HOME
PLAATSNAMENOVERZICHTHOME
1STE ST.JOASTER VASTELAEVES TWIS
2004: Tekst: ? - muziek: ?
Zang: Heemelsemodder
Refrein:
HOME
PLAATSNAMENOVERZICHTHOMEEINE AEZEL STUUETJ ZICH GEIN TWIEË KIEËR
2008/2009 nr.1 :Tekst: Jan Ruijten - muziek: Ton van Neer & Henk Claessen?
Zang: Awt Prinse Club
Refrein:
Waat dich auch gebeurdj ’t gebeurdj dich mer èns
’T kumptj dich ein maol taege en flotter es se mèns
Mit de vastelaovendj en auch nag dernao
Is det ôngelökske inèns weer dao
Dink den bie dien eige det gebeurdj mich neet mieër
Want eine aezel dae stuuëtj zich gein twieë kieër
Eine tied geleje ich woor toen nach klein
Ich kôs nag lang neet loupe, stông gammel op mien bein
Ich veel kieër op kieër en ging flink op mien gezich
Mien mam stông te lache en zag toen taege mich
Ein jaor of dertig later woor ich Prins van de straot
Weer lepe polonaise mer waal flink oet de maot
De kraom ging toen euverhoup en veel op zien vot
De res stông te kieke en lachdje zich kepot
Vastelaoves dinsdig den is ’t weer gebeurdj
De hieëringe veur woonsdig die waere al gekeurdj
De vlag weurdj gestreke ’t orkes goof nag ‘ns gaas
Ich kreeg ôngelökkig d’n dèksel op mien naas
HOME
PLAATSNAMENOVERZICHTHOMEAMMEZEER DICH
2009/2010: Tekst: Karin Cuijpers - muziek: Peter Beunen
Zang: Gerda & Peter
Refrein:
Ammezeer dich en maak spas
Det zègk ich toch zoa dök
Ammezeer dich en geneet
Geneet van dit gelök
Want dees daag die mös se plökke
En det zal dich zeker lökke
Dus maak spas en lach nao mich
Den lachtj mien hert en mien gezich
Alweer ein jäörke aojer
Ich haoj het neet miëer biej
Mer es ich den weer droet kèn
Det maaktj mich den weer bliej
Get meug van al det jage
Maak ich mich klaor der väör
Mer väör det ich den weg gaon
Reups dich nag aan de deur
De öngesjreeve regel,
Vastelaovendj is van mich
Egaal waat steit te gebeure
Ich bön effe oet het zich
Gein gedoons en gein gesjravel
Allein spas mil alleman
En ich möt den altied dènke
Aan die wies weurd van mien mam
HOME
PLAATSNAMENOVERZICHTHOMEAPRÈS SKIEJE DOON WEER HIE!
2009/2010: Tekst & muziek: Daniella Daelmans
Zang: BGL ‘04
Boave oppe piste
Bedachte weer inèns
Waat höbbe weer hie te zeuke
Hie kènne weer gein mins
Den höbse sjtiekum heimwee
Nao det sjoan Sint Joaster landj
Dus kòmme weer sjnel heives
Sjmiet die latte aan de kantj
Refrein:
Weer höbbe ós eige après-ski
Weer blieve hie (2x)
In eige dörp mit vrunj d’r biej
Mit vastelaovendj den zeen weer hie
Det zal ós noeëts mië gebeure
Veur ós gein sjnië mèr vastelaoveskleure
Det geveul maak ós zo bliej
Mit vastelaovendj zeen weer d’r biej
(want après-skieje det doon weer hie !)
Gaar nieks kinjtj d’r tippe
Aan ós sjoan dialek
Neet euver de grens gaon kalle
Weer blieve op dees plek
De latte gaon op zölder
Haol de sjminkdoeës oet de kas
Weer blieve in dit dörpke
Gein jack mer ein sluppe-jas
Glühwein of ein pilske
Die keus is sjnel gemaak
Weer rieje gein kilemèters
Híej gaon weer oet ós daak
Dees daag die zeen ós heilig
Weer goan neet op wintjersjpórt
Weer hósse, danse, sjpringe
Nae, ’t doert al väöl te kórt
HOME
PLAATSNAMENOVERZICHTHOMEDE BATSEKLATSER
1993: Tekst: Lia van Neer - muziek: Peter Kasik
Refrein (2x) :
Houw èns op dien Bein, en houw èns op dien Batse.
Laot mer van dich huëre, laot 't mer lekker klatse.
Löktj 't dich noch neet bès, huits doe den noch stieads mis,
houw die Vastelaovesdaag èns duchtig op die kis.
Höbs èm door, den gaef 'm mer ein vaeg,
niks stuit dich dees daag nog in de waeg.
Veuls doe dich ein bietje boete aom,
sjöt den effe mit dae Bôkse-baom.
Goai alles los en loat dich lekker gaon,
blief hiej neet veur sjpek en boane staon.
Henj in de loch en effe op en neer.
Lèt good op, hiej kömp ter weer.
HOME
PLAATSNAMENOVERZICHTHOMEBLIEF MER VRIEJGEZEL
Teks: Kasik - meziek: Mòhlburger
Uitvoerende: Plavuus
Jùpke zit nog biej de mam, hae is vriejgezel.
Alle maedjes in ’t dörp zeen gek op hem.
Mer sinds hae ’t Mientje kentj is ter gans verkierdj.
Weer zeen bang det hae zich haef bekierdj.
Wèts doe bescheid, ’t is veur ewig, doog ’t neet, den blif 't vredig.
Loat ’t toch zeen, ’t is veur ewig, doe wèts bescheid wie det zoa geit.
Trouwe kènse altied waal, det geit hiél erg schnell.
Blief zoalang ze kèns toch noch get vriejgezel.
Zit ze einmoal in dae boat, kómp ze neet mié droet.
Die vrouwluuj doon, dich toch de bàks waal oet.
HOME
PLAATSNAMENOVERZICHTHOMEBLIEVE LACHE
2007/2008 nr.1 : Tekst & muziek: Arno Ruijten
Zang: De Veteranen
Refrein:
Blieve lache, blieve lache,
Det is ’t beste waatse doon kins es ’t taege zit
Blieve lache, blieve lache,
Den kries se oaits waal weer de windj èns mit
Zuus se altied weer die baere op de waeg
Is ’t glaas biej dich altied half laeg
Blieve lache, blieve lache,
Auch al zitj ‘t… neet altied mit
Höbs se weer èns geine cent te makke
Hóbs se dus weer nieks ôm door te zakke
Vèltj ter in de zomer stieëds weer raegen
Kins se dao noe neet mieër taege
Maak se dich väöl zörge euver mörge
Ligk se in de slaop stieëds weer te sjörge
Kintj dich in de leefdje nieks bevalle
Môs se èns mit ôs gaon kalle
* cd 2007 : " Vastelaovendj in St.Joas 2008"
HOME
PLAATSNAMENOVERZICHTHOMEBLOMEVAAS
2007/2008 nr.3 : Tekst & muziek: Lia van Neer
Zang: ZZZ’93
Refrein:
1, 2, 3, 10 waem haef ‘t Marie gezeen
zunkes op de wange
en ‘n roaj naas
’n vasteloavesbloes
en ein blomevaas
van pepiermaché en kippegaas
van pepiermaché en kippegaas
oait hej ich ein versjiening, en ich snapdje d’r niks van
ein meadje mit ein hieël roaj naas, en ein waterkan
noe zoaväöl joare later, weit ich auch waat det waas
die kan det woor gein waterkan, mer ein blomevaas
en ich höb dich gevônje, in de vasteloavestied
ein leefdje op ‘t ieëste oug, wôl dich noats mieër kwiet
doe woors vasteloavesgek, doe goofs mich te verstoan
det noa dees daag mien blome in, dien vaas mogte stoan
hieël oud gries en verslete en in het bejaardehoes
de weag waal èns kwiet en las van, vasteloavesbloes
kin ich dich neet vinje, kiek ich op de vinsterbank
en mis ich den ôs blomevaas, roop ich op de gank
* cd 2007 : " Vastelaovendj in St.Joas 2008"
HOME
PLAATSNAMENOVERZICHTHOMEHET BÖKSKE VAN DE BÔKKERIEJER (Groat Bôkkeriejersleed)
2009/2010: Tekst: Lia van Neer - muziek: Marloes Verheesen
Zang: ZZZ ‘93
Refrein:
Eine Bôkkeriejer zônger bôk
Is es ein dansmarieke zônger rok
Is es ein prinsepatsch mit zônger vaer
Es ein schutterie zônger gewaer
Is es ein moel zônger gebit
Zônne bôkkeriejer duit allein veur spek en boane mit
Daorom wiltj der altied weite wo zien bökske noe weer zit
Het bökske van de bôkkeriejer det is strondjverwintj
Wol gaer ein paar sökke, det is toch ongekintj
Det deerke löptj dees daag en det zuus doe neet zoa dök
Op oajerwetse zelfgestrikdje geitewulle sök
Op oajerwetse zelfgestrikdje geitewulle sök
Het bökske van de bôkkeriejer zoch ein gooi partie
Dach ens bie zien eige, woor Iris toch mer hiej
Pakdje eine snipperdaag en ging op good gelök
Op oajerwetse zelfgestrikdje geitewulle sök
Op oajerwetse zelfgestrikdje geitewulle sok
Het bökske van de bôkkeriejer woor ein bietje voel
Woord gewasse en gestreke, is noe weer gans koel
Lik noe in de kleierkas en tot zien groat gelök
Op oajerwetse zelfgestrikdje geitewulle sök
Op oajerwetse zelfgestrikdje geitewulle sök
HOME
PLAATSNAMENOVERZICHTHOMECARAMBA SAMBA
2004/2005: Tekst & muziek: Paula Savelkoul
Zang; Oet den Hook
Refrein:
Hiej is de samba caramba samba
Weer zènge en weer sprènge op de es samba beat
Gaon same danse ein bietje sjanse
Jao dees melodie die raaks se noats miëer kwiet
Weer gaon van veuör den nao achter en opziej in dé riej
Den drejje weer ein rundje en auch klappe weer derbiej
Dit is de samba caramba samba
Doontj noe mer mit en sloet aan in de riej
Eeder jaor mit vastelaovendj
Den is het weer zoa wiet
Doe kèns den weer gaon fiëeste
Weurs dien energie weer kwiet
Caramba is veur jonk en awt
Dae hèltj dich lekker fit
Dus dènk neet nao sloet aan
En dooch gezellig mit ós mit
De meziek begintj te drejje
En weer staon hiej paraat
Mer woo is ooze Harie
Hae is alweer te laat
Och kiek hae stuitj te sjanse
Hae löptj weer oet de riej
Zèk Harie laot èns gaon
En kom noe gauw der biej
HOME
PLAATSNAMENOVERZICHTHOMECARNEVAL SAAME
2008/2009: Tekst: Frits Verheesen - muziek: Anne Verheesen & Gregor Franzen
Zang: Trio Infernale
Dubidubidubi carneval oho
Dubidubidubi carneval oho
Dubidubidubi carneval oho
Dubidubidubi carneval
Refrein:
Weer viere saame carneval
Veur ôs is het weer drie daag bal
Weer trekke door de sjtraote
ein fieesnaas in ’t gezich
(oho)
Weer viere det mit völ plezeer
es get te doon is goan wer weer
Weer kenne het neet laote
toet het aswoonsdig is
Mit Sinte Merte vunk biej ôs
de vastelaovendj aan
De raod van ellef kömptj den biejein
die gaon d’r teagenaan
En es de kers den is gedaon
en nuujjaor auch veurbie
den barsjt biej ôs het fiees ech los
de zörg gaon den opzie
(De zörg gaon den opzie)
Weer boewe mit ein man of tieen
dea waage dea môt klaor
Weer lache ôs bekans kepot
Zoa geit det eeder jaor
Die weake nog veurdet den optoch
door ôs dörpke trektj
den höbbe weer al zoaveul spass
Aan humor gein gebrek
(Aan humor gein gebrek)
En is het echte wiekend dao
Drie dol daag op stjap
Den kôm ich biejnao neet nao hoes
Mien toes det is de tap
Den dans en zing ich altied mit
Ich sjônkel en ich lach
Den bön ich bliej biej dich te zeen
Ein jaor höb ich gewach
(Ein jaor höb ich gewach)
* cd 2008 : " Vastelaovendj in St.Joas 2009"
HOME
PLAATSNAMENOVERZICHTHOMECHA CHA CHA OP MIENE MONIKA
Tekst & meziek: Peter Kasik
Uitvoering: ZZZ '93
Refrein (2x) :
Heur ich de cha cha cha oet Zuid Amerika,
en det ritme leut, mich neet mie los.
Den sjpeel ich cha, cha cha, op miene monika,
en goaj ich al mien remme duchtig los.
De vastelaovendj is weer hiej, dao kens ze toch neet aan veurbie.
Polonaise sjoenkelwals, mer cha cha cha, jao det is 't gans.
De beinkes los op zienen tied, dao weur ze hieël dien zieël in kwiet.
Eeder ritme haef waal get, mer cha cha cha, geuf get mie cachet.
Den danse weer hiej op en neer, det duit òs toch zoaveul plezeer.
Luuj doontj allemaol mer mit, de cha cha cha hûltj uch toch zao fit.
HOME
PLAATSNAMENOVERZICHTHOMEDANSMARIEKE
Tekst: Lia van Neer - muziek: Peter Kasik
Uitvoering: ZZZ '93
Refrein:
Dans nog eine kieër Marieke, dans nog eine kieër veur mich.
Es ich weer nao dich kôm kieke, veul ich vastelaovendj in mich.
In dien allersjaonste pekske, haoj ich toch zoa väöl van dich.
Bös mien vastelaovesgekske, kôm dans, nog èns veur mich.
Zeen, dien beinkes gaon, geit mien hertje slaon,
es de ganse zaal den op de kop geit staon,
allerleefste, wil ich mit dich danse gaon.
Kom ens hiej biej mich, bön verleef op dich.
Laot òs same danse door de Sjterrenach,
kiek wie het Maönke lach.
Ich veul det ich laef, es ich ôm dich gaef,
krieg 't hieël erg werm van diene sjpeelse lach.
Bös 'n maedje wie oet 1000 en 1 nach.
Druimend van't gelök, waat bös doe ein sjtök.
Bön zoa bliej det 't weer Vastelaovendj is.
Ich höb dich zoa gemis.
HOME
PLAATSNAMENOVERZICHTHOMEDET IS BALE
2006/2007: Tekst & muziek: Arno Ruijten
Zang: De Veteranen
Ich woor toch èns zoa gaer, èns efkes miljonair
Dat hoap ich toch nog oats èns te belaeve
Ich höb altied weer hoap es ich ein läötje koup
Mar ich höb gein gelök, nag neet veur aeve
Ich weit neet waat det mit mich is
Woorôm geit 't stieëds weer mis?
Refrein:
Jao, det is bale man, jao, det is bale man
Ich höb de kriebels en ich slaop d'r neet mieër van
Jao, det is bale man, jao, det is bale man
Det zo'n gelökske in 't laeve neet èns kan
D'n aovendj woor gedaon, toen zoog ich häör dao staon
Zo'n maedje, wo ich zoa mit aan wôl pappe
Toen klônk 't ônverwach: "Det hej se dich gedach!"
Dao kums se mich neet aan, den kries se klappe"
Ich weit neet waat det mit mich is
Woorôm geit 't stieëds weer mis?
De vastelaovestied, dae wil ich noats mieër kwiet
D'n tied van sjaele kal en aoje wieve
Opèns is 't gedaon, den kumptj biej mich ein traon
Ich wôl det carnaval veur good kôs blieve
Ich weit waal wie 't mit mich is
Es ich vastelaovendj mis
* cd 2006 : " Vastelaovendj in St.Joas 2007"
HOME
PLAATSNAMENOVERZICHTHOMEDOE EN ICH
2001/2002 nr.1 : Tekst & muziek: Lia van Neer & Peter Kasik
Uitvoering: ZZZ '93
Refrein:
Kóm èns hiej doe lekker priej, kóm èns hiej en maak mich bliej.
Dans nog eine kiër mit mich en den zègk ich taege dich,
Kóm èns hiej doe lekker priej, kóm èns hiej en maak mich bliej.
Dans nog eine kiër mit mich, ich, kèn neet mië zónger dich.
Weer zeen twië henj op eine boek, doe bös de bloom en ich de sjtroek.
Doe bös de wèk, en ich de koos, doe bös 't sjpek in't moeremoos,
de sjlaagroom op miën sjtökske vlaai en auch 't ei-ke in de slaaj.
Doe bös 't kraeg'ske op miën beer, doe bös geweun miën lekker deer.
Weer zeen twië henj op eine boek, doe bös 't water ich de kroek.
Doe bös 't bleumke in de vaas, doe bös de wei en ich 't graas,
de sókker op miën nónnevot, het unke in de hiëringpot,
'n läötje oet de laoteriej, doe bös geweun miën lekker priej.
HOME
PLAATSNAMENOVERZICHTHOMEDRIE DAAG LANG
2009/2010: Tekst: Frank Schers en Arno Ruijten - muziek: Arno Ruijten
Zang: De Veteranen
Refrein:
Drie daag lang laote weer ‘m lekker gaon
Gein inkel pilske, det blieftj den staon
Weer zeen verklèdj es indiaan of es keplaon
Es weer ‘m drie daag laote gaon
Drie daag lang laote weer ‘m lekker gaon
Van de vreuge mörge toet de volle maon
En ôm de prins neet gans allein te laote staon
Laote weer ‘m drie daag lekker gaon
Op zôndig mit de optoch mit
Den stuitj de zaak vas oppe rit
’t Mitdoon is veur ôs de de bèste start
Den kumptj ter vastelaovendj in ‘t hart
Op maondig is ’t weer zoa wied
Den is ’t boerebroeloftied
Op dinsdig oppertied aan ‘t buffèt
Dus es g’r zin höbt gaotj den mit ôs mit
Op dinsdigaovendj is ’t ech gedaon
Den höbbe weer ‘m driej daag laote gaon
HOME
PLAATSNAMENOVERZICHTHOMEDEN ECHTE KLOON
2003/2004: Tekst & muziek: Broer Wijnen
Zang (*) : Oet den Hook
Refrein:
Mit eine roaje roete jas
En ein gael gelepjde boks
Gaon ich drie daag op jats
Ein greun pruuk op miene bol
En ein heudje vanne pap
Höb ich de grootste lol
Auch mit fieftig inne sjoon
En ein naas wie ein tomaat
Bön ich die daag den echte kloon
Zoa taege februari
Den heit ich neet mie Harie
Ich wil den emes anges zeen
Es kloon bön ich gebaore
Verkleij mich zoa al jaore
't kriebeltj mich van kop tot teen
mer luuj waat is dat sjoan
es ich mich zoa vertoan
't Fieës det kan beginne
mer ieës nog effe pinne
want beerke höb ich toch zoa gaer
ich gaon noe oppe klater
mien kaelke weurdj stieëds nater
ich wiebel rondj, ich bön net ein vaer
mer luuj waat is det sjoan
es ich mich zoa vertoan
* cd 2004 : " Vastelaovendj in St.Joas"
HOME
PLAATSNAMENOVERZICHTHOME'T EI VAN SINT JOAS
2007/2008 nr.2 : Tekst: Jan Ruijten - muziek: Ton en Henk
Zang (*) : APC
Refrein:
Biej 't ei van Sint Joas dao kloptj oos Limburgs hertje
Mer det sjoonste ei det krieg nag ein stertje
Want mit de vastelaovendj den weurdj 't eine pries
Waem kumptj den es volgendje op de eier-lies
Daegene krieg det ei, det is veur ziene troas
Dae krieg den det ei ..... van Sint Joas
't Is euveral bekindj, dao kins doe van op aan
Doe hoofs neet wiet te gaon, toet aan de autobaan
Dao zuus ze ’t al ligke, te bakke in de zón
't Ei van Sint Joas, zoa róndj wie ein tón
Auch in oos eige dörp, den mit die gekke daag
Dao liktj ós den det ei get zwaor op de maag
Es dich 'ns get gebeurdj is, of haws doe gein good zich
't Ei van Sint Joas, mesjien waal veur dich
* cd 2007 : " Vastelaovendj in St.Joas 2008"
HOME
PLAATSNAMENOVERZICHTHOMEFIEËSTE WIE DE BIEËSTE
2003/2004: Tekst & muziek: Paula & Broer
Zang (*) : Oet den Hook
Refrein:
Weer gaon noe fieëste, fieëste wie de bieëste
En nemes stuit nog aanne kandj
Want es weer fieëste, fieëste wie de bieëste
Doon weer det same handj in handj
En oze prins dae geit veurop'
Hae zitj de ganse tent hie oppe kop
Kom êns lekker aanne gang
Want 't doertj mer drie daag lang
Mit ein sjoan geschminkdje snoet
Gaon weer same der op oet
Dao is spas veur ederein
Polonaise achter ein
Laot uch gaon mit dees sjaon daag
Det is good veur oze maag
Fieës mit tamboerijn en fluit
Is 't snoonste waat bestuit
Aanne tap dao blief ich staon
Nemes dinktj aan heives gaon
* cd 2004 : " Vastelaovendj in St.Joas"
HOME
PLAATSNAMENOVERZICHTHOMEGAEF MICH MER GET TE RAMMELE
2000/2001: Teks & meziek: Sjack Bakkes
Oetveurende: Hilly Hawinkels, Har Maessen en 't Knettergek orkes
Refrein:
Gaef mich mer get te rammele, den bön ich alweer stil.
Gaef mich mer get te rammele, den höb ich waat ich wil.
Gaef mich mer get te rammele, den bön ich weer content.
Es 't laeve maaktj en väol kabaal, den bön ich zone vent.
Wie ich eine kleine baby woor, wol ich al get te rammele.
Mam, die koch mich eine rammelieer, daomit ging ich toen al te kieer.
Wie ich later al get groter woor, ging dae klomel mich kepot.
Eine rumbabol woor mien gelök, dae brach het laeve toen weer trök.
Noe ich awd en auch versjtenjig bön, wil ich nog stieeds get rammele.
Eine rumbabol of tamboerijn, rammele det blief altied fijn.
Zeker in de vastelaovestied, rammel ich der flink op los.
Drie daag laeve make en kabaal, det is de vastelaovestaal.
HOME
PLAATSNAMENOVERZICHTHOMEICH ZIT DE BLEUMKES BOETE
2008/2009: Tekst & muziek: Broer Wijnen & Sjack Bakkes
Zang: ’t Knettergek Orkes
Refrein:
Ich zit de bleumkes noe ens richtig boete
en haol die daag missjien nog gaar gein sloete
Good gemötsj gaon ich mich eine drinke
want get sjooners ken ich neet bedenke
Laot mer gaon ’t is mich allemaol egaal
auch al kosj ’t mich dees daag ein kapitaal
Ich maak mich den auch gaar gein dikke bein
want weer viere vastelaovendj groat en klein
Waer ich ‘t ’s morges wakker
bön ich den erme stakker
Ich môt alweer gaon maore
zoa geit det noe al jaore
Mer kump den tied van alaaf
bön ich den auch drie daag verslaaf
Ich gaon mich ammezeere
en daobiej lekker smeere
Dit môs ’t dökker gaeve
Ich höb ein prinselaeve
En is ’t straks den weer gedaon
Höb ich ter geine laote staon
* cd 2008 : " Vastelaovendj in St.Joas 2009"
HOME
PLAATSNAMENOVERZICHTHOMEJOEGHEE NEDERLANDJ
Teks: Kasik - meziek: Kóbele
Uitvoerende: Plavuus
Refrein:
Joeghee Nederlandj, de groete oet Limburg.
Joeghee Nederlandj, waat is ter aan de handj.
Doa wo weer plat doon zènge, oet de bandj èns sjprenge,
joa, doa höbbe weer sjpass en plezeer.
En es de zòn ònger geit in oos Limburgs landj,
den danse weer nog op en neer.
Soms tòt smörges vreug, waere gaar neet meug.
Det is oos natuur, en mit zòn cultuur.
Nae weer zeen neet krank, auch es Hollandj jank.
De groete oet òs schòaene Limburgs landj.
Weer zeen internationaal mit 'n eige taal.
In ’t Hollands klinktj ’t allemoal zoa kaal.
Auch zeen weer neet bang, en ’t doertj al lang.
Wetgerwaal, ’t Limburgs is zoa geniaal.
En weer danke den Hiér want ’t is ein iér .
Wees gegroet doa boave weer zeen oetverkoare.
Woarom is dit leed, waat ein groat verdreet.
’t Hollands moelle weer toch lever neet.
HOME
PLAATSNAMENOVERZICHTHOMEDE KASTELEIN WILTJ SLOETE
2006/2007: Tekst & muziek: Broer Wijnen
Zang: t Knettergek Orkes
Weer drinke gaer ein glaeske beer
En make same väöl plezeer
't Geit ôs good, weer zeen oké
In oos gezellig stamkefee
Op ens is 't zoa wiet
Den is 't alweer sloetingstied
Refrein:
Kastelein, doe kins toch neet gaon sloete
Kastelein, doog ôs det neet aan
Woorôm môtte weer noe al nao boete
Kôm, plek nog mer ein uurke draan
Laot ôs same toch nog eine drinke
En es 't geit toet ein oer of drie
Den ligge weer ôs op oos prie
En in de vastelaovestied
Den zeen weer oer en daag stieëds kwiet
Weer gaon mer door toet 's aoves laat
en weite neet van wie of waat
Zeen weer ein bietje mups
Den zingtj hie auch de ganse bups
* cd 2006 : " Vastelaovendj in St.Joas 2007"
HOME
PLAATSNAMENOVERZICHTHOMEKOM MER BINNE
2003/2004: Tekst & muziek: Prins Sjack III - 2000
Zang (*) : 't Knettergek orkes
Refrein:
Kom mer binne, kom der biej-hiej, hiej is nog ein plaetske vriej
Kom mer binne, sjuuf ens op, iers se 't wits is 't veurbiej
Kom mer binne, doon mer mit, maak mit os sjpas en plezeer
Vastelaovendj is begonne hiej stoan wer den alweer
Es 't vastelaovendj is den geit den tied zoa sjnel,
't begint en 't is zoa alweer veur biej
In ut kefeeke oppe hook dao is 't weer hiel drôk
Dao kriegse geine sjtool en auch gein plaats mier op ein krôk
ich dach hiej koms se neet mier binne, kins der neet mier biej
toen repe al diej vastelaovesgekke kom der biej
wie ich toen eimal binne woor woor ich op mien gemaak
weer zonge en weer dansjde der mit alleman op raak
opens toen stjonge vastelaovesgekke veur de deur
en weer hôbbe toen op die men gerope kom noa veur
* cd 2004 : " Vastelaovendj in St.Joas"
HOME
PLAATSNAMENOVERZICHTHOMEKÓM NOE MIT EN LAOT ÓS GAAN
2007/2008 nr.5 : Tekst & muziek: Broer Wiene (mmv Sjack Bakkes)
Zang (*) : 't Knettergek Orkes
Refrein:
Kóm noe mit en loat ós gaon
Want weer kriege niks gedaon
Stank dao neet zoa stief te staon
Laot dich noe ins richtig gaon
Vastelaovendj is veur ós gemaaktj
De juuste snaor die weurtj hie geraaktj
Profeteert en goatj uch los
Want aswoonsdig zeen weer toch de klos
Maaktj plezeer en laeftj drop los
Want aswoonsdig zeen weer oetgehos
De elfde vanne elfde is eder jaor 't zelfde
Den dink ich edre aovendj allein aan vastelaovendj
lch mót nog effe wachte det waere bès lang nachte
Mer den is't zoa wiet hae is weer dao, dae sjoane tied
Laot ós nog eine drinke en nörges mieë aan dinke
Waat höbbe weer ein laeve
doontj mit dit doertj mer aeve
Weer gaon der van genete doe wils 't straks neet wete
Want den is 't zoa wiet Hae is veurbie, dae sjoane tied
* cd 2007 : " Vastelaovendj in St.Joas 2008"
HOME
PLAATSNAMENOVERZICHTHOMEDE KROEKESTOPPEDANS
Tekst: ? - muziek: ?
Zang: De Kroekestöp
Refrein:
Kroekestöpkes danse, Kroekestöpkes sjanse,
Kroekestöpkes zinge, Kroekestöpkes springe
Hendjes op de knie, hendjes in de zie en mer wiebele mit ‘t kuntje
Springe op de grondj, hendjes op de kop en weer drejje nog em rundje
Doe doe doe doe doot mer mit os mit
Doe doe doe doe bliefs den lekker fit
Kroekestöpkes danse, Kroekestöpkes sjanse,
Kroekestöpkes zinge, Kroekestöpkes springe
Hendjes op de knie, hendjes in de zie en mer wiebele mit ‘t kuntje
Springe op de grondj, hendjes op de kop en weer drejje nog em rundje
‘t Is vastelaovendj in oos St. Joasterlandj
den danse weer aan em stok handj in handj
Groat en klein, jongk en awt same ongerein
Kroekestöpkes danse en sjanse mit-em
Mer ich bon neet op dich, dich of dich, gein kans
Noe kôm d’r biej en dans dich mer in brandj
of dorf se fleet den kom mer aan mien handj
Alle beinkes gaon noe lenig van de vloer
Auchal is det veur sommige eine hieële toer
De Kroekestöppedans dae is pas vet
Dae danse weer auch straks
HOME
PLAATSNAMENOVERZICHTHOMEDE KROEKESTOPPEPOLONAIS
Tekst: ? - muziek: ?
Zang: De Kroekestöp
Weer tjoeke door ‘t sjoan St. Joaster vastelaoveslandj
Dao is niks sjoonders, daorôm tjoeke weer os zoa in brandj
Weer tjoeke onger brokskes door, ‘t endj kumptj noajt in zich
De buun op door de keuke, tsjonge waat em sjoan gezich
De Kroekestoppe-polon
Refrein:
Tjoe-ke-tjoem tjoe-ke-tjoem, tjoe-ke-tjoem tjoe-ke-tjoem, (fuut fuut)
Weer make eine polonais zoa Iangk wie eine trein
Veurop ‘t prinsepaar, alle Kroekestöpkes achterein
‘t Tempo geitj noe snel omhoag, dus sloet mer aan en hang dich vas,
Wie eine sneltrein achterlangs en veurlangs, noe begintj ‘t pas
Tjoe-ke-tjoem tjoe-ke-tjoem, tjoe-ke-tjoem tjoe-ke-tjoem, (fu Ut fuut) (snel ler)
Tjoe-ke-tjoem tjoe-ke-tjoem, tjoe-ke-tjoem tjoe-ke-tjoem, (fu ut fuut) (nog sneller)
Tjoe-ke-tjoem tjoe-ke-tjoem, tjoe-ke-tjoem tjoe-ke-tjoem, (fu Ut fuut) (snelst)
En noe weer op die rem (ieieieieieie!!!!)
Gein brökske is veur ôs te Iieëg, weer make ôs den klein
Weer gaon den op de hoeke achterein, auch det geit fijn.
Doch neet te lang, den kraakt dae sjoane trein aan alle kenj
Dus allemaol weer loupe en mer tjoeke mit dien henj
HOME
PLAATSNAMENOVERZICHTHOMELAOT GAON
2006/2007: Tekst & muziek: Paula Savelkoul
Zang: Oet den Hook
Refrein:
Laot gaon, 't is vastelaovestied
Laot gaon, dae wil ich noajts mieër kwiet
Laot gaon en pak mich biej de handj
Vier mit mich vastelaovendj
In 't sjoane Limburgs landj
Zoa rondj de februarie
Begintj 't weer te kriebele
Ich weit den neet waat aan mich is
Vanzelf gaon ich wiebele
Mien pekskes zeen al bienao klaor
en hange aan de kas
Want in de vastelaovestied
Höb ich de grootste sjpas
En es ich saoves stappe gaon
Den höb ich väöl plezeer
Ich drink mich den auch oppertied
Ein lekker glaeske beer
Is 't den tied van sloete gaon
Den höb ich geine zin
Pas vastelaoves-dinsdag
Hauw ich de pin d'r in
* cd 2006 : " Vastelaovendj in St.Joas 2007"
HOME
PLAATSNAMENOVERZICHTHOMELAOT MÖRGE TOCH MER MÖRGE ZEEN
2009/2010: Tekst & muziek: Frits Verheesen
Zang: Trio Infernale
Refrein:
laot mörge toch mer mörge zeen
det kömptj noch vreug genôg
laot gister toch mer gister zeen
det book det is noe toe
Weer viere vastelaovendj,
dinke neet miee aan de tied
met vasteloavendj zeen weer
zoawiezoa weer alles kwiet
höbs doe altied stress en zörg
môs doe dit en det
höbs doe noats miee geine tied
den zegk ich dich 'ns get
höbs doe noatj de kop 'ns vrie
het werk auch noatj gedaon
loester den nao deze raod
laot alles mer 'ns staon
Vastelaovendj viere weer
de prins stuitj aan het roer
kieke toet aswoonsdig den
neet miee oppe oer
HOME
PLAATSNAMENOVERZICHTHOMEDE LETSTE IS DE BESTE
2006/2007: Tekst & muziek: Lia van Neer
Zang: ZZZ '93
Eine môt de ieëste zeen en auch eine de lèste
Noe vraog ich mich toch waal èns aaf, wat is den noe 't bèste?
De ieëste heaf de bèste plaats, de lèste slutj de rie
Woorôm kiek noe de lèste man, den toch zoa döks zoa blie?
Refrein:
Ômdet der sloete moog, en de lamp oet moog doon
Ômdet der zörg väör de lèste oet 't veatje
Ômdet d'r hem good haef geraaktj
Alles haef mit gemaaktj
Omdet der doeargeit
Toet aan het geatje
Geis doe mit die daag op stap en geis doe nogal vreug
Den bös doe waal es ieëste dao, mer auch es ieëste meug
Gank toch èns get langer door en bön ens neet zoa braaf
Want dae het lès gesjaote haef, dae haef de vogel aaf
De lèste in de polonais, dae haef altied vrie baan
Es lèste in de optoch kump de prinsewage aan
En in de mès blifs doe auch tôt de lèste stoan
Want nemes wilt toch veur 't zinge al de kèrk oet goan
* cd 2006 : " Vastelaovendj in St.Joas 2007"
HOME
PLAATSNAMENOVERZICHTHOMEMIEN INGELKE
Teks: Lia van Neer - meziek: Peter Kasik
Uitvoering: ZZZ' 93
Refrein (2x) :
Doe bös mien leveke, mien sjatteke, mien ingelke dees daag.
Es ich dich weer zeen sjtraole, den raak ich finaal van sjlaag.
Doe bös mien sjnubbelke, mien mupke en ein lekker sjattepupke,
bös mien allerleefste ingelke vandaag.
Ich woor op de dansvloer, en keek dao ens rondj.
Dao zoog ich ein ingelke, zoa sjoan en zoa blòndj.
Ich kòs 't neet gluive en det hiej op aerd.
Dae dans mit det ingelke, det woor mich get waerd.
Ich ging 't 'ns haole, het keek mich èns aan.
Het krenske ging sjtraole, ein vlemke ging aan.
Weer dansjde toen same, tot laat in de nach.
Het woor biej ein wel-ske, wie ich 't haor zag.
HOME
PLAATSNAMENOVERZICHTHOMEMIENE JAS
2008/2009: Tekst: Wim en Paul Thomassen & Paula Savelkoul - muziek: Paula Savelkoul & Sjack Bakkes
Zang: Oet den Hook
Refrein:
Is ‘t de 11e van de 11e gewaes
Mien jeske moog weer straole
Geine vastelaovendj zônger hem
Hae kèntj mien verhaole
‘t is de 11e van de 11e gewaes
Hae klèdj mich allemaol die daag
Ich bön zoa gruets op miene jas
Mit zien bölkes en dae bontje kraag
Het ganse jaor in de plestik in unne duustere kas
Miene allerleefste och, toch zoa verslete jas
Allerlei aoj prulle, ein patsj of dieke trôm
’t weurtj op dich gesmete det is toch hieël erg stôm
Mer es de zomer den zien lèste sträölke haet gestraoldj
Den wil ich dich weer höbbe weurs te oet de kas gehaoldj
De prie begintj te rammele, November kumptj d’r aan
Want in de vastelaovestied staon ich mit dich veuraan
Auch al böste neet de sjoonste mieër en ruukse nao de môt
Doe bliefs toch veur altied mien aoj verslete vod
Al paste mich get minder, det maaktj toch gaar niks oet
De kluëre van ’t wasse zeen auch ein bietje droet
Mer es de vastelaovestied veur ôs weer is gedaon
Stuisse rechop van de zweit en môsse weer de was in gaon
Det kintj mich gaar niks sjaele aan ’t ènj van elk jaor
Hings ze es mien jeske weer lekker veur mich klaor
* cd 2008 : " Vastelaovendj in St.Joas 2009"
HOME
PLAATSNAMENOVERZICHTHOMEMIENE LEVE SJENG
2004/2005: Tekst & muziek: Broer Wijnen
Zang: Oet den Hook
Biej os dao woonij ein menke
Klein van stök en kogelróndj
Weer numme hem oos Sjengske
Bekèndj wie eine bóntjen hóndj
En kömptj de vastelaovendj
Den numptj ter 't neet zoa naw
Hae staptj den eederen aovendj
En hae is waal dökker blaw
Refrein:
Miene leve Sjeng, waat höbs se gister weer gedaon
Doe kos haos amper op dien beinkes staon,
De vastelaovendj zeen veuör dich de daag
Dets doe alles kèns en alles maag
En aan het buffèt reups ze stiëeds alaaf alaaf
Sjöt mer in want het vaat is nag neet aaf.
Hae hosj de ganse aovendj
En doe krigs hem neet kepot
Zoa viertj hae vastelaovendj
Sjeng veulti zich wie eine zot
En is 't bienao sloete
Zoa 's nachs óm ein oer of twiëe
Den mot oos Sjeng nao boete
Want hae krig ter geine miëer
HOME
PLAATSNAMENOVERZICHTHOMENEET NAO HOES
2008/2009: Tekst & muziek: Daniëlla Daelmans
Zang: BGL ‘04
D'r is 'n tied van kômme
d'r is 'n tied van gaon
det kômme kosj gein meujte
weer zeen neet weg te sjlaon
Auch mit de vastelaovendj
den zulse ‘t weer 'ns zeen
den blieve weer weer plekke
het gaon is ein probleem !
Refrein:
Want weer wille ...
Neet nao hoes,
nog neet nao hoes
weer zeen hiej mit z'n alle
dao is toch geine thoes
het is väöl te gezellig
dus sjöt nog mer ‘ns in
weer blieve toet ze sjloete
de sjpas zit d'r good in
Doot nog ’ns ein rundje
maak het vaat nog effe laeg
het zeen altied dezelfdje
die d'roet waere gevaeg
det kinne weer neet helpe
weer zeen aan sjpas versjlaaf
dus gaon weer weer es lèste
het is weer supergaaf !
De kastelein zaet sjloete
den kriebeltj ôs ‘t blood
het zal toch ech neet waor zeen
weer haoje gooje mood
haoj 'm aan de kal
probeer get tied te rèkke
het is nog zoa gezellig
weer wille neet vertrèkke !
* cd 2008 : " Vastelaovendj in St.Joas 2009"
HOME
PLAATSNAMENOVERZICHTHOMEPAK MICH ÈNS VAS
2003/2004 nr.1 : Tekst & muziek: Lia van Neer & Peter Kasik
Zang (*) : ZZZ 93
Refrein:
Pak mich èns vas achter aan dae Sjluppejas,
en waggel mit in de pas.
Boerekeel of es Kloon, kôm mer derbiej,
sjrankel mit in de riej, ziej aan ziej.
Pak mich èns vas achter aan dae Sjluppejas,
haol alles oet de kas.
Want weer höbbe noe vriej baan,
en wèr gaon der taegenaan.
Vastelaovesgekke, sloet uch noe mer aan.
Gans Sint Joas, det viertj noe Vastelaovendj,
en dao is den weer richtig get oet.
Eeder jaor is det zoa vaölbelaovendj,
alle gekke, die trèkke den droet.
Jao, det is den toch gans gaaf,
en zènge drie daag lang alaaf.
Vastelaovendj, det is neet te liëre.
Vastelaovendj, det zit in dien priej.
Mer weer haoje 't hiël good in iëre.
Kôm derbiej in de riej, ziej aan ziej.
Want den is 't weer good raak,
en gans Sint Joas geit oet zien daak.
* cd 2004 : " Vastelaovendj in St.Joas"
HOME
PLAATSNAMENOVERZICHTHOMEPAOL HAOJE
2006/2007 nr.1: Tekst: Jan Ruijten - muziek: Henk en Ton
Zang: APC
Refrein:
T'is weer zoa wiet, de vastelaovendj kumptj d'raan
Van links nao rechs en op en aaf, zoa goan weer draan
En weer gedrage ôs wie eine halve zaol
Mer det boeitj ôs nieks, want weer haoje paol
Es de kefee toe geitj, geldj det veur allemaol
Mer det boeitj ôs nieks, want weer haoje paol
De paol, et is veur ôs zoaget eie eine God
Dus haoj dich dao aan vas en val net op dien vot
Veural mit sloetingstied, det weite weer den allemaol
Den wille weer neet droet en hoaje stevig paol
Noe mit de vastelaovendj is 't nag èns zoa erg
Veur draan te kômme, weer beklumme ganse berg
De kastelein, dae reuptj de lèste veur ôs allemaol
Den wille weer neet droet en hoaje stevig paol
En einmaol thoes is den 't leid nog net veurbiej
't Béd, det drejdj, toch slaop ich lekker op ein ziej
En smörges ruptj de vrouw: "En noe 't bèd oet, halve zoal"
Den wille weer neet droet en hoaje stevig paol
* cd 2006 : " Vastelaovendj in St.Joas 2007"
HOME
PLAATSNAMENOVERZICHTHOMESLOETINGSTIED
Teks & meziek: Peter Kasik Uitvoering: ZZZ 93
Refrein:
Gaef mich noch eine, de lèste van 't vaat.
Gaef mich noch eine, 't is noch neet zoa laat.
Gaef mich noch eine veur 't slaope gaon.
De allerlètse, op ein bein kèn ich neet sjtaon.
Ich gaon zoa gaer 'ns sjtappe, mit miense, die det sjnappe.
Mit Vastelaovendj geine sjtress, den kom ich weer èns tot mien rös.
Den dans ich kin aan kin, höb ich 't nao de zin .
Waat ich de waard verwiet, det is de sloetingstied.
Asgoonsdig gaon ich kappe, allein 'ne hiëring happe.
't Is weer veur ein poäs gedaon, want mörge mot ich wirke gaon.
Ich maak den niks paraat, vandaag weurtj 't weer laat.
Den höb ich zone sjpiet, sjout woor dae sloetingstied.
HOME
PLAATSNAMENOVERZICHTHOMESPUNNE LIEËNKE
2008/2009 nr.3 : Tekst: Lia van Neer - muziek: Johan Derrez
Zang: ZZZ’93
Lieënke is ein heks
Doa is neet alles mit gezag
Het is neet om aan te zeen
Zoea lieëlik es de nach
Haore op de naas
En ’t haef vratte op de kin
En kiektj het Lieënke dich ens aan
Vergeit dich waal de zin
En den reuptj Spunne Lieënke och waat höb ich dit gemis
Ich bön zoea blie det het weer vasteloavendj is
Refrein:
Lieënke spunne Lieënke
Haef ’t uterlik neet mit
Vandao det Lieën ’t ganse jaor
Het leefste binne zit
Mer weurdj ’t vasteloavendj
En kumptj het heksebal
Den haoltj Spunne Lieënke
Heure baezem weer van stal
Lieënke is de heks
Van de Homberg in Sint Joas
Vluugtj zie op heure baezem
Den snietj het van de roas
Ratte spunne muus
Het löptj dich koud euver de rök
En es het op dich aaf kumptj stuit
’t zweit dich in de zök
En det geit zoea al jaore want Lieënke is stokoud
zoea lieëlik es de nach, mer mit ein hert van goud
* cd 2008 : " Vastelaovendj in St.Joas 2009"
HOME
PLAATSNAMENOVERZICHTHOMEST JOASTER VASTELAOVESTWIS
Tekst & muziek: De Buurvrouw (geholpe door de buurman)
Zang: Heemelse Módder
Refrein:
'tis vas, vas, vas-te-!aovendj
'tis vas, vas, vas-te-!aovendj
'tis vas, vas, vas-te-!aovendj
'tis vas, vas, haoj em drie daag vas,
Sint Joas det is ein dörp zoa fijn
Dao is carnaval veuör groat en klein
't ganse dörp stuitj op de kop
en ederein wiltj den veuörop
En euöveral heuërs se deze twis
(lache, sprènge drie daag lank)
Omdet het vaslelaovendj is.
(en euöveral heuërs se deze klank)
Sjöt ós nag mer èns eine in
Want hiej in höbbe weer drie daag zin
Geneet van deze sjoanen tied
De stress waere weer zoa waal kwiet
Dees drie daag gaon hiëel snel veurbiej
Mer gelökkig zeen weer noe nag hiej
HOME
PLAATSNAMENOVERZICHTHOMESTOP DE TIED!
2008/2009: Tekst & muziek: Arno Ruijten
Zang: De Veteranen
Ich leep èns mit mien maedje door de aovendj
De maon die sjeen zoa sjoan, ’t woor väölbeloavendj
Wie weer dao zoa stilkes leepe door de nach
Wit se waat ich toen hieël stiekem höb gedach
Refrein:
Stop de tied, stop de tied!
Det sjoan geveul det wil ich noaits mieër kwiet
Stop de tied, stop de tied!
Den höb ich mörge geine spiet
Ich wil in det geveul noe blieve hange
Den hoof ich dao neet stieëds nao te verlange
Stop de tied, stop de tied!
Want anges bön ich, ’t kwiet
Ich zoot èns mit get vrunj in ein kefeeke
Dae kastelein dae hèj ’t good bekeke
Want ’t woor dao zoa gezellig in de boet
Taege sloetingstied toen repe weer ’t oet
Ich ging èns good op stap mit vastelaovendj
De stumming woor hieël good en väölbeloavendj
Wie de lèste polonaise woor gedaon
Leek de tied hieël efkes veur ôs stil te staon
* cd 2008 : " Vastelaovendj in St.Joas 2009"
HOME
PLAATSNAMENOVERZICHTHOMETIED IS GELDJ
2003/2004: Tekst & muziek: Arno Ruijten
Zang (*) : De Veteranen
Refrein:
Tied is geldj, time is money
Det is ein waorheid wie ein koe
Time is geldj, ties is money
Det weite ich en dich en doe
Tiet is geldj, time is money
Of 't dich waal of neet beveldj
Es se dus zieë van tied höbs
Kins se zwumme in 't geld
Weer loupe stieëds te jakkere en te jage
En weer kinne noats van nemes get verdrage
Ederein dae haet 't drök drök drök
Kôs de tied mer èns ein tiedje trök
't Is veur èns en altied noe vermeldj
Höbs se tied den höbs se geldj
Det geldj dich neet gelökkig maaktj det witse
Dus doe hoofs dich op väöl geldj auch neet te spitse
Gank op zeuk nao vrieje tied tied tied
Den bös se zoa dien geldjzörg kwiet
't Is veur èns en altied noe vermeldj
Höbs se tied den höbs se geldj
* cd 2004 : " Vastelaovendj in St.Joas"
HOME
PLAATSNAMENOVERZICHTHOMEVASTELAOVENDJ IS EIN GEKKEHOES
2004/2005: Tekst & muziek: Arno Ruijten
Zang: de Veterane van VV Sint Joost
Refrein:
Vastelaovendj is ein gekkehoes
Mer in det hoes, dao veule weer oes thoes
Weer zeen dao drie daag, op oos plek
Weer doon den drie daag, knettergek
Vastelaovendj is ein zottekot
't Ganse laeve ligk den oppe vot
Mer dao is nieks mieër, aan te doon
Weer spele drie daag, noe de kloon
Vastelaovesgekke, die gaon den oet de bol
En die aoje wiever gaon vanaovendj aan de rol
In de polonaise hosse in ein lange riej
Meziek dae klinktj der van, ein Zaate Hermenie
Es se ôm dich haer kieks, den zuus se waat ich mein
Want ederein dae zingtj en dans gewuen mit ederein
Alle zörg vergaete vleeg èns lekker oet de bôch
Gewuen doon is die daag, èns net neet gek genôg
HOME
PLAATSNAMENOVERZICHTHOMEVASTELAOVESGEK
2002/2003: Tekst & muziek: Sjack Bakkes
Zang: 't Knettergek Orkes
Refrein:
Eine echte vastelaovesgek, dae herkin se aan dae gekke bek
Eine echte vastelaovesgek, dae zitj neet vreug oppe stek
Eine echte vastelaovesgek, is de sjoonste mins van't dorp
Vastelaoavesgek, det is knettergek, det is fieëste toet se neet mieër kins
Vastelaovesgek, det is knettergek, is 't sjoonste veur de mins
De vastelaovesgek dae geit mer ins per joar drop oet
Hae trok zich den zien pekske aan en vèrftj auch nog zien sjnoet
Hae zeuktj zich ziene rammelieër zien tamboerijn en geldj
Hae viertj het vasteloavesfies vergitj de ganse weld
Hae truktj den rondj mit alles mit en maaktj volop plezeer
Verteldj mit ederein en drunk ein lekker glaeske beer
Hae maaktj veur zich het sjoonste fieës en duit mer waat ter wiltj
Dat is het vastelaovesfieës wie hae det haef gewiltj
HOME
PLAATSNAMENOVERZICHTHOME'T VASTELAOVESMENKE
2004/2005: Tekst & muziek: Sjack Bakkes
Zang: 't Knettergek Orkes
Refrein:
't vastelaovesmenke is op
roete boks en patsj oppe kop
road gael greun det duit ter zich aan
net wie de vastelao-vesvaan
es de zomer is gedaon
den laote weer weer ein traon
't menke druimtj in ziene slaop
fieeste det is ziene haop
stuitj 't menke den ens op
hae zuut den weer ziene kop
hae dinktj wie zeen ich noe weer oet
ich mot get aan en drop oet
es ter den zien kleijer haef
zuutj ederein det ter laef
't vastelaovesmenke hiej
is monter en heurtj derbie
vastelaovendj geit veurop
haef den niks aan ziene kop
toet assewoonsdig in de rie
Den is 't fies weer veurbiej
HOME
PLAATSNAMENOVERZICHTHOMEVASTELAOVESMEZIEK
Tekst & muziek: Sjack Bakkes
Zang: 't Knettergek Orkes
Refrein:
Vastelaovesmeziek haef de allerbèste klank
Hae geuf dich väöl plezeer
Mit träöte en gezank
Vastelaovesmeziek dae klinktj door 't limburgs landj
Weer gaon weer handj in handj
Es de vastelaovendj dao is, den kumtj dae kriebel trök
Den begintj 't weer te jeuke, vanne teen toet oppe rök
Esse neet wils achterblieve, den pak se dich weer op
Haols 't pekske oet en doe vèrfs dien sjnoet, alles stuit weer oppe kop
Huer ich vastelaovesslagers, den veul ich mich weer good
Van det carnavalsmeziekske, struimtj mien vastelaovesblood
En 't geit wo 't neet gaon kan, ich veul 't euveral
Kin neet stil mieër sjtaon wil neet heives gaon, want 't is weer carnaval
HOME
PLAATSNAMENOVERZICHTHOMEDE VASTELAOVESTREIN
2007/2008 nr.4 : Tekst & muziek: Paula Savelkoul (mmv Sjack Bakkes)
Zang (*) : Oet den Hook
Refrein:
Hollaladijee hollaladijoo
't is zover noe gleuf mich mer
Jao weer zeen wieder doa
Hollaladijee hollaladijoo
Noe sjeet 'ns op 't is zo gedaon
D'n trein mót wiejer gaon
Vastelaovendj viere det duis se neet allein
Same geis se mit in de vastelaovestrein
Zeuk dich gauw get kleijer sjmink dich dien gezich
De trein dae stopt altied en zeker ouch veur dich
Hae tjoeketjoekt maar wiejer al daag en eder nach
He haef hiej in Limburg al veul plezeer gebrach
En wo d'r den op aan geit det maakt gaar niks oet
Waat allein maar tèltj doe bös weer 'ns d'r oet
Hae geit jaor in jaor oet en waem witj nog wielang
Weer vastelaovendj viere maar luuj noe zeentj neet bang
'T doertj noe al joare det vinje weer zo fijn
(dus) Kóm noe maar mit in de vastelaovestrein ...
* cd 2007 : " Vastelaovendj in St.Joas 2008"
HOME
PLAATSNAMENOVERZICHTHOMEWAAT IS 'T LAEVE ZÔNGER TE GAEVE
2009/2010 nr.1 : Tekst: Jan en André - muziek: Ton en Henk
Zang: APC
Refrein:
Waat is ’t laeve, zônger te gaeve
Dae geuf waat d’r haef, is waerd det d’r laeftj
Waat is ’t laeve, zônger te gaeve
Det men det in deze tied nog mit belaeftj
Dit jaor mit vastelaovendj
den gaef ich mich weer gans
Ich gaon den lekker stappe
en raak totaal in trans
Waat bön ich den gelökkig
waat veul ich mich den blie
Es ich mit kan sjoenkele
op dees sjoan melodie
Mer gaeve kan auch anges
den geuftj men get van zich
Men geuftj veur eine angere
det duitj men auch veur dich
Want gaeve in ’t laeve
det huuertj gewuuen d’r bie
Wie vastelaovendj viere
mit dees sjoan melodie
HOME
PLAATSNAMENOVERZICHTHOMEWEER GAON ENS LEKKER OPPE KLATER
2009/2010: Tekst & muziek: Broer Wiene
Zang: ’t Knettergek Orkes
Refrein:
Geisse mit weer gaon ens lekker oppe klater
Maak niks oet al höbs se mörge eine kater
Det heurtj der bie ich höb ‘t inne gate
‘t weurtj vanoavendj toch weer eine late”
waat is ’t laeve sjoan mit vastelaovendj
van de mörge tot hieël laat in den aovendj
en weurse taege ’n oer of ein get meug
den zaesse toch geweun tot mörgevreug.
Ich zoog ein hieël net maedje
Waat woor mich det ein wich
Sjoan wie ein lenteblaedje
En waat ein knap gezich
Ich wol ’t der op waoge
Mer wis zoa gaw neet wiej
Toch dors ich het te vraoge
Bösse effe veur mich vriej
Ich weit ein sjoan kefeeke
Dao veule weer os thoes
En stuisse aanne theke
Geit nemes gaer nao hoes
En is den tied gekomme
Zoa rondtj ein oer of drie
Haoj ich mich vanne domme
Want ich bleef nog gaer get hiej
HOME
PLAATSNAMENOVERZICHTHOMEWEER ZEEN ST. JOASTER
2007/2008 nr.6 : Tekst: Frits Verheesen - muziek: Frits Verheesen & Elke Troosters
Zang: Trio Infernale
Refrein:
Weer zeen St. Joaster
Weer haoje van ôs dörpke
Weer zeen St. Joaster
Dèt zitj ôs in ‘t blood
Gaon weer auch ´ns weg van hie
Es weer trök zeen, zeen weer bliej
Weer zeen St. Joaster
Hie veule weer ôs good
Ich höb get aafgereisj, ich woor in Canada
Op vakantie nao mallorca, of nao Amerika
Ich vônj ´t dao hieel sjoan, mer höb auch get gemisj
Ich kin uch auch waal zêgke, wôrôm dèt dèt zoa is
De heuvels in het zuuje, de Maas en auch de hei
De bosse en de zandjwêg, de bieeste in de wei
Zoa zeen der doezendj plekskes in oos Limburgs landj
Toch is ´t hie ´t sjoanste, door dea spesjiale bandj
En geit het den neet anges, en môtte weer toch gaon
Den blief in ôs hert ein plekske, det blief altied bestaon
Ein plekske veur det pleatske, wo weer zoa grueets op zeen
Want weer blieve toch St. Joaster, get anges geuf ´t neet
Weer zeen St. Joaster,
Hie geit het ôs ech good
* cd 2007 : " Vastelaovendj in St.Joas 2008"
HOME
PLAATSNAMENOVERZICHTHOME