HOME
PLAATSNAMENOVERZICHTHOME
'T HAW ZO SJOON KÈNNE ZEEN
2002/2003 nr.1 : Tekst: John Smeets - muziek: John Smeets & Gian Prince
Zang: Cyriel Niël
Refrein:
´t Haw zo sjoon kènne zeen, ich haw d´r al veur wille gaeve.
Jao, noe bèn ich oetgeraos, sjtaon ich hiej veur Sinterklaos.
Ich klöppel zout alweier d´r naeve.(2x)
Drie maondj in de optochhal,dao waar mich get oet,
lasje, plekke, sjildere, gezaeg.
Dao woort mit get vrunj ´n klein waegeske geboewd,
lènks en rechs get oppe henj gevaeg.
D´n optoch, dae góng trègke, och, waat leip dae wage fejn.
Mer oppe mert gekómme, veil de ganse kraom inein.
Dónderdigs, petsjke op nao ´t awwieverbal,
maskes euveral woo´ste mer kiks.
Sjanse, klasjeneiere, verkoupe sjaele kal.
Ich dènk, doe sjnaps dich ein en ´t is zo gefiks.
Mer óm ´n oer of twelf sjlouge mich de sjtöpkes door,
zoug ich pas dat ´t eine manskael waar.
Nao get repeteiere, trok v´r mit ós hermenie
blaoze oppe mert veur alle luuj.
Waar ich mich toch greutsj want ich sjpeel eesjte pertie,
gesjteveld en gesjpaord, waar gans in ´t nuuj.
Ich dach nog, bès noe aan de beurt, effe opgelèt,
mer wie ich wou gaon houwe, sjtóng mien tróm nog aan ´t befèt.
HOME
PLAATSNAMENOVERZICHTHOME'T IS HIE FANTASTISCH
Tekst & muziek: J.Blenco & F.Mays
Zang: Wil & Annie
Refrein:
‘T is hie fantasties, ‘t is hie fein
Allemaol mennekes en vruiwkes ongerein
‘T is hie fantasties, ‘t is hie good
Hie maak nog jedereen plezeier zo wie ‘t moot
‘T is hie fantasties. ‘t is hie gaaf
De luuj die zeen hie neit te sjtout en neit te braaf
Kom blief neit thoes
Geer wit neit wat geer mis
Om tot ‘t hie.. toch zo gezellig is !!!
Ich ben mit ein of anger fees
Gans allein op sjtap gewaes
Alle soorte cafees kaom ich taenge
Heel gezellig hie en daor
Heel vööl wo gein sjtumming waor
Daor höb ich ein op mien mötjs gekrege
Mer doe kaom ich hie
Luuj wat waor ich blie
Jedereein dae reep; “ Zet dich derbie …..”
HOME
PLAATSNAMENOVERZICHTHOME'T IS LAMBAER EN HAARIE
Tekst: Nou Pfennings - muziek: trad.
Refrein:
't Is Lambaer en Haarie, Ton, Web en den Titsch.
't Is gaar gènne laarie mit 't Pörke zoo nitsj.
Mit Math en de Haenkes en Frans in de gool.
Dan laot ze mèr kòmme, dao achter die sjool.
De voetbal dae haet òs gebrach waat noots eemes hie hauw verwach.
Dat bie auwt en jònk pès bie de nonk de sjtöm van de voetbal weerklònk.
Me kik ze mèr nao de revaer en dan wit me jao gaar neit wohaer.
Es 't sjpèngske blink en 't leidje klink, dan wit me woveur dat me zink.
HOME
PLAATSNAMENOVERZICHTHOME´T IS NEIT LÓCH ´NE CLOWN TE ZEEN
Tekst & muziek: Kurt Hertha, Harald Steinhauer & Michael Cretu
Vertaling & bewerking: G.Rapaille
Zang (*) : Anja Bovendeaard
Wae ummer lach dae geluif me neit
dat dae ouch griene kènt
Brik häöm bekans ´t hart van verdreit
me zuut ´t häöm neit aan
En van mich verwach geer allein, sjpas en sjone sjien
´t Is neit lóch ´ne clown te zeen
Wae ummer lach, geluif me neit
dat dae ouch griene kènt,
Brik häöm bekans ´t hart van verdreit
me zuut ´t häöm neit aan
En van mich verwach geer allein, mer sjpas en sjone sjien
´t Is neit lóch ´ne clown te zeen
De minsj hiltj van vrundjsjap, en gaer èns lache
es ze häöm ´t laeve mer lóchter make
Me mit kopzörg, mit forsje probleme
is me toch meistes -wie dan ouch- gans allein
Wae ummer lach, vergeef me neit
dat dae ouch griene kènt
Zo wie me dèks op ´t waer èns sjult
es de zón ´ne keer neit sjient
Ederein maag van mich ´n lechske, al is ´t mer klein
´t Is neit lóch ´ne clown te zeen
Wie zal ich uch noe aan ´t lache hawte
es ich ´n móp neit èns kèn ónthawte?
Al zou ich mich dwinge tot sjpassiger dènger
´t geit d´r naeve, ich bèn ouch mer ´ne minsj
Wae ummer lach, geluif me neit
dat dae ouch griene kènt
Brik häöm bekans ´t hart van verdreit
me zuut ´t häöm neit aan
Dat mich de welt neit mee versjteit, wilt geer mich dat vergaeve?
´t Is neit lóch es clown te laeve
* cd 2002 : Anja Bovendeaard - "Sjtruim"
HOME
PLAATSNAMENOVERZICHTHOME'T IS VEURBIE
1983: Tekst & muziek: J.C. Dieteren
Uitvoerende (*) : Anja Bovendeaard
Refrein:
't Is veurbie, 't is te laat, 't is gedaon.
Niks te matse, te verklatse, ich kén neit gaon.
't Is gein mop, mèr eine sjtrop, waat noe gadaon.
't Is veurbie, 't is te laat, ich kén neit gaon.
De bank die waor al toe, Sjeng dae hauw gein roe.
't Waor eine grote sjtrop, geine rooje cent mee drop.
Ein laok in de portemenee sjaade zien waal en wee.
't Waore heel hèl sjlaeg, zien beusj die is noe laeg.
* cd 1999/2000 : Marotte Zitterd - " De fraaje mit de medaaje " - Onger Ós 7366
HOME
PLAATSNAMENOVERZICHTHOME'T ZIT NOE EIMAOL IN OOS ZITTESJ BLOUD
trad.
Braazel en wauwel en heel gèt sjaele kal,
verköp me hie ummer, mer neit mit carneval.
Dan wurt 't gansj angesj, me is zoo heerlik blie,
en deit dan zie maske veur ènnige daag opzie.
Geef zich dan richtig wie 't karakter is,
och, deig me dat ummer, 't sjpaarde ergernis.
Jao, mit vastelaovend, dènk jeder zoo veur zich,
eimaol in 't jäörke dan ammezeier ich mich.
Refrein:
Jao, jao, jao 't zit noe eimaol in oos Zittesj bloud,
vastelaovend viere veer hie goud.
Wilt me dat ouch soms èns taegegaon,
't geef niks, ummer blif dat hie besjtaon.
Altied braaf zich veurdoon, dat vilt zjwaor,
waerd daorom angesj, eine keer in 't jaor,
op verkleid uch al, nao 't Marottebal.
Vivat oos Carneval !
Waert geer get auwer en geit 't neit zoo vlot,
och tröös uch en treurt neit, da's jeder miensj zie lot.
Dènk dan mit verlange aan vruiger jaore trök,
och, gunt auch eur kènjer dae sjpas en dat gelök.
Doot nog ei dènske, al geit 't auch get sjtief,
want toch lach 't hèrtje uch daobie nog in 't lief.
En kump dan eur jònkvrouw in de gedachte weier,
sjraap dan eur kael èns en zèng d'r mit plezeier.
HOME
PLAATSNAMENOVERZICHTHOMETAENGE DEN AOVEND
Tekst: ? - muziek: ?
De blènje toe, de sjuuf oppe deur.
Zeen sjtel en sjuure gout gesjlaote ?
Dan de kinkee oet en de nachkaers aan.
Waat noe nog ligt, mer ligge laote !
"Genog getorveld" bròmp de sjtöm,
van 't sjlaagwerk in de mirgeltoore.
"De trappen op, - uch get gebaed,
en 't bèd in: 't is al laat gewoore.
"Veuroet, geer luu: 't is mee es tied ! "
't Is alles in de wol gekraope.
En sjnee-wit geit de Maon door 't dörp,
ongerwiel de minsje sjlaope.
HOME
PLAATSNAMENOVERZICHTHOMETAM-TAM!
Tekst & muziek: Guus Steinen
Zang (*) : Kartoesj
Ich zoat in 'n kaffeeke, 't waas d'r röstig en 't waas d'r sjtil
Ich zoat doa mesjiens waal al twee drie oere...
Toen gans inens gebeurde 't, de deur vloog oet de sjtiel.
Van waat toen bènne koam doavan rammelde de moere...
dao kaom 'n kapel nao bènne
mèt vol meziek wie die dat kènne
nou doa waas metein get oet:
tam-tam in de boet !
de sjuuf die sjoof waal ens d'r naeve
ja woa 'n tröät is, doa is laeve
woa tam-tam is in 'n zaak,
wurd auch sjpas gemaak
Hie wurd tam-tam gemaak,
Hie waere neut gekraak
Hie goan panne van 't daak,
Hie is tam - tam
Hie wurd 't vel geraak !
mèt alles waat mer laeve maak
Ja , dao kènne veer get van
hie is ummer tam-tam
zoagaw es veer die trômme heure,
en de sjuuf weer heure sjöäre
weit ver weer 't is zoa laat,
't is tied veur tam-tam
d'n tuba sjpiejt zich op de kleppe
de dikke trom, die sjteit te meppe
want doa woa me zunk en lach
dao wurd tam - tam gemaak
* cd 2001: Kartoesj - "Tam-tam" - Marlstone CDL 2044
HOME
PLAATSNAMENOVERZICHTHOMEDE TANT
1956 Teks:Thuur Laudy - muziek: Giel Laumen
Mien tant haet vööl klamotte, die duud ze in ein sök.
En deit mer niks es potte, zolang es 't höör lök.
Mer geit me höör get vraoge, dan is ze zoo gewiks,
dan zaet ze: kòmp neit plaoge, geer wit, ich höb toch niks.
Refrein:
Mer tant, mien leifste tant,
es uch dao noe èns de mot in kump.
Waat dan, waat doot 'r dan,
es eur kat noe èns die sök mit nump.
Geer wit neit woo ze zit,
woo de kat die sök mit geldj sjmit,
dan is die sök nog lang neit trök.
Mien tant haet kènne vrieje, mer dat is jaore trök.
Ze zag: die nötte prieje, die wolle aan mien sök.
Ze loerde nao de cente, die tant zich hauw gesjpaard,
en die dat sökkertèntje in sökke hauw bewaard.
Ich meinde gaon te erve, de tant hauw geinen aom.
Ich dach noe geit ze sjterve, en is 't gauw gedaon.
Nao drie of veier waeke, waar tant weier aeve flök,
en zoug ich höör versjtaeke, die auw versjlete sök.
HOME
PLAATSNAMENOVERZICHTHOMETE GEK MAN
Tekst & muziek: Guus Steinen
Zang (*) : Kartoesj
In Limburg broewe veer
euver de 100 soarte beer,
Doa zaeste drek van :
"dat is te gek man !!!!!"
es te dao eine van gepreuf hobs
wilste ummer ummer meer
dao zaeste drek van :
dat is te gek.
en dan os Limburgse leedjes
oh !dao zit os hart van vol.
doa zaeste drek van
dat is te gek man !!
alle köpkes zitte vol,
knatsj vol met' do re mi fa sol
dao zaeste drek van,
dat is te gek!!.
Dao zaeste drek van !
Dat is te gek man !
wao höbbe ze dat, wao höbbe ze dat nog meer?
Dat zuuste drek man !
Dat is te gek man !
dat höbbe veer, dat höbbe veer, dat höbbe veer !
Bekiek de maedjes hie bie ôs
doe wets neet woa ste kieke môs,
dao zaeste drek van:
dat is te gek man !
en de "kènner" zaet metein:
"waat 'n vötje, waat 'n bein"
dao zaeste drek van
dat is te gek!!
in 't kleinste dörp, 't grootste laok
heurste meziek op ederen hook
dao zaeste drek van,
dat is te gek man!
(want) de meziek kump oet os hart
hie zit 't orkes op de biljart,
dao zaeste drek van,
dat is te gek !!
wie ken 't toch dat zo get zo "te gek" kan zin
dat kump geweun omdat dit nörges angesj ken
wie kèn 't toch zo zin dat dat zo is?
omdat ste doa dat zo'n lekker good geveul van krigs
* cd 2003: Kartoesj - "Alles kump good" - Marlstone CDL 2307
HOME
PLAATSNAMENOVERZICHTHOMETE JÔNGK
Tekst: Frans Boermans - muziek: Wim Roeffen
Zang (*) : Kartoesj
Hie sjtoan ich dan es jônge man, zo pril en ongerep,
mer meadjes ,och !! bedwing uch toch, pès ich de leaftied höb...
Och maedjes leef, hawt gooie mood.
ich ben nog vrie en ongekös, onthawt dat good
dat geer neet sjloap, begriep ich waal...
ich ben uch houp, en uggen druim, uch ideaal.
och maedjes leef, höbt mer gedöld
want ugge wunsj dae wurd waal 'ns vervöld
mer noe nog neet, nea noe nog neet
'ch ben vöälste jôngk, wie't geer waal zeet...
dèks deit 't pien om sjoon te zin, dae las vilt mich neet lich
mer maedjes weit: 't deit mich leid, dat geer zo sjmacht noa mich
mer vreug of laat ben ich paraat, ontwaak in mich de man,
dan kump d'n tied, ben ich zo wied, dat ich d'r taege kan...
* cd 2001: Kartoesj - "Tam-tam" - Marlstone CDL 2044
HOME
PLAATSNAMENOVERZICHTHOMETE TE TE TE LAAT
2009/2010 nr.3 : Tekst: John Smeets - muziek: Gian Prince
Zang: Cyrille Niël
’t ‘s mörges rammelde dae wèkker,
Jao dat deit dae pröl waal dèkker,
Ich dach vastelaovend,ich moot gaon.
En es me al de sjlager zink,
Dan höb ich mich pas hauf gesjmink,
Zo ken ich hie toch neit veur hauwve haan gaon sjtaon.
Ich knöppel ben neit waerdig,ich sjlome ben neit klaor,
Icb ben nog lang neit vaerdig,dat gebeurd mich jeder jaor…………
Refrein:
Te te te te te te te te te te te te te laat,te te te te laat
Wat hob ich mich gejaag,
Te laat,te laat,ich höb neit mienen daag,
Ich sjnap ’t neit,ich höb’t neit,ich wou dat ich’t koosj,
’t fees moot nog beginne mer ich vrek al van de doosj.
Mit vastelaovend ben ich ummer alles kwiet,
Dus deze jong,……………………kump nooit op tied.
Ich wou mich gauw ein fritje aete,
Waor dao promp mien patsj vergaete,
Maer Ich sjlumke hauw dao nog neit betaald.
Dat koosj ich gaar oets neit verkoupe,
Ben toen nog eins d’raer geloupe,
Wie ich trok kwaam waar mien pilske weier versjaald.
Ich knöppel ben neit waerdig ‘tis neuzel maar ‘tis waor,
De kraag is nao de klitse,dat gebeurd mich jeder jaor………………
Ich moosj mien pekske nog gaon koupe,
Mer ich hauw mich pratsj verloupe,
Waar te laat ’t waar al zeve oer.
Noe höb ich niks om aan te trekke,
Dach dat kan mich niks verrekke,
Riet geweun get auw gordiene van de moer.
Ich knöppel ben neit waerdig,ich höb auch nog gein haor,
Noe loup ich hie veur joker,dat gebeurd mich jeder jaor…………
HOME
PLAATSNAMENOVERZICHTHOMETE VÖÖL TE VRUIG
Tekst: Loek Frohwein & Hardy Mertens - melodie: 'Too much too young'
Zang (*) : WW-Band
doe höbs te vööl, te vruig gedaon
dat bazelt jederein
mer dae villa op dat tropies eiland
is waal van mich allein
ich höb erg vööl, erg vruig gedaon
mien beusj die us noots laeg
die van uch waal,
ouch al gaot geer zjwart wirke
tot geer nul ons waeg
de vruikes vènje mich ein sjtök
ze laote mich neit los
es ich böntjmentjel mot gaon betale
dan bèn ich weier de klos
de binke maake mich neit bang
ich kèn goud taege sjlaeg
al die watjes die mich provoseiere,
die pak ich bie de kraeg
ich bèn de king van 't buffet
gaon rechop door de deur
ouch al zette ze mich 75
glazer beier veur
doe höbs te vööl te vruig gedaon
mich zie de officeier in
't boerekratehollesj
'maak in de bajes veel plesier'.
zoepe gokke hôwwe bloowe
jatte diele sjtaeke wikse
23 jaor 't laeve is al kloar
zefs tralies vèng ich gein bezjwaor
* cd 1993 : WW-Band - "Elluf!" - Marlstone Recordings bv - CDL9308
HOME
PLAATSNAMENOVERZICHTHOMEDE TEUN VAN JEUN
1997: Teks: Frans Van Binsbergen - muziek: Math Niel
Zang (*) : Anja Bovendeaard
Refrein:
Mit de vastelaovesteun van Jeun, zeen veer al dèks verwend,
omdat jederein in Zitterd al die teun van Jeun goud kènt.
Jao, die teun van Jeun door al die jaore haer.
Jao, die heure veer, die heure veer, die heure veer zoo gaer.
Mit Jozeeke oppe fits, jao dat is waal 't versjil.
Mit dan Harie op safari en ouch Maritsebil.
Es ich vrie, dat zink 'r ummer, jao geer wèt waal mit Marie.
Heur-ste kriesjend Pittermenke, jao te saame mit Fifi.
In 't Zittisj Prèntebouk wurd de Prinsedruim gebrach.
Sjtraus in Zitterd op 't Kiöske dat haw neemes oots verwach.
En de kòmplemènte kreege veer van Rosalie, de Plis.
Zoo viert Zitterd vastelaovend, Marian haet zich vergis.
Zou 't Toch en Toch èns wènke, wie 't zout in de fooljaer.
Flupke zout op dat CD-ke, zèt 't op ich heur 't gaer.
Jao, ze zeen nog ummer dao, floot ooze Knaarie in 't plat.
Laot mèr loupe, Jeun, want Beppie haet dat bees van dich gejat !
* cd (1997/1998) : Diverse Artieste - " Door 't dölle haer " - Marotte oet Zitterd
HOME
PLAATSNAMENOVERZICHTHOMEDE TEURES VAN ZITTERD
Tekst: ? - muziek: ?
Ich zou zoo gaer, nog eimaol eer ich sjterf,
de teures zeen, die mien aauwd Zitterd seire:
De mirgeltoore van de Groote Kirk ...
Mot dae de wolkenheemel neit regeire ?
Zeet, of de wèndj al boest in wèntjertied,
of 't vruigjaor wurd (hie teen de kroenekraane ! ).
Hae sjteit dao deftig wie veur de eeuwigheid,
en leet zich door gei jaorgetie vermaane.
Zoo hoog geboed, zoo sjterk en sjtil en sjoon !
Wied euver landj en luu sjteit hae to waake.
Hae kan gewès bie nach, es alles sjleep,
mit ziene vinger aan de sjtarre raake.
Dan sjprik hae, gluif ich, mit Oos Levenheer.
Zien sjtom verlus zich in de heemelwiedte:
"Heer", zaet hae, "es Uch auch get neit gevilt,
zoo wie ze zeen, mot Geer de luu versjliete."
" 't Besjtaon is allewiel, - Geer wit et, Heer,
gei kènjersjpeel veur was neit miljonaer is;
Den hanjel is labiel, - is neit sekuur,
en 't is daomit precies wie 't mit et waer is.
"Zeet gout veur Zitterd, Heer, woo 'ch euver waak.
Of dan de zòn al sjient, of 't sjniet of raengent.
Ze zeen neit kaod, of ze auch al mònter zeen ...
Laot mich Uch vraoge, Heer, dat Geer ze zaengent."
HOME
PLAATSNAMENOVERZICHTHOMED´N TIED
Tekst: G.Rapaille - muziek: Antonio Tarragoros & Leon Gieco
Zang (*) : Anja Bovendeaard
Es ´t aeve neit geit wie ´t mot gaon
Dan loupe veer de toekóms achter nao
Zeen veer op jats, van hot nao haar
En waere effe neit gewaar
dat hiej en noe os altied veur de naas ligk
De toekóms is e onbekènd gedich
Wo me dan ouch op haop en wo me zich op sjpicht
Wat in de sjtarre gesjreve sjteit
is ei geheim dat ligk gereid
Zo ligk de toekóms noe te ligke wo ze ligk
Refrein:
Dus ich haop, al loup ich op krökke
mit goue sjlaach, d´n daag te plökke
Jao, ich haop dat ´t mich zal lökke
mit goue sjlaach, de daag te plökke
In de mörge is gister oots begoosj
Alles haet oots waal angesj gekoosj
Veer zegke dan: "Kiek veuroet
dao zuut alles gans angesj oet"
Zo ligk ouch gister noe te ligke wo ´t ligk
En soms dan sjteiste, mer get te sjtaon
Es ´t laeve neit geit wie ´t mot gaon
Dan kikste trök mit heel väöl sjpiet
Nao zoväöl laegen tied
Och wiste veer mer wo dat dan aan ligk
* cd 2002 : Anja Bovendeaard - "Sjtruim"
HOME
PLAATSNAMENOVERZICHTHOMEDEN TIED BLIF ...
Tekst: ? - muziek: ?
Eimaol lègge veer allemaol de kop op 't kösse - en 't is gedaon.
Mer den Tied blif ziene gank gaon, en de welt blif auch besjtaon.
Op mie graaf zal 't vruigjaor bluië, 't landjsjap zal nog, jònk en blie,
zien sezoene weir belaeve ... veer allein, veer gaon verbie.
Mer oos heuvle, eevig jònk, sjtaon prechtig langs den heemelrandj;
Ummer blift de leeuwerik zènge, baoven 't b1uiënd hart van 't landj.
HOME
PLAATSNAMENOVERZICHTHOMETOESJ, DEN
Tekst & muziek: Willy Jongen
Refrein:
Einen toesj veur dae man, einen toesj veur dae man,
dae kènt der get van, jao dae kènt der get van.
Einen toesj veur dae man, einen toesj veur dae man,
dae kènt der heel get van.
Nònk Pieke waar in sjtömming, hae waar èns flink op sjtap.
Opèns doe zag hae jömmig, ich höb genòg gehad.
Hae zag taege den ober, jong loester noe èns hie,
gaef al die luuj hie bènne ei rundje van Nònk Pie.
Ich mot noe heivesj gaon, doe zong de ganse kraom:
Nònk Pieke moosj gaon trööte, hae zoug gein noote meer.
Gaef mich eesj get te tööte, dat zag hae jeder keer.
Ich zal uch laote heure die trööt die blaos ich rech.
Hae blous zich alle kleure, 't waar oetgesjpraoke sjlech.
Doe zòng de ganse kraom, Nònk Pieke haet geinen aom.
HOME
PLAATSNAMENOVERZICHTHOMETÖSJE DÒMENIK EN SJRAGE
Tekst & muziek: Jo Erens
Laote veer ei leidje van Zitterd zènge, laote veer same danse en schprènge.
Want veer hauwte van de Mèrt, de Kolleberg en de Wal, en van daen ech Zittesche kal.
Daoròm zèngt alleney mit mich, Zitterd, jao ich hauwt zoovööl van dich !
Refrein:
Tössche Dòmmenic en Schrage, dao is 't laeve goud te drage.
Jònges, maedjes in de schtraot, loupe baenkes zuuver op de maot.
Tössche Dòmmenik en Schrage, ze vraoge neit of ze 't mage.
Jònges, maedjes, op en aaf, dat is Zitterd jao allein, alaaf.
Truuke hauw ei gans nuut klèdje, en oppe kop ei vònkelnuut barètje.
En 't maedje vuilde zich zoo schik, och, 't kèndj, 't druimde van romantik.
Mer opèns, dao vilt hem get in: mam, ich gaon de schtraot ens aeve in.
Es 'ne jòng wanjelt mit zie maedje, euver 't ein of anger duuster paedje,
en 't maedje mòt heivesch gaon, mer de jòng zaet: blief nog aeve schtaon,
zaet 't kiendje: Kòm, de mam wurd kaod, ich zeen dich mörge waal in de schtraot.
Es ze op Schtadbrouk beginne te tròmme en de zittinge weier kòmme,
maak ich mich 't maske gereid, want ich weit van bescheid.
Want de luuj toch kòmme van euveral, es in Zitterd viert me Carneval.
HOME
PLAATSNAMENOVERZICHTHOMETREESKE
Tekst & muziek: Jo Erens
Zegk, witse noch Treeske, d'n tied dat veer sjpeelde.
Veer waore mer kènjer, mer ich weit 't noch goud.
Veer trippelde saame geweunlik nao 't sjeulke.
Ich zeen noch 't maedje dat naeve dich zout.
En hauw dan de bel ouch mer aeve gegange,
dan leip ich nao boete en wachde ich dao,
tot veer dan weier saame op heivesj aan gònge.
Bedènk dich ens Treeske, doe wits dat toch noch.
En gingste 't zondigs nao vesper of löfke,
doe waors al ei maedje van neugeteen jaor,
dan kralde dien uigskes es doe mich zougs komme,
en sjpeelde de wèntj in dat kaolsjwarte haor.
En gong v'r nao boete en plökde veer blömkes,
veer zuikde nao peepels en keeke in de lòch,
of soms neit ein onwaer os koosj euvervalle.
Bedènk dich ens Treeske, doe wits dat toch noch.
En doe koum daen daag, dae veer noots neit vergaete.
Veer kneilde tesaame op d'n trap van 't altaor.
Veer woorte verbònje veur allezelaeve.
't Is erg lang gelee, bekans veertig jaor.
En noch klink dien sjtöm van daen daag in mien oore.
Dien jao waor zoo zach mer ich hoort 't dan toch.
Veer baede en vrouge en kreege de zaege.
Bedènk dich èns Treeske, doe wits dat toch noch.
HOME
PLAATSNAMENOVERZICHTHOMETRÖK IN ZITTERD
Tekst: Bert Rutkowski & Francine Rutkowski - muziek: Jan van Daal & Gian Prince
Zang: Cyrille Niël
Zo hauverwaege Limburg, vuile veer os alweier toes,
dan rieje veer die sjtraot in, en zeen oos auwesjhoes.
Trök oet 't hooge noorde, of ein wiet boetelandj,
want aan oos heiment Zitterd, höb veer os hart verpandj.
Refrein:
In os sjtedje Zitterd, zeen veer toch zo gaer.
Wae zich wilt vermaake, geit dao altiet haer.
Ech Zittesje sjnaake mit laammaekesj blout,
mer es veer weier toes zeen, vuile veer os toch zo gout.
't Gans jaor wiet van hoes aaf, die gout betaalde baan,
mer 't begint alweier te kriebele, vastelaovend kump der aan.
Dan motte veer trök nao Zitterd, nao os auwt sjtamkaffee,
de Pötsjtaot en de Mert op, dao vuil veer os tevree.
Besjtèlt wurt dao per runtje, wie ut onger vrunj ouch heurt.
Zo veur en nao kump jeder, dan aan zien eige beurt.
Veer zeen gein einzelgengesj, maake saame lol en sjpas,
en hauwte zo in ere, 't richtich Zittesj ras.
Zo wie unne tiet van komme, kump ouch d'n tiet van gaon,
ut allerlètste pilske, Vastelaovend is gedaon.
De pruuk aaf en ouch maske, pès volgend jaor mer weier.
Dan zeen veer os in Zitterd trök, bie heel vööl glaeskes beier.
HOME
PLAATSNAMENOVERZICHTHOMEDE TRÖÖT (VAN OS KAPEL)
Tekst: Ad Pfennings - muziek: Giel Laumen
Zang (*) : Wim Leentjens
Oetveurende (**) : Chris Maas
Wurd 't Vastelaovend, kump alweier de schtömming in de tent.
Went mit Vastelaovend is ouch oos kapel zo fien present.
Gilliam mit zie tröötje blees en alles geef 'm dan ein lel.
Daorom zèng mer, daorom sjprèng mer mit oos gouw kapel.
Refrein:
Trööt veer op die trööt trööt trööt.
Trööt trööt trööt, op die trööt trööt trööt.
Trööt veer waal èns vööl te hel,
dat deit die trööt van de Marottekapel.
Is 't schoon of schlech waer, hoempa hoempa deit dan oos kapel.
En daen dikke Lambèr huit dan mit de klöppel op dat vel.
Chrit es Patscheninie sjuuf mit zien tròmbòn mer op en neier.
Laeve make, eine krake, dat is hun plezeier.
Laot eur leidjes schalle, ummer brink dat laeve in de boet.
Dat kan òs bevalle, auwt of jònk, me trèk mit uch drop oet.
Laot eur trööte trööte, hoempa, hoempa, ummer, ummer meer.
Zitterd zèng noe, Zitterd schprèng noe, oos kapel tot eer.
cd (1993) : " De Marotte sirk trek wiejer " - De Marotte Zitterd - Ónger Ós # 7250
* cd: Diverse artiesten - "Vastelaovend in Limburg 2" - Telstar TCD 100.750-2
* cd 2000 : Diverse artiesten - "Vastelaòves Virus" - Telstar TCD 10227-2
** cd: Diverse artiesten - "Vastelaovend in Limburg 3" - Telstar TCD 100.859-2
HOME
PLAATSNAMENOVERZICHTHOMETROUW MIT EI LIMBURGS MAEDJE
Giel Aerts
Gezônge: Frits Rademacher
Mien auwesj, die zeen hie gebaore, zeen Limburgesj in merg en bein.
Ouch ich höb mien hart hie verlaore, dat sjleit veur mie Limburg allein.
Ich weit nog zoo goud, ich ging vrieje, de pap zag: " Noe kóm éns bie mich.
Noe loester éns jóng, ich maag lieje das doe't zuls doon sjus wie ich ... "
Refrein:
Trouw mit ei Limburgs maedje, dat is bie mich in tél.
Trouw mit zoo rozeblaedje, blief angesj vriegezél.
Zék 't ouch aan dien jónges, es die éns trouwe gaon.
Trouw mit ei Limburgs maedje, dat höb ich ouch gedaon.
Ich höb mich de zaak goud bekeke, want maedjes die waere d'r zat.
Mer later, doe is toch gebleke dat vader gelaiek haet gehad.
't Maedje woo ich mit ging trouwe, wae hauw dat ouch angesj verwach,
waas ein van die Limburgse vrouwe, woovan miene pap haet gezag:
HOME
PLAATSNAMENOVERZICHTHOMETRUUKE, KEUBKE
Tekst: Toon Hermans - muziek: trad.
Ich kòm van 't dörp aaf, dat maag geer waal weite, in dees revuuj.
Ich kòm hie mit Keubes, dat maag geer waal weite en ich heisj Truuj.
Höb veer 't saoves den dèn aafgekaerd, jao. dan is 't sjluss.
Zèt Truuj zich mit Keubes same op 't sjtupke, en vraoge veer òs :
Refrein:
Truuke ! Keubke ! Wie vinsj doe mich ?
Och doe bès jao ein bloum, einen droum.
Om dien boeregezich hauwt ich van dich.
Truuke ! Keubke ! Ich hauwt van dich !
Veer sjpraeke hie noots neit van love you en darling, of van l'amour.
Gebroeke gein poejerdoos, luppesjtif, kraemkes, dat is natoer.
En zitte 't saoves dan ouch neit te gape in de bioskoop.
Mèr sjtaon in de moosem te klètsje mit Nelis en Graad van Joop
Ich höb mich de dames in Zitterd bekek mit blote bein.
Mèr veur die grootsjtad van Zitterd zeen Keubes en ich te klein.
't Is ós te zeer ei geratels, gewauwels en vööl te drök.
Daoròm gaon Truuke en Keubke nao vader en mooder trök.
HOME
PLAATSNAMENOVERZICHTHOMETWELLEF SJLAEG PES MIDDERNACH
Oet de Zittesje revuu 2001 "Rempetemp"
Tekst & muziek: Jan van Daal
Zang (*) : Cyrille Niël
Refrein:
Twellef sjlaeg pes middernach, 't middernachtelik oere
't wachte doert mich vööl te lang 't zal neit lang meer doere.
Middernach dat is d'nn tied dan kroep ich oet mien kis
Rabbelt dan mien penske weit ich dat 't nuusjier is.
Zeen... ich... ein jonk maedje veur mich sjtaon,
Geit 't hart mich flotter sjlaon,
Veer raoze door de nachte kroepe ziej aan ziej
Is... oos... ganse sjtam dan weier bliej,
barsj 't van tradities hiej
tradities zeen oos heilig in oos Geiste landj.
Hie sjteit noe Graaf Dracula mit gespitsde tenj
Duuster es de nach mit eine kauwe lach.
Ich ken neit langer wachte, 't zal mich gaon benuuje
Woo ze mien verrasjing dalik in gaon duuje.
Sjtaon mich te verknöökele, kiek van moer tot moer
Woo zeen die kadoos, dat is de ganse sjoos
Wat zal 't dalik waere, 't wurt mesjien ei maedje
Witter es tepeet maar waal ein gruin frisj blaedje.
Dank uch leif femieje jederein vampier
Dat geer oos tradisies goud in eere hauwt
'gaon noe nog get sjlaope in mien houte kis
't zal mich gaon benuuje of ich geine mis.
* cd 2001/2002 : de Marotte - "Zittejse Rempetemp" - Ônger Ôs 7401
HOME
PLAATSNAMENOVERZICHTHOMEURGES
Tekst: A van Rooijen - dialectvertaling-bewerking: G.Rapaille - muziek: M.E Walsh
Zang (*) : Anja Bovendeaard
Urges wurt ´ne wunsj gebaore
Urges wurt ´n plan gemaak
vilt oet de hemel op de welt
´n Bloum die ontwaakt
zo inéns dien prie raak
d´r is get nuujts wat telt
wat zich opéns bekèntj maak
Veer höbbe ummer waal get te wunsje
anger graas is ummer gruiner
laote gaer de tuikes viere
´t leifs in eige henj
Urges wurt óm de eer gevochte
Urges wurt nao mach gesjtraef
eine hulpsjreef jeug euver de welt
En ederein dae mitlaef
wet dat dao bloud aan vasklaef
dat ein laeve weenig telt
en gein sjien van kans haet
Veer wille ´n welt, zonger pottentaote
mit God in de vaan, me van God verlaote
Veer zuike sumpel en óngezawte
van alle luuj te hawte
Urges wurt d´r hulp gebao
Urges wurt d´r get gedeild
dao vluch ´n lechske euver de welt
Wie ´n pleister die ´n wónj heilt
en leifde die diene móndj sjtreelt
d´r is get nuujts wat telt
en noe ´n eige rol sjpeelt...
Me d´r blif ummer waal get te wunsje
Anger graas blif ummer gruiner
En mer zuike óngezawte
van alle luuj te hawte
* cd 2002 : Anja Bovendeaard - "Sjtruim"
HOME
PLAATSNAMENOVERZICHTHOMEDE VAAN
1987/1988 nr. 1 : Tekst & muziek: Paul-Jean Jessen
Uitvoerende (*) : Chris Maas
Refrein:
Dao kump de vaan ... weier aan.
Alle maskes en verkleide loupe drachter aan.
Woo geit die vaan ... op aan ?
Door de gats, de mert, de Pötsjtraot op pès baovenaan.
Gans Zitterd sjlut zich dao bie aan.
Dao kump os geine aan de vaan !
Maan, dae wol meziek gaon doon, mèldje zich doe aan.
Trom of trööt of saksefoon, ich begin waal draan !
Mèr nao vööl perbeiere keek er os ens aan.
Ich laot mich neit forseiere, gaef mich mèr de vaan !
... En hae sjnapde zich de vaan en veer trokke drachter aan ...
Jeder jaor löp ooze Maan d'n optoch in de waeg.
Mit zien auw, versjaote vaan, ochèrm, hae löp zich laeg.
Mèr kump dan de mert in zich, jeeder kik nao Maan.
Alle luuj bedenke zich, woo geit die vaan op aan ?
... En hae sjnap zich dan de vaan en veer trèkke drachter aan ...
* cd 1999/2000 : Marotte Zitterd - " De fraaje mit de medaaje " - Onger Ós 7366
HOME
PLAATSNAMENOVERZICHTHOMEVAARWEL MIE LIMBURGS LAND
Tekst & muziek: Jo Erens
Refrein:
Vaarwel, vaarwel, Limburgs landj, zoo koosj 't toch neit blieve.
Mer dansende kènjer, handj in handj, zulle altied, altied bie dich blieve.
Zuug 'm kòmme, mit zien vrundjes, mit zien ratelende reim.
Heur 't kleppere van de klumkes, kiek wieste zellef vruiger leips.
Heur ze saame leidjes zènge, bie de meister in de klas.
In de sjpeeltied bökske sjprènge, viefteen sjtein in eine pas.
Laatste refrein:
Vaarwel, vaarwel Limburgs landj, laot 't toch altied zoo blieve.
Laot dansende kènjer, handj in handj, ummer, ummer bie dich blieve.
HOME
PLAATSNAMENOVERZICHTHOMEVANDAAG
Tekst: G.Rapaille - muziek: Fito Paez
Zang (*) : Anja Bovendeaard
Vandaag, vandaag höb ich ´t laeve gaer
Vandaag, houf ich nurges angesj haer
Wae in miene ouge kik, dae kènt ´t zeen
Dit is eine daag dae ich michzelf verdein
Refrein:
Vandaag, vandaag. ´t Laeve op e voutsjtök, vandaag
Vandaag, vandaag. ´t Laeve op e voutsjtök, vandaag
Loester, ich heur lache in de wèntj
In dich en in mich laef ouch noch dat kèntj
Oetgelaote zèngt mien bonzend hart
Veur mich wurt dizzen daag, heel apart
Vandaag, sjtaek ich mich bloume op d´n hout
Miene rikketik dae geit, ich vuil mich gout
Eine vlinder teikent hertjes in de loch
Ich laef van de leifde, dat is vandaag genoch
Vandaag, vandaag, ich laef van de leifde, vandaag
Vandaag, vandaag, ´t Laeve op e voutsjtök, vandaag
Vandaag, vandaag, ich laef van de leifde, vandaag
Vandaag, vandaag, ´t Laeve op e voutsjtök, vandaag
Vandaag, vandaag, ich laef van de leifde, vandaag
Vandaag, vandaag, ´t Laeve op e voutsjtök, vandaag
* cd 2002 : Anja Bovendeaard - "Sjtruim"
HOME
PLAATSNAMENOVERZICHTHOMEVASTELAOVEND
1975: Tekst & muziek: Jack Bronneberg
Refrein:
Vastelaovend, vastelaovend,
da's de sjoonste tied van 't jaor.
De Marotte zeen weier dao.
Vastelaovend, vastelaovend.
Kòm veer drènke ei glaas beier.
Jao, dan kriege veer plezeier.
Al de jònges en de maedjes sjprènge weier op de sjtraot,
danse, drènke, lache, zènge en auch neemes wurd'er kaod.
Vööle lietesj beier gaon op en ze waere waal èns zaat.
Mer dat kènt hun toch niks sjaele, want ze zènge tot s'aoves laat :
Tante Maj en auch nònk Karel gònge bienao noots van hoes.
En zelfs auch mit vastelaovend, altied bleeve ze mer thoes.
Drie jaor trök gòng ich ze haole, òm te gaon nao 't Zittesj landj.
Rn noe sjprènge ze door de sjtraote, same zènge ze, handj in handj :
HOME
PLAATSNAMENOVERZICHTHOMEVASTELAOVEND
Tekst & muziek: Mat Niël
Zang (*) : Alle mitwirkende + couplette Frans Thissen
Refrein:
Vastelaovend, vastelaovend, vastelaovend is weier in 't landj.
Vastelaovend, vastelaovend, zet de zörg noe effe aan de kantj.
Gein gezette, gein teeveenuuts, gein gebrazel, geine kal,
laot os danse, laot os sjprènge op 't auwt Marottebal.
Vastelaovend, vastelaovend, sjnap uch effe jao noe effe handj in handj.
De vastelaovestied wurt dek veur gek versjleete,
mer höb geet door 't jaor de luuj èns goud bekeeke.
Mit al dae vreigel, al dae herrie en venien,
of 't noe geit of euver vleisj of euver wien.
Jao, da sjpich ich mich, dan sjpich ich mich nog mee,
op dat fees dao in dae wèntjertied mit sjnee ...
Em Marotinnekes en auch geer leif Marotte,
hie in oos Zitterd zeen veer gaaroets neit te kloppe.
Mit 't vergaeve auch al deit 't effe pien,
't ongerein versjtaon dat is toch waal zo fien.
Jao, da sjpich ich mich, dan sjpich ich mich nog mee,
op dat fees dao in dae wèntjertied mit sjnee ...
* lp (1986/1987) : Marotte Zitterd - " De Kòmplemènte oet Zitterd "
HOME
PLAATSNAMENOVERZICHTHOMEVASTELAOVEND, DAT ZEET GEER
2002/2003 nr.2 : Tekst & muziek: Phil Schaeken
Refrein:
Vastelaovend, vastelaovend, zeet geer en geer en geer.
Vastelaovend, vastelaovend, 121 keer.
Wageboewesj, luuj van de meziek, sjoon verkleide, loester mer en kiek.
Vastelaovend, vastelaovend, zeet geer en geer en geer.
Pak noe èns de wageboewesj is ós optochhal.
Lasje, plekke,verve, knippe draod.
Same ´n ideeke en daobiej get sjaele kal,
trèkke mit hun wages door de sjtraot.
Zónger uch d´n optoch zou neit zeen waat ´r noe is,
zónger uch waar ´t mer hawf zo sjoon,
zónger uch mit vastelaovend, och waat ´n gemis.
Blief dat daoróm jaore nog zo doon.
Num noe èns die trómme, trööte, luuj van de meziek.
Wirke zich dan richtig oet de naot.
Zónger hun, wie sjtil waar ´t in ós Marotteriek,
heurde me gein leidjes oppe sjtraot.
Zónger uch ´t fees dat zou niet zeen waat ´t noe is,
zónger uch waar ´t mer hawf zo sjoon,
zónger uch mit vastelaovend, och waat ´n gemis.
Blief dat daoróm jaore nog zo doon.
Kiek noe èns die sjoon verkleide luuj in de kafee,
hippies, indiane, ´n prinses.
Jederein wirk jeder jaor weier fien aan zien idee,
maak van vastelaovend ´n sukses.
Zónger uch ós fees zou gaar neit zeen waat ´t noe is,
zónger uch waar ´t mer hawf zo sjoon,
zónger uch mit vastelaovend, och waat ´n gemis.
Blief dat daoróm jaore nog zo doon.
HOME
PLAATSNAMENOVERZICHTHOMEVASTELAOVEND IN D'N HEMEL
Tekst: F. Rademacher - muziek: L. Nikuta
Zang (*) : Frits Rademacher
* cd: Diverse artiesten - "Vastelaovend in Limburg 2" - Telstar TCD 100.750-2
HOME
PLAATSNAMENOVERZICHTHOMEVASTELAOVEND IN LIMBURG
1978: Tekst & meziek: Frits Rademacher
Oetveurende (*): Frits Rademacher
De sjoonste daag, de gekste daag, ze zeen alweijer dao.
Me zuut 't euveral, 't is wei'r karneval !
Veer höbbe ós al maonje lank gespich op dezen tied.
Veur vastelaovend sjtraeve veer, dem wille veer neit kwiet !
Refrein:
Jao, zoo viert me in oos Limburg vastelaovend,
jao, zoo viert me in 't Zuide karneval !
Make sjpas van smörges vruig pés aan de aovend,
mit die daag is 't in Limburg ummer knal !
Al kom' veer drie daag gaar neit op 't béd,
dao wurd hie dan gaar neit op gelét !
Jao, zoo viert me in oos Limburg vastelaovend,
jao, zoo viert me in 't Zuide karneval !
Of jónk of auwt, of riek of erm, dat maak hie gei versjil,
want in oos Limburgs landj dénk neemes dan aan sjtand !
Den dokter, békker, advekaot, de maad, de kondukteur,
ze loupe allemaole mit ei mómmebakkes veur !
* cd: Diverse artiesten - "Vastelaovend in Limburg 3" - Telstar TCD 100.859-2
HOME
PLAATSNAMENOVERZICHTHOMEVASTELAOVEND IN ÓS SJTAD
2001/2002 nr.1 : Tekst & muziek: Phil Schaeken
Refrein:
Ich vier noe drie daag vastelaovend, jao, pes gans laat oppen aovend,
oppe mert en in kafeekes in de sjtad.
't Is e fees dat gans uniek is, mit zien sjoon aw melodiekes,
lekker sjónkele, geërmp mit miene sjat,
lekker sjónkele, geërmp mit miene sjat.
Wurt 't vastelaovend, vastelaovend in ós sjtad, jederein, dae vaert dan richtig op.
Sjoon ideekes veur d'n optoch, och die geef 't zat, de meziek kump gaaroets neit mee sjtop.
Heel väöl luuj in Zitterd, jao die make zich dan klaor, wirke aan 't pèkske, koupe sjmink.
Is 't dan weier zóndigmiddig, drök wie jeder jaor, wèt geer wat de ganse sjtad dan zingk ?
Wurt 't vastelaovend, vastelaovend in ós sjtad, de kafeekes waere sjoon verseierd.
Thoes wurt veur de sjpeigel 'n awd huitje opgezat, op de trööt door pap gerippeteierd.
Mam, die zingk de leidjes die oma vruiger zóng, opa in de Baenje druimp gans sjtil.
Wie hae vruiger in de Sjwaan dao sjónkelde es jóng, jao, en ich doon dat noe bie de Phil.
* cd 2001/2002 : de Marotte - "Zittejse Rempetemp" - Ônger Ôs 7401
HOME
PLAATSNAMENOVERZICHTHOMEDE VASTELAOVEND IS WEIER DAO
Tekst & muziek: Math Niël
Refrein:
De vastelaovend is weier dao en jederein dae ruip jao, jao.
't Is te gek, mèr alles lach, wae haet zich dat toch ootsj bedach.
De vastelaovend is weier dao en jederein dae ruip jao, jao.
Veer viere door pès in de nach, wae haet zich dat toch bedach.
De bèkker en de sjilder, auch de sjnieder is dao.
De sjnieder wurt noe bekker en de sjilder 'n krao.
't Is get wie 'n krenkde, jao de vierus is dao.
Dus luuj, noe opgelèt, al gauw waert geer besjmèt.
Verkleide in de sjtraote sjprènge gans löstig rondj.
Opèns is in de wèntjer gans de welt kakelbontj.
Jonk en auwt of erm of riek 't is gezondj.
Dus luuj, noe opgelèt, al gauw waert geer besjmèt.
HOME
PLAATSNAMENOVERZICHTHOMEVASTELAOVEND OPPE KOLLEBERG
?
De ellefde november, me heurt euveral, sjrik jederein wakker, 't wurt karnaval.
Maskes en motsje koumme oet de kas, auwt wief en sjlupjas waere aangepas.
Es de zittinge waere gegaeve, kump vasteloavend tot laeve.
Refrein:
Oppe Kolleberg, de Kolleberg klink ens in 't jaor Alaaf.
Oppe Kolleberg geit drie daag lank 't maske neit mee aaf.
Veer lache en zenge en danse en sjprenge, mit sjpas en sjaele kal.
Want groot en klein is op de bein, vasteloavend maak os ein.
Want groot en klein zeen ongerein, mit vasteloavend ein.
Veer boewe aan waages of wirke aan groep, tummere en lasje is dan oos beroep.
Blieve veer plekke oppe heksesjans, wurt 't ens laat, veer sjlaon noots oet balans.
Trek d'n optoch euver oos sjtraote, is Zitterd in al-le sjtaote.
HOME
PLAATSNAMENOVERZICHTHOMEDE VASTELAOVESKAS ...
1993: Tekst & muziek: Paul-Jean Jessen
Refrein:
Bie mich begint de sjpas, veur de vastelaoveskas.
Ich sjnap mich dan get droet alvas, 't maak neit oet of 't mich pas.
Bie mich begint de sjpas, veur de vastelaoveskas.
Bie òs oòger de panne sjteit, zolang es ich 't zellef al weit,
'ne Kas mit dobbel deure, en sjpeigele van veure.
'tis Eine auwe Lewie Kaes (XV), mit franse leelies oetgefraes.
Gedreede peut, kepòt sjerneier, vol vastelaoves kleier.
'ne Vösjgraodjas mit bòntjrevaer, van 't trouwkostuum van Baer.
'ne Echte hooge zieje, wie Opa mòsj gaon vrieje.
En dan dat persiejaaner vel, bie de buut mit mottebel.
'ne Sjluppejas, 'ne kallabas, alles oet de kas ...
cd : Marotte Zitterd - " Hie brent de lamp " - Onger Os # 7262
HOME
PLAATSNAMENOVERZICHTHOMEVASTELAOVESKRIEBELS
2003/2004 nr.4 : Tekst & muziek: Bep Cuijpers & Mark Verblakt
Zang: Michelle Tummers
Refrein:
Veer zeen dees daag niet ònger ein ein patsj te vange,
Went òs Zitterd sjteit noe gans op ziene kop
Dat is wo veer ein gans jaor nao verlange
Vastelaovend sjteit in Zitterd aan d'n top.
Kom pak mich in d'n erm
En dree noe mèr èns rondj
De vastelaovendkriebels zeen gezondj.
Lang veur de vastelaovend wirk ich in d'n optochhal,
Van 's mörgesvruig pès 's aoves laat.
Ich lasj en plek en verf dao in d'n auwe euveral,
En bèn ich poem en muich zet ich mich in de 'hekse'hal.
Dan loester ich 't leifste nao de hoempapakapel,
Die geef mich vastelaoveskriebels, kriebels in mien vel
'Vastelaovend saam', veer gaon d'r taenge aan.
En mit de vastelaovend geit 't sjlachte mich gout aaf,
Van 's middigs aaf pès 's aoves laat.
't Appelsiene sjmiete doon ich toch mit gans väöl gaaf,
En bèn ich poem en muich en aeve helemaol van sjlaag.
Dan loester ich 't leifste nao de zaate hermenie,
Die geef mich vastelaoveskriebels, maak mich toch zo blie
'Vastelaovend saam', veer gaon d'r taenge aan.
* cd 2003 : De Marotte Zitterd - Ónger Ós 7437
HOME
PLAATSNAMENOVERZICHTHOMEVASTELAÒVESNOSTALGIE
2000/2001: Tekst: ? - muziek: ?
Zang: Jan van Daal & Milda Eijkenboom-van Daal
Maskes tösje Domenic en Sjrage is gedaon.
Me zuut verkleide van de Sjteivig nao de Mert haer gaon.
Verkesblaoze, laeverwoosj en biete paeperkouk,
dat zuuste noe allein nog mer in ´t Zittesj Prèntebouk.
En went ich dao in kiek, dan dènk ich weier geliek,
de vastelaovend waar zo riek.
En went ich dao in kiek, dan dènk ich weier geliek,
aan vastelaovend vruiger, in os sjoon Marotteriek.
Ei richtig Zittesj awd wief, dat waar vruiger ein aw mem,
noe loupe de aw wiever sjlachtend mit de GSM.
Ei maske haet me niet mee op, jao, dat is ei gemis.
Mit twintig laoge sjmink wits doe metein al wae dat is.
Zo is de nujen tied, vaöl tradisies zeen veer kwiet ...
´t Zittesj appelsiene sjmiete is uniek en sjoon.
Dat mót me hiej geweun mer op zien Zittesj blieve doon.
Want angesj ligke kènjer in de toekoms thoes op bed,
en vange appelsiene op ´t inernet.
Zo is de nujen tied, vaöl tradisies zeen veer kwiet ...
´t Maske dat begrave wurt, haet nemes hie nog op.
Ze gaon sjtrak nao de Kolleberg mit eine gesjminkde kop.
De fakkel dae me mitnump, es me sjnachs nao baove trèk,
dat is noe al ein pitsjlamp op eine ganse lange sjtek.
Zo is de nujen tied, vaöl tradisies zeen veer kwiet ...
HOME
PLAATSNAMENOVERZICHTHOMEDE VASTELAOVESSAMBA
1986: Tekst & muziek: Phil Schaeken
Zang (*) : Anja Bovendeaard
Refrein:
Höb ich 't kauwt, vuil ich mich auwt,
dan dans ich de samba, Vastelaovessamba.
dae leerde mich mamma.
Muig ? Leif luuj, dan dans ich opnuuj, Vastelaovessamba
Ich krieg 't al wèrm, sjnap noe mienen èrm, dit sjmaak nao mee.
Ich krieg 't al wèrm, sjnap noe mienen èrm, dit sjmaak nao mee.
......... ooléé
Lets, 't waor daaglang honjewaer, ich wòs in hoes gaarneit woohaer.
Mèr wae sjtong dao aan de deur, mam, die zag weg dat getreur, want ...
Zeen ich in dae sjpeigel dao, al mien rumpels, denk ich nao,
zak de moud mich in de sjoon, wit geer waat ich dan gaon doon ? Jao ...
Gaon ich nao 't werk gans vruig, jao, dan ben ich soms nog muig.
Zuut zoo miene baas dat dan, zaet 'r allei kòm noe man ! Want ...
* lp (1986/1987) : Marotte Zitterd - " De Kòmplemènte oet Zitterd "
cd : Marotte Zitterd - " Hie brent de lamp " - Onger Os # 7262
HOME
PLAATSNAMENOVERZICHTHOMEVEER BLIEVE 'T LEEFS IN LIMBURG
Tekst: Guus Steinen - muziek: H.Knipp/ H Priess
Zang (*) : Kartoesj
Refrein:
veer blieve 't leefs in Limburg, doa veule veer ôs toes
wat môt' ver örges angesj, wat môt' ver wiet van hoes.
veer blieve 't leefs in Limburg, want doa zin ver aan gehech
wat d'r auch gebeure zal, gei' minsj krig ôs hie weg
wat d'r auch gebeure zal, gei' minsj krig ôs hie weg
Bedenk dich: wat woar Limburg zônger rieste vlaai,
wat woar' ver zônger sjtinkkiees, tete de veau
Wat woar ver zônger sjpek met eier, gluif 't mich
de Limburger dae laef noe einmoal zo
Sjtel dich veur wat woar ver zônger zoervleisj hie,
zônger lekker sjènk, knien in 't zoer
bourgondisch is ôs Limburgse aet kultuur,
dat gônge veer toch misse op d'n doer
't Vrietef in Mesjtreeg is sjus 'n Sjilderie,
in Valkeberg is ummer waal get los
en Venlo is doa gans besjlis neet minder bie,
't is euveral gezellig hie bie ôs
Pak dich noe 'ns Zitterd met dae sjoone Mert
Pak dich Kirkroa, Weert en auch Remunj
Pinkpop ,Preuv'nement of 't awt Sjöttesjfeeas
Om dat te missen woar toch eawig zunj...
* cd 2001: Kartoesj - "Tam-tam" - Marlstone CDL 2044
HOME
PLAATSNAMENOVERZICHTHOMEVEER GAEVE GAAS
1989/1990 nr.1 : Tekst & muziek: Jan van Daal
Kent geer ooze Nölke al
jeder jaor sjprink hae rondj op `t Marottebal
mit ein trööt om ziene nek
maak `r Zitterd sjtarre gek
es `r blees...is 't fees
achter Nöl wurd aangesjees.
Refrein:
Mit ei tröötje en ei trummelke
e kammezöölke van ei lummelke
enne bolhoud mit 'n naas
jao zoo gaeve veer drie daag gaas
jao zoo gaeve veer drie daag gaas
Nölke löp neit gaer allein
want nonnevot en hering hilt `m oppe bein
maak vööl sjpas en zeet present
dan isNölke weier kontent
es `r blees... is 't fees
achter Nöl wurd aangesjees.
HOME
PLAATSNAMENOVERZICHTHOMEVEER HAWTE SAME
Tekst: Guus Steinen - muziek: T.Engel / H.Priess/ E. Stocklosa / P.Schütten / G.Lückerath / W. Schnitzler
Zang (*) : Kartoesj
'zo zal 't ummer blieve gaon,
in 't plaetsjke woa ich woon
hie tèlle gein name,
hie doon ver 't same,
en dat is sjoon ...
Dao wao get môt waere gedaon,
es m'n de henj inein môt sjlaon,
dan leet m'n zich heure,
't zal môtte gebeure,
en 't wurd gedoan ...
Wat auch gebeurt,
dat eine dat is woar ,
doe zuus 't hie zo dèk,
zo meinig maol per jaor;
veer hawte same ,
egaal wat zich auch veurdeit,
egaal wat auch gebeurt ,
veer hawte same .....
wie dat hie bie ôs zo geit,
meis' wurd gelache,
soms is d'r auch leid,
mer hie höbste al gawwer,
'n handj oppe sjouwer
m'n sjteit gereit...
* cd 2001: Kartoesj - "Tam-tam" - Marlstone CDL 2044
HOME
PLAATSNAMENOVERZICHTHOMEVEER HÖBBE DE PRINS IN DE SJTROAT
Tekst & muziek: Guus Steinen
Zang (*) : Kartoesj
Refrein:
Veer höbbe de prins in de sjtraot !
de prins in de sjtraot !
veer wiste jao allang dat hie 'ne gooje zaot .
Veer höbbe de prins in de sjtraot !
De prins in de sjtraot...!
't is al lang geleeje dat
veer hie de prins höbbe gehad .
de prinsoetreuping waar 'n feit, Zef sjeigelde nao hoes
de ganse sjtraot die sjleep al, en dus heel 'r zich mer koesj
't leefste haw 'r aangebeld bie eder'rein in de sjtraot
en dan aan ederein verteld wie of dat 't zoat .
mer wie 'r langs de buurman kaom toen heel 'r 't neet mië
hae duujde op die bel ' egaal !!! - al waor 't kwart veur twieë...:
de sjnaps woort oet de kas gehaold en d'r woordt geklasjeneert:
welke prinsewage... en wie moos waere geseerd?
auch welke sjpreuk 't beste waor, woort allenej beproat
mer 't beste waor biejein te kômme met de ganse sjtraot .
de sjtraot wos aevel nog van niks, die sjleepe nog wie ös.
mer 't sjmörgesvreug loag van die twee 'n breefke in de bös...:
ederein kaom kieke nao dat sjoon verseerde hoes
en hie en dao waor zelfs eine 'ne tikkelke sjeloes...
die höbbe de prins in de sjtraot !
Veer wiste ja al lang dat dao 'ne gooje zaot.
Veer höbbe de prins in de sjtraot !
De prins in de sjtraot...!
* cd 2005: Kartoesj - "Gein probleem" - Marlstone CDL 2511
HOME
PLAATSNAMENOVERZICHTHOMEVEER KRIEGE EIN BROELOF
Oet de Zittesje revuu 2001 "Rempetemp"
Tekst: Sjef Schurgers - muziek: trad. / Math Niël
Zang (*) : Ed de Schwartz
Refrein:
Veer gaon ein heel sjoon broelof gaeve
Drenke en feeste daobie van 't laeve
Laohrhaof sjteit noe oppe kop
Went veur die broelof wurt gepots en gesop
Veer gaon ein heel sjoon broelof gaeve
Drenke en feeste daobie van 't laeve
Allemaol groot en klein
Daag en nach oppe bein... feeste wilt jederein.
De bekker brink de taart mit vööl gelök
De broedsboekette waere frisj geplök
De bokse waere passend omgezuimp
De sjtal is oetgemes en opgeruimp
De muzikante zètte zich al klaor
De vaate die sjtaon alleney bie Laor
De seremoniemeister wurt benuimp
In Zitterd wurt de naam noe al genuimp
Refrein:
Veer gaon ein heel sjoon broelof gaeve
Danse en feeste daobiej van 't laeve
Laorhaof sjteit gans noe oppe kop
Went veur die broelof wurt gepots en gesop
Veer gaon ein heel sjoon broelof gaeve
Drenke en feeste daobie van 't laeve
Allemaol groot en klein
Daag en nach oppe bein... feeste wilt jederein.
* cd 2001/2002 : de Marotte - "Zittejse Rempetemp" - Ônger Ôs 7401
HOME
PLAATSNAMENOVERZICHTHOMEVEER VIERE IN OOS STEDJE VASTELAOVEND
J. Pfennings-Bormans
Keub en Truuj zeen van 't dörp en komme nao oos sjtad.
Ze zegge, 't veurig jaor höbbe veer ouch zoone sjpas gehad.
Vasteloavend viere, dao sjteit Zitterd veur bekend.
Dus Keub en Truuj die komme gaer, ze zeen al gans gewend.
Refrein:
Veer viere in oos sjtedje vastelaovend,
d'n tied, wo jeeder maske zich op sjpich.
Veer viere van de mörge pes d'n aovend,
want veer zeen hoeraes wo kabau in zit.
De vrouwluuj höbbe 't gans joar door euveral vööl pien.
Mer in de vastelaoves tied, dan liek 't toch mer schien.
Zittinge, Auw Wieverbal, ich weit al wat neit meer.
Es daen tied dan dao is, lik de pien in 't verlee.
HOME
PLAATSNAMENOVERZICHTHOMEVEER WACHTE MER ...
Tekst: ? - muziek: ?
De zòn sjient op et murke, op floks en daalia.
In dit versjweegen urke ruuk 't hoes nao frisje vlaa.
Zèt deur en vinster aope ! De gank is opgedweild.
Noe, kènjer, laot òs haope, dat eine vrundj, eine gouë vrundj,
eine vrundj bie os verzeilt.
Wie dèks haet me eemes neudig, in bliedsjap of verdreit.
Mer zaet m'n al: "Ich neu dig", ocherm, ze kòmme neit.
Ze laote dich mer sjmachte, me maak vergaefs zich blie.
Veer wachte mer, en wachte, op eine vrundj, eine gouë vrundj,
en 't laeve geit verbie ...
HOME
PLAATSNAMENOVERZICHTHOMEVEER WILLE BLIEVE ...
Tekst: ? - muziek: ?
Veer, die in Limburg zeen gebaore, veer haaute van oos Lèndje klein.
En ging òs alles auch verlaore, hie zeen veer gout en òngerein.
Hie laote veer de köp neit hange, es auch de zòn al èns neit sjeen.
Get baetesj kòn veer neit verlange. Veer wille blieve waat veer zeen.
De pieramiedes van de Miene, oos heuvels, gruin van bòsj en veldj:
Moos hie en dao al get verdwiene, moos sjwiege veur de sjtöm van 't geldj.
Daomit zal neemes òs òntnumme, de troe-bewaarde, eige sfeer.
Den aauwen aard van 't mònter völkske. En waat veer waare, blieve veer.
HOME
PLAATSNAMENOVERZICHTHOMEVEER ZEEN OS WEIER
Tekst: Frans Boermans - melodie: "We'll meet again" (R. Parker)
Zang (*) : Anja Bovendeaard
Leifste, 't lot haet besjlaote, ich mót dich verlaote, 't is noe zo wiet.
Laot toch de moud noe neit zinke, ich blief aan dich dènke, altied.
Refrein:
Ootsj, eine keer, ich weit neit woo, of wienee,
op 'nne sjoone zomerdaag zeen veer ós weer.
Höb gein verdreit, ich gaon veur eeuwig toch neit.
Kóm noe lach toch leifste, doog mich dat plezeer.
Zègk aan de luuj die ich kèn, dat ich heel zeker bèn,
al te lang blief ich neit.
En zie zulle versjtaon, das te mich weg zougs gaon,
onger 't zènge van dit leid.
Ootsj, eine keer, ich weit neit woo, of wienee,
op 'nne sjoone zomerdaag zeen veer ós weer.
Opdat de zón èns zal sjiene, wolke verdwiene, Baer, estebleif.
Os leifde kan heel väöl verdrage, laot ós neit klaage, mien leif.
Refrein:
Ootsj, eine keer, ich weit neit woo, of wienee,
op 'nne sjoone zomerdaag zeen veer ós weer.
Höb gein verdreit, ich gaon veur eeuwig toch neit.
Kóm noe lach toch leifste, doog mich dat plezeer.
Zègk aan de luuj die ich kèn, dat ich heel zeker bèn,
al te lang, blief ich neit.
En zie zulle versjtaon, das te mich weg zougs gaon,
onger 't zènge van dit leid.
We'll meet again, don't know where, don't know when,
but I know we'll meet again some sunny day.
cd : Marotte Zitterd - " Zitterd Broesj " - Onger Os # 7343
* cd 1996 : Anja Bovendeaard - "Anja" - Onger Os
HOME
PLAATSNAMENOVERZICHTHOMEVEER ZIN UMMER D'R'BIE
Tekst: Guus Steinen - muziek: J.P. Fröhlich / H.Krautmacher / G.Steinig / F.Willizil / P.Werner-Jates
Zang (*) : Kartoesj
vendaag gaon veer Peter,
auch es 'r neet wil....... (ahoe, ahoe, )
Veer zegke dan geweun :
"Peter ben mer sjtil!" (ahoe, ahoe, )
Doe geeufs vendaag 'n feeske
en veur neudige os oet (ahoe, ahoe, )
Zo !! Woa sjteit 't beier...
...en de wien hie in de boet ? (ahoe, ahoe, )
Dat loate veer os neet ontgaon,
omdat veer gaer noa feeskes gaon ........(sha la la la la la......)
veer zin ummer d'rbie
veer zin ummer d'rbie
es d'r get te viere vilt
dan pakke veer os vrie
veer zin ummer d'rbie
Danao gaon veer nao Elly,
doa is meistal get te doon (ahoe............ , ahoe dib diddie )
Veer komme onverwachs
zo wie veer dat ummer doon (ahoe, ............ ahoe, dib diddie )
veer zin op eder feeske,
oetgeneujt of neet !! ( ahoe, ..............ahoe , dib diddie)
as veer d'r zin en 't beer is dao
ja dan zin ver kompleet !! (ahoe,...............ahoe dib diddie
En Elly - dat weit veer al lang -
die kiek dan neet op 'n paar man ( ahoe, ahoe hoe .......)
en is 't feeske ôm
dan hobbe veer 'm meistal ôm (ahoemaumau, ahoememaumau)
mer meistal jao dan wet
d'n ein of anger'e nog waal get (ahoemaumau ahoememaumau)
dan pakke veer ôs weer bie ein
want kôm ver môtte gaon, (ahoemaumau, ahoememaumau)
't zal toch neet zo zin dat euveral
de feeskes zin gedaon . (ahoemaumau, ahoememaumau)
want wae kent ôs liefsjpreuk neit ?
" Doorgaon pes 't neet meer geit !!!" (mamamamamama.......)
* cd 2003: Kartoesj - "Alles kump good" - Marlstone CDL 2307
HOME
PLAATSNAMENOVERZICHTHOMEVEER ZEEN VAN ZITTERD
Tekst & muziek: Wim Derks & Ruud Rutten
Refrein:
Veer zeen van Zitterd, dao kom ver rech veur oet.
Veer zeen van Zitterd, dat zuut me aan oos sjnoet.
Wo veer ouch gaon of sjtaon dao zaet me euveral:
Die zeen van Zitterd, dat heurt me aan de kal. (2x)
Es me ootsj de sjtad oet geit, dan deit dat ummer leid,
want Zitterd is de moodersjtad, en altied leif gehad.
De Mert, de Gats en Kolleberg, die miste dan waal erg.
Mer kump me tröok, dan is me bliej en sjonkelt zie aan zie? ...
Jao, in de vastelaovestied kump me van wied en zied.
De sjpas, de lol, en sjaele kal, de sjtömming is euveral.
Bie Wilke Mols en Vic van Naer, dao trek me goud van laer.
En tösje 't Sjterfhoes en de Sies, dao heurt me dan dees wies ...
HOME
PLAATSNAMENOVERZICHTHOMEVEER ZEEN VASTELAOVESGEKKE
2009/2010 nr.1 : Tekst & muziek: Raymond Goulding
Zang: De Vraem Veugel (uit Limbricht)
Refrein:
Veer zeen vastelaovesgekke,
Dat is al jaore mit die daag.
Veer zeen vastelaovesgekke,
De kriebels gaon alweier door de maag.
Went mit de vastelaovend gaon veer alle kroege aaf,
Gelökkig is ’t neit te drök went boete wurd gepaaf.
Veer zeen vastelaovesgekke,
En dat allein mer,………mit die daag.
Vlak veur de vastelaovend kómme veer weier biejein,
Dan wurt ‘r weier gelache en geroddeld óngerein.
’t tema wurd bekendgemaak, veer gaon dan aan de sjlaag,
En maake ós dan op veur weier drie sjoon daag.
Auwtwieverbal de zitting of kanon van ’t balkon,
Doa gaon v’r haer verkleid mesjien waal es ’n echte non.
Geneite doon veer dan al geit ’t door pés mörgevruig,
’t maak neit oet want veer zeen dan nog lang neit muig.
Al blieve veer in Zitterd of veer gaon èns nao Mestreich,
’t is euveral gezellig zónger dat ich hiebie leig.
De lol en sjpas die maake veer toch zellef óngerein,
Went mit z’n alle blieve veer geweun biejein.
HOME
PLAATSNAMENOVERZICHTHOMEVEIER PÖT BEIER
Tekst & muziek: V.Bisschops & W.Debets
Zang (*) : Math Niël
Refrein:
Veier pöt beier veur eine guike veier, dat kump noots mee trök.
Mer wat blif is sjpas en vööl plezeier, dat is oos gelök.
Mit vastelaovend hauw veer op die kis, omdat veer heel goud weite waat viere is.
Veier pöt beier veur eine guije veier, dao denk veer mit vööl sjpas aan trök.
Dao denke veer mit heel vööl sjpas aan trök.
De tieje zeen zo goud neit mee,da's euveral bekènd.
De reim dae knelt, veer waere noe zovööl neit mee verwend.
Mèr toch leif luuj ich vraog uch noe, blif laeve mit'nne lach,
en denk daobie wie vruiger waal in Zitterd woort gezag ...
Es vastelaovend komme geit gaon veer der taengenaan,
al haet me veur- of taegesjpoud, trek dao dich niks van aan.
Mit sjpas, plezeier, zoo laeve veer, dat sjteit bie os veurop,
want sjus in deezen tied leif luuj sjteit Zitterd oppe kop ...
* lp (1986/1987) : Marotte Zitterd - " De Kòmplemènte oet Zitterd "
HOME
PLAATSNAMENOVERZICHTHOMEVELDJ-KRUUTZ
Tekst: ? - muziek: ?
Zang (*) : Anja Bovendeaard
Refrein:
* cd 1998 : Anja Bovendeaard - "Ich wil de welt ens zeen" - Marlstone Recordings
HOME
PLAATSNAMENOVERZICHTHOMEVERGAEFSE SJPIET
Tekst: ? - muziek: ?
't Sjniede wie ich van dich gòng;
De wèndj joug langs de sjtraote.
Ich wòs: 't waar mit de zoomer oet.
Wie koos ich dich verlaote ?
De wèndj veil boezend in de sjouw,
en kaauwd waar 't in de hoeser.
Dao höb 'ch mich oet de vuit gemaak,
bang veur dae wilje sjpoezer.
Trök, dach ich, nao de zoomerzòn,
de zòn en 't zoomerlaeve !
Ich leit dich achter, woo's doe waars ...
Wie kan ich 't mich vergaeve ?
En saer is 't wèntjer woo ich kòm.
De wèndj jeegt langs de sjtraote !
Doe waars mich Zòn en Zoomer, doe,
en dich koos ich verlaote ...
HOME
PLAATSNAMENOVERZICHTHOMEDE VÈRKES
Tekst & muziek: Vief Naaze
Oh, die verkes van tante Miena, dat zeen vèrkes.
Die höbbe mig twee sjènke aan hun prie.
Daobie höbbe ze vanachter nog ei sjtertje,
en van onger nog gèt knuipkes op ein rie.
Al zaet me auch : Wat bös doe toch èi vèrke,
en al waar zo beesjke vruiger neit in tèl,
allewiele deit me de patsj aaf voor zo vèrke.
't Geit boete de perke mit dat vèrke.
Me betaalt toch wirklik prieze om te knieze,
veur de sjènke mit 't sjtertje en de knuip.
HOME
PLAATSNAMENOVERZICHTHOMEDE VÈRKESBLAOS
Math. Niël
Refrein:
Zèk jòng, wo is dien verkesblaos, zèk jong, wo is dien blaos.
Doe wits 't toch, doe wits 't toch, dat denk òm mit te sjlaon.
Want zònger blaos maags doe noe neit de sjtraot op gaon.
Zèk jòng, wo is dien verkesblaos, zèk jong, wo is dien blaos.
Mit vastelaovend loupe ze in Zitterd mit ein blaos,
dus jederein ein verkesblaos.
Gans vruiger nog doe woord gesjlach bie May en Baer.
't Verke oppe lödder hòng bie vreizend waer.
Dan woord zich al gevreigeld, mit verkespeut gekeigeld.
Dat waar mich ein geraos, al òm die verkesblaos.
Wo krigste nog ein verkesblaos, vraog ich mich aaf.
't Kauf hauw gein , de krent mèr ein, noe gaon ich aaf.
De verkesmert verdwene, de Massamarkt versjene.
Hie môt get aan gedaon, wil ich sjtrak kenne sjlaon.
En es moraal van dit verhaol, 't is toch waor.
Sjaf geer uch dan ein verke aan, 't volgend jaor.
Mèr wit, zag sjlechter Kleine, 't verke haet mèr eine.
Dus dan neit mee geraos, al òm ein verkesblaos.
HOME
PLAATSNAMENOVERZICHTHOMEVERLOUPE SJTARRE
Oet de Zittesje revuu 2001 "Rempetemp"
Tekst: Sjef Schurgers - muziek: Math Niël
Zang: Math Niël & Milda Eykenboom
Veer brachte gans vruiger eine touver-nommer
En het woort doe gans door midde gezaeg
De luuj dao die keeke verwonjert en noch dommer
Groot sukses waar ooze waeg
En ich dus ch zat mich ein lödder oppe naas
Gong sjtaon mit losse henj en onnoch op ein bein
En het klom nao baove zo sjnel wie 'nne haas
't sjprouk zich gans rondj, agenda woor te klein
Refrein:
Veer zeen de sjtarre van d'n aovend,
Vedettes van de nach
Begoosj ouch heel erg vaöl belaovend,
Tot zelfs in Braodway 't gebrach.
Veer reisde euver gans de welt.
Sukses 't ennigste waat telt
Veer reisde euver gans de welt
Glitter en glamour waar oos welt
Door nerve begoosj het vas mer mit 't aete
En pasde doe gaar neit mee in de kis
Getouverde nommer dae koosjte veer vergaete
Luuj, dat waar mich ein gemis!
En ich zat mich weier ein lödder oppe naas
Gong sjtaon mit losse henj en onnoch op ein bein
En het klom nao baove zo traog es sjildpad haas
'ne sjeut in de rök en zakde gans inein
Refrein:
Veer waare sjtarre van d'n aovend,
Vedettes van de nach
Begoosj ouch heel erg vööl belaovend,
Tot zelfs in Braodway 't gebrach.
Veer reisde euver gans de welt.
Sukses 't enigste waat telt
De jaore maakde sjtief en gries
Ein feyn herrinnering dees wies. (2X)
HOME
PLAATSNAMENOVERZICHTHOME'T VERSJIL
Tekst & muziek: Jeun Schelberg
Refrein:
Marie Sybil heurt gaaroet gei versjil tösje de hermenie St. Jozef en de Phil.
Mer dat versjil is d'r natuurlijk waal, Marie Sybil dat is totaal a-muzikaal.
Es de Phil hie door de sjtraote trèk, Sybil sjteit aan de deur.
En zie klap dan in de hèndjes mit de wengskes rood van kleur.
Pap en Mam, kom toch èns kieke, de Sint Joep trèk hie veurbie.
Pap dae dènk dan bie zien eige, hermenie is hermenie.
Mèr de pap dae haet besjlaote om dao toch gèt aan te doon.
Want Sybil vilt potverdorie toch waal heel erg oet de toon.
Doe mòs nao de jeskes kieke kèndj, doe briks nog 't hart.
Zuug, de Phil haet van die blauwe en St. Joep trèk in 't sjwart.
HOME
PLAATSNAMENOVERZICHTHOMEVERSJWEEGE GEDACHTE
Tekst: ? - muziek: ?
Zoo wied van hoes bèn ich vraemd veur uch gewoore,
mer toch bèn ich daoveur neit van uch vervraemd.
Wae kan vergaete woo hae woort gebaore ? 't Weur ònversjaemd.
Wae mich plezeir wilt doon, vertèlt mich dènger,
aauwd wie de welt en toch weir ummer nuu:
Histeuriekes die kriesje doon van 't lache, Van Zitterd en zien luu.
Loerjaegesj liggen oere lank to wachte,
of dao niks veur hunne luip kump, sjmörges vruig:
Zoo lik 'ch to loere op ene minsj van gunder, en waer 't neit muig.
Ich kan 't neit laote van oos Landj to druime,
gans veur mich zelf, in ein verlaoren oer.
Nao Limburg gaon versjweege mien gedachte, wie op pantuffelkes van floer.
HOME
PLAATSNAMENOVERZICHTHOMEVEUR DE PAORT VAN DEN HEEMEL
Tekst: ? - muziek: ?
Es ich veer de paort van den heemel kòm, en Petrus zou wènke: "Doe niet !",
dan zèg ik: "Vrundsjap, roup veur mich s' Leveneer; dae wit besjeid !"
"Neit de Leveneer van eederein, mer dae hie veur Limburg sjteit.
Dat is get angesj, wie geer wit. Essebleif". En Petrus geit.
Kump 's Leveneer, zal dae zègge: "Jè, miene jòng, dat is al zoo get.
Höbs doe in 't laeve vööl gedaug ? Wie sjtòng dat mit 't 'Gebed' ?"
Dan ich: "Heer, doot ein uigske toe, geer kènt 'et lamaekesj-saort.
Haet den Heemel, es ich 't waal höb, mit 'Oos Limburg' gein akkaord ?"
"Sint Petrus is in zien polletik, waal e kitske minder breid:
Es veer dao euver 't sjtraepke gaon, is 't meis mer gekkigheid".
Dan 's Leveneer:
"Ich wei, doe kumps oet Zitterd, doe. Die höbbe waal get veur !
Wae daovandan is, vindj allich hie eine reets in de deur."
"Hie höbbe ze neit vööl versjtandj van eur laamaekerie ...
Mer hang mich Petrus niks aan de naas, van dit pöörtje hie op zie !"
HOME
PLAATSNAMENOVERZICHTHOMEVEUR EIN WELSKE BÈN ICH GEBAORE...
2003/2004 nr.3 : Tekst: Paul Donners - muziek: Bettina Kamps
Zang: Sandra Hoen
Ootsj kòmme trök weier die jaore,
Walse de maskes op sjtraot,
Laammaekesj' hertjes verlaore,
Aan 't danse in driejekwartsmaot,
Noe is 't allemaol zo hel,
Marsje gaon mich väöls te sjnel?..
Refrein:
Veur 'n welske bèn ich gebaore,
Meziek gans vol van 'amore'.
En ich sjpich mich mit vastelaovend,
Op ein welske laat op d'n aovend,
Veur 'n welske bèn ich gebaore,
Meine Sjera dae wurt Salvatore,
En ich waer dan zien leif Maria,
Went veer dansend de Mert euvergaon!
Sjtil bèn ich weier in gedachte,
Höb mèr gein rös in die priej.
Denk aan die sjoon welskes vruiger,
Och, 't liek noe al jaore veurbiej.
Laammaekesj pak uch biejein,
Dat kènt in Zitterd allein?.
* cd 2003 : De Marotte Zitterd - Ónger Ós 7437
HOME
PLAATSNAMENOVERZICHTHOMEVIP’S
2008/2009 nr.3 : Tekst & muziek: Thei Wessels
Zang: Paul-Jean Jessen
Sjteiste bie de optoch in de raege
En hauwste dich dao waeke op verheug
Dan krigste mich inens de volle zaege
Mer baove oppe buun dao is ‘t dreug...
Refrein:
Dao zitte de VIP’s, Dae zitte de VIP’s
Gezellig aan de sjips
Dae dippe de VIP’s, Dao dippe de VIP’s
In gala of de sjlips
Dao zitte de VIP’s, Dao zitte de VIP’s
Ich denk dats doe begrips:
Die zulle neit male, die zulle neit bale
Die houve dat neit zellef te betale
Moste ens ein rundje gaon besjtelle
En wurt van wieds mit doosj op dich gewach
Dan sjteiste in de drökte langk te helle
Mer baove dao wurt alles rondj gebrach...
Wilste op ein feeske urges benne
Mer sjtelt me dich dao jaomerlik teleur
Doe wos dich toch ein polsbendje te wenne
Mer kiek: hun bendje haet ein anger kleur
Dao zitte de VIP’s, dao zitte de VIP’s, dao dippe die dippe die dao...
... En boete is ‘t weier kale sjmale !
HOME
PLAATSNAMENOVERZICHTHOMEVISITE
Tekst: ? - muziek: ?
Zang (*) : Anja Bovendeaard
Refrein:
* cd 1998 : Anja Bovendeaard - "Ich wil de welt ens zeen" - Marlstone Recordings
HOME
PLAATSNAMENOVERZICHTHOMEDE VLEIGER BOULAAR
Trad.
Gans Zitterd hauw fees, 't waar nootsj hie gewaes en zeen wol 't toch jederein.
nog veur neugen oer, sjtong m'al oppe loer in Ophaove oppet terrein.
Me maakde zich bang, 't doerde zoo lang, op eimaol dao hoort me gebròm.
Nog veur men 't wòs, waar hae baoven òs, de vleiger dae wènkde ich kòm.
Waat waar dat ein interessant augeblik,
onger gejoech, hoeraas en meziek,
daalde hae aan den angre kantj,
sjtreek aevekes euver 'n aerpelslandj.
Me leip en reip Mesjeu Boulaar,
hae kreeg enne krans van louverblaar.
Veur dae krans en veur die eer,
dankde de vleiger: ich dank uch zeer.
Mer mit drie doezend pôp dach hae: kao zje paar,
daag Sietaar ... daag Sietaar ... daag Sietaar.
HOME
PLAATSNAMENOVERZICHTHOMEDE VOOLJAER
J. Schelberg & L. Meyers
't Eesjte vögelke in de vooljaer van Lies,
dat waar ein sies, ein echte sies.
Waat oet 't eesjte eike koum, dat waar gans gries,
en zo koum dan de tweede mösj in de vooljaer van Lies.
Refrein:
Laot Liza mer gewaere, in die voljaere, in die voljaere.
Laot Liza mer gewaere, wae zit neit gaer mit Lies in die voljaer.
't Driede vögelke van Lies, geluif 't mich,
dat haet toch zo'n bekend gezich.
't Is ei pappegejke en dat kik erg kaod,
zien beste vrunj, die zitte noe in de gemeinteraod.
HOME
PLAATSNAMENOVERZICHTHOMEVRAOG D'N HEER ÈNS
Tekst & muziek: Teun Hermans
Zang 1 : Toon Hermans
Zang 2 : Math Niël
Zang 3 (*) : ?
Refrein:
Vraog d´n heer ens waat ´r van mich wilt drènke.
Vraog d´n heer ens waat ´r drink van mich.
´n Dröpke ´n öpke en tap ´t niet te krap.
Gaef ´m waat ´r wilt, behalve sinasappelsap.
Vraog d´n heer ens waat ´r van mich wilt drènke,
veur d´n allerlèste keer.
En veur dat veer nao hoes toe gaon,
pak ich mich nog ´n dröpke van d´n heer.
Ei klei kafeeke, zo nao de middig, ei klei kafeeke en ei befêt,
ei klei kafeeke en dao zit ich, mit eine awwe klaore en de nuuj gezèt.
Ei klei kafeeke, veur ès´t raegent, dan gaon veer sjoele, is dat niet feyn.
En zit ich dao allein biej mie glaeske, dan ruip vas en zeker emes ..... Kasteleyn
* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv
HOME
PLAATSNAMENOVERZICHTHOMEVRIEËSJLEIDJE
Tekst & muziek: Jo Erens
Doe mien mupke, roozeknupke, kiek mich toch èns aan.
Jeedernach dan druim ich van 't mènke in de maon.
Leif Marieke, sjattig prieke, kòm èns aan mien zie.
Ich hauwt van dich, doe hiljs van mich, allerleifste prie.
Tralala, tralalalalalalala.
Wat ein weelde, es veer sjpeelde waor dat neit veur dich.
Este mich mit kralle-uigskes aankeeks in 't gezich.
Op 't welke mit ei belke, sjpeelde veer dao saam.
En es ei richtig Zittesj kèndj, maakdes doe mich dèkker laam.
Tralala, tralalalalalalala.
Op 't rendje van 't kendje, op die sjteine brök,
zoute veer 't zoomesj te geneite van 't gelök.
Gòng 't vreiere, ginge veer sjleiere, of veer sjaatsden al,
alles op dae kleine wieër, de wieër van ooze wal.
Tralalalala, tralalalalalalala.
Tralalalala, tralalalalalalala.
HOME
PLAATSNAMENOVERZICHTHOMEVRIEGEZÈLLEAOVEND
Tekst: Guus Steinen - muziek: T.Engel / H.Priess / E. Stocklosa / P.Schütten / G.Lückerath / W. Schnitzler
Zang (*) : Kartoesj
d'r is 'nne vriegezelle oavend in de Kirksjtroat en dao gaon ver noe venaovend haer
Want dae vriegezelleoavend in de Kirksjtroat, neij dae misse veer,dae misse ver neet gaer.
Och Merie, (Och Merie) Och Merie,( Och Merie)
Doe kèns dich nog bedenke,ach wie gaer haw ich mit dich ......al waas 't mer eine keer...
Och Marie... Och Marie... Och Marie.... Och Marie.... Och Marie... Och Marie.
doe kiks- wie dat noe eimoal geit, waat in 't kirkeblaedje sjteit.
verrèk zèk..! hei....! noe kiek 'ns hie......! Joep trouwt mörge met Marie !!!
Merie dat is toch zo'ne sjat, wie gaer haw ich Merie gehad,
Waat haet dae Joep wat ich neit höb, dat die noe mit dem löp.
Mer wach mer Joep ver kriege dich, want mörge is nog wiet,
en veur Merieke sjloape geit, krig die mesjiens nog sjpiet...
Veer höbbe dus nog eine daag veer houpe dat d'n opzet sjlaag
Sjtrak sjödde ver Jop - dae charmeur - 'n kar met mes vlak veur zien deur
Koosjtrondj, zeik en zawwerie, weit ich wat nog veur sjweinerie,
de hoofzaak is veer höbbe sjpas Dus hawt uch sjtraks mer vas.
Nou Jop dae haet den trôb gevaeg en veer höbbe mit Merie
tot drie oer sjnachs plezeier gehad, veer koame neit mee bie...
* cd 2001: Kartoesj - "Tam-tam" - Marlstone CDL 2044
HOME
PLAATSNAMENOVERZICHTHOMEVRIEJ BAAN
Oet de Zittesje Revuuj "Zitterd Broesj"
Tekst: Sjef Schurgers - muziek: Math Niël
Refrein:
Vriej baan, vriej baan, doa kump de sjötterie weier aan.
Vriej baan, vriej baan, de sjötte kòmme draan.
Ze loupe in de pas, knuip blinke oppe jas,
blik op rech veuroet, sjnorre op hun sjnoet,
En Rrrrrrrrrrrrinkle daet 't zilver.
De keuningin die löp d'r biej, ze wènk en lach zo reuzebliej.
De sjtèkskes op 't tròmmelvel, die klinke flot die klinke hèl.
Wae sjut vandaag de voogel aaf,
en jeeder gewaer zaet wei'er paaf, paaf, paaf, paaf.
Zo trèkke ze aan òs veurbiej, de commandant sjreef: "Kop Opzie".
De braetjesdraeger löp veuroet, 't is nog mèr eine kleine poet.
't Sjweit dat löp lang rögge aaf,
en jeeder gewaer zaet wei'er paaf, paaf, paaf, paaf.
cd : Marotte Zitterd - " Zitterd Broesj " - Onger Os # 7343
HOME
PLAATSNAMENOVERZICHTHOMEVRUIGER WAAR ´T BAETER
Tekst: Sjef Schurgers & Cyrille Niël - muziek: Cyrille Niël
Zang: Jan van Daal
(*) Uit de revue 'Zitterd is 't dit?' (2004)
Refrein:
Vruiger, vruiger, vruiger,
Vruiger doe waar alles baeter.
Ich weit ´t ´t klink auwt ich weit ´t
Mer ´t boeit mich geine maeter.
Woo zeen ze gebleeve die auw sjtam kefees
´t waare sjus hoeskamesj, jong, waat ei fees
biej mieke van ´t menke biej cals oppen diek
biej Bertel en Laume euvertrof kal meziek,
vruiger, vruiger, vruiger,
vruiger doe hauw veer ´t pas gout.
Es ´t belke van de veurdeur gong
Dreede ´t gans beffet zich om
Keup zout oppen houk en kreeg eine jonge.
Om neuge oer kum Karel in
Dae hauw wei´r sjlechte zin
De vrouw van Pit koum sjeijend in en zag: Noe heivesj doe...
Eine sjoone krisboum in den houk
Keuninge brachte eine kouk
Leich in duuster daag veur einzelgengesj
De vastelaovend waar nooijts taam
Ei maske maakde laam
Zo´n aovende die waare in de sjouwburg neit te koup...
* cd 2004: 'Zitterd is 't dit?' - Ônger Os 7455
HOME
PLAATSNAMENOVERZICHTHOMEET VRUIGJAOR KUMP
Tekst: Felix Rutten - muziek: Anja Bovendeaard
Zang: Anja Bovendeaard
Heur, 't Vruigjaor kump van ònger-op,
dat höbbe de buim al geraoke.
En, ein veur ein, teen ze allemaol,
in kleuren oetgebraoke.
De keesje wie vol loeter sjnee;
de paere wie boekette.
En oppe kestaanjeleboum zien kruun,
ze niks es kaerskes zette.
De welt woort wie 'ne Broedegóom,
dae op 't gelök maag haope.
En wie eine bluiënde roozesjtroek,
geit et hart van de luu weir aope.
HOME
PLAATSNAMENOVERZICHTHOMEVRUNJ ZIN VEUR ALTIED
Tekst & muziek: Guus Steinen
Zang (*) : Kartoesj
vrunj zin veur altied, vrunj zin veurgood.
same lache same bäöke, en dao zin !!! es 't môt !
zo wie gesjwaore kammeraode, - die doon alles veurein
zie aan zie door 't laeve , echte vrunj ôngerein
vrunj zin ?
laote veer vrunj zin ?
't zou iaewig zunj zin
es dat neet geit !!
vrunj zin
laote veer vrunj zin ?
gezejd zin ze dun: 'echte vrunj!!'
vrunj die kènne zich door en door
alzelaeve 'n loest'rend oor
dat geit zo gans ongemerk
same sjwaak en toch zo sterk.
höbste 't lestig , is dao dae sjteun
naeve verdreet zin d'r gekke teun
al ôs gedachte ômerme zich
en dien geveules verwerme mich
vreug en leid geit hie handj in handj
zônger väöl weurd toch dae sjterke bandj
höb veer ôs neudig dan zin ver dao,
kump aots de mismood zin veer os nao
traone lache ôm 'n gekke frats,
al zit' ver auch waal 'ns in de rats
dat wats doe veuls, dat veul auch ich
'n sjtök van mich zit auch in dich
* cd 2005: Kartoesj - "Gein probleem" - Marlstone CDL 2511
HOME
PLAATSNAMENOVERZICHTHOMEDE VUITJES
Tekst & muziek: Vief Naaze
Wie Truuj ei waekske waar getrouwd, hauw 't hööm al gauw berouwd.
Want koum Sjang 't s-aoves toes, rook 't zien vuit door 't ganse hoes.
Refrein:
Dat zeen gein vuitjes mee, mer dat zeen flinke.
Dat is gein ruuke mee, mer dat is tra, lalala ...
Sjang gong nao de pedikuur veur ein voutebaade kuur.
Mer de pedikuur versjloug wie ooze Sjang zien sjoon oetdoug.
Sjang haet noe ei goud resep, jeder daag de vuit gedep,
mit get zeven en veertig ellef, noe sjtink 'r noch mer veur de hellef.
HOME
PLAATSNAMENOVERZICHTHOMEV.V.S. AAN 'M
Tekst: Ton Hunnekens - muziek: P. Lincke
V.V.S., V.V.S., aan 'm, aan 'm.
V.V.S., V.V.S., aan 'm, aan 'm.
V.V.S. is neit te sjlaon of 't mòt mit foetele gaon.
V.V.S., V.V.S., aan 'm, aan 'm.
V.V.S., V.V.S., aan 'm, aan 'm.
V.V.S. is neit te sjlaon of 't mòt mit foetele gaon.