HOME PLAATSNAMENOVERZICHTHOME


‘T GEIT NEET, BESTEIT NEET
2006/2007: Tekst: ? - muziek: ?
Zang: Martin Peters, Frits Tilburgs en Hay Peters

Noow huur toch ens
Want weej scheie oét
Is ôs vas besloét
Jao sloes is sloes
Mit dae vastelaoves roes
‘t Is zoe wieste zaes
Ech ôs letste jaor gewaes

‘t Geit neet, ‘t geit neet
Och minse det besteit neet
Weej wille waal, weej wille waal,
Maar we hebbe ‘t good mis
Waat môt det mit ôs waere,
As weej neet kinne blaere
Det geit neet, besteit neet
Jao, ‘t is zoe wie ‘t is

De maot is vol
Einmaol oétgeteld
Steise dök versteld,
Weej zien neet heej
Nae veur ôs is ‘t veurbeej
Ik zegk ‘t dich allein
Want dan wet ‘t idderein

‘t Is gedaon
Mit dae ganse stress
Dan wet geej det ves
Weej halde op
Auk al is ‘t gans veur nop
Want veur de letste kiër
Dit hoof ech veur ôs noeïts miër


HOME PLAATSNAMENOVERZICHTHOME


'T IS GEDAON
Tekst: Frans Boermans - muziek: Thuur Luxembourg
Zang 1 (*) : Venlona-Koër
Zang 2 (**) : & Juliette, voorheen Romeo

't Zal zoë lang nimmer deure, 't zal zoë lang nimmer zien.
Dan gaon ze weer sloete, dan staon we weer boete.
't Scheie det duit mich zó'n pien.

Refrein:
't Is gedaon, 't is gedaon, we môtte nôw nao hoës toe gaon.
Waat ein leid, och waat ein leid, 't is weer gedaon.
Leefste kind, leefste kind, de zuus, aan alles kump ein ind.
Och wie zund, jummig wie zund det ik 't vind.
Och wie ziër, och wie ziër, zal ik dich misse kiër op kiër.
Hald mich leef, hald mich leef, morrege zuuste mich neet miër.
't Is gedaon, 't is gedaon, we môtte nôw nao mamma gaon.
Waat ein leid, och waat ein leid, 't is weer gedaon.

Kind ik môt dich verlaote, want 't is weer zoë wied.
De môs maar neet treure, 't môt toch gebeure.
Nôw gaon ik dan tot miene spiet.

* lp 1979/1980 : Jocus - "Dao geit-e haer !" - Discofoon LP 4.7980 15.90
** cd 1999 : Diverse artiesten - "Leedjes veur de ieuwigheid (ein hommage aan Frans Boermans)"
** cd 1999 : &Juliëtte - "&Juliëtte" - Ben Verdellen Produkties


HOME PLAATSNAMENOVERZICHTHOME


'T IS WEER HAOS SINTERKLAOS
Tekst: Frans Boermans - muziek: Wim Roeffen

Efkes nog gedöld, ózze wins wuërt dan vervöld.
D'n boët is neet mièr wièd, hae kump persiès op tièd.
En dan ... jao dan ... dan isse dao, d'n heiligeman.

Refrein:
't Is weer haos, Sinterklaos, dae góje mins kump nów weer gauw.
't Is weer haos, Sinterklaos, zit nów de schoon of klómp maar beej de schouw.
Weej telle daag en de oore aaf, inens zien alle kinder aeve braaf.
Zit nów maar klaor, ziene praos, 't is weer haos, Sinterklaos.

Hebs-te niks gedaon, kums-te good d'r op te staon.
Maar steis-te in zien book, det is dan and're kook.
Want dan ... jao dan ... dan haops-te maar 't beste d'r van.

Wie geej aevel wet, weej benome ós hiël net.
Daorum, heb góje mood, det zit veur ós waal good.
En dan ... jao dan ... dan ried hae ós zoëvuël as maar kan.

* Marlstone CD


HOME PLAATSNAMENOVERZICHTHOME


D'N TANGO VAN DE WAERSE VEUT
1993 nr.3 : Tekst: Wiel Hermans - meziëk: Wim Roeffen
Gezônge: Wiel Vestjens & Joke Theewen

Ik zoel zoë gaer wille sjanse mit danse,
Maar och, mien veut doon dao gaar neet aan mei.
Altiéd mit danse verspeul ik mien kanse,
wil ik nao links gaon die rechs um d'n dreij.
Die twië gedrage zich hiël ôngepas,
dus astebleef, hald mich stevig vas.

Refrein:
Hiël doën beejein daen tango danse.
Hiël doën beejein, smoés ik mit zaachte stum.
Hiël doën beejein waog ik mien kanse.
Hiël doën beejein want anders kiep ik um.
As ik in trans daen tango dans,
gaon mien schoon waat anders doon.
Maar mit dich hiël doën beej mich,
val ik neet miër op mien gezich.
Hiël doën beejein daen tango danse.
Hiël doën beejein, dan bliéf ik op de bein.

Ik koch mich dansschoon, jao ech kwante hippe,
zoë van die zwarte mit witte revaers.
Nae, Casanova kôs dao neet aan tippe,
allein mien vutjes die doon weer zoë waers.
Die twië gedrage zich hiël ôngepas,
dus astebleef, hald mich stevig vas !


HOME PLAATSNAMENOVERZICHTHOME


TANTE NEL
1974 nr.4 : Tekst & muziek: W.Aerts & H.Korsten

Refrein:
Ik heb ein sôkkertante, Tita tita tita tita tita Tante Nel.
Det is mich toch en kwante, Tita tita tita Tante Nel.
Det mins met eur einenzestig jaore,
kan mennig Venlonaer bekaore.
In ôs femilie weite weej van wante,
euver die kwante tita tita sôkkertante.

Os Tante Nel die haet 't toch zoë good,
en laef d'n ganse daag op groëte voot.
Wao zoel zeej det nôw allemaol van doon,
met mäötje zesendertig in de schoon.

Os Tante Nel die haet zich noëts getrouwd,
maar letsaan ein prachtig huuske opgebouwd.
Riet eine auto zô'n manjefieke slei,
geit altied zweve op de groëte Hei:

Os Tante Nel die kwaam dök op bezeuk,
weej vônde det allemaol aeve leuk.
's Morges um zes hônge weej al oët 't raam,
te kiëke of die tante auk waal kwaam.


HOME PLAATSNAMENOVERZICHTHOME


EIN TÄÖTJE FRIET
Meziek en Tekst: Mathieu Cornet

Wannier 'ne jông op einen bal ein aardig maedje kinne liert.
En 't bruudje lach ens taege um, dan is dae knöl toch zoë verierd.
Ein ougenblik daonao zuut m'eur, al same drei-je op de vloer;
En nog is neet d'n dans gedaon, dan fluustert hae al in zien oer:

Refrein:
Ein täötje friet, ein täötje friet, det goon ik haole dich sebiet;
Al wuurte ônderwaeg ouk kald, de wets wievuul ik van dich hald.
Ik haol héj op d'n hook sebiet, veur allebei ein täötje friet;
Veurdet de niejen dans begint, bin 'k truuk, mien kind !

'nen Alde stuup geit met zien vrouw nog nao d'n Aldewieverbal;
Zien vrouw die springk zich dalik meug, maar hae vindt det spektakel knal.
Dan zaet zéj ônder 't danse door: " Ik bin zoë flouw, gaon van de zök ! "
Hae steit direk veur eur gereid, en klop eur vrint'lik op d'n rök:


HOME PLAATSNAMENOVERZICHTHOME


'T TAPMESJIEN
1985 nr.1 : Tekst: Hannelore Winter - meziék: Jan Derijk
Gezônge: Hannelore Winter & Jan Derijk

Wae kan vergaete, as d'r gen dröpke in de kraan miér zit.
Wae kan neet aete, as d'r ein kiepke zien haan vergit.
Dae luét zich bringe nao ein kefeeke in de stad.
Dao kinste zinge beej eine kraan dae haet nog zat.

Refrein:
Det is ein vastelaoves-tapmesjién,
det mak meziék um van de wap te zién.
En dan dao naeve ein paar auge die neet dauge,
maar die kaorebloomeblauw van de jenever zién.
Det is ein vastelaoves-tapmesjién,
det mak meziék um van de wap te zién.
Dan is 't laeve neet verdaon Merie.
Kans neet mier staon Merie, dus laot maar gaon Merie.

Dich môs neet kriéte umdet 't lache dich vuél baeter steit.
Dich neet verbiéte as 't gelök ein ander sträötje geit.
't Beste pepke, as dich 't lache neet miér baat,
det is ein klepke noow maak dien börsje maar ves naat.


HOME PLAATSNAMENOVERZICHTHOME


TE MOEI
Tekst & muziek: Leon Giesen
Zang (*) : Romeo

Det ik ens de echte leefde kinne lier,
en daoveur vraempgaon veur de letste kier.
Det ik det, waat ik neet heb dan auk neet hoof, nae.
As ik noow alles doedgewoen veur niks weggoof.

Refrein:
Tuddep tuh dup tuddup tuh, det is te moei um waor te zien.
Tuddep tuh dup tuddup tuh, det is te moei um waor te zien,
te moei um waor te zien.

Det de mins op d'n duur iets baeter wuurd,
en desse kins laeve wie 't huurt.
Det d'r iets wie d'n hemel zal bestaon,
nog iets baeters, wao se ech veur doed wils gaon.

Maar good det hae laefde in einen anderen tied,
vandaag d'n daag kin se die in Venraoy kwiet.
Jao, wee zien wal good, weej zien nog lang neet gek,
dus kom beej os met feite, of hald diene bek.

Wandele euver water met eine geis as vader,
verreze baovendien, te moei um waor te zien.

* cd 1993 : Romeo - "Romeo" - Marlstone Recordings bv - CDL 9327


HOME PLAATSNAMENOVERZICHTHOME

D'N TENDEM
1993: Tekst: Wiel Hermans - muziek: Wim Roeffen

Op d'n tendem met ôs twiëe door het schoëne Limburgs land,
gaon weej same rundjes rieje, ums de beurt met losse hand.
As 't zunke ôs veuroët geit en de wind zit in de rök,
wetse wao det dan op oëtdreijt, weej gaon zinge van gelök.

Refrein:
Uich heej, wae duit ôs wat, weej hebbe äömke zat.
En ôs bein, die bliëve traeje, op daen tendem lekker knaeje.
Weej gaon van heej nao dao, ôs neuze achternao.
Allein 't ind is ôs bekind, maar det is ech nog hiel wiët eweg.

Langs de Maas, door bônte weije, op daen tendem, ik en dich,
jennig nao de minse zweije, met ein vrintelik gezich.
Op d'n draeger wat te bikke en de tès vol gooie zin,
dan hoof emus maar te kikke en weej zette nog ens in.

Zoë door bös en hei te zoëze, door de bäög zoë hard se kins.
Hup, det bergske aaf en boëze, det is good veur eine mins.
Op d'n tiëd ein heilig huuske, efkes smaere huurt d'r beej.
Kinse slaope wie ein muuske, en dan zingkse, net wie weej.

Marlstone CD Wood Chain


HOME PLAATSNAMENOVERZICHTHOME


THEATER VAN 'T LEAVE
Tekst: Frans Boermans - muziek: Jan Theelen
Uit de revue 'Stel og ens veur'
Zang (*) : Blaauw

In 't theater van 't leave zien alle plaatse oétverkoch.
Dao wuurt de groeëte show gegeave van schoeëne schien en zelfbedrog.
D'n eine wringk zich langs de minse, zoeëmaar op de iërste riej.
D'n ander haet maar weinig winse, is mit zien allerletste plaetske bliej.

En eederein wilt zich verleere in 't utopistisch fenomeen.
Det ut waor bestaon mót suggerere, maar achter 't dekor is niks te zeen.
Laor eur die waan, laot minse haope, want druime steit noch altiéd vreej.
Straks velt 't dook, de deur geit weer aope, geit ut leech weer aan dan is de show veurbeej.

Maar boéte wachte ganse volke, die lange riej, die greujt maar aan.
Waat waare die al in de wolke met ein kleine staonplaats achteraan.
Kom laot ós eur een vreejkaart gaeve en maak dan plaats zoeëvueël maar geit,
veur ein topshow van ein draaglik laeve, veur en moeëj program van echte minselikheid.

* cd 1999 : Diverse artiesten - "Leedjes veur de ieuwigheid (ein hommage aan Frans Boermans)"


HOME PLAATSNAMENOVERZICHTHOME


D'N TIÉD
Tekst & muziek: René Scheffer & Michiel van der Grinten
Gezônge (*): Minsekinder

's Morges geit de wekker, 't is tiéd um op te staon.
Ik baal wie enne stekker, mót nao mien werk toe gaon.
Laup ik door mien straotje, op waeg nao ut station,
beej de halte steit ein maedje te wachte in de ochtendzon.

Ik veul mien hert kloppe, maar ik weit neet wat ik mót doon.
Ik wil um gaer iets vraoge, maar de mood zak mich in de schoon.

Ik doon mien keertje klokke, trek miene stufjas aan.
Ik veul dezen daag is anders, kan allein maar dinke aan.

Kiék ik truuk op mien laeve, dan zeen ik truuk met spiét.
Wie ik laefde zónder leefde en die jaore bin ik kwiét.

Refrein:
D'n tiéd, d'n tiéd geit vuuls te snel.

Noeits gevraog neet gekrege, noeits gezag dus neet verstaon.
Waal gezeen maar gezwege, waal gedach, maar neet gedaon.

De kins neet ieuwig wachte, d'n tiéd dae vluug veurbeej.
De mos dien kanse pakke, kom laot dich zeen.

* cd 1997 : Minsekinder - "Blief neet allein"


HOME PLAATSNAMENOVERZICHTHOME


D'N TIÉD
Tekst: meziëk: ?
Zang (*) : ?

D'n tiéd blief jôngk, de mins wuért ald, we smake zeut en preuve zalt.
En make um dök 'n verwiét ! Ônaangetas blief Vader Tiéd !

Refrein:
D'n tiéd neemp weg en guf neet truuk, veurbeej det blief veurbeej.
Dae meister heilt, mak vuél kaduuk, hae regelt alles heej.
Det waat d'r greuijt, waat laef, waat bleuijt, veur ôs zoë kort van deur.
De zuks en vinds, waardeers en wins en ... speuls d'n tiéd wat veur. (2x)

Hae waas, hae is, en altiéd kump det bietje tiéd veur ôs bestump.
Bestaej 't good, gangk met um mei, kiék neet dök um, zeuk dienen dreij !

Laot ziene gangk d'n tiéd maar gaon, wae det begriep zuut roéze staon !
Want dwings-te um in dien gareel, blief van de roés allein de steel !

* cd : t.g.v. de heräöpening van "Twië Gebreurs van Venlo" & de äöpening van de "Gelderse Poort"


HOME PLAATSNAMENOVERZICHTHOME


TIÈD GENÓG
Tekst: René Kauffman - muziek: Michiel van der Grinten
Zang (*): Minsekinder

zitse sóms allein maar te kièke nao ’t behang
in dien kamer opgeslaote, gans allein,
allein de druims de druim van al dien druime, verlaore aore lièke lang
maar ieuwig wachte op de leefde deurt toch ech gen laeve lang

Refrein:
d’r is nog tièd genóg – [de leefde kump allich]
nog tièd genóg
d’r is nog wièd genóg - [veur idder, ouk veur dich]
d’r is nog altièd tièd genóg

zuusse sóms allein maar wie d’n tièd vergeit
zitse in dich zelluf te praote, ein eindeloos refrein
de veuls dich laeveslang verlaote, veur ieuwig in dien einzaamheid
maar zoeë lang wachte op de leefde deurt toch ech gen ieuwigheid

bisse sóms allein maar, allein met dien verdreet
al dien druime opgeslaote, zoe wièd eweg van idderein
de meins dien kanse zien verschaote, dien letste haop allang veurbeej
maar wae kin wachte op de leefde krièg op zienen tièd zien leef

* cd 2007 : Minsekinder - 'Tièdgenóg'


HOME PLAATSNAMENOVERZICHTHOME


TIEDERIE
Tekst: Frans Boermans - muziek: Thuur Luxembourg
Zang 1 (*) : Wiel Vestjens
Zang 2 (**) : Minsekinder
Zang 3 (***) : Peter Berden

Ôzzen Harie kan neet danse, maar dao kan dae niks aan doon.
En ik zag um nog: "Wie kanse", want dae haet twië linker schoon.
En nôw kump det door die hakke en die punte,
want idderen traej veuroët dae makke in de rundte.
En al duite 't iërs krangs en dan kerwaats,
maar ôzzen Harie dae kump gaar neet van zien plaats.

Refrein:
Tiederie, Tiedera, Tiederalderaldera,
enne mins dae mak mich mei toch einen heisasa !
Tiederie, Tiedera, Tiederalderaldera,
weej halde neet van heisa maar van hoepsasa !

Ôzzen Harie kan neet opstaon, 's morgens vruug is det ein leid.
Zoë umhoëg met ziene kop gaon as dae kop d'r neet nao steit.
Want dae leet in bed maar hilt de auge aope,
umdet hae waal ens kiëke wilt wie hae geit slaope.
Ôzzen Harie zaet: "Ik slaop gaar neet zoë gaer,
ik bin zoë bang det ik dan auk weer wakker waer".

Ôzzen Harie kan neet kösse, en toch is dae good gezônd.
Maar zien piëp die zit d'r tösse, mant die hild hae in de mônd.
"As ik kös", zaet dae, "begriëp wao det op oetdreit,
ik heb gen rös det mich de piëp dan auk nog oëtgeit.
Nae ik bin veur det gevreej nog gaar neet riëp,
ik heb tebak d'r van en hald mich aan de piëp.

* lp: " 't Is weer vastelaovend (twië maol elf vastelaovesleedjes en nog vuël miër...) "
cd : "Zónne Vastelaovend"
** cd 1999 : Diverse artiesten - "Leedjes veur de ieuwigheid (ein hommage aan Frans Boermans)"
** cd 2000 : Minsekinder - "Nieje Veere"
*** cd 2000 : Diverse artiesten - " Petje aaf (veur al die schoéne leedjes) " - Onger Os 7370


HOME PLAATSNAMENOVERZICHTHOME


D'N TIK TAK
1968 nr.3 : Tekst: Ad Pollux - meziëk: Fr. Wetjens

Refrein:
Maar, maar, maar, bedoot dich toch,
daen tiktak is neet wiêzer.
Maar, maar, maar, bedoot dich toch,
daen tiktak is getik.
Det zien toch zô'n akelikke dinger.
As weej gaon dan hebbe ze eure slinger.
Maar, maar , maar, bedoot dich toch,
daen tiktak is getik.

Zien weej met vastelaovend op de klater,
hilt det van mich de klok maar in de gater.
En heb ik net ein klepke veur mich staon,
dan zaet 't: Kiêk de klok, weej môtte gaon.
Maar ik zeg ... maar ik zeg ...,
jao, dan waer ik efkes vrech ... ao !

't Kiek maar alzelaeve wie de klok steit,
die klok is alles waat beej ôs de klok sleit.
De zit in um gebaere, zoëgezag,
zien Pap haet nog " 't klökske " rôndgebrach.
Maar ik zeg ... maar ik zeg ...
Jao, dan waer ik efkes vrech ... ao !


HOME PLAATSNAMENOVERZICHTHOME


TIRALALI
Tekst & muziek: Sef Hendrickx
Zang (*) : Wiel Vestjens

Refrein:
Want zoelang op deze waereld eine Venlonaer besteit,
Tiralala tiralali.
is 't zeker det de vastelaovend noeits verlaore geit.
Tiralalalalalali.
Ti-ra-la-la ti-ra-la-li ti-ra-lala weej ziën wir bliej,
en we viere vastenaovend wies den allerletste spie.
Ti-ra-la-la-la-la-li.

Venlo kaok en broës van binne,
't is iets waat we jaore kinne,
altiëd kump det wit teruuk.
's Zondaags löp 't in de gater,
's maondaags hebste eine kater,
dinsdaags biste knats keduuk.
't Is weer carnaval, 't is weer carnaval,
beej ôs en euveral.

* lp (1978/1979) : Diverse artiesten - " Venlo op zien bès " - Discofoon LP 45779


HOME PLAATSNAMENOVERZICHTHOME


TOK, TOK, TOK, ALWEER EIN EI
(Kakelsamba)
G.Aerts & A.Pollux
Zang (*) : Lotti Boermans & Ben Verdellen

As de Jocus Haan weer kreit, jông, dan wetste van bescheid,
want dae blief maar kukelekuuje.
As det muulke aope geit, huërste euveral leweit,
van de Koel wies in Genuuje.
As dae ziene nek oètstrek, wuërdt ôzzen hoonderstal weer gek.

Refrein:
Dao is nörgens op de waereld zôn spektakel, zôn gekakel van hadsteneetgedach.
Maar det is toch aevel auk neet zôn mirakel, want alle kiepe ligge döbbel van de lach.
En de gansen hoonderstal zingk mei: Tok! Tok! Tok! Alweer ein ei.
Ein gekakel van hadsteneetgedach, alle kiepe ligge döbbel van de lach.

In det schoëne hoonderhok, tösse al det kiepgetok,
steit den haan in volle glorie.
En dan ruppe: kiek ens dao, doot mich det dan maar ens nao,
laot ze lache, potverdorie.
Dan zien alle hoonders heej, d'r altiêd as de kiepe beej.

En ein hiële alde koe, woel d'r auk waal ens nao toe,
want 't had eur hert gestaole.
En zeej klaagde euren noëd: 'k woen al jaore in de Sloët,
maar dao kump mich neemus haole.
Zoog daen haan det noow maar in, det ik toch auk wat kiepig bin.

* lp (1985) : Jocus - Discofoon 11.11.84


HOME PLAATSNAMENOVERZICHTHOME


TOT IK DRUIM
Tekst: ? - meziëk: ?
Zang (*) : De Drekskaters

Refrein:
Tot ik druim, tot ik druim, tot ik druim van dich.
Tot ik druim, tot ik druim, tot ik druim van dich.

Ik zeen dich in mien druime, nach veur nach veur nach,
kan neet pitte, kan neet luime, umdet ik daorop wach.
Ik lig maar te dreie ...
Tot ik druim, tot ik druim, tot ik druim van dich.

Hendjes op 't lake, traone op 't sloop,
leeve wäördjes make, die ik zagjes roop,
die ik fluuster ...
Tot ik druim, tot ik druim, tot ik druim van dich.

En det ik wach, vannach, nao dich smach,
de zuus det ik liej,
as dich kumps maks dich mich zoë bliej,
En det ik dich verwach, iddere nach,
ik schuuf op ein zie,
kôm maak mich bliej.

* cd 1993 : De Drekskaters - "Kattekwaod"


HOME PLAATSNAMENOVERZICHTHOME


TOVERFEEKE
19??: Tekst & muziek: Frans Pollux
Zang (*) : Neet Oet Lottum

Ik reej op miene fiets lets honderdfieftig,
zeen ik enne waut, ik dink di's mis.
Hae stap aaf en vruug mich lomp en smiechtig :
" Wae dinkse waal desse bis ? "

Ik bin ein Toverfeeke en ik kin to-ve-re.
'k Mein ut ech, 'k tover idderein weg as ik Hocus-Pocus zeg.

Ik heb lets in de viever van de buure,
met miene vishengel gevis.
De buurman dae woort kwaod, det kosse huure.
Hae reep : " Wae dinkse waal neet desse bis ? "

Ik bin ein Toverfeeke en ik kin to-ve-re.
'k Mein ut ech, 'k tover idderein weg as ik Hocus-Pocus zeg.

* cd 1998 : Neet oét Lottum - "Flaai"


HOME PLAATSNAMENOVERZICHTHOME


DE TRÄÖT
1975 nr.3 : Tekst & muziek: Martin Berbers

Refrein:
Pak de Träöt, pak de Träöt, pak de Träöt.
Laot ôs lache, laot ôs zinge, gèn getäöt.
Met de Träöt blaoste èch, al waat krômp is allemaol rech,
van ein Träöt wuurd neemus slech.
Pak de Träöt, pak de Träöt, pak de Träöt.
Laot ôs lache, laot ôs zinge, gèn getäöt.
Hald de Träöt maar in de hand,
dan hebste noëts genne trammelant.

Op hiël de waereld speult de krant ein hiële groëte rol,
met allerhande waanzin-politiek staon die vol.
Van al die krante is d'r eine dae mich good bevelt,
det is de Träöt van Jocusriëk dae Vastelaovend meldt :

De Träöt en Vastelaovend is wie bôtter beej de vis.
En wae det neet begriepe kan, dae wet neet waat hae mis.
Mien tante Mieke had zô'n Träöt, en det zoog ome Lei.
Dae waas dao zoë kepot van en dae zông mit Mieke mei :


HOME PLAATSNAMENOVERZICHTHOME


DE TRÄÖT EN DE FEEP
Tekst: A. Hornix - muziek: van Geven

Handerie dae gooie knöl, heel zoëvuel van flauwe köl.
Veur 't Vastelaovend waar, waas bej um de kook al gaar.
En drônk hae dan wat joeg, dan zông hae in de kroeg ...

Refrein:
Gaef mich maar ein träöt, träöt, träöt,
dan kin ik gaon träöte.
Gaef mich maar ein feep, feep, feep,
dan kin ik gaon feepe.
We träöte en we feepe now,
zoë hard as 't maar geit.
Mit vastelaovend hebbe wej joeks,
en make vuël leweit.

Mit d'n optoch trok hae mei, verkleide zich as Stien Bekei.
En dan ging hae aan de rol, want niks waas um dan te dol.
Hae trok zich aan d'n hood, en zông vol gooie mood ...


HOME PLAATSNAMENOVERZICHTHOME


TRÄÖT ENS
1981 nr.3 : Tekst: Ad Pollux - meziék: Jan Jacobs
Gezònge: Hans Mans

Refrein:
Träöt ens, träöt ens !
't Guf neet wie of waat, maar träöt ens !
Gangk ens met ein joekskepel op stap,
träöte op de straot en träöte aan den tap.
Träöt ens, träöt ens, dao zit nôw net de kneep.
Want zoëlang aste nog kins träöte, biste nog gen alde feep.
Want zoëlang aste nog kins träöte, biste nog gen alde feep.

Einen hoëggeliérden hiér, dae zuk al jaore,
wao dae gooje geis in Venlo toch aan leet.
Maar hae zaet: " Ik kan 't neet verklaore,
wie det zit, wie det kump, ik weit 't neet ".
Zaet einen doëdgewoénen man: " 't Is zoë simpel as maar kan: "

En ein hoëggebaore vrouw, die kiek nao ônder,
as daen bônte storm weer door ôs straote geit.
En zeej zaet: " 't Is eeders kiér ein wônder,
wie det löp, wie det springk en wie der dreijt. "
Zaet eine kleine snôtterblaag: " As ik ôch ens raoje maag: "

Einen hiélen hoëgen hood, dae is 'nt klage,
zaet: " Ik staon maar alzelaeve op de kop,
ik kan det gehoebel neet verdrage.
Stuupke aaf, door de gäöt en stuupke op."
Dan zaet ein alde zjimmie-muts: " Veul dich ens aan diene bluts: "

* lp 1980/1981 : Jocus - " Gaef mich de viëf " - Discofoon LP 11.11.80


HOME PLAATSNAMENOVERZICHTHOME


TRÔMME
1997/1998 nr.1: Tekst: Frans Boermans - muziek: Wim Roeffen
Zang: May Anröchte & Frans Driessen

Weej hebbe ôzze slinger, 't meis aan waat neet maag.
Det zien dök dôfte dinger, die doon weej mit bedraag.
Weej make gaer oèt gekkigheid ein leweit det 't vergeit.

Refrein:
Trômme op de telders mit 't mets en de forket,
en klatse mit d'n deksel op de pan.
Lekker zitte stampe mit de veut op 't karpet,
en zoeë hard as 't maar kan.
Zien we dan nog neet oètgespoès,
dan houwe we op de taofel mit de voès.
Trômme op de telders mit 't mets en de forket,
d'r is niks leukers dan det.

Mam ging lets mit de kinder ens nao ein restaurant.
Braaf kinder, mieër of minder, die ote oèt eur hand.
Ze ware aevel klamp pas klaor, of dao ging 't loos, ech waor.

Ein hieël stel presidente beejein in Holt-Paries,
dineerde van ôs cente en ote zich de miès.
D'n hoeëgste Piet dae noom 't waord :
" Hiep hiep hoera, we zien akkaord ".

Jan Theelen CD 7326 ('98)


HOME PLAATSNAMENOVERZICHTHOME


TRUUK IN D'N TIED
1993: Teks en muziek: Frans Boermans & Gregor Theelen
Gezônge: Christel v. Rijn, Marlie Boermans & Lottie Boermans

Wannier ik smeis door Venloos straote dwaal.
Dan druim ik gaer van de riddertièd.
Waat mich umringk vergaet ik dan totaal.
en 't noow en heej bin ik dan efkes kwiet.
Dan zeen ik mich als middelieuwse vrouw.
Aan de waterput, zoeë wie det toen dan waas.
Aan 't spinneiwel of aan 't waefgetouw.
Of ik doon de was in 't water van de Maas.

Refrein:
Kwaam ik meschien te laat op aerd,
det waas mich waal 't weite waerd.
'k Dingk det de mins gebaore wuurt,
juus in de ieuw die beej um huurt.
Ik bin maar bliej det ik toen neet,
in de riddertièd mien laeve sleet.
Want waas det waal, net wieste zaes,
dan waas ik noow d'r neet gewaes.

Smeis zeen ik mich te paerd door Venlo gaon,
met mien gevolg as jónkvrouw van 'n kastiel.
Die schoeën kleijaasj, wie zoel die mich waal staon,
zónnen diadeem, gewoeën ein prónkjewiel.
Thoès op de börch zeen ik mich aan de raam,
en zeelsbedreuf pleng ik dao traon nao traon.
As miene prins mich noow maar schake kwaam,
en dan met mich nao vader ab woel gaon.


HOME PLAATSNAMENOVERZICHTHOME


TWIË BEIN ofwaal DE VEUROETGANK)
1960/1961 nr.4 : Tekst: Frans Boermans - muziek: Thuur Luxembourg
Zang 1 (*) : Hay Crompvoets
Zang 2 (**) : Straotzengers
Zang 3 (***) : Minsekinder
Zang 4 (****) : Lottie Boermans & Lottie van Riel-Luxembourg

Ik heb allang gezwege, ik heb 't noeëts gezag.
Ik woel d'r neet um lège, maar ik had 't waal verwach.
Nao jaore lang studere kwaam ik d'r nog neet oeët.
Ik bleef maar prakkezere, wie kôm ik toch veuroeët ?

Refrein:
Mien linker bein en mien rechter bein,
die laupe nôw al jaore naevenein.
Det ein geit op en det ander neer.
En as ze dao mit vaerdig zien, beginne ze alweer.
Mien linker bein en mien rechter bein,
die laupe nôw al jaore naevenein.
Det ein löp héj en det ander dao.
En ze laupe zich al jaore achternao.

Ik ging 't ônderzeuke, ik keek nao alle bein.
Det waas now net 't leuke, die deje'n 't, ein veur ein.
Ik snap nôw auk de raeje, waorum die bein zoeë gaon.
Die môtte blieve traeje, want anders bliefste staon.

* lp (1976/1977) : " Vastelaovend same " - Discofoon LP 11.11.76
* cd: Diverse artiesten - "Batailles Carnavallade 2" - Omroep Limburg OL53-199801
*** cd 1994 : Minsekinder - " Casa Loco"- (de laif ceejdeej)
**** cd 2000 : Diverse artiesten - "Petje aaf (veur al die schoéne leedjes)" - Onger Os 7370


HOME PLAATSNAMENOVERZICHTHOME


TWIE BLAJER
Teks en muziek: Michiel van der Grinten
Zang (*) : Minsekinder

Wie twie blajer in de lóch, weijt de wind ós taegenein,
maar dan dwarrele weej wiejer, weer wiejer oéterein.
Wie twie buuëtjes op de majjem, gaon weej efkes naevenein,
maar de majjem drief ós auk weer oéterein.

Wannier ligge weej same in de have ?
Wannier hald ik dich eindelik in mien erm ?

Refrein:
Ik wil mier, ik hald ut neet mier oét.
Ik blief maar aan dich dinke, as ik mien auge sloét.
Ik wil mier, 'nne nach met dich allein.
Eine kier in ós laeve doén beejein.

Jao dae rink um miene vinger, is ein teiken van gelök.
Maar laot det dich neet weerhalde, daorum maak ik mich neet drök.

Ik krieg vleugels as weej danse, wie twie veugel in de nach.
Jao, zeg mich, hebbe weej noow neet al lang genóg gewach.

Wannier draag ik dich in mien erm nao baove.
Wannier, wannier.

* cd 1997 : Minsekinder - "Blief neet allein"


HOME PLAATSNAMENOVERZICHTHOME


TWIE DEEPBLAUWE AUGE
1976 nr.3 : Tekst: Sil Ruitenbeek - meziëk: Giel Aerts
Zang (*) : Theo Teuwsen
Zang (**) : Minsekinders

Refrein:
Twië deepblauwe auge, enne groëte pot beer,
enne mônd om te kösse, dao kump 't op neer.
De res det is beejzaak, veur iddere mins.
Wae wet waat-se strakkes of morge nog kins.
Dus plök deezen daag, laot dich gaon en maak plezeer,
en waat morge kump det zeen we dan waal weer.
Twië deepblauwe auge, eine groëte pot beer,
enne mônd om te kösse, dao kump 't op neer.

Of-ste de gemeinte of ein autobus bestuurs,
of-se beej de rièke en d'n erme tak behuurs,
of-ste door de kat of door d'n hônd gebete wuurs,
det zek ik ôch, dao kin-ste wat aan doon :

Of-ste nôw ein maske druêgs of dien gewoën gezich,
of-ste eine smale bis of eine zwaorgewich,
of-ste nôw verzekerd bis vreejwillig of verplich,
det zek ik ôch, dao kinste waat aan doon :

* lp (1978/1979) : Diverse artiesten - " Venlo op zien bès " - Discofoon LP 45779
** cd 1994 : Minsekinder - " Casa Loco"- (de laif ceejdeej)


HOME PLAATSNAMENOVERZICHTHOME


TWIEFEL
1997: Tekst & muziek: Bert van den Bergh & Holger Seeling
Zang (*) : Romeo

Herfs vech de zomer weg, leet vors op 't veld.
Soms dink se nog: de zomer wint, en schrieuws nao de zon.
Helder schient d'n hemel, de luch is druuëg en kald.
Aom wuurd zichbaar, weurd bevrere as ik dich halde kan.

Refrein:
Noow 't einde dao is verlang ik naor dich.
Noow 't einde dao is weit ik mier van dich.
Noow 't einde dao is verlang ik naor dich.
Noow 't einde dao is weit ik mier van dich.

De aerde brand en dreit hiel snel, alles wankelt of stort neer.
Minse vluchte, vertwiefeld zeukend, de stad die is neet mier.
Helder schient d'n hemel, de luch is drueg en kald.
Ik bin op zeuk, noow verlang ik zoë, det ik dich halde kan.

* cd 1997 : Romeo - "Parels van de nach" - Ben Verdellen Produkties


HOME PLAATSNAMENOVERZICHTHOME


UIG ENS HEEJ
Tekst: Gé van Beek
Zang (*) : Pinda Wullum

Refrein:
Uig ens heej, uig ens heej, uig ens heej wae d'r is.
As geej ós neet zoelt kinne, heb geej altiéd wat gemis.
Zuus ós aan, zuus ós aan, zuus ós aan, zien weej neet net.
Weej viere fees en gaon de ièrste ore neet nao bed.
Weej viere fees en gaon de ièrste ore neet nao bed.
Lalala, lalala, enz ...

De kaegelclub, die ging op joets, de reis ging nao de Rièn.
Det deeje zeej al jaore, veur de joeks en veur de wièn.
Gewasse en geschaore ging de ganse club op paad.
Al hièl vruùg oèt d'n bóch, want anders kwame ze te laat.
Aoh fijn, aoh fijn, ze zónge in d'n trein ...

De kaegelclub, die makde wie gewuuënlik vuuël radau.
Ze lachde en ze drónke, en ze woorte al wat blauw.
En wat ze thoès neet deeje, hebbe zeej dao toen gedaon.
Ze zien dao met 't ganse stel de danstent ingegaon.
Aoh fijn, aoh fijn, noow kièk tóch ens die bein ...

De kaegelclub, die ging nao hoès, 't fees det waas gedaon.
Es tut uns leid, auf Wiedersehen, weej mótte noow weer gaon.
En ónderwaeg toen hebbe zeej nog eine kièr gestop.
Toen haet 't ganse stel veur mooder thoés nog waat geshop.
Aoh fijn, aoh fijn, nao hoès toe met de trein.

* cd 1998 : Pinda Wullum - "Zoeëmaar veur de yen"


HOME PLAATSNAMENOVERZICHTHOME


UT IS WEER CARNAVAL
vòòr 1969: Teks & muziek: ?

Nôw geit ut weer gebeure, d'n broene leet al klaor.
Al waeke van teveure, zoë geit det idder jaor.
Nôw môt ik mich beheerse, ik spring haos oët mien vel,
want Jocus geit weer heerse en rammelt met de bel.

Ut is weer carneval, dae schoensten tiëd.
Ut is weer carneval in ut Jocus riek.
Weej maake lol en vuul plezeer beej ein lekker glaeske beer.
Det duit ôs zoë good en guf ôs nieje mood.

En is daen tiëd gekômme, dan zien weej weer content,
dan kan ôs niks meer bômme tot aan de letste cent.
Och minse, blief neet zitte, trek de keel weer aan,
gangk neet zitte pitte, trek mei met Jocus Haan.


HOME PLAATSNAMENOVERZICHTHOME


UT VAAT IS LAEG
Tekst: Sef Gubbels & Quinn Warmerdam - muziek: Quinn Warmerdam
Zang (*) : W-Dreej

Refrein:
Haej, haej,
Ut beer is op. (3x)
Haej, haej, ut beer is op,
Wie kin det nôw, wat eine flop.
Haej, haej,
Ut vaat is laeg. (3x)
Haej, haej, ut vaat is laeg, aoh nae!…
…Nôw maak mich astebleef gen kraeg!
Ut vaat is laeg (2x)

Ut bestuur van de verrein, zoot in vergadering beejein.
Te bedinke wie ze gekke nao de feestent kôste trekke.
Want de tent die stônd d’r weer, umdet idder jaor ut beer,
Met ein financiële smak, de begruëting sloétend mak.

Beej de kassa kreegse de consumpsiebônne.
Eine kraom met snoep en bônte lôchballônne.
Zoore vis en vette wors, belagde bruëdjes
En d’n tiéd waas riép veur verkaup van de luëtjes.
Alle winnaers kôste eur presentje keeze.
Want de leeje hadde zelluf gezörg veur priéze.
Veurluipig waas ut fees veur eur nog neet veurbeej.
Aete, drinke zat nôw bleeve ze waal heej.

Ut bestuur vônd ut te gek, want de kas dae woort gespek.
Zeen ut maar as ein prestatie van de fees-organisatie.
Maar toen vroog me: “Veur wie lang, hald geej dit nog in bedwang?”
En ze huurde ut, helaas!, det d’r neet vuël beer mier waas.

De stumming steeg, maar ut beerpeil det bleef zakke!
Want me bleef maar half um en pilskes pakke.
De meziék woort door ein nieje groep geträöt,
Want de joekskepel loog lazerus in de gäöt.
Ein gesmiespel ut bestuur woel ut belette.
Mooder hellup!, gen gesis mier van buffette!
“Beste minse, luuster good en bliéf nôw braaf!”
Reep de praeses: “Want ut letste vaat is aaf.”
Vuël paniek, de ganse tent stônd op de kop.
Bônne zat en flinke dors, waat eine strop!

* cd 2004 : W-Dreej - "Höf de glazer mit W-Dreej"


HOME PLAATSNAMENOVERZICHTHOME


VADER STAD
Tekst: Gé van Beek
Zang (*) : Pinda Wullum

Heej in dees stad zien weej gebaore,
heej in dees stad, greude weej op.
Herinnering aan kinderjaore,
och stónd d'n tiéd maar efkes stop.

Met mam en pap ginge we fietse,
met mam en pap, rondum 't hoés.
Ouk kattekwaod en appels bietse,
ein botteram, zoeë op de voès.

Refrein:
Och vaderstad, ik wil dich danke,
och vaderstad, veur idder jaor.
Dich bis ein leed, vol schoeëne klanke.
Venlo bedank, veur idder oor, 'k gaef ein roeës.
Veur alle jaore, 'k gaef ein roeës aan idderein,
dae met mich ging, doèzend ore,
want vrindschap mak 't pas fijn.

De waereld had veur ós eur grenze,
de buurt, de stad, de hei, de Maas.
Weej ware van die kleine henze,
dachte det dit alles waas.

Waat later zien weej oétgevlaoge,
nn keke in de waereld rónd.
Maar kwame altièd opgetaoge,
weer truuk nao dae geboortegrónd.

* cd 1998 : Pinda Wullum - "Zoeëmaar veur de yen"


HOME PLAATSNAMENOVERZICHTHOME


VAERDER GAON
1999/2000 nr.7: Tekst: Frans Boermans - muziek: Wim Roeffen
Zang (*) : De Kammeräödjes

As d'r ôs waat kwaelt, 't ein of ander schaelt,
en as dao beej, gen klage baat,
zien weej van ôs stök, umdet d'r niks miër lök,
dan leve minse, wet ge waat .....

Refrein:
Zulle we dan maar vaerder gaon mit alder waere,
dan hebbe we tenminste waat te doon.
As weej ôs de bein en auk de kael good smaere,
dan bliéve weej zoë flokker wie ein hoon.
Zulle we dan maar vaerder gaon mit aosem haole,
dan blaoze we waal oét, zoë tössebei.
Det wuurt ôs auk van herte aanbevao-ao-le.
Wae det vergit, dae duit auk noëts miër mei.
Det wuurt ôs auk van herte aanbevao-ao-le.
Wae det vergit, dae duit auk noëts miër mei.

Huur waat ik ôg zeg, 'nne mins haet waal ens pech.
En auk al haette det neet gaer.
Det det leid vergeit, det weite weej geheid.
Dao kump dae bes waal euverhaer .....

Velt 't laeve mei, is alles kook en ei,
umdet de ganse mikmak klop.
As ôs niks ôntbrik, is alles dieke mik.
Dan zit d'r nog maar ein ding op .....

* cd 2001 : Diverse artiesten - "Van Eijsde tot de Mookerhei 8" - Marlstone Recordings bv CDL2101


HOME PLAATSNAMENOVERZICHTHOME


VANDAAG!
2009/2010 LVK nr.1 : Tekst & muziek: Quinn Warmerdam
Zang: W-Dreej (Hay Wilders, Quinn Warmerdam en Christel van Rijn)

Refrein:
‘t-Is vandaag unne daag,
Dae veur ôs en ôg dreej döbbel diek is geslaag.
Want al ut gooje kump vandaag veur d’n daag.
Strakkes lekker nao bed.
Oétgeslaope, auge aope en opgelet!
De niejen daag dae wuurt nog vetter dan vet!
De vastelaovend is veur ôs je van het
(De vastelaovend is miér dan det!)

Waat is ut fantastisch, det dit heej besteit
En det ut noow ouk nörgers anders mier um dreit.
En vraemde dinke: “Waat is dao toch aan de hand?
Dae gekke vastelaovend in det limburgs land.
Ut geit beej ôs al jeuke, as ut woord al klink.
Weej zeen de vastelaovend as ein groeëts geschink.
En geisse ut belaeve, maak d’r dan wat van.
Alles en ouk idderein is in de ban,
Van waasse neums ein festijn,
Van alle bônte kleure beejein.

Dit is ein kedoo-tje, waat ein gooje sfeer,
En uig ens waat ein leuke minse um dich haer.
Waat ein enthousiasme, idderein duit bliej
Want huur ‘s det gejubel op dees melodie
Weej pakke noow duchtig oét
Met stampefoon, de trôm en de toét

Wae kan garandaere det ut morge wuurt,
Net zoë wie vandaag, precies zoë wie ut huurt?
Tja, ik weit ut zeker, morge wuurt ut top!
Weej goeije d’r gewoën ein schöpke baovenop
Dus wie vandaag wuurt ut neet…
Nae, baeter nog! As ut aan ôs leet!


HOME PLAATSNAMENOVERZICHTHOME


VANDAAG IS MIENEN DAAG
Tekst: Wiel Hermans - muziek: Wim Roeffen
Zang (*) : Christel van Rijn & Ton Lamberts

Vandaag is mienen daag, dae is gemak veur mich,
wie op 't liëf geschreve, jao, zoë laevendig.
Ik maag vandaag gaon struine, wies de sloëtingstiëd,
dan bin ik mienen daag pas kwiët.
Maar det is nog hiel wiët eweg, d'n daag begint pas veur de ech.

Refrein:
Vandaag gaon ik viëre, vandaag is mienen daag,
dae hald ik in iëre, dit is miene groëten daag.
Vandaag geit 't waere, de's de schoënste van 't jaor.
Vandaag guüf 't plezeer ônderein, blief nemus allein en hilt weer vanein.
Vandaag, det is d'n daag van 't jaor, vandaag is mienen daag.

D'n daag dae gister jôngk waas, is vandaag al kalt.
D'n daag dae morge kômme môt, dae luüt mich kalt.
Vandaag is mienen daag, ik zeg 't nog zoë dök,
dae bläök van leefde en gelök.
Dus plök ik um veur daag en dauw, want zônnen daag vervluug zoë gauw.

De vruugs dich waal ens dökker aaf, wao det aan leet.
As dich d'n daag neet lekker zit, dae leet dich neet.
Dan doon maar net wie ik, want det is altiëd priës,
de maks dich einen dieke wiës.
De zaes, zônder ein centje pien: laot dit miene gelöksdaag zien.

Copy Cat BV-E-1213
* cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213


HOME PLAATSNAMENOVERZICHTHOME


VANDAAG IS ZÔ'NNEN DAAG
2002/2003 nr.2 : Tekst & muziek: Wiel Hermans
Zang: N. van den Ham, S. Janssen & G. Schuurs

As veur daag en dauw ôzzen haan weer kreit,
guëf dae deze kiër net det bietje miër.
Want daen daag, dae geit lekker langk en breid,
door wie eine tierelier.
Ein bietje schreuje in de zôn,
zing dich de blaore op de tông.

Refrein:
Vandaag is zô'nnen daag, wao ech gen ind aan kômme maag.
't Hông al langer in de lôch, vandaag kriég ik noëts genôg.
Vandaag is zô'nnen daag, mit niks te môtte, alles maag.
Zoë wie 't geit, zoë zal 't gaon, de schoënsten daag in ôs bestaon.
Zoë wie 't geit, zoë zal 't gaon, de schoënsten daag in ôs bestaon.

As de kroétklup weer ziene pot vertaert,
en de kas hoek sloek ram is laeggekloek,
wuurd de res van waerd wat beejeingekaerd,
idderein haet beejgestoek.
Dan gaon die door wies aan de gông,
en huur ens waat die kroètklup zông.

Kumpse laat nao hoès van 't vruugsjoppe,
rup van wièd ein stum jungske dreij dich um.
Dich kumps heej zoë vruug toch neet aankloppe,
schaam dich, det is gaar neet slum.
Dich bis pas efkes halverwaeg.
Kôm, zit dich zelf neet in de waeg.


HOME PLAATSNAMENOVERZICHTHOME


VANDAAG OF MORGE
Tekst: Ad Pollux - meziék: Giel Aerts
Zang (*) : Hannelore Winter

Refrein:
Veurgister kwaamste gister thoës,
gister kwaamste vandaag nao hoës,
maar aste morge dörfs te kômme, inplaats van vandaag,
dan raeken d'r maar op det ik de trap aafzaag.
Veurgister kwaamste gister thoës,
gister kwaamste vandaag nao hoës,
maar aste morge kumps, inplaats van vanaovond,
is ut sjloes met diene vastelaovend.

Hae blief maar altiëd oët'nt gaon, as de bleumkes al lang boëte staon.
Dae van mich dae zuut gèn ind as hae d'r aan begint.
Hae los mich eedere morge af, hae trepke op en ikke draaf.
Jao, weej schaele daag en nach, daorum heb ik gezag :

Hae wet jao noëts wie laat ut is en auk gaar neet welken daag ut is.
Dae van mich, dae dreit maar door, kiek neet nao tiêd of oor.
Wie ik vanmorge op woel staon, waas meneer weer net nao bed 'nt gaon,
en hae zông : "Wao gaon weej haer", ik zag : " Dich geis te vaer ".

* lp (1978/1979) : Diverse artiesten - " Venlo op zien bès " - Discofoon LP 45779


HOME PLAATSNAMENOVERZICHTHOME


VANOËT D'N HEMEL
2003/2004 nr.3: Tekst: Peter Jansen - muziek: Wim Janssen
Zang (*) : Peter Jansen & Wim Janssen

Refrein:
Vanoët d'n hemel veel ein ingelke
En det ingelke veel neet verkiërd
Persiës in Venlo veel det ingelke,
Wie vastelaovend woord geviërd:
Heej kin det zich pas ammezeere,
Nae, det wilt heej noeits miër weg,
De gansen hemel leet te lamentere:
'Maar, waat kwaam det good terech,
Maar, maar, maar, waat kwaam det good terech!'

Ik zoog det schoën verkleide maedje,
En ging metein al door de kneen,
Ik dach nog beej michzelf: 'Zôn plaetje,
Det heb ik heej nog noeits gezeen':

Ik vroog um : 'Geis dich det neet misse,
Daen hemel is dich toch vuul waerd?'
Toen zag het: 'Jông, wie däözig bisse?
Ik heb um heej noow op dees aerd!'

Het zag mich gister ôngelaoge
'Ik blief mien laeve lang beej dich!'
Noow môt ik mich toch aaf gaon vraoge
Leet det aan Venlo of aan mich?

* cd 2004 : Diverse artiesten - "Van Eijsde tot de Mookerhei 11" - Marlstone Recordings bv CDL2401


HOME PLAATSNAMENOVERZICHTHOME


VASTELAOVEND
1951: Tekst & muziek: Lei & Sef Hendrickx
Zang (*) : Wiel Vestjens & Hay Crompvoets
Zang (**) : Sef en Lei Hendrickx

Refrein:
Vasteloavend, vasteloavend, sjiengelesjiengesjiengelesjiengeleboem ...
Vasteloavend, vasteloavend, det is Venloos roem,
Vasteloavend, vasteloavend, dreej daag aan ein stök,
En weej houwe op die kis, umdet ut vasteloavend is, sjiengelesjiengesjiengelesjiengeleboem.

Hallo, hallo, ut is ware vasteloavend, weej kriége nôw waer unne fijnen tiéd.
Zet alle zörg maar lekker op ein kesje, heb toch maling aan d'n driét.
En ut is OK, weej goan weer pierlewaaje, en geleuf mich, jông, de veuls dich wie ein kind,
en hes-te neemus aan die jèske hange, pak Bacchus tot vrind !

As vraemdelinge in Venlo kômme loupe, en loupe zeej de Vleistraot aaf en op,
dan lache ze, en wiéze met de vinger vuulbeteikenend noar de kop.
Maar zuus-se 's oaves weer die zelfde minse, dan veule die zich heej al lekker thoés,
en schriéeve met ein stum um cox te kloppe : weej goan neet noar hoés !

De Venlonaer dae veult zich wie herboare, beej 't ieérste seintje van de Jocus-haan.
En luet det biésje zién geluud dan huure, wuurd-è wakker, geit-è d'raan.
Ut maske veur ut panopticum geschoave, de vasteloaveslol, en toét besloét :
det zit in eedere Venlonaer besloate, det houwt neemus d'roét !

* lp: " 't Is weer vastelaovend (twië maol elf vastelaovesleedjes en nog vuël miër...) "
cd : " Zónne Vastelaovend "
** cd: Diverse artiesten - "Batailles Carnavallade 1" - Omroep Limburg OL52-199701


HOME PLAATSNAMENOVERZICHTHOME


VASTELAOVEND
Tekst: ? - melodie: 'Angels' (Robbie Williams)
Zang: That's Life

’T Is weer dao, det geveul as ik bin geschminkt,
Dan bin ik weer, eemus anders as michzelf,
Zeuk ik ein andere helluf

En ’t geit good, veur mien speegel jao det guüf mich mood.
Jong waat bisse weer knap,
Met dich wil ik op stap,
Og waat ein leuke snoet,
Dich kriegs vas zeker ein broed.

Refrein:
En al dees daag bin ik met vastelaovend
Euver daag tot laat in d’n aovend
Te bewondere in de stad
En kiek ik um mig heer
Op zeuk nao moeie auge
De wets wal van die die neet dauge
En vraog ’t nao plezeer
Ik besloet te vraoge
Heej deer wils dig ein gleeske beer

Wetse waat het zeet
As ik dich en good bekiek geluif ik mien auge neet
’t klik metein, same danse weej op ein schuüfelleed

maar d’n tiëd deurde neet lang
nog eine op dien wang
d’n aovend geit veurbeej
zeg bis dich morge auk weer heej?


HOME PLAATSNAMENOVERZICHTHOME


VASTELAOVEND IN VENLO
vóór 1954: Tekst: Koos Timp - meziék: Giel Aerts
Zang (*) : Wiel Vestjens

Al maonde van te veure, wûûrd d'r lank en breid gepraot,
de Venlonaer dae veult zien blood dan jeuke.
De Jocusse en Jocussinne zien rats van de graot,
en gaon ein vastelaovendpekske zeuke.
Maar as d'n tiëd geblaoze is, d'n optoch trekke zal,
de nieje Prins gekaoze is, dan is 't ketjesbal.

Refrein:
Vastelaovend in Venlo, ederein dae mak jen now.
Ganse troepe jatse zingend haer en truuk,
van 't Nolensplein tot aan 't Viaduuk.
Greke zien d'r ouk gen now,
Vastelaovend in Venlo, zien de daag van joeks,
van gekdaon en humor, de leukste tiêd van hiël 't jaor.

't Kleinste kind det duit dan mei en pôngelt zich wat aan,
d'n boêtestaonder kint det neet verklaore.
Die snappe niks van zô'n gedeuns en van de Jocushaan,
want det is in de Venlonaer gebaore.
En waorum steit beej ès de Vastelaovend zoë bekind ?
Umdet me dae redouw en kolder nörges anders vindt.

En jônk en alt en erm en riêk, löp zoë maar op de straot,
an taötje mit petatte-friet te knauwe.
Dao zien d'r die de maatjeshiëring sloeb're mit de graot,
de paoling mit d'n boes nao binne houwe,
't Is d'n echte Venlonaer, dae schaele wazel zaet,
en zien vestand mit Vastelaovend toêsgelaote haet.

* lp 1981/1982 : Jocus - " Laot ôs bliëve zinge " - Discofoon 11.11.81


HOME PLAATSNAMENOVERZICHTHOME


VASTELAOVEND OP DE STRAOT
2008/2009: Tekst & muziek: Arnold Wassen
Zang: De Kammeraodjes

Refrein:
We hebbe ôs allemaol nao boete laote jage…..
nôw kiek ze danse in dae vuuls te dieke jas…
alle rame aan de verkiërde kant beslage;
‘t is Vastelaovend op de straot en op ’t terras…..
Gezellige minse gaon ’t boete maar probere,
de plestiek glazer vreere vas aan ’t buffet….
ze veule ’t pilske in de linkerhand bevreere
maar in de rechter brandt ‘n heerlike sigret!

D’r is ‘n ind gekômme aan de broëne jaore
de kastelein dae zit in zak, maar néét in as.
in ’t broën kafeejke is ’t muuskestil gewaore,
d’r is allein maar wat te doon op ’t terras.

Jao veur d’n eine is ’t zeker eine zaegen,
maar veur de and’re eine regelrechte ramp,
dae zaet:,,Ik rauk, al môt ik rauke in de raegen
want beej ’t roëd en gael en greun huurt blauwe damp!"

Op ’t terras dao staon ze in de kelt te prooste…
nôw krieg de kastelein tenminste gen verbaal…
de huurs ze zinge en weer twiëjestummig hooste
we huure:,,Kôm, kom mee naar buiten, allemaal


HOME PLAATSNAMENOVERZICHTHOME


VASTELAOVEND VASTELAOVEND
Straotdeuntje
Oetveuerende (*) : Dames- / Hiëre-koër

Refrein:
Vastelaovend vastelaovend,
weej komme neet thoës veur d'n aovend.
's Aoves in de maoneschien,
as de boere nao bet toe ziën.

* lp (1978/1979) : Diverse artiesten - " Venlo op zien bès " - Discofoon LP 45779


HOME PLAATSNAMENOVERZICHTHOME


VASTELAOVES-ALFABET
2006/2007: Tekst & muziek: Evert Cuijpers
Zang: Bernie Billekens & Sandra Geerats

A-laaf kôm d’r lekker B[eej]
Zing mit ôs de hoëge C
Net as dae dao det net D[eej]
[E]F’kes maar want noow ziet G[eej]
Aevel gelökkig neet allein
Want auk W[eej] zinge dit refrein

Vastelaovesalfabet
Leed det klink wie ein gebed
De wette veur 3 dolle daag
Van joeks en jen
En alles maag
‘t Is gen les
Auk gen diktee
´t Is ôs laeves-ABC

H[aa] heej is weer ein koeplet
Det ôs bringk wies aan de Z
‘t Ind bekind beej idder kind
Uich waat geit dit leed gezwind
Veur ôs gen T[hee] maar ein glaas beer
Span herres hup dao gaon W[eej] haer

[E]L zag noow toch opgelet
B[eej] ´t allerlets koeplet
W[eej] zien [e]F’kes ônderwaeg
‘t Inspirasiepiél raak laeg
X [e]N de res gaon in ´t vet
Die zien ´t volgend jaor aan Z[et]


HOME PLAATSNAMENOVERZICHTHOME


VASTELAOVUS-BIK
2002/2003: Tekst: school "De Koperwiek " - muziek: Wim Roeffen

Os mam die kook bes lekker, de leks dien vingers aaf.
En is 't ens waat minder, dan aete weej toch braaf.
Maar wuurd 't vastelaovend, dan kiek zeej neet zoë nauw.
Dan gaon weej nao de frietkraom, en aete dao dan gauw.

Refrein:
Weej kriége weer vastelaovesbik,
jao, friet en ik, de's dieke mik.
Weej zien de gansen daag al op de joets,
de kaokplaat wuurd vandaag ens neet gepoets.
Nog efkes dan kump d'n dinsdaag weer,
det hebbe weej neet gaer.
Dan guf 't zwaore boérekos, zoë geit det idder jaor.
Ouk greeke baat ôs dan gen fluit, dao is mam zoë mei klaor.

Netjes aan de taofel, zaet miene pap zoë dök,
maar mit de vastelaovend, dan hebbe weej gelök.
Niks neet zitte bliej, al is hae nog neet klaor.
De frietjes op de voés maag, maar eine kier per jaor!


HOME PLAATSNAMENOVERZICHTHOME


VASTELAOVES GEDICH
Tekst & muziek: Hay Geritz
Zang: Jennifer Dibbets

Refrein:
vastelaoves gedich
is veur dich en veur mich
moeije waort en ein zuuvere stum
vastelaoves gedich is waor ik dan veur zwich
en ein leedje daor gaon ik van um

met de vastelaovend dan heb ik t weer
huuer doezende waortjes zoe gaer
zeen ik die bekinde en laot mich dan gaon
miene lach verdrief miene traon

is 't weer aswoensdaag
en spraek ik met dich
huuer dien leeve stum zoe gaer
dich guufs mich ein kosmuulke
't is noow gedaon
miene lach verdrief weer mien traon


HOME PLAATSNAMENOVERZICHTHOME


VASTELAOVES-GEVEUL
Tekst: ? - melodie: 'Feel'(Robbie Williams)
Zang: That’s Life

Met mien trumke um de nek, keek ik vreuger nao d’n optoch
Ik zoog allein maar bein, ik waas nog zoë klein
Daornao naor ut kefee, gans verkleid as coole cowboy
Danste ik met mam de wals, zong de leedjes hard en vals

Det is det geveul, det allein echte Limburgers kinne
De vastelaoves roes, de kop gans vol met joeks, dreej daag op de joets

Schuumke trekke beej pap, waort sneeuwwitje en ein snurke
En langzaam ouk ech beer, det goof mich nog mier plezeer
Vas danse in eine kring, de linker erm haos oet de kom
En sjanse op meziek, ‘t ierste kösmulke mak mich zoë riék

Det is det geveul, det allein echte Limburgers kinne
De vastelaoves roes, de kop gans vol met joeks, dreej daag op de joets
Jao det geveul, veranderd ut flemke in mien hert in ein veurwerk
Det noeits oet meug gaon

Det is det geveul, det allein echte Limburgers kinne
De vastelaoves roes, de kop gans vol met joeks, dreej daag op de joets
Jao det geveul, veranderd ut flemke in mien hert in ein veurwerk
Det noeits oet meug gaon, ‘t geit van groët naor klein, det geldt veur idderein


HOME PLAATSNAMENOVERZICHTHOME


VASTELAOVUS-JUNGLE
Tekst: Basisschool De Verrekijker - meziék: Wim Roeffen

De zuus met Vastelaovund toch waat laupe,
det is mich wat in Venlo-stad.
De vruegs dich aaf, wao die die pôngels kaupe.
Zô'n pekske had ik gaer gehad:

Refrein:
Heej 'n kat ... en dao ein tijgerin, en dao zeen ... ik auk ein groëte spin.
Einen aap en eine leguaan, och now kiek, wae kump dao aan ?
't Is ein kiep ... met ôzze Jocushaan, maar wat stelt dae zich weer aan.
Jao, ut liek waal eine jungle heej, huer toch ens waat ein leweit.
Nae, 't oerwoud is d'r niks miër beej, wie det heej in Venlo geit.

De meister, jao, dae geit vandaag as zebra,
de juffrouw geit as papegei.
't Maedje van de bure löp as lama.
Uig dao, dae knöl verkleid as krei:


HOME PLAATSNAMENOVERZICHTHOME


VASTELAOVES-LEEFDE
1980: Tekst & muziek: Hannelore Winter
Zang: De kammeräödjes

Och Limburg ik hald zoë van dich.
Van al die kreijepuëtjes in dien gezich.
En in dien auge kin ik laeze van die jaore.
Wao’s dich gelökkig waas en mei auk gans verlaore.
Maar nao dinsdaagnach vuel ik mich.
Zoë gans allein en verlaore wie dich.

Refrein:
Nog ein kösmoel de letste kiër.
Veurdet weej slaope gaon.
Kôm hald mich leef de letste kiër.
Ut is weer haos gedaon.
Ik zeen dien auge dreuvig blinke.
In dien maske duit mich pien.
Dit zal ôs aller-allermoeiste Vastelaovesleefde zien.
Dit zal ôs aller-allermoeiste Vastelaovesleefde zien...

Och Limburg ‘t is haos zoë wiëd.
Dan roope assekruutskes truuk in d’n tiëd.
Ein Vastelaovesleefde woort opniej gebaore.
En dienen hemel haet zien sterre neet verlaote.
Want nao dinsdaagnach steit daoveur
De Vastelaovend opniej veur de deur.


HOME PLAATSNAMENOVERZICHTHOME


VASTELAOVES-LES
Tekst: Mytylschool Ulingshof - meziék: Wim Roeffen

Weej huure alle dage: "Maak det maar ens opniej".
De meister zuut zien blage gaer netjes in de riej.
Toch is dae meister klasse, al hilt hae ôs auk kort,
want um ôs te verrasse, schreef hae maar op ut bord:

Refrein:
Vandaag is vastelaoves-les, d'r wuurt allein maar fiës geviërd.
Alle beuk gaon in de kês, veurluipig zien we oétgeliërd.
Vandaag is vastelaoves-les, idderein, dae duit zien bes.
Venloos plat, det wuurt ôs taal, we make laeve en kebaal.
Idderein, dae krieg vanzelf ut hoëgste punt, en des ein elf.

De meisters en de juffe, die zien vandaag zoë bliej,
en make neet die duffe en lange rechte riej.
We hôve neet te laeze, we zien in alles vreej,
en in de polonaise, bliéf idderein waal beej:


HOME PLAATSNAMENOVERZICHTHOME


DE VASTELAOVES SAMBA
1979/1980 nr.2: Tekst: Frans Boermans - muziek: Giel Aerts
Zang 1 (*) : Ben Verdellen
Zang 2 (**) : The Moon
Zang 3 (***) : De Kammeräödjes

Refrein:
Olé, olé, Ome Wilie oët Brazilie dae is weer heej.
Olé, olé, Signor Wilie zien femilie is d'r auk nog beej.
Die danse met leweit de samba door de stad.
Weej hebbe in gen jaore zo'n fiësta heej gehad.
Olé, olé, Ome Wilie oët Brazilie is heej ... oeh.
Ai ai ai ai ai ai, ai ai ai ai ai ai,
kôm dans met mich Caramba, de vastelaovessamba.
Ai ai ai ai ai ai, ai ai ai ai ai ai,
Caramba, de samba, olé ... oeh.

Weej hebbe Ome Wilie op bezeuk.
Dae is weer heej hoera, oët Zuud-Amerika.
Hae vindt de vastelaovend heej zoë leuk.
Det gaait um waal dae'n hoepsa-tralala.
Hae houwt de gansen daag, maar op daen tamboerijn.
En isse good op slaag, dan zink heej ederein.

Wat haet daen Ome Wilie toch gedaon ?
Zien ganse koedeljach, die haete meigebrach.
Die dinke gaar neet aan nao bed toe gaon,
en danse maar de samba daag en nach.
Al zién weej afgeknap en kinne weej neet miér,
dan rup dae gansen hap ... kôm op, nog eine kiér.

* lp 1979/1980 : Jocus - "Dao geit-e haer !" - Discofoon LP 4.7980 15.90 ** cd 1999 : Diverse artiesten - "Leedjes veur de ieuwigheid (ein hommage aan Frans Boermans)"
*** cd 2000 : Diverse artiesten - " Petje aaf (veur al die schoéne leedjes) " - Onger Os 7370


HOME PLAATSNAMENOVERZICHTHOME


'T VASTELAOVES SENTIMENT
2003/2004: Tekst: Sander Mattheijssen - muziek: Alexander Op het Veld
Zang:: Linda Zijlmans & Hans Reivers

Deze schitterende tiéd dae steit heej veur mich.
Geliék aan det leeve vastelaovesgezich.
Geschmink mit eine gölle lach.
Kwaam het ônverwach.
Waat d'r kump mak mich neet oét.
Bin verleef op die snoét.

Refrein:
Vastelaovend waat eine moeien tiéd.
Dao hald ik van,
Dae wil ik noeits miér kwiét.
Want waat weej gaon belaeve.
Det mak mich zoë kontent.
Weej meuge gaon geneete.
Van 't veurjaorssentiment.
Vastelaovend waat eine moeien tiéd
Dao hald ik van, dao hald ik van, det wil ik noeits miér kwiét
( letste kiér; Dao hald ik van, dao hald ik van, ik wil dich noeits miér kwiét )

Minse ik vertel ôg gaer wie gruuëts ik bin.
Mit mien ônverwachte vastelaovesvrindin.
Noow belaef ik gans 't jaor.
't Moment wao ik mien hert verlaor.
Kiekend nao dien gezich.
De's vastelaovend veur mich.
Det hilt 't in veur mich


HOME PLAATSNAMENOVERZICHTHOME


VASTELAOVES-SERENADE
2006/2007 nr.2 : Tekst: Hannelore & Laurence Winter - muziek: Jan Bax
Zang: Frank Donders

Hertjeleef..noow huur
Os melodie
Zô’n moeie serenade
Die reurt ôs..opnie
Dienen erm um mich haer
De wengskes beejein
Mien leefdesverklaoring
Zing ik veur dich allein

Ein leed um van te halde
Ein leed veur jônk en ald
Hônderddoézend snuutjes
En dich..wao ik van hald
Ein hert um van te druime
Dien straolend gezich
Dan is de vastelaovend
Van aldshaer veur mich
Ein fees um van te halde
Det vier ik heej mit dich

Hertjeleef..huur dao
Os joekskepel
Ik kriég van det leedje
Alweer.. kiepevel
Serenaadje op straot
Of fiedelkônzert
Geveulige snaore
Die rake idder hert

Geneet van idder eurke
Van idder moment
En gaef d’n daag ‘n kleurke
Mit joeks en sentiment


HOME PLAATSNAMENOVERZICHTHOME


DE VASTELAOVESWEKKER
2005/2006: Tekst & muziek: Quinn Warmerdam
Zang (*) : W-Dreej

Refrein:
De vastelaoveswekker tik beej mich van binne
Huur ik meziék, of is d'r fees, dan geit dae aaf.
Dan kan veur mich d'n tiéd van joeks weer gaon beginne
En roop ik taege idderein, Alaaf!
Ut vastelaoveswekker-ritme luët mich swinge.
En ein glaeske drink ik in det ritme laeg.
De vastelaovesleedjes bliéf ik aan ut zinge
En bin altied nao plezeer op waeg.

D'r zien d'r mit ein biologisch klökske.
Maar det is volges mich ein ander merk.
De kins ôs plaatse in utzelfde hökske.
En zeker is, det klökske duit zien werk.

Zoë-as ut klökske thoés tik, tik ut nörges
Det wuurt zoë in ut algemein gezag.
Maar as dae 'wekker' geit dan bin ik örges,
Wao heej waat anders euver wuurt gedach.

'Ik heb ut in de smiéze!', zoë wie me det dan zaet,
Det idderein zôn wekkerke gekreege haet.

* cd 2006 : W-Dreej - "W-Dreej ônderwag"


HOME PLAATSNAMENOVERZICHTHOME


'T VATELEED
Tekst: Ad Pollux - muziek: Giel Aerts
Zang (*) : Hay Cromvoets

De brouwers zien maar altièd aan ut brouwe,
mit aope kraag en opgestruipde mouwe.
Zeej paeze en zeej kneure wiej nog niej,
zoë blief d'r laeve in de brouwerie.

Refrein:
Waat, waat, waat zit d'r in det vaat, naat lekker naat.
Waat, waat, waat kump d'r oet det vaat, naat lekker naat.
En det det naat gen naatje is, zek noow zelluf, zek noow zelluf,
det leed, as ik mich neet vergis, aan de jônge van vaat elluf.
Waat, waat, waat zit d'r in det vaat, naat lekker naat.

Ut vaat det bringk de zon in alle glazer,
ut is de bron van alle schaele wazel.
Want as d'r oet det vaetje wuùrt getap,
dan guf ut genne appelesiene sap.

Weej hebbe mit d'n dors toch waat te stelle.
D'n hond oet Hors kan ós nog mièr vertelle.
Ein vaat det is ut schoeënste op de aerd.
De ieërste klep is eine daalder waerd.

* 1983 : "Laot gaon dae wage" - discofoon


HOME PLAATSNAMENOVERZICHTHOME

VEERDAAGSE LEEDJE
Tekst: Wiel Hermans - muziek: Wim Roeffen

Ós eige veerdaagse, die laupe weej zoë gaer,
kóm allemaol met ós mei.
Jao, stepke veur stepke, dan kómme we hiel vaer,
al zingend door bös en hei.

Refrein:
Idderein op de bein, met dae zaolentrein löp 't zich zoë fijn.
Idderein op de bein, want allein is maar allein.
D'n echte kilometervraeter is, net wie weej, d'r altièd beej.
Idderein op de bein, saame, veer daag achterein.

Hup jóngens en maedjes, vandaag is ózzen daag,
al kraak 't auk heej en dao.
Want maeter veur maeter, dae pakke we vandaag,
weej laupe ós neus maar nao.

De bein good gesmaerd en de tes vol gooje mood,
de blaore, die zien we kwièt.
Die buuskes met bloome, die maake alles good,
d'n indstreep is neet miër wiëd.

Marlstone CD


HOME PLAATSNAMENOVERZICHTHOME


VENLO
1977 nr.2 : Tekst: Frans Boermans - meziék: Thuur Luxembourg
Zang (*) : Hay Crompvoets

Refrein:
Jao Venlo, mien Venlo, schoëne stad al iéuwe ald.
Och Venlo, mien Venlo, dich bis de stad wao ik van hald.
Want Venlo, mien Venlo, dich gufs mien laeve klank en kleur.
Auk al aste neet miér haes, waat d'r vruèger is gewaes,
ik gaon veur dich noch door 't veur.
Auk al aste neet miér haes, waat d'r vruèger is gewaes,
ik gaon veur dich noch door 't veur.

Laot ôs nog ens zinge van det stedje aan de Maas,
wao ôs elders zien gebaore.
Wie 't Wielewelke en 't Hetje d'r nog waas,
och, waat ging d'r vuél verlaore.
Laot ôs nog ens zinge van det stadje van plezeer,
in dae goojen alden tiéd,
wie ze dansde eder waek dao beej Kuulkes op de Baek,
och, waat leet daen tièd toch wiéd.

Zing nog ein koepletje van det alde Jocusriék,
wie det vastelaovend vierde.
As det ganse stedje dan weer schalde van meziék,
en weej door de sträöte zwierde.
Laot ôs dan ens zinge van det Venlo van vandaag,
wao nôw weit eine nieje wind.
Och waat duit 't dich dan deug, as te zuus wie nôw de jeug,
vastelaovend viere kint.

* lp (1978/1979) : Diverse artiesten - " Venlo op zien bès " - Discofoon LP 45779


HOME PLAATSNAMENOVERZICHTHOME


VENLO '97'
1997: Tekst & muziek: Bert van den Bergh
Zang (*) : Romeo

Ik bin nog ens door de stad gelaupe, waor alles oeit begon.
Waor 'n durp tot stad oetgreujde, 't greun meus wieke veur beton.
Waor zien de minse die ik kinde, waor is de Venlonaer naor toe.
Waor is die stad, 'n stad as Venlo, Venlo is neet thoes.

Refrein:
Allein de zon schient, net as toen door de rame van 't stadhoes.
Ut zien de auge van os stad. Venlo, ik baok um dich.

De Maas hilt de stad 'n spegel veur, de alde dame die geit bloet.
Eur spegelbeeld luut barste zeen, mien stad greujd lankzaam doeëd.
Waor is de wermte die d'r waas, waor is mien geveul van thoes.
Waor is de stad, die stad hoot Venlo, Venlo is neet thoes.

* cd 1997 : Romeo - "Parels van de nach" - Ben Verdellen Produkties


HOME PLAATSNAMENOVERZICHTHOME


VENLO AM RHEIN
1977/1978 nr.1: Tekst: Ad Pollux - muziek: Giel Aerts
Zang (*) : Hay Crompvoets

Refrein:
Venlo am Rhein, det is ut heej gewaore.
Venlo am Rhein, det huure weej al jaore.
Och wetste nog, wie det nog neet begôs waas.
Och wetste nog, wie Venlo nog van ôs waas.
Maar daen oëstewind dae vaeg euver dae Kaldekerkerwaeg,
heej alles beejein, in Venlo am Rhein.

In Venlo klink ein vraemde wiës van greunen hood en jas.
Die vônde heej ein paradiës, veur eure kallebas.
Zeej kômme alle waeke truuk, op eedere plevuüs.
Van gaasplein wiës ut viaduuk, dao vindste eine ...
raoj ens...raoj ens...

Ôs Venlo det ging door de kneen en raakde van de bein.
Ut "Danke schön ! Auf Wiedersehn !" Det woord ut niej refrein.
Ut brink ös eeder waek bezeuk, vol laeve en gedruüs.
Dan zaeste, uig, kiek doa, waat leuk, weer einen echte raoj ens...raoj ens

Ut hildt ôs Venlo laeventig, maar smeis wuurdt ut te dol.
Dan boete ze en baeje ze, zich eure melis vol.
De stad die is dan gans van eur, de wets neet waaste zuüs.
En alle woutjes euversteur ter iëre van dae raoj ens...raoj ens...

* lp: " 't Is weer vastelaovend (twië maol elf vastelaovesleedjes en nog vuël miër...) "


HOME PLAATSNAMENOVERZICHTHOME


VENLO MIEN ALD !
Wäörd en muziek: Funs van Grinsven
Oet de Revu (*) : "Waat ennen tiëd"

Vrêe daalde neer, linte kwaam weer,
völt blie ôs Venlose hert.
Vrêejheid gebrach, zônnige lach,
duit weer vergaete ôs smert.
Venlo det wit, en noeits vergit...
Sint Merte, Petroën van ôs stad.
Sneej aaf ziën kleid, toet offer bereid.
Venlo goof zien alde schat.

Refrein:
Venlo mien ald !
Bleumkes oet puin gaon weer bleuije,
't trouwe hert geit greuije,
in ôs alde stad.
Venlo mien ald !
Dien kinderkes hebbe getreurd.
Toch zingk weer,
ôs stad van plezeer....
't Leid is gauw verkleurd.

* lp : " Waat ennen tiëd " - Discofoon 11080 - VR 21527
cd : t.g.v. de heräöpening van "Twië Gebreurs van Venlo" & de äöpening van de "Gelderse Poort"


HOME PLAATSNAMENOVERZICHTHOME


VENLO, MIEN STAD
2001: Wäörd & meziék: Wim Roeffen

In 't Limburgs greun verschaole, leet ein plaetske aan de Maas.
En now weit ik oét verhaole, det det vrueger anders waas.
Maar d'n tiéd haet zien verleeje, waat veurbeej is is gedoon.
Daorum is d'r auk gen reeje, um dao lang beej stil te staon, want ...

Refrein:
Venlo, mien stad ... dich bis al jaore, veur ederein van zoëvuel weert.
Waat d'r auk waas, of ging verlore, dich haes ut al waat ôs begeert.
Det weej heej zien, is ôs gegaeve, same de lol, maar auk de pien.
As weej met dich heej, maar same meuge laeve, zal ederein gelökkig zien.
As weej met dich heej, maar same meuge laeve, zal ederein gelökkig zien.

Auk al blieve weej dan greuije, want ut jeske wuert wat klein,
as ôs stedje maar maag bleuije, is det good veur ederein.
Op daen tiéd, dae weej heej laeve, wilse truukzeen met plezeer.
Wae zich daoveur gans wilt gaeve, is de waore Venlonaer. want ...

Ens per week môsse gedinke, det weej laeve op vandaag.
Gank d'r dan maar eine drinke, want me dunk det det waal maag.
Met dien vrinde en bekinde, makse lol en haes plezeer.
En det is waat ôs duit binde, daorum zien weej heej zoë gaer, want ...


HOME PLAATSNAMENOVERZICHTHOME


VENLO OP STELTE
1987 nr.1 : Tekst: Wiel Hermans - meziék: W.H. Janssen
Gezônge: Ton Lamberts & Han Spaay

Weej zien 't weer van plan, um noow met alleman,
dreej daag op de luip te gaon.
Want dan kinne weej, met idderein d'r beej,
weer op stelte staon.

Refrein:
Venlo op stelte, dreej daag achterein,
wie in de wolke zien op die lange hölterige bein.
Venlo op stelte dan wuért groét en klein,
opgelaote in de straote allemaol verkleid,
wie Flujas rôndgedreid.
Opgelaote in de straote allemaol verkleid,
wies det de zaak op stelte steit.

Op stelte staon det maag, det wuért neet aafgezaag,
met de vutjes van de grônd.
Hebbe weej de kans veur ôzze steltendans,
geit 't in 't rond.

Weej gaeve in de stad, ein rundje op de lat,
veurdet weej nao hoës toe gaon.
Noow maar gauw besteld, want strakkes zônder stelt,
zeen ze ôs neet staon.


HOME PLAATSNAMENOVERZICHTHOME


VENLO OP ZIEN BES
vóór 1954: Wäörd & muziek: D. Timp
Zang (*) : Hay Crompvoets

Refrein:
Dan is miën stedje op zien bes, d'n tiëd van wiefkes en pi-jes.
De maskes en de mônsterköp, de träötjes en de kinderstöp.
De vinds in eed're straot en gäöt, 't Bukkumvel de hiëringgräöt.
De slônse rope weer in groët tenue : "De kins mich toch neet ... kukeleku"

Wie moei ôs Venlo auk kan ziën beej majjum zôn- of maoneschiën,
ik zeen mien stad van wiëd tot ziëd, 't leefs in vastelaovestiëd.
As Jocushaan weer haet gekreid, dan leet met huip de joeks gezeid.
Waorum mich Venlo dan bekaort, det is hiël gauw verklaord:

De daag des-te genete kins, wie schaor vluug dan um ôsze Prins.
Flujas döchter en zien zeuns, gans Venlo is ein bônt gedeuns.
En altiëd klink dezelfde wiës, van kleiërkas en hao, hao Driês.
De Raod haet stiekum zienen dreij, en zingk wat lekker mei.

As Venloos ganse koedeljach, dreej volle daag de miês zich lach.
En dans door Jocus' kiepestal, dan kump ze 'r Woensdaags pas aan wal.
Mit scheive bein en zwaore kop, de snor nog veur, de neus nog op.
Schelt 's aoves van de letste spie, d'n hiêring wie nog nie.

* lp (1978/1979) : Diverse artiesten - " Venlo op zien bès " - Discofoon LP 45779


HOME PLAATSNAMENOVERZICHTHOME


VENLO STEDJE (van lol en plezeer)
1936: Wäörd & muziek: Funs van Grinsven
Zang (*) : Wiel Verwijst
Zang (**) : Funs van Grinsven

Venlo, zô'n stad zoë besteit d'r maar ein, met ein schoën stadhoës.
Floddergats vindste béj ôs maar allein, wao Amor smoès.
Inge sträötjes, gen grekende luu !
Vleisstraot guf 's-aovends 'n vréjers-revu.
Bios, café's, die zién der present, 't is zoë patent.

Refrein:
Venlo, stedje van lol en plezeer,
dich kan ik toch noéts vergaete.
Bin ik in de vraemde, dink ik altiéd weer:
Gen stad kan met Venlo maete.
Dao te kunne laeve met al waat dich leef
Dao te kunne laeve met mié'n hertedeef.
Venlo, stedje van lol en plezeer,
aan Venlo dink ik altiéd weer !

Speulde wéj vruëger mit stuiters of bal, in 'n stille straot,
woutjes beloerden ôs dan euveral, um 't kattekwaod.
Dök heel mooder ôs veur de straf, thoés,
eine van ôs had weer wat oétgespoes.
Speulend mit dop had-ste pech op 't lets, ein ruutje geflets !

Venlo, 't stedje van spôntane lol, gasvréej en good.
Idderein is d'r veur jen make vol, 't is Venloos blood ?
Trek meziek 's aoves boemsend door de stad.
Dé Vastelaovend, jao knöl, det is wat !
Kermis viére, twië kiér in 't jaor, joeks steit steeds klaor !

* lp (1976/1977) : " Vastelaovend same " - Discofoon LP 11.11.76
cd : " Zónne Vastelaovend "
** cd : t.g.v. de heräöpening van "Twië Gebreurs van Venlo" & de äöpening van de "Gelderse Poort"


HOME PLAATSNAMENOVERZICHTHOME


VENLO VERRAS
2009/2010 nr.4 : Tekst: Fred van den Bogaard - muziek : Werner van Gool
Zang: Baer Traa

Zevedoézend Venlonaere renne veur eur laeve door de stad (wao nao toe?, wao nao toe?)
Venlo haet in 100 jaor neet zô’nne langen optoch miër gehad.(wao nao toe?, wao nao toe?)
En de res van Venlo steit hiel kwant mit doézend glazer beer dan in de-hand (en des kwant, en des kwant)
Want van staon en kiéke nao ‘t renne kriegse hiel vuuël dors dao aan de kant (want des kwant, want des kwant)

Refrein:
Jao Venloverras, löp neet in de pas
Want oét joeks en jen dao knaejde Ozze Leeven Hiër de Venlonaer
Jao Venloverras, löp neet in de pas
De wuurs noow einmaol zoemaar neet ‘t stedje van de lol en ’t plezeer

Zaoterdaag veur vastelaovend treffe alle Limbos zich beej ôs ? (Jao beej ôs, Jao beej ôs)
Mit-“gooje-morge-Limburg” is ‘t klar- de vastelaovend is begôs (Jao beej ôs, Jao beej ôs)
De Zoepkoel steit weer poepievol- op de Parade kin gen kiep miër beej (neet miër beej, neet miër beej)
Niks is Venlo dan te dol, want nörges is d’r zoevueël joeks wie heej (jao wie heej, jao wie heej)

Asse iddere zomer in ’t park d’n blues, de rock en roll en reggae huurs (tatatoe, tatatoe)
Dàn wit iddere Venlonaer .... desse nao ’t park gezaoge wuurs (tatatoe, tatatoe)
Mam haet zich al opgetuug de kinder is de wach weer aangezag (jao gezag, jao gezag)
Pap dae haet de deur gesmaerd dan piép die neet en zweit d’r niks vannach (neet vannach, neet vannach)


HOME PLAATSNAMENOVERZICHTHOME


DE VENLONAER KÖS GAER
Teks & meziëk: Jeu Titulaer

De Venlonaer viert gaer, de dreej gekke daag.
De Venlonaer piert gaer, genne rök dae dan klaag.
De Venlonaer lös gaer ein wengske, zoë zaag.
De Venlonaer kös gaar, as hae 't maar maag.

Refrein:
Met de vastelaovund, dan maag det toch waal,
zoë ônder 't walse, met ein in de zaal.
Ein lekker kösmuulke, kriëg ik dan van dich.
Op elk wange-kuulke, ein klapstök van mich.

De Venlonaer zingk gaer, maar neet al te zaag.
De Venlonaer drink gaer, en veural met die daag.
De Venlonaer dans gaer, d'n alde, d'n blaag.
De Venlonaer sjans gaer, as hae 't maar maag.

* ep 1971/1972 : Diverse artiesten - "Vastelaovend in de Venlose Wien" - Telstar - TS 1712 TF


HOME PLAATSNAMENOVERZICHTHOME


VENLOOS ALD
Tekst & muziek: F. Boermans & A. Luxembourg
Zang (*) : F. Boermans & A. Luxembourg

In dezen tiëd, noow vuuel veranderd is,
En ik vol spiët zoë vuuel van Venlo mis
Wie iëwelank toch beej ôs stedje hoort,
Dae godendrank dae heej gebrouwe woord,

Refrein:
Wao is det venloos Ald gebleve?
Wao zoël det Venloos Ald toch zien?
Det waas ein beerke, miene leve!
Vuuel baeter as d'n allerbeste wien!

Det köstelik naat, det zuuver waas wie gold.
Drek oet zô'n vaat van iërlik eikeholt,
Det smakde toch wies aan 't letste glaas
Ik weit 't nog offant 't gister waas.

Beej d'n Hazewind, de Roeije aan de Maas
't Waas bekind, wie 't beej de Witte waas,
Of beej de Koel. 't Kerkske, ik weit neet wao,
Wao me maar woel, det Venloos Ald waas dao,

Det ald recep had ik zoë gaer gehad
As ik det heb, wach maar dan weit ik wat
Dan bouw mich ein eige brouwerie
Dan brouw ik dich det Venloos Ald opnie.

* lp: " 't Is weer vastelaovend (twië maol elf vastelaovesleedjes en nog vuël miër...) "


HOME PLAATSNAMENOVERZICHTHOME


VENLOOS CARNAVAL
vòòr 1940 : Waörd: B. Veroliemolen - muziek: L. Smeets

Is 't Carnaval in ôs stedje, dan wet eederein wie 't is.
Hae dans thoes op 't karpetje en veult van de crisis niks.
Hae haet nog noëts zo'n lol gehad, as des te kriegs in de Jocusstad.

De fijnste Carnaval veur mich, is as ik bin béj dich.
Det aardig leef gezichje, dans jao allein met mich.
Want ik heb dich daorum maar, um des te bis mienen hertendeef.

Den hiëlen aovend had ik gedans, met miene leeve sjans.
Maar wie 't twelf oore waas, meuste de maskes aaf.
Ik dach det ik haos döbbel sloog, toen ik dao veur mich mien mooder zoog.

As wéj viere Carnaval, dan zek ik ôch veural:
Wéj gaon dan nao enne Jocusbal, wont die zien 't lolligst van al.
Venlosche maedjes staon gereid, met al eur joeks en lolligheid.
De dans dan mit zo'n leef gezich , tot des te gelökkig bis.
De dans dan mit zo'n leef gezich , tot des te gelökkig bis.


HOME PLAATSNAMENOVERZICHTHOME


VENLOOS GLORIE
vòòr 1969: Teks & muziek: ?

De Hermenie, de Fanfaar en Fortissimo, die trekke door de straot,
en ôs Marie, en ôzze Pie en ôs tante To, die sjouwe op de maot,
van de trompette en klarinette en van de slaeg op de dieke trôm,
d'n tambourmaître, ut kôs neet baeter en idder jaor ôntplof de bôm.

Refrein:
Carneval, Carneval, och luu, ut is weer Carneval.
En de spaarpot geit d'r aan ter iere van de Jocus Haan.
En euver dreej daag gaon weej ôs weer maete,
wae de meiste hieringe kan aete.
Carneval, Carneval, och luu, ut is weer Carneval.

Eeder jaor in de maons fibberwaarie, dan geit ut weer d'r aan.
En ôzze Kuup en ôzze Lei en ôzzen Haarie, die volge weer de Jocus Haan.
Met de trompette en klarinette en met de slaeg op de dieke trôm,
d'n tambourmaître, ut kös neet baeter en idder jaor ontplôf de bôm.


HOME PLAATSNAMENOVERZICHTHOME


VENLOOS KETEERKE
1987 nr.4 : Tekst: Peter Jansen - meziék: Peter Jansen & Wim Janssen
Gezônge: Astrid Faessen & Loek Ewalds

Nao d'n optoch gaon we gaer, veur dae vastelaovessfeer.
Wages groét en klein, die rieje achterein.
Wage nummer nege wach, hiél belaef op nummer ach.
Want dae is te laat, en de's 't iérste gaat.
En as det is gebeurd, wet geej wie lang det deurt ?

Refrein:
Det is det Venloos keteerke, ein momentje, det is waor,
Deurt beej ôs ein hallef oor.
Det is det Venloos keteerke, jao, det make weej in Venlo klaor.
Det langszaam spoje hingk heej in de lôch,
en och det snoéve weej zoë gaer.
En zôn keteerke deurt dan lang genôg,
veur ein kösmoel, ein leed, ein glaeske beer.
Det is det Venloos keteerke, jao, det make weej in Venlo klaor.

Aste op visite geis, dan gebeurt 't dich waal smeis,
des-te later bis as aafgespraoke is.
En veural as Venlonaer, zuus-te dan zôn klok neet gaer.
Weej zien zônder spiét, haos altiéd euver tiéd.
Dao zitte weej neet mei, weej gaeve deze drei.


HOME PLAATSNAMENOVERZICHTHOME

VENLOOS LEEDJE
Tekst: Leny v. Gennip - muziek: Wim Roeffen

Laot ós zinge, laot ós springe, laot ós danse in de wei.
En wae opgeruump van zin is, zingk dit leedje mit ós mei.
Auk al is 't maar eenvoudig, zinge weej 't mit respek.
Want dit leedje woort geschreeve in ós Venloos dialek.

Refrein:
't Mót neet altièd Ingels zièn, en zeker gen Letièn !
Ein leedje in ós Mooder-taal kin auk waal aardig zièn !

En eemes dae van Venlo hild, vindt auk heej de juusten toën.
Det zal um gaar neet hindere, auk al zièn die waörd gewoën !
Want weej halde van ós Venlo, en weej halde van plezeer.
Daorum bliève we auk zinge, daorum zekge weej 't weer !

Marlstone CD


HOME PLAATSNAMENOVERZICHTHOME


EIN VENLOOS MAEDJE
vóór 1940: Tekst: L. Winters - muziek: H. Verhagen
Solo (*) : Hans Mans

Refrein:
Ein Venloos maedje, zô'n aardig kind.
Ein Venloos maedje, wuurd gaer bemind.
Ein Venloos maedje, wies ôch auk gaer,
de waeg in 't stedje jao van plezeer.

Dao is jao gen städje in 't ganse land,
wao 't maedje is zoë sjarmant.
En trefste zô'n kind aan, dan in de stad,
zônne lekkere, leeve schat,
vraog dan aan det kind, wet géj héj de waeg ?
Bin gaar neet vreg, waog die kans,
want is 't dan gen hellevaeg.
Ik weit zeker, de kriegs sjans.

Haet zô'n kind veur good ziene vaste sjans,
wao het op alle bals mit dans.
En wao het mei nao de kino geit,
of op ein tumpke steit.
Dao pleit 't dan veur béj zien mam en pap,
en neemp 't dich mit nao zien hoes.
Pas dan good op: 't wies dich rap,
de waeg nao 't stadhoes.

* lp 1979/1980 : Jocus - " Dao geit-e haer ! " - Discofoon LP 4.7980 15.90


HOME PLAATSNAMENOVERZICHTHOME


DE VENLOSCHE JONG
vóór 1940: Waörd: L.Winters - muziek: H.Verhagen

De Venlosche jong, wao dae now ouk löp, dao krieg hae altied sjans.
En wao en'n ander ein körfke köp, krieg hae toch nog ein kans.
Hae wet met de maedjes um te gaon, versteit 't vréje ouk zier good.
Zien vader haet um det veurgedaon, 't zit in zien Venloosch blood.

Wannier hae dan lang genog haet gegaon, mit zien aanstaonde vrouw.
Dan sprik hae, now is't ouk gauw gedaon, det vréje vind ik flauw.
Ik kom morge ens béj dien vader thoes, dae zal mich haop'lik verstaon.
We bouwe direk ein deftig hoes, en kunne wéj trouwe gaon.

Refrein:
Dae Venlosche jong, dae flinke vent, wao eeder maedje vuul van helt,
is braaf en good en gauw kontent, kiek neet nao stand of rang en neet nao geld.


HOME PLAATSNAMENOVERZICHTHOME


VENLOSE MAEDJES
1987 nr.2 : Tekst: Wiel Hermans - meziék: Wim Roeffen
Gezônge: Joke Theewen en Wiel Vestjens

Venlose maedjes det wuért gezag, neme 't laeve met enne lach.
Zaet emus, miene leeve, dan zien ze dreej maol zeeve.
Maar kump de waore zoë maar op slaag, zegge ze mam gojen daag.

Refrein:
Venlose maedjes, straolend wie de maoneschien.
Venlose maedjes, haos te moei um waor te zien.
Venlose maedjes, schoénste op dees aard.
Meuge met de jungskes gaon,
beej volle maon, det blief bestaon.
Want ze zien zoë wuért bewaerd,
ein bôtterbreefke waert.

Venlose maedjes zien beej de hand, en 't gelök is aan eure kant.
Kiék ens waat ze flanere, ônder 't klasjenere.
Kniép ens ein uigske dan guf 't sjans, waog noow auk maar 's ein kans.
Venlose maedjes zien euveral, wao ze auk zién dao is ketjesbal.
Wuért d'r ein fees gegaeve, dan kinse wat belaeve.
's Aoves nao hoés geit nemus allein, en dan zingk idderein.


HOME PLAATSNAMENOVERZICHTHOME


DE VENLOSE MAEDJES
Tekst: A Mostert

In Venlo zien de schoënste maedjes,
det is ouk wiëd en ziëd bekind.
Jao, g'luif mich, det ge vaer zoelt loupe,
ier det ge nog wat baeters vindt.
Zéj hebbe auge, och zôn'n uigskes !
Ein sniëwit velke van satien.
Jao, meus ik alles héj gaon priëze,
ik sprook tot morgevrueg meschien.

Refrein:
Venlo, Venlo, wie bis tich zoë riëk.
Allemaol die snoebelige maedjes, nörges eur geliek.
Venlo, Venlo, bliëf altiëd bestaon.
Zoëlang de nette maedjes trouwe gaon.

Auk zaet me, det ze lever wandele,
en same nao de kerk toe gaon.
As moder in 't hoës te helpe,
en 's middaags béj de pot te staon.
Maar och, det iërste is maar larie,
en veur 't twiëde, "heb ze leef".
Want hebbe vrouwe gen religie,
wae waas 't meis geköld, wableef.

De vrouwe 't zalt van 't laeve,
det alles kruujt en hilt gezônd,
ze laote ôs 't zeut van 't laeve,
en halde 't zoor veur eige mônd.
Zoëlang géj det in 't aug wilt halde,
ziet géj van gennen troeës berouf,
En wie de waereld dreijt of kuikelt.
Genne noëd, géj heb 't waar gelauf.

En as ze dan toet trouwe kômme,
dan wille zéj, "de Meister Jan".
Zoë zaet me, speule zéj in presenzie,
en ônder de auge van de man.
Maar géj zult toch met mich bekinne,
detter minnig hoës is in de stad,
wao det d'n boel gauw mis zoel loupe,
as neet de vrouw de bôks aan had.

En dae aan 't jôngegezellelaeve,
ennen hékel haet, of 't misselik vindt,
gen pinkpil kan de kwaol genaeze,
hae neme zich ein Venloos kind.
Want trouwe doon de allemaol gaer,
kump eur d'n rechte in 't gelaeg,
dan wuerd gevréjd en 't paerke wandelt,
geërmp al langs de Pônniewaeg.


HOME PLAATSNAMENOVERZICHTHOME


VERGAET MICH ASTEBLEEF
Tekst: ? - muziek: ?
Zang (*) : Blaauw


Ik zit heej noow gans allein.
Nao eine nach met dich toch weer allein.
Ik maak dit dökker mei,
maar veul mich toch zoeë laeg en weer zoeë klein.

Ik wil dich neet gaon dwinge of baeje det se bliefs.
Maar ik kin d'r neet mièr taege,
waas se nao iddere nach same, aan mich schriefs.

Refrein:
Ik bin weer truuk nao mien leef, ik zal altièd van dich halde,
maar vergaet mich astebleef, op mich kins dich neet bouwe.
Ik bin te ald veur dich, ik wil dien laeve neet versouwe.
En dus vergaet mich astebleef, astebleef

Wie altièd weit ik ut zeker, dit waas de letste kièr.
Nae, noeëts mièr.
Maar as ik dich straks taege kóm, dien moeëj gezich.

Dan kin ut mich niks gaeve, al weit ik desse luugs,
euver alles en veural daen breef, dae dao ligge zal morgevruùg.

Maar daen, daag dae zal oeëts kómme, det ik mièr van dich hald.
Ik haop det ut dich nog geit berouwe.
En det zelfs dich, dien breeve misse zals.
det luuët mich kald, op mich... astebleef.

* cd : Blaauw - "Eine zomer met dich"


HOME PLAATSNAMENOVERZICHTHOME


VERKLEID WANDELE
2007/2008: Tekst & muziek: arnold wassen
Zang: Kammeräödjes

Refrein:
As ze vruuger leeps met eine stek
dan waars ze ônderhand toet op d’n draod verslete
as ze vruuger leeps met eine stek
dan woors ze NET neet oet ’t Ziekefôns gesmete
maar op vandaag hebbe ze twië-je kier eine knöppel vas
en hebbe allemaol gôj zin…..
en ze laope in ‘n-ne véúrgeschreve ,,höppel-pas”
de pade op en de lane in…..
en roope:,,Kiëk ens, wat ik al kin !”

De letste jaore duit ’n deil van de bevolking…..
of det ’t skiëjt, maar zônder skiëjs……
maar det is ,,laupe speciaal”;des Nordic Walking…..
want de mins wilt einmaol aaf en toe wat niëjts…..

Wat hebbe ze mood----wat zien ze toch good----
ze laupe en de hendjes volge op de voot…..

”Met Vastelaovend”, heb ik in de krant gelaeze,
”krieg ôzzen optoch hiël vuul steun :
de ganse Wandelclöb die löp de polonaise……
en de stekskes waere Roëd en Gael en Greun…!” ….

Ik steur eine mail:
Wat o-ri-gi-neel……
is deze ,,Nordic Walking”in de boerekeel”….


HOME PLAATSNAMENOVERZICHTHOME


VERLAEGE
2005/2006: Tekst: Fred v.d. Bogaard & Jobert Joosten - muziek: Jobert Joosten
Zang: Jobert Joosten & Gerard Vonk

Refrein:
As ik' in dien ouge kièk Dao kin ik neet taege
Jao dan veul ik mich zoeë rièk En ouk zoeë verlaege
Maar ik dörf dich neet te vraoge Um ein kenske mit mich te waoge
Want dan bin ik van de wap, jao, dan veul ik mich betrap

Staon ik örges op te wachte
Drièf wat rond op mien gedachte
As dich net d'n hook um kumps
Vluug 't blood mich door d'n bumps
Och...

In d'n optoch loup ik faats
Langs de kant dan kladderdaats
As ik dich dan dao zeen staon
Kan ik mich neet laote gaon
Want...

Staon ik op de buhn te zinge
En dich steis veuraan te springe
Jao dan span ik strak veuroèt
Anders kièk ik in dien snoet
En...


HOME PLAATSNAMENOVERZICHTHOME


VERLANGE
Tekst & muziek: Bert van den Bergh
Zang (*) : Romeo

Ik zoel gaer met dich wille druime op 'n vraemp balkon,
de zwoele zomerluch as 'n daeke um os haer.
De blikke in os gezich legge us geveules bloet.
Twie druimers stare in eine nach van eindeloos geluk,
nao eine nach van vochtige lus.
Kus ik beej 't aafscheid de traone van dien wang.
Dich hads nao eine nach leefdesjaore verwach.
Ik veur mich, ik noom allein dien lichaam veur eine nach,
dien lichaam veur eine nach.

'k Zoel gaer dien huid lich bezweit wille zeen,
wille veule wie zaag se trils as ik dich verleid.
Zoel dit noow leefde zien of geit auk dit veurbeej.
wie 't is, 't is hiel ierlik en gemeind.
Nao deze nach van vochtige lus,
kus ik in de morge de traone van dien wang.
Dich goofs dien lichaam, jao det deej ik toch auk,
en det mak mich nog neet tot iets was dich bezits,
tot iets was dich bezits.

Dien zaach gekerm klink door in miene kop,
de wermte van dien lief haet mien hert in vlam gebrach.

Jao, ik wil teruuk, nae ik kan neet anders mier.
't Verlange nao dien lief haet plaats gemak veur mier.
Ik wil dich doeën beej mich, doeën beej mich.

Dit geveul duit pien, kom noow truuk beej mich,
dink aan 't verlange desse hads nao dae ierste nach.

* cd 1993 : Romeo - "Romeo" - Marlstone Recordings bv - CDL 9327


HOME PLAATSNAMENOVERZICHTHOME


VERLEEF
Tekst & muziëk: Henk van Hoften
Zang: Henk van Hoften
Zang (*) :

Kom heej toch ens kièke, kom heej toch ens staon.
Zal óg ut waal lièke, laot mich maar begaon.
Ik woel dich waat vraoge, ein knipaug is genóg.
Wils dich ut noow waoge, dich bis waat ik zóch.

Refrein:
Zeg maedje, wilse mit mich schuuve in de maot ?
Ik dink det kin veur ós zoë same gaar gèn kwaod.
Ik kiék dich aan en luuster waaste mich noow zaes.
Ik bin nog noeits zoeë ech verleef gewaes.

Ik wil veur dich zinge, tenoòr of as bas.
Ein bleumke meibringe, gewoeën enne gas.
Spring, zónder te vraoge, ein gaat in de lóch.
Wils dich ut noow waoge, dich bis waat ik zóch.

* cd (1997) : Vastelaovesvereiniging 'De Wien' - " Dans en zing met ôs mei & Boerebroelofs-leedje '97 "


HOME PLAATSNAMENOVERZICHTHOME


VERLEEF
2005/2006: Tekst: ? - muziek: ?
Zang (*) : W-Dreej

En ik bin zoeë verleef, verleef
Bin verleef op de leefste
Ik bin de waore, de knapste dien sieske
Bin diene golde prins op ut witte paerd
En dich zits in mien hert, mien hertje
Zits deep in mien hertje
De bis mien bleumke, mien zunke, mien sieske
De bis ein goldstök, unne ingel op aerd

Ziene lach duit mien hert sneller kloppe
Det verlange naor um kin neet stoppe
want ein laeve met um is fistaaa
Bin verkikkerd op dae cassanova

En as ik in zien erm meug slaope
Gaon mien auge verluipig neet aope
Want dan druim ik van ôs en amoreee
Zonder um veul ik mich gans verlaore

Ik zal aafentoe en veur um zinge
Um ein moeij serenade gaon bringe
En dan zeen ik zien bloëzende wangeee
Van det deepe intense verlange

Wao is dae prins noow op det witte paerd?
De bis ein goldstök, unne ingel op aerd
Det gluif ik drek, maar ik gaon van de gaerd
Hald mich maar vas, diene prins op ut paerd

* cd 2006 : W-Dreej - "W-Dreej ônderwag"


HOME PLAATSNAMENOVERZICHTHOME


VERVLAOGE JAORE
Tekst: ? - meziék: M. Schmitz
Zang (*) : Hay Crompvoets

Refrein:
Wao is toch d'n tiëd gebleve, van Baer de Woers en Tru de Vink,
Sjang van Alum, Büd zien vruiwke, ik greuzel as 'k dao aan dink.
Wao is toch d'n tiëd gebleve, van Baer de Woers en Tru de Vink,
Sjang van Alum, Büd zien vruiwke, ik greuzel as 'k dao aan dink.

Oome Graad oet Hoki-poki, woel ens gaer nao Venlo gaon.
Hae kreeg heimwee nao 't stedje, wao zien weegske had gestaon.
Graadje kwaam mit vastelaovend, splenti monni had te zat.
Maar hae veulde zich onheimlig, en zag toen: ik mis heej wat.

* lp (1978/1979) : Diverse artiesten - " Venlo op zien bès " - Discofoon LP 45779


HOME PLAATSNAMENOVERZICHTHOME


VERZEUK
1972 nr.3 : Tekst: Gerrit Gômmans - muziek: Nòl Piëters
Zang: Jan Pollux

Refrein:
Dich haes, wieste zaes, altiëd weinig tiëd,
maar hald dien gemaak want dan kriëgste genne spiët.
Gaef mich nôw ein kans en waer mienne sjans.
Zeg toch : " Akkoord ", en gaef mich dan dien woord.

Gaef mich ein keteerke, mien lekker deerke,
um dich te verklaore dat ik van dich hald.
Doot mich det plezeerke, mien lekker deerke,
of luuet ut dich allemaol kald ?
Jao, ik bedoel det ik zegge woel: ik hald zoëvuuel van dich.
Jao, ik bedoel det ik zegge woel: dich hèls toch auk van mich ?

Gaef mich ein minuutje, mien lekker bruudje,
um dich nôw te zegge, ik doon gaar gèn deug.
Ik kös nôw dien snuutje, mien lekker bruudje,
umdet ik dich toch zoë gaer meug.
En ik beweer det ik strakkes zweer: " Ik bliëf altiëd beej dich ".
Jao, ik beweer : " Ik heb dich zoë gaer, dich huuers veurgood beej mich ".


HOME PLAATSNAMENOVERZICHTHOME


VEUR ALTIÉD EINE VENLONAER
1994/1995 nr.4 : Tekst: Chris Tenu - muziek: J.C. Kwadraat
Zang (*) : Jacques-Paul Joosten, Joost Cornet, Chris Vervoort, Chris Thenu

Dao speult eine man op zien trekbuul ein moeie millodie.
Beej 't leech van de sterre in het hertje van Periés.
Dao zingk eine man in de straote ein prachtig schoën leed.
Euver heimwee, euver weggaon, euver zien verdreet.

Ik kreeg 't haos te kwaod, man, waat deej det pien,
um mit vastelaovend neet in Venlo te zien.
Leefste waer neet kwaod, ik laot dich noow allein.
Ik weit niks miér te zegge, ik zing dich dit refrein.

Refrein:
Au revoir, adieu chérie, ik gaon noow nao hoés.
Veur genne franc blief ik in Periés, want Venlo is mien thoés.
Ik bin zeker gaer beej dich en auk bliej det ik heej bin gewaes.
Maar veur altiéd blief ik, veur altiéd en altiéd blief ik,
veur ieuwig en altiéd blief ik einen echte Venlonaer.

Maar ein ding môsse waal weite: ik heb dich zoë leef.
Gluif maar det ik heb zitte zweite, veurdet ik dich verleet.
Dich bliefs de leefste van mien laeve, wao ik gaon of staon.
Jao dich, wil ik alles gaeve, al vruuëgse um de moon.

't Zit um in mien blood, schat, waat duit det pien,
um mit vastelaovend neet in Venlo te zien.
Leefste luuster good, ik zing neet miér allein.
Alle Venlonaere kinne dit refrein.

* cd (1994) : " Waat ein theater " - GTG Records 10946


HOME PLAATSNAMENOVERZICHTHOME


VEUR DE ECH
Tekst: René Kauffman - meziëk: Michiel van der Grinten
Zang (*) : Minsekinder

We ware same oet, vas aan 't danse
Mien hert zoe vol en mien verstand op hol
Ik kwaam d'r rech veur oet,
Ik zoog mien kanse
Maar de weeks mich oet,
Bleefs maar lache veur de lol

Refrein:
Dien stum klink nao in mien gedachte
Dich vroogs mich waorum wilse weg
Maar ik wis neet mier
Wao ik op meus wachte
Waat ik veul veur dich det is ech

Vrindschap is un doeëje mus,
Met de leefde in ut spel
Un bloom in zônneschien,
Zônder water veur d'n dors
Un keuninkriek veur diene kös,
Klei mich oet tot op mien vel
Waer mien keuningin,
Met mich as diene vors

* cd : Diverse artiesten - "Alles in ein buuëtje"
* cd 2000 : Minsekinder - "Nieje Veere"


HOME PLAATSNAMENOVERZICHTHOME


VEUR DICH
vòòr 1969: Teks & muziek: ?

Luuster ens mien maedje, waat ik dich nôw zek:
Dich bis wie ein wônder, vinds-te det zoë gek ?
En ut is geweldig, des-te van mich hils.
Daorum kriegs dich alles, alles waas-te-wils.

Refrein:
Veur dich haol ik de zôn van d'n hemel.
Veur dich plök ik de sterre die dao staon.
Vinds-te det nog neet genôg, gaon ik zoë weer in de lôch.
en ik haol veur dich ut menke oêt de maon.

Gold en diamante zien mich neet genôg.
Ik heb nog wat baeters veur dich oêtgezôch.
Dich kriegs alle leefde die ik maar bezit.
Det ut ech gemeind is, steit heej zwart op wit.


HOME PLAATSNAMENOVERZICHTHOME


VEUR DICH
Tekst: ? - melodie: 'My way' (Frank Sinatra)
Zang: Sander Driessen (Mixx the partyband)

Geveul, haet idder mins, de mos allein ut laote blieke,
Det duiste met ein kös, met ein paar waord of efkes strieke
Dan kump wat in dich los,
Geslaote deure gaon weer aope
En 's nachs leeste in bed en kins neet mier slaope

Dan dinkse efkes truuk aan det moment det weej os kosde
Wies dich met dien gezich zoe op mien bors loogs oet te roste
Mien erm ganz um dich haer
Zoe looge weej in ein verwaove
En dee-je tosse door...os alles belaove

Jao wind en zon, spraeke os taal,
En orges fluit unne nachtegaal,
Vlinders vleege um os haer, ut weit hiel zaach, ut is moei waer
Dien hand striek mich door mien gezich, schat blief toch beej mich.

Kieks op de klok, ut is al laat,
Paks diene jas en de wils nao hoes gaon
De gufs, mich nog ein kos en dinks wie lang zal dit nog doorgaon,
De geis, kieks nog ens um,
Ein traon die lop euver mien wange
Maar mien hert, det blief steeds weer nao dich verlange....


HOME PLAATSNAMENOVERZICHTHOME


VEUR IDDEREIN
Tekst & muziek: René Oostdam
Zang (*) : Neutjesrang & Band

Veur al mien vrinde die ik heb gekind
Mien vriendinne die ik heb bemind
Mien ônderwiezers die ik heb vervlook
Veur Sinterklaos met zien heilig book
Veur al mien zusters die ik noéits heb gehad
Idderein dae mien ideje haet gejat

Refrein:
Veur idderein heb ik ein berich…
‘t Geit hiél erg good met mich

Veur idderein dae ik neet ein twié dreej herkin
Veur weile Wiel met zien altiéd goje zin
Veur mienen buurman met dae valse herdershônd
Dae psychiater dae mien twiéde ik neet vônd
Veur mienen baas met zien sigaar oét eige doés
Veur d’n bal midde in mien roés

Veur die verpleegster met mien pötje louw
Veur de ex van mien alleriérste vrouw
Veur mien tante die op miene kemunie is gewaes
Veur daen boer wao ik veur noppes heb gepaes
Veur idderein dae oét mien aug of hert verdween
Veur dae daobaove dae alles haet gezeen

Veur idderein dae oét mien aug of hert verdween
Veur dae daobaove dae alles haet gezeen

* cd 2001 : Neutjesrang & Band - " Éine waeg " - Marlstone CD 2117


HOME PLAATSNAMENOVERZICHTHOME


VEUR NOOW OF ALTIED
1993: Teks en muziek: Paul Nagelmaeker
Gezônge: Doreen Rambags

Hald van vandaag, van waat kômme geit,
dien laevsdaag te gebeure steit.
Smeis roeëzegeur en dökker maoneschien,
maar ouk verdreed en hertepien.

De zuus zoe dök det 't euver geit,
en 't gelök met dich loupe geit.
Daorum hald van mich geneet van dit moment,
want op gelök is gen patent.

Refrein:
Ik weit neet of ik veur altièd met dich zal laeve.
Ik weit neet of ik veur altièd beej dich zal zien.
En neemes kin waat det betröf garantie ... gaeve.
Laot os daorum dan vandaag gelökkig zien.

Ik weit neet of ik veur altièd met dich zal laeve,
maar waat ik weit is veur gen góld wil ik dich kwiet.
En zal d'n tied op al ós vraoge antwaord ... gaeve,
weite weej is 't veur noow of veur altièd.

Begriep mich good want 't is neet det,
ik mich vergoot toen ik zag wae wet.
Ik mein allein, jao det kump met d'n tièd,
is 't noow of veur altièd.


HOME PLAATSNAMENOVERZICHTHOME


VEUR ÔS MAM
Teks en muziek: Jan Theelen, Ben Verdellen & Frans Driessen
Zang (*) : De Vrijbuiters

Refrein:
Mam, kôm ens heej,
Ein batje, boetje, bietje doënderbeej.
Toch kan wat geej heb gedaon,
Noëit verlaore gaon.

As 's aoves ouk de grôtsten blaag nao bed toe is gedaon,
en pap met verse kôffie in de nachdeens is gegaon,
Dan pak ôs mam de striëkplank oët de kas.
En haet ze um ein oor of elf de rômmel aan de kant,
Dan dink ze: kroëp maar gauw in bed, dan is ze afgebrand.
En viëf minute later sluëp ze vas.

As 's morges vruug de wekker beej ôs thoës is aafgegegaon,
Dan is ôs mam, al ein keteerke iërder opgestaon;
en alles wat d'r nuëdig is steit klaor.
Choklademelk, beschuute-pap, ut eike lekker zaach,
Ut bôtterhamme-trummelke veur later op d'n daag.
Ôs mam die duit det zônder ein bezwaor.

Ôs mam die kaok en duit de was, ze schildert en tuiniert.
Ze poets ut hoës en kiek of al ut hoëswerk is geliërd.
Ze truës dich as-se pien hebs of verdreet.
Ôs mam steit altiëd veur ôs klaor, al doon weej eur sôms pien.
Ut liëk zoë min, maar is zoë vuul, um gewoën maar mam te zien.
Ôs laeve lang vergaete weej det neet.

* cd : De Vrijbuiters " De Vrijbuiters (met zang van Ben Verdellen) " - Onger Ôs - CD 7187


HOME PLAATSNAMENOVERZICHTHOME


VEURBEEJ
1980: Teks en muziek: Frans Boermans & Funs van Grinsven
Oet de Revu (*) : "Waat ennen tiëd"

Refrein:
Veurbeej - veurbeej, d'n oorlog is veurbeej !
De rame aop ! De vlagge oet ! Weej zien goddank weer vreej.
Die dónk're oorlogswolk verdween,
die ôs hert zoë haet bezwaord,
en ôs Oranje-zôn weer scheen,
de loch waas opgeklaord.
Veurbeej - veurbeej - d'n oorlog is veurbeej !
Veurbeej - veurbeej - weej zien weer vreej !

't Waas in negentiënfiërtig, 's morges vruúg d'n tiende Mei.
Toen kwaam dae schrik van euver de päöl dao baove van de hei.
Vanaaf det oor toen 't oorlogmônster brutaal ôs euverveel.
Bleef vief jaor langk ein bange smert in eders hert en zeel.
Wie zwaor waas die vernedering, gen baas in eige hoes.
Dit vredig volk geplaog, bedreig, geknech mit iezere voes.
Maar noow, maar noow, ôs gelök det is zoë groét.
Noow weej inens dan toch verlos zien oet dae zwaore noëd

Noow schrient in minnig hert nog nao ôneindig groët verdreet.
't Leid um wae ôs plots ôntveel verdwient zoë gauw nog neet.
Zoë minnig elderpaar of kind kreet zich de auge roëd.
Waorum haet det zoë môtte zien, det offer waas te groët.
Dae rampspood dae 't lot ôs brach det kan neet miër gekiërd.
God gaeve haet dae waanzin toch de minse wat geliërd.
Maar nôw, maar nôw, 't laeve geit weer door.
Kôm zit neet beej de puine neer op dit gelökkig oor.

* lp : " Waat ennen tiëd " - Discofoon 11080 - VR 21527


HOME PLAATSNAMENOVERZICHTHOME


VIÉRE WIE DE BATTAVIERE
2003/2004: Tekst: Wiel Hermans - muziek: Quinn Warmerdam
Zang (*) : W-dreej

Refrein:
Weej gaon det viére , wie Battaviére.
Jao gewoeën, rech toe rech aan.
Neet van det fiéne, wie de begiéne,
Maar d'r duchtig taegenaan.
Weej zien die breije, weej zien die teije,
Battaviére groët en klein.
Kôm allemaol ens efkes op de bein,
Same achterein met dae zaolentrein.
Battaviére met de langsten aom ,
Gaon door wies op d'n baom.

Idder daag môt det zoeë zien.
Weej gedrage ôs hiel fien,
De lip wies op de schoon.
Maar det wuurt toch op d'n deur,
Zônnen iëmerige sleur.
Dao gaon weej wat aan doon.
Weej leepe langk zat in de ploei.
Noow gaon weej knotsgek op de schoei...

Hiel bedaes en röstig aan,
Geit 't iérste vaetje d'raan.
De's veur daen hollen tand.
As 't aanwerk is gemak,
En d'n iérste haet gesmak,
Blief nemus aan de kant.
Want Battaviére zoeë wie weej,
Die löpse zoeëmaar neet veurbeej...

* cd 2004 : Diverse artiesten - "Van Eijsde tot de Mookerhei 11" - Marlstone Recordings bv CDL2401
* cd 2004 : W-Dreej - "Höf de glazer mit W-Dreej"


HOME PLAATSNAMENOVERZICHTHOME


VIVA VENLONA
Tekst: Joep Schouren & Léon Roodbeen - melodie: "Viva Colonia!" (Höhner)
Zang*: NUATH

Met 'n snótneus gebaore de zoepkoel en de Maas
We Hebbe ós gezwaore: weej zien eige baas
Alles waat weej kriége kinne, neeme wie ut velt
Umdet idder ougenblick maar einmaol teltttttttt.

We gaon nao de Parade, en weej gaon nao VVV
We drinke gaer ein Venloosch Alt, en we rieje op Cové
Sjraar Peetjens, Funs van Grinsven, d'r is altièd waat te doon
We viere, gans egaal of klein of groeët- wiès ózze doëd

Refrein:
Dan zien weej derbeej, det is prima... VIVA VENLONA!
Weej halde van ut laeve, van boeremoos met wors
Weej gluive in den leeven hiër, en hebbe altièd dors.

Waar ligt precies de oude Markt? DE ZOEPKOEL HIT DET HEEJ!!!
Carnaval besteit heej neet VASTELAOVEND ZEGGE WEEJ
Weej zien kuukuukulinair en weej zien multikultereel
Weej zien in eeder opzich aktueel... jao ouk sexueel!!

Weej laeve noow neet mórge, zoeësnel vervluùg den tièd
Laot achter al dien zörge, dan bis-se die vas kwiettttt.

... en det is percies noow!!!!!

* cd 2005/2006: NUATH - "Derds"


HOME PLAATSNAMENOVERZICHTHOME


VLAAJ
vòòr 1969: Teks & muziek: ?

Refrein:
Mam, die haet weer vlaai, rieste, proeme, kerse, abbrikoëze.
Mam, die haet weer vlaai, span! waat zitte weej op roëze.
De hiële buurt haet 't gehuërd en zit now beej ôs thoes.
Vlaai op d'n telder of vlaai op de voes.
Mam, die haet weer vlaai, rieste, proeme, kerse, abbrikoëze.

Beej ôs is altiëd wat te doon, de kins zoë gek neet prakkezere.
Al krieg de poes weer enne zoon, dan môtte weej det viere.
Jao, iërlik waor, jao, iërlik waor, dan mak mien Mam de taofel klaor.

Jao, kôm maar grös op ôs opaan, mien Mam haet altiëd wat te botte.
Beej ôs, dao halde weej ôs draan, want weej zien van die flotte.
Jao, iërlik waor, jao, iërlik waor, de vlaai steit altiëd veur ôch klaor.


HOME PLAATSNAMENOVERZICHTHOME


VLEEG
Tekst & muziek: Leon Giesen
Zang (*) : Romeo

Vleeg op de moor, hes dich wal door, det boete de waereld in bleuj steit.
't Raam, det steit aop, de loch zit vol haop, de zon die is zinderend, gleujend heit.

En wier geit d'n tied, wae wet nog wie wiet, wievuul daag det d'r nog te gaon zien.
Doezend veur mich, en eine veur dich en 't deurt neet lang tot de maon weer schient.

Refrein:
Dich haes allein vandaag, vandaag is haos veurbeej.
Dich haes allein vandaag, waat duis dich dan nog heej ?
vleeg
vleeg

Ik zit heej maar thoes in dit donker hoes, nao boete meug ik as ik klaor bin.
Ut werk det geit veur, maar det deurt en deurt, en klaor, ik gluif neet det ik det waord kin.

* cd 1993 : Romeo - "Romeo" - Marlstone Recordings bv - CDL 9327


HOME PLAATSNAMENOVERZICHTHOME


VLEEGE OP DE WORS
Straotdeuntje
Zang (*) : Hiëre-koër

Refrein:
Ao dao zitte vleege aan de wors,
vleege aan de laeverwors.
Ao die verdômde vleege, zulle we de wors maar kriëge.
Ao dao zitte vleege op de wors, vleege op de laeverwors.

* lp (1978/1979) : Diverse artiesten - " Venlo op zien bès " - Discofoon LP 45779


HOME PLAATSNAMENOVERZICHTHOME


VLEEGE-LEEDJE
1963 nr.2 : Wäörd en muziek: Frans Boermans & Thuur Luxembourg
Solo (*) : Hannelore Winter

Beej ôs thoës in 't hoës zoot ein hiële dieke vleeg,
en die vleeg die kreet en kreet.
'k Weit neet miër, de letste kiër det ik wat te aete kreeg,
en zônder aete vleeg ik neet.
En ik heb al laupe zeuke, in de kamer, in de keuke,
maar ik vônd genne krumel broëd, wetste waat, ik gaon maar doëd.

Refrein:
Beej ôs thoës valle de vleege van de moor,
En waorum, jao daorum,
Beej ôs thoës drei-je we alles maar d'r door,
En daorum valle de vleege van de moor.

Beej ôs thoës loog ein moës mit de puëtjes in de lôch,
en die moës waas doëd gegaon.
Die had pas, hiël de kas, nao eur bruëdje aafgezôch.
Det had die moës oet noëd gedaon
En ze had auk laupe zeuke, in de kamer, in de keuke,
en toen piëpde ze as besloët eure letste aosum oet.

't Is toch wat, zag ôs kat, zônder vlege, zônder muus,
ik heb 't noëts zoë slech gehad.
Drink de man, dreejkwart kan, ast genne dröppel zuus,
ik waer zoë mager wie ein lat
En ik heb al laupe zeuke, in de kamer, in de keuke,
maar ik heb eine groëte strop, wetste waat, ik hang mich op.

* lp 1979/1980 : Jocus - " Dao geit-e haer ! " - Discofoon LP 4.7980 15.90


HOME PLAATSNAMENOVERZICHTHOME


VOLGENDE WAEK
2001: Tekst & muziek: Frans Pollux
Zang (*) : Neet oét Lottum

In 't duuster van de vuul te vruuge morge
Is 'n gaeltje minder waerd as euverdaag
Nog ein pilske veur de kammeräöj, dan gaon we
Want zellufs Herman haet weer beer zat in de maag

De letste plaat van Fred is aafgelaupe
Haet weer dreej keteerkes langer doorgedreijd
We meuste um maar ens ein niej horloozje kaupe
Maar dan waal éin det minstes twie oor achter steit

Refrein:
't Waar weer tof vannach, 'k heb weer idderein gezeen
Aardig waat geklep, doorgezak wies op de kneen
't Waar weer tof vannach, en as ik miene nek neet braek
Op waeg nao hoes; wies de volgende waek

In 't duuster van de vuul te vruuge morge
Zuusse miér bekinde luuj as euverdaag
D'n eine zat, d'n andere neet, dae zit verborge
Onder de doem van zien vriendein, 'hae is geslaag'

Die van de dörper stappe lekker in de taxi
Maar de meiste klumme blauw op eure fiets
En as ik vraog: "meug ik ein lif?" kump genne reaksie
Hoewaalse bergaaf met twie man toch harder fiets

In 't duuster van de vuul te vruuge morge
Zeen ik dich inens de fiets nog in de hand
Um ein lif hoof ik venaovend neet te vraoge
De bis door glaas gefiets, kepot is diene band

We laupe saame naevenein det stök nao hoés toe
Umdet 't kalt is met dien vingers in mien hand
Normaal gespraoke nog gen tien minuute laupe,
Maar noow waal honderd, dus Goddank veur diene band

* cd 2001 : Neet oét Lottum - " Vertrokke " - Red Bullet


HOME PLAATSNAMENOVERZICHTHOME


'T VOLK ZIT IN DE NISTE
Tekst & muziek: Frans Boermans & Jan Theelen
Gezônge: Ben Verdellen (De Vrijbuiters)

't Volk zit in de niste.
De veejand met zien liste dae leet weer op de loer.
Weej zulle um verjage, weej speule nôw pandoer.
Kôm vrinde det wuurd vechte.
De mismood met zien knechte dae steit weer veur de paort.
Weej zulle neet versage, gluif det maar op ôs waord.
Allez ! allons !
Kôm makkers, die rakkkers weej jage ze achternao.
Weej wille nôw de luuj weer laote lache,
weej dwinge ze met ôzze goojen daag.
E wae d'r zich dan waere wilt, waat dach ge,
dae velle weej met eine gekke slaag.

Kôm manne op ôg poste,
en waat 't ouk maag koste, weej gaon nôw aan de slaag.
't Volk geit haos bezwieke, door sômberheid belaag.
Weej laote ôs neet kiste,
weg met de pessimiste, nôw gaon ze veur de vloër,
die nuëtelikke näölers, det zore klagerkoër.
Allez ! allons !
Te waopen ! te waopen ! de zwartkiëkers zien weer dao.
Allez ! allons !
kôm makker, die rakkers weej jage ze achternao.
Weej wille nôw de luuj weer laote lache,
weej dwinge ze met ôzze goojen daag.
En wae d'r zich dan waere wilt, waat dach ge,
dae velle weej met eine genne slaag.


HOME PLAATSNAMENOVERZICHTHOME


VOLTOOID VERLEDEN TIED
vòòr 1940 : ?

Béj 't klumme van de jaore krieg me dök zôn augenblik,
wao m'in dink, waat is in 't laeve alles toch vergankelik.
En van al waat ging verlaore, waat veur altied van ôs ging,
blief òs lachend of waal zuchtend, inkel de herinnering.
Auk de aldere Venlonaere, weite allemaol daovan,
weite det good aan te veule, baeter dan me 't zegge kan.
Laot ôs ens verônderstelle, einen alde Venlonaer,
dae al vieftig jaore doëd is, kwaam vanoet zien graaf héj haer.
Ik geluif det dae vraemp op zoel kieke, vraoge stelle einen boel.
Ik heb zelf ens opgeschreve, waat dae zoeal vraoge zoel.
Maar let op, allemaol die vraoge fantazeer ik zelf béjein.
En ge wet, zôn alde minsche vraoge gaer altied doorein.

Zuut me kinder now nog speule, op de stoep met biggelstein ?
Hebbe jônges en auk maedjes nog waal kouse aan de bein ?
Brink me kinder nog nao schoël toe, 's winters in den boënenbak ?
Waorum hebbe ze ôs baeke allemaol toch toegemak ?
Zuut me nog met Vastelaovend, jônges met ein verkesblaos ?
Geluive hiële kleine kinder now nog waal aan Sinterklaos ?
Zek, wie geit 't met den broezerd, of is dae misschien um zeip ?
Zuut me nog met staekknuip speule, kinne jônges nog den reip ?
Duit me nog aan belke trekke, kint de jeug 't treklaer nog ?
Zuut me now nog kattepielle, wuurd d'r nog sjesjiep gekoch ?
Zuut me now nog met de kermis, bèj de snoepkraom in den hook,
det me linksblind middedoor sleit, ennen tije paeperkook ?
Wuurt 't boekspringe door jônges nog beoefend as ein sport ?
Is de jeug um ach oor binne, speult me nog op 't ganzebord ?
Waere d'r nog taege Paosche, eikes béj de kraom getip ?
Woavan zien zoë roëd béj dames, de ônder- en de baovelip ?
Zien de jônges nog tevreje, met twië grosse Zôndaagsgeld ?
Dink me now pas aan 't vréje, as me béjnao dertig telt ?
Wuurd d'r 's Zôndaags nog gebeugeld, veur sigare van twië cent ?
Um de twië jaor ein kostuumke, is de vrouw daomit content ?
As me minsche now zuut lache, zuut me dan eur ech gebit ?
Zien det niks dan alde dames, met de haor zoe vaal en wit ?
Zit me 's middaags nog geregeld, met tien kinder aan den disch ?
Haet den "Lindebaum" 't drök nog as 't kerse aete is ?
Vruuger zag me Trui of Truda, waorum mot det Truus now zien ?
Zeat me Giel now taege Wullem en is Carla neet Kerlien ?
Wao is toch de Keu der dames die zoe moei eur vruuger stônd ?
Waoveur deent die doës met poeier, die ik in eur teschke vônd ?
Wao is toch det moëie Hetje, waorum is det dao zoe kaal ?
Zek, de winkbrauwe van de dames, waodoor zien die toch zoe smaal ?
Zag me vruuger taege vader, ofwaal taege mooder "dich" ?
Doon de mooders nog de Kerkgank met twië vrouwe naeve zich ?
Zuut me nog met Vastelaovend einen hiering aan ein gaerd ?
Apropoo, zek de komkommers, zien die nog 't plökke waerd ?
Wie zaeste to to tomaten, nae die heb ik noëds gekind.
Met dae niejerwetse rommel woorte wej jao nöeit verwind.
Neeme minse die verkald zien anders niks as sokkerpaek ?
En os Venlo's waekeblaedje, krieg me det nog ens per waek ?
Smèrt me op de botterhamme anders niks as paerekröet ?
Duit me nog in alle vruegte hej en dao de miskoel öet ?
Zien de minse allewiels nog onderein vertrouwelik ?
Krieg m'allein nog mit de kermis riesteflaai en krintemik ?
Is d'r nog meziek aan Jentjes, geit me dao nog altied haer ?
Trek nog altied de processie op de ker nao Kevelaer ?
Is me, door nog Gassestraot te zegge, is me daomei neet wat mis,
now d'r bej die straot ein Gashoes, gaar neet mier te vinde is ?
Mak de piep me aan met spienkes, zit m'as menke veur de kos ?
Kos en ei nog twie en 'n kleintje, en de borrel enne gros ?
Mot me nog twie cent betale, as ein kèr passeert de brök ?
Vrief me nog met zeuten aolie, as me pien haet in de rök ?
Is 't waor, det now de hiere hej zöe erg gevaorlik zien ?
Want ik zeen vuel dames laupe, met ein höndje aan de lien.
Waat is det veur ein geschravel, det me zuut op idder bal ?
Zien det nieje danse zaeste ? Hald dien mooder deur de mal.

Ik schei oet met vraoge stelle, 't zit maar eine streep hej neer.
Meus ik ierlik antwaord gaeve, 'k geluif det ik mich dan geneer.
Nieje minse zien gekomme, nie gebroeke, nie vermaak.
Of ut baeter is dan vrueger, kiek, det is ein andere zaak.
Aldoor verder rolt 't laeve, 't kind van now is morge man.
Neemand dae zien laevesklökske efkes maar verzitte kan.
Aldoor jage, jachte, drave, zoowaal man as vrouw en kind.
Andre zede, andre möede, andre minse, andre tied.
Weinig is maar trouw gebleve, vuel zien wej voor good now kwiet.
En van al waat ging verlaore, waat veur altied van os ging,
blief os met wat pien in 't herte, inkel de herinnering.


HOME PLAATSNAMENOVERZICHTHOME


DE VRÉJGEZEL
Meziek en Tekst: S. Ruytenbeek & R. Schweitzer

Sjeng wilt gaon trouwe en haet nog gen hoës.
Frens dae duit auk zoë, maar blièf béj Mam thoës.
Veur det gezanik heb ik genne mood,
mich geit 't nog vuels te good ...

Refrein:
Ik bin ennen echte vréjgezel,
gaef niks um An en Truus of Nel.
Ik hoof eur neet te verzwiege,
det ze mich toch neet kinne kriege.
Ik zeen de maedjes nog neet staon,
vréje , det is toch niks gedaon.
't Zwaak geslach is neet in tel,
béj'nen echte vréjgezel ... !

's Aoves biljarte - 'n dröpke gepak,
en op den tiëd enne schuiver gemak.
Bis te getrouwd, kriegs te op dien gezich,
nae, det is toch niks veur mich....

Zeen ik mien broor mit zien vrouw en 't klein,
veul ik mich toch waal 'n bietje allein.
Zwake momente heb ik béj de vleet,
maar trouwe, det doon ik neet ...


HOME PLAATSNAMENOVERZICHTHOME


VRINDE
Tekst: ? - muziek: ?
Zang (*) : Blaauw


Ut sprik veur zich weej hebbe waal ens wäörd
ut sprik veur zich det d'r waal ens waat gebeurd
det de ein zich neet vind in waat de ander dao van dink
jao det kin…

Jao wie dök hebbe weej det neet gehad
wie vueël kièr hebbe weej det meigemak
det de ein zich verleef in ein of ander hertendeef
jao det kin…

Refrein:
Heej heej, waat meins dich noow
det ik alles waat weej hadde zoeë maar laot gaon
det dien leefde of ein ander mins ós vrindschap waat kin doon
miene vrind det blief ieuwig bestaon

Laefs se heej af woeëns se wiedeweg
mien waeg nao dich die laupe altièd rech
oèt u taug is oèt u thert
nae weel speule ós kónsert laevesech

* cd : Blaauw - "Eine zomer met dich"


HOME PLAATSNAMENOVERZICHTHOME


VRINDE
2005/2006 nr.2 : Tekst & muziek: Frans Pollux
Zang: Bart Houtermans, Jaques-Paul Joosten & Mark Janssen

't Is aafgezaag
Maar 'k plök d'n daag
Leefs dreej daag in 't jaor
De wei is breid
Maar ik, ik weit
Geej sleip mich d'r waal door
As alles weer begint
Zien weej saame wies 't ind

Refrein:
Want weej zien vrinde
Vrinde zoë lang vastelaovend nog deurt
Maar as dan strakkes de schmink is d'raafgebäök
En nog ef de straotstein kleurt
waare weej vrinde
Alles is nao vastelaovend veurbeej
Dan zegge we 'hé, hallo...wie geit 't noow'
Waat is 't lang geleej
Weej mit ôs dreej...

De bel die geit
En ik, ik weit
'ne Langen daag vingk aan
D'n bik as baom
Enne langen aom
We gaon d'r taegenaan
De joech struimp in ôs blood
Heej in Venlo veult 't good

En vruus 't hard
'nne Kalde start
Dan kroépe weej beejein
De dröpkesfl es
Die duit de res
Veur vrinde ônder ein
D'r kump neemus tösse ôs
Vastelaovend is begôs


HOME PLAATSNAMENOVERZICHTHOME


VRINDSCHAP
1980: Tekst: Funs van Grinsven - muziek: Harrie Verhagen
Oet de Revu (*) : "Waat ennen tiëd"

Refrein:
Bringk 't gelök dich vrindschap aan
Toën 't dan waerd te zien.
Zônder ôs hert is 't maar enne waan.
Kwient weg beej valse schién.

Of me lach of kriet of zingk.
Waore vrindschap dich altied umringk.
Wie 't leech eeder daag schient opnie
Geit de vrindschap auk trouw aan dien zie.
Hölp en troës as 't laeve toesleit.
Want de wets det hae naeve dich steit.
Hand en hert zien tot steun gaer bereid.
Det is de kloe wao de vrindschap um dreijt.

* lp : " Waat ennen tiëd " - Discofoon 11080 - VR 21527


HOME PLAATSNAMENOVERZICHTHOME


DE VROEDE VADERE
Tekst: Frans Boermans - muziek: Jan Theelen
Uit de revue 'Stel og ens veur'

Zô’n ganse stad regere.
Det velt verdöld neet mei.
De môs wat incassere.
En slikke tössebei.
D’n börger van dit stedje.
Schuuf alles in ôs schoon.
En rup ôs op ‘t metje.
As weej naeve ‘t pôtje doon.

Refrein:
Weej zien de vroede vadere.
En weej werke aan ein raodbesloet.
Weej halde van vergadere.
Want zoë kumpste d’r tenminste nog ens oët.
Weej zitte dan te zwaegele.
Ôs te netse en te kletse en te vraegele.
Dan gaon de vroede vadere.
Oetgedruëg door det gezwoeg.
Nao heej naeve in de kroeg.
Lekker vaerder met vergadere.


HOME PLAATSNAMENOVERZICHTHOME


VROUW JANSSE
vòòr 1940 : Tekst: K. Haanen - meziek : H. Verhagen

Vrouw Jansse oet de Bôtterstraot, die kan zoe lekker schelde.
't Sjagreine zit eur in 't blood, en lache duit ze zelde.
Wannier de kinder oët de buurt, hiel efkes laeve make,
dan is daoveur zéj al in staot, in veur en vlam te rake,
En as me eur dan (bezig) huert, dan zink de gansche buurt.

Refrein:
Vrouw Jansse, vrouw Jansse, steit weer van gif te danse.
Vrouw Jansse, vrouw janse, jao, herrie make kan ze.
Waat mak det mirakel, spektakel daag en nach.
Wéj bure, wéj hure, die kure met gelach !

't Bôttert in de bôtterstraot, ouk gaar neet met de bure.
Want as die eur zoe nôw en dan, ens neme in de lure.
Dan, met eur hand vas in de häöp,en aan de neus 'nen dröppel.
Schöldt zéj de buurt veur stômme schäöp, dreig idder met de knöppel.

Maar ouk is in eur eige hoes, vrouw Jansse ein Xantippe.
Ein vrintelik of gooïg waord, kimp zelde van eur lippe.
Nae, taege zoë ein hellevaeg, is neemand opgewasse.
De schuttelkes die houwt ze scheif en dumpels in de tasse !


HOME PLAATSNAMENOVERZICHTHOME


VROUW SLOEBERJOECHEMS !
2001/2002 nr.3 : Wäörd : Frans Boermans - meziék: Wim Roeffen
Zang (*) : De Kammeräödjes (Ingrid Scheepers, Christel Wouters, Gé Deenen & Wiel Vestjens)

Sloeberjoechems woënt op nummer dreej,
in 't Knuddesträötje heej vlak beej.
En 't is toch aevel waal frappant,
alzelaeve is dao trammelant.

Refrein:
Beej Sloeberjoechems is wat aan de hand,
dao zien de piepers weer ens aangebrand.
Zeej zelluf had ze zelluf opgezatte,
maar dan kiek ze vaerder neet nao eur petatte.
Vrouw Sloeberjoechems is det gans egaal,
want wae d'r hônger haet, dae it ze waal. (2x)

Eine pliessie zag: "Ik ruuk heej rouk".
En d'n brandweer reep: "En ikke ouk".
Toen kwaam Grien Pies ouk nog ens d'r beej,
en die zagte: "Maar wat stink ut heej".

Same reje ze "tatoe tatoe",
stantepaed nao ut Knuddesträötje toe.
"Laot ôs maar weer truukgaon", zagte zeej,
"want 't is weer raak op nummer dreej".

* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201


HOME PLAATSNAMENOVERZICHTHOME

VRUGER EN NOOW
Tekst: Frans Boermans - meziëk: Funs van Grinsven
Oet de Revu (*) : "Waat ennen tiëd"

Sjeklien:
Waas vruger dan alles verkiërd Keto, waas vruger dan gaar niks good ?
De waereld is waal vuuel verliërd, Keto, waat vruger ôs zoot in 't blood.

Keto:
Al gaon ze veur ôs vuuels te wiëd Sjeklien, al duit 't ôs auk nog zo'n pien,
det is noow de geis van d'n tiëd Sjeklien, 't zal waal zoë môtte zien.

Wannier ik kinder praote huur, zô'n kinder van vandaag,
die miër of minder dinger doon, waat volgens mich neet maag.
As ik eur zegk: "Schaamp geej ôch neet, 't is nogal waat nets",
dan huur ik weer: "Maar tante Sjeklien, waat ziet geej alderwets".

Wanniër ik nao de kerk toe gaon, dan heb ik gauw gezeen,
heej kriege allewiels de luuj gen zweel miër op de kneen.
Ik huur dao op mien echterste det ik sociaal môt zien,
wao ik nog minder van verstaon as vruger van Letien.

Wanniër ik merk wie moderne luuj alles anders wille doon,
dan zink mich smeis as neuchter mins de mood toch in de schoon.
Waat vruger krômp waas is noow rech, dan snap geej auk meschien,
waat die vandaag hebbe bewaerd, zal morge gelaoge zien.

* lp : " Waat ennen tiëd " - Discofoon 11080 - VR 21527


HOME PLAATSNAMENOVERZICHTHOME


VUEËL BELAOVEND
2000/2001: Tekst: Mai Anröchte - mezièk: Hay Geritz

Al waeke van te veure, dan kièke weej al oët,
nao al die bônte kleur, geschilderd op ein roèt.
In ôs stam kefeeke, doa is de stumming good.
Dae joeks, det is gebleke, det zit ôs in ut blood.

Refrein:
Zoeë vuuël belaovend, is vastelaovend.
Geneet d'n daag en geneet d'n aovend.
Van blièdschap straole, det is `t waore,
det is genete van dae lach op dien gezich.
Dae joeks môt kinne, duit good van binne,
ein fijn geveul schat, veur dich en auk veur mich.

Wao weej ôs op spitse, det is dae schaterlach.
Met dae allein, det wiste, is alles mei gezach.
Hebse neet gelache, dan hebse neet gelaef.
Minse leef waat dache wie ik dae belaef.


HOME PLAATSNAMENOVERZICHTHOME


VUUL TE VUUL GEHAD
Tekst: ? - muziek: ?
Zang: Martien van Boekholdt

Asse door de buim de bös neet miër kins zeen
En hebs veur dien geveul allein maar haver in de kneen
Asse dan mit eine kiék toch alles döbbel zuús
En alles waasse huurs det klink wie eine groëte ruús

Refrein:
Dan hebse um hange, dan hebse um hange
Dan hebse d'r vuuël, dan hebse d'r vuuëls te vuuël gehad
Dan hebse um hange, dan hebse um hange
Dan bisse neet tipsy nae dan bisse ledderzat.

Vindse dich op slaag waal eine nette vent
Nae neet ein bietje maar d'n allerknapste van de tent
zuús d'n hemel s'morges aan veur einen doedelzak
De wits det dich 't menke mit d'n hamer haet gerak

Asse klasjeneers veur eine laege jas
En wils dien neus gaon snoéve in d'n buurman zienen das
Hebse gaar gen cente en de guuëfs toch rundjes weg
Marsjeers waal hiël erg schuun terwielse dinks: "Waat loup ik rech".


HOME PLAATSNAMENOVERZICHTHOME