HOME
PLAATSNAMENOVERZICHTHOME
DE MAAGDENBERG
Wäörd & meziëk: Egon Peters
Zang: Hans Goertz, De Maagdenbergers, Jeu Titulaer & Joep Linssen met de Hofkapel van de Wien
Ut is al lang geleeje, os Venlo waas nog klein,
dao stonde in ut oeste die huuskes vlak beejein.
En doeen, daor beej die huuskes steit midde op de waeg,
d'n tempel van os allen, det is de Wien zien weeg.
Refrein:
Beej os heej op d'n Maagdenberg, beej os heej in de Wien,
daor viere weej as Venlonaer vastelaoevend in de Wien.
Dao buuse en daor drinke weej det lekker gerstenaat.
Weej viere vastelaovend heej, al wuurt ut nog zoe laat.
Noow zitte weej al jaore, heej allemaol beejein,
en neemus van die minse is enne chaggerijn.
Weej zinge en weej springe, nao 't laeve en de los,
en as daor dan nog tied veur is, dan wuurt d'r nog gekos.
* E 60.005 TF
HOME
PLAATSNAMENOVERZICHTHOMEMAAR AS 'T WEER ASWOENSDAAG IS
1977 nr.3 : Tekst & muziek: Giel Aerts
Zang (*) : Wiel Vestjens
Refrein:
Maar as ut weer aswoensdag is, dan doon ik weer gewoën.
Ik kös gen vraemde maedjes miër, ik weit weer persies wao ik woën.
Dae kater dae nao dreej daag fees, met mich nao hoès is gegaon.
Dae vermoeffel ik in de hièringslaai, en dan is ut gedaon.
Dae vermoeffel ik in de hièringslaai, en dan is ut gedaon.
Ik bin kapot van vastelaovend, jao det vier ik toch zoë gaer.
As die daag zien aangebraoke, loup ik ein dreej-steinse moor umvaer.
Dan deut 'd'n deze', was te neums zien bes.
Ik bin dan nog gewapter dan de res ... Maar ...
Maar as 't fees weer veur de deur steit, dan kriég ik 't weer opniej.
Wanniër ik Jocus-haan huur kreije, dan bin ik net as ein kind zoë bliej.
Dan duik ik in d'n alde kleierkas,
en speul ik weer veur dreej daag de pijas ... Maar
* lp 1979/1980 : Jocus - " Dao geit-e haer ! " - Discofoon LP 4.7980 15.90
HOME
PLAATSNAMENOVERZICHTHOMEMAAR 'T HOOFDE NEET
1980: Teks en muziek: Frans Boermans
Oet de Revu (*) : "Waat ennen tiëd"
Veur tiën jaor truuk zien weej getrouwd, en weej ware vuël van plan.
Weej hadde gaer ein hoes gebouwd, en dao liërste spare van.
Want waat d'r op ôs bukske stônd, det waas nog gaar neet gek.
Toen zagte weej de zaak is rônd, weej gaon nao d'n architec.
Refrein:
Maar 't hoofde neet, 't hoofde neet.
't Kôs neet doorgaon wie ge zeet.
Ôs Jaerke had zich aangemeld.
En kiendje koste hand vol geld.
Weej hadde nao verloup van tied, ennen oto gaer gehad.
En nao ein jaor waas 't zoë wiëd, we hadde cente zat.
Toen zien weej dan op zeuk gegaon, en dao op zekere kiër.
Weej zoge enne moëie staon, dae beveel ôs miër en miër.
Refrein:
Maar 't hoofde neet, 't hoofde neet.
't Kôs neet doorgaon wie ge zeet.
Want Wielke had zich aangemeld.
En kiendjes koste hand vol geld.
Weej hadde nog zoë vuël gewild, weej hadde wins nao wins,
Dae'n drang nao miër wuurd noeïts gestild, zoë is toch eder mins.
Weej ware gaer op reis gegaon, nao Mallorca as 't kôs.
Weej hebbe 't toch maar neet gedaon, want 't waas weer zoë beej ôs.
Refrein:
Maar 't hoofde neet, 't hoofde neet.
Al kôs 't neet doorgaon wie ge zeet.
Want Mientje had zich aangemeld.
En kiendjes kôste hand vol geld.
Maar weej wille ze neet misse veur gen geld.
* lp : " Waat ennen tiëd " - Discofoon 11080 - VR 21527
HOME
PLAATSNAMENOVERZICHTHOMEMADAME TRIPLE
Tekst & muziek: Frans Boermans
Uit de revue 'Stel og ens veur'
Is det neet effreux en schrikkelijk curieux
de Venlonaer dae haet gen educatie
Hae praot zoë, ordinair, ik vind 't maar vulgair
Dae mis tant jus die fiene Franse gratie
Je parle comme une Francaise o la la
Det Venloos vind ik maar comme ci, comme ca
Refrein:
Mesdames, messieurs, que je voet présente
Madame Triple, enchanté
Ik huer neet beej die ordinaire klante
die allein maar dialek parler
Det accordeert neet mit mien bel esprit
det Venloos pas neet beej de haute bourgeoisie
Mesdames, messieurs, que je voet présente
Madame Triple, enchanté
Minse écouter, geej môt neet oublier
det Venloos praote guëf toch gen prestige
Dus développe toi en doon maar net comme moi
Je parle Francais, umdet noblesse oblige
mon père fume une pipe, o la la
det Venloos vind ik maar comme ci, comme ca
HOME
PLAATSNAMENOVERZICHTHOMEEIN MAEDJE
1995: Tekst & muziek: Leon Giesen
Zang (*) : Romeo
Ut mot waal laat zien, want 't leeg geit aan, en ik waer d'r oet gevaeg.
Ut kos waal druk zien maar wat heb ik daor aan, die kruk naeve mich bleef laeg.
Oh, misschien is 't waal te vuul gevraog, ein onvervulbare wins,
toch blief ik altied zeuke nao ein maedje, wao se mej drinke kins.
Ein maedje, wao se mej drinke kins.
Neet die eine schoenheidskeunigin, wao idderein veur velt,
maar 'n vrouw die mej euver kin en soms eine grap verteld.
En misschien is 't waal te vuul gevraog, ein onvervulbare wins,
toch blief ik altied zeuke nao ein maedje, wao se mej drinke kins.
Ein maedje, en asse det vinds, jao.
Refrein:
Dan zaes se jao, dan zaes se ame, dan dans se same door de nach.
Dao verlang ik nao, det is mien dame, det is de vrouw waor ik op wach.
Det is de vrouw waor ik op wach.
* cd 1995 : Romeo - "Later krieg gelièk" - Ben Verdellen Produkties
HOME
PLAATSNAMENOVERZICHTHOMEMAEDJE LEEF (Waat ein gelök)
2005/2006: Tekst: Marc Houwen - muzièk: Theo Heijnen
Zang: Leon Helgers & Marc Houwen
Al waeke verstendig en neet oèt gewaes
Gespaard veur die dreej dolle daag
Aaf en toe luime maar dökker gepaes
Maar ik bin de letste dae klaag
Refrein:
Waat ein gelök det ik dich mog treffe
Waat ein gelök det ik dich taege kwaam
Woort glièk verleef, bin ik gaon beseffe
Vastelaovend waat is det toch waan
Waat ein gelök det ik dich lièrde kinne
Waat ein gelök det ik dich heb zeen staon
Wie eine druim dae noow geit beginne
Maedje leef waat hes dich toch gedaon
D'n optoch geloupe haos naeve mien schoon
Bin ech waal de keuning te rièk
Ech doeën beejein en dan same gek doon
Jao heej van krieg ik genne spièt
Al daag neet gegaete krieg niks door dae kael
Jao vlinders heb ik in d'n boèk
Allein nog maar dinke wie det toch beveel
Aswoensdaag neem ik mien besloèt
HOME
PLAATSNAMENOVERZICHTHOMEEIN MAEDJE OÉT TEGELE
2000/2001 nr.2 : Tekst & muziek: Peter Jansen & Wim Janssen
Zang (*) : Peter Jansen & Wim Janssen
Mit vuul maedjes bin ik thoés gekômme, det ging altiéd gans normaal.
Wao ik ouk mei kwaam, 't kôs niks bômme, maar de letste kiër toch waal.
Ze zoge mich neet staon, waat heb ik toch gedaon?
Ik bin te wiéd gegaon:
Refrein:
Wae is mienen hertendeef? Och d'n oedel, astebleef.
Ein maedje oét Tegele!
Det is gans nao miene zin, maar 't kwaam d'r thoés neet in.
Ein maedje oét Tegele!
En nao mien geklaag, jao, van heej wies Den Haag.
Dach ik: 't baat gen fluit.
Maar door die nieje grens is dae sjat van mich inens,
ein maedje oét Venlo-Zuid!
Maedjes wao ik vruuger mei verkiërde kwaame euveral vandaan.
Det ging good wies miene pap miech liërde: Kôm neet mit ein Tegels aan.
Maar zienen brave zoon, dae kôs d'r niks aan doon.
't Loog aan zien hormoon:
En mien jôngste broor, dae vreejt in Velde, maar ouk det veel neet zoë good.
Wie ik um toen mien verhaol vertelde, kreeg daen breur weer nieje mood.
Hae haet mich gruëts verklaord: vanaaf de Noordepaort,
spraek ik van Venlo-Noord:
* cd 2001 : Diverse artiesten - "Van Eijsde tot de Mookerhei 8" - Marlstone Recordings bv CDL2101
HOME
PLAATSNAMENOVERZICHTHOME'T MAEDJE VAN GISTERAOVEND
1999 - Venlo: nr.1 - Limburgs Vastelaovesleedjes Konkoer: nr.3
Tekst: Frans Boermans - muziek: Wim Roeffen
Zang: Gé Deenen & Wiel Vestjens
Maar waat heb ik gister toch ein joeks gehad,
waas mit 't moeiste maedje aan de zwier.
Wet geej smeis, waat is d'r mit dae leve schat,
want ik zeen um nörges miër.
Refrein:
Wao zoel det maedje zien van gisteraovend,
det ik vannach nao hoés toe brach,
det in de maoneschien zoë vuuëlbelaovend,
mich haet gekös en van alles haet gezag.
Wao zoel det maedje zien, is det gevlaoge ?
't Haet mich toch zoë leef gehad.
Waas det maar schoëne schien ? Waas det gelaoge ?
Det is neet erg, d'r zien nog maedjes zat.
Wao is det gebleve, maar 't is toch wat,
det ik mich op det maedje zoë verkeek.
Ik was ziene leve, ik waas ziene schat,
maar 't leet mich in de steek.
Zuuste noow, det heste van die maedjes weer,
det sprik waal aaf, maar kômme doon ze neet.
Wins um maar 't beste en nog vuuël plezeer,
kös um maar as geej um zeet.
HOME
PLAATSNAMENOVERZICHTHOMEDE MAEDJES VAN VANDAAG
1947: Meziek; Harry Verhagen - Tekst: Mathieu Cornet
Oet de Venlose Revu: "Waat-e-waer"
De maedjes van taegeswaordig, die zien toch zoë elegant.
Van moëde, make-up en ieuwige jeug hebbe zéj verstand.
De nieste snufjes, die pas door de moëde zien oetgedach.
Die waere door schattige maedjes, mit gratie nao veur gebrach.
Refrein:
Maak veur ôs maedjes vreeje baan.
Weej hebbe Nylon-kouse aan.
Ein tas van plastic aan de hand.
Gebleikde haor, det steit charmant.
Wannier zô'n kind op straot passeert.
Is eed're man geïnteresseerd;
Hae löp al knikkend mit de kop.
Taege ein straotlamp op.
Wannier de moëde wat niets haet gevônde, dan staon wéj klaor.
Wéj verve netjes ôs snuutjes, det steit good béj bleike haor.
Cômplet of topper ofwaal fingertip, och det steit ôs al.
Wéj zien u to date en det wete wéj zelf; ierlik, wéj zien knal.
De jônges zien op 't iërste gezich al op ôs verleef.
Wéj kriege haos eeder morge van eemand 'ne vreejersbreef;
Die bleud die meine det wéj op eur smoesjes te wachte staon.
Zéj meuge d'n bios betale en dan weer nao hoes toe gaon.
HOME
PLAATSNAMENOVERZICHTHOME'T MÄÖNKE
Tekst: Frans Boermans - muziek: Harrie Verhagen
Uit de revue 'Stel og ens veur'
In doezend schoëne alde sprookjes luëste
Waaste as kind ouk hiel goot geluive kins
Det wie de buim, de blome en de biëste
ouk maon en sterkes spraeke wie de mins
Stel ôg ens veur dao zoelt ge schoën mei klaor zien
want wie de wind zoë gaon de präötjes rônd
Gelökkig maar det sprookjes gaar heet waor zien
en maon en sterkes halde eure mônd
Refrein:
't Is toch maar good det 't mäönke neet kan praote
en aan de sterkes gen spraeke woord gelierd
As Slevenhiërke det had toegelaote
As jummich nat, det was toch glad verkierd
Want as me die maar röstig leet gewaere
Weej allemaol, weej wiste genne raod
dan zote weej met ôs gebakke paere
Det stel heej baove brach ôs op de straot
Me wilt waal ens de nachtegaal beluustere
Waat duit me dan? Me wandelt nao de hei
En as me dan waat bang is in d'n duustere
Waat duit me dan? Me neemp ziene leefste mei
Wanniër me dan de nachtegaal huurt kwele
Waat duit me dan? Tja, wat wuurd dan gedaon?
Dan geit me zich wat zitte in de smele
En waat duuit me dan? Vraog det maar aan de maon
HOME
PLAATSNAMENOVERZICHTHOMEMAONRAEGEN
1999: Tekst & muziek: Holger Seeling & Bert van den Bergh
Zang (*) : &Juliëtte
Wie zoel 't heite, wie zoel 't zien, as 't zoel weite det ik wil zien.
Doeën beej um dao wil ik gaon, verlaote door alles maar ik zal dao staon.
Dich bis det waat veur leefde steit, allang as ik gestorve bin.
We kwame os dichterbeej, dichter, jao hiel dichbeej.
We ginge same door de stad, en idderein zei: die hebbe wat.
We hadde 'n hert det sneller sloog, 'n good geveul det ik met mich droog.
Refrein:
Van de maon aaf velt raegen, raegen op dien gezich.
Van de maon aaf velt raegen, raegen brink mich dichter beej dich.
Van de maon aaf velt raegen, hiel zaag op dien gezich.
Wannier 't leech velt op dich, in de morge, op dien gezich.
As ik dan zeen, dien slaopgezich, kump in mich op ein leefdesgedich.
Un leefdesgedich waat euver slaope geit, slaope langs dich, de zón die d'n daag euversleit.
* cd 1999 : &Juliëtte - "&Juliëtte" - Ben Verdellen Produkties
HOME
PLAATSNAMENOVERZICHTHOMEMARIEKE
1955: Tekst: Harry Bordon - muziek: ?
Marie heur haore zien get blónd: kunsmatig aangelag
heure mond det is 't derde deil van ós Hollandse vlag,
ze dreug de jóngste look pas oet Paries geïmporteerd
' t is jaomer veur Marie dat eure look neet imponeert
al maak ze zich de naegel roeëd en verf ze zich de bein,
dao waar nog geine jóng dae zag: 'Ik hald van dich allein!'
Refrein:
En noe geit Marieke baeje veur 'ne gojen en get gaw
en ze zit zich bie Carolus alle twieë de kneje blaw
Zoeë geit Marie geregeld, 't is haos elke waek
nao 't kapelleke van Carolus Hoube örgens aan 'n baek
en of 't now ouk raegent, bie hitten en bie kaw
geit ós Marieke baeje veur 'ne gojen en get gaw!
Van wied aaf is Marieke juus ein bloom die aope geit
van kortbie is 't 'n achterdeur die in de gróndverf sjteit
de haore haet ze gans modern nao achtere gedaon
zoeë höb ik ouch al pónnies veur 'n greunteker zeen sjtaon
de kapper haet ze neet van doon umdat ze zich noe köp
' t letste waat de mode brach de zellef-wave pin up
Marie krig mit dat baeje toch 'ne grandioze kans
hae woor al ald mer had vuel geld en dao-aan had ze sjans
hae waar neet van de sjoeënste, waar zelfs e bietje diek
umdet de jóngere neet wólle wórt daen alden ingepik
zoeë is Munstergelaen de plaats wao 't kepelke steit
wo Marieke lang en hevig veur 'ne vriejer haet gebaejd
HOME
PLAATSNAMENOVERZICHTHOMEMARLEEN
vòòr 1969: Teks & muziek: ?
Ik kôs dich al oët ut weegske, waat waare weej bevrind.
Dich waas zô'n lekker vleegske, och, waat heb ik dich bemind.
Refrein:
Marleen, Marleen, als ik dich zeen, mien leef Marleen,
jao, dan krieg ik ut weer kald, umdet ik zoëvuul van dich hald.
Ik val van de leefde op de kneen, als ik dich zeen, mien leef Marleen.
Ut kriebelt mich al jaore, d'n dokter vônd det sterk.
En hae kôs ut neet verklaore, maar nôw haet hae ut gemerkt.
Vurrig jaor met vastenaovend kwaam ik dich taege in de stad.
En det vônd ik vuul belaovend, maar Marleen, det had al wat.
HOME
PLAATSNAMENOVERZICHTHOMEMARLEEN
Michiel van der Grinten
Zang: Mooder Hellup
Ik zeen dich laupe mit diene Peter.
Ik zwei naor dich, maar de zuuës mich neet.
En ik weit neet, waor ik det noow aan verdeen.
Maar efkes vaerder kieks dich um,
dien auge spraeke zônder stum.
En weer kriëg ik de razel in de kneen.
Det alde lijd is heej, det is nog neet veurbeej.
Marleen, ik bars oëtein as ik dich zeen.
Dich bis mienen hertedeef, mien laeve en mien leef.
Ik hald van dich allein, och Marleen.
De staps beej diene vent de wage in.
Waat haet mien laeve nog veur zin,
as ik môt laeve zônder Marleen.
* cassette 1989: Mooder Hellup - "Opniej"
7"-single: Huub Stapel - "Och waas ik maar..."
HOME
PLAATSNAMENOVERZICHTHOME'T MASKE
1987 nr.5 :Tekst: Toos Bos - muziek: Frans Wassen
Zang (*) : Hans Goertz, De Maagdenbergers, Jeu Titulaer & Joep Linssen met de Hofkapel van de Wien
Zang (**) : Wiel Vestjens & Hay Crompvoets
Ik dansde met ein maedje op ein verkleide bal.
Ik leek mich ech ein plaetje al zoog ik neet al.
Ut maske veur zien snuutje, det stond um ech waal good.
Ik kos um, neet det bruudje daorum vraog ik vol mood :
Refrein:
Doot ens ut maske van dien snuutje, aardig bruudje.
bis dich noow Stiena, Isabella of Marleen.
Dich kriegs van mich ein lekker vastelaovendsnuutje,
as ik de kuulkes in dien wengskes ens muug zeen.
Verborg ein aardig bruudje soms met de carnaval,
zien eige leuke snuutje gemaskerd veur os al,
dan zien weej neet te halde, wae zit onder det dingk.
Ein huuel jongk of ein alde en iddere man dae zingk :
* E 60.005 TF
** lp 1987 "Dich en ik"
HOME
PLAATSNAMENOVERZICHTHOMEMEKSIKAANSE WALS
1985/1986 nr.1: Teks en meziék : Wim Janssen
Zang: Hay & Paul Peters
Pedro dae waas ens in Vendelo, preufde 't lekkerste beer.
En wieje truuk waas in Meksieko, woél dae det greike weer.
Refrein:
Ik wil gen tekielja, genne wiskie of rum,
en zeker van water dreij ik mich um.
Gaef mich maar ein vaetje van, wie hit det auk weer ...,
maar volges miech liék det verdölmes vuél op beer.
Pedro dae waas op de smaak verleef, 't jungske had 't neet miér.
Dôch aan det kraenke waat aope bleef, en druimde kiér op kiér.
Beej Manuela dao zitte good, dao vergitte dit leed,
want asse naeve tekielja zoot, dan weit ik 't nog neet.
HOME
PLAATSNAMENOVERZICHTHOMEMELLEKBOER
1972 nr.1 : Tekst: Ad Pollux - muziek: F. Wetjens
Refrein:
Mellekboer ... weej hoove niks van dich vandaag,
niks van dich vandaag van diene zuüvel.
Mellekboer ... neem dich maar eine snipperdaag,
en laup met diene zuüvel nao d'n duüvel.
Weej môtte genne mellek, gen bôttermelksepap.
Met vastelaovend kriêge weej ôs pepke van d'n tap
Mellekboer ... weej hoove niks van dich vandaag,
niks van dich vandaag van diene zuüvel.
Hae leep met volle flesse stuupke aaf en stuupke op.
En euv'ral wao-e kwaam kreeg hae de kous op ziene kop.
Hae snapde neet waoveur, toen zooge 't geschreve op ein deur.
Hae kreeg allein de laege flesse veur 't statiegeld.
En euv'ral wao-e kwaam, woort um 't zelfde weer verteld.
Gen pepke van de koe, maar pepke van d'n tap.
Det had dae vastelaovend um gelap.
HOME
PLAATSNAMENOVERZICHTHOMEDE MELKMOEL
Teks & meziëk: Jeu Titulaer
Loe, dae woort d'n aom drek kwiët, nao elke flotten dans.
Loe, dae dôch: "Det geit to wiët, met melk bin ik mier mans.
Want kleine Jan, dae greuit d'r van, dan hölp 't mich toch auk".
Hae buisde zich toen dreejkwart kan, de zaal reep: "Hôtje lauk!
Loe, Loe, boe, boe, buis sepke van de koe.
Refrein:
Loe, Loe, Loe, de melk kump van de koe.
Loe, Loe, Loe, dao zitste zoë van toe.
Loe, Loe, Loe, pak dich ein glaeske beer,
dan kriegste Loe, dan kriegste Loe, dan kriegste mier plezeer.
Dan kriegste Loe, dan kriegste Loe, dan kriegste mier plezeer.
Loe, dae woort d'r aan verslaaf, noom beej de S.R.V.,
elken daag vuël liters aaf, drônk melk in de café.
Hae waas bezaete van det grei, 't kwaam zoë wiët met Loe,
det hae op zôndaag in de wei, ging lörke aan de koe.
Loe, Loe, boe, boe, buis sepke van de koe.
* ep 1971/1972 : Diverse artiesten - "Vastelaovend in de Venlose Wien" - Telstar - TS 1712 TF
HOME
PLAATSNAMENOVERZICHTHOMEMENEER DE PLIESSIE
2010/2011: Tekst & muziek: Frans Pollux
Zang: Bram & Ruud
Refrein:
Meneer de pliesie
Kiék toch door die vingers!
Want weej waere zoë waerserig
van allemaol die slingers
En van die joekskepèlleklanke
waer ik stout
Maar det meug toch waal ens per jaor?
Bedank, meneer de wout
Meneer de pliesie,
man, waat waas ‘t fijn
As de langen erm van de wet
Ens zag: ‘Ocherm jung’ en det
Dan mit de vingers oéterein
Örges in de Floddergats
Dao stônd ik gisternach
‘k Goof de bloome water
Waer ik op de rök geflats
Volkomme ônverwach
D’n deender hoord geklater
“Wat doet u hier, wat moet u hier
Zo midde in de nach?”
Ik zeg: “Meneer, noow luuster ens”
En dit is waat ik zag:
Örges in de Joédestraot
Dao leep ik gisternach
‘t Laeve te bezinge
‘t Waas waat vals en oét de maot
Maar toch op volle krach
Ik kôs mich neet bedwinge
“Wat hoor ik hier, wat stoort mij hier?”
Vroog eemus mit ein pet
Ik zeg: “Meneer de koekepeer
Noow efkes opgelet:”
Örges in ‘t kotje zoot
Ik vas de ganse nach
Ik mit louter water
Druuëge sneeje mik die vroot
Ik wiesdet eemus zag:
“De vloer zit heej vol gaater”
Ik groof mich ennen tunnel oét
Maar boéte stônd de wout
Ik zag: ”Gangk gauw nao binne
Want d’rek krijg u het nog koud”
HOME
PLAATSNAMENOVERZICHTHOME'T MENKE IN DE MAON
?
Waorum toch waal de jônge maedjes nao 't mäönke kieke, ao zoë gaer,
en gaar niks gaeve um de sterre, um Mars of zelfs d'n Groëten Baer,
waorum ze toch zoë vol verlange eur auge nao die maon toe slaon ?
Och ! Och ! Die zaak is hiël invoudig, det duit 't menke in de maon.
Och ! Och ! Die zaak is hiël invoudig, det duit 't menke in de maon.
Det menke leed eur in de zinne, 't kiek eur zoë vuel belaovend aan,
as of 't gaer béj eur zoë kômme van oët zien stille hemelbaan.
Ze lônke 't menke lachend taege, ze lokke 't mit ein stille traon.
En 's nachs dan druime ze gewuunlik van 't aardig menke in de maon.
En 's nachs dan druime ze gewuunlik van 't aardig menke in de maon.
En wuurd daen droum dan entelik waorheid, hebbe ze eine vrèjer aan de hand,
dan gaon ze 's aoves mit dae wandele, langs stille waeg, door klei en zand.
Goeit dan de maon eur zilv're straole, fantastisch op deez' waereld neer,
dan zaet ze niedig: Jean, waat pech toch, die ak'lige, doeje maon schient weer.
Dan zaet ze niedig: Jean, waat pech toch, die ak'lige, doeje maon schient weer.
Maar later in 't huwelikslaeve, as ze meug van 't hoeswerk slaope gaon,
of as de zôn vruug in de morge, zoë naeve 't bed eur weeg zuut staon,
schient later sôms van oet d'n hoëge, 't maonleeg glanzend op de roët,
dan kan die maon eur niks miër schaele, want ach, 't menke haet ze d'roet.
Dan kan die maon eur niks miër schaele, want ach, 't menke haet ze d'roet.
't Laeve is tenslotte proza, de poëzie van korte deur.
Hoe sterk 't in 't begin auk flamde, tenslotte smeulde 't leefdeveur.
Jao, mennig paar, ens vol van leefde, zuut me jao kwaolik nog same gaon,
det sôms de vrouw van ganser herte, eur menke t'ruuk wins nao de maon.
Det sôms de vrouw van ganser herte, eur menke t'ruuk wins nao de maon.
HOME
PLAATSNAMENOVERZICHTHOMEMERIEKE
Tekst: Frans Boermans - muziek: Giel Aerts
Zö'n dreej keteer ônderhand hald ik heej paol, Merieke kump drek heej veurbeej.
Ik oefen mien aanzeuk de zoëvuélste maol, die wäörd op mien spiekbreefke heej.
Refrein:
Merieke, d'n gansen daag dink ik aan dich, en ik zeen dich nog in miene slaop.
Och, heb toch ein bietje kômpassie met mich en gaef mich ein pietselke haop.
Zek, kan det, det dich ens tiëd veur mich haes ? Ik waer haos door leefde vertaerd.
As dich taege mich neet "Ik hald van dich" zaes, is mien laeve gen äörtje mier waerd.
Wannier 't now dalik heej veur mich zal staon, dan zeg ik um wao 't op steit.
Maar ja, det is ierder gezag dan gedaon, as ik dan de wäörd nog maar weit.
HOME
PLAATSNAMENOVERZICHTHOMEMERIEKE EN ZIENEN HUZAAR
1979 nr.2 : Teks & meziék: Frans Boermans
Zang (*) : Wiel Vestjens
Zang (**) : Fred vd Bogaard & Toine Hazenbosch
Zang (***) : Minsekinder
Wie de huzare nog in Venlo ware, woënde dao ein knappe maag.
As die soldaote reje door de straote, op dae schoëne schölkskesdaag,
dan stônd Merieke aan de deur te kiêke, kleurde wie ein klaproës in de zôn.
Det is de ware, dachte die huzare, en dan zông 't ganse eskadrôn :
Refrein:
Ao Merieke, leeve schat, allermoêiste maedje van de ganse stad,
Zek mich as te van mich hils, of des dich vanaovend met mich wandele wils.
As de klok sleit zeve slaeg, staon ik op 't tumpke van de Pônniewaeg.
Ik bring dich ein buuske bloome mei, geplök op de Piottewei.
Ik bring dich ein buuske bloome mei, geplök op de Piottewei.
Wie die huzare weggetrokke ware, woënde heej ein joeksig paar.
Het waas Merieke en hae hoot Lewieke. Hae waas einen aldhuzaar.
As zeej dan same aan 't praote kwame, euver waat 't laeve had gebrach,
dach hae tevreeje, wie hae lang geleeje, taege zien Merieke had gezag :
* lp 1978/1979 : Diverse artiesten - " Venlo op zien bès " - Discofoon LP 45779
** cd 2000 : Diverse artiesten - " Petje aaf (veur al die schoéne leedjes) " - Onger Os 7370
*** cd 2000 : Minsekinder - "Nieje Veere"
HOME
PLAATSNAMENOVERZICHTHOMEMESTREECH
2001: Tekst & muziek: Frans Pollux
Zang (*) : Neet oét Lottum
Ik bin vraempgegaon, vraempgegaon met ein andere stad.
Ik meinde dao te kinne vinde, waat mien eige stad neet had.
Ik rakde vol van alde kroege, alde poorte, alde stein,
woort verleef op stökke stadsmoor, de kerk, de fontein.
Ik woel heej bliéve, gans mien laeve, gans mien laeve, einen daag,
maar in de schaduw van de schemering dreijde miene maag.
Want in 't duuster waar Mestreech, van ein dörp ein stad gewaore.
Vuul te groët en vuul te laeg, Limburg is verlaore.
Waat kin 't allemaol bômme, ik pak mich dalik d'n trein.
Laot 't duuster maar kômme, ik bin weg veur 't refrein.
Refrein:
Mestreech, de glitters en glans in 't zônleech.
Mestreech, de schitters en dans euverdaag.
Mestreech, de glitters en glans in 't zônleech.
Maar verluus de zôn aan de nach al zien leech,
is 't gedaon met de prach van Mestreech.
Heej op 't Vriéthaof kin ik laeve, met ein book en miene krant,
Heej kump de Sjiek van Limburg naeve, löp d'n top van 't Heuvelland.
Zoëlang die knoertlillike lampe, die op 't Vriethaof zien gepleurd,
maar veurluipig neet gaon brande, want dan is 't gebeurd.
"Hé, kôm en zet dich heej aan taofel, bestel det beer oét Bels".
Maar ik laup door, d'n daag dae vordert, 't jeuk al in mien pels.
Want wie Bels heej auk 't beer smak of wie Frans de Roéje wien,
as de Zuujerzôn gezak is, wil ik heej neet miér zien.
* cd 2001 : Neet oét Lottum - " Vertrokke " - Red Bullet
HOME
PLAATSNAMENOVERZICHTHOMEMET ALLEMAN
Herman Detillon
Refrein:
Weej make d’r heej ein knalfees van
En haole ’t underste oet de kan
Weej gaon dan door wies morgevreug
Want deeze tied weurse toch noeëts meug
Zonder ôs geit ’t fees neet door
Weej blieve heej wies ’t letste oor
Weej make d’r heej ein knalfees van
En det doon weej met alleman
Met vastelaovend zien weej eine bônte onderein
Verkleid van ein hudje wies ônder aan de bein
Ein paar schoon twiee maote te groeët
En os neus is hartstikke roeët
Met vastelaovend viere weej ein groeëte reunie
dan wuurt heej weer gezônge en gefees wie nog nie
Deezen tied brink beej idder gooie zin
Kiek maar heej zit de stumming derin
HOME
PLAATSNAMENOVERZICHTHOMEMET DE SNÔT VEURAAN
2000/2001 nr.4 :Teks & meziék: Wim Roeffen
Zang: Wim Roeffen, Hay Thissen, Huub Verdonck, Thei Lamberts
D'r hoof heej maar 'n trummelke te klinke,
loat staon ein ganse joekskepel,
dan hove weej neet lang miër nao te dinke,
want dan huije weej ôs met 't ganse stel.
Weej zien as iërste dan weer dao,
en gaon det trumke achternao:
Refrein:
En wae steit d'r dan, met de snôt veuraan ?
Det zien weer weej, weej zien zoë vreej.
Jao, as weej d'r zien, och dan geit 't d'raan.
Weej zien d'r as de kiepe beej.
Beej ôs thoes ..., wuert gesmoes ..., det det ôs is aangeliërd.
Ôzze pap ..., deej det knap ..., want dae vônd det neet verkiërd.
En dao staon we dan, det is nogal klaor ....,
want anders geit ut fees neet door.
Weej zien hiël stiekem oet de hel gekraope,
wie ens d'n duuvel hiël deep sleep.
Weej kôste van de herrie toch neet slaope,
umdet dae dao met zien trummelke weer leep.
Hae zag: "Now scheet dan toch ens op,
en zet die slaopmuts van de kop":
Lets kwaam d'r heej bezeuk van hoëge hiëre,
en det had nemus ôs gezag.
Die kwame wie ut scheen um wat te viere,
maar aan ôs hadde die hiëre neet gedach.
En toen opens waas ut zoë vaer,
dao kwaam det trummelke weer haer:
HOME
PLAATSNAMENOVERZICHTHOMEMET DEN TRAM NAO VELDE
Ad Pollux & Jan Jacobs
Zang (*): Ben Verdellen
Tante Ante, ome Baer, met de kinder oêt de stad,
gaon met den tram nao Velde.
Ome Baer woel zoë gaer aan de jônge waal ens wat,
van de waereld laote zeen.
op ein wiës wie det zich huërt, met den tram van de Maasbuurt.
Refrein:
Met den tram nao Velde, tjoeke, tjoeke, tjoek, fuut, fuut.
Allemaol naor Velde, tin, tin, tin, tin, tin, tuut, tuut.
Langs de Köller-Minder, hup, met volle krach.
Onderwages wuërdt d'r beej de Koekoek aangelag.
En dan weer .....
Met den tram nao Velde, tjoeke, tjoeke, tjoek, fuut, fuut.
Allemaol naor Velde, tin, tin, tin, tin, tin, tuut, tuut.
En de luuj langs de kant laeve met 't tremke mei,
staon 'gooje reis' te zweije.
Tante Ant vindt 't kwant, maar zeej krieg beej elken drei,
weer de kriebels in den boêk.
En dan huërste Ome Baer: hald ôch vas, dao gaon we haer !!!
* lp (1984) : Jocus - Discofoon 11.11.83
HOME
PLAATSNAMENOVERZICHTHOMEMET EIN BIETJE VAN DIT EN EIN HEMPELKE VAN DET
Tekst & muziek: A. Pollux & G. Aerts
Zang (*) : ?
Met ein bietje van dit en ein hempelke van det,
Bin ik kontent, iejao, bin ik tevreje
Met ein bietje van dit en ein hempelke van det,
Is 't leid allang geleje
En wetse wie, wao, waat of wae
Zoë tösse simfonie en hoempa-tèdèdè
Met ein bietje van dit en ein hempelke van det,
Bin ik kontent, iejao, bin ik tevreje.
* lp: " 't Is weer vastelaovend (twië maol elf vastelaovesleedjes en nog vuël miër...) "
HOME
PLAATSNAMENOVERZICHTHOMEMIT HERT EN ZEEL
Tekst: ? - muziek: ?
Zang (*) : Blaauw
Veur mich, bis dich mien allerbeste vriendin
Waomei ik alle dinger, good bespraeke kin
En daorum vroog ik dich
Dich bis 't beste det mich euverkômme is
Ein moment detste neet heej bis, is ein groët gemis
Jao schat ik hald van dich
Veur al die jaore die se mich gegaeve haes
Jao schat bedank ik dich
Veur altiëd same, miene allergroëtste wins
Dich allein wets waat ik good vind, weej zien same eine mins
Dae nach sleep ik neet wie ein ruuëske
Ik heb gedreid de ganse nach
't Waas dien stum die ik steeds huuërde
Umdets dich taege mich toen zags:
Ik deil met dich mien ganse laeve,
Met dich mien pien en mien gelök
Wie ik dich vroogs, zags dich mich: jao
Zags dich mich: jao, mien schat ik wil
Mit mien hert en zeel, mit mien hert en zeel
* cd : Diverse artiesten - "Alles in ein buuëtje"
HOME
PLAATSNAMENOVERZICHTHOMEMET MOODER MEI
Tekst: Frans Boermans - muziek: Giel Aerts
Zang (*) : Bert Pollux & Herm Pollux
Menke had de tasse en telders aafgewasse.
Menke poetsde ouk nog fijn de schoon.
Klopde alle matte en schelde de petatte.
Mooder zag : " Now raoj ens waat weej doon ? ".
Refrein:
En now maag 't menke moei met Mooder mei.
Hoera, hoera, met Mooder mei.
En det vindt hae toch zoë fijn, want hae is neet gaer allein.
En wao geit 't menke dan met Mooder haer ?
Hoere, hoera, met Mooder haer.
In d'n optoch lekker mei met de meziëk.
Danse door det Jocusriek.
In zien beste pekske en met gewasse nekske,
häörkes haete netjes in de schei.
Mooder met 't ventje zoë same aan 't hendje,
maar, waat haet 't menke zienen dreij.
Mooder zal, det wette, ouk good op menke lette,
anders kump 't kaerelke nog kwiët.
Alle vreejgezelle die geite det vertelle,
want dan weite die det ouk op tiëd.
* cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213
HOME
PLAATSNAMENOVERZICHTHOMEMET VASTELAOVEND NAOR DE STAD
Tekst: Kevin Timmermans & Tiny Timmermans
Zang: Kevin Heiman
Idder jaor weer kieken we door naor oet
En dan goon we lekker naor de zoepkoel toe
En het is dan best gezeilig en kei drok
En zien we binnen dan hebben weej waer geluk
Refrein:
Met vastelaovend gaon weej naor de stad
Door wuurt gezopen en waere weej zat
Ein lekker pilske det geit door wal in
En dan hebben weej wear gooie zin
Wuurse smogens wakker en dan dinkse wear
Wat had ik tog gister enne haup plezeer
Hiel veurzigtig doot ik dan mien augen
Oop en jao jao val ik weer metijn in slaop
Naor dree daag feesten is het dan auk waer veurbee
En dan zien weej waer hiel tevree
De kleijer goon dan auk waer in de klijer kast
En dan dink ik halt ze nog maar effe vast
HOME
PLAATSNAMENOVERZICHTHOMEMET ZIEN TWIEË ALLEIN
Tekst & muziek: Frans Peters
Zang: Frans Peters
Refrein:
Zoeë met zien twièkes allein in ’t duuster
Dan wuurd d’r hièl zaach aan gefluusterd
En smiespeld hae dan, An ik hald zoeë van dich
Noow, dan wuurd ’t ef stil in ’t duuster
An sleit dan de erm um zien Sjengske
’t kôs um ens leef opzien wengske
En fluusterd dan, schat ik hald ouk zoeë van dich
En dan huur-se weer niks op det benkske
Dao staon langs de Maas, vuuël benk in ut graas
Det hebe ze good gedaon
Maak óg maar neet wiès, det in det paradiès
die banke laeg bliève staon
de jungskes en maedjes die vreeje daor gaer
en kómme van wièd nao de schoeën benkskes haer
Zoeë geit det al lang en bin maar neet bang
Det det heej oeits anders geit
Want op idder bank, deile al ieuwe lang
De paartjes eur leef en leid
En ouk as ze alder zien kómme zeej gaer
Nog ens enne kièr nao zón benkske haer
HOME
PLAATSNAMENOVERZICHTHOMEMEUDERKE LEEF
1961 nr.3 : Tekst & muziek: J. Kaandorp & P. Haayenmaaien
Zang (*) : Lottie Boermans
Och Pap, mien mam haet mich verwete,
ik meug neet met de jungskes gaon;
Dan zoel ik gaer ens wille wete,
waat heb gèej vrueger dan gedaon ?
Refrein:
Meuderke leef, ik bin zoeë gek op dees dréej dage.
Meuderke leef, ik zal mich good gedrage.
Och zô'n lekker muulke duit mich good,
dan kriegste de kriebel in dien blood.
Meuderke leef, al drink ik auk ein glaeske beer,
Bin maar gerös, mörge vruug zeen ik ôch weer.
Biste zô'n ech good Venloos maedje,
dan trek-ste toch gen greekgezich.
Al kös hae auk ein ander blaedje,
hae dink toch altied iërs aan dich.
Zuuste eine schat van doezend waeke,
al is dien köpke auk waat kaal,
begint dien hert inens te spraeke;
Ach, leve mins, det wet ge waal !
* lp: " 't Is weer vastelaovend (twië maol elf vastelaovesleedjes en nog vuël miër...) "
HOME
PLAATSNAMENOVERZICHTHOMEMIEKE DE WOEP
1973 nr.3 : Tekst: Ad Pollux - meziék: Frans Wetjens
Refrein:
Mooder, och Mooder, Mooder maak de deur ens aop.
En kiek ens waat d'r is.
Mooder, och mooder, had ik neet gedach.
Ik wis det ik 't wis.
Ze staon der weer te hange, en ze hange weer te staon,
want Mieke de Woep zit op de stoep,
en luët-er eine - ao, hao, ao, hao -
Mooder, och mooder, had ik 't neet, jao had ik 't neet gedach !
't Zit der alzelaeve, Mieke de Woep.
En noëits ens beej um naeve, maar altied weer beej Joep.
En alle jônge kômme, wie vleege op 't kroèt.
En Joep begint te roope, hae hilt 't neet miër oèt:
De ganse aovend zuus ste, Mieke de Woep,
beej Joep op de plevuuze, met ziene gansen troep.
De kriegs um met gèn hônderd, gèn doèzend paerd e-weg.
En Joep dae zit te greeke: " Waat is mich dèt ein vrech ! ".
HOME
PLAATSNAMENOVERZICHTHOMEMIEN JAOR (Ald prinse leedje)
1987 nr.6 : Tekst: Ad Pollux - muziek: Giel Aerts
Zang (*) : Joke Theeuwen & Hay Crompvoets
Refrein:
Mien jaor det waas ut beste, det zaet beej ôs de hiël femiêlie.
Ik waas den allernetste, det zaet beej ôs de ganse straot.
En waat zegge dan die wiêze minse, wie die schoëne club ald-prinse:
' Waat waor is det is waor, det van mich ... waas ut beste jaor'.
Al ôs vastelaoves-prinse ware in eur jaor kampioen.
En, wie alle doëdgewoëne minse, praote zeej van 'wetste-nog-van-toen'.
Zitte thoês met euvervolle laaie, kranteknipsels, foto's en zoe miër.
Aaf en toe dan zitte zeej te blaaie, dine beej zichzellef kiër op kiër.
'Laot ut mich nog eine kiër belaeve, haol mich ens de foto's oêt de laai.
Wilste mich ut Prinsekruuts ens gaeve, astebleef, det ik det nog ens aai'.
Zitte dan die printjes te bekiêke, veulle zich nog gruëtser as den haan.
Nae, daomei is niks te vergeliêke, neem det noow maar röstig van mich aan.
* lp 1987 : "Dich en ik"
HOME
PLAATSNAMENOVERZICHTHOMEMIEN LEEFDE VEUR ???
Tekst: Henk Buskes - meziëk: Theo Heijnen
Zang (*) : Mary van Leersum
Och minse, ik mót óg vertelle, bin euver mien oeëre verleef.
De klökskes, die bliève aan 't belle, det kump door dae hertedeef.
Hae haet mien hertje gestaole, kwaam as 'ne deef in de nach.
Ik zit noow op heite kaole, op um heb ik zoë lang gewach.
Refrein (2x) :
Weik gewaore, bin verlaore, door de lach op dien gezich.
Miene leeve, miene waore, nae, ik kan neet zônder dich.
Wil met dich door de jaore gaon, bis ut zönke in mien bestaon.
Och minse, geej môt toch ens huùre, wie of ik det alles belaef.
Ik heb dees daag vuuël te verduure, umdet ik zoëvuuël um um gaef.
Ut is ein klein stök oèt mien laeve, ik deil ut met groeët en met klein.
Weej gaon ut same belaeve, Vastelaovend is veur idderein.
* cd (1997) : Vastelaovesvereiniging 'De Wien' - " Dans en zing met ôs mei & Boerebroelofs-leedje '97 "
* cd 2000 : Vastelaovesvereiniging De Wien - "Jubileum-verzamel-cd 3x11jaor" - STEMRA CCP 996
HOME
PLAATSNAMENOVERZICHTHOMEMIEN MAAGDENBERGPLEIN
2005/2006: Tekst: Henk van Hoften - muziek: Henk van Hoften & Eric Munten
Zang: Henk van Hoften
Refrein:
Mien Maagdenbergplein
waat bisse schoeën gewaore
Mien Maagdenbergplein
of bisse opniej gebaore
Gruuëts, wie ik bin
Heej is zoeëvuuël te belaeve
De Wien en ut plein
Die huure beej mien laeve.
Loup ik mit vrund door ós buurt
Kan ik ut èch neet laote
effe, wie enne gruuëtse bol
euver mien plein heej te praote.
Zeen ózze Wienbol ens staon
Fier steit hae dao te prièke
Hae let neet op raege of zón
Steit hae nao ós dao te kièke.
Bin ik dan ouk wièt van hoès
Heb ik ein groeët verlange
Truuk nao mien plein, nao mien thoès
Dao bin ik ónder de 'panne'
HOME
PLAATSNAMENOVERZICHTHOMEMIEN MODER DÈR HENJ
Teks: H. Bordon - meziek: J. Hoes
Ich weit nog wie moder mit mich haet gesjpeeld
en mich mit eur hand door mien haor haet gesjtreeld.
Die eeltige hand haet gezörg en gewèrk.
Dat 't soms waal te vuel waar, haet nemand gemèrk.
Refrein:
Mien moder d'r henj höbbe noeëjt sjtil gesjtaon.
Mien moder d'r henj höbbe alles gedaon.
Ze ware aan 't werk, of tot baeje gevawd.
Mien moder d'r henj nou die ware van goud.
En saoves haet zeej mich verhäölkes verteld
en same mit mich doezend schäöpkes geteld.
Mien moder d'r henj maakde dan tot besjloet
veur 't slaopen 'n kruuts en 't lempke ging oet.
Mien moder d'r hand haet mich baeje gelierd.
Eur henj höbbe veur de processie versierd.
'ch Weit neet of nog de kapelkes besjtaon
Wao ich toen aan moder heur handj höb gesjtaon.
Ich weit nog d'n daag of 't dezen daag is
dat ik moders hand veur 't iers höb gemis.
't Waar net of de waereld veurgood sjtil bleef sjtaon
Mien moder d'r henj hadde alles gedaon.
Mien moder d'r henj hadde eindelik rös.
'k Höb moder d'r henj veur 't letste gekös.
Ze loge now sjtil, mar tot baeje gevawd.
Ze blieve veur mich tot in ieëwigheid goud.
HOME
PLAATSNAMENOVERZICHTHOMEMIEN PALMHÖLTJE
Tekst: Wiel Hermans - muziek: Wim Roeffen
Mien palmhöltje is moëi aangekleid, de slingers hange vol van zeutigheid.
Kièk alle knuupkes zien bônte snuupkes.
Beej zón of raegen, geit nao de zaegen, mien palmhöltje in de groëten optoch mei.
Refrein:
Ik gaon vandaag op mien paosbés op paad,
jao, met mien höltje, mien palmhöltje.
Hiël moëi versiërd, det haet mam mich geliërd.
Auk hingk de miene vol appelsiene,
Hiël vuël snoep en baovenop d'n toep,
dao heb ik einen haan van krintemik,
met van alles wat, is d'r niks vergaete,
want mien höltje, mien palmhöltje,
mien palmhöltje zuut d'r oèt um op te aete.
Mien palmhöltje draag ik met plezeer, de ganse stad waal dreej kiër op en neer.
Ik laup te prièke, kóm maar ens kièke.
Beej zón of raegen, geit nao de zaegen, mien palmhöltje in de groëten optoch mei.
Mien palmhöltje is nog lang neet laeg, al plök ik auk ein snuupke ónderwaeg,
ein sókkereike of lekker greike.
Beej zón of raegen, geit nao de zaegen, mien palmhöltje in de groëten optoch mei.
HOME
PLAATSNAMENOVERZICHTHOMEMIEN SNUUPKE
1984 nr.4 : Wäörd en muziék: Jan Derijk
Gezônge: Jan Derijk
Ik zoog um in de binnestad,
beej 't Weishoes stônd 't dao.
Ik dach uich det wuért miene schat,
en leep um stiekum nao.
En toen ik met um walse ging.
zag ik: wets dich wie leef ik bin.
Het reep: viva la mour,
ik zông um in zien oér :
Refrein:
Mien druupke, mien snuupke, mien leef roézeknuupke,
ik hald zoé vuél van dich.
Mien föpke, mien dröpke, mien leef lekker möpke,
ik druim allein van dich.
Zoë ônder 't walse wil ik dich verklaore,
wie vuél ik van dich hald.
Dich huurs noow beej mich, en ik huur noow beej dich,
weej waere saame alt.
't Is noow al wat jäörkes haer.
maar nog zién weej ôs leef.
Ik zeen dich altiéd aeve gaer.
dich bis miene hertedeef.
En as weej saame walse gaon,
zeen ik dich weer beej 't Weishoés staon.
Dan dink ik aan daen tiéd,
en zing dan zônder spiét,
HOME
PLAATSNAMENOVERZICHTHOMEMIEN STAD
vòòr 1969: Teks & muziek: ?
Wie haet me det oëits toch kinne verzinne,
desse dich euveral môs kinne gewinne.
Det kan ut verklaore, heej bin ik gebaore.
Ik bliëf wao ik bin, umdet ik neet boëte Venlo kin.
Ik veul mich heej zoë thoës,
heej bin ik veur jaore gebaore.
De vraemde trek mich neet,
want dao heb ik gaer niks verlaore.
En gaon ik waal ens weg,
ik zit 't-um dan stiekum te kniepe.
Want ik wil prsé truuk.
Det is toch gans good te begriepe.
HOME
PLAATSNAMENOVERZICHTHOMEMIEN VENLO
1993: Teks en muziek: Mai Anröchte-Strijbos & Giel Aerts
Zang: Mai Anröchte-Strijbos
As ik op det benkske zit, beej ós Mooder Maas,
det letste stökse stadsmoor zeen, zoeë wie 't vruuger waas,
dan dink ik mien Venlo leef, ofse now ald bis of bis niej,
heej bin ik zoeë gelökkig, jao heej veul ik mich bliej.
Refrein:
Zeshónderdfieftig jaor Venlo, Venlo aan de Maas.
Bevochte bestreje bezônge, wie 't is en wie 't waas
Zeshónderdfieftig jaor Venlo, mien stad det zek ik dich.
Waat ze ouk van dich bewaere, mien thoès bliefs dich veur mich.
As ik op det benkske zit, beej ós schoeën stadhoès,
en ik aan die verhaole dink, van beej mien elders thoès.
Stadsfiguure beej de vleet, Fluas en Guntrud zien vrouw.
Al zien die ein illusie, toch bliève weej die trouw.
As ik op de benkske zit, baove op de hei,
de Martinustore zeen, 't Ven met zien tuindersgrei,
dan dink ik mien Venlo leef, minse waat zien weej toch rièk,
met wònderlik schoeëne plekskes, van wao ik ouk maar kiëk.
HOME
PLAATSNAMENOVERZICHTHOMEMIEN VENLO
2005/2006 nr.3 : Tekst: Jos Buskens & Hay Geritz - muziek: Hay Geritz
Zang: Vic Suiker, Marius Suiker & Hay Geritz
Wie klein bis dich begônne
Dich hads toen nog ein moor
Maar ouk Flujas en zien vrouw die ware toen van de partiej
Zeej hebbe 't verzônne
En dachte, weej gaon door
Jao daorum bin ik nog altiéd bliej
Refrein:
Venlo, dich bis de stad wao ik van hald
Venlo, al bis dich noow ouk ieuwe ald
Ik zeen dich altiéd schiene
In de speegel van ôs Maas
Jao veur mich bliefs dich altiéd wie se waas
Venlo, dich bis mien stad wao ik van hald
Venlo, jao zonder dich krieg ik 't kald
Ik blief alsmaar aan dich dinke
En gaon ouk gaer nao hoés
Jao beej dich veul ik mich altiéd thoés
Dich bis noow groët gewaore
Det pas beej deezen tiéd
Eine nieje boulevaar môt 't gaon waere op die kaaj
Bis gans opniej gebaore
Det guuëf ouk waal profi ét
Maar geej weit neet wie ik mich begaaj
HOME
PLAATSNAMENOVERZICHTHOMEMIENE KLOON
2000/2001 nr. 4: Tekst: Gé van Beek - muziek: Sef Gubbels
Zang: Hay en Niels van den Ham
De geliërde zag slum, weej krejeere veur um,
zô’nne niejerwetse kloon.
Waat ik noow doon of laot, d’r wuurt euver gepraot,
maar dao kan ik niks aan doon.
Refrein:
Det waas neet ikke maar miene kloon,
dao kan ik dus niks aan doon.
Wao dae steit, wao dae geit, kumpse noeits aan de weit.
Daorveur is det ‘nne kloon.
Det waas neet ikke, maar miene kloon,
daomei heb ik niks van doon.
Zien gekuit, waate duit, schuuf me mich in de schoon,
Maar det waas ik neet………… det waas de kloon.
Ik vreej heej, ik vreej dao, neemus duit mich det nao,
alles te geliéker tied,
En al liek ’t ôg vraemp, ik staon noeits in mien haemp,
want det zeg ik zônder spiét.
Miene kloon geit op stap, genne mins dae dan snap,
det ik nörges bin gewaes.
Ik lig lekker in bed, zonder det eemus wet,
det ik oore heb gepaes!
HOME
PLAATSNAMENOVERZICHTHOMEMINSE WIE WEEJ
L.V.K. 1988 nr.1 : Tekst: Frans Boermans - meziék: Giel Aerts
Zang 1 : Wiel Vestjens & Hay Crompvoets
Zang 2 (*) : De Kammeräodjes
Zang 3 (**) : Brand koér
Zek wet geej van daen eine, van dae ge wet waal wae.
Daen eine dae weej meine, zek wet geej det van dae.
Waat zien det toch veur minse, die doon waat dae dao deej.
't Waas toch waal te winse, det die ware net wie weej.
Zoë praoper en zoë net, aan ôs mankeert neet dét !
Refrein:
As alle minse ens ware wie weej, wie weej.
As alle minse ens ware wie weej meuste zién.
Dan hadste gen gehoedel, dan hadste gen gedoedel,
dan goof 't niks wie ingelkes op aerd.
Dan waas d'r gen gerômmel, dan waas d'r gen geknômmel,
al strukelt auk waal ens 't beste paerd.
As alle minse ens ware wie weej, wie weej.
As alle minse ens ware wie weej meuste zié.
Geej môt d'r ens op lette, dao zien d'r heej auk beej.
Det zien auk van die nette, die zien auk net wie weej.
Noeits valle op 't vötje, gaon neet euver de schreef.
Doon noeits naeve 't pötje, die zien altiéd aeve leef.
Zoë zien d'r maar ein paar, want luuj wie weej zien raar ...
Dao hebste dae geweijde, en dao daen tadewa.
Noow kiék daen toegeneijde, dao beej dae faldera.
En uich die halve gare, en auk dae koekelewie.
Noow zuus mich dao die rare, en och nae die gekke prie.
Noow ja, weej zien maar bliej, det weej neet zien wie die ...
* cd: De Kammeräodjes - "Veur ôs plezeer"
** cd 2000 : Diverse artiesten - " Petje aaf (veur al die schoéne leedjes) " - Onger Os 7370
HOME
PLAATSNAMENOVERZICHTHOMEDE MINSE ZIEN MEUG
Tekst & muziek: Frans Boermans
Uit de revue 'Stel og ens veur'
Det wet ederein, haet 'l klökske geluut
det ôs stedje dan zien paorte sluut
Wae môt d'r nao boete, dae kint d'r nog door
wae d'r in môt, dae spoojt zich now binne de moor
Refrein:
De minse zien meug, d'n daat is gedaon
ôs stedje môt now slaope gaon
Ein letste geluud, 'r klölsle rup zaach
Des waas 't veur vandaag
De lôch wuurd zoë keul, 't is stil op de straot
De nach daalt op de dake neer
De luukskes gaon toe, de deure op slaot
Gooje nach en wies morge maar weer
De minse zien meug, d'n daat is gedaon
ôs stedje môt now slaope gaon
Vergaet maar og zörg, as ge 't lempke oet doot
Waal te röste, mien stedje, slaop good
't Laeve steit now veur de paort van de nach
wao achter 't leech van de niejen daag wach
Dan luut weer 't klökske, dan geit ze weer aop
De paort van verwachting, de deur van de haop
HOME
PLAATSNAMENOVERZICHTHOMEMINSEKINDER (WAAT EIN MAEDJE)
1957: Tekst: Frans Boermans - meziék: Sef Hendrickx
Zang 1 (*) : Wiel Verwijst
Zang 2 (**) : Sjraar Peetjens
Zang 3 (***) : Ben Verdellen
Zang 4 (****) : Minsekinder
Zang 5 (*****) : Brand koér
Wie d'n ooievaar ens vloog door de zomernach,
en in ôs stedje ein weegske zoog, haet hae dao wat gebrach.
Wie de wièsvrouw toen det klein aan ziène pap leet zeen,
sloog dae verwaeze de hand in-ein en houwde zich op de kneen.
Refrein:
Minsekinder waat ein maedje, kièk ens hèj nao miene schat.
Weggeloupe van ein plaetje, 't sjoënste kind van gans de stad.
Kièk die auge, zuus die wange, uig die haor en waat ein lièn.
Jao, zoë kan allein ein Venloos maedje zièn.
Wie det maedje mundig woord, en al hekskes droog,
wie 't zièn hertje mei boemse hoord, as 't ein jungske zoog.
Toen heb ik mien kans gewaog, 't veel gelökkig mei.
Ik heb um zièn hert en zièn hand gevraog, en kreeg ze ouk, allebei.
Zièn we euver viëftig jaor ens 't golde paar,
steit veur ôs deur de meziek dan klaor: hermenie, fanfaar.
Als mièn vruiwke dao dan steit, net wie ik, zoë griès,
kuum ik zoë good en zoë kwaod 't geit nog ens die alde wiès :
* lp 1976/1977 : " Vastelaovend same " - Discofoon LP 11.11.76
*** lp 1981/1982 : Jocus - " Laot ôs bliëve zinge " - Discofoon 11.11.81
** cd: Diverse artiesten - "Batailles Carnavallade 2" - Omroep Limburg OL53-199801
** cd : " Zónne Vastelaovend "
**** cd 1994 : Minsekinder - " Casa Loco"- (de laif ceejdeej)
***** cd 2000 : Diverse artiesten - " Petje aaf (veur al die schoéne leedjes) " - Onger Os 7370
HOME
PLAATSNAMENOVERZICHTHOMEMIT DICH VIER IK VASTELAOVEND
Tekst: ? - muziek: ?
Zang: Marcello
Mit dich aldaag op joets gewaes
Morrejen waat hadde weej lol
Ôs köstelik geammeseerd
‘t Zunke op ôzzen bol
Die daag goove ôs vleugelkes, betoverde ôs stad
De teugelkes die gaon weer strak, we hebbe ‘t gehad
Dan klink beej maoneschien
Ein leedje vol hertepien
Refrein:
Mit dich allein vier ik in Venlo Vastelaovend
Ik dans mit dich van ’s morges vruug wies in d’n aovend
Mit dich allein staon ik dinsdaagnach weer boéte
Veur ‘t stadhoés um Vastelaovend aaf te sloéte
En dich allein bis dan getuuge van mien traon
As dich mich zaes, miene sies ’t is gedaon
Mit dich allein staon ik dinsdaagnach weer boéte
Veur ‘t stadhoés um Vastelaovend aaf te sloéte
Ik loup mit dich nao ‘t stadhoés
Span ens dao, waat is ‘t drök
Eederein dae veult zich thoés
De löps euver de köp
‘t Höf zich van de minse, kiék,de prinsemuts geit aaf
Door vrinde en bekinde klink, de letste kiër alaaf
Hiel zutjes klink ein leed
Vol heimwee, weejmood en verdreet
HOME
PLAATSNAMENOVERZICHTHOMEMIT MICHZELF
2007/2008: Tekst & muziek: Frans Pollux
Zang: Frank Jacobs
Refrein:
Ik vier de vastelaovend mit michzelf
Allein - Allein
(En) bin die daag mien eige gooje helf
Allein - Allein
Ik bin allein en kin allein
maar zegge 't is neet minder fijn
Want gaef ik straks aan idderein ein rundje
Allein - Allein
Dan kos mich det EIN muntje
Maar ein - Allein
Ik heb zô'n kwante kammeräöj
Die staon waal dreej daag lang in bleuj
En sjouwe door de ganse stad
Maar wil ik örges bliéve staon
Dan wille zeej weer wiejer gaon
En det bin ik noow miér as zat
Dus heb ik veur dit jaor beslaote
Ze môtte mich maar lekker laote
'k Had altiéd vrouwluuj beej de vleet
Aan idd'ren erm zô'n schoëne scheet
Geschmink, verkleid maar wetse waat?
As op aswoensdaag ik vergoot
Wie of zô'n bruutje toch weer hoot
Dan bäökde het d'n hiéring naat
Dus heb ik veur dit jaor beslaote
Ze môtte mich maar lekker laote
HOME
PLAATSNAMENOVERZICHTHOMEMIT ÔS IS 'T BEGÔS
Tekst: ? - muziek: ?
Zang:: Clim de Boer
Asse ens wis wie Vastelaovend is ôntstaon
Asse ens wis wie det vruuger is gegaon
Asse ens wis waorum weej dreej daag lang flanere
Wie Jocus' haan, prônkend mit zien schoëne vaere
Wets dich waorum eemus dit oeits haet bedach?
Wets dich waorum en waat dae zich had gedach?
Wets dich waorum de minse schminke en verkleije?
Zich boérekeele en prinsemutse neije
Refrein:
Mit ôs is 't begôs! Mit ôs is 't begôs!
En neet mit neemus anders... nae dit kan allein mit ôs!
Terwiel Holland leet te slaope
Geit beej ôs d'n tapkraan aope
Dan loupe weej in rare ploéte
In kefees en wiéd dao boéte
Jao want mit ôs... jao mit ôs...
Jao mit ôs is 't begôs!
Vertel mich ens: wae kwaam op dit idee?
Vertel mich ens: wae waas 't dae det deej?
Vertel mich ens: wae is d'n optoch oeits begôs?
't Waas ves eemus dae good optoch-loupe kôs!
En wae waas 't, dae ens zông van "Venlo stedje"?
Jao wae waas 't ? dae goof um ein petètje!
En wae waas 't, dae woort op-ens de Prins
Det waas ves eemus dich zich det oeits had gewins!
HOME
PLAATSNAMENOVERZICHTHOME'T MOBI WELSKE
2000/2001: Teks & mezièk: Hay Geritz
Huur, dao geit zôn dink waer, ik waer stapel dol.
Ut is waer zônne mobi, de ganse stad zit vol.
Ik huur um beej ïn optoch, ik huur um in `t kefee.
Stoan ik beej ut huuske, klink ut van de plee.
Refrein:
Tada tada tuu duu duu, dao geit waer ein mobiel.
De huurs um met vastelaovend, vanoët dae boerekièl.
Tada tada tuu duu duu, weej waere kierewiets.
Ik zal ôch waat vertelle, dees aafsproak liek waal iets.
Pas nao ut hièringschelle, meuge weej waer belle.
Staon zeej beej d'n hofbal, met d'n GSM.
De vors, dae wilt waat zegge, dan klink opens zôn bel.
Smeis is ut deuntje en smeis dan huurste paaf.
Maar ik wil gaer huure, allein ut waord alaaf.
HOME
PLAATSNAMENOVERZICHTHOMEMOEËJEN DAAG
Tekst: Michiel van der Grinten - muziek: Johnny Nash
Zang: Mindekinder
Ik heb de ganse nach op dich gewach.
't Leek waal ieuwig duuster um mich haer.
Noow haes dich in dae nach 't leech gebrach.
't Wuurd eine moeëjen daag
't Is neet, det ik neet gelaef heb zónder dich,
maar altièd weer zónk de mood mich in de schoon.
Noow leet det duuster aevel achter mich.
't Wuurd eine moeëjen daag
Kièk um dich haer, euveral schiènt de zon.
Rech veur ós oèt leet de horizón.
Ik heb de ganse nach op dich gewach.
't Leek veur ieuwig duuster um mich haer.
Noow haes dich in dae nach 't leech gebrach.
't Wuurd eine moeëjen daag
HOME
PLAATSNAMENOVERZICHTHOME‘T MOËISTE MAEDJE VAN DE WAERELD
2010/2011 nr.1 : Tekst & muziek: Wim Roeffen
Zang: Gé en Rob Deenen
Refrein:
Dich bis ‘t moeiste maedje van de waereld
Ut allerschoënste op dees aert
En idder ander maedje op de waereld,
haet veur mich gen ink’le waert.
Maar wetse waat det met mich is?
‘k-Weit neet precies wie groët dette waereld is.
Dich bis ‘t moeiste maedje van de waereld
Ik vind allein, de waereld waal waat klein.
Ik weit nog hiél good,
wie mien iërste maedje hoot
Det vergaet ik noeits neet miër.
Ut hoot Angelien
en ut moch d’r bés waal zien
Maar ut bedankde veur de iër:
Toch scheet ik steeds nog in de lach
As ik weer dink, aan waat ik zag:
Ik had waal verwach,
wie ik um det had gezag
Det het mich waal gluive zoel
Maar het zag metein;
“Och det zaet toch idderein,
Geej wilt allein maar ein kösmoel”
Noow heb ik vrueger oeits geliërd.
Kösmoele is gaar neet verkiërd
Noow is ut waal zoë,
enne mins is neet van stroë
‘k-Bin weer toe aan eine schat.
Ik haop Angelien,
maar as hét ut neet zoel zien
Dan zien d’r toch nog and’re zat. En daorum bliéf ik maar op zeuk.
Maar det vindt hét noow weer neet leuk:
HOME
PLAATSNAMENOVERZICHTHOME’T MOEËJSTE MOMENT
Tekst & muziek: Nol Peters
Zang: Peter Wilders
Refrein:
As idderein te druime leet
Nao zónne fijnen daag
En as alles is verlaote
En zuus die stille straote
Loup dan met mich ens door de stad
En huùr wie stil ut is
Dan hebste ut moeëjste
moment van de daag
neet gemis
Waat ware weej weer rièk
Aan lol en vuuël mezièk
Minse, waat waas ut toch schoeën
Weej zien weer dreej daag lang verwind
Weej ware dreej daag lang bevrind
Noow wuurt weer alles gewoeën
Ut fees det is gedaon
Toch blièf ik effe staon
Ik waer det geveul nog neet kwièt
Eine einzelgenger is ónderwaeg
Maar vaerder zien de straote laeg
Ein trompetje det bäök nog van wièd
HOME
PLAATSNAMENOVERZICHTHOMEUT MOEËJSTE WAAT D'R IS
2008/2009: Tekst & muziek: Marc Peters
Zang: Peter Wilders & Hans Aerts
“Sukses nog”: zag ‘t bruudje,
Door ‘t bônnewageruutje
En ik gluif det ik det maedje noow pas snap.
Wao bin ik aan begônne,
ik heb heej waal de bônne,
Maar kôm nog neet ens beej d’n tap.
Refrein:
Waat ein volk op de bein,
ôs groëte stad is mei te klein
De kins d’r haos neet naeve.
Ik schravel mich d’rdoor
Eine maeter deurt ein oor,
Maar waat ein stumming en waat ein laeve.
Det heb ik gemis!
Ein gans jaor meus ik wachte op ‘t moeiste waat d’r is.
Van zaoterdaags wies dinsdaagaovend,
Vastelaovend!
De waages en de groepe,
De minse op de stoepe,
Muzikante speule loestig mit eur mei.
De pliesie en de faatse,
Ik zeg ôg efkes waat ze
Gaon zinge beej d’n iërsten drei.
D’n börger kump nao boéte,
Gekleid in boereploéte
En zaet: ”bruudjeleef dit zeg ik dich maar ves.
Veur ik ôg noow gaon trouwe
En geej ein fees kint bouwe,
... roop ik vanaaf ‘t bordes”.
HOME
PLAATSNAMENOVERZICHTHOMEEIN MOMENT
Tekst & muziek: Paul Nagelmaeker
Zang (*) : Neutjesrang & Band
Dien auge eigewiés
vol van plezeer
en dich hebs
groét geliék
En alle manne
van de wiés
Ik bin neet allein
as ik nao dich kiék
Auk asse zoé weer geis
dich bliefs noéits lang
Maar asse weer veur mich steis
dink ik van…
Dich diene waeg
ik d`r miene
En det zal auk
noéits vuél anders zien
Zoé bis se heej
zoé bis se dao
Ik roop nog hé
en ik kiék dich nao
Dich kieks mich aan
Ik veul mich ein moment
d’n allerriékste vent
* cd 2001 : Neutjesrang & Band - " Éine waeg " - Marlstone CD 2117
HOME
PLAATSNAMENOVERZICHTHOMEMOODER MAAS
vòòr 1940 : Tekst: L. Winters - muziek: H. Verhagen & Fr. Wetjens
De Maas die oet Frankriek kump gesprônge, hebbe wéj eure luip bedwonge.
Mit eine stuw en flinken diek, now zien wéj altied waterrriek.
En hoove wéj niks te misse, kunne roeie, zeile, vissche.
Vange met snor, gaert en loëd, avele, briësum, lauw en joëd.
Os Venlo is 't vrintelikste stedje met ein aafgebraoke Hetje.
Praoper is 't, schoën en net, we slaope röstig in ôs bed.
Laef nog lang Hier Börgervader, géj brach Venlo in dit kader.
Venlo is met och content, ierlikke en patente vent.
Refrein:
De Venlonaer aan 't Maaskanaal, dae zaet neet hiel vuul waörd.
Dae hilt de mond, maar wit 't waal, en druëg gen hoëge baörd.
Zit now Den Haag ens in de knup, dan is me béj de hand.
Enne Venlonaer dae me rup, gered is 't Vaderland.
HOME
PLAATSNAMENOVERZICHTHOMEMOODER MAAS
1966 nr.3 : Tekst: Ad Pollux - muziek: Fr. Wetjens
Zang (*) : Hay Crompvoets
Pariês det haet zien Seine, in Kölle is de Rien.
D'n alde blauwe Donau löp altiêd nog door Wien.
Maar waat 't schoënste is, det weite wéj beslis.
Refrein:
Det is ôs Mooder, jao det is Mooder Maas.
Die schoëne Majjem, die schoëne Mooder Maas.
Wie bôks béj liefke, wie greun béj graas.
Zoë huërt béj Venlo, os Mooder Maas.
Merieke hilt van wandele, maar noëts ens nao de hei.
En nao ôs Floddergetske, krieg ik um auk neet mei.
Het zaet: det wetste bes, ik heb maar ein adres.
Mestreech haet ziene Vriethaof, Remund 'ne " kaoie zit ".
In Tegele prônk d'n oêles, en Venlo haet " de Pit ".
Maar ein dingk gans allein, det hebbe wéj gemein.
* lp: " 't Is weer vastelaovend (twië maol elf vastelaovesleedjes en nog vuël miër...) "
HOME
PLAATSNAMENOVERZICHTHOMEDE MOODERVLEK
Tekst: Koos Timp - muziek: Giel Aerts
Beej ôs in 't sträötje, dao woënde ein maedje van achtiën jaor,
ein wolk van 'n bruudje, zö'n ech kiebig snuutje, met paekzwart haor.
Maar jaomer van Fientje, det ech Venloos kiendje, had ein gebrek.
Precies op zien lip droog 't, ederein zoog 't, ein moodervlek.
De ganse buurt zöng, as ze Fien zoog laupe: "Wils dich aan mich, die moodervlek verkaupe ?"
Dan dreijde Fien zich um en zag: "Och gek, nog veur gen geld kriegs dich die moodervlek".
Fien woel gaon vreeje, 't is lang geleeje, zag ziene sjans.
Laot dich operere, de kins lich probere, dan hebste kans,
det dae zwarte stip, dae dao prönk op dien lip, nao de maon toe geit.
Fien zag : "De bis kiekum, die vlek die blief stiekum, staon wao ze steit.
De ganse buurt zöng, as ze Fien zoog laupe: "Wils dich aan mich, die moodervlek verkaupe ?"
Dan dreijde Fien zich um en zag: "Och gek, nog veur gen geld kriegs dich die moodervlek".
Fientje berouwd, want 't is noëts getrouwd, det loog aan die plek.
't Woort tachtig jaor, had al sniëwitte haor, leep op eine stek.
Waas zes kier verhoës, veulde nörges zich thoës, woënde gans allein.
Maar kwaam Fien nao boëte, of keek door de roëte, zöng ederein :
"De bis al ald en de kins haos neet mier laupe, wils dich nog neet die moodervlek verkaupe ?"
Toen zag ôs Fien kwaod: "Bietser deste bis, die moodervlek, neem ik mei in mien kis.
HOME
PLAATSNAMENOVERZICHTHOMEMORGEVRUUG
Teks en meziëk: Thuur Luxembourg & Giel Aerts
Zang (*) : Wiel Vestjens en Hay Crompvoets
Refrein:
Maar morgevruug, dan kinne we lache,
morgevruug, dan wuërd 't schoën.
Want dan ister net wie gister genne mins nao bed gegaon.
Hure lekker genne wekker, hove we auk neet op te staon.
Maar morgevruug , dan kinne we lache,
Morgevruug, dan wuërd 't schoën.
Weej dinke waal ens dök, det laeve is gen lol.
Waat make weej ôs drök, wie halde weej det vol.
Nôw steit d'r onderhand allein nog trammelant,
en ozel in de krant.
Weej gaon toch waal te wied weej make 't te gek,
D'r is de letste tied aan greke gen gebrek.
Want herrie in de keet, det baat ôs genne scheet,
want baeter wuurd 't neet.
* lp (1976/1977) : " Vastelaovend same " - Discofoon LP 11.11.76
HOME
PLAATSNAMENOVERZICHTHOMEMUKKE BUMMELE
1995 nr.1 : Tekst: Frans Boermans - meziék: Giel Aerts zg.
Gezôonge (*) : Gé Deenen en Hay Cromvoets
Ik heb gehuurd, det in de buurt,
"t örges toch zoë joeksig wuurt.
Wao of det is, wae det ens wis,
det wetste pas aste d'r bis.
Refrein:
Wae geit d'r mei nao Mukke Bummele,
en wae de waeg wet löp veurop.
Weej zitte thoés maar te beschummele,
dao velt 't daak ôs op de kop.
Laot ôs noow neet d'n tiéd verlummele,
want anders kômme weej d'r neet.
Kôm laot ôs gaon nao Mukke Bummele,
maar Joës maag weite wao det leet.
In elk geval, geej raojt 't al:
dao is vandaag weer maskesbal.
Dao gaon weej haer, weej danse gaer,
't is van heejot gaar neet vaer.
Kômp geej d'r beej, of blief geej heej,
waat eder duit det steit um vreej.
Maar 't wuurt al laat, dus wet ge waat:
dan noow maar jöh, weej gaon op paad.
* cd (1994) : " Waat ein theater " - GTG Records 10946
HOME
PLAATSNAMENOVERZICHTHOMEDE NACH
1997: Tekst & muziek: Bert van den Bergh
Zang (*) : Romeo
Druime waere leuges asse daorin gluifs.
Daorum druim ik gen druime mier, daorum laef ik de nach.
De zon die haet gen kleur mier, straole braeke aaf.
D'n daag verdrink in 'n zwarte zieë en lanksaam gaon we mej.
Maar as de maon op aerde schient, de aerde van raegen naat,
dan liek 't waal as of de nach met parels is belag.
Refrein:
Oh, in de nach, in de nach, jao in de nach,
't gebeurt in de nach.
D'n daag dao is gen plaats mier in, gen plaats mier veur idderein.
D'n daag is vol dus ik laef de nach, de stilte griep de mach.
Umdet de nach zoever weg mot zien liek d'n daag soms lank.
Maar in de nach, geluif mich maar, deurt 't moeje ens zoe lang.
* cd 1997 : Romeo - "Parels van de nach" - Ben Verdellen Produkties
HOME
PLAATSNAMENOVERZICHTHOMENAE NAE
1995: Tekst & muziek: Leon Giesen
Zang (*) : Romeo
Kiek, dao brand 't leeg, wier in de straot,
op 't nummer det ik kreeg is de deur nog neet op slaot.
Slaop vannach beej mich zei de moejste vrouw,
kom noow maar beej mich, kom noow maar hiel gauw.
't Is volle maon en mich brand 't blood,
as alles is gedaon veul ik mich pas good.
Dus dao gaon we waer door die aope deur,
't menke geit weer neer, 't is weer gebeurd.
Refrein:
Ik heb 't gedaon vannach, ik bin blieve staon vannach.
Ik heb 't gedaon vannach, nae, nae, nae, heb ik gezag.
Dus ik drej mich um, klaor um weg te gaon.
Daor rup ein moeje stum:"wuurd d'r nog iets gedaon?"
En ik had 't zwaor, man, wie 'n magneet,
maar ik zeg og ierlik waor, gebeurd is 't neet.
* cd 1995 : Romeo - "Later krieg gelièk" - Ben Verdellen Produkties
HOME
PLAATSNAMENOVERZICHTHOMENAE, NAE, NAE NEEMUS
Tekst: Wiel Aerts - muziek: Wim Roeffen
Zang (*) : Hans Mans
Luuj, heb geej 't al gehuurd, ik heb weer 'ns hard geknuurd,
schreef ein leedje veur de jen, met mien vastelaovespen.
Maar egaal wao ik 't bring, euveral wao ik 't zing :
Refrein:
Nae, nae, nae, neemus, gaar neemus, genne mins, dae zink mien leed.
Al zông 't auk maar eemus, maar eemus kint 't neet.
De kins 't toch probere, as eemus maar begint.
De hebs niks te verleere, umdet neemus 't nog kint.
Luuj, heb geej ut nôw verstaon, ik heb ech mien bes gedaon.
Jao, 't leedje, det is good veur 't vastelaovesblood.
Maar egaal wao ik 't bring, euveral wao ik 't zing :
* lp: " 't Is weer vastelaovend (twië maol elf vastelaovesleedjes en nog vuël miër...) "
HOME
PLAATSNAMENOVERZICHTHOMENAO DE KROEG
2001: Tekst: Rob vd Sluis - muziek: Ex-Ronny Toober
Zang (*) : Ex-Ronnie Toober
Ik gaon nao de kroeg toe
Same met Paul
… en weej goèje ós vol
… man wat hebbe weej lol
Ik bestel wat te buize
Ik zit op ’n kruk
… man wat wuërd ut heej drök
… kiek dao waat ein stök
Ik gaon dao effe mei praote
Want det liek mich waal leuk
… want ik bin weer op zeuk
… misschien haet ut waal jeuk
* cd 2001: Ex-Ronny Toober - "Noow en heej"
HOME
PLAATSNAMENOVERZICHTHOMENAOR DICH
1997: Tekst & muziek: Bert van den Bergh
Zang (*) : Romeo
Ein vliegtuig scheurt d'n hemel aope, winter velt op de stad,
en hink zich vas aan os lief, we waere kleiner, verlaere krach.
Maar as idderein naor wermte vruuëg, kom ik naor dich, kom ik naor dich.
De zon die rus in kalde wolke, de loch is iezig, blauw en sti,
de zomer trek eur greune lake van de aerde en verdwient.
Maar as idderein naor wermte vruuëg, kom ik naor dich kom ik naor dich.
Refrein:
Ik wil dich zoe gaer halde, halde taege mich,
en alles waat ik zegge wil, wil ik zegge taege dich.
Ik wil dich zoe gaer beej mich, maar det is iets waat neet kan.
Noow waor alles kalder wuurd hild dien wermte mich in bedwang.
As dich dich neervlijs in mien erm, de wermte drink dan in mien huid,
veul ik mich good maar auk onzeker, ik mot um pien doon, det duit pien.
Maar as ik dan naor wermte zeuk kan ik naor dich kom ik naor dich.
* cd 1997 : Romeo - "Parels van de nach" - Ben Verdellen Produkties
HOME
PLAATSNAMENOVERZICHTHOMENEEM MICH ZOË WIE IK BIN
2005/2006: Tekst: ? - muziek: ?
Zang (*) : W-Dreej
Neem mich zoë wie ik bin
Gans gewoën wie ik bin
Ik heb mien foute,wie idderein
Toch blièf ik zoë wie ik bin
Ik veul mich op mein bes, as d'r boenje is
Van remmiedemmie, waer ik neet krank
Kump d'r heibel van, dan dreij ik mich um
En gaon weer gewoën miene gangk
En ik bäök en ik lach, maak gaer lol en plezeer
Want ik hald zoë, van minse wie geej
Greekende luuj?Och die blieve maar dao
Die hüüre d'r heej neet beej
* cd 2006 : W-Dreej - "W-Dreej ônderwag"
HOME
PLAATSNAMENOVERZICHTHOMENEET HEEJ
Tekst: Gé van Beek
Zang (*) : Pinda Wullum
Uig ens dao, waat ein lol, zoeë midde op de stoep.
Dao leet weer zó'nen drol, wae haet'r toch gepoep.
Zuús ens waat ein plakkaat, die plek ónder de schoon,
want hae is nog waat naat, dao kinse niks aan doon.
En de wets wie 't geit, straks thoés op 't tapijt,
hebse dan weer ein plek, ós mam wuurt knettergek.
Dus zachse 'nne kièr, taege hónd en hièr:
Det flikse ós neet mièr, det flikse ós neet mièr.
Refrein:
Nae, nae, doot det neet heej, loup heej maar gauw veurbeej.
Nae, nae, doot det neet heej, loup heej maar gauw veurbeej.
Neet heej, neet heej....
Maar daen hónd en dae baas, trokke zich det neet aan,
want 't bleef wie 't waas, det waas dus van de baan.
Poep maar heej, poep maar heej, maar ós mam woort toen kwaod,
en is d'r haer gegaon, ze joog um oèt de straot,
en goof um te verstaon: poep neet heej, poep neet heej.
Maar wae had det gedach, ze hadde gaar gen oeër,
dus totaal ónverwach, dreide ze mam ein loer.
Diek houp, dieke houp, en ós mam dreijde door,
ze ging wie einen trein, och, waat hat ze 't zwaor.
Toen reep ze ós beejein, zeej woel wraak, zeej woel wraak.
Ze zag, ze zag.
Mien gedöld det is op, ik wil noow det det stop,
dae stoep dae blief schoën, in de straot wao ik woeën.
Umdet dae det neet gaajt, zeg ik det det neet schaajt.
Um dae waat te bringe wao hae anders door zal zinge.
Dus veuruit met de geit, dao waere drolle gedreid,
en straks taege ach, op de stoep neergelag.
Weej belle aan de deur en kumpe dan nao veur,
dan wuurt d'r hard geklap as hae d'r in is getrap.
En al kiekke nog zoeë fiès, weej lache ós de miès,
want dan haette gewoeën, ziene waalverdeende loeën.
En uig dae dan zoor, dan zien weej met um klaor,
geitte noeëts mièr in de fout, want dae hilt zelf neet van bout.
En 'nne volgende kièr, duitte det beslis neet mièr.
Dus hae luuët ós met rös, want dao haette van gelös.
En kinne weej gaon want 't fees is gedaon.
D'r is gare beej gespónne, en rope......... GEWONNE!!!
Refrein:
Dae löp ós gaer veurbeej,
dae schiet noow noeëts mièr heej.
Dae löp ós gaer veurbeej,
Dae schiet noow noeëts mièr heej.
Neet heej, neet heej.
* cd 1998 : Pinda Wullum - "Zoeëmaar veur de yen"
HOME
PLAATSNAMENOVERZICHTHOMENEET MET MICH
Wäörd & meziék: Michiel van der Grinten
Zang (*) : Minsekinder
Ik kin ein hiël leuk maedje, och det is zoë fijn
Het zuuët d'r oët wie ein plaetje, en haet zô'n moeie bein
Jao, zô'n lekker dink, jao zoë kin ik d'r maar ein
Lets kwaam ik um taege, het leep mich zoë veurbeej
Ik leep um achternao, tot midde in 't kefee
Toen dreide het zich um en zei: Waat môs dich heej
Refrein:
Het wilt neet met mich (nae neet met dich)
Het wilt neet met mich (nae neet met dich)
Ik wil waal met um (dich wils met um)
Maar het wilt neet met mich
Het is 't allermoeiste maedje, det ik oeëts heb gezeen
Het braek mien hert, ik gaon veur um door de kneen
En noow haop ik det ik oeëts zien leefde verdeen
Weej ware gisteraovend op 't groeëte bal
Ik dach noow zalste um vraoge, ik zôch um euveral
En wie ik um had gevônde, keek ik um rech in zien gezich
Toen stotterde ik: Wilse met mich danse, het zei, het zei:
Nae, neet met dich
* cd 1994 : Minsekinder - " Casa Loco"- (de laif ceejdeej)
HOME
PLAATSNAMENOVERZICHTHOMENEET OET LOTTUM
19??: Tekst & muziek: Frans Pollux
Zang (*) : Neet Oet Lottum
Refrein:
Weej komme neet oet Lottum, weej komme neet oet Lottum.
En det duit pien weej zoele bes waal gaer ech Lottums wille zien
Weej komme neet oet Lottum, weej komme neet oet Lottum.
Toch gaon weej gaer net wie de Lottummers nao Lomm toe met ut veer
Weej komme neet oet Lottum, weej komme neet oet Lottum.
Ut is zoe moei det dao dien nichje gewoen dien maedje kin zien
Maar weej zien allergisch, alleh, allergisch.
Weej zien allergisch, veur roeze, veur roeze...
Want Lottum is ein moei, en Lottum blief ein moei,
jao Lottum is ein moei ... gaat, ein gaat...
* cd 1998 : Neet oét Lottum - "Flaai"
HOME
PLAATSNAMENOVERZICHTHOMEDE NET-NEET-PRINS
2001/2002: Zang: Frans Driessen
Refrein:
Hae is 't net weer neet gewaore, waat haet dae man toch eine pech.
Hae is d'r aevel veur gebaore, 't is toch Iangksaam zien good rech.
Hae haet de mood nog neet verlaore, 't is al jaore ziene wins.
En wuurt hae weer neet oétverkaore, is hae de jaorliks-net-neet-prins.
Haet aan Funske laote weite, neum maar röstig miene naam.
Aan d'n tillefoon te zweite, geite aaf, schrik hae zich laam.
As d'n hofbal is gewaes ... en ik in de krante Iaes ...
Zuk zich suf nao adjudante, steurt de Raod ein moeie kaart.
Mit "alaaf van eine kwante" haet 't ganse jaor gespaard.
De tévé um twelf oor ... gif de baodschap aan ôs door ...
Eine mantel van gordiéne, knip medaijes van kertôn.
Is al maonde aan 't liene en leet ore in de zôn.
Kump oétintelik d'n daag... det idderein 't weite maag...
HOME
PLAATSNAMENOVERZICHTHOMEDE NEUCHTERE
1973 nr.1 : Tekst: Frans Boermans - meziék: Thuur Luxembourg
Zang 1 (*) : Wiel Vestjens
Zang 2 (**) : Minsekinder
Zek, wet geej van dae'n erme man, dit dreuvig leed vertelt d'r van.
Wie deep dae mins toch zônk, doordet hae dröpkes drônk.
Refrein:
Hae waas dae man, dae neuchter waas gebaore,
Hae waas dae man, vol laeveslös en haop.
Nôw zeet geej dan, waat van um is gewaore:
dao leet hae dan, nôw velt hae haos in slaop !
Aoh jeremijee, aoh jussusmerante, auk alkohol haet zien kwaoje kante !
Aoh jeremijee, aoh jussusmerante, auk alkohol haet zien kwaoje kante !
Ik zag um nog : " Nôw laot det toch ! ", wie zwaor haet hae zien zaak bekoch;
Hae zag: " Ik weit mien maot, nog eine kan gen kwaod ".
Nao hoës gebrach, in bed gelag, det is waat hiël 't minsdôm wach,
as me zoë drinke kan, wie dezen erme man.
* lp (1976/1977) : " Vastelaovend same " - Discofoon LP 11.11.76
** cd 1989 : " Mooder Hellup - Beej Mooder Thoës "
cd : " Zónne Vastelaovend "
HOME
PLAATSNAMENOVERZICHTHOMEDE NEUS
Tekst: Gé van Beek
Zang (*) : Pinda Wullum
Refrein:
Weej loupe gewoeën ós neus maar nao.
De kumps vanzelf dao, de kumps vanzelf dao.
En wetse neet wie, waat of wao.
Dan löpse dien neus maar achternao.
Idderein dae wet, de hebs gen keus.
Want de waeg bepaolt dien neus.
Daorum bisse wie se bis.
Umdet 't neet anders is.
As se ruúke kins, hebse gelök.
Want dien neus die zaet dich dök.
Desse bes kins bliéve staon.
Of toch baeter weg kins gaon.
'nne Vrind vroog lets, wao got geej haer ?
Ik heb zin in 'n glaas beer,
En toen repe weej um nao.
Weej zien straks, de wets waal wao.
* cd 1998 : Pinda Wullum - "Zoeëmaar veur de yen"
HOME
PLAATSNAMENOVERZICHTHOMEDE NIEJE PRINS
1961/1962 nr.3 : Tekst: Koos Timp - muziek: Giel Aerts
Ze weite neet wie of 't zit, in Jocus hoonderstal.
Ze weite neet wie of hae hit, of wae 't waere zal.
Maar dan opens, ein hels kabaal, dan plats d'r wat oêtrein.
As EINE zingk de ganse zaal 't volgende refrein :
Refrein:
" Dao isse dan, dao isse dan, dao is de nieje prins.
Dao isse dan, dao isse dan, persiës dae ik mich wins. "
Nôw huurste in de ganse stad :
" Och wat eine leuke mins is ozze nieje prins. "
Nôw huurste in de ganse stad :
" Zonne gooje hebbe wej nog noejts gehad. "
De Prins trek dreej daag op en neer, op wage of op ker.
Hae brink de stumming en plezeer, hae is de groeëte ster.
We kinne um neet misse, Venlo haet um toch zoeë gaer.
Zoeë môt 't, anders bisse gennen echte Venlonaer.
HOME
PLAATSNAMENOVERZICHTHOMENIEJE VEERE
1999: Tekst: René Kaufman - muziek: Michiel van der Grinten
Artiest (*) : Minsekinder
Ik bin fris geschaore, oejekloenje op d'n bors,
as niej gebaore, man, waat waas ik total loss.
Alde veere verlaore en weer nieje aangezat,
oet die veer moore en ik vleeg weer door de stad.
D'n drank aafgezwaore, en mien hert op slot gezat,
maar nao wat zwaore aore, kreeg d'n duuvel toch weer vat.
Leever doeëd as ingevraore, 'k had nog gaer van wat gehad,
oet die veer moore en ik vleeg weer door de stad.
Refrein:
Ik wis 't, dit is 't, dae cent dae veel direk,
dae kater kump later, d'r is plek ônder de brök.
Neet waorum, maar daorum, vandaag is morge weg.
Laot maar sjanse, lekker danse, weej zien heej veur 't gelök.
Al die lange jaore, zoe snel veurbeej gegaon.
Wat is dao van gewaore, d'n tiëd is blieve staon.
Alde veere verlaore en weer nieje aangezat,
oet die veer moore en ik vleeg weer door de stad.
* cd 2000 : Minsekinder - "Nieje Veere"
HOME
PLAATSNAMENOVERZICHTHOMEDE NIEJEN TIËD
Tekst:Jeanne Alsters-van der Hor - meziëk: Jan Theelen
Zang: Henk van Hoften, Ed Sonnemans, Henk Buskes & Ben Hendriks Oet de Revu (*) : "Waat ennen tiëd"
De niejen tiëd, de niejen tiëd.
Koër:
Hoera, hoera, de niejen tiëd, we zien verleech, bevrijd.
De niejen tiëd, de niejen tiëd, och wat ein zaligheid.
't Kruuts van ozel is veurbeej, en kneure as te krank bis.
Weg met 't wasse op de riëf en ein verschuëning aan 't liëf.
Veur ein waek die zes daag langk is, de niejen tiëd, de niejen tiëd.
Koër:
Hoera, hoera, de niejen tiëd, veur man en vrouw 'nne zaegen.
en ore zinge in de kerk en massa's kiendjes en vuuel werk.
De niejen tiëd haet gennen tiëd.
Koër:
We motte door, we motte door, kom spooj dich now, verleer gen oor.
Want tiëd is geld en geld det telt.
Geld met geweld, geld door geweld.
En 't is oet ... dan hebste spiët.
dan hebste rös, dan res allein verlejen tiëd.
* lp : " Waat ennen tiëd " - Discofoon 11080 - VR 21527
HOME
PLAATSNAMENOVERZICHTHOMENOEËTS MIER
Wäörd & meziék: René Scheffer
Zang (*) : Minsekinder
Ik leep door de stad, met 'n kôffer in de hand
Ruzie gehad, trammelant
Mien maedje det wil mich neet mier teruuëk
Noow lig ik op bed, staar nao 't plefônd
Op 't nachkesje ein foto van wie 't begôn
Die leefde die kriëg ik noeëts mier teruuëk
Refrein:
Noeëts mier, noeëts mier
Nae, nae, nae, noeëts mier
Noeëts mier, gaon ik dao nog teruuëk
Ik laup door de wei, ik kiëk nao de lôch
Ik weit waat d'r waas, maar d'r waas lôch genôg
Mien maedje det zeen ik neet mier teruuëk
Ik zit aan de bar, veur ein laeg glaas beer
Ein moment en ik weit wie 't waas
Maar die leefde kriëg ik noeëts teruuëk
* cd 1994 : Minsekinder - " Casa Loco"- (de laif ceejdeej)
HOME
PLAATSNAMENOVERZICHTHOMENOEËTS VERWACH
Tekst: René Kauffman - meziëk: Michiel van der Grinten
Zang (*) : Minsekinder
Refrein:
Ik had det noeëts gedach, desse met mich danse woels
Ik had det noeëts verwach, desse beej mich blieve zoels,
De ganse nach
Kôm ik dich veurbeej, zuusse noeit ens um
Dich kieks mich steeds veurbeej, ik vraog nog steeds waorum
Verkierde schoon messchien of zien mien haor te lank
Heb ik tevuul gelierd of nog te weinig op de bank
Steeds as ik dich zeen sprink mien
Hert op roeëd dan knippere mien
Kneen, veule mien schoon wie loeëd
Dan stoeët ik alles um en weit neet
Waat gezag doon alles andersum en
Krieg de slappe lach
D'r geit gen waek veurbeej of
ik zeen dich gaon as altied zoë
Veurbeej al bief ik altied staon
'n Foto oet 'nne, wie ein beeld
van stein altied op dich verleef
maar noeoeoeoeoeoeëts met dich allein
* cd 2000 : Minsekinder - "Nieje Veere"
HOME
PLAATSNAMENOVERZICHTHOMENOG EFKES SAME
1995 nr.1 : Tekst: Hannelore Winter - meziék: Jan Bax
Zang (*) : Petra Houben & Gé Deenen
Ik zoog um loupe door de stad, en ik weit neet waat ik had.
Ik woort inens gans duuzelig, ik struukelde zoëwat.
't Waas ein wônderlik gezich, en det steit noow naeve mich.
Alles waat ik zegge woel, det zeg ik dich.
Refrein:
Nog efkes same, en nog eine kiër verleef,
det allein is àl... waat ik wil.
Door dich bin ik zoë good geluimp,
en nog lang neet oétgedruimp.
Efkes same, det is àlles waat ik wil...
Eine kiër mit dich, det sträötje gaon.
Zeg dan taege mich, 't is nog neet gedaon.
Dich bis die helf die beej mich pas, en ik hald dich stevig vas.
Weej kroépe doën beejein, in ôzze vastelaoves-jas.
En is 't strakkes weer gedaon, dan laot ik dich nog neet gaon.
Wae det meimak, kan dit leedje good verstaon.
* cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213
HOME
PLAATSNAMENOVERZICHTHOMENOG NEMUS BOÈTE?
Tekst: René Kauffman - muziek: Michiel van der Grinten
Zang: Mindekinder
Jao, de lampe gaon aan en de knuup op tieën, en we gaon d'r taegenaan.
't Pebliek veuraan steit wies op d'n tieën, en 't beer veult aangenaam.
Jao, de zaal wuurd heit, steit al op ziene kop, weej gaon same door de nach.
Jao, weej trekke d'r aan en we houwe d'r op, nae, det hadse noeëts verwach.
Refrein:
Weej pakke oèt, weej pakke aan.
nae, weej zien nog lang neet klaor.
Wies d'n haan gaon weej d'r aan,
wies det aller-allerletste, aller-allerletste, aller-allerletste oor.
Jao, weej zien de luuj van 't groeët-kabaal,en we speule met trillende roète.
Jao, weej broèze door wies un laege zaal, maar d'r is nog nemus boète ?
HOME
PLAATSNAMENOVERZICHTHOMENOOW EN HEEJ
2001: Teks: Ruud Bettinger - meziëk: Ex-Ronny Toober
Zang (*) : Ex-Ronny Toober
As-se braaf bis, dan kumps-se in d'n hemel.
Wae det neet is, dae geit nao de hel.
Och, wat môtte weej toch met det gezemel,
det bezörr'g ôs allein maar kiepevel.
Weej laeve toch maar eine kier, en det doon weej heej.
Straks zien weej d'r ech neet mier, en alles is veurbeej.
Refrein:
Wat hebbe weej met later noow te make, weej laeve noow en heej.
Straks en later, det zien van die zake, die huüre d'r noow neet beej.
Noow môsse proffitaere, anders kriegs-se spiët.
Of-se ald zals waere, det liërt ôs d'n tiëd.
As-se vuül spaars, dan hes-se wat veur later.
Maar wae dan laef, det is maar de vraog.
Och, dan steis-se messchien op sterk water.
Jao, det gokke op later is gewaog.
Weej hebbe toch gen tesse straks in dae holt're jas.
As-se d'r noow wat van maks, dan hes-se det alvas.
* cd 2001: Ex-Ronny Toober - "Noow en heej"
HOME
PLAATSNAMENOVERZICHTHOMENÔW GEIT 'T DAN GEBEURE
1999/2000 nr.8 : Tekst: Frans Boermans - muziek: Wim Roeffen
Zang (*) : De Kammeräödjes ( Christel Wolters-van Rijn, Rietje Schreurs, Gé Deenen & Wiel Vestjens)
Idder jaor, wie geej waal wet, hebbe weej waat in 't vet,
kump weer ens dae schoënen tiéd.
En zoë steit auk van dit jaor, 't Vastelaovessuupke klaor,
want 't is alweer zoe wiéd.
En daorum zit ôg noow maar schrap, want Iuuj, det wuurt 'nen hiëlen hap:
Refrein:
Noow geit 't dan gebeure, noow geit d'n deksel van de pan.
Nog efkes duchtig reure, dan kriege weej ôs deil d'r van.
Hae stônd al lang te braoje, de vastelaovespot is gaar
Bäördevol, meziék en lol, schöp ôg maar op en aete maar. (2x)
Neet te flauw en neet te zalt, neet te heit en neet te kald,
hald det zelf maar in de hand.
En maar neet te hard gestaok, det d'n boel dich euverkaok,
of 't is dich aangebrand.
Wae dao aan dink, dae haet alvas, mit de vertaering genne las:
Huuër dan Jan en alleman, neem 't ôg d'r maar ens van,
want det guuëf 't neet al daag.
Noow begaaj ôg maar ens good, as ge't maar mit 't köpke doot,
det 't ôg bekômme maag.
En morge luuj, dan bin maar bliej, dan zingk weer idderein opniej:
* cd 2001 : Diverse artiesten - "Van Eijsde tot de Mookerhei 8" - Marlstone Recordings bv CDL2101
HOME
PLAATSNAMENOVERZICHTHOMENOW KINDER LUUSTER ENS
Tekst: Frans Boermans - muziek: Funs v. Grinsven
Uit de revue 'Stel og ens veur'
Mien volk, d’n bouw van hut en haof wuurd morge aangepak.
Maar veur vandaag waas ‘t genôg, nôw wuurd d’r joeks gemak.
Weej viere nôw ‘t lintefieës, daobeej ein trouwerie.
Maar baovenal ‘t stichtingsbal, nôw geit ‘t loos en wie.
Refrein:
Nôw kinder luuster ens waat Vader zaet.
Ik nuëj ôg allemaol nôw op d’n aet.
Maar huur d’r is ‘t nog neet mei gezag.
Dan wuurd d’r doorgezak de ganse nach.
Nôw kinder luuster ens waat Moder wilt.
Det zeej gen inkel klietske euverhild.
En geej wet wae heej de bôks aan haet.
Want Moder wilt, det is waat Vader zaet.
HOME
PLAATSNAMENOVERZICHTHOME