HOME PLAATSNAMENOVERZICHTHOME


WAAT BÈN ICH BLIE, DAT ICH IN ZITTERD BÈN GEBAORE
1993: Tekst & muziek: J. Smeets & G. Princen
Zang (*) : ?

Refrein:
Waat bèn ich blie, dat ich in Zitterd bèn gebaore,
dat mich d'n oojevaar hie baove haet verlaore.
Miene vruntj, dae hauw ei flink sjtök in de vaan,
vloog mit zien trööt taenge 't Geuzeklumpke aan.
Waat bèn ich blie, dat ich in Zitterd bèn gebaore,
dat mich d'n oojevaar hie baove haet verlaore.
Miene vruntj hauw flink get auwe klaore op,
mit vastelaovend ginge veer hie oppe vot.

Baove de Paesjsjtraot begoosj d'n trammelant,
kort bie d'n Tempel zeen v'r doe gesjtrandj.
Ei-maol bie gekòmme, ich dach ich waor neit wies,
Zitterd is veur mich, 't sjoonste Paradies.

Drie bòntje daag die ich dao ònger loug,
veur 't Geuzeklumpke, al die maskes zoug.
Heur de trööte blaoze, waat is 't hie toch sjoon.
Bèn ich toch zoo blie, dat ich in Zitterd woon.

* cd (1993) : " De Marotte sirk trek wiejer " - De Marotte Zitterd - Ónger Ós # 7250


HOME PLAATSNAMENOVERZICHTHOME


WAAT EIN BENDE
1997: Teks: Thei Wessels - muziek: Zucchero Fornaciari

Waat ein bende, is 't in de Kolleberg gewoore.
Went die geiste wesje zich dao óngerein de oore.
Dat geit ummer wiejer, daovan wurtse ech neit bliejer.
Veural es al die geiste oppe barrikaades sjtaon, die zègke ...

Refrein 1:
"Wae, wae, wae, wae. Wae haet dat gedaon ?"
Mer dat is nog lang gein rae óm zich de köp in te sjlaon.
Die zègke: "Wae, wae, wae, wae. Wae haet dat gedaon ?"
Mot de ganse kraom noe nao de maon dan gaon ? Nae !!!

Waat ein bende, is 't in 't gruin en in 't kaore.
Went die geiste vleige zich dao duchting in de haore.
Dat geit mer ummer wiejer, daovan krieg ich al de riejer.
Veural es al die geiste oppe barrikaades sjtaon, die zègke ...

Refrein 2:
Waat ein bende, waat ein bende. Die gaon d'r aan, oh waat erg.
Waat ein bende, waat ein bende is 't in de Kolleberg.

Waat ein bende is 't door dat Kolleberg-geknetter,
want die geiste beusjtele en bööme zich te pletter.
Dat geit mer ummer wiejer, daoróm maak uch mer ter ziejer.
Veural es al die geiste oppe barrikaades sjtaon, die zègke ...

cd : Marotte Zitterd - " Zitterd Broesj " - Onger Os # 7343


HOME PLAATSNAMENOVERZICHTHOME


WAAT EIN GELÖK
1972: Tekst & muziek: Willy Jongen

Refrein:
Waat ein gelök, iejao, waat ein gelök, iejao.
Oos driej daag vastelaovend zeen al weier dao.
Dae hie van Zitterd is, haet die noch nootsj gemis.
Vastelaovend is mer eine keer per jaor.

Al höbbe veer gein Ajax en gein Feijenoord,
d'rom höbbe veer de Kolleberg en Wal.
't Strandj, dat is te wied, dat lik meer noord,
veer höbbe waal ein sjtadion mit hal.
Mer wie st 't ouch bekiks, is dat dan effe niks ...


HOME PLAATSNAMENOVERZICHTHOME


WAAT IN RIO IS GEBAORE
1989: Tekst & muziek: J. Smeets
Zang (*) : ?

Refrein:
Waat in Rio is gebaore, kènt oos Zitterd auch al jaore.
Op 't ritme van ei trumke en op d'n houd ei wèntjerzunke.
Waat in Rio is gebaore, kènt oos Zitterd auch al jaore.
Drie daag dans v'r oppe sjtraot, Vors Fernao dae huit de maot,
mit ooze Prins en Wieze Raod.

Carnaval in Rio zet mich aan 't denke,
woo me dan auch kump dao, zuut me bloote sjénke.
De vrouwluuj höbbe dao neit heel vööl om 't lief,
veer höbbe hiej get angesj, dat Zittisj auwt wief.
Zoo leif Zittisj maedje sjteit biej mich veurop,
Dat is woo mien hertje dan sjneller van klop.

Samba gans oet Rio, heurt me oppe sjtraote,
sjprènge dan wie dolle, op die gekke maote.
En drie daag achterein jao, samba melodieje,
die ware dan gesjpeeld door ein zaate kapel.
Dat carnaval viere, dat kèn veer allang.
noch baeter es Rio, mit flink vööl tam tam.

* cd (1991) : " In Zitterd is get oet ! " - De Marotte Zitterd - Ónger Ós # 7201


HOME PLAATSNAMENOVERZICHTHOME


WAAT IS MIT OOZE SJERA LOS
Tekst: Thuur Laudy

Waat is mit ooze Sjera los, d'n erme jong is krank.
Hae it niks mee en drink niks mee, noe al ei paar daag lank.
Hae wurt zoo mager es ein lat, es dat zoo door mòt gaon,
dan zeen ich ooze Sjera nog, ocherm, de gaerd aaf gaon.

Refrein:
Mer heurt 'r boete 't geraos, sjnap hae zich gauw ein verkesblaos.
En in'ne wip vindj 'r zien klik, woo 'r drie daag mit te rölse lik.
Want vastelaovend maak 'r mit, tot ziene allerlèste sjnik.
Want vastelaovend maak 'r mit, tot ziene lèste sjnik.

Jao, Greit hauw Sjera krank gemaak, 't zag in zien gezich :
't is gedaon, ich maak 't aaf, ich hauwt neit mee van dich.
Begreep mer neit, es dat 'm Greit in èns dao zitte leit,
mer noe 't vastelaovend is, vergit 'r weier zien leid.

En löp 'r mit 'ne sjlupjas ròndj, of in eine boer verkleid,
dan dans 'r op 't wieverbal, alweier èns mit zien Greit.
't Kèndj lug 'm 't maske op en ruip, dach ich 't neit,
de vastelaovend Sjeer, en dich, uch twee verlaot ich neit.


HOME PLAATSNAMENOVERZICHTHOME


WAAT MAAKSTE MICH NOE?!
2007/2008: Tekst & muziek: Marc Verblakt
Zang: Ouch Enne!

Refrein:
Waat, waat maakste mich dan noe
Waat maakste mich dan noe weier paraat
Waat, waat flikste mich dan noe
Waat höbste noe gemaak
De kraom versjangeleierd en ‘t dènk ram verzawt
Mèr dèks is ‘t ein kwestie van: ‘t kump waal goud
Waat, waat maakste mich dan noe
Waat höbste noe gemaak

’t Idee veur de waage dat waar gans gesjlaag
Tich maeter bònjte kleure, en zeker gewaag
Pès daags veur d’n Optoch in de Heksesjans
‘ne Sjebbetige klòmmel, mèr get in ein geflans

Oppe buun zènge mit ein richtig groot orkès
Pertiekes insjtudeiere, dèks woort get gesjtrès
D’n faelder dae is nog ummer ónbekènd
Mèr valsje note klónke, dao reip de ganse tent

Al dat blaere bezörg dich ein heisje sjtöm
D’n ober al in aantoch, mit gans get geklöm
Dao veil mich dat häörepaerd in vol ornaat
‘t Beier ram d’r naeve, pès op ‘t humme naat


HOME PLAATSNAMENOVERZICHTHOME


DE WAATERMEULE
Tekst: ? - muziek: ?

De sjebbige waatermeule, vergriesd en gruin en naat:
Ei kraakend, aauwd kavaalje, mit gans versjleete raad.

Mer 't waater blif ze drieve, de mölder tot gereif.
Ich hòlj van 't möldersmaedje, dat waar zoo blònd en leif.

Veer waare kameröödjes, en haauwen òs zoo gaer.
Veer peunden òs in versjtendnis, bie alle wèndj en waer.

En wie ich 't mit em meinde (Os waar 't ein heilige zaak !),
dar haet ei gouwe ringske 'm duudelik gemaak.

Waat woort al neit besjpraoke ! 't Kèndj waar van gouë wil ...
Mer 't ringske is gebraoke, bènne kort sjteit 't meuleraad sjtil.


HOME PLAATSNAMENOVERZICHTHOME


WACHTE
Tekst: ? - muziek: ?

Ich wach dich. Of 's doe kòmme geis ? Ich wach van daag tot daag.
Doe höbs 't belaofd en 'ch weit auch waal, dat ich jao neit klaage maag.

Doe zags mich: "Zeeker, ich kòm trök, a1 weit ich neit wienee".
Nog kiek ich oet pès in de nach, en wach, en wach gedwee.

Ich vraog de zòn, of die 't neit wit, ich vraog 't vergaefs de maon.
Ich vraog 't de v olke, die zoo wied euver alle teures gaon.

Ich vraog 't de wèndj en vraog 't de sjwerm van de sjtarren in de nach ...
Ich weit doe kumps, wie lang 't auch doert, en wach.


HOME PLAATSNAMENOVERZICHTHOME


WAE BÈS DICH?
Teks: Jan Dieteren - muziek: Michel Zelissen


Ich höb de ganse nach allein aan dich gedach en sjlaope koosj ich neit,
Van lengks nao rechs, weier oppe rök, 't kösse plat gewals.
Ich wol gaer weite wae ze bès, zo dach ich wie ich dao loug,
En ich weit nog gein besjeit, mèr waal dat ich dich gaer zoug.

D'n eesjte daag in 't engele kestuum, 't zout dich waal gèt ruum
Ei sjnuutje wie ein sokkerpop, zo zout's ze dao oppe sjtop
Doe vouls drek op mit dat langk blontj haor, vergaete ken ich dich neit
En wie ich dich get vraoge wol, doe waar's ze weg da's waor

D'n daag d'r nao d'n optoch dae trok, gongs doe veurbie es klown
'ne jong hauws doe dao aan dien zie, dat vonj ich neit zo sjoon
doe vouls drek op mit dien sjoon figuur, vergaete ken ich dich neit
en wie ich dich get vraoge wol, doe waar de Mert te vol.

* cd 2004/2005 : Marotte Zitterd - 'Dao höbste hööm dao'


HOME PLAATSNAMENOVERZICHTHOME


WAT HAET DAE DAN WAAT ICH NEET HÖB
Tekst & muziek: Guus Steinen
Zang (*) : Kartoesj

Ich koam langs de kerk gefits
en wat zoag ich mich dao dan ,
dao woord ries gegooid 'ne houp geflits
ich sjnapde niks dervan
Trouwt dat knap Marie-Jose
mich dao dae lange Jop
wie ich denao op heim aan gong
ging 't mich door miene kop ...

Refrein:
wat haet dae dan waat ich neit höb
woa die häör hertje zo van euverlöp,
auch ich höb 'ne hele
sjieke brommer in de sjuur...
en al zegk ich 't van michzelf,
ich höb bes 'n good figuur..
ja sjnapste noe wiezo die met dem löp
en wat dae haet wat ich neit höb

Bep die is zo gek op Baer
nou, sjnapste doa get van...
ja die zuut dem toch zao gaer, zoa gaer
ja , sjnapste dat noe man
Es ich dat heur dan vroag ich dich,
ja sjnapste dat noe dan.
ich vraog 't dich, sjnaps doe dat noe
wie dat in godsnaam kan !!!

lets zoag ich Truujke loupe
met "wie het-dae-auch-alweer?"
en ich dach;" 't is toch neet te houpe "
mer 't gebeurde mich alweer.
ich wou zo gaer 'ns weite
'ch wou dat mich 'ns emes zaet
wat is 't noe waat ich neet höb
wat daen angere vlaegel haet

* cd 2003: Kartoesj - "Alles kump good" - Marlstone CDL 2307


HOME PLAATSNAMENOVERZICHTHOME


WAE HAET DAT
1994: Tekst & muziek: Jos en Bert Kamps

Refrein:
Noe zèg èns, wae haet dat, wae maak dat oots mit.
Joa veer hie in Zitterd, 'tis mer dat g'r 't wit.
Noe zèg èns, wae haet dat, wae wit wie dat zit,
Allein hie in Zitterd, 'tis mer dat g'r 't wit.

Kiek èns ooze Prins dao sjtaon, jao dae jòng haet kaer.
Zittisj bloud al eeuwe lank, jeed'rein zuut 'm gaer.
Vors Marot zien keus waar goud, tradiesie blif in sjtandj.
Zitterd doe bès wònjersjoon, daoveur zèg veer noe dank.

Kiek dich ooze optoch aan, jeeder jaor opnuuj.
Waages sjoon en aafgewirk, alles eige luuj !
Gròppe, groot en sjoon gesjmink, folklore op en top.
Zitterd doe bès wònjersjoon, daoveur zèg veer noe dank.

Heur dich die kapelle aan, gaeve die ouch gaas ?
Trumke, trööt en sjuuf d'r bie, soms ouch waal ein vaan.
Dikke luppe, maak niks oet, noe houw mer op die kis !
Zitterd doe bès wònjersjoon, daoveur zèg veer noe dank.

cd : Marotte Zitterd - " Hie brent de lamp " - Onger Os # 7262


HOME PLAATSNAMENOVERZICHTHOME


'T WAERHUSKE
Tekst: Sjang Bronneberg - muziek: trad.


Veer hauwte allemaol van de zòn en trèkke gaer èns droet.
Mèr kump 'n flinke raegebuuj, geit geinen einen droet.
Hie sjteit 't huske van 't waer, hie kloppe veer èns aan.
Veer komme zònnesjtraole haole, haole.
Es 't vruike mèr nao boete geit, dan kump de raege neit.

Refrein:
Vruike, vruike, kòm doe toch nao boete en weg is de kauw.
Vruike, vruike, jao, dan is den hemel weier blauw.

Veer hauwte van de raege neit, bedurf òs dèks de sjpas.
Veer hauwte neit van natigheid, papluuj en raegejas.
D'rom vraoge veer och mènke leif, blief bènne estebleif.
Dan houve veer neit te sjoele, sjoele, sjoele.
Doe mènke mit die raegewaer, veer zeen dich toch neit zo gaer.

Refrein:
Mènke, mènke, blief doe noe mèr bènne, dan reigent 't neit.
Mènke, mènke, diene raeg dae deit òs verdreit.

In 't huske is soms waal èns sjtried, wae aan de deur maag sjtaon.
Mèr kump de sjoone zomertied, is 't vruike neit te sjlaon.
't Sjteit dan gaer hie in de deur, geef alles 'n gouwe kleur.
De zòn die blif dan sjiene, sjiene, sjiene,
en 't mènke dat de raege brach, wurt hartelijk oetgelach.

Refrein:
Vruike, vruike, sjteis doe in 't deurke, dan höb veer goud waer.
Vruike, vruike doe wits toch dat höbbe veer gaer.



HOME PLAATSNAMENOVERZICHTHOME


WAUWELPRIE
Tekst: Toon Hermans - muziek: trad.
Oetveurende 1 : Toon Hermans
Oetveurende 2 (*) : ?

Kiek ich saoves sòms nog laat èns in de gauwigheid nao boete,
sjteit Marie nog oppe sjtraot, en kletsj en kalt van alle luuj !
Elke aovend löp 't laat langs alle deure, alle roete,
vreeg nao 't goud en nao 't kaod en informeiert nao alle nuuts.
Hei Marie, maak dich toch heivesj, hei Marie , gank toch nao bèd,
hei Marie, maak dich toch heivesj, bès ein laevende gezèt.
De mèlkboer en de gruinteman, dao heurs doe alle nuutjes van.

Refrein:
Aoh, Marie, doe bès ein wauwelprie, aoh, Marie, bès euveral derbiej.
Diene kal dae heurt me euveral.
Gank lever noes, doe wurs al auwt, de kaffe wurt dich kauwt.

Heurt Marie èns hiej of dao gèt zègge, dan wurt sjtil geloesterd.
En ze sjpits de oore, sjus wie eine knien langs hööre kop.
Zo gèt moos èns veur ein tiedje in ein anti-wauwelklooster,
dan verging 'm al dae kal, dan heurt 't wauwele waal op.
Mèr zo gauw ès 't mèr duuster is, is 't sjpraekoer van Marie.
En dan heurt me höör gefluuster, vol van haat en jalouzie.
De mèlkboer en de gruinteman, dao heurt 't alle nuutjes van.

* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv


HOME PLAATSNAMENOVERZICHTHOME


WEG MIT 'T WATER
Tekst: ? - muziek: ?
(*) Uit de revue 'Zitterd is 't dit?' (2004)

Refrein:
Weg mit ´t water
Veer wille gein geklater
´t wurt ummer naater
In Zitterd aan de wal

Veer kankere en panike
Os laeve door pès in d´n dood
En is hiej niks te zanike
Dan vuile veer os gekl...
Waat eine larie! Al dae bombarie
Waat eine larie! Al dae bombarie

Dat Zitterd reviseiere
Dat venje veer mer flauwekul
Doe kèns waal get forseiere
Mer: water; Nae! Dikke l...
Waat eine larie! Al dae bombarie
Waat eine larie! Al dae bombarie
Larie, in de penarie...

* cd 2004: 'Zitterd is 't dit?' - Ônger Os 7455


HOME PLAATSNAMENOVERZICHTHOME


WEGGEGANGE
Tekst: ? - muziek: ?

De leelies bluien in de hööf. Wooveur bès-te weggegange ?
De welt is noe zoo bòntj en sjoon, zoo gans nao oos verlange.

En nachtegaale euveral ... Wie koos-te mich verlaote ?
Es 'ch noe nog al mer wieër mòt, ich sjtròmpel langs de sjtraote.

Doe höbs mich aan then handj geleid: Doe hòljs mich rech in 't laeve.
Waar's doe daoveur dan èntjelings, mich, sjwaake minsj, gegaeve ?

De welt lik in de zoomerzòn, wie in einen droum gevange.
De leelies bluien in de hööf ..., mer doe bès weggegange...


HOME PLAATSNAMENOVERZICHTHOME


EI WELSKE MIT ELSKE
Tekst & muziek: Appie de Vries

Ich waas aan 't zuike, veur drie daag ei vruike,
dat hiljt van de lol en de schpas.
Ich vònj 't in Zitterd, want jederein wit 't,
de carneval zit hiej in 't ras.
En gaon ich mit 't kèndj nao de bal,
dat weit ich, dan wurt 't weier knal.

Refrein:
Jao, zo'n welske mit Elske, dat schunkelt zoo fein.
Dao kèns te zoo lekker mit schwiere.
Wie Elske, dat maedje, zoo vinschte mèr ein.
Mit dem kènste carneval viere.

Elske, dat maedje, 't zuut oet wie ei plaetje,
in ei klèdje oet oma d'r tied.
In d'n optoch, dao löp 't, ei leidje verköp 't,
en aaf en toe wurt èns gevried.
En schpeelt de kapel oppe schtraot,
dan danse v'r in driekwarts maot.

Zaet dan mie blömke, mit 'n auwt wieverschtömke,
de waorheid aan Truuke en Krit.
Dan gaef gauw ei rundje, want 't hiltj neit z'n mundje,
omdat 't van jeeder get wit.
Dan pak dich dat kèndj in d'n erm,
en wals dich mit Elske èns werm.


HOME PLAATSNAMENOVERZICHTHOME


WIE ICH 18 WAOR...
Tekst & muziek: Guus Steinen
Zang (*) : Kartoesj

'its all over now'
ich dènk nog gaer 'ns eave trök, aan wie ich 18 waor..
op daen opgefôkde brômmer, dik de brylcrème in 't hoar
tössje al die anger kuuve, op daen dansvloer sjerp sjuuve

tied van ongekènd gelök, tied van 'dit kump noots meer trök'

yeah yeah yeah yeah
in daen tied hawste de Moonshots, de Sharons en de Snakes
waor 't weekend aangebraoke, gông ver danse, waor 't fees
Opus 23, Walkers, Rolling Beats, en soms de Cats
man ,wat woort d'r toen gesjuufelt en gerock op al die hits

ich zeen mich greutsj nog knöäre op dae awwe sjwarte Puch
s-aoves laat de bink oethange in mien eige vaste kroeg
gaw 'n kwartje in de juke box veur 3 plaate rock en roll
dèks om neuge oer gekomme 'en ôm 11 al hagelevol'

yeah yeah yeah yeah
es ich trök dènk aan daen tied, geluif mich jông: geneet ich weer
'nae jôngk zin doert mer aeve, 't geuf 't ech mer eine keer
in daen tied hawste de Beatles en doe haws de Rolling Stones
doe woars veur eine van die twee en dat geveul dat woar get sjoons

ja, zo waer ver langzaam awwer, dat waor toen , mer noe is noe
en zegk mich 'ns woa kumpste nog, wao geiste nog nao toe?
zulle veer 't nog 'ns waage, dat idee waor neet verkeerd
want dat danse höbbe veer in al daen tied toch neet verleerd...

* cd 2005: Kartoesj - "Gein probleem" - Marlstone CDL 2511


HOME PLAATSNAMENOVERZICHTHOME


WIE ICH IN DIEN AUGE KEEK
Tekst & muziek: Hans Wijnands

Refrein:
Ich waor verlaore wie ich èffe in dien ouge keek.
Ich woord verlaege, sjtóng te baeve, ich waor gans van sjtreek.
't Góng vanzèlf, dat móste mich vergaeve,
dat ich dich doe gauw ei muulke höb gegaeve !

't Waar mit vastelaovend, urges in òs Zittesj landj.
Ich drónk mich sjus ein glaeske beier, zo röstig aan de kantj.
Mèr doe wie dae meziek begoosj, hauw ich gèt aan den erm.
En wie ich in dien ouge keek, doe kreeg ich 't zo werm .....

Jao, jaorelank zeen veer noe al ès man en vrouw biejein.
Ich drénk nog gaer ei glaas mit vrunj gezèllig óngerein.
En kóm ich sóms ens laat nao hoes, dan kiks te mich ens aan,
dan gaef ich dich ei blömke en dan zèng ich gans sjpontaan .....



HOME PLAATSNAMENOVERZICHTHOME


WIE ICH NOG EEN JUNGSKE WOAR
1955: Tekst & muziek: Frits Rademacher
Oetveurenden (*) : Klumkes Blumkes
Oetveurenden (**) : FietseFreem

Wie ich nog a jungske woar, zoeë van ee joar of zus,
doe vong ich geer va alles aa, en leet ich nieks mit rus.
Zoot ich aa 't trummelke en pakte mich ee keukske,
dan zach de mam: " doe deugeneet, ich zet dich in ee heukske ".
Tralalalala, tralalalala, tralalalala, tralalalala.

Wie ich later groter woar, die sjooltied woar veurbie,
toen hauw ich geer wie eederein ee maedje aan mien zie.
'n Knap gezichtske, ein aardig kind, mit op de kop ee deukske.
Ich sproak dan mit dat maedje aaf op een of ander heukske.

Wie ich later vrieë gong, ich woar vol gooie mood.
Veer noome afsjeit in de gank, ich weet 't nog zo good.
Opins versjeen d'r sjoonpapa en zach toen mit ee vleukske:
" Wat mot dat mit mien dochter noe, doa in dat duuster heukske ".
Tralalalala, tralalalala, tralalalala, tralalalala.

Wie ich toen bie Petrus koam, en klopte aa de deur.
Toen zeij d'r: " Jong, kom doe mer in, doe sjteis d'r gans good veur.
Doe hubs doch neemes kwoad gedoan, d'r sjteit nieks in mien beukske ".
Toen zag ich: " Petrus, zet mich mer mit 'n engelke in ee heukske ".
Tralalalala, tralalalala, tralalalala, tralalalala.

* cd: Klumkes Blumkes - "Kom-kom" - Ónger Ós CD 7235
** lp (1985) : FietseFreem - "FietseFreem" - Marlstone MARL.98517
** cd (1991) : FietseFreem - "FietseFreem" - Marlstone 0909104 CD


HOME PLAATSNAMENOVERZICHTHOME


WIE PAN, DE NATOERGOD, WAKKER WOORT
Tekst: ? - muziek: ?

De groote Pan laug lank-e-weg,
in 't graas, en sjnòrkde en sjleip.
Hae woort neit wakker, pès de Maon,
hööm oet ziene sjloemer reip.

En wie hae opkeek en baove zich,
de Maon zoug, ròndj en riep,
dach hae: blous ich bie geval,
die bel auch oet mien piep ?


HOME PLAATSNAMENOVERZICHTHOME


WIE ZUUS DOE OET
2007/2008 nr.1 : Tekst & muziek: John Smeets & Gian Prince
Zang: Cyrille Niel

De Vastelaoven is zo sjoon
Doa wil ich mich get aan gaon doon
Ich sjnap mich Opa ziene jas
Plek lènks en rechs ‘ne verfkwas
En noe noch get waat laeve maak
Want dat haet hie jed’re sjnaak
Noe kiek toch èns, dat geit te wiet
Ein trööt gemaak van kachelpiep

Dat is toch neit normaal, doe löps hie veur sjandaal..........

Refrein:
Mèr jong, wie zuus doe oet?
Waat höbste dich weier aangerete.
Mèr jóng, wie zuus doe oet?
Zo wurste hie veur gek versjlete.
De jas te klein, de boks te kort, pelette van twee kwes
De patsj te groot, de klompe aan; och sjwieg mèr van de res

Mèr jong dat is toch neit normaal, dat is ouch sjietegaal..........

Es sjerp haet hae ein toafelkleid,
Dat broek de Mam al jaore neit,
De bòks, tsja, dat zit ouch neit mit
Die haet ein piep te kort geknip,
Ein mötsj vol bloume ram versjlak,
Die häöm euver de oore zak.
Mèr noe wurt ’t toch ech te gek
Ein sjöp es tamboermaetersjtek...........


HOME PLAATSNAMENOVERZICHTHOME


DE WINKEL VAN HARIE
Tekst: ? - muziek: ?
Zang (*) : Anja Bovendeaard

Refrein:

* cd 1996 : Anja Bovendeaard - "Anja" - Onger Os


HOME PLAATSNAMENOVERZICHTHOME


WITSTE NOCH
Tekst: ? - muziek: ?

Refrein:
Witste noch wie 't vruiger waar, witste noch wie dat waar ?
Jong, wat waar dat sjoon, zou 't noe noch doon.
Witste noch wie 't vruiger waar, witste noch wie dat waar ?
Wae van uch zou dat neit wille doon, in de gats, in de gats, in de gats.

Wie Pierre enne sjnaak waar van teen, woster niks, hauw er nootsj get gezeen.
Trok 'r muske of stritste ein paer, dach 'r: mörge dan doon ich dat waer.
Eine plis zag: Pierre, kom ens hiej, non de pie, mer noe beste d'r bie.
Mer Pierre, dae bedach zich neit lang, rende weg nao de gats in bie Sjang.

Refrein:
Witste noch wie 't vruiger waar, witste noch wie dat waar ?
Jong, wat waar dat sjoon, zou 't noe noch doon.
Witste noch wie 't vruiger waar, witste noch wie dat waar ?
Wae van uch zou dat neit wille doon, oppe Wal, oppe Wal, oppe Wal.

Ooze sjnaak, dae is noe allang pap, zeeve poete, ein maad en ein kat.
Krich d'n drej neit, hae wirk zich kapot, wie me zaet, jao, de naod oet de vot.
Haet' 'r 'saoves ein pilske verdeint, of hae pak zich zo sjtiekem ein kleint.
Oppe Mert, och dao denk 'r weier trök, wie 'm vruiger dat goud waar gelök.

Refrein:
Witste noch wie 't vruiger waar, witste noch wie dat waar ?
Jong, wat waar dat sjoon, zou 't noe noch doon.
Witste noch wie 't vruiger waar, witste noch wie dat waar ?
Wae van uch zou dat neit wille doon, oppe Mert, oppe Mert, oppe Mert.


HOME PLAATSNAMENOVERZICHTHOME


DE WOLKE GAON
Tekst: ? - muziek: ?

De wolke gaon wie sjeep mit zeilder, door 't frisj gewèsje blaauw.
Ze vaare roeïg en bedènklik; Ze vaare gaar neit gaauw.

Wae drieve keus mit de wolke weg, wae mit hun vleige koos !
Mer ich blief ummer ònger, ich sjei oet wie ich begoos.

Ich zit gevange en ingesjnuird, tösje vinger en doem bekneld:
En de welt zoo wied, woo de wolke gaon, en mien hart zoo wied wie de welt !


HOME PLAATSNAMENOVERZICHTHOME


'T WÓNJER
Tekst & muziek: Toon Hermans
Limb. tekstbewerking: Ben Erkens

In de sjtilte van ’t veurjaor
Höb ich ’t wónjer waal ’ns ontmoet
Es ’t witte bloesem sjniede in ’t graas
En ich höb ’t laote sjnieje
Laote sjnieje op mienen hood
En de sjtilte van ’t veurjaor
Wirkde zach op mien gemood…

In de volte van de zomer
Zaog ich ouch ’t wónjer sjtaon
In de vèldjboekètte mit hun väöle kleure
En in de nachte vol mit sjterre
En ein dichterlikke maon
Koosj ich ’t leve leedje
Van ’t wónjer heure

Refrein:
D’n eine nump ’t wónjer
D’n angere ’t lot
Wae wèt, wie ’t hèt
Maog ’t zègke
D’n eine zaet: ’t Is wónjer
D’n angere zaet: God
Mer d’r is nemes dae ’t oet
Wèt te lègke…

Toch zeen d’r waal van die momènte
Dan is d’r väöl meë dan me zuut
Dan zuuste ’t wónjer van lente
Of ’t noe God is, of neet…
Dan veulste van bènne ’n wónjer
Dat meë is dan de bleuj van de buim
En dat is toch waal heël bezónjer
Ouch al haet ’t dan get van ’nne druim…

Toch is ’t of ’t laeve
Ós sóms get vertèlt
Dat meë is dan gelök of verdreet
Laeve is meë, dan ’nne dwaas
Of ’nne held
Zónger ’t wónjer
Laeve veer neet…


HOME PLAATSNAMENOVERZICHTHOME


WOO BÈS DOE GEWAES, WOO BÈESTE GEBLEEVE ...
1983: Tekst & muziek: Hans Wijnands

Refrein:
Woo bès doe gewaes, woo bèste gebleeve ?
Jaorelank höb ich nao dich oetgekeeke !
Noe blifste hie doe lekker prie, ich laot dich noots mee gaon,
Ich hauwt dich vas en blief dich ummer oppe teene sjtaon.
Woo bès doe gewaes, woo bèste gebleeve ?
Jaorelank höb ich nao dich oetgekeke !

Oozen Harie waar al veertig jaor.
Vriegezèl, vònj dat gein bezjwaor.
Mer gister zoug hae Truuke in de sjtad.
Doe sjprouk hae: "Loester hie, doe leive sjat".

Jan, dae gòng 't saoves nao de sjich,
effe nog mit kollegaas mit.
Mer ouch dat leip ei bietje oet de handj.
Zie vruike brach häöm sjnachs nog aan 't vesjtandj:

* CD 1996/1997: Diverse artiesten - "En toch, en toch" - Ónger Ós # 7306


HOME PLAATSNAMENOVERZICHTHOME


WOO IS DE SJURIE HAER ?
2001/2002 nr.1 : Tekst & muziek: Thei Wessels

Refrein:
Woo is de sjurie haer? Woo is de sjurie haer?
Went ich zit d'r naeve in de rats.
En vraog mich alzelaeve: Wienee waer ich gemats?
Woo is de sjurie haer?
Die sjwiege en die maake geine kal.
Is dan neemes dae mich zègge zal,
wie ich in de prieze val?
De waage, dae waar klaor, nao klaage en gemaor:
Èllef maeter: Rood Gael Gruin.
Noe gaon mien ouge aop. Gedaon is alle haop,
miene druim, dae ligk in puin.
Ich dènk: Ich tèl mer pes teen, 't hauw zo sjoon kènne zeen...

Mien buut woord eine hit, ich sjtuutde al d'r mit,
en 't fees koosj neit mee sjtök.
Nao hoes gòng d'n trofee! Sjeloes waar ich neit mee.
Mer woo is toch mien gelök ?
Ich dènk: Ich tèl mer pes teen, 't hauw zo sjoon kènne zeen...

Es draager van de pries in 't sjlaagerparadies,
waande ich mich waeke lank.
Mer sjtunte zout neit d'rin: twee punte sjus te min,
en nog vruntjelik bedank.
Ich dènk: Ich tèl mer pes teen, 't hauw zo sjoon kènne zeen...

* cd 2001/2002 : de Marotte - "Zittejse Rempetemp" - Ônger Ôs 7401


HOME PLAATSNAMENOVERZICHTHOME


WOO IS MEIN LEIDJE GEBLEEVE
Tekst: ? - muziek: ?
Zang (*) : Anja Bovendeaard

Refrein:

* cd 1998 : Anja Bovendeaard - "Ich wil de welt ens zeen" - Marlstone Recordings


HOME PLAATSNAMENOVERZICHTHOME


WOO IS NIKS
Tekst & muziek: W.Derks en R.Rutten

Refrein:
Mit oos Marotte geit 't goud, dat zit 'm in 't Zittesj bloud.
Want maskes geef 't hie al lang, veer höbbe Truuj, veer höbbe Sjang.
Die van Gelaen, die zeen neit zo gewiks, woo is niks ... woo is niks.

De benzien dae geit omhoog, oozen daeke eine nuujen toog.
't Sjtadhoes dat is al weg, auch de Mèrt, dae geit 't sjlech.
En de raod krig 't neit gefiks, woo is niks ... woo is niks.





HOME PLAATSNAMENOVERZICHTHOME


WOON IN MIEN HART
Tekst: Felix Rutten - muziek: Anja Bovendeaard
Zang (*) : Anja Bovendeaard

Woon in mien hart, es 't dich mer neit to klein is.
Dat woort veur dich besjtömd; veur dich is 't dao.
Gein angere die auch nog rech d'rop heie.
Dao kump dich neemes, neemes ooit to nao.

Doe houfs dao neit to sjtöbbe, neit to kaere;
Dao is 't nao die verlange werm of kuil.
En alles zóó, dat niks dich dao zal sjteure,
want zuuver zeen mien meining en gevuil.

Mien leifde ? 't Zeen de bloume die 't verseire,
de sjilderieë aan zien witte wènj;
En door zien vinstre kiks-doe wied nao boete,
wied euver alle luu en alle lènj.

Mer es doe dao bès, sjuuf ich de gerdiene,
veur glaas en roet, die zeen nao 't vergezich.
Dan höb veer twee waat neudig is veur 't laeve:
Dan höb ich dich, mie kèndj, en doe höbs mich.

* cd 1996 : Anja Bovendeaard - "Anja" - Onger Os


HOME PLAATSNAMENOVERZICHTHOME


WURT EINE LAAMMAEKER GEBAORE
2000/2001 nr.1 : Tekst & muziek: Henk Stessen & Willy Jongen

Refrein:
Wurt eine laammaeker gebaore,
't allereesjte waat hae ruip dat is: "alaaf!"
Want oze Leiven Heer hiejbaove,
dea levert ummer alle Laammaekesj zo aaf.
Want oze Leiven Heer hiejbaove,
dea levert ummer alle Laammaekesj zo aaf.

D'n echte vastelaovesgek, dae wit waal waat ich mein:
Dat broesje van 't bloud, jao dat krig hiej jederein.
dao zeen veer mit gebaore, dat nump os nemes aaf.
't Versjtandj kump mit de jaore, 't eesj kump ein alaaf.
Zo waar dat vruiger, mer ouch noe,
eine Laammaeker, dae blif zie Zitterd troe.

Dao zeen van allerhande luuj biej os hie oppe welt.
D'n eine zit mit zörg en d'n angere sjmit mit geldj.
Mer ein dènk dat is zeker en twiefel dao neit aan:
"De sjpas is d'r veur jeder, dènk dao mer altied aan".
Zo waar dat vruiger, mer ouch noe,
Eine Laammaeker dae blif zie zitterd troe.


HOME PLAATSNAMENOVERZICHTHOME


ZE KÈNNE MICH OET LIMBURG HAOLE
2003/2004 (LVK nr.2) : Tekst & muziek: Thei Wessels
Zang (*) : Anja Bovendeaard

Refrein:
Ze kènne mich oet Limburg haole
Mer Limburg neit oet mich
Doe bès 't rood gael gruin op kaole
Dao versjliet ich gaer mien zaole
Dat zit goud ónger mien hoed
Nae, ze kriege dich neit d'roet!
Woo ich ouch banjer, dao dènk ich mer:
'De ganse welt dreet òm dich haer'

Blief ich èns urges zitte
De ganse aovend pitte
Dan zal mich dat niks sjaele
Tirolerberg aafzakke
Of aan de Costa bakke
Ich zal mich neit vervaele
Dan zèng ich dao dae Limburgse meziek
En dan dènk ich tegeliek......

Mer noe mit vastelaovend
Pès op d'n daensdigaovend
Dan bèn ich hie te vènje
Ich wil gein zón gaon vatte
En ouch neit oppe latte
Dat kènt mich neit verblènje
Noe zèng ich hie dae Limburgse meziek
En dan dènk ich tegeliek......

* cd 2004 : Diverse artiesten - "Van Eijsde tot de Mookerhei 11" - Marlstone Recordings bv CDL2401


HOME PLAATSNAMENOVERZICHTHOME


ZEFKE MOLS
Tekst & muziek: Jo Erens

Zo röstig en tevree, roukend de gansen daag.
Want zörg kènt hae neit mee, eine dae neit klaag.
Want oos goud auwt Zitterd, de Wal en de Wieer,
is hööm zie laeve, hööm zie vertier.

Refrein:
Zefke Mols, auwt, gries en versjleete,
is eine van oos sjadtsprofeete.
Mit zien medaajes oppe boek,
grieze baard en piepke in de mòndj,
löp hae de gansen daag in Zitterd ròndj.

Wauwelend in zien eige zit 'r op die brök.
neit kletsje en neit leege, eine mit 't waar gelök.
Want van al daen herrie in de welt wit hae niks aaf.
Daorom is zie laeve zo sjoon en gaaf.

Wie is op vandaag 't laeve, veer ligge aan bènj.
Veer wirke en v'r sjtraeve, v'r biete oppe tènj.
Mer zout veer net wie hööm op die brök,
jao, dan koosj veer 't waar gelök.


HOME PLAATSNAMENOVERZICHTHOME


ZÈGK HILSTE VAN MICH
1990: Tekst & muziek: Wim Kessels
Zang (*) : Anja Bovendeaard

't Waar veur 't eesj in mien laeve, opèns waar ich sjtapel verleif.
Mien alles hauw ich wille gaeve, veur e muulke van mien hartedeif.
Doe koum ich op sjtraot 'm 'ns taenge, en zoug häör opèns van naobie.
De weurd bleeve vas in mich sjtaeke, mer doe, sjtraolentaere zag zie :

Refrein:
Zègk hiljste van mich, ich hauwt zoo van dich,
ich kèn d'r bekans neit van sjlaope.
Woo ich mich op sjpich, is e muulke van dich,
mien hertje sjteit gans veur dich aope.
Och koosjte-n- èns zègge: "Ich hauwt van dich !",
ich zeen 't gesjreeve op dien gezich.
Woo ich mich op sjpich, is e muulke van dich,
mien hertje sjteit gans veur dich aope.

Ich weit dat ich allezelaeve daen daag mich erinnere zal.
Wie veer òs ei muulke gegaeve en wanjelden euver de wal.
De buim vol mit frisje gruin blaedjes en veugelkes mit fiene zank.
Nei, nootsj zal ich daen daag vergaete, wie zie nog èns vrouch op die bank :

* cd (1993) : " De Marotte sirk trek wiejer " - De Marotte Zitterd - Ónger Ós # 7250


HOME PLAATSNAMENOVERZICHTHOME


ZÈGK WO IS DE LEIFDE
Vertaling & bewerking: G.Rapaille - muziek: trad.
Zang (*) : Anja Bovendeaard

Zègk wo is de leifde, mien grote leifde, wo ich op wach?
Is ze hiej, hiej in de sjtad, dao biej de baek of sjus op de berg?

't Is ´t kallebeske van vruid
Jao ´n kruuspunt van duig
Biej de wiemertesjtroek
in de hits van de zón
Kóm, kiek in mien henj
wie de waorheid versjient

Zègk waat is die leifde, die raozetige leifde, wae haet die gebrach?
Is ´t ´n sjnoternaas, is ´t ´n sjlókmoel of get wie eine vleigesjeet?

't Is eine vraeme kemik
in oze laevespetik
Dèks de kaw óm ´t hart
in de hits van de zón
De sjeeper mit sjtrank
es dae de waorheid bewaak

Zègk wie is de leifde, die zelige leifde, die nao mich lach?
Is ze sjterk wie de wèndj, eewig wiej lente, in de zeel van de luuj?

't Is ´n melodie van plezeier
´t Sjuumke op ´t beier
Dae krunkel in de boek
in de hits van de zón
Es me benkelik druimp
dat de waorheid versjnirk

Jao, dich bès de leifde
die ènsigste leifde
wo ich nao sjmach
Dich ènsigste èngel
Geistige vogel?
Dich kumps altied trök

* cd 2002 : Anja Bovendeaard - "Sjtruim"


HOME PLAATSNAMENOVERZICHTHOME


ZENG NOG ENS VEUR MICH
Tekst & muziek: Frits Rademacher
Zang: Frits Rademacher

Och waat vonj ich 't doe toch sjoon,
Kenjersjeelkes mit dich te doon,
In ei krenkske sjpronge, en veer twee dan zonge.
'ch Heur die sjtomke noe nog zoo klaor,
Sjus es went 't van gist're waor,
Ze blif mich ummer bie, die sjoonste melodie.

Refrein:
Zeng nog ens dat melodieke,
Waatste vruiger veur mich zongs.
Oet daen tied, dae eeuwe geit lieke,
Woo's doe zoo van holjs,
En het aldersjoonste vonjs.

Es ich ens in dien uigskes keek,
Later wei'r in die wengske kneep,
Fluusterde in 't eurke, kreegs te mich ei kleurke.
Went ich dan dich ei muulke gouf,
En dien hertje vool gauwer sjloug,
Klonk ummer korter bie, die zellefde melodie.

Och wie lang is dat noe gelee,
'ch Weit 't zelver noe al neit mee,
Dat dat doe gebeurde, en die leidje heurde.
'ch Ken de weurdjes nog ein veur ein,
Zeng nog einmaol dat sjoon refrein,
Doe maaks mich dan wei'r blie,
Doe mit dien melodie.


HOME PLAATSNAMENOVERZICHTHOME


ZES GOOJE IN DE LOTTO
Tekst & muziek: Guus Steinen
Zang (*) : Kartoesj

6 gooie in de lotto en 'n maedje zo wie doe,
dat wunsj ich mich, dat wunsj ich mich al joare
lekker laeve waar mien motto, doe en ich en ich en doe
en ver völde os de daag hie mit "amore."
zoa wie de wèndj wejt, wejde dan mien humme
en ich zou 't d'r ederen daag 'ns goud van numme
joa dat deeg ich joa dat deeg ich allenej,
es ich dich... en die 6 gooie hej.

as ich 'ns neit sjloape ken, en om veier oer sjnachs nog wakker ben,
dan kump dat meis door dich.
dan zeen ich ôs - en dat is sjoan - same door 't laeve goan.
doe same met mich.
dan vraatsjel ich van rechs noa lèngks in de houp datstoe dat auch get vèngks,
en es 't aeve zo koosj gaon goan,
zeen ich de lottobelkes valle, wie ich ze op 't formeleer höb sjtoan.

mesjiens waal twintig keer per daag is 't beeld dat ich zo bie mich draag,
dat köpke van dich.
ich krieg dich neit meer oet de kop, wat ich auch doon, ja nuim mer op.
'ch zeen ummer dien gezich.
en drek denoa, wat ich auch wil, zeen ich alle zös die lotto-bel
en 't zin .... dat zin de nummerkes van mich !!!
zal 't dan ech nog oats gebeure, dat 't woarheid waere geit veur mich

* cd 2001: Kartoesj - "Tam-tam" - Marlstone CDL 2044


HOME PLAATSNAMENOVERZICHTHOME


ZET 'T OP
1984: Tekst & muziek: Jeun Schelberg
Zang (*) : Anja Bovendeaard

Refrein:
Veer, veer veer zette os, veer zette os 't maske weier ens op,
op ooze eige kop, 't maske weier en op.
Veer, veer veer zette os, veer zette os 't maske weier ens op,
al hob veer zelf van hoesoet auch den allersjtomste kop.

Dae Harie, dae grieze, bekend es de Vieze, veurzitter van de keigelklup.
Dae zörg dat de bal, en de kraan van de tapkas, 't saoves aan ei sjtök door löp.
Mer wurt 't vastelaovend, dan zink 'r van mörge pès aovend ...

Dat Lotte, die flotte, mit plentie klamotte, is lid van de hoesvrouweraod.
Zie sjprik dan auch naames die kaokende daames, en maak zich herhaoldelik kaod.
Mer wurt 't vastelaovend, dan zink 't van mörge pès aovend ...

En Sjaarel, dae sjmaale en hiej en dao kaale, al jaorelank bie de sjimnas.
Hae zörg veur 't paerd en de brok en de ringe, en deit naeve bie auch de kas.
Mer wurt 't vastelaovend, dan zink 'r van mörge pès aovend ...

* lp (1986/1987) : Marotte Zitterd - " De Kòmplemènte oet Zitterd "
cd : Marotte Zitterd - " Hie brent de lamp " - Onger Os # 7262


HOME PLAATSNAMENOVERZICHTHOME


ZITTERD ALLEIN
Tekst & muziek: Jo Erens


Dao woo ich gebaore bèn, woo mien auwesjhoes nog sjteit.
De taal die ich toch zoo goud kèn, woo ich hauw mien leif en leid.

Refrein:
Dat is mie Zitterd, Zitterd allein,
sjooner plaetsjke vèndj geer neet ein.
Es mien auwt Zitterd, Zitterd allein,
dao geit niks baove zoo is der mer ein.

Gaon ich nao de vraemde haer of wiet van Zitterd weg,
heur ich ummer toch zoo gaer 't goud, 't kaod, 't sjlech.

Zuik ich mich ei maedje oet, is dat ei Zittesj kèndj.
Dao woo ich zoo op vertroew en nurges baeter vènj.


HOME PLAATSNAMENOVERZICHTHOME


ZITTERD BROESJ
1997: Teks: Sjef Schurgers - muziek: Rose Seller

Wilkóm luu op deeze aovend, wilkóm luu bie oos revuu.

Zitterd broesj op deze aovend.

Zèt uch sjrap en gaot noe geneite,
Belaef 't fees noe mit ós mit.

Kleur, bóntje kleur.

Noe vuil 't broesje in zien aore, d'n drök dae löp noe op.
Jao, heur 't kloppe van zien hertje, d'n drök duut taege de sjtop.

Zitterd breit zich oet.

't Sjpektakel geit noe beginne, want dae sjtop dae geit noe draaf.

Laeve Zitterd.

Kleur, bóntje kleur.

Lèt noe op, vergaet neit te kieke.
Ein sjtad die is verboewt, zo nuu en toch vertroewt.
Me zaet dan ouch dat ZITTERD BROESJ ...

Refrein:
Zitterd broesj, jao ram van 't laeve.
Zitterd broesj, dao maak me get mit.
Zitterd broesj, dao kènt me zich gaeve,
Ein sjtad die vol mit kleure zit.

Gegruit van klein nao groote mertsjtad,
grensverlegkend en sjarmant.
En mit ein keur van auw tradisies,
van boer- nao zakelandj.

Gevórmp door Glouf van ein gemeinsjap,
kultuur en óngerwies zo riek.
Oetbreijing van de boete-wieke,
ein sjtedje vol meziek !

Ein sjtad die is verboewt, zo nuu en toch vertroewt.
Me zaet dan ouch dat ZITTERD BROESJ ...

cd : Marotte Zitterd - " Zitterd Broesj " - Onger Os # 7343


HOME PLAATSNAMENOVERZICHTHOME


ZITTERD HIEJ, ZITTERD DAO
Tekst & muziek: Laurens Savelkoul
Zang: Tjeu de Heus

Refrein:
Zit er hie, zit er dao, of zit er soms dao naeve
es te hôm gewaere lees, dan kens te get belaeve
zit er hie, zit er dao, noe zeuk mer allemaol mit
nao de sjoone vastelaovesgek, dae allein in Zittert zit
nao de sjoone vastelaovesgek, dae allein in Zittert zit

kump er dich ens taege in de bènnesjtad
zuik er zich ein lelik maske oet
köp er zich ein huitje en enne sjluppejas
zuus hem drie daag niet meer in de boet
geit er droet mit de vastelaovend
van de morrige pes de laaten aovend

zo is het laeve van ènne vastelaovesgek
auch al is dat laeve nog zo zwaor
waat er hauw dat nump hèm geinen aaf
dao taert er op het ganse jaor
dan geit er zich op nuuj versjtaeke
en sjlut er veur ein jaor zien vaeke


HOME PLAATSNAMENOVERZICHTHOME


ZITTERD IS ´T DIT ? (ouverture Uit de revue 'Zitterd is 't dit?')
Tekst: ? - muziek: ?
(*) Uit de revue 'Zitterd is 't dit?' (2004)

Is dit ´t zeg veer noe
´t sjpook de ganse tied door miene kop
Waat is toch aan de handj ich ken dich gaar niet
Ich ken dich gaar oets niet mee trök

Is dit ´t dan noe hiej
Zitterd doe geis mich noe toch aan mien prie
Mesjien ken veer get trems gaon laote vaare
Euver de riekswaeg, dae boulevard

Wae haet zich dit dan noe hiej oots bedach
Noe kump d´r water gesjtruimp in de grach

Water zal sjtruime, gans hel sjtruime
Water maak bliej, maar Zitterd gans bliej

Is dit ´t zeg veer noe
´t sjpook de ganse tied door miene kop
Waat is toch aan de handj ich ken dich gaar niet
Ich ken dich gaar oets niet mee trök

Is ´t dit waal, is ´t dit niet
T´maak gaar niks oet
Is ´t dit waal, is ´t dit niet
Doe wits besjteit

Bloud sjtruimp door ´t Zittesj hart haer
Dat geef dich extra vööl flair
Doe bes toch zo vol prach
Is dan dat water ech mach

* cd 2004: 'Zitterd is 't dit?' - Ônger Os 7455


HOME PLAATSNAMENOVERZICHTHOME


ZITTERD MIE DEIRBAAR ZITTERD
Tekst & muziek: trad. / Toon Hermans
(oetgebrach ter herdènking 40 jr. bevriejing van Zitterd)
Oetveurende 1 : Toon Hermans
Oetveurende 2 (*) : ?

Sjtarre die aan den hemel sjtraole,
sjoonheid en romantiek verhaole.
Toores, die wakend wieze òs nao baove,
die sjtatig prieke in den aovend, hie van oos Zittesj landj.

Refrein:
Zitterd, mie deirbaar Zitterd, dat toch gein ònheil dig geraak.
Zitterd, mie deirbaar Zitterd, dao wo den toore òs bewaak.

't Zunke geit sjtrak weier veur òs sjiene,
wolke die zulle dan verdwiene.
Toores, die in den duuster auch nog dao zeen.
Omdat ze òs allemaol zo nao zeen, hie in òs Zittesj landj.

* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv


HOME PLAATSNAMENOVERZICHTHOME


ZITTERD SJITTERT
1983/1984 nr.1 : Tekst & muziek: Willy Jongen

Refrein:
De vastelaovend hie in Zitterd is zoo gezèllig auwerwèts.
Dat is woo Zitterd zoo door sjittert, jao, dat is Zitterd op zien bès.

Wits te nog wie vruiger hie in Zitterd alles waor ?
Es Zefke Mols bie 't Zjwaenke oppe Brandj dich taege koum.
Ouch Maesjmans en de Wauwa, dao bie Deurke oppe wal.
De Sjtomp, 't auwt Sjtadhoes, waat neemes oots vergaete zal.
Daen tied, dae is allang veurbie,
mèr ein dènk höbbe veer nog altied hie.

Wits te nog wie vruiger hie in Zitterd alles waor ?
Mit Jochem, Patsjenini en daobie Piejaer van Laor.
De Pikman, Zefke Sjlange, Hatsioene en de Man.
Dat waare mich pas tieje, wae zich die herinnere kan.
Daen tied, dae is allang veurbie,
mèr ein dènk höbbe veer nog altied hie.


HOME PLAATSNAMENOVERZICHTHOME


ZITTERD, SJTÈDJE VAN OOS ALLE
Tekst & muziek: L.Schrooten en P.Smeets

Refrein:
Zitterd, de Mèrt, de Gats, dien Walle,
doe kens os gevalle.
Veer vènje dich sjoon.
Zitterd, sjtedje van os alle,
doe kèns os gevalle.
Doe sjpins toch de kroon.

Bes-te waal ens wiet van hoes aaf, wurd 't waal ens te heit,
dènk dan trök aan al dat sjoone, waat dao wiet weg sjteit.
't Blif dao ummer wachte, èns kumpste weier trök.
Zitterd kent allein bekoore, dat is 't allersjoonste gelök.


HOME PLAATSNAMENOVERZICHTHOME


ZITTERD ZITTERD
Tekst: Ernest America, Rita Bastings & Hardy Mertens - melodie: 'New York, New York'
Zang (*) : WW-Band

Dao wil ich drénke
niet veul dénke
dao wil ich zeen
ich lèk mich
aan 't buffet
gaef mich nog get

Ich gaon noe nao hoes
truk nao 't gesjpoes
ich wil 't sjlechte veurbeeld zeen
Zitterd Zitterd
Ich krieg nootsj genog
van dat sjoemend voch
goan mich get zoepe oppe mert
Zitterd Zitterd

Dao wil ich laeve
wil ich sjterve
dao wil ich zeen
d'r zeen hie
heelmaol gein junks
en ouch gein punks
waal ein sjlech wief
soms ouch waal vief

't is ein paradies
oos volk is niet gries
d'r is gein sjoooner plaetsjke
es mienleif Zitterd
es geer mich neit gluif
dan maak ich uch get
angesj wies
want ich do it
My Way

't is toch slech volk
de köp in 'n wolk
toch kènse soms van hun op aan
in mien Zitterd
de bar die geit nootsj toe
wieneej sjnap ich dat noe
't kump door dich
Zitterd Zitterd

* cd 1993 : WW-Band - "Elluf!" - Marlstone Recordings bv - CDL9308


HOME PLAATSNAMENOVERZICHTHOME


ZITTERD ZO WONJERSJOON
Trad.

Zitterd, zo wondersjoon,
mit Kolleberg en Wal,
bie mich sjpins doe altied de kroon,
veural mit carneval.









HOME PLAATSNAMENOVERZICHTHOME


ZITTERDENAER
2005: Tekst & muziek: Wil Frenken
Zang (*): Wil & Annie

Refrein:
Ich ben van kop pès teen
Zitterdenaer
'T deit mich toch zo gout
dat Zittesj blout
Dat wilt auch nèrges angesj haer
dat heurt toch in mien kaer
Ich bèn zo baovenal
Zitterdenaer
Ich bèn zo baovenal
Zitterdenaer

Loup ich geweun door Zitterd haer
dan vööl ich mich zo riek
Kiek lènks en rechs ens om mich haer
geneit van dae meziek
Is 't dan röstig en te vree
geneit ich mee en mee
Jao Zitterd is mien paradies
vööl sjoonder es Paries

Geneite van de kleine dènger
dat istoch zo sjoon
Sjus wieste dat bie kènjer deis
die vènje dat toch zo sjoon
Leer hun dan auch hun moodesjtaal
sjpraek dao mit Zittesjplat
Jao dan bèn ich zo greutjs op dich
zo hauw ich dat verwach


HOME PLAATSNAMENOVERZICHTHOME


EI ZITTESJ MAEDJE
Téks & meziek: Teun Hermans
Zang: Leon Beursgens

Refrein:
´t Sjoonste is ein richtig Zittesj maedje,
dat hiltj van dich, ouch zònger sjaele kal.
Dat wit de waeg op ´t begienepaedje,
en kènt ouch Zitterd ziene sjoone wal.

De vrouwluuj zeen op gans de welt ´n intersant geval,
want vruikes blóndj of broen of sjwart, die vindj me euveral.
Al gaot geer nao Amerika of wied euver de zee,
al zeet geer sjtinkend riek, och ja, ich höb mer ein idee.


HOME PLAATSNAMENOVERZICHTHOME


'T ZITTESJ PRÈNTEBOUK
Tekst: Sjang Bronneberg - muziek: Jeun Schelberg

Refrein:
't Zittesj prèntebouk, 't Zittesj prèntebouk,
dao laote veer uch deezen aovend gaer in kieke.
Pès in de lèsten houk van 't Zittesj prèntebouk,
vèndj geer herinneringe die oos sjtad verrieke.
't Zittesj prèntebouk, 't Zittesj prèntebouk,
dao laote veer uch deezen aovend gaer in blaare.
Pès in de lèsten houk van 't Zittesj prèntebouk,
vèndj geer herinneringe die veer gaer bewaare.
Want Zitterd is en blif, in oos aller hart gegrif,
al geit 't wie 't geit, dat is noe sjus 't rare.

Es me in Zitterd rondjom zich kik, mit allebei de auge wied aope,
zuut jederein in ein augeblik, verdöld, hie wurd den tied neit versjlaope.
Want vööl is verangerd en vööl is hie weg, mèr ein dènk in Zitterd blif ummer zo ech.
't Auwt brouk me aaf en me maakde 't nuuj, wo niks aan verangert, jao, dat zeen de luuj.

Zittesje feeste zeen wied bekènd en jederein sjteit daovan te kieke.
Eeuwe tradisie, veer zeen verwènd, die vènje nurgeswo hun gelieke.
Noe hauwt ze in eere, dat höb veer belaof, mèr neemes in Zitterd vindj dat toch ein sjtraof.
't Is Veur os allenèj saame ein plich, want zònger die feeste dat is gei gezich.


HOME PLAATSNAMENOVERZICHTHOME

ZITTESCHE AUW WIEVER
Tekst: Thuur Laudy - meziêk: ?

Ein schaasmoel mit nog einen tandj, zo'n auwt kalbeske in de handj,
't huitje wiebelt oppe kop, daobie eine lange schtraepe rok,
geschpanne òm 't lief, dat is ein gans auwt Zittesch wief.

Refrein:
Pak vas, pak vas, doe schluppe jas, mit zo'n auwt wief krigs te schpas.
Al zeen veer mansluuj ouch mit teen, geer wit jao wie die wiever zeen.
Pak vas, pak vas, doe schluppe jas, mit zo'n auwt wief krigs te schpas.
En dae zich ammuseiere zal, dae geit dan nao de wieverbal.

Die wiever zeen zo lang ich weit, es Vastelaovend hie beschteit.
Die moel geit wie ein aenjevot, zo'n scherve krig me neit kapot.
En 's maondigs trèk de bent dan waal mit hònderd oet de tent.

Lès waar ich mit zo'n bèsj op schtap, ich hauw get brazel droet geflap.
Doe zag ze: " Jungske, kiek èns goud ", 't waar de Mam woo'g naeve zout.
En veur dat ich 't wòs, kreeg ze mich doe dae middig kòsj.

't Schnuutske van zo'n aardig wich, achter zo'n lelik mom'gezich,
geer gluif neit wie 't ugge pak, daorom zo ei kèndj èns vasgeschnap.
't Gezichske waat me zut, is waat Paries noch Nissa bud.


HOME PLAATSNAMENOVERZICHTHOME


ZITTISJE CARNAVAL 1947
Tekst & muziek: Jean Derrez

Refrein:
Carneval, doe Carneval, ich sjpich mich zoo op dich.
Dich kèn ich toch neit misse, want doe bes ei sjtök van mich.
Carneval, doe Carneval, ich sjpich mich zoo op dich.
Dich kèn ich toch neit misse, want doe bes ei sjtök van mich.

Dao is ei plaetsjke in oos landj, zoo löstig en zoo blie,
dao-aan höb veer oos hart verpandj, mit al zie laammaekerie.
Me hiltj dao zoo van lol en sjpas, door alle tieje haer.
Veer zeen van 't echte Zittisje ras, daoròm viere veer zoo gaer.

Mit Vastelaovend zeen de daag van kisj en sjpas en lol.
Es me de waorheid zègge maag, is 't plezeier pas vol.
Mer dit jaor in 't biezunjer wurd ei sjöpke drop gedaon,
òmdat oos gouw Marotte noe zös maol ellef jaor besjtaon.

Veer viere dit jaor wie 't heurt eine echte Carnaval,
zoo-wie dat vruiger is gebeurt, mit zittinge en bal.
De bein gesjmeert en dan drop oet, verkleid 't is nooit te bòntj.
Mit verkesblaoze of ein toet klink door Zitterd in 't ròntj.

* cd : Marotte Zitterd - " 111 Jaor De Marotte Zitterd en 111 JAOR VLEIGE DE VONKE HIE OET DE PAN " - Onger Os # 7226


HOME PLAATSNAMENOVERZICHTHOME


DE ZITTESJE KAPEL
1984/1985 nr.1 : Tekst & muziek: Hans Wijnands

Refrein:
Dao kump ein Zittesje Kapel, jónges houw èns op dat vel.
Dat deit ei Zittesj hart zoo goud.
Wènt van de klank van zo'n kapel, krieg ich kriebel op 't vel,
dat zit mich in 't Zittesj bloud.

Vastelaovend is in Zitterd 't sjoonste waat bie òs besjteit.
Bòntj gesjmink mit kleur en glitter, zo wurt òs sjtèdje aangekleid.
En löstige gezèlle brènge sjtömming mit, dat zeen oos sjtraotkapelle wo meziek in zit.
Zo sjpéng veer oppe maot, door de Lömmerigersjtraot.

Van de Pötsjtraot pès de sjtaase, van Baenje pès aan Vic van Naer.
Jònges waat ein allegaase, sjpektakel door de sjtraote haer.
En Zittesje kapelle sjpele euveral, dat is òs Zitterd eige: de sjtraotkarnaval.
Zo sjpéng veer oppe maot, door de Lömmerigersjtraot.


HOME PLAATSNAMENOVERZICHTHOME


ZITTESJE MAEDJES
2008/2009 nr.4 : Tekst: Jan Dieteren - muziek: Ramon Kusters
Zang: Jan Paniek

Refrein:
Zittesje maedjes, zeen wie ein sjilderie
Zittesje maedjes die gaon dich aan de prie
Gans geweun mit ei maske kakelbontj
Zittesje maedjes loupe hie rondj
Jaoooooooooo
Zittesje maedjes, die gaon toch baovenal
Die viere mit de vastelaovend karnaval
‘T zeen de leifste zo prechtig en puntgaaf
Zittesje maedjes drie maol alaaf

Wie kan ‘t gruije mit twee bein onger de batse super sjoon
‘T lenkse en ‘t rechtse en die zeen van eine kloon
Wie kan ‘t bluije zonger pokon en te zeen in jeder maot
En wet zich hie noe mit die daag van de prins gein kaod
Jao wae, jao waat, oh die...

Wie kan ‘t gruije zonger water zonger wortel zonger grondj
Ei plaetje van ein maedje mit dees daag sjoon kakalbontj
Wie kan ‘t bluije zonger mes zonger kleurkes oppe mondj
Kiek mer ens nao die van os, van kop pes teen gezondj
Jao wae, jao waat, oh die...


HOME PLAATSNAMENOVERZICHTHOME


ZITTISJE MASKES
1992: Teks: Lei Meisen - muziek: S. Kraft

Refrein:
Zittisje maskes ze zeen toch zoo leif,
jaor in jaor oet, altied zoo leif.
Es ze dich peune dan dreet zich de welt.
Zittisje maskes is 't ènnige dat tèlt.
Zittisje maskes is 't ènnige dat tèlt.

Van de zoomer olé, op nao Sjpanje oké.
't Zunke dat brende, mer ich waor niet tevree.
De vrouwluuj die louge dao helemaol bloot.
Ich durfde neit te kieke dat woort miene dood.
Ich durfde neit te kieke dat woort miene dood.

En 't wirk in d'n haof, alle gruinte hing sjlap,
de aerpel en keesje, ze waore te krap.
Mer doe koum dat maedje, 't lachde mich aan.
Mien plentjes die bluide, ich waor de banaan.
Mien plentjes die bluide, ich waor de banaan.

Wat wilt dit noe zègge ? Noe loester mer mit.
Woo vinsjste zo'n vouwluuj heel knap en vol pit.
Kòm hie mer èns kieke, hie is 't te doon,
de Zittisje maskes, die sjpanne de kroon.
De Zittisje maskes, die sjpanne de kroon.

* cd : Marotte Zitterd - " 111 Jaor De Marotte Zitterd en 111 JAOR VLEIGE DE VONKE HIE OET DE PAN " - Onger Os # 7226


HOME PLAATSNAMENOVERZICHTHOME


DE ZITTISJE OPTOCH
1994: Tekst & muziek: Reinhard Wind

Refrein:
Es d'n optoch trèkke maag, is d'r aller sjoonste daag, lek vinger, lek doem.
Van 't prònksjtök oet oos sjtad, höbste nootsj genòg gehad, lek vinger, lek doem.
De sjoonste waages trèkke door de sjtraote, en maskes sjprènge weier oetgelaote.
Jao d'n optoch is 't sjoonste oet òs Zittisj landj, lek vinger, lek doem.

De St. Joep die geit veurop, jaore lank gaon zie aan kop.
Kiek dae Hans dae blees zoo sjoon, oppe sax van oome Toon.
Dao kump Paul-Jean weier aan, drie daag löp hae mit zien vaan.
Mit 'ne Bolhoud en 'n Naas, geef dae Jan wei'r drie daag gaas.
Noe blief neit in de boet, in Zitterd is get oet !

Kiek, dao kòmme ze, de Phil, jaore lank zeen zie de sjpil.
De Kanaarie van noonk Jeun flöt alweier gekke teun.
Dao kump Loek mit eine Laepel, oppe Kop wei'r eine Kaetel.
Zuuste john in vuur en vlam, door de Vònke oet de Pan.
En Math dae ruip: "Laot Gaon, Want sjtraks is 't gedaon !"

cd : Marotte Zitterd - " Hie brent de lamp " - Onger Os # 7262


HOME PLAATSNAMENOVERZICHTHOME


ZITTESJE SJNAAK
1953: Tekst & muziek: Jo Erens
Zang (*) : Jo Erens

Ich bèn enne Zittesje sjnaak dae gaer vastelaovend mitmaak.
Ich hauwt van de sjpas en de lol, daovan is mien hèrtje zoo vol.
Ich bèn enne Zittesje sjnaak, 'ch höb nog nootsj ènne minsj laamgemaak.
Och gaef mich ein kans en ich sjeit derop aaf,
veur mie Zitterd, mien auwt Zitterd alaaf.

Auwer luuj, die höbbe mich gezàg,
vruiger doe woort pas gelach.
Me maakde zich laam en dat zit in oos bloud,
en noe zeng v'r weier mit volle moud.

* cd: Diverse artiesten - "Batailles Carnavallade 2" - Omroep Limburg OL53-199801


HOME PLAATSNAMENOVERZICHTHOME


ZITTESJE TRADISIES
Tekst & muziek: W. Jongen

Refrein:
Zittesje tradisies, die kènt toch jederein.
Jao, dao geit niks baove Zitterd, oos Zitterd gans allein.
Veural mit Vastelaovend is hie get aan de handj.
Laamaekesj van Zitterd sjtaon bekènd door gans 't landj. (2x)

De paeperkouk, de vèrkesblaos, d'n hering en 't maske.
De apeneutjes, laeverwoosj, 't huitvleisj óm te nasje.
De pappegèy, de boerekeil, d'n auwe reipe rok.
St. Joep dae heurt bie Zitterd, jao, zo wie de nonnevot.
En noe zènge veer in koor: generasies lank geit Zitterd daomit door.

De bloudwoosj en de kraaktuut mit d'n auwerwètse oukouk.
De kroetwösj, mit 't krómbrood en 't auwt wief deit 't ouch goud.
Waat denk geer van die auwerwètse Zittesje Revuu,
't appelsienesjmiete, jeder jaor opnuuj.
En nou zènge veer in koor: generasies lank geit Zitterd daomit door.


HOME PLAATSNAMENOVERZICHTHOME


ZJWERFKAT VAN DE SJTAD
1997: Tekst & muziek: Thei Wessels

Veer zjwerve euver daake van alle hoezer van de sjtad.
En mót geer laeve maake, dan heurt allein ein zjwerfkat dat.

Veer loestere en waake, went katte kriege alles mit.
Van al eur duuster zaake, 't is dan ouch mer baeter es geer 't wit.

Mer geit 't daalik duustere en wurd 't volle maon,
dan is 'heurt me waal fluustere- de katte-rös gedaon ...

Veer kènne waal èns sjterve, óm jeedesj keer weier op te sjtaon.
Dat wirk ós oppe nerve, nao neuge keer is 't gedaon.

Dus laot ós röstig zjwerve, veer laote ós 't laeve neit,
door neemes hie bederve, dao is al oppe welt genóg katteleid ...

cd : Marotte Zitterd - " Zitterd Broesj " - Onger Os # 7343


HOME PLAATSNAMENOVERZICHTHOME


ZO BÈN ICH GEBOARE
Tekst: Guus Steinen - muziek: B.Berner
Zang (*) : Kartoesj

zo ben ich geboare , sjus wie doe en dich
de naas die zit bie alle luuj midde in 't gezich
vlak ônger de auge sjus baove de môndj,
zo loupe veer toch allenej hie oppe waereld rôndj.

Vrouw Haas deit alzelaeve, esof häör naeske bloojt,
nonk Harie haet 'n naas, neij zo'n naas zaog geer nog nooit
opa haet probleme omdat zien naeske löp
Maak ver 'n lange naas zaes dich : " Pas op geer !! ... Apeköp !!
tant Nes is zo nuujsjerig dat ze gaer 'ns naaze wilt
wae lach neet es 'r mèt zien naeske in de boter vilt ...
Merieke duujt höär naeske plat taege de roet
mien breurke baort al jaore mer krig geine oalie d'roet

sjalalalalalala tsja tsja tsja

meinig prachtig naeske haet de verkeerde kop
meinig naeske is 't sjwènters good versjnôp
vilste op dien naeske, nou jaomer dan... , helaas !!
en luchs doe wie Pinnochio kriste zo'n lange naas

't geuf auch platte, en 't geuf sjpitse
't geuf d'r met wratte en 't geuf blitse.
't geuf geweune naaze en ganse aparte
en 't geuf gaele, rooje , witte en auch sjwarte

I was born like this,
you were born like this,
evrybody's nose is in the middle of his face
Je suis né comme ça
Tu es né comme ça
Tout gens du monde ont le nez à l'avant

dat naeske dat bewis
dat nemes angesj is
alle luuj die zin geliek egaal woa ste auch bès
ofwaal in New York,
Shang -Hai of Lömmerich,
alle luuj höbbe de naas midde in 't gezich
alle luuj höbbe de naas midde in 't gezich

* cd 2003: Kartoesj - "Alles kump good" - Marlstone CDL 2307


HOME PLAATSNAMENOVERZICHTHOME


ZON EN DE MAON, DE
Tekst: Wil Frenken - muziek: Guus Smeets
Zang: Wil & Annie

Es veer op de lanjdwaeg zeen
in de sjtreek die ich gout ken
Laot die twee dan zitte in de zonnesjien
laopend door ’t Limburgslanjd
Vössjers aan de waterkanjt
alles is in harmonie
Zitte veer dao aan de bar
loestere nao dae sjoone zank
Laot die twee dan zitte in de zonnesjien
laopend door ’t Limburgslanjd
Zitten aan de waterkanjt
bèn zoe blei dat ich dich zeen

Refrein:
Sjat doe höbst de zon en de maon
in dien leif blauw auge sjtaon
Ein veljdboeket dat plök ich veur dich
want ich hauwt zovööl van dich
Sjat doe höbst de zon en de maon
in dien leif blauw auge sjtaon
Ein veljdboeket dat plök ich veur dich
want ich hauwt van dich

Es de zomerwenjt aanvink
dao wo auch de maelder zink
En veer tweeje zitte in de zonnesjien
laopend door ’t Limburgslanjd
Vössjers aan de waterkanjt
ben zo blie dat ich dich zeen
Zitte veer dan aan de bar
loestere nao dae sjoone zank
Laot die twee dan ligge in de zonnesjien
laopend doot ’t Limburgslanjd
Zitte aan de waterkanjt
ben zo blie dat ich dich zeen


HOME PLAATSNAMENOVERZICHTHOME


ZOO RUIP DE PAPPEGEY
1948: Teks: Jean Derrez - muziek: Baer Cals

Einmaol in 't jaorke kump d'n tied van sjpas.
Dan gaon veer òs ammezeiere, dat zit in 't Zittesj ras.
Einmaol in 't jaorke zeen veer sjtapeldol.
Dan gaon veer òs kostemeiere, en veer höbbe reuze lol.

Refrein:
Jao, zoo ruip de Pappegey, sjnap uch vas, alleney,
en sjprènk saame löstig in 't ròndj, kakelbòntj.
Jao, zoo ruip de Pappegey, maak gerös mer get behey.
Das veur eine keer waal èns gezòndj.

Trèk dan door de sjtraote den optoch wie gewènd,
sjteit jeederein daovan te kieke, dao is Zitterd veur bekènd.
Trèk dan door oos sjtraote weier d'n hoerae ròndj,
achter höm dan trobbe kènjer, en 't klink van mòndj tot mòndj.

Op oos bal-swareekes heurt me dan gouw sjlaeg.
In oos Zittesje kafeekes tap me dan gein kraeg.
Op oos bal-swareekes is 't zoo gezèllig drök.
't Zeen de sjoonste daag van 't jaorke, jeder dènk dao gaer aan trök.


HOME PLAATSNAMENOVERZICHTHOME


ZO VIERT ZITTERD VASTEALOVEND
1991: Tekst & muziek: Jeun Schelberg
Zang (*) : ?

Jaor op jaor op jaor, sjteit weier jeder klaor,
roesj en broesj alweier dat Zittisj bloud.
Dan wurt sjneed gemaak, in de maskes zaak,
zaet Marie: dat maske sjteit mich goud.
En gaef aan Geil dae keil, pas 'm wie 'ne dweil,
veur de kènjer ratel en ein trööt.
'n Waek veur carnaval, kòm bie Marie dan thoes,
dan vuilste dich wie in ei gekkehoes.

Refrein:
Zo viert Zitterd vastelaovend, zeen veer drie daag sjtapelgek.
Verkleide trèkke door de sjtraote, mit hermeniekes, appelsiene, doezend zèk.
Zo viert Zitterd vastelaovend, zeen veer drie daag sjtapelgek.
Verkleide trèkke door de sjtraote, mit hermeniekes, appelsiene, doezend zèk.

Trèk d'n optoch ròndj, sjoon en kakelbòndj,
is òs Zittisj sjtedje haos te klein.
Waages vol van prach, wae hauw dit gedach,
wae brink dat in Limburg oppe bein.
Es alles saame geit, jeder zich versjteit,
Bielemen die blieve òs dan börg.
Hauwt veer in Zitterd vas, dae vastelaovessjpas,
vergit bie òs hiej jederein zien zörg.

* cd (1993) : " De Marotte sirk trek wiejer " - De Marotte Zitterd - Ónger Ós # 7250


HOME PLAATSNAMENOVERZICHTHOME


ZOOLANG OOZE WAL NOG ÔM ZITTERD LIK
Teks: Zef Dullens - muziek: Giel Laumen

Veer lache, schpasse, zeen weier bliej, noe is oos Zuuerlandj.
Al höb veer ouch gevreigeld waal, dat zet veer noe aan kantj.
Al deit òs Lieftinck onnog oet, pès veer in 't humme schtaon.
't Kan neit schaele, hoeraes hiej blieve altied beschtaon.

Refrein (2x) :
Want zoolang ooze Wal nog om Zitterd lik,
ei richtig Zittesj kèndj besjteit.
Zoolang oos zittesj hart nog sjleit,
oos vastelaovend neit vergeit ...

Veer zeum're alles dan biejein en moeze alles nao:
ein ratel, trööt, kalbas, gerdien, de kuuj van Tant Karlien,
ein auw baskin, teerteiere, rok, patsch, keil of sammet ziej.
En is dae kröschelemösch kompleet, verkleid geer òs dan zeet.

't Zòndigs trèk d'n optoch oet, es Zitterd zich weier tuint.
Oet doezend kaele schalt 't dan "Alaaf 't Rood, gael, Gruin !"
En jederein, dae datte zuut, wie òsse dat weier lök,
dae zaet: "hiej kènne ze de schmik", kump naegste jaor weier trök.


HOME PLAATSNAMENOVERZICHTHOME


ZOOMER
Tekst: ? - muziek: ?

De klaore daag loug nao zòns òngergank,
nog blinkend in de sjpeigeling van 't waater.
Gei windje bleis en de eesjte sjtar versjeen.
Me mirkde 't koum; mer 't woort al ummer laater,

De kreekel sjirpde, eine nachtegaal sjloug.
Dae sjleit en sjlòkst wie laater 't wurd, wie leever.
Dao woort gemeed, en 't rook zoo zuit nao hui.
Sjierling en braomele bluide langs de kleever.

Veer loesterden en zoute, handj in handj,
zougen òs aan, en koosten 't neit begriepe.
Mer vuilden in oos hart, wie òm òs haer,
de volle sjoonheid van de Zoomer riepe.


HOME PLAATSNAMENOVERZICHTHOME


ZOOMERAOVENDCONCERT
Tekst: ? - muziek: ?
Zang 1 : Toon Hermans
Zang 2 (*) : ?

Refrein:

* cd 2001: Diverse artiesten - "Eerbetoon (hommage aan Toon Hermans" - Marlstone Recordings bv


HOME PLAATSNAMENOVERZICHTHOME


ZOU 'T ÈNS WÈNKE
1992: Tekst & muziek: Jeun Schelberg

Refrein:
Es ich dich zeen dan mòt ich ummer dènke,
zou 't èns wènke, èns sjtilkes wenke.
Nao die drie vastelaovesdaag, zoo wònjer sjoon.
zou ich die nog zo gaer èns euver doon.

't Is weier aafgeloupe, die drie daag zeen veurbie.
Ich zou waal wille roupe, kòm nog èns efkes hie.
Die daag zeen òmgevlaoge, d'n tied sjtòng neit sjtil.
Ich zou dich wille vraoge, wils doe ouch waat ich wil ?

Ich zal noe mòtte wachte, geluif mich 't is waor.
Doe blifs in mien gedachte, pès aan 't volgend jaor.
En zeen ich dich weier loupe, weier es auwt wief verkleid,
dan zal ich heel zach roupe, haop dat 't dich get deit.

* cd : Marotte Zitterd - " 111 Jaor De Marotte Zitterd en 111 JAOR VLEIGE DE VONKE HIE OET DE PAN " - Onger Os # 7226


HOME PLAATSNAMENOVERZICHTHOME


ZUUS DOE DE CLOWN IN MICH
2001/2002: Teks: Paul Donners - muziek: Bettina Kamps
Zang (*) : Fieny Moerskofski-Cals

Waer ich vastelaovesgek, is 't de gouwe tied
Waer ich eine clown, dan is de paosje nog get wiet,
Tref ich dich, denk ich jao, misjien waal get gewaog,
Nioe kiek èns in mien ouge, want ich höb nog ein vraog.

Refrein:
Zuus doe de clown in mich, dan is 't vastelaovend,
En al die daag ben ich de keuniging van de sjpas
Mien ouge blinke zo wie de leichskes in d'n aovend
En deiste mich nao, dan zeen ich de sjpeigel van de lach
Mien ouge blinke zo wie de leichskes in d'n aovend
En deiste mich nao, dan zeen ich de sjpeigel van de lach

Noe ich dich getròffe höb, zo sjus op ozze Mert,
Noe wil ich ein muulke, want dat is mich alles waert
Same gaon v'r handj in handj, wie clowne gans geliek
De vastelaovend viere, hiej in os Marotte-riek!

* cd 2004/2005 : Marotte Zitterd - 'Dao höbste hööm dao'