HOME PLAATSNAMENOVERZICHTHOME


AAFGELOESTERD VAN SHAKESPEARE
Tekst: ? - muziek: ?

Julia:

Iel zoo neit. De sjtarre sjtaon nog duudlik langs de lòch gezeed;
Romeo, de haane, gunder, höbbe jao nog neit gekreed !

Laot de zeeligheid nog doere: Kort de nach, - den daag zoo lank.
Bès doe dao, ich bèn genaeze; Bès doe weg, dan bèn ich krank.

Romeo:

'ch Zal pès aovend aan dich dènke, 't is mit oos gelök gedaon:
Julia, de leeuwerik is al opgegange ... Ich mot gaon.

Zuug, de mörgewèndj bewaegt de sjtaonde plooi van de gerdien.
Vaeg dien traonen aaf en treus dich. Eevig, eevig, bès doe mien.


HOME PLAATSNAMENOVERZICHTHOME


AAFSCHEID
Tekst: ? - muziek: ?

Es 'ch oetgelaefd op 't sjouf zal ligge, brèng mich dan nog eine krans of twee.
Van kaore- en van kollebloume, eine poes mesjiens, neit mee.

Zoodat ich de eeuwigheid kan ingaon, mit waat mich 't alderleifste waar:
De erinring aan mie Landj, mie Limburg. Dat waer 'ch dan waal gewaar.

Kan 'ch dan auch nog ei weurdje zègge, taenge dae, dae mich die bloume brach,
waat zal 't dan angesj zeen es: "Kènjer, zèk Limburg godde-nach."


HOME PLAATSNAMENOVERZICHTHOME


AAFSCHEID
Tekst: ? - muziek: ?

Bènj mich de pungel oppe pòkkel, en gaef veur aafsjied mich de handj.
Ich mòt mer weir de welt intrèkke, 't wurd mich te èng in 't vaaderlandj.
Ich höb weir sjtòrm en wiedte neudig, want wèndj en waeg is mie gelök.
Mer toch, neit zònger e kitske weemoud laot 'ch uch hie trök.

'ch Mot mit miene sjtèk mich kònne ruire, ich bèn gebaore veur de sjtraot.
Met 'ch kan 't zoo gout van uch begriepe, dat geer dit zjwerve neit versjtaot.
Pantoffele, piep, bie de potsjtouf hokke, dat is presies neit mien natuur.
Poëete laeve, wie seguindesj, veur 't avontuur.

Mich drift 'et daoròm ummer wieër, en wieër, zònger ras of doer.
Zoo mot 'ch weir weg; ich kan neit wiele, is aafsjeid-numme nog zoo zoer.
Mer 'ch mòt noe eimaol weg en wanjele ... Bènj mich de pungel oppe rök !
Es ich entjlings oetgewanjeld zeen zal, kòm 'ch bie uch trök.


HOME PLAATSNAMENOVERZICHTHOME


AAFSJEID
Tekst: Anne-Marie van Rooijen - dialectvertalitng: G.Rapaille - muziek: D.Barbelivient
Zang (*) : Anja Bovendeaard

In häör hart, in häöre geis
in de laech kamer van häör kèndj
klamp zie zich verdreitig vas
aan wie ´t is gewaes

Ouch es de zón sjtraolend sjient
hiltj zie èngstich alles toe
omdat al wat dao nog hingk
angesj ´t vènster oet vervluch

Zie koestert ziene sjpeciale geur
Zie zuikt de klater van ziene lach
Zie hiltj krampachtig alles vas
Achter ´n gesjlaote deur

Sjwiegend vuilt zie ´t gemis
van häör vruig gesjtórve kèndj
en zie raak ein waereld aan
wo gein bewaeging mee in is

Mesjiens express of oet vergaet
sjtaon deur en vènstere aeve aan
Herinnering sjtruimp d´r noe oet
en aomp mit häör mit door ´t hoes

Zie leet häör dood kèndj noe gaon
ziene lach en ziene aom
Mit ederein dae nog biej häör is
boewt ze aan ´n nuut besjtaon

Mer in mien hart, in miene geis
siepelt noe de herinnering,
die vasgeros zit aan mien jeug
Woorom mich aafsjeid numme sjuwt

Noe gaon de sjtuupkes van mien kèndj
angsaanjagend sjnel veurbiej
Mè ich laot sjtökskes d´r van los
Ich hawt vas waat ich kosbaar vènj

Ich vuil ´ne lach in miene maag
In miene maag
en ruuk nèsgeur ederen daag

* cd 2002 : Anja Bovendeaard - "Sjtruim"


HOME PLAATSNAMENOVERZICHTHOME


AAN THANATOS, DEN DOOD
Tekst: ? - muziek: ?

Doe sjwarte, druive Thanatos, dree mich de sjroeve nog neit los:
Laot mich nog 'e kitske laeve,
Zoolang de daag nog lank en breid aan 't solfer-gael en gouë kleid,
van de zonnebloume waeve.

Van de zoomer haet me noots genòg, zoolang de rein-gewesje lòch,
nog blie en blank en blaauw is.
Ich weit waal dat 't neit doere kan, mer laot mich nog 't genot d'rvan !
Te vruig dat 't gries en graauw is.

Gank nog verbie, zuik anger waeg, de veljer zeen nog lang neit laeg,
de blaar nog eesj aan 't valle.
En woort den ougs al ingebrach, ich heur de hööres van de jach,
nog ummer löstig sjalle.

Dit kan jao nog mien enj neit zeen, zoolang de zòn nog neit verdween:
Ich blief op mörge haope.
Mer es de sjnee in vlokke vilt, en alles dor is en versjtild,
dan heisjt et: sjwiege, sjlaope ...


HOME PLAATSNAMENOVERZICHTHOME


ABBELEKOUEBUIMKE
Tekst: ? - muziek: ?

Wie ein opgetuug mamzèlke, sjteit mien abbelekouebuimke,
bluiënd, in zie vruigjaorsklèdje, lachentaere in den hoof.
Waat et, in zie danstoilètje, roozig-b1uiënd, dao òntrèntj kump,
maak et - laot et ongewild zeen - onaanzeinlik, graauw en graof.

Lachend sjtraolt et veur oos ouge, om mer neit te laat te kòmme,
Sjtèlde 't, in de vruige mörge, zich te prònk op sjtaonde vout.
Ai, es sjtrak de paere bluië, de eppel zich op 't Mei-fees vruië,
keus mie buimke 't zich beruië, dat et zich zoo haet gesjpoud.


HOME PLAATSNAMENOVERZICHTHOME


ADIEU
Tekst: ? - muziek: ?
(*) Uit de revue 'Zitterd is 't dit?' (2004)

Kiek noe ens hiej
Fantastisch sjoon
Sjus einen druim
´ne duure kroon
´t is noe d´n hoogste tied
Bekans is ´t noe zoo wiet
Veer sjtarte noe os rit
Numme gans zitterd mit os mit

Refrein:
Adieu, adieu
Jederein is noe aan boord
veer reize nao ein anger oord
adieu, adieu
Gein traone, veer doon os bes
veer verlaote os zittesj nes

de plank omhoog
´t anker los
de trosse los
de vlag in top
vare noe de have oet
verlaote de ganse boet
ver sjtarte aan os rit
leivenheer vaar mit os mit

* cd 2004: 'Zitterd is 't dit?' - Ônger Os 7455


HOME PLAATSNAMENOVERZICHTHOME


ADJUSKES, MIE LIMBURG
Tekst & muziek: Frits Rademacher
Zang (*) : Frits Rademacher

Vastelaovestied, wille veeir neit kwiet,
't is de sjoonste tied van Zitterd.

Zitterd mit zien auw gebroeke, nònnevot en hermenie,
Grote kirk en de Marotte, zelfs ein heel sjoon sjötterie.
Feeste zal 't ummer gaeve, zònger feeste geit 't neit.
Sjtedje van 't gouwe laeve, wae hie woont dae wit besjeit.

cd : Frits Rademacher - "Het beste van ..." - Telstar TCD 100.736-2


HOME PLAATSNAMENOVERZICHTHOME


D'N AEZEL
Tekst: ? - muziek: ?
Zang (*) : Anja Bovendeaard

Refrein:

* cd 1996 : Anja Bovendeaard - "Anja" - Onger Os


HOME PLAATSNAMENOVERZICHTHOME


AL GEIT 'T WIE 'T GEIT
Trad.

Al waer veer noots gesjeit,
al geit 't wie 't geit,
De Carnaval, de Carnaval dem laot veer neit.





HOME PLAATSNAMENOVERZICHTHOME


AL NOA 'T BAL
Oet de Zittesje Revuuj "Zitterd Broesj"
Tekst & muziek: Thei Wessels

Veer zeen 't sjpuilsel van de sjtad,
dèks höbbe veer 't waal gehad.
Mer ... eine keer per jaor is 't geval,
dan gaon veer weier nao 't bal.

Refrein:
Hey, Hey, kòm mer alleney, veer maake lol en vööl behèij.
Hey, Hey, kòm mer alleney, nao 't bal van de pappegey.
Dans waal door de ganse zaal, op 't tròm en tröötkebaal.
Eesj de èrm, dan de bein, en de res kump van allein.
Eesj de èrm, dan de bein, en de res kump van allein.
Wae wilt gaon danse, wae wilt gaon sjanse, sjnap uch de kanse, al nao 't bal.
Wae wilt gaon danse, wae wilt gaon sjanse, sjnap uch de kanse, al nao 't bal.

Veer zeen 't kroepsel van de sjtraot,
veer klaene waal èns oet de maot,
Mèr ... sjtruij 't ròndj en zèg 't euveral,
v'r gaon alweier nao 't bal.

cd : Marotte Zitterd - " Zitterd Broesj " - Onger Os # 7343


HOME PLAATSNAMENOVERZICHTHOME


ALAAF, DAT WAAR 'T LÈSTE WAAT HAE REIP
1981/1982 nr.1: Tekst & muziek: Ger Muyres

Refrein:
Alaaf, dat waar 't leste waat hae reip, doe veil 'r òm en sjleip.
Alaaf, dat waar 't leste waat hae reip, doe veil 'r òm en sjleip.

Ein voetbalklub hie oet de buurt, die zout in groote nood.
De klubkas waar al waeke laeg, hun sjout die waar al groot.
De penningmeister woort gevraog, waat is toch aan de handj.
Mer dem kreeg neemes wakker, loug te sjlaope langs de kantj.
Doe zong 't gans besjtuur .....

Marie waar in de sjouwburg, op zuik nao hööre minsj.
Ze hauw get goud te make, want ze louge in de klinsj.
Ze koosj hööm eesj neit vènje, mer doe koum ze langs de tap.
Dao loug dae jong te sjlaope in zien matrozepak.
En ze zònge alleney .....


HOME PLAATSNAMENOVERZICHTHOME


ALAAF DE MAROTTE
1971: Tekst & muziek: Ron Kösters


Refrein:
Alaaf, alaaf de Marotte,
appelsiene, nonnevotte.
Apeneutjes, verkesbloaze,
maskes zenge, sjprenge, roaze.
Alaaf, alaaf de Marotte,
appelsiene, nonnevotte.
Drie daag lang, dus loat mer goan,
want Esjelegoansdig is't gedoan.

Jederein maak sjpas en lol,
kenjer zeen ouch sjtapeldol.
Op sjtraot en op 't Marottebal,
hört me ze zenge euveral.


HOME PLAATSNAMENOVERZICHTHOME


ALAAF, GAEF MICH MÈR ZITTERD
Tekst: W. Wijnands - muziek: B. v. Bunningen en L. Meyers

Refrein:
Alaaf, gaef mich mèr Zitterd, veural mit carneval.
Alaaf de lol in Zitterd, dae sjteit dao baovenal.
Want dao zuuste pas verkleide, jao, dao sjtaon ze veur bekènd.
Achter e lelik maske zit 't allersjoonste kèndj.
Alaaf, gaef mich mèr Zitterd, veural mit carneval.

Sjang waar lès mit zien vrouw aan 't euverlègge,
de sjpas en lol die bèn ich wurklik zat.
Laot òs daorom mit carneval vertrèkke,
de wèntjersjport èns ruule veur oos sjtad.
Dat woort gedaon mèr nao e paar daag later,
kreeg me zo'n heimwee nao de lol en sjpas.
Sjang zag: hie zitte ei paar sjoon verkleide,
hauw ich de bolhoud mèr mit sjluppejas.


HOME PLAATSNAMENOVERZICHTHOME


ALLE REMME LOS !!!
1994: Tekst & muziek: Thei Wessels

Refrein:
Veer sjmiete alle remme los, al kos 't drie daag waat 't kos.
Mit Vastelaovend gaon veer door de boch, ein bietje danse en doe bès verkoch.
Veer sjmiete alle remme los, al kos 't drie daag waat 't kos.
Dan gaon veer mit de ganse zooi, tesaame oppe bònnefooi.

Veer kieke tillevieze; d'n doezendguijekwis, die hauwe veer èns gaer.
De allersjoonste prieze die höbbe veer gemis, woo mòt dat mit òs haer ?
Mer dao kump eine aovend, dan misse veer dat niet, dan geit 't knupke òm.
Dat is mit vastelaovend, dan witste wie 't geit, noe wach neit mee en kòm ...

Dae soopverhaole ròmmel, wae hiltj dat oeterein ? Dae zètte veer opzie !
Dao is niks oppe klòmmel, dat juubelt jederein, waat zeen veer weier blie.
Veer jatse door de gatse, vanoavend is 't raak, d'n aovend van de lach !
De allergekste fratse, die waere noe gemaak, veer gaon d'r veur vannach !

cd : Marotte Zitterd - " Hie brent de lamp " - Onger Os # 7262


HOME PLAATSNAMENOVERZICHTHOME


ALLEMAOL TRÖTE
1997: Teks & muziek: Math Niël

Door 't jaor is Zitterd vol meziek.
Mit de kirmes, mit St. Joep, mer auch mit carnaval.
En de trööt, wie lestig 't auch liek,
mot auch dao zeen mit persesse of ei sjterfgeval.
Ach de blözesj van de trööt zeen dan prezent.
Dan zeen alle luuj van Zitterd gans kontent.

Refrein:
Tröte, allemaol tröte.
In Zitterd heurt me niks ... es tröte.
Me heurt ze hie, me heurt ze dao, me heurt ze euveral.
Me blees ze hie, me blees ze dao, 't is weier carnaval.
Tröte, allemaol tröte.
Zonger trööt is 't in Zitterd niks gedaon.

Mèr wie waor, d'r zeen tes auch derbie,
die 't ganse jaor te sjtinke ligge in de kas.
En ochèrm, is 't dan weier tied,
is geinein ventil of pomp die 't dan nog mer deit.
Kump de pòtsdouk en get aolig sjnel derbie,
wilt'r mitdoon, angesj lik 'r op ein zie.

En tot sjlot vertel ich uch dan noe,
mit de vastelaovend weite ze toch waat ze doon.
Jeder sjtraot of gats kent noe gein roe.
Zuug ze blinke, heur ze klinke, waat is dat toch sjoon.
Want gein trööt is mee kapot, ze sjpeelt wie nuuj,
sjpeelt veur Zitterd, jao, ze sjpeelt veur alle luuj.

* cd (1997/1998) : Diverse Artieste - " Door 't dölle haer " - Marotte oet Zitterd


HOME PLAATSNAMENOVERZICHTHOME


ALLENEY GEKKE TEUN
Tekst: G. Steinen - muziek: J. Wauben

Refrein:
Alleney gekke teun, alleney gekke teun,
e maske of e naeske, of e maedje waat ich peun.
Alleney gekke teun, alleney gekke teun,
mèr este hie van Zitterd bès, dan is dat gans geweun.

Noe pak dich ooze eige Teun, dae haet 't gans gemaak.
Vol gekke teun gebaore es 'ne Zittesje sjnaak.
Es doe auch hie gebaore bès dan mirkste opèns,
veer höbbe allemaole get van 'Teunke' in de pèns.
Lange naas, enne haas, moele sjnieje, kom d'r bieje.

È grüpke mezikante löp te blaoze, zie aan zie.
Ze zeen gaar gei versjil mee. tösje MEM en hun pertie.
Bie jeder tèl krig mich die dikke trom toch enne dreun.
't Is prachtig om te loestere nao al die gekke 'Teun'.
Lange naas, enne haas, moele sjnieje, kom d'r bieje.


HOME PLAATSNAMENOVERZICHTHOME


ALLES KUMP GOOD
Tekst: Guus Steinen & René Haustermans - muziek: Guus Steinen
Zang (*) : Kartoesj

't geuf van die daag die jeder 'ns haet,
dat zin van die daag gewoon dat 't neet geit
't wilt neet en doe zits d'r mit in de maag
mer (weit) : mörge kump vas 'ne baeteren daag
doe vuils dich verdreetig, de waereld is gries,
doe veuls dich mismeuijg, sjagreinig en triest
toch sjient d'r auch leech in de duuster veur dich
en sjtraks bruk dat door, en dan sjtraolt dien gezich ...

Refrein:
alles kump good !
alles kump good !
blief d'r in geluive
en alles kump good...
kiek ummer omhoag
verleis nooitsj de mood
dan zulste mirke
alles kump good !!
bie al wat ste deis geuf 't ups, geuf 't downs,
ach, wat 'nne minsj deit: dat blif 'n gedoons
zo is 't en zo zal 't auch blieve gaon
deks met pelzeer, mer auch deks met 'n traon.

Dus zit 't 'ns taege dan maak dich 'n voes,
't gelök zal oats komme,.....zo vas wie 'n hoes !!!
doe vreugste dich aaf: "wae haet dit drejbook bedach?"
denk dan aan dees weurd, want die gaeve dich krach...

Ligk al watste deis deks verkeerd oppe de waog
zeuk ummer nuuj piele veur op diene baog
blief altied de zon zeen auch in diene nood
en geit 't 'ns minder?..... sjtraks geit 't weer good !!

* cd 2003: Kartoesj - "Alles kump good" - Marlstone CDL 2307


HOME PLAATSNAMENOVERZICHTHOME


AOVESGEBAED
Tekst: ? - muziek: ?

Den daag is wie op wol en pluusj weir sjtilkes oet de welt gegange.
En den aovend haet de lampe van zien eesjte sjtarren oetgehange.

't Is duuster noe en sjtil oppe sjtraot, de hoezer sjtaon esof ze sjleipe,
Saer de luu, bezörg, al veur en nao de kènjer weir nao bènne reipe.

Os haet ooze Leveneer op nuuts eine kösteliken daag gegaeve.
Ich dank Hööm eeders keer daoveur, dat Hae mich zèngend leerde laeve.

En leit besjtaon in de bòntje prach, van de varieirende getieë.
Ich koos mich dankbaar, daag aan daag, euver mie besjtaon oppe welt verblieë.

Es 't aevel eimaol aovend wurt ('t Maag nog get doere, wil ich haope),
dan zek ich auch nog: "Bès bedank, 't is waal gewaes, noe breng mich sjlaope".


HOME PLAATSNAMENOVERZICHTHOME


APPELESIENE
Tekst & muziek: Raymond Goulding (Limbricht)


Appelesiene, appelesiene, daensdig nao d'n optoch in de sjtad.
Appelesiene, appelesiene, wae 't helste ruip dae krig d'r zat,
Appelesiene, appelesiene, awd of jònk, al bèste neit van hiej,
Want wae vandaag in Zitterd is,
dae zaet toch zeker onbetwis:
't appelsiene sjmiete heurt geweun d'r biej

In Zitterd is `t jaore de tradisie van de sjtad,
Maskes loupe mit de tuute door de sjtraot,
De kènjer gaon d'r achteraan, de auwesj sjtaon dan mit veuraan
Roupe dan zo hel 't geit nog in de maot,
Appelsiene roupe zie
En vange doon ze wie nog nie.

Zitterd is noe same mit Gelaen en Bor
'n grote sjtad mit al zien prach en zien kultuur,
mer kump de vastelaovend aan haet jeder deil zien eige vaan
en dat waar vruiger ouch nog waal ens haat en vuur,
mer daen tied is noe veurbiej
v'r loupe weier zie aan zie.

* cd 2004/2005 : Marotte Zitterd - 'Dao höbste hööm dao'


HOME PLAATSNAMENOVERZICHTHOME


APRIL
Tekst: ? - muziek: ?

Dus toch April ! Woo bès-doe haergekòmme ?
't Waar ummertoe nog kaauwd; de wèndj zoo zoer.
Noe is 't op eimaol sjtil en sjwuil gewoore.
De loch is huuj wie 'n tent van blaauwe floer.

Dao trump tie bloume-sjeep mit bòntje zeilder,
mit krens behange, - al zien wumple hoog, -
oos haave-wied verlange bènnevaare !
Ich dach waal, dat den almanak neit loog.

Bès wilkom ! Ummer waars-doe òs genaege,
mit bloumen in de sjoot, en bloume in 't haor.
Veer kòmme mit meziek dich zèngend taege.
April, doe sjoonste maondj van gants et jaor.

Lèg aan, en kòm aan landj. Kòm bie òs bènne.
Doe heurs wie, dich ter eer, de Paosjklok loet.
Oos kènjer danse veur dich haer en zènge.
Mien hart sjtik al zien vaane veur dich oet !


HOME PLAATSNAMENOVERZICHTHOME


AUW MÖK
2009/2010 nr.4 : Tekst & muziek: Ed Geilen & Petro Willems
Zang: Gein haor baeter

Refrein:
Auw mök........’t is mich weier èns mislök
Auw mök........’t is mich weier èns mislök
Vanmörge haw ich nog gouwe moud
Doe vuilde ich mich nog richtig goud
Mer wie d'n daag waar versjtreke
Zoud ich bie mien pap en mam te meke
Auw mok, auw mok, auw mök …..
Ich höb mer gein gelök.

Ich gaon mich gaer get drènke
Ich gaon zo gaer op sjtap,
Dan houf-se mer te wènke
En wurd ein glaas getap
D'n tied dae vlug 't is alweier laat
Mien kael die is dan zeker pratsje naat
Dan wil ich vlot nao hoes terök
Mer litsj ich ónhenjig van mien krök.......... auw Mök!!!!!

Doe sjpróng ich op mien fitske
Zo sjoon op waeg nao hoes
En zoug ich dao 'n pliske
Noe bèn ich nog niet thoes
Dae plis dae zag auw mök waat is mit dich?
Dien foto liek niet èns op dien gezich.
Doe zag ich, dich zuus gaar neit oet.
Hae sjnapde zien klöppelke vlot d’r oet auw..................Mök.

Wie ich waar toesgekómme
Doe woort 't mich gans sjlech
Ein töpke mitgenómme
Mer ich heil 't niet rech
Dat ruuk wie geer waal wit ein bietje zoer
De opbrèngs van d'n daag loug oppe vloer
Mien mam doug doe ein sjöpke drop
En gouf mich èns flink op miene kop............auw Mök


HOME PLAATSNAMENOVERZICHTHOME


DEN AAUWE WAEG
Tekst: ? - muziek: ?

Ich gaon woo veer gegange zeen, eine sjoone mörge vruig.
Wie zou ich blie en mònter zeen, es ich dich nog bie mich zuig !

Noe alle buim dao wie bruudjes sjtaon: Eine sjnee tae bluië wilt,
en alle sieskes en vènke sjlaon, omdat hun de welt gevilt.

Ich gaon allein den aauwe waeg, wie sjient 'r mich noe zoo breid.
De welt is angesj zònger dich, en ich herkèn ze neit.

De zón is waal dao, de wermen daag, en bloume langs de waeg ...
Mer doe, doe faels mich, dien hendje in mien handj, en de ganse welt is laeg.


HOME PLAATSNAMENOVERZICHTHOME


AUWE ZANDJWAEG, DEN
Tekst & muziek: Toon Hermans
Gezônge 1 : Toon Hermans
Gezônge 2 (*) : Math Dirks

Ich weit 'nen auwe, sjtille zandjwaeg, dae is mit bérg en sjtruuk omzuimp.
In vruiger jaore haet mien mooder, dae waeg waal doezent maol genuimp.
Dan kreeg'ver 'szondigs op oos jèske, 'n extra kraegske, haagelwit,
get boterhamme in 't kalbèske, dan mochte veer mit mooder mit:

Refrein:
En dan gaon ver langs dae zandjwaeg 't waar ein heerlikheid,
dae berg op nao daen Toomel, woo dat auwt kapèlke sjteit.

Ich weit 'nen auwe sjtille zandjwaeg, dao raapd'ich krombrood in de koel.
Ver sjpeelde ruiver in de sjtruukskes en sjoelde veur 'n hommelsjoel.
'ch Leip mit mien oukouksflesj te klòtse, wôs woo de lèste biemeis zout.
Hauw genne baom mee van 't rôtsje, sjnee witse oet 't kreupelhout.

Refrein:
En ver gônge langs dae zandjwaeg 't waar ein heerlikheid,
en sjpeelden op daen Toomel, woo dat auwt kapèlke sjteit.

Doe gouwen auwe sjtille zandjwaeg, ich volg dien sjpaore toch zoo gaer.
Dien buim die zènge mich ei leidje, dat kump van vruiger jaore haer.
Loewt in augustus dan 't klökske, ruuk ich de wierouk in de wèndj,
kump in mien hart ei sjtil gelökske, vuil ich mich weier ei Zittesj kèndj.

Refrein:
En door de eewe löp dae zandjwaeg van vruigde en van leid,
hoog dae berg op nao daen Toomel, woo dat auwt kapèlke sjteit.

* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv


HOME PLAATSNAMENOVERZICHTHOME


AUWERWÈTSE DENSKE, 'T
Tekst & muziek: Leo Meijers

Op jeeder bal, heurste de kal,
Rok en Rol geit toch baovenal.
Schlingere bein, alles doorein,
jònges sjmiete mit groot en klein.
Heurt me kabaal,'t is kollossaal,
maedjes vleige dan door de zaal.
Es te mich vreegs, doog èns mit aan daen dans,
kris te toch gaar gein kans.

Refrein:
Gaef mich dan mèr dat richtig auwwerwètse dènske.
Zo'n welske, jao, dao deit toch jonk en auwt aan mit.
Noe kiek èns wie tant Treeske sjwiert doe mit oos Frènske,
en Lewieke mit Marieke van Nonk Pit.

En op zo'n bal, zuuste vanal,
bèste benuut waat dat waere zal.
Sjeng, dae wurp daobie zien leif Marie,
mit 'n vaart nao de anger zie.
Op goud gelök kump 't dan trök,
vlug omhoog wie ein ophaolbrök.
Sjleit dan mit èrm en mit bein tegeliek,
oppe maot van de meziek.

Este dat zuus, sjteiste konfuus,
dènkste hiej is 't gaar neit pluus.
Sjreef me zich laam, löp me reklaam,
bònjte hömmes, èng bòkse aan.
Wilke, dae sjmit mit zien Margrit,
en veurdat hae 't zellef wit,
sjnap 'r neit goud en terwiel 't dao lik,
zink dan de ganse petik.


HOME PLAATSNAMENOVERZICHTHOME


AUWT WAERE
Oet de Zittesje revuu 2001 "Rempetemp"
Tekst: Sjef Schurgers - muziek: Jan van Daal
Zang (*) : Jan van Daal

Refrein:
Wie auwer de boum, wie sjterker hae sjteit
En wie auwer de baek, wie baeter dat ze sjtruimp
Allein veur luuj wie veer, gelje die wette neit.
Veur me 't wit is me weier allein.
Allein veur luuj wie veer, gelje die wette neit
En dat deit leid, en dat deit leid

Ich heur ze noch druime, vas in hunne sjlaop
Zeen ze oppe kneie door de kamer kroepe.
Mam gouf ze de flesj, jeeder mörge wei'r
En lag de kleinste dan naeve os nei'r
Ich heur ze nog oet de sjool thoes komme
Ich zeen hun hoeswerk nog ligge oppe dösj
Hun gezichskes plekde vas, taenge de roet
Es ich gong wirke went ich moosj drop oet

Ich zeen ze noch sjpeele hiej veur in de wei
Ze ravotte kriesjend lachend langs dae berg aaf
Peun ei pienke weg plaoster oppe knei
Op hun kemuune dat waar doe in mei
Vööl later nog kaoume hun geleifdes
Ich zoug ze knoevele hiej achter op 't goud
Noe trouwe zie mich ein veur ein, weg oet 't hoes
Ich ben neit sjloes, bal allein mer ein voes.

* cd 2001/2002 : de Marotte - "Zittejse Rempetemp" - Ônger Ôs 7401


HOME PLAATSNAMENOVERZICHTHOME


AVÉ MARIA
Tekst: ? - muziek: ?
Zang (*) : Anja Bovendeaard

Refrein:

* cd 1996 : Anja Bovendeaard - "Anja" - Onger Os


HOME PLAATSNAMENOVERZICHTHOME


DE BABYSITTER
Tekst & muziek: Frits Rademacher
Gezônge (*) : Frits Rademacher

't Waas in de sjtudentetied, dat ich mich hauw verhuurd,
es babysitter, zach van aard, in ein of anger buurt.
't Waas toch zoone leive sjnaak, dat zag mich die mevrouw.
Mer wie ich 'm éns hauw besjnouts, doe dach ich drek: nou-nou.

Refrein:
Sjatteboutje, sjnöbbelke, doog dien uigskes toe !
Och mie pupke, leiveke, laot mich toch mit roe !
Doe, lekker dingske, doe maaks mich euver sjtuur !
Sjlaon ich es babysitter dan gei goud figuur !
Doe, lekker dingske, doe maaks mich euver sjtuur !
Sjlaon ich es babysitter dan gei goud figuur !

Ich zout nog koum op mie gemaak, gekriesj, 't waas neit mee sjoon.
Sjnapde gauw de rammelaer, wat koos ich baeter doon ?
Moelesjniejend kroop ich doe de ganse kamer róndj,
en duude 'm, wie niks mee hólp, de lótsj mer in de móndj.

Ich gouf 'm eine dreuge douk, mien eige bóks bleef naat.
Ich sjpeelde boeman, trein en paerd, mer niks gouf resultaat.
Mevrouw koum thoes, vónj mich in sjlaop, de theemötsj oppe kop.
De tesj mit buiker op de gróndj, de baby kriesjend d'rop !

cd : Frits Rademacher - "Het beste van ..." - Telster TCD 100.736-2


HOME PLAATSNAMENOVERZICHTHOME


BAER
Tekst & muziek: Vief Naaze

Baer zout in de eesjte klas, waar nog neit erreg Biebel vas.
Meister zag: " Oet Adams rub sjprong doe Eva, hup, hup, hup. "
Baerke sjtouk de vinger op, hae reip: " Meister, meister, sjtop.
Mien zie pitsj mig , kom ens gauw, ich geluif ich krieg ein vrouw ".

Refrein:
Luukes, luukes, ach, ach, ache, mot me kriesje, mot me lache.
Luukes, luukes, weit 't dan, dat 't nog vööl erger kan.

Dao klonk eine helle kaek, ein madam veil in de baek.
Eine jong dae sjprong höör nao, haolt höör d'roet, waat zuut hae dao ?
Hae kik en hae zuut besjlis, dat 't zien sjoonmooder is.
Dan vilt hööm get geistigs in en hae sjmit ze vlot weijer d'rin.

's Zondigs 's aoves woort 't laat, pap en mam die woorte zaat.
Mam doug 's maondigs vruig de wesj, zie zoug oet wie ein auw besj.
Mam sjnapde 't beddelaake, doe pas heurde zie 'm kwaake:
" Maria doe deis mig pien ! ", pap loug mit in 't wesjmesjien.


HOME PLAATSNAMENOVERZICHTHOME


BALLADE
Tekst: ? - muziek: ?

Papa, parbleu, waar generaal: Eine van den aauwe sjlaag.
Waat gauf ich aevel òm zie goud, en de sjtarren op ziene kraag ?
'ne Generaal mit goud-galòng, mit saabel en sjakkoo.
Zien dochter heisjde Eusjenie, Eusjenieke zoo en zoo.

Me tròf zich irges op ne keer, me haauw direk zich gaer.
Veer kalden euver den aauwen tied en euver 't duuster waer.
Me sjprouk geruird en gauf zich auch ei muulke hie en dao ...
Mer 't koum gaauw oet, en de generaal waar dat zien eer te nao.

Hei 't kònne doere, dat gelök ? Papa waar generaal:
Hae vònj zien dochter vööl te flök, en mich vònj hae te kaal.
De saabel rammelde van geweld, pa sjloug mit handj en vout ...
Es 'ch noe zoo eine taenge kòm, dan kaok mich nog mie bloud.

Ich dènk nog dèks aan die romance, van saabel en sjakkoo,
want 'ch höb er toch mer gaer gehad, Eusjenieke zoo en zoo.
Mer 't ging daomit wie 't geit mit al waat zuuver is en sjoon.
De welt-van-noe haet, erg genòg, gein romantiek van doon.


HOME PLAATSNAMENOVERZICHTHOME


BAMBÓSJ!
2008/2009: Kènjerleidje veur de Marotte 2009 en Basissjool Loedoes Tekst & muziek: Thei Wessels

Jónges, noe loester: d’n tied dae is dao
Jao Jao Jao Jao!
Geine kómpjoeter, dae is noe verbao
Sjprèng ós achternao
Kóm van die bank aaf en zèt tot besjloet
Flot d’n TV bie dich oet……

Refrein:
Waat eine bambósj is ’t vandaag
Vuil èns ’t kriebele in diene maag
Waat eine bambósj is ’t vandaag
Ich dènk dat ich mich aan ‘t danse èns waag
Aoh-aoh-aoh waat is dae bambósj gesjlaag!
Drie daag nog vrie
Ich blief nog effe hie

Maedjes, noe effe gein Playstation 3
Si Si Si Si!
XBox, Nintendo en ouch geine Wii
Kóm mer flot derbie
Lekker èns gek doon, dat maag mit dit fees
Laef dich èns oet wie ein bees……


HOME PLAATSNAMENOVERZICHTHOME


BAPS
Tekst: G.Rapaille - muziek: G.Bertholet
Zang (*) : Anja Bovendeaard

Höb mitliej toch mit Baps, want Baps die is neit knap
Geluif mer dat dat pienlik is
Ze haet appelsienevel en dat vilt häör bès waal hel
want ze dènk: "Mit mich is get mis"
Ze geit dèks op sjtap mit Bips, want die sjut de vogel aaf
es ´t geit óm te kuite en te kete
Baps sjteit dan boetesjpel en ´t vilt häör bès waal hel
dat ze dan alweier häör winkelke mot sjleite

Refrein:
Baps ocherm, ze is door ´t lèntj gegange
Baps ocherm, Baps waat is dat sjneu
Baps ocherm, die zal dalik hange
Baps ocherm,Baps waat is dat sjneu

Höb mitliej toch mit Baps, want Baps dat is ´n blötsj
Geluif mer dat dat zielig is
Sjteit dèks langs de moer en dat maak de eppel zoer
en ze dènk: "Mit mich is get mis"
Dan is ze gans van de wap, want ze sjtóng achteraan
en ´t hólp neit óm hel-op te sjmeke
Om ´n lechske róndj de móndj en ´n bitsjke mee van kóntj
óm de manskaels de ouge oet te sjtaeke

Höb mitliej toch mit Baps, want Baps dat is ´n fret
Geluif mer dat dat lestig is
Mer Bips die aenjebats, die waar alweier op jats
Baps dach: "Waat is d´r mit mich mis?"
Tja, doe is ´t dus gebeurt, Baps pakde zich ´n mets
óm gek van gif óm zich haer te sjtaeke
Häör ouge ware rood. Bips die loug veur dood
en begoosj óm genade doe te sjmeke

Baps haet nog geperbeierd dat fretgevuil mit vitamine aaf te kloppe.
Mit zoermelk te blusse. Mit baereklaw te versjrikke. Onzekerheidstraining. Zónnebank.
Nuje sjpeigel. Ladyshave. Topjes. Lingerie. Legging. Sjlangelaere sjtevele. Vrachwagediploma. Nuuj gerdiene. Niks hólp !
Nou, dan kènt zelfs ´t sjterkste mechelke neit mee veur zichzelf insjtaon !

Höb mitliej noe mit Bips, want Baps die sjtouk raak
Geluif mer dat dat pienlik is
Bips loug zjwaorgewóndj, in d´n disco op de gróndj
Baps zóng: "Is d´r sóms get mis?"
´t Waar allemaol flot gebeurd, veur ´t gerich waar alles klaor
óm de zjwaorste sjtraof op te drage
Baps, ´t is ech waor, die mót noe veur zeve jaor
Water nao de zee gaon drage

* cd 2002 : Anja Bovendeaard - "Sjtruim"


HOME PLAATSNAMENOVERZICHTHOME


BARBEKJOE
Tekst: ? - muziek: ?
Zang (*) : Anja Bovendeaard

Refrein:

* cd 1996 : Anja Bovendeaard - "Anja" - Onger Os


HOME PLAATSNAMENOVERZICHTHOME


DE BEIERHERING
1979 (L.V.K. 1980 nr.1): Hans Wijnands
Zang (*) : Peter Eykenboom & de Ragtime Band

Refrein:
Ich höb eine heering in miene maag,
ich höb e sjtökske in miene kraag !
In miene boek dao zjwömp hae röstig roondj,
en mit beer, jao, hilt hae zich gezoondj !
In miene boek dao zjwömp hae röstig roondj,
en mit beer, jao, hilt hae zich gezoondj !

Op Esjelegoonsdig, zoon drie jaor gelee, veer goonge heeringbiete.
De letste heering sjeen mich tevree, mer doosjtig aan te kieke !
Ich höb 'm gesjlik mer wat bèn ich begoosj ...
sins toen höb ich toch zoane groate doosj !

Jao, jeder jaor weer, zoa om deze tied, begint hae zich te reure,
want vastelaovend dat is neet wied, dat sjient hae aan te veule.
Dan krig hae zien beer, dan haet hae völ lol.
Hae zjwömp toch zoa gaer in de alkohol !

* cd: Diverse artiesten - "Vastelaovend in Limburg 3" - Telstar TCD 100.859-2


HOME PLAATSNAMENOVERZICHTHOME


BEKÈNTENIS
Tekst: ? - muziek: ?

Ich wil weg, ich wil weg, ich wil ummer weg, al hob ich mie landj nog zoo leif.
Ich weit neit wooròm en ich weit neit woohaer, ich höb hie jao mie gereif !
Mer of eemes mich reip, of get mich dreef ... wie ich deezen toemel bedwèng ?
Weg mot ich, oet, de waeg op, wied: al weur mich de welt te èng.

En bèn ich dan weg, vööl miele wied, van woo ich gebaore bèn,
onger anger lòch, onger anger luu, in sjtae die ich gaar neit kèn,
dan kiek ich auch weir vol heimwee oet; dan sjrief ich breif op breif,
nao de vrunj, die ich opgauf in 't eige landj: Want Limburg blif mich leif.


HOME PLAATSNAMENOVERZICHTHOME


BELLA ITALIA
Limb.tekst: Wil Frenken - tekst & muziek: Meiniger & Weindorf
Zang: Wil & Annie

Refrein:
Blauwe golve, witte wolke, zjwarte auge rooije wien
Bella Italia
Alle zorge zeen veur morge achter gouwe zonnesjien
Bella Italia
Mit Chianti wurt Avanti gans ’t laeve ein festein
Bella Italia
S’aoves in ‘t zachte maonleich waere druime dao deks waor
Ich ben druimer daoveur gaon ich toch nao
Bella Italia

Langzaam verdwient de zon
S’aoves van mien balkon
Zach klink, ein leid van amore
Ich zeen op ’t sjranjd ein paar hanjd in hanjd
Twee harte in ’t zanjd.


HOME PLAATSNAMENOVERZICHTHOME


'T BENKSKE IN DE SJEEM
Jo Erens

Boete vuuer e klein cafeeke van d'n ouwerwetse sjtiel,
sjteit 'n houte kanapeeke, diks kom ich doa nog allewiel.
'ch Zit doa rustig te geneete, veul mich toes, 'ch veul mich heim.
Es de zon heur sjtreulkes sjeete, druim ich op dat benkske in de sjeim.

Dat benkske huuer ich sjpreake uuever leefde en de moan.
En wat al die veugelkes kweakde, dat alles ken ich good versjtoan.
'ch Huuer ze zinge, 'ch huuer ze kwaake, 'ch huuer weer dea verleefde kal,
van twiee sjwerbelkes 'n afsjproak make, vuuer dinere in de verkessjtal.
Vuuer sjtrak dinere in de verkessjtal.

Och wie sjoeen zingt toch dea mealder, hoeeg doa in dea eikeboam.
Hoeeg en lieeg, joa zonger fealder, net of went 't oet den hieemel koam.
Kos de welt 't toch begriepe, 't is toch neet zoeen groeet geheim.
Al die sjoeenheid ligk vuuer 't griepe, op zoeen houte benkske in de sjeim.


HOME PLAATSNAMENOVERZICHTHOME


BÈS MÈR NEIT BANG
Tekst: Jean Innemee - muziek: Harry Sillen
Zang (*) : Hay Sille en 't Volluksmeschien

Refrein:
Bèe mèr neit bang, kendj, bès mèr neit bang,
want bang zeen maakt ut leve tot 'n hel.
Bès mèr neit bang, kendj, bès mèr neit bang.
Waat er ouch gebeurt, schat, veer redde 't wel.

De kins bang zeen veur de duuvel of bang zeen veur de Paus.
De kins bang zeen veur de Kerstman of bang veur Sinterkloas.
De kins bang zeen veur neutrone of bag zeen veur de pést.
De kins bang zeen veur vervuiling of veur de angere rèst.

De kins bang zeen veur inflatie of bang zeen veur dien brood.
De kins bang zeen veur 't leve of bang zeen veur de dood.
De kins bang zeen om te fale of bang zeen veur d'n hondj,
of bang veur commeniste of bang zeen veur de bondj.

De kins bang zeen om te loupe of bang zeen om te stoan
De kins bang zeen om te blieve of bang zeen om te gaon.
De kins veur alles bang zeen, veur eder stand of rang.
Mer num van mich de road aan, bes allein mer bang veur bang.

* lp 1983 : Hay Sille en 't Volluksmeschien - "Blow graas" - Marlstone Recordings bv - MARL 198316


HOME PLAATSNAMENOVERZICHTHOME


BEUGEL EN BRILKE
Tekst: G.Rapaille - muziek: B.Erkens
Zang (*) : Anja Bovendeaard

Biej mich urges in de sjtraot, geluif mich die is groot
woont Elke mit ´n brilke en ´ne beugel
Sjtil en sjuuj zo wie ´n moes kik ´t meistes nao de gróndj
en dreet oet ´r naeske nervekeugel
Niks veur enne gezèttekop, zo mit dat brilke op
ze is mit nemes angesj te vergelieke
Zègk ich ´m "hoi" dan kiek ´t op, ze vindj dat waal get gek
Ein uigske wilt dan urges angesj kieke

Refrein:
Me dan zeen ich dat ´t lacht nao mich
Mit e sjuchter bliej gezich
´t Lacht, ´t lacht werm nao mich
Mit häör leif gezich
Ich zeen dan dat ´t lacht nao mich
Mit e sjuchter bliej gezich
´t Wermt mich dat ´t lacht nao mich
Mit häör leif gezich

Elke, geit goud oetgekiend, altied aeve laat nao sjool
dan maag ´t ederen daag ´t bord oetvaege
Mit teikene is ´t heel goud, mer waal ´n bitsjke hel
väöl zjwarte hertjes, tankeldraot en raenge
Es de sjool dan is gedaon zuus-te häör es eesjte gaon
Ze wènt dan ederen daag de hónderd maeter
En is ´t wiet genóg e weg, dan löp ´t röstig door
Nao hoes, dao vuilt ´t zich ´n gans sjtök baeter

Waat ich van Elke höb geleerd, ederen daag opnuj
Sjteifkènjer, waere oppe sjtraot gebaore
De hoofs mer effe angesj te zeen, e beugelke of bril
Dat is genóg, doe liks d´r oet veur jaore
Ondeugd en kattekaod dat pakt zich dan biejein
om Elke te gaon plaoge mit hun pielkes
Dan teikent Elke thoes ´n muske zjwaor gewóndj
en griesgruin kènjer mit kènjerbielkes

Dus bèn ich, vanaaf noe, mit alle mach paraat!
Mit walkie-talkie en ´ne kènjerprikker
Wae Elke nog èns plaog, dae höb ich biej de peut
Dat kiendje krig ze van mich op ziene flikker
Ich blaos ze de sjtruuk in, ich biet ze in de naas
sjéj ze oet en jaag ze in de gerdiene
Wae mich aan Elke kump, dae kump ouch aan mich
Dae vlouk ich sjtief en maak ich aan´t griene

* cd 2002 : Anja Bovendeaard - "Sjtruim"


HOME PLAATSNAMENOVERZICHTHOME


BEVRIEJING
Tekst & muziek: trad. / Zef Hermans
(oetgebrach ter herdènking 40 jr. bevriejing van Zitterd)

Zèg, wit geer 't nog op den daen aovend al laat, de tènks koume Zitterd in vaare.
De luuj ware doe zonger beier haos zaat, en koume mèr neit tot bedaare.
De sjtraote die ware in ein augeblik mit rood, wit en blauw geseierd.
De nònk en de tant van 'n sevetig jaor höbbe Foxtrot en Jazz geperbeierd.

Refrein:
Aj, aj, aj, aj, laote veer zènge.
De jonges die koume van Amerika om òs de bevriejing te brènge.

Me dansde en sjprong en me waar toch zo blie, veural auch dat sjoon Zittesj maedje.
Ze zatte de Zittesje jonges opzie, veur get kauwgum en get chocolaetje.
't Gebeurde nog gister, 'ne hollese jòng perbeierde hie get te sjanse.
Hae sjprouk hie ei maedje, 't zag daad'lik al: och mit dich kèn ich toch neit gaon danse.


HOME PLAATSNAMENOVERZICHTHOME


BIE DE SJPAUL
Tekst: ? - muziek: ?

Aauwd meuderke zit en sjpint höre vaam, op 't raedje van de sjpoul.
Ze zit dao van mörge pès aovend laat, zoo sjtillekes op höre sjtoul.
Ze zit mer en sjpint, en 't raedje dreet, auch meumelt ze gèt ongerwiel.
Zoo krek wie ei prèntje van gans lang haer, in de lang vergaete sjtiel.

Aauwd meuderke ... ze is wie 't laeve zelf; Dat de vaam van de minsje sjpint.
't Raedje dreet van de mörgen aaf, en dreet pès den aovend begint.
't Raedje dreet zich, en löpt en sjnòrt, a1 leip et nao eige wil,
pès 't duuster wurd en den aovend kump: Dan sjteit et op eimaol sjtil.


HOME PLAATSNAMENOVERZICHTHOME


BIE ET WEIGSKE
Tekst: ? - muziek: ?
Zang: Anja Bovendeaard

Sjlaop, mie leiveke, sjlaop noe gaauw, boete sjniet et, de lòch is graauw.
Dao is gei leich mee, en is gein maon, mit den daag is 't lang gedaon.
Mooder dèkt dich zörgelik toe, sjlaop mer, leiveke, doe.

Mörge, wie ich haope maag, sjteit de zòn weir klaor in den daag,
ligge de lènjer vol sjnee-witte matte, hange de buim vol witte watte:
Mörge zal, es de zòn auch neit sjeen, alles toch wie betouverd zeen.

Doe mòs sjlaope, doe mòs sjwiege, angesj kump dich de Boeman kriege,
kump de Sjwarte Peeter dich haole, sjtik dich in ziene zak vol kaole.
Waat neit sjleep, zoo minsj, zoo paerd, is den daag van mörge neit waerd.

Boete sjniet et, de lòch is graauw, sjlaop, mie leiveke, sjlaop noe gaauw.
'ch Maag niks mee heure van mie baeske, trèk dich de dèkkes op pès 't naeske ...

Deig hae wirklik zien uigskes toe ? Dan haet noe auch zie meuderke roe.

* cd 1998 : Anja Bovendeaard - "Ich wil de welt ens zeen" - Marlstone Recordings


HOME PLAATSNAMENOVERZICHTHOME


BIE ET WEIGSKE
Tekst: Felix Rutten - muziek: Anja Bovendeaard

Laot mich mer die köpke sjtriekele, dat ich dich die kummikske köör ...
Sjlaop mer, mooder wach bie die weigske, leiveke, sjlaop en druim van höör.

't Möönke loert door de gerdinkes, mit zie zuit en klaor gezich.
't Windje hiltj den aosem in en mooder is noe gans veur dich.

Alle bluimkes in oos hööfke deiën auch hun uigskes toe.
Alle veugelkes zeen sjlaope, leiveke, sjlaop noe, sjlaop auch doe.

Engelkes kòmme nao dich loere, sjtilkes, sjtilkes op hun teen ...
De uigskes toe en sjlaop, mie leiveke: es doe sjleeps, dan kans doe ze zeen.


HOME PLAATSNAMENOVERZICHTHOME


BIE ÒS IN ZITTERD HIE
Tekst & muziek: W. Jongen

Refrein:
Bie òs in Zitterd hie, bie òs in Zitterd hie,
haet jederein van kéndjsaaf aan al Vastelaovend in zien prie.
Veer danke 't besjtaon, van ooze gekken kraom,
aan 't sjpraekwoord, jónk geleerd is auwt gedaon.

In jeder kafeeke, aan jeder befèt, dao wurt nog gesjlach bie ' laeve.
Òs goud aan de baom gaon, dat zeen veer gewénd, dat is nog ein auwt Zittesj sjtraeve.
Noe vraog mich mèr neit, wie dat allemaol kènt, in Zitterd kènt alles, veer zeen draan gewènd.

En trèk ozen optoch alweier èns oet, gein teen paerd die hauwte òs bènne.
Mit maske verkleid, trèkke veer dan d'rop oet, in Zitterd is neems te kènne.
Noe vraog mich mèr neit, wie dat allemaol kènt, in Zitterd kènt alles, veer zeen draan gewènd.


HOME PLAATSNAMENOVERZICHTHOME


BIE ROAD BLIFSTE SJTAON
Tekst & muziek: Wil Frenken
Zang: Wil & Annie

Refrein:
Jao bie rood, rood, rood,
blifste staon
En bie gruin, gruin, gruin,
kenste gaon
Jao bie gael, gael, gael,
is ’t nog lang niet gedaon
Want mit Vastelaovend
mötte veer toch drie daag gaon

’T waar mit Vastalaovend
ich weit ’t noch zo gout
Veer heurde dao meziek
get wo ich zo van hauwt
Ein hermenie leip hie veurbie
en keek dao bie neit oet
Zie leipe doe hie zie aan zie
teange ein winkel roet

Rood, gael gruin is weier dao
de kleur van ’t sezoen
Doe wits wo dat veur sjteit
’t is os Limburgs roem
Mit Vastalaovend op en top
zo laupe veer hie ronjd
Toch mit off zönger maske op
zo sjoon en kaakel bonjt


HOME PLAATSNAMENOVERZICHTHOME


BIET MER IN DE PAEPERKOUK!
Tekst: ? - muziek: ?

Refrein:
Biet, biet, biet in de paeperkouk
dat deit dich toch zo goud, dat deit dich toch zo goud.
Och jong noe biet, bier, biet in de paeperkouk
dat deit dich toch zo goud.
Of is dat dan gein lekker sjtök,
waat ich hiej veur dich höb?
Noe môsse toch ens kieke, dao zosse zo in biete!
Paeperkouk van Zitterd, dae geef dich weier moud:
Daorôm: biet, biet, biet, biet, biet mèr in de paeperkouk!

Jao, FSC dat is oos club, sjpeelt dao in de Baandert,
geit d'r sjtevig taege aan, zo richtig Zittesj anem.
Zit 't ouch ens taege en haet me geine moud,
Dan pakke veer 't auwt resep en gaeve hun de kouk...

Dao koum ein club oet Amsterdam lèts ens nao 't Zuie,
die zoue zich ens èffe gauw mit voetballe bemuie.
Nao ein klein hauf urke doe beet me in 't zandj
want FSC out paeperkouk en zös nul woort de sjtand...


HOME PLAATSNAMENOVERZICHTHOME


BLOW GRAAS
Tekst & muziek: trad. - Hay Sillen
Zang (*) : Hay Sille en 't Volluksmeschien

Refrein:

* lp 1983 : Hay Sille en 't Volluksmeschien - "Blow graas" - Marlstone Recordings bv - MARL 198316


HOME PLAATSNAMENOVERZICHTHOME


BOEREBLAOSKAPEL
1956: Limb. tekst & muziek: Frits Rademacher


Oos plaetsjke haet noe ei boereblaoskapel.
Kiek dae Wullem, och, waat huit 'r op dat vel.
Zoo gauw de tróm sjleit is jeder op de bein, en dan zink hie jederein :
Oos kapel die trék wei'r oet, noe kump laeve in de boet .....

Refrein:
Heur ze blaoze, heur ze trööte, dao kump de boereblaoskapel !
Zuug ze trékke door de sjtraote, en ze sjpeele toch zoo hel !
Jao, veer zeen dao went zie gaon trööte,
want veer gaon zoo greutsj op oos kapel !

Noe heur ze sjpeele zoo zuuver in de maot.
Hoempa, hoempa, nei ze doon 't gaar neit kaod.
De trööt, de bas, wie de sax en sjuuftrómboon, jederein sjpeelt aeve sjoon.
En me heurt dan veur en nao, oos kapel die is wei'r dao .....

* cd : Marotte Zitterd - " 111 Jaor De Marotte Zitterd en 111 JAOR VLEIGE DE VONKE HIE OET DE PAN " - Onger Os # 7226


HOME PLAATSNAMENOVERZICHTHOME


BÔNNE VAN GISTERE
Tekst & muziek: Guus Steinen
Zang (*) : Kartoesj

ooow oooow oow oow oow !!!!!!!
ayayayayay.......!!!!!!

ich woort vemörge wakker
sjmeet mien brook "hup" in de wesj,
en toen veele mich - doe gluifs 't neet -
nog bônne oet de tesj .....
ich waor geliek klaorwakker,
sjtong verpôbzak dao "te sjtaon"
mer bedach mich toen:" noe kèn ich waal
venaovend nog 'ns gaon......!"

Refrein:
ich haw nog bônne in de tesj van gisteraovend,
ich haw nog bônne in de tesj, .....die laoge bienao in de wesj
haw ich dat noe mer gewete gisteraovend,
dan haw ich die bônne oet mien bôks gegarandeerd verjôks
mer ich höb 't neet , ich höb 't neet gewete,
en noe laoge die bônne oet mien tesj bienao in de wesj,
dat haw ich mich dan mien laeve langk verwete,
ich haw nog bônne ( bônne... bônne... bônne... bônne .....) in de tesj !!!

ich waor al 50 euro kwiet
nao angerhallef oer,
dus ich hoalde mich bie de bank
nog 100 "fleurkes" oet de moer
de kastelein haw gaer
veur edere pils 'ne bôn gehad,
want mèt die daag huijt dae veur geine
auch mer eine oppe lat.

ich sjnapde neet wie gaw miene lètste bôn d'r doorging
mer noe vông ich d'rs sjus nog 12 ônger in de vooring
en noe vendaag - jao- noe sjnap ich wie dat koam,
want d'r zaote d'rs auch nog 20 döbbel in de zoum....

geiste nao hoes toe in 't vervolg , veul dan ummer op 't lèts.....:
(...... loester good nao ooze lès !!! .....)
höb ich nog bônne ... bônne... bônne... bônne... bônne ..... in de tesj !!!

* cd 2003: Kartoesj - "Alles kump good" - Marlstone CDL 2307


HOME PLAATSNAMENOVERZICHTHOME


BÓNTJE VOGEL
Tekst: A van Rooijen - dialectvertaling-bewerking: G.Rapaille - muziek: Atahualpa Yupanqui
Zang (*) : Anja Bovendeaard

Kiek wie hae door de sjtraote sjweef
Perbeiert hae de luuj te óntwieke?
Kiek wie hae door de sjtraote sjweef
es ze mit aafkeer nao häöm kieke?

Hae is ´ne vogel mit zien eige wies
´ne Bóntje vogel oet ´t paradies
Hae zuut ze vleige, vluch einzaam óm de boch
´ne Vraeme vogel dae sjnakt nao get lóch.
Es hae op de vluch sjleit, en moderzeel allein geit
Tja, dan is hae ónverklaorbaar, ónversjteurbaar, ónbereikbaar
En Joos maag weite wo

Kiek wie hae door de sjtraote sjweef
óm ´n unske gelök te kènne koupe
Me wooróm? En wat wilt dae ontloupe?
Wet emes wooróm?
Urges op kepot geloupe?
Wet emes wooróm?
Wo van is hae weg geloupe?
Wet emes wooróm?
Waat haet hae misgeloupe?
Wet emes wooróm?
En bóste dan waal einzaam?
Wet emes wooróm, wooróm, wooróm?
In hemelsnaam wooróm?

Kiek wie hae door de sjtraote sjweef
Is ´t aafguns, zo wie ze nao häöm kieke?
Kiek wie hae door de sjtraote sjweef
Wae perbeiert wae, te óntwieke?

Kiek wie hae door de sjtraote sjweef
Wae wet perbeiert dae zich vriej te make
vriej te make, vriej te make...

* cd 2002 : Anja Bovendeaard - "Sjtruim"


HOME PLAATSNAMENOVERZICHTHOME


BOY-SCOUTS
Tekst: ? - muziek: ?

Dit is veur òs de bliedste daag, es veer zègge kònne: veer gaon !
Veer gaon op waeg mit de mörgeszòn, en kòmme eesj trök mit de maon.
Veer gaon, veer gaon, al weite veer niet, woo de waeg, dae sjòbbejak, òs brink.
Veer weite allein dat de welt, woo veer kòmme, zink.

Adjuskes, heiment, doe sjwigs nog en sjleeps, noe veer gaon in neevel en damp.
De zòn geit op aan den heuvelzoum, en sjient wie ein gouë lamp.
De leeuwerik stjeit in den heemel blaauw, woo hae bliedsjap en laeve brink;
En de ganse welt, woo veer zjwerve en sjlentjere, zink.


HOME PLAATSNAMENOVERZICHTHOME


BRENGS DOE MICH NOA HOES VANNACH
Tekst & muziek: Guus Steinen
Zang (*) : Kartoesj

Refrein:
Brèngs doe mich noa hoes, vennach ?
höbs doe mich gevraog,
ich höb toen d'rek "jao" gezag
wie ich die twinkelende uigskes zoag
Naots vergaet ich meer die nach,
ich belaef die ummer weer,
die nach wie ich dich heivesj brach ,
dat lekker muulke veur de deur

ich kaom dich taege in de "zoepkoel" op d'n daag veur karnaval
wie ich dich zaog waor ich metein van sjlaag.
veer drônke ôs 'n glaeske , ich haw vlinders euveral,
't woar 'ne echte onvergaetelikke daag
veer bleeve auch daen aovend lekker same,
en toen ...........? en toen .........?
en toen ...........? toen kaom de vroag .
al deegs te dich 'n heel klein bietje sjaame ,
en toen ...........? en toen ........
en toen ...........? vroogste 't mich toch :........

d'n angeren daag ben ich dich komme haole in de sjtad,
veer sjprooke op de mert aaf , " kwart veur zös "
wat höbbe veer dae zondig 'ne sjoonen tied gehad
tot midde in de nach höb veer gefees.
toen waas d'n tied gekomme om nao hoes te gaon
en toen ..........? en toen .....
en toen ..........? toen kaom de vraog .
dat muulke gisteraovend woar zo wondersjoon,
en toen...........? en toen ...
höbs dioe mich weer gevraog :

* cd 2001: Kartoesj - "Tam-tam" - Marlstone CDL 2044


HOME PLAATSNAMENOVERZICHTHOME


CARNEVAL DOE CARNEVAL
1947: Tekst & muziek: Jean Derrez

Dao is ei plaetsjke in oos landj, zoo löstig en zoo bliej,
daoaan höb ich mien hart verpandj, mit al zien laammaekerie.
Me hiltj dao zoo van lol en sjpas, door alle tieje haer.
Veer zeen van 't echte Zittesj ras, daoròm viere veer zoo gaer.

Refrein (2*) :
Carneval doe Carneval, ich sjpich mich zoo op dich.
Dich kèn ich toch neit misse, want doe bès ein sjtök van mich.

Mit vastelaovend zeen de daag van kisj, van sjpas en lol.
Es me de waorheid zègke maag is 't plezeier pas vol.
Mer dit jaor in 't bezunjer, wurt ei sjöpke drop gedaon,
omdat oos gouw Marotte noe zösmaol èllef jaor besjtaon.

Veer viere dit jaor wie 't heurt, einen echte carneval.
Zoo wie dat vruiger is gebeurt, mit zittinge en bal.
De bein gesjmeerd en dan dropoet, verkleid, 't is nooit te bòntj.
Mit vèrkesblaoze of ein toet, klink door Zitterd in 't ròndj


HOME PLAATSNAMENOVERZICHTHOME


DE COJBOJ OET EUROPA
Tekst: Jean Innemee - muziek: Harry Sillen
Zang (*) : Hay Sille en 't Volluksmeschien

Refrein:
Hee waer eine cojboj oet Europa, al waar hee drie keer opa.
Zo'n leeve, dat vonj hee idiaal.
Hee bleef zich cojboj veule en ech neit veur te speule,
en hee maakte mit zien spoore veul kebaal.

Ut begosch al wie hee klein waer, tom Mix waer zien idool.
En hee vroog zich aan Sinterkloas zien eerste klappistool.
Hee veulde zich al wie Zorro en kreeg zien eerste smik.
Mit elf joar, dan maag dat nog, dan bes ze neit getikt.

Hee woort auwer en ging vrieje, zien passie bleef um bie.
Bie countrie-concerte stong hee es eerste in de rie.
Revolvers op de heupe, de Stetson op de kop,
en laarze van tweehonderd piek, mit echte spoore drop.

Noe is hee AOW-r, zut oet wie Buffalo Bill.
Hee woont noe in ein huifkar en it biefstuk van de grill.
De peliesie numt hee Sheriff, de durpscafé saloon,
en drink wiskie in plaats van pilskes in de café van Mem Sloen.

* lp 1983 : Hay Sille en 't Volluksmeschien - "Blow graas" - Marlstone Recordings bv - MARL 198316


HOME PLAATSNAMENOVERZICHTHOME


CONFETTI, PEPIRKES VAN GELÖK
2004/2005 : Tekst & muziek: Peter Schaeks

Refrein:
`t Raegent `t raegent confetti !
Waat `n waer !
De loch is gans gekleurd
Dit waer höb ich zo gaer
Al die sjnipperkes.... de kleure van de raegebaog
Riezele wie bòntje sjnee van baove oet de loch
Ze valle mich in de nek pès onger in mien sök
Mörgevruig vènj ich die euveral weier terök
Wo dan????
In mien hömme, in mien haor
In mien bòks en in mien böösj
God-weit, ich-weit-neit wo,
Ich veul mich happy, mit confetti
Want `t zeen sjtök veur sjtök:
Pepirkes van gelök

Es ich 's mörges wakker waer,
Maak ich mien lènker-aug `ns aop.
En zeen mit `ne glimlach,
Waat ich vuilde in de sjlaop.
euveral confetti op mien kösse,
mien teene en mien batse, euveral zitte ze tössje
Sjtaon ich veur de sjpeigel en ich sjrik! Wat kik mich aan?
Zeen ich zellefs confetti in `t sjtökske van mien vaan``

Kump d`n optoch langs, sjtoan ich dao
Mit mien tröötje langs de kantj.
Dan komme ze mit töp
Vol-gelaaje pès de randj
Ze laaje `t kanon gans vol en knalle,
Doezende pepirkes jao die valle, en die valle
Laot `t mèr gebeure, kòm mèr dwarrel mich mèr vol,
Neit allein `t kanon, mer auch mien hart zit daovan vol!

* cd 2004/2005 : Marotte Zitterd - 'Dao höbste hööm dao'


HOME PLAATSNAMENOVERZICHTHOME


D'R IS LEICH OP 'T ÈNJ VAN DE TUNNEL
1997: Teks: Sjef Schurgers & Math Niel - muziek: A.L. Webber

Solis:
Zeg Fritske; heur waat ich dich gaon vertèlle,
en sjei èns oet mit dae angs veur d'n tunnel.
Veer zeen toch alleney, zo heel kort bie-ein,
dus hauwt dich vas, want dan geit 't van allein.

Want d'r is leich op 't ènj van de tunnel,
want d'r is leich op 't ènj van de tunnel,
al is 't midde drin zoo duuster wie nach.
Want d'r is leich op 't ènj van de tunnel,
want d'r is leich op 't ènj van de tunnel,
al is 't midde drin zoo duuster wie nach,
want op 't lèts wurd dat leich ós trök gebrach.
Dat verlange dat kump van bènne oet,
en eine dae dat gaar neit haet, kènt gein roe.
Want inderdaad, pak uch noe bie-ein,
dan geit 't saame gans van allein.
Höbs 't door Fritske, dan bewaeg dich,
want dan kómme veer op gang.

Koor:
Lekker op gang, lekker op gang.

Solis:
En dat deit ós toch zo goud.
Jao, jao, jao, en dan kómme veer hie gauwer droet.

Koor:
Hae zuut 't leich op 't ènj van de tunnel.
Hae zuut 't leich op 't ènj van de tunnel.

Solis:
Gelokkig zèg; hae haet 't al door.
Hae zuut 't leich op 't ènj van de tunnel.
Hae zuut 't leich op 't ènj van de tunnel .
En bèste einmaol drin, dan zuuste 't goud,
want ech dat leich sjprink dich midde in 't oug.

Solis:
Vergaet aevel neit, want dat is toch ei feit.
Maak uch sjterk óngerein, dan pas zeet g'r ein.

Koor:
Jao veer vuile al die wermte.

Solis:
Dan hauwt dat goud bie-ein.

Koor:
Dat zulle veer doon.

Solis:
Veer beginne noe.
Hauwt de tuikes flink gesjpanne dan bereike veer 't einde.

Koor:
Veer zeen 't leich op 't ènj van de tunnel.
Veer zeen 't leich op 't ènj van de tunnel.

Solis:
Graaf noe ein laok en hauwt 't ouch vol.
Veer zeen 't leich op 't ènj van de tunnel,
veer zeen 't leich op 't ènj van de tunnel,
veer saame zeen noe sjterk, veer komme d'r waal.
Aan 't ènj van de tunnel zuuste leich.
Veer zeen 't leich op 't ènj van de tunnel,
veer zeen 't leich op 't ènj van de tunnel,
en ouch Linda sjleit al flink mit zien sjtart,
dae zuut 't leich aan 't ènj van de tunnel.

Alle:
Veer zeen 't leich op 't ènj van de tunnel,
veer zeen 't felle leich, veer waere noch blèndj.
Want ei leich sjient ós in de ouge, gans vööl leich ..... !

cd : Marotte Zitterd - " Zitterd Broesj " - Onger Os # 7343


HOME PLAATSNAMENOVERZICHTHOME


DAE NOG ZITTESJ BLOUD HAET
Trad.

Refrein:
Want dae nog Zittesj bloud haet in zien aore,
dae Zittesj dènk en veur zie sjtèdje sjteit,
vergit op ei fees alle leid en zörge,
vastelaovend, dae hie noots vergeit.

Es langzaamaan gaon valle, de blaedjes van de buim,
de kènjer louver kaere, verdwient 't lèste gruin.
Dan geit de wèntjer kòmme, mit raege, sjnee en ies.
Mer mit die naatigheit sjpreit 't wèntjerkleid,
toch ouch zien gezèlligheid.


HOME PLAATSNAMENOVERZICHTHOME


DAE SJONE VASTELAOVESSJPAS
2003: Tekst & muziek: Sjef Weijman
Zang (*) : Jan van Daal

Refrein:
D'r is mer ein deil waat ich nooit zou wille misse,
Dat weit ich zeker alle twiefel van de baan.
Ich houf neit nao te dènke waat ich zou besjlisse,
De Vastelaovend, jao dao kump mich nemes aan.
't Maak niks oet wo ich dan oet zou motte keize,
't Maak niks oet want mien besjlissing sjteit al vas,
en es 't mot dan laot mich alles mer verleize,
mer zeker neit dae sjone Vastelaovessjpas.

Es de pappegey oet vlug, dan kump dae sjone tied
Heur ich weier de trumkes, ben ich alle zörg kwiet
Sjnap mich vlot d'n daomino, ei naeske oppe sjnoet,
Niks hiltj mich mee taege want dan mót ich d'r op oet,
Jao d'r oet, dan mót ich d'r op oet.

Touver mer get kleure mit get sjmink op mien gezich
Pekske aan ei pruukske op, die daag zeen weier in zich
Heur van wiet de trööte al, 't broesj mich in 't bloud
Sjittert dan 't rood gael gruin, dan weit ich 't kump goud
't kump goud, dan weit ich 't kump goud.

* cd 2004/2005 : Marotte Zitterd - 'Dao höbste hööm dao'


HOME PLAATSNAMENOVERZICHTHOME


DALIK
2005/2006 nr.1 : Tekst & muziek: Thei Wessels

Mien auwd kestuum dat zout mich vruiger väöl te ruum
Ich deig 't aan mit eine hele houp gekuum
Dae sjluppejas dae hóng 't gans jaor in de kas
Noe bèn ich bang dat dae mich mörge neit mee pas
't Is alweier èns zo wied. Mer veer höbbe alle tied...

Refrein:
Dalik is nog ummer wied ewech
Dalik is nog neit te laat
Dalik kump 't oppe peut terech
Dalik gaon v'r hie èns effe ech beginne
Dalik wirke veer ós oet de naod
Dalik kump de voele sjweit
Dalik zuste hie pas rögkegraot
Dalik, mer noe nog effe neit!

Noe mót de wage ouch nog aaf mer geine klaag
En dao is nemes dae zich ouch èns effe jaag
Al kump d'n optoch mit de tump al óm de boch
Allein get sjildere dat mótte veer hie nog
't Is alweier èns zo wied. Mer veer höbbe alle tied...

Dao make boereblaoskapelle eine toer:
De nuje sjlager ligk nog ummer in 't zoer
Mit get gelök dan móste haope dat 't lök
Mer óngertösje klink dat leidje wie ein zök
't Is alweier èns zo wied. Mer veer höbbe alle tied...

Dalik höb ich nog ein läökske vrie
Mer dat läökske kump neit korterbie...


HOME PLAATSNAMENOVERZICHTHOME


DAN WAAR 'T APRIL ...
Tekst: ? - muziek: ?

Dan waar 't April, noe is 't November.
De sjoone zoomer is verbie.
De blaar zeen lanksaam gael gewoore.
Ich bèn bedruifd, ich weir neit wie.

Dao waare veer getweets, veer saame,
en alles lagde òm òs haer.
Dan gings doe weg, en ich moos blieve.
Mien löstigheid verloor ich saer.

Noe is 't November, klokke loeë.
In de natoer woort alles sjtil.
De traone kòmme mich in de ouge:
Ich dènk aan dich, en aan April.


HOME PLAATSNAMENOVERZICHTHOME


DAN WAAR 'T PUIME ?
1993: Tekst & muziek: Thei Wessels
Zang (*) : ?


Refrein:
Es ich van de vastelaovend neit koosj druime,
dan waar 't puime, dan waar 't puime.
Om de res dan nog maar gaaroet neit te nuime,
dan waar 't puime, de ganse nach.
Dan waar 't euver mit de roe, nae, ich deich gein oug mee toe.
Es ich van de vastelaovend neit koosj druime,
Dan waar 't puime, de ganse nach.

't s'Aoves lik ich frisj ònger 't laake,
dan tèl ich alle sjäöpkes op en rie.
Dan druim ich dèks vanvastelaovend maake,
dan lik ich pès 't sjmorges op ein zie ...

't s'Aoves bie 't loewe van de klokke,
dan zèng ich alle leidjes van 'Alaaf".
Dan bèn ich dèks bezunjer flot vertrokke,
dan bèn ich pès 't sjmörges weier braaf ...

* cd (1993) : " De Marotte sirk trek wiejer " - De Marotte Zitterd - Ónger Ós # 7250


HOME PLAATSNAMENOVERZICHTHOME


DAN WURT 'T VASTELOAVEND
1946: Tekst & muziek: Pierre Stöcker

Wae in Zitterd is gebaore, hiltj van schpas en schaele kal,
zal mit mich mòtte verklaore: Carneval geit baovenal !
Al mòt veer nog ei tiedje wachte, einmaol kump toch weier den daag,
dat veer nao zoo lang te schmachte os weier in ei leelik wief verkleije maag.

Refrein:
En dan wurt 't vasteloavend, laamaekerie, wauwelerie en schpas.
Joa, dan wurt 't vasteloavend, boerekeil, domino en schluppe jas.
Joa, dan wurt 't vasteloavend, es de verkesblaoze oppe Schteivig schlaon.
Joa, dan wurt 't vasteloavend, es zich alle luuj weier òngerein verschtaon.

Schtrak, dan zult te weier viere, es te dich in 't schterfhoes zets.
Maskes, hoeraes, schwaaje, schwiere, Zitterd op zien auwerwets.
Achter maskes en gerdinkes wurt de waorheid zich gezag.
Apeneutjes, appelsinkes haet Prins Carneval veur Zitterd mitgebrach.

En 't allerschoonste vruike mit 'n auwt verdreug gezich,
löp dan nao zien prooj te zuike, dat verschangeleierde dich.
Dan peune dich waal hònderd mundjes, loat dan de vrouw zoolang mer toes.
Elk muulke kos dich weier rundjes, mèr pas op, oh wee, gedraag dich neit schaloes.


HOME PLAATSNAMENOVERZICHTHOME


DANSMARIE
2003/2004 nr.1 : Tekst & muziek: John Smeets & Gian Prince
Zang: Cyriel Niël

Refrein:
Dansmarie, dansmarie, jao veer höbbe nog ein hiej,
Ze is allein get aan de forsje kantj.
Dansmarie, dansmarie, jóng die haet ein batterie,
Ze is al dèkser door de buhn gelandj.
Es marieke sjteit te danse en te wènke,
Och waat ein sjènke, och waat ein sjènke..
Zo'n marieke höb veer nog nootsj gehad,
Doe bes veur mich de allerleifste sjat.

Kapel begint te sjpele, dao kump ós dansmarie,
Honderdtwintig kilo, waat ein gekke priej.
Es die begint te danse, jao, dan witse 't waal,
Vleige hiej de patsje, en klap de ganse zaal.
Dan haet Marie 't richtig nao de zin,
Sjprunk op en aaf nao de koelisse in...

Waat 'n prechtig mechelke, dao zuus te mich get sjtaon.
't Jeske get te eng, en 't rökske och laot gaon.
Oppe patsj get vaere, dat is waat häör zo seiert,
Begint de sjat te danse, wurt de buhn versjangeleierd.
Dan zet 't zich biej de prins op sjoot,
Löp de ganse vastelaovend oet 't lood

* cd 2003 : De Marotte Zitterd - Ónger Ós 7437


HOME PLAATSNAMENOVERZICHTHOME


DAO BRENT WEIER LEICH
Tekst & muziek: trad. / Jeun Schelberg
(oetgebrach ter herdènking 40 jr. bevriejing van Zitterd)

Veer zènge noe èns ei leidje van Zitterd baoven al, dao brent weier leich.
Jao, dat plaetsjke zoo röstig, mit ziene sjoone wal, dao brent weier leich.
Oppe Mert, in de sjtraot en auch wied dao boete,
zuut me weier in alle hoezer, glaas-in-lood-roete,
wanjele, me zuut ze, dat doon heel jòng poete, dao brent weier leich.
En ooze Wiejer mit de Gruuzesjtraot, de Hèl en Paradies, die zeen zo sjoon.
Auch ooze Mert mit de Pöllesjtraot, de Pötsjtraot, ich bèn blie dat ich dao woon.
En in dat park, wo allein rieke luuj gaon laeve, zèt zich ei kèndj mit de jòng d'r naeve.
Benk wo me wit van numme en van gaeve, dao brènt gei leich.

En langs de Baek, ummer sjwart, wie dat geldj van Denges waor, dao brènt weier leich.
Op Sjtadbrouk, wie me wit, en auch oppen haof van Laor, dao brènt weier leich.
In de veursjtae, wie Leyenbrouk, Euverhaove,
Ophaove en dan nog de Congo dao baove.
Es me breudjes bak bie Denges in den aove, dao brènt weier leich.
En in Broukzitterd, wo de mès dich òm de oore vlug, haet me nog dikke buuk.
En oppe Sjteivig, wo 't 's aoves kan gebeure, dat 't dao neit lekker ruuk.
Zitterd, dat kènt al van auwts Vastelaovend maake, kènt me auch eemes de kop laammake.
Is me vruig op en auch vruig ònger 't laake, dao brènt gei leich.


HOME PLAATSNAMENOVERZICHTHOME


DAO HÖBSTE HÄÖM DAO
2004/2005 nr.1 : Tekst & muziek: Thei Wessels

Ich leip in d'n optoch grandioos verkleid
Mèr me koosj mich toch nog. En dat wol ich neit
Ich trok miene kop nog in ein gek gezich
Mèr euveral wo ich ouch leip dao reip me taege mich:

Refrein:
Dao höbste häöm dao! Noe kiek èns hie
Dae leip de letste jaore ouch al hie veurbie
Es ich dem zeen bedènk ich mich
Dat is dae eine mit die naas in 't gezich
Dao höbste häöm dao! Ich weit ouch wae
Dat is dae eine van dae angere van dae
En v'r zenge 'm nao: "dao höbste häöm dao"
En v'r zenge 'm nao: "dao höbste häöm dao"

Sjnurke aafgesjaore. Eine gekke bril
Valsje sjwarte haore. Dat is waat ich wil
Kilo's vet verlaore. Zeve laoge sjmink
Es noe mèr in d'n optoch neit dit leidje emes zink:

Ich höb dokter Sjrieje midde in mien sjnoet
Plasties laot sjnieje. Waat zeen ich d'r oet
Noe kènt mich in tieje gaaroet nemes meer
Mer gister in d'n optoch klònk 't weier keer op keer:

* cd 2004/2005 : Marotte Zitterd - 'Dao höbste hööm dao'


HOME PLAATSNAMENOVERZICHTHOME


DAO WOO ICH GEBAORE BEN (ZITTERD ALLEIN)
Tekst & muziek: Jo Erens

Dao woo ich gebaore bèn, woo mien auwesjhoes nog sjteit,
de taal, die ich toch zoo goud kèn, woo ich hauw mie leif en leid.

Refrein:
Dat is mie Zitterd, Zitterd allein.
sjooner plaetsjke vèndj geer neit ein;
es mien auwt Zitterd, Zitterd allein.
Dao geit niks baove, zo is der mer ein.

Gaon ich nao de vraemde haer, of wiet van Zitterd weg,
höör ich ummer toch zoo gaer, 't goud, 't kaod, 't sjlech.

Zuik ich mich ei maedje oet, is dat ei Zittesch kèndj.
Dao woo ich zoo op vertroew en nurges baeter vènj.


HOME PLAATSNAMENOVERZICHTHOME


DAO WOO 'T WUIVEND KAORE SJTEIT
Tekst: Toon Hermans - muziek: G.Winkler en J.Theelen
Oetveurenden: Toon Hermans
Oetveurenden (*) : ?

Dao woo 't wuivend kaore sjteit, mit bloume langs de kantj,
die plekskes die vergaet ich neit, dat is oos Limburgs landj.
Woo grote buim te bluije sjtaon, langs zònnige paedjes,
woo wieke van de meule sjlaon, al jaore lank.
Dao woo ich lekker dwale gòng, langs hei en wei en zandj,
dao woo mien eige weigske sjtòng, dat is oos Limburgs landj.
Dat is 't sjoonste sjtökske grondj waat veur mich besjteit.
Al gaon ich gans de waereld ròndj, dat vènj ich neit .....

Woo vèndj geer zo'ne sjoone wal, wie dae om Zitterd lik.
Woo vèndj geer zo'ne Baandert al, ès geer uch dem bekik.
'ne Kolleberg, 'n sjteine sjloes, wae vuilt zich dan hiej nog neit thoes.

cd : Marotte Zitterd - " De Perpluu wurd gerich " - Onger Os # 7289
* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv


HOME PLAATSNAMENOVERZICHTHOME


DAT DEIS'TE MÈR EINE KEER
Tekst & muziek: Thuur Laudy en Giel Laumen

Refrein:
Dat deis'te mèr eine keer, dat lapste mig noe neit meer.
Ich bèn waal goud, mèr daorom bèn ich nog neit gek.
Dat deis'te mèr eine keer, dat lapste mig noe neit meer.
Ich sjtaon hie toch zeker neit veur boone en sjpek.

Ich waar verleif op ein sjattig kèndj.
Jummich waat waar ze toch leif.
Noe geit ze vrieje mit miene vrunj,
daorom sjreef ich deze breif.



HOME PLAATSNAMENOVERZICHTHOME


DAT IS KLASSE ...
1992: Tekst & muziek: Loek Lemmens

Refrein:
Jao dat is klasse, jao dat is klasse,
hònderd-ellef jaor al make veer grimasse.
Neit te geluive, neit te geluive,
Zitterd haet get en dat kènste heel goud pruive.
't Is de sjtad door de eeuwe haer,
die vastelaovend viert mit flaer.
Jao, dat is klasse, jao, dat is klasse,
hònderd-ellef jaor Marotte en grimasse.

Goud hònderd jaor geleeje, ze pakte zich biejein.
ei grupke luuj oet Zitterd, ze bleeve neit allein.
En vastelaovend koum doe, bie òs hie van de gròndj.
De pappegey koum oet zeen ei en trèk nog ummer ròndj.

Ze gouve òs 't sjoonste, ein sjöpping veur altied.
Zowaor ein waereldwònjer, oos groot Marotte-Riek.
Noe sjtaon dao op ei reike, drie eine achterein,
want Zittisje Marotte blieve altied nòmmer ein !

* cd : Marotte Zitterd - " 111 Jaor De Marotte Zitterd en 111 JAOR VLEIGE DE VONKE HIE OET DE PAN " - Onger Os # 7226


HOME PLAATSNAMENOVERZICHTHOME


DAT IS ÓS ZITTERD
1998: Tekst & muziek: Rob Hodzelmans

Refrein:
Dat is ós Zitterd: sjtedje mit pit,
sjlachtende hoeraes, woo ich mich op sjpich.
Dat is ós Zitterd, wie jeeder wit,
sjpas en plezeier, veur dich en mich.
Dat is ós Zitterd veur dich en mich, veur dich en mich.

Veer Zitterder hie, veer sjtaon alóm bekènd,
veer verdraage ei sjpeske, zeen gans get gewènd.
En geiste nao Zitterd, jao, kiek dan mer oet,
veer sjlachte hie jeeder, de pap, de mam, de poet.

Kalt me euver Zitterd, dan is ummer get.
Ze zègke; die hange aanein dao, wie klet.
Mer luukes, begriep toch, dat is sjus zo sjoon,
went in leid en in vruide, dan móste 't saame doon.

cd : Marotte Zitterd - " Zitterd Broesj " - Onger Os # 7343


HOME PLAATSNAMENOVERZICHTHOME


DAT KÈNT ALLEIN IN ZITTERD
1997: Tekst & muziek: Phil Schaeken
Zang (*) : ?

Jeder jaor bie òs in Zitterd, truf zich auwt en jònk opnuu.
Drie daag sjtaon d'r aan te kòmme, mit 't fees veur alle luu.
Jeder wirk aan zien ideeke, toes of in de optochhal.
En dao in dat klein kafeeke, heurt me weier sjaele kal.

Refrein:
Heel vööl sjaele kal, vrieje oppe wal,
och, dat kènt allein in Zitterd.
Jeder jaor opnuu, sjoonste optoch luu,
zuut me hie bie òs in Zitterd.
Zefke Mols en Toon, leidjes toch zo sjoon,
heure bie òs goud awt Zitterd.
Vastelaovestied, wille veeir neit kwiet,
't is de sjoonste tied van Zitterd.

Zitterd mit zien auw gebroeke, nònnevot en hermenie,
Grote kirk en de Marotte, zelfs ein heel sjoon sjötterie.
Feeste zal 't ummer gaeve, zònger feeste geit 't neit.
Sjtedje van 't gouwe laeve, wae hie woont dae wit besjeit.

* cd (1997/1998) : Diverse Artieste - " Door 't dölle haer " - Marotte oet Zitterd


HOME PLAATSNAMENOVERZICHTHOME


DAT KENT GEBEURE
2008/2009 nr.1 : Tekst & muziek: John Smeets & Gian Prince
Zang: Cyrille Niel

Ich ben eine boer en vaar normaal de krote van ‘t landj
Noe maag ich mit de prins gaon vare, ich höb get aan de handj.

D’n optoch geit noe trekke, dao is ‘t eesjte laok,
De prins begint te zjweite, hae maak zich richtig kaod.
De Vors krig alle kleure, dae wit zich geine raod,
Effe gaas d’r bie; de patsje vleige oppe sjtraot.
Al höb ich aaf en toe ein bieje pech....
Jeder jaor de sjnelste tied dat is neit sjlech.

Refrein:
Dat kent gebeure, dat kent gebeure
Trap ich op dae pin, haol hie alle läöker in.
Dat kent gebeure, dat kent gebeure,
Gong de wage aan de jas, mes de prins heil zich neit vas.
Oppe Mert gekomme, wo jeder maske zingk,
Es de prins nog urges aan ein sjtopleich hingk.
Dat kent gebeure, de tenk is nog neit laeg,
Dus pak mich dae kiosk mer oet de waeg.

Jao bie ‘de kup’ gekomme, op ens ein groot sjandaal,
Wo mot ich dat van weite, dao is ‘t väöl te sjmaal.
De raod bleik oppe wage, die zouge gaar neit oet,
Effe nog ens sjakele en volle gaas veuroet.
Al höb ich aaf en toe ein bietje pech....
Jeder jaor de sjnelste tied dat is neit sjlech.


HOME PLAATSNAMENOVERZICHTHOME


DI DI DI
Tekst: ? - muziek: ?
Zang (*) : Anja Bovendeaard

Refrein:

* cd 1996 : Anja Bovendeaard - "Anja" - Onger Os


HOME PLAATSNAMENOVERZICHTHOME


DIE ZO ZIN ZIN ALLENEJ ZO
Tekst & muziek: Guus Steinen
Zang (*) : Kartoesj

doe höbs van die luuj die (ummer) klaage
dat zin van die luuj die kenne niks verdrage
dan zin d'rs auch die doon dich alles gluive
die gaer 's de sensatie preuve

doe höbs d'rs auch die wille alles weite
es ich die zeen dan ben ich pleite
dan höbste die , die motte alles höbbe
(auch) al hobbe ze gein 5 cent op de rubbe

die zoa zin, die zoa zin, die zoa zin, zin allenej zoa
die zoa zin, die zoa zin, die zoa zin, zin allenej zoa

doe höbs van die luuj die ummer lammentere
die altied kuume mer niks mankere
doe höbs van die luuj die ummer griene,
die noats 't zunke 'ns zeen sjiene,

en kenste die die noats 'ns lache,
nae noats get leuks , neij ummer klachte
dat zin die met die lang gezichter
die maake zich 't laeve ech neet lichter

mer d'r zin auch luuj die neet zoa zin
( .....gelökkig ! die geuf 't auch !!)
die lache en geneete van d'n daag
die tuine dat 't angesj ken
( .....en zo heurt 't zich toch auch !!)
auch die zin allenej de zelfde sjlaag

* cd 2003: Kartoesj - "Alles kump good" - Marlstone CDL 2307


HOME PLAATSNAMENOVERZICHTHOME


DIKKE-WANGE MEZIEK
Tekst: Guus Steinen - muziek: M.Brühl / H. Knipp H.L.Brühl / H.Knipp
Zang (*) : Kartoesj

't deit ôs good te zeen dat veer biejein zin huuj
want wat höb ste aan meziek noe en d'r zin gein luuj
Es de bläösers blaoze is de tent te klein
doa wille ver allenej bie zin,
ver zin neet gaer allein
doa wille ver allenej bie zin,
ver zin neet gaer allein.

Refrein:
doe en ich
ich en dich
en die dikke wange ,
dikke dikke wange wange blaosmeziek speelt
veur wae hie van 'n denske hilt
doe en ich
ich en dich
en die dikke wange
dikke dikke wange wange blaosmeziek sjpeelt
dat is wat mich bevilt !

Geneet van 't laeve" zunk de ganse tent
"de nach is nog zoa langk" is wat 'n eder kent
en dan denoa dan kump " hie wurd "tam-tam " gemaak
dan is gein minsj meer te hawte
dan gaon ver door 't daak
dit zul ver nog heel lang onthawte
hie wurd de vogel geraak

Benny Franz en Beppie oet ôs Limburgs land
zènge de sjoonste leedjes, dan geit alles aan de kant
Nemes blif meer zitte, dat verangert gans inèns
René pak dich d'n trekzak en dan doon ver 't nog èns
Pak dich dienen trekzak en dan doon ver 't nog èns

Ja heure veer meziek dan is 't fees geliek
en dan zuuste die wange neet meer hange .......holdrio

* cd 2003: Kartoesj - "Alles kump good" - Marlstone CDL 2307


HOME PLAATSNAMENOVERZICHTHOME


DOE BÈS GEWELDIG
2010/2011 nr.3 : Tekst: Ed Geilen - muziek: Petro Willems
Zang: Gein Haor Baeter

Doe maaks dich vaerdig veur 't auwwieverbal, en haols dan alles oet de kas.
De aovend dae hiej ummer blieve zal, want ónherkènbaar zeen, is dao de sjpas,
En brènge die auw wiever, de mansluuj van de wies,
dan is metein al dudelik sjoon lelik is neit vies.

Refrein:
Doe bès geweldig, doe bès geweldig, doe bès geweldig lelik leive sjat.
Dus ich vertèl dich, jao ich vèrtel dich,
mit zo get leliks loup ich gaer door de sjtad.
Mien sjoonst verkleide maedje wurt ein zittesj auwt wief, mit
rumpele gezich en rotte tenj.
Dae bebbel geit nog vlot allein die knöök zeen get sjtief, de
wanjelsjtek dae höbste in de henj.
Doe bès geweldig, doe bès geweldig, doe bès geweldig lelik leive sjat.

Doe vlugs es heks gaer door de sjtraote haer, de bessèm sjtrang tösje de bein.
De luuj aan't sjrikke make deiste gaer, en ouch dien sjtöm die geit door merg en bein.
En is om twellef oere, dien sjpreuk al oet gewirk,
Vleig dan neit mit dae bessem op de tore van de kirk.

Dich bes mit vastelaovend oere kwiet, óm lelik auwt geschmink te zeen.
Dat is daoróm waal eine dure tied, want alle verf die zit van top tot teen.
Maar bès dich sjtraks get auwer sjat dan kos 't dich de hèlf,
Want dan kómme die rumpele en vauwe gans van zelf.

Coda:
Maar allein mit vastelaovend dus ich höb gelök gehad


HOME PLAATSNAMENOVERZICHTHOME


DOE BÈS MIE LENDJE
Tekst: ? - muziek: ?

Doe, Lèndje woo ich bèn gebaore, waat kan mich leever zeen es dich.
Doe, riek aan kaole, risk aan kaore, veer heure saame, sloe en ich.
Doe zougs mich gruië wie ei buimke, gaufs kleur en klöörte aan mie besjtaon.
Wie zou 't mich leid doon, zou 't mich ruië, muis ich van dich gaon.

Ich höb dich leif omdats doe sjoon bès: Dien bòntje veljer mit hun buim.
Woo 's Leveneer zelf -kuis Hae kòmme - mit komplezansie wanjele kuim.
Ich höb dich leif, omdat van vruiger, de luu bie dich zoo vrundjlik zeen,
en lache kònne, altied mònter, es auch al ens de zòn neit sjeen.

En muis ich eimaol van dich vaare (Wie wurd ene minsj sòms neit gedrild !),
in oug en hart blief ich bewaare, waat mich et meiste in dich gevilt:
't Geweemel van then lenjerieje, die op- en neirgaon veur 't gezich.
En mit hun kleure òs verblieë. Doe bès mie Lèndje, - ich bèn van dich !


HOME PLAATSNAMENOVERZICHTHOME


DOE BÈS MIE MAEDJE
1955: Limb. teks: Frits Rademacher - muziek: Giel Laumen
Oetveurenden (**) : Frits Rademacher & Thei Hunnekens
Zang (*) : Frits Rademacher


Kiek éns aeve in de sjtraot, zuug ze dao éns gaon,
maedjes, 't lieke waal blömkes, kénjer mit zilvere sjtömkes.
Maedje, mit dien lupkes rood en zoo fien gesjmink,
loester nao 't leidje, dat die jungske zink :

Refrein:
Doe bés mie maedje, och kéndj, ich hauwt van dich.
Doe modeplaetje, mien allerleifste wich !
Mie rozeknupke, ich nuim dich hartedeif,
doe bés mie pupke, kóm ich hauwt dich éns leif !

Wurd 't weier karneval, kump den tied weier aan.
Jederein geit zich verkleije, nemes zal òs dat verbije.
Maedje, mit dien lupkes rood en zoo fien gesjmink,
loester nao 't leidje, dat die jungske zink :

't Jungske is nog vööl te bleu, durf ´t nog neit aan.
Kump 'r ei maedje éns taege, jummich, dan wurd 'r verlaege.
Mer hae haet op zeek'ren daag toch zien kans gewaog,
en doe sjprouk dat maedje : has te mer eeder gevraog .....

En is dan de broelef dao, jóng dan is 't fees.
Wurd zich ei drupke gedrónke, same wurd nog éns geklónke.
Want ze zeen noe man en vrouw, och waat zeen ze blie,
zaet 'r doe mie vruike, kéndj, noe kóm éns hie !

Kump 'r thoes mit karneval, mit eine laege maag,
nurges vindj hae dan zie vruike, 't aete, dat mòt 'r zich zuike.
Want 't hiltj van karneval, schprink gans mònter ròndj,
in ei reipe-rökske, vuilt zich kaergezòndj !

Gaon dan bie 't démaské alle maskes aaf,
Dènks te: 't zal mich benuuje, wae ich zoo lekker koos duuje
Trufs te dan dien eige vrouw, achter zoo'n maske aan,
zuls te gèt belaeve, bès te de banaan !

cd: Frits Rademacher - "Het beste van ..." - Telstar TCD 100.736-2
* cd: Diverse artiesten - "Vastelaovend in Limburg 1" - Telstar TCD 100.719-2
* cd: Diverse artiesten - "Vastelaovend in Limburg 2" - Telstar TCD 100.750-2
* cd 2000 : Diverse artiesten - "Vastelaòves Virus" - Telstar TCD 10227-2
** cd: Diverse artiesten - "Batailles Carnavallade 2" - Omroep Limburg OL53-199801


HOME PLAATSNAMENOVERZICHTHOME


DOE BÈS 'T SJOONSTE
2005/2006: Tekst: John Smeets - muziek: Gian Prince
Zang: Cyrille Niël

Refrein:
Doe bès 't sjoonste, wat ich taege bèn gekomme.
Doe bès 't sjoonste, wat ich ooit höb mitgemaak.
Mit vastelaovend bèste dèks verkleid es grote,
Dan bèste 't lekkersjte jao gans nao miene sjmaak.
Mit vastelaovend dan trèkste flink van laer.
Jao, dan drènk ich dich, dan drènk ich dich zo gaer.
Doe bès 't sjoonste, wat ich taege bèn gekomme.
Doe bès 't sjoonste, wat ich ooit höb mitgemaak.

Mit vastelaovend sjteiste ummer op d'n toog,
Kump de nuuje sjlager dan geiste weier omhoog.
Zörgste veur de sjtömming, jao dat is neit verkeerd,
Dan gaon hie de glazer, en wurd de kael gesjmeerd..

Sjöt in, sjöt in, ich höb 't nao de zin,
sjöt in, sjöt in, d'r geit nog eine in.

En jeder klein kafeke is hiej opgeseierd,
Höbs doe geine sjoemkraag, bes doe versjangelei´rd
kumps es vaat nao bènne en geis es glaeske droet,
Doe zörgs veur sjtömming, dus drènke veer dich oet.


HOME PLAATSNAMENOVERZICHTHOME


DOE HÖBS DE KOP LOS
Tekst & muziek: Jo Erens

Waat is noe mer gaonde in oos Zittesch landj ?
Dao is weier gèt aanschtaonde, dao is weier get aan de handj.
Me zuut weier gekke gezichte, dao is weier laeve en beheij.
Me schleit weier aan 't dichte en schtrak höbbe veer alleneij :

Refrein:
Doe höbs de kop los, doe nonnevottos,
en in gein drie daag krigse dem meer vas.
Doe höbs de kop los, doe nonnevottos,
van al de brazel en de sjpas.

De pap, de mam en poete, de maat en ouch de kat,
die durve neit mee boete, die höbbe 't noots gehad.
't Is get wie de kolder, mer dan in gouwe zin.
Me deit van holder de bolder, en zètte dan weier in :

De buurvrouw bie òs naeve, ein witvrouw mit ei kèndj,
serieus alle ze laeve, dao schteit ze veur bekènd.
Haet ouch de schlaag te pakke, woo dat aan likke maag ?
Dreeg noe al ei mòmmebakkes en zingt de ganse daag :

Ich vriej noe al jaore mit ein heel aardig kèndj,
durf röstig te verklaore, ei wie d'r nirges vèndj.
Mer wil ich noe mit höör vrieje, oh jé, ik zèk 't dich,
bèn neit mee te benieje, want 't kèndj zaet taege mich :


HOME PLAATSNAMENOVERZICHTHOME


DOE MÒS TOCH GET
2006/2007 nr.2 : Tekst & muziek: Thei Wessels
Zang: Paul-Jean Jessen

Sjteiste op ein buun te zènge
Mer 't lök neit van de angs
Sjteiste dich kepot te sjprènge
Mer d'n optoch kump neit langs
Wilste dich èns gaon verkleije
Mer doe krigs de kas neit aop
Kumpste heivesj oppe kneije
Luuj dan veert dich toch d'n haop……

Refrein:
Mer doe mos toch get. Mer doe mós toch get
't Maak neit oet wieste 't fliks
Mer doe mos toch get. Mer doe mós toch get
Ein bietje niks is mee es niks
En lök 't dich veur geine maeter
Dan dènkste vas: "Waat deiste d'raan
Dat kènt 't volgend jaor väöl baeter
Mer ja dao höbste noe niks aan"
Mer doe mos toch get. Mer doe mós toch get
Ein bietje niks is mee es niks

Wilste dich èns sjoon gaon sjminke
Mer doe höbs allein mer gries
Wilste tröötend oet gaon blinke
Mer me vreeg dich nao de wies
Wilste 't beestig laat gaon make
Mer doe höbs allein mer sjlaop
En doe wils neit gaer verzake
Luuj dan veert dich toch d'n haop……

Sjteiste op ein buun te zènge
En doe dènk inèns: "Auwee
Twee refreine nog te brènge
Mer de res weit ich neit mee"……


HOME PLAATSNAMENOVERZICHTHOME


DOE ZITTESJ MECHELKE
2004/2005 : Tekst & muziek: Theo Weijman & Math Rademacher

Refrein:
Doe Zittesj Mechelke, zoo ein wie dich
Da's woo ich nao verlang, mich zoo op sjpich
Mien hart dat geit te keer, sjleit gans op tilt
Jao kèndj doe höbs ech al, waat mich bevilt
Och Zittesj Mechelke, blief mich noe troew
In 't Engelsj zaet me dan: "I do love you"
Op 't Zittesj sjprik me van: "Doe lèkker Sjtök"
Ich hauwt zoo vööl van dich, waar mien gelök

Op 't Zittesje Auw Wieverbal, dao leerde ich dich kènne
Metein wie ich dich zoug kreeg ich 't werm, zoo werm van bènne
Dien Uigskes sjtraolde van plezei'r, dien Mundje bleef mèr gaon
Ich waor op sjlaag verleif en waat noe mit mich gedaon
Mich drejde gans de Welt, wou dat ich dich hauw vertèld

'T Tröötekonkoer waar sjus gedaon, waat hauw ich ein gelök
Ich vònj dich in Schtad Zitterd op de banke weier trok
Doe waars nog ellef maol sjoonder, waors mien Prinses Carnaval
Ich mot en zal dich kriege, waat ouch gebeure zal
Mich drejde gans de Welt, wou dat ich dich hauw vertèld

* cd 2004/2005 : Marotte Zitterd - 'Dao höbste hööm dao'


HOME PLAATSNAMENOVERZICHTHOME


DOODGEWEUN
Tekst: Anne-Marie van Rooijen - dialectvertaling: G.Rapaille - muziek: R.Carlos & E.Carlos
Zang (*) : Anja Bovendeaard

Eine doodgeweune dood
op eine geweunen daag
Eine doodgeweune dood
sóms eine raozetige sjlaag
Mer ich ben es d´n dood dat
ich op ´t enj van mien besjtaon
moderzeel allein d´r tösjenoet zal mótte gaon

Eine doodgeweune dood
raak mien laeve aan
laam gesjlage van verdreit, zeen ich
wie gans de welt dan óm mich biej
wiejer dreet, mer wiejer deit
en ´t eeuwige wooróm
mich door de kop sjleit

Want doodgeweun, gesjplete en verdouf
Zo gans allein, allein, vuil ich mich hawf
´n Laevesleich gedouf, ´t is toch neit waor
Wo is dien sjiensel? Diene sjeim?
Wo zuik ich noe mien eige sjpaor?

Zo´ne doodgeweune dood
deit zo geweun mer pien
en ich zou neit bang zeen es ich wós
das dich, es dat zou kènne, wo ich zal mótte gaon
´n teike achterleits, van dich veur mich

Eine doodgeweune dood
raak mien laeve aan
laam gesjlage van verdreit, zeen ich
wie gans de welt óm mich biej
wiejer dreet, mer wiejer deit
en ´t eeuwige wooróm
mich door de kop sjleit

Want doodgeweun,gesjplete en verdouf
Zo gans allein, allein, vuil ich mich hawf
´n Laevesleich gedouf, ´t is toch neit waor
Wo is dien sjiensel? Diene sjeim?
Wie zuik ich noe mien eige sjpaor?

Zo´ne doodgeweune dood
deit zo geweun mer pien
en ich zou neit zo bang zeen, es ich wós
das dich, es dat zou kènne, wo ich zal mótte gaon
´n teike achterleits, van dich veur mich

* cd 2002 : Anja Bovendeaard - "Sjtruim"


HOME PLAATSNAMENOVERZICHTHOME


DOOR DE BAANDERT
Tekst & muziek: Toon Hermans & R. Stolz
Uitvoerende 1 : Toon Hermans
Uitvoerende 2 (*) : Peter Eykemboom
Uitvoerende 3 (**) : ?

Ich höb ein sjoon herinnering, al is ze lang gelee.
Ei maedje, eine leiveling, noe höb ich 'm neit mee.
Zien auge waare heemelsblauw, wie dèks ich aan 'm dach.
En of ich 'm nog zo gaere hauw, 't gong oet - noe zèng ich zach.

Refrein:
Door de Baandert löp ei zonnig paedje, nao de Zjwienswei langs de Meulebaek,
en dao wanjelde ich mit mie maedje, soms waal twee of drie keer in de waek.
Mèr noe is al dat sjoons vergange, doe lentetied vol vreugde en gelök.
Mér toch dènk ich dèks nit groot verlange, aan dat paedje door dae Baandert trök.
Aan dat paedje, aan dat maedje, aan dae sjoone auwe Baandert trök.

Lès zoug ich hööm èns in de sjtraot en 't keek toch aeve op.
't Waar, zo mein ich, gaar neit kaod, en 't knikde mit de kop.
En of 't 't noe oet leifde doug, ich zoug 'ne kleine lach.
Toen höb veer zeker allebei heel aevekes gedach .....

* cd 1999/2000 : Marotte Zitterd - " De fraaje mit de medaaje " - Onger Ós 7366
** cd 2001: Diverse artiesten - "Eerbetoon (hommage aan Toon Hermans" - Marlstone Recordings bv


HOME PLAATSNAMENOVERZICHTHOME


DOOR DE SJTRAOTE
1949: Tekst & muziek: Jean Derrez

In Zitterd is 't Carneval, laot veer ei leidje zènge.
Dit zeen de schoonste daag van al, es veer lache, es veer schprènge.
Al zeen de tije ouch soms schwaor, vergaet die daag eur zörge.
Zoo'n schpas krieg veer mer èns in 't jaor, mit maskes gaon veer schörge.

Refrein:
Door de schtraote, door de schtraote, trèk de bòntje schtòrm plezeierig oetgelaote.
Vastelaovend, vastelaovend, jao dae zit òs in 't bloud.

Ein Zitterder, wo kaer in zit, leet zich die daag neit kènne.
Dae zink en schprink en deit flink mit, blif geine aovend bènne.
Zet eur gezich noe oet de plooi, blif Zitterder mit eere.
Maak echte laammaekerie, òntdooi, en zèng 't hònderd keere.

't Is bekènd, jao, wied en zied, dat Zitterd schpas kènt make.
Veural in Vastelaovestied maag geine dao aan rake.
Veer hauwte van dae laammaekkal, waat ouch òs zal gebeure.
Troew bliev' veer ooze Carneval, hoog oos Marottekleure.


HOME PLAATSNAMENOVERZICHTHOME


DOOR 'T DÖLLE HAER
1997/1998 nr.1 : Tekst & muziek: Thei Wessels
Zang (*) : ?

Dao geit hie geine wie dae eine, pès 't sjmörges oppe baan.
Noe kènt dat toere oere doere, mer dae krig gein ènj d'r aan...

Refrein:
Dat is dae, dae gisternach, gans de sjtad haet thoes gebrach.
Dae is neit nao hoes te sjlaon, dae blif wiejer gaon.
Dae geit aaf en toe èns gaer door 't dölle haer.
Dus wae zich noe neit ammezeire kan : dènk èns aan dae man !

Kòm d'r bie en maak 't d'raer, sjmiet dich auch èns in't gewaer.
Gank mer door 't dölle haer... lai la, lai la la...

Noe kiek höm sjörge pès de mörge, wie hae löp van krök nao krök.
Zo eine braave kènt 'm paave, dat is eine, oet ei sjtök ...

Ens effe röste zal 'm löste, mer al zak hae ongeroet,
dan klinke boete blaeke toete, en dan mòt hae weier droet ...

* cd (1997/1998) : Diverse Artieste - " Door 't dölle haer " - Marotte oet Zitterd


HOME PLAATSNAMENOVERZICHTHOME


DÖRPSKENJER
Tekst: ? - muziek: ?

"Duuster is 't, en laat gewoore: Zeet, de vlaermuus vleige ròndj.
't Is genòg gewaes veur huuje, aovensloch is òngezòndj.
Kòmt nao bènne, laot uch gezègge, doot de bòntje sjölkskes aaf.
Vaegt de vuitjes oppen dörpel. Mooder zaet 'et uch: zeet braaf !"

Oppe taofel dampe de aerpel, ònger 't sjiensel van de lamp.
Eeder krig zienen houtere laepel, van de teiere sjleit den damp.
Kènjer-muulkes zeen wie knuipkes, eeder muulke sjwig en it.
Pès de buukskes gans gerundj zeen, eederein de welt vergit.

Dan is 't aevel auch tied sjlaopes ! d'Uigskes valle noe al toe.
Wiewaaterkrutske, en dan den trap opn kènjer broeke vruig de roe.
Mooder mòt nog haoze sjtoppe, vaader sjpelt zich de Gazèt.
In hun druimkes zeen oos kènjer engelkes zitte bie hun bèd.


HOME PLAATSNAMENOVERZICHTHOME


D'N DRAKUUL
Oet de Zittesje revuu 2001 "Rempetemp"
Tekst & muziek: Thei Wessels
Zang: Sjef Schurgers

Dao is hie eemes jaorig daorom hauwte veer ein fees
De sjpenne danse haorig wie ein nachtelikke bees
De knöök die heurste riere van 't lache zonger vel
De uule komme viere en 't vleisj dat wurt al hel
De drakula femieje is biejein
Om twellef oere danse veer mitein...

Refrein:
D'n drakuul!
Is volsjlaage ridikuul
Went veer jaage oppe ruul
Om os bloud te gaeve
D'n drakuul!
Mer geneite doon veer goud
Went veer weite zonger bloud
Kenne veer neit laeve...

Veer sjlaon os in de tange en veer gaeve os ein handj
En wae die handj gevange haet dae is allang van kantj
De polonaise-miere kroepe euver ooze kop
De vlaermuus komme kliere went die hange zich al op
De dracula femieje is biejein
Om twellef oere danse veer mitein...

* cd 2001/2002 : de Marotte - "Zittejse Rempetemp" - Ônger Ôs 7401


HOME PLAATSNAMENOVERZICHTHOME


DRIE PILS, TWEES JOES EN EIN HAWF-ÓM
Tekst & muziek: Guus Steinen
Zang (*) : Kartoesj

Veer zoate oppe mert en de ober dae koam : "drie pils twee sjoes en ein hawf-ôm"
Mer d'r koam mer niks en veer reipe doarom: "drie pils twee sjoes en ein hawf-ôm"
D'r ging 'n hallef oer veurbie en waat d'r mer neet koam:"drie pils twee sjoes en ein hawf-ôm"
en d'n ober bleef mer rope " joa! ich kom, ich kom!!! Drie pils twee sjoes en ein hawf-ôm"

ach wat is 't erg este doooooosj höbs, en d'n ober konstant langs dich door löp
wie kinste noe van d'n daag geneete, as dien henj neet zo'n glaeske beer omsjleete
ach wat is 't erg este doosj höbs
en den ober deit es of ste woosj bès
doarom rope veer 'm nog mer ens:" noe kôm !!!"
"Heij- Hallo- Ja !!": .... drie pils twee sjoes en ein hawf-ôm !!!!"

Veer keke os 'ns aan want ver sjnapde 't neet, "drie pils twee sjoes en ein hawf-ôm"
Ummer waar 't weer 't zelfde leed. "drie pils twee sjoes en ein hawf-ôm"
Es veer 'm zoage komme reep'ver opgeluch, "drie pils twee sjoes en ein hawf-ôm"
Mer ummer zag 'r " Ja, Ich kôm zo bie uch !!! "drie pils twee sjoes en ein hawf-ôm"

Sjtoot 'm neet ôm !!!

* cd 2001: Kartoesj - "Tam-tam" - Marlstone CDL 2044


HOME PLAATSNAMENOVERZICHTHOME


DROEVEN IN ZEKSKES
Tekst: ? - muziek: ?

Mie grootmooder woonde oppe Mert, mit achter 't hoes ei hööfke.
Es 't heit waar, dei ze in 't zoomerhoes, dao gaer höör middigsjlööpke.
Ròndjòm hònge rooze: bòntje trös, aan gruin-geverfde latte.
Eine paere- en eine keesjeboum, die gauve dao rieklik sjatte.

Auriekelkes en akkelei, jasmienen en doezendsjoone.
Witte leelies auch òntbrouke neit, en gael-broen keizerskroone.
Eine kroosjelesjtroek en get wiemerte, zoo wied es ich mich herinner.
Mer 't wònjerlikste waar veur mich, einen dreuge droevewinger.

Ermzeelge druufkes, groot wie 'n krènt, nog waal in zèkskes gebònje:
Want angesj koume de wèspe draan ! Wie höb ich dat vraem gevònje !
Mer grootmooder sjprouk mich van ei landj ("Dao kumps doe mesjien oots laater !")
woo droeve weisse, wie vuus zoo dik: "En ze drènke dao wien wie waater."

Ich bèn dao. Setroenen aan de buim, gruin viegen aan de tekskes.
En appelesiene wie kènjerköp; auch droeve, mer zònger zekskes.
Italië, landj van zoomer en zòn, woo de baedelaer laeft wie ei grööfke ...
Mer nog ummer dènk ich mit weemoud trök, aan mie grootmooders klein-klòmmels hööfke.


HOME PLAATSNAMENOVERZICHTHOME


DEN DRUIM VAN JOOZEF PUIME
Tekst & muziek: Harie Peters

In Zitterd in 't Zuije, sjtông lès in de gezèt,
den druim van Joozef Puime, dae geer nog allenej wèt.
Wie in dae sinterklaosnach, geheim vergaadering waar,
en sjus om twellef oere versjeen daen aardige baas.
Dao woort opèns geklop op 't raodhoes aan de deur,
en Maesjmans trok zien bôks op en sjprong versjrik derveur.
Den Heiligeman koum bènne, en zag mit gouwe zin:
geer zult mich toch waal kènne, geer mòt de zak mer in.
En Pitter sjnapde Haas en Gulikkers, Haarie Rutte mit de
Kruijer en de Waever, mit ziene klaever.
En doe koum Westendorp. de Keizer, Meuleberg en
Nieste Jan en Sander Bösse, dae kroop dertösje.
Mer doe misde hae Delònj, teen menuute eer 'r 'm vònj.
En ongertösje sjprong 'm Jesse in de kas.
Mer de heere van de pers sjnapden 'm vas en jougen 'm droet.
En de rès die sjprong van angs de vinster oet.


HOME PLAATSNAMENOVERZICHTHOME


DUET
Tekst: ? - muziek: ?

Zie:

Wo blif de leifste dan van mich ? Veer hauwen aafgesjpraoke,
Hae kuim, hae kuim ... noe hiltj-er zich, waal in bòsj of berg versjtaoke.

Dao lik er irges noe in 't graas, en loestert en lèt oppe vènke.
Hae haet al gans vergaeten aan zie Mèchelke to denke.

Geer vènken en geer sieskes al, maag uch den Duuvel kriege.
Es geer miene sjoone jòng zien hart veur mich doot sjwiege.

Hae:

Is de zòn neit opgegange, wie ein broed geit nao den altaor:
Rood wie reuskes zeen heur wange, gael wie goud heur glinstrend haor.

't Is of zoo, mit zòn en zoomer, mich mie maedje taegekuim.
't Kèndj woo 'ch euver daag nao oetkiek, woo ich sjlaopend sjnachs van druim.

Ummer mot ich gaon en kieke, woo mien leifste toch mer blif ...
Dat is leifde, wie de pen van Geinen Engel ze uch besjrif !


HOME PLAATSNAMENOVERZICHTHOME


DUUJE
2006/2007 nr.1 : Tekst & muziek: John Smeets & Gian Prince
Zang: Cyrille Niël

Doe sjteis hiej taege ein geplek
‘t Beier löp dich langs de nek
De vastelaovessjpas wilste neit misse
Mien trööt die vol mit deuke zit
Es weier eine de deur aop sjmit
Doe kèns dich in de lol waal èns vergisse

Refrein:
Duuje, duuje, duuje pès veer benne zeen
Egaal woos doe dich eine drenke geis
Duuje, duuje, duuje pès veer benne zeen
‘t Liek waal of ze in de file sjteis
‘t Eesjt nao lènks en dan nao rechs,
‘t Is bienao neit te doon
Mien pekske nao de klitse en de tuppe oet de sjoon
Duuje, duuje, duuje pès veer benne zeen
Hie boete sjtaon nog zeker waal ein patsj of teen…..

‘t Kapelke jao zo wie me zuut
Wurt nao ‘t huske op geduujd
De bielemen die trampele nao benne
De vaandrig haet neit opgelèt
Lik mit zien vaan langs ‘t beffet
Jao ich begin mich langzaam draan te wènne
Mèr leiver sjweite en ‘s aoves richtig blauw
Es boete sjtaon te verekke van de kauw…

Zo is al jaore hiej de sjpas
De knuip sjprènge mich van de jas
Mit vastelaovend geiste get beleave
En ooze vors haet ein maleur
Hunk mit de sjlup tösje de deur
Serve de tap van gekkigheid d’r naeve


HOME PLAATSNAMENOVERZICHTHOME