òs allergrootste wunsj
En kiek neit op de sente wat dat blif toch eine guns
Blief kengezòndj en sjprèng èns rondj en kiek neit altebraaf
Vier jeder jaor mit carneval en roup dan hel allaaf
Veer zènge allemaol eine Doal blif toch eine Doal
HOME
PLAATSNAMENOVERZICHTHOMEES ’T KLÖKSKE ÈLLEF OERE SJLEIT
2005/2006 èn 2006/2007 nr.1 : Tekst: Peter Schaeks - muziek: Eric Stevens
Zang: Oud Jeugdprinsen van Lömmerich
Refrein:
Es ’t klökske èllef oere sjleit,
dan weite veer waer wie ’t geit
Dan geit ’t waer beginne,
zo wie veer dat kènne
En gaon nejt vruig oppe sjtek,
Wie de haan of de hènne
’t Eesjte glaeske baer sjlaon veer vruig langs de kael,
nao èllef van die glazer zeen ich rood, gruin, gael
Heur ich taege middernach ’t klökske weijer sjlaon,
Dan wil ich besjlis nog lang nejt heivesj gaon
Hang ich dan langs de tap in miene sjluppejas,
ruip waer eine mit ’n glaas hie pak nog èns vas
Kiek mit ein sjael aug op de grote sjlingerklok,
verrek is ’t zo laat ich pak nog eine sjlok.
Is ’t dan tog de hoogste tied om weg te gaon,
heur ich murgevruig besjlis ’t klökske weijer sjlaon
‘Sjraavelentaire raap ich mig maar waer èns get biejein
wielaat de klok waer sjleit dat wèt tog gein ein
V’r heure de klok mit vastelaovend soms nejt zo gaer,
Es de klok èllef kere sjleit dan weit veer ummer waer
HOME
PLAATSNAMENOVERZICHTHOMEES VEER 'T DOON
2001/2002: Tekst & muziek: Guus Steinen
Zang (*) : Kartoesj
Refrein:
es veer 't doon , dan doon veer 't good !!
bietje bie bietje, geweun veur de voot
dat halve werk zit neet in os blood
es veer 't doon, dan doon ver 't good ( 2x)
'ns sjtevig op sjtap gaon , dat doon ver zo gaer
en dan maak ver 't ummer gezellig d'r haer
dan wurd neet d'n daag mer de nach geplök,
en dan kom'ver eesj taege de morge trök
Drie oere 't sjnachs, en Merie wou noa hoes,
mer mit volle glaazer maak 'n minsj toch neet sjloes,
Denao kaome nog 'n rundje of drie
en toen zông de ganse keffee veur Merie
noe pak dich venaovend , kiek..... is dat neet sjoon !!
Venaovend geit alles zo wie 't môt gaon,
hie kômme veer naots , neij noatsj meer venaaf,
Wao veer aan beginne , dat make veer aaf
* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201
HOME
PLAATSNAMENOVERZICHTHOMEHIEJ BRENT DE LAMP
2007/2008 nr.1 : Tekst: Eric Stevens - muziek: Werner van Dooren
Zang: Oud Jeugdprinsen van Lömmerich
Refrein:
Biej ós in ’t dörpke dao geit ’t waer loos,
hiej geit noe de lamp weij-er aan.
Biej ós in ’t dörpke dao vier v’r waer fees,
en gaon mit z’n alle goud d’raan.
Kóm op d’rachteraan ’t is zo veurbiej,
daovan krisse toch geine kramp.
Genóg noe gezeiverd “ós dörp nómmer ein”,
jao dat weit veer want hiej brent de lamp.
Jao dat weit veer want hiej brent de lamp.
In ós klein kefeeke geit niks langs de naas,
mer alles geit sjoon d’róngerdoor.
In ós klein kefeeke dao lös veer ‘m waal,
dao kènse haos eedre daag kómme.
Veur ummer hiej blieve dat wilt ederein,
al hink d’r aug sóms waal väöl damp.
Genóg noe gezeiverd “ós dörp nómmer ein”,
jao dat weit veer want hiej brent de lamp.
Jao dat weit veer want hiej brent de lamp.
En mit vastelaovend dan gaeve veer gaas,
doon veer nog ein sjöpke d’r-op.
En mit vastelaovend versjnelling d’r biej,
want dat is wo veer toch veur laeve.
En zou veer ze misse die drie gekke daag,
dan woort dat besjlis eine ramp.
Genóg noe gezeiverd “ós dörp nómmer ein”,
jao dat weit veer want hiej brent de lamp.
Jao dat weit veer want hiej brent de lamp.
Jao dat weit veer want hiej brent de lamp.
HOME
PLAATSNAMENOVERZICHTHOMEHIEJ IS HÈT GEZELLIG
Tekst & muziek: Wim Sjrieje
Refrein:
Och hiej is hèt gezellig jao hiej is hèt zo sjoon.
Veer gaon òs vermaake kòm veer gaon get draan doon.
Och hiej is hèt gezellig jao hiej is hèt waer tied.
De vastelaovend nae dae wille veer neit kwiet.
De vastelaovend nae dae wille veer neit kwiet.
In Lömmerich mit de vastelaovend make veer sjpas en lol.
Veer doon òs dan verkleije en gaon lekker oet de bol.
Want driej daag in hèt jaor dan zette veer de zaake sjtop.
En gaon òs ammezeire mit ein maske op de kop.
De prins dae geit veurop dat is de kloun woo pit in zit.
En alle Doale en Doalinne doon gezellig mit.
Veer sjprènge en v'r zènge en v'r gaeve 'm van katoen.
Mer doon dat gans gepas want veer doon dat mit fatsoen.
D'n optoch is het hoogtepuntj dan heurste sjaele kal.
Dat is nog sjoonder es 't auw wiever of het kènjerbal.
Mer esjellegounsdig is 't gedaon dan is hèt weijer verbiej.
Veer wachte op het volgend jaor dan zeen v'r weijer derbiej.
HOME
PLAATSNAMENOVERZICHTHOMEICH BÈN EINE DOAL
1984/1985 nr.1 : Tekst: Wim Schrijen & Huub Essers - muziek: Wim Schrijen
Refrein:
Ich bèn eine doal doal doal eine echte doal,
mit vastelaovend hilt òs dörpke driej daag paol.
same lache en sjprènge in 't ròndj,
alle zörg diej zeen vergaete ich vuil mich waer gezòndj.
ich bèn eine doal doal doal eine echte doal,
mit vastelaovend hilt òs dörpke driej daag paol.
op de sjtraot of aan de tap gaef uch de handj,
dan sjteit in Lömmerich geine doal meer aan de kantj.
Het is waer vastelaovend d'n Doal vlug oet zien nès,
ze wille same danse en sjprènge mit de res.
het kènt zo wònjersjoon zeen es jederein zich versjteit,
in òs Lömmerich woo nog lol en sjpas besjteit.
Het is waer vastelaovend dae tied dae deit mich goud,
ich vuil 't weijer kriebelle dat zit zo in mien bloud.
es ich meziek heur klingke dan kòm ich neit meer sjtop,
en loup driej daag mit ein maske op de kop.
HOME
PLAATSNAMENOVERZICHTHOMEICH GAON ES BLÖTSJ
2004/2005: Tekst: ? - muziek: ?
Zang: Koep Marie
Refrein:
Ich bin neit gek om mich zoogét te gaon koupe
Dao zuuste mit die daag de hauve sjtad in loupe
Ich höb mich zélf get gemaak, ich gaon es blötsj
Dat is ne wuiles mit ein wuiste wölle mótsj
Let op mien weurt , en kiek 't volgend jaor
Dan geit gederein es blötsj dat is echt waor
Al maonje van te veure, begint weier dat gemaor
wat daon ich aan of maak ich get, of dat van veurig jaor
't maag auch waal get koste, ich wil ech geine pröl
't einige wat mich dann sjteurt d'r seen d'r völ te völ
Wat is dat ein kommersie, is dit os maatsjappie
D'r mot van alles völ en sjnel, de tied dae vlug veurbie
Hie 100 klounejeskes mit gaele kraach en sjaal
Ich maak mihc leiver zélf ein pak, dan ben ich sjpissejaal
Begin al in oktober, dan höbst dich tied genog
Dan preufst dich al ein bietje van de vastelaovesloch
Dan höbst dich van te veure al moanjelang de sjpass
En in dae de groote optoch dan de orzjeneelste jas
HOME
PLAATSNAMENOVERZICHTHOMEICH KÈN NEET KEEZE
2008/2009:Tekst & muziek: Guus Steinen
Zang: Kartoesj
Refrein:
Ich kèn neet keeze,
Ich kèn neet keeze,
Ich sjtaon veur sjöt op zo’n moment
Ich waer op sjtraot al naogeweeze:
“Dao geit dae wat neet keeze kent!!”
Wurd ’t dit of dem of dat
of toch mer deze
Ich twiefel aan alles,
pes sint Juttemis
Toch is d’r ein dènk wat ich zeker weit
“Vasteloavend” is ’t sjoonste wat d’r is “
Jao d’r is ein dènk wat ich zeker weit
“Vastelaovend” is ’t sjoonste wat d’r is “
Ich weit ’t neet , ich weit ’t neet ….
Hae wèt ’t neet, hae wèt ’t neet
God, och God, och God,
Waat bes doe toch ’n twiefelvot….
Es eine wuurd gegaeve
en m’n vreug mich wat ich drènk
dan twiefel ich, …
treuzel ich ….prakkezeer en denk,
wat zou ich mich ‘ns pakke..? …
Doog mich…..(Hoho!!! Noe wach!!!!)
……dan bliek dat in d’n tösjentied ’t rundje is gebrach
Loup ich polonais,
kôm - wie dat geit - inèns veurop
Dan waer ich gans nerveus en löp ‘t ummer in de sop
Noa lènks noa rechs of drejje….
Ech, ich weit neet meer wao haer…...
veur ich ‘n keus gemaak höb ligk de riej euver mich haer
Kump d’n tied van heivesj gaon,
lègk ich ummer oppe waog:
Heivesj gaon…? Of blieve….. ?
Dat is bie mich de grote vraog ……
HOME
PLAATSNAMENOVERZICHTHOME'T LEMPKE VAN DE KLOUN
2000/2001: Tekst & meziek: Miriam Bartels
Soliste: Peter en Erik
Refrein:
En ich gaef noe nog 'ns gaas, veur dat lempke op mien naas.
En ich trèk d'r noch 'ns aan, want dat lempke mòt toch aan.
En es hea de tap dan sjloet, dan geit die lamp vanzelf oet.
En wetste wat, dann goan ich plat.
Als kink ging ich es Pater, en soms es Indiaan,
en af en toe droug ich ouch 'ns 't kleid van tante Sjaan.
Mer geine wèt ich wil es kloun, dat past 't best bie mich,
want ich hub al van michzelf, zo'n vreselijk gek gezich.
Dan pak ich mich 'n naas en vuil ich mich de baas.
Mien sjatje zeat mit carnaval: "Wat deiste dich noe aan".
En of ich dan auch protesteer, ich mot weer es banaan.
Mer geine wèt ich wil es kloun, dat past 't best bie mich,
Want ich hub al van michzelf, zo'n vreselijk gek gezich.
Dan pak ich mich 'n naas, en vuil ich mich de baas.
HOME
PLAATSNAMENOVERZICHTHOMELÖMMERICH
2000/2001: Tekst & meziek: Raymond Goulding, Har v/d Wiel, Wim Konings & Tjeu Savelkoul
Refrein:
Tössje Zitterd, Bor en Gelaen ligk ein dörpke, sjtil en versjaole,
aan de randj van eine duustere boesj, wó 't sjtik van de Daole,
ein klein kirkske, kesjteel en kefee, dao ligk Lömmerich aan de Allee.
Ein klein kirkske, kesjteel en kefee, dao ligk Lömmerich aan de Allee.
De fusie gemeinte, dat is noe 'n feit, maar dat zeen veer al jaore gewènt.
Ós dörp haet nog ummer zien eige beleid, en dat is ouch in Zitterd bekènt.
Want vruiger hawwe veer eine ei-eige pelis, maar dat noe al jaore trök.
Jao, de ei-eige pelis wurd al jaore gemis, dat brink Lömmerich neit van zien sjtök.
Wie ich hie koum wone, 't is jaore gelee, de kènjer, die gruijde hie op.
Maar nao al die jaore zeen veer mit z'n twee, en geneite van 't laeve volop.
HOME
PLAATSNAMENOVERZICHTHOMELÖMMERICH DÖRPKE WO ICH WOON
Tekst & muziek: Henk Schrijen
Refrein:
Lömmerich Lömmerich dörpke wo ich woon,
Lömmerich ich dènk aan dich dörpke wònjersjoon.
'n sjooner sjtökske waereld zal toch noojt besjtaon,
Lömmerich och Lömmerich ich laot dich noojt meer gaon
Lömmerich och Lömmerich doe blifs altied besjtaon.
Doe kèns sjoons belaeve wo doe geis of sjteis,
vanalles kènse weare dat lik aan wasse deis.
vreugde en probleme diej brènge òs biejein,
en dan is het nog zuike nao ein plekske veur òs allein.
Hiej bèn ich gebaore hiej in Lömmerich,
väöl vrunj höb ich gekrege vrunj van dich en mich.
'n huske òm te woone en doe bès ummer dao,
òm te helpe en te treuste in 't dörpke wo ich besjtaon.
Väöl is hiej te vènje te wirk en ouch te sjpeel,
gezèllige kefeekes en ouch nog ein kesjteel.
vereiniginge zörge veur sjteeds ein nuuj gesjènk,
en kump d'n daag van mörge dan kiek ich terök en dènk.
HOME
PLAATSNAMENOVERZICHTHOMEDE LÓMMERICHSE SAMBA
Tekst & muziek: Marc Clear & Guus Kitzen
Refrein:
de lómmerichse samba, joa dea brink os karnaval
veer danse 'm mit, want hea is jede joar ein knal
aoud en junk, groot en klein, vee kenne 'm allemoal
de geine dea 'm neit dans dat is geine echte doal
en bes doe eine vreame en doe veuls dich hiej neit toes
ben neit bang ver lere 'm dich waal
want de lómmerichs, sjtömmerichse samba
is vol sjpas en sjeale kal
de carnaval in rio doa is ech neit zoveul aan
veer höbbe hiej 'ne samba en dea veeg 'm van de baan
de sjpas en lol die hun doa höbbe hobe veer hiej auch
allein bie hun is't ein vesjil 't is alles wat neit douch
joa bie oos in lömmerich begint weer carnaval
de ein wurt dit, de anger dat, doe zuus ze euveral
gekker es de doale, dat kent toch bienoa neit
en kump doa noch 'ne samba dan is geine dea meer sjteit
en es et dan veurbie is, geit et maske in de kas
veer sjpichte oos op volgend joar en zitte gaar neit vas
veer weite wat dan komme geit en höbbe gekke zin
en es dan auch de samba kump dan maak ver ein nuuj begin
HOME
PLAATSNAMENOVERZICHTHOMEMIEN KIS
2002/2003: Tekst: Miriam Bartels - muziek: Theo Bartels
Zang: Koep Marie
’t vriedigs veur de karnaval kump Mieke sjteeds bie mich
höbst dich van die sjpulle veur ’t lief en veur ’t gezich ?
ich wil mich gaer verkleije es pipo of es auw
dan weit ich al wie laat het is en duuk weer in mien kis
veer höbbe hie ein rooje naas
en auch ein pruuk gemaak van graas
veur höbbe hie ein apepak
en ouch ein sjoone trappelzak
Rooie naas,
pruuk van graas
Apepak
Trappelzak
’t vriedigs veur de karnaval kump Mieke sjteeds bie mich
höbst dich van die sjpulle veur ’t lief en veur ’t gezich
ich wil mich gaer verkleije es pipo of es auw
dan weit ich al wie laat het is en duuk weer in mien kis
veer höbbe kleijjer veur ein non
en auch ein sjoone nachtjapon
veer höbbe hie eine indiaan
of geist dich leever es banaan
rooie naas
pruuk van graas
apepak
trappelzak
veur de non
nachtjapon
indiaan
es banaan
’t vriedigs veur de karnaval kump Mieke sjteeds bie mich
höbst dich van die sjpulle veur ’t lief en veur ’t gezich
ich wil mich gaer verkleije es pipo of es auw
dan weit ich al wie laat het is en duuk weer in mien kis
veer höbbe oore wie ein kat
en ein sjoon pekske veur in bad
veer höbbe verf veur de klown
en auch get gekke groote sjoon
rooie naas - Mieke
pruuk van graas - Theo
apepak - Jos
trappelzak - Ton
veur de non - Angelique
nachtjapon - Jos Knubben
indiaan - Jozé
es banaan - Annie Menten
wie ein kat - Hen
veur in bad - Peter
veur de klown - Ria Keulen
groote sjoon - Gerrie
HOME
PLAATSNAMENOVERZICHTHOMENOE GEIT 'T OM DE WOOSJ !!!
2002/2003: Tekst & muziek: Guus Steinen
Zang (*) : Kartoesj
Ver hôbbe in de kis gezoch : "Wat fôddele veer ôs aan " ?
Gaon ver weer es "zo mer get" of maet ver os get aan ?
Same met de kenjer maak 'ver 'ne sjoone grôp.
Al waeke trek d'n optoch noe al rôndj door ôzze kop.
Mer es 'r dan auch trèkke geit, jao, is 't dan zo wiet
dan gaeve veer ôs gans d'raan euver, want dan is 't tied!!!!
Refrein:
De woosj !!! de woosj !!
noe geit 't om de woosj !!!!
noe geit 't ôm de woosj
noe geit 't los !
noe zin ver veur "de ech" begoosj
let noe mer ens op ôs !!
noe geit 't om de woosj
noe aan 'm , jao noe geit 't los !!
jao noe geit 't d'rôm
jao noe geit 't d'rôm
noe geit 't om de woosj !!!
jao noe geit 't d'rôm,
jao noe geit 't d'rôm
noe geit 't om de woosj !!!
De wage van de buurt is 'ne prachtige dit jaor.
Waeke hôb'ver d'r aan geboewd, en noe, noe is 'r klaor.
Noe zulle veer de sjoonste zin, dae met de beste sjpreuk.
Den aanloup waor geweldig, dèks dan laog 'ver in 'n deuk.
Nog effekes de lètste handj, kiek wie 'r dao noe sjteit.
't Is sjus es of 'r zelf wèt... wao 't vendaag om geit...!!!
* cd 2003 : Diverse artiesten - "Van Eijsde tot de Mookerhei 10" - Marlstone Recordings bv CDL2301
HOME
PLAATSNAMENOVERZICHTHOMENOG NEIT MESJIEN
2003/2004: Tekst: ? - muziek: ?
Zang: Koep Marie
Refrein:
Nog neit mesjien, nog neit mesjien
Ich bin toch neit beklopt
Nog neit mesjein, nog neit mesjien
Sjteit d'r soms gek op miene kop
Mer veur ein muulke hie en eine doa
Dink ich mesjien d'r nog es euver noa
Mer veur ein muulke hie en eine doa
Dink ich mesjien d'r nog es euver noa
Ich sjpich mich al so lang op dees drie dolle daag
Dan veul ich mich so opgereich, höb kriebels in de maag
Kump dan es eine langs en sjtelt aan mich de vroag
Hei, geist dich mit mich skieen, zoe lekker in ein boag
Wits dich wat ich dan zëg
Ich bin toch geine gek
Zo lekker aan de bar, mien pilske in de hanjt
Ich höb 't sjoenste plekske, ich mein ich zit op sjtanjt
Kump dan es eine langs en vraogt mich op de man
Hei, geist dich mit noa hoes toe, ich höb genog d'r van
Wist dich wat ich dan zek
Ich bin toch geine gek
HOME
PLAATSNAMENOVERZICHTHOMEPETRUS
2003/2004: Tekst & muziek: Guus Steinen
Zang (*) : Kartoesj
Ich vraog mich dekker aaf, wie 't os daobaove zal vergaon,
es ver sjtraks bie Petrus aan 't hemel paortje sjtaon
Ich heur Petrus al zègge boave aan de hemelpoart,
bèste dao noe eindelik !!
Wat haet dat lang gedoert !!
en dan lacht'r en dan zaet 'r - auch de èngele jubele blie -
"Veer höbbe dich neudig in ôs zaate hermenie!"
Refrein:
Halleluja, halleluja, veer komme allemaol, allemaol, allemaol in d'n hemel.
Halleluja, halleluja, en dao höb'ver 't dan veur eeuwig en veurgood nao ooze zin.
Halleluja, halleluja, veer komme allemaol, allemaol, allemaol in d'n hemel.
Halleluja, halleluja, en dao höb'ver 't dan veur eeuwig en veurgood nao ooze zin,
as v'r allenej bie die zaate hermenie daoboave zin.
Bronsgreune meziek heurste op eder hemels fees
en ze zègge Petrus zelf haet alle Limburgse CD's
Daodoor sjient 't doaboave in den hemel zoa te zin:
Wae oet Limburg kump dae loate ze zônger te kieke-n- in
Dus ederein van hie - dat is doaboave al bekènd -,
kump zeker in d'n hemel, Petrus twiefelt gein momènt...
Daobaove sjient 't 'wie me zaet - 'nne leuke boel te zin,
en veural de luuj oet Limburg brènge doa de sjtömming d'rin.
As die meziek gaon make sjprènge de èngele op de sjteul,
want die sjpele alle sjtökker mit dat hemelse geveul.
En sjteit weer eine veur de poart hiej oet 't Limburgs land,
legg' Petrus de luiper oet, geit alles aan de kant............
Mer ein saort luuj die sjik 'r trök- doa sjteit 'r ôm bekènd -,
die wat veur Jan en Alleman CD's höbbe gebrent !!!
Die geuf 'r get laeg CD-tjes met en - jông, dan zin ze sjtil!-
dan zaet 'r : "Hawt uch good en bren mer wiejer in de hèl!"
* cd 2004 : Diverse artiesten - "Van Eijsde tot de Mookerhei 11" - Marlstone Recordings bv CDL2401
HOME
PLAATSNAMENOVERZICHTHOMESEXAPPEAL
2001/2002: Tekst: Miriam Bartels - meziek: Theo Bartels
Ich bèn mesjien neit knap gebaore, want ich höb bes ein dikke naas.
Kiek 'ns nao mien gekke piezelhaore en mien tenj wie eine haas.
Mer kiek ich 'ns nao eine manskael, allein zo veur de grap,
ja, dan weit ich 't meteen, ja, dan weit ich 't meteen, ja, dan zeen zien kneije sjlap.
Refrein:
Want ich höb sikke sakke sikke sakke sexappeal, sexappeal, sexappeal,
want ich höb sikke sakke sikke sakke sexappeal, van de kroen tot aan de hiel.
Noe kiek mer sikke sakke sikke sakke sexappeal, sexappeal, sexappeal,
want ich höb sikke sakke sikke sakke sexappeal, van de kroen tot aan de hiel.
Ich loup mit carnaval d'n optoch, 't allerleifste nog veurop,
en ich draag dan ouch zoon heel gek klètje en 'n hujdje op de kop.
Mer lach ich effe nao prins carnaval, allein zo veur de grap,
ja, dan weit ich 't meteen, ja, dan weit ich 't meteen, ja, dan zeen zien kneije sjlap.
HOME
PLAATSNAMENOVERZICHTHOMESJAAL-ÓM SJAAL-AAF !!!
2000/2001 nr.1 : Tekst & meziek: Peter Schaeks & Guus Kitzen
Refrein:
Sjaalóm, sjaalaaf,
mit vastelaovend zènge veer: Patsjop, patsjaaf.
Mit vastelaovend zènge veer Jasaan, Jasoet.
Sjtraks kènne veer waer veuroet, want hie is laeve in de boet ...
't Is waer zo wiet, de drie daag gaon beginne,
verkleid es kloune, es haenkes of es hinne.
Dus gaon ich oppe zölder zuike in de kleierkas,
en kiek tösje die fóddele of 't mich nog pas ...
De sjluppejas, d'n indiaan, awt menke of awt wief,
't geuf niks waat 't is, es 't mer pas om mien lief ...
't Ganse jaor door doon ich mich hie-op sjpichte,
dan zeen ich maskes en mómmegezichte,
zeen ich 't kefeeke veur mich, aafgelaje vol,
ich zeen os bènnekómme, och wat höbbe v'r lol.
't Fees, dat kènt beginne, Prins en wieze raod veurop.
Dan is 't waer zo wiet, gans Lömmerich oppe kop.
Dat is de vastelaovend wie veer 'm hie kènne.
Zo gek op karneval wie ich, is geine ènne.
En zeen die daag sjtraks waer alle drie versjtreke,
waere de kleijer waer gewesje en gesjtreke.
Dan gaon ze al waer oppe zölder in dae kleierkas,
druim ich van volgend jaor vastelaovend alvas ...
HOME
PLAATSNAMENOVERZICHTHOMESJIEKE NAAS
2009/2010 : Tekst: Miriam Bartels – muziek: Theo Bartels
Zang: KoepMarie
Refrein:
Veur dé optoch eine kloonsnaas
Veur ’t prinsebal ein zoepnaas
En veur ’t kenjerbal ein koetnaas
of ein wipnaas in mien gezich
Veur dé optoch eine kloonsnaas
Veur ’t prinsebal ein zoepnaas
Kiek ich nao dich en auch nao dich
Dan bin ich blie mit die naas van mich
Verkleije is ech gein probleem,
ich höb van alles in mien kis
Mer es ich in de sjpeigel kiek,
zeen ich metein dat ich get mis
ich wil ein gekke naas d’r bie,
die hört geweun bie mich
ein dikke, of ein rooie naas
eine tottel in ’t gezich
Ein verkesnaas, ein heksenaas,
veur alle drie die daag
Want es ich eins gein naas op höb,
jao dan bin ich ram van sjlaag
De sjnopnaas of de sjnoternaas,
dat is mich al zo get
Want mit zo’n naate naas d’rop
Jao dan lik ich vreug in bed.
HOME
PLAATSNAMENOVERZICHTHOME'T SJRÄÖME EN BÄÖME KOOR
2006/2007: Tekst & muziek: Guus Steinen
Zang: Kartoesj
sjtèl dich veur: dit is hie ’n kefeeke...
mer ’t is ‘ne keffee zônger meziek...
doe heurs gein jukebox , d’r is zelfs gein ceedeeke,
d’rom sjräöm’ en bäöme veer hie zelf met gans de kliek...
Refrein:
sjräöm-sjräöm- sjräöm- sjräöm- sjräöm...
veer zin ‘t “ sjräöme en bäöme koor”,
veur instrumente höb veer gein sente.
veer sjmaere leever de kaele door
veer zin ’t “sjräöme en bäöme koor”
dus sjmaer’ver ôs de sjtöm, mèt pils en hallef – um
dan wurd mèt gemaak, de hoge "C" geraak
daorom is ôs sjräöm’ en bäöme koor
ein genot veur jeder oor
doe gluifs ’t neet , wae bènne kump :
’t is de zaate hermenie !!!
wao get te sjräöme en te bäöme is,
zin die van de pertie
de ganse kroeg sjteit op de kop,
dit is te gek veur weurd
de kastelein zaet “zoa get sjoons !
dat höb ich hie nog nootsj geheurd”
doon mèt- al is ’t zo mer get -
doon mer get !!
doon mer get !!
‘t geuf toch god-zij-dank
niks sjoonders wie “de zangk” !!
HOME
PLAATSNAMENOVERZICHTHOMESJTAEK DE VLAG OET !
2000/2001: Tekst & meziek: Pascal Pietrzak
Mit de vastelaovend, dan gaon ich gaer op sjtap,
in ein leuk cafeeke, allein 'n bietje krap.
Ze sjtòng dao urges in de houk, dat is ein heel sjoon vlag.
Geer zult noe waal begriepe, wat ich toen höb gezag.
Refrein:
Sjtaek de vlag oet, want 't is weier carnaval.
veer gaon feeste op dat vastelaovesbal.
Ich wol dat 't weier op nuuj begoosj,
en 't ganse jaor door vastelaovend blieve koosj.
Sjtaek de vlag oet, roup drie maol alaaf,
mer raeken d'r op, dat ich mich meer es eine paaf.
Ich zaot dao mit mien pilske, toen bedach ich mich inèns,
waste mit zo'n vlegske toch neit allemaol kèns.
Ich vuilde mich weier 'nne poet, ich sjtòng dao mit die vlag.
Ich vuilde 't kriebele wie ich mich weier bedach.
HOME
PLAATSNAMENOVERZICHTHOMETAM-TAM !!!
1999/2000: Tekst & muziek: Guus Steinen
Zang(*) : Kartoesj
Ich zoat in 'n kaffeeke, 't waas d'r röstig, 't waas d'r sjtil.
Ich zoat doa mesjiens waal al twee, drie oere ...
Toen gans inèns gebeurde 't : de deur vloog oet de stiel.
Van waat toen bènnekoam doavan rammelde de moere ...
Doa koam'n kepel nao bènne, met vööl beheij, wie die dat kènne.
Nou, dao waas metein get oet, tam-tam in de boet !!!
De sjuuf, die sjoof waal 'ns d'r naeve, mer woa 'n trööt is, doa is leave.
Woa tam-tam is in 'n zaak, doa wurd auch sjpas gemaak.
Refrein:
Hie wurd tam-tam gemaak, hie waere neut gekraak.
Hie goan panne van 't daak, hie is tam-tam !!!
Hie wurd 't vel geraak !!! Mit alles wat mer laeve maak.
Joa, doa kènne veer get van, hie is ummer tam-tam.
Zoagaw es veer die trômme heure, en de sjuuf weer heure sjööre,
weit'ver weer 't is zoa laat, 't is tied veur tam-tam.
D'n tuba sjpiejt zich op de kleppe, de dikke trom die sjteit te meppe,
want doa woa me zunk en lach, doa wurd tam-tam gemaak.
Heur ze bööme, heur ze sjööre, ederein geneet d'rvan,
Ja dit is ech tam-tam !!
De naote vleege oet de trööte, zoa 'ne tam-tam maak de meute,
nemes dae hie heivesj geit, zoalang dit sirkes drejt.
* cd 2000 : diverse artiesten - "Van Eijsde tot de Mookerhei 7" - Marlstone Recordings bv CDL2001
HOME
PLAATSNAMENOVERZICHTHOMEVASTE TIED, VASTE SJTEK
1998/1999 nr.1 : Tekst: Jos van Cleef - muziek: Guus Kitzen
Refrein:
Vaste tied, vaste sjtek, vastelaovend in 't dörpke van mien druime.
Vaste tied, vaste sjtek, vastelaovend, laot 't baer mer in de glazer sjtruime.
Vaste tied, vaste sjtek, vastelaovend, ich zou gein feiner feeske kènne nuime.
Al sjlits ich lankoet in de sjnee, viltj d'n daag op 't ies in twee:
ich kèn dich niet vergaete.
Al sjprink de sjneeman van de sjans, grip Ard Sjenk zien tweede kans:
mit dich kènt zich nemes maete.
Al is de apfelkorn op temp, gaon ich mit Gretel aan de sjlemp:
van vastelaovend kèn ich blieve aete.
Al ligk ich breidoet op 't sjtrandj, mit mien klitse in 't werme zandj:
ich kèn dich niet vergaete.
Al brent de zón in miene nek, valle de kippe van de sjtek:
mit dich kènt zich nemes maete.
Al is eine bikini nog te werm. höb ich ein sjpaanse aan miene erm:
van vastelaovend kèn ich blieve aete.
Al is d'r voetbal op de Teevee, wunt Fortuna mit zös - twee:
ich kèn dich niet vergaete.
Al brent de haard de ganse nach, völt 't hoes zich mit gelach:
mit dich kènt zich nemes maete.
Al brink de nach wat ich verwach, mit mien vruike leif en zach:
van vastelaovend kèn ich blieve aete.
* cd : Auwt Prinse Garde Lömmerich - " Vaste tied, vaste sjtek, vastelaovend "
HOME
PLAATSNAMENOVERZICHTHOMEVASTELAOVES-MEDIZIEN
2002/2003 nr.1 : Tekst & muziek: Willem Geritsen
Refrein:
Want....,,drei daag vastelaovend is 't beste medicien
Dan veuls ze dich op sjlaag weer good en hubste nurges pien
Noe loester nao de dokter en sjhei oet mit dat gegrien
Want drie daag vastelaovend is 't beste medicien
Sofie ging nao de dokter, want ze zaot mit ein probleem
Ze haw euver heur ganze lief ein onbekende eczeem
De dokter zag: dat soort eczeem, dat krigs ze van de sjleur
Es medicien sjrief ich dich drie daag vastelaovend veur
En ich weit gans besjlis..... dat 't dan euver is...
Robere keek in de sjpeigel, en waor op en top verbaas
D'r kroape paarse pitejes oet zien oere en zien naas
De hoesarts zag: dien sjtumming is beheurlik in mineur
Es medicien sjrief ich dich drie daag vastelaovend veur
En in ein mum van tied.....bis ze die pietjes kwiet
Sjeng waor al 20 jaor getrouwd, he draog zien vrouw op henj
Maer zien probleem waor, die kernaaj haw haore oppe tenj
De dokter zag: die vrouw van dich, dat is ein ouw zeur
Es medicien sjrief ich heur drie daag vastelaovend veur
Noe maak dich maar niet druk..... ich weit zeker dat 't luk
HOME
PLAATSNAMENOVERZICHTHOMEDE VASTELAOVES-PAPPARAZZI
2004/2005 nr.1 : Tekst: Miriam Bartels - muziek: Theo Bartels
Refrein:
De vastelaoves-papparazzi,
Op de pletsj en op 't heksebal
De vastelaoves-papparazzi,
Zuuste euveral
De pappappappa-papparazzi
Knipse alles, en dat geuf toch kal
Van de kop tot aan de batsi
Ich zeen ze euveral
Es ich de sjtraot op gaon
Dan maak ich alles gereid
Ich wil d'r seksie op sjtaon
Want ich weit al wie dat geit
Gank nootsj allein op sjtap
Dan zuuste fotoos dao sjtaon
Van dien sjatje aan de tap
Mit ein anger, 't is gedaon
En vingste in diene jas
Ein kaertje mit nummer 5
Dan waarst dich zeker op jats
Mit 't allersjoonste awt wief
HOME
PLAATSNAMENOVERZICHTHOMEVASTELAOVES SALSA
1990/1991 nr.1: Tekst & muziek: Jean Huveneers
Ich woar ens in et boetelandj... oeh tjatjatja
doa leip mich alles oet de handj... oeh tjatjatja
ich vroug mich aaf wat kan dat zeen
ich kreeg et kauwt van kop tot teen
ich koum weer gauw noa hoes, en veulde mich weer toes
Refrein:
dat is de salsa, dat is de vasteloavessalsa
et ganse dörp dat reup karamba
en zelfs de koster heat ein maske op
dat is de salsa, dea dans ich same mit maria
joa en dan reup die gekke priea
et ganse dörp sjteit op de kop
ich wou toch op vakantie goan... oeh tjatjatja
in ein beuksek zoug ich rio sjtoan... oeh tjatjatja
zo ging ich noa brazilië
doa ging mich alles kriebele
mer luuj wat ein gelök, wie ich koum in lömmerich trök
zo kom ich dan auch euveral... oeh tjatjatja
behalve mit de carnaval... oeh tjatjatja
dan kom ich gaaroet neit meer sjtop
want lömmerich steit dan op de kop
dus luuj hauwt uch mer vas, maak mer lol en heel veul sjpas
HOME
PLAATSNAMENOVERZICHTHOMEVEER GAON WIE EINE TREIN
2003/2004 nr.1 : Tekst & muziek: Ron & Dave
Refrein:
Tjoeke, tjoeke, tjoeke, tjoeke heij heij heij
Dao kump de vastelaovestrein
Tjoeke, tjoeke, tjoeke, tjoeke heij heij heij
Hie oppe zaal waal doezend bein
Tjoeke, tjoeke, tjoeke, tjoeke heij heij heij
Veer gaon wie eine trein.
Tjoeke, tjoeke, tjoeke........... Tjoeke, tjoeke, tjoeke
Tjoeke, tjoeke, tjoeke, achterein
Bie ós in 't dörpke, dao vleige de panne van 't daak
Jao es veer zeen aan 't feeste, tot de tent oet zien vouge kraak
Noe móste toch èns kieke, 't ganse dörp is hie
En jederein geit same mit ós in de rie, 1,2,3,4
Bie ós in 't dörpke, dao gaon alle luuj waer mit gemaak
Éns hosse, danse, sjprènge, jao 't is jeder jaor waer raak
Ós houfste niks te lere, 't geit hie van allein
En jederein geit same, wie eine boemeltrein, 1,2,3,4
HOME
PLAATSNAMENOVERZICHTHOMEVEER HÖBBE DE PRINS IN DE SJTRAOT
2004/2005: Tekst & muziek: Guus Steinen Zang: Kartoesj
Veer höbbe de prins in de sjtraot !
de prins in de sjtraot !
veer wiste jao allang dat hie ‘ne gooje zaot .
Veer höbbe de prins in de sjtraot !
De prins in de sjtraot ……….!
‘t is al lang geleeje dat
veer hie de prins höbbe gehad .
De prinsoetreuping waar ’n feit, Zef sjeigelde nao hoes
de ganse sjtraot die sjleep al, en dus heel’r zich mer koesj
’t leefste haw ‘r aangebeld bie eder’rein in de sjtraot
en dan aan ederein verteld wie of dat ’t zoat .
mer wie ‘r langs de buurman kaom toen heel ‘r ’t neet mië
hae duujde op die bel – egaal !!! - al waor ‘t kwart veur twieë…….:
De sjnaps woort oet de kas gehaold en d’r woordt geklasjeneert:
welke prinsewage….. en wie moos waere geseerd……
auch welke sjpreuk ‘t beste waor, woort allenej beproat
mer ’t beste waor biejein te kômme met de ganse sjtraot .
de sjtraot wos aevel nog van niks, die sjleepe nog wie ös
mer ‘t sjmörgesvreug loag van die twee ’n breefke in de bös…..:
ederein kaom kieke nao dat sjoon verseerde hoes
en hie en dao waor zelfs eine ‘ne tikkelke sjeloes ……..
die höbbe de prins in de sjtraot !
Veer wiste ja al lang dat dao ‘ne gooje zaot.
Veer höbbe de prins in de sjtraot !
De prins in de sjtraot ……….!
‘t is al lang geleeje dat
veer hie de prins höbbe gehad.
HOME
PLAATSNAMENOVERZICHTHOMEVEER HÖBBE 'T
2010/2011L Tekst & muziek: Guus Steinen
Zang: Kartoesj
Refrein:
Veer höbbe 't…..
(veer höbbe ’t!!)
Veer höbbe ‘t….
(veer höbbe ‘t !!)
Dat preufste , dat veulste :
Veer höbbe ‘t !
Veer höbbe ’t ,
Want wo alles om drejt ..…..
is ôs hart dat veur vastelaovend sjleit
es emes mich vreug:
” Wie deit dae Limburger dat ..?”
geer höb altied plezeer,
en auch vrunj höb ger zat
ger höb sjteeds get te lache,
geer höb ummer gooj zin.
dan vertel ich ‘m gaer wie dat kèn…
kiek… vreug in ’t jaor wurd de trent al gezat
veer keeze de prins dan in dörp en sjtad
de pekskes de sjpreuk en de wage môt klaor
en dao op taer’ veer de res van ‘t jaor !
de sjpas van te veure
is de rooje draod
’t rood gael en greun
dat versjient in de sjtraot
De erns dae is dan finaal van de baan
want ’t geit d’r dan langzaam op aan
veer pakke ôs same en dat is zo sjiek!
Van euveral kump vastelaovesmeziek
van eder menuut hie geneet’ ver intens
veer beseffe : veer laeve mer ens!
Mer naeve passie höb veer auch fetsoen en respek.
Veer leere ôs kènjer neet allein dialek,
mer auch wie ’t môt, wie’t zich heurt, wie ’t doug ....
……….en zoooooo……… zègke die later auch…..
HOME
PLAATSNAMENOVERZICHTHOMEWIE KUMPSTE DROP
Tekst: Miriam Bartels - muziek: Theo Bartels
Zang: Koep Marie
Dao löp eine verkleide
Mit eine krisboum oppe kop
Daorop brent auch ein lempke
Ich vraog mich aaf wie kumpste drop
Wat mot dat es hae doosj krig
En merkt dae klommel geit neit aaf
Wie kump hae hie nao binne
Wie kump hae dao vanaaf
Wie kumpste drop wie kumpste drop
wie kumpste d'r vanaaf
Refrein:
Wie kumpste drop Wie kumpste drop
Dat wurt al gauw gezach
De luuj die daorop kòmme
Die höbbe jaore naogedach
Wie kumpste drop Wie kumpste drop
Dat vraog ich mich deks aaf
Dan höbste mer noch eine zörg
Wie kumpste d'r vanaaf
Wae jeker jaor ein buut sjrift
Mit doezend keer ein anger mop
Dae mot toch kreatief seen
Me vreeg zich aaf, wie kump hae drop
Mer 's nachts kent hae neit sjlaope
En vroagt zich dan bezörgd aaf
Miene kop dae sjteit op sjpringe
Wie kom ich dao vanaaf
De prins in ozze optoch
Zit te geneite baovenop
Te wénke en te sjmiete
Me vreech zich aaf, wie kump hae drop
Es de optoch dan gedaon is
En klinkt de letzte keer alaaf
Dan sjtaon de luuj te kieke
Wie kump hae dao vanaaf
HOME
PLAATSNAMENOVERZICHTHOME‘T ZAATE BLAOSKAPELLEJOEKSMENIEKE
2010/2011: Tekst: Miriam Bartels - muziek: Theo Bartels
Zang: KoepMarie
Refrein:
Veer zeen ’t zaate blaoskapelle joeksmenieke
Veer zeen niet good mer veer zeen sjoen om nao te kieke
Veer träöte op ’t sjuuftrompötte saxement
En daoveur zeen veer zo bekend
Veurop de vaan en dan de sjelleboum mit belle
En dan kump de rammelesjang
Klepfricandelle
Ligge te helle
En de rest dat is geweun get masjerang
Retteketetteketet tiedada
tsjiengteboemtepaaf
Fiedelefiedelelfiet tiedada,
tsjiengteboem alaaf
Hörste al die träöte, valsj en veuls te hel
Dan kenste d’r van oet gaon
Dan kump ‘n bloaskapel
Veer höbbe op de tröätesjool os meanig keer gekwaeld
En mit dae ganse nootekraom de meiste tied vervaeld
Veer wisse toen al nao ein weak, dat is ech niks veur os
Veer wille lekker tröäte, wao zeen veer aan begos
Ein dikke trom, ein baskanon, de ganze träötekraom
De rammeleböl, de tamboerijn, 10 mansluuj boete aom
Ein knuupkes-tröät, ein wesjbrett, en ein sjoen gesjtrikde vaan
Motste noe ins kieke, d’r kump weer eine aan
HOME
PLAATSNAMENOVERZICHTHOMEZES GOOJE IN DE LOTTO
2000/2001: Tekst & meziek: Guus Steinen
Zang (*) : Kartoesj
Zös gooje in de lotto en 'n maedje zo wie doe,
dat wunsj ich mich, dat wunsj ich mich al joare.
Lekker laeve waar mien motto, doe en ich , en ich en doe,
gein minuut van d'n daag ging ôs verloare.
Zoa wie de wèndj wejt, wejde dan mien humme,
en ich zouw 't d'r ederen daag 'ns good van numme.
Joa, dat deeg ich, joa, dat deeg ich allenej, es ich dich en die zös gooje hej.
As ich 'ns neit sjloape kèn, en om veier oer sjnachs nog wakker bèn,
dan kump dat meis door dich !!
Dan zeen ich ös - en dat is sjoan - same door 't laeve goan:
doe same mit mich !!
Dan vraatsjel ich van rechs noa lènks, in de houp datstoe dat auch get vènks,
en as 't eave zo koosj goan,
zeen ich de lotto-belkes valle, wie ich ze op 't formeleer höb sjtoan.
Mesjiens waal twintig keer per daag, is 't beeld dat ich zo bie mich draag,
dat köpke van dich.
Ich krieg dich neit oet miene kop, wat ich auch doon..., ja nuim mer op,
'ch zeen ummer dien gezich.
En drek denoa, wat ich auch wil, zeen ich alle zös die lotto-bel,
en 't zin ....de nummerkes van mich !!
Zal 't dan ech nog oats gebeure ? Dat 't woarheid waere geit veur mich !!
Dan doon ich allebei mien auge toe, dan denk ich haw ich dat gelök toch mer 'ns noe...
Doe aaijdes mich dan gans d'n daag de bölles, en doe zoats mich ummer, ummer aan de gölles,
sjwomme in 't geldj wie Dagobertje Duck.
Herboare-aafgesjwoare-amore-verloare, bankbiljette, niet mee wirke, vekantie, 'nne boat.
Aan cente hej ver gein gebrek, doa sjwom ver in, bes tot aan oze nek.
Mer drek drop wurd mich kloar, verrek 't is gaar niet woar.
Mer ich ben nog ummer mer erm en gans allein.
Einzaam ben ich sjteeds wakker gewore.
* cd 2001 : Diverse artiesten - "Van Eijsde tot de Mookerhei 8" - Marlstone Recordings bv CDL2101
HOME
PLAATSNAMENOVERZICHTHOMEDE ZJWAEGELEKREMER
2001/2002 nr.1 : Tekst & muziek: Eric Stevens & Davy Schrijen
Hae koum in vruiger jaore bie ós in de sjtraot,
dan rammelde zien kisjke altied in de maot.
Zo óm 't anger hoes dao bleef hae efkes sjtaon,
hae völde dan zien lónge óm heel hel aan te sjlaon.
Refrein:
Zjwaegele, zjwaegele wae mòt hie nog get vuur,
zjwaegele, zjwaegele ze zeen ech neit te duur.
Zjwaegele, zjwaegele sjtaek de kachel d'r mit aan,
want zit'se zònger zjwaegele dan geiste zeker draan.
Hae haw ze-in alle kleure die sjtekses in ein doos,
en kaom hae bie ós in 't dörp dan waor altied get loos.
Bie ós kreeg hae 'n tas kekaw mit 'n bótram bie,
of mit de pap ein dröpke dan zòng hae waer gans blie.
Naoje, knuip en gaare dat vèrkoch hae ouch,
nemes wis wo dat hae woonde of wo hae sjnachs louch.
Hae gouf de kènjer bebbelkes en sjtreek ze in 't gezich,
dan waor hae zo gelökkig en sjtraolde zien gezich.
HOME
PLAATSNAMENOVERZICHTHOMEZO'N RICHTIG GOOD GEVEUL
2007/2008: Tekst & muziek: Guus Steinen
Zang: Kartoesj
Refrein:
want …. es ….Liza op de vrouluuuj zitting kump,
dan kènste Liza neet meer trök,
dan zungk en lach die aan ei’ sjtök
nae dan wèt die neet waat of häör euverkump
doe meins ech dat ste dich vergis
doe gluifs neet dat dat Liza is
de erm in de lôch , zo sjteit zie baovenop de sjteul
‘ns “effe toes eweg” dat geef zo’n richtig good geveul
wae es vruike op zo’n vrouluuj zitting zit
wet dat ‘t niks, niks sjoonders geef wie dit
Liza is ’n vruike die deit gans ‘t jaor häör plich,
ze pôts en kaok en sjrôb, maak dèks nog frisje boonesop
Liza is ’n vruike sjus wie doe en doe en dich
nae zônger flawwe köl, veur Lies is niks te väöl
zie is zo door ’t jaor haer serieus.
mer es ’t d’r op aan geit wurd ze langzaam aan nerveus …………
Refrein:
want …. es …. Hoebaer op de mansluuj zitting kump,
dan kènste Hoebaer neet meer trök,
dan zungk en lach hae aan ei’ sjtök
nae dan wèt dae neet waat of häöm euverkump
doe meins ech dat ste dich vergis
doe gluifs neet dat dat Hoebaer is
de erm in de lôch , zo sjteit hae baovenop de sjteul
‘ns “effe toes eweg” dat geef zo’n richtig good geveul
wae es menke op zo’n mansluuj zitting zit
wet dat ‘t niks, niks sjoonders geef wie dit
auch Hoebaer is normaal gesjpraoke wie de meiste zin
doon alles wat zie zaet, gaeve ’t vruike häöre zin
mansluuj zin noe einmaol zo: aanhankelik en braaf!!
en van dae sjtempel kômme die waarsjienlik noots meer aaf
auch Hoebaer hilt zich zo aan deze trent
mer dat verangert gans inèns op dat eine moment:
En sjus es Liza toeskump, vilt auch Hoebaer op de sjlaag
Auch dae haet ‘ne lach van oor tot oor
“Dit waor ’t dan” zaet Liza, “ jông waat ‘ne sjoone daag “
en sjtiekem druime ze’alle twee al van ‘t volgend jaor………..
De erm in de lôch , zo sjtaon zie baovenop de sjteul
‘ns “effe toes eweg” dat geef zo’n richtig good geveul
Wae - egaal wo - örges op zo’n zitting zit
wèt dat ’t niks , niks sjoonders geef wie dit
Veer zin ’t gans met Lies en Hoebaer èns
Dus daoveur num ’t d’r van zolang ste kèns……!
HOME
PLAATSNAMENOVERZICHTHOME