HOME PLAATSNAMENOVERZICHTHOME


ALLEMAOL MÁR NUMMERS
1991 : Teks & muziek: Jeu van de Diep (Jeu Hegger)

Refrein:
Allemaol már nummers, ciefers of en getal,
hure bi-j ut laeve, altiêd aoveral.
Allemaol már nummers, ciefers of en getal,
Minse waere stieëg már slummer,
már zien mieër en mieër en nummer.
Minse waere stieëg már slummer,
már zien mieër en mieër en nummer.

Zien de schoon verslete, de bóks kepot gerete,
ut aoverhemp is ni mieër fein en de jas dae wört te klein.
Den hood dae is ok errig kaâl, en de kieps is toch zó vaâl.
Alles wát ik droog of draâg, haet ennen nummer op vandaâg!

Belastinggeld betale, of pensioen gaon hale.
Ennen ozel án 't loket, ás me ni de nummer wet.
Belle mit den telefoon, of en aoverschrieving doôn,
gaar niks gieët in zon gevâl, zónder nummer of getâl!

Mej dink ik 't is viêf vör twellef, wie lang bliêf ik zoeë mich zellef.
Beeldscherm, floppie of disket, of wie dát allemaol het.
Of ut oeit wál wenne zal, dát merk ik dan later wal.
'k Vraog mich af waor mot dát hin, ás ik már en nummer bin?


HOME PLAATSNAMENOVERZICHTHOME


ÁS UT NOG KÁN
19 : Teks & muziek: Jeu van de Diep (Jeu Hegger)

Refrein:
Ás ut nog kán, jao ás ut nog kán,
beginne weêj stieëg wer ván veuren af aân.
't Zit ós allemaol in ut blood,
wer te beginne mit ni-je mood.
Ás ut nog kán, jao ás ut nog kán,
beginne weêj stieëg wer ván veuren af aân.

'k Bin is op en fieës gewest, 'ne zenger mit orkes,
zónge en speulde mit plezeer, idderieën háj en ander pepeer.
't Orkes dát waor al klaor, wie de zenger op de hellef waor.

Staon de kaokpöt op ut veur, gieët de bel án de deûr.
Der woort gelache en geprot, már ut zoôrmós woort zwart in de pot.
Aetestiêd is daor, már ut aete lang ni klaor.

Is der mej wát scheif gegaon, of völ ni good gedaon.
Good bedoeld, már op ut end, kwaom ut ni oêt wie ut waor gemend.
Klage bát ni mieër, 't laeve gieët toch wieër.


HOME PLAATSNAMENOVERZICHTHOME


DAO ZIT MEZIEK IN
1981 : Teks & muziek: Jeu van de Diep (Jeu Hegger)

Refrein:
Dao zit meziek in, dát deut mich good.
Dát guf den burger wer ni-je mood.
Al wát mich good deut meug noeit vergaôn,
en jónk gelierd is ald gedaon.

De hermenie mák gój meziek, in de maot precies geliek.
Ut slaagwerk en de clarinet, groeëte bas en de trompet.
Haoren, alto, saxofoon, bariton, tuba, schuuftrombaon.

En koeër dát zingk en melodie, mák daormej de minse bliej.
En jungske dát en liedje zingk, ás ut mej ok gammel klink.
Örges zingk der en sopraan, achter ennen aope raam:

Enne melder hieël hoeëg in de loôch, krieg ván 't fluite ni genóg.
De metkolf, ekster, spraon en krej, kwake um ut hárdste mej.
Alle henne en den haan, kriege noeit genóg der ván.


HOME PLAATSNAMENOVERZICHTHOME


DÁT ZAL MICH NOEIT MIEËR GEBEURE
1989 : Teks & muziek: Jeu van de Diep (Jeu Hegger)

Refrein:
Dát zal mich noeit mieër gebeure, wát mich ut laeve ok bringk.
'k Veul nog mien wange roeëd kleure, ás ik daor wer án dink.
Vör de zóvölste kieër, zeg ik noeit, noeit mieër.
Vör de zóvölste kieër, zeg ik noeit, noeit mieër.

Wintersport in Oeësteriek, en vastelaovend vele geliek.
Wet geêj wie ik mich vulde, wie de meziek daor speulde?
Gluuëf már, wie ik dát zoôg, heb ik iêrlijk gedoôch:

Mit de visgaerd in de hand, zoot ik án de waterkânt.
Már en groeëte zieë-meermin, trok mich zoeë ut water in.
Razelend ván de kelt, heb ik thoes verteld:

Idderieën dae haet wál is, vroeg of laat en kans gemis.
En in idder laeve, ging wál is wát der naeve.
Gieët ut laeve nog wieër, zeg dan iddere kieër.


HOME PLAATSNAMENOVERZICHTHOME


UT DIEET
1990 : Teks & muziek: Jeu van de Diep (Jeu Hegger)

Refrein:
Wát ik allemaol leet, vör dát streng dieet.
Al dát lekker aete, koôs ik wál vergaete.
Zoog ik de dieëtiste, woos ik pas wát ik miste.
Zoog ik de dieëtiste, woos ik pas wát ik miste.

Noeit gehuurd ván calorieje, ván moderne theorieje.
Altiêd duchtig begaaid, flink oet de kaokpot gespaajd.
Ut waor wál te verwâchte, ens, doe kwaome de klachte.

Wie ik mich doe heb gevuld, op ut örste dieëet-consult.
'k Huurde daor de gójje raod, doj altiêd alles mit maot.
'k Wieët nouw idder pundje, gieët altiêd dór ut mundje.

'k Werkde án en good figuur, mit en strenge hóngerkuur.
De dieëtiste goof mich mood, jao, dát deej mich toch zó good.
Wie ovvertugend zeej koos praote, lekker aete moos ik zellef laote.


HOME PLAATSNAMENOVERZICHTHOME


ENS DAN GIEËT DE ZÓN WER SCHIÊNE
1987 : Teks & muziek: Jeu van de Diep (Jeu Hegger)

Refrein:
Ens dan gieët de zón wer schiêne,
ens trek alle nevel op.
Ás de wolke gaon verdwiêne,
schient de zón ós lekker werrem op de kop.
Mit en greuzelig gezeêch,
loeëpe weêj in 't zónneleêch,
már ok in de maoneschiên,
kán ut erg plezirrig zien.

Storm en raegen of en schoor, gieët de maas mit iês.
Vruus ut hieël de winter door, 't waer is ván de wiês.
Waekelang en duustre loôch, nevel iezel smog.
Ieëne kieër gebeurt ut ech, wejje de wolke weg.

's Winters bi-j de Eskimo's, is ut altiêd nâch.
Maonde wört in de iglo's, de zomer afgewâch.
Is ut werrek án de kânt, in Eskimo-land,
zinge same groeët en klein, lachend dit refrein:

Hebbe weêj is enne strop, taegeslaag of pech.
Velt ós ut daak has op de kop, liek 't geluk wiêt weg.
Is de nâch mej errig lânk, kriegs te stank vör dânk.
Wát der ok in 't laeve is, blief stieëg optimis.


HOME PLAATSNAMENOVERZICHTHOME


GAEVE EN NEME
1985 : Teks & muziek: Jeu van de Diep (Jeu Hegger)

Refrein:
Gaeve en neme, már ut meiste gaeve.
Hieël völ probleme oet ut daaglijks laeve,
zien dan zó zwaor ni mieër, en op de laevesreis,
gaon weêj dan same wieër, mit gaeve en neme
már gaeve ut meis.

Vaderlandse politiek, idder zaet hae haet geliek.
Dát is net wie aoveral de beste steurluuj staon án wal.
't Zellefde wie ut ok zal zien, water mot der bi-j de wiên.

In de schoeël en in de kerk, bi-j de sport of op ut werk,
hebbe stieëg wer alle minse, andre zörg en eige winse.
Ieën ding is ván groeët belang, hieël ós laeve lang.

Velt der op ennen heldren daâg ok is ennen dónderslaâg.
Wört der vroeg of laat is oeit, erg hárd mit de deûr gegoeid.
Ens dan is de buuj vörbeêj, same zegge weêj:


HOME PLAATSNAMENOVERZICHTHOME


GLORIA
1987 : Teks & muziek: Jeu van de Diep (Jeu Hegger)

Refrein:
Gloria, gloria, in excelsis Deo,
Gloria, gloria, in excelsis Deo,

Wie der vör twieë doezend jaor, 't Christendom nog gaar ni waor,
stónd ut al op perkament in ut alde testament.

De verlosser lang vörspeld, zónder oeërlog of gewêld.
Pleiter vör ut minseraêch, kump in Bethlehem teraêch.

Herders waore op ut veld, haet den ingel eur verteld:
Jezus kump vör idderieën, ni vör blank of zwart allieën.

Help ós vrede stichte Hieër. Troeëste, helpe, altiêd mieër.
Bliêf bi-j ós en maâk ós sterk, wát weêj doon blief minsewerk.


HOME PLAATSNAMENOVERZICHTHOME


GÓJJEN DAÂG
1992 : Teks & muziek: Jeu van de Diep (Jeu Hegger)

Refrein:
Gójjen daâg, allemaol same, hallo,
hieël völ in ut laeve, is en kedo.
Ás weêj zoeë is efkes um ós kieke,
zal ut vas en zeker, hieël duk blieke.
Hieël völ dinge kriege weêj zoeë már kedo,
gójjen daâg, allemaol same, hallo!

Waere weêj ok mej geplog dór pech of kwojje zin,
haopelijk zeen weêj ok dan, de zin ván 't laeve in.
Gaon der hieël völ dinge mej, wiet bovven ós verstând,
Lach dan toch is efkes, zet de zörrig án de kânt.

Zien weêj mej de gójje waeg, ok vör en tiedje kwiêt,
blieve weêj már zeuke want vandaag is ut nog tiêd.
Nemus wet wát merge kump, már dát zeen weêj dan wal,
dinke weêj ni al te völ án wát nog kómme zal.


HOME PLAATSNAMENOVERZICHTHOME


HEB GEÊj UT NI-JS GEHUURD
1980 : Teks & muziek: Jeu van de Diep (Jeu Hegger)

Refrein:
Heb geêj al ut ni-js gehuurd, 't is has rónd in hieël de buurt.
Waorum hebbe ze dát gedaon, dát ut zoeë nouw toch moôs gaôn.
Wae háj dát nouw toch verwâch, zeg ni dát ik ut heb gezâg!

Kump de buurvrouw án de deûr, kump ze lichtig örges veur.
Ut letste ni-js dát wet ze al, of ze verzint ut zellef wal.
Is der örges wát án de hând, dan vertelt ze intressânt:

Hárte, roête, schuppe, kruûs, den ieëne wint, den andere verluus.
't Is en arig tiêdverdriêf, ok al huurs te mej gekiêf.
Mej en dan, der tusse-doôr, smiespelt immus heer of daor:

Idder mot ván tiêd tot tiêd, örges ziene kwazel kwiêt,
hieël völ minse praote gaer, ovver de liefde en ut waer.
Ovver den ozel mit ut geld, már der wört ok duk verteld.


HOME PLAATSNAMENOVERZICHTHOME


DEN HEMEL OP AERD
1970 : Teks & muziek: Jeu van de Diep (Jeu Hegger)

Refrein:
Dit koôs den hemel op aerd wál zien,
nemus dink nouw nog án zörrig en án pien.
Idderieën haet en lachend gezeêch,
straolende oeëge, wie sterre zó leêch.
Koôs nouw den tiêd már stil blieve staon,
dan hófde weêj ni nao hoês toe te gaôn.
Koôs nouw den tiêd már stil blieve staon,
dan hófde weêj ni nao hoês toe te gaôn.

Der woort en jubileum geveerd
dát waor dan ok wal de mójte waêrd.
De muzikante deje eur baês,
noeit is de stemming baeter gewes.
Allemaol sprónge ze ovver de vloêr
en zónge same hieël hárd in koêr:

De zittingsaovend, gans oêtverkôch,
haet ut publiek völ plezeer gebrôch.
Wát haet ut idderieën good gedaon,
den tiêd is toch zó gauw umgegaôn.
De veurzitter erg mit zien bántje veriêrd,
háj zich ás dankwaord ván boête geliêrd:


HOME PLAATSNAMENOVERZICHTHOME


HERINNERINGE
1993 : Teks & muziek: Jeu van de Diep (Jeu Hegger)

Refrein:
Herinneringe, án hieël völ dinge.
Herinneringe, daor ván te zinge.
Herinneringe, die zich verminge.
Herinneringe, die noeit verginge.

Alde foto's ván vör jaore, duk wát broên en gaêl gewaore.
Altiêd bringe ze en stuk, de vervlaogen tiêd teruk.

Duk ás weêj án vroeger dinke, dan liek alles mieër te blinke.
't Zellefde wie ut is gewes, nemus wet wát is ut baês.

Altiêd laeve der völ winse, bi-j has allemaol de minse.
Want de welvaart en ut geld, waor nog noeit geliek verdeld.

Duk gezâg en ok geschreve: waor zien die toch al gebleve.
Wie ok alles gieët of ging, stieëg blief en herinnering.


HOME PLAATSNAMENOVERZICHTHOME


DEN HOEËFPRIÊS
1980 : Teks & muziek: Jeu van de Diep (Jeu Hegger)

Refrein:
Iddre kieër ás ik diech zi-j, dink ik altiêd wer opni-j,
diech bees den hoeëfpriês,
diech bees den hoeëfpriês, oet de lotteri-j.
Jao, jao, jao,
diech bees den hoeëfpriês,
diech bees den hoeëfpriês, oet de lotteri-j.

'k Heb mich lets en lot gekôch, 't haet mich völ geluk gebrôch.
En geit dát waor den örste priês, geitemelk vind ik vies.
Iddre merge huur ik baê, bi-j mich zellef zeg ik naê.

'k Háj zó gaer is sjans gehad mit enne gójje leve schat.
Wiejs diech in mien oeëge keeks en mich bi-j den errem peeks.
Doe heb ik direk gedoôch diech beês net wát ik mich zoôch.

Kóm ik örges án ut strand, of in 't Limburgs mergelland.
Örges op de Drentse hei, of in Zieëland op de klei.
't Zellefde waor ik örges kóm, altiêd dink ik ván mien Lómm.


HOME PLAATSNAMENOVERZICHTHOME


IEËR ÁN GOD
1993 : Teks & muziek: Jeu van de Diep (Jeu Hegger)

Refrein:
Ieër án God op de werreld, en in den hemel hoeëg.
Jezus och verlees ós, noeit oet ut oeëg.
Mit ós oeëge gereêch op ut hemels leêch.
Ieër án God op de werreld, en in den hemel hoeëg.

Ieëuwe al vörspeld, stieëg wer doorverteld.
In de winternâch, zóng den ingel zach.

Zoeë op ens van ver, scheen en heldre ster.
Jezus, lang verwâch, kwaom doe in kersnâch.

Jezus, neergelâg, op en schaopevâch.
Schieëpers, ruig en stoer, zónge doe in koeër:

Jezus, zoeën ván God, lef ut minse-lot.
Ens wört alles ni-j, same zinge weêj:


HOME PLAATSNAMENOVERZICHTHOME


IN LOMM DOA VIERE WEEJ CARNAVA:
ca.1950 : Tekst: Cor van den Hombergh, Ton van den Hombergh, Jeu Hegger - melodie: 'Am 30 Mai...'

Refrein:
In Lomm doa viere weej carnaval
al hebbe we 't noeit gedoan
we zullen 'm loaten goan
In Lomm doa viere weej carnaval
dus doan we allemoal toch zeker mit
Idderien deut nou gaer gek
doaveur is 't carnaval
Idderien deut nou gaer gek
dus loat 'm allemoal goan.

In Lomm zien weej begonne
mit nee vul op de tes
Carnaval dae mos d'r komme
doarum doan weej os bes
En we kriege 't ok waal kloar
al is 't vur 't urste joar.

We hebbe ok enne optoch
dae klopte wiej un bus
We hebbe enne Prins gekoaze
daorop zien weej gerus
En ok enne road vaan ellef
en de res diej kump vaan zellef

Weej hebbe gaer un megje
maar ok 'n groat glaas beer
doa beej goan weej waat springe
en make vul plezeer
en halde weej d'r mit op
daan stoan weej op de kop.


HOME PLAATSNAMENOVERZICHTHOME


IRRITÂNT
1996 : Teks & muziek: Jeu van de Diep (Jeu Hegger)

Refrein:
Prachtige meziek, vol van romantiek,
altiêd iddre kieër, àn ieën stuk már wieër,
ieën, twieë, drie of veer, rithmisch op en neer,
dan dink ik duk ech, waor die meziek toch weg!

'k Huur völ melodieje zweve, ieën is der bi'j mich gebleve.
Hinderlijk, mej hárd dan zach, hieël den daâg tot in de nach.

Mej mák mich dát wal nerveus, már der is gen andre keus.
Op den deur erg irritânt dit gieët bovve mien verstând.

Populair, klassiek of pop, spoeëke der dór miene kop.
Of van en bekende ster, huur 'k ut zellefde liedje wer.

Ieëne kieër is ut vörbeêj, dan veul ik mich wer hieël vreêj.
En de vollegende kieër, och, dan zi-j ik wal wer wieër.


HOME PLAATSNAMENOVERZICHTHOME


KERSLIEDJE
1990 : Teks & muziek: Jeu van de Diep (Jeu Hegger)

Refrein:
Maria en Jozef, ginge op reis,
klein kiendje Jezus, kyrieleis.
Blief altiêd bi-j ós, Christe-eleis.
Blief altiêd bi-j ós, Christe-eleis.

De nâchte waore errig lank, reize tegge wil en dank.
Dór profieëte lang vörspeld, woort ut ganse volk geteld.

Ze klopde aan bi-j iddre deûr, nörges waor wát vri-j vör eur.
In en stälke bi-j ut vieë waor nog net en pláts vör twieë.

En Jezus gebaore in de nâch, woort daor in en krub gelâg.
Helder scheen ut sterreleêch, bi-j de herders in 't gezeêch.

Vör efkes ging den hemel aop, minse krege mood en haop.
Jezus leid ós, erm of riek, naor ut hemels keuninkriek.


HOME PLAATSNAMENOVERZICHTHOME


KUMP DE GEN END AÂN
1977 : Teks & muziek: Jeu van de Diep (Jeu Hegger)

Refrein:
Kump der nouw gaar gen end mieër aan,
kriegs te dan noeit genóg der ván.
Te völ van ut gójje is verkiêrd,
dát hebbe weêj ás kiênd al geliêrd.
Kump der nouw gaar gen end mieër aan,
kriegs te dan noeit genóg der ván?

Daor stónde weêj hieël kort bi-j ieën, wát waor ut fein zó gans allieën.
Weêj dóchte gaar ni án den tiêd, moder waor de dochter kwiêt.
Vader is ok jónk gewes, már hae loos ós toch de les:

Lang heb ik án den tap gestaon, koôs már ni naor hoês toe gaôn.
't Leep zó tegge sloêtingstiêd, de kastelein waor mich gaer kwiêt.
Hae tapte mich nog ieën glaas beêr, en hae zei, nouw luuster heer:

Den derde vastelaovesdaâg, beer mit enne groeëte kraag.
Prinsegarde, prins en raod, kregen ut zówát te kwaod.
Drie daâg lang dát is erg fein, már de ögskes woorte klein.


HOME PLAATSNAMENOVERZICHTHOME


LACHE IS GEZÓND
1986 : Teks & muziek: Jeu van de Diep (Jeu Hegger)

Refrein:
Lache, lache, lache is gezónd,
stieëg mit enne lach um de mónd.
Laote weêj ós ut lache ni verbieje,
make weêj ván alle grekers blieje.
Lache, lache, lache is gezónd,
stieëg mit enne lach um de mónd.

's Aoves laat nog op de loôch, 's merges in de werme boôch.
Opstaon, werke, vör ut geld, wie zwaor dát mej ok velt.
Maak en good begin, zet dit liedje in:

Örges op en voetbalvêld, ging ut d'r aan mit graof gewêld.
Blauwe schene roêje kaart, gaar niks woort gespaard.
En zoeë már op ens, zóng en gruupke fens:

'k Zoog de hermenie is staon, klaor um dór ut dörp te gaôn.
Alles leep der in de maot, midden op de straot.
Klónk doe deez meziek, zóng ok ut publiek:


HOME PLAATSNAMENOVERZICHTHOME


DE LINTE
1993 : Teks & muziek: Jeu van de Diep (Jeu Hegger)

Refrein:
In de linte wört wer alles ni-j,
ech vörgood is de winter vörbeêj.
Alles wát dor waor, krieg dan wer kleur,
dór de lekkere temperateur.
Iddere linte is en ni-j begin,
wae dát zeen wil, krieg dan gójje zin!

Zó gauw ás de daâg wer wát gaon linge,
dan kump wer de linte der aân.
De vögelkes fluite en zinge,
en 's merges vroeg krejt den haan.

De bök kieke naor de greune bledjes,
die zeên ze nog altiêd zó gaer.
De megjes mit zomerse kledjes,
hure bi-j ut linte-waer.

De winter haet ok zien gójje kante,
de rö-ös in de ganse nateur,
már minse en bieëste en plante,
wâchte op de linte-kleur.


HOME PLAATSNAMENOVERZICHTHOME


LOMM IS DE ALLERFENSTE PLÁTS
1977 : Teks & muziek: Jeu van de Diep (Jeu Hegger)

Refrein:
Zeker, jao zeker, Lómm dát is de fenste pláts.
Zeker, jao zeker, Lómm is de allerfenste pláts.

Ik bin zó gaer in mien eige dörp, maonde achterieën.
Már ens in ut jaor laot ik mien Lómm, vör en tiedje allieën.
Vacantie in binne- of boêteland, thoês is ut toch völ baeter want:

De zieë, ut strand, de werme zón, allemaol broên gebrand.
En autobus die kwaom teruk oet en vacantielând.
Weêj zote muuj, ziej án ziej, idderieën keek toch wer hieël bliej.

Heer bin ik in mien eige Lómm, heer in mien eige streek.
En waor ik in de groeëte werreld, dan ok um mich keek.
Gen stad zó groeët, gen dörp zó klein, niks is der toch ás Lómm zó fein.


HOME PLAATSNAMENOVERZICHTHOME


MÁR IN DE VASTELAOVESTIÊD
1979 : Teks & muziek: Jeu van de Diep (Jeu Hegger)

Refrein:
Már in de vastelaovestiêd,
is hae zien deftige streke kwiêt.
Már in de vastelaovestiêd,
is hae zien deftige streke kwiêt.

Geej wet wie ut gieët dór ut jaor,
net gekleijd en good gekemde haor.
Wie hae stiêf en deftig vör zich kiek,
of wie hae anders verlaege is of liek.

In de jasse-tes enne krant,
en paar deure golde ring án de hand.
Már de zuus án alles dát hae ment,
dát hae de minse ut lifste gaar ni kent.

Den auto verraojt ziene stând,
ut hoeës dát is ok al navenant.
Ás hae wet dát immus op um let,
it hae zien bótterham mit mets en verket.

Már vör ennen inkele kieër,
gedrug hae zich ni ás ennen hieër.
Jao kiek is wie hae hos en springk,
en wie gewoeën haen oet ut beerglaâs drink.

Nao vastelaovend dink hae duk,
nog án die feine daâg teruk.
Kumps te eum dan örges taege,
kiek hae wer sjiek en knik verlaege.


HOME PLAATSNAMENOVERZICHTHOME


MIENEN DRUUËM
1999 : Teks & muziek: Jeu van de Diep (Jeu Hegger)

Refrein:
Mienen druuëm, den allergrötste wins.
Ieëne kieër, waer ik de Lómmse prins.
Jaore lang, heb ik daor op gewâch.
Már ik heb, ut nemus oeit gezâch.
'k Zeej mich, mit, de foto in de krant.
Mit de prinse-scepter in de hand.
Mienen druuëm, daen allergrötste wins.
Ieëne kieër, waer ik de Lómmse prins.

Prins te waere wát en groeëte ieër.
Már wae wet, wae wört ut dizze kieër.
Is der al, 'ne ni-je kandidaat.
Of is ut, vör mich al wer te laat.

Prinse zien, dór idderieën bemind.
En de "fans", die gaon dan dór ut lint.
Már wae wet, zien nouw mien kanse groeët.
Of val ik, dit jaor wer oet den boeët.

Eigelijk, bin ik enne fantas.
Paês mich wal, dae sjieke prinse-jas.
Bi-j mich zelf, heb ik hieël duk gedoôch.
Jao misschien, bin ik ni moei genóg.


HOME PLAATSNAMENOVERZICHTHOME


OK NI ALLES
1982 : Teks & muziek: Jeu van de Diep (Jeu Hegger)

Refrein:
Blief ik mej is efkes staon,
laot ik mien gedachte gaon.
Dink ik af en toe wal is,
.... (per couplet in te vullen)

Auto's staon vör iddre deûr,
wae wil zónder stel óch veur.
De welvaart zak, 't is allerhand,
den auto gieët ut letste án de kânt.
...."ennen auto, dát is ok ni alles!"

Iddren daâg ut ganse jaor,
't Hoês gepoets, op tiêd ut aete klaor.
Alles vör ut menke en ut gezin,
gaer gedaon of genne zin der in.
...."dát hoêsvrouw zien is ok ni alles"!

's Merges vroeg vör daâg en dauw
de wekker rammelt, opstaon gauw.
De trómmel mit de bótterham,
koffie in de thermoskan.
...."Dát werke dát is ok ni alles"!

Gemint, provincie-, landbesteur,
politici van iddre kleur.
Wae zich mójt mit politiek,
löp de kans op völ kritiek!
...."Politicus zien is ni alles"!

Geld verdene, altiêd mieër,
hebzuch, geldzuch, gieët stieëg wieër.
Noeit tevri-je, noeit genóg,
wát wört der völ án geld gedoôch.
...."Wae 't langste lef, dae haet toch alles"!


HOME PLAATSNAMENOVERZICHTHOME


ÓZZE NI-JE PRINS
1988 : Teks & muziek: Jeu van de Diep (Jeu Hegger)

Refrein:
Ózze ni-je prins dát is den beste,
jao den aller-allerbeste prins.
Dát weêj same völ plezeer belaeve,
is ós aller-allergrötste wins.
Vastelaovend is wer zoeë vörbeêj,
már weêj zingen iddren daâg opni-j:
Ózze ni-je prins dát is den beste,
jao den aller-allerbeste prins.

Ens in 't jaor dan is ut wer zó wiêt,
waere weêj den alde prins wer kwiêt.
Waor ut zonne gójjerik de letste,
altiêd is de ni-je wer den beste.

Idderen herres huurs te mieër en mieër,
wae krieg der dit jaor de groeëte ieër.
Wae drug dizze kieër den hood mit vaere,
wae zal ózze ni-je prins gaon waere.

Vastelaovend en de raod ván ellef,
hure toch bi-j ieën, dát sprik ván zellef.
En weêj wieëte dát ut idders wins is,
dát der idder jaor 'ne gójje prins is.


HOME PLAATSNAMENOVERZICHTHOME


DE PRINSEGARDE
1996 : Teks & muziek: Jeu van de Diep (Jeu Hegger)

Refrein:
Vastelaovend mit de prinsegarde,
wae dát zuut blief altiêd jónk van hárte.
Moêj verzörrigd jao ván top tot tieën,
hieël de vastelaovestiêd op de bieën.
Aoveral klink dan ut zellefde liedje,
och wie moêj is toch ós dansmarietje.
Aoveral klink dan ut zellefde liedje,
och wie moêj is toch ós dansmarietje.

Wát is vastelaovend, zónder prins en raod,
kump der noeit mieër ennen optoch dór de straot.
Wát is vastelaovend, zónder blaosmeziek,
enne groeëten optoch en gaar gen publiek.

Wát zuj en orkes zien, zónder dirigent,
gójje muzikante en gen instrument.
Wát mák vastelaovend toch zó populair,
dór de prinsegarde of ut lekker waer.

Kump de prinsegarde, hieël perfek gekleijd,
dan vergaete minse, duk de werklijkheid.
Wie zuj alles loeëpe, stel óch toch is veur,
enne vastelaovend, zónder prach en kleur.


HOME PLAATSNAMENOVERZICHTHOME


PROFICIAT
1994 : Teks & muziek: Jeu van de Diep (Jeu Hegger)

Refrein:
Mit blome die bi-j diech passe, kómme weêj diech verrasse.
Blome in feine kleureprach, passend bi-j diene leve lach.
Proficiat en goj zoeë wieër. Proficiat, ok dizze kieër.
Proficiat nog ens apárt, proficiat, ech oet ut hárt.

Waekelang al oêtgeteld, waor der wát te vere velt.
Iddre kieër zien weêj wer daor, minstes twieë, drie kieër in 't jaor.
Weêj zien toch zó gaer op paad, af en toe tot 's aoves laât.
Is en fieës bi-j ós bekend, zien weêj altiêd wer present.

Vief en twintig jaor getrouwd, of en fein ni-j hoês gebouwd.
Örges vör gediplomeerd, alles wört bi-j ós geveerd.
Mit en blumke en gój zin, gaon weêj allemaol daor hin.
Trouw án ózze vrindschapsband, schudde weêj ós dan de hand.

Echt verdind gedecoreerd, mit völ lof gepromoveerd.
Bi-j ut sporte kampioen, of gelukkig mit pensioen.
Wer en leuke ni-je baan, waor me wal um fieëste kán.
Um middaag begint ut al, of wae wil kump later wal.


HOME PLAATSNAMENOVERZICHTHOME


SAME
1988 : Teks & muziek: Jeu van de Diep (Jeu Hegger)

Refrein:
Same, same, same, same zien weêj sterk,
jao dát hebbe weêj toch, al hieël duk gemerk,
zit de wind ok mej verkierd, ieën ding hebbe weêj gelierd:
same, same, same, same zien weêj sterk.

Op de camping in en groeëte bungalowtênt,
hebbe weêj is enne zwaore störrem gekend.
Hieël völ tente in erg bónte kleure,
waore in de wind kepot án 't scheure.
Hele weêj de touwe vas mit alle man,
zoge alle minse wát me same kán.

Lets aan waore weêj is mit en bus ónderwaêg,
op den autowaeg doe waor den tenk op ens laeg.
Zónder jas, mit opgeströpte mouwe,
mooste weêj de bus doe zellef dowe.
Mit völ mójte ging ut speul doe lankzaam wieër;
allemaol besefte weêj doe mieër en mieër:

Ás weêj same werke is ut werk half zó zwaor,
en daorbeêj zien weêj dan ok nog völ gauwer klaor.
't Is de mooite waerd um te probere,
um zoeë same wát te gaon prestere.
In ós eige dörrep en in iddre buurt,
hebbe weêj ut allemaol hieël duk gehuurd.


HOME PLAATSNAMENOVERZICHTHOME


SAME WIEËR
1995 : Teks & muziek: Jeu van de Diep (Jeu Hegger)

Refrein:
Vandaâg kán ut nog, ut is nog ni te laât.
Altiêd gaon weêj toch, same wer op paâd.
Ok al is de waêg, krónkelig of slaêch.
Altiêd, iddere kieër, gaon weêj same wieër.

Wie 'n roeëje loôchballon, 's merges án den horizón,
schient de zón dan wer hieël gauw, goldgael op de merge-dauw.
Idder muske flöt en zingk, wát ós ech tot dinke dwingk.
Idder dae ut hure wil, wört dan wal is efkes stil.

As den daâg ok mej begint, mit en bitje taegewind,
mej te kalt of mej te heit, heêr te lank en daor te breid.
Liek ok alles mej van slaâg, griêp de kanse, iddren daâg.
As ut ok völ mójte kos, same, wört völ opgelos.

Is der oeit en kans gemis, of ok mej verkierd beslis.
Oeit de vingers is gebrand, of misschien de ganse hand.
Kump der veur of taegespood, laeve op te groeëte voot,
alle minse, stuk vör stuk, blieve zeuke naor geluk.


HOME PLAATSNAMENOVERZICHTHOME


SAME ZIEN WEÊJ STERK
1988/1996 : Teks & muziek: Jeu van de Diep (Jeu Hegger)

Refrein:
Same, same, same, same zien weêj sterk,
jao, dát hebbe weêj toch, al hieël duk gemerk.
Zit de wind ok mej verkiêrd, ieën ding hebbe weêj geliêrd:
same, same, same, same zien weêj sterk!

Halde weêj ós altiêd stevig vas, hand in hand,
hieël gelukkig loeëpend dór ós Limburgse lând.
Idderieën beschouwe ás ós vrinde,
aoveral geluk zeuke en vinde.
Altiêd blieve laeve vör en ideaal,
idderieën dae zaêt ut in zien eige taal.

Vinde weêj ni altiêd wát weêj hebbe gezoôch,
löp der hieël völ anders dan weêj haje gedoôch.
Altiêd mit völ iever blieve bouwe,
op de toekoms stieëg blieve vertrouwe.
Make weêj van iddren daâg en ni-j begin,
laeve, same, mit de minse um ós hin.

Ás weêj same werke, is ut werk half zó zwaor,
en daorbeêj zien weêj dan ok nog völ gauwer klaor.
't Is de mojte waêrd um te probere,
um zoeë same wát te gaon prestere.
In ós eige dörrep en in iddre buurt,
hebbe weêj ut allemaol hieël duk gehuurd.


HOME PLAATSNAMENOVERZICHTHOME


SCHEIJ OÊT
1982 : Teks & muziek: Jeu van de Diep (Jeu Hegger)

Refrein:
Scheij oêt, scheij oêt, scheij oêt, scheij oêt mit dát getoêt.
Hald diech toch en bitje in, idderieën krieg krómme zin.
Scheij oêt, scheij oêt, scheij oêt, scheij oêt mit dát getoêt.

En joekskepel die ging ván start, wát oefende ze hárd.
Pap koch zich ok en instrument, hae bloos vol temprament.
Der waor in hoês gen hoeze mieër, en mam reep iddre kieër:

Os buurmechje is erg verliefd, ás dát már ni zoeë blief.
's Nâchs toetert dao de autotoêt, ás letste afscheidsgroet.
De minse oet de ganse straot, die rope dan hieël kwaod:

Der woort is boeënesoep gekok, die waor nog lekker ok.
Már idder wet wál iddre boeën, die guf wer ennen toeën.
De rame en de deûr ging los, wie dit verwiêt begoôs:


HOME PLAATSNAMENOVERZICHTHOME


SINT MÁRTES-KIENDERLIEDJE
1988 : Teks & muziek: Jeu van de Diep (Jeu Hegger)

Idder jaor wört ut geveerd, kump Sint Márte mit zien paerd.
Ieuwe wört der al verteld, ziene mantel is gedeld,
mit emus, mit emus, dae razelde ván de bittre kelt.
En weêj zinge iddere kieër opni-j: Merge is ut wer vörbeêj.

Mit de fakkel in de hand, ás daorin ut leêchje brandt.
Staon de sterre án de loôch, is ut dan duuster genóg,
dan waere weêj, dan waere weêj, wer haopelijk errig good bedoôch.
En weêj zinge iddere kieër opni-j: Merge is ut wer vörbeêj.

En weêj halde efkes stil, waor me ós traktere wil.
Zinge dan mit alle man, dát ut idder hure kán.
En staoke dan en staoke dan, de groeëte Sint Márteshoeëp aân.
En weêj zinge iddere kieër opni-j: Merge is ut wer vörbeêj.


HOME PLAATSNAMENOVERZICHTHOME


SINT TEUNIS GILD
2000 : Teks & muziek: Jeu van de Diep (Jeu Hegger)

Gildebroeders, staon vör eur zaâk.
Solidair zien, de grötste taak.
Ás de gild van den Abt Sint Teunis,
vör ut dörp ennen echte steun is.
Same vere weej dan mit vermaak,
gildebroeders, staon vör eur zaak!!!

Ens in 't jaor de gansen daâg,
't jaorfieës vere, gen gejaag,
weg oet den dagelijkse sleur,
positief dinke bringk wer kleur.

Enne keuning huurt der beej,
idder jaor, altiêd opni-j.
't Keuningszilver kump dan oet de kâs,
en ok de sjieke keuningsjas.

Gildebroeders mit daen drang,
werke vör elk dörpsbelang.
Is der mej ok schrik vör ut werk,
Mit völ man same, dát mák sterk.


HOME PLAATSNAMENOVERZICHTHOME


THIEË
1958 : Teks & muziek: Jeu van de Diep (Jeu Hegger)

Refrein:
Thieë, thieë, thieë,
dae wört in Lómm, mit tuite vol gedrónke.
Már mit vastelaovend,
dan wört der ok mit borrel en beerglaâs geklónke.

Ás weêj dór ut jaor wát anders drinke wille.
Drinke weêj gen beêr, már lever nog kamille.

En ás 's aoves laat, de sterre staon te blinke.
Wet geêj wát weêj dan, in Lómm ut lifste drinke.


HOME PLAATSNAMENOVERZICHTHOME


UT STÓND IN DE KRANT
1979 : Teks & muziek: Jeu van de Diep (Jeu Hegger)

Refrein:
Ut stónd in de krant, ut stónd in de krant,
már de krant, de krant de krant,
bringk de leuges in ut land.

Den dokter haet vör iddre pien
wál en gójje mediciên.
En pil vör dit, wát zalf vör det,
en vör dát geej zellef ut wet,
aet geej tot án óggen doeëd,
pille bi-j óg daaglijks broeëd.

Ze zegge politiek dae stink,
links of raêchs, net wie ge dink.
Wae wet wát der hárder telt,
idealisme of ut geld.
Topfigure ván iddre kleur,
kriege en gójje baan, op den deur.

Maatschappijhervormers zien aktief.
Wille dát der niks ván vroeger blief.
Smiete de traditie weg,
praote al wát kromp is raêch.
De theorie ván dit momênt,
krieg ok enne kieër en end.


HOME PLAATSNAMENOVERZICHTHOME


VANDAÂG JAO VANDAÂG
1993 : Teks & muziek: Jeu van de Diep (Jeu Hegger)

Refrein:
Vandaâg, jao vandaâg, nae gaar gen geklaâg.
Vandaâg, jao vandaâg, ok gaâr gen gejaâg.
Den ozel verberge tot nao ovvermerge.
Vandaâg, jao vandaâg, gaâr gen gejaâg of geklaâg.

Ging den baas ok op de fles, ni völ geld mieër in de tes,
woort ut laeve errig deur ging de bank ok ovversteur.

Idder kwartje umgedrejd, is 't geluk ok weggewejd.
Leep der mej wát oet de hand, veel der immus dór de mand.

Waor de potterskas bankrot, ging ut geld ok gans kepot.
Idderieën zoot iddren daâg, mit den ozel in de maag.


HOME PLAATSNAMENOVERZICHTHOME


VREDE
1997 : Teks & muziek: Jeu van de Diep (Jeu Hegger)

Refrein:
Vrede op de werreld, enne wins, en ideaal.
Aoveral bespraoke, in iddre taal.
Mit hieël völ vertrouwe án de toekoms bouwe.
Zal ut ens gebeure, kan vrede ieëuwig deure?

Weg oet eige land, hoês en haard verbrand,
kunne ni terug, vör geweld gevluch.

Idder continent, haêt oeërlog gekend.
graove tyrannie gen economie.

Oeërlog en terreur, alles vlam en veur,
ieëlend, puin en roeëk, dór dát oeërlogsspoeëk.

Politiek belang, vlamme in de pan,
már nao en bestând wieër gaon, hand in hand!


HOME PLAATSNAMENOVERZICHTHOME


DE WALKMAN
1991 : Teks & muziek: Jeu van de Diep (Jeu Hegger)

Refrein:
Daag en nâch de "walkman" aan, nemus wet wát ik hure kán.
'k Zi-j dan gaar niks um mich hin, krieg ván zellef gójje zin.
Mit en bändje fein meziek, veul ik mich geweldig riek.
Mit en bändje fein meziek, veul ik mich de keuning te riek.

Loeëp ik mit de pröpkes op de oere,
staon de minse aoveral te loere.
'k Wieët dát idder lachend löp te dinke,
wie zal zonne "walkman" toch wál klinke.
Luustert dae naor jazz of populair klassiek,
of wer naor zon simpel dialek-meziek.

Lets aan waor der is en alde dame,
koch zich ok zon ding bi-j de reclame.
Haet nouw gennen tiêd mieër um te praote,
want zeej kán ut luustere ni laote.
Ieën ding is der dát nog gaar nemus wet,
's aoves gieët dae "walkman" altiêd mej naor bed.

Emus wój gaer af van hieël völ drukte,
haopte dát ut mit 'ne "walkman" lukte.
Wie haen ok bleef luustere, toch haet-e,
al zien drukte ni kunne vergaete.
Zoeë op ens kwaom haen tot ut besef,
ik laef ni zellef, ik waer allieën nog már gelef!


HOME PLAATSNAMENOVERZICHTHOME


WAOR BLIEF DEN TIÊD
1978 : Teks & muziek: Jeu van de Diep (Jeu Hegger)

Refrein:
Waor blief den tiêd, waor blief den tiêd,
weêj waere mej den tel has kwiêt.
Waor blieve toch de jaore,
waor blieve al die ore?
Weêj zien der toch án gewend,
án alles op aerd kump en end.
Weêj zien der al lang án gewend,
án alles op aerd kumpens en end.

De moeëde verandert ok zó duk,
verdreet dát mák wer pláts vör geluk.
Ut ni-js ván gister is nouw al wer alt,
de zörg die weêj haje löt ós gauw wer kalt.

Pas waor ut nog zomer, nouw wer kalt,
örs leef en jónk, már hieël gauw al alt.
't Is net of de werreld stieëg hárder drejt,
ás of den tiêd mit de wind wegwejt.

Nog noeit hebbe weêj zó völ luuks gekend,
de welvaart gröjde már doôr zónder end.
Már kieks te op 't end ván ut laeve teruk,
dan zaês te waorveur mákde weêj ós zó druk.


HOME PLAATSNAMENOVERZICHTHOME


WEÊJ HEBBE GELUK GEHAD
1976 : Teks & muziek: Jeu van de Diep (Jeu Hegger)

Refrein:
Weêj hebbe geluk gehad, dát zóng ut hundje en de kat.
Weêj hebbe geluk gehad, en dörp is völ fender ás en stad.
Weêj hebbe geluk gehad, jao ierlijk, weêj hebbe geluk gehad!

Ennen hónd en en zwervende kat, die haje völ ozel gehad.
Zeej troffen ut ni slaêch en kwaome in Lómm teraêch.

En vri-jjend paar oet de stad, haj gaer en huuske gehad.
Zeej lozen in de krant, ván Lómm op ut platteland.


HOME PLAATSNAMENOVERZICHTHOME


ENNE WERRELD ZÓNDER GELD
1978 : Teks & muziek: Jeu van de Diep (Jeu Hegger)

Refrein:
Och waor der op de werreld is gen geld,
och woort der toch is ni zó völ geteld.
Der waor gen erm of riêk,
allemaol waore weêj geliek.
Waorum make weêj os druk,
geld allieën bringk gen geluk.

Der woort en erfenis gedeld, alles waor precies geteld.
De femiêlie kwaom bi-j ieën, alles delde ze oetrieën.
De notaris mit de klerk, haje waekelang gewerk.
Allemaol waore ze opgeluch en ze zeije mit enne zuch:

Bi-j de bank án ut loket, zien ze altiêd aeve net.
Alles wát der is gespaard, wört daor zelde lang bewaard.
Köp der immus gaer en hoês, lieënt dae ut geld daor oet de kloês.
'k Vraog mich af wie zuj ut gaôn, ás ut geld ni háj bestaon.

Waor ut geld der noeit gewes, haje weêj ok niks op de tes.
Idder beek zien eige broeëd, of hae ging ván hónger doeëd.
Már ut geld kwaom in ut land en ut ging van hand tot hand.
Nemus háj ut oeit verwâch, geld dát kreeg en groeëte mach.


HOME PLAATSNAMENOVERZICHTHOME


WIE DE WIND OK WEJT
19?? : Teks & muziek: Jeu van de Diep (Jeu Hegger)

Refrein:
Wie de wind ok wejt, 'k drej wál mej ás haen drejt.
Wej ik altiêd mej mit de wind, hald ik idderieën tot vrind.
Wát der ok gieët gebeure, 't zal mienen tiêd wál deure.
Wát der ok gieët gebeure, 't zal mienen tiêd wál deure.

Crisis in de politiek, idder zaet hae haet geliek.
Altiêd wál örges stake, um ut hárdste kwake.
Idderieën wil altiêd mieër, 't laeve gieët ván zellef wieër.

Is ut werm of is ut kâlt, bin ik jónk of bin ik âlt,
laeve ván de hând in den tând, of en vermeuge achter de hând.
Is ós zörrig en dae stress, hieël duk ni vergefs gewes?

En de musse op ut daâk, hebbe zich noeit zörg gemák.
't Water dát naor de zieë toe löp, haet nog noeit zich opgehöp.
's Lintes dan krieg de nateur, wer vanzellef en frisse kleur.


HOME PLAATSNAMENOVERZICHTHOME


WIE LANG BLIEF DE WERRELD NOG DREJJE
1979 : Teks & muziek: Jeu van de Diep (Jeu Hegger)

Refrein:
Wie lang blief de werreld nog drejje,
en wie lang blief de wind nog wejje,
wie lang is der nog aolie,
wie lang nog energie.
Wie lang is der aerdgaas genóg,
wie völ jaore nog frisse loôch?

Weêj zien án alles op aerd zó gehech,
ut lifste wille weêj heer noeit mieër weg.
Már ieëne kieër, dan is ut gedaon,
ás der gen laeve mieër kán bestaon.

Al hebbe weêj dan ok nog zó gespaard,
jao altiêd már gewerk en geplaard.
Och alles wát weêj hebbe op aerd,
is dan vör ós op ens niks mieër waerd.


HOME PLAATSNAMENOVERZICHTHOME