Carnavalsliedjes uit SITTARD in Limburg (NL)

HOME PLAATSNAMENOVERZICHT HOME

LA, LA, LA, LA...
2006/2007 nr.4 : Tekst & muziek: Reinhard Wind
Zang: Ron Hunnenkens, Debby Dieteren & Miriam Schillings

Mit vastelaovend is me hie toch riek aan de meziek
Mit al die sjoone leidjes mèr ich ben ze ummer kwiet
Wènt es ich mit wil zènge, dan klap ich ummer toe
Ben ich de weurt vergaete, en denk waat moet ich noe
Dan zèng ich gans geweun
Mit eine gekke teun

Refrein:
La la la la la la
La la la la la la
Ich la, la, la, noe al de ganse tied
Want ich ben de weurd alweier kwiet
La la la la la la
La la la la la la
Ich zou 't gaar neit weite
De weurdjes van dit leidje
Mèr dat maak gaar niks oet

Doe koum de nuuje sjlaager en ich dach och dae is sjoon
Dus flink gaon rippeteiere, hie moosj ich get mit doon
Ich koosj 'm gans van boete, de tèks en de meziek
Mèr mit de vastelaovend, waar ich de weurt al kwiet
Doe zòng ich mèr geweun
Mit eine gekke teun

Sjtrak gaon ze weier kòmme leidjes van 't LVK
Oet Heerle, Zitterd Venlo en auch Horst America
Es ich die mòt gaon leere, dan waer ich sjtapel gek
Ich zeen mien geis al kroepe, dus dat 't mèr verrèk
Ich zèng dus gans geweun
Mit eine gekke teun

HOME PLAATSNAMENOVERZICHT HOME

THE LAMA FROM ALABAMA
Tekst: Loek Frohwein & Hardy Mertens - melodie: 'Mockin' bird hill'
Zang (*) : WW-Band

Hat der Harie,
schmutzig schnautzie
hilft der Theo
jaso fein
the Lama from Alabama
spuckt dich porentief rein

Sjaele wikser, zeen dich dèkser
doe höbs mich sjoon gekloot.
The Lama from Alabama,
dae sjpiet dich noe dood.
Hink-sjtap-sjpieje, teen-kamp-sjpieje,
hae hink van sjnot aan ein.
The Lama from Alabama,
sjpiet daag achterein.

Grote krater, aan 't water
Vesuvius geblus.
The Lama from Alabama,
klaort ouch deze klus.
Is zien aete niet te vraete,
dan hulp ouch gein servet,
the Lama from Alabama,
sjpiet wie ein raket.

Van de wap aaf,
gans dien daak draaf,
en dor en door verkinsj,
the Lama from Alabama,
dae sjpiet dich weier minsj.
Klokkeloewer in 't zoer,
't is ech gein gezich.
The Lama from Alabama,
sjpiet waal doelgerich.

* cd 1993 : WW-Band - "Elluf!" - Marlstone Recordings bv - CDL9308

HOME PLAATSNAMENOVERZICHT HOME

LAOT GAON, LAOT GAON...
1991: Tekst & muziek: M. Niel
Zang (*) : ?

Refrein:
Laot gaon, laot gaon...
Sjtank neit te knieze, neit te kniene, sjtank noe neit zo langs de kantj.
Laot gaon, laot gaon...
Luch die bein op en dien erm op, blief neit sjtaon wie houte klaos.
Laot gaon, laot gaon...
mit vastelaovend in bewaeging, wurste jónk van hart.
Laot gaon, laot gaon...
angesj is 't dan mit dich toch ech gedaon.

Harie hauw al ei paar jöörkes Abraham gezeen.
Mit vieftig dach 'r doe: al waer ich sjus wie tante Leen.
Die heurt mer hauf, die zuut ouch sjlech en is neit goud t'r bein,
en daobie woort ze ouch nog in de lengte al get klein.
Hae vuilde al, de zjweit brouk oet, waat is d'r aan de handj ?
Noe sjtaon ich dalik sjus wie Leen zo röstig aan de kantj.
Gelökkig koum de naober, want dae zouch hööm dao zo sjtaon,
en zag doe taege Harie: jóng 't is zo niks gedaon.

Mia höbbe ze zo-jus ei leuk berich gebrach,
h'r dochter krig ei kintje, wae hou dat noe al gedag.
Eesj waar ze blie, mer naoderhandj, doe dróng 't tot h'r door:
ze waar al Mam, mer mót ocherm, noe ouch veur Oma door.
Noe waer ich awt, dach zie opèns, 't kump in de gezet,
dat is toch lang zo erg noch neit, mer waal mit Oop nao bed.
Gelökkig koum de naober, want die zouch hör dao zo sjtaon,
en zag doe taege Mia, kèntj, dae mót mit oma gaon.

* cd (1991) : " In Zitterd is get oet ! " - De Marotte Zitterd - Ónger Ós # 7201

HOME PLAATSNAMENOVERZICHT HOME

LAOT MICH MÈR SJÒFFELE
Tekst & muziek: John Smeets & Gian Prince

Refrein:
Laot mich mèr sjòffele op mien pantòffele,
Sjoon maskes zeen hiej zat, dansde mich de zaole plat
Laot mich mèr sjòffele op mien pantòffele,
Vraog ich òm eine dans, sjtraks dan höb ich ouch nog sjans
Mit vastelaovend kèn ich doon waat ich wil
Mien vuit die sjtaon dan drie daag neit mee sjtil

't is begoosj èns bie ein trouwerie
Doe dansde ich ein welske mit tant Mie
Zo'n welske vonj ich väöl te zuit
Biej jeder dree sjtòng ich häör oppe vuit
Noe gaon ich op vastelaovestoer
En dans hiej de läöker in de vloer

'ne Tango dat vònj ich toch pritsj
Ich sjòffelaer bèn doe oetgelitsj
Bedank, mèr zoget kèn ich gaaroets neit
Reet tant Mie de vouring oet 't kleid
Bèn mèr gesjtop mit dat gemaor
Dat getrampel mit tant Mie van Lhaor

Gister dansde ich mit Marejon
Die knalde ich get hel taege de plèfong
Jao aan die mösj waar ich doe ram verkoch
Mèr ocherm, deze mörge hòng ze nog.
Gein mechelke dat hiej nog mit mich sjwingk
Zolang es Marejon dao baove hingk

* cd 2001/2002 : de Marotte - "Zittejse Rempetemp" - Ônger Ôs 7401

HOME PLAATSNAMENOVERZICHT HOME

LAOT ÓS GOD DE SJOUT NEET GAEVE
Tekst & muziek: Ben Erkens & Nick van de Burgt
Zang (*) : Anja Bovendeaard

Kiek 'ns om dich haer, dan zuuste wie et geit.
Euveral is aelenj, euveral is leid ?
Dan dènkste biej dien eige: 'Es God wirk'lik besjteit,
waoròm is oppe welt dan zoaväöl haat en neid ?'

Laot ós God de sjout neet gaeve, hae haet et leid neet aangerich
Wat v'r ós aandoon in et laeve, dat vunk aan biej dich en mich.
Hae haet aan ós de mach gegaeve òm te wirke aan gelök.
Same deile in et laeve brunk de leefde nao ós trök.

Veer dènke dat veer weite wie alles waal mót gaon,
mer es et dan verkeerd löp, dan höb v'r niks gedaon.
Dan wieze veer nao baove en gaeve te versjtaon:
'Doe höbs toch zelf gewild, dat et zoa moosj gaon !'

Veer gaon mit krismes kieke nao 't kiendje in de sjtal,
haupe dat God's zoon òs vrede brènge zal.
Hae leerde ós te laeve in vrede euveral,
de leefde op te zeuke, mer biej ószelf veural.

Laot ós god de sjout neet gaeve, mer zelf wirke aan gelök.

* cd 1998 : Diverse artiesten - " Laot de sjterre sjiene " - Marlstone Recordings BV - CDL 9865

HOME PLAATSNAMENOVERZICHT HOME

DE LEEWERIK
Tekst: ? - muziek: ?

Ich lik in 't graas. Laot neemes mich noe sjteure.
De wèndj zelf veil in sjlaop hie, woo ich lik.
En loester nao de leeuwerik dae omhoog-geit.
Kaum hiltj mien oog hööm bie, dat nao hööm kik.

Dat neemes mich òntrentj kump, auch gein veldjmoes,
die kraakend knaagt, gein hoomel en gein bie.
Allein met 'n peepel die me neit heurt fladdre,
op zachte vleugelkes van zie.

De bieë, ievertig wie neemes angesj,
höbbe gei respek veur al waat boete zink.
De hoomel is 'ne broene postiljòng, - mae
Ich woort noots wies droet, waat veur nuuts dae brink.

Laot alles sjwiege wie de blourne sjwiege,
die òm mich haer in 't graas sjtaon, woo ich lik.
Es 'ch loester nao de leeuwerik dae dao wirvelt,
weit 'ch zeeker dat hae mit de bloume sprik.

Laot neemes sjteure woo hae zink. Ich loester.
Hae wit de waeg waal: dae verfaelt hae niet.
Woo achter 't zilvre pöörtje van den heemel,
auch 's Leveneer nao hööm to loestre sjteit.

HOME PLAATSNAMENOVERZICHT HOME

LEIFDE
Tekst: ? - muziek: ?

Leevemuulkes en roozesjipkes, heeliootroop en reuskes rood:
Kèndj, waat kan 't van de leifde wènne ? Leifde is sjterker es Duuvel en Dood.

Vraog mich neit óm et to verklaore; Vraog mich of ich 't zelf begriep.
Kèndj, dien ouge, dien eurkes, dien haore, kèndj, die mundje, zoo ròndj en riep !

Bès doe mich neit van Hie-baove gegaeve, doe, to gout veur mich, to sjoon ...
Weurs doe met erm, ei verlaore weiskèndj, ich aevel riek: eine keuningszoon !

HOME PLAATSNAMENOVERZICHT HOME

PEER (LEIVE SJAT)
1955: Teks: Ad Pfennings - muziek: Giel Laumen
Zang (*) : Frits Rademacher & Marotte Trio & Marottekapel

Marie en Peer vriejde al zoo lang,
Verschtònge zich toch zoo goud,
mer 't wachte maakde 't maedje bang.
en hae zag mer ummer hauwt moud.
Verzörge zal ich dich wie ein prinses,
te wirke houfs doe dan neit mee.
Mer och, nao 't trouwe koum pas de res,
en zòng mich al gouw ooze Peer :

Refrein (2x) :
Leive schat, ich kan 't ouch neit helpe.
Schnubbelke noe kiek toch neit zo schoew.
Zet de kraom noe weier neit op schtelte.
Vruike-leif, wo mòt dat toch nao toew.

Getrouwd zeen veil dan ouch gaar neit mit,
en 't mènke gòng mer op schtap.
Mit Frenske, Lewie of mit Keub of Pit,
woord mennige groote getap.
De meiste kal hauw natuurlijk Peer,
en thoes, zag'r, waar hae de baas.
Met 't vruike ontvòng 'm dan jedesch keer,
mit flinke schlaeg oppe naas.

Mer nao ei tiedje, geer gluif 't neit,
waat woord 't mich Peerke doe raar.
Ein groote verrassching, zoo wie dat geit,
den ooievaar woord me gewaar.
De kluts get kwiet en finaal van schtreek,
zòng hae nog èns dees melodiej.
Want wiejdoe 't knölke in 't weigske keek,
toen telde hae dao: ein, twee, driej.

cd : Marotte Zitterd - " 111 Jaor De Marotte Zitterd en 111 JAOR VLEIGE DE VONKE HIE OET DE PAN " - Onger Os # 7226
* dubbel-cd: 1999 : Omroep Limburg - " Batailles Carnavallade Deel 3 en 4 " - OL54-199901 en OL54-199902

HOME PLAATSNAMENOVERZICHT HOME

LEKKER OP SJTAP MIT MIENE SCHAT
Tekst: Henk Krekels - muziek: Rita Krekels
Zang: Duo Henk en Rita en het vastelaoves koor

Refrein:
Vasteloavend in Limburg, dat is lol, en jederein geit dan oet ziene bol.
Laammaekerie door de ganse sjtad, lekker op sjtap mit miene schat.
Laammaekerie door de ganse sjtad, lekker op sjtap mit miene schat.

De ellefde november begint in eedre sjtad,
de vastelaoves tied, doa haet eeder op gewach.
Den tied van de vastelaovend is dan dao,
de raod van ellef steit dan weier klaor.

Laammaekerie in het dörp en in de sjtad,
de foddele komme eindelijk oet de sjtal.
Auw wiever kommen dan van euveral,
op nao 't Limburgs vastelaoves bal.

Laammekerie, dat is ummer groote sjpas.
Ich trek weier rondj in miene sjluppe-jas.
Hei, doe maske, ich weit niet waeste bes,
doe leus eeder de vastelaoves les.

HOME PLAATSNAMENOVERZICHT HOME

LENTE IN LIMBURG
Tekst & muziek: Jo Erens

Es de blaedjes komme oet, en eine maelder zien neske boewt,
dan is't lente, lente in 't landj.
Es eine nachtegaal dao fluit, en 't eesjte blömke bluit,
lente, lente oet en thoes.
Eeder jaor opnuuj, dat wonjer van nuut laeve in boum en sjtroek.
Jeeder jaor, waat ich bewonjer, es al die sjoonheid weier ontloek.

Es keuning wèntjer, vluchte mòt gaon, omdat dao zonnesjtraole sjtoan,
aan einen heemel zoo blauw en zoo wied.
Es ich die frisje lòch wei'r ruuk, es weier laeve kump en buim en sjtruuk,
dan is't lente, sjoone lentetied.

HOME PLAATSNAMENOVERZICHT HOME

DE LÈSTEN DANS
1955: Tekst & muziek: Toon Hermans
Oetveurende 1 (*) : Toon Hermans & G. van Soest(piano)
Oetveurende 2 (**) : ?

Ich heur 't meziekske sjpele 'sjnachs op 't bal.
Ich heur 't meziekske sjpele en kleure euveral.
Dao zit dat aardig maedje, wo ich al lang op wach.
Zal ich 't waoge, zal ich 'm vraoge en dan zèng ich zach:

Refrein:
Gaef mich dae lèsten dans van dich, doe maedje .....
Doe mit die uigskes in dat gezich, doe, doe maedje .....
Gaef mich dae lèsten dans van dich, auch al dans ich neit goud.
Alles is bòntj, alles dreet ròndj,
ich zeen dien ouge, dae lachende mòndj.
Engelkes zènge veur mich: Gaef mich dae lèsten dans van dich !

Ich bèn door de sjtraot gegange, 'sjnachs nao dat bal.
Ich zeen nog die blozende wange en sjtèrkes euveral.
Veer sjtònge toe tesaame ònger eine boum.
'ch Höb mer gezjwege, e' muulke gekrege, 't waar wie einen droum.

* dubbel-cd: 1999 : Omroep Limburg - " Batailles Carnavallade Deel 3 en 4 " - OL54-199901 en OL54-199902
* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv

HOME PLAATSNAMENOVERZICHT HOME

DE LÈTSTE HIPPIE
Tekst: Harry Sillen - melodie: "Laat mijn zonnebril zitten" (Shel Silverstein)
Zang (*) : Hay Sille en 't Volluksmeschien

In ein hoes in Mestreich, zonger wermte en leich, loug de letste hippie op sterve.
Eine zonnebril op, zodat neemus koosch zeen wat er noe dach, zoog of veulde.
Al de junkies en zervers, de toekomstige ervers, die zoute heel stil rondj d'r Lei.
Hee noum nog ein trek van zien letste sigaret en dit zeen de wurd die hee zei:

Stuur mien ketting thoes noa Mam, geef mien t-shirts mer weg.
Verbren mien gitaar, doon ut noe maar, want spele, dat koosch ich mar slech.
Ut daak van dit kraakpandj is kapot, mer de huur hub ik nooit betaalt.
Num mien piep, miene hasch en mien boks auch al is ze get vaal.

Refrein:
Mer loat miene zonnbril zitte, loat miene zonnebril op.
Ich wil, heel gaaf, deip in ut graaf, mit de zonnebril op de kop.

Hee zei: Geef mien groepies allemool weg, joa, ich ken ze aanbeveele.
Want noa lang en intens gebroek zin ze nog lang neit verslete.
Maak mich ein graaf, neit wiet van de Maas en loat mich rock-muziek heure.
Jederein high op ut moment dat ich 'die', joa, zo mot ur gebeure.

Veer gooide zien kleijer oet ut raam, de ketting ging auch noa beneje.
Veer verkochte de gitaar in ein bar aan eemus dee ech koosj spele.
Veer roukte ziene hasj en hauwe veul spas mit Ria, Marij en Marlies.
En Jan kreeg zien plaate, Jo kreeg zien beuk en de bril heet noe gekke Dries.

* lp 1983 : Hay Sille en 't Volluksmeschien - "Blow graas" - Marlstone Recordings bv - MARL 198316

HOME PLAATSNAMENOVERZICHT HOME

LEWIS VAN SJEER
1989: Tekst & muziek: Math Niel
Zang (*) : ?

Lewis van Sjeer, dat waar ein bietje dik,
dat hauw auch heel get weffelkes gesjlik.
Doabie koosj het dan auch noch lekker kaoke,
en sjmiddigs auch nog aevekes get sjlaope.
Mer koum de vasteloaves tied weir aan,
dan dach Lewis: en noe d'r taegenaan.
Want mit vööl sjpas an lol en auch alaaf,
vlooge biej Lewis de kiloos d'r van aaf,
vlooge biej Lewis de kiloos d'r van aaf.

Refrein:
Mit vastelaovend trèkste door de sjtraote,
mit vastelaovend blifste gaar neit thoes,
mit vastelaovend houfste neit te kaoke,
mit vastelaovend itste oppe voes.
Auch al höbste noch zoovööl in hoes te doon,
lap die drie daag dat mèr effe aan dien sjoon.
Mit vastelaovens trèkste door de sjtraote,
mit vastelaovend blifste gaar neit thoes.

Mit Sjeer ochèrm, dao waar 't angesjóm,
zoo maager wie d'r aan d'n aove sjtóng.
Hae waor dan auch bekénd es werme bekker,
want jederein vónj zien gebeks zo lekker.
Mer koum de vastelaoves tied weer aan,
dan wao hae mit Lewis toch de banaan.
Dan moosj hae mit of hae noe wol of neit,
auch al waor d'r noch gét vóchtig van de zjweit,
auch al waor d'r noch gét vóchtig van de zjweit.

* cd (1991) : " In Zitterd is get oet ! " - De Marotte Zitterd - Ónger Ós # 7201

HOME PLAATSNAMENOVERZICHT HOME

DE LIESTER RUIP
Tekst: ? - muziek: ?

De kònkernölle-hèk is oetgeloupe.
't Zeen loeter knupkes b1uiënd gael en good.
Ich hear van vruig pès laat de liester roupe,
die achter in de bòsj versjtaoke zout.

Dat zeen de teikes van ein anger laeve,
beduut òs alles weir ei nuu begin.
Noe geit April zien gael-gruin vaole waeve;
Paosjklokke loeë 't groot gebeuren in.

De sjnee is van de kleever weggekraope.
In 't hoot, woo kètjes hange, ruitt et zich.
Kòm, alle veljer ligge veer dich aope.
Kòm, Vruigjaor, alle veugel wachte dich.

Kòm, Vruigjaor, kòm: veer höbbe dich zoo neudig.
Doe maaks mit alle zörg en leid gedaon.
't Is veur 'ne minsj genòg aan dich to dènke,
om wie de bloumen aop' te gaon.

HOME PLAATSNAMENOVERZICHT HOME

LIMBURG ALLEIN
Oëtgebrach door Jo Erens
Oetveurende 1 : Frits Rademacher
Oetveurende 2 (*) : Klumkes Blumkes
Oetveurende 3 (**) : 2-Extra
Oetveurende 4 (***) : Beppie Kraft

Dao woo ich gebaore bén, woo mien auwesjhoes nog sjteit,
de taal, die ich nog zoo goud kén, woo'ch hauw mie leif en leid.

Refrein:
Dat is mie Limburg, Limburg allein.
Dao geit niks baove, zoo is ter mer ein !
Es mien auwt Limburg, Limburg allein.
Dao geit niks baove, zoo is ter mer ein !

Gaon ich nao de vraemde haer of wied oet Limburg weg,
heur ich ummer toch zoo gaer 't goud, 't kaod, 't sjlech.

Zuik ich mich ei maedje oet, is dat ei Limburgs kéndj.
Dao woo ich zoo op vertroew, en nurges baeter vénj.

* cd: Klumkes Blumkes - "Kom-kom" - Ónger Ós CD 7235
** cd 1996: Diverse artiesten - "Veur de pap" - Limbo Music - JLCD 043
*** cd 2001 : Beppie Kraft - " Zingend door 't leve " - Marlstone Recordings bv

HOME PLAATSNAMENOVERZICHT HOME

LIMBURG IN MEXICO
Tekst & muziek: Guus Steinen
Zang (*) : Kartoesj

'Sjtèl dich veur dat ôs Limburg in Mexico loag,
hoal dich dat noe 'ns zoa veur de geis.
Datste zo van 't ein op 't anger moment
örges wiet weg in Mexico sjteis.
Edren daag woar 't werm, dat woar gans normaal,
ooze mert woar "plaza Mexicana"
en waat noe niet koam, nou dat koum mörrige waal,
joa dat zoage ver waal weier "mañana" !

En dan reipe veer : " aayayayayay, ayay Maria !!"
Ayay Caramba, Wo blif d'n ober met d'n tequilla
Dan reipe ver ayayay, wo blif 't beier,
en zou veer bie die hitte dao zitte te pitte van twee pes veier.

"Signorita" neume ze 'n môchel van dao,
en "signora" dat is doa de Mam
es die koak sjteit de paeper en paprika kloar,
en de pap sjteit dan in vuur en vlam.
want dao goof 't gein zoervleisj of sjpek met 'n ei ,
mer borito's en cactusse sop
en ver leipe dao allenej rondj met 'n sjpreij
en 'nne grote hood oppe kop

't goof geine Zef, geine Fer, geine Math of Lewie geinen Toon doa.
Die heisjde : Joseppe, Mathias, Fernando, Luiz en Antonio
En ônger d'n optoch haw veer gein kaw vuit gein kaw henj gein kaw ore
Want veer heile os vas ôngerein en ver wermden os met amore.....

* cd 2001: Kartoesj - "Tam-tam" - Marlstone CDL 2044

HOME PLAATSNAMENOVERZICHT HOME

LIMBURG LAOT GAO
Limb.teks: Anja Bovendeaard - melodie: "Kölle los jonn"(Marie Louise Nikuta)
Zang (*) : Anja Bovendeaard

Refrein:

* cd 2001 : Diverse artiesten - "Van Eijsde tot de Mookerhei 8" - Marlstone Recordings bv CDL2101

HOME PLAATSNAMENOVERZICHT HOME

LIMBURG, MIE LANDJ
Jo Erens & Thur Laudy
Gezônge : Frits Rademacher
Gezônge 2(*) : Jo Erens

Déks kóm ich nog trök, al is 't nao jaore,
woo'ch sjpeelde, mien vrunj hauw en ouch bén gebaore.
Woo mooder in 't Limburgs vertélselkes lous,
die ich dan dernao nog éns opzegge mous.
De taal die ze leerde, die gouf ze mich mit,
en die me vanzelf dan ouch nooits mee vergit.

Refrein:
Al is hie gein zee, gein duune, gei sjtrandj,
toch hauwt ich van dich, mie Limburg, mie landj.
Want woo ich ouch kóm of woo ich ouch woon,
doe Limburg, mie Limburg, doe sjpins toch de kroon.

En zeen ich dien buim in ´t veurjaor wei´re bluije,
es de haver, de terf en ´t kaore geit gruije,
dien weije vol blömkes, zoo wied es me zut,
dan is 't ei sjpreukske, waat Limburg ós böd.
En zénge de veugel dan ouch nog hun wies,
dan bés doe veur mich ein aardsparadies.

En tref ich ze weijer, die troew auw gezichte,
woo'ch maonje derveur mich zoo op kén sjpichte,
dan zuik ik de plaetsjkes, woo'ch vruiger haer gong,
dao ónger dat bömke, woo't bénkske éns sjtóng,
en kiek nao den hemel, zoo helder, zoo blauw.
Mie leif Limburgs landj, dat vergaet ich neit gauw.

* cd: Jo Erens - "Jo Erens, Limburg mie landj"
* cd 1996: Diverse artiesten - "Veur de pap" - Limbo Music - JLCD 043

HOME PLAATSNAMENOVERZICHT HOME

'T LIMBURGS MAEDJE
Tekst & muziek: Frits Rademacher
Gezônge (*) : Frits Rademacher

Refrein:

cd : Frits Rademacher - "Het beste van ..." - Telstar TCD 100.736-2

HOME PLAATSNAMENOVERZICHT HOME

DE LIMBURGSE TROUBADOUR
Tekst & muziek: Frits Rademacher
Gezônge (*) : Frits Rademacher

Refrein:

cd : Frits Rademacher - "Het beste van ..." - Telstar TCD 100.736-2

HOME PLAATSNAMENOVERZICHT HOME

LOEËNDE KLOKKE
1959: Limb. tekst: Frits Rademacher - muziek: Johnny Hoes
Oetveurende 1 (*) : Frits Rademacher
Oetveurende 2 (**) : Klumkes Blumkes
Oetveurende 3 (***) : FietseFreem

Dao baove in den tore, dao hange ze biejein,
de zoo vertroewde klokke, de grote en de klein.
De klein brink ummer bliedsjap, de grote sóms ouch leid.
De wéndj zörg, dat 't gebeijer wied euver véljer geit.

Refrein:
Loeënde klokke van Limburg mie landj,
Loeënde klokke versjterke de bandj.
Laot ós éns heure, waat sjteit te gebeure.
Loeënde klokke van Limburg mie landj.
Bim-bam, bim-bam, klokke van Limburg mie landj.
Bim-bam, bim-bam, klokke versjterke de bandj.

Die sjoon klinkende klanke, veer heure ze zoo gaer.
Ze wille ós begleije door gans oos laeve haer.
En went de klokke sjwiege, dan is 't sjtil en kaal.
Veer wachte dan verlangend wei'r op die klokketaal.

cd : Frits Rademacher - "Het beste van ..." - Telstar TCD 100.736-2
** cd: Klumkes Blumkes - "Kom-kom" - Ónger Ós CD 7235
*** cd (1986) : FietseFreem - "Tendum" - Marlstone 0909103 CD

HOME PLAATSNAMENOVERZICHT HOME

LÖK 'T AL EIN BIETJE ?
2002/2003 nr.4 : Tekst & muziek: Thei Wessels
Zang: Leon Beursgens & Thei Wessels

Diena sjteit dèks oere lank te braggele,
tutte veur de sjpeigel en te waggele.
Huidje op en huidje aaf,
en dan ruip Haarie gans besjaaf......

Refrein:
Lök 't al ein bietje, Diena,
eer ich mit dich de sjtraot op maag ?
Is 't knudde mit ein rietje, Diena,
of wurd 't toch nog get vandaag ?
Noe laot èns gaon, en gaef ein sjtruip.
Van dat wachte krieg ich drie daag knuip.
Angesj gaon ich daalik oppe luip,
mer zo wies dich dao zeen d'r huip ! (2x)

Lèts sjtóng Diena weier get te treuzele,
op 't Prinsebal veil get te peuzele.
Mer wie Diena zag: "Veer gaon",
waar 't beffèt al lang gedaon......

Haarie sjteit de hauven tied te sjlungele,
Diena mót nog aan häör haore klungele.
Vastelaovend doert gesjtaag,
veur die mer òngerhauven daag......

cd 2002/2003 : Marotte Zitterd

HOME PLAATSNAMENOVERZICHT HOME

MAAG ICH
Tekst & muziek: W. Jongen

Ich trof èns ei maske, dat waar sjoon verkleid.
Wae dat doe waar, weit ich nog neit.
Dat maske dat sjpeelde de kloun toch zoo sjoon.
Ich vroug aan dat maske, wie mòste dat doon ?

Refrein:
Maag ich veur eine keer 'n urke bie dich in de leer.
Doe maaks zoo'ne sjoone sjpas, doe bès nog van 't auwt Zittesj ras.
Maag ich veur eine keer 'n urke bie dich in de leer.
Doe höbs nog dat laammaekesj bloud,
daorom kèns doe dat sjlachte zoo goud.

Noe loester èns jungske, noe loester èns hiej.
Zèt dich èns aeve, hiej aan mien zie.
Doe bès toch van Zitterd, doe heurs toch bie òs.
Es doe neit kèns sjlachte, dan maak ich drèk sjlòs.

HOME PLAATSNAMENOVERZICHT HOME

MAAK MICH GEK
1999/2000: Tekst & muziek: Marc Webers & Thei Wessels
Uitvoerende (*) : Michéle Tummers & Geert Cremers

de jòng:
Ich leip gans allein door de sjtraote.
De vastelaovend dae waar sjus begoosj.
Doe höb ich dat maedje gesjaote,
't waar sjus of ich 'm urges van koosj.
En in mien fantesie waar ich zo vrie,
en zag ich geweun taege zie ...

Refrein:
Maak mich gek ! Maak mich gek !
Dan kriege veer zo eine daag.
Maak mich gek ! Maak mich gek !
Dan waere veer lekker van sjlaag.
Dit is d'n tied van de ganse daag danse.
D'n tied van: Niks mòt alles maag.
Maak mich gek ! Maak mich gek !
Dan kriege veer zo eine daag.
Maak mich gek ! Maak mich gek !
Dan kriege veer zo eine daag.

't maedje
Ich leip gans allein door de sjtraote.
Inèns, doe kiek ich dae jòng in 't gezich.
Doe koosje ich 't ech neit mee laote.
Ich dach: Dae laammaeker dae is veur mich.
En wie dae leive jòng zo veur mich sjtòng,
doe dach ich neit langer en zòng.

* cd 1999/2000 : Marotte Zitterd - " De fraaje mit de medaaje " - Onger Ós 7366

HOME PLAATSNAMENOVERZICHT HOME

'T MAEDJE VAN ST. JOEP
2002/2003 nr.3 : Tekst & muziek: Lei Meisen

Refrein:
St. Joep, St. Joep, ´t maedje van St. Joep.
ze leip dao te flaneiere, mien hart góng flot marsjeiere.
St. Joep, St. Joep, ´t maedje van St. Joep.
De lupkes rood, ´n hart van goud.
Mien hertje sjloug bloeb-bloev.
St. Joep, St. Joep, luvvudduh

Dokter, dokter, ich höb pien.
Neit in mien lónge, neit in mien derm,
en koorts is ´t ouch neit, mien lief is neit te werm.
Mer mien haert dat is gebraoke,
en mien bloud begint te kaoke,
door dat maedje van St. Joep.

Kalle, drènke, waat ´n pien !
Waat waar zie ´sjarming´, waat waar zie cool.
Ze lachde, ze sjtraolde, ich gouf häör flot ein moel !
Mer mien hart is doe gebraoke,
en mien bloud begoosj te kaoke.
Mer mien hart is doe gebraoke,
ich zou häör nootsj mee zeen.

Dokter, dokter, ich höb pien.
Ich zit te druime, ich bèn van sjlaag,
ich zit hiej te bale, ´n sjtök in de kraag.
Want mien hart, dat is gebraoke,
en mien bloud is flink aan ´t kaoke.
Want mien hart, dat is gebraoke,
door dat maedje van St. Joep.

St. Joep, St. Joep, ´t maedje van St. Joep.
Ze leip dao te flaneiere, mien hart góng flot marsjeiere.
St. Joep, St. Joep, ´t maedje van St. Joep.
Auf Wiedersehn, Auf Wiedersehn, doe maedje van St. Joep.

HOME PLAATSNAMENOVERZICHT HOME

MAEDJES ZAT!
Idee: Ingo Insterburg - trad./bewerking: Guus Steinen
Zang (*) : Kartoesj

Veer kende maedjes, zat
dan woar 't dit, dan waor dat
de richtige die vông'ver mer neet,
neij, vriegezel zin vilt neit mit

veer kende 'n maedje in Wessem, die haw hoare wie 'ne helle bessem
veer troffe 'n maedje in Ell, "die wou niet", maar wij wouwe wel !!!
veer koosjte 'n maedje in Amby, doa woar allezelaeve de mam bie
en dan haw'ver nog die in Bunj , ewig zunj !

ver kende 'n maedje in Doonder, die wos 't versjil niet tossje hane en hoonder...
veer trôffe 'n meid in Ternaaje, tja...wie oogste wil die moet ook zaaie...
veer koosjte 'n maedje in Buchte, die koosj'te zelfs met z'n zösse neit luchte.
en dan haw v'r nog die in Sjtein, waat 'n bein !!

Veer kènde 'n maedje in Sjömmert, die haet os drek op 't bakkes getummerd
veer troffe 'n meid in Nuujenhage, die haw bie 't peune de bril drek besjlage
die oet Horst die koos os bevalle,mer die wou niks, die wou d'r neet ens euver kalle
en dan haw 'r nog die in Baek: 3 keer per waek !!!

veer kende 'n maedje in Klumme, die niks aan haw ônger 't humme
veer troffe 'n maedje in Mokkebummele, die vong ôs mer pummele!
veer koosjte 'n maedje in Vlodrop , die haw 'ne tattoo met ome Jo d'rop
En dan haw' v 'r nog die in Ech...gaw eweg !!!! (Gank gaw weg)

toen prebeerde ver 't mer èns ,
hiej in Belsj euver de grens

veer kènde 'n maedje in Lommel , dat woar nondendjuu geine klômmel
veer trôffe Josefien in Mechel aan de Maas, waovan noaderhand bleek dat dat Josef waas
ver koosjte 'n meid in Houthale, mer dat waor niks die leet ôs betale
en dan haw ver nog die in Leut,............... zo'n veut

veer kende 'n maedje in Weijer, die zag wat môt ich met zes van zo'n eier.
ver troffe 'n maedje in Kaulille die van Kaulille die zou ver waal wille
Veer koosjte 'n maedje in Tiene , die alle nummerkes koos van 't kiene .
en dan haw ver nog die in Peer ........toch neet alweer !!!

* cd 2001: Kartoesj - "Tam-tam" - Marlstone CDL 2044

HOME PLAATSNAMENOVERZICHT HOME

DE MAM
1965: Teks: Francine Rutkowski-Ehlen - muziek: ?

Zolang este dien mam nog höbs,
kénste ouch nog gelök
Want jeder dae ze misse mot,
haet ze toch gaer weier trök

'n Mooder zörg toch daag en nach,
zonger te vraoge wie of waat
Zuut dien probleme, soms te vruich,
mer zeker niet te laat
Ze leet dich vrie, vingk alles gout,
zolang 't dich niet sjaat

Wilste soms dien eige laeve,
en dien mam verlaote gaon
Ongemirk mit al höör leifde,
zal ze bie dich blieve sjtaon

Mer is èns d'n tiet gekomme,
dae God ouch veur höör besjlis
Zal elk kénjt toch ongervénje,
wie onmisbaar mooder is.

HOME PLAATSNAMENOVERZICHT HOME

DE MAM
2003/2004: Tekst: Wil Frenken - muziek: Leo de Bruyn
Zang (*): Wil & Annie

Refrein:
De Mam van os vergaet dat neit
is goud waerd
Hauwt die in eer zolang dat zie
hie laef
De kenjer zeen veur de Mam
toch alles waerd
Jao 't sjoonste op dees aerd

Es kenjd sjöng zie ummer
veur os klaor
Dat waar dan veur häör
gaar gein bezwaor
Zo sjtong zie s'morges vruig
al veur os op
Dan woort ein eike veur os
al geklop
Zie deich dat dan
mit vööl plezeier
Zo sjoon en zo fien
op häör maneier

De Mam blif veur os
't middelpunjt
Dat höbbe veer häör
altied gegunt
Veur os hauf geer neit
meer te wirke
Dat laote veer Uch
noe waal mirke
Veer wille Uch
laote versjtaon
Mam bedank wat geer
veur os höb gedaon

* cd: Wil & Annie - "Elluf!" - Marlstone Recordings bv - CDL9308

HOME PLAATSNAMENOVERZICHT HOME

DE MAON VAN KRETA
Limb.tekst: Wil Frenken - tekst & muziek: L.de Bruyn, H.van Wiggen & J. Adriolo
Zang: Wil & Annie

Refrein:
De maon sjtong helder baove Kreta
en sjeen zo op ’t palme sjtranjd
Ich hauw de henj vol aan Greta
Mien hart sjtong veur häör in branjd
De maon sjtong helder baove Kreta
En in de wiejte klönk heel zachwaal
Waal doezend kere Hoppa Hoppa
Door die wönjerlikke nach

Ich vrouch aan höär wat dat beteikend
Dat Hoppa klönk mich zo verdach
Ze zach dat is om aan te gaeve
Daste mös door gaon de ganze nach

Ich zoug die nach allein mer sjterre
’t zanjd waar noe os hemelbed
en dao höb ich mit Greta saame
de puntjes op de i gezat

HOME PLAATSNAMENOVERZICHT HOME

MARIE DE PARIS
1988/1989 nr.1 : Tekst & muziek: Jan van Daal & Arno Rutten

Refrein:
Marie, Marie, oos Zitterd is neit wie Paris.
Mais oui, Marie, 't is noe Vastelaovend hie.
Kòm mit mich mit, dan zuus doe a la France
De maedjes danse, jònges sjanse mit charmance.
De maedjes danse, jònges sjanse mit charmance.

Marie, ein sjoon Francaise, 't koum gans oet Paris,
en tròf mit Vastelaovend ooze Zittisje Lewie.
Lewie waar gans verpòpzak, en keek èns òm zich bie.
Marie woor get aan 't sjanse van mon amour cherie.
Lewie zag: "Belle Marie, noe loester toch èns hie"

Vastelaovesgekke, die danse de Can Can.
Auw wiever, kloune, hoeraes, die sjprènge oppe wal.
Lewie mie mon amoure, miene leive man,
dit is aevel sjoonder, nog sjoonder es Pigalle.
Ich blief bie dich cherie en zèng dan aan dien zie.

cd : Marotte Zitterd - " Hie brent de lamp " - Onger Os # 7262

HOME PLAATSNAMENOVERZICHT HOME

MARITSEBIL
Tekst & muziek: J. Schelberg

't Maedje waat ich wil dat heisj Maritsebil.
Wie ich 'm gister zoug, doe pitsjde 't ein oug.
't Sjtòng doe sjus allein, ich raapde mich bie-ein.
't Gòng 'm òm to be or not to be,
zo kump 't dat ich noe dan mit 'm vrie.

Refrein:
En wit'ste waat ich wil, mie leif Maritsebil.
Ich wil van dich zo gaer ei muulke mit dit waer.
Al geit 't wie 't geit, dat muulke laot veer neit.
Ei muulke oppe rechse wang, ei muulke oppe lènkse wang,
zo hauwt veer òs get aan de gang, ich höb 't toch zo gaer.

't Waar doe effe sjtil, dat leif Maritsebil.
't Haw noch niks gezag, doe sjoot 't in de lach.
't Zag: "Dae sjnor van dich, dae jeuk in mien gezich.
Schaer estebleif dat kwispelke d'raaf".
Wat wilste, este vries dan beste braaf.

HOME PLAATSNAMENOVERZICHT HOME

MAROTTE-KÈNJER
1997: Tekst & muziek: Guus Steinen
Zang (*) : ?

Refrein:
Veer zeen alleney Morotte-Kènjer, veer louge in de gouwe weig.
Veer zeen alleney Marotte-Kènjer, in Zitter zoug ' v'r veur 't eesj 't laeveslich.
Veer zeen alleney Marotte-Kènjer, in ooze lòtsj dao zout dae richtig gouwe geis.
Doe zuus 't hie, al bès te blèndj, in Zitterd weyt 'nne gouwe wèndj.
Ich ben en blief ei richtig Zittisj Keèndj, doe zuus 't hie, al bès te blèndj.
In Zitterd weyt 'nne gouwe wèndj, ich ben en blief ei richtig Zittisj Kèndj.

D'n tied veur vastelaovend, jao, dan rammelt dich de pens,
dat is zo'n gevuil daste gegarandeiert waal kèns.
Dan druimde veer 't sjnachs al dat 't vastelaovens waas,
veer zeen òs dan al loupe mit 't maske en de naas.
Waorom valle òs sjnachs toch al die sjoone dènger in ?
Dat kump òomdat v'r alleney Marotte-Kènjer zeen.

Noe kòm ich auch de letste tied gereegeld in 'n sjtad,
die nootsj zo'n hooge patsj van òs in Zitterd haet gehad.
Die höbbe noe get woo me dao 't leifste euver zjweig,
die lègke al hun kènjer eesj in Zitterd in de weig.
Dus kòmme in die sjtad noe ouch Marotte-Kènjer veur,
zodat ich dao gereegeld ouch dit Zittisj leidje heur ?

* cd (1997/1998) : Diverse Artieste - " Door 't dölle haer " - Marotte oet Zitterd

HOME PLAATSNAMENOVERZICHT HOME

DE MAROTTE SIRK TREK WIEJER
1993: Tekst & muziek: Math Niël
Zang (*) : ?

Refrein:
Jao, de Marotte-Sirk, dat höb geer goud gemirk,
Dae trèk weier wieër door 't Zittisj landj.
Nao hònderd-ellef jaor, sjtaan ze noch ummer klaor,
en zörge veur dae gouwe bandj.
En door de eeuwe haer, doon zie dat ummer gaer,
en haope dat nog lang te kènne doon.
Veur òs awt Zitterd, dat ummer nog sjitterd.
En zo mòt 't blieve, jao dan is 't goud.
Veur òs awt Zitterd, dat ummer nog sjitterd.
Jao, dan is 't pas goud.

Auwt wieverbal, vööl sjaele kal, mòmmegezich, leifste sjoon wich,
kòm toch èns hie, en maak òs blie.
Heel vööl lol, heel vööl sjpas, doot 't waal gepas.
In de gats, oppe sjtraot, dan kènt 't gein kaod.

* cd (1993) : " De Marotte sirk trek wiejer " - De Marotte Zitterd - Ónger Ós # 7250

HOME PLAATSNAMENOVERZICHT HOME

DE MAROTTE ZULLE LAEVE
1882: Tekst: Salomon Ossendrijver - muziek: de oude tante

Kòmt jònges alleney,
Zèngt dideldòmmeldey,
’t is vastelaovesvreugd,
In alle eer en deugd;
Veer make òs plezeier,
En drènke Beijesch beier,
En zènge löstig keer op keer:

Refrein:
De Marotte zulle laeve,
Os bliedschap gaeve,
Geheel oos laeve.
De Marotte zulle laeve,
Os bliedschap gaeve,
Jaor op Jaor

Vastelaovend is zoo waor,
De schoonsten Tied van ’t jaor,
Dan schteurt gein zorg òs neit,
Gein leid en gein verdreit;
Dao wurd bie daag en nach,
Geschprònge en gelach,
En gezònge oet alle mach:

’t Saoves schoon verkleid,
Wie jònk en auwd dan deid,
Mit ei maske veur ’t gezich,
De parepluuj gerich;
De leifstes gaon, joechhee,
Dan mit nao ’t bal masqué,
En die zènge dan mit òs mee:

Es eemes schikaneirt,
Of waal zich chagrineirt,
Dam kump de ganse kraom,
En maken ‘m get laam;
Hae wurd zoolang omrink
Bès dat de kwint ‘m schprink,
En hae endjilings mit òs zink:

De waorheid zèkke veer,
Mèr op ein schoon maneir,
Schikaan kump noots te pas,
Veer make niks es schpas;
Dae dat neit lieje kan,
Dat is neit ooze man,
Dat dae zich mèr in bed lèk dan:

Dat wurd noe jeder jaor,
Nog löstiger zoo waor,
De nuuje sosjeteit
De Marotte zeen gescheit;
Zie schaffen òs plezeir,
Einen optoch en nog meer,
Daoveur zènge veer noe hun ter eer:

HOME PLAATSNAMENOVERZICHT HOME

MASKE OP
2006 nr.3: Tekst & muziek: Maurice Indemans
Zang: Ryanne Maessen & Maurice Indemans

Refrein:
Maske op en maske aaf
Mit dees daag ruip me alaaf
Geschjmink mit bonjte kleure
Loupe veer weier noa veure
Maske op, maske aaf
Mit dees daag ruip me alaaf
Geschjmink mit bonjte kleure
Waat kent os noe noch gebeure

In november begint ’t bloud sjneller te sjtruime,
Höb ich allemaol vasteloaves-druime.
Mien hart dat geit alweier sjneller sjloan
verkleid zouw ich ’t leifs de sjtroat op gaon

Krismes is veurbie noe geit ’t richtig loos,
Kleier kenne oet de vasteloaves doos.
’t Maske op, pruik der boave op,
Went zonger haos höbs dich ein kalle kop.

Es ze komme die daag zeen veer ram van sjlaag
Maske op maske aaf, jao alles maag.
Kom doon noe mer mit euch alle mit,
‘t is veurbie jao veur dat geer ut wit.

HOME PLAATSNAMENOVERZICHT HOME

MASKE, MASKE KOM ENS HIEJ
M. Niël

Al waeke prakkezeier ich weier, wat doon ich toch weier aan ?
't Veurig jaor waar ich zo sjoon verkleid es ein banaan.
Mer wie d'r wit, dat fruit van doe dat hiljt zich neit zo lang,
en noe mit die banaan op sjtraot, dat sjtink waal ben ich bang.

Refrein:
Maske, maske, kom ens hiej, kom ens hiej.
Maske, maske, ich ben zo bliej, ben zo bliej.
Doe bes sjoon verkleid, dat is waat mich get deit.
Maske, maske, kom ens hiej, kom ens hiej.
Maske, maske, ich ben zo bliej, ben zo bliej.
Drie daag saame oet, drenk dich dien beier ens oet.

De eesjte toone heur ich al, ich hawt 't neit meer vol.
De sjoone tied is weier dao, d'n tied van sjpas en lol.
Noe gauw nao baove in die doos, ich trek mich mer get aan,
ich mot verkleid de sjtraot opgaon, al is 't es banaan.

HOME PLAATSNAMENOVERZICHT HOME

DE MAROTTE ZULLE LAEVE
1882: Tekst: ? - muziek: ?

Refrein:

HOME PLAATSNAMENOVERZICHT HOME

MEERT
Tekst: ? - muziek: ?

Es Sint jozep weir gewanjeld kump, mit ziene leeliesjtaaf,
is 't vruigjaors-laeve òs naobie, en de wentjer geit berg-aaf.
Dan wurt et ònger de hègge gruin, van 't vregste en vruigste kroed.
En muske-sjtil en òngemirk kòmme dan de fieulkes oet.

Dao höb ich de maelder noe al geheurd, en auch geit do leeuwerik up.
Verzaamelt twelfderlei jònk gruin, veur mooders Apostele-sòp !
Klop kleier en karpètten oet, en door de sjtouf aan kantj:
Sint Jozep mit ziene leeliesjtaaf, geit lachend weir door 't landj.

HOME PLAATSNAMENOVERZICHT HOME

MEIMAONDJ
Tekst: ? - muziek: ?

De peisje bluië, de paere, en de eppel blieve neit oet:
Of sjnee bluide, wo veer met kieke. Wae is de gelokkige Broed ?
Veer danse mit krens in de haore, Mit bloume ròntjelòm:
De Broed in 't wit is 't Vruigjaor, en de Zon is de Broedegòm.

De broelof zal waeke doere: van Paosje tot Sint Jan.
De maon sjteit van wiets to loere, en de nachtegaal wit d'rvan.
De nachtegaal zink veur de sjtarre, es den daag in 'nen droum vergeit:
En neemes van òs, dae leifhaet, dae dat nachgezank neit versjteit.

HOME PLAATSNAMENOVERZICHT HOME

LA MELODIA
Tekst: ? - muziek: ?
Zang (*) : Anja Bovendeaard

Refrein:

* cd 1998 : Anja Bovendeaard - "Ich wil de welt ens zeen" - Marlstone Recordings

HOME PLAATSNAMENOVERZICHT HOME

MESJEU
Tekst & muziek: Vief Naaze

Refrein:
Mesjeu, mesjeu, de hondj van uch haet vleu.
Mesjeu, mesjeu, dat venj ich gaaroet neit charmant.
Mesjeu, mesjeu, noe sjprenge mich die vleu,
van diene drèksbaks-hondj op miene reu.

Es ich 't s-aoves mit hööm wanjele gaon, en hae geit taege ziene sjtamboum sjtaon,
dan zeen ich zuuver dat daen hondj erg lit, es hööm zo'n beesjke bit.

Vous permettez mesjeu, daen hondj van uch is geine leuke,
went in de kamer en de keuke, lik hae zich daag en nach te jeuke.

Vous permettez mesjeu, wilt geer daen hondj van uch ens kratse.
Tösje de oore en de batse, veur dat hae 's-aoves oet geit jatse.

HOME PLAATSNAMENOVERZICHT HOME

MESTREICH
Tekst: ? - muziek: ?

Mestreich, doe sjtad en sjtar van 't Landj van Limburg,
doe mirgel-sjtad vol aauwdheid, prach en prònk.
Woor-ste ouch al gries wie zilver, nao vööl eeuwe,
alaevel sjteis-to in blui en bleef-ste jònk.

Waat kan zich mit Maasbrök en Vriethof maete ?
Doe bès gebeiteld door artiesten-handj.
Wae dich gezeen haet, kan dich neit vergaete.
Karbonkelsjtein, doe Keuningin van 't Landj.

De Maas geit wie ein sjtraot van sjtaol en zilver,
aan dich verbie, aan wal en vestingmoer.
Die vèldj rondjòm, besjtruid mit bòntje dörper,
is wie 'n karpèt van loeter gruine floer.

Woo 'ch nao de klokke loester van then teures,
sjprik hun meziek mich van legenden-tied.
En vruiger daag. - Mer glans en faam bleef laeve:
Dien Sjtar blif sjtraole sjeite, wied en zied.

HOME PLAATSNAMENOVERZICHT HOME

MIDDE IN DE NACH
Tekst & muziek: Vief Naaze

Midde in de nach, dan is 't duuster.
Midde in de nach, heurt me gefluuster.
Midde in de nach, opens ei groot kabaal.
Midde in de nach, dan loupe zaate,
midde in de nach, die ganse laate,
midde in de nach, die maake groot sjandaal.
Midde in de nach, dan zuik de kat de kater.
Waat d'r auch van kump, dat is ein zörreg veur later.
Midde in de nach, haet de pap weier las,
kent de man neit sjlaope want dao sjtik ein vaer oet de matras.
Jao, midde in de nach, dan zaet de pater,
midde in de nach, ich bae mich later.
Midde in de nach, dan wil ich sjlaope gaon.

HOME PLAATSNAMENOVERZICHT HOME

MIE ZITTERD
Tekst: Thuur Laudy - meziêk: Jo Erens

Dèks kòm ich nog trök, al is dat nao jaore,
woo ich schpeelde, mien vrunj hauw en ouch ben gebaore.
En mooder in 't Zittesch vertèlselkes lous,
die ich dan d'r nao nog èns opzeèkke mous.
De taal die ze leerde, die gouf ze mich mit,
en die me vanzelf ouch noots vergit.

Refrein:
Al is hie gein zee, gein dune, gei schtrantj,
toch hauwt ich van dich, mie Zitterd, mie landj.
Want woo ich ouch kòm, of woo ich ouch woon,
doe Zitterd, doe schpins toch veur mich nog de kroon.

En zeen ich dien buim in 't veurjaor weier bluie,
es de haver, de terf en 't kaore geit gruie,
dien weie vol blömkes, zoo wiet es me zut,
dan is 't ei schpreukske, waat Zitterd òs bud.
En zènge de veugel dan ouch nog hun wies,
dan bès doe veur mich ein aartsparadies.

En tref ich ze weier, die troew auw gezichte,
woo ich maonje d'r veur, mich zoo kan op schpichte,
dan zuik ich de plaetskes woo'g vruiger haer gòng,
dao ònger dat bömke, woo 't benkske èns schtòng,
en kiek nao d'n hemel, zoo helder en blauw.
Mie leif Zittesch landj, dich vergaet ich neit gauw.

HOME PLAATSNAMENOVERZICHT HOME

MIEN AAUW GITAAR
Tekst: ? - muziek: ?

Mien aauw gitaar hink sjwiegend aan de wandj.
De kas gesjpleete; sjnaore zeen gesjprònge.
Mien eesjte leid, wie rieërde doe mien handj.
Mien eesjte leifde höb 'ch mit dich gezònge.

Meziek waar mienen droum en mie gelök.
Meziek en zank, en wolke, buim en bloume.
Mer dat 't besjtaon neit loeter sjoonheid is,
höb ich gemirk wie sjtòrm en ònwaer koume.

Dat is noe waal verbie, mer ich woort aauwd,
en doe, gitaar, bès auch neit jònk gebleeve.
Doe woors op zie gezat, en 't laeve haet,
mich auch in einen duustren houk gedreeve.

Ich woort ene sjtille minsj in einzaamheid.
Os geit et lachen euver mit de jaore.
Doe deis, wie doe dao hings, mich wurklik leid.
Veer höbben allebei de sjtöm verlaore.

HOME PLAATSNAMENOVERZICHT HOME

MIEN AUWESJHOES
1956: Tekst & meziek: Frits Rademacher

Went ich wanjel door mie sjtedje, dékser door dat sjtröötje gaon,
mót ich altied nog éns kieke nao dat hoes en blief dan sjtaon.
Dan gaon aeve mien gedachte nao daen tied, noe lang verbie.
en wént ich wei'r wiejer wanjel, zéng ich zach dees melodie :

Refrein:
De sjoonste jaore van mien laeve, die hauw ich wie ich hie nog zout.
En waat mich doe woort mitgegaeve, jao dat begriep ich noe eesj goud.
Déks kén ich noe zoo ech verlange, nao 't auwesjhoes, wie dat dao sjteit.
Nao al dat sjoons, dat is vergange, mien auwesjhoes vergaet ich neit.

Dao haet éns mien weig gesjtange, leerde mich mien mooder bae,
höb ich waal éns sjtraf gekrege, mer dat houw dan ouch zien rae.
Ummer zal mit gouwe léttesj in mien hart gesjreve sjtaon:
Pap en Mam, Uch bén ich dankbaar, veur 't gein veur mich gedaon.

Ouch al höb ich noe verlaote, die ómgaeving mich vertroed,
en al höb ich urges angesj 'n eige nésjke mich geboed,
ummer kóm ich trökgevlaoge en ich sjtriek dan aeve nei'r,
bie dat hoes, dao in dat sjtröötje en dan dénk ich altied wei'r :

cd : Frits Rademacher - "Het beste van ..." - Telstar TCD 100.736-2

HOME PLAATSNAMENOVERZICHT HOME

MIEN AUWT ZITTERD
1951: Tekst & muziek: Leo Meijers

Zitterd, diene Kolleberg is schoon, ich vènj 't gaar neit erg dat ich dao woon.
Es ich zoo op dien hoezer kiek, vuil ich mich wie 'ne keuning zoo riek.
Es ich 't saoves dao schtaon , en al dien lempkes brènne gaon,
dan bèste eesch schoon, zoo is d'r gein ein, dan zèng ich dit refrein:

Refrein:
Zitterd, bie dich vuil ich mich thoes,
al schteit hie dan och neit mien auwesch-hoes.
Laot mich bie dich blieve, mie laeve lank.
Veur al dat schoons mien hartelikke dank.
Op dich zeen mien ouge gerich.
Auwt Zitterd, ich hauwt zoo van dich.

Zitterd, wie schoon is diene wal, ich haop, dat dae toch noots verdwiene zal.
Hae lik dao noe al eeuwe haer, oppe wal, dao wanjel ich zoo gaer.
Ich höb al zoo dèks gezach, die buim dròm haer, 't is ein prach.
Es ich dao loup, bèn ich zoo bliej, dan zèng ich deez melodiej:

Zitterd, diene tore is zoo schoon, hae schpant toch nog altied bie mich de kroon.
Hae hiltj euver òs altied troew de wach, loewt veur 'n traon en veur 'ne lach.
Woo ich ouch bèn of gaon, ich zeen hööm ummer veur mich schtaon.
't Is of hae zaet: noe kòm toch trök, bie mich lik dien gelök.

HOME PLAATSNAMENOVERZICHT HOME

MIEN DEIERBAAR ZUIDE
193?: Tekst & muziek: Toon Hermans & Lambert Ehlen
Zang 1 : De Sunny Boys (o.a. Toon Hermans & Lambert Ehlen)
Zang 2 (*) : ?

In 't zuide van oos lendje, ligg mien deierbaar Limburgs landj,
wo ich leip aan mooders hendje, wo ich sjpeelde in de zandj.
In 't Limburgs landj gebaore, höb ich dao mien hart verpandj,
durf ouch ummer te verklaore: greutsj ben ich op 't Limburgs landj.

Refrein:
Mien deierbaar Zuide, donker is dien mien.
Toch brings doe mich gelök en zonnesjien.

Es de eesjte zonnesjtreulkes danse op 't Limburgs veldj,
es me sjtaok de leste keulkes en de zjwerbel lente meldj,
brink me frisj geplökde ketjes nao ein krutske op de hei,
en dan zink hie ein gebedje, 't eesjte veugelke van mei.

Wo ich later in mien laeve ouch nog waal aens komme zal,
't zuidersjoon kan neemes gaeve, want dat geit mich baovenal.
Ich toesj mit eine wolkekrabber, noch mien gaegent, noch mien hoes,
want wo de grote sjtadsvlag wappert, dao vuil ich mich toch gaar neit toes.

* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv

HOME PLAATSNAMENOVERZICHT HOME

MIEN DOLORES
1986: Tekst & muziek: Willy Jongen
Uitvoerende (*) : Math Niël

Refrein:
Sinjorita's en Sinjores,
ich blief in Zitterd bie de mam en mien Dolores,
want in Sjpanje is 't mich noe vööl te wèrm.
Ich sjprèng door Zitterd rondj, mit ein auwt wief in den èrm. (2x)

Wae wilt neit gaer nao Sjpanje gaon, ens broene in de zon,
mer neit mit vastelaovend, 't is ein sjanj en suuper sjtom.
Figuurkes in biekinie's, jao, die ligge sjoon derbie,
mer lache dat is zeer gezondj, drom blief ich leever hie.
En zèg mien vrunj in Sjpanje aan de zee,
ich blief in Zitterd mit die daag Si-Si-Oléé ... jao.

Get ligge in dat mölle zandj, get kieke in de loch,
doe zuus niks es get zandj en sjtrandj, dat höb veer zelf genog.
Dao höbste gein verkleide, maskes kenne ze dao neit,
waal dames in biekinie's, want dao is 't vööl te heit.
Ich zèg mien vrunj in Sjpanje aan de zee,
ich blief in Zitterd mit die daag Si-Si-Oléé ... jao.

* lp (1986/1987) : Marotte Zitterd - " De Kòmplemènte oet Zitterd "
* cd 1999/2000 : Marotte Zitterd - " De fraaje mit de medaaje " - Onger Ós 7366

HOME PLAATSNAMENOVERZICHT HOME

MIEN GEDACHTE
Tekst: ? - muziek: ?

Wie gaon al mien gedachte nao dich oet.
Van sjmörges-vruig. Ze gaon in karavaane.
Pès dat et laeve sjtilsjteit in de nach.
Ze gaon mit blaosmeziek en bòntje vaane.

Ze trèkke in persesses door et vèldj,
woo alle kaore is in blui gesjaote.
En alle klokke loeë veur hun oet;
en 't raengent roozeblaedjes in de sjtraote.

HOME PLAATSNAMENOVERZICHT HOME

MIEN MECHELKE
1977: Tekst & muziek: Math Niël

Refrein:
Wo is mien mechelke, mien mechelke gebleeve ?
Is noe mien mechelke alweier d'r tösjen oet ?
Veer hauwe aafgesjpraoke, tösje zös en zeeve.
't Is vas en zeeker mit de hermenie d'rop oet.

Erg krank is mien Marie, wat haet ze toch, die prie ?
Ich ben ens nao de dokter gauw gegange.
Wie dae Marie doe zoug, dach ich dat hae get kroug.
'n Paar weurd höb ich waal van hööm versjtange.
Krank van ein hermenie, dat is die gekke prie.

De buurt haet ein kapel, die geef hööm eine lel.
Dan is Marie van mich neit meer te hauwte.
Ze leet dan eine böök, die brik noch ens de knöök.
De aerpel zeen noe vöölste vööl gezauwte.
't Vleisj is gaar neit mals, dat kump door "Hel en Valsj".

HOME PLAATSNAMENOVERZICHT HOME

MIEN NAAS
2003/2004: Tekst: Wil Frenken - muziek: Leo de Bruyn

Refrein:
Ich höb 't al
Ich höb 't al
Ich höb 't al gezeen
Wie die naas van dich en mich
Auch oet kan zeen
Ich höb 't al
Ich höb 't al
Ich höb 't al gezeen
Lekker rood en heel erg dik
Jao die naas die sjprik

Kiek ens in de sjpeigel
van eine angere
Ben ich dat zelf of is dat
toch eine angere
Die naas hauwt ich mit
vastelaovend op
Auch al sjteit de tent
van 't lache op de kop
Die naas hauwt ich mit
Vastelaovend op
Tot 't gedaon is
en ich sjtop

Vrief dich mer ens heel gout
door dien auge haer
Dan kenste zeen dat ich
niet höb gelauge Baer
Dan zuuste dao die angere
zien helf
En lachste dich kapot
ich ben dat zelf
Die naas die hauw ich net
Noch op de kop
Noe kiek noch ens
ich zit baove drop

HOME PLAATSNAMENOVERZICHT HOME

MIEN NAESKE ?
1993: Tekst & muziek: Math Niël
Zang (*) : ?

Al jaore lang gelee, wie hae gebaore waas,
doe zach al jederein, waat haet dat kèndj ein naas.
Zien mooder koosj dao gaaroet niks aan doon,
die hauw ein naeske, dat waar wònjersjoon.
Mèr vaader, dae hauw 'nne kaoker,
me zoug 't ouch al aan de laoker ...

Refrein:
Woo is mien Naeske, woo is mien Naeske ?
Zònger naas gaon ich de sjtraot neit op,
heurt jao bie dat huitje oppe kop.
Woo is mien naeske, woo is toch die naas ?
Zònger die twee dènger op,
gaon ich de sjtraot neit op en aaf.

Wie hae al grooter waar en ouch bekèndheid kreeg,
es autohanjelaer, in aanzeen onnog sjteeg,
doe sjtònge klasse waages veur zien deur,
doe woort gezag: "dae haet ein naas d'r veur".
Dat hauw 'r van de pap, dat wòster,
mèr auch dat sjachere, dat koosjter ...

Nao jaore lang daen hanjel, jòng, dae bluide goud,
en ooze jòng dae laefde jao op groote vout.
De maedjes vònje hööm neit leelik mee,
aan jeder vinger hauw 'r zeker twee.
Mit carnaval wol hae allein gaon,
en ongekend èns lekker oetgaon ...

* cd (1993) : " De Marotte sirk trek wiejer " - De Marotte Zitterd - Ónger Ós # 7250

HOME PLAATSNAMENOVERZICHT HOME

MIEN PRECHTIG MASKE
1995: Tekst & muziek: J. Dieteren & M. Rademacher

Refrein:
Mit ein ouch deit 't lache, mit 't anger bäök 't ein traon,
dat is mien prechtig maske, achter woo ich versjtaoke gaon.
't Teikent Vastelaovend en 't laeve van eine minsj.
Saame lache, saame bäöke, dao-aan is niks verkinsj.
Saame lache, saame bäöke, dao-aan is niks verkinsj.

Oppe zölder in de klamottekis, dao lik 't d'r baove op,
mien mòmmegezich veur drie dol daag, woo ich mich achter versjtop.
Ich draag 't jeder jaor en daag en kèn neit zònger dat dènk.
Mer eigelik is dat gaar neit waor, went ich draag 't 't ganse jaor.

En went ich dan ouch in de sjpeigel kiek, dan zeen ich mien eige gezich.
Ich bèn dan ouch ònverkleid wie bliek, 't liek op 't maske van mich.
Geteikend veur de lol en sjpas, dat maske hie in de kas.
Waat ich mich opzet die drie dol daag en waat jederein heel goud pas.

cd : Marotte Zitterd - " De Perpluu wurd gerich " - Onger Os # 7289

HOME PLAATSNAMENOVERZICHT HOME

MIEN SERENADE
1998: Teks: Math Niel - muziek: Jan Theelen

Refrein:
Ich zèng mien serenade, veur dich ooh Mon Amour.
Doe bès 't sjoonste Loesje, 't leifste poesje van de Lèmbour.
Ich brèng dich dees Balade, ich bèn toch zo verleif.
Daalik löpste veurbie, litsj ich oet, non de pie, bès toch miene hartedeif.

Oh mia more, crescendo perquei, forte fortuna perlei.
Kóm toch mien leifste, ich hauwt toch 't meiste,
van dich, bie mich hie op 't daak
Wachte dat doert ummer lang, doe bès woo ich nao verlang.

cd : Marotte Zitterd - " Zitterd Broesj " - Onger Os # 7343

HOME PLAATSNAMENOVERZICHT HOME

MIEN TRÖÖTJE
1999/2000: Tekst & muziek: Piet Knarren
Zang(*): Henny Lubbers

Refrein:
Ich blaos op mien tröötje mit Carnaval.
Ich blaos op mien tröötje, ich trööt dan euveral.
Ich blaos op mien tröötje want dat tröötje is van mich.
En dae mich aan mien tröötje kump, dae kump dan ouch aan mich.
En dae mich aan mien tröötje kump, jao, dae kump dan ouch aan mich.

Es kleine jòng, koch pap veur mich ei tröötje oppe mert.
Hae zag doe taege mich: Jòng blaos, 't is nog gein konsert.
De eesjte jaore koum dao oet allein mer ta ta ta.
Mer noe sjpeel ich al baeter en blaos mi fa sol la.

't Ganse jaor, dan sjpich ich mich op drie daag Carnaval.
Dat is veur mich 't sjoonste dat geit mich baovenal.
't Kriebelt mich dan maonje lank, dat geit mich aan de pens.
Dan pòts ich weier mien tröötje en blaos veur al mien "fans".

En nao die daag, dan pak ich dan mien tröötje mer weier in.
Want 't ganse jaor lank blaoze, dat haet toch geine zin.
En es 't weier gekòmme is, d'n tied van Carnaval,
dan pak ich weier mien tröötje en blaos weier euveral.

Leste extra refrein:
Ich blaos op mien tröötje, ich trööt mit carnaval.
Ich blaos op mien tröötje, ich trööt dan euveral.
Ich blaos op mien tröötje want dat tröötje is van mich.
En dae mich aan mien tröötje kump, dae kump dan ouch aan mich.
En dae mich aan mien tröötje kump, jao, dae kump ...
jao, dae kump ... jao, dae kump dan ouch aan mich.

* cd 1999/2000 : Marotte Zitterd - " De fraaje mit de medaaje " - Onger Ós 7366

HOME PLAATSNAMENOVERZICHT HOME

MIENE REBBEDEP
1998/1999 nr.1 : Tekst & muziek: Marc Weber & Thei Wessels

Ich sjtòng in ein kefeeke en kreeg ein leuk ideeke.
Ich wòl gein water en gouf eine veur de tent.
Doe reipe alle gaste: "Raste doon veer mit vaste".
Dat kosde later mich dus eine leive sent ...

Refrein:
Dat ben ich mit miene rebbedep, och, hòlj ich mer èns de sjnep.
Dat ben ich mit miene rebbedep, mer dae is noe einmaol opgepep.
Wooròm hauwt ich neit de sjnebbel toew ?
Wooròm deit die moel dat noe ?
Es ich mich rep, dan geit die klep, van miene rebbedebedep.

Ich dach: "Doe kèns waal blaoze, op zo'ne klòmmel raoze,
effe get sjtampe en dan drie daag vol gaas".
Mer dat höb ich geweite: zjweite en niks geneite.
Ich kreeg de krampe van de kin pès aan de naas ...

Lèts sjtòng ich get te sjanse, zie vroug: "Zègk, wilste danse ?"
Mer dat is baale, este daovan gaar niks kèns.
Toch hòng ich aan häör luppe, huppelde oppe tuppe,
van häör sandaale en doe dach ich mich opèns ...

cd : Marotte Zitterd - " Zitterd Broesj " - Onger Os # 7343

HOME PLAATSNAMENOVERZICHT HOME

MIENEN DRUIM
Tekst: Anne-Marie van Rooijen - dialectvertaling: G.Rapaille - muziek: van cd Maria Bethania
Zang (*) : Anja Bovendeaard

Es ich mien fantasie
èns waor zou kènne make
Dan zou ich nao dees nach
in ´n sjiek verhaol óntwake
En dan kèn ich héél mesjien
daen druim van dich, ouch zeen

Dan zèt ich gaer veur dich
mien vènsterke aope
Das doe dan kiks, biej mich
maag ich sjtil toch haope
Dan kèns dich, sjprik veur zich
mienen druim, ouch zeen

En in dien fantasie
zuus dich... mmm... mien beeld
langzaamaan òntsjtaon
en dus sjmeek ich
dich, mit mich same
èns wiejer te gaon

Nao ´n welt, wo meziek
en druime bluije
en nuje romantiek
voloet kènt gruije
En veer héél zach
dan danse, dees nach

Es doe mien fantasie
èns waor zos wille make
Dan zou veer nao dees nach
in ´n sjiek verhaol óntwake
Dan kèn veer héél mesjien
daen druim van ós, ouch zeen

En in oos fantasie
zeen veer... mmm... ´n beeld
langzaamaan óntsjtaon
en doe sjmeeks
mich mit dich same
èns wiejer te gaon

Nao ´n welt, wo meziek
en druime bluije
En blieblablablielie
voloet kènt gruije
En veer heel zach
dan danse dees nach

* cd 2002 : Anja Bovendeaard - "Sjtruim"

HOME PLAATSNAMENOVERZICHT HOME

MINNE-MINNE MAONESJIEN
Tekst: Toon Hermans - muziek: trad.
Zang 1 : Toon Hermans
Zang 2 (**) : Anja Bovendeaard

Refrein:
Minne, minne maonesjien bie 't Aenjepuilke,
dao verlank toch jeder zittesj junkske nao zie vruike.
Sjteure mòt geer hun neit doon, maak veural gei laeve,
es ze zich zo'n heerlik, lekker muulke dao gaon gaeve.
Zeen 't ter soms twee, of auch waal èns drie, geer mòt 't akseptere.
Zeed 'r soms sjaloes, blif einvoudig thoes om uch te ammezeiere.
In de minne maonesjien kènt me dat belaeve.
Daoveur lik 't Zittesj park zo sjoon en fien gelaege.

Ich höb ei Zittesj maedje lere kènne,
en ich mot uch bekènne, ich woort op sjlaag verleif.
Ich höb 'm in de uigskes èns gekeke,
en doe is gebleke, 't waar 'ne hartedeif.

Dae sjnaak, dae pakde vlot zich al ei muulke,
midde in 't kuulke van mien rechterwang.
Gans zach vroug hae aan mich, wurs doe mie maedje,
en op dat duuster paedje sjtòng veer nog lang.

** cd (1997/1998) : Diverse Artieste - " Door 't dölle haer " - Marotte oet Zitterd
** cd 2001: Diverse artiesten - "Eerbetoon (hommage aan Toon Hermans" - Marlstone Recordings bv

HOME PLAATSNAMENOVERZICHT HOME

MISS AMANDA
Teks: Nou Pfennings - muziek: Giel Laumen

Hie schteit veur uch Miss Amanda, keuningin jao van den dans.
In Carioca of in Samba, wo ich kòm dao höb ich schans.
Veur de Sultan van Marokko, in Folie Bergère Paries,
dansde ich mit Frans Rococo en brach jeder van de wies.

Refrein:
En la France dat reip op mich: doe fleur d'amour,
en 'ne Mestreichtenaer dae reip: 't is neit woer.
In de loge zaot Madame de la Marqieze,
mit ei paar van die Zelfkantj-kemiese.
En ein filmstar, die zaot geweun partaer,
mit Lewie van This oet Stokkem aan 't vaer,
mit eine poedel aan ei linke en den òrgel van Martinke,
zo verdween ze oet 't riek Paries.

In Berlien bie Keizer Wullem waar 't vruiger herlich schoon.
Wie er zaot op ziene schummel en ich dansde veur de kroon.
Mer gèt later koume Franse en die sagte: schnell heraus.
Kumps doe hie veur Wullem danse, Menscheskind, das sieht nicht aus.

In New york koum ich mit Samba, en me zòng van "I love you."
Flowers kreeg ich mit de massa, mit ei kaertje draan "For you".
Den eine zag: ich gluif 't lök 'm, mer ich dach: I go to home.
Angesch ben ich schtrak de bökkum, en ich reip: I go alone !

HOME PLAATSNAMENOVERZICHT HOME

MISTER BLISTER
Oet de Zittesje revuu 2001 "Rempetemp"
Tekst & muziek: Thei Wessels
Zang (*) : Jan Van Daal

Rempetempe, remppetemnpe, rempetempe, rempetempe??

Ich zal uch get vertelle: 'Mister Blister' is de naam
Geer kent mich noe besjtelle went ich sjtaon in de reklaam
En wae mich durf te koupe dae krig waar veur zien sent
Went es ich aaf gaon lauope gaan ich dansend door de tent

Rempetempe, remppetemnpe, rempetempe, rempetempe...

Ich waar geformateierd mer mien sjief is weier vol
Ich ben geprogrammeierd om the sjpele veur de lol
Went luuj die wille laeve motte leer van 't sjpel
Die motte zich ens gaeve en zoo aaf en toe en hel....

Rempetempe, remppetemnpe, rempetempe, rempetempe...

En wae zich wilt verrieke zet mich in de ittelaasj
Al wurd 't dan ouch daalik ein ravaasj...

Es jederein mot wieke, es jederein mot wieke (4X)

Ich waar geformateierd mer mien sjief is weier vol
Ich ben geprogrammeierd om the sjpele veur de lol
Went luuj die wille laeve motte leer van 't sjpel
Die motte zich ens gaeve en zoo aaf en toe en hel...

* cd 2001/2002 : de Marotte - "Zittejse Rempetemp" - Ônger Ôs 7401

HOME PLAATSNAMENOVERZICHT HOME

MIT DE LIF NAO DE HÈL
Tekst: Jean Innemee - muziek: Harry Sillen
Zang (*) : Hay Sille en 't Volluksmeschien

Meters deip al in de grondj van os limburgs landj,
weede koale droetgehoald mit de schöp of mit de handj.
Nutter werk, dat goaf 't neit, mer me kreeg goud loon.
Geine koempel waer toen idialist, me deeg ut veur de poen.

Refrein:
Mit de lift noa de hèl, mit de lift noa de hèl.
Zo is 't nooit geschreve, mer zo waer ut wel.

Edere moandigmörrege, veur de schich begos,
zoog zich Zef de longe vol en wis dat 't eigelik neit meer koosj.
Hee keek triestig noa de lifkooi, dacht angstig aan ut gaat,
heurt dan de stum van stieger Joep 'Zèk, wurd nog jèt jemaad ? '.

Schoefele en schofte, schiete op de schup,
klaam van ut veule zweite, dabbele in d'n drek.
De duuvel op de hiele, veur dich loag 't pandj.
Longe die dich brenne, pien doon kratse op dien handj.

Eine houp ellende onger in die koel.
Durf ze soms te klaage, me stopte dich de moel.
Goddank, 't is veurbie noe, dee rotzooi in de grondj.
De romantiek van vreuger, dee lap ich aan mien kontj.

* lp 1983 : Hay Sille en 't Volluksmeschien - "Blow graas" - Marlstone Recordings bv - MARL 198316
* lp 1983 : Diverse artiesten - "Plat in de jaore tachtig" - Marlstone Recordings bv - MARL 198307

HOME PLAATSNAMENOVERZICHT HOME

MIT ELLEF KILO KOOPER
Tekst: Wil Frenken - muziek: Jan van Daal
Zang: Wil & Annie

Refrein:
Mit ellef kilo kooper om ziene nek
maak dae Sjang oos sjtad sjtapelgek
Hae blees de koopere bombardon
bie de fanfaar
Mer mit de vastelaovend zeen die tone waal get raar
Mit ellef kilo kooper om dae dikke nek
maak dae Sjang oos sjtad sjtapelgek

Dae Sjang van bie os naeve
is zo greutsj wie eine pin
Hae löp al ganse zien laeve
in de ellefde rie drin
Zien bombardon die is häöm heilig
dao kump geine aan
Al klink ’t waal ens maelig
Hae mot noe weier draan

’T korps trek door de Sjtad haer
en ’t sjpeelt auch zien meziek
Zie brenge häöm ein serenaat
hae vuilt zich dao mit riek
Zien bombardon löp dao noe mit
zönger dat hae ‘t wit
’T waar veur häöm toch zo sjoon
went hae noe mit kousj doon.

HOME PLAATSNAMENOVERZICHT HOME

MIT JOZEEKE
1976: Tekst & muziek: Jeun Schelberg

Refrein:
Mit Jozeeke aan 't teeke, mit Jozeeke in d'n erm.
Haet Jozeeke dich bekeeke, krigse 't van benne en van boete,
zelfs nog door de dikste roete, krigse 't van alle kantje werm.

Jozee van bie os naeve, is goad in muulkes gaeve.
Doe höbs al gauw ein klaeve, al rense veur dien laeve.
Doe mos ech op 'm passe, 't is ein kendj van klasse.
Mer doe wils 'm gaar neit kwiet, gaar neit kwiet, gaar neit kwiet,
mer doe wils 'm gaar neit kwiet, in de Vasteloavestied.

Jozee, dat Zittisj maedje, tap oet ein Zittisj vaetje.
Doe houfs neit d'rop te wachte, 't is al drek aan 't sjlachte.
In jeeder klein kafeeke, dao trufste oos Jozeeke.
Mer 't geit toch nootsj te wied, nootsj te wied, nootsj te wied.
Mer 't geit toch nootsj te wied, in de vastelaovestied.

HOME PLAATSNAMENOVERZICHT HOME

MIT VASTELAOVEND BÈN ICH GEBAORE
1969: Limb. tekst: Irene Lardy & Bert Salden - muziek: Charly Niessen
Oetveurende 1 (*) : Irene Lardy
Oetveurende 2 (**) : Beppie Kraft

Refrein:
Mit vastelaovend bèn ich geboare.
Mit vastelaovend, in 't Limburgs landj !
En tot esjgoonsdig bèn ich verloare,
want tot esjgoonsdig sjpring ich oet de bandj !

De pap dae zag ummer : " Kèndj, doe leafs mer èns.
Maak daoroom veul sjpas, zwoaveul este mer kèns ! "
Mien mam die hèèt auch ummer good mitgedaon,
en wat dao van koom zeet ge hie veur uch sjtaon !

Ich greujde, woord graoter en kalde sjwaon plat,
genoot van 't leave, hie in oos fijn sjtad !
Hie is völ te belaeve, hie is ummer get oet.
Mit miene verjaordig sjprunk jederein droet :

Sjtrak bèn ich get ouwer, dan laot ich get nao.
Ich höb dan gries haore, zwoa geit dat, jao, jao !
Ich houd mich dan röstig, jao, zwao door 't jaor.
Mer mit vastelaovend dan sjtaon veer weer klaor !

* cd : Diverse artiesten - "Vastelaovend in Limburg 1" - Telstar TCD 100.719-2
** cd 2000 : Diverse artiesten - "Vastelaòves Virus" - Telstar TCD 10227-2

HOME PLAATSNAMENOVERZICHT HOME

MIT VASTELAOVEND HILT MICH GEINE TAEGE
2010/2011 nr.4 : Tekst & muziek: Ben van der Venne
Zang: Ben van der Venne & Bart Barrios

Refrein:
Mit vastelaovend hiltj mich geine taenge,
Mit vasteloavend sjprèng ich oet de bandj.
Al geef ’t hagel, sjnee of raenge,
‘ch wil nao de sjtad, dao is get aan de handj.
Went mit dees daag sjient veur mich altied de zón,
Dit is mien laeve en ich mein ’t ech.
Ich wil hie neit meer weg !

’t Ganse jaor mótte veer mer sjófte,
‘t Ganse jaor dae verdomde sjtres.
’t is mer jage en mer klage,
Went veer wille ummer mee en mee.
Wie-nee zeen veer noe èns eine keer kontent,
’t geit ummer om de pieke, de duite en de sent.

Ich zègk al oerelangk; dit is de lèste,
Ich zègk al oerelangk; ’t is gedaon.
Mer de lèste sjmaak ummer noch ’t beste,
En ich kèn mer neit nao hoes toe gaon.
Mit dit sjtèl gekke blief ich nog effe plekke,
En veur jeder dae ’t heure wil, roup ich mit heisje sjtöm:

Mit vastelaovend geiste get belaeve.
Went vastelaovend……jao dat is mien laeve!!!

HOME PLAATSNAMENOVERZICHT HOME

MIT VASTELAOVEND MAAK VEER 'T WEIER TE BÒNTJ
1993/1994 nr.1 : Tekst & muziek: John Smeets & Gian Princen
Zang (*) : ?

Refrein:
Mit vastelaovend maak veer 't weier te bòntj,
sjprènge hie de plavuuze oet de gròndj.
Kapelkes sjpeele noe de hoogste toon,
Jao, gans Zitterd, dat wankelt in zien sjoon.
Veer blaoze, klaene, sjprènge mit gemaak,
de mösje van 't daak.
Mit vastelaovend maak veer 't weier te bòntj,
sjprènge hie de plavuuze oet de gròndj.

De ringe van de glaazer sjtaon nog op 't vel,
de klöppele bie-ein geplek, want ich sjlaon vööl te hel.
D'n tied van rippeteire, dae höbbe veer gehad,
noe gaon veer 't perbeiere, in oos Marotte-sjtad.

Ein groote bòntje theemötsj, in de kop getroch,
'ne rood-gael-gruine sjluppejas, ich waer veur gek verkoch.
Ich sjnap mich gauw ei maske, de trööt òm miene nek,
kòm mit door Zitterd sjooje, hie zeen veer sjtapelgek.

* cd (1993) : " De Marotte sirk trek wiejer " - De Marotte Zitterd - Ónger Ós # 7250

HOME PLAATSNAMENOVERZICHT HOME

LA MOERE-RATSJ
Tekst: ? - muziek: ?
Zang (*) : Anja Bovendeaard

Refrein:

* cd 1996 : Anja Bovendeaard - "Anja" - Onger Os

HOME PLAATSNAMENOVERZICHT HOME

DE MÖK
Tekst: ? - muziek: ?
Zang (*) : Anja Bovendeaard

Refrein:

* cd 1996 : Anja Bovendeaard - "Anja" - Onger Os

HOME PLAATSNAMENOVERZICHT HOME

MÒMMEGEZICHTE ... APENEUTJES ... BÖL
1953: Tekst & muziek: Toon Hermans
Oetveurende 1 (*) : Frits Rademacher
Oetveurende 2 (**) : 'Tisniksen'tweurtniks

Veur dat de klòkke schtrak nao Rome gaon,
zètte veer de blömkes nog èns boete.
Ich heur in Zitterd twintigdoezend harte schlaon,
en de kènjer zitte achter de roete.
't Is weier vastelaovend, dan wurt 'm flink gepaek.
Heur èns wie 't davert langs de Keutelbaek.

Refrein:
Mòmmegezichte, apeneutjes, böl, böl, böl.
Mòmmegezichte, nonnevotte, böl, böl, böl.
Biete, jao biete, wae gei maske haet dat is 'nen houteklaos.
Biete, jao biete, houw em op ziene pòkkel mit die vèrkesblaos.

Veur dat veer schtrak weier heisch gezònge zeen,
zulle veer 'm nog èns richtig rake.
V'r zènge dat veer allemaole gekke zeen.
Wae verbut òs om plezeier te make.
't Is weier vastelaovend, 't is weier carneval.
Heurt èns wie 't daavert oppe Marottebal.

Veur dat 't schtrak weier Esschelegounstig is,
maage veer nog nonnevotte aete.
Ich geluif dat 't veur elke minsch èns neudig is,
om dae ganse welt èns te vergaete.
't Is weier vastelaovend, dan zeen v'r gans getik.
Heurt èns wie 't davert langs dae wal zoo schik !

* cd: Diverse artiesten - "Vastelaovend in Limburg 2" - Telstar TCD 100.750-2
** cd 2000 : Diverse artiesten - "Vastelaòves Virus" - Telstar TCD 10227-2

HOME PLAATSNAMENOVERZICHT HOME

MÖRGE KUMPS DOE TRÖK
Tekst: ? - muziek: ?

De maelder flöt, de nachtegaal zingt, de koekoek leet zich heure.
Verwònjerlik is 't òm mich haer, esof get moos gebeure ...

Den eulenteul in zien witte blui, dreeg bloume, wie zilvere sjaale.
Oet de busjkes kump de zuite reuk van de leeliekes-van-daale.

De brem sjloug oet in vuur en vlam, en 't kaore dreeg al aore.
Ich sjtaon in de prechtige zoomerdaag, vertuuseld wie verlaore.

Dit is te vööl, te vööl gelök, ich kan dat neit verduuje.
Mer mörge, mörge kumps doe trök: Dao moos zich de welt jao vernuuje.

HOME PLAATSNAMENOVERZICHT HOME

MOS DOE ENS KIEKE
1988: Tekst & muziek: Verboord, de Heus, Savelkoul & Merkelbach

Refrein:
Mòs doe èns kieke, waat ein sjtòm gezich.
Neit te geluive, is dat soms van dich ?
En dan dat huidje, baovenop dae knötsj,
dat zuut neit oet man, doe, doe gekke blötsj.
Mos doe èns kieke, waat ein sjtòm gezich.
Neit te geluive, noe liekste op mich.
Noe mòt ich zegge, es ich nao dich kiek,
dat ich in de sjpeigel, heel vööl op dich liek.

Noe zèt ich mich ei maske op mien sjnoet,
want mie gezich, dat geit noe drie daag oet.
Es ich die luuj dan allemaol zeen gaon,
dan wil ich neit meer veur de sjpeigel sjtaon.

Dan gaon ich droet, dan doon ich weier mit,
't Is mich egaal wie dan mie maske zit.
Ich dans, ich sjprèng, ich raos mich get biejein,
zo ben ich sjmorges nog ummer oppe bein.

cd : Marotte Zitterd - " Hie brent de lamp " - Onger Os # 7262

HOME PLAATSNAMENOVERZICHT HOME

EI MUULKE
1988: Tekst & muziek: Jan Dieteren & Math Rademacher

Refrein:
Kòm èns mit die wengskes, kòm èns mit die sjnoet,
dan gaef ich dich ei muulke, en gaon veer saame oet.
Ei kleurke op dien wengskes, die lupkes get veuroet,
maak van dat zoer gezichske, 'n vastelaovestoet.
Kom ens mit die wengskes, kom ens mit die sjnoet,
dan gaef ich dich ei muulke, en gaon veer saame oet.
Ei kleurke op dien wengskes, die lupkes get veuroet,
maak van dat zoer gezichske, 'n vastelaovestoet.

't Zout gans verlaege en sjtil op 'n krök,
bekeek zich èns de maskes en maakde zich neit drök.
't Kèndj dat douch mich leid, dus höb ich neit lang gedach,
ich gòng doe op 'm aan en wit geer waat ich zag ?

Mit essjelegounsdig zout 't weier op die krök,
mit in de handj 'nnen hering, 't sjtraolde van gelök.
Ech vasteloavend viere is sjooner dan ich dach,
ich hauw 't neit geweite, es doe neit haws gezag ...

cd : Marotte Zitterd - " Hie brent de lamp " - Onger Os # 7262

HOME PLAATSNAMENOVERZICHT HOME

NAAME DIE ZITTERD NOG KENT
1997: Tekst & muziek: Willy Jongen

Refrein:
Oppe Mèrt bie de Samp en bie Dieneke,
achterom bie de Sjnor en bie Mieneke,
auch de Hoomel, de Potsjtouf, de Krènt,
dat zeen naame die Zitterd nog kènt ...

De Kontj en de Pikman, 't Kauf en de Bok,
de Radjaa en Hermans de Naas,
de Futtel, den Titsj, Hatsioene, de Knop,
de Mot mit de Moes en de Kaatsj,
de Bessem, 't Bölke, de Sjeif en de Kèy,
de Boer, en dat zeen ze nog neit alleney.

't Mènke, 't Purke, de Pitsjer, de Litsj,
de Koogel, den Iezeren Man,
mit Sjeng van de Kuuper en Jan Siebuul Knipsj,
de Pieper en auch nog Sjlampjan,
daobie Flip de fluiter, de Piep en Sjtrontjjès,
den Heilige Man ziene veurnaam waor Nès.

De Boeman, de Sjael mit den Aap en de Sies,
de Raatel, de Möp en de Baom,
d'n Tiptop hauw doe al de Patsj ingelies.
De Bout wos de Blauwe te sjtaon,
de Bökkem den Doef mit de Noot en de Mösj,
Maria oos raodslid dat sjprong op den dösj.

* cd (1997/1998) : Diverse Artieste - " Door 't dölle haer " - Marotte oet Zitterd

HOME PLAATSNAMENOVERZICHT HOME

NAE ICH WIL NEIT
Tekst: ? - muziek: ?
Zang (*) : Anja Bovendeaard

Refrein:

* cd 1996 : Anja Bovendeaard - "Anja" - Onger Os

HOME PLAATSNAMENOVERZICHT HOME

NAO DE RAENGE
Tekst: Felix Rutten - muziek: Anja Bovendeaard
Zang (*) : Anja Bovendeaard

De raenge is euver, de welt is verkuild.
Alle stöb is weir ens van de sjtraote gesjpuild.

De blaar aan de buim hange blinkend wie glaas.
Paerelkes ligge te grabbel in 't graas.

Niks nog ruirt zich, gans wie versjtild.
't Windje wit auch nog neit rech waat 'et wilt.

Reuskes bukke zich zörgelik neir ...
Dao brik de zon door: ,,Hie bèn ich alweir ! "

En alles herkrigt zich, alles lach:
"Veer höbben auch daanig op dich gewach ! "

* cd 1998 : Anja Bovendeaard - "Ich wil de welt ens zeen" - Marlstone Recordings

HOME PLAATSNAMENOVERZICHT HOME

NAO DE ROEIBAAN
1995: revuu: " De Perpluu wurt gerich"
Tekst & muziek: Math Niël

Refrein:
Woo gaon v'r in de wèntjer haer... nao de roeibaan.
Veer sjaatse allemaol zoo gaer... oppe roeibaan.
Veer vleige ròndj dat is gezòndj ... oppe roeibaan.
Dao is 't sjus eine wèntjerdroum, doa ligk de sjnee op sjtroek en boum.
Dao ammeseiert zich jònk en auwt en neemes zaet ich höb 't kauwt.

Ich waar sjus amper veerteen jaor en sjmaorverleif op Klaar,
ich zoug höör veur d'n eesjte keer, ich vuilde mich gans raar.
Dan baan waar gans bevraore doe, 't waar jao wènjtertied,
en Klaar sjtòng mit de sjtaatse los, ich dach noe is 't tied.

Ich sjaatsde mit ein vaart drop aaf, doe veil ich op mien vot.
Ich hauw mich flink de knei gesjaaf en och de naas kepot.
Waat is d'r jong, waat deiste noe, kiek oet, dao ligke blaar.
Ich wòs neit wie gauw ich koosj zeen bie dich, mien leifste Klaar.

Zoo gònge veer jaor in jaor oet, zoo saame door die laan,
't zomesj mit oos kènjer droet get roeie oppe baan.
En wurt 't weier wènjtertied, dan dènke veer nog trök,
aan al dat sjoone van daen tied, dae brach òs dat gelök.

cd : Marotte Zitterd - " De Perpluu wurd gerich " - Onger Os # 7289

HOME PLAATSNAMENOVERZICHT HOME

NAO ET FEES
Tekst: ? - muziek: ?

Versjlak is noe de veldjboekèt, dae in de kaamer sjtong.
Wie ich dich, doe miene leifste gas, vol bliedsjap taenge-gòng.

Oos fees haet daag en nach gedoerd; de taofel bleef gedèk.
En 'sjmörges haet de leeuwerik os oet de sjlaop gewèk.

Wie in galop zeen de oere van die daag verbie gerend.
De wien is op, de sjootel laeg, de kaersen opgebrend.

De bloume ruuzelend en versjlak, höb ich auch met weggedaon.
Niks sjteit hie sjtil ... in 't laeve mòt me ummer wieër gaon.

HOME PLAATSNAMENOVERZICHT HOME

NAO VEURE FORTUNA
1983: Tèksen meziek: Hans Wijnands

Refrein:
Nao veure Fortuna, Fortuna laot gaon !
Waat kan oos gebeure, veer zeen niet te sjlaon.
Mit èllef man aan'em, dat is oos idee.
Nao veure, nao veure, Fortuna olé.
Nao veure, nao veure, Fortuna olé.

Op zaoterdigaovend dan gaon de lampe aan,
bie 't clubke in Zitterd, Fortuna is de naam.
Dao is 't gezellig, dao zitte veer biejein.
en kump de ploug 't veldj op dan zèng veer dit refrein:

Bie òs in de Baandert, dao geef me d'r van langs,
en alle suportesj, die zitte eesjte rangs.
Want wurt 'r gesjaote, dan veert toch jeder op :
" Kiek oet dao valle goole, Fortuna geit aan kop ! "

* cd (1997/1998) : Diverse Artieste - " Door 't dölle haer " - Marotte oet Zitterd

HOME PLAATSNAMENOVERZICHT HOME

NEET GEBAORE OM ALLEIN TE ZIN
Tekst & muziek: Guus Steinen
Zang (*) : Kartoesj

in de kroeg hie op d'n hook ,
zaot Willy dèkker gans allein
zo sjtilkes veur zich oet mer get te zitte
same met zien glaas ,
mer wiejer mooderzeel allein
terwiel ver allenej toch bès gaer same klitte
Dus höb veer taege Willy toen gezag :
Kom zèt dich 'ns d'r bie en lach (lach 'ns met os met)

veer zin toch neet gebaore om allein te zin,
daoveur is toch nemes in de weeg gelag
drenk eine met, 't is vöäl sjoonder ônger ein te zin
dat haet os zo väöle toch al ootsj bie ein gebrach
Kom lekker hie, (sjuuf korterbie)
Zet dich d'r bie, (kôm noe 'ns hie)
dan vertel ver ôs 'ns get
en dan lachste mèt ôs met
dan zalste zeen: wie sjoon 't is zo ôngerein
want bèste dood ?.. bèste nog lang genôg allein

Wie vöäl luuj zitte toes
en kômme ech de hut neet oet
wievöäl zitte d'rs toes mer get te sjloape
die luuj die wil ver zègke :
trèk 'ns lekker d'r op oet,
dao gaon dich allebei de auge vas van oape.
dan zulste zègke : och wat is dat sjoon!
Dat haw ich al vöäl eerder môtte doon
(noe gank dat doon)

* cd 2005: Kartoesj - "Gein probleem" - Marlstone CDL 2511

HOME PLAATSNAMENOVERZICHT HOME

'T NEIT BESJTAONDE LEID
2008/2009 nr.2 : Tekst: Paul Donners - muziek: Bettina Kamps
Zang: Ron Hunnekens

Kens-doe Puil en Pie en Lies
Die rake ummer van de wies
De vastelaovesleidjes kenne ze neit
Daorom hiej ‘r neit besjtaonde leid

Refrein:
‘T neit besjtaonde leid
Dat kenste gaaroets neit
En omdat ‘t neit besjteit
Wetste auch neit wie ‘t geit
Wenste ‘t noe mer ens zongs
Dan waor ‘t sjus of ‘t waal besjtong
Mer heure koosjte ‘t neit
Dit neit besjtaonde leid.

Die sjoon millodie
Is sjus ein parodie
En auch die leuke weurd
Die höbste neit geheurd

Zo raakste van de wies
Van Puil en Pie en Lies
Dan zenge veer os same gruin en gries ......

En jedere Marot
Dae lach zich gans kept
Doe zings ‘t gan verkeerd
Zo höbste ‘t neit geleerd

HOME PLAATSNAMENOVERZICHT HOME

NEIT KAOD
Tekst: G.Rapaille - muziek: Carlos do Carma
Zang (*) : Anja Bovendeaard

Maag ich weite waat ich bèn?
Te klein, te groot of te lelik
Vèndj geer neit wie ich doon
beheurlik óngemaekelik?

Mien bein die kómme later
es mich de erm d´n houk óm trékke
Passe mien sjprigitse waal
biej "wie ´t zich mót heure"?
Wae zaet, wae zaet mich wie ich bèn?
´n Nusjerig naeske
vrech wie de sjtraot en ónhenjig
en, wie me zaet: "opsjtenjig"?
Wae zaet, wae zaet dan wie ich bèn?
´n Nusjerig naeske
vrech wie de sjtraot en ónhenjig
en, wie me zaet: "opsjtenjig"?

Wae lègk mich oppe waog
sjteit klaor óm mich te maete?
Om in miene kop te kieke
nao wo ich noe weier höb gezaete

Maag ich weite of ´t goud is
Of mot ich dao get veur betale?
en wae zaet mich óngertösje
wienee ich klaor bèn mit fale?

Nae, nae, nae, ich bèn neit kaod
Sjpraek nog ummer mit twee weurd
mit ´t petsjke in de henj
Nae, nae, ich bèn neit opsjtenjig
nae, nae, nae, ich bèn neit kaod
Sjpraek nog ummer mit twee weurd
mit ´t petsjke in de henj
Nae, ich bèn neit opsjtenjig

Maag ich weite, maag ich weite of ´t goud is?
Of mot ich dao get veur betale?
En wae zaet mich óngertösje
wienee ich klaor bèn mit fale?

* cd 2002 : Anja Bovendeaard - "Sjtruim"

HOME PLAATSNAMENOVERZICHT HOME

NEIT MEE ...
Tekst: Felix Rutten - muziek: Anja Bovendeaard
Zang (*) : Anja Bovendeaard

Ich zal dich neit mee trök zeen in dit laeve.
Verbie is al waat eimaol veur òs waar.
Zoo wie de wolke wurd 'ne minsj gedreeve,
a1 hot en haar.

Ich zal dien sjtöm noe neit mee kònnen heure,
die wie meziek mich in mien oore loug.
Laot mich nao dich verlange, òm dich treure,
doe gings allein mer oet mien oug.

Doe bleefs in mich, en zal 't mit mich gedaon zeen,
kans doe getreust dich zègge: "Pès hae ging,
haet hae mien sjoonheid in zien hart gedraage.
Zie laefde in zien herinnering."

* cd 1998 : Anja Bovendeaard - "Ich wil de welt ens zeen" - Marlstone Recordings

HOME PLAATSNAMENOVERZICHT HOME

NEIT TE GELUIVE
1988: Tekst & muziek: Willy Jongen & Hans Henderickx

Refrein:
Vasteloavend in Zitterd, doe geluifs 't niet, 't is ein en al gezèlligheid.
Ammezeiere kènste dich goud. es 't neit zo is, dan bèste 't zellef sjout.
Vasteloavend in Zitterd, doe geluifs 't niet, 't is ein en al gezèlligheid.
Ammezeiere kènste dich goud. es 't neit zo is, dan bèste 't zellef sjout.

D'n èllefde november, 'nne heele hoogen daag,
dan duuk ich in die pröllemanj en fòk mich gauw get aan.
Ich sjprèng dan èns de zolder ròndj, mit maske gans kompleet,
en sjus wie eine koekeral, bèn ich dan opgedreed.
Al bèn ich gans allein, toch zèng ich dit refrein :

En bèn ich oetgesjpronge, dan dènk ich bie mich zelf
Doe mòs noch effe wachte, zo'n waekske teen of twelf.
En zeen ze aangebroake, de sjoonste daag van 't jaor,
vuil ich mich aangesjpraoke, mie maske lik al klaor.
Gelökkig neit allein, zèng ich dan dit refrein :

cd : Marotte Zitterd - " Hie brent de lamp " - Onger Os # 7262

HOME PLAATSNAMENOVERZICHT HOME

NOE GEIT 'T ÔM DE WOOSJ
Tekst & muziek: Guus Steinen
Zang (*) : Kartoesj

de woosj !!! de woosj !!
noe geit 't om de woosj !!!!

noe geit 't om de woosj
noe geit 't loos !
noe zin ver veur " de ech" begoosj
let noe mer 'ns op ôs !!
noe geit 't om de woosj
noe aan 'm , jao noe geit 't loos !!
jao noe geit 't d'rom
noe geit 't d'rom
noe geit 't om de woosj !!!!!
ja noe geit 't d'rom,
ja noe geit 't d'rom
noe geit 't om de woosj

De voetbalclub van hie bie os woar bienao kampioen
de sjpanning waor te sjnieje aan 't eind van 't seizoen
't sjtadion waor oetverkoch, en de wedsjtried dae begos,
de sjtömming die waor grandioos, miljaar dao woar get los,
mer in 't veld 't gong mer neit niks lökde 't wou mer neit
toen reepe ze van de tribuun : "wet geer wo 't om geit!!!!"

Vrouw Hanneman zoat edere zondig in 't paternaat
de kienkaart op de taofel en de medaajes al paraat
teen tuute bie de handj, zie woar van alle merte toes
want este straks get wins mot dat waal allenej met nao hoes
Nao al die pakke koffie en de bon van de bloomis
reep de veurzitter inens :"en de hoofpries dat is .......: "

* cd 2003: Kartoesj - "Alles kump good" - Marlstone CDL 2307

HOME PLAATSNAMENOVERZICHT HOME

DE NONNEVOT
Tekst & muziek: Harry Sillen
Zang (*) : Hay Sille en 't Volluksmeschien

Veul ich mich einzaam, veul ich mich kapot,
Dat eet ich ein nonnevot.
Ben ich besoape en geit de kater neit weg,
Ein nonnevot hulpt auch bie zo'n pech.

Refrein:
Ein nonnevot oet Sittert is ut schoonste waat er is.
Joa, dat gebak oet ut Zuuje blif altied eve frisch.

Hub ich soms honger en maakt de vrauw niks kloar,
mit ein nonnevot is dat gein bezwoar.

Miene eerste naam is Harrie, miene tweede naam is Sillen,
en ich haut heel veul van nonnevottebillen.
Loester noa ut recept, geleuf mich beslist:
Ein echte nonnevot hulpt auch uch.

Vroog ut aan den bekker, dee wit hoe ut is.
Ein nonnevot is rondj, vet en dik, joa, ein nonnevot is rond, vet en dik.

* lp 1983 : Hay Sille en 't Volluksmeschien - "Blow graas" - Marlstone Recordings bv - MARL 198316

HOME PLAATSNAMENOVERZICHT HOME

NONNEVOTTE RAEGE
Tekst: Thuur Laudy - muziek: Piet Rovers

Wit geer d'r neit van, waat eine bèkker hiej kan,
dan zult d'r 't noe mòtte gluive,
wie dat is gemaak, wie lèkker 't sjmaak.
Veer zulle 't uch laote pruive,
woo jeeder van sjmölt, zich 't hertje van krölt.
Dat maag op gein taofel mankeiere.
Bezunjer dees daag, völt dat ooze maag,
en zulle v'r os drop trakteiere.

Refrein:
Gaon de nonnevotte kòmme, goud mit sökkerke belag,
van die grote dikke kròmme, wie ei sjpunske dan zoo zach.
Zuike veer biej nonk Mecheilke, nao eine sjnoefplak en ei keilke,
nao eine auwe reipe rok, alles zètte v'r oppe kop.
En Tant Lies ruip: Niet oet hoes, eesj ein nonnevot oppe voes.

En aan eine sjtèk, haet sjmiddigs de gek,
aan ein tuike ein nonnevot hange.
Dao wurt haer gesjnap, ong'rein get getak,
welk kèndj zou neit daohaer verlange.
En veur dat 'r 't wit, ein nonnevot sjmit,
höbbe zie zie körfke te pakke.
Dan sjteit mich de gek, allein mit de sjtèk,
te sjeije dat kènjer dat lappe.

En zeet d'r neit bliej, mit zoo'n lekkerniej,
dat is noe gèt van de Marotte.
En sjmaak 't nao mee, dan kriste d'r twee,
veer vraoge jao neit nao klamotte.
Eur mundjes noe aop, wie grooter 't laok,
wie zekerder zeen veer mit sjmiete.
Marottinnekes prik, noe neit uch versjlik,
laot ouch èns de mansluuj draan biete.

HOME PLAATSNAMENOVERZICHT HOME

NOOITS GEIT EMES GANS
Tekst: Guus Steinen - muziek: Trude Herr / Jürgen Fritz
Zang (*) : Kartoesj

as d'n tied oats kump dat m'n aafsjied nump
en allein de "herin'ring" blif...
wurd 't aafsjiedsleed, veur dich gedrèjt
sjteiste veurgood in ös hart gegrif

noeste vaerdig sjteis, mich verlaote geis
noe res nog mer ein dènk
aafsjied numme is sjwaor dat waor ummer zo,
mer nog nootsj waor 't 'n aafsjied wie noe....

dit koam vöälste vreug
maak dien traone dreug
want dit aafsjied is
nog lang geinen dood

nootsj geit emes gans,
örges get van dich blif hie
't haet 'n plaetsjke apart,
deep in mien hart

wae ziene pungel bunjt, 'ne nuuje waeg begint
't is gedaon, 't is oet, 't is klaor
wat m'n achterleet naeve 't verdreet
is de gedachte aan "wie 't woar"

doe môs wiejer gaon,
kom doog weg die traon
wat auch kump,
blief diene waeg ummer gaon..

ich zou zo gaere zeen, dat ver ôs ootsj nog zeen,
as 't ken, as 't oots nog geit....
d'rôm zegk ich neet vaarwel, die weurd die zin zo hel,
"hawt dich good ....!" meer zegk ich neit

ich weit : al bäök ich auch,
traone zin wie rouk,
ze vervleege
door de wendj van d'n tied .......

nootsj geit emes gans,
örges get van dich blif hie
't haet 'n plaetsjke apart,
deep in mien hart

nootsj geit emes gans,
doe nums auch get met van mich
en dat haet zienj plaatsj,
veur ummer bie dich

* cd 2003: Kartoesj - "Alles kump good" - Marlstone CDL 2307

HOME PLAATSNAMENOVERZICHT HOME

NOONDEDJUUKE
1979: Tekst & meziek: Wim Leentjens
Zang: Wim Leentjens

Sjengske waor veur ziene laeftied eine hele flinke kael,
al hauw 'r auch krom beinkes en al keek 'r ein bietje sjael !
Hae waor de trots van zien familie en dat is auch wie 't heurt,
al gebroekde hae dan dekker neit zo'n al te nette weurt !

Refrein:
Noondedjuuke, noondedjuuke, noondedjuu,
't Is ene vlinder es me sprik mit baeter luu.
Mer veur Sjeng en Frans en Pierre en tante Truu,
is en blif 't toch eine gewuine noondedjuu !

En den tied waor gauw gekomme dat hae nao de sjaol moos gaon.
Koch zien moder hööm ein strikske, wat 'm vas waal gout zou sjtaon !
't Sondigs leip 'r dan te pronke, bie zien vrundjes in de sjtraot.
Wie 'r einmaol wos wie 't heisjde, maakde moder zich deks kaod !

En ze zag hööm heel verwietend, mit ein sjtreng en kaod gezich:
noe wil ich dat noots mee heure, bah ich sjaam mich nog veur dich !
Wie de Tant ens op bezuik koum en hööm vroug: hoe heet zo'n ding ?,
zag hae braaf: dat maag ich neit zekke, noe nuim ich 't mer eine verrekkeling !

HOME PLAATSNAMENOVERZICHT HOME

NOVEMBER
Tekst: ? - muziek: ?

Veer höbbe oos verke noe oppe lödder, en de vrouwluu maake de woosj.
Zuug dat ze duchtig get zaaut drin doon, want gout get zaaut geef doosj.
De frisje sjènke mer in de rouk, ein ganse rie hink al op.
En lègt mich peutjes en oor op zie, (mit 't sjtertje) veur de erte-sop.

En zet mich de deuren aope, wied, zoodat Sinter Maerte 't wit,
es 'r mit zienen aauwe sjummel kump: Dat hae mit òs drink en it.
Dae gauf ziene mantjel den erme hauf en waar veur de kaauw neit bang.
"Sinter Maerte, zèt uch bie, es-se-bleif, en blift nog ei zeumerke lank !"

HOME PLAATSNAMENOVERZICHT HOME

OCH WAT SJOON
1999/2000: Telst: Frans van Binsbergen - muziek: Louis Herber

In de laoterie wón Opa oots den allereesjte pries.
Hae ging mit de bös ein paar daag lekker sjtappe in Paries.
Bie de nachrevuuj voolt opa zich metein al lekker toes,
en trök in Zitterd, hoors ze opa zèngend in 't hoes.

Ich wil metein terök, en hae zóng dao aan ein sjtök.

Refrein:
Och wat sjoon, och wat sjoon, dat wil ich waal dèkser doon.
Jao, ich weit noe heel besjlis, wat ich jaore höb gemis.
Och wat sjoon, och wat sjoon, dat wil ich waal dèkser doon.
Jao, ich weit noe heel besjlis, wat ich jaore höb gemis.

Sjarel ging mit zien Marieke veur den eesjte keer op sjtap.
Wie ze heivesj ginge haet hae zich Marieke êns gesjnap.
Aafsjied numme deige zie bie 't kèndj in 't portiek.
Wat Sjarel doe óntdekde, jao, dat vónj hae bès waal sjiek.

Verpópzak ging hae trök, en hae zóng 't ganse sjtök.

Zefke moosj mit vastelaovend ummer nao de wènjtersjport.
't Mènke wis neit baeter, dach, ich kóm hie niks te kort.
Zefke woort doe Zef en houfde neit mee nao de après-ski.
Hae bleef mit vastelaovend veur den eesjte keer èns hie.

Hae zat zich op ein krök, zóng drie daag aan ein sjtök.

HOME PLAATSNAMENOVERZICHT HOME

ODE AAN LIMBURG
1974: Tekst & muziek: Francine Rutkowski-Ehlen

"Veur mich is Limburg 't sjoonst' van al, want dao ben ich gebaore.
Aan dat heerlik sjtökske gronjt höb ich mien hart verlaore".

In dae geis wurt oos heiment door mènnichein bezonge,
en zeen zien naam en faam tot gans wiet doorgedronge.

Oos donkel mien, oos veurjaorsprach, 't auwesjhoes en 't sjoon Limburgs maedje,
loeënde klokke en zjwerbelkes, ein muulke, ein benkske, ein paedje.

De zanjtwaeg tösje veljt en wei vol riepende vruchte en blömkes,
eine nachtegaal, eine eikeboum, en zèngende kenjersjtömkes.

Limburg wilt zegge berg en dal, wiet oetgesjtrek heuvellanjt,
ouch vlakke veljer, boesj en hei en eine sjoone waterkanjt.

Kirke, kesjteele en boerehööf, geboewe in alderlei sjtiele,
eige gerechter, geweuntes en sjpraok höbbe veer noch allewiele.

De Limburger verdeinde vruiger zien broot aan 't hoes, in de koel, op 't lanjt.
Welvaort waor oos doe noch vraem, veer laefde van de hanjt in de tanjt.

Industrie, techniek en weitensjap zeen ouch bie os gekomme.
Drom haet oos jeug veur zien besjtaon unne angere waeg genomme.

Ein sjpassig volk, daobie ouch vroom, van autshaer zo gebleeve.
Godgaef, dat 't in de toekoms dao altiet haer maag sjtreeve.

Dan zulle veer hiej gelökkig zeen, waat 't laeve ouch maag brènge.
En kan nog lang de troubadour van Limburg blieve zènge.

Veer hauwte Limburg altiet hoog en blieve dreuver waake.
Tesame kènne veer oos gewes nog sjooner, mee laefbaar maake.

Zodat veer, zelfs bie taengesjlaach, mit mout en vol vertroeë,
wie os van vruiger is geleerd, aan Limburg blieve boeë.

HOME PLAATSNAMENOVERZICHT HOME

OH LEI ! OH LEI !
Tekst & muziek: Guus Steinen
Zang (*) : Kartoesj

hallef zeve sjmörges vreug, ver sjtaon te wachte,
op de bös die ôs sjtraks nao Sjpanje brunk .
'ch zit oppe koffers en höb al sjpas aan de gedachte
dat op waeg d'r haer de ganse bös weer zunk :

nao Sjpanje ging de bös
mer 't woar nog vreug en frisj en kil.
de hellef van de bös die sjleep
de anger helf woar sjtil.
toen pakde hae de microfoon, en sjtèlde hae zich veur
"leef luukes ich ben Lei , en ich ben de bös-chauffeur"
doe gluifs't neet wat toen gebeurde as ich uch vertel,
van achter oet de bös reep toen 'n Venloos sjtèl

Refrein:
Oh, Lei Oh, Lei,
Oh, Lei Oh, Lei,
veer gaon noa Sjpanje met dich mei
Oh, Lei Oh, Lei,
Oh, Lei Oh, Lei,
dao is 't wermer dan hei
Oh, Lei Oh, Lei,
Oh, Lei Oh, Lei,
dans' veer flamenco in de zon,
roop' ver :" oh Lei !!" ( Oh, Lei !!!). " oh Lei !!" (Oh Lei !!!)
dit môt ver dèkker doon

't waor gezèllig knus
't woort ein femilie in de bös,
veer vroogte ôs ongerôs
wat dat in Sjpanje gaeve môs.
en wae haw in de bös de meiste sjpas van allenej?,
Wat denk ger? Nou ger roajt 't al , jao dat woar Lei!
van dat moment aaf waas 't auch gedaon met alle rös,
en klônk veur ôze Lei gereigeld door de bös.....

* cd 2003: Kartoesj - "Alles kump good" - Marlstone CDL 2307

HOME PLAATSNAMENOVERZICHT HOME

OKTOBER
Tekst: ? - muziek: ?

Oktober is eine jaegesjman, dae knalt mit zie gewaer.
Hae haet ei goud-gael keilke aan en dreegt op zie kepke ein vaer.
Die mot waal van eine merkuf zeen, of van eine goud-fazant.
De zònnebloume uigen 'm nao, die kieke mich al to parmant.

Ze haole ei kitske de ougsbrao op en trèkke de muulkes sjeif:
"Waat meint zich dae wilje kael dan waal ? Dae haet òs jao gaar neit leif !"
De wilje jaeger sjleit òm zich haer en huit mit handj en voes.
Dat alle louf van de linje vlug. De keninkes loupe nao hoes.

De zònnebloume sjödde de köp: "Waat is mich dat veur ei sjpeel !"
En tristig doon ze de ouge toe, dao valle ze van hunne sjteel.
De wèndj koum op; 't sjtòrmp door de buim. De lòch is krank en sjwaor ...
Verbie, miene leive zoomertied: "Adjus, pès 't volgend jaor."

HOME PLAATSNAMENOVERZICHT HOME

ONVERWACHS
Tekst & muziek: Guus Smeets
Zang: Wil & Annie

Refrein:
Onverwachs, gaufs dich mich dien leifde
Noots gedach, dastich heels van mich
Diene lach, höbste mich gegaeve
Noots aan gedach, gans onverwachs, waors dich van mich

Jaore geleeje, koum ich dich teaenge
Wae kos doe denke dastich waors van mich.

Höbs mich veroverd, ich bin verlaore
Iech blief veur altied, veur altied bie dich

HOME PLAATSNAMENOVERZICHT HOME

ONWAER
Tekst: ? - muziek: ?

Huuj is 't heit en vol-op zoomer, alle sjtein en moere gluië.
Langs de lòch sjtaon dònderteures, en de hits begint te bruië.

Koum mer raenge, kaum mer hòmmel: Dit is neit òm oet to haaute.
't Humme woort mich wie 'nen dweil en, och, mie kraegske krig ein flaaute.

Geine voogel ruirt mee 't bekske, niks, - gei zènge mee of sòmme.
't Louver hink wie dreug-gewoore, bang veur waat medein geit kòmme.

Pès op èns de wèndj zich opwurp, stöb deit wirvle langs de sjtraote,
buim te lief geit dat ze kraake, kerme wie van God verlaote.

Dat is 't onwaer, dat zien tròm ruirt, 't bliksemp sjriklik òm den toore,
Sjlaag op sjlaag. De ganse loch is baoven òs wie wildj gewoore ...
?????..

"Baet uch, kènjer, zeet neit bang: Heere die sjtreng zeen, regeire neit lang."

HOME PLAATSNAMENOVERZICHT HOME

OOS MARIE SJUT DE VOOGEL AAF
Oet de Zittesje Revuuj "Zitterd Broesj"
Tekst & muziek: Thei Wessels

Refrein:
Oos Marie sjut de voogel aaf,
mit eine hèlle kraak, dae sjeut van höör waar raak.
Oos Marie sjut in eine paaf,
dae voogel van de sjtèk, went dae zout vasgeplèk.
Noe sjteit dao dae laege paol, en dat is 't ènj van 't verhaol.
Oos Marie sjut in eine paaf,
dae voogel van de sjtèk, went dae zout vasgeplèk.

Harie zit es èrme sjöt, dèkser waal èns in de pöt.
Rich hae 't gewaer, raak 'r nog gein vaer.
Sjteit dae voogel dan nog dao, dan wis jederein hööm nao.
Gruin en gael, bleik en sjael, zut daen erme kael.

Harie is zo wieste zaes, tweemaol keuning al gewaes.
Rich hae noe de luip, wurt dat bees gesjtruip.
Niks sjteit hööm dan in de waeg, mèr sjus klònke hiej de sjlaeg.
Gruin en gael, bleik en sjael, zoug daen erme kael.

cd : Marotte Zitterd - " Zitterd Broesj " - Onger Os # 7343

HOME PLAATSNAMENOVERZICHT HOME

OOS OMA IS EIN DANSMARIEKE
1979: Tekst & muziek: Hans Wijnands

Refrein:
Oos oma is ein dansmarieke, dat is zo'n flökke meid.
De ganse sjtad, die sjteit te kieke, es òs oma danse geit.
Dan sjprink ze mit de wanjelsjtek, bie opa in de nek.
Jao mit de vastelaoved is ze sjtapel gek ...
Want òs oma is ein dansmarieke, dat is zo'n flökke meid.

Oos oma is ein flökke meid van achentachtig jaor.
Zie woont in ein bejaordehoes, dao sjpeelt ze dèks get klaor.
Dan sjprinks ze oppe taofel en sjleit dan mit de bein.
En alle opa's houwe dan van sjpas de tent in ein.
En deze haet ein trumke en dae nog ein trompet.
Dan geit 't gans bejaordehoes in optoch door de flat ...

En es de Vastelaovend kump, dan sjteit ze al gereid.
Want in d'n optoch geit ze dan es dansmarieke verkleid.
Dan sjprink ze door de sjtraote en maak väöl lol en sjpas.
En noe en dan, dan drink ze zich, ein gans klein sjlukske sjnaps.
Zeet geer ein dansmarieke, zo aardig en zo frisj.
Dan wèt geer vas en zeker al dat dat òs oma is.

* CD 1996/1997: Diverse artiesten - "En toch, en toch" - Ónger Ós # 7306

HOME PLAATSNAMENOVERZICHT HOME

OOS ZITTESJ PARADIES
1987: Tekst & muziek: Ger Muyrers

Refrein:
Es Zefke Mols daobaove wòs wie vastelaovend is bie òs,
dan koum 'r nao zien sjtamkaffee, mit 'n engelke of twee.
Sjonkelend get op en aaf, reip 'r: "Heer, komp auch mer aaf".
Drie daag zeen v'r neit goud wies in oos Zittesj paradies. (2x)

Hae haet twee oore wie 'ne haas en 'n krom komkommernaas.
Drink gei beier, allein mer wien, en hae sjprink rondj wie eine knien.
Hae dreeg ei bördje wo op sjteit, van dat 'r nog neit sjlaope geit.
En es 'r zink dae beste Pit, zink gans Zitterd mit 'm mit.

Hae haet 'n trom, wo hae op sjleit es 'r door de sjtraote geit.
Zènge deit hae valsj en hel, hae zuik nog ummer zien kapel.
En auch zien vrouw die zit vol sjpas, löp mit 'm mit en hilt 'm vas.
En saame mit dat leifste Lies, zènge ze dan weier die wies :

cd : Marotte Zitterd - " Hie brent de lamp " - Onger Os # 7262

HOME PLAATSNAMENOVERZICHT HOME

OOZE KANARIE
1985/1986 nr.1 : Tekst & muziek: Jeun Schelberg

Hae flöt " 't Sjtertje", "Maske kom hiej",
"D'n dreugdouk" en "Es ich vriej mit Marie",
"Gank oet de waeg", "Hauwt mer aan" en "De trööt",
"Kiek in 't glaeske" en dan isser tööt;
Effe mot ter röste, dan geit 'r weijer d'raan ...

Refrein:
Want aaf ein Jannewarie, flöt bie oos de kanarie,
leidjes euver de vastelaovend, leidjes die 'r ram van boete kent.
En auch in Fibbrewarie, flöt daezelfde kanarie,
mer hae sjtaak daomit gans besjlis es 't essjelegounsdig is.

Dan geit 'r wiejer mit "De wauwelprie",
en "Zitterd sjittert" en " 't Is veurbie".
" 't Eesjte muulke" en "Op ooze wal".
Hae sjlut mit "Zitterd viert weier carneval".
Effe mot ter röste, dan geit 'r weijer d'raan ...

Hae flöt dan ouch noch "Heur veer allenej",
"Alaaf Marotte" en "De pappegej",
"Zo waar 't vruiger" tot sjlot "Leive Sjat".
Dan denk 'r: ziezo en dat is dan dat.
Effe mot ter röste, dan geit 'r weijer d'raan ...

HOME PLAATSNAMENOVERZICHT HOME

OOZE PRINS
1983: Tekst & muziek: John Wauben & Guus Steinen
Uitvoerende (*) : Zjweit Vuit

Refrein:
Veer höbbe 'ne Prins, veer weite zeker dast'm kèns.
't Is de sjoonste, dae bie òs in Zitterd woont, 'ne tweede wie hae löp bie òs neit rondj.
Mit hööm ès prins bie òs, haet ooze karnaval eesj goud begoosj.
Veer weite zeker dat 'r zègge zal : " Veer viere dit jaor 'ne sjoone karnaval ! "

Waat höbbe veer gesjpins wae zal 't waere :
" Wurt 't Haarie ? Wurt 't Hoebaer ? Wurt 't Jos ? "
De Wieze Raod dae höbbe veer laote gewaere.
Mer noe sjmiet v'r alle remme los.
Zeet geer 't mit òs éns : " Veer höbbe 'ne klasse Prins !!! "

De prins dae sjmit royaal mit appelesiene,
hae sjmit nao alle kénjer die d'r sjtaon.
In d'n optoch zal 't zunke ekstra sjiene,
este de prinsewage hiej veurbiej zus gaon.
Zeet geer 't mit òs éns : " Veer höbbe 'ne klasse Prins !!! "

* cd 1999/2000 : Marotte Zitterd - " De fraaje mit de medaaje " - Onger Ós 7366

HOME PLAATSNAMENOVERZICHT HOME

OOZE SJAAK
2007/2008: Tekst & muziek: Ben van der Venne
Zang: Ben van der Venne

Refrein:
Gans limburg sjteit op ziene kop
’t Is de tied van vas-te-laovend
En jeederein maak lol en sjpas
Jao jeederein kump oet de kas
En zelfs ozze dreuge Sjaak
Dae vilt nog heel good in de schjmaak
Jao Sjaak dae haet ’t helemaol gemaak
’t Is unne echte vastelaovesschjnaak

Heurt hae de zaate hermenie
Krit hae de kriebels in zien prie
Schjnap hae zien maske en schjluppejas
En haolt hae alles weer oet de kas
Mer zeen de cente bienao op
Besjtelt hae vlot nog unne bob
Want doe laefs mer eine keer
En ’t leefs... ein paar jaor meer!

En es d’n optoch dan weer trek
Dan zeen veer alleneij ein bietje gek
Zeen veer de prins mit al zien prach en praal
En dan dae sfeer, geer kent dat waal
En dan ’t saoves in ’t cafe
Wurt dat allein nog mer get meer
Wurt gesjpronge en gezonge in os limburgs plat
En viere veer carnaval mit ozze sjat

HOME PLAATSNAMENOVERZICHT HOME

OOZE SJANG
G. Laumen, L. Meyers & Th. Hunnekens

Ooze Sjang, dae blees bie oos in de fanfaar,
de hoogste toone, mer die klinke waal ens raar.
Lets kreeg ooze Sjang eine ganse dikke kop.
Hauw 'r mit zien proem die ganse trööt versjtop.

In oos flet, 't is mich get, is de buurman muzikaal.
Wie ventj geer dat waal, de buurman muzikaal.
Ester blees, is 't fees, krig de ganse flet gein roe.
De ganse buurt sjmit dan de vinster toe.

't Waar ens laat en get naat, doe Sjang nao hoes koum, zaat,
sjtong de vrouw paraat, sjloug mit Sjang 't raad.
Sjmeet de trööt in de gööt, en doe waar 't fees gedaon.
De ganse flet koosj röstig sjlaope gaon.

HOME PLAATSNAMENOVERZICHT HOME

OP DE KOLLEBERG
Tekst: Zef v. Daal - muziek: Jan v. Daal

Zoo is 't noe, zoo waar 't vruiger jaore,
op de Kolleberg is mènnig hart verlaore.
Mènnigein dae vonj dao zien gelök
en kump auch gaer dao mit zie maedje trök.

Refrein:
Op de Kolleberg is altied waal ei paedje,
wooste röstig kèns gaon zitte mit die maedje,
wooste wiet kèns kieke euver Zitterd haer,
woo dich neemes zuut, dat höbste dan zoo gaer.
De veugelkes die zènge dan hun sjoonste leid,
ooze Kolleberg vergaete veer toch neit.
De veugelkes die zènge dan hun sjoonste leid,
ooze Kolleberg vergaete veer toch neit.

HOME PLAATSNAMENOVERZICHT HOME

OP DEN TOOMEL (TUMULUS)
Tekst: ? - muziek: ?

Den heemel zoo blaauw, en zoo gruin et landj.
Fluitende veugel aan alle kantj.

Veur òs oet in de zòn blink de waeg gans wit.
Lachentaere löp de wèndj mit òs mit.

Blui en bloume, woo me mer geit.
Pès dao oos Stèdje veur òs sjteit:

Get wie verlaege, gries en graauw,
tösjen et vruigjaor en 't heemelblaauw.

Dao lacht et Sjtèdje taenge zien luu:
"Laot mich mer aauwd zeen, maak geer uch nuu !"

HOME PLAATSNAMENOVERZICHT HOME

OP EINE AUWE FITS
1998: Tekst & muziek: John Smeets & Gian Prince

Sjuul trok veur d'n eesjte keer mit ein hermenie,
blous zich flink d'n aerpel op, houl 't gaar neit bie.
Sjang dae zag: "kóm doe èns hie, trampels ummer oet de rie.
Trööte jao dat leers doe koum, sjnap dich mer eine sjelleboum".

Refrein:
Op eine auwe fits dao móste 't leere, al geit dat neit zo flot.
Op eine auwe fits dao móste 't leere, al trapse dich kapot.
Oppe sjtóp, höb geine flóp.
Door de gööt, kiek oet ! en val neit op dien trööt.
Op eine auwe fits dao móste 't leere, al geit dat neit zo flot.
Op eine auwe fits dao móste 't leere, al trapse dich kapot.

Hae drónk veur de eesjte keer ei klein pötje beier,
waggelde doe wie ein aenj al nao drie kerteier.
"Straks dan bèste sjtarre zaat", dat zag doe de kastelein.
Pak dich maar 'nne limmenaat, dan bèste langer oppe bein.

Vrieje veur d'n eesjte keer, gans allein op sjtap,
sjtóng verkleid es kelderlaok bie 'nne leive sjat.
Hae wós gaar neit waat te doon, sjtóng te razele in zien sjoon.
Dach, ich sjnap mich ein auw besj, die höb ich mekkelik in de tesj.

cd : Marotte Zitterd - " Zitterd Broesj " - Onger Os # 7343

HOME PLAATSNAMENOVERZICHT HOME

OP OOZE WAL
Rodor-Scotto en Thuur Laudy

Ich zal uch ei leidje zènge gaon, ei leidje van ooze Wal,
en haope dat 't uch allemaol ouch goud bevalle zal.
Es junkskes koume veer oet de school en knebbelde veer òs dan al,
dan woort v'r kaod en reipe vrech: kòm mer èns mit mich oppe Wal.

Refrein:
Op ooze Wal zo sjik, wie dae om Zitterd lik.
Och Wal kèns doe schpraeke, dat laot dich èns heure,
't leid en plezeier waat bie dich is gebeurd.
In vruiger jaore haer, hauw veer dae Wal zoo gaer.
Veer schtòkde in 't kuulke en schmeete mit de bal, ummer op ooze Wal.

En dènk ich aan die wèntjes trök, wie 't fein en lekker vroor,
dan rende veer op groot gelök 't Neilesch getske door.
Veer schleierde huuk, veer schleierde oet, veer schleierde euveral,
en schprònge schölke oppe wieër, de wieër van ooze Wal.

En hauw enne jòng ei maedje gaer, wo de mam nog niks van wòs,
dan dach er dèks, wo noe weier haer, wo me röstig vrieje kòs.
Want Truke, dat wol neit in de schtraot, 't waar bang veur de kletsch en de kal.
Dan zag 't: jòng, kòm schtrakke mer om zeve of ach oppe Wal.

HOME PLAATSNAMENOVERZICHT HOME

OP 'T SJEUTJE
1957: Limb. teks: Frits Rademacher - muziek: Johnny Hoes

Ich kóm dich dékser taege in de winkelsjtraot.
Kiks te ouch gét verlaege, doe bés gaar neit kaod.
Doe höbs ei fien figuurke en ei knap gezich.
Ich zou dich gaer get vraoge, loester éns nao mich :

Refrein:
Zét dich, bie mich op´'t sjeutje, maedje, kóm, bés noe éns leif !
Wils te mit migge in 't beutje ? Zék toch éns jao, estebleif !
Zits te bie mich op 't sjeutje, kris te get lékkesj van mich !
Zét dich bie mich op 't sjeutje, sjnóbbel, ich hauwt zoo van dich !

Doe bés ei kéndj oet doezend, 't leifste waat besjteit.
Sjus wie ei lente-blömke, sjoonder geef 't neit !
Koos ich dat blömke plökke, 't waas mich alles waerd.
Brachs te veur mich den hemel, hie toch op dees aerd !

HOME PLAATSNAMENOVERZICHT HOME

OPPE FITS
1991: Tekst & muziek: Jeun Schelberg

Refrein:
Op 't fitske, jao oppe fits, béste dao, veur dat ste 't wits.
Op 't fitske, jao oppe fits, béste dao, veur dat ste 't wits.
Este goud höbs doorgetrap, nao eesj te zeen opgesjtap,
op 't fitske, jao oppe fits, béste dao, veur dat ste 't wits.

Ooze gouwe Frits, hauw 'nne nuuje fits.
Opèns eine houp gekuum, hae noum de boch te ruum.
Doe zout 'r op zien vot, de kneie ram kepot.
De sjouwesj oet de kòmp, en de fits harstikke kròmp.

Ooze gouwe Frits, koch weier 'nne nuuje fits.
Opèns enne houp gekraak, Marie hauw 'm geraak.
Hae zout weier op zien vot, gelökkig niks kepot.
Hae haet auch niks berouwd, want hae is mit Mie getrouwd.

* cd : Marotte Zitterd - " 111 Jaor De Marotte Zitterd en 111 JAOR VLEIGE DE VONKE HIE OET DE PAN " - Onger Os # 7226

HOME PLAATSNAMENOVERZICHT HOME

OPPE LAEREN TRAM
1996: Tekst & muziek: Thei Wessels

D'n tied van sjpas is hie, ich höb ein tiedje vrie.
Noe mòt ich nao de sjtad, mer ich weit gaar neit wie.
Ich kèn neit mit de fits, dae höbbe ze gesjtrits.
Dan blif d'r neit väöl euver, wieste wits ...

Refrein:
Mien zaole die versjliete ram,
es ich gaon jatse oppe laeren tram.
Ich duuj mich door de sjtraote haer,
mit Vastelaovend trek ich flink van laer.
Mien zaole die versjliete ram,
es ich gaon jatse oppe laeren tram.
Noe kòm, dan bèste daalik dao.
Wae noe blif ligke, kump te vout mer nao !

Ich gaon neit mit de bös, went ich bèn òngerös,
dat ich nao al dat sjòkkelrieje niks mee lös.
Ich gaon neit mit 't sjpaor, zo loup ich gein gevaor,
dat ich menuute laater bèn dit jaor ...

't Uiteke van pap, höb ich mich neit gesjnap.
Gaon ich te rap, dan waer ich door de plis betrap.
Noe sjprèng ich erm in erm, zo taffel ich ich mich werm.
De sjoester lach zich eine blènjen derm.

* CD 1996/1997: Diverse artiesten - "En toch, en toch" - Ónger Ós # 7306

HOME PLAATSNAMENOVERZICHT HOME

OPPE MERT DAO IS GET LOS
P. Stöcker

Oppe mert, dao is get los, jeed're daag opnuuj.
Wo me sjleip mit de kiejos en mit zaate luuj.
Wo ein dröpke ummer noch weinig sentjes kos.
Jao, dao tap me mit kraeg en dao top me mit sjlaeg.
Oppe Mert dao is get los.
Jao, dao tap me mit kraeg en dao top me mit sjlaeg.

HOME PLAATSNAMENOVERZICHT HOME

OPPE TRÖÖTE TOER
1991: Tekst & muziek: Th. Wessels
Zang (*) : ?

't Ganse jaor, dan lik die trööt mer in die kis.
't Ganse jaor is 't de trööt die men neit mis.
Mer op 't bal, dan sjettere ze vööl te hel,
dan wurste drie daag knetter van die blaoskapel.

Refrein:
Veer zeen allenej... oppe trööte toer.
Veer blaoze mit gemaak, de panne van 't daak.
Veer zeen allenej... oppe trööte toer.
Veer blaoze dat 't kraak, es eine vastelaovessjnaak.

't Ganse jaor, dan haet die trööt neit vööl te doon.
't Ganse jaor, dan is dae trööter mer ein boon.
Mer mit de vastelaovend haet 'r ummer zin,
dan haolt 'r veur ei jaor de sjaa waal effe in.

't Ganse jaor, dan lik die trööt mer in die doos.
't Ganse jaor is die zo'n bietje wirkeloos.
Mer mit de vastelaovend vlug ze ummer droet,
zo is 't laeve van ein vastelaovestoet.

* cd (1991) : " In Zitterd is get oet ! " - De Marotte Zitterd - Ónger Ós # 7201

HOME PLAATSNAMENOVERZICHT HOME

OUKOUK
1955: Tekst & muziek: Toon Hermans
Oetveurende 1 (*) : Toon Hermans
Oetveurende 2 (**) : ?

In ein dörpke neit wiet van hiej, doa ligke viefentwintig huskes op ein riej.
Dao sjteit ein kirkske en ein cafè, en d'n drogis verköp allein Kamillenthee.
Ei kaplöönke en eine plis, enne pesjtoor dae eiglik börgemeister is.
Ein kar ei paedje dat brink uch draer, want de bus die veer allein biej raegewaer.
En midde in dat dörp dao woont ei dökterke, dus es uch ooit ens get mankeiert,
gaot dan draer, gaot dan draer om te heure, waat dat dökterke zien kranke adviseiert.

Refrein:
Oukouk, oukouk ... doog 't in de flèsj en klòtsj, klòtsj, klòtsj.
Oukouk, oukouk ... doog 't in de flèsj en klòtsj, klòtsj, klòtsj.
Dan kump den hous los, dan kump den hous los,
gaef 't aan de kleinste kènjer in de lòtsj.
Oukouk, oukouk ... doog 't in de flèsj en klòtsj.

In dat dörpke neit wiet van hiej, dao woont dat dökterke al biej ein boerderie.
Mit zien resepke en ziene baard, es hae besjlis veur zien omgaeving get apaarts.
Höb geer boekpien of höb geer sjpit, höb geer wurm of höb geer las van 't gebit,
höb geer tandjpien of blènjenderm of höb geer koorts, hae maak uch kauwt, hae maak uch wèrm.
Want midde in dat dörpke bie dat dökterke, dao ruuk geer al de beierpap.
Gaot dan draer, gaot dan draer om te heure, 't allernuutste serum van de weitensjap.

In dat dörpke dao woonde Sjang, dae waar veer viefentwintig dröpkes nog neit bang.
Dae koosj 'm raake tot saoves laat en waar per jaor toch minstens twellef maonje zaat.
Mer doe kreeg 'r op zeek'ren daag, van dat sjikkere ei sjwaerke in de maag,
en doe woort 'r gans ònverwach, oppe sjörkar nao 't dökterke gebrach.
't Dökterke klopde op zien rubbekas, en zag: 't wurt ei bietje link.
Mer es geer noe, es geer noe, Sjang zot vraoge, wit g'r waat 'r noe al zeeve maonje drink.

* cd: Diverse artiesten - "Batailles Carnavallade 2" - Omroep Limburg OL53-199801
* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv