HOME PLAATSNAMENOVERZICHTHOME


A CAPELLA
2001/2002: Teks & kompeziesie: Chrétiën Molenbrugge
Zang: Hannen en Alt


Refrein:
Zing ein leed veur dien sinjora, edere daag opnuuj.
Zing dan van amore, leeflik en a vuuj.
Zing ein sjone melodieja, of ein sjoon koeplet.
Zing ins get romanties, same in duwet.
Zing ins a capella, det vinj ich zo net.

Same aan ´t Madre, zote veer allein.
´t Waas dao picco bella, same dun biejein.
Ich keek in dien ouge, helder wie azuur,
zong veur dich ein leedje, van amor mit vuur.

Zegk ich bonna sèrra, bie dich aan de deur,
sjpraek ich sjone wäördjes, euver rozegeur.
Krieg ich dan ein muulke, geit mien hert tekeer.
Es ich dan nao hoes gaon, klink mien leedje weer.


HOME PLAATSNAMENOVERZICHTHOME


A LA DAN MAAR WEER
1997/1998 nr.1: Teks: Jan Huyskens & kompeziesie: Jan Huyskens
Zang (*) : Jan Huyskens

Refrein:
A la dan maar weer, a la dan maar weer,
dao gaon veer maar weer, veur de zoväölste keer.
A la dan maar weer, a la dan maar weer,
mesjien waerd 't leuk nao ein paar glazer beer.
Ich höb zonne haekel aan al det gesjooj,
blief eerlik gezag lever hiej aan de kooj.
Maar a la dan maar weer, maar a la dan maar weer,
mesjien det ich mich dit jaor good ammezeer.

Ich bön väöl te good en ouch väöl te braaf.
Soms dink ich, kom op, sjpraek ins flink van dich aaf.
Zo rondj fibberwarie, krieg hét ein idee,
dan maak 't de pekskes veur os alle twee.
Dan reup 't vanachter zien neijmesjien:
"Doe geis in de optoch verkleijd wiej 'ne knien".

Ich zegk eder jaor: "Ze kinne mich get".
Zo meug wiej 'ne ponnie val ich saoves in bed.
Ich zjweit mich te barste, es knien of es baer,
en hét is de jaeger mit ein heel groot gewaer.
't Volgend jaor krieg ich ein gans nuuj pak.
Dan geit hét es doedel en ich bön de zak.

Ich bön eine maf, trap eder jaor d'rin.
Dit jaor op de broelof waas hét de boerin.
Ze zag taege mich: "Bön maar neet te sjoew,
ich trouw mit 'ne-angere, maar doe geis es koe.
En komme veer trök van den boerebal,
dan zette veer dich lekker werm op de sjtal".

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


AAN DE BOEMEL
2007/2008: Tekst & muziek: Thei van Cruchten
Zang: Thei van Cruchten

Refrein:
Hei sjat, waat dach se wat,
Es tette v’r same aan de boemel zólle gaon
Hei sjat, waat dach se wat,
Es tette v’r same aan de tapkas ‘ns gaon sjtaon
Van ’t eine op ’t angere bein
Op dae hoempapa meziek
Jao det is toch waat ós zuide maak
Zo riek mit de meziek

Aangemaord en aangesjind, veur det ’t sjpeel begint
De sjpaarkas waerd alweer gelich, zo blie wie ein klein wich
Jao, veur ammezere ós van ’t eine nao ’t anger haer
En neet allein es ´t zunke sjient, mer ouch biej raegenwaer

Zegk mich wo se haer wils gaon, dan loup ich al veuroet
En es ´t d’r mer joeksig is, haaj ich ´t dao waal oet
Mit get sjaele wazel en ein huipke sjtómme kal
Haop ich det vastelaovend veur ós altied blieve zal


HOME PLAATSNAMENOVERZICHTHOME


ADIEU
2004/2005: Tekst: Chrétiën Molenbrugge - muziek: Stef Kupers
Zang: Hannen & Alt

s’Zomers aan de Cõte d’azur
Vroog Yvette mich om vuur
Dronke wien in ein café
Same op-pe canapé
Nump mich eine grand charmeur
Waas zo bleut, zoog gein malheur
Mer nao det sjoon entrée
Weg -- portemonnee.

Refrein:
Adieu mademoiselle
Gaef mich ein Lies of El.
Zo’n maedje det ’t plat versjteit
En gaer ins aan de boemel geit
Veur mich gein mon chéri
Geweun ein Lien of Rie
Die wil ich gaer, parbleu
De franse sjlaag; adieu.

Wanjel ich door Saint Tropéz
Reup Michelle; kom allée
Hiej biej mich is romantiek
Vonj mich sjiek en magnefiek
Goof ’t mich ein glaas rosé
Baove waas ich gans privé
Sjting zo op ’t trottoir
Zag -- toen au-revoir


HOME PLAATSNAMENOVERZICHTHOME


AI-JAY-JAY-JAY-JAY
Teks: Crit Molenbrugge - meziek: Wiek Chermin
Oetveurende (*) : Dames Prinsekepel

Mit Vastelaovend, den zuus-se hiej get,
drie daag fiesta en nemes nao bed.
Neelke 't ketje, det maak zich weer op,
en heurt biej de sjmeed oppe sjop.

Refrein:
Aj, jaj, jaj, jaj, jaj, ja.....
hiej kinse danse,
hiej kinse sjanse,
hiej zeen dien kanse.
Ja,
hiej heurse zinge,
hiej doon ze sjpringe,
hiej gaon ze draan.

Mit Vastelaovend is in Neel get oet,
Kobes de kater, dae poets wee zien sjnoet.
Danse en sjpringe, dét vinjt hae heel fijn,
hae heurt al biej 't Betjesplein.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


D'N AJE
Teks: Thei van Cruchten & Riet Bongaerts - kompeziesie: Thei van Cruchten
Zang (*) : Sjnaps

Refrein:
D'n aje, d'n aje, det bösse al nao ein jaor.
Blondj, rood of zjwart, bön gerös, doe kries gries haor.
D'n aje, d'n aje, dae haet det gaer gedaon.
En dae nuje sjteit te sjpringe om bie die aje gaon te sjtaon.

Es prinske zeen veer gebaore, 't gebeurde pas nao jaore.
Van klein nao groot gegreujd, veur 't eerste gesjprek geneujd.
De veurzitter noom 't waord, zien kemissie haaj verklaord.
Dich zols 't wille doon, oze prins is toch zo sjoon.

Dao zeen veer en kiek hiej sjtaon veer, eine nuje d'r bie, eder jaor weer.
Meer rumpels zeet geer waal, och det is os knatsch-egaal.
Mit uch in os Kater-riek, loesterend nao dae blaosmeziek,
veule veer: 't zit weer good, en gaon door mit nuje mood.

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


AJE SJAREL
Tekst: Ton Custers - melodie: "Old Mac Donald"
Zang: Ton Custers

Aje Sjarel haaj ein sjuur, hi a hi a ho.
En in die sjuur, dao sjtóng ein koe, hi a hi a ho.
En boe boe hiej, en boe boe dao, hiej boe, dao boe, euveral boe boe.
Aje Sjarel haaj ein sjuur, hi a hi a ho.

Aje Sjarel haaj ein sjuur, hi a hi a ho.
En in die sjuur, dao sjtóng ein paerd, hi a hi a ho.
En hi hi hiej, en hi hi dao, hiej hi, dao hi, euveral hi hi.
Aje Sjarel haaj ein sjuur, hi a hi a ho.

Aje Sjarel haaj ein sjuur, hi a hi a ho.
En in die sjuur, dao sjtóng ein aenjd, hi a hi a ho.
En kwek kwek hiej, en kwek kwek dao, hiej kwek, dao kwek, euveral kwek kwek.
Aje Sjarel haaj ein sjuur, hi a hi a ho.

Aje Sjarel haaj ein sjuur, hi a hi a ho.
En in die sjuur, sjtóng eine hóndj, hi a hi a ho.
En woef woef hiej, en woef woef dao, hiej woef, dao woef, euveral woef woef.
Aje Sjarel haaj ein sjuur, hi a hi a ho.

Aje Sjarel haaj ein sjuur, hi a hi a ho.
En in die sjuur, dao sjtóng ein sjaop, hi a hi a ho.
En mae mae hiej, en mae mae dao, hiej mae, dao mae, euveral mae mae.
Aje Sjarel haaj ein sjuur, hi a hi a ho.

cd 1998: Ton Custers - "Es se mit wils doon" -
co-produksie van Jong Nederlandj Limburg en Omroep Limburg


HOME PLAATSNAMENOVERZICHTHOME


ALLEIN MIT DICH
2001/2002: Teks: Henk Giesbers - kompeziesie: Tof Deckers
Zang: Jacques Verkoulen

Refrein:
Allein mit dich wil ich vannaovend,
allein mit dich wil ich vannaovend zeen.
Dien leef gezich, dien uig zo väöl belaovend.
As ich ein puntj moog gaeve, waerde ´t ein teen.
Waat ein gelök euverkump mich zo opins.
Doe bös de sjoonste op aerd, en ich veul mich diene prins.
Dien leef gezich, dae lach zo väöl belaovend.
As ich ein puntj moog gaeve, waerde ´t ein teen.

De zate hermenie geit draan, jao, ´t fees kint gaon beginne.
Opins kump dao ein maedje aan, det betouvert mich van binne.
Ich sjraapde al mien mood biejein en vroog det kiendj de dans.
En wie ´t in mien erme laag, wis ich, dit is ´t gans.

Verpoepzakt dansde veer mer door en ich vroog: "Wie hits doe leve sjat ?"
Opins kump dao eine sjieke heer en hae zaet: "Sjaan, waat is det noe weer".
Ich zegk: "Meneer, ich zorg d´rveur, maak uch neet ongerös.
Ich bring uch dochter veilig toes as ´t mich haet gekös".


HOME PLAATSNAMENOVERZICHTHOME


ALLES D'R OET
2004/2005: Tekst: Theo v.d. Woude, Ronald Vorage & Clemens Maessen - muziek: Clemens Maessen
Zang: SJNAPS

Refrein:
veer haole d'r oet waat d'r in zit, en gaon veurluipig neet nao hoes
veer wille sjoje en joetse, waat mótte veer daoróm toes
sjlaope, wasse, sjmienke en det alles in ein oer
sjpoje zól se mótte, want 't is van kórte doer

vastelaoveszaoterdig, 't sjtartsjot van dees daag
plezeer en sjpas sjteit baovenaan in plaats van väöl geklaag
de kleine uurkes braeke aan, en veer sjtaon in de riej
ein sjoon resepsie haaj dae Prins, de daag is al veurbiej

op zunjig trek d'n optoch, waat ein sjoon geheel
maondig is 't rundje Sjnaps, mit artieste hiej oet Neel
dinsdig dinkse biej dien eige, nog efkes d'r veur gaon
goonsdigmorge wilse weer, maar 't is toch ech gedaon

Ós geheim det moog geer weite, det vinje veer gein bezjwaor
Veur ein bietje te hersjtelle, kries se meistal ein gans jaor


HOME PLAATSNAMENOVERZICHTHOME


ALLES GOOD
2008/2009: Tekst: Wil Scheepers - muziek: Tof Deckers
Zang: Wil Scheepers

Ich ligk hiej op mien benkske
Dao kump mien leefde aan
Die fluustert aan mien wengske
Veer gaon d’r taegenaan
Ich kin d’r neet good taege
Al gauw is ‘t te drök
Biej zón of biej de raege
Zit in dae kraag det sjtök

Refrein:
Alles good, alles klaar
Jao, ich bön weer de sigaar
Alles good, alles klaar
Jao, noe zeen de rape gaar
De Vastelaovend is heel sjoon
Drie daag höb se get te doon
Alles good, alles klaar
Jao, ich bön weer de sigaar

Noe zuus se mich al dinke
Och waas ich toch maar toes
Diej luuj blieve maar winke
Dao kump weer eine sjoes
Ich höb d’r geine zin in
Waat doon ich dan nog hiej
‘t leefs houw ich de pin drin
En höb ich sjiet aan die

Ich doon weer aeve lollig
En lach nao dich en dich
Det beer maak mich zo mollig
En maak ein ton van mich
Sóms vraog ich aan mich zellef
Waat höb ich toch misdaon
Dan tel ich weer toet ellef
En wil nao hoes toe gaon


HOME PLAATSNAMENOVERZICHTHOME


ALLES KUMP GOOD
2003/2004: Tekst: Chrétiën Molenbrugge - muziek: Stef Kupers
Zang: Hannen en Alt

Refrein:
alles kump good! det waerd zo döks gezag
alles kump good! zowie se hads verwach
al sjteit de windj sóms taege of sjtormt ´t in dien glaas
de waereld blief bewaege en altied sjtruimt de Maas
want mit gedöld en goje mood
kump alles toch weer good

mit koeraasj gaon ich op sjtap
sjpooj mich nao befet en tap
es ich weer nao hoes mesjeer
waggel ich sjteeds op en neer
mien sjleutelgaat det blief neet sjtaon
´t bed wilt links en rechs op gaon
det letste glaas waas zeker sjlech
lermeteer, ich höb weer pech

ich zing gaer geweun mit sjpas
rope ziej dich bös toet las
want dien sjtum klink wiej ein toet
en ´t kump d´r krakend oet
es zenger sjtaon ich den veur sjöt
en krieg gein blome mer de pöt
ich zegk de kuns waardeert men neet
wit se waat ich zeker weet


HOME PLAATSNAMENOVERZICHTHOME


ANGERMANS SJOON
2003/2004: Tekst: Riet Bongaarts - muziek: Jos Habets
Zang: Veer Twee

Refrein:
es ich zól sjtaon wo hae noe sjteit
dan sjtóng ich in zien sjoon
en waem zaet mich en waem zaet dich
vinj ich zien sjoon waal sjoon
want waat is sjoon en waem is sjoon
ich gaef ´t dich te doon
es ich zól sjtaon wo hae noe sjteit
dan sjtóng ich in zien sjoon

´t Is de ellefde, ellef oer ellef
ich kroep noe pas oet bed
veur mich begint de sjoonste tied
dae vastelaovend hét
en eer ´t weer asgoonsdig is
´n lange tied te gaon
ich vraog dan dökker óm mich haer
wóls dich in mien sjoon sjtaon

de leedjesaovend is noe dao
veuls de sjpanning euveral
ouch bóntje aovend kump d´r aan
väöl eks mit sjtómme kal
ich vinj ´t heerlik, zalig
óm dao aan mit te doon
mer mót ouch eerlik zegke
sjtaon te razele in mien sjoon

de Prins, de raod en de meziek
´t waerd altied aeve laat
en sjmorges waal ins neet tegooj
doe vreugs dich aaf van waat
mer es ich ze dan toch aevegood
óm ellef oer heur gaon
drej ich mich nog ins lekker óm
wól in häör sjoon neet sjtaon


HOME PLAATSNAMENOVERZICHTHOME


ANGERSOM
2008/2009: Tekst & muziek: Maessen & Vorage
Zang: Gein Sjtum

Refrein:
Waat bön ich eine aezel, waat doon ich noe toch weer,
’t mot neet gekker waere, maar ’t gebeurt mich ederskeer
Waat bön ich eine knuppel, waat bön ich toch sjtom,
Want alles waat ich doon jao, det doon ich angersom

Gaon op paad mit ein laege beurs, winkele in de sjtad
Föhn mich sjnel de haore en gaon dan pas in bad
Sjlaope doon ich euverdaag, blief wakker in de nach,
De grap nog neet gemaak, toch sjeet ich in de lach

Vleis det aet ich mit de laepel, soep mit de versjet,
´s aoves aet ich kornfleeks, sjmorges ein frietje mèt
Es de muziek dan oetsjeit, dan kom ich pas good los
de eier zeen al op, eer paose is begos.

De ganse daag al in de zon, sjtriek mich dan pas in,
Veurdet ich gaon sjporte, bön ich al aan de pin
Es ederein geit zitte, dan gaon ich meistal sjtaon
Kömp de meute binne, bön ich al aan ‘t gaon

Bön heringe aant sjèlle, de vastelaovend nog neet dao,
En es ich dan ins nae bedoel, dan zegk ich altied jao


HOME PLAATSNAMENOVERZICHTHOME


ANNEMIEKE
Teks: Henk Giesbers - kompeziesie: Henk Giesbers & Jacques Verkoulen
Zang (*) : Jacques Verkoulen

Refrein:
Anne, Anne, Annemieke, dans de letste wals mit mich.
Anne, Anne, Annemieke, 't waerd get tösse dich en mich.
Allein op sjtraot sjnachs in 't duuster, kindj ich bring dich veilig toes.
En nao 't allerletste muulke, gaon ich pas nao hoes.

Waal drie keer ging ich al op paad, mer edere keer get te laat.
Want Jan, Joep en Frenske, die pakde häör kenske.
En ich höb 't naokieke bie Annemieke.

Mien kans griep ich noe weer opnuuj en duuj ich mich door drie rieje luuj.
Noe gaon ich op vleugels, laot los noe de teugels.
Jao eers effe danse, en dan mit 'm sjanse.

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


ARIE DE HAAN
2000/2001: Tekst & muziek: Thei van Cruchten
Zang: SJNAPS

Refrein:
Jao, det is Arie de haan,
wie det de zon opkump geit hae weer draan.
Al daag wie eine gek jeug hae alle hoonder vanne sjtek.
Mer nao ein handj vol opfokvoor, kakele de hoonder in koor.
Dae haan, dae is harsjtikke gek, doot dem ein reemke omme nek.

Kukele, kukele, ku, kukele, kukele, ku,
kukele, kukele, kukele, kukele, ku.

Veer zitte oppe sjtek, gezellig same naeve-ein,
os lekker get te werme want det doon veur os aanein.
Dae Arie sjteit te loere en sjtik de bors veuroet.
´t Pölke bie mich naeve sjrik en kniep d´r tösse-oet.

Arie krieg bezeuk van de rechter oppe sjtoep.
Hae kreijt zich van ´t versjtandj en de buurt geit in beroep.
Hae mot noe op retraet, ein dörpke verderop,
mer wie de bure zeen verhoes, sjtik hae de kop weer op.


HOME PLAATSNAMENOVERZICHTHOME


BALKEBRIEJ
("O, dat huiswerk", 1980)
Teks: Henk Giesbers - kompeziesie: Peter Blanker
Zang (*): De Kloekers (Ruud Beeren, Peter Naus, Maurice Voestermans)

Refrein:
Nae, nae, 't is nog neet veurbiej, ich ruuk balke, balkebriej.
Ao wie zalig, ao wie lekker.
Kom op en gaef mich mer de res, want det goedje sjmaak mich bes.
Ao wie zalig, ao wie lekker.
't Water sjteit in miene mondj, aet mien buukske lekker rondj.
Want nieks is ter zo gezondj es eine goje ongergrondj.
Ich gaon gaaroet neet nao hoes, al bön ich Kater, Uul of Moes.
Want mit balke, balkebriej, geit 't door toet wied nao driej.

Mam sjteit der daag veur in de keuke, trek beljong van verkesköp.
Mit sjtökskes vleis en sjpek en laever, waat haet mam 't drök.
Mael, ries, krinte en reziene en väöl kruje, van die fiene.
Effe braoje in de pan, och bring mich der get van.

Saoves mit de vastelaovend, miene maag dae bromt en knort.
De ganse daag dae sjaele zeiver, bring mich toch ein bord.
Mets, versjet en lekker zjwartbrood, appele bakke, ao wie good.
Effe rope nao mien mam, och bring mich der get van.

* cd (ca.1991) : " 4 x 11 Neelder vasteloavend "
* cd 1996: De Katers - " OrzjeNeel 2 " - Onger Os 7295
* cd 1999/2000: De Katers - " OrzjeNeel 4 " - Onger Os 7361


HOME PLAATSNAMENOVERZICHTHOME


BANG DET ICH WAKKER WAER
Tekst & muziek: Ton Custers
Zang(*): Ton Custers

Bang óm aaf te sjtaon waat d'r nach neet is
haaj ich vas aan de druime die ich mis
en ich loup nach sjteeds veurzichtig óm dich haer
bang det ich wakker waer

't woor de eerste keer det 't mich emes zag
wo ich zelf zo lange tied op haaj gewach
en ich fluuster sinds dae daag get veur mich haer
bang det ich wakker waer.

En wie ich auch d'r taenge vech
ich zink d'r langzaam aan in weg
of is det waat ich 't leefste mit dich wil

Ich blief haope oppe wiezer dae dao drejt
toet veur allebei de tied 't zelfde sjteit
zónger waat of waem den auch te kort te doon

* cd 1997: Ton Custers - "Wiejer kieke"


HOME PLAATSNAMENOVERZICHTHOME


DE BARBEKJOE
2004/2005: Tekst: Hyke Wieriks - muziek: Stef Kupers
Zang: Hannen & Alt

Pap dae sjteit te sjtaoke op ’t plaetske in de haof
want de barbekjoe mot aan
kiek hem blaoze in de kaole en de kop zit vol mit sjtaof
och waat geit dae man d’r aan
en ’t sjpek det ligk te sjnirke en de kip is half verbrandj
van de oje krieg hae traone en de wors velt in de zandj
en zien vruiwke oppe stretsjer zuut hae klamp
want die ligk dao mit de bölles in de damp

Refrein:
K-i-e-k nao os mam – die ligk te zonne in haor allerbeste bloot
kiek toch ins nao os mam – ze drèjt zich om en om mer is nog lang neet good
k-i-e-k nao os mam – ich bön benuujt waat sjtrak ‘t beste is gelök
’t vleis dao oppe reuster van os pap –
of is de broene rögk van mam ’t sjoonste sjtök.

Pap dae sjteit te braoje in de hitte en de zon
want de barbekjoe brandj good
korte boks en op sandale en ein blome sjölkske om
oppe kop ’n sjtreuje hood
en ’t sjpek det ligk te sjnirke en de kip is half verbrandj
van de oje krieg hae traone en de wors velt in de zandj
en zien vruiwke oppe stretsjer zuut hae klamp
want die ligk dao mit de bölles in de damp


HOME PLAATSNAMENOVERZICHTHOME


BEL DE BRANDJWAER
2007: Teks: Ar(nol)d Wassen, Reuver - muziek: ?
Zang: Hannen & Alt

Es Jan ’t oppe heupe haet, den waert ’t eine ramp
Den sjnap d’r zich van gekkigheid ein sjtaonde sjemerlamp
Den reup d’r, leve sjat kom höf de veut op.
Mer kindj, waat höbs doe altied sjone blome-heud op
Mer ozze kastelein dae reup den, Jan neet doon
En wies den efkes later nao de tillefoon

Refrein:
Bel de brandjwaer, bel de ambulance
Want ozze Jan is mit ein sjemerlamp aan’t danse
En al sjient ’t eine kael wiej eine boum te zien
Hae kint baeter taege beer, es taege sjtroum, mesjien
Ich wil neet zegke, det zón luuj wiej Jan neet douge
Mer veer gunne hem DIT leech neet in de ouge

De brandjwaer-commandant dae zag toen, laot det lempke los
En es dich sjtrak die “werme leefde” doezjend euro kos
Den wèt-se good wo det aan haet gelaege
Doe hèls van lampe, mer vandaag leeps dich d’r taege
En ouch al belle ze os noe nog hongerd keer
Veur zonne lampedanser komme veer neet meer

D’r zoot ’n mager vruiwke in de kroeg, ze waas allein
Doe kôs häör röbbe tèlle, det waas vel en det waas bein
’t kindj droog ein verfoemfaajd blome-heudje
En ozze Jan dae kreeg kómpassie mit det bleudje
En wiej ’t viéf menute later aan ‘m hong
Kint geer waal raoje, waat det gans kefeeke zong.


HOME PLAATSNAMENOVERZICHTHOME


BELAEF DE DAAG
2007/2008: Tekst & muziek: Jo Aubert
Zang: Allemaol Beerbuuk

Refrein:
Belaef de daag van vastelaovend eder jaor weer in ein goje buuj
Belaef ’t mit ós mit, belaef ´t weer opnuuj
Belaef de daag van vastelaovend eder oer drie daag op ein riej
Belaef de daag noe ’t nog kint, nao woonsdaag is ’t veurbiej

Verkleid en gesjmink same gaon veer op sjtap
Veer make ós neet drök, drinke kaje gerstesap
Veer sjwinge op meziek van de zate hermenie
Ein welske nao dae sjoenkeleer, danse zie aan zie

Verleef op dien leef same is ’t zo sjoon
Genete van ’t laeve es prins, piraat of kloon
Es veer gelökkig zeen in det sjone ougenblik
Dan dinke veer aan ederein dae biej Petrus zit


HOME PLAATSNAMENOVERZICHTHOME


DE BESJTELLING
2002/2003: Tekst: Marion Geraedts - muziek: Hub Boesten
Zang: Es–Veer (net neet gek genóg)

Refrein 1 en 2:
Veer grote en drie kleine, twee sjoes en ein half óm,
vief cola veur de kienjer, det klink nog neet zo sjtóm.
En dan nog eine sinas en ein spaatje veur de BOB.
Mer BOB is effe weg, dae maak ein sanitaere sjtop,

Refrein 3 en 4:
Veer grote en drie kleine, twee sjoes en ein half óm,
vief cola veur de kienjer, det klink nog neet zo sjtóm.
En dan nog eine sinas en ein spaatje veur de BOB,
laot det spaatje noe mer zitte, want ich krieg ze oppe kop.

Veer gaon vannaovend sjtappe, want ich gaon d´r gaer ins oet,
´t leefs mit vastelaovend mit ein gesjmienkde sjnoet.
De besjtelling haole, det is vandaag mien taak,
ich kan nieks meer ónthaje, höb d´r ein leedje op gemaak.

Ich sjörg mich nao de tap toe, want ´t is ech heel erg drök.
Dao mót ich heel lang wachte en ich raak van mien sjtök.
Waat mós ich noe toch haole, ich weit ´t neet meer, sjit.
Kint geer mich neet ins helpe, kóm noe zing ins mit ós mit.

Waat is mich noe gebleke, ich bön vandaag de BOB.
Ich höb bes väöl gedrónke, det is toch eine sjtrop.
De sjpa waat ich zól drinke, sjteit hie nog op ein rie,
noe mótte veer mer loupe en nemes is nog blie.

Ich zit in de probleme, want mien leedje werk neet meer,
ze drinke noe get angers, de eersvolgende keer.
En es ich bie de tap kóm mit mien henj weer in de haor,
zaet die: ich weit ´t waal noe, uch besjtelling sjteit al klaor.

Mer ich bön toch waal gelökkig, want mien taak, die zit d´r op.


HOME PLAATSNAMENOVERZICHTHOME


BETJESPLEIN
Teks & meziek: Thei Sillekens
Oetveurende (*) : Jan Huyskens

De kattemaondj, dae is weer aangebraoke,
en edere kater maak de sjtert weer op.
Hae kruup door hékge en sjreef door de sjtraote.
Kom ketje-leef, veul wie mien hertje klop.

Refrein:
Wo dae waeg aan Betjesplein 't dörp in geit,
wo det blauw mit wit gesjilderd bördje sjteit,
dao wone de Katers, dao is häör pelies,
dao haet Sjeng de Grieze zes jaor lank gemies.
Dao wone de Katers, dao is häör pelies,
dao haet Sjeng de Grieze zes jaor lank gemies.

D'allergrootste van de heel bewaeging,
det is Sjaek Sjepers, Kater nummer ein.
Dao is gein ketje in de heel omgaeving,
waat hem neet kint, al is 't nach zo klein.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


BETRAOND PAPIER
Tekst & muziek: Ton Custers
Zang(*): Ton Custers

Hiej zit se wiet van hoes en druims van wie 't dao noe is
Nao 15 jaore wèrke wèt se neet good meer waas se mis
Allein nag waat dao vreuger woor
en waas se eins in 't jaor dao effe zuus.
Doe kwooms hiej veur zo lange tied en haajs toen krach veur 10
En noe kènse de zwarte door de gries haor neet meer zeen
en vreugs dich aaf waat of de zin d'r van woor
doe vónjs hiej nieks nuuts.

Noe sjriefse breve desse 't höbs gemaak
en hiej sjient altied de zón
Vergits veur 't gemaak det de wintjer net begón
En dien kinjer die se 6 keer höbs gezeen zaes se elk op hör manier
Nach effe de groete, op betraond papier.

Doe kals nach euver toes mer wèts zelf al neet meer wo det is
Is det hiej of dao achter woos se dich ooit eins höbs vergis
door te dinke det 't hiej zovöl baeter
en diene haop op toekoms woor
Doe waers nach net getolereerd, mer 't sjtik dich es se zuus
desse door de meiste luuj toch in 't heukske waers geduujd
van wo det es 't toch den mót de klappe valle gaon
doe zjwiegs en löps door.

* cd 1997: Ton Custers - "Wiejer kieke"


HOME PLAATSNAMENOVERZICHTHOME


BIENAO NEET TE DOON
2003/2004: Tekst & muziek: Ton Custers
Zang: Bienao te laat

Refrein:
noe zegk toch zelf wo zeen veer hiej mit bezig
vastelaovend det is bienao neet te doon
pas net op gang, mer jóng veer mótte toet asgoonsdig
en nao det effe toch de tóng al oppe sjoon
ich bön zo meug van al det lache en det sjanse
ich kin neet sjtoppe mit ´t sjpele van de kloon
pien in de bein en in de veut van al det danse
de vastelaovend det is bienao neet te doon

ich zoog ´m en ich dach toen det geit ech neet lang meer good
dae haet ´t bienao hiej gehad
hae hing op eine sjtool en heel zich vas aan ziene hood
dae hae mit zorg haaj aafgezat
ich zag zegk jóng wie geit ´t nog mit dich
hae keek mich aan mit ein verbaas gezich
toen zoog ich eine hele breije lach
en wit-se waat hae toen taege mich zag

´t woor weer ins te laat óm nog op tied nao hoes te gaon
mer de kepel die ging nog door
wiej ich aan ´t zinge bleef en neet meer sjtil kós blieve sjtaon
toen wis ich ech wiej laat ´t woor
net veur de allerletste polenaes
toen veulde ich dit is teväöl gewaes
ich dach weer aan dae man mit ziene lach
en waat dae taege mich toen haet gezag

ómdet ich daoróm volgend jaor mesjien waal euversjlaon
wil ich dit jaor eedre daag ´t allerlets nao hoes toe gaon


HOME PLAATSNAMENOVERZICHTHOME


BIETJE VAN DIT
1993/1994 nr.1 : Teks: Hyke Wieriks - meziek: Wiek Chermin
Oetveurende (*) : Veerdriekwaart

Refrein:
Bietje van dit, bietje van det,
mit vastelaovend kôm ich neet in bèd.
Bietje van dit, bietje van det,
asselegoonsdaag, det haol ich nog net.

Ich gaef dich ein muulke - doe bös miene sjat.
'n Lekker klein muulke - ich höb d'r toch zat.
'n Kös op dien wengske - en op diene môndj.
'n Klein bietje vrieje, det is toch gezôndj.

Ich gaon mit dich danse - de bein in de lôch,
begin mit ein welske - d'r zeen d'r genôg.
'n Foxtrot of tango - veer drejje in 't rôndj.
'n Klein bietje danse, det is toch gezôndj.

Veer klinke de glazer - 'n pilske det sjmaak.
Det greij is toch neet - veur de mösse gemaak.
Mer haai 't gezellig - en maak 't neet bôndj.
'n Klein bietje drinke, det is toch gezôndj.

Veer zinge 'n leedje - det vinje veer gaaf,
mer Mozart, dae drejt zich - noe ôm in zien graaf.
Al is 't get vals - det heurt toch geine hôndj.
'n Klein bietje zinge, det is toch gezôndj.

* cd 1994/1995 : De Katers - " Orzjeneel " - Onger Os 7273


HOME PLAATSNAMENOVERZICHTHOME


BIETS OPPE TENJ
Tekst & muziek: Ton Custers
Zang(*): Ton Custers

Zittend wachtend op 't aafsjied
ich mós nach zovöl dinge kwiet
zovöl vraoge wo 't antjwaord nach op wach
zovöl dinge neet gezach
gelökkig det geveul van neet veur altied
mer noe det bös se kwiet.

Biets oppe tenj en gufs dae handj
doe kieks mer sjnel nao eine angere kantj
wils neet det angere 't in dien auge zeen
Sjtom, doe kieks mer neet meer om.

Wetend det de tied te kort is
wètse des se toch wörd mis
óm te zègge waas se eigelik zous wille
óm 't toch mer get te sjtille
Wèts auch neet van wanneer den weer
mer wachs noe al op dae keer.

* cd 1997: Ton Custers - "Wiejer kieke"


HOME PLAATSNAMENOVERZICHTHOME


DE BLAOSKEPÈL
Teks & meziek: Thei van Cruchten
Oetveurende (*) : Thei van Cruchten

Refrein:
Hiej kump de blaoskepèl, veer gaon d'r taegenaan.
De dieke trôm veurop, de träöte drachteraan.
Ja, ze tampeeste weer de sjtumming in de boed.
Kinse neet meer veuroet, dan mer achteroet.
Kinse neet meer veuroet, dan mer achteroet.

Kiek ze laupe mit de tuba en ein trumke oppe boek,
heur ze sjpele alle neutjes oet de kop.
Mer sjuuftrombaon, die sjtik toch wirklik baove alles oet.
De trompet duit nog ein sjöpke baovedrop.

Sjtank op en laot 'm gaon, vastelaovend blief besjtaon.

Zeen 'm sjleipe mit die bas, dae höf zich nog get in de rögk.
De klannette enn saks sjtaon naevenein.
D'n dirigent, dae reup: jönges köm, veer sjpele nog ein stöck,
want ich veul 't waert weer eine óngerein.

Sjtank op en laot 'm gaon, vastelaovend blief besjtaon.

* cd 1994/1995 : De Katers - " Orzjeneel " - Onger Os 7273


HOME PLAATSNAMENOVERZICHTHOME


BLONDJ OF BRÓEN
2005/2006: Tekst: Chrétiën Molenbrugge - muziek: Stef Kupers
Zang: Hannen & Alt

Pik ich ein terrasje, kump hae dao veurbiej
Zeen det sjone kleurke, och waat bön ich bliej
Lek mich langs de lippe, hae lach mich dan aan
Kump d’r aan mien taofel, gaon ich mit ‘m draan.

Refrein:
Blondj of bróen is mich egaal
Bol of sjmaal, ich lös ‘m waal
Ich höb ‘m toch zo gaer
Biej eder saort van waer
Ich draag ’m altied oppe henj
en sjoenkel dem nao alle kenj
Zo gaon ich wiej ein bees tekeer
Mit blonj en broene glaeskes beer

Mit de vastelaovend, haaj ich hem good vas
Es d’r neet biej mich is, doon ich geine pas
Want ich kin genete van zo’n lekker sjtök
Krieg d’r neet genog van, wil dem sjteeds weer trök


HOME PLAATSNAMENOVERZICHTHOME


BOB
2002/2003: 2002/2003 : Tekst: Jo Aubert & Joke Bongaerts - muziek: Jo Aubert
Zang: Allemaol BeerBuuk

Refrein:
Bobs doe of bob ich ?
Veurdet veer oetgaon vraog ich det aan dich.
Bobs doe of bob ich ?
Kiek ins nao mich, ich bön nog neet gezjwich.
Waem blief d´r nuchter, ich wis ´t gaer van dich.
Bobs doe of bob ich ?

Mit de vastelaovesdaag, zónger sjtök in dae kraag.
Toch höb ich väöl plezeer,
Kump de outo oet de sjuur, den geine drank achter ´t sjtuur.
Ich blief heer in ´t verkeer.
As ich mót rieje, zek ich altied: "Geine hop,
vandaag bön ich de Bob."

Nao ´t bal rie ich nao hoes, en bring ´t hele zoojtje toes.
Hilt eine plies mich aan.
Blaos ins efkes in die piep, maar ich begaon gein vergriep,
en moog weer op de baan.
As ich mót rieje, blief ich helder in de kop,
want miene naam is Bob.


HOME PLAATSNAMENOVERZICHTHOME


BOER ZEUK VROUW
2008/2009: Tekst: Hyke Wieriks – muziek: Stef Kupers
Zang: Hannen & Alt

Refrein:
Boer zeuk vrouw - mer ’t leefs ’n sjone meid
Boer zeuk vrouw – en ‘t bedje is gesjpreid
Boer zeuk vrouw – want ’t werk is al gedaon
En de kuuj, (en de kuuj) en de kuuj, (en de kuuj)
En de kuuj gaon veur te melke biej de robot sjtaon.
La la la, lalalalalala la (met trompet)
La la la, lalalalalala la (met trompet)
Boer zeuk vrouw – want ‘t werk is al gedaon
En de kuuj, (en de kuuj) en de kuuj, (en de kuuj)
En de kuuj gaon veur te melke biej de robot sjtaon.
(boer zeuk vrouw) -(letste maol.)

Mit de traktor lekker sjnäöre in de weij
En de ploog dae riet ins duchtig door de kleij
Dan de aerpele en bone in de grondj
Want ’t aete van ’t landj det is gezondj
En de pils en ouch de mèlk det geit hiej handj in handj
Zo is ’t boerelaeve op ’t platte landj

In de pollenaeze door de grote sjtal
Mit ein boerekeel of blauwe euveral
Doot dich sjtevele of klompe aan de veut
Angers bös-se in de mèskoel de pineut
En de pils en ouch de mèlk, det geit hiej handj in handj
Zo is ’t boerelaeve op ’t platte landj.


HOME PLAATSNAMENOVERZICHTHOME


CARNAVAL IN RIO, VASTELAOVEND HIEJ
2003/2004: Tekst: Wim Kuipers, Janneke Obstals & Claudia Verrijth - muziek: Clemens Maessen
Zang: Gein Sjtum Plus

Refrein:
carnaval in Rio, vastelaovend hiej
veer zinge en sjpringe in ein lange riej
errem of riek, zjwart of blank
handj in handj, drie daag langk
bös se klein, diek, gael of broen
de vastelaovend is kampiejoen

in fibberwarie viere veer de vastelaovend hiej
en loupe oze optoch ouch al is ´t dan min driej
mer in Rio bikini-waer
en oppe kop ein grote vaer

de polenaese loupe veer waal eine keer per daag
en óm de dórs te lesse drink se beer mit eine kraag
dao de samba op ´t sjtrandj
mit eine kokteel in de handj


HOME PLAATSNAMENOVERZICHTHOME


D´R ZIT EINE KOJBOJ IN DE KAMER
2002/2003: Tekst & muziek: Arnold Wassen
Zang: Hannen en Alt

Refrein:
D´r zit eine kojboj in de kamer en daonaeve eine roje indijaan,
en eine kloon mit eine laevesgrote hamer, dae rent dao achteraan.
Laot de kinjer zich mer lekker ammezere, det zeen ich lever es ‚Den Haag vandaag',
want de humor mót regere mit de vastelaovesdaag.

"Moder, moge veer ós al gaon sjminke", waas de vraog van óze aajdste zoon.
Mer waat ´t waerd, dao mótte veer nog euver dinke: Harrie Potter, indijaan of kloon.
Ofwaal ich maak d´r eine kojboj van, en sjtrakkes zinge veer mit alle man.

Man, waat höb ich gister toch genaote, wie de kinjeroptoch naeve kwaam.
Ich heurde zinge en neet praote, praote, praote, en al kós ich nemes bie de naam.
Ze kriege allemaol de eerste pries, en zeen ´t waerd te waere ingelies.


HOME PLAATSNAMENOVERZICHTHOME


DANS MIT MICH
Tekst: Hyke Wieriks - muziek: Stef Kupers
Zang: Hannen & Alt

Eder jaor bön ich weer jäörig en dan krieg ich väöl kèdo’s
Waat mot ich toch mit ein teske, of ein vaeske mit ein roos.
Eine rink vol diamante, ligk ich s’aoves in de laaj.
Kinne mich gesjtaole waere, wit-se wo ich ech van haaj.

Refrein:
Dans mit mich nog ins wie vreuger, dans nog eine keer mit mich.
Eine keer zo sjoon wie vreuger, want ich gaef zo väöl om dich.
Dans mit mich nog ins wie vreuger, dan bön ich wéér gans verkoch.
Eine keer wie vreuger danse, ongertösse effe sjanse, eine keer det is genog.

Eder jaor weer nao det eilandj, op vekansie aan ’t sjtrandj.
Same naeve kräömkes loupe, in de erm of aan de handj.
Eine kral mit echte parels, en ein foto van de baaj.
Kinne mich gesjtaole waere, wit-se wo ich ech van haaj.


HOME PLAATSNAMENOVERZICHTHOME


DANSE, SJPRINGE, LACHE
2005/2006: Tekst & muziek: Clemens Maessen
Zang: Gein Sjtum Plus

`t ganse jaor höb ich gesjpaard veur dae sjone tied
ich höb nog aom veur twintjig man, mich raak se veurluipig neet kwiet

Refrein:
dus gaon ich danse, sjpringe, lache, hosse, sjanse, zinge
want daovan krieg ich heel goje zin,
en gaon door mit danse, sjpringe, lache, hosse, sjanse, zinge
toet ich gaar oet neet meer kin
want door die daag kin ich d`r sjtraks ein jaor taege aan
en hilt mich ouch nieks taege , gaon beheurlik draan
dus sjtart mit danse, sjpringe, lache, hosse, sjanse, zinge
det is alvas ein heel good begin

idder jaor `t zellefde, det begint zo róndj die daag,
dan geit `t mich weer kriebele ich veul `t in de maag
die ónrös luuj det zegk ich uch bekruup mich dan heel vlot
vandaag sjtart vastelaovend nae `t kint neet meer kepot
`t ganse jaor höb ich gesjpaard veur dae sjone tied
ich höb nog aom veur twintjig man, mich raak se veurluipig neet kwiet

op maondig waer ich wakker kóm weer vreug oet mien nes
`ne kop wie eine ummer en ein breefke in de tes
wo op sjting morge bel ich dich zo róndj ein oer of teen
ein sjtökske van de film kwiet waem zól det noe toch zeen
`t ganse jaor höb ich gesjpaard veur dae sjone tied
ich höb nog aom veur twintjig man, mich raak se veurluipig neet kwiet


HOME PLAATSNAMENOVERZICHTHOME


DANSMARIEJ, BLIEF TOCH HIEJ
2007/2008: Tekst: Henk Rademaekers - muziek: Tof Deckers
Zang: Frank & Frank

Refrein:
Dansmariej, blief toch hiej, dalik kump de harmeniej
Alle vastelaovesleedjes veur dich blaoze
Och Mariej, gank neet weg, alles kump tegooj terech
Es veer same door de vastelaovend raoze
En sjtrakkes fluuster ich dan sjtilkes in dien oor
Doe bös mien ingelke, noe vleeg mich neet d’r door

Veer danse gaer de tja-tja-tja, de samba of de djeif
Mer es veer op de vloer sjtaon, dan lache veer ós sjeif
Veer kinne ’t neet laote en det is noe juus de kwaol
Mer kieke nao Mariejke oet en zinge allemaol

Diene dans is good verzónne, doe kins sjpringe wie ein vaer
Ouch al bös se neet begónne, dreijt gans Limburg óm dich haer
Mer es sjtraks de neutjes klinke, grieps doe dien eerste kans
Dan waerd door dich nog baove op de raegebaog gedans

Vastelaovend det kan sjport zeen, of de sjoonst gedruimde droum
’t Kan lang zeen, ’t kan kort zeen, mer traej uch neet op de zoum
Blief mer zinge, gaot mer danse, ouch al waerd t’r ins gesjtop
Veer kieke nao Mariejke oet en vange häör waal op


HOME PLAATSNAMENOVERZICHTHOME


DAO GEIT D'R
1999/2000 nr.1 : Teks & kompeziesie : Ton Custers
Zang (*): Bienao Te Laat

Refrein:
Dao geit de te-te-te-te-telefoon, en ich zegk hallou mit mich.
Dao geit de te-te-te-te-telefoon, en wie geit 't nog mit dich.
Heur ich dae te-te-te-te-telefoon, den weit ich, 't is veur mich.
Mer ich höb noe effe geine tied, want de ganse zaal, dae is de kop al kwiet.
En ich dach des toe toch ouch waal wis, det 't weer vastelaovend is.

't Prinsebal in volle gang, hae sjteit al oere klaor.
Wachte velt, es eder jaor, de nuje Prins weer zjwaor.
't Is zowied, de tied is, dao de vors dae telt toet veer.
Mer net veurdet hae op mot gaon, dao geit det dingk tekeer.

Nog effe toet asgoonsdig, ederein is weer bie-ein.
't Inj van vastelaovend krieg de grootste sjpraekbuus klein.
't Koper bleus de longe laeg, de ganse zaal dae zingk.
De Prins, dae haet 't effe kwaod, den rammelt weer det dingk.

* cd 1999/2000: De Katers - " OrzjeNeel 4 " - Onger Os 7361


HOME PLAATSNAMENOVERZICHTHOME


DAO ZIT MEZIEK IN
2007/2008: Tekst: Wim Kemp, Etty en Peter Willemse-Kemp Wim Kemp, Etty en Peter Willemse-Kemp - muziek: Wim Kemp
Zang: Op Good Gelök

Refrein:
Noe heur dae klank, noe heur dae zank, wie vastelaovend det verlank
dao zit meziek in
Toet det de klok sjleit twellef oer, kraak in de zaal de ganse vloer dao zit meziek in
Want óze Graad en zien Agaat,
det is ein duo van formaat
dao zit meziek in
Nemes angers kump d’r bie,
’t is de kleinste hermenie
dao zit meziek in

Dao zit meziek, dao zit meziek,
in heel ’t laeve mit dees daag
Van neutjes in de eurkes,
kriegs se kriebels in de maag
Meziek dao zit meziek,
noe loester good zo wie ’t heurt
Zo wie meziek en zank
de vastelaovend altied kleurt

Oze Graad is eine man, dae geweldig zinge kan
Van de wies brings se ‘m neet, zink ’t allerhoogste leed
Alle glaze gaon d’r aan, want hae zink wie ein sopraan
En as det dan geit gebeure,
reup d‘r: “Mós se noe ins heure !”

En Agaat det is d’r ein, det sjteit sjtevig op zien bein
Ouch al löp ’t achteraan, guf ’t goje ritme aan
Dreijt zien handj d’r neet veur óm, want ’t sjleit de dieke tróm
En as det dan geit gebeure,
reup ‘t: “Mós se noe ins heure !”


HOME PLAATSNAMENOVERZICHTHOME


DET IS ANGERE KEES
1990/1991 nr.1: Teks: Henk Giesbers - meziek: Henk Giesbers & Jacques Verkoulen
Oetveurende (*) : Jacques Verkoulen

Refrein:
Det is angere kees, det is angere kook.
Sjei oet mit det klage, draag ôm noe det book.
Det is angere kees, det is angere kal.
't Is oet mit dae ozel, kôm mit nao 't bal.

Zo 'sjmorges mit de Vastelaovend, bön ich nooit zo vreug.
Van al det joetse mit dees daag waer ich toch zo meug.
't Sjoenkele geit gaar neet meer, waat veul ich mich toch sjlech.
Mer as ich dae meziek dan heur, sjpring ich opins weer rech.

't Laeve geit neet euver roze mit dees dolle daag.
Ich doon 't mich toch zellef aan, daorom gein geklaag.
't Boeke, det geit gaar neet good, ich veul 't edere keer.
Mer as ich dae meziek dan heur, opins geit alles weer.

Zo dinsdigsaoves twellef oer-re is 't weer gedaon.
Waat is 't sjoon gewaes dit jaor, ich zal nao hoes toe gaon.
Ich veul mich kits, alles wie nuuj, geer kint t'r van op-aan.
As volgend jaor dae Kater reup, gaon ich d'r weer taege-aan.

* cd 1994/1995 : De Katers - " Orzjeneel " - Onger Os 7273


HOME PLAATSNAMENOVERZICHTHOME


DET KAETERKE
Teks: ? - meziek: ?
Oetveurende (*) : Thei v. Cruchten

Luuj, höb geer neet geheurd, 't is al lang geleje,
toen kwaam dao in oos Neel 'n deerke aangereë.
't Ging langs Maas en Roer, mit allerhandj geroes,
dronk pötjes vol mit beer en 't oot gesjtoofde moes.
En ederein, dae wét jao wie det deerke hét:

Refrein:
Det kaeterke, det kaeterke, det is heel klein gebaore.
Det kaeterke, det kaeterke, det is heel groot gewaore.
Zien köpke waas zo groot wie eine roje kool.
Mit Vastelaovend haet 't weer de grootste moel.
Det kaeterke, det kaeterke, det is waat ich bedoel.

Jao, höb geer neet gezeen, dae sjtrik zaat op zien bulke.
't Buukske kogelrondj, wie 'n pas gebaore mulke.
Det peutje in zien zie en eine oppe rökgegraot.
Hae sjtichde hiej in Neel de eerste katerraod.
En ederein dae wét jao wie det deerke hét.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


DET LEECH
2005/2006: Tekst: Es Veer - muziek: Wiek Chermin
Zang: Es Veer

Refrein:
ich geluif, ich geluif, jao ich geluif
det ich aan de tap wil sjtaon
want ich geluif, ich geluif, jao ich geluif
det ich de vastelaovend neet veurbiej laot gaon
dan kump-se ederein weer taege
en makse sjaele laege
mit sjmiek en pekskes sjpeel se dien rol
en maak se same heel väöl lol

’t waas vriedigaovend
nieks op teevee
ich leep net róndj
ging nao de plee
en toen inins zoog ich det leech
en ’t geveul det ich daobiej kreeg

’t waas zunjigmiddig
de optoch trok
ich sjrók wakker
keek oppe klok
en toen alweer zoog ich det leech
en ’t geveul det ich daobiej kreeg

’t waas dinsdigaovend
ich wil weer gaon
ich bön kepot
kin amper sjtaon
det leech guf mich weer nuje krach
wodoor ich neet meer langer wach


HOME PLAATSNAMENOVERZICHTHOME


DIE UNGELSTE VAN MICH
2002/2003: Tekst: Mieke Clerx - muziek: Mieke Clerx & Wiek Chermin
Zang: De Kloekers (Maurice, Peter, Ruud)

Refrein:
Die ungelste van mich bepaole noe mien laeve.
Dao is nieks aan te doon, ´t is geweun gegaeve.
Es ich ´t angers wil, dan höb ich dieke pech,
want die ungelste van mich, die loupe mit mich weg.

´t Ganse jaor bön ich de baas en doon ich waat ich wil,
mer mit de vastelaovesdaag, dan sjtaon mien herses sjtil.
Wie of waat ich dan ouch dink, de veut gaon vanne bank.
Ich volg dan mer die ungelste, die gaon toch häöre gank.

In vastelaovestied bepaole die waat ich mót doon.
Die ungelste van mich, die sjtaon dan sjtevig in häör sjoon.
En is ´t mit die daag in ´t kefee waal ins get krap,
volg ich geweun die ungelste, die loupe nao de tap.

Meziek hoof mer te klinke, d´r is nieks det dan nog baat.
Die ungelste van mich, die sjtaon dees daag weer gans paraat.
Drie daag sjpringe die veutjes mit mich róndj in de maot,
en nao die gekke daag, dan sjtaon ze weer geweun op sjtraot.


HOME PLAATSNAMENOVERZICHTHOME


DOE BÖS 'T HELEMAOL
1994/1995 nr.1: Teks & melodie: Jo Vossen - meziek: Tof Deckers
Zang (*) : Doe en Ich (Patricia Vossen & Peter Beckers)

Refrein:
Doe, doe, doe, doe bös 't helemaol,
doe geis mit mien hert aan de haol.
Doe mit dien gek gezich,
doe bös 't helemaol veur mich.

Al höbse mer get aaj fóddele óm 't lief,
al zitse soms te zeure wie ein kindj van vief,
al bösse väöl te meug óm auch mer get te doon,
toch bön ich bliej, det ich mit dich in ós Neel woon.

Al höbse bienao nooit de was gedaon,
en leetse döks de aafwas ein maondj lank sjtaon,
al drinkse soms zo väöl det ich dich vinj in de sjtraot,
toch wis ich mich zónger dich toch geine raod.

Al rietse oze auto geregeld total-loss,
en vraog ich mich dökker aaf: "Wooróm bön ich de klos?",
al verdeense mit dien baan geine rooje cent,
toch wil ich efkes zègke: "Doe bös zónne vent".

Al is 't toch zón zoojtje bie ós in hoes,
al kumse döks in gein twee maondje toes.
Toch passe veer heel good bie-ein, wie gek det auch liek,
bön ich biej dich, bön ich biej dich, dan veul ich mich zo riek.

* cd 1994/1995 : De Katers - " Orzjeneel " - Onger Os 7273


HOME PLAATSNAMENOVERZICHTHOME


DOE EN ICH (EN HÓNGERD ANGER LUUJ)
2010/2011: Tekst: Etty & Peter Willemse-Kemp, Wim Kemp - muziek: Wim Kemp
Zang: Op Good Gelök

Refrein:
Doe en ich en hóngerd anger luuj
Sjtaon same erm in erm
Gaon van links nao rechs mit get geduuj
Bie-ein, zo lekker werm

Zègk mich, wie zal deze aovend gaon
Ederein sjteit róndjóm dich
Zólle veer sjtraks ins bie-ein gaon sjtaon
In ’t leech van de maon, doe en ich

Zègk mich, wie wils doe nao hoes toe gaon
Geis se allein of mit mich
Zól’ v’r dit denske dan euversjlaon
En boete gaon stjaon, doe en ich

Zègk mich ins, zeen veer ós morge weer
Sjteis se dan weer hie bie mich
Danse veer same nog eine keer
Zo heel dun bie-ein, doe en ich


HOME PLAATSNAMENOVERZICHTHOME


DE DOEVE VAN SJRA DE BEKKER
Teks & meziek: Thei van Cruchten
Oetveurende (*) : Sjnaps (Aad Prinse van Neel)

Dao waas ins ein bekkeriej, van Jeu en tant Merie,
ze haje ouch keffee derbiej en ein doevemelkeriej.
En Sjrake, dae goje zoon, dae mos van alles doon.
Hae bakde 't brood de ganse daag, bekker Jeu keek 'm nao de slaag.

Refrein:
De doeve, de doeve, de doeve van Sjra de bekker.
Es de doeve, de doeve neet vlege dan zeen ze zo lekker.
En komme ze gaar neet meer trök op 't hok,
dan waere d'r sangerdaags nuje gefok.
De doeve van Sjra, die doon 't kom-sie-kom-sa.

Dae Sjra van Jeu en Merie, dae erfde de bekkeriej.
En zo haet Sjra meer es genog aan zien grote doeveklog.
Omdet ter de doeve leet, beklaagde zich de Sjmeed.
Ze vlege hiej biej mich in 't rondj, doe höbs de doeve, ich de sjtrontj.

Mer Sjra dae haet neet väöl tied, daorom mos hae get kwiet.
Die doeve zeen leef-höbberiej, weg dan mit de bekkeriej.
De winkel ging aan de kantj, 't waerde ein doevepantj.
Noe vlege de doeve op en neer, in ein kamer van teen biej veer.

* cd 1995/1996 : De Katers - " Orzjeneel 2 " - Onger Os 7295


HOME PLAATSNAMENOVERZICHTHOME


DUET VEUR KATER EN KETJE
Teks & meziek: Jan Huyskens
Oetveurende (*) : Annita Meuwissen & Jacques Verkoulen

kater:
't Hoof neet lank en sjlank te zeen en neet per se ach-negeteen,
't hoof waat mich betruf gein noot te kinne zinge.
ketje:
Hae hoof neet groot en sjterk te zeen en zeker gein twee-maeter-teen,
hae hoof gein doezjende per waek nao hoes te bringe.

Refrein:
kater:
Mer 't mot waal ein richtig ketje zeen,
ein waat neet krats en waat zich aaf en toe leut aje.
ketje:
En hae mot waal eine sjone kater zeen,
hae mot van Neel en van de Vastelaovend haje.
same:
En same make veur in Neel ein duchtig Vastelaoves-sjpeel,
wovan 't Katernés nach waeke lank zal krake .....

kater:
Al is 't neet zo biedehandj en haet van mode gein verstandj,
al is 't leedje waat 't zingk neet aan te heure .....
ketje:
Al is hae neet zo muzikaal en sjprik gein inkel vraemde taal,
al is hae zo gezjwank wie eikehoute deure .....

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


EDER JAOR OPNUUJ
Tekst: Hyke Wieriks - muziek: Stef Kupers
Zang: Hannen & Alt

Refrein:
Dao… bön… ich... richtig, richtig, richtig van gaon ha-je
Van de vastelaovestied en van ’t beer
En wil mich duchtig, duchtig, duchtig gaon bega-je.
Eder jaor opnuuj en eders keer get meer.
Omdet ich zo richtig bön gaon ha-je
Van dae sjone vastelaovestied
Blief ich mich duchtig aan dae tied bega-je
En det wil ich vanzelaeve neet meer kwiet.

“t ganse jaor sjtong ich helemaol allein, - (koor)zo gans allein
Noe zeen de vastelaovesgekke oppe bein
Die wille allemaol ins efkes aan de tap
(koor en solisten) Mit zoväöl miense is det waal ein bietje krap
En doon ich eine pas opziej, dan höb ich pech
Dus blief ich sjtaon, want angers is mien plaetske weg

‘t ganse jaor waas ’t allemaol zo kaal, - (koor) ein bietje kaal
Noe is de boerebroelof ouch weer in de zaal
Die wille allemaol ins efkes aan ’t buffet
(koor en solisten) Dao sjteit de krintemik mit wors, vanalles get
En doon ich eine pas opziej, dan höb ich pech
Dus blief ich sjtaon, want angers is mien plaetske weg.


HOME PLAATSNAMENOVERZICHTHOME


EL CARNAVAL
Teks: Hub Beeren - meziek: Wil Bolenius
Oetveurende (*) : De Twee Piepkes

Refrein:
El, carnaval, el carnaval,
zo hét dét in Rio en dao is 't bal.
Mer auch hiej in Neel, dao kint men,
't heel en geit me nao 't Boerebal.

Waat carnaval dao in Rio is,
dét wét me hiej al jaore gewis,
want Vastelaovend, dét kint ederein,
en bringk de miense oppe bein.
El carnaval in Rio is sjoon,
mer hiej wét me auch wie-se zoget mos doon.
De ketjes en katers die gaeve zich heel,
en zinge same "Neel blief Neel".

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


EN NOE DAN?
2006/2007: Tekst: Jo Aubert – muziek: Kompeziesie: Jo Aubert
Zang: Allemaol BeerBuuk

Refrein:
moes ómhoog, moes ómleeg, ich klik ins op okee
nao links of nao rechs, ich höb nog gein idee
control C, control F of control-alt-deliet
‘t zal toch neet zo zeen, noe bön ich alles kwiet

waat doon ich noe dan
wie kint det noe dan
waat mót ich noe, noe bön ich alles kwiet
waat doon ich noe dan
wie kint det noe dan, kreeg dae klómmel ………maar de sjiet

waat mót ich noe, de PeeCee sjleit op hol
weit mich geine raod, gaon gans oet miene bol
’t vastelaovesleedje sjteit d’r neet meer op
gein bek-up gemaak op eine flop

de printerprint mich eine grote prop
mer toet mien grote sjrik sjteit dao gein teks meer op
rood, gael en greun, ich zeen ein bóntj gekleurd pallet
daoróm zinge veer noe nog maar get


HOME PLAATSNAMENOVERZICHTHOME


ERFZUUNJ
1999/2000: Teks: Henk Giesbers - kompeziesie: Jacques Verkoulen & Henk Giesbers
Zang (*): Jacques Verkoulen

Refrein:
Van de Sjinderskoel toet 't Maolbrook, dao bie de Elmpterwaeg.
Van de Sjtraot toet aan de voel Baenj, det is wo ich mich bewaeg.
Van 't Gebrook toet aan de Wiejer, van 't Sjpik toet de Broekhin.
Van Tiggelerie toet Tore, dao ligk toch os begin.

Ich laef d'r tösse-in al jaore, en deej flink get kattekwaod.
Tante Cor kreeg grieze haore, vuurke sjtaoke oppe sjtraot.
In de Soos mien eerste maedje, och ich veulde zon gelök.
Ich dors 't pap neet te vertelle, want dae miens maak zich zo drök.

Ich laef d'r tösse-in al jaore, flink belas mit erfzuunj.
Ich höb mien pap en mam gezjwaore, os leef Neel waerd noojt Remunj.
Zeve Huuskes det waas vreuger, ouch Zaal Baere is neet meer.
Koentjes Kelder is gesjlaote, Füsers Haof kump messjien weer.

Ich laef d'r tösse-in al jaore, ging nao sjool en veul mich toes.
Ich höb mien hert in Neel verlaore, ich bön Kater en gein moes.
Nege laeves haet de Kater, 't simbool van os geliek.
Neel mot altied dörpke blieve, méér dan ein Remunjse wiek.

* cd 1999/2000: De Katers - " OrzjeNeel 4 " - Onger Os 7361


HOME PLAATSNAMENOVERZICHTHOME


ERMOOD TROEF
1999/2000: Teks: Wil Scheepers - kompeziesie: Tof Deckers
Zang (*): Wil Scheepers en Frank Steuns

Refrein:
De vastelaovend det is kultuur, op vandaag is alles duur.
Veer laeve drie daag van de meziek, vastelaovend is uniek.
En ouch al kos 't os de letste sent, veer haje paol en zeen prezent.
Verkleid es kater, ketje of kloon, de vastelaovend det is sjoon.

De göldes zette veer op ein rie en ouch de knake zie aan zie.
Kwartjes waere geteld en dan de viefkes, det is waat telt.
Zo kriege veer toch get geld biejein, jao, os kultuurgood is zo fijn.

En es de beurs zaet 't geit neet meer, en det gebeurt waal eine keer,
ozel zaet dien versjtandj, pak den de pinpas mer in de handj.
Gein geldj, toch gaon veer wie eine trein, jao, os kultuurgood is zo fijn.

De bank, die krieg nog de grote sjrik, ich houp mer det ze dit nog pik.
't Saldo greujt onger nul, allein mer veur dae grote flauwekul.
Toch blief gelökkig de sjöld nog klein, jao, os kultuurgood is zo fijn.

* cd 1999/2000: De Katers - " OrzjeNeel 4 " - Onger Os 7361


HOME PLAATSNAMENOVERZICHTHOME


ES SE MIT WILS DOON
Teks: Ton Custers - melodie: "If you're happy and you know it"
Zang: Ton Custers

Es se mit os mit wils doon klap inne henj,
es se mit os mit wils doon klap inne henj.
Es se mit os mit wils doon en doe löps neet langs dien sjoon,
es se mit os mit wils doon klap inne henj.

Es se mit os mit wils doon sjtamp mit dien veut,
es se mit os mit wils doon sjtamp mit dien veut.
Es se mit os mit wils doon en doe löps neet langs dien sjoon,
es se mit os mit wils doon sjtamp mit dien veut.

Es se mit os mit wils doon klik mit dien tong,
es se mit os mit wils doon klik mit dien tong.
Es se mit os mit wils doon en doe löps neet langs dien sjoon,
es se mit os mit wils doon klik mit dien tong.

Es se mit os mit wils doon doot wie ein geit,
es se mit os mit wils doon doot wie ein geit.
Es se mit os mit wils doon en doe löps neet langs dien sjoon,
es se mit os mit wils doon doot wie ein geit.

Es se mit os mit wils doon den zèk hallou,
es se mit os mit wils doon den zèk hallou.
Es se mit os mit wils doon en doe löps neet langs dien sjoon,
es se mit os mit wils doon den zèk hallou.

Noe de letste keer doon veur 't alle vief,
noe de letste keer doon veur 't alle vief.
veur de allerlètste keer noe en den gaon veur weer nao hoes toe,
veur de letste keer noe doon veur alle vief.

* cd 1998: Ton Custers - "Es se mit wils doon" -
co-produksie van Jong Nederlandj Limburg en Omroep Limburg


HOME PLAATSNAMENOVERZICHTHOME


EINE GROTE POPPEKAS
1999/2000: Teks & kompeziesie: Thei van Cruchten
Zang (*): Thei van Cruchten

Refrein:
't Laeve, miense, is toch eine grote poppekas,
de marjonette det zeen veur.
Trek mer aan 't tuike en veur loupe inne pas,
det doon ich mer doot ouch geur.
Mer ins per jaor gaon drie daag de gerdiene toe,
en zegke dan geweun weer lekker dich en doe.
De vastelaovend zeen de daag wo ich om gaef,
gein inkel plich en waer ich neet gelaef.

't Ganse jaor door löp-se wie Jan Klaosse euver sjtraot,
zaes vrunjtelik gojendaag nao ederein, duis nemes kwaod.
Mer is diene outo dieker of 't hoes häör get te groot,
den heur-se ze al dinke mer wie duit dae det, dae kloot.

Es Ketrien van Jan van Klaosse löp-se bie hem aan d'n erm,
geur hoof neet op fekansie want geur krieg 't hie waal werm.
Bös broen, wovan, de zonnebank, die haet 'm det gelap,
mer det dink höb-se gekrege 't waar ein erfenis van pap.

Es Ketrien en Jan van Klaosse sjteis-se 'n jaor lang oppe plenk,
en of se wils of neet duis-se dich daomit weer kontent.
't Sjpeel begint asgoonsdig, de gerdiene gaon weer aop.
Noe waer-se weer bekeke door de miense in de sjtraot.

* cd 1999/2000: De Katers - " OrzjeNeel 4 " - Onger Os 7361


HOME PLAATSNAMENOVERZICHTHOME


FEERTIG
Teks & kompeziesie: Naan Blanckers
Zang (*) : Madams

Refrein:
Dan zeen veur drie daag achteen jaor en zitte neet mit os gries haor.
Veur doon geweun aan alles mit, want veur zin dan superfit.
Gein gezanik, oet dae sjleur, nae, veur gaon door ein loje deur.

Es doe rondj de feertig zits, dan velt 't döks neet mit.
Doe kriegs dan sjlechte ouge en soms ein kunsgebit.
Dan kiekse in de sjpegel en zuus d'r gaar neet oet.
Mer mit de vastelaovend, dan kumse weer ins droet,

Saoves geisse vreug nao bed, doe bös dan kei-kepot.
De kieloos gaon d'r flotter aan, doe kriegs ein dieke vot.
Dan kiekse in de sjpegel en doe zuus d'r weer neet oet.
Mer mit de vastelaovend, dan kumse weer ins droet.

Ne rimpel hiej, ne rimpel dao, doe waers 't langsaam zat.
Doe paks ein pruuk en ouch get sjmienk, verkleijs dich es ein kat.
Dan kiekse in de sjpegel en zuus d'r heel good oet,
want mit de vastelaovend gaon alle katte droet.

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


FIËSTA
Tekst: Etty & Peter Willemse-Kemp, Wim Kemp - muziek: Wim Kemp
Zang: Op Good Gelök

Refrein:
Waat ein fiësta, langs de mosa bella musica
Ein groot orkesta, dansmaria faldera
Waat ein fiësta, vastelaovend in de gloria
Geine siësta, fantastica

Aan de costa in de zomer ligk ich op't stjrandj
De parasol sjteit naeve mich de veutjes in 't zandj
De caballero duit zien werk tequila bringt d'r al
De uigskes toe ich druim van Limburg en van Carnaval

In de cucaracha bar dao geit 't 'saoves los
Ich kiek nao ein muchacha, det is prachtig oetgedos
De Mariachi sjpele ein flamengo festival
De uigskes toe ich druim van Limburg en van Carnaval


HOME PLAATSNAMENOVERZICHTHOME


GAEF MICH SAMBA DO BRASIL
2004/2005: Tekst: Henk Rademakers - muziek: Tof Deckers
Zang: Get En Ein Bietje (Yvonne Scheepers & Marjon Kanders)

Refrein:
gaef mich de samba, gaef mich 't laeve, gaef mich de samba tropical
geine dans geit mich d'r naeve, samba, samba karnaval
nieks te sjette, nieks te mele, gein song oet de mobiel
gaef mich de samba, sa sa sa samba
gaef mich de samba do Brasil

kóm mit, dan danse veer de samba
noe blief neet aan de ziejkantj sjtaon
ich höb zón zin in väöl karamba
es alle bongotrómmels sjlaon

laot 'm noe mer ins lekker litse
vergaet de ganse santekraom
zolang de sjoon mer neet gaon pitse
nog geine samba euversjlaon

heur ich de sambafluitjes klinke
dan waerd opins 't laeve lich
ich kin aan nieks es danse dinke
mer dan 't leefs allein mit dich


HOME PLAATSNAMENOVERZICHTHOME


GAEF OS VASTELAOVEND
1989/1990 nr.1: Teks: - meziek:
Oetveurende (*) : Aristokaters

Männermagesin of sex, wie se 't auch bekieks,
altiet veur 't késke zitte en wiejer is d'r nieks.
Geine kabel kint dich gaeve de lol van karneval.
Eder jaor opnuuj, is 't boerebal ... jao, jao, jao, ...

Refrein:
Gaef os Vastelaovend, in plaats van Veronique.
Gaef os Vastelaovend, want dees drie daag, die zeen uniek.
Veer drinke os ein glaeske beer en gaeve-n'm ein vaeg,
want mit vastelaovend is 't gedaon mit det gezaeg.

Dallas, Count Down, Dynastie, vinjt geer det noch normaal ?
Sjteeds mer weer dezelfde wazel, det is toch ein sjandaal.
Plezeer det mosse dich make, daoveur zeen dees daag.
Sjmink in 't gezich, 'n sjtökske in de kraag.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


GELÖK IS EINE VLINDER
Teks & melodie: Sylvia IJzermans - meziek: Tof Deckers
Zang (*) : Sylvia (IJzermans) & Nathalie (Landwier)

Refrein:
Gelök is eine vlinder, doe jeugs 'm achternao.
Doe rens, en doe grieps, en sòms dan höbse'nem bienao.
Toet desse dinks, ach laot auch maar, 't hoof veur mich neet meer.
Dan zit d'r zich gans onverwachs op diene sjouwer neer.

Veer wille allemaol profitere van 't laeve,
veer zeuke 't gelök in geldj en in gezag.
Maar mit de Vastelaovend vergaete veer det aeve,
dan vinse 't gelök in eine kloon dae nao dich lach.

Veer höbbe allemaol òs klein en grote zorge:
't Waer det is te gries en op de bank is alles rood.
Maar mit de Vastelaovend, dan dinkse neet aan morge,
dan kiekse om dich haer en dinks: "Waat geit 't òs toch good".

Refrein:
Gelök is esse vriej bös òm te zegke waasse dinks.
Gelök is esse sjterrezaat 't sjleutelgaat nog vins.

* cd 1996: De Katers - " OrzjeNeel 2 " - Onger Os 7295


HOME PLAATSNAMENOVERZICHTHOME


GESJLEPE WERK
2001/2002: Teks: Wil Scheepers - kompeziesie: Wim Schreurs
Zang: Get en ein Bietje (Yvonne Scheepers & Marjon Kanders)

Refrein:
Jao, jao, vanaovend, dan gaon veer ze weer sjtrikke.
Wilt geer ins heure dan wie veer ´m det gaon flikke ?
Dao, dae grote is veur mich en dao dae kleine is veur dich.
Mósse ins kieke waat ein leef gezich.
Veer bekieke ós eers heel gewieks ´t merk,
en gaon dan heel gesjlepe verder mit ´t werk.
Es aos gebroeke veer allein mer sjone kal,
en zo loupe ze heel sjtillekesaan bie ós dan in de val.

Noe loester ins nao mich leef luuj, geer heurt de wäörd van Truuj.
Laot mich vanaovend mer gewaere.
Noe kiek dao nondedju, dae is verrekkes nuuj.
Laot ederein mer veur zien eige veurdeur kaere.
Al kump d´r oet ´t Reutje, Neel of oet Remunj,
eine vent laot ich neet loupe want det vinj ich ewig zunj.

Noe loester, miene naam is Greet en ich höb, wiet geer zeet,
de ganse aovend nieks gedrónke.
Ich haaj neet van verdreet, mer waal van duchtig keet,
dus aan de menkes, dao waerd aandach aan gesjónke.
Al kump d´r mit de outo, fiets ofwaal te voot,
och, det kan mich ech nieks sjille, want ich vinj ´m altied good.


HOME PLAATSNAMENOVERZICHTHOME


GOOJ ZIN
2002/2003 nr.1 : Tekst: Sabine Tobben - muziek: Lowie Eijkelhardt Zang: Zo Wie Zo

Refrein:
Ich gaon vandaag allein mer leedjes fluite,
want ich bön d´r heel good aan.
Ich wil mit idderein ein pötje kuite,
jao, ich gaon d´r taege aan.
En ouch al höb ich helemaol gein duite,
haaj de mood d´r altied in.
Want deze daag, dae löp wie op ein rölke,
wie ´t ouch mer loupe kin.
Ich höb de vastelaovend in mien bölke.
Och, waat höb ich toch gooj zin.

Wie ich vanmorge wakker woor, keek ich nao boete haer.
De zón sjeen toen in mien gezich, ´t waas ein prachtig waer.
De kienjer sjpeelde oppe sjtraot en haje väöl plezeer.
Ich keek toen ins nao baove haer, zag taege leve Heer:

Ich waas ´t danse in de zón en dreijde in ´t róndj.
De miense, die ich taege kwoom, keke mit aope móndj.
Toen zag ich taege al die luuj: "Zek weit geer wie det zit ?
Ich höb geweun heel erg gooj zin, dus doot mer mit mich mit."


HOME PLAATSNAMENOVERZICHTHOME


GREUTSE PAPA
2008/2009: Tekst: Frank Scheepers – muziek: Tof Deckers
Zang: Frank Scheepers

Refrein:
Ich leer dich gaer de vastelaovend
Al bósse nog gein jaor
Toch ligk dien pekske noe al klaor
Hie is get sjieks óm aan te doon
Want doe waers aolifant of kloon
En mit ein träötje in dien handj
Treks doe mit door ’t Neelder landj
Van de morge toet de aovend

Loes det is nog gein jaor, en haet altied gooj zin
vastelaovend det is dus gein puntj, det krieg ich zeker d’r in
Ich leer‘m drinke, aete, kroepe, zitte, en ouch sjtaon
Dus zal ’t ouch waal lere, mit mich mit te gaon

Jóngk geleerd is aad gedaon, det wét toch ederein
Al waers-se ein heel grote meid, beginne duis-se klein
Dus kiek nao ome, tante, oma, opa, mam en pap
Zo zal ’t ech waal lökke, doe geis mit os op sjtap

Mam is van de gekke sjlaag, en pap velt oet de rol
Doe höbs ’t van gein vraemde, ouch doe bös sjtapeldol
Dus gangk mer danse, lache, zinge, sjpringe, doot dien bes
En waers doe later groter, kump vanzelf de res


HOME PLAATSNAMENOVERZICHTHOME


HAI FAN LEI
2004/2005: Tekst & muziek: Arnold Wassen
Zang: Hannen en Alt

Refrein:
obel, obel, obel, bling mich nog ein glaeske beel
obel, obel, obel, vastelaovend is ein plachtig sjpeel
geine tied óm väöl te plakkezele
ich höb zin óm mich te ammezele
doot ein luntje, es 't geit ein bietje gouw
en ein glaeske limmenade veul de vlouw
want Hai fan Lei vindj limmenade väöl te flouw

ziene pap is eine jap en zien moder eine pruus
kiek dao sjteit d'r aan de tap, man doe wits neet waas se zuus
zjwarte haor mit blónje plekskes
hae it de borrelneut mit sjtekskes
mer de bokwórs it d'r mit de blote henj
Hai fan Lei dae veult zich toes aan alle kenj

en mit de vastelaovend zingt hae altied Neel blief Neel
en reup d'r: Obel doot dae Hai fan Lei ein glaeske beel

Hai fan Lei dae sjtaelt de sjo, want hae dans mit linke To
To houwt oppe dieke tróm, Han fan Lei velt bienao óm
zit opins op heite kaole
en belt dan: mutti, kóm mich haole
efkes later sjteit die mutti veur de deur
Hai fan Lei mót achterin en To moog veur

en To sjnap d'r gein jota van en dink: waat is mit mich
die mutti in kimono in Toyota gein gezich


HOME PLAATSNAMENOVERZICHTHOME


HÄÖK IN, PAK MICH VAS
2002/2003: Tekst: Ger Heyman - muziek: Tof Deckers
Zang: Marc Breugelmans en de Zekskesvullers

Refrein:
Häök in en sjoenkel, pak mich noe ins lekker vas,
vaar mit oppe meziek.
Plezeer en wermte kump ós noe jao good van pas,
zo veule veer ós riek.
Genete in ós machtig sjone moderstaal,
det is wo veer veur gaon.
Det dit nog lang moog doere, toet in de late oere,
dit moog ós neet vergaon.

Waem lach dao aan de euverkantj, dae Herm waas toch neet good.
Dae mós toch nao 't hospitaal, d'r waas get mit zien blood.
Es ich 'm dao aan baord zeen gaon, hae sjtraolt van oor toet oor.
Ich zal 't dich vertelle, dae geit nog efkes door.

Merie, det zink oet volle bors, gluif mich sjentig vol.
Ze maak 't köpke van Louis, opsjlaag vuurrood en dol.
Es dae zien pilskes haet gehad, dan krieg hae goje mood,
dan durf hae 'm te vraoge, dan veult hae zich zo good.


HOME PLAATSNAMENOVERZICHTHOME


DE HEEL NACH DOOR
2009/2010: Tekst : Jan Huyskens - muziek: Tof Deckers
Zang: Biejein geraap

Refrein:
Zólle veer vannach hiej blieve zitte
Väöl te sjoon óm noe nao hoes te gaon.
Nao de vastelaovend gaon veer pitte,
D’is ein nach óm op de tróm te sjlaon.
En morgevreug es weer de zón opgeit
Zeen veer de eerste, zeen veer de eerste
En morgevreug es weer de zón opgeit
Zeen veer de eerste die gesjmienk zeen en verkleid.

Mit de vastelaovend mót ich edre daag,
Oere prakkezere waat ich noe weer draag
Höbs de ganse kas alweer ins aangepas
Paks toch altied weer dezelfde aje jas
En taege sjloetestied dan zaese edre keer
Dae haaj ich morge aan, dae haaj ich morge aan,
En taege sjloetestied dan zaese edre keer,
Begin toch (morge)neet alweer ...

Edre daag verkleije, sjmienke heurt d’rbiej
Maar ’t kos toch edre daag ein oer of driej.
En al is de sjmienk van dich auch super gaaf
Saoves mótte toch weer alle kleurkes draaf.
En taege sjloetestied dan zaese edre keer
Dit haaj ich morge d’rop, dit haaj ich morge d’rop
En taege sjloetestied dan zaese edre keer.
Begin toch (morge)neet alweer...

Zólle veer vannach hiej blieve zitte,
Väöl te sjoon.....enz.


HOME PLAATSNAMENOVERZICHTHOME


DE HEISE ZATE HERMENIE
2008/2009: Tekst: Jan Huyskens – muziek: Deckers
Zang: Biejeingeraap

Refrein:
Veer zeen geweldig, jao veer zeen klasse
Mit vastelaovend gaon veer Limburg ins verrasse.
En ederein reup, och waat is det sjoon
Det is toch óngeluifelik gaaf wie diej det doon
Jao jao veer blaoze tataratata
En houwe op die kis van dzjieng boem tralala.......... (2x)

Veer trekke door 't Limburgs landj.
Van Kirchrao gans nao Wiëert
En ongerwaeges waerd gezonge en gemusiceerd.
Veer toetere en tetterre,veer h'bbe aom genog
Want luuj de vastelaovestied die hingk weer in de loch
Tatatateratta, Tatatatetatta, Tatatatatatta.

Zo bonjt wiej pappegeijemenkes
Zeen veer dan verkleid
En es veer langs masjere
Heurs-ze kiek ins waat dao geit
Veer träötele en trommele en zinge hel d'r biej
Ze numme ös dan ouch DE HEISSE ZATE HERMENIE
Lalalalalala, Lalalalalala, Lalalalalala....,


HOME PLAATSNAMENOVERZICHTHOME


HELEMAOL GEK
2002/2003: Tekst: Wil Scheepers - muziek: Wiek Chermin
Zang: Gen en ein bietje (Yvonne Scheepers & Marjon Kanders)

Refrein:
Verrek, verrek, noe waer ich helemaol gek,
doe höbs persies ´t zellefde sjaelke óm de nek.
En ouch dien pruuk, det is toch die van mich ?
En dan det maske, det is toch ein gezich.
Höb ich mich dao de läötsj veur oet geloupe,
óm ´t zellefde pak es dich te koupe.
Wie eine tweeling, zo sjtaon veer naeve ein,
mer aan de angere kantj: allein is mer allein.

Noe krieg toch allemaol de krets, waat dink se waat gebeurd is lets ?
Koup ich mich ein nuje pruuk, get sjpesjaals, mit links en rechs ein sjtuuk.
Dao zól ich waal de blits mit make en minnig sjnäörke rake.
Op ´t moment det ich dich dao toen zoog,
vroog ich mich aaf aan waem det noe toch loog.

Dao veel ich mich toch van de sjtek, waat dink se waat is oetgelek ?
Koup ich mich ´nen nujen hood, get sjpesjaals, dae sjteit mich toch zo good.
Dao zól ich waal de sjo mit sjtael, det kint dan nemes faele.
Op ´t moment det ich dich dao toen zoog,
vroog ich mich aaf aan waem det noe toch loog.


HOME PLAATSNAMENOVERZICHTHOME


HEUR ICH DE HOEMPA-PA
Teks: Chrit Molenbrugge - meziek: Wiek Chermin
Oetveurende (*) : Jan Huyskens

Refrein:
Heur ich de Hoempa, dan laef ich op,
want alles sjteit weer op de kop.
Bleus eine tuba, of eine bas,
kump alles oet de kas.
Heur ich de Hoempa, dan gaon veer draan,
jao, toet 't kreije van de haan.

De trekzak of ein klarinet, ein heel sjoon instrument,
en ouch ein djieng boem, dieke trom, diej maak mich al kontent.
Mer es-ze alles good bekieks, het grote fundament,
det is altied weer de Hoempa, 't hert van edere bend.

Noe mit dees vastelaovesdaag, sjteit Limburg op de kop.
Jao, edre prins wilt sjpringe, en kruup de taofel op.
En op de maot van zien kepel, dans hae op de meziek.
En heurt hae dan weer de Hoempa, veult hae zich te riek.

* cd 1995/1996 : De Katers - " Orzjeneel 2 " - Onger Os 7295


HOME PLAATSNAMENOVERZICHTHOME


HEY MAM, HÖB SE GET TE DOON ?
2007/2008: Tekst : Maurice Pluymakers - muziek: Maurice Pluymakers & Jos Gijssen
Zang: Veer Twee

Refrein:
Heij mam, höbs se get te doon ?
Klink mien sjtum weer vraogend door de tillefoon
Heij mam, höbs se get te doon ?
Nae ? Dan pak dich maar ’t fietske en dan kump se maar gewoon
Dan let se op de kinjer, op de hóndj en op de kat
En dan duis se maar get dinger, want hiej ligk nog werk zat
Heij mam, höbs se get te doon ?
Nou, bedank he mam, tot dalik dan, ’n muulke van de zoon

Ós generasie haet ‘t drök, dao weit geer alles van
Maar luuj, veer höbbe ein gelök, dat numme veer: ós mam
Want altied es ’t taege zit, al is ’t vreug of laat
Det vruike det zit nörges mit, det sjteit altied paraat
Ze sjtelt dich neet teleur, maar dao höb se ze toch veur !

Vanaaf det zie dich binnevelt geit alles tegeliek
Ze sjtof, ze zuig, ze bak, ze grilt duit alle was en sjtriek
En as ze dan op hoes aan kumps dan is alles gerangeerd
Oos mam die geit d’r taegenaan, die wirk wie ´n paerd
Ze sjtelt dich neet teleur, maar dao höb se ze toch veur !

’t Is haos eed’re aovend det zie alles valle leet
Maar mit vastelaovend zeen de rolle ómgedreijt
Dan is det vrouwmes good gebek, dan geit ze weer tekeer
Ós mam is vastelaovesgek, noe gun häör det plezeer
Dan geit de tillefoon en dan zaet ze: “beste zoon”:

Heij jóng, höbs se get te doon ?
Nou, dan pak dich maar ’t fietske en dan kump se maar gewoon
Heij jóng, höbs se get te doon ?
Nou, bedank he jóng, toet dalik dan, geweldig zo’ne zoon !


HOME PLAATSNAMENOVERZICHTHOME


HÖB-SE VANDAAG AL INS GELACHE
1999/2000: Teks & kompeziesie: Erik Stevens
Zang (*): Erik Stevens en Marcel Waajen

Refrein:
Höb-se vandaag al ins gelache, zag d'r al emes gojendaag taege dich ?
Höb-se vandaag al ins gelache, eine lach dae pas bie ellek gezich.
Kom en rek dien lippe ins oet, dan höb-se al geliek ein anger sjnoet.
Höb-se vandaag al ins gelache vraog ich dich,
dan lach ins, dan lach ins, dan lach ins taege mich.

De miens, dae geit kepot aan de sjtres en 't gejaag.
't Liek waal of de sjpas gaar neet meer mit telt op vandaag.
't Geld, de dieke wage is belangriek volges mich,
dinkt nemes aan 't laeve zellef en daorom vraog ich dich.

Ich höb 't oetgezoch, ich weit noe haorfien wie det zit.
Ich gaon vanaaf vandaag neet meer mit de massa mit.
Mit allebei de veut blief ich sjtevig op de grondj,
en veul ich mich waal ins beroerd, dan lach ich mich gezondj.

Brök:
Det duis-se noojt te vreug of te laat, al bös-se de eerste of de letste.
Daoveur bös-se noojt te jongk of te aad, en neet de letste lach altied es beste.

* cd 1999/2000: De Katers - " OrzjeNeel 4 " - Onger Os 7361


HOME PLAATSNAMENOVERZICHTHOME


DE HOLLE
2008/2009: Tekst & muziek: Maessen & Vorage
Zang: Sjnaps

Refrein:
Merie, jao doot d’r eine hiej, Dan gaef ich d’r weer eine
Merie, jao doot d’r eine hiej, want van dem kriege veer d’r geine
Hae wilt altied de pot en regelt dan de flappe
Maar nao 2 rundjes beer kinne veer alweer gaon lappe.
Merie, jao doot d’r eine hiej, Dan guf-se dem d’r geine

Kums binne in ein kroeg, de jas dae maak-se los
De beurze oppe taofel en ’t lappe is begos
Veer ware mit z’n vieve, det is hongerd inne pot
Maar ja nao drie keer telle, Tachtig Euro veur genot

’t is neet meer zo drök, ach miense aan de bar
Nog neet zoväöl gedronke, toch liek ich in de war
Al twee keer waas d’r ane beurt, is ’t toeval of gesjpeeld
Maar mot hae get besjtelle, dan is hae weer boete beeld

Doe raaks ‘m zelde kwiet zolang se maar bliefs gaeve
Maar det hae d’r zelf eine guf, det motte veer nog belaeve


HOME PLAATSNAMENOVERZICHTHOME


DE HOOFPRIES
Tekst: Hyke Wieriks - muziek: Stef Kupers
Zang: Hannen & Alt

Gister waas ich efkes op ’t heukske,
Höb mich dao get piéptebak gekoch.
En ouch ’n sjtök of vief-en-twintjig van die läötjes,
Want d’r hing ein prieske in de lóch.
Geer höb det allemaol al lang geheurd,
Want gisteraovend is det hiej gebeurd.

Refrein:
Veer höbbe de hoofpries in de lotto
En mit os de ganse sjtraot toet aan de boch.
Mer de buurman neet dae kleine dieke Otto
Want dae haaj gein laot gekoch.
En noe gaon veer mit zien alle mer verhoeze,
Nao ein hele sjieke buurt.
Allein dae kleine dieke Otto,
Dae zit laeveslank gehuurd.

Morge gaon ich zeker neet meer werke,
Zit mich dan ins lekker oppe vot.
Mer nao ein sjtök of vief-en-twintjig van die waeke,
Dan vervael ich mich toch waal kepot.
Waas op dae aovend toch mer nieks gebeurd,
Dan mos ich werke wie zich det geheurt.


HOME PLAATSNAMENOVERZICHTHOME


ICH BÖN DE NEUT KWIET
2001/2002: Teks: Henk Giesbers - kompeziesie: Tof Deckers
Zang: De Kloekers: Maurice, Peter, Ruud

Refrein:
Ich bön de neut kwiet, Lewie, wie mót det noe nondepie ?
Ich weit gaar neet wo ich ze höb gelaote.
ich bön de neut kwiet, Lewie, wie mót det noe nondepie ?
Ich weit nog waal, ´t ware driekwaartsmaote,
en veuraan eine sjleutel, get kruutse en ein mol.
Opins dao sjleit mien sjuuftrómpet, jao, gans allein op hol.
Ich höb de neut weer, Lewie, zo geit ós wies nondepie.
Lewieke jong, veer make ´m oet de kop.

Ós zate hermenie sjteit klaor, veer kinne gaon beginne.
´t Is gezellig drök vandaag, ´t ganse dörp sjteit binne.
Dao sjtik Lewie zien handj ómhoog, en zaet: "Ich tel toet drie".
Gans oet mien doon roop ich dan sjnel: "Lewie, Lewie, Lewie...."

De sjtraote zeen weer sjtampevol, d´n optoch kint gaon trekke.
De luuj zeen allemaol verkleid, ich zeen allein mer gekke.
Dao sjtik Lewie zien handj ómhoog, en zaet: "Ich tel toet drie".
Gans oet mien doon roop ich dan sjnel: "Lewie, Lewie, Lewie...."


HOME PLAATSNAMENOVERZICHTHOME


ICH BÖN KOEKEDUILES
Teks & meziek: Harrie Bonné
Oetveurende (*) : Jacques Verkoulen

Refrein:
Ich bön koekeduiles, miene kop zit vol mit veugelkes.
Ich bön koekeduiles, mien bein, det zin net vleugelkes.
En kiek ich nao mien Annemie,
dan zeen ich d'r neet ein, mer dan zeen ich d'r al drie,
En dan noch die veugelkes, ich bön koekeduiles.

Miene dokter haet gezach, ein dröpke veur de nach
dao kinse good van slaope.
Weg mit de pille, det höb ich toen gedaon,
mer op eine aovend, toen is 't misgegaon.

Bie de kerk oppe trap, dao zoot ich gekke flap,
ich heurde wie ze zonge.
Baej veur de zondaars, ich dach, det geit dich good,
en toen kwaam miej maedje, begós 't leid pas good.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


ICH BÖN VERSJLAAF
2003/2004: Tekst & muziek: Wim Kemp
Zang: Op Good Gelök

Refrein:
ich bön versjlaaf
ich roop de ganse daag alaaf
vastelaovend, kóm ich neet vanaaf
en ich maak óngerwiel
mit mien vrouw eine diel
ich kóm pas trök op asslegoonsdaag in de nach
doe zuus mich trök, beslis neet eerder dan verwach

ich bön eine geweune miens, ´ch höb alles ónger kontrol
ich weit det ich mich good beheers, ich sjlaon neet dök op hol
´t gokke vinj ich te gewaog, mit rouke bön ich gesjtop
ich drink de kóffie lever toes, dan in ein kóffie-sjop
maar drie daag in ´t jaor zegk ich zónger bezjwaor

ich veul det ´t verlange kump, ich kin ´t neet weersjtaon
ich zjweef al door de kamer haer, ich laot mich noe mer gaon
ich ruuk de vastelaoveslóch, ich sjnoef ´m in mich op
de waereld haet zich ómgedrejd, of ich sjtaon oppe kop
en drie daag in ´t jaor zegk ich zónger bezjwaor

ich kin d´r eine net wiej mich, dae höbbe ze gesjtrik
dae viert gein vastelaovend meer, want dae is aafgekik
mien vrouw zaet det is good veur dich, ich zegk ´m waat mich tunk
´t laeve is pas sjoon as eine vastelaoves-djunk
en drie daag in ´t jaor zegk ich zónger bezjwaor


HOME PLAATSNAMENOVERZICHTHOME


ICH GAON DIT JAOR GEWEUN
2007/2008: Tekst: Sabine Eijkelhardt - muziek: Lowie Eijkelhardt
Zang: Zo Wie Zo

Refrein:
Begint mich noe te jeuke
Veul ’t in mien bein
Want ich gaon dit jaor geweun
Hoof neet meer te zeuke
Kump van gans allein
Jao ich gaon dit jaor geweun
Höb ‘t weer te pakke
Dae vastelaovessfeer
Laot de mood neet zakke
Al sjmink ich mich neet meer
Draag dit jaor gein pekske
Weit noe waat ich wil
Jao ich gaon dit jaor geweun

Ich waas al eine tied aan prakkezere
Van wellik pekske doon ich mich ins aan
Wie gaon ich mich dit jaor noe ammezere
Want dalik is alles weer van de baan
Opins sjoot mich get geks te binne
Ich wis toen waat ich dit jaor mós gaon doon
Ich gaon geweun wil sjnel d’r mit beginne
´t Waerd zeker zo sjoon

Ich wil dit jaor ins heel geweun gaon sjtappe
En gein gedoons waat mót ich noe weer aan
Op dees meneer kin ich toch ouch lol trappe
Gein klonepak en ouch gein indiejaan
Ich hoof gaar nieks meer te verzinne
En dink allein aan rood en gael en greun
Ich bön dan ouch veur ederein te kinne
Dit jaor gaon ich geweun


HOME PLAATSNAMENOVERZICHTHOME


ICH HÖB DICH GAER
1987/1988 nr.1: Teks & meziek: Henk Giesbers
Oetveurende (*) : De Twee Piepkes

Refrein:
Ich höb dich gaer, ich höb dich gaer, doe bös ein ketje.
Ich höb dich fabelachtig gaer, doe bös mien ketje.
Ich höb dich gaer, ich höb dich gaer, doe bös mien ketje.
Ich hör biej dich en dich biej mich, wie mien toepetje.

Onger de buim, de Baeksjtraot oet, dao kaams dich aangeloupe.
Dien blie gezich gesjmink en waal, wie ein plaetje, neet te koupe.
Ein pruukske op, väöl rood mit blauw, mien hertje det ging sjnel.
Ich weit 't jao nach gans heel good en reep toen dan heel hel.

Op die bank op 't Betjesplein, dao zoots doe get te zonne.
Dien uigskes toe, wie sjoon waas det, waat bön ich toch begonne.
Ein krulke hiej, ein ringske dao, miene blooddrök sjteeg heel sjnel.
Ich weit 't jao nach gans heel good en reep toen dan heel hel.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


ICH HÖB EIN NUUJ SJTÖK
Teks: Thei van Cruchten & Riet Bongaarts - melodie: Thei van Cruchten - meziek: Tof Deckers
Zang (*) : Thei van Cruchten

Toen ich ein jaor of achteen waas, zag mam nog taege mich:
"Doot noe mer röstig aan jong en blief nog get biej mich.
Hang noe mer neet de bink oet, zuus wit al om dien naas.
Doe höbs te deep gekeke in 't ein en 't anger glaas".

Refrein:
Ich höb ein nuuj, nuuj, nuuj, nuuj sjtökske in dae kraag,
en dao kump mich geine aan.
Ich höb ein nuuj, nuuj, nuuj, nuuj sjtökske in dae kraag,
en det nump mich nemes aaf.
Laot de boere noe mer dorse, ich gaon mit uch op sjtap,
verkleid wiej eine sjieke heer, mer 't leefst wiej miene pap.
En mit det nuuj, nuuj, nuuj, nuuj, sjtökske in dae kraag,
gaon ich mit uch op sjtap.

Noe bön ich 44 jaor en zegk taege mich zellef:
"Doot mer get röstig aan jông, dan geit 't waal vanzellef".
En waer ich 85, zeen neet waem op mich wink,
en kin ich neet meer kalle, dan is dit waat ich dink:

* cd 1995 : De Katers - " OrzjeNeel 1 " - Onger Os 7273


HOME PLAATSNAMENOVERZICHTHOME


ICH HÖB GEDRUIMP
2003/2004: Tekst: Henk Rademaekers - muziek: Tof Deckers
Zang: Jacqueline Maynard

Refrein:
ich höb gedruimp van eine sjone vastelaovend
ich höb gedruimp van ertesoep en sjpek
ich höb gedans toet in de late aovend
mit ein träötje óm de nek
ich heur de zate hermeniekes blaoze
en mien hertje wiej ein trumke sjlaon
doe höbs mich in mien druime oetverkaoze
ómdet vastelaovesdruime ech besjtaon

noe hoof ich geine besse, wil geine sjókkelaat
ich höb gein interesse in weit ich al neet waat
ich gaon mich noe verkleije besjilder miene sjnoet
den mit de vastelaovend dan kómme druime oet

mer es de prins veurbiej kump en oppe wage sjteit
weit ich es hae mich aankiek det mich de bril besjleit
ich blief mer nao hem rope zo van helau ? alaaf
mer druim medein den sjpringk ter mich van de wage aaf

dans doe mit mich de samba, ein welske of de djeif
dan sjteit mich nao ein pilske gans Limburg sjots en sjeif
toch blief ich bliej van zinne en altied good gemöts
mer sjtilkes blief ich druime des doe mich wakker sjöds


HOME PLAATSNAMENOVERZICHTHOME


ICH HÖB MICH IN EIN BÖLKE VERSJLIK
2002/2003: Tekst & muziek: Wim Kemp
Zang: Op Good Gelök

Refrein:
Giesteraovend, toet miene allergrootste sjrik,
höb ich mich in ein bölke versjlik.
Ich dach nog, nemes kint mich hie betrappe,
wie ich inins nao aom mós happe.
Ich zoog al blouw en emes sjloog op miene rök,
maar ´t bölke kwaam neet trök.
Giesteraovend, toet miene allergrootste sjrik,
höb ich mich in ein bölke versjlik.

Op de resepsie van de Prins bön ich oet de bol gegaon,
ich had nieks meer gegaete en det waas nieks gedaon.
Nao ein aantal pilskes rammelde de maag,
toen kwaam ´t eerste aete van de ganse daag.
Ein bord mit bitterballe ging dao róndj,
mich leep ´t water oet de móndj.
En op ein röstig ougeblik höb ich d´r ellef ingesjlik.

Ich waas verkleid van kop toet teen en ging nao de optoch haer.
Toen kwaam dae hoge wage, de Prins mit heel väöl flaer.
Mit ein vastelaovend-driedöbbel-alaaf,
sjmeet hae nao de kienjer de sjlók van baove-aaf.
Ich waas te sjnel veur det menke naeve mich,
hae keek mich aan mit ein sip gezich.
´t Sókkerbölke had ich ingepik en heel sjnel ingesjlik.

Al liek ´t nog zo sjmakelik, ich belaof.... ich belaof....,
det ich noojt meer ´n bölke sjlik.


HOME PLAATSNAMENOVERZICHTHOME


ICH TREK DE SJTEKKER D'R OET
2005/2006: Tekst: Wim Kemp & Etty en Peter Willemse-Kemp - muziek: Wim Kemp
Zang: Op Good Gelök

Refrein:
Ich veul ein sjpanning door mien lief det geit van kop toet teen
Ich bön altied gelaje as ich dich weer zeen
D'r is gein weersjtandj dae ich noe nog aan dich beje kan
Ich veul ein grote sjpanning noe en dan
Ich wil mit dich d'r efkes tössen-oet
't Is vastelaovend en ich trek de sjtekker d'r-oet
Ich wil mit dich d'r efkes tössen-oet
't Is vastelaovend en ich trek de sjtekker d'r-oet

Mich sjtaon de haore noe al zeker drie daag rech omhoog
As of de bliksem in mich sjloog wie ich dich zoog
't Vónk en knettert, 't is bienao neet te drage
Noe zeen bie mich finaal de sjtoppe doorgesjlage
Ich weit neet wo det ich mit dees daag zal belanje
Maar in mien hert geit eindelik ein lempke branje

Ich veul mich aaf en toe ein laeg-geloupe batterie
Maar vastelaovend gif mich nuje enerzjie
En völt de sjtroum oet, dans ich wiejer in 't duuster
Ich maak kontak doordet ich in dien eurke fluuster
Ich weit neet wo det ich mit dees daag zal belanje
Maar in mien hert geit eindelik ein lempke branje


HOME PLAATSNAMENOVERZICHTHOME


ICH WEIT 'T NEET
Teks: Hyke Wieriks - melodie & meziek: Wiek Chermin
Zang (*) : Veerdriekwaart

De bleumkes en de biejkes, det bin ich toch zo zat.
Waem is 't eers gebaore de kater of de kat ?
Waas 't 'n kip of eier, 'n keers of eine pit ?
Waem kint 't get versjille, wie of det noe toch zit ?

Refrein:
Ich weit 't neet, ich weit 't neet, ich weit neet wie 't zit.
Ich weit 't neet, ich weit 't neet, is 't noe det of dit ?
Ich vraog 't noe aan ederein mit ein rooie naas.
Waat waas d'r noe 't eerste, 't pilske of 't glaas ?
Waat waas d'r noe 't eerste, 't pilske of 't glaas ?

De ooievaar brink kienjer, det gluif-se zelf toch neet.
Waem haaj de eerste hove, 't paerdje of de sjmeet ?
Waas 't 'n plaat of bendje, 'n sjlager of 'n hit ?
Waem kint 't get versjille, wie of det noe toch zit ?

Sinterklaos of kersman, det is toch aaje kook.
Wo is 't eers gezonge, in Eysde of in Mook ?
Waas 't de dors of honger en lekker meug of fit.
Waem kint 't get versjille, wie of det noe toch zit.

* cd 1995 : De Katers - " OrzjeNeel 1 " - Onger Os 7273


HOME PLAATSNAMENOVERZICHTHOME


ICH WEIT ´T NEET
2002/2003: Tekst & muziek: Marc Breugelmans
Zang: De Zekskesvullers (Doreen, Karin en Karin)

Refrein:
Ich weit 't neet, ich weit 't neet, ich weit 't neet,
kin miene sjleutel neet meer vinje.
Ich weit 't neet, ich weit 't neet, ich weit 't neet,
mót nao hoes, kin neet meer binne.
Is d'r neet eine of eine angere,
dae det noe kint verangere ?
Ich weit 't neet, ich weit 't neet, ich weit 't neet.
Zek mich waat ich noe mót doon.

Ich kiek ins nao die angere, die weite 't neet meer,
wo ich de sjleutel höb gelaote.
Ich baej zellefs toet Anthonius, mer dae guf ouch neet thoes.
Mót mit de kastelein gaon praote.
Hae kiek mich vraogend aan, en ich zek heel sjpontaan:

't Gans kefee duit mit mich mit, lik veur mich oppe knie,
óm miene sjleutel trök te vinje.
Ich zeen de Raod van Ellef en ouch de Prins, dae is d'r bie,
't gans orkes haet in mótte binje.
't Fees det liek veurbie, veer kroepe zie aan zie.


HOME PLAATSNAMENOVERZICHTHOME


ICH WIL DANSE
Teks & meziek: Henk Giesbers
Oetveurende (*) : Jacques Verkoulen & Annita Meuwissen

Refrein (2x) :
Ich wil danse, ich wil sjanse, jao leef ketje, jao mit dich.
Ich wil danse, ich wil sjanse, jao mien ketje, doe en ich.

Dees daag blief ich hiej, waat ein waer,
op wintjersjport gaon ich neet gaer.
Wiet reize of weggaon, det is t'r neet biej,
vastelaovend, det viere veur hiej.
Det dörpke van oos wo ich woon,
't laeve hiej is toch zo sjoon.
't Hert van oos Neel, det klop toch zo good,
vasteloavend zit os in 't blood.

De miense hiej rondjom os haer,
doon mit, auch al is t sjlech waer.
Ze sjlaon dan de henj mit z'n alle inein,
want de kater, dae reup os biejein.
Ich haaj van oos Neel, det heurt geer.
Ich zing 't dan noch eine keer.
Blief hiej, loester good, want 't is det geer't wit;
Haaj van Neel en zing noe effe mit.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


JAO ICH !! DE PRINSES
2003/2004: Tekst: Riet Bongaarts - muziek: Nina Bongaarts
Zang: Nina Bongaarts

Refrein:
hiej sjteit de prinses van ´t limburgs landj
let op ´t geit noe gebeure
regeer hiej zo oet losse handj
aopen veur uch alle deure
prinsheerlik sjtaon ich aan ´t bewindj
van ´t ganse raregekkelandj
alle prinse noe mit groot verlof
kaerels ! gaot aan de kantj !
alle prinse noe mit groot verlof
kiek oet !! kaerels aan de kantj !

det maondje zeuke biej de voetbalklup
of biej de eigese sjötterie
nao "oze Nuje" zowie waerd gezag
is t´r noe nae noojt meer biej
want kiek geweun ins efkes róndj
väöl maedjes prinsesse zat
mer ein dingk ja, waat mót det mót
kin se wouwele in ´t plat

en dan die möts ouch nog mit vaere
dök te krap dök väöl te wied
en daobie nog dae breije manjtel
man, ich waer michzellef nog kwiet
veur "de" prinses is alles angers
is det noojt ein perbleem
ich draag geweun ein heel sjiek kleid
en oppe kop ´ne diejadeem

dan is d´r nog dae zjwaore septer
en al die ordes van ´t hoes
ouch hoof ich ech gein adjudante
ich bring michzellef waal toes
en dan de prins zien wit majootje
waat ich dao zo van vinj
ich mót d´r neet aan dinke
det dingk zit toch väöls te ing


HOME PLAATSNAMENOVERZICHTHOME


’T JO-JO EFFEK
2006/2007: Tekst: Clemens Maessen en Ronald Vorage – muziek: Kompeziesie: Clemens Maessen
Zang: Gein Sjtum Plus

Refrein:
ich höb versjikkelikke las van ’t jo-jo-effek
noe twee kilo draan, ich waer harsjtikke gek
veurige waek waar ich nog drie ons kwiet
toen kwaam dae BBQ en noe höb ich zón sjpiet
’t liene luuj, det maak mich toch waal gek
dus sjei ich d’r mit oet want ich höb zat van ’t jo-jo-effek

iddere morge sjting ich op de waog
en sjtelde mich maar sjteeds dezelfde vraog
ich had toch giester waal good opgelet
maar eine krekker op biej de gezet
ouch saoves had ich ech neet väöl gehad
net twee laepels greunte en eine petat
maar zoog ich ’t gewich, kreeg ich ein kleur
wo doon ich ’t allemaol veur

noe bön ich d’r achter wie ’t zit
allein maar fietse hilt ‘ne miens neet fit
dus let ich op ’t aete en de drank
want zónger vitamine waers se krank
de drank dus light, ’t aete neet te vet
de jeug waerd te diek, jao det zaet de gezet
ich kiek in miene sjpegel, krieg ein kleur
wo doon ich ’t allemaol veur


HOME PLAATSNAMENOVERZICHTHOME


JONK EN AAD
Tekst: Chrétiën Molenbrugge - muziek: Stef Kupers
Zang: Hannen & Alt

Kiek, zaet Hay, mien Venlo-sjtad,
Mit ein Zoepkoel höb-se wat.
Sjoon Parade en Sjtadhoes,
Zo-get höb geer neet aan toes.

Hay, kom efkes nao Remunj,
Maak ich ins mit dich de runj.
Kiek ins nao ’t Sjtasie-plein,
Hiej sjpektakelt ederein.

Refrein:
Jonk en Aad det veult zich thoes
Wiej de Ule en de Moes
De Kater en de Nachtegaal
Vinje det ouch gans normaal
Dan heur-se Kammeraod en Deer
Kaje kook besjteit neet meer
Want groot en klein van e’dre sjtandj
Höbbe eine goje bandj.
Mit zonnesjien of Kaad en Naat,
Is dét Remunj veur Jonk en Aad.

Kiek zaet Sjeng, dit is Mesjtreech,
Mit ’t Mooswief in ’t leech.
Loer mien Vriethaof en de Mert,
Geit dich det neet aan ’t hert.

Sjeng, kom efkes nao Remunj,
Hiej vinjs dich nog echte vrunj.
Op de Werf ’t Bachus-sjpel,
Dao-van krieg ich hoondervel.


HOME PLAATSNAMENOVERZICHTHOME


KAMPVUUR MEDLEY
Teks: Ton Custers - melodie: Nederlandse Amerikaan

Ich woor aan 't fietse, de bandj leep laeg, ich vroog ein maedje de juuste waeg.
Ich woor aan 't fietse, de bandj leep laeg, ich vroog ein maedje de juuste waeg.

Nao veur, nao achter, den links, den rechs.
Nao veur, nao achter, den links, den rechs.
Nao veur, nao achter, den links, den rechs.
Nao veur, nao achter, den links, den rechs.

De waeg dae woor ich al sjnel weer kwiet, de fietsemaeker woor nag wiet.
De waeg dae woor ich al sjnel weer kwiet, de fietsemaeker woor nag wiet.

Ein dame zoog mich en zag hallou, ich vroog toen: wo mót ich haer mevrouw ?
Ein dame zoog mich en zag hallou, ich vroog toen: wo mót ich haer mevrouw ?

Melodie "Daar was laatst een meisje loos":

Midde oppe oceaan, dao voor ein beutje, dao voor ein beutje.
Midde oppe oceaan, dao voor ein beutje, 't beutje van Maan.

Maan, dae hees 't zeil omhoog, keek nao de wolke, keek nao de wolke.
Maan, dae hees 't zeil omhoog, keek nao de wolke, wis neet waat d'r zoog.

Ich wól wete waat hae zoog, ging 't 'm vraoge, ging 't 'm vraoge.
Ich wól wete waat hae zoog, ging 't 'm vraoge, mer dink det d'r loog.

Melodie "Row, row, row your boat":

Links rechs, links rechs, loup mer inne maot.
Wanjele, wanjele, wanjele, wanjele, kèn toch gaar gein kwaod.

Melodie "Pack up your trouble" / "Pak al je zorgen":

Pak dich de wanjelsjoon en laot ós noe mer gaon, gaon, gaon
Laot alles waas se lever neet wils doon sjtaon en laot es gaon
Kiek 't zunke lache noe, 't wies de waeg veuroet, dus
pak dich de wanjelsjoon en laot es noe mer gaon, gaon, gaon

Melodie "Ai, ai, jippie jippie jee":

En mien broor, dae woont in Zjwame en dae kump.
En mien broor, dae woont in Zjwame en dae kump.
En mien broor, dae woont in Zjwame, mien broor dae woont in Zjwame,
mien broor dae woont in Zjwame en dae kump.

Zing ich ai ai jippie jippie jee, zing ich ai ai jippie jippie jee.
Zing ich ai ai jippie, ai ai jippie, ai ai jippie jippie jee.

En hae kump mit eine knoedel es d'r kump.
En hae kump mit eine knoedel es d'r kump.
En hae kump mit eine knoedel hae kump mit eine knoedel,
hae kump mit eine knoedel es d'r kump.

En veur vare mit de knoedel nao de koel.
En veur vare mit de knoedel nao de koel.
En veur vare mit de knoedel, veur vare mit de knoedel,
veur vare mit de knoedel nao de koel.

Melodie "Mama, 'k wil 'n man he":

Mam ich wil gaer sjanse, en mit waem, mien leefste kindj ?
Eine soms oet Amsterdam, nae mamma, nae.
Eine Amsterdammer wil ich neet, want proemevlaai det kènt dae neet.
Noe bön mer verder sjtil, want det is neet waat ich wil.

Mam ich wil gaer sjanse, en mit waem, mien leefste kindj ?
Mót hae soms oet Limburg zin, jao mamma, jao.
Ein Limburgs sjtök det wil ich waal, want dae sjprik mien eige taal.
Det is waat ich wil, en noe bön mer verder sjtil.

Melodie "Sarie Marais":

Bön ich óngerwaeg, kilomaeters inne bein, den veul ich mich soms allein.
Ich zeen den in gedachte weer, det huuske veur mich sjtaon,
en wil weer nao dich nao hoes toe gaon.

Ich wil zo gaer nao det huuske haer, dao wo mien maedje woont.
Dao achter bie det dörpke, wo de Maas dae krónkel maak,
dao kóm ich nag sjteeds zo gaer.
Dao achter bie det dörpke, wo de Maas dae krónkel maak,
dao wil ich mit dich gaer haer.

Melodie "Gut' Nacht":

(1) 't Is gedaon noe, 't is gedaon noe, 't is gedaon noe, veur mótte sjlaope gaon.
(2) Welteruste, welteruste, welteruste, veur mótte sjlaope gaon.
(3) Sjlaop mer lekker, sjlaop mer lekker, sjlaop mer lekker, veur mótte sjlaope gaon.

Morge weer opnuuj op waeg, door 't bos, langs 'n wei.
Morge weer opnuuj op waeg, euver de paarse hei.

* CD 1998: Diverse artiesten - "Es se mit wils doon" -
co-produksie van Jong Nederlandj Limburg en Omroep Limburg


HOME PLAATSNAMENOVERZICHTHOME


EINE KATER
1986/1987 nr.1. : Teks & meziek: Harrie Bonné
Oetveurende (*) : Jacques Verkoulen

Refrein:
Eine kater, eine kater, dae leet 't mauwe neet.
Eine sjone Neelse kater, dae leet 't mauwe neet.
En weit geer waat 't sjoonste is ?
Hae is kepot van al waat poezelig is.
Eine kater, eine kater dae leet 't mauwe neet.

Sjarel is kater van oos Tante Fien,
duit zich nieks es zónne, achter de gerdien.
Saoves waerter laevend, leet Tant Fien 'm oet,
poets-d'r zich zien sjnörke, geit d'r weer drop oet.

Op dae sjone aovend, dao bie ome Sjmeed,
zoot-d'r weer te mauwe, wie dae sjmeed auch sjmeet.
Hae sjtook de tong oet, sjprong toen op 't daak.
mit sjterkes in zien auge, zong dao dae zjwarte sjnaak.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


DE KATER OP 'T PLEINTJE
1988/1989 nr.1: Teks: Hyke Wieriks - meziek: Hyke Wieriks & Harry Janssen
Oetveurende (*) : Veerdriekwaart

Refrein:
De kater op 't pleintje zit 't ganse jaor allein,
en zeker is dae kater neet helemaol van sjtein.
Waat hae zo gaer zol wille, is sjmoeze op ein bank,
aan de euverkantj op 't Betjesplein, mit ein ketje leef en klein.
Aan de euverkantj op 't Betjesplein, mit ein ketje leef en klein.

De vastelaovestied begint op de Sint Mertesdaag.
De aje prins waert opgepoets, hae mót weer aan de sjlaag.
Auch de kepel, die kump biejein en oefene veur later.
Nemes waert vergaete, behalve ozze kater.

Mer dinsdig is de grote daag, hiej haet-d'r op gewach.
Dan kump de prins mit ziene raod, meziek en auch ein vlag.
Hae krieg ein pöt euver de kop, mit daak taege 't water.
Nemes waert vergaete, auch neet oze kater.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


KATER OPPE TOREN
1988/1989 nr.1: Teks & meziek: Jan Huyskens
Oetveurende (*) : Jan Huyskens & Annita Meuwissen

As 't haenke oppe tore eine kater waas.... den kos hae hiel wiet kieke,
euver Zjwame toet in Pruusses en toet ver euver de Maas, en kos hae vergelieke.
Want halve gare gekke jao, die zeen d'r euveral.
In Pruusses hét det Fassnach en in Hollandj Carneval.

Refrein (2x) :
Hiej in Neel dao is 't Vastelaovend, die van Neel, die gaon d'r taegenaan.
Van de vreuge morge toet de aovend en van saoves toet de eerst haan.

Es 't haenke oppe tore eine kater waas.... dan kos hem nieks gebeure.
Alle vastelaovesbeeste kieke duchtig op háór naas, es hae zich ins leut heure ....
Al make alle anger vastelaovesgekke lol,
mer feeste wie 'ne kater, hilt t'r geine drie daag vol.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


DE KATERBLUES
Teks & kompeziesie: Ward Willemyns
Zang (*) : 2W

De katerblues, besjteit dae waal ?
Jao, ech waal miense, gaar geine zeiver.
'n Kater krieg de katerblues, es 't veurbie is, dae sjone tied.
Mit vastelaovend, den haet d'r joeks,
op asselegoonsdaag begint de blues, de katerblues.

Waat is det den, dae katerblues ?
Det is 'n geveul, det wilse neet kinne.
Want esse 't kriegs, den waerse zo tries,
den wilse weer truuk, nao die sjoon daag.
De katerblues, dae hout d'r in,
doe veuls dich laeg, en nieks haet zin.

Mer neet allein vanaaf asselegoonsdaag,
krieg ich de blues; de katerblues.
Ouch mit die daag tiedes vastelaovend kin ich 't kriege.
't Is neet te gluive, toch zeen d'r momente det d'r nieks te doon is,
en se neet kins wachte op waat geit komme.

Ouch in 't veursezoen kin ich 't kriege,
want in 't veursezoen is altied in wiek-ends.
Dus door de waeks, es ich neet kin wachte,
op 't volgende wiek-end det get te doon is,
jao, den kint g'r begriepe, det 't zal gebeure.
Den krieg ich de blues, de katerblues.

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


KEGELE
Tekst: Hyke Wieriks - muziek: Stef Kupers
Zang: Hannen & Alt

Gister is ’t weer ein jaor geleje
Det veer mit de klup zeen weggegaon.
En zeen toen same nao de sjpeeltuin toe gereje
Mer det waas veur os toch nieks gedaon.
De wip en sjoegkels det is flouwekul
Veer gaon kegele mit hele dieke böl.

Refrein:
Es de vogel-klup geit ke-ge-le, dan is det toch zo sjoon
Dan trèk de ganse bubs nao Te-ge-le, want dao …. is ’t te doon
Es de cente van de sjpaarkas zeen geteld
En de penningmeister haet de reis besjteld
Jao dan gaon veer mit zien alle mit de bös
Rech nao Tegele …… en nörges waert gerös.

In de bös dao waerde väöl genaote
Van ’t beer en van de limmenaat.
En van te veure haje veer allang besjlaote,
Neet te sjtoppe, want ’t waas al laat.
Toen lepe veer wie eine houte klaos,
Door de bös mit eine hele dieke blaos.


HOME PLAATSNAMENOVERZICHTHOME


DE KELNERS
2002/2003: Tekst: Wil Scheepers - muziek: Tof Deckers
Zang: Wil Scheepers & Frank Steuns

Refrein:
Veer pils, eine sjoes en eine hallef óm.
Veer pils, eine sjoes en eine hallef óm.
Es kelner moog se nieks vergaete, want dan bösse jao sjtóm.
Wilt geer mesjien nog get te aete, of höb geer ´m sóms óm ?
Veer pils, eine sjoes en eine hallef óm.
Veer blieve bie de pinke, want veer kelners zeen neet dóm.

Dao kump weer ein besjtelling aan, de glaeskes zeen weer laeg.
Ich wirk mich door de drökte haer, ze gaeve ´m ein vaeg.
Besjtelle moog geer waat geer wilt, ich gaon veur uch op paad.
Kóm altied mit ´t juuste truuk, al waerd ´t döks waal laat.

Die taofel aan de euverkantj vergeit weer van de dórs.
Kóm ich dao mit mien blaedje aan, of det neet flotter kós.
Dan pak ich de notiesieblok en ouch griep ich mien pen.
Ich wies dan op d´n angere, ´t lök mesjien waal dem.


HOME PLAATSNAMENOVERZICHTHOME


KILOOS AAN DE VOT
2007/2008: Tekst & muziek: Clemens Maessen
Zang: Gein Sjtum Plus

Refrein:
Mich hingt `t gelök mit kiloos aan de vot
Dus mich kint gaaroet nieks gebeure
Mich hingt `t gelök mit kiloos aan de vot
Dus mich heur se ech neet zeure
Dan heurs se miense zegke waat is dae man toch zjwaor
Op al det kómmentaar höb ich ein antjwaord klaor
Want vreug d`r eine waat is det ónger diene rök
Dan zegk ich dèt zeen de kiloos aan de vot van`t gelök

Mien ganse femilie vindj mich eine zwaore man
En es `t euver gokke geit dan weet ich d`r get van
Ich poker mich de sente edere aovend weer biejein
Gelök is neet te sjtoppe……. ich gaon wie eine trein

Ich koch mich lets ein sjtaatslaot en presies zo wie ich dach
Sjleipte ich alweer de hoofpries in de wach
Ich euverstruim van prieze en ich weit neet waat ich mot
Want mich hingt `t gelök al jaore aan de vot


HOME PLAATSNAMENOVERZICHTHOME


KINSE MICH INS KNOEVELE
Teks: Henk Giesbers - meziek: Jacques Verkoulen & Henk Giesbers
Oetveurende (*) : Jacques Verkoulen & Annita Meuwissen

Refrein:
Och, kinse mich ins knoevele, det vinj ich toch zo fijn.
Och, kom mich toch ins knoevele, ich veul mich zo allein.
Want es ich zo de knuip aaf höb, duit det mich toch zo good.
Jao, as ich dan geknoeveld waer, krieg ich weer nuje mood.
Jao, as ich dan geknoeveld waer, krieg ich weer nuje mood.

Os nujerwetse laeve, det is mich ein gesjouw.
Os laeve allewieles, det geit toch waal heel gauw.
Veer maore en veer klommele, veer wirke en veer rommele.
Soms bön ich 't dan zat, en roop nao miene sjat.

Al wone veer in Leve, in Neel of in de sjtad,
al wone veer in Zjwame, det jage bön ich zat.
Veer sjörge en veer sjommele, veer zorge en veer pongele.
Soms veul ich mich zo drök, op zeuk nao mien gelök.

* cd 1995/1996 : De Katers - " Orzjeneel 2 " - Onger Os 7295


HOME PLAATSNAMENOVERZICHTHOME


KOM GANGK INS EFKES MIT MICH MIT
Teks & meziek: Harry Mooren
Oetveurende (*) : Aristokaters

Mit Vastelaovend gaon veur edere,
aovend in Neel gezellig oet.
Dan kinse weer danse en springe en
sjanse en nemes sjmiet dich droet.
Höbse gekrege get aan diene erm,
waerse meug of kriegs doe 't te werm:

Refrein:
Kom gangk ins efkes mit mich mit,
ein glaeske beer maak os weer fit.
Den kint os nemes meer sjlaon.
Laot mer gaon, laot mer gaon,
want Neel det blief besjtaon.
Laot mer gaon, laot mer gaon, laot mer gaon...

Geer mot mer ins kieke en good vergelieke,
wo de sjoontste maedjes zeen.
't Zeen zjwarte en blonje en sjmale,
en ronje, heite Antje, Fie of Leen.
Höbse gekrege get aan diene erm,
waerse meug of kriegs doe 't te werm.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


'T KRÖKSKE
2001/2002: Tekst: ? - muziek: ?

Refrein:
Waat ein gelökske, dao sjteit ein krökske.
Veur mich bös dich ´t allersjoonste muibelsjtök.
Waat ein gelökske, dao sjteit ein krökske.
Want zonger dich waas ich al lang nao hoes terök.
Ich bön zo meug, ich mot eigelik gaon pitte.
Waat bön ich blie det ich op dich kin gaon zitte.
Waat ein gelök, dao sjteit ein krök.
Ich hoof neet nao hoes toe, zon krök, det sjilt ein sjtök.

Zo richtig vastelaovend det is nao miene zin,
de ganse daag bön ich dan ongerwaeg.
Van sjmorges vreug toet saoves laat, det hout der duchtig in,
dees daag gaef ich ´m ein vaeg.
En höb ich saoves döks de kop get ongerein,
of zak de meugigheid mich langksaam in de bein...

´t Is weer vastelaovend, dus hie is get te doon.
Jao, ich sjpits mich op dit sjpeel.
De Prinsebal, de optoch, och waat vinj ich det toch sjoon,
ich gaon draan mit hert en zeel.
En bön ich saoves soms get meug of in de war,
dan vinj ich altied nog mien krökske aan de bar...


HOME PLAATSNAMENOVERZICHTHOME


DE KUMENDE FOREL
Teks: Aad Prinse Neel - meziek: Jennon & McCartney
Oetveurende (*) : Sjnaps

Waere veer aajer, verlere de haor, zo geit det jaor nao jaor.
Kriege waal of neet genòg van vrieje tied, stjaon nog biej de bank in 't kriet.
Gaon veer dan trimme, fietse missjien, te voot nao de kepèl,
of gaon veer same allemaol vèsse op kumende forèl.

Worom kuump dae vès, het veult zich allein, det vinjt hae neef fijn.

Femilie forèl, de pap en de mam, ein kiendje van ein waek,
väöl te vreug gebaore in de Neelder baek, Pap neet dao, dae zoot in de aek.
't Vèske gezondj, zjwôm drek in 't rondj, duipe det ging sjnel.
Gertruda, Jacoba, Maria, Sophia, mer veur numme 'm Nel.

Es Nelke mit zien uigskes baove water kump, dan zuut 't dao ein môs.
't Kiendj haet broor noch zôs.
Nelke sjrik en reup om zien mam, eine vès mit vaere wiej det kan.

Nao ein paar waeke zaet Nel taege mam, kiek ins wiej ich zjwum.
Druim de ganse nach nog van de vaerevès, is det normaal of is t'r get mis.
Zo waerde 't groter, geer weit wie det geit, zo ging 't auch mit Nel,
Noe is 't gevange, aan de haok blieve hange, es kumende forèl.

* cd 1994/1995 : De Katers - " Orzjeneel " - Onger Os 7273


HOME PLAATSNAMENOVERZICHTHOME


LACHE IS GEZÓNDJ
2006/2007: Tekst: Jan Huyskens - muziek: Raymond Berlo
Zang: De Chanteurs

Refrein:
miense geer mót meer lache
lache is zo gezóndj
good veur dien hert en dien lónge
veur de faaje róndj de móndj.
miense sjei oet mit knotere,
geer weit neet waat geer mis,
bón bliej wiej hiej de klarinettis.
trompettis en trombonis
bón bliej det ouch veur eine pessimis
nog vastelaovend is.

eine daag neet gelache,
eine daag neet gelaef,
gluif maar det ich mit diej gekke
daag hem good van jetje gaef
eine daag neet gezónge
eine daag neet gekös,
dan zegke ze al gauw des doe
'ne sjlome duiles bös.

miense waat ein gemópper
en 't geit ós toch zo good.
as 't sjtrakkes minder geit luuj
dan verkoupe veer de boot.
al höb geer geine nagel,
óm te kratse wo 't jeuk,
pak uch toch maar eine pils
jao mesjien waerd 't dan leuk.


HOME PLAATSNAMENOVERZICHTHOME


LACHE MÓS SE ZELF
2008/2009 nr.1 : Tekst & muziek: Wim Kemp
Zang: Op Good Gelök

Refrein:
Oze leve Heer, dae haet dich ein gezich gegaeve, maar lache mós se zelf
Ein blie gezich, dae breije lach, die ouge glinst’re in de nach, zo wins se al de helf
En maak se dich dan waal ins drök en veuls se neet meer ‘t gelök, dan zaet ós Leve Heer:
“Waat dich is gegaeve, is veur ’t ganse laeve, de’s allemaol veur dich
Dink aan deze regel lach ins in de sjpegel, dan lachs se taege mich”

Marie is noe al maonjelang zó’n viefenvieftig jaor
Mit rimpelkes, en walle en ein bietje grieze haor
Gein crème, gein zalf, maar face-lif, jao det wól ’t toen heel gaer
De dokter trok ’t vel van ‘m euver de ore haer
Noe löp ‘t gillend euver sjtraot, ’t zuut d’r neet meer oet
En as ich ‘m dan taege kóm, zaegk ich: “Doe sjtrakke sjnoet”.
Det is toch gein gezich, noe loester ins nao mich”

Dae Nol van ós is eine baer van hóngerd kilo zjwaor
Mit hase in de rink is hae ein laevesgroot gevaor
Hae sjleit nao links, hae sjleit nao rechs en raak ‘m heel direk
Maar saoves in zien bed ligk hae dan zelf oetgesjtrek
Dan zaet zien vrouw: “As ich dich zeen, dan zeen ich waat neet doug
Ich kiek nao links, ich kiek nao rechs en zeen dien blauwe oug”
Det is toch gein gezich, noe loester ins nao mich”


HOME PLAATSNAMENOVERZICHTHOME


´T LAEVESGLAAS
2003/2004: Tekst: Jan Huyskens - muziek: Tof Deckers
Zang: Jan Huyskens

Refrein:
´t laevesglaas zit toet ´t rendje vol
mit dieke traone en mit laeveslol
door al det leid en lache van plezeer
sjuump eder laeve wiej ein glaeske beer
veer sjloeke edre daag ein sjluukske aaf
en rope zegk gezóndjheid, proos, alaaf
en sjtrakkes biej de allerletste aom
jao den zeen veer van det glaeske pas de baom

ich zit hiej aan ´t bufet
en zing get in mien glaas
krieg sóms de sjlappe lach
dan drieve traone langs mien naas
ich höb zo van mien daag
väöl pilskes weggegaeve
en drónk mit mennige sjat
op de leefde en ´t laeve

ich zit hiej op mien krök
en kiek deep in mien glaas
dan zeen ich altied weer
wiej sjoon die jugendzeit oojt waas
dan heur ich weer meziek
van love, l'amour en liebe
en zegk taege michzelf
wo sind sie toch gebliebe


HOME PLAATSNAMENOVERZICHTHOME


LAEVESLANGK
Teks: Thei van Cruchten - kompeziesie: Jan Theelen
Zang (*) : Thei van Cruchten

In 't midde van de nach, örges in ein sjmaal klein sjteeg,
pliesiewage mit sierene en blauw leech.
Twee grote binke sjtapde oet, grepe mich duchtig in de kraag.
Eine zag: "De's veur de twede keer vandaag".

Enfeng, ich mit nao 't buro, ich dach noe bösse de siegaar.
Mer d'n hoofplies zag: "Jonges, waat ein komies eksemplaar.
Mosse ins kieke waat ein naas, en knul, waat tunk uch van die sjoon.
Kiek ins good in zien pepiere, 't is mesjien waal eine kloon".

Ich zol waal wille det ich laeveslangk es kloon kreeg,
mit zo'n roje naas en van die grote sjoon.
Ich zol waal wille det ich eindelik mien rech kreeg,
dan hoofde ich de ganse daag mer gek te doon.

Mit de kleintjes zol ich danse, lache, sjpringe,
en mit de grote mit de mood al in de sjoon.
Zol ich hongerd blieje leedjes same zinge,
det is de laevestaak van unne echte kloon.
Kiek in de sjpegel luuj, dan zolt g'r'm waal vinje,
want ouch in uch zit örges eine echte kloon.

Ich rouk per daag twee pekskes sjek en mien haor greujd in de nek.
En de rechter zag: "Hoe zie je d'r weer uit, je bent geen heer meer in 't verkeer.
Je wast je voeten ook niet meer en ik weet met jou niet voor of achteruit".
Mer mien verdedigster, heel jongk en knap, woor oet op ein suukses,
en ze maakde van de ganse zaak ein prachtig proofproses.

Jao, zellefs de openbare aanklager, dae vonj gein presedent,
en zag: "Laot mer lekker zitte want dae kloon haet geine sent.

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


LAOT 'M MER KÔMME
2009/2010: Tekst & muziek: Hannie Kupers-Leenen
Zang: Hannen & Alt

Refrein:
Laot ‘m mer kómme, dae vastelaovend,
Want veer kinne ‘m mit väöl gemaak weer aan
Laot ‘m maar kómme, dae vastelaovend,
Dan gaon veer d’r weer ins effe taegenaan
Al veule veer ós sjtrak, wie eine sjóttelsplak,
Op dit mement, krejt daonao nog geine haan.

De herfs is al in volle gang en ich bereid mich veur
’t allersjoonste jaorgetiej det sjteit weer veur de deur
De ellefde november dan begint ’t nuje jaor
Veur flares of veur drómmedares is ‘t pekske klaor

En eindelik en eindelik dan is ’t weer zo wied
Hae is weer hiej en maak ós bliej, dae allersjoonste tied.

Mien zjwaoger oet Sexbierum in ‘t Friese landj zo greun
Dae vindj ’t zeile en ’t sjaatse toch al heel geweun
In fibberwari kump hae eders keer nao deze kantj
Want hae zaet dao in Limburg is pas ech get aan de handj.

En eindelik en eindelik dan is ’t weer zo wied
Hae is weer hiej en maak ós bliej, dae allersjoonste tied.

Vekansie viere in augustus deje veer heel gaer
Mit Kersmes hadde veer ’t fein mit alle saorte waer
Maar dan toet fibberwari haje veer ’t haos neet oet
Want in dae tied dan wilt ós vastelaovesbees weer droet.

En eindelik en eindelik dan is ’t weer zo wied
Hae is weer hiej en maak ós bliej, dae allersjoonste tied.


HOME PLAATSNAMENOVERZICHTHOME


DE LETSTE DANS
2007/2008 nr.1 : Tekst & muziek: Clemens Maessen
Zang: Sjnaps

Refrein:
Moog ich de letste dans van dich, veurdet ich nao hoes toe gaon
Moog ich dae letste dans van dich want dalik is `t gedaon
Dan gaon de vastelaovessjpulle weer ein jaor in de kas
Dus dans de leste dans mit mich dan haaj ich dich sjtevig vas

Waas vastelaoveszaoterdig wie ich dich zoog sjtaon
Ich keek dich in dien ouge en toen waas `t mit mich gedaon
Ich waas op sjlaag verleef dich keeks mich aan mit eine lach
Kreeg kriebels in miene boek en wit se waat ich toen dach

De vastelaovend achter ós, doe leeps dao oppe sjtraot
Doe kwaams sjteeds dichter op mich aaf, mien hert sjloog oet de maot
Ich dach direk weer trök aan ozze allerletste dans
Kreeg kriebels in miene boek en greep weer heel sjnel mien kans


HOME PLAATSNAMENOVERZICHTHOME


LIMBOLANDJ
2006/2007 nr.1 : Tekst: Lei Helgers – muziek: Kompeziesie: Tof Deckers
Zang: Lei Helgers en de Paol zengers

’t haet nieks te make mit seks of kabaal
det vinje veer Limbo’s mer heel erg banaal
veur ós mót ’t sjtóm zeen, get kwatsj en väöl beer
dan sjpringe en zinge veer weer

Refrein:
gans Limburg sjteit op ziene kop
en ich doon d’r nog ein sjöpke baove-op
drie daag jao, sjpring ich oet de bandj
hiej in Limbo-landj

Die Hollenjers kómme mit häöre meziek
es geer maar neet dink det ich dao oojt veur wiek
veur ós mót ’t plat zeen mit sjmink en väöl lol
pas dan gaon veer oet oze bol

’t landj mit zien heuvels en de zaachte gee
veer zegke de Hollenjers heel sjnel tabee
van de vastelaovend dao blief geer van aaf
dan zinge veer ewig alaaf

de sjtreek van Zuid-Limburg toet baove aan Mook
dao heur se mit dees daag oet edere hook
kóm bring sjnel get beer hiej en blief dan biej mich
want ich haaj toch zoväöl van dich


HOME PLAATSNAMENOVERZICHTHOME


LINKS-RECHTS
Teks: Sjra Puts - meziek: Thijs Hannen
Oetveurende (*) : Sjra Puts mit de madams van Neel

Refrein:
Maar mit Vastelaovend jao, mit Vastelaovend,
dan geit 't veuroet, achteroet, nao rechs en auch nao links.
Dan maak 't gaar nieks oet waem desse bös en waasse dinks.
Haet ederein de naas omhoog en 't versjtandj op nul,
dan gaon de zorge op verkansie en waat blief, links, rechs is flauwekul !

Veer motte links, veer motte links, det reup de sosjalis,
want dét is toch de waore waeg, dae te bewanjele is.
Veur motte links en auch veuroet, zo höbbe veur besjlis,
mer elk debat geit mit die daag nao de verdommenis.

Det rechs is heel belangriek, jao zo sjprik de pliessieman.
Es doe neet wéts waat kump van rechs, dan kump d'r rommel van.
Es rechs geit rieje wo allein de linker rieje kan,
dan zaet de rechter waas maar link, ich houw dich inne pan.

Jao achteroet, jao achteroet geit de salarissjtrook.
En veuroet gaon de prieze in de winkel oppe hook.
Nog aeve en dan velt veur os 't roje girodook.
Allein mit Vastelaovend sjluut oos brave hoeshaadbook .....

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


DE MAON VAN LA BALMA
Tekst & muziek: Ton Custers
Zang(*): Ton Custers

'T is al donker, 't glaas half laeg
de letste windj dae zeuk zich ziene waeg
verlaote sjteul op ein laeg terras
ein zaag geluid vanoet de Mas
de sjlaop dae wint de daag zeuk rös
'T is de nach dae weer de sjterre kös
de grote baer dae kiek voldaon
en zeuk tösse de berg ein halve maon

'T is gedaon weer veur vandaag,
morge eine nuuje daag
mit luuj die se weer kenne leers
mit druime die se oetprobeers
kiek wie de waeg nao 't paradies,
morge weer te gaon
net wie 't water van de waterval
langzaam wegdruimt in de maon

Vertroewd geluid noe van de nach
nooit ech gaon sjlaope mer de ganse daag gewach
örges geslumerd zich versjaole veur de zón
tösse de berg toet det de nach opnuuj begón
En eederein dae noe nag wakker is
dae veult de vrieheid hiej zo wie ze is
wie dae man dae sjteit veur waat d'r sjteit
kiekend nao de daag dae ten inj noe geit

* cd 2004: Ton Custers - "Nooit meer allein"


HOME PLAATSNAMENOVERZICHTHOME


MAXIMA
2001/2002: Teks: Wim Kuipers - kompeziesie: Erik Brouns & Ronald Vorage
Zang: Gein Sjtum Plus

Refrein:
Maxima, Maxima, jao doe duis mit ós mit.
Maxima, Maxima, det waerd ein echte hit.
De vastelaovend griep dich vas,
doe reups: "Caramba, waat ein sjpas".
Wens doe trök geis nao den Haag,
bös doe veur raregek gesjlaag.

Net trök van fekansie mit eine blouwe sjeen.
Verlaore van de Iere, de zón leet zich neet zeen.
Vónje veur eine breef van kwatsj en dieto zake.
Of veur van poesje Maxima ein ketje kóste make.

D´r Willem-Alexander blief lever toes bie mam.
De sjone vastelaovend vindj hae mer sjtóm gezjwam.
Mer Maxi van d'n tango krieg vastelaovesles,
en in ein hampel oere geit zie wie zate ges.

"Hoe ga ik in de optocht ?", woor ´t eerste det ze vroog.
Ja, doe geis es ´t trekpaerd, veur ós oranjeploog.
Mer baeter is es ketje mit eine Uhlenbeck.
Dan leert d'n Alexander mesjien oos dialek.


HOME PLAATSNAMENOVERZICHTHOME


MEMOIRES VAN EINE HERING
2001/2002: Teks: Rob van Deurzen - kompeziesie: Robert van Cruchten
Zang: De Dörpsluuj

Refrein:
Kom, laot dae hering toch danse.
Nog ein paar daag, dan is ´t gedaon.
Gaef ´m ruumte óm effe te sjanse,
want hae kump in zien gräötje te sjtaon.

Ich dink döks mit weemood aan ein ver verleje,
dae tied det de treine op kaole nog reje.
Mit pap en mam same, ich zoog gein gevaore,
al heurde ich zegke "euver inkele jaore".
Mer jónk es ich waas, ich wool ´t neet heure,
sjting gaaroet neet sjtil bie waat kós gebeure.
Mit vrundj en vriendinne, totaal boete zinne,
en noe ligk ich hie, man, waat mót ich beginne ?

Jóng, ich weit nog heel good wie sjoon det ´t waas,
mit de vrouw op fekansie nao Lin aan de Maas.
´t Waas hallef fibberwarie, ein graod of zes, zeve,
ruum vief euver twellef, te laat opgebleve.
Opins kreeg ich hónger, mer waas effe vergaete,
det mam haaj gezag "Jóng, doe mós waal good aete".
Ich zoog dao get blinke, te laat om te dinke,
metein haaj ich beet, dao zoot ´m ´t linke.

Noe kiek mich hie ligke, in de ummer mit oje.
Dit is neet ´t inj wie ich mich det haaj gedach.
Ich zal uch dit zegke, waat ouch moog gebeure,
mer bäök neet te lang, want traone zeen.... ach.
Sjtraks is ´t asgoonsdaag en de ummer geit aope,
en kiek ich aan taege de wandj van eine maag.
Gedaon is mien laeve, veurbie al mien druime.
Mer ´t ergste van alles: veurbie dees sjoon daag.

Refrein 2:
Noojt zal de hering meer danse,
want zien inj is noe hie, det is zoer.
´t Is gedaon mit ´t walse en sjanse.
Gesjlage haet zien letste oer.


HOME PLAATSNAMENOVERZICHTHOME


MER DAN KUMP VASTELAOVEND
2002/2003: Tekst: Henk Rademakers - muziek: Tof Deckers
Zang: Jacqueline Maynard

Vertelsel:
Mit sjoon sjoon, ein heudje en ein rooj gesjmienkde naas,
zou edere kloon waal altied winse det ´t vastelaovend waas.

Refrein:
Mer dan kump vastelaovend in Limburg aan de Maas,
det kint geer aan mien sjoon zeen, mien heudje en mien naas.
´t Is weer vastelaovestied en sjoenkel löstig mit,
veurdet ich weer ´t ganse jaor dao op te wachte zit.
En alle muzikante, gaef ich gein mäötje rös.
Toet nao ´t heringbiete, ´t vuurke is geblös.

Waas ´t mer vastelaovend, en in mien fantasie,
heur ich toet in den aovend de ganse harmenie.
Ze sjpele en mesjere mer mit troemeleers veurop.
Nieks geit mich mit zón daag te wied, ´t sjleijt mich in de kop.

Waas ´t mer vastelaovend, ich höb zón grote haos,
zal heel lang mótte wachte den eers kump sinterklaos.
En is de hazepaeper op, brandj geine aope haard,
höb ich, wie zou ´t angers zeen, mien pekske nog bewaard.

Waas ´t mer vastelaovend, ich dreij d´r neet ómhaer,
heur lever mit de ouge toe van Bachus ein kónzaer.
En alle daag die kroepe mer zeen van gelieke saort,
ich waer noe van ´t wachte gaar, dao op gaef ich mien waord.


HOME PLAATSNAMENOVERZICHTHOME


MER ES ’T VASTELAOVEND IS
2008/2009: Tekst: Henk Rademaekers – muziek: Jo Aubert
Zang: Marion Kanders & Peter Naus

Refrein:
Mer es ’t vastelaovend is, kóm ich dich gaer ins haole
Want doe höbs mit de sjlabber óm, mien ganse hert gesjtaole,
Mer es ’t vastelaovend is, haol ich mich veur de geis
Des doe weer mit dae sjlabber óm, nao mich te lache sjteis.
Veer gaon, veer gaon, laot diej lekker lekker pap mer lekker sjtaon. (2x)

Vreuger wie ich klein waas, lösde ich gein pap
Mama zach det diej fein waas, mit eine grote hap,
Ich kós ter neet van sjlaope, ziej sjtelde mich gerös
en zach: “ Noe kump dae sjone tied, wos doe waal pap van lös ”.

Jaore jaore later, zoog ich ein leuke meid
ziej had zich in de kleure van de raegebaog verkleijd,
ich zag: “ doe bös eine ingel ”. Ich reep: “ Doe bös eine sjat,
Ich wól, det ich wie dich, ouch zónne sjone sjlabber had “.

Wils doe ins lekker kaoke, mer höb nóg nieks bedach
Dan dink ins aan de kleure van de vastelaovesvlag,
Det is toch éch gein grepke, det is toch geine kwatsj
Al waerd ’t ouch ein pepke, óf al waerd ’t eine pratsj.


HOME PLAATSNAMENOVERZICHTHOME


DE MEUGE
2005/2006: Tekst & muziek: Clemens Maessen
Zang: Sjnaps

Refrein:
waat bös se eine meuge, kóm gank d`r noe ins oet
waat bös se eine dreuge, doot ins get sjmienk op dien sjnoet
zodet veer kinne hosse en genete van dae tied
dus zit dich d`r euverhaer, daovan krieg se geine sjpiet
waat bós se eine meuge, kóm gank d`r noe ins oet

sjmorges geit `t moeilik, kums amper oet dien bed
allein maar veur te plasse en `t laeze vanne gezet
de trap op loupe vinj se eigelik maar nieks
zelf veul se dich fit, `t is maar wie se `t bekieks
dan reup se waat maak geer uch drök, laot mich ins mit rös
zodet ich kin gaon ligke want ich bön nog neet oetgerös

`t ligke op de bank, geit dich ouch heel erg good aaf
aete det besjtels se biej de griek of joegosjlaaf
es se zellef maar helemaol nieks hoofs te doon
bös zelfs nog te meug veur `t sjtrikke van dien sjoon
dan reup se waat maak geer uch drök, laot mich ins mit rös
zodet ich kin gaon ligke want ich bön nog neet oetgerös


HOME PLAATSNAMENOVERZICHTHOME


MIAUW MIAUW MIAUW
Teks & meziek: Jan Huyskens
Oetveurende (*) : Jan Huyskens

Al höbs-ze auch ein echte kat, dan höbs-ze nog geine kater.
Al woons-ze auch hiej in de sjtad, dan bös-ze nog geine kater.
Al vings-ze dich ein moes of rat, dan bös-ze nog geine kater.
Maar zingk-ze ins met hert en zeel, op 't Betjesplein van Neel blief Neel,
in kloonspak of in boerekeel, dan waers-ze mesjien eine kater.

Refrein:
Miauw, miauw, miauw, eine kater bös-ze gauw.
Es-ze de Neelder leedjes mit kins zinge, es-ze de echte katers kins,
es-ze mit Neelder ketjes rôndj geis sjpringe, en Neel blief Neel 't sjoonste vinjs.
Jao, vreug of later waers doe dan Kater, jao, vreug of later duis-ze 't heel.
Jao, vreug of later waers doe dan Kater, 'ne echte kater, hiej oet Neel.

Al bös-ze auch gein nach aan hoes, dan bös-ze noch geine Kater.
Al sjpeels-ze waal ins mit ein moes, dan bös-ze nog geine Kater.
Al maak-ze nao d'n Uul ein voes, dan bös-ze nog geine Kater.
Mèr zingk ze ins biej volle maon, De Neelder Kater blief besjtaon,
en des ze drie daag lang wils gaon, dan waers-ze misjien eine Kater.

* cd 1994/1995 : De Katers - " Orzjeneel " - Onger Os 7273


HOME PLAATSNAMENOVERZICHTHOME


MIEN DÖRPKE
2001/2002: Teks & kompeziesie: Sabine Tobben
Zang: Zo Wie Zo

Refrein:
Waat is ´t laeve sjoon, in ´t dörpke wo ich woon.
Hie bön ich toes, wil hie altied blieve.
Ich vónj hie mien gelök en dao dink ich döks aan trök,
kin d'r waal ein beukske euver sjrieve.
Fiets ich door ´t dörp of de Broekhin,
höb ´t hie nao miene zin.
Ich weit ´t zeker, dit is waat ich wil.
Mien plaetske, det ligk hie in Neel.

Op eine goje morge, kinjer weer nao sjool,
´t raegent piepesjtele, ´t is neet waat ich wool.
Mer kiek ich nao dae kater op ´t Betjesplein,
guf nieks om raegewater, hae vindj ´t dao waal fijn.

De zunjig aangebraoke, heur ´n melodie.
Noe maak de rame aope, ´t is de sjötterie.
De kommendant tevreje, ze loupe in de maot.
´t Is weer lang geleje, meziek hie in de sjtraot.


HOME PLAATSNAMENOVERZICHTHOME


MIEN LAEVESSIMFONIE
2003/2004: Tekst & muziek: Thei van Cruchten
Zang: Thei van Cruchten

Refrein:
dich bös ´t ingelke op miene sjouwer
doe bös ´t sjterke aan mien eige firmament
dich bös ´t sjoonste, bös mich ´t leefste
veul mich biej dich toch zo versjrikkelik kóntent
mit diene lach allein maaks doe mich altied bliej
dich bös ´t neutje waat ich misde in mien laevessimfonie

´t waar net veur vastelaovend
wiej ich dich zoog sjtaon
hoof dich neet te vertelle
waat mich det haet gedaon
ich waar toen drek verkoch
door diene leve lach
höb toen zónger det ich ´t wis
mien hert aan dich verpach

veer zin noe jaore later
mer gluif mich gerös
ich zal ´t noojt vergaete
d´n allereerste kös
ich kreeg ´t kaad en werm
en ouch nog tegeliek
ich veul mich waal van toenafaan
wiej ´ne keuning zo riek


HOME PLAATSNAMENOVERZICHTHOME


MIEN LEEDJE IS GESJOEP
2007/2008: Tekst: Wil Scheepers – muziek: Tof Deckers
Zang: Wil Scheepers & Frank Steuns

Refrein:
Mien leedje, mien leedje, mien leedje is gesjoep
Ich kan ’t neet geluive, waem haet mich hie betoep
Mien leedje, mien leedje, mien leedje is gesjoep
Noe sjtaon ich sjoon te kieke, mit miene aje troep
De teks had ich al gans in miene kop
Mer noe opins dao sjteit mich alles sjtop
Mien leedje, mien leedje, mien leedje is gesjoep
Ich kan ’t neet geluive, waem haet mich hie betoep
Ich kan ’t neet geluive, waem haet mich hie betoep

De ganse zomer zit ich draan te dinke
Wie zól mien leedje dit jaor weer gaon klinke
Mit waat veur wäörd zól ich de sjo gaon sjtaele
Aan rijm en ritme dao moog nieks aan faele
Zo in augustus is de teks al vaerdig
Ich dink dit is dit leedje ech waal waerdig
Mer noe vertel ich waat d’r is gebeurd
Det is toch werklik óngeheurd

De ganse zomer zit ich draan te sjrieve
Waat zól mien leedje toet de zjurie drieve
Mit waat veur neut zól ich de teks gaon sere
Ich wil dit jaor toch ech neet gaon verlere
Zo in september zeen de neut al vaerdig
Ich dink dit is dit leedje ech waal waerdig
Mer noe vertel ich waat d’r is gebeurd
Det is toch werklik óngeheurd


HOME PLAATSNAMENOVERZICHTHOME


MIEN VEUGELKE
1999/2000: Teks: Jan Huyskens - kompeziesie: Raymond Berlo & Jan Huyskens
Zang (*): Jan Huyskens en Kienjerkoor

Refrein:
Jao, miene piete piete piet, dae zingk dan wiete wiete wiet.
Dae zingk dan tra-la-la, dae lach zich hahahahahahahahaha.
Jao, miene piete piete piet, dae zingk dan wiete wiete wiet.
Dae reup alaaf, want Pietje haet de vogel aaf.

Ich höb ein veugelke ein saort kanarie,
en dae is jäörig örges midde fibberwarie.
En es kedo moog hae drie daag oet de völjaer,
det vindj hae fijn, dao laef det bees 't heel jaor haer.
Jao, jao, mien veugelke haet väöl bombarie,
in ziene drinkbak haet d'r meistal puur camparie.
Maar mit die daag kin-se hem gaeve waas-se wils,
hae pak allein maar zangzaod en ein kleintje pils.

Mien leefste veugelke mit bontje vaere,
det wilt mit vastelaovend waal get groter waere.
't Sjtik zich drie fezantevaere aan zien kontj,
en daomit flakertj 't dan drie daag in 't rondj.
Jao, jao, det veugelke is miene leefste,
en es 't trök kump zegk ich jaomer jong, wo bleefste.
Dan mot hae veur de res van 't jaor in de voljaer,
want angers vluug hae mich nog jao God-weit-wo-haer.

* cd 1999/2000: De Katers - " OrzjeNeel 4 " - Onger Os 7361


HOME PLAATSNAMENOVERZICHTHOME


MIEN ZESDE ZINTUUG
2005/2006: Tekst: Wil Scheepers - muziek: Tof Deckers
Zang: Wil, Frank & Frank

Refrein:
mien zesde zintuug is vastelaovend
mien zesde zintuug jao det is heel apaart
mien zesde zintuug is vastelaovend
mien zesde zintuug det sjpeelt mich döks in de kaart
weit ich neet meer wieväöl, wohaer, wovan, woròm
dan zaet mien zesde zintuug, doot toch neet zo dòm
‘t ganse jaor door, jao edere aovend
mien zesde zintuug is vastelaovend

‘t is lestig oet te legke, det zintuugske van mich
van tied toet tied dan kump det, mien ouge in ‘t zich
en zellefs mit mien naas toe, al bön ich flink verkaajd
ruuk ich de vastelaovend, jaowaal det klink gehaajd
al jaore is ‘t bie mich, daovan höb ich gein sjpiet
det zintuugske det heurt bie mich, ich wil ‘t neet meer kwiet

ich zal uch ins get zegke, det zintuugske van mich
leut dökser van zich heure, ouch mit de ore dich
en ouch is heel bezunjer, want mit gesjlaote mondj
preuf ich de vastelaovend, hie van de volle grondj
al jaore is ‘t bie mich, daovan höb ich gein sjpiet
det zintuugske det heurt bie mich, ich wil ‘t neet meer kwiet


HOME PLAATSNAMENOVERZICHTHOME


MIENE KLEIJERKAS
2001/2002: Teks & kompeziesie: Ton Custers
Zang: Bienao te laat

Refrein:
Want miene kleijerkas, dae sjteit weer veur mich klaor.
Mit ein jeske en ein heudje, mit ein pruuk en roje naas,
ouch al is ´t den mer eine keer per jaor.
Hae sjteit presies op tied dan oppe juuste plaats weer klaor.
Hae is wo ich mich eder jaor weer op verlaot,
en hae haet veur mich persies de goje maot.
Oet ´t goje hout gesjneje, ech ein sjtök mit ein verhaol.
Miene kleijerkas dae is ´t helemaol.

Veur heel get jaor geleje leep ´t röstig oppe sjtraot.
Ein zate hermenie, die sjpeelde duchtig oet de maot.
Toen zoog ´t ´m dao veur zich: eine vent wie eine boum.
´t Kneep zich inne erm want ´t dach: dit is eine droum.
En noe wit zie: eder jaor, den sjteit hae veur mich klaor.

Hae haaj häör al ein tiedje dao zeen loupe oppe sjtraot.
Hae dach: dit is de hoofpries en ich höb neet ins ein laot.
"Dees daag, die zeen veur ós", haet hae häör lachend toen gezag.
´t Leek waal es of ´t dao de ganse tied op haaj gewach.
En noe wit zie: eder jaor, den sjteit hae veur mich klaor.


HOME PLAATSNAMENOVERZICHTHOME


MIENE VASTELAOVESWEKKER
Teks: Thei van Cruchten & Riet Bongaarts - kompeziesie: Thei van Cruchten
Zang (*) : Thei van Cruchten

Refrein:
Miene wekker, dae löp aaf en tik drie daag op maot.
Hae is mit vastelaovend miene beste kammeraod.
Miene vastelaoveswekker duit daag en nach zien plich,
Want es d'r nemes tied haet, haet hae waal tied veur mich.
Want es d'r nemes tied haet, haet hae dae waal veur mich.

Miene wekker dae löp aaf, ich sjrik en dink waat noe ?
Ich loog toch op Hawaii, tösse Honno en Loeloe.
Ich sjravel mich oet bed en dink: "Doe aje zot,
doe zols motte gaon wirke, neet gaer, mer ja 't mot.
Doe zols motte gaon wirke, angers geisse oppe vot.

Ich pees d'n ganse daag, in euveral of jas.
Ich krieg van die blauw breve, die komme neet van pas.
Pas saoves taege ach, de sjloefe aan de veut,
kiek ich get tilleviesie, al zeen ich ouch gein neut.
Want mit dae sjtomme kabel, höbbe zie mich bie de peut.

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


NAO REMUNJ TOE MIT DE VOT
Teks & meziek: Harrie Bonné
Oetveurende (*) : Jacques Verkoulen

Refrein:
Kiek nao dae Kater, dae wit wie 't mot.
Wie dae zit te zitte, zuut Remunj zien vot.
Kiek nao dae Kater, dae lach zich kepot.
Hae is van Neel en hae dink wie Neel,
nao Remunj toe mit de vot.

Kiek ich nao dae Kater, dan duit 't mich zo good,
dan sjtaek ich 'm gaere, ein vaerke op d'n hood.
Loup ins nao 't plein, es geer wanjele gaot,
de pupse oet de ouge, dat is miene raod.

Es t'r eine windj sjteit, van Neel aaf nao de sjtad,
dan zeen ich 'm dinke, noe gaon de Ule plat.
Leet d'r eine vlege, doot 'm det mer nao.
Heel Remunj det reup dan, dae Kater leet neet nao.

* cd 1995/1996 : De Katers - " Orzjeneel 2 " - Onger Os 7295


HOME PLAATSNAMENOVERZICHTHOME


NEEL BLIEF NEEL
ca. 1950 : Teks: J.Pollaert - meziek: F.Bercx
Oetveurende (*) : De Katers

Neel blief Neel, det klink al in 't rondj,
veer make 't gaer ein bietje bontj.
Karneval is veur plezeer,
det zinge veer, jao keer op keer.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


NEEL HAET KARAKTER
Teks: Henk Giesbers - meziek: Jacques Verkoulen
Oetveurende (*) : Jacques Verkoulen & Neelder Sleutelkes

Refrein:
Neel haet karakter, Neel haet get eksklusiefs.
Neel haet 't sjoonste waat d'r is, esse mer heel good kieks.
Neel haet karakter, Neel haet van alles.
Neel haet 'n boerebal, 't sjiekste waat-d'r is.

Ein denske of ein, twee, driej, veer.
't Is fees in oos Neel, det heurt geer.
De bein van de vloer en de erm in de lóch.
Van zoväöl plezeer krigse gaar nooit genog.

De luuj loupe hiej lachend rondj,
geer wét waal, det is heel gezondj.
De gezichte gesjmink, onherkinbaar verkleijd.
Ich haop det dit fees, nooit meer euvergeit.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


NEELDER MAEDJE
Teks & kompeziesie: Erik Stevens
Zang (*) : Marcel Waajen & Erik Stevens

Refrein:
Ich kin in Neel, in Neel ein heel net maedje,
det is zo net, zo jongk wie ein lenteblaedje.
't Haet twee wengskes, es eppelkes zo rood.
As 't mich ein muulke guf, duit det mien hert zo good.
Ich kin in Neel, in Neel ein heel net maedje,
esse 't mich vreugs, weggeloupe van ein plaetje.
Waat bön ich blie, det ich dae daag in Neel oetging.
Ich wis veurhaer ech gaar neet det zo get besjting.

Os pap zag: "Jong doot röstig aan, want maedjes zeen d'r zat".
En ich höb d'r, noe ich truuk kiek, al zo menige gehad.
Wie ich dich zoog sjtaon, vergoot ich die angere allemaol,
want doe gings es insigste mit mien hert aan de haol.
Zo zal 't altied gaon, zo blief de waereld toch besjtaon.

Waat good det ich dich toen zoog sjtaon, dao op 't Betjesplein.
Inmiddels zeen veer al getrouwd en höbbe veer ein klein.
Es d'r groter is en, net wie ich vreuger, ein maedje haet,
verwonjert 't mich nieks es hae op eine daag 'tzellefde zaet.
Zo zal 't altied gaon, zo blief de waereld toch besjtaon.

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


NEELS OOS MOODERSTAAL
Teks: Thei v. Cruchten - meziek: ?
Oetveurende (*) : Annita Meuwissen mit kinjerkoor

Refrein:
Neels, dét is oos moderstaal, det heurse hao neet meer.
Waem sjprik d'r nach die sjoon aaj wäörd, die moder os haet geleerd ?
Pompesjtein en sjöttelsplak, auch eine sjöppesjteel.
Waem wet d'r hiej nach waat det is, allein eine kater oet Neel.

Vief en twintjig jaor geleej, toen kalde ederein plat.
Mit de flets begos 't leid, noe zeen d'r Hollenjers zat.
Eigelik is det neet zo erg, d'r zeen versjtenjige biej.
Ze loupe euveral veurop en sjpele de eerste partie.

Miense, dink aan aje tied, wo mot det mit os haer ?
Oos kienjer sjpraeke vraemde taal, det heure veer neet zo gaer.
Limburg is oos vaderlandj, zo is d'r toch mer ein,
daorom zingk geer mèr mit os mit 't allersjoons refrein.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


NEET SJTIL BLIEVE SJTAON
2009/2010: Tekst & muziek: Cleem
Zang : SJNAPS

Refrein:
Want noe geit ’t weer beginne det fees veur groot en klein.
Höb d’r lang op motte wachte en sjtaon te razele op mien bein.
Ich mot danse, ich mot sjpringe of in polonaise gaon.
Want de kommende driej daag höb ich gein zin om sjtil te blieve sjtaon.

07.00 eor sjmorges en höb de ouge nog vol sjlaop.
Heel erg sjlech gesjlaope ich haaj mien ouge amper aop.
Ich loup alvas nao onger en doon get koffie in ein tas.
Die drink ich heel sjnel laeg en haol mien kleijer oet de kas.

Ich waer al get nerveus en kiek geregeld nao de klok.
Vandaag gaon ich es sjot, kompleet mit eine blauwe rok.
Zit al vaerdig op de bank en tel de sente in mien tes.
Mer ich mot nog effe wachte want ’t is pas half zes.

’t Ganse jaor keek ich hiej nao oet,
Ich haaj mien bein neet meer sjtil, ich wil d’r oet.

Eindelik ach oer ’t waas ’t wachte toch waal waerd.
’t Geit noe ech beginne en bön de gelökkigste van dees aerd.


HOME PLAATSNAMENOVERZICHTHOME


NEURO VAN DE EURO
2001/2002: Teks & kompeziesie: Wim Kemp
Zang: Wim Kemp & Chris Lamboo

Refrein:
Ich waer neuro van de euro.
Alle geldj geliek, is me noe de prins te riek.
Ich waer neuro van de euro.
Sente op eine houp, vastelaovend is neet te koup.
En waer ich noe gans kaal geplök,
dan betaal ich mit gelieke muntj terök.
Ich waer neuro van de euro.

Ich höb ´t neet meer in de knip, nieks geit meer vanzelf.
Waerd noe alles paeperduur of kos ´t mer de helf ?
Veul mich wie ein döbbeltje, det verlaote is.
Veul mich wie eine euro dae in alle sjtaote is.
Alles waerd globaal, noe ´t kapitaal,
sjtrakkes heurs se euveral dezelfde taal.

Heinrich, dae woont naeve mich, zaet mich altied "tjuus".
Veer versjtaon ós heel erg good, hae is eine Pruus.
Hae wilt in ´t Eurolandj eine grote bandj.
"Grenzen sind wir Jahren los, und Euro ist famos"
En blie, zo wie ein kiendj, zaet d´r "Weiss du was ich find ?
Ich wünsche dass wir morgen eine Mannschaft sind".

Mit Sjefke, miene Belsje vrundj, drink ich gaer ´ne pint.
Hae betaalt heel döks veur mich, hae is det gans gewind.
Zaet d´r: "Doe lieks gans presies op dae Belsje miens,
dae door de vastelaovend geit, es Hollenjer verkleid.
De euro is neet nieks, es se op zo emes lieks,
de euro zorg des doe get minder zunig kieks."


HOME PLAATSNAMENOVERZICHTHOME


NIEKS TE MÓTTE
2002/2003: Tekst: Frank Scheepers - muziek: Tof Deckers
Zang: Frank Scheepers

Refrein:
Ze kinne mich de poekel roetsje,
dees daag gaon ich ins lekker droet.
Nieks te mótte, mer get jatse en get joetse,
veur michzellef lek ich noe de luiper oet.
´t Ganse dörp, det broes van laeve,
hie is nog zoväöl te belaeve.
Ich höb ´t drök, drök, drök ´t ganse jaor, mer ich haaj paol,
want mich kinne ze de rök op allemaol.

´t Waas tied om eine nuje Prins te zeuke,
ze haje ouch al emes op ´t oug,
en det waas toch zónne kwante, zónne leuke,
de vraog allein waas of dae man waal doug.
Ze vroge ´m of hae de Prins wool waere.
Hae keek häör aan en sjoot toen in de lach:
Veur mich gein protokol of möts mit vaere,
en wit se, wit se, wit se waat hae zag...

Mit de vastelaovend ging hae gaer ins sjtappe,
de ganse daag waas hae dan oppe bein.
En hae leet zich gaer ein lekker pilske tappe,
det dee hae eigelik ´t leefs allein.
Ze vroge ´m: kóm bie de raod van ellef.
Hae keek häör aan en sjoot toen in de lach:
Mer beste luuj, ich ammeseer mich lever zellef,
en wit se, wit se, wit se waat hae zag...


HOME PLAATSNAMENOVERZICHTHOME


OCH JOLINE, WIL SE MIT MICH SJTAPPE GAON
Tekst: Henk Rademaekers - muziek: Tof Deckers
Zang: Huub Beeren

Refrein:
och Joline, wil se mit mich sjtappe gaon ?
ich höb zo’ n gekke buuj
doon sjoon gekleurde lappe aan,
al bös se ein kiendj van anger luuj
jao doe bös ‘t diej mich sjtapel maak, in dien bontj gekleurde kleid
as of d’r eine raegebaog, aan de aovendhemel sjteit
as of d’r eine raegebaog, aan de vastelaoveshemel sjteit

doe sjtraols wiej eine raegebaog, daobaove in de lóch
en zeen, wo ich al jaorelang, altied nao höb gezóch
det mót toch vastelaovend zeen, waat meer hiej achter zit
en daoróm vraog ich: leve sjat, kóm geis se mit mich mit ?

doe sjtraols wiej eine raegebaog, en ederein reup: jes
en höbs veur vastelaovend, alle kleure oppe tes
diej höb se in dien haore, in de kleijer en de zök
en es se mit mich sjtappe geis, kin ich dich neet meer trök

doe bös de sjoonste raegebaog, doe bös veur mich de kwien
al sjrieje veer vanaovend weer neet door in rechte lien
veer sjtappe en veer dweijele, mit joeks en väöl tam tam
en bring dich sjtrakkes sjtap veur sjtap, weer trök nao pap en mam


HOME PLAATSNAMENOVERZICHTHOME


ÓNGER DE RAEGEBAOG
2004/2005: Tekst: Wim Kemp, Etty & Peter Willemse - muziek: Wim Kemp
Zang: Op Good Gelök

Refrein:
ónger dae sjone raegebaog, vinj se de kleur van vastelaovend
waere veer door ´t waer geplaog, sjteit dao inins dae raegebaog
zuus se dae bóntje raegebaog, dans se de ganse vastelaovend
en `t gelök kump óngevraog, ónger dae sjone raegebaog

de wolke naeme kleure weg, de windj dae geit tekeer
en oet de hemel valle doezend dröppels op ós neer
maar de zón maak kleure, sjmienk op ós gezich
dees daag geit `t gebeure, ich fluuster taege dich

de baog sjteit döks gesjpanne, maar mesjien höb ich gelök
as ich mit dich nao baove klim en dich ein sjterke plök
same in de wolke, zjweve veer dao róndj
en roetsje dan nao ónger, mit twee veut oppe gróndj


HOME PLAATSNAMENOVERZICHTHOME


ÓÓÓH MIEJ, ÓÓÓH MIEJ
2004/2005: Tekst: Henk Rademaekers - muziek: Tof Deckers
Zang: De Kloekers (Peter, Ruud en Maurice)

Refrein:
óóóh Miej, óóóh Miej, óóóh Miej, och blief nog efkes hiej
dan haol ich flot ein heudje en de blaoskepel d'rbiej
veer trekke door de sjtraote, mit trómmeleers veurop
en blaos mit al mien maote, dich de zorge oet de kop
taederettetettetae, noe zegk mich toch neet: nae
óóóh Miej, óóóh Miej, óóóh Miej, och blief nog efkes hiej
dan haol ich flot ein heudje en de blaoskepel d'rbiej

ich haaj neet van ein duuster lóch en minder nog van raege
de rame aop en in d'n toch, dao kin ich gaar neet taege
mer duujt de zón de wolke weg, krieg Limburg weer ein kleur
dan sjtaon ich mit mien blaoskepel biej dich zo veur de deur
taederettetettetae, noe zegk mich toch neet: nae

ós muzikante sjpele top, al waerd 't noojt 'n teen
dan zal 't op zien zaachs gezag, ein ellef mótte zeen
veer gaeve waat v'r kinne mer en sjpele ós partiej
van taederae toet hoempapa, dus blief nog efkes hiej
taederettetettetae, noe zegk mich toch neet: nae

d'n optoch veurt de baovetoon, dao kinne veer neet boete
en ederein dae vindj 't sjoon, zich daobiej aan te sjloete
gein meujte is ós dan teväöl en daoróm gein gezeur
nog vief menute loupe en ich sjtaon weer veur dien deur
taederettetettetae, noe zegk mich toch neet: nae


HOME PLAATSNAMENOVERZICHTHOME


OPPE BEIN
2001/2002: Teks: Frank Scheepers - kompeziesie: Tof Deckers
Zang: Frank Scheepers mit Plezeer

Refrein:
Mit de vastelaovend is ´t eine óngerein.
Alle raregekke pakke zich biejein,
loupe op ein rieke, alle beinkes achterein.
Vastelaovend viere, det kin se neet allein.
Al zeen de uigkes nog zo klein,
de polenaese hilt ós oppe bein.
Mit vastelaovend kriege ze ós toch neet klein,
dan gaon veer door...... wie eine trein.
Jao, jao dae vastelaovend hilt ós oppe bein.

´t Laeve is döks ein laoterie, sóms gelök, sóms allein mer kloterie.
Bring toch ins get laeve in de broewerie.
´t Laeve geit döks zo sjnel veurbie, maak plezeer en laef ein bietje blie.
Doot ins mit mich mit dees daag, mit die gekke träöterie.

´t Laeve, det vinj ich toch zo fraaj, vastelaovend is wo ich van haaj,
vinj ich toch zo lekker, wie ein proemeflaaj.
´t Laeve, det is veur mich neet saaj, drie daag haol ich alles oet die laaj.
Mit die vastelaovesdaag sjteit-ter nemes in de kaaj.


HOME PLAATSNAMENOVERZICHTHOME


D'N OPTOCH
Teks: Wil Scheepers - meziek: Wim Schreurs
Oetveurende (*) : Wil Scheepers

Refrein:
Jao, jao, op zônjigs trèk d'n optoch weer,
Neel blief Neel, det klink keer op keer.
Eederein is oppe sjtraot,
en dans mit de meziek in de maot.
Jao, jao, op zônjigs trèk d'n optoch weer,
de miense aan de kantj höbbe väöl plezeer.
Heur de luuj noe toch ins sjpraeke,
en zich òngerein de loef aafsjtaeke.

't Veurig jaor de tweede pries,
diej zjuriej leek waal neet good wies.
Ich haaj 't t'r van inne rök,
en nog de tweede, och lek mich toch de zök.
De èllefde van de èllefde, den höb ich alles klaor,
veur dae sjoone optoch van 't volgend jaor.

Nao d'n optoch in de zaal,
is vôlle bak, jao zègk det waal.
De kastelein, dae haet 't drök,
de joekskepèl, die sjpeelt ein lekker sjtök.
De raod van èllef, die duit häör bès, det zeen ich van wiedaaf.
Ich roop den auch van ver, jônges, alaaf.

* cd 1994/1995 : De Katers - " Orzjeneel " - Onger Os 7273


HOME PLAATSNAMENOVERZICHTHOME


ÔS LAEVE
1999/2000: Teks: Frank Scheepers - kompeziesie: Frank Scheepers & Ward Willemijns
Zang (*): Vrie Gezellig

Refrein:
Veer veule ôs hiej toes, en drinke d'r nog eine.
Veer hove veur nemes nao hoes, gein vrouw en geine kleine.
Ut is aan ôs gegaeve, es vriejgezel te laeve.
Aan vastelaovend mit te doon, det vinje veer zo sjoon.

De aafwas toet ut daak en ut bed neet opgemaak,
d'r waerd auch neet gepoets, leever gaon veer op joets.
Kaoke det doon veer neet, ut waerd weer frietekeet.
Veer aete oet de pan, dao zaet gein miens get van.

Veer gaon zo gaer op sjtap, zitte oere aan de tap.
De wekker aan ut bed, want sjmorges is ut pet.
Es geer ut nog neet wis, mit ôs dao is nieks mis.
Veer höbbe ut zo good, en haaje gooje mood.

* cd 1999/2000: De Katers - " OrzjeNeel 4 " - Onger Os 7361


HOME PLAATSNAMENOVERZICHTHOME


ÓS LEEDJE
2001/2002: Teks: Peter Naus, Ronald Vorage & Thei van Cruchten - kompeziesie: Peter Naus, Ronald Vorage, Thei van Cruchten & Hub Boesten
Zang: Sjnaps

Refrein:
Veur vónje de wäörd, ´t klónk zo sjoon.
Zo mótte veur ´t kómmend jaor weer doon.
En ouch de neut, die vele zo mer oet de lóch.
V´r traoje ós ram van ´t versjtandj,
want haje eine platte bandj.
Jao, nao det leedje höbbe veur gezóch.
Kóm gangk noe mit, sjpring achterop,
veur zitte de tent hie oppe kop.
Veur vónje de wäörd, ´t klónk zo sjoon.
Zo mótte veur ´t kómmend jaor weer doon.
Veur zitte de tent hie oppe kop.

Oze Siep, dae goje jóng, dae haaj ein fietstoch oetgezat,
en zo begóste veur te traeje.
Óm dan ein leedje te bedinke, det van hem, det waar gejat,
en dit woor veur ós de raeje.
Duchtig gedach, de kop te zjwaor, noe heur, ós leedje is al klaor.
Duchtig gedach, de kop te zjwaor, noe heur, ós leedje is al klaor.

Óngerwaeges waerde al van al biejein geprakkezeerd,
en fietsde Siep sjteeds meer veurop.
´t Leedje waerde toen gezónge, sjteeds opnuuj gerippeteerd,
en ´t zjweit det sjtóng ós oppe kop.
Duchtig gedach, de kop te zjwaor, noe heur, ós leedje is al klaor.
Duchtig gedach, de kop te zjwaor, noe heur, ós leedje is al klaor.


HOME PLAATSNAMENOVERZICHTHOME


OS MAM
1995/1996 nr.1: Teks: Doriet Vullers & Arnold Wassen - melodie: Doriet Vullers - meziek: Arnold Wassen
Zang (*) : Meun'95 (Doriet Vullers) & Kinjerkoor (De jeugraod en maedjes van de sjakel)

Refrein:
De sjoonste daag die zeen veur ôs mam,
dan haet ôs mam häör eige program.
Mooder, die geit drie daag flink op sjtap.
Veur de kienjer zorg dan oze pap.
En pap zaet: "Jao, zo môt 't auch zeen",
griep mam en zaet: "Ich gun 't dich, Leen.
Mer veur desse geis wil ich ein kös,
omdesse miene leeve sjnoebel-doedel bös".

Mooder die sjteit alzelaeve klaor, oetgezonjerd drie daag van 't jaor.
Drie daag zaet ôs mam: "Noe gein Madurodam.
Ich voor uch neet en keim uch neet de haor".

Vader dae gunt mooder häöre dors, voort de kienjer boterham mit wors.
Pap zaet: "Kiendje kom, 'ne sjoone luier om.
Mer ich gaef dich leever neet de bors".

* cd 1996: De Katers - " OrzjeNeel 2 " - Onger Os 7295


HOME PLAATSNAMENOVERZICHTHOME


OZE BENNIE
1999/2000: Teks: Henk Giesbers - kompeziesie: Tof Deckers
Zang (*): Jacques en Tanja Verkoulen

Refrein:
Oze Bennie maak väöl hoempapa meziek,
zo trek Bennie door os vastelaovesriek.
Hae löp altied weer veurop, mars of wals in ziene kop.
Van solfaesj nog noojt geheurd, waal kint hae van al de wäörd.
Hae sjpeelt sjoon ... hae sjpeelt zo ...
drie daag langk, bleus hae de blome van 't behang, sjtaelt hae de sjo.

Eder jaor, zo wie ich oze Ben kin heuge,
krieg hae dae gekke sjlaag, al is 't eine dreuge.
Mit vastelaovend kump hae gaaroet neet meer toes,
hae is de veurman van ein gans groot gekkehoes.

Eder jaor krieg oze Ben opnuu de razel,
de lippe blouw ziene ambesjuur is weer ins vazel.
Wie eine dölle geit hae draan, toet sjmorges vreug.
Mit vastelaovend veult dae jong zich gaar noojt meug.

Kom ins mit, dan kinse 't belaeve,
wie-se dich mit vastelaovend gans kins gaeve.
Väöl sjaele wazel en dan duchtig op die toet,
zo geit dae Bennie drie daag langk d'r tösse-oet.

* cd 1999/2000: De Katers - " OrzjeNeel 4 " - Onger Os 7361


HOME PLAATSNAMENOVERZICHTHOME


OZEL AAN DE MOZEL
2004/2005: Tekst: Frank Scheepers - muziek: Tof Deckers
Zang: Frank Scheepers

Refrein:
veur mich geine wien aan de rien
en al gaaroet gein tekielja in Sevielja
drie daag Peries, die zeen neet wies
gezjwege van dae ozel aan de Mozel
In bön zo bliej, ich bön zo bliej, want ich blief hiej
In bön zo bliej, ich bön zo bliej, want ich blief hiej

´t kos ´t de eerste sjnipperdage van ´t jaor
toch valle mich die daag neet ech zo heel erg zjwaor
want vastelaovend miense, is veur mich get sjieks
al vinje anger luuj det gek gedoons mer nieks
mit vastelaovend waere die gek in de boet
die pakke dan häör koffers en gaon d´r tösse-oet

dan gaon ze op fekansie mit de trein of bös
mer gluif ´t maar gerös, die komme neet toet rös
dao sjteis-se in de vraemde, en wits neet wohaer
dinks aan vastelaovend, dao woors doe toch zo gaer
pak gein koffers in, luuj, mer pak ins lekker oet
höb drie daag de kop los mit ein gesjmienkde sjnoet


HOME PLAATSNAMENOVERZICHTHOME


PAK MICH INS VAS
1998/1999 nr.1 : Teks: Sabine Tobben-Eijkelhardt - kompeziesie: Lowie Eijkelhardt
Zang (*): Zo Wie Zo

Refrein:
Pak mich ins vas ich, kin 't neet geluive.
't Is weer zo wied, veer motte noe weer gaon.
Vier vastelaovend, de sjoonste tied van alles.
Pak mich ins vas, haol de kleijer oet de kas.
Pak mich ins vas, mien pekske zit gepas.

Zunjig trek ich mien klonepekske aan,
det is de eerste daag, den gaon ich d'r aan.
Ich dans en hos wie eine kloon,
de vastelaovend is veur os zo sjoon.

Maondig gaon ich es ketje op sjtap,
al waerd mien beurs get laeg en ouch ein bietje krap.
Mit polenaese loup ich in de rie,
en roop taege ederein opzie.

Dinsdig is 't de allerletste daag,
de letste keer, det ich mien pekske weer draag.
Veer motte noe nao hoes toe gaon,
want vastelaovend is veur os gedaon.

Sjlotrefrein:
Pak mich ins vas, ich kin 't neet geluive.
't Is weer veurbie, laot os noe mer gaon.
Vastelaovend waas nog noojt zo sjoon es angers.
Pak mich ins vas, doot de kleijer in de kas.
Volgend jaor, dan pak-se mich weer vas.

* cd 1999/2000: De Katers - " OrzjeNeel 4 " - Onger Os 7361


HOME PLAATSNAMENOVERZICHTHOME


PINDAAS
2009/2010: Tekst & muziek: Jo & Ceryl Aubert
Zang: Allemaol Beer Buuk

Refrein:
Höb geer al pindaas …… Nae.
Geine pinda gein neutje in de maag.
Pak dich get te knabbele des lekker mit dees daag.
Höbs doe al pindaas …… Jao.
Laot dich heure knaag mit os mit.
Veer Pelle sjtevig door toet d’r gein neutje meer in zit.

Nao ein paar pilskes dae boek geit te keer.
Doe sjnaks nao eine pinda dae waal heurt bie det glaas beer.
De vastelaovend mit pindaas is good veur de dors.
Veer zinge oet volle bors …..
Pindaas, pindaas, pindaas, pindaas.

Geis dich get aete bie Ben aan de kraom.
Vreugs dich ein frietje pindasaus veur eine gooie baom.
Mer Els zaet det höb ich neet, ich höb waal ein frikandel.
Toen zonge veer heel hel ……
Pindaas, pindaas, pindaas, pindaas.


HOME PLAATSNAMENOVERZICHTHOME


PRAKKEZASIE
2007/2008: Tekst: Riet Bongaarts - muziek: Sylvia Zimmerman
Zang: Pater Naus

Refrein:
Zit ‘ne man in ’n kefee aan ’t buffet
En det d’r dao zit jao det wit d’r nog net
Hae besjtelt ‘ne borrel en daobie ’n glaas
En hae dink heel wied trök wie ’t vreuger zo waas
Mer ónger ’t drinke rake zien glaeskes weer laeg
Zeuk tösse zien rumpelkes ’n traon ziene waeg

Mer noe is vastelaovend en veult ouch hae dae kriebel
Zo wie alle raregekke hie biejein aan ’t buffet
Waat zól d’r nog ins gaer d’n optoch wille loupe
Mer det geit neet meer zo good, det is ‘t ‘m net

Wilt mit de kepel nog ins ’n duchtig sjtök träöte
En sjoje mit de Prins en ziene ónwieze Raod
Wo kint ‘m nieks sjille en al gaaroet nieks bómme
Van kroeg nao kefee of zo mer euver sjtraot


HOME PLAATSNAMENOVERZICHTHOME


RA RA, WO IS BARBARA
2003/2004: Tekst & muziek: Arnold Wassen
Zang: Hannen en Alt

Refrein:
ra ra, ra ra, wo is Barbara. wo is Barbara, ra ra
ich bön op zeuk nao Barbara, wo is Barbara, ra ra
het ging allein nao boete, haet emes ´m gezeen
doe kins ´m aan zien sjproete en aan zien sjpitse kneen
ra ra, ra ra, wo is Barbara. wo is Barbara, ra ra
ich bön op zeuk nao Barbara, wo is Barbara, ra ra

ich höb ein aardig maedje mit ein hele leuke sjnoet
det is mit vastelaovend neet te haje
den zaet ´t leve sjat ich bön d´r efkes tösse-oet
´t is tied óm miene akku op te laje
jao Barbara det geit allein op sjtap
en deze jóng sjteit gans allein te zinge aan de tap

mer dit jaor zegk ich Barbara ich laot dich neet meer gaon
al weit ich det ´t dich begint te jeuke
es doe mich weer geis loupe, loup den ouch mer nao de maon
ich höb gein zin meer óm dich gaon te zeuke
det leedje euver dich det bön ich meug
det zing ich noe allein nog mer es emes mich det vreug


HOME PLAATSNAMENOVERZICHTHOME


DE ROJE DRAOD
2006/2007: Tekst: Bart Willemse - muziek: Etty Willemse-Kemp & Wim Kemp
Zang: Op Good Gelök

Refrein:
De roje draod in mien laeve det bös dich
Want doe deils jaor in, jaor oet leef en leid mit mich
De roje draod in mien laeve det bös dich
Maar 't inj kump noe langkzaam in zich
Doe ruuks ein bietje muf, bös hie en dao get wied
Toet oppe draod versjlete, maar ich wil dich ech neet kwiet
De roje draod in mien laeve det bös dich
Maar 't inj kump noe langkzaam in zich

De roje draod in mien laeve det bös dich
Want doe deils jaor in, jaor oet leef en leid mit mich
De roje draod in mien laeve det bös dich
En 't inj kump nog lang neet in zich
Doe ruuks ein bietje muf, bös hie en dao get wied
Toet oppe draod versjlete, maar ich wil dich ech neet kwiet
De roje draod in mien laeve det bös dich
En 't inj kump nog lang neet in zich

't Is zo wied, 't is weer tied, ich kiek ins in de kas
ich griep nao miene aje jas en veul of hae nog pas
Maar waat ein gapend gaat dao in, ich zit in zak en as
Waat mót ich noe toch mit dae vastelaovesjas?

Ich raak finaal de draod kwiet, ich sjreef 't van 't daak
Ich kin de draod neet vinje, wie krieg ich 'm gemaak?
Veurdet ich 'm noe weggooi in dees grote voelnistas
Zing ich nog ein hommaasj aan miene vastelaovesjas

Wie pak ich noe de draod weer op, ich weit mich geine raod
De aje vastelaovesjas dae sjteit al aan de sjtraot
Ich zègk taege mien leefste leef, noe bön ich ech de klos
En het zaet taege mich, doe höbs ein dräödje los

Gelök hingk aan 'ne zieje draod, want waat ich dao toch zoog
Dao sjteit mien leef, hilt in zien handj 't gare al omhoog
De vastelaovend is gered, want miene jas dae bleef
En ich zing ein hommaasj aan dich, mien allerleefste leef


HOME PLAATSNAMENOVERZICHTHOME


EINE ROK
2007/2008: Tekst: Chretien Molenbrugge – muziek: Stef Kupers
Zang: Hannen en Alt

Refrein:
Eine rok, eine rok, eine korte rok
Sjoon bein en good figuur
Zo kinne veer genete
Van ’t wónjer der natuur
Eine rok, eine rok, eine korte rok
Det duit de ouge good
Dan komme veer toet laeve
Van ein heel klein sjtökske bloot

’t Beste höbbe veer gehad
Mer veule ós nog kwiek
Veer wille geine ozel meer
Allein nog romantiek
Veer dinke det d’r nog get is
Mer weite neet meer waat
Dan kump ’n sjone dansmarie
Noe gaon veer weer op paad

Veer laeve wiej ’t laeve kump
En make ós neet drök
Genete van ein lekker glaas
’t Leefste op ein krök
En kump de eerste krokus oet
Is veurjaor in de lóch
Dao kump ’n sjone dansmarie
Noe weite veer genóg


HOME PLAATSNAMENOVERZICHTHOME


RÖSTIG AAN
2003/2004: Tekst & muziek: Frank Scheepers
Zang: Sjone Groep

Refrein:
röstig aan, röstig aan,
sjuuf alles op de lange baan
en maak mich toch de kop neet gek
al valle de hoonder van de sjtek
ich pak mich drie daag langk de tied
want det geveul wil ich neet kwiet
al geit de res ouch duchtig draan
ich doon ´t röstig aan

de baas dae waas weer euver mich aan ´t klage
det duit hae jao meist ´t ganse jaor
dae kan allein mer jakkere en jage
ein bietje rös det is toch gaaroet gein bezjwaor
de ganse daag zit dae mich achter de vaere
dan zegk ich, estebleef laot mich toch gewaere

mer ins per jaor den kleure veer ós sjnoete
dan zeen veer döks in ins heel flot
dan zette veer zo gaer de bleumkes boete
mit die drie daag krieg ós toch geine miens kepot
want nemes zit ós dan meer achter de vaere
waat ein gelök, ze laote ós gewaere


HOME PLAATSNAMENOVERZICHTHOME


DE RÖSTIGE ZEEL
Teks: Wil Scheepers - meziek: Wim Schreurs
Oetveurende (*) : Wil Scheepers

Refrein:
Al bösse angers eine röstige zeel,
mit dees drie daag, den gaon veer feeste in os Neel.
Waasse hiej den zuus, det is Pruus, det zeen Muus.
Mer nemes zit hiej veur de buus.
Mer het leste oppe bein saoves inne sjtraot,
det is de kater, dae blief get later.
Det is de kater oet os Neel, wo ich hiej euver praot.

Ich höb ein fijn ketoorbaan, dao kint geer van opaan.
Van 8 toet 4 aan dae bero, krieg geer van mich kedo.
De sjlieps gooj ich aan de kantj.
Es kloon, trek ich door 't Neelse landj.

Sunjigs werk ich in den haof, det is mien vrouw belaof.
Sjmiddigs gaon veer oppe fiets, det is toch allemaol nieks.
Vastelaovend det zeen mien daag.
Ich gaon, weer door 't lintj vandaag.

* cd 1995/1996 : De Katers - " Orzjeneel 2 " - Onger Os 7295


HOME PLAATSNAMENOVERZICHTHOME


RUNDJE ÓM DE KIRK
2001/2002: Teks: Ans & Wim Puts - kompeziesie: Hub Boesten
Zang: Es-Veer (net neet gek genóg)

Refrein:
Veer gaon mit dees daag ein rundje óm de kirk.
Dao is ´t te doon en sjpele veer de kloon.
Veer gaon os eine pitse, de kael aaf laote litse.
Toet asgoonsdig allein mer lol,
en gaon veer duchtig aan de rol.

´t Hele jaor door jaag en ren ich mich verrot.
Det kump ómdet ederein vanalles van mich mót.
Ich höb ´t väöl te drök en sjtik van de sjtress.
Van det gejakker krieg se waal de pes.
Vergald waerd zo mien good humeur.
Waat wil se, mit det ewige gezeur ?
Mer mit de vastelaovend geit alles aan de kantj,
en sjpring ich ins sjtevig oet de bandj.

Höb ich sjmorges weer de wekker neet geheurd,
is ´t de res van de daag mit mich gebeurd.
Doesje en ein botterham gaon mich langs de naas,
ich sjpring in de outo en gaef flink gaas.
Mót ich ins eine keer mit de trein,
dan gaon d´r dae daag alweer ins gein.
Es ederein höb ich ´t sjtervesdrök,
mer mit de vastelaovend preuf ich ´t gelök.


HOME PLAATSNAMENOVERZICHTHOME


DE RUZELAER
Teks: Thei v. Cruchten - meziek: Thijs Hannen
Oetveurende (*) : Thei v. Cruchten

Refrein:
Waem kint hiej nach oos Neel zo wie det vreuger waas,
mit Wackers sjteinfebriek, de börgemeister waas de baas.
D'n Tore en de Wiejer, oos sjoon Tiggelerie.
Allein al bie 't zeen waas ich van binne och zo bliej.
Och, doe aje ruzelaer, zing dien sjtök toch mit plezeer.
Waat kan 't dich versjille, wie ze 't zólle wille.
Jao, 't maak toch nieks meer oet, blaas mer duchtig op die toet.

Tiggelerieveld en de Sjinderskoel, die waerde volgeboewd.
Mer in 't Kérkeveldj haet de gemeinte 't beroewd.
Woróm höbbe ze Neel biej Remunj toen toch gedaon ?
Jao, haje ze oos dörp op eige bein mer laote sjtaon.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


SAME
1992/1993 nr.1: Teks: Angely Waajen - meziek: Eric Waajen, Eric Brouns & Ruud Brouns
Oetveurende (*) : Döbbel Zaat (Eric Waajen & Eric Brouns)

Geld det kinse haole, oet eine automaat,
en asse emes belle wils: antjwaordapparaat.
Doe kins zoväöl allein, al zellefs hiej in Neel,
höbse nemes neudig want, doe sjpeels allein dien sjpeel.

Refrein:
Mer vastelaovend, det mot same, nae ech, det kinse neet allein.
Kom, noe doot toch efkes mit os mit, en veul diej kriebels in dien bein.
Heur ich dae meziek, veul ich mich zo riek, want 't is eine ongerein.

Woonse in eine bungalow of huurse dich ein flet.
Bösse veul te diek mesjien of juus gein gram te vet.
Zjwart of wit en jonk of aad en ouch erm of riek.
Zeker mit dees drie dol daag is ederein geliek.

* cd 1995/1996 : De Katers - " Orzjeneel 2 " - Onger Os 7295


HOME PLAATSNAMENOVERZICHTHOME


SAME MIT (J)AN
2001/2002: Teks: Jan Huyskens - kompeziesie: Tof Deckers & Jan Huyskens
Zang: Jan Huyskens & Annita Meuwissen

Refrein:
Sa...sa...sa...sa... same (J)An,
make veer get sjoons d´r van.
Same is ein groot gelök,
wie bevraore veut in ein paar wolle sök.
Sa...sa...sa...sa... same (J)An,
zeen veer weer get geks van plan.
Wo ´t ganse dörp van sjprik:
die zeen po.. die zeen po.. die zeen positief getik.

Es doe drie daag wils danse, An, dan bön ich diene vloer.
En wil se örges dwars doorhaer bön ich dien driesjteins moer.
Döks vreugs se mich: "Noe zing ins get", dan kreij ich wie ´ne haan.
En zaes se: "Wölle ligk dich ins", kroep ich taege dich aan.

En es veer dan gaon sjtappe, sjat, draag ich dich op de henj.
Ouch es ich op mien tandjvleis loup, biet ich nog op de tenj.
Zo zeen veer al die daag op paad, de luuj kieke ós nao,
en zegke sjtilkes taege ein: "Noe kiek die gekke dao".

Es doe dich ins wils zitte, An, dan bön ich diene sjtool.
En wil se ins get sjpele, dan bön ich dien aaj fiejool.
Dao is mer ein dingk, leefste An, wo ich neet taege kan:
Eet is allein door laeve gaon, dao waer ich dreuvig van.


HOME PLAATSNAMENOVERZICHTHOME


SJAELE WAZEL
Teks: Hyke Wieriks - kompeziesie: Wiek Chermin
Zang (*) : Veerdriekwaart

Refrein:
Blief same lache, blief same zinge,
laot os gaon danse en lekker sjwinge.
Sjtaek diene bölles neet in 't zandj.
Weg mit dae sjaele wazel, gaef mich ein handj.
Weg mit dae sjaele wazel, gaef mich ein handj.

De eine haet wörm, de angere gaas.
Ouch kin ich d'r ein mit ein heel dieke naas.
De kneen vol mit water, de kop vol mit roos.
Geer gluif 't mich neet, mer d'r is heel get loos.

De eine haet sjöld op 't hoes en de boot,
de angere koch zich de wage te groot.
Ze aete neet meer want ze höbbe gein moos.
Geer gluif 't mich neet, mer d'r is heel get loos.

De buurman, dae pik de vrouw van hem aaf,
hae haet ein vrundin, och, waat is det ein kaaf.
Kom, ruul die mer in veur ein angere doos.
Geer gluif 't mich neet, mer d'r is heel get loos.

De eine dae werk, de angere neet.
Dae ligk in de zon of hae zit in de keet.
Hae duit geine sjlaag en det doert al ein poos.
Geer gluif 't mich neet, mer d'r is heel get loos.

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


SJAN D´N DIREKTEUR
2002/2003: Tekst: Wim Kuipers - muziek: Clemens Maessen
Zang: Gein Sjtum Plus

Refrein:
Sjan, det haet de bóks aan, of drie of veer of vief,
det vlook óze Herman knaoke-knaoke sjtief.
Mer deep ónger det bluuske, is zie sjoe wie ei muuske.
Want es det de Kater sjpeurt,
zuus se óngerhalve maeter, dan is ´t al gebeurd.

´t Is d´n allerbeste, dae Herman van d´n Tump,
zien zaekskes good in orde, alles, alles sjtump.
Jao, mit de vastelaovend geit hae ós noe veuraaf,
en wo veer gaon of kómme, dao is ´t kei-alaaf.
Maar waerd ´t dan get later sjteit zie al bie de deur,
óngerhalve maeter, mer waal d´n direkteur.

Inins veel Sjan waal mit jao, belaofde zelfs ein pak,
Herman mit zien gruupke: „zónger kale kak".
Ach waat zoog det toch sjiek oet, rood, goldj, mit deftig gries,
det kós toch neet meer misse, veer haole d´n eerste pries.
Doe zag Sjan, sorrie jónges ich vónj ech gein gooj kleur,
óngerhalve maeter, mer waal d´n direkteur.

Veer höbbe noe ein blaoskepel, die haet d´n Dreuge Kraan,
en vroge aan Sjan modes, dreugs doe veur ós de vaan ?
Zie dreugt ´m wie ´n heiligbeeld, kaers en kaers rechop,
mer haet zie geine zin meer dan reup ze: en noe sjtop!
Griep Herman bie de lurve, kóm mit jóng gein gezeur,
óngerhalve maeter, mer waal d´n direkteur.


HOME PLAATSNAMENOVERZICHTHOME


DE SJLAGER VAN 'T VOLGEND JAOR
2000/2001: Tekst & kompeziesie: Ton Custers
Oetveurende: Neutjes: Ton Custers - soliste : Bienao te laat

Refrein:
Dit is de sjlager van `t volgend jaor.
Veur dae van dit jaor zit ich mit de henj inne haor.
Dit is de sjlager van `t volgend jaor,
want dae van dit jaor, dae is nog lang neet klaor.
De allereerste neutjes haaj ich inne kop - tata, tata -,
mer daonao woor inins de inspierasie op.
Dit is de sjlager van `t volgend jaor.
want dae van dit jaor is volgend jaor pas klaor.

Ellef jaor haaj Harie al ein uigske op Marie.
M´rie, det woor `t sjoonste maedje vanne hermenie.
Bloos wie eine maerel klarienet
en Harie deej zien bes oppe trompet.
"Sjrief veur mich de allerbeste sjlager van `t jaor,
den sjtaon ich veur dich mit de vastelaovend klaor",
det haaj `m zien Marie gezag,
mer nieks wol lökke es hae aan häör dach.

Harie zoot te zjweite en hae bloos op zien trompet.
zeukend nao ein neutje veur Marie zien klarienet.
Mer sjpeelde hae den wer die hoge C,
den haaj hae daonao gaar gein flouw iedee.
Toen zoog hae zien Marie, die zag: "Harie kom ins hie.
ich kin toet volgend jaor waal wachte op die melodie,
want ich dink aan dich allein".
En same zonge zie toen `t refrein.


HOME PLAATSNAMENOVERZICHTHOME


DE SJMINKDOOS
2002/2003: Tekst & muziek: Chrit Molenbrugge
Zang: Tiej en Marie mit Hannen en Alt

Refrein:
Eers ´n kleurke oppe sjnoet, mit de potlood dan ein sjproet,
oppe wang ein blöske fien, óm de lippe nog ein sjone lien,
de naas rood en ein pruuk, get gesjpriets, det ich weer lekker ruuk,
zo gaon ich knap op sjtap, nemes sjnap wie ich det höb gelap.

Deze tied van lol en sjpas, dae brink mich laat in bed.
Zo róndj de middaag sjtaon ich op, höb weer neet opgelet.
De sjpegel sjrik zich eine bars, ich zeen d´r neet meer oet,
en bön get gammel oppe bein, versjoot al weer mien kroet.
De vaje en de blaoze make mich ein aje sjroet.
Ich heur de sjtumming in de sjtraot, veul kriebels in mien blood,
pak dan de sjminkdoos oet de kas en dink ´t kump waal good.

Bön ich neet de knapste meer, de kop ein bietje kaal,
de tied dae haet neet sjtilgesjtaon, det is mich toch egaal.
Ich wil alweer de hort opgaon, ´t leefs toet aan de hek.
De Kater naem ich mit op joets, vandaag is nieks te gek.
Die kriebels haaj ich laeveslank, geluif mich waat ich zek.
Ich heur de fepe in de sjtraot, ´t is de tied van elf,
pak dan de sjminkdoos oet de kas, dan geit ´t weer vanzelf.


HOME PLAATSNAMENOVERZICHTHOME


´T SJOONSTE
2003/2004 nr.1 : Tekst: Henk Rademaekers - muziek: Tof Deckers
Zang: Jacques & Tanja

Refrein:
mit vastelaovend, dan druim ich van dich
dan loup ich op wolke, dan veul ich mich lich
en es veer sjoenkele, einmaol haer einmaol trök
dan bös se veur mich ´t sjoonste, ´t sjoonst gegaeve gelök

doe bös veur mich ´t sjoonste
ich haaj van dich allein
doe bös veur mich ´t sjoonste
waat hiej róndj löp op twee bein
doe sjtraols zo wiej ein sjterrenach
doe sjtraols wiej zón en maon
door dich höb ich al daag en nach
gein oug meer toe gedaon

doe bös veur mich ´t leefste
doe bös mich alles waerd
doe bös veur mich ´t leefste
waat hiej róndj löp op dees aerd
´t gelök det is dich aaf te laeze
lachs mit dien gans gezich
doe lachs mit heel dien waeze
ich haaj allein van dich

doe bös veur mich de eerste
en de letste veur altied
de res is óm ´t aeve
dich wil ich noojt meer kwiet
en zeen ich in dien ouge
wiej sjoon ´t laeve broes
dan kriege veer twee same
de hemel in oos hoes


HOME PLAATSNAMENOVERZICHTHOME


SJPA OET ’T VAAT
Tekst: Hyke Wieriks - muziek: Stef Kupers
Zang: Hannen & Alt

Zegk sjat wieväöl glaeskes höbs dich al gehad
Ich moog neet meer rieje, ich haaj d’r al zat
Zo geit ’t toch altied, ich höb gein gelök
Het riejt op de haerwaeg en ich riej dan trök

Mer det is veur-good gedaon, want ’t pilske laot ich sjtaon

Refrein:
Ich weit ein sjoon kefee - - mit sjpa oppe tap
Ich weit ein sjoon kefee - - dao gaon ich op sjtap
En duuj aan de gaam dan- de miense opziej
De kastelein dae tap mich flot -- teen sjpa op ein riej
Dan veul ich mich jonk en- zo gek wiej ein raad
Van al dae sjpa, dae sjpa, dae sjpa, van dae sjpa oet ’t vaat.

Ich keek op ein aovend te deep in ’t glaas
De wage dae kiepde toen sjoon in de maas
Zo geit ’t toch altied, ich höb gein gelök
Ich riej ‘m d’r in en dae kump nooit meer trök

Mer det is veur-good gedaon, want ’t pilske laot ich sjtaon.


HOME PLAATSNAMENOVERZICHTHOME


DE SJPAT-AORE BLOES
2003/2004: Tekst: Wim & Ans Puts, Roel & Marion Geraets - muziek: Gerard Leenhouts
Zang: Es-Veer

Refrein:
ich höb gein - hae haet gein ?
gaar gein prinse-prinsebein , -prinsebein, prinsebein-
mer prins zeen liek mich zo fijn
allein hae haet gein prinsebein

veur de sjpegel in mien majootje
gaef ich michzellef ein sjootje
en dan veul ich mich zo klein
want ich höb gaar gein prinse-prinsebein

de jeugprins bön ich neet gewaore
bön mit kemuniebein gebaore
eine jeugprins mit van diej sjtake
kós de vereniging neet make

ouch dit jaor zal ich ´t neet waere
want mien bein zitte vol zjwaere
en waat mich noe nog is gebeurd
ich bön oet mien majo gesjeurd

biej bejaarde waerd neet nej gekeke
dus is mien kans nog neet geweke
want es se prins waers biej die aje
moog se zeker dien bóks aanhaje


HOME PLAATSNAMENOVERZICHTHOME


SJTILLEKES GENETE
2006/2007: Tekst: Frank Scheepers – muziek: Kompeziesie: Tof Deckers
Zang: Geluif, Haop en Leefde

de vastelaovesdaag zeen noe in zich
gaeve aan ’t alledaagse taegewich
de luuj laeve zich oet en höbbe sjpas
’t laeve is häör efkes neet toet las
mer mit die daag hoof ich neet ech veurop
es ich d’r bie bön, jao dan laef ich op
laot mich mer gaon, laot mich mer sjtaon, ich zeuk mien rös
en haop det ich oet deze druim neet wakker waer gekös

Refrein:
want ich kin sjtillekes genete van die miense óm mich haer
zón vastelaovesgekke, jao die zeen ich toch zo gaer
die gaon tekeer, höbbe plezeer en haole alles oet de laaj
dan weit ich weer woróm det ich van vastelaovend haaj
want vastelaovend is veur mich toch puur gelök
dan kin ich sjtillekes genete en maak mich óm nieks drök

de vastelaovesdaag die zeen zo sjoon
dao mótte veer ’t ganse jaor mit doon
’t werk det sjuve veer weer aan de kantj
dao is hie ech vanalles aan de handj
al sjtaon ich mit die daag ouch neet veuraan
op mien eige wies, gaon ich d’r taegenaan
laot mich mer gaon, laot mich mer sjtaon, ich zeuk mien rös
en haop det ich oet deze druim neet wakker waer gekös


HOME PLAATSNAMENOVERZICHTHOME


EINE SKIE-KATER
2003/2004: Tekst & muziek: Clemens Maessen & Theo van der Woude
Zang: SJNAPS

Refrein:
veer kinne d´r neet aan dinke óm nao Oosteriek te gaon
mit vastelaovend weggaon, nae det is toch nieks gedaon
bös se aan ´t skieje en verdreij se diene knie
nae miense det is nieks veur ós veer blieve lever hiej
verkleije ós es dansmarietje, indijaan of kloon
lever doon veer det dan ós ein skipak aan te doon
veer kinne d´r neet aan dinke óm nao Oosteriek te gaon
weggaon höbbe veer al ins gedaon

die fout höb ich al in mien laeve eine keer gemaak
saoves in de skie-hut höbbe veer ´m good geraak
sangerdaags de zjwarte pieste, remde neet en veel
ich kós toen mit de giepsvluch truuk van Oosteriek nao Neel

ich vlookde in michzellef en dach noe miense kiek toch hiej
de vastelaovend geit dit jaor noe aan mien naas veurbiej
det is de allerletste keer det ich hiej toes zo zit
´t volgend jaor loup ich weer in de Neelder optoch mit


HOME PLAATSNAMENOVERZICHTHOME


STEURING IN DE KOP
2009/2010: Tekst & muziek: Cleem
Zang: Gein Sjtum

Refrein:
Jao dan toetoetoetoetoete mich de ore en krieg steuring in de kop.
En door det toetoetoetoetoete in mien ore zit ich de ganse nach op.
Ich kom dan gaaroet neet in sjlaop, det brik mich beheurlik op.
Want det toetoetoetoetoete in mien ore geit pas euver es het mit kalle sjtop.

Mien vrouw det is ‘ne leve sjat en ech ein lekker sjtök.
D’r is allein mer ein perbleem, ’t is ontzettend drök.
’t Wazelt en ’t sjprik biejein dan geit det zo in koor.

Dan höb se nog det klein van mich des ouch zòn wazelvot.
Ich weit neet wo ’t det van haet, soms lach het zich kepot.
Want ouch in ziene sjlaop hilt het de monjdj gaaroet neet toe.
Dan zingt het vastelaovesleedjes en get van “ ai lof joe”.

’t Maak mich soms ram gek.
De ganse daag det gekwek.


HOME PLAATSNAMENOVERZICHTHOME


'T IS WEER VASTELAOVEND
Teks: Marc Breugelmans - meziek: Rene Schrader
Oetveurende (*) : Marc Breugelmans

Refrein:
Velt konfetti oppe sjtraot, loup dan neet meer in de maot,
want 't is hiej Vastelaovend.
Zit dien maske noe mer op, alles sjteit weer oppe kop:
Jao, 't is weer Vastelaovend.
Ederein en alles duit weer mit, ein sjpeel wo meziek in zit.
Auch d'n optoch trék weer rondj, en veer make 't gaer bontj,
want 't is weer Vastelaovend.

Neel sjteit drie daag oppe kop, det wét hiej ederein,
en mit die drie dol daag, sjteit hiej geine meer allein.
Veur zinge oos de kaele sjor en gaon d'r taege aan.
De Kater op 't Betjesplein, dae nump 't d'r dan van.
Allemaol, allemaol, komme veur hiej op verhaol.

Moder haet 't aete klaor, zo om 'n oer of zés.
Vriej vlot daonao verlange veur dan nao die broene fles.
't Maedje van hiejnaeve verklédj zich es pesjtoor,
en mit zien alle gaon veur dan toet sjmorges door.
Ederein, ederein dae vintj 't hiej dan fijn.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


DE TEKS KWIET
2008/2009: Tekst & muziek: Ton Custers
Zang: Bienao te Laat

Refrein:
Det woor toch get van uh, of toch van wha la la
Get van hie, en zo blie, of van hoempa pa pa pa
Op dees meneer kóm ich weer ech neet wiet
Ich bön wie eedre keer de teks alweer ins kwiet
Veer gaon van hie en dao toet aan de wha la la
En mit de vastelaovend is ‘t ja pa ta ta ta
Det woor toch get van zo, of toch van la la la
Get van dao, en och jao of get van hoempa pa pa pa pa

Höb geer det ouch mit leedjes van heel lang geleje
die make deep van binne heel get los
Doe zings se en den bös se effe heel tevreje
mer es ’t hel op mót den bösse weer de klos
De eerste wäörd det geit nog waal mer daonao geit ‘t mis
wie se dich ouch meug den prakkezeers
Doe wèts den neet, wie of waat de teks weer is
En es se den get zings, den zings se get verkeers

Wo is toch det breefke mit dae teks gebleve
ich höb ’t net nog inne henj gehad
Ich haaj toch deze keer ‘ns zo get sjoons gesjreve
óm te lache en ouch nog heel gevat
Mer noe bön ich verdorie toch det sjtóm pepierke kwiet
en herinner mich neet ‘ns meer ’t begin
Nog effe en den is ’t toch alweer de hoogste tied
En waat ich den zègk of zing, haet eigelik geine zin


HOME PLAATSNAMENOVERZICHTHOME


THÜSERSHAOFSE HEI
Neelder teks: Jan Huyskens - meziek: Gerton van Wageningen
Oetveurende (*) : Sjnaps

Refrein:
Thüserhaofse-hei, diene zandjberg en denne,
wo ich in mien jeug, mit mien vrunj sjpele ging.
Thüserhaofse-hei, wo veer vriej kóste renne,
róndj de plek wo ooit Patershuuske nog sjting.
't Is veurbiej, goonsdaagmiddaag en lekker vriej,
en heel bliej, boete sjpele neet wied van hiej.
Van dae berg, hele middage op en aaf,
't waas neet erg-es-ze saoves toes kwooms,
de kop vol zandj, erm en bein gesjaaf .....

Och wiej sjoon wore toch de jaore, vreuger op de Laurentius-sjool.
Kórte bóks en de kop gesjaore, onger de klump eine rubberzool.
Waat oze meister os toen wól leere, det ging hiej drin en dao weer droet,
want veer dachte dök hóngerd keere, óch waas diej sjit-sjool noe maar weer ins oet.

Man veer maakde ós sjeetgewaere, sjoote sjtein mit de kattepuul,
want veer wólle sjoldäötje waere, om dan te vechte taege 't krepuul.
Hutte boewe en tunnels grave, 't heel jaor door auch in waer en windj.
Jao, noe zeen veer weer van die brave, en lang zo'n batjes neet wiej toen es kindj .....

* cd 1994/1995 : De Katers - " Orzjeneel " - Onger Os 7273


HOME PLAATSNAMENOVERZICHTHOME


TIE RA LA LA
Teks: Ton Custers - melodie: "De machtigste koning"

Ging opa kampere, den zóng hae altied van de arend, geweldig en groot.
Hae leep door de bosse en euver de hei, korte bóks en ein bloom oppe hood.
En es örges den weer det leedje klónk, jao, den wis ederein wo d'r woor.
Euveral wo opa is gewaes, dao zinge de miense in koor.

Tie ra la la (tie ra la la) tie ra la la (tie ra la la),
tie ra la la (tie ra la la) tie ra la la, hoi, hoi.
Euveral wo opa is gewaes dao, zinge de miense in koor.

Gaon ich noe kampere of zeuk miene waeg, nou, den zing ich wie opa toen zóng.
En heurt hae mich kómme, den lach hae en zaet: "Mós se heure, dao kump miene jóng".
En es örges den weer det leedje klink, jao, den haet ederein 't waal door.
Euveral wo opa is gewaes, dao zinge de miense in koor.

* CD 1998: Diverse artiesten - "Es se mit wils doon" -
co-produksie van Jong Nederlandj Limburg en Omroep Limburg


HOME PLAATSNAMENOVERZICHTHOME


DE TILLEFOON
2001/2002: Teks: Hyke Wieriks - kompeziesie: Wiek Chermin
Zang: Hannen en Alt

Refrein:
Hallo... hallo, eine tillefoon, dae krieg ich euveral kado.
Hallo... hallo, duuj op det knuupke van det dingk en zegk hallo.
Hallo... hallo, det doon die jónges van de tillefoon gewieks.
Ich hoof allein nog mer te belle, zónger sente neer te telle,
want dae klómmel krieg ich euveral veur nieks.

Ein leve tant in Mexico, die wil ich sjpraeke, zo wie zo.
En ein nichske in Atheen, det höb ich lang neet meer gezeen.
De ganse waereld bel ich aaf, ich bön aan det dingk versjlaaf.
Mer kump de raekening aan bod, dan sjrik ich mich kepot.

En in Alaska, dao woont mien broor, dae heur ich gaer, det sjtök aaj-oor.
Mer de leefste die ich bel, det ich mien paete-tante Nel.
De ganse waereld bel ich aaf, ich bön aan det dingk versjlaaf.
Mer kump de raekening aan bod, dan sjrik ich mich kepot.


HOME PLAATSNAMENOVERZICHTHOME


TOM TOM
Tekst: Hyke Wieriks - muziek: Stef Kupers
Zang: Hannen & Alt

Refrein:
Al riej ich ram verkeerd en zit ich gans d’r naeve
Al zeen ich geine pões, toch kom ich alik toes.
Al riej ich ram verkeerd, dan is die sjtum neet kwaod
En kalt mich mit gemaak, nao de goje sjtraot
En de waeg waas rech, pom terom tom tom
En de waeg waas krom(p), pom terom tom tom
En de waeg waas rech, pom terom tom tom
En de waeg waas krom(p),……….tom tom.

Op vekansie gaon is nieks, want mien vrouw leus kaart
En die hilt ze op-pe kop, ich höb geine aard
Maak ein sjone linkse boch, mer dan sjtaon veer sjtop
En dan kump d’r gaar nieks meer, want de waeg hilt op.

Es de nuje daag begint, bön ich al peraat
Zit dan lekker aan ’t sjtuur, van de automaat.
Gaon ein ekstra blökske om, en mien vrouw blief toes
Kint neet tippe aan mien Truus, ziej pas op ’t hoes

Ich höb ein deuske mit ein sjtum,noe riej ich altied good
Ein deuske mit de sjtum van Truus, die kalt mich oet de nood


HOME PLAATSNAMENOVERZICHTHOME


TWEE HENJ OPPE SJOUWERS
2001/2002 nr.1 : Teks: Etty en Peter Willemse, Wim Kemp - kompeziesie: Wim Kemp
Zang: Op good gelök

Refrein:
Twee henj oppe sjouwers, ich vleeg inins veuroet,
de hele meute kump achter mich aan.
Ich wil nao dich toe, mer die henj wille det neet.
Wie mót det noe, de wanhaop is kompleet.
Nao links en nao rechs en ich dreij in ´t róndj,
ich veul mich net wie eine dolle hóndj.
Die henj, jao, die heure bie eine kleijerkas,
en haje sjteeds mien sjouwers sjtevig vas.
Die henj, jao, die heure nog sjteeds bie dae kolos,
maar laote dan opins mien sjouwers los.
Alleen laatste refrein:
Die henj zeen det sjöld, daodoor raak ich dich kwiet,
toet de nuje vastelaovestied.

De raege sjpeult de sjmienk van mien gezich,
´t is gedaon, ´t fees waas weer sjoon.
Langksaam kump asgoonsdaag in zich,
maar in ein kefee, dao is nog get te doon.
Ich gaon nao binne, sjtampvol is ´t dao,
en opins zeen ich dich sjtaon.
Doe kieks mich aan mit ein lachend gezich,
ein vónk sjleit euver en ich veul......

Ich zeen dich weer sjtaon en doe lachs taege mich,
verlaege gaon ich bie dich sjtaon.
Ich kiek en verdrink in die ouge van dich,
mien hert geit sjteeds sjneller sjlaon.
Doe vreugs: "Moog ich noe dit welske van dich ?"
Veurzichtig pak ich dien handj.
Doe sjleis gans geweun diene erm óm mich,
veer danse same en ich veul....


HOME PLAATSNAMENOVERZICHTHOME


DE TWIEFELEER
2005/2006: Tekst: Frank Scheepers - muziek: Tof Deckers
Zang: Geluif, Haop en Leefde

Refrein:
de twiefeleer, de twiefeleer, dae wit neet waat ‘r mót
de twiefeleer, dae wiefeleer, dae twiefelt zich kepot
links of rechs, veur- of achteroet, hae wit ’t ech neet meer
kefeeke in of kefeeke oet, hae twiefelt keer op keer

dae roje bloes, die gaele möts of toch dae greune jas
hae sjód de kop en wit ’t neet waat hem ’t beste pas
die sjtrepe-bóks, die bölkes-zök en of toch die roete-sjoon
waat zal hae noe toch keze, det is toch neet te doon

dan geit hae nao zien sjtamkefee en sjteit dao veur de tap
mer efkes get besjtelle, det geit biej hem neet rap
ein sjnepske of ein glaeske wien, ein pilske groot of klein
hae kan mer neet besjlisse, ’t geit ‘m gans doorein


HOME PLAATSNAMENOVERZICHTHOME


VASTELAOVEND
2008/2009: Tekst: Hyke Wieriks – muziek: Stef Kupers
Zang: Hannen & Alt

Mit mien vrunj, gaon ich d’r eine drinke
En dan get aajhore aan de tap
Eine vraemde miens d’r eine gaeve
Want dae zoot vandaag ein heel klein bietje krap
Zonne aovend waem het det verzonne
Worom wille veer hiej blieve sjtaon
Wanneer is dae tied ’t eers begonne
Laot ins kieke waem haet os dit aangedaon

Refrein:
Det is vastelaovend – vastelaovend
vastelaovend, haet det gedaon.
Daoveur dank ich, vastelaovend
want det haet dae, heel good gedaon.

Es om twellef oer, de glazer klinke
Is d’r eine jäörig in de zaak
En dae reup geer moog d’r eine drinke
De keffeebaas haet ein rundje in de maak
Zo’ne aovend waem haet det verzonne
Waorom wille veer hiej blieve sjtaon
Wanneer is dae tied ’t eers begonne
Laot ins kieke waem haet os dit aangedaon.


HOME PLAATSNAMENOVERZICHTHOME


VASTELAOVEND IS GEZÒNDJ
2003/2004: Tekst: De Beerbuuk - muziek: Jo Aubert
Zang: Ilona & de beerbuuk

Refrein:
kiek ins hiej, geer zeet ´t geit ós good
vastelaovend zit ´m in ´t blood
ouch al zeen veer väöls te róndj
vastelaovend is gezóndj
´t is de beste medisien
veer doon neet aan de lien
veer kieke neet op ein póndj
vastelaovend is gezóndj
doot mit ós mit en zing in ´t róndj
vastelaovend is gezóndj

doe geis nao dokter of psiegeloog
die zegke dich waat net nog moog
get meer bewaege op joeksmeziek
daomit zeen veer de keuning te riek
geneet van ´t laeve, det buukske moog d´r zeen
vastelaovend hilt dich jónger, fit van kop toet teen

dae hering krieg ós neet van sjlaag
al ligk dae waal zjwaor oppe maag
die pilskes sjteige ós nao de bol
dao höbbe veer de blaos van vol
geneet van ´t laeve det geld veur groot en klein
vastelaovend maak dich baeter, hilt dich op de bein


HOME PLAATSNAMENOVERZICHTHOME


VASTELAOVESBLOOD
2005/2006: Tekst & muziek: José Moonen-Habets
Zang: Veer Twee

Refrein:
Ich kin der nieks aan doon
ut zit mich in ut blood
Ut kump van oet de tene
en kruup dan omhoog
Vastelaovend vier ich al heel lang
mit vastelaovend hilt mich nemes in bedwang

Mit get smink in mien gezich
Veul ich mich wie ein wich
Dao kin ich nieks aan doon
En die pruuk op miene kop
Jao det is geweun gans top
Dao kin ich nieks aan doon
En ich roop ouch steeds heel braaf
Vastelaovend alaaf alaaf

Auch de prins dae duit dan mit
of de raod noe steit of zit
Dao kin ich nieks aan doon
Hae springk op taofels lup veurop
Mit die daag kriegse um neet kepot
Dao kin hae nieks aan doon
En auch de prins dae reup heel braaf
Vastelaovens alaaf alaaf

es de optoch dan vertraek
eiderein verkleid zich gek
dao kinse nieks aan doon
en det sjoenkelt langs de kanjt
Geit door ut ganse limburgslandj
Dao kinse nieks aan doon
Eederein dae reup dan braaf
Vastelaovend alaaf alaaf


HOME PLAATSNAMENOVERZICHTHOME


DE VASTELAOVESBOWA
2001/2002: Teks: Henk Rademaekers - kompeziesie: Tof Deckers
Zang: Jacqueline Maynard

Refrein:
Alowahee, alowaha, dit is de vastelaovesbowa.
Alowahee, alowaha, dit is de ratata-bowa.

Mit de vastelaovend, dan höb ich gaer get sjieks.
Mót ich ei vaerke laote, duit mich det gaaroet nieks.
Veer gaon ós noe verkleije mer lever neet zo sjtief.
Laot de bowa noe mer weije of dreij ´m óm ´t lief.

Kiek ins in de sjpegel of kiek ins in de roet.
Doe bös toch geine pegel, sjtraols vastelaovend oet.
Geer zeet neet meer te kinne, krieg vas d´n eerste pries.
Me veult zich werm van binne, gesjmolte is ´t ies.

De bowa, dae is prachtig, eine bowa dae is blits,
veural es se ´m jachtig achter de vaere zits.
Eine bowa, det is laeve, ich draag hem toch zo gaer.
Zörg zeen mich óm ´t aeve mit de bowa óm mich haer.

Doe sjitters wie ein plaetje, ein plaetje oet ein book.
Doe kumps dan es ein maedje, ´t sjoonste oet d´n hook.
De bowa, dae is ratata, doe maaks mich sjtapelgek,
mit die vaere van dae vastelaovesbowa óm de nek.


HOME PLAATSNAMENOVERZICHTHOME


DE VASTELAOVES-DRUIM
Teks & meziek: Thei van Cruchten
Oetveurende (*) : Sylvia IJzermans & Thei van Cruchten

Refrein:
Ich druim van vastelaovend, mer wie zit det mit dich ?
Es doe vannach nao hoes toe kumps, dinks doe dan nog aan mich ?
Of vins doe gaar de waeg neet meer, en flakers euver sjtraot ?
Löps doe dich dan de läötsj oet en wits dich geine raod ?

Veer ginge oppe tied van hoes, efkes droet, zo dachte veer.
Det waerde sjnel verangerd, al drek nao ein keteer.
Ich haaj 't in de gate, dao waar nieks meer aan te doon.
En sjtraks zulle weer zegke, waat is 't laeve sjoon.

Noe loup ich midde in de nach, mit mien träötje in de handj.
Wo bösse toch gebleve, mien hert det sjteit in brandj.
De vastelaovesleefde, ouch al isse nog zo sjoon,
die kan toch mer drie daag doere, dao is nieks aan te doon.

* cd 1995/1996 : De Katers - " Orzjeneel 2 " - Onger Os 7295


HOME PLAATSNAMENOVERZICHTHOME


VASTELAOVESGEK
2002/2003: Tekst: Angely Waajen - muziek: Eric Waajen
Zang: Peter Naus & Eric Waajen

Refrein:
Drie daag doon ich waat ich wil, laot mich zo lekker gaon.
Drie daag is d´r gein versjil es veur ós mer versjtaon.
Drie daag vastelaovestaal, drie daag sjaele kal.
Drie daag is d´r nieks normaal, drie daag ein gek geval.

Wie kin se det noe toch doon, dien bóks, die kleurt neet bie dae bloes.
En poets toch ins dien sjoon, zo kin se neet oet hoes.
Det sjleit toch nörges op, broen zök bie det zjwart.
Doe sjteis der sjandalig op, mer ich vinj ´t waal apart.

Zinge doon ich zo gaer, ich galder ´t leefst euver sjtraot.
Ze zegke ´t klink nörges haer, en ouch nog oet de maot.
Dus zing ich dan mer allein, nemes dae ´t heurt.
Zo haaj ich mich oppe bein, det mich mer nieks gebeurt.

Die twee höbbe wäörd gehad, die make ´t weer väöl te bontj.
D´r is toch al herrie zat, sjneur die mer ins de móndj.
Worom kin ich noe neet kwiet, waat sjpeelt in miene kop,
wie döks höb ich alweer sjpiet, wo sjleit det noe toch op ?


HOME PLAATSNAMENOVERZICHTHOME


DE VASTELAOVES-INGEL
1996/1997 nr.1: Teks: Frank Scheepers - kompeziesie: Frank Scheepers & Tof Deckers
Zang (*) : Frank Scheepers

Refrein:
Ich bön de vastelaoves-ingel, drie daag weer trök op aerd.
Drie daag dreij ich duchtig aan dae zjwingel, die daag zeen mich get waerd.
Dan kan ich döks al waekelang neet sjlaope, dus Petrus, doot die port noe mer ins aope.
Ich bön d'n ingel van de sjoonste tied en toet asgoonsdig is de Heer mich kwiet.

Vastelaovend in de hemel is veur 'ne ingel gein taboe,
ich kniep d'r drie daag tösse-oet.
Os Levenheer, dae kniep sjpesjaal veur mich ein uigske toe,
en zaet: "Ooch, jong laef doe dich mer ins oet.
Gedraag dich, maak plezeer zo wie 't heurt,
dan bösse volgend jaor weer aan de beurt".

Os eige leedjes klinke toch zo sjoon in 't Limburgs plat,
det hoof veur mich gein ingels meer te zeen.
Os eige taal versjtaon veer good, det is os grootste sjat,
zo es dien eige uig 't beste zeen.
Van zunjig toet asgoonsdig doert dae toer,
dan sjloet ich aaf mit hering in 't zoer.

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


VASTELAOVESKLEURE
Teks: Wil Scheepers - kompeziesie: Wim Schreurs
Zang (*) : Get En Ein Bietje

Refrein:
Vastelaovend, rood, gael, greun, det is veur os toch heel geweun.
't Zeen de kleure van 't laeve die de aerd os haet gegaeve.
Mosse kieke, vergelieke, de ein nog sjoner es de anger.
twiefel of ich get veranger.
Waerd 't rood, waerd 't gael of waerd 't greun.

De kleur is rood, die is heel sjoon, zo is 't naeske van de kloon.
Nog rojer es ein hötje moos, ein keerseflaai in bekkersdoos.
Zo heurt det rood d'r zeker bie in det rieke van dees drie.

De kleur is gael, zo sjoon es goud, ein herfsblaad van 't eikehout.
Zo sjient de kleur van bokesmael, taege 't leech ein bietje gael.
Zo heurt det gael d'r zeker bie, in det rieke van dees drie.

De kleur is greun, kiek langs de Maas, d'r is gein sjoner kleur veur graas.
Ouch in 't lintje vanne meun, dao zit 't vastelaovesgreun.
Zo heurt det greun d'r zeker bie, in det rieke van dees drie.

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


VASTELAOVESKWATSJ
2001/2002: Teks: Femielie Ratering - kompeziesie: Geert Ratering
Zang: Allemaol BeerBuuk

Refrein:
Ich sjnap det neet, det geit neet in mien köpke.
Ich sjnap det neet, geit mich baove de patsj.
Waat is noe sjoner, allerleefste möpke,
dan laeve mit dae vastelaoveskwatsj.

Mien vruike zag mich giester, ´t wool gaer nao San Juan.
´t Leefs mit vastelaovend want dao baalt ´t toch zo van.
Kint ´t nieks aan doon, zit neet in zien blood,
kint ´t taege vechte, mer det lök ´m neet zo good.

´t Guf noe einmaol miense, die zeen lever dao dan hie,
die maak se mit dae hele vastelaovend neet zo blie.
Kin me nieks aan doon, zit neet in häör blood,
pas neet bie die miense, det zit neet in häör gemood.

Dus zie sjtap inne vleger, ich blief hie en gaon op sjtap,
want veul ich vastelaovend, klop mien hert twee keer zo rap.
Kin ich nieks aan doon, zit mich in ´t blood.
Vastelaovend viere duit de miens noe einmaol good.


HOME PLAATSNAMENOVERZICHTHOME


VASTELAOVESMAEDJE
2006/2007: Tekst: Henk Rademakers – muziek: Tof Deckers
Zang: Huub Beeren en Peter Naus

Refrein:
vastelaovesmaedje, zo geweldig en sjemant
doe bös vanoet d’n hemel, hiej in Limburg good belandj
mer biej de sjterre sjtraole, det geit mich väöl te wied
kóm mit ein pilske haole, ich wil dich noojt meer kwiet

vastelaovesmaedje, zo geweldig en sjemant
veur dich sjuuf ich de sjnee en de sjeem nog aan de kantj
en kump se van de trap aaf, dan veul ich mich gevleijd
dan bösse al van baovenaaf, toet óngertoe verkleijd

vastelaovesmaedje, zo geweldig en sjemant
doe bös ein modeplaetje, kóm gaef mich flot dien handj
dan make veer ein tuurke, ein tuurke mit soeples
doe höbs zón sjoon figuurke, zowiej ein Moselfles

vastelaovesmaedje, zo geweldig en sjemant
doe bös veur mich ein wónjer, mit alle gekheid aan de kantj
veer klinke op de sjterre en op ós alletwee
en make van ós laeve, ’t sjoonste sjtamkefee


HOME PLAATSNAMENOVERZICHTHOME


VASTELAOVES-REP
2006/2007: Tekst: Wil Scheepers – muziek: Kompeziesie: Rudi Kuyltjes, Tof Deckers
Zang: Chris Scheepers en Thierry Puts

Refrein:
vastelaovend, vastelaovend,
vastelaovend, vastelaovend,
in ‘t Dörp, of in de Soos
dao is veur de jeug get loos
vastelaovend, vastelaovend,
vastelaovend, vastelaovend.

alle daag ‘t zellefde, veer mótte weer nao sjool toe
ós toete dan de ore, de ingelsles how do you do
‘t sjoonste is de pouze, dan kómme veer weer gouw toet rös
veer laote os neet jage, geluif os det noe mer gerös
daonao gaon veer nao hoes toe, det doon veer oppe omafiets
veer make dan ós hoeswerk, det vinje veer al gaaroet nieks
mer noe is Vastelaovend, en kroepe veer ins oet dae sjleur
veer houwe op ós trumke, dus trap mer in die aope deur

drie daag gaon veer feeste, det is te gek, te maf, te vet
ós ajers die zeen pleite, en nemes dae dan op ós let
veer kinne ós gedrage, al is ós det neet aan te zeen
van hosse en van sjpringe, dao kries se pien van aan de teen
de Prins en Adjudante, die gaon ós veur al in dit sjpeel
zo haje veer de mood drin, en drinke limmenaad in Neel
mer noe is Vastelaovend, en kroepe veer ins oet dae sjleur
veer houwe op ós trumke, dus trap mer in die aope deur


HOME PLAATSNAMENOVERZICHTHOME


VASTELAOVES-SJPÈSIALIS
Teks & meziek: Jan Huyskens
Oetveurende (*) : Jan Huyskens

Refrein:
Gank nao de vastelaoves-sjpésialis,
dao zuut geliek waat mit dich is.
En knatsj-egaal wo's doe dich klaags van pien,
hae guf aan ederein dezellefde middesien.
Hae guf dich joej joej tralalalala, tralaa tralala la,
hae guf dich joej joej tralalalala, hae guf dich joej joej tralaaa.....

Mien broor Harie, dae duijt 't hiej, dae kan de ganse nach neet sjlaope.
Hae ligk gans sjtil langs zien Marie, mit allebei de auge aope.
Wie d'r det d'n dokter zag, haet dae gooje man hem oetgelach.

Auch oos Marie haet ein fobie, jao, die is bang veur lichtblau breeve.
En kump 't soms get dun d'r biej, dan begint 't hel te sjreve.
Wiej het det d'n dokter zag, haet dae gooje man 'm oetgelach.

* cd 1994/1995 : De Katers - " Orzjeneel " - Onger Os 7273


HOME PLAATSNAMENOVERZICHTHOME


DE VASTELAOVES SJTORM
2000/2001: Tekst & kompeziesie : Thei van Cruchten
Oetveurende: Neutjes: Jan Theelen - Soliste: Thei van Cruchten

Refrein:
De sjtorm, dae vastelaovend het, raos euver os Limburgs landj.
Dae sjtorm wo ederein van hilt bringk os same handj in handj.
Ein parapluke veur de raegen, ´n brilke veur de zon,
enne zakdook veur `t lache of ein träönke om en om.

Ein buuj die se zuus hange, gank die neet oet de waeg.
Höb daoveur geine bange, want ouch die vindj ziene waeg.
En kries-se ein bies raegen, doe vreugs dich aaf worom,
ouch die wolke drieve euver en daoachter sjient de zon.

`t Is mistig, bös beneveld, vinjs zo good neet meer de waeg.
Zuus doe `t neet meer zitte, sjtank dan op, gaef `m ein vaeg.
Zo geit det in `t laeve, zo zal `t altied zeen.
Waem zol zich toch neet winse, det de zon veur altied sjeen.


HOME PLAATSNAMENOVERZICHTHOME


VASTELAOVESSJTRES
1999/2000: Teks: Riet Bongaarts - kompeziesie: Thei van Cruchten
Zang (*): Sjnaps

Refrein:
Veer höbbe sjrikkelikke vastelaovessjtres,
van onger oze hood toet in de tes.
Mer waat gek, veer wille dem neet kwiet,
ein pil of rös geit os te wied.
Want veer vinje vastelaovend väöl te sjoon,
mer ja, veer motte 't t'r mer mit doon.

De nuje Prins is aan de beurt, höb heel get name al geheurd.
Is Sjaak of Wullem 't neet, waat jaomer, det ich det neet weet.
Roop 'm oet veur mien paart is 't Sjang, want det wachte doert os väöl te lang.

D'n optoch trek weer door de sjtraot, grote groepe, Prins en wieze raod.
Van kloon toet generaal, 'n prachtig kleuresjpeel, jaowaal.
Veer wille mitgaon, mer weite neet es waat, ochjee, veer zeen weer ins te laat.

* cd 1999/2000: De Katers - " OrzjeNeel 4 " - Onger Os 7361


HOME PLAATSNAMENOVERZICHTHOME


DE VASTELAOVESTATTOE
2004/2005 nr.1 : Tekst: Wil Scheepers - muziek: Tof Deckers
Zang: Prins en Adjudante

Refrein:
jao waat zaes doe dan noe
mer waat is det dan noe
waat is det dan noe
wo is dae tattoe noe
wo is dae tattoe noe
jao waat is det dan noe
waat eine pech
diene tattoe dae is weg

dao somers in 't zjwumbad, dao sjteit det toch zo sjtoer
de maedjes van dao achter, gaon door ein driesjteins moer
ze kieke nao dae tattoe oppe erm of oppe bein
ein ketje oppe biseps, oppe bors eine dolfijn
mer mit de vastelaovend, dan höb ich det neet gaer
en laot ich mich ins sjmienke, euver al die plaetjes haer

en wanjel ich ins boete, dan gaon ich zónger jas
de tattoe oppe polse, kump mich dan good van pas
ze kieke nao dae tattoe oppe knie of oppe voot
ein bendje óm de inkel, och det sjteit mich toch zo good
mer mit de vastelaovend, dan höb ich det neet gaer
en laot ich mich ins sjmienke, euver al die plaetjes haer

en saoves in de souna, dao zit ich veur de roet
de plaetjes oppe sjouwer, die kómme dan good oet
ze kieke nao dae tattoe oppe boek of oppe rök
en achter op mien batse sjteit ein maedje zónger zök
mer mit de vastelaovend, dan höb ich det neet gaer
en laot ich mich ins sjmienke, euver al die plaetjes haer


HOME PLAATSNAMENOVERZICHTHOME


VASTELAOVESTRAON
Teks & meziek: Ton Custers
Gezonge door (*) : Bienao te Laat

Refrein:
Es 't inj van vastelaovendj ós op goonsdig euvervèlt,
eine kater zich zien allerlètste pilske haet besjtèlt,
den wil ich same nag mit dich hiej oppe zelfde plaats weer sjtaon.
Den dreugs doe van mich en ich van dich ein vastelaovestraon.
Woor eedre aovendj mer vastelaovendj ,
kós eedre aovendj mer wie vanaovendj zin.
Woor eedre aovendj mer vastelaovendj,
kós eedre aovendj mer wie vanaovendj zin.

Langsaam geit noe kómme, wo nach nemes ech op wach.
En ich haaj mich van ne dómme en heur neet waat waerd gezag.
De kastelein reup: "Jónges, 't is al weer de hoogste tied".
De prins, dae is inmiddels half zien raod van ellef al kwiet.
Den dink ich truuk aan heel dae sjoone vastelaovendj,
wie veur hiej same zónge, dansend handj in handj.
Ein echte traon den veur 't inj van vastelaovendj,
en ich zing den in ein heukske aan de kantj.

Sjtraks es 't al laat is en de maon dao baove wach,
weit ich det 't te laat is óm te zègge waat ich dach.
En daoróm zing ich noe al det de vastelaovestied,
de sjoonste van 't jaor is en ich raak michzelf weer kwiet.
In de herinnering aan heel dae sjoone vastelaovendj,
wie veur hiej same zónge, dansend handj in handj.
Ein echte traon den veur 't inj van vastelaovendj,
en ich zing den in ein heukske aan de kantj.

* CD 1997/1998 : De Katers - " OrzjeNeel 3 " - Onger Os 7329


HOME PLAATSNAMENOVERZICHTHOME


'T VASTELAOVESVIRES
2004/2005: Tekst & muziek: Clemens Maessen
Zang: Gein Sjtum Plus

Refrein:
ich höb 't weer te pakke, 't vires det vastelaovend hit
mit zjweit op miene kop, veul ich mich helemaol neet fit
ich höb 't weer te pakke, 't vires det vastelaovend hit
det hilt mich ech neet toes, ich gaon euveral haer mit

ich veul mich neet zo lekker, ligk ozelend oppe bank
weit neet waat mich mankeert, maar veul mich heel erg krank
höb pien aan mien bein, miene kop en aan mien lief
en allemaol mien sjpiere die zeen beheurlik sjtief
maar zeen ich allemaol miense mit sjmienk op de sjnoet
dan waer ich get onróstig en roop: ich gaon weer oet

ich waas lets biej de tandjarts, want d'r waas get aan de handj
had pien in miene móndj, door ein of ang're tandj
dae deej mich toch zón pien, ich sjleep d'r neet meer van
hae zag det ich 'dit jaar de karnaval vergeten kan'
toen zoog ich allemaol miense mit sjmienk op de sjnoet
en waerde weer onröstig en reep: ich gaon toch oet

Refrein:
ich höb 't weer te pakke, 't vires det vastelaovend hit
mit zjweit op miene kop, veul ich mich helemaol neet fit
ich höb 't weer te pakke, 't vires det vastelaovend hit
det hilt mich ech neet toes, ich gaon euveral haer mit
al waas ich dan neet lekker, en dach ich bön de klós
toch gaon ich lekker droet want vastelaovend is begós


HOME PLAATSNAMENOVERZICHTHOME


VASTELAOVESWAER
Teks: Wil Scheepers - melodie: Wil Scheepers & Tof Deckers - meziek: Tof Deckers
Zang (*) : Get en ein Bietje (Yvonne Scheepers & Marjon Kanders)

Refrein:
Maak nieks oet waatveur waer, 't is vastelaoveswaer.
De raegen of de zon, 't is vastelaoveswaer.
Veur gaon d'r weer op oet des daag, det doon veur toch zo gaer.
't Is vastelaoveswaer, 't is vastelaoveswaer.

Gister bön ich naat gewaore op waeg nao 't boerebal,
de windj dae joog hiej door de sjtraot.
De raegenjas, de paraplu, die ligge in de hal,
de haase in de plestiek taot.
De kaaj, die duit ôs helemaol nieks, veur zeen d'r weer veur klaor.
't Waer, det is veur ôs twee gaaroet gein bezwjaor.

Morge in de optoch sjient 't zûnke lekker weer,
de möts blief op de kapsjtok thoes.
Bewolking in de morge, mèr waal dreug waat wilse meer,
veur drage eine zomerbloes.
Veur gaon op paad mit gooje mood, al is 't dreug of naat.
Maak ôs toch nieks oet al is 't lekker werm of kaad.

* cd 1996: De Katers - " OrzjeNeel 2 " - Onger Os 7295


HOME PLAATSNAMENOVERZICHTHOME


VASTELAOVES-ZJEL
2005/2006: Tekst: Wil Scheepers - muziek: Tof Deckers
Zang: Get en ein Bietje

Refrein:
dan roop ich hel op Nel
nel kóm sjnel, sjnel, sjnel
ich wil mien haor in ein kleur en knoerhel
dan trek ich aan die bel
Nel kóm sjnel, sjnel, sjnel
bring mich ein tuubke van dae vastelaoves-zjel, jao Nel

biej de kapper in de sjtraot, dao werk Nel
fieftig jaor, en heel kontent, vriejgezel
waal get lanksaam mit de haor
zo te zeen haet Nel ’t zjwaor
op maondigmiddig erreg drök
blief ich mer wachte op die krök

wil ich vlechte in de haor, dan kump Nel
get apaarts, en heel modern, mit de zjel
doert det eine lange tied
van det wachte krieg ich sjpiet
op woonsdigmiddig volle bak
ich höb weer pech, ich bön de zak

al die sjpeldjes in de haor, zeen van Nel
zo sjtik Nel, waal heel erreg good in häör vel
in de pouze röstig aan
en daonao weer duchtig draan
op vriedigmiddig vaste prik
krieg ich van wachte eine sik


HOME PLAATSNAMENOVERZICHTHOME


VEER GAON NAO VASTELAOVEND
2005/2006 nr.1 : Tekst: Henk Rademakers – muziek: Lowie Eijkelhardt
Zang: Zo Wie Zo

Refrein:
wa, wa, wa,
wanjele, wanjele, wanjele,
door ós sjone Limburgs landj
mit frutselkes en fraanjele
löp ’t lekker oet de handj
veer gaon nao vastelaovend
zeen kóllesaal benuujd
en dae dan neet kan wanjele
waerd mit plezeer geduujd
wanjele, wanjele, wanjele,
nao vastelaovend, handj in handj

wilt geer ins mit ós mitgaon
in ein raregekke buuj
óm ordelik te wanjele
mit eur eige parrepluuj
veer gaon nao vastelaovend
wo ederein zo van hilt
en nemes zal meer sjtrukele
es allein mer kónfettie velt

mer kump de vastelaovend
den löp ederein zich werm
en dae dan dinkt aan väöl plezeer
dae löp te druime in de berm
en es geer sjtraks nao hoes gaot
dan kreijt de haan kukeleku
houpe veer det geer aan ós dinkt
vergaet dan eure parreplu


HOME PLAATSNAMENOVERZICHTHOME


VERGAETECHTIG
2008/2009: Tekst: Wil Scheepers – muziek: Wim Schreurs
Zang: Nog neet bekind

Refrein:
En waem bös dich dan ?
Ich bön Jan van kleppe Door
Mit vastelaovend sjlaon bie mich gaer alle sjtoppe door.
En waem bös dich dan ?
Ich bön Baer van sjmale Greet
Ich haaj van rös mer mit de vastelaovend effe neet
Ouch al vergaete veer de dingskes waal ins aeve
Geluif ós gerös, veer genete van ’t laeve

Bie ós in 't bejaardehoes dao geit 't duchtig draan
En Sjarel van 't kösterke dae löp alweer veuraan
Ouch Ans van dieke Jeu duit mit, det zingk oet volle bors
Verkleid mit hood en kallebas, ein glaeske veur de dors.

Bie ós in 't bejaardehoes dao is 't richtig fees
En Wullem van kefee d'n Hook dae guf zich wie ein bees
Ouch Truuke van de Neelder baek, det is d'r waal heel dök,
Verkleid mit sjtek en boereklump, en oppe wolle sök

Bie ós in 't bejaardehoes dao is 't altied sjoon
En Harie van de sjmejerie dae is verkleid es kloon
Ouch Sjtien van zate Keup is dao, det geit wie eine trein
Verkleid mit dook en sjóttelsplak, 't vindj 't hie waal fijn


HOME PLAATSNAMENOVERZICHTHOME


VEUR MICH `NE SALSA
2002/2003: Tekst: Riet Bongaarts - muziek: Sylvia Zimmermann & Nina Bongaarts
Zang: Nina

Refrein:
Mer ja, ich haaj hievan.
Sjoon det kebaal, kebaal aan miene kop.
Gewaes is dae tied van wals en twis,
´t is noe hip en hop.
Dit is toch koel, dit is te gek, vinj keigaaf det dit kan.
Ich zèk dan taege Mam, noe laot mich toch, waat wits doe hie noe van ?

Edere morge, al daag opnuuj, mit mien beste bein oet bed.
En heur noe leef vrunj waat ich dan doon, loester good, heur waat ich zèk.
Ich dreij ein ceedee mit Rit´m en Blues en Trance en Jazz en Pop.
In eine keer is ´t veurbie, kump mam mien kamer op.

En zeen die maffe daag weer dao, zowaal in Rio es ouch hie,
druim dan van Swing en Mambo-dance, mit idderein dan zie aan zie.
In eine keer dan is ´t veurbie, mit oh-la-la en Cha-cha-cha.
Dan löp bie mich de wekker aaf, oh nae, te la-la-laat.

En is van Eysde toet de Mokerhei de bóntje tied weer weg van hie,
ouch weg dae Hoempa—tralala, de lol, de lach en idderein blie.
In eine keer dan is alles veurbie, ouch de Salsa, Latin, Soul,
reup mam van ónger aan de trap: sjpooj dich doe mós nao sjool.


HOME PLAATSNAMENOVERZICHTHOME


VEUR ZEEN DE RAOD
Teks: Erik Obstals, Frank Scheepers, Wil Scheepers & Henk Ubben - meziek: Tof Deckers & Wil Scheepers
Oetveurende (*) : Raod van Ellef Neel

Refrein:
Veur zeen van Neel, de raod van ellef,
geweune miense, net wie geer zellef.
Danse, sjpringe same in de maot,
de prins, de adjudante en de raod.
De vastelaovend is 't sjoonste sjpeel,
veur zeen de Katers, mit hert en zeel,
veur zeen de Katers, mit hert en zeel.

Jao, euveral laote veur os kieke,
want eine Kater hoof zich neet te wieke.
Os mötse zeen rood-wit gekleurd,
de nondedju zit wie d'r heurt.

Jao, noe de Sjter weer ins geit sjtraole,
geit de raod zich dao ein pilske haole.
Veur gaon op sjtap en make lol,
kom op en maak de glaze vol.

* cd 1997/1998 : De Katers - " Orzjeneel 3 " - Onger Os 7329


HOME PLAATSNAMENOVERZICHTHOME


VEURBIEJ
2009/2010: Tekst & muziek: Clemens Maessen
Zang: Cleem

Refrein:
’t Is alweer euver, ’t is alweer veurbiej.
Ich sjtaon hiej noe gans allein mit nemes aan mien ziej.
’t Wachte det doert ein gans jaor.
Mer dan sjtaon ich weer klaor.
Al is ’t noe dan euver, volgend jaor bön ich weer hiej.

’t Jeske geit nao de sjtoumeriej, de kleijer in de was.
De pruuk geit nao de zolder en de sjmienk truuk in de tas.
Asgoonsdig waer ’t hoes gepoets, dan ruuk ’t ouch weer fris.
Verdrief dae geur van sjpek mit ei, asof ’t gaar nieks is.

De confetti zit nog in de sjoon, sjmienkplekke oppe bloes.
De vaere van de boa’s ligge door ’t ganse hoes.
Versiering hingt nog veur de raam, det mot d’r ouch vanaaf.
En is weer alles opgeruump, dan tel ich alweer aaf.

De kepèl die sjpeelt ’t letste leed,ich laot mich nog ins gaon.
Sjpring en hos nog ein keer, dan is ’t ech gedaon.


HOME PLAATSNAMENOVERZICHTHOME


VRUNJ
2004/2005: Teks & muziek: José Moonen-Habets
Zang: (Veer Twee) Els Naus, Jos Habets

Refrein:
veer zeen vrunj veur 't laeve
veer zeen vrunj ein laeve lang
väöl plezeer en väöl dinger taege
veer es vrunj zeen daoveur neet bang

op maondig sjtart de outo neet, op dinsdig de fiets kepot
op woonsdig eine doje kavieja en ein parkeerbón aan mien vot
dan bös doe altied dao veur mich, mit raod of ein loesterend oor
en zo kómme veer de waek weer door en veer zinge dan in koor

op dónderdig brandj 't vleis mich aan, op vriedig val ich van de trap
op zaoterdig kump mien sjoonmoder en is de goudves mich óntsjnap
dan bös doe altied dao veur mich, mit raod of ein loesterend oor
en zo kómme veer de waek weer door en veer zinge dan in koor

op zunjig lekker früh-sjoppe, op maondig de bóks gesjeurd
op dinsdig waerd dan veur de twede keer de outo aafgekeurd
dan bös doe altied dao veur mich, mit raod of ein loesterend oor
en zo kómme veer de waek weer door en veer zinge dan in koor


HOME PLAATSNAMENOVERZICHTHOME


WAAT EIN FIËSTA
2005/2006: Tekst: Wim Kemp, Etty & Peter Willemse - muziek: Wim Kemp
Zang: Op Good Gelök

Refrein:
waat ein fiësta
langs de Mosa, bella musica
ein groot orkesta
dansmaria, faldera
waat ein fiësta
vastelaovend in de gloria
geine siësta
fantastica

aan de costa in de zomer ligk ich op ’t sjtrandj
de parasol sjteit naeve mich, de veutjes in ’t zandj
de caballero duit zien werk, tequilla bringk d’r al
de uigskes toe, ich druim van Limburg en van carnaval

in de Cucaracha-bar, dao geit ’t saoves los
ich kiek nao ein Muchacha, det is prachtig oetgedos
de Mariachi sjpele ein flamengo-festival
de uigskes toe, ich druim van Limburg en van carnaval


HOME PLAATSNAMENOVERZICHTHOME


WAAT EINE SJLIEPS
2001/2002: Teks: Wil Scheepers - kompeziesie: Tof Deckers
Zang: Wil Scheepers & Frank Steuns

Refrein:
Mit vastelaovend krieg ich eine zjwieps,
sjpeel ich de kloon mit deze sjone sjlieps.
Sjiek van kleur, det is te gek,
hingk hae mich fijn óm de nek.
Dae sjlieps hingk net toet op de bóksereem,
en es ich fiets, raak hae ´t fietsefreem.
Mer aaf en toe, dan krieg d'r eine tik,
waerd hae verleef op eine echte sjtrik.

Dae sjlieps van mich is heel apaart,
dao is gein vaempke aan gesjpaard.
Det rood hiej aan de baovekantj,
waerd es ich dreij d'n óngerkantj.
Zo kump det blouw van óngeraan,
inins dan weer dao baove aan.
En vraog ich dan: "Waat tunk dich, gaon veer weer ins droet ?,
dan hingk hae weer de leuke oet".

Dae sjlieps van mich haet väöl plezeer,
krieg óngewild waal ins get beer.
Dan leut d'r zich waal ins get gaon,
det is neet erg, hae blief waal sjtaon..
Hae kump d'r waal weer baove-op,
want morge geit d'r in de sop.
En zegk ich dan: Waat tunk dich, kiek nao diene knoup",
dae sjlieps is veur gein goud te koup.


HOME PLAATSNAMENOVERZICHTHOME


DE WAEG KWIET
2009/2010: Tekst: Wil Scheepers - muziek: Tof Deckers
Zang: Wil, Frank en Frank

Refrein:
Mit vastelaovend wirk de navigasie neet
Wo mót det noe toch haer, ich weit ’t neet
Zaet hae “doe mós de volgende rechs aaf”
Dan gaon mien bein nao links en dinke dan alaaf
Mit vastelaovend wirk de navigasie neet
Wo mót det haer, ich weit ’t neet
Zaet hae dan “links nao hoes”
Dan gaon mien bein nao rechs, bön ich nog lang neet toes

dao höb ich mich toch get
ich dach eine goje zet
de kop is waal ins laeg
en weit dan neet de waeg
det is dus ein perbleem
ich koup mich det siesteem
mer waat toet miene sjrik
is dit waat ich neet pik

ich duuj ins oppe knoep
zeen ich de sjtraot en sjtoep
’t doert nog ein keteer
dan bön ich d’r alweer
ich toets op favoriet
zeen ich kefee van Piet
’t is de tweede sjtraot
waat maak mich dan zo kwaod


HOME PLAATSNAMENOVERZICHTHOME


WAEM?
2007/2008: Tekst: Frank Scheepers - muziek: Tof Deckers
Zang: Frank Scheepers

Refrein:
Waerd ’t Sjarel vanne köster, waerd ’t Jan van Betjes-An
Of dae lange van de Wölle, want dae kint d’r ouch get van
Mesjien waal Keubke vanne kapper, of sóms Bair van Blome-Truuj
Ich zól ’t ech neet weite, dus begin nog ins opnuuj
Waerd ’t Pjaerke, Sjaekske, Leike of ós Harie
Waem waerd hiej toch de Prins in fibberwarie

Waem zól ’t dit jaor waere, waem zól ’t dit jaor zeen
De keus is toch zo lestig, ich weit d’r zeker teen
Hae hilt van zinge, sjpringe, danse en meziek
En waerd de baas hiej in ós vastelaovesriek
Jao det is al waat veer noe van ‘m weite
Mer de grote vraog is toch wie zal d’r heite

Dao waerd al väöl geraoje en gesjmiespeld óngerein
Mer nemes wit ’t zeker, och waat is det toch gemein

Al waeke is ’t sjpannend, en altied is ’t sjoon
Waem geit ós noe regere, waem zól ’t dit jaor doon
Veer gaon noe kieke, sjpienze, vésse nao de naam
’t Waerd toch zeker eine Prins van grote faam
Want veer zólle ’t toch heel gaer wille weite
Wie zól dae nuje Prins van ós gaon heite


HOME PLAATSNAMENOVERZICHTHOME


WAEM BÖS DOE
2009/2010: Tekst : Etty & Peter Willemse-Kemp, Wim Kemp - muziek: Wim Kemp
Zang: Op Good Gelök

Refrein:
Waem bös doe, waem bös doe, waem bös doe leve sjat ?
Höb ich dich vanaovend al in mien erm gehad ?
Ich vraog dich; Waem bös doe, en bös se al bezat ?
Ich weit neet wo se woons want doe kals gans angers plat.
Waat jaomer noe, ich kin dich neet toes bringe sjat !
De klok sjloog vastelaovend, ’t waas tied óm oet te gaon.
Teon zoog ich dao det kleunke en ging dichbie ‘m sjtaon.
’t Waerde heel gezellig, ging door toet in de nach.
Mer wie det al nao hoes wól, toen höb ich ‘m gezag:

Ich kreeg d’r gein genóg van, bön oere doorgegaon .
Toen kwaam dae van de pliesie en dae zag “ ’t is gedaon !”
De zaak die geit hiej sjloete, de kastelein dae wach!”.
Hae leep mit mich nao boete, toen höb ich ‘m gezag:

Toes zoog ich in de gank eine oetgeloupe kloon.
Dae kwaam mich heel bekind veur, jao ich kós dae persoon.
Veer keke in ós ouge, dao kwaam dezelfde lach.
Ich zoog ‘m in de sjpegel, toen höb ich ‘m gezag:


HOME PLAATSNAMENOVERZICHTHOME


WIE ZÓL DET ZEEN ?
2001/2002: Teks: Riet Bongaarts - kompeziesie: Sylvia & Nina
Zang: Nina

Refrein:
Wie zól det zeen, wie zól det gaon, det haop ich noojt ech mit te make.
Wie zól det zeen, wie zól det gaon, wie mótte veer ós dan vermake ?
Det heurt d´rbie, die gekke teun, bie ´t fees van rood en gael en greun.
Det heurt d´rbie, des heel geweun, det fees van rood gael greun.

Sjtel dich veur, ´t waerde noojt meer vastelaovend.
Sjtel dich veur, mien pruuk blief wo ze waas.
En de vors, de prins en de adjudante,
sjpeelde in dit sjpeel noojt meer de baas.

Sjtel dich veur, geine optoch door de sjtraote.
Sjtel dich veur, gein leedjes in ´t plat.
En gein sjoon en net gesjminkde köpkes,
en konfettie....... noojt meer oppe mat.

Sjtel dich veur, gein ónech boerebroedspaar.
Sjtel dich veur, geine aovend in ´t bóntj.
En det blaozers, träöters en trómpette,
goje al häör neutjes in ´t róndj.

Sjtel dich veur, geine buut vol sjaele wazel.
Sjtel dich veur, gein fratse óngerein.
Noojt meer lache, danse, sjpringe en loupe,
in ein bóntje rie..... zomèr achterein.


HOME PLAATSNAMENOVERZICHTHOME


WIEJ HIT DET TOCH?
2007/2008: Tekst: Jan Huyskens - muziek: Tof Deckers
Zang: De Bacha’s

Refrein:
Wiej hit det toch, wiej hit det toch ?
Wiej hit det toch alweer ?
’t Ligk mich op de lippe
Maar ich weit ’t ech neet meer
Wiej hit det toch, wiej hit det toch ?
Waat ich ouch prakkezeer
’t Sjloek zo lekker weg
En guf ‘ne hele houp plezeer

Sóms zuus se grote hoezer
Die numme zich kefee
Dao in is dan ein kamer
Mit buffet en ein w.c.
Dao sjtaon ich aan de tap
En sjtoot de buurvrouw aeve aan
Vertel mich ins, noe zegk mich ins
Waat löp dao oet die kraan

Ze doon det sjpul in vate
In flesse en in blik
En mennigein krieg eine kik
En hae det goedje sjlik
Ich höb ´t ooit gewete
Wiej det det drenske heet
En erger mich rood gael en greun
Det ich det neet meer weet

Det sjpul haet heel väöl name
Maar geine velt mich in
Wiej langer det ich prakkezeer
Wiej groter waerd de zin
Haos ederein dae lös ‘t
Maar es se ´t höbbe wils
Dan velt dich gaar neet in
Wo ’s doe zoväöl van hils


HOME PLAATSNAMENOVERZICHTHOME


WINKELE
2006/2007: Tekst: Clemens Maessen – muziek: Clemens Maessen
Zang: Sjnaps

Sjleipend mit de tasse loupe veer d’r achteraan.
Winkel in en winkel oet gaon zie beheurlik draan
Dan pas ;t zich ein truitje, of eine sjone bloes
“Waat sjteit dich det toch prachtig maar det höbs se toch al toes??!!”

Refrein:
Waat is det toch?
Wie doon die det??
Wo höbbe die det van???
Waarsjienlik is det get waat eine man neet sjnappe kan!!
Ze zeuke en ze passé, doon zich alle kleijer aan…
En veer loupe maar mit de kallebasse d’r ach’ter aan
En veer loupe maar mit de kallebasse d’r ach’ter aan

Nao zó’n veer oer sjoje höbbe veer ’t ech gehad
Harsjtikke kepot van ’t gesjtroempel door de sjtad
Daonao zeen ze nog neet klaor – de mood zak in de sjoon
En die haet ’t nog neet gepas – det geit ’t ouch nog doon…..

Wie kriege ze ’t vaerdig? Wie kriege ze ’t klaor??
Zo geit det ein paar keer per jaor…..
(Per jaor….)


HOME PLAATSNAMENOVERZICHTHOME


WO BLIEF DE RAOD ?
2001/2002: Teks & kompeziesie: Marc Breugelmans
Zang: Marc Breugelmans & Hub Boesten

Refrein:
Zónger raod kin se probere, mèr det lök dich meistal neet.
Wo mót det noe toch haer ?
Óm d´r toch get van te make, waat ontbrik det is d´r neet,
maar det had se toch zo gaer.
Doe zeuks sjteeds nao ein raeje, maar die vinj se neet op sjtraot.
Waem haet die ellef gezeen ?
Mit de vaere oppe möts, geine prins zónger raod,
maar ´n prins veur dich allein.
Mit de vaere oppe möts, geine prins zónger raod,
maar ´n prins veur dich allein.

´t Zal dich maar gebeure, zeuks dich rot nao de raod.
Die zeen nörges te bekinne, wits dich van de prins gein kwaod.
Nemes zuut dich dan nog sjtaon, nemes kiek nog nao dich óm.
Doe wits dich geine raod, geine raod zónger raod.

´t Zal dich maar gebeure, kriegs de raod neet aan de praot.
Mós dan gans allein weer wiejer en löps gans oet de maot.
Einzelganger zónger ellef, ech de prins van dichzellef.
Doe wits dich geine raod, geine raod zónger raod.


HOME PLAATSNAMENOVERZICHTHOME


WO IS DE PRINS GEBLEVE ?
2003/2004: Tekst & muziek: Lowie Eijkelhardt
Zang: Zo Wie Zo

Refrein:
wo zal de prins noe zeen, wo is d´r haer
wo is de prins noe toch gebleve
höb geer ´m sóms gezeen, dae mit die vaer
mesjien kómp geer ´m dalik taege
zeuk de prins, ´t is de hoogste tied
want ich bön bang, veer zeen ´m angers kwiet
zeuk de prins, ´t is de hoogste tied
want ich gluif, de prins is kwiet

prinsebal, dan waerd d´r oetgerope
de nuje prins, waem zal det kinne zeen
´t is tied de prins dae mót nao veure
de buun bleef laeg, waas geine prins te zeen
en opins nao eine tied
heurde veer de prins is kwiet

nao väöl tied, de prins waas neet te vinje
maar toen opins, veer heurde väöl kebaal
ederein begón sjóntaan te sjpinge
want kiek ins dao, waem sjteit d´r in de zaal
oze prins in vol ornaat
en hae zag, bön ich soms laat


HOME PLAATSNAMENOVERZICHTHOME


WO IS MIEN TRÄÖT
Teks: Jan Huyskens - meziek: Jan Theelen
Oetveurende (*) : Jan Huyskens

Sjat, noe heur, de muziek trèk door de sjtroate.
En doe wits sjat, dan kan ich 't neet laote.
Want es de vastelaovessjtorm de kop op sjtik,
jao, dan guf mich det weer de grote kick.
Dan krieg ich weer de kriebels in mien bein,
en ich zeuk 't vastelaovessjpul biejein.

Refrein:
Wo is mien träöt, wo is mien naas,
wo is det heutje wo ich veurig jaor zo sjiek mit waas ?
Wo is det jeske mit det sjtökske in de kraag,
want det dreug zo lekker mit diej daag.
Wo is det jeske mit det sjtökske in de kraag,
want det dreug zo lekker mit diej daag.

Noa die daag van tampeeste en van raoze,
is de jông oetgezônge, oetgeblaoze.
En es de vastelaovessjtorm zich eindlik lik,
zaet de jong mit de allerleste sjnik:
Och sjat, 't waas weer eine sjoone tied,
maar ich bön weer ins mien ganse sjpulle kwiet.

* cd (ca.1991) : " 4 x 11 Neelder vasteloavend "


HOME PLAATSNAMENOVERZICHTHOME


WO IS T´R GEBLEVE ?
2002/2003: Tekst: Riet Bongaarts - muziek: Nina Bongaarts
Zang: Sjnaps

Refrein:
Wo is de tied gebleve, wo is t´r noe toch haer ?
Hilt t´r zich verborge, det wiste veer zo gaer.
Hae waar neet meer te haje, kneep d´r tösse oet.
Hae haet allich gedach: leef luuj, neet sjtilsjtaon mer veuroet.

De tied van koekerelle, zich verberge in de gank,
van flinke sjnoterbelle in maote kórt en lank.
Knikkers ware kölse, waat kinse dao mit doon ?
Ja kinjer, ein kuulke dreije mit de hakke van de sjoon.

De danszaal waerde disko, vastelaovend karnaval.
´n Good gesjprek zo zaet men noe, in plaats van sjtómme kal.
´ne Aafsjpraok waerd ge-es-em-est, ouch midde in de nach.
En weg dae tied det ´ne jóng nog op zien maedje wach.

De waar, det zeen noe boodsjappe, höb se waar nog veur dien geld ?
Zeen veer zo wie idderein waal euro- ingesteld ?
Ein veurdeil haet dae nuje muntj, ein veurdeil jao, laot gaon.
Doe kins van dien beurs noe nog eerder zeen de baom.


HOME PLAATSNAMENOVERZICHTHOME


WO SJTEIT FIEN
2009/2010: Tekst & muziek: Jo Aubert
Zang: Allemaol Beer Buuk

Refrein:
Fien fien fien wo is fien, wo sjteit die fien.
Fien fien fien wo is fien, höbs doe fien gezeen misjien.
Fien fien wo sjteit fien, waem wit get euver die fien.
Fien wo sjteit fien, wo is die fien.
laatse keer:
Fien dao sjteit fien, dao sjteit die fien dao sjteit die fien.

Bie ’t sjrieve van dit leedje begos ich links in de hook.
De intro aan ’t begin det waas pas kaie kook.
Hiej de alt sax mit eine tenor en dao nog ein sopraan.
Väöl neutjes sjtaon op de balk der kump hein inj meer aan.

Nao ein aantal nuje regels leep ich weer oet de maot.
Rallentando heel mich taege dae heel mich aan de praot.
Mit a-tempo ging ich verder had nog gein rös gehad.
Toen kreeg ich ein nuuj idee det sjreef ich in ’t plat.

Rechs onger aangekomme de maot waas noe waal vol.
Van del segno nao de coda mit eine si be mol.
Hiej ein sjtreepke en dao ein puntje ’t inj det kump in zich.
’t Leedje veur de vastelaovend det zinge veer veur dich.


HOME PLAATSNAMENOVERZICHTHOME


WO ZÓLLE ZE ZEEN
2004/2005: Tekst & muziek: Ton Custers
Zang: Bienao Te Laat

Refrein:
wo, wo, wo wo wo wo zólle ze zeen
miene hood mit det klein vaerke en dae grote nondedjuuj
wo, wo, wo wo wo wo zólle ze zeen
die valse träöt van ome Karel en diej feep van tante Truuj
wo, wo, wo wo wo wo zólle ze zeen
ich höb ze örges in ein deuske weg gezat
mer wo det deuske noe weer is
doe dachs toch neet det ich det wis
kinse mich effe helpe zeuke leve sjat

de allereerste joekskepel die trok weer door de sjtraot
verkleijd es halve gare en zie lepe oet de maot
hae zoog die halve gare en hae dach 't is weer tied
mer 't deuske mit zien vastelaovespak det woor hae kwiet
hae wis det mót hiej örges sjtaon
hae haaj 't zelf toch weg gedaon
vol van goje mood ging hae op zeuk
en hae zóch in alle heuk (en heukskes)

dae hood mit det klein vaerke en dae grote nondedjuuj
ich raak 't noojt meer kwiet es ich ze in ein deuske duuj
det deuske kin den veilig in ein heukske örges sjtaon
zodet ich volgend jaor dan drek de sjtraot weer op kan gaon
hae haaj det veurig jaor bedach
dus hae haaj dit neet verwach
vol van goje mood ging hae op zeuk
en hae zóch in alle heuk (en heukskes)

is det det deuske mit det lintj
desse ouch rooks mit taege-windj
det höb ich veurig jaor, drek nao asgoonsdig
sjmorges vreug, wiejs doe nog loogs te sjnurke wiej ein verke
biej de voelnis neer gezat
leve sjat


HOME PLAATSNAMENOVERZICHTHOME


www.vastelaovend.nl
2000/2001: Tekst & kompeziesie: Wim Kemp
Oetveurende: Neutjes: Jo Aubert - soliste : Chris Lamboo & Wim Kemp

Refrein:
Op de kompjoeter internette det geit sjnel,
www.vastelaovend.nl
Same mele, same tjette, waat ein sjpel.
www.vastelaovend.nl

Ich zit noe al waekelang achter de pc,
ich höb mich geinstalleerd, veul mich gans oke.
Ich reis de ganse waereld rondj, maar det is waal nep,
ich bön aangesjlaote op `t waereld wieje web.

Pak se ins de tillefoon, bön ich in gesjprek,
zit ich neet op internet, waer ich knettergek.
Ein meeltje hiej, ins tjette dao, `t is ein hendiekep.
Ich bön helemaol versjlaaf aan `t waereld wieje web.

In de vastelaovestied, bön ich sjteeds on-line,
verkleid wie eine grote aap, `t is ein bietje sjanj.
`t Apestaartje is zo sjoon, `t haet mich opgepep,
want hiejmit kom ich weer opnuuj op `t waereld wieje web.


HOME PLAATSNAMENOVERZICHTHOME


EIN ZATE HERMENIE
(valse aom en weinig loch)
Teks: Marc Breugelmans & Frans Steeghs - meziek: Marc Breugelmans
Oetveurende (*) : Marc Breugelmans

Refrein:
Ein zate hermenie, die heurt d'r altied biej, det is ein vas gegaeve.
Ein zate hermenie, die trek hiej weer veurbiej, dan kinse get belaeve.
Want mit diej drie dol daag sjprink 't häör weer in de bol.
Dan geit 't van je do-re-mi en soms ouch nog ein sol.
Ein zate hermenie, die is d'r noe weer biej, die make heel get laeve.

Is ellef van ellef gekomme, dan zeen ze weer biejeen,
en sjpele ze de melodie, koepletjes en refrein.
Note laeze doon-ze neet, 't geheur det is genog,
träöte mit get valse aom en te weinig loch.

Kefeke nao kefeke, dat is veur häör normaal,
en houwe oppe dieke trom, det maak dan väöl kebaal.
Laeve wiej ein ech arties, 't geveul det is genog,
träöte mit get valse aom en te weinig loch.

* cd 1995/1996 : De Katers - " Orzjeneel 2 " - Onger Os 7295


HOME PLAATSNAMENOVERZICHTHOME


DE ZATE ZEEMAN
Teks: Ton Custers - mel.: "What shall we do with the drunken sailor"
Zang: TOn Custers

Wo gaon veur haer mit de zate zeeman, wo gaon veur haer mit de zate zeeman,
wo gaon veur haer mit de zate zeeman, 'sjmorges es de zon sjient.

Ho, he, de boot geit vare, ho, he, de boot geit vare,
ho, he, de boot geit vare, 'sjmorges es de zon sjient.

Laot 'm de kajuit mit leuter poetse, laot 'm de kajuit mit leuter poetse,
laot 'm de kajuit mit leuter poetse, 'sjmorges es de zon sjient.

Gaef 'm mer ein volle fles mit water, gaef 'm mer ein volle fles mit water,
gaef 'm mer ein volle fles mit water, 'sjmorges es de zon sjient.

Heis de zeile, laot 'm ligge, heis de zeile, laot 'm ligge,
heis de zeile, laot 'm ligge 'sjmorges es de zon sjient.

* cd 1998: Ton Custers - "Es se mit wils doon" -
co-produksie van Jong Nederlandj Limburg en Omroep Limburg


HOME PLAATSNAMENOVERZICHTHOME


DE ZEIVERZAK
2006/2007: Tekst: Wil Scheepers – muziek: Kompeziesie: Tof Deckers
Zang: Wil Scheepers en Frank Steuns

Refrein:
doe bös eine zeiverzak, doe bös eine zeiverzak
van de teen wäörd die se zaes höb ich aan ach wäörd lak
pak dich ins d’n tesseplak en vaeg dich langs de móndj
dan vluug dae zeiver van dich neet zo in ’t róndj
doe bös eine zeiverzak, doe bös eine zeiverzak
haaj de móndj man, doe bös richtig kale kak

ich sjtaon in ein kefeeke hiej, dao sjprik mich emes aan
wo woon se nog, waat duis se nog, waat bös se toch sjiek aan
wie groot bös se, waat drink se nog en wo geis se nog haer
zegk rouk se nog en löp se nog of fiets se nog zo gaer
ich dink, kin ich dae man, waat vreug dae mich det dan
det is d’r eine dae waal heel good zeivere kan

ich zit mich op ein benkske hiej, dao tik mich emes aan
wie geit ’t nog, waat duis se hiej en kiek mich ins rech aan
wie laat is ‘t, en raegent ‘t, waat geis se dalik doon
wo wirk se nog, verdeent ’t good, waat höb se gekke sjoon
ich dink, kin ich dae man, waat vreug dae mich det dan
det is d’r eine dae waal heel good zeivere kan


HOME PLAATSNAMENOVERZICHTHOME


ZJWAEGELE
2005/2006: Tekst: Henk Rademaekers - muziek: Lowie Eykelhardt
Zang: Zo Wie Zo

Refrein:
zjwaegele, zjwaegele, jao det zit ós in ’t blood
zjwaegele, zjwaegele, al ós köpkes waere rood
veer kinne waal vertelle wiej good ’t zjwaegele geit
behalve es ’t raegent, behalve es ’t wejt
zjwaegele, zjwaegele, jao det zit ós in ’t blood

veer zjwaegele en zjwaegele d’r altied gaer op los
mer emes dae neet wiejer löp dae is direk de klos
en es geer geine tied höb, en gaer wiejer wilt gaon
dan wete veer es wauwelklup wo dan te blieve sjtaon
veer höbbe geine sjpiet en zjwaegele op tied

veer zjwaegele en zjwaegele vol vuur en goje mood
en haole es ’t efkes kan, aaj kuuj nog oet de sjloot
es geer ós neet versjtaon höb, dan make veer vriej baan
geer kómp mer biej ós zjwaegele, want zjwaegele sjtik aan
veer höbbe geine sjpiet en zjwaegele op tied


HOME PLAATSNAMENOVERZICHTHOME


ZJWETSKAMMEZAOL
2008/2009: Tekst & muziek: Jo Aubert
Zang: Allemaol Beer Buuk

Refrein:
Hae is eine zjwets ......zjwets .......zjwetskammezaol
as laopende gezet duit hae zien verhaol
as he sjprik nump d'r gein blaad veur de móndj
toet de ore toete geit ut letste nuuts róndj
spraeke is zilver zjwiege is goud
nump hae mit ein körrelke zout
as verkleide sjpraekbuus hilt hae drie daag paol
hae is eine zjwets ... eine zjwetskammazaol

De prins nog neet oetgerópe toch sjteit ut veur mich vas
de nuje is toch lid van de sjpaarkas
ouch al heur ich "doe geleufs in sinterklaos"
mich maak se nieks wies ich veul ut aan mien blaos

De optoch kump veurbiej ich zegk dao geit de nummer ein
det is det maedje mit die twee sjoon bein
ouch al heur ich "jao geleuf se ut waal zellef"
ich raak de tel neet kwiet det woont op nummer ellef

Volges Miem van de Sjter kal ich wie eine grote vors
gelökkig guf ziene Dré get veur de dors
ouch al heur ich "is ut rood of greun of gael"
dan zjwieg ich heel aeve dan sjmeer ich mich de kael


HOME PLAATSNAMENOVERZICHTHOME


ZO SJTÓM
2002/2003: Tekst & muziek: Ton Custers
Zang: Bienao te laat

Refrein:
Ich bön zo sjtóm (hae is zo sjtóm), zo sjtóm (zo sjtóm),
bienao net zo sjtóm es doe dao mit det gek gezich.
Ich bön zo sjtóm (hae is zo sjtóm), zo sjtóm (zo sjtóm),
wit waat veur en achter is, bie links en rechs, den geit ´t mis.
(hae is zo sjtóm) Ich bön zo sjtóm (zo sjtóm), zo sjtóm,
de sjtómste hie nao dich, bön ich.
Allein ´t telle al toet veer, det doert al gou ein klein keteer,
want hae vertelt zich keer op keer.

´t Rook nao vastelaovend en ich druimde al ein paar daag lang,
wie ´ch dit jaor zou gaon sjtrieke mit de pries.
Ich zat mich in de beste praos, ging mit ein leedje aan de gang,
in miene kop zóch ich nao doos en mies.
De teks, dae daonao volgde, dae woor ouch neet ech verkeerd.
En veerteen daag höb ich mich toen nog meug gerippeteerd.

Mer wie ´t zo wied woor toen zóng allein ´t koor:

´t Rook nao vastelaovend en ich druimde al ein paar daag lang,
wie ´ch dit jaor zou gaon sjtrieke mit de pries.
Es einzelgenger zooj ich gaon, veur nieks en ouch veur nemes bang.
De kleur van mien kesjtuum woor dónkergries.
Ich poetste alle knuipkes en ich sjtreek toen miene jas.
Ich leep toen nao de optoch es de sjlumste van de klas.

Hae sjtóng in vol ornaat, mer woor ein waek te laat...


HOME PLAATSNAMENOVERZICHTHOME


ZONGER CENTE GEIT ’T AEVE GOOD
Tekst: Hyke Wieriks - muziek: Wiek Chermin
Zang: Hannen & Alt

Refrein:
Holle bolle cente motte rolle.
Cente in de tes det is de pes.
Holle bolle cente motte rolle.
Cente oppe bank det maak dich krank.
Holle bolle cente motte rolle.
Gaef ze oet dan bös-se d’r van aaf.
Sjtei-se in ’t rood, wie ‘ne erme kloot.
Zonger cente geit ’t aeve good.

Betale biej de sjlieter mit euro’s van de bank.
Betaal ich mit ein peske of mit cente veur de drank.
Betale hiej en dao, ich kom d’r neet meet oet.
Waat mot ich mit dae flouwekul, ich sjmiet ze door de roet.

Betale veur ein pilske mit euro’s oet de knip.
Betaal ich mit ein peske of mit cente veur ein tip.
Betale hiej en dao, ich kom d’r neet meer oet.
Waat mot ich mit dae flouwekul, ich sjmiet ze door de roet.


HOME PLAATSNAMENOVERZICHTHOME


ZUS OF ZO
2002/2003: Tekst & muziek: Ton Custers
Zang: Ton Custers

Refrein:
(Den) Doon ich zus, (den) doon ich zo,
wies ich hie of vraog ich wo.
Gaon ich effe get nao links, wil ich des se effe winks.
Is ´t hie of is ´t dao, zaes se nae of zaes se jao.
Es ich tel van ein toet teen, wil ich dich hie veur mich zeen.

Ich haaj ´m al ein paar keer es kebouter dao zeen sjtaon,
en sjtiekem keek hae effe toen nao mich.
Doe zoogs, hae wool gaer danse en mien hert ging sjneller sjlaon.
Mer wie ich keek zoog ich aan zien gezich.
Hae heel neet ech van Ketsjup, en van Plop haaj hae genóg.
Toen höb ich zelf get peskes veur ein denske oetgezóch.

Drie daag toen aan ein sjtök haet hae daonao mit mich gedans.
Van sjmorges vreug toet saoves ging det door.
En tösse alle peskes door, haet hae mit mich gesjans.
Hae zag toen waat veur hem ´t sjoonste woor.
Nae, neet de macarena en veur hem gein polenaes.
Det zus of zo, det woor veur hem de sjoonste dans gewaes.


HOME PLAATSNAMENOVERZICHTHOME