Carnavalsliedjes uit SUSTEREN in Limburg (NL)

HOME PLAATSNAMENOVERZICHT HOME

5 x 11
Tekst: Wim Maessen en René de Seriére - muziek: René de Seriére
Zang: Mit de Päöt in de Gäöt

Vief en vieftig jaor geleeë, woor Juul van de Maos ósse eeste prins
't Begin van 'nne nüje tied, dao woor eederein 't mit èns
Ze kwome bie-ein in de Wienstraot, bie Bertha van Trees
En vanaaf dae tied, höbbe weer in Zöstere ederjaor fees

Refrein:
Vief keer èllef jaor, jao, jao
Vastelaovend is weer dao, jao, jao
Eeder jaor opnüj, jao, jao
Same mit alle lüj, jao, jao

De vastelaovend woor hèrbaore, in ós Zösters Graasboeriek
't Is noe al vief en vieftig jaore, wie sjnel geit toch dae tied
De pap van ós woor Swentibold, de mam ein Graasboerin
Die leerde ós 't feeste, vanaaf 't prille begin

En vergaet neet al ós Vorste, wèm sjpande toch de kroon
Ziene naam zulle weer noots vergaete, det woor Herman van de Boön
't Zelfde geljt veur de Raod (,det is) mit hunne Prins, 'nne sjoane tróp
Die loupe toch jeder jaor, mit de Graasboer sjteeds veuróp

Vief keer èllef jaor hobbe weer noe gehad
Vastelaovend viere zien weer naot zat
Daröm viere weer 't eeder jaor opnüj
Vol derin same mit alle (anger) lüj

HOME PLAATSNAMENOVERZICHT HOME

20.000 MAEDJES
Tekst: René de Serière, Gerardo Romero, Ron Cleven - muziek: Los Leipos
Zang: Los Leipos

D’r zeen 20.000 maedjes, mer nemes zoa es dich
Broen haor en broene ouge, doe dènks sjus zoa wie ich
Doe allein wets wae ich bön, doe sjtels mich nieët teleur
En ouch al wurd d’r ‘ns gesjólje, doe wis mich neet de deur

Refrein:
Dus noe dènk mer neet, det ich dich laot gaon
20.000 maedjes, mer dich ken ich neet laote gaon

Zoan twintjig jaor geleeje, zoog ich dich toen veur ’t ieës
Doe leeps in ’n minirökse róndj, doe gings te kieër wie ’n bieës
Ich dach die wil ich höbbe, die meid die wurd van mich
Ich leep toen nao dich toe en zag: Hie sjtaon ich

En twintjig jaore later, en twintjig kilo zjwaorder
Twieë kènjer gebaard, det ging van zelluf, ‘nne aope haard
En al die lüüj die kieke, nao dien dikke, dikke reet
Mer det kan mich gaar niks sjaele, want doe bös nog ummer bie mich

En wat euver twintjig jaor zal zeen, det wèt noe nog nemes
Gries haor of kaal of get angesj; ‘t maak toch gaar niks oet
Allein mer die twieë, kibbelend, mer altied same
Loupe ze handj in handj, door de boesj

HOME PLAATSNAMENOVERZICHT HOME

AGENDA
H.Steijvers
Zang (*) : Janse Bagge Bend

't Woor bienao Kersmis, tied veur piek en oug de böl.
De boum al in d'n ummer, twelf-fieitig woor neet väöl.
Ich sjravelde omhoag langs de gammele Vliezo-trap.
En zóg wo ich de Kerskraom, 't veurig jaor haw neergekwak.

Toen ich pas nog ens op zölder sjtóng.
En dao miene brugklasagenda vónj.
Eine houp auw prölle, dao loog d'r ónger.
En door 't laeze wórt ich joare jónger.
Doa plekde nog foto's van de Beatles in.
Wore nog mit 4, gans in't begin.
Name van lerare, zeikers en brave.
Sómmige zeen al jaore doad en begrave.

Ich wórt op eine sjlaag väöl jónger.
Dach aan d'n tied wie dae destieds woor.
Veur minder den eine gölje al ein pilske,
En hieël väöl zeiver oppe MULO veur ein bietje lang haor.

W'r hele van aktie, neet van blabla.
En lieërde nog d'n echte algebra.
Op Vietnam-demonstraties gingse destieds te kieër
En sjrieëfdes: "Johnson, doe bös eine moordenieër".
Doa woor geine disco, allein ein jóngerekroeg.
Doe reejs Mobylette of op eine Puch.
En oug mit väöl minder maakde ste de blitz.
Wie eine provo op eine witte fits.

Ich weet det ich nog dèkker es jónge jóng.
Aan menig podium sjtóng.
Te kieke wie eine aan 'n gitaar sjtóng te plökke.
Ich dach: "Es ich groat bön, moos mich det oug ens lökke".
W'r sjtónge in Toppop, Nederland Muziekland.
Aopende Pinkpop, sjtónge dèk in de krant
En 't is waal sjtóm óm van dich zelf te zegke.
Mer dao wore luuj die oos foto in d'n agenda plekde
En die missjien oug nao väöl joare
Esse det dèngk den nog ens zeen.
Dènke: "Waat is van die club gewore?"

* cd (1994) : Janse Bagge Bend -" Branje en sjnirke " - Marlstone Recordings bv - CDS 9419

HOME PLAATSNAMENOVERZICHT HOME

ALLES KÈNT
1990: Tekst: J. Heijnens – muziek: R. Wagener
Zang: Kappes Moos

Refrein:
Vastelaovend, vastelaovend
ist ’t fieës van lol en sjpas
Ouch in Zöstere, jao in Zöstere
löp den nemes in de pas
Waat ’n gans jaor neet kènt
was-te altied bös gewènt,
wurd in mer drie daag
hiej in Zöstere ontkènt
Vastelaovend, vastelaovend
is ’t fieës van lol en sjpas
Ouch in Zöstere, jao in Zöstere
löp den nemes in de pas

Van de nozem en de nón,
dao haet Corneles van gezag:
“zoaget zeen d eluuj neet zitte”
“Jao, det vènje ze verdag”
Mer toch es-te den in Zöstere
mit de vastelaovend kiks,
jao, den zuus-te nón en nozem,
mer de luuj die zègke niks

In ’t midde van d’n dansvloer,
zoaget taenge twellef oer
Sjnap de veldjmoes zich de kater
en zie höf ‘m van de vloer
De prinses die sjtuit dao naeve
geuf de baedelieër ziene zin
Nette hieër begint te boere
went hae dans mit ’n boerin

HOME PLAATSNAMENOVERZICHT HOME

DE AUW KIRK
2005/2006: Tekst: Piet Zits - melodie ‘Home sweet home’
(Uit het blijspel : ’t Bleumke Droet)

Weer heuërde es kènjer
’t ieëwen-auwd verhaol
Van ‘ne keuning en van heilige
W’r kénde ze allemaol
Róndj de kirk wó weer sjpeelde
Dao woor zoa väöl gebeurd
W’r höbbe, wie klein w’r wore,
Get van ieëwigheid gesjpeurd . . .

Refrein:
Sjoan tores, zoa vertroewd
De kirk van ’t auwd Suestra
Gein klok haet zoa geloed !

Waat is väöl verangerd
in mich en róndj die kirk
Op mich en op de moere
Haet leid en tied gewirk
Väöl druime zeen vervlaoge
Vergange mit de wèndj
Mer ein dèngk is gebleve :
Die herinnering es kèndj

Es ich auwd bön gewore
Kóm ich nao Zöstere trök
Róndj de kirk zal ich zjwerve
Op zeuk nao ’n auwd gelök
Ich zal ’t neet mieë vènje
Vergange is ’t veurgood
Mer de kirk die blif t’r ummer
Det geuf mich weer get mood

HOME PLAATSNAMENOVERZICHT HOME

AUWT PRINSE LEED
Tekst: Har Peters - muziek: Ben Erkens
Zang: de Auwt Prinse

Wat is ’t allersjoanste wat dich kan euverkómme
Ein prinsesjap in ’t Graasboerriek
Geis den gans allein veuraan mit Graasbörgers achter dich aan
Doe bè de Prins waat oet alles bliek
Maar aan alles kump ein ènj, al böste ’t neet èns
Jao, sjtaon dao die jónges greid en den böste Auwt Prins

Refrein:
Prins zeen, och det doert mer aeve
Mer Auwt Prins böste veur altied
Genete van ‘t laeve doon weer noe en hie
Prins zeen, och det doert mer aeve
Auwt Prins böste veur altied
Weer weite, ‘t doert mer aeve
Det gelök is zoa veurbie

Jao lüj zoa is ’t laeve, det móste zellef make
want kómmer en aug kwel is euveral
Gangk mit opgehaeve kop, dien ganse laeve langk veurop
Gaot erm in erm same nao ’t bal
Dees Auwt Prinse deeje det mit sjarme en mit pit
Noe pak uch vas en sjloet uch aan, vier carnaval mit ós mit

Alle jaore weer leef lüj, sjtaon weer veur uch in de rie
Geer kènt ós waal de Auwt Prinse klup
Brènge parodiekes hien en trèkke hie en dao veurbie
Dao wo weer zeen, gluif mer det ’t sjtöp
Es Graasboerprins zeen weer begós, al get jaore trök
Dae carnaval vergitste neet, det blif ein groat gelök

HOME PLAATSNAMENOVERZICHT HOME

’N AUWT VERHAOL
Tekst: Piet Zits - melodie: ‘Ik zou wel eens willen weten’ (Jules de Corte)

Kóm loester, w’r gaon uch vertèlle
’n wónjerlik hieël auwd verhaol
Wie hie ’t gelouf is gaon greuje
En de ieëwe door bleef bleuje
Tot bliedsjap en zaege van ós allemaol
Loester nao ’n sjoan verhaol . . .

Sint Willibrord is gekòmme
Vanoet ’n vraemp en ver landj
En monnike ginge hie wirke
En boewde kloasters en kirke
Vertèlde en zónge van ’n hemels landj
Urges aan d’n euverkantj . . .

W’r zólle hun dankbaar blieve
De brèngers van ós auwd gelouf
Laoe weer hun blieve ieëre
En det weer van hun lieëre
Det de lamp van de leefde hie noats wurdt gedouf
Gaef ós det auwd gelouf!

HOME PLAATSNAMENOVERZICHT HOME

DE BAAS
Van Zandt
Zang (*) : Janse Bagge Bend

Doe geis noa 't werk, mit gooje mood,
mer doe duis doa gaar niks good.
Doe höbs hart veur de zaak, bös ummer doa,
mer diene baas, dae leet det kawt.
Pas este zaes: "Ich höb 'n good idee, 't kos uch gaaroet gein geldj"
Den pas kik d'r op en heurt dich aan en den bös doe d'n held.

De ganse daag bös doe aan 't renne, veur hööm en zien kloote cent.

Mer ich zegk dich, de baas haet ummer geliek,
joa de baas haet ummer geliek,
diene baas haet ummer geliek.
Dae verdeent vööl geldj, geldj....
Want doe wirks gans hel en doe wirks gans sjnel.
En doe wirks gans vlot, diene rök kapot.
Ich zegk, zegk, zegk dich doe wirks te hel en doe wirks te sjnel.
Bös 'ne erme kloot, wirks veur dem zie brood.

"Doe mos bliej zeen mit dees baan, zo sjlech höbs doe 't hie neet".
Hae kik sjtiekem door z'n deur haer, ofste waal get bie 'm duis,
't woord "vertroewe" kump neet bie dem veur,
"eige meining" gaar oets neet.
En este 50 graden koorts höbs, den duit 'm det gaar oet gein leid.
Zolang esdoe mer "joa" en "amen" kniks is den is hae good veur dich.

Mer ich zegk de baas haet ummer geliek,
joa de baas haet ummer geliek,
diene baas haet ummer geliek.
Dae verdeent vööl geldj, geldj....
Want doe wirks gans hel en doe wirks gans sjnel.
En doe wirks gans vlot, diene rök kapot.
Ich zegk, zegk, zegk dich doe wirks te hel en doe wirks te sjnel.
Bös 'ne erme kloot, wirks veur dem zie brood.

Mer höbste 'ns get te zegke, wat 'm gaaroet neet bevilt,
den moste eersj 'n aafsjproak make en den sjleit hae ram op tilt.
Den dreig hae mit ontsjlaag of minder loon of heel vööl euverwerk.
Löp hae runjdjes door zien eige zaak, net wie in eine vloojesirk.
Mer este den dien groot geliek krigs en doe sjtuis weer oppe gangk
den wetse:

De baas haet neet ummer geliek, de baas haet neet ummer geliek.
Diene baas haet neet ummer geliek.
Want doe verdeens zien geldj, geldj.....
Omdetse wirks gans hel en doe wirks gans sjnel
en doe wirks gans vlot, diene rök kepot.
Ich zegk, zegk, zegk dich doe wirks te hel en doe wirks te sjnel.
Bös eine erme kloot, doe wirks veur zien brood.

* cd (1998) : Janse Bagge Bend -" Bekiek 't " - CDL 9827

HOME PLAATSNAMENOVERZICHT HOME

BAETER DEN NIKS
Tekst: René de Serière - muziek: Bart Weyzen & Los Leipos
Zang: Los Leipos

Wool neet mieër sjtudere, sjmeet de sjoalbeuk aan de kantj
Geine zin mieër óm te lieëre, nae d’r is niks aan de handj
Wil gaer get gaon wirke, neet te vööl en neet te hel
Get sente gaon verdeene, leefs hieël vööl en hieël erg sjnel

Refrein:
Dit is noe ’t leave, mit élenj en gelök
Wat gewaes is is gewaes, det kump ech neet mieër terök
Ich mót d’r mer get van maake, mit alles wat ich höb
En noe geluif mich mer, noe geluif mich mer …….
Det is baeter den niks

Ich dee vööl sollicitere, mer kreeg toch nörges werk
Ich bleef ’t mer probére, mer ich loog neet in de mert
Toch blief ich optimistisch, ‘nne lach op mien gezich
Blief ouch rejalistisch, det bön ich waal verplich

Wool gaer get gaon vrieje, ’n lekker maedje aan mien zie
Hie en dao gesjarreld, veulde mich ouch hieël erg blie
Woor dit noe wat ich wilde, woor dit noe wat ich zóch
Is dit noe ’t leave, wie ’n griesblowwe lóch

HOME PLAATSNAMENOVERZICHT HOME

BEHEKS DOOR VASTELAOVEND
1998/1999: Tekst: Jan van Wegberg – muziek: Fön Schulpen & Jan van Wegberg
Zang: Fön Tours

Refrein:
Weer zeen beheks door vastelaovend,
dit fieës det haet ós in zien mach
’t Is zoa sjoan hie elke aovend,
weer zeen betovert door de lach, op uch gezich
Weer zeen beheks door Vastelaovend,
door de magie van eine kloon
En es die dol daag den weer óm zeen,
sjtaon weer weer sjtevig in ós sjoon

’t Laeve door ’t jaor det is neet ummer get apaars,
daag in daag oet zeen weer mer aan ’t raoze
Doe wirks dich oet de naot en maaks dèks zestig oer per waek,
sóms höbs-ze geine tied óm oet te blaoze
Mer kump de vastelaovend den sjlaon weer ram óm
De zeen weer wie beheks aug al klink det get sjtóm
Weer trèkke d’r op oet, mit eine lach op oze sjnoet,
en kump asjwoonsdig den, den brögk veur ós de ban

De Vastelaovestied det is de sjoonste tied van ’t jaor,
dees daag zeen ós door d’n Hieër gegaeve
Weer trèkke d’r op oet van sjmörges vreug tót saoveslaat,
dit fieës det is veur ós ’t ware laeve
Mer kump ’t ènj in zich den zeen weer neet zoa bliej,
den sjtruimp ós alle toverkrach weer oet de priej
Den wurdt weer al geweuën, is ’t gedaon mit ós sjtóm teuën,
mer veur ’t volgend jaor sjtaon weer op tied weer klaor

HOME PLAATSNAMENOVERZICHT HOME

‘T BELAOFDE LANDJ
Tekst: Piet Zits - muziek: ?

De ieëwe trochte ós veurbie
Lüj zóchte 't gelök
't Belaofde landj aan d'n euverkantj
Ze boewde zich 'n brögk
Mer ummer veel die brögk inein
ze begooste weer opnüj
de keuninge, de heilige
de klein en sumpel lüj

Refrein:
't Belaofde landj, in 't Belaofde landj
det kump opnüj in zich
't Ligk wied weg, aan d'n euverkantj
mer ouch in dich en mich

't Eindeloos verlange
nao 't lang belaofde landj
kan sjtilkes in ós bäöke
of oetsjlaon es 'ne brandj
Sóms kan 't sjtraolend lache
en klinke es 'n klok
'n klok die zungk van Paosje
en lüj 'ne lach óntlok

't Sjpel is oet, d'n druim veurbie
‘ne nüjje daag brik aan
mer 't leid van gistre ligk t'r nog
en drie kieër kreit d’n haan
Wae wilt 'ne nüjje waeg insjlaon?
't Is same minder zjwaor
Weer zolle same zeie
't Landj ligk veur ós klaor
Is dit misjien 't Belaofde Landj
wo noe de zón op vilt
De zón, de zón, God's oug det sjtraolt
de zón die van ós hilt

HOME PLAATSNAMENOVERZICHT HOME

BLAUW IS OOS BLOOD
Piet en Evert Zits (?)
Zang: Peter Maassen

De pap van os woor Zwentibold, de mam ein Graasboerin,
en weer zeen doa de kenjer van, alaaf, wat ein gezin !

Refrein:
Blauw is oos blood, onthauwt det noe mer good,
want de Graasboere, alaaf, die sjtamme van 'ne keuning aaf.
Jao, keuningskenjer det zeen weer, en det is geinen droum.
Os naobers hauwe nog velkes om, doe hauwe weer al sjtroum.

Dae Zwentibold, det woor 'nen hieër, dae dronk en peuënde raak.
Toch höbbe ze van dae man bienao 'nen heilige gemaak.

HOME PLAATSNAMENOVERZICHT HOME

’T BLEUMKE D’ROET
Tekst & muziek: W. vd Bergh

Refrein:
Kóm jónges laot ós zènge
Weer zeen van ’t bleumke d’roet
zènge en sjprènge
Sjeije weer vandaag neet oet

Kump ’t bleumke d’roet veurop
Den volg alles in galop
Nemes auwt noch jónk moog achterblieve
Al wat bäöke kan det zungk en al wat loupe kan det sjprungk
behalve laame, kräöpele of sjtieve

En de bèkkers gans in ’t wit
van de bloom op hun zit
Die laote uch de kunst èns kieke
Ze bakke in eine vlook
de aller zeutste kook
en hove veur de bèste neet te wieke

Dae dit leedje haet gemaak
is zao mager det ter kraak
Dae zou zich in ziene boek kènne biete
Noe zit ter in de noad mit eine twieëling oppe sjoat
Det haet ter aan zien eige te verwiete

HOME PLAATSNAMENOVERZICHT HOME

DE BLEUMKES DROET
Piet en Evert Zits (?)

Vastelaovend in os landj, voort is alles bie de handj,
om zoa sjpassig es mer meugelik te viere.
D'n eine gekke kwas grip d'n angere den vas.
D'n drinnigste krig altied nog zien kuure.
Kump 't bleumke droet veurop, den volg alles in galop.
Neemes, awt nog jongk, moog achterblieve.
Al wat bäöke kan, det zungk, al wat loupe kan, det sjprunk,
behauve lame, kreupele of sjtieve.

Refrein:
Kom jonges laot os zénge, weer zeen van 't bleumke droet.
Zénge en sprénge, sjeijje weer vandaag neet oet !
En de bekkers, gans in 't wit, van de bloom die op hun zit,
ze laote os hun kuns ens kieke.
Ze bakke in eine vlook eine allerzeutste kook,
en hove veur de béste neet te wieke.

Vanoet de Haverlandsje hook, tot in Baakhaove en Gebrook,
van de lezebroker baenj tot aan de sjtasie,
Dao heürde weer ein gesjel van de keurvors van d'r Flensj,
Dae regeerde vreuger hie de ganse naasie,
De minister van oos riek, wo oet alles duudelik bliek,
dae sjient van doeve nogal veul te hawwe.
Hae sjonk prieze en diploom, ein medaaje mit ' n bloom,
veur de aankoms van d'n eëste sjek of blawwe.

Waat is det veur gekraak, wo me al die klompe maak.
Jeder mins denk: det dengk kos cente.
Mer auch dees industrie, die ging Zöstere veurbie,
en d'n hele boel loog in de labirente.
Bie de Zösterse industrie, dao wore de luiste luuj jao biej.
Die dachte: laot os auch mer klompe make.
Twintig blök gezaeg, toen woor de ganse kas al laeg.
Mit de beste il mooste ze doe gaon sjtake.

HOME PLAATSNAMENOVERZICHT HOME

BLIEF BIE DE MAM
B.Sherrill, J.Mostard, H.Steijvers & E.Masthof
Zang (*) : Janse Bagge Bend

Este jôngk bös, wilste op dien eige,
geine zeiver van: "Om zo laat böste thoes !"
Mer etste ein moal getrouwd bös, eine trouwrink om höbs,
dènkse nog mit heimwee aan de mam thoes.
Want noe kumse gaar neet mee de kooi oet.
Elke oavend mit ein groate tuut chips, veur d'n hoore tillevisiekas.
Allang op ein oet gekeke, kènjer die constant meeke.
Den pakse ein foto van dien mam.

Refrein:
Blief bie de mam, die zal dien hart nooit braeke,
en dich nooit taegesjpraeke, van die krigse ummer geliek.
Blief bie de mam, die zal dich ummer sjteune.
In tied van élènj en gelök, kènste noa de mam altied terök.

D'n eerste keer det ich dich zoog dach ich :
"Paaaaaah, op die kèn ich 't mit losse hènj !"
't Woor te zeen detse al eine keer de klok rondj woors.
Mer ich dach: "Det mot toch kènne !"
Ein langk verhoal kort make:
W'r höbbe de klômmele biejein gesjmete,
en de pap en de mam höbbe ôs de flat ingerich.
In tied van niks hawwe w'r de ganse hut vol poete.
Twee looge in ein sjtapelbed, eine loog bie ôs oppe kamer,
en eine tied sjleep nog eine oppe badkamer.
't Woor verdomme soms net of ze op 't leech aan koome !
En soms bekrup mich det geveul en dènk ich:
Allang op ein oet gekeke, kènjer die constant meeke.
Den pakse ein foto van dien mam.

* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

BLOEWZ
H. Steijvers, E. Masthoff
Zang (*) : Janse Bagge Bend

't Woor zoaterdigoavend, ich haw honger wie twee paerd.
Ich ging noa de friture van Jo Min en zag:
"Jo sjmiet mich eine d'rin, mer neet te vööl unne, want ich bon aan d'n dunne".

Doanoa ging ich noa Baer (=friture Lambermon)
en koom dus auch bie zien vrouw Mie.
Ich zegk: "Baer, doog mich eine grote frit en auch eine bami".
Baer sjmeet 'm in 't vet en toen vroog hae mich:
"Hobs doe auch doeve? Den hobse auch sjtontj!".

Mer ich barsde nog van d'n honger,
dus ich ging noa "Kung-Fu-Mathje" de Chinees.
Ich zegk:" Kameraad kom ens hie en doog mich eine gebakke Ayatollah, zo'ne Iranees,
mer sjnie 'm waal de ore aaf en allebei zien henj,
want det is lestig te vertaere en 't kump mich tosje de tenj".

Och God, waat eine shit, ich kreeg pien aan mien gebit.
Ich ging noa de tandarts zien zaak, mit ein sjtinkende, rottende kaak.
Hae keek mich in de moel en die sjtonk nog erger den in Gelaen, de Koel.
Hae zaet: "Doa links-achter, dae mot ich trekke, links-achter dae kleine".
Ich zegk: "Dokter, trek mer en den trekse dich zelf auch mer eine".

Mit eine bebloojde kop reej ich noa hoes.
Op de autoradio sjpeelde bloewz.
Mer noa al det blood, deej mich det gein good.
Echte bloewz dae lieet mich kawt.
't Is allein ein doorkiekbloes wo ich van hawt.

* cd-single - B-kant

HOME PLAATSNAMENOVERZICHT HOME

BLOOME
2001/2002: Tekst: Wim Maessen en René de Seriére - muziek: René de Seriére
Zang: Mit de Päöt in de Gäöt

Refrein:
Ich höb bloome in mien boek det kènste ruuke
Ich höb bloome in mien boek det ruukste good
Gekömme door de vastelaovend
Ich höb bloome in mien boek, verzörg ze good

De elfde van de elfde veul ich 't jeder jaor opnüüj
Den krieg ich weer de kriebels in de boek, jao leef lüüj
Later in janewari den zeen die knupkes auch weer dao
Eine sjoäne tied dae bruk noe aan, die kriebels laote neet nao

Wo kump det toch vanaaf
Det geveul in miene maag

Is de vastelaovend in de lóch, den is alles aan de greuj
De kleure roäd, gael en greun, alles sjtuit in bleuj
Ich veul mich zoä gelökkig, jao wat bón ich toch blie
Ich geneet d'r mit volle teuge van, want 't geit zoä sjnel veurbie

Wat is d'r aan de handj
De vastelaovend is in 't landj

HOME PLAATSNAMENOVERZICHT HOME

BRANJE EN SJNIRKE
Eustace, M.Cat, E.Masthoff, W.Crijns, H.Omloo
Zang (*) : Janse Bagge Bend

't Is sjmiddigs vreug 't woor weer laat ich ligk op miene rök.
Euverdengk de zunj van gistere, det deej ich al zo dèk.
Mer kump den ooit miene letsten daag
Den zalle w'r waal weer zeen.
Want bie 't branje en 't sjnirke zal ich neet d'n ennige zeen.

Wae goof os den genade, of huujt veur os ein kruuts.
Of geuf de absolutie, det woor veur os get nuuts.
Mer kump den ooit miene letsten daag, den zalle w'r waal weer zeen.
Want bie 't branje en 't sjnirke zal ich neet d'n ennige zeen.
Bie 't branje en sjnirke zal ich neet d'n ennige zeen.

Bie mich in de buurt tel ich d'r minstens al 'n stök of 10.
Die hoale nooit d'n hemel, zolle bie Petrus gein engele zeen.
Bie 't branje en 't sjnirke zal ich neet d'n ennige zeen.

En es toch eine hemel is,veur braaf luuj zonger gebrek
Den zegk ich: "Luuj loat mich mer hiej, begrave in d'n drek".
Mer kump den ooit miene letsten daag, den zalle w'r waal weer zeen.
Want bie 't branje en 't sjnirke zal ich neet d'n ennige zeen.

* cd (1994) : Janse Bagge Bend -" Branje en sjnirke " - Marlstone Recordings bv - CDS 9419

HOME PLAATSNAMENOVERZICHT HOME

CARNAVAL VENEZIA
2009/2010 nr.1 : Tekst & muziek: Nico Dirx & Jo Huijnen
Zang: Oet Balans

De buurman Romeo van biej os naeve
hae is gebaore in Italia
Het vasteloaves blood is heum gegaeve,
is prins gewaes in zien Venezia
Hae mos opens Venezia verlaote
nao Limburg veur zien werk dao most d’r haer
Dae jong ocherm hae woor in alle sjtaote
de carnaval dae hauw der toch zoa gaer

En wetse waat dr zag
Es d’r den aan vreuger dach

Refrein:
Arlekino, Cappucino maske loupe oet de maot, Carnaval Venezia
Limoncello, Picobello, drenk ei dröpke oppe sjtraot Carnaval Venezia
get amore, get auwhore, amuseer mich oet de naot Carnaval Venezia
Carnaval veur mich is drenke en mangiare, e cantare jao cantare
Ich sjtaon erm in erm mit eine halve gare
Carnaval Venezia

Det is noe alweer 11 jaor geleje,
en eder carnaval dao woor d’r weg
Hae Is den nao Italia gereje
want zonger vastelaovend koster sjlech
Mer alles anges toen ‘r wou gaon vrieje,
de dochter van de vors die zoog er gaer
En went d’r nao Italia wou rieje,
doe zag zien Julliette wo geis dich haer?

Vastelaovend is ouch hiej
En dit jaor blifs doe aan mien zie

Prima bella, a capella, Gigolo, Fantastico
De carnaval van Zöstere is ech Gigantico

HOME PLAATSNAMENOVERZICHT HOME

CHODOUÑSKA
Tekst & muziek: J. Toncar & V. Jacura
Zang (*) : Janse Bagge Bend

La-la-la-la-la-la-la-la-la-la

Ha-ha-ha-ha

Blief van det beer aaf !

Zuuse, doa höbse`t al ...

Pak dem die bônne aaf !

Meleef jông ! ... höbbe weer geine angere ?

Joa, joa ... ich ... iche !

En jông, fluitje kepôt ?

* cd-single 1992 : Janse Bagge Bend - "Bonanska" - Marlstone Recordings bv - CDS 9204

HOME PLAATSNAMENOVERZICHT HOME

D’R AAN WIE VERKES WULLEM
1996/1997: Tekst: Har Peters – muziek: Marcel Dewaide & Har Peters
Zang: Braaf Lestig

Refrein:
Weer gaon mit vastelaovend euv’ral veurop
En ’t tempo det ligk mit die daag in volle galop
’t Maak niks oet al bös-te groat of mer ‘nen hummel
Weer gaon d’r aan wie vérkes Wullem
Jao, weer gaon d’r aan wie vérkes Wullem

Is de vastelaovend dao, det sjtömpt ós weer bliej
Want ’t kriebelt ós al flink aan de priej
Den kènne weer èns d’r oet de zörg aan de kantj
’t Sjoanste det d’r is, is vastelaovend in ’t landj

De sóndigse kleijer blieve drie daag in de kas
W’r tóntjele ós den get aan wat gaar neet biejein pas
En trègke in polonaeze van kefee nao kefee
Jao op de samba-klanke zènge weer den olé

Nao drie daag flink aan’m zeen weer gans oppe’n hóndj
En hieëringe die zjwömme nog in ’t maagzoer róndj
Den gaon de sjpulle in de kis en ’t pak weer oet de kas
Volgend jaor zeer weer d’r weer det sjtuit noe al vas

HOME PLAATSNAMENOVERZICHT HOME

DAE GEIN SOP UT, KRIG OUG GEINE KOOK
1994/1995: Tekst: Harie Lempens – muziek Sef Leurs:
Zang: De Leefhöbbers

Mót geer heuëre van mien broor, dae haet gein versjtandj
Hae wilt mit vastelaovend noa ’t boetelandj,
en verplicht ós mit die daag waat weer mótte doon
ich sjtook ‘m dao ’n sjtekske veur en zag wie weer ’t doon

Refrein:
Es weer ‘m ós hie eine gooje krake,
geis du sjnieëbel goaje in Tirol
Den trèkke weer hie mit ein hermenieke,
es du zjwömme geis in eine pool,
viere vastelaovend ónger ós sjnake,
tösje Roostere en Izebrook
Du mós ’t dich zelf noe mer good bekieke,
’t is veur ós den ouch ein aope book
Ich zègk dich veur det ‘r ós geit smake,
dae gein sop ut krig oug geine kook

Waat ‘r oug nog höbbe wilt; maak van ome Sjeng
es-ter in de optoch löp, fotoos van alle kènj
en tant Nes die haet allich op de kop ’n zie
en vergaet noe zeker neet ós zate hermenie

Mit de vastelaovend weg lik ‘m op de maag
hónderd dènger vreug ter nao, tót de lètste daag
van ós krig ter niks te zeen, waat weer mooste doon
hae zit noe al in de bös, verkleid es eine kloon

HOME PLAATSNAMENOVERZICHT HOME

DAE KAS (MOT GAEVE)
R.Lamm, H.Steijvers, H.Omloo
Zang (*) : Janse Bagge Bend

Doog mich eine knaak of veer.
Det ich dae lómmel ens probeer
Dae hore pröl beheers mie laeve.
Mer ich veul dae kas geit gaeve.

Weer twieëvieftig in zien priej, drie citroene op ein riej.

Sjtaon hie aan dae flipperkas.
Mit miene navel ram draan vas.
Mien half maondjloan al verlaore.
Mer ich veul, ich goan noe score.

Weer twieëvieftig in zien priej, neet op tilt, ich b"n zoa bliej.

Lieën mich eine knaak of veer.
Det ich nog eine kieër probeer.
Mien gans maondjloan al verlaore.
Mer ich veul noe goan ich score.

Weer twieëvieftig in zien priej, gein citroene op ein riej.

* cd (1994) : Janse Bagge Bend -" Branje en sjnirke " - Marlstone Recordings bv - CDS 9419

HOME PLAATSNAMENOVERZICHT HOME

DAE VERDEENT EIN LINTJE !
2000/2001: Teks & muziek: Har Dullens
Zang (*) : Onneuëzel tót de Mach 3

Refrein:
Vastelaovend is ós zoamaer in de sjoat gelag.
Gaef häöm d'n hemel, dae zich det hiej haet oetgedach.
Vastelaovend is aan ós zoamaer gegaeve.
Gaef häöm 'n lintje, dae ós det hiej lieët belaeve.
Weer zeen beveurrech, gelökkig kiek ens hiej,
höbbe 'n läötje oet de laoterie.
Vastelaovend is ós zoamaer in de sjoat gelag.
Gaef häöm d'n hemel, dae zich det hiej haet oetgedach.

Ich höb 't moge erve, waat bön ich toch verwènt.
't Is haos neet te gluive, wie zoaget hiej toch kènt.
Det ich dit moog belaeve is 'n gesjenk op aerd,
veur niks aan mich gagaeve, det is mich hieël get waerd.

Noe loup ich mit det virus, 't zit in mien ganse lief.
't Kriebelt en 't jeuk mich, 't is neet det ich euverdrief.
Ich höb 't mit gekrege en det is neet verkieërd,
want al die gekke teuën krieg ich neet mieë aafgelieërd.

* cd 2001 : Diverse artiesten - "Van Eijsde tot de Mookerhei 8" - Marlstone Recordings bv CDL2101

HOME PLAATSNAMENOVERZICHT HOME

DANS AMELBERGA
Tekst & muziek: ?
Zang (*) : Janse Bagge Bend

Muk, muk, helicopter, helicopter, sjtrontjvleeg, sjtrontjtvleeg.
Muk, muk, helicopter, helicopter, sjtrontjvleeg, sjtrontjtvleeg, muk, muk, muk.
Dans Amelberga, Dans Amelberga.
Jas oet, sjoon oet, lenzen oet, sjpiraal oet.
Danse zuls se potverdomme ! ein, twee drie, veer.

Wer houwe gezag dat se zous danse, ein, twee, drie, veer.

Jas aan, hoaze aan, sjoon aan, lenzen in, sjpiraal in,
dynamo op 't raad, de hondj in de manj, termostaat op viefteen,
den ieskas toe, de fitse benne, de voelnis boete, een sjaal om,
loch in de benj, en den noa 't lof.
Danke Amelberga

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

DANSE OPPE SJTRAOT
Tekst: ? - org. "Dancing in the street" (Mick Jagger & David Bowie)
Zang (*) : Henk & Ton (Henk Steijvers & Ton Meisen)

Oké Hëële, Venlo, Remunj, Detere, Mesjtreeeeeeech, Graathei, Kirchrao, Sjipperskirk, Belfeld, Zitterd, Söstere.
Schjreef 't oet oppe sjtraot, zeet geer klaor veur eine nuuje dans.
't Sjnied neet meer en de tied is riep om te danse, dit is uch kans.
Danse op 't Vriethof.
Vastelaovesdaag.
Oppe mert van Zitterd.
Danse veer van 't sjmörges, pes s'aoves, en soms pes dat 't klaor wurt.
Mit eine foekepot of rammelear.
Danse oppe sjtraot.

't Maak neet oet wooste bes, of welk maske doe noe dreugs.
Dus kom noe mer en doog mer mit, doe bes nog lang neet meug.
Doe mos danse, danse oppe sjtraot.

't Is ein nuuj sensatie, ein confrontatie, tössje alle luuj oppe sjtraot.
En ze zenge en sjprenge en doon gekke denger, alles oppe sjtraot.
Op 't Munsterplein,
bie d't Joepemaan,
en auch zeker in de Zoepkoel.
Onger d'n optoch,
op 't auwt wieverbal,
en heel vööl sjaele kal,
Allein mer trööte en tromme, hermeniekes euveral.
En de kastelein, dea sjteit allein, want ze danse oppe sjtraot.

't Maak neet oet wooste bes, of welk maske doe noe dreugs.
Dus kom noe mer en doog mer mit, doe bes nog lang neet meug.
Doe mos danse, danse oppe sjtraot.

Mit eine heering en beier en vööl gekke kleier,
danse oppe sjtraot.
En ein heel leuk maedje, dat sjprunk wie ein blaedje,
danse oppe sjtraot.
En es eine get wach, wurt d'r drek gesjlach.
Doe mo mo mo mo mos danse,
danse oppe sjtraot..........

* cd-single : Henk & Ton - "Henk & Ton es Ton & Henk" - Marlstone Recordings bv CDS2037

HOME PLAATSNAMENOVERZICHT HOME

DANSE OPPE SJTRAOT
1995/1996: Tekst & muziek: Los Leipos
Zang: Los Leipos

Refrein:
Danse, dans oppe maot
Jao det wils doe gaon doon
Danse, danse oppe sjtraot
Mit sjtròntj ònger die sjoon

De hoezer die zeen hartsjtikke laeg
De sjtraote euvervol
De hunj die zitte gans allein
Wo mótte ze ’t noe toch doon

De baas dae is gans verkleid
Mit sjmink töt ónger zien erm
D’n hóndj dae kènt ‘m gaar neet mieë
Dae haet pien in zien derm

’t Is weer vastelaovend
Weer zin weer hie biejein
Sjnap uch noe mer in d’n erm
En zèng mit ós dit refrein

HOME PLAATSNAMENOVERZICHT HOME

DAO BÖN ICH TE AWT VEUR
1996/1997: Tekst & muziek: René de Seriëre & Nico Dirkx
Zang: De Batsekratsers

Refrein:
Sjnap mich vas, vas,vas,
aan de sjlup van miene jas
Weer trègke door de sjtraote
Sjnap mich vas, vas, vas,
aan de sjlup van miene jas
Weer kènne ’t neet laote
Same handj in handj
Door ’t Zösters landj
Dao höb ich mien hertje aan verpandj

Zeen die knäök van mich al ram kepot
Toch houw ich die vrouwluuj oppe vot
Ein dèngk hilt mich nog hieël erg jóngk
Det is de vastelaovend dae mien leid versjtómd

De sjtek dae gooj ich noe weer aan de kantj
En ich zèt mich dees daag neet oppe bank
Jao dees drie daag hawt ich mekkeligk vol
Vastelaovend is veur mich “laeve de lol”

Al kraake de knäök dennog zoa hel
Ich zit noe weer ‘ns lekker in mien vel
Al roope ze mich nao: “Daoe awwe gek”
Ich loup dees drie daag toch lekker zónger sjtek

HOME PLAATSNAMENOVERZICHT HOME

DAO GEIT DICH HET LEEG VAN OET
2006/2007 nr.1 : Tekst: Jan van Wegberg - muziek: Nico Dirkx & Jo Huynen
Zang: Duo Kortsjloeting

Lets trof ich eine lampepaol, ’t woor in ein zaate buu,
ich heel mich sjtevig aan hem vas toen huërde ich “hey huu”.
Ich dag det mot den drank waal zeen dae paol dae kan neet kalle,
mer wie ich doorhauw det der sjprook, ben ich omgevalle.
Ich höb nog dek gedag, aan waat dae paol doe zag.

Refrein:
Dao geit dich het leeg van oet, dao geit dich het leeg van oet,
jao noe wurt het ech te bondj.
Dao geit dich het leeg van oet, dao geit dich het leeg van oet,
det geluif toch geine hondj.
Gluif toch neet al, waat dich wurt gezag.
Dek is het neet ech waor, mer waal sjoan oetgedag.
Dao geit dich het leeg van oet, dao geit dich het leeg van oet,
ein sjterk verhaol is sjnel gebroet.

Dae paol haet mich nog mieë verteld ein ganse letenie,
ich höb mich bie hem neergezat en heel hem kompenie.
Den optoch zoog ter ummer gaer, dao koos ter van geneete,
mit doeve hauw der neet vöal op, die hauwe hem besjeete.
Ich höb nog dek gedag, aan waat dae paol doe zag.

Auw wiever dansde om hem haer, zag hae auch taege mich,
al sjtong der zelf mer get veur paol, het woor ein sjoan gezich.
De sjtraotbrak oet de buurt dem trooj der gaer ens ônger die neut,
want es det bieës woor langs gewaes den hauw der naate veut.
Ich höb nog dek gedag, aan waat dae paol doe zag.

En ös geit noe het lempke oet!

HOME PLAATSNAMENOVERZICHT HOME

DET HEMELS GEVEUL AUWT PRINS TE ZEEN
2005/2006: Tekst & muziek: Auwt Prins
Zang: Auwt Prinse

Einmaol prins te zeen, det wurdt dèks gezag
Mer es-te den aaftreuëts, wurdt ’t duuster wie de nach
De prinse hiej in Zöstere, die make zich neet drök
Want pas es-te aaftreuëts kump hie ’t groate gelök

Refrein:
Wat is der sjoonder luuj, es óm auwt prins te zeen
det is de hemel hie op dees aerd
Es-te es Graasboerjónk auch bie dit klupke heuërs
maak det ’t laeve ech laeveswaerd

De zóndig nao de zitting, is d'n auwt prinse daag
Den wurdt der flink gevierd, zuus-te sjtökke in dae kraag
Op plaatse woo weer kómme, brènge weer get tewaeg
Mit teekezànge kriege weer, zelfs de drökste kroeg laeg

HOME PLAATSNAMENOVERZICHT HOME

DE DIKKE TROM
Tekst: Wim Maessen & René de Seriére - muziek: René de Seriére
Zang: De Batsekratsers

Weer trèkke door de straote, 'n Dikke Tróm derbie
Midden in den toemel van 'n Zaate Hermenie
Mer opèns, wat löp dich dao den, die Dikke Tróm veurop ?
Die geuf royaal de maot aan, duit det veur de ganze tróp

Refrein:
Doot dich de jas aan
Doot dich de sjaal om
En kom achter die Dikke Tróm
Doot dich de jas aan
Doot dich de sjaal om
En kom achter die Dikke Tróm
Alle zörg die gaon noe efkes van de baan
Weer trèkke mit zien alle, achter dich aan
Doot dich de jas aan
Doot dich de sjaal om
En kom achter die Dikke Tróm

Böste ongerwaeges den hörste ze van hieël wiet
Alsof ze dich den zègge wilt, würd 't dich neet èns tied
De Zaate Hermenie veurop, de res d'r achteraan
De Dikke Tróm die leidt ös weer, weer gaon d'r taege aan

D'n dinsdig nao twelf öere, 't liek noe weer veurbie
Der is nog ein kafeke, dao zien ze nog hiëel blie
Dao sjtaon ze oppe taofels, de sjtekke in de henj
De Dikke Tróm die geuf neet op, die heuerste nog van alle kenj

HOME PLAATSNAMENOVERZICHT HOME

DOE BÖS VAN MICH MIEN KIEDJE
Evert Zits
Kerstlied

Doe bös van mich mien kiendje
mer ouch van ederein
oet al mien doon en denke
klink door dit dreuf refrein

opêns huër ich de sjtumme van
herders op 't veldj
't kindj 't is geboare
wie de sjrif 't hêt vermeldj
ich wêr lich wie 'n vogel
fontein die sjterre sjpat
in naam van alle mooders
zeng ich weer manjificat

Wie kent de volledige tekst ?????

HOME PLAATSNAMENOVERZICHT HOME

DOE SJPUNS DE KROAN
1994/1995: Tekst: Anita Herzig – muziek: Nico Dirkx
Zang: De Kepel

Refrein:
Doe sjpuns de kroan doe bös de ware
Bös de finale van mien symfonie
Mit groate uig sjtaon ich te sjtare
nao ’t sjónste maedje van de ganse hermenie
Doe bös ’t gaele van ‘t eike
doe bös ’t träönke op mien sop
’t bótterbleumke in ’t weike
Och leve sjat bie mich lups dich veurop

De vastelaovend woor in ’t landj
Ich sjtóng te kieke langs de kantj
Och ich veulde mich verlaote
De hermenie die leep veurbiej
opèns dao in die lètste riej
jao doe haw ich dich gesjaote
Jao luuj ich woor gans van mien sjtök
Mien hertje klopde van gelök

Doe veel ich mich toch bienao óm
wae is det maedje mit die tróm
maakde van plezeer ein peske
en trómde gaw d’r achteraan
en leep in richting van de vaan
greep ‘m achter biej ’t jeske
Ich raapde alle mood biejein
en doe zóng ich dit refrein

Doe satz dien trumke aan de kantj
en sjnapdes mich vaort bie mien handj
doe zags: “Doog neet zoa verlaege
Veuls doe dich einzaam hiej op sjtraot
den sjlaon weer same toch de maot
Sjnap mich vas dao kèn ich taege
Noe löp det maedje aan mien ziej
Ich draag de vaan bie de hermenie

HOME PLAATSNAMENOVERZICHT HOME

DOMBO LIMBO
Tekst: H. Steijvers - melodie: "La bamba"
Zang : Janse Bagge Bend

Zeen Limbo`s, Dombo`s op zökke ?
die `t mèr neet wil lökke van zich aaf te biete
zich loate duuje en riete, zich loate duuje en riete
van hook noa hook, generaties lang generaties lang.

Toen de koel wôrt gesjloate môsse ze de luuj urges loate
bie LAURA of DAF of vervreug pensjonere
ze urges parkere mit ein krankepensjoen
zoa ging det toen, zoa ging det toen.

Dus troch men noa Den Haag toe, bösse vol noa Den Haag
sjtônge doezende luuj doa hiël sjoan te zènge
euver `t zjwarte goud, bronsgroen eikehout
en den weer noa hoes, mit de bös noa hoes

Dombo Limbo - Dombo Limbo - Dombo Limbo

Dombo Limbo - Dombo Limbo - Dombo Limbo

Dènk aan Jo mit zien veto
Dènk aan Jo mit zien veto, den waer ich neet te gooi
det is toch gaar neet te gluive
es men det noe nog pik den is men neet good sjnik
toch neet good sjnik, toch neet good sjnik.

Dombo Limbo - Dombo Limbo - Dombo Limbo - Limbo!

HOME PLAATSNAMENOVERZICHT HOME

DON KIESJOT
Tekst: Ruud Meeuwissen & Bart Weyzen - muziek: Los Leipos

Hae koom van verre oet gooje gróndj
't Sjpreide zich hie hieël sjnel róndj
't Woor 'ne ridder mit 'n groate lans
Dae hauw van alle vrouwlüj sjans

HOME PLAATSNAMENOVERZICHT HOME

DOOT MIT
2001/2002: Tekst: René de Seriére & Wim Maessen - muziek: René de Seriére & Gerardo Romero
Zang: De Batsekratzers

Kump de vastelaovend in 't landj, is van alles te belaeve
Kiek mer good óm dich haer, zuus-te jederein bewaege

Refrein:
Doot noe allemaol mit ós mit, weer wille danse
Doot noe allemaol mit ós mit, weer wille danse

Kump de vastelaovend in 't landj, goai de sjteul mer aan de kantj
Sjnap uch noe mer allemaol vas, mer bön nemes ech toet las
Allemaol anges verkleit, geine dae noe neet miëe mit deit
Pakke ós un glaeske beer, en weer höbbe völ plezeer

In 'n rie sjoän achterein, of handj in handj naeve-ein
Weer danse, sjanse, zènge, sjprènge, maake ós gein dikke bein
Vastelaovend viere, lúúj, is 't sjoänste wat d'r is
Mer noe geluif ös det gerös, det wurd door geine van ós gemis

HOME PLAATSNAMENOVERZICHT HOME

DRIE DAAG D’RAAN
1995/1996: Tekst: John Storken – muziek: Danny Vanhoudt
Zang: Troep Isoleer

Refrein:
Weer gaon d’raan, d’raan
drie daag d’raan
de graasboer mit eine houte kop
Zoa gaon weer d’raan, d’raan
drie daag d’raan

’t Kloonepak, de narrekap kump-ze euveral taege
’t Spettert en ’t sjpat, wie eine bóntje raege
’t Lach en ’t zungk, ’t geit en ’t sjprungk
zit good in ’t vel
’t Wervelt en draejt zich róndj
zoa wie ein karoesel

Blauw blood en ’t graasboerhart
Sjtruimp en klop noe sjneller
Naeve de gries aerd en de lòch
waere de kleuëre feller
’t Lach en ’t zungk, ’t geit en ’t sjprunk
Zöstere in volle pracht
’t prónk zoa greuëtsj en ’t is gans voldaon
zoa wie ein helder sjterrenach

HOME PLAATSNAMENOVERZICHT HOME

DRIE DOOL DAAG
2000/2001: Tekst: Martin Henskens – muziek: Ton van Pol
Zang: Sjmesjing Pupkes

Refrein:
Jao jeder jaor, jao jeder jaor
Viere weer vastelaovend
Die drie dol daag, die drie dol daag
Jatse jedere aovend
Danse duise drie daag door
Veur ós ’t vastelaovesvoor
Danse duise drie daag door
Veur ós ’t vastelaovesvoor

Op de zölder aan det sjtekske
Hungt ’t ganse joar det pekske
Drie daag kumpt det den nao ónger
Kènne weer toch neet ter zónger
Zóndig, maondig d’rop oet toezjoer
Den door tot daensdig twelluf oer
Zóndig, maondig d’rop oet toezjoer
Toto daensdigaovend twelluf oer

Nao drie daag van lol en kwatsj
Kènne ós vange ónger ’n patsj
Nog nao ’t knón óm middernach
Sjleipe weer ós mit lètste krach
Sjete mit eine groate paaf
Es sjloetstjök noch de graasboer aaf
Sjete mit eine groate paaf
Es sjloetstjök de graasboer aaf

HOME PLAATSNAMENOVERZICHT HOME

DRUIME VAN VASTELAOVEND
2001/2002: Tekst: Har Peters - muziek: Har Peters & Marcel Dewaide
Zang: Braaf Lestig

Refrein:
Ich druim de ganse daag van vastelaovend
jao in de mörge middig en d’n aovend
de sjaonste druime gaon door miene kop
is dit noe ech of waer ich noe gefop
al zeen den druime meistal fantasie
mit vastelaovend heuërt det d’r auch bie
De sjoanste kleier waere oetgezóch
Ich gaon noe drie daag zjwevend door de lóch

Es sjnaak mit mien auwers ginge weer handj in handj
nao jeder vastelaovesfieës hie in oos Limburgs landj
weer danste en weer sjprónge op de sjoanste meziek
ich veulde mich op det moment de keuning te riek
Wie de mam nao hoes wól gaon,
Zei ze: waoróm die traon?

Wie ich al get auwer woor en neet mieë zoa braaf
bleef dae vastelaovestied 't sjoanste fieës alaaf
Mit jónges en mit maedjes in een zaate hermenie
daomit zat ich dökker mien zörge aan een ziej
En later in de nach...
höb ich toen dök gezach

Noe bön ich nog get auwer mer lang neet aafgebrandj
En auch mit vastelaovend sjtaon ich neet aan de kantj
Ich loup achter de Prins aan dae truk toch die kar
Auch dae haet zien momente is waal éns in de war
Den zègk ich bèste Prins,
höbs doe det auch waal èns?

HOME PLAATSNAMENOVERZICHT HOME

D´N DRUMBAND
ca. 1955: Tekst: ? - muziek: ?

Höb geer ut al geheurd, höb geer ut al vernomme
In Zöstere doon ze niks es bloaze en tromme.
De graasboere höbbe unnen drumband opgerig,
Die schötterie allein det waar jao gein gezig.
Sie klaatsje, foezze, hauwwe op hun tromme
Ut zweit det löp hun langs de moel
Meh det kan hun niks bomme

........... ? ............
En blaoze zich unne rooie kop
Van links, van rechts,
Van links rechts links en

Oet de wèg, oet de wèg
Dao kump den drumband aan.
Gans Zöstere lup lèg
Van de Hei tot op de baan.
De jonges staon te zinge
De mèdsjes staon te springe
De mam die ljèt de kètele in de steek
En den hondj is totaal van streek
Want dao kump den drumband aan.

Wie kent de exacte titel en/of de ontbrekende tekst?

HOME PLAATSNAMENOVERZICHT HOME

EAU DE SUESTRA
1991/1992: Tekst: Harie Lempens – muziek: Zef Leurs
Zang: De Leefhöbbers

Refrein:
Wilt geer ens lekker ruuke
ich höb ein good advies
gaer möt den nao Cornelia gaon
die zaet ’t uch percies
Wasj uch mit vastelaovend in eau de Suëstra
dat ruuk drie daag en is gemaak door ós Cornelia

Cornelia ein leuke blónj
det maak zich ummer zelf klónj
ich lek ’t oet es gaer det sjnap
wie ’t det allemaole lap
’t geuet van alles in ein pan
sjtoof dao ein ruukend söpke van
det is eau de Suëstra en gemaak door ós Cornelia
det is eau de Suëstra en gemaak door ós Cornelia

’t Sjtoof get op eine baereklauw
reurt in zjwaam en rouk zoa blauw
van kroetwèsj en get sjouwe-rood
det kleuèrt en ruuk bezunjer good
kaok det in water oet de Röll
op flesjkes sjtuit mit groate kröll
det is eau de Suëstra en gemaak door ós Cornelia
det is eau de Suëstra en gemaak door ós Cornelia

’t Sjöt dae breuzel door ein zie
en klaor is eine potpourie
sjprinkelt zich den get op de bloes
en zaegend den ’t ganse hoes
ich ruuk ’t auch al aan tant Nes
die zaet den mit get Franse les
det is eau de Suëstra en gemaak door ós Cornelia
det is eau de Suëstra en gemaak door ós Cornelia

HOME PLAATSNAMENOVERZICHT HOME

ELLEFDE VAN D’N ELLEFDE, D’N
1990/1991: Tekst: John Storken – muziek: Lanksaam en Meug
Zang: Lanksaam en Meug

Ich zit hie al te wachte
en ’t wurt al aardig kauwt
achter in ’t Hieëresjträötje
ónger in ’t hout

Sóms mein ich al get te heuëre
gans wiet weg, de blaosmeziek
kènt niks mich mieë versjteuëre
druim ich weg in ’t graasboerriek

Refrein:
Waer wakker, waer wakker
Waer wakker, sjtank op
de’s den druim daes doe ós mós gaeve
zoere hieèring en ertesop
de zieël van ’t vasteloaveslaeve

Ich zit in de sjoanste sjörskar
getoajd mit miene roaje plak
sjeif de waereld in te kieke
vanwaege ènne sjtieve nak

Mer langksaam begint ’t sjteuë te wirreke
maak mich al ein bietje werm
de meziek van doezend ëngele
brungk bewaeging in mien erm

Mien hart begint te gleuje
’t Geit kómme, ich ontdoaj
Ich veul mien gemood opbleuje
mien lief geit oet de ploaj

Ich dans op de maot van ’t laeve
drie daag aan ein sjtök
in doezend kleuëre gegaeve
in d’n hemel van ’t gelök

HOME PLAATSNAMENOVERZICHT HOME

ELS, KÒM ACHTER DE PORT OET
1990: Tekst: De Leefhöbbers & Harry Lempens – muziek: Sef Leurs
Zang: De Leefhöbbers

Els det haet dit jaor de veerde vrieër
det is ein record
Vriet mit vääol kauw en auch gerieër
bie ós achter de port
De mam is vuer alles bang
want ’t doert h’r vääolste lang
ze numt den ein besjloet
en reup van achteroet:

Refrein:
Els kóm achter de port oet, ’t trèk dao wie de pes
Els kóm achter de port oet, dao vreks te van de kauw
en doe kris mig nog de klets
wilste mit de vastelaovend oet
broek dien versjtandj
kòm d’r achter oet

Els det kènste haole door ’n rinkske
det wèt jederein
Löp mit de jonges aan ’t pinkske
’t leefs zeen ze allein
Ze laope gater in de sjoon
vreug zich aaf wat zie gaon doon
Vrieë achter de port
al doert ’t den mer kort

Mit prinsebal koom ’n Italjaenke
Els woor drek verkoch
Sjpitse sjoon en ’n zieë sjaelke
wo zuuste det nog
Vastelaovend in volle gang
mer ’t doert ‘m väölste lang
en zoot al in de trein
nao mamma in Turijn

HOME PLAATSNAMENOVERZICHT HOME

ELSKE, LEEF ELSKE
Tekst: Annie Schreuders-Derks - muziek: Piet Aben

Refrein:
Elske, leef Elske waat is mit dich loos
Dets doe zoa vreug al dien kuutsjke oet koos
Dets doe zoa vreug, noe de douw hingk in dröppels
berves en zèngend dien huuske oet höppels

Kiek, nog gein vlinderke sjpeelt in de lóch
Veugelkes kriege van sjlaop neet genóg
’t Zunke is sjus ieës beginne te sjiene
De mörge loert pas door zien blauwe gerdiene

Heuërs doe neet wie jeder bleumke dich vreug
"Laot mich nog sjlaope, ich bön nog zoa meug"
Sjtilkes toch, sjtilkes toch ruzelt de wèndj
Bön neet zoa flök en zoa kwirlig leef kèndj

Elske, leef Elske ich wool det ich wis
Waat waal de raeje van dien wanjeling is
Zègk, haet dich gister veur ’t ieës van dien laeve
neetde zoon van de mölder ein muulke gegeaeve?

’t Woor eine sjtröp det dien vader det zoog
Want dae woor van meining det zoaget neet moog
"Ja sjus", zaet ’t maedje, "mer ouch ein gelök!
Vandaag brèng ikch ieërlik det muulke trök."

HOME PLAATSNAMENOVERZICHT HOME

DE EMANSIPASIE SONG
1989: Tekst: Jannie Peters – muziek: Ludwig Schmitz
Zang:

Merie van mich det haet de leefste sjnoet
Kik noajt nöt al blief ich langer oet
Hilt ’t aet lekker wérm en sjtrik zich eine lame érm
Mer mit vastelaovend krig ze kriebels en mòt droet

Refrein:
Den reup mich det Merie, emansipasie hie!
Löp van de sjtriekplank weg waat eine pech
Geit den mit hermeniekes óm, sjluit ganse daag dikke tróm

Merie det geit noe mit doon, drie daag sjpas
Veur mihc is wésje-sjtrieke noe ein las
Onger de lüj en neet allein, Merie is nummer ein
’t Haet ’t hoagste woord en hilt die dikke tróm mer vas!

Door ’t wésje zeen mien hénj al wóndj,
’t Is niks waert dit laeve wie ‘ne hóndj
Nei lüj ich weit mich geine road, Merie löp oppe sjtraot
En kump ’t mich den taege dreit ’t ouch nog mit zien kóntj!

HOME PLAATSNAMENOVERZICHT HOME

ENORM IN VORM VEUR VASTELAOVEND
1996/1997: Tekst & muziek: Peter Feijen
Zang: Mit de Päöt in de Gäöt

Eder jaor mit vastelaovend, is ’t weer ’t zelfde leed
Weer zeen ummer aan’t sjprènge, mer lang doorgaon kènne w’r neet
Mer dit jaor geit det gans anges, zörge weer veur ekstra sjprit
Vanaaf d’n elfde van den elfde, zeer weer klaor en MEGA-fit

Refrein:
Want veer renne en weer fitse
Jao weer sjporte ech enorm
en mit vastelaovend zeer weer den,
geweuën enorm in vorm

Sjtökskes laope en auch renne, det is hieël good veur de bein
En daoróm gaon weer den auch elke daag ein rundje om ’t plein
Mit de skielers den nao Zitterd, daovan vilste kilo’s aaf
En den toes nog efkes twintig kieër de trappe op en aaf

Oppe fits nao tant Merie, jao die woont gans oppe Laak
Den terögk gans euver Moufert, wied genóg nao miene sjmaak
Toes nog efkes tuike sjprènge, mien kondisie wurdt enorm
Want geer wèt mit vastelaovend, sjtaon weer hiej enorm in vorm

HOME PLAATSNAMENOVERZICHT HOME

ES DE R.O.Z. GEIT
E.Jansz & E.Masthoff
Zang (*) : Janse Bagge Bend

Nooit mee Speulentere, es de ROZ geit
Nooit mee de Provincie, es de ROZ geit
Nooit meer Limburg Airlines, es de ROZ geit
Vakaturebank nog groter, es de ROZ geit
Want es de SROL kump zits doe mit dien good fatsoen
Kens diene mondj neet oape doon en löps mer achter Jan Hoen
Zouwze kòmme? Haet Sjeng zelf dit verzonne ?
Of kreeg d'r hulp van hogerhand ?
Van Aarts of Ruijters of anger sjnuiters
Of woar 't toch Hoogland ?

Zet mer weer de klok truuk, zet de biechsjtool weer in de boenwas
Truuk weer oppe knieje, dat kunp hoog here good van pas
Ze wore dèkker lestig, die jonges in de Bankasjtroat
"Trèk hun mer de sjtekker droet!" det woar Sjeng ziene road
De ROZ blif hie, doamit zeen weer bliej
Die pikke ze os neet aaf
Achendertig joar sjtonge ze veur os kloar
Weer zeen neet meer zo braaf

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD

HOME PLAATSNAMENOVERZICHT HOME

ES ICH ZE ZEEN
Tekst: René de Serière - muziek: Los Leipos
Zang: Los Leipos

Ich zeen de lüüj, ´nne lach in hun ouge
Ze waere bedraoge, ich zeen ze sjtaon
Allein mer druime, ze zeen bekómme
Sjnelheid jaagt door, gein minsch bekoort

Refrein:
Es ich ze zeen gein mitlieje
Es ich ze zeen gein centje pien
Es ich ze zeen gein mitlieje
Es ich ze zeen gein centje pien

De waereld geit aope, hè sjient door dien ouge
Kiek de waorheid, veur dich sjtaon
Kiek deep in de nach, en zeen ´t ochtendglore
´Nne nüüje daag, bruk noe aan

Ich höb mien druime, in miene boek
Mien hart dèt haet d´r las van
Ze kieke deep, in sjoane ouge
En ze zeen wat ich vraog

Vraogende ouge, mèr de waereld is te klein
Jederein hie, is ´n minderheid
Zjwart, gael of broen, of angere kleure
Sjlao uch hènj inein

HOME PLAATSNAMENOVERZICHT HOME

ES ’T DUUSTER WURDT IN DE VRAÉMDE
Tekst: Piet Custers - muziek: ?

Es 't duuster wurdt in de vraémde
Gaon mien gedachte trök
nao det auwd Suestra
Wo ich vónj mien jeuggelök
Zeen ich die tores van die auw kirk
In de aovendlóch nog sjtaon
Es ich dao zoa aan blief dènke
Koos ich te voot nao Zöstere gaon

Ich dènk nog aan die auwer tiepes
Eine Lenard sjlóffend op zien klump
De Nösj loere nao de lóch in
Of zien sjeksie nog neet kump
Geer zólt uch noe waal aaf gaon-vraoge
Wórom Zöstere zoa trèkke kan
Ich zal 't uch verklaore
In Zöstere dao woont mien mam

HOME PLAATSNAMENOVERZICHT HOME

ESTE IN ZÖSTERE GEBAORE BÖS
Tekst: ? - muziek: ?

' t Kiendje wórt gebaore, de auw lüj wore blie
Ze gove hem 't flesjke dao koom 't good van bie
Ein kleine drie maondj later oot 't al road moos
De wiesvrouw woor verwónjerd en wós neet wie det koos
Mer zien vader vónj det fijn, dae zóng toen dit refrein

Refrein:
Este in Zöstere gebaore bös, böste sjlummer den de res
Este in Zöstere gebaore bös, höbste vief jaor HBS
Este in Zöstere gebaore bös, höbste vief jaor HBS

En op 't kleutersjeuëlke waat toen al neet gebeurde
Toen vrog hae zich eine brómmer wo hae al flink mit sjeurde
Jederein dae woor versjtómp en dach wie zal det kènne
Det menke mót van Zóstere zeen óm aan zoa ein dèngk te wènne
Mer zien vader vónj det fijn, dae zóng toen dit refrein

't Menke moos gaon dene veur 't leve vaderlandj
Hae pakde zich zien zakes, de pungel in de handj
De majoor dae zoog 'm kómme en reep: inde houding allemaal
Dao jóng kump van Zöstere, dae wurdt vas generaal
Mer zien vader voónj det fijn, dae zóng toen dit refrein

HOME PLAATSNAMENOVERZICHT HOME

EUFORIE IN DE DÖRPSLAOTERIE
2003/2004: Tekst: René de Serière & Wim Maessen - muziek: René de Serière
Zang: De Batsekratzers

Refrein:
Aw wie, Marie Wat 'n euferie in de laoterie
Aw wie, Marie Euferie in de dörpslaoterie

Marieke bie ós naeve, die duit aan alles mit
Det is noe ech 'n vruike, die gaar nörges mit zit
En kumps ze dao mit laotjes, den zaet Marie: kóm hie!
Effe de beusj gaon pakke, jóng, en doot d'r mich mer drie

Wat kèn ich dao mit wènne, vreug Merie zich den toch aaf
'n Ech vet laevend verreke, zaet Harie den hieël braaf
Wat mót ich mit zo'n bieëske, det maak auch gaar niks oet
Ich höb nog noajjts gewónne, dus wooróm zaw det noe

Op zunjig woor de trekking, de hoofpries dae ging droet
Merie det haw gewónne, det bieëske mit die sjnoet
Wat mós 't dao toch noe mit, nao de kènjerboerderie
En neet allein de kènjer, auch det verreke woor hieël blie

HOME PLAATSNAMENOVERZICHT HOME

FALDERAAAAAAH
F.Möller, E.Möller, S.Florenz, E.Masthoff, H.Steijvers, W.Crijns, H.Omloo
Zang (*) : Janse Bagge Bend

Doe höbs sjoan tenj, wie autobenj.
Ein sjtöm wie ein tröktraprem.
En este den dien sjoon oetduis, ruuk 't net wie ein kipperen.

Falderieh, falderaaaaaah.

Geis mit de bös of lieëns eine fits
En brungs dem noajt mieë trök.
Este mer flink jatse kens, den kènt d'n daag neet sjtök.

Falderieh, falderaaaaaah.

Eine bril mit glaeskes Apfelkorn.
Roaj oare, verkesnaas.
Sjpek, broen boane, soppeknaok.
Frisje blome in ein vaas.

* cd (1994) : Janse Bagge Bend -" Branje en sjnirke " - Marlstone Recordings bv - CDS 9419

HOME PLAATSNAMENOVERZICHT HOME

FANTEZIEKE
1954: Tekst & muziek: Evert Zits

De mam vertèlde vreuger ummer
Det oppe maon ’n menke laef
Mer det dao ouch maedjes wone
Wae haét zoa get oats belaef!

Refrein:
Zouwe oppe maon ouch maedjes wone?
Zouwe oppe mano ouch maedjes zeen ?
Och, g’r zólt ’t neet gluive
Mer toch höb ich ze zelf gezeen

Dao is mich toch get geks euverkómme
Wie ich heives ging dees nach
Zoog ich op ’t mäönke maedjes danse
Wae hauw zoaget noe verwach?

Ze wèngkde mich en knipde uigskes
Waat ’n bleumkes wore ’t toch!
Same zónge ze ’n hieël leef leedje
Ich heuër noe ’t wieske nog!

Al liek dit ouch ein gek verhäölke
Ich knuip uch toch ech niks op
Maér ich mót d’r bie vertèlle
Ich hauw waal väöl dröpkes op...

HOME PLAATSNAMENOVERZICHT HOME

FIËSTE WIE DE BIËSTE
Zang (*) : Janse Bagge Bend

W'r zeen noe hie en goan noe fiëste
En goan te keer wie de biëste
Kommunifees of oppe kirmes
Of es d'r net eine getrouwd is
Sjeete de sjötte de vogel aaf
Of reup urges eine: "Alaaf!"
Wie de vèrkes goan w'r noe zoepe
En oppe kneen op heem aan kroepe

Dus sjnap uch mer aan 't buffet vas
't Sjpieje dat kump sjtraks pas
Vandaag loate w'r gein glaas mee sjtaon
Omdet w'r toch veur de ratte gaon

W'r zoepe door tot w'r kiepe
En kriege lasj-auge van al die sjoan "miepe"
Van 't sjpektakel en geroas
Krieg ich hoge drök oppe bloas
Van al dae apfelkorn en beer
Krieg ich minstens 4 atmosfeer
De mansluuj sjtoan allemoal
Boete, solidair, taege eine weijepaol

Dus sjnap uch mer aan 't buffet vas
't Sjpieje dat kump sjtraks pas
Vandaag loate w'r gein glaas mee sjtaon
Omdet w'r toch veur de ratte gaon

Veurdet ich heim goan, mot ich neet vergaete,
Te zörge dat ich get höb gegaete
Kaw-sjotel, fricandel of frit
Es d'r mer eine kwak mayonaise op zit
Veurdet ich op heim aan riet
Mot ich nog 4 meater bonne kwiet
Veurdet ich mich op heim aan graaf
Nog eine keer de fiës-tent op en aaf

Dus sjnap uch mer aan 't buffet vas
't Sjpieje dat kump sjtraks pas
Vandaag loate w'r gein glaas mee sjtaon
Omdet w'r toch veur de ratte gaon

* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

DE FITS DAE WÈT DE WAEG
2004/2005 nr.1 : Tekst: ? - muziek: ?
Zang: Sjmessing Pupkes

Refrein:

HOME PLAATSNAMENOVERZICHT HOME

FREDJE
1989: Tekst: Victor Hennen – muziek: Yvonne Wackers
Zang: Knoerhell

Refrein:
Kiek doa kump Fredje mit zien trompetje
hea is altied van de partie
Zien kendj hét Létje, zien vrouw hét Jetje
en die zeen den ouch derbiej
En es oos Fredje bloaze geit den hult nemes ‘m meer biej
Tis hel en valsj en oet de moat, tis in un zate hermenie

Fredje kump oet ’t noorde oet ’t land van Maas en Waal
’n vrouw, ’n kéndj en unne hondj alles heel normaal
’n braaf en zörgzaam burgerke in un huuske in de riej
Mer es ut vastelaovend is den is t’r waal d’r biej

Fredje koch ’n trötje, ’n kopere trompet
en ’n heel auwt trumke, det woar veur zien Jet
Hae ging heel good oefene en bloas ’t do re mi
en toen ’t vastelaovend woort, toen woar hea ouch d’r biej

Fredje bleef door bloaze, hea oefende heel good
hea koch zich toen ’n heel sjoon pak mit nu echte sjötte hood
Hea bleus noe ech, Jet huit noe ech in ’n zate hermenie
en mit de vastelaovestied, zeen ze jeder joar d’r bie

HOME PLAATSNAMENOVERZICHT HOME

D'R FRITZ
Frantzen, Gerdess, H. Steijvers
Zang (*) : Janse Bagge Bend

Ich höb in Tuddere gevriet.
Ein prachtig joar, eine sjoane tied.
Ein ganzes Jahr und noch viel mehr,
die Liebe nahm kein Ende mehr.

Mer de pap van höör, dae heisjde Fritz.
Haw miene pap ooit de fits gesjtrits.
Vor fünfzig Jahr, vielleicht noch mehr.
Die Liebe nahm kein Ende mehr.

Mer `t maedje koos doa niks aan doon.
`t Sjtong neet in de pap zien sjoon.
Vor fünfzig Jahr, vielleicht noch mehr.
Die Liebe nahm kein Ende mehr.

* cd-single - B-kant

HOME PLAATSNAMENOVERZICHT HOME

GANK AAN DE KANTJ
1991/1992: Tekst: Anita Herzig & Theo Opgenoord – muziek: Nico Dirkx
Zang: De Kepèl

Refrein:
Tarara dzjing, tarata dzjing, tarara bóm
Mit vastelaovend houw ich op de dikke tróm
Gank aan de kantj, laot mich èns door, ich wil veurbie
want achter mich kump noch ein ganse harmenie
Gank aan de kantj, laot mich èns door, ich wil veurbie
ich höb het weer èns op mien prie
Ich kóm noe drie daag neet mieë sjtop
ich krieg de kolder in de kop
vaeg op det vel en loup dao bie veurop

Es kaelke wou ich blaoze, ich vónj mich muzikaal
ich koch mich toen ein träötje, det woor neet ideaal
ich martelde en maorde, ich bloos mich tureluur
de lónge vol, de wange bol mer hauw gein ammezjuur

De bure die sjandaalde, wat is hie aan de handj
det menke haet van toet of blaoze gein versjtandj
mer eemes dae det hueërde, zag kóm es hie bie mich
ich höb ein instrument det is op maot gemaak veur dich

Mit de vastelaovend, ’t is ein sjoan gebroek
gaon ich drie daag sjoaje, de tróm op miene boek
en hueër ich eemes zègke, doe huits toch väöl te hel
det duit mich gaar gein pien, want ich höb toch ein hieël dik vel

HOME PLAATSNAMENOVERZICHT HOME

GANS OET ’T FETSOEN
1991/1992: Tekst & muziek: Har Peters
Zang: Braaf Lestig

Refrein:
De vastelaovend rit ós gans oet ’t fetsoen
Wer riete ‘em ein tuut en gaeve ‘em van ketoen
Det is woo weer nao laeve jeder jaor
Want is der get te fieëste, jao den zeen weer dao

Mit die daag reup jederein alaaf
En sjeete weer de vogel aaf
En alles wat wer doon det gebeurt mit eine lach
Zoa blieve weer waal raoze tot deep in de nach

Dae wuiles van hienaeve zit weer op zjwart zaod
En ein hermenieke löp gans oet de maot
Mer mit vastelaovend maak det gaar niks oet
Want weer versjtoppe òs achter ein geverfde sjnoet

Nao drie daag den is vastelaovend weer veurbie
Allein veur’ne hieëring sjtaon weer nog in de rie
En kikse den trök op die aafgeloupe daag
Den móste toch zegke, ’t woor alweer gesjlaag

HOME PLAATSNAMENOVERZICHT HOME

GANS VAN SJLAAG
1994/1995: Tekst: René de Serière – muziek: Nico Dirkx
Zang: Kènjervakansiewerk Zöstere

Refrein:
Blief mer lache, blief mer danse
Blief mer zènge de ganse daag
Want de kómmende drie daag zeen weer gans van sjaag
Blief mer lache, blief mer danse
Blief mer zènge de ganse daag
Weer zeen noe gans van sjlaag

Door ’t jaor haer renne weer ós kapot
De kènjer van Zöstere die sjtaon veur ós veurop
Mer mit de vastelaovend den hóbbe weer ’t neet mieë
Den zeen weer knettergek, jao door ’t dulle haer

Weer pakke ós de sjminkdoas en ’t pekske oet de kas
Want de kómmende drie daag kump ós die van pas
Jao, mit de vastelaovend zeen weer drök in de waer
Weer gaon ós weer verkleije, jao det doon weer zoa gaer

Oppe sjtraot en in de kaffee sjnappe weer ós in d’n erm
En degéne dae det neet duit dae vènje weer mer erm
Want de vastelaovend, dae is veur jederein
Sjnap uch dus mer vas en zèng noe dit refrein

HOME PLAATSNAMENOVERZICHT HOME

‘T GARDERAOBE-MAEDJE
2005/2006: Tekst: Martin Henskens - muziek: Nico Dirkx
Zang: De Vrie-gezel

Refrein:
Doe bös 't maedje van de jeskes
Es ich dich zeen maak ich danspeskes
Waat ein figuurke waat ein kuntje
Wie leef geufs doe mich toch det muntje
Doe bös 't maedje van de jeskes
Es ich dich zeen maak ich danspeskes
Mien hertje det geit op en neer
Ich haop doe bös d'r mörge weer

Zóndig de jas op d'n erm
aanhauwte vónj ich te werm
Wil noe neet te lang sjtaon
jas ophange en laote gaon
Mer eine blik en ich wis genóg
doe woors alles, alles waat ich zóg

Maondig alweer in de riej
volges mich es enigste bliej
Hauw drei jeskes euverein
want haos hauw ich noe gein
Mer eine blik en ich wis genóg
doe woors alles, alles waat ich zóg

Daensdig mit sjtoute sjoon
haop ich sjtaon toch ech neet veur kloon
Ich gaon 't zègke, ich gaon 't vraoge
Ich hauwt van dich, 't is neet gelaoge
Want eine blik en ich wis genóg
doe bös alles, alles waat ich zóg

HOME PLAATSNAMENOVERZICHT HOME

GEIN ZÖRG MIT VASTELAOVEND
1998/1999: Tekst: Tiny Lumens – muziek: Danny & Bertien Larue
Zang: Lóch Genóg

Mit de prins en ziene raod,
trèkke weer same door de sjtraot
Weer gaon d’r taenge aan,
drènke ós ein glaeske beer
en weer höbbe väöl plezeer
De zörg mótte van de baan

Jeder jaor mit vastelaovend, den zeen weer hieël er bliej
Weer höbbe ’n gans jaor mótte wachte, mer noe sjprènge weer, zie aan zie
Jederein haet ein sjoan pekske, al bès-te kat of hóndj
De dokter haet ’t ós gezag: “Vastelaovend is hieël gezondj”

Refrein:
Dus mit de prins en ziene raod,
trèkke weer same door de sjtraot
Weer gaon d’r taenge aan,
drènke ós ein glaeske beer
en weer höbbe väöl plezeer
De zörg mótte van de baan

En es-te ’n gans jaor hel mós wirke, doe höbs te väöl aan diene kop
De sjpanninge zeen dèks te sjnieje, de blooddrök löp weer op
Dènk aan de vastelaovend, den kump-ste weer tót rös
’t Maak den hieëlemaol niks oet, of-ste de heks of sjneewitje bös

Goje raod wille weer uch gaeve: maak sjpas en väöl plezeer
Laot vastelaovend biej uch laeve, drènk uch aug ein glaeske beer
Laot òs allemaol oug same, weer bliej zeen óngerein
Vastlaovend vier-ste same, want det kèns-te neet allein

HOME PLAATSNAMENOVERZICHT HOME

GELJD
Tekst: René de Serière - muziek: Los Leipos
Zang: Los Leipos

´t Geljd det ligk ech neet miëer oppe sjtraot
Noe gluif mich mer, ich weit wo-euver ich praot
Ich ren daoróm de ganse waek achter de baas
Det is den auch ´n ech richtig aasj

Refrein:
Geljd, geljd maakt hiëel gelökkig
Geljd, geljd maakt hiëel gelökkig

Van maondig bis vriedig höb ich ´n maske op
Ich vleeg den waal ´ns emes nao de sjtrot
Mer ich weit toch waal woveur ich det doon
Det tuutje op ´t letst van de waek, ich num det loan

En gaon ich den op vriedig lekker op sjtap
Den bön ich oppe zaoterdig bienao platzak
Ich sjleip mich den door de zónjig haer
Ligk de ganse daag in bed, want mörrege mot ich weer

En ligk ich op ´t enj van mien laeve in de kis
Al mien geljd is op, det is gein gemis
Gebrach nao de hoore en nao de kroeg
Dus loester good, doe höbs nog hiëel get veur de boeg

HOME PLAATSNAMENOVERZICHT HOME

GEPAK
Tekst: René de Serière - muziek: Los Leipos
Zang: Los Leipos

Doe höbs mich get genómme
Zónger ´t mich te vraoge
Det haet noe lang genóg gedoerd
Ich kóm ´t mich noe haole

Refrein:
Noe denk mer neet, det´s dich veur mich
Neet te bereike bös
Noe denk mer neet, det´s dich veur mich
Neet te bereike bös

Kump ´t oajt nog good mit mich
Zal ich oajt nog laeve
Doe höbs mien toekoms kapot gemaakt
Ich woor doe nog met zeve

Hie höb ich zoalang op gewach
Dit hejs dich noajts van mich gedach
Neet te geluive

Al zit ste opgesjlaote
Achter die dikke moere
Ein dengk weit ich zeker
Det ich dich oajt zal kriege

HOME PLAATSNAMENOVERZICHT HOME

DE GRAASBOER (1)
1989: Tekst: Victor Hennen – muziek: Yvonne Wackers
Zang: De Zösterse Maedjes

Refrein:
Och Zöstere graasboer, ich höb dich zo gér
Dae sjone géle sjreuahood en doa op die vér
In de handj ’n zésel, ’t piepke in de mondj
De zakdook om de hals en ’n kleurke zon gezonndj
Och Zösterse graasboer ich hawd zo van dich
Doe bés van dees graasboerin doe bès van mich

Al kump t’r oet ’t Brook of ’t Meuleveldj
’t Heuls of Veurt, de Mert of ’t Middenveldj
Es ’t unne graasboer is den is mich det egaal
want es ’t vastelaovend is den mirkste det waal

Es tum urges ténge kums den hoals tum altied droet
he hèt den gouw zin en unne lach op zien sjnoet
Es t’r get te feaste is, is um alles egaal
want es ut vastelaovend is den mirkste det waal

Is ’t den auwtwieverbal, de schprunk t’r in de riej
doe zuus ‘m in de optoch in un zate hermenie
He trék drop oet al wurt ’t laat det is ‘m egaal
want es ’t vastelaovend is den mirkste det waal

HOME PLAATSNAMENOVERZICHT HOME

DE GRAASBOER (2)
1990: Tekst: Wim Fiddelaers – muziek: Perry Muijsers
Zang: 't Heilig Vaat

De graasboer is veur Zöstere eine hieële groate man
Mit Karnaval den geit dae kael zoa wie nemes kan
Es ter euver det sjpaor haer kump, den geit get door dich haer
Den trèkste achter hem aan en es ut mót door wèndj en weer

Refrein:
Want de Graasboer is van Zöstere
Nae luuj dao kump toch nemes tösje
Ederein maak de gekste sjprunk
Es ter van ziene graasboer zunk

En es t’r eine nuuje prins, den kump dao an de moer
In vol ornaat, in ut bèste pak, de Zösterse graasboer
Besjermp de prins zoa good d’r kènt, de ganse gekke tied
Dae waat die daag neet mit wilt doon, dae krig verdorie sjpiet

Op zaoterdig veur de karnaval, den haet d’r ziene bal
Veur graasboere begint den al de echte karnaval
Daen aovend is spjesjaal veur hem, det merkste in de zaal
Men zungk en sjprunk, sjtuit op de kop en vundj det sjiet egaal

Om twèllef oer de lètste daag, den zit zien werk d’r op
Ederein geit den nao de mert mit eine zjwaore kop
De sjtömming is te sjnieje en waat is mich det ein leid
Men meek en sjuld, begrip ut neet, det hae noe al weer geit

HOME PLAATSNAMENOVERZICHT HOME

‘N GRAASBOER IS DE KEUNING TE RIEK
1997/1998: Tekst & muziek: René de Serière
Zang: De Batsekratzers

Refrein:
Sjwing ta la ta boem olé
Sjwing ta la ta boem
De stömming, jao die is oké
Sjwing ta la ta boem
Sjwing ta la ta boem olé
Sjwing ta la ta boem
De stömming, jao die is oké
Sjwing ta sjwing ta boem

1. Trèkke weer weer aan de bel
2. ’t Is hie net ’n karroessel
1. Same zeen weer aan de zjwier
2. De sjmink dae is neet veur de sier
1. Weer sjprénge hie noe handj in handj
2. Oug de keuning is noe klantj
1. De vastelaovend brungk bie-ein
2. Nemes krig ós klein

1. De keuning haet de kroan noe aaf
2. Duit good mit en reup alaaf
1. De septer is d’r drie daag kwiet
2. Mer hae haet noe geine tied
1. De vastelaovend maak ‘m blie
2. Hae sjprungk mit ós noe zie aan zie
1. De vastelaovend brungk bie-ein
2. Nemes krig ós klein

1. De wien dae vloejt, ’t beer det sjtruimpd
2. Waem haw dao noe toch van gedruimpd
1. ’n Breuëdje woos of camembaer
2. Det haet de keuning toch zoa gaer
1. Mer ’t leefste viert hae karnaval
2. Mit väöl plezeer en sjaele kal
1. De vastelaovend brungk bie-ein
2. Nemes krig ós klein

HOME PLAATSNAMENOVERZICHT HOME

‘T GRAASBOERE-GEZIN
1993/1994: Tekst & muziek: Mart Moors
Zang: Zösterse Maedjes

Door ‘t ganse jaor haer aan de kaokpot vasgeplek
Mit ’t sjèlle van de aerpel en ‘t bakke van ’t sjpek
Maar taege vastelaovend kump de kriebel in ós blood
De kènjer aan de kapsjtok, de pap wurdt ’t neet good

Refrein:
Mit vastelaovend bakke weer ze broen
’t Ganse graasboere-gezin oet zien fetsoen
Aan de kantj mit sjpóns en laere lap
De pap zörg veur de poete, de mam, die geit op sjtap

En eder auwt wieverbal, ein bietje in de buurt
Dao trègke weer op aan, den wurdt ein böske aafgehuurd
Den wurd gedans, gesjprònge, dolle gekkerie gemaak
Totdet de ganse boewt zoaget in al zien vooge kraak

En kump de vastelaovend, gaon de remme richtig los
Weer zeen den neet te sjtoppe en pap is weer de klos
Nao d’n optoch löp t’r laam, mit sjeute in de rök
Vieftieën kilo lóchter, dae k`n-ste neet mieë trok

Mer daoveur wurdt de pap, zoa-es algemein bekènd
De res van ’t jaor op de beëste aaf verwènd
De kènjer zeen weer bliej, es de mam weer zelf kaok
Det sjmaak toch sjtökke baeter es eine kauwe sóppeknaok

HOME PLAATSNAMENOVERZICHT HOME

‘T GRAASBOERERIEK
1991/1992: Tekst: René de Serière – muziek: René de Serière & Gerardo Romero
Zang: Los Leipos

De vastelaovend is weer dao
Loup ós noe mer achternao
Drie daag langk höbbe weer fieës
Weer gaon tekieër wie ’n bieës
De vastelaovend is weer dao
Loup ós noe mer achternao
Nemes sjtuit hie aan de kantj
Weer sjprènge same oet de bandj

Refrein:
Weer gaon noe danse, lache en zènge, sjprènge
Drie daag langk ószelf verwènne
Zöstere heuërt d’r noe einmaol bie
Mit de träöt en de tróm in de henj
Sjprènge weer nao alle kenj
Vastelaovend in ’t Graasboereriek

Mit vastelaovend höbbe weer ’t good
’t Zit de Graasbörger in ’t blood
Nemes kènt ós dees daag aan
Weer gaon d’r good taengeaan
Mit vastelaovend höbbe weer ’t good
’t Zit de Graasbörger in ’t blood
Zöstere is nummer ein
Zoa wie ós is d’r gein ein

Weer hauwe drie daag op die kis
Bie ós geit hieëlemaol niks mieë mis
Drie daag langk lekker zoepe
En ’saoves fein heivekes kroepe
Weer hauwe drie daag op die kis
Bie ós geit hieëlemaol niks mieë mis
Daensdigaovend sjete weer ‘m aaf
De Graasbörger dae zaet alaaf

HOME PLAATSNAMENOVERZICHT HOME

‘T GRAASBOERE-WELSKE
1997/1998 : Tekst & muziek : Peter Feijen
Zang: Mit de Päöt in de Gäöt

Eine graasboer oet Zöstere zit aan de gróndj
Zien graasboerin dréjt ganse daag in ’t róndj
Det wilt ummer danse, blif good in de maot
En mit vastelaovend, den dans ’t op sjtraot

Refrein:
Ein twieë drie, ein twieë drie
Geit ’t den op de klump
Ein twieë drie, ein twieë drie
Of t’r gein ènj aan kump
Ein twieë drie, ein twieë drie
Als is ’t soms oug zjwaor
Den is mit väöl gemaor
’t Graasboerewelske klaor

Zien Graasboerin sjtamp op de klumpkes zoa hel
Det dréjt en ’t tórvelt wie ‘nne pópperel
De graasboer dae erme póllesaot
Dae wilt waal èns mit doon, mer hilt gaar gein maot

’t Wurdt vastelaovend mer wat noe gedaon
Hae keek èns get róndj en hae sjtóng mer te sjtaon
Hae wól lieëre walse mer haw gein bezéj
Van ein twieë drie peskes en van det gedréj

Dae graasboer oet Zöstere haw gooje mood
Hae oefende sjtiekum bie zich op ’t good
Hae koos opèns danse en good in de maot
Noe danse ze same det welske op sjtraot

HOME PLAATSNAMENOVERZICHT HOME

DE GRAASBOERIN
1991/1992 nr.1 : Tekst: Louis Mostard – muziek: Lou Mostard & Sjarel Bexkens
Zang: Dollie en de Dulton Brodders

Gelaen of Haelder, auch Mesjtreeg
die höbbe väöl te beje,
mer vastelaovend is dao niks dao wurd carnaval geleje
Die luuj ocherm die zeen sjtraoterm
die is ’t neet gegaeve
óm net zoa wie in Zöstere
mit ein Graasboerin te laeve

Refrein:
Vastelaovend viere zónger Graasboerin
det is wie zjwömme in de Bagger
zónger water drin
Dae waat gein Zösters maedje kènt
wurd door ’t laeve neet verwènd
’t Haet jao gaaroet geine zin
te laeve zónger Graasboerin

In Zöstere die sjoane sjtad
dao aan de Röll gelaege
dao zuuste de graasboerin
op hook en kantj kumpste ze taenge
pópperlöstich en sjarmant
zón leef en lekker toaj
die brunk, jao noe geluif ’t mer
de sjtiefste prengel oet de ploaj

Mit de vastelaovesdaag
geit de Graasboerin flanere
ze trek den door ’t ganse dörp
geit zich veramezere
en es zo’n bloom dich taenge kump
jóng hauwt dich den mere vas
det kèntj brungk dich den hemel in
mit zoan maedje krigste sjpas

HOME PLAATSNAMENOVERZICHT HOME

DE GRAASBOERIN
Vastelaoveszóndig, efkes nao de middig, bie 't Mènke oppe Mèrt
Tekst: Wim Maessen & René de Serière - muziek: René de Serière
Zang: Mit de Päöth in de Gäöth

Refrein:
'n Graasboerin, 'n Graasboerin,
Jao, det böste veur 't laeve
'n Graasboerin, 'n Graasboerin,
Jao, die sjtuit d'r middenin
De graasboerin zal altied blieve, in ós Zösters Graasboerriek
De graasboerin zal altied blieve, in ós Zösters Graasboerriek

Es alle lüüj den nao de Mert toe gaon, zóndigs-sjmiddigs vreug
Wurd de Graasboerin dao oetgeroope, dien auge zin nog dreuëg
Wurd 't Joke (van de Badding), wurd 't Tinie (Lumens) of wurd 't Jessie van de Päöth
Waem zal 't waere, 't kan niks sjaele, weer ontvange höör mit tróm en träöt

In Zöstere höb-ste neet allein de Prins, mer auch 'n Graasboerin
Óngerwaeges is zie mit dae ganse tròp, löp zie altied middedrin
Wat 'n maedje, wat 'n mechelke, Jóng wat is dat 'n sjoän prie
Altied danse, altied sjanse, altied mit hart en zeel d'rbie

HOME PLAATSNAMENOVERZICHT HOME

DE GRAASBOERSJOENKEL
1989: Tekst & muziek: René de Serière
Zang: Duo Sjlaop Mèr Wiejer

Refrein:
Gaef mich un èrmke
Sjoenkel mit mich van je holladiejee
Gaef mich un muulke
Gaef du mich ein, ich gaef du dich twee
Sjoon is ut laeve
Veer haute van lol en veer make plezeer
Dèt is pas un leave
Wat wilste nog meer

De Sjötte van de Hei veurop
Die trèkke door de sjtad
De dieke trôm der-nêve-op
Die sjleut d emoat hàel knap
Ze sjpéle van ut sjmörgens vreug
Toet laat in de nach
En es ze dan noa hoes toe gaon
Dèn heurste nog heel lang ………

De Hermenie is auch debie
Mit Hen, Frans en Pierre
Loape ze drie daag in ut rôndj
Want bloaze doon ze gér
En zése jông kom tröt nog gèt
Dèn zinse aan de gang
En es ze dan noa hoes toe goan
Dèn klinkt ut nog ieel lang………

De zaate Hermeniekes
die zin noe weer sjtapeldol
Die sjpéle van ut sjmörgens-vreug
de ganse daag weer vol
Ze drènke zich un pilske
en bloaze de ganse nach
en es ich dan noa hoes toe goan
Dèn heur ich nog heel lang………

HOME PLAATSNAMENOVERZICHT HOME

GRAASBUURKE (Tralala)
Piet en Evert Zits (?)

Refrein:

HOME PLAATSNAMENOVERZICHT HOME

‘T GRAASBUURKE IS KWIET
1997/1998: Tekst & muziek: M. Meuwissen
Zang: De Doedelzekskes

Refrein:
Mit vastelaovend in ’t Graasboerriek
Is al ’t vieë hun graasbuurke kwiet
Hae is al drie daag langk neet mieë gezeen
Woo zouw det graasbuurke noe toch zeen?

Höb geer ‘m sóms gezeen
Hae is al drie daag weg
Det menke mit die klómpe
En det petsjke op de kop
Of is d’r sóms verkleid
En löp d’r es awt wief
Ein maske en ein pruuk op
En ein tesjke in de henj

Of huit d’r op de tróm
Hae bleus missjien de träöt
Of drunk d’r zich ein pilske
In ein röstig awt keffee
Of is d’r aan de zjwier
En sjprungk d’r in ’t róndj
Det menke mit die klómpe
En det maske op de kop

De verkes en de kuuj
Ze misse ‘m drie daag
Ze waere neet gemólke
En ’t voor is bienao op
Mer zeen die daag veurbie
Den kump d’r waal weer toes
Det muenke mit de klómpe
en det petsjke op de kop

HOME PLAATSNAMENOVERZICHT HOME

DE GREUN TAILLE
1993/1994: Tekst: René de Serière – muziek: Gerardo Romero, Ruud Meewissen, Bart Weyzen, Manuel IJpe & Patrick Smit
Zang: Los Leipos & Thijs van Thoor

Refrein:
In Zöster is van alles te belaeve
Dao kèn-ste dien geldj oetgaeve
De greun tajje van ’t Limburgse landj
Dao höb ich mien hertje aan verpandj

Kum-ste Zöstere bènne rieje
Mit de auto of de fits
Zuus-ste die borde sjtaon dao
En die zègke dich neet niks

Wil-ste vastelaovend viere
Kóm den mer nao dit dörp
Want weer höbbe mit ós fieve
Veur ’n hieël groat fieës gezörg.

Wil-ste effe gaon relekse
Den höb ich ’n good idee
Gank den sjwömme in de bagger
Det is baeter den in de zieë

Wil-ste Zöstere gaon verlaote
Doont det den mer neet te flot
Dit dörpke zals-ze neet vergaete
Nae, det blif in diene kop.

HOME PLAATSNAMENOVERZICHT HOME

DE GREUN TAILLE
18 JULI 1957 SJWOONSDIG EFFE NAO DE MIDDIG
1995/1996: Tekst: Harie Lempens – muziek: Sef Leurs
Zang: De Koele Klöppels

Ich ging zjwömme nao de koele mit ein maedje oet de buurt
het haw ein zjwömpekske gesjtrik en dao op geborduurt
mer noa de ieërste duuk zag ’t mich ich mót d’r oet
’t zjwömpekske is aan ’t krumpe en ’t litsj mich daligk oet
ich zoog ze sjtaon zoa langk en sjmaal wie ’t auch noe nog is
ein maedje sjoan geteikend zoa wie auch ós Limburg is

Refrein:
Mit eine lach zoa breid es de Mookerhei
ein paar uigskes zoa zjwart wie ein lei
bie Venlo twieë eppelkes sjoan gerundj
en ’n moodervlekske bie Remunj
de navel midde in ’t greun
det is veur Zöstere gans geweun
mer euver ’t Zuide zulle weer mer zjwiege
want dao zeen gein blaajer aan de viege

Mit in de vuus ’t pekske sjtóng ’t baove op ’t kleef
ein wölle graas greun taille det woor al waat euver bleef
mer waat ich dao toen zoog gluif mich ’t is toch waor
in ’n film van Tarzan zuuste neet zo’n sjoan dekaor
moog nog émes getuuge zeen van waat ich neet besjpot
en dao nog aan terögk dènk lach dae zich noe nog kepot

HOME PLAATSNAMENOVERZICHT HOME

HALLELUJA EN ALAAF
2003/2004: Tekst: Martin Henskens - muziek: Nico Dirkx
Zang: Sjmesjing Pupkes

Jao in d’n hemel (3x)
Alaaf en halleluja in d’n hemel

Bös-te van het Limburgse saort
Sjtuis dich bie Piëtrus aan de paort
Jao, jao, den zaet ’t Pieëtrus zat
es doe de waeg vreugs in ’t plat

’t Päörtje door, biej wolk èlluf lénks aaf
Heuërs-ze zénge: halleluja en alaaf

Jao in d’n hemel, doere drie daag ieëwig lang
Jao in d’n hemel, ein polonaise aan de gang
Jao in d’n hemel, Pieëtrus mit ein zunke op zien wang
Alaaf en halleluja in d’n hemel

Ich höb ’t hie nao miene zin
Ich haw de pin d’r nog neet in
Mer good es ich den toch mót gaon
wil ich auch deze waeg in sjlaoan

’t Päörtje door, biej wolk èlluf lénks aaf
Heuërs-ze zénge: halleluja en alaaf

Refrein:
Zéng halleluja (halleluja) halleluja en alaaf (3x)
Alaaf en halleluja in den hemel

Maak dich noe mer neet zoa drök
Weer zeen ós later waal weer trök
Gedraag dich leef, neet laf of laeg
want den wis Pieëtrus dich de waeg

’t Päörtje door, biej wolk èlluf lénks aaf
Heuërs-ze zénge: halleluja en alaaf

HOME PLAATSNAMENOVERZICHT HOME

HANDJ IN HANDJ
2001/2002: Tekst: Martin Henskens - muziek: René de Seriére
Zang: Smesjing Pupkes

Refrein:
Maak kabaal oppe zaal, rempetemp in de tent
Weer danse handj in handj, in ’t graasboerelandj
Maak meziek in ’t riek, in de maot op de sjtraot
Weer danse handj in handj, door ’t graasboerelandj

Kiek neet opzie, mer kóm d’r bie, en sjloet aan in de rie
Weer gaon achterein, en nemes sjtuit allein
Neet aan de kantj, in ’t graasboerelandj
Läöp ómste beurt veurop. De Tent sjtuit op de kop

Weer kómme aan, dus maak ruum baan of sjloet dich bie ós aan
Läöp mit in de maot, op de sjtoep of o de sjtraot
Neet aan de kantj, in ’t graasboerelandj
weer make noe meziek en trékke door ’t riek

HOME PLAATSNAMENOVERZICHT HOME

HAOK ÈNS EFFE IN
1987/1988 nr.1 : Tekst: ? - muziek: ?
Zang: Z.H. Kappes Moos

Refrein:

HOME PLAATSNAMENOVERZICHT HOME

HART IN BRANDJ
Tekst: René de Serière - muziek: Los Leipos
Zang: Los Leipos

Ich zoog dich laupe aan de euverkantj
Mien hartje sjtóng direk in brandj
Lang blóndj haor, ‘nne mini-rok
Ich woor drèk dul in miene kop

Refrein:
Mien hart in brandj, mien hart in brandj
Mien hart in brandj, mien hart in brandj

Ich leep nao dich toe en zag: Hey sjat,
Bös dich waal ‘ns good gepak
Kóm noe hie, kóm noe hie aan mien zie
Den maak ich dich ‘ns lekker blie

’t Laeve is zoa sjoan vandaag
Ich weit waal wat ich mót
Ich mót ‘ns lekker vrieje gaon,
Wat det duit mich zoa good
En es ’t efkes taege zit
Den pak ich mich biej-ein
’t Laeve is zoa sjoan vandaag
’t Laeve is zoa fijn

HOME PLAATSNAMENOVERZICHT HOME

HAUWT MICH WERM
2008/2009 nr.1 : Tekst: Nico Dirkx - muziek: Nico Dirkx & Jo Huijnen
Zang: Spik en Span

‘t Is kauwt ’t is half fibbberwarie
Konfettie vilt gemengk mit sjnieë
Vreuger ging ich mit d’n optoch mit
Mer det doon ich al lang neet mieë
Mien donker hart bevraore, tót ich dich zoog langs de kantj
Dien ouge vol van zónnesjien zatte mien hart opèns in brandj.

Refrein:
Vier mit mich de vastelaovend, Graasboer maedje
Vier mit mich de vastelaovend, es weer róndj gaon erm in erm
Doe lieks ’t veurjaor in te haole, door wie ein wèntjerzon te sjtraole
Vier mit mich de vastelaovend hauwt mich werm.

‘t Ies woor vlot gebraoke, weer kóste ós van vreuger haer
En ich zag “geiste mit get drènke, weer mótte weg hiej oet dit kauwe waer”
Dao in det klein kefeeke, dao ontdoajde dien geveul veur mich
‘t sjoanste maedje van de klas, ich gaef noew ein moel aan dich.

De zón veur mich versjene, die sjtraolt veur dich en mich
Mien wèntjergries verdwene, door dien road gael greun gezich.

Laatste refrein:
Vier mit mich de vastelaovend, Graasboer maedje
Vier mit mich de vastelaovend, es weer róndj gaon erm in erm
Doe lieks ’t veurjaor in te haole, door wie ein wèntjerzon te sjtraole
Vier mit mich de vastelaovend hauwt mich werm
Vier mit mich de vastelaovend erm in erm
Vier mit mich de vastelaovend hauwt mich werm.

HOME PLAATSNAMENOVERZICHT HOME

DE HEI, DIE HAET EIN VOETBALKLUB
1992/1993: Tekst: Har Peters – muziek:Har Peters & Marcel Dewaide
Zang: ‘t Iëste van de Boys o.l.v. Tjeu Hurxkens

Refrein:
Jao, de Hei die haet ein voetbalklub, Susterse Boys
En de stömming is good want de klub is zoa, Susterse Boys
Jao, oppe Hei doa is ein voetbalklub, Susterse Boys
Weer vechte allemaol same veur eine gaol, Susterse Boys

Dao achter oppe Hei ligk ein voetbalterrein
Det is al mit al nog lang neet zoa klein
Dao wurt op gesjpeeld door de Boys van de Hei
’T is sjoan om te zeen die blauw-witten op de wei

Bie de Boys dao sjpeelste voetbal mit plezeer
Mit natuurlijk auch ein lekker pötje beer
Want löpste nao ‘ne wedsjtried mit de tóng oppe sjoon
Gangk nao ’t klublokaal die kénne dao waal get aan doon

Det èlleftal van ós geit aanvallend veuroet
De kieper dae hilt de sjoanste belkes droet
Det geit zoa mer door het ganse sezoen
En o het ènj den zeen de Boys de Kampioen

HOME PLAATSNAMENOVERZICHT HOME

HEIVES
trad.
Zang (*) : Janse Bagge Bend

't Haet lang genog gedoerd.
Mien laeve wurt neet miee verzoerd.
Gangk mer noa de mam terök
of sloap mer onger ein brök.

Op de deure zeen nuuj slöj gezat.
Kums neet mee drin, bön dich noe zat.
Zeuk mer eine vrunjd of ein vriendin.
Doe kums neet miee drin.

En zegk mer taege de mam:
"Sjmaer mich mer weer de botterham.
Venjt geer 't gein bezjwoar?
Maak den mien kamer mer weer kloar".

Boete de deur zoch ich mien gelök,
mer wie g'r zeet: 't Is mislök.
Dus venjt g'r 't gein bezjwoar?
Maak den mien kamer mer weer kloar.

Esse vertrokke bös.
Ben ich vriej en höb ich rös.
Kump de jong thoes wienee d'r wilt.
Gein minsj dae doa euver vilt.
Dus 't haet lang genog gedoerd.
Mien laeve wurt neet miee verzoerd.
Gangk mer noa de mam terök
of sloap mer onger ein brök.

* cd (1998) : Janse Bagge Bend -" Bekiek 't " - CDL 9827

HOME PLAATSNAMENOVERZICHT HOME

HELDE
H.Cornwell, D.Greenfield, E.Masthoff, H.Steijvers
Zang (*) : Janse Bagge Bend

Wat deej Bonifacius destieds in Dokkum ?
Wat ging John Kennedy in Dallas doon ?
Napoleon sjtuurde ze noa Elba
En Schuhmacher haet noa de Weltmeisterschaft auch aafgedoan

Wat is gebeurd mit al die helde ?
Zo'n men die vunjse nog mer zelde

Wem kent noe nog Alexander Dubcek ?
Wem wèt noe nog woorom Jan Palach haet gebrandj ?
Wem herinnert zich de naam nog van Romero ?
Of Luther King in det kojbojlandj

Wat is gebeurd mit al die helde ?
Zo'n men die vunjse nog mer zelde

Dees generatie die sjtuit sjoan drop
De produktie van helde die is gesjtop
Ondanks dat kent geer gerös wiejer sjloape
Weer trekke geweun ein nuuj blik helde oape

Tied sjtuit neet sjtil, de klok tik wiejer
De welt dreit door, dat is normaal
En auch noa hun komme nuuj helde
Allein de klok verangert, ze tik noe digitaal

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD

HOME PLAATSNAMENOVERZICHT HOME

DE HERMENIE
Tekst: Piet Zits - melodie: ‘Wie ich nog e jungske waor’

En wie ich nog zón jungske woor
Zónne kleine kroekesjtop
Trog ich zoa gaer ’t waegeske
Mit de dikke tróm d’r op
Ich veulde mich ech muzikant
Gelökkig en gewichtig;
De tróm det woor mie zörgekèndj
Waat woor ich toch veurzichtig
Tralalalala
Sint Cecilia!

Dök wónne weer d'n ieëste pries,
den wort 't waal èns laat!
Ich kreeg sjeklaad en limmenaad
Soms ouch get oet 't vaat!
Ich wórt get blas, leep neet mieë rech
De mam begoos te raoze:
"Ze vore mich det menke zaat,
in plaats van good te blaoze!
Tralalalala
Sint Cecilia!

Wat woor ich greuëtsj op mienen pap
es hae 'ne sole brach
Det sjtökske koos ich oet de kop
det floot ich daag en nach
En al mien bruers bloze 't ouch,
det maakde waal get laeave!
En zelfs de mam die zóng dèks mit,
al zoot ze vies d'r naeve
Tralalalala
Sint Cecilia!

Daen tied is noe al lang veurbie,
ich kraak van alle kenj
Ich lótsj allein nog aan de piep,
ich riejer mit mien henj
Es ich de lètste aom oetblaos,
sjpeel mich 'n milledieke
blaos zach es ich begrave waer
en loup sjoan in 't rieke!
Tralalalala
Sint Cecilia!

HOME PLAATSNAMENOVERZICHT HOME

HEI HEI…., HÖB GEER ’T AL GEHEUËRD?
2007/2008 nr.1 : Tekst & muziek: Har Dullens
Zang: Dulton Brodders

Refrein:
Hei hei…., höb geer ’t al geheuërd ?
De navigasie van Harie is versjteuërd
Det kump door de vastelaovend
Effe kortsjloeting nao gisteraovend
Hei hei…, höb geer ’t al geheuërd ?
‘t sjerm van Harie is road, gael, greun gekleuërd
En ederein reup, zelfs van wiet en ziet
Hae is de waeg…., drie daag kwiet

De elfde van de elfde nao Mestreech
Wo de vastelaovend zuut ’t laevesleech
Harie veurop, hae wis ’t gans besjlis
Mer pries de daag neet veur ’t aovend is
Want van Harieke krisse dikke bein
Dae Sinterklaos, sjtóng op ’t Slevrouweplein

In Venlo de zoepkoel in, dus vreug derbiej
Follow me zaet Harie, nao de veurste riej
Pópperlöstich, en sjtraolend van gelök
Woor ’t neet zien vruike floot häöm trök
Want óze Harie woor alweer gesjtrand
Dae pollesaot, bleek aan ’t befèt belandj

Zoa geit d’r väöl mer kómme duiter nurges
En gluif noe mer det det veur häöm ein zörg is

HOME PLAATSNAMENOVERZICHT HOME

HEY MAEDJE
Tekst: Ron Cleven, René de Serière - muziek: Los Leipos
Zang: Los Leipos

Ich rie mit miene Harley oppe Riekswaeg
‘nne Houp kabaal, wie ’n kèttingzaeg
Ich goof ’n sjtruip gaas, zat ‘m in zien vief
Doe zoog ich det maedje, mit det sjoane lief

Refrein:
Hey maedje, wo mós doe haer
Mit dien sjoan bein brèng ich dich gaer

Bie ’n kruutzing hej ich effe pech
‘nne Gooie sjprint en die meid woor weg
Ich drejde mich en dach wo is die toch
Doe zoog ich die anger, neet mieër wiejer gezóch

Die meid bleef zeike aan miene kop
Wat höb ich noe toch veur get achterop
Ich trapte op de rem en zag: Doe kèns gaon
Noe maak dich eweg, ich höb get nüüjts zeen sjtaon

HOME PLAATSNAMENOVERZICHT HOME

HIEJ BRENT DE LAMP...!!!
2010/2011: Tekst & muziek: Har Dullens
Zang: de Dultonbrodders

Refrein:
Ooohao..hiej brent de lamp noe, noe kiek toch hiej
Waat ’n gelök weer wóre oppe tied d’r bie
Want dae dit vuurke haet aangesjtaoke
Zat ós in vuur en vlam en brach de tent aan ‘t kaoke
Ooohao.. hiej brent de lamp noe, noe kiek toch hiej
Sjtaot neet te kieke, kóm d'r bie
want es esjelegoonsdig de sjpas ’t van de sjlaop verlus
Is hiej det brentje gauw geblus

Miene sókkernónk dae kump van euver de päöl
Kènt zien grens mer wilt toch dèks nog väöl te väöl
Mit de vastelaovend hauw hae ’n leuk idee
Wèt g’r waat de sókkernónk toen dee ?

Hae sjot toen ‘nne flinke oppe lamp
Geknetter,‘nne plof en hieël väöl damp

De kastelein zag lèts de lètste is van mich
Det vónj ich flauw, want hae dach allein aan zich
Doe sjöts mich ‘nne in… !!!, reep de ganse kaffee
Wèt g’r waat de kastelein toen dee ?

Hae sjot toen ‘nne flinke oppe lamp
Geknetter, ‘nne plof en hieël väöl damp

Brug:
Want trèk de kastelein de sjtekker droet Den geit de lamp hiej gans vanzelf oet

HOME PLAATSNAMENOVERZICHT HOME

D’N HÓNDJ VAN HARIE
2003/2004: Tekst: Harry Lempens - muziek: Marcel Dewaide
Zang: Braaf Lestig

Ein paar maondj geleje kreeg Harie eine hóndj
dae woor toen nog klein en sjpróng get in’t róndj
De vrouw haw gezag: "zónne hóndj is get veur ós",
mer Harie dae dènk noe : "wo bön ich aan begós!"

Refrein:
De hóndj van Harie haet de kolder in de kop,
miet vastelaovend haet det deer ein masker op
Hae maakt ’t den flink laat,
want ’t baasje is toch zaat
Mit de vastelaovend haet d’n hóndj ein masker op,
jao mit de vastelaovend haet det biëes ein masker op!

Jedere mörrige om hauf ach, is Harie weer de zak
es ’t raegent wie ein biëes, wurdt toch de reem gepak
De hóndj dae wilt den neet, Harie sjuld h’m den verrot
en Sien de buurvrouw die lach zich weer kepot!

Mer zónne hóndj is auch toch waal èns fein
Es vreuger get mis ging den woor de tent te klein
Dae’n Harie dae kreeg den de wèndj altied van veure,
noew haet de hóndj alles gedaon en kènt Harie niks gebeure!

Harie löp jederen daag mit det bieës aan zien ziej
en óndanks alle gedoons is Harie toch waal bliej
Want mit zónne hóndj, den wèts-te waat-se kris:
noew is tenminste émes bliej es Harie weer toes is!

HOME PLAATSNAMENOVERZICHT HOME

'T HÓNJELAEVE
Tekst: René de Serière - muziek: Los Leipos

Lampe aan, gerdiene dich
De sjtraot die is verlaote
Allein dae hóndj, det kleine wig
Door Jan en alleman verlaote

Refrein:
't Hónjelaeve det is zjwaor
Nae doe hoofs mich neet te gluive
Mer wat ich zègk, jóng det is waor
't Hónjelaeve det is zjwaor

De ganse daag allein mer zeuke
De voelnisbak sjtuit op de kop
Euver de gróndj mer loupe ruke
Mer al det vraete det is op

De penning dae haet d'r verlaore
Gein minsj dae wèt van waem d'r is
Allein de baas dae zal 't weite
Mer veur dem is 't gein gemis

De wèntjer kump, de sjnieë dae vilt
D'n hóndj dae haet besjlaote
Of 't noe waal of neet mieë kump
Hae sjeit noe oet mit al det raoze

Lampe oet, gerdiene aope
't Daagliks laeve det begint
Allein dae hóndj, zoa gans verlaote
Aan zien laeve kump 'n ènj

HOME PLAATSNAMENOVERZICHT HOME

HONDJSKLOATE
Alphonso, H.Steijvers, E.Masthoff
Zang (*) : Janse Bagge Bend

Veur miene baas mot ich sjofte
Kroep in z'n vot de gansen daag.
Wring mich constant in bochte
Mer toes reageer ich mich aaf.
Want es ich toes kom, den krig d`n hondj ze flink gerete.
Want es ich daalik toes bön,
sjtuit doa d`n aafwasj eine meter hoag.
Mien vrouw zit in de sauna,
leet mich allein mit dae aafwasjknooj.
Mer es ich kloar bön, den krig d`n hondj ze flink gerete.

Elke oavend mot ich loupe,
mit die brak aan de lien.
De ganse peut vol modder
Mer den duuj ich 'm in 't wesjmessjien.
En es d'r dreug is den krig d'r ze 'ns flink gerete.

Noa eine oavend buize
mos ich sjpieje in de gangk.
Ich zag det `t van d`n hondj woor
det kooste merke aan dae zoere sjtank.
Toen krig hae ze van mien vrouw nog `ns gerete

* cd (1987) : Janse Bagge Bend -" Totzekotze " - Marlstone Recordings bv - 0909105 CD

HOME PLAATSNAMENOVERZICHT HOME

DE HOOFINZINJEUR
H.Steijvers
Zang (*) : Janse Bagge Bend

"Ich höb noe get geboewd" zei de hoofinzinjeur
Zo get goods is nog nooit gebeurd
't Sjiekste wat ich ooit höb verzonne
Doa is mer ein van gemaak en zal gein mee van komme
Ein raket veur miljarde astronauten
Veur menkes en wiefkes die vanein hawte
En door 't gevogel hoog in de loch
Komme altied weer nuuje, astronauten genôg

Ich höb mich alweer euvertroffe
Veur die wat mit wille reize
Veur die is 't boffe
Dus sjtap mer in en maak de reis mer mit

Doa is plaatsj veur blanke, zjwarte en gaele
Veur aezele en vèrkes en auch veur kamele
Zuursjtof en water is gaar gein probleem
Det wurt vanzelf gezuuverd
't Is ein doordacht systeem
't Zit prima inein, 't is doordach bedacht
Euverdaag kènne ze wirke en sjloape kènt 'sjnachs
Ze zjwömme in water en sjaatse op ies
Poate zelf hun aerpel, koare of ries

Ich höb mich alweer euvertroffe
Veur die wat mit wille reize
Veur die is 't boffe
Dus sjtap mer in en maak de reis mer mit

In ein ganse waek mer 40 oer wirke
En veur die wille baeje zeen d'r moskeeje en kirke
Veur elke sadist, pedofiel of filantroop
Dae huurt eine video of geit noa de bioscoop
't Zit prima inein, 't is doordach bedacht
Euverdaag kènne ze wirke en sjloape kènt 'sjnachs
Ze zjwömme in water en sjaatse op ies
Poate zelf hun aerpel, koare of ries

Ich höb mich alweer euvertroffe
Veur die wat mit wille reize
Veur die is 't boffe
Dus sjtap mer in en maak de reis mer mit

In 't vluchtleidingscentrum is paniek in de tent
Doa geit get fout; 't alarmleech brent!
't Verversingssysteem kent urges neet taege
't Dreit in de sop door de zoere raege
En doa is auch herrie en tumult aan de grens
De astronauten houwe zich ongerein oppe pens
Doa is flink ruzie tösje gaele en rooie
Bie de blanke en zjwarte doa velen al dooje
't Ganse systeem det dreit ram in de sop
D'r waere astronaute geboare die pas geine helm oppe kop
Det kum door de rommel, rotzooi en gif in de zee
Ruimteschip "Aarde" antjwoord neet mee
"Ich höb noe get geboewd" zei de hoofinzenjeur
"Zo get sjtôms is nog nooit gebeurd
't Sjtômste wat ich ooit höb verzonne
Doa is mer ein van gemaak en zal gein mee van komme!"

* cd (1987) : Janse Bagge Bend -" Totzekotze " - Marlstone Recordings bv - 0909105 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD
* cd 1992 : Diverse artiesten - Milieufederatie Limburg - "LimburGreun!" - Marlstone recordings BV - CDL9242

HOME PLAATSNAMENOVERZICHT HOME

ICH HAUW AAF
Thibault, Francois, Reveaux, E.Masthoff, H.Steijvers - melodie: "My way" (Frank Sinatra)
Zang (*) : Janse Bagge Bend

En noe, 't enj is doa
Val mer kapot, weer goan noe sjloape
Weer sjloge op sjnoar en trom,
Zonger bezeij oos knök ram oape
De bloazers zeen kapot,
Gans boete oam van al dat roaze
Ze höbbe zich de derm
Oet de pens gebloaze

Dus luuj, dit is 't enj
Weer goan noe weg, weer goan dus sjloete
En brèke de boel mer aaf
En sjliepe de rotzooi weer noa boete
De tröte en de trom
En de gitaar sjtoan noch te dampe
Ma jong
Wat woar 't heit onger dees lampe

Weer zeen pratsjnaat,
Tot op os vel
En auch det denk sjtong veul te hèl
De bloazer zeen alvas gesjtop
Kriege de tröt neet mie aan de kop
'T wurt tied det weer heivis goan
Weer goan oe sjloete

'T humme plek os oppe pens
En weer zeen vies wie aw zjwens
Doarom goan weer noe op retraite
Omdet 't toch gein doel mie haet
Weer goan noe weg
Zegge adieu en goan in 't kloaster

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD

HOME PLAATSNAMENOVERZICHT HOME

ICH HÖB DE KNUIP AAF
1991/1992: Tekst: Jos Wackers – muziek: Jo Huynen
Zang: De Femilie

Door ’t jaor haer, bön ich sjtil en braaf
mit de fits noa, ’t werk op en aaf
ein glaeske beer, op ziene tied
ich hawt mich in gaon neet te wiet

Refrein:
Ich höb de knuip aaf, mich bruk ’t zjweit oet
jao noe laot det ederein met weite
ich höb de knuip aaf, mich bruk ’t zjweit oet
en auch mien sjtöm, die is geregeld pleite
’t is vastelaovend, det wèt toch jedere poet
en mit die daag kump de voele zjweit oet
jao noe laot det jederein mer weite

Mit vastelaovend, gaon ich oet de bol
jedere aovend, plezeer en väöl lol
danse en sjprènge, de ganse tied
en al det voch, bös se weer kwiet

Es ich dans, sjei ich neet mieë oet
ich höb de kriebels, wie ein sjoan jóng broet
ich hoof neet nao Rio, of nao de Laak
’t is toch hie, wo ich ’t maak

HOME PLAATSNAMENOVERZICHT HOME

ICH HÖB EINE GREUMEL IN MIEN TRÄÖT
1993/1994: Tekst: Harie Lempens – muziek: Sef Leurs
Zang: De Leefhöbbers

Koch mit vastelaovend dees träöt en noom ze mit
En dach det in dae klómmel nog waal meziek in zit
Mer auch mit gein geweld kreeg ich ze aan de kal
Dao rolt ein greumelke door det auwt geval

Refrein:
Ich höb ein träötje mit ein mankement
Veur vastelaovend woor ich hie mit content
Mer ze rabbelde wie ein rebbelke
Op de kop getik veur mer ein sjnebbelke

Ein ondèngk vol mit kräöke, wieë-ste ze auch paks
Ein träöt óm van te bäöke, ein ónech kèndj van Sax
Ich höb ze oetgedäök, gesjoerd en opgepóts
Mit get leuëter en ein pötje koperpóts

Os zaate hermenieke sjpeelt mit geine faam
Ich höb den auch mer zo’n auw träöt oet de reklaam
Al haet mien blaoze den ein bräömke op de klank
Vastelaovend haet gein noate op de zangk

Hie sjtaon ich den, mit die träöt in mien henj
Zit det dèngk vol greumelkes, den bleus-te van geins kenj
Veur mich is vastelaovend nog neet van de baan
Vilt den niks te blaoze. draag ich waal ein vaas

HOME PLAATSNAMENOVERZICHT HOME

ICH HÖB MIEN TRAOT VERSJTOP
1990/1991: Tekst: Lou Mostard – muziek: trad.
Zang: De Dulton Brodders

Harie sjpeelt al jaore bie de Hermenie
Hae bleus de bas-pertie
Basse kènt hae klasse, lekker vol en róndj
mer noe zit Harie aan de gróndj

Refrein:
Ich höb mien träöt versjtop
Ich blaos mich zónne kop,
mer krieg gein noat mieë oet die toet
Wae kik mien träöt èns effe nao?
Want vastelaovend is weer dao
en zónger toet kan ich neet droet

Mit de Vastelaovend in zien kloone-pak
de bas óm ziene nak
bloos hae zich elk jaor de lónge oet zien prie
mer dit jaor is hae neet d’r bie

De vrouw van Harie zoog ‘m saoves neet gaer gaon
Die vónj det niks gedaon
Zie haet zich daoróm dit jaor neet mieë gesjeneerd
en haet zien träöt verrènneweerd

HOME PLAATSNAMENOVERZICHT HOME

ICH KÈN NEET HEIVES
2008/2009: Tekst & muziek: Har Dullens
Zang: De Dultonbrodders

Refrein:
Ich kèn neet heives….,
es ich mót gaon.
Blief ummer plekke,
blief ummer sjtaon.
Ich bön zoa bang det ich get mis
en det ’t zónger mich,
niks mieë is.
Ich kèn neet heives…..,
es ich mót gaon.
Kieër op kieër höb ich
mich daomit al verdaon.
Toch waer ich sjtrak,
weer droet gekaerd.
Mer woor ’t vas de meujte waerd.

Ich ging lèts nao d’n dokter haer,
hae vroog waat ich koom doon.
Ich zag: ich höb geine rögkegraot,
kent geer dao get aan doon?
Hae keek ein bietje lèstig,
en zjweide mit zien voes.

Jóng gank ónger mien auge oet,
en maak dich vlot nao hoes!!
Mer dokter, dao vrungk noe sjus de sjoon,
dao is ’t mich allemaol óm te doon!

Ich sjtóng èns in de sjlechterie,
mer sjtóng dao neet allein.
Höb mich achterögks bedach,
wie ich keek nao ein paar bein.
Sjlechter höb geer verkespeuët?
Ich lachde in mien voes.

Jóng gank ónger mien auge oet,
en maak dich vlot nao hoes!!
Mer sjlechter, dao vrungk noe sjus de sjoon,
dao is ’t mich allemaol óm te doon!

HOME PLAATSNAMENOVERZICHT HOME

ICH WIL DICH
Tekst: René de Serière - muziek: Los Leipos
Zang: Los Leipos

Doe sjtóngs dao aan de kantj
Doe haws dien hart verbrandj
Doe wóls ‘m toch zoa gaer höbbe
Wat mós ze dao noe aan doon

Doe gings gaer nao ‘m haer
Ach wat dees ze det toch gaer
Wie koos ze ‘m noe toch kriege
Jóng, dich mót ich höbbe

Refrein:
Ich wil dich (ich zègk dich) Ich wil dich

Elke aovend weer
Kums te thoes van dien werk
Kriebels in diene maag
Jao, ’t woor ech zoa erg

Doe wis dich geine raod
Mer ein dèngk wis te toch zoa good
Wie mós ze ‘t ‘m noe toch zègke
Jóng, dich mót ich höbbe

’t Hule sjtóng dich nader den de lach
Dae kael dae haw ‘t hartsjtikke wiet gebrach
Doe woors hartsjtikke gèk op höm
Doe koos ‘m gaar neet kriege
Doe koos ‘m gaar neet kriege

HOME PLAATSNAMENOVERZICHT HOME

‘T IDEE VEUR D´N OPTOCH
1999/2000: Tekst: Martin Henskens – muziek: Ton van Pol
Zang: Sjmessing Pupkes en de Pletsjklup

Jao drek nao Sinterklaos,
krieg ich de zenuwe op de blaos
Den ligk ich te prakkezere,
wie gaon weer ós prezentere
Kènj sjnachs neet mieë good sjlaope,
kóm mien bèd den oetgekraope
En sjmörges bèn ich meug
want jederein dae vreug
En sjmörges bèn ich meug
want jederein dae vreug

Refrein:
Wèt-ze wie, wèt-ze waat,
wèt-ze waat, wèt-ze wie
Wèt-ze wie-ze geis,
en wèt-ze waat-ze deis

’t Jaor is noe gedaon,
dus weer mótte laote gaon
En kómme bekans al waeke,
biej-ein óm ’t te besjpraeke
’t Wurdt den sjteeds mer later,
sjtaon op mit eine kater
En sjmörges bèn ich meug
want jederein dae vreug
En sjmörges bèn ich meug
want jederein dae vreug

Den kump de lètste daag,
dae ligk zjwaor op miene maag
De sjpanning is óm te sjnieje,
de sjlaop geit d’rónger lieje
Mer vannach is ’t gebaore,
zoa gebeurt det noew al jaore
En sjmörges bèn ich meug
want jederein dae vreug
En sjmörges bèn ich meug
want jederein dae vreug

HOME PLAATSNAMENOVERZICHT HOME

DE IEËLENJER
1996/1997: Tekst: Anita Herzig – muziek: Nico Dirkx
Zang: Ram Oppe Hondj

Refrein:
Mit de vastelaovend gaoj ich alle remme los
Ich bèn neet mieë te hawte, ich veul mich total-loss
Ein gans jaor langk höb ich op dees daag gewach
Ich sjlaon noe aan ’t fieëste tót midde in de nach

Ich bèn ‘ne mislökkeling en ich doon gaar niks good
Mekkere en maore det zich mich in ’t blood
D’n dokter zag taenge mich doe bès ech neet gezóndj
Wie ich woor gebetet door miene eige hóndj

Op sjoal woor ich ummer de sjtómste van de klas
De meister haw van mich gein lol mer hieël vöäl las
Van raekenen en sjrieve haw ich gein flauw benul
Laeze en teikene det vónj ich flauwekul

Ich woor aug mèsdeener bie oze hieër pèsjtoar
Midde in de mès heef hae mich aan ein oar
Hae zag doe sjtómme aezel, waat maak-se eine flater
Water mót bie de wien en neet wien bie ’t water

Zoa greuëtsj wie eine pauw woor ich op miene fits
Tót euver maot van ieëlenj woor hae toen gesjtrits
Ich mót noe ummer loupe mien veut die zeen gans wóndj
Mien vruike lach mich oet, zaet loupe is gezóndj

HOME PLAATSNAMENOVERZICHT HOME

IN DE BAN VAN VASTELAOVEND
1996/1997: Tekst: Har Peters – muziek: Marcel Dewaide
Zang: De Zösterse Boys

Refrein:
Mit vastelaovend den vlug hie en dao ’t daak d’r aaf
Det hil-ste toch neet taege den reup jederein alaaf
Mit z’n alle make weer d’r ein sjpassig fieëske van
Want vastelaovend haet ós richtig in de ban
Jao, vastelaovend haet ós richtig in de ban

Jao vastelaovend viere ligk ós allemaol hieël good
Richtig op die kis houwe zit ós in ’t blood
En allemaol same ’t dörp in nao ’t bal
De gekste dènger doon jao det is karnaval

De Maos dae haet mit sjprènge ziene voot al èns verrèk
Hennie hilt dao achter ein paar vrouwluuj veur de gek
D’n trainer dae haet weer ein nuuj taktiek bedach
En Joepie dae haet weer in d’n tunnel euvernach

En Jantje haet nuuj vaere det sjtuit ‘m toch zoa sjoan
Jeanke vreug zich aaf wie kóm ich op dae Prinsetroan
De res is neet te volge zeen door ’t dulle haer
En Graatje duit neet mit dae sjpeelt weer èns sjoan waer

HOME PLAATSNAMENOVERZICHT HOME

IN DE ZEVENDE HEMEL
1994/1995 nr.1 : Tekst: ? - muziek: ?
Zang: Klómmel en lómmel

Refrein:

HOME PLAATSNAMENOVERZICHT HOME

JANES ZIENE DRUIM
1994/1995: Tekst: Har Peters – muziek: Marcel Dewaide & Har Peters
Zang: De Zösterse Boys

Refrein:
Doon noe dien haore mer biejein, sjpuit dich get ónger dien erm
Doe bös zoa good veur mich sjat, mien hertje wurdt gans werm
Weer gaon mit zien twieëje same handj in handj
Vastelaovend viere in ’t Zösterse landj

Janes dae haw sjnachs èns eine sjoanen druim
Euver ein maedje det sjleep ónger een paar eikebuim
Het reep toen: Janes kóm noe toch bie mich vannach
En asl sjlaopend zóng Janes toen hieël zach:

Druime zeen bedrog det geit toch neet altied op
Want mit carnaval leep Janes zich taege det mösjke op
Doe bös het maedje oet mien druime, wae haw det gedach
En hae zóng toen wie ‘ne mèrel mit eine breije lach

Nao get jaore sjarrele koom aug ein trouwerie
Ze sjtónge veur pesjtoar aan het altaar zie aan zie
Ze krege toen de zaege en zao hèl wie d’r koos
Zóng d’r toen het leedje van wie ’t allemaol woor begoos:

HOME PLAATSNAMENOVERZICHT HOME

DE KAETELEKEPÉL
1992/1993: Tekst: Anit Herzig-Dirkx – muziek: Perry Muysers
Zang:

Refrein:
Biej ós…. vleege weer de panne van ‘t daak
‘t ganse hoes det kraak, ‘t gans hoes det kraak
Vandaag maake weer de kachel weer èns aan
Mit potte en mit panne jao dao kènse van op aan
en sjneuvelt èns ein pan is det geine pech
want wer kènne ummer biej de pannesjop terech

Hie sjtaon weer den veur uch, de kaetelekapel
mit al ós potte, panne ein sjoan kaetelesjtèl
Weer gaon noe veur uch sjpele: kaetelemeziek
En sjnap uch mer èns vas, geer hoog geieërd pebliek

Kiek èns in de aanrèk, dao höbse vas get sjtaon
ein pötje of ein penke dao kèn-se good op sjloan
Den pak dich eine laepel oet de rèk van Mam
en sjlaon den mit de laepel, de vónke oet de pan

Oug wen-ste allein bès, maak dich neet óngeras
Veur ‘t kleinste ötje is ein dékselke det pas
en truf-se den ein penke waat dich waal bevilt
Den bès-se neet allein, des ‘t ènnigste waat tèlt

HOME PLAATSNAMENOVERZICHT HOME

KANARIEGAEL
Tekst: René de Serière - muziek: Los Leipos

't Is weer zóndigmörge
Doe mós weer nao de kirk
Pap en mam die zeen aan 't sjelje
Haol dae hostie kèndj

Pasjtoar dae kik dich aan
En begint den te lache
Höbs te geblowd man
Jao mam, jao mam

HOME PLAATSNAMENOVERZICHT HOME

KNON
Tekst & muziek: ?
Zang: Janse Bagge Bend

Oem-djzakadaka oem-djza oem-djza oem-djzakadaka oem-djza oem-djza
Sjrump-sjrump a-a sjrump-sjrump

Halt! Wer da? Stehen bleiben!
Mein Fahrrad zurück! .... oder ich schiesse! .... Paaf!
Aaaaaaaaaaaaaaah.

(Tumtumderumtum tum tum!)

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

´T KENON (1945)
1985: Tekst: ? - muziek: ?

D'n oorlog is al lang veurbie
en Zöstere is al hieël get jäörkes vrie
't Kenón det zjwig en blif gans braaf
't Zaet noats mieë patsjboem paaf

Refrein:
't Kenón geit noats verlaore
't hilt zich koesj al jaore
't Sjteit dao noe mer veur de sjpas,
vergaet d'n amberas, de pòppekas
't Sjteit dao noe mer vuer de sjpas,
vergaet d'n amberas

Weer leeje hónger en 't beer woor op,
w'r mooste weg oet 't dörp, det wor 'ne sjtrop!
W'r kome trük en bleve hie,
es veugelkes zoa vrie

Ze sjote Zöstere haos plat
w'r wore erm doe wie 'n kirkerat!
W'r boewde 't op, mit man en mach
en woufde daag en nach

En alles woor doe oppe bon:
de sjoon, de boks, de zök, de nachjepon!
Verklei uch gauw, de pekskes aan,
de zörg zeen van de baan

HOME PLAATSNAMENOVERZICHT HOME

'T KNON
2008/2009: Tekst: Die Eine - muziek: Die angere
Zang: Aafsjlaag Valkeswaard (Rob Bakkes – John Sanders)

De 11e November,niks is waat ‘t liek
’t geit noe weer beginne in t graasboereriek……

Refrein:
't is weer vasteloavend, jederein is gek
roaj naaze en confettie, joa aan sjpas is gein gebrek
alles sjteut te sjprenge, ’t zeen drie dolle daag
want zelfs het knon, oppe mert is ram van sjlaag

’s moandigs truk de optoch en den sjtoan ze weer present
Hermeniekes,de prinsewage zo es wer 't zeen gewent
Mit sjoan verkleide groepe trekke ze der op los
Jederein zal 't wete, de vasteloavend is begos!

De deensig geit beginne, de kinjer zeen pratsj gek
Zie goan noe de sjtroat op, aan sjpektakel gein gebrek
Den truk de bontje sjtoet weer, door het zösters landj
De luuj kieke de auge oet, waat is hie aan de handj?

Den is t 12 oere, geit alles noa ‘t knon
Dae sjteut doa al te wachte op t ganse peleton
Mit toesjpraake en treunkes, doa sjtoan ze op een riej
De graasboer weggesjoate, vasteloavend is veurbiej

HOME PLAATSNAMENOVERZICHT HOME

DE KEUNING TE RIEK
Tekst & muziek: René de Seriére
Zang: De Batsekratsers

Refrein:
Sjwing ta la ta boem ole
Swing ta la ta boem
De sjtomming, jao die is oke
Sjwing ta la ta boem

Trekke veer weer aan de bel
't Is hie net 'n caroussel
Same zeen veer aan de zjwier
De sjmink dae is neet veur de sier
Veer sjprenge hie noe handj in handj
Ouch de keuning is noe klantj
De vastelaovend brungk bie-ein
nemes krig os klein

De keuning haet de kroan noe aaf
Duit good mit en reup alaaf
De scepter is d'r drie daag kwiet
Mer hae haet noe toch geine tied
De vastelaovend maak 'm blie
Hae sjrunk mit os noe zie aan zie
De vastelaovend brungk bie-ein
nemes krig os klein

De wien dae vloeit, 't beer dat sjtruimt
Waem houw dao noe toch van gedruimd
'n Bruedje woos of camenbaer
Det haet de keuning toch zao gaer
Mer 't leefste viert hae carnaval
Mit veul plezeer en sjaele kal
De vastelaovend brungk bie-ein
nemes krig os klein

HOME PLAATSNAMENOVERZICHT HOME

DE KEURING
W.van Gennip, J.Brown, A.Campbell, R.Campbell, E.Falconer, M.Hassan, B.Travis, T.Wilson, E.Masthoff, H.Steijvers
Zang (*) : Janse Bagge Bend

Woorum, woorum, woorum moos Frank op keuring goan ?
Woorum, woorum, woorum is d'r veur S5 te sjtom ?
Oze Frank dae mot op keuring
Hae mot sjeete veur 't vaderlandj
Mer in Remunj mot d'r eers noa de "warenkeuring"
De mam brungk 'm noa de sjtasie
Ze sjtuit te janke op 't perron
Doa vertruk de trein mit Franky noa Remunj
Doa is d'r in Remunj
Doa mot 'r pisse in ein flesj
Es de kleur good is moog d'r blieve

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD

HOME PLAATSNAMENOVERZICHT HOME

KIEK ÈNS IN MIEN PUPSJE
1994/1995: Tekst: Jos Bexkens & Jannie Peters – muziek: Nico Dirkx
Zang: ‘t Heilig Vaat

Refrein:
Kiek èns in mien pupsje en d’n daag is alweer good
Ich mòt mich gaon sjminke, want ich höb toch det blauw blood
Gaon nao ’t Graasboerriek, mer kóm weer bie dich trök
Nao ’t sjete van de Graasboer is al achter de rök

De vastelaovend is de tied veur mich óm oet te gaon
Den laot ich alle anger dénger ieskawt langs mich gaon
Doe zaes bezorg: misdraag dich neet en hawt dich good in ach
Ich zeen dich den toch gaar neet sjtaon met zègk mit eine lach:

Bie ’t begin op 11-11 bèn ich drek weer dao
De Graasboer wurdt den aafgehaold en doe löps mich mer nao
Van al die vastelaovesdaag kump mich jao geine langs
Sjtèl dich neet aan en kòm toch èns mit en höb mer geine angs

Den optoch trèk den door ’t dörp en ich loup greuëts veurop
Mit sjötterie en hermenie, ’t is eine bóntje trop
Op daensdig es de Graasboer geit loup ich nog op mien klump
Doe wèts waat ich nog zénge gaon, doe wèts waat noe nog kump

HOME PLAATSNAMENOVERZICHT HOME

KIEK OET !
Klopfenstein
Zang (*) : Janse Bagge Bend

Wilste doe auch zo gaer mit diene bend, zo'n zilvere sjiefke?
Den teiken neet zo vlot, mer meistal is 't te laat.
Doe wets neet watse geteikend höbs, höbs gaaroet niks gelaeze.
Mer 't maak dich allemoal niks oet,
`t maak dich allemoal gaar niks miee oet.

Eindelik krigs doe dien cd, Vööl radio, missjien tv.
Doe wirks gans hel, doe bös tevree.
En ze venje 't allemoal erg sjoan.
Kiek oet, laes wat doa sjtuit, kiek oet, laes wat doa sjtuit.
En ederein dae zaet dich: " t Kent gein kwoad".
"Noe teiken mer."
Mer doe denks: Nei!

Doe hoofs nooit miee veur eine baas te goan wirke,
dien foto in eder blaad.
Al 't geldj det sjtruimp noe benne, doe lees ederein 't merke.
Mer 't maak dich allemoal gaar niks miee oet.

Want eindelik höbs doe dien cd.
Vööl radio, missjien tv.
Doe wirks gans hel, doe bös tevree.
En ze venje 't allemoal erg sjoan.

Kiek oet, laes wat doa sjtuit, kiek oet, laes wat doa sjtuit.
En ederein zaet dich: " t Kent gein kwoad".
En ederein zaet dich: "Noe teiken mer".
Mer doe denks: Nei!

En ich denk nog: "Wie mot det noe?"
Al die luuj doa, die zeen dich troe.
Sjtonge daag en nach veur dich kloar.
Mer ich höb nog zovööl vroage, ich höb nog zovööl vroage.

Eindelik höbs doe dien cd.
Vööl radio, missjien tv.
Doe wirks gans hel, doe bös tevree.
En ze venje 't allemoal erg sjoan.

Kiek oet, laes wat doa sjtuit, kiek oet, laes wat doa sjtuit.
En ederein zaet dich: " t Kent gein kwoad, noe teiken mer".
Mer doe denks: Nei!

Joa, de platemaatsjappie zaet: "'t Kump waal good,
vertroew os mer en teiken gaw".

* cd (1998) : Janse Bagge Bend -" Bekiek 't " - CDL 9827

HOME PLAATSNAMENOVERZICHT HOME

KIEK OET
Tekst: René de Serière - muziek: Los Leipos

Sjmörges hauf zeve
De wèkker dae löp aaf
Doe veuls dich nog belabberd
Höbs 'n sjtök in diene kraag
Doe veuls dich rot
Mèr doe mós noe nao dien werk
Diene laever is kapot
Mèr dèt vins te gaar neet erg
En ich zègk dich ein dèngk
Jóng kiek oet

Hei, kiek oet
Wat is d'r aan de handj
Hei, kiek oet
Doe wirks aan de loupende bandj
Hei, hei, hei, hei, hei
Jóng kiek oet

De bandj begint te loupe
De baas dae sjtuit al klaor
Doe kins allein mèr houpe
Mèr jóng 't is ech waor
Doe bös hieël hel aan 't wirke
En verlangs noe nao 'ne neut
Dae kins te hie neet pakke
Allein mèr koffieleut
En ich zègk dich ein dèngk
Jóng kiek oet

Óm vief oer moogs te heives
Doe traps zoa sjnel ze kènst
De vrouw die sjtuit te wachte
Mit aafwèsj en mit kèndj
En den geis ze zèppe
De ganse aovend langk
Allein mèr veur dae kiekkas
Doe ligks noe oppe bank
En ich zègk dich ein dèngk
Jóng kiek oet

HOME PLAATSNAMENOVERZICHT HOME

KIENMIEN
2001/2002: Tekst & muziek: Bas van Neer
Zang: Zaateweg

Mien det is ein auwt wief en kiene duit die gaer
Eedere daensdig aovend en drunk ein pötje beer
Es de riekes den weer vol zeen, det is neet ech normaal
Wént den kweak ós mien weer door de ganse zaal

Refrein:
Jao ich höb kien doot mer ein rundje van kien Mien
Höb ich die volle kaart missjien
Jao ich höb kien sjrief mer ein rundje oppe lat
We zeen ’t nog neet zat
Mien die is neet vies van apfelkorn en beer
En is ’t rieke vol den reup ós Mien alweer
Jao ich höb kien doot mer ein rundje van kien Mien
Höb ich die woos missjien

’t Woor op woonsdigmörge dikke kop en nao ’t wirk
Ich sjnapde mich ’t fitske en koom toen langs de kirk
Ich keek dao nao d’n taore en dao sjtóng fier de haan
Mit väöl kabaal en tam tam hing dao ós kienmien aan

HOME PLAATSNAMENOVERZICHT HOME

KILOMAETERS
Tekst: René de Serière en Ruud Meeuwissen - muziek: Los Leipos
Zang: Los Leipos

Ich rie door de praerie op mien iezere paerd
Mien haore gedrage door de wèndj
De raege dae klatert op miene kop
Ich mit mien iezere paerd

Refrein:
Kilomaeters
Raoze ónger mich door

Kilomaeters raoze ónger mich door
Op waeg nao d’n angere kantj
De lüüj begriepe neet wóróm ich det doon
Ich laef toch ummer oppe randj

De waereld begrip mien gedachte neet
Ze zeen gejaagd door de wèndj
Veur hun mót alles sjneller, geine keer
Ich blief veur hun altied ’n kèndj

Mien laeve laef ich in vergaeteheidj
Ich laef mien eige gelök
Aan alles kump ’n enj, geheid
En dit kump noajt mieër terök

HOME PLAATSNAMENOVERZICHT HOME

KLATSJ BOEM PAAF
1995/1996: Tekst & muziek: Frank Dullen
Zang: Mariet, Mariet & Marietje

Ieërlik waor ich bèn ein echte dansmarie
mit eine rögk sjtief wie ein krök
ich höb daobie ein rojale batterie
en ein bietje las van roas in de piepelolök

Refrein:
Mer gaon ich danse klatsj boem paaf
den vundj mich ederein weer gaaf
want es ich opkóm gaon ich aaf
ómdet ich neer gaon klatsj boem paaf
klatsj boem paaf de bats gesjaaf
klatsj boem paaf ’t vel d’r aaf
Toch geit de lol bie mich neet t’raaf
es ich neer gaon klatsj boem paaf

Ich höb mien sjtevels deez mörge nog gewiks
de aesterauge ingezawf
knikkende knieje nae det vènj ich niks
dus hunk mien pekske sjus get langer aaf es hauf

Ich oefen hieël good op elke blitse plaat
dus ieësdaags knal ich in sjpagaat
vandaag of mörge vèndj geer ’t gans gewoon
es ich de flik flak hie veur uch drie döbbel doon

Sjuuve, sjuuve laot mich sjuuve, dnase wil ich al-ze laeve
Sjuuve, sjuuve laot mich sjuuve, leve sjat ich wals mich plat

Refrein:
klatsj boem paaf de bats gesjaaf
klatsj boem paaf ’t vel d’r aaf
Toch geit de lol bie mich neet t’raaf
es ich neer gaon klatsj boem paaf

HOME PLAATSNAMENOVERZICHT HOME

KLEIN DUUMPKE
Tekst: Martin Ganz & René de Serière - muziek: Los Leipos

Kèns dich det geveul
Doe sjtèls jederein teleur
Kèns dich det geveul
Doe sjtèls gaar niks veur
Doe duis gaar niks good
Doe höbs gaar geine mood
Mer ein dingk wèts te zeker....
Dien hart zit good

Kèns dich det geveul
Doe sjteis gans allein
Kèns dich det geveul
Doe bös gans klein
Doe duis gaar niks good
Doe höbs geine mood
Mer ein dèngk wèts te zeker......
Dien hart zit good

Kèns dich det geveul
De mam is bie dich weg
Kèns dich det geveul
'n gans langk laeve pech
Doe duis gaar niks good
Doe höbs geine mood
Mer ein dèngk wet ste zeker....
Dien hart zit good

Laot de lüj mer kletse, laot de lüj mer zjwetse
Dien hart zit good, dien hart zit good

HOME PLAATSNAMENOVERZICHT HOME

KLOKKE VAN MARIAVELDJ
Tekst: Jean Dewaide - muziek: H. Botermans (bewerking)

Van de Kirk Mariaveldj, sjluit de klok róndjóm
Wurdt den zoa de tied gemèldj, nao de Hei en de Kóm
Heuër op ’t hauf en ’t volle oer, ein tot twellef sjlaeg
’t Klokkeraad det dreit zich óm, en de klok sjluit
dóng dóng dóng dóng

Middig op Mariaveldj, ’t middig klökske loewt
klanke euver dörp en veldj, zeen ós zoa vertroewd
Klokke klinke veur de mès, en sjmaondes de noveen
En ze buige óm en óm, galmen wiejer
dóng dóng dóng dóng

Ouch soms nao ’t middigoer, loewt de groate klok
’t Is weer det èns op de doer, eine van ós vertrok
Mèldj ós det de ieëwigheid, óm de kirk bie ligk
Ze reup vant oet galmgaat óm, ich beglei dich
dóng dóng dóng dóng

HOME PLAATSNAMENOVERZICHT HOME

KLOMMEL EN LOMMEL
Tekst & muziek: Frank Dullens

HOME PLAATSNAMENOVERZICHT HOME

DE KLOON
1994/1995: Tekst & muziek: Peter Feijen
Zang: Sjiet Egaal

Vastelaovend is al awt, det wèt geer allemaol
En wie det noe òntsjtange is, det is ein hieël verhaol
Mer eine woor al vreug d’rbie, al van ’t begin aaf aan,
det is dae mit die kröllepruuk en ein sjtökske in zien vaan

Es einselgenger is-ter sjoan of es hofnar van de prins,
zoadet-ste mit die daag es prins auch ummer lache kèns
Hae is de blieste van ’t dörp en de sjtómste van de klas
Mer det-t’r al vreug lache koos, det kump h’m noe van pas

Refrein:
Det is de kloon, mit zien gekke teuën
Ein bliej gezich vundj hae geweuën
Mit zien lach en sóms ein traon,
zal d’r driej daag door de sjtraote gaon

Eine sjluppejas en ein roete bóks
en d’n hood vergaet dem neet
zien groate sjoon en ein roaj naas,
jao den is-ter gans kompleet

Ein dikke tróm of ein tromboon,
ènne monika of ein trómpèt,
’n sjeif vioal en ein saxefoon
’t zeen instrumènte van de kloon

En is de vastelaovend hie,
den is-ter wie ein kèndj zoa blie
Hae duit get sjmink op zien gezich
en is den gans op sjpas gerich

Hae pak zien pruuk en ziene hood
en veult ’t kriebelele van zien blood
Hae löpt zien roaj naas achternao
en reup den greuëtsj, ich bèn weer dao

HOME PLAATSNAMENOVERZICHT HOME

DE KLOON
1997/1998 nr.1 : Tekst: Tiny Lumens – muziek: Bertien Larue
Zang: Lóch Genóg

Refrein:
Hei mam, jaaa…., wo is ós kloonepak?
Weer höbbe ’t dich al waeke gezag
Hei mam, jaaa…., wo is oos pak
Weer wille gaon tót midde in de nach

Mit vastelaovend trèkke weer den weer opnuuj
Jao, door de sjtraote haer mit al oos Graasboerluuj
Aangedaon es boer – awt wief, of gans geweuen es kloon
Mit de vastelaovend is det toch zoa sjoan
Jao, mit de vastelaovend is det toch zoa sjoan

Jao, oug de Zasate Hermenie die trèk veurbie
Mit tróm en träöt sjpele zie ein hieël sjoan melodie
Ze sjpele sjoan en sóms oug valsj, mer ummer hieël erg hel
Kiek dae kloon èns houwwe op det witte vel

En is de vastelaovend den alweer gedaon
Den mótte weer veer nao mam, weer same heives gaon
’t Kloonepak ruimp zie veur ós, den weer ein jaorke op
’t Volgende jaor zungk deze kloon weer oppe kop
Jao, ’t volgend jaor zungk deze kloon weer oppe kop

HOME PLAATSNAMENOVERZICHT HOME

KLOP DICH MER 'N EIKE
Tekst & muziek: P.Gage, P.Peters, H.Steijvers, J.Mostard & E.Masthoff - melodie: "Free Town"
Zang (*) : Janse Bagge Bend

Dit is `n instrumentaal nummer, dus doa kense min tekst verwachte.

D`r hoof allein mer in gesjolje te waere.

Klop dich mer `n eike !

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

KNOAKEHELL
H.Grönemeyer, E.Masthoff, W.Crijns
Zang (*) : Janse Bagge Bend

Kóm de sjtraot op, same sjterk.
Thoes bie mam böste mer allein.
Same vol van 'n vies visie, taege al wat neet mót zeen.
Neije zich allemaol óngerein op.
Dreije wie 'ne sjpitse pópperel.
Van bènne zo zach we 'n eike, van boete knoakehel.

Paereköp, zónger geheuge,
Höbbe 't eerder geprobeerd.
Wie 'ne jakhals in ein meute,
Mer es minsj gaaroet niks biegelieërd.

Eine wat zjwaak of neet volmaak is,
Wae w'r sjnappe maak niks oet.
W'r pakke 'm es d'r allein is
En sjtampe 'm 't leech den oet.
Kortgeknip, glaadgesjaore.
Ouge keulgerich op niks.
Zoa wille w'r ze den gaon pakke,
Mit 'n ketting van de fits.

Vas aan valsje ideale.
Aafgerich in tweekwarts maot.
Zeuke wat neet is te vènje.
Veule zich same sjterk op sjtraot.

Esse vraoge: "Woors doe d'r bie?"
Wie is 't later oet te lègke.
"Ich woor 't neet, det wore angere"
Zolle ze taege hun kènjer zègke.

* cd (1994) : Janse Bagge Bend -" Branje en sjnirke " - Marlstone Recordings bv - CDS 9419

HOME PLAATSNAMENOVERZICHT HOME

KOM MER DRIN
2003/2004: Tekst: Wim Maessen & René de Serière – muziek: René de Serière
Zang: De Zèngende Kasteleins

Refrein:
Kóm mer drin, kóm mer drin
Want ich höb toch zoane zin
De deure sjtaon nog aope
Kóm mer drin, kóm mer drin
Höb geer auch nog zoane zin
De kastelein geit nog neet sjlaope

't Geit noe weer beginne, auch al haet d'er geine tied
Hè mót noe gaon versére, jao 't is alweer zoä-wiet
Ballonne, sjlingers, maskes, alles deut hè aan de wandj
De sjteul en auch de taofels, jao, die goät t'er aan de kantj
De sjteul en auch de taofels, jao, die goät t'er aan de kantj

De broewerie die is gewaes, de vate sjtaon op rie
Alles Brandjt mer soms is auch ein anger merk derbie
De ober sjtuit nog aan de teek, es de braafste van de klas
Es geer uch bie hem amezeert, struimpt 't geld zoa in de kas
(den haet auch hè veul sjpas)
Es geer uch bie hem amezeert, struimpt 't geld zoa in de kas
(den haet auch hè veul sjpas)

Zónger gooi keffee en kastelein is vastelaovend niks
Det is net zoa get wie zjwarte sjoon zónger gooie wiks
Hè geit noe ech beginne, auch al sjniet 't wie 'n bieës
Noe kóm mer efkes kieke, want hie bènne is 't fieës
Noe kóm mer efkes kieke, want hie bènne is 't fieës

HOME PLAATSNAMENOVERZICHT HOME

KOMMER EN KWEL
J.Mostard, H.Steijvers, E.Lambermon
Zang (*) : Janse Bagge Bend

De geschiedenis herhoalt zich weer
Fascisten in de Kamer, 't woor neet d'n eerste keer
Kommer en kwel is wat wurt verwach
De toekoms kristalhelder wie de nach

Want 't geit weer good
Ze zeuke weer eine sjterke man
Dae de élènj en de ozel
Van deze tied aankan
Eine man wo ze weer taege op kènne kieke
Dae dwars door ein moer geit
Desnoads euver lieke

Doog de sjtevele mer weer aan
Zet de patsje mer weer op
Doa lik nog waal urges ein broen humme in de kas
Kènse weer mit in de sjtramme pas

Brandjhout höbbe ze neet meer nödig
In plaatsj van beuk brenne noe videobènj
En missjien zal waal ooit 't Binnenhof branje
Mer det sjuuve ze weer zoone van der Lubbe in de hènj

Doog de sjtevele mer weer aan
Zet de patsje mer weer op
Doa lik nog waal urges ein broen humme in de kas
Kènse weer mit in de sjtramme pas

Böste neet van hie, mer kömste van boete
Sjmiete ze dich ein flesj benzien door de roete
Jeder bietje kleur wurt weggesjaaf
De toekoms wurt blank, wie eine raaf

Doog de sjtevele mer weer aan
Zet de patsje mer weer op
Doa lik nog waal urges ein broen humme in de kas
Kènse weer mit in de sjtramme pas

* cd (1987) : Janse Bagge Bend -" Totzekotze " - Marlstone Recordings bv - 0909105 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

DE KWAKKER
1992/1993: Tekst & muziek: P. Sanders
Zang: P. Sanders

Aan de Molelaan kan sjnachs gein vinster aope,
anges kènne dao de luuj neet sjlaope
want eedre nach, is dao väöl tumult
dao zit eine kwakker dae neet kwaak mer brult

Refrein:
Dao zit eine kwakker biej de burger in de viever
Eine kwakker dae neet kwaak mer brult wiej eine tieger
In de ganse buurt is ’t dezelfde kal
Dae kwakker dènk al aan de carnaval
Dao zit eine kwakker biej de burger in de viever
Eine kwakker dae neet kwaak mer brult wiej eine tieger

De polisie koom geregeld óm te wake
Eine kwakker moog neet brulle, dae mót kwake
En dae kwakker dach: luuj zeen neet normaal
Es ich neet oppas krieg ich ein proces-verbaal

De burgemeister ging èns mit dae kwakker kalle
En zag ich weit get en det zal dich waal bevalle
Dao kèn-ste brulle, dao wurd geine kwaot
Kóm num zitting in de gemeinderaod

HOME PLAATSNAMENOVERZICHT HOME

LAAMLENJIG
1996/1997: Tekst: Harold Konickx – muziek: Danny Vanhoudt
Zang: Battafueco

Geine sjmink op mien gezich
óm miene grimas te verberge
Gein masker op de kop
óm teväöl van dich te verge
Te bedènke waem-se veur dich höbs
mit waem-se höbs te doon
Welke ouge heuëre bie die henj,
welke bril heuërt bie die sjoon?

Ich blief toes dit jaor, ich doon ech neet mit
Ich blief toes dit jaor, ómdet ich lever op de bank zit
Ich blief toes dit jaor
höb geine zin óm te gaon danse
ich hoof neet nao ’t bal
gaar geine zin mieë óm te danse
Geine zin in carnaval

Estebleef gein polonais
Laot ós euver de Nachsraove mer zjwiege
Deze kieër geis doe allein
miene zaege kèns-se kriege
En ze den ’t bèd neet volkóts
zach bès mit de deur
Maak ich ontbijt op bèd veur dich
Dao blief ich nuchter veur

Ich blief toes dit jaor, ich gaon neet mit dich mit
Ich blief toes dit jaor, ómdet ich lever op de bank zit
Ich blief toes dit jaor
Trègk mich trök in quarantaine
ich hoof neet nao ’t bal
Zónger sjaamde, zónger gène
Geine zin in carnaval

HOME PLAATSNAMENOVERZICHT HOME

LACH ÈNS NAO MICH
1993/1994: Tekst: Lou Mostard – muziek: Lou Mostard & Henk Janssen
Zang: Dollie en de Dulton Brodders + Henk d’n Tenk

Det wónjers nog neet de waereld oet zeen
Det is door dich weer beweze
’t Woor net of dao einene èngel versjeen
Inèns oet ’t duuster verreze.

Refrein:
Lach, lach, lach èns nao mich
Lach toch nog èns mit dien ganse gezich
Van dae lach op dien sjnoet
Brögk de sjweit mich sjteeds oet
Sjtroump mie blood èns zoa hel
En krieg ich hoonderevel
Lach, lach, lach èns nao mich
Den krigs doe ein muulke van mich

Zoa eemes wies dich, maak ’t laeve zoa sjoan
Duit kauw en raege verdwiene
’t Is of de zón noajtsmieë ónger wilt gaon
Allein mer veur ós nog duit sjiene

Es ich jaore later gans gries bön en auwt
Zoa in d’n herfs van mien laeve
Ich weit det ich den aug nog sjteeds van dich hauwt
En vraog dich, kóm lach nog èns aeve

HOME PLAATSNAMENOVERZICHT HOME

LACHE IN ZÖSTERE
1992/1993: Tekst & muziek: Peter Feijen
Zang: Sjiet Egaal

Het waereldleid drök zjwoar op ós, det wèt geer allemaol
Toch höbbe weer in Zöstere ein middel veur de kwaol
De luuj van boete sjnappe neet det weer zoa good hiej laeve
Mer wie det kump det is neet gek, det is ein auwt gegaeve

Refrein:
Hiej in Zöstere dao kènste noch lache
En lache is veur ederein gezóndj
Hiej is nog sjpas veur dich en mich
Plezeer det sjtraolt ós van ‘t gezich
Nae hiej löp nemes óntevreje róndj

Weer höbbe waal èns heibel en weer höbbe waal èns leid
met waat ‘t auch is, ‘t maak niks, der sjtuit emes veur dich gereid
Dae dich den mit eine gekke sjlaag, get gooje mood kènt gaeve
Zoa detste weer enne ganse tied, veuroet kèns mit dien laeve……

Weer höbbe ein historie en die hauwte weer in ieër
Zónne Wigibald en Swentibold ging veur in oze lieër
En det zeen noew net die luuj die oos die teuën höbbe gegaeve
En geluif mich mer die zoote good, die zoote neet der naeve…..

D’r is veur bienao jeder sjtraot ein zaate hermenie
Weer höbbe oze graasboer en dae maak ederein bliej
Mer boete det is ‘t t’r nog get, wo weer hiej ech nao sjtraeve
Det is de vrundsjap en ‘t plezeer en det is oos doel in ‘t laeve…

HOME PLAATSNAMENOVERZICHT HOME

LAOT MER GAON
1990/1991 nr.1 : Tekst: Theo Opgenoord – muziek: Nico Dirkx i.s.m. De Kepèl?
Zang: De Kepèl

Refrein:
Laot mer gaon, laot mer gaon, want ’t is nog neet gedaon,
hauwt dich vas aan de sjlup van miene jas
Laot mer gaon, laot mer gaon, blief toch neet zoa sjtief
dao sjtaon,
de karneval begint noe pas

De karneval, de karneval
Dae is veur jónk en auwt
’t sjoonste fieës, ’t sjooneste fieës
‘t Lieët ós toch neet kauwt
Al waeke van te veure höbse ónrös in d’n prie
En wilse dao verlos van zeen den zèng noe zie aan zie

En in ’t aardse paradies,
dao is dae sirk begoos
Men kènde dao gein broewerie,
en hauw dus groate doos
En doe koom dao det Eva aan mit eine Bellefleur
Adam veel van zien geluif en zóng mit ein roaj kleur

De karneval, de karneval
is eine gekken tied
M’n duit van al, m’n duit van al
m’n raak d’n doos neet kwiet
D’r kènt dich niks gebeure – vier ’t mit versjtandj
en esse mit ós mit wils doon, den zèng noe handj in handj

HOME PLAATSNAMENOVERZICHT HOME

LEEFDE ALAAF!
2010/2011: Tekst: Niek Dirkx & Jan van Wegberg - muziek: Niek Dirkx & Jo Huijnen
Zang: Spik en Span

Refrein:
Zegk sjat van mich,
wils dich vanaovend mit mich sjtappe gaon
En mit de vastelaovend biej mich sjtaon
Det liek mich gaaf
Zegk knap gezich
Es weer vanach den same heives gaon
Wil ich mit dich nog op ein heukske sjtaon
Leefde alaaf

Auwt wieverbal ich zit aan d’n tap
Vandaag geit deze prins allein op sjtap
Eine kael oet ei sjtök en zoa sjtoer
Es ich toch neet zoa verlaege woor
De deur die zjweijt aop en ich kiek
De keuning, nae de keizer te riek
Want in die deur sjtuit ein prachtige vrouw
En ich bedenk waat ich zegke zou.

Mer vandaag, jao vandaag is d’n daag
Vanaovend sjlaon ich miene leefdes sjlaag
Gans verlaege lach ich leef nao dich
Sjrik mich kepot, doe lachs truuk nao mich
Ich kom van mien krök en ich kiek
In auge prachtig sjoan wie meziek
dae roaje mondj en ei sjtraolend gezich
d-durf nog net te zegke taege dich

Doe zags taege mich
ich keek al nao dich
det woor miene wins
eine date mit de prins
Waat ben ich bliej des doe dit zaes
Daoveur woor ich te verlaege gewaes.
Sjtel dich es veur sjat, dich en ich
baove op dae prinsewage...
en euver 11 jaor ozze eige kleine jeugprins:
Harieke d'n 1e, ofeuh draaf ich noe ei bietje door

HOME PLAATSNAMENOVERZICHT HOME

LEEVE HIEËR
J.Mostard, H.Steijvers
Zang (*) : Janse Bagge Bend

De ganse minsjheid is sjizofreen, omdet d'r twiee geslachte zeen.
`t Leid wat det brungk is kaum te verdrage.
Det is `t kruuts dat w`r motte drage.
Door de disco motte w'r kroepe.
Langs kaanjelpiepe omhoog goan kroepe.
Wie de luipsje hunj ummer op jach.
In 't verlangen noa 't anger gesjlach.

Och leeve hieer, mit Eva hawste motte wachte.
Op Adam woor plaats veur twiee gesjlachte.
De ganse welt vol hermafrodyten.
Eindelik rös, eindelik geniete.

Ich höb genog van al dae ellenj.
Ich pak mien lot in eige henj.
Weg van det geveul nooit kloar te zeen.
Gebrekkig en afhankelik te zeen.
Ich waer hermafrodyt, det sjtuit vast.
Afhankelikheid is 'n te zjwaor last.
Wie "In 't Klooster van de Verlossing"
brungk trekke gein oplossing.

Ich weit det zo get te make is
door eine dokter dae ein bietje henjig is.
In de ziekanjt van ein bein, de palm van ein handj
kent dat waere ingeplanjt.
Slauerhof koos 't neet verzinne,
man en vrouw motte in zich zelf beminnen.
't Gelök van Narcis vilt in 't niet.
Zo kump den auch 'n enj aan dit lied.

* cd (1987) : Janse Bagge Bend -" Totzekotze " - Marlstone Recordings bv - 0909105 CD

HOME PLAATSNAMENOVERZICHT HOME

LEKKER SJTÖK (of : ‘De liejensweg van eine verlaege vriejer’)
1990: Tekst: L. Mostard – muziek: Trio Quatro
Zang: De Dultonbrothers

Ich woor kompleet verlaore,
direk wiej ich dich zoog
Ich kan ’t neet verklaore
’t woor of de blits in sjloog
Mer doe geufs gaar gein sjoege
doe sjtuis dao wiej eina paoll
Wooróm lieës doe mich zoa zjwoege
Ich bön toch neet van sjtaol

Refrein:
Hei, lekker sjtök
mien hart, mien groat gelök
Doe wèts jao wiej ich sjtoan te sjmachte,
wooróm lieës doe mich toch zoa wachte?
Hei lekker bieës,
ich boew mit dich ein fieës
Kom noe hiej en doog neet zoa nökkig
en anges blaos mich op miene rök

Doe brungs mien blood aan ’t kaoke,
krieg kriebels in mien lief
Ich bön totaal gebraoke,
mer doe duis nog ummer zoa sjtief
Doe zuus mich gaar neet hange,
kiks ummer langs mich door
Ich zoe mich nog verhange,
es det neet zoa pienlik woord

Noe mós doe toch ens heuëre,
det is toch niks gedaon
Ich gaon mich dao aan sjteuëre,
es doe zoa blifs sjtaon
Ich waer van dich nog gek sjat,
ich sjnap d’r niks mieë van
Maér gluif, es ich dich zègk sjat,
sjtrak kriste nog sjpiet d’r van

… en zoa laefde hae nog lang en gelökkig

HOME PLAATSNAMENOVERZICHT HOME

LEKKER VIERE
1992/1993: Tekst & muziek: René de Serière & Gerardo Romero
Zang: Los Leipos

‘t Geit gebeure
‘t Is weer zoa wiet
’t Geit gebeure
Vastelaovend is weer hie

Refrein:
Ich wil lekker viere
vastelaovend viere
vastelaovend viere
mit dich.

Same in d’n erm
Trèkke weer door ’t Limburgse landj
Same in d`n erm
Sjprènge weer noe oet de bandj

Mit ’t maske op de kop
Veuls doe dich gaar neet rot
De vastelaovend
Maak dich gek

Alles pak zich same
Weer zin weer bie-ein
Hoofs dich neet te schame
Zèng noe mer dit refrein

Drie daag lank mien hart in brandj
Nemes sjtuit hie noe aan de kantj
Weer gaon d’r good tègenaan
De vastelaovend kump d’r aan

HOME PLAATSNAMENOVERZICHT HOME

DE LENTE IN LIMBURG
Tekst & muziek: Piet Sanders

Ich zjwerf zoa gaer in de lentetied
Es alles weer greun is en fleurig
De zjwalge kómme trök oet hun wèntjerverblief
De lente in Limburg is 't sjónste in mei

Refrein:
Limburg is 't sjoans in zien veurjaorskleid
Es de zón weer hoag aan de hemels sjteit
Mit doezende blome in bos en hei
Is Limburg 't sjónste in mei

Heuër de nachtegaal bie de sjien van de maon
De weie zeen wit van de nevel
Eine vogel dae flöt, ich blief effe sjtaon
De lente in Limburg is 't sjónste in mei

Waat jaomer es men det sjoans den neet zuut
De blome, de weie en dale
En 't ieke wie 't d'n-honing weer ruuk
De lente in Limburg is 't sjónste in mei

HOME PLAATSNAMENOVERZICHT HOME

LOEWENDE KLOKKE
Tekst: ? – muziek: Los Leipos
Zang: Los Leipos

Dao baove in dèt bluuske
Dao hange ze bie – ein
De lènker en de rechter
Ze kloetsje taegenein

Refrein:
Loewende klokke
Loewende klokke van Limburg mien Landj

De lènker die guf karnemellek
De rechter sjokomel
Mer ès te in det bluuske kiks
Dèn zuus ze allein mer vel

Loewende klokke
Versjterke de bandj
Loewende klokke
Versjterke de handj

HOME PLAATSNAMENOVERZICHT HOME

DE LOMMELEKAEL
Tekst & muziek: Evert & Piet Zits
Zang: Hein Muyres

Soms mein ich op sjtraot de sjtöm weer te heuëre
van dae lómmelekael oet mien jeug
Die sjtöm van dae man klónk wie 'nen órgel
En 't rope det wórt t'r neet meug
De patsj op 'n oar
Zoa zjwart wie 'ne moar
En ummer 'n lachende sjnoet
Zoa troch t'r sjtraot in en sjtraot oet . . .

Refrein:
Lómmelekael, wo bös te gebleve
Lómmelekael, och kóm nog èns trök
Mit dien krakend kerke, die mager paerdje
Brèng mich weer gèt kènjergelök
Ich zeen nog die meulkes in allerlei kleuër
En 't is of ich boete dien sjtöm dèks nog heuër
lómmele . . . . lómmele . . . . lómmele . . . .

W’r zote in sjoal en heuërde ‘m rope
En sjote den allemaol rech
Es 't belke den ging, den gauw nog 'n kruutske
En den vaegde w'r allemaol weg
De lómmelekael kump!
In de henj noe de klump
En flot nao de mam oppe zök
En den mit get lómmele trök

Den sjtónge w'r róndj zie paerdje te trampele
En trochte ós op aan dekar
Waat mooste w'r pakke, 'n meulke of fluitje
'ne Gum, kókkerelke, 'n sjtar?
En jedere poet keek zien uigskes den oet
Van sjpanning 'ne vuurroaje kop
W'r kooste ós gelök neet op!

Det alles is noe al jaore geleeje
En ’t sjtömp mich soms get bedreuf
W’r zeen mit die klummelkes neet tevreeje
Die ‘ne lómmelekael ós soms geuf
Det kènjergelök kump noajt mieë trök
’t is neet mieë mit lómmele te koup
Al hauw ich t’r nog zònnen houp!

HOME PLAATSNAMENOVERZICHT HOME

LOUPE
Tekst: René de Serière - muziek: Los Leipos

't Is zès oer, de wèkker löp aaf
Doe sjtuis noe op, doe mós nao dien werk
Doe paks dien bótterhamme, in de tuutjes
Doe geis nao boete, sjprungs oppe fits
Dien veurraad rammelt, de bandj is plat
Wètste wat, wètste wat
Loupe, loupe, loupe................

Doe rens nao de sjtasie, de trein riet al weg
Vief veur hauf zeve, det is pech

De auto is weg, dae is aafgenómme
Doe zoots in de kroeg, hauws te väöl gezaope
Sjtapdes in de auto, goofs 'n sjtruip gaas
Dao sjtónge de plisse, oppe hook
Die ginge dich pakke, det wiste good
Wètste wat, wètste wat
Loupe, loupe, loupe .......................

Doe rens nao de sjtasie, de trein riet al weg
Vief veur hauf zeve, det is pech

HOME PLAATSNAMENOVERZICHT HOME

LULLEMO
1993/1994: Tekst: Ónbekend (‘Tsheressik-plat”) – muziek: René de Serière
Zang: Los Leipos

Van dit ledje is d’n teks,
Te meujligk óm te óntsiefere.

’t Leedje wurdt nameligk
gezónge in ‘t ‘Tsheressik-plat”,
’t dialek van 80 jaor veur Kristus.

HOME PLAATSNAMENOVERZICHT HOME

’T MAEDJE VAN DE ZAATE HERMENIE
2005/2006: Tekst & muziek: Marcel Dewaide
Zang: Braaf Lestig

Refrein:
Dao is 't maedje van de Zaate Hermenie
Kiek 'r èns kieke, jao 't maak mich toch zoa blie
En al geit ein noat d'r naeve, ich veul mich toch zoa riek
Want es 't träöt op die träöt heuër ich de sjoanste meziek

Meziek det is mien laeve
en sjpas zit in mien blood
Hiej is get te belaeve
en ich veul good
Mer dees daag kump d'r nog get biej:
"Ich bön zoa bliej, zoa bliej, zoa bliej..."
"Joa hae is bliej, zoa bliej, zoa bliej..."
Ich höb ein sjatje bie de Zaate Hermenie

Doe sjtóngs dao op die banke
bie d'n optoch oppe sjtraot
Ich heuërde toen die klanke
zoa zuuver in de maot
En dae'n ieërste kieër dach ich geliek:
"Ich waer gans werm es ich in dien auge kiek"

En 's angerendaags zoog ich dich weer
doe keeks hieël leef nao mich
Dao sjtóngs doe weer mien lekker deer
en zachs "blief noe bie mich"
En weer gaon noajts mieë oeterein
Meziek en sjpas hilt ós altied waal biejein!

HOME PLAATSNAMENOVERZICHT HOME

DE MAM
2003/2004: Tekst: Lizette Colaris - muziek: Lizette Colaris & Tiny Lumens
Zang: Lóch Genóg

Refrein:
In ’t Graasboerinneriek, sjpeelt de sjoanste blaosmeziek
en de mam, die sjluit mit leefde óppe tróm
In ’t Graasboerinneriek, sjtuit de pap noe sjoan te kiek,
want mam die dreijt dees daag de rolle óm

’t Laeve van de mam, geer wèt ’t auch waal, det is allein mer wirke, det is kaal
Ze wèsj en sjtrik de hummes en de bòkse van de pap
want dae mòt drie daag in de waek op sjtap
De mam die haet gein ATV f fieëskes óm te gaon
mer noe zaet mam "Nae leve sjat, noe is ’t sjoan gedaon"

’t Laeve van de pap, geer wèt ’t auch waal,
dae kaok zich noe ‘ne middig dae is sjmaal
De mam is mit de hermenie noe drie daag langk d’rop oet
en pap dae kump mit sjróbbe neet veuroet
Mien laeve, dènk hae kent toch neet op dees meneer zoa gaon
Och, woor de vastelaovend noe mer eindelik gedaon

Op vastelaoveszóndig geit de sjolk aaf
de mam die reup allein nog mer "Alaaf"
En auch op maondig sjprunk de mam noe laoker in de löch
Ze krig van al det ganse neet genòg
En es 't daendsdig middernach de graasboer wurdt versjnirk
dan geit de pap Asjwoonsdig, veur 't zènge oet de kirk

HOME PLAATSNAMENOVERZICHT HOME

MAMA'S PRIDE
Tekst: René de Serière - muziek: Los Leipos

Ich woor vanmörge vertrókke
En leet de mam allein
Ging weg om hie te sjpele
Te sjpele op dees wei
De mam allein in 'ne sjtool
Zoot ze veur 't raam
En opèns bedach ich mich
't is moderdaag

Hie sjtaon ich noe veur uch te sjpele
Maak 'ne houp kabaal
Mer ein dèngk belaof ich uch
Vanaovend red ich 't waal
Den gaon ich heives nao mien mam
En knuffel die 'ns good
Mer noe sjtaon ich hie
't zit mich in 't blood

Mama, mama's pride ...................

HOME PLAATSNAMENOVERZICHT HOME

MARIE EN SOPHIE
1988/1989 nr.1 : Tekst: Harie Lempens – muziek: Zef Leurs
Zang: De Leefhöbbers

Mit de vastelaovend ging Charel nao de zaal,
dao bleek ôs Zöstere interantionaal
Hea trof dao twieë meadjes,
sjoan wie roazebleadjes
Ze wore neet van Zöstere, Zitterd of van Gööl.
’t wore twieë meadjes van euver de pööl.

Refrein:
Mit Marie en Sophie kenste danse
kenste sjanse - kom der bie
Mit Marie en Sophie kenste danse
kenste sjanse wie nog nie

Uigskes wie ’n kerstaanjel kieke Charel aan,
ze sjanse noe mit Charel, hae wos neet wo opaan
Hea koos zien keus neet make,
det höbste mit die snake
Hea kreeg dao raodj euërkes van en de naas ein beitje bleik,
det koom door Marie en Sophie oet Mezeik

In de haor twieë vlegte mit ‘ne vraanjel draan,
zuuste ze den danse is ’t net ein böntje vaan
Ei kleuërke op hun wengske,
ei mundje wie ein frengske
Om de nak ei plekske en bleumkes op hun kleid,
jao det is Marie en Sophie oet Mezeik

Mer de vastelaovend doerde mer drie daag,
dao woor niks versjproake, det loog h’m oppe maag
hea loog mer te haope,
koos ter neet van sjlaope
Ze wore neet van Zöstere, Zitterd of van Gööl,
’t wore twieë gaanje van euver de pööl.

HOME PLAATSNAMENOVERZICHT HOME

DE MEK
C.Kenner / E.Masthoff / H.Steijvers
Zang (*) : Janse Bagge Bend

Doe wirks oppe Volvo, of oppe Mek
Bes bliej detse werk höbs
Mer 't maak dich ram gek
Altied 't zelfde
Doa sjtompse van aaf
Mer is 't dan wiekent
Ein sjtök in de kraag!

's Moandigs half zeven, leefs nog get later
Rammelt de wèkker mer doe höbs eine kater!
Mit auge vol pupsje, kikse de kamer rondj
Doe veuls dich belabberd zoa krank wie ne hondj

Tot aan de woonsdig dènkse:`"Ich drènk nooits mer beer"
Mer is 't dan vriedig, den zupse alweer
Want al det bandjwerk lik dich zjwoar oppe maag
Mer is 't weer wiekent, alweer ein sjtök in de kraag

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

'T MÈNKE OPPE MÈRT
1998/1999 nr.1 : Tekst: René de Serière & Wim Maessen - muziek: René de Serière
Zang: de Batsekratzers

Refrein:
Oppe mèrt dao sjtuit 'n mènke
Mit in zien aore éch blauw blood
'ne Sikkel in zien hèndje
Joa, de Graasboer sjtuit det good

Vasteloavend viere, 't sjoänste wat d'r is
Same den de sjtroat op, dao is toch niks mit mis
De Graasboer oppe outkiek,dae zuut die prach en praal
Bekik zich al die gekte, dèt is toch hieël normaal

Danse, hosse, sprènge .... de Graasboer dae duit mit
Alle leedjes zènge, d'r is niks wo hae mit zit
Dèt is ouch gaar gein wónjer, hae haet ech blauw blood
Vastelaovend viere, dèt kent hae toch zoä good

En is 't den weer dènsdig, den haet d'r eine pech
Allein dae oppe mèrt dao, dae sjéte ze noäjts weg
Dae stjuit den al die maonje oppe oetkiek
Nao 'ne nuje vastelaovend in 't Graasboereriek

HOME PLAATSNAMENOVERZICHT HOME

MIEN TRÓM
1990/1991: Tekst: Jos Wackers – muziek: Jo Huynen
Zang: De Femilie

Refrein:
Mien tróm, die klink zoa lekker hel
mien tróm, ich hauw noats door ’t vel
mien tróm, ich sjlaon en houw mer op die kis
want mien tróm die is neet mis

Wee zeen hiej in ’t Graasboerriek en make sjpas en lol
weer danse en weer hosse en ’t glaas is altied vol
en wil se vastelaovend viere, dooch den mit ós mit
want ós tróm die hilt dich fit

Al vierenvieërtig jaor gaon ze in Zöstere zoa tekieër
’t ganse dörp duit mit zelfd ouch de groatste knoterieër
Es Graasboere gaon fieëste den sjtuit alles oppe kop
en mit mien tróm loup ich veurop

Ich sjaon hiej mit mien trumke en ich maak hieëlväöl kabaal
Ich sjlaon waal èns dernaeve mer det is toch sjiet egaal
Mer es ich neet kèn houwe den is de lol der sjnel vanaaf
want mit mien tróm zèk ich alaaf

HOME PLAATSNAMENOVERZICHT HOME

MISS-VERKEZING
J.Jackson, J.Mostard, H.Steijvers, E.Lambermon
Zang (*) : Janse Bagge Bend

Alle Missen wille gaer ein kreunke oppe kop
De jury zuusse dènke: "Op die, doa koos ich 't op!"
Hènj onger de toafel, de eurkes waere rood
En welk van hun wint noe de pries
Welke geuf zich 't meiste bloawt
Welke geuf zich 't meiste bloawt
Want dat wille ze zeen

Ze wille bloawt zeen, bloawt zeen, bloawt zeen, bloawt zeen
Joa, dat wille ze zeen
Doe löps veur poal, ze kieke allemoal
Kleije dich mit de auge langsaam oet
Ze willen bloawt zeen

Löpse in diene tange in ein kringske rondj
Veuls dich opgeloate mit dae sjoonsreem in d'n kontj
't Geit neet om 't knap zeen, doe höbs väöl mee in hoes
Mer om det te maete kieke ze in de bloes
Karakter zit in de bloes, karakter zit in de bloes
En doa löpse alweer
Doe mos loupe, loupe, loupe, loupe
Op det houten plankier
Löps doe veur poal, ze kieke allemoal
Kleije dich mit de auge oet
Joa, doe mos loupe, loupe, loupe, loupe

De mam zit op de veurste riej
De pap mit de "instamatic" zit d'r bie
"Oos dochter det wurt ein sjter,
Det kendj van os det brunk 't ver, det kendj van os det brunk 't ver
Det kendj van os det brunk 't ver"

* cd (1987) : Janse Bagge Bend -" Totzekotze " - Marlstone Recordings bv - 0909105 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

MIT VASTELAOVEND
2006/2007: Tekst: René de Serière - muziek: Arno Op de Camp
Zang: Arlette Cox

Vastelaovend allemaol,
Ich bön ‘t, Arlette
Gezellig hè

Refrein:
Mit vastelaovend
Ich bön zoä blie mit vastelaovend
Jao dèn höb ich geine tied
Zeen ze mich weer drie daag kwiet
Daovan krieg ich geine sjpiet
Mit vastelaovend
Ich bön zoä blie mit vastelaovend
Jao dèn höb ich geine tied
Zeen ze mich weer drie daag kwiet
Daovan krieg ich geine sjpiet

Veur de vastelaovend höb ich gein rös in mien prie
Den loup ich get te drejje van de ein nao de anger zie
Mèr is ’t moment den dao bön ich door ’t dölle haer
Den kèn ich weer gaon viere dèt doon ich toch zoä gaer

En is ’t den zoä wiet, kèn ich mien ei weer kwiet

Op zónjig gaon ich danse oppe zaal en in ’t kefee
Mit pap en mam de hort op ’t is gezellig mit die twieë
Vastelaovend viere ’t sjoänste wat d’r is
Dèt doon weer mit zien alle dao is toch niks mit mis

En is ’t den zoä wiet, kèn ich mien ei weer kwiet

Jao, ich gaon danse, hosse, sjprènge
Alle leedjes zènge
En höb mit dees daag weer vööl plezeer

HOME PLAATSNAMENOVERZICHT HOME

MÖGKE
Hayes, Porter, H.Steijvers, E.Lambermon, W.Crijns, J.Gerrits, H.Omloo
Zang (*) : Janse Bagge Bend

Gings mit de verkenners vreuger op kamp.
Zoots in de sjtank van 'n petrolslamp.
Die ieëste nach in ein tent vergitse noajt van zien laeve.
Want van al die mögke, sjtook gein ein d'r naeve.

Leech aan, hie zitte mögke.
Doog noe leech aan, hie zitte mögke.

Nao eine daag wirke, doe ligks kepot in bèd
En op 't nachkesjke ligk 'n opgerolde gazèt.
De ganse nach huitse wildj om dich haer.
Mer net die ein mögk, die sjtuk dich gaer.

Leech aan, hie zitte mögke.
Doog noe leech aan, hie zitte mögke.

Geis nao de Gamma en köps 'n hordeur.
En op de vinsterbank sjtuit 'n plant mit citroengeur, mer niks hulp.

Doe bès róndj achtieën, eine echte vent.
Veur 't ieës op vakantie, mit vriendin in ein tent.
G'r höb 't lóchbed keihel opgeblaoze.
En net op 't moment es g'r wilt goan raoze.

Leech aan, hie zitte mögke.
Doog noe leech aan, hie zitte mögke.

* cd (1994) : Janse Bagge Bend -" Branje en sjnirke " - Marlstone Recordings bv - CDS 9419

HOME PLAATSNAMENOVERZICHT HOME

MÓMMEGEZICH
1996/1997 nr.1 : Tekst & muziek: Frank Dullens
Zang: Ónneuëzel Tót De Mach 3

Dien mómmegezich, det lachde noa mich, ich wiet det nog hieël good.
Dien lang, sjloek haor, jao, det woor verborge in diene hood.
't Woor bieëstig kauwt die nach, toch kreeg ich 't benauwd die nach.

Refrein:
"Brèng mich, brèng mich nao hoes" zags dich,
van achter dien neuëzel mómmegezich.
"Brèng mich, brèng mich nao hoes" zags dich,
en de zjweit brook oet bie mich.

Jao, tot miene sjpiet zags doe: " 't Is tied, ich mót noe ech eweg".
Ich zag: "Des egaal, ich brèng dich waal, get kauw lóch is neet sjlech".
Die mómmegezich, dae lach nao mich, went det haste verwach van mich.

Weer ginge op paad, hieël vreug, dus laat, de nach, die kreeg zien kleuër.
Mer ich pollesoat, koos toch die sjtraot, sjtóng veur mien eige deur.
Dien waore gezich, deat lachde nao mich, went det gezich woor de man van mich.

HOME PLAATSNAMENOVERZICHT HOME

MONUMÈNTE-ZORG
1992/1993: Tekst: Zösterse maedjes – muziek: Mart Moors
Zang: Zösterse maedjes

Feurth det wurt sinds kort bewoond, door ènkle tónne sjtein
Toch zou ein bleumke en get greun, neet mis-sjtaon op det plein
Löpse tösje die kolosse door, den veule w’r ós gans klein
Haopelik zakt de kraom den neet, mit eine sjlaag inein

Refrein:
Mit vastelaovend wurt ’t monumènt door ós vereërd
D’n eine krig ein plekske óm d’n ang’re wurt verseerd
Weer pakke ze same in d’n erm en sjónkele ós den fit
Det geit den door tot sjmörgesvreug, die twieë numme w’r mit

De Maert drejde ós ein loer, de graasboer pikde ze in
Zöstere det vreug zich aaf, woo blif zien graasboerin?
Det kaerelke is al sjlech ter bein en sjtuit dao toch zoa allein
Zien hart det reup óm kómpenie, al is det auch van sjtein

Missjien is urges hie of dao, nog ein aope plaats
Dao waere den mit fantasie, get sjtein op neer geklaats
Noe loester nao deze gooje road, zoadet ze auch blieve sjtaon
In ein fundering wurt bie ós, genóg cemènt gedaon

HOME PLAATSNAMENOVERZICHT HOME

DE NARRETEMPEL
1992/1993: Tekst: Harie Lempens – muziek: Sef Leurs
Zang: De Leefhöbbers

Refrein:
Vier noe vastelaovend, noe is ’t nog tied
Euver doezend jaor den zeuk men wied en zied
Nao de vastelaovend maak ze gein verwiet
Want zoa lang ’t menke lache blif in de maon
Blif de vasetlaovend in Zöstere besjtaon

Aan de kirk dao grave ze zich suf
Ze zeuke nao de reste van ’t sjtuf

Mer euver doezend jaor waem haw det den noch gedach
Den wurd in Zöstere de vastelaovend bloat gelag
Ze wore haos vergaete waat ’t woor
En es gekke grave ze den door
In Zöstere dao sjtuit den alles op de kop
Want ze grave eine narretempel op

Waat dènk ger waat ze allemaol vènje hie
Missjien is auch van uch nog get derbie
Ein geraamte mit ein tróm det aan den tapkas zit
Det is den óngetwiefeld eine plekker van OHIT
Auch ein dikke tróm die is derbie
Van allich ein zate hermenie
Ein kloonspruuk mit ein naas versjtaoke in ein vaas
Gevónje bie eine hieëring in ein glaas

Ze blieve grave mit väöl gooie mood
En vènje eine vastelaoveshood
Eine graasboer gans oet bróns gegaote waat ein prach
Waal doezend jaor lank haet ‘r genaote en gelach
Mer waat lik dao ónger in de knoai
En nog zoa beheuërlik in de ploai
Drie maskers in verval vergaete nao de bal
En get blaedjes wo op deze sjaele kal

HOME PLAATSNAMENOVERZICHT HOME

NELKE GOAJ DE BEINKES IN DE LÓG
1990/1991: Tekst: Harrie Lempens & De Leefhöbbers – muziek: Jan Buschers
Zang: De Leefhöbbers

Danse bie ’t ballet is alles veur ós Nel
dao dréjet ’t zien rundjes wie ‘ne pópperel
Dreug ouch nog ein knutje boave op de kop,
ut ouch allein nog mer besjuut mit sop
es ’n sjtikpreem zoa sjmaal
mer danse kènt ’t waal

Refrein:
Nelke goaj de beinkes in de lóch
want de vastelaovend hungk al in de lóch
zjwèj dien ermkes noe mer in ’t róndj
want weer make ’t noe ger ‘ns kakelbóntj

Nelke goaj de beinkes in de lóch
want de vastelaovend hungk al in de lóch
zjwèj dien ermkes noe mer in ’t róndj
want weer make ’t noe kakel bóntj

Mit vastelaovend mót ger kómme kieke hie
es dansmarieke is ós Nelke den der bie
mit ein ploaje rökske en ein pettycoot
mit piepelokke ónger ziene hoot
krig dao van neet genóg
en geuët ze in de lóch

Duit danse op zien sjeunkes mit ein platte naas
den sjprungk ’t door de kamer wie ‘ne vlotte haas
Nelke haet den pas der aller groatste sjpas
es de tasse rammele in de kas
Pak uch den noe bie ein
en zèng den dit refrein

HOME PLAATSNAMENOVERZICHT HOME

NEMES ...
Tekst: ? - org. "Niemand laat zijn eigen kind alleen" (Willy & Willeke Alberti)
Zang (*) : Henk & Ton (Henk Steijvers & Ton Meisen)

Neemes huit zien eige vrouw inein.
Dat deiste neet, al is 't nog zo'n sjaggerein.
Ze reeg dich op, dien blood geit kaoke,
doe huits heur bienao get gebraoke.
Neemes huit zien eige vrouw inein.

En huits doe vööl, krigs doe 't in de rök.
Vungk zie 't leuk, dan kump zie ummer weer trök.
Dan kens doe heur neet kwiet meer raake,
ondanks 't hoes, d'n hondj, dien sjnaake.
Doe deis toch alles veur dien eige gelök.

Neemes huit zien eige vrouw inein.
Dat deiste neet, al is 't nog zo'n sjaggerein.
Al geuf zie dich zös of zeeve poete,
hungk de taofel aan d'n ongerkantj vol mit koete.
Neemes huit zien eige vrouw inein.

Ze hulp dich dan de ganse daag in hoes.
En knotert zie weer, kumps doe get later toes.
Dan blifs doe kalm, geis neet op de knieje.
want sjtraks is 't toch weer niks te vrieje.
Bedenk dich dus en maak neet drek ein voes.

Neemes huit zien eige vrouw inein.
Dat deiste neet, al is 't nog zo'n sjaggerein.
Al wurste zo gek wie ein meule,
want d'n aafwasj, dae mos doe ummer sjpeule.
Neemes huit zien eige vrouw inein.
La la la la la la la la laaaaaaaaaa ..........
Neemes huit zien eige vrouw inein.
Dat deiste neet, al is 't nog zo'n sjaggerein.
Mesjien paks doe dich waal ein angere,
en meins doe, dat alles geit verangere.
Mer nao ein jeor sjtamp die dich mesjien ram inein.

"Harsjtikke ram verrot, inein, boete oppe sjtoep,
sjteiste dan mit dien koffers.
en de poets krigste auch nog mit"

* cd-single : Henk & Ton - "Henk & Ton es Ton & Henk" - Marlstone Recordings bv CDS2037

HOME PLAATSNAMENOVERZICHT HOME

NOAIJT GEDACH ... TOCH GEKREGE !!
1999/2000 : Tekst & muziek: Har Dullens
Uitvoerende (*) : Ónneuëzel Tót De Mach 3

Refrein:
Noajt gedach, noajt verwach, tóch gekrege,
Neet te gluive, 't allerleefste maedje droet.
Noajt gedach, noajt verwach, tóch gekrege,
zoa noe en den kómme de sjoanste druime oet.
Ich zoe groat in de sjterre wille sjrieve,
dich bös 't zunke waat de wolke duit verdrieve.
Noajt gedach, noajt verwach, tóch gekrege,
Ich bön zoa greuëtsj, onger ôs gezach en gezjwege.

Ich dach maér ummer, al sjtaon ich oppe kop.
Ich dach maér ummer, dae vleeger geit neet op.
Dich bös veur mich neet in de weeg gelag,
maér waat gebeurde haw ich noajt verwach.

Ich dach maér ummer, al zoe de weld vergaon.
Ich dach maér ummer, dich zuus mich toch neet sjtaon.
Maér este krigs waatste noajt haws gedach,
is väöl sjoander es des 't haws verwach.

* cd 2000 : diverse artiesten - "Van Eijsde tot de Mookerhei 7" - Marlstone Recordings bv CDL2001

HOME PLAATSNAMENOVERZICHT HOME

NOG EINE
1998/1999: Tekst: Karel Fiddelers – muziek: Evert Masthoff
Zang: Mit de Päöt in de Gäöt

Refrein:
Gaef mich nog eine, ich höb noe geine,
mie part ‘nne kleine, bèn gans allein
Doe höbs toch eine, wat zoes-te meine,
weer blieve samie hie biej-ein
Laot mich neet wachte, want ich zit te sjmachte,
ich kèn zoa neet langer sjtaon
Det zeen väöls te lange nachte,
veur det weer nao hoes toe gaon

De jeug op vandaag die geit ’t ganse jaor,
is t’er get te fieëste sjtaon ze klaor
Jedre waek den gaon ze nao de disco haer,
want det is meziek dae heuëre ze zoa gaer
Ze zènge, sprénge den in zaal of in ’n tent,
mit Rowwen Haez of Jansse Bagge Bend
En geit ’t beer dao door de kael of door de lóch,
den zènge ze: weer höbbe neet genög

De pap en oug de mam die doon al jaore mit,
popmeziek det is biej hun gein hit
Ze hawte van awwe hoem-pa-pa meziek,
veule zich daobie de keuning te riek
Ze gaon den same róndj ein eine polonais
, zoa sjoan is ’t al lang neet mieë gewaes
En zaet de kastelein: “Luuj ’t is gedaon”,
den rope ze: weer wille nog neet gaon

Opa en oug oma in ’t bejaardehoes,
veule zich al jaore langk dao toes
Ze kaarte, kiene, kalle dao de ganse daag,
kriege saoves nog get pilkes veur de maag
Ze laeze de gezèt van veur pòs achter oet,
aaf en toe gaon ze nog èns d’roet
En is d’n tied van sjpas dan oug veur hun veurbie,
dan zègke ze: weer blieve lever hie

HOME PLAATSNAMENOVERZICHT HOME

NUUJ HELDE
J.Burnell, J.Black, C.Cornell, D.Greenfield, H.Steijvers, E.Masthoff, E.Lambermon
Zang (*) : Janse Bagge Bend

Wat deej Bonifacius destieds in Dokkum ?
Wat ging John Kennedy in Dallas doon ?
Acquino dae ging trück heives
En Cornerl Lagrouw zal nooit mee noa Zuid-Amerika goan
Wat is gebeurd mit al die helde ?
Zo'n men die vunjse nog mer zelde

Wem kent noe nog Alexander Dubcek ?
Wem wèt noe nog woorom Jan Palach haet gebrandj ?
Wae vreug zich noe nog: "Wae woor Romero ?"
Of Martin Luther in det kojbojlandj

Wat is gebeurd mit al die helde ?
Zo'n men die vunjse nog mer zelde
Dees generatie die sjtuit sjoan drop
De produktie van helde die is gesjtop
Ondanks dat kent geer gerös wiejer sjloape
Weer trekke geweun ein nuuj blik helde oape

Tied sjteid neet sjtil, de klok tik wiejer
De welt dreit door, dat is normaal
En auch noa hun komme nuuj helde
Allein de klok verangerd, ze löp noe digitaal

Dees generatie die sjtuit sjoan drop
De produktie van helde die is gesjtop
Ondanks dat kent geer gerös wiejer sjloape
Weer trekke geweun ein nuuj blik helde oape

* cd (1987) : Janse Bagge Bend -" Totzekotze " - Marlstone Recordings bv - 0909105 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

DEN OBER
1995/1996 nr.1 : Tekst: René de Seriére - muziek: René de Seriére & Nico Dirkx
Zang: Kinjervakantiewerk Zöstere

Mit de vastelaovend den ren ich op en aaf
De ene nao d'n angere, haet ein sjtök in ziene kraag
Zeen de glazer laeg, den haol ich ze weer op
Jao mit de vastelaovend, den loup ich mich kepot

Door 't jaor haer wirk ich aan de lopende bandj
Mer mit de vastelaovend help ich 'ne angere klantj
In 't zwart en wit bön ich oppe zaal
En baan mich 'nne waeg doot det hels kebaal

De luuj besjtèlle get te drènke en ich ren den hieël gauw
Onger mien veut get blaore, ze waere al gans blauw
't Maak mich gaar niks oet, ich doon 't veur de sjpas
De luuj die blieve lache, 't geldj struimp in de kas

De baas dae duit neet klage, 't löp noe wie gesjmaerd
De kraan dae blief mer loupe, niks geit hie noe verkieërd
De luuj die zeen tevreje, höbbe 'nne lach op hun gezich
Ich doon geweuën mien werk, det is toch aug mien plich

HOME PLAATSNAMENOVERZICHT HOME

OET DAE BOL
1999/2000: Tekst & muziek: Sef Leurs
Zang: De Kepel

Refrein:
Vastelaovend, det is eine sjoane tied
Drie daag raoze, raaks dien enerzjie neet kwiet
Danse weer op sjtraot, same achterein
Jónk en awt, det is weer op de bein

Mit de vastelaovend gaon weer oet de bol
Make mit zien alle väöl plezeer en lol
Danse zènge, sjprènge zit ós in ’t blood
Aaf en toe éns sjmere, want den geit ’t èns zoa good

De pap, de mam de poete, alles in ein rie
De opa en de oma, sjleipe ze d’r bie
Danse polonaize, ‘n dröpke op de voes
En zènge mit de blaoskepel: weer gaon nog neet nao hoes

Mit oos hermeniekes en oos blaoskepel
Mós-te dich waal reure in ’t bóntje sjpel
Om dit vol te hawte, det vilt gaar neet mit
Its-te dich ein frikandel, al mit ein tuutje frit

Meug en oetgesjprónge, gaon weer den nao hoes
Plunjere d’n ieëskas, den ónger de doesj
Prebere get te sjlaope, mit eine dikke kop
En sangeredaags sjmörges, den sjtaon weer mit doos weer op

Mer nao drie daag, den is oug dit fieës veurbie
Jederein veug zich weer in de maatsjepie
Pak d’n draod weer op, zèt zien masker aaf
Ich besjloet mit: Zöstere Alaaf, Alaaf, Alaaf!!!

HOME PLAATSNAMENOVERZICHT HOME

OET DE WAEG
2000/2001 nr.1 : Tekst: René de Serière & Wim Maessen – muziek: René de Serière
Zang: De Batsekratzers

Refrein:
Gangk aan de kantj, gank oet de waeg
Want ’t is weer vastelaovend
Gangk aan de kantj, gangk oet de waeg
En laot ós noe mer raoze
Gangk aan de kantj, gangk oet de waeg
Of doont geer mit ós mit
Sjprèng den op ós treinke
Veur de allersjoanste rit

Sjtap mer in ós treinke, want dae is nog lang neet vol
Zeuk uch mer ’n plaetske en maakt mit ós väöl lol
Weer beginne, zoa es jeder jaor, ummer oppe tied
Dus luujkes sjtap gerös mer in, geer krieg ech geine sjpiet

Zégk conducteur wo brèngk geer ós mit dees daag toch weer haer
Och luujkes, jao geer zègk ’t mer, wat doont geer allemaol gaer
Danse, hosse, zènge, sjprènge, same nao ’t bal
Weer trèkke wie ’n polonais, ’t is weer karnaval

Sjprèng den op ós treinke
Veur de allersjoanste, de allersjoanste rit

HOME PLAATSNAMENOVERZICHT HOME

OP HENJ GEDRAGE
2004/2005: Tekst & muziek: Har Dullens
Zang: De Dultonbrodders

Es sjneuzel wis ich al waat ich wól waere
Ein maol prins te zeen mit mutsj en echte vaere
En wie ze mich det auch nog koome vraoge
Höb ich det gaar neet euverwaoge
Noe sjtaon ich hiej gesjteveld en gesjpaord
En äöpent zich veur mich de hemelpaort

In druime höb ich hiej al dèks gesjtange
Mer allezelaeve bleef 't biej verlange
Ich weit 't is neet jederein gegaeve
Om hiej prinsheerlik 'ns te laeve
Mer waat d'r noe vandaag mit mich gebeurt
Det is te gek, geweuën te gek veur weurd

Refrein:
Want ich waer op henj gedrage, gedrage door 't volk
Ich waer op henj gedrage, laef op 'n raoze wolk
Ze boewe mich de aller sjoanste wage
En Ich moog baove d'r op
Ich waer op henj gedrage
En det wirk good op mien gemood
Ich waer op henj gedrage
En hoof veurluipig neet te voot

HOME PLAATSNAMENOVERZICHT HOME

OPERETTEKETET
2007/2008: Tekst & muziek: Arno Op de Camp
Zang: de Batsekratzers

Refrein:
O---peretteketet
O-O-O-peretteketet

Veer höbbe sinds ein waek of twieë ‘nne nuuje dirigent
Da’s eine oet ’t Noorde, dae de karnaval neet kent
Hae vundj os blaoze ’knetter’gek, hae zaet retteketet
Dus mot van häöm de ganse klup, aan de operet’
Noe kent get angesj eigelik gein kaod
mer hae tik neet ummer richtig in de maot

Dus repetere veer ein Polonaise van Chopin
En vraoge veer get platters, jao, dan zaet ‘r ummer “nae!”
Dan nog mer eine aria en eine Weense wals
Hae reup dan door ’t sjpele haer, “de fluite fluite vals!”
Ze wille ‘m neet bie de wieze raod
Want hae tik neet ummer richtig in de maot

HOME PLAATSNAMENOVERZICHT HOME

PAK DE TRÄÖT MER IN DE MÓNDJ
1989: Tekst: Wim Bohnen – muziek:
Zang:

Refrein:
Pak de träöt mer inde móndj
trèk ’t dörp èns effe róndj
al die poete in d’n erm
jao, dao kump weert eine zjwerm
Laot mich los, ich mót noe gaon
veurdet alles is gedaon

Keuëb van bie ós naeve is bie de hermenie
van kènjs aaf aan is-t‘r al bie
In vol ornaat trèk hae ummer mit
jao, Keuëb is eine jóng wo meziek in zit

Keuëb hilt geine taege, veural neet mit die daag
Hae haet ’t neet mieë aan de maag
De kop wördt dikker van die träöt
en aaf en toe den ligk-er n de gäöt

Ouch in ’t kafee haet Keuëb hieël väöl kabaal
Wie det kump, det is egaal
Hae zaet aan ederein kieër op kieër
Ich laef dees daag allein van beer

Zien vrouw en de poete gaon achter ‘m aan
de ein mit de tróm en de anger mit de vaan
Asjgoonsdig den is Keuëb bek-aaf
hae bleus neet mieë, hae zaet allein “Alaaf!”

HOME PLAATSNAMENOVERZICHT HOME

DE PAP VAN ÓS WOOR SWENTIBOLD
(‘t Zösters Volksleed)
Tekst: Piet & Evert Zits - muziek: ?

De pap van ós woor Swentibold
De mam ein graasboerin
En weer zeen dao de kènjer van
Alaaf, waat ein gezin!

Refrein:
Blauw is oos blood!
Ònthauwt det noe mer good!
Want de graasboere, alaaf!
Die sjtamme van ‘ne keuning aaf!

Jao, keuningskènjer det zeen weer
En det is geinen droum!
Òs naobers hauwe nog velkes óm
Doe hauwe weer al sjtroum!

Dae Swentibold det woor ‘nen hieër!
Dae drónk en peuënde raak
Toch höbbe ze van dae man bienao
‘nen heilige gemaak!

HOME PLAATSNAMENOVERZICHT HOME

PIERSING
B. Holland
Zang (*) : Janse Bagge Bend

Doe lieks zo weggeloupe oet det book van OVERTOOM
doe blinks van alle kantje, dien pens hingk vol mit chroom
doe kens zo mit goan sjpele es eine Science-Fiction-clown
volges mich höbs doe ein non-ferro-syndroom.

oh, loup mer door de raege
doa kent dae kroam bes taege
en ich moog 't zegge: dien herse-pan is doorgeroes.

't Eesjte watse deejs woor ein ringske door ein oor
det ging toen flink zjwaere, ontsjmette moos mit chloor.
Doanao koom de navel, ein sjplitpen moos d'r in.
toen nog door dien daeme (= tepels), eine hele lange pin.

oh, loup mer door de raege
doa kent dae kroam bes taege
en ich moog 't zegge: dien herse-pan is doorgeroes.

Van mich moogse gerös, ich zegk neet det 't neet doug.
Mer ligk bie dich de grens bie punaises in ein aug.
of wilste gekker doon mit nog get ruiger fratse
löpse daalik ronjd mit 'ne bahco in dien batse

En geiste sjtraks ooit dood en ligkste in de kist
den is ter genog geldj veur dien begrafenis.
Det piersinggedoons doa is euver noagedach
den brungse nog get op, wurste noa de sjloop gebrach.

oh, loup mer door de raege
doa kent dae kroam bes taege
en ich moog 't zegge: dien herse-pan is doorgeroes.

* cd (1998) : Janse Bagge Bend -" Bekiek 't " - CDL 9827

HOME PLAATSNAMENOVERZICHT HOME

EIN PÓPPEKASVERHÄÖLKE
1996/1997: Tekst & muziek: Peter Feijen
Zang: Sjiet Egaal

Kläös en Ketrien die hawwe ein gemis
Want vastelaovend leek hun ’t sjoanste waat t’r is
Mer zónger meziek sjuiste euveral allein
En kumpter gaaroet gein, bewaeging in dien bein

Ein póppekaspóp haet zaegsel in de kop
Mer aaf en toe geit dao auch èns ein leegske op
Zoa góng det bie Ketrien en ’t keek opèns gans blie
’t Zag doe: “Kläös weer vraoge ós ein Zaate Hermenie”

Refrein:
Weer hawwe sjpas, sjpas, sjpas
Hiej in de póppekas
Geer krig gein ras, ras, ras
Dus sjnap uch noe mer vas
Dus in de pas, pas, pas,
de gansen amberras
Ein Zaate Hermenie des eine póppekas
Ein Zaate Hermenie des eine póppekas

Kläös wis genóg en hae raapde zich biejein
Hae dach: Ich mót nao Zöstere
En pakde zich d’n trein
Hae keek èns effe róndj en vóndj doe waat ter zóg
Want Zaate hermeniekes die höbbe w’r hiej genóg

Zoa zeen weer hiej belandj en w’r höbbe geine sjpiet
Want es póppekaspóp bös-te al dien zörg kwiet
Weer danse en weer sjprènge
kriege auch ein glaeske beer
En Kläös en Ketrien vraoge ós kómmend jaor alweer

HOME PLAATSNAMENOVERZICHT HOME

PRAKKEZERE
S.McGowan, E.Masthoff, P.Rutten - melodie: "Rainy night at Soho"
Zang (*) : Janse Bagge Bend

Ich zeen ze noe nog regelmoatig
Al joarelank, mit kaarte, èns in de waek
Mer doa is heel get verangerd, es ich aan vreuger denk
Hawf zaat vônje w'r zunj van 't geldj
'n Leag glaas moos direk weer vol
"W'r hauwe de blauwe tot ze kotze"
Sjreefde w'r es puber veur de lol

W'r sjôlje op carriëremakers
Op zo'n sjtôm kantoor, daag in daag oet
Det zou os neet euverkomme
Nog lever sjtapde w'r d'r oet
W'r vierde auch dea "bloome-zomer"
67 woor 't joar
Dreijde Bob Dylan tot hae gries zoog
Tot op oos sjouwers hong oos hoar

Mer jong, noe weet ich waal beater
De joare kreege auch vat op mich
Es ich noe noch laat urges aan 't buffet hang
Den wach toes ein vrouw op mich
'Sjmörges vreug wear ich den wakker
Mit dae sphinx naeve mix in bed
Lik doa in bed ônger ein deake van sjtilte
En den pak ich mer de gazet

Wat is gekomme van die vrunj van toen?
Harrie is nog ummer vriegezel
Tonnie is al in d'n hemel
En w'r verkes, w'r motte nog noa de hel
W'r motte nog noa de hel

* cd (1987) : Janse Bagge Bend -" Totzekotze " - Marlstone Recordings bv - 0909105 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

DE PRINS
1992/1993 nr.1 : Tekst: Anita Herzig & Thei Opgenoord – muziek: Nico Dirkx
Zang: De Kepél

Refrein:
Eder jaor mit vastelaovend, den begint dae sirk opnuuj,
gans het dörp is aan het raoje, jao wae wurd het dit jaor luuj
Mer ein dènk kèn ich uch zjwaere, ’t is ein oetgemaakde zaak
Dizze jóng dae geit het waere, is vuer graasboerprins gemaak

Wie ich woor gebaore, doe zach de pap al gauw
det menke geit ’t make, zien blood det is zoa blauw
En óm ’t vak te lieëre sjtuurde hae mich nao Soestdijk
Geer kènt noe zellef kieke, nao waat ich höb bereik

Op de groate zitting is eed’rein in de war
wae zal ’t dit jaor waere, wae trèk dit jaor de kar
En kump d’r van de Hei aaf van de Mert of oet ’t Brook
Mer sjluit het twélleft oere, sjtaon ich achter ‘t dook

Geit ’t dook den aope sjtaon ich in prach en praal
ich gaon den proklamere veur eine volle zaal
“Ich kèn uch noe belaove mit de sjtaek op miene kop
Dit jaor gaon ich ’t make, dit jaor gaon ich veurop

HOME PLAATSNAMENOVERZICHT HOME

PRINS DZJAH D'N 1ste
T. Meisen, J. Mostard, H. Steijvers, E. Lambermon
Zang (*) : Janse Bagge Bend

Jamaica-jong wurt wakker.
De zon in zien gezich.
`t Is vandaag de grote daag.
Hae lieet Jamaica achter zich.
Vandaag geit hae verhoeze,
noa `n vraem landj geit hae haer.
Want doa is alles baeter
Doa is van alles miee.

Hae kent `t neet geluive
es `t vleegtuug is gelandj.
Sjtuit hae doa te bibbere,
mit de koffer in zien handj.
De deur geit langzaam oape.
Doa krig hae eine dreun!
De kleure oet zien vaderlandj.
Alles rood, gael, greun.

Hae sjtap in d'n taxi.
De chauffeur zaet mit ein bliej gezich:
"Doe kums van God gezonje, ich hob missjien ein baan veur dich.
Oze prins is 't sjlech gewore, dae ligk sjterveskrank in bed.
Es doe noe veur 'm in vils is oze carnaval gered".

"Hobbe w'r 'ns get anges.
Geine gesjtressde mit 'n eige zaak.
Noe 'ns get exclusiefs, wat nog nemes haet mitgemaak.
't Hoof dich niks te koste.
W'r zeen heel bliej este kens.
Kom mit noa de zitting, den installeren w'r dich es prins".

* cd-single - B-kant

HOME PLAATSNAMENOVERZICHT HOME

DE PRINSE POLONAISE
1994/1995: Tekst & muziek: Mart Moors
Zang: De Zösterse Maedjes

Veurenop dao löp de prins mit ziene wieze raod
Sjprènge hossend, kwakend door de ganse sjtraot
De volgende kaffee, de pilskes sjtaon al kawt
Die rie wurdt ummer langer, mit jónk en awt

Refrein:
Es de prinse-polonaise kump en alles trèkke geit
Gans Zöstere te klein is en nemes sjtil mieë sjteit
Dao wurdt nao oetgekeke, eder jaor opnuuj
De prinse-poloniase, mit alle luuj

De sjtraote rake ram versjtop, men kump’r neet mieë oet
De raod van èlf nump hie-op ein hieël wies besjloet
Prins en vors zeen ’t èns en die wille allebei
Trèkke wo nog plaats is en det is op de Hei

En sjnachs óm ein oer of zoa, waat is dao nog te doon?
Trèkke d’r nog ummer róndj, de tóng al op de sjoon
Die hawwe zich verloupe, det wore t’r van Ech
Men vreug zich aaf wie kómme die in Baakhaove terech

HOME PLAATSNAMENOVERZICHT HOME

PROEMEVLAAI
Van Morrisson, H.Steijvers, L.Mostard
Zang (*) : Janse Bagge Bend

Ich mot noe effe score
Ich wil eine nuuje shot
Ich mot noe effe trippe
Want deze jong dae veult zich rot
Ich mot noe effe bloowe
Mer ich hoof geine sjit
Doa is get det is veul baeter
Proeme zonger pit

Ich wil proemevlaai

Dae kroam dae is zo zjwaor
Sjterker dan kashmir-sjit
Es ich dao mit gebloowd höb
Veult deze jong zich weer ram fit
Den haet d'r weer kloar auge
En veult zich ram oké
Gein las van "cold turkey"
Det lik daags d'rop in de WC

Ich wil proemevlaai

* cd (1987) : Janse Bagge Bend -" Totzekotze " - Marlstone Recordings bv - 0909105 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

RAEGEJAS
V.Morrison, H.Steijvers, E.Lambermon
Zang (*) : Janse Bagge Bend

Eine raegejas, det woor alles wat hae droog.
Eine raegejas woor 't ieëste wat ich zoog.
Eine raegejas en dao in eine naaksje kael.
Ich zoot in de viefde klas
En leep sjmiddigs geweuën nao sjoal.
Koom langs die conifere,
Wo achter dae rare zich versjool.
Hae sjpróng op 't paad, dee ziene jas aop
En opèns sjtóng d'r doa.
Wit van de sjrik, sjtuufde ich nao sjoal,
Mit d'n angszjweit op m'n bieës.
De juffrouw noom mich mit nao häör kaemerke,
Haet mich de ganse lange middig lang getreuës.
Onger häöre raegejas, det woor alles wat mien juffrouw droog.
D'n ieëste kieër det ich zoane zjwarte driehook zoog.
Ich en mien juffrouw same ónger häöre raegejas.
Tót aan de CITO-toets,
Haet häör therapie gedoerd.
Of 't bie-les woor.
Elke waek minstens ein oer.
Ich en m'n juffrouw same ónger häöre raegejas.
Door häör therapie,
Bön ich mit sjlech waer ummer blie.
Zeen ich luuj in raegejes,
Krieg ich kriebel in mien prie.
Dankzij eine raegejas
Woor ich achter de oare hieël sjnel dreuëg.

* cd (1994) : Janse Bagge Bend -" Branje en sjnirke " - Marlstone Recordings bv - CDS 9419

HOME PLAATSNAMENOVERZICHT HOME

‘T RAENGEKEPKE
1997/1998: Tekst & muziek: Frank Dullens
Zang: Trio Pratsj Naat

Dien blik verraojde neet väöl goods
Ich zoog des doe mit dien raengenkepke zoots
Ich leep aan dich veurbie
’t Vónkde 1, 2, 3
Ich goof dich miene lach en höb gezag

Refrein:
Alle grauwelende luuj
Sjoel ónger mien parapluuj
Sjoel ónger mien parapluuj
Den krig geer ein gooj buuj
Ich hawt uch neet veur ’t lepke
Kwak weg det raengenkepke

Krr djuu, doe razeldes, leeks get versjrik
Keeks wie ein koe euver de puntjdraod kik
Mer door mien waerberich
Koom zón in dien gezich
Ich goof dich miene lach en höb gezag:

Doe reets ’t kepke doe van dien knótsj
En verangerdes veur mich in ein gooj blötsj
Weer tratsjde op geveul
En litsjde door de peul
Ich goof dich miene lach en höb gezag;

HOME PLAATSNAMENOVERZICHT HOME

‘T RÄÖDSELKE
Tekst & muziek: P. Sanders

Bie ós achter aan de koele, wo Derks z’n meule ligk
Dao zoot ‘nen dikke kwakkert en dae zóng van kwik kwak kwik
Toen koom ‘ne groate vogel, sjtreek bie dae kwakkert neer
en haet ‘m opgevraete det lieëlik akelik deer (bis)

’t Woor midde in de zomer, ich wool èns wanjele gaon,
geer wèt waal aan de Koele wo die koeleklöppele sjtaon
Ich zoog dao toen dae vogel ziene sjnavel woor gans road
Mer ’t gekske van det deer det woor hae hauw mer eine poat (bis)

Zoewt geer mich neet kónne zègke wat det veur eine vogel woor?
Geer zit mich zoa sjtiekem te lache, jao ich gluif geer höb mich door
Zoewt geer mich neet kónne zègke, dae vogel woor zoa raar
Es geer ’t soms wet den zègk ’t mich toch, woor ’t soms eine...
Oh, noe geer ’t zègk, noe weit ich ’t ouch,.
’t Woor einen oojevaar

HOME PLAATSNAMENOVERZICHT HOME

RAPPING BART
Tekst: René de Serière - muziek: Los Leipos

In Mesjtreech is Sjeng weer aon de geng
En alle lüj die klappe in de henj
Handj in handj vorme die 'n race
En numme det 'n polonaise
Van Mesjtreech tót Venraoj in 'n rie
En alle gezichte kieke blie
't Sjtuit te laeze op 'n dook
Kómme ze in 't groate book

Rowwen Heze ligk mit de nuës ómhoag
Mer die van mich die löp gewoan
De sjnot dae kump mien sjtraot noe oet
Det liek op echte bitterkroed
En Jansse Bagge sjrif nog sjteeds
Breve bie 't leave ............... reeds
Mer weer zeen geweun knettergek
Man ................ braek mich de bek

Weer kómme oet Zöstere, 'n dörpke jao
En renne ós ummer achternao
Weer sjpele van sjmörges pós saoves laat
En oppe bühn zeen weer ummer zaat
Mit plezeer in 't leave, plezeer mit meziek
Det brénge weer uch ...... in deze tied
Dus weer gaon d'r same tegenaan
Los Leipos ............ kump d'raan

HOME PLAATSNAMENOVERZICHT HOME

REAGAN
C.Brühn, D.Deutscher, R.Loose, E.Masthoff, H.Steijvers
Zang (*) : Janse Bagge Bend

Weine nicht wenn Reagan fällt, dam dam dam dam
Dieser alte Kinoheld, dam dam dam dam
Marmor, Stein und Eisen bricht
Aber unser Reagan nicht
Alles, alles geht vorbei
Doch er bleibt uns treu

Dieser alte Kinoheld, dam dam dam dam
Der mächtigste Mann auf dieser Welt, dam dam dam dam
Marmor, Stein und Eisen bricht
Aber unser Reagan nicht
Alles, alles geht vorbei
Doch er bleibt uns treu

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD

HOME PLAATSNAMENOVERZICHT HOME

RECH OP IN BÈD
Tekst: René de Serière – muziek: Los Leipos
Zang: Los Leipos

’t Is zeve oer
Doe mós nao bèd toe
Doe geis mer weer nao baove
Pijama aan
De tenj gepots
En den ónger ’t dèk bèd

D’n ouge toe
Doe mós noe sjlaope gaon
Gank mer lekker druime
Euver dae baer
Diene levelingsbaer
D’r kan dich niks gebeure

Rech op in bèd, door ‘nne èngel gered

’t Sjweit bruk dich oet
Wat is noe toch oet
Doe bös noe aan ’t druime
Euver dae baer
Diene levelingsbaer
Wat bös te aan ’t kume

Hae sjnap dich vas
Geuëjt dich in de lóch
En leut dich hieël hel valle
Doe duis dich pien
Noe get gegrien
Mer dao kump dich émes redde

’s Mörges vreug
De mam aan dien bed
Kèntj doe mós wakker waere
Gans naat van ’t sjweit
Doe höbs ’t nog heit
De mam die sjtuit te blaere

’n Glaas sjokomel
’n Dreuëg bóterham
En den hieël gauw nao sjoal toe
De veurdeur aope
En waem sjtuit dao noe
Dae baer oet dien druime

HOME PLAATSNAMENOVERZICHT HOME

´T RIEBEWIES
Tekst: René de Serière – muziek: Los Leipos
Zang: Los Leipos

Achteen jaor, ’t riebewies, de auto van de pap
‘nne Lange waeg, plankgaas, doe loogs weer veurop

Refrein:
Wat höbs dich, noe gedaon, wat höbste noe gedaon
Wat höbs dich, noe gedaon, wat höbste noe gedaon

‘nne Lange waeg, ‘nne flauwe boch, ‘nne hieële graote baum
In volle vaart, d’r taegenaan, wat höbste toch gedaon

Pap en Mam, bie ’t graaf, hie en dao ’n traon
Wie koos det, noe toch gebeure, wat haet dae jóng gedaon

HOME PLAATSNAMENOVERZICHT HOME

‘T ROAD NAESKE
2000/2001: Tekst: John Storken – muziek: Charel Bexkens & John Storken
Zang: De Zjwarte Handj

Refrein:
Ich bön ein piekfijn, rank, sjlank glaeske
En ich bön noe gans allein
Ich zeuk ein dansend, klein road naeske
Ich gluif weer passe good biejein
Det naeske vlak baove det glaeske
Det is ein sjaon gezich
Jao, jao ich dènk aan dich
Mmm, ich dènk aan dich

’t Is al lang geléje
Weer waore mit ein sjtèl van zès
Weer sjtónge op de taofele
En höbbe mennige doos gelès
Weer klónke wie ein klökske
En ginge van handj tót handj
De kroan op de gooj sjtömming
En geleefd in ’t Zösters landj
Jao, jao, ich dènk aan dich
Mmm, ich dènk aan dich

’t Is al lang geléje
Weer waore mit ein sjtèl van zès
Weer sjtónge op de taofele
En höbbe mennige doos gelès
Dr waor gelök, dus auch sjerve
Mer ’t waor eine sjoane tied
Det kènne sjerve neet bederve
Mer doe raaks waal ’s emes kwiet
Jao, jao, ich dènk aan dich
Mmm, ich dènk aan dich

HOME PLAATSNAMENOVERZICHT HOME

DE ROLLATER-POLONAIS
2005/2006: Tekst: Martin Henskens - muziek: Nico Dirkx
Zang: Sjmesjing Pupkes

Refrein:
Want weer zeen auwt mer neet versjlete
van 't laeve nog genete
Zèt de sjteul mer aan de kantj
want weer rolle oet de bandj
Want weer zeen auwt mer neet versjlete
van 't laeve nog genete
De rollaters op ein riej
jóng luuj noe gaot éns aan ’n ziej

Op ein benkske in ’t hout
geuf d’r Sjeng jederein de sjout
Van de ieëlendj op dees aerd
jao waar is ’t laeve waerd
Mer in de rollater-polonais
vergit d’r effe de malais

Pinnne, chippe en auch knippe,
veur d’r Frens óm oet te flippe
Hae kump neet mit op dees weltj
Jao ’t laeve draejt ´m geldj
Mer in de rollater-polonais
vergit d’r effe de malais

Kapotte knök, de sjpiere sjtief,
’t wilt neet mit mieë det auwt lief
De hemel dae lik op de loer
jao ’t laeve det is zoer
Mer in de rollater-polonais
vergit d’r effe de malais

HOME PLAATSNAMENOVERZICHT HOME

DE ROTTE
H.Steijvers, E.Lambermon
Zang (*) : Janse Bagge Bend

Eine man lik in de luije sjtool te kiek noa ein pop-idool
Hae is neet mee jongk dit joar wurt hae tachtig
Hae kik al eine daag of veer
Op toafel stjteit versjarrelt beer
D'n tilleviesie vundj hae bliekbaar prachtig
Noa 't nuuts en 't journaal blif d'n tillevisie aan
Hae blif mer kieke, zelfs totdet sjnee is
En den noch, den hilt d'r paol
Dat "kesjke kieke" is ein kwoal
Hae volg alles van Daktari tot Dallas
Es 'sjmörges vreug 't tesbeeld kump
Zit d'r al weer kloar
Al is det neet ech sjpannend
Dat is gaar oet gein bezjwoar

Kenjerjournaal, TROS-aktua alles van Veronica
De VARA kwis oet die circustent
Sjpanning en auch politiek
Doa is niks te gek wo dae man noa kiek
Zelfs 't gesjprek mit de minister-president

'Sjmörges vreug zit d'r doa weer
Op toafel sjteit besjummelt beer
De nieuwslezer Harmen Siezen zit bie 'm in de kamer
Doanoa kump d'r ein show-program
Mit leedjes van Vader Abraham, De dolly Dots, Ben Cramer
Es 'sjmörges vreug 't tesbeeld kump
Den zit d'r alweer kloar
Al is dat neet ech sjpannend
Det is gaar oet gein bezjwoar

Reclamesjpot van Chocomel
Doa geit op èns de veurdeur-bel
De buurman kunp effe langs om èns effe te kalle
Wat d'n awwe man doa noe van dènk
Det 't in de flat zo sjtink
Dat is toch get wat geine huurder zal bevallen
Mer de veurdeur blif hermetisch toe
De buurman dènk: "Wat mot ich noe?"
Door de breve-bös kik hae noa bènne
Ein houp gezette lik in de gank
En oet de breeve-bös kump eine sjtank
Hae dènk: " 't Is beater om 06-11 mer te belle"
Es om 8 oer bie 't journaal Harmen Siezen doa weer is
Vertelt hae van eine man, vief weake dood
En dae door geine hondj wort gemis

* cd (1987) : Janse Bagge Bend -" Totzekotze " - Marlstone Recordings bv - 0909105 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

SAER DE GRIES
1992/1993: Tekst & muziek: Lou Mostard
Zang: Dollie en de Dulton Brodders

Es ’t vastelaovend is
den zoewe weer gaer wille zènge
van sjmörges vreug tot s’ aoves laat
de sjoanste leedjes brènge
Van la la la en hoempapa
tot de sjtömbenj niks mieë brènge

Refrein:
Saer de gries d’n auwen top
gaef mich nog mer gauw ein glaeske hop
det ich mich de sjtömbenj sjmaer
die mótte riejere wie ein vaer
en este die neet vóchtig hils
den geiste brómme wie ‘ne baer

’t Mot waal gans sumpel zeen,
zoadet m’n neet hoof nao te dènke
Get weurdjes passen inde maot
die ein kèndj zich kènt bedènke
Det zènge weer den drie daag langk
en opper tied d’n ober wènke

Intelektuele kal
dae duit ós de herses krake
went klein en sumpel luuj wie we
er móstet neet te lestig make
Mer sjtuit ’t móndjpas op ein riej
den blieve weer det leedje kwake

HOME PLAATSNAMENOVERZICHT HOME

SAMBA VAN DE HEI
1995/1996: Tekst: Har Peters – muziek: Marcel Dewaide & Har Peters
Zang: De Zösterse Boys

Refrein:
Dit jaor mit vastelaovend sjtuit de Samba boavenaan
Weer gaon d’r mit z’n alle den auch flink taegenaan
In de kroeg en op de sjtraot, zelfs op de voetbalwei
Kóm dans mit ós de Samba, de Samba van de Hei
Kóm dans mit ós de Samba, de Samba van de Hei

De Hei en de Samba, wie kómme weer d’r aan
Aafgeloupe zomer vloog ’t vleegtuug aaf en aan
De jónges van de Hei hawe in Rio hieël get sjans
En de Braziliaanse maedjes lieërde hun de Samba-dans

In de ban van de Samba, mit hieël väöl bravoer
Geit de gans Hei dit jaor op de Samba-toer
Zelfs ’t derde van de Boys haet de naam “’t Samba-team”
En hun shirtjes die gaon bie Margriet in ’t wasjmesjien

Dus alle luuj van Zöstere haol de Samba-bél mer oet
En verf uch sjus wie jeder jaor weer allemaol de sjnoet
Kóm noe mer achter ós aan, alles moog en alles kan
Den make w’r deze karnaval ein Samba-fieës d’r van

HOME PLAATSNAMENOVERZICHT HOME

SAMBA-BAL, EINE
1991/1992: Tekst: Jannie Peters – muziek: Perry Muysers
Zang: 't Heilig Vaat

Refrein:
Eine samba-, samba-bal, mit dem bèn ich weer dao
Alle luuj bewaege weer, doon mien ritme nao
Mit de vastelaovend loup ich den veurop
Want ich höb oug de samba in de kop

Zoa wie dae pater vreuger aan de klokke hóng
of dae lómmelekael mit zien meulkes aan sjoale sjtóng
Zoa höb ich ‘m den bienao ein gans jaor langk gemis
Want ellef maondj per jaor ligk-ter ónger in ein kis

Jao mit vastelaovend zuus-tem euveral
Op de sjlager-aovend en op ’t auwt-wieverbal
Kiek mer ens good dao hungk-ter óm elke nak of hals
Sjpeelt alle sjlagers mit op de samba, marsj of wals

Ze zeen in alle maote, meistal bóntj en kaal
Doe höärs-se op alle sjtraote, kaffees en oppe zaal
En in de henj van Annie, van Wullem, Trees of Pit
Duit-ter de vasetlaovend vol euvergave mit

HOME PLAATSNAMENOVERZICHT HOME

SAME
1999/2000: Tekst & muziek: René de Serière
Zang: Kènjervakansiewerk

Refrein:
Vastelaovend viere doon weer same, det is ein groat gelök
Vastelaovend viere doon weer same, en niks brungk mich noew van mien sjtök
Vastelaovend viere doon weer same, doont noew mit ós mit
Vastelaovend viere doon weer same, d’r is niks woo ich mit zit

De 11e van de 11e begint ’t kriebele in mien blood
Det raost den door mien aojere, det veul ich den hieël good
Mien henj beginne te tintjele, mien tieëne krölle zich
De vastelaovend kump d’r aan, dae is noew weer in zich

Jao, mit de vastelaovend bön ich door ’t dölle haer
Den draej ich in de róndje, den zeen ich waal wo haer
Ich loup den oppe wolke, det is ein fein geveul
Allein maak mich det zjweverig, det is geine flauwekul

En mit esje-woonsdig, den höbbe weer ’t gehad
De traone in mien ouge, ich bön ’t nog neet zat
’t is weer aafgeloupe, ’t is noew weer veurbie
Klein jäörke wachte, den bön ich d’n ieëste in de rie

HOME PLAATSNAMENOVERZICHT HOME

SJIET EGAAL
1995/1996: Tekst & muziek: Peter Feijen
Zang: Sjiet Egaal

In Zöstere is ein hermenie, det is neet abnormaal
Mer zate hermeniekes zeen toch waal weer spesiejaal
En ein van die sjpunt echt de kroan en waat is noe ’t gekke
Es die gaon träöte, begint sjpontaan ein polenais te trekke

Refrein:
Dés SJIET EGAAL, SJIET EGAAL
Weer blieve eigewies
Dés neet normaal, SJIET EGAAL
Weer höbbe ummer pries
Mit vastelaovend gaon weer same hieël appaart
Want in ós bleef ein dröpke keuningsblood bewaart

Jao, bèste luuj hie zeen weer den
Weer sjtaon veur uch te blaoze
Want vastelaovend is veur ós den tied om flink te raoze
’t Klink get valsj det maak neet oet dao mót geer neet aan wénne
Want es weer einmalo bénne zeen den ként ’t fieës beginne

Es urges get te doon is den zeen weer van de partie
veur optochte en fieëste, sjtaon weer veuraan in de rie
Mit hopsasa en faldera en mieë van zo’n gebazel
Weer sjtaon d’rveur en gaond’rveur en det is geine wazel

Dees jonges, maedjes op ein rie, is det gein sjoan gezich
Mit tróm en träöt en ein glaas beer en gans op sjpas gerich
En dèngk geer soms wat zeen die wildj, noe kiek ze dao èns sjprènge
Zoa wille weer de graasboervastelaovend bie uch brènge

HOME PLAATSNAMENOVERZICHT HOME

DE SJLAGER SJLAGER
2008/2009: Tekst & muziek: Auwt Prinse Zöstere (mit hulp van Jo Huijnen)
Zang: Auwt Prinse Zöstere

Refrein:
2 kieër 11 jaor geleeje,
woort al om de ieër gesjtreeje.
Sjlagers sjlagers in ös Graasboerriek,
2 kieër 11 jaor de sjoanste Zösterse meziek.
Weer brenge ze veur uch nog ens tot laeve,
de leedjes die den hoofpries is gegaeve!

Dus haok ens effe in mit Merie en Sofie,
In de zevende hemel zeen de zaate hermenie…..(kes).
De Graasboerin, d’n Ober en de Prins die gaon veurop,
Laot mer gaon, oet de waeg de tent geit oppe kop.

’t Menke oppe mert det zunk het Vastelaovesleed,
De fits dae wet de waeg mer de Kloon dae wet dem neet.
Weer hoove ös veur neemes te sjenere, Sjlagerjung,
Vastelaovend is veur jederein dao geit het om.

Woorum höb ich det, mommegezich, ’t geit wie ’t geit,
Dao geit mich ’t leeg van oet, hei hei höb geer het al gehuërd.

Laatste refrein:
2 kieër 11 jaor geleeje,
woort al om de ieër gesjtreeje.
Sjlagers sjlagers in ös Graasboerriek,
2 kieër 11 jaor de sjoanste Zösterse meziek.
En dit jaor mooge weer het auch belaeve,
Want de baeker wurt aan ös gegaeve.

HOME PLAATSNAMENOVERZICHT HOME

SJLAGERJUNGE
2003/2004 nr.1 Tekst & muziek: Jan van Wegberg
Zang: De Sjlagerjunge

Ich ben d'r sjlagerjunge, ich sjrief elk jaor ein leed,
mer zoa good geit mich det neet aaf want wenne doon ich neet.
Toch gaon ich röstig wiejer en kom ich ummer trök,
God gaef det 't ooit lök.

Soms denk ich noe höbs 't gefiks,
den is het weer ens drie kieër niks.

Refrein:
Mer dit jaor geit mien leedje de finale haole,
knuip het in uch oare dit wurt nummer ein.
Jao dit jaor geit mien leedje de finale haole,
Sjlagerjunge zunk noe jederein.

De zjurie zuus te denke waat is dae aan het doon,
det menke geit het make hae sjtuut sjtevig in zien sjoon.
Zien leedje van dit jaor det raak percies de juste toan,
det spunt veur us de kroan.

Oat dach ich dit jaor höbs te pries,
toen ging ich weer ens door het ies.

HOME PLAATSNAMENOVERZICHT HOME

SJLAOT DE TRÔM, DE KEUNING IS DOAD
Tekst: Piet Zits - melodie: ‘Little drummer boy’

Sjloat noe de tróm,
rom bom bom bom bom
De keuning is gevalle
rom bom bom rom
D’n aovend geit noe valle
rom bom bom rom
En ’t landj van Lotharinge
is noe in noad de keuning
rom bom bom rom
is doad
Loe noe de klokke
rom bom bom rom
rom bom bom rom !

Sjloat noe de tróm
Hae haet de sjlaag verlaore
Hae woor neet oetverkaore
En ’t riek van Swentibold verloor ziene kroan
Laeg is de troan

Sjlaot noe de tróm
Ze höbbe ‘m gevónje
Gans euverdèk mit wónke
Zie liek is doe nao Zöstere gebrach
Midde in de nach

Sjlaot noe de tróm
De keuning wurdt begrave

Hae vundj zien lètste have
Hie in Suestra’s kirk begreuf me zie liek
en ’n keuningkriek

Sjlaot noe de tróm
De keuning dae moos sjterve
Mer glorie zal d’r erve !
De roem van Swentibold zal noats mieë vergaon
De ieëwe doorsjtaon!

HOME PLAATSNAMENOVERZICHT HOME

SJOAN BEIN
Armstrong, Freeman, Frederiksen, T. Meisen, H. Omloo
Zang (*) : Janse Bagge Bend

Esse löps op 't sjtranjd en doe kiks in 't zanjd.
Esse löps door de sjtad en doe wets neet mee wat.
Is 't boete erg werm, sjtoan de rök tot de derm.
Doe zits in de bös en doe kums neet tot rös.

Sjoan bein, fien bein, lang bein, werm blote bein
mit hoare of gesjoare.
Sjoan bein, fien bein, lang bein, werm blote bein
mit oare of mit bloare.

Dien herses krake, doe wils ze rake.
Kiks ongertösje sjtiekum toch.
Doe veuls dich laam, zjwets wie eine kraan.
Doe zuusse loupe mer doe maags neet draan.

Sjoan bein, fien bein, lang bein, werm blote bein
mit hoare of gesjoare.
Sjoan bein, fien bein, lang bein, werm blote bein
mit oare of mit bloare.

Den sjient de zon, zitte op 't terras.
Bein mit x-se, die zitte te nikse.
Ein paar dikke, ein paar mit vlekke.
Mer auch ein paar sjoone, die zou ich wille lekke.

Sjoan bein, fien bein, lang bein, werm blote bein
mit hoare of gesjoare.
Sjoan bein, fien bein, lang bein, werm blote bein
mit oare of mit bloare.

Auch ein paar dat kent karate.
't Is sjus of die mich hate.
En ein paar, doa zou 't mit motte lökke.
Ja mer potverdomme, die loupe nog op krökke.

Sjoan bein, fien bein, lang bein, werm blote bein
mit hoare of gesjoare.
Sjoan bein, fien bein, lang bein, werm blote bein
mit oare of mit bloare.

* cd-single - B-kant
* cd (1998) : Janse Bagge Bend -" Bekiek 't " - CDL 9827

HOME PLAATSNAMENOVERZICHT HOME

‘T SJOANSTE AWT WIEF
1995/1996: Tekst: Har Peters – muziek: Marcel Dewaide & Har Peters
Zang: Braaf Lestig

Jao luuj, ich höb ein lief óm neet greuëtsj op te zeen
Ich kèn geine rok aandoon, want ich höb dikke kneen
Ich höb ein sjtöm wie eine kaerel, wie kumpse toch d’raan
En mien lichaamsgewich geit geine van uch get aan

Refrein:
Mer mit karnaval veul ich mich lekker in mien lief
Den gaon ich drie daag, verkleid es ’t sjoanste awt wief
Van komplexe höb ich den gaaroet geine las
en veul mich alle daag in mien sas

Mien naas is väöl te groat, want die pas neet in ein glaas
Beer kèn ich allein drènke oet ein bloomevaas
Mien veut die zeen krómp want de rechter sjoon dae pitsj
Es ich mien óngerbóks aanriet, den sjprunk mich de litsj

Mien haore mótte langk, want mien oare zeen te groat
Miene kop dae zuut neet oet is jus ein sókkerkroat
Mer waat maak ’t auch oet, ich veranger ’t toch neet
En bön mer ieërligk, ’t interesseert uch auch gein reet

HOME PLAATSNAMENOVERZICHT HOME

DE SJOANSTE SJAELE KAL
1997/1998: Tekst & muziek: Peter Feijen
Zang: Z.H. Sjiet Egaal

Humor is de zjömbandj op de bagger van ’t laeve
En sjeif votte, pisse aug, mer waal miestal d’r naeve
Det woor mich dao ein sjoan perpluuj, jao einen óngerein
‘nne Kwatsjkop of ein bletsjmoel hilt de móndj neet good opein

Refrein:
Mit vastelaovend verkoupe weer de sjoanste sjaele kakl
De brazel en de wazel jao dae heuërs-te euveral
Get zeivere en zjwaegele weer kómme neet mieë sjtop
Weer klatsje dich in ’t Zösters plat, de oare van de kop

Det is häöm veur de vot gesjörg, dae haet väöl gelök
En gaon ze mit dich sjörge, tja den kump-ze neet mieë terök
Ein ulevotskuke, det is neet al te kloog
En zónger sjpikeleer-iezer, wis t’r neet waat t’r zog

Doe bès zoa fien wie póppesjtróntj, den bèste erg geleef
En bèste aan de prótsj, den höbste óngereef
Ein jatsprie of ein jatsbieës, die is ummer op sjtap
En emes mit ‘ne sjoewe kop, dae is neet al te knap

HOME PLAATSNAMENOVERZICHT HOME

DE SJÒGKEL
Tekst & muziek: Evert Zits

Ich zoog dich op kirmeszóndig
In de sjògkel naeve mich
Doe sjòkkeldes wie ich allein
En has ’n leef gezich
Weer keke ós toevallig aan
En sjote in eine lach
W’r sjògkelde pós aan ’t dook
En höbbe doe gedach:

Refrein:
Ich allein
Doe allein
Kóm w’r sjògkele same
Die roete rökskes wapperde
’t Dook det sjloog en klapperde
’t Ging zoa fijn nao oze zin
W’r sjògkelde haos d’n hemel in

Doe mit ós twië de kirmes op
Ich sjoot ’n roas veur dich
En sjtook ze in dien zjwarte haor
Doe lachdes taege mich
Mer diene naam zags doe mich neet
Wie dèk ich ’t ouch vroog
’t Woor of die gezichske den
Wie e sjpegele besjloog

Mer daags daonao kooms doe neet trök
En nörges vónj ich troas
Ich sjògkelde weer gans allein
En sjoot mer roas nao roas
Mer waem gaef ich die reuëskes noe?
Ich goaj ze sjtilkes weg
Ze zeen vandaag weer van pepier
Ze wore gistere ech . . .

HOME PLAATSNAMENOVERZICHT HOME

SJPAS IN DE KAS
1998/1999: Tekst & muziek: Har Dullens
Zang: Onneuëzel tót de Mach 3

Refrein:
Jao, jao vandaag haole weer alles oet de kas,
de ganse santekraom, weer gaon tót op de baom.
Jao, jao vandaag goaje weer alles effe droet,
de lach ligk sjtraolend op ós sjnoet.
't Is eine kieër per jaor veur ós de sjoanste tied,
gegaeve door 't laeve en det wilste noajt mieë kwiet.
Jao, jao vandaag haole weer alles oet de kas,
egaal of ós det sjtuit en pas.

Sjus veur de vastelaovend begint in ózze kas,
gerómmel en gesjtómmel, de vastelaovessjpas.
De fieësnaas geit den loupe en sjnótert in zichzelf,
de tied begint te dringe, 't is al vief veur twelf.

De träöt is in d'n aolie, vilt zich dao door 'n blötsj,
't mómmegezich bedènk zich: waem hungk mich veur de knötsj ?
De dikke tróm haet hoondervel en razelt mer sjpeelt de kloon,
de deure sjprènge aope, hiej is 't noe te doon.

HOME PLAATSNAMENOVERZICHT HOME

SJPRÈNG ÈNS OET DE BANDJ
1996/1997: Tekst: Willy Laven – muziek: Martin Meuwissen
Zang: De Doedelzekskes

Refrein:
Sjprèng èns oet de bandj, gaef elkaar de handj
mit vas-te-lao-vend is ’t altied fieës
Sjprèng èns oet de bandj, gaef elkaar de handj
mit vas-te-lao-vend is ’t altied fieës

’t Woor mit vaste-laovend, Pie haw gooje doos,
zaet taenge zien maedje, ich höb geluif ich koors
Gaon mich eine drènke d’n doos is zoa veurbie,
tra-la-la-la-la-tra-la-la

Gaef mich mer ‘ns sente,lös waal ein gans vaat,
och Marieke leef trègk noew èns die beurs
Mer det leeve maedje zag toen tange mich,
blaos mer op de rögk

Marieke woor neet gek, Marieke det woor wies,
zie ging toen mer mit, mit ein volle beurs
Kómme toen bie Daan, dao achter op de Hei,
dae sjöt hun eine groate in

Nao ein halluf uurke ze hawwe al get op,
wörde al get losser, beinkes van de vloer
Ze keke zich toen aan, wore nog neet meug
en grepe zich toen biej de hand

HOME PLAATSNAMENOVERZICHT HOME

'T SJTÈLKE

Zang (*) : Henk & Ton (Henk Steijvers & Ton Meisen)

Maria heat de kop aaf, de kemeel mer eine bultj.
Omdat dan noe te plekke höb ich gaaroets gein geduldj.
En van al die keuninge, ich hob d'r drie gehad,
is geine mee in orde, mer sjtreu, dat höb ich zat.

Refrein:
Ich hob gein sjtelke (4x)

De sjeupkes gonge pleite, mer eine höb ich gered.
Allein de kleur die klop neit mee, zit vol ènk van de gezet.
D'n engel kent neit vleige, is wie ein doef zo taam.
Dae is ens hel gevalle, dae is noe vleugellaam.

't Heilig kiendje Jezus, lik ummer oppe ruk,
is neit veurroet te brenne, dae haet 't veul te druk.
Jederein wilt 'n sjtelke, in de krismestied.
't Zout neit in de krisdoos, mien sjtelke ben ich kwiet.

* cd-single : Henk & Ton - "Henk & Ton es Ton & Henk" - Marlstone Recordings bv CDS2037

HOME PLAATSNAMENOVERZICHT HOME

SJTINKKIÈS
K.Roland, Archer, E.Masthoff, H.Steijvers
Zang (*) : Janse Bagge Bend

Wats doe tösje dien botram höbs zitte, det is sjtinkiès
Wats doe achter dien oare höbs zitte, det is sjtinkiès
In dien hoare en auch tösje dien tenj
Onger de naegel van dien veut, onger de naegel van dien henj
Van dae kroam bèste bezète, doe höbs eine echte sjtinkiès-tik
Wie is det te verkloare, wem wèt wo det aan lik

Wats doe in diene toebak höbs zitte, dat is sjtinkiès
Woos doe diene auto mit cleaners, dat is sjtinkiès
In sjmaerkiès of huidvleisj höbs doe nooit zin
Brôdwoosj of sjroop krig me bie dich neet drin
Van dae kroam bèste bezète, doe höbs eine echte sjtinkiès-tik
Wie is det te verkloare, wem wèt wo det aan lik

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD

HOME PLAATSNAMENOVERZICHT HOME

SJTÓMME KALLE
1992/1993: Tekst: John Storken – muziek: John Damen
Zang: Sjtief & Konsorte

Kump ze oze Hoebèr taege, wèt-ze wat geit kómme
Zit óm gein woord verlaege, hilt zich oere van d’n dómme
Noe mós ze toch éns loestere, wat is noe ’t gevalle
Op det moment den sjöt-t’r in, en den dènks doe alle

Refrein:
Maak mich niks wies, d’es sjtómme kalle
D’es gezeiver en gezjwets, det vertèl-ze euveralle
Det geluif ich neet, d’es wiet gezóch
D’es gebazel en gewazel, d’es gegrepe oet de lóch

De kater is verzaope, de kater dae is weg
doe kèns noe röstig drènke, en öps noe ummer rech
Doe kèns dich lekker eine pitsje, al was-ze mer wils
Ein dröpke, wien of whisky en waal 100.00 pils

Mer jòng dit is de woarheit, dit is gans zeker waor
Doe mós dich èns richtig beije in water, unne en paor
Den krig ze ein gans glaat velke, en ein sjoan jóngk gezich
Doe wurs ein hieël net kaelke, en net zoa knap wie ich

HOME PLAATSNAMENOVERZICHT HOME

DE SJTRAMPELIEËR
1992/1993: Tekst: José Peters-Dewaide – muziek: Har Peters & Marcel Dewaide
Zang: Braaf Lestig

Es baby woor ich eine sjtrampelieër,
Det zag mich mien moder jeederskieër
In de kènjerwage oppe sjtraot,
loog ich te sjnurke in de maot
Dit doerde mer ein paar maondj lank,
toen kreeg dae sjnurk al ein bietje klank
Veural miene pap sjtèlde dat oppries:
ich sjnurkde ein Zösterse wies!!

Refrein:
Noe weit ich gelökkig wat mich is
Ich veul geweuën mien erfenis
Es Swentibold noe nog zoew laeve,
den koos t’r hie get belaeve
In ’t Graasboerriek krigste alles gedaon,
hie blif vastelaovend ieëwig besjtaon
’t Is euv’ral plezeerig en euveral sjoan,
mit karneval sjpant Zöstere de kroan!!

Miene foemel det woor eine sjoane kloon,
en road, gael of greun miet leev’lingssjoon
Jao det ich ein träöt wól blaoze,
haw ich al flot gekaoze
De mam die haw van mich gein las,
want ich sjtóng ummer mer veur de kas:
verkleie en sjmingke mit hieël väöl lol,
eine Graasboer dae hilt det waal vol!!

Miene opa dae sjtraolde van gelök
en zag toen: “Ich zeen mich zelf terök
Jao ich zeen ’t en ’t duit mich good,
want auch dich zit ’t in ’t blood!”
Noe zuuste wie ’t wiejer rolt:
“de pap van ós” woor Swentibold
Al laeve weer noe in‘ne angeren tied,
mit karneval brunk Zöst’re ’t wiet!!

HOME PLAATSNAMENOVERZICHT HOME

SOLLICITERE
S.Winwood & E.Masthoff
Zang (*) : Janse Bagge Bend

De perspektieve veur de toekoms die zeen nul komma nul
Al höbse noa veul zjweite enne universitaire bul
Al böste ongerwiezer, bankwirker of psycholoog
De komende joare böste waarsjienlik wirkeloos
Doe mos sollicitere, sollicitere !

Höbste al gesjreve ?
Viefensevetig breeve !
Sjrief mer opnuuj !

Diene daag begint mit sjloape tot ein oer of teen
Doe kiks in de gezet of d'r urges baane zeen
Det vilt dich vies taege, doe sjleeps de res van diene daag
Doe veuls dich flink beroerd, doe krigs zenuwe oppe maag
Doe mos sollicitere, sollicitere !

Höbste al gesjreve ?
Viefensevetig breeve !
Sjrief mer opnuuj !

's Moandigs moste weer bie de sosjale deens zeen
Veur de zoveelste keer völste weer dae breef in
Zjwart wirke duiste sjtiekem, af en toe
Mer jong kiek oet want auch de kontroleur kik toe
Doe mos sollicitere, sollicitere !

Höbste al gesjreve ?
Viefensevetig breeve !
Sjrief mer opnuuj !

's Aoves es 't duuster wurt beginste pas te laeve
Doe kiks ens rondj, is neet urges get te belaeve ?
Doe geis noa ein Punk-band, missjien waal noa ein louche tent
Missjien geiste waal kieke noa de Janse Bagge Bend
Mer doe mos sollicitere, sollicitere

Höbse al gesjreve ? Viefensevetig breeve !
Höbse al gesjreve ? Zesensevetig breeve !
Höbse al gesjreve ? Achensevetig breeve !
Höbse al gesjreve ? Neugeensevetig breeve !
Höbse al gesjreve ? Sjrief den mer opnuuj

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD
* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

STRAUSS
R.Thompson, E.Masthoff,H.Steijvers
Zang (*) : Janse Bagge Bend

Geer kent dae gezonje pruusj
Hae woor dek op 't nuuts
Van al die "Politiker"
Woor hae de meis fanatieke

Det woor Strauss
Det menke mit dae dikke kop
Zit tot aan ziene nak vol hop

Dikke auto onger zien kontj
Zo toert d'r door Beijere rondj
Van "Grün" tot "Pacifist"
Dae jong nump alles communis

* lp 1983 : Diverse artiesten - "Plat in de jaore tachtig" - Marlstone Recordings bv - MARL 198307
* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD

HOME PLAATSNAMENOVERZICHT HOME

’T BRENT OPPE VÄÖRT
2000/2001: Tekst & muziek: Wim Slot
Zang: De Vriewillige Brandjwaer

Refrein:
Pas èns op, pas èns op
De brandjwear kump d’r aan
’t Sjtink nao rouk oppe Väört
Mit vastelaovend löp doa meinigein werm
Haop mer det dich det auch gebeurd

Al blus-te mit water
Of duis-te det mit beer
Det maak allemaol niks oet
Want det richtige vastelaovesvur
Krig-ste drie daag nee mieë oet
Al kump de brandjwaer van Pruusjes
Of kómme die van Belsj
Det maak allemaol niks oet
Want det Zösters vastelaovesvuur
Krig-ste drie daag neet mieë oet

HOME PLAATSNAMENOVERZICHT HOME

'T GEIT WIE 'T GEIT
1999/2000 nr.1 : Tekst: Wim Maessen & René de Seriére - muziek: René de Seriére
Zang: De Batsekratzers

Refrein:
’t Geit wie ’t geit, dus laot mer loupe
’t Geit wie ’t geit, dus laot mer gaon
Eine kieër in ’t jaor, mit vastelaovend
’t Geit wie ’t geit, noe laot èns gaon

Door ’t ganse jaor haer, bös-te altied in de waer
Doe löps van lèngks nao rechs, wèts oeteindeligk neet wo haer
Doe wurs dul in diene kop, bie ’t zeen van al dae drök
Mer eine kieër per jaor vunjs-ze diene waeg terök

Doe höbs van die daag, den ligk dich alles op diene maag
Den dénks-te hieël sjnel terök aan ‘nne daag zoa wie vandaag
Bös doe hieël erg gesjtres, den hawt dien henj neet in de tesj
Mer zèng en dans noe mit, sjnap dich vas aan dae naeve dich zit

En is ’t aafgeloupe, den druim ich d’r nog van
Den dèngk ich blie terök, wat mit die daag toch allemaol kan
Mer zoa is ’t laeve, wo weer noe in sjtaon
Want ’t laeve doert mer aeve, veur detste ’t wèts is ’t gedaon

HOME PLAATSNAMENOVERZICHT HOME

‘T IS VASTELAOVESTIED
1989: Tekst & muziek: René de Serière
Zang: Duo Sjlaop Mèr Wiejer

Refrein:
Jao, ut is weer Vastelaovend
in ut graasboererièk
Ut is weer vastelaovend
de tied veur meziek
Ut is weer vastelaovend
in ut graasboereriek

De zaoterdigaovend dèn vungt ut weer aan
Gauw gèt kleijer zeuke wat möt ich aan
Want de vastelaovend dè sjtuit veur de deur
Op zonjigmôrge begint de vastelaovenssjleur

De zonjigmôrge de piejama nog aan
Sjtuis-ze op sjprènge, doe wils der-tège-aan
Gauw nao de kroeg toe un pilske pakke
Jûng laot gaon ut is piejamabal

Op maondigavond de optoch is gedaon
Drènks-tich un pilske ut is good gegaon
De prins van Zstre mit ziene wiese raod
Zien meug mèr blie ze zien voldaon

Den dènsdigaovend den werd der gesjaote
den vastelaovend ut leeg oet-geblaoze
De graasboer van Zöstere geit nog ene keer rôndj
De vastelaovend dè is noe ôm

HOME PLAATSNAMENOVERZICHT HOME

‘T KUMP WAAL GOOD
1990/1991: Tekst & muziek: De Zösterse Maedjes, Truus Bohnen & Evert Masthoff
Zang: De Zösterse Maedjes, Truus Bohnen & Evert Masthoff

Refrein:
Hei doe dao achter
Lekker leef gezich!
Mót dich effe höbbe
kóm èns kort bie mich
Laot ós èns prebere
Ich wil mich ammezere
En ich denk waal det det vruike van dich
vas en zeker eine angere krig

Miene (eige) leve Harie
Pas op ’t hoes en de knarie
’t Is toch z’n good kleuëtje
Kiek ‘m sjtaon det breuëdje
Pas good op mien poete
(want) ich blief pós ze sjloete
enn es ’t mesjien effe lök
zuut ter mich esjgoonsdig grök

Goaj ‘ns los die remme
weer zeen neet mieë te temme
Zeet neet zoa wie Harie,
dae hilt neet van bombarie
In deze gekke tied
mót ich de zörg kwiet
Alles waat blauw blood in zich haet
weit ich det det auch get zaet

Hej luuj van Zöstere
rep mit ós mit
Riet ‘m nog ein tuut
zoadet jederein ’t zuut
Gaon noe nao Harie trök
Mien allerleefste sjtök
Ieës wurdt de graasboer aafgesjaote
en mótte weer ’t weer ein gans jaor laote

HOME PLAATSNAMENOVERZICHT HOME

TAEGEWÈNDJ
H.Grönemeyer, H.Steijvers, H.van Hoof
Zang (*) : Janse Bagge Bend

Boete aom, taegewèndj,
Golve hoger es 'n hoes.
Ein bietje aafzeen heuërt d'r bie,
Doe hils mich op koers.
Höb geinen angs ónger te gaon.
Op de meiste plaatse kense sjtaon.
Vechtend nao d'n horizon,
Vanaaf dao zólle w'r same gaon.
Kóm mer mit mich mit, oug es 't sóms taege zit.
Vanaaf hie wil ich wiejer mit dich.
Sjtaek de vure aan, zoadet ich dich vènje kan.
Sjtap aan boord, kóm mit!
Euvernum de wach, brèng mich door de nach,
Red mich veur de sjtorm.
Hawt mich vas gans sjtrang, den bön ich gaar neet mieë bang.
Kóm mit tót 't ènj en laot mich noajt mieë los.
De zieë is kwaod, sjoemköp sjlaon.
Meeuwe sjete door de lóch.
Al is't waer nog zoa sjlech.
Vrie vleugels brènge ós weg.
D'n hemel jank, wèndj in 't gezich.
Golve sjlaon noe torehoag.
Mer toch blieve w'r wiejer gaon,
Tót aan de reagebaog.

* cd (1994) : Janse Bagge Bend -" Branje en sjnirke " - Marlstone Recordings bv - CDS 9419

HOME PLAATSNAMENOVERZICHT HOME

TE AUWT VEUR
Tekst: René de Seriére - muziek: René de Seriére & Nico Dirkx
Zang: De Batsekratsers

Refrein:
Sjnap mich vas, vas, vas,
Aan de sjlup van miene jas
Weer trèkke door de sjtraote
Sjnap mich vas, vas, vas,
Aan de sjlup van miene jas
Weer kènne ´t neet laote
Same handj in handj
Door ´t Limburgs landj
Jao, dao höb ich mien hartje aan verpandj

Zeen die knök van mich al ram kepot
Toch hauw ich al die vrouwlüüj oppe vot
Want ein dèngk hult mich nog hieël erg jóngk
Dèt is de vastelaovend dae mien leid versjtómd

De sjtèk dae gooi ich noe weer aan de kantj
Ich zèt mich mit dees daag neet oppe bank
Jao dees drie daag hauwt ich mekkelek vól
Vastelaovend is veur mich: LAEVE DE LOL

Al kraake de knök den nog zoa hèl
Ich zit noe weer ´ns lekker in mien vel
Al roope ze mich nao: DOE AUWE GEK
Ich laup dees drie daag toch weer lekker zónger sjtèk

HOME PLAATSNAMENOVERZICHT HOME

TE GEK ÓM LOS TE LOUPE
2003/2004: Tekst & muziek: Har Dullens
Zang: Onneuëzel tót de mach 3

Weer veule ós good, mer weer zeen van sjlaag
Waat 'n gelök, want det heuërt bie dees daag
Weer lache, zènge, lieke van die hauve gare
En veule uch uige en dènke: kiek die rare
daoróm effe opgelèt
zoadet g'r 't auch zeker wèt... !

weer zeen doorein mer weer veule ós vrie
veult geer det auch, sjloet uch aan, kóm derbie
nou ja, weer weite nog van toete nog van blaoze
mer waat den nog dao höbbe weer zelf veur gekaoze
daoróm effe opgelèt
zoadet g'r 't auch zeker wèt... !

Refrein:
Weer zeen te gek óm los te loupe
Daorom sjnappe weer ós sjtevig in d'n erm
Weer zeen te gek óm los te loupe
Blieve biejein mit de ganse zjwerm
Drie ganse daag, drie ganse nachte
Danse in de maonesjien
Weer zeen te gek óm los te loupe
Mer det duit ós gein centje pien

HOME PLAATSNAMENOVERZICHT HOME

TIED MÓS-ZE MAKE
1991/1992: Tekst: John Storken – muziek: Lanksaam en Meug
Zang: Lanksaam en Meug

Ooze Sjarel en Marieke leef
ze höbbe de kènjer nog neet groat
Ze laeve wie os leeve Hiejer ’t geuf
en wirke veur hun broad
’t Ganse jaor is dao de zörg
veur de grootste tot de klinste poet
Mer taenge de vastelaovestied
den gaon ze same droet, want

Refrein:
’t is egaal, gans egaal
of ze tied höbs, neet of waal
vastelaovend mòs te viere
höbste zenuwe oppe maag
en auch de zörg van alle daag
des egaal, des gans egaal

Hei Marieke, doe lekker prieke
pak noe èns effe miene erm
danse weer òs effe werm
nog get roesj om de sjnoet
en bóntje kleuërkes in ’t gezich
zaet dae Sjarel, leeve sjat
zègk èns, wie vundj-ste mich

Ooze Sjarel en Marieke leef
gaon door ós sjtad flanere
mit de poete en den hieële kraom
zich lekker ammezere
Ze dènke neet mieë aan d’n tied
en auch neet mieë aan mörge
want veur dae eine kieër in ’t jaor
mot mörge dao mer veur zörge, want

HOME PLAATSNAMENOVERZICHT HOME

DE TILLEFOON
1993/1994: Tekst: Jannie Peters – muziek: Nico Dirkx
Zang: ’t Heilig Vaat

Refrein:
Toon, Toon, Toon, blief toch van de tillefoon.
Laot die apperate noe èns sjtaon
Nao de Graasboer mótte weer gaon
Toon, Toon, Toon, blief toch van de tillefoon.
Laot die apperate noe èns sjtaon
Nao de Graasboer mótte weer gaon

Van alle apperate haet Toon de aller duurste
Kabels hange langs de moer en die dènger zuus-te
Agaat mót veur de cente helle
Want Toon is altied aan ’t belle
Mer geit den de tillefoon, reup Agaat op ziene kloon:

Sóms zit-ter bie de doeve baove op de sjpieker
Is-ter in zien element en nog èns te rieker
En mótte die doeve den nao Dax
Duit hae ze draer sjikke mit de fax
Mer geit den de tillefoon, reup Agaat op ziene kloon:

En kump Agaat door ómsjtenj mit baby in ’t kraombèd
Wurt de baby-foon aangesjlaote op ’t hoesnèt
Mer mit de vastelaovend gaon ze droet
Oug ’t antjwoord-apparaat is den oet
Mer geit den de tillefoon, reup Agaat op ziene kloon:

HOME PLAATSNAMENOVERZICHT HOME

TÖPKE WATER
1998/1999: Tekst: Marco Sanders & Bas van Neer – muziek: Charel Bexkens
Zang:

Veur de vastelaovestied trèk ich die hoage Alpe inne
Eder jaor höb ich ’t dao versjrikkelik nao de zinne
Ich ren get door die berge op en drèngk get pötjes beer
Mit de vastelaovend bön ich hie in Zöstere weer

Refrein:
Hie in Zöstere dao vier ich dit fieës
Elk jaor ’t zelfde, gedraag mich wie ein bieës
Vastelaovend, den bön ich paraat
Mer ein dèngk is zeker, ’t wurdt weer hieël erg laat

Mit de Vastelaovestied trèk ich get door de sjtraote op
Mit mien träötje in de hand
Sjtaon drie daag oppe kop
En is ’t fieës bekans gedaon, gaef mich water in ènne top

Nao de vastelaovestied, mit ’t töpke water geine gelök
Zoot d’r ech niks anges op
Weer nao de Alpe trök
En einmaol dao weer in die berg woor de kater van de handj
Koos mich weer gaon sjpichte op ’t fieës in ’t Zösters landj

Hie in Zöstere dao vier ich dit fieës
Elk jaor ’t zelfde, gedraag mich wie ein bieës
Vastelaovend, den bön ich paraat
Mer ein dèngk is zeker, ’t wurdt weer hieël erg laat
Mer ein dèngk is zeker, weer waere knónne zaat!

HOME PLAATSNAMENOVERZICHT HOME

TÖSJE DE LAKES
H. Grönemeyer
Zang (*) : Janse Bagge Bend

Werm onger de daeke, kroep taege dich aan.
Mit de ganse nach nog veur mich ken ich d'n daag weer aan.
Tösje de lakes, hiej höb ich dich gaer.
Bön mich noe al aan't verheuge.
Det ich naeve dich wakker waer.

Veul mich bie dich geborge, twee henj op eine boek.
Es ich dien zach vel veul, dien wermte wie ein kroek.
Bön mich noe al aan't verheuge
Det ich mörge wakker waer.
Kom tösje de lakes
hiej höb ich dich gaer.

Hawt de sjloap nog effe weg
deze daag is nog neet veurbie
Bön zo gelökkig.
Wie in d'n hemel mit dich noe hie.
Ich rol mich get noa diene kantj.
Vanoavend liek 't bed waal veul te groot.
Sjprankelt, tintelt.
Door dien zachte sjtöm.
Is 't of ich op ens kloarwakker bön.

Blief nog effe wakker, hawt de auge oap.
Wil nog get vertelle, höb nog geine sjloap.
Blief nog effe proate, kroep taege dich aan.
werm mich nog ein bietje
veur w'r sjloape goan.

* cd (1998) : Janse Bagge Bend -" Bekiek 't " - CDL 9827

HOME PLAATSNAMENOVERZICHT HOME

TOT VOLGEND JAOR
2009/2010 : Tekst: Niek Dirkx – muziek: Niek (& Jo) Dirkx (& Huijnen)
Zang: Spik en Span

Refrein:
Tot volgend jaor,
de vastelaovend is gedaon
Tot volgend jaor,
jao deze prins lieët sjtil ein traon
Tot volgend jaor,
den sjtaon ich hiej weer zonger vaer
Mer het is waat het is,
ich weit noe waat ich mis
Ich höb de vastelaovend gaer

Tot volgend jaor,
daag traone, träöte, dikke trom
Tot volgend jaor,
den höb ich gein medaalies om
Tot volgend jaor,
den sjtaon ich hiej weer zonger vaer
Mer het is waat het is,
ich weit noe waat ich mis
Ich höb de vastelaovend gaer.
Tot volgend jaor

Het is daensdigen-aovend
dit woor vastelaovend,
de sjiekste dae ich oait höb belaef.
Tot prins oetverkaore,
det wou ich al jaore;
ich höb mienen druim noe gelaef.
En noe ich hiej sjtaon,
mit mien vrunj mit mien vrouw,
Is d’r hiej nog ein sjtökske
waat ich veurlaeze wou

Zo’n 2 maondj geleje, nao de zaal haer gereje;
vol sjpanning achter het dook….
Miene scepter gevat en ein patsj opgezat;
1e blaad, van mien prinse book
Verhaole die kome, mien book völde sjnel
en noe dit leste gedichske op dit leste vèl

Van den optoch genaote
wie der trog door de sjtraote
mit sjtraolende luuj langs de kantj.
Ich hoag op de waage,
wie op henj rondj gedraage
Es prins van mien Limburgse landj.
Mer noe ich hiej sjtaon
mit mien vrouw en mien vrunj.
wil ich eigelik doorgaon
nog ein letste runj

De sjtad is verlaote,
mien book is gesjlaote,
mien pak geit truuk in de kas
Mer waat woor het toch sjoan
en waat woor het toch sjiek,
die gedachte die hauwt ich vas

HOME PLAATSNAMENOVERZICHT HOME

TRÄÖT MER MIT ÓS MIT
1992/1993: Tekst: Carel Hèllebraekers – muziek: Lanksaam en Meug
Zang: Lanksaam en Meug

Refrein:
Kómp allemaol drie daag mit d’n optoch mit
De hermeniekes sjpele vastelaovesmeziek
Auch Jos van “Ich allein” geit mit en Sjaak van OHIT
Ze veule zich de Graasboer te riek

Op vastelaoveszóndig is de träötetoch
begoos wurt den bie Frans o den Hook
De “Pap van ós” dae klink hel op jedere boch
Geer heuërt ‘m tót gans wied in ’t Brook
Zeet geer oet vastelaovessjnit,
den träöt mer mit ós mit………

Sjmaondigs gaon w’r mit de groate optoch mit
Op alle wages klink väöl meziek
Weer sjpele den auch jeder jaor de lètste hit
De sjlager oet ’t Grasboereriek
Zeet geer oet vastelaovessjnit,
den träöt mer mit ós mit………

Op daensdig ieës nog mit de kènjeroptoch mit
s’aoves sjéte weer de Graasboer weg
es óm ’t kenón genóg hoempapa nog zit
Den kump ter wied in Pruusjes terech
Zeet geer oet vastelaovessjnit,
den träöt mer mit ós mit………

HOME PLAATSNAMENOVERZICHT HOME

TRUUKE
1989: Tekst & muziek: Jeanne Pluymakers

Boer Frenske hauw ’n vruiwke
dae sjat dae hèdde Truuj
Hae heel óntzettend väöl van häör
det zoge alle luuj!
Mer es ’t Vastelaovend wört
den geit ‘t flink t’r aan
Den zeuk ’t baove in de kas
en trèk get póngele aan

Refrein:
En Truuke zag: meneer
begint det noe alweer!
En Truuke, Truuke, Truuke, hauwt de mood t’r mer in
’t Haet toch geine zin
W’r kómme ’t bèd neet in
En Truuke, Truuke, Truuke, hauwt de mood t’r mer in
Want drie daag sjas is toch eigelik te min!

Sjmaondigs woor d’n optoch
en Truuke zoog ‘m gaon
’t Reep doe op zien Frenske:
is 0t nog neet gedaon?
Mer Frenske zag: leef vruiwke
gank toe mer nao de sjtal
De koe mót toch gemólke
en ich vier Carnaval!

HOME PLAATSNAMENOVERZICHT HOME

VAN ISEBROOK TÓT IN MEZEIK
2000/2001: Tekst: Bas van Neer – muziek: Zaateweg
Zang: Sjarel Bexkens en Bas van Neer

Refrein:
Van Isebrook tót in Mezeik
Sjprènge weer van paol nao paol
In ’t landj van drie daag Kölle aan de Maas
Of urges in ós bronsgreun graas
Van Isebrook tót Mezeik
Viere weer de vastelaovend
In ’t landj van drie daag sevves en alaaf
Of urges in ós graasboere graas

Lèts augustus, sjnappe ós de fits
Riete ós de klump den aan
Nao Isebrook gans door die hits
Klómpekermis, en den trök ein bietje waan

3 daag lang den wurd gefieës
Trèkke ós den ein pekske aan
Hie in Zöstere wurdt gebieës
3 daag lang en den zeen weer laam

Hauwf dao, mer neet gans
Haole de wage èns van sjtal
In Mezeik ósse lètste kans
Hauwf vaste, en ein jaor sjaele kal

HOME PLAATSNAMENOVERZICHT HOME

VAN SJLAAG
1995/1996: Tekst & muziek: Fön-Tours
Zang: Fön-Tours

Refrein:
Mit dees drie daag
Zeen weer van sjlaag
Mit vastelaovend gaon weer deep
Ram oet de bol, niks is te dol
mit eine rammel en ein feep

Mit Vastelaovend kump dae sjoane tied
De zörg die zeen w’r veur ein mäöndje kwiet
En zeen weer op asjwoonsdig den weer klaor
Den doert ’t ós te lang tót volgend jaor

Ein groate vraog kump ummer bie ós op
Waat doon weer aan en waat geit op de kop
Get nuuts of zoamer ene awe jas
’t Sjoonste det ligk ónger in de kas

Meziek dendert keihél door de sjtraot
Weer zèngke en weer sjprènge o de maot
De sjlager dae kènt iederein oet de kop
Mit de polonaise löp de prins veurop

HOME PLAATSNAMENOVERZICHT HOME

VASTELAOVEND
1999/2000: Tekst: Jan van Wegberg – muziek: Fön Schulpen & Jan van Wegberg
Zang: Fön Tours

Refrein:
Kóm laot ós noe mer gaon
’t Is Vastelaovend, Vastelaovend
’t Is nog neet gedaon,
Veurdet weer allemaol op die taofel sjtaon

’t Ganse jaor door zit ich wie ein zeuëtje in de koaj
en bön mit gein geweld nog d’roet te kriege
Mer mit de Vastelaovend geit mien masker oet de ploaj,
den wil ich d’roet, den hilt mich nemes toes
Want mit de Vastelaovend bön ich bang det ich get mis,
den sjtaon ich mit mien naas veuraan en hauw ich op de kis

’t Vastelaovesblood det zit mich richtig in de prie,
det höb ich van mien awwers mit gekrege
Want auch es kleine sjneuzel woor ich al van de pertie,
en ging ich door zoalang es ’t mer koos
Dus mit de vastelaovend trèk ich al die daag d’rop oet,
den gaon ich door tót sjmörgesvreug en zèng ich tót besjloet:

HOME PLAATSNAMENOVERZICHT HOME

VASTELAOVEND ALAAF
2000/2001: Tekst: Tiny Lumens – muziek: Jan van Wegberg
Zang: Lóch Genóg en Föhn Tours

Refrein:
Vastelaovend alaaf, det zèng ich noe al jaore
Vastelaovend alaaf, daoveur bön ich gebaore
Vastelaovend alaaf, mit Zwentibold “oze pap”
Vastelaovend alaaf, zat ich de ieëste sjtap

Ich hauwt van vastelaovend, de sjoanste tied van ’t jaor
Mien maske en mien pekske det hungk al maondje klaor
Gaon angere auch nao de zón of sjporte in de sjnieë
Gaef mich mer vastelaovend, ich wil gaaroet neet mieë
Laot angere mer gaon, veur mich blif ’t besjtaon

Jeder jaor zeen ze d’r weer, die kriebels in de boek
Gein pilke of ein drenkske hulp en auch gein werme kroek
Ich zeuk èns in die lómmelekis, en pak mich dao get oet
En veul mich weer gelökkig mit get smink al op mien sjnoet
Noe sjnap uch aan mich vas, den make weer same sjpas

En is dae sjaone tied veurbiej, den dènk ich mit väöl sjpiet
Wat woor hae sjoan, en zoa gauw óm, dae vastelaovend
Mer volgend jaor kump hae weer trök, ich wach mer röstig aaf
En roop den auch nog eine kieër, wat is hae sjoan “alaaf”
Noe zèngk mer mit mich mit, mit al waat in uch zit

HOME PLAATSNAMENOVERZICHT HOME

VASTELAOVEND IN ’T LIEF
1990/1991: Tekst: Wim Fiddelaers – muziek: Perry Muijsers
Zang: 't Heilig Vaat

Ich bön ein Zösters bleumke en gedraag mich altied good
Mer toch mót ich bekènne, zit mich sóms get in mien blood
Èns per jaor veul ich get raars en dènk det ich get mis
’t Klink misjien onneuëzel, mer ich weit noe waat det is

Refrein:
Hei sjnap èns hiej, nondepiej, mien rechterziej
en auch èns hiej, nondepiej, mien lènkerziej
Ich doon zoa gaer get poemele
en wil dich èns effe knoemele

Ich veul mich al get baeter, mer ’t woor nog neet genóg
Mien ganse priej die kriebelt mich, hunk det noew in de lóch
Wie zou det noe toch kómme, want normaal höb ich gein leid
’t Kan mich auch niks sjaele, d’r is ein dènk waat ich weit

Noe bön ich pas ech werm gedreijd, doe kèns mich neet mieë trök
Ich raos en sjprèng en sjtèl mich aan, ’t zjweit op miene rök
Waat mich mankeert, de vastelaovend zit mich in ’t lief
’t Doert drie daag, noe gluif mich mer, det ich nog zènge blief

HOME PLAATSNAMENOVERZICHT HOME

VASTELAOVEND IS EIN HIEËL GROAT FIEËS
1993/1994: Tekst: Jos Wackers – muziek: Jo Huijnen
Zang: De Femilie

Refrein:
Vastelaovend. det is hie ein hieël groat fieës
Pak de träöt mer oet de kas
Hauwt det dèngk den mer mit twieë henj hieël good vas
Want ze gaon hie te kieër wie ein bieës
Vastelaovend. det is hie ein hieël groat fieës
Ederein geit te kieër wie ein bieës

In ’t landj van Swentibold ligk ’t Graasboerriek
’t Blauw blood nog neet gesjtold, maak men meziek.
Viert men vastelaovend, mit ein glaeske beer
En haet zoa hieël väöl plezeer

Bekker, boer en metselieër sjpringe oet de bandj
Same gaon ze flink te kieër, zónger versjtand.
Ederein duit mit hun mit, geit den oet de bol
En maak zoa sjpas en väöl lol

In de vastelaovestied sjtuit träöte baoven aan
Blaoze weer ós hieël get kwiet, gaon der taenge aan
En auch ed’re trómmelieër huit zich ram kepot
Den wurt eine ingesjot

HOME PLAATSNAMENOVERZICHT HOME

VASTELAOVEND IS VEUR EDEREIN
1993/1994 nr.1 : Tekst: Har Peters – muziek: Har Peters & Marcel Dewaide
Zang: De Zösterse Boys

Eine kiër per jaor zeen w’r door het dulle haer
Vastelaovend viere, det doon w’r toch zoa gaer
En höbbe mit zien alle de allergroatste sjpass
Van sjtress höbbe weer den geine las

Refrein:
Vastelaovend is veur ederein
Mit vastelaovend sjtuis-te noat allein
Het graasboereriek hunk drie daag achterein
Want vastelaovend is veur ederein

Weer viere vastelaovend, drie daag aan de gang
Om zoa lang te raoze zeen weer gaar neet bang
Weer blieve oppe bein, mit broad en ein ziej sjpek
En van die pilskes waere weer waal gek

Drie daag flink fieëste is neet altied gezóndj
Den sjtaon wer auch weer fein mit twieë bein óppe gróndj
Euver waat der geit kómme make weer ós noe neet drök
Want de vastelaovend is veur ós gelök

HOME PLAATSNAMENOVERZICHT HOME

DE VASTELAOVEND LEED ÓS NEET KAUWT
1990/1991: Tekst & muziek: Har Peters
Zang: Braaf Lestig

Refrein:
De vastelaovend lieët ós neet kauwt
Det sjoanste fieës is veur jóngk en auwt
van sjmörges vreug en tót saoves laat
zeen weer mit oos hermenieke op paad

De sjoanste pekskes waere gemaak
D’r wurt geboewd aan de wage det ’t kraak
Alles mit ein doel w’r make ós niks wies,
want mit d’n optoch wille weer d’n ieëste pries

Ein koppel eier, eine braoj sjpek,
det hilt ós allemaol drie daag rech
Aw hoore, lache en w’r gaon nog neet nao bèd,
w’r sjtaon väöl lever mit z’n allen aan ’t buffèt

Mer vastelaovend geit ouch veurbie
Det sjtömp ós allemaol neet zoa blie
Raap uch bieein en doot de sjpulle in de kas
Die kómme volgend jaor weer good van as

HOME PLAATSNAMENOVERZICHT HOME

VASTELAOVEND VEUR DE MAM, DE PAP EN DE POETE
1996/1997: Tekst: Tiny Lumens – muziek: Bertien Larue
Zang: Lóch Genóg

Refrein:
Vastelaovend in Zöstere
sjtuit toch baovenaan
Vastelaovend in Zöstere
weer gaon d’r weer taenge aan
Of jónk of awt of erm of riek
jederein mit pit
sjnap zich vas en sjónkelt mit

Mien mam die ging auch ummer
verkleid es auwt wief,
de pap dae wouw neet mit häör gaon
wouw nemes aan zien lief
Mer man die zag toen taenge mich
det t’r mit die daag mer zit
Ich fóddel mich get kleijer aan
dao geit waal eine mit

Ich moogde doe es kèndj
van mam neet mit
Es ich èns groat bön dach ich toen
den mótte kènjer mit
Mien kènjer gaef ich mit de flesj
’t vastelaovesblood
want vastelaovend viere gaon,
det mót toch klein en groat

Noe gaon weer same
fijn verkleid op sjtap
Weer trègke d’r al vreug op oet
’t kèndj, de mam, zelfs de pap
’t Is altied weer hieël groat fiëes
biej de zaate hermenie
de pap, de mam en auch ’t kèndj
die sjónkele zie aan zie

HOME PLAATSNAMENOVERZICHT HOME

VASTELAOVESBIEËS
1996/1997: Tekst & muziek: Jan van Wegberg
Zang: Fön Tours

Refrein:
Mit vastelaovend kump ’t bieës weer in ós los,
dees daag die zeen veur ós gemaak,
Weer braeke oet en gaoje alle remme los,
es ’t bieës in ós óntwaak

Mit vastelaovend kump ’t bieës weer in ós los,
weer dènke neet aan heives gaon,
weer viere door ’t is egaal waat ós det kos
’t is ummer weer te vreug gedaon

Èllef maondj per jaor zit ’t bieës in ós versjtop,
mer mit de vastelaovend sjteig ’t door toto in de kop
’t Nump de septer euver en grip dees daag de mach
weer laeve van de lach

Zoa sjtóm wie ènne ezel sprènge weer róndj wie eine os,
weer verkleije ós es koe, es geit en soms es albatros
Drie daag zeen ós gegaeve en daroóm wurdt gefieës
es vastelaovesbieës

Wie hoonjer zónger kop of es nette nachtegaal
trègke weer d’rop oet van keffee tót aan de zaal
De wórm, de mösj, de kat en t paerd die sjlaon op hol,
weer zeen dees daag hóndjsdol

Mer sjwoonsdigs nao ’t fieës bès-ze sjtil en aug get traog
’t Vastelaovesbieës haet te väöl van dich gevraog
Doe numps gans sjtilkes aafsjiet van dien eige deer
Tót volgend jaor mer weer

HOME PLAATSNAMENOVERZICHT HOME

DE VASTELAOVESDANS
1994/1995: Tekst: René de Serière – muziek: de res van ‘t zootje
Zang: Los Leipos

De vastelaovend dae kump d’raan
Sjnap uch noe mer vas
Weer gaon d’r sjtevig taengenaan
Haol ’t maske oet de kas
Want de kómmende drie daag
gaon weer lekker danse

Refrein:
Danse, danse,
danse, danse,
danse, dans mit de vastelaovend
Danse, danse,
danse, danse,
danse, dans mit de vastelaovend
Danse, danse,
danse, dans mit de vastelaovend
’t Pekske kènt van zölder aaf
’t Maske oppe kop
Want mörge löps-ze weer veuraan,
veuraan in dae sjtoet
Doe wils ’t veurbeeld gaeve
Doe wils danse

Indiaan, cowboy en de clown
Ze zeen weer allemaol hiej
Ze kieke dich noe weer lachend aan
Ze zin hartsjtikke bliej
D’r is mèr ein dènk wat ze wille doon
en det is danse

HOME PLAATSNAMENOVERZICHT HOME

‘T VASTELAOVESFIEËS
1989: Tekst: J. Heijnens – muziek: R. Wagener
Zang: Kappes Moos

Refrein:
Zèk wètste waat ich waal zou wille?
det is mit meziek
en vastelaovesgekke
dwars door Zöstere trekke
De Zösterse vastelaovend
dae is toch zoa sjoan
Mit de zate hermeniekes
vilt ter neet oet de toan

Elf november jeder jaor begint ’t blood te broesje
Vastelaovend kump ter aan ’t fieës wo ich op wach
Hermeniekes ware wakker oet de zomersjlaop
Trääote oet de kas gepak en den mer weer aan ’t blaoze
’t is nog effe wènne mer wer zeen zoa weer aan ’t raoze

Tösje Kers en Nuujaor höbbe weer tied van pauzere,
mer daonao wurt weer aangepakt; ’t leedje mót den klaor
Galazitting, Prinseresepsie, alles tegeliek
Wer gaon d’r taegenaan, dao mót ge mer aan wènne,
van cafeke nao cafe, w’r laot ós neet kènne.

Ouch al vrus ’t det ’t kraak, ’t kèntj ós vandaag niks sjaele
Mit de Vastelaovend zeen weer wèntjerklaor gemaak
Door ’t jaor den kènne weer de kauw neet ech good aan,
zitte sjtilkes veur de kachel, make gein bombarie,
mer de Vastelaovend brunk de zón in febrewarie

HOME PLAATSNAMENOVERZICHT HOME

VASTELAOVESKOS
1995/1996: Tekst: Har Peters – muziek: Marcel Dewaide & Har Peters
Zang: De Vastelaoveskoks

Mit vastelaovend höbbe weer ein nuuj recep
Det uch mit die daag auch hieël good oppep
Sjpek, unne en eiere zitte d’r-in
Mit sjlaaj, saws en gehak is ’t gans nao diene zin

Refrein:
Jao mit karnaval servere weer Graasburgers
geine sjoarma, pizza’s auch gein hamburgers
Woor blifste mit die daag oppe bein
Dén sjtuit de Graasburger op nummer ein
.
Woor ’t óm draejt is eine gooje baom
Zónger dém böste direk boete aom
Zuuste ’saoves oet wie einen dweil
De Graasburger dae brungk den dien energie op peil

Fritkraom en sjoarmatent moge besjtaon
W’r laote ós daodoor neet ’t veldj oetsjlaon
Höbse in Zöstere ein gooj aettent
Vraog den mer nao ós weer verkoupe de patent

HOME PLAATSNAMENOVERZICHT HOME

DE VASTELAOVES-KRESJ
1993/1994: Tekst: Har Peters – muziek: Har Peters & Marcel Dewaide
Zang: Braaf Lestig

Refrein:
Woo gaon weer dit jaor mit oos kènjer haer?
Nemes haet ze mit die drie daag gaer
Pap en mam, die wille auch èns aan de flesj
Woor der mer ein vastelaoveskresj
Woor der mer ein vastelaoveskresj

Jaore geleeje dach d’r gaaroet neemes aan
’Huuske, buimke, bieësjke’ zoot d’r toen nog net neet aan
Mer noe is het zoa wiet, noe is Leiden in las
Waem is d’r noe, dae op die poete van ôs pas?

Jao, zo’n vastelaoveskresj is noe van deze tied
Pap en mam zeen mit die daag ein hieël belasting kwiet
Ze kènne röstig raoze, aan ’t kleint is auch gedach
Want de kresj is aope drie daag, daag en nach

In zó’n kresj, dao sjtuk zó’n kèntj auch nog get op
Want pap en mam, die höbbe noe de kolder in de kop
Ze lieëre noate laeze en zènge wie ein bie
En zeen sjtraks klaor veur de zaate hermenie

HOME PLAATSNAMENOVERZICHT HOME

VASTELAOVESKRIEBELS
1999/2000: Tekst: Jo Willms – muziek: Tiny Lumens
Zang: Z.H. Lóch Genóg

Refrein:
Mit vastelaovend geit mien hertje kriebele
Du heuërs ’t rom-bom-bom den sjlaon
Mien bein die gaon vanzelluf wiebele
Ich kèn neet sjtil mieë blieve sjtaon

Truuj in ’t bejaardehoes det veult zich dao good toes
Kènt neet good oet de veut en ’t zit dao mer hieël zeut
Heuërt ’t ein hermenieke, jao den laef det maedje op
Begint den oug te zènge en zèt alles oppe kop
Jao, begint den oug te zènge en zèt alles oppe kop

Sjeng, eine echte Graasboer, dae kik ummer hieël erg zoer
Sjprugk neet väöl mit de luuj, dènk allein mer aan zien kuuj
Mer in de Vastelaovestied, wae hauw zoa get gedach
Den heuërs-ze Sjengske zènge, oug al is ’t mer gans zach

Nel det pòts de ganse daag en haet ’t aan de maag
’t Sjult den oug op Pit want, dae miensj hulp ‘m noajts mit
Is ’t den auwt wieverbal, van pótse gaar niks oet
Os Nelly geit den zènge mit ein maske op zien sjnoet
Jao, ós Nelly geit den zènge mit ein maske op zien sjnoet

HOME PLAATSNAMENOVERZICHT HOME

'T VASTELAOVESLEED
2002/2003 nr.1 : Tekst: ? - muziek: ?
Zang: Smessing Pupkes

Refrein:

HOME PLAATSNAMENOVERZICHT HOME

EIN VASTELAOVESLEEDJE
1997/1998: Tekst: Har Peters – muziek: Marcel Dewaide & Har Peters
Zang: Z.H. Braaf Lestig

Refrein:
Ein vastelaovesleedje, holla-die-jee
Det brungk de sjtömming drek, hallas-di-jee
’t Hilt ós oppe bein, halla-die-jee
Want vastelaovend en meziek det heuërt toch biejein
Det is ’t kreuënke op de sjouw van de vasteleovestrein

Jao, zónger sjoan tekste geuf ’t geine tralala
En zónger meziek kriege w’r geine hopsassa
Det is auch vastelavend, zènge en meziek
Daomit ween weer in Zöstere de keuning te riek

En weer heuëre aan ’t buffet gaer versjillende klanke
Want auch de kastelein haet diverse saorte dranke
Weer zènge en weer sprènge, höbbe alle tied
Det geveul van same sjpas make raak-ze noatj mië kwiet

Jao, karnaval det geit veurbie, det hil-ste neet taege
Mer ein vastelaovesleedje is neet oet te vaege
Meziek is veur altied, zèt zörge aan de ziej
Meziek dae heuërt bie dich en bie mich, meziek maak ós bliej

HOME PLAATSNAMENOVERZICHT HOME

VASTELAOVESLEEFDE
2001/2002: Tekst: Tiny Lumens - muziek: Jan van Wegberg
Zang: Lóch Genóg

Refrein:
Vastelaovend vier ich hiej, jederein dae is noe bliej
Kóm, doot mit mich mit
Sjnap ein pekske oet de kas, sjpéng mer in dae sjluppejas
Kóm, doot mit mich mit
Jederein dae lach en zungk, zelfs de sjtiefste plank die sjprunk
Kóm, doot mit mich mit
Vastelaovend viere w’r hiej, laeve in de broewerie
Doot noe mer mit mich mit

’t Woor mit vastelaovend, noe al ein jaor geleej
Ich zoog dich doe dao sjtaon get in ein heukske
Du hauws ein hieël sjoaan pekske, en zoogs oet wie ein fee
Ich dènk :det maedje kump zoa oet ein beukske
Weer vierde Vastelaovend en bleve biejein
Mer wiej die daag verbiej woore, woor ich weer allein

Ich kiek noe nao det heukske en zeen dao ein auwt wief
Det sjtuit allein en kènt ’t nurges vènje
´t Kump mich get bekènd veur, ich sjtaon opèns gans sjtief
Ich kèn dich trök en wil mich waal benje
Weer viere Vastelaovend en blieve biejein
En nao dees Vastelaovesdaag zeen weer noajts mieë allein

HOME PLAATSNAMENOVERZICHT HOME

DE VASTELAOVES-SIRK
1993/1994: Tekst: Peter Feijen & Danny Kessels – muziek: Peter Feijen
Zang: Sjiet Egaal

Eder jaor wurd in ’t dörp de sirk opnuuj verwach
Ze kómme meistal sjtilkes, zoe midde in de nach
Mer s’angerendaags, dan gaon de vlagge in de top
En trék de graote bóntje sjtoet weer door de sjtraote op

Dae sirk, dae hilt den jederein drie daag in ziene mach
Mit toeters en mit belle, ein traon en eine lach
Luuj, trék uch sjoanste pekske aan, want weer gaon veur uch brènge
Ein show mit kleuër en väöl meziek en dao moog geer op sjprènge.

Hooggeieërd pebliek...

Refrein:
De vastelaovessirk, dae is weer aan de gang
’t Hoaggeieërd pebliek, det zit hie ieëste rang
Noe maak de bühn mer vrie en dooch de lampe aan
De vastelaovessirk is hie, weer gaon d’r taengen aan

De sjpraeksjtalmeister is hiej vorst en breit de zaak aanein
De prins, det is de opperkloon, ’t is einen bóntje trein
De olifante träöte wie ein zaate hermenie
En kiek noe dao vilt mich den akrobaat noch op zien priej

De veursjtèlling löp op zien ènj, de sjpanning sjteig ten top
De kloone zètte nog eine kieër de tent hie op de kop
’t Leech geit oet, ’t is gedaon, ’t sjpektakel is veurbie
Mar bèste luuj, geluif mich, volgend jaor zeen ze weer hie

HOME PLAATSNAMENOVERZICHT HOME

DE VASTELAOVESTANGO
1998/1999: Tekst & muziek: René de Serière
Zang: Kènjervakansiewerk Zöstere

Refrein:
Ich dans mit dich, de tango vande vastelaovend
Ich dans mit dich, dees drie daag in ’t róndj
Ich dans mit dich, d’n tange van de vastelaovend
En weer make ’t dees daag weer èns bóntj

De vastelaovend is ein fieëske van de denskes
’n Glaeske beer en de sjoanste peskes
De pruuke en de maskes en de sjmink
Zoadet ze gein miensj herkèns

Doe bös mien roazeblaedje, bös mien leefste
Veur mich blifs doe den oug altied d’n ieëste
Geine mars, geine hous en oug gein welskes
Wunt ’t van dich en dien sjoan peskes

Es ich dich neet haw, woor ich verlaore
Zote mien veut ram ónger (de) blaore
Ich dans mit dich van ein-twieë-ein
Naojt in de knup mit mien bein

HOME PLAATSNAMENOVERZICHT HOME

VASTELAOVESZÓNDIG, EFKES NAO DE MIDDIG, BIE ’T MÈNKE OPPE MÈRT
2003/2004: Tekst: René de Serière & Wim Maessen - muziek: René de Serière
Zang: Mit de Päöth in de Gäöth

Refrein:
’n Graasboerin, ’n Graasboerin,
jao, det böste veur ‘t laeve
’n Graasboerin, ’n Graasboerin,
jao, die sjtuit d’r middenin
De Graasboerin zal altied blieve, in ós Zösters Graasboerriek

Es alle luuj den nao de Mert toe gaon, zóndigs-sjmiddigs vreug
wurdt de graasboerin dao oetgerope, weer zeen nog lang neet meug
Wurdt ’t Joke, wurdt ’t Tiny of wurdt ’t eine van de Päöth
Waem zal ’t waere, ’t kan niks sjaele, jóng noe träöt mer op dien träöt

In Zöstere höb-ste neet allein de Prins, mer auch ‘n Graasboerin
Òngerwaeges is zie mit dae ganse tróp, löp zie d’r midden in
Wat ’n maedje wat ’n mechelke, jóng wat is det ’n sjaon prie
Altied danse, altied sjanse, en mit hart en zeel d’r bie

HOME PLAATSNAMENOVERZICHT HOME

DE VEER JAORGETIEJE
Tekst: J. Dewaide & Florien Maessen - muziek: H. van Hees

Es de ieëste zónnesjtraole blinke euver heide en hout
bloom en blaar betoverd waere door ’n läögske goud
Op dae sjoane lentemörge zeen weer vreug d’rbie
en gaon den d’rop oet en zènge blie:

Refrein:
Wanjel mit ós door de natuur
Zèng mit ós en geneet ouch van de natuur
Wanjel mit ós door de natuur, zèng mit ós
Wanjel mit ós, det is oos natuur

In die werme zomersjtraole glanze blome, blaajer en kroed
Leech en dauw besjilderd waere zuus-te door de roet
Op dae vreuge zomersmörge zuut de welt weer greun
en weer zènge blie ein dankbaar deun:

’t is of de natuur jank bie ’t aafsjied van de zomerpret
Gróndj en blaar verangerd waere in ’n kleuërriek bèd
Op dae nate naojaorsmörge zeen weer werm gekleid
en weer zènge door die mistigheid:

Es de ieëste wèntjervlokke valle op dake en gróndj
Ies en sjnieë tesame make ’t neet al te bóntj
op dae witte wèntjermórge is de kringloup róndj
en weer zènge noe oet volle móndj:

HOME PLAATSNAMENOVERZICHT HOME

VEILIG VERKIEËR
1994/1995: Tekst: John Storken – muziek: Danny Vanhout
Zang: Tote Hose

Refrein:
Lao-me loupe, lao-me loupe, lao-me loupe
Lao-me loupe, lao-me loupe, lao-me gaon
van ‘t ein kump waal ’t anger
’t is nog neet gedaon

Sjeng wilt veilig vrieje
in ’t Graasboerlandj
in dees moderne tieje
is niks aan de handj
koupe kènste ze euveral
oug in road, gael en greun
net wie ein kiendje kriege
is det hieël geweuën

Sjaak riedt de ganse daag
ummer achter ’t sjtuur
röstig riet-er van hiej nao dao
mit vastelaovend vrit-er vuur
d’n auto blif oppe oprit sjtaon
de sjleutels geuf t’r aaf
den drunk hae op jederein
op jederein, alaaf

Kastelein huit aan ’t vaat
en maak de glazer vol
hilt de kaelkes lekker naat
de luuj gaon oet de bol
ein denske hie, ein denske dao
w’r loupe nog neet nao hoes
pakke ’t pilske nog ein maol
’t is nog lang neet sjloes

HOME PLAATSNAMENOVERZICHT HOME

VERLAEGE
Westenhagen, H.Steyvers, Mostard
Zang (*) : Janse Bagge Bend

Ich bön toch zo bliej det ich neet verlaege bön
Verlaege zeen det is ein kwoal
Wat zooste gaer mit goan doon
Mer oeteindelijk blifse altied sjtoan
Ich bön bliej der ich eine laege bön
Eine laege kènne ze neet euversjloan
Este laeg bös sjteise in 't leech
Eine laege zuuste altied sjtoan

Doe durfs neet in te goan taege anger luuj
Oet angs hilste diene kop
Ummer sieferse dich zelf weg
Kums nooit, nooit veur dich zelf op
Es eine noa dich kiek, hilse diene mondj
Doe kèns gein woord oetbrenge
Want dien sjtrot zit ummer toe
Wat zou 't heerlik zeen om 'ns mit te zènge

Vriej zeen.....

Noe loat dich toch 'ns zeen zonger rooie kop
Doa sjteise alweer
Noe biet toch van dich aaf
En noe durf toch 'ns
Noe auch 'ns zonger dien pens vol beer
Sjpie 't, kots 't, gooi 't droet
Den is laeve gein probleem
Wat mot 't den toch zalig zeen
Om eindelik ram vriej te zeen

Vriej zeen!

* cd 1991 (lp:1989) : Janse Bagge Bend -" Hie Vrieve " - Marlstone Recordings bv - 099007CD

HOME PLAATSNAMENOVERZICHT HOME

VIEZE KAL
H.Mancini, E.Lambermon, H.Omloo, J.Last, T.Meisen
Zang (*) : Janse Bagge Bend

Höbste al geheuërd, wo die euver zènge
Op dae muziek wo me hiphop taege zaet.
Det zeen tekste die gaar niks brènge.
Wo me d'r toch al zoan doezende van haet.

Kal vies, taege mich.

't Ein woord is nog graover den 't anger.
't Laegste is neet vies genóg.
Nötte vieze kal, mer den nog langer
En deper es eine verkestrog.
Sjtaon ze oppe bühn, in hun sjötte-pekskes.
Kleijer die die drage, die zeen hun väöl te groat.
Kómme in de knuip door al die danspeskes.
Door dae vieze kal kriege die weer mood.

Kal vies, taege mich.

Väöl gesjrieëf en weinig wol.
Vate die zoa hel klinke, die zeen hol.
Woorom dae macho-zeiver, wo gaaroet niks van doug.
Want mit de moel kèn ich 't auch.

* cd (1994) : Janse Bagge Bend -" Branje en sjnirke " - Marlstone Recordings bv - CDS 9419

HOME PLAATSNAMENOVERZICHT HOME

VIVE ALAAF, LIMBURG SJTAD
1999/2000: Tekst: John Storken – muziek: Charel Bexkens
Zang: De Zwarte Handj

Refrein:
Nao Bach gebrach
Nao Bach gebrach
Wae haet ós nao Bach gebrach?
Is ’t werkeligk?
Is ’t Ech
Sjei toch oet
Gangk toch weg
Keze weer
Sjtömme zat
Vive, Alaaf
Limburg-sjtad

Jeder 10 jaor
Lemmentere
Konferere
Potvertere
nao Bach gebrach
nao Bach gebrach
wae haet ós nao Bach gebrach?
Navelsoeze
Graasboerriek
Taillewartel
Doevesjpiek
Is ’t werkeligk?
Is ’t Ech
Sjei toch oet
Gangk toch weg
’t Graasboerriek
det mót laeve
’t is ós zoa
’t is ós zoa
’t is ós zoa gegaeve

Pak Gelaen
en pak ouch Zitterd
Gaar gein Minsj
is mieë verbitterd
Keze weer
Sjtömme zat
Vive, Alaaf
den Limburg-sjtad
Pak Mook en Eisde
veur mien part
Limburg geit ós
nao aan ’t hart
Keze weer
Sjtömme zat
Vive, Alaaf
den Limburg-sjtad

De pap van ós
De pap van ós
De pap van ós
In Limburg-sjtad
In Limburg-sjtad
nao Bach gebrach
in Limburg-sjtad

HOME PLAATSNAMENOVERZICHT HOME

'T VLEEGTUUG
Tekst: René de Serière - muziek: Los Leipos

D'r hungk 'n vleegtuug in de lóch
Mit 'ne hieële dikke sjtraep
't Woor vanmörge vertrókke
Vanaaf vleegveljd Baek

Refrein:
Vleeg, vleeg, vleegtuug in de lóch
Vleeg, vleeg, vleegtuug in de lóch

Verleef tót euver zien oare
Jao, det woor dae piloot
Hae sjreef de naam van zien maedje
Dao baove hoag in de lóch

De naam dae sjtóng dao baove gesjreve
D'n tenk dae raakde langzaam laeg
't Vleegtuug vloog doe nao beneeje
Veur de allerlètste kieër

D'n tore bleef mer aan 't zeuke
Dao baove hoag in de lóch
Wo woor d'r noe toch gebleve
D'r wurdt 'n vleegtuug gezóch

HOME PLAATSNAMENOVERZICHT HOME

DE VOGEL IS GEVLAOGE
1989: Tekst & muziek: Har Peters

Sjra det woor ein kaelke van zo’n 25 jaor
Alles koos der, alles deej der, sjtông veur jederein klaor
Mèr woor der get te doon rôndj de vastelaovestied
den kooste saoves belle, mèr zien mam zag den altied:
Sjra ligk neet in ’t bed
mèr sjtuit al aan ’t beffet

Refrein:
Joa, de vogel is gevlaoge
Woor der is det môste mich neet vroage
Mèr is het vastelaovend, al sjtuiste veur em mit ein gewaer
Den rit der dich door alle teugels haer

Zao moos der auch èns euverwirke mit Awt Wieverbal
hae koom neet drôngeroet, hae probeerde al vanal
Mèr wie het toen 8 oere woor, begoos het em al te jeuke
De baas dae vroog woor Sjra woor aan het maedje van de keuke
Det maedje zach krietwit:
Ich weit neet woor der zit………..

Berta 3 en Greta 4 die sjtônge oppe sjtal
het woor veur hun de mèlkestied, den uijer duujde al
En Sjra dae woor in ’t dörp, hae vierde dao de vasatelaovend
Nondedjuu zach Greta 4 dae zeen wer neet vanaovend
Sjra, loup nao de maon,
die mèlk laote wer gaon…………..

Sjra dae woor auch fan van ein zaat hermenieke
Sjmaondigs wie den optoch woor ging der nao ze kieke
Zien oma zag, wer aete ôm 6, noe kôm auch neet te laat
Mèr wie het toen 6 oere sjloog, woor Sjra knônnezaat
Zien oma woor al awt,
En het vraete waerde kawt……………

De maedjes van het dörp die hawwe get te lieje
Sjra dae knappe vent, wilt neet mit hun vrieje
En zaet der den zo’n hieël net dènk, Sjra pak mich èns vas
Opèns is het sjtil en zien gezich det wurt gans blas
Den dénk der kèntj alaaf,
Sjrake dae huit aaf………….

HOME PLAATSNAMENOVERZICHT HOME

DE VRIEGEZEL
Tekst: Gerardo Romero & René de Serière – muziek: Los Leipos
Zang: Los Leipos

Alles wat ich doon, det doon ich veur dich
Mer doe duis, doe duis niks veur mich
Ich bön ’t zat, ich ken d’r neet meer taege
Doe höbs sjoan bein, mer bös gaar neet verlaege

Refrein:
Waer ‘ns wakker, waer ‘ns wakker
Alles wat ich doon, det doon ich veur dich

Kleids dich gewaag, in ‘nne mini-rok
Geis op sjtap en lèts neet oppe klok
Doe moogs alles en ich moog niks
Ich moog niks zègke van de pille die ze sjliks

Kóm van mien werk, d’r is nog niks gedaon
Bön mich aan ’t bedènke, zal ich dich laote gaon
Ich höb genóg, jao genóg getreurd
’t Is te laat, ’t is noe gebeurt

Bón vriegezel en det bevult mich good
Ich höb ’t beer weer terök in mien blood
Ich gaon noe sjtappe en te kieër es ’n bieës
Weer make hie ’n gezellig fieës

Ich bön noe zaat, ich gaon noe weer nao hoes
Bön gans allein, want dich bös neet mieër thoes
Mer óndanks det, höb ich dolle pret
Ich höb vanach, weer plaats in mien bed

HOME PLAATSNAMENOVERZICHT HOME

WAANZIN
Tekst: ? - muziek: ?
Zang (*) : Henk & Ton (Henk Steijvers & Ton Meisen)

Doe bes neit dao, 't hoes klink hol,
en mien hart sjteut wie eine mol.
Ich gaon kapot want doe liks weier bie dem.
Ich weit 't zeker, noe is 't genog,
en dat ich veur dich vechte mot.
Woo bes doe ? Zek mich woo bes doe ?

Refrein:
Waanzin, en mer euver mich lulle.
Ieskawt, mer mien zeel, die sjteit in brandj.
Dat is waanzin, mos weete wie ich mich veul.
Mien greutsjheid lik al in d'n drek.
Mer toch weit ich wat ich wil.
Ich wil dich !

Ich loup rundjes, de gansen daag,
veul mich beroerd, pien in de maag.
Mer ich zeuk loch, veurdat mien hart versjtik.
Wie eine luipsje hondj ren ich door de sjtad.
En jeder kroeg höb ich al gehad..
Woo bes doe.? Zek mich woo bes doe ?

* cd-single : Henk & Ton - "Henk & Ton es Ton & Henk" - Marlstone Recordings bv CDS2037

HOME PLAATSNAMENOVERZICHT HOME

WAAT EIN FIEËS
1997/1998: Tekst: Bianca Berensfreise & Jan van Wegberg – muziek: Fön Tours
Zang: Fön Schulpen & Jan van Wegberg

Mit fieëste door ’t jaor zoa haer, weit ich mich neet good raod
Waat sjtèlt dit vuer, waat mót ich noe, i’t wurdt mich dèks te kwaot
Mer ein fieës det geit noajt verkieërt, det zich in mien blood
Det is vastelaovend, dae vier ich ekstra good

Refrein:
Want de vastelaovend is ein fieës veur ós gemaak
Niks is noe te gek en zelfs pesjtoar geit oet zien daak
24 oer, weer draeje dees daag kontenu
Oze vastelaovend is ein fieës veur alle luuj
Jao, jao oze vastelaovend is ein fieës veur alle luuj

Kers-aovend sjtóng ich vaerdig mit de eier in mien henj
Ich leep in ein sjoan hazepak en haw oug hieël lang tenj
Toen zoog ich luuj al dènke, kiek noe dao de idioot
Och koom de vastelaovend mer, den ging ’t waal weer good

Op 5 december wie verwach, heef ich op eine aos
Ich haw neet aan kado’s gedach en gaaroet neet aan Klaos
De koaj die loog vol aolieböl, de vuurpiele biejein
Mer de vastelaovend, zit det vuurwerk in mien bein

HOME PLAATSNAMENOVERZICHT HOME

WAAT HÖBS DOE WAAT ICH NEET HÖB
Hayes, Porter, T.Meisen, H.Omloo
Zang (*) : Janse Bagge Bend

Waat höbste neet wat ich waal höb.
Det vraog ich mich ummer aaf.
Waat höbste noe wat ich neet höb.
W'r mótte mer 'ns in conclaaf.

Ich höb drie kènjer, ein vrouw, ein hoes mit ein garaasj.
En ich höb groate kleijer.
Hieël väöl "Extra Large".

Ich höb gries ouge, eine bril, eine haof en ein vaste baan.
En mien ouge die zeen greun
En ich woon al saam.

Weer sjtaon hiej te sjrieëve wie zoan soort "d'r Tunnes en d'r Sjael"
En es 't nummer oet is, den höbbe w'r pien in de kael.

* cd (1994) : Janse Bagge Bend -" Branje en sjnirke " - Marlstone Recordings bv - CDS 9419

HOME PLAATSNAMENOVERZICHT HOME

WAAT ICH WIL
Tekst: Gerardo Romero & René de Serière – muziek: Los Leipos
Zang: Los Leipos

Wat ich wil is, wat ich doon
Dao kènt nemes get, taege doon
Wat ich wil is, wat ich doon
Dao kènt nemes get, taege doon
Ze mótte mich neet zegke wie ich mót laeve
Det haet mien mam mich mit gegaeve
Wat ich wil is wat ich doon
Dao kènt nemes, nemes get taege doon

Wat ich wil is, wat ich doon
Dao kènt nemes get, taege doon
Ze zègke det ich mót sjtudere
Want zónger diploma is d’r gein werk
Ich bön gesjlaag, al vööle kieëre
Es werkeloze waer ich aangemerk
Wat ich wil is wat ich doon
Dao kènt nemes, nemes get taege doon

Wat ich wil is wat ich doon
Dao kènt nemes get, taege doon
Ze zègke det ich neet moog blowe
En de zööp mót ich laote sjtaon
Mèr zónger jas waer ich verkouwe
Wie mót ich noe op mien peuët blieve sjtaon
Wat ich wil is wat ich doon
Dao kènt nemes, nemes get taege doon

Wat ich wil is wat ich doon
Dao kènt nemes get, taege doon
Mien vrouw, is aan ’t sjèlje
De kènjer sjpele, oppe sjtraot
D’n aafwesj sjtuit nog te dampe
Wooróm is mien vrouw toch kwaod
Wat ich wil is wat ich doon
Dao kènt nemes, nemes get taege doon

Wat ich wil, wat ich wil
Wat ich wil, wat ich wil
Wat ich wil, wat ich wil
Wat ich wil is wat ich doon
Dao kènt nemes, nemes get taege doon

HOME PLAATSNAMENOVERZICHT HOME

WAAT ‘N PECH
Tekst: René de Serière & Ruud Meeuwissen – muziek: Los Leipos
Zang: Los Leipos

’t Woor ummer dao mer hieël wiet weg
Weer zeen d’r neet veur gegange wat ’n pech

Refrein:
Wat ’n pech, wat ‘n pech

Ich zeen ’t leeg aan ’t einde van de hal
Ken ich ’t te pakke kriege veurdet ich val

Dao koom dae kael mit die lamp
Die kènste van mich kaupe den hoofste neet te laupe

Oh mien God wat is d’r mis mit mich
Es det zoa doorgeit, den kóm ich in ’t gesjtich

Ich rende hieël erg sjnel veuroet
’t Leeg ging mich veurbie, ich leep dus achteroet

Det is wat ze zegke det ich doon
Ich laef geweun mien laeve, ich sjpeel geweun de clown

God, kóm ‘ns kieke in mien gesjtich
Hie zeen die gekke weer normaal, kiek mer nao mich
De boetewaereld die heuërt gaar neet bie mich
Die maake ‘nne haup kabaal, dao is ’t neet frisj

Ich zoog de kleure van de raegebaog
Woor ’t noe ech, of woor ’t noe bedrog

’t Is noe euver, ‘t is noe gedaon
Alles is blow, behalve de maon

HOME PLAATSNAMENOVERZICHT HOME

WAAT WILSTE NOG MEER
1991/1992: Tekst & muziek: Victor Hennen
Zang: De Zösterse Maedjes

Refrein:
Ens lekker sjtappe, enne keule pot beer,
enne zösterse graasboer en en bietje plezeer
En slekker sjtape, enne keule pot beer,
enne zösterse graasboer en en bietje plezeer

Anna ziene man woor mit vieërtig in de vut,
’t hauw drie poete enne hóndj en ’n hut
’t woor gein laeve det wis-ste al ras
dus ging ze in ’t Kefee en maakde dao sjpas

Mit vieftiën – drei hauw häör handjbalklup verlaore,
ze hauwe hel gewirrek, de héndj sjtónge vol blaore
Ze vleege droet det sjteit noe waal vas,
dus ging ze in ’t kefee en maakte dao sjpas

Dae auto van ’n tón dae woor-ze noe kwiet
en zónger zó’n dènk, den kumpste neet wiet
’t ergste woor hae sjtóng prima in de was
dus ging ze in ’t kefee en maakde ze dao sjpas

Zo wie jederein koom zie oug te sjterve
de kènjer ging takge euver wae geit erve
Mer Petrus sjikde häör trök mit sjtramme pas
dus ginge ze in ‘t kefee en maakde doa sjpas

HOME PLAATSNAMENOVERZICHT HOME

WAE HAET DE BÓNNE
1999/2000: Tekst & muziek: Charel Bexkens
Zang: Z.H. Zaateweg

Refrein:
Wae haet de bónne, wae geit get besjtèlle
Wae kènt väöl ónthawte, wae kènt ’t bèste tèlle
Wae haet de bönne, weer dreuëge langzaam oet
Gank noew gauw get haole, den kènne weer weer veuroet

Mit de vastelaovend geit nemes gaer allein
Gezellig in ein kliekske, jao det vundj jederein fein
Oppe zaal of in de kroeg, weer make eine krink
Den zeen al gauw de glaeskes laeg en jederein dae zungk:

Bès-ze biej de sjötte, of in ein zaate hermenie
Den wurdt d’r get biejein gegoajt, jao jederein lègk biej
Flink geträöt, gerempetemp, weer kriege ein dreuëg sjtraot
D’n eine kik d’n angere aan, en den kump weer die vraog:

Saoves op de zitting, mit de ganse trop
De taofels sjtaon in rieje, de zaal sjtuit oppe kop
Jos is weer aan ’t sjpraeke, “de sjtimmung is famoos”
’t Kènt neet mieë kepot “ALAAF”, weer höbbe al weer doos!

HOME PLAATSNAMENOVERZICHT HOME

WAORÓM HÖB ICH DET?!
2005/2006 nr.1 : Tekst & muziek: Har Dullens
Zang: De Dultonbrodders

Refrein:
Woróm höb ich deet, woróm höb ich det
Woróm neet doe of hae of het
Woróm höb ich det, woróm höb ich det
Woróm höb ich toch ummer get
Ich krieg sjtèrk ’t geveul ich höb det mer allein
En daoróm maak ich mich noe wurkelik dikke bein
Woróm höb ich deet, woróm höb ich det
Woróm neet doe of hae of het
Laatste refrein:
Woróm höb ich toch ummer get?

Mit de vastelaovend jóng den gaon ich gaer
Nao de prinssezitting dao wil ich haer
Oere van te veure sjtaon ich in de riej
Bön ich aan de beurt is de kaartverkoup verbiej
Ich sjloog de plank weer rojaal mis
En reep toen hel en hieël besjlis:

Lèts op ’t bóndjskonkoer mit de hermenie
Vol mit euvermood op de veurste riej
Mer bie d’n ieëste toan dao ging ‘t al drek mis
Omdet ich nog van toete nog blaoze wis
Ich sjloog de plank weer rojaal mis
En reep toen hel en hieël besjlis:

Zoa geit det al jaore, zoa geit det al lang
Ich lieër d’r mit laeve, maak mich neet bang
Want det geveul van ich höb det met allein
Det kump toch ech allein ómdet ich det mein
Ich sjloog de plank weer rojaal mis
En reep toen hel en hieël besjlis:

HOME PLAATSNAMENOVERZICHT HOME

WATER
Tekst: René de Serière – muziek: Los Leipos
Zang: Los Leipos

Water is belangriek, veur ’t aardse laeve
Want woor d’r gaar gein water hie, dèn kooste get belaeve
De plantje, deere en auch de minsch, kènt neet zónger laeve
’t Water is ’t belangriekst, wat ós hie is gegaeve

Refrein:
Ich wil water, water veur miene kater

De fabrieke en de lüüj, die sjtorte in de sjloate
’t Water wurd den gans vervoelt, det geit den nao de kloate
Bèste lüüj noe dènk ‘ns nao en gebroek ‘ns uch versjtandj
Want vervoelt geer al ’t water hie, den maak geer uch zelluf van kantj

Water, water, allein mer water, ’t water sjtruimt mer door
’t Haet allein ’n anger kleuër, ’t zuut ’n bietje goor
’t Geit den door ’n zeefke haer, ’t wurd weer sjaon gemaak
Mer wie lang det dit nog good zal gaon, det vraog ich mich toch aaf

Es water gaar gein water is, den is ’t aafgeloupe
Den sjtort de ganse waereld in, den kènste allein mer haupe
Det lüüj, in korte tied, get angesj oet gaon vènje
Want water is belangriek, veur dich en veur dien kènjer

HOME PLAATSNAMENOVERZICHT HOME

WEER DE MELODIE
2005/2006: Tekst & muziek: Jan van Wegberg
Zang: De Sjlagerjunge

Jeder jaor opnuuj is 't mit vastelaovend raak
de allersjoanste sjlagers waere den veur ós gemaak
Men sjrif zien eige tekste en maak zellef auch de wies
den dènk-ste dit is hieël apaart dit wurdt d'n ieëste pries

Mer klink den 't refrein
den zunk al jederein ........

Refrein:
Dao höbs-te weer die melodie
dao klink alweer det zellufde leedje
die toane make ós zoa blie
dao höbs-te weer die melodie

Zoa geit det auch in 't laeve, 't is neet ummer get apaars
Soms haops-te op verangering en wils-te èns get raars
Mer druim dich zelf neet riek 't is hieël dègk gebakke lóch
aan sumpelweg gelökkig zeen höbs-te mieë es genóg

Want auch dien laevesmelodie,
Haet dègk dezellufde partie.....

HOME PLAATSNAMENOVERZICHT HOME

WEER HÖBBE DE SJMAAK TE PAKKE
2005/2006: Tekst: René de Serière - muziek: René de Serière & John Sanders
Zang: De Batsekratzers

Refrein:
Weer höbbe de sjmaak te pakke
Ós is ech niks te bóntj
Weer höbbe de sjmaak te pakke
De veutjes gaon van de gróndj
Weer höbbe de sjmaak te pakke
En gaon weer veur ALAAF
Weer höbbe de sjmaak te pakke
Dèt is ram kikke, cool, vet, gaaf

Mien ieëste glaeske beer, det sjmaakte neet nao mieër
't woar toch effe wenne, 't woar de ieëste kieër
toch bleef ich 't probere, lag mich d'r neet bie neer
Mèr nao 't twieëde glaeske, doe sjmaakte det nao mieër

Mien allerieëste kusje woor neet, wat ich hauw gedach
In mien sjtoutste druime, get angesj verwach
Ich woar doe get van sjlaag aaf, dach, wat is dit noe weer
Mer peuënde ich de twieëde kieër, doe sjmaakte det nao mieër

HOME PLAATSNAMENOVERZICHT HOME

WEER HOVE ÓS VEUR NEMES TE SJENERE !!
2001/2002 nr.1: Tekst & muziek: Har Dullens
Zang (*) : Ónneuëzel tót de Mach 3

Waat veule weer ós good, waat veule weer ós sjterk.
Weer zeen weer op ós bès, det höb geer vas gemerk.
Weer prónke en weer sjtraole, zeen door 't dulle haer.
Dit is waat weer wille, ditte doon weer gaer.

Refrein:
En weer hove ós veur nemes te sjenere, want mit ós is gaar niks mis.
Weer doon es of weer rentenere, om ens te preuve wie det is.
En weer hove ós veur nemes te sjenere,
auch al höbbe weer 't gaar neet breid.
Lekker van 't laeve profitere, zoalang es 't mer geit.
Lekker van 't laeve profitere, zoalang es 't mer geit.

Waat vènje weer dit sjiek, waat vènje weer dit gaaf.
Dit hauwte weer good vas, dit nump ós geine aaf.
Weer träöte en weer trómme, det hilt ós oppe bein.
Dit is waat weer wille, drie daag achterein.

* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201

HOME PLAATSNAMENOVERZICHT HOME

WEER KRIEGE NEET GENÓG D’R VAN
1992/1993: Tekst: Har Peters – muziek: Har Peters & Marcel Dewaide
Zang: Har Peters & Aloïs Huizinga

Refrein:
Weer kriege neet genóg d’r van
De vlamme sjlaon ós in de pan
Weer viere vastelaovend, det sjtuit bie ós veurop
En zette Zöstere den oppe kop

De wèntjersjport det is veur ós de karnaval
Mit de knäök genummerd gaon wer nao ‘t graasboerebal
Gein latte ónger de veut, mér veur de kop
Den sjtaon weer mit die daag toch hieël sjoan d’rop

De dokter goof ós pas nog eine gooje raod
Kiek det ger mit karnaval de koaj oet gaot
Maak uch mer neet bang, det kump waal good
Want bie ós dao zit det in ‘t blood

Wer tóntjele ós get aan, gaon in d’n optoch mit
Mit ein trupke wo väöl meziek in zit
Drie daag zeen w’r den, bienaoj gein bèd
Want weer sjtoan altied róndjóm ‘t beffét

HOME PLAATSNAMENOVERZICHT HOME

WEER ZEEN JANSE BAGGE
E.Masthoff & H.Steijvers
Zang (*) : Janse Bagge Bend

Weer zeen rondj viefentwintig, drie man die zeen zelfs awwer
Weer höbbe men derbie die zeen de dertig gepasseerd
Franky det is dae jonge en Lowie det is dèn awwe
En de herrie die weer make die wurt euveral gewaardeerd

Want weer zeen luuj die wete van toete en van bloaze
Doaveur sjtoan weer hei noe en make noe meziek
Wie euverjoarige pubers sjtoan weer hie get te roaze
Terwiel weer heel good wete det 't toch nurges op liek

Weer zeen Janse Bagge

* cd 1991 (lp:1983) : Janse Bagge Bend -" Flazjelettentaere " - Marlstone Recordings bv - 0909106 CD

HOME PLAATSNAMENOVERZICHT HOME

WEER ZÈTTE AL OP DE KOP
1994/1995: Tekst: Smeets – muziek: Andre Hovens
Zang: Enorm Sjterk

Refrein:
Hie geit de ganse kraom op de vot
Mit vastelaovend zètte weer al op de kop
Hie trèkke maskes en verkleide door de sjtraot
En alle hermeniekes blaoze in de maot
Hie geit de ganse kraom op de vot
Mit vastelaovend zètte weer al op d kop

Hermeniekes trèkke op en aaf
Doe heuërs al euveral alaaf, alaaf
Den riete weer ós get prölle aan de prie
En trèkke weer mit kapelkes zie aan zie

Es weer enimaol van kaffee tòt kaffee gaon
Den zeen weer hie gaar neet mieë weg te sjlaon
Jao den sjödde weer uch allemaol eine in
Den haet gans Zöstere ’t nao ziene zin

HOME PLAATSNAMENOVERZICHT HOME

WEER ZÈTTE DE BLEUMKES BOETE
2002/2003: Tekst & muziek: Har Dullens
Zang (*) : Onneuëzel tót de Mach 3

Wèt geer wo weer veur zeen te paaje ?
Det zeen mer hoagoet drie daag in 't jaor'.
Den wille weer ós gaer begaaje,
en dao sjtaon weer weer vreug veur klaor.
Laot 't den noe mer gaon gebeure,
want lüj, weer hauwte dao zoa van.
Mit al die vastelaovesgeure,
sjluit de vlam hiej in de pan.

En weer zètte weer de bleumkes boete,
hiej in ós Limburgs paradies.
En weer zètte weer de bleumkes boete,
mer doon det op ós eige wies.
En weer zètte weer de bleumkes boete,
want dit is gans nao óze sjmaak.
Hiej geit besjlis d'n hemel aope'. (2x)
Hiej gaon panne van 't daak. (2x)

Weer zeen mit hoempapa gelaaje,
en 't daak vilt ós toes haos oppe kop'.
Dus gaon weer lekker pierewaaje,
en kómme vas waal weer 'ns sjtop.
Laot 't den noe mer gaon gebeure,
want lüj, weer hauwte dao zoa van.
Mit al die vastelaovesgeure,
sjluit de vlam hiej in de pan.

* cd 2003 : Diverse artiesten - "Van Eijsde tot de Mookerhei 10" - Marlstone Recordings bv CDL2301

HOME PLAATSNAMENOVERZICHT HOME

‘T WESJMESJIEN
1990/1991: Tekst & muziek: Piet Sanders
Zang: Piet Sanders

Mien vrouw sjpaarde veur ’n wesjmesjien
zoa hauw ze mich gezag
Elk kwartje eder dubbeltje
troe nao de bank gebrach
Mer taenge d’n tied van karneval
kreeg ze de kriebels in ’t blood
sloge biej häör de sjtoppe door
En zag: det auwt det wesj nog good

Refrein:
Ich koup mich eine retteketet
en veur dich eine hoempapa
Weer blaoze de ganse
do-r-mi-de fa-de sol-de la-
Zoa trèkke weer de sjtraote door
Sjing boem ta da ra ta ta (bis)

Ze pakde zich den hood en jas
en sjtapde nao de bank
Gaef geer mich al mien centjes mèr
en den zeet geer bedank
Wat mót ich mit è wesjmesjien
gaef mich mer karneval
Sjmaondes mit d’n optoch mit
en saoves nao ‘t bal

Esjgoonsdig wore weer oetgeraos
en wore de cente op
Alles wat ós euver bleef
det woor ‘ne zjwaore kop
De retteketet, d’n hoempapa,
oug meug van alle kal,
rösten oet tot ’t volgend jaor
tot de volgende karneval

HOME PLAATSNAMENOVERZICHT HOME

WIE AWWER, WIE GEKKER
1997/1998: Tekst: René de Seriére - muziek: René de Seriére & Nico Dirkx
Zang: Kenjervakansiewerk Zöstere

Refrein:
Wie awwer, wie gekker
Kiek mer nao de pap en de mam
Wie awwer, wie gekker
Die kènne d´r get van

De pap en de mam die gaon ummer op sjtap
Van sjmörges vreug bis saoves op pad
´n Pruuk en ´n maske op hunne kop
Die krigste neet kepot

De kènjer die zitte in ´n bolderkèr
De pap en de mam, die trèkke mer
Oppe trökwaeg is ´t den ómgekieërd
Det geit ech noajt verkieërd

Op esjelegoonsdig wurd aafgesjmink
Det is d´n daag det ´t leave begint
De pap aan ´t werk, de mam aan de wèsj
De kènjer gaon nao de krèsj

HOME PLAATSNAMENOVERZICHT HOME

WIE BRUNGS ZE 'T
2006/2007: Tekst & muziek: John Sanders & René de Serière
Zang: De Batsekratzers

Refrein:
Wie brungs ze ‘t, wie zungs ze ‘t
Dao drejt ’t hie toch óm
Wie brungs ze ‘t, wie zungs ze ‘t
Jao, dao is ’t óm te doon
’t Kan mich gaar niks sjaele
Zoalang ’t mich neet duit vervaele
Wie brungs ze ‘t, wie zungs ze ‘t
Dao geit ’t noe toch óm

Ich ging ’n leedje maake, mit teks en sjoane meziek
Det leet de vooge kraake, allein ’t ritme woor ich kwiet
Ich bön toch geine dómme, wis wo ich aan begoos
’t Mós d’r toch van kómme, wis ich mer wie det moos

Ich bleef ’t mer probere, dee gaar gein auch mieër toe
De teks dae koos ich druime, wo is det ritme noe
Ich waerde pratsjnaat wakker, gloeiend wat ’n gelök
’t Ritme weer gevónje, en daomit zeen weer terök

HOME PLAATSNAMENOVERZICHT HOME

WIE SJOAN IS DET ZÖSTERE
Tekst: ? - muziek: ?

Refrein:
Wie sjoan is det Zöstere in ‘t Limburgse landj
dao wo ich bèn gebaore, mien hart aan höb verpandj
jao doa wil ich woone, jao doa wil ich zeen
mien Zöstere mien plaetske ich höb dich zoa leef

Dao ligk ein hieël net plaetske in ’t zuude van ós landj
wo ich es kèndj al sjpeelde, mien hart aan höb verpandj
dao wo ich lieërde loupe en ouch nao sjeuëlke ging
ouch zalich noajt vergaete, wo die auw volmeule sjtóng

Weer hauwe ’t Mössjebreukske en ouch nog de Topskoel
wo die kerpkes zjómme en de kwakkert hauw zo’n moel
en ouch nog oze Bagger, wat noe is Hommelhei
’t kepelke aan ’t Hout enden ouch nog Sanneswei

Ich dènk in latere jaore mit waemood noe noch trök
wie weer dao s’aoves zoote op die Vloodgraf brögk
of mit ’t maedje wanjelde langs koele of langs raeks
en dien ieëste muulke sjlootste langs de zjwarte waeg

HOME PLAATSNAMENOVERZICHT HOME

WIE SJOAN ÓS LIMBURG IS!
Tekst: René de Serière - muziek: Los Leipos

De miene zeen al lang gesjlaote
De kaole zeen noe oet de gróndj
Daoveur mós get anges kómme
Daoróm wórt DSM geboewd

Refrein:
DSM blif mer rouke, Jóng kiek mer oet
Kris te pien aan dien ouge
Dien gezóndjheid geit alweer achteroet

Doe mós neet zeike, mós neet klage
Eindelik höbs te 'n gooje baan
En kèns te die lóch neet mieë verdrage
Den duit d'n dokter dao waal get aan

Dien kenjer blieve aan 't hooste
Zjwaore aom, geine lóch
D'n dokter sjtuit veur 'n raodsel
Mer werk det haet hae noe genóg

Wirke mit asbes det mót kènne
Es ze gelök höbs wurs te vieërtig jaor
Wie sjoan ós Limburg is, det heuërs te
Dus blief mer blaoze in de lóch

HOME PLAATSNAMENOVERZICHT HOME

WIRKE
2003/2004: Tekst & muziek: Har Dullens
Zang: Onneuëzel tót de Mach 3

’t Is hie toch zoa sjoan
hie bön ich toch zoa gaer
Ich wil uch èns vertèlle
waat is ’t laeve waerd
M’n mót hie ummer wirke
det haet toch gaar gein doel
Ich maak ’t mich gemekkelik
Ich höb sjiet aan de ganse boel

Refrein:
En es ich wirke mót krieg ich eine heksesjeuët
Den waer ich toch zoa laam en meug in die echelste peuët
Waem det oetgevònje haet, dae haet nog noats niks gedaon
Kóm laot ós oe mer boemele gaon

Ich bön al euveral gewaes
in de wirkplaats en febrik
’t Is euveral ’t zelfde
‘t is niks woos-te kiks
’t Bèste is ’t bie de mam
‘t leefste höb ich rös
Zao lekker in eine voele sjtool
mit de jatte oppe dösj

‘t Wirke is zoa sjoan en fijn
ich höb ’t noats gelieërd
Ich kan ’t ouch neet helpe
want mien henj die sjtaon verkieërd
Ich bön jao lever voeël den meug
dao kèn ich niks aan doon
’t Is d’n eine veur d’n angere
mer ich bön einmaol zoa

HOME PLAATSNAMENOVERZICHT HOME

WO HOLLAND OP ZIEN ALLERSJMAALS IS
Tekst: ? - muziek: ?

Wo Hollandj op zien allersjmaals is
Dao tösje Belsj en Pruusjes in
Dao ligk ein dörp, door greun omgaeve
Ein sjoan aw kirk dao midden’ in
De tores sjtaon d’r sjtil te druime
Van eine lang vervlaoge tied
Van heilige en eine keuning
Mit praol en prach, mer ouch van sjtried

Refrein:
Det is mien deerbaar awd Suestra
Vertroewd wie eine klokkeklank!
Dao veul ich mich zoa mit verbônje
Det blif mich leef, mien laeve lank!

Wie leeflik is t’r nog ’t landsjap
In alle tieje van ’t jaor
Mit al die veljer, bösj en baenje
en baeke es kristal zoa klaor
De prach van blome, buim en plante
En al die veugel die men heuërt
Van al det sjoans kan men genete
Zoa sjtille-weg en ongesjteuërd

Hie veug men zich nog noa ’t laeve
En hilt men van plezeer en zank
De hermenie, de sjötterie
Det is ein fieës van kleuër en klank
Men viert nog richtig vastelaovend
En zungk gaer van ’t bleumke droet!
Hie vilt waal ummer get te viere
Hie sjtuk men gaer de vane oet!

HOME PLAATSNAMENOVERZICHT HOME

WOOROM NUCHTER ?
Meyers, T.Meisen, H.Omloo
Zang (*) : Janse Bagge Bend

Jóng, noe loester ens nao dienen auwe hieër.
Jao Pap.
En drènk toch neet zoa väöl.
Ich drènk gaaroet neet väöl, ich..., ich....
Sjei toch oet, doe drunks euverdaag en doe drunks oug sjnachs
En doe wèts, det duit dich gaar niks good.
Och Pap, det is neet waor, ich..., ich...
Sjei toch oet jóng, doe bös zoa mager es 'n lat.
Det weet ich.
Es w'r wedsjtrijd doon, den drènk ich dich plat.
Woorom blief ich toch zoa nuchter,
Es ich sjtraks toch weer zaat heives gaon.
Dae auwe van Brand, dae deeg 't good.
Gans Limburg mit alcohol in 't blood.
Ich hawt van beer en oug van sjoes.
Veural die luuj wat malt drenke, die zeen sjaloes.
Woorom blief ich toch zoa nuchter.
Es ich sjtraks toch weer zaat heives gaon.
Ich ging vreuger oet róndj ein oer of 8.
Keek get róndj en vertelde ein mop mit eine lach.
Pakde mich 'n pilske zo rondj ein oer of 10
En zag taege mien vrunj: "Höbse det pupke dao gezeen?"
Pakde mich nog eine, róndj twellef oer.
Dae woor zoa lekker, mer de kater loog oppe loer.
Pakde mich de lètste om ein oer of 4.
Man, dae sjmaakde zoa good, wat 'n wónjer toch det beer.
Doe bön ich gaon dènke, zou ich nog get drènke,
Geluif, verloor doe mien versjtandj.

* cd (1994) : Janse Bagge Bend -" Branje en sjnirke " - Marlstone Recordings bv - CDS 9419

HOME PLAATSNAMENOVERZICHT HOME

DE ZAATE HERMENIEKES
1989/1990 nr.1 : Tekst & muziek: Har Peters
Zang: Braaf Lestig

Refrein:
Want de Zaate Hermeniekes huëre derbie in ’t Graasboerriek
Jao, de Zaate Hermeniekes brènge sjpass en väöl meziek
Zónne sjoone gekleuërde tróp, woors doe dien auge oet op kiks
Szonger Zaate Hermeniekes woor de vastelaovend niks.

De èllefde van den èllefde kómme ze bieein
Hermeniekes, Prins en Road, in ‘ne sjlinger achterein
Ze haole den Graasbörger op ein sjörkar in
Jederein dae lach en zungk, vastelaovend zit weer drin

De trötetoch op zóndig is ummer weer hieël sjoon
Café nao café aaf, mit veurop Piet van de Boon
Ze blaoze zich kapot en sjpeule door mit glaeskes beer
Veur de Hermeniekes tèlt allein sjpass en ’t plezeer

Es maondig den optochis, zeen ze allemaol van de pertie
Langksaam en Meug, Kappes Moos, zelfs de Leefhöbbers zien derbie
Braaf Lestig en Knoerhell, Sjiet Egaal vergaet die neet
De Zösterse Hermeniekes maake den optoch gans compleet

Daensdigs bie de kènjeroptoch zeen ze weer aan ’t raoze
Drie daag vastelaovend zeen aan hun verubie gevlaoge
Este ‘saoves de Graasboer in vlamme op zuus gaon,
vilt der bie de Hermeniekes lènks en rechs un traon

HOME PLAATSNAMENOVERZICHT HOME

ZÈGK PRINS
1996/1997: Tekst & muziek: René de Serière & Nico Dirkx
Zang: Kènjervakansiewerk

Refrein:
Zègk Prins
Noe laot ‘ns gaon
Vastelaovend sjpund hie toch de kroan
Zègk Prins
Noe laot ‘ns gaon
Vastelaovend sjpund toch de kroan

Aan ’t begin van ’t seizoen haole weer de graasboer mer weer op
En normaal bie dees gebeurtenis löp de prins den ouch veurop
Mer dit jaor is ’t angesj, dit jaor is hae d’r neet bie
En daoróm kik de raod auch neet zoa bliej

De prins sjtuit in de kirk mit ’n mechelke aan zien zie
Dao geit d’r noe mit trouwe, daoróm is d’r aug zoa blie
De medaajes zeen gepóts, blinke in ’t keeg van ’t kruus
’t is gaar neet te gluive, doe wèts neet wat-ze zuus

Met saoves op ’t fieës, koom ’t alemaol weer good
De graasboer woor terech en de prins haw weer blauw blood
’t Seizoen dat kènt beginne, de prins löp weer veurop
De graasboer in ’n sjörkar, oppe kop

HOME PLAATSNAMENOVERZICHT HOME

DE ZEVENDE HEMEL
1994/1995: Tekst & muziek: Frank Dullens
Zang: Bart Hees & Har Dullens

Vastelaovestied
brungk mich goje raod
dus ich zjwerf den róndj
en fraatsjel mich ram oet de naod
Rietem gaer ein tuut
in ’t graasboerlandj
weit dees daag nog minder
van den hood es van de randj

Refrein:
Al wat ich höb
klómmel en lómmel
fóddel en knóddel
da’s wat ich höb
Laef wie ein loes
Heerlik gewemel
de zevende hemel
det is noe mien hoes

Vastelaovestied
veul ich hoage drök
en al draag ich gein
ich gaon daovan bienao van mien zök
en ich sjmiet den droet
alle loazigheid
’t bekump mich good
dao ich niks van toet of blaoze weit

’t zjwevende laeve is ós noe gegaeve
doog noe met mit, dao is toch genóch
lala lalalala lala lalalala
la lala la la la la

HOME PLAATSNAMENOVERZICHT HOME

‘T ZJUURIELID
1993/1994: Tekst: Anita Herzig & Theo Opgenoord – muziek: Niek Dirkx
Zang: De Kepèl

Refrein:
Zjuurielid is eine braaf lestige job
Want die Zösterse Maedjes verdreie mich de kop
Auch al bön ich Leefhöbber van het Heilig Vaat
Dolly en konsorte make auch hieël get paraat
Sjiet Egaal, det haef väöl noate oppe zangk
Van de Kepèl krieg ich ummer sjtank veur dank

Zit-ste in de zjuurie den truk-ste naojt partie
Mer lènks of rechs get gaeve sjtuit jederein toch vrie
Wils-ste get bereike, ich zègk ’t dich veurop
Sjtort get op mien raekening, den kums-ste aan de top

Höbs-ste döks proble, det dien leedje naojt èns wundt
Bès-ste den aan ’t knootere, ’t wurt mich neet gegund
Num mit mich kontak op, ich kiek wat ich kèn doon.
Sjoan weurd en get noate, dao kèn-ste ’t mit voldoon.

Mer mit al de zeiver en de sjaele kal van mich
Mitdoon mit ein leedje, det is dien graasboerplich
Eine kènt mer wènne, det klink misschien gemein
Mer veur mich es zjuurie is jeder nummer EIN

HOME PLAATSNAMENOVERZICHT HOME

ZJWART
R. Collins, Janse Bagge Bend
Zang (*) : Janse Bagge Bend

Ich tex dich de kamer.
Ich doon dich auch de gangk.
Ich graaf dich auch d`n hoaf om,
al is d`r 60 meter langk.

`t Mot zjwart, ram zjwart, harsjtikke zjwart, zjwart!
Ich sjpuit dich d`n auto.
`t Sjpatbord en de deur.
Primer en compressor,
ich höb doa alles veur.
Ich sjpuit zjwart!

Höbs doe get te verboewe,
mit baksjtein of cement.
Nuuj tegels op `t huuske.
Doe wets: Alles kent!
Zjwart!

Allein van de elektrisj.
Doa blief ich fein van aaf.
Bön ich doa mit aan `t moare.
Den heurse eine grote PAAAAF!
En bön ich zjwart, harsjtikke zjwart!

* cd-single - B-kant

HOME PLAATSNAMENOVERZICHT HOME

ZOA DUL WIE EINE PÓPPEREL
1994/1995: Tekst: Har Peters – muziek: Marcel Dewaide & Har Peters
Zang: Braaf Lestig

Refrein (in ’t plat es “schlager”):
Weer sjprènge noe gans oet oos vel
Weer zeen zoa dul wie ‘ne pòpperel
Mit eed’rein is get aan de handj
Want der is vastelaovend in ’t landj

Refrein (in ’t hollands als “kraker”):
We gaan nu helemaal uit onze bol
Want we zijn zo dol als een tol
Met iedereen is wat aan de hand
Want er is carnaval in ’t hele land

Geer kènt det geveul waal saoves óm hawf ach
Doe mós nae ein bal haer tót laat in de nach
Det is neet zoa erg mer die krigs rillinge op dien lief
Want doe mós nao de zaal, verkleid es awt wief

Waeke aan het tummere en verve veur de lol
Waat make w’r in d’n optoch, waat sjpeel ich veur ein rol
Eine einzelgenger of ein zate hermenie
De hoofzaak die tèlt want doe heuërs d’r bie

Es die daag veurbie zeen böste gans kapot
En aug oze Graasboer haet ‘ne kop wie ein marmot
Waat höbbe weer ein laeve, waat höbbe w’r ein gelök
Weer kieke mit plezeer op eine sjoanen tied terök

HOME PLAATSNAMENOVERZICHT HOME

ZOA ES D'R GEVIERD MÒT WAERE
2004/2005: Tekst: Eric Knoben, John Sanders & Rene de Seriere - muziek: Rene de Seriere
Zang: De Batsekratsers

Refrein:
Es jederein de vasteloavend viert
Zoa es d'r gevierd mot waere
Det zeen den toch de allersjaonste daag
Dao höb ze d'r 'n paar van in dien laeve
Es jederein de vastelaovend viert
Zoa es d'r gevierd mot waere
Den höbbe we mit zien alle vööl plezeer
Jao,den gaon weer nog hieël get belaeve

Sjmörges sjpek mit eier,veur 'nne gooje baom
De sjtömming kump d'r noe al langzaam in
Weer höbbe det ech neuedig,veur 'nne lange aom
D'n daag is pas begoos,'n nuuj begin
Dao nao doon weer òs pekskes aan,een sjoan gesjminkte sjnoet
Det zuut d'r den al hieël geweldig oet
En is dae tròp den biejein,den wurd de boet al sjnel te klein
Eine sjaone ongerein

Die road, gael, greune gekke, die sjteigt 't nao de kop
Gaon draan van sjmörges vreug bis saoves laat
Weer trekke mit d'n optoch,de sjtömming is ten top
Mit 'nne hieële groate tròp zin weer paraat
En noa d'n optoch 'n kefeeke in of nao de zaal
't Maak os gaar niks oet, 't is toch egaal
Jòng, den kiek mer good oet, mit zoane tròp in de boet
Vlege dich de roete droet

HOME PLAATSNAMENOVERZICHT HOME

ZOEPE
Tekst: René de Serière – muziek: Los Leipos
Zang: Los Leipos

Los Leipos is noe in ’t landj
Némes sjtuit hie aan de kantj
Jederein haet ’n flesj in de handj

Zoepe, zoepe, zoepe

Elke aovend weer
Drunks ze dich ’n glaeske beer
Jao, det duis ze elke aovend weer

Los Leipos is veur jederein
Op de zaal waal doezend bein
Bein van groat en klein

De instrumente pakke weer weer aan
Weer gaon d’r sjtevig taege-aan
Vanaovend löp hie jederein veuraan

Höbs te ‘nne zjwaore kop
Veuls ze dich weer èns ram rot
Mós ze dich ’n pilke pakke
Zoa det die koppien kènt gaon zakke

Los Leipos is noe in ’t landj
Némes sjtuit hie aan de kantj
Jederein haet ’n flesj in de handj

Los Leipos is veur jederein
Op de zaal waal doezend bein
Bein van groat en klein

HOME PLAATSNAMENOVERZICHT HOME

ZOEPE
1995/1996: Tekst & muziek: Los Leipos
Zang: Los Leipos

De vastelaovend is in ‘t landj
Nemes sjtuit hie aan de kantj
Jederein haet ’n flesj in de handj

Refrein:
Zoepe, zoepe, zoepe, holadiejé
Zoepe, zoepe, zoepe

De pekskes höbbe weer weer aan
Weer gaon d’r sjtevig tange-aan
Mit de optoch loupe weer veuraan

Vastelaovend is veur jederein
Oppe zaal waal doezend bein
Bein van groat en klein

Nemes wurd noe toes gezóch
Jederein sjprunk hie in de lóch
Nemes krig hievan genóch

Break:
Höb-ste ‘nne zjwaore kop
Zeul-ze dich weer ‘ns ram rot
Den mós-ze dich ’n pilke pakke
Zoadet die koppen kènt gaon zakke

HOME PLAATSNAMENOVERZICHT HOME

ZOMER
Tekst: Piet Zits - muziek: Piet Aben

Ich ligk in de zón en baaj in ’t leech
M’n luppe die lache tevreeje;
De lóch en de kaorebloom: allebei blauw;
d’n ougs wurdt nao bènne gereeje;
de gróndj wo ich op ligk is zoa werm wie ‘ne wègk
dae pas oet d’n aove is gesjaove;
de zomerzón sjtreelt mich en zungk aan m’n oar:
laot dich mer van alles belaove!

Sjtank op den en rèk dich en lach nao de zón,
en plök dich de daag en de nachte;
plök erm noe vol blome veur vrundj en veur vrouw,
plök vröchte die riep op dich wachte;
noe biet in ’n pees mit de ouge haos toe,
noe sjniej wie ‘ne sjnook door ’t water;
noe zeumer de zón, sjus es klein sjtökskes goud
en sjloet ze deep in dich... veur later

Nog noajts woor de zón achter wolke gezak
wie doe op dae zomerse aovend
mit zieëe van leech, van paars heimwee en goud,
ein wónjer veur mörge belaovend;
doe wòs ich obbèns en mesjien waal veurgood
-nao jaore van rösteloas laeve- :
zeuk noats mieë zoa wied en zoa deep en zoa hoag
waat de gróndj òm dich haer dich kan gaeve

HOME PLAATSNAMENOVERZICHT HOME

ZÖSTERE (1)
1990/1991: Tekst & muziek: René de Serière
Zang: René de Serière

Refrein:
Neet Mestreech, neet Zitterd en auch Venlo neet
Dit jaor is ’t Zösterse wat ’t deit
Neet Mestreech, neet Zitterd en auch Venlo neet
Dit jaor is ’t Zösterse wat ’t deit

Weer viere vastelaovend viere drie daag karneval
Weer verkoupe sjèle zeiver en verkaupe lège kal
Weer pakke ós noe same, zeen drie daag weer bie-ein
en zènge dit refrein…………

De graasbörger dae löp hie noe in Limburg weer veuraan
Gein anger volk in ’t zuuje kènt ós dees drie daag aan
De jónges en de maedjes höbbe noe weer graote dors
en zènge oet volle bors………

Op de sjtraot en in de kroeg dao zeen de luuj in gooi doon
De graasbörger dae sjpant mit vastelaovend toch de kroon
Gans Limburg sjtuit te kieke en krump den sjnel in-ein
bie ’t heuëre van dit refrein……….

HOME PLAATSNAMENOVERZICHT HOME

ZÖSTERE (2)
1992/1993: Tekst & muziek: Sef Laugs
Zang: Ger Hölzmann

Woo haet ’t laeve ech nog zin… in Zöstere
Woo geit ein pilske hieël good drin… in Zöstere
Woo danse boer en graasboerin… in Zöstere

Refrein:
Dróm laot ós same zénge
Lekker danse, lekker sjprénge
In ‘t sjoanste plaetske op dees aerd… in Zöstere

Woo geit de daag tot in de nach… in Zöstere
Woo wurt zich nog kapot gelach… in Zöstere
Woo wurt aan sjloete neet gedach… in Zöstere

Woo wurt noch lol en sjpas gemaak… in Zöstere
Woo is ein kéndj auch eine sjnaak… in Zöstere
Woo wurt ’t um noch flink gekraak… in Zöstere

Wèt geer wo Limburgs taille is… in Zöstere
En auch ’t klonetrègke is… in Zöstere
Nog richtig vastelaovend is… in Zöstere

Dróm loat ós same zènge
Lekker danse, lekker sjprènge
in ’t sjoanste plaetske op dees aerd… in Zöstere
Want ’t laeve is pas laeves waert… in Zöstere

HOME PLAATSNAMENOVERZICHT HOME

ZÖSTERE DIE SCHÖNE SJTAD
Tekst: ? - muziek: ?

Zöstere die schöne sjtad, joech heidie heida
die zoa’n schöne maedjes hat, joech heidie heida
sóndes zeen ze aan ’t zènge en sjprènge,
sjmaondes kóne ze de bóks neet vènje
joech heidie, joech heida, joechheidieheidallala
joech heidie, joech heida, joechheidieheida

Zöstere die schöne sjtad, joech heidie heida
die zoa’n schöne sjlechters had, joech heidie heida
van verkeskeutele make ze woos
en daoróm sjtikke weer van den doos
joech heidie, joech heida, joechheidieheidallala
joech heidie, joech heida, joechheidieheida

Zöstere die schöne sjtad, joech heidie heida
die zoa’n schöne bekkers hat, joech heidie heida
sóndes zeen ze aan ’t zoepe en aan ’t vrieje
sjmaondes ligke ze in den deig te sjpieje
joech heidie, joech heida, joechheidieheidallala
joech heidie, joech heida, joechheidieheida

Zöstere die schöne sjtad, joech heidie heida
die zoa’n schöne sjilders hat, joech heidie heida
ze sjtrieke hie en dao ’n kwak,
den höbbe ze weer ein deur gelak,
joech heidie, joech heida, joechheidieheidallala
joech heidie, joech heida, joechheidieheida

Zöstere die schöne sjtad, joech heidie heida
die zoa’n schöne metselieërs hat, joech heidie heida
ze zètte get brigke op ’n riej,
en plekke ze opein mit neuchtere sjpiej,
joech heidie, joech heida, joechheidieheidallala
joech heidie, joech heida, joechheidieheida

Zöstere haet get speciaals, joech heidie heida
want Hollandj, is hie p z’n sjmaals! joech heidie heida
weer hawte Limburg sjoan bie-ein,
want anges veel ’t oe-te-rein,
joech heidie, joech heida, joechheidieheidallala
joech heidie, joech heida, joechheidieheida

HOME PLAATSNAMENOVERZICHT HOME

ZÖSTERE EN DE HEI
1997/1998: Tekst: Bas van Neer – muziek: Charel Bexkens
Zang: Z.H. Zaateweg

Urges in ós sjoan Limburgs landj
Jao dao is get frappants aan de handj
Dao ligk ein dörpke gedeild in twieë
en aaf en toe den höb ich ’t neet mieë
Wooróm noe ummer dae haat en nijd
T’rwiel weer weite det ’t auch same geit
Daoróm luuj laot ós èns versjtaon
een kènne weer ós laote gaon

Refrein:
Went den zeen ’t de Hei en Zöstere die aan ’t fieëste zeen
Zoaget sjoans höb geer nog noajt gezeen
Die kleuëre greun en wit en blauw
Det det same geit zeet geer neet zoa gauw
Mer same fieëste kènne weer toch zoa good
Det zit in ’t Zösters en Heijkaatsjeblood

Gesjeije door de tunnel en ’t sjpaor
Jao sómmige luuj vilt det get zjwaor
Dao ligke de Boys en S.C.S.
Es die voetballe is d’r ummer sjtres
Waorúm noew ummer zoa sjelje taenge-ein
Det haet toch geine zinne, det wèt toch ederein
D’róm effe late oet ’t kluplokaal
Heuërste van boetaaaf väöl kebaal

Laote weer ein veurbeeld zeen veur uch allemaol
Want den hawte weer nog jaore paol
Oze vrundsjap zal neet braeke door ein gaat in de gróndj
Zoaget is volges ós óngezóndj
Waoróm noew neet zoa wie echter vrunj
Det vènj ich jaomer, det vènj ich richtig zunj
Daoróm leef luuj, pak uch in d’n erm
Den wurdt ós vastelaoveshertje werm

HOME PLAATSNAMENOVERZICHT HOME

'N ZÖSTERS LEEDJE
Tekst & muziek: Henk Steyvers
Zang: Henk Steyvers

Vannach höb ich van Zöstere gedruimp,
In de Marialaan sjtónge nog buim
En naeve de maedjessjoal doa sjtóng nog, det witse,
’t greun gebuke van de gidse.

Refrein:
Mer doe höbs nog dien auw kirk, ’t knon oppe maert,
Al is d’n Hens al hieël lang verdwene.
Altied blifse sjaon Zöstere van mich,
Sjoan Zöstere, det zöste blieve.
Mer doe höbs nog dien auw kirk, ’t knon oppe maert,
Al is d’n Hens al hieël lang verdwene.
Altied blifse sjaon Zöstere van mich,
Sjoan Zöstere, det zöste blieve.

Bie Wullem in Fäörth sjtóng ich weer aan dn draod,
In mien henj ’n hamfel koosjte en auwd besjummeld broad,
Ich sjmeet ’t veur de knien, de reeje en de pauwe,
En mikde ouch get in de viever zoadet de vésje ouch get hauwe.

Bie de paters op Mariaveldj dao loog det plantsoen,
Ein sjtök woor betegeld en ich koom toen,
Langs ’t patronaat, oppe zjwarte waeg.
Dao sjtónge nog gein hoezer, de weie wore laeg.
Ich zoog ouch weer ’t sjtasiegeboew.
Det woor gans anges, gans anges wie noe.
Neet van sjtaol, kunssjtof en glaas
Mer gepleisterde baksjtein en die wit gemaak.

Ich zoog ouch weer ’t Vincentiusplein
Die huuskes oppe Hei: w’r neumde die: “d’n trein”.
In de Vincentiuslaan: det wit dènk mit plat daak,
Dao wórte vreuger sigare gemaak.
Mer Zöstere woort anges, det hilse neet taege,
Verangeringe kènse neet zo van taofel aafvaege,
Mer ouch aan nüj dènger, doe raaks draan gewènd.
Mer ich bén blie det ich ’t nog höb gekènd.

HOME PLAATSNAMENOVERZICHT HOME

ZÖSTERS VASTELAOVESPROGRAM
1995/1996: Tekst: Tiny Lumens & Bertien Larue – muziek: Bertien Larue
Zang: Lóch Genóg

Refrein:
De vastelaovend is den weer dao
det is de sjoanste tied van ’t jaor
Weer trègke door de sjtraote
en höbbe hieël väöl sjpas

Kom sjnap uch noe èns vas
en zèng den mit ós mit
de leedjesaovend dao beginne weer mit
Kom sjnap uch noe èns vas
en zèngk den mit ós mit
weer brèngke leedjes wo pit in zit

Kom sjnap uch noe èns vas
en zèng den mit ós mit
de zitting dao sjtaon weer veur in de rie
Kom sjnap uch noe èns vas
En zèng den mit ós mit
Want mit de prins zeen weer hieël blie

Kom sjnap uch noe èns vas
en zèng den mit ós mit
doe kumps den sjoan verkleid nao ‘t Graasboerebal
Kom sjnap uch noe èns vas
en zèng den mit ós mit
de träötetoch kump euveral

Kom sjnap uch noe èns vas
en zèng den mit ós mit
De sjpanning van de optoch is den noe hie
Kom sjnap uch noe èns vas
en zèng den mit ós mit
weer trègke euveral veurbie

Kom sjnap uch noe èns vas
en zèng den mit ós mit
de Graasboer sjete weer den noe auch weer aaf
Kom sjnap uch noe èns vas
en zèng den mit ós mit
weer rope nog eine kieër “Alaaf”

Kom sjnap uch noe èns vas
en zèng den mit ós mit
In Zöstere is ’t noe auch weer “aaf”
Kom sjnap uch noe èns vas
en zèng den mit ós mit
weer rope nog eine kieër “ALAAF”

HOME PLAATSNAMENOVERZICHT HOME