HOME PLAATSNAMENOVERZICHTHOME


6 x 11
2003/2004 nr.1 : Tekst: ? - muziek:?

Refrein:
't Ganse durp viert noe fes, hent ging zurg, ginge sjtress.
Carnaval dunt vèr noe viere, hôft os ginge get va te liere.
Breuzele-danse-laache-sjpringe en doabey ôch nog get zinge.
Loope veûr of ate-roet, dat makt ôs joa gaar niks oet.

Zes moal il-lef joar gelèa woare de luuj nog gauw tevrèa,
Geluk, dat woar doe hieël gewoon, d'r sjoester makde os nog de sjoon.
Voetbalde mit 'ne maan of zes, de goal, dat woare twei ouw jes.
Sjoon, gereid mit ouwe droad, sjpelde coj-boj en soldoat.

Zes moal il-lef joar gelèa woare de luuj nog gauw tevrèa,
Geluk, dat woar doe hieël gewoon, der sjnieder nieënde mich d'r cloon.
Kirmes, weie-fes of bronk, doa doog mit-aa oûd en jonk.
Eierkoal, brikit en sjlaam, jong, wat woar dat toch 'ne sjwaam.

Zes moal il-lef joar gelèa woare de luuj nog gauw tevrèa,
Geluk, dat woar doe hieël gewoon, rond twel-lef oeër, dà woar 't noon.
Kôale-boer mit pèad en kaar, de botter sjtong nog in de baar.
Kli-jèr, versjleate bis op d'r droad, loemele-krieëmer i gen sjtroat.

Zes moal il-lef joar gelèa woare de luuj nog gauw tevrèa,
Geluk, dat woar doe hieël gewoon, mit d'r Frans, d'r Piejèr en Toon.
Sjroeëp, dat nompe ze doe nog zeem, die ouw, die is va poppe-leem.
Zonge doe va "Joesj-joesj-joesj, vèr hent os langs d'n sjoeël gefoesjt".


HOME PLAATSNAMENOVERZICHTHOME


BEI OS I MECHELE
Tekst & muziek: Rinus Hermsen
Zang: De kasteleins van Mechelen

't Sjunste plekske van 't Heuvelland
U Vasteloavandsparadies
Drei daag lank gunt ver da stappe
Jonk en oad, blond of gries.
Ver viere hej der echte Carnaval
Dat zit os in ut blood
Dit hoef os ginge mie te liere.
Dat kinne ver harstikke good

Refrein:
Bei os i Mechele, joa hei i Mechele
Os durrep steet drei daag lank op zinge kop
Alling i Mechele, bei os i Mechele
Viere ver carnaval en veule os op en top

Carnavalsmondig mit der optocht mit
Os prinsenpaar steet hand in hand
Sieg ze stoa, en sieg ze ins kieke,
't sjunste koppel van 't land
Ozze prins winkt mit der scepter,
Va zienge wagel aaf
I rije diek stun ze te kieke
Oet volle bros, klinkt da Alaaf !!!

Op diensdig stunt ver in de tent bei ee
We hou dat ooit gedaat
De harmenei wet op getrommelt
De Breuzelère stunt paraat
Et wet gesonge en gespronge
Opa en Om dunt och mit
Ja dat zal ummer motte blieve
't plekt bei os a nee wie klitt


HOME PLAATSNAMENOVERZICHTHOME


BIS AN DER RAND, KAMEROAD
1985: Tekst: A. Kockelkoren - muziek: M. Lindelauf

Joa, vastelovvend hingt i gen loët
En ginge moag verzage
Veul tonne beer, han ich gehoët
Zôw der wiët ha igeschlage
In 't Pintje, en der peadestaal
In gen Mechel of A gen Pomp
't beer schmakt lekker uvveraal
Santé, santé,
Van de ing noa de anger café.

Refrein:
Bis an der rand kameroad
Bis an der rand kameroad
Joa dat is toch pas Mechelder moat
Bis an der rand kameroad
Bis an der rand kameroad
Joa dat is toch pas echte Mechelder moat.

Oejasses de oma how de griep
Loot zich neet onderkrieje
Ze gong wer gèr die daag op sjiep
Blef i ge bed neet lieje
Ze loop doe flot et durp al aaf
Vur pielle 'n doës vol
En zet, dokter dot die noe braaf
Bis an der rand gans vol
Santé, santé,
Va de ing noa de anger café.

't kink how 'n pruuk op mit 'n fliët
't hoar vol bonte spange
't how get wie 'n ouwerwetse ziët
Toch in de uurkes hange
Oej joej dat how 'n temprament
Dat woar e muulke weat.
Kint puutsche bis de moel dich brent
Da wed 't dich gans sleat
Santé, santê,
Va de ing noa de anger café.


HOME PLAATSNAMENOVERZICHTHOME


BREUZELE
2002/2003: Tekst: Hilde van der Heijden & Desiree Verbocht - muziek: Thei Janssen
Zang: Breuzelèèrkes

Mit de hoonder oet ge bid
Hood en sjtivvele motte mit
Peader hoal v'r oet d'r sjtaal
Iejesj de dikke dan d'r zaal
Allemoal gunt vear aateree
Breuzele dunt vear ongeree.

Refrein:
Vear dunt kwebbele, kwebbel, kwebbel, kwebbele.
Vear dunt wazjele, wazjel, wazjel, wazjele.
Vear dunt sjleddere, sjledder, sjledder, sjleddere.
't Lifste dat vear dunt is breuzel, breuzel, breuzele.

Mit de peader bergop
Langzaam uvver in galop
Veul d'r wink onder d'r hood
Keäl wat deed dat rieje good
Allemoal gunt vear aateree
Breuzele dunt vear ongeree.

Koam ver bie d'r dieke sjtee
Sjtelle de peader zich biejee
Hinnikke en laache zich kapot
Vear hent bloare a g'n vot
Allemoal gunt vear aateree
Breuzele dunt vear ongeree.

Mit de peader an de lieng
Zit ver neet want dat deet pieng
Koam ver heem dan zunt ver vroeë.
Dat dit ritje is gedoeë.
Allemoal gunt vear aateree
Breuzele dunt vear ongeree.


HOME PLAATSNAMENOVERZICHTHOME


D'R CARNAVALSKRIEBEL
2006/2007: Tekst & muziek: Jan Kockelkoren

‘t woar op der disco i Benidorm
ver kompe doa wèr langzaam i vorm
hie en doa begos al gèt te kriebele
en zoot ver op de sjteul te wiebele
op der kop howwe ver’ne sombrero
dans der tango mit’ne torrero
éé dink sjtong doe al vurrop
vèr howwe carnaval al in der kop

Refrein:
Biste jonk of biste oud
Haste werm of haste koud
Witste ‘t neet of witste ‘t waal
Mit carnaval is dat egaal
Biste erm of biste riek
Same zunt vèr toch geliek
Vier carnaval mit veul plezeer
Op gepaste en gezonde maneer

Op d’r ilfde van d’r ilfde geaf vèr gaas
En zitte os dan wèr op de kloonenaas
Carnavalsseizoen is wèr begonne
Da wead zich wèr vanaal verzonne
Vèr trikke same rond d’r ganse daag
Mit veul tam-tam en och veul gelaach
Kalle da van ‘ne sjùnne tied
Want carnaval is noe neet mie wied

de Vastelovvesgekke zunt huy wèr paraat
’t wèd neet vreug mè ieëder waal gèt laat
gunt dan durg ’t ganse limburgs-land
mit buut en sjlager sjtunt vèr garant
bezurge oud en jonk de gruëtste sjpas
zunt dan vollop wèr in hun sas
veule os dan alledaag wer fit
kom zingt noe allemoal wèr flink mit os mit


HOME PLAATSNAMENOVERZICHTHOME


DE DEUZE
2000/2001: Tekst: Hilde van der Heijden & Desiree Verbocht - muziek: Thei Janssen
Zang: Breuzelèèrkes

't Is neet te geleuve, doa sjtunt wer van die deuze,
Die zunt neet ins verkleijd uf hent e hutje op.
Dat kenste toch neet make, ver hent uch in de gate
Mit Carnaval gehuuëd e maske op.

Refrein:
Vier Carnaval 't is jo ram egaal
Vier Carnaval Ze dunt 't uvveraal
Vier Carnaval Bis toch gee deus geval
Vier Carnaval Maak sjpas heij in d'r zaal.

Ver gunt noe ram get sjpringe en cool d'r sjlager zinge,
Kom doch toch mit en blief toch neet zoe deus doa sjtoeë.
D'r zaal ram vit verseere en dan os amuseere
Noe gunt ver oet g'n daak kom lot mer goeë.

Refrein

Maak sjpas heij in d'r zaal!
Ram vit hè!

Refrein

Ver rope noe alaaf!


HOME PLAATSNAMENOVERZICHTHOME


DREI DULL DAAG
2004/2005: Tekst: Dennis Kockelkoren - muziek: Ivo Damen & Dennis Kockelkoren

Ut begint ‘s murgens vreug, ich bin nog neet good drop.
In de badkamer vur der sjpegel, der sjmink zit der nog op
mer langzaam va binnen, kunt inge klinge laach
Want ut is wer tied, vur der volgende carnavalsdaag

Refrein:
Joa mit die drei dull daag, gunt ver gans bis an ut ing
D’r is stimmung i gen durp, uveral is der gesjpring
D’r oavend is wel lank, mer eigenlijk nog veul ste kot
Ut is ech oetsjtille bis ich op heem a mot.

’s Middigs in der optocht, da maak ver veul kamou
ver danse, sjpringe, zinge, en trotseren zoe de kou
joa gikkeringe is verkleiid en deed mit vrujde mit
zit al dieng zurg a gen zie, en zingt noe mit os mit

’s Oavonds in ut cafe, da gunt ver oet os daak
in de polonaise, en hent zoe os vermaak
och al sjtunt ver af en toe, neet vast mie op de bee.
De tap mot blieve loope, en ver drinke os nog ee

’s Naats op gen stroat, de cafe’s die loope leag
os bed dat sjteet al kloar, en ver zunt onderweag
van die drei dull daag, krie ich nooit genog
Joa went ver wer noa heem gunt, is ut reat of in unne boch


HOME PLAATSNAMENOVERZICHTHOME


FF BELLUH
2004/2005: J.C.V. De Breuzeléérkes


He hi!
Ja, ich bin hie op de kingerzitting.
Wat zes te? Probleme mit de fietsekitting?
Woerum kunstte da neet get later?
Man, Kom da verkleid es non of pater.

Refrein:
Ohne mie mobieltje bin ich nurgus
Ohne mienge handy weet ich neet wat sjpelt
Wat mot ich ohne GSM beginne
Ich wil toch effe checke wè mich hat gebeld
Ich mot toch kenne belle, smsjes kenne sjikke
Man wat boeie mich die tikke.
Ich mot toch kenne belle, smsjes kenne sjikke
Man wat boeie mich die tikke.

He kiek!
Ich krie e kicks berichje binne.
Yes, mienge club is an ’t winne.
Ze hent alwer ing sjieke goal gemakt.
Doamit hent ze och d’r kampioenstitle gepakt.

Kom hey!
Ich han e vet cool idee.
Ver stelle os allemoal hieël kot biejee.
Mienge GSM hat unne fotocamera.
Ram dom goe stoeë, en laache da!


HOME PLAATSNAMENOVERZICHTHOME


G'IKKER HEUNTJE HAD 'NE HAAN
2002: Tekst: Adolf Kockelkoren & Mathieu Lindelauf
Oetveurende (*) : Math Lindelauf & CV de Breuzelère

Refrein:
Gikker heuntje hat 'ne haan, dat is bej veare vieje.
Wilst du, went 't effe kan, mie tok-tok heuntje zieje ?

Wandelend, hej al op der busch, zoog ich dat kink pas vur 't eusch.
En bej 't scheije van der maat, han ich schelmisch doe gezaat:

Op 't letste balmasque, doe woar de zaak benao oke.
En nao inige pilskes "Brand", pakte ich hem bej de hand.

In die vastelaovends-naat han ich 't kink op heem a braat.
Nao vanalles uvver l'amour, zaat ich still hem an a oeer:

* lp: "Vastelaovend in Heuvelland"


HOME PLAATSNAMENOVERZICHTHOME


HUY IS CARNAVAL I MECHELE A GEN MECHEL
1986: Tekst: A. Kockelkoren - muziek: M. Lindelauf

Is 't werm of is 't loa
Vastelovvend is wer doa
Zunt de wolke nog zoe gries
I Mechele is 't wer pries.

Refrein:
Huy is carnaval i Mechele a gen Mechel
Woe ver springe zinge schunkele make schpas
Huy is carnaval i Mechele a gen Mechel
Al zunt ver och allemoal get krap bij kas
Huy is carnaval i Mechele a gen Mechel.
Woe ver springe zinge schunkele make schpas
Huy is carnaval i Mechele a gen Mechel.
Schteet de welt op kop, da zing ver nog alaaf.

Haste las da va migraine
Schiengt de zon of is 't rain
Hot der mood noe toch mer drin
En how 'm mer op der pin.

Carnaval, gunt ver op schiep
Mit e kink oet de Malleziep
Is 't kink de meute wead
Da haste 'n himmel oppe nead.


HOME PLAATSNAMENOVERZICHTHOME


JUS OP TIED
2005/2006: Tekst: Ivo Damen - muziek: Ivo Damen & Ivo Kockelkoren
Zang: De Schnappies

Ver stonge op de piste in Tirol
Jonge, wat veulde ver os wohl
Ver houwe de grutste spass
Me op eemoâl woâte ver gans blass
Ver roetsjde da gauw d’r berg aaf
Der lieëraar deh komp al op os aa
Veul der uch soms neet good
Doe zaate ver vol goo mood

Refrein:
Ver motte schnel wer wiër goë
En kinne hey neet blieve stoë
Want ’t is carnaval i Mechele
Ver motte schnel wer wiër goë
En kinne hey neet blieve stoë
Want ’t is carnaval Alaaf

Jonge wat hent ver toch geluk
Ver zunt nog juus op tied teruuk
Mechele deed os zoe good
Want carnaval zit os in ’t blood
Ver drinke nog ê gleske beer
Tot schlot hent ver ut leave geâr
Kom en jodel mit os mit
Want noa heem goë dat dunt ver neet

En van die holdeladiedie enz.
Ver viere carnaval i Mechele
En van die holdeladiedie enz.
Ver viere carnaval Alaaf
Ver viere caarnaavaal A-laaaaaf


HOME PLAATSNAMENOVERZICHTHOME


KOM, NOE LOT DICH TOCH NEET HANGE!!!
2004/2005 nr.1 : Tekst: Jan Kockelkoren - muziek: Jan Kockelkoren & Ivo Damen

Ich trof noe lits è aadig mèdje
En vroog dat kink, wat is mit dich ?
’t zaat. Ich bin soms gèt verlège
Zies doe dat dà a mie gezich
Koâm ich wie dich da inge tege
Da verlees ich mie versjtand
Ich zaat, doe mie leef Marieëlke
Vèr zinge, springe hand in hand

Refrein:
Kom noe lot dich toch neet hange
’t Lève is de meute wead
Gikker minsj hat och wel ins verlange
Och al hat hea toch neet ummer reat
Kom, noe lot dich toch neet hange
Noe schunkel mit os mit en laach
Doe bis toch neet zoe van de bange
Vier vastelovvend dreiy dul daag
Doe bis toch neet zoe van de bange
Vier vastelovvend dreiy dul daag

Vèr zoote sjtil doa op dat benkske
Gans kot bieëe - ’t woar amureus
’t zaat, noe loester mie kléé Sjengske
Ich bin toch noe wel gèt nerveus
Leef Kink, doe has è sjattig tuulke
Murge kump toch alles wer good
Doe kies va mich è lekker muulke
Joa – vastelovvend zit os in ’t blood

’t Daags dernoa, how mich versjloape
Ich how de ôwwe nog neet good op
Dèr optoch trok al durg de sjtroate
En leep nog rond mit ‘ne sjwoere kop
’t how d’r sjmaak al good te pakke
Leep durg de sjtroat al op en aaf
De moel vol sjmink en op hoeëg hakke
En reep alaaf, Carnaval is gaaf.


HOME PLAATSNAMENOVERZICHTHOME


LOEMELE
2000: Tekst: Adolf Kockelkoren & Mathieu Lindelauf
Oetveurende (*) : Jan Kockelkoren & CV de Breuzelère

Loem'le, bis op der droad verslâete, greun oetgeslage van der zweet.
Och 'n boks, bis in der noad gerâete, veuls te lank en veuls te breed.
En of der pap och schoebt en vlokt, in die klom'le wed rondgezokt.

Refrein:
In 'n verschoate schots van de oma-ma,
schpatseert 't de stroat op en aaf.
Winkt mit unne ouwe loesch van der opa-pa,
en rupt: "Hallo jonge, alaaf".

Schloefe schoon en ouw pantoef'le 'n kante bloes van 'n soekertant.
Vittig wie dieke olligspoeff'le, op rommelmate bey der hand.
Had 't bloas an de ganse welt, en 't kost och mér winnig geld.

't Kink hilt hieël veul van amore, van op der hâed gebakke broêd.
Zit 't bey der Joep volkore, lekker smoezend op der schoêt.
En de hat 't mich zelf verklapt, had 'n ouw weeg get opgelapt.

* lp: "Vastelaovend in Heuvelland"


HOME PLAATSNAMENOVERZICHTHOME


MÈ MÈ MECHELE
Tekst: H. Steyns - muziek: M. Lindelauf

Al is os durpke nog zoe kling
Ut is neet onbekant
Soms schtikt ut boave alles oet
Mit muziek en gezank
Der voetbaslclib, de schutterei
En neum mer op vanaal
Mè vergeat 't allerschunste neet
Der Mechelder carnava

Refrein:
Mè Mè Mechele,
Durpke an de geul
Mè, mè Mechele
Van dich hot ich zoe veul
Mè mè Mechele
Ich ving dich toch zoe schun
Dat ich mich op de ganse welt
Nurgens beater gun.

En vroste an inge vrème somsis Mechele dich bekant
Da zet te drek 'is dat die plaatsch
Woe z'n kom-kommerstroat hant?
En woe der karnavalsverein
Zich de Breuzelère numt?
Terwijl ze toch in wirkeligheed
de Teutevègere zunt


HOME PLAATSNAMENOVERZICHTHOME


O MECHELDER BAAG
Tekst: H. Steyns - muziek: M. Lindelauf

De baag is vur os allemoal 't gruetste amusement
doa kregte ver veul spas en lol en 't koste ginge cent
der kunkel woar 't schwumbassing en och de wesscherei
Doa wooschte dich de kleier ring van alle schweinerei.

Refrein:
O mechelderbaag, doe modderpool, doe zouwerei
Woasch min, ge daag de oerzaak van os schpeelerei
Doe woasch de baag, mé och de Maas en och de zieé
Ja in os kingerfantasie woasch te nog hiel veul mieé

Os boot dat woar 'n groete ting
Der drek dat woar 't strand
En mit der polssteck schpronge ver
Va hey noa Engeland.
En in der winter woar de baag
Der noordpool van 't durp
En woar 't werm, hent ver os dek
Der boek doa vol geschlurpt.

Noe zunt ver oad, os kinker jonk
Ze gunt neet noa gen baag
Want woe dat helder water blonk
Is breu mit lueterkraag
't is oalig, hoot, papier en vit
oad iezer, blood en stront
is dat de baag woe ich es kink
zoe hiel veul schuns i vond?


HOME PLAATSNAMENOVERZICHTHOME


OS MECHELE
Tekst: Adolf Kockelkoren - muziek: Mathieu Lindelauf
Oetveurende (*) : Math Lindelauf & CV de Breuzelère


Umkranst durch berge en durch busch, durch weije greun en frisch.
Da merkt me toch pas vur 't easch, wie schun os Mechele is.
Dao lope schöap, dao graze keu, en veuële spels daobeij.
Dat dartelt rond en ziet hie veul, va Mechele an de Geul.

Refrein (2x) :
Verschôle tussche berg en busch, dao liet mie heemetland.
't Is Mechele, 't schunste durp, dat ver i Limburg hant.

Schun huskes och in bonte aad, en ing vakwerkboerdereij.
't Höfke liekt ing anzichkaat, en der plej huët och der beij.
't Neues, Pannes en der Brull, 't alles eve schun.
't Nuëd spontaan en och hiel gul, nae Mechele an de Geul.

En durch 't durp, dao lupt de baach, bei kloare mondeschien.
Winkt mit inge zilvere laach, noch schunder wie de Rien.
Lupt frich nog oet dan in de Geul en kabbelt rustig wier.
Zoe'n plekskes vingste toch neet veul, wie Mechele an de Geul.

* lp: "Vastelaovend in Heuvelland"


HOME PLAATSNAMENOVERZICHTHOME


PAK MICH 'NS VAS
2003/2004: Tekst: Hilde van der Heijden & Desiree Verbocht - muziek: Thei Janssen
Zang: Breuzelèèrkes


Refrein:
Kom pak mich 'ns vas vas vas
Da make v'r sjpas sjpas sjpas
Da gunt ver sjoenkele, mit z'n alle
Kom pak mich 'ns vas vas vas
Da make v'r sjpas sjpas sjpas
Ver sjoenkele allemoal
Mit vastenaovend.

Kiek 'ns in de kas, watste dao nog has
'n Naas of 'n pruuk en u paar hose
Ballerina of unne cloon en hieele groeete sjoon
Zoe vier ver vastenaovend.

Kiek 'ns in d'r sjtaal, doa liet och nog vanaal
'n Plank unne pienzel en get verref
Slingere van Tant Miets en d'r ouwe fiets
Zoe vier ver vastenaovend.

Kiek 'ns in de kis, of doa och nog get is
Get glitter, get sjmienk en serpetines
Da dunt ver nog get sjtom mit un dieke trom
Zoe vier ver vastenaovend

Kiek 'ns in 't hok vur unne ouwe rok
U hemp, 'n bient of unne sjtupjas
Unne boa en 'n patsj en hieel veul andere qwatsj
Zoe vier ver vastenaovend.


HOME PLAATSNAMENOVERZICHTHOME


'T SCHUNSTE WATSTE KINS WEADE
1984: Tekst: A. Kockelkoren - muziek: M. Lindelauf & J. Kockelkoren
Zang: C.V. de Breuzelère

Bist 'n Baagrat of 'ne Os, 'n Uul of Boemelèr
Voossestuutske vas of los, of inge Breuzelèr
Bist, in de harmenij of der gezangsverein
Lupste in de schutterij, dat vinge ver och fijn.

Refrein:
Mè 't schunste watste kins weade
Toch in 't Wittemsland
Is Prins van de Gemingde
Zunt ze allemoal op gebrand
Zingt noe mit der Prins
Uch meu en fit
Springt in zienge dins
Bis esch'legostig mit.

Wonste in éé vakwerkhoes, of in 'ne bungalow
Drugste 'n regeringsbloes, of wirkste in der bouw
Biste Nijpels of Jan Raas, of bluste hoempapa
Hast 'n kling of groête naas, dat geet toch ginge aa

In os Mech'le lot dich neer, in 't Breuzelèreland
Doa git 't altied veul plezeer, dat is uch toch bekant
Medjes, stapelgek mè braaf, doch vur te klauwe schun
Winkt der Prins da mit der staaf, da wakkelt 't gebun.


HOME PLAATSNAMENOVERZICHTHOME


SJIT
2000: Teks: Desiree Verbocht, Frits Leunissen & Hilde Vanderheijden - muziek: Hilde Vanderheijden
Zang (*) : De Breuzeleerkes

Mit carnaval, dam maak ver sjpas, op g'n sjoel en in de klas.
Da sjmink vear os gezichter ram mit d'r lippesjtift van de mam.
En wen die mich zoe ziet, miengt die dat ze get kriet.

Refrein:
Oooh sjit, doa haste d'r pap en de mam,
die wete doa niks van, dat ich dat han.
Cool, die sjtunt nog ram a gen teek,
noa heem gunt ver nog neet.

D'r optocht how ich mitgedoe, op 'r wagel han ich moge sjtoe.
E cool kostuum how ich gemak van d'r pap zi bitste pak.
En went dea mich zoe ziet, miengt dea datte get kriet.

In d'r zaal han ich ing tuut gehad van d'r klinge prins, dea kikse sjat.
D'r groete prins zaat: "Kom 'ns hej, da krieste nog ing d'r bei".
En went die mich zoe zint, mienge die dat ze get krient.

De Breuzeleerkes gunt veurop,, blieve goee, kome neet mie sjtop.
Want carnaval vinge ver ram gaaf en roope noe alaaf.

En went inge os zoe ziet, miengt dea datte get kriet.


HOME PLAATSNAMENOVERZICHTHOME


WAT MOT ICH NOE DOEË ?
2001: Tekst & muziek: Hub Steijns

Ut gong wer op 't vrugjoar aa
Dus och op carneval
De etalages stonge vool
Mit maskies en vanaal
Dat zoog der Wiel oet Uvvergeul
En het ergerde 'm zoeë
Hea haset allenui dè preul
Noeëts howwe mitgedoeë.
Mè doe zooge ze allemaol goeë
Enne daat , wat mot ich noe doeë

Refrein:
Wat mot ich noe doeë ?
Heei zoe blieve schtoeë
Wie unne zeute printemaan
Mè dat get het neet
En doe spronge mit
Wie der schunste hamplemaan.

Ut Sjulliêtte schrok zich inge aap
Wie ut der Wiel zoog goeë
Nog noeëts howwet dat mitgemakt
Zoeget is get vur schroeë
Dat woar 't Sjulliêtte toch te veul
En 't woadt verschrikkelich koeëd
Ich gleuf waal, dat gans Uvvergeul
De ruzie hat gehoeëd.
Mè der Wiel dè bleef neet heem
En het Julliêtte daat, wie schleem.

'T get schun dinger i Mechele
't Pannes , Schweberig
Tenhirrenuf en Voeleboan,
De guulkoel , Bommerig
Zoe schun, zoe gek is 't och wer
Dat bliekt oet carneval
Der verrein dè heescht 'der Breuzelèr'
Mè de teut schteet bovenal.
Kan zoeget noe bestoeë ?
Wat kan ich heei aa doeë.


HOME PLAATSNAMENOVERZICHTHOME


WELKE TAAL MOT VÈR NOE KALLE
2005/2006: Tekst & muziek: Jan Kockelkoren
Zang: Jan Kockelkoren

Van d’r murge bis d’r ovvend
Bedink ‘ne sjlager vur vastlovvend
Geet vanaal Mich durg d’r kop
Sjrief gauw get tekst en noeête op
Han alling nog éé probleem
Och kom, die taal dat is neet sjleem
Kinn d'r dat da neet versjtoa
't makt niks oet, noe zing en lot mèr goa

Refrein:
Welke taal mot Vèr noe kalle
Zoe dat ‘t Uch good deed bevalle
Váán Eesde tot de Mookerhey
Joa allemoal zien Véér debey
Sitterdj – Mèstreeg và Kirchroa of Vols
Os éége taal drop zunt Vèr zoe sjtols
Carnavastelovvend da’s pas gein
Loate Os huure van Venlo bis am Rhein.

Op vakans gong Ich noa Cuba
En sjpealde doa in bes op d’r tuba
Sjprook doa Sjpaans en dialekt
Flamenco - salsa gong perfekt
How Mich neet op an dè kaal
En zing noe internationaal
Kinn d'r dat da neet versjtoa
’t makt niks oet, noe zing en lot mèr goa


HOME PLAATSNAMENOVERZICHTHOME


WENT VER SCHREEG OP HEEM A GUNT
Tekst: A. Kockelkoren - muziek: M. Lindelauf & J. Kockelkoren

Noe in der vastelovvens tied
Zunt ver toch al os zurge kwiet
Ver pakke 't dan och lustig aa
Zinge da va hoe-la-la
Schoenkele schoenkele erm in erm
Dat makt os hetske zoe werm.

Refrein:
Ver schoenkele haar, ver schoenkele hot
't Zelfde wie 't och kunt
ver schunkele nog, stuk in de vot
went ver schreeg op heem a gunt.

Bis esch'legostig wer opneuj
Blief ver der vasteloavend treuj
Ver trikke os da va ginge get aa
Hopsa, hopsa faldera
Schoenkele schoenkele hand in hand
Da steet os hetske in brand.


HOME PLAATSNAMENOVERZICHTHOME


ZOE VIERT LIMBURG CARNAVAL
2002/2003 nr.1 : Tekst: Jan Kockelkoren - muziek: Wim Vluggen
Zang 1 (*) : Jan Kockelkoren
Zang 2 : Breuzelere van Mechelen

Refrein:
Vastelovvend wèr present, opp'en sjtroat, in zaal of tent.
Make sjpas en veul plezeer, bey è good glaas Limburgs beer.
Vastelovvend makt os ee, hilt os drei daag op de bee.
Vastelovvesgek Alaaf, Èschle-gostig sjleet ver aaf.

Zoamertied is wèr vurbey, Carnaval kunt noaderbey.
Pakke alle maskes oet, clonemaan vur der klinge poet.
Sjun oud wief, joa, vur de mam, mit unne hood op, sjiek en sjtram.
D'r pap verkleid zich es chinees, viere same 3 daag fees

Is der ovvend da gedoa, kin vèr wèr op heem aa goa.
Sjpringe, danse opp'en sjtroat, polonaise in de moat.
Buurmaan, vrund en tant en nonk , opa, oma kat en hond.
3 daag vastelovvesbal, zoe viert Limburg Carnaval.

Sjoenkele da va hot noa haar, alaaf, alaaf, 't Prinse Paar.
Oud en jonk, joa, alles deed mit, oh, wat veule vèr os fit.
Roope same in octaaf, Limburgs Carnaval is gaaf.
3 daag vastelovvesbal, zoe viert Limburg Carnaval.

* cd 2003 : Diverse artiesten - "Van Eijsde tot de Mookerhei 10" - Marlstone Recordings bv CDL2301


HOME PLAATSNAMENOVERZICHTHOME