HOME PLAATSNAMENOVERZICHTHOME


BAER, BAER, WAAT EIN WAER
Tekst & meziek: Henk Hover
Oetveurende: Averegs

Refrein (2x) :
Baer, Baer, waat ein waer.
De zôn schientj neet sjteëds, auch al höbs-ze dèt gaer.
Luuj kômtj noa boete mit uch paraplu,
Weer viere vasteloavendj in ein raegebuuj.

't Woor vasteloaveszondig en Baer wol der op oet.
zien pekske aangetrokke, eine echte Echter poet.
Mer wie der aan de deur stong, toen drejde hae zich om.
Zien buurvrouw stong te kieke en witse waat die zong ...


HOME PLAATSNAMENOVERZICHTHOME


DAT ZIT WAAL SNOR...
1972/1973: Tekst: Harie Aben - muziek: Piet Aben

Refrein:
Det zitj waal snor, mot oze Raod. (2x)
det zitj waal snor, hartstikke snor. (2x)

In de Bandert stuitj ein hal,
Veur de sportluuj, ein moord geval.
Wiltj g'r zweeve, baove Ech ?
Bie Marisheem, dao kèntj g'r terech.

Veur dae vieze môdderpool,
Kreeg de Slek ein prach riool.
En 't Hènge, ein hieël nuuj wiek,
jao, die zeen de keuning te riek.

Auch de Dörpstraot, waat 'n gelök,
kèntj g'r zeker, gaar neet trök.
Wiltj g'r roeje op ein maer,
det liktj klaor, in 't Hazelaer.


HOME PLAATSNAMENOVERZICHTHOME


DE DIKKE TROM
1993/1994: Tekst: Johan Vergoossen - muziek: Ton Knoben

Refrein:
Bom, bom, bom, zoa duitj de dikkke trôm.
Auch al is det dénk kepot, weer weite heus waal wie det môt.
Bom, bom, bom, weer houwe oppe trôm.
En esse diej trôm den mis, den huitse mer oppe kis.

Jantje vanne hofkapèl, dae sloog de dikke trôm.
Hae heef toen väöls te hèl en hae paafde door 't vèl.
Toen zông de ganse zaal.

Pietje vanne blaosfanfaar ging nao ein groat konkoers.
Toet ziene groate spiet woor der ziene klôppel kwiet.
Toen zông de ganse zaal.

Fritske van de sjötterie ging nao 't O.L.S.
Ze woore ôngerös, de trôm woor nag inne bôs.
Toen zông de ganse zaal.


HOME PLAATSNAMENOVERZICHTHOME


DOE KENS MICH DE POT OP
1982/1983: Tekst: Martin Tonnaer - muziek: Thei Hilgers

Refrein:
Doe kens mich de pot op, loup mer nao de maon,
want ich wil vastelaovend viere gaon.
Doe kens mich van hie, doe kens mich van dao,
ich gaon de vastelaovend achter nao, nao, nao.
Doe kens mich van hie, doe kens mich van dao.

Net, det woar ein maedje, altied good gezôndj,
mer vastelaovend zôndig how et pien aan de kôndj.
De dokter zag: " Et spiet mich Net, gank doe mer ens gaw nao bed ".
Mer wet geer wat Net zông, wie der dokter veur um stông ?

Sjeng, det waor ein menke, altied good gezôndj,
mer vastelaovend moandig how hè pien in de môndj.
De tandarts zag: " Et spiet mich Sjeng, ich trek dich allemaol dien tenj ".
Mer wet geer wat Sjeng zong, wie de tandarts veur um stông ?


HOME PLAATSNAMENOVERZICHTHOME


DRIE DAAG ÈNGELKES
Tekst & muziek: Siska Backes

Weer zeen dees driej daag èngelkes.
Mer staon neet aanne kantj.
Weer rock en role d'r op los.
En sprènge oet de bandj.
Mit ein good humeur en hieël väöl lol.
Rokke weer dees driej daag vol.
Weer gaon d'r taenge aan.
En zènge hieël spontaan.

Refrein:
Road gael en greun.
T'is weer vastelaovendj.
In ôs sjaone limburgse landj.
Van s'mörges vreug toet laat inne aovendj.
Danse weer de rock en rool en gaeve ôs ein handj.

T'is toch alles mer gelieëntj hiej op deze aerd.
Mer driej daag vastelaovendj det is ôs alles waerd.
En es weer den nao hoes toew gaon.
En de sterkes aanne hemel staon.
Den druime weer van diej èngelkes.
Diej nag op de dansvloer staon


HOME PLAATSNAMENOVERZICHTHOME


'T FLUITJE VAN DE MEISTER
1978/1979: Tekst: Martin Tonnaer - muziek: Martin Tonnaer & Thei Hilgers

In Pej woontj eine kaerel, dae flötj es eine maerel.
Al is 't nog zoa laat, zien fluit haet hae paraat.
Eederein witj waem det is, geer houtj de plank beslistj neet mis.

Refrein:
Meister, meister, blaos nog ens, fluit nog ens op det fluitje.
Meister, meister, blaos nog ens, want det fluitje ... det duitj 't.

En trektj 'r mit zien naeske, drènk den mer oet dien glaeske.
Heür luuj, dao reuptj d'r weer, drènk oet det glaeske beer.
Eederein paktj zich biejein, en same zungtj men dit referein:


HOME PLAATSNAMENOVERZICHTHOME


GANS PEJ DET VIERDJ VASTELAOVENDJ
1992/1993: Tekst: Sef Rodigas - muziek: Geert Heber

Refrein:
Gans Pej det vierdj vastelaovendj,
eeder jaor nag ummer mieë belaovendj.
Gans Pej det vierdj vastelaovendj,
van 's mörges vreug toet in de laate aovendj.
Weer höbbe de kriebels in de priej,
't is eine groate potpouriej.
En alles stuitj te zwejje en te zwiere,
es diej Pejjer saame vastelaovendj viere.

Het is weer vastelaovendj, jao, det zuuste äöveral.
M'n zuitj d'n optoch trekke en geitj nao 't prinsebal.
De pap sprungtj mit de kènjer door de straote op en aaf,
en jónk en auwd en erm en riek, det reupt: alaaf, alaaf.

Driej daag gaon weer d'r taenge aan, weer gaeve van ketoen.
En mit diej vastelaovesdaag, den bakke weer ze broen.
Want oze Aester-Sjaelen-Uul geuftj ôs de riching aan.
En alles waat bewaege kan, det vleugtj d'r achter aan.


HOME PLAATSNAMENOVERZICHTHOME


GAONTJ MIT OP DE BOEMELTOER...
1987/1988: Tekst Harrie Schreurs - muziek: Piet Aben

Refrein:
Den ... gaon... weer op de boemeltoer, trèkke zèngendj door de straot.
Weer gaon weer op de boemeltoer, mit oze prins en wieze road.
't Pejjerlandj stuitj oppe kop, de Aester Sjaelen Uul veurop.
Gaontj mit ôs op de boemeltoer en trèktj zèngendj door de straot.

Tösse Kranebrook en Slekkerhout, dao liktj, dao liktj ôs Pejjerlandj.
En hie wone en dao laeve weer en weer sprènge oet de bandj.

Van de Wolfsberg tôt de eüverwaeg gaon weer, gaon weer der taegenaan.
Eine Pejjernieër, dae lachtj en zungtj, dae kèntj 't laeve aan.


HOME PLAATSNAMENOVERZICHTHOME


´T GREUN VAN ´T GRAAS
1996/1997: Teks & meziek: Henk Hover
Oetveurende: Averegs (*)

Tösse 't greun van 't graas en 't goudgaele kaore,
dao ligk 't Hènge, dao bön ich gebaore,
dao wone mien aojers, dao stuit mien aojershoes,
dao bön ich gebaore, dao veul ich mich thoes.

De Plantje, de Echterstraot, de Berg en d'n Diek,
dao wil ich gear zeen, dao veul ich mich riek.
De Sint Joeasterweag en 't Hoeagveldj neet te vergaete,
vorme same ein spil van 't Hèngender laeve.

Auch in de Kawverwei, vol mejs en vol kaore,
dao trèkke de boere mit ploge hun vore,
dao graasj auch 't vieë, van kuuj tôt aan peard,
dao greutj auch vanalles in vruchbare eard.

* cd: Averegs - " Oetgebreidj " - Marlstone Recordings BV - CDL 9810


HOME PLAATSNAMENOVERZICHTHOME


HEIJ MERIE
1979/1980: Tekst: Martin Tonnaer - muziek: Thei Hilgers

Merie, det woor ein lekker dènk, 't woor ein richtig Pèjjer kèntj.
Merieke kòs men överal, det maidje woor op eeder bal.
En wètj ger wie det koom, jao, wètj geer wie det koom ?
Merieke woor ein echter Pejjerbloom.

Refrein:
Heij Merie, kom 'ns hiej en doog 'ns mit ôs mit.
Want d'r is nach ein glaas wo beer in zitj.
Heij Merie, kom 'ns hiej en doog 'ns mit ôs mit.
Want d'r is nach ein glaas wo beer in zitj.

Merie drónk gaer ein glaeske beer, 't zóng, spróng en brach plezeer.
Merieke, d't dach neet aan toes, pas s'nachts öm twieë wòl 't nao hoes.
Den zóng de kastelein, jao, zóng de kastelein:
"Merieke, kom 'ns hiej en drink nach ein".


HOME PLAATSNAMENOVERZICHTHOME


ICH HÖBSE NEET MIEËR ALLE ZEVEN
1998/1999: Teks: Johan Vergoossen - meziek: Johan Verstappen

Refrein:
Ich höbse neet mieër alle zeven, alle zeven op ein riej.
Es ich begin te tèlle kôm ich net toet drie.
Ein stök of veer die zeen der neet mieë bie.
Ich bön der dus ein aantal kwiet ,die zeuk ich al den tied.
Mer wie het geit, wie het weurt of wie het löp,
es ich ze mer asgoonsdig weer alle zeve höb.

Jantje van de hofkapel, dae haw ein good idee.
Weer maake flot ein polonais van de zaal tôt in 't kefee.
Hae kwaakdje alle luuj biej-ein, ze maakjde ein lang rie,
mer toen in èns meziek begôs, toen sprônge ze opzie.

Pit det woor de commandant van de sjötterie.
Jônges stèlt uch noe èns op en maaktj ein rechteriej.
't Commando det woor "voorwaarts mars", ze lepe oppe maot.
Mer toen men ein kefeke zoog, leep nemes mieë op straot.


HOME PLAATSNAMENOVERZICHTHOME


IS TER EINE DOKTER INNE ZAAL ?
1999/2000: Tekst: Johan Vergoossen - muziek: Johan Verstappen
Zang: Wilhelmina-Hènge

Refrein:
Is ter eine dokter inne zaal, dokter inne zaal, dit is neet mieë normaal.
Is ter eine dokter inne zaal, het weurdj mich haos fataal.
Get water door t gezich en vaeg èns.
Gelökkig is 't traumateam al ôngerwaeges!!
Is ter eine dokter inne zaal.
Neet d'n ober, de res is mich egaal!!

Weer wore oppe buuttekampioensjappe,
en väör ós zoot ein hieël nette madam.
Diej kakeldje nag helder es eine hoonderstal.
Es det neet waor is doon ich stômme kal.
Dit höb ich neet bedach, ze kreeg de slappe lach.
Hawwe weer neet ingegrepe, den lachdje diej noew nag!

't Woor toen mitte Peijer bôntje aovendj.
Aanne däör woor 't ein drökdje van belang.
't Krioeldje dao wiej vèrkes inne vèrkersstal.
Es det neet waor is doon ich stômme kal.
't Woor dao väöl te drök, ze ginge vanne zök.
Doordet weer hieël hel reepe, jao det woor haor gelök!


HOME PLAATSNAMENOVERZICHTHOME


DE KENJER VAN PEPIJN
1969/1970: Tekst: Harie Aben - muziek: Piet Aben

Refrein:
Weer zeen de kenjer van Pepijn, de Aester Sjaelen Uul.
Weer roope eed'rein oppe bein, de Aester Sjaelen Uul.
Veertj darom karneval in sluppe jas of euverall,
mit de Aester Sjaelen Uul.

In 't midden van oos Limburg, ligt het lendje van Pepijn.
Dae leet ens veur os boewe, ein brôk al zônger stein.
Waem vundj die nog ens trôk, die oaj Pepinusbrôk ?

Dae Pepijn mit siene wage, bleef ens staeke in de bôss.
Hae broekdje nog es traktor, ein koppel vette ôs.
Mer woor der neet verlosj, zoot der noe nog in dae bos.


HOME PLAATSNAMENOVERZICHTHOME


KENJER VASTELAOVES GEVEUL
2002/2003: Tekst & muziek: Siska Backes
Zang: Leonora Lucas met de Sjaelberger Spatzen

Weer wore nag klein en t woor vastelaovendj
Oze pap waerdje Prins waat woor dea toch bliej
Hae kreeg ein nuuj pak en ein Prinsemedalie
En mit os snuutje vol verf zote weer op ziene knie

Refrein:
Want diej herinnering aan diej Prinsemedalie
Mit vastelaovendj eerdere kieer weer
Diej sjoan herinnnerng aan die Prinsemedalie
Pej doew bos en blifs oos soeveneer
Alleen laatste keer:
Pej doew bos de hemel op aerd

Weer zeen noew al groat en t is vastelaovendj
Weer trekke diej ker want t mot wuujer gaon
Kiek nao de sterkes in oos ouge
De vastelaovendj in Pej mot blieve bestaon

Weer zeen noew de toekoms van vastelaovendj
Weer zulle heij oug mit verder gaon
Den zal diej tradisie hiej auch blieve
En vastelaovendj in Pej zal noats verlaore gaon


HOME PLAATSNAMENOVERZICHTHOME


LAOT 'NS GAON
1989/1990 nr.1 : Teks & meziek: Henk Hover
Oetveurende (*) : Henk Hover & Peggy van de Ven

Refrein:
Laot 'ns gaon, blief neet staon, haoj 'ns op mit det gezeur.
De tied is dao, Vastelaovendj in Pej stuitj vöör de döör.
Kôm gang mit, zit dien zörg van alle daag 'ns aan de kantj.
Vastelaovendj is weer in 't Pejjer landj...

Nao ein jaor van wirke, van taegeslaeg en van succes,
beginse 't weer te merke, doew krigs ein bietje stress.
Mer de tied van wirke, dae is noew gedaon.
Oppe k'lender höb ich Vastelaovendj staon.

Gank 'ns nao de zölder en zeuk 'ns in diej groate kis,
of t'r missjien nog örges ein pekske vöör dich is.
Door 't aan en gank 'ns vöör de speegel staon.
Vastelaovendj kêntj noew ech beginne gaon.


HOME PLAATSNAMENOVERZICHTHOME


LOUP NEET EWEG...
1974/1975: Tekst: Harie Aben - muziek: Piet Aben

Refrein (2x):
Loup neet vaort eweg, auch al höb se pech.
Loup neet vaort eweg, alles kömptj waal weer terech.

Bös te lid van eine raod, maak van ein mök geine olifant.
Waer neet veur elk sjeetje kwaod, zit dich zelf neet aan de kantj.

Bös te jaore al getrouwdj mit ein leef en leuke vrouw.
Auch väeltj ein haor in de sop, gaef de mood neet dalik op.

Bös te lid van eind bôndj, krigs 't den neet dalik rôndj,
houw den neet de pin d'r op, besörg dien klup geine strop.


HOME PLAATSNAMENOVERZICHTHOME


MARISHEEM
1973/1974: Tekst: Harie Aben - muziek Piet Aben

In 't hertje van 't Pejjerlandj,
liktj 'n plekske, zoa sjarmant.
Ich kôm dao 's zomers, hieël gaer trök,
want ich vônj dao, 't leëste graot gelök.

Refrein:
Jao, op de camping van Marisheem,
höb ich heur veur 't ieës gezeen.
Mien hert stông stil, ich woor verkoch,
ich woor verleefdj en bun det nog.

Wie ich rôndj trok, door hel en hout,
tröf ich dao, dae sjattebout.
En nao 'n tiedje zeen weer getrouwdj,
en gein ougenblik haef ôs det berouwdj.


HOME PLAATSNAMENOVERZICHTHOME


DE MAXI DRAEGERS
1970/1971: Tekst & muziek: Joep van Ool

De mini is het ieës begösj, det hauw neet korter gekösj.

De midi koom toen auch al drin, mer sloog toch neët zoa in,

De mansluuj konne noe stare, en zeen niks mieë es gare.

De maxi is noe toch begösj, det haw neet langer gekösj.

Hae kom noe auch in 't Peijerlandj, bie elke rang en elke standj.

De rökskes neet verkorte, het waere noe lang sjorte.

Refrein:
De maxi, de maxi, oos jonges hubbe noe pech.
De maxi, de maxi, de dik bille zeen noe weg.


HOME PLAATSNAMENOVERZICHTHOME


MEZIEK
1995/1996: Tekst: Wil Heber - muziek: Wil Heber & Geert Heber
Zang: Van alles Get

Refrein:
De vastelaovendj is weer in 't landj,
doew hueërs meziek van eedre kantj.
Ein joekskepèl, orkes of ein cd.
Den klinktj meziek en is plezeer in eeder Limburgs kèffee.

Den optoch truktj weer door 't Limburgs landj,
doezendje luuj staon den weer langs de kantj.
Meziek dae klinktj van väor toet op 't lès,
en äöveral is den de stömming opperbès.

En nao asgoonsdig is 't weer gedaon,
de traöt, diej mosse den weer laote staon.
Det is väör dich ein hieël groat gemis,
dus haope, det 't flot weer vastelaovendj is.


HOME PLAATSNAMENOVERZICHTHOME


MIT DIEJ DAAG
1990/1991/1992: Tekst: Johan Vergoossen - muziek: Ton Knoben & Peter Knoben
Zang: Kètelkepel "Niks Tao"

Refrein:
Want äöverdaag is 't te doon.
Oppe käöring en den optoch laupe weer naeve oos sjoon
Op eine wage of te voot struimtj 't virus door òs blood.
En den hueërs te sjreggedek, van 't Hènge toet de Slek.

En 's mörges stuis te op, nag suf in diene kop.
Den schminks te dien gezich en duis dien pekske aan,
en 't suf is van de baan.

En 's aoves weer nao hoes, doew hueërs nag det geroes
De schmink van dien gezich, den röstig weer nao bèd,
en 's mörges de gezèt.


HOME PLAATSNAMENOVERZICHTHOME


MOODERMAAS
Tekst & muziek: Siska Backes

Moodermaas diej men zoa dök bezungtj.
Toch duitj ze ôs waal èns verdreet.
Mer ich weit ein sjoan stökske aerd.
'T kranenbrook en det bezungtj men neet.

Refrein:
Dao woo diej veugel fluite in 't vèn.
Woo ich eedere boum en paetje kèn.
Ze wille zègke geaf hem ein vaeg.
Gaontj vastelaovendj neet oette waeg.

Hiej in Pej hiej is 't toch zoa sjoan.
Ôm driej daag lekker mitte doon.
Al höbbe weer ze nag zoa aaf.
Toch roope weer den same Pej alaaf.


HOME PLAATSNAMENOVERZICHTHOME


NIKS IN DE WAEG
1977/1978: Tekst: Harie Aben - muziek: Piet Aben

In de jaore veur de waereldjbrandj,
woor 't knudde in 't ganse landj.
Gein werk, gein aete en gein geldj,
eine tied van ermood en geweldj.

Refrein:
Mer ... drie daag zoot/zit hun niks in de waeg.
Ze gove/gaeve h'm ein flinke vaeg.
Ze sjödje/sjödde alles van zich aaf,
en bruldjen/brullen 't oet: Sjrekkedek, alaaf!

En auch noe weer is 't naatje pet,
en nog nörges is 't je-van-het.
Al is de weuning eine villa of hut,
ze vènje 't toch mer knuddelud.


HOME PLAATSNAMENOVERZICHTHOME


NIKS IS SJAONDER
2010/2011: Tekst & muziek: Sef Laugs
Zang: Groep Horsjtikke good

Refrein:
Niks is sjoander es de vastelaovend,
Nae niks is sjoander es karnaval.
Want zêk noe zelf,is det neet veul belaovend.
Gesjminkde sjnuutjes zuüse euveral
Woa det van haer kûmp det is neet te verklaore,
Nae det geet zelfs nog baove mien verstjantj.
Wat een gelök det ich hiej bön gebaore,
In det te gékke Limburgs landj.
Niks is sjoander es de vastelaovend.
Niks is sjoander es karnaval.

Noe kiek dich dao dae blieje
Noe kiek toch wiej dae kik.
Tis neij een jaor gelieje,
Det ter weer neet ens richtig tik.
Maar gleuf mich maar want det is werkelik waor.
Det haet dae ech maar eine kier per jaor.

Noe môs doe mich det zeen dao.
Noe kiek dae gékke bek.
Dae wuurt ester gelök haet
Van bliedsjap knetter gék
En gleuf mich maar ooch det is werkelik waor
Det haet dae ech maar eine kier per jaor.

Vuur mich t sjoanste toch van al !!!


HOME PLAATSNAMENOVERZICHTHOME


PAK MICH VAS, KIEK MICH AAN
1986/1987 nr.1 : Tekst: Harrie Vergoossen - muziek: Geert Heber
Zang: Wilhelmina-Hènge

Refrein:
Pak mich vas, kiek mich aan of zuus te mich neet staon ?
Pak mich vas, kiek mich aan en lach ens mit ein traon.
Weer gaon het weer belaeve, het laeve doertj mer aeve.
Weer houwe op die trôm want anges is de vastelaovendj ôm.

De Vastelaovendj is ter veur öm same droet te gaon.
Het drejt van hot nao haar, doe moogs den auch neet blieve staon.
Biej 't hosse en sprènge geit 't meistel erm in erm.
Das neet allein plezerig mer toch auch nach lekker werm.

Het Peyerlandj bewaegt alweer, men is in rep en roer.
De ouje en de jónge gaon op de vastelaovestoer.
En de jonges mit de maedjes, langsaam sjuuve die biejein.
Ze kieke zich ens leef aan, mit de muulkes taegenein.


HOME PLAATSNAMENOVERZICHTHOME


PÈJ, HERT VANNE VASTELAOVENDJ
1994/1995: Tekst & muziek: Paul Gulikers & Sef Laugs
Zang: Team Lomsjoal "De Horst" en jeugfanfaar

Refrein:
Pej, 't hert van vastelaovend, Pej, 't hert van lol en sjpas.
Van 's mörges toet de late aovendj zeen weer in oze sas.
Want waem es Peijer weurtj gebaore, es Thei of Truuj of Bert,
in dem sluitj väör zien ganse laeve ein vastelaoveshert (2x)

Mien vastelaoveshert, det kloptj altied mer door.
Mer eine kieër per jaor, den tiktj 't ekstra zwaor.
Want speeltj ein hermenieke ein vastelaovesdeun,
de weurtj mich in mien prieke 't blood road gael en greun!!!

Ein vastelaoveshertj, 't sjoonste waat der is.
De bèste medesien, zag auch de specialis.
Gooje raod ken ich dich gaeve, zèt dien zörg mer aanne kantj.
In Pej mós doew gaon laeve, in 't vastelaoveslandj!!


HOME PLAATSNAMENOVERZICHTHOME


PEJ MIEN PEJ
1983/1984: Tekst: Martin Tonnaer - muziek: Martin Tonnaer & Piet Aben


Refrein:
Pey, Pej, alaaf, doe bös 't sjoonste oppe waereldj.
Pey, Pej, alaaf, doe bös 't sjoonste op dees aerd.
Pey, Pej, alaaf, ich ruul dich noatj mit nemes,
want doe, mien Pej, doe bös mich alles waerd.

't Sjoonste oppe waereldj höb ich al bezôch.
Al waat ich dao zoog, woor nog neet genôg.
't Sjoonste oppe waereldj, van Peking tôt Paries.
Mer es ich weer op Pej aan gaon, den zèng ich dees wies :

De ganse groate waereldj reis ich hieël dök rôndj.
Al die prach en praal lap ich aan mien kôntj.
De ganse groate waereldj zeen ich es Pejjer poet.
Mer es ich weer op Pej aan vleeg, den sjrieëf ich 't oet :


HOME PLAATSNAMENOVERZICHTHOME


PÈJJERLANDJ
1981/1982: Tekst: Martin Tonnaer - muziek: Martin Tonnaer & Thei Hilgers

Huër ze zènge, kiek ze sprènge, van de Slek tot op 't Hènge.
Kiek ze danse, kiek ze danse,
Huër ze zènge, kiek ze sprènge, van de Slek tot op 't Hènge.
Kiek ze danse, kiek ze danse.

Alle kènjer danse, sprènge, alle minse hosse, zènge,
in 't Pèjerlandj, in 't Pèjerland.
Alles paktj zich bie de handj, nemes stuitj d'r aan de kantj,
in 't Pèjerlandj, in 't Pèjerlandj.

Awd of jònk, krank en gezôndj, ederein sprungtj in 't rôndj,
in 't Pèjerlandj, in 't Pèjerlandj.
Same giere, same zwiere, same vastelaovendj viere,
in 't Pèjerlandj, in 't Pèjerlandj.


HOME PLAATSNAMENOVERZICHTHOME


PÈJJER MAEDJE...
1988/1989: Tekst: Martin Tonnaer - muziek: Martin Tonnaer & Paul Wanten
Zang: Ôngerwiezend personeel LOM-sjoal "De Horst", Sjaelberg

Refrein:
Pèjjer, Pèjjer maedje, doe bös wie ein riestevlaedje.
Doe bös zoa lekker es 'n bonbon, zoa prachtig es ein confetti kenon.
Doe mien Pèjjer maedje, kèndj, ich hoaj van dich.
Ich zoew dich wille vraoge: Hèls doe auch ein bietje van mich ?

Kiek ze 'ns danse, kiek ze 'ns sjanse,
mòt ze die maedjes doa 'ns zeen gaon.
Zeen ich ze loupe, dèn wil ich houpe,
dèt ich mit zo'n maedje kèn gaon.

Mit vastelaovendj, hieël vööl belaovendj,
paktj dich zôn maedje ônger de erm.
Gaon weer dèn sprênge of leedjes zènge,
dèn waer ich van bönne gans wèrm.


HOME PLAATSNAMENOVERZICHTHOME


PEJJER VASTELAOVENDJ
1984/1985: Tekst: Martin Tonnaer - muziek Martin Tonnaer & Piet Aben


Refrein:
Det is Pejjer vastelaovendj, Pejjer spas en Pejjer lol.
Vastelaovendj hie in Pej, drie daag aan de rol.
Pejjer vastelaovendj, Pejjer luuj en landj.
Vastelaovendj veere weer same, handj in handj.

Bôntje aovendj, Prinsebal, pekske aan, 't is karnaval.
Beerhoes oet en Beerhoes in, mit ein tesj vol gooie zin.

Raod van ellef, hofkapel, sjlager zènge, hieël erg hel.
Sjônkel links en sjônkel rechs, sjeif gezichter in de tesj.

Koppien, kater, hieël slech zich, 't lèste beer vêur dich en mich.
Hieëring hiej en hieëring dao, vastelaovendj is gedaon.


HOME PLAATSNAMENOVERZICHTHOME


DE PRAEK VAN PASTOAR
Tekst & muziek: Siska Backes

Es de klokke loewe
Äöver het Pejjer landj
Den is 't vastelaovendj
En veule weer de bandj
Driej daag stuitj den alles op ziene kop
Pastoar dae stuitj te praeke
Mit zien fieësnaas op

Refrein:
Het sjoonste waat de hieëre God ôs haetj gebrach
Det is Pej es 't zungtj en lachtj
Zeen auch de wolke al èns graw
Es weer zènge verdrieve ze gaw

De raod is weer prezent
Ömdet 't vastelaovendj is
De Prins zungtj en sprungtj
En duitj aan alles mit
Weer blieve in ôs dörpke
Woo èns ôs weegske stông
Hiej wil ich altied blieve
Woo ich dit leedje zông

Weer gaon neet nao Majorka
En auch neet nao Tirool
Weer staon auch neet te joodele op eine stool
Mer viere vastelaovendj
Weer staon op ooze kop
Dènke aanne praek van pastoar
Mit zien fieësnaas op


HOME PLAATSNAMENOVERZICHTHOME


PRINS VAN OPHAOVE
Tekst & muziek: Henk Hover

De kop in de wolke, de naas inne wèndj,
grueëts wie nog nie en zoa bliej wie ein kèndj.
Stoer stuit de steek, fier wappertj mien vaer.
Oats nog 'ns Prins te zeen, wil ich zoa gaer.
Stoer stuit de steek, fier wappertj mien vaer.
Eine kieër Prins te zeen, wil ich zoa gaer.

Ich druim det ich strui, ich strui miene druim,
'ch hueër vastelaoveszank.
Ein kaetelkepel die toetj in mien oar,
de gansen optoch langk.

Confetti dae dwarreltj neer inne straot, slingers äöveral.
Hueër ich die tróm, iets oet de slaag, de slaag van carnaval.

Ich grej en ich grabbel, grabbel en goaj, slók väör groat en klein.
Babbeltjes, lolly's, choco-kèrméls, die lösj toch ederein.


HOME PLAATSNAMENOVERZICHTHOME


PRINS VAN 'T PEJJERLANDJ
2001/2002 nr.1 : Tekst: Paul Gulikers - muziek: Johny Blenco
Zang: De Zoepköp

Refrein:
Ach koos ich toch de prins ens zeen, de prins van oos Pejjerlandj !!!
Wie sjoan zoew toch et laeve zeen es prins van het Pejjerlandj !!!
Van smorges vreug tot saoves laat in et middelpunt te staon !!!
Van smorges vreug tot saoves laat es prins door et laeve gaon !!!

Et klinkt väör uch mesjien waal gek, mer es kèndj wis ich et al direk.
Later es volwassen mins, den waer ich eine echte prins.
Dus in de vastelaovestied, kèn ich miene druime ummer kwiet.

De steek mit vaere op de kop, in de polonaise gaon ich väörop.
De optoch door et Pejjerlandk, doezendje minse langs de kantj.
Jao, in de vastelaovestied, kèn ich miene druime volop kwiet.


HOME PLAATSNAMENOVERZICHTHOME


ROAD, GAEL EN GREUN
Tekst & muziek: Siska Backes

Refrein:
Road gael en greun.
Zeen ôs gegaeve.
De vastelaoves klueëre.
Hueëre biej ôs laeve.
Sjpas en plezeer det geitj handj in handj.
Det is väöl mieë waerd es ôs conto standj.

Ôs kaelkes zeen gesjraaptj.
Weer gaon alweer op paad.
Want 't is weer vastelaovendj.
De bekker en de slechter.
De advekaot en zellefs de rechter.
Jao diej viere vastelaovendj.

Mit get glitter op ôs snoet.
Gaon weer d'r weer op oet.
Want 't is weer vastelaovendj.
Pastaor en de keplaon.
Zellefs de menkes oppe maon.
Jao diej viere vastelaovendj.


HOME PLAATSNAMENOVERZICHTHOME


SAMBA
1985/1986: Tekst: Martin Tonnaer - muziek: Martin Tonnaer & Piet Aben


Refrein:
Samba, samba, samba-ba, danstj mien oma smürges vreug in de veranda-da.
Samba, samba, samba-ba, samen mit de poete en de opa-pa.
Samba, samba, samba-ba, danst de oma in de pyama-ma.
Mit vastelaovends kûmptj sie op straot, swingendj op de samba-maot.

Mien oma kreeg de sjiet van steeds mer polonais.
Ze is daorôm op kursus nao Brazilië gewaes.
Zie lieërdje dao de samba van ein samba-danseres.
Hiej bie ôs danstj sie op maot van ein hoempapa-orkes. Jao ...

Mien oma is verslaafdj aan de samba, samba-ba.
De foxtrot, polonaise, die kriege gaar gein kans.
Kômptj geer mien oma taege, de sombrero oppe kop,
laot heûr den mer rüstig gaon, mit asgoonsdig heltj ze op. Jao ...


HOME PLAATSNAMENOVERZICHTHOME


'T KLOPTJ
1996/1997 nr.1 : Tekst: Paul Niessen, Peggy van de Ven & Judith Hover - meziek: Paul Niessen
Oetveurende (*) : Averegs

Refrein:
Mien hert, det kloptj väör de Pejjer vastelaovendj.
Mien oer, die tiktj de vastelaovestied.
Mien hert, det kloptj väör de Pejjer vastelaovendj.
Dae gekke tik, dae raak ich noeat mieë kwiet.

Honderddoezendj klüere in de raegenbaog.
Welke zeen 't sjoeanste, det is väör mich ein vraog.
Gans Pej hungkt vol mit vlagge, dao staon mien klüere op.
Mit de vastelaovesdaag geit roead-gael-greun in top.

Vastelaovesgekke trekke door de straot.
Joekskapelle blaoze häör jeskes oet de naod.
De Aester en de Sjaelen Uul, die danse eine wals.
Eederein versjtuit dich, zellefs esse wauwel kals.

* cassette : Averegs - " 't Kloptj - Pejjer vastelaovesschlager '97 "


HOME PLAATSNAMENOVERZICHTHOME


VAN BÔNTJE AOVENDJ TOET VASTELAOVENDJ...
1976/1977: Tekst: Thei Golsteyn, Harie Aben & Piet Aben - muziek Piet Aben

Refrein:
Jao, zoa weurdj getroch in het Pejjerlandj, door awd en jóngk van elke standj.
Mit de aw-wieverbal begintj hiej de carnaval.
Vanaaf de bóntje aovendj toet aan de vastelaovendj.

De Prins weurdj ein hendje gegaeve en eeder haetj lol veur 't laeve.
En zoa geitj det door toet deep in de nach, gaar gein probleme mit 't gezag.

De Prins geitj 't dalik belaove, de vlag geitj dit jaor weer nao baove.
En alle Pejjer zeen weer biej-ein, de korpse in rieje sjoan naeve ein.


HOME PLAATSNAMENOVERZICHTHOME


VASTELAOVENDJ IN PEY
2000/2001 : Tekst: Wil Heber - muziek: Wil & Geert Heber

Refrein:
Met vastelaovendj, den blief ich hiej in Pej.
Dao hoof ich neet wuud väör te gaon,
en auch neet vreug väör op te staon.
Met vastelaovendj, den blief ich hiej in Pej,
want vastelaovendj, det geitj mich aan 't hert.

Ich wool mèt vastelaovendj op vakantiej,
wool op ski-vakantiej nao Tirool.
Mèr wiej ich de kôffers woor aan 't pakke,
dag ich: waat bös doew noew toch weer aan 't doon ...

Ich môs van miene baas mèt op excursiej,
drie daag op excursiej nao Paries.
Mèr, zag hae, det is mèt vastelaovendj.
Nae, nae, zag ich, den gank mer fein allein ...


HOME PLAATSNAMENOVERZICHTHOME


VASTELAOVESLEEFDE
2007/2008 nr.1 : Tekst: Peter Peters - muziek: Leonora Lucas

Refrein:
Kiek mich èns aan, doe leve sjat
Pak mich èns vas, en laot ós sjoenkele
De vastelaovendj, det geitj zoa gaw väörbie
Daoróm genete weer noew mer väör twieë

‘t Woor mit vastelaovendj, ich zoot get aanne tap
Dao koom ein maetje bönne, och man waat woor ze knap
Mien hert det sloog inèns äöver, mien bein die waerdje slap
Det maetje mós ich höbbe, en leefs ‘n bietje rap.

De optoch mós beginne, ich stóng al oppe ker
Dao woor det maetje auch weer, ich zoog ‘t al van ver
Ich reep toen baove alles, kóm hie, doew lekker stok
Ze koom mit oppe wage, en ich vonj mien gelok

Bie ’t vlagstrieke, woor ich d’r auch weer bie
Ich veuldje mich gelökkig, ze stóng noew aan mien zie
Weer ginge same verder, och waat woor ich toch blie
’t Kós noew neet oetblieve, ’t woor ein vriejerie.


HOME PLAATSNAMENOVERZICHTHOME


VASTELAOVESPARADIES
2002/2003 nr.1 : Tekst & muziek: Roel & Peggy van de Ven
Zang: Averegs en zoea mer get

Refrein:
Väör mich is d'r toch gaaroets geine twiefel.
Ich weit 't zeker, herstikke zeker.
Geer zeentj hiej auch 't laevendje bewies.
Gans Pej is vastelaovesparadies,
Jao, Pej is vastelaovesparadies.

Ich druimde lès äöver 't paradies.
Wie sjoean det waal neet is.
Ich weit, ich höb mich neet vergis.
Det is mit vastelaovendj hie op aerd.
Kôm mit nao Pej, det is het zeker waerd.

De èngelkes, die dansjde polonais.
Het vastelaovesplein,
det woor toen eine ôngerein.
Het wakker waere vèlt noe noats miëe zwaor,
want hiej in Pej, dao waere druime waor.


HOME PLAATSNAMENOVERZICHTHOME


DE VASTELAOVESVLAG
1997/1998: Tekst & meziek: Roel van de Ven
Zang: Zoa mer Get


Refrein:
Zeen weer diej road, gael, greune vlag, den stuitj de waereldj oppe kop.
De vastelaoves driejklueër heise weer toet inne top.
Want diej sjoane vlag, diej seertj de ganse straot,
en wappertj oppe vastelaovesmaot.

De tied is aangebraoke, haol diej vlag mer oet te kas,
en zeuk auch drek dien pekske, jao, det kömtj dich good van pas.
Es heks of mit ein badmöts op, det kèntj toch allemaol,
want mit vastelaovesdaag stuitj neemes ech väör paol.

Weer trèkke door de straote, kiek, dao geitj ein joekskapel.
En hueëre weer diej bloaze, jao, den geuftj det hoonderevel.
De raod van ellef en de hofkapel, diej staon noats langs de kantj.
Ze trèkke dor os prinsriek en sprènge oet de bandj.


HOME PLAATSNAMENOVERZICHTHOME


VORS SJAAK
1971/1972: Tekst: Harie Aben - muziek: Piet Aben

Bie de Pèjer karneval,
stuit al jaore aan het roer,
eine kaerel, fors, spontaan en stoer.
Mit ein stöm wie ein waterval,
Daobie druktj ter gaer 'n graot glaas beer,
en geer kentj hem allemoal weer.

Refrein:
Sjaakie, Sjaakie, al ellef jaor vors in Pèj.
Sjaakie, Sjaakie, det veere weer alle nej.
Sjaakie, Sjaakie, al ellef jaor vors in Pèj.
Sjaakie, Sjaakie, det veere weer noe alle nej.

Op het Hènge stong zien weeg,
dao zoog hae het laevesleech.
Later koom der bie Joséé terech,
en ze trouwdje in de kirk van Ech.
Op Gebrook boewdje hae ein weuning,
dao regeert der noe es keuning.


HOME PLAATSNAMENOVERZICHTHOME


VREUGER
1975/1976: Tekst: Thei Golsteyn & Jan Geurts - muziek: Piet Aben & Thei Hilgers

Refrein:
Wo is 't toch gebleve, 't relpe mit sjoan waer ?
Wo is 't toch gebleve, de klómpereem van laer ?
Wo is 't toch gebleve, wo mót 't allemaol haer ?
Wo is 't toch gebleve, weer deeje 't toch zoa gaer.

Oppe sjoal tuike sprénge, op 't ies lekker lénge.
Oppe straot, dao deeje w'r hénke, te sjoan öm aan te dénke.

De jônges lömmeldje veugel en heim krege ze preugel.
Mit de polstek euver baeke, inne steeg sjreûmke staeke.


HOME PLAATSNAMENOVERZICHTHOME


WAAT EINE ZEIVER
1980/1981: Tekst: Martin Tonnaer- muziek: Martin Tonnaer & Thei Hilgers

Refrein:
Waat eine zeiver, waat eine wawwel, waat eine stómme kal.
Jao, det huérse toch allein mer mit de karnaval.
Waat eine zeiver, waat eine wawwel, waat eine stómme kal.
Jao, det huérse toch allein mer mit de karnaval.

De knien van ome Fien, zoe stuitj in de gezèt,
dae vriedj mit 't hundje van tante Nèt.
De vis van ome Pit, dae haef ein kunstgebit,
en de vrouw van ome Toon haetj maot honderd inne sjoon.

De kuuj van tante Truuj, zoe stuitj in de gezèt,
die slaope eder nach in ein hemelbèd.
De haan van ome Naad drunk altied limmenaad,
en de hoonder van pestoar zènge in 't vrouwe-koar.


HOME PLAATSNAMENOVERZICHTHOME