HOME PLAATSNAMENOVERZICHTHOME


PAPIERE BRÖKSKE
Tekst: ? - muziek: ?

Oos gelök höb' veer genaote, 'ch bèn allein noe woo ich gao.
Niks van al is òs gelaote, es 'ne breif zoo veur en nao ...

Breifke, doe, papiere brökske, woo me zich op taenge-geit.
Es me zich, oet-ein gereete, mit twee weurdjes toch versjteit.

Tösjen òs lik tied en ruumte, wie ein roesjende revier;
Alles waat òs is gebleeve, is ei brökske van papier.

Breifke, doe, papiere brökske, woo mien hart op wanjele gòng,
kan ich mich op dich verlaote ? ... Bès neit eimaol van kartòng !


HOME PLAATSNAMENOVERZICHTHOME


PAUL KRÜGER
Trad.

Paul Krüger koum oet Afrika veur biesjtandj in Transvaal.
In Frankriek waar veul simpatie, in Holland kolossaal.
Mer wie 'r mit 't hart vol moud auch nao Berlien wol gaon,
doe koum in Kölle eine gezant van Keizer Wullem aan.
Beste nonk zag hae gans vruntjelik, zegge mot ich uch tot miene sjpiet,
dat'der noe komp is hinjerlik, went Nonk Wullem haet geinen tied.
Beste nonk haduch gout bah bao ba bie ba bao ba,
daomit koosj dae brave Krüger gaon.
Hae maakde rechs om keier, dat nuimp me sivveleseirt.
Jao ... daomit koosj dae brave Krüger gaon.
Hae maakde rechs om keier.
Jao ... daomit koosj dae brave Krüger gaon.
Hae maakde rechs om keier.


HOME PLAATSNAMENOVERZICHTHOME


PEER HAUWT DEN HONDJ VAS
Tradional

Peer hauwt den hondj vas, dat 'r dich neit bit.
Bit 'r mich, sjit 'r dich,
doezend guije kos 't dich.
Peer hauwt den hondj vas, dat 'r dich neit bit.


HOME PLAATSNAMENOVERZICHTHOME


PEKSKESAOVEND
Tekst: Guus Steinen - muziek: T.Engel / H.Priess / E. Stocklosa / P.Schütten / G.Lückerath/ W. Schnitzler
Zang (*) : Kartoesj

'n joar is joa niks , neij 'n joar dat vluch de kènjer höbbe zich op deze daag verheug
de groate höbbe zich al lang neet meer gezeen, en die höbbe zo te zeen waal zin d'r in
Lei drunk 'n ealske de kat die sjleup Es de mamma versjrik op de pappa reup,
Kiek oet met ome Jan want dae is gaw zaat, en let op oma want die knooit met d'n advokaat

Refrein:
Pekskes oavend, ens in 't joar, aha (ejaa)
Pekskes oavend, ver zin allemoal doa aha (ejaaa)
dan zènge ver leedjes, met de ganse familijajaja

Nonk Wullem dae zaet ach noe môste 'ns zeen : wie braaf dat die prengele 'nt sjpele zin
de hôndj gans vergaete - niet gepis en gekak en noe pinkelt 'r per ongelök 't sjtopkontak
Willy prebeiert ziene walk- man oet mer Theike hoalde sjus de batterieje d'r oet.
want die haet 'r neudig veur 't computersjpel dat 'r kieke wilt loate aan ome Nöl

De kat geet dan sjtiekem noa de keuke in en huit zich dao de vösj van de kaw sjottel d'rin
de mam geef 'nne böäk es zie dat ondèk en zuut nog sjus wie zich dat mormel 't muulke lek
Wumke zaet :"noe kiek wat ich gekrege höb!" terwiel 'r Jantje 'ne watsj om de oore verköp
Tant Annie die zaet : noe versjtoat uch toch want d'r is nog chips en limmenaat genôg !!!

* cd 2001: Kartoesj - "Tam-tam" - Marlstone CDL 2044


HOME PLAATSNAMENOVERZICHTHOME


PÈNKSTERBRUUDJE
Tekst: ? - muziek: ?

Veur ene cent of veur twee öörtjes, maags doe ònger 't wit gerdinke,
kieke nao 't verbòrge bruudje, Binke, Finke of Karlinke.
Krenskes òm zien erm en köpke, gans mit prèntjes volgesjtaoke,
zit besjaemd dao 't Pènksterbruudje, of 't ei pötje hei gebraoke.

't Durf neit lache, 't maag neit kriesje, 't mòt niks angesj doon es sjwiege.
Noe ze 't door de sjtraote draage: Of ze van de luu get kriege ?
"Laot òs 't Pènksterbruudje kieke, kieke ònger 't wit gerdinke:
Is 't dao sjtil in sjlaop gevalle, Binke, Finke of Karlinke ?"

"Sjtil, geer zoudt et wakker maake, laot et doon esof 't niks heurde ..."
Wieër draage ze 't en zènge, of dat zènge 't gaar neit sjteurde.
Draagen 't wieër in zie sjtuilke, Binke, Finke of Karlinke:
"Wilt geer 't Pènksterbruudje zeen en kieke onger 't wit gerdinke ?"

Pènksterbruudje, heimlik bluimke, zek, waat zits doe zoo versjweege ?
Bès doe 't Vruigjaor, bès doe 't Laeve ? Waat veur zin höbs doe gekreege ?
Leif symbool van baeter tieë, Binke, Finke of Karlinke.
Laot de zoomer lank en riek zeen, kindje ònger 't wit gerdinke.


HOME PLAATSNAMENOVERZICHTHOME


PETRUS
Tekst & muziek: Guus Steinen
Zang (*) : Kartoesj

ich vraog mich dekker aaf, wie 't os daobaove zal vergaon,
es ver sjtraks bie Petrus aan 't hemel päörtje sjtaon
ich heur Petrus al zègke baove aan de hemelpaort,
'bèste dao noe eindelik !! wat haet dat lang gedoert !!'
en dan lacht'r en dan zaet 'r - auch de èngele jubele blie -
'veer höbbe dich neudig in ôs zaate hermenie ! '
halleluja, halleluja, veer kômme allemaol allemaol allemaol in d'n hemel
halleluja, halleluja, en dao höb'ver 't dan veur eeuwig en veurgood nao ooze zin
bronsgreune meziek heurste op eder hemels fees
en ze zègke Petrus zelf haet alle limburgse cd's
daodoor sjient 't daobaove in de hemel zoa te zin:
wae oet Limburg kump dae laote ze zônger te kieke in

dus ederein van hie - dat is daobaove al bekènd -,
kump zeker in d'n hemel, Petrus twiefelt gein moment...

daobaove sjient 't 'wie me zaet - 'ne leuke boel te zin
en veural de luuj oet Limburg brènge doa de sjtömming d'rin
es die meziek gaon make sjprènge de èngele op de sjteul
want die sjpele alle sjtökker mit dat hemelse geveul,
en sjteit weer eine veur de paort hiej oet 't limburgs land,
legk Petrus de luiper oet, geit alles aan de kant....
mer ein saort luuj die sjik 'r trök- doa sjteit 'r ôm bekènd -,
die wat veur Jan-en-Alleman cd's höbbe gebrent !!!
die geuf 'r get laeg cd-tjes met en - jông, dan zin ze sjtil !-
dan zaet 'r :' hawt uch good en bren mer wiejer in de hèl !'
halleluja, halleluja, veer kômme allemaol allemaol allemaol in d'n hemel
halleluja, halleluja, en dao höb'ver 't dan veur eeuwig en veurgood nao ooze zin
as v'r allenej bie die zaate hermenie daoboave zin

* cd 2005: Kartoesj - "Gein probleem" - Marlstone CDL 2511


HOME PLAATSNAMENOVERZICHTHOME


PILGRIM
Tekst: ? - muziek: ?

Ich bèn eine pilgrim in de welt, de pungel op miene rök.
Ich trèk van landj tot landj allein, ich trèk en kiek neit trök.

Zoo dwaal ich taenge wil en dank, omdat 't neit angesj kan:
Landjluiper veur oos Leveneer, einen erme zjwerversman.

Ich höb gei laager, en höb gei landj; ich höb noch kèndj, noch krao.
Draag alles in miene knapzak mit, en draag dat woo ich gao.

Of 'ch daoveur to beklaage bèn ? Laot dat met sjtilkes sjtaon !
Geer, geer mot blieve woo geer zeet, mer ich maag gaon !


HOME PLAATSNAMENOVERZICHTHOME


DE PISTÒNG IN DEN AOVEND
Tekst: ? - muziek: ?

Noe is de zoomerdaag vergange, de grieze sjeemer trèk langs 't landj.
Veer raste van oos sjtrabbatseire, en doon 't getuug veur gout aan kantj.

De frisje mèlk is heim gekòmme, en 't vee haet zich in 't graas gelag.
Es noe de rieste-pap met gaar is, dan is auch dezen daag volbrach.

Den aovend is zoo weik, zoo zoumich, of mit den daag de zörg vergòng ...
Dao irges zit ene jòng to sjpeele, van wiets aaf heur ich ziene pistòng.

En irges angesj aan 'nen deursjtiel, ei maedje sjtil to loestre sjteit ...
Dat wit van rieste-pap noch hònger, omdat et dae pistòng versjteit.


HOME PLAATSNAMENOVERZICHTHOME


DE PLIS
Tekst & muziek: Jeun Schelberg

Refrein:
Dat is, dat is, daen erme plis, dae wit dèks neit waat aan 'm is.
Dat is, dat is, daen erme plis, 't is egaal waat hae auch deit,
wat maag 'r waal. wat maag 'r neit.
Zo is dat hie mit ooze plis, daen èrme, èrme plis.

Nou hauw ruzing mit zien vrouw, knuipde höör vas aan de sjouw.
Eine plis maakde höör los, Nou en vrouw die höbbe 'm saame aafgeros.

Tuur zout zaat achter 't sjtuur, ellef glaazer whisky puur.
Eine plis maakde verbaal, Tuur dae sjloug 'm mit de krök in 't hospitaal.


HOME PLAATSNAMENOVERZICHTHOME


PÖLLE VÖLLE
Tekst & muziek: Guus Steinen
Zang (*) : Kartoesj

Refrein:

Geiste mèt? ...(heijöp )...
veer goan de pölle völle
kom ober!! aan de gang!!!
neij neit lang helle, geinen tied versjpille
want dat doert ôs väöls te lang !
Geiste mèt? ...(heijöp )..
veer goan de pölle völle
dat môt van tied tot tied
es veer venoavend neet de pölle völle
dan höb ver mörge sjpiet !

geer zit hie in de gooie hut, hie wurd 't meiste beer versjöt.
bie os liejt nemes doosj, of 't moosj zin dat 'r geine moosj.
geer zit hie in de gooie kroeg met gans de nach nog veur de boeg.
en kump de mörge in de loch : is hie nog ummer beer genôg

langkzaam geit daen doem omlaeg dao ken ver good met euverwaeg
en zo om 't keteer dan völle veer 'm weer !
veer kieke neet op oer en tied , waat mörge is... det is nog wiet
dus roop'ver noe d'n ober weer , joa zet die pölle hie mer neer

* cd 2003: Kartoesj - "Alles kump good" - Marlstone CDL 2307


HOME PLAATSNAMENOVERZICHTHOME


DE POLONAISETREIN
Tekst: Wil Frenken - muziek: Michel Nita
Zang: Wil & Annie

Refrein:
Jao veer gaon noe mit zien alle
in de Polonaisetrein
Jao veur jederein is plaatsj
Och wat fein, och wat fein, och wat fein
Jao veer gaon noe mit zien alle
in de Polonaisetrein
auch al beste groot of klein
Och wat fein, och wat fein, in de trein.

Dit is noe de groote kans
want veer gaon noe op vakans
Sjtap mer in dae bonjte trein
want dat is toch fein
Brink os nao ein angerlanjd
zon de zee en auch ‘t sjranjd
Este noe neit mit os geis
witste neit wat is gewaes

Dit is zo wo ich van hauwt
lekker werm en auch niet koud
Röstig in ein anger lanjd
ligge op ‘t sjtranjd
Zanjd zit auch tössje de henj
en auch noch tösje de tenj
Este dat niet höbs belaef
witste neit wie me dao laef


HOME PLAATSNAMENOVERZICHTHOME


DE POTSMEDAM
Tekst: ? - muziek: ?
Zang (*) : Anja Bovendeaard

Refrein:

* cd 1996 : Anja Bovendeaard - "Anja" - Onger Os


HOME PLAATSNAMENOVERZICHTHOME


'T PRETZELS LEIDJE
1980: Tekst: Francine Rutkowski-Ehlen - muziek: Jan van Daal

Zo hauverwaeg de Pötsjtraot, höb veer oos tweede toes.
Veer vuile os dao lekker, al zeen veer klein behoes.
Neit deftich, waal gezèllich, me is dao wae me is.
Veer drènke mennich pilske, en zènge gans besjlis.

Refrein:
In Aetkaffee PretZels, zeen veer toch zo gaer.
Wae zich wilt vermaake, geit dao altiet haer.
Ech Zittesje maskes mit laammaekesj blout,
mer es veer bie Bert zeen, versjtaon veer os zo gout.

Door 't gans jaor is in PretZels, gaaroets geine Kaffee.
De luuj komme dan gaer aete, dat sjtump hun zeer tevree.
Mer wurt 't Vastelaovend, gaon de muibele aan de kanjt.
Verseiert is dat zaekske, 't sjoonste van 't lanjt.

Besjtèlt wurt dan per runtje, wie ut onger vrunj ouch heurt.
Zo veur en nao kump jeder, dan aan zien eige beurt.
Veer zeen gein einzelgengesj, maake saame lol en sjpas,
en hauwte zo in ere, 't richtich Zittesj ras.

Zo wie unne tiet van komme, kump ouch d'n tiet van gaon.
Ut allerlètste pilske, Vastelaovend is gedaon.
De pruuke en de maskes aaf, pès volgend jaor mer weier.
Dan zeen veer os in PretZels trök, bie heel vööl glaeskes beier.


HOME PLAATSNAMENOVERZICHTHOME


DE PRINSEDRUIM
1980: Tekst & muziek: Jeun Schelberg
Zang (*) : Chris Maas

Refrein:
Pap, es ich groot bèn, maag ich dan ouch èns Prins Carneval zeen ?
Pap, es ich groot bèn, waer ich zo gaer ouch èns Prins.
Zou vastelaovend dan ouch nog waal besjtaon ?
Jong, es de luuj zich ummer en goud versjtaon.

Baerke, dae waar nog get jonk en get katsj,
koos naeske neit sjnoete, voul dèks in de pratsj.
Hae waar dan ouch klein, en hae leip ouch nog pas,
mer Prins wol hae waere, dat sjtong bie hööm vas.
Woort hae nao bed gebrach, dan vroug 'r nog aevekes zach:

Baerke waor hènjig en leerde al gauw,
om waages te maake in raege en kauw.
Hae reikde den hamer en auch de zaeg,
de groote luuj leip er dèks vies in de waeg.
Hae hauw nog ummer haop, en muig sjprouk'r in ziene sjlaop :

Baerke woort auwer, geer wit wie dat geit,
eoort papa en opa, mèr Prins woort 'r neit.
Den optoch trok, mèr hae leip neit mee mit,
zout achter de vinster mit Oma en sjpit.
Dan sjpeelde de kapel, en Baerke zong mit, mèr neit hel :

* lp (1986/1987) : Marotte Zitterd - " De Kòmplemènte oet Zitterd "
cd : Marotte Zitterd - " Hie brent de lamp " - Onger Os # 7262


HOME PLAATSNAMENOVERZICHTHOME


DE PRÖLLEMANJ
Tekst & muziek: Ad Pfennings

Refrein:
Ijao, ijao, dat is die heel auw pröllemanj.
Ijao, ijao, die manj van bie Nònk Wanj, jao, jao.
Ijao, ijao, dat is die heel auw pröllemanj.
Ijao, ijao, die manj van bie Nònk Wanj.

Jao, noe den tied weier komme geit en jeder de dikke tròm al sleit,
krup me èns gauw de zölder op, zèt de kraom dao gans oppe kop.
Bètje dat haet nog ein auw kalbas, Pitter en Greit die sjnappe ze vas.
Sjreeve: kom hie, die is van bie Nònk Wanj, oet de pröllemanj.


HOME PLAATSNAMENOVERZICHTHOME


DE RAATELAER
1980/1981 nr.1 : Tekst: Wil Frenken - muziek: Tjeu de Heus

Refrein:
Doe bès enne ra-ra-raatelaer, och jong waat moels doe gaer. (2x)
Doe bès enne ra-ra-raatelaer, dat zit zo in dien kaer.

't Waar mit vastelaovend, ich trof eine raatelaer,
en trok dao jederaovend euveral mit haer.
Hae maakde zovööl laeve, dat jederein doe zag:
ich zal dich enne gaeve, dan bès doe sjtil vannach.

Ei maske koum èns bènne, veer sjtonge aan den tap.
't Kèndj waar neit te kènne, dat haet os get gelap.
Wils doe èns effe zjwiege, noe hauwt èns die gezich.
Maach ich 't woort èns kriege en loester èns nao mich.


HOME PLAATSNAMENOVERZICHTHOME


RAENGE
Tekst: ? - muziek: ?

"Et raengent, et zaengent, de panne waere naat . . ."

De zònnebloum bròmt kaod-e-weg:
"Is dat mich get mit dae raenge-pech!"
En, ocherm, ze waggelt wie zaat.

En de reuskes hange, sjwaor en kuil,
in dat raenge-gedouns, dat, zònger gevuil,
ze geiselt van vruig pès laat..

Mer de buim sjtaon sjtil, de buim sjtaon wies,
in de lòch to kieke, graauw en gries,
woo alle blaauw oet verdween:

"Gebroek toch versjtandj, geer, kènjer leif:
De zòn, jao, de zòn is òs waal zoo leif ?
Mae de welt wilt gewesje zeen !"


HOME PLAATSNAMENOVERZICHTHOME


REMPETEMP!
Oet de Zittesje revuu 2001 "Rempetemp"
Tekst: Sjef Schurgers - muziek: Gian Prince
Zang (*) : Geert Cremers & Peter Schurkens

't Laeve is ein groote brök, die verbintj leit mit gelök.
Veer sjravele veuroet en neit meer trök.
Mer 't hartgeklop heisj rempetemp, 't hiltj os zo aan 't wirk.
En maak van 't gries in 't laeve eine groote bontje sirk.

Dae rempetemp zit jederein bie gebeurte in zien bloud
Geer groote duujt hööm weg en das neit goud
Hae zörg dat gans vööl lache toch ooze kroon wurt van vermaak
Hae zörg dat eine trommelsjtek 't vel ens richtig raak.

Refrein:
Jao jederaovend hiej opnuuj is de rempetemp revuu.
Hae is vanaovend gasheer hie van uch... beste luuj.
Noe laot hööm dan vanaovend toch ziene gank ens richtig gaon.
Allein al door dit saamesjpel kent revuu... veurt besjtoan.

Hae is de inspiratiebron veur de sjriever van dit sjtök
Vanzelf ontsjtaon de noote vol gelök
Hae vouwert ze wie moodermilk aan de sjpeelesj en meziek.
Hae maak daomit revuu zo onbesjievelik en riek.

Hae maak 't ritme tot kadans wat de kleur wurt van de dans.
Het klappe van vööl henj brink hööm in trance,
't tingele van 't belke klein in de pauze is zie wirk.
Hae rammelt aeve mekkelik aan klokke van de kirk.

* cd 2001/2002 : de Marotte - "Zittejse Rempetemp" - Ônger Ôs 7401


HOME PLAATSNAMENOVERZICHTHOME


REUSKES
Tekst: ? - muziek: ?

Noe teen auch de reuskes gaauw weir dao.
Ich vènj de sjtruuk al vol knupkes.
Ze pruive medein al de zònnesjien,
op hun geverfde lupkes.

Zoo heerlik geit weir 'et laeve aan,
van de zoomermaonje, de klaore.
Es alles zich verlostige maag,
verjòngerd wie nuu gebaore.

Waat kummer ich mich òm de dööresjtruuk !
Geer dööres, geer hartelooze ...
Ich weit, - is eimaol de zòn weir dao,
mog mer allein mee van rooze !


HOME PLAATSNAMENOVERZICHTHOME


REVEILLE
Tekst & muziek: H. Sillen
Zang (*) : Hay Sille en 't Volluksmeschien

Refrein:

* lp 1983 : Hay Sille en 't Volluksmeschien - "Blow graas" - Marlstone Recordings bv - MARL 198316


HOME PLAATSNAMENOVERZICHTHOME


DE REVUU PERPLUU
1995: öpeningsleidje oet de Zittesje revuu: " De Perpluu wurt gerich"

Tekst: Sjef Schurgers - meziek: Jan van Daal

Refrein:
Revuu, Revuu, Revuu,
auwerwèts, auwerwèts en toch ummer nuuj.
Revuu, Revuu, Revuu,
v'r richte de perpluu jao, jao,
Revuu, Revuu, Revuu,
auwerwèts en toch weier nuuj.
Revuu, Revuu, veer richte de perpluu.

Veer hauwte uch èns de revuu sjpeigel veur, daodoor krig 't laove weier gèt kleur.
Bekiek 't èns mit anger ouge, och de dènger die neit douge.
Bie taegesjlaag begint geer gans opnuuj, 't laeve is ein bònjte perluuj ...

Veer maak òs ouch allewiel vööl te drök, misse dan ein sjtökske laevesgelök.
Weg mit de zörg dat mòt toch kènne, laot uch noe èns fien verwènne.
Veer laammaekesj veer zègge alle luuj, 't laeve is ein bònjte perpluu ...

Veer maake mit uch ein historische reis, brènge mit vööl lol dae zittesje geis.
Geneit van sjpas en van meziek, saame in 't Marotteriek.
Ein millesien taenge ein sjlechte buu, 't laeve is ein bònjte perpluu ...

cd : Marotte Zitterd - " De Perpluu wurd gerich " - Onger Os # 7289


HOME PLAATSNAMENOVERZICHTHOME


DE RIEJ
Tekst & muziek: Servé Vliegen

Ich bèn mit vastelaovend, drie daag in de sjtad.
De zòndig, maondig, daensdig, krig mich hiej nemes plat
't 's mörges sjtaon ich op, sjmiet 'n eike in de pan
"Bäömke lègke"nuimp me dat, noe kèn ich richtig d'ran
Ich loup dan nao de sjtad toe, maskes om mich haer
De Sjteivig oet de Brandjsjtraot in, dao loup ich toch zo gaer.
Mèr veurdat ich begin, loup ich efkes langs de bank,
Flot get cente pinne, veur get aete en get drank
Mèr waat sjteit dao veur 'n riej,
Waal hònderd luuj van dao pès hiej.

Refrein:
Waat 'n riej, noe kiek èns waat 'n riej
Laot mich d'r langs en gaot opzie
Waat 'n riej, laot mich noe toch d'r biej
Hawt in dae boek en maak èns vriej
Ich kèn ech neit mee wachte, want ich mòt drie daag en nachte,
Vastelaovend viere hiej(2x)

Ich loup dan nao de Mert toe, es ich mien cente höb
Ich waar ei bietje deusjtig, begaef mich nao de Kup.
Ich kiek èns door de roet, zeen dao zeker doezend luuj,
't sjweit dat löp mich langs de priej, es ich mich bènne duuj.
'n urke later oppe Mert zeen ich 't kräömke al,
Nog effe prakkezeiere waat ich mich pakke zal,
Ein grote paosje frit, lekker in zo'n sjpitse tuut,
De vreegs dich waat zich mènnigein dees daag nao bènne duut
Mèr ich bèn alweier de klos,
Waal hònderd luuj pès de Kios.

En nao get drènke en aete mòt deze jòng al gauw
Ich waar 't bekans vergaete, ich bèn ei bietje blauw
Op zuik nao ein WC, want 't maag neit in de Gats,
Kafeeke in, waat zeen ich, jòng noe zit ich in de rats
Want ich höb alweier pech
Waat sjteit mich dao 't wurt mich sjlech

* cd 2001/2002 : de Marotte - "Zittejse Rempetemp" - Ônger Ôs 7401


HOME PLAATSNAMENOVERZICHTHOME


RIEZENDE ZÓN
Vertaling/bewerking: G.Rapaille - muziek: Rolf Harris
Zang (*) : Anja Bovendeaard

Riezende zón, die bringk de mörge
riezende zón bringk de mörge
Sjpreid al ´r leich róntjelóm
Riezende zón, vawt d´n daag weier aope
Riezende zón, vawt d´n daag weier aope
en knupkes doon mit euveral

Riezende zón, op ´n zèngkviejeulke
Riezende zón, op ´n zèngkviejeulke
Dauwpaerelkes róntjelóm
Riezende zón, völt ´t ganse daal
Riezende zón, völt ´t ganse daal
es ougs al te blinke sjteit

Riezende zón, vawt d´n daag weier aope
Riezende zón, die ederen daag weier kump
Riezende zón, die bringk de mörge
Riezende zón, edere, edere, edere, ederen daag

Jeug weg ´t lètste duuster, ederen daag
Weg ´t lètste duuster
De wermte aan de gróndj bringk ze trök

Riezende zón, vawt d´n daag weier aope
Riezende zón, die ederen daag weier kump
Riezende zón, die bringk de mörge
Riezende zón, edere, edere, edere, ederen daag

Jeug weg ´t lètste duuster, ederen daag
Weg ´t lètste duuster
wermte aan de gróndj bringk ze trök

Riezende zón, whooo, whooo
Riezende zón, whooo, whooo
Sjpreid al ´r leich róntjelóm
Riezende zón, whooo, whooo
Riezende zón, whooo, whooo
Wermte aan de gróndj bringk ze trök

Sun arise, bring in the morning
Sun arise, bring in the morning
Sun arise, bring in the morning
Spreading all the light all around

* cd 2002 : Anja Bovendeaard - "Sjtruim"


HOME PLAATSNAMENOVERZICHTHOME


ROEIE MEIZE
Tekst: Sjeng en Beppie Kraft, Hardy Mertens - melodie: "Can't take my eyes off of you"
Zang (*) : WW-Band

Dao is mer eine wie diech
dee zoe mien zörreg verliech
diech bis veur miech alles weert
en bis mienen hiemel op eerd
kieks diech nao miech is ut raak
ich veul miech op mien gemaak
eeder kiet zèk iech diech weer
ich haw veul vaan diech teddybeer

Diech roeie meize
op diech höb iech gewach
diech roeie meize
ich deenk weer aon diech venach
och roeie meize
diech brachs miech 't gelök
dee roeie meize
dee is ut helemaol
dee rooie meize
den dikste vaan allemaol
ut kin miech niks verrrekke
ich wel um spekke

Es iech diech zeen weur iech weik
wetse wats diech höbs bereik
es tiech dien leedsjes soms zings
miech aon ut raazele brings
diech brings miech gans vaan mie stök
diech bis mien groet gelök
eeder kier zèk iech diech weer
iech haw vaan diech teddybeer

* cd 1993 : WW-Band - "Elluf!" - Marlstone Recordings bv - CDL9308


HOME PLAATSNAMENOVERZICHTHOME


ROODBURSJKE
Tekst: ? - muziek: ?

Roodbursjke kump, gans vrank en vrie, euver den dorpel getrippeld:
Uigskes wie krelkes, klaor en blie; 't kaelke mit bloud besjpikkeld.

"Kumps doe kaamer en keuken in, dick get greumelkes vraoge ?
Sjtillekes gaon veer de wèntjer in, mòtte de veugelkes zich plaoge !

"Roodbursjke, kòm mer en bès neit bang: kòm dich then greumelkes haole.
Ummer zeen ze dich gaer gegund, hes-te ze zelfs gesjtaole."

Auch deze wèntjer mòt lanksaam vergaon, waat dae òs dan maag brènge.
Dan zal de welt weir vol bloume sjtaon, zulle de veugelkes zèenge !


HOME PLAATSNAMENOVERZICHTHOME


DE ROOS
Tekst: ? - muziek: ?
Zang (*) : Anja Bovendeaard

Refrein:

* cd 1996 : Anja Bovendeaard - "Anja" - Onger Os


HOME PLAATSNAMENOVERZICHTHOME


ROOZEGEUR EN MAONESJIEN
Tekst: ? - muziek: ?
Zang (*) : Anja Bovendeaard

Refrein:

* cd 1996 : Anja Bovendeaard - "Anja" - Onger Os


HOME PLAATSNAMENOVERZICHTHOME


ROXIE OET DE ROXIE
Oet de Zittesje revuu 2001 "Rempetemp"
Tekst & muziek: Thei Wessels
Zang: Mieke Dijkstra

Noe laot uch vanaovend verleije
En slaon alles ens in de wendj
Ich höb uch van alles te beije
Ich maak uch hiej harsjtikke blendj
Ich ben woo 'ne man sjnachs nao sjnak
Es hae ziene sjlaop... neit krig gepak...

Refrein:
Went ich ben Roxie vanoet de Roxie
En ich ben hiej veur de mansluuj in de zaal
En este goks hiej ens este doks hiej
Dan ben ich Roxie ein echte famme fataal
Ich ben zoo sexie en sjmaal, finnemenaal
Sjpraek mit jeeder dezellefde taal
Went ich ben Roxie vanoet de Roxie
Ich ben noe einmaol ein echte famme fataal

Noe kom en vergok hiej dien pinke
En waer door 't lot ens bedot
Ich zal uch daoveur neit verlinke
Ich zeng hiej allein in de sjpot
Ich ben woo 'ne man sjnachs van druimp
En daorom ben ich... hiej zoo beruimp.


HOME PLAATSNAMENOVERZICHTHOME


ROZALIE
Tekst & muziek: J. Schelberg

Refrein (2x) :
Rozalie, Rozalie, sjteit in de bekkerie.
Rozalie, doe zous 'm zoo éns wille pakke.
Rozalie, Rozalie, sjteit in de bekkerie.
Rozalie mót dikke nonnevotte bakke.

Rozalie is van de bekker, van de bekker oppen houk.
Rozalie is aeve lekker, aeve lekker es de kouk.
Rozalie is es ei vlaeke, es ei vlaeke oppe voes.
Rozalie, om in te biete, es ein sjmakelikke soes.
Jederein hie, sjteit in de rie, bie Rozalie.

Rozalie bak sjoemgebèkskes, pisteleekes neit te duur.
Rozalie haet zoute sjtèkskes en ouch fiene kònfituur.
Rozalie bak krèntebreudjes en ouch zuite és 't wilt.
Mer dat deit 't ouch allein mer, es 't heel vööl van dich hiljt.
Jederein hie, sjteit in de rie, bie Rozalie.


HOME PLAATSNAMENOVERZICHTHOME


RUM EN COCA COLA
?

Geis-te nao de Parklaan in 't Kleesj, dao is 't feyn en altied fees.
Calipso, swing en boogy style, jao ich zègk Uch dat bevilt mich waal.

Höb ste eine Ammi aan d'n haok, dan kumpste langsaam aan de kaok.
Waat wilste, zo'ne knappe vent, jao de sjoonste van de ganse tent.

Refrein:
Drinkste Rum en Coca-cola, krigste gein sjtökske vlaa.
Meistal veur twee dollar, wirke veur de "Yankee Dollar".

Geiste langsaam dan op hoes opaan, dan sjnapste dich daen Ammerkaan.
I love you so my little girl, jao dat zaet 'r, mer ich sjnap neit väöl.

cd : Marotte Zitterd - " Zitterd Broesj " - Onger Os # 7343


HOME PLAATSNAMENOVERZICHTHOME


SAAME OP EIN WÖLKSKE
Tekst & muziek: Jan van Daal
Zang: Wil & Annie

Refrein:
Saame op ein wölkske doe en ich
Sjweevend baove Limburg dan hauwt ich vööl van dich
Lekker saame knoev’le geine dae os zuut
Allein ‘t lachend zunke sjtel dich veur dat dat os duut
Dan hauwe veer de grootste sjpas en sjraolde van gelök
De ganse weljt waas bonjt gekleurd en wermte sjtraolde trök
De ganse weljt waas bonjt gekleurd en wermte sjtraolde trök

Soms denk ich biej michzelf de welt is gaar neit sjoon
Dan laop ich sjtil te denke waat ken ich dao aan doon
Koosjte luuj zich mer versjtaon dan waar ‘t gauw gedaon
Mit oorlog, ruuzing, vlooge ze mer gans gauw nao de maon
Mer zeen ich dien gezich dan fluuster ich nao dich…….

Ooit dan zal ‘t gout weer gaon mit luuj hie op deeze bol
Dan laeve zie in vreij en slaon hun köp niet mee op hol
Kenjer sjpeele lachend oppe sjtraot en in de wei
Gein zörg mee oppe welt dat roupe veer dan allebei
En zeen ich dien gezich dan fluuster ich nao dich


HOME PLAATSNAMENOVERZICHTHOME


DE SANSEVERIA
1998: Tekst & muziek: Guus Steinen

Refrein:
lch höb ein sanseveria veur de vinster gezat.
En mit die sanseveria wil ich dich zègke dat,
ich zo verrèks väöl van dich hauwt, van dich, van dich allein.
Zuus doe mien sanseveria, sanseveria, sanseveria,
zaet dich mien sanseveria, doe en ich, veer heure biejein.

Hae waar al wiet in de dertig, góng hel nao de veertig,
mer 'n mechelke hauw 'r noch neit.
Hae waar zo verlaege, woort langzaam "belaege",
en dat deig 'm toch urges verdreit.
Hauw noch gaar niks geleeje, waar gaer mit z'n tweeje,
doe kreeg 'r ein helder idee.
Hae sjreef nao Marieke, die 'r gaer deig bekieke ,
Marieke, noe kiek toch èns hie.

Ouch hie in Zitterd, hie kènste d'r zeen sjtaon veur de vinster,
jao, kiek mer 'ns goud óm dich haer.
Dat is jao 't sjoone. de luu die hie woone,
de meiste die höbbe ze gaer.
Hie zeen-ters mit naame, al "tig"-jaore saame,
en noch ummer sjteit dao veur de roet,
dao op 't vinsterbenkske, sjteit hun eesjte plentje,
en ze kómme nog gaer d'r veur oet ...

cd : Marotte Zitterd - " Zitterd Broesj " - Onger Os # 7343


HOME PLAATSNAMENOVERZICHTHOME


SARINA
Tekst: Nou Pfennings

Noe sjtaon ich hie wiet van mien eige tehoes.
Sarina, ei kèndj oet de dessa.
In Holland dao is me zoo sjtil es ein moes,
want Indië is noe zoem Java.
Eur eilandj-riek dat zeet geer noe kwiet,
en noe staot geer mit niks aan d'n diek.

Refrein:
Mer Sarina verköp noe de Pinda's,
den heerlijke ries van de Sawa'hs.
De sòkker de kaffe en thee,
aan grooter landj, wiet euver zee.

Menistesj, die vlooge veur uch nao d'n Oos,
dat koos bie Soekarno niks nòtse.
En wie ouch de Uno pertie veur òs koos,
haet Holland de plaat mòtte pòtse.
Me gòng door dik en ouch door dun,
mer die groote zeen zakelik sjlum.

Es Tromp en de Ruyter jao ooit hauw geheurt,
dat geer dao de vlag höbt gesjtreeke.
Dat waar bie die twee jao noots neit gebeurt,
die waare veur geine geweeke.
Noe zeet mer blie en zeeker braaf,
angesj numme ze uch de Zelfkantj nog aaf.


HOME PLAATSNAMENOVERZICHTHOME


DE SAXEFOON VAN OOME TOON
1990: Tekst & muziek: Hans Wijnands

Refrein:
De saxefoon van oome Toon, och, waat toet dat dènk toch sjoon.
De saxefoon van oome Toon, jao, dao kènt hae get mit doon !
Mit vastelaovend trèk hae Zitterd ròndj, mit die kachelpiep aan ziene mòndj,
De saxefoon van oome Toon, och, waat toet dat dènk toch sjoon.

Waat kump toch noe dao achter aan, waat sjteit dao te gebeure.
't Liek waal 'nne heisje haan, noe mòste toch èns heure.
't Klink wie 'nne doedelzak van auwt kameele laer,
Nònk Toon blees weier oppe sax, dat hae toch zoo gaer.

Nònk Toon is ein natoer-talent, dat wilt hae dèks verklaore ;
Veer zeen in Zitterd zoo verwènt, dat hae hie is gebaore !
Jao, truf geer höm mit saxefoon, dan is dat Eur gelök !
Hae sjpeelt Uch mit zien zuuver toon, de sjoever oppe rök.

Mit vastelaovend blees nònk Toon "De Pap de Mam de Poete".
Dat leidje vindj hae toch zoo sjoon, dat kènt hae gans van boete.
En "Oppe mert dao is get los" dat vindj hae ouch zoo sjik,
dat sjpeelt hae dan op de kios, dat geef h'm 'nne kik !

* cd : Marotte Zitterd - " 111 Jaor De Marotte Zitterd en 111 JAOR VLEIGE DE VONKE HIE OET DE PAN " - Onger Os # 7226


HOME PLAATSNAMENOVERZICHTHOME


SERENADE
Oet de Zittesje Revuuj "Zitterd Broesj"
Tekst: Math Niël - meziek: Jan Theelen

Refrein:
Ich zèng mien Serenade, veur dich, oh, mon amour.
Doe bès 't sjoonste loesje, 't leifste poesje van de Lèmbour.
Ich brèng dich dees Balade, ich bèn toch zo verleif.
Daalik löpste veurbie, litj ich oet nondepie, bès toch miene hartedeif.

Oh mia more crescendo perquei, forte fortuna perlei.
Kom toch mien leifste, ich hauwt toch 't meiste,
van dich, bie mich hie op 't daak
Wachte dat doert ummer lang, doe bès woo ich nao verlang.


HOME PLAATSNAMENOVERZICHTHOME


SINT GEERLING (HOUTHEM)
Tekst: ? - muziek: ?

Sint Geerling, in dienen haole bourn,
zou 'ch dich eine krans wille brènge.
Doe sjteis dao zoo sjtil wie in einen droum,
woo mösje en spreeve zènge.
Troe kiks doe euver de 1ènjer oet,
doe braave, vertroede waaker,
en zaengens de luu die langs dich gaon,
hun vee, hun sjuure en taaker.

Doe höbs et gout mit òs gemeind,
zoo dèks veer get vraoge koume.
Höbs daoveur waal eine krans verdeind,
eine krans van kaorebloume.
Eine gruine krans, eine bòntje krans,
van peimkes en balsaamiene.
Sint Geerling, laot, zoo lang es doe kans,
de zòn euver Limburg sjiene.


HOME PLAATSNAMENOVERZICHTHOME


SINT JANSDAAG
Tekst: ? - muziek: ?

Den eulenteul dreeg bloume wie van mèlk.
Die zeen wie groote, zilverwitte sjaale.
Dat heisj Sint Jan. Noe is 't mit den appelblui,
veur gout gedaon, en mit de nachtegaale.

De daag zeen lank en kòmme aan gein ènj,
de nachte wie 'ne sjcemer dae verbie-geit.
Den ougs sjteit veur de deur. Noe baee veer,
dat 's Leveneer de boere hulp en biesjteit.

Zal 't vruigjaor haauwte waat et haet belaof,
de terf gedieë, zulle de fruitbuim draage ?
En sjtaeke veer auch noe weir, greutsj en blie,
gruin rieser oppe leste sjuurewaage ?

Es wèndj en waer noe nog met gunstig zeen,
en sjuur en zölder riekelik zich völle.
Dan kòn veer dankbaar, es 't weir kirmes wurt,
van riestevla en wèk en knapkouk sjmölle.


HOME PLAATSNAMENOVERZICHTHOME


SINT JOZEPS MERT
Tekst: ? - muziek: ?

't Is Mert in Zitterd op neugeteen Meert.
Dao mòt me van proffeteire.
Ene boereminsj kikt ummer oet,
nao vour, nao getuug of deire.

Den eine haet einen duur van doon,
en angere zuike zich geite.
En deeze ei verke, dae ein kou ...,
en ze foetele dat ze sjweite !

Sint Jozep is eine gouë minsj.
Hae leet ziene Mert floreire.
En de jònges kònnen, òngesjteurd,
mit de maedjes karesseire.

En òngerwiel dat gesjreef wurd, wildj,
- Want boere zeen hel es ze hanjele, -
geit jònkheit sjtil zienen eige gank:
De bòntje paerkes wanjele ...

En zoo haet mennige braave jòng,
(Dat broek jao neit versjweege)
van Sint Jozep zelf, - oppe Zittesje Mert,
zie vruike gekreege.


HOME PLAATSNAMENOVERZICHTHOME


SINT ROSA KAPELKE
Tekst: ? - muziek: ?

Bie Zitterd oppe Kolleberg, dao sjteit ein aauwd kapelke.
De koorjòng kump, es 't klökske trump, mit mèsbouk en mit sjelke.
Dao roupe veer Sint Rosa aan, dao, tösje klee en kaore,
veur allenei die, jònk of aauwd, in Zitterd zeen gebaore.

Sint Rosa is zien Patrones, die 't van de pes bevriede.
Wie dèks et saer auch zoomer woort, wie dèks et sjtormde of sjniede.
Dat haauwt veer in de erinnering, of Zitterd muis zich sjaame ...
Sint Rosa, sjtaot eur kènjer bie, veur noe en ummer. Amen.


HOME PLAATSNAMENOVERZICHTHOME


ST. ROSAKIRMES
Tekst: Toon Hermans - muziek: trad.
Zang: Huub Ehlen

Sint Rosakirmes in oos Zitterd es den òrgel tureluurt,
en 't zunke zònnig sjittert, es me hònderd zaate zuut.
Sjwiere weier in 't theater, bleike vrouwluuj mit de bein.
Jao, dan drink me hie gei water, mèr dan lache groot en klein.

Refrein:
En dan dreet 't kèttingsjipke, jao, dan zuut me echte sjnaek.
Mènnig jònk en aardig tipke, in de sjtoum en in de kaek !

Keup, dae kump van Göttekaove, geit mit Bet de sjòkkel in.
En hae vlug mit 'm nao baove, Bet dat hiltj den aom al in.
Zo löp Keubes dan te sjweite, want hae is neit senteloos.
En dan geit 'r nog èns sjeite, veur ein féin papiere roos.


HOME PLAATSNAMENOVERZICHTHOME


SINT ROSA LIED (Sjöttekeuning)
Tekst: Wil Sievers - melodie: "Schutzenliesl"

Same gaon veer aan dae boum noe sjtaon.
Lek de buks mer aan, sjötte, sjtank noe sjtief.
Alle sjötte wunsje dich gelök.
Sjut hae um noe aaf, sjut hae um noe aaf.
Hae geit sjeite, eesj gout kieke en dan zaet 't paaf.
Noch ens kieke, waat zal blieke, is dae vogel aaf, jao.

Refrein:
Sjöttekeuning bes doe noe dit jaor.
Sjöttekeuning van de Roza compagnie, jao,
Sjöttekeuning is ein hele eer.
Viere veer mit dich es keuning tot 't volgend jaor.
Es doe dan ouch heel gout sjuts,
es doe dan ouch heel gout sjuts,
kens doe dan de nuuje keuning zeen.
Es doe dan ouch heel gout sjuts,
es doe dan ouch heel gout sjuts,
en 't dich neit verpruts.

Laot veer drenke noe op dien gelök.
Komme gaer hie trök, komme gaer hie trök.
Laot veer drenke noe op dien gelök.
Komme gaer hie trök, komme gaer hie trök.
Hae geit sjeite, eesj gout kieke en dan zaet 't paaf.
Noch ens kieke, waat zal blieke, is dae vogel aaf, jao.


HOME PLAATSNAMENOVERZICHTHOME


'N SIRRENAAD
Teks: ? - muziek: ?


De kènjeroptoch is alweier geloupe, de kènjer ligke sjtilkes weier in bèd
't is gedaon, ich gaon noe heivisj loupe, en mien tröötje, dat geit ouch mit mich mit
'Zitterd Allein', dat ken ich ram van boete ,dat leidje haet zo'n röstig sjoon begin
gein minsj dae noe nog kik achter de roete , mer mit de lètste aom zet ich `m in.

Refrein:
De Lömmerichersjtraot ligk veur mich aope
De sjtraot ligk laeg, `t is al wiet te laat
Nog ein lètste leid veurdat ich gaon sjlaope
Ich brèng michzelf nog `n sirrenaad
Es dan de lètste klanke klinke
Van 'mien awt Zitterd, Zitterd Allein'
Begint mien tröötje gans greutsj te blinke
En sjut eine sjoever van gelök mich in mien bein.

`s Zòndigssjnachs loup ich laat nog get verlaore
ich weit niet richtig welke kantj nog op
die veier sjlaeg van oze Grote Kirktore
die dreune nog get nao in miene kop
'n rood belunke kump zach aangevlaoge
en tòrvelt in de wèndj get om mich bie
alles waor zo sjpeels en bliej en opgetaoge
d'n eesjte daag is noe alweier veurbie

De daensdignach besjleit ich noe al jaore
Bie 't beeld van os auwt Zefke Mols
Bedènk mich dan wie sjoon die drie daag waore
En dat ich ummer zo sjoon laeve wol
Ich höb weier einen opgelaajden accu
Al is de ammesjuur ouch ram eweg
Tevreije loup ich dan nao hoes toe
Nog eine keer blaos ich mien tröötje rech

* cd 2004/2005 : Marotte Zitterd - 'Dao höbste hööm dao'


HOME PLAATSNAMENOVERZICHTHOME


SITTARDIA HAUWT AAN
1983: Tekst & muziek: Hans Wijnands
Zang (*) : ?

Sittardia, Sittardia, hauwt aan, hauwt aan, hauwt aan !
Sittardia, Sittardia, veer gaon d'r taegenaan.
Es blauw en gael nao veure geit, dan hauwt veer òs al gereid.
Hauwt aan, hauwt aan, hauwt aan ?

SITTARDIA !!!

In Zitterd is ei plaetsjke, sjteit wied en zied bekènt !
Oos hal aan 't Sjtadswaegske, die kènt de ganse welt.
Dao sjpeelt toch oos Sittardia, oos klubke in de gloria !

Zo wie oos club van Zitterd, zo is ter toch geinein !
Wie die al haet gesjitterd, veur jaore nummer ein !
En geit 't ouch èns minder goud, veer blieve troew en hauwte moud !

* cd (1997/1998) : Diverse Artieste - " Door 't dölle haer " - Marotte oet Zitterd


HOME PLAATSNAMENOVERZICHTHOME


SJAREL
2002/2003: Tekst: ? - muziek: ?
Zang (*) : Bombarie

Refrein:

* cd 2003 : Diverse artiesten - "Van Eijsde tot de Mookerhei 10" - Marlstone Recordings bv CDL2301


HOME PLAATSNAMENOVERZICHTHOME


SJAUT ZEEN DIEN HEMEL BLAUWE AUGE
Tekst: Wil Frenken - muziek: ?
Zang: Wil & Annie

Refrein:
Sjaut zeen toch dien hemel blauwe auge
Deze augen möste gluive
Drom is’t gelök nog veur os tweeje
Zek vandaag toch jao.

Anneke maak mich toch niet dat laeve zwaor
Jedere daag sjtaon ich mit blaume veur dich klaor
Meer es henjtje haute waar bie dich niet dao
Mer doe höbs toch get wat mich bie dich hiljt
Noe Ich gelökkig ben.

Ich gaon geine aovend meer mit vrunj op sjtap
Jederien vreeg zich aaf wat hilt dich noe toch thoes.
Wat ich heure wil wits doe noe al zolang
Ich druim noch van dich
Zeen dich naeve mich
In dien sjoon witte kleid.


HOME PLAATSNAMENOVERZICHTHOME


SJEEPER
Tekst: ? - muziek: ?

Sjeeper, tae dao lik en luiert, en van welt noch duuvel wit,
wie ich loestrend en gemaeklik, naeve dich in 't mòskroed zit.

Boete bès doe, ummer boete, gans allein mit wèndj en waer:
Loeter lòch en zòn en wolke, loeter deiren òm dich haer.

Sjpriks doe mit dien sjööp en geite ? Kans doe hun geblaer versjtaon ?
Waats doe neudig höbs te weite, zègge wèndj dich, zòn en maon.

Eimaol waaren 't anger tieë, wie waat laefde, groot en klein,
eige sjpraok haauw, en de deire zich versjtòngen ònger ein.

Zoo de deire, zoo de bloume, en de minsj versjtòng hun taal;
Hae versjtòng de roos es ze oetbrik, en begreep de nachtegaal.

Sleeprig kik miene sjeeper sjwiegend nao de brandj van 't aovendrood ...
"Waat is gans oos duuvels weite ? Jong, veer druime en gaon dood."


HOME PLAATSNAMENOVERZICHTHOME


DE SJEERESJLIEP
1995: revuu: " De Perpluu wurt gerich"
Tekst: Jeun Schelberg - meziek: Jan van Daal

Refrein:
De sjeeresjliep, de sjeeresjliep,
d'n tied is riep veur de sjeeresjliep.
Van mòndj tot mòndj geit 't dan ròndj,
dao kump 'r weier, d'n auwe sjeeresjliep.
Mit vööl gekraak en vööl gepiep,
deit hae zien werk, ooze sjeeresjliep.
Bie rieke luuj zilver... bie geweun luuj sjtaol,
hae sjlip ze allemaol, hae sjlip ze allemaol.

De mètser waere bot en auch de sjeere gaon kepot,
dan kump de sjeeresjliep, 't is zoo maria ziep.
De sjliepsjtein, dae blif naat van sjmörges vruig pes saoves laat,
zös waeke aan ei sjtök, jao de sjlieper haet gelök.

Zoo geit 't jeder waek nao bie de keutelbaek,
hae brink jaor in jaor oet, vööl laeve in de boet.
Me is aan haom gewènd, hae sjteit es bònjte hòndj bekènd,
me sjteit al in de deur es de sjlieper rit weier veur.

Ei dènske oppe maot, gezèllig in de Gruuzesjtraot,
op moonieka meziek, mit weenig is me riek.
Me haet dan zien plezeier, went alle sjeere doon 't weier.
De sjliepesjkar geit weg, went de sjeere zeen weier rech.

cd : Marotte Zitterd - " De Perpluu wurd gerich " - Onger Os # 7289


HOME PLAATSNAMENOVERZICHTHOME


SJENÈTJE
Tekst: Guus Steinen - muziek: Hans Knipp
Zang (*) : Kartoesj

mien eesjte maedje woar 't Sjenètje,
zie woar 'n plaetje , zie woar mien vlam
Mien leef Sjenètje woar 't sjoonste maedje,
en es 't lachde dan sjeen veur mich de zon,
en es 't lachde dan sjeen veur mich de zon.

in daen tied toen waas ich
van eder de sjterkste bie ôs in de sjtroat
reej op miene Kreidler Florett
- opgeveurd !! -.... jông , ich veulde mich groot
Bryllcreme in de kuuf ,en 'n sjoon laere jeske
- sjpeegel op 't sjtuur-
Sjennètje die zoag mich
en woort gans verleef, waas totaal euversjtuur.

ich ging met 16 joar wirke es loupjông
-zo gông dat noe 'maol in de boew-
maakde vöäl euveroere veur häör
-mien Sjenèt- want höär bleef ich troew
mer dae Frits van hienaeve dae haw 'ne auto
dae pröl vông ze sjoon...
dus kroop ze bie dem in de waage,
leet mich met mien brummerke sjtoan...

* cd 2003: Kartoesj - "Alles kump good" - Marlstone CDL 2307


HOME PLAATSNAMENOVERZICHTHOME


SJENG D'N DREUGDOUK
1978: Tekst & muziek: Hans Wijnands

Refrein:
Sjeng, Sjeng, Sjeng, lèk d'n dreugdouk oet de henj,
Zet ein maske oppe kop,
en sjmiet de bösjtel in 't sop.
Sjeng, Sjeng, Sjeng, me heurt van alle kènj,
Loup de vrouw neit achternao,
De vastelaovend is weier dao


HOME PLAATSNAMENOVERZICHTHOME


SJENGSKE
Tekst: ? - muziek: ?

"Sjeng", zoo heisj er, "Sjengske, menke", Sjengske is mie kameröödje.
Zougt geer ooit zoo e' mònter kaelke, zoo ei köstelik saldöötje ?

Sjeng, de sjlumste van de sjlumme, aeve sjoon es oetgesjlaope,
leet zich ziene kees neit numme: Duuvelke oet de Hèl gekraope !

Sinterklööske, satansköörke, wie mit Heemel en Hèl verbònje;
Hei de welt-van-noe geine polfer, Sjengske hei dem oetgevònje.

Lekker leiveneerebeesjke, es er, in mien erm gekraope,
mich in naas en oore bit, en: "Maag ich mörge bie dich sjlaope ?"


HOME PLAATSNAMENOVERZICHTHOME


SJING BOEM
Tekst & muziek: Math Niël

Sjing boem taratata, sjng boem taratata,
dat heurste mit de vastelaovend.
Sjing boem taratata, sjng boem taratata,
dat heurste mit de carnaval.

De buurman haet zich dek beklaag, waat is 't laeve toch gejaag.
De zoon van hööm geit nao de sjool, mèr denk te vööl aan bal en gool.
Zien zöster Sjan haet geine tied, dat loestert ummer nao de 'beat'.
Mèr kump de vastelaovend aan, dan is dat van de baan.


HOME PLAATSNAMENOVERZICHTHOME


'T SJIPKE VAN 'T LAEVE
Oet de Zittesje revuu 2001 "Rempetemp"
Tekst: Sjef Schurgers - muziek: Jan van Daal
Zang (*) : Geert Cremers

Sjpreng noe mit mich saame op dit sjipke van laevesgelök
Dree mit mich ein rundje en kiek neit op 't laeve terök
Sjilder dien loch kesteele mit penseele van fantasie
't Laeve dreet rondj oppe grens tösje erns en laamaekerie
Erns en laamaekerie.

't Laeve dat vlug aan os veurbie, veurbie
Dat geit dich aan dien prie dat geit dich aan dien prie
Veur me 't wit is 't veurbie, veurbie
Veer laeve vlot jao de nuuje tied geit vlot
Jao dan kom en dree mit mich op 't sjipke van laevespit
Sjpreng dan op tied ens oet de riej
Jao noe kom en dree mit mich op 't sjipke van laevespit
En sjpreng optied ens oet de riej

Leif luuj noe loester nao mich... 't laeve dat is zo gedaon
Leif luuj noe loester nao ein... Om uch get baeter te versjtaon

D'r is al elenj genog op dees welt... Mee es zat op dees welt
Let geer allein allein mer op mich... De leifde dat is al waat telt

Sjpreng bie mich op mien paerd en dree daomit 't laevesgelök
't Laeve dreet door is dol wie ein sjipke en me kan noojt meer terök
Nooit meer terok

* cd 2001/2002 : de Marotte - "Zittejse Rempetemp" - Ônger Ôs 7401


HOME PLAATSNAMENOVERZICHTHOME


DE SJLUP VAN MIENE JAS (Hauwt dich vas)
Tekst: Zef van Daal - muziek: Jan van Daal

Refrein:
Hauwt dich vas, hauwt dich vas aan de sjlup van miene jas,
dan kan dich niks gebeure.
Hauwt dich vas, hauwt dich vas aan de sjlup van miene jas,
dan kan dich niks ..... gebeure.

Sjang dae vriede nog neit lang en wol èns gaer de wal op.
Mèr Truu waar in den duuster bang, hèt wol nog gaar neit mit.
Sjang haet zich èns bedach, en wit geer waat hae zach:

Saame trèkke zie drop oet, veural mit vastelaovend,
want dan kump laeve in de boet en zink me jeeder aovend.
Getrouwd zeen zie allang, mèr ummer noch zaet Sjang:


HOME PLAATSNAMENOVERZICHTHOME


DE SJLUPPEJAS
Tekst & muziek: W.Jongen

Refrein (2x) :
Zèk Truuj, wo is toch miene sjluppe-jas,
want ich gaon alvas, want ich gaon alvas.
Doe hilsj mig neit mee bènne, ich mòt droet,
want ich hauwt 't in de boet neit langer oet.

't Waar mit vastelaovend, Truuj zag doe taege mich :
" Wo gaon veer haer vanaovend, dat lik dit jaor aan dich."
Doe zag ich : " Truuj, mie maedje, vanaovend is te laat.
Ich gluif dich dreet ein raedje, ich gluif doe bès al zaat.
Noe loester toch èns Truuj, krojuu, krojuu, krojuu."

Toen bèn ich gauw vertrokke, Truuj reip mich nog gèt nao :
" Noe denk dr'aan, maak gein brokke, sjus wie 't veurig jaor.
Ich kòm dich sjtràk waal zuike, zèk mig wo geis doe haer ? "
Noe loester toch èns Truuj, krojuu, krojuu, krojuu.


HOME PLAATSNAMENOVERZICHTHOME


SJMÖRGES
Tekst: ? - muziek: ?

Wie sjtaon de berg zoo sjerp gesjneee,
nog duuster fangs den heemel blaauw.
Hie-ònger lik de graasgruin deipde,
nog wie in sjlaop, vol damp en daauw.

De zòn is prechtig opgegange;
De veugel zènge wildj trop los ...
Ich mòt verbie en maag neit wiele:
Wae kump mit niks-Boon aan de kos ?

Mer toch: waat is 't neit gout to laeve,
gezòndj en waal van kop tot teen.
En al waat sjoon is leif te höbbe,
en mit de bloume blie te zeen !


HOME PLAATSNAMENOVERZICHTHOME


SJMÖRGES IN DE ZOOMER
Tekst: ? - muziek: ?

Doe, vruig-gebaore zònnesjien,
doe ruips van achter de gardien,
mich, luilak, oet de vaere.
Wie sjprèng ich ievrig oet mie bèd,
en werp de vinstren aop en zèt
mich in aksie, lachentaere.

Dao loup ich waat ich loupe kan:
Eine nuuje minsj, eine wiljeman,
(Geer mòt 't neit kaolik numme)
Nog òngewesje, òngekömp,
mer wie 'ne voogel blie-gesjtömp,
in niks es boks en humme.

En bèn 'ch dan wied genòg gedraaf,
dan riet ich alles van mich aaf,
en plònsj in 't pletsjend waater.
De veugel zeen dae naaksje minsj,
en dènke zich: dae is verkinsj !
Noe heur mich dat gesjnaater ...

Mer'ch laot ze doon, ich laot ze kalle:
Ich weit: ich kan de zòn gevalle !


HOME PLAATSNAMENOVERZICHTHOME


SJNABBELTIED
2009/2010 nr.2 : Tekst & muziek: Thei Wessels
Zang: Paul-Jean Jessen

Ich metsel uch ein murke. Betegel uch ein vlurke
Went ich bèn in ein urke waal hènjig bie de handj
Ich klöm op pannedake óm laeke toew te make
Mer nao gedaone zake dan sjprèng ich oet de bandj
Dan gaon ich büte brènge en op ein bèndje zènge……

Refrein:
Dan is ’t sjnabbeltied!
Rappe sjtrakke bakke tappe, flappetied
Went zónger sjnabbeltied sjtaon ich ummer in ’t kriet
Alaaf de sjnabbeltied!
Krappe happe, lappe sjnappe, flappetied
Op miene Limburgse toer
Kènt geer mich bouke veur ein oer

Ich tappeseier kamesj en braek mit mokerhamesj
Ich höb dan ouch de naam es de man dae alles kan
Mien hènj gaon oet de moewe es emes geit verboewe
Of boete mót gaon kroewe. Mer dao kump noe niks van
Noe trèk ich volle zale es emes wilt betale……

Ich kóm gaer nao uch rieje
Op feeste en pertieje
Went drie daag uch verblieje
Dat zeen mien gouwe tieje……
…Mit dae rappe sjtrakke bakke tappe, krappe happe, lappe flappetied. Sjnabbeltied!


HOME PLAATSNAMENOVERZICHTHOME


SJÒNKELMELODIE
1985: Teks: Wil Frenken - muziek: Jan van Daal

Refrein:
Jao ich sjònkel, sjònkel, sjònkel toch èns gaere.
't Is egaal, egaal, egaal mit wae dat is.
Is 't mit pap, de mam, de nònk, laot mer gewaere.
't Is egaal, egaal, egaal mit wae dat is.
Is 't mit pap, de mam, de nònk, laot mer gewaere.
't Is egaal, egaal, egaal mit wae dat is.

Veur auwt en jònk, 't is gezòndj, dees sjònkelmelodie.
Veur de rummetik, noe geine panik, veer weite waat te doon:
Doot allemaol mit en vuilt geer uch fit,
Dan sjònkelt mit òs mit.

Veur Keub en Mil, die zitte neit sjtil, bie Baer aan 't buffèt.
Van achter nao veur, noe sjtèlt uch èns veur, ze weite waat te doon:
Doot allemaol mit, en vuilt geer uch fit,
Dan sjònkelt mit òs mit.

* CD 1996/1997: Diverse artiesten - "En toch, en toch" - Ónger Ós # 7306


HOME PLAATSNAMENOVERZICHTHOME


EINE SJOONE AOVEND
Tekst & muziek: Frits Rademacher
Gezônge (*) : Frits Rademacher

Refrein:

cd : Frits Rademacher - "Het beste van ..." - Telstar TCD 100.736-2


HOME PLAATSNAMENOVERZICHTHOME


SJÖPPE
1995: revuu: " De Perpluu wurt gerich"
Tekst: Sjef Schurgers - meziek: Trad.

Refrein:
Sjöppe, veer mòtte sjöppe,
en veer sjöppe hiej in de gròndj.
En böttele, veer mòtte böttele,
mer veer kieke och waal èns in 't ròndj.

Veer hauwte van d'n drèk, ummer eine broen nek.
De zòn, de wèntj en raenge, veer kènne d'r waal taenge.
De jònges oet de sjleuf, Math Harie Frens en Sjeuf.
De jònges oet de sjleuf, Math Harie Frens en Sjeuf.

Veer vuile lekker vriej, en fluite nao Marie.
Veer fluite nao al waat löp, van hiej pès aan de Kup.
De jònges oet de sjleuf, Math Harie Frens en Sjeuf.
De jònges oet de sjleuf, Math Harie Frens en Sjeuf.

Soms raake veer ein buus, sjpöt waater in oos kruus.
De sjöp is dan kepot, en 't werk ligk oppe vot.
De jònges oet de sjleuf, Math Harie Frens en Sjeuf.
De jònges oet de sjleuf, Math Harie Frens en Sjeuf.

cd : Marotte Zitterd - " De Perpluu wurd gerich " - Onger Os # 7289


HOME PLAATSNAMENOVERZICHTHOME


DE SJÖTTERIE
Tekst & muziek: Frits Rademacher
Oetveurende (*): Frits Rademacher

Zuug ze dao éns kómme, noe kiek ze dao éns gaon, de jónges van de sjötterie.
Mit prachtige kostuumkes, waopes op de rök, jao, zoo trékke ze verbie.
En wie sjtatig löp dao de keuning tössje de sjötte in.
Zuus te ouch dat aardig maedje, dat is de keuningin.

Refrein:
Waat is oos Limburg zónger sjötterie, want die heurt toch euveral derbie.
Aan jeder feeske doon de sjötte mit, 't zeen jónges woo kaer in zit.

'ch Heur van wieds de trómme, ze zeen alweijer dao, de sjötte oet oos Limburgs landj.
En jederein kump kieke nao dat défilé, doezende sjtaon aan de kantj.
In de wei dao wurd flink gesjaote, noe mót de vogel draaf.
Haolt 'm eine sjöt nao ónger, dan wurd 'm flink gepaaf ... !

cd : Frits Rademacher - "Het beste van ..." - Telstar TCD 100.736-2


HOME PLAATSNAMENOVERZICHTHOME


SJPEELDOOS
Tekst: ? - muziek: ?
Zang (*) : Anja Bovendeaard

Refrein:

* cd 1998 : Anja Bovendeaard - "Ich wil de welt ens zeen" - Marlstone Recordings


HOME PLAATSNAMENOVERZICHTHOME


SJRAVELE
Tekst & muziek: H.Wijnands

Refrein:
De ganse sjtad die sjteit te sjravele, sjravele, sjravele.
De ganse sjtad die sjteit te sjravele, me kènt neit veur of achteroet.
Want ich moosj effe nao den tap, mèr noe sjtaon ich hie zoo krap.
D'rom blief ich èffe bie dich brazele, pès ich sjtrak ... weier mòt gaon sjravele.

De vastelaovend is weier dao, veer gaon noe fein op sjtap.
Ver zuike os ei klein kafeeke, urges in de sjtad.
Mèr este eimaol bènne bès, begint pas goud de sjpas.
Doe kèns neit veur- of achteroet, de ganse zaak zit vas.
En me braazelt taegenein, en me sjravelt kort langs ein.

Bie Wilke Mols, bie Cel van Sjteuns en ouch bie Vic van Naer,
dao sjteit me zich te duuje, want me sjravelt toch zo gaer.
Ouch in de Sies, de Pub, de Kup, bie Sjrage en bie Cals,
dao hink me man aan man en hiltj zich sjtevig om den hals.
Bie 't Sjterfhoes sjteit me sjoon, mit drie man in ei paar sjoon.


HOME PLAATSNAMENOVERZICHTHOME


SJTEL DICH ENS VEUR
1995: revuu: " De Perpluu wurt gerich"
Tekst & muziek: Phil Schaeken

Sjtèl dich èns veur, geine Prins mit Karnaval.
Sjtèl dich èns veur, sjtil en laeg oos optoch hal.
Jao, 'n lekker nonnevot, die gauf 't gaar neitmee.
Och, ich krieg al boekpien, gans allein bie 't idee.

Refrein:
Es vastelaovend oet oos Zitterd zou verdwiene,
es vastelaovend niet mee langer zou besjtaon,
verdween de sjpas meziek verkleide al dat fiene,
dan zou 't hart van Zitterd neitmee langer sjlaon.
Es vastelaovend oet oos Zitterd zou verdwiene,
dan zou 't hart van Zitterd neitmee langer sjlaon.

Sjtèl dich èns veur, geine optoch in de sjtad.
Sjtèl dich èns veur, och, wie jaomer waor toch dat.
Nirges bònjte kleure en dae sjoone feesmeziek,
en gein appelsiene in oos goud Marotteriek.

Sjtèl dich èns veur, gein verkleide oppe sjtraot.
Sjtèl dich èns veur, geine Vors en Wieze Raod.
Hoog 't Rood, Gael, Gruin neitmee zènge mit die daag,
neitmee lache òm ein buut of eine gèkke sjlaag.

cd : Marotte Zitterd - " De Perpluu wurd gerich " - Onger Os # 7289


HOME PLAATSNAMENOVERZICHTHOME


SJTERRE HAUWTE DE WACH
Tekst: Wil Frenken - muziek: ?
Zang: Wil & Annie

Refrein:
De sjterre aan den Hemel
Die hauwte noe de wach
Ben ich auch neit bie dich
Zie groete dich van mich
Veer zeen os dan weier
In ’t sjoone Limburgse lanjd
Ich zek dich maak ’t goud
En hauwt mer gauwe moud
La la la la lala..enz
Veer zeen os dan weier
In ’t sjoone Limburgs lanjd
Ich zek dich maak ’t goud
En hauwt mer gauwe moud

Mich trekt ’t noe de groote weljt
Ich ben eine Musikant
Ich trek dan rojnd en höb ene banjd
En sjpeel get oet mien eige lanjd
Mie maedje zal dan treurig zeen
Zie is dan gans allein
De Musikant wilt auch sjpas zeen
Want hae kan niet taenge einzaam zeen

Dao kump veur mich toch ens d’n tied
Dat ich vol heimwee zit
Vilt mich ein leuk melodieke in
Wil ich nao hoes en höb zin drin
Sjteit miene sjat dan veur de deur
Ben ich dan allein bie häör
Zo sjenk ich häör dan get appaart
Zie krig dan mien Musikantenhart.


HOME PLAATSNAMENOVERZICHTHOME


SJTERRE SJTRAOLE
Tekst & muziek: Sjef Diederen
Zang: Wil & Annie

Refrein:
Sjterre sjtraole groot en klein
Sjterre sjtraole veur jederein
Mer de sjoonste sjter, die nörges aan de hemel sjteit
Dat bes doe en ich ben gelökkig
Omdat ich noe weit
Dat es veer saame zin en veurgout bieein
Doe zuls flunkere veur mich allein

Rozegeur en maonesjien
Deit de leifde ‘t saoves bluije
Rozegeur en maonesjien
Eein lekker muulke en ens aeve duuje
Dat höb ich auch noojts vergaete
En ich weit nog wat ich zag
Wie ich dich dae’n aovend
Höb nao hoes gebrach

Rozegeur en maonesjien
Dat zal altied, jao altied blieve
Rozegeur en maonesjien
Veur verleifde die wille vrieje
Auch al is ’t lang geleeje
En dae sjoone tied veurbie
Toch zulste dao aan denke
Bie dees melodie


HOME PLAATSNAMENOVERZICHTHOME


'T SJTÈRTJE
Tekst & muziek: Thuur Laudy en Giel Laumen

De vrouwluuj zeen toch sjtapelgek, de mode sjrif hun veur,
't haor dat haet noe om de waek 'n ganse anger kleur.
Marie van mig kreeg auch zo'n teun, ens waar 't rood, dan zjwart.
En gistermiddig koum 't aan, doe hauw 't enne sjtart.

Refrein:
't Sjtertje van Merieke wiebelt ummer op en aaf.
En es Marieke geit, wie dan zie sjtertje schleit.
Marieke schnie dat sjtertje toch vandaag of mörge aaf.
Al deit 't dich aug leid, zo sjtertje wil ich neit.

Tant Lieza dach: wie zouw mich noe zo veulesjtertje sjtaon,
en haet, ofsjoon ze zestig is, dat sjtikemkes gedaon.
Nonk Sjang dae zag, kom aan de lien, doe kumps bie 't bontj of zjwart.
De boere koupe alles weg waat kwispelt mit de sjtart.


HOME PLAATSNAMENOVERZICHTHOME


SJTÖMMING
Tekst: ? - muziek: ?

De doeve zitten oppe sjlaag, en sjlaopen in de zòn.
Die sjient esof ze loeter goud, om buim en bloume sjpòn.
En 't is zoo sjtil in de natoer, op 't heitste van den daag.
Esof gei deir in sjtal en sjuur, zich auch mer ruire maag.

Veer kieken oet: gei minsj òntrèntj "Kòmt, zèt uch bie òs neir,
mit ein of anger nuuts van guns. Ein piep, of e' pötje beir..."
Mèr pès 't al langzaam aovend wurt, kump neemes huuj langs de baan.
En 't aovendklökske trump bedruifd: "Sjtaek de kinkee noe mer aan."


HOME PLAATSNAMENOVERZICHTHOME


DE SJTOMSTE BOERE
1981: ?
Zang: Jan van Daal

Mörgevruig, is weier alles veurbie, Merie,
en al zaeste ouch nondepie, veurbie is veurbie.
Ich kèn 't och neit helpe, 't deit mich zellef leid,
veer mòtte proffeteiere, jao, zolang 't noch geit.

Refrein:
De sjtòmste boere, höbbe de dikste aerpel,
en ouch òs heilig beunke, dat is zoo rood wie ein tomaat.
Ich bèn in de boone, en doe bès de banaan,
en es 't leidje oet is, dan gaon veer weier van veuraafaan.

Mörgenach is weier alles veurbie, Merie,
en al zaeste ouch nondepie, veurbie is veurbie.
Ich kèn 't och neit helpe, 't deit mich zellef leid,
veer mòtte proffeteiere, jao, zolang 't noch geit.

Esjelegounsdig, is weier alles veurbie, Merie,
en al zaeste ouch nondepie, veurbie is veurbie.
Ich kèn 't och neit helpe, 't deit mich zellef leid.
Veer mòtte proffeteiere, jao, zolang 't noch geit.


HOME PLAATSNAMENOVERZICHTHOME


SJTRAUS IN ZITTERD ?
1990: Tekst & muziek: Jeun Schelberg
Zang (*) : ?

Veer zeen hie in Zitterd waal bezunjer riek,
van alle kenj heurste de sjoonste meziek.
Veer maake hie sjlaagesj in 't Zittisj landj,
veer maake ze hie aan de loupende bandj.
Veer weite hie goud waat 't is,
veer zeen allemaol komponis.

Refrein:
Mer es Johan Sjtraus hie hauw gelaef,
dan hauwt geer hie èns get belaef.
Dan waar hae hie ummer gebleeve,
dan hauw 'r dit leidje gesjreeve.
En dan hauw 'r mesjien, neit de Donau in Wien,
mer de Keutelbaek zoo blauw besjreeve.
En dan hauw 'r mesjien, neit de Donau in Wien,
mer de Keutelbaek zoo blauw besjreeve.

De richtige Zitterder is optimis,
auch bie de verpleeging en auch bie de plis.
Hae geit fluitentaere op waeg nao zie baan,
en kump 'r weier heivesj, keet hae wie 'ne haan.
Veer houwe hie goud oppe kis,
veer zeen allemaol komponis.

* cd (1991) : " In Zitterd is get oet ! " - De Marotte Zitterd - Ónger Ós # 7201


HOME PLAATSNAMENOVERZICHTHOME


SJTRUIM
Tekst: Anne-Marie van Rooijen - dialectvertalitng: G.Rapaille - muziek: Guilio Numhauser
Zang (*) : Anja Bovendeaard

Dènks doe dat ´t vuur kènt danse?
Es ´t knettert en ouch zingk?
Es ich in vuur en vlam sjtaon
en ´n vunkske euver sjpringk?
Wèts doe of ´t lang zal doere?
Wie lang leifde kènt besjtaon?
es ze in eine sjtruim
mit d´n tied mit zal gaon

Waat mót ich mit mien gevuil?
Wèts dich waat daomit gebeurd?
Es door ónmach, ónwaer losbarsj
en ´ne sjtórm 't wiejer sjleurt?
Weite traone dat ze sjtruime?
Sjtruime ze ouch nao de zee?
Zal de zón ze dan verdampe?
Nump ´n wolk waal traone mit?

Laot dae sjtruim mer gaon (bis)

Zal de zón ouch blieve sjiene?
Es ´n wolk dien zich berouf?
Blif ´t leifdesvlemke sjpraeke
es ´t vuur is oetgedouf?
Wèts doe wo de vunkskes blieve
en wie druime nuu óntsjtaon?
Es dich broesjend van verlange
dëks allein wiejer mós gaon?

Kèns doe zónger nao te dènke
gans toevallig toch mesjien
biej ´ne sjprunk in d´n duuster
van de sjuijer, ´t tupke zeen?
Zou ich toevallig kènne weite
wie toevallig toeval is
en wie ich óndanks doezend vraoge
antjwoorde biej zo´n toeval mis?

Laot dae sjtruim mer gaon (bis)

Want wae geit ´r noe nao de bliksem?
Wae vlug t´r noe nao de maon?
Wae löp t´r noe nao de hèl
es me in de zón kènt sjtaon?
Want wae geit ´r noe nao de bliksem?
Wae vlug t´r noe nao de maon?
Wae löp t´r noe nao de hèl
es me in de zón kènt sjtaon?

Laot dae sjtruim mer gaon (bis)

* cd 2002 : Anja Bovendeaard - "Sjtruim"


HOME PLAATSNAMENOVERZICHTHOME


SJUUF!
2006/2007 nr.3 : Tekst & muziek: Mark Verblakt
Zang: Ouch enne

Refrein:
Sjuuf! èns op mit de prie
Laot ós d'r èns veurlangs
Laot ós d'r èns veurbie, zègk doe dao
Sjuuf! èns op mit de prie
Noe sjuuf toch èns ein bats
Noe gank toch èns opzie
Veer zeen d'n ganse tied in ongewis
Of d'r hie nog ein plaetsjke is, dus doe dao
Sjuuf! èns op mit de prie
Noe sjuuf toch èns ein bats
Laot ós d'r èns veurbie

Drie waeke lank gesjoesterd
en get gefispernöld
Mit wirke aan de waage
vööl aovende gepröld
En kump d'n daag van optoch
dan trèk' veer nao de sjtart
En motte oet gaon vösje
Wo kèn veer hie d'r tösje
Maak plaatsj, opzie, veer wille ouch d'r bie

En mit de vastelaovend
Dan trèkke veer d'rop oet
't pèkske wurt gesjtreke
en laot de boet de boet
dan gauw nog effe pinne,
get bónne mót veer nog
en kènt de sjpas beginne
es die dan zeen gekoch
Maak plaatsj, opzie, veer wille ouch d'r bie

Die drie daag zeen d'r weier
Dan is hie heel get lós
mit laamaeke en sjlachte
't maske is de klós
en zuik veer dan d'n tap op
dan is 't dèks zo drök
't Sjterfhoes bènnekómme
dan gaaroets neit mee lök
Maak plaatsj, opzie, veer wille ouch d'r bie


HOME PLAATSNAMENOVERZICHTHOME


SJWERBELKE
1958: Limb. tekst: Thur Laudy - muziek: Johnny Hoes
Zang: Jo Erens

Es 't eesjte sjwerbelpaerke, boave ooze kop versjient,
is ein teike dat de wentjer mit gevreur en kauw verdwient.
En 't menke zuit 't nisjke van 't veurig jaar weer op,
in 't geit- of verkessjtelke of waal onger eine sjop.

Refrein:
Sjwerbelke, sjwerbelke, hoog in de loch,
es ig dich zeen, och, dan weit ig genog.
Zeen ig dich vleige, dan is toch in't zich,
de lente, de lente, woo ig mig op sjpich.
De lente, de lente, woo ig mig op sjpich.

Zeet ze om oos hoezer vleige, door oos sjtraote, kris en kras.
Om d'n tore doezend kere, eer zich ein ens effe ras.
Is 't zunke aan d'n hemel, geef zien lentesjtraolkes weir,
dan zèt zich 't sjwerbelwifke langzaam op 't niske neir.

Eder jaor dan kump de lente, en de sjwerbelkes zeen hie,
aangevlaoge oet 't Zuuje, in 't sjoonste jaorgetie.
Mit de sjwarbel kump de lente, in de lente oug de Mei.
En 't wifke van de sjwarbel lèk 't allereesjte ei.


HOME PLAATSNAMENOVERZICHTHOME


DE SJWERFKAT
Oet de Zittesje Revuuj "Zitterd Broesj"
Tekst & muziek: Thei Wessels

Veer sjwerve euver daake, van alle hoezer van òs sjtad.
En mòt geer laeve maake, dan heurt allein ein sjwerfkat dat.

Veer loestere en waake, went katte kriege alles mit.
Van al eur duuster zaake, 't is dan ouch mèr baeter es geer dat wit.

Mer geit 't daalik duustere, en wurt 't volle maon,
dan is heurt me waal fluustere, de katterös gedaon.

Veer kènne waal èns sjterve, om jeedesj keer weier op te sjtaon.
Dat wirk òs oppe nerve, nao neuge keer is 't gedaon.

Dus laot òs röstig sjwerve, veer laote òs 't laeve neit,
door neemes hiej bederve, dao is al oppe welt genòg katteleid.

Mer geit 't daalik duustere, en wurt 't volle maon,
dan is heurt me waal fluustere, de katterös gedaon.


HOME PLAATSNAMENOVERZICHTHOME


SJWINGEL VAN DE KETTINGKAROUSSEL, DE
Trad.
Zang (*) : Irene Lardy

En ... pak 'm mèr èns effe in de hènj,
dae sjwingel van de kettingkaroussel.
En ... pak 'm mèr èns effe in de hènj,
dae sjwingel van de kettingkaroussel.

* cd: Diverse artiesten - "Vastelaovend in Limburg 2" - Telstar TCD 100.750-2



HOME PLAATSNAMENOVERZICHTHOME


SOEVENIERKES
Tekst: ? - muziek: ?

Van ònneuzel klommeleriekes, van die dingskes zoo van niks,
kan ene minsj toch zoo vööl haaute: 'n bloum die-ste van höör sjteelke briks;

E' breifke mit get trop gekritseld, e' pötje, e prèntje, 't likt met draan,
wae 't dich gauf of woo 't vandan kump, daobie dènks-doe irges aan !

't Reuske kan al lang verdord zeen; 't blaedje, 't prèntje woort al gael;
't Vaeske veil en is gebraoke. 't jungske woort ene forsje kael.

Toch: veer blieve loeter kènjer; Mit ein hart, zoo weik es wiks,
hange veer aan oos soevenierkes, aan ei klummelke van niks.


HOME PLAATSNAMENOVERZICHTHOME


STARSISTERS - medley
1997: Teks: Math Niel - muziek: resp. W.C. Handley - Sullivan/Baron - Trad.

SAINT LOUIS BLUES march

Kóm op Little Girl, en dans mit mich dae dans.
I give you this pearls, maak ich dan ouch nog kans ?
Little sweet hart, waat klop mien hertje roemeldeboem.
Ich höb dich zo väöl love, daaróm sjmilt hie de sjnee.
Ich peun dich zo much, sjtrak will ich nog väöl mee.

Oh, I look in your eyes en ouch nog in de bloes.
En they twinkel as stars, ich waer noe-al harsjtikke dul daovan.

Hold me tight, sjnap mich vas en noe swing mich zo gans in 't róndj, sjat.
Neit zo vlot, want doe rits mich zo óngeveer de bloes van mien lief aaf,
Jao, noe ligke veer allebei mit goud fatsoen hie oppe gróndj.

RUM EN COCA COLA

Geis-te nao de Parklaan in 't Kleesj, dao is 't feyn en altied fees.
Calipso, swing en boogy style, jao ich zègk uch, dat bevilt mich waal.

Höb ste eine Ammi aan d'n haok, dan kumpste langsaam aan de kaok.
Waat wilste, zo'ne knappe vent, jao de sjoonste van de ganse tent.

Refrein:
Drinkste Rum en Coca-cola, krigste gein sjtökske vlaa.
Meistal veur twee dollar, wirke veur de "Yankee Dollar".

Geiste langsaam dan op hoes opaan, dan sjnapste dich daen Ammerkaan.
"I love you so my little girl", jao dat zaet 'r, mer ich sjnap neit väöl.

CHIRIBIRI BIN

Es de maon dao baove Zitterd hink, sjteit dao eine knappe vent.
Elke nach zink hae zien leifdesleid, kik zien maedje gans verleif.
Dat 'r weier mit väöl euvergaaf, obbe nuuts sjtart ziene zank.
Mer dan sjleit zien hart bekans op hol, es zie gans verlaege nao häöm kik.

Chiribiri bin, chiribiri bin, chiribiri bin.
Chiribiri bin, hae wach op häör, vannach dao ónger 't balkon.
Chiribiri bin, hae vreeg, noe hauwt mich leif, mer waal neit wie 'ne droum.
Chiribiri bin, ze droug ein roos en blees 'n kus van baove aaf.
Chiribiri bin, chiribiri bin, chiribiri bin, die zeen verleef.

* CD : Marotte Zitterd - "Zitterd Broesj" - Ónger Ós # 7343


HOME PLAATSNAMENOVERZICHTHOME


DE SUPPORTER
Tekst: Loek Frohwein, Jo Laumen, Ton Meisen, Hardy Mertens & Loek Muyres - melodie: De supporter/ Het Olé-lied / de Herdertjes
Zang (*) : WW-Band

't zónjigssmiddigs pak ich miene
plunjezak en trèk d'r weier op oet
dan gaon ich nao 't voetballe,
en sjmeer mich get oranje in mien sjnoet.

want es supporter doon ich aan alles mit,
eine echte fan dae 't ummer baeter wit.
't zondigsjmiddigs hiltj mich neemes vas,
dan hiltj mich neemes in de boet.

In de trein dao maake veer get herrie,
vööl lol en ouch plezeier.
Ich trèk mich dan ein blikske op,
doe wèts waal van dat
lekker limburgs beier.

't kent mich niks verrèkke
de zónjigmiddig gaon
ich goud tekeer.

De sjpelers komme op 't veld,
en ich sjmiet gaw ein paar bömkes omleeg
Dae naeve mich zaevert get, zodat
dae eine poeier van mich krig

Want es mich eine lestig vilt,
dan krig hae 'n sjtök kouk
van eige deig.

Opens wurt eine sjpeler door de
taegesjtenjer heel vies neier getrap.
Veer renne nao benee,
en sjnappe ós dae sjeits,
zo, veur de grap

De wedsjtried wurd gesjtaak,
en ozze sjpeler weier
veurzichtig opgelap.

En op de trukwaeg, wurt
nog effe einde nuuje trein
door ós gemold. Veer hawwe
mit ós zaate klote, al vööl te lang
in 't rondj gebold.

De sjpoor plisse höbbe op 't lets
de ganse zaak mer opgerold.

De kater van 't weekend
en de voele sjpuil is blieve sjtaon.
Die aw van mich dreet
door de waek de rolle om, en
kén ich aan de aafwesj gaon.

Want es supporter höb ich mich vies gepop.
Bale in mien kooi,
zeker in de wèntjersjtop.
Dan blif mich neit vööl angesj
euver dan te wachte op.

As de maitied kömt,
dan sjtjoer ik dai fjot !!

* cd 1993 : WW-Band - "Elluf!" - Marlstone Recordings bv - CDL9308


HOME PLAATSNAMENOVERZICHTHOME