HOME
PLAATSNAMENOVERZICHTHOME
'T IEDEWIEDEWIETSFIETS-LEEDJE
2003/2004: Tekst: Annelies Holtman en Stef Kupers - muziek: Stef Kupers
Zang: Jan en Patrick Peulen
Refrein:
Ik wil ein iedewiedewietske jao zo'n fietske volgelaaije
Met einen tap ein träöt en roëd gael greun verleech
Dan kin ik kleppe en auk träöte, mich dao ore aan begaaje
Zoeëlang det dink maar löp van Venlo wies Mestreech
Weej hebbe alles waat weej ós winse
Ein leeve vrouw, det is mich toch ein stök
En auk ós blage, 't zien zo'n schatjes
Maar toch 't grutste deil van ós gelök
Toch had ik aevel nog zoeë gaer
Zo'n dink let op dao gaon we haer
Weej hebbe alles waat weej ós winse
Ein groeëte hut met zwumbad nog d'r beej
En dan dao naeve ein graasj, waat dach-e
Veur al ós auto's waal ein stök of dreej
Toch had ik aevel nog zoeë gaer
Zo'n dink let op dao gaon we haer
Weej hebbe alles waat weej ós winse
En gaon d'r oèt, weej neme 't d'r van
Dan gaon weej vlege nao vaere lande
Of met d'n boeët zoeë dök as 't maar kan
Toch had ik aevel nog zoeë gaer
Zo'n dink let op dao gaon we haer
Zoeëlang det dink maar löp
Met toeters en met belle en de ganse santekraom
Van Venlo wies Mestreech
HOME
PLAATSNAMENOVERZICHTHOMEI'M IN LOVE
1980: Teks en muziek: Frans Boermans & Sil Ruytenbeek.
Gezônge door De Vrijbuiters & de Vrouwluuj van de Maasvallei
Oet de Revu (*) : "Waat ennen tiëd"
Hiël ôs hoesgezin is happy, wet geej ouk waorum det is.
Jao, ik heb mich gisteraovend eine Yankee opgevis.
Haet ein mutske met ein klepke, en ein snörke op zien lip.
Gister kwaam hae ôs bezeuke, en toen zông de hiële klip.
Refrein:
I'm in love met de cook van de kitchen.
Boogie Woogie zoë neume weej um.
En ik wandel aan d'n erm, van dae leuke lange derm.
En weej kauwe lekker same ôzze chewing gum.
I'm in love met de cook van de kitchen
tössen ôs is 't hiele dieke mik.
Sôme candy en wat cake en ein bleekske stewed steak.
Det is oët leefde, en neet veur d'n bik.
Same gaon weej nao de dancing, Hoki Poki hot en swing.
In ein jeepke nao de party, of eine leuke wandeling.
Same walking in the moonlight, hend in hendje 's aoves laat
Same dreame van de leefde, en ik zoevel maar sjeklaat.
* lp : " Waat ennen tiëd " - Discofoon 11080 - VR 21527
HOME
PLAATSNAMENOVERZICHTHOMEIDDEREN DAAG
1993: Teks en muziek: Michiel v.d. Grinten
Zang (*) : Romeo
Ik kin noow neet slaope, d'n tièd is te kort.
Nog efkes en 't wuurt al leech.
Mien grei steit al klaor, ik heb mien ticket gekoch,
dao gaon ik, truuk kin ik neet.
't Leech van de maon velt op dien gezich,
dit plaetje det blief mich beej.
Och maedje, al gaon ik zoeë wiëd van dich weg,
mien hert det laot ik heej.
Refrein:
Idderen daag en al mien nachte,
dink ik aan dich, mien groeëte vlam.
Dich bliefs veur ieuwig heej, in mien gedachte,
Ik hald van dich mien laeve lang.
D'n taxi steit veur, ik mót noow ech gaon,
mien kóffers gaon in d'n bak.
De wets 't, de zuus 't, ik ging leever neet,
maar maedje, mien plan is gemak.
Ik woel det ik wis waorum ik mót gaon,
iets in mich kump neet tot rös.
Ik laop nao de deur en blief nog wat staon,
dich guuëfs mich en letste kös.
De maon van vannach schient op mien bed.
't Is werm, ik kóm neet in slaop.
Ik kiek oët 't raam en drink oét de fles.
Heej steit eine man zonder haop.
* cd 1993 : Romeo - "Romeo" - Marlstone Recordings bv - CDL 9327
HOME
PLAATSNAMENOVERZICHTHOME'T IËRSTE EN 'T LETSTE
1965 nr.1 : Wäörd & muziek: Frans Boermans & Fr. Wetjes
Zang (*) : Hans Mans
Jao, dich bis mien alleriërste maedje.
Jao, det is d'n alleriërste kiër.
Gluif mich maar ik gaef dich op ein blaedje,
ik wil gen ander miër.
Refrein:
Dich bis 't iërste en 't letste, det wetste, det wetste.
Dich bis 't leefste en 't netste, 't schoënste waat ik kin.
Van alle maedjes op de aerd, bis dich veur mich 't meiste waerd.
Dich bis 't iërste en 't letste, dich bis nao miene zin.
Noëts wil ik ein ander hiël mien laeve.
Waat ik zeg, det is hiël iërlik waor.
Noëts zal ik waat um ein ander gaeve.
Nog in gen doezend jaor.
Bin ik aaf en toe waal ens verdwene.
Gaon ik aaf en toe ens aan de sjouw.
Gauw genôg bin ik alweer verschene.
Ik bliëf dich iëwig trouw.
* lp 1981/1982 : Jocus - " Laot ôs bliëve zinge " - Discofoon 11.11.81
HOME
PLAATSNAMENOVERZICHTHOMEDE IËRSTE KÖSMOEL
Tekst: Frans Boermans - muziek: Jan Theelen
Uit de revue 'Stel og ens veur'
Waat is 'n kösmoel, dao vraog ge mich wat.
Jao iërlik ik woel det ik 'n antwaord had !
Det môt ik ôg schöldig blieve,
ein kösmoel is neet te beschriève.
En waat zoel 't, 't is auk egaal.
Dao is ein dingk det weit ik waal.
Refrein:
De iërste kösmoel die woord in Venlo gegaeve.
De iërste kösmoel wie die nog neet bestônd.
Maar wie ze d'r waas toen gingste mich waat belaeve.
Van mônd tot mônd ging 't toen gans de waereld rônd.
Belangriek is dit, 't geit noëts allein.
Ge staot of ge zit dan same doën beejein.
Wies det ôg gezichter zich rake,
det is lastig duudelik te make.
Maar zek wet ge waat geej nôw maar dôt,
vraog in Venlo maar wie det môt.
HOME
PLAATSNAMENOVERZICHTHOMEIËRSTE SLOEK, D'N
Tekst: Frans Boermans - muziek: Jan Theelen
Uit de revue 'Stel og ens veur'
De mins dae haet, wie geej waal weit.
Van ‘t golde kaore wao hae now zien broed van bak.
In zien ônneuz’le slummigheid.
Tegeliekertied zich ouk dae golden drank gemak.
Hae brouwde zich det blônde beer.
Det woord zoëwaor zienen onberaekenbare vrind.
‘t Höf um op of houwt um duchtig neer.
‘t Is maar de vraog of hae zien maot waal kint.
D’n ierste sloek dae kan gen kwaod.
Maar van de letste wetste noets wie of dae velt.
Want eeder haet zien eige maot.
Wao ‘nne wieze mins zich alzelaeve maar aan helt.
Maar waat is wies? Wae zaet ‘t ôs?
Speult neuchter dinke dan maar altied weer d’n baas?
Is dae dan wies, dae noets ens viere kôs.
Dae noets, nae noets ein bietje sjieker waas.
HOME
PLAATSNAMENOVERZICHTHOME'T IEUWIGE LAEVE
2001/2002: Zang: Christel Wouters & Gé Deenen
Leeve schat dich duis mich wat, wil alles veur dich doon,
poets idderen daag dien schoon, en zal d'n opwas doon.
As dich ouk mit geld geis smiéte, zal ik op ein höltje biéte.
Alles op dees aerd bis dich mich waerd.
Refrein:
't leuwige Iaeve en nog wat d'r beej,
det wil ik belaeve, en dich huurs daobeej.
Ik kan mich neet waere, waat hebs dich gedaon ?
Dich zits in mien waeze, dich bis mien bestaon.
't leuwige laeve, det is noeits gedaon.
Och mien stök, waat ein gelök, dich hebs mich beejgeschaaf,
dien hundje vind ik braaf, 't toepe zeg ik aaf.
Laot mich ouk dien ploéte striéke, as ik maar nao dich maag kiéke.
Alles op dees aerd bis dich mich waerd.
Hônnepôn, dich bis mien zôn, ik snie dien hötjes louk,
de schoënmaak doon ik ouk, houw noeits miër op die pauw.
Veur ein eurke in dien erme en dien kalde veut te werme.
Alles op dees aerd bis dich mich waerd.
HOME
PLAATSNAMENOVERZICHTHOMEIEËWIGE LEEFDE
2007/2008: Tekst & muziek: Quinn Warmerdam
Zang: W-Dreej: Quinn Warmerdam, Hay Wilders en Christel van Rijn
Refrein:
Vastelaovend, dich bis mien ieëwige leefde
‘Hiél mien laeve, zien weej verwaeve met-ein.
Gans mien hert gaef ik aan dich,
En is straks ut ind in zich.
Vastelaovend, neemus kriég ôs oéterein
Laatste refrein:
) Vastelaovend, weej kômme gauw weer beejein
Ik zông al as klein kroekestöpke.
Dien leedjes, van lol en plezeer.
Ik lierde ze mich oét ut köpke.
En bring ze nog steeds aeve gaer.
Ik bin zoë gruëts op ut gegaeve,
Det ik neet d´n einige bin.
Want doézende minse belaeve,
Det heerlik geveul binne-in.
Nao dinsdaag laot ik dich gewaere.
Dao leg ik mich dan maar beej neer.
Ein träönke zal ik waal verlaere,
Maar ‘t-volgend jaor bisse d’r waer.
HOME
PLAATSNAMENOVERZICHTHOMEIK BIN ALLEIN
1977 nr.4 : Teks en meziëk: Wim Janssen
Zang 1 : Hans Mans
Zang 2 (*) : Jocus Joekskoér
Refrein:
Ik bin allein, zoë gans allein, en det vind ik gaer neet fijn.
Kôm dich ens heej, ik bin nog vreej, wies vannach um kwart veur dreej.
Geis-se mei of geis-se pleite ? Jao, det zoèl ik hièl gaer weite.
Ik bin allein, zoë gans allein, en det vind ik gaer neet fijn.
Ik heb d'n broene vas gespek, en de bloomkoel um de nek.
Kièk dao baove steit de maon. laot ôs nao de stad toe gaon.
't Parapluuke um d'n erm, en d'n borsrok hilt mich werm.
Maar ik heb nog eine las, wae hilt mich vas aan miene jas ?
Want d'n haan is weer de baas, pak ôch op en gaef um gaas.
Vièfenzestig doèzend luuj, hebbe weer ein gooje buuj.
Stank ens op en blièf neet thoès, pak de bôtteram op de voès.
En bisse gans allein, nôw jao, dan zinkste dit refrein:
lp 1980/1981 : Jocus - " Gaef mich de viëf " - Discofoon LP 11.11.80
** cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213
HOME
PLAATSNAMENOVERZICHTHOMEIK BIN D'RAAN
2006: Tekst: ? - muziek: ?
Zang: Tekiela
De klok steit op twelluf
de nach is begos
en idderein kump now pas ech good los
de stumming
die zit d'r good in
ik woel nog wat danse
en vroog ein leed aan
toen hoort ik van achter ein ieskalde stum
"det geit neet jong"
"want ik bin d'raan"
Refrein:
ik heb det maedje als ierste gezeen
ik bin verleef kin se det dan neet zeen
dich kins waal gaon leeve jong
as ut dich heej neet beveld
ik heb det maedje als ierste gekos
det blief beej mich jong geleuf det maar g'rus
dich kins waal gaon leeve jong
as ut dich heej neet beveld
ik dronk aan mien glaas
en dach leeve god
laot dich neet kinne
en wind dich neet op
de letste dae nog lach
det bin ik
ik ging nao de bent
en vroog ein leed aan
toen huur ik die stum van dae jong wie hae zaet
"det geit neet jong"
"want ik bin d'raan"
ut fies is veurbeej
en de luuj gaon nao hoes
en ik hal mien maedje
al aan zienen erm
toen zoog ik
dae'n erme jong
hae reep nao mien maedje
" haej schat ik bring dich thoes"
ik zag taegen um
jong now isset ech sloes
de zuus toch
ut spel is gespeuld
HOME
PLAATSNAMENOVERZICHTHOMEIK BIN EIN VENLOOS MAEDJE
2004/2005: Tekst: ? - muziek: ?
Zang: Linda Zijlmans
Weej maedjes zien toch waal biezônder,
Waat dunk ôch, waorum det zoë is?
De jungskes die kinne neet zônder
Noow zegk neet det geej det neet wis:
Ik bin ein Venloos maedje
Van gans gewoënen doon.
Maar ik gaef ôch, op ein blaedje,
Ik staon stevig in mien schoon.
Nae ik zal mich noeits niks meine,
Det leet neet in mien lien,
Want ik blief ein Venloos maedje, 'k zoel gen ander wille zien,
Jao ik blief ein Venloos maedje en dao meug ik toch gruuëts op zien.
En gluif maar weej zien neet van gister,
Weej zien, wie me zaet, beej de hand.
Ôs oétstraoling, uig maar, die ister,
Det alles mak ôs zoë sjarmant:
Ein maedje van heej kinse kinne,
Det zuusse geliék aan zien snoét.
De kinster haos neet aan beginne,
Oét doézende haolse um d'r oét;
HOME
PLAATSNAMENOVERZICHTHOMEIK BIN GEK
19??: Tekst & muziek: Frans Pollux
Zang : Neet Oet Lottum
Appeltaart en proeme-flaai en alles wao ik zin in haj.
En achtien penne in de laai, de kaai van de verlaore baai.
Enne Vlaamse reus 'n vlaamse gaai, paoling, inkvis, minsehaai.
Ik greuij, ik bleuij, ik oegs, ik zaai, ik dink det ik 'm taai
Ik bin gek, zoe gek (hae is knettergek).
Ik bin gek, zoe gek (hae is knettergek).
Ik bin gek...woei...kenenenettergek.
Ik bin gek...woei...kenenenettergek.
Ik bin gek, met ein tuike um de nek.
En asse dao aan treks, waer ik knettergekek.
Middelvinger, doem en pink, veur wae de papegaai weer vingk.
En vaare op de Maas is link, veural as dao dien buutje zink.
Ik dink aan enne groeten bink, dae zweijend nao zien maedje wink,
geneetend van de golde rink, daen it ut zonke blink !
Bin ik klein of bin ik lank, heb ik och al genog bedank ?
Mien bein zien d'raaf laup ik noow mank? Van pleisers aete wuurse krank
De bank steit in de laege gank maar liek van heejoet op ein plank
En leet ut aan dae goore stank of kump ut door de drank ?
HOME
PLAATSNAMENOVERZICHTHOMEIK BIN MICH KWIÉT
1990 nr.2 : Tekst: Martin Peters - meziék: Wim Roeffen
Gezônge: Martin Peters & Hay Smeets
Ik laup mei 's nachs door 't laeve,
en dink nog truuk aan die snoét.
Jao, mien gezich kôm ik taege,
zoë zwabber ik mich dan veuroét.
Ik hoof op mich neet te lette,
maar waas 't aevel neet zat.
Nao hoés toe jông, en dan wette,
de hes al vuéls te vuél gehad.
Refrein:
Ik weit neet wae of wao ik waas,
en waas ik dae, wie kwaam ik heej.
Waat is gewaes det kin neet miér,
en waat ik deej det is veurbeej.
Ik kôs mich zelf neet miér verstaon,
en vroeg mich af wat noe gedaon.
Want ik woel weite wetse wie det zoot,
ik bin mich kwiét maar neet veurgood.
Ik hang mich schael te vervaele,
det kump van al det gejaag.
Let op, want ik kin mich kwaele,
ik zeuk nao gister en vandaag.
Det kwaam bin effe gebleve,
Zoë scheif net baove die bar,
Stônd 'morge gratis' geschreve,
dan raakse toch waal in de war.
Noow hald ik mich van de late,
en gaon zoë lang 't nog geit.
Vannach had ik in de gate,
waorum vandaag neet miér besteit.
Ik schrôk mich rot en woort tamer,
ging röstig haer en weer truuk.
Want gister trof mich daen hamer,
en morge bin ik gans keduuk.
HOME
PLAATSNAMENOVERZICHTHOMEIK BIN VAN JANSSE
Teks en Meziëk: H.Janssen - J.Janssen
Zang (*) : Piet Janssen
Wae geit mit Vastelaovend op de lappe,
schoeën aangepôngeld mit gerei van mich ?
Ik zal 't och in eine kièr verklappe,
Ik trek mich zelf 't maske van 't gezich.
En velt 't och neet in, dan zek ik wae ik bin:
Refrein:
Ik bin van Jansse, det wil ik weite,
Ik bin zoë gruëts, det ik zoë maag heite.
De halve stad zoëwat, me gluif 't bij-nao neet,
Die hit heej Jansse, die hit heej Jansse,
Want heej in Venlo hebbe we Jansse's beej de vleet.
En biste op d'n bal en vruegs ein bruëdje,
en twiefels efkes, of-ste dich vergits.
Dan zaeste, leveke, dich lekker snuëtje,
zek mich ens waeste bis en wièste hits.
Dan zaet 't: jông pak in, dich wits waal wae ik bin.
As ik gestorve bin, dan steit d'r Jansse,
mit golde letters op miën graaf, wie 't huurt.
Dan zaet d'n doèjegraver: wae waas Jansse ?
Dae naam, dae heb ik toch al mièr gehuurd.
Toen haette zich bedach, want ik had um gezag:
* lp (1976/1977) : " Vastelaovend same " - Discofoon LP 11.11.76
HOME
PLAATSNAMENOVERZICHTHOMEIK BIN VAN ÔS
1973 nr.2 : Tekst: Ad Pollux - meziék: Frans Wetjens
Refrein:
Ik bin van ôs en dich van and're.
Maar as te wils dan kinne we dao wat aan verandere.
Laot dien hertje maar ens spraeke, en dan leet 't in de lien,
kin ste bès in ein paar waeke, al femilie van mich zien.
Ik bin van ôs en dich van and're.
Maar as te wils dan kinne we dao wat aan verandere.
Jao, as te wils dan is d'r bès waat aan te doon.
Dus: Zulle we, zulle we, zulle we dèt maar doon ?
As ik dich zeen dan dink ik dök: " Wie kin ste
toch zoë verleef zien op ein kind van and're minse ? "
Maar det haet altièd zoë gegaon, det haet van aldshaer al bestaon ...
Zoë is 't einmaol in ein minselaeve,
det weej ôs aan ein kind van vraemde elders gaeve.
Want as det neemus had gedaon, dan hadde weej nôw neet bestaon.
HOME
PLAATSNAMENOVERZICHTHOMEIK BIN VENLONAER
1999/2000 nr.2: Wäörd & muziek: Guus Timmermans jr.
Zang: Leta Bell & Robert Bouten
Waat ein gelök, heej stônd oéit ens mien weeg.
Waas klein van stök, wie mien mooder mich kreeg.
Bin heej gebaore en groët gewaore.
Jao, heej zoog ik 't laevesleech.
Refrein:
Ik zing ein laevesleed euver mien gebaortestad.
Ik bin gelökkig Venlonaer gewaore.
't Schient, zoë wie 't leet, det ik mazzel heb gehad,
want ik bin heej as Venlonaer gebaore.
Ik zing ein laevesleed euver mien gebaortestad,
want ik heb groët gelök gehad.
Ik weit nog good, ik zoot nog aan de fles,
vol gooje mood, jao, ik deej good mien bes,
um op te greuje en op te bleuje.
D'n tiéd, dae deej veur mich de res.
Waat bin ik blie, want det bin ik zoë gaer.
Steeds weer opnie, door de jeugjaore haer
Ik kan waal zinge, ik kan waal springe,
want minse, ik bin Venlonaer.
HOME
PLAATSNAMENOVERZICHTHOMEIK BIN WAT VERLAORE
Tekst & muziek: M. Berbers
Ik heb in mien laeve vuel pech gehad.
Ik verloor al mien geld, det is waor.
Dao goof ik toch niks um, dao lachde ik mei.
Maar nôw heb ik spiet, ik verklaor.
Refrein:
'k Bin wat verlaore, 'k bin wat verlaore.
Ik zeuk miet ôngedöld, 't is mien eige schöld.
'k Bin wat verlaore, 'k bin wat verlaore.
Ik heb toch zônne spiet, (mien bruudje) (miene vréjer) bin ik kwiet.
Wae met mich geit zeuke, beloën ik hiël gaer.
Wae is nôw ens béj de hand ?
Van al det ge-ozel heb ik, det is gek,
ein klökske geplaats in de krant.
Zoë loup ik door Venlo, café in en oët.
Maar wao ik auk kiek is 't mis.
Géj kint neet begriepe wie ik mich geveul.
Hoe erg det 't toch veur mich is.
Waat hebbbe wéj same dök joeks gehad.
Wéj ware toch altëd béj-ein.
Nôw bin ik zoë einzaam en heb vuel verdreet.
Daorum zing ik tot idderein:
HOME
PLAATSNAMENOVERZICHTHOMEIK BLIÉF BEEJ DICH
1997 nr.3 Tekst & muziek: Guus Timmermans Jr.
Zang: Leta Bell & Quin Vaessen
Mien ganse laeve bliéf ik beej dich,
det is op zich waat lang veur mich.
Maar gedöld, det is ein schoëne zaak,
dus doon ik det mit gemaak.
Refrein:
Ik bliéf beej dich, dich bis veur mich,
mien haldvas in de wind.
Dich bis van mich, ik huuër beej dich,
beej dich bin ik weer kind.
Mit dich loup ik weer hand in hand,
mit dich gaon ik nao hoés.
Beej dich veul ik dae sterken band,
beej dich veul ik mich thoés.
Ik bliéf beej dich, dich bis veur mich,
dae lach op mien gezich.
Mien ganse leefde gaef ik aan dich,
wie ein gedich aan dich gerich.
Want mien leefde is wie poëzie,
det gedich mak mich zoë blie.
cd (1996) : " Jocus vitae ... quod sal coenae " - Joeks is veur 't laeve, waat 't zalt is in de pap
HOME
PLAATSNAMENOVERZICHTHOMEIK DANK DEN HEMEL
Teks & meziëk: Ad Pollux, Sef Gubbels & Ben Verdellen
Refrein:
Ik dank den hemel op de bloëte kneen,
det ik ut laevesleech in Venlo meugde zeen.
Want, zek mich ens, wao vindste now zoewat,
jao, wies mich ens zôn minse en zôn stad,
wao eeder weegske bliëdschap bringk,
zoëdet ut door de straote klink
van: Gloria ! Victoria !
Veur dae kleine, veur zien Mam en ziene Pap,
van: Gloria ! Victoria !
Veur dae kleine, veur zien Mam en ziene Pap-pappa.
Wie ik woort gebaore, leep me zich de blaore,
um te kômme kiëke nao dae niejste Venlonaer.
Hiëre, knechte, maage, meuderkes en blaage,
sapperloët, waat zooge ze mich gaer.
Beschuut met sôkkerkäörkes op de voës,
zoë trok dae gansen optoch door ut hoês.
Waas mich det ein laeve, die van beej ôs naeve,
en van taegeneuver kwame auk nog allemaol.
Toen zag tante Mieke: "Uig, waat einen dieke".
Sapperloët, dao meus ik op de schaol.
De slegter zag: "Ut is waal ein bietje miër".
"Allè" zag pap, "vurruit, veur deze kiër".
En nog jaore later heb ik in de gater,
det ut ein gelök waas, det ik heej mien weegske vônd.
Och, waat kôs ik greuije, zônder zörreg bleuje,
sapperloët, det is heej gooje grônd.
En wao ut laeve mich auk bringe zal,
ik bliëf d'r van getuûge euveral.
lp 1980/1981 : Jocus - " Gaef mich de viëf " - Discofoon LP 11.11.80
HOME
PLAATSNAMENOVERZICHTHOMEIK DINK MAAR ALLEIN AAN DICH
2001/2002: Zang: Christel Wouters & Quinn Warmerdam
Refrein:
Ik dink maar allein aan dich, ouk in miene slaop.
Ik zeen nog allein maar dien gezich, en wao ik van druim en haop,
det as ik weer wakker waer,, dich beej mich zals zien.
Want ik heb 't leefste daag en nach, dich altiéd gaer um mich haer...,
Mien straol zônneschien !
Ik kan neet miër dinke, bin van de wap,
neet aete en drinke umdet ik neet snap,
waat mich, heej vandaag, toch inens euverkump,
en mien Iaeve gans bestump,
en mien Iaeve gans bestump.
Weej zien noow al jaore, veur good beejein.
Weej halde, wie vruuger nog, nog altiéd van ein.
Want as ik um aankiék, dan kriebelt mien blood, en det veult nog altiéd good,
en det veult nog altiéd good.
En as weej ens ald zien, vraog ik aan um:
Zing dich ens ein leedje mit dien moeiste stum.
En bis dich wie vruuger geweldig op dreef,
veul ik mich opniej verleef,
veul ik mich opniej verleef.
HOME
PLAATSNAMENOVERZICHTHOMEIK HALD VAN VENLO
Wäörd en muziek: M. & E. Berbers
De vinds gen plaetske op heel dee'z aerd, wo ut gezelliger is.
Kiek maar zo wied as te kieken kans, ik wed, de zings beslis.
Refrein:
Ik hald van Venlo, zonder Rien en wien.
Allein van Venlo, wo de moeiste maedjes zien.
Det aardig stedje, wo ik gebaore bin,
wil ik veur straeve, hiel mien laeve.
Ik hald van Venlo, zonder Rien en wien.
Allein in Venlo, Venlo, Venlo wil ik zien.
Rienwien smak good, zaet toch ederein, det is al ieuwe bekind.
Baeter as Rienwien is ein kusmoel van ein Venlo's kind.
As ik ens ald en versleten bin, tob mit den alden daag,
bin ik zo dankbaar as ik dan nog Zeutjes zingen maag.
HOME
PLAATSNAMENOVERZICHTHOMEIK HEB GEDRUIMP
1979 nr.3 : Tekst: Ad Pollux - meziék: Giel Aerts
Zang (*) : Ben Verdellen
Refrein:
Ik heb gedruimp, in Venlo waas gen beer miêr.
Dao kwaam alleein nog zuuver water oët de kraan.
Ik heb gedruimp, weej hadde gen plezeer miër.
Och minse, minse waat waas ik d'r maelig aan.
Stel ôch ens veur, ik môt d'r neet aan dinke,
det weej met vastelaovend water meuste drinke.
Dan zoog 't droët, dan waas gans Venlo slech geluimp.
Waat bin ik blie, det ik allein maar heb gedruimp.
Ik veel um van de slaop en dao loog ik.
Toen heb ik de schäöpkes geteld.
En toen veel ik in slaop en waat zoog ik.
Och minse, waat stônd ik versteld.
Ik zoog, wie ik sleep, det ik leep door de stad.
Ik heb zônnen dreuvigen druim noeits gehad.
Ozzen Thei dae had dors en, waat dach ge,
dae ging toen nao bed met ein glaas.
Jao, dae kôs um daen dors hendig lache.
Hae druimde zich beer in de Maas.
Ik zag: besten Thei, had mich mei laote gaon,
dan had ik vannach neet zoë druëg hoove staon.
* lp (1978/1979) : Diverse artiesten - " Venlo op zien bès " - Discofoon LP 45779
HOME
PLAATSNAMENOVERZICHTHOMEIK HEB GELÖK BESTELT
Herman Detillon
Refrein:
Ik heb Gelök bestelt veur deezen aovend
Beej schoeëne Dansmeziek en roëje Wien
Gelök haet toegezag veur deezen aovend
Daorum kôm ik met det Gelök allein noa dich
Hiël vuul gluive met twie-j gewoeën
Is unnen aovend toch zoeë schoeën
Maar waat ware weej twie-j, waas ut Gelök neet daobeej
Daorum heb ik mich letste nach ,toch iets biezônders veur ôs bedach
’saoves beej kerseleeg ,wis dich neet waasse kreegs
ôch ut waas toch zoeë wônderschoeën zoël mienen Druim in vervölling gaon
Zônnen aovend met dich, dich kreegs dan alles van mich
Gluif mich maar want beej iddren Dans
Kreeg ut Gelök beej ôs steeds mier Kans
ut leut ôs neet alleinzien ,beej Dansmeziek en Wien
ik heb Gelök bestelt veur deezen aovend
Beej schoeënen dansmeziek en roëje Wien
Gelök haet toegezag veur deezen aovend
Daorum kom ik met det gelök allein noa dich
Ut Gelök haet toegezag - En dich?
HOME
PLAATSNAMENOVERZICHTHOMEIK HEB GENNE SLEUTEL
1994 nr.2 : Tekst: Frans Boermans - meziék: Wim Roeffen
Gezônge: Claar Boots-Hinssen & Hay Cromvoets
Waat eine mins mei euverkômme kan.
Ik merk inens: ik bin um kwiét.
Maar ein dingk is dao net 't stômme van,
ik heb daovan gaar genne spiét.
Want eederein kan waal ens waat verlere,
dus maak ik mich gen dieke bein.
En ik hoof mich ouk gaar neet te genere,
det euverkump toch eederein.
Refrein:
'k Heb genne sleutel, kan neet nao hoés.
Neemus mak aope, want dae bleef thoés.
'k Had ens detzelfde, veur einen tiéd.
Det waas waal anders, want 't sleutelgaat waas kwiét.
Waat ik van pap en mam neet snappe kan.
Die gaon op stap mit hiël 't stel.
De ganse bubs geit op de lappe dan,
en neemus let d'r op de bel.
Det die van ôs noow altiéd euverdriéve,
dan bin ik van ein ander slaag.
't Beste is wies morgevruug te bliéve,
as weer 't leech kump aan d'n daag.
D'r zoot noow net heej eemus naeve mich,
dae veel van joeks haos van zien krök.
Nao eeder pilske zag hae taege mich:
Ik bin gebaore veur 't gelök.
Ik kôs van dae noow gaar gen huuëgte kriége.
En vroog: Wiezoë ? Vertel ens, kinse zwiége ?
En toen haet hae 't mich verklap.
HOME
PLAATSNAMENOVERZICHTHOMEIK HEEJ EN DICH DAO
1983: Tekst: Hannelore Winter - muziek: Wim Roeffen
Ik kan d'r gewoën neet van slaope, ik wach wies de morge begint.
De deur van mien hertje sleit aope, as ik dich now strakkes maar vind.
Refrein:
Ik bin heej en dich bis dao, weej laupe ôs same maar achternao.
Dich bis dao en ik bin heej, zoë geit d'n tiëd veurbeej.
As ik dich efkes kösse maag, dan is mienen daag weer good vandaag.
Ik druim de ganse nach, allein van diene lach.
Ik bin heej en dich bis dao, zoë laupe weej ôs nao.
Ik kan dich gewoën neet miër misse, dien auge vergaet ik neet gauw.
Ik môt mich al hiël sterk vergisse, die zien wie d'n hemel, zoë blauw.
We zulle 't neemus verzwiëge, weej valle veurein op de kneen.
We zulle en môtte ôs kriege, det zal idderein nog waal zeen.
lp 1985 * Discofoon D511.11.84
HOME
PLAATSNAMENOVERZICHTHOMEIK HÖF MIEN GLAAS
Tekst: Frans Boermans - meziék: Giel Aerts
Zang (*) : Wiel Vestjens
Oet de Revu (**) : "Waat ennen tiëd"
Ik hertog van Gelder, ik kôm oet de kelder, met ein groëte kan beer in de hand.
Ik vind dames hiëre, weej môtte waat viere, d'r is wat gebeurd in mien land.
Haol glazer en pölle, dan kan ik die völle, en dan haop ik maar dette ôg smak.
Kôm laot ôs now klinke op Venlo ens drinke, want ik heb d'r ein stad van gemak.
Refrein:
Ik höf mien glaas op alle Venlonaere,
die ônderein zich toch zoë good verstaon.
Op wie 't waas en wie 't oëts zal waere.
Gezôndheid luuj, det 't Venlo good maag gaon.
Op wie 't waas en wie 't oëts zal waere.
Gezôndheid luuj, det 't Venlo good maag gaon.
Mien Venlose minse ik wil ôg nog winse, ein toekôms die klink as meziëk.
En det is 't straeve van die ôg det gaeve, ein prach van 'n fanfaar ziet geej riëk.
Det geej musicere waal weit te waardere, det ware we heej waal gewaar.
Det 't corps meuge greuie en zal blieve bleuie, lang laeve ôs schoëne fanfaar.
Femilie en vrinde en gooje bekinde, heej allemaol same vereind.
Ik haop det 't laeve ôg veurspood maag gaeve, det is mich van herte gemeind.
Det waas, beste minse, waat ik ôg woel winse, maar ein dink nog, noow tot besloët:
Beej waat weej auk viere, halt Venlo in iere, van Ad Fundum, kom drink nog ens oet.
* lp 1981/1982 : Jocus - " Laot ôs bliëve zinge " - Discofoon 11.11.81
** lp : " Waat ennen tiëd " - Discofoon 11080 - VR 21527
HOME
PLAATSNAMENOVERZICHTHOMEIK KAN GAAR GEEN VENLOOS MEER
Tekst: Frans Boermans - meziëk: Funs van Grinsven
Oet de Revu (*) : "Waat ennen tiëd"
D'r zijn d'r in Venlo nog zat, die praten zo geer op zijn plat.
Maar als ik die smeis te koor hoor gaan, dam komp mei dan mij de mismoed d'r aan.
Refrein:
Wie vindt u dat smeis meneer, ik kan gaar geen Venloos meer.
Maar kweel u maar niet, want summedeen, dan zwegelt hier evel zo iedereen.
En of je de tong ook verstuik, 't is allerwiels zo den bruik.
Je hoort 't al dökkerder om je heen, ik kan gaar geen Venloos meer.
Och minse, noow hoor toch eens op en speel toch niet zo met de kop.
Want iemus die nog op zijn Venloos praat, die greek maar as niemus dat meer verstaat.
Ik heb met mijn man wie gesmeerd, dat Venloos gedoens afgeleerd.
En as d'r dan ene wat vrechs over zeg, dan gooi ik dat wijd eweg.
* lp : " Waat ennen tiëd " - Discofoon 11080 - VR 21527
HOME
PLAATSNAMENOVERZICHTHOMEIK PLÖK D'N DAAG
1999 nr.2 : Tekst & muziek: Guus Timmermans jr.
Zang: Leta Bell & Robert Bouten
Waat kan 't gaeve, as neet alles lök.
Want in 't laeve gebeurt det zoë dök.
De wils waat waoge, d'n tiéd vluug veurbeej.
Zoë bin ik bevlaoge van maar ein idee.
Refrein:
Ik plök d'n daag, zoë dök as ik maag,
want det is de kans van mien laeve.
Maar miene daag, dae is pas geslaag,
as ik mich weer gans heb gegaeve.
Ik plök d'n daag, det mak mich op slaag,
volslage gelökkig vandaag.
Waat kan 't gaeve, al geit d'r waat mis,
en heb ik naeve 't pötje gepis.
Veur 't verleeje heb ik gennen tiéd,
en bin ik tevreeje, kin ik genne spiét.
Laot mich gewaere, laot mich maar begaon.
Vruug oét de vaere, op tiéd opgestaon.
Det woel waal lökke, want ik bin van plan,
d'n daag te gaon plökke, umdet ik det kan.
HOME
PLAATSNAMENOVERZICHTHOMEIK WEIT NOG GOOD
Tekst & muziek: Michiel van der Grinten
Zang: Minsekinder
Ik weit nog good,
wie ik vleugels kreeg as ik dich zoog,
en euver de wolke vloog.
Noow staon we heej.
Dich kieks mich aan en fluusters miene naam,
maar ik bin vleugellaam.
Refrein:
Dus laot mich maar los,
dan vluugs dich dao en ik heej,
en dan zien we allebei weer vreej.
Ik weit nog good,
weej same wie in ein sprookjesbook,
wies op 'n daag de betovering brook.
Noow staon we heej,
zoel dich wille kösse wie d'n ièrste kièr,
maar det geit allang neet mièr.
HOME
PLAATSNAMENOVERZICHTHOMEIK WIL DICH
Ongenode Gasten
Ik val ech neet op alles. Op al die kwaliteite diese zonder mieër bezits
D'r zien auch bès dinge, situaties, die ik anders had gewild...
Mer waat wilse mèt twiê minse, in 'n stad groêt genôg om good aan-ein te zien.
De kans det weej os ontleepe waas, vuûl groêter es de kans um mekaar te zien.
En ik. Ik wil dich. Noe-se langs mich leafs.
Refrein:
Zease waasse dinks, dinkse waasse veuls
en veulse waat d'r in mien hàrt umgeit
mot ik zegge hoe 't is. Ik wil dich.
Oos ieërste gesprèkke, ik herinner eeder woord waat belangriek is geweas
Ik zoot in 'n periode, neet lekker in mien vel en onröstig op mien plek.
Ik zei; volg's dien hart jong. Gein carrière-plenning die is aan ôs besteed.
En hald vas, hald vas aan ut geluif det, det weej good, duit good....
En ik.. wil dich. Noe-se langs mich leafs.
HOME
PLAATSNAMENOVERZICHTHOMEIK WIL GAER ENNE MAN
Jeu Titulaer
Hofkapel v/d Wien, zang (*) : Marita Borremans, Hans Goertz, Jeu Titulaer en Baer van der Meij
Marieke woel waal vreeje gaon,
maar ut kos der genne vinde, dae um noow ech ens aan kos staon.
Ut zag: " Ik wil neet zoe maar wat, nae ik wil enne man,
dae met mich boemelt in de stad, dae lekker viere kan. "
Refrein:
Ik wil geer enne man, ik wil geer enne man,
dae vastelaovend viere kan.
En ut guf niks of dae boer of wal meneer is ,
as hae maar wet waat beer is.
Ik wil gaar genne sul, nae leever genne sul,
maar zonne echte vastelaovesknul.
Marieke leet d'r eine staon, dae um hiel erg beminde.
Ut zag: " Met dich kan ik neet gaon, weej waere noeijts gen vrinde.
Dich neems mich noeijt ens mei op stap, dich maks ut noeijts ens laat.
ik hang zoe geer ens aan d'n tap, met ein glaas gerstenaat. "
Met vastelaovend vond Merie eine knol dae ut good kinde.
Ut zoog dae knaap huuel vlot en bliej en halluf vaat beer verslinde.
Ut zag: " Met dich wil ik waal oet, dich maks huuel vuuel plezeer ".
Hae zag: " Dich wuurs ein vlotte broed ", toen zag Merieke weer :
* lp: "Vastelaovend in De Wien" - LP 1065-A
HOME
PLAATSNAMENOVERZICHTHOMEIK WOEL DET IK WIS WAAT IK WOEL
1982 nr.2 : Tekst: Peter Jansen - meziék: Wim Janssen
Zang (*) : Hay van de Ham
Refrein:
Ik woel det ik wis waat ik woel, ein pilske of ein gooj kösmoel.
Det môt ik mich ens good bekiéke, 't ein môt veur 't ander wiéke
Ik woel det ik wis waat ik woel, det pilske of die gooj kösmoel.
Ik weit neet wao aan 't leet, tegeliék lök mich det neet.
Ik woel det ik wis waat ik woel.
Heej zit ik aan d'n tap op ein krök.
Och, waat heb ik toch weer gelök.
Want veur mich steit ein klepke oét ein vaetje.
En naeve mich, dao steit ein aardig maedje.
Ze zien mich allebei aeve leef.
Waat môt ik doon, zek mich det astebleef.
Ik bin d'r hielemaol nog neet oét,
en ik kiék van mien glaas nao die snoét.
Waat môt ik keze, zoel det emus weite ?
Straks is de pils verschaold en 't maedje pleite.
Wae help mich efkes heej oét d'n brand ?
Wae brink mich det veurgood aan mien verstand ?
* lp 1981/1982 : Jocus - " Laot ôs bliëve zinge " - Discofoon 11.11.81
HOME
PLAATSNAMENOVERZICHTHOMEIK ZEEN DICH NOG 'T LEEFSTE MET DE PINKES IN DE HAOR...
Tekst & muziek: A. Pollux & F. Wetjens
Zang (*) : Hay Crompvoets
Refrein:
Ik zeen dich nogg 't leefste met de pinkes in de haor
Iërlik, waor, Iërlik waor, met de pinkes in de haor
Dich bis de allerleefste met de pinkes in de haor
Iërlik waor, met de pinkes in de haor
De hoofs veur mich gen ore veur ut spegel
Zoë wieste bis, zoe zeen ich dich vuuel lever
Ik zeen dich nog 't leefste met de pinkes in de haor
Iërlik waor mit de pinkes in de haor.
Noow luuster ens nao mich, ik hald zoë vuuel van dich
Maar maak 't noow Merie, Ik hoof gen schilderie
Noow luuster ens nao mich, ik hald zoëveul van dich.
Maar laot toch al dat gerei van dien gezich.
* lp: " 't Is weer vastelaovend (twië maol elf vastelaovesleedjes en nog vuël miër...) "
HOME
PLAATSNAMENOVERZICHTHOMEIK ZOEL ZOË GAER ...
Wäörd en muziek: Frans Boermans & Thuur Luxembourg
Zang: Hay Crompvoets
Adam leep te greke in ut Paradiës.
'k Bin heej oètgekeke, 'k woel waal ens wat niejs.
Vreeje det besteit neet, 'k zeen heej gene mins.
Gans allein det geit neet, 'k heb nog eine wins.
Refrein:
Ik zoel zoë gaer, zoë gaer ens wille weite,
ik zoel zoë gaer ens wille weite wie det zoot.
Bin zoe beniejd wie of mien wiefke kump te heite,
ik zoel zoë gaer ens wille weite wie det hoot.
Wuurd det ein Betje of ein Netje og ein Mientje of ein Fientje.
Wuurd ut Leen of Lien, wae zoel ut waere, wae zoel ut zien.
Ik zoel zoe gaer, zoe gaer en wille weite,
ik zoel zoe gaer ens wille weite wie det hoot.
Graad dae woel gaon trouwe, wis waal neet met wae.
Vroog aan alle vrouwe, maar die zagte: nae.
Graad waas gennen bôffer, had waal altièd haop.
Kroop hae in zien kôffer, zônge zich in slaop.
HOME
PLAATSNAMENOVERZICHTHOMEIKKE EN MIEN SIESKE
1998 nr.4 : Tekst: May Anröchte - meziék: Jack Claessen
Gezonge: May Anröchte & Frans Driessen
Ikke en mien Sieske, trekke d'r op oèt.
't Is weer tièd veur joeks en jen, en schoën geschminkde snoèt.
Weej piere en versiere, maar ouk tot miene spièt,
waer ikke en mien Sieske, ôs altièd efkes kwièt.
Weit, as 't mäönke lach, det ik dan op um wach.
Refrein:
As de sterre strakkes straole,
leve schat, kôm mich dan haole.
Want ik waer dich altièd kwièt.
Allein nao hoès is mich te wièd.
Mit mien prônke en mien praole,
bin ik efkes dich verlaore.
Nao hoès, en det sprik toch veur zich.
Gaon ik allein, allein mit dich.
Weej gaon met de zaolentrein, want dae, dae wit de waeg.
Zoè joetse weej van straot nao straot, zien ore ônderwaeg.
Lekker pierewaaje, en mis hae strakkes mien snoèt.
Dan, dan wit mien Sieske, bin ik d'r tössenoèt.
Weit, as 't maonke lach, det ik dan op um wach.
Zoë riechtig oèt d'n bol gaon, dreej daag is 't priès.
Wie schoën toch vastelaovend is, ôs joeksig paradiès.
Ikke en mien Sieske, genete wies 't ind.
En bin ik efkes pleite, dan gank neet door 't lint.
Weit, as 't mäönke lach, det ik dan op dich wach.
HOME
PLAATSNAMENOVERZICHTHOMEIN DE STERRE
Tekst & muziek: Paul Nagelmaeker
Zang (*) : Neutjesrang & Band
Ik heb diene naam in de sterre geschreve
zoéas nog neemus det veur dich haet gedaon
Ik bin de res van de nach auk maar boéte gebleve
in de haop det diene naam dao veur altiéd bleef staon
As de sterre aan d’n hemel kôste praote
dan ging `t as ein laupend veur de melkwaeg rônd
Kiék dae jông dao ônder staon staon jao zoé stil en verlaote
is det neet dae jông dae d`r gister auk al stônd
Ik mis dien praote diene lach en dien goje zin
Ik mis die stiltes jao zoé wie allein ein vrouw det kin
Ik mis die blikke op ôneindig en dien werrem liéf
Ik mis diene naam dae ik maar weer ens
in de sterre schriéf
Ik weit neet of dich meschien auk efkes boéte waas vannach
umdet se net wie ik neet wis waat noow te doon
Dan haop ik det se auk maar ein moment aan mich hebs gedach
en diene naam in de sterre hebs zeen staon
Ik mis dich zoé…
* cd 2001 : Neutjesrang & Band - " Éine waeg " - Marlstone CD 2117
HOME
PLAATSNAMENOVERZICHTHOMEIN DE VRAEMDE
Tekst: Frans Boermans - muziek: Jan Theelen
Uit de revue 'Stel og ens veur'
Wae in de vraemde zien bestaon môt vinde.
Umdet ‘t noëdlot det zoë haet bestump.
Verbrik vuël bend, die an zien land um binde.
En is vol zörg veur waat um euverkump.
Det vraemde land, dae sprông in ‘t ôngewisse.
‘t Velt neet mei, det is ‘n harde zaak.
Al waat vertrouwd waas nôw te môtte misse.
Det is waat emus deep in ‘t herte raak.
‘t Is nôw de vraog, wat geit ôs heej gebeure.
Is ‘t simpathie en vrindschap die ôs wach?
Of kriêge weej auk heej de wind van veure.
En wuurd auk heej, ôs alle rech ontzag?
Gunt me ôs nôw ein ech minswaerdig laeve.
En mak me heej gasvreejheid neet te schand.
As ‘t naobervolk ôs maar de kans wilt gaeve.
Dan vônde weej ôs nieje vaderland!
HOME
PLAATSNAMENOVERZICHTHOMEIN DEES STAD
Tekst: ? - muziek: ?
Zang: De Drekskaters
Bin zoe blie, det ik heej woen
Op dees plek heej aan de maas..
Besef ik pas wie geer ik heej bin
En ik mien hert verpand..
Jao.. Ein dink weit ik zeker..
Daoraan twiefel ik neeejt!
Weg gaon oet dit stedje
Nae doon ik neeeet!
Al zit d´n duuvel mich op de hiele
Of mot ik door t helle veeur
Blief veur altied en immer..
Immer en altied heeeej!
mmmm…
Refrein:
In dees stad bin ik gebaore
In dees stad, door gaon ik doewd
Als kleine blaag, groét gewaore
Als alde mins leg ik heej ut loed
In deejs stad, bin ík bin gebaore..
In deejs stad, door gaon ik doewd!
Als kleine blaag, groét gewaore
Als alde mins leg ik heej ut loeeed..
Heej leet mien jeugd,
Heej leet mien laeve
Mien leef en auk mien lijd..
Leet nog vuul verborge
Ik zal wal zeen wie de toekoms geit
Jao, ein dink weit ik zeker..
Daoraan twiefel ik neejt
Weg gaon oet dit stedje
Naee det doon ik neeeeeet!
Al zit d´n duuvel mich op de hiele
Of mot ik door ut helle veur..
Blief veur altied en immer..
Immer en altied heeeej!
mmmm…
HOME
PLAATSNAMENOVERZICHTHOMEIN DIE KOEL, IN DIE KOEL, OP 'D'N ALDE MERRET
Tekst: H. Winter - muziek: J. Janssen
Zang (*) : Lotti Boermans & Ben Verdellen
Jao wae zag det, jao wae dach det, wae waas det dae ós woel verblieje.
Zeg wae woel dao, toch die koel dao, dae mins kinne weej nao good lieje.
Hae makde veur ós det gezellige plein, dus zong hae in dit refrein.
Refrein:
In die koel, in die koel, op d'n alde merret, dao hebbe weej dök zo'n jen.
Noow daor gebeurt zó'n boel op d'n Alde Merret, det is noow ut hert van Venlo.
Kefeekes, terrasse die zörge veur sfeer,
de Maaspoort kiek gruuëts op det alles neer.
Och Venlo, wie kwaam se heej beej, det gejoel in die koel,
dae gezellige boel, det kan toch allein maar heej.
Och waat fijn noow, op det plein noow wannièr heej ein fees wuùrt gegaeve.
Mins dan spoes ut, jao dan broes ut en zuus se tradities herlaeve.
Dan vind se dao weer generaties beejein, och Venlo, waat is det fijn.
Idderein zaet ut, Venlo haet ut, waat kiine die zich ammezere.
Ik bedoel dao, um die koel dao, dao zuus se gans Venlo flanere.
Want iddere mins, dae is weg van det plein, ut is net Periès in ut klein.
* 1987 : "Dich en ich" - discofoon
HOME
PLAATSNAMENOVERZICHTHOMEIN DIEN HERT
Tekst: René Kauffman - meziëk: Michiel van der Grinten
Zang (*) : Minsekinder
Zoevuul jaore zien veurbeej, sinds ik heej, lets heb staon wachte
Dich aafgezwaore toen dae kier, maar noeëts mier oet dien gedachte
Met diene lach op dien gezich kreeg se mich veur alle nachte
Nae vergaete kin ik neet, zô'n verdreet blief in dien hert
Refrein:
In dien hert, bin ik nog
In dien hert, in dien hert,
Ik wil truuk in dien erm
En in dien hert
Al die jaore onderwaeg, um laeg opniej te beginne
Zoe verlaore al daen tied, tevuul kwiet um nog te winne
Jao, de waore leefde blief, veur altied dich beej mich binne
Nae vergaete kin in neet, zô'n verdreet blief in dien hert
Met diene lach op dien gezich kreeg se mich veur alle nachte
Nae vergaete kin ik neet, zô'n verdreet blief in dien hert
* cd 2000 : Minsekinder - "Nieje Veere"
HOME
PLAATSNAMENOVERZICHTHOMEIN NIZJNINOWGOROD
Tekst & muziek: Frans Boerman & Jan Theelen
Zang: Ben Verdellen
Refrein:
In Nizjninowgorod, in Nizjninowgorod,
dao doon ze wodka, wodka, wodka in de kôffiepot.
In Nizjninowgorod, in Nizjninowgorod,
dao guuëf ut wodka, wodka, wodka want de pômp die is kepot!
D'n troika van Pjotr dae reej door bös en veld.
't Waer woort alsmaar rotter, hae barsde van de keld.
Waat waas d'r aan ut hendje, hae reisde nao de stad,
umdet hae in zien krentje waat gelaeze had !
Zoeë trok hae door dan Pjotr, die beste brave bors,
hae rende alsmaar vlotter, hae stikde van d'n dors.
Toen kwaam hae aan de Wolga, wao hae ein kroegje zoog,
en dao aan mooder Olga ein kan kôffie vroog !
Zoeë zoot d'r dan Pjotr, 't ging um bieëstig good.
Hae drônk maar kôffie, tot d'r genne dröppel mier in zoot.
't Zal waal zien gen wônder, det hae zoeë lollig woort,
en mier dan hônderddoézend balalaika's hoort !
D'n troika van Pjotr reej truuk in duusternis.
Opens reep hae: "Waal snotver, as ik dae waeg ens wis".
Wao Pjotr bleef wit nemus, maar wie gefluusterd wuúrt,
haet in de nach dao emus ziene geis gehuúrd !
* cd : De Vrijbuiters " De Vrijbuiters (met zang van Ben Verdellen) " - Onger Ôs - CD 7187
HOME
PLAATSNAMENOVERZICHTHOMEIN ‘T ALD WEISHOÉS
2006/2007: Tekst: ? - muziek: ?
Zang: Kim Boots, Quinn Vaessen en Richard Hovens
Op ein wölkske zit opa
Hae hae ôs gefop
Want hae kin ôs nog zeen
Haet zien prinsemuts op
In zien rechterhand ein dröpke
En links ‘n glaas beer
Ech Venloos Ald
Want zoë had-e ‘t gaer
Ik wis neet det ‘t kôs
Maar hae viert vastelaovend mit ôs
In ‘t Ald Weishoés
Dao zien alle geister thoés
Van zeej die we misse
Maar d’r die dreej daag weer zien
In ‘t Ald Weishoés
Wuurt efkes wie toen gesmoés
Van: “Leeve, wao bisse?”
En: “Meug ik d’n dans?”
Op ein wölkske zits dich noow
De kiéks op ôs neer
Mis Venlo en mich
En dien lekker glaas beer
En ik vier de vastelaovend
De stad is versiérd
Idderein bliej
En toch veult ‘t verkiérd
Ik woel det ‘t nog kôs
Nog eine kiër dreej daag veur ôs
Alle allerkleinste kinder
Die kômme d’r gaer
Veur joeks, sloek en prik
Mit ein klein sluukske beer
En as heej en dao gedans wuurt,
Van 1,2, 3, dreij
Dan danse en sjanse
die baoven ôs mei
Ik wis neet det ‘t kôs
Maar ze viére ‘t altiéd mit ôs
HOME
PLAATSNAMENOVERZICHTHOMEIN 'T GRAAS LANGS DE MAAS
Tekst: Harry Bordon - muziek: ?
Dien haore waore blónder dan 't kaoren op 't veld.
Mesjien bin ik verleef dao-op gewaore.
Al waar ik wat verlaege toen, toch waar ik dienen held
ik weit nog wao ós leefden is gebaore.
Mèt dich höb ich dao hand in hand geloupe door 't graas.
Zèk maedje wits te nog dat stökske graas dao langs de Maas.
Refrein:
In 't graas langs de Maas woort mien ierste leefde waor
In 't graas langs de Maas streek ich door dien blónde haor
In 't graas langs de Maas zag ik det ik trouwe woel
In 't graas langs de Maas goof ik dich mien ierste moel.
Ik droog mien ierste lange bóks, dien jeske det waar blauw
ich ging dich van mien zakgeld zuurtjes koupe
en nao 'n waek of twieë toen vroog ik dich al es mien vrouw
toen bis te angstig van mich weggeloupe
mer in mien portefui höb ik 'n fotoke van dich
Wil ik aan Limburg dinke dan kiek ik nao dien gezich.
In 't graas langs de Maas woort mien ierste leefde waor
In 't graas langs de Maas streek ich door dien blónde haor
In 't graas langs de Maas zag ik det ik trouwe woel
In 't graas langs de Maas goof ik dich mien ierste moel.
We mochte neet van pap en mam: we ware nog te jónk
Mar ja, de leefde leet zich toch neet dwinge.
As dich neet hads gelache wie ich nao dich had gelónk
dan kós ich now neet van ós leefde zinge.
Al heels te neet genóg van mich, al raakden ich dich kwiet
ik zal dich noeëjt vergaete want 't waar de sjoeënsten tied
HOME
PLAATSNAMENOVERZICHTHOMEIN UT JAOMERDAL
1980 nr.1 : Tekst: Frans Boermans - muziek: Sef Hendrickx
Solo (*) : Wiel Vestjens
Dao achter de Bäöveste Meule, wao knienkes en inketskes speule,
dao leep ik met Mien gelökkig te zien, in ut leech van de maoneschien.
Maar Mientje zag wie weej dao lepe: ik heb ut d'r niks op begrepe.
Zek luuster ens jung, heej dreij ik mich um, en ik zal dich auk zegge waorum.
Refrein:
In ut Jaomerdal, in ut Jaomerdal, dao is eder nach kebuiterkesbal.
Dan kômme de elfkes en feeje, weer met die kebuiterkes vreeje.
In ut Jaomerdal, in ut Jaomerdal, dao is weer geslaote bal.
Dao huure weej toch gaar neet beej, dao is veur ôs gen plaetske vreej.
Det is ein gedeuns euveral, in det schoëne Jaomerdal.
Dit is dan de les van dit leedje, now wit ederein waal zien weetje.
Wae good haet gehuurd dae blief oet die buurt, wannier ut dao duuster wuerd.
Want met die kebuiterkeszake, dao hebbe weej niks mei te make.
Dus bin zoë discreet en plaog ze dao neet, die kebuiterkes duit det verdreet.
* lp 1979/1980 : Jocus - " Dao geit-e haer ! " - Discofoon LP 4.7980 15.90
HOME
PLAATSNAMENOVERZICHTHOMEINGEL
1999: Tekst & muziek: Bert van den Bergh
Zang (*) : &Juliëtte
De nach woort daag en ik kroop weg van 't leech.
In 'n roes van drank loog ik mich in dien erm.
Mien gezich plek vas aan dien bezweite lief.
't is de zomer, de hitte, alles veult werm.
't is de zomer, de hitte, dich veuls werm.
D'n daag wuurd nach en ik lig nog aan dien ziej.
We praote, we vreejde, verdwaalde in elkaar.
De treks hiel zaach 'n daeke um ós haer.
D'r zien gen weurd of raeje um noow weg te gaon.
D'r is gen raeje of twiefel um beej dich weg te gaon.
Refrein:
De bis gekomme oet d'n hemel, geland heej in mien bed.
De bis d'n ingel oet mien druime, ik heb d'r op gewed.
De bis gekomme oet d'n hemel, ik heb op dich gewach.
De bis d'n ingel oet mien druime, oet 't sprookje:
Doezend en eine nach.
D'n daag wuurd nach en de wind weit door 't raam.
Weit door gordiene euver ós bezweite huid.
We zegge niks, we druime door de nach.
't is de zomer, de hitte, alles veult werm.
't is de zomer, de hitte, dich veuls werm.
* cd 1999 : &Juliëtte - "&Juliëtte" - Ben Verdellen Produkties
* cd : Diverse artiesten - "Alles in ein buuëtje"
HOME
PLAATSNAMENOVERZICHTHOMED'N INGELDANS
2005/2006: Tekst: ? - muziek: ?
Zang (*) : W-Dreej
Refrein:
* cd 2006 : W-Dreej - "W-Dreej ônderwag"
HOME
PLAATSNAMENOVERZICHTHOMEINGELKESBAL
1985 nr.2 : Tekst: Ad Pollux - meziék: Giel Aerts
Gezônge: Herm Pollux en Bert Pollux
Adam reep : ôch spooi dich schat, ze zien al ônderwaeg.
En zoë te huére vluug zoëwat d'n halven hemel laeg.
En Eva zag: 't is noow zoë bekeke met de was,
De viégeblaedjes ligge al gestreke in de kas,
Zeej krege, och waat leuk, daen aovend hoég bezeuk.
Refrein:
Alle ingelkes die fladdere nao ônder.
Leeven hemel ! Waat ein wônder.
En zeej boemelde door Adams paradiés,
wao zeej binne meugde veur d'n halve priés.
Alle ingelkes die heele bal-sjampaeter,
en 't ganse legioen det goof um gaas (zjiem! zjiem!).
Want zeej vônde 't veurluipig nörges baeter,
zoëlang d'r nog gen Venlo waas.
Nae, zeej vônde 't veurluipig nörges baeter,
zoëlang d'r nog gen Venlo waas.
Adam dach: ik bin gespand, wie det vanaovend geit.
't legioen det waas geland, met duuvels hard leweit.
't Waas ônderwaeg nog door de barrière haer gegaon,
en in d'n Haof dao ware alle paere nao de maon.
Hae zag: det mak niks oét, dan aete weej maar kroét.
Nao 'nen telder riéstepap, had eerder gooie zin.
En met ein sluukske droévesap kwaam d'r de stumming in.
De ingelkes die fladderde wie veugelkes doorein,
en Gabriël dae speulde op de vleugel 't refrein.
En Eva zag: och kôm, ik pak de dieke trôm.
HOME
PLAATSNAMENOVERZICHTHOMEIS 'T WEER ZOEWIÈD
Tekst & muziek: Michiel van der Grinten
Zang: Minsekinder
Is 't weer zoewièd, steit dien grei weer beej d'n deur,
in 'n drekstaöt op d'n dörpel, is 't weer oèt det veur.
Is 't weer zoewièd, haesse weer kraeg gemak,
is de golde koets gaon slingere, en van de waeg gerak.
Dan mósse doon waat 'ne man mót doon, en det is
Loupe, loupe, jao bliève loupe, loupe.
Jao, jao, jao loupe, loupe, dien laeve lang.
Is 't weer zoewièd, det is 't lot van 'ne charmeur.
As de leefde te hard geit brande, goeëjt hae water op 't veur.
Dan mótte doon waat 'ne man mót doon, en det is
Loupe, loupe, jao bliève loupe, loupe.
Jao, jao, jao loupe, loupe, dien laeve lang.
Loupe, loupe, van de weeg tot 't graaf.
Loupe, loupe, löp veur idderein 'n paad.
Loupe, loupe, en wetse waat 't is ?
Det paad geit op en aaf.
HOME
PLAATSNAMENOVERZICHTHOMEISABELLA
1963 nr.4: Tekst: Frans Boermans - muziek: Thuur Luxembourg
Zang (*) : Mannekoër
Zang (**) : Minsekinder
Ik heb lang geleje ein maedje gekind, en waas aan ut vreeje gegaon.
Ik heb Isabella ein mâôndje bemind, toen waas ut mit de leefde al gedaon.
Want wie Isabel aan trouwe dach, nae, toen heb ik um gezag :
Refrein:
Och Isabella, ik woel dich vraoge,
och Isbelle gaef mich nog wat jäörkes tied.
Dan Isabella, wil ik 't waoge,
dan bin ik onderhand mien wilde häörkes kwiet.
En daorum: Nae Isabel, nae Isabel,
al springste van de leefde auk haos oet dien vel.
Jao Isabel, jao Isabel, ik blief nog vreejgezel.
Och Isabella, ik woel dich vraoge,
och lsabella gaef mich nog wat jäörkes tied.
Ik heb op den bal Isabella gezeen, ut waas toch zoë machtig verkleid.
Ik kôs d'r neet taege, ik ging door de kneen, zoë wied det met mien alde knäök nog geit.
Toch kreeg ik nog net op tiëd de krach, en toen heb ik um gezag :
Weej zien gisteraovend weer fijn oetgegaon, waat waas ik toch op miene stel.
Weej hadde ein oor aan de tapkas gestaon, toen veel ik in de erm van Isabel.
Det haet mich toen fijn nao hoes gebrach, en toen heb ik um gezag :
* lp 1981/1982 : Jocus - " Laot ôs bliëve zinge " - Discofoon 11.11.81
cd : " Zónne Vastelaovend "
** cd 1989 : " Mooder Hellup - Beej Mooder Thoës "
HOME
PLAATSNAMENOVERZICHTHOME