HOME
PLAATSNAMENOVERZICHTHOME
HAD IK MAAR
1997 (L.V.K. 1997 nr.1) : Tekst: Frans Boermans - muziek: Sef Gubbels
Gezônge door: Hay Crompvoets & Wiel Vestjens
Gezônge door (*) : Dét môt kénne
Ik zoog ein hiël moei maedje, vreej nog, nao 't scheen.
Nae ik had zônne schat ech nog noeit gezeen.
Ik woel 't waal ens waoge, nao um toe te gaon.
Had um wille vraoge, maar neet gedaon.
Refrein:
Had ik 't maar neet gelaote, had ik 't toch maar gedaon.
Waas ik maar wie ik det maedje zoog, toch d'rek d'rop aafgegaon.
Noow kan ik waal nao um fluite, noow brik det mien hert, ocherm.
Want 't had ennen andere sies, aan zienen erm.
Det ik zoë had gezemeld, heb ik zwaor berouwd.
Want ik had spiétig zat op 'nen aos gehouwd.
Dae sies ging 't um smaere, mit dae schat vandoor.
Noow huur ik bewaere, det waas zien broor.
Kumste ein maedje taege, en de zuus um gaer,
gen getoét, bors veuroét, regelrech d'r haer.
Twiefel neet iérs ein eurke, gank d'r mei op stap.
Wach noeit op zien breurke of zienen pap.
cd (1996) : " Jocus vitae ... quod sal coenae " - Joeks is veur 't laeve, waat 't zalt is in de pap
* cd 2000 : Diverse artiesten - " Petje aaf (veur al die schoéne leedjes) " - Onger Os 7370
HOME
PLAATSNAMENOVERZICHTHOMEHADSTE MICH GEFLAOTE ?
1975 nr.4 : Teks en muziek: Frans Boermans & Thuur Luxembourg
Zang (*) : Wiel Vestjens
Anna, Anna leep mich ens veurbeej.
" Anna, Anna " reep ik, " Kôm ens heej "
Drejmaol, drejmaol floot ik um nog nao.
Maar och, waat hoord ik dao ?
Refrein:
Hadste mich geflaote, hadste 't taege mich ?
Had 't maar gelaote, ik heb 't neet op dich.
De bis neet miene leeve, waaste mich auk zaes.
Altied maag gebleve, noëts gekös gewaes.
altied maag gebleve, noëts gekös gewaes, aaf en oet ...
Nôw weit ik dit, waat eine mins auk duit,
as d'r genne meziek in zit, dan baat dao auk gen fluit.
Trina, Trina zoog ik in de stad.
Trina, Trina had ik gaer gehad.
Floot um, floot um, floot 'ne kiër of veer.
Maar och, dao hoord' ik weer :
Altiëd, altiëd heb ik aevel pech,
altiëd, altiëd laope ze mich weg.
Daorum, daorum fluit ik nôw neet miër,
want ik huër toch eders kiër :
* lp 1976/1977 : " Vastelaovend same " - Discofoon LP 11.11.76
* lp 1981/1982 : Jocus - " Laot ôs bliëve zinge " - Discofoon 11.11.81
HOME
PLAATSNAMENOVERZICHTHOMEHAE WEER!!!
2006/2007: Tekst: ? - muziek: ?
Zang: Mirjam van Elderen, Linda Zijlmans, Pedro Janssen en Mark Janssen
As weej weer ens gaon sjanse en Joop geit mei mit ôs.
Dan kinne weej ‘t schödde, veurdet ‘t is begôs.
De allermoëiste maedjes, die zeen ôs nog neet staon.
As popie Jopie binnekump, dan kinne weej waal gaon.
Weej staon dan aan de kant.
Al weer mit laege hand:
Hae weer, altiéd hae weer.
Jao hae zoel ‘t ens neet zien
Hae weer, waorum hae weer?
Wet ein van ôch det sôms meschien?
Hae môt toch waal biezônder zien, det hae t altiéd is.
Of zoel ‘t sôms ein wônder zien? Ik woel det ik det wis.
Hae weer, altiéd hae weer.
Jao hae zoel ‘t ens neet zien.
Noow môt geej toch ens huure,
jao gluif ôs noow maar gaer
Weej kinne popie Jopie, dae is gaer populaer.
Weej speule maar theater, dan krieg hae ziene zin.
Want Jopie mit zien groëte veut, dae trap d’r altiéd in.
Vind geej det noow neet sterk,
Det hae det noëts neet merk?
Lets waas d’r waat te viére, en eine van ôs stel,
dae veel weer in de priéze, want emus trok de bel
‘t Rundje van de gaever, det veel good in de smaak.
Maar wie ‘t op betale kwaam, toen ging dae oét zien daak.
Want wae waas de pineut,
Dae met die groëte veut:
HOME
PLAATSNAMENOVERZICHTHOMEHAEJ DICH
2001/2002 nr.2 : Tekst: May Anröchte - meziék: Jack Claessen
Zang (*) : Mai Anröchte
Refrein:
Haej dich, ja dich, hallo!
Wat makse mich toch noow.
Wiezoeë ? jao haej, hallo !
De duis noow net of weej ôs neet miér kinne.
Haej dich ! jao dich, hallo !
En gister ging ut nog zoeë good.
Kôm heej, det ik dich knoevel,
dan witse wae ik bin.
En bisse gerös, as ik dich kôs,
dan zalse mich ech, waal weer kinne.
Met vas-te-laovend, geit ederein verkleid um lekker in ein ander vel te kroepe.
Zinge en springe, ouk ik bin zoeë geweid, ut leefste nog in hiéle alde ploete.
En ouk mien gezich, zal efkes mótte winne.
Mien maske sprik veur zich, det kinse neet óntkinne.
Haej dich ! jao dich, hallo!
Tösse die kwante, met eure schaterlach heb ik dich noow al ore loupe zeuke.
Valle de makskes persies um middernach, dan wil ik dich nog eine kiér verzeuke.
Pak dich noow die kans, en laot dich toch neet kinne,
daen allerletste'n dans met dich, det mót toch kinne.
Lache wat dache, is altiéd gooje zin, en zeker as ik dich zeen miene leve.
Un hepke un klepke, det geit d'r altiéd in, ik bin gewoeën ut zelefde gebleve.
Twiefelse aan mich, dan hebse eine kater.
Det is niks veur dich, noow sleise weer dae flater.
* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201
HOME
PLAATSNAMENOVERZICHTHOMEHAEJ HAEJ !
vòòr 1969: Teks & muziek: ?
Ik bin beej ennen helderzeende gewaes, dae vroog: "Waat zien de klachte?"
Ik zag: "De kriegs ein tiëntje aste mich zaes waat mich nog steit te wachte."
Hae keek in ennen telder vol koffiedraos en zag: "Ik zeen 't al.
Ik geluif, ik krieg dich door, dao heb ik 't haos, maar waat ein gek geval!".
Refrein:
Haej haej ! Hao hao ! Waat zeen ik dao ? Waat zeen ik dao ?
Haej haej ! Hao hao ! Waat zeen ik now weer dao ?
Dich wets des dich neet stout maags zien, of bin ik zelf weer fout meschien ?
Haej haej ! Hao hao ! Waat zeen ik now weer dao ?
Ik ging met miene leefste mei nao d'n bal, dao bin ik um verlaore.
Ik kösde emus anders veur noëdgeval, det is mich wat gewaore !
Dao zoog ik enne vraemde mit miene schat, det ging mich toch te wied.
En wie die twië zich kösde, kreeg ik haos wat en schriëfde, wit van nied.
Wanniër de kastelein "Waat drinkste?" mich vroog, dan waas ik waal genaege.
Maar wie ik op 't lets mien beerviltje zoog, toen veel 't mich toch taege.
Ik dach veur zoëveul stripkes heb ik gen geld, maar och, ik ermen bluts,
want wie ik zeve kiër op nie had geteld, toen reep ik gans verduts:
HOME
PLAATSNAMENOVERZICHTHOMEHAER EN TRUUK
1971 nr.3 : Tekst: Ad Pollux - meziëk: Frans Wetjens
Merie meus met zien menke mei, en Venlo gaon verlaote.
En waat Merie aok prevelde, d'r veel neet mei te praote.
D'n iërste vastelaovend aevel had de knöl al spiêt.
Hae zag: Merie, weej gaon weer truuk, ik kin heej mien ei neet kwiêt.
Refrein:
Al môtte weej op de zök, Merie.
Weej kômme euver de brök, Merie.
De niej of de alde, dao zal 't zich nog um halde.
Ze zulle ôs dao weer zeen, Merie.
Al motte weej op de kneen, Merie,
of op ôzzen bôksenbaom, weej zulle nao Venlo gaon.
Of deste noow minister bis, of ziene sikkertaris.
Of asse nog wat wiejer zits as brave missionaris.
D'n daag dae kump veur idderein dae in de vraemde zit.
D'n daag det hae weer truuk wilt nao, 't Stedje det Venlo hit.
HOME
PLAATSNAMENOVERZICHTHOMEHAET-E 'T TAEGE DICH OF TAEGE MICH?
2000/2001: Tekst & muziëk: Peter Jansen
In de Maaspoort kinse dich nog klamp ens dreie,
En dan wetse neet wie of ’t kump,
Ein stökske wiejer zeen weej emus staon te zweie,
Maar veur wae is det bestump?
Refrein:
Haet-e ’t taege dich, of haete ‘t taege mich?
Of dinkse det ’t sleit op det heejnaeve steit,
Haet-e zien aug gerich nao dien of mien gezich,
Ao jaomer det ik det neet weit.
Van ôzze kant bekeke zuusse det geliëk
’t Is eine man met eine hiele breie kiëk
As ik d’r maar neet van wakker lig:
Had hae ’t taege dich of taege mich?
Is dae winker zoë te zeen ein hiel braaf dölke,
Laot ik dae fijn winke zônder spiët,
Maar zit d’r aan die hand meschien ein aardig knölke,
Vraog ik mich de gansen tiëd:
As d’r eine wink, dan môsse good bedinke:
’t Hoof neet zoë te zien wie det ‘t liek,
Dus dink aan deze raod veurdesse truuk geis winke
Kiek iërs good wao hae nao kiek:
HOME
PLAATSNAMENOVERZICHTHOMEHALD DICH VAS AAN MICH
Wäörd en muziek: Baer v. Wessel & Genr. Sap
Refrein:
Hald dich vas, hald dich vas, hald dich vas aan mich.
Kôm maske-leef met dien rônd gezich.
Hald dich vas, hald dich vas, hald dich vas aan mich.
Ik bin zoë riêk allein met dich.
Kôm snoebel, laot ôs springe, det is nao miene zin.
Veural met vastelaovend, as ik in Venlo bin.
Hald dich vas, hald dich vas, hald dich vas aan mich.
Ik bin zoë riêk allein met dich.
Sjang kwaam nao lange jaore vanoët ein andere stad,
nao zien gebaortestedje wao men vastelaovend had.
Hae zoog bekinde snuutjes en binne en keteer,
waas Sjang al gauw den alde, en hae zông zien leedje weer.
En met de Boerebroêlof zoog hae ein schoën boerin.
Die reep tot Sjang: Och boertje, ik gluif vas det ik dich kin.
Hae goof det kind ein muulke, daoveur noom hae den tiêd.
Maar hald dich vas, ao snoebel, anders waer ik dich weer kwiêt.
lp 1984
HOME
PLAATSNAMENOVERZICHTHOMEHALD MICH
1997: Tekst & muziek: Leon Giesen
Zang (*) : Romeo
Oehoet,'t is gedaon noow, weggevlaoge, net stond 't nog dao.
Oehoet,'t is gegaon noow, en ik leep um neet ens nao.
Zeg mich det 't neet zoe is, det ik weer wakker waer,
det ik um neet noow al mis.
Oehoet, alles verlaore, auk 't lache en 't vreeje van 't begin.
Oehoet, 't is niks gewaore, man waat gluifde ik d'r in.
Zeg mich det 't neet zoe is, det ik weer wakker waer,
det ik um neet noow al mis.
Refrein:
Hald mich veur ens en ieuwig, hald mich beej dich.
Hald mich veur ens en ieuwig, hald mich, hald mich leef, hald mich leef.
Oehoet, noow is 't oet, lier mich snappe wie dit kin.
Oehoet, ik schrieuw 't oet, haet 't haet 't genne zin.
Zeg mich det 't neet zoe is, det ik weer wakker waer,
det ik um neet noow al mis.
* cd 1997 : Romeo - "Parels van de nach" - Ben Verdellen Produkties
HOME
PLAATSNAMENOVERZICHTHOMEHALD MICH...
2006/2007: Tekst: ? - muziek: ?
Zang: Mark Janssen en Christel van Rijn
Had al lang laupe zeuke
Nao ein echte gooje partie
Maar die kôs ik nörges vinde,
Dus zôch ik maar weer opnie
Maar opens dan dao waas dich
En det waas veur ôs dae klik
Want dae vônk dae sloog toen euver
Noow is ´t dieke mik
Hald mich... toch neet veur d’n dômme
Ens meus...´t d’r toch van kômme
Hald mich in dien erm en zeg dan
Desse van mich hils
´t Is ôs...gewoën euverkômme
Waat kan...ôs de res nog bômme
Want det muulke op die wang
Bringk mich in veur en vlam
Heb van dich zoë gedruimp
En det guf mich gooje mood
Kin aan niks miër anders dinke,
Det veult verdöld zoë good
Ik bin altiéd de klöts kwiét
As ik in dien auge kiék
En mien bein die waere wankel
Ik heb van dich gen spiét
Echte leefde is kôsbaar
Want det zit hiél deep in mich
En noow luuster dan ens good,
Is dit gen moei gedich!
Maak ôch toch neet zoë drök
En geneet van idderen daag
Want weej zien veur ôch ein veurbeeld
Spring oét d’n band, ‘t maag
HOME
PLAATSNAMENOVERZICHTHOMEHALD UM EFFE VAS
Jeu Titulaer
Hofkapel v/d Wien, zang (*) : Marita Borremans, Hans Goertz, Jeu Titulaer en Baer van der Meij
As ik saoves thoes zit, in mien steulke as de vors,
heb ik zonne dors, heb ik zonne dors.
Dan roop vreuwke kom toch gauw mien laever die is druueg,
staek d'n trekker ves umheeug.
Refrein:
Jao leeveke, leeveke, hald um effe vas,
hald um effe vas, hald um effe vas.
jao leeveke hald ens dae kurketrekker vas,
dan haol ik ves de glaazer oet de kas.
As ik saoves oetgaon, is mien vreuwke neet geros.
Ut wit det ik um los, wit det ik um los.
Maar as ik dan vergunning laes, dan griep ik in mien tes,
en gaef um det dingk maar ves.
Met de vastelaovend waas ik dreej daag nimmer thoes.
Oot wat oet de voes, dronk waat oet de voes.
Wie toen saoves thoes kwaam waas d'n hiering al gescheld,
heb mien vrouw oet bed gebeld.
* lp: "Vastelaovend in De Wien" - LP 1065-EP
HOME
PLAATSNAMENOVERZICHTHOMEHALD VAN VENLO
Tekst: Frans Boermans - muziek: Jan Theelen
Uit de revue 'Stel og ens veur'
Katte, hund en veugelkes bevoele noëts eur nis.
Allein ein verke duit det waal, det leet in eige mis.
Dus wae d’r van zien stedje hild, dae gaef ik dan de wink.
Wae genne verkesstal heej wilt, det dae d’r dan aan dink.
Refrein:
Gen verkes op de straot en genne mishaop veur de deur.
Hald van Venlo, hald ‘t schoën...
Gen schale op de grônd en genne rômmel in ‘t rônd.
Hald van Venlo, hald ‘t schoën...
Weej wille heej gen krômme hundjes
Weej halde ‘t heej in de puntjes.
Gen verkes op de straot en genne mishaop veur de deur.
Hald van Venlo, hald ‘t schoën...
Muus en ratte, vlege, daeze zien gen leuk bezeuk.
Ao nae, det lastig ôngesiefer vinde weej neet leek.
En daorum huur nao miene raod geej weit det det zich loënt.
Umdet ‘t in ein praoper stedje zich plezeerig woënt.
HOME
PLAATSNAMENOVERZICHTHOMEHALLEKIEDALLEKIEDEEJ
2008/2009 nr.1 : Frans Pollux
Zang: Ruud Stikkelbroek & Bram Holla
As d'r örges in de joeks ein greekgezich geit staon
Laot ik um ein eurke zienen zeivergreekgangk gaon
Net as hae dan meint det hae 't ganse fees verzouwt
Dan spring en roop ik veur det mörf det ruuk nao sauerkraut:
Refrein:
Hallekiedallekiedeej ... hé!
Hallekiedallekiedeej ... hé!
Alle gevalle van lallende mallies en brallende kwalle zien heej!
Hallekiedallekiedeej ... hé!
Hallekiedallekiedeej ... hé!
En wilt ge 't net zoë zeen knalle wie weej,
Zing dan hallekiedeej
As d'r op aswoensdaag in daen bums van dich waat klop
Zit dao zô'nnen tummerman mit tummergrei verstop
Bel mich want dan kôm ik 's morges zinge aan dien bed
Zoëdet de ganse buurt en zelfs daen tummerman 't wet:
Hebse mit die daag ein glaas mit joech tevuuël gebuis
Wetse neet miër wie de leedjes gaon en waasse duis
As dien sterre straole in 't jaomer- jaomer- jaomerdal
Dan zingse gewoën allein daen eine kleine regel waal:
HOME
PLAATSNAMENOVERZICHTHOMEHALLO IN DE YELLOW
Tekst: ? - muziek: ?
Zang (*) : Frans Pollux & Chantal Janszen
Ik stônd verlaore in ein hökske, ik kôs neet vinde waat ik zôch in de Yellow
Bekinde, vrinde, beer, meziëk, maedjes genôg, maar toch allein in de Yellow
't Waas zônne aovend det d'r niks kôs gebeure
Det ik baeter thoës in miene kôffie had zitte kinne reure
Zônne aovend dae zoëwiezoë niks woord, totdet ik hoord:
Hallo in de Yellow
Ik dreide mich um, gerak door die stum
De allerleefste auge, halde mich hôs um
Ik smolt en kepot veel mien glaas
Door det Hallo in de Yellow
Wis ik neet mier wao ik waas
Ik dwaalde einzaam euver straot, van kefeeke, nao kefeeke in de Yellow
Ik had alles waal gezeen en met idderein gepraot in de Yellow
Ik woel net nao hoës, nao bed toe gaon
Wie ik dich dao in ein hökske stil zoog te staon
Waar verkoch, verzamelde mien mood, leep op dich aaf en zag met kaokend blood:
Hallo in de Yellow
De dreis dich metein, ik trilde op mien bein
Maar ik veulde waat d'r speulde, de keeks nao mich allein
Ik smolt en kepot veel dien glaas
Door det Hallo in de Yellow
Wis ik neet mier wae ik waas
Nog steeds staon ik eedere waek, met ein pilske in mien hand, in de Yellow
En ik staon waat te druime aan de andere kant, in de Yellow
Al staon we maeters oëterein, ik veul mich noeëts allein
Ik hoof allein nao dich te kieke en te fluuëstere:
Hallo in de Yellow
Det is dan zat, det is veur mich genôg
Ik laup al waeke met miene kop in de lôch
Dus maedje: zeg 't nog ens, zeg 't nog ens, zeg 't nog ens astebleef
Door det Hallo in de Yellow, door det Hallo in de Yellow
Door det Hallo in de Yellow, bin ik gans op dich verleef
* cd : Diverse artiesten - "Alles in ein buuëtje"
HOME
PLAATSNAMENOVERZICHTHOMEHANS OPDELAAK
19??: Tekst & muziek: Frans Pollux
Zang (*) : Neet Oet Lottum
Zienen eige wereld, Hans is enne held.
Hae trek aan alle tuikes, hae bars haos van ut geld.
Zienen eige wereld, Borgermeister Hans,
is euveral te vinde, guuf Venlo ziene glans.
As Hans d'r neet waas, dan leep alles spaak.
Want Hans is de baas, Keuning Opdelaak !
Hans, Hans Opdelaak
De petroen van ozze stad
Hans, Hans Opdelaak
Baer de Woers en Sintermerte hebbe pech gehad
Want zonder Hans gebeurt d'r niks
Geluif maar det ut scheelt
Zonder Hans ein doeije stad
Hans verdeent ein beeld!
Hans, Hans Opdelaak, de petroen van ozze stad.
Hans, Hans Opdelaak, Hans is altied zat.
Zienen eige wereld, Hans de Jocus-haan.
In-, of oet- of optoch, Hans dae lop veuraan.
Zienen eige wereld, Hans kint idderein.
Wet alles te vertelle, zien wereldje is klein
* cd 1998 : Neet oét Lottum - "Flaai"
HOME
PLAATSNAMENOVERZICHTHOMEHAO, DAO KUMP MARIEKE HAER
1999: Tekst & muziek: Frans Boermans en Sef Gubbels
Zang : Wiel Vestjens en Gé Deenen
Ik zoog euveral bekinde, Marieke det zoog ik neet.
Ik kôs um auk nörges vinde, och waat ein verdreet.
Maar ik had weer neet good gekeke, dao kwaam, ik weit neet miër wao,
dae schat oët ein kafeeke, ik reep: wae zeen ik dao ?
Refrein:
Hao, dao kump Marieke haer, Marieke haer, Marieke haer.
Hao, dao kump Marieke haer, det zeen ik toch zoë gaer !
En noow opgelet, drek is ut heej.
Goojen daag zaet det en löp mich veurbeej.
Hao, dao geit Marieke haer, det geit mich waal te vaer !
Hao, dao geit Marieke haer, det geit mich waal te vaer !
Waat had ik weer pech aojeetje, ut waas waal ein korte piën.
Is det noow ut ind van ut leedje ? Dan meus det zoë zien !
Ik zal noeits miër naor um kiëke, dit waas dan de letste kiër.
Bekiëk ut maar Merieke, ik roop ut noow neet miër :
HOME
PLAATSNAMENOVERZICHTHOMEHAO, HAO, HOLDERI-JOO
Frans Boermans & Thuur Luxembourg
zang (*) : Wiel Verwijst &n koor olv Jan Theelen
Refrein:
Hao, Hao, Holderdi-joo, wach neet wies morge, maar neem ut dich noow.
Hao, hao, holderdi-jee, wach neet wies morge, dan is ut veur beej.
Zeg, hesse gehuurd van daen boer oet de buurt.
dae had daor zon dieke petatte.
Dae had al met al nog gen kiep in de stal,
maar dieke petatte die hatte.
Baer pak dich ein klep of ein pil veur de pret.
Baer bin neet zoe bang veur de bruudjes.
Waat waor is, is waor wie ein kluntje zoe klaor,
dan gaeve die bruudjes de knuutjes.
Hae vroog schoene prins kom en kos mich ens kind,
geneer dich noow maar neet Sjanetje.
Toen zag um dae, dae schat, det vind ik waal wat,
det is veur Sjanetje ut ketje.
Me zorg veur d'n aet, as me hungerke haet,
wae dors haet, dae mot zich wat drinke.
Oet vaat of oet fles want det baat toch ut bes.
Dan danse hae en zingk hae en springk hae.
* Philips 333 930 JF
HOME
PLAATSNAMENOVERZICHTHOME'T HÄÖFKE
Solo (*) : Jan Jacos & Herman Jacobs
Refrein:
Ein geranium in un bekske en ein spruutje in d'n haof,
aan de miemerstroëk ein miemer en ein staakboën aan d'n draod.
Prei, rebarber en spinaise, dat steit allemaol doën beejein,
en auk nog niej petatte, want die gaon wie einen trein,
en auk nog niej petatte, want die gaon wie einen trein,
Ik heb altiëd in ein flet gewoënd, det is now aafgelaupe,
want ik bin beej de makelaer ein eige hoës gaon kaupe.
Ut leet ein bietje boetenaaf en ut is neet miër gans niej,
maar waat d'r allemaol beejzoot, det zet ik ens op ein riej.
* lp 1979/1980 : Jocus - " Dao geit-e haer ! " - Discofoon LP 4.7980 15.90
HOME
PLAATSNAMENOVERZICHTHOMEHAOS TE MOEËJ UM WAOR TE ZIEN
2010/2011: Tekst & muziek: Marc Houwen
Zang: Wientoppers
Refrein:
Det kin toch neet waor zien,
det kin toch neet waor zien
kump det door det klatergold
of leet det aan dae parelwien
Det kin toch neet waor zien,
det kin toch neet waor zien
Is det zoeë maar eine druim
of schoeëne schièn
Weej weite neet wannièr det stop,
maar veurleupig steit heej alles op de kop
Det kin toch neet waor zien,
det kin toch neet waor zien
is Vastelaovend dan meschiens,
haos te moeëj um waor te zien.
Ein jaor gewach
en dök gedach
wannièr kump weer daen tièd
det alles gewoeën vanzelf geit,
wannièr is ’t zoeëwièd
Maar dan inens dan geit ’t loos
en rupse weer alaaf
dan zaes ze weer geregeld proos
en de vruuëgs dich aaf
Veur daag en douw
alweer op sjouw,
met vrinde vruùg op paad
det is ’t moeëjste waat d’r is,
dan wuurt ’t meistal laat.
De kumps ens heej de kums ens dao,
maar waat is ‘t geval
de stels dich idderskièr de vraog,
is det euveral
Door weer en wind
en good gezind,
al 3 daag op de bein
det guf ein stök geborgeheid,
de veuls dich noeëts allein
Ein präötje heej ein präötje dao,
de leedjes die se zings
die kriege ein beteikenis,
asse dich bedinks
HOME
PLAATSNAMENOVERZICHTHOMEHARIE, D'R IS TILLEFOON VEUR DICH !
2001/2002 nr.4 : Tekst & meziék: Wim Roeffen
Zang (*) : Wiel Vestjens & Ge Deenen
Einmaol in de week, geit Harie gaer op stap,
dan geit hae weer pierewaaje.
Zuut hae enne schat, dan wilt hae waal ens wat,
dao kin hae zich mei begaaije.
Maar waat Harie dan neet snap, van dae man achter d'n tap:
Refrein:
Harie !, d'r is tillefoon veur dich, d'r is ein juffrouw aan de lien.
Harie !, d'r is tillefoon veur dich, wae zoel det toch kinne zien ?
Ze vruëg ofs-dich eur ens zegge wils ofs-te nog ein hiël klein bietje van eur hils.
Maar ze vroog det ouk aan mich, Harie !, d'r is tillefoon ... veur dich.
Harie vroog zich aaf: "Waat kin ik dao aan doon,
det de maedjes gaer ens praote ?
Idderein wet good, 'k staon stevig in mien schoon.
Waorum zoel ik det dan laote ?"
Maar ge wet waal wie det veult, asof d'n duuvel dao met speult:
Lets op kegelreis, weej kwame neet neet miër beej,
ôzzen Harie zoog bekinde.
Eine zag um toen: "Det maedje is nog vreej,
(en) genne mins zal dich heej vinde".
Klamp had hae um op zien slup, of toen reep zien kegelklup:
* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201
HOME
PLAATSNAMENOVERZICHTHOMEHEB IK OEITS GELAOGE ?
Tekst: René Kauffman - muziek: Michiel van der Grinten
zang: Minsekinder
Heb ik oeits gelaoge, bin ik oeits gevlaoge, veur 'n and're moeëje vrouw,
mien kanse aafgewaoge, met 'n ander dich bedraoge, oeits gebraoke daen ieuwige trouw ?
Heb ik oeits gekeke, of bin ik oeits bezweke, veur 'n paar andere moeëje bein ?
Is dich oeits gebleke, det ik bin aafgeweke, van mien hert veur dich allein ?
Want óngelaoge, óngeluivelik, ièrlik waor,
dao is d'r maar ein wao ik veur gaon, 't laeve daor.
En det bis dich allein, waat kwazelt dae dao noow beejein ?
Jao, det bis dich allein, dae smoes verköp hae idderein.
Jao, det bis dich allein, dae haet zien hert aan zien kruuts geneid.
Jao, det bis dich allein, dae wuurd geheid van idder stök geweid.
Heb ik ligge lege, mien hert veur dich verzwege, beej 'n ander vraemp gegaon ?
Bin ik oeits bezaope in 'n ander bed gekraope en 's morges veur dien deur gestaon ?
Jao, heb ik oeits gekeke of bin ik oeits bezweke, veur die paar andere moeëje bein ?
Is dich oeits gebleke, det ik bin aafgeweke, van mien hert veur dich allein ?
Want óngelaoge, óngeluivelik, ièrlik waor, dao is d'r maar ein wao ik veur gaon, 't laeve daor,
en det bis dich allein.
HOME
PLAATSNAMENOVERZICHTHOMEHEE VENLO
Tekst: ? - muziek: ?
Zang: Tekiela
Refrein:
Hee venlo groetstad aan de maas
wao ik auk bin of vruuger waas
dich bis ein stad met hert en ziel
hee venlo dich bis waat ik wil
Ik heb vuul waereld staeje gezeen
ik waas in Rio New York en berlien
en op eur eige manier zien die moei
maar 't is toch neet dao wao ik mot zien
staon ik op ut balkon
en zeen ik de zon
die eur leeg schient op't plein en stadhoes
ik hal van ut plat dae venloose praot
jao heej heej bin ik thoes
ut is alsof ze mich altied rups
kom trek de jas aan en gank d'r op oet
efkes euver de maas boelevaar
want heej krieg venlo zien nieje snoet
d'r wuurt vuul verbouwd
en vuul verzauwd
maar ondanks alles mien hert det blief werm
door dich alde stad veul ik mich riek
jao heej heej bisse noets erm
Ik blief altied heej
waat d'r auk gebeurt
wao ik gelokkig bin
dao wao ze mich verstaon
HOME
PLAATSNAMENOVERZICHTHOMEHEEJ DREIT ’T UM
2007/2008: Tekst & muziek: Herman Detillon
Refrein:
Heej dreit ’t um, of heej dreit ’t um
Dreit ’t heej um,of dreit ’t dao um
Maar wae wet wao ut um dreit
as ’t nurges um dreit
want,de kins ‘t van mieër kante bekiéke
wie se d’r achter kums det môt nog bliéke
heej dreit ’t um of heej dreit ’t um
det is wao ’t um dreit
Nôw kiek dae leeve schat heej staon
Ik haop det het nog neet zal gaon
Geit ’t toch dan vraog ik um
Schat, drei dich nog ens um
Nôw zuus ens aan dae schoeenen bink
Det vind ik toch zôn lekker dink
steit hae met de rök nao mich
Drei dien gezich nao mich
HOME
PLAATSNAMENOVERZICHTHOMEHEEJ DREIJT ’T UM
2007/2008: Tekst & muziek: Marc Houwen
Zang: de Wien Toppers
Refrein:
’t Mót noow waal neet gekker waere
Jao want ’t zal toch neet zoeë zien
Jao det weej dan ós verstand verlaere
doon lever water beej de wien
’t Mót noow waal neet gekker waere
Weej weite good wie det dan geit
Weej blieve ós waal amesere
Det is toch wao ’t heej um dreit.
Weej ware in ein volle tent
’t waas dao sterves drök
De gansen tièd veur niks geklep
det waas net ós gelök
Dao reep dae in det zwarte pak
“de letste tot besloèt”
En vroog ós toen met hiel vuuël tak
ziet geej, bekinde van de broèd
Weej vele toen haos veur de vloer
en zónge allemaol in koeër
Weej leepe in d’n optoch mei
met nummer hónderdach
De prins dae zoot gliek achter ós
wae had det noow verwach
Dao reep dae met die groeëte bel
“weej gaon nog efkes door”
En zei ós beej de letste tel
ouk geej, geej ziet nog lang neet klaor
Weej vele toen haos op de straot
en zónge ós gans oèt de naod.
Weej ginge nao ein zitting toe
en zoote neutjes rang
De äöpening det was de cloe
die deurde bes waal lang
Dao reep dae met die vaere muts
“weej zeuke nog ein buut”
En wees met unne roeëje bluts
jao geej, geej kint det absoluut
Weej vele toen haos van de staol
en zónge ech waal allemaol.
HOME
PLAATSNAMENOVERZICHTHOMEHEEJ OF DAO
1994 nr.4 (L.V.K. 1994 nr.1) : Wäörd en meziék: Giel Aerts
Gezônge: Hay Cromvoets & Wiel Vestjens
Ik zeg 't ôch maar drek, ik vind 't toch zoë gek,
ik snap d'r iërlik niks miër van.
Maar ja, zoë zuuste maar, waat löp 't mei toch raar.
Noow vraog ik ôch toch wie det kan.
Refrein:
Ik kan d'r mit de muts neet beej.
Wie kôm ik noow inens weer heej ?
Noow net nog waas ik wiéd eweg.
Wie kôm ik oetgeraekend heej terech.
Ik dach de löps dien neus maar nao.
Blief die staon dan bisse dao.
Ik kan d'r mit de muts neet beej.
Want ik bin neet dao, nae, maar in bin heej.
Ik stiefel maar wat rônd, want loupe is gezônd.
Kefeeke in, kefeeke oét.
Ik loup nao heej of dao, en wach maar aaf nao wao.
Ik weit 't neet, ik kôm neet d'roét.
Noow net zag emus: " Ao ! Ik zeen de bis ouk dao ".
Toen dach ik aevel waat ein ei.
Hae zuut toch, ik bin heej, hae steit d'r zelf beej.
'ne Mins dae mak mich mei waat mei.
HOME
PLAATSNAMENOVERZICHTHOMEHEIMWEEJ
Tekst & muziek: Leon Giesen
Zang (*) : Romeo
As de zon zoe moej schient, wie ze vandaag duit,
de letste snieuw weer verdwient, d'n ierste vogel fluit,
dan krieg ik ut ...
Begint mien blood te brande, en mien hert duit pien,
'k dink aan al die lande, waor ik auk kos zien of oeit ens waas.
Ik weit, 't klink raar maar ik heb ...
Refrein:
Euveral heimweej, in de vraemde maar auk heej, heimweej.
Euveral heimweej, in de vraemde maar auk heej, heimweej.
'k Huur de verte lokke, 't zinge van de berg.
't Getik van klokke wuurd mich dan te erg.
Ik blief heej neet ...
'k Pak mien greij weer beejein, ik wil weg van hoes.
't Probleem is allein, 'k gluif neet det mien thoes ech besteit.
Neet det ik weit, want ik heb ...
* cd 1993 : Romeo - "Romeo" - Marlstone Recordings bv - CDL 9327
HOME
PLAATSNAMENOVERZICHTHOMEHEIMWIEË NAO VENLO
Tekst & muziek: Geomenie
Bèr waas 't in Venlo zat, hae woel gaon emigrere.
Um in 't land van Uncle Sam, 't auk ens te perbere.
Ein tôn, die had hae zoë bej-ein, hae kwaam nao Venlo truuk.
Want 't is nôw Vastenaovend weer, dan wuurd hae dao verruuk.
Refrein:
Genne wodka, genne wiskie, mich ein schöpke Venloos beer,
of ein dröpke alde klaore, det is good veur hert en neer.
Genne wodka, genne wiskie, mich ein schöpke Venloos beer,
of ein dröpke alde klaore, in 't stedje van plezeer.
Riek is me dao in ein, twië, drej, de minse zien d'r good.
't Gesjef det bleujt d'r wie nog nie, me krieg dao nieje mood.
Maar as op eine goojen daag dien Venloos hert weer sprik,
dan wilt me met geweld nao hoes, of d'wuurs haos half getik.
HOME
PLAATSNAMENOVERZICHTHOMEDE HEL
19??: Tekst: Frans Pollux - muziek: 'Tesla' & Frans Pollux
Zang (*) : Neet Oet Lottum
Aoh, dit is de hel, en ik spring haos oet mien vel.
Want de hel is heit, ik veul allein maar vlamme, veur en zweit.
'Hipholladijee', dao kump d'n Duuvel weer veurbeej.
Graof en zonder hert, maar met twie heurenkes en eine stert.
(hae zaet:)
" Eej hallo, bevelt ut dich, heej in die hel van mich ?
De bis noow waal verplich te blieve in mien hel, heej in mien hel ! "
De hel is heit, en ik verzoep haos in mien zweit.
De hel is heit, ik waas op alles veurbereid.
De hel is heit, maar zelfs as ik mien auge sloet,
doot die verwerming oet !
Aoh, dit is de hel, en as ik mien daag heej tel,
kom ik neet zoe wied, want nao 'n jaor, bin ik de tel al kwiet.
En ik bin zoe bang, want de ieuwigheid deurt lang,
en nao de hemel geit gen bus, ik zit heej vas, wies aan Sint Juttemus
En as ik vraog : " Meug ik heej weg ? ", zaet d'n duuvel : " Dich hes pech.
De bis toch neet veur niks terech gekomme in mien hel, heej in mien hel ! "
Aoh, dit is de hel, en ut leech schient vuul te fel.
Euveral is brand, maar d'n duuvel geit neet aan de kant.
Misschien det ik, as ik veur daen tied neet stik,
oeit waal waer gered door ein ingelke det op mich let.
Jaojao, ik heb nog haop, 'k hald good mien auge aop.
D'n duuvel velt in slaop, en dan bin ik heej weg, weg oet die hel ...
* cd 1998 : Neet oét Lottum - "Flaai"
HOME
PLAATSNAMENOVERZICHTHOMEHELDER OP D'N TELDER
Straatdeuntje
Zang (*) : Dames-/ Hiëre-koër
Refrein:
Helder op d'n telder, botter beej de vis.
Mooder maak de deur ens aop en kiëk ens wae dao is:
't Is eine alde ome met 'nne krômme poët.
Zeve jaor in d'n hemel gewaes en nog neet doëd.
.............. (?)
* lp (1978/1979) : Diverse artiesten - " Venlo op zien bès " - Discofoon LP 45779
HOME
PLAATSNAMENOVERZICHTHOME'T HEMELPÄÖRTJE
1980: Teks en muziek: Funs van Grinsven
Oet de Revu (*) : "Waat ennen tiëd"
Limburgs land, hert verpand, blieheid in ôs laeve.
Wae dich kint, dich bemint, zal zien hert dich gaeve.
Heuveland in baemp en wei, druuegs de riekste kleier.
Limburgs land in bôs en hei, Ieuwige verleier !
Refrein:
Als ik dan veur good vertrek.
en adieu mien Limburg zegk.
Wiéflend klop ik op die deur
Piëtrus geit mich veur.
Eine wins, mien schoënste haop :
"Laot det Hemelpäörtje aop,
Laot mich" smaek ik op mien kneen.
"Altiëd Limburg zeen ! "
Land det zingk, land det bringk, zôn in eders woëning.
Land det straolt, riék ônthaolt, gastvreje veloëning.
Al dien good, dien humortroën, duit 't leid vervage.
Land vol mood, land wao ik woën, bliefs mien leefde drage.
* lp : " Waat ennen tiëd " - Discofoon 11080 - VR 21527
* cd : t.g.v. de heräöpening van "Twië Gebreurs van Venlo" & de äöpening van de "Gelderse Poort"
HOME
PLAATSNAMENOVERZICHTHOMED'N HEMELTANGO
Teks en muziek: Jan Theelen & Ben Verdellen - Frans Boermans & Frans Driessen
Zang (*) : De Vrijbuiters
Refrein:
Ik dans met dich in d'n hemel einen tango,
euver de wölkskes met doëzend ingelkes um ôs haer.
Dien gans gezich straolt zoë hemels beej daen tango,
as dich dan fluusters: "Och ik zeen dich toch zoë gaer."
Door zilvere zaale zweeve weej, wies weej misschien,
dan einmaol saame in de zevende hemel zien.
Ik dans met dich in d'n hemel einen tango,
och leeven hemel toch, wat zoel det zalig zien !
Ik loog lankoët te druime in de wei,
en in daen druim noom ik dich mei.
Weej kwaame veur de hemelpaort te staon,
en Petrus leet ôs binnegaon.
D'r waas 'n bal op gang en Gabriël dae zei:
"Dans geej maar röstig met daen hemeltango mei !"
Jacobus speulde zalig saxofoon,
en Marcus sloog de xylofoon.
En wae zoot naeve Lucas zien cornet ?
Elisabeth ! Aan ut spinet !
En Sint Christoffel sloog de roffel op zien pauk.
Andreas met ziene kleine trôm deej det ouk.
* cd : De Vrijbuiters " De Vrijbuiters (met zang van Ben Verdellen) " - Onger Ôs - CD 7187
HOME
PLAATSNAMENOVERZICHTHOMEHERINNERING AAN LIMBURG
Tekst: Harry Bordon - muziek: ?
'n Speulplaats mit kastanjebuim, 'n greun geschilderd hekske
de meister mit zien griezend haor, mien zwart kemuniepekske
de winkel wao ik veur twieë cente paepermunt ging koupe
wao ik achter de fanfare door de sjtraote höb geloupe
Det is de herinnering aan mien gebaorteland
die löp um zoeë te zègken es 'n kiendje aan mien hand.
Refrein:
Limburg, gein land kin zoeë sjoeën zien wie-s dich
want dao is de waereld 'n stökske van mich.
' t Golvende kaore, de roukende mien
dat maak 't zoeë riek um van Limburg te zien
dat maak 't zoeë riek um van Limburg te zien
'n Klaproeës in de zomerzón stónd wegend in 't kaore
en huuërde dao 't leedje van 't angelus oet d'n taore.
De baek wao weej in de vekansie staekelviskes vónge
en wao weej veur 'n veldkapelke ós Marialeedjes zónge
Kiek: det is de herinnering aan mien gebaorteland
die löp um zoeë te zègke es 'n kiendje aan mien hand.
De mam die saoves beej de lamp ós zokke zoot te stoppe
kwaam elken aovend mit 'n nuuj verhäölken op de proppe
en op de kermis leep ik ore tösse al dat laeve
Veur 'n eurke oet die jaore zoe ik alles wille gaeve.
Det is de herinnering aan mien gebaorteland
die löp um zoeë te zègke es 'n kiendje aan mien hand.
We mochte neet van pap en mam: we ware nog te jónk
Mar jeh, de leefde leet zich toch neet dwinge.
As dich neet hads gelache wie wie ik nao dich had gelónk,
dan kós ik nów neet van ós leefde zinge.
Al heels te neet genóg van mich, al raakden ich dich kwiet,
ik zal dich noeëjt vergaete want 't waar de sjoeënsten tied.
HOME
PLAATSNAMENOVERZICHTHOMEEIN HERT
1995: Tekst & muziek: Michiel van der Grinten
Zang (*) : Romeo
We staon in de kamer te praote, hand in hand,
hiel dich beej d'n aafgrond, hiel dich beej de rand.
't Waas 'n moeje aovend, maar vuuls te snel veurbeej.
D'n trein is vertrokke, ik blief heej.
't Letste glaas gedronke, 't letste waord gezag.
Dich steis nao mich te kieke en ik weit waostich op wachs.
Dich kieks mich in de auge, 'k veul dien lippe op mien mond,
maar ik stap achteroet, staar nao de grond, want ...
Refrein:
Ik heb maar ein hert, en ein leefde is mich mier dan genog.
Ik heb mich al gebonde, 'k heb gevonde waat ik zoch.
Ik heb maar ein hert, ein leefde, en wie moej 't auk zoel zien.
Geluif mich, 't duit allein maar pien.
Ik heb mien bed gevonde, dich bliefs wachte op de gang.
Ik zeg dich welteruste met 'n kös op dien wang.
Dan doon ik de deur toe, gaon mich zitte beej 't raam,
en ik fluuster in 't donker diene naam, maar ...
Maar deep in 't donker, deep in de nach,
van de slaop half dronke, haop ik des dich op mich wachs.
Dan brik mien hert in twie stukke, schrieuw ik 't oet van de pien,
dan wil ik in dien erm beej dich zien.
* cd 1995 : Romeo - "Later krieg gelièk" - Ben Verdellen Produkties
HOME
PLAATSNAMENOVERZICHTHOMEHERT VAN GOLD
1997: Tekst & muziek: Maurice Roosen
Zang (*) : Romeo
Ik drej mich um, dich bis d'r neet.
Allein maar 'n T-sjeurt waas dich achter leets.
Ik staar 't aan maar dien plek bleef laeg,
en ik vraog mich aaf waor ós leefde bleef.
Hadste gedach d'n hemel te kriege,
terweilste wis det ik gennen ingel waas.
Hadste gedach det ik waal zoel bezwieke.
Och schat, ik wis neet det det belangriek veur dich waas.
Refrein:
Dien braeve zegge deste tied nuuëdig hes,
maar tied drief os vaer oetein.
De roes van de leefde ging weer veurbeej.
Dien hert van gold woort weer van stein.
* cd 1997 : Romeo - "Parels van de nach" - Ben Verdellen Produkties
HOME
PLAATSNAMENOVERZICHTHOMED'N HERTENDEEF (ADÈLE)
1982 nr.3 Tekst & muziek: Giel Aerts
Zang (*) : Hay Crompvoets
Refrein:
Adèle, Adèle, dich bis ein maedje um te staele,
want wao zuuste nog zôn auge, wao vinste nog zôn lien.
Dich bis vuél te moei um allein te zién.
Adèle, Adèle, ik kôs sebiet dien hertje staele.
Jao, raeken maar van "Yes" van astebleef,
dan bin ik dienen hertendeef.
Piejeer, dae waas verleef op Adèle, 't schoénste maedje oét de straot.
Hae zoot zichzelf al waeke te kwaele, want veur ein aanzeuk waas hae neet in staot.
Maar toen met vastelaovend op de Parade, zoë tösse al die maedjes, zoog hae um.
Toen brach hae um gewoën ein serenade en zông met zien moeiste stum.
Piejeer stônd van zich zellef te kiéke, wao haolde hae de mood vandaan.
Adèle leet 't duudelik bliéke, zôn vreejerie, die sloog waal beej um aan.
't Zag : " Ik wil 't röstig met dich waoge, maar zing veur mich det leed nog ens opniej ".
Det hoofde 't maar eine kiér te vraoge, toen zông ôs Piejeerke bliej.
* lp 1981/1982 : Jocus - " Laot ôs bliëve zinge " - Discofoon 11.11.81
HOME
PLAATSNAMENOVERZICHTHOMEHERTEPIEN
1995: Tekst & muziek: Bert van den Bergh & Herman Poels
Zang (*) : Romeo
't Waas erg gezellig, neet, 'k heb mien gitaar gehaold,
dink aan 't optraeje, maar ik heb zon slaop.
Vond mich vanmorge truuk langs 'n vraemde vrouw.
't Waas eine nach vol lös gewaes, maar echte leefde vergaetste neet gauw.
Refrein:
Heej, aste Marsha zuus, zeg dan det ut mich spiet,
maar 't is baeter zoe, veur os alle twiej.
Heej, zeg um maar det ik tied nuuëdig heb,
en zeg um det 't deep, hiel deep in mich zit.
Waat dach se van ontbijt, morgevruug beej mich,
eindig de kater in ein dronkemansgedich.
Kwaam bezaope oet de nach, ik makte fout nao fout.
't Leech haet mich thoes gebrach, nao de zonde kump berouw.
Leefde bezorgde os auk hertepien,
maonde van hertepien taegeneuver jaore van plezeer.
Belaof um maar van mich, auk die baetere jaore, die baetere jaore komme weer.
Belaof um maar van mich, auk die baetere jaore, die baetere jaore komme weer.
Die baetere jaore, die baetere jaore komme weer.
Die baetere jaore, die baetere jaore komme weer.
* cd 1995 : Romeo - "Later krieg gelièk" - Ben Verdellen Produkties
HOME
PLAATSNAMENOVERZICHTHOMEHERTJE STAD
2004/2005: Tekst: ? - muziek: ?
Zang: Linda Zijlmans & Mirjam van Elderen
Ôzzen Bertus waas op stap en had um good geraak
En wie det dan gebeure kan, hae ging haos oét zien daak
"Geweldig reep de pliesie, des dich heej dien kunste toëns,
Maar zegk ens wao's dich woëns".
Ein hiële meute stônd d'r beej,
Wie hae toen zag: "Noow huur ens heej"
In 't hertje van de stad bin ik gebaore
En dao haet mien weeg gestaon
Jao, dao speulde ik ouk al mien kinderjaore
Bin dao ouk nao schoël gegaon.
Dao tösse de Majjum en de groëte hei
Dao bin ik toch zoë gaer, dao vind ik mienen drei.
En waat ik ôch zegk, det mein ik ech
Dao wil ik noëts, nae noëts miër weg
Jao.... det.... hertje van de stad, waat ik ôch smoés
Det blief veur altiéd mienen thoes.
Det blief veur altiéd mienen thoes.
In d'n optoch dach Sophie det genne mins um kôs
Opens toen hoort 't achter zich: "Det is d'r ein van ôs,
De kins dich waal verkleie maar det baat dich toch gen fluit,
Dich kumps oét Venlo-Zuid".
Toen reep Sophie: "Det haeste mis,
Ik dach des dich waal baeter wis".
HOME
PLAATSNAMENOVERZICHTHOMEHERTJE VENLO
Tekst: ? - muziek: ?
Zang (*) : Blaauw
Ut carillon speult weer prachtig en ik luuster indechtig,
ouk al kin ik ut leedje gans oèt miene kop.
Ut is ein teiken det ik heej woeën en det is nog altièd schoeën,
en daorum staon ik al morges lachend op.
Refrein:
ln hertje Venlo, hert van de stad,
dich bis ein deil van mien laeve, wao ik van hald.
Dich bezits mien verlaeje, ik gaef dich mien toekoms.
Oh hertje Venlo, met dich waer ik ald, met dich waer ik ald.
En as ik 's aoves gaon luime, haop ik schoeën te meuge druime,
En det ik 's morges vruûg met dich opstaon maag.
En as dien klokke mich wakker slaon, en minse door dien straote gaon,
jao, dan weit ik ut is einen niejen daag.
Laot ze maar zegge in Amsterdam is ut te doon,
want wae ut heej neet bevelt, dae mót maar gaon.
Laot ze maar zegge, van dao en dao, dao is ut moeëj,
want hertje Venlo dich wets good, ik verlaot dich noeëts.
* cd : Blaauw - "Eine zomer met dich"
HOME
PLAATSNAMENOVERZICHTHOMEHES DICH EFKES VEUR MICH?
Tekst: Maurice Delsing - melodie: 'Heb je even voor mij?' (Frans Bauer)
Zang: Sander Driessen (Mixx the partyband)
Ik kwaam dich taege, howeoo
Dich waas verlaege, howeoo
Al daag wil ik woage, howeoo
Want ik wil dich wat vroage, howeoo
Refrein:
Hes dich efkes veur mich
Maak wat tied vreej veur mich
As ik dink aan dae lach weit ik waat ik verwach
Idder oor is veur dich
Hes dich efkes veur mich,
Maak wat tied vreej veur mich
Kom noow met die Kosmoel
wao ik op wachte woel
Kom vanaovend beej mich
Dich zits te luime, oheoo
Ik zit te druime oheoo
Hoof niks te aete, oheoo
Ik kin dich neet vergaete, oheeooo
HOME
PLAATSNAMENOVERZICHTHOMEHET OF DET?
2004/2005: Tekst: ? - muziek: ?
Zang: Peter Jansen & Wim Janssen
Aan wae zal ik mien hert toch ens gaon gaeve,
Det vraog ik mich noow al mien ganse laeve,
Aan ein allein, det môt, det weit ik bes,
Maar det is zoë zund van gans de res:
Het? Det? Zeej of die of dich?
Dao waer ik neet oét wiés,
Het? Det? Zeej of die of dich?
De's moeier as 't paradiés,
Want dao haet Adam gaar gen keus gehad,
Mit maar ein Eva is det mekkelik zat,
Heej beej ôs, op vandaag, velt 't mich neet lich:
Het of det of die of dich?
Gaon ik ens veur ein vlaai nao ôzze bekker,
Dan vind ik al die saorte aeve lekker,
Vind geej 't gek det ik 't dan neet weit?
Dan snap ge noow ouk mien leefdesleid:
Ik had det al as kind in vruuger jaore,
Ein snuupke meuge koupe deurde ore,
En in de leefde zit d'r det nog in:
Ik veul mich ein kiendje beej Jamin:
HOME
PLAATSNAMENOVERZICHTHOMEHIEP HOERA
1969 nr.1 : Tekst: Ad Pollux - muziek: Frans Wetjens
Zang (*) : W. Hovens & Ben Verdellen
Mienen auto woord gestriets, ik had allein nog eine fiets,
maer dae knômmel woel neet laupe.
Wetste waat, zag tante Lies, ik heb maar eine leeve sies,
tante Lies geit dich waat kaupe.
En now bin ik 't bliejste kind op aerd,
tante Lies die stoekde mich ein paerd.
Refrein:
Zeg ik: Hot! Hot! Hot! ... Dan geite.
Zeg ik: Ju! Ju! Ju! ... Bliefe staon.
Ik heb noëts, nae noëts geweite,
det zô'n biës mich kan verstaon
Jao, ik zit noow met ein wietske op ennen hippen, hippen hiep.
Ik heb verleeje waek mien fietske maar de Majjem ingekiep.
Zeg ik: Hot! Hot! Hot! ... Dan geite.
Zeg ik: Ju! Ju! Ju! ... Bliefe staon.
Jao, ik veul mich noow zoë lekker wie ein kiep.
Op daen hiep, op daen hippen, hippen hiep.
Zit ik hiep, hiep, hoera op mienen hiep met ein PK,
mosse zeen dan gaon weej dreuver.
En al kriêg ik van 't zaal de blaore op mien " wetsewaal ",
wae haet det d'r neet veur euver.
En môsse kiêke wie det hiepke springk,
as 't niejste paerde-möpke klink.
* lp 1981/1982 : Jocus - " Laot ôs bliëve zinge " - Discofoon 11.11.81
HOME
PLAATSNAMENOVERZICHTHOMED'N HIT
2002: Tekst: René Kauffman - muziek: Michiel van der Grinten
Zang (*) : Minsekinder
Broeëd mót op de plank, maar 't beleg blief weg.
Weej hebbe nada dan waat leedjes veur d'n dors.
Roeëd staon op de bank is dan nog neet zoeë slech,
veur op verdach, daen letzten dieke wors.
Loeëd bringk niks mièr op, allein nog gold det blink.
Dae kraan steit aan maar dao kump allein maar water oèt.
In d'n hoeëgste noeëd kump oeits 'n leed det klink,
de juusten toeën veur broeëd en kroèt met diek kerboèt.
En daorum hebbe weej noow vasbeslaote,
det dit leedje ós verlos van alle kwaole.
Refrein:
Dit leedje hit d'n hit, det steit al zwart op wit,
gebaore um te score, bakke geld veur idderein.
Zó'n stök wao pit in zit, dit wuurt de golden hit.
Weej zien al miljonair, nog veur d'n ièrste cent beejein.
* cd 2002 : Minsekinder - "Kom in mien erm"
HOME
PLAATSNAMENOVERZICHTHOMEDE HITTE
1995: Tekst & muziek: Bert van den Bergh
Zang (*) : Romeo
As 't zonleech mich 't zeen ontneemp en de hitte zich aan mich hink,
't asfalt in de verte schient, als ware 't van glaas,
dan sleit de zomerse verlamming toe, die de stad 't laeve neemp.
Dan smelt de zon de rame dich maar de hitte sleit zich door de moor.
Dan gebeurt d'r beej neemus nurges niks, dan sterf elk laeve weg, weg in 't zweit.
Refrein:
Dit beeld oet 't verleeje laef nog in 't hede.
Beej dit beeld oet 't verleeje veul ik die hitte weer.
Ein geveul oet 't verleeje mink zich in 't hede,
ein helder beeld door d'n tied vervaag.
Toen de zon zich achter de kerk begroof en de stad weer tot laeve kwaam,
woord ik plots aug in aug met dich gebrach, mier dan ein moej lichaam.
Van 't moment det ik dich zoog waas 't of ste langs mich loogs,
met al mien waopes in de strijd streelde ik dien ijdelheid.
De loogs dich beej mien verlanges neer, iers dien borste, toen steeds mier.
Nao jaore en zoevuul daag herrinner ik mich dich liggend in 't gaele graas.
* cd 1995 : Romeo - "Later krieg gelièk" - Ben Verdellen Produkties
HOME
PLAATSNAMENOVERZICHTHOMEDE HOËGE G
1999/2000 nr.9: Zang: Paul & Hay Peeters
Weej zien de specialiste van 't hoëge toëne werk.
En veurdet weej 't wiste, hadde weej det al gemerk.
Maar andere neet, die snappe det pas nao dit leed.
Refrein:
Neemus kint de hoëge G zuuver zinge, net wie weej.
Zelfs de diekste klarinet haolt det maar net.
En is de straot vol meziék en getoét,
dan kump ôs vaste aovendstum dao baovenoét.
Mi fa sol en do re la, auk al is 't ein A.
Neemus zingk de hoëge G, zoe moei wie weej.
Weej zien auk lid gewaore van 't alde knaapekoër,
en zinge dao die klaore alle wetjes oét 't oër.
Die zuuste dan gaon as weej dao op de taofel staon.
Dae'n eine, dae kan zinge, falderie en faldera,
Dae duuzelt van 't springe, van de rie gans nao de ra.
Maar weej dan, maar weej, weej speule met de hoëge G.
HOME
PLAATSNAMENOVERZICHTHOMEHOEMPAPA
Tekst & muziek: Henk van Hoften
Refrein:
Gaef mich maar hoempapa,
en halt dich maar tienen tra-la-la.
Och, waat kan ut dich toch gaeve,
ein biëtje hoempa in dien laeve.
Gaef mich maar hoempapa,
en halt dich maar dienen tra-la-la.
Och, waat is ut laeve riëk,
met ein stök hoempapa-meziëk.
Wie ik de laeftiëd had, vond ik ein maedje,
det had ein hiële leeve zaagte stum.
Det maedje woort al gauw mien roëzeblaedje,
Nao ut iërste muulke, zag ik taege um ...
En heb geej dökker pech in dit moeije laeve,
of is beej och neet alles diëke mik.
Dan zoël ik det noow toch maar ens vergaete.
Waat let ôch te zinge net wie ik ...
lp 1985
HOME
PLAATSNAMENOVERZICHTHOMEHOEM(PAPA)
2004/2005 nr.3 : Tekst & muziek: Frans Pollux
Zang: Rob van den Kroonenberg, Gijs Wolters en Peer Coopmans
Refrein:
Dit zien weer die daag van de hoem (papapapa)
Van de hoem (papa) hoem (papa) hoem (papapapa)
Dees daag zien van de joekskepel
Dus trekke weej mei mit zô'n hoem(papa)-stel
En zien die vruúg begôs
Dan helpe weej, de hoem dae doon zeej
En de papapapapa kump van ôs
Hoem (papapapapa) hoem (papapapapa)
Ik bloos as kleine jông al
De kerskes van minnige taart
En daufde mit mien lông al
't Veur in d'n aopen haard
Mien blaostalent veel op
Mien tante Toos koch mich ein träöt
Maar mam die kreeg dao kop-pien
van, noow leet die in de gäöt - die träöt
Noow träöt ik zônder träöt
't geluud kump oét mien sträöt
Ik veul alweer die kriebels:
'n Joekskepel trek door de straot
Dan merkse desse wiebels
Al is 't dan oét de maot
En klink 't mei waat vals
Van saks of träöt of allebei
In zoëmaar eine wals
Dan pak ik oét en träöt ik mei - aoh jei
En träöte zônder träöt
Det duisse mit dien sträöt
HOME
PLAATSNAMENOVERZICHTHOMEHOÉS GEPIÉL
1995 nr.2 : Tekst: Martien Peters - meziék: Frits Tilburgs
Zang (*) : Hay Smeets & Martien Peters
Tössestök:
Kaoke - Schôttelslet
Wasse - Strièke
Schroebe - Dwièle
Hoééééééééésflots
Nog neet zoëlang geleeje, wie zeej d'n hoéshald deeje,
toen hadde al die vrouwluuj ech neet miër as poetse.
Noow loupe weej te puffe, te vaege en te stuffe.
Jao, meuge weej dan eine kiër per jaor gaon joetse.
Refrein:
Same aan d'n boemel gaon, dreej daag alles laote staon.
Langksaam geit dae roes veurbeej, bliéf nog efkes heej.
De deensmaag beej ôs naeve det oefent alzelaeve.
't Sleit de dieke trôm en waal mit vuuël injektie.
De kat kint neet miër slaope, de vis is al verzaope.
En ik bin gans van slaag; waat is det ritme sektie ?
De vastelaovesgekke mit hölter bessemstekke,
die hoze op de straot en doon allein maar kere.
Op kaetels en panne 'n lekker ritme ramme,
eeej hosse mit eur mei um ôs te ammezere.
* cd (1994) : " Waat ein theater " - GTG Records 10946
HOME
PLAATSNAMENOVERZICHTHOMEHÖF DE GLAZER IN DE LÔCH
2002/2003 nr.3 : Tekst: Quinn Warmerdam & Esmé Warmerdam - muziek: Quin Warmerdam
Zang (*) : W-Dreej
Refrein:
Höf de glazer in de lôch, want weej zien mit man genôg,
en danse op dit leed wies in de nach.
Geej ziet allemaol de klos, dae meziék luët dich neet los.
Daorum vinde weej dit leedje good bedach.
Vraog ôs astebleef noow neet wao dit leed euver geit.
As weej dao zelf achter zien, dan gaeve weej bescheid.
Maar as geej noow bedink, wie tôf dit leedje klink,
en idderein dit strakkes mit ôs zingk.
Ein coupletje vaerder is 't duudelik veur ôs.
Dit is ein leed waos-dich mit idderein op springe môs.
En is ôg glaeske laeg, dan maak daovan gen kraeg,
want niks steit ôg vandaag nog in de waeg.
Dit is 't moment wao idderein zich röstig helt.
Bliej is noow daegene, dae dit leedje neet bevelt.
Maar hald ôg glaeskes klaor, weej gaon nog efkes door.
Weej bliéve wies 't allerletste oor....
* cd 2003 : Diverse artiesten - "Van Eijsde tot de Mookerhei 10" - Marlstone Recordings bv CDL2301
* cd 2004 : W-Dreej - "Höf de glazer mit W-Dreej"
HOME
PLAATSNAMENOVERZICHTHOMEHOLLADIEJEEJA
1972 nr.4 : Tekst: Ad Pollux - muziek: F. Wetjens
Refrein:
Holladiejeeja : nôw geit ut loos.
Holladiejo, met muziëk en boeremoos.
Want weej hebbe weer ein broèd gevônde,
die strakkes in de ônèch wuuerd verbônde.
Holladiejeeja : nôw geit ut loos.
Holladiejo, met muziek en boeremoos.
In ôzze vastelaovesdinsdaag show,
holladiejeeja, holladiejo.
Wae zal ut waere, wae zal ut zien ?
Is ut al zeker of is ut nog messchien ?
Weej wille ônderhand toch waal ens weite,
wiej of ôs boerebroelofsbroèd zal heite.
Maar wae ut is of wiej ut hît is eigenlik egaal:
ut is d'r ein van Venlo en dan weite weej ut waal !
Waat einen daag en waat ein besloët.
Weej viere broelof want strakkes is ut oët.
Det is beej ôs in Venlo zoë gelaege,
dan kinne weej d'r weer ein jäörke taege.
En det ut assekruutske straks op ôs te wachte leet,
det duit ôs nao zô'n boerebroelof zeker gèn verdreet.
HOME
PLAATSNAMENOVERZICHTHOMED'N HÖLLE WÖLLE
1966 nr.2 : Tekst: Koos Timp - muziek: Giel Aerts
Sofie, det waas ein maedje, van sente en ouk braaf.
Het heel vuël van Lewieke, al van de schoëlbank aaf.
Het goof Lewie kedootjes, zoë dök as ut um zoog.
Maar hae waas noëts tevreje, zoëdet Sofieke vroog :
Refrein:
" Waat wils-te dan nog miër, det ik dich gaef ?
Det vraog ik idders kiër, zoëlang ik laef.
Waat bis dich toch veur eine vent,
dich bis noow noëts ens ech kôntent.
Ik wil ut weite deze kiër, waat wils-te nog miër ? "
Sofie koch zich ein huuske, veuroorlogs deeg'lik grei.
Lewie begôs te moêle : " Waat môt ik dáo dan mei ? "
Toen zag Sofieke giftig : " Zek menke, huur ens heej,
dachs dich det 'k wach mit trouwe, wies aan mien A.O.W. ? "
HOME
PLAATSNAMENOVERZICHTHOMEHÔNDERDOÈT
1992 nr.3 : Tekst: Joep Huijbregts - meziék: Guus Timmermans jr.
Zang 1 : Claar Boots & Hay Cromvoets
Zang 2 : Marij Verhaag & Theo Sturme
Ik zek 't maar: nae ik bin gaar neet eemus van vuul wäörd.
Maar dao zoog ik dich, en dich keeks nao mich.
En veur ik wis waat of det is, toen waas 't al gebeurd :
Ik noom ein besloét en praot hônderdoét :
Refrein:
Dreej schoëne daag vertel ik dich, persiés waas dich maar wils.
Ik zek dich det ik van dich hald, as dich auk van mich hils.
Ik praevel hônderdoét, de leefste wäördjes die ik weit.
Maar éin dink det vertel ik neet: Ik zek neet wie ik heit !
Ik weit neet miér persiés wanniër, opens zoog ik dich staon.
Maar det waas genög: ik waas gans verkôch !
Ik zoog dich en ik vroog dich, want ik woel gaer met dich gaon :
Dreej daag lang op sjouw, dreej daag iëuwig trouw :
Dees vastelaovesleefde, jao, zoë schoën as maar kin zien.
Maar nao deezen tiéd bis dich mich weer kwiét.
En ik dink smeis veur desse geis, wae wet vind ik messchien,
dien maske en pruuk, 't volgend jaor truuk:
HOME
PLAATSNAMENOVERZICHTHOMED'N HOOD
1957: Tekst: Frans Boermans - muziek: Thuur Luxembourg
Zang (*) : Felix Peeters & Hofkapel
Mien moder, die zag zoë : Enne mins is neet van stroë.
En we meugde ens gerös einen blauwe make.
Now haol mich mienen hood, want moder vônd 't good.
Dan zulle wèj um now ens duchtig rake.
Refrein:
Hao, hao, hao, hao, haol mich mienen hood.
Moder vônd 't good, moder vônd 't good.
Hao, hao, hao, hao, haol mich mienen hood.
Moder vônd 't good, det ik d'n hood opzoot.
Mien moder, die zag zoë : Enne mins is neet van stroë.
En we meugde ôs gerös ein dröpke koupe.
Now haol mich mienen hood, want moder vônd 't good.
En zônder mienen hood wil ik neet loupe.
Mien moder, die zag zoë : Enne mins is neet van stroë.
En we meugde ôs gerös ein muulke gaeve.
Now haol mich mienen hood, want moder vônd 't good.
en zônder mienen hood kin ik neet laeve.
* dubbel-cd: 1999 : Omroep Limburg - " Batailles Carnavallade Deel 3 en 4 " - OL54-199901 en OL54-199902
HOME
PLAATSNAMENOVERZICHTHOMED'N HOONDERSTAL
vóór 1954 : Tekst: Lambert Winters - muziek: Harry Verhagen
Zang (*) : Jocus Joekskoér
Venlo is ennen hoonderstal, aan de kop steit Jocus Haan.
Det weite ze jao euveral, ganz Holland volgt dees vaan.
Refrein:
Wéj hoonder zegge : tok, tok, tok, wéj hane : ku k'le ku.
Wéj hebbe in dit hoonderhok, jao niks wie gooie luu.
Wéj hoonder zegge : tok, tok, tok, wéj hane : ku k'le ku.
Dan is d'r vrede in het hok, kukeleku, kukeleku, kukeleku.
Hoonder oët dezen hoonderstal, halde van joeks en pret.
Gedrage zich auk euveral fatsoendelik en net.
Hane oët dezen hoonderstal die scharrele gaer ens rônd.
Me zuut die dan ouk euveral, maar make 't noëts te bônt.
* cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213
HOME
PLAATSNAMENOVERZICHTHOMEHOTEL BOK (tidekedam tidekedé)
1962/1963 nr.3 : Wäörd & meziék: Dries Holten
Ik woel enne kier gezellig oet, maar ik had gen vriendin.
Eine kier d'r tussenoet met maedjes noa miene zin.
Ik veulde mich zoë einzaam, toen ik stond veur ein café.
Toen zoóg ik op de roet geschreven: "Oetgoan kinsse hej".
Refrein:
In Hotel Bok tidekedam, tidekedé, dao kinsse danse.
In Hotel Bok tidekedam, tidekedé, dao kinsse sjanse.
In Hotel Bok is 't eedere aovend bal.
In Hotel Bok is 't carneval.
Ik stond dao efkes raar te zwaaien, zoog dao ein madam.
Mien hert stônd toen in lichte laaie, veur die blonde vlam.
Toen waar ik neet mier einzaam, want ik snudde mich die pul.
Toen ik eur vroog: "Wie is 't binne ?", zag ze: ".......... herres knul".
HOME
PLAATSNAMENOVERZICHTHOMEDE HUDJES
Tekst & muziek: Verdellen & Driessen
Zang (*) : De Vrijbuiters
Ik weit neet of geej weit van kefee de Witte.
Wie of det dao geit as dao greekgezichte zitte.
Die drök de kastelein ze gauw ein hudje op de kop,
en herrest knul wat meinse, daovan klaort d'n hemel op.
Refrein:
Geiste zitte beej de Witte, dan biste good d'raan.
Nao ein tiëdje kump Merrietje mèt ein doës met hudjes aan.
Effe later steit dao alles op de kop,
mèt die hudjes van Merrietje, die hudjes van Merrietje, mèt die hudjes van Merrietje op,
Ik kwaam ens aangeweitm beej kefee de Wittem.
klaagde dao mien leid, want ik zoog 't neet miër zitte.
Toen zag Merriet: "Gin wonder, want dich hebs gen hudje op.
Dan krieste det gedonder, kom versier toch diene kop".
* cd : De Vrijbuiters " De Vrijbuiters (met zang van Ben Verdellen) " - Onger Ôs - CD 7187
HOME
PLAATSNAMENOVERZICHTHOMEHUËR IK EIN JOEKSKÈPEL
1985 nr.3 : Tekst: Ad Pollux - meziék: Giel Aerts
Gezônge: Herm & Bert Pollux
Ik had lang genôg aan d'n tap staon te staon.
't Waas alweer tiéd um op hoés aan te gaon.
Toen kwaam dae meziék en 't waas weer zoë vaer.
Ik dach: och d'n oedel, dao geise weer haer ! Want ...
Refrein:
Huér ik ein joekskèpel, dan kriég ik weer kiepevel.
Dan schuut mien gemood weer vol, en dreit 't mich in d'n bol.
Dan wuurter weer beer besteld, en effe nao hoés gebeld.
En mooder zaet : Wao ? Ao ! Dao ! Dan kômme weej nao.
Gaef mich noow die träöt ens, zoë zag eine man.
Ik wil waal ens kiéke, waat ik d'r van kan.
Maar och det gepiép det had gaar genne zin.
De joekskèpel sprông d'r toen dalik weer in. En ...
Noow stel dich ens veur, zek, det det neet mier kan.
Dan vraog ik mich aaf: och wao bliéve weej dan.
As oeits vanzelaeve dae joeksmeziék stop.
Dan gank maar nao bed en dan vaai dich maar op ! Jao ...
HOME
PLAATSNAMENOVERZICHTHOME'T HUNDJE
Tekst: H. Janssen
Thoes heb ik krei noch kuuke, maar ik heb waal eine hond.
Dae haet veer korte puëtjes, die reiken op de grônd.
Det biësje is gehoërzaam, en trouw, want as me rup,
dan rent-te en dan vluug-ge, en springk mich op de slup.
Refrein:
Ik heb ein hundje gekoch op den oêtverkoup, tra la la.
Det zit mich achternao, wao ik staon of loup, tra la la.
Det ismich laever dan ein maedje op den Prinsenbal.
Det is mich trouwer as ein heunke oet den hoonderstal.
Prinsenbal - Hoonderstal, tra la la.
Den buurman haet ein poeske, dao is hae stapel op.
Det haet zôn vinnig snuutje, en luuskes op de kop.
Ik kièsde um den hônd aan, maar dadelik woort 't woes.
Toen schöpde ik det mormel: Ik bin neet veur de poes.
't Waas in mien jônge jaore, det ik mien hert verloor.
Ao - aan ein beeldschoën maedje, maar ik had um dadelik door.
Det kneep de kat in 't dônker, van daen tiëd bin ik schouw.
Now halt ik 't mit mien hundje, det is en blief mich trouw.
HOME
PLAATSNAMENOVERZICHTHOMEHUP HUP VVV
Tekst: ? - muziek: ?
Allemoal d'n berg op, same noar de Koel
De speulers staon al opgesteld en hubbe maar ein doel
D'n aaftrap kump, ut ierste schot stump idderein tevree
't Publiek det steit als eine man achter VVV
Refrein:
Hup, hup, hup VVV, snel met d'n bal noa veure
Hup, hup, hup VVV, kiek wat d'r geit gebeure
Hup, hup, hup VVV, de schoenste pass sinds joare
Hup, hup, hup VVV, en dan wuerd ein Goal geboare
De tegestander dae braekt door, os doel is in gevaor
Ein deepe zucht geit door de Koel, Ut schaelde mar ein hoar
De keeper goeijt zich op d'n bal en klemt um wie ein tang
Kom op noa veure alllemaol, want weej zien toch neet bang
Weej zien nog neet de nummer ein, det geit auk neet zoé vlot
Maar as we d'r veur goan, krieg neemus os kepot
Kom op d'r taege aan, en gaef um van ketoen
Den wuerd os eige VVV oeits de kampioen
HOME
PLAATSNAMENOVERZICHTHOME