Carnavalsliedjes uit MAASBREE in Limburg (NL)

HOME PLAATSNAMENOVERZICHT HOME

AAN OËT, OËT AAN
2005/2006: Tekst & muziek: John Stoffels
Zang: Duo Döbbel en Diek( Erik Houkes & John Stoffels)

nôuw kiëk mich heej 's laupe, nae renne liek `t miër
ik môt nag zoëvuül kaupe, kèn zoe neët aan de zwiër
ik woej dit jaor as gewabde gaon, mâr den val ik neët op
`t zoör det trèk mich in de bein, `t zweit diek vur de kop
wiej los ik dit toch op

Refrein:
wat môt ik toch aan, wat laot ik oët
en wèlleke kleur môt ik nôuw op mien rônge snoët
ik weit `t neët 'maak mich neët gek'
ik staon heej nag, ik huür d`n optoch dae al trèk
ik kôm te laät, det mâkse mei
dôr det gedoons mèt allemaol det bônk grei
wat môt ik aan, wat laot ik oët
ik kôm gewoënwèg neet toet 'n gôd besloët

ik bin mich zoë aan `t spooje, 't dazelt mich in de kop
ik môt dit zeën te rôjje, drek springk beej mich de stop
'k heb euvral gekeke huür, mâr niks wat mich nag pès
wat mot ik doön, woe geit dit haer, as ik `t toch 's wôs
strakkes heb ik get gemis

aan-oët oët-aan aan-oët oët-aan der-oët!

HOME PLAATSNAMENOVERZICHT HOME

ALLEIN DÓR DICH
1991 nr.1: Tekst & muziek : Twan Smets (Twan van Nellegraad)

Refrein:
Jao, jao, allein dôr dich schient de zon op mien gezich.
En s'nachs druim ik allich, allein nag mar van dich.
Jao, jao, allein dôr dich schient de zon op mien gezich.
Met vestelaovend blief ik beej dich, allich, allein nag mar beej dich.

Ik liërde dich in ein kefeeke kènne,
wie ik dich zoog, woor alles werm van binne.
Dien augge ware blauw en dien heúrkes blond,
en alles wat ik zoog, det zoog gezòngk.

Nao twië jaor vreej zien we toen gaon hokke,
weej kôste gaar neet wachte op de klokke
D'n tiëd, dae ging veurbeej en dow bleefs beej mich,
en daaröm zing ik nouw allein vur dich.

HOME PLAATSNAMENOVERZICHT HOME

ALTIËD DE LÈTSTE
1997 no.2 : Tekst & muziek: A. van Maris
Zang: Susan Knapen en de M.V.C Vitteranen

Refrein:
Weej hange altiëd, altiëd, altiëd aan de letste,
weej hange euveral en altiëd ôngeraan.
Mâr mèt de carnaval zien weej de allerbèste,
want dan kômme za van euveral vandan.
Weej hange altiëd, altiëd, altiëd aan de letste,
mar eine kiër per jaor den staon weej aan d'n kop.
Want vestelaovesgekke laote zich neet kiste,
die staon met vestelaovensmaeters wiëd aan top.

De vlagge goan wèr oët, de sjmienk kump oppe snoët.
Alaaf, alaaf, alaaf, 't is wèr dao.
De kroege stampend vol en niks is heej te dol,
idderein löp zien naas wèr achternao.
Al waarse noëts nag heej, kôm toch gerös d'r beej,
heej laeft'r beej de minse gèn verschil.
Al bisse erm of riek, idderein is geliëk,
geej snap wal wat ik dao mèt zegge wil.

Gèen plaats miër oppe krök, wat is 't heej wèr drök,
det is heej gans normaal "a la toujours".
De meute dans en sprink en idderein dae zink.
Vanaovend wuurt 't laat, dus maak de bors mär naat.
Weej gaon d'r heej's duchtig tiggenaan,
want merge kump stilaan 't leech wèr aan d'n daag,
begint de santekraom van veur af aan.

cd 1997/1998: "As 't vestelaovend is"

HOME PLAATSNAMENOVERZICHT HOME

BEEJ DE PINKE
1990: Tekst: Frans Wijnen - muziek: Frans Wijnen jr.

Refrein:
Haesse van ze laevesdaag dao oëjt 'ns aan gedach,
och, wae zoe dao toch ok aan dinke…..
dèt dae leeve sies van dich 't zoëwied heij gebrach,
dae waar al hiël vruug beej de pinke.
Dae hoof-se mâr te vraoge en dae wèt 't al zoe-get.
Allein met vestelaovend greujt 't 'm bove zien pet.
Haesse van ze laevesdaag dao oëjt 'ns aan gedach,
det dae 't zoë-wied heij gebrach.

Op schoël waar hae de slumste van de ganse klas,
en det kwaam toen de mèster maar get dök van pas.
Hae hoofde neet te raekene, dae hoofde neet te dinke.
Hae vroog 't mâr aan 't "slumke", dae waar hiël good beej de pinke.

Toen hae ok later mèster woor, dèt waar mich get,
hiël eige –wies vertèlle euver dit en dèt.
Met vestelaovend woej hae gaer un pilske met õs drinke,
mar daags d'r nao waar hae hiël duf en gaar neet beej de pinke.

HOME PLAATSNAMENOVERZICHT HOME

'NE BÔNKTE ÔNGEREIN
1999: Tekst: Frits Wijnen - muziek: Ger Hendrix & Pim Janssen

Refrein:
Joeks en plezeer, lache, zich ammezére,
det is vestelaovend, nemus löp te lammentére.
Idderein, dae geit in of oët de maot,
zingend, sjoenkelend uvver illeke straot.
Joeks en plezeer, idderein op de baan,
met vestelaovend geit me d'r tiggenaan.

Vestelaovend in 't lank, gekke kloons gaon oëtt'n bank.
Me vult zich zoe richtig werm van binne, 't viefde seizoën, det geit beginne.
Dao is van alles op de bein, 'ne bônkte ôngerein.

Traöte klinke, trômme slaon, nemus dae blief dao beej staon.
Idderein flöt, dans of steit te zinge, 't Limburgs lank, det steit op springe.
Minse die gaon wie 'nne trein, 'ne bônkte ôngerein.

Den opins is 't gedaon, alles stil, m' huurt gèn trôm slaon.
Iddere straot is den strakkeduuster, m'huurt den allein mâr zach gefluuster.
't Viefde seizoën is kort mâr fijn, 'ne bônkte ôngerein.

HOME PLAATSNAMENOVERZICHT HOME

BÔTTERBLUMKE
Teks & muziek: Hay Haenen & Sraar Janssen

Dae Wiellie zôch vur zienne schat 'n hiel leef naemke.
Dae Wiellie, dae waas van nateure mei zoe braaf.
Dae Wiellie, dae löp nouw mèt allerlei komplekse.
want van dae naam, dao kump dae Wiellie neet vanaaf.

Refrein:
Dôw bis mien bôtter- bôtter - bôtter ... bôtterblumke.
Dôw bis mien bôtter- bôtter- bôtter- bôtterdink.
Ik haoj van bôtter en de bis mien bôtterklumpke.
Ik haoj van alles wat d'r aan dich blink.
Ik haoj van bôtter bovenal, ik zeen vort bôtter euveral.
Dôw bis mien bôtter-bôtterdink.

Zek daaröm in de leefde noëit gèn gekke dinge.
zoëas dae Wiellie vrujer dökker uvverkwaam.
Dae Wiellie zit nao viëfentwintig jaore trouwe,
mèt niks as bôtterbloom elein dor enne naam.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

BREE BLIEF BREE
2000/2001 nr.2 : Tekst en meziek: Joke Simons
Zang: Suzan Simons en 't MVC vitteranekoer

Refrein:
Want Vènnel ligk aan de Maas en Kölle aan de Rien,
Draubunde ligk aan de Lech,
mâr det ik verleef bin, det ligk aan dich.
Ik heb mien hert geslote, den waere we met rös gelaote.
En nemus ken d'r miër beej,
want dinkt'r good aan : "Bree Blief Bree".

Dich bis zoe uniek: dich bis zoe apart.
Dich bis miene finisch: dich bis miene start.
Weej huure beejein; dao pès nemus beej.
Dus zegge weej "weg dich" en blieve weej vreej !

Ôs dorpke Maasbree, dao huure weej beej.
Det is ôs toekomst: det is ôs verleeje.
Ôs hert det is roëd, de leefde is goët.
Ik hoop det 't stump det, Groët Vènnel neet kump !

extra toevoeging laatste refrein:
En hoop daen druim geit noëts vurbeej,
en weit dus: Bree blief altiëd Bree.

cd 2001/2002: "Bree guüf gaas"

HOME PLAATSNAMENOVERZICHT HOME

BRITSE BABY-SAMBA
1991: Tekst & muziek: Jojo en de frisse bloesem

Refrein:
Ai-ai caramba, doot allemaol dae Britse baby-samba.
Ai-ai olé, det is 't gans, dae blitse baby dans.
Idd're baby toest mèt Karnaval, zienne rammelaer vur 'n sambabal.
Ai – ai olè , dae Britse babysamba is wèr heej.

Mien is mooder van zo'n babyschatje.
Wat 'n dotje, as hae spertelt in zien badje.
Den vluug 't schummke in 't rôngk.
Wat is hae in zien sas mèt det geklater.
En met de foepspiën in zien môngk,
plenst hae de samba mèt zien hendjes op 't water.

Dae kleine leet d'r lés 'ns eine vleege.
Det ging van O en zoë kwame d'r nag nege.
Wat mâk zo'n vötje vuül kabaal.
Os Mien ging det geknal 's ôngerzeuke.
Wat waar dae baby muzikaal,
Hae traöt de samba sônger traöt, det waar 't leuke.

HOME PLAATSNAMENOVERZICHT HOME

DE BRITSE TRAM
Tekst & muziek : Joep Kerren & Pascal Lahnstein

Zô'n seevetig jaor geleeje, haet in Bree 'nne tram gereej.
Van Vènnel haer en truuk, uvver de weeg en naeve struuk.
Brach kolebale en kwaam ok minse hale.

Refrein:
Heej, heej, heej !
Det waar d'n tram in Bree.

Beej de haltes heej in Bree, de minse in 'n reej.
Vúr idderein waar 't iërlik, sônger mote kwame ze in Bliërik.

Zô'n fiêrtig jaor geleeje, haet hae vùr 't lets gereeje.
D'n oorlog in 't lank en de reels vloog aan de kank.
En 't waar vurbeej met d'n tram in Bree.

HOME PLAATSNAMENOVERZICHT HOME

DE BRITSE TRAM
1999: Tekst: René Lemmen & Peter Kerren - muziek: Joep Kerren

Zo'n fiëftig jaor geleeje, toen leep heej, iërlik waor,
nag dageliks 'n tremke op en neer.
Hae kwaam vurbeej gepuffe öm idder hallef oor,
al heij det dink ok mei 'n Brits keteer.
Mâr det is nouw gedaon, daaröm laote weej öm gaon…….

Refrein:
Jao, dao geit d'n Britse tram, kiëk die Habbe 's bewaege.
Jông, die kènne d'r get van, want die zien gaar neet verlaege.
Jao, dao geit d'n Britse tram, tjoeke, tjoeke, lekker traeje.
Zelfs dao guns in Amsterdam haet zô'nne tram nag noeijts gereeje.

Oos Bree waar oëts 'n dörpke van angerhalf hoês,
de lèste jaore kwaame d'r vuul beej.
Mar alle schoën tradisies, die kriesse mèt van thoes,
zoë dôn weej det al jaore heej in Bree.
Want met de carnaval kump de joekstram wèr van stal……

HOME PLAATSNAMENOVERZICHT HOME

BUNNYHOP
2002: Tekst & muziek: Jaerke Nijssen & René Lemmen

Refrein:
Weej dôn de Bunnyhop, Weej dôn de Bunnyhop.
Det is de nieje dans, jao, dao kumpse van in trans.
Weej dôn de Bunnyhop, Weej dôn de Bunnyhop.
We gôn den âl achterein, krek wie 'ne boemeltrein.
Weej dôn de Bunnyhop, Weej dôn de Bunnyhop.
De puütjes van de grônk , en springe môr in 't rônk.
Weej dôn de Bunnyhop, Weej dôn de Bunnyhop.
Bliëf nouw den toch neet staon, en laot dich nag ens gaon.

Ik zoog lèts in 'n wei, dao sprônge knienkes in 't rônk,
zoë lekker dôr 't graas, met de bènkes van de grônk.
Wat zoej det prachtig zien, öm det ok te kenne doon,
öm rônk te kenne springe, as'ne Indiaan of kloon.

Jao, kump 't good op geng, em idderein haet vuul lol,
den is daen dans te gek, en de ganse vloer steit vol.
Mèt vestelaovend heej in Dörp, den wuürt daen dans gedaon.
Joekse, zinge, springe, kom op en laot 'm gaon.

HOME PLAATSNAMENOVERZICHT HOME

DICH EN MICH
1991: Tekst & muziek: duo Dich en Mich

Dôw, dôw huurs beej mich, wie de slaagroum beej 't iës,
en de ketsjap beej de riës.
En ik huur beej dich, wie de paeper beej 't zaod,
en wie werm huurt beej kaod.

Refrein:
Ik wil mèt dich danse, mèt dich allein sjanse.
Dich en ik huure beejein, schat, det zuut toch idderein.

Dôw, dôw huurs beej mich, wie 't water beej de wiën,
en wie kole beej 'n miên.
En ik huur beej dich, wie bloome beej 'n vaas,
en wie Bree huurt beej Maas.

Dôw , dôw huurs beej mich, wie 't zeute beej 't zoor,
en de vooge beej 'n moor.
En ik huur beej dich, wie de leefde beej gelök,
en wie lekker huurt beej stök.

HOME PLAATSNAMENOVERZICHT HOME

DIE VAN DE FÔMFAAR
2007/2008: Tekst: Roy Smets & Rudi Peeters - muziek: Roy Smets & Rudi Peeters
Zang (*) : Silvio Giesen

Beej ôs in de fômfaar
dao zitt’r ein van Linsse.
As die ’smandes träöte kump,
kèn me ze wal verwinse.
Die träöt kump oëtte kis
en dèn zuusse ze al dinke.
As die heej aan’t blaoze sleìt,
gaon weej d’r ‘nne drinke….123

Refrein:
Wat kôs die blaoze,
Wat kôs die blaoze,
beej ôs in de fômfaar,
Wat kôs die blaoze,
Wat kôs die blaoze,
ok al klink’t mei gèt raar!

‘t muzikaal geveùl,
is neet altiëd te liére,
d’n eine is gèt traòg,
d’n angere huürt ’t iërder,
idderein zit klaor,
we wachte op ’t teiken,
maar det haèt beej die gènne zin,
we gaon truuk nao ’t begín..123

Eigewiës is ’n hiel groët woord,
van waèrs wìlt ze niks weite,
ze bleus de verkiërde noot,
asse d’r aan vult, jaowal den steitte,
de partie die steit in ‘F’,
maar hét bleùs altiëd ‘n “fies”!
Gelökkig is zeej neet allein,
we gaon truuk nao ’t refrein…123

Refrein:
Wat kèn die blaoze,
Wat kèn die blaoze,
beej ôs in de fômfaar,
Wat kèn die blaoze,
Wat kèn die blaoze,
ok al klink’t mei gèt raar!
ok al waar dit nag gènne wals,
zelfs ’t ing geit beej die nag vals…….

cd 2007/2008: B.V.K.

HOME PLAATSNAMENOVERZICHT HOME

DE DIËKE TROM
1990: Tekst: Frits Wijnen - muziek: Hay Poulissen

De schuuftromboon, de saksefoon, de bas en de trompet,
aom mosse den hebbe, det is mich dök hiël get.
Al blaoze ze vur miër as zes, en dôn ze aoh zoë good eur bès,
geit 't zinnig of keihèl, en joekst muziek den dôr euch vel,……..maar:

Refrein:
…'t Schoënst klink de dieke trõm, de dieke diek dieke trõm.
Mei hauwt dae Hay zoë lekker hèl, den geit dae kael has door 't vel.
Jao, 't schoënste klink de dieke dieke trõm, de dieke dieke trõm.
't Fijnste zien die oërhèl slaeg, kom Harie, gaef 'm nag un vaeg !

Habbekratsers, Baloskapel en den ok nag de res,
Weej stõn heej te traöteop zien allerbès,
Det waar niks sõnger diëke trõm, mars of polka klink den stõm.
Dus daaröm haoj toch gôje mood, os diëke trõm is baeregood,…………maar:

HOME PLAATSNAMENOVERZICHT HOME

DIEN AUGE
1966: Tekst & muziek: Louis Lenssen

Refrein:
Och, laot mich nag ens in dien auge kiëke,
de wèts toch wie kepot ik van dich bin.
As ik dich zeen veul ik mich enne riëke,
as ik mâr efkes in dien auge kiëke kin.

't Waas in 'n schrikkeljaörke, naeve n"ôs beej det scheurke,
wiesse mich hès gevraog, wies se't hès gewaog.
Det geit mich noejt verlore, wie ik dien auge zoog,
din ik verleef gewore, mien mooder zag: "Det moog!" .

HOME PLAATSNAMENOVERZICHT HOME

D'N DOEDEL
Teks & muziek: Henk Swinkels zg.

Refrein:
Dao haesse miene doedel, jao, dao haesse miene schat.
Dao isse dae, ik nimmer wil verlere.
Dao haesse miende doedel, jao, dae is nao miene zin.
Det isse, woe ik kepot van bin.

Dow gluifs 't neet, ik kôs d'r genne haoje.
D'r zien d'r aevel zat, ik zal 't mâr verraoje.
Al is 't waor, hae waas, wie ik, nag fets,
en daaröm zing ik nouw gans geklets.

En mei en den, det vèlt toch wal tege,
want kump 't d'r op aan, is hae toch te verlaege.
Mâr hang ik 'saoves laat öm zienne nek,
den kaak ik 't oet wie enne gek.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

DOW HAES NOËJT ZOË LANKAAF
1961: Tekst & muziek: Hay Haenen

Ik heb ins 'n maedje van twintig, nag s'aoves laat gekös.
Ik dach beej mien eige ik kin dich, mâr waar toch neet gerös.
Ik heb aan die weurd gedach, die toen det maedje zag:

Refrein:
Dow haes noëjt zoë lankaaf in dien hemp gestaon.
Wie môt det nouw toch gaon ?
Jao, det is niks gedaon.
Dow haes noëjt zoë lang mèt mich meij gerend,
dow haes mich verwènd.

Al jaore bring ik aan det maedje nouw koffie aan zien bed,
beschuutjes en kook op en bledje, det vink mien vrouw zoë net.
Doon ik alles aeve fijn, den huur ik dit refrein:

HOME PLAATSNAMENOVERZICHT HOME

DOW KENS MICH GET
1991: Tekst & muziek: Twan Smets (Twan van Nellegraad)

Refrein:
Dôw kèns mich get, dôw kèns mich get.
En wasse mich kèns det is mich get.
Dôw kèns mich get, dôw kèns mich get.
En asse det dös, den doot det net.
Ik woej det ik wis wasse kôs,
zoêdet ik det dich zegge kôs.

Hay stông 'ns vur d'n altaor, hae zoej toen trouwe gaon.
Hay zoog det neet zoë zitte en leet zien bruudje staon.
Ik waer nae noeijts diene mins, wèts dich was dich mich kèns ?

Zônne pief van de belasting, dae steurde mich 'nne breef.
Ik maak mich dao neet drök öm, ik neem det wal vur leef.
Ik dink den, och erme mins, wèts dich was dich mich kèns ?

De rechter van de rechtbank, dae goof Joep laeveslangk.
Hae vroog: is det nouw alles, zoë kriesse mich gaar neet bang.
Joep sprook toen zien lèste wins, wèts dich was dich mich kèns ?

HOME PLAATSNAMENOVERZICHT HOME

DREEJ DAGE
Teks & muziek: Jan v. Nisselroy

Refrein:
Dreej dage aan de zwaai, mèt 'n stökske in de laaj.
Dreej daage pierewaaje, dreej daage zich begaaje.
Drage vol verteer, dreej dage van plezeer.
Kom jonges zit öm op, zit os Bree es op de kop.

Schoënsten tiëd, dae 't kin gaeve, is d'n tiëd van Karneval.
Schoënste daag van 't hiele laeve, zien de daag van Karneval.
Den vingse alles tof, ik scheet oët mien slof.
Ik drink den vur d'n dors en zing oët volle bors.

D'zuus gaar niks as blieje minse in den tiëd van Karneval.
Niks schoëners kinse dich winse, mèt de daag van Karneval,
En nemus blief d'r staon, kom laot öm nouw es gaon
. De Karneval duit good en zing vol gooje mood.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

'T FIËSVERKESLIEDJE
2002: Tekst & muziek: Wiliam Steegh, Peter Simons jr. & Tom Logtens

Refrein:
Wat hebbe we 'n zwijn, mèt z'n alle heej beejein.
Heej in deze joeksige stal, is 't fiës vur idderein.
Mèt de verkes altiëd veurop, zètte weej deze zaal oppe kop.
Heej in deze joeksige stal, is 't fiës vur groët en klein !!

Weej zien de fiësverkes van D'n Hab, En we gaon hiël gaer op stap,
D'r blief t'r gènne staon, as weej 'nne aovend gaon.
Weej drinke beer wie water, en hebbe s'merges gènne kater,
kastelein trèk oop dae kraan.

s'Merges hiël vruuj oët d'n bôch, want d'n daag is noeijts lang genôg.
De kroeg is ôzze stal, weej gaon nao illik bal.
Weej zien altiëd de iërste, öm te fiëste wie de biëste.
Jao, verke is ôzze naam,, we gaon d'r dreej daag tiggenaan.

HOME PLAATSNAMENOVERZICHT HOME

'T FLESKE
1965: Tekst & muziek: Sjraar Janssen

Refrein:
Gaef mich 'n fleske, 'n fleske, en fleske vloeibaar broëd.
Want mét 'n fleske, 'n fleske, brach mam mich vruujer groët.
En bin ik einmaol aan de geng, den heb ik altiëd in de heng,
'n Fleske, 'n fleske.
En gaon ik 'ns de kelder in: "gaef mich 'n fleske" !!!

Mien mooder haet mich ins geliërd, aan 't fleske te leutere.
En ging 't den ens verkiërd, zoot zeej zich te verkneutre.
Mâr nouw haet mooder spiët d'r van, want 't is gans scheif gegaon.
Eur haor is wit as kriët d'r van: Ik kin gén fleske laote staon.

Mien vader haet al opgemerk, det 'n pilske gezônk is.
En zeker as 't nao 't werk get druùg in ôzze mônk is.
Mâr oët 't vaat, det smâk mich neet, det heb ik noeijts gedaon.
Mâr fleskes lös ik beej de vleet, die kin ik ech neet laote staon.

HOME PLAATSNAMENOVERZICHT HOME

FRIE WIELIE
2000/2001 nr.3 : Tekst en muziek: Hay Lintjes
Zang: De Naobers (Hay Lintjens en Lei Delsing), Mirian Wijhers & Yvonne Lemmen

Refrein:
Frie Wielie is miene naam, zwum lekker achter de raam.
Wae mich mèt asgonzig èt, kèn d'r 'n jaor tiggenaan.
Ik ligk paraat in de hiëringsalaat, van 'mergesvruug wies 's aoves laat.
En wae mich mèt äsgonzig èt, krieg de lèste dröppel oët 't vaat.

Mèt zien viëve in 'n glaas, wachte op de nieje baas.
'n Vroumes griep ôs in de kraag, drage duit dae kleine blaag.
Dae kiekt den in de pot, jông, dae schrik zich rot.
"Mam, aete weej dae vandaag ?"

As de keulkas ope geit, steit dao emus schoën verkleid.
Auge kiëke ôs den aan, "Jönges nouw got geej d'r aan".
Den kump 'n groëte hank, schuuf ôs aan de kank,
en griep zich d'n halve haan.

cd 2001/2002: "Bree guüf gaas"

HOME PLAATSNAMENOVERZICHT HOME

DE GÖSTE BREURS
1996: Tekst: Toën Lenders - muziek: Bart Hermans

Refrein:
Ömdet weej göste breurs zien zalle weej gèn zuster zien.
Ömdet weej jônges zien en bliëve, huurse ôs ok noeijts kiëve.
Weej breurs laote uch zeen, watt'r allemaol beej kump kiëke.
Lôt geej ôs màr schoën gewaere.

't Gilde, det is opgerich in veerentachtig.
Alle kéls beejein, det vônge weej toen biëstig machtig.
Göste ôngerein, met vestelaovend doën beejein,
En hoëg in 't vaandel steit geschreve, dich zals nörges niks öm gaeve.

Breurs, die dôn neet drinke mar die buize.
Alles drinke die leeg en wat kénne die toch fuive.
Die aete neet die boome, blome, hiëring en kaome.
De witte uvveral, dae steit ôs good, same mèt dae wingterhood.

HOME PLAATSNAMENOVERZICHT HOME

GROËT BREE
2007/2008: Tekst: Roy Smets & Rudi Peeters - muziek: Roy Smets & Rudi Peeters
Zang (*) : JA-EN 1

Bliërick det woeje we haoje,
maar Balder det wuurse neët kwiët.
Nouw kômme weej strakkes beej Hèlde,
as ôs det maar neet spiet.
‘t Zoott’r al aan te kômme,
toch is ’t nag neet zoëwiéd.
As weej nag efkes wachte,
den zinge weej uvver ‘nnen tiëd:

Refrein:
Bree, Bree, groët Bree
det klink neet ins ônaeve,
Bree, Bree, groët Bree
Wae zalle we Balder gaeve?
Bree, Bree, groët Bree
We zien ’t d’r gans mèt ins,
as Balder ‘s nao Pruuses ging,
den wônde weej aan de grens!

As de noëd wèr aan de mán is,
den vèlt me truuk op Bree.
Dao is ‘t te belaeve,
‘t schônste dörp zien weej.
Dèt Bree neet aan de Maas ligk
dao kèn me niks aan doon.
In Balder huürse ze zegge,
“dao hèlt me druüge sjoon!!!”

Strakkes dèn dinke weej truuk aan vruujer,
Bree blief Bree, waar ’t relaas.
Hèlde, Kessel, sônger Meijel
strakkes ligk de Piël nag aan de Maas!

cd 2007/2008: B.V.K.

HOME PLAATSNAMENOVERZICHT HOME

'T HABBELIËDJE
Tekst: Sjraar Nijssen - melodie: Limburgse Jagers Mars

Weej zien D'n Hab, ok aan d'n tap,
en vestelaovend is 't schoënste in ôs laeve.
Van s'merges vruuj, toet s'aoves laat,
dôn weej ôs bès öm D'n Hab te laote laeve.

Refrein (2x) :
En weej laupe do'r de straote met ôs eige Hofkapel,
öm ôs Britse lank te iëre, laupe weej achter de kopere bel.

Al twië maol èllef, zien weej ôs zellef,
En ôk de maedjes dôn den same mèt ôs drinke.
De dansgarde duit mèt ôs mei.
Ze gaeve kleur aan ôzze vestelaovend.

De lèsten daag duit ôs gèn piën.
Jao, want weej weitte: mèrge is 't hiëringschèlle.
En dônderdig is 't gedaon,
want ok D'n Hab geit zich den bezinne.

HOME PLAATSNAMENOVERZICHT HOME

HAE KÔS D'R NIKS
Teks & muziek: Hay Haenen

Refrein:
Hae kôs d'r niks, hae kôs d'r niks, hae kôs d'r niks aan doon.
Det zoot öm in 't blood en daaröm waas det good.
Hae kôs d'r niks, hae kôs d'r niks, hae kôs d'r niks aan doon.
Det huurse wie langer wie miër, det huurse kiër op kiër.

E'maedje is e'maedje, e'jungske enne jong.
Begos 't mèt en bledje, woë Adam al van zong.
Dao waas 't paradiës veur, dao ware die nog braaf.
Mâr van en hiël klein eppelke, dao veel det bledje aaf !

Mien broor spulde piano, mâr neet piano aan.
Dae waas beej enne bietbend; och jong, det ging d'raan.
Dao schöddenöt hiele hoes van, ôs scheurdenöt plefông.
De gluifs 't neet, det ôzze pap dao nag meij euver zông.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

HANDRIE
1965: Tekst & muziek: Joep van Nisselroy
Zang: Sjang van Gasselt

Refrein:
Want Handrie ziene kael is schraol, det is zien grôtste kwaol.
Nouw duit hae stiës perbere, zien straöt mèt beer te smere.
Want enne schraole nek, dae haet aan vôch gebrek.

Handrie duit zoe mei en den deep in 't glaeske kiëke.
Ae as Handrie 't efkes kén, duit hae 't kaelgaat striëke.
Handrie ziene kael duit piën, beer, det is zien middeciên.
't Leefste oët 'n klep, det is zien vas recep.

Handrie, dae blief mei en den aan d'n tapkas hange.
En vraog den neet "wie of en ?", hae duit nao beer verlange.
Handrie zet det proëmenaat vur zien kaelke gaar neet bât.
Hae zaet stiës beslis det beer 't béste is.

cd 2006/2007: B.V.K.

HOME PLAATSNAMENOVERZICHT HOME

HÈ, HÈ DAO ISSE
1991: Tekst : Aris Vaessen - muziek: Martin Hermans

Refrein:
Hé , hè dao isse, 't kôs wer neet misse.
Alzelaeve is hae te laat, wie mosterd nao 't aete.
Hé , hé dao isse, 't kôs neet misse.
Den haet de brök wèr oop gestaon of isse 't vergaete.

Koëbus is d'r zoe eine, dae kump maar noeits op tiëd.
Want zelfs mèt zien geboorte waare waeke euvertiëd.
En hêsse 'nne aafspraok, den kénse d'r van op aan.
Hae plek d'r gegarandeerd nag 'n Brits keteerke aan.

't Waar ok gènne snelle met de vreejerie,
want öm zich sjiek te make, waar 'n hiële littönie.
Dus asse schoëngewasse, aan de deur stông nao twië oor,
den waar 't maedje lang en breid mèt 'nne angere d't vandoor.

Op 'nne kiër waar dae Koëbus al det gezeiver muuj.
Hae dach: ik zal ze kriege, en koom nouw 's flink te vruuj.
Maar ondanks al zien spooje, kwaam hae nag neet al te wiëd.
Aan ein dink heije neet gedôch, det waar aan de zomertiëd.

HOME PLAATSNAMENOVERZICHT HOME

HEEJ IN BREE
Teks & muziek: Wiel Thielen

Refrein:
Heej in Bree, heej in Bree, in Bree dao wil ik laeve.
Heej in Bree, heej in Bree, iat ze ok wille gaeve.
Mien hârt det blief toch altiëd heej, det klop elein mâr good in Bree.
En daaröm blief ik heej, bliëf ik heej in Maasbree.

Asse in Bree gebore bis, den hoofse neet te janke.
Asse in Bree gebore bis, den kinse zegge danke.
Want in Bree det is de mote waerd, det is de schoënste plaats op aerd.
Weej bliëve altiëd heej, beej os heej in Maasbree.

Woese ok op de werreld bis, in Sjina of in Spanje.
Zelfs dao woë al det schoëne is, veur os is det mâr franje.
Weej trekke altiëd weer nao hoës, want heej in Bree, dao zien weej thoës.
Weej bliëve lever heej, heej in os schoën Maasbree.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

HEEJ IS 'T KICKE
2007/2008 nr.1 : Tekst: ? - muziek: ?
Zang: Sharon Martens

Refrein:
Heej in ôs bree
heej is 't kicke
met vestelaovend
den goan ikke
dree daag 'ns biestig oët d'n bol
ik dans en sjans jao ik maak lol

Heej in ôs bree is 't kicke eg kicke
met vestelaovend gaon geej weej en ikke
dree daag 'ns biestig oët d'n bol
heej make weej de groëtste lol

't blagebal heb ik gehad
maar miene pap is nog lang neet zat
dae vult zich dao gans paletti
haet ziene kiëbus vol confetti
bin ik 't zat nao ein paar oor
geit mien pap nog stevig door
straks begint dae te dazele
huur 'm maar 'ns wazele

vanaaf de sleutel euverdrach
wies boorebroelof middernach
klink heej in alle steutjes meziek
heej veul ik mig de keuning te riëk

Heej in ôs bree is 't kicke eg kicke
met vestelaovend gaon geej weej en ikke
dree daag 'ns biestig oët d'n bol
heej make weej de groëtste lol

d'n optoch in bree zoe prachtig gekleurd
gestribbel veuraaf wat dit jaor gebeurd
welke vriendegroep is baeter
welke kiët wint noo d'n beker

den get gefiëst beej sloëtingtiëd
zien ze hereus op dea schoëne priës
idderein wilt d'n beker vulle
vol met beer huur ze brulle

vanaaf de sleutel euverdrach
wies boorebroelof middernach
klink heej in alle steutjes meziek
heej veul ik mig de keuning te riëk

Heej in ôs bree is 't kicke eg kicke
met vestelaovend gaon geej weej en ikke
dree daag 'ns biestig oët d'n bol
heej make weej de groëtste lol

HOME PLAATSNAMENOVERZICHT HOME

HEMELS-RIËK
2002/2003 no.1 : Tekst & muziek: Hay Lintjens
Zang: De Göste Breurs ( mèt Prins Guus I)

D'n hemelvestelaovend, op 't ingelkesbal,
dao môt 't zoe gezellig zien, det huurse euveral.
Ik woej dao 'ns gaon kieke, maar Petrus zag toe: STOP,
dô kumps mich heej neet binne mèt die plank vur diene kop.

En wètse wat ik toen zag…..

Refrein:
Jao mâr…
De vrouw van Sjeng haet haor oppe teng.
En de vrouw van Hein, die mâk zich dieke bein.
En de mins van Lies haet naeve de pot gepis.
De mins van Truu wèrk vur de kloëte van erm luuj.
Maar mèt d'n vestelaovestiëd, den zien weej allemaol geliëk
En weej hosse en weej springe, en weej danse en weej zinge.
Vestelaovend mâk ôs riëk.

De ingelkes polonaise, lekker fladdere achterein,
tösse alle wölkskes door, die gaon wie eine trein.
Eine ingel vluug neet mei, det is ingel Marie.
Die kump stiës mèt de vleugels tigge eur batterie.

En wètse wat Marie toen zag …..

Aan alles kump 'n einde, ok aan ingelkesbal.
Ingel Jo, dae sloët d'n tap wal aaf, det deej dae vruujer al.
Piëtrus stông nag beej de paort en zag: "No truuk nao Bree"
Dao is hemel op aerde, maar mien ingelkes luütse heej !

En wètse wat die ingelkes toen zagte…..

cd 2002: "Dao Kumpe"

HOME PLAATSNAMENOVERZICHT HOME

HEIJE
1962: Tekst: Joep van Nisselroy - muziek: Sjraar Janssen

D'n bèste kammeraod van mich, dae haet zien hârt verlore,
dae numt 'n maedje: dow en dich ! Dae is verleef gewaore !
Mâr as det nouw neet geit, den wuurd dae mich " verruuk",
want emus, dae op trouwe steit, dae kin gaar neet miër truuk !

Refrein:
Heije, heije, heije, det mâr neet gedaon !
Heije, heije, heije, die mâr laote staon !
Wae peutert neet van tiëd tot tiëd,
wae wuurd de kluts neet efkes kwiët ?
Heije, heije, heije det mâr neet gedaon.

Det lèste glaeske vol met beer, det smâk dich has wie water !
Mâr dinkse den aan dien verteer, den vulse al de kater.
Van viëf en dertig cent, dao bisse neet zoe zeek.
Mâr wat waas det vur 'nne vent, dae dao nouw wal nao keek !

HOME PLAATSNAMENOVERZICHT HOME

DE HOFKEPEL
Teks & muziek: Hay Haenen

Refrein:
Asse de hofkepel huurs toete, hoempa, hoempa, hoempapa.
Zit den de blumkes mâr ens boete, hoempa, hoempapa.
De saksefoon, de schuuftromboon, de naober met de grammefoon.
Asse de hofkepel huurs toete, hoempa, hoempapa.

Mâr dreej daag in de waek, op huidvleis dao mot aek.
De wazel woë en aer aan is.
Kenariepietje doëd, de kater op de schoët,
as 't vastenaovend is.

D'n ezel en d'n os, d'n buurman is waer los.
Wae wèt woë of d'n over is ?
De grotste kleierkas pas in d'n euverjas,
as 't vastelaovend is.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

D'N HOOD
1966: Tekst & muziek: Joep van Nisselroy

Refrein:
Gônda, Gônda, wat bisse nouw toch flink.
Gônda, Gônda, wat is det en schoën dink.
Gônda, Gônda, met al daen tralala,
wil ik mèt dich gaon trouwe, van je hoempa, hoempapa.

Aldegônda droog al jaore enne schoëne toër,
met frengskes en met blumkes en met hielvuul toereloër.
Mâr och, den tiëd dae geit vur-oët, en 't vông öm ok get saai,
Ze dreug nouw enne hood, dae liëkt op enne papagaai.

Aldegônda dreug nouw vort det dink ins in't jaor.
Daag en nach hélt zeej daen troela op eur blauwe haor.
Asgônsdig kiek ze s'merges in 'n groëte speegelroët,
en dink: wat erg is det nouw toch, 't fiës is nouw wèr oët.

HOME PLAATSNAMENOVERZICHT HOME

HUUR ES HEEJ
Teks & muziek: Louis Lenssen

Refrein:
Huur nouw toch es heej, wie dök môt ik det zegge ?
Doëzend kiëre al, perbeer ik oet te legge.
Huur nouw toch es heej: Gank dao neet aan beginne,
want woëse niks van kins, dao kinse niks van kinne.

Beej ôs haet Baer zien laeve versleten as vreejgezel.
Mâr wie zien twedde jeug kwaam, verangerde det snel.
Toe zoogs'öm ore laupe mèt zôn hippe wich.
Mâr Baer kreeg gauw de zaengen: Was môs tich toch mèt mich ?

Wie Baeer mèt vastenaovend zichzellef neet vinge kôs,
en nao 't ellefde pilske hoëgtiëd nao hoës toe môs,
stông mooder al te wachte op dae leve zoon.
Zeej kôs 't mâr neet begriëpe, wie Baer det toch kôs doon.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

HUURSE EIN JOEKSKAPEL
1988: Tekst & muziek: Sjraar Klerken

Refrein:
Huurse ein joekskapel heej in de straot,
den laupe alle minse in de maot.
De vestelaovend kump d'r wer aan,
dreej dolle daag gôn weej d'r tegenaan.
Huurse ein joekskapel, det duit ôs good,
den laupe alle minse in de maot.
Dreej dolle daag van lol en plezeer,
'n glaeske beer, det drinke weej den gaer.

Diëke trom, schuuftromboon, kiëk 's wat die jönge gaon.
Huur ze toëte, huur 's wat die slaon.
Klarinet, 't is mich get, huur ik ok nag 'n trompet,
en die geit van ret-tet-tet.
En ze laupe same, same in de maot.
Weej laupe mei, det duit ôs good.

Kontrabas, haoj 'm vas, jông, wat is dae in zien sas.
Met de dèksels, dae is, dae is dèksels good.
De kornet, die spult net, trummelke guuf flink van jet.
Det hèlt alles in de maot,
Huur ik dao den 'n gespötter in de straot,
Jao, jao det kump, want eine flötter oët de maot.

HOME PLAATSNAMENOVERZICHT HOME

IDDERE AOVEND VESTELAOVEND
2002/2003 no.3 : Tekst & muziek: Hay Lintjens
Zang: Hay & Wil Lintjens, Yvonne Lemmen en Erik Houkes

De schmienkdoës oët de kas, mien maskers zèt ik aaf,
de slieps geit in de was, schrieuw ik den dreej daag "alaaf"
Verkleij mich vur de lol, veul mich den wèr vreej.
Dreej daag oët d'n bol, vestelaovend in Bree.

Refrein:
Schmienk op de snoët en 'n blönke in de haor,
dreej dage oët, met vestelaovend, idder jaor.
Lol en plezeer, mèt 'n pötje beer.
Vestelaovend, kôm toch iddere aovend beej mich aan de deur.
Vestelaovend, kôm toch iddere aovend, dich guufs mien laeve kleur.

Dreej daag lang dróët, al môsse gans allein,
dét mak dén ok niks oët, alle minse doen beejein.
Same dôn weej raar, drinke pötjes beer,
stoan âl achterein en dao gaon weej haer.

En zien die dreej daag öm, bin ik nag lang neet muuj.
Mien slieps die môt wèr öm, as ik opstaon 'smerges vruuj.
'n Kletske in 't vaat, d'n hiering lik wèr klaor.
Ein dink ik wat ik haat: "Wachte wies volgend jaor"

cd 2002: "Dao Kumpe"

HOME PLAATSNAMENOVERZICHT HOME

IK HEB ZÔNNE SJANS
2003/2004 nr.2 : Tekst & muziek: John Stoffels
Zang: Riëstepap en Mam

Heij dich dao dich allein,
kôm 's heej beej mich.
Ik ving dien snuutje toch zoe fijn,
'n ingelkes gezicht.
Den kiekerkes kiëke zoë leef in 't rônk,
dae leeve glimlach 'm diene mônk.
Kôm ins get doënder heej beej mich,
ik wìl get vraoge aan dich.

Refrein:
Zègk leeve schat woë kumps dich toch vanaaf,
leeve schat mien hertje sleit van boem, pats, paaf.
Zoej ik dich 'ns 'n kusje moge gaeve,
zoej ik dich moge vraoge öm deze dans.
Blief beej mich al is 't mâr vur aeve,
blief beej mich want ik heb zônne sjans.
blief beej mich want ik heb zônne sjans.

Leeve schat kôm in mien erm,
jao zoë is 't fijn.
Kôm 's heej det ik dich get werm,
ôs wengskes tiggenein.
Gans verstiëf ik heb knikkende kneën,
as ik dien leef snuutje zeen.
Kôm mèt dien uurkes beej mien gezich,
ik heb 'n vräögske vur dich.

cd 2003: C.V. D'n Hab - "Verleef op Vestelaovend"

HOME PLAATSNAMENOVERZICHT HOME

IK KÈN MIENEN DREIJ NEET VINGE
1996: Tekst & muziek: Wim Roeffen
Zang: Sraar Nijssen

't Laeve zit neet altiëd mei, mei hèsse van die daag.
Zoë is nag alles kook en ei, en zoë bisse van slaag.

Refrein:
Ik kèn mienen dreij neet vinge, det is toch 'n gemis
Det môsse ôngervinge, den wetse wie det is.
De kèns has niks verdrage, och minse, wètgewat,
De kèns den wal gaon klage, ofwant det dich get bôt.

Ik weit ok gaar neet neet wie det kump, ik bin gans van mien stök.
Mâr mein te weite det 't stump ömdet mich niks miër lök.

Ik bin zoe bliej, hiël dök opniej, as alles lekker dreijt.
Maar veul ik mich, ik weit neet wie, den heb ik wèr det leid:

HOME PLAATSNAMENOVERZICHT HOME

IK WEIT DE WEËG NEËT MIËR
1998/1999 nr.3 : Tekst: Peter Kerren
Zang: Peter Kerren & Rob Wijnands

We gaon wèr stappe mèt de karnaval,
det dôn we nouw al jaore mèt dee club.
De aoje verhaole kômme wér van stal.
D'n tiëd dae vluug, ik huür 't bèdje rup.
De wèrreld wuürt al zwart achter de roët,
mâr beej mich dao ging 't leech al iërder oët.

Refrein:
Mèt vestelaovend weit ik dök de weëg neët miër.
Wae haet mich âl die straote toch verlag ?
Wie ik gekômme bin vergaet ik kiër op kiër,
al haet oos mam 't mich zoe good gezag.
Mâr als ik nao hoës toe gaon is 't wèr zo wiët,
den bin ik dae verrekde weëg wèr kwiët.

Jao, ik doon altiëd mèt t'n optoch mèi,
as einzelgänger speul ik op miën träöy.
Ik kom noëts wiër den den twèdden dreij,
den lig ik wèr te kiëke in de geu.
D'n iërste pries zitt'r vur mich neët in,
ömdet ik de roete neët ônthaoje kèn.

De boorebroelöf is idder jaor 'n fiës.
Kiek dao de broëd en broedegôm 's staon.
De schaole worrs en sneeje wèk met kiës,
die zuuse dôr de ganse zaal op gaon.
En idderein is biëstig schoën verkleijd,
mâr nao hoës toe gaon mislök mich wèr geheijd.

cd 1997/1998: "As 't vestelaovend is"

HOME PLAATSNAMENOVERZICHT HOME

IK ZEEN DICH GAER GRIES MERIE
1961: Tekst & muziek: Hay Haenen

De pap haet 'nne kale kop, dao steit gèn haor miër op.
Wat haette dao neet aan gedaon, dao is niks blieve staon.
Toen haette aan mien Mam gezag: dao heb ik euver naogedach.
Al is 't laeve nag zoë zwaor, det bliëf toch altiëd waor:

Refrein:
Ik zeen dich gaer zoë griës, Merie, det mâk mich toch zoë blie.
Det heijse noëjt gedach, Merie, mâr griës is net wie nie !
De wuurs in de moderne tiëd, zoë gauw det alles kwiët.
Wat strakkes griës môt zien, Marie, daaröm ìs griës wie nie !

En idder maedje wat begint, verbörg nag wat 't kint,
aan aojerdom en griëzigheid, wat mèt get sjampo geit.
Toch zoë de werreld anges zien, as maedjes, viëf kiër tiën,
't huurde wat ôs gebeurt, zoë gauw det haörke kleurt :

HOME PLAATSNAMENOVERZICHT HOME

IN BREE MIEN DÖRP
Teks: Hay Haenen - orig. De Bläck Föös

In Bree mien dörp bin ik gebore,
in Bree det ik van kingsaaf kin.
Mien mooders taal nag neet verlore,
det is woë ik zoë gruuëts op bin.
As weej den aan ôs dörpke dinke,
en zeen d'n tore vur ôs staon,
laote weej gaer ôs liedjes klinke,
ôs hârt blief vur ôs dörpke slaon.
Laote weej gaer ôs liedjes klinke,
ôs hârt blief vur ôs dörpke slaon.

HOME PLAATSNAMENOVERZICHT HOME

INGELKE, WOË MÔT DET HAER ?
1962: Tekst & muziek: Hay Haenen

Maedje as ik tich kös, dien leve snoët,
en as tich mich det dös, det haoj ik neet oët !
Dös tich dien dien uigskes toe,
den dink ik: woe môt det nao toe ?

Refrein:
Dans mèt mich, sjans mèt mich,
Ingelke, woë môt det haer ?
Was dich dös, as tich kös.
Ingelke woë môt det haer ?
Op zien mins, wasse kins.
Ingelke, woë môt det haer ?
Paks dich mich, den vraog ik dich:
Ingelke, woë môt det haer ?

Maedje waer mien vrouwke, mien leefste wich !
Bing dich aan 'n touwke, ik haoj zoë van dich !
Doot nouw dien uigskes môr toe,
den wètse woë môt det nao toe.

HOME PLAATSNAMENOVERZICHT HOME

JAO, JAO DET DOON DIE
1991: Tekst : Jos Jans - muziek: Martin Hermans

Refrein:
Jao, jao det doon die, det gebeurd heej euveral.
Jao, jao det doon die, mar allein met Karnaval.

Dae Guus woënt in 't Noorde, en woej ens get pröbere.
Hae kwaam dit jaor beej ôs, vestelaovend veere.
Wie hae heij aangebeld, heij 'n ninja oopgedaon.
En Guus dae waar geschrokke, met 'm oppe voës gegaon.
Màr 't waar màr ozze Thei, in zien vestelaovesgrei.

't Is neet te geluive, màr wie dae mei ging stappe,
woor hae d'rek gecharmeerd van zôn hiële knappe.
Hae waar ok hiël beniejd wie det blumke nouw toch hoot.
Hae keek achter det masker, wat dao vúr 'n maedje zoot.
Mâr daovan schrok dae Guus, want dao zoot zien eige Truus.

HOME PLAATSNAMENOVERZICHT HOME

DE JOEKSKAPEL
1988 nr.1 : Tekst: Ton Huys - muziek: Hay Poulissen

Wiese nag hiël klein waars, zootse in de bôks,
heijs nag niks te make met det hiël gezoks.
Met de vestelaovend kreegse unne foep.
Den keekse 's nao boëtte, wat leep dao oppe stoep ?

Refrein:
Kiëk dao geit de joekskapel, jao dao gaon ze haer.
Huur die luuj 's toete op 'n glaeske beer.
Mét de vestelaovend waere die neet muuj,
Want die blieve viere, jao, die gaon door wies smerges vruuj.

Waarse wér get grotter, gingse nao 't Maf,
danse met de maedjes, nao hoes op 'nne draf.
Met de vestelaovend, dao kôsse van op aan,
den kwaam dao in d'n disco 'n bôngk gezelschap aan.

As volwasse minse gingse nao d'n bal.
Zinge, springe, hosse, mei lökde det nag wal.
Met de vestelaovend, den keekse d'r nao oët.
Woë zien die met die trômme en met die groëte toët ?

HOME PLAATSNAMENOVERZICHT HOME

DE KAT VAN DE BUURE
1988: Tekst & muziek: Joep Kerren

Refrein:
De kat van de bure, die löp wèr rôngk.
Die biet mien kiepe in de kônt,
in eur dieke, vètte kiepekônt.

De kat van de bure, die loert altiëd good,
en den bleusse eure kop vol gôjje mood.
Den sprinkt ze op en neer, en vingt alwèr,
'n leef kiepke of 'n tôs, och, as geej det toch 's wôs.

En iddere kiër as'k nao mien kiepe kiëk,
den gebeurt 'r get, den waer ik wit wie 'n liëk.
Wie dök môt ik zegge, haoj det biës thoês.
'k Kèn d'r neet miër tege, det mien kiepe zoê gaon vlege.

Mâr wèt ge minse, 'k kèn d'r niks van zegge.
Katers zien rot biëste, kriesse ok van fiëste.
Laotse gewaere, kos 't mei get piën.
Mien kiëpe kôs 't vaere, haoj det vië mâr 's aan de liën.

HOME PLAATSNAMENOVERZICHT HOME

DE KEFEE IN BREE
Teks & muziek:

Heej in Bree, de kefee, mèt buffet en mèt en plee.
De joeklbôkse net naeve de krök,
blaoze dich has oët dien eige zök.
De keffe, de kefee, de kefee met eige plee.

Wan en toe, Srie en faor, gluif 't maar, 't is ech waor.
Enne mins dae aan de taofel zit,
zit de maot te slaon mèt zien gebit.
De kefee, de kefee, de kefee mèt eige plee.

Minsgenao, bisse dao, 't laeve kump dich achternao.
De oere toëte dich aan dien gezich,
want dao dreijt alwer zôn popgedich.
De kefee, de kefee, de kefee mèt eige plee.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

KEPS
1966: Tekst: Joep van Nisselroy - muziek: Sjraar Janssen

Refrein:
Ik kin neet miër betale, ok staon nouw in 't kriët.
Beej mich vèlt niks te hale, ik bin mien geld al kwiët.
Och minsekinger, wat 'n leid, wae hèlp mich wèr op scheut ?
Ik heb d'r alles doorgedreijd, nouw lik ik in de geut.

Ik heij al vuul kefees bezôch, ik kreeg mâr neet genôg,
en wie ik toe betale môs, vông ik elein mâr bôch.
Ik woej de zaak neet flesse, en vulde in mien tesse.
Ik stông vur schut, och pordorie, ik waas keps, verdorie.

De kastelein dae woor hiël kwaod, en zag: Dich nette hiër.
Ik smiët dich dalik op de straot!! Wat ging dae vent te kiër.
Ik dach: och jông, dao gèsse; ik dach: ocherm, dao stèsse.
Want as dae vent det ok nag mènt, haut dae mich in mien hèmp !

HOME PLAATSNAMENOVERZICHT HOME

KIËK IK MÔT DICH
Tekst: Wim Greyn - muziek: Sjraar Klerken

Refrein:
Kiëk ik in dien auge zoë blauw,
môt ik van mich zellef hiël gauw,
met dich aan 't danse gaon,
jao, nag lever aan 't sjanse slaon.
As ik den in dien auge kiëk,
jao, den veul ikke mich zoë riëk.
En de leefde, die kump wèr net op tiëd.
Jao, dich wuurs mich noeijts miër kwiët.

D'n iërste kiër det ik dich zoog,
toen wôs ik gaar neet wat ik zoog.
Want dich keeks mich toch aoh-zoë leef,
en vroogs mich of ik beej dich bleef.
Toen zien weej mâr gauw aan 't sjanse gegaon,
en goof ik 'm den hiël gauw te verstaon.

Dreej dage zien weej nouw beejein,
want gans allein is mar allein.
En merge zien weej ok wèr heej,
zoë same örges heej in Bree.
Zoë gaon weej den same deez dreej dolle daag,
met miene allerleefste blaag.

HOME PLAATSNAMENOVERZICHT HOME

KINGERMIDDIG
2005/2006: Tekst & meziek: Hay Lintjens
Zang: Stoere Kroam (Floor,Mirte,Sid & Sjors)

Dae pap van ôs vingk carnaval te gek
löp pôllonaise ik zit op de nek.
De kingermiddig is vur pap okee
same mèt mam, die is d'r den ok beej'

Refrein:
Hellep... ik kèn pap neët miër vinge.
Hellep... ik huür 'm wal vals zinge.
Hellep... ôs mam is al nao hoës gegaon,
haet de frietjes al op taofel staon.
Mâr wie krieg ik pap nouw oppe fiets.
Hellep... d'es gènne wiets.

(tringtringtring)
Iede wiede wietske, stik mâr mèt dien fietske.

Ôs mam die kump mèt mooders aan de praot
öm vaders die niks kènne van ein maot.
Nao idder pilske kômme ze vurbeej
gaon ze in pôllonaise nao de plee

Weej gaon dae middig duchtig oët t'n bol
en gôjje ôzze tenk mèt 'diesel' vol.
En 's middes altiëd tigge sloëtingstiëd
Zien weej mèt mam... ôzze pap wèr kwiët.

HOME PLAATSNAMENOVERZICHT HOME

DE KOELEMOETER
Teks & muziek: Louis Lenssen

Refrein:
Ik bin zoë bliej, bliej, det ik beej dich bin,
en det ik vastenaovend vieren kin.
Ik haoj van lol, plezeer zoelang 't geit.
En minselaeve deurt gèn iëwigheid.

't Waas op schölkskesaovend, ik weit 't nag hiël good,
wie ik mèt miene leefste, dao beej dae vlasroëth zoot.
Toen keek ik in zien auge, die auge greun wie graas.
Zag het: wat zoesse doon, as tich enne koelemoeter waas ?

En inkle jaore later, ik waas nag neet getrouwd,
wie ik mèt vastenaovend, de zaal waas rônkgesjouwd.
Toen kwaam zeej mich wèr tege, ze keek wie enne gek.
Dae koelemoeter waas opins, verkleid wie enne kwek.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

KRIEBELIG
2003/2004 nr. 3: Tekst & muziek: Joke Beerkens
Zang: Cissy Sliepen & Peter van Diepe

Refrein:
Van binne veul ik mich zoe kriebelig,
van binne veul ik mich zoe bliej.
Alles wat ik doon, det geit get wiebelig,
en det kump illek jaor opniej.
Det dit mich moog uvverkômme,
daoveur dank ik levenhiër.
Det ik dit wèr moog belaeve,
'k zoej der mien ziel en ok mien zaligheid vur geave.

Nachte druim ik van dich.
Daag al wach ik op dich.
Dôw bis alles vur mich,
wat mot ik sônger dich,
sônger dich bin ik neet mich.

As ik lang genôg wach.
Kump vanzellef dae lach.
Dôr wat ik nouw verwach,
heb michzellef gezag,
kump 't woe ik stiës aan dach.

Vestelaovend 't schônste van âl.
Woe ik leaveslang van haoje zal.
Dôw bis alles vur mich,
wat môt ik sônger dich,
dôw heerlijke carnaval.

cd 2003: C.V. D'n Hab - "Verleef op Vestelaovend"

HOME PLAATSNAMENOVERZICHT HOME

KRIEMELKUÜB
1990 nr.1 : Tekst: Twan Smets & Peter Geurts - muziek: Wim & Bart Hermans

Refrein:
De's nouw de kriemel, dao's niks aan te doon.
Jông, det geit door wies dien schoon.
De schoensten tiëd, dae is nouw wèr heej,
en kratse kèn idderein vreej.

Wie Kuüb woord gebore, doe zag me al drek,
det wuurdt d'r wèr eine, dae euver'al aan plek.
Hae woej iërs gôn kake, mar heel gauw zien mônk,
want den loog de fles op de grônk.

Wie Kuüb toen ging vreeje, doe zoog me al drek,
det is t'r wèr eine, dae euv'ral aan plek.
Hae vông toch un maedje, wat 'm doe wal loog,
mar wôs neet wat die in 'm zoog.

Nouw Kuüb in de VUT is, vult hae zich nag jôngk.
Hae is t'r zoë eine, dae is good gezôngk.
Hae drink gaer 'n pilske, mar duit det get dök,
en toemelt den wèr van de krùk.

HOME PLAATSNAMENOVERZICHT HOME

DE LÈSTE
1966: Tekst & muziek: Louis Lenssen

Refrein:
Dit is nag neet de lèste, de lèste, de lèste.
Van zoëget lös ik miër, ik veul mich nouw pas hër.
Dit is nag neet de lèste, de lèste, de lèste.
Zoëget waer ik neet muu, al wuurd 't mergevruu.

Kom, maak de glazer nag 's vol, maak ze wies de rank vol,
Det grei sleug dich in diene bôl, in diene diëke bol.
Kom, laot os klinke, lekker beer drinke, en mâr stiekem dinke:

Zek maedje, bliëf nag efkes staon, blief nag staon, efkes staon,
Ik kin dich nag neet laote gaon, det is niks gedaon.
Vraog neet wat dösse, mâr door mich kösse, en zek ôngertösse:

HOME PLAATSNAMENOVERZICHT HOME

DE LIMBADA
2005/2006: Tekst & muziek: Arno Smets
Zang: Mirian & Marloes Wijhers

Refrein:
Limbada, Limbodo, Limbada
Kôm dans mèt mich de limbada
Wies vruuj in de manjana
Huürs dich beej mien armada
Van Brasiel wies Argentina
Swing ik limbo limbada
Dit carnaval festina
Wuürt t'r wèr lekker laat aan

Mèt Vestelaovend heb ik wèr sjans
Mèt mien latino heupen-dans
Daen tango stiël det waar veurhaer
Limbada bringk ôs salsa plezeër

Limbada dans-se neet allein
Ik dans 't leefs hiël doën beejein
Deins lekker mei en pak mich vas
Den zien weej same in ôzze sas.

Limbada,limbada,limbada... Olé
Limbade,limbade,limbada... Olé
Limbada,limbada,limbada... Olé
Limbade,limbade,limbada... Olé

HOME PLAATSNAMENOVERZICHT HOME

'T MAONMENKE
Teks & muziek: Nellie Smits-Smeets

Refrein:
Wie zoe ik mich veule, as 'k op de maon kôs speule ?
In e' ak vol loch, van alles genog.
Wie zoe ik mich veule, as 'k op de maon kôs speule ?
Mèt de autoped, jong, det waas mich get.

Wie zal 't menke van de maon, van doënbeej d'r oët zeen ?
Dao wil ik es kiëke gaon, al is 't op de kneen.

As ik öm gevonge heij, en dae stong mich den aan,
goof ik öm hiel vuul lekker grei en enne halleve'n haan.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

MATJE WEEJ ZIEN MAF
Teks: Hay Haenen - orig. W. Millowitsch

De popmuziek is poppelaer, poppelaer, poppelaer.
Want dae kump van de maffe haer, maffe haer.
Same maffe, sjekskes paffe, det is kollesaal.
As die zinge, as die swinge, schödt de ganse zaal !

Refrein:
Matje, Matje weej zien maf, miene jông, woë môt det haer.
Matje, Matje weej zien maf, enne maffe baer.
Matje, Matje weej zien maf, miene jông, woë môt det haer.
Matje, Matje weej zien maf, enne maffe baer !

As die dao aant biëte slaon, biëte slaon, biëte slaon.
Den blief d'r niks miër rechop staon, rechop staon.
Same biëte, neet versliëte, det mâk dich zoë slank.
Ongertösse maedjes kösse, gaas wies op de plank.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

MIEN AUGE
1998/1999 nr.4 : Tekst: G.Alberts & Wim Greijn - muziek Huub Alberts

Refrein:
As ik mien auge ope doon, den zeen ik sterre.
Neet de zon, en neet de maon maar inkel sterre.
En tösse de sterre dien gezich,
want maedje, ik bin verleef op dich.
Es ik mien auge ope doon, den zeen ik sterre.

Ik bin mèt vestelaovend oët gegaon,
en zoog ’n aardig maedje dao toen staon.
Mien hârt, det waar totaal van streek,
wie ik in dien auge keek.
’t Heij zônesträölkes in zien haor,
ik druim, ’t is neet waor.

’t Is vanaovend richtig sterre-waer,
dae sterrehemel dreijt wèr öm ôs haer.
De zôn, de sterre en de maon,
jao, die laote ôs pas gaon,
öm merge önger dezelfde
sterrehemel wèr te staon.

cd 1999/2000: "Bree oppe kop"

HOME PLAATSNAMENOVERZICHT HOME

MIEN GOÖD VESTELAOVE'S BLOÖD
2000/2001 nr.1 : Tekst & meziek: Erik Houkes
Zang: Erik Houkes & Sjaar Nijssen

Ik laup fluitend dôr de straote,
in 't schoëne habbe riek.
Mèt idderein kinse heej den praote,
aok as ik in de speegel kiek.

Refrein:
't Geit mich goöd, zoe biestig goöd.
Det zit ech in mien vestelaove's bloöd.
Van s'merges vreuj… wies s'aoves laat,
bin ik neët thoes en zit neët op mien gaat,
Heb ik mich dees daag den good gegaeve,
kin ik merge get belaeve.
Want ik veul mich toch zoe goöd,
jao, jao, zoe biestig goöd.
Det zit 'm ech wal in mien vestelaove's bloöd.

Mèt diej dolle daag goöd kinne veere,
in 't vestelaove's lank.
Den bisse zeker genne geere,
mâr ges den same den hank aan hank.

Zien diej daag den wèr afgelaupe,
den dink ik truuk aan de schoëne tiëd.
Kôs ik de vestelaovend mâr kaupe,
mâr ik bin nag neët zoë riëk.

cd 2001/2002: "Bree guüf gaas"

HOME PLAATSNAMENOVERZICHT HOME

MIEN LEEFSTE MÖPKE
Tekst & muziek : Sjraar Klerken

Refrein:
Dich bis mien dröpke, mien allerleefste möpke,
mien zônnestraölke, jao, mienen hârtendeef,
mien lekker bruudje, jao, mien allerleefste snuutje.
Kom in mien erm, jao, den haoj ik dich 'ns leef.
Kom in mien erm, jao, den haoj ik dich ens leef.

Zing nag eine kiër vur mich det schoëne liedje,
woe ik van druimde, ik waar toen nag mar 'n maedje.
Zing nag 'ns vur mich, den veul ik mich wie niej gebore,
as dich mich efkes wer dien leefde dös verklaore.

Zitte weej den wèr 'ns hiël gelökkig same,
dao op det plaetske, woë weej vruujer dökker kwamen,
fluusters dich den hiël zach leef weurdjes in mien oëre,
waer ik op slaag verleef, den bin ik wèr verlaore.

HOME PLAATSNAMENOVERZICHT HOME

MIENE BUMS
1968: Tekst & muziek: Jan van Nisselroy

Refrein:
Deze bums van mich is gèn mômmegezich.
Heej bin ik mei gebore, hee is allein verwore.
Haet ins haor gestaon, al steit d'r gèn speer miër op,
't blief toch miene kop.

Lèsaan mèt karnaval, ging opa nao d'n bal.
Opa, dae vulde zich nag jônk, sprong dao mèt 'n tienerke rônk.
Wie 't öm good bekeek, en ziene kiëbus streek,
zag dae opa: "Wat mènse , zek ; Deze köls dae is ech !"

Mam zag ens tege pap: "Vruujer, toe waarse knap.
Dien naas wuurd 'nne blauwe stômp, en dien oëre greuje krômp.
Nörges miër enne krol, zoë glad wie 'n aol."
Pap zag det't öm gaar neet speet, Mam, bedoot tich toch neet :

HOME PLAATSNAMENOVERZICHT HOME

MIENE VESTELAOVESDRUIM
2002: Tekst & muziek: Erik Houkes

Ik zoog dich in mien stamkefeeke staon.
Dao achter de plank leets dich 'm lekker gaon.
Dich gôjsde die lege glaze vol,
en idderein ging oët d'n bòl.

Refrein:
Dich bis miene vestelaovesdruim,
elke nach wil ik dich huure.
Dich bis, miene vestelaovesdruim,
en de ingelkes die laote mich den gluure.
Môr doon ik den mien uigskes wèr ôpe,
dink ik, och kretjuu, ik zoot alwèr te slaope.
Dich bis, miene vestelaovesdruim,
nouw kiëk ik rônk öm dich te vinge.

Daags d'rop ging mien blood wèr struime,
as ik dich zeen begin ik wèr te druime.
Dien snuutje lachde mèt hiêl dien gezich,
en 't beer woort in 't glaas gerich.

Jaore later waar 't den met mich gedaon,
ik zoog dich neet beej 't buffetje staon.
Dien schoene snoet, die waar d'r neet miër,
Den druim môr vur de leste kiër.

HOME PLAATSNAMENOVERZICHT HOME

MIENTJE
Teks & muziek: Jan van Nisselroy

Refrein:
Mientje, mien kiendje, mien druubelke, kom, dich bis van mich.
Mientje, mien kiendje, mien knuubelke, want ik haoj van dich.
Mientje, mien kiendje, mien snuubelke, miene hertedeef.
Drubbelke, knuubelke, snuubelke, kink ik heb dich leef.

Ik weit neet of 't dao aan loog, mâr wie ik dich mèt Karneval zoog,
ging ik dalik door de kneen, wie ik toe dien figuur heij gezeen.
Kink, dich haes mich toen verleid, mâr dich waars d'r ok nao verkleid.
Nouw bin ik verlore, ik bin verleef gewore.

Wie ik dien kestuum bekeek, woor ik toen van de leefde has zeek.
't Tiënde glaeske beer goof mood, want ik dörfde drek nag neet good.
Toen heb ik dich pas gekös, want dich zags det moogde ik grös.
En 't waas bekeke, ik bin vur dich bezweke.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

MINS ÓNGER MINSE
1996: Tekst & muziek: Jaap Janssen & Jos Teeuwen

Refrein:
Mins õnger minse, det vult lekker aan.
Zoe belangriëk in õs laeve.
Waaröm neet vurtaan,
det idderen daag te belaeve.

D'r zien zoevuül verschillende minse,
't liek 'n groët kleure-palet.
As-se jaags en rens, den vingse,
't laeve mei 'n fiës-balet.

Minse: blank, roëd, gael of zwart,
d'r is 'n plaetske op deez aerd.
Det zit in õs werm kloppend hárt.
Det mâk 't laeve hiël vuül waerd.

Wie aod se bis, det màk niks oët.
Geniet van watt'r nag stiês zoë vertroewd.
Mins õnger minse wuürt dök gemis.

HOME PLAATSNAMENOVERZICHT HOME

MOODER, HELP MICH
1971: Tekst & muziek: Nellie Smits-Smeets

Refrein:
Mooder, help mich toch ins, ik kin neet blieve staon.
Mooder, help mich toch ens, ik kin neet good miër gaon.
Ik kin gaar neet veur, en ok neet achteroët.
Ik wil wal blieve staon, mâar ik val op mien snoët.
Mooder, help mich toch ins, ik kin neet blieve staon.

Wie 't aovend waas gewore ging ik nao de zaal,
get hosse en get springe, det ging gelökkig wal.
De pilskes ware lekker, ze smâkde mich nao miër.
Ik môs mien mooder vraoge, vur deze eine kiër.

Get later op d'n aovend dreijde alles rônk,
de pils stông op de taofel, mâr ik zônk nao de grônk.
't Opstaon det veel tege, nao hoës gaon veel neet meij.
Ik waas pas halverwege, toe ging ik dô'r de bein.

HOME PLAATSNAMENOVERZICHT HOME

MOTOPED
1962: Tekst & muziek: Hay Haenen

De naober van ôs ziene mobylet, dae is van de niëste liën.
Ôs mam zoog det dink en ze vông 't zoë net, öm sônger te zien deej zôn piën !
Ze praodde daaröm efkes hiël leef met pap, zoë woor dae de cente wal kwiët.
Mâr sônger zo'n dink ging 't langer neet miër, ozze pap dae bezweek nag in tiëd:

Refrein:
Ôs mam, die haet 'n motoped, potoped, potoped.
Dae nimp ze s'aoves mei nao bed, det vingt dae pap neet net.
Ried mam aaf, zaet dae "paaf",
kraost mich det dink van de bedplank aaf !
Mam, die haet 'n motoped, s'aoves in eur bed !

Mam haet zich dae motor gauw aafgehâld, al heij ze gèn riebewies.
'n Motoped is, al is hae neet betaald, 'n motoped is toch get niëjs.
Ze lach mèt d'n olie, dao geit de benzien, met seventig dôr 'nne boch.
As det zoë blief gaon, och, den wilt ze meschien ok nag helder, en den dôr de lôch.

HOME PLAATSNAMENOVERZICHT HOME

NAG EINE KIER
1996/1997 nr.1 : Teks & muziek: Wim Greijn
Zang: Wim Greijn & Monique Timmermans

As't straks wèr vestelaovend is, wuurt d'r dôr mich niks gemis.
Mèt dae muziek sleit mien hârt wèr op hol, ik zing den veur de lol.

Refrein:
Kôs mich nag eine kier, wie se det vruujer deejs.
Kôs mich nag eine kier, weej zien nag aeve leef.
Kôs mich nag eine kier, op mien wang of mien snoët.
Kôs mich nag eine kier, en schei nag neet oët.

Wat ik mich druimde is nouw ech waor, dich bis d'r ok idder jaor.
Dôr dich bin ik nouw neet langer allein, det vinge weej zoe fijn.

As weej den same nao hoës toe gaon, bliëve weej dök efkes staon.
't Leech van de maon schient den op dien gezich en dich vreugs wèr aan mich.

cd 1997/1998: "As 't vestelaovend is"

HOME PLAATSNAMENOVERZICHT HOME

NEUT EN KASTANIË, OLÉ
Teks: Hay Haenen - orig. Bläck Föös

As me den getrouwd is, geit 't speul pas richtig los.
M^r knuure wat dich leef is, en det alles vur de kos.
De rök wuurd kromp, de kneukels stiëf, verdwiene geit dien vorm.
Vur kinger en 't wief, m^r minse, toch 't is enorm.

Refrein:
Nae, nae, Merie, zoë is me blie.
Mâr ok dök, haet me gebök.
Leve kinger, det huurt heej,
d'r nouw einmal beej.
Zoë geit 't idderein.
Wuurs groët en bliefs neet klein! Lalalalalala…...

Jaore, jaore later, 'n ganse kär vol dröppels zweit,
't slaon van doezend flaters, dinkse det 't baeter geit.
De gès op viefenzestig aan, 't is den wal gewees.
De dös 't kalmer aan, det geit mèt AOW van Drees.

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

NOEËTS VREEJ
2002: Tekst & muziek: Ger Smets & Peter Geurts

Refrein:
Begint mich te dreije in de maag, as ik môt wèrke mèt dees daag.
Ik krieg d'r juks van euveral, en zeker nouw mèt karnaval.
Maar 't wèrk, det steit veurop, det zaet d'n miene baas,
en daaröm gaef ik mè dees daag 'ns lekker, duchtig gaas……

't Wiekend steit nouw vur de deur, dien werk det is gedaon.
Dôw bis nouw efkes oët de sleur, en kèns 'm laote gaon.
Den gèsse nao diene baas, en vreugs 'n paar daag vreej.
Hae kiëk dich aan en zaet den: "Menke, mandig bis dich heej".

De zônnigaovend in de zaal, mâks lol en veul plezeer..
De blaoskêpel maakt vuul kabaal, weej drinke liters beer.
Mâr s'aoves laat, den kumpse thoës en kiëkse op de klok.
Dôw schriks dich den 't lazerus, want s'merges môsse wèr op…..

En s'mergesvruug likse in bed, de tillefoon geit aaf..
Dôw paks dich den de wekker vas, en kâks hiël hèl "alaaf".
Dich zaes" ik veul mich neet zoe good"., pak deze merge vreej.
Dae baas schriëwt den: ... kriegs gein verlof",
Vur ellef oor bis dich heej.

HOME PLAATSNAMENOVERZICHT HOME

NOVA ZEMBLA
1962: Tekst: Joep van Nisselroy - muziek: Sjraar Janssen

Os Petrenke woej van hoës, dae woej de werreld in.
De maedjes, die hae heej zoë zoog, waas neet ziene zin.
Hae zôch, oët de geschiedenis, nao det viëgeblaad,
en ging nao Nova Zembla toe, mâr kwaam ok dao te laat !

Refrein:
Op Nova Zembla greuje gaar gèn viëgebledjes,
want Nova Zembla is 'n lank met niks as iës !!
Daaröm is dao 'n groët gebrek aan nette maedjes.
Wae d'r nao Nova Zembla geit, dae is neet wiës !
Want woë die baere iëze in 't naat,
dao vingse toch gèn maedje met zo'n blaad.

En Petrenke zit dao nouw, gekleid in baerevel.
Vúr viëgebledjes woorte schoow, 't vruus dao zoë hel !
Dao midde op 'n blökske iës dinkte stil beej zich:
"Ik gaon noëjt mier nao Nova toe en Zembla kin ok mich !"

HOME PLAATSNAMENOVERZICHT HOME

OBER KOM
1966: Tekst & muziek: Louis Lenssen

Refrein:
Ober kóm, zorg nouw ins vur dien geste,
doot beej idderein de glazer mâr ens vol.
Ober kom, al is 't ok de lèste,
lösse zalle ze öm toch wal allemaol.
Ober kom, en zit de kraan 'ns ope,
maak plezeer toettet 't klökske sloëte belt,
Ober kom, weej hebbe dich gerope.
'n Blie gezich ! det kos toch gaar gèn geld.

't Is wer vastenaovend, nouw is 't wer zoewiëd.
Ik bin met deez dreej dage, mien zörg es lekker kwiët.
En nao de vastenaovend, det zek ik uch mâr ves,
den heb ik op d'n derde daag gènne cent miër op de tes.

HOME PLAATSNAMENOVERZICHT HOME

OE-WAKKA-TOE
1997 no.3 : Teks en muziek: Martin Hermans & Aris Vaessen
Zang: Sjaar Klerken

Zegk, kènt geej ozzen ômmen Toën, dae is gewoënwèg neet gewoën.
Hae haot 't alzelaeve aeve drök, 't luut beej langenao neet nao.
He zit den heej en den wèr dao, en löp zieg zelfs de näöd nag oët de zök.
Oèns waar hae 't zät en haet zien grei gevat,
gèn mins wôs woe dae mins gebleve waar.
Ten kwaan d'r 'nne breef, de ruts noëts watte schreef.
Ik eb 't heej gevônge, loester maar:

Refrein:
Oe-wakka-toe, oe-wakka-ta, ik zit in duuster Afrika.
Zoë middenin de bös, koom ik wèr gans toet rös.
Oe-wakka-toe, oe-wakka-toe, de hoofs heej nörges nao toe.
Dus blief ik lekker heej,
Oe-wakka-toe, oe-wakka-ta, oe-wakka-tee.

Och minse,kiëk nouw neet zoe raar. ik waar beej uch gelökkig, maar
z'n oerwoud, dao kèn nemes tiggenop, d'n tiëd dae liek heej stil te staon.
Mèt "môtte" is 't nouw gedaon, want zelfs de zôn kump heej van zelf op.
As ik zoë öm mich kiëk, den veul ik mich zoë riëk,
baaane hange zoemaar aan de buim.
Dees plaats is mich get waerd, zô'n paradiës op aerd.
't Leve laef zich wie 'nnen druim.

HOME PLAATSNAMENOVERZICHT HOME

OP DE KAR
1976: Tekst & muziek: Nellie Smits-Smeets

Refrein:
Op de kâr viere weej de vastenaovend, op die bore-bore-kâr.
trèkke weej 't dörp door, toet d'n aovend op de borekâr.
Zinge, hosse, zwaaje en vuul drinke, det dôn weej âl op de kâr.
Op de kâr viere weej de vastenaovend, op ôs borekâr.

As de vastenaovend aan 't kômme is,
gaon weej iddre aovend wèrke vur dit fiës.
Ôs paerdje en ôs kârke waere gans versierd.
Aod bore greij, toer, boezeroen haoje weej in iër.

As de schoëne karnaval gekômme is,
make weej ôs vaerdig vur d'n trek dôr Bree kârke.
Euverâl ôongerwaege's zin weej gekke luuj.
Lache, zinge, knôkehèl, det waere weej neet muu !

HOME PLAATSNAMENOVERZICHT HOME

OP DEN BAUM
2000/2001nr.4 : Tekst & muziek: Hay Lintjens
Zang: Wil & Hay Lintjens

As vader nao de kèrk toe gông, keek dae altiëd of dae get hông.
Ditte tevuul of dètte tekort, alles te kaup van haver wies gort.
Bekèndmaking sôger tam-tam, hôngs 'n biedje op dae stam.

Refrein:
Mien vader stông dök ônger daen baum,
naeve daen baum, achter daen baum.
En keek dèn watt'r hông, watt'r zoot of watt'r stong.
Daen tiëd dae is gegaon, die buim zien blieve staon.
In gans Bree schrief beslis "Op d'n baum geschiedenis"

Met niej-jaor hông dao aan 'nne tak, woë of de prins bekènd waor gemâk.
Receptie, optoch en ok idder bal, woe of dèt waar, dèt loosse dao wal.
Die buim brachte alles beejein, gans Maasbree, van groët wies klein.

cd 2001/2002: "Bree guüf gaas"

HOME PLAATSNAMENOVERZICHT HOME

OP EIN BEIN KENSE NEET STAON
1988: Tekst & muziek : jongerkoër Maasbree

Refrein:
Op ein bein kènse neet staon, det is mâr niks gedaon.
Dus dink ik idderskiër: "Ik neem d'r nag ein' miër".
Op ein bein kènse neet staon, dan löpse nag gènne maeter.
En veural met karnaval zeg ik: "Wie miër, wie baeter !

Wie Sjeng nag neet getrouwd waar, ging hae dök nao de kafee.
As idderein 'n pilske drônk, drônk hae d'r nag ein beej.
En hae heij den ok idderskiër twië pilskes in zien heng.
En vroogse 'm waaröm det waar, den antwoorde dae Sjeng.

't Waar met Vestelaovend, nag neet zoe lang geleej,
wie Sjeng zien g'lök bepreuve ging beej d' maedjes van Maasbree.
Hae heij al drek hiël vuul suukses, en det waar ok neet gek.
Mar wal det mam 'm tegekwaam, twië maedjes öm de nek.

Sjeng is toen mâr mèt ein getrouwd, öomdet hae keeze môs.
Hae heij d't lever twië gehad, mâr wôs det det neet kôs.
De broelöf waar un jaor vurbeej, woor aangebeld beej Sjeng.
D'n ooievaar stông vur de deur, 'n twiëling in zien heng.

HOME PLAATSNAMENOVERZICHT HOME

OP JOEKS-AUDIESIE
2005/2006 nr.2 : Tekst & muziek: Hay Lintjens
Zang: Joekskepel Kiepevel, Monique Duarte, Ans Hermans & Pieter v. Diepe

De kums neët zoemaar beej oos joekskepel
's Op audiesiej beej zô'n hendig stèl.
Weej loestere den ofse ok speule kèns
Vèlse in de smaäk, bis dich de juuste mins.

Refrein:
Hauw mèt dae knômmel op die trômmel,
zèt de träöt maâr aan dien sträöt.
Laup lekker in dae lômmel,
blaos dich hielemaol täöt.
Speul de juuste maot, al knapse oët te naot,
op 't gôjje spoör, dôr 'n steinse moör.
En asse staon te klappe in d'n hemel en de hèl,
huurse beej die knappe van oos joekskepel.

De gès 's kiëke in oos kluplokaal
dao wuürt geoefend in oos eige taal.
Dae kael wuürt gesmaerd en de träöt gepoets
As weej speule gaon, huurse allein mâr joeks

De schraâps beej dien beurt nag 's flink dien sträöt
de nims hiel vuül lôch, die dôwse in die träöt
Det lied wasse speuls, guüf ôs kiepevel.
Zoë wuürse lid van oos joekskepel

cd 2005: C.V. D'n Hab - "4x11"

HOME PLAATSNAMENOVERZICHT HOME

OP SAFARI
Teks & muziek: Louis Lenssen

Refrein:
Weej gaon dit jaor, jao, det is genne lari,
mèt hiel de bups es lekker op safari,
Weej weite jao gewoën neet miër woehaer, mar wilde biëste zeen weej altiëd gaer !

Weej weite mèt os hoëvaart, gewoën neet miër woehaer.
Want wat die anger hebbe, det hebbe weej ok gaer !
As de buurman det vandaag krieg, kump 't merge beej os thoes.
Geit hae dit jaor nao Spanje, gaon weej nag wiër van hoës.

Os hoës zit vol verwerming, d'r veur enne Romeo.
De vloor lik vol met perze, de hut vol stereo.
Mar gaon weej mèt vekansie, den is os niks te deur.
Ik huur dae pap al zegge, dao knuure weej toch veur !

lp 1978: Britse Hofzengers - "Bree blief Bree" - Telstar 13062

HOME PLAATSNAMENOVERZICHT HOME

OPTOCH-KIËKERS
2005/2006: Tekst & muziek: Hay Lintjens Zang: Cis Sliepen, Yvonne Lemmen, Peter v Diepe & Hay Lintjens

Refrein:
Kiek, kiek, kiek, die minse kiëke,
want d'n optoch kump vurbeej.
Kiek, kiek, kiek, die minse kiëke,
nao dae bônkte kraom in Bree.
Beej slech waer môtte zeej 'n vaerke laote
en de gater vol gaon praote.
Sônger kiëkers is daen optoch zoe gedaon,
maar good det zeej dao staon.
Kiek, kiek, kiek, dae ganse zwiek,
dao steit 'n super good publiek.

Wat d'n Hab zich op mandig duit winse,
Det d'n optoch trèk vur hiël vuül minse.
Of dae good is zal den ok wal bliëke,
Asse zuus wie vuül minse staon te kiëke.

Ôzze prins steit op de lètste wage,
van hiël hoëg zuüt hae d'n optoch slage.
Rup: 'ALAAF' en zweijt nao alle kankte,
en duit zoëwe alle kiëkers bedanke

HOME PLAATSNAMENOVERZICHT HOME

ÓS TRUUKE
1966: Tekst & muziek: Joep van Nisselroy

Refrein:
Ós Truuke, ôs Truuke is en' vastenaoveskink.
Ós Truuke, ôs Truuke, det is zo'n joeksig dink.
Ós Truu verköpt mâr schaele wazel, ós Truu kâk van dae gekke kwazel.
Det haet de ganse daag, de ganse daag, de ganse daag hiël gooje zin.

't Ellefde kiendje is beej os met karnaval gebore,
en daaröm is ôs Truu van ôs zo'n lollig kink gewore.
Ôs Truuke geit wie 'nne trein, det zaet has idderein.

Pap haet al dök vertèld, det dôn de wilde jaore.
Mâr mam krieg van zo'n wild geweld potdorie grieze haore.
Ôs Truu blief enne wervelwink, det wuurd ôs mam te link.

HOME PLAATSNAMENOVERZICHT HOME

OZZE PAPPA HAET GEZAG
1961: Tekst & muziek : Joep van Nisselroy

'n Maedje zoë schoën, 'n maedje zoë doën,
det brink mich gans op hol.
'n Maedje zoë klein, 'n maedje zoë fijn,
det spult mich in d'n bol.

Refrein:
Òzze pappa haet gezag det ik braaf môt zien,
det ik euveral vanaaf en nörges aan moog zien.
Dae besteit nouw toch al jaore,
dae kint toch de bezwaore.
Toch haoj ik dich en de bis mien liën,
maar pappa haet gezag det ik braaf môt zien.

D'n ober van heej, d'n ober d'r beej,
det brink mich nag van streek.
Och, ober kom gauw, ik veul mich zoë flauw.
Ik waer meschien nag zeek.

HOME PLAATSNAMENOVERZICHT HOME

PAAF ALAAF!
2005/2006 nr.3 : Tekst & muziek: Hay Lintjens
Zang: Trio D'n Hab 2005; Prins Renè 1 Lemmen,Adj. Gradje Nijssen en William Steegh

Refrein:
Paaf alaaf, dao kômme de schötteriëje.
Paaf alaaf, ze scheete in de lôch.
Paaf alaaf, beginne baet're tiëje.
Paaf alaaf en struimt det lekk're vôch.
Vestelaovend is nouw ingeschote
wies asgônsig ston we d'r gans vur klaor.
Vestelaovend zit ôs wie gegote,
want dit fiës râk beej ôs de juuste snaor.
Paaf alaaf, weej weite wat det is:
"Neët geschote is nag altiëd MIS!...

Idder jaor op d'n èllefde november,
steit inscheete op de kalènder.
Den wuürt 't startschot wèr gegaeve
vur 't vestelaoves_laeve.
Tiëd van lol steit den vur de deur
dae guüf ôs laeve kleur.

Op asgônsig mèt 't hiëringschèlle,
op ôs kènne zeej altiëd tèlle.
Dao_nao wèr zô'n 9 mand wachte,
um wèr nao daen tiëd te smachte.
Mâr beej ôs steit de buks al klaor,
vur 't knalfiës volgend jaor

cd 2005: C.V. D'n Hab - "4x11"

HOME PLAATSNAMENOVERZICHT HOME

PAPPA
1962: Tekst & muziek: Joep van Nisselroy

As ôze pap nao dörp toe geit, woë 'n gezellig kroegje steit,
den kumpt hae nao 'n oor of get, och minse, wie kump det !
Dao staon de kinger op de stoep, en kâkt d'n hiëlen troep :

Refrein:
Papa, papa, woë is diene wage ?
Papa, papa, papa wuurdt gedrage.
Zoë geit 't dae mét alles, dae is wér d'n dalles.
Wat haet dae papa pech !

Al haet ôs mam de naobers dao, mét pletskes veur en kukskes nao,
toch wuurdt pap genne pletskesbuül, det is öm gauw te vuul !
Dae haet 'n dröpke ins zoe gaer, al is 't ing ok wér :

HOME PLAATSNAMENOVERZICHT HOME

PIETJE PLEZEER
2002/2003 no.4 : Tekst & muziek: Erik Houkes
Zang: Cissy Sliepen & Peter van Diepe

't Waar op 'nne zônnig in 't Habberiëk,
dao stông toen zô'n menke, hae dreijde de meziek.
't Fiës waar toen begônne, det zoot 'm in zien bloöd.
Hae pakde get naor veure, het waas toen ziene hoöd.
En idd'rein reep ziene naam,
he zag "lèt op, daor kumpe aan."

Refrein:
Want heej is Pietje, Pietje Plezeër,
hae geit mèt Vestelaovend gaer.
Idd're daag en iddere aovend,
dreijt hae meziek van Vestelaovend.
Idderein dae mich kèn, dae wèt mödein,
als Pietje dreijt, den gaon we wie 'nnen trein.
Want heej dreit Pietje, Pietje Plezeer,
kiek nouw maar öm och haer.

Lès leëp hae dôr de straote, 't waar behuurlijk laat.
Ôs Pietje heij gedrônke, hae leep naeve de paad.
Hae veel toen in ein kuulke, knalde op de grônk.
De minse kwame kieke maar Pietje waas gezônk.
En iddeerein reep ziene naam,
hae zag "Let op daor kumpe aan".

Hiel vuul jaore later waar 't den zoe wiët,
mèt de Vestelaovend waar ôs Pietje kwiët.
Nemus kôs 'm vinge en nemus zoog 'm staon.
Zoë dachte alle minse ôs Pietje waas gegoan.
En idderein reep ziene naam,
en lèt op dao kôm ik aan:

cd 2002: "Dao Kumpe"

HOME PLAATSNAMENOVERZICHT HOME

PIËTRUS ALDEGUNDIS BEER
2002: Tekst & muziek: Hay Lintjens

De dörpstraot kump mèt de Groëtestratot beejein,
en make dao 'n rundje öm 't plein.
'n Brouwerie achter de buim, det is 't plein in miene druim,
de wins van iddere mins lik dao beejein.

Refrein:
'n Brouwerie tösse Balder en Bree.
In miene druim verdeen ik dao 'n centje beej.
Dao brouw ik mèt vuul plezeer, Peterus-Aldegundis Beer.
Iddere kiër smâk det nao miër.

In alle kefees dao, tappe ze mien beer.
Idderein dae, drink dèt aeve gaer.
Want wae dao aan d'n tap hông,
preufde ingelkes op de tông.
De wins van iddere mins zit in mien beer.

D'n druim van mich kump zeker wal 's oët.
Den zeen ik iddere daag dien leuke snoët.
Preuf ik mien beer, wat idderein lös,
as ik dich den heb gekös.
De wins van iddere mins kump wal 's oët.

HOME PLAATSNAMENOVERZICHT HOME

SAME IN D'N OPTOCH
2005/2006 nr.4 : Tekst: Frans Wijnen - muziek: Erik Munten
Zang: Brits o.a. Frans Wijnen & Loek Berden

Refrein:
Same in d'n optoch laupe
Allemaol hiel schoën verkleid
Gaon ôs 'n lekker pilske kaupe
Waere dôr idderein verleid
Zinge same aan 't buffet
'doot nag mâr get van det'
Mèt dees dreej daag kèn det gèn kwaod
Löps door in dreej-kwarts maot
Same in d'n optoch laupe
Allemaol hiël schoën verkleid

Weej duike same in de kleierkas
En vinge den wal get det beej ôs pas
Dich kieks mich den nag altiëd efkes hiël oëtdagend aan
Dich bis wie 'n gedich
Same in d'n optoch; gon d'r lekker taegenaan
Ik haoj zoe vuül van dich...

Idderein dae wèt 't ôngerhan'k
Vestelaovend is wèr in 't lank
Die daag die gaon te flot, 't môs zoë iëwig bliëve gaon
Ik blief zoe gaer beej dich...
Same den nag efkes in ein hukske bliëve staön
Mien allerleefste wich...

HOME PLAATSNAMENOVERZICHT HOME

DE SCHÔNSTE VENT
1999: Tekst & muziek: Wim Greyn

Alle jungskes zien 't zellefde, det is mich wal 's gezag.
Nao tiën kwaam d'n ellefde en haet mich nao hoês gebrach.
Det haet hae toch schoën gedaon, en daaröm wôs ik al drek,
det jungske laot ik noëjts mier gaon, dae is vur mich te gek.

Refrein:
Ik bin kontent, want ik heb de schônste, de schônste, de schônste.
Ik bin kontent, want ik heb de schônste, schoëne vent (fine).
Hae steit heej naeve mich, och kiëk wat ein gezich.
Dit is de schônste vent van de ganse tent.

Alle maedjes vraoge nouw aan mich, wie hèsse det toch geflik ?
Kôm doënder beej, den zèk ik dich: Cu-pi-do haet good gemik.
Hae schoot van wiëd aaf in de roës en det waar toen mien gelök.
't Is vur öm det ik nouw bloës, mien allergrôtste stök.

HOME PLAATSNAMENOVERZICHT HOME

SCHOTTELSLET
2003/2004 nr.4 : Tekst & muziek: Hay Lintjens
Zang: `t Göstebreurs Gilde

Euveral kômme weej ze tege,
of ze ze vur niks hébbe gekrege.
Make alles proper en nét,
in de keuke en op 't buffét.

Refrein:
Ober! gôj mich 't schôttelslet,
ik heb geknôjd op 't buffet.
Ober! gôj mich 't schôttelslet,
dén maak ik 't dich heej wèr net.
Want zoelang as de minse knôjjé,
zalle obers blieve gôje'.
Aan 't buffét, OPGELET,
dao ku-u-u-u-ump 't schôttelslet.

Vruujer heije ze nag neet zô'n nette,
ôngerbôkse wore schôttelslette.
Die van Marie op die van Baer,
en mam mèt de "zig-zag" d'ruvver haer.

Weej zien richtig hiele nette hiëre,
alle maedjes kènne van ôs liëre.
Weej staon altiëd aan 'n schoën buffét,
en danke det aan 't schôttelslet.

cd 2003: C.V. D'n Hab - "Verleef op Vestelaovend"

HOME PLAATSNAMENOVERZICHT HOME

SCHUUF 'NS OP
1968: Tekst & muziek: Louis Lenssen

Refrein:
Schuuf 'ns op, schuuf 'ns op, maak 'n plaetske vur mich vreej.
Schuuf 'ns op, schuuf 'ns op, jao, dao kin ik nag good beej.
Schuuf 'ns op, schuuf 'ns op, doot mich mâr get in det glaas.
Schuuf 'ns op, schuuf 'ns op, nörges woë ik lever waas !

Woe wuurd 't mèst geprazeld as doën beej 't buffet.
Dao wuurd zoevuul gewazeld, gin mins, dao dao niks wèt.
Want woe d'n tapkas steit, dao wuurd 't mès gepleit.

Mar mèt de vastenaovend, den is 't euveral drök.
Den hoofse neet te kiëke, wae zit t'r op mien krök ?
Den zek ik : "minseleef", och kin 't astebleef !!

cd 2006/2007: B.V.K.

HOME PLAATSNAMENOVERZICHT HOME

SJANG GING NAO KIWANKA
Teks & muziek: Hay Haenen, Joep van Nisselroy & Sraar Janssen

Dae Sjang dae won de voetbalpoel, det waas allang zien hoëgste doel.
Wie Sjang met kruutskes waas begôs, wôs hae neet offe det kôs.
Nouw heije mèt dae poel gebôf, en schootte-n oët de slôf.

Refrein:
Sjang ging nao Kiwanka, int werme Afrika.
Mar wie det Sjang ok speet, die Eva's droge reet.
Dao in det Kiwanka, int werme Afrika,
dao ging dae Sjang has doëd, det waas öm te bloët.

Det Afrika waas óm te werm, dao waasse mèt de poel nog erm.
Want midde in die woestenie, waas nörges ein brouwerie.
Dao stông hae mèt daen dors te staon, waas hae mar neet gegaon !

lp 1978: Britse Hofzengers - "Bree blief Bree" - Telstar 13062
cd 2006/2007: B.V.K.

HOME PLAATSNAMENOVERZICHT HOME

SJENG DUIT 'T NEET MIËR
1996: Tekst: Renè Lemmen - muziek: Peter Kerren

Sjeng heij zich dòr zien vrouw um laote praote,
en waar met carnaval op wingktersport gegaon.
Dae verheurde ze skiës in alle maote,
de grõtste zoeje 'm wal staon.

Wie dae Sjeng van de schans waar aaf gesprõnge,
stoof hae nao õonger met biëstig vuúl gezoës.
Ze hebbe 'm in un deep revijn gevõnge,
en brachte Sjeng nao 't zekenhoes.
Later kwaam 't menke beej,
en hae zong op weeg nap Bree.

Refrein:
Ik doon 't ech neet miër, dit waar de letste kiër.
As ik det veurop wõs, waar 'k dao neet aan begõs.
Nae, det ging gans verkiërd, heb mich det aafgeliërd.
De minse zagte: "Jõng wat is det wiëd gezòch.
Blief màr dich zellef want den dösse gek genõg".

Sjeng waar achtiën en mõs zien plich vervulle,
kreeg 'n geweer en 'nne hellem oppe kop.
De sergeant stông tigge 'm te brulle:
"Kiëk vuroët en laup rechop".

Sjeng mõs mèt 'nne groëte tenk gaon vare,
màr hae wõs neet wie det dink 't deej.
Reej de sergeant zoeget toet preej.
Och, wat kreeg dae Sjeng 't zwaor,
en hae zag beej de majoër.

Sjeng dae woej in 'n joekskapel gaon trômme,
daarum hejje zich 'n dieke trôm gekoch.
Wie de rippetiessie net waar begôs,
râkde Sjeng gèn vel mar lôch.

Meniër d'n dirigent begôs te kiëve:
"Zek jông, wat bisse toch van plan ?
Wils doow heej beej ôs nag langer bliêve,
jao, den houw 's op die pan."
Sjeng zoot duchtig in de rats,
en hae haet zien trôm verpats.

HOME PLAATSNAMENOVERZICHT HOME

SLIEPS
1999/2000 nr.4 : Teks & muziek: De Naobers oftewel Hay Lintjes en Lei Delsing

Mien mooder haet mien ierste slieps gekoch, zoe schoèn, die draag ik nag.
Ik kreeg d'r ok nog eine van d'n baas, zo'n lege met 'n dieke naas.
Dreej daag bin ik 't strikke muuj, draag ik, eine nondejuu.

Refrein:
Hey sIieps, dien dieke knup die zit verkierd.
Wat bis-se toch 'n kuuke.
Hey slieps, hesse den nag neet gelierd,
dich wuurs gen nondejuuke.
We wile toch as hiëre gaon, angers zit geej os neet stoan.
Loester schoéne feeje:
Dees knappe luuj die vur uch staon, eur nondejuuke aangedaon,
om onger de maon te vreeje.

Mien bloome-slieps steit mich zoe good, guuf mich gôjje mood.
Ik draag 'm altied met mien blumkes-kieps, mien Iaeve dank ik aan die slieps.
'n Maedje kakde: och wie hip, in Bree de ierste VIP.

Met Vestelaovend hebbe sliepse vreej, de zuus d'r gen in Bree.
En wae d'r met zo'n dink op stap wilt goon, in Bree zuut 'm gèn maedje staon.
Dreej daag blieve ze op stal en viere sliepse-bal.

cd 1999/2000: "Bree oppe kop"

HOME PLAATSNAMENOVERZICHT HOME

SNOEBEL SNUUTJE
1968: Tekst: Jan van Nisselroy - muziek: Sjraar Janssen
Zang: Frans Wijnen, Franka Grutters en Ruud Wijnen

Refrein:
Snuutje, snoebel snoebel snuutje, waaröm trèkse drèk zô'n zore snoët ?
Ik blief neet âltiëd beej mien bruudje, ik moog toch wal ens lekker oët.
Snuutje, snoebel snoebel snuutje, greuzel 'ns hiël leef nao mich.
Want ik haoj zoëvuul van dich, snoebel snuutje, snoebel wich.

Blief sônnes ôze pap in zien stamkroeg hange, den wuurd mam hiël kwaod.
Mar ôzze pap huurt gaar neet beej de bange, dae wèt met mam wal raod.
Hae fuukelt en begint te slijme, pap, det ist'r mich toch eine.

De vreejer van ôs Mie haet gekke streke, det vingt ôs Mie neet net.
Ôs Miëke sanikt en zit den te greke en grômt :" 't Is mich get".
Ss Miëke den zoë zit te kerme, môt mam zich uvver öm onferme.

cd 2006/2007: B.V.K.

HOME PLAATSNAMENOVERZICHT HOME

'T STRUUKSKE
1997 nr.4 : Teks & muziek: Sjaar Nijsen
Zang: Sjaar Nijsen

't Waar op de heij woë twië verleefde dreumde,
op 'n benkske stil en allein de maon die keek.
De sterre stroalde veur zoevuül hârteleefde,
doa beej det struukske van gelôk en noebelerie.

Refrein:
Beej 't leech van de maon, achter 'n struukske staon,
den krieg ik de kriemel en mien hertje geit ope.
Ik pak dich vas in mien erm en knoëvel dich den lekker werm.
En 'n diëke kösmoël op dien snuutje zoeleef, det is al wat ik bleef.

Vuül joare later ginge zeej nag efkes loëre,
nao det struukske in 't leeg van de maoneschiën.
Twië knienkes stônge zich dao lekker te begaaje,
ieuwig struukske bliëf dao staon vur idders gelök.

cd 1997/1998: "As 't vestelaovend is"

HOME PLAATSNAMENOVERZICHT HOME

'T KUMP ALLEMAOL GOOD
1999: Tekst & muziek: Joke Simons
Zang: Joke Simons en het M.V.C Vittereranekoer

Leeve schat, wil's dich 's efkes met mich praote ?
Ik veul mich zoë allein, ik veul mich zoë verlaote.
Zuus dich mich den gaar neet staon ?
Ik woej zogeer ens mèt dich gaon.
Ik heb vandaag toch zô'n verdreët.
Waaröom wils dich mich neet ?

Refrein:
Heej steit toch zô'nne schoëne schat,
dèt alles wèt en ... alles vat,
dèt kos als de beste,
nao hoès gèt als de lètste.
Haoj moöd, 't kump allemaol good.
Haoj moöd, 't kump allemaol good.

Leeve schat, wils dich 's efkes mèt mich danse ?
Kôm 's döenderbeej, 's efkes mèt mich sjanse.
Vings dich mich den gaar neet leef ?
Bedink dich nouw 'ns astebleef.
Kiendjes wil ik beej de vleet.
Waaröm wils dich mich neet ?

Leeve schat, wils dich 's efkes mèt mich vreeje ?
Ik bin riëk van hârt, ik heb dich toch zoe vuül te beeje.
Drink 'n glaeske mèt mich mèt,
möoschiens wuurs dich den ok besmet.
Mien hârt det fônkelt wie de zeet.
Waaröm wils dich mich neet ?

cd 1999/2000: "Bree oppe kop"

HOME PLAATSNAMENOVERZICHT HOME

D'N TAPKAS
1962: Tekst & muziek: Hay Haenen

D'n eine, dae duit 't in tuinbouw, d'n angere werk op de miën,
d'n derde, dae poets vur zien hoesvrouw, de vèrde dae duit 't meschien.
Mâr ik heb mich bedach, en mich aan d'n tapkas gelag.

Refrein:
D'n tapkas, d'n tapkas, det duit dich zo'n plezeer !
Dao hèlse dich aan vas, dae guüf zo'n lekker beer !
D'n tapkas, d'n tapkas, zin weej dae neet miër staon.
Dae brink ôs neet in las, det haet det beer gedaon.

Al geit mienne naober nao Spanje, nao Roëme, Pèriës of Berliën,
en drink dao den zju van oranje, dae moog dao grös van mich zien.
As dae van de wermte has stik, weit ik woë ik vuul lever lik !!

HOME PLAATSNAMENOVERZICHT HOME

VASTENAOVEND
1961: Tekst Joep van Nisselroy - muziek: Sjraar Janssen

Al steit de werreld op de kop, drink dao gerös 'n pilske op.
Laot kômme wat d'r mâr van kump, dae is wal gek, dae dao um zump.
En is 't oët, den vraog nao miër, 't is mâr eine kiër.

Refrein:
Vastenaovend, vastenaovend, gank neet nao de maon.
Vastenaovend, vastenaovend, dao kinse neet op staon.
Want as 't halve maönke is, den is 't met dien plaetske mis.
Och, minse laot die maon toch gaon, wat môsse met 'n satteleet ?
Zo'n dink det duit elein verdreet, laot toch die maon dao bove staon.

Al hèsse ok van Abraham de mosterd op dien bôtteram,
al geit de mosterd oët d'n tiëd, toch wuurse Abraham neet kwiët.
Nouw vraog dich det neet alles aaf, det geit d'r neet vanaaf,

HOME PLAATSNAMENOVERZICHT HOME

VESTELOAVEND IN BREE
1997/1998 nr.1 : Teks en meziek: Erik Houkes & Sjaar Nijsen
Zang: Erik Houkes & Sjaar Nijsen

Vesteloavend in Bree,
det is een fiës mèt idderein d’r beej.
Vesteloavend in Bree,
det is d’n schônsten tiëd dus kôm d’r lekker beej.
Saame die dreej daäg in oos dörpke veere,
weej zien met vesteloavend gènne geere.
Daaröm veere weej de vesteloavend heej,
beej ôs, heej in Maasbree.

As op zônnig de klokke wèr goan luuje, den struimt mien hertje vol.
Want den is daen tied wèr aangebroke, den goan weej oët d’n bol.
Joa den waere die kleijer wèr gedrage, en det is karnaval.

As op maondig de wekker stein te kake, den is ‘t wèr zo wiëd,
want den môt ik d’n bôch oët van mien vruuke, en zeej rup: "t’ is d’n hoëgsten tiëd.
Drek begint d’n optoch wèr te loape, anges hèsse hiel vuül spiët.

Deezig moge weej de broelôf wèr belaeve, flik bömme en ‘n pötje bëër.
Nae, den môt ik neët aan merge dinke, Asgônsdig klop den aan d’n deur.
Miene maag die wilt zich den goan dreije, mien gezich is paars gekleurd.
Maar daen hiering luüt zich neët vernäöke, dae mâk op gônsig ‘n gôj beurt.

cd 1997/1998: "As 't vestelaovend is"

HOME PLAATSNAMENOVERZICHT HOME

VESTELOAVEND IN LIMBURG
1998/1999 nr.1: Teks: Geert Wijnands & Richard Kok - muziek Geert Wijnands
Oetveurende: TWICE ofwal Geert en Richard

Altied ronk d'n elfde...van den elfde maond,
begint ôs blood te kriebele, det is hiel gezond.
Det geit door gans Limburg haer ... Ongeloge waor.
Vestelaovend kumpt'r aan ... we vinge det gen bezwaor .
Want met ôzze prins veurop, geit Bree op ziene kop.

Refrein:
Met vesteloavend heej in ôs Limburg, met vesteloavend gaon weej oet.
Met vesteloavend gaon weej stappe en drinke weej auk gaer ein toët.
Met vesteloavend heej in ôs Limburg, met vesteloavend heej in Bree.
Asse heej die pilskes tappe, joa, dan zien weej dao gaer beej.
Asse heej die pilskes tappe, joa, dan zien weej dao gaer beej.

As die fiësdaag euver zien, liek ‘t d'r wer op,
kriesse al die veurbals wèr, d'n kriebel steig ten top.
Liedjesaovend, prinsebal ... Stumming euveral.
Vestelaovend bijna dao ... Op ein paar daag nao.
Is ‘t einmaol den zoe wiëd, zien weej dreej dage kwiët.

Sonnes de receptie van de nieje prins,
zuusse al die Britse ... die se hiel good kins.
Wuurse diene kriebel kwiët want ‘t is zoë wiëd.
‘s Mandes trek d'n optoch al ... Deezes nao ‘t bal.
Aete weej wer boeremoos, ‘t is wer grandioos !!!

cd 1999/2000: "Bree oppe kop"

HOME PLAATSNAMENOVERZICHT HOME

VESTELAOVEND IS VEUR IDDEREIN
1999/2000 nr.3 : Tekst & muziek: Joke Simons-Roeven
Zang: Tom Joppen & Suzan Knapen

Refrein:
Dreej dage en dreej nachte hoof os mam neet thoës op mich te wachte.
Dreej dage en dreej nachte brink mich nemus op angere gedachte.
Mâr det is neet erg, want mam is net wie ik.
En pap, dae vink det good, want ok dae haet vestelaovesblood.

En groët en klein kômme beejein.
Daaröm zinge weej medein.
Weej allemaol, nemus allein.
Vestelaovend is veur idderein.

Dreej dage en dreej nachte kump t'r 'n ing aan 't jage en 't jachte.
Dreej dage en dreej nachte bin ik gans angers den de minse van mich dachte.
Ik bin den lekker los en laot 'm duchtig gaon.
Ik haoj det dreej daag vol want ik speul 'n vestelaovesrol.

Dreej dage en dreej nachte heb ik stiës vestelaovend in gedachte.
Dreej dage en dreej nachte bin ik bliej dett'r neemus steit te wachte.
Want is 't den zoe wiët, zien ze mich dreej daag kwiet.
Asgônsdig zeen ze mich wèr, nao 't letste vestelaovesbeer.

cd 1999/2000: "Bree oppe kop"

HOME PLAATSNAMENOVERZICHT HOME

DE VESTELAOVESLEEFDE
2003/2004 nr.1 : Tekst & muziek: Erik Houkes
Zang: Erik Houkes

Dreej daag in 't jaor, en det is ierlijk waor
den kump dae schônste tied.
Den gon weej lekker stappe, en danse op meziek
weej veule ôs same den zoe riek.

Refrein:
Det is de leefde vur de Vestelaovend,
't is 'n leefde die blief vur mich bestaon.
Ik dink aan dich .. de gansen aovend,
en daaröm laot ik dich nouw neet gaon.
Mar asse wìls blief ik altiëd beej dich kômme,
kômme nao dich….. mien ganse laeve langk.
Det is de leefde van de Vestelaovend,
det is 'n leefde …… vur ôs allein

De leefde van 't laeve die kèn ik dich nouw gaeve,
'n lach op dien snoët is te zeen.
En den straole alle sterre, det is 'n schoën gezich,
jao allein vur dich en mich.

D'n allerlèste aovend, wèr same in mien erm,
straolend en lekker werm.
D'n klinkt "t lèste liedje det blief iëuwig bestaon,
maar ik laot dich noëts miër gaon.

cd 2003: C.V. D'n Hab - "Verleef op Vestelaovend"

HOME PLAATSNAMENOVERZICHT HOME

DE VESTELAOVESTREIN
2002/2003 no.2 : Tekst & muziek: Erik Houkes
Zang: Erik Houkes & Sraar Nijssen

Den kastelein guuf 't sein üm te beginne,
Want weej zien allemaol heej wèr binne.
Dus dot mâr lekker met ôs mèt,
De iërste halte is 't buffet.

Refrein:
Heej kump…….. de vestelaoves trein,
Kiek idderein geit achterein.
Heej kump ………de vestelaoves trein,
Tsjoeke, Tsjoeke, lekker vur de gein.
Nemus ken nouw blieve staon,
dus dot mâr mèt en laot 'm gaon.
Heej kump de vestelaovend trein.
Jao, det vinge weej zoe fijn.

De condukteur luut zien bel wèr luuje,
den geit d'n trein van 't Noorde wies 't Zuuje.
Met het spoor ônger oos veut,
zien weej wèr 'n rundje zeut.

We gon d'n trein nag eine kiër verbouwe,
want we hebbe hiël get maeters laupe sjouwe.
Nag eine kier det sein op greun,
kôm, zet 'm op en gen gekreun.

cd 2002: "Dao Kumpe"

HOME PLAATSNAMENOVERZICHT HOME

VESTELAOVESVIERUS
2005/2006 nr.1 : Tekst & muziek: Marij Gijssen
Zang: Angelique Hermans, Yvonne Lemmen & Erik Houkes

Vier-us,vier-us, vier-us vestelaovend
Vier-us, vier-us, idder jaor opniej
Vier-us, vier-us, vier-us vestelaovend
Dit vestelaovesvierus mâk dich bliej
Kiëk 'ns efkes öm dich haer, den zuusse det
Heej in Bree al alle minse zien besmèt
Vier-us vier-us vier-us Vestelaovend
Det vestelaovesvierus duit dich good

Toëte dich de oëre
En wuurse werm en kaod
Razele dien bein al daag
Van zellef in de maot
De hoofs neet nao d'n dokter
Want as ik heej zoë kiëk
Haet idderein d'r las van
Heej in ôs Habberiëk

Zuusse mei get wazig
En is dien stum get roow
Haesse stiës mâr groëten dors
En vulse dich get blauw
De hoofs gèn middesiëne
Mèt dich is alles good
De hès 'n prachtig vierus
Det zit dich in 't bloöd

cd 2005: C.V. D'n Hab - "4x11"

HOME PLAATSNAMENOVERZICHT HOME

DE VLEGELAER
1965: Tekst & muziek: Joep van Nisselroy

Refrein:
Wat kinne de ingelkes d'r aan doon, det zeej elein mâr kinne vlege ?
Det heb ik nag noeijts begrepe, waaröm weej gén vleugels krege.
Tösse de wölkskes en hemelsblauwe lôch,
vluugse vanzelaeve noeijt miër oët d'n bôch.

Ome Felix, viërtig jaor, dae kreeg ins flinke sjans.
Hae dôch: ik bin nouw aod genôg, en neem dich deze kans.
Mâr wie 't noëdlot öm toe trof: zeej wônde hiël wiët wèg.
Hae kôs neet fietse, auto vare ; wat heij dae Felix pech.

Twintig jaore later stông d'r in 'n groëte krant:
Flinke schoëne kael, dae zukt 'n maedje in 't lank.
Niks miër stông öm in de weeg, hae deej dit toch zoë gaer.
De hellicopter op de rök, dao vluug dae Felix haer.

HOME PLAATSNAMENOVERZICHT HOME

'T VREEJERSPEDJE
1987 nr.1 : Tekst & muziek : Twan Smets (Twan van Nellegraad)

Refrein:
Waaröm is d'r heej in Bree gèn vreejerspedje miër ?
'k Zoe dao gaer nag ins in vreeje, al waas 't mâr vur einne kiër.
Waaröm hebbe ze det toch weggedaon ?
Ik weit gewoën neet miër, woë ik nag kèn gaon staon.
Waaröm hebbe ze det toch weggedaon ?
Ik weit gewoën neet miër, woë ik nag kèn gaon staon.

Ik weit nag good, det heej in Bree un pedje loog,
en ik dich dao vur d'n iërste kiër toen zoog.
Ik vroog aan dich : moog ik dich get vertelle ?
Doënbeej 't dahliaveldje van mèster Belle.

Vruujer leepse van "d'n Haan" wies Pappie Boëts.
Löpse nouw dôr Bree, ving ik 't wiët te doëds.
Wat kôsse vruujer in det pedje get belaeve,
want idderein vông dao de leefde vur 't laeve.

Van van de Loë wies beej d'n hoof van Asselbergh,
waar 't stampend vol, mar nemes vông det erg.
Naevve de maedjeschoël vroog ik dich as mien bruüdje,
nao un lekeer muulke op dien leeve snuütje.

HOME PLAATSNAMENOVERZICHT HOME

WAER OF GÈN WAER
1999: Tekst & muziek: Erik Houkes & Sjraar Nijssen

Refrein:
Waer of gèn waer,
weej dôn 't altiëd toch zoe gaer.
Waer of gèn waer,
van groêt wies klein of Mien en Jaer mèt ziene rammelaer.
't Verke laote herke, de wezel griep d'n ezel.
Weej make joeks,
waer of gèn waer.
la la la.lala la la la la
la la la lala la la la la
la la la lala la la la al

Van s'merges vruuj wie s'aoves laat, zien we druêg of waere we naat,
waer of gèn waer.
Zonne flinke baer zoe net wie mich, met zò'n schoëne pöl wie dich,
waer of gèn waer.
Weej gaon dôr dun en ôk dôr diek, 'n stel wie weej, det is uniek,
waer of gèn waer.
Achter ôs oëre nag neet druêg, det waere weej noëjts muuj.

Alle luuj, die doon ôs den 's nao, ok Mien en Jaer kiëk now már dao,
waer of gèn waer.
Schuuf 'ns aan en swing 'ns mei, d'n ezel krieg nouw ziene dreij,
waer of gèn waer.
't Verke gôjt zien herk eweg, de wezel smiet d'n ezel weg,
waer of gèn waer.
Schient de zôn of guuf 't vôch, weej kriege noëjts genôg.

HOME PLAATSNAMENOVERZICHT HOME

WAT GAON WE DOON
1998/1999 nr.2 : Tekst & meuziek: Erik Houkes & Sjaar Nijssen

Met vestelaovend nao oos eige stamkefeke toe,
sträötje in en sträötje oet, dao leep inins ’n koe.
Boer Lei zôch zich rot, kreeg hiel erg muuje bein,
zat zich op ’n benkske en reep met vuül venijn:

Refrein:
Wat gaon we doon, dreej veuroét, of sónger schoon.
Wat gaon weej doon, blieve we heej of laot ‘m gaon.
Zit nouw toch neet te meeke, wej gaon dôr alle beeke.
Wat gaon weej doon ... wat goon weej doon ...
Vestelaovend viere heej.

Lei ging nao de kapper met dae hiële kale kop.
Häörkes op mien köpke, jao, dao velt ’n maedje op.
’n Proek is wat ik wil, hiel fijn beej miene bril.
Krats zich op ’t köpke en huür wat hae toen zông:

De boemeltrein kwaam naeve en dao zoot zien maedje in.
’n Pöl woe lei van druimde, hae kreeg toen ziene zin.
Dae Lei zoog ’t wal zitte, stapte oët t’n trein,
zien toen neet gaon pitte, maar zônge dit refrein:

cd 1999/2000: "Bree oppe kop"

HOME PLAATSNAMENOVERZICHT HOME

WAT HEB IK DET GREI TOCH GAER
1988: Tekst & muziek: Joep Kerren

Refrein:
Woë blief mien beer ?
Wat heb ik det grei toch gaer.
Kom, drink d'r ok 's einne mei,
en haoj dich efkes teij.

Mientje zag: "Jông, köpke op, dow haes t'r nouw al te vuul op.
Maar maak dich gèn dieke bein, want loupe dösse wie 'nne trein."
Mien blaerde oët: "Nouw gangk toch met mich mei nao hoës".
Hae huurde illik woord en kâkde brank en moord.

Nao 'n eurke waar 't zoë wiëd, hae zoog zoe wit wie 'n stökske kriët.
Hae vulde det 't 'm hoëg zoot en zoog vùr zien auge ok al roëd.
Mientje heij plezeer, ze drônk nouw ok van det beer.
Maar wie hae det toen zoog, toen wôsse watte vroog.

HOME PLAATSNAMENOVERZICHT HOME

WAT HÈSSE TOCH GEDAON?
2005/2006: Tekst en muziek: Hay lintjens
Zang: Hay Lintjens, Peter v. Diepe, Monique v. Diepe & Cissy Sliepen

'sMergesvruuj det menke mèt daen hamer
dae sloog vur d'n elfde kiër.
Toe reëp ik dôr de ganse kamer
ik drink det beër noëts miër.
Hae drinkt det beër noëts miër.

Refrein:
Wie'k mich 'smerges in de spegel zoog staon:
Wat hèsse toch gedaon, wat hèsse toch gedaon??
Wie'k mich smerges in de spegel zoog staon:
Jông, wat hèsse gister toch gedaon?
'kHeij de smienck nag öm mien auge
Glitters op mien naas
lippestif op mien wange, sônger naam van wae det waas
Wie'k mich 'smerges in de spegel zoog staon:
Jông wat hèsse gister toch gedaon?

Miene jas aan de fiets laote hange
wat stônk dae knômmel toch fiës
Wat hông dao nouw tösse de stange:
de schoënste damesfliës
Dae is toch gaar neet wiës

HOME PLAATSNAMENOVERZICHT HOME

WAT ZUUSE D'R WÈR OËT
1998/1999 nr.4 : Tekst: Wim Greijn
Zang: Wim Greijn & Ans Hendriks

Refrein:
Maar maar wat zuuse d'r wèr oët,
wat zuuse d'r wèr oët, wat zuuse d'r wèr oët.
Maar maar wat zuuse d'r wèr oët.
Wat hèsse toch… 'n schoëne snoët.

Is 't wèr d'n tiëd, den pak ik wèr die doës,
mèt 't vestelaovesgreij.
Dae groëte zwarten hoöd,
of 't vestelaovespak,
beej get schmienk steit det mich goöd.

Laup ik dôr de zaal as kloon of eskimo,
mèt mien ganse gezich geschmienk,
den vreug 'ne ingel mich,
as ik efkes mèt 'r sjans:
Bis dich dao od bis dich dich ?

Is 't gans gedaon, pas den gaon in nao hoës.
Nae, vuül iërder gaon ik neët.
Nag schmienk op mien gezich.
Staon ik daags d'r nao wèr op,
lach 't speegel tigge mich.

cd 1997/1998: "As 't vestelaovend is"

HOME PLAATSNAMENOVERZICHT HOME

WEEJ BLIEVE HEEJ
1999/2000 no.1 : Teks & muziek: Erik Houkes & Sjraar Nijssen

Mèt vesteloavend zoög ik dich dao in det hukske.
Ik ben gekômme vur dich, det zoogs ze good.
Dich keeks mich aan en reeps mich nao dien hukske.
Ik zoog dien auge en het goof mich mood.
Nou zien we same lekker doën beejein,
en sjoenkele op dit refrein:

Refrein:
Weej blieve heej, ik wil dich neet verlaote.
Mèt vesteloavend kan ik lekker mèt dich praote.
Als ik dich in dien auge kiëk, jao, den veul ik mich zoe riëk.
Weej blieve heej en laot mich neet allein.

We zote same lekker same op det benkske.
Det waar zoe schoën en de maon die keek ôs aan.
Dich kreegs van mich ein kösmoal op dien wengske.
Mien hertje gleude, jao, gleude van gelök.
D'n tied d' vloog en de rups we motte gaon,
maar ik vertèlde, loester en bliëf staon.

Ik brach dich thoës en dach nag aan daen aovend.
Daen aovend mèt dich same waar zoe fijn.
Ein kösmoel, de lètste van vanaovend,
det vông ik dus gaar neet fijn.
Ik merkte op, 't waar de létste kiër,
dus loester den nag eiene kiër.

cd 1999/2000: "Bree oppe kop"

HOME PLAATSNAMENOVERZICHT HOME

WEEJ HEBBE D'R ALLEMAOL EINE
1997 of 1998 no.2 : Teks & muziek: A. van Maris
Zang: Wim van Maris

Refrein:
Weej henne d'r allemaol, allemaol, allemaol, allemaol eine,
heej eine groëte, dao 'nne kleine.
Weej hebbe d'r allemaol allemaol, allemaol, allemaol get,
d'n eine haet dit, de angere det.

Nouw kom 's heej, den vraog ik 't aan dich,
wat zoeje weej nouw zien sônger gezich.
Och leeven tiëd, det waar mich 'nne "strop",
as weej heej môsse laupe sônger kop.
Gen auge öm te kiëke nao 't waer,
en ikke reuk die ging naeven ôs haer.
En gèn gepreuf aan âl det gerstenaät,
den blève alle pilskes in 't vaät.

Gelökkig sjouwe weej nouw daagelijks rônk,
mët 'nne kop en bein wies aan de grônk.
Geneete van 't laeve öm ôs haer,
en zien zoë ilken daag wèr in de waer.
Nouw wappere ôs de häörkes in de wink,
en gaon weej nag's lekker dôr 't link.
Oos uurkes zegge, huur 'n joekskapel,
en efkes later zink 't hiele stel.

cd 1997/1998: "As 't vestelaovend is"

HOME PLAATSNAMENOVERZICHT HOME

ZE HEBBE MICH NEET GEKREGE !
1970: Tekst & muziek: Wim Smeets

Refrein:
Ze hebbe mich neet gekrege, ik bin ok neet achtergebleve.
Ik bin eur te slum aafgewees, en daaröm laef ik nag stiës !

Wie ik woord gebore in oos mooders groëte schoët,
keek ze toch zoë bedroge, de pil heij ze noeijt gemoge.

Ik bin gaon liëre rieje in 'n deftige slee,
en nao 'n twintig kiër flatse woej zeej mich wèr gaon klatse.

Ok kôch mich toch 'nne wage, 't waar mich egaal,
want ik bin gaar neet verlaege, ik heb öm mich zoë gekrege.

Ik reej nag gin fieftig, de peliessie kwaam mich nao.
Ik dreijde öm hârstikke ope en dach: "en nouw mâr hope".

HOME PLAATSNAMENOVERZICHT HOME

ZÔ'N BLUMKE
1990: Tekst & muziek: Jojo en de frisse bloesem

Refrein:
Minse kiëk 's, wat ik vur blumke heb gevônge.
Zoë zuusse ze neet dök.
Wat heb ik 'n gelök, det ik zô'n blumke heb geplök.

Intermezzo:
Pa-da-pa-da-pa-da-pa-da
pa-da-pa-da-pa-da-pa-da
pa-da-pa-da-pa-da-pa-da

Thei haet van die fratse, dae haet iets hiël geks.
Zuut hae blumkes, krieg hae un blomekompleks.
Lets kwaam hae hiël gruèts de kefee in gerend,
zien heng nag bevrore, zòng hae hiël kontent.

Lets ' waar hae gevalle, wat hej hae un pech.
Hae kwaam onverwach in 't verpleeghoès terech.
s'Nachs laat woor zien giepsbein met blumkes versierd.
Hae woor s'morges wakker en reep hiël veriërd.

Al jaore beej mooder, nag stiëds neet getrouwd.
't Maedjes versiere, dèt leep altiëd fout.
't Waar met vestelaovend , zei hae: "Leeve schat,
zôn schoën blumke as dich heb ik nag noëts gehad."

HOME PLAATSNAMENOVERZICHT HOME

ZOE LANG IK LAEF
1988: Tekst & muziek: Wim Hermans

Refrein:
Ôs Bree is zoë schoën, niks baeters kèn 't gaeve.
Det wètse allein, asse heej haes gelaefd.
Daaröm zal ik noëts, nae noëts dich verlaote.
'k Bin gelökkig met dich, zoë lang as ik laef.

Zek wètse nag, van vruujer tiëd, zoe wie 't al begôs;
En idderein mar wèrr'ke ging, van fiëste niks aaf wôs.
Toen waar d'r eine flap in Bree, dae zag: Nouw huur 'ns heej.
Ik weit wat vestelaovend is, det huurt d'r zeker beej.

't Waar dao op 't Breukerveld, 't vië waar oet de wei.
Ein koe met 'nne winkterjas reep: Doot nouw allemaol mei !
Ze slôbde achterein en ech, dao zông de ganse reej:
Weej weitte wat vestelaovend is, det huurt d'r zeker beej.

En kiëkse nouw ôs dörp 'ns aan, juus met die dolle daag.
Den zuusse, idderein makt jen, van aod wies jônge blaag.
D'n eine zet 'n masker op, d'n ang're zet 't aaf.
Mar ein dink telt vur allemaol, des vestelaovend alaaf !!!

HOME PLAATSNAMENOVERZICHT HOME

ZÔNNEN TIERELIER
1971: Tekst & muziek: Hay Haenen

Refrein:
Wat fijn, wat fijn, wat fijn, wat fijn,
zônnen tierelier zuusse nörges miër.
Wat fijn, wat fijn, wat fijn, wat fijn,
det is neet vur mich elein.

As ik tich in dien auge zeen, die kuulkes in dien wang,
den dink ik beej mich zellef: mien jông, det deurt neet iëuwig lang.
Dao zal d'r nag wal eine zien, dae zit mich op de kneen.
As dae 't vanzelaeve zuut, wat ik dao beej dich zeen.

As ôzze pap de fiësmöts op, den is dae hiël good beej,
den zaette: Jungske loester ins, kôm dich 'ns efkes heej.
Weej bouwe ôs 'n lôtterie, wae mâk ôs nag get wiës.
Ôs mam die in de keuke steit, det is d'n iërste priës !

Wae laeve wilt, dae laef zoë gaer, dae viert ok karnaval.
En geit öm ins 't lempke oët, den noët neet vur 't bal.
As Piëtrus den zien zielke zukt, dae bove aan die deur,
den zaette: Jông gaef mich det mâr, dae isse Piëtrus veur.

cd 2006/2007: B.V.K.

HOME PLAATSNAMENOVERZICHT HOME