Carnavalsliedjes uit VENLO in Limburg (NL)

HOME PLAATSNAMENOVERZICHT HOME

D'N OBER
1953: Tekst: Frans Boermans - muziek: Thuur Luxembourg
Zang 1 (*) : Frans Boermans
Zang 2 (**) : Dré Geraeds

Unnen Ober det is eine gooje mins, woar des-se van alles van kriége kins.
Einen ingel op aerd, det is-se, weej kinnen um gaar neet misse !
Unnen ober kan alles, det is iérlik woar, dae speult dich de lastigste dinger nog kloar.
Wie of dae det allemaol kan, doar snap ik de balle van ...

Refrein:
Waat hes-ste ôs toch in det glaas gedaon, ober, ober ?
Det alles heej zoë op ziene kop geit staon, ober waat hesse gedoan ?
Woar kûmp det grei vandan ? Doar lös ik waal suupke van !
Waat hes-ste ôs toch in det glaas gedaon, ober waat hesse gedoan ?

Unnen ober det is eine slumme man, dae altiéd in alles dich roaje kan.
En wilse dien geld goan spaare, d'n ober dae zal ut bewaare.
En wet-ste neet of-se noar hoés zals goan, of des-ste nog wat aan d'n teek zals staon ...
En kump-ste tot gèn besloét, d'n ober dae goëit dich d'roét !

Unnen ober bedeent iddere mins in top, hae bliéf aan ut laupe, en hilt pas op,
As-se zoë hiel geloate, ônder de stoal bis geschoate.
En wuurd d'r zoë mei ens getillefoneerd, door mooder de vrouw ens geinformeerd :
mevrouw, zaet hae tot mien verdreet, ôgge man, nae, dae zeen ik neet !

* cd: Diverse artiesten - "Batailles Carnavallade 2" - Omroep Limburg OL53-199801
** cd 2000 : Diverse artiesten - " Petje aaf (veur al die schoéne leedjes) " - Onger Os 7370

HOME PLAATSNAMENOVERZICHT HOME

OBLADI, OBLADA
1994: Tekst: Joep Schouren - melodie: "Obladi Oblada" (Beatles)
Zang(*): NUATH (Neet Um Aan Te Huùre)

Neet um aan te huùre speult weer in de stad,
Träöte is ’t leefste waat weej doon
Speule, as ’t geit, de ganse zaal heej plat
Al steit ’t water ós ein flink ind in de schoon

Refrein:
Obladi, Oblada, laot ens gaon...
man weej gaon d’r taege aan

Is der pauze, speult veur ós de Hofkapel
Kleppe weej ós vlot ein glaeske beer
Luustere nog efkes nao det hendig stel
Dan is d’n tièd um en dao gaon weej alwaer haer

En zónder schroom, jao weej träöte euveral
Van de Maaspoort wies de Veilinghal
As weej d’t zien is ’t ketjesbal

Idder genre wuurt door ós voloèt gespeuld
Klasieke toeëne wies aan Rock en Roll
Maar vastelaovesleedjes speule weej ’t leefs
Dao schuut ós bóks en ’t gemood weer flink van vol

* cd 1996: NUATH - "Nappes op de Vim"

HOME PLAATSNAMENOVERZICHT HOME

OCH AN, OCH AN
vóór 1940: Tekst: L Winters - meziek H. Verhagen
Zang (*) : Theo Teuwsen

An waas ein aardig maedje, opgeruumd en content.
Wengskses wie ein roëze blaedje, Sjang eine flinke vent.
Aan An vroog dan ouk eederein, zelfs groët en klein (bis):
An is die vreéjerie gedaon, of zulste trouwe gaon.

Refrein:
Och An, och An, och An, wie geit 't toch met Sjang.
Hilt dae nog vuël van dich, kom toch, vertel 't mich.
Och An, och An, vertel ens wat, ôs ens wat (bis).
Och An vertel ens wat van diene leefste schat.

As 't waar kwart veur neege, vader zoot in de praos.
Ging An, Sjang vestus taege, baodschap deej gennen haos.
Mooder stook An ein dieke voes, kwaam laat nao hoes (bis).
Vader zag, An luuster ens héj, zit dich ens efkes béj.

Geit 't dan nao zien bedje, lacht An zoë veur zich haer.
Baeijt 't dan zien gebedje, en leed zich stiekum neer.
Zutjes zinge ze onverwach, de koedeljach (bis).
De breurs en zusters al beijein, det wonder moei refrein:

* lp 1981/1982 : Jocus - " Laot ôs bliëve zinge " - Discofoon 11.11.81

HOME PLAATSNAMENOVERZICHT HOME

OCH HAD IK TOCH EIN KAMER
1946 : Tekst: Mathieu Cornet - muziek: Harry Verhagen
Zang (*) : Hannelore Winter
Oet de Revue: "Bedoot dich !"

Ik loup now al d'n hieëlen daag te zeuke,
of ik messchien ein kleine woeëning vind.
Al waar 't maar ein kamer mit ein keuke,
maar neemand dae mich dao aan helpe kint.

Refrein:
Och, had ik toch ein kamer, al is ze nog zoeë klein.
'k Heb hieëlemaol gein muibels, ik bin maar gans allein.
De rame toegetummerd, det vind ik excellent.
As ik maar örges slaope kan, dan bin ik al kôntent.

't Is toch ouk te stôm um van te praote,
ik waer vervolg door allerhande pech.
Now loup ik wie 'ne gek door Venlo's straote,
kan in mien eige stad neet mier terech.

Zoeë geit 't mit de ôngetrouwde vrouwe,
die kriëge al de zörg op eure kop.
Ik zoel verdreid van oozel wille trouwe,
dan knapde miene man det zaakje op.

* lp 1981/1982 : Jocus - " Laot ôs bliëve zinge " - Discofoon 11.11.81

HOME PLAATSNAMENOVERZICHT HOME

OCH LAOT MICH NÔW MAAR GAON
Verdijk
Zang (*) : Marianne van Groenendaal, Groët koër & Blaoskepel De Kraozers

Refrein:
Och laot mich nôw maar gaon.
Det meug ik neet van mooder, det is toch niks gedaon..
Det vreeje in ut schiensel van de maon.
Hald mich zoe stief neet vas, daor kan ik gaaroet taege.
Dich maks mich zoe verlaege, och laot mich nôw maar gaon.

Os Annemie det is, geluif mich maar gewis,
ein kind van melk en blood.
Maar vreeje kint ut neet, det duit um groet verdreet,
daorvan haet ut genne weet.
De letste carnaval ging Mieke naor d'n bal, met handrie van de Spie.
Dae woel um toen ens kosse, maar toen zag Annemie :

Maar Handrie van de Spie zag taege Annemie:
" Ik hald zoevuuel van dich ".
Toen pakde Mie um vas beej zien sluppejas,
en zag " Noow liers dich mich,
gauw in de korte tied, mien moodere jao tot spiet,
ut vreeje en ut kosse good ".
Want mooder mot begriepe, det zit mich in ut blood.

* 1961: VS0011-14

HOME PLAATSNAMENOVERZICHT HOME

OCH MARLEEN
1971 nr.2 : Teks & meziëk: Giel Aerts
Zang (*) : Minsekinder

Refrein:
Och Marleen, och Marleen, id're kiër als ik dich zeen,
begint mien hert te bleuje.
Och Marleen, och Marleen, ik vraog mich aaf as ik dich zeen,
wie kan 't zoë moei greuje.
En dich bis, as ik mich neet vergis,
zoë gegreud zônder wortels zonder mis.
Toch bis dich gans kômpleet.
Och Marleen (klap, klap, klap), Nae Marleen (klap, klap, klap),
dich vergaet ik vanzelaeve neet.

Ik heb vuël vrouwelik schoën gezeen, van Zwede tot in Spanje.
Maar gen zoë moëi wie mien Marleen, ein ech Venloos kind zônder franje.
Wae um zuët dae is direk van de zök, mien Marleen is zôn lekker stök.

De manne zwerme um Marleen, ze doon net of ze praote.
Maar kiéke zich de auge oét, Marleen haet bizôndere maote.
Jao, ik zek 't veur de zoevuëlste kiër, wie Marleen kump d'r noeits gen miër.

* cd 2000 : Minsekinder - "Nieje Veere"

HOME PLAATSNAMENOVERZICHT HOME

OCH MIEKE
1885 (of eerder) : Tekst & muziek: Gerard Hamm

Refrein:

HOME PLAATSNAMENOVERZICHT HOME

OCH WAAS IK MAAR
1958/1959 nr.2 : Tekst: Frans Boermans - muziek: Thuur Luxembourg
Zang 1 (*) : Thuur Luxembourg
Zang 2 (**) : Sjraar Peetjens (live 1959)
Zangn 3 (***) : De Globetrotters (live 1962)
Zang 4 (****) : Nol Peters
Zang 5 (*****) : Minsekinder
Zang 6 (******) : Irene Lardy
Zang 7 (*******) : Gé Deenen & Rob Deenen
Zang 8 (*******) : Huub Stapel

Wie ik woord gebaore waas ik vréjgezel.
Zoog nog gein gevaore, waas op miene stel.
Lange, lange jaore is det good gegaon.
'k Heb mièn hert verlaore, 't is met mich gedaon.

Refrein:
Och, waas ik maar béj moder thoês gebleve,
Och, waas ik maar met dich neet meigegaon.
Och, had ik nao dien auge neet gekeke,
dan had mien errem hert neet zoe verkierd gedaon.
Ik kan neet aete en neet drinke,
want ik mot maar altied dinke aan dae roèje mond,
die blauwe auge, die haor zoe blond.
Och, waas ik maar bej mooder thoes gebleve.
Och, waas ik maar met dich neet meigegaon.

Euveral en altièd dink ik maar aan dich.
Bin ik ens dièn stum kwiët, zeen ik dièn gezich.
Nae, det kan neet dauge, wie ik mich auk drei-j,
altied weer dien auge, die drei-je mit mich mei.

Wae mich kint verklaore, zaet mich astebleef:
bin ik now verlaore, bin ik now verleef ?
Luuy, ik woel og vraoge, gaef mich gooje raod:
zoel ik mich waal waoge in d'n echtelikke staot ?

*lp (1976/1977) : " Vastelaovend same " - Discofoon LP 11.11.76
** cd: Diverse artiesten - " Batailles Carnavallade 1 " - Omroep Limburg OL52-199701
*** cd: Diverse artiesten - " Vastelaovend in Limburg 1 " - Telstar TCD 100.719-2
**** cd: Diverse artiesten - " Vastelaovend in Limburg 2 " - Telstar TCD 100.750-2
***** cd 1989 : " Mooder Hellup - Beej Mooder Thoës "
****** cd 2000 : Diverse artiesten - "Vastelaòves Virus" - Telstar TCD 10227-2
******* cd 2000 : Diverse artiesten - " Petje aaf (veur al die schoéne leedjes) " - Onger Os 7370

HOME PLAATSNAMENOVERZICHT HOME

ÔCH WIS IK 'T MAAR
Tekst: ? - muziek: ?
Zang: Simone Ketelaars-Driessen - Frans Driessen

Weej ware same 'nt wandele
Heej baove op die moei hei
En keeke ôs in de ouge aan
Maar dachte toen allebei
As det de waore neet is
Dan vergaet ik mich beslis
As dich de waore neet bis
Jong, waat heb ik 't dan mis

Refrein:
Och wis ik 't maar
Of det waal zoë is
Wie kôm ik det noow aan de weit, vertel 't mich
Och wis ik 't maar
Of det waal kôs zien
As weej 't maar ens wiste, waas det waal in zich
Ik wil dich vraoge, kôm vertel 't mich

Weej minse hebbe ens paerdsgelök
En det heb ik noow gehad
Ik wis dao hiél good mei um te gaon
En trof opens eine schat
Wie kôm ik det aan de weit
Wie 't vaerder mit ôs geit
As ik det noow maar ens wis
Of 's dich ech de waore bis

HOME PLAATSNAMENOVERZICHT HOME

D'N OERMINS
2001/2002: Tekst: Frans Boermans & Wim Roeffen - meziék: Wim Roeffen
Zang (*) : De Kammeräödjes (Ingrid Scheepers, Christel Wouters, Gé Deenen & Wiel Vestjens)

In d'n oertied, och geej wet nog waal, dao leep op zekere kiër,
ennen oermins door 't Neanderthal, en dae had 't haos neet miër.
Hae brölde blie: "Ik heb gooj zin, umdet ik gennen aap miër bin".
Op de heuk veer puët en van veur zô'n snoet, det zoog ouk gaar neet oet:

Refrein:
Aoh, waat is det fijn, aoh waat is det fijn,
baovenop zit ôzze kop en ônderaan de bein.
Aoh, waat is det fijn, aoh waat is det fijn,
waat zitte weej toch moei inein.
Zoot alles aan d'n andere kant,
dan stônde we op de kop en lepe op de hand.
Aoh, waat is det fijn, aoh waat is det fijn,
en ôs vel det hilt d'n boel beejein.

In de rimboe waas van alles zat, ut waas, allein maar zaak,
wae d'r hônger had, dae schoot zich wat en ut leefste auk nog raak.
En wie det geit, zoë half gekleid, jao, det det die, dan auk nog steit ?
Uig det vel, heb geej, det nog neet gezeen ? Det hông wies op zien kneen:

* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201

HOME PLAATSNAMENOVERZICHT HOME

OÉT DE WAEG VEUR DE HOFKAPEL
Tekst: Frans Boermans - muziek: Thuur Luxembourg
Zang 1 (*) : Wiel Vestjens & Hay Crompvoets
Zang 2 (**) : Wiel Reivers, Pé Reivers & Wim Janssen
Zang 3 : Sander Driessen & Kim Boots

Wèj zien de jônges van d'n do, re, si, la, fa, (tataratata)
wèj zien de kunstenaers mit hiële groëte Ka. (tataratata)
Wèj blaoze wals en ouvertuur en symfonie, (titirititi)
wèj blaoze veur de voës van edere partie. (titirititi)
Wèj träöte toch zoë gaer, let op dao gaon we haer,
Ein (boem), Twie (boem), Dreej (boem, boem) .....

Refrein:
Oet de waeg, oet de waeg veur de Hofkapel.
Jônge, jônge, jônge, waat ein hendig stel.
't Is de bloom van d'n hoempa(pa) meziëk.
Ze zien de glorie van 't Jo-cus-riëk.

Wèj speule boogie-woogie, swing en opera, (tataratata)
of eine polka , van je hoepsa-heisasa. (tataratata)
En as ut sloëte is, dan kump nog pas de clou, (toetoeroetoetoe)
dan toëte wèj ôch nog ein lollig toe-tje toe. (toetoeroetoetoe)
Wèj träöte toch zoë gaer, let op dao gaon we haer,
Ein (boem), Twie (boem), Dreej (boem, boem) .....

* lp 1976/1977 : " Vastelaovend same " - Discofoon LP 11.11.76
cd : " Zónne Vastelaovend "
** cd 2000 : Diverse artiesten - " Petje aaf (veur al die schoéne leedjes) " - Onger Os 7370

HOME PLAATSNAMENOVERZICHT HOME

OËT 'T AUG
Tekst & muziek: Leon Giesen
Zang (*) : Romeo

Werme zomernach, ik bin allein.
Ik vraog mich aaf ofs dich det auk bis, of ziet geej nog beejein ?
Lees dich noow beej um, kleit hae dich oet,
zit hae met zien fieze vingers aan dien leeve snoet ?

Refrein:
Oet 't aug is oet 't hert, 't wuurd gezag, de raks 't ens wal kwiet.
Oet 't aug is oet 't hert, de's moej gezag, maar ik, ik wil dich nog altied.

Ik heb alles weggegoejd, 't hoes is laeg,
alles wat mich aan dich deej dinke heb ik oetgevaeg.
Maar al zien de maore kaal, en os bed zoe kald,
doon ik mien auge toe, dan zeen ik dich, jao dich.

Dao wuurd de stilte verbraoke, ik luuster vol haop,
dao wuurd de sleutel in 't slaot gestaoke, de veurdeur geit aop.
De zon schient nao binne, en dich steis weer heej,
maar dan wuurd 't duuster, en alles is veurbeej heejeejeej.

* cd 1993 : Romeo - "Romeo" - Marlstone Recordings bv - CDL 9327

HOME PLAATSNAMENOVERZICHT HOME

OLMS (‘T IS WIE ‘T WAAS)
2006/2007 nr.1 : Tekst & muziek: Frans Pollux
Zang: Ruud Stikkelbroeck, Bram Holla, Bert & Herm Pollux

Laot gaon, laot gaon, d’n optoch kump veurbeej
En alle ingelkes die sjeeze door de stad
Laot gaon, laot gaon, de prins dae is d’r beej
Hae waas al lang verraoje, maar so what?
Zoë geit ‘t al
Sinds opa maskes droog
‘t Waas falderal(dera)
det toen de klok al sloog

Wie ‘t waas, wie ‘t is en wie ‘t waere zal
As weej olms zien, dan geit de carnaval
Nog percies zoë wie-e altiéd is gegaon
De vastelaovend, de vastelaovend
De vastelaovend blief waal doézend jaor bestaon

Ao jei, ao jei, ik huur ein joekskepel
En zoë te huure staon die knöppels veur d’n dreij
Ao jei, ao jei, ik dink det ik ze bel
Mit bakkelieten handy bel ik mei
Weej zônge al
Wie geej nog sinas drônk
Maar de carnaval
Klink nog wie-e toen klônk

Opzie, opzie, de tadewa’s zien heej
Te weite: jônk en ald en al d’r tössenin
Opzie, opzie, de maedjes zien nog vreej
Veur idderein dae Venloos kösse kin
De greek dae näölt:
“’t Moëiste is passé”
Maar geej, geej veult
De joeks geit noëit veurbeej!

HOME PLAATSNAMENOVERZICHT HOME

OME GRAAD
Tekst: Ruitenbeek - muziek: Schmidt

Refrein:
Wao is toch d'n tiëd gebleve,
van Baer de Woers en Tru de Vink,
Sjang van Alum Büd zien vruiwke,
ik greuzel as 'k dao aan dink.
Wao is toch d'n tiëd gebleve,
van Baer de Woers en Tru de Vink,
Sjang van Alum Büd zien vruiwke,
ik greuzel as 'k dao aan dink.

Oome Graad oet Hoki-poki woel ens gaer nao Venlo gaon.
Hae kreeg heimwee nao 't stedje wao zien weegske had gestaon.
Graadje kwaam mit vastelaovend, splenti monni had te zat.
Maar hae veulde zich onheimlig, en zag toen, ik mis heej wat.

Oët protes had Ome Graadje maling aan de Jocus-vaan.
En hae ging ens aan de zwabber, in de Venlose Jordaan.
Maar toen leep d'n baeker euver, hae zoog de Jeustraot zônder stert.
Snikkend keek -ke nao 't Hetje, en zông mit ein gebraoke hert:

Ome Graadje woord toen raozend, vônd 't neet maskeere flauw.
Deej ein maske veur zien porum en einen hiëring in 'n kouw.
Smaekend ginge nao de pliessie, zörg géj toch det ik héj bliëf.
Laot mich nog ens van vrueger druime, in 't kotje op de schiëf.

HOME PLAATSNAMENOVERZICHT HOME

D'N ÔNBEKINDE ( IK ZOEL ENS WILLE WEITE )
1976 nr.4 :Teks en meziëk: Giel Aerts
Zang (*) : Hannelore Winter

Refrein:
Ik zoel ens wille weite, ik woel det geej mich zag,
wae mich gisteraovund nao hoës haet gebrach.
Ik zoel ens wille weite, jao zek 't maar gerös,
wae mich gisterenaovend zoë lekker haet gekös.
Det deej dae fijn ! Det deej dae good !
Hae vergoot allein te zegge, te zegge wie hae hoot.
Ik zoel 't zoë gaer weite, as geej 't nôw ens zag,
wae haet mich gisteraovend nao hoës gebrach.

Ik bin zoë in de boène, ik bin zoë in de war.
Ik weit um neet te woène, en det is toch te bar.
Kôs ik um nôw maar belle, maar ziene naam is haas.
Ge môt mich ens vertelle, wae det menke waas.
Kôm doot nôw neet zoë flauw en zek 't mich ens gauw.

'k Zit heej maar te kriète, 'k heb toch zônne spièt.
'k Zit mich te verbiète, ik gluif ik bin um kwièt.
As hae zich neet kump melde, dan spring ik in de Maas,
of geej môt mich vertelle wae det menke waas.
Kôm, zek 't mich nôw want, mien hert det steit in brand.

* lp (1976/1977) : " Vastelaovend same " - Discofoon LP 11.11.76

HOME PLAATSNAMENOVERZICHT HOME

ÔNDER D'N HEMEL VAN FLUJAS
1978 nr.5 : Tekst & muziek: H. Gerritden
Zang (*) : Petra Houben

Ônder d'n hemel van Flujas, dao klop ein hertje zoë jônk.
En ut deint en ut dans in einen tritspas,
as de bein, as de bein van ein maedje zoë jônk.
En ut deint en ut dans in einen tritspas,
as de bein, as de bein van ein maedje zoë jônk.

Och Venlo, och Venlo, de bis wiej ein vrouw,
zoë luimig, zoë grillig, zoë bliej en zoë trouw.
En altiëd, altiëd steit te veur ôs klaor,
zoë jônk as ein maedje met ein lint in ut haor.

* lp: " 't Is weer vastelaovend (twië maol elf vastelaovesleedjes en nog vuël miër...) "

HOME PLAATSNAMENOVERZICHT HOME

ÔNGEDWÔNGE MEIGEZÔNGE
1999 nr.3 : Tekst: Martin Peters - muziek: Frits Tilburgs & Martin Peters
Zang: Martin Peters, Frits Tilburgs & Hay Smeets

Ik kin ein niej leedje, wie ging det ouk weer.
Waat is 't geval, de zings euveral dit leedje zoë gaer.
Ik heb ein gedachte, die is 't ech waerd.
Zô'n leedje bringk dök ein hemels gelök dreej daag op ôs aerd.

Refrein:
Want mit ôzze 'vastelaovend',
zinge weej weer euver d'n inzigsten tiéd,
ein leed van 'vastelaovend',
det huurse ens heej, dit zingse dan dao,
en wuurse neet kwiét.

Nae, kiék neet nao gister, de duis 't vandaag.
De kins maar de helf, det blief beej dichzelf want zinge det maag.
Gaef dich noow maar euver en laot dich ens gaon.
't Is aafgestump, dit leedje waat kump, det blief waal bestaon.

HOME PLAATSNAMENOVERZICHT HOME

OOH MARJANNE
2010/2011 nr.3 : Tekst & muziek: Wim Roeffen
Zang: Marcel Verdellen & Paul Joosten

Refrein:
Ooh, Marjanne,
as ik dich zeen waer ik vanzelluf blie.
Ooh, Marjanne,
dich bis nog moeier dan ut moeiste schilderie.
Waat ik dich noow vertel,
is genne kattendrek,
Ik zeg ut maar metein:
“Dich maks mich knettergek”
Ooh Marjanne,
“waat môt ik doon?”
”De zaes maar waaste wils”
Ooh Marjanne,
aste dan ouk maar ein bietje van mich hils
Ooh Marjanne,
aste dan ouk maar ein bietje van mich hils

Ik gluif det alle manne,
kepot zien van Marjanne,
ze dreije wie ‘n-stel beije um ‘m haer.
Ouk ik kin neet ôntkinne,
um gaer veur mich te winne,
maar doon det aevel waal op mien meneer.

Ik bleef maar nao um kiéke,
en woel neet van um wiéke,
mien laeve stond finaal op ziene kop.
Maar det waas um ut aeve,
dao meus ik maar mei laeve.
Det huurt d’r beej en hild ouk noeits neet op.

Ik waas noeits zônne gauwe,
en woel al gaar neet trouwe,
maar deze schat, dae waas mich det waal waerd.
Ik zoel um alles koupe,
as het maar neet ging loupe,
want anders waas det slech geinvestaerd

HOME PLAATSNAMENOVERZICHT HOME

OP D'N BOULEVARD DE LA MAJJUM
1984: Tekst: Hannelore Winter - muziek: John-Gerard Janssen
Zang: Marij en Petra

Refrein:
Op d'n boulevard de la majjum
gaon de leechter in de nach nog lang neet oët
Same klinke, same drinke
en maar uige en maar winke nao een ongekösde snoët
Is det neet fijn, is det neet kwant
Jao, aan de majjumkant belaefse allehand

Ut wuurd langzaam duuster, de zôn wil nao bed
Me huurt ut gefluuster van hae en van het
Dao hingk einen haemel van raos en van roëd
en klink ut getoët van eine boët.

De miéwe die jage de bik veur ut nis
Dao schriéwe de blaage zich laam um de vis
De vlinders die kösse eur bloom in ut oër
Och kinder dan huurste ze in koër

Gelök wuurd geplök oët de leefde veurein
En dök hilt gelök auk d'n oozel beejein
Want minse die winse toch noeit trammelant
dus vindse de minse hand in hand

HOME PLAATSNAMENOVERZICHT HOME

OP DE MAJJEM
Teks en muziek: Michiel van der Grinten
Zang (*) : Minsekinder

Ik zit in ein buuëtje op de majjem,
dobber maar ein bietje op de alde Mooder Maas.
Nemus kin mich heej iets make,
in mien buuëtje bin ik miene eigen baas.

Zoë gaon we rech veuroét, ut wuurd vanzelf later.
En als ik eine andere kant op wil, hang ik ein puuëtje in ut water.
Ik bin diek tevreeje, en blaos op mien toét,
mien buuëtje geit vanzelf veuroët.

Refrein:
Laot maar lekker driéve, laot mich heej maar bliéve.
Laot ze maar zweije aan de kant, heej heb ik 't kwant.
Laot mich lekker druime, laot mich lekker luime.
Zoë hald ik ut laeve in de hand.

Kinse die minse die altiéd bliéve laupe,
ze spooje zich d'n ganse daag.
Ik gaef ut toe ik heb efkes mótte winne,
maar noow weit ik det ut auk anders maag.

Asse neet mier wils probeer ut eine kiér,
dan duisse gewoën minder maar dan kriégse miér.
Dan bisse diek tevreeje en bluusse op dien toét,
dien buuëtje geit vanzelf veuroét.

Refrein:
Laot maar lekker driéve, laot ós heej maar bliéve.
Laot ze maar zweije aan de kant, weej hebbe ut kwant.
Laot ós lekker druime, laot ós heej maar luime.
Weej hebbe ut laeve in de hand.

HOME PLAATSNAMENOVERZICHT HOME

OP DE VLEISSTRAOT
1991: Tekst & muziek: Paul Hermans - Davis
Zang (*) : Minsekinder

As de snieje weer kump, eine kalde, griëze winterdaag,
gebaore wuuërt eine kleinen blaag.
Op de Vleisstraot
En zien mam die bäök, want waat môt zeej mit dae kleine doon ?
Ze haet neet ens geld veur ein niej paar schoon.
Op de Vleisstraot

Minse, luuëster noow ens good, dae jông is van goojen blood.
Maar zônder aete löp 't nog ens gans verkiërd.
Minse, kiëk ens um ôch haer, minse, dit geit te vaer.
Of laupe weej wiëjer en hebbe weej dan hiëlemaol niks geliërd ?
As d'n tiëd verstriëk, en dae jông neet miër nao schoël toe geit,
maar speult op straot waor de kalde wind weit.

Op de Vleisstraot
En van d'n hônger neet diek,
begint hae 's nachs door de stad te laupe,
te vechte, te staele, zichzelf te verkaupe,
Op de Vleisstraot

Eine nach in groeëte wanhaup, dae jông dae wilde weg,
Hae striëts eine fiets, hae köp ein geweer,
hae begint te trappe, maar kump neet vaer.
En zien mam die bäök.
Beej 't zeen van 't blauwe pliëssieleech
't Schiënt op ziene kop, mit blood d'rop
Op de Vleisstraot
As de snieje weer kump, eine kalde, griëze winterdaag,
gebaore wuuërt weer eine kleine blaag.
Op de Vleisstraot

* cassette 1991 : Minsekinder - "Op de Vleisstraot"

HOME PLAATSNAMENOVERZICHT HOME

OP DE ZÖK
Wäörd & meziék: Michiel van der Grinten
Zang (*) : Minsekinder

Ik goei mien kôffer in de Majjem, ik gaon neet mier teruuëk nao mienen baas
Ik laot mien pepeere lekker vleege, ik gaon mich ligge in 't graas
's Morges vruuëg eine nieje slieps um, en s' aoves laat is 't werk gedaon
Och minse waor is 't toch good veur, as we straks de piëp oët gaon

Jao, dan schöp ik mich de schoon oët en gaon ik danse op de zök
Ze kinne mich noch mier vertelle, ik gaon op zeuk nao 't gelök

Nemus wet waat 't beteikent, det gedeuns daag in daag oët
Jao, ik heb d'r ech genôg van, ik wil d'r gewoeën 's efkes oët
Gewoeën ens thoës of op de brök
In eine staol of op ein krök
Ein lekker glaas beer en ein hiël moei stök
Ik maak mich ech neet langer drök

* cd 1994 : Minsekinder - " Casa Loco"- (de laif ceejdeej)

HOME PLAATSNAMENOVERZICHT HOME

OP EIN BEIN
Wäörd & meziék: Paul Hermans
Zang (*) : Minsekinder

Sjeng dae waas soldaot, d'n oorlog dae brook oët
Och waat had dae 'n pech, hae verloor toen al zien kroët
Wie de vijand um aantrof, schoot dae Sjengske um
't Letste waat dae zegge kôs, det waas met heise stum

Refrein:
Op ein bein kan ik neet staon
Op ein bein kan ik neet laupe
Dus veurdet ik nao hoës toe gaon
Môt ik iërs nog ein pilske kaupe

As ik aan d'n tapkas hang en 't beer velt good
Deurt det meistal noeëts zoë lang, 't zit mich in mien blood
't Geit dan iërs in miene kop en dan zak 't in de bein
Ik wil dan nao hoës, dus ik staon op, maar dan röp idderein

* cd 1994 : Minsekinder - " Casa Loco"- (de laif ceejdeej)

HOME PLAATSNAMENOVERZICHT HOME

OP IDDER PÖTJE DAO PAS 'N DEKSELKE
1995 nr.2 : Tekst: Jos Buskens & Quin Warmerdam - meziék: Quin Warmerdam
Zang (*) : Hay Wilders & Quin Warmerdam

Refrein:
Op idder pötje, dao pas ein dekselke,
det zaet mien mooder taege idderein.
En tröf zô'n pötje, dan toch zien dekselke,
dan bliéve zeej eur ganse laeve lang beejein.
Al biste erm of riék, diek of dun !
Bliéf toch zoë wieste bis.
Waat binne in dich zit, dien hert en ziel,
det is waat 't veurnaamste is.
Op idder pötje, dao pas ein dekselke.
Kiék um dich haer, en vraog dich aaf,
wae haet mich gaer ?

Hae is alle jaore vreejgezel, zien haor die striekke vol mit gel.
Hae mak nog steeds gen kans, want hae haet nog gaar gen sjans.

As hae dan in de boëne is, umdette weer waat haet gemis.
Dink hae mit hertepien, zoel daen eine knapper zien.

De letste kiër toen waas 't raak, d'r veel ein maedje in de smaak.
Det zag toen taege um, mit ein hiële leeve stum:

* cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213

HOME PLAATSNAMENOVERZICHT HOME

OP KAMERS
1980: Tekst: Frans Boermans - muziek: Jan Theelen
Oet de Revu (*) : "Waat ennen tiëd"

Ik môt ens met mien elders praote,
det heb ik lang al in de zin.
Ik wil eur iërsdaags gaon verlaote,
umdet ik noow volwasse bin.
Ik bin al zeventiën gewaore,
en altiëd thoes is niks gedaon.
Daorum wil ik eur verklaore,
det ik noow op kamers gaon.

Refrein:
Ik wil vreej zien, hielemaol vreej zien,
wie ein veugelke det vleugels haet gekrege.
Ik wil mien laeve miër kanse gaeve,
want ein veugelke met vleugelkes wilt vlege.
Wanniër mien Mam en Pap,
d'r auk gen snars van snap,
det is mich glad egaal,
ik fiks det zelf waal.
Jao, 't laeve det wuurd pas schoën,
as ik maar, 't guf neet wao, op kamers woën.

Ik kin waal neet vuuel van kaoke,
maar det zal zoë erg neet zien.
Ein bleekske krieg ik waal aope,
en Mam die haet ein wasmesjien.
En as ik beej geval ens krank bin,
dan steit mien mooder altiéd klaor.
Det ik auk zelfstendig zien kin,
jao, det maak ik noow ens waor.

* lp : " Waat ennen tiëd " - Discofoon 11080 - VR 21527

HOME PLAATSNAMENOVERZICHT HOME

OP UT HUKSKE VAN DE STEINSTRAOT
Straatdeuntje
Zang (*) : Wiep Hovens

Refrein:
Op ut hukske van de Steinstraot,
stônd ein vrouw met vis.
En die wis zellef neet, waat schelvis is.
Toen kwaam d'r enne pliessie,
dae zag' och vrouw,
det is genne schelvis, maar 't is kabeljauw.

* lp (1978/1979) : Diverse artiesten - " Venlo op zien bès " - Discofoon LP 45779

HOME PLAATSNAMENOVERZICHT HOME

OP VOLLE TOERE
1986: Wäörd & meziék: Ad Pollux & Giel Aerts
Gezônge: Herm en Bert Pollux

Zien weej met wat Venlonaere wièd-e-weg van hoés,
geit d'r weer gezônge waere, net wie beej ôs thoés.
De minse um ôs haer die koekeloere,
en kratse zich ens good achter de oére.
Zeej vraoge: "Zek, wao zien die luuj vandan ?".
Dan rope weej met alle man:

Refrein:
Raoje, raoje, raoje, wao kômme weej vandan ?
Einen haojen-taoje, dae det neet hure kan.
Wetjes oét de oére, dan waert auk geej 't gewaar.
Weej zien op volle toere met ôs Venloos rippertwaar.
En det is veur ôs zoë waertvol, bringk plezeer en zônneschién.
Euveral op ôzzen aerdbol, wao maar Venlonaere zièn.

In de bus en in d'n trein of in 't vleegmesjién,
is 't net of d'r allein maar Venlonaere zién.
Die kriége um d'n haverklap de kure,
en laote zich in alle toéne hure.
En kump de vraog: "Wao ziet geej toch vandan ?".
Dan rope zeej met alle man:

Wao weej staon of wao weej gaon, weej bliéve aan d'n drei.
Minse, die ôs neet verstaon, die hoebele maar mei.
Want met ein Venloos leedje, man, dao kanse,
jao, euveral de pupkes laote danse.
En vraoge ze: "Wao kômme die vandan ?".
Dan rope weej zoë hard 't kan:

HOME PLAATSNAMENOVERZICHT HOME

OP ZEUK
1999: Tekst & muziek: Holger Seeling & Bert van den Bergh
Zang (*) : &Juliëtte

Ut geit neet mier um eine god, eine vader veur ós allemaol.
Genne gek, nae genne God zal dit zootje zoeë laote begaon.
Ingele braeke eur vleugels aaf door 't slaon op harde wind.
Vaere valle veur d'n duúvel zien veut, Ingele .....gaon brandend op zeuk.

Maar oet ut veur steig rouk umhoeg, rouk in kleure zoeë moei.
Alles det d'r grauw oetzuùt, veranderd in roeëd.
Ingele vaere valle zaag as un pen in d'n dichter zien hand.
Letters vorme zien gedich, un gedich .....vol verlange op zeuk.

Refrein:
En ik bin op zeuk, dwalend in mich zelf.
De stad velt in slaop, jao de nach velt aan.
D'n duuster kruup op 't late leech, d'n hemel steit in brand.
Ings kruup in ós zele, 't kind kruup oet de man.
We zeuke nog waal vaerder......met de ouge toe.

We gaon veurbeej aan good of slech, kieke neet op of um.
Zeen gen ingele, gen gedich, we dreije ós veur nemus um.
Allein as ingele dien veurdeil zien, dan zukste eure waeg.
Allein maar dan, in dien belang, dan ........dan geiste op zeuk.

* cd 1999 : &Juliëtte - "&Juliëtte" - Ben Verdellen Produkties

HOME PLAATSNAMENOVERZICHT HOME

OP ZIEN VENLOOS
1983 nr.4 : Tekst: Peter Janssen - meziék: Wim Janssen
Gezônge: Mieke Stevens en Hans Mans

D'r is ein groëte keuze, in kösse um ôs haer.
De Eskimo's die neuze, det leet dao aan 't waer.
De Pruusse doon 't anders, die 'küssen sich die Hand'.
Maar weej doon det vuul leever in ôzzen eigen trant:

Refrein:
Weej doon det lekker op zien Venloos,
en det hebste vlot geliërd.
Weej doon det lekker op zien Venloos,
nae, det kin haos neet verkiërd:
Van idder wengske kös ik iërs 't kuulke,
en as ik dao mei vaerdig bin kös ik dien muulke.
En wae det ein twië dreej neet lök,
nou ja, dae oefent dan maar dök.

Wie filmsterre kösse, det wet toch idder kind.
Maar wie Chineeze kösse, daovan is niks bekint.
Dan hebste auk nog minse, die kösse gaer neet gaer.
Maar kômme die nao Venlo, dan kriëgste ze zoë vaer:

HOME PLAATSNAMENOVERZICHT HOME

OPPE RUIVER
2001: Tekst & muziek: Frans Pollux
Zang (*) : Neet oét Lottum

Oppe Ruiver, oppe Ruiver, woënt ennen alde griéze man.
Dae haet twië doeve en ein ketje en ein gaele kôffiekan.

Hae haet behang met van die bloome en gordiéne met ein roét,
en asse jäörig is trakteert-e zich op enne pannekook met kroét,
en zingk-e gans d'n daag voloét,

Oppe Ruiver, oppe Ruiver, dao woënt ein leeve griéze vrouw,
die haet ein broche op de kraag gespeld en verhaole op de mouw.

Ze haet ein trômmel vol met kukskes, 't is zô'n Delfsblauw geval.
Jao oppe Ruiver dao gebeurt 't, heej oppe Ruiver euveral.

Oppe Ruiver, oppe Ruiver, dao bak d'n bekker griéze mik,
verköp zien bruúdjes aan de slechter, wao de greuntenboer van bik.

Oppe Ruiver, oppe Ruiver, dao hange wolleke in de lôch.
Ge huúrt 't: oppe Ruiver kinse vinde waasse altiéd hes gezôch.

Oppe Ruiver, oppe Ruiver is 't laeve net wie heej.
Al liékene de daag messchien waat lange, ze zien haos aeve snel veurbeej.

Ech biezônder is 't neet, maar det is waat ik zegge wil.
Heej oppe Ruiver blief de Ruiver, en juus det mak 't verschil,
stil, stil, sjtil.

* cd 2001 : Neet oét Lottum - " Vertrokke " - Red Bullet

HOME PLAATSNAMENOVERZICHT HOME

OPTOCH LEED
2002/2003 nr.1 : Tekst & muziek: Frans Pollux
Zang (*): Ruud Stikkelbroeck & Bram Holla

Refrein:
Dit is 't groëte optoch-leed, want d'n optoch stop nog neet.
En um dit gaat heej ves te völle, môt geej mit ôs dit leedje brölle.
Dit is 't groëte optoch leed, nae, d'n optoch stop nog neet.
En as geej staon bliéf, maak geej kans det geej d'n optoch toch nog zeet.

We zien nog neet ens op de helf, det waar pas waage nummer twelf.
Dae koekwaus mit die muts, det wetste, waar neet de Prins, dae kump as letste.
Ze staon waorschienlik veur d'n drei, dus zing dit leedje mit ôs mei.

D'r gaon al hiél vuul minse weg, nou ja, dan hebbe die toch pech.
Ze zien de hekke weg 'nt drage, dan kump d'r zeker eine groëte waage,
Dit gaat det deurt al diek ein oor, maar drek dan trek d'n optoch door,

't Is heej stil op straot en laeg, d'r zien gen wages op de waeg.
We staon heej oét ôs neus te vraete, ze zien ôs volges mich vergaete.
Kiék dao, det bord, och, morrejen, we staon verkiërd, dit is 't Ven!

* cd 2003 : Diverse artiesten - "Van Eijsde tot de Mookerhei 10" - Marlstone Recordings bv CDL2301

HOME PLAATSNAMENOVERZICHT HOME

ÖRGES IN DE STAD
2005/2006: Tekst & muziek: Frans Pollux
Zang: Ruud Stikkelbroeck & Bram Holla

Maar waat waas det gauw veurbeej
Daen daag vandaag waas gister al
Noow staon ik te loére heej
Wao is 't nog verkleiden bal?
Neet nao bed
Opgelet
Of d'r toch
Örges nog
Flink waat loos is

Refrein:
Örges in de stad dao klink ein leedje!
Luuster maar ens good:
Mmfplfmmfplfmmf
Örges in de stad dao is ein feesje!
Huur! We laupe good:
Mmfplfmmfplfmmf
Örges in de stad dao klink ein leedje!
Snôt (snôt), we zitte mis
Wis (wis wis wis)
Ik maar wao 't is

Maar waat is 't vruug en laat
Ik wil nog neet nao hoés toe gaon
'k Weit det 't mich zeker baat
As ik heej noow nog efkes staon
Neet nao bed
Opgelet
Of d'r toch
Örges nog
Flink waat loos is

Maar wao zal det feesje zien
We hebbe euveral gezôch
Boéte aom, mien veut doon pien
Maar zinge guuf mich nieje lôch
Neet nao bed
Opgelet
Wao dan toch
Örges nog
Flink waat loos is

't Klink mich zoë bekind,
ik kin dae zenger
Knöl, waat zien weej slum
't Is d'n echo van mien stum

HOME PLAATSNAMENOVERZICHT HOME

ORIËNTASIE!
Tekst: René Kauffman - muziek: Michiel van der Grinten
Zang (*) : Minsekinder

Mien horloge löp te hard, d'n tièd vluug door ein gaat.
Toe deur steeds beej d'n bekker, ik kóm euveral weer te laat.

Waer ik wakker in de morge, is d'n daag alweer gedaon,
wach ik in de nach, wies det de winkels aope gaon.

Kóm ik beej de kapper, is 't drökker dan ein oor.
Gaon ik 's oèt aete, dan is idderein al klaor.

Refrein:
Oriëntasie, wae wet d'r nog wie laat 't is ?
Oriëntasie, wae wet d'r welken daag 't is ?
Oriëntasie, weej zien de waeg waat kwièt gerak.
Oriëntasie, lekker same oèt kompas, lekker same van de rails gerak.

Kièk ik op 't haltebord, vluug de letste bus veurbeej.
Wach ik veur 't roeëd, is 't oranje veur ik greun kin zeen.

Oriëntasie, lekker same oèt kompas.
Idderein vluug oèt de klas, allemaol onaangepas.
Lekker same van de rails gerak.

Jao, van de rails gerak, ós fietske in de prak.
Veur altièd doorgezak, 'k aet elken daag gehak.
Van d'n hak op d'n tak, jao, van de rails gerak.

HOME PLAATSNAMENOVERZICHT HOME

ÔS ALDERWETSE SPEULKES
Traditioneel - Tekst: Lei Hendriks
Zang (*) : Lottie Boermans
Melodie oet de operette "Das Lied vom süssen Mädet"

As ik wandel langs de straote van mien geleefde stad,
mis ik hiël vuel dinger wao ik as kind zôn lol in had.
Ik mein die alde speulkes in hoes en op de straot,
zien béjnao oet de moëde wuurd neet mier van gepraot.
Van iensje, diensje, triensje, van iensje diensje traos,
van porceleine köpke det huurt me neet miër haos.
Net wie mit Allerkind're dan ware wéj Mam en Pap,
de moderne jeug, die haet det as kinderspeul geschrap.

Refrein:
Die alderwetse speulkes van vrueger jaore haer,
wao me as kind in opging, waat speulde wéj die gaer.
Det alles is verdrônge door de moderne tiëd,
veur 't naogeslach verlaore, 't kinderhert ten spiet.

Kint géj ôch nog herinnere as kwaam de knaejentiëd,
te slage mit ein knöppelke, dae knaej jao maeters wiëd.
En bokspringe op 't gaasplein, 't leefste alles in-ens,
op 't Wielewelke knoerse of kielpe aan de grens.
De maedjes-speulkes ware ouk wörkelik interessant,
mit biggelstein en stuiter te prikke mit ein hand.
Uule, kuule, buuke stäöntje woord dao dan béj verteld.
Ein book vol ansichskaarte wae wilt staeke veur ein speld.

Ouk bergemuuske, haadis, seseur, staek aaf, sjandiets.
Enne kouseband mit gaffel waas ôsse katteflierts.
In 't veurjaor fluitjes make van fierefluiteholt.
Kint géj nog schuumke trekke van sôkkerpaek gebrouwd ?
De Klaosstraot veur te doppe mit Elswieker of ein tôn.
Palm-Zôndaag mit ein höltje, d'rum pelmkes, haan, bônbon.
En taege Sinter Merte waas Venlo op zien bes,
woord van dae rouk en weirrek de ganse stad verpes.

't Staeke neet vergaete mit uniforme-knuip.
Waat leepste neet te baed’le verzamelde hiële huip.
Dan kôndukteur of pliesie, huzaar en machinis,
soldaot, sjanderm, marine, as 't maar eine staatse is.
Dan lappe, ketse rammele, ik kruuts of dich de munt.
As te keps waas kôste koupe, géj nog waal weite zult.
En 's winters schôlke springe, nao hoes, de kouse naat.
Veur straf direk nao bed toe en flink nog veur dien g...(bôks).

't Baaje in 't Rienke waas ein geleefde sport.
Mit slengske trekke veel me de kous en kneen kepot.
Waat smakde toen neet lekker gebraoje kwakkerbats.
't Houfkwarteer waas meistal ôs alde Floddergats.
Now duit de jeug zoë deftig weg is det ald gebroëk.
Wao zult ge now nog vinde de baokske mit ein loek.
Waat kôs 't dich toen schaele wae same mit dich leep ?
Gaef mich maar mien ald Venlo van bloezebôs en keep.

* lp 1981/1982 : Jocus - " Laot ôs bliëve zinge " - Discofoon 11.11.81

HOME PLAATSNAMENOVERZICHT HOME

ÔS FRENSKE
vòòr 1969: Teks & muziek: ?

Refrein:
Frenske zoog zien kenske beej ôs naeve op de stoep.
Want, wie det kind nao hoes toe ging, waar hae um stiekum nao gefloep.
Hae vroog neet of ut waal woel, maar goof um ein kösmoel.
Hae vroog neet of ut waal woel, maar goof um ein dieke kösmoel.

Hae kint ut praote neet laote, hae klets diech de oere van de kop.
Maar wies ze um op ein leef maedje, dan trek e zien neus ens op.

Zek, wetse wie e kint kletse, dao kintse gewoenweg gaar neet beej.
Maar wilt e ein poetje gaon vreeje, dan is e jao gaar neet vreej.

HOME PLAATSNAMENOVERZICHT HOME

ÔS SCHOËNSTE STRÄÖTJE
vóór 1940 : Tekst: Fr. Meyers - meziek P. Bartels
Zang (*) : Thee Teuwsen

In veurbéj gevlaoge jaore, noom me, och, ge wet wie 't geit.
As de leefde woord gebaore, nao de Floddergats de pleit.
Auk ôs letste generatie kint det sträötje door en door.
En ze vônd dao dök relatie, in 't duuster béj 'n moor.

Refrein:
Idder makde gaer ein präötje, in die alde Floddergats.
In det ech gezellig sträötje, in die Flodder-, Floddergats.
En me kösde dao zien bruudje, waal ein stök of hônderd kier.
Det is now in eine flats, gedaon in de Floddergats.

Maar dit is alles verdwene veur 't minnend naogeslach.
Niej lantaere zien now verschene, wao me vrueger 't bruudje brach.
En verdwient zoë oet ôs stedje straks ôs alde Rue Floddére.
Hiël 't vreuger trouwe Hetje, ging dezelfde kant al haer.

Venlo's aldheid geit verdwiene, al 't moeie geit now weg.
Nieje straote gaon verschiene, en det vinde wéj zô'n pech.
Want we halde van die dinge, van dae gooie alte tied.
En we gaon now same zinge, hiël d'n ozel jao ten spiet:

* lp 1981/1982 : Jocus - " Laot ôs bliëve zinge " - Discofoon 11.11.81

HOME PLAATSNAMENOVERZICHT HOME

ÔS VENLO
1993: Teks en muziek: Hay Verberkt & Jan Jacobs
Gezônge: Marcel Schuurmans & Mark Janssen

't Waas in de twintiger jaore dien straote die stônde toen blank.
De Maas waas wat breijer gewaore zoeë breid tot de huùs in de gangk.
De geis ónder ras-Venlonaere waat woort ter gevaeg en geschroeb.
De ganse stad sloog aan 't kaere en euveral blònk weer de stoep.

Refrein:
Heej stònd mien weeg, heej steit mien bed,
ik bin neet weggegaon.
Ik heb der hiël dôk um gewed,
mien bed zoel heej blieve staon.
Veur wae 't tevuùl moch waere,
zaet emus ik bin 't heej zat.
Dan zeg ik kôm op Venlonaere,
d'r is euveral waal ens wat.

't Waas in de fiertiger jaore, den oorlog kwaam euver ôs haer.
Vuul schoeëns in ôs stad ging verlaore door bomme, kenôn en gewaer.
Wae dach det ôs stad waas verslage weej sloge de hand gauw inein.
Ôs Venlo kan hiël vuul verdrage ôs Venlo det krieg nemus klein.

HOME PLAATSNAMENOVERZICHT HOME

ÒS WIEN BLIEF BESTAON
Tekst: Annelies Holtman - muziek: Stef Kupers
Zang: Els Bakker, Monique en John Baur, Jacqueline Meurs & Peter Wilders

Refrein:
Weej gaon met de bubs ens op de lappe
’t Ganse stel van ós geit d’r op oèt
Waej gaon dreej daag met z’n alle stappe
En neme mei jao zelfs de kleinste sproèt
Det sleit de hendjes in de maot
As ’t in ózze optoch mei löp door de straot
Det hebbe weej ‘m veur gedaon
Zoeë mót de Wien blieve bestaon
De ganse bubs van ós geit op de lappe
’t Ganse stel van ós geit d’r op oèt

In ós eige Wien is vuuël plezeer en lol
Groeët of klein det speult beej ós toch gaar gen rol
Want door alle jaore haer is det ontstaon
Um met de hièl femilie oèt te gaon (jao weej)

Idderein dae waal ens in de vraemde is
Veult nao ein paar eurkes al ein groeët gemis
Haes-se beej de Wien gepreuf de echte sfeer
Dan kumpse dao toch idder jaor maar weer (jao weej)

HOME PLAATSNAMENOVERZICHT HOME

OUK DET MÓT KINNE
Tekst & muziek: Frans Peters
Zang: Frans Peters

Refrein:
Ouk … det … mót … kinne
’t veult zoeë lekker werm van binne
waat mós-ze dao noow mei beginne
de kins d’r zelf toch niks aan doon
Want det mót kinne
ik vind weej mótte maar beginne
haol noow dae Prins maar gauw nao binne
dan gaeve weej um van ketoen

Geej weit, ’t is vastelaovend
alles geit op ziène kop
zoeë hes-te idder aovend
waal ein ander maske op
De doedels dich wat aan
en de geis dao-mei op stap
de bis ein ander mins
jao, geej heb ’t al gesjnap

Hes dich gen zin, gen noeëd huur
want dan gaon ik waal allein
de wets, de vastelaovend
is ein fees veur idderein
De zuus dao minse
die-ste in gen tièje hes gezeen
ik kôm waal weer nao hoès
de zals mich morge waal weer zeen

En kump d’r einen tièd aan
des-te neet zoeë good mieèr kins
met vastelaovend
hes-te ongetwiefeld eine wins
Sloèt de ouge, oeëre aope
luuster nao dit leed
en druim dan det geej al ós same veur
óg zinge zeet

HOME PLAATSNAMENOVERZICHT HOME

OZZE HOONDERSTAL
vòòr 1940 : Waörd: W. - muziek: H. Verhagen

Venlo is einen hoonderstal, aan de kop steit Jocus haan.
Det weite ze euveral, ganz Holland volgt dees vaan.

Refrein:
Wéj hoonder zegge tok, tok, tok, wéj hane ku k'le ku.
Wéj hebbe in dit hoonderhok, jao, niks wie gooie luu.
Wéj hoonder zegge tok, tok, tok, wéj hane ku k'le ku.
Dan is der vrede in het hok, kukeleku kukeleku kukeleku.

Hoonder oët dezen hoonderstal halde van joeks en pret,
gedrage zich ouk euveral fatsoendelik en net.

Hane oët dezen hoonderstal, die scharrele geer ens rônd.
Me zuut die dan ouk euveral, maar maken 't noëts te bônt.

HOME PLAATSNAMENOVERZICHT HOME

ÓZZE JAER
Tekst: Gé van Beek
Zang (*) : Pinda Wullum

Ózze Jaer dae geit zoeë gaer dök op de lappe,
ózze Jaer zit altièd in de stad.
Jaer dae hilt toch zoeë enorm van stappe,
al haette genne roeëje cent toch wuurt hae zat.
Doot mich maar pils of alt, maar genne kleine.
Klein of groeët det mak niks oèt, maar wae zal det berappe.
Det steit vas en det is neet ózze Jaer.

Refrein:
Dan bietse effe heej, dan bietse effe dao.
Dan bietse wat beej um, en waat beej eur.
Dan bietse wat beej zeej, dan bietse wat beej die,
en isse daomei klaor, dan weer opniej.
Japatapaptedatedateda enz ...

Wie hae det duit det zal hae neet verklappe.
Hae zuup maar betaalt neet al te gaer.
Altièd zien d'r weer die dao intrappe.
As ik maar kleppe kan, zaet ózze Jaer.
Doot mich maar pils of alt maar genne kleine.
Klein of groeët det mak niks oèt maar wae zal det berappe.
Det steit vas en det is neet ózze Jaer.

* cd 1998 : Pinda Wullum - "Zoeëmaar veur de yen"

HOME PLAATSNAMENOVERZICHT HOME

ÔZZE PAP
Tekst: ? - meziëk: ?
Zang (*) : De Drekskaters

Refrein:
Ôzze pap dae is hoésman en met raeje
want ôs mam die meus zoë nuédig her-intraeje
Boene, striéke, poetse, schroebe, 't môt blinke
Haet gennen tiëd miér um ein pilske te gaon drinke.

Jao pap ging nao de kwiezien kullinaere
Kin met de kaokpot in de keuke good gewaere
Weej zien aevel met daen hoésman ziér tevreeje
Nae d'r wuért door ôs gen hônger miér geleeje.

Dae gooje man kaok veur ôs 't feinste aete
Want as hoésman kin zich nemus met um maete
Euver zien werk huursse um noeits miér klage
Ôzze pappie dae zörg noow veur de blage.

Jao dae sies leet zelfs ôs mam in de watte
Want die schelt nog neet ens de petatte
's Aoves hilt hae zien auge neet miér aope
Is zoë meug det hae allein nog maar wilt slaope.

* cd 1993 : De Drekskaters - "Kattekwaod"

HOME PLAATSNAMENOVERZICHT HOME

OZZE POLENAISE
Tekst: Gita Wijnans - muziek: Frits Tilburgs
Zang (*) : Riet Schreurs & Gé Deenen

De zuus ut met de vastelaoevend, det is gans normaal.
Weej doon ut met os eige wuurd, jao, in os eige moodertaal.
Det is toch huuel wat joeksiger en as geej ut neet weit,
dan zal ik och ens veurdoon wie det geit.

Refrein:
Allemaol achterein, jao, det geit wie einen trein.
En zoe loupe weej van achter weer naor veure.
Drink maar eine sloek want det geit van roeketjoek.
Kom d'r tosse want noow geit ut pas gebeure.
Goej maar met de bein en weej danse heej beejein,
op zien Venloos ozze eige Polenaise.
En weej zinge toch zoe gaer, hebbe allemaol plezeer,
daorveur zien weej Venlonaer.

Noow zette weej met deze dans de Vleisstraot op de kop.
Vandaoroet daor de Klaosstraot en dan de Parade op.
Weej roope taege idderein: " Kom same in de rie,
en maake eine slinger wie nog niej ".

* cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213

HOME PLAATSNAMENOVERZICHT HOME

OZZE SCHOUWBURG
Tekst & muziek: Frans Boermans
Uit de revue 'Stel og ens veur'

Ik woel 't nog ens hebbe euver jaore lang geleje
Toen weej staek aaf, verloste-pot en andere speulkes deje
D'r woort beej ôs toen in de buurt ouk aan toniël gedaon
En minnige knöl haet in daen tied veur 't iërs op de buun gestaon.
Det waas dan meistal hej of dao lin de schop of in ein getske
Veur d'n entree van ein schorseneer, enne smaerlap of ein pletske.
Maar smeis dan woort d'r in de sprung enne schouwburg neergezatte
Van boënestake, plenk en zek en alde keukematte.

Dan woort gebouwd dan woort gesjouwd en eder leep te kume
Kroop beej zich thoes de zölder op um grei beejein te schume
D'n deze vond ein ald gerdien en dae ein beddelake
De krômme had behangpepeer um achtergrônd te make.
En Everaat dae laajde zich wao zien elders niks van wiste
Met hôlp van Lei en Baer en Frits ein schörrekér veilingkiste.
De witte zakde bej um thes van iefer door de vliering
Maar brach toch alle luchjes mei oet de kis met kersversiering.

Lewieke dae aan 't tummere waas bleef aan enne nagel haöke
En zoot met de haempslup oet de bôks op 't schouwburgdaak te baöke
Doordet hae toen neet good miër zoog had hae zich op d'n doem genaegeld
En kwaam inens met daak en al de ledder afgekaegeld.
Weer woort gezaag, gedouwd, gehöf, getrokke en geklômme
En stônd de tent ein bietje wings, det kôs ôs neet vuël bômme.
't Waas veur ôs ein kunspalies, ennen tempel van de muze
Waonao de jônge oet andere straot nog neet ens meugde wieze.

En as de schouwburg vaerdig waas dan ginge ze repetere
D'n teks dae stond neet zwart op wit dae meus me fantasere.
Veuraaf woorte in de ganse straot buljette opgehange
"Komt zien het drama in de keet, een lap op alle rangen"
Dan naölde we Moder aan de kop en ze kwaam d'r neet miër naeve
Of ze meus ein aörtje en twië cent out eure schollek gaeve.
Ik stônd met 't geld in de hand geplek, ein diek oor van te veure
Te wachte op 't aopegaon van de pappendekke deure.

D'r woort enne kiër ein stök gespeuld, wie hoot det toch ouk weer
Zoë effe in 't kort verteld kwaam d'n inhald heej op neer:
Ein modet had ein ieferig kind det op schoël hiël erg braaf waas
Maar ze zumpde zoë umdet eure man aan de sterken drank verslaaf waas.
't Kind kwaam met eine pries van schoël hiël blie nao hoes geloupe
Dae noem de zatlap um weer aaf en woel 't dink verkoupe.
Maar wie '''t kind zich van verdreet lankaaf in de baek woet smiete
Smeet Pap de kroek jenever weg en Mam heel op met kriete.

In hiël mien vaerder laeve zoog ik noëts zo schoën actere
Met zoeveël actie en mimiek en zônder te soufflere.
Lowie as vader keek zoë zat van ônder zienen bolhood
Asof hae wies zien roëje haor ram met jenever volzoot.
Dao zoogste Graad as erme moder prachtig speul vertoëne
Al kös hae in daen alde pôn zoewat met dreej man woëne
't Waas curieus wie Thies as kind ein beeld van vliet en deug waas
En eder wis det dae op schoël veül lever lui dan meug waas.

Heej woort gespeuld met euvergaaf, woort groëte kuns gegaeve
En 't waas frappant wie of 't publiek zoe vóllop mei kôs laeve.
Wie de zatte man de buun opkwaam, reep alles: "kiek dao kumpe"
En Lewieke ging zoe zat te kiër, det de maedjes ging zumpe.
Dao reep ein jungske heis van gif, wie de vader 't kind woel houwe
"As dich dien puët neet beej dich hilds, dan zal ik d'r dich ein bouwe"
Wie harder det de Moder kreet, wie miër leweit weej makde
Wies det de ganse iërste rang door de planke zitting zakde.

't Stök had ônverwachs ein ind, det is now net 't leuke
Umdet d'r ein giftige moder eure nachpôn waas 'nt zeuke.
Dao kwaaminens door 't achterdook ein kwaod gezich gekeke
Det reep: "now zuus miene gôke pôn en ik had um pas gestreke!"
En jissesmerante mien hudje ouk, wae haet dich det gegaeve?"
Maar Graadje trok ziene rok umhoëg en rende veur zien laeve.
't Stök waas oet, tenminste half, maar dao meuste w't mei stelle,
Weej ginge deep geschok nao hoes um 't moder te vertelle

HOME PLAATSNAMENOVERZICHT HOME

ÔZZEN DRUIM (DRUIME)
2008/2009: Tekst & muziek: Quinn Warmerdam
Zang: Annemarieke Leurs & Bart Janssen

Druime, ‘k-wil van dich druime,
De zuls in mien druime veur good beej mich zien.
Druime, ‘k-wil van ôs druime.
Zien ‘t nog druime,
Of de waorheid, misschien?
Dan zoel dit echte leefde veur ôs twieje kinne zien?

Noow, in deze joeksigen tiéd zal de leefde,
Heej mit alle vlinders gaon bleuje veur ôs.
Net wie in mien druime, wao weej al lang zweefde,
Hiël hoëg in de wolke, as det noow ens kôs

Weej loupe op roëze.
Ôs hert vol verlange.
Weej bliéve veur iëwig en altiéd beejein.
‘t Leefste woel ik in dae’n druim bliéve hange.
Maar dan waer ik wakker,
En bin weer allein.

‘t Is vastelaovend, en kiék ôs heej same.
Dich steis dao te druime, ik straol en ik lach.
En idderein dae ôs heej zuut zal beame;
“D’n tiéd van de joeks haet eur same gebrach.”

Kniép in mien erm en zeg mich det waat ik al wis,
Van det ôzzen druim noow de werkelijkheid is.

Jao, dit zal leefde zien

HOME PLAATSNAMENOVERZICHT HOME

EIN PAAR APART
Tekst: Rene Oostdam - muziek: Paul Nagelmaeker
Zang (*) : Neutjesrang & Band

Dich drinks dien kôffie sôkker melk
ik drink um zwart
Gekaokde eier wils dich zaach
en ik wil ze hard

As ik zeg 't glaas is half vol
zaes dich nae half laeg
Dich wets wao weej môtte zién
en ik …ik vraog de waeg

Ik dink vraemp
toch passe weej zoë schoén beejein
Zônder dich veul ik mich zoé allein
Ik dink vraemp
toch passe weej zoe schoén beejein
Ik zeg wit dich zaes zwart
weej zien ein paar apart

Asse kwaod bisse bis dich kwaod
gewoén te gek veur wäörd
Maar efkes later duis dich zoé
asof d’r noéits…noéits wat is gebeurd

As dich zaes 'leve schat'
gaon alle deure aop
Dan wils-se nog van alles alles alles
en ik… ik val in slaop

Ik weit neet waat ‘t is
Ik kôm steeds truuk
Jao truuk nao dich

* cd 2001 : Neutjesrang & Band - " Éine waeg " - Marlstone CD 2117

HOME PLAATSNAMENOVERZICHT HOME

PAERDSGELÖK
1999/2000 nr.5: Tekst: Hans Jacobs - meziëk: Hay Geritz
Zang: Simone & Frans Driessen

Refrein:
Weej hebbe paerdsgelök, det weej in Venlo woëne.
Weej hebbe gelök, det weej in Venlo zien..
Veural mit vastelaovend, zien weej heej in de boëne,
en struimp 't Venloose blood, wies in de groëten tiën.
Weej hebbe paerdsgelök, det weej Reubezekskes zien gewaore.

Wie ik ter waereld kwaam, det is al lang geleeje,
toen kreeg ik eine naam, daomei waas ik tevreeje.
Waat hiel belangriék waas, waas de naam al van de stad.
De stad heej aan de Maas, ik heb gelök gehad.

Auk dich en dich en dich, geej ziet ouk van dees stad.
Mien naef en ouk mien nich, en miene leeve schat.
Mit vastelaovend juus ´t Groëte Jocus-riék.
Dan huurste baovenal de Venloose meziék.

HOME PLAATSNAMENOVERZICHT HOME

PALMHÖLTJE
Tekst & muziek: Frans Boermans

Twië maol doëzend jaor geleje,
kwaam d'r in 't Heilig Land.
Eine Keuning de stad ingereje,
en de kinder zweide, pelmkes in de hand.
En Hae woel gennen troën, genne golde kroën.
Maar Hae heel van de minse des te miër.
Ederein good gestump, zông 'Hosanna veur Dae kump
In de Naam van ôzze Leven Hiër!'

Refrein:
Palmhöltje, palmhöltje, in de zônneschien,
de volgende waek zal 't Paose zien.
Palmhöltje, palmhöltje, och, waat had ik gaer,
dae krintenhaan, die appelesien, en auk dae'n babbelaer.

Twië maol doëzend jaor geleje,
ware kinder net wie weej.
Lache waas auk 't leefs waat ze deje.
Wao 't plezeerig waas, dao ware zeej d'r beej.
En ze sprônge op straot, zônge in de maot,
en ze reepe alzelaeve Ziene Naam.
En ze struide toen rônd, palmblaajer op de grônd,
veur dae mins dae oët d'n Hemel kwaam.

Marlstone CD

HOME PLAATSNAMENOVERZICHT HOME

PARADE
Tekst: René Kauffman - meziëk: René Kauffman
Zang (*) : Minsekinder

Heej maedje, kôm nao boete, de vlag hink neet halfstok
Dae winkel meug se sloete, vergaet veur ens de klok
Same met dich oet, nao die straot toe haer, op de Parade paradere,
Dreej daag op en neer, same met dich oet, nao die straot toe haer,
Op de Parade paradere, dreej daag op ut beer
Heej maedje zet dien leeg op greun, laot dich gaon ens deze kier
Laot ôs nao die straot toe gaon, weej same aan de zwier
Same met dich oet, nao die straot toe haer, op de Parade paradere,
Dreej daag op en neer, same met dich oet, nao die straot toe haer,
Op de Parade paradere, dreej daag op ut beer

Refrein:
Pa pada, pa pa Parade, pa pada, pa pa Parade, pa pada,
Pa pa Parade, pa pada, pa pada, pa pa Parade, pa pada,
Pa pa Parade, pa pada, pa pa Parade, paaaaaa

Heej maedje, deur toch neet zoe lang en laot ôs noow dao haer
Op de Parade is ut dreej daag lang leefde en plezeer
Same met dich oet, nao die straot toe haer, op de Parade paradere,
Dreej daag op en neer, same met dich oet, nao die straot toe haer,
Op de Parade paradere, dreej daag op ut beer
Same met dich oet, nao die straot toe haer, op de Parade paradere,
Dreej daag op en neer, same met dich oet, nao die straot toe haer,
Op de Parade paradere, dreej daag op ut beer

* cd 2000 : Minsekinder - "Nieje Veere"

HOME PLAATSNAMENOVERZICHT HOME

DE PARADE
1967 nr.4 : Tekst: Ad Pollux - muziek: Fr. Wetjens
Zang (*) : Hay Crompvoets

Net wie-se zaes, net wie-se zaes.
Dao hebste groët geliëk in.
Net wie-se zaes, net wie-se zaes.
Waat zitter einen haup meziëk in.
't Is idder jaor opniej dezelfde wiës,
dao in ôs vastelaoves-paradiës.

Refrein:
Op de Parade, op de Parade,
ôzze place, place, place de la Parade.
Zuuse vrinde en bekinde.
Nae, dao bisse noëts allein.
Op de Parade, op de Parade,
ôzze place, place, place de la Parade.
Dao haet me 't dalik in de smiêze
Op die Parade, is wat te kerdiêze.

Net wie-se zaes, net wie-se zaes.
De vastelaove-gekke.
Net wie-se zaes, net wie-se zaes.
Die blieve op de P'rade plekke.
Ze zinge en ze lache zich te miës.
Dao in ôs vastelaoves-paradiës.

Net wie-se zaes, net wie-se zaes.
Ze gaon haos door de roëte.
Net wie-se zaes, net wie-se zaes.
Ze hange met de bein nao boête.
De P'rade krieg van ôs d'n iërsten priës.
Det is ôs vastelaoves-paradiës.

* lp: " 't Is weer vastelaovend (twië maol elf vastelaovesleedjes en nog vuël miër...) "

HOME PLAATSNAMENOVERZICHT HOME

PERSIES DEZELFDE
1980 nr.3 : Teks & meziék: Ad Pollux
Solo (*): Hans Mans

Refrein:
Bis dich neet dezelfde van ut vurrig jaor ?
Jao, persies dezelfde, ongelaoge waor.
Waal ein bietje kaler, 'ne gek dae dao nao kiek.
Heej en dao wat smaler, maar diek is auk maar diek.
Blief dich maar dezelfde, hald dich maar keduuk.
Elfde van den elfde, zeen weej ôs weer truuk.
Noow maak ik mich weer gauw oêt de veut.
De groete aan de vrouw en de kinder ein paar neut.

Os Net, jao ôs Net, det is mich ein portret.
Maar 't mak ôs nog wat veur.
Want kiëk ens det deer, det guf met zien plezeer,
aan d'n optoch klank en kleur.
Met ziene praot, dae gekke praot,
taege de kaerels langs de straot.

Os Nel, jao ôs Nel, det is mich ein medèl,
wie det in den optoch löp.
En huër wie dae schat weer ens aan hiël de stad,
zien vertelselkes verköp.
Och wie det geit, jao wie det geit,
taege 't mansvolk waat dao steit.

* lp 1979/1980 : Jocus - " Dao geit-e haer ! " - Discofoon LP 4.7980 15.90

HOME PLAATSNAMENOVERZICHT HOME

PETERKE
19??: Tekst & muziek: Frans Pollux
Zang (*) : Neet Oet Lottum

Peterke dae woende in ein alde boerderie.
Heej wied vanaaf zien motto waas : " Ut mak niks, c'est la vie ".
Maar op 'nen daag toen kwaam hae truuk van 't werke op 't land.
Hae keek ens good, och nae, dao stond zien boerderie in brand !

Refrein:
Jao det is pech, pech pech, pech pech pech.
Jao det is pech, pech pech, ut gelok waas beej um weg.
Jao det is pech, pech pech, pech pech pech.
Peterke dae had allein maar pech.

Peterke zien buure hadde pas 'ne nieje hond.
Dao ging hae dok mei wandele want wandele waas gezond.
Dan goeijde hae ein stokske weg en zei : " Pak ut stokske, braaf ! "
Maar d'n hond begreep ut spelke neet zei : " Hap ", twie vingers d'raaf !

Peterke dae zoog ein hiel moeij maedje orges staon.
Hae ging d'rhaer en vroog verlaege : " Wilse met mich gaon ? "
Maar ut maedje det zei niks, nae ut maedje deej hiel kort.
Toen zoog hae det hae lolde met ein groet reklame-bord !

Peterke leep met ein deure bloomefaas op straot.
Die waas veur de verjeurdaag van 'ne gooje kammeraod.
Hae stook ein kruutsing euver, maar ut stopleech stond op roed.
En det had Peter neet gezeen en noow is Peter doed ...

Refrein:
Peterke dae had noow noeits mier pech ...

* cd 1998 : Neet oét Lottum - "Flaai"

HOME PLAATSNAMENOVERZICHT HOME

PIEN 2
Tekst & muziek: Leon Giesen
Zang (*) : Romeo

Vuul vioele en ein groet ingelekoer huurse zaach vanoet de huuegte.
Zeut wie honing veur 't roeje oer of wie water nao de druuegte.
Zoe mot 't zien, zoe gaon de verhaole.
Zoe mot 't zien, asse de leefde vinds.
Zoe mot 't zien as dien hert wuurd gestaole.
Zoe en neet anders, zoe mot 't zien.

We waere getroffe door ennen donderslaag, inens vinde weej de waore.
De leefde sleit toe vanoet 'n hinderlaag en weej zien veurgood verlaore.
't Mot zoe moej zien, d'n daag van mien laeve.
't Mot zoe moej zien, as ik de leefde vind.
't Mot zoe moej zien, maar d'r is nog iets naeve,
de roezegeur en maoneschien, en det is ...

Refrein:
Pien, pien, pien umdet ik um oeit kwiet zal zien.
Pien, pien, pien umdet ik um oeit kwiet zal zien.

We doon toch alles veur wat zekerheid, 'k lierde door veur de papeere.
D'r is maar ein dink wat ik ech zeker weit, ik zal alles ens verleere.
't Is zoe moej, wie het leet te slaope.
't Is zoe moej, wie 't veilig beej mich leet.
't Is zoe moej, nao ein laeve lang haope, vond ik geluk.
Waat ein verdreet, en waat ein ...

* cd 1993 : Romeo - "Romeo" - Marlstone Recordings bv - CDL 9327

HOME PLAATSNAMENOVERZICHT HOME

DE PIEN VAN MIEN
2004/2005: Tekst: Paul Janssen, Jobert Joosten & Gerard Vonk - muziek: Paul Janssen & Gerard Vonk
Zang: Jobert Joosten & Gerard Vonk

Joa vriedaag op de lappe, waat kin d'r moeijer zien,
Mit vrinde lekker stappe, det leet mich in mien lien,
Kiek al die kwante minse, ik veul mich 18 jaor,
Dus raeken maar op morge, bin ik 'weer' dao.

Refrein:
Nao de Vastelaovend neem ik bloome mei veur dich,
Nao die dolle daag kump weer dae lach op dien gezich,
Ut zunke geit weer schiéne, ik zal d'r veur dich zien,
Dreejhonderd twié-en-zestig daag, allein'maar'Mien.

De broene kan ut trekke, gaon nao de Zoepkoel haer,
Nog gauw waat flappe tappe en dan ein glaeske beer,
D'n twiëde of d'n derde, d'n tel dae bin ik kwiët,
En op de kneen nao hoës toe, waat waas'det'wiët.

De loupbôks aan en schmienke, gaon mit d'n optoch mei,
Op joets mit eine kater, heej vind ik mienen drei,
Weer drink ik dan de letste, ut is nao miene zin,
En morge lever ik dan de bôks'pas'in.

HOME PLAATSNAMENOVERZICHT HOME

PIENDAKIÉS
Tekst: ? - meziëk: ?
Zang (*) : De Drekskaters

Jao, d'r is maar ein dink waat ik op mien bôttram wil en det is:
Pienda, piendakiés
Ik bin d'r gans wild van en andere vinde 't fiés
Pienda, piendakiés
Mien vrinde zegge: "Dae haet ein raedje los."
Pienda, piendakiés
Maar de kins zegge waatse wils, det greij is gooje kos:
Pienda, piendakiés.

Refrein:
Want ik hald van piendakiés, vettige piendakiés,
Van de lekkere, plekkende piendakiés.

Kôm op, dan doon ik 't ôch veur:
Pienda, piendakiés
Pak 'n mets en smaer 't maar lekker diek op de bôttram
Pienda, piendakiés
Jao noow doot 't muulke maar aop, want dao kump 't vleegtuug aan
Pienda, piendakiés
En noow maar flink met die tendjes kauwe
Pienda, piendakiés

Ik meus nao ein dineej en waat waas dao aan de hand?
Pienda, piendakiés
Ik noom enne groéten hap en 't plekde aan mien tand
Pienda, piendakiés
Idderein keek mich aan en ze schote in de lach
Pienda, piendakiés
Maar det makde mich niks oét, want dit is waat is zag:
Pienda, piendakiés

* cd 1993 : De Drekskaters - "Kattekwaod"

HOME PLAATSNAMENOVERZICHT HOME

PIET HALD D'N HOND VAS
Straotdeuntje
Zang (*) : Dames- / Hiëre-koër

Refrein:
Piet halt d'n hond vas,
dette mich neet biet.
Biete mich, ik zeg ut dich,
doëzend taler kôs ut dich.
Piet halt d'n hond vas,
dette mich neet biet.

* lp (1978/1979) : Diverse artiesten - " Venlo op zien bès " - Discofoon LP 45779

HOME PLAATSNAMENOVERZICHT HOME

PIETJE
1967 nr.2 : Tekst: Frans Boermans - meziék: Thuur Luxembourg
Zang: Wiep Hovens

Och waat enne spiët, ik bin d'r enne kwiët.
Ik had um met meuite gekrege.
Ik heel um good vas, want ik had um nog pas.
Nôw heb ik um nog laote vlege.
Ik leep um nog nao, nôw heej en dan dao.
Maar jummich, ik heel um neet beej.
Wie vindste det zeg, mien Pietje is weg.
Nôw vraog ik in eder café:

Refrein:
Is d'r heej emus dae Pietje hit,
waas dae heej meschien ?
Wit d'r dan nemus wao Pietje zit,
dae môt toch örges zien.
Gluifste dan neet det dae örges is,
de wets neet waaste zaes.
Zek mich nôw neet det hae nörges is,
dao isse nog noëts gewaes.
Zek mich nôw neet det hae nörges is,
dao isse nog noëts gewaes.

Ik vroog wae wat wet, aan eder buffet,
en heste nôw oëts vanzelaeve.
Ik hoort eders kiër, dae is heej neet miër,
ze zagte, dae is nao heejnaeve.
Hae zag dök genôg, det emus um zôch,
en haet um heej duchtig geraak.
Det kump heej op neer, dan gaon ik maar weer,
en vraog in de volgende zaak :

* lp 1981/1982 : Jocus - " Laot ôs bliëve zinge " - Discofoon 11.11.81

HOME PLAATSNAMENOVERZICHT HOME

PIETJE
Tekst: Frans Boermans - muziek: Thuur Luxemboug
Gezônge 1 : Ben Verdellen & De kinder
Gezônge 2 (*) : Claar Boots

Ös Pietje dae haet: "Poep" gezag,
det maag dae neet van Mammie.
Det had hae zelf oetgedach,
waat einen fiëzen ammie.
En Mammie zag: "Det maag neet miër,
en anders weer gen snoep !
Dus zeg det neet nog eine kiër."
En Pietje zag: "Jao, Poep."

Refrein:
Maar Pietje, maar Pietje, beneem dich ein bietje.
Bringste det weer van de straot met.
Maar Pietje, maar Pietje, beneem dich ein bietje,
waaste auk duis, laot det.

Pietje leet, det waas neet net,
d'r hiël hard eine vleege.
Pap vraog: "Pietje dees dich det ?"
en Pietje woel neet lege.
Hae zag: "Wae det geleverd haet,
kump nemus aan de weet.
Gehuurd heb geej meschien waal wat,
gezeen heb geej 't neet."

Pietje is auk kunstenaer,
det wit geej dan beej deze.
Menkes teikene duit hae gear,
det haet-e waal beweze.
Ôs Pietje makde 't weer ens bônt,
had hoëge noëd veur twië.
En hae mikde op de grônd,
ein menke in de snieë.

* cd 2000 : Diverse artiesten - " Petje aaf (veur al die schoéne leedjes) " - Onger Os 7370

HOME PLAATSNAMENOVERZICHT HOME

PIMPELPAARS
vòòr 1969: Teks & muziek: ?

Pimpelpaars, pimpelpaars, pimpelpaars is de neus van ome Janus.
Pimpelpaars, pimpelpaars, pimpelpaars is die neus, waat eine Janus.
Det kump van al det ninne, zo'n dreej daag aan ein stök.
Hae schöd ze zich nao binne, al zittend op ein krök.
Pimpelpaars, pimpelpaars, pimpelpaars is die neus van ome Jan.

Mien ome Jan, dae gooie man, dae haet ein klein gebrek.
Nao eeder borrel kump der op zien neus ein kleine plek.
Nao hiël vuël van die pintjes krieg zeej op de langen deur,
ein gans bezonder tintje, jao, ein hiel aparte kleur.

Refrein:
Met Carnaval, dan is mien ome Jan zoë in ziene sas.
Dan kump zien paarse neus um iers geweldig good van pas.
Want eeder dae oom Jan bekiek, dae zuut 't al metein,
dae vindt die kleur zoë moëi en sjiek, en zink dan zit refrein:

HOME PLAATSNAMENOVERZICHT HOME

PINGALIA
Tekst & muziek: H.J.H. Gerritsen

Op ein bleik stond ein geit, en op ein bleik stond ein geit,
zoë allein, zoë allein, en met sök aan de bein.
En op ein bleik stond ein geit, en op ein bleik stond ein geit,
en Pingalia neumde zich die geit.

Refrein:
Pingalia, Pingalia, zoo'n geit van 18 jaor, zoo'ne faldera.
Ut mek, mek, mek, nog achter in de nek,
maar ut vrejt al met ein knölke op de hek.
Pingalia, Pingalia, zoo'n geit van 18 jaor, zoo'ne faldera.
Ut mek, mek, mek, nog achter in de nek,
maar ut vrejt al op de hek.

Tante Nel had ôs gezag, en tante Nel had ôs gezag,
det die geit, det die geit zoë met de "biem-bam" sleit.
En tante Nel had ôs gezag, en tante Nel had ôs gezag,
det ut knölke op de kneen waas gebrach.

En ut knölke is gegaon, en ut knölke is gegaon,
zoë allein, zoë allein, met zie'n sök op de bein.
En ut knölke is gegaon, en ut knölke is gegaon,
en ut geitje mek, mek now weer allein.

HOME PLAATSNAMENOVERZICHT HOME

DE PINGUIN SWING
Tekst: Wiel Hermans - muziek: Wim Roeffen

Pinguin pap en pinguin mam,
die kraoze lekker swingend op die korte bein.
Hiel vuul leweit en duchtig tam tam,
zoë schravele die achterein.
Det schômmelt maar, en huur ens wie det flats,
daobeej wuürt swingend in de maot geklats.

Refrein:
De pinguin swing, de pinguin swing,
de bein, die waere razelig van jôngk en alt.
De pinguin swing, de pinguin swing,
wae strak zit in de frak, luüt det neet kalt.
't Vruus maar of 't duüjt maar of van alles wat,
met hoebele en waggele geit alles plat.
De pinguin swing, de pinguin swing,
zoë swink 't door de ganse stad.

Pinguin Jet en pinguin Jaer,
begoove zich al dökker op det gladde iës.
Deep ônder nul, det hebbe zeej gaer,
dan lache zeej zich weer de miës.
Zoë same op ein höpke, doën beejein,
dan gaon die allemaol wie einen trein.

Efkes nao rechs en dan weer nao links,
de neuze achternao, dan geit 't neet verkiërd.
Asse gewoën as pinguin dinks,
dan hesse det hiel gauw geliërd.
Dus allemaol d'r iëskalt taegenaan,
dan wuürt 't nog gezellig op die slidderbaan.

HOME PLAATSNAMENOVERZICHT HOME

DE PLEKKER
Baer v/d Meij & Egon Peters
Hofkapel v/d Wien, zang (*) : Marita Borremans, Hans Goertz, Jeu Titulaer en Baer van der Meij

Met de vastelaovend gaon ik gaer op stap,
lekker pierewaaje, hange aan d'n tap.
Later rup de kastelein: " Ut is d'n hoegste tied ",
zeg ik um: " Det vind ik fijn, maar de bis mich nog neet kwiet."

Refrein:
Ik blief nog effe heej, ik blief nog effe heej.
Ut is toch zeker vuuels te vruiug um al naor hoes te gaon.
Daorum blief ik nog heej, daorum blief ik nog heej,
wies det de vastelaovend is gedaon.

Bin ik met ein maedje, wilt det leeve kind,
al huuel vruueg gaon vreeje, waat mich gaar neet zint.
'k Wil nog neet naor boete, 't is nog vuuel te vruug.
Wachte wies ut sloete, ik bin ut nog neet muueg.

* lp: "Vastelaovend in De Wien" - LP 1065-A

HOME PLAATSNAMENOVERZICHT HOME

PLÖK D'N DAAG
1972 nr.2 : Tekst: Ad Pollux - muziek: Frans Wetjens

Gister waas, morge kump, maar vandaag dae ister.
En weej praote gans bestump, neet miër euver gister.
En waater morge te wachte steit, leet ôs neet op de maag.
Nae, wao 't ôs allein um geit, det is vandaag d'n daag.

Refrein:
Zônnen daag wie vandaag ister maar eine.
Jao, maar eine, en det is zônne fijne.
Daorum plök daen daag, want minseleef hae ister.
Jao, plök daen daag, want morge isse al gister.

Plök d'n daag, kôm d'r beej, laot um toch neet scheete.
Strakkes isse weer veurbeej, wuërter weer gekrete.
Daen daag dae ister veur ôs plezeer, maar is um zoë gesmaerd.
En daorum is ôs elk keteer, jao elle meuite waerd.

HOME PLAATSNAMENOVERZICHT HOME

DE PLUUJ
1981: Tekst: Hannelore Winter - muziek: John-Gerard Janssen
Zang: Marlie Hanraths

Refrein:
Met mien pluujke, nondejuuke, dans ik door de straote haer
Met ein jeske, kallebeske en ein hudje mit ein vaer
En ut eppelke van Eva bringk mich neet van wiés
Det hingk dao aan die pluuj in mien eige paradiés
Met mien pluujke, nondejuuke, dans ik door de straote haer

Ein klein rediéske wao genne mins naor vroog
Ein golde liéske det in d?n iéskas loog
die hebbe jen want die hange aan ein pluuj
baove al die gekke luuj.

Ein alde broëdkors die neet te biéte waas
Ein stökske braodwors die goof um duchtig gaas
Dao aan die pluuj met wat selderie en knoep
En det löp neet in de soep.

HOME PLAATSNAMENOVERZICHT HOME

DE POES VAN TOËN
Wäörd en meziek H. Verhagen & J. Kohlen

De poes van Toën det is ein kat,
kaolzwart met lange stert.
Ze vrit hiël fein ut hielke op,
en lös maar genne snert.
Ze duit waat heej, ze duit waat dao,
de ruuks ut kamers wiëd.
En toch wilt özze gooijen Toën,
det praoper biés neet kwiét.

Refrein:
Die poes van Toën det is ein kat,
kwaam op mich aaf en deej mich wat.
Ik waerde mich wie eine gek,
jao, jao daovan heb ik die plek.
Die poes van Toën det is ein kat,
kwaam op mich aaf en deej mich wat.
Ik waerde mich wie eine gek,
daovan heb ik die plek.

Ein aardig Vastelaoveskind,
had Toën ens flink gekös.
Maar thoës gekômme leet zien vrouw,
dae stumper gaar gen rös.
Wao waas dich ? - Is det lippestift ?
Ik wil deste ut mich zaes.
Och nae zaet Toën, maak dich neet diëk,
ik bin beej de poes gewaes.

Toën zoot mit kermis in de kroeg,
drônk flink waat beerkes oët.
Maar efkes later sloog hae zich,
kreeg krampe op zien snoèt.
Al waggelend ging hae nao hoës,
en vônd ein gooije smoes :
Die kretskes vrouw, die kreeg ik weer,
van die gemeine poes.

HOME PLAATSNAMENOVERZICHT HOME

DE POLLONAIS
2001/2002: Tekst & muziek: Mai Anröchte & Jacques Claessen
Zang (*) : Mai Anröchte & Jacques Claessen

Refrein:
Allemaol in pollonais, as te d'r eine veur dich haes,
halt um vas, gewoeën aan ziene jas.
Löpse veur of acheroét, kiekse in die leuke snoeét,
waat ein kans, veur eine nieje sjans.

Noow zuús ens waat die pupkes danse, die in det kind zien auge staon,
zal det amor waal verstaon, of is 't strakkes weer gedaon.
Velt d'r veur ós waat te kerdieze, nogal wiedes dan laot maar gaon,
kinse die leefdes taal verstaon, dan laot toch gaon.

Noow uig ens waat ze koekeloere nao ózze slinger van plezeer.
Wao geit dae ganse zwiek noow haer, nao de rue de la floddéres ?
Det is 't getske van de leefde, biste dao nog neet gewaes,
loup dans ens mei dees pollonais, weit waaste haes.

* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201

HOME PLAATSNAMENOVERZICHT HOME

POPFESTIVAL
Tekst: Frans Boermans - muziek: Wim Roeffen

Ik bin, wie ge wet, enne popfen tot en met,
enne fen met hiël mien hert.
Och, as ge ens wis, wie gezellig det det is,
op zô'n prachtig popkônzert.
Met hônderddoezend op ein plein,
op ein höpke, hiël doën beejein.

Refrein:
Jao, ik môt en ik zal nao 't popfestival.
En egaal auk waat veur waer, ederein dae geit d'r haer.
Nao det popfestival kump 't moëiste van al,
want nao aaflaup geliek, dan begint dao de meziek.

Gunds op ein schavot, schriëf d'r eine zich verrot.
Neemus hellep dae'n ermen knöl.
En hae houwt en jank op ein soort besnaorde plank.
"Kuns" is genne flauweköl.
Maar och, den bin ik waal gewind,
en aan alles kump toch ein ind.

Dao wuurd gemiauwd en gejengeld en gehouwd.
Vraog mich neet wao det nao klink.
Geit 't hard genôg, gaon de hendjes in de lôch.
De massa is auk maar ein dingk.
Maar och, det duit mich gaar gen moer,
met ein wetje in eder oër.

HOME PLAATSNAMENOVERZICHT HOME

PRINS CARNAVAL
vóór 1954: Tekst: Koos Timp - meziék: Giel Aerts

Idder jaor mit Vastelaovend,
duit hièl Venlo deze wins:
-'t Rup al waeke van te veure -
'Gaef ôs 'nne nieje Prins.
Dae ôs Venlo kint regere,
op zièn eige stôm maneer,
en dae drèej daag lang d'n baas speult,
in 't Stedje van Plezeer'.

Refrein:
Prins Carnaval, Prins Carnaval,
is de leukste vent, in de hièle tent.
Prins Carnaval, Prins Carnaval,
is d'n baas in Jocus' Hoonderstal.

Euveral wao maar meziek is,
of wao maar gezônge wuerd.
Is de Prins mit zien'n aanhang,
ônverschillig welke buurt.
As de bel van Jocus klingelt,
is det 't attentie-sein.
Want de Prins dae is in aantoch,
en dan zingk me dit refrein :

As 't knudde op d'n bal is,
kreit d'r genne Jocus-haan.
Maar kump dao de Prins nao binnen,
dan mak dae de kachel aan.
Ziene Raod begint te zinge,
wae d'r piere kint, dae piert.
En de Prins gif zelf 't veurbeeld,
wie me Vastelaovend viert.

HOME PLAATSNAMENOVERZICHT HOME

DE PRINS VAN IDDERE MINS
2004/2005: Tekst & muziek: Frans Pollux
Zang: prins Fred Honig en zien adjudante Bart Holtermans en Frans Pollux

Venlo maak plaats!
Waoveur?
Veur de Prins!
Wae? Ik?

Refrein:
Dao hesse de Prins van idd're mins
En weej zien de wins van idd're prins.
En asse ut kind nog in dich vinds
Dan bisse zelf ein bietje Prins
En waal de prins in idder mins
Det is toch waat idder mins zich wins
Dus asse noow nog luime kins
Dan wuuers se prins, wins-prins!

We zoote in d'n duikboët in de middelandse zië
Dao klop-de eemus op de deur.
We makde aope en dao stond de vors
met eine nieje mantel in de gooije kleur.
De vors zach: 'Hang dae mantel um en zet daonao
dees' hoëge muts met vaere op d'n bluts.
En kiëk ens dao:'
(Wao isse dan?)
(Dao hesse de Prins!)

Ôs eige schoën Parade waas met joeksigheid gevuld
En weej, weej stônde op ut daak
Week veulde ôs gepaerdskeuteld,
weej veulde ôs vergöld
en idder wäördje det waar raak
Daen aovend zônge alle jônge in de stad
Nae zônne prinselijke Prins hebbe weej noeits gehad
(Prins Carnaval!)
(Nog eine kiër)

HOME PLAATSNAMENOVERZICHT HOME

PRINSVERRAOJE
2003/2004 nr.4 : Tekst & muziek: Frans Pollux
Zang: Ruud Stikkelbroeck & Bram Holla

Wie ein laupend veurke geit 't door de stad
Want d'r zit ein scheurke in ôs Jocus-schat
En door det kleine scheurke is noow waat ôntsnap
't Allergroëtste Stadsgeheim wuurt heej door ôs verklap!

't Is dan waal verbaoje maar we gaon de prins verraoje!

't Wuurt dae dao!
Wae dao?
Dae dao met det mörf!
Dae noow neet nao heej zich um te dreije dörf
Dae met die hand en die bein
Wuurt adjudant nummer ein
Uig herres span dao dae
Det wuurt d'n andere
Jao jao 't is dan waal verbaoje maar weej gaon de prins verraoje
't wuurt dae! Wae? Dae! Dae? Dae Dao! Aoh
Ik weit allein nog neet percies in welk jaor

'k Zoog 'm gister sjouwe, richting fotograaf
'k Kôs mich nog verdouwe, hae kwaam op mich aaf
'k Merkde det-e gaar niks in de gater had
inens reep ik: Dich wuurs de prins! Hae schrok, toen wis ik zat.

'k Lig al daag te tuure, plat op mienen boék
Beej zien euverbuure achter eine stroék
's Morges geit-e werke, hae luimp haos gans de nach
En det d'r niks verdachs gebeurt, juus det vind ik verdach

HOME PLAATSNAMENOVERZICHT HOME

PRUUSE
19??: Tekst & muziek: Frans Pollux
Zang (*) : Neet Oet Lottum

Iddere Zaoterdaag dan is ut weer zoe wied.
Dan wuurse in gans Venlo diene auto neet mier kwiet.
Dan komme ze met bakke vol, van euver de grens,
en rieje allemaol in eine Mercedes-Benz.
Ze komme 's morgesvruug al rond de klok van nege oor,
en vraete dan al hamburgers en hiering in ut zoor ...

Refrein:
Kumpse in de stad waat zuusse ? Pruuse !
Kumpse in de stad waat zuusse ? Pruuse !
Bakke vol met 'Kaffee und Kaese',
'Und Pommes-Frites mit Mayonaise'.
Kumpse in de stad waat zuusse ? Pruuse !
Kumpse in de stad waat zuusse ? Pruuse !
Ik zeg og, oeit dan waere weej ut zat,
want zoevuul Pruuse hebbe weej nog noeits gehad !

'Die ganze Familie' lop met tasse euver straot.
En as de kiendjes zeike um 'n ies, wuurt 'Mutti' kwaod.
Sie einkaufen de gansen daag, de veut die doon eur pien,
op zeuk nao alle winkels wao de dinger 'billig' zien.
Maar vruug mich zo'nne Pruus oeit nao de waeg nao C&A,
dan steur ik um 'per ongeluk' nao Hors-America ...

En um ein oor of vief dan is de Zaoterdaag veurbeej.
Dan rieje ze weer truuk in eure dieke BMW.
Dan lop dich veur ein waek auk genne Pruus mier in de waeg,
en staon alle pekiergeraazjes zes daag lang weer laeg.
Dan huurse weer gewoen Venloos praote, och waat klink det braaf.
Och loog os Stedje van Plezeer maar wieer van Pruuses aaf ...

* cd 1998 : Neet oét Lottum - "Flaai"

HOME PLAATSNAMENOVERZICHT HOME

RAAR
2001: Tekst & muziek: Frans Pollux
Zang (*) : Neet oét Lottum

Messchien dalik, as alles waat gezak is.
Messchien straks, as ik vergaet waat d'r gezag is.
Messchien later, jao later det klink good.
Maar veurluipig drink ik nog dien blood.

Messchien oéit, vlak veurdet we doëdgaon.
Messchien dan, det we met ôs batse bloëtgaon.
In de winter van mien laeve, sorry veur waat waar,
't is raar

Alles is raar, alles is maf, alles is krômp,
en ik bin aafgestômp.
Van oét- nao aan- weer oétgestamp.
Ik veul mich net ein schemerlamp.
Alles plek heej van mien traone.
Zellufs de grônd, daorum halt ik mich nog staonde.

Messchien toch, det we nog ens waat gaon aete,
In det restaurant, wao ze ôs allang zien vergaete.
Van al ôs gepraot waere de biefstökke kalt.
Ik halt van dich, maar…

De's neet miér zat en in idder geval noow neet.
Dus praote, aete, drinke hoof neet, as 't aan mich leet.
Al sloét ik neet oét det ôs de toekôms nog aete schink,
we zeen waal waat 't bringk.

Alles is raar, alles is maf, alles is krômp,
en ik bin aafgestômp.
Van oét- nao aan- weer oétgestamp.
Ik veul mich net ein schemerlamp.
Alles plek heej van mien traone.
Zellufs mien schoon, daorum halt ik mich nog staonde.

Messchien det örges oéit in 2012,
ik dich 's bel of wae wet belse zelluf.
En dan kinne we gaon drinke en klinke op waat vruuger waar,
maar noow is ...

Alles nog raar, alles nog maf, alles nog krômp,
en ik bin aafgestômp.
Van oét- nao aan- weer oétgestamp.
Ik veul mich net ein schemerlamp.
Alles plek heej van mien traone.
Zellufs mien leedjes zien plekkerig gewaore.

* cd 2001 : Neet oét Lottum - " Vertrokke " - Red Bullet

HOME PLAATSNAMENOVERZICHT HOME

RAUKE
2001: Tekst: Rob vd Sluis - muziek: Ex-Ronny Toober
Zang (*) : Ex-Ronnie Toober

Ik stop met rauke, ‘nne kier
Ik stop met rauke, ‘k weit nog neet wannièr
Kaugums of tablette
Of accupuntuur laote zette
‘K stop noow met rauke, deze kier

‘K bin noow ‘nne stresser, maar waal gezónd
Bin 18 kilo zwaorder en heb ’n dièke kónt
Mien vrouw geit van mich scheije
Maar ik heb alweer waat nièjs te vlije
’T is waal neet zoè clever, ut is blónd

Ik stop met stoppe met rauke, noow metein
‘K heb al gen geveul mier, in mièn linker bein
Caballero, drum of samson
Of.., marlboro light
Ik vlem gewoèn verder, net wie idderein

* cd 2001: Ex-Ronny Toober - "Noow en heej"
2001 *cd : Diverse artiesten - "Venloos Trots"

HOME PLAATSNAMENOVERZICHT HOME

DE RAZELAER
1963 nr.1 : Tekst: Koos Timp - meziék: Giel Aerts
Zang (*) : Theo Teuwsen

Ik bin zoë erg verlaege, ik weit neet waat det is.
Mien bein die staon de ganse daag te knikke,
en ik kin nörges taege, ik woel ens det ge wis.
Wie ik mien wäörd nao ônder staon te slikke.
Ik bin 'nen echten 'duizak', wie me zaet.
Det kump as Amor dich te graze haet.

Refrein:
Eed're kier as ik dich zeen, eed're kier as ik dich zeen,
- waat enne wazel - krieg ik de razel.
Eed're kier as ik dich zeen, eed're kier as ik dich zeen,
krieg ik de razel in de kneen.
Dan gaon ik langszaam van de gaert, ik griep mich aan de moor.
Mien bein die slage in de knup an dan zak ik d'r door.
Eed're kier as ik dich zeen, eed're kier as ik dich zeen,
krieg ik de razel in de kneen.

Ik bloos wie ein redieske, ik kan d'r niks aan doon.
Wao môt det haer as ik mit dich allein bin.
Dich bis zô'n lekker sieske; mien hert zink in de schoon,
umdet ik door daen dazel van de bein bin.
Ut leefste leep ik hiël wied um dich haer,
maar ik doon ut neet, ik zeen dich vuëls te gaer.

* lp 1981/1982 : Jocus - " Laot ôs bliëve zinge " - Discofoon 11.11.81

HOME PLAATSNAMENOVERZICHT HOME

REIZIGER IN ZWART
1995: Tekst & muziek: Maurice Roosen
Zang (*) : Romeo

Noch dertig jaor te gaon, dertig jaor um te bedinke,
waat d'r op miene graafstein kump te staon.
Gaon ik naor d'n hemel of rup d'n duvel mich in de hel,
zal ik mich verwaere of geit 't laeve ech zoe snel.

Euver dertig jaor zien mien haor gans gries,
bin ik einzaam en vergaete, bin ik alt en wies.
Euver dertig jaor is het gegaon en beej mich weg,
maar de vaaje in zien gezich laote gen leuges toe.

Vanaovend weit de wind oet 't weste, 't perron is naat en kald,
't spoor strek zich oet tot aan de horizon.
De huurs de stumme van de minse veur d'n trein van halluf twelluf,
Venlo- Den Haag centraal station.

Maar de stilte is maar schien, wachtend op de volgende trein,
ik bin ein reiziger in zwart, in ennen trein rond middernach.
Genne naam en gen verleeje, zeukend in 't hede.
Alles achter mich verbrand veur ein laeve aan de zonnekant.

* cd 1995 : Romeo - "Later krieg gelièk" - Ben Verdellen Produkties

HOME PLAATSNAMENOVERZICHT HOME

DE REJALE (royale)
Tekst: Frans Boermans - muziek: Wim Roeffen
Zang (*) : Wiel Vestjens

Refrein:
Zoëlang weej laeve, zal ik dich gaeve,
mien hiële hebbe en mien ganse traktement.
'k Zal dich bedinke met schoën geschinke,
ik vraog veur mich allein maar eine zôndaagscent.
Want ens per waek wil ik mien groët gelök gedinke,
môt ik oêt dankbaarheid ein glaeske beer gaon drinke.
Zoëlang weej laeve, zal ik dich gaeve,
mien hiële hebbe en mien ganse traktement.

Och, leeve schat, zek wetste wat.
As dich smeis van mich hils,
en trouws met mich, dan kaup ik dich,
van alles waaste wils.

Dae'n auto en die vleegreis,
en dae'n bôntjas zien wat deur.
Dao kaup ik dich ein fietske,
en ein lôchtig bloesje veur.

lp: " Laot gaon dae wage "
cd : " Zónne Vastelaovend "

HOME PLAATSNAMENOVERZICHT HOME

RIDDER GOSEWIEN
Tekst: Frans Boermans - muziek: Jan Theelen
Uit de revue 'Stel og ens veur'

Huur mien verhaol van Ridder Gosewien.
En van de schoëne Jônkvrouwe Mechtilde.
Daen eed’le man dae beej det maagdekien.
Ziene leefdesdors aan eur rieke brônne stilde.

Eilaas eilaas hae waas d’n innigste neet.
Det waas nôw net waorum hae zich zoel wraeke.
Hae keek in zien alkoof door eine spleet.
En hae zoog veer veut ônderoet de lakes staeke.

Hae haet dae valse snoëdaard oetgedaag.
Dae um zien schoën Mechtilde hal ônstaole.
En zeet wie hae toen zonder stoët of slaag.
Ouk de zegepraol nog zoëwaor wis te behaole.

Hiër Gosewien had op ein slum meneer.
Ein stinkerskieske op zien zwaerd gestaoke.
Dae valse minnaer veel verduzeld neer.
Wie hae toen det Limburgs kieske had geraoke.

De Moraal:
Wae zich neet altied opveurt net en braaf.
Hoort in mien leed det hae dan môt bedinke:
Dae’n dômme mins dae gruëf zien eige graaf.
En hae bringk dao beej ouk d’n boel nog aan ‘t stinke.

HOME PLAATSNAMENOVERZICHT HOME

RIDDER KUNIBALD
1999/2000 nr.1 : Tekst: Paul Naus, Frank Spreuwenberg & Wim Roeffen - muziek: Wim Roeffen
Zang (*) : Hay van den Ham & Frans Driessen

Kunibald, dae had beslaote mit d'n optoch mei te gaon.
Ouk zien paerd kôs 't weer neet Iaote, en stônd al ore klaor te staon.
Op de Pônniewaeg gekômme, stond haos miër as idderein.
Oétgedos mit träöt en trômme zônge zeej same dit refrein:

Refrein:
Kunibald, dao kump'hae weer. hae wet, weej zeen 'm toch zoë gaer.
'nen Optoch zônder Kunibald, is Jocus vitae zônder zalt.
Smeis dan löppe naeve 't paerd, det kump dan dao door det,
Want Kuun had weer ens zat gehad, hae had miër dors dan mood.
En zienen "hiep" dae waas det zat, dae zag:" Dich geis maar fijn te voot".

Wie weej eur zoë zooge sjouwe, nae, det zoog toch gaar neet oét.
"Kuun", dae meus zienen hiep waal douwe, want anders kwaam dae neet veuroét.
Maar hae leet zich toch neet kiste, en 't lökde um goddank.
Veur de luuj die 't nog neet wiste, hae kreeg d'n hiep weer aan de gangk.

* cd 2000 : Diverse artiesten - "Van Eijsde tot de Mookerhei 7" - Marlstone Recordings bv CDL2001

HOME PLAATSNAMENOVERZICHT HOME

RIËFMEZIËK
1983 nr.2 : Tekst: Wiel Hermans - meziék: Wim Janssen
Gezônge Wiep Hovens en Annemie Alders

Refrein:
Mam, wao is dien wasriéf ? mam, gaef mich die riéf.
Want idderein dae löp noow met ein wasriéf veur 't liëf.
Gans Venlo steit te riëve, ik zoel achtebliéve ?
't Is al viéf veur viéf, mam, aoh mam, wao is die riéf ?
Gans Venlo steit te riëve, ik zoel achterbliéve ?
't Is al viéf veur viéf, zek mich, mam, wao is die riéf ?

Ôs mam die kreeg ein wasmesjien,
en de riéf woort aafgedank.
Maar noow dao weer meziék in zit,
had d'n deze gaer die plank.
Want huur, 't ganse Jocusriëk,
schravelt op zô'n bleek.
En make dao op riéfmeziék,
mam, laot mich neet in de steek.

Ein träöt dao kreeg ik nappes oét,
net zoë wie zoë minnig ein.
Ik deej veur spek en boéne mei,
want ik kreeg die neut neet klein.
Maar riéfmeziék det kneis ik bes,
det mak mich neet schauw.
Noow woel ik meidoon met de res,
maar ein wasriéf heb ik louw.

Ein jungske kreeg ik kinnis aan,
en det waas ein wasriéf-stér.
Dae speulde in d'n optoch met,
met zien wasriéf op ein kér.
Dao stônd ik met mien twintig jaor,
hae zoog mich neet staon.
Gén wasriéf, det waas zien bezwaor,
bin toen rap nao hoës gegaon.

HOME PLAATSNAMENOVERZICHT HOME

'T RIENKE
?
Wies: "Strömt herbei Ihr Völkerschare"

Van de Schienskoel kump gedreve, door 't Ven struimp ôzzen Rien.
Is hae waal wat klein gebleve, alles kan neet einder zien.
Greuit de droef neet langs zien kante, riekdôm haet hae aevel auk.
Riekdôm van sevoeije plante, van kômkômmers, prei en lauk.
Riekdôm van sevoeije plante, van kômkômmers, prei en lauk.

In 't Ven hebbe we 'n Rienke, det löp achter langs ôs hoës.
Veur de geit was dao ôs Stienke, dieke reube wie ein voës.
En ôs kuuj die gaon d'r aan zoepe mit water gaeve genne las.
Môt de kleine sôms vuel p..., was mien vrouw dao-in de was.
Môt de kleine sôms vuel p..., was mien vrouw dao-in de was.

Nao d'n Broezerd kôm ens kieke, mit de visgaert in de hand,
nörges vindt ge ziens gelieke, in ôs ganse vaderland.
Aan d'n Broezerd wil ik visse, aan d'n Broezerd wil ik staon.
Eder daag, 't kan neet misse, mit ein zooi nao hoës toe gaon.
Eder daag, 't kan neet misse, mit ein zooi nao hoës toe gaon.

HOME PLAATSNAMENOVERZICHT HOME

UNNE ROES
Tekst: Martin Peters - muziek: Wim Roeffen

Refrein:
Fladdere wie eine vlinder en zoeme wie un bei.
Hange wie un vlaermoes want dao zitse dan neet mei.
Dien auge staon dan wazig, ut is dien eige fantasie.
En 's morges asse wakker wuurs begint ut weer opnie.
Dan kinse:
Fladdere wie eine vlinder en zoeme wie un bei.
Hange wie un vleermoes maar dao zitse dan waal mei.

Ik weit now wie ut kump, det kin toch auk niks gaeve.
Met vastelaovestiëd, laefse un gans niej laeve.
Ut kan laupe wie ut löp, och minse laot toch gaon.
Weer efkes ein femielie zien, veurdet ut is gedaon.
Dan kinse:

Ut is alweer zoë wiet, ik kan der neet miër taege.
As ik d'r al aan dink, waer ik op slaag verlaege.
Ik bin gans van de wap, verberg dan mien gezich.
As het weer veur mich steit en zaet ik hald zoë vuel van dich.
Dan kinse:

* lp 1980/1981 : Jocus - " Gaef mich de viëf " - Discofoon LP 11.11.80

HOME PLAATSNAMENOVERZICHT HOME

ROETSE
1987 nr.3 : Tekst: Ad Pollux - meziék: Giel Aerts
Gezônge: Hay Cromvoets

't Haenke in d'n tore, haet ônderhand gen werk.
't Klaag: d'r kump al jaore haos gen kiep miér in de kerk.
Ik zeen 't neet miér zitte um heej te bliéve staon,
um heej te bliéve pitte, nae, ik gluif det ik maar gaon.
En wilt ge weite wie, dan got maar ens opzie.

Refrein:
Ik laot micht roetse nao ônder roetse,
gaon op de Alde Merret joetse.
Met el die kiepe um mich haer,
det woel ik al zoë lang, zoë gaer.
Ik laot mich roetse nao ônder roetse,
in eine roets de Zoépkoel in.
Geej meug mich dreej kiér laote boetse,
en dan weit ik det ik d'r bin.

Ik staon heej maar te dreije, umdet geej weite wilt.
Wie of de wind geit weije, maar det zaet ôch toch De Bilt.
Ik kriég heej in daen tore weer eders kiér ein vaeg.
Zoë zitte mich al jaore heej die winde in de waeg.
Dus nog maar ens gezag, ik had mich zoë gedach.

De hane en de hinne in ôzzen hoonderstal,
die laote zich neet kinne, en doon mei in zôn geval.
Die gaon op eur gemaekske dezelfde kant obaan.
En van ein leije daekske huérste ôzze Jocushaan.
Noow is 't dan zoë vaer, hallaej, dao gaon we haer.

HOME PLAATSNAMENOVERZICHT HOME

ROËZEGEUR EN MAONESCHIËN
1980 : Tekst & muziek: Martin Berbers
Zang (*) : Hannelore Winter

Of baedelaer, of miljonaer, waat zal 't beste zièn ?
Ze hebbe allebei gelök, maar auk dezelfde pièn.
"Och, leeve mins, bewaar gedöld" det is al dök bezônge,
want eed're wins, dae zich vervôld, dae krieg direk weer jônge.
Waat hebbe we mièr nog wat ge dach, we laeve en kinne nog lache ...

Refrein:
De wengskes kriëge kleur, ik ruuk alweer de roëzegeur.
Och minse, kôm ens veur, de linte steit weer veur de deur.
De wengskes kriëge kleur, ik ruuk de roëzegeur.
En met of zônder maoneschiën, 't zal weer dreej daag za-lig zièn.

* lp 1981/1982 : Jocus - " Laot ôs bliëve zinge " - Discofoon 11.11.81

HOME PLAATSNAMENOVERZICHT HOME

ROK EN ROOL DUIT UT GANS
1984/1985: Tekst: F.van den Bogaard - muziek: Chuck Berry
Zang (*) : de Drekskaters

Venlo is ein leuke stad, al hebbe we trammelant gehad,
door ruzie stuf of un stick, want jônge det is linke mik.
Witste wat ik dan leever flik: ik dans, def guf mich enne kick.

Hald van Venlo, halt ut greun, halt ut dan zoë en gen gekleun.
Dus petty-coat en pums maar aan, zet alle zörg ens van de baan.
De taofels, steul gaon aan de kant, d'r wuért gedans en det is kwant.

Refrein:
Rok, rok en Rool, die luie kont maar van de stool.
Dae Rok en Rool is pas meziek, dae mak dich jôngk, de veuuls dich riek.
Jao, Rok en Rool dae duit ut gans, dus Rok en Rool met dien sjans.

Hab dem Wagen falsch parkiert, den mund mit Majo vollgeschmiert.
Ich hab hunger, ich hab durst, ich trink ein Bier und ess 'ne Wurst.
Die Marken rollen mir aus der hand, wir sind wieder ins Käseland.

Refrein:
Rock, Rock Rock und Roll, wir stehen schlange bei dem Zoll.
Rock, Rock Rock und Roll, wir essen uns satt und tanken voll.
Rock, Rock Rock und Roll, Beckenbauer ist besser wie Kroll.

Halt ge van Venlo, halt ut schoën, veur Jaerke, An, Merie en Toén.
Parade, Geisstraot, euveral, bringk rol en rool naor ketjesbal.
Veur Schinkeman of op stadhoés, of Rok en Rool gewoén ens thoès.
Ik halt van Venlo en van dich, ein schoëne stad ein moeëj gezich.
En kiek geej zonnig of soms kalt, ge weit toch det ik van ôch hald.
Zeen ik och mien hert struimp vol, veur Venlo dich en rok en rool.

Refrein:
Rok, rok en Rool, die luie kont maar van de stool.
Dae Rok en Rool is pas meziek, dae mak dich jôngk, de veuuls dich riek.
Jao, Rok en Rool, dae duit ut gans, dus Rok en Rool met dien sjans.

* cd 1993 : De Drekskaters - "Kattekwaod"

HOME PLAATSNAMENOVERZICHT HOME

DE SAGE VAN HAZEPOËT EN GRANVALEER
Tekst: Leo Opheys - muziek: Frans Boermans
Uit de revue 'Stel og ens veur'

Fossa Eugeniana,
band tösse Rien en Maas.
Me zuut dien alde spaore,
wao ens 't Lingsfort waas.
Ens hebbe aan de Fossa,
wie geej vandaag not weit.
Veur Spaanse potentaote,
vuël werkluuj hard gezweit.

Kanaalbouwingenieure,
die kwame van wied haer.
D'n baas waas Hazepuëtje,
d'n andere Granvaleer.
't Loëngeld det kwaam altied
oet Venlo van de bank.
Zoë heelte die twië baze
d'n bouw dao aan de gank.

Opens dao zach dae'n eine
toet zienen opperbaas.
Laot ôs det geld behalde,
't is neet wied die Maas.
Dae leet zich iers waat nueje,
maar gaof op 't lets toch nao,
en op betaaldaag hoot 't:
't Geld is nog neet dao.

Det woord ein lammentere,
d'n duuvel haolt dich waal,
en eine vlook klônk schrikkelik,
wies euver 't kanaal.
Mit gleuijentigge wages,
wie in de hel zoë heit,
zult geej de grieëf bevare,
altied vermaledijd.

Klamp waas dae vlook verklônke,
woord 't duuster wie de nach.
D'n hemel speejde bliksem
en 't hômmelde mit krach.
Toen kwame door de wolke,
veer hellepaerd dao aan,
met gleuijentigge wages
net op de grieëf op aan.

Veur op d'n iërste wage
kwaam Hazepoët dao haer
en op d'n twiëde wage
dao zoog me Granvaleer.
Ze dansde op eur stevels,
de piet nog in de moel.
Zoë vore dao die smaerlep
hoëg euver berg en koel.

Aan 't Lingsfort kort beej Straole
gaon alde spaore haer,
dao spoëk nog Hazepuëtje
en ouk nog Granvaleer

HOME PLAATSNAMENOVERZICHT HOME

SAHARA
1969 nr.2 : Tekst: Ad Pollux - muziek: Frans Wetjens
Zang (*) : Hay Cromvoets

Refrein:
Laot ôs gaon, laot ôs gaon mien leefste Klara,
dich en ik, weej allebei, nao de Sahara.
Ik heb d'r gevônde waat ik zôch,
dao is veur ôs nog plaats genôg.
Mien leefste Klara, in de Sahara,
't is met dich mien lekker deer,
en eedere waek ein vaetje beer,
toch zoë fijn, zoë gans allein, in de Sahara.

Euveral zien minse, minse groët en klein.
Nörges, nörges kinse zien met mich allein.
Euveral zien minse, wao weej gaon of staon.
Zek mich ens, waat vindse, zulle weej maar gaon ?

Klara kind, det wetste, 't is heej niks gedaon.
Altiêd maar det kletse laot ôs now toch gaon.
Klara, kind det wetste, ik hald zoevuël van dich.
Laot ze now maar zwetse, kôm maar mei met mich.

* lp 1981/1982 : Jocus - " Laot ôs bliëve zinge " - Discofoon 11.11.81

HOME PLAATSNAMENOVERZICHT HOME

SAMBA PALLESAOTE
1985/1986 nr.2: Tekst: Hannelore Winter - muziek: Jan Derijk
Zang: Hannelore Winter & Jan Derijk

Dit is neet Kariebies, dit is neet Bresiel.
Dit is noow ens tiepies de Venloose stiél.
De neems enne aanluip van twiédoézend volt,
dan kump de penantie en 't belke det rolt.

Refrein:
Dit is de pallesaote-samba, karamba, papa dae is van de zök.
Uich um danse met zien ma-ma, is det neet ein stök gelök.
Dit is de pallesaote-samba, det hebbe gekke oét d'n aek gedreijd.
De letste niejer-wétse samba, en vader tiéd haet zich verkleid.
Ai ai ai ai ai idderein is van de graot.
Ai ai ai ai ai van dae samba pallesaot.

't Laeve det brink ôs ein bleumke det bleujt,
ein veugelke zink en ôs hertje det greujt.
Weej waere neet jônger, maar auk noeits te alt.
En fijn doén beejein, det is lang neet zoë kalt.

HOME PLAATSNAMENOVERZICHT HOME

SAME STAPPE (de schutter)
Tekst: Frans Boermans - melodie: 'Fliegermarsch'(Herman Destal)
Zang (*) : De Kammeräodjes

Ziet ge dao? Idderein binne?
Dan staeke weej van wal
Ziet gedao? We gaon beginnen:
Vanaovend wuurd 't knal
De mezièk is al aan't blaoze
Good stel laot die maar kraoze
Zeej brenge met eur melodie
Waat laeve in de ganse brouwerie

En weej hoove deze nach neet ens nao bed te gaon
En dan hoove weej auk morge neet vruug op te staon
Weej halde neet van pômpewater
en later genne kater, genne kater genne kater
Enne gooije wiets vertelle is beej ôs den broèk
En weej lache ôs dan dökker vaaje in den boèk
Weej gaon neet met de kiepe op stok
Des te minder zien weej kinder van de klok.

As weej op de lappe gaon
Kièke weej neet op ein oor
As weej same stappe gaon
Gaon weej door ein twièsteins moor
Vuulste vruug tot ôzze spièt
Klink "ut is den hoègsten tièd!"
Nog ein leed, nog ein glaas en daon gaon sam sam
Alle maedjes en de jônges moei nao bed!

* cd: De Kammeräodjes - "Veur ôs plezeer"

HOME PLAATSNAMENOVERZICHT HOME

SARAH
Tekst: ? - muziek: ?
Zang (*) : Blaauw

Ik woel det ik op water kós loupe en dit dich zeen ligge op ut strand.
Dich geneets van de straolende zón, en in geneet van dich.

Ik woel det ik op wolke kós driève en det ik dich ónder mich zeen staon.
Ik steur dich ein baodschap met de wind, jao, dich luusters nao mien leefdesgedich.

Refrein:
Zoeë zit ik oore achterein allein.
Ik druim van dich d'n gansen daag.
Ik fantaseer, zing met dien leedjes mei.
Kóm veul die vlinders leef Sarah.
Kóm Sarah, kóm Sarah.

Ik woel det ik door moore kós loupe en det ik stiekum naeve dich lig.
Ik speul met dien haor en bewonder dien moeëj gezich.

Ik woel det ik de nach kós verdrieve, zoedet ut noeëts mier duuster is.
Ik plök met dich d'n daag jao dich straols as ut morgeleech

Kóm Sarah - Sarah - Sarah.
Kóm veul die vlinders, Sarah.

* cd : Blaauw - "Eine zomer met dich"

HOME PLAATSNAMENOVERZICHT HOME

DE SCHOEGELDANS
Tekst & muziek: W. Janssen
Zang (*) : Hans Mans

Huurste in de vaerte dae meziëk?
Och leve schat, wasas ik maar mei gegaon
De wets det ik veur hoempapa bezwiëk
Kan eine mins dan blieve staon.
Huuer ik die träöte en die trôm
Dan kinste gluive det ik kôm.

Refrein:
Kôm op de straot, dan danse weej d'n hoempapa
De schoënsten dans van ut jaor
Zô'n lekker dingk, dae'n alderwetse hoempapa
De blaoskapel steit klaor.

Wie det geit zô'n schoegeldink
Môste huuere wie det klink
Op ut boenze van mien hert
Sjouw ik mei met det konzert

Alle minse danse op de straot
An op d'n hook dao speult ein blaosorkes
Kiëk ens wie det schoegelt op de maot,
Dao zuuste Venlo op zien bes
Waat zien weej gruuets, waat zien weej riëk,
Met ôzzen alde blaosmeziëk.

* lp: " 't Is weer vastelaovend (twië maol elf vastelaovesleedjes en nog vuël miër...) "

HOME PLAATSNAMENOVERZICHT HOME

DE SENTIMENTEELE
vòòr 1885 : Tekst & muziek: Gerard Hamm

.......................................... (?) ..........................................

Och Mieke! Mieke! Mieke! - dich kleinen hertendeef !
Dien neuske, möndje, uigskes - zien alle ève leef.

.......................................... (?) ..........................................

HOME PLAATSNAMENOVERZICHT HOME

SIESKE
2005/2006: Tekst: ? - muziek: ?
Zang (*) : W-Dreej

Sieske ik hald van dich,
Sieske now blief beej mich,

Refrein:
Sieske ik hald van dich,
Sieske now blief beej mich,
Sieske laot mich heej toch neet zoe einzaam staon,
Zonder dich kèn mien laeve neet verder gaon

Ik waande mich hoeëg in d’n hemel,
Zoe groeët waas mien gelök,
Op èns verscheen ein èngelke,
Det brach mich van mien stök

Ik waas gewoeën gans van de geert,
En zweefde oor nao oor,
Mer toen bleek unnen druim te zien,
Want dich waars d’r weer vandoor

Wat’s dich dao met mich deejs,
Det waar zoe gaar neet van dees aert,
Waat ik met dich toen heb belaeft,
Det waar ein doeëdszund waert

Wat’s dich dao met mich deejs,
Det brach unne lach op mien gezich,
Dus doot mer met mich was se wils,
Mien hert is gans van dich

Sieske laot mich heej toch neet zoe einzaam staon,
Zonder dich kèn mien laeve neet verder gaon

* cd 2006 : W-Dreej - "W-Dreej ônderwag"

HOME PLAATSNAMENOVERZICHT HOME

'T SINT JUTTEMIS LEED
Tekst: Paul Hermans en René Scheffer - muziek: René Scheffer
Zang (1) : Minsekinder en vrinde
Zang (2) : Frans Pollux (Neet oet Lottum) & Bert van de Bergh (&julliet)

Refrein:
Met Sint Juttemis, dan kom ik dich waer haole.
Dan wil ik met dich danse, dan mot ik met dich sjanse,
en gaon weej same oèt.
Met Sint Juttemis dan zinge weej os leedje.
Dan gaon weej zinge, springe, dan doon weej zotte dinge,
en waat mak det nog oèt.

Jao, de kalvere die danse op 't iès.
Die bieëste zien neet wiès, die danse op 't iès.
Met Sint Juttemis, dan kom ich dich weer haole,
dan wil ik met dich laupe en gaon weej same oèt.

De duvels gaon met fakkles door de straot.
Pestoer dae neet mièr heilig praot.
Maar nemus dae vind detdet neet geit.
De bis zoeë moeëj gekleid, gelök is dièk gezeid,
en idderein, jao idderein is geweid.

HOME PLAATSNAMENOVERZICHT HOME

SINTERMERTE
Teks en muziek: Frans Boermans

D'r waas enne kiër ennen brave soldaot,
dae zoot hiël hoëg te paerd.
Dae sneej ziene mantel midden op de straot,
in twiëje met zien zwaerd.
En hae goof de helf aan d'n erme man,
dae had 't zoë kald want hae razelde d'r van.
Zônder jas, zônder haemp, ocherm,
maar toen hatten 't weer lekker werm.

Refrein:
Weej gaon sintermerte viere,
met ôs luchje in de hand.
Weej gaon sintermerte iëre,
staek d'n troshoup maar in brand.

Toen leet hae zich duipe, dae'n brave soldaot,
det woort einen heilige man.
Dae lierde de minse, och doot toch gen kwaod,
want die makde d'r ein pötje van.
Sintermerte is ôzze stadspetroën,
dae baove nôw baejt veur 't stedje wao ik woën.
En hae is ôzze kindervrind.
Hae struijt lekker grei veur eder kind.

Weej hebbe gewierks en weej hebbe getros,
al waat maar demp en brandt.
En gluif maar det det vuël zweit ôs haet gekos,
en blaore in de hand.
En det deje weej veur dae stadspetroën,
dae'n heilige vrind van det stedje wao ik woën.
Maar 't wierkse is nôw gedaon,
miene wierkspot is oëtgegaon.

HOME PLAATSNAMENOVERZICHT HOME

SINTERMERTES VEUGELKE
Tradisjoneel
Zang (*) : Kinderkoér & Jan Pollux

Sintermerte kin neet komme, want dae haet eine kromme poet.
En daor motte weej veur beeje, anders geit Sintermerte doed.

Sintermertesveugelke, haet ein roed keugelke,
haet ein blauw stertje, hoepsa Sintermerte.
Vandaag is Sintermerte, morge Sinterkrôkke,
komme de gooje herte, die hadde zoe gaer ein stôkske.
Houtje op 't tôrfke, Sintermerteskôrfke.
Hout, hout, hout en 's winters is ut koud.
Hoera, hoera waat hebbe de boere ein laeve.
Hoera, hoera waat hebbe de boere ein pret.
En Mieke de Woep zoot op de stoep en leet d'r eine vleege.
Mieke de Woep zoot op de stoep en leet d'r eine gaon.
Hoera, hoera waat hebbe de boere ein laeve.
Hoera, hoera waat hebbe de boere ein pret.

* cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213

HOME PLAATSNAMENOVERZICHT HOME

SJEEP
vòòr 1954: Muziek en Tekst: Gebr. Hendriks.

Zek, wet géj auk wie enne sjeep is gemak ?
Zôn krak haet veer rajer en dao-op einen bak.
Van binne wat rômmel ônderein gekiep,
Daobéj enne motor en de hebs enne sjeep.

Refrein:
Sjeep, sjeep, sjeep, ge kint toch enne sjeep.
Ge wet waal, zôn dink wao ein blikske op hink,
en det as 't ried nao petroleum stink.
Sjeep, sjeep, sjeep, ge kint toch enne sjeep.
Bekiekste zôn kisje van achter en veur,
de zuks, maar de vinds gen deur.

De sjeep is de ker van den modernen tiëd.
Dae huërste al kômme, al is ze nog wiëd.
De sjeep is ein brouwsel van rubber en zink,
'n Dink, aste rechts aaf dreis, nao links aafzwink.

Den buurman van ôs, dae is gister gepiep.
Hae reej nao den hemel toe in enne sjeep.
Had in vruëger iëwe ein sjeepke bestaon,
waas Elias neet met ein kèrke gegaon.

Ik kin ein meid die haet met Pruuse gesjouwd,
is tot nog toe neet in de bajes gedouwd.
Wet géj waorum die meid ut um neet kniep ?
Die zit béj enne Canadees in de sjeep.

De sjeep kump oët 't land van Uncle Sam,
maar dames en hiëre, ik staak mien gezwam.
Got allemaol staon nôw en roop dan hiep, hiep,
hiep, hiep, hiep, hoera, en lang laeve de sjeep.

lp 1985

HOME PLAATSNAMENOVERZICHT HOME

SJEI OET
Tekst: Harry Bordon - muziek: ?

Ik höb pas mit emand gespraoke dae Limburger is, net as ik
dae haet ouch de stadslóch geraoke mar haet d'r zich zwaor in versjlik.
Want alles wat hae had bekeke, waar moeëjer dan 't Limburgse land
ik höb 'm 'ns good aangekeke en brach 'm toen aan zien verstand

Refrein:
Sjei oet, sjei oet, wie kins te toch vergaete
wie sjoeën, wie sjoeën, wie sjoeën 't zude is!
Sjei oet, sjei oet, dao kin zich niks mit maete
Sjei oet, sjei oet, ech waor: de höbs 't mis!

Wat Johnnie Jordaan steit te zinge in leedjes van ziene Jordaan
zoe mich op de kneen mótte dwinge: dao kin ik ech neet taegenaan.
Mar as e mich aan zit te praote dat Mokum 't prachtigste is
mèt gevelkes grachten en straote, ach Johnnie, dan höbs te-n 't mis!

Zoeë zit ik wal dèkker te kletse mèt Limburgers in Amsterdam
die inkel van Holland mar zwetse, mer Limburg vergaete ze ram.
Die luuj zien 't sjoeënste verlaore, vergaeten 't moeëj dialek
oet Limburg. wo zeej zien gebaore. Mar wit ge dan wat ik ze zek:

Parlando:
Ach sjei toch oet jónges, geer wit toch zeker wal baeter!
Ah jónges sjei toch oet!
(Zang) Sjei oet, sjei oet, dao kin zich niks mit maete
Sjei oet, sjei oet, ech waor: de höbs 't mis!

HOME PLAATSNAMENOVERZICHT HOME

DE SJELOERSE
1964 nr.4 : Wäörd en muziek: Frans Boermans & Thuur Luxembourg

Refrein:
Ik kan 't neet verdrage, deste mich beluugs.
Ik kan 't neet verdrage deste mich bedruugs.
En waaste mich ouk wies maks, waaste ouk vertels,
mich paotste toch, mich paotste toch maar luus in miene pels.
Ik kan 't neet verdrage deste mich beluugs.
Ik kan 't neet verdrage deste mich bedruugs.
En waaste wils verzwiege, zeg 't maar gerös.
Dich hes alweer, dich hes alweer ennen andere gekös.

Mina Mina waat is det mit dich ?
Waorum waorum bliefste neet beej mich ?
Ore, ore heb ik dich gezôch,
maar now is 't mich genôg.

Mina Mina waat hes dich gedaon.
Waorum, waorum waarste now gegaon.
Ore, ore biste al op sjouw.
Waorum bliefste mich neet trouw.

Mina Mina veur de letste kiër.
Waorum, waorum wilste mich neet miër.
Ore, ore bin ik dich al kwiët.
Minseleef wao bliëf d'n tiëd.

HOME PLAATSNAMENOVERZICHT HOME

SLAOP MAAR (VEUR WAAT KUMP)
1999: Tekst & muziek: Bert van den Bergh
Zang (*) : &Juliëtte

Kind slaop zach, bouw aan dien krach.
En druim van zaachte wolke, van ingele die zinge zach.
Drief op röstig water, door d'n donkerste nach.
Gank door 't laeve, diene ingel hilt wach.

Glij op un wolk, door d'n helderste daag.
Laop euver 't greunste, 't zaachste greune graas.
Of ik druim dich watte wolke, zoeë deste hiel zaach geis.
En ik druim 't gelök, veur dien laeve beejein.

Noow gaef mich dien hand en ik greuj met ze mei.
Ingele die zinge, zinge zaach eur refrein.
Glij op dien wolk aan gevaore veurbeej.
Ik pas op dae wolf, asse kump doeëner beej.

Noow drief op dien wolk, hiel zutjes door dees melodie.
Hiel zutjes door dees melodie.
Hiel zutjes door dees melodie.

* cd 1999 : &Juliëtte - "&Juliëtte" - Ben Verdellen Produkties

HOME PLAATSNAMENOVERZICHT HOME

SLIËP OET
1968 nr.2 : Wöärd: Frans Boermans - muziek: Wim Maas
Zang (*) : Hannelore Winter & Lottie Boermans

Lewieke dae woel met d'n optoch mei,
maar Nel dach: "Nae, des niks veur dae".
Lewieke veel oet beej d'n derden drei.
en Nel det reep: " Uig hae ! Waa ! "

Refrein:
Sliëp oet, sliëp oet, d'n alde dae haet al de piëp oet.
Det kump van, det kump van, wae wet van wat?
Dae haet tevuël van det gehad.
Sliëp oet, sliëp oet, d'n alde dae haet al de piëp oet.

Lewieke waas toen aan d'n tap gaon staon,
maar Nel dach: " Nae, des niks veur dae ".
Lewieke waas toen van de wap gegaon.
En Nel det reep: " Uig hae ! Waa ! "

* lp (1976/1977) : " Vastelaovend same " - Discofoon LP 11.11.76
cd : " Zónne Vastelaovend "

HOME PLAATSNAMENOVERZICHT HOME

DE SNÖRKER
1966 nr.4 : Tekst: Koos Timp - muziek: Giel Aerts
Solo (*) : Hannelore Winter

Ik weit neet waat ik môt beginne, ik makde ein hiël groëte fout.
Die zal ik maar iërlik bekinne, ik bin mit 'ne snörker getrouwd.
En 'smorgens as ik um wil vraoge : " Wanniër huurt det eindelik op ? ",
dan kômme de buure mich plaoge : " Wanniër steit die lintzaag ens stop ? "

Refrein:
Dich biste schöld d'r van, det ik neet slaope kan.
En wies de klaoren daag, môt luust're nao dien zaag.
Die geit maar röstig door, wies 'smorgens zeven oor.
Dich snörks de kalk en ut behangsel van de moor.

Toen is hae op zölder gaon slaope, ich dach zoë : " Dich snörks dao maar raak ".
Maar 's nachs vloog de zölderdeur aope en veel mich de schouw door ut daak.
Al trouwt ge ouk mit einen haoje, det hindet neet as-se maar körk.
Maar 't meus beej de Wet zien verbaoje, det ak'lig gezaag en gesnörk.

* lp 1979/1980 : Jocus - " Dao geit-e haer ! " - Discofoon LP 4.7980 15.90

HOME PLAATSNAMENOVERZICHT HOME

STAD AAN DE MAAS
Tekst: Michiel van de Grinten - muziek: trad.
Zang (*) : Romeo

Wie wiet bin ik weg van de stad wao ik bin gebaore.
Zoe lang bin ik ónderwaeg, maar 't is niks gewaore.
't Is kald en ik bin allein, ik laup zoe al aore.
Ik wil noow nao hoes, heej bin ik neet thoes, ik bin verlaore.

Och, stad aan de Maas, oeit zal ik dich truukzeen,
dan laup ik weer binne, dan zit ik weer in mien kefeej.
Wie wiet bin ik weg van de stad wao ik bin gebaore.
Ik wil noow nao hoes, heej bin ik neet thoes ik bin verlaore.

* cd 1993 : Romeo - "Romeo" - Marlstone Recordings bv - CDL 9327

HOME PLAATSNAMENOVERZICHT HOME

DE STAD VAN IDDEREIN
2008/2009: Tekst & muziek: Frans Pollux
Zang: Bart Houtermans, Marjolein Langen, Toiny van der Zandt

Mien mam zag: as de minse zich verstônde
Dan waas 't vastelaovend, gans 't jaor
Ik twiéfelde, maar 'k heb noow oétgevônde:
Waat mooders zegge, det is meistal waor

Dus stuút ik neet det ik heej bin gebaore
En sprik d'r eemus mit ein vraemde tông
Dae Venlonaer van binne is gewaore
Dan zing ik weer dae zin dae mooder zông:

Refrein:
Dit is de stad van idderein
Ik drink d'r op ôg idder eine
't Mak niks oét, en de's 't fijne
Of op dien snoét 'n maske zit
Zwart of wit
Dit is de stad van idderein
We zulle noeit de paorte sloéte
Want zelfs Flujas kwaam van boéte
Nao de stad van idderein

Mien mam zag desse gaeve môs en neeme
Dan laeve luuj 't langs mit enne lach
Dus kump d'r vraevel, kômme d'r probleeme
Dan neem ik die, zoë wie mien mooder zag

Want idder jaor opniej mit vastelaovend
Verdwient 't leid op idder kloonsgezich
Ik zing van 's morgesvruug wies in d'n aovend
Daezelfde zin dae mooder zông veur mich

HOME PLAATSNAMENOVERZICHT HOME

DE STER
Wäörd & meziék: Michiel van der Grinten
Zang (*) : Minsekinder

Dao veel ens ein ster oët d'n hemel, dao veel ens ein ster in de nach
Emus deej de wins van zien laeve, en dao gebeurde waat hae noeëts had verwach
Dao velt noow ein ster oët d'n hemel, dich zuuës dees ster in de nach
Dus doot noow de wins van dien laeve, de hes d'r zoë lang op gewach

Refrein:
Ooohooo ...
Doot diene wins, wae wet waat se wins
Dink dich 's in, waat d'r allemaol kin
Doot noow de wins van dien laeve,
Doot diene wins, want vanaovend kump hae ech oët

Bis te verleef op det maedje, maar wet het al jaore van niks
Bedink dich neet, kös det blaedje, 't gelök is vanaovend met dich
Goei eine cent in 't water, halt dien twië vingers gekruuëts
Bliëf neet wachte op later, gluif in dien wins en de zuuës

* cd 1989 : " Mooder Hellup - Beej Mooder Thoës "

HOME PLAATSNAMENOVERZICHT HOME

DE STERKES OËT D'N HEMEL
2004/2005: Tekst: Jos Buskens - muziek: Hay Geritz
Zang: Frans Driessen & Simone Ketelaars-Driessen

Wie ik dich zoog dach ik metein
Det môt de leefde zien
Veulde dae vlinder in d?n boék
Maar dach dae duit gen pien
Opslaag woort ik toen verleef
En waord eine sterrendeef

Refrein:
Ik plök veur dich die sterkes oét d?n hemel
Zoë det die schitterend in dien auge staon
En maak veur dich ein ritje nao d?n hemel
Die sterkes plökke det heb ik zoë gedaon
Maar kiék ik van dao baove op heej onder neer
Jao dan dink ik beej mich zelluf met vuul plezeer
Ik plök veur dich die sterkes oét d?n hemel
Want kin dich zonder toch ech neet laote gaon

Iddere kiér en steeds opniej
As ik dien auge zeen
Blinkend as zilver in de lôch
Dan gaon ik door de kneen
Ik heb die sterkes geplök
Die noow straole van gelök

HOME PLAATSNAMENOVERZICHT HOME

STILLE INGS
1999: Tekst & muziek: Bert van den Bergh
Zang (*) : &Juliëtte

Ik staon heej aan de kant, un leed kump op in mich,
un leed van werme aerd.
Ik staon heej aan 't water, gedachtes zwumme weg,
op golve naor un water, wao de stilte vond zien plek.

Refrein:
Stilte, stilte, stilte leet zich beej ós neer.
Stilte, stilte, beej idderein leet ze zich neer.

En as 't water glinstert vind emus heej zien rös,
dan wuurd door de stilte ein laeve oetgeblös.
Stilte velt op 't water terwiel ik dao nao kièk,
brik glinster oet de golve, det is waor ik aan bezwièk.

Refrein:
Stilte, stilte, stilte leet zich beej ós neer.
Stilte, stilte, beej idderein leet ze zich neer.

Ut water veur d'n doeëd, 't veur det is geblös.
Good det ik neet brande hoof, in't water vind ik rös.
Maar good det vlamme water zien en stilte daorin rös.
Wondermoeëj, wonderstil, wondermoeëj, wonderstil,
wondermoeëj, wonderstil.

Refrein:
Stilte, stilte, stilte leet zich beej ós neer.
Stilte, stilte, beej idderein leet ze zich neer.
Wondermoeëj, wonderstil, wondermoeëj, wonderstil,
wondermoeëj, ik blièf stil.

* cd 1999 : &Juliëtte - "&Juliëtte" - Ben Verdellen Produkties

HOME PLAATSNAMENOVERZICHT HOME

STINA ... DOOT DE DEUR AOP !
1966 nr.1 : Tekst: Koos Timp - meziék: Giel Aerts
Zang (*) : Wiel Vestjens
Zang (**) : Minsekinder

Baer viert ziene vaderdaag, tiën kiër in ein jaor.
Det ut van zien vrouw neet maag, vindt hae gen bezwaor.
As hae 's nachs nao hoês toe geit, kump ut dökker veur,
det-te maar te schriëve steit, veur 'n geslaote deur :

Refrein:
" Stina ... doot de deur aop en laot d'r mich ens in.
Stina ... doot de deur aop, de wits toch wae ik bin.
Ik heb dich noëts gen kwaod gedaon,
de kans mich heej neet boête laote staon.
Ik val op de stoep in slaop, ... haej,
Stina ... doot de deur aop ! " ... (Stina ... Stina ...)

Baer had ziene Vaderdaag, weer ens moëj versierd.
Hae had zienen dors verjaag, maar hae leep verkierd.
Toepde örges op ein deur in ein vraemde straot.
Maar dao kwaam gaar neemes veur en toen reep hae kwaod :

* lp: " 't Is weer vastelaovend (twië maol elf vastelaovesleedjes en nog vuël miër...) "
** cd 1989 : " Mooder Hellup - Beej Mooder Thoës "

HOME PLAATSNAMENOVERZICHT HOME

STÖK IN MIENE GEETER
Tekst: ? - meziëk: ?
Zang (*) : De Drekskaters

Had ik gister weer ein feesje,
neum 't eigelik maar ein fees.(2x)
Ik kroop vanmorge miene bölt oét,
heb vandaag neet mier gepees.

Refrein:
Ik heb ein stök in miene geeter,
ik goei mich altiëd vol mit beer.(2x)
En dae kater dae kump later,
det zeen we morge dan waal weer.

En ik perbeerde 't mit cola,
mit sinas en mit 7-up.(2x)
Maar nemus wil 't mich gluive,
det beer dan altiëd nao mich rup.

En aan 't ind van einen aovend,
dan wil ik neet nao hoés toe gaon.(2x)
Ik zeen 't letste glaeske dinke,
de luuëts, mich heej allein neet staon.

* cd 1993 : De Drekskaters - "Kattekwaod"

HOME PLAATSNAMENOVERZICHT HOME

STRAKS IS 'T WEER ASWOENSDAAG
Teks & meziëk: Giel Geurts
Zang (*) : Hannelore Winter

Jao, idder jaor en altied weer, viert idderein de vastelaovend gaer.
En dreej daag lang is alles stapeldol, en straole alle minse van de lol.
Maar ens, maar ens, en det steit vas, dan môt 't maske in de kas ...

Refrein:
Straks is 't weer Aswoensdaag, is alles veurbeej.
Straks hebbe weej weer heimwië, is alles veurbeej.
Zing mich nog ens det leedje, die moëi melodie.
Einmaol nog same danse, den allerletste kiër.
Einmaol nog same sjanse, straks geit 't neet miër.

Ein stille straot, zaach schient de maon, och minsekinder, alles is gedaon.
Ein träötje heej en ein belunke dao, ein maske kiek der stil van ut heimwië nao.
Wiëj schoën,wiej schoën waas toch daen tied, hae is veurbeej, wie ut ôs auk spiet ...

* lp (1976/1977) : " Vastelaovend same " - Discofoon LP 11.11.76
cd : " Zónne Vastelaovend "

HOME PLAATSNAMENOVERZICHT HOME

DE STRAOT
Tekst & muziek: Marcel Joosten
Zang (*) : Minsekinder

De zón die braek door de rame slaon aop,
in de gezelligste straot van de stad
De steul gaon nao boéte 't veurjaor begint,
in de gezelligste straot van de stad

Wao idderein zich beumeujt as diene auto neet start,
dich 'nne nieje wilt verkaupe of gaon ruile veur ein part
In de gezelligste straot, de gezelligste straot van de stad
Maedjes die scheure op eur scooters veurbeej,
in de gezelligste straot van de stad
De huuërs de vaders nog roope: "Noow blief toch ens heej!"
in de gezelligste straot van de stad

Wao tante Mien alles wet van alle roddel in de buurt
Wae ut duit met wae, umdet ze idderein begluurt
in de gezelligste straot van de stad
En leet d'r soms weer eine in de göt, haet dae al hebbe en good weer verjas,
Haet hae niks mier te vraete en is se weer erm, dan wuurt d'r eine rieke mouw aangepas

Oét iddere raam huuërs se andere meziëk,
in de gezelligste straot van de stad
De ruuëks de Indische keuke en de boeremoos met wors
in de gezelligste straot van de stad
En is d'r waat te viere geit de barbecue aan
De wien kump oét de kelder, alle buure schuuve aan
In de gezelligste straot, de gezelligste straot van de stad

* cd 1997 : Minsekinder - "Blief neet allein"

HOME PLAATSNAMENOVERZICHT HOME

'N SUUPKE MET...
2004/2005 nr.2 : Tekst: Wiel Hermans - muziek: Wim Roeffen
Zang: Gé Deenen & Frans Driessen

Suupke met bölkes diek en rônd
Det is toch zoë gezônd
Maar waat ik noow toch heej belaef
Dees kiepesoep die laef

Refrein:
Zegk ens ober waat doon toch die vleege in mien soep
Die zwumme op de rök
Uig die dieke haet haet al al mien bölkes opgesnoep
En brômp van deep gelök
Jao die vleege zeen ze vleege
Want vleege doon die neet
Lekker zwumme doon die slumme
Weit geej wao det aan leet
Zegk ens ober waat doon toch die vleege in mien soep
Ik veul mich biëstig betoep

Bumke vanaaf d'n hoëgste rand
Doon die mit losse hand
Poedelke neks mit veul gekreun
Rech in det soepegreun

Kiék wie die éin ein baenke trek
Det wuurd mich toch te gek
In ein bevleeging gaon die d'raan
Vleeg ik die vleege aan

HOME PLAATSNAMENOVERZICHT HOME