HOME
PLAATSNAMENOVERZICHTHOME
CARNAVAL IN DE WIEN
Hans Goertz
Hofkapel v/d Wien, zang : Marita Borremans, Hans Goertz, Jeu Titulaer en Baer van der Meij
Refrein:
Want ut is carnaval op d'n Maagdenberg,
de kael is druug en d'n dors is erg.
En idder jaor haope weej heej te zien,
um te hosse en te heisse in de Wien.
In de Wien, dao bin ik thoes, in miene boerebloes.
Beej os haet idderein jen en zien de bruudjes ken.
De schoele hebbe vreej, de kinder zien d'r beej.
En ald en jongk en idderein is heej.
Aan de bar is vuuel plezeer, weej drinke daor os beer.
De huurs daor vuuel gelach en waorhede gezag.
We zitte zie aan zie en zinge wie nog niej,
en idderein is bliej.
* lp: "Vastelaovend in De Wien" - LP 1065-EP
HOME
PLAATSNAMENOVERZICHTHOMECARROUSEL
1999: Tekst & muziek: R.Asso, M.Monnot & Bert van den Bergh
Zang (*) : &Juliëtte
Ik weit nog good beej ós op 't plein, de waereld groeët en ik nog klein,
stónd zomers lang ein carrousel, op en neer op 't paerd in 't rónd.
De zón die dreide met mich met en tot de kermis sloeëte ging,
dreide ik rónd, rónd en rónd, op 't raoze paerd, en ik zóng.
Refrein:
mmm mmm mmm mmm oh Mon amour.
mmm mmm mmm mmm a toi toujour.
mmm mmm mmm mmm a tes grands yeux.
mmm mmm mmm mmm rien qu a nous deux.
Ik herriner mich as gistere, lang lang haer in daag en tièd.
Paerd danse op un melodie, en dreide mich door d'n tièd.
Wao is noow die kleine feej, die met mich rundjes reej.
Ze goof mich iets moeëjs, zoeë iets wie ein leed,
un prach van un leed, ik zing ut nog steeds.
Die carrousel vergaet ik neet, al reis ik door zieë van tièd.
Ut paerd wao ik op reej, det rakte mich noeëts kwièt.
Soms huur ik nog die melodie, as echo in miene kop.
Huur ik un leed, det Franse leed, ein leed dreid rónd, det ik weer vónd.
* cd 1999 : &Juliëtte - "&Juliëtte" - Ben Verdellen Produkties
HOME
PLAATSNAMENOVERZICHTHOMECASA LOCO
Tekst & muziek: Michiel van der Grinten
Zang (*) : Minsekinder
Huur de hund ens janke beej de volle maon.
Ik hald ut ech neet langer oèt, mót de deur oét gaon.
Ik weit neet wao ik haer kin, op wae of wat ik wach.
Laup zónder te kieke, in ut duuster van de nach.
Dao huur ik in de vaerte ut bónke van de bas.
Eemus sleit op trommels, ik versnel miene pas.
Dan staon ik opens binne, in ein gekkehoès.
Ut fees det kin beginne, heej veul ik mich thoés.
Refrein:
In de Casa Loco, vergitse dien leid.
In de Casa Loco, is idderein geweid.
Met ein hert vol leefde en ein fles veur de dors.
In de Casa Loco, zien de nachte van ós.
Kiek dao haesse Annie, ut kreeg gen geld mier van de Soos.
Leep beej de bank nao binne, en dao ging ut loos.
Gaef mich gauw mien pieke reep ut met schelle stum.
Maar vief minute later had ut de handboeje um.
Dao is de kruk van Harrie, hae woel zoe gaer eine vogel zien.
Makde zich twie vleugels, van ein als gordien.
Hae goeide zich van de tore, um te vlege in de zón.
Maar veel as eine stein nao ónder, ein gaat in ut betón.
D'r zien nachte det ik daorgaon, tot ik neet mier kin.
Dan weer lig ik oore wakker en gluif d'r neet mier in.
Dan weer bin ik keuning en dan weer hiel erg klein.
Maar ein dink det is zeker, heej bin ik neet allein.
* cd 1997 : Minsekinder - "Blief neet allein"
HOME
PLAATSNAMENOVERZICHTHOMECHINEES LEEDJE
Tekst: Frans Boermans - muziek: Jan Theelen
Zang 1 (1*) : Pinda Wullum
Zang 2 (**) : De Vrijbuiters
Leflein:
Haai tien heng toes Foei jong Hai,
fingels oet de laai, fingels fan die flaai,
angels ennen oplewaai.
As ôs mam tet euvel suut tan saet tie "ao"
Nae wie kan tet tan, no is d'l niks miel tao.
Sjang hai poekpien, Tei kaai heng, TTeng sôn hangwang, To pien teng.
Jeu en Lei tie zien soe sat, soe haet ouk altied emus wat.
Idle gek haet sien geblek, Sjaak tae käök en Joep tae smek.
Maal ut elgs is, wie me saet, tet Hai sôn lange fingels haet.
Maak gen jen jung, kom no Hai, plief no fan tie flaai.
An is lank en Tien is tiek, Lien tet loens inplaats fan 't kiek.
Sjaan en Stien sien ao soe plat, no suus ens aan, tet is toch wat.
Mie is meug, So Fie haet slaop, Mien tet mak te moel neet aop.
Maal ut elgs is, wie me saet, tet Hai sôn lange fingels haet.
Maak gen jen jung, kôm no Hai, plief no fan tie flaai.
* cd 2000 : Diverse artiesten - " Petje aaf (veur al die schoéne leedjes) " - Onger Os 7370
** cd : De Vrijbuiters " De Vrijbuiters (met zang van Ben Verdellen) " - Onger Ôs - CD 7187
HOME
PLAATSNAMENOVERZICHTHOMED'N DAAG VAN MORGE
1994 nr.1 : Tekst & muziek: Guus Timmermans
Zang: Leta Belle & Hay Smeets
Waat bringk d'n daag van morge, det is de groëte vraog.
Hae hilt zich nog verborge, wies ik ein kenske waog.
Refrein:
Morge dan kump d'r weer eine daag,
Morge wuurt net zoë schoën wie vandaag.
Morge dan geit 't zunke weer op.
En det zoëmaar veur niks, gewoën veur nop.
Want morge is wie vandaag.
Det ik weer laeve maag.
Morge dan kump d'r weer eine daag.
Waat auk d'n daag maag bringe, ik zit vol gooie mood.
Want morge wil ik zinge: vandaag zit ik weer good !
Daen daag dae zal ik viere, want ik weit wie det geit.
D'n tiéd zal 't liére, waat in de sterre steit.
HOME
PLAATSNAMENOVERZICHTHOMEDAAR WAAR EEN ZOEN EEN 'MUULKE' IS
Tekst: Harry Bordon - muziek: ?
Refrein:
Daar waar een zoen een "muulke" is,
daar is een paadje "paedje".
Waar vrijen steeds nog "vrieje" is,
daar is een meisje "maedje".
Haar vader is gewoon "de pap",
haar moeder is "de mam".
Maar met de liefde gaat het daar,
net als in Amsterdam,
net als in Amsterdam.
Als ik in een cafeetje op het ouwe Rembrandtsplein,
het taaltje hoor van "zaain" en "maain", in plaats van zijn en mijn,
dan klinkt dat zo gezellig en dan denk ik altijd blij:
"'t is machtig om te wonen in die prachtstad aan het IJ".
Maar toch is er een stukje grond, dat ik al jaren mis,
waarvan ik vaak gezongen heb : "Wie sjoeën ós Limburg is".
Wanneer er tussen duizenden, zo in de Kalverstraat,
een onbekende plots een enkel woordje Limburgs praat,
dan maakt mijn hart een huppeltje en sta ik even stil,
omdat ik tussen Munt en Dam, dat taaltje horen wil.
Dan ligt dat "stökske" Nederland opeens in Amsterdam,
en zet mijn mooie moedertaal, mijn hart in vuur en vlam.
Al is de taal verschillend, heus, de mensen zijn gelijk:
gezellig en gemoedelijk en met een kwartje rijk.
Oud Mokum heeft zijn grachten, maar 't zuiden heeft zijn Maas,
waar ik, toen 'k amper lopen kon, gespeuld höb in 't graas.
Er is zoveel hetzelfde want in wezen zijn we een.
Ik leer u vast wat woorden, want u gaat er zeker heen.
HOME
PLAATSNAMENOVERZICHTHOMED'R HINGK WAAT IN DE LOCH
Tekst: Hannelore Winter - muziek: Wim Roeffen
Refrein:
D'r hingk waat in de lóch, det is neet vaer gezóg,
det ruuzelt zoëmaar op ós neer.
Det is zoë jongk wie niej, ein kleine druimeriej,
gebaore op ein stök pepeer.
Det is ein bietje blues, det wiebelt zoëmaar um ós haer.
Ik bin einen druimelaer, det wet geej waal,
want ik doon aan de stille dichteriej.
En det doon ik hiël gaer in mien móderstaal,
want die zit zoë vol van poëzie.
As ik in ut speegel kièk, dan waer ik bang,
en det kump door d'n tièd, dae rent mich weg.
Daorum is mezièk gelièk van groët belang.
Zarathustra, alles kump waer rech.
CD 7176
HOME
PLAATSNAMENOVERZICHTHOMEDAE VAN GISTER
2004/2005: Tekst: ? - muziek: ?
Zang: Mirjam van Elderen, Sandra Geeraads & Bernie Billekens
Ik trof um gisternach, op dae had ik gewach,
Weej smoesde saame einen tiéd,
Det haet neet lang gedeurd, waat is d'r toch gebeurd?
In eine kiër waas ik um kwiét.
Maar kiék ik um mich haer, dink ik :"Dao isse weer!"
Zeg: Bis dich dae van gister?
Want anders hebste ech toch vuuël van 'm eweg,
Bis dich dae van gister?
En is det neet meschien, de hads 't kinne zien,
Vraog dich dus maar neet of det klop!
Dan gaon weej wiejer wao ik gister bin gestop,
Zeg: Bis dich dae van gister?
Zoë neet, zörg ik beslis des dich det morge bis.
Ik weit neet miër zoë good, wie dae van gister hoot,
Ouk wao dae woënt, 'k heb gen idee,
En ik herinner mich gaar niks van zien gezich
Want daoveur stônd hae te doën beej,
Dus vraog ik maar rechoét aan idd're leuke snoét, :
De wets neet waesse mis, wanniër 't duuster is,
Jao, de's ein naodeil van de nach,
Kôm doot dien ouge dich en knoével ens mit mich,
Allein maar efkes op verdach,
Dan haop ik deste zaes, des dich 't bis gewaes:
HOME
PLAATSNAMENOVERZICHTHOMEDAE VAN MICH (det is zonnen goojen blood)
1969 nr.4 : Tekst: Koos Timp - muziek: Giel Aerts
Zang (*): Hannelore
Mien schoënelders hadde ein hiël good bedriëf.
Ze hoofde beslis neet te klage.
De kinder die ware al groët, alle viêf.
Ze hadde vuël hölp van eur blage.
Ik kwaam aan ut vreeje mit eine daovan.
D'n beste, is now miene man.
Refrein:
Dae van mich, det is zônne gôjjen blood.
Dae is morge nog good, dae is morge nog good.
Dae van mich, det is zônne gôjjen blood.
Dae is mor-rege nog good.
Hae is nog baeter dan hae is.
Ut is d'n beste oêt ut nis.
Dae van mich, det is zônne gôjjen blood.
Dae is morge, dae is morge, dae is mor-re-ge nog good.
Beej eed're gelaegenheid dink hae aan mich.
En zaet-te-det is ôngelaoge-:
Dich bis miene golde, ik hald zoë van dich.
"De wets ut, de hoofd niks te vraoge".
Hae raojt mien gedachte, waat zek ge daovan.
D'n beste, det is miene man.
* lp: " 't Is weer vastelaovend (twië maol elf vastelaovesleedjes en nog vuël miër...) "
HOME
PLAATSNAMENOVERZICHTHOMEDAEN AUGOPSLAAG
2005/2006: Tekst: ? - muziek: ?
Zang (*) : W-Dreej
Dao ware d'r ens 2 verleef gewaore
Det kwame auk mién auge aan de weet
Maar as ik det verhaol nôw meus verklaore
Besleit mich nog d'n bril of meint ge neet?
Al waor ik van druimde in 't laeve
Hertjes die gelökkig kinne zien
Same kinne lache en vergaeve
Met 'n bietje water beej de wien
Dien auge die vertelle mich genôg
Beej dich heb ik gevônde waat ik zôch
Daen augopslaag,kin ik maar neet vergaete
zoëgaer ik in die kièkers kièk van dich
Det augenblik is met gèn wäörd te maete
Det éin moment waat álles zaet veur mich
Daen augopslaag van dich
Is miene zônneschien
Met dich wil ik veur altiéd same zien
Al waor ik um gaef is ôngelaoge
As dien auge spraeke zônde wäörd
Mei met eine glimlach op mien vraoge
Met ein gammel träönke det mich reurt
Auk laes ik aaf en toe de poëzie
De wäördjes van ös leefdesmelodie
Met dich wil ik gen augenblik verlaere
weej deile ös de herfs nog met gemaak
Met dich zoel ik waal 100 kinne waere
Umdet ik maar neet oètgekeke raak
Dus plök d'n daag.....want auk in dit verhaol
is idder augenblik eine zônnestraol !
* cd 2006 : W-Dreej - "W-Dreej ônderwag"
HOME
PLAATSNAMENOVERZICHTHOMEDANKE PRINS VAN ORANJE
Tekst: Ad Polux - muziek: Giel Aerts
Uit de revue 'Stel og ens veur'
Wao Buziau triômfe veerde in ein doole buuj
Wao Sef Cornet ôs ammezeerde met zien schoën revue
En wao de Ramblers aafscheid noome met de "Farewell Blues"
Dao, in dae goojen alde Prins
Waas ôzzen twiëden thoês
Refrein:
Danke Prins van Oranje
veur waaste haes gedaon
Danke Prins van Oranje
dich waas d'n tref veur de lach en de traon
Hou je Prins van Oranje
Weej gaon nao de Maaspaort
Maar bliêve aan dich dinke
Weej gaeve dich ôs waord
Weej zulle op dich klinke
Heej in ôs niej Maaspaort
Och, wetste wao de Venlonaer nog dök aan dinke zal?
Aan Hermenie- aan T & A - en Aldewiëverbal
't Waas in Vastelaovestiëd ein kômme en ein gaon
Maar met dae schoënen alde Prins
is 't veur good gedaon
HOME
PLAATSNAMENOVERZICHTHOMEDANS D’N TANGO
Tekst & muziek: Maria Möskes
Zang: Maria Möskes & Jac Tunnesen
Refrein:
Kóm dans de tango met mich
Want ik hald zoeë van dich
Hièl doeën beejein
Dat is zoeë fijn
Slaon noow dien erm um mich haer
Want det duise toch gaer
Waal in de maot
Dan kan ut gaar gen kwaod
Waal in de maot
Dan kan ut gaar gen kwaod
Dich kieks mich aan met ‘nne lach
En ik heb zoeë gedach
Zal ik ut wâoge
Um, um te vraoge
Zoog um dao achter in de zaal
Jao toen wis ik ut waal
Waogde mien kanse
Vraog um te danse
Kièk diene leeve noow ens aan
En vraog dan hièl spontaan
Kóm op de vloer noow
En dans dae tango
HOME
PLAATSNAMENOVERZICHTHOMEDANS MARIETJE
Tekst & muziek: Leon Giesen
Zang (*) : Minsekinder
Noow d'n optoch veurbeej is en de straot alweer laeg
Kiekste rônd wae d'r heej is beejein gevaeg
En dan zuuste iets straole, 't kump steeds dichterbeej
Jao, 't kump dich al haole
't dreit, 't geit, 't dreit, 't geit, 't dreieieieit
kiek um danse
Refrein:
Dans, dans, dans, Dans Marietje
Dans de ganse nach met mich
Dans, dans, dans, Dans Marietje
Dans de ganse nach met mich
Met mich allein, met mich allein
As Marietje geit danse, is heej idderein prins
De wuurs vanzelf 'nne andere mins
De veuls 't gebeure, de vinds diene drei
Dus staon neet te treure en doot mei en
Drei en drei en dreieieiei
* cd 1997 : Minsekinder - "Blief neet allein"
HOME
PLAATSNAMENOVERZICHTHOMEDANSE IN DE MAOT
Tekst: ? - muziek: ?
Zang:: Martin Peters - Frits Tilburgs - Hay Smeets
Gufste niks um piére
gank dan ens op les
'n lekker stökske zwiére
de veut die doon de res,
want daen echte zaolentrein
hilt dich op de bein
en die twië zien altiéd beejein
Refrein:
Kinse danse, dans maar in't rônd
lekker stampe in de maot, op de grônd
swinge mit zwoeng, neemus dae steit
de ganse koedeljach mak leweit
Zukste toch 'n raeje
kniépe dich de schoon
die môtte zich vertraeje
zal ze hiël good doon
bisse enne reubezak
trek dien zök maar strak
noow wuurt eine schuuver gemak
Tango veur 't slaope
walse door de nach
d'n disco is nog aope
samba op verdach
boogie woogie morgevruug
polka dae getuug
nae heej is ech neemus nog muug
HOME
PLAATSNAMENOVERZICHTHOMEDAO DRINKE WEEJ EIN ELSKE OP
Tekst: Harry Bordon - muziek: ?
Beej Truuj van hienaeve dao is mich zoeë-aeve 'n kleintjen, 'n dochter gebaore
noe lik 't te sjrieëwe es of 't al ieëwe gelejen 'n kind is gewaore
De vader löp gruetsjer nog es ènne pauw
nao buren en vrunj en hae reup: 'Kóm 's gauw!'
Refrein:
Dao drinke weej 'n elske op, dat mótte weej toch viere
Dao drinke weej 'n elske op, ja um 't aaf te liere
Weej zoewe neet ech van 't zude zien
Es weej zoewe klinke mit whisky of wien:
dao drinke weej 'n elske op umdat 't van harte mót zien.
Beej Sjang en Marieke, geer wit wal: die dieke, dao kump de fanfare straks speule:
' n kwart-ieëw geleje in 't bueëtje getreje, toch veult Sjang zich nog es 'n veule.
Hae löp in 't pak wao hae in is getrouwd,
gein oor van det kwart-ieëw haet Sjang oeëjt berouwd.
Zoeë wit hieël 't zuje es feesklokke luje gepas zien plezeer oet te laeve
want velt wat te viere kin minnigein liere wie of-s te plezeer mós belaeve
Beej wat d'r te doon is zink Limburg gewoeën
of 't moeëj is of lillik in edere toeën:
HOME
PLAATSNAMENOVERZICHTHOMEDAO GAON WEEJ WEER...
2008/2009: Tekst & muziek: Henk van Hoften
Zang: De Kompane
Refrein:
Dao gaon weej weer,
Dao gaon weej weer,
En geej wet toch wie det geit
As de klok van joeks weer dreit
Dan gaon weej weer,
Dan gaon weej weer,
Weej gaon weer truuk en ouk weer haer.
Gaon de vastelaovesklokke luuje
Leet de joeks en jen weer op de loeër
Vergaete weej de zörg en raegebuuje
De ganse koedeljach, die zingk in koeër.....
Gaon weej dreej daag lang ein dröpke drinke
Zien weej dreej daag lang dan weer van hoès
De zuus dan altièd vrinde en bekinde
Same zinge weej, waat ik dich smoès....
Gaon weej dan nao hoès, weer nao de blage
Staon weej dan nog efkes aan de deur
Druime van die vastelaovesdage
Zinge weej det leedje nog ens veur....
HOME
PLAATSNAMENOVERZICHTHOMEDAO HEB IK 'T WEER
Tekst: Frans Boermans & Wim Roeffen - meziék: Wim Roeffen
Zang (*) : De Kammeräödjes (Ingrid Scheepers, Christel Wouters, Gé Deenen & Wiel Vestjens)
Ik heb ein hiel gezônde kwaol, waomei ik bes de hônderd haol.
Op elf November kump op slaag, det joeksig kwäölke veur d'n daag.
Dao kump weer zônne scheut, van mien haor wiés in mien veut:
Refrein:
Dao heb ik 't weer, dao heb ik 't weer, det is toch aevel wat.
Dao heb ik 't weer, dao heb ik 't weer, en ik had 't pas gehad.
Waat zoel det toch ziën d'n hielen tiëd, as ik meziék huer, dreij ik rônd.
En as ik de erm de lôch in smiét, dan vlege mich de bein van de grônd.
Dao heb ik 't weer, dao heb ik 't weer, det is toch aevel wat.
Dao heb ik 't weer, dao heb ik 't weer, en ik had 't pas gehad.
Ik zeen auk waal, dao is niks beej, haos ederein, dae haet det heej.
Want wet ge, det kump dao vandaan, d'n eine stik d'n andere aan.
Dao is 't weer zoë wiéd, nae, ik waer det maar neet kwiét:
Wie ik d'n dokter vroog um raod, toen woort dae bes ein bietje kwaod.
Hae zag: "De wets neet waaste zaes, want bin maar bliej deste det haes.
Ik zegk dich nog einmaol, vuel plezeer maar met dien kwaol":
* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201
HOME
PLAATSNAMENOVERZICHTHOMEDAO ISSE DAN, DAO ISSE DAN, DAO IS DE NIEJE PRINS
Tekst & muziek: K. Timp & G. Aerts
Zang (*) : Wiel Vestjens
Refrein:
Dao isse dan dao isse dan, dao is de nieje Prins?
Dao isse dan dao isse dan, persies dae ich mich wins
Noow huurste in de ganse stad
?Zônne gooje hebbe weej nog neet gehad?.
Ze weite neet wie of ?t zit in Jocus hoonderstal
Ze weite neet wie of hae hit of wae ?t waere zal
Maar dan opens, ein hels kabaal, dan plats d?r wat oetein
As eine zingk de ganse zaal ?t volgende refrein:
* lp: " 't Is weer vastelaovend (twië maol elf vastelaovesleedjes en nog vuël miër...) "
HOME
PLAATSNAMENOVERZICHTHOMEDAO KINSE HONDERD MEI WAERE
2010/2011 nr.2 : Tekst: Frank van den Broek - muziek: Hay Geritz
Zang: 2kier2 (Vic & Marius Suiker, Petro & Mark Janssen)
Refrein:
Dao kinse hônderd mei waere,
of waal hônderdtiën beej good gedraag
Laef dien laeve, plök d’n daag
Zit neet te näöle, noow ens gen geklaag
Waat-se auk zegge,
bewaere , ech geneete duit gen pien
Blief jôngk en kwiek,
maak dich neet diek
Ut môt zoë zien wie ut môt zien
Hingk Magere Hein dich aan ut bein
Dan zeg ik nae, nae , nae , nae ….
nog neet misschien
Gans Venlo haet ein virus,
waal veer daag in ut jaor
Neemus dae haet zich in de haor
Ik kin d’r neet aan winne, det gewörg
Waat môt ik doon ik maak mich zörg
Laup verlaore heej op straot
Gaon nao d’n dokter veur waat gooije raod
En weit, en weit geej waat dae zag
Noow heb ik um getroffe,
dae sies dao op ut plein
Zoë ein zoë is d’r toch maar ein
Det zoë waat auk nog rond löp in ut wild
Noow miene leefdeshônger stilt
Zit met kriebels in mien maag
Zoë laup ik rond heej waal d’n ganse daag
En weit, en weit geej wat ik dink
Met vrinde op de lappe,
gedreeve door de lach
Feeste weej door wies in de nach
Weej hange aan det groeëte bônte lint
Zoë gaon weej door wies aan ut ind
Geit dae kater mei nao hoés
Hae veult zich dan in miene kop good thoés
Dan zaet, dan zaet dae taege mich
HOME
PLAATSNAMENOVERZICHTHOMEDAO ZIEN DE FRANSE
Tekst: Jeanne Alsters - muziek: Jan Theelen
Uit de revue 'Stel og ens veur'
De leuze is: Egalité!
De kleijer hebbe DéCOLLETé
De hiëre drage ein LORGNET
HORLOGE met ein SJIEK POCHET
De dames eine rok met QUEU
En kössesteek met ENTRE-DEUX
Ligge in Lies zien ledikant
Waat is in Venlo aan de hand?
Refrein:
Dao zien de Franse! de Franse!
Die wille met de maedjes sjanse!
Ze rope hard: "Fraternitë"!
Napoleon, dae brach os heej!
Weej weite alles van l'amour
Juus wie Madame de Pompadour
Comme-ci, comme-ca! Oh la la la!
Dao zien de Franse, de Franse
Die wille met de maedjes sjanse!
Boujour Madame, vous êtes charmante
La Liberté is in 't land
En zelfs menier Pestoër zien maag
Werk dökker met de "Franse slaag"
't Druimp allein nog van l'amour
Huurt ein gefluuster aan zien oer:
"Vergun det ik mich permitteer
HUBERT is iëwig dienen Baer!
S'il vous plaît vraog ik um dien hand
dit stedje wuuerd mien Vaderland
Waat is in Venlo aan de hand?
Eine nieje wind weijt door 't land!
D'n broëdkas vindt me neet miër net
Waal ein KEMOOD of ein BUFFET
Pas rös zich oet in de CREPO
De KANAPÉ wach met KETO
Allewiels op ziene GALANT
Waat is in Venlo aan de hand?
HOME
PLAATSNAMENOVERZICHTHOMEDAO ZIEN GEN KRUUJE VEUR GEWASSE
1970 nr.2 : Tekst: Ad Pollux - muziek: Fr. Wetjens
In vastelaovend viere, dao zien weej nummer ein.
Weej hoove niks te liëre, det kint heej idderein.
Weej zien d'r mei gebaore, det kôste weej as kind.
Och Venlonaer, och Venlonaer, waat biste toch verwind.
Refrein:
Dao zien gen kruujes veur gewasse en gen pille veur gedreid.
D'r is gen hoëgeschoël umdet te liere;
Maar ôzzen babbie mak grimasse, want dae wet allang bescheid.
Wie weej vastelaovend viere.
Hae duit al net zoë mafgedoedeld wie de res.
Hae zweijt de rammelaer en rup maar um de fles.
Dao zien gen kruujes veur gewasse en gen pille veur gedreid.
Maar ôzze babbie wet al wie 't geit.
Dat vastelaovend viere det wilt me euveral.
Maar gank ze ens wat liëre van Aldewiêverbal.
Och minse det besteit neet, det haet toch genne zin.
Al woelste gaer, al woelste gaer, det kriegste d'r neet in.
HOME
PLAATSNAMENOVERZICHTHOMEDAO ZIEN ZE VEUR
2007/2008 nr.4 : Tekst & muziek: Peter Janssen & Wim Janssen
Zang: Peter Jansen & Wim Janssen
Mien mam, dae schat, had weer ens wat,
Zeg jông, ik huur dich praote wie ein krei
Dien stum is weg, det is toch slech,
Waorum zingse allemaol die leedjes mei?
Refrein:
Dao zien ze veur, dao zien ze veur
Want as ’t det neet goof veur ôs
Waas ik d’r ouk neet aan begôs
Dao zien ze veur, dao zien ze veur
En pas wanniër ’t d’r neet is
Dan wetse waasse mis
Ein leed, ein glaas en eine leeve,
Dao is nog neemus aafgebleeve,
Die bringe roëzegeur en maoneschien
Gewoën umdet ze dao veur zien.
D’n buurman zag, gans ônverwach
Zeg jông waat makse noow toch weer veur kraeg,
Ik hald dich heej, haos gaar neet beej
Waorum hebse dien glaas beer toch zoë dök laeg?
Mien tante vroog, wie zeej mich zoog,
Zeg jông, ik kin d’r gaar neet euver oét,
De geis nao det, en dan nao het,
En die kös dich allebei dan op eur snoét!
HOME
PLAATSNAMENOVERZICHTHOMEDECOLLITEE
2001: Tekst: Paul Megens - muziek: Ex-Ronny Toober
Zang (*) : Ex-Ronnie Toober
As steeds in ’t veurjaor, de sperjus begint
Is minnige Ier dae ós dörpke weer vind
Dzjoelie oët Dublin kwaam dit jaor naor ós
Maar Dzjoelie wis gaar neet wao ut aan begós
Toen boer Piet um staeke zoog, wis hae genóg
”Don’t fuck wif my sperjus, fuck you and fuck off”
Danig geschrókke greep ’t nao de fles
Ut zei: “Laot mich ens kièke, waas dich dao in hès”
Refrein:
They call it tee
‘t haet weinig um ut lief
Sop dièn zekske in heit water
‘nne kier of vièf
They call it tee
‘t Mak mich van binne heit
‘K gaef dich op ein breefke det
D’n dors gauw euver geit
Dzoelie oèt Dublin, ging toen naor boer Sjaek
Det is d’n boer waor ik sperjus beej staek
‘K zoog niks in Dzoelie op de sperjus-plak
De haor in ein knötje, det wièje werkpak
Dzoelie leep beej òs waal erg oèt de pas
Ut schafde met kerskes op ein stök damas
Van ’n bekske kòffiedao, schödde ut zich van
Beej Dzoelie kwaam d’r something els oèt de kan
* cd 2001: Ex-Ronny Toober - "Noow en heej"
HOME
PLAATSNAMENOVERZICHTHOMEDEEP HEEJ
Tekst: ? - muziek: ?
Zang (*) : Blaauw
Ut veur is weg
door leefde gebaore oét mien hert gestaole
mien druime zien oèt, zeej ware te groeët
lk heb dich leef nog mièr dan mien laeve
ut is um ut aeve
mien wäörd zien weer klein
Ik deil noow allein
Refrein:
Ik kin ut neet vergaete daen tièd
de toekoms woord verlaeje met spièt
ik meug neet mièr dinke aan daag van veurbeej
in weemood verdrinke
maar deze leefde blièf mich beej
ik raak dich noeëts mier kwiet, deep heej
Ik heb dök gedach um dich te belle
dich te vertelle ik mis dien gezich
meschiens mis dich mich
ónderein,weej spraeke met auge
as weurd neet mièr dauge
noow wint ut verstand
maar ut geveul is op mien hand
Ut verleeje det geit noeëts veurbeej
deep heej…
* cd : Blaauw - "Eine zomer met dich"
HOME
PLAATSNAMENOVERZICHTHOMEDÈH DAN, DAO ISSE
2002/2003 nr.4 ( LVK nr.1 ): Tekst: Peter Jansen - muziek: Wim Janssen
Zang (*) : Peter Jansen & Wim Janssen
Daen Hay van ôs, det môt ik ôg vertelle,
dae slaon ze altiéd euver mit bestelle.
En asse intelik zien pilske haet,
wet geej waat ôzzen Hay dan zaet:
Refrein:
Dèh dan, dao isse!
Noow kiék ens waat ein moei gezich.
Dèh dan, dao isse!
En det is allemaol van mich.
Maar ônder ôs gezwege en gezag:
Ik had auk aevel lang genôg gewach.
Dèh dan, dao isse!
Jao, det zeg ik dich, as 't leet aan mich,
dan is de letste nog lang neet in zich.
Det Nel van ôs haet einen haup bekinde,
maar eine echte vrind kôs het neet vinde.
Dao zông opens dae allerleefste schat,
wie 't um toch gevônde had:
Det Sjan van ôs, det had al griéze häörkes,
toen kreege weej dao toch nog sôkkerkäörkes.
En wae d'r in de buurt kwaam van die weeg,
wet geej waat dae te huure kreeg:
* cd 2003 : Diverse artiesten - "Van Eijsde tot de Mookerhei 10" - Marlstone Recordings bv CDL2301
HOME
PLAATSNAMENOVERZICHTHOMEDE DENARESSE VAN DE KUNS
Tekst: Frans Boermans - muziek: Giel Aerts
Uit de revue 'Stel og ens veur'
Wao Venlo langen ties zoë hard op haet gehaop
't Niej theater kum now in zien laeve
Now is 't dan zoë wiëd. de deure die gaon aop
Weej zien 't letste spönske aan t gaeve
Nog gauw, ein streekske heej, nog gauw ein vaegkes dao
Weej hoorte det de luuj al veur de deur staon
Nae zônder ôs d'r beej, det gaef ge ôs toch nao
dan kôs 't ganse speul heej gaar neet doorgaon
Refrein:
Weej zien de denaresse van de kuns
't Werk in 't theater is ôs laeve
Weej twië staon beej de Muze in de guns
al wuurd veur ôs waat noëts applaus gegaeve
Weej speule ech ein glasrol wie ge zeet
Al meuge weej neet schittere op de planke
en staon weej in 't programmabukske neet
De schoënheid in de kuns, de schoënheid in de kuns
Die schoënheid is aan ôs te danke
Stel ôg ens veur, wae wet, det kôs bes zien meschien
det zeej ôs cultureel now op gaon vooje
Maar as me d''r op let, wie ald det weej al zien
dan meuge ze zich waal ein bietje spooje
En how maar aafgewacht, waat ôs de toekomst bringk
Ik haop det 't vuël moderne kuns zal waere
Want ik had mich zoë gedach, det waas ein hiël good dink
dan hove we maar ein riej of deej te kaere
HOME
PLAATSNAMENOVERZICHTHOMEDET DUIT 'M 'T VEURJAOR
1955 of 1960 ?: Tekst: Frans Boermans - muziek: Harry Verhagen
Zang 1 (*) : Lottie Boermans & Wiel Verwijst
Zang 2 (**) : Funs van Grinsven en The Rhythmic Band
Zang 3 (***) : Minsekinder
Zang 4 (****) : Gé Reinders
Zang 5 (*****) : Taai Taai
Zang 6 : De Vrijbuiters
Béj ôs in 't sträötje, dao ging ens 't präötje,
det Koëba van Grit van Petran,
ging trouwe met Dorus, dae seventig jaor is,
en nemus dae snap d'r wat van.
Refrein:
Det duit um 't veurjaor, det leet aan 't lintewaer,
want al wat jônk is, och det vrejt zoë gaer.
Det duit um 't veurjaor, det leet aan 't lintewaer,
want al wat jônk is, och det vrejt zoë gaer.
Nôw wuur d'r gefluusterd, aan eeder dae luustert,
det de broelof nôw aaf is gelas.
Umdet nôw dae'n Dorus met ein jônger vandoor is.
Det is ach en zestig nog pas.
Waat duit toch de maedjes, zoë greun nog wie blaedjes,
zoë bloze met hiël eur gezich,
as Wielke of Sjengske eur kös op 't wengske,
en stamelt: " Ik hald zoë van dich ".
* lp (1976/1977) : " Vastelaovend same " - Discofoon LP 11.11.76
** cd: Diverse artiesten - "Batailles Carnavallade 1" - Omroep Limburg OL52-199701
*** cd 1989 : " Mooder Hellup - Beej Mooder Thoës "
*** cd 1994 : Minsekinder - " Casa Loco"- (de laif ceejdeej)
**** cd 1999 : Diverse artiesten - "Leedjes veur de ieuwigheid (ein hommage aan Frans Boermans)"
**** cd 2000 : Diverse artiesten - "Petje aaf (veur al die schoéne leedjes)" - Onger Os 7370
***** cd 2000: Taai Taai - " 't Veurjaor " - Pebble Music PMC 004
HOME
PLAATSNAMENOVERZICHTHOMEDET EIN MOMENT
Tekst: Fred v/d Bogaard - muziek: Quinn Warmerdam
Zang (*) : W-Dreej
Refrein:
Want as ik truuk kièk op mien laeve,
Dan bin ik hiel kôntent.
Al is mien laeve gans verwaeve,
Met det ein crusjaal moment.
Daorum vraog ik mich noow aaf,
Zoel ‘t anders zien gegaon,
As ik mich toen good had bedach.
Want misschien had ik d’r waal hiel
wat anders veur gestaon,
In ut laeve,….As ik jao had gezag.
Bij 2e keer refrein:
In ut laeve,…As ik nao had gedach.
Dien lippe hiel ef langs mien wang.
Dae’n aai waas, zoeë ônverwach.
Dien auge die mich waekelang,
Van de wap, hebbe gebrach.
De twiéfel sloog mich oét de schoon.
En dao stônd ik toen rats op de zök.
‘k-Wis neet-mier waat ik meus doon.
Zoeë waas ik van mien stök.
De klink had-se al in de hand.
Dien kôffers, ware gepak.
Mien was had-se al aan de kant.
En ut bed waas opgemak.
de zags “ de kriegs toch nog ein kans”.
En ik had d’r al zoeëvuël gehad.
Maar toch ôntsprông ik d’n dans,
Want toen waas dich ’t zat.
* cd 2004 : W-Dreej - "Höf de glazer mit W-Dreej"
HOME
PLAATSNAMENOVERZICHTHOMEDET GEIT VANZELF
Tekst & muziek: Paul Nagelmaeker
Zang (*) : Neutjesrang & Band
Gans `t jaor dan weit ik bes van wante
dan werk ik door en doon waat ik môt doon
En ik pak aan want ik hald neet van lanterfante
ik laup mich nog de zaole van de schoon
Kiék mich heej noow staon
gewoén neet weg te slaon
Ik wiebel en ik stiefel en ik dreij
Zin um oét te gaon
lekker door te gaon
en idderein …duit met mich mei
Det geit vanzelf
ofse wils of neet
Jao wao det aan leet
nae det weit ik neet
Wae ik waas veur ik heej kwaam bin ik vergaete
Ik bin ik en ik bin lekker vreej
Mien gelök op dit moment is neet te maete
As se mich zeuke ik bliéf nog efkes heej
Langzaam wuért `t later
D’n tiéd dae geit veurbeej
Ik veul `t aan mien water
Ik bliéf nog efkes heej
* cd 2001 : Neutjesrang & Band - " Éine waeg " - Marlstone CD 2117
HOME
PLAATSNAMENOVERZICHTHOMEDET HADDE WE MOTTE WEITE
1999/2000 : Tekst: Hannelore Winter - muziek:Jan Bax
Uitvoerende (*) : Theo & Marij
Wuurt de weiteschap, nów ózze nièje stichter,
zien we blièj met de klónerie,
Jan met de Pet en Hae en Het staon al op 't stumbiljet.
Aape die ós nao met eur gezichten, lieke die op ós wie weej,
och dan kwaam ik neet mièr beej.
Refrein:
Jao, jao, det hádde we van te veure mótte weite,
det de ièuwigheid ós te wachte steit.
Weej laeve nog zoëlang van hup dao geite,
wetse det de wind zich haet gedreijd.
Ós generatie wuurt ein sensatie,
met al die klóne van dich en mich.
Det hádde we van te veure mótte weite,
dan leepse nów met mien gezich.
Laot de weiteschap maar doedele wat dach-ge,
as we döbbel gedöbbeld zien.
laupe we dan van heej wies dao, eigelik ószelf maar nao.
Ligge we auk döbbel van 't lache, had de ganse Raod van Elf,
eine veurraod van zichzelf.
* cd 2000 : Diverse artiesten - "Van Eijsde tot de Mookerhei 7" - Marlstone Recordings bv CDL2001
HOME
PLAATSNAMENOVERZICHTHOMEDET HEB IK ALTIED AL GEHAD
1987 nr.7 : Tekst: Joep Huijbregts - muziek: Guus Timmermans
Zang: Hay Crompvoets
Ik gaon toch zoë gaer nao mien eige kefee.
Dao is 't zoë good det steit vas.
Dao vuél ik mich thoés, jao, dao huér ik d'r beej.
Maar luuj ik heb eine las.
Refrein:
Ik kan gen laege glazer zeen, det heb ik altiéd al gehad.
Veur volle gaon ik door de kneen, zoë is d'r dus altiéd waal wat.
Iérs vol, dan laeg, de's niks gedaon.
Dus ober doot mich ens ein lol.
Laot dich nog ens gaon, laot dae kraan aope staon.
En maak mich die laege (weer) vol.
Ein glaeske van dit, of ein glaeske van det.
't Leefste ein kalt glaeske beer.
En staon ik dan saoves zoë aan 't buffet
Gebeurt 't mich altiéd weer.
Ik woort lets getes, beej d'n oétslaag dao stônd.
'Meneer, geej ziet bijnao perfek'
Ik meug dan waal slum zien, en auk good gezônd.
Maar ik heb toch ein groét gebrek.
lp 1987 "Dich en ik"
HOME
PLAATSNAMENOVERZICHTHOMEDET IS DE VASTELAOVEND SCHÖLD !
Tekst & muziek: D. Timp
Wie ik nog maar enne snuiter waas, 't is jaore lang al haer,
heel ik raozend vuel van gape, och, ik gaapde toch zoë gaer.
Veur zeek're winkelroête, dao bleef ik smeis hiël lang staon.
'k Waas knats op Vastelaoves-grei, al meus ik d'r oore veur gaon.
Refrein:
'k Bin dol op neuze, op snorre, op köp, op kleiër gek van snit.
Op maskes mit zô'n eierdöp, det bringk de Vastelaovend mit.
Jao, jao, dae haet de schöld dao aan, dae haet mich gek gemak.
Op de Vleisstraot waas zô'n winkelke, waat jaomer, 't is neet miër.
Dao stônd ik 's aoves laat dök veur, tot op 'nne zeekre kiër,
en woudje mich ens hiël kwaod zag: " Zek snôtter, gauw nao hoês ! ".
As antwaord heb 'k mit bange lach um zaach in zien oêre gesmoes:
'k Woord twintig jaor, ging veur 't iërs verkleid nao Jocus-Bal,
kreeg sjans toen aan ein flinke mos, maar waat waas 't geval ?
Taege twellef, net veur d´masqué, vroog ik: " Wao bis dich van ? ".
" Dich snôtneus ", zag 'det bruudje' mich, " Dien vader, det is miene man ! ".
HOME
PLAATSNAMENOVERZICHTHOMEDET IS EIN JOEKSKAPEL OP JOETS
1991 nr.2 (L.V.K. 1991 nr.1) : Tekst: Sef Maaskant - muziek: Jan Jacobs
Zang: Hay & Paul Peters
Speult d'r weer ein joekskèpel dao baove op de trap,
Tarara djieng tarara boem.
Wuért d'r weer oét ein of ander joeksig joeksig vaat getap,
Tarara djieng tarara boem.
Minsekinder leef det geit heej alderwets d'r aan,
Tarara djieng tarara boem.
Veur det träötend straotorkes make weej ruum baan.
Refrein:
Ze träöte en traeje, ze kneure en knaeje,
Ze blaoze en kraoze, ze gaon wies op d'n baom.
Huér ens det doef geboets, huér det geknoets,
Det is ein joekskèpel op joets, huér ens die dônderslaeg,
Huér det gevaeg, zoë zien die ore ônderwaeg.
Ze blaoze en kraoze, ze gaon wies op d'n baom.
Is d'r weer ein joekskèpellebal dao op de straot,
Tarara djieng tarara boem.
We häöste ôs dan gauw nao boéte in dezelfde maot,
Tarara djieng tarara boem.
Van de zoépkoel wies Parade djiemp det door de lôch,
Tarara djieng tarara boem.
Kôm nao boéte allamaol heej is plaats genôg.
Idder jaor dan gaon ze met de groéten optoch mei,
Tarara djieng tarara boem.
De huérse al van vaere viéme veur d'n iérste dreij,
Tarara djieng tarara boem.
En ze staon op wages of ze gaon gewoén te voot,
Tarara djieng tarara boem.
Houw d'r de stumming in det doon die jao good.
HOME
PLAATSNAMENOVERZICHTHOMEDET IS GEN DOON
Tekst: Frans Boermans - muziek: Wim Roeffen
Minse, môt ge - ens kieke, wao môt det now op lieke,
wie geej ôs heej sjouwe zeet.
Det waas noëts te - verklaore, det jatse al die jaore.
Now, is det zoë of neet ?
Refrein:
Det is gen doon, det is gen doon, ôs hingk de tông haos op de schoon.
Det geit te wied, det geit te wied, zoë waere weej d'n aom og kwiet.
Weej hoebele van hot nao haar, van heej nao dao.
Weej traeje now al ore lang ôs tiëne achternao.
Det is gen doon, det is gen doon, ôs hingk de tông haos op de schoon.
Met de hakke - vol blaore, zoë zien weej neet gebaore,
toch doon weej van hupsekee.
Waat weej môtte - verdrage, en zônder oëts te klage,
weej zinge d'r auk nog beej :
Det gejats door - die straote, det kinne weej neet laote,
en weej weite neet waorum.
Och, waat kan 't ouk bômme, waat kump, det môt maar kômme,
weej dreije ôs neet um :
HOME
PLAATSNAMENOVERZICHTHOMEDET IS UT DOEL
Zang (*) : Venlona-koër
Refrein:
Det is ut doel, ein twie,
det is ut doel, dreej, veer,
det is ut doel van ôzzen bônd.
Laeve de schöp en laeve de reek,
laeve ôzzen boerenbond.
* lp 1979/1980 : Jocus - " Dao geit-e haer ! " - Discofoon LP 4.7980 15.90
HOME
PLAATSNAMENOVERZICHTHOMEDET KEFEE OP D’N HOOK
Tekst: Gerard Seelen - muziek: Frans Wassen
Zang: Frans Wassen
Refrein:
Det kefee op d’n hook
is ein stök van mien laeve
Want as det óntbrook
waas d’r niks te belaeve
De maks-ter waat kwats
en de veuls dich in stièl
Jao, det dingk op d’n hook
is ein oètlaotventiel
Ik loup gaer ein blökske um
met of zónder hundje
Haet daen hónd dan gaar gen zin
maak ik toch mien rundje
Dan duik ik met plezeer
achter ein glaeske beer
En veul mich gans okee
in mien stamkefee
Smeis wip ik ef van mien werk
det kefeeke binne
Want dao wuùrse aangesterk
en opgeruump van binne
’t is waor, waat ik heej smoès
as mins kumpse weer thoès
De veuls dich gans okee
dank … mien stamkefee
HOME
PLAATSNAMENOVERZICHTHOMEDEZELLUFDE WAEG
1999: Tekst & muziek: Bert van den Bergh
Zang (*) : &Juliëtte
Same nog gewerk in de middaag, 's aoves veur good gegaon.
Verlaote zónder mich te zegge, wie ik noow wiejer mót gaon.
Ik weit neet waat d'r kómme zal, verlaore heb ik vannach.
De winter haet kald gevraore, zien kelt haet un laeve verach.
Alles van dich gekrege, alles det ik oeit zóch.
Alles waat nemus kós waete, dich waas dae wis waat ik zóch.
Noow gaon ik heej doelloos verlaore, doelloos laop door de stad.
Ik merk noow pas hoevuuël verlaore, un deil weg van waat ik oeits had.
Refrein:
Maar ik gaon dezellufde waeg, zoevuuël anders zal 't neet zien.
Ik gaon vaerder, de waeg is laeg. In waat kump leet de pien.
Slechs allein nog 't verleeje, haet ós same laote zien.
Waat gewaes is is gewaes, det waat kump, löp op ós in.
Ut valle van de blaajer, of de herfs daes dich haes geveuld.
doezend gevechte gestreeje, ut veur van ut laeve bekeuld.
Beej alles des dich oeits veulsde, dach ik det 't noeëts had bestaon.
Alles bleef ik ontkinne, maar altied bleefs dich langs mich staon.
* cd 1999 : &Juliëtte - "&Juliëtte" - Ben Verdellen Produkties
HOME
PLAATSNAMENOVERZICHTHOMEDICH... BIS DE STAD
2005/2006: Tekst: Wiel Hermans & NUATH - melodie: Schotse Traditional (Highland Cathedral)
Zang: NUATH
Refrein:
Dich... bis de stad, dich bis wao weej veur staon
Dich... bis ôs euveral in veurgegaon
Dich... hes dae schaterlach op dien gezich
Dich... bis ein vrouw dich bis ein rièp gedich
Griès, van haor, en zoë bont gekleid
Dich hes moem in de knäök
Dich bis breid op de häöp
Fel gesmienk in dien gruütsigheid
Maar good det 't dich hiel good steit
Vrech, det waal, met ein hert zoë klein
Dich bis waers det 't kraak
Dich geis ram oèt dien daak,
Lach en traon laeve naevenein
En dök lièke weej vuül opein
HOME
PLAATSNAMENOVERZICHTHOMEDICH BIS ZOEË KWANT
Tekst: Gerard Seelen - muziek: Frans Wassen
Zang: Maria Möskes & Frans Wassen
Refrein:
Want ik vind dich zoeê kwant
Jao zoeë allerhand
Zoeê wie-se bis bisse
Dich wil ich neet misse
Ken! Ik bin diene fen
En heb ik vuuël jen
Met dich óndertösse
Dich bis um tek kösse
Wetste nog det “Nationaal”
Al lange jaore haer
’s Zondaagsaoves in dae zaal
Met dich en ein glaas beer
D’n tango, jao, det waas ’t toch
Wie vol waas dan die vloer
Dan fluusterde ik – wetste nog –
Romanties in dien oeër
In dae vastelaovestièd
Dan gaon weej gaer verkleid
Vergaete efkes ózzen drièt
De geis wuurt doorgeweid
Ik zeen dich dan jao aeve gaer
Zoeë good en gek geschmink
En gaon weej dan, wae wet wao haer
Dan zeg ik waat ik drink
HOME
PLAATSNAMENOVERZICHTHOMEDICH EN IK
Tekst: Gerard Seelen - muziek: Frans Wassen
Zang: Frans Wassen
Refrein:
Dich, dich en ik
Det is same dieke mik
Ein en ein is twieë
En weej twieë zien same ein
Dich, dich en ik
Dét is same dieke mik
Pak det glaeske noow van mich
En dan klink ik en so dich
Waat de zón is veur ’t laeve
Det bis dich jao ouk veur mich
Ik heb neet vuuël te gaeve
Maar ein dink det zek ik dich
Wie de schemer huurt beej lempke
Zoeë huurs dich jao ouk beej mich
Wie ein zwaevelke beej vlemke
Zoeë veul ik mich doeën beej dich
HOME
PLAATSNAMENOVERZICHTHOMEDICH KANS MICH WAT
1994: Tekst: Frans Boermans - muziek: Wim Roeffen
De hads 't zelf gezag, um zes oor zoelste d'r zien.
Ik heb op dich gewach, ein oor of dreej meschien.
Wie 't lot ôs samebrach, had ik toch zoë 't land,
want twieë oor in de nach is aan de late kant:
Refrein:
Dich ... kans mich wat, dich kans mich wat,
dich kans mich wat moëis belaove, schat.
Van alles waas te mar wils, as dich d'r dich maar aan hilds.
Dich kans mich wat, dich kans mich wat,
dich kans mich wat leuks verspraeke, schat.
Maar waal neet wie eders kiër, vergaet 't now ens neet miër.
Lewie, dae ging van hoes en zag toen taege zien Greet:
"Um tiën oor bin ik thoes, want langer kaart ik neet."
Maar Greet wis ziene weet, det klônk veur um neet niej.
't Zag: "Ik gluif dich neet, now luuster ens Lewie:"
't Nieje kabinet, det had zich al veurgesteld,
belaofde dit en det, miër baantjes en miër geld.
"Minister president", sprook toen ein kamerlid,
"Ôs ganse parlement, det zaet allein maar dit:"
HOME
PLAATSNAMENOVERZICHTHOMEDICH KINS MICH TOCH NEET
Straotdeuntje
Zang: Dameskoër
En de kins mich toch neet en de kins mich toch neet.
En de kins mien ganse boerefemilie neet.
En de kins mich toch neet en de kins mich toch neet.
* lp (1978/1979) : Diverse artiesten - " Venlo op zien bès " - Discofoon LP 45779
HOME
PLAATSNAMENOVERZICHTHOMEDICH MAKS DE KACHEL MET MICH AAN MARIEKE
vòòr 1954 : Tekst: J. Janssen - muziek: H. Janssen
Zang 1 (*) : Hans Mans
Zang 2 (**) : Minsekinder
Refrein:
Dich maks de kachel mit mich aan, Marieke.
Waat ofste van mich dinks, det lieët mich kalt.
Me kan de roeëze neet verbéeje dat ze bleuje.
En auk mien hert neet, dat ik raozend van dich halt.
Ik bin verleef op Mieke beej ôs naeve.
Ik gaon d'r now en dan ens op bezeuk.
Dan zaet 't taege mich: "kôm toch wat dökker",
want des te bis gekômme vind ik leuk.
Dan môt ik höltjes houwe veur de kachel,
de mat en luiper kloppe oet de gank.
Dan help ik um de telders aaf te wasse.
En as ik gaon, dan zaet 't: "auk bedank".
Toen ik op straot mien Mieke aan zoog kômme,
toen winkde 't mich van vaer al gooijen daag.
Maar 't kroop beej mienen naef in zienen ootoo.
Ik kôs waal kriete mit mien good gedraag.
'k Had op 'nen aovend mit um aafgespraoke,
béej 't stopleech op den hook, en 'k stônd d'r net.
Toen steurde 't zien breurke um te zegge:
de kômplemente, maar 't waas belet.
Ens waas 't mich gelök um mei te kriege.
't Waas Aldewieverbal, dao loog mien kans.
Maar wie ik vroog, 't waas eeders kiër bespraoke,
en 'k kreeg dae gansen aovend gennen dans.
Toen dach ik béej mien eige: laot um scheete,
in Venlo zien nog maedjes béej de vleet.
As auk mien hert van ergernis ineinkrump,
ik laot niks merke, maar ik zing mien leed :
* lp (1978/1979) : Diverse artiesten - " Venlo op zien bès " - Discofoon LP 45779
** cd 1989 : " Mooder Hellup - Beej Mooder Thoës "
HOME
PLAATSNAMENOVERZICHTHOMEDIE DIEKE MET DIE FLAAI
Tekst: Marc van de Ven - muziek: ?
Zang 1: That’s Live
Zang 2: NUATH
Shit man, die zit allein maar in miene kop.
Maar good, heej kump e:
Zaoterdaag s'morges ik staon beej d'n bekker, de slaop nog in mien auge, ik baal wie eine stekker.
'twië mik en nog wat bruuëdjes' kump oët mien gezich, Heej, dich bis neet aan de beurt, huuër ik naeve mich.
Veurkroëpe he? Ik zoel maar achteraan gaon, anders gaon ik dich efkes op dien dieke tiëne staon.
Verdwaas kiek ik opzie, mien auge springe aope , zeen ik det noow good of heb ik toch tevuuël gezaope.
Ik vrief mich in de auge jesses wat eine kammezeul, zoë diek det ik de pien al in mien tiëne veul.
Ik deins achteroët, schrik mich te pletter, waorum staon ik noow noeïts naeve eine spetter.
Ik wach röstig aaf, bin bang veur miene voot, 50 flaaje astebleef, huuër ik det noow good.
Met 10 volle tasse waggelt hèt de deur oët en ik flap d'r oët WAT?????
Kiek dao, die dieke met die flaai
Kiek dao, die dieke met die flaai
Det is 'n echte haajbaaj
Kiek dao, die dieke met die flaai
Kiek dao, die dieke met die flaai
Zaoterdaagaovend op nao de kroeg, ik heb weer unne lange aovend veur de boeg
Ik drink ein paar pilskes, maak lol en plezeer, Ik dans wat ik zing wat en kiek wat um mich haer.
De maedjes zien moej, en ze lache lekker leuk, ik veul mich thoés heej, jao det is waat ik zeuk.
Kiek det dao det leef kind det zuuët mich wal staon, met um wil ik strakkes wal nao hoes toe gaon.
Ik laup nao um toe, wils dich wat van mich drinke? Jao ein pilske, huuër ik oet zien mundje klinke
'K laup nao de bar, zoë lich as ein veer, wil bestelle; duise mich twië glaeskes beer?
Veurkroepe he? Zaet opens ein stum, det is det van d'n bekker, ik val bijna um.
Ik bin aan de beurt sukkel gank aan de kant, kôffie met flaaj WAT???
HOME
PLAATSNAMENOVERZICHTHOMEDIE MELODIE
Solo (*) : Hannelore Winter
Refrein:
Speul nog ens die melodie, die ik as kind heb gehuurd.
Det alde brökske nostalgie, vruuger beej ôs in de buurt.
Speul nog ens die melodie, die in mien oëre nog klinkt.
Huur ik die nog eine kier, ôch, dan vergaet ik ze noeit neet mier.
Dan huur ik weer die melodie, wao ik nog altiëd aan dink.
Vuul zien weej verlaore, huurt me kier op kier,
det van vruuger jaore, kump toch noeit neet meer.
Gooije alde tiëje zien veurbeej gegaon,
moeije melodieje bleve toch bestoan.
* lp 1979/1980 : Jocus - " Dao geit-e haer ! " - Discofoon LP 4.7980 15.90
HOME
PLAATSNAMENOVERZICHTHOMEDIE VASTELAOVES ZON
Tekst & muziek: Henk van Hoften
Zang: Ed Sonnemans & Lilian Sijmons
Refrein:
Laot um maar straole op mien gezich
Laot um maar straole wie ein alt Venloos gedich
Laot um maar straole dreej daag aan ein stök
Dan bringk die vastelaoveszón mich vuuël gelök
As de ièrste straole
Valle beej ós in de Wien
Kòm mich dan gauw efkes haole
Dit is de plek wao ik wil zien
Maonde van te veure
Kiek ik weer oèt nao die daag
Noow geit ut toch ech gebeure
Kóm dich maar ens veur den daag
HOME
PLAATSNAMENOVERZICHTHOMEDIEN AEVEBEELD
1999/2000 nr.3 : Tekst: Martin Peeters - muziek: Frits Tilburgs
Zang: Martin Peeters, Frits Tilburgs & Hay Smeets
's Morges as de wekker geit, mak det ding waal vuuël leweit.
Wilse opstaon, staps metein, net op 't verkierde bein.
Haes de slaop nog lang neet oét, veuls de schmienk nog op dien snoét.
En de döp wies op de kneen, wae wilt zo'n mörfke zeen ?
Refrein:
Hald dich 'n spegel veur, kiék ens nao dien humeur.
Want aste veur de spegel steis, dan zuuste dienen eige geis.
't Is en 't blief uniek, wie eemus zoë op dich liek.
Dien aevebeeld det lach um dich, zuut altiéd opniej 'n bliej gezich. (2x)
As d'n toemel weer begint, geise lever ônbekind.
Mit 't maske waat dich pas, kruupse in daen andere jas.
Auk al steise aan de kant, koekeloere is hiël kwant.
Vastelaovend haet allich vuuël miër as ein gezich.
HOME
PLAATSNAMENOVERZICHTHOMEDIPLOMA
1980: Teks en muziek: Frans Boermans & Jan Theelen
Oet de Revu (*) : "Waat ennen tiëd"
Diploma, diploma, diploma, diploma.
Hoera, hoera, weej hebbe noow det waerdevolle stök,
ôs liërtrofee, ôs kroënjuweel, ôs opperste gelök.
Diploma, ao goddelik diploma.
De striëd is noow gestreeje en weej hebbe 't net gehaold.
't Pepeerke wao de waerd van eine mins door wuurd bepaold.
Diploma, 't groëte axioma.
De punte op ein rieke heej te laeze.
Jaerke is ein zesje en Mientje is ein vief.
Zoë gaon weej naor de toekôms mit dae stempel op 't liëf.
Carriere, Carriere.
Zegk mich now maar ens waat ik wil waere.
Diploma, diploma, diploma, diploma.
Journalis of zakevrouw, computerprogrammeur,
Of dokter, bekker, lierares, belastinginspekteur.
Diploma, 't is allemaol diploma.
Minister of professor, direktries of lômpeman,
maar 't leefs woord ik gelökkig as 't auk maar efkes kan.
Diploma, gelök hoof gen diploma.
De punte op ein rieke hae te laeze,
die staon wie eine stempel op mien waeze.
Jaerke is ein zesje en Mientje is ein vief.
Carriere, Carriere.
Zegk mich now maar ens waat ik wil waere.
Diploma, diploma, diploma, diploma.
* lp : " Waat ennen tiëd " - Discofoon 11080 - VR 21527
HOME
PLAATSNAMENOVERZICHTHOMED'N DISCO DENS
1982 nr.1 : Tekst & muziek: Wim Janssen
Zang (*) : Hay en Paul Peeters
Refrein:
De Vastelaovend disco-dance, veur alle vastelaoves-fens.
Det is 't niejerwets gedeuns, waoste dreej lank van kreuns.
Joeksig Venlo duit in trans, dae mekkelikke losse dans.
Ofste steis of deste rens, doot um maar ens, de vastelaovend disco-dans.
Baer is al achenzeventig toere, maar as d'r bal is zitte veuraan.
Nao ein van dreejendertig te loere, want dreej kiér ellef det sprik um waal aan.
Jao dan poetse de plaat, dreijte rônd wie ein raad, en dan zingke: 't is noeits te laat.
Noow isse dreej daag langk in trans, en duit allein d'n disco-dans.
Ônder d'n disco is um gebleke, dette zoë jôngk is wie hae zich veult.
Noow zuuste um in de discotheke, euveral wao dae'n dans wuért gespeuld.
Maar van al det gejoets, det gedreij en gepoets, isse gister opens oétgeroets.
Noow haet dae'n erme eine krats, det kump van allemaol dae kwats.
* lp 1981/1982 : Jocus - " Laot ôs bliëve zinge " - Discofoon 11.11.81
HOME
PLAATSNAMENOVERZICHTHOMEDIT IS DE PLAATS
Tekst: Frans Boermans - muziek: Funs v. Grinsven
Zang (*) : De Koedeljach (Wiel Vestjens)
Uit de revue 'Stel og ens veur'
Refrein:
Dit is de plaats, heej wil ik blieve, wies det ik van deez aerd verdwien.
Heej kan gen mach mich mier verdrieve, dit zal mienen thoés veur altiéd zien.
Want mienen drei kan ik heej vinde, zoë krieg mien laeve zienen zin.
Heej aan dit land wil ik mich binde, wies det ik d'r zelf ein deil van bin.
Waat eeder mins zich altiëd wins, ein röstig plekske op deez aerd,
wao as vreej man hae laeve kan, zôn plekske is um alles waerd.
De woeste Chaamaaf noom ôs det aaf, verjoog ôs vriéd van hoés en haof.
Zoe zeuke weej ôs heil now heej, in dit land det ôs veul goods belaof.
Huurt alleman det waas ut dan, heej is ut ind van ôs gesjouw
Dit land zoë schoën is now ut loën van ôggen onvrukbaren trouw
Mien volk hald mood, now kump ut good, kiëk vol vertrouwe de toekôms in
Weej zien weer vreej, ôs leid veurbeej, dit is veur ôs ut niej begin
* cd 2000 : Diverse artiesten - " Petje aaf (veur al die schoéne leedjes) " - Onger Os 7370
HOME
PLAATSNAMENOVERZICHTHOMEDOEDEL DIEDALIA
1973/1974 nr.1: Tekst: Frans Boermans - muziek: Thuur Luxembourg
Zang (*) : Wiel Vestjens
Refrein:
Dae det dao deej, waat deej dae dao ?
En doe dae det deej, deej dèt det nao.
En wie die det deeje, doe dach ik: kôm.
Van je doedel-die-diedel-diedôm.
Van je doedel-die-deja, van je doedel-die-dalia.
Ik dach: ik dink det ik det doon met mien Amalia.
Van je doedel-die-deja, van je doedel-die-dei,
Ik dach: ik dink as ik det doon, dan doedelt det mei.
D'r zoot ens, iërlik waor, eine jông van achttiën jaor,
mit ein maedje op zien kneen, en det heb ik jao zelf gezeen.
Dae oot, zoë leek 't mich van det maedje zien gezich.
Ik wis neet waat ik zoog, en ik det aan eemus vroog :
Dae jông dae zoot nôw net mit det maedje aan 't buffet.
Zeej krege waat in ein glaas, en ik wis neet waat det waas.
Doe klônk dao: kloek, kloek, kloek, die hadde det ingesloek.
Ik kôs dao maar neet beej, en reep: Zek, huur ens heej !
Dit is tot mien verdreet, 't letste van dit leed.
Nôw pak ôch ônder d'n erm, det is leuk en lekker werm.
en wae det neet versteit, dae kiek maar wie det geit.
En kinste d'r neet beej, dan zing maar net wie weej :
* lp (1976/1977) : " Vastelaovend same " - Discofoon LP 11.11.76
HOME
PLAATSNAMENOVERZICHTHOMEDOËN BEEJEIN
1978 nr.3 : Tekst: Ad Pollux - muziek: Giel Aerts
Zang 1 (*) : Hay Crompvoets
Zang 2 (**) : Minsekinder
Ze hônge weer boëte beej eeder kefee.
Ik dach: biste gek, de prebeers 't ens heej.
Iërs euver den dörpel en det ging al bes.
Mien veut ware binne en toen kwaam de res.
En eine reep: "Kom heej, de kins d'r nog waal beej".
Refrein:
Dao gaon we dan, dao staon we dan,
dao zitte we of dao hange we dan.
Zoë same ônderein, zoë lekker doën beejein.
Dao gaon we dan, dao staon we dan,
weej bliëve heej lekker zoë lang 't maar kan.
Heej vind ik 't kwant, heej vind ik 't fijn,
zoe lekker doën beejein.
Ik schravelde door, och, waat waas 't d'r drök.
Dao zoot d'r mich eine bekant op de rök.
Ik stond op de tiëne, maar neet die van mich.
Det zoog ik al aan eine man zien gezich.
Dae vloog toen in de lôch, dao waas nog plaats genôg.
En wie det toen kwaam, det heb ik neet gesnap.
Dao stônd ik mich zoë maar inens aan d'n tap.
Ik pakde ein beer, zoot 't glaas aan de mond.
Van zônne pias, dae d'r naeve mich stônd.
Dae zag: uich heej, waat kwant, ik drink met losse hand.
* lp: " 't Is weer vastelaovend (twië maol elf vastelaovesleedjes en nog vuël miër...) "
* lp 1979/1980 : Jocus - " Dao geit-e haer ! " - Discofoon LP 4.7980 15.90
** cd 1994 : " Casa Loco"- (de laif ceejdeej)
HOME
PLAATSNAMENOVERZICHTHOMEDOÈZEND WAEKE
Tekst: Gerard Seelen - muziek: Frans Wassen
Zang: Frans Wassen
Refrein:
Waas ik nog maar doèzend
doèzend waeke ald
’t Laeve waas toen broèzend
wie ein waterval
De hads toen gaar gen zörg
en de waas hièl flot verleef
ik woel, det in ut laeve
dae “Linte” altièd bleef (2x)
Waas ik nog maar twintig
zoeë dink ik waal ens dök
De gings toen door ut laeve
de wind good in de rök
Vandaag waas toen vandaag
de toekóms wiëdeweg
En hadse gen gelök
nou ja, dan hadse pech
De veulsde dich zoeë heppie
de veulsde dic gezónd
Toen koch-se nog beej “Jeppie”
vuuël sloekers veur de mónd
De hads toen nog gen tandpien
en genne kalen bol
En beej die leeve maedjes
dao sloog dien hert op hol
HOME
PLAATSNAMENOVERZICHTHOMEDOLLE MINA
1971 nr.1 : Tekst: Ad Pollux - muziek: Frans Wetjens
Refrein:
Trees is Dolle Mina, olleke, bolleke, dolle Mina.
Minse, minse bliêf um oêt de waeg.
't Haet met mich de gäöt al aangevaeg.
Trees is Dolle Mina, olleke, bolleke, dolle Mina.
Het bluës d'n bas en ik 't träötje.
Het is de friet en ik 't täötje.
Al veur det ik 't weit, is Trees 't um gepleit.
De bôtteram in de tes en de jônge nao de kres.
Want Trees môt nao de dimmestraassie.
Veur de "mansipaassie"
Wae poets mich noow de schoon, wae môt de was noow doon.
Wae stop mich noow de zök en wae krats mich op de rök.
Det is beej ôs ein kônsternaassie.
Met die "mansipaassie".
Mien leeve kleine heks, haet maling aan de sex.
D'n oëjevaar, ao-jee, löp beej ôs in de wee-wee.
Noow zit ik zônder rikkrejaassie.
Door die "mansipaassie".
HOME
PLAATSNAMENOVERZICHTHOMEDOOR DIEK EN DUN
1992 nr.4 : Tekst & muziek: Gé Deenen
Zang: Hay Crompvoets & Gé Deenen
Refrein:
Weej gaon door diek en dun, det doon weej noow al jaore.
Want waat d'r auk gebeurt, weej zien ôs noeits verlaore.
De waereld dreijt maar door, maar weej, weej bliéve beejein,
en zinge ôs leed, van gelök en verdreet, en gaon wie einen trein.
Door diek en door dun, dao geit 't toch um, det mak 't laeve fijn.
Och minse, weej hebbe ôs nuédig in 't laeve van tiéd tot tiéd.
Al wuërt d'r auk waal ens gestraeveld, weej wille ôs toch neet kwiét.
Weej zette de bleumkes dök boéte en zinge: Wao gaon we haer ?
Kefeekes wao stumming d'r in zit, die zien ôs noeits te vaer.
Gaon weej dan ôs vrindschap beklinke, in ôs Venlose stamkefee,
mak Bachus 't ein eurke later, det huért d'r beej ôs zoë beej.
HOME
PLAATSNAMENOVERZICHTHOMEDOOT WAASSE WILS
1999/2000 nr.10: Zang: Leta Bell & Robert Bouten
Laef toch neet in 't verleeje, daen tiéd dae is al lang veurbeej.
Det is al zoë lang geleeje, veul dich maar lekker vreej.
Refrein:
Doot gewoën waasse wils, doot gewoën waosse van hils.
Dus griép dien kans, en gaef dich gans, laef dien eige laeve.
Hald gewoën van dichzelf, dan geit alles gans vanzelf,
en kanse altiéd eemus al dien leefde gaeve.
Lets kwaam ik ein maedje taege, ik dach nog: "Waat ein leuk gezich!"
Opens woort ik gans verlaege toen zag het taege mich:
Wilse ens waat moeis belaeve, de kriegs steeds weer opniej ein kans.
Det is allein dae gegaeve, dae door 't laeve dans.
HOME
PLAATSNAMENOVERZICHTHOME'T DRAMA OP D'N HACIENDA
Tekst: Frans Boermans - muziek: Jan Theelen
Zang 1 (*) : De Vrijbuiters
Zang 2 (**) : Marcel Verdellen
Zang 3 (***) : Wim Warmerdam & Quinn Warmerdam
Op eine hacienda achter in 't Ven,
zoot de dochter van Don Tinus in de kiepe-ren.
Ai-ai-ai-ai-ai-ai-ai (bis)
Kuëb, de caballero had um gaer as broëd.
'Guëf d'r genne', zag zien pap, 'det kump d'r mich neet oët.'
Ai-ai-ai-ai-ai-ai-ai (bis)
Refrein:
Aoh mien dudelke, mien snubelke, chiquita !
Mien primabella donna signorita.
Ik speul veur dich allein mien serenada,
op bloëte veut in de piama.
Bertha hoort um zinge, reep toen: ' Huër ens Kuëb,
kôm maar heej-eropper, want ik gluif det vader sluëp.'
Ai-ai-ai-ai-ai-ai-ai (bis)
Kuëb dae zag toen: ' Bertha, ik weit al gooje raod,
kôm ein bietje doënder beej, dan kös ik door d'n draod.'
Ai-ai-ai-ai-ai-ai-ai (bis)
Pap had det geraoke, reep toen : 'Fikkie sjoek!'
Kuëb dae schriëwde: " ; De's gemein, dae'n hônd is opgestoek.'
Ai-ai-ai-ai-ai-ai-ai (bis)
En de caballero leep zich boete aom,
maar 't kösde um ein bôks en ouk ein bietje baom.
Ai-ai-ai-ai-ai-ai-ai (bis)
* cd : De Vrijbuiters " De Vrijbuiters (met zang van Ben Verdellen) " - Onger Ôs - CD 7187
** cd (1999) : Marcel Verdellen - "Ik hald van vandaag" - Marlstone Recordings bv
*** cd 2000 : Diverse artiesten - " Petje aaf (veur al die schoéne leedjes) " - Onger Os 7370
HOME
PLAATSNAMENOVERZICHTHOMEDREEJ DAAG LANG DE AUGE AOPE
Tekst: ? - muziek: ?
Zang: Resie
Refrein:
Dreej daag lang de auge aope
Dreej daag lang de auge aope
Daag en nach, en neet naor bed
Al daen tiëd neet hove slaope
Det waas sjiek, waas je van het
Gen gegreek met slaope gaon,
Maar auk neet aste op môs staon
Dreej daag lang de auge aop
Daovan druim ik in miene slaop.
As `t vastelaovend is
Wil ik neet slaope, neet naor bed
Ik bin dan bang det ik wat mis
Stel dich ens veur dan sleep ik net
Ut geit al vlot genôg veurbeej
En daorum bliëf ik derbeej:
Stel dich veur d'n tap dao löp
En ik waas dan al lang nao bed
Nou det is ein kale lol
Nae det vônd ik maar naatje pet
Ut geit al vlot genôg veurbeej
En daorum blief ik derbeej:
HOME
PLAATSNAMENOVERZICHTHOMEDREEJ MAOL ELLEF JAOR DE VOGELHUT
2002/2003: Tekst: Elian van Ewijk - muziek: Wim Schreurs
Zang: Elian van Ewijk, Mai Anröchte, Hennie van Ewijk, Frans v/d Rijdt & Hans Hendrix
Dreejendertig jaor geleej, negentienzeventig waord geschreve.
Wat Vaderhikers hadde ein idee, ach waor is d'n tiéd gebleve.
D'r waord waat in de buurt gemis, det kin idderein verklaore.
Jao 'n eige Vastelaovesnis, zoë waord de Vogelhut gebaore.
Refrein:
3 maol 11 jaor de Vogelhut, 3 maol 11 jaor plezeer.
3 maol 11 jaor de Vogelhut, jao daor gaon weej altied haer.
3 maol 11 jaor de Vogelhut, jao det gaon weej same viére.
Dus dreejendertig jaor de hut, die halde weej hiel good in iëre.
Ut greujde oét, daor de jaore haer, nae det môt geej toch noeits vergaete.
D'n tap blief struime, drink ôch glaeske beer, zoë rak'se van de hut bezaete.
Dae tempel is kiér op kiér gans vol, det wies in de late aore.
Geej vindt gen plaats met zoëvuul lol, Ik heb mien hert aan de hut verlaore.
Noow nao al daen tied, leef luuj, ein jubilee veur alle minse.
Dit fiés geldt veur de ganse buurt, Der is maar ein dink ech te winse.
Blief ôs altied trouw daor dun en diek, Weej zulle ôch heej dan veur prièze
de rem maar los in 't Vogelriék, 't wuurt noow tièd ôs te gaon bewieze.
HOME
PLAATSNAMENOVERZICHTHOMEDREEJ NACHTE
Teks en muziek: Michiel van der Grinten
Zang (*) : Minsekinder
Dreej nachte, bin ik heej beej dich.
Dien lichaam, taege det van mich.
Ik kin neet slaope, wat mót ik doon.
Ik stap ut bed oét, en praot wat taege de maon.
Kiek um slaope, waat ein moei gezich.
Zón maedje, gans allein veur mich.
Ik waan mich in d'n hemel, ut duit mich haos pien.
Maar vanaaf dit moment zal ik noeits mier utzelfde zien.
Refrein:
Maar ik zeen, al bin ik blind van leefde.
Ik zeg dich det ik van dich hald.
Maar dien auge, dien auge blieve kald.
't Zal zoelang neet mier deure.
Wies het mien hert in stökke brik.
Leefde, det wetse van te veure.
Ut kin gedaon zien in ein augenblik.
Noow is 't beej mich, en leet ut nog heej.
Maar as de zón strakkes opkump is ut allemaol veurbeej.
De letste nach, het is nog heej.
Maar as de zón strakkes opkump, is ut allemaol veurbeej.
* cd 1997 : Minsekinder - "Blief neet allein"
HOME
PLAATSNAMENOVERZICHTHOMEDREIJ MET MICH RÔND
2007/2008: Tekst: Hay / Elian Huijs / van Ewijk - muziek: Hay Huijs
Zang: Hans Peelen & Michel Hornix
Refrein:
Dreij met mich, dreij met mich, dreij met mich rônd
zô’n welske det is toch mien laeve
Dreij met mich, dreij met mich, dreij met mich rônd
dao môsse dich duchtig aan gaeve
Want wae unne wals good wilt liére
dae môt kinne zweije en zwiére
Dus hup, die bein van de grônd
en dreij met mich, dreij met mich rônd
Ik druimde van danse en dus noom ik les
dao dach ik d’n blits meij te make
Maar walse det ging in ’t begin neet zoë bes
ik kwaam in de knup met mien stake
Noow pak mich ens vas, zag mien dansliérares
en dreij met mich rônd, ein, twië, dreej, veer, viéf, zes
Ik heb ut met pien en met meujte geliérd
wie weej op det dansvluurke stônde
De simpelste dinger die deej ik verkiérd
veur ik mienen dreij had gevônde
Toen Sjaan zag, det danse plezeer is veur twië
trooj ik op zien tiëne en het reep: Auwieë!
In Limburg dao wuurt Vastelaovend gevierd
in dörpe, in staeje, in wiéke
Beej leedjes oét Venlo, Mestreech of oét Wiërt
bliéf ik dan neet stil staon te kiéke
Huur ik unne wals in de kroeg of op straot
dreij ik lekker door in die schoën dreejkwartsmaot
HOME
PLAATSNAMENOVERZICHTHOMEDRÖPKESHEILIGE
vòòr 1969: Teks & muziek: ?
"Dröpkesheilige" zaet mien vrouw, luuster good, begriep mich nôw.
Dich wuurs allein, det is verkierd, in de cafe verierd.
"Dröpkesheilige" bin ik gaer, luuster good nao dienen Baer.
As kastelein, is det verkierd? waer ik ouk toës geierd.
Refrein:
Dich môs maar neet dinke, nae doon ut neet,
dich laefs neet um te drinke, nae, astebleef.
Dan zitste d'r naeve, me drink um te laeve.
Maar wae poem poem, maar wae poem poem,
maar wae in Venlo gebaore is,
jao, dae poem poem, jao, dae poem poem,
dae drink en laef wie hae is.
HOME
PLAATSNAMENOVERZICHTHOMEDRUIME
19??: Tekst & muziek: Frans Pollux
Zang (*) : Neet Oet Lottum
Ik druim det ik oeit ens, met wind in de rok,
kin vaare nao norges, op good gelok.
De zon aan de hemel, en altied rechdoor,
't Golvende water en 't zalt in mien haor ...
Ik druim det ik oeit ens kin vaare veurbeej,
ut dinke aan morge, ut noow en ut heej.
Euver de schouwers, allein nog maar ziee.
En is ut noow maondaag of dinsdaag of woensdaag
of kwart euver twiee...
Ik druim tevuul, ik druim tevuul
Met mien auge dich wuurt ut stil in mich,
kump ut ind in zich, ik druim ...
Ik druim det ik oeit ens verlanges doorbraek,
geneetend van stilte, ein 'sZondaagse waek
Norges mier nuudig, norges gevraog
Norges gen zin in en niks hoove doon, van alles genog
Ik druim tevuul, ik druim tevuul
Waat ik 's nachs neet kin, euverdaag neet kin,
dink ik det ik kin, ik druim ...
Ik druim det ik oeit ens neet mier druim...
* cd 1998 : Neet oét Lottum - "Flaai"
HOME
PLAATSNAMENOVERZICHTHOMEDRUIME ONDER 'T BILJART
2010/2011: Tekst & muziek: Arnold Wassen
Zang: De Kammeräödjes
Refrein:
Toen haette ein luchbed opgeblaoze
En um onder ’t biljart gelag
En de joekskepel haet nog ’n stök geblaoze
En toen “Welteruste “ taege um gezag
En toen woorte waat al jaore ziene wins waas
Want toen druimde hae det hae de niëje Prins waas
En det de minse zônge, same met de kastelein:
,,slaop, mien leef Prinske, slaop fijn..!
Hae had de letste bus gemis met vastelaovend
En d’r stopde genne taxi veur de deur…
Toen zag de kastelein;, bliëf maar beej mich vanaovend,
Want gooje klante hebbe heej ’n stripke véúr.”.
En ’s-morges dreijde ze det plaetje; “wakker waere”
En toen haet hae ziene kammeraod gebeld:
Ik kôm d’r aan; ze gaon mich nôw nao boete kaere
En toen haet hae um ’t ganse verhaol verteld:
Ze meuge deze kastelein ein lintje gaeve…
Want dae herbergier dae haet ’t góód gedaon;
De haet de ,, dörstige gelaaf “ zien ganse laeve
En dae haet ,,Lazerus” néét boete laote staon
HOME
PLAATSNAMENOVERZICHTHOMEDUELLOS DES ACCORDEONNOS
2001: Tekst & muziek: Frans Pollux
Zang (*) : Neet oét Lottum
"Dien mooder is nog te vet um te bakke
Dien vader haet al 'n plaat
Dien zuske is dien broor met 'n pruúk en hoëge hakke
En Gringo, Maasbree is ein gaat!"
Wie um det gezag woort, brook 't in de heite zôn los
'n Duellos des Accordeonnos
Ze stônde taegeneuverein in de Mexicaanse hitte
De penspiano strak um zich haer
Twië vingers op de zwarte en dreej op de witte
'Jariba!' en dao ging 't haer
Sombrero's en tequilla wies de maon weer veur de zôn kos
'n Duellos des Accordeonnos
De ganse nach schoote noëte ônverwach veurbeej
De Mexicaan deej nao waat Royke deej
Maar nao 10 oor d'raan vergoot de Mexicaan ein C …
Gewônne had de Gringo oét Maasbree en hae deej
* cd 2001 : Neet oét Lottum - " Vertrokke " - Red Bullet
HOME
PLAATSNAMENOVERZICHTHOMEDUUSTER
1997: Tekst & muziek: Bert van den Bergh
Zang (*) : Romeo
't Loog daor stil en vredig, verslage, op bed,
gebraoke, zonder leefde, einzaam in 't hert.
D'n daag bleef duuster, gen zon die veur um scheen,
grauw waas de kleur, de kleur die neet verdween.
Ze woel zoe gaer vlege door d'n hemel van geluk,
maar gen vleugels greujde, d'r kwaam gen geluk.
D'n daag bleef duuster, gen zon die veur um scheen,
grauw waas de kleur, de kleur die neet verdween.
Refrein:
Toch greujde d'r vleugels, die vloge met um weg.
Neemus dae zoog 't, neemus vloog met.
't Vloog, gebraoke, lanksaam naor 't leech.
Ein vluch vol haop, die 't laeve achter leet.
D'n daag bleef duuster, gen zon die veur um scheen,
grauw waas de kleur, de kleur die neet verdween.
Noow leet 't, stil en vredig, gebraoke verzet.
En de zon, de zon, de zon schient op zien bed.
* cd 1997 : Romeo - "Parels van de nach" - Ben Verdellen Produkties
HOME
PLAATSNAMENOVERZICHTHOMED'N DUUVEL SCHIET ALTIED
19??: Tekst & muziek: Frans Pollux
Zang (*) : Neet Oet Lottum
Hae woel mier van dit, hae woel mier van det.
Hae woel zieje gordiene en ein waterbed.
Hae woel geld, geld, geld want hae doch beej zichzelluf.
Ut laeve haet pas nut beej ein miljoen of twelluf.
Hae woel mier, vuul mier.
Hae woel alles waat hae nog neet had.
Zilvere kraane en ein bubbelbad.
Hae woel mier, mier, mier want hae doch beej zichzelluf.
Pas as ik alles heb, dan heb ik nog maar de helluf.
Hae woel mier, vuul, vuul mier.
D'n duuvel schiet altied, d'n duuvel schiet altied,
d'n duuvel schiet altied op de grutste haup.
(en miene haup dae is zoe klein)
D'n duuvel schiet altied, d'n duuvel schiet altied,
d'n duuvel schiet altied op de grutste (haup).
Hae woel laeve wie enne keuningszoon.
Hae woel koks en lakeije en waal zes paar schoon.
Maar wie hae alles had, en det waas enne haup,
reep hae vertwiefeld oet : " Wao is gelok te kaup ? "
Hae woel mier, vuul, vuul mier.
* cd 1998 : Neet oét Lottum - "Flaai"
HOME
PLAATSNAMENOVERZICHTHOME