HOME PLAATSNAMENOVERZICHTHOME


AADWIEF ZIEN
2004/2005: Tekst & muziek: Pieter Classen
Zang: De Aajwiever van Oppe Ruiver

Zoë tösse körs en niejaor
den begint biej ôs de sjtried:
Un pekske veur ut prinsebal
maar ich höb gènne tied.
Det is veur um belangriek
toch bekèn ich hiël sjnel kleur:
Gank doe dich maar get kaupe
ut Aad wieverbal geit veur.
Want eine kiër per jaor, den zien veur d'r veur klaor

Refrein:
Ut sjonste bal, det is Aad wieverbal.
Dao kèn gèn anger bal toch taege'n op.
De ganse aovend huërse sjaele kal,
en sjteit de hiële tent auch oppe kop.
Pas as ut Aadwief oet kump
is de ganse aovend aaf.
En zinge alle wiever den in plaats van ut "alaaf":
"Aad wief zien, is ut sjonste in ut laeve",
"Aad wief zien, det is harsjikke gaaf."

Al waeke van te veure huërse:
Waem waerdt nieje prins?
Dao kènse auch veur raoje
en det duit zoë mennig miens.
Biej ôs is det neet anges,
haet auch weinig om ut lief.
Maar ein dingk det is zeker:
ôzze winnaar is ein Wief!
Want eine kiër per jaor, den zien veur d'r veur klaor


HOME PLAATSNAMENOVERZICHTHOME


DE AAJE BOEK LÖS NAG GREUNE BLAEDJES
1991: Tekst & muziek: Arnold Wassen
Zang: Ex- Prinse Sociëteit

Refrein:
De aaje Prins zuut de jonge maedjes,
en dink: "Wat bön ich aan 't versjliete".
De aaje boek lös nag greune blaedjes,
en wae zal 'm det verwiete?
En den zaet d'r:
"Wets-se wiej ich nag 'n jungske waas,
kós ich dich presies vertelle,
wat 'n boekesjprungske waas"
De aaje boek lös nag greune blaedjes,
mer hae ken ze neet meer biete!

Jong, wat höbbe veur genaote van 't laeve...
Jong, wat höbbe veur 'm altied hel geraak...
Veur krege leefde en veur moogde leefde gaeve,
mer noe veur 't zoegezag höbbe gemaak:

Noe kieke veur tevreje truuk en zinge allemaol:
"De aaje boek vertelt alweer zien aafgezaag verhaol".

Os laeveskaers, en det is ierlik neet gelaoge,
haet gebrandj aan twieje kantje tegeliek.
Jao, veur höbbe wiej de vlinders róndjgevlaoge
en waat euver is, det sjteit hiej noe te kiek...

En drek gaon veur nao hoes met die, woemet veur zien begós,
al lieke ze versjlakkerd, mer ze blieve greun veur ós...


HOME PLAATSNAMENOVERZICHTHOME


AAJE GLORIE
1985 nr.1 : Teks & meziek: Arnold Wassen
Zang: Ex-prinse sociëteit

Refrein:
Veur zien de "Aaje Glorie", ôm ôs waas 't begôs.
Êns kreijde veur "Victorie", êns dreijde 't ôm ôs.
Veur zeen de luuj nag sjpringe, veur lagte zale plat.
Veur huëre uch nag zinge: "Zônne goeije höbbe veur nag noeit gehad".
Veur huëre uch nag zinge: "Zônne goeije höbbe veur nag noeit gehad".

De aaje glorie van 't Vastelaoveslaeve,
det zien de prinse van die drie-en-dertig jaor.
Veur höbbe êns "de Windjbuujels" ôs gezich gegaeve,
êns zôngk geur: "Zônne goeije", en det waas auch waor.
Veur höbbe allemaol ein jaor 't fiës gedrage,
veur sjlooge allemaol veur uch ein jaor de maot ...
Veur leete eine kiër de Vastelaovend sjlage,
veur ware allemaol 'n sjtökske "roeije draod" ...

Ôs "dansmarietjes", die al mooder zien gewaore,
dao ware alle mansluujauge op gerich.
En auch al sjtreke ziej zich in de laup der jaore,
get "Kaloderma" of "de Hoog" op häör gezich ...
Soms kênne veur weer nao de aaje tiëd verlange ...
en nao die maedjes en den zien veur efkes sjtil.
Veur zeen gên "sjterkes" en gên "vaejkes" in häör wange;
Det zôl ôs trouwes neet miër lökke zônger bril ... !

lp "Oppe Ruiver 2"
cd 1994: "Windjbuujels Bedank"


HOME PLAATSNAMENOVERZICHTHOME


DE AAJE KASTELEINS
1975: Tekst & muziek: Arnold Wassen
Zang: Nol Wassen

Refrein:
Biej "Keube" kös ze sjake, biej "Sef" dao kös za kake.
Biej "Jo van Niesse" kaegele en foetele met zjwaegele.
Biej "Siem", dao kös ze sjport bedrieve en 'n uurke zitte blieve.
"Sjan", dao kös ze sjterve, zönger get te erve !

D'r is 'n generasie, die ös haedt, of geit verlaote,
van Luuj, die köste loestere, en Luuj, die köste praote.
Dao waas 't döl gezellig, dao te zitte waas get fijns,
en daoröm zinge veur noe veur os aaje kasteleins:

Ze huurde dök verhaole, die heur gaar neet interesseerde,
ze drönke dök met taegezin, as eemes heur trakteerde.
Ze haaje 't vertroewe, en ze wiste op d'n doër,
nag veul mier van de miense, as de pliessie en pestoer.

lp & single
cd 1994: "Windjbuujels Bedank"


HOME PLAATSNAMENOVERZICHTHOME


'T ALLERLETSTE MUNTJE
1997/1998 nr.1 : Teks & meziek: Jac Linssen
Oetveurende: 25+

Refrein:
Dit is 't allerlètste muntje, en den is 't weer gedaon !
Ich gaef mich zellef nag ein rundje veurder ich nao hoës toe gaon.
'n Lètste sjluukske veur 't sjlaope en 't is net wie-se zaes:
Want morgevreug den blief-se haope: det 't neet de lètste is gewaes.
Want morgevreug den blief-se haope: det 't neet de aller-lètste is gewaes !

Hae zoot maar get te wazele, maar nemes zoog 'm sjtaon.
Toedet d'r eine haaj gezag: "Doe kens maar baeter gaon !"
Hae pakde zich de jas en zag: "Ich zjweef wie ein ballon".
Toen vónj d'r in de binnetès nag ein consumpsiebón.
Hae reep taege de rés: "Ich höb alweer sukses !"

De daag dae waar al-lang veurbiej, 't ganse dörp, det sjleep,
toen hae nag midde in de nach allein nao hoës toe leep.
En wie d'r veur de veurdeur sjtóng en nao de sjleutel zóch:
Toen reep zien vrouw van binne-oët: "Kries doe noe noeijts genóg ?"
En door de breeve-bös… zóng hae vol laeveslös…..


HOME PLAATSNAMENOVERZICHTHOME


ALTIED JÓNK
1995: Tekst: Aad JeugdPrinse - muziek: Gerrit Janssen
Zang: Aad JeugdPrinse

Refrein:
Ajo - Ajo ... is 'n anger waord veur plekkers
mèt 't aug op sjpas gerich
Ajo - Ajo ... is 'n sjtèl jong Offenbekkers
mèt sjoeën dinger in 't zich.
Ajo - Ajo ...
Doe bös zoeè jónk as-se dich veuls, zoeè wie me zaet
Wie 't ouch geit, ..... 't is 'n feit,
det de jeug de toekóms haet.

Doe zuus mei knakkers die hieèl duuster kieke,
den kries-se toch kampassie mèt zó'n volk
en dinks-se : Luuj die lache zien toch rieke.
Juus van der saort zien veur de tolk.

Met Vastelaovend gaon veur ós te boete,
Waert mennig "blikske lache"aopgemaak.
Veur zien d'rbiej van aanvangs-oer toet sjloete
En veur doon det mèt goeje sjmaak.

En let veural èns op ós bliej gezichte,
Zoeè lavendig, zoeè knap en ouch zoeè kien.
Daobiej mót, zónger emus te verplichte,
De idejale zjoeènzoon zien.


HOME PLAATSNAMENOVERZICHTHOME


AS DE ZÔN ÔNGER GEIT
2001/2002 nr.1 : Tekst & muziek: Jac Linssen
Oetveurende: 25+

Refrein:
As de zôn saoves ônger geit, zitte veur zoë gaer biej-ein.
Toet det de maon hoëg aan de hemel sjteit, haaje veur ôs oppe bein.
Al liek de nieje morge nag zoë wiëd, woë 't gezellig is, dao vluug d'n tiëd.
As de zôn saoves ônger geit, den kump 't waal ens veur,
det veur den neet, nae, neet nao bed toe-gaon, maar aaf en toe ens euversjlaon.
As veur den néét nao bed toe gaon, hove veur auch neet op te sjtaon.

De buurman, dae waas jäörig, dae heel léts aan ein fuif.
Dao veel ich van verbazing, zoë get van mien geluif.
Dao zoot de börgemeister, de daeke en pesjtoër.
Die zônge allemaol in koër ...

Veur hôbbe dök "gesjlaote", veur ware dök 't léts,
veur hôbbe dök genaote, zoë lekker aajer-wéts.
Auch noë met vastelaovend, den haaje veur weer paol,
jao, toet de iërste zônne-sjtraol.


HOME PLAATSNAMENOVERZICHTHOME


ASTEBLEEF
1983: Tekst & muziek: Piet van Bree & Dré Geraeds


Refrein:
Astebleef, astebleef, astebleef, waer mienen hertedeef.
Want wie-se 't auch bekieks, doé kriés mien hert veur nieks.
Noe kôm èns doénderbiej, ich haaj 'n plaetske vriej.
Bön neet verlaege, noë kôm mer grös,
want ich gluif des doë veur mich de ware bös.
Jao, ich gluif des doë de ware bös !

De sjterre en de maon, die aan d'n hemel sjtaon,
besjiéne dien gezich, as ich sjmiéspel taege dich:

Zegk is dich al verteld, det t'r eemes van dich hèlt ?
Den kiék ens good nao mich, want dae wuiles, det bön ich !

lp "Oppe Ruiver 2"


HOME PLAATSNAMENOVERZICHTHOME


DE BEERBOËK
2002/2003 nr.1 : Tekst: Arnold Wassen - muziek: Wim Roeffen
Zang: Det môt kenne & de E.P.S ( ex prinse socioteit)


Met eine beerboëk waers ze neet gebaore.
Dae höb ze sjloek veur sjloek, veur sjloek biej-ein gesjraap.
En dae kösde kapitale door de jaore,
maar as d'r klaor is, bös-se gruuëts wie eine aap.
En diene buurman, eine hieële sjmale,
dae zaet: "Doe höbs dien ganse laeve al gelök.
Ich ken eine beerboëk neet betale,
mich greujt 't geld veur eine boëk neet oppe rök."

Mien ieërste sjluukske, det kwaam oët ein mooder börske,
dao-met lésde ich mien allerieërste dörske.
Ich waas eine hiële leeve jông,
dae aan zien mooder hông.
Efkes later drônk ich aan 't ieërste fleske,
en ich greujde oët mien ieërste jeske.
Maar 't fleske greujde met,
en noë zink 't gans buffet:

Maar gisteraovend, miense (det waas efkes sjrikke),
haaj ich meujte ôm mien eige sjoon te sjtrikke.
En toen veur 't ieërs in hieël vuuël jaor,
vônj ich mich zelf te zjwaor.
En ich gaon weer euver op 'n klénder fleske,
en ich gaon weer sjpare veur 'n klénder jeske.
Eine boëk, det hoof neet mieër,
maar ich zing nag eine kieër.:


HOME PLAATSNAMENOVERZICHTHOME


EIN BLAAD OET 'T RUIVERS WAORDEBOOK
1981 nr.1 : Teks & meziek: Nol Wassen
Zang 1 : Nol Wassen & de Eks Prinse
Zang 2 : José & Dré Geraeds

Refrein:
Eine telder kaaj petatte is "ein sjlaatje",
eine hiëring met gèt lauk, det is ein "maatje".
Eine erme soudemieter is ein "bleudje",
eine hiële kleine kapper is ein "Neutje".
Eine Offebèkse Blauwe is ein "Nautje",
en de vrouw van ome Harie "tante Troutje".
De beste sjaatser van de Ruiver, det waas "Graatje",
en de "vriejgezelste" metselaer is "Naatje".

Ich sjeurde 'ns en blaad oet 't "Ruivers Waordebook",
en dao sjting van alles op ...
Ich zat mich met det blaad ein kèteerke in d'n hook,
en noë kèn ich 't al bienao oet de kop ...

Ich gaef uch allemaol, noë det blaedje mei nao hoës,
oet 't "Ruivers Waordebook".
En vindj geur d'r get aan, nou, den oefent geur mèr thoës,
van "De Maas" toet "Bongers Bertus" in 't Brook.


HOME PLAATSNAMENOVERZICHTHOME


BYE, BYE, BYE MADONNA
1988 nr.1 : Teks & meziek: Arnold Wassen
Zang: De Veurwasjes

Refrein:
Eine kieër per jaor met Vastelaovend,
den zegk ich: "Bye, bye, bye, Madonna".
Eine kieër per jaor met Vastelaovend,
den zegk ich: "Michael Jackson, zeuk 't dich mer oet !
Eine kieër per jaor met Vastelaovend,
den drink ich cola in de plaats van seven-up.
Eine kieër per jaor met Vastelaovend,
den zing ich: "Prins doe bös de beste van de klöb".

In de tillevisieshow en oppe radio, bringk Madonna altied laeve in de boet.
Ózze pap dae zaet: "Wat zeen ich, zingk det sjterio, zit dae knómmel zaachter of ich drei 'm oet".
Den zegk ich: "Pap, sjnap get van ózze tied, des wat de jeug vreug; dit kimp nao de beat".
Met Vastelaovend tap ich oet 'n anger vaetje, den drei ich idder daag ein Vastelaovesplaetje.

Michael Jackson dans en ich zegk: "Pap hae is begós, des te gek, det vinj ich sjiek; Det vinj ich gaaf !"
Ózze pap zaet den: "Det höb ich vreuger auch gekós en reep ich ouch nag twintig kieër "Alaaf !" "
Hae zaet: "I like Mike Jackson in de knöp, vertel mich ens, mens doe det dae verköp ?"
En den zeuk pap zich zienne Luxemburgse zender of dreit zich "Bruno" vand die aaje "Ergerländer".


HOME PLAATSNAMENOVERZICHTHOME


DAE DUIT MER GET
2006/2007: Tekst & muziek: Arnold Wassen
Zang: Dét môt kénne!

Refrein:
Dae duit mer get, dae duit mer get, dae fôddelt mer get aan,….
dae trek zich wáál de keel, mer verder nörges get van aan.
As ich “ links “ zek geit d’r rechs, en as ich “ rechs “ zek geit d’r links…
Hae vinjt zichzelf ein raspaerd, maar ‘t blief eine boerenhings…
Hae vinjt zichzelf ein raspaerd, maar ‘t blief eine boerenhings.

Geur kent um allemaol, dae eige wiëze….
det is dae met det plenske veur de kop….
velt nörges in de sjmaak of in de priëze….
dae velt allein mer oët de rol en det velt op.
As dae zoë door geit, velt d’r vreug of laat’….
door de manj en efkes later in ‘n gaat.

In wintjerdaag den wilt d’r sjperjes sjtaeke….
in zomerdaag den löp d’r met de sjlieps….
as dae vandaag ‘t linkerbein zôl braeke…..
den zag d’r:” Zet mich maar ‘t rechter in de gieps!”
Maar met de vastelaovend geit d’r droët,
en hae löp de ganse optoch achteroët.


HOME PLAATSNAMENOVERZICHTHOME


DEN KÈNNE VEUR ALLES
2010/2011: Tekst & muziek: Bas Geujen
Zang: De Eindaagsvlege

Refrein:
Den kènne veur alles,
den kènne veur alles.
Den kènne veur dit en det,
en nag vanalles.
Idder jaor mèt die daag
van joeks en jen,
liek ’t of d’r gaar nieks hoof
en of d’r alles kèn.
Jao, idder jaor weer
as ’t Karneval is,
den kènne veur alles.

’t Ganse jaor den sjtaon veur wiej zó’n bleudjes
te hannese mèt twieë linkerveutjes.
Maar hure veur mèt Vastelaovend örges ‘nne mars,
den sjtaon veur hiej te swinge net wiej “Densing Wis Ze Stars.”
En wiej det kèn, let op,
ich zègk ’t dich:
“veur kómme baeter oet de verf
mèt sjmink op ós gezich!”

’t Ganse jaor den kèn ich neet versiere.
Mèt maedjes ómgaon,
mót ich ech nag lieëre.
Maar mèt de Vastelaovend,
nou, den kèn ich d’r get van:
versier ich alle vrouwluuj net wiej eine “Don Juan”.
En wiej det kèn,
let op, ich zègk ’t dich:
“veur kómme baeter oet de verf
mèt sjmink op ós gezich!”

En wiej-t geur huurt en zeet:
Ouch zinge lök ós neet,
en toch bringe veur dit leed!


HOME PLAATSNAMENOVERZICHTHOME


DET HÖB ICH WEER
2006/2007: Tekst & muziek: Pieter Classen
Zang: Pieter & De Aajwiever vanne Ruiver

Refrein:
Det höb ich weer, det höb ich weer
Zoeë geit det noe altied
Det höb ich weer, det höb ich weer
Mien gelök det bön ich kwiet
Ein óngelök zit in ein heukske, waem haet det bedag
Det ich dao altied in sjtaon det haaj ich toch neet verwag
Det höb ich weer, det höb ich weer
Waert den al sjnel gezag

Mèt Vastelaovend d’roet gaon
Vuuël miense oppe bein
Ich gaon biej eine groep sjtaon
Want ich bön maar allein
Gaef dao geliek ein röndje, höb den drek gèn muntjes mieër
Ze prooste en vertrekke, jao zoeë geit det idders kieër
Zoeë sjtaon ich mèt mien pilske hieël veurzichtig aanne kantj
Den kump de polonaise, sjtuuët det auch nag oet mien handj

En geit me saoves sjloete
Den is ’t auch weer tied
Mót zónger jas nao boete
Auch dae bön ich noe kwiet
’t Volgende probleempje det óntdèk ich den auch pas
Want miene fietsesjleutel dae zoot in daezelfde jas
De fiets dae sjleip ich mèt en dink wie kèn det allemaol
Den hèlt mich nag de pliesie aan maar gluif neet mien verhaol


HOME PLAATSNAMENOVERZICHTHOME


DICH MAAKS MICH HARSTIKKE GEK
Tekst: ? - muziek: ?
Zang: De Rambo's

commanderen det duis dich zo gear
Joa ich krieg van dich het heen en weer
Dich maaks mich harstikke gek (2x)

De ganse daag heur ich dien klagerie
van det gekanker wear ich ech neet blie
Dich maaks mich harstikke gek (2x)

Refrein:
Wat ich doon, doon ich neet good
Straks verleer ich miene mood
Dich blijfs lameteren, kins mich sjageneren
Joa alied det gekanker, maak mich harstikke gek

Met al die leugens duis se mich verdreet
Met dich te leve nee det wil ich neet
Dich maaks mich harstikke gek (2x)

Zeen ich dich sjanse met 'n andere vent
Dich bedreugs mich, zelfs hiej in dees tent
Dich maaks mich harstikke gek (2x)

Van dich te houwe nee det velt neet mit
Edere daag weer dezelfde sjit
Dich maaks mich harstikke gek (2x)

Joa harstikke gek joa joa joa... harstikke gek.


HOME PLAATSNAMENOVERZICHTHOME


DOE BÖS DE BÊSTE VAN DE KLÖP
Tekst & muziek: Arnold Wassen
Zang: Lei Driessen

Refrein:
Doe bös de bêste van de clöb, doe bös 't bêste wat ich höb.
Ich blief 't zegke, alzoelaeve, al houws doe nag zoe dök d'r naeve.
Doe bös de bêste van de clöb, doe bös 't bêste wat ich höb.
As ich opniej beginne mós, pakde ich dich weer, as 't kós !

Doe bös neet de sjlumste, en gaar neet 't netste,
maar waal miene iërste en auch miene letste.
Op ein resepsie löps ze achter mich nao binne,
zoe des ze wêts, woes ze met hendjes mós beginne.

Doe bös neet de zeutste, mer gaar neet de zoërste,
doe bös neet 't gekste, en neet de beroërste.
Van luuj, wies doe, kump noeit gèn letter in de krante,
maar geur ziet van die óngesjlepe diamante ...

1977/1978: lp & single
cd 1994: "Windjbuujels Bedank"


HOME PLAATSNAMENOVERZICHTHOME


DOE HUBS MICH BEDROGE
Tekst: Matje - melodie: 'Pretty Belinda'
Zang: De Rambo's

Doe hubs mich bedroge, kiek in mien auge
Blief weg bie die vente, die amper get dauge
Ederein zei nog, gebroek dien verstandj man
Verdrink dien verdreet neet ..doa wurs ze bedreuf van

Dich bòs zo'n meadje, wat ederein nao lòp
Wat is het toch joamer, det ich det gedoan hòb
't waor in 't weekend, det ich zoot te wachte
romantische oere had ich in gedachte

't doerde maar weake, maar noe is gebleke
des doe 't neet aafliers, ..mien kans is verkeke
ich gaon nao mien vrunj weer, want die zien toch ierlik
same mit dich zeen, det is te gevierlik

Ich zit aan de bar, en ich bòn in gedachte
Deep in mien hert, zit ich op dich te wachte
't heat genne zin mier, doe hòbs mich verloate
't heat genne zin mier, doe wils neet mier proate

't doerde maar weke, maar noe is gebleke
des doe 't neet aafliers, mien kans is verkeeke
ich goan nao mien vrunj weer, want die zien toch ierlik
same met dich zeen, det is te gevierlik...


HOME PLAATSNAMENOVERZICHTHOME


DRIEJ DAAG WINDJ IN DE RÖK
1994 nr.1 : Teks & meziek: Ron Asper & Wiel Reivers
Zang: Team basissjoël Offebek

Refrein:
Laot maar gaon wie 't geit, laot maar weije wie 't weijt.
Windj höbbe veur zelde taege !
Laot maar gaon wie 't geit, laot maar sjtaon wie 't sjteit.
Óm sjtummung zitte veur noeijt verlaege !
Wat höbbe veur gelök:
Met vastelaovend driej daag windj in de rök !
Laot maar gaon wie 't geit, laot maar gaon wie 't weijt.
Met vastelaovend driej daag windj in de rök !

Vanaaf de ellefde van de ellefde, ich weit neet wat ich höb;
Ich höb zoe 't idee det alles gans vanzellef löp.
Det geveul van vastelaovend geuf weer idder goeije zin:
Dao huur ich al de blaoskepel, de Prins en ziene Raod.
Kóm op: Noe sjpring d'rin !

En zit 't mei den ouch ens taege luuj, ómdet neet alles lök;
De ein löp maar te renne en de anger maak zich drök.
Maar veur höbbe noe ens driej daag van dit alles gènne las:
Hiej löp noe alles wie gesjmaerd, geit alles veur de windj:
Haaij uch maar aan ôs vas !


HOME PLAATSNAMENOVERZICHTHOME


DE ÈLLEFDE VAN DE ÈLLEFDE
Teks: Lam Boonen - meziek: Gerrit Janssen

Refrein:
De èllefde van de èllefde is 't tied ... veur dinke weer aan Vastelaovend.
De èllefde van de èllefde zien veur kwiet, al is 't mer veur eine aovend.
De èllefde van de èllefde is 't zoe wied, den waerd 't meines mèt de sjpas.
't Sein geit den veur ós op roeëd-gaul-greun, veur loupe efkes oet de pas.
't Sein geit den veur ós op roëd-gael-greun, haaj uch mer aan ós sjtuuke vas.

Wannier de blaedjes wee gaon valle, en mei de hemel aug get duuster zuut,
den gaon veur weer de rös verknalle, mèt èllef sjeut as ludiek saluut.
Os reuzeknón sjprik duudelikke taal, aug geur begriep det waal.

As ich vandaag hieël good zal zorge, den brach det mich väöl geld en good mesjien.
En mèt det sjoefte kós ich morge de riekste van 't kerkhaof zien.
Nae, dit idee det is mich get te link, weit geur wat ich noe dink ?

mc: "Ruiverse Sjlaegers 1990-1991"
cd 1994: "Windjbuujels Bedank"


HOME PLAATSNAMENOVERZICHTHOME


EIN GAAT VAN FIEFTIG MAETER
1989: Tekst & muziek: Ar(nol)d Wassen
Zang: Ar(nol)d Wassen

Refrein:
Ich höb ein gaat van fieftig maeter...
en des te danke aan de brök en aan de baan...
en det gaat van fieftig maeter...
det geit vertrekke en kump langsaam op dich aan...
Ich höb ein gaat van fieftig maeter...
Doë höbs geliëk, des doë dao gaar neet gaer nao kieks,
ômdet ein gaat van fieftig maeter
gewuün ein sjtökske vastelaovend is van nieks...
ômdet ein gaat van fieftig maeter
gewuün ein sjtökske vastelaovend is van nieks!!

Op ein vergadering zag ôzze sikkertaris:
" De Groëte Optoch sjteit weer biënao veur de deur...
en ich zeuk nag eine ordecômmissaris! "
Ich zag: " Hiëj sjteit d’r! " En toen deeje ze mich veur...
... wiej ich de wolleke-tollekie vas môs haaje,
en wiej ich de batteriëje op môs laaje,
Ze zagte: " Bemeuj dich néét met de miense aan de kantj...
en velt d’r ein gaat, den sjtaek diene kop neet in de zandj...
Dus kump d’r door de euverwaeg ein gaat in diene show...
den pak de wolleke-tollekie en den zek: Hallo, Hallo... "

Ich höb ein baantje, en al vindj geur det det raar is...
ômdet geur dao nag noët ein punt van höb gemaak...
maar de echte, goëje ordecômmissaris...
dae haedt ein zjwaore en vrantjwaordelike taak...
Ich zek: " Dae tractor is te zjwaor gelaaje! "
En ich môt de gate in de gate haaje...
want velt d’r ein gaat, den kômme ze mich aan mien gezôndj...
Jao, zeen ich ein gaat, den kroep ich ’t leefste in de grôndj...
En door de wolleke-tollekie gaef ich dóór nao miene maot:
" ’t Gaat is ôngerwaeges nao de vollegende sjtraot ! "


HOME PLAATSNAMENOVERZICHTHOME


GENNE SJTORM HELT ÔS TAEGE
1992 nr.1 : Teks & meziek: Ron Aspers & Wiel Reivers
Zang: Team BS "Offenbeek"

Refrein:
Gènne sjtorm hèlt ós noe taege, gèn vakansie lok ós weg !
Gènne Draak zal ós bewaege en 't werk haet driej daag pech !
Vastelaovend oppe Ruiver is 't sjónste sjteeds opniej !
Want Windjbuujels zien d'r euveral, maar de sjónstje die zien hiej !
Jao, Windjbuujels zien d'r euveral, maar de sjónste die blieve hiej !!

De gekke daag, die braeke aan, de hoeze zien verlaote.
De Windjbuujels hange driej daag lang in de sjoën versierde sjtraote.
Neemes maak zich noe nag drök, de zörg gaon aan de kantj !
't Zien de daag det ós alles lök: Jao, 't is fieës in 't Windjbuujellandj !

De gekke daag, die braeke aan, toch gaon d'r luuj noe pleite !
Ze gaon noe nao 'n anger landj, jao, ze móste toch 'ns weite !
Gèn vakansie noe veur ós, gén werm of zónnig sjtrandj.
De sjónstje daag die zien noe begós. Det is 't fieës in 't Windjbuujellandj.


HOME PLAATSNAMENOVERZICHTHOME


GÈN PANIEK
1983 nr.1 : Teks & meziek: Piet van Bree & Dré Geraeds
Zang: Windjluv

Refrein:
Gen Paniek, gen paniek,
dalik huërs ze weer dae hoem-pa-pa meziek.
Die jônges môtte efkes röste,
omdet die auch 'n pilske löste.
Want met 'nne kael zoa druëg as laer,
sjpeele die besjlis neet gaer.

Wilse 't gezellig laote blieve, sjeij den oët met al det kiëve.
Gaef die jônges nag ein rundje beer, den sjpeele die waal weer.

Greek neet as die träote efkes zjwiege, dae träoter môt zien pilske kriëge.
Of hae môt ens efkes achter de hek, dus loester wat ich zegk.


HOME PLAATSNAMENOVERZICHTHOME


GOOD GEAMMEZEERD
2000/2001 nr.1 ( èn L.V.K. nr.1) : Teks & meziek: Arnold Wassen
Zang: Det môt kénne !


Hôb ich mich gister-aovend nag good geammezeerd,
en môt ich nag get betale?
Waem haet d'r gister allemaol van mich geprofiteerd,
en toen 't beer laote versjale ?
Wat zaesse: "Hôb ich aan de lampe-kap gehange,
en toen 't vogelnésje nag ens geprobeerd ?
En bön ich toen door diej eike taofel haer gegange ?
Den hôb ich mich gister good geammezeerd !

La la la la …..

Ich bön op sjtap gewaes met 'n hiël gezellig sjtel.
Begöste hiël veurzichtig, maar later ging 't hél.
Maar noë bön ich vergaete wat ich hôb gedaon.
Waas ich mer oppe tiëd nao hoës gegaon.
Ich höb de kastelein gebeld, en toen de vraog gesjteld ...

Jao, det is lang geleje, dae tiëd kump neet mier truuk.
De létste jaore haaj ich mich mier en mier keduuk.
Noë wil ich gaer vergaete wat ich hôb gedaon,
maar ich waas jôngk en dach: noë laot maar gaon.
Maar toch waerdt noë nag dök verteld, det ich toen höb gebeld.


HOME PLAATSNAMENOVERZICHTHOME


GOOD GEMÖTS
2008/2009: Tekst & muziek: Pieter Classen
Zang: Pieter en de Aajwiever

Refrein:
Wat zuus doe oët,wat zuus doe oët,
Noe kiëk wat ein gezich!
Wat höb-se dich weer aangedaon,
kiek dae baove kantj van dich:
Ich dach: met mien möts det zit waal good,
en noe,noe zeen ich diene hood…
Maar mit dich en diene hood, gaon ich gaer ( al waerd ’t laat ),
good gemöts,goodgemöts,good gemöts op paad,
good gemöts,goodgemöts,good gemöts op paad.
4e keer:
Van sjmorges vreug toet saoves laat

’t Ganse jaor op zeuk nao inspirasie,
nao get niejs,nao get biejzönjers,gans uniek!
Maonjdelang gewerk aan mien kreasie….
Ich wis’t noe hiel zeker,dit waas sjiek !!
Ich dach:”Det zit waal good”!
Maar waem krieg hij de vaere oppe hood??

‘t Waas zoewiët ’t fieës kós gaon beginne,
ich haaij noe waal get biejzóngers éch uniek !!
Kós ich zoëget sjoéns toch zelf verzinne?
’t Ganse Prinsebal det reep:”wat sjiek”!!
Ich dach: ”Det zit waal good”!
Maar waem krieg hiej de vaere oppe hood??


HOME PLAATSNAMENOVERZICHTHOME


GOUDE RINGEN
Tekst: ? - muziek: ?
Zang: De Rambo's

Ich wil dich allang get zegge,
Weit neet wie ich-det oet mot legge..
Deze ringk wil ich dich geave, eine ringk veur 't leave
Want doe bòs veur mich de vrouw
Nemes ken dich oeit vervange
Want zo puur as goud, as dea ringk van goud
Zoè is mien leefde veur dich,

Wils doe mich dien leefde schenke
Mich doa in laote verdrenke
Gooie maar auch slechte dage..., weer goan met zekerheid slage
Zulle weer dea lange weg,
Handj in handj den same loape...
Want dea goude ringk, deze goude ringk..
Bringk oos gelòk veur altied,

As den ens noa al die joare,
Oeit, oos kinjer ens vroage
Woa weer oos toen leerde kenne, den zal ich dit gear bekenne
Zeen ich dich noa al dea tied.
Deze goude ringk nog drage?
Want zo puur as goud, as dea ringk van goud
Zo is mien leefde veur dich.


HOME PLAATSNAMENOVERZICHTHOME


GRIEKSE MELODIE
Tekst: Arnold Wassen - muziek: ?
Zang: De Rambo's

't is al hiel veul joar geleje, veur ware op 't eiland Kos
Det sjoen wit hoes... woein oos leefde ens begos
Veur lachte same noa 't leave,
En dachte, dit is puur geluk,
Ich dink nog dõk... aan det eilandje trõk !

Refrein:
Huur ich die griekse melodie,
Den weart mien hert opniej weer bliej
Veur zweefde same door de nach, ich haaj noeit gedach...
Det 't zoè sjoen kos zien
Huur ich die griekse melodie,
Den weart mien hert opniej weer bliej
D'r ginge hiel veul jaor veurbiej, en noe zek ich
Ich haaj nog veul van dich.

De jaore kwame en ze ginge,
De tied ging snel aan oos veurbiej
Maar in oos hert, maak de herinnering oos bliej!


HOME PLAATSNAMENOVERZICHTHOME


HARIE
2003/2004 ( LVK nr.3 ): Tekst: José Geraeds - muziek: Jac Linssen
Zang: 25 plus

Refrein:
Wat ein bombarie, wat eine larie….
idderein haet 't euver Harie.
As of d'r hiej mer eine vastelaovend vieërt,
vergaet 't mer, det höbbe ze ôs auch gelieërd.
As kindj zien veur dao vreuger meij begôs,
waem zaet det hae 't baeter duit as ôs?

Harie ken neet opsjtaon, hae wilt neet nao bed….
Harie ken neet kösse want hae zit aan 't buffet.
Harie ken neet danse, daovan waerd hae meug,
waal met maedjes sjanse,det geit door toët sjmorges vreug.

Zegk mich:"waorôm gaon in fibberwarie",
altiëd alle liedjes euver Harie?

Vastelaovend viere, det ken idderein,
aad en jôngk en diëk en dun gezellig ôngerein.
Dus al héts ze Karel, Truus of Frits of Fien,
doot mer meij dao hoofs ze génne Harie veur te zien.

Zegk mich:" waorôm gaon fibberwarie"…
altiëd alle liedjes euver Harie?


HOME PLAATSNAMENOVERZICHTHOME


HARIE DE BAER
2004/2005 nr.1 : Tekst & muziek: Arnold Wassen
Zang: Dét Môt Kènne

Ich kwaam ens ( lang geleeje ) biej de börgelikke sjtandj
En zag:'hallo, vanmorge is de oojevaar gelandj.'
Ich neum 't menke Harie, want dae naam dae huur ich gaer,
Maar mooder zag:'ich neumde ôzzen Harie leever baer.'
En ich môt zegke mooder haaj geliek
Want as ich ôzzen Harie noë bekiëk........den zing ich:

Refrein:
Ha-a-rie, wat bös doe eine Baer?
Harie, woë môt det met dich haer?
Doë môs met hôngerd twintig kilo door 't laeve,
As doë op de bank zits hink de rente links en rechs d'r naeve
Ha-a-rie doë wets det ich 't mein,
Want ôm dae dieke boëk van dich maak ich mich diëke bein!
Want ôm dae dieke boëk van dich maak ich mich diëke bein!

Met vastelaovend waerde Harie driej maol ellef jaor
En nao d'n optoch sjtinge tanzmarietjes veur um klaor.
Die sjtoole iërs 't hert van Harie en d'r nao de sjoow.
En goove um toen auch nag eine knuffelbaer kado.
En in ein prachtig zelf gemaak gedich...
Huurt Harie: 'deze Baer, dae liek op dich'... en weer klink:

En achter in 't zaelke sjting ein laeves groëte doës,
Versiërd met eine roëje sjtrik en met ein roëje roës.
En Harie deej d'n deksel aop en reep: 'ich höb sukses',
Want hae kreeg ein as knuffelbaer verkleijde danseres?
Dae leeve sjat dae zag: 'hallo, hallo'.
Ich bön vanaovend Harie zien kado... en zing van:


HOME PLAATSNAMENOVERZICHTHOME


D'N HERDER EN PESJTOËR
?

Pesjtoër trof eine herder en zag: "Loester kameraod,
jông, wiej geit 't mêt dien sjäöpkes; Laupe ziej nag in de maot ?"
Maar d'n herder zag: "Pesjtoër, d'r zien nag zake,
woe-se miense en auch sjäöp mêt sjoëw kêns make !"

Ze kalde nag ein oër, toen zong de herder en pesjtoër:

Refrein:
Als d'n herder gênne hôndj haaj en pesjtoer d'n duuvel neet,
den leep gên sjaop miër wiej 't môs en waas d'n duuvel los biej ôs !
Als d'n herder gênne hôndj haaj en pesjtoer d'n duuvel neet,
den waas d'r neemes, dae zich nag get zêgke leet !

Mêt Vastelaovend is t'r 'nne Prins, dae is de baas,
en dae regelt 't plezeer in idder plaetske aan de Maas.
En den zeen veur allemaol weer det 't good geit.
Neemes kên d'r zônger eemes dae de maot sjleit !

En daorôm zinge veur, mêt Vastelaovend veur de deur:

lp "Oppe Ruiver 2"
cd 1998: "Ruiver Alaaf"


HOME PLAATSNAMENOVERZICHTHOME


HI HA HEIDEWIETSKA
1979: Tekst & muziek: Arnold Wassen
Zang: Lei Driessen

Refrein:
Kôm allei, zing ens mei, heidewietska.
Heidewietska, zing ens mei,
want dit melodieke zaet mich get,
noëts in "Hitpereed" gewaes, toch net.
Kôm allei, zing ens mei, heidewietska.
Heidewietska heur ich gaer.
Ich môt daobie altied dinke,
aan de tiêd van vreuger haer.

Van mien prille jeug ging väöl verlaore, väöl herinneringe bön ich kwiet.
Haes ze heimwee nao die jaore, geis ze den neet te wiet ?
Mer de nostalgie, die blief mich dwinge, zoë is ´t al dök begós.
En die vreug mich ôm te zinge: ´t ierste liedje det ich kôs.

As ich allewiel meziek huûr make, hiël eintoënig met väöl decibel.
Is det sjtampe en det kwake, neet erg zuuver mer waal hél.
Punk of twiste, beat of rock en rolle, is waal leuk mér neet te dök.
Ich kôm biej van al det dolle, met ein aajerwets sjoën sjtök.


HOME PLAATSNAMENOVERZICHTHOME


HIEJ BIEJ ÔS
1989 nr.1 : Teks: Ron Aspers - meziek: Wiel Reivers
Zang: Windjkrach 23

Refrein:
In Venlo kreit de Jocushaan, in Beesel sjpiejt de Draak ...
In Arce waer-se drie daag lank veur Keiesjieter oetgemaak.
Remunj det haet noe zienne Uul, maar biej ós en det moog d'r zien:
Dao weit noe 'ne Windjbuujel, en dao sjteit 'n sjtök kemien.
Laot alles sjtaon zoe-as 't sjteit en zorg det dae windj good weit.

Noe sjtel dich veur, wie zól 't zien, det waas toch gen gezich,
"Vors Lucifer" regeerde hiej met zien "Kaetelgerich".
Doot den ouch maar gaar niks verkierd, zit det maar oet de kop,
want angers waer-se rap in zienne kaetel gesjtop !

Noej sjtel dich veur, wie zól 't zien, det waas toch nieks veur ós,
de Beeselse Draak waas 'ns hiej, de Drake-boch begós.
De Windjbuujel ging neet in de lóch, d'r waas gen Joeksmenie ...
Den sjtoke veur dae Draak en det idder jao opniej.

cd 1998: "Ruiver Alaaf"
mc 1989-1990: "Ruiverse Sjlaegers 1989-1990"


HOME PLAATSNAMENOVERZICHTHOME


HOJJE LEEVE GÖLDE
2001/2002: Tekst & muziek: Arnold Wassen
Zang (*) Dèt Môt Kènne
?

Refrein:
Ich zek: hojje, leeve gölde…… kôm mer oët die aaje zök,
ich zek: hojje leeve gölde….. doe brachs leid, mer auch gelök.
Ich zek: hojje leeve gölde,…. doe höbs väöl gedaon veur mich,
ich bring dich hiël väöl hölde,… ich krieg noets genôg van dich. (2x)

Leeve gölde, 't waas good ôm dich te höbbe.
Jao, idder miens haaj dich gaer, hiël dök oppe tes.
Want waem dich op haaj, dae haaj nieks mier oppe röbbe,
en waem dich hiël dök haaj, haaj meistel auch sukses.
Doe höbs dich altied prima van dien taak gekwete,
det zek ich ierlik, dien lank tiedperk euverzeend.
Maar … as ich zoog wie hiele rieke met dich sjmete,
den waas 't net ofs doe neet ierlik waas verdeend.

Wets ze gölde, wat biej dich altied de mop waas,
det zelfs 't sjerpste naeske vônj des doe neet sjtônks.
En det ich dich pas ging waardere as ze op waas,
en neet mier wis wie des ze oet zoogs; wiejs ze klônks.
Veur zalle same aan de euro môtte wenne,
doe zals verdwiëne oët de beurs en van de bank.
Doe bös allein nag in-'t museum te bekenne,
daag leeve gölde, doe waars good; doe bös bedank !

* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201


HOME PLAATSNAMENOVERZICHTHOME


HOJJE PAP EN MAM
Tekst & muziek: Lam Boonen / Gerrit Janssen
òf
Tekst & muziek: Wim Bertrams
?

Refrein:
Ich zek hojje pap en mam, ich gaon oppe boemeltoër.
Ik zek hojje pap en mam, ich bön weg de iërste oër.
Want het is weer carnaval, hiej en dao en euveral.
Ik zek hojje pap en mam, maak uch mèr om mich neet diek,
ich bön pleite, mei met de meziek.

Klein Frenske waerde groëte Frans, en wool waal ens op sjtap.
Met zestiën kwaam zien groëte kans, hae pakde die zich rap.
En veur det emes het begreep, waas hae al ram verkleid.
En veur det hae nao boête leep, zach hae het duit nich leid.

Ein dolle mina is oos Mien, allein mèr veur drie daag.
Den wilt het "femenistisch" zien, druûg bolhood, sjlieps en kraag.
As man verkleid get het den "draan", oos mam vindj det neet fijn.
Mèr Mien trek zich dao nieks van aan, zaet Man en Vrouw zien ein.

1979/1980: lp & single
cd 1994: "Windjbuujels Bedank"


HOME PLAATSNAMENOVERZICHTHOME


HONING AANNE VOT
2003/2004 nr.1 : Tekst & muziek: Bas Geujen
Zang: Leiding Jong Nederland Offenbeek


Refrein:
Volges mich, volges mich höb ich honing aanne vot.
Keek zoënet 'ns om, sjrók mich has kepot.
Ich wól allein maar door de zaal haer trekke,
noe bliek idderein aan mich te blieve plekke.
Miense, zègk mich effe wat geur van mich mot.
Of höb ich mesjien waal honing aanne vot?

Harie dae waas mètte Vastelaovend weer op sjtap.
Hae wól get te drinke, dus hae ging maar nao de tap.
Halverwaege waerde hae toch sjoew.
Hae kwaakde: "wat gebeurt mich noe?!"

"Ich mot van hiej nao dao, waoróm kómp geur mich nao?!"

Idderein zag: "Harie jóng, wie kumps-se dao noe biej?
Loester effe wat veur zègke, loester efkes hiej:
As veur dreije sjteis doe achterop,
Dit is de polonaise en doe löps op kop!"

Ze dreijde zich toen óm en zónge: "Harie, kóm...!"


HOME PLAATSNAMENOVERZICHTHOME


ICH GING DOOR HET VUUR VEUR DICH
1977: Tekst & meziek: Arnold Wassen
Zang: Leo Driessen & E.P.S. Ruiver

Refrein:
Ich ging door ´t vuur veur dich, Marie, mer "laot mer gaon".
Ich sjting in mien haemp veur dich, Marie, mer "laot mer sjtaon".
Mer ich heel dich die wits neet biej, Marie,
en noe is ´t veurbiej met dich, Marie.
Ich bön neet miër bliej mèt dich, Marie, ´t is gedaon ! ! !

"Laot mich mer sjtaon; as doe mer zits.
Pak doe dich d´n appel; gaef mich mer de kits.
Pak doe dich ´t veurdeil; gaef mich mer de sjaaj.
Pak doe dich de wermte; gaef mich mer de kaaj".

Det zag ich taege dich, mer noe huurs doe van mich.

Hae houwde mich, hae kösde dich,
hae zat zich mèt dich in ´t bankstel van mich.
Doe maaksde um waegwiës, en mich in de war.
Hae waerde de prins, en ich waerde de nar.

Noe wils van mich aaf, ich zek: Ich hou "A l-aaf".


HOME PLAATSNAMENOVERZICHTHOME


ICH HAAJ VAN DICH
1982 nr.1 : Teks & meziek: Ger Geerlings
Zang: Raod van Elf

Refrein:
Ich haaj van dich zoë as de bieje van de blome,
zoë as de veugel van de buim en de sjäöpkes van ût graas.
Doë hüërs biej mich zoë as de klokke biej de tore,
zoë as de Raod hüërt biej de Prins en de Ruiver biej de Maas.

Hoe dök mót ich ût zegke, hoe dök ût dich oetlegke,
des doe veur mich de leefste van de waereld bös ?
Doë mós ût noë weite, ich gaon dich noejts miër pleite,
dus sjtel ich dich nag eine kiër gerös.

Tössesjpel:
Dus maak dich mer neet bang, want dit geldt laeveslang.

As ich ens prins zool waere, den kós se d'r op sjwaere,
det ich de ganse Ruiver driej daag kösse zou.
Biej dich zou ich beginne, zou dich ut meis beminne.
Dit is waas ich dich efkes zegke wou.

Tössesjpel:
Äl kös ich groët en klein, veur dich is dit refrein:


HOME PLAATSNAMENOVERZICHTHOME


ICH MÓT EN ZAL DICH KRIEGE
1996/1997 nr.1 : Teks & meziek: Arnold Wassen
Oetveurende: E.P.S. De Windjbuujels

Refrein:
Ich mót en zal dich kriege, en as mich det néét lök …,
den zal ich dich waal kriege … want doe bös éch ein sjtök !
Verdreet is gauw vergaete, biej dich vinj ich weer troeës.
En idderein moog det weite, en neet allein mer Joeës !
En idderein moog det weite, en neet allein mer Joeës !

Joeës vónj in de sjoondoeës (och wat deej 'm det verdreet),
ein foto van det Nelke, wat 'm vreuger zitte leet.
Zien nummer sjting nag altiëd in de deksel van de doeës,
hae sjlikde en hae belde en zag: "Nel, doe sjpriks mit Joeës".
(En toen zach d'r "Leeve Nel, wèts doe weróm ich bel ?")

Joeës, dae moogde kómme; Nelke haaij 'm in de ban …
Ze laefde van de leefde, mer dao kries se hónger van.
"Ich weit ein restaurant", zach Joeës, "dao gaon veur dalik haer",
en vroog toen "Wils-se get petatte ?" Nelke zach toen "Gaer !".
(Nao de derde frikadel, zag Joeës weer taege Nel:)

Joeës is hieël gelökkig, hae haet zelfs ein sjtök gezump ...
want in Sint Joeës, dae höbbe ze 'ein ei' nao 'm geneump ...
Ze woeëne oppe Ruiver, dao zaet Nel met ein aksent:
"Mien oma die waas vruuger in gans Tegele bekènd".
(Deej dao sókker in 't beer… en zóng met väöl plezeer)


HOME PLAATSNAMENOVERZICHTHOME


'T IEZERPAEDJE
1978 : Tekst: Broer Geraeds - muziek: Huub Timmermans
Zang: De Veto´s

Refrein:
Wao mót ich toch haer met mien maedje,
d´r is gén plaats mier veur ós.
Och, waas t´r nach det sjoën iezerpaedje,
wao auch ós elders zien begós.

Ich höb t´r jaore euver gedaon, get aan ´t hendje te kriege.
Nörges ken ich noe röstig gaon staon, weit neet, wao ich mót blieve.
D´r ware toen plekskes ónger sjöp en sjtruuk óm rustig ein pötje te vrieje.
Toen waas t´r nag get te doon in ós natuur, jao, det ware nag ens sjoëne tieje.


HOME PLAATSNAMENOVERZICHTHOME


IS HIEJ `N PLAETSKE VRIEJ?
2009/2010 nr.3 : Tekst & muziek: Jac Linssen
Zang: Oh Jeij!

Refrein:
Is hiëj `n plaetske vriëj?
En kenne veur d’r hiëj nog biëj?
Veur make ós waal klein,
En kroépe doewn biejein,
Den is d’r zellufs plaats veur driej.
Iers beer,
huur ich den weer,
As ich den roop “kóm, ich trakteer”……
Den weit ich hiél besjlis,
det hiej nog ruümte is,
Veur eine maeter beer!!

Veur waare aan de late kantj,
Ôs sjtamkefé waar vol,
Ich dach: “wat is hiëj aan de handj”.
De rame sjtónge bol.
En wiej ich toen dao binne keek
En al det volk dao zoog……
Toen leep ich noa ein taofel haer,
En wétse wat ich vroog:

De Prins en auch de raod van elf,
Die brachte ein bezeuk,
De miense sjove aan de kantj,
Die vónge det waal leuk.
En idderein sjtóng ziej-aan-ziej,
Det goof ein werm geveul,
De Prins sjtóng oppe taofel,
en de res zóng oppe sjteul:


HOME PLAATSNAMENOVERZICHTHOME


JOEKSKEP...
2009/2010 nr.2 : Tekst & muziek: Bas Geujen
Zang: De Eindaagsvlege

Refrein:
Begint de joekskepel te blaoze,
den versjteis-se dien eige wäörd neet mieër.
Den maak 't neet oet wat (of wao) ze
sjpele, det gebeurt mich idders kieër.
Doe zuus mien móndj den waal bewaege,
maar doe huurs de joekskepel
allein maar träöte, blaoze, vaege
en den ouch nag knaokehel!

Gisteraovend zoog ich toch 'n maedje,
't sjtóng nao mich te kieke aan de tap.
Neet te gluive, wat waas det 'n plaetje
dus ich bön d’r geliek op aaf gesjtap.
Maar toen, net wie ich 'm zag:
“Leve sjat, geis-se mei vann…”
TA-TATA-TATA-TATA-TATA!!!

Toen wól ich 'n rundje gaon besjtèlle,
maar ouch dao kós nemes mich versjtaon.
Want wie ich begós mèt te vertèlle,
begós de joekskepel alweer te sjlaon.
't Gebeurde mich alweer
wie ich vroog: “Moog ich èllef b…”
TA-TATA-TATA-TATA-TATA!!!

Toen dach ich: Ich gaon häör effe vraoge
of ze neet get sjtiller kènne doon.
Maar 't waas weer 'tzelfde, óngelaoge.
De mood dae zakde weer èns in mien sjoon.
Want ze huurde mich weer neet,
't waas weer ens 't zelfde l…
TA-TATA-TATA-TATA-TATA!!!

As de joekskepel d'r neet waas,
den versjtónge veur ós mesjien,
maar de Vastelaovend zól 'n
hieël sjtök minder joeksig zien!


HOME PLAATSNAMENOVERZICHTHOME


KLOON-LIEDJE
1991 nr.1 : Teks: José Geraeds-Ramaekers - meziek: Jac Linssen
Zang: 25+

Refrein:
Met Vastelaovend loupe veur verkleid as kloon,
met roeëje naze en met vuls te groeëte sjoon.
Gesjminkde sjnoete en 'n träötje in de handj,
zoeë gaon veur same driej daag op sjtap in Windjbuujel-landj.
Zoeë gaon veur same op stjap in Windjbuujel-landj.

As kinjer höbbe veur altied al nao de buus gekeke;
As Pipo kwaam, genote veur van al zien dolle sjtreke.
Wat is d'r sjónder, den te kenne bäöke vanne lach;
De baog ken neet gesjpanne zien, det is al zoë dök gezag.
De sjlieps geit aaf, 't heudje op; Veur sjtaon noe oppe kop.

Jao, in os hert, dao zien veur toch 'n bietje kindj gebleve.
De rol van kloon, die is 'n sjtökske op ós lief gesjreve.
Veur sjpringe door de optoch en veur loupe oet de maot.
Jao, ens per jaor, den laeve veur waal driej daag oppe sjtraot.
En is 't sjtrakkes weer gedaon, löp langs die naas 'n traon.


HOME PLAATSNAMENOVERZICHTHOME


LAEF WIE DE ZIGEUNER
Letterlijke vertaling van origineel 'Leef als een zigeuner' Frank van Etten
Zang: De Rambo's

Dink den efkes aan mich

ze waas wie ein godin... avontuurlik mistiek...
Ze laefde van de leefde... plezeer en muziek...
Ze haaj zoveul gehad...toch waas ze nieks kwiet...
... zoè onbereikbaar..

Ze deej mich soms pièn, met 't grotste gemaak...
En vàol jonges haedt ze in dea tied... in 't hertjegeraak...
Ze maakde dich kwaed... en den weer zoè weik...
... Zoè onbereikbaar...
Alles waerde weer good... As ze met 'ne lach dansend veur dich zong;

Refrein:
Laef wie de zigeuner- lach wie de kloon.
Geneet van de momente, aug al bòs ze down.
Vergaet noe 't verleeje- lach dichzelf de toekoms in.
Det duut dich good.

Efkes weg met de probleme- efkes is ze veur dich allein
Veul de wermte van heur leefde- efkes bòs doe nummer ein
Loat 't zunke efkes straole- bòn weer efkes bliej.
Dink den ; waas ze noew maar hiej.

Dink efkes den aan mich- blief ens op mich alert
En preuf ens van mien leefde; zek ich, en wiès noa mien hert
En as doe dans, den dink ich...


HOME PLAATSNAMENOVERZICHTHOME


LAEVE ÓM TE LAEVE
1998/1999 nr.1 : Teks: Bas Geujen & Jos Selen - meziek: Bas Geujen
Oetveurende: leiding Jong Nederland


Refrein:
Jao, laot maar gaon want 't kèn noe nieks mieër gaeve,
veur höbbe zin d'rin veur laeve óm te laeve.
Dit is 't sjónste wat besjteit, want nieks det mót en alles geit.
Gèn gegreek en gèn geklaag want veur laeve ech dees daag.

Hae waas 'nne direkteur, hae laefde veur de zaak :
dieke auto, leuke vrouw; hae haaj 't gans gemaak.
Maar eine kieër per jaor ging de sjlieps van de nek,
den leep d'r driej daag oet de maot en waas de grótste gek.
Hae sjminkde zich de sjnoet en zóng baove alles oet :

De werkluuj keke um toen nao, en ware hieël verbaas :
"Wat sjteis doe noe te sjpringe dao, bös doe noe özze baas ?
Doe vieërs gaer Vastelaovend en det moogs doe gerös,
maar doot det mèt de Vastelaovend en neet mèt de Körs".
Toen dróng 't toet 'm door, en zóng idderein in koeër :


HOME PLAATSNAMENOVERZICHTHOME


DE LÈTSTE
2004/2005 nr.2 : Tekst: Bas Pubben - muziek: Bas Geujen
Zang: Leiding Jong Nederland Offenbeek


Refrein:
Want de lètste det is de beste
Dae sjluut 'm ech good aaf
Jao, de beste dae kump as lètste
Dae geuf dich ein alaaf
Want as de lètste is gewaes den wèts-se zat
Zónne goeje höbs-se ech nag noeijts gehad!

Wiel dae sjpeelde trom biej de groeëte hermeniej
Maar einmaol inne optoch dao heel hae 't neet mieër biej
Maar det kós 'm neet boeje. det waas 'm ech wòrs
Hae leep gans achteraan en hae zóng oet volle bors

Wat vindj geur hiej noe van ?
Ich bön de lètste man !

Knap ein jaörke later toen leep hae toch veurop
Inne polonaise mét 'n mots op ziene kop
Nou, det waas ech ein wónjer, det waas ech hieël leuk
Hae trok de ganse zaal róndj en sjrieëwde ziene sjpreuk

't is nag neet gedaon,
ich zal as lètste gaon


HOME PLAATSNAMENOVERZICHTHOME


DE LÉTSTE
Tekst & muziek: Jac Linsse

Refrein:
Dit is de létste, ich mót noë gaon,….
de allerlétste, laot ich neet sjtaon.
’t waas weer eine hiele sjoëne daag…..
’t waar d’r eine met ein sjtökske in de kraag.
De allerlétste, den is ’t sjloes,
en zék ich hôjje, ich gaon nao hoës!!

’t Aller-iërste rundje, kwaam van de kastelein,
daonao ging ’t vanzelluf, ze kwame ein veur ein.
De tied is ômgevlaoge, ’t viltje volgesjtreep….
jao, toet ich aan die bel trok, en taege idderein reep:….

D’n optóch waas gelaupe, toen kreeg ich ein idee,
en ging d’r eine kaupe, dao in mien sjtamkefeej.
Op ós gezóndjheid prooste, en in de polonaes,
dao hób ich van genaote, maar noë is ’t good gewaes!


HOME PLAATSNAMENOVERZICHTHOME


MAAR MÈT VASTELAOVEND...!
2004/2005: Tekst & muziek: Peter Wijnhoven

Likge veur ónger de daeke vanaovend
Den tèlle veur de waeke wies vastelaovend
En zeen 't lètste sjtökske daag det verdwient
Mèt 't maonleech wat nag op ós lake sjient

Refrein:
Maar mèt vastelaovend,
as de maon is weggesjtuuërd
Gaon veur pas sjlaope,
As de zón weer wakker wuuërt
Maar mèt vastelaovend,
As veur den nao bèd toe gaon
Duurt 't neet lang veur det
Vastelaovend weer is gedaon

Deze nach mèt zien prach is neet oetgebleujd
Ouch ós óngedöld det raak maar neet oetgegreujd
Toetdet 't haenke 's-morges vreug nao ós kreijt
En de windj zich richting vastelaovend dreijt

En gaon veur ónger de daeke vanaovend
Druime veur van zónne prach vastelaovend
En zeen wie vastelaovend langzaam verdwient
Met 't zónleech wat nag op ós lake sjient


HOME PLAATSNAMENOVERZICHTHOME


MÄÖTJE 48
1975: Tekst & muziek: Arnold Wassen
Zang: Wiel Denessen

Refrein:
Toen haaje de meiste mansluuj, meutje ach-en viertig in 't pak;
Toen kös ze nag zjwumme in de Maas, en mös ze nag trouwe in de frak.
Veur twieje kwartjes plekde "Trienes" dich de fiets,
en veur eine gölde, kös ze linksöm liere walse biej de "jiets".
Veur krege biej "An" de ierste bami, woe get sambal onger zoot.
Ich weit neet, wiet geur d'r euver dink, mer mich waas 't good !

Bös doe d'r bienao fiertig, of bös doe ze al gewaore,
den bös ze in dae zoegenaamde "kriesistied" gebaore.
Den höbs ze nag getielepos, gereip en gekordaats,
den höbs ze nag biej muisers op de koekoekswals geplaats.

Den höbs ze genne sjpiet, van diene jönge tied:

Höbs doe biej Sjtroes en Kwair gezaete in dien jonge jaore,
den höbs ze dich nag efkes met 't krebberke gesjaore.
Den zats ze dich nag dök, in de prosessie op de kneen,
den höbs ze Frits en Piet en Leike nag as Prins gezeen.

Al ging 't dich dök sjmaal, gelache höbs ze waal.

lp & single
cd 1994: "Windjbuujels Bedank"


HOME PLAATSNAMENOVERZICHTHOME


MARIE
1986 nr.1 : Teks & meziek: Ger Geerlings
Zang: Ger Geerlings

Refrein:
Hah, wat bösse knap Marie.
Doe mêt dien lekker sjnuutje maaks mien hertje altiëd bliëj.
Gaef mich 'ns ein muulke want ich bön kepot van dich.
Gen maedje oppe waereld haet zon leef gezich.

Drees ging iddere vriedigaovend nao de kastelein.
En aster dao den binne kwaam den kaake idderein:
"Dreis doe bös ein bofkôntj mêt zon vruuke as Marie".
En gruëts goof Drees ein rundje want det maakde um zoë bliej.
Drees ging den oppe taofel sjtaon, al waas 't sjtampevol.
Leet van zien vrouw ein foto zeen, den zônge ze allemoal:

Drees haaj väöl gedronke, hae ging biejnao door de kneen.
En op zien gammel fietske, dus dae auto neet gezeen.
Drees det waas ein bôfkôntj en de dokter ein genie,
want driej daag nao dit veurval, zag Drees: "Dokter kiëk ens hië".
En toen leet Drees de foto zeen, van waem det weit geur waal.
En Drees dae zong, de dokter auch, en de ganze ziekezaal.

Drees kwaam toës en toen loog oppe taofel 'nne breef.
Marie had um verlaote, miense raoj 'ns wat 't sjreef ?
Drees doë bös ein bôfkôntj, ich waar erg op dich gesjteld,
mer deze is vaöl knapper en hae haet auch vaöl miër geld.
Marie had oppe taofel auch ein foto neergelag,
en oppe achterkantj dao sjting: Dae nieje haet gezag ...


HOME PLAATSNAMENOVERZICHTHOME


MÈT 'N MASKE
?

Refrein:
Mêt 'n maske, mêt 'n maske, mêt 'n maske veur de kop,
en 'n maedje aan d'n erm, den fleurt de ganse waereld op.
Veur goëje de zorg maar euver 't hêk,
mêt Vastelaovend doon veur gek.
Mêt 'n maske, mêt 'n maske, mêt 'n maske veur de kop,
en 'n maedje aan d'n erm, den fleurt de ganse waereld op.

Waat is 't 'n ge-ozel en waat is 't 'n geplaar,
de waereld op de kop en veur zien altiëd de sigaar.
Veur werke en veur kuume en veur plaare veur get geld.
Waat is 't toch 'nne rômmel en 'n rotzooi in de welt.
Daarom zinge veur allemaol:

lp "Oppe Ruiver 2"
cd 1998: "Ruiver Alaaf"


HOME PLAATSNAMENOVERZICHTHOME


MÉT EINE GROEËTE BUUJEL VOL SENTE
1999/2000 nr.1 : Teks & meziek: Arnold Wassen
Zang: Det mót Kènne

Refrein:
Mèt eine groeëte buujel vol sente, det begriep toch idder kindj,
kries-se väöl mieër sjoeën momente, as mèt eine groeëte buujel vol windj.
Veur wille de Windjbuujel leefde gaeve, maar make ós toch ein bietje bang,
want van de windj kèns-se gaar neet laeve, en van de leefde neet erg lang ...
Want van de windj kèns-se gaar neet laeve, en van de leefde neet erg lang !

Jao, 't liek waal of de luuj mèt Vastelaovend eine houp mieër kènne höbbe as normaal.
Den zègke ze netjes: "Goeje morgen, goeje aovend", en: "Haaj noe de beurs maar in de tes, want ich betaal !"
(Nae, ze lieje gènne honger en ze lieje gènne dors, en ze zinge allemaol oet volle bors: )

Maar, d'r zien d'r die gèn rundje kènne gaeve en toch aevegood d'r tösse wille sjtaon.
Ze höbbe te weinig óm fatsuunlik van te laeve, en net neet te weinig óm fatsuunlik doeëd te gaon.
(Maar... ze sjterve van de hónger en ze sjterve van de dors, en ze zinge aevegood oet volle bors: )


HOME PLAATSNAMENOVERZICHTHOME


MIENE DAAG
2008/2009: Tekst & muziek: Bas Geujen
Zang: De Eindaagsvlege

Refrein:
Vandaag is miene daag,
dae waert nog baeter as gister.
Vandaag is miene daag,
't waas effe wachte maar hiej is d'r.
En maak ich mich 'ns zorge of höb ich waal 'ns pech,
die sjuuf ich door nao morge of die lach ich weg.
Hae is biej veurbaat al gesjlaag,
want deze daag is miene daag!

Vandaag begós vanmorge, ich deej mien ouge aop,
ich zoog 't zunke sjiene en oet waas miene sjlaop.
Ich sjtapde mèt 't goeje bein oet bèd
en zóng toen veur de sjpegel mèt
michzellef dit duet:

En höb ich den vanaovend vandaag achter de rök,
den kiek ich lachend truuk en ich maak mich gaar neet drök.
Den zègk ich: "Deze daag dae waas te gek”
en weit ich det ich morge
biej't opsjtaon alweer zègk:


HOME PLAATSNAMENOVERZICHTHOME


MIENE MÖP
Teks: Lam Boonen - meziek: Gerrit Janssen

Refrein:
Miene möp, miene sjtröp, wet-se wat ich höb ... ?
Ich höb 'n uigske op dich loate valle.
Miene sies, miene ties, huër 'ns wat ich dich noe sjmies:
Ich zól zoe gaer 'ns met dich wille kalle.
Miene sjat, wet-se wat ... ?
Doe haes net mien hert gejat.
Zegk drie wäörd, den bön ich sjtil.
Ich huër gaer noe: "Jao, ich wil".

Op 'n miss-verkeezing waar ich ieëregas en ich keek det sjnoepgood aan.
Door vuël knappe sjoeënheid waar ich gans verras en ich reep inens sjpontaan:
"Zegk, linkse miss, ich mein dit hiel besjlis":

Met de vriegezellebondj ging ich let 'ns oet en auch met de disco in.
Nao 'ne tied van wenne zoog ich in die boet den 'n leef vriegezellin.
Hel-op dach ich: "Zegk, sjtel dich veur biej mich!"

cd 1998: "Ruiver Alaaf"
mc 1990-1991: "Ruiverse Sjlaegers 1990-1991"


HOME PLAATSNAMENOVERZICHTHOME


MIENE SOMBRERO
Tekst: Aad JeugdPrinse - muziek: Herman Franssen
Zang: Aad JeugdPrinse

't ganse jaor bön ich drök bezig;
Mèt zoge veur 'n redelik besjtaon;
Mer mei den bön ich ram äafwezig"
Den wil ich waal ens sjtappe gaon.
Beveurbeeld as 't vastelaovend is;
Mer dees reis zit get mis:

Refrein:
Woë is miene sombrero gebleve?
Ich zeuk mer en zeuk de ganse tiëd;
Al höb ich aug "caramba"gekeve;
Det dink blief woë d'r is en det is kwiët;
Ich gaon gaer nao 't mexikaanse bal, drek;
En vraog ug: is miene hood geklauwd?
Want fieësta zônger hood is toch te gek;
Ich krieg 't Sjpaans en Mexikaans benauwd!

Ich bön van B.V, "De Kontente";
Mer daorôm vas en zeker gen griës moës;
En gluif mer gerös ich höb mien talente;
Die demonsjtreer ich meistal boëteshoës.
As mexziekaan verkleid zien vinj ich sjiek;
Mer noë is d'r paniek:

Mer dir verhaol zôl "heppie enden";
De sjpeegel brach mich raod, toet mien gelök;
Ich zoog, toen ich door 't hoës door rende;
Dae kwiëtte hood, dae hông op miene rök.
Antonius, ich dank dich doëzend kiër;
Dus zing ich noë neet mièr:


HOME PLAATSNAMENOVERZICHTHOME


MORGE
Teks & meziek: Ron Aspers & Wiel Reivers

Refrein:
Morge, morge, morge, doon ich alles was-se vreugs.
Morgevreug kump morge, as-se mich noe maar neet jeugs !
Noë, kóm toch efkes biej ós sjtaon, en laot dich nag 'ns efkes gaon.
Vanaovend gaon veur d'r taegenaan, want morgevreug is alles van de baan !
Want morgevreug is alles van de baan !

Wie kós-se mich toch vraoge, vas boete te gaon sjtaon ?
't Is toch neet gelaoge, 't is nag neet gedaon.
Wie dörfsde doe te winke des doe nao mooder mós.
Doe kós toch waal bedinke, det det toch gaar neet kós.
Want morge is vandaag neet mieër dus blief en träöt nag eine kieër !

Doe kens toch efkes blieve, kóm, pak mich nag 'ns vas.
Noe gank neet euverdrieve, en trek neet aan dae jas !
Zegk, veuls-se neet mien tieëne, doe sjteis mich oppe sjoon !
Doe moogs mien träöt waal lieëne, ich zal alles veur dich doon !
Maar blief toch nag 'ns efkes hiej, den maaks-se mich aoh zoeë bliej !

cd 1998: "Ruiver Alaaf"
mc 1990-1991: "Ruiverse Sjlaegers 1990-1991"


HOME PLAATSNAMENOVERZICHTHOME


NAG EINE ÔM 'T AAF TE LIERE
2003/2004: Tekst: Nol Wassen - muziek: Jac Linssen
Zang: Det môt kénne

Ich bön mer eine miens, en dao gedraag ich mich auch nao,
want as 't vastelaovend is, bön ich as iërste dao
't leefs 't iërste binne, en 't leefs as letste weg,
en den nag same zinge: (en terech)...

Refrein:
Nag eine ôm 't aaf te liere,
kôm, sjöd d'r mich nag eine in...
ich höb noë driej daag get te viere,
en zônne letste wilt d'r altiëd in.
Wae ken mich nag ein glaas versiere?
wae trap dao in, met zien groëte klump?
Nag eine ôm 't aaf te liere, nag eine veur de pliesie kump.
Nag eine ôm 't aaf te liere, nag eine veur de pliesie kump.

En sangerdaags den zaet de kastelein: "doe bös verkiërd,.
want doe höbs gisteraovend 't geniete aafgeliërd!"
Ich zek: "Dao höb ich sjpiët van, man, wie haor op miene kop,
en daorôm: sjöp d'r nag mer eine op !"

En nao d'n optoch same nao zôn sjoën versiërd kefé,
dao sjriëve ze 'Gezelligheid' nag met 'n zaagte 'Geej'.
De oëre vleege ôm, en zaet de kastelein: "ich sjloët",
den zinge veur: ich höb 'm nag neet oët !


HOME PLAATSNAMENOVERZICHTHOME


NAG NEET MESJIEN CHRISTIEN
1979: Tekst: Broer Geraeds - muziek: Huub Timmermans
Zang: De Veto´s

Refrein:
Nag neet mesjien, Christien, gaon ich al nao hoês met dich.
Noê blief toch sjtaon en haaj dich ens efkes vas aan mich.
Veur zien toch same oetgegaon,
det nemes van oos twieje allein zôl sjtaon.
Nag neet mesjien, Christien, kriegs toe mich noe al met.
´t Is nag väöl te vreug, ich gaon nag neet nao bed.
Nag neet mesjien, Christien, gaon ich al nao hoês met dich.
Noê blief toch sjtaon en haaj dich vas aan mich.

Wie zal ´t kômme, wae zaet ´t mich,
det ich veur vastelaovend zoe onröstig blief.
Ich tel de daag dén aaf met dich,
en waer den röstig in mien liêf.

Van al het goods des ze kèns erve,
det is de vastelaovend, zèk ich taege mich.
Wat noeit zal moge, en noeit zal sjterve,
zoë lang der miense zien wies tich.


HOME PLAATSNAMENOVERZICHTHOME


OFFEBEK - BLIEF OFFEBEK
Tekst: Lam Boonen - muziek: Gerrit Janssen
Zang: Orkest Cosy

Refrein:
Offebek det blièf Offebek, jóng, det geit noëts verlaore.
Veur hiël väöl luuj de sjônste plek, toet aan 't inj der jaore.
Dao vergit me de zorge en regeert dök de lach.
Aan probleme van morge waerd dao neet gedach.

De Offebekse miense, det is ein volk apart.
Die laope neet te sjpiense, die kieke gaer neet zjwart.
Ze zeen de zake klaor, en ze haaije gooie mood.
Jao, tösse grens en sjpaor, dao is 't laeve good.

En is ter Boerebroelof, is idder oppe bein.
Doe zuûs gen zoër gezichte, den vruijt zich idderein.
En kump ter biëj "De Koupman" 't broedspaar oet "den" Hood,
den zègke eine Haupman 't is weer "Baere" good.

lp & single : "Windjbuujelsjlaegers 1978/1979"


HOME PLAATSNAMENOVERZICHTHOME


DE ÔFFENBÉKKER BEMDE
Teks & meziek: Jac Linssen
Zang: Joeks '98


Refrein:
De Ôffenbékker Bemde, is veur ôs de sjônste plek.
Ôm dao te mooge laeve, det vinge veur te gek.
De Ôffenbekker Bemde, dao gaon veur al daag haer.
Veur zégke 't zoë dök, wat hôbbe veur gelök,
dao zien veur toch zoë gaer.
Veur zégke 't zoë dök, wat hôbbe veur gelök,
dao zien veur "miljonaer".

Woe vreuger nag de kuuj sjtônge te graze,
dao huppelde auch kniënkes in 't rôndj.
Noë kense dich allein nag mer verbaze,
ze sjtampde dao ein dörpke oët 't grôndj.
Ze bouwde hoës aan hoës, dao veule veur ôs thoës.

Wao't väörig jaor 't O.L.S. gevierd is,
dao leep ze door 't graas en door de sjtaof.
Dae noë geit kieke ment det d'r verkierd is,
dao bleuje noë de blome in de haof.
Doe huurse hoës aan hoës, hiej veule veur ôs thoës.


HOME PLAATSNAMENOVERZICHTHOME


OP ‘T TUMPKE AAN ‘T BUFFÉT
2008/2009 nr.1 : Tekst & muziek: Jac Linssen
Zang: Oh Jeij !

Refrein:
Dao op ‘t tumpke aan ‘t buffét…..
dao vélt van alles te belaeve,
dao op det tumpke aan ‘t buffét….
waere de meiste weg-gegaeve.
Doe zuus geliek wae eine preuver is….
maar auch wannier d’r eine euver is.
en dae sjteit ós néét in de waeg,
dae kriege veur gemékk’lik laeg.

Auch met de vastelaovend, den zit ich op “mien krók”,
die hób ich mich allang gereserveerd.
Det doon ich noe al jaore, det brach mich vuul gelók,
dao hób ich mich al dók geammezeerd.
Dao zien al hiël get neut gekraak….
en höbbe veur um dôk geraak.

Ich hoof neet lang te wachte, den tik mich eine aan,
en vreug:”drinks doe ein pilske met mich mei”!
Den kump weer eine groëte, of eine kleine aan,
en soms den kômme ze waal allebei.
Den zék ich: “kôm… en laot mer gaon….
want op ein bein ken ich neet sjtaon”.


HOME PLAATSNAMENOVERZICHTHOME


OPPE RUIVER BÖN ICH GEBAORE
Piet van Bree & Dré Geraeds

Refrein:
Oppe Ruiver bön ich gebaore , en zoë eine Windjbuujel gewaore.
Mien mooder, dae leve sjat, die liërde mich 't Ruivers plat.
As die det neet had gedaon, had ich hiej noë neet as Windjbuujel gestoan;
As die det neet had gedaon, had geur mich neet kênne versjtaon.

Wiej d'n ooievaar vroog: "Woë wils-se haer ?",
Zag ich taege det biësje: "Nao de Ruiver gaer !"
En det haet dae toen braaf auch gedoan,
wiej hae dao det weegske zoog sjtaon.

lp: "Oppe Ruiver 2"
cd 1994: "Windjbuujels Bedank"


HOME PLAATSNAMENOVERZICHTHOME


OPPE RUIVER GEIT ALLES
1987 nr.1 : Teks & meziek: Arnold Wassen
Zang: K.P.J.

Refrein:
Oppe Ruiver geit alles, det is hiël gauw gezag.
Oppe Ruiver geit alles, mer wat hiëj waerdt opgebrach,
det is (en des mêt vastelaovend good te merke),
te danken aan det miense same wille werke.
Oppe Ruiver geit alles, met die "daag van de kloon".
Oppe Ruiver geit alles, mer doë môs d'r get veur doon.
Oppe Ruiver geit alles, mer doë môs d'r get veur doon.

Wanniër se ein jaor de revuu luëts passere, en kiëks wat de Ruiverse allemaol doon,
en zuus wat de miense hiej organizere, den dinks-se: "Drek laupe die naeve de sjoon."
Van "kiene" toet "gimme", van "kaarte" toet "trimme", van fiëste in de tent, in kefé of in hal,
Van "kroëpe" toet "klumme"; van "zinge" toet "zjwumme", wat hiej geit, geit neet euveral.

Hiej geit ein revuu en ein kleisjtaekerssjpel, en hiej geit auch ein sjoën zomerevenement.
Ein kermis met vuurwerk, de zeskamp met sjpelle, hiej waere de miense geweldig verwend.
Hiej "ploense" ze drin en hiej "vleege" ze droët, en 't sjonste, det sjteit al weer has veur de deur:
Det is vastelaovend, dao ken neemes boëte, en dus zegke veur uch weer veur.


HOME PLAATSNAMENOVERZICHTHOME


ÔS OMA
1976: Tekst: Lam Boonen - muziek: Ernst Lamers
Zang: Arno Rayer en de "FC Witte Sjtein"

Refrein:
Oma ruuk ´t veurjoar, oma geit op sjtap.
Gister had ze reuma, noë is ze weer rap.
Oma wilt gaon zjwiere, vastelaovend viere.
Wèg is heure jich, ze dartelt wie ein wich.

Grootje, die is hóngerd-ein, loog noch pas in coma.
Morge geit ze wie ne trein, hoempa, hoempapa.
Vastelaovend helt heur fit, det gelt laeves lank.
Waem dië daag sjtil zit, is volges oma krank.

Kump ut veurjaor in ut landj, krieg ze bald de ram-bamk.
Oma wilt den van de handj, sjtilsjtaon kèn ze klam.
Veart ze de femilie aan, den is ter get loos.
Oma die zaet: "Draan, Alaaf, gezóndjheid, proos".


HOME PLAATSNAMENOVERZICHTHOME


ÔS SJTAM KAFEE
1999/2000 nr.3 : Teks: José Geraeds - meziek: Jac Linssen
Zang: 25+

Refrein:
Kôm, gank met ôs mei, biej ôs ôm de dreij,
dao hôbbe veur ôs sjtam kafee.
Dao make veur lol, 't is altiëd vol,
liek uch det mesjien ein sjoën idee ?
De kôffie sjteit klaor, 't pilske is kaat,
veur gaon al gauw té laat nao hoës.
Det geur det auch sjnap, jao dao aan de tap,
dao veule veur ôs thoës.

De kastelein kent idderein, hae hoof auch noëts te dinke,
wat alle luuj diej binne zien 't leefste wille drinke.
Veur kenne d'r altiëd terech, soms vreug en soms hiel laat.
Zôn sjtamkafee, det is get sjoens, veur jônk en auch veur aad.

In ôs kafee, dao dreije ze meziek dae veur gaer huure,
veur treffe dao ôs vrunj en de femilie en de buure.
En saoves laat, den waerdt 't leeg ein bietje oëtgedaon,
den blieve veur gezellig nag ein uurke same sjtaon.


HOME PLAATSNAMENOVERZICHTHOME


ÓZZE LEI
2005/2006 nr.4 : Tekst & muziek: Jac Linssen
Zang: 25+

Refrein:
Gooje morge gooje daag,
ôzze Lei is weer van sjlaag,
met zien trôm en saksefoon,
sjpeelt hae drie daag lang veur kloon.
Béste miense maak ruum baan,
ôzze Lei dae kump d'r aan.
want in de vastelaoves tiëd,
den ken dae Lei zien ei weer kwiët!

smorges biej 't opsjtaon
as de auge aop gaon,
dink d'r weer: "wat höb ich ein gelök"
Lekker oët gesjlaope...
oët 't bed gekraope...
weurt weer eine nieje daag geplök.
En de wolke gaon verdwiëne...
as Lei weer geit versjiëne...
en alle luuj die zinge den dit sjtök:

Huur die instrumente,
met Lei begint de lente...
vastelaovend det is nummer ein..
want as Lei op sjtap geit...
en den aan de tap sjteit...
geit de ganse tent wie eine trein.
En den rammele de roëte...,
as Lei begint te toëte...
en alle luuj die zinge dit refrein:


HOME PLAATSNAMENOVERZICHTHOME


ÓZZE PRINS
2005/2006: Tekst & muziek: Pieter Classen
Zang: De Aajwiever vanne Ruiver

't Neet mieër ech verwachte den geit de tillefoon :
'Veur zeuke eine Prins nag. Wils doe det dit jaor doon?'
Dao neet lang euver dinke, want angers kries-se sjpiet
Dit jaor de vastelaovend, det waert de sjónste tied
'Aanne kantj want dao kump ózze Prins'

Refrein:
Hae is ózze Prins dit jaor gewaore
Jao ózze Prins, dae is veur groeët en klein
Op 't Prinsebal is hae gebaore
En vanaaf toen, kènt 'm ouch idderein
Heat ózze Prins de sjpreuk aug good verzónne
Den is hae d'r gans veur klaor
Jao den is, ut fieës veur os begónne
Mèt ózze Prins, de bèste van 't jaor
Jao den is, ut fieës veur os begónne
Mèt ózze Prins, de bèste van 't jaor

Doe zuus in idd're winkel, van veur toet achteraan
Zien prinsefoto hange, dao lach d'r dich op aan
En kómme veur um taege, den kiek d'r gruuëts en bliej
Den zuus-se um al dinke: 'Ging dit mer noejts veurbiej'
'Aanne kantj want dao kump ózze Prins'


HOME PLAATSNAMENOVERZICHTHOME


ÖZE RUIVERSE WINDJ
1977: Tekst: Lam Boonen - muziek: Gerrit Janssen
Zang: Jacq Peeters en Piet Weyers

Refrein:
Hink "De Windjbuujel" sjlap, is Ruiver van de wap.
Want windj dae huurt hiej thoës, bringk joeks in idder hoës.
Hink "De Windjbuujel" sjlap, is Ruiver van de wap.
Geit neemus goot op sjtap,
mer weijt hiej windjkracht Elf (´t sprik vanzelf),
Det hiej get gebeurt, waerd der neet getreurd,
en aug neet gezeurd.
Want weijt hiej windjkracht Elf (´t sprik vanzelf),
viert ´t Windbuujellandj, Vastelaovend handj in handj.

Ein tornado versjrik de Bilt, ein orkaan maak gans Ukkel wilt.
Ein Cycloon die bleus Pariës omver, mér veur hiej lache mér.

Veur vinje det zoë leuk, dae windj oet alle heuk.

Brussel haaj lêts zo´n ergernis, want "´t Menke" haaj genne..... (fiets).
Mér wat idderein hiej erger vindj, is Ruiver zönger windj.

Ut ganse zaakje dreijt, pas as de windj good weijt.


HOME PLAATSNAMENOVERZICHTHOME


DE PRINSEMEDALIE
1993 nr.1 : Teks & meziek: Arnold Wassen
Zang: Jack Linssen

Refrein:
Kindj, de keel van dien pap waert langsaam valer ...
Diene pap reup lang zoeë hel neet miër: "Alaaf"
Hae waert gries en hiej en dao 'n bietje kaler ...
En door zieb buukske hang ich väöl wiejer van 'm aaf !
Diene pap en ich, veur haaje sjoeëne jaore ...
En belaof mich, kindj, as pap d'r neet mieër is ...
Den haol mich (ouch al höb ich miene glans verlaore),
mèt Vastelaovend nag 'ns efkes oet die kis.
Den haol mich (ouch al höb ich miene glans verlaore),
mèt Vastelaovend nag 'ns efkes oet die kis !!

Dao ligk 'n aaj medalie in ós Vastelaoveskis.
Den zeen ich det det ózze pap zien Prins-medalie is ...
Al is ze get versjaote door 't jaorelangk gebroek,
toch is dao miens gelökkig mèt die plaat op ziene boek.

Ich doon ze óm de nek en gaon den veur de sjpeegel sjtaon,
en zègk: "Medalie, doe höbs veul veur ózze pap gedaon;
Door dich kwaam hae mèt Vastelaovend altied good op dreef,
en doe bös blieve hange as mien vader hange bleef."

Ich bön in sjlaop gevalle en 'n sjoeën verhaol begós,
want toen höb ich gedruimp det die medalie sjpraeke kós.
En ich höb good geloesterd, mèt 'n lechske en 'n traon,
want de medalie haet mich toen 'n leed kedoo gedaon:

Det ze aan mien vader hóng ... det merkde ich wie ze zóng:

As pap mich óm de nek haaj, kindj, den waas d'r altied bliej.
Ich höb dök klem gezaete tösse pap en "Tanzmarie".
Den zag d'r: "Leeve sjat, kóm aan mien hert, doe brings gelök !"
Den waerde ich tösse ein en twieë borste platgedrök !

Dien vader noom en nimp mich noe nag euveral mèt haer ...
En soms haaj hae 'm óm (en mich natuurlijk, wat 'n waer).
En nag sier ich de Prinselikke nek van diene pap.
Jao, nag waer ich bewónjerd, nag waert beer op mich gesjlap:

Doe mós 'ns aan mich ruuke, kindj: Ich ruuk nag nao plezeer;
Ich ruuk nag nao de sjmink en nag 'n bietje nao 't beer,
Ich ruuk nag nao de leefde van de Vastelaovesgek ...
Ich weit 't, want ouch ich ... hóng biej dien vader óm de nek:

Maar toch zègk ich die hiej: "D'n tied geit flot veurbiej".


HOME PLAATSNAMENOVERZICHTHOME


DE RUIVER
1981: Tekst & muziek: Piet van Bree & Dré Geraeds


Refrein:
Euveral sjtaon sjterre aan d'n hemel,
euveral sjient altiëd weer de zôn.
En euveral wao miense auch nao toe gaon,
sjient iddere aovend weer presiës dezelfde maon.
Maar ich haaj vol, ich gluif besjlis,
det 't oppe Ruiver, det 't oppe Ruiver,
det 't oppe Ruiver 't sjoënste is.

Ich woën zoë gaer hiej aan de Maas,
ich wanjel toch zoëgaer door ôs Ruivers graas.
Ich gaon hiej neet weg, nag neet mesjien.
Idd're daag höb ich hiej kien.

Ich kên 'n plek zoë sjoën op aerd,
die plek is mich mien ganse vermoge waerd.
't Kump neet biej mich op, om weg te gaon,
want mien hert blief veur de Ruiver sjlaon.

lp "Oppe Ruiver 2"


HOME PLAATSNAMENOVERZICHTHOME


RUIVER OCH RUIVER ICH VINJ DICH ZOE SJOËN
1978: Tekst & muziek: Nol Geerlings
Zang: Gér Geerlings

Ruiver och Ruiver ich vinj dich zoe sjoën,
Ich bön zoe bliej det ich hiej woën.

Tösse Beesel en Belfeld, tösse Maas en de grens,
dao mósse ens oët gaon, asse efkes kêns.
Dao vinjse ein dörpke, vol lol en plezeer,
met sjoëne meziek en ein good glaas beer.

Wônse in Hazekamp, den Rover of Wildekamp,
de Spaorkamp of vermienpart aug ´t sieguinerkamp.
In Liëwe en Offebek, dao wônse gaar neet gek.
´t Veld en Riëkswaeg Noord, is aug ein prachtig oord.


HOME PLAATSNAMENOVERZICHTHOME


DE RUIVER OP SJTELTE
1977: Tekst & muziek: W. Huijbers
Zang: Baer Geerlings

Refrein:
Hiel de Ruiver sjteit op sjtelte, want het is weer karnaval.
Ederein zejk zich zien pekske en verköp weer sjoene kal.
Laot ós drie daag fiés gaon viere want det duit ós toch zo goot.
Doot weg die zoer gezichte, det zit toch neet in ós blood.

De adjudant mit oze Prins, ze zin der alweer bie.
De presiedent mit zien gevolg, ze kieke aeve blie.
Arno hilt ze in gareel, en vreug wó gaon veur haer ?
Ze roope: pak maar iers de sjakel, den maar door noa Bear.

Den zinge veur noe allemaol, dit Ruiverse verhaol.

En wen veur nao die drie daag fiéste, weer nao hoes toe gaon,
den weite veur het allemaol, het is alweer gedaon.
Maar daorom miense van de Ruiver, loester noe hiel goot.
Het volgend jaor zin veur der weer, auch op de zelfde voot.

Den zinge veur noe allemaol, dit Ruiverse verhaol.


HOME PLAATSNAMENOVERZICHTHOME


'T RUIVERS MAEDJE
Teks & meziek: ?


't Ruivers maedje, det haedt zoë gaer 'nne jông,
maar noë is alles, jao, op de bôn.
't Ruivers maedje, det hilt van vrieje,
maar och, ich erme jông, ich hôb gén bôn.

Zit me aan de maas te vésse, en is me nag vriejgezél,
môt me maar altiëd dinke, wat is 't laeve toch ein hel.
Want me ken toch neet trouwe, op zôn drie unskes broëd.
Dao ken me 't neet op haaje, me sjterf eine vreuge doëd.


HOME PLAATSNAMENOVERZICHTHOME


DE RUIVERSE RAEGENBAOG
Tekst: Jos Beijers & Aad JeugdPrinse - muziek: Herman Franssen
Zang: Jos Beijers & Aad JeugdPrinse

Hûbbe veur de ellefde van de ellefde gehad
Den kribelt ut ôs van alle kenj
Regelmaotig môt ich zegke taege miene sjat
"ich hûb van alles behalve dich om henj "
want langsaam aan kleurt ut hiele gedeuns
In get hiel fijn rôed, gael en greuns

Refrein:
Rôed is de kleur van de leefde
Gael is de kleur van ut geluk
Greun is de kleur van hâop
Sjmiets-se al die kleure doorein
Den kries-se de kleur van ut Ruiverse laeve
Zoe-as veur det met vastelaovend viere
Die daag woe-in veur ôs gans gaeve
En van kroeg nao kefeeke zjwiere

Lups-se met die daag door Ruiver en Offenbek
En kiek-se uns hiel good om dich haer
Zuus-se al die buujels aan dae sjtek
Den is ut fantasties windjbuujelwaer
En as ut zunke langsaam onger geit
Merks-se det de windjbuujelraegenbaog hiej sjteit

Kumps-se op aswoensdig langsaam toet rus
En zets-se dich alles op ein riejke
Dinks-se nag "Waem haet mich ut letste gekus?"
In de laup van de tied zal det waal bliejke
En as-se dien pekske in de kas hings
Merks-se desse nag gans gekleurd zings


HOME PLAATSNAMENOVERZICHTHOME


SAME OET
1996 nr.1 : Teks: José Geraeds - meziek: Jac Linssen
Zang: 25+

Refrein:
Waert oppe Ruiver fieës gevierd, zien veur van de partiej.
Det höbbe veur al jóngk geliërd, veur zien d'r altiëd biej.
Mèt Vastelaovend drie daag oet, det vèlt ós noejts te langk;
Jao, as veur vief-en-tachtig zien, den zitte veur ós toes waal oppe bangk.
Jao, as veur vief-en-tachtig zien, den zitte veur ós toes waal oppe bangk.

Veur gaon al jaore same oet, veur ós is det gewoeën.
As in 't dörp get is te doon, den vinje veur det sjoeën.
En zien veur den èns neet d'rbiej, den waert al gauw gezag:
"Woe waas geur gisteraovend toch ? Veur hadde uch verwach !"

Mèt Vastelaovend jao, den zeet geur ós weer drie daag gaon.
Veur wille ouch de hieëring daags d'rnao neet euversjlaon.
Want zien veur dao èns neet d'rbiej en huuëre veur besjlis:
"Woe waas geur gisteraovend toch ? Veur höbbe uch gemis !"


HOME PLAATSNAMENOVERZICHTHOME


SJOËN SJOON SJING SJANG
2005/2006 nr.1 : Tekst & muziek: Arnold Wassen
Zang: E.P.S.

Sjing Sjang dae kwaam oet China en ging veur de aardigheid,
veur circus clown sjtudere aan de universiteit.
dao zagte ze:; 't ierste woe de clown aan môt voldoon,
is zorge veur zôn väöl te roëje väöl te groëte sjoon
Sjing sjang dae sjlaagde met ein dieke elf
en zong in alle sjpeegel tente veur zich zelf.

Refrein:
Sjoën sjoon Sjing Sjang sjoën sjoon...

Sjing Sjang dae kôs biej circus Bamie Goreng aan de sjlaag
en haaj sukses in Peking, in Berlien en in Den Haag.
Hae hoofde mer te wiëze op diej väöl te groëte sjoon,
den kaakde 't publiek:; wat eine clown, wat eine clown;
De krante sjreeve:; weer ein niej talent,
en idder aovend zong de ganse circus tent:

Sjing Sjang ging met de optôch met en wôn de ierste priës,
en zag:; ich gaon traktere in café 't paradies,
de kroeg waas väöl te vol maar door zien väöl te groëte sjoon
kreeg Sjang de beste plaats en zag:; ein rundje van de clown.
De meiste miense köste Sjang allang,
en zagte toen:; veur drinke op dien sjoon Sjing Sjang.


HOME PLAATSNAMENOVERZICHTHOME


DE SJNÖRKER
1999 nr.4 : Teks & Meziek: Jac Linssen
Zang: Cor van de Kerkhof


Refrein:
Vannach ken ich weer neet sjlaope, det kump door dae siës van mich.
Dae sjnörkt met de môndj wiëd aope, en bleus mich den in 't gezich.
Dao hôb ich toch get met te sjtelle, inplaats van ein röstige nach,
lik ich dao weer sjaopkes te telle, maar dao hôb ich mich biej neer gelag !

Ich hôb eine sjat, det is miene Baer, dao is 't 'teddy' allang van aaf.
Want iddere nach, diej zellufde klach, dao kump det menke maar neet vanaaf.
Want as 't duuster wuurd, den huurt de ganse buurt ...

Ich bön ein logé, in mien eige hoës, ich höb ein kamer langs diej van Baer.
Maar diej wiëze les, haedt weinig sukses, dae huurse door alle moere haer.
't Is mich toch ein leid,noë weit geur van besjeid.


HOME PLAATSNAMENOVERZICHTHOME


SJOEN IS 'T LEAVE
Tekst: Arnold Wassen - muziek: ?
Zang: De Rambo's

As 't zunke op kump, dink ich al aan dich
En as ich noa bed goan, dink ich nog aan dich
En veur ich goan sloape, den blief ich maar haope
Des doe auch dinks aan mich

En in eeder leedje heur ich ziene naam
En ich zeen 'm staon achter edere raam
De daag zal nag wiet zien, maar ens zal 't tied zien..
Den druimp 't auch van mich

Sjoen is 't leave
Al zit ze in 't verkier, doe kens gen zorge mier
Det dink se mier as ens
Sjoen is 't leave....
Doe lachs nao ederein, doe veuls dich nummer ein
As ze nog druime kens
Sjoen is 't leave
Doe kries weer nieje mood
Want het zag; ens bòn ich, d'r gans allein veur dich
En is 't leave good

Geit de zon verdwiene, den zit ich neet vas
Ich zeen dien beeld versjiene, in edere plas
Ich laop door de reagen, mer nieks helt mich teage
Want strak zeen ich dich weer
En as ich strak kletsnate veut hòb gehad
Den kaup ich niej sjoon, want sjoon zien d'r zat
Maar gaar neet te kaup, auch neet veur eine haup
Det bòs doe, en det is fijn


HOME PLAATSNAMENOVERZICHTHOME


SJUUVE
Tekst & muziek:: Peter Wijnhoven

'nne miens zoog 't dansmarietje
Zoeë te danse det leek 'm waal fijn
Mer hae waas zevetig en nag ein bietje
En kwaam neet mieër zo hoeëg mèt zien bein

Refrein:
Sjuuf de rechter voot nao veure
en sjuuf 'm den weer truuk
As det sjteit te gebeure
Hèlt de linker zich keduuk.
Sjuuf de linker opziej en sjuuf de rechter aan
Zak door de kneen en begin van veur aaf aan

'nne miens maakde kariejaere
Mèt zien loupbaan waar 't sjnel gegaon
Vreugs-se um wie 't zoeë haet kènne waere
Jao den geit d'r efkes veur dich sjtaon

'nne hóndj dae waert oetgelaote
Want dae koelie mós nuuëdig get doon
Wie det bieës zien kruutje haaj versjaote
Reep d'r eemus mèt get aan de sjoon


HOME PLAATSNAMENOVERZICHTHOME


STAMCAFE
Tekst: ? - muziek: ?
Zang: De Rambo's

Ich bòn oet mien dòrp gegoan
Want ich zoch ein nie bestoan
Maar toch waas det anger hoes
Neet ech mien thoes

Ich veulde mich duk allein
Doa tusse beton en stein
Ich hoof neet meer droet te goan
't is gedoan

Refrein:
Ich hub heimwee noa mien stamcafè
Doa woor ich gelukkig en tevree
Doa vonj ich altied weer
Stumming joa keer op keer
Ich zeen mich nog aan de tapkast stoan
Met mien vrunj die woore oach gegoan
Want biej ein groat glaas beer.
Hadde weer altied plezeer

Ich hoop det ich ooit kan goan
Weer truk noa mien oud bestoan
Want dich biej mien aajershoes
Veul ich mich thoes
Den zing ich, holadiejeeee
in oos kleine stamcafè
En dink as ein kindj zo bliej
Ich bòn weer hie...


HOME PLAATSNAMENOVERZICHTHOME


TROANE LEGE NEET
Tekst: ? - muziek: ?
Zang: De Rambo's

es dich mich zaes, alles is veurbiej
wens dich neet gluifs, ich bun dich toch trouw
draai dich ein kear om, kiek in mien gezich
en doe zals zeen, troane lege neet

bie daag en nach met dich woor alles sjoan
de deur stuit aop, wils doe werkelijk gaon
wie ein aope book, wie het dien hert vertelt
en doe erkens, traone lege neet

tich joare lang, woore weer biejein
doa woor gein mins, dae kreeg oos toen oetein
mer deze eine keer, vergufse mich ech neet
kiek in mijn uig, want troane lege neet

es dich mich zaes, alles is veurbiej
wens dich neet gluifs, ich bun dich toch trouw
draai dich ein kear om, kiek in mien gezich
en doe zals zeen, troane lege neet
draai dich ein kear om, kiek in mien gezich
en doe zals zeen, troane lege neet


HOME PLAATSNAMENOVERZICHTHOME


VAAJE IN DE BOËK (Iddere vlinder waerdt ein vaaj)
2007/2008 nr.1 : Tekst & muziek: Arnold Wassen
Zang: Det Mót Kènne

Refrein:
Ich höb gen vlinders in de boek, maar vaaje…..
mien vlinders vloge weg…..
maar as d’r maedjes zien, die väöl van vaaje haaje…..
den kenne die biëj mich terech…..
en as ich merk, des doë get zuus in mich,
den bön ich vaaj veur vaaj van dich,
maar…..leeve Sjat, ônthaaj:
De sjônste vlinder waerdt ein vaaj…..
De sjônste vlinder waerdt ein vaaj !!!

Mien vlinderkes van vreuger zjweeve örges door de lôch…..
ich bön ze door de jaore haer verlaore……
Men haedt d’r biëj ,,De Gouden Tip”nag efkes nao gezôch,
maar neemes wet , wat van ze is gewaore…..
Jao, veur eine vlinder kwaame kladderdaats,
twiëje laevesgroëte vaaje in de plaats…….

Ich bön in miene jônge tiëd Prins Carnaval gewaes…..
met vlinders in de boëk, zoë groët wie veugel……
,,Ich zeen waal”, zag de Vors, ,,des doë ’t flink te pakke haes,
maar was ze duijs, ken net nag door de beugel!”…..
Jao,ich veel op idder sjoën gesjminkde sjnoët…..
maar de vlinders zien al lang d’r tössen-oët……..


HOME PLAATSNAMENOVERZICHTHOME


'T VAAT IS AAF
Tekst: Aad JeugdPrinse - muziek: Ajo
Zang: Aad JeugdPrinse

Refrein:
't Vaat is aaf, 't vaat is aaf, 't vaat, 't vaat is al-aaf,
't vast is aaf, t'vaat is aaf, och jóng, 't vaat is al aaf.

Veur wólle 'ns efkes flink op sjtap,
Dao sjtinge veur allemaol aan de tap.
De kastelein ging aan ein sjtök tappe
Maar noa 't tieënde glaas mós hae kappe...want...

Veur höbbe driej daag volop plezeer
En idderein drink gaer 'n glaeske beer.
Jao, jóngk of aad, dors haes-se altied
Maar nao twintig glazer waar ós beer kwiet...want...

Op aswoensdig geit ós pak in de kas
En miense drage 'nne angere jas.
't Sjèlle van hieëring is ouch veur ós
maar nao dertig glazer zien veur weer de klos...want...


HOME PLAATSNAMENOVERZICHTHOME


VAN DE VEER IN DE VIEF
Tekst: ? - muziek: ?
Zang: De Rambo's

van de veer in de vief plankgas
mien sjieke cabrio kump aangeraas
van de veer in de vief plankgaas
op de autowaeg bun ich de baas
van de veer in de vief plankgaas
een sjnelle zonnebril op de naas
oape daak en veul plezeer
vanmiddig sjient de zon en scheur ich op en neer
van weert noa mestreech teruk en nog ein keer
van de veer in de vief plankgaas

effe honderdzestig, det is dikke pret
loere in de spegel, nou ja het geit nog net
trok noa hondertwintig, een kever vlug verbiej
hey det zouwste wille, let op ich kom langsziej

kiek ze noa mich kieke, joa ich maak het spits
tanke bie st joost, jong ich maak de blitz
de zon schient op mien kopke gauw het petje op
hup nog ein terras bie nederweert get wiejer op


HOME PLAATSNAMENOVERZICHTHOME


VASTELAOVEND BLIEF BESJTAON
2007/2008 nr.3 : Tekst & muziek: Pieter Classen
Zang: Pieter & de Aajwiever vanne Ruiver

De ooievaar dae krieg zien pékske maar wat noe gedaon
En zónger navigasie is d’r toen op waeg gegaon
Hae haet toen det pakketje gans nao Limburg haer gebrach
Dao waert den ouch door mennigein mèt sjmart al op gewach

Refrein:
Waem zorg d’r veur det vastelaovend altied blief besjtaon
En duit det gans allein
Waem haet det al die jaore mèt hieël vuuël plezeer gedaon
Hèlt vastelaovend oppe bein
As hae ze oet geit zeuke, wao waert den toch op gelet
Hae flöt ein vastelaovesleed, waem kreijt d’r mèt ‘m mèt
Waem duit dit zoë altied en vindj det allemaol neet raar
Det is... Det is... Det is de ooievaar

Soms kiepert eine d’roet vèlt op zien köpke óngerwaeg
Ouch dae brink d’r nao hiej want ziene luier mót toch laeg
Dae inne buurt bezorge en ich dink des doe um kèns
Want dae waert later broëdspaar of mesjien ouch waal ‘ns prins


HOME PLAATSNAMENOVERZICHTHOME


VASTELAOVEND - HIEJ
1978: Tekst: Lam Boonen - muziek: Gerrit Janssen
Zang: Jacq Peeters & Piet Weyers

Refrein:
De zón van Majorka, die luët ós met dees daag kaat,
want hiëj in dees sjtreek is ´n sjonder klimaat.
´ne Windjbuujel in Kietsbuul, det is ter neet biëj,
want met vastelaovend huurt idderein hiëj.

´t Waerd zoë langzaam moëde, det juus de sjónste tiëd,
väöl luuj hiëj gaon vertrekke, nao doen biëj of nao wiët.
Ze meine dat ze meug zien, "rielekse" zêgke ziëj.
Mer wat is daoveur baeter as vastelaovend hiëj.

Ich ken ´t neet begriëpe, wat sjpilt heur door de kop ?
Zo´n aaije volksgebroëke, die geufs toch neet op !
Zelfs as ich d´r aan dink, luuj, den waerd ´t mich al sjlech.
Ze kriege met gên paerd mich met vastelaovend wêg ...


HOME PLAATSNAMENOVERZICHTHOME


VASTELAOVESHEMEL
2003/2004: Tekst: Theo van de Kerkhof - muziek: Theo van de Kerkhof & Leo de Bruyn
Zang: Oh Jeij

Refrein:
In d?n Hemel zien de ingelkes al weake lang verkleid
En die viere Vastelaovond, zoë wiej det hiej in Limburg gaet
Doa wûûrt gehos en auch gesjoenkeld, jao, dao wûûrt vuul joeks gemaak
Viert d?n Hemel Vastelaovond, wûûrt de kachel aangemaak

Brug:
En gaon veur later nao d?n Hemel hear
Den weit ich zeker dao hubbe veur plezeer

Lets keek ich ens nao baove
En zoog ein huul groët leeg
Ich kôs ?t neet geluive
Toet ich in de gate kreeg
Oët d?n hemel kwaam nao ônger
Einen Ingel onverwag
Dae keek mich in de aoge
En haet mich toen gezag

Roed, Gael, Greun det zien de kleure
Van ?t Vastelaovesriëk
Alle Heilige sjtaon te sjoenkele
Op hemelse muziek
St. Antonius sjteit te treute
En Petrus sjleit de trom
D?n Hemel is wiej Limburg
Doot met ich zegk noe kom


HOME PLAATSNAMENOVERZICHTHOME


VASTELAOVESVIRUS
2010/2011: Tekst & muziek: Jac Linssen
Zang: Oh Jeij!

Refrein:
Ich kôm zegke, det ich néét kôm….
den weit geur tenminste woë ich bliéf.
en ich dreij der gén deukskes ôm,
ich hôb ein virus in mien lieëf.
Want ich kén nörges mier aan dinke…
krieg de kriebels kier op kier…
as de luuj zich weer gaon sjminke,
jong den hôb ich ’t neet mier.
Daorôm dreij ich mich noë ôm…
ich kôm zégke det ich neet kôm.

Ich bôn van hoës-oët altiéd aan ‘t “wuule”
en maak waal tachtig oëre in de waek.
Maar noë bôn ich vuêl lever biej die “Buule”
ômdet ich auch hiel gaer ’t Ruivers sjpraek.
’t werk geit met de vastelaovend aan de kantj…..
en ich zet sjtraks met vétte letters in de krantj:

´t ganse jaor den mót ich mich maar jage…
mer deze kiër nim ich ein wiës besjloét.
Ich gaef mich zelluf ’n paar vrieje dage,
want ich wil éfkes hielemaol d’r oët.
den geit de sjleutel met de vastelaovend ôm….
en idderein moog weite waorôm ich néét kôm


HOME PLAATSNAMENOVERZICHTHOME


DE VEURDEUR
1980 nr.1 : Teks & Meziek: Piet van Bree & Dré Geraeds
Zang: Dré Geraeds

Refrein:
As ich dich neet had en de veurdeur neet,
wat mènse, leeve sjat, wat de achterdeur versjleet.
Doe moogs 't weite, zèk ich kiër op kiër,
as doe geis pleite wil ich noeit gèn anger miër.
Jao, as ich dich neet had en auch de veurdeur neet,
wat mènse, leeve sjat, wat mich dèt sjpeet.

Idder vruike dèt hüërt waal ens gaer,
get angers van het mènke as: "Wat is het toch ein waer".
Dèt moogs se neet vergaete, al zaes se het ónger het aete:
"Noë loester ens nao mich: Ich had het euver dich".

Kóm ich later dèn aan de hemelpaort,
'n ingelke zaet: "Kóm binne jóng, ich gluif dich op dien waord.
De deur die sjteit nag aope, Sint Piëtrus, dae zit weer te sjlaope".
En sjtaonde veur die deur, zing ich det ingelke veur:


HOME PLAATSNAMENOVERZICHTHOME


VEUROËT - ACHTEROET
1984 nr.1 : Teks: Dré Theunissen - meziek: Jan Stinges
Zang: Raod van Ellef

Refrein:
Veuroët, achteroët, wie ein aaje zaeg.
Veuroët, achteroët, niéks stjeit in de waeg.
Veuroët, achteroët, zoë trekke veur van laer
Veuroët, achteroët, veur gaon door alles haer !!!

Doe mós neet blieve zitte, doe mós neet blieve sjtaon.
Mós in bewaeging blieve, angers is ut zoë gedaon.
De zaak opniej bekieke, den kumps-se oët de brandj.
Den kens-se blieve zegke, ich sjtaon neet langs de kantj.

Tössesjpel:
Dus: Höb-se ut te kwaod; Den volg-se "deze raod":
Zoë bleujt noë ôs Vé-Vé-ke, al driej-en-dertig jaor.
Door sjteeds aktief te bliëve kwaam dét neet in gevaor.
Geleijd door "échte Windjbuujels", weijt hij noë "windjkrach ellef".
Geur môt d'r waal aan dinke, 't kwaam néét gans vanzellef.

Tössesjpel:
Ziej sjtelde néét teleur, en hele ôs dit veur ... !

lp "Oppe Ruiver 2"
cd 1998: "Ruiver Alaaf"


HOME PLAATSNAMENOVERZICHTHOME


VRIEJ-GEZELLIG
Tekst: Wiel Weijers - meziek: Gerrit Janssen

Refrein:
Veur verkleije ös noe weer, make sjpas en veul plezeer,
de vastelaovend is de tied daoveur.
Mer der zien auch van die klups, die se euveral waal höbs,
die wille door 't jaor auch oet de sjleur.
En ze weite 't den zoe te dreije, det d'r twieje- zich môtte verkleije.
Trekke dao den eine ganse daag mit droet,
en straks sjteit d'r weer eine broedegôm en broed.

Eine vriejgezelle-daag, det is in vandaag de daag.
Jao den zuusse weer zôn gruupke miense gaon.
Alle vrunj die zien d'rbiej, idderein is aeve bliej.

Thei, dae waas allang verleef op ein maedje oet de sjtad,
en hae waar 't vriejgezel zien bienao zat.
En hae dach, wat is det sjoen, as ich dalik same woen.
Neet mier thoes biej mam, mer same met dae sjat.

En dae daag kwaam der aan, hae ging gans verkleijd as haan.
In de sjtad, dao ging 't kroegje in en oet.
En hae zach wat is det sjoen, as ich dalik biej um woen,
den ken ich det haannepak gelökig oet.
Mer ligk- ut aaf en toe get meug in bed te dreije,
den begint dae haan toch weer sjpontaan te kreije.


HOME PLAATSNAMENOVERZICHTHOME


WAE DE KAT OET DE BAUM KIEK
1979 nr.1 : Teks & Meziek: Nol Wassen
Zang: Lei Driessen

Refrein:
Wae de kat oêt de baum kiek, dae krieg genne kater.
Dae drink hiël veurzichtig en aaf en toe get water.
Dae geit as ter dingk: "Ich bleef gaer nag efkes hiej",
mer dae helt zien kop, en dae helt de kop derbiej. (2x)

Hae waas zestiën jaor gewaore en hae vroog aan ziene pap:
"Moog ich dich vandaag traktere op 'n pilske van d'n tap ! "
En zien vader zag: "Netuurlijk, mèr versjtenjig,
Want in 't buize bön ich gaar neet miër zoë henjig !"

Tössesjpel:
Pap op sjtap, dae goof rap eine goeie raod van pap:

Hae waas zestig jaor gewaore, en zag taege ziene zoon:
"As se net zoë lang, as ich met vasteloavend met wils doon,
môs se zorge, auch weniër ze blieve gaeve,
des se toch de ganse zaak kens euverlaeve !

Tössesjpel:
En daae zoon, wôl det doon, en hae trooj in pap zien sjoon.


HOME PLAATSNAMENOVERZICHTHOME


WAEM IS DET GEZICH?
2007/2008 nr.2 : Tekst: José Geraeds - muziek: Jac Linssen
Zang: 25+

Refrein:
Van waem is die gesjminkte sjnoét?
Waem kiek dao nao mich?
Ich weit ‘t neet, ich ken ‘m neet.....
waem is det gezich?
De sjpegel leut neet alles zeen, allein de veurste helf,
maar as ich drie kiér hiél good kiek, zeen ich det bón ich zelf.
zeen ich det bón ich zelf !

Vastelaovend saoves laat, ich sjravel mich nao hoés...
‘t kos mich waal get meujte, maar óm drie oér bón ich thoés.
Ich kóm veurbiej de sjpegel en ich dink:”dao is get mis “....
dao kiek mich emus aan, en ich weit neet waem det is !

Vastelaovend smorges vreug, ich sjravel mich oét bed....
ich sjtaon weer veur de sjpegel en dao zeen ich mich toch get.
Ein sjnoét met oétgelaupe sjmink, de auge halluf aop....
ich sjrik van det gezich en ich vraog nag half in sjlaop:


HOME PLAATSNAMENOVERZICHTHOME


DE WAORHEID
Tekst: ? - muziek: ?
Zang: De Rambo's

Diene lach vult mich zwoar, dien woard is neet woar
Doe hoofs nieks te zegge, mich niks oet te legge
't is toch neet woar
zegk de woarheid noe maar
as ze weg wils , gen bezwoar
want ich veul 't al zoe lang, doe hubs einne angere man

Refrein:
Dich zags zien naam in dien sloap neave mich
En ich keek noa dien knappe gezich
woorom haaij ich toch zovul van dich
Is 't werkelijk te laat, kom en geaf oz nog hoop nog 'n kans
En ich vroag dich nog ens om dean dans
Nea ich wil dich neet gear kwiet,want ich wil dich veur altied

Ich bòn neet van stein, loat mich neet allein
Ich wil zoveul geve, ein leefdevol leave
Doarin zeen veer ein
En dien wilde gedoe, is ein spel maar neet dien doel
Det is neet ech hoaje van, zoget doert toch nooit zoa lang

Is 't werkelijk te laat, kom en geaf oz nog hoop nog 'n kans
En ich vroag dich nog ens om dean dans
Nea ich wil dich neet gear kwiet, want ich wil dich veur altied
Ich wil dich neet kwiet, wil dich veur altied
Doe kriegs zo nog spiet, en det veur altied...


HOME PLAATSNAMENOVERZICHTHOME


WIEJ DE WINDJ WEIJT ...
Teks: Lam Boonen - meziek: Gerrit Janssen

Refrein:
Wie de windj weit, weit mien jeske, wat ze zegke, zaet mich gen toet.
Duuj det mer in mien kallebeske, den zeuk ich det morge waal oet.
Wie de windj weit, weit mien jeske, ich bön lever get lui as meug.
De rös is mien deug, mienne naam is haas,
Aan emes, dae jeug zegk ich: Lek mich e maas !

Ich gaef neet väöl óm geld of good, mien einigs kapitaal is goeie mood,
Mer wat ich höb gesjaf is gaaf, als aandaelhaajer van "B.V. ALAAF"
Ich ieër de hoeëgste mach, det neume ze de sjterke krach der lach.

Ich waer noeëts president of prins, toch höb ich alles wat mien hertje wins.
Want mien vriejheid is mich genóg, met achter sjäöpkeswolke 'n blauw lóch.
Ich dink: Wie mich, zoeë net, zoeë gaon d'r ech gen vief in 'n kwartet.

cd 1998: "Ruiver Alaaf"
mc 1989-1990: "Ruiverse Sjlaegers 1989-1990"


HOME PLAATSNAMENOVERZICHTHOME


WINDJBUUJELS BEDANK
1995 nr.1 : Teks & meziek: Arnold Wassen
Zang: De Vocal Band

Refrein:
Bedank veur veer-en-viërtig sjoeëne jaore,
bedank veur alles wat geur veur ós höb gedaon.
'n Lillik aendje is 'n sjoeëne zjwaan gewaore,
en veur zien gruuëts wanniër veur ugge naam zeen sjtaon.
Kóm höf 't glaas; Geur ziet van hoeëg gehalte.
Kóm laot ós prooste op "De Windjbuujels" sjtök veur sjtök.
Geur goof de vastelaovend veer-en-viërtig jaor gesjtalte
Danke ... en nag vuuël gelök.

Ze ware mèt zeve en zagte: "Kóm op, veur gaon "Vastelaovend" beginne… !"
Ze zónge mèt heud van kartón oppe kop: "Hiej kómme "De Windjbuujels" nao binne !"
De aaj kasteleins zagte: "Kóm d'r mer in, noe is Vastelaovend gebaore.
Mèt Uch aan de leiding haet Carneval zin !" 't Is inderdaad get gewaore !!!
En wat veur dao zeen sjtaon ... moog noeit verlaore gaon:

En John ziene pap maakde toen al "de Blits", en ging zich aan 't Prins-knippe wieje.
De ieërste dae hae veur de lens kreeg waas Frits en toen idder jaor 'nne nieje.
En iddere Prins haaj de sjteun van de Raod en ouch van zien sjoeën adjudante.
't Besjtuur det sjloog achter de sjerme de maot ! Ouch hulde aan vueël muzikante !
Noe zinge veur in koeër: "Gangk door op deze toer".


HOME PLAATSNAMENOVERZICHTHOME


DE ZAAGTE "GEEJ"
L.V.K. 1978 nr.1 : Tekst: Arnold Wassen - muziek: Jan Theelen
Oetveurende (*) : Willy Vrijhoeven

Refrein:
As alles aan dich zoe zaag waas as dien zaagte "G",
jao, den wis ich wat ich deej, jao, den wis ich wat ich deej.
As alles aan dich zoe zaag waas as dien zaagte "G",
jao, den wis ich wat ich deej.
Ich gluif neet det ich lang mèt dich bleef laupe,
mer ich zöl probere öm dich te verkaupe.
As alles aan dich zoe zaag waas as dien zaag-te "Geej",
jao, den wis ich wat ich deej.

Ich höb mien laeve lank van dich gehaaje, en ich weit goot, waoröm det ich det deej.
Ich weit des doe (det merkde ich mèt aaje), neet euveral zoe zaag bös as dien "Geej".
En daoröm, sjat van mich, zek ich noe taege dich.

Al blief oos "Geej" ein letter öm te sjtaele, neet idderein dae kent d'r get mit doon.
Allein de luuj die Limburg get kin sjaele, die liere ze de dochter en de zoon.
Gezellig en gezondj, de zaak die kump waal rondj.
* cd: Diverse artiesten - "Vastelaovend in Limburg 1" - Telstar TCD 100.719-2


HOME PLAATSNAMENOVERZICHTHOME


ZIT DE KLOK 'N UURKE TRUUK
1990 nr.1 : Teks: José Gerads-Ramaekers - meziek: Jac Linssen
Zang: 25-plus

Refrein:
Zit de klok 'n uurke truuk, veur wille nag neet sjloëte.
Die wiezers nag get truuk, en sjtuur ós neet nao boëte.
't Fieës is net begós, kóm, drink nag get mét ós.
Laot de klok veur ós ein uurke later sjlaon,
want veur wille noë nag neet nao hoës toe gaon.

Wat sjoeën is det geit sjnel veurbiej, det weite veur al jaore.
Veur zien zoë bliej det 't weer Vastelaovend is gewaore.
De uurkesdie gaon ens zoë flot, as veur ós same treffe.
De hieëring is al óngerwaeg veurdet veur 't beseffe.
Dit geit zoeë sjnel veurbiej, veur blieve nag get hiej.

De Prins met zienne raod, die sjtaon op dinsdig nao te praote.
De Windjbuujels zien nao hoeës, de sjtraote zien verlaote.
De kastelein zaet: "Sjloëte noë, Aswoensdig kump de kater".
De Prins dae reup: "Besjtél det bieësje, gauw 'n uurke later.
Dit is mich nag te vreug, ich bön nag lang neet meug !"


HOME PLAATSNAMENOVERZICHTHOME


DE ZJWARTE-WITTE STEIN
1976: Tekst: Lam Boonen - muziek: Gerrit Janssen
Zang: Wim Bertrams en de Globe Hollies

Refrein:
Welke kwas verfde toch óze witte sjtein ?
Waem waar zoë flauw, waem deej zoë klein ?
Welke Kwas verfde toch óze witte sjtein ?
Toet ergernis van idderein.
Ein nassiejonaal sjandaal, versjrikkelik, zèk det waal.
Dit is nag erger dan veurhaer ut wegsjtrietse van de Beeselse draak.
Gans Ruiver is noêw ontsiert, gans Ruiver is noêw ont-iert,
want mèt de Witte Sjtein is idderein zjwart gemaak.

In Ôffebek-Oës, dao zeuke ze troës, dao is get veurgevalle, lets.
Ze terde doa zjwart, "De Sjtein" veur driekwart, en idder is dao door gekwets.
Me heat um gewas, in Omo en Dash, en door de greun zeip gesjleurd.
In de automaat, heat ut neet gebaat, dae sjtein is en hae blief besjmeurd.
Jao, idderein aan de Witte Sjtein, zingk treurig dit refrein...

Gevolg van dees sjtreek, de pers kwaam en keek, de krante "ware vol der van".
Vervolg op dees rel, de pliesie kwaam sjnel, en sjpeurt ut nao met twintig man.
Resjerzje helt vol, en hôlp interpol, me ôngerzeuk ut rigoreus.
De twiëde Pruus haet het oetgepluus, in Iks-Upsilon-Oengeleus.
Jao, idderein aan de Witte Sjtein, zingk treurig dit refrein...


HOME PLAATSNAMENOVERZICHTHOME


ZOEË KÈN ICH 'T OUCH
2010/2011: Tekst & muziek: Pieter Classen
Zang: Pieter en de Aajwiever

Refrein:
Idderein dae zuus-se dinke:
Zoeë kèn ich ‘t ouch
Op dees meneer ein liedje sjrieve:
Zoeë kèn ich ‘t ouch
Want hiej get wäörd geklauwd
en dao ein regelke gebiets
En kump ‘t uch bekènd veur?
Ouch get note zien gesjtriets
Alle rijmwäörd ouch nag good gevónje:
Zoeë kèn ich ‘t ouch
Zoë kèn ich 't
LA LA LA LA LALALALALALALALALA

Vanaovend maak ich ‘t toch neet te laat
Want angers waer ich sjtrakkes sjterre
Zaa.…le loupe vol dao is plezeer
Det kump den toch van al die glazer
Bee…thove haaj-t gaer gecomponeert
Want gisteraovend good geamme-
ze-ker

Wat haaj ich taege Josefien gezag?
Veur zeen ós in de gats óm hallef
Ach…ter in de zaal kump ‘t op gang
Maar zeutjes aan den daag dae duurt nag
Lang….saamaan toch flink geprofiteerd
Want gisteraovend good geamme-
ze-ker


HOME PLAATSNAMENOVERZICHTHOME


ZÔNNE DAAG
1977: Tekst & muziek: Ger Geerlings
Zang: Ger Geerlings

Refrein:
Zônne daag wie vanmiddig waas ´t gister.
Hae waar zaat wie der ´t zag en det wis ter.
De miense zagte: haaj op met dien gewazel,
want veur kriege van dich de miemkesrazel.

´t Waar weer vastelaovend en haaj al flink gedrônke,
verkôch väöl sjtomme wazel, hae was zoë-gezag besjônke.
Toen wôl der weer get zekge, mèr ojee, toen ging ´t mis.
Hae haolde alle daag doorein en zag det d´r niks miër wis.

´t Waas al laat en hae zoot vol, hae kôs nag neet miër laupe.
De miense ginge al nao hoës of nag ein frietje kaupe.
Mèr hae bleef zitte aan de tap en wet geur wat ter zag:
Wie gister nog vanmorgen waar, toen waar ´t middernach.


HOME PLAATSNAMENOVERZICHTHOME


DE ZUÜNIGE
Tekst & muziek: Piet van Bree & Dré Geraeds
òf
Tekst & muziek: Nol Wassen
Zang: José en Dré Geraeds


Refrein:
Doot noë neet zo zuünig en terg mich neet de mondj.
Met ein zôn hiël klein kusje kôm ich gein driej daag rondj:
Want in de biëbel sjteit allang: "Iers 't ein, iers 't ein".
Want in de biëbel sjteit allang: "Iers 't ein en den 't ang're wang !"

Veur idderein geld in 't laeve, mei get nimme, mei get gaeve,
want zoë is 't idderein op sjoël gelierd:
Wat in d'n biëbel sjteit is good en noeit verkiërd !

Wat stjeise dao allein te kiëke, zul ein denske, dich niks liëke,
'nnen tango of 'ne polka, 't maakt mich niëks.
Asse mich maar vas hèls en maar neet zo zuünig kieks.

lp & single 1980/1981


HOME PLAATSNAMENOVERZICHTHOME