HOME PLAATSNAMENOVERZICHTHOME


AVÉ MARIA
Tekst: ? - muziek: ?
Zang (*) : Jos Meessen

Avé Maria Vuuer uch kneelt ein jónge vrouw
Ze vrueg eur sjteun en begeleiding
Vuuer de taak die op häör wach
Gaef häör de leidraod vuuer 't laeve
En è bietje van eur leefde en krach

Avé Maria verhuuer häör gebed
Avé Maria verhuuer häör gebed

verhuuer häör gebed jao Maria
Vuuer uch kneelt ein jónge vrouw
Wies häör de waeg dae ziê kint volge
Óm ein leeve moeëder te zin
En gaef häör de mood óm te sjtraeve
Besjerm häör vuuer verdreet en piên

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


DAO ZINT GEIN WOLVE IN D'R BÖSJ
Tekst: Jos Meessen - muziek: Dimitri van Toren
Zang (*) : Jos Meessen

woeróm huulste noê
woêvuer bèste bang mien kind
kóm gaef mich dienhand
druim noê mer terwiêl ich zing
kiêk mer neet nao 't behang
sjlaop gerös zig neet bang
want dao zint gein wólve in d'r bösj mien kind
'lein dae kleine nachtegaal zingk mit d'r wind
dien laeve is e prentebook
vol mit kluer, zeut wie kook

mer es ich mien kind
es ich later oud zal zin
kóm dan es ich doeëdgaon
en verzach mien piên
zig mien sjtuen in dat oeër
bliêf bie mich zoeëlang 't doeërt
es ich bang zouw zin
en zouw griêne wie e kind
houd mien hand dan vas
este sjtill'kes vuer mich zings
dan zal ich zónger ein traon
zónger vrieës sjlaope gaon
want dao zint gein wólve ind'r bösj
mien kind

* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


EINE VAN LIMBURG
Tekst: ? - muziek: ?
Zang (*) : Jos Meessen

es de nieëvel uuever 't landsjap doeër de zon is opgelos
dan kómme dao die vorme, ich kóm dao neet van los
dan liek 't juus è sjpruuekske, dao zit get heiligs in dees aert
óm hiê te maoge woeëne, dju, dat is mich alles waert
hiê höb ich lieëre laeve, hiê vóng ich mie gelök
allein al die gedachte, die bringk mich van mien sjtök
mien eige taal te kalle en limburger te zin
daat is neet achtehaold, nae, dat is ummer é begin

eine van limburg, dat zal ich altiêd bliêve
eine van hiê, dat zal ich ummer zien
neet ómdat ich mich neet wil verangere
mer gewuuen ómdat ich neet angesj kin
want mien hart, dat geit oêt nao dit landsjap
de gebroêke en zieêker ouch de taal
mit die hartelikheid, die ich neet kin misse
taege limburg zègk ich hieël gruuetsj: jao waal

gier huuert mich dèkker zinge va wie sjoeën oos limburg is
en óndanks dat väöl verangert, höb ich mich neet vergis
ich huuer oos limburg kuume, ónger asfalt en beton
kóm haol ze d'ónger oêt, mien god, dao ónger sjient de zon

mien groeëtouwesj en ouwesj zint vruchte van dit land
mien vröjke is hie gebaore en benieëvelt miê versjtand
v'r kreege hie oos kinger, ze verriekde zoeë ós laeve
óm die hiê te zieën blujje zouw ich alles wille gaeve

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


HOUWTE VAN
Tekst: ? - muziek: ?
Zang (*) : Jos Meessen

houwte van kinste bie shakespeare neet lieëre
romeo en julia, die zint allang doeëd
doe huuers uuever leefde väöl ónzin bewaere
va leefde in beukskes zint de lètters te groeët
't haet toch väöl mieë mit koffie te make
mit twieë kouwe veut 'sjwinters in bèd
mit effekes bliej zin en soms óngelökkig
tót opèns eine vreug wat dich belèt

houwte van, houwte van
't is dèks neet bezónder
't is dèks neet zoeë è wónder
meh gae miensj dae zónger kan
houwte van, houwte van
't is wieënig poeëties
't is neet zoeë profeties
meh gae miensj dae zónger kan

houwte van kinste de buuerman neet lieëre
de eine puuent zus en d'n angere puuent zoeë
wae zoeë sjoeën model sjtóng bliek dèk eine sukkel
soms is 't hel sjravele, soms krieste 't kado
't haet jao väöl mieë mit wermde te make
mit twieë zachte erm 'sjnachts óm dich haer
mit effekes vriê zin en dan waer gebónge
tót opèns eine zaet ich höb dich zoeë gaer

houwwte van kinste mer hieël langksaam lieëre
sjneurders die valle dèk op hun gezich
't sjteit neet in beukskes, 't sjteit neet gesjrieëve
wat leefde wilt zègke vuuer dich en vuuer mich
't haet jao väöl mieë mit geluijve te make
mit twieë griêze ouge die ôet leefde besjtaon
mit effekes kaot zin en soms aeve huule
tót opèns zaet laot dich mer gaon

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


HOWWE ZE ÓS MER WILD GELAOTE
Tekst: ? - muziek: ?
Zang (*) : Jos Meessen

èns waor ènnen'tiêd, doe laefde luuj
gans angesj wie de miensj van huuj
in harmonie mit de natuur
en zelde eine uueversjtuuer
ze trokke same op of aaf
vermenigvöldigde zich braaf
geinen' aristocratekwatsj
ze rolden' in d'r pratsj

howwe ze ós mer wild gelaote
zègk zelf, wat zin vier opgesjaote
mit al dae luxe zint v'r erm
oos keule hart wuuert neet mieë werm

ze hoofde doe neet nao 't wirk
en ouch neet 's zóndes nao de kirk
en geine dae de wètte loos
want geine dae ze laeze koos
't zoeëmesj leep doe jeeder bloeët
de zon verwermde klein en groeët
en waor 't 'sjnachs get koud en klaam
kroeëpste taege de werme vot va mam

ze woeënde in è baerehol
de baer sjlooge ze op de bölles
dat kraakde waal è bietje luuj
mer dae bóntjas dae waor nuuj
en baere goof 't doe nog zat
dat waor ouch nuuedig wètste dat
loogste zónger jas in d'r zoûw
verrèkdeste van de kou

gein auto's dus, ouch geine sjtank
vergief maakde de luuj neet krank
gein fiscus, gein belastingsjoût
gaê geld, dao woeërt ieërlik geklouwd
't goof doe nog gein sjeetgewaer
ze sjtèlde zich mit énne kuul te waer
ze slooge zich get in d'r nak
ein eine waor d'n erme kloeët

mit aete noome ze 't neet genoûw
ze baedelde neet biê de vrouw
ze leepe hél ouch zónger sjoon
en vónge zich ein diekke hoon
't kaoke waor neet zoeë-é gedeuns
ze plökde zich geweun get greuns
't vleisj dat oot me aan de knao
me vroot zich sjtiêf en lag zich dao

looge ze 't saoves ziej aan ziej
sjloog hun de kriebel in de priej
ze howwe gein bepirking doe
dao-in zoot 'm mesjiên de kloe
me kieëk neet woe is die va mich
wat gedaon moos waere woeërt verrich
mit ouwt of jónk of nónk of tant
zoeë heele ze de saort in sjtand

de miensj vervaelde zich doe neet
gein kaotsjpraeke en gein verdreet
ómdat de vrouw neet kiêne góng
gewuuen ómdat dat neet besjtóng
en zuug toch allewiel dae sjiên
me deit zoeë sjiek en kalt zoeë fiên
aafhenkelijk van nivo en sjtand
wat is toch mit ós aan de hand

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


ICH HÖB GEZIEËN
Tekst: Jos Meessen - muziek: Miel Cools & Mieke Nieuwenhuizen
Zang (*) : Jos Meessen

och ich weit miene vrund, doe waors neet geleef
biej luuj van get baetere sjlaag
dien sjtum nogal hel, diene kal vöel te graof
loog miensje dèk zjwaor op d'r maag
doe waors geine brave, woeèrs dèkker verguus

me kroog zelde huegte van dich
mer es 't drop aakaom, al waorste gesjpuus
da zoog me dien miensjlik gezich

want ich höb gezieën wie e kind vol verdreet
ómdat 't woeërt geplaog, zich doeër dich trueste leet
zoeë e raaz'lend en angstig klein wich, gans van sjlaag
doe zags: "kóm mer hiê, wat ènne rotdaag vandaag
de waereld op huuj die is dèk zoeë gemein
en vuer al die ieëleng bès doe nog vöel te klein"

in de kroeg en op fieëste waors doe in gevaor
dèk zaat en da vöel te rechoêt
gae vrouwmesj waor veilig, gènne kael dae óntkaom
aan dien meining, doe sjloogs dich get d'roêt
doe zoots vol mit fratse, mer zoeë óngebieëd
ze zagte: huer dae laege baer
mer ónger dien rubbe waors doe neet verkieërd
daoróm howwe vöel luuj dich gaer

want ich höb gezieën wieste mit gulle lach
ummer dao waors vuer luuj, al waor 't midde in de nach
d'n auto kepot of e laekend rioeël
e hart vol va sjmart of d'r buurjóng nao sjoeël
doe hólps ummer gaer mit e sjtraolend gezich
doe zoogs dat gewuen es dien miensjlikke plich

och doe waors ónbesjoef taenge waeste neet moos
'nne óngelhoebelde baj
mer wae dich begrieëp en dich wieëzelik koos
dae heel toch van dich, leeve may
al noomste't morieël en de wèt neet zoeë nauw
dat vóngs te mer kwieëz'lig en knatsj
doe zags: "jóng, mich smjaak vöel fetsoên dèk zoë flauw
da's get vuer die bekakde, dae kwatsj"

mer ich zeen nog dien vrouw zoeë gelökkig en bliej
wie ze bloeësde es doe zags: "kom èns hie lekker priej"
terwielste al wós: ich bin neet lang mieë dao
leets doe vuer dien vrung toch dien hart aope sjtao
doe dach hieël sjtil: jao doe bès ènne vrund
zoeë-es t'r mer wieënig op dees aerd nog besjtunt

* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


ICH WIL JEKEREN DAAG ZINGE
Tekst & muziek: Jos Meessen
Zang (*) : Jos Meessen

ich wil jekeren daag zinge
jekeren daag wil ich zinge
ich wil jekeren daag waer zinge
Ich wil zinge vuer 't laeve en vuer dich

Ich houd van de deere, de blujsels de buim
de zuuverste raenge, da's woê ich van druim
bewónder de prach van 't laeve op aerd
óm daovan te zinge is mich zoeëvöel waerd

ich wil jekeren daag zinge
jekeren daag wil ich zinge
ich wil jekeren daag waer zinge
ich wil zinge op de ieësjte plaatsj vuer dich
ich houd van de kinger, 't zint wölkskes op zich
mit leef groeëte auge, woe jeder vuer zjwich
't is juus of ze vraoge: noê zörg toch èns luuj
vuer leefde op aerd en da zing ich opnuuj

ich wil jekeren daag zinge
jekeren daag wil ich zinge
ich wil jekeren daag waer zinge
ich wil zinge vuer de kinger en vuer dich

ich houd och mien leeftse ich houd zoeë van dich
doe huers biê dit land, zoeë wies'doe huers bie mich
dat land, dat mich leef is, woê oos leefde blujt
daovan bliêf ich zinge, dat is zoeë gegrujd

jekeren daag wil ich zinge
ich wil jekeren daag waer zinge
ich wil zinge vuer dit werme land en dich

ich wil jekeren daag zinge
jekeren daag wil ich zinge
ich wil jekeren daag waer zinge
ich wil zinge vuer de leefde
op de waereld en 't laeve
en vuer kinger en vuer limburg en vuer dich

* cd 2001 : Jos Meessen - "Eine van Limburg" - Marlstone Recordings BV - 099124 CD
* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


IN D'N HIEËMEL
Tekst: Jos Meessen - org.: "Tears in heaven" (Eric Clapton)
Zang (*) : Jos Meessen

Kins doe mich nog zieën
Dao vanoêt dienen hieëmel
Veuls doe wat ich veul dao in dienen hieëmel
Veulse dao piên
Verdreet mesjiën
Of höbs doe dan gein leid mieë
in d'n hieëmel

Kins doe mich nog truuk
este mich zuus in d'n hieëmel
Kinste miene naam nog
este mich zuus in d'n hieëmel
'ch höb dèks gein krach
mis diene lach
veul mich allein zónger dich dao
in d'n hieëmel

dien laeve kaom en ging
en waor mich zoeë leef
mer laot d'herrin'ring aan
ózze leefde bliêve estebleef

'ch mót zónger dich
nog wiejjer gaon
want vuuer mich is gein plaatsj nog
in d'n hieëmel

'ch zouw gaer eine kieër
dao bie dich wille kiêke
laot mich eine kieër
doeër dien haore nog sjtriêke
ich bin zoeë bang
en ich verlang
óm te zieën of se dich fijn veuls
in d'n hieëmel

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


LAOT DE SJTERRE SJIÊNE
Tekst & muziek: Jos Meessen
Zang (*) : Jos Meessen

Refrein:
Laot vandaag de sjterre sjieêne, es è teike vuer allemoal,
dat mieë miensjlikheid zal kómme, mieë leefde, è gans nuuj verhaol.
Daoróm zègk ich gelökkig kaesjmös, vandaag vuer 't ganse jaor.
Hei, ich huer de luuj waer lache, esof 't noeëts èns angesj waor.
Hei, ich huer de luuj waer lache, esof 't noeëts angesj waor.

Ich kin mich nog herinnere, op ènnen'aovend, wie de lóch gans helder waor,
zoog ich inèns waer die sjterre, gans zuuver en klaor.
Ich dach aan mien kindzin en veulde wie dat waor,
die vreeje van kaesmös thoês, die ich lang teruuk verlaor.

Soms, dan dink ich aan dae baby in dae sjtal,
neet zoeëzieër aan dae glitter, mer dat kiendje vueral.
Dat 't zoeëlang al in sjtaot is, jieëker jaor opnuuj,
óm toch waer te zörge vuer vreeje ónger luuj.

Laot dat kind in ós óntwake wie de zon,
die in in ós versjient, es 't water in ein bron.
Laot de leefde van vandaag zin es è begin,
vuer ein nuuje toekoms, è laeve vol zin.

* cd 1998 : Diverse artiesten - " Laot de sjterre sjiene " - Marlstone Recordings BV - CDL 9865


HOME PLAATSNAMENOVERZICHTHOME


LAOT ÓS LIMBURG LIMBURGS BLIËVE (LEEVEN' HIEËR)
Tekst & muziek: Jos Meessen
Zang (*) : Jos Meessen

leeven' Hieër, laot ós limburg limburgs bliêve
laot 't waer èns zin wie in 't begin
want este hiê in dit lendje bès gebaore
höbste in hollesj kalle geine zin
laot òs limburgs zin en laot ós waer begriêpe
gaef ós de sjpraok waer truuk van 't vreuger limburgs kind
laot ózze moeëderstaal noe eindelil truukop riêpe
zoeëdat vier waer èns echt limburgs zint

gaef ós d'r kriebel truuk óm ós waer èns te tuine
laot ós waer sjmoêze zónger al dat laege sjuine
gaef ós d'r bessem truuk en auch d'r sjoeëtelsplak
en auch 't huuske woe me de gezèt loos op 't gemak
gaef ós de verke truuk en 't limburgs appelmoos
en auch 't vaeke of 't breer woe me doeërgaon koos
laot òs geveldj waer zècke en gaef òs waer òs höj
want allein dao-in blief ós lieske frenske trui

gaef ós de platsjpuët waer en heng wie graviaote
woêste vöel mit kins doeën mer auch get mit kins laote
laot mam waer vlaegel zècke, óndanks mennig traon
en laot d'r koêlekop de zjwarbel en 't knoêvele besjtaon
ich wil neet werpe mit oos brike en neet sjtuute
uever aomzaeke of vraegele uever kluute
gaef ós de pupsje-auge en ein koêtenaas
want hiê in limburg blief d'r tessjeplak d'r baas

woe zint oos kroeëte en oos haole waeg geblieëve
zint wuert wie kieëvere en koeëlef gans verdwieëne
'ch höb mich aan tankeldraod allang neet mieë gepietsj
ich waor zoeë gaer nog èns örges tössjen oêt geprietsj
leeven' Hieër, ich weit, de aerd die mót vergaon
mer laot tót dan oos eige limburgs toch besjtaon
leeven' Hieër, dit is gein kwieëzelegemieëmel
mer ich wil nog limburgs kallle in d'n hieëmel

* cd 2001 : Jos Meessen - "Eine van Limburg" - Marlstone Recordings BV - 099124 CD
* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


LEEDJE VAN DE WIND
Tekst & muziek: Jos Meessen
Zang (*) : Jos Meessen

Hei mama wuuert de wind noeëts èns meug
Es 'r toch ummer de wolke waer dreug
Van al dat sjtörme mit raege en sjnieë
Uuever 't land en baove de zieë
Jao jóng ouch wind dae lègk zich waal èns
Este zien roêsje gáns zach huuere kins
't is of de blaedjes dan fluustere mien kind
dan is 'r aan't druime en sjlieëp ouch de wind

hei mama wuuert 't water noeéts meug
es 't de ganse tiêd golve toch dreug
en van 't raegene hoeëg oet de lóch
kriet dan 't water daova noeëts genóg
jao jóng ouch dat sjlieëp waal éns
este de wind neet mieë veule kins
dan sjtruimp 't water gans röstig en fijn
want water en wind jóng die sjlaope bie-ein

Hei mama wuuert mien hertje noeëts meug
Es 't mien toch zoeëlang al dreug
Ummer mer kloppe dat is toch väöl werk
Is dan mien hertje dan ech waal zoeë sjterk
Jao jóng dien hertje dat klop nog gans lang
Tósse hieël oud bis blief 't aan de gang
Dan geit 't pas sjlao'pe op eine kieër
En wuuert 't waer wakker bie oos leeven'hieër

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


LEEF VROUW MAOS ...
Teks & meziek: ?
Zang (*) : Jos Meessen

Refrein:

*cd 1994: Omroep Limburg - "Och, vrouw Maos ..."


HOME PLAATSNAMENOVERZICHTHOME


LIMBURGS WUERT EIN WAERELDTAAL
Tekst & muziek: Jos Meessen
Zang (*) : Jos Meessen

limburgs wuert ein waereldtaal
't klink mesjiên waal get benaal
ich roop 't toch mit vöel kebaal
want limburgs wuert ein waereldtaal

neet jekerein is 't gegaeve
wat d'n insider maog belaeve
dae haet de knowledge en de feeling, wow
is up to date, heat de know how
dae haet eine kursus 'mennesjment' gehad
haet dus op every detail vat
dae neump dich darling, toch neet sjat
kint de future van de nuuw limburgs disco plat

weg mit emotional nostalgia
come on mit sensitivia
vuer software in dees nuuje trend
in 't plastik tiêdpirk, hand in hand
't limburgs wuert geresterieërd
höer culture wurt dus gans bekieërd
vercommercialisering, it's no doubt
we gonna make it und überhaupt

vier drage shorts en hair in style
it's coming on, dus gein gekwajl
wat kloeëte waor, dat is noê shit
och, zever neet en walkt mer mit
oos eigenheid brik hieël flot aaf
maar wat nou komp is onwijs gaaf
de consumpsiemassa is tefree
die denken niet, die lopen mee
it's gel new look en cool long drink

it's sounds vöel sjieker wie sjroeëp en sjink
feeling happy mit beton
en sjang van leufkes haet noê john
hae wirk neet mieë, dae haet a job
en ein geplastificeerde plank vuer d'r bölles
hae is a self made man, gehört gans dazu
en zuup te vöel, he's feeling blue

de pin-ups zint huuj very hot
en joep, dae versjlaaf is, takes a shot
dae lick gans stupid get te drieë
hae wèt wie 't geit, mer 't geit neet mieë
de koel brach ós de hollesje moel
commercials ingelsj, so keep cool
gemix mit duutsj en get limburgs plat
dat geuf ós ingrediënte zat

dat efficiënter, groeëter, flotter en baeter
dat lickt ós dèks zoeë zjwaor op d'r maag
zint depressief, zitte vol drugs
of zoêpe ós e sjtök in d'r kraag
en da dink vier sjtiekem truuk
aan dae verguusden' tiêd van kar en va paerd
en mit traone in de auge (gekke jóng that's life)
vraog v'r òs aaf waor 't ós dat waal allenej waerd

* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


MET 'T HART VAN E KIND
Tekst & muziek: Jos Meessen
Zang (*) : Jos Meessen

Refrein:

* cd 1991 : Diverse artiesten - " Keersmes in Limburg " - Marlstone Recordings BV - 099124 CD


HOME PLAATSNAMENOVERZICHTHOME


NOG EINE KIEËR VERLEEF ZIN
Tekst: ? - muziek: ?
Zang (*) : Jos Meessen

nog eine kieër verleef zin
vuuer ieëwig waer bie-ein zin
nog eine kieër zoeë gek zin zoeë wie toen
die passie waer te veule
die noeëts mieë af zouw keule
dat verlange nao dae zoeëväölste poen
't lieëk noeëts mieë oêt te sjeie
't ieëwig knoeëvele en vleie
'ch wol nog eine kieër verleef zin zoeë wie toen

soms veul ich mich waer dae jóng va lang gelijje
en da kriêg ich waer dat weike in mien knijje
jóng, dan hölp nieks mieë, weit ich neet woe ich bliêf
van dat ganse nès va vlinders in mien liêf
dan zeen ich dat tedere sjtraole in dien sjnoêt
veul ich waer die zalige wermde van dien hoêd
en dan raak ich gans vanzellef oêt mien huuske
van die zachte welving in dat dunne bluuske
wat zoot vier ós óngerein toen gek te make
en dat góng vanzelf zónger ós aan te rake

mer 't sjpruuekske wat ich doe how och verdomme
dat is eigelijk toch noeëts ech oêtgekómme

'ch zouw mien zieël en zaligheid op wille gaeve
óm nog eine kieër dat sjpruuekske te belaeve
van de sjpanning kluuerde vier dan dèkker roeët
en v'r bleeve minstens same tót d'n doeëd
'ch wil dat goddelik geveul en ouch de piên
van 't verlange dat mich gekker maak es wiên
ich wil sjtiekem waer gedichskes vuur dich sjriêve
lekker alles in oos laeve uueverdriëve
en da sjrik ich van wat ich bin aan 't vertèlle
gekke jóng, toch wat zits doe dich aan te stjèlle

es ich zoeë fanteseer, da maak 't mich waer get bliejer
druim noe mer wiejer, doe griêze, ouwwe vriejer

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


OCH LEEF MÈRIE
Tekst: ? - muziek: ?
Zang (*) : Jos Meessen

wie ózze vader in d'n hieëmel
ein nuuj lichting vrouwluuj kreëerde
how'r de sjónste van hun veur mich besjtump
hae zag: die is noe vuuer dich
dao kinse mit boemele, foemele en kloemele
mer houd ze mich in gaodsnaam in ieëre
angesj nöm ich ze dich waer aaf
mer ómdat d'n hieër vergaete waor
mich te vertèlle wieste zoeëget aanlègks
kaom ich in mien zieënuwechtig gesjtamel
neet wiejjer es get verlangend gape

och leef mèrie, och leef mèrie
ich how dich zoeëväöl wille zègke
mer ich bin vergaete wie
och leef mèrie

mèrie, dat is è vrouwmesj
dat maak mich knatsjgek en döl
es dat mich in de pupsje kiek
daovan höbste gaê benöl
da rammelt mich 't gans liêf
en waer ich gans verward
en wat ich mich dan d'roêtkraom
dat haet dan kop nog sjtart

ich höb mich vuuergenómme
ich vertèl wat ich vuuer'm veul
ummertoe aan häör mòt dinke
sjtaek 't neet ónger benk of sjteul
mer es ich 'm da taegekóm
krieg ich nieks mieë oêt mien sjtraôt
dan kin ich allein nog gape
nao die idiale maot

mèrie, es ich dich oeëjt èns kriêg
ich geluif ich duuj dich plat
ich gòng vuuer dich es doe dat wols
nog èns ekstra good in bad
ich zouw de sjoon zelfs wiekse
och mèrie, ich höb dich leef
mer doe bis vuuer miê gehuuege
waal de idiale zeef

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


OÊT DRUIME GEBAORE
Tekst & muziek: Jos Meessen
Zang (*) : Jos Meessen

wenieë's doe bie nach en óntiej
inèns vuer mien duer zouws sjtaon
en doe vrógs mich óm get wermde
leet ich dich zieëker neet mieë weggaon
ich zouw oêre nao dich loêstere
en mich vrujje in die nach
want óndanks mien sjtil verlange
how ich dich toch noeëts verwach

dao zouw tiêd zin vuer get koffie
tösje moeëre werme sjtein
vuer get kalle en begriêpe
hart en druime woeërte ein
alle sjaemende koos vervleege
en de wal tösje ós in
zouw vertaere, aopebraeke
in sjpattend vuer fónk'lende zin

doeër de piên van zeute wieëmood
kruup 't blood woe 't neet kint gaon
en oêt druime wuert gebaore
wat in hartstóch kint besjtaon

laot de wind mer boête biêze
lato 't vreeze tót 't kraak
laot desnoeëds de luuj mer kalle
dao is nieks mieë wat ós raak
en de blinge vuer de rôete
sjleete boête al wat sjtuert
inkel wermde en verlange
is wat noê 't laeve inkluert
uever huëvels, werm en baevend
doeër de heite aom gesjtrieëld
uever waeg tot noê verbórge
doeër de fantesie besjpieëld

* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


OÊT 'T LAEVE VAN ÈNNE SJOEËTELSPLAK
Tekst & muziek: Jos Meessen
Zang (*) : Jos Meessen

hiê kump e sjtökske ouw kultuur, 't wuert langzaam nostalgie
v'r laeve hiê toch allewiel zoeë trutterig sjteriel
get vèttiger haet auch zien charm', dat hoof neet viês te zin
gaef mich die gów gemoedelikhaet, ich roop zoeëlang ich kin

hei mam, woe is d'r sjoeëtelsplak?
v'r höbbe al e nöt gemak
hei mam woe ich nao sjnak
dat is dae'n ouwerwètse sjoeëtelsplak

hae woeërt gebaore oêt ein brook, neet mieë te drage vrung
woe mam doe naold en vaam in sjtook, ómweg te doeën, te zung
sjoeën oêtgeknip en ómgezuimp, wie 't pril gelök dao loog
besjuut mit muuskes vaege waor 't ieësjte wat'r doog

vuer gruemele op de taofel of get knoeëje op de vloer
da reep vier mam d'r sjoeëtelsplak in e mieërsjtummig koeër
en waor e vaal van nöttighaet of e bietje te vöel sjtónk
da zat ze'n 'm in d'r lueter, pès dat ózze sjrêj war klónk

van tissue's, plee of kuekerol how mam nog noeëts gehuerd
mer mit dat dink, dat zie waal koos, zich hieël dèk oêtgekuerd
want waorste lestig mieëmelig of heelste dich neet koesj
dan kroogste ze biê tiêd en wiêl auch mit dae lap geloesj

vuer dweil en aafwesj en vuer pratsjheng waor dat deukske good
't middelpunt van 't gezin, dat nieëmes lècke loot
en howste koorts, da kroogste a geveut of in d'r nak
ènne medicinale, klaame, oêtgeknieëpe sjoeëtelsplak

en auch vuer kleine kiendjes waor dae loemel ideaal
es die zich waer begaajde, och, dat waor de mam egaal
want zjem en sjroeëp en hagelsjlaag of get angesj nöt en viês
woeërt aafgepoets in eine vaeg, jao, zelfs d'r pindakieës

en waor e dan nao hieël vöel jaor, tieëndoêzend maol gesop
da hóng'r va kepot aanein, kroog v'r 'm neet mieë gesjtop
mit traone in de auge brach v'r 't huipke ieëleng weg
't leefste how v'r 'm igeliês, zoeë waor v'r draa gehech

es dank vuer jaore trui kroog 'r ein mis mit requiem
aan 't graaf zag hieër pesjtoeër
nömt mer e veurbeeld, luuj, aan dem
nao e laeve deensbaar zin, rös 'r versjlieëte in dees kis
'ch weit zieëker dat zien 'pluuske'
in d'r sjoeëtelsplakkehiemel is

hej mam, woe is d'r sjoeëtelsplak
och jóng, dae lèck bie pieëtrus in d'r nak
hei mam, 't waor e wrak
mer ich mis 'm zoeë, dae sjoeëtelsplak

* cd 2001 : Jos Meessen - "Eine van Limburg" - Marlstone Recordings BV - 099124 CD
* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


É PIÊNLIK VERHAOL
Tekst: ? - muziek: ?
Zang (*) : Jos Meessen

't zal è jaor of twelf gelijje zin
wie 't mich uueverkaom
noe kin ich 't waal vertèlle
dat zoeë piênlikke verhaol
ich höb 't pès noe toe nog noeëts vertèld
ich sjaamde mich daovuuer
en zouwt gier 't neet gelöjve
't is wurkelik gebuuerd
't waor destiêds i mestreech
dao kaom ich waal èns gaer
óm die bourgondische cultuur te zieën
vuueral bie lekker zoeëmerwaer
ich baejde in de sint servaos
bewónderde de sjtad
en al trampelend kaom ich in ein buurt
ich mein 't hoosj 't bat

ich sjtieëvelde dao doeër ein sjtraot
mit hoêzer oet ènne tiêd
dao allang moos zin vervlaoge
en ich zoog, tót miene sjpiêt
d'n ermood sjtraolde d'raaf
van die krotte in vervál
mit duuere zónger verf
richtig ènne verkessjtal
in ein van die duuere
sjtóng ein blónne mevrouw
die 't gaar neet ál te breijt how
want dat mirkde ich al gouw
ze how neet èns genóg geld
óm kleier te koupe
de rok waor väöl te kort
en häör bloês die hóng houf aope

ze reep kóm effe binne
ich wós neet wie ich 't how
dan kreis diech è teske koffie, sjat
zoeë zag mich die mevrouw
dit raakde waal effe deep
ze ciêferde zich weg
ze vróg mich op de koffie
ouchal how ze 't nog zoeë sjlech
ich leep mit häör nao binne
en zoog in eine gang
ze waor bliêkbaar erg geluivig
ze how dao ingelkesbehang
é gekluuerd lempke aan de moeër
brach leech in häöre noeëd
dat zörgde vuuer è sjiênsel
ze heel zieëker vaäöl van roeët

vier kaome in ein kamer
mit ein ouwd versjlieëte bèd
ocherm hie moos die woeëne
ich veulde mit häör mit
ze zag: hie brei ich noe de zaak aanein
hie houwt ich 't aan 't drieë
ze waor dus ouch nog creatief
ze how 't kónsjtant uuever nieë
vier waore mer juus dao
of die begint zich oêt te kleie
ich sjrok mich einen'aap
wie die priej mich wol verleie
ich kroog 't gáns benouwd
dit waor bliêkbaar hie de clou
ich zag ouchal höbt g'r 't werm
laot die knuipkes toch mer toe

ich sjaamde mich kepot
en zag bezint ieë d'r begint
meh ze sjmoesde zoeëget van
doe wèts toch dat hei alles kint
't zjweit dat brook mich oêt
dju, wat heel dat vrouwmesj vól
mer ich zag dat ich allein
tèske koffie drinke wol
ich sjrieëwde: dit is è misversjtand
en zoog van ieëleng sjael
doe woeërt ich mich toch vasgesjnap
doeër zoeë'ne baer van ènne kael
dae zag: dachs diech dats diech veur niks
m'n vrouw hei aon kós gaape
este noe neet gouw betaols
kins diech d'n tan wel op goon raape

hae klónk gans uuevertuugend
en ich prietsjde mich è weg
mien buuesj, die waor ich kwiêt
en dae kael, dae waor zoeë vreg
este oeëjt è vrouwmesj taegekums
biê zoeë'nen ouwe kraom
gangk da neet mit häör nao binne
want die geit dich aan de baom
in dae viezen ouwe kraom
dao geit die dich aan de baom (buuesj)

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


PILLEKRAOM
Tekst: ? - muziek: ?
Zang (*) : Jos Meessen

lèts begós mien oeer te soeze
en ich geraakde uueversjtuuer
dus góng ich nao d'n dokter
en dae goof mich dao get vuuer
daagliks sjlikden'ich greune pille
en 't soêze dat góng weg
mer toen woeërt ich mich toch duuzelig
och, wat voolt ich mich toen sjlech

mienen' opa, dae woeërt hónderd
kaom noeëts in ein apothieëk
mer dat ich dao kind aan hoês bin
daova sjnap ich geine sjtieëk

vuuer 't duuzele zjwarte pille
en ich vróg wat zit dao in
dokter zag: biodetriochlorifloridoridin
nou, dat klónk besjlis verantwoeërd
dokter kint ein sjieke taal
en mien duuzele dat góng uuever
mer opèns doe woeërt ich kaal

kaal zag dokter, da's verrassjend
en kieëk vruntelik doeër de bril
sjreef geliêk waer è recepke
viêf maol daags zoeën griêze pil
en mien haor, dat góng waer gröjje
dokter is ènne knappe vent
jao, ich kroog zoeëwaor waer krolle
mer toen woeërt ich impotent

impotent zag dokter lachend
gein bezjwaor, dan gónt v'r doeër
mit drie kilo blouwe pille
en die nömste eeder oeër
jóng ich vriej waer wie de bèste
dokter holp mich waer d'r doeër
allein es ein vrouw mich puuent
da geit 't soêze in mien oeër

en mesjiên waer ich waal hónderd
nou, dat liek mich neet zoeë fijn
dat gesoês bie eeder muulke
dat geit michj doeër merg en bein

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


DE POSTDOÊF
Tekst: ? - muziek: ?
Zang (*) : Jos Meessen

't waor aafgeloupe zoeëmer
doe zoot biê ós op 't daak
ein posdoêf die verdwaald waor
doe zag miene kleine sjnaak
hei pap zouw v'r ze voore
die haet zieëker hieël väöl doeësj
en ouch waal gans väöl hónger
dao ligk binne nog ein koeësj

vier lokde ze nao ónger
mit get water en get broeëd
oos jungske waor zoeë entoesias
dat zoog ich aan zien sjnoêt
hae zag: pap gangk ze vange
en da zaeste aan die doêf
dat ze nao sinterklaos mót vleege
ich höb vuuer häöm hie einen breef

dao-in höb ich gesjrieëve
wat ich zoeëgaer höbbe wil
dat wat vurrig jaor te duur waor
zoeë vertèlden 'r hieël sjtil
ich perbeerde oêt te lègke
wats doe wils is nogal duur
dat kint klaos neet betale
mer de jóng zag uueversjtuuer

dan pak ich miene sjpaarpot
och ich vóng'm toch zoeë leef
en doon mien eige tientje
biê 't liêske in dae breef
die nach höb ich neet gesjaope
vertieëderd doeër dat kind
en dach dat juus dizze sinterklaos
zoeë è jóngske 't meis bemint

wie ich häöm daags denao vertèlde
och, doe huulden't menke haos
dat ich die doêf gesjik how
mit dae breef nao sinterklaos
doe sjtraolden'r oêt zien uigskes
en mit zien ganse sjnoêt
en zag: och pap noe kómme
mien wunsjkes toch nog oêt

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


'S LEEVENHIEËR, DAE HAET DE MEZIEK GEMAAK
2005/2006: Tekst & muziek: Jos Meessen
Zang: Jos Meessen

's Leevenhieër dae haet de meziek gemaak
en ós daomit deep in de zieël geraak
haet van harte hie oos limburgs land bezónge
op dit sjtökske aert zien paradies gevónge
's Leevenhieër dae haet de meziek gemaak
en ós daomit deep in de priej geraak
't begós ónger dit hieëmels gewelf
en daoróm kin vier 't noe zelf

de leeve God haet 't aan limburgers gesjónke
en zich daobie ouch è pilske gedrónke
en Hae zag hie kóm ich noeëts mieë vanaaf
en doe reep Hae sjpóntaan alaaf
dus góng alles wat dao hillig waor toen viere
op de klanke van è hieëmels orkes
zelfs de ingele krooge kriebels in hön sjpiere
en de sjpas die doog de res

daoróm rope vier alaaf zinge tevreej
's Leevenhieër dae is okee...

en zoeë kaom de hermenie en de fanfare
de sjpaskèpel mit vastelaoves houwve gare
mit troubadours en nog get koeëre d'r bie
klónk limburg wie ein symfonie
en wae noe meint dat 't allein mer geit óm drinke
nou dae haet 't waal good mis
mit 's Leevenhieër in dien bagaasj móste bedinke
dat dao nog get sjónders is


HOME PLAATSNAMENOVERZICHTHOME


SAME ZIN
Tekst & muziek: Jos Meessen
Zang (*) : Jos Meessen

same zin en same belaeve
same zin mit dich is ein zaenge
same zin howt 't neet taenge
howt mich vas, howt mich vas nog aeve
howt mich vas, nog hieël aeve

doe kals neet vöel, doe vreugs neet vöel, doe lieks besjeië
sjpriks mich aa vanoêt dien hart, dèk zónger wuurd
die ziejzacht haore, dae leeve werme mond
mak mich wieëzeloeës, luch mich hoeëg baove de grond

gaef mich dien hoêd. dien wermde en dien zinne
dien leefde, dien liêf, dien ganse zieël
dien wieëze wil ich veule en hieëlemaol belaeve
doe in mich, ich in dich gans verwaeve

diene lach leet mich doêzend wunsje wunsje
diene blik brik dèk de mismood in mien liêf
ich gaef mich aan dich uever, doe bès mien ganse sjtraeve
ich bin bliej dat ich dich maog belaeve

* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


'T IS TOCH NEET ERG
Tekst: ? - muziek: ?
Zang (*) : Jos Meessen

zuug, e kind wuuert gebaore
ènnen'ouwe miensj geit doeëd
't is de kringloup van 't laeve
nao 't graaf oêt de sjoeët
die dinger móste ervare
daovuuer ving vier gein wuurd
es zoeëget wat dich aangriep
dich dien zinne versjtuuert

't is toch neet erg
este huuls vuuer nuuj laeve
en ouch zieëker neet erg
este griens va verdreet
es geveules dien krachte
ouch soms doeën begaeve
dan laot dich mer gaon
want erg is dat neet
es gelök dich ómmantelt
of 't leid nao dich sjleit
dan laot dich mer gaon
es 't angesj neet geit

ein gebäörte, nuuj laeve
ènne bebie dae krejt
wat zoeëget in dich losmak
zoeë è wichske dat sjrejt
es dich dat wuuert gegaeve
zoeë è muulke dat sjprik
da kinste 't belaeve
dat soms get in dich brik

soms, da móste 't aanzieën
dan bis doe machteloeës
dat d'n doeëd eine wegnömp
ómdat 't bliêkbaar zoeë moos
dan is dink ich mer ein truues
in dien verzèt öm 't gemis
ouch d'n doeëd dat is laeve
dat geit wiejjer dat is...

* cd 2001 : Jos Meessen - "Eine van Limburg" - Marlstone Recordings BV - 099124 CD


HOME PLAATSNAMENOVERZICHTHOME


TUIN VAN VRUNDSJAP
Tekst: Jos Meessen - melodie: "Streets of London" (Ralph McTell)
Zang (*) : Jos Meessen

dus wie kinste dinke daste einzaam bès
en dat zelfs de zón vuer dich neet sjient
gaef mich toch dien leeve hand
en ich veur dich doeër de tuin va vruntsjap
'ch zal dich get toeëne
waste neet vuer meugelik heels

zuuste dao die kleine kinger sjpieële
in ein roêsj van vrujd
mit zoeë wieënig dinger
zint die al tevrîije
hun ónsjöldig kingerhart
dat vól is va gelök en vreeje
oêt hun auge sjtaolt
gein einzaamhaet of kaot

zuuste neet wie de natuur
elk vuerjaor waer opnuuj geit laeve
plante, bloome, blaedjes
ummer kinste 't waer belaeve
flónkerende sjterre
en twieë jonge miensje die zich vinge
e pasgebaore kind
en 't wejje van de wind

zonleech dat ós wermde geuf
ein traon die ós gelök bezeigelt
ènne Kreateur
dae dit alles reigelt
ènne zenger dae e klein akkaord
va leefde vuer dich uever haet zoeë
dats dich vuer ummer
dien einzaamheid vergits

* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


VAN DE EIN WÓLK OP DE ANGER
Tekst: Jos Meessen - muziek: Raf Deckers & Louïs Verbeeck
Zang (*) : Jos Meessen

ich höb eine zoeën en nog drie döchtesj
mit 't laevesleech verieërd
is 't tevöel, is 't te wieënig
ich weit 't neet, 'ch höb 't noeëts geleërd
ze zint noê twelf en bienao nuege
en de klènste, die zint juus drie
en es ich meug bin zoeë'ne zóndigmiddig
dan zèck ich kóm ins aeve hië

doe sjprings van de eine wólk op de angere
doe bès zoeë versjrikkelik pril
en doe wils d'r ganse kraom in ein kirmes verangere
in eine sjprunk en daova waer ich sjtil
daovuer höb ich vuer dich mer ein wunsj te wunsje
in dae waereld zoeë zieëker en braaf
mer ich vraog 't uch ieërlik leeve miensje
bliëf mit eur puët hiê vanaaf

mien oudste dochter wuert al e vruike
'ch mót sóms lache van zien gedrieë
't wuert onzieëker en 't kriet al börsjkes
me kint 't zieën, 't zint d'r twieë
en 't wilt later nuege kiendjes
allemaol jónges en da kluert 't roeëd
want 't wuert zoeë óngeduldig
al kruupt 't sóms nog op miene sjoeët

't sjpringk van de eine wólk op de angere
't is zoeë versjrikkelik pril
en 't wilt d'r ganse kraom in ein kirmes verangere
in eine sjprungk en daova waer ich sjtil
daovur höb ich vuer höem mer ein wunsj te wunsje
indae waereld zoeë zieëker en braaf
mer ich vraog 't uch ieërlik groeëte miensje
bliêf mit eur puët van 'm aaf

en da dae jóng dae wilt johan cruyff zin
dae traint de lónge oêt ze liêf
mer sòms kint 'r zich zoeë vervaele
dan wèt'r mit zichzelf gein bliêf
sóms vraog ich mich aaf wat zouw'r dinke
uever àl wat'r zoeë daet
mesjien dink'r waal aa zie vader
dae te wieënig wólke haet

hae sjpringk van de eine wólk op de angere
hae is zoeë versjrikkelik pril
en hae wilt d'r ganse kraom in ein kirmes verangere
in eine sjrungk en daova waer ich sjtil
daovuer höb ich vuer höem mer ein wunsj te wunsje
in dae waereld zoeë zieëker en braaf
mer ich vraog 't uch ieërlik gooje miensje
bliêf mit eur puet van 'm aaf

en da die klènste die allerklènste
dat zint de sjiekste van allemaol
mer soms dink ich tot mien óntzètting
dat sjpraeke auch al miensjetaol
en noê vingk gier dat natuurlijk zeiver
mer dèk zouw ich wille sjrieëwe: sjtop
angesj wuerste juus wie diê vader
en da zint dien wólke op

want ich sjpring noeëts mieë van ein wólk op 'n anger
en pril bin ich auch al neet mieë
en d'n tiêd dat ich ál nog zelf wol verangere
kump neet truuk, wie ich mich auch drieë
daovuer höb ich vuer hun mer eine wunsj te wunsje
in dae waereld zoeë zieëker en braaf
in ich vraog 't uch ieërlik doeëdgooje miensje
bliêf mit eur puet van hun aaf

* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


VERGAET NEET TE LAEVE
1987: Tekst & muziek: Jos Meessen
Zang: Jos Meessen

Vergaet neet te laeve
Daoveur is ’t te sjoeën.
’t Helt toch väöl mieë in
es allein die tuut mit loeën.
Doe kins dao zelf vuer zörge
doeër dékker sjtil te sjtaon
bie al die gooje dinger.
Mörge koos ’t neet mieë gaon.

Zèck, kiek get minder duuster,
kóm oet die sfeer van sjtres.
Det mak dich blind veur ’t laeve
en dat is juus de pes.
Kóm, kiek ins óm dich haer
dan zuuste auch waer vrung.
En este dat neet zieën kins
dan is det vuer ieëwig zung.

Vier wille alles höbbe
Dao dónt veer alles vuer.
Daoróm zit vier vol zörge
zint daovan euversjtuur.
Mer es me alzelaeve
mieë leefde how gezóg,
dan voolt me zich ouch baeter
daova kriet me noots genóg.


HOME PLAATSNAMENOVERZICHTHOME


VUER JEKEREIN IS WAAL GET LEEFDE
Tekst & muziek: Jos Meessen
Zang (*) : Jos Meessen

vuer jekerein is waal get leefde
vuer jieëker miensj is örges gelök
mer dèks liek 't wiejer wie de sjterre
of e water waste neet kries ueverbröck
vuer jekerein is d'r waal ieëmes
dao zint zoeëvöel leeve luuj
en höbste 't nuedig, da geuf 't altiêd miensje
die óm dich gaeve, jao, ummer waer opnuuj

dèks veulste dich in dien eige liêf neet vriê
bès blind vuer luuj, al zint ze gans kort biê
wille dich biêsjtaon in al wat laeve is
en ze dònt dat gewuen, ómdas doe dich bès

vertwiêfeld dinkste: vuer mich is geine dao
löpste 't gelök vol mismood achternao
en bèste 't loupe nao dien doel zoeë meug
dan is ummer waal eine dae dich dreug

dao is zoeëvöel, èste mer wil kiêke
want dien geveul, dat kint dich zoeë verriêke
juus op momente daste griens of wenste lachs
dien gelôk, dat kump gans dèk ónverwach

* cd 2001 : Jos Meessen - "Eine van Limburg" - Marlstone Recordings BV - 099124 CD
* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


WAT HAET 'T ÓS GEBRACH
Tekst & muziek: Jos Meessen
Zang (*) : Jos Meessen

vier howwe allenej e verke
en allemaol hinne en kniên
en 't zóndes nao g'n kirk
al waor 't dèks mer vuer de sjiên
en vier oote sjpek en èrpel
woevuer vier dankbaar mooste zin
en d'r baas ènne hergot
en dae betaalde vöel te min
vier mooste lieje zonger 'klage
kroge d'n hieëmel va kirk en god
buig dien luif krieste d'r zaenge
want dat waor eimal dien lot
mer 't wichtigste waor 't aazieë
en da speciaal d'r boêtekant
want me moos de sjiên ophowte
va good fetsoên en gezónd versjtand

noê höb' vier video en ein diepvries
mit daoïn verke, god en kniên
't is aoves disco of e fieëske
al is 't dèks mer vuer de sjiên
want doe mós ueveral aa mitdoeën
want dan huerste gans debiê
en al kos 't da vöel cente
en al mak 't dich neet vriê
toch riej vier in dieke autoos
moeëdetrends hêds hél achternao
en vier höbbe geinen'tied mieë
en te wieënig geld vuer dit besjtao
mer 't aazieë blief belangriêk
dat juus geit ós aan de vot
en mót vier effe neet producere
da dink vier sjtiekem waer aan God

en wat haet 't ós gebrach
zuug die auge, doef en vaal
de sjpeegel van de zieël
mit versjtokde hartetaal
't goof dich waal è aazieën
mer gein identiteit
bliefs allein binne de massa
woe-in èch loêstere neet besjteit
de duer van 't verlange
die nao eige laevesgeis
blief angsvallig aafgesjlaote
dat allein zin sjtuert 't meis
mer voêle wesj hing me neet boeête
dat is sjlech vuer de moraal
't vinster nao 't hart blief hartsjtikke toe
bang vuer 't oeërdeil en 't sjendaal

* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


DE WITTE VLINDER
Tekst: Jos Meessen - muziek: Miel Cools & Bert Broes
Zang (*) : Jos Meessen

'ch weit nog d'n tiêd vuuer vier ós kinde
doe waors è maedje en ich waor eine jóng
wie veer apaart oos laeve nog verkinde
wie ós 't vuur van noê nog neet verbóng
mer op ènnen'daag volgde vier twieë dezelfde witte vlinder
gove v'r same 't antwoeërd op dezelfde vraog
't allein gaon dat woeërt doe gans flot minder
jao sins ich diene vuuernaam neume maog.

Doe kaom d'n tiêd dat vier ós baeter kinde
doe waors mien maedje en ich waor diene jóng
grujde nao-ein vier blujde en beminde
es ich vuuer dich mien leefdesleedje zóng
en jieëkeren'daag volgde vieër twieë dezelfde witte vlinder
gove v'r same 't antwoeërd op dezelfde vraog
vier woeërte sjtil en oos gekkigheid get minder
'ch bin bliej dat ich dich leefste neume maog

dao kaom d'n tiêd dat vier ós zoeë good kinde
dat vier gein oeër mieë kooste zónger-ein
woebiê d'n eine zich zoeë good aan d'n angere wènde
mit wieënig wuurd ós versjtónge déks zelfs gein
en jieëkeren'daag volgde vieër twieë dezelfde witte vlinder
gaeve vier nog 't zelfde antwoeërd op die vraog
och ich houd van dich väöl mieé al zègk ich 't minder
al druim ich mieë dae naam ich weit 't maog

en kump d'n tiêd dat eine van hiê mót wiêke
nao't anger land woe'n bloom gans angesj blujt
vertèl ze dao van oos leefde óngemujd
en op ènnen'daag volge v'r waer dezelfde witte vlinder
gaeve vier same 't antwoeërd op dezelfde vraog
es doe bie mich bis da zint mien angste minder
jao es ich diene vuuernaam neume maog

* cd 2001 : Jos Meessen - "Eine van Limburg" - Marlstone Recordings BV - 099124 CD
* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


D'R ZIEËVENDEN HIEËMEL
Tekst: Jos Meessen - melodie: "Top of the world" (Carpenters)
Zang (*) : Jos Meessen

ich bin in d'r zieëvenden' hieëmel mit dich
mien hart dat veult zoeë lich
en de ènzigste verklaoring die ich ving
is 't gelök dat ich vóng
doeër de leefde die verbóng
'ch dach, dat zoeëget leefs wie's dich neet besjtóng

e geveul, 't sjoeënste wat besjteit
deit mich wóndere zieën in alles wat mich vleit
gaar gein wolk aan de lóch zonleech mieë es genóg
e gelök dat mich mieë es druime deit

al wat ich èns sjtillekes höb gehoup
kinste wunsje met is nörreges te koup
dat kaom oêt speciaal veur mich, de raeë daova bès dich
e sjtökske hieëmel, woe ich zoeë op how gehoup

't waor get in d'r wind wat aa mich dach,
nieks mieë is 'tzelfde, noeëts zoog ich zoeën krach
in de bloome, de buim, ein bereuring miene druim
zoeë geweldig, zoeë sjterk en toch zoeë zach

nog te wunsje höb ich mer ein dink
dat dae klank va leefde ummer wiejer zingk
's doe gelökkig zöls zin, juus zoeë wie ich 't bin
en ditzelfde leed auch mörrege nog klink

* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME


ZOEË ZOUW DE WAERELD MÓTTE ZIN
Tekst & muziek: Jos Meessen
Zang (*) : Jos Meessen

doe waors waal neet dae zelfverzieëkerde vader
zoeë wie e kind dat van pap toch verwach
doe waors waal neet dae sjterke kameraod mit zien krach
dèks howste daovuer neet èns de mach
mer achteraaf begriêp ich, al lieëk 't doe zoeë min
zoeë es dich in sjtille leefhöbs,
zoeë zouw de waereld mótte zin

ich waor amper veer, doe noomste mich al mit
't zóndes nao 't voetbalveld, ich zoog sóms wit
es ze weer howwe verlaore
dan zags doe 't is verdeend, mer ich koos dao nieks mit
't is mer e vuerbeeld, zoeë kaome d'r mieë
ich sjnapde dao nieks van, daoróm góng ich zoeë te kieër
taenge dien meneer van zècke, este perbeerdes oêt te lècke
woêste nieks vuer hoofs te doeën, geit hieël dèk verkieërd

in daen tiêd wós ich neet watste waors vuer mich
doe waors gesjlaote en ich kroog gein pak op dich
ich koos mit dich neet riddenere wie ich auch perbeerde
mer örges veulde ich, wievöelste heels va mich
doe waors tevrije, dien gelouf dat waor dien krach
dat höbs dich aan ós waal doêzend kieër gezag

es kind kós'ch dat neet begriêpe, dat moos allenej nog riêpe
mer doe goofs ós vöel mieë es ich vreuger dach

* cd : Jos Meessen - "Oêt druime gebaore" - Marlstone Recordings BV - 099118 CD


HOME PLAATSNAMENOVERZICHTHOME