HOME PLAATSNAMENOVERZICHTHOME


HAAUF-VASTE IN ZITTERD
Tekst: ? - muziek: ?

't Kròmbrood vilt in de Kolleberg: Komt raape, kènjer, komt raape !
Of gluift geer sòms neit waat ich zèg ? Sjtaot neit zoo dòm dao to gaape !"

"Veer trèkke saame de Pötsjtraot oet; Bie Sint Rosa kònne veer raste.
In de Kolleberg vilt et Krombrood veur uch, want huuje is 't Haauf-Vaste."

Dao sjmiete de kènjer zich in et graas, woo 't Krombrood is gevalle.
Ze laote waat wanjelt en kieke kump, sjtaon lache en kieke en kalle.

Gein-ein auch mirk dat 't brood, waat veil oet de blaauwen heemel hiebaove,
precies zoo sjmaakt en gebakken is, wie et in Zitterd kump oet den aove ...


HOME PLAATSNAMENOVERZICHTHOME


HAE SJTEUT MICH OP
Tekst: Ton Meisen & Hardy Mertens - melodie: O solemio ; Dia capua, caparro
Zang (*) : WW-Band

Hae sjteut mich op,
dae vieze sjwarma
ouch knoflouk d'r op,
hae sjteut mich op.
't zjweit sjteit oppe kop,
hae sjteut mich op,
hae sjteut mich op

Es ich gezaope hub,
hub ich honger wie ei paerd
ich mot get aete
niks is mee aope.
mèr zonne grillroom oet 't
verre boetelandj,
gebroek versjtandj,
dao dreet ein sjaop
zich langs de wandj.

En mit mien zaate prie,
höb ich niks mee op eine rie
dae gratis koffie,
mer jong, doe bofs hie.
want zónne grill-room aope
lang nao middernach,
dae haet veur mènnig zoepnaas,
oetkoms gebrach.

De kosumentenbondj,
vink ein sjaop ouch erg gezondj
gebroek gein verke
me zal 't merke
in zónne grill-room
is de klok van illesjtik,
't zoep-peblik
deit altied
sjlokderm-gimnastik.

* cd 1993 : WW-Band - "Elluf!" - Marlstone Recordings bv - CDL9308


HOME PLAATSNAMENOVERZICHTHOME


HAOL-DE-RADIO!
Tekst & muziek: Guus Steinen
Zang (*) : Kartoesj

Refrein:
Hoal de radio!!! Hoal de radio!!!
't wurd gezèlliger geliek,
bie get lekkere meziek
Haol de radio!!! Hoal de radio!!!
't wurd eesj ech plezeerig hie
met de radio d'r bie

bèste 'nt sjtudere, ,
en 't hoeswerk wurd gemaak
sjut 't dan neet op
dan is dat ech gein gooie zaak.
- 't kraake van de herses -
dat geluid maak dich neet blie,
probeer 't dan 'ns effe
met de radio d'rbie

Ze sjtônge op de sjtieger
en "de mei" koos bienao drop
mer de veurman vông 't sjtil
en dan sjut 't auch neet op
de troffel in de sjpies
waar alles wat te heure woar
Toen reep 'r " Hoal de radio !!
...dan zin veer hie zo klaor"

't woar midde in de zomer
en de buurt die woar biejein
veur eine grote barbecue
hie op 't dörpsplein
't vleisj waor gaar de drank waor good,
toch waas 't neet kompleet
't waas eine dooie boel
tot inens dao emes reep

* cd 2003: Kartoesj - "Alles kump good" - Marlstone CDL 2307


HOME PLAATSNAMENOVERZICHTHOME


HAUF ZO SJOON
1986: Tekst & muziek: Guus Steinen & John Wauben
Zang (*) : ?

Refrein:
Waat waor Zitterd zònger kaffee ?
Wie eine wèntjer zònger sjnee
En zònger de Karneval,
sjus wie Fortuna zònger bal.
Waat waor Zitterd zònger kapèl ?
Wie oozen Teun waar zonger Gabriël !
't Waar alleney hauf zo sjoon,
es veer 't zònger die moosjte doon.

Sjtèl dich èns veur wae in oos sjtad 't eesjte hoes haet neiergezat.
Dae zag taege zien vruike: "Veer houve neit wiejer te zuike".
Es dae noe nog èns effe bie òs heel veurzichtig kieke koosj,
dan sjtòng 'r verpòpzak, dan wòs 'r besjeid: dit sjtedje zit vol gezèlligheid ...

Van Zitterd witste gans besjlis, dat dao get te belaeve is.
't Haet al zien eige wiene en soms raengent 't appelesiene.
Woo urges angesj zuuste dat, nuim ze mer op, jao sjtad veur sjtad.
Veer Zitterder zeen van bènnenin, alleney greutsj wie 'nne pin ...

* cd (1993) : " De Marotte sirk trek wiejer " - De Marotte Zitterd - Ónger Ós # 7250


HOME PLAATSNAMENOVERZICHTHOME


HAUWT AAN, MAAK LAAM
(Hoerae / Vreigelaer)
1951: Teks: Ad Pfennings - muziek: Riet Roovers & Baer Cals
Zang (*) : Ad Pfennings & de Marottekapel o.l.v. Giel Laumen

Hoerae, hoerae, schnap 't mechelke mer vas.
Hoerae, hoerae, noe begint de grote schpas.
Hauwt 't auwt wief oppe schoot, mer òch, duuj 't waal neit dood.
Want ònger zo lelik auwt gezich verschoelt 't Zittesch maedje zich.

Refrein:
Hauwt aan, maak laam, veer houwe op die kis,
omdat 't drie daag vastelaovend is.
Jao, de grootste gek schteit aan de kantj,
vuilt zich neit thoes in 't Zittesch landj.
Hauwt aan, maak laam, veer houwe op die kis,
omdat 't drie daag vastelaovend is.

Vreigelaer, vreigelaer, hauwt de bebbel noe mer toe.
Vreigelaer, Vreigelaer, jong, wat kikste toch mer schoe.
Schmaak de laeverwoosch dich neit, ze is van prima kwaliteit.
Schnap vas dus weg die duuster lòch, de welt, die is al zoer genòch.

Biete, biete, nonnevotte biete........böl.
Biete, biete, zink den allerkleinste knöl.
Esschlegounsdig is 't schlòs, bits te hering, bes te kòsch.
Maak schpas dus en lol zo lang 't geit want denk, 't doert gein eeuwigheid.

* cd: 1997 : Omroep Limburg - " Batailles Carnavallade Deel 1 " - OL52-199701


HOME PLAATSNAMENOVERZICHTHOME


HAUWT DICH VAS
1983: Tekst & muziek: Jan & Zef van Daal
Uitvoerende (*) : Jan & Milda van Daal

Refrein:
Hauwt dich vas, hauwt dich vas, aan de sjlup van miene jas.
Dan kan dich niks gebeure.
Hauwt dich vas, hauwt dich vas, aan de sjlup van miene jas.
Dan kan dich niks ... gebeure.

Sjang, dae vriede nog nit lang en wol èns gaer de wal op.
Mer Truu waar in den duuster bang, het wol nog gaar neit mit.
Sjang haet zich èns bedach, en wit geer wat hae zach :

Saame trèkke ze drop oet, veural mit vastelaovend,
want dan kump laeve in de boet, en zink me jeeder aovend.
Getrouwd zeen zie al lang, mer ummer noch zaet Sjang :

* cd 1999/2000 : Marotte Zitterd - " De fraaje mit de medaaje " - Onger Ós 7366


HOME PLAATSNAMENOVERZICHTHOME


HAUWT MER AAN
Tekst & muziek: Toon Hermans

Hauwt mer aan, hauwt mer aan,
angesj bes doe de banaan.
Wie 't oug geit, zanik neit.
Es te wits wie bie os de lol besjteit.
Hauwt mer aan, hauwt mer aan,
en 't sjmörges kreet d'n haan.
Num dich dan veur, ei goud humeur.
Jao, dan krig de welt weier kleur.





HOME PLAATSNAMENOVERZICHTHOME


HEIMWEE
Tekst: Toon Hermans - muziek: ?
Zang: Geert Cremers
Gesjreve in Amsterdam door Teun Hermans veur de Mander reveu 1945 in Zitterd

Lik saoves laat de zaal verlaote,
sjmink veer òs aaf, ´t wurt kawt en sjtil.
In ´t duuster laeve zuik ich sjtraote,
omdat ich wiejer, wiejer wil.

Dan wil ich aan mien laeve boewe,
mer gans op èns, terwiel ich wirk,
heur ich van wieds aaf klòkke loewe,
de klòkke van de Grote Kirk.
Want in mien hart, dao lik ein sjtad,
die ich zo höb leif gehad.
Wo de wèndj roesj door ´t kaore,
in dat sjtèdje wo ich bèn gebaore,
wo ein mooder op mich wach.


HOME PLAATSNAMENOVERZICHTHOME


HEIMWEE
Tekst: ? - muziek: ?
Zang (*) : Anja Bovendeaard

Refrein:

* cd 1998 : Anja Bovendeaard - "Ich wil de welt ens zeen" - Marlstone Recordings


HOME PLAATSNAMENOVERZICHTHOME


HEIMWEE NAO VRUIGER
Meziek: Fr. Lèhar

Sjoonen auwerwètsen tied, doe bès veurbie.
Toch zeen ich dich dèks nog in mien fantasie.
Dènk aan dienen einvoud nog èns terök,
dènk aan dien auwerwètse reiperök.

Dienen auwe wals, dat waar de sjoonsten dans,
allewiele noe vergit me dem haos gans.
Alle dien sjoonheid, zeen veer noe kwiet,
toch dènk ich dèks nog aan daen auwen tied.


HOME PLAATSNAMENOVERZICHTHOME


HEMELPÖÖRTJE
Felix Rutte & Frits Rademacher
Gezônge (*) : Frits Rademacher

Es ich aan 't hemelpöörtje sjtaon en Petrus wénk: " Doe neit ",
dan zék ich: " Roup mich Sleveneer, want dae wit van besjeid.
Neit de Leveneer van jederein mer dae veur Limburg sjteit.
Dat is gét angesj wie geer wit ... essebleif ... " en Petrus geit.

Refrein: (2x)
Laot mich toch bénne, laot mich noe drin !
Einmaol in den hemel, höb ich miene zin !

Kump dan Sleveneer, dae vreeg aan mich dao in den hemelgank:
" Höbs doe in 't laeve vööl gedoug, is die register blank ? "
" Doot veur deze keer 'n uigske toe, gaer ként 't Limburgs saort;
Den hemel haet, zoo wie ich mein, mit oos Limburg ein akkaord ... "

" Och, ich weit, doe kumps oet Limburg, doe, die höbbe waal gét veur;
Wae dao vandan is véndj allich eine reets hie in de deur.
Nei, me haet hie gaaroet gei versjtandj van sjpas en gekkerie ...
Mer zék mich taege Petrus niks van dit pöörtje hie opzie ... "

Refrein: (2x)
Zoo kóm ich bénne, zoo kóm ich drin !
Einmaol in de hemel, höb ich miene zin !

cd : Frits Rademacher - "Het beste van ..." - Telster TCD 100.736-2


HOME PLAATSNAMENOVERZICHTHOME


D'N HERING
Tekst: Toon Hermans - muziek: Laga en R. Roberti
Uitvoerende 1 : Toon Hermans
Uitvoerende 2 (*) : ?

Refrein:
Veer sjtaon te vösje zònger pering, aohao, aohao, aoh pering.
Veer vange hie ènne sjmaalen hering, aohao, aohao, aoh hering.
Ènne hering mit e mager köpke, och waat e mager köpke.
Lik op 't sjouf in e zinke töpke, jao, in e zinke töpke.
En ès me dan de Mert opgeit, dao ruuk de vösj van Paos.
Mesjien brink hae òs eine goudvösj mit de Sinterklaos.
Ich höb 't leefste nog 'ne bakvösj, da's gei sjtröpke,
mèr mit 'n aardig köpke.

In 't Zittesj laeve, de muite waert, kòmme de vraeme mit 'n gaerd.
Niks in de kop, mèr zie haele op, euveral den dikste, Zitterd haet de sjrop.

* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv


HOME PLAATSNAMENOVERZICHTHOME


HEY HEY MARIE
2007/2008: Tekst & muziek: Reinhard Wind
Zang: Ron Hunnekens

Refrein:
Hey Hey Marie
Doe bès ein richtig vastelaovesprie
Verkleid es auwt wief haols dich alles oet de kas
En höbs doe drie daag lank allein mèr lol en sjpas
Hey Hey Marie
Veur dich gaon driej daag alle mansluuj gaer opzie
Wènt me houf neit lank te wachte
Veur daste begins te sjlachte
Mèr van dich krig nemes sjpiet
Went doe geis toch noots te wiet

Marie dat is ein klasse meid van drie maol ellef jaor
En sjteit wie jeder jaor veur de vastelaovend klaor
Dan is zie neit te hawte, gaon alle remme los
Jao es Marie van laer trèk is jederein de klos
Vergeit dich alle moud
Went sjlachte kènt zie goud

Marie dat kumste taege oppe Mert en in de sjtad
En kiek mèr veur ‘m oet, went zie moelt dich drie daag plat
Went haet zie dich gesjaote, sjnap zie dich in d’n èrm
Dan brik bie dich de sjweit oet, dan krigste ’t richtig werm
Want sjprik Marie dich aan,
Dan bèste de banaan

Pès daensdigaovend twellef oere löp zie hiej nog rondj
Mèr dan geit gans gewis ouch häör maske in de gróndj
Dan is ’t aafgeloupe, gedaon zaet dan die prie
Dan vilt d’r niks te sjlachte, dan is ’t gans veurbie
Zie zaet dan mit ein traon
Ich mot noe heivesj gaon


HOME PLAATSNAMENOVERZICHTHOME


HIEJ BRENT DE LAMP
1994/1995 nr.1 : Tekst & muziek: John Smeets & Gian Prince

Refrein:
Hiej brent de lamp, es Keub d'n trèkzak aope rit.
Hiej brent de lamp, es hae zich in de vastelaovesprölle sjmit.
Dan sjpeelt hae hiej mit väöl bravoer, de sjilderiekes van de moer.
Da's geine ramp, hiej brent de lamp.

Keub sjpeelt hiej noe de ganse waek, van Laohr pès aan de Keutelbaek,
van Heksesjans pès aan de Paatesjkirk,
Mit Vastelaovend mòt Keub gaon, dan is 'r gaar neit weg te sjlaon,
hiej in de bòntje Vastelaovessirk.
Es hae sjpeelt dan mòste heure wie dat klink,
en jeeder Laammaeker in Zitterd dae dan zink ?

Gans Zitterd is wei'r oppe bein, os sjtedje is hie väöl te klein,
want keub dae geef 'm effe van ketoen.
Dan rit hae zienen trèkzak vol, sjteit hie de kraom van maskes bol,
dan trèk hae hiej de prol nog oet fètsoen.
Es Zitterd gaas geef, sjpeelt hae väöl te flot,
dan rit hae zienen trèkzak ram kepot.

cd : Marotte Zitterd - " Hie brent de lamp " - Onger Os # 7262


HOME PLAATSNAMENOVERZICHTHOME


HIEJ BRENT DE LAMP
Tekst & muziek: Jo Deusings & Koos Snijders
Uitvoerenden: Jo Deusings & Koos Snijders

Refrein:
Hiej brènt de lamp, hiej is get oet.
Kòm op Fortuna, vaeg veuroet.
Veer hakke je-d'rein in de pan.
Twee keer drie kerteer d'r taege'nan.
Gael en greun dat zeen ós kleure,
en vandaag geit 't gebeure.
Gael en greun gaef gaas en vaeg veuroet.
Hiej brènt de lamp, hiej is get oet.

Veer sjtaon d'r veur, veer gaon veur os klupke door 't vuur.
Veer zin de twelfde man, mè zitte waal achter 't sjtuur.
Kòm op Fortuna, hup-Fortuna, gaef de bal ein lel,
zèt die angere boetesjpel.

Ich maak mich gein zörg want ozze klup sjeit wie 'n hoes.
Veer rolle ze effe op, dit is ein sjpel van kat en moes.
Kòm op Fortuna, hup-Fortuna, sjtamp 'm in de kis.
Laot zeen wae de bèste is.

Gooaj in dae bal, maak sjnel ein goal, die punte zeen van ós.
Veer pakke ze dik in, jao-die zeen sowieso de klos.
Kòm op Fortuna, hup-Fortuna, gaef die anger klop,
oet 'n veurzèt mit de kop.


HOME PLAATSNAMENOVERZICHTHOME


HIEJ IS GET OET
1991/1992 nr.1 : Tekst & muziek: Reinhard Wind
Zang (*) : ?


Refrein:
Oppe mert en in de sjtraote, zuuste maskes euveral.
Hiej is get oet.
Jao gans Zitterd sjteit weier oppe kop, 't Is weier Carnaval.
Hiej is get oet.
Teen maol èllef jaore vastelaovend in oos Zittisj landj.
Hiej is get oet.
Hosse zènge danse sjprènge, maskes saame handj in handj,
Jao, in Zitterd is get oet.
Hosse zènge danse sjprènge, maskes saame handj in handj,
Jao, in Zitterd is get oet.

Nonk Harie waar 'ne vriegezèl en góng weier èns op sjtap.
Hae dach: d'n tied van keihel wirke bèn ich wirklich zat.
Ens röstig eine pitsje, jao, dat haw hae zich bedach.
Mer wie hae de kaffee in koum, wit geer wat hae doe zag ?

Kapelkes sjpeelde "Ooze Sjang", en "Maske kóm ens hiej".
Ei maedje sjnapde ooze vriegezèl èns aan de zie.
Jao, Harie koum noe richtig los en hauw vööl sjpas en lol,
en reip doe op d'n ober: tap de glaeskes nog ens vol.

* cd (1991) : " In Zitterd is get oet ! " - De Marotte Zitterd - Ónger Ós # 7201


HOME PLAATSNAMENOVERZICHTHOME


HIEJ VLEIGE DE VÒNKE OET DE PAN
1992/1993 nr.1 : Tekst & muziek: John Smeets

Refrein:
Hiej vleige noe de vònke oet de pan,
de ganse sjtad sjteit noe in vuur en vlam.
Me heurt 't al van wiet en ziet,
't Is weier vastelaovestied.
Hiej vleige noe de vònke oet de pan,
al hònderdellef jaore lang.

Eine keer in 't jaörke viere veer Sint Joep.
Dan sjtaon in oos gans Zitterd, de kraömkes oppe sjtoep.
Mer mit vastelaovend, doon veer ei sjöpke drop.
Dan sjteit pès aan de sjtaase, de sjtad hie oppe kop ?

Heurt me mit Sint Rooza, klanke van de bel,
dan dreet hie oppe merret, de kettingkarresel.
Mer mit vastelaovend, dan dreet zich hiej van al.
Dan rammelt hiej de boet flink, 't Is wei'r carnaval ?

* cd : Marotte Zitterd - " 111 Jaor De Marotte Zitterd en 111 JAOR VLEIGE DE VONKE HIE OET DE PAN " - Onger Os # 7226


HOME PLAATSNAMENOVERZICHTHOME


HÖBS DOE MIENE KNIEN GEZEEN ?
1986/1987 nr.1 : Tekst & muziek: Hans Wijnands
Zang (*) : Chris Maas

Refrein:
Höbs te miene knien gezeen ? Zèk höbs te miene knien gezeen ?
Hae haet twee ganse grote oore, en it gaer van die dikke moore.
Höbs te miene knien gezeen ? Zèk höbs te miene knien gezeen ?
Ich vroug al aan ei man of teen: Zèk höbs te miene knien gezeen ?

Veer höbbe eine knien, dae deit mit aan de lien.
Hae it auch gein banaan, dan kump er te vööl aan.
Hae drink gaer dreuge wien, dan blif 'r ummer fien.
Zo haet 'r gans belaef, de Krismes euverlaef.
Mèr noe mit vastelaovend is hae dertösjenoet ...
verkleid in eine bontjas, ei brilke oppe sjnoet ...

Drie daag ben ich op sjtap, de knien is mich ontsjnap.
Dat geit zo jaor op jaor, wie sjpeelt hae dat toch klaor ?
Zeet geer soms eine knien, hie mit ei glaeske wien,
dan pak mich gauw dae blaag ens effe in de kraag.
Al haet hae auch ei brilke en is hae goud verkleid,
hae is gans goud te kènne want sjlachte wilt 'r neit !

* lp (1986/1987) : Marotte Zitterd - " De Kòmplemènte oet Zitterd "


HOME PLAATSNAMENOVERZICHTHOME


HONGER
Tekst: ? - muziek: ?
Zang (*) : Anja Bovendeaard

Refrein:

* cd 1998 : Anja Bovendeaard - "Ich wil de welt ens zeen" - Marlstone Recordings


HOME PLAATSNAMENOVERZICHTHOME


HOOG 'T ROOD GAEL GRUIN
1926: Tekst & muziek: Krier & Helmer
't Marotte - volkslied: Jubelmarsj 4 x 11-jaor Marotte

Hoog 't Rood, Gael, Gruin,...
Jubelt en zèngt dit jaor mit òs Marotte mit,
Veer hauwte fees wie laamaeker en hoerae wit,
Viert dan dees 4 maol 11 jaor mit gouwe moud,
Tuint éns dae waoren aard van 't richtig Zittesj bloud.
Sjpréngt dan en danst, verzoemp geinein Marottebal,
Es feynste veurprouf van oos jubelcarnaval,
En dan sjprik 't vanzelf ,
Viert 't 4 maol 11
Mit heel vööl gekke kal.

Refrein:
Hoog 't rood, gael, gruin,...
Hoog oos sjoon Marotte kleure,
Hun bliev' veer troe,...
Waat ouch ootd nog zal gebeure.
Wieze raod en vorst,...
Blift oos riek nog lang regeire,
Doot jaor op jaor,...
Vastelaovend mee floreire !

Kleure zoo wònjersjoon van oos Marotteriek,
Is oppe ganse welt waal ein aan uch geliek ?
Prechtig symbool van ooze vastelaovessjpas,
Kleure zoo geyn en frisj aan uche hauwt veer vas.
Vleig òs veuroet doe gekke Pappegey vleig vrie,
Bés es wie jeder jaor zoo mònter en zoo blie,
En dan sjprik 't vanzelf,
Viert 't 4 maol 11,
Mit vööl laamaekerie !


HOME PLAATSNAMENOVERZICHTHOME


HOTEL MAMMA
Tekst & muziek: Guus Steinen & Jo Deusings
Zang (*) : Kartoesj

't laeve is good !! 't laeve is good !! 't leave is good !!
in hotel 'Mamma' !!!
dao höbste al, dao höbste al, watste mer wils in euvervlood !!
in hotel 'Mamma' !!!
watste mer wils, waoste op vils, woaste van hils,
in hotel 'Mamma' !!!
dao höbste't good, en doe sjteis noats in 't rood
hoofs noots nao hoes, dao beste toes...
in hotel 'Mamma'.

zie wèt precies wat ofste lös
noe 'ns bief en dan 'ns vösj .
of hawste leever friet met hawven haan?
doe kumps toes, kieks in de pan
dan knoevelste en peuns de mam
al sjteit op de dösj, doe sjuufs mer aan...
doe wurs ummer good bedeend
't sjteit bekend, doe wurs verwend!
neij zo'n bedeening, geuf 't neet meer vöä1
of 't noe sop is of spagetti,
wat de mam maak is paletti
bie de mam höbs doe dien 5-sjterre hotel...
m'n vungk d'r alles wat me wilt,
da's waat dich bie de mam zo hilt...
en ederen aovend is dien bed gemaak
de boks kepot' ze wurd genejt !
ja, die hotels zin dun gezejd !!
allich wurd auch dien kamer sjoongemaak
doe leks dien vingers aaf toujours
breudje shaorma, knien in 't zoer
en de wesj ligk weer gesjtreeke in model
zuuver ongerbôkse, zökke
- dao koosj te eesj nog sôp van trèkke -
bie de mam höbs doe dien 5-sjterre hotel...

* cd 2005: Kartoesj - "Gein probleem" - Marlstone CDL 2511


HOME PLAATSNAMENOVERZICHTHOME


'T HUIKSKE
1955: Tekst & muziek: Frits Rademacher
Gezônge (*) : Frits Rademacher


Wie ich nog ei jungske waas zoo van ei jaor of zös,
doe vóng ich gaer van alles aan en leit ich niks mit rös.
Zout ich aan 't trummelke en pakde mich ei kuikske,
dan zag de mam doe deugeneit, ich zét dich in 't huikske.
Tralalalala enz.

Wie ich al get groter woort, de sjooltied waas verbie,
doe hauw ich gaer, wie jederein, ei maedje aan mien zie.
Ei knap gezichske, ein aardig kéndj mit óm de kop ei duikske.
Ich sjprouk dan mit dat maedje aaf, op ein of anger huikske.
Tralalalala enz.

Wie ich later vrieje góng, ich waas vol gouwe moud.
Veer noume aafsjeid in de gank, ich weit 't nog zoo goud.
Opéns versjeen de sjoonpapa, dae zag doe mit ei vluikske,
waat mót dat mit mien dochter noe, dao in dat duuster huikske.
Tralalalala enz.

Went ich éns bie Petrus kóm en klop dao aan de deur.
Dan zaet 'r: jóng, kóm doe mer in, doe sjteis ter heel goud veur.
Doe höbs toch neems kaod gedaon, dao sjteit niks in mie buikske.
Dan vraog ich: Petrus, zét mich mer mit ein éngelke in 'n huikske.
Tralalalala enz.

cd : Frits Rademacher - "Het beste van ..." - Telster TCD 100.736-2


HOME PLAATSNAMENOVERZICHTHOME


ICH BÈN BLIE DAT ICH DICH NEIT VERGAETE BÈN
Tekst: ? - muziek: ?
Zang (*) : Anja Bovendeaard

Refrein:

* cd 1998 : Anja Bovendeaard - "Ich wil de welt ens zeen" - Marlstone Recordings


HOME PLAATSNAMENOVERZICHTHOME


ICH BEN IN DE ZEVENDE HEEMEL
1995: Tekst & muziek: Phil Schaeken

Refrein:
Ich bèn in de zevende heemel, es Zitterder hie op dees welt.
En moosj ich mien sjtedje verlaote, dan gòng dat mit pien of geweld.
Die sjträötjes, dae mert, die gebroeke, ich kèn ze neit misse, neit ein.
Ich bèn in de zevende heemel, daen heemel is Zitterd allein.

De taal die me sjprik, de wal dae dao lik, en hie kiek e sjoon kafeeke.
Die auw groote Kirk, dae sjtadstuin, geer mirk, ich höb ze al dèks bekeeke.
Gaon ich mit fekans, sjpraek èngelsj of frans, ich höb ze in mien gedachte.
En kòm ich dan trök, dan vuil ich gelök, ich koosj koum nog langer wachte.

Solanus, de Cour, geknip veur "l'amour", ich höb d'r zoo dèks geloupe.
Sint Joepmert en Brandj en dao dat auwt pandj, me kènt d'r van alles koupe.
De Philhermenie, die blees häör pertie, meziek zal me ummer heure.
En is vastelaovesfees in de sjtad, dan broesj 't van bòntje kleure.

cd : Marotte Zitterd - " De Perpluu wurd gerich " - Onger Os # 7289


HOME PLAATSNAMENOVERZICHTHOME


ICH BÈN MIE MAEDJE KWIET
Tekst & muziek: L. Wood & Leo Timmers
Zang (*) : Hay Sille en 't Volluksmeschien

Ich bèn mien maedje kwiet, al eene hele lange tied.
Ze leit mich stoan en ging van mich weg zonger get te zegge of aan mich oet te legge.
Ich mis mien pupke zoe, wo is ze toch noa toe.
Och mien geluk, kom noe toch teruk, roup ich, van tied tot tied.
Es dich her zus, dan breng her heel gauw bie mich,
want ich bèn mien maedje kwiet.
(want ich bèn mien maedje, joa ich bèn mien maedje,
owee, ich bèn mien maedje kwiet)

* lp 1983 : Hay Sille en 't Volluksmeschien - "Blow graas" - Marlstone Recordings bv - MARL 198316


HOME PLAATSNAMENOVERZICHTHOME


ICH GAON ALS BLÖTSJ
2004/2005 : Tekst & muziek: Miriam Bartels & Theo Bartels

Refrein:
Ich ben neit gek om mich zooget te gaon koupe
Dao zuuste mit die daag de hauve sjtad mit loupe
Ich hob mich zelf get gemaak ich gaon als blotsj
Dat is ne wuiles mit ein wuiste wolle motjs
Let op mien weurt, en kiek 't volgend jaor
Dan geit jederein es blotsj dat is ech waor

Al maonje van te veure, begint wei'r dat gemaor
Wat doon ich aan of maak ich get, of dat van veurig jaor
't maag ouch waal get koste, ich wil ech geine pröl
't ennige waat mich dan sjteurt. D'r zeen d'r väöl te väöl

Waat is dat ein kommersj. Is dit oos maatsjepie?
D'r mot van alles väöl en sjnel. De tied dae vlug veurbie
Hie 100 klounejeskes mit gaele kraag en sjaal
Ich maak mich leever zelf ein pak, dan bèn ich sjpisjaal

Begin al in oktober. Dan höbs dich tied genog
Dan pruifs dich al ein bietje van de vastelaovesloch
Dan höbs dich van te veure al maonjelangk de sjpas
En in dae de grote optoch dan de orsjinele jas

* cd 2004/2005 : Marotte Zitterd - 'Dao höbste hööm dao'


HOME PLAATSNAMENOVERZICHTHOME


ICH HAUW ÈNS GAER
Tekst & muziek: H.Wijnands

Refrein:
Ich hauw èns gaer van dich ei muulke, ei muulke.
Zoo rech op mie gezich, ei muulke, ei muulke.
't Brènt mich oppe luppe al vanaaf 't veurig jaor,
sjmeer mich mèr gans vol luppesjtuf, dat is toch gei bezjwaor.
Woo ich mich zoo op sjpich, ei muulke van dich.

Op Esjelegounsdig zoug ich èns, dat weit ich nog zoo goud,
ei maedje mit e knap gezich, van richtig Zittesj bloud.
Mèr wie ich hööm get zègge wol, doe keek 't mich èns aan.
Doe sjtòng ich mit mie goud fatsoen en sjròk mich 'n banaan.


HOME PLAATSNAMENOVERZICHTHOME


ICH HÖB D'N DAALAASJ
1991: Teks: Jeu Wessels - muziek: Thei Wessels
Zang (*) : ?

Refrein (2x) :
Ich höb d'n daalaasj, ich höb d'n daalaasj,
veer höbbe drie daag goud gelèpsj.
Och miene paalaasj, och miene paalaasj,
noe ben ich kèpsj, noe ben ich kèpsj.

Ich leerde dich kénne op 't auwwieverbal.
Veer hauwe d'n allersjoonste karnaval.
Veer zónge en sjprónge in de rie.
Noe höb ich niks mee oppe prie.

Veer hauwe dae vastelaovend groote sjpas.
Noe höb ich gein knuip mee aan de sjluppejas.
Mich gruie gein sente oppe rök.
Luch noe die braomel van die krök.

* cd (1991) : " In Zitterd is get oet ! " - De Marotte Zitterd - Ónger Ós # 7201


HOME PLAATSNAMENOVERZICHTHOME


ICH HÖB DICH
1998: Jan Dieteren & Math Rademacher

Refrein:
lch höb dich, ich sjnap dich, ich pak dich lekker vas,
en sjmiet mich, mit dich in de vastelaovessjpas.
Doe paks mich, doe sjnaps mich, veer maake saame sjpas,
en hauwte òs dan ouch veur allezelaeve vas.

AIlein is mer allein, jao dat tèlt veur jeederein.
Biejein dat is biejein, jao dan geiste wie 'ne trein.
Jao, aan 'm mit zien twee, want dat doon d'r nog väöl mee.
En doe bedach ich mich, ich pak mich lekker dich.

Ich zout mer wie ich zout, nei, dat douch mich zo neit goud.
Allein dat is neit fein, wille sjtaon op eige bein.
Op sitap gaon mit zien twee, daoveur vuilde ich waal mee.
En doe bedach ich mich, ich pak mich lekker dich.

cd : Marotte Zitterd - " Zitterd Broesj " - Onger Os # 7343


HOME PLAATSNAMENOVERZICHTHOME


ICH KÈN EIN AARDIG MAEDJE
Tekst & muziek: Jo Erens
Oetveurenden (*) : Klumkes Blumkes

Ich kèn ein aerdig maedje, ei richtig Zittesj kèndj,
zo sjoon wie ei blaedje dat fladdert in de wèndj.
Mien hart dat sjteit in brandj,
veur dat aardig maedje oet oos Zittesj landj.
Mien hart dat sjteit in brandj,
veur dat aardig maedje oet oos Zittesj landj.

Gaon veer dan saame wanjele, de Kolleberg èns in,
weit ich neit wie te hanjele, dao vilt mich gaar niks in.
Mer ès de maon door de wolke loert,
gaef ich 'm ei muulke waat bekans 'n urke doert.
Mer ès de maon door de wolke loert,
gaef ich 'm ei muulke waat bekans 'n urke doert.

In dit couplet zal blieke waat veur ei kèndj dat is.
Gaot geer dan mer èns kieke nao dae sjat van Tant Lewis.
Mer doezend van die loupe oppe maot,
'szondigsaoves in de Lömmerigersjtraot.
Mer doezend van die loupe oppe maot,
'szondigsaoves in de Lömmerigersjtraot.

* cd: Klumkes Blumkes - "Kom-kom" - Ónger Ós CD 7235


HOME PLAATSNAMENOVERZICHTHOME


ICH MAAG DIT JAOR ...
Tekst: ? - muziek: ?

Ich maag dit jaor de nachtegaal nog heure.
Mer dan (wae wit?) mesjins auch gaar neit mee.
Want eeder ougeblik kan get gebeure:
Me wit mer neit wienee.

Mer 'ch zal hööm noe nog waal beloestre kònne.
Es taegen aovend sjtil de maon opgeit.
En blui en blaad, van wie hae is aan 't zènge,
gans wie betouverd sjteit..

Oos meuleraad blif in de wiedte roesje,
de baek blif zènge wie ze ummer zòng.
Mer alle sjwiege is meziek gewoore,
esof den heemel sjpraeke gòng.

Nog eimaol maag ich loestre, maag ich heure,
nao miene leive, leive nachtegaal.
Es hienao 't leste mit mich zou gebeure:
"Present, Heer Generaal! "


HOME PLAATSNAMENOVERZICHTHOME


ICH MIS DICH
Oet de Zittesje Revuuj "Zitterd Broesj"
Teks : Sjef Schurgers & Jan van Daal - muziek: Math Niël

Ich mis dich, ich mis dich, wie òs bloume op 't balkon.
Ich mis dich, ich mis dich, wie de wermte van de zòn.
De leifde is hiej kauwt en laeg, dich heurs biej mich wie rieks heurt biej de waeg.
In de mirgel van de groote kirk, krats ich ooze naam gans ongemirk.

Ich mis dich, ich mis dich, wie de waeg nao't auwesjhoes.
Ich mis dich, ich mis dich, nao 'n cel bèn ich verhoes.
Nog effe en dan maag ich gaon, ich zeen dan wei'r dat vol heurt biej de maon.
In gedanke zeen ich dien gezich, ich sjleit mien auge en ich druim van dich.

Ich mis dich, ich mis dich, wie ein weggeloupe kèntj.
Ich mis dich, ich mis dich, door gèldj woort ich verblèndj.
Ich wanjel in gedanke langs de wal, en dènk wat waas 't waert, dae sjtòmme kal.
En de blaar die valle van de buim, ongerwiel ich van terasse druim.

Ich mis dich, ich mis dich, wie d'n dauw in mörgesgraas.
Ich mis dich, ich mis dich, g'mog lieje ... da'ch biej dich waas.

cd : Marotte Zitterd - " Zitterd Broesj " - Onger Os # 7343


HOME PLAATSNAMENOVERZICHTHOME


ICH VENJ DICH ZO'NE ENGEL
Tekst & muziek: Johnny Blenco e&Fred Mays
Zang: Wil & Annie

Refrein:
Och ich venj dich zone Engel
Och ich venj dich toch zo’ne sjat.
Jao ich venj dich zo’ne Engel
Ich höb noch nooits zo leif gehad
Heur toch ens nao dat getingel
Van ’t hart, hie in mien borst
Jao, ich venj dich zo’ne Engel
En noe sjtik ich van d’n doosj

Jaore lank zauch hae höör nog niet laope
Jaore lank zauch hae höör nog niet sjtaon
Mer es die gekke daag in aan toch waore
Dan woort ’t tied veur hööm om oet te gaon
En koum hae höör dan tange, s’ aoves laat
Dan zach hae; Kenjd ich ben dan waal get zaat.

’t is tössje die twee, ech get gewoore
’t leip gesjmeerd, want amper nao ein jaor
Doe is en lekker sjatteke gebaore
’t Leek op Mam, jao dat waor zonneklaor
es hae dae greumel in ’t weigske lag
Dan sjnap geer al, wat hae doe haet gezag


HOME PLAATSNAMENOVERZICHTHOME


ICH WEIT 'T NEIT
1970: W.Jongen & Th.Breuls

Noch gein jaor waar ich getrouwd, en tot noe ging alles goud,
mer in de vastelaovestied waor ich mien goud versjtand gans kwiet.
Drie daag lank allein op stap, wie ich toes koum veil de klap.
Toen zag mien vruikeleif, loester noe ens estebleif.

Ich weit ut neit, ich weit ut neit,
of dat nog lang zo wiejer geit.
Ich weit ut neit, ich weit ut neit,
of dat nog lang zo geit.


HOME PLAATSNAMENOVERZICHTHOME


ICH WIL DE WELT ÈNS ZEEN
Tekst: ? - muziek: ?
Zang (*) : Anja Bovendeaard

Refrein:

* cd 1998 : Anja Bovendeaard - "Ich wil de welt ens zeen" - Marlstone Recordings


HOME PLAATSNAMENOVERZICHTHOME


ICH ZEEN DICH TRÖK IN SJPANJE
Limb.tekst: Wil Frenken - tekst & muziek: Dietrich, Grabowski, Simons, Niehaus, Spiro
Zang: Wil & Annie

Es ‘t reangend in dit lanjd
En de loch is grauw
Denk ich aan ‘t werme sjtranjd
Denk ich trök aan dich
Nooit vergaet ich meer d’n tied
Dien leifde veur mich
Al gonge al die oere, mit dich gauw veurbie

Refrein:
Ich zeen dich trök in Sjpanje
Miene druim wurd wirkelikheid
Daage vol van wermte en nachte vol tederheid
Ich zeen dich trök in Sjpanje
‘T zal zo zeen es doe
Dan zal ich auch bie dich zeen en alles euver doon

Gitaare sjpeelde in de nach
Veer drönke rooje wien
Ich wöl doe allein noch mer
Gans kort bie dich zeen
Doe gaufs mich d’n druim terök
De leifde veur altied
Al ben ich wiet van dich, sjat ich wil dich nooit meer kwiet


HOME PLAATSNAMENOVERZICHTHOME


ICH ZIT DAO NEIT MIT
1992: Tekst & muziek: Paul Jean Jessen

Refrein (2x) :
En veer zeen bie hònderd elf, jao, nog lang neit oppe helf.
Wie d'n tied zich ouch dèks sjpouwe geit, Vastelaovend haet de eewigheid.

Marotte woorte opgerich in achteen-ein-en-tachetig,
en Clauwke Kamps es eesjte Vors versjeen.
Hae zag, mit zien antik gezich, "Waat mich benuujd ich zèk
't Dich wie zou 't achter hònderd jaor dan zeen".
Mer dat maak veer nooit mee mit, en gei minsj dae dao mit zit.

Es Zitterd doezend jaor bestreit, wie geit 't dan, dat weit v'r niet,
d'n optoch trèk mesjien waal door de lòch.
Veur dae zich noe al jaafe deit, en zich ònneudig sjpouwe geit,
dae nuujen tied dae kump toch vlot genòg.
Mer dat maak veer nooit mee mit, en gei minsj dae dao mit zit.

* cd : Marotte Zitterd - " 111 Jaor De Marotte Zitterd en 111 JAOR VLEIGE DE VONKE HIE OET DE PAN " - Onger Os # 7226


HOME PLAATSNAMENOVERZICHTHOME


IN AAFWACHTING
Tekst: ? - muziek: ?

De kaerse brènnen in de koopre luchtesj.
Vol rooze sjtaon de vaaze oppe komood.
De wiezesj van de klok gaon al met wier ...
Wie is mien hart òm dich in zörg en nood.

Doe höbs belaofd: gans zeeker zo's doe komme.
Den aafgesjpraoken tied is lang verbie.
Mot 'ch ummertoe nog wachte, blieve haope:
Nog mer ein ougeblikske en doe bès hie ?

Wie lang haaut ich 't nog oet ? Den daag woort aovend,
en noe wurd auch den aovend sjtilkes nach.
Ich kan mich, pès de kaersen opgebrend zeen,
neit òngergaeve, och, - en wach, en wach ...


HOME PLAATSNAMENOVERZICHTHOME


IN MIEN AUGE SJTEIT GESJREEVE
Tekst: J. Bronneberg - muziek: trad.
Oetveurenden (*) : Klumkes Blumkes
Oetveurenden (**) : ?

Refrein:
In mien auge sjteit gesjreve, vasteloavend baovenal.
Door mien auwesj drin gedreeve, waat ich noots vergaete zal.
Zie zal ummer in mich blieve, wènt dat Zittesj hart dat sjprik,
Dao zal zich neemes aan vergriepe, waat van kèndjs aaf in mich zit.

Wo kan 't auch minder dat ich zo bèn, ich hoort 't al in mien weig.
Me hauw mich gesjònke, gelökkig in Zitterd, mien eesjte laevesleich.
Es mooder mich keilde pès dat ich kreede, en lag mich dan weier zach,
en ès ich èns böökde zòng zie ein leidje, loester noe kleine sjat.

's Saoves gòng mam mit pap in den erm, zie sjprònge bie òs veurbie.
De trööt in de mòndj, de boekorgel sjpeelde prachtig zeen melodie.
't Is Vastelaovend heur ich hun zègge, Zitterd is drom beruimp.
Ich kroop in mie bèdje, geer houf neit te vraoge wo ich van höb gedruimp.

* cd: Klumkes Blumkes - "Kom-kom" - Ónger Ós CD 7235
** cd (1997/1998) : Diverse Artieste - " Door 't dölle haer " - Marotte oet Zitterd


HOME PLAATSNAMENOVERZICHTHOME


IN 'T BRONSGREUN EIKEHOUT
Tekst: Jo Erens - melodie: 'Het Limburgs Volkslied'


In ’t bronsgreun eikenhout
Nachtegaal dé zink
Euver ’t groote koreveldj
Leeuwerik zien leedje klink
Wo de herders heuren klink
Langs de beakskes boord

Refrein:
Limburg mien vaderlandj
Doa is wo ich woon
Limburg mien vaderlandj
Jao, dao is ’t sjoon

Kiek de maas en auch de roer
Sjtruime daag en nach
Aaf en toe treeje ze oet
Dat is hun sjtille krach
Eanje zwömme op en aaf
Sjnaterend in koor

In kapelkes langs de weag
Zuuste sjteeds meer
Mam mit kenjer aan de handj
Bejend tot ozze heer
Troe aan plich en troe aan god
Heerst van zuud tot noord


HOME PLAATSNAMENOVERZICHTHOME


IN TUDDER
Tekst: Vief Naaze - melodie: "Pigalle"

In Tudder, in Tudder,
dao höbbe kuij ein Dutsje udder onger hunne boek.
In Tudder, in Tudder,
dao zette die zich es ze motte achter eine sjtroek.
't Wirtsjafswunder nuime zie dat dao in Tudder.
Die kuij, die zette zich dan baove oppe udder.
In Tudder, in Tudder,
dao höbbe kuij ein Dutsje udder onger hunne boek.

Oh, la, la,
Ich war da,
In die heerlikke plaatsj aan de grens,
Wo de leeuwe luij ligge op hun pens,
En te voel zeen òm te kwispele mit hun zjwens.
In Tudder, in Tudder, dao höbbe kuij ein dutsje udder ònger hunne boek.


HOME PLAATSNAMENOVERZICHTHOME


IN ZITTERD IN DE SITTY
Teks: ? - muziek: ?


wo klink meziek op jedere houk, doe waans dich in 'n prèntebouk
hiej in Zitterd in de 'Sitty'
wo zaet zich eder gouwendaag en zunk en lach me 'ne sjlaag
hiej in Zitterd in de 'Sitty'
wo zit 't orkes op de biljart, wo sjleit dat ech Marotte-hart
hiej in Zitterd in de 'Sitty'
wo kènt de kleinste apekop , alle leidjes oet de kop
hiej in Zitterd in de 'Sitty', hey, hey ho, hey, hey ho'

in de Sitty (in Zitterd), in de Sitty (in Zitterd)
es 't paradies op aerd ligk is 't dit hiej
in de Sitty (in Zitterd) ,in de Sitty (in Zitterd)
kiek, en waer 't dich gewaar, kom mer ens mit hiej !!

wo vuilste dich wie op 't nès en kèntste dae zeen daeste bès
hiej in Zitterd in de 'Sitty'
wo zit v'r ummer aeve gaer, mer mis v'r Sjötjes en Titselaer
hiej in Zitterd in de 'Sitty'
wo sjpraek v'r ummer weier aaf, wurt doosj geles, wurt zich gelaaf
hiej in Zitterd in de 'Sitty'
Wo zetste dich zo gaer èns neier veur 'n dröpke of e beier
hiej in Zitterd in de 'Sitty'

wo kóm v'r gaer en tref v'r ós en gaon veurluipig neit nao hoes,
hiej in Zitterd in de 'Sitty'
klink euver 't gotisch en barok, gebeier van de Petrus klok
hiej in Zitterd in de 'Sitty'
wo geef 't urges zo 'ne sfeer, zègk mich wo zuuste dat nog meer
wie hiej Zitterd in de Sitty,
Hiej höbste ummer weier 't ..... gevuil van 'jóng.... ! wae- deit- mich- get!!?
hiej in Zitterd in de Sitty

* cd 2004/2005 : Marotte Zitterd - 'Dao höbste hööm dao'


HOME PLAATSNAMENOVERZICHTHOME


JAN RATTAPLAN
Tekst & muziek: Jo Erens

Jan Rattaplan trèk door de lande, mit zien viool es gouwe vrind.
Jeederein vuilt zich gelökkig, es hae mit zien sjpeel begint.
Löstig klink zie zònnig leidje, Jan Rattaplan sjpeelt zoo zoo fein.
Mer eedere jong, dae haet zie maedje, mer Jan allein, dae haet 'r gein.
Jan allein, dae haet 'r gein.

Jan Rattaplan besjpeeld de sjnaore, hae sjpeelt van blietsjap en verdreit.
Noe ens lachend biej 't veule, dan weier zunk hae biej zeen leid.
Jonges maedjes kom toch heure, Jan Rattaplan sjpeelt toch zoo fein.
Mer eedere jong vried mit ei maedje, Jan allein vried mit gein ein.
Jan allein vried mit gein ein.

Jan Rattaplan, dae sjtille sjpeelman, trèk mit zien fiedel door 't landj.
Woo hae kump, dao geit de blietsjap, mit de leifde handj in handj.
Eederein is opgetaoge, Jan Rattaplan sjpeelt toch zoo fein.
Mer eedere jong dae kus ei maedje, mer Jan allein, dae kus d'r gein.
Jan allein, dae kus d'r gein.


HOME PLAATSNAMENOVERZICHTHOME


JAO ZOO WAAR 'T VRUIGER
1975: Tekst & muziek: Ad Pfennings
Zang (*) : Chris Maas & Marotte Kapel

Oos zitterd, 't plaetschke van plezeier,
schteit veur vastelaovend bekènd.
Dan heurt me weier schlaeg en maak me dich èns laam,
eine vraeme dae is dan de banaan.

Refrein:
Jao zo waar 't vruiger, en zoo is 't noe.
Zoo mòt 't blieve, dan höb veer toch roe.
Jao zo waar 't vruiger, en zoo is 't noe.
Zoo mòt 't blieve, dan höb veer toch roe.

Dao waar eine tied in oos plaetschke,
de raod zag 'die daag motte weg'.
Mer doe veile schlaeg oppe baom en de moel.
't Waar wiej de schlaag aan de Kemperkoel.

Mer noe is weier jederein wakker,
in Hèl, Paradies of P.P.P.
De Brandj en de Lömmerigerschtraot schteit weier op.
Oos motto dat zit in de kop.

Marotte en ouch Marottine,
't geit noe òm Zitterd, oos schtad.
Vergaet niet oos motto, mer hauwt dao aan vas,
dan kriege veer same nog vööl schpas.

* dubbel-cd: 1999 : Omroep Limburg - " Batailles Carnavallade Deel 3 en 4 " - OL54-199901 en OL54-199902


HOME PLAATSNAMENOVERZICHTHOME


JAPAJDADAM
Tekst & muziek: Guus Steinen
Zang (*) : Kartoesj

ich heur ze kômme, joa !! ze kômme hie op aan.....
ich zeen de tambour-maiter en ich zeen de vaan !
mien hart geit sjneller sjloan ze kômme korterbie
ich veul 't kriebele, dat gevuil dat maak mich blie...

en dan in èns is doa die golf van meziek,
ich heur waal doezend instrumente tegeliek
't trök mich mit , wie sjoon is det, 't is of ich sjwaef
en 't is of alle instrumente roope : " LAEF !!!! "

Refrein:
jampajdadam ,jampajdadam, heur !! de hermenie
jampajdadam ,jampajdadam, ...............ederein opzie !!!!
jampajdadam ,jampajdadam, de lôch hungk vol meziek
honderddoezend bölkes !... sjtreepkes !....vlegskes ! ....tegeliek !
jampajdadam ,jampajdadam de wange die sjtoan bol
jampajdadam, jampajdadam gekruuts of waal in mol
jampajdadam, jampajdadam prachtig oetgedos
meziek dae heurt bie Limburg, joa dae heurt geweun bie ôs

ich zeen de sjtekke meppe op 't sjtrakke vel.
ich zeen die beinkes goan op ed're veerde tel
veur mich is eder dae doa bie löp 'ne held
't is geneete, bie dit muzikaal geweld !!
't leefste leip ich mèt pes dat 't neet meer ging
in die sjoone "sjlaag-en-bloas-verzameling"
waat 'ne sfeer en waat 'n kleur haet dit geroas !
en 't is of alle instrumente roope: "BLOAS !!!! "

Dan goan ze langs, dao geit dat wirvelend geweld
en wat 't is , ich weit neet wat mich taege hilt
't leifste ging ich noe direk d'r achteraan
't leifste leip ich met die mit in daen orkaan
doa goan de sjuuve langs..., de tuba's...., en de bas .....
en 't besjtuur dat löp d'rbie in "sjtolze" pas
dan zeen ich allein nog mer de basse oppe rök......
en ich zou 't leeftse wille roope: "KOM TERöK !!! "

* cd 2001: Kartoesj - "Tam-tam" - Marlstone CDL 2044


HOME PLAATSNAMENOVERZICHTHOME


JEDEREIN DAE IS GELIEK ...
1996: Teks: Frans van Binsbergen - muziek: Math Niël

Refrein:
Al bèste erm of bèste riek, jao jederein, dae is geliek,
es ich zo òm mich haer èns kiek, hie in oos sjoon Marotteriek.
Jeederein haet drie daag sjpas, egaal dan welke kleur de jas.
Zo geit dat ummer weier opnuu in Zitterd ònger ein perpluu.

D'n doktor geit es baedelaer, d'n erme jòng es miljonaer.
De dreksman dae is sjpisjaalis, doe wèts neit wae of waat wae is.

De bekker löp es zeeman ròndj, en zjwarte Trees, dat is dan blòndj.
D'n inbraeker dae is dan plis, doe wèts neit wae of waat wae is.

De sjportman lop drie daag gans sjtief, ein Zittisj kèndj, dat wurt auwt wief.
Ein auw van daage vuilt zich Miss, doe wèts neit wae of waat wae is.

* CD 1996/1997: Diverse artiesten - "En toch, en toch" - Ónger Ós # 7306


HOME PLAATSNAMENOVERZICHTHOME


JEUGHERINNERINGE
Tekst & muziek: Harry Sillen
Zang (*) : Hay Sille en 't Volluksmeschien

In ut stedje Sittert werd ich gebaore, op de Brouk-, de Brouksitterderweeg.
In dee tied wuufde doa auch nog ut koore en stong ein kapelke dat ich nooit vergeet.

Laater verhoesde veer noa de Linj luu, ein klein streutje bie de schwarte Keutelbeek.
Witste nog, Jozef, wie veer doa speelde mit Jessie en Jan, week noa week.

Ich werd verleifd op ein klein, tenger pupke, ut schoonste denk van de heele stad.
Ein figuurke wie eine stengel, lang, broen hoare, joa Corrie, doe waars miene schat.

Mit vasteloavend ginge veer springe door de straote, kris en kras.
En waat in de getskes gebeurde wit allein ut maedje dat ich toen had.

Ich kreeg ein gitaar en waar metein verloare, ich speelde van ut 's murges tot ut 's óaves laat.
Noe maak ich plaate, luu goat ze koupe want in mien handj zit ein groot gaat.

Het is joamer, mer neit te veurkomme, mien eerste jeugd is noe veurbie.
Meh noa lang zeuke hub ich ut geluk gevonje bie ut limburgs maedje aan mien zie.

* lp 1983 : Hay Sille en 't Volluksmeschien - "Blow graas" - Marlstone Recordings bv - MARL 198316


HOME PLAATSNAMENOVERZICHTHOME


JO DE LA
2010/2011 nr.1 : Tekst & muziek: Thei Wessels
Zang: Paul Jean Jessen

Mit de vastelaovend doe zag Toos taege Jo:
“Wach mer pès vanaovend, dan sjtael ich vas de sjo
Maske, huidje, zökke die haol ich oet de kas”
Mer dat wól neit zo lökke went de la zout maore vas…

Refrein:
Jo de la die…is kepot!
Jo de la die…is riep veur biej ‘t sjrot
De la Jo, de la Jo, waat bèste toch ein sjaop
Jo de la, Jo de la, Jo de la mót aop!
Jo de la, Jo de la, gaef mich nog ein bietje haop
Jo de la, Jo de la, gaef mich nog ein bietje haop

Jo lout zich neit kènne. Hae vuilde al de zaeg
In zien hendjes brenne. Dao waar mer eine waeg
Nao get urkes wuile doe woord ‘r toch get sjoew
De ganse kas vermuibelt mer de la’s die bleve toew…

Jo sjnapde d’n hamer en gouf de la ein vaeg
Die vloog door de kamer mer waar harsjtikke laeg
Jo góng door ’t dölle mer och dao vónj mich Toos
Häör vastelaovesprölle in ein auw kertónne doos…

Slot:
Angesj kóm ich neit in sjlaop, angesj kóm ich neit in sjlaop.


HOME PLAATSNAMENOVERZICHTHOME


JÓNGES BÄÖKE NEET
Tekst: Guus Steinen - muziek: T.Engel/ H.Priess/ E. Stocklosa/ P.Schütten/G.Lückerath/ W. Schnitzler
Zang (*) : Kartoesj

ich zout hie oppe leger sjool bie de meister in de klas
Dae zag: " kom jij eens voor 't bord, want jij bent 'ne sjoone jas"
hae zag "zet jij die bril 'ns aaf, dat ik je een " verkammezäöl"
hae watsjde mich ôm de oore, en toen woort 't mich teväöl !!!!

Ich wou zoa gaer 'ns bäöke, mer bäöke moag ich neit
want ummer haet mich de pap gezag:" Jonges bäöke neit"
Ich wou zoa gaer 'ns bäöke, es 't mich pes hie boave sjteit...........
Maedjes moage bäöke, jônges moage dat neet

Ich waor hie op 't voetbalveldj en de wedsjtried woar begos
en met de rös doe woar de sjtandj al 4 -1 veur ôs
mer noa neugetig menute, ich reet mich aan de hoare,
hae floot aaf , 't woar gedoan, en veer hawwe verloare

Mien vruike zag waal dekker, doe sjtinks vies oet de moel !
Dus ging ich noa de tandarts, ger veult al aan wat ich bedoel
Dae keek mich zo noa bènne, toen veel 'r om wie 'ne poal.....
toen haet 'r ze mich getrôkke......allemoal.....

* cd 2001: Kartoesj - "Tam-tam" - Marlstone CDL 2044


HOME PLAATSNAMENOVERZICHTHOME


JOZEEKE
J. Schelberg

Mit Jozeeke aan 't teeke, mit Jozeeke in d'n erm.
Haet Jozeeke dich bekeeke, krigse 't van benne en van boete,
zelfs nog door de dikste roete, krigse 't van alle kantje werm.

Jozee van bie os naeve, is goad in muulkes gaeve.
Doe höbs al gauw ein klaeve, al rense veur dien laeve.
Doe mos ech op 'm passe, 't is ein kendj van klasse.
Mer doe wils 'm gaar neit kwiet, gaar neit kwiet, gaar neit kwiet,
mer doe wils 'm gaar neit kwiet, in de Vasteloavestied.

Jozee, dat Zittisj maedje, tap oet ein Zittisj vaetje.
Doe houfs neit d'rop te wachte, 't is al drek aan 't sjlachte.
In jeeder klein kafeeke, dao trufste oos Jozeeke.
Mer 't geit toch nootsj te wied, nootsj te wied, nootsj te wied.
Mer 't geit toch nootsj te wied, in de vastelaovestied.


HOME PLAATSNAMENOVERZICHTHOME


JUBILEI ...
1992: Tekst & muziek: Jan & Zef van Daal
Zang (*) : ?

Refrein:
Enne Hoerae van Zitterd dae wit van besjeit,
wie eeuwe bie òs, Vastelaovend besjteit.
Auw wiever, Marotte in bòntje klamotte,
die hauwte dem vas pes 't gaar neit mee geit.
Enne hoerae van Zitterd dae wit van besjeit,
wie eeuwe bie òs, Vastelaovend besjteit.
Auw wiever, Marotte in bòntje klamotte,
die hauwte dem vas pes 't gaar neit mee geit.

Bie 'n lekker werm sjtouf en ei lekker segaerke,
woort oots bie "Franciscus" ein klup opgerich.
Ze heisjde "Marotte", me drònk gaer ei glaeske,
en hauwe es motto: "De Perpluu wurt gerich".

En ze vui'rde mit braanie d'n optoch door Zitterd,
en heile hun Zittinge veur alleney.
Op bals woort gedans en daobie ouch gebitterd.
Ouch doe vloog door Zitterd al de Pappegey.

En nao hònderd en ellef jaor is noe gebleeke,
dat'n Hoerae in Zitterd noch ummer besjteit.
Hae hiltj van zie Maske, haet ummer zien sjtreeke,
hae viert Vastelaovend zoo lang es 't geit.

* cd (1993) : " De Marotte sirk trek wiejer " - De Marotte Zitterd - Ónger Ós # 7250


HOME PLAATSNAMENOVERZICHTHOME


JUNGSKE ICH HÖB DICH ZO GAER
Tekst & muziek: Johnny Blenco
Zang: Wil & Annie

Refrein:
Jungske ich höb dich zo gaer
Jungske ich zek dig steeds weer
Wie laeg waor toch mien laeve
Este niks om mich zouws gaeve
Dan zaot ich druivig
Bie de pakke neer
Jungske ich höb dich zo gaer
Kom zet dich hie bie mich teneer
Kiek heel deip in mien auge
Dan zek ich ‘ t dich weer
Jungske ich höb dich zo gaer

Pak mich toch ens in dien errem
Duij mich vas teange dich aan
In mien hart daor gluijt ‘ t toch zo werm (Wil)
Bes dich bie mich
Zeen mien zorreg van de baan

Alles wil ich aan dich gaeve
Alles wil ich veur dich doon
Wil mit dich alles belaeve
Bes dich bie mich
Is ’t toch zo sjoon


HOME PLAATSNAMENOVERZICHTHOME


DE KAETEL
1990/1991 nr.1 : Tekst & muziek: Loek Lemmens

Gans 't jaor dan is 't ein gerammel bie Marie
ze sjpuilt de potte, panne en de löökskes in de zie
mèr mit de vastelaovend is 't röstig in de boet
de kaetele die gaon dan alleney mit mich drop oet

Refrein:
Mit eine kaetel oppe kop
zoo loup ich ummer weier veurop
de ganse zjwik d'r achter aan
auch al höbbe veer gein vaan
mit eine kaetel oppe kop
zoo loup ich ummer weier veurop
nao drie daag houwe mit dae haute laepel
höb ik eine kop wie 'nne kaetel
nao drie daag houwe mit dae haute laepel
höb ik eine kap wie 'nne kaetel.

Nao die daag geit weier alles op d'n auwen toer
want jeederein dae möt zoo neudig gaon op tied en oer
en van dat jaage krig me enne kop sjus wie 'n zie
mèr op 't kaokpuntj kump gelökkig dan de hermenie


HOME PLAATSNAMENOVERZICHTHOME


KAORE
Tekst: ? - muziek: ?

Wie kan ich, taenge Ougs en Zoomertied,
vereinzaamp irges in de welt verlaore,
op èns zoo'n heimwee kriege nao mie Landj,
nao Limburg, nao zie veldj en nao zie kaore:
Ei kaoreveldj woo bloume blaauw en rood,
de zoomer zie "Magnificat" in sjrieve:
Ein zee van goud die, golvend veur de wèndj,
zich op 't geroesj van höör meziek leet drieve.

Nooit genog gepreeze kaore, jònk en wie de welt zoo aauwd.
Doe, oos greutsjheid en oos laeve: Wie ich van oos kaore haauwt.
Kaoreveldj in goud gebaore, wie de zòn dich blinke deit !
Op dien harp en zuuver sjnaore zunk de wèndj zie zoomerleid.

Kaore, och wie sjoon bès doe, es de wènj dich euvervaare:
Niks es rumple waat me zuut, of dat loeter fraanjele waare.
Wie zoo dèks ich kan verlange nao 't gezich van Limburgs kaore.
Kaore dat ze aan 't meeë waare, in de maondj dat 'ch bèn gebaore.


HOME PLAATSNAMENOVERZICHTHOME


'T KAPELKE
Traditional / Tekst: Nou Pfennings

Dao aan de vout van oos kapelke, dao baove op dae Kolleberg,
wo kènjer sjpeelde mit ei belke en mooder wirk veur höören dwerg.
Pès dat 't zunke geit verdwiene, auch dan pas geit 't sjtrikwerk weg.
Nog aeve wille zie versjiene veur oos kapelke zeer terech.

Refrein:
En saame brènge zie ei gebèdje, veur vrei en gelök op dees welt.
D'rom geit èns per jaor oos sjtèdje, es 't klökske in de Kolleberg belt.

Es plotseling sirenes klinke, dao in 't deipste van de nach,
laot dan veural de moud neit zinke, in oos kapel dao hilt me wach.
Me geit dan sjoele in de kelder en dao wurt hèl-op veur gebaed.
't Veilig klink dan wurkelik helder, en niks gebeurt, zo wie me zaet.

Refrein:
En saame brènge zie ei gebèdje, veur vrei en gelök op dees welt.
D'rom geit èns per jaor gans oos sjtèdje, es 't klökske in de Kolleberg belt.


HOME PLAATSNAMENOVERZICHTHOME


KATRIEN
Tekst: Guus Steinen - muziek: M.Hömig / H.Knipp/ E.Stocklosa
Zang (*) : Kartoesj

Ich waor ummer allein in 't laeve. Nootsj klonk d'r 'n " love" - melodie
't gelök kump toch oats 'ns bie jeder. Mer bie mich ging 't ummer veurbie
Toen koams doe, toen koams dich.......en de vônk die sjloog euver bie mich
' n wônjer woort woar, d'n hemel woort kloar,veur mich woar 't touvenerie.....

Refrein:
oh, oh Katrien, 'ch höb mien hart verloare
verloare aan dich
oh, oh Katrien, 'ch ben wie nuuj-geboare,
en dat kump door dich.
ich wil noats van ze laeve meer zônger dich zin,
allein met dich haet mien laeve wirkelik zin...

Hallo èngel, met goudblônje hoare, ich zoag dich inèns veur mich sjtoan,
mien hart woar zoa lang al bevroare, mer 't sjmôlt weg wie ies in de zôn.
't parfum, dat ôm dich hing ging, gans deep door miene dikke hoed,
en doe zags: "leve sjat, zègk drènke veer wat?" Dat moment doa keek ich zo noa oet...

oh Katrien, wat ste met Guus höbs gedoan, dat kèn ich nog begriepe, OK ,
mer dat met Ruud.... en wie René mich vertelde datste auch met Jan en doanoa nog mèt...

Ich höb oere gezaete, Ich höb daag neit gegaete, door dich, dich, dich...

* cd 2001: Kartoesj - "Tam-tam" - Marlstone CDL 2044


HOME PLAATSNAMENOVERZICHTHOME


DE KEDOO
Tekst: Felix Rutten - muziek: Anja Bovendeaard

Ich höb pensees en priemulaas, höb reuskes en roosjesjip.
En es-te mich saes dat ich kòmme maag, bèn ich bie dich in eine wip.

Ich höb veur dich eine rènk van goud, mit sjoon-gesjleepe sjtein.
Dae guif ich veur gein göljes aaf: dae is veur dich allein.

Ein ènkel weurdje waat dich saet, wie gout ich 't mit dich mein.
Doe bès de helf van waat ich bèn, en saame zeen veer ein !

Ich kòm, ich kòm es de maon opgeit, en ròntjelòm alles sjwig ...
Ich bèn verlaore veur mich-zelf, en weit allein mer: Dich !


HOME PLAATSNAMENOVERZICHTHOME


KEIZE...
2007/2008: Tekst & muziek: Sjef Weijman
Zang: Jill Gruisen

Refrein:
Kamezuilke van opa
’t corset van tant Truuj
mit de sjteevele van Bertha
zeen ich oet wie nuuj
de bermuda van de pap
mam’s huidje oppe kop
krolsjpange in ’t haor
Vastelaovend wurd top.

Jeder mörge veur de kast: is de twiefel dao
Weit waal waat de mode is, jederein aapt nao
Wil get angesj es de rest, mer toch ouch weier neit
Keize, jummig, dat is waal lestigste dat besjteit
Es ’t Vastelaovend is, is dat gans veubie
Is de keuze vlot gemaak, laop ich sjoon derbie.

Mam wurd sjtapelgek van mich, dreejt soms helemaol door
Gister goang ich nog mit heur jeansboks d’r vandoor
In de winkel sjtaon ich soms, drie oer veur de rek
Pap dae geit al neit meer mit, ruip: “doe maaks mich gek”
Kèn d’r, echt waor, niks aan doon, keize is ech zjwaor
Mèr dat guldj zeer zeker neit drie daag in ’t jaor.

Is d’r dan gein oplossing, vruig geer uch dat aaf?
Nou die is d’r waal liek mich, en dat is gans gaaf:
Vastelaovend, gans ’t jaor, is de stress veurbie
Wae dat veur mich reigle kènt, maak mich richtig blie.


HOME PLAATSNAMENOVERZICHTHOME


KÈNJER VAN DE PAPPEGEY
Tekst & muziek: Ger Muyrers
Zang (*) : Math Niël

Refrein:
Alleney, Alleney, zeen veer kènjer van de Pappegey,
Zeng en sjprènge veer van gekkigheid zolang oos zittesj hertje sjleit,
Alleney, Alleney, zeen veer kènjer van de Pappegey
Zitte veer vol sjaele kal, want Zitterd viert wei´r Carnaval

Marie Louis koum oet de sjool en zag taege de pap
De meister haet os get vertèld, waat ich gaar oet neit sjnap
Veer sjamme van de aape aaf, dat maak dae mich neit wies
Doe zag de pap och loester èns nao mich Marie louis

Oos gekske op dat sjtekske, brink oos jaore al plezei´r
Want Zitterd deit zien patjs aaf veur dat allerleifste dei´r
Mit Carnaval dan zenge veer tot midde in de nach
`t leidje waat dat dei´r os al es kèndj haet biegebrach

* cd 1989/1990 : De Marotte Zitterd - "Applaus veur de zittesje leidjes" - Da Capo 7172


HOME PLAATSNAMENOVERZICHTHOME


KÈNTJ VAN 'T HEELAL
Tekst & muziek: Anja Bovendeaard - tekst refrein: naar Toon Hermans
Zang (*) : Anja Bovendeaard

Refrein:
Dich bós ein dröppel van de raenge
Eine korrel van ´t zandj
Ei vunkske van ´t zonleich
Ei kluutje van ´t landj
Dich bós ei sjöpke van de berg
en ein sjtökske van ´t daal
Dich bós ei deil van alle laeve
Dich bós ei kèntj van ´t heelal
(en zo komme dan dien vraoge)

Is de zón altied zo werm en bóntj, mam?
En woorom is de maon dan hauf en dan weer róntj, mam?
Wurd de pap ouch kaal en dou ouch gries, mam?
En wurs doe ouch oud?
Kumps doe ech oet de boek van oma, mam?
En waars doe ouch waal ens sjtout

Wie geit ´t noe mit dien laeve, mam?
Dat waor op eine daag dien vraog
Verwonjerd höb ich dich aangekeke
en miene pas vertraogd?
´t Woort doe effe sjtil van bènne
waat zo´n kleine dich neit vraoge kenne

* cd 2002 : Anja Bovendeaard - "Sjtruim"


HOME PLAATSNAMENOVERZICHTHOME


DE KETJES BLUIË
Tekst: ? - muziek: ?

Aan de asseneut loupe de ketjes oet,
en de kroenekraane zeen dao.
Ich weit neit waat mich euverkump:
Ich zèng woo ich goon en sjtao.

De maelder flöt in de paereboum.
De lòch is klaor wie glaas;
En kènjer sjlaon de koutelebout,
in 't b1uiënd weiëgraas.

De welt woort jònk opnuuts en blie,
de welt woort gruin en nuu.
Noe is et oet mit de zaanikerie,
van pèls en paarepluu.

Wae 't lachen al verleize koos,
hervònj zien aauwd plezeir.
Want de kroenekraane zeen aangeland;
En de kètjes bluië weir.


HOME PLAATSNAMENOVERZICHTHOME


KEUB MIT ZIENE BOMBARDÒN
Tekst & muziek: Paul-Jean Jessen

Keub van Sjraa en Dina bie òs naeve sjpeelt de bómbardón al vieftig jaor.
Es hae geit blaoze kènt geer get belaeve, doe vreegs dich aaf, wie krig hae dat toch klaor.
Mer es hae dan begint, zien hummeke zich sjpint,
dan geit hae sjtaon, dae bòksebaom, dan zink de ganse kraom.

Refrein:
Dao höbste Keub mit ziene koopere bómbardón.
Dae man dae blees allein zo sjoon mit Vastelaovend.
Om zeeve oer hink hae die trööt zich dan al óm.
Hae sjleip zich rot van sjmörgesvruig pès in den aovend.
Dat is 't leefste waat hae in die drie daag deit,
en tössjebei zich eine pitsje, es 't geit.

Mit Vastelaovend zuust'em weier raoze, die ellef killo kooper óm de nek.
Allein oppe kiejos sjteit hae te blaoze, aan moud en aom haet hae gaar gei gebrèk.
Mer es hae dan begint, zien hummeke zich sjpint,
dan geit hae sjtaon, dae bòksebaom, dan zink de ganse kraom.


HOME PLAATSNAMENOVERZICHTHOME


DE KEUNING VAN DE BUUT
Tekst: Loek Frohwein, Ton Meisen, Hardy Mertens & Peter Nilwik - melodie: "Bestel mar' (Rowwen Hèze)
Zang (*) : WW-Band

örges in de brachter baek
woont de keuning van de lach
post bezörg van waek tot waek
1000 buute oetgedach
pierre dae ként geer allemaol
eine man van eikehout
ich vertèl uch dit verhaol
want 't is ein buut van goud

Jaaa, bestel mar, bestel mar, bestel mar
75 breeve en este die bezörg höbs
dan begin met opnuuj !

oet 't nès van janse bagge
bèn ich ech de leukste toes
rowwen hès,
dae leet mich lache
mèr de buut, dat is mien hoes
pierre zien wieze
raods pepiere
hub ich noe dus mèr besjtelt
dan kèn ich gaon sollisitere
is't priezegeld geteld

Miene naam is Wiekse Wiellie
bèn 'n laevesgroot talent
gaon 't maake
in die buut hie
noe nog altied onbekend
breive blief ich gaer besjtelle
weit dan dat mich geine heurt
dan ken ich zó goud vertèlle
haut mich vas aan pierre zien weurt

* cd 1993 : WW-Band - "Elluf!" - Marlstone Recordings bv - CDL9308


HOME PLAATSNAMENOVERZICHTHOME


KIEK ENS HIE
2007/2008: Maurice Indemans - muziek: Thei Bormans
Zang: Mans genog!

De vastelaovend is sjus veurbie
Dan bedenk ich ’n nuuj millodie
De noote zet ich op ’n rie
Dan heur ich in gedachte al de hermenie
Dan ruip Merie doe höbs ze neit mee op ’n rie
De vastelaovend is nog lang neit hie

Refrein:
Kiek ‘ns hie,kiek ‘ns hie, noe kiek ‘ns hie, dae haet ze neit mee op ‘n rie
Kiek ‘ns hie,kiek ‘ns hie, noe kiek ‘ns hie, wie kump er dao noe weier bie
Kiek ‘ns hie,kiek ‘ns hie, noe kiek ‘ns hie, dae haet de vastelaovend al in zien prie
Kiek ‘ns hie,kiek ‘ns hie, kiek ‘ns hie, dae haet ze ech neit op ein rie

In de optoch-hal dao is noe get oet
De sjoonste wages waere dao geboewd
’n kop mit einne gekke sjnoet
Dan loup ich in gedachte al al d’n optoch oet
Dan ruip Merie doe höbs ze neit mee op ’n rie
De vastelaovend is nog lang neit hie

Mit dees daag heur se de hermenie
Ze blaoe dan hun eige pertie
De noote sjtaon neit op ‘n rie
Dan heur ich in gedachte toch mien millodie
Dan ruip Merie doe höbs ze neit mee op ’n rie
De vastelaovend is noe toch al hie


HOME PLAATSNAMENOVERZICHTHOME


KIEK ENS HIE (2)
Tekst & muziek: Wil Frenken
Zang: Wil & Annie

Refrein:
Kiek ens hie, kiek ens hie,
kiek ens hie op zie
Waat haet zie allemaol
noe om die prie.
Zo löp zie noe al jaore
mit de Vastelaovend ronjd
Zie maak ’t jeder jaor
toch weier vööl te bonjt
Kiek ens hie, kiek ens hie
kiek ens hie op zie
Zo löp zie mit de Vastelaovend hie

’T jèske van de Opa
en de böks van Tant Sjaan
Dao bie auch noch de klòmpe aan
van Nonk Maan
’T huitje van Tant Jes
en de hèisje van Nonk Baer
Zo gaon ich toch, zo gaon ich toch
mit Vastelaovend gaer

’T sjieleke vergaete
dat lik noch bie Tant Til
Zie haet ein Pappegèike
Een dae is erg sjtil
De sökke van de Oma
mit medaajes van Nonk Wil
Zo gaon ich toch, zo gaon ich toch
mit Vastelaovens gaer


HOME PLAATSNAMENOVERZICHTHOME


KIEK IN 'T GLAESKE
1955: Tèks & meziek: Toon Hermans
Oetveurende 1 (*) : Toon Hermans
Oetveerende 2 (**) : ?

In de Baandert dao bluit geine wien en d'n Donau, dae löp neit door Zitterd.
De Mosel dae bluit neit zoo wiet van de Rien, wo Pitter en Wullemke bittert.
Veer trèkke de krach oet 't kaore en zènge bie beier of klaore:

Refrein:
Kiek in 't glaeske en sjlik Madam, kiek in 't glaeske en sjlik.
Waer neit te zaat, neit al te laat, hauwt mit ei sjlukske d'amanjele naat.
Kiek in 't glaeske en sjlik Madam, kiek in 't glaeske en sjlik.
Zoolang es van bènne dat hertje nog tik, kiek in 't glaeske en sjlik.

Ooze Mèrt haet niks van Place Pigalle, mèr cafékes om ech van te sjmölle.
Veer kènne gein Alpe mèr waal eine wal, veer höbbe d'n Dom neit van Kölle.
Veer höbbe 't Prinsdom gekaoze om driemaol per jaor èns te raoze.

In de Watersjlei lik geine sjnee, veer zeen neit in Zurich of Bazel.
Me sjprik hie gein Engelsj en drink geinen tee, me sjprik hie van wauwel en brazel.
Oos Keutelbaek kent geine gondel, dit leidje dat is neit van Vondel.

* cd: Diverse artiesten - "Batailles Carnavallade 1" - Omroep Limburg OL52-199701
* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv


HOME PLAATSNAMENOVERZICHTHOME


KIEK MIG ÈNS AAN
Tekst & muziek: Bep en Peter Verblakt

Refrein:
Jao, kiek mig èns aan, sjprèng mit mig mit.
Doe bès toch dat jungske woo pit in zit.
Kiek mich èns aan, sjnap mig èns vas.
Doe höbs toch van mig geine las ?








HOME PLAATSNAMENOVERZICHTHOME


KIEK ZE GAON
Tekst & muziek: J.Vahsen en B.Coenen

Refrein:
Jao, kiek ze gaon, kiek ze gaon, saame dao de sjtraot aaf gaon.
Langs de mert en euver de wal, saame nao 't auwt wieverbal.
Lies dat krats 't wesjbraet laam, Baer dae blees de trööt sjpontaan.
Mer ze lette op gein maon, wae zou wille heivisj gaon ?

Jao, Baer haolt den houd oet, ouch de sjluppejas,
haolt zich dan 't maske ónger oet de kas.
Baer dae dènk neit lang, hae kump al goud op gang.
Waat dénkste leive sjat, veer gaon saame nao de sjtad.

Oppe mert gekómme, dao waor mig get oet.
Dao woort flink gezónge, kapel die leip veuroet.
Baer dae hööm get vreeg, wit'ste waat er kreeg.
E muulke van zien Lies, daovan is dae sjnaak neit vies.


HOME PLAATSNAMENOVERZICHTHOME


DE KLOK
Tekst: G.Rapaille - muziek: B.Erkens
Zang (*) : Anja Bovendeaard

Ich kiek en zeen wies dich nao mich kèns kieke
Wies-te weurdjes zuiks mit diene kleine móndj
Ich vuil wie dien hendje langs mien wang perbeiert te sjtrieke
Dus ich zèt mich aeve biej dich oppe gróndj
Nao al dat nuje kèn ich oere blieve kieke
Sjnachs dan brent diene lach in miene kop
Ich zou waal hónderd leidjes veur dich wille sjrieve
mer sóms zeen ouch biej mich de weurdjes op

Refrein:
Dan waer ich weik en zuik aeve nao ´n rem
óm in dees race, d´n tied te kènne kloppe
Mèr ich bedoon mich neit, ich bèn d´r gaer veur ´m
Toch es ´t koos, zou ich de klok noe wille sjtoppe?.

Ich kiek en zeen wies dich pas kumps kieke
Ich heur gebrabbel es-te in de zandjbak sjpeels
Dao boews-te brökskes, mit baekskes en mit dieke
en aeve later sjpeels-te "sjoesjoek" zónger rails
Ich heur en zeen wats-te allemaol wils meine
en nao ´ne vogel kiks dae vrech nao kuikskes pik
Dan ruips-te: "Mam, dae grote zjwarte verjeug die kleine!"
Rood van gif en doe has dich bekans versjlik

Ich kiek en zeen dich ´t hoeswerk make
en euver meistesj maaks-te dich al richtig drök
Op dien kamer heur ich dich bedreve kwake
Wie ´n sjter, bruls-te mit op popmeziek

Dan waer ich weik en zuik aeve nao ´n rem
óm in dees race, d´n tied te kènne kloppe
Ich kiek mer neit, es ich mich veur de sjpeigel kem
´t Leifste zou ich de klok noe wille sjtoppe??

* cd 2002 : Anja Bovendeaard - "Sjtruim"


HOME PLAATSNAMENOVERZICHTHOME


'T KLOKKE LEIDJE
Tekst & muziek: Johnnny Blenco
Zang: Wil & Annie

Refrein:
Euver de sjtad
Loewwe de klokke
Wae wit, veur wat
Leowwe die klokke
’T haet altied ein ‘nne reaje
Num dat mer aan
Soms klinke ze met ‘nne lach
Soms weier mit ’n traon

Bie leid en plezeier
’t is os maneier
Um dao den Hemel mit te danke
Wo veer auch gaon
Wo veer auch sjtaon
Sjteeds begleien os hun klanke
Zo ging ’t doe
En ’t zal altied zo gaon
Van de weig tot ’ t graaf
Blieve ze sjlaon.

Zie gaon eeuwe lank
Al hunne gank
En hun gebeijer, dat zal blieve
Veer zeen zeker van
Dat geine ‘t kan
Hun bronze klanke ooits verdrieve
Zo ging ’t doe
En ’t zal altied zo gaon
Van de weig tot ’t graaf
Blieve ze sjlaon


HOME PLAATSNAMENOVERZICHTHOME


KLOMPÉ KEUB
Tekst: ? - muziek: ?
Zang: Cyriel Niël

Refrein:
Dao is oze jóng toch weier, Keub, d´n awwe trampelaer.
Mit de klómpe aan zien peut taffelt euveral doorhaer.
Mit die remmele aan de vuit vilt ´r ummer op zien kuit.
Löp ´r nao de maedjes haer, d´n awwe sjóffelaer ...

Löp hae in zien nuut jacket, nóndepie, dat geef kachet.
Klómpe aan en sjlips d´r bie en op zien kroot ´ne hoge ziej.
Keub geit daag en nach op sjtap, haet op heel get vuit getrap.
Biej de vrouluuj haet ´r sjans, en dat kump door dae klómpendans.

Geit ´r mit de sjötterie, löp es generaal d´r biej.
Jederein dae hiltj zich vas, maak mit zien klómpe paradepas.
Jederfein dae veur ´m löp, wurt ónger de vot gesjöp.
Klómpe aan en sjteek oppe kop, löp hae greutsj mit in daen tróp.


HOME PLAATSNAMENOVERZICHTHOME


DE KLOUN
Tekst & muziek: Frans Thissen

Refrein:
En witste waat 't zòng, es 't zoo mit mich sjprong ?
Doe bès eine kloun, ich bèn eine kloun,
en die gezich, is wie dat van mich.
Noe sjnap mich èns vas, daan maake veer sjpas,
veer heure bie-ein, dat zuut jederein.

Mit de carnaval verkleid' ich mich, ich waar noch eine poet.
Dan sjtòng ich veur 't sjpeigelke en sjminkde mich mien sjnoet.
En dansde ich de sjtraot op, en hauw de grootste sjpas,
op èns, dao sjnap mich ei maske, en trok mich aan de jas ?

In 't veurjaor es de lente kump, mit blömkes euveral,
't wurd dan eine kleureprach, van Kolleberg pès Wal.
Mer mit de vastelaovend, zeen ich dan dien gezich,
en dat, jao dat is 't sjoonste, woo ich mich zoo op sjpich ?

* cd : Marotte Zitterd - " 111 Jaor De Marotte Zitterd en 111 JAOR VLEIGE DE VONKE HIE OET DE PAN " - Onger Os # 7226


HOME PLAATSNAMENOVERZICHTHOME


KNALLE! (Marotte kènjerleidje 2010)
2009/2010: Tekst & muziek: Marc Verblakt
Zang: Marc Verblakt

Hey jow, ‘t is mich get
Dit leid begint es vastelaovesrep
Dat is bès cool en super vèt
‘t kump vas en zeker noch èns in de gezèt
Mer krig oma dan toch geliek?
Bie vastelaovend heurt gans angere meziek
Dus weg mit dae rep en laot ‘t sjalle
Veer gaon knalle!

Refrein:
‘t geit noe knalle, ens richtig knalle
Zodat de luuj d’r noch lang euver zulle kalle
Veer gaon noe knalle, laote ‘t sjalle
Pès dat ut daak zich hie gans luch
‘t Wurt ein fees dat zegk veer uch

‘t gans jaor leer ich laeze en ouch sjrieve
De meister kènt ‘t dèks ouch euverdrieve
De täöfelkes die gaon al gans vanzelf
Mer ein en ein wurt jaorliks drie daag elf
Dan tèl veer noch ein, twee, drie alaaf!
Ein sjeite dan de vogel, de vogel richtig aaf
Knalle, knalle… woooow knalle!

‘t gans jaor druim ich van dat groots gebeure
Dae sjone vastelaovend mit zien kleure
Dan kump de hermenie mit vööl meziek
Zo geit dat in ós sjoon en greutsj Marotteriek
Veer sjpichte ós op dat groot balkón
Die sjlaeg te mage gaeve, mit dat keigaaf kanón
Knalle, knalle… woooow knalle!


HOME PLAATSNAMENOVERZICHTHOME


KOELMAN
Tekst: ? - muziek: ?

"Glück auf" miene jòng, dien daag zeen nach: doe wirks es veer gaon sjlaope.
Dao doon veur dich gein vinstre zich op zòn en zoomer aope.
Dien hak is diene kameraod, es die veur 't werk wilt dauge;
De mienlamp is dienen toeverlaot: die kik dich troe in de ouge.

Dien welt is kaole, gruus en sjtein, dao wirks doe wie begraave.
Ich weit wie 's doe, in sjtöb en hits, dich plaoge mòs, en sjlaave.
't Gezich zoo sjwart wie van ene Moor, en 't humme aopgereete.
De rubbekas gekrump en sjtief, dèks veer den tied versjleete.

"Glück auf", veer höbbe leich in hoes, en kaole veur to kaoke.
Oos treine vaaren op en neir, veer kònne de ööves sjtaoke.
De koelman haet Limburg riek gemaak: 't waar neit vergaefs, eur sjweite !
Wardeire mòt ver de mienwirkesj-sjtandj, en 't Landj mòt dank uch weite.


HOME PLAATSNAMENOVERZICHTHOME


KOET OET DE NAAS
Tekst: Gertie & Wil Voorter - melodie: " I'm gonna knock on your door "
Zang (*) : WW-Band

Ich haol ön koet oet mien naas
laot önne sjeet
köök, boer en rupsj mer raak
en ig dap mig ouch gerös öns
es ig jeuk höb aan mien reet;
ig drië ön koet,
boer köök, rupsj en laot önne sjeet

't how ön vriendin
'n tössjedoortje
wie det hèt
ze waor waal net mer dom
ze waor allein mer veur in...
ig ging nao höör ouwers
det moosj ig van die tuttebel
ig kreeg ön goot idee
en ben nog ummer vriegezel

g'moosj op gesjprek
sollisitere wie det hèt
mer ig wil gaar gein werk
ig lik toch lever in mien bèt
op èns kreeg ik ön hiël goot iedee
en daorôm zit ig noe
nog ummer in de W.W.

doa geit de bel
ig lik in bèt
mer sjtaon tog op,
ig val euver dön top
en höp nog pien in miene kop
de deur geit oap
'meneer wij brengen u het licht'
mer ig waer neer te gooi
en sjpiej hun reg in öt gezig

* cd 1993 : WW-Band - "Elluf!" - Marlstone Recordings bv - CDL9308


HOME PLAATSNAMENOVERZICHTHOME


KÓM DICH ÈNS HIEJ
2000: Teks: Paul Donners - muziek: Bettina Kamps
Zang: San&Co (Sandra Hoen)

Veur de echte Vastelaovesgek, zèng ich dit leidje, zèng ich dit leidje.
Doe höbs mich zojus get sjpas gebrach, mit eine wèngk, dien pekske en dien lach.
Waar ich nog neit, in 'n Vastelaovesbuuj, mer noe door dich, vuil ich mich weier nuuj.

Refrein (2x) :
Kóm dich èns hiej, dat ich dich peun,
bèn gans verruk, van dien sjtóm teun.
Mit einen dree, eine gekke sjlaag,
jao, zo maaks dich, ech miene daag !

Veur de echte Vastelaovesgek, zèng ich dit leidje, zèng ich dit leidje.
Dien' geis, dae brach mich effe van mien sjtök, waat ein gevuil, me nuimp 't auch gelök.
Laot dich mer gaon, en och blief toch wieste bès, gluif daste noe, van mich ein muulke krigs.

Tösjesjtök (shouts) :
Daen einzelgenger, verkleid es kleierhenger,
en kiek dat maedje, 't is mich toch ein plaetje.
Zoa'ne gekke flap, op sjtap mit de narrekap.
Daoveur, daoveur zèng ich noe dit leidje !


HOME PLAATSNAMENOVERZICHTHOME


KOM ENS HIE
1974: Tekst & muziek: Frits Bonneberg
Zang (*) : Fienie Cals & Astrid Litjens

Refrein:
Kom ens hie, kom ens hie, ich mòt dich höbbe.
Kom ens hie, kom ens hie, en sjnap mich vas.
Kom ens hie, kom ens hie, ich mòt dich höbbe.
Dan krige veer saame sjpas ...

In Zitterd drink zich jeeder ei glaeske beier.
Marotte, maskes, hoeraes, maak noe plezeier.
Alaaf oos Zittisj landj, dao zink me allemaol handj in handj ...

De jonges en de maedjes zeen euveral,
zènge, danse, sjprènge, pès oppe wal.
En löp d'r soms get sjpaak, dan ruip 't maedje tot ziene sjnaak ...

De karnaval in Zitterd is ummer goud,
laamake en sjreeve mit volle moud.
En vier noe nog get door, pes essjelegounsdig zenge veer in koor ...

* lp (1986/1987) : Marotte Zitterd - " De Kòmplemènte oet Zitterd "


HOME PLAATSNAMENOVERZICHTHOME


KÓM OP LITTLE GIRL
1997: Teks: Math Niel - muziek: resp. W.C. Handley, Sullivan/Baron, trad. (melodie: Saint Louis Blues March)

Kóm op Little Girl, en dans mit mich dae dans.
I give you this pearls, maak ich dan ouch nog kans ?
Little sweet hart, waat klop mien hertje roemeldeboem.
Ich höb dich zo väöl love, daaróm sjmilt hie de sjnee.
Ich peun dich zo much, sjtrak will ich nog väöl mee.

Oh, I look in your eyes en ouch nog in de bloes.
En they twinkel as stars, ich waer noe-al harsjtikke dul daovan.

Hold me tight, sjnap mich vas en noe swing mich zo gans in 't róndj, sjat
Neit zo vlot, want doe rits mich zo óngeveer de bloes van mien lief aaf,
jao, noe ligke veer allebei mit goud fatsoen hie oppe gróndj.

cd : Marotte Zitterd - " Zitterd Broesj " - Onger Os # 7343


HOME PLAATSNAMENOVERZICHTHOME


DE KÒMPLEMÈNTE OET ZITTERD
Tekst & muziek: Sjang Bronneberg & Jeun Schelberg
Zang (*) : Alle mitwirkende

De kòmplemente oet Zitterd, brenge veer aan uch leif luuj.
De kòmplemente oet Zitterd, en geer komp in ein gouw buuj.
Mit meziek en mit zènge, mit eine lach en vööl plezeier,
gekke teun gaon veer noe brenge, op ein Zittisje maneier.

* lp (1986/1987) : Marotte Zitterd - " De Kòmplemènte oet Zitterd "


HOME PLAATSNAMENOVERZICHTHOME


KORT-BÔKSKE-WEAR
Tekst & muziek: Guus Steinen
Zang (*) : Kartoesj

en dan is 't weer "korte-bôkse-waer "
goan ver hie 'ns haer, goan ver doa 'ns haer.
kiek ze goan zo naeve ein, euveral die bloate bein
ja wat wilt 'ne minsj nog meer, bie dit "korte-bôkse-waer"

en dan wurd 't weer korte rökskes waer
kiek' ver gaer 'ns haer, 't is 't waer d'r veur
de zon die sjient van gans allein, bie 't zeen van al die bein
joa waat wilt ver nog meer, 't is weer "korte- bôkse waer"

de winter is 'ne sjoone tied hea kump van zelf, mer ach
't is toch 'nen tied woa op m'n eigelik neet wach
mer als dan meert veurbie is en april is aan de beurt
dan is 't zo weer mei wo m'n de veugel fluite heurt

dan danke veer ôs leven Heerke veur dat prachtig waer
dan danse zelfs de mögge met, en dat zeen ver toch zo gaer

dan goan ver weer de mert op, de terreskes zitte vol
en ederein haet gooie zin, ônger de parasol
dan kieke ver waat langs kump, wat aan ôs veurbie fleneert
en môtte konkludeijere: "neij dat is neet zo verkeerd !!!"
bie 'n korte bôks heurt dan auch natuurlik 'ne rok
ver kieke gaer 'ns noa de geite, doaveur bèste bok

* cd 2001: Kartoesj - "Tam-tam" - Marlstone CDL 2044


HOME PLAATSNAMENOVERZICHTHOME


KROENEKRAANE
Tekst: ? - muziek: ?

Kroenekraane, witte sjwaane,
euver òs haer in karavaane,
vleigen in de vòrm van 'n V.
'ch Keek ze nao mit kènjer-ouge,
wie ze langs de wolke vlouge,
euver landj en luu nao de zee.

Kroenekraane zeen gekòmme,
doon de sjtöm van de sjtòrm versjtòmme,
woo nog get van de Wèntjer zit.
Kroenekraarne, witte sjwaane,
kòmme de waeg veur 't Vruigjaor baane,
brènge gelök en belofte mit !


HOME PLAATSNAMENOVERZICHTHOME


'T KRUTSKE
Tekst & muziek: Jo Erens

Trek door veldj, langs berg en dal,
ontdek 't Limburgs landj.
Door bòsj woo zink eine nachtegaal,
woo e krutske sjteit aan eine kantj.

Refrein:
Kom langs dae berg op, langs die auw kapel.
Kom langs dae berg op, midde in 't veldj.
Dao sjteit tösje al dat kaore ei krutske aan de kant,
in os sjoon, goud, Limburgs landj.

Kènjer, die sjpeele dao in de zandj,
zènge hun hoogste leid.
Lègke de blömkes aan de kantj,
dao woo dat krutske sjteit.


HOME PLAATSNAMENOVERZICHTHOME


KUMP DE ZOMER
Tekst: Toon Hermans - muziek: trad.
Oetveurende 1 (*) : Toon Hermans
Oetveurende 2 (**) : ?

Kump de zomer weier in 't landj, pak Keub, Truuke aan 'n handj,
en ze trèkke dan mit gouwe zin nao de Kolleberg èns in.
Ès de sjtarre aan den heemel sjtaon, zuut me ze langs 't kapelke gaon.
Neemes zuut dao kaod in, 't is neit erg, alles op dae Kolleberg.
Kump ei raegesjuulke, dan sjoele zie zich gauw, en mit 'e muulke vergit Keub alle kal.

Zoo geit mènig paerke kop aan kop, 's aoves laat de Pötsjtraot op.
Neemes zuut dao kaod in, 't is neit erg, alles op dae Kolleberg.

Auch Nonk Pit en Tante Leen, die vieftig jaor getroud al zeen,
trèkke in de zomer allebei de Kolleberg in, gans allein.
Onger ènne auwe sjoone boum vertelt Pit ziene leifdesdroum.
Fluustert dan nog gauw mit groot fatsoen, sjnubbelke, witste nog van toen.
't Maedje zuut e paedje langs eine gruine zoum, woo 't ès maedje dae sjalevaeger taege koum.

Zoo geit mènig paerke kop aan kop, 's aoves laat de Pötsjtraot op.
Neemes zuut dao kaod in, 't is neit erg, alles op dae Kolleberg.

cd : Marotte Zitterd - " De Perpluu wurd gerich " - Onger Os # 7289
* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv


HOME PLAATSNAMENOVERZICHTHOME


ET KUULKE IN ET KÖSSE
Tekst: ? - muziek: ?

Nog sjteit et kuulke in mie divankösse,
wo die leif köpke loug.
In de gouë sjeemer van dien korte krölkes,
en mit gesjlaoten oug.

En es doe dao dien wumperkes òmhoog sjlaugs,
waar 't of de zòn bie mich nao bènne sjeen.
En es doe, kindje, de ouge van mich aafhòljs,
waar 't of auch mie gelök verdween.

Noe bès doe dan weir sjtilkes weggegange,
omdat daen dòmmen Tied dich heivesj dreef.
Wie kan 'ch zoo wildj, zoo bang nao dich verlange,
woo angesj niks es 't kuulke in 't kösse bleef.


HOME PLAATSNAMENOVERZICHTHOME


KWIEBUS
1952: Tèks: Ad Pfennings - muziek: Giel Laumen

Waat is òs sjtédje Zitterd wònjersjoon, mit dae Prins Carnaval wurd 't jao weier knal.
En dae neit mit deit, mèr dat is ein boon, dae mòt me in de pröllemanj mèr doon.
Noe biet, noe biet, doe iepekriet.

Refrein:
Kwiebus, och Kwiebus, peuzel toch get mit, doe gekken tienus.
Kwiebus, och Kwiebus, biet toch aeve in de laeverwoosj.

Doe toetebölles, höbste weier doosj, de kleinste poet sjprink ròndj, alles in kakelbòntj.
En eine druimes zabbelt op ein koosj, mèr zink toch ouch al van die laeverwoosj.
Noe biet, noe biet, doe iepekriet.

Noe laot mèr gaon, veer weite van besjeit: 't mot, 't kan, 't zal, in 't sjtédje van de wal.
De Pappegey die ruip, maak uch gereit veur sjpas en lol en veur die gekkigheid.
Noe biet, noe biet, doe iepekriet.


HOME PLAATSNAMENOVERZICHTHOME