HOME PLAATSNAMENOVERZICHTHOME


HALLO HALJEU
1996/1997 nr.1 : Tekst: Frans Dingelstad - muziek: Gerrit Janssen
Uitvoering: Jack Niessen & Frans Dingelstad

Refrein (2x) :
Hallo haljeu, ich bön Prins Jeu,
mit biljare bön ich good.
Vief van rood is miene sjtoot.
Hallo haljeu, ich bön Prins Jeu.

Jeu druimde in vreuger jaore, det hae Prins Jeu waas gewaore.
Dao weulde hae danig van in bed toet t'r 't loos in de gezet.
Door biljare waerde hae Prins Jeu, hae waas sjteingood mit de keu.
't Volk droog hem op de henj, "Hallo haljeu" klonk 't van alle kenj.

Waat likse toch te woele Jeu? dao in dae aaje lits-mezjeu.

Jeu veulde aan sjteek en vaere, wool toen neet gaer wakker waere.
De scepter is noe ziene keu, en ziene spreuk: Hallo haljeu.
Jao, dae druim waat waas dae zeldzaam sjoon, ein nach op de prinsetroon.
Dit blief mich noch altied biej, es Vastelaovindj den alweer is hiej.

Waat likse toch te woele Jeu ? dao in dae aaje lits-mezjeu.


HOME PLAATSNAMENOVERZICHTHOME


IN DE EEWE DER EEWE ... ZJWAME
Teks & meziek: Arnold Wassen

Refrein:
Veur sjtappe same euver de dörpel haer, vol mood en vol gooi zin.
Veur sjtappe same euver de dörpel haer, 't jaor tweedoezjend in.
En den haje veur weer same, weer same, van Zjwame.
En den baeje veur weer same: " In de eewe der eewe ... Zjwame".

In Zjwame des bekend ... dao gaon ze aan dae reem,
dao make ze gein puntj van 't millenniumprobleem.
Dao geit 't wie 't geit, dao kump 't wie 't kump,
dao klink van "Sjtiene-Nelke" toet "De Klump" :
Laot Zjwame, Zjwame blieve en gesjiedenis gaon sjrieve.

De vol-le-gen-de eeuw ... die sjtelt zich dadelik veur,
en zaet: " Biej mich sjteit auch de vastelaovindj veur de deur".
Dus zorg veur eine Prins ... en laeve in de boet,
en zing den van "De Bos" toet aan "De Koet" :
Laot Zjwame, Zjwame blieve en gesjiedenis gaon sjrieve.


HOME PLAATSNAMENOVERZICHTHOME


LAOT GAON DAE WAGE
ca.1955: Tekst & muziek: Jacques Stakenborg


Laot gaon dae wage
jao ónversjlage
zin veur Zjwamer Hopsjlokkers
täödedäödäödäödóm.
Wiej meer veur löste
des te baeter veur kösse;
rech op die toet
veur sjeije nag lang neet oet.


HOME PLAATSNAMENOVERZICHTHOME


LEK MICH DE MAAS
1969: Tekst & muziek: Jac Stakenborg
Zang: Aad Prinse

Lek mich, lek mich, lek mich toch de Maas,
doe dachs toch neet det ich ein ingelke waas.
Ingelks vèsse neet aan de Zjwaam,
die kriege nooit ein sjtök in die vaan,
mer ouch die Zjwamer viere 't 't bès,
mit de fles, mit de fles, mit de fles!


HOME PLAATSNAMENOVERZICHTHOME


DE MEULE
2 x Lei en Pierre 1971

  Wo is noe die meule Mam, wo haet die gesjtange,
waem haet die dao weggehaold, wo haer is die gegange,
ich höb toch zón heimwee Mam, ich wil det dingk weer trök,
en zit ze den mer dao biej de frietkraom aan de brögk.

Pap ging d'r es Hopsjlokker haos aan kepot,
wie ze det dingk ginge sjlope,
Pap zuut ze nag good in gedachte dao sjtaon,
ze zólle d'r nag ins óm rope,
ze höbbe d'r allein 't embleemke nag van,
en daoróm vraog ich den nag ins aan Mam:

Wo is noe die meule Mam, wo haet die gesjtange,
waem haet die dao weggehaold, wo haer is die gegange,
ich höb toch zón heimwee Mam, ich wil det dingk weer trök,
en zit ze dem mer dao biej de frietkraom aan de brögk.


HOME PLAATSNAMENOVERZICHTHOME


OS MAM
1990: Tekst & muziek: Thijs Bekkers
Zang: De Bekkers Femielie

Oas mam, die is het ganse joar veur os in de wear.
Mit de vasteloavindj hoof die det neet meer
Den geit ze lekker mit os droet en maak ze auch plezeer.
Ze duit de polonaise, eder rundje, keer op keer

Refrein:
Doot es mit mama, loat dich goan die daag
Want doe kries auch waal die kriebels in dea maag
Es die jônge goan, joa, den geis toe mit
want zo bliefs toe nog joare fit

Os mam, die is noe effe weg, ech ins oet die sjleure
wasse, poetse, sjtrieke, det hoof neet te gebeure
Mam, die is ter auch ins oet, ze's weg in alle kleure
Mam, die geit ter taige aan, doa kint ger van op aan

Os mam, die vindj het wegzeen leuk, effe oet die sjleure
Esse dan weer toes kump, ruuk ze weer die geure.
Mam, die waas d'r auch ins oet, waat höb ich motte zeure
Maar eder joar mit vasteloavindj sjteit het te gebeure.


HOME PLAATSNAMENOVERZICHTHOME


WAAT WAAS T'R...
1991/1992 nr.1 : Tekst: Thijs Bekkers - muziek: Bert Smeets
Zang: De Bekkers

Waim waas t'r eerder, de kip of 't ei?
det vreug men zich waal êns aaf
Wie zôl 't zin zo, zonger gein van bei?
veur zôlle 't auch neet weit' want ze blieve allebei

Refrein:
Waat waas t'r eerder, de kip of 't ei?
EiEiEiEi, EiEiEiEi
Es de kip d'r eerder woor,
van wo kwoom den 't ei, van wo kwoom den 't ei?

Es de kip 'n eike lêk
in 't nes of inne hôk
Op 't graas of oppe hei
de kip waas t'r eerder den 't ei

Es 't ei ein kipke lêk
in 'n nes of inne hêk
Det is gaar-oets neet zo sjtom
want den, waas alles angerstrom


HOME PLAATSNAMENOVERZICHTHOME


WIE LAAT ?
2000/2001 nr.1: Teks: Karin Cuijpers - meziek: Ron Engelen & Alain Sijbers
Oetveuring: zvv De Aafkickers

Refrein:
Wie laat, wie laat, wie laat, wie laat vertrêk de trein nao vastelaovindj ?
Wie laat, wie laat, wie laat, wie laat zegk en geit dae noch vanaovindj ?
Zin veur op ‘t gooie sjpaor, want veur sjtaon al oere klaor.
Is veur os ein plaetske vrie, want veur zin zo gaer d’r bie.

Noe is 't tied, veur gaon op reis, en trêkke den van de Koet toet Thijs.
Veur wille gaon, neet blieve sjtaon, kom, laot dae boemeltrein ins gaon.

Mit trom en glaas gaon veur op paad, veur komme ech neet gaer te laat.
Wie laat vertrek noe toch dae trein, veur wachte op ‘t gooie sein.


HOME PLAATSNAMENOVERZICHTHOME


DE ZENGER
1998: Teks : Frans Dingelstad - muziek: Jo Käfer
Zang: Jack Niessen & Frans Dingelstad

Refrein:
Ich bön gebaore veur de zang, det höb ich van de Pap en Mam.
(do mi sol do)
't Zit mich in de gene, ich raak in.vuur en.vlam.
(do mi sol do)
Ich bön gebaore veur de zang.

Ich waas nag eine kleine dop, slaegers zote al in miene kop,
zóng al kroepend eige werk en maakte zo mien longe sjterk.
Greize höb ich nooit gedaon want aria's waas mien besjtaon.
In 't refrein kent geur 't heure, van dit sjebbetich sjoon gebeure.

In mienderde jeugd aangeland, kiek ich truuk op video bandj.
Vastelaovindj, det duit good, zeen mich truuk op moders sjoot.
Heur mien aria's weer klinke wen ich weer ens neet wool drinke.
En diej sjtökskes oet mien laeve, zölle jònkheid blieve gaeve.


HOME PLAATSNAMENOVERZICHTHOME


ZJWAAM-BEES-RUIV-BOUK-BEK
2004/2005: Tekst & muziek: Ger Geerlings
Zang: De Geraniejums

Refrein:
Beesel en Zjwame, det wet toch idder kinjd.
Det geit hiel good same, veural met get Ruiverse winjd.
Ein bietje Boukoul en ein bietje Offebek.
Tösse Remunj en tösse Venlo, de allersjônste plek.
Beesel en Zjwame, nae dao-om maak ich mich neet drök.
Mit de Vastelaovindj weijt hiej alles same, aan de brök biej Nepomuk.
Mit de Vastelaovindj weijt hiej alles same, aan de brök biej Nepomuk.

Jong det zou get waere ,die dörpkes al biejein
Kilomaeters optoch eine bonjte ongerein.
Van Stiene Nel, toet Drakeboch, toet aan de Witte Sjtein.
Remunj det zou sjelours zien, haöre optoch liek zoè klein

En vreug mich emus oet de sjtad. wao is de sjônste plek.
Den zek ich um des nogal glad,….. in ZjwaamBeesRuivBoukBek.

Optoch met veer prinse det waas toch ech d,n top
Waat kense dich mier winse Vader Aartjes geit veurop
3x Boerebroelof in ein hiele groète tent
gans Limburg kwaam hiej kieke, jao dit Zjwame woort bekend

‘t Sjônste plaetske op deez aerd, ech luuj dit is te gek.
Hiej is 't laeve laeveswaerd in ZjwaamBeesRuivBoukBek.

Asselt en Riekel duit auch met…… nae die vergaet ich neet
Die plaetskes det is…. ( je van het)….. det maak de zaak compleet.


HOME PLAATSNAMENOVERZICHTHOME


ZJWAMERLANDJ
Aad-prins (en 1e prins van de Hopsjlokkers) Thei de Loo

  Zjwamerlandj det gekkelandj,
det grens aan 't drakelandj.
Dörpkes van lol en plezeer,
waat wille veur nag meer.
De meule en de draak
det is ós leefste zaak;
gekke en drake kènne Karneval make.

  Veur höbbe de draak gesjtaole,
ze höbben 'm truuk mótte haole.
Jónges, maedjes, ónthaaj det good:
'n sjterker sjtök besjteit t'r nooit!


HOME PLAATSNAMENOVERZICHTHOME