HOME PLAATSNAMENOVERZICHTHOME


WAANZINNIG VERLEEF
Tekst: ? - muziek: ?
Zang (*) : Blaauw

Ik had ut neet mièr verwach.
Ut leek waal doézend jaore, zoeë lang heb ik gewach.
Ik had de haop al opgegaeve,
en mich gewind, dich haes mich met dien wäörd totaal verras.

Refrein:
Ik bin zoeë waanzinnig verleef op dich,
dich haes mich de auge aopgemak.
Dich haes mich verleid en mich duùdelik gemak,
det ut zoeë fijn en lekker veult um verleef te zien.

Dien wäörd hebbe mich totaal verras.
Wie ik in dien erm loog, toen snapde ik die pas.
Ik deil met dich mien ganse laeve,
jao gans mien hert zal ik dich gaeve,
en ouk nog gold en diamant as ik die had.

* cd : Blaauw - "Eine zomer met dich"


HOME PLAATSNAMENOVERZICHTHOME


WAAT EIN GELÖK
2005/2006: Tekst: Bibian Baur - muziek: Bibian Baur & Jeroen van den Berg
Zang: Bibian Baur & John Baur

Refrein:
Waat ein gelök, weej houwe op de kis
Waat ein gelök, det ut weer vastelaovend is
Weej zien zoeë bliej, met dees dreej dolle daag
En weej huure dan ouk leever gen geklaag
Waat ein gelök, det vinde weej beslis
Waat ein gelök det ut weer vastelaovend is

Idder jaor weer wachte, op de vastelaovestièd
Det deurt ós vuuëls te lang, weej wille oèt ós kiet
Lekker pierewaaje, det is waat weej gaer doon
Verkleije doon weej ouk, van hutjes tot aan schoon

Waeke van te veure, staon weej al veur de kas
Netuurlik um te kièke, of ós pekske ouk nog pas
Dan staon weej veur ut spegel, en kriège gooje zin
Weej loupe polonaise, en det is ut begin

Is de joeks begónne, dan gaon weej d'r op oèt
Weej sjouwe daor de straote met ein schoeën geschminkte snoèt
En staon weej in de kroeg, 't is bijna twelf oor
Dan gaon weej neet nao hoès, nae weej feeste nog ef door


HOME PLAATSNAMENOVERZICHTHOME

WAAT EIN THEATER
Tekst: Wiel Hermans - muziek: Wim Roeffen

Dreej daag lank is Venlo èin theater,
met ein buun, zoë groët wie gans de stad.
In zien rol sleit nemus eine flater.
Speul maar mei, d'r zien nog maskes zat.

Refrein:
Maak van ôs Venlo èin theater,
speul dien speulke met vuul bravoër.
Laot gaon strabante op de klater,
kôm, weej gaon op de sjieken toër.
Bônte franjels, die danse rônd,
op elke maeter is bal sjampaeter.
Zoë speult Venlo zien eige stök,
en wae d'r mei meug speule haet gelök.
Maak van ôs Venlo èin theater,
bliëve lache hilt dich gezônd.

Alde Mert, Parade en 't Hetje,
eder straot duit mei in 't dekaor.
Geit 't dook weer op in Venlo stedje,
steit d'n echte Venlonaer al klaor.

In 't stök, waat speult in dreej bedriëve,
is de haufrol veur de nieje Prins.
Det spektakel is neet te beschriëve,
zôn theater wins zich idder mins.


HOME PLAATSNAMENOVERZICHTHOME


WAAT EINE KATER
Tekst: Joep Schouren & NUATH - melodie: "Smoke on the water" (Deep Purple)
Zang*: NUATH

Op de Ven-lo-se Pa-ra-de
Nao eine aovend stappe
Dao kumse vrinde taege
Lekker 'n paar pilskes hap-pe

Flink zoepe in de zoepkoel
Wao kinse dan baeter nog zien
Vuuls te laat nao hoes opaan
Noow de lol en morge de pien

Refrein:
Waat ein kater
Ik doon noow ef neet mei
Waat eine kater

Op de Venlose Parade
Vinse vrouwluuj, van ut moeijste soort
Strakke ploete van deur merk
En zelfs mien haor zitte good

Deure luchjes make indrök (dach ik)
Wies ziene vrind zich meldde
Ik pisde naeve de pot
En woord 's morges wakker en dach

* cd 2005: NUATH - "Òetverkoch"


HOME PLAATSNAMENOVERZICHTHOME


WAAT ENNE KWATS
1970 nr.4 : Tekst: W. Verwijst - meziëk: J. Smit

Waas mienen Baer maar einen echten Baer,
dae mich pakde, dae mich kösde, want ik heb 't toch zoë gaer.
Waas Baer maar einen echten Baer,
as ik mien Baerke zeen dink ik, wao môt det haer ...

Refrein:
Jao, waat eine kwats, jao, wat eine waazel.
Schei toch oet, nôw hald toch op met det gebazel.
Sies ... ik pak mienen hood.
Blief dich maar zitte, wao-ste zits, dao zitste good ...

Had miene Graat toch neet zôn kale plaat.
och, de zuus nog waal wat zitte, maar dich wits neet riechtig waat;
Had Graat toch neet zôn kale plaat.
want as 't majjump wuërd zien plaat altiëd zoë naat.

Waas miene Loe maar eine kangaroe,
met zôn teske in zien jeske, maar zien knip zit altied toe;
Waas Loe maar eine kangaroe,
dan zoot det knipke in zien jeske neet miër toe ...


HOME PLAATSNAMENOVERZICHTHOME


WAAT HAESTE AAN MILJOENE GREET ?
Tekst: Ad Pollux - muziek: Giel Aerts
Zang (*) : Bert Pollux & Herm Pollux


Mien zuster is zoe benauwd, biet iddere cent in twieje.
Det is met zien geld getrouwd, det kin ik gaar neet lieje.
As het weer euver spaare sprik, zeg ik: hald toch de mond.
Det geld det is allein maar drek, bin leever maar gezond.

Refrein:
Waat haeste aan miljoene Greet, asse nuedig mos maar de kins ut neet,
en zegge mos ik weit neet, ik wil waal maar ut geit neet.
Dan zitse maar te greeke Greet, en baate die miljoene neet.
Dan geit ut dich maar smaal, met al dien kapitaal.

* cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213


HOME PLAATSNAMENOVERZICHTHOME


WAAT HAET HAE?
2007/2008: Tekst & muziek: Herman Detillon

Refrein:
Idderein dae zaet ut
Deze jông dae haet ut
Maar neemus zaet mich waat hae haet
Genne mins dae mich det zaet
Had eemus ’t mich gezag
Dan wis ik waat dae jông nôw had
Zoeë weit ik neet waat hae nôw haet
Allein asse ut zelluf zaet,jao allein asse ut zelluf zaet

’t is veur mich ein raodsel
ik kin d’r neet mieër beej
ik snap d’r ech gen snars mieër van
vertel mich nôw wat haet hae dan?

’t Is toch neet te gluive
det geit baove mien pet
ik bin gans van mien apropo
zegk,waat hae dae jông dan nôw?


HOME PLAATSNAMENOVERZICHTHOME


WAAT HEBBE WE 'T TOCH GOOD
1992 nr.1(L.V.K. 1992 nr.1) : Tekst: Frans Boermans - meziék: Giel Aerts
Gezônge 1 : Hay Cromvoets & Wiel Vestjens
Gezônge 2 (*) : De Koedeljach

Uich die bolle buukskes, kiék die rônde köp.
Weej hebbe ôs de telders vuéls te vol geschöp.
Zuus die deure ploéte, maar waat ein vertaer.
Noow vraog ik ôch, now vraog ik ôch,
Wao kump det toch van haer ?

Refrein:
Waat hebbe we't toch good, waat hebbe we't toch good,
wie poepeloestig laeve weej op groéte voot.
Waat hebbe we't toch good, waat hebbe we't toch good,
en alles velt ôs zoëmaar in d'n hood.
Weej kinne ôs op ôs kuntje klatse,
genne nagel hadde weej um dao te kratse.
Maar now jubele weej waalgemood :
waat hebbe we 't, waat hebbe we't toch good.

Eder waek maar taertjes, pils en kratte fris,
umdet d'r dan waal altiéd emus jäörig is.
En dan doon we brunse, ofwaal barbekjoe.
Dan schreuje weej, dan schreuje weej,
ôs weer ein halve koe.

Dreej kiér op vekansie, viértig snipperdaag,
ik kin d'r eine dae auk waal ens werke maag.
En met vastelaovend weer ens dreej daag vreej,
Dan huurste weer, dan huurste weer,
in edere kefee :

* cd 2000 : Diverse artiesten - " Petje aaf (veur al die schoéne leedjes) " - Onger Os 7370


HOME PLAATSNAMENOVERZICHTHOME


WAAT IS DE NATUUR TOCH RIEK, MERIE !
1959: Tekst: Frans Boermans - muziek: Thuur Luxembourg
Zang (*) : De Kwirzengers

Mien Merie kwaam oët de stad, zag hiël bliej : Nôw luuster schat !
'k Heb ein prachtig kleid gekoch, want ik dach nôw geit 't nog.
Wie 't zich had aangedaon, zoog ik doezend blome staon.
Blome achter, blome veur, ik reep gans euversteur ...

Refrein:
Waat is de nateur toch riëk, Merie,
as ik det zoë bekiëk, Merie.
Dien schoën figuur, dien knap gezich,
Merieke ik bin kapot van dich !
Waat is de nateur toch riëk,
as ik det zoë bekiëk.

As Merieke wandele geit, in zien prachtig blomekleid,
en ein hudje op de kop, mit ein ganse fruitmand d'rop.
Met de neutjes-krallentoer, 'n roëije kers in eder oër.
Zelfs de veugel op de hei, die zinge met mich mei.

* cd 2000 : Diverse artiesten - " Petje aaf (veur al die schoéne leedjes) " - Onger Os 7370


HOME PLAATSNAMENOVERZICHTHOME


WAAT IS DIT VEUR EIN LAND
Tekst: Frans Boermans - muziek: Jan Theelen
Uit de revue 'Stel og ens veur'

Waat is dit veur ein land wao weej in môtte laeve.
Det zal d’r genne gaeve, det is gewoën ein schand.
Oeh.
Nôw kiek ens um ôg haer, zoe vaer ôs auge reike.
Die denne, beuke, eike en weije ore vaer.
Oeh.

Dao môt waat aangedaon, weej zulle plaats gaon make.
Dae’n bôs dao gaon week krake, dao môtte hutte staon.
Oeh.
En dan met baog en speer op jach nao wölf en baere.
Iër weej gevraete ware door zô’n blooddörstig deer.
Oeh.

Nôw gaon weej aan de slaag dees plek te nivelere.
Dae d’r taege geit demonstrere dao wuurd door ôs verjaag.
Oeh.
En wilt ein vraemde mach smeis aan ôs vreejheid rake.
Dan gaon we knotse make, dan witte waat um wach....
Dan witte waat um wach.....
Dan witte waat um wach!


HOME PLAATSNAMENOVERZICHTHOME


WAAT IS UT HEAVY
Tekst: ? - muziek: ?
Zang (*) : Pinda Wullum

Eeders kièr de vraog: wao gaon we haer
En 't antwoord is dan altièd: wao waat loos is
Daorum zeuke weej 't neet te veer
Idderein dae tref zich dao, wao 't te doon is

Same zien met al dien vrinde
Same lekker oèt dae'n bol

Refrein:
Dan wuuërt 't weer heavy, in dae lampeschièn
Hônderd decibelle, juus wie 't môt zien
Dan dinkse: man, waat is det heavy
Heej is altièd laeve zat, en nao viëftig klep dan heste 't gehad

Ôs vind ik direk al beej de deur
Idderein dae zit metein in ôzze Yellow
Dao gaon ze veur dich nog daor 't veur
Veuls de hits euveral in ôzze Yellow

Aore vleege wie minuuëte
Aovende die waere nach

Ôs stad haet ech gen twiëde plek precies as dees
En daorum zegge weej dan Hoije en zeen ôs teruuëk beej
dao wao 't doon is...

* cd : Diverse artiesten - "Alles in ein buuëtje"


HOME PLAATSNAMENOVERZICHTHOME


WAAT KAN DET FIJN ZIEN
1999/2000 nr.11
Zang: Christel Wolters-van Rijn, Rietje Schreurs & Petra Houben

Refrein:
Waat kan det fijn zien, as weej beejein zien.
Weej kinne lache, ouk al deurt det laeveslang.
En as 't bliksemp, of as 't dôndert,
zien weej mit hônderd, veur d'n duvel nog neet bang.
Zoëlang weej laeve heej, dreit ôzze kannepeej.
Zoëlang de leefde bleujt, bleuje ouk weej.

Doézend sterre, die danse in 't glitterkleid,
en de maon schuut vol van de lach.
Alle schäöp in de wolleke, door de kröl gedreid.
Goojendaag, zoëlang is de nach.

Doézend waeke, ein maedje in d'n blomejas,
eine leeve jông aan d'n erm.
Alle minse bewaege in d'n denskespas.
Goojendaag, det hilt aevel werm.

Doézend kleure, die vlindere de straote door.
Eine lintestoet op de bein.
Vreeje veugel en wéér ein vastelaovesjaor.
Goojendaag, det geit aevel fijn.


HOME PLAATSNAMENOVERZICHTHOME


WAAT KAN IK DAO AAN DOON ?
1958/1959 nr.1 : Tekst: Frans Boermans - muziek: Thuur Luxembourg
Zang 1 (*) : Theo Teuwsen
Zang 2 (**) : Jocus Joekskoér
Zang 3 (***) : Sjraar Peetjens & Jocus Hofkapel
Zang 4 (****) : De Kwirzengers

Och, minse nôw luuster ens waat ik ôg zek,
ik kan d'r toch ouk niks aan doon.
Want iddere gek haet zien eige gebrek,
det geit toch van vader op zoon.
Ik hald van ein glaeske, ik hald van ein leed,
dan vind ik 't laeve zoë good.
En lok mich ein muulke dan laot ik 't neet,
det zit mich in 't blood.

Refrein:
Det ik zoë gaer ein glaeske lös, waat kan ik dao aan doon ?
Det ik zoë gaer ein maedje kös, waat kan ik dao aan doon ?
Wie Adam is gestorve, toen hebbe weej det georve.
Det geit van vader op zoon, waat kan ik dao dan toch aan doon ?

Mien vader dae zag mich : " Jông, drink toch gen beer
en laot toch de maedjes met rös ! "
Ik zag : " Allemachtig, geej lös um ouk gaer,
en heb geej nôw ech noëts gekös ?
As geej in ôg laeve nog noëts had gevreejd,
det is, leve man, nogal glad,
dan zoot geej d'r naeve en had geej ouk neet,
mien mam en mich gehad ! "

Waat zien toch de minse van minnige buurt,
in andermans foute good thoës.
" Zek, hebste det al van dae'n eine gehuërd,
van smiespel-de-smiespel-de-smoës. "
Waat zoel ik mich kwaele of deze of dae,
gemak is van andere spiës.
Waat kan 't mich schaele, ik zek neet : " Uig hae ! ",
ik zing mien eige wiës.

* lp 1979/1980 : Jocus - " Dao geit-e haer ! " - Discofoon LP 4.7980 15.90
** cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213
*** dubbel-cd: 1999 : Omroep Limburg - " Batailles Carnavallade Deel 3 en 4 " - OL54-199901 en OL54-199902
**** cd 2000 : Diverse artiesten - " Petje aaf (veur al die schoéne leedjes) " - Onger Os 7370


HOME PLAATSNAMENOVERZICHTHOME


WAAT KAN 'T LAEVE ...
1964 nr.2 : Tekst: Frans Boermans - meziék: Fr. Wetjens
Zang (*) : Hay Crompvoets

Refrein:
Waat kan ut laeve veur schoëners gaeve.
Waat kan ut schaaje dreej daag pierewaaje.
Waat kôste minse veur schoëners winse.
Waat geit baovenal, ôzze schoëne carnaval.

Zoë mei en dan dan motte weej wat viere,
det doon we heej in Venlo toch zoë gaer
En waat ut schoënste is,
det huurste gans beslis van eedre Venlonaer.

" Waat is veur dich 't schoënste op de waereld ",
det vroog Merieke ens aan ziene jông.
Toen zag dae gooje Sjang :
" det witste toch allang ", en wet ge waat hae zông ?

* lp (1978/1979) : Diverse artiesten - " Venlo op zien bès " - Discofoon LP 45779


HOME PLAATSNAMENOVERZICHTHOME


WAAT MICH AAN DICH DUIT DINKE
1991 nr.4 : Tekst: Wiel Hermans - meziék: Wim Roeffen
Gezônge: Petra Houben & Jan Derijk

Leedjes in ôs modertaal, doon mich zoë aan dich dinke.
Net zoë moei en mizikaal, luéts dich 't Venloos klinke.

Refrein:
Krallentoér van leedjes, ein Venloos gedich,
slinger van verhäölkes, die spraeke veur zich.
Waat ik dich zegge wil, zeg ik met ein leed,
wäörd van mien leefde vergits dich zoë neet.
Huér ik zô'n schoéne wiés, reurt zich wat in mich,
dan sprik mien leefde veur Venlo en dich.

Waat zô'n leedje zegge kint, det mak mich mei verlaege.
Al waat mich aan dich bindt, det kôm ik d'r in taege.

Doën beej hoés of wiét eweg, ein Venloos leed môt kinne.
'Halde van' klink dan hiél ech, det duit mich wat van binne.


HOME PLAATSNAMENOVERZICHTHOME


WAAT NÖRGES GEIT, GEIT HEEJ
1983: Tekst & muziek: Wim Roeffen

Dit kinse neet liere, dao greujse mei op.
Met niks aan de veut en de schoon op de kop,
de bein in de lôch en de hand aan de grônd,
zoë laupe weej heej dan rônd :

Refrein:
Waat nörges geit, det geit heej op.
Venlo, ôs stad, steit op de kop.
Det steit toch oh zoë fein, det kin geej ôs allein.
Wae dan neet löp zoë um wie weej,
dae huert d'r dreej daag lang neet beej.
Nao vastelaovund is det veurbeej.

Lets woel eine vreemde zoë laupe wie ôs,
maar hae loog al plat veur hae good waas begôs.
Ik zag: auk al oefen se det nog zoë dök,
ik wed det det dich noëits lök.


HOME PLAATSNAMENOVERZICHTHOME


WAAT VLUUG D'N TIËD
Frans Boermans

Waat jaomer toch mien leve minse, det noëts d'n tiëd ens stil blief staon.
Van dezen daag zoel ik dan winse, det dae nog ore door zoel gaon ...

Refrein:
Waat vluug d'n tiëd, waat vluug d'n tiëd.
Zoë heb ik um nog noëts zeen vlege.
Wie of det kump, det wil ik kwiet.
Ik heb um hiël moei umgekrege.
Ein good glaas beer met luuj wie geej
en gen gegreek en genne striëd.
Dan is ein eurke zoë veurbeej.
Waat vluug d'n tiëd, waat vluug d'n tiëd.

En wuurd de letste dan gedrônke, d'n ober rup: 't Is hoëgsten tiëd.
De vrindschap nog ens wuurd beklônke, dan zingste met ein bietje spiët ...

Ik wins mich in mien vaerder laeve nog hiël vuël van dees schoëne daag.
Ik haop det mich dan wuurd gegaeve, det ik nog dökker zingé maag ...


HOME PLAATSNAMENOVERZICHTHOME


WAAT WILSTE DAN NOG MIËR
Tekst: K.Timp - muziek: G. Aerts
Zang (*) : Lotti Boermans

Refrein:
" Waat wilste dan nog miër det ik dich gaef ",
det vraog ik idders kiër zoëlang ik laef.
" Waat bis dich toch veur eine vent,
dich bis noow noeits ens ech kontent.
Ik wil ut weite deze kiër, waat wilste nog miër ? "

Sofie det waas ein maedje, van cente en auk braaf.
Het heel vuel van Lewieke, al van de schoëlbank aaf.
Het goof Lewie kedootjes, zoe dök as ut um zoog.
Maar hae waas noeits tevreje, zoedet Soefieke vroog :

* lp (1978/1979) : Diverse artiesten - " Venlo op zien bès " - Discofoon LP 45779


HOME PLAATSNAMENOVERZICHTHOME


WAAT ZIT D'R IN DET VAAT ?
Tekst: Frans Boermans - muziek: Giel Aerts

De brouwers zien maar altiêd aan 't brouwe, met aope kraag en opgestruipde mouwe.
Zeej paeze en zeej kneure wie nog nie, zoë blief d'r laeve in de brouwerie ...

Refrein:
Waat, waat, waat zit d'r in det vaat ? Naat, lekker naat.
Waat, waat, waat kump d'r oêt det vaat ? Naat, lekker naat.
En det det naat gen naatje is, zek noow zelf, zek noow zelf.
Det leet, as ik mich neet vergaet aan de jônge van vaat elf.
Waat, waat, waat zit d'r in der vaat ? Kletsnaat, lekker naat.

't Vaat, det bringk de zôn in alle glazer, 't is de brôn van alle schaele wazel.
Want as d'r oêt det vaetje wuërdt getap, dan guf 't genne applesienesap ...

Weej hebbe met daen dors toch wat te stelle, daen hônd oêt Hors kan ôs nog miër vertelle.
't Vaat, det is 't schoënste op de aerd, de iërste klap is einen daalder waerd ...


HOME PLAATSNAMENOVERZICHTHOME


WAE BRINGK MICH NAO HOÈS?
2010/2011: Tekst: Mai Anröchte - muziek: Jack Claessen
Zang: Mai Anröchte

Refrein:
Wae bringk mich noow nao hoès
as ut heej strakkes is gedaon
Met wae dans ik vannach
beej ein volle maon
Wae kös mich op mien snoèt
en zaet wiès morrege leeve schat
Waat heb ik mit dich plezeer gehad

Geisse mei stappe,
weej gaon op de lappe
vergaete de sleur van d’n daag
Kinne weer telle,
op tig joekskepèlle
die bringe weer stumming vandaag
Joetse wiès wiét in de nach
waer ik nao hoès toe gebrach
Zal ik ut waoge mit dich
kom zegk ut mich

Träön weer gelache,
dae joeks heej wat dache
is sprankelend net wiè de wièn
Ein joeksig gebeure,
die wiènbölkes kleure,
och kós ut toch altièd zoeë zien
Joetse wiès wiét in de nach
waer ik nao hoès toe gebrach
Zal ik ut waoge mit dich
kom zegk ut mich

Neet gister neet morrege,
ik pak ut vandaag,
det eine moment det ik aan dich heej vraoge maach


HOME PLAATSNAMENOVERZICHTHOME


WAE DE JEUG HAET HAET DE TOEKÔMS
Wäörd & muziek: Guus Timmermans jr.
Zang (*) : Kinderkoér, Leta Bell & Ben Verdellen


Refrein:
Wae de jeug haet haet de toekoms, jonk gelierd is ald gedaon.
Waat de jeug zaet is ein oetkoms, al waat jonk is, zal vaerder gaon.
Wae de jeug haet haet de toekoms, want de toekoms zal altied bestaon.

As ik later groet bin weer ik Jocus-haan,
want dao bin ik good in, ik stel mich gaer aan.

* cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213


HOME PLAATSNAMENOVERZICHTHOME


WAE HEBBE WE DAO DAN ?
1969 nr. 3 : Tekst: Frans Boermans - muziek: Giel Aerts
Oetveurede 1 (*) : Wiel Vestjens
Oetveurede 2 (**) : Gé Deenen & Rob Deenen

Ik wis de gansen aovend al, ik mis nog eemus op d'n bal.
Wae is d'r nog neet heej, wae is d'r nog neet beej ?
Maar dit waas het, en det waas hae, ik misde um maar wis neet wae.
Toen kwaams dich veur d'n daag, en reep ik met bedraag :

Refrein:
Wae hebbe we dao dan ? Wae hebbe we dao dan ?
Ik kin dich langer as vandaag, maar ik weit neet miër waovan.
Lege det leet neet in mien lien, örreges môt 't toch van zien.
Of heb ik gedruimp van dich meschien, dan kin ik dich daovan.

't Waas al laat, 't woord al leech, wie Sjang zien deur neet aope kreeg.
Hae zag: " Ik gaef 't op, 't slaot is weer verstop ".
Wie hae zich veur de veurdeur loog, umdet dae d'r gen gaat in zoog,
toen ging 't raemke aop, en zag ein stum vol slaop:

* lp (1976/1977) : " Vastelaovend same " - Discofoon LP 11.11.76
** cd 2000 : Diverse artiesten - " Petje aaf (veur al die schoéne leedjes) " - Onger Os 7370


HOME PLAATSNAMENOVERZICHTHOME


WAE IN LIMBURG IS GEBAORE
2007/2008: Tekst & muziek: Quinn Warmerdam
Zang: W-Dreej: Quinn Warmerdam, Hay Wilders en Christel van Rijn

Refrein:
Wae in limburg is gebaore,
Haet ut beste stökske waereld oét gezôch.
Want wae heej is groeët gewaore.
Wit, de vastelaovend zit heej in de lôch.
En dae’n tiéd bezörg de jaore
Jaorelang al ein fantastisch good begin
Daorum is ut te verklaore,
Det me laef heej van de gooje zin.
Bin zoeë bliej det ik Limburger bin.

Stel dich veur,
De waas gebaore in ut noorde.
Wao de vastelaovend gen traditie is.
Dan waas dich moej geties,
In ut land van de Fries.
Want dan hadse in dien laeve
Waal waat moejs gemis

Stel dich veur,
De waas gebaore in Uganda,
Wao de vastelaovend genne mins waat zaet.
Wao de man volop jaag,
In de tiéd van die daag.
En de jungle dan gen
Laevend wild mier euver haet.

Stel dich veur,
De waas gebaore, dao in Rio.
Dao in Rio de Janeiro in Brasil
En dan dachse, “Waat gaaf!
Örges wied heej vanaaf,
Dao is “Carnaval de Limburg”, in de boerekiél! “


HOME PLAATSNAMENOVERZICHTHOME


WAE LACH DAE LAEF
Tekst: René Kauffman - meziëk: Michiel van der Grinten
Zang (*) : Minsekinder

Al kumse idderes kier weer vuuls te laat op tied
Al griepse idderes kier weer euv'ral langs
Al rakse idderes kier opniej dien geld weer kwiet
Dae gôjje alde lach, dae deurt ut langs

Refrein:
Wae lach, dae laef
Dae zuut de zônneschien, as niej gebaore zien
Wae lach, dae laef
Dae wuurd ald misschien, nog zônder medicien

Al wuurd dich idderes kier det oet weer aangeneid
En gaon dich idderes kier dien weurd weer krangs
Al wuurse idderes kier opniej weer oetgekleid
Dae gôjje alde lach, dae deurt ut langs
Al steisse idderes kier as letste in de riej
En misse idderes kier dien beste kans
Al sleisse idderes kier dae flater euverniej
Dae gôjje alde lach, dae deurt ut langs

* cd 2000 : Minsekinder - "Nieje Veere"


HOME PLAATSNAMENOVERZICHTHOME


WAE WET?
Tekst: Frans Boermans - muziek: Funs v. Grinsven
Uit de revue 'Stel og ens veur'

Soms woel ik waal ens in de toekôms kieke.
Wie zal ‘t nao zô’n twintig ieuwe zien?
Zal op dees plaats ein schoëne woënplaats prieke.
Of is heej dan weer zômp en bôs meschien.
Zal heej dit hempelke vol minse oet gaon greuije.
Tot en vlietig volk van geslach tot op geslach.
Waobeej saamheurigheid en laeveslös zal bleuije.
Of heb ik dan meschien te vuel verwach?

Refrein:
Wae wet? Waet wet? Wae wet?
De toekôms leet veur ôs verbôrge.
Wae wet? Wae wet? Wae wet?
‘t Wachte is gewoën op morge.
Waat morge is en waat dae’n daag zal gaeve.
Och wae det wis, dae had gewoën gen laeve.
Wuurd ‘t zus of zoë of guëf ‘t dit of det?
Wae wet? Wae wet? Wae wet?

Sôms woel ik waal ens in de toekôms kieke.
Dees plek te zeen dan in ein visioen.
Zal dan de mins heej waal gelökkig blieke.
Of zal hae zegge: “Waas ‘t maar wie toen”?
Dees zuvere loch, det greun en auk det klaore water.
En mins en biës nog ein met de netuur.
‘t Is maar te haope det die minse later.
Vol zörg zien veur det Vendeloo van eur.


HOME PLAATSNAMENOVERZICHTHOME


ÉINE WAEG
Tekst & muziek: Paul Nagelmaeker
Zang (*) : Neutjesrang & Band

Negetién negenenzestig
veur de mins enne groéte stap
op de baom van dae krater op de maon
Zoel Niel Armstrong noeits gedach hebbe
‘t geit mich noow waal rap
Zal ik heej neet op mien trepke bliéve staon

D`r is maar éine waeg
dae is toch zoé ald wie Methuzalem
Éine waeg ...
Want as weej neet perbere 't
dan weite weej ’t noéits
As weej geliék de mood verlére
dan kômme weej d`r noéits

Baeter ein half ei dan enne laegen dop
dach Columbus wie hae op vertrekke stônd
Maar det eigewiéze ei
dae zat de wereld op de kop
umdet hae zoémaar enne nieje waereld vônd

Weej kinne bliéve studere
filosofere
maar waat `t wuert wetse noéits
Altiéd maar door riddenere
lang prakkezere
Want de wets `t maar noéits

Misschien ein huuske in Ierland
aan `t water as `t geit
Schäöpkes op`t druége
en schäöpkes in de wei
As weej noow gaon
zien weej nog dao veur `t ontbijt
Zoel `t det neet zién
veur ôs allebei

As weej maar neet de mood verlére
dan kômme weej d`r zeker oéit

* cd 2001 : Neutjesrang & Band - " Éine waeg " - Marlstone CD 2117


HOME PLAATSNAMENOVERZICHTHOME


DE WAKERS
Tekst: Wim Jansen - muziek: Wim Janssen
Uit de revue 'Stel og ens veur'

Getrouw en ônvervaord, staon weej aan de Maaspaort
Weej halde heej met ôs twieëje de wach
En eedre Venlonaer zuut ôs in wind en waer
en wet zoë zien we beschermp daag en nach
Weej staon heej ore aan de stadsmote
en met gen paerd kriegste îs heej vandaan
As d'r gevaor is, waat mei ouk waor is
dan staon we heej met ôs neus veuraan

Weej zien de wakers, weej halde wach
euver ôs stad en hiël zien koedeljach
De auge aop en de kiek op ôneindig
staon weej paraat met ôs Venloos gezich
Wao weej as kinder getaoge zien
Dao leet ôs hert, en kump gevaor teveurschien
Met vuël leefde, dt is nogal glad
Verdeidige weej ôs vaderstad

Wae van zien vreejheid hild, in vrede laeve wilt
dae hild zien waopes maar doen beej de hand
En wae 't baeter wit, zien land en schild vergit
dae mak de vreejheid en vrede te schand
Wie kinne minse, now zoë wat winse
det eige volk zich neet ens waere kan
Die 't niks kan gaeve as slaag te laeve
Weej laeve laever as vreeje man


HOME PLAATSNAMENOVERZICHTHOME


DE WANNEVLEGER
Tekst: Frans Boermans - muziek: Jan Theelen
Uit de revue 'Stel og ens veur'

Beste luuj, ik heb gehuurd, de slumste minse oet de buurt
det zien de Venlonaere (Venlo jao, Venlonaere)
Daorum börgers heej present, van mien gelierd experiment
gaot geej geruge waere (wae waat woa, wae wie waere?)
Dus as ik ôg verzeuke maag, hald now ôg auge aope
veur waat 'ne mins kint op vandaag, wie dae is oetgeslaope
En det mien waogstök now maar slaag, det zulle we dan
maar haope (maar haope)

Refrein:
Ik bin de man dae vlege kan en lege doon ik neet
Met heej ein wan den dao ein wan, mien vleugels wie ge zeet
Ik gaon 'r now d'rop waoge, en as 't efkes geit
dan bin ik drek gevlaoge, nog veur det geej 't weit

Veurdet ik mien kunste toën dan woel ik gaer toch iërs mien loën
oet ôgge geldbuul vraoge (Det steit vreej det te vraoge)
Heb ik dan mien geld geïnd dan bin ik sneller as de wind
in eine mum gevlaoge (Wie de wind dan gevlaoge)
Dus minse gaef zoëvuël maar kan, ouk vlegers mötte aete
En lang geôg haet deze man now zônder geld gezaete
Ik wannevleter groet ôg dan, geej zult mich noëts vergaete

Det is de man dae vlege kan en lege duit hae neet
Met heej ein wan en dae ein wan zien vleugels wie ge zet
Hae geit 't now d'rop waoge en as 'r efkes geit
dan is hae drek gevlaoge, zoë waor as hae dao steit


HOME PLAATSNAMENOVERZICHTHOME


WANNIER IK ZEEN ZÔ'N VENLOOS KIND
Oet de Venlose Revu "Bedoot dich" 1946
Tekst: Mathieu Cornet - muziek: Harry Verhagen

Leefde det is toch zôn wônderdink, 't velt dich zoë op 't liëf.
As ik det krièg, och dan weit ik neet, wao ik van aandoning bliëf.
Wanniër ik zeen zôn Venloos kind, in idder wang ein kuulke,
vergaet ik alles um mich haer, en kös um op zien muulke.

As ik gaon wandele door de straot, met det kind, waat ein iër,
zeen ik mien bruudje nog maar allein, en veur de res neemus miër.
Wanniër ik zeen zôn Venloos kind, in idder wang ein kuulke,
vergaet ik alles um mich haer, en kös um op zien muulke.

Later dan waere weej man en vrouw, stichte dan ein gezin.
Dan zuût dae man, och det sprik vanzelf, de leefde weer hiël anders in.
Want as weej same zien getrouwd, zeen ik neet miër det kuulke,
vergaet ik wie 't vruûger waas, en wats um op zien muulke.


HOME PLAATSNAMENOVERZICHTHOME


WAO DOON WE DET VAN
1961 nr.2 : Tekst: Frans Boermans - muziek: Thuur Luxembourg
Zang 1 (*) : Hay Crompvoets
Zang 2 (**) : Mai Anröchte

Heb ik mich dan zoë verteld, ik kôm neet oët mit mien geld.
't Vesjesteske is al laeg, we zien pas hallefwaeg.

Refrein:
Wao doon we det van, wao doon we det van,
enne kloke, dae mich det verklaore kan.
Wao doon we det van, wao doon we det van,
asof det maar allemaol kan.
Weej hebbe 't diek, weej hebbe 't spiek, weej hebbe van alles.
Weej hebbe van dit, weej hebbe van det, weej hebbe d'n dalles.
Wao doon we det van, wao doon we det van.
asof det maar allemaol kan.

Taegeswoardig doon we deur, d'n auto steit veur de deur.
Televisie, druëgmesjien, 't môt d'r allemaol zien.

Tref ik Truuke op d'n bal, vraog ik waat 't drinke zal.
Gennen borrel, beer of wien, champagne zal 't zien.

* lp 1981/1982 : Jocus - " Laot ôs bliëve zinge " - Discofoon 11.11.81
cd : " Zónne Vastelaovend "
** cd 2000 : Diverse artiesten - " Petje aaf (veur al die schoéne leedjes) " - Onger Os 7370


HOME PLAATSNAMENOVERZICHTHOME


WAO GAON WE HAER ?
Tekst: Frans Boermans - muziek: Thuur Luxembourg
Zang 1 (*) : Wiel Vestjens
Zang 2 (**) : Frans Boermans & Eduard Luxembour

Refrein:
Wao gaon we haer ? Wao gaon we haer ?
Zek zien we al zoë wied, of gaon we al te vaer ?
Wao gaon we haer ? Wao gaon we haer ?
Want det wiste we, det wiste we zoëgaer.
Vraog 't ens aan deze, en vraog 't ens aan dae.
Emus môt 't weite, ik weit allein neet wae.
Wao gaon we haer ? Wao gaon we haer ?
Jao det wiste we, det wiste we zoëgaer.

Laot d'n optôch wiejer gaon, anders staon we maar te staon.
En we kômme noets miër dao.
Want d'r is hej enne bej, dae ôs brink nao ein kefee.
Maar hae wet allein neet wao.

In de Kamer in D'n Haag, zote zej al zeve daag,
eederein waas aan 't waord.
En dan zach hae wie hae zoog, wao daa'n ozel weer aan loog.
op 't ind woord dan verklaord.

Ozze pastor haet gezag, maar wae had det oêts gedach,
waorum löp die kerk zoë laeg.
Maar de minse op de sjtraot, zônge vals en oet de maot;
"Wej zien same ônderwaeg".

* lp (1976/1977) : " Vastelaovend same " - Discofoon LP 11.11.76
** cd 2000 : Diverse artiesten - " Petje aaf (veur al die schoéne leedjes) " - Onger Os 7370


HOME PLAATSNAMENOVERZICHTHOME


WAO IS MIENE PRINS?
Tekst: ? - muziek: ?
Zang:: Sandra Simons, Mirjam van Elderen & Bernie Billekens

Weej maedjes zeuke heej nao eemus veur ôs dreej,
Weej dinke det det lök
Want wae löp noow veurbeej as blumkes zoë wie weej
Ens gaer waere geplök:

Refrein:
Kiek dich ens mei mit mich, dan kiék ik ouk veur dich:
Wao is miene prins?
Want ik wil ouk ein stök, jao van det groët gelök,
Wao is miene prins?
As dae heej op kump daage, det is mich alles waerd.
Hoëg op eine waage of op 't witte paerd,
Det is mienen hertewins:
Noow kiék es wao, wao, wao is miene prins?
Noow kiék es dao, dao, dao is miene prins!

As ik det zoë bekiék, dan weit ik al geliék,
Heej kriege weej waal beet,
't Is veur mich ein feit, det hae d'r tösse steit,
Maar wao det weit ik neet:

Weej halde altied mood, want zeuke doon weej good,
Hae kump waal, vruug of laat,
En isse neet zoë braaf, dan traejt hae maar weer aaf,
En gaon weej weer op paad:


HOME PLAATSNAMENOVERZICHTHOME


WAO IS 'T KIENDJE DAN ?
vóór 1954 : Wäörd en meziek : Frans Boermans & Thuur Luxembourg

Dae'n babbie beej ôs naeve, dae mak mich toch ein laeve !
Dae is op Vastelaovesdaag gebaore.
Nôw môt ge toch ens huëre, dao krieg hae weer de kure.
Waat môt det nôw toch waere mit de jaore ?
Di-di da-da van je tire lire la.

Refrein:
Wao is 't kiendje dan, wao is 't kiendje dan ?
En oele, oele, oele, oele kiëk ens watte kan.
Van kiele kiele wenske, van tappe tappe tap,
en peule mit de poeterkes, en pepke, happe hap.
Wao is 't kiendje dan, wao is 't kiendje dan ?
En oele, oele, oele, oele kiëk ens watte kan.
Van kiele kiele wenske, van tappe tappe tap,
peule mit de poeterkes, en pepke, happe hap.

Dae'n babbie beej ôs naeve, dae woel ens wat belaeve,
en is 'm op Vastelaovesdaag gaon smaere.
Toen ginge ze um zeuke, in kamer en in keuke.
Dao zoot hae beej de borrelfles te blaere.
Di-di da-da van je tire lire la.

Dae'n babbie beej ôs naeve, dae kan good nuutjes gaeve.
Dae is op Vastelaovesdaag gebaore.
Maar geit dae later vreje, dan môtte ze 't um verbeje.
Ik huër dae gek zien leefde al verklaore.
Di-di da-da van je tire lire la.

* cd: Diverse artiesten - "Batailles Carnavallade 2" - Omroep Limburg OL53-199801


HOME PLAATSNAMENOVERZICHTHOME


WAO LAOT IK NOOW DIE TRÄÖT?
2005/2006 nr.1 : Tekst & muziek: Peter Jansen en Wim Janssen
Zang: Peter Jansen en Wim Janssen

Ein joekskepel van heej,
Die woel 't waal ens waoge um mich d'r beej te vraoge,
En ik zag drek okee.
Zoë ônder ein glaas beer,
Heb ik zô'n träöt gekaoze en dao leep ik te kraoze,
Dae ringbas um mich haer,
Maar veur ein vol kefee, dach ik inens aojee:

Refrein:
Wao laot ik noow die träöt?
Och, kôm ens heej dich, hald die ef beej dich,
Wao laot ik noow die träöt?
Dalik leet ze in de gäöt.
Jao as zô'n dink dich einmaol pas,
Dan zitse dao veurgood aan vas,
Gaef mich ens raod en gen ge-aldetäöt,
Wao laot ik noow
Wao laot ik noow
Wao laot ik noow die träöt.

Dao stônd ik in mineur,
De res waas al nao binne, waat meus ik noow beginne,
Ik kôs neet door die deur.
Ein maedje kwaam veurbeej,
Begôs mit mich te smoéze, toen woel ik neet verhoéze,
Ik had plezeer veur dreej,
Maar nao ein gooi kösmoel, wie het mich knoevele woel:

Pas nao ein half oor,
Kwaam ôs kepel nao boéte, det deej mich toen besloéte:
Heej gaon ik neet mei door,
Toen zagte zeej beslis:
Det kinne weej waal snappe, de môs d'r maar mei kappe,
Wie jaomer det ouk is.
Ik zag det doon ik dan, as eemus zegge kan:


HOME PLAATSNAMENOVERZICHTHOME


WAO WAES JUNGSKE ?
vòòr 1969: Teks & muziek: ?

Refrein:
Wetste wao, wetste wao, wetste wao ik bin gewaes ?
Zjieng! Zjieng! Boem! Met de muziêk mei.
Heej en dao, heej en dao, euveral bin ik gewaes,
en wao 't good waas, waal zeve kiër.
Met meziêk beej 't allerierste fleske,
met meziêk beej 't allerletste kletske.
Heej en dao, zjieng! boem!, euveral, zjieng! boem!,
en wao 't good waas, waal zeve kiër.

Harie, Harie, det is toch ôngehuërd.
Harie, Harie, ik schaam mich veur de buurt.
De hebs ein duchtig stök in diene kraag.
Wao bisse toch gewaes vandaag ?

Harie, Harie, waat is det veur meziëk.
Harie, Harie, waat löpse weer te kiêk.
Waat hesse dao noow veur ein kômpenie ?
Wie kumps dich aan die hermenie ?


HOME PLAATSNAMENOVERZICHTHOME


WAOPES
Tekst: Frans Boermans - muziek; Jan Theelen
Uit de revue 'Stel og ens veur'

Weej laeve in enne raren tied
vol dreiging en oorloogsgevaore
De waopenwedloup os al zoë wied
det we bang zien veur kômmende jaore
De edele hiëre bewaopene zich
in kestiële mit iezere paorte
en hebbe vuel kriegsvolk aafgerich
mit waopes van allerlei saorte

Ein dörp bouwt more now um zich haer
en zaet dan: ik bin stad gewaore
't ninsdôm is nog neet zoë vaer
det geweld eind'lijk aaf wuurd gezwaore
zoë lang de mins nog dao lômperik is
dae maar andermans rech blief negere
Zoëlang blief de vrede ôngewis
't geweld zal de aerde regere

Kump ôs waereld waal oëts zoë wied
det minse zich neet miër bevechte
Ik dink det deurt nog waal ennen tiëd
Zoëlang riekdôm d'n ermood blief knechte
Wievuël erme dônders zien nog ônderdrôk
en weej blieve ôs duchtig begaaje
Dao 'n ind aan te make as 't neet lök
zal 'n hiël zwaore schöld op ôs laaje


HOME PLAATSNAMENOVERZICHTHOME


EIN WAORD
2006/2007: Tekst: Evert Cuijpers - muziek: Alexander Op het Veld & Evert Cuijpers
Zang: Linda Zijlmans

Ze zien aan ôs geschônke
Wäörd wie ein gedich
Gestaole heb ik hertedeef
´t Venloos waord veur dich

D´n deefstal is beklônke
Same zien in zich
Ik neem dich mei nao örges haer
Want dich bis noow van mich

Örges, neet wiéd-e-weg
Bliéf heej hiél doënbeej
Al wil ik dich veur mich allein
De taalgrens hild mich heej

Laeve in Venlo is keiriék
Neet in bedraag maar waal
In waordschat van ôs taal
Zoewie dit waord
Zoëvuul belaovend
Ein waord
Vastelaovend

We zien weer wao we ware
Vluchte lökde neet
Weggaon van dees taal en stad
Det duit tevuul verdreet
Bewaak door stökke stadsmoor
Bliéve weej beejein
Heej mit en in ôs Vendelo
En zinge dit refrein

Want in dit land
Wao Kunibald
Geschiedkunde herschreef
Heej is de plaats
Dit is de stad
Veur mich
En dich mien leef


HOME PLAATSNAMENOVERZICHTHOME


DE WAORE LEEFDE
1980/1981 nr.2 : Tekst: Frans Boermans - muziek: Giel Aerts
Gezônge 1 (*) : Lotti Boermans en Ben Verdellen
Gezônge 2 (**) : Minsekinder

Refrein:
Dich kans mien hert neet kaupe en neet heure.
Dich kans mien hert neet lieëne veur dreej daag.
Maar as dien leefde laeveslang zal deure,
dan gaef ik dich mien hert kedoo op slaag.
Jao jao de leefde, die waore leefde,
die zalste mich gaeve, det is veur dich de priës.
Jao jao de leefde, die waore leefde,
die mak van 't laeve 't schoënste paradies.

Al biste met gold behange, al greuit dich 't geld op de rök,
ik hoof genne goldvis te vange, want waelde det guf gen gelök.
Dus doon maar gen meuite miër, ik zeg dich nog eine kiër :

Al had ik neet eine gölde, en waas ik al bliej det ik laef,
al zoot ik wies heej in de schölde, en stônd ik zoê roêd wie ein kraef ;
Auk dan nog geluif mich vreej, dan blief ik nog daobeej :

* lp 1980/1981 : Jocus - " Gaef mich de viëf " - Discofoon LP 11.11.80
** cd 1989 : " Mooder Hellup - Beej Mooder Thoës "


HOME PLAATSNAMENOVERZICHTHOME


WAORUM ?
Tekst: Ad Pollux - muziek: Giel Aerts

Graas greujt in Venlo en Bliërik, wiën greujt in Rüdesheim.
Det vind ik gaar neet iërlik, nae, det vind ik gaar neet fijn.

Refrein:
Waorum zuüste langs de Maas allein maar graas ?
Waorum vindste langs de Riën de lekkerste wiën ?
Waorum graas langs de Maas ? Waorum wiën langs de Riën ?
Had det noow neet andersum kinne zien ?

'k Heb zoë mien eige bezwaore, waorum môt det zoë ziën,
wae kan mich det verklaore, jao, wae schink mich klaore wiën ?

Waat ziën det noow veur meneere, waat haeste noow aan graas ?
De kins ut g'rös prebeere, ut geit toch neet in ein glaas .


HOME PLAATSNAMENOVERZICHTHOME


WAORUM ZUUSTE LANGS DE MAAS ALLEIN MAAR GRAAS?
Tekst & muziek: A. Pollux & G. Aerts
Zang (*) : Hay Crompvoets

Refrein:
Waorum zuuste langs de Maas allein maar graas?
Waorum vindste langs de Rien allein maar wien?
Waorum graas langs de Maas?
Waorum wien langs de Rien?
Had det noow neet baeter andersum kinne zien?

Graas greujt in Venlo en Blierik
Wien greujt in Rüdesheim
Det vind ik gaar neet iërlik
Nae det vind ik gaar neet fijn.

* lp: " 't Is weer vastelaovend (twië maol elf vastelaovesleedjes en nog vuël miër...) "


HOME PLAATSNAMENOVERZICHTHOME


WASSE ZAES
Tekst & muziek: René Oostdam
Zang (*) : Neutjesrang & Band

Refrein:
Wasse zaes wasse zaes
’t is altiéd zoé gewaes
wasse zaes wasse zaes

‘t Geit van mônd tot mônd
’n laupend veurke in 't rônd
Maar ein dingk zeg ik dich
de haes ‘t aevel neet van mich

Kiék ze kiéke allemaol
die auge schriéve weer ein langk verhaol
Maar ein dingk zeg ik dich
de haes ‘t aevel neet van mich

Wao rauk is, is auk veur
d'r hingk altiéd waal wat in de lôch
Maar ein dingk weit ik waal
d'r laupe lucifers genóg

* cd 2001 : Neutjesrang & Band - " Éine waeg " - Marlstone CD 2117


HOME PLAATSNAMENOVERZICHTHOME


WATER EN VEUR
1997: Tekst & muziek: Maurice Roosen
Zang (*) : Romeo

De show is gedaon, de buun die is laeg,
gen lamp mier aan, 't leeg is oet.
Beer is lauw en doed maar ik heb nog neet genog,
'k heb de ganse nach dich gezoch.

'k Bin altied blieve renne, noeit stil blieve staon,
altied blieve vechte veur 't bestaon.
Altied op zeuk, altied op de vluch,
altied blieve renne, noeit gen rös.

Water en veur gaon hand in hand,
waat water verzörg wuurd door 't veur verbrand.
Geduldig wach de grond op dae vraemde dae kump,
um te zaaje in de vruchbare grond.

Ik zing dich dit leed van water en veur,
en ik weit, de zals 't betreure op d'n deur.
Mien leefde zal blieve bestaon, de show is gedaon,
't dook is gevalle, dich mos gaon.

* cd 1997 : Romeo - "Parels van de nach" - Ben Verdellen Produkties


HOME PLAATSNAMENOVERZICHTHOME


WATER NAO ZIEË
Tekst & muziek: Paul Nagelmaeker
Zang (*) : Neutjesrang & Band

D’n hemel is roëd
de zôn is al ônder
‘t werk is gedaon
d’n daag is veurbeej

De waereld is groét
ik doon efkes zônder
zoémaar gedachte
driéve veurbeej

Ut is wie ’t waas
aan de kant van ’t water
De Maas die struimp door
Ut is wie ’t waas
gen vrueger gen later
De Maas die struimp door

Dich alde Maas weej met ôs twieë
weej drage water …..water nao zieë

Ik goei stein in ‘t water
wies aan de brök
en dreej kier stuitere
beteikent gelök

En mien gedachte
die driéve mei
driéve op water
neem ze maar mei

Unne kringk in `t water
van klein nao groét
en efkes later
de letsten boét

Luustere nao water
zitte in`t graas
zoé wuert ‘t later
aan de kant van de Maas

* cd 2001 : Neutjesrang & Band - " Éine waeg " - Marlstone CD 2117


HOME PLAATSNAMENOVERZICHTHOME


WAZEL-LEEDJE
Solo (*) : Wiep Hovens & Hay Crompvoets

Refrein:
Ikke en Harie trouwe op d'n elfde fibberwarie.
Ut fees geit pas beginne, zoe hebbe ze veurspeld,
as vastelaoves-dinsdaag op aswoensdaag velt.
Ikke en Harie trouwe op d'n elfde fibberwarie.

Waat zinge die veur kwazel, vroog eine wiëze man.
Van zônne schaele wazel, waer ik neet wiëzer van.
Hae stônd te prakkezere, heel efkes ziëne kop.
Reep toen: "ik zal probere" en zông allein hardop.

* lp 1979/1980 : Jocus - " Dao geit-e haer ! " - Discofoon LP 4.7980 15.90


HOME PLAATSNAMENOVERZICHTHOME


WE DRUIME
1995: Tekst & muziek: Maurice Roosen
Zang (*) : Romeo

We druime van kestiele in de aovendmaoneschien.
We druime van de toekoms, hoe die dan auk zoel zien.
We vreeje en we drinke, we kinne gen verdreet.
Elken druim begint en eindig in 'n leed.

We halde van elkaar, det is 't enige det telt.
Werke doon we neet, nae, we zwumme in 't geld.
't Raegent piepestele maar naat waere weej neet.
Elken druim begint en eindig in 'n leed.

Refrein:
Iewig wil ik laeve, as dich maar langs mich lees.
Tied is onbelangriek, as dich maar met mich vreejs.
Ik kiek dich efkes aan, beej 't leeg van de maon.
Elken druim begint en eindig in 'n leed.

De maon is noow verdwene, raegen tik taege de roet.
We komme truk op dees aerde want 't leeg is bijna oet.
Ik kiek dich efkes aan, want ik weit des dich wils gaon.
Elken druim begint en eindig in 'n leed.
Elken druim begint en eindig in 'n leed.
Elken druim begint en eindig ...............

* cd 1995 : Romeo - "Later krieg gelièk" - Ben Verdellen Produkties


HOME PLAATSNAMENOVERZICHTHOME


WEEJ DANSE
Tekst & muziëk: Paul Nagelmaeker
Zang (*) : Neutjesrang & Band

De dansvloer steit vol
maar weej zien allein
Nao al die jaore
nog altiéd beejein

Dich hoofs niks te zegge dich hoofs niks te doon
Gewoén doén taege mich aan …en weej danse door

De leechte gaon aan
jao weej môtte gaon
Dich kieks mich aan
en weej bliéve staon

Dich hoofs niks te zegge dich hoofs niks te doon
gewoén doén taege mich aan… en weej danse door

Same oét same thoés
nog lang neet nao hoés
en dich lachs nao mich
En wuért `t laat… dan wuurt `t laat

D’n tiéd steit stil as weej twieë danse
D’n tiéd steit stil as weej twieë danse

Same oét same thoés
nog lang neet nao hoés
en dich lachs nao mich
Al wuért `t laat… dan wuurt `t laat

* cd 2001 : Neutjesrang & Band - " Éine waeg " - Marlstone CD 2117


HOME PLAATSNAMENOVERZICHTHOME


WEEJ DANSE DOOR DE GANSE NACH
2004/2005: Tekst: Marco Vaessen - muziek: Herman Detillon

Weej danse door de ganse nach
En hebbe uurkes doorgebrach
Dit is de schoeënste tied
Dae wil ik noeëts mier kwiet
Weej makde door toch vuuël plezeer
Komme steeds heej gaer
Want wie geej ouk verwach
Jao idder dae heej lach

Wae kin beej ós neet det keffee
't schoeënste plekske veur ós heej
want vraog dan neet waor
geej dan mót zien dit jaor

want heej blief neemus staon
met vastelaovend piere gaon
det zien veur ós de daag
det alles kin en maag


HOME PLAATSNAMENOVERZICHTHOME


WEEJ GAON DOOR...!
Tekst: ? - muziek: Geert Verschueren
Zang: De Kompane (Mark Vijver, Alwin Grijseels, Alex van den Beucken)

Ós pap en ós mam die wiste ‘t al
Die jónge van ós, die komme d’r waal
Det bleek al hièl vruùg beej de ièrste fles
De joeks en de lol hadde weej in de tes

Weej zien noeëts in mineur
Weej gaon d’r altièd veur

Refrein:
Al raegent ’t strónt en al is ‘t ièskald
Weej gaon door….!!!
Van ‘s morges laat wies ‘s morges vruùg
Weej gaon door….!!!
Weej gaeve neet op, jao weej halde vol
Weej gaon veur de jen, de joeks en de lol
Al zien weej allein en is idderein klaor
Weej gaon door wies ‘t letste oor
Weej gaon door wies ‘t letste oor

Roeëd op de bank, genne cent op de tes
Dach det ik klaor waas, d’n dors weer geles
Jao net wies de veurdeur heb ik ‘t gebrach
‘k keek um, gelache en hardop gezag…

Weej zien noeëts in mineur
Weej gaon d’r altièd veur

Weer ens as letste nao boète gegaon
‘T leech ging al oèt, ‘t waas weer gedaon
Maar boète op sträöt waas ‘t nog neet veurbeej
Ze pakte mich vas, blièf nog hièl efkes heej.

Weej zien noeëts in mineur
Weej gaon d’r altièd veur


HOME PLAATSNAMENOVERZICHTHOME


WEEJ GAON NAO D'N HEMEL TOE
Wäörd & meziék : Wim Roeffen

Now môt ik ôg toch ens wat vraoge, det wis ik al altiëd zoë gaer.
As oëts ôzzen tiëd is gevlaoge, wao gaon weej dan eigelik haer ?
En eine zag: "Beste man, dao weite weej alles van".

Refrein:
Weej gaon nao d'n hemel toe, nao al die Venlonaere,
die ôs zien veurgegaon nao 't hemels paradiës.
Wie die met die ingelkes, zich kinne amusaere.
Zeej hebbe de grutste lol en lache zich de miës.
En as dan Petrus vrueg: "Wilt emus nog waat drinke ?"
Dan rup de gansen bubs: "Jao, schöd nog maar ens in".
Weej gaon nao d'n hemel toe, maar môtte ôs bedinke:
Weer truuk nao Venlo toe, det zit d'r neet miër in.

Weej kinne d'r ôs op verlaote, veur ôs steit die paort altiëd aop,
Maar stel, det ze zoel zien geslaote, dan is d'r toch altiëd nog haop.
Want luuj, wie weej good van zin, die kômme d'r lichtig in ...

't Zal toch nog waal efkes deure, veur weej 't heej hebbe gehad.
't Môt vrueg of laat ens gebeure, want det is zoë zeker as wat.
Maar is ut einmaol zoë vaer, dan gaon weej met vuel plezeer.


HOME PLAATSNAMENOVERZICHTHOME


WÉJ GAON NOG NEET NAO HOES
vòòr 1940 : Waörd & muziek: P. Rugers

De zitting van Vors Jocus, zéj is veur eederein.
Bekind, det me van herte zich amuseert hiel fijn.
Is 't joekspalies verlaote, dan klink 't langs de straote,
dan klink 't, dan klink 't langs de straot.

't Is weer vastelaovend, hiel Venlo haet plezeer,
de groëte danse springe, drinke mennig pötje beer.
De res geit langs de straot, en zink fijn in de maot,
en zink fijn, en zink fijn in de maot.

Elk sluut zich ein van zin, achter Jocus' schoëne vaan.
Den raod hilt er de joeks waal in, det huurt zoe béj den haan.
Trek dus ein lollig snoet, en krei 't allemaol oet,
en krei 't en krei 't allemaol oet.

Wéj onderdane van Jocus, door ozze Vors geleid,
wéj gaon nog neet nao hoes toe,
wéj gaon nog neet nao hoes toe,
al haet den haan gekreit, Ki, ka, ku, kukele ku-u.


HOME PLAATSNAMENOVERZICHTHOME


WEEJ GAON ’T MAKE
2007/2008: Tekst & muziek: Herman Detillon

Refrein:
Weej gaon ‘t make
En schrieëwe ‘t van alle dake
Weej douwe door
En kieke dan neet op ein oor
Weej laote ôs huure
wies de buure eur buure
Ein dink weite weej beslis
Wao weej ouk zien ,’t vastelaovend is
Laatste refrein:
Wao weej ouk zien ,’t altieëd Vastelaovend is

Wae had det nôw verwach lalalala
Of allein maar aan gedach lalalala
Det weej heej weer staon lalalala
Dus laote weej ôs lekker gaon

ein gans jaor op verheug lalalala
nae we zien ’t nog neet meug lalalala
vind geej det neet kwant lalalala
want morge staon weej in de krant


HOME PLAATSNAMENOVERZICHTHOME


WEEJ HALDE VAN ALLES
2008/2009: Tekst & muziek: Quinn Warmerdam
Zang: W-Dreej: Hay Wilders, Christel van Rijn & Quinn Warmerdam

Refrein:
En weej halde van alles,
Jao zoë vanalles,
Waodoor ut laeve ein groet fees gewaore is.
Laot de lach maar verschiene,
De träön gaon verdwiéne
De zôn geit schiéne
Veurdet geej um heb gemis.

Dink aan dae lachebek,
Dae vastelaovesgek.
Dae zich in dezen tiéd bizônder lekker veult.
En met ein instrument,
Achter de joeks aan rent.
En met bedraag de sterre van d’n hemel speult.

Dink aan det eine kind,
Waat ut geweldig vindt,
Verkleid met pap en mam d’n optoch in te gaon.
Glund’rund en enthousias,
Hilt pap zien hendje vas.
En mam die dink, kôs noow d’n tiéd maar bliéve staon.

Dink aan dae prins van noow,
Dae staelt veur good de sjoow.
‘t-is ônvergaetelik waat hae zoë-al belaef.
Zien vastelaovesriék, örges ein boétewiék
Viert vastelaovend op de wiés wao hae nao straef

Weej halde net wie ôg van vastelaovend.
En feeste ganse daag wies in de aovend, aovend, aovend!


HOME PLAATSNAMENOVERZICHTHOME


WEEJ HALDE VANEIN
1997: Tekst & muziek: Bert van den Bergh
Zang (*) : Romeo

De zon die zwump onder mien veut, raegen stuuf euver mich haer.
Sste heej bis duit 't pien, umdet ik weit det 't neet zoe meug zien.
Heej leet 'n zieje van traone veur dich, 't zalt det brand deep in mich.
Golve slaon mich truuk, waor ik van hald drief weg van mich.

Refrein:
Weej halde vanein, halde vanein, weej halde vanein.
Weej halde vanein maar waorum zien weej dan neet beejein.

De hebs mich oet dale gehaold, de zoots mich op berge neer.
De waas noeits bang mej ònder te gaon, as ik 't woel staol se de maon.
Noow neemste 't leech van d'n hemel van mich, zoedet d'n daag auk duuster is.
De bis zoe moej, aan ónschuld riep, is 't dit waat ik neet begriep.

* cd 1997 : Romeo - "Parels van de nach" - Ben Verdellen Produkties


HOME PLAATSNAMENOVERZICHTHOME


WEEJ HEBBE WAAT TE VIERE
2004/2005: Tekst: Marco Vaessen - muziek: Herman Detillon

Refrein:
Weej hebbe waat te viere
gaon dreej daag oèt dae bol
Dan zien weej neet te remme
En dreie door met hièl veul lol
En is 't ós gegaeve
Dan kómme weej noch lang neet thoès
gaon weej piere en jen belaeve
En zien noch lang neet oètgespoès

Weej dreie dreej daag noow weer door
En kieke dan neet op ein oor
dit is de schoeënste tièd
dae wille weej beslis noeëits kwièt
de taofel wuurd te klein
dao staon weej op met twieë bein
het maske op de snoèt
zoeë gaon weej same dan weer oèt

dao is toch genne sloètingstièd
dan kriège weej allein maar spièt
de deur kin neet op slaot
det is waat idder zeker haop
want heej zien weej beejein
en neemus veult zich heej allein
de joeks zit in 't blood
en daorum viere weej dit good


HOME PLAATSNAMENOVERZICHTHOME


WEEJ KINNE 'T SCHÖDDE
2004/2005: Tekst & muziek: Gé van den Heuvel
Zang: Ton, Joost, Arnold de Koning en Gé van den Heuvel

Ouk dit jaor is 't knudde
Weej alde kinne 't schödde
Weej komme neet aan den bak
want weej zien oétgezak
Weej komme neet aan den bak
Jao, weej zien oét... gekak

Kint eemus ôs vertelle
waat of d'r aan mankeert
Weej hebbe dit moeie leedje
gans oét de kop geliérd
Weej bringe 't mit vibratie
Det leet in ôzzen aard
Maar rake oét de gratie
door ôzzen alden baard

Jaore d'r euver gedaon
um op dees plenk te staon
Zien klaor veur ôs iërste plaat
maar noow is 't te laat
Want `t schient toch zoë te zien
det ein gooje alde ster
mit ein oétgezakde lien
gennen idol miër kan zien


HOME PLAATSNAMENOVERZICHTHOME


WEEJ SAME
Tekst & muziek: René Kauffman
Zang: Minsekinder

Hei, kóm ik dich weer taege, duisse zoe verlaege,
duisse zoe verleef.

Hei, wilse met mich praote, veulse dich verlaote,
zukse nao dien leef.

Hei, wilse met mich mei gaon, same nao de maon gaon,
same nao ós fees.

Hei, zuusse ós ouk vreeje, zoe wie lang geleeje,
gaef mich al dien leefde.

Weej same, wie twieë jóng verleefde.
Weej same, noeëts mièr oèt elkaar.
Weej same, zoe wie lang geleeje.
Weej same, heej same.
Weej same, veur altièd beej elkaar.

Hei, woelse met mich vreeje, zoe wie lang geleeje,
'k gaef dich al mien leefde.

Weej same.


HOME PLAATSNAMENOVERZICHTHOME


WEEJ STAON D'R GEKLEURD OP
2004/2005: Tekst & muziek: Herman Detillon

Weej staon d'r gekleurd op,
't gans jaor vastelaovend in de kop
't deurt tot ôzze spiet ,
te kort dae schoene tied
de stumming kump d'r in,
idderein haet gooije zin
weej staon d'r gekleurd op,
de vastelaovend weurt weer top

't is tôch neet normaal,now kiek dae ganse zaal
dae is weer gans versiert,met slingers en balônne
alles hingk moei op ein riëj, idder jaor is det opniëj
d'n iërste pries ,dae det weer haet verzônne

jao,kiek nog maar ens rônd,is det neet hiel moei bônd
en auk zoeë schoeën van kleur,vind geej det auk neet prachtig
jao zoeë is det idder jaor,net op tieëd is 't dan klaor
't is weer zoeë wiet,sjapoo det sprik toch veur zich.


HOME PLAATSNAMENOVERZICHTHOME


WEEJ WAERE HONDERD JAOR
1993 nr.2 : Wäörd en meziëk: Peter van de Akker
Gezônge: Theo Sturme & Mary Verhaag

Neemus van ôs twië goëit 't biélke oëits d'r zoë beej neer.
Want weej zien van 't alde stiélke, weej twië zien zoë tei wie laer ...

Refrein:
Weej waere hônderd jaor, meschiens waal alder,
en bliéve mônter en gezônd.
Al zien weej hônderd jaor of nog waat alder,
dan fiete weej nog loestig rônd.
Weej weite good wao det aan leet,
want ônkroéd vergeit neet.
Ein rimpelke heej en ein kreijepuëtje dao,
wae kiek dao dan nog nao ?
Weej waere hônderd jaor, meschiens waal alder,
en bliéve mônter en gezônd.
Al zien weej hônderd jaor of nog waat alder,
dan fiete weej nog loestig rônd.

Kiék ôs miechele, jao weej lekke os de vingers aaf.
Daonao stiefele weej wie gekke det vetläögske d'r aaf ...

Strakkes zien weej beslis nog wiézer as weej noow al zien.
En waat zeker is: auk griézer, maar det duit neemus pien ...


HOME PLAATSNAMENOVERZICHTHOME


WEEJ WINNE VAN ALLES EN IDDEREIN
Tekst: ? - muziek: ?
Zang (*) : Blaauw


Dich kins dich neet verberge, ik zal dich altièd zeen.
Dich kins mich niks verzwiège, 'kweit altièd waat se zaes.

Want in mien hert heb ik ein plaetske, spesjaal veur dich ingerich,
wao weej alles kinne belaeve en altièd same kinne zien.
Jao, same kinne zien.

Met dich bedwing ik berge en d'n allerdeepste zieë.
In vergelièk zien weej de dwerge, toch zulle weej de groeëtste zien.

Jao, weej zulle alles winne, van alles en idderein.
Laot ut storme, laot ut raegene, weej bliève op de bein.
Weej bliève op de bein !

Refrein:
Soms velt ut laeve dich taege,
en geit neet alles waat se wils persiès nao diene wins.
Hald de mood, ut kump waal good, ik bin doeën beej dich.

Kóm pak mien hand, en veul det ik utzelfde bin, van binne-in.
Want weej hebbe de kleure in ós hert, weej hebbe de kleure in ós blood.

Weej winne van alles en idderein ...

* cd : Blaauw - "Eine zomer met dich"


HOME PLAATSNAMENOVERZICHTHOME


WEEJ ZIEN EIN VENLOSE BAND
2008: Tekst: Giel Dekkers & Mark Saris - melodie: 'We are an American band' (Grand Funk Railroad)
Zang: Neet Um aan te Huùre

Dreej daag op tour, van d'n Bookend wies Bree
Zelfs bezeukers die betale, waat ein idee
Oeijts speulde weej , veur allein 'n fles wien
De kins waal merke, wie ruig weej noow zien

Ganse nach op, met Thei en Marij
Veldboeketjes, en mier van det greij
Fristi al op, veurdet 't begint
Zoeëlang as weej maar thoes zien veurdet pap ós vind

Weej zien ein Venlose bend
Weej kómme nao óg stad
Weej speulealles plat
Weej zien ein Venlose bend

Veer jong vrouwluuj, oét 't Bölteven
Leek 't waal ruig te toure met 'n bend
Ze vrooge: 'Astebleef, meuge weej met óg mei?'
Dus achterop de fiets, waat eur mooder ouk zei

Weej woele fiëste, wies 's morges vruug
Maar rond 11 oor 11 waare weej al te muug
Ouk ós maedjes, die meuste nao hoes
En toen we vrooge waorum: ze meuste morge nao schoeël!

* cd 2008: Neet Um aan te Huùre - "Projec Zurtitrie – Zoèpkoel truuk!"


HOME PLAATSNAMENOVERZICHTHOME


WEEJ ZIEN EIN WÔNDER
1994 nr.3 : Tekst: Wiel Hermans - meziék: Wim Roeffen
Gezônge: Joke Theewen & Wiel Vestjens

In 't paradiés, hiël lang geleeje, hebbe ze de minse oétgedach.
Daorum is noow idderein tevreeje, kiék maar ens, aan alles is gedach.
Adam haet zien rubke aafgegaeve, Eva zag : " Och jông bedank.
Ens gegaeve blief gegaeve, bliéf beej mich mien laeve langk ".

Refrein:
Weej zien ein wônder, gèn wônder, jao, kiék ôs maar ens aan.
Zoë schoën gewasse, de's klasse, mit alles d'rop en d'raan.
Weej zien ein wônder, gèn wônder, want weej zien good gelök.
Uig ôs ens greuje en bleuje, ein wônder stök veur stök.

Minsekinder waat zien weej biezônder, minse waat zien weej toch good geslaag.
Baove köpke köpke, baom van ônder, idderein kump praoper veur d'n daag.
Kiék ens weej zien good bedeild gewaore, kiék ens weej zien good bedach.
Op de juuste plaats gebaore, dao is euver naogedach.

Idder mins op zich, det is ein plaetje, degelik verzörg zoë wuuert bewaerd.
Of 't noow ein jungske is of maedje, weej zien toch 't schoënste op dees aerd.
Minse groët of klein, in alle maote, hebbe alles naovenant.
Huuer ôs maar ens zingend praote, minseleef waat zien weej kwant.


HOME PLAATSNAMENOVERZICHTHOME


WEEJ ZIEN NOG AL GEK
Wäörd en meziek : Frans Boermans & Thuur Luxembourg
Zang (*) : Hay Crompvoets

Merie had gisteraovend weer 't krenske op bezeuk.
En wie de fles op taofel kwam, toen woord 't toch zoë leuk.
En beej de worstebruëdjes kwaam 't leech al aan de lôch,
Toen zag Merie: "Ik goëi ôg d'r oët 't is mich laat genôg".
Dao reep det maagdekoër: " Det wuërd waal einen toër ! ".

Refrein:
Weej zien nog al gek ! Weej zien nog al gek !
Ze kriëge ôs heej neet vandaan, nog neet met eine stek !
Weej zien nog al gek! Weej zien nog al gek !
Kôm goëi d'r nog wat taegenaan, want geld is toch maar drek.
En wae haet oëts 't zoë good gehad, van alles zat, veur eder wat!
En wae neet blief, det dae maar vertrek, maar weej zitte vasgeplek.
Weej zien nog al gek! Weej zien nog al gek !
Ze kriëge ôs heej neet vandaan, nog neet met eine stek !

D'r waas al weer ens boenje in de kamer in d'n Haag,
dao kwame d'r weer zeve mit ein motie veur d'n daag.
Ze hadde euren boëk al vol van dae ministerraod,
en zagte: "Zit det ganse stel sebiet nog op de straot".
Maar 't hiële kabinet det reep: "As geej maar wet".

Lewie en Jaer en Sjaekske hadde weer ens wat gedaon,
toen zien ze veur ein waekske moëi 't kotje in gegaon.
En wie d'n tiëd verstreke waas toen sprook d'n direkteur:
"Nôw zult ge toch waal bliej zien, det ik ôg nao hoës toe steur."
Toen zagte dao die dreej: "Zek luuster nôw ens heej".

* lp (1976/1977) : " Vastelaovend same " - Discofoon LP 11.11.76
cd : " Zónne Vastelaovend "


HOME PLAATSNAMENOVERZICHTHOME


WEEJ ZIEN ÔNDERWAEG
2005/2006: Tekst: ? - muziek: ?
Zang (*) : W-Dreej

Refrein:
Heej in ôs limburgs land
Wuurt ut noow interressant
Stumming hingk in de lôch
Weej zien weer ônderwaeg naor ôg
Limburgers heej beejein
Veule zich same ein
Heb geej nao ôs gezôch?
Weej zien ônderwaeg nao ôg

ônderwaeg nao ôg! Heej!

Limburgse minse,die wille zich vermake
"laot ôs maar lache",det schriewe zeej dan van de dake
En kiékse kiéke,dao staon ze dan te straole
Klaor um te feeste?Dan kômme weej ôg haole!

Limburgse minse die zien in alle staote,
As d'r gegreek wuurt van Mook wies in Margraote
Maar klinke toënevan dit,zôn joeksig leedje
Dan zien W-Dreej d'r,det is veur ôg ein weetje!

Limburgse minse det zien waal chauviniste
Halde van Limburg en laote zich neet kiste
Weej staon heej tösse ôs vrinde en bekinde
En zulle same ôs limburgs hert weer vinde!

* cd 2006 : W-Dreej - "W-Dreej ônderwag"


HOME PLAATSNAMENOVERZICHTHOME


WEERMAN SERVEE
19??: Tekst & muziek: Frans Pollux
Zang (*) : Neet Oet Lottum

Hae zit strak in ut pak, zien sliepse hebbe stiel.
Zien hand die wieze leef'lik nao ut bord.
De wermte det zien nummerkes, de wind is enne piel.
Met um is idder weerberich te kort.

Zien kopke dreijt beej idder waord, en ik dreij altied mei.
De zaachte G glied lanksaam door zien tand.
Hae zuut d'r Limburgs oet, op zondaag paot-e prei,
ein boeremorf en groete boerehand.

Erwin Krol vrees veur zien baan,
want Servee dae kump d'r aan.

Hae bringk ut zonke op de stoep,
want hae is weerman van beroep.
Joechee joechee, Servee.
Hae wet percies wie hard ut weijt,
en of ut morge snieje geit.
Holladiejee, det is Servee.
Ik kin um neet misse dae golde lach,
dus ik kiek de gansen daag allein herhaoling op TV-8.
Hae bringk ut zonke op de stoep,
want hae is weerman van beroep.
Joechee joechee, Servee.
Hae wet percies wie hard ut weijt,
en of ut morge snieje geit.
Holladiejee, det is Servee.

Zien stum die is zoe leef, zelfs raege klink as zon.
Ut is asof depressies motte wieke.
Hae vluug de gansen daag in ziene weerbellon,
um wolke van baove te bekieke.

Hae kiek met schaopkesauge verbaas de wereld in,
en waat-e dink, det blief veur os verborge.
Maar gans zien weerman-hert det leet-e in de zin :
" Det waas ut weer dan weer, tot morge ".

* cd 1998 : Neet oét Lottum - "Flaai"


HOME PLAATSNAMENOVERZICHTHOME


WEGELEEDJE
1980: Teks en muziek: Funs van Grinsven
Oet de Revu (*) : "Waat ennen tiëd"

Mientje.
Mien kiendje.
Gelök ôs gebrach.
Uigkes, twië glinstrende lichjes.
Brabbel-geluudjes.
Dien kreijende lach.
Herte-ôntreurend, zoë fien.
Mientje.
Zoë innig bemind.
Wölkskes van zörg.
Waere blieje gezichtjes.
Och blief babbel-Mientje.
Os straolende kind.
Altiéd zô'n zunneke zien !

* lp : " Waat ennen tiëd " - Discofoon 11080 - VR 21527


HOME PLAATSNAMENOVERZICHTHOME

WELKOM BEEJ 'T PRINSEKRUUTS
1996: Tekst: Frans Boermans - muziek: Wim Roeffen

D'n allergrutste wins, dae-ste dich maar dinke kins,
det is veur enne mins oëts gevierd te zien as prins.
En now, veur deze kiër, kump die hoëge iër,
aan deze moëien hier, waat wilt dae nog mier ?

Refrein:
Gaef ach, gaef ach en bring saluut, salvè ôzze nieje prins.
Bin welkom beej ut Prinsekruuts, wetste waal waaste begins ?
Weej raoje dich, wie weej heej staon: bors veuroet en goëi dich d'rin.
Strakkes neems-te aafscheid met ein traon, want dan môste gaon, dan is 't gedaon.
Maar dan drage weej dich, bliej van zin, ôzze prinsenhemel in.

De kriegs ein moëie taak, gen gemekkelikke zaak.
Maar deze jonge snaak, och, dae lök det met gemaak.
En now en dan ein glaeske, det steit dich vreej.
De hilds d'r dan gewoën maar dien köpke beej.

J.Theelen CD 7176


HOME PLAATSNAMENOVERZICHTHOME


WENGSKE AAN WENGSKE
1999: Tekst & muziek: Gubbels, Verdellen & Driessen
Gezônge 1 (*) : Marcel Verdellen
Gezônge 2 (**) : De Vrijbuiters

Wie ik nog op schoël zoot, waas doa ens per jaor ein bal.
Soms ging ik dao neet nao toe, maar meistal ging ik wal.
Toen ik dao d'n allerletste kiër heb meigedaon,
bin ik met ein maedje nao 'n perkske toe gegaon.

Refrein:
Wengske aan wengske, saamen op 'n bengske, in de golde maoneschien.
Vlak beej dae viever, zoote weej vol iever, met mekaar ein paar te zien.
"Maedjeleef, now luuster", zag ik in d'n duuster,
"De kins mich dao aan halde, wat ik now verklaor.
As mich is gegaeve, dan te meuge laeve,
zal ik nog van dich halde euver vieftig jaor."

Verleef, verloof, getrouwd en auk al kinder um os haer.
Die bringe os wal zörreg, mar och, wat hebbe weej ze gaer.
En achter in d'n haof, dao steit ein bengske in ut graas.
Dao druime weej geregeld wie ut beej dae viever waas.

Aiaiaiaiai

As ik met mien leef in un bejaardehuuske woën,
en de golde broelof kump, dan wuurd ut toch zoë schoën.
Laot ut, zaet mien vruike dan, nog ens wie vruuger zien,
zing nog ens det leedje van dae golde maoneschien.

* cd 1999 : Marcel Verdellen - "Ik hald van vandaag" - Marlstone Recordings bv
** cd : De Vrijbuiters " De Vrijbuiters (met zang van Ben Verdellen) " - Onger Ôs - CD 7187


HOME PLAATSNAMENOVERZICHTHOME


WERME WIND
1999: Tekst & muziek: Leon Giesen & Bart Wilmsen
Zang (*) : &Juliëtte

Hae kump van 't park, wao gen blaad bewoog.
Neave d'n hond, dae dao te slaope loog.
Slaope loog.

Hae speult met 't haor, van de jónge vrouw.
Blaajert in 'n book, bewuuëg hièl stil 'n touw.
Bewuuëg 'n touw.

Refrein:
Wao geit hae haer, dae werme wind.
Hae kump van vaer, dae werme wind.
Dae werme wind, hae geit nog vaer.
Dae werme wind wao geit hae haer.

Hae kump door 't raam, det wièd aope steit.
Róndum de vreejers, en de parels zweit.
Parels zweit.

Weg van de stad, verder door 't land.
Hoeëger in de lóch.........
Hae rimpelt noow de zieë, goeëjt dao met ut zand.
Maar hae is noow weg, en det is erg genóg.
Erg genóg.

* cd 1999 : &Juliëtte - "&Juliëtte" - Ben Verdellen Produkties


HOME PLAATSNAMENOVERZICHTHOME

DE WET VAN JOCUS HAAN
1995: Tekst & muziek: Jocus Dreejspan: Wim Roeffen, M. Receveur & C. vd Vorst

Waeke van teveure, de huërs 't euveral,
eder meint te weite, det dae 't waere zal.
Maar now, is 't leuke, d'r is neemus dae 't wit.
Tjiengtera, tjiengtera, wit ge wie det zit ?

Refrein:
Eeder jaor waer wuërt ein joeksig stel gekaoze,
as ut Dreejspan van ut jaor.
Van d'n hoëgsten toren wuërt ter dan geblaoze,
en det velt eur gaar neet zwaor.
Jao, die zoele weej waal jaore wille halde,
maar de wet van Jocus Haan,
zaet det "Jôngen Aom Miër Waert Is Dan 'nen Alde",
daorum maake zeej waer baan.

Gaon we naor d'n optoch, dan trekke zeej veurbeej.
staon naor ôs te winke en drinke, net wie weej,
op de Venlonaere en auk op dae joechei.
Tjiengtera, tjiengtera, doot nog maar ens mei:

Dreej daag oét eur laeve, dan zien ze heej d'n baas,
dinke jaore later nog truuk aan wie 't waas.
Idder jaor 'n ander, dan kriege we d'r miër.
Tjiengtera, tjiengtera, hup, nog eine kiër:


HOME PLAATSNAMENOVERZICHTHOME


WIE EINE ZOMER
Tekst: Ad Pollux - muziek: Giel Aerts
Zang (*) : Hannelore Winter

As de kalenderblaedjes valle nao d'n intree van 't jaor,
kump ut langsaam in bewaeging, want dan mot waer alles klaor.
En weej telle zoëvuuël waeke, zoëvuuël daag en zoëvuuël oor,
en dan brik veur ós det zunke alwaer door.

Refrein:
Wie eine korte, heite zomer in enne ozeligen tièd,
zoeë is ózze vastelaovend en dae wille weej neet kwièt.
Efkes det zunke op dien snuutje, wie ein kösmuulke op de wang.
Jao, wao andere nog van druime och det hebbe weej al lang.

Groeëte, kleine, jonge, alde alle minse op de bein,
wn weej make mit ós same enne bonte onderein.
En maar gruùzele en lache, wie det jaore is gedaon,
wie ós vruuger pap en mam zien veurgegaon.

* 1983 : "Laot gaon dae wage" - discofoon


HOME PLAATSNAMENOVERZICHTHOME


WIE GEIT 'T GEIT?
2003/2004: Tekst: Nol Wassen - muziek: Wim Roeffen
Zang (*) : Kammeräödjes

Refrein:
Wie geit 't geit? Wie geit 't geit?
'Och' zag de geit: ' 't geit, 't geit,
't Velt neet mei, ik weit 't,
maar asse d'n boek môs gluive, geit 't '
Wie geit 't geit? Wie geit 't geit?
'Och' zag de geit: ' 't geit, 't geit '
Ik zag: 'Ik weit bescheid'
En noow veuroét maar met de geit.

Ik leep ens met de kinder beej de kinderboerderie
Gen kiep miër te bekinne, waal zes geite op ein rie,
Ik floot ens op mien vingers en reep: 'Kôm ens nao de draod'
Toen heb ik efkes met zô'n biës gepraot.
Iërs zag die geit allein maar: 'Mek, mek, mek'
Maar toen begôs ut vôlgende gesprek:

'Zek geit' zag ik 'ik vind des dich ein riëk verleeje haes
Um des dich lang de koe van erme minse bis gewaes.
Dich zörgsde veur ut vleis en veur de melk en veur de kiës.
Ik vônd en vind dich ein biezônder biës.
Dus vroog ik in ein hiël bezörgde buuj
Wie geit 't met die koe van erme luuj'

D'n bekker dae mak mik en krieg dae neemus door de nek
Dan geit hae met d'n hiële mik mak nao de mek mek mek,
Dus van ein bietje graas en van ein sneetje alde mik
Krieg ik en mien femilie eine sik.
Ik zag: 'Ik vônd dich iërs ein flinke meid'
Noow vind ik dich ein straotverwinde geit:

* cd 2004 : Diverse artiesten - "Van Eijsde tot de Mookerhei 11" - Marlstone Recordings bv CDL2401


HOME PLAATSNAMENOVERZICHTHOME


WIE IK BIN
Tekst: Fred v.d. Bogaard - muziek: René Oostdam
Zang (*) : Neutjesrang & Band

Ik heb sôms van die daag
det ik dink “waat doon ik heej?”
Dan laup ik idderein
maar veural mich zelf veurbeej
Vergaet ik de verjäördaag en
d’n trouwdaag van mien vrouw
Terwiel ik weit beej vrouwe
kump det hiél erg nauw

Wie kôs mich det noow weer gebeure
't Leep weer hielemaol verkiérd
Kreeg weer ens flink de wind van veure
Ik heb mien lesje weer geliérd
Want ik woel neet inzeen det neet zoé maar alles kin
De wits toch waal wie ik bin

't Is net de kuns det ik heej weer neet aafgaon
en dan as kluns beej idderein bekind staon
Want asse stunts…en dan weer good veur paol steis
dan wuurse roëd, dan kruupse weg en waasse lever doëd.

Ik waas aan 't moppetappe
jao ik tapde enne mop
Ik zag nog taege idderein
noow kump de kloe, let op
De ganse kroeg woord röstig
't woord muuskestil
Ik zag: "toen zag hae taege um..
nae wach ..het zag ..uuuh of waas ‘t andersum?

* cd 2001 : Neutjesrang & Band - " Éine waeg " - Marlstone CD 2117


HOME PLAATSNAMENOVERZICHTHOME


WIE SJOON OOS LIMBURG IS
1949: Tekst: Harry Bordon - muziek: ?
Zang 1 : Frits Rademacher
Zang 2 : Frits Rademacher
Zang 3 (*) : Klumkes Blumkes

Es de klanke van de aovendklok weer jubelend es muziek
euver ós Limburgs lendje gaon, dan veule veer ós riek,
en door de aovendzón besjtraold kniele kinjer veur 't kruus
dat-s te allein in Limburg nog langs elke zandjwaeg zuus

Refrein:
Wie sjoeën ós Limburg is, begrip toch nemes
allein de zuderling dae Limburg leef is,
want door de jaore heen blif Limburg ónbetwis
't stökske Nederland dat 't sjoeënsten is,
want door de jaore heen blif Limburg ónbetwis
't stökske Nederland dat 't sjoeënsten is.

Es ein zil'vrig lintjen is de Maas door berg en bosj ómzuimp
wo elke zuderling dae in de vraemden is van druimp,
want velt 't laeve soms neet mit, en zeuks te nao get gelök,
blief aeven in gedachte sjtaon en dink aan Limburg trök.

En dan 't baekske wo ich nog as jóng get vèsjkes vange góng,
mar wo ich wie ich awwer wórt nog dèk te druime sjtóng.
't Zien zoeë die plekskes oet 'n jeugd wo jederein van druimp.
't Is jus as of dat baekske noe hieël stil vertelle deit:

* cd: Klumkes Blumkes - "Kom-kom" - Ónger Ós CD 7235


HOME PLAATSNAMENOVERZICHTHOME


WIE WET DET DET ?
2002/2003: Tekst: ? - muziek: ?
Zang: Peter Jansen & Wim Janssen

Veur jaore truuk trof ik de waore.
Ik dach, det is ’t gans veur mich.
Maar juus wie ik mich woel verklaore,
zag het metein, ik auk van dich:

Refrein:
Wie wet det det? Wie wet det det?
Dao heb ik gaar niks van gezag,
Wie wet det det? Wie wet det det?
Det had ik zelf pas net gedach.
Jao, miene leeve is dreej maol zeeve,
of steit ’t op miene kop geschreve?
Det geit mich ech baove mien pet.
Wie wet det det? Wie wet det det?

Det kind haet alles in de gater.
Wil ik sôms op de lappe gaon,
weur ik zeg: weej gaon op de klater,
haet het de jas al aangedaon.

Wie slum det is, zal ik ôch zegge.
Kôm ik laat thoës beej miene schat,
wet det mich haorfiën oët te legge,
wievuul det ik d’r heb gehad.


HOME PLAATSNAMENOVERZICHTHOME


WIE ZOEL 'T THOES ZIEN ?
2002/2003: Tekst: Frans Boermans - muziek: Wim Roeffen
Zang (*) : Kammeräödjes

Ik hald neet van gemekker, maar ja, d'r kwaelt mich wat.
Det zit mich gaar neet lekker, jao, ik heb zörreg zat.
Det blief mich koejenere, det drök mich toch zoë ziër.
Ik blief ‘nt prakkezere, en dink maar kiër op kiër:

Refrein:
Wie zoel 't thoes zien ? Wie zoel 't thoes zien ?
Dao zal toch neet ederein van hoes zien ?
Wae luët now d'n hônd oet, wae voort now de kat ?
En jummich, haet 't knaerieke al waeterke gehad ?
Wae kiek d'r nao de kiepe en de knien ?
Wie zoel 't thoes, wie zoel 't thoes toch zien ?

D'n optoch waas 'nt trekke, toen zoog ik al van vaer.
Dao kwaam mich toch verdekke, mien hiël femilie haer.
Ôs Ciska en ôs Cielke, en Mam met ôzze Pap,
en Everaat met Wielke, maar waat ik now neet snap:

Zek is d'r gennen eine, dae efkes dink aan thoes ?
Die môtte now neet meine, d'n deze geit nao hoes.
En zeej maar laupe, springe, nao edere kefee.
En huer ens waat die zinge, dao kan ik now neet beej:

* cd 2003 : Diverse artiesten - "Van Eijsde tot de Mookerhei 10" - Marlstone Recordings bv CDL2301


HOME PLAATSNAMENOVERZICHTHOME


WIED IS DE WAEG
Tekst: Frans Boermans - muziek: Jan Theelen
Uit de revue 'Stel og ens veur'

Wiëd is de waeg en wao is ‘t ind.
Flujas wao bringste ôs haer?
Wiës ôs de plaats, wao ôs toekôms begint.
Flujas waat gaon we toch vaer.
‘t Is al zoë laat, weej woele waat röste.
Unne sloek gerstenaat dae zoele weej löste.
Wiëd is de waeg en wao is ‘t ind.
Weej sjouwe maar wiejer door waer en door wind.


HOME PLAATSNAMENOVERZICHTHOME


WIEL EN HAY FENCLUP-LEED
(Fenklupleed veur de Wiel Vestjens & Hay Crompvoets Fenklup)
2000: Wäörd & meziék: Wim Roeffen

Idderein dae zaet, dae d'r verstand van haet:
Ut zien twiej korrifeeje.
Idder dörp of stad haet eur in hoes gehad,
en gluif maar det zeej hiël good zien geleeje.
Twiej vrinde ônderein,
geej wet waal wae ik mein.

Refrein:
Weej zien de fens van Hay en Wiel,
umdet weej halde van dae stiel.
Want as zeej örges zien, dan let maar op,
dan steit de zaak zoë op de kop.
D'n hiële bubs geit oet zien daak,
maar och, det kin dan met gemaak.
Zoëlang as Hay en Wiel, maar blieve gaon,
zal die zaak op zien daak blieve staon..
Zoëlang as Hay en Wiel, maar blieve gaon,
zal die zaak op zien daak blieve staon..

Huer waat ein geweld, is det neet ônversteld,
wie die eur leedjes bringe ?
Heb ik ut neet good, of kump det door daen hood,
det zeej de sterre oet d'n hemel zinge ?
Dao kump d'r weer ein haer.
Kôm op, dao gaon we weer.

Wao det det aan leet, weit ik nog altiëd neet,
det is now net ut stômme.
As ik eur zoë zeen, dan gaon ik door de kneen,
dan zal d'r van nao hoes gaon niks miër kômme.
Maar daoveur bisse fen,
allein al veur die jen ...


HOME PLAATSNAMENOVERZICHTHOME


WIEL HALT 'T KIND VAS !
vòòr 1940 : Waörd: Erac - muziek: R. Schweitzer

Bej Wielke kwaam in ach jaor tiëd, ach kier den ojevaar,
en Wielke waas dus eeder jaor geregeld de sigaar.
Ut jôngste kind, 't waas eine jông, dae böökde daag en nacht,
dae haet mit zien verdreid gejank al hiël wat leid gebracht.
Veural des nachs nao twellef oor, begôs weer det geböök,
en Wielke dach: waal sapperloët dao bin ik mit verneuk !
Want eeder nach, dezelfden tiëd, zoë tösse twië en dréj,
woord Wiel oët ziene slaop gewek, dan reep zien vrouw: kom héj …

Kreeg 't kind d'r achter veur, dan woord de herrie nog verhuëg.
Ein buurvrouw wis hiël pertinent- den hengel leet neet druëg.
De naoste buurman van 't gezin waas raozend wie ein koe,
dae hoofde genne wekker miër. dae déej gen aug miër toe.
"Zek Wiel", zag hae, "as tich nog op gój buure bis gesteld,
dan zorg det dea kwaojông van dich, zien moel wat baeter helt !
Det bööke hink de kael mich oet, ut is mich haos genôg,
Ik heb verdorie waeke lank, gen rus mier in den bôch."

Refrein:
Wiel, huur ens wat ik zek, en doot det ouk direk:
Och Wiel, halt dich detkind ens vas, dae jông is auk van dich.
Waat haet me mit daen aap toch las, houw um op zien gezich.
't Is mit de rös in hoës gedaon, waat dae trômpette kan.
As det nog langer zoë môt gaon waer ik nog gek d'r van.


HOME PLAATSNAMENOVERZICHTHOME


DE WIEN DOOR DEJAORE HAER
Tekst: Annelies Holtman - muziek: Stef Kupers
Zang: Els Bakker & Peter Wilders

Refrein:
de Wien door de jaore haer
Heej veul ik mich thòes
Dao bin ich jaore lang al kind aan hòes
De Wien door de jaore haer
As ik dit bekièk
Veul ik mich heej zoeë rièk

Ik höf met óg ’t glaas
Op alles waat ens waas
En waat nog kómme geit
Zoeëlang de Wien besteit

Hièl lang geleeje toen is ’t begós
Kièk ens waat noow is gewaore van ós
Ein jubileum eej ós in de Wien
Weej zien zoeë bliej det weej Wienbölkes zien

Laot hièl vuuël jaore de Wien nog bestaon
As weej op deze voot zoeë vaerder gaon
Det mót toch kinne as ik dit heej zeen
Met ózze inzet is det gen probleem


HOME PLAATSNAMENOVERZICHTHOME


WIEN, IK HALD VAN DICH
1984 nr.1: Tekst & muziek: Henk v.Hoften
Zang (*) : Henk van Hoften

Refrein:
Wien, Wien, ik bin van dich gaon halde.
Wien, Wien, Wien ik hald van dich.
Wien, Wien, ik bin van dich gaon halde,
Toën mich dien gezich.
De Leutherwaeg, de Maagdenberg, 't kefeeke op den hook.
En as ik daor aan dink, waat is 't laeve dan toch good.
Wien, Wien, ik bin van dich gaon halde.
Wien, Wien, Wien ik hald van dich.

Och, laupe weej door Venlo ens te kiêke,
de Lômstraot, Vleisstraot, Klaosstraot op en neer,
dan zal 't toch veur idderein waal blieke,
ôs Venlo is ôs Vendelo neet miër.
Maar toch, ein stök, det wil ik gaer verklaore,
det stök, det haet ein plaetske in mien hert.
Al bin ik dao dan auk neet zelf gebaore,
geej wet direk waoreuver ik 't heb.

De Wien, die geit veur mich toch noëts verlaore.
De Wien, die is veur mich 't meiste waerd.
Ik zoel det 'stök gelök' neet wille ruule,
veur alles waat 't guf op Mooder Aerd.
Maar ens, dan môt ik mich heejbaove melde,
heejbaove netjes zegge wae ik bin.
Dan haop ik, det ik tösse al die ingelkes,
met Piëtrus same effe zinge kin.

* lp (1984) : Jocus - " Laot gaon dae wage" - Discofoon 11.11.83
* cd 2000 : Vastelaovesvereiniging De Wien - "Jubileum-verzamel-cd 3x11jaor" - STEMRA CCP 996


HOME PLAATSNAMENOVERZICHTHOME


WIES DE VOLGENDE WAEK
Tekst & muziek: Frans Pollux
Zang (*) : Neet oét Lottum

De duuster van de vuuël te vruuëge morge,
Is ein geeltje minder waerd dan euver daag
Nog ein pilske veur de kammereuj dan gaon we,
Zelfs Herman haet al beer zat in de maag

En de letste plaat van Fred is aafgelaupe
Hae haet weer dreej keteerkes langer doorgedreid
We meuste um maar ens ein niej horloge kaupe
Maar dan waal ein det minstes twië oor achtersteid

Refrein:
't Waar weer tôf vannach, ik heb weer idderein gezeen
Aardig waat geklep, doorgezak wies op de kneen
't Waar sjiek vannach en as ik miene nek neet braek
Op waeg nao hoës, wies de volgende waek

De duuster van de vuuël te vruuëge morge,
Zuuëste mier bekinde luuj as euver daag
D'n eine zat, d'n andere neet, dae zit verborge
Ônder de doëm van zien vriendin, dae is geslaag

Die van de dörpe stappe lekker in de taxi
Maar de meiste klumme blauw op eure fiets
En op mien vraog: meug ik 'n lif kump gen reactie
Terwijlse bergaaf met twië man toch harder fiets

De duuster van de vuuël te vruuëge morge,
Zeen ik dich inens, de fiets nog in de hand
Um ein lif hoof ik vanaovend neet vraoge
De bis door glaas gefiets, kepot is dienen band

We laupe same naeve ein 't stök nao hoës toe
Det 't kald is met dien vingers in mien hand
Maar we haole nog gen tiën minute laupe
Maar noow al hônderd, dus God bedank veur dienen band

* cd : Diverse artiesten - "Alles in ein buuëtje"


HOME PLAATSNAMENOVERZICHTHOME


WIES HEEJ
2006/2007 nr.3 : Tekst & muziek: Wim Janssen & Peter Jansen
Zang: Wim Janssen & Peter Jansen

Op Hollanders môsse good lette
Dees daag beej de Noorderpaort
Dao make weej hiel korte mette
En gebroëke allein dit waord:

Wies heej, wies heej, wies heej,
Wiejer geit ‘t neet,
Waorum weit ik neet,
Wies heej, wies heej, wies heej
Dao kin hielemaol niks miër beej
Dan help auk gen bäöke of kwaake
Det is en det blief eine strop
D’r velt ech neet miër van te make
Wies heej, dan helt ‘t op
wies heej, dan helt ‘t op.

Niej kleier gaon kaupe, de’s klasse,
Dan kroëp ik zô´n hökske in,
En staon ik die bôks aan te passe
Vruëg de juffrouw wie wiéd ik bin

Dae Venlaup, dae veel mich neet taege,
Maar tiën maeter veur de streep,
Kôs ik mich gaar nimmer bewaege,
Idderein dae ‘t zoog, dae reep:


HOME PLAATSNAMENOVERZICHTHOME


DE WIETS VAN DE FIETS
1991 nr.1 : Tekst: Frans Boermans - meziék: Wim Roeffen
Gezônge: Hay Cromvoets & Wiel Vestjens

"Geiste mei nao Kaevelaer ?", vroog mien tante Mie.
Iërlik waor det doon ik gaer, maar ik wis neet wiej.
Want ik kin gen auto rieje en det liër ik in gen tieje.
En d'r geit nao Kaevelaer gen vleegmesjien.
Geej zoelt zegge, met de fiets det geit meschien.

Refrein:
En det is nôw net de wiets, ik had enne nieje fiets.
Nôw kan ik weer gaon stiefele, ze hebb'n-um gestriets.
Mien Mam zag: "Gen gedônder, dan duiste 't maar zônder".
En det is nôw de wiets, wie fiets ik zônder fiets.
La la la la la la (4x)

Loupe vind ik niks gedaon, want det kos maar schoon.
En um met de reip te gaon, det waas ouk gen doon.
Boemeltreine nae die zien d'r gen miër aan de Kölleminder.
Tante Mie vônd det ein dudelikke zaak,
met ôs twieëje same op eur ald schabraak.

Tante Mie zag: "Spring nôw maar achterop beej mich
Ik zal sture, nogal klaar, trappe det duis dich".
Ederein zal nôw waal snappe, det ik mich de miës meus trappe.
Tante Mie haet zônne dieke derrejaer,
ik heb gaar niks kinne zeen wies Kaevelaer.


HOME PLAATSNAMENOVERZICHTHOME


DE WIEZERPLAAT
Tekst & muziek: ?
Zang (*) : Marcel Verdellen

Refrein:

* cd (1999) : - "Ik hald van vandaag" - Marlstone Recordings bv


HOME PLAATSNAMENOVERZICHTHOME


DE WIEZERPLAAT
2001/2002 : Tekst & muziek: Ben Verdellen
Zang (*) : Bér Haagmans

Refrein:

* cd 2002 : Diverse artiesten - "Van Eijsde tot de Mookerhei 9" - Marlstone Recordings bv CDL2201


HOME PLAATSNAMENOVERZICHTHOME


UT WINKELKE VAN SIEM
1979: Tekst & muziek: Gé van Beek

Ik zeen det winkelke weer veur mich,
Beej de Minderbroederskerk,
’n vruiwke waas dao altied bezig,
Och waat haet det mins gewerk,….
‘nne cent dae had dao waerde,
Wie dae nörges waerd mier had,
Ut waas ut beste mins op aerde,
Maar och wat woort dao dök gejat…..

Refrein:
Siem,Siem,Siem,
Dien babbelaers veur 'nne cent,
Siem,Siem,Siem,
waat waas dich mit weinig content,
Siem, Siem,Siem,
dien snoep woort bespronge as proei,
Siem,Siem, och Siem,
Waat waas toch dien winkelke moei…..

Ik ruuk det winkelke zien luchje,
Vóch vermingk met joede-vet,
Ik huur nog altied Siem zien kuchje,
Ik zeen det haor nog met det net…
Fillemsterre beej de kauwgum,
Zeut holt oet die glazere kómp,
Mien ganse zondaagsgeld bleef beej um,
Siem det werkde zich dao krómp…..


HOME PLAATSNAMENOVERZICHTHOME


WIS GEEJ DET NEET ?
1991 nr.3 : Tekst: Frans Boermans - meziék: Giel Aerts
Gezônge: Joke Theeuwen & Wiel Vestjens

Minse, velt ôg waat taege, laot dan al det geklaag.
Wie zwaor de zörg ouk waege, lach en plök d'n daag.

Refrein:
Wis geej det neet ? Weej laeve toch maar eine kiër.
Wis geej det neet ? Waat einmaol waas det kump noëts miër.
't Laeve is kort en we kriëge gennen daag kedo.
Wis geej det neet? Dan weit geej 't nôw.
En daorum:
Haole we nog ens alles öet dae kas,
en nôw wuurd doorgedouwd en op die kis gehouwd.
Laeve lekker dreej daag veur de spas.
Hald ôch maar vas aan ôzze jas.

Griëp nôw neet nao de sterre, graaj neet zoëvuul maar kan.
Bliëf toch neet aan 't scherre, maak d'r gen pötje van.

Brach ôg 't lot successe, vuël geld in ôgge kas.
Dink d'r aan geej krieg gen tesse, in ôgge höltere jas.


HOME PLAATSNAMENOVERZICHTHOME


WITSE NEET
Tekst: ? - meziëk: ?
Zang (*) : De Drekskaters

De hads geliék, ik bin ein zoés,
schat vergaef mich en kôm nao hoés.

Refrein:
Witse neet, witse neet,
Ik hald van dich miene scheet (2x)

Ik huur beej dich, wie kook beej ei,
dich huurs beej mich, wie leuk beej prei.

Bliéf beej mich en gangk neet weg,
dich huurs toch waal det ik zeg:

De hads geliék, ik bin ein zoés,
schat vergaef mich, kôm nao hoés.

* cd 1993 : De Drekskaters - "Kattekwaod"


HOME PLAATSNAMENOVERZICHTHOME


WITSE WIE?
2006/2007: Tekst & muziek: Quinn Warmerdam
Zang: W-Dreej: Quinn Warmerdam, Hay Wilders & Christel van Rijn

Refrein:
Witse wie-se vastelaovend môs gaon viére?
Det is ein kosbaar limburgs bezit.
En môsse deile mit wae det nog neet wit.
Witse wie?...Dan laot ein ander daovan liére.
Want nóów is Limburg altiéd op zien bes.
En is ut groëte veurbaeld veur de res.

Unne boétestaonder oét ut land,
Bekeek ut zich met bedraag.
Want Limburg sprông heej oét de band,
Met de vastelaovesdaag.
En toen kwaam beej um ein vräögske op,
“Wao kump det toch van haer?
Hebbe die ut heej dan in ut blood of kump det van ut beer?”

En dae boétestaonder zag al vlot;
“Det heb ik néét zoë geliérd!”
Hae prakkezeerde zich kepot;
“Waat doon ik heej noow verkiérd”.
En hae zông en sprông, ‘t-had genne zin,
Al deej-e good zien bes.
Daorum vroog hae ôs ; “Kan ik beej ôg,
Op vastelaovesles?”

Nog efkes, en dan haet ut ganse land ut ônder de kneen.
Maar in det geval, dan zulle ze ôs neet boéte Limburg zeen.


HOME PLAATSNAMENOVERZICHTHOME


DE WUILES
vòòr 1954 : Tekst: Frans Boermans - muziek: Thuur Luxembourg
Zang 1 (*) : Hannelore Winter
Zang 2 (**) : Jocus Joekskoér

D'r waas ens enne kier, d'r waas ens enne kier,
en ik weit neet mier zoeë precies wannier.
D'r waas ens enne kier, d'r waas ens enne kier,
enne hiele netten hier.

Refrein:
Jao zô'ne wuiles, zô'nen duiles, zô'nen hampleman,
dae neet träöte en neet danse en neet sjanse kan.
Laot um loupe, laot um gaon.
Jông, we zeen dich nog neet staon !
Want zô'ne wuiles, zô'nen duiles, zô'nen hampleman,
dae neet träöte en neet danse en neet sjanse kan.
Laot um loupe, laot um gaon.
Jông, we zeen dich nog neet staon !

Hae had zich zoeë gedag, hae had zich zoeë gedag,
als ik Nel vannach ens nao hoes toe brach.
Hae had zich zoeë gedag, hae had zich zoeë gedag,
maar ôs Nel had nae gezag.

Waat haet hae toen gedaon, waat haet hae toen gedaon ?
Isse mei gegaon, isse blieve staon ?
Waat haet hae toen gedaon, waat haet hae toen gedaon ?
Hae is moei nao Mam gegaon.

*lp (1976/1977) : " Vastelaovend same " - Discofoon LP 11.11.76
** cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213


HOME PLAATSNAMENOVERZICHTHOME


WULLEM ZIEN TROMPETJE
Wäörd en muziek: Wim Roeffen
Zang (*) : M. Peeters

Refrein:
Zek, heb geej ôsse Wullem zien trompetje al gehuurd.
Dae bluus finaal de sterre oët de lôch.
Hae guf ein stôk meziëk eweg wao eder kalt van wuurd.
As dae zich hure luët, dan krieg ik daovan noëts genôg.
Now huur toch ôzze Wullem wie geweldig waat dae kan.
Zo'n schoën geluud det duit mich toch zoë good.
Det geit mich door mien hert en zeel, ik waer gans weik d'r van.
Det werk gewoën op mien gemood.

Mien broor, ôzze Wullem dae kint geej toch waal.
Dae meus geej ens hure dae is muzikaal.
As dae de trompet bluës dan gluif geej ut gaer.
Det is eine kunstenaer.

As zugeling oefende Wullem al ves.
Dae woel gaar neet zuge, dae bloos op de fles.
Mien Mam zag: dao zit wat in mien jôngste sproet.
Waat d'r in zoot kwaam auk d'roet:

Zien lös en zien laeve det is zien trompet.
Hae steit d'r mei op, geit d'r auk mei nao bed.
Hae speult veur de voes weg, en kint eder leed.
Nae moeier nog kan ut neet:

lp 1980/1981 : Jocus - " Gaef mich de viëf " - Discofoon LP 11.11.80
* cd : " Zónne Vastelaovend "


HOME PLAATSNAMENOVERZICHTHOME


YVONNE
vòòr 1969: Teks & muziek: ?

Dich zags rech in mien gezich: "Niks mier zeg ik taege dich!"
Dich hes mich de bôns gegaeve.
Maar now zitste mit dien leid, want det witste toch verdreid,
deste zonder leefde neet kins laeve.
Verdöld, verdöld, maar 't is dien eige schöld.

Refrein:
Yvônne, Yvônne waat biste toch van plan ?
Yvônne, Yvônne, zoë kriegste genne man !
Waorum toch Yvônne, waorum bis dich gegaon ?
Waat biste toch begônne, waat heste toch gedaon ?

Einmaol kumpste nog zoë wied, jao, dan zumpste van de spiet.
deste mich hebs laote schete !
Op 't rendje van dien bed, in dien hendje mien pertret.
Dinkste dan: "Det had ik môtte wete!"
Verdöld, verdöld, maar 't is dien eige schöld.


HOME PLAATSNAMENOVERZICHTHOME


ZAK IN PAK
2001: Tekst & muziek: Frans Pollux
Zang(*) : Neet oét Lottum

Hae werk fulltime beej De bank
Dreej daag vreej veur ATV en twie daag krank
Hae haet ein pak op maot gemak
en daorum is 't zônne zak

Hae haet 'nen auto van de zaak
en al 't geld in zien tes det kraak
Hae praot Hollands met 'n 'R'
Want alleen dan schop je 't ver

En eine kiér per jaor in de vekansie geite met zien vrouwmes weg
Wieër as 't veurig jaor en wieër as d'n buurman, dae is vreg
Maar bisse dan de ganse wereld aaf en rônd gewaes
Is 't dan neet tries, asse zelfs dan
3x niks te melde haes
Niks te zegge haes

Aoh en zien vrouw stink nao parfum
Mantelpekskes, van die zieje sjaelkes um
Net te dun, net te dôm, net te broén
Maar ja waat mosse met die poen?

Ze zitte saame op taiboo
Want auk de baas en zien vrouw zien dao
Ech gezellig is 't neet
Maar ja det boeit um dus gen reet

Want asse maar blief knikke, en blief klikke en blief kroepe door 't stôf
Wae wet of hae dan euver eine gas jaor van det lekke nog ens bôf
Zoëdet-e dan promotie krieg en manager meug zien
Kinne lekker schelde, schöppe, stampe, schelde,
op zien praotend tiepmesjien,
zien blonde tiepmesjien

En werk-e 25 jaor
Beej de bank dan isse klaor
Dan geite met vervruug pensioen
En zich vervaele met zien poen

* cd 2001 : Neet oét Lottum - " Vertrokke " - Red Bullet


HOME PLAATSNAMENOVERZICHTHOME


ZEK HAEJ !
Tekst & muziek: Frans Boermans & Thuur Luxembourg
Zang (*) : Wiel Vestjens & Hay Crompvoets

Ik kin dich en dich kins mich.
't Is toch waal toevallig wieste zaes.
Nae dan toch, wie geit 't nog ?
Wao biste toch 't ganse jaor gewaes ?

Refrein:
Zek haej, waat zoëlste d'r van dinke,
as weej d'r same nôw eins eine ginge drinke.
Want weej passe toch zoë schoën beejein.
Daorum drinke weej neet gaer allein.
Zek haej, waat hadste dich gedach,
zo'n bietje boemele de ganse nach.

Geit 't slech, of hebste pech.
Haet dees waek de kas weer neet geklop.
Waas de heur dich vuëls te deur,
bel dan dienen hoësbaas efkes op.

't Is toch waal ein groët schandaal,
wie me in de waereld zich versteit.
Wet geej neet, wie schoën dit leed,
d'n internasjenale dit jaor geit ?

* lp (1976/1977) : " Vastelaovend same " - Discofoon LP 11.11.76
cd : " Zónne Vastelaovend "


HOME PLAATSNAMENOVERZICHTHOME


ZEKER
1995: Tekst & muziek: Bert van den Bergh
Zang (*) : Romeo

Ik weit neet waat d'r anders is, mien geveul zaet det d'r iets is.
Dich druims dich langs mich door de nach, heb ik op dich gewach.

Ik veul waal det 't anders is, maar ik wis neet des dich det bis.
Dich dae mich aan't wiefele brach, ik heb op dich gewach.

Refrein:
Da da da da da da. ( 2x)

Ik dach nog zoë, ik vind um noejt, had de haop al euverbaord gegoejd,
maar plotseling toen stönds dich dao, verdwaas keek ik dich nao.

Mien auge zochte dich konstant. 't waas mien hert, neet mien verstand,
det waat mich toen zegge deej, kóm toch wat doënerbeej.

We blieve ieuwig, ieuwig wie men det zaet.
in elkaars gedachte, op de zelfde waeg, op de zelfde waeg.

* cd 1995 : Romeo - "Later krieg gelièk" - Ben Verdellen Produkties


HOME PLAATSNAMENOVERZICHTHOME


ZEVE PUNT NUL DREEJ
Tekst & muziek: Lex Uiting
Zang: Zoemaar

Maondaagmorrige, zeve punt nul dreej,
Miene wekker geit en 't weekend is veurbeej
Mien bed is werm maar ik mot d'r oet
Ik dink huul efkus truuk aan dien leeve snoet
Zuuls dich auk nao aan mich dinke? Ik gaon mich douche tot besloet
Ik haop det ik dich gauw weer ens hej zeen
Wamt as 't mot gaon ik veur dich hej op de kneeen

Refrein:
Wej hebbe gedans, vanach in 't duuster,
Liters beer getank, joa geklep wie ein bies
Ik kwaam naor dich toe en zach:'hej luuster:'
'vons dich dit auk zon geweldig fees?'
Hej in os kroeg lierde wej os kinne,
En noa wil ik dich noeits mier kwiet
In os stedje kin de leefde beginne
Want 't is altied, Venloos altied

De waek deurt waal jaore, in vief daag
Waas 't maar weekend, ik heb kriebels in mien maag
Vanaaf nao bis dich mien groet gelok,
maar ik maak mich noa toch ein bietje drok
Zuuis dich d volgende weak weer hej zien
Wan anders duit mien hert zon pien
Det zuuj toch ieweig, iewig jaomer zien
Want met dich veul ik mich gans compleet
Nae dich, dich vergaet ik van mien laeve neet


HOME PLAATSNAMENOVERZICHTHOME


ZING NOG ENS ...
1966/1967: Tekst: Frans Boermans - muziek: Thuur Luxembourg
Zang (*) : Frans Boermans & Thuur Luxembourg
Zang (**) : Sun Sour Hippie Qué
Zang (***) : Dré Geraeds & Wendy Geraeds

Det leedje det mien moder zong, as zej d'n hoeshald deej,
det kôs ik al as jônge jông, det blief mich altied beej.
Mien maedje lierde ouk det leed, haet juus mien moders stum ;
en bin ik bliej of vol verdreet, zoë dök dan vraog ik um :

Refrein:
Zing nog ens mien golde maedje,
zing nog ens det alde leedje :
van d'n tied van roëzegeur en maoneschien,
van de leefde, van gelök en hertepien.
Zing nog ens van vruuger jaore,
zing nog ens die melodie.
Zien weej ens aok ald gewaore,
det alde leedje, det blief toch altied niej.

En as weej ens verslete zien, och kump 't oëets d'rvan.
En kump ein kleinkind ôs misschien bezeuke nôw en dan.
't Leefste waat ik had gehad op ôzzen alden daag.
Det ik dan aan dae leve schat ouk nog ens vraoge maag.

* lp: " 't Is weer vastelaovend (twië maol elf vastelaovesleedjes en nog vuël miër...) "
** cd 1999 : Diverse artiesten - "Leedjes veur de ieuwigheid (ein hommage aan Frans Boermans)"
*** cd 2000 : Diverse artiesten - " Petje aaf (veur al die schoéne leedjes) " - Onger Os 7370


HOME PLAATSNAMENOVERZICHTHOME


ZINLOOS GEWELD
Tekst & muziek: Herman Detillon

Ut is nörges veur muuëdig, det zinloos geweld.
Nae, ech neet miër nuuëdig, alleein de leefde, die telt.
Maar waorum doon dees minse 'n ander zón verdreet ?
De schaams dich doeëd as nederlander, wannier't ge dit zeet.

Beste elders, laot óg kinder neet allein nao de stad toe gaon,
want ut leid is taegewoordig eemus gauw aangedaon.
De vergifs ut dich noeëts, as d'r wat met eur gebeurd,
want veur ze ut wets, waere zeej euver straot gesleurd.

Wat bezeelt toch zòn minse, hebbe zeej dan gen hert ?
Ut leefs zou ik eur verwinse, ze bezörge niks as smert.


HOME PLAATSNAMENOVERZICHTHOME


ZO'N MAEDJE
1961 nr4. : Tekst: J.Kaandort - muziek: P. Haayenmaaien

Ik bin al zeve waeke op ein nieje schat verleef,
det kin toch ederein gebeure.
Cato waas mich te stil en Jacquelien det waas neet leef,
ik leep zoeë aaf en toe waal ens te treure.
Maar sinds ik Josefien weer kin,
wet nemus wie gelökkig ik nôw bin.

Refrein:
Zô'n maedje, zô'n maedje, zônne schat is t'er maar ein.
Zô'n maedje, zô'n maedje, uig kiek ens waat ein bein.
As det in de plaats van Eva had gestaon,
dan waast'r genne appel van det buimke aafgegaon.
Zô'n maedje, zô'n maedje, jao, zônne schat is t'er maar ein.

Ik veul mich wie eine keuning as ik mit det schatje trouw.
Den daag dae zal ik noeëts vergaete.
Ik krieg aan Josefien toch waal de allerleefste vrouw.
En haet d'n ooievaar op 't daak gezaete,
dan zinge wej geluif det maar,
bej det presentje van d'n ooievaar.

Op eine vastelaovend zien wej nao de stad gegaon,
um d'n optoch te gaon kieke.
Wej hadde kleine Frans en Thuur ein pekske aan gedaon,
de wets wao de blage dan op lieke.
Toen huurde wej de Hermenie,
en die speulde maar van boem falderie.


HOME PLAATSNAMENOVERZICHTHOME


ZO'N TOËT BEER VEUR EIN DÖBBELTJE
Tekst & muziek: A. Pollux & F. Wetjens
Zang (*) : Mannenkoër

Refrein:
Zô'n toët beer veur ein döbbeltje
'Weej kriege haos de traone in de auge'
Zô'n toët beer veur ein döbbeltje
Al waas 't maar veur eine rotte kiër
Weej zien neet van den heb, maar ôndertösse
Ein döbbeltje de klep, det zoele weej löste
Zô'n toët beer veur ein döbbeltje
Veur daen eine kiër, veur daen eine kiër
Want morge, nae morge, dan hoof 't neet miër.

* lp: " 't Is weer vastelaovend (twië maol elf vastelaovesleedjes en nog vuël miër...) "


HOME PLAATSNAMENOVERZICHTHOME


ZOË IS UT LAEVE
1981/1982 nr.4 : Tekst: Hannelore Winter - muziek: John-Gerard Janssen
Zang(*) : Marij Janssen & Petra Houben


Refrein:
Zoë is 't laeve, waat kan 't gaeve,
we doon maar allemaol wat water beej de wién
Op idder paedje ein roéze-blaedje,
en nao 't straevele ein bietje zônneschien.
Want euver hônderd jaor, jao, jao, des iérlik waor,
dan bisse deeze tiéd veur altiéd kwiét.

Mooder bloom, jao die waas zoë gaer op stap gegaon,
want ze preufde weer "t gelök.
En ze had zich eur bloomekledje aangedaon,
maar ze woort och-erm neet geplök.

Vader haan had zien vaerebörsje naatgemak,
en hae lokde zoë al van wiéd.
Juffrouw kiep stook eur tiénkes in de nagellak,
maar ze kôs eur ei gaar neet kwiét.

Eine kater, dae had zich op de loér gelag,
want 't waas weer ens volle maon.
Maar toen haet um ein ketje in zien oér gezag,
jông, de bis te laat opgestaon.

* lp 1981/1982 : Jocus - " Laot ôs bliëve zinge " - Discofoon 11.11.81
cd : " Zónne Vastelaovend "


HOME PLAATSNAMENOVERZICHTHOME


ZOË IS UT LAEVE
1995 nr.4 : Tekst: Guus Timmerms jr. - meziék: Coen Ottenheim
Gezônge: Leta Bell & Hay Smeets

Laot lekker laope, plök 't gelök.
Det kanse neet koupe, det huurse zoë dök.
Asse 't haes, dan veulse dich vreej.
Want waat is gewaes is veurbeej.

Refrein:
Zoë is 't laeve, zoë geit 't dök.
Waat kan 't gaeve, maak dich neet drök.
Veurse 't wets zien weej neet miër heej,
want gans op 't lets is alles veurbeej.

Wilse waat waoge, ruukse dien kans,
dam môsse niks vraoge, den guuëfse dich gans.
Waasse neet zaes, jao, vraoge steit vreej,
maar waat is gewaes is veurbeej.

Blief lekker lache, maak dich niks wiés.
Want minse, wat dach ge, det is altiéd priés.
Asse niks haes, beginse opnie,
Want net wiesse zaes: "C"est la vie!"

* cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213


HOME PLAATSNAMENOVERZICHTHOME


ZOË IS 'T LAEVE
Tekst & muziek: Frans Boermans & Jan Theelen
Gezônge 1 : Ben Verdellen (De Vrijbuiters)
Gezônge 2 (*) : Minsekinder

Zoë is 't laeve, zoë is 't laeve,
ein bietje neme en ein bietje gaeve.
Zoë is't laeve, zoë is 't laeve,
ein bietje neme en ein bietje gaeve.

An de veurdeur, op 't stuupke, zoot Merieke naeve Juupke.
En ze lekde same braaf, um de beurt aan de sôkkerstaaf.
Ze ware zeve jaor, jao, ze ware zeve jaor.

En nao jaore op det stuupke, zoot Merieke naeve Juupke.
En ze zote doën bejein, want mäönke scheen zoë fijn.
Ze ware achtien jaor, jao, ze ware achtien jaor.

Ein paar jaor later op det stuupke, zoot Merieke naeve Juupke.
Hae zoot rechts en links zoot het, en 't kiendje loog in bed.
Ze ware twieëntwintig jaor, jao, twieëntwintig jaor.

Jaore later op det stuupke, zoot Merieke naeve Juupke.
En ze dachte aan eur jeug, aan eur leid en aan eur vreug.
Met viefenzestig jaor, jao viefenzestig jaor.

* cd 1989 : " Mooder Hellup - Beej Mooder Thoës "


HOME PLAATSNAMENOVERZICHTHOME


ZOË LANG AS IK LAEF
Tekst: ? - meziëk: ?
Zang (*) : De Drekskaters

Ik bin van dich zoë lang as ikke laef
Zoë lang as'ik laef
en det ik um dich gaef,
wil ik beej dich zien.
Zuus dich miene wingk,
bis toch gen blinde vink,
duis mien hert zô'n pien.

Zoë lang as'ik laef
en det ik um dich gaef,
wie zeg ik det drek,
laup heej veur gek… o, o, o.. o.
met zweit op de neus,
wis ik maar wie 't meus,
det ik alles dich gaef,
veur zoë lang as'ik laef.

Ik hald dich vas
aan de punt van d'n das,
fluuster: goojendaag."
zaes'dich: "Laup naor de maon",
en de luuts mich heej staon,
wie 'ne kleine blaag.
Maar… zoë lang as ik laef,
en det ik um dich gaef,
wil ik beej dich zien,
duis mich zô'n pien, aoh… aoh… aoh… aoh.aoh

Noow staon ik dan dao,
jao 't laeve is zwaor.
as'ik alles dich gaef,
veur zoë lang as ik laef. (2x)


HOME PLAATSNAMENOVERZICHTHOME


ZOË LEKKER
vòòr 1969: Teks & muziek: ?

Refrein:
Och, waat is det lekker, jao, det is zoë lekker,
eeder vief minute griep ich mich zô'n leve troel.
Och, waat is det lekker, jao, det is zoë lekker,
eeder vief minute kös ich weer zô'n leve troel.
Och, waat is det lekker, jao, det is zoë lekker,
dreej daag aan ein stök.
Ik griep ens heej, ik griep ens dao, det velt mich hiëlemaol neet zwaor.
Det is zoë lekker, waat is det lekker.
Ik griep ens heej, ik griep ens dao, det velt mich hiëlemaol neet zwaor.
Waat is det lekker, dreej daag in 't jaor.

Dreej daag in 't jaor met vastelaovend,
dreej daag in 't jaor met carneval,
dan mak Sjang zich klaor, want eederen aovend,
geit hae moei verkleid nao einen bal.
Eedre dans haold hae zich dan ein bruudje,
jônk of ald, det blief um gans egaal.
Dan krieg eeder kind van um ein nuutje,
en dan zingk hae door den hiele zaal:

Sjang, dae waas ein bruudje gaon versiere,
umdet hae d'r stapelgek op waas.
Maar toen meus hae um nog alles liere,
want det kind, det waas zoë greun wie graas.
Sjang, dae woel de mood al laote zakke,
en hae dach ik blief toch maar allein.
Maar toen kreeg det kind de slaag te pakke,
en toen reep 't: "Gaef d'r mich nog ein".


HOME PLAATSNAMENOVERZICHTHOME


ZOEË MAAR GEDUMP
Tekst: ? - muziek: ?
Zang (*) : Blaauw


Ik kin waal zegge det ut mich niks duit,
en det ut mich niks interesseert, maar det is maar as of.

Ut duit zó'n pien in mien hert,
want ut zit neet good in mien hert, ik veul mich neet tóf.

Ik wil dich zegge as ik dich zeen,
ik wil dich gaer zegge wie ik ut zeen, waas dich haes gedaon.

Wie ik mich veul in mien hert,
det ut neet good zit in mien hert, maar ik hald miene mónd.

Refrein:
Want ut haet gen zin um d'r lang beej stil te staon.
Ik heb d'r gen zin in want dan mak ut mich kepot.
Ik zal dich ontwièke, alles dao aan doon,
det ik noeëts mièr met dich gaon.

Dich kins waal zegge det ut dich spièt,
dich kins waal haope det ik begriep, waorum ut zoeë mót.

En det ut dich rak in dien hert,
en det ut dich pien duit in dien hert, waat scheet ik dao mei op ?

lk heb nachtelang neet geslaope,
ik heb nachtelang euver dich ligge prakkezere.
Maar maedje, dich haes ut oètgemak,
dich haes mich zoeë maar gedump,
det kin ik toch neet akseptere.

* cd : Blaauw - "Eine zomer met dich"


HOME PLAATSNAMENOVERZICHTHOME


ZOEË MAAR VEUR DE YEN
Tekst: Gé van Beek
Zang (*) : Pinda Wullum

Hae leep altièd allein euver de straot,
en had zoeë gaer ens met emus ens gepraot.
Hae wis neet waatte woel, dus leep haem zónder doel,
van de majjem, door 't Greunveld wies de koel.
Hae waas al jaore lang intens op zeuk,
maar ja, gen inkel lekker bruudje vónd um leuk.
Maar toen op eine kièr, toen had hae 't neet mièr,
en hae kreeg vlinders, dach as ik um ens versier.

Refrein:
Zoeëmaar veur de jen, zoeëmaar veur de jen,
ging ózze Ben, nao 't Bulteven,
zoog ein slanke den, en zag veur de jen:
Doedeloedelei, doedeloedelei, kóm met mich mei,
nao de groeëte hei, of ein greune wei,
en doedel met mich mei.

't Jaor waas ónderhand alweer veurbeej,
de tillefoon ging, en och det waas zeej.
Toen zag die slanke den, dao oèt det Bulteven,
och miene leve, dich wuurs Pappie , d'r kump 'nne Ben.

De schrik die sloog um toen in de bein,
maar toch stiekum vond hae 't fijn.
Hae drónk zich liters gerstenaat,
en ging duúzelig op paad.

Kreeg die slanke den van Ben.
Kreeg die slanke den van Ben 'nne kleine Ben.

* cd 1998 : Pinda Wullum - "Zoeëmaar veur de yen"


HOME PLAATSNAMENOVERZICHTHOME


ZOË VENLOOS AS KAN ZIEN
1986 nr.3 : Tekst: Wiel Hermans - meziék: Wim Roeffen
Gezônge: Hay Cromvoets

Dich bis heej gebaore as Venlosen blaag,
't waas vastelaovesdaag.
De minse die repe ojee det wuért mauw,
maar daen baby van toen woort mien vrouw.

Refrein:
Dich wits waat vastelaovend is, bis gans nao miene smaak.
Ein maedje oét ein Venloos nis, dich hes mien hert gekraak.
Wie al die maedjes oét de Wien, 't Ven wies Uehlingshei,
bis dich zoë Venloos as kan zien, ein ônbeschreve lei.
Bis dich zoë Venloos as kan zien, wie ein kroédwis in de mei.

Leef maedje, bliéf altiéd mien betje behei,
beej dich vônd ik mienen dreij.
Ik lach in mien vuuske beej zoëvuél gelök,
daorum zing ik mich heej van de zök.

Weej hebbe ein dochter en ik bin zien pap,
ein pölke wie mam zoë knap.
Det geit beej de Knibbel nao idderen bal,
en dan huurse auk dao euveral.


HOME PLAATSNAMENOVERZICHTHOME


ZOEBELAER
1968 nr.1 : Wöärd: Ad Pollux - muziek: Fr. Wetjens

Refrein:
Weej zoebele, weej zoebele, weej zoebele zoë gaer,
op daen hiële dieke lekkere vastelaovend-babbelaer.
Jao, wetste waal, jao wetste waal, waat waor is det is waor,
dae vastelaovend is veur ôs 't snuupke van 't jaor.
Want dae smak wie ein bônbôn... ha! ha! ha! ha!
Of einen ingel op dien tông... ba! ba! ba! ba!
Jao ken !
Weej zoebele zoë gaer op daen dieke vastelaovend-babbelaer.

Pak d'n ozel maar beejein, kwak um in de paolingstein.
Dan bisse dae ves kwiêt, 't is d'n hoëgsten tiêd
Jocus rup weer: Kôm ens veur, doot de schaai maar van de deur.
En zoebel met ôs mei, det gif dich weer d'n drei.

Moek de gek dan vritte good, sloeke zit ôs in 't blood.
Waat waor is det is waor, det zuuste idder jaor.
Maar 't blief neet aan de gangk, lekker is maar dreej daag langk.
Dus: Gooien appetiet, wae hônger haet, dae biet.


HOME PLAATSNAMENOVERZICHTHOME


DE ZOÈPKOEL MÔT TRUUK
2008: Tekst: Wiel Hermans - melodie: 'Whatever you want' (Status Quo)
Zang: Neet Um aan te Huùre

Och waat unne kwats, die is verpats
ôs zoèpkoel weg, d’es dieke pech,’t wuürt mich slech
die is geschoep, weej zien betoep
ôs koel keduuk
die koel môt truuk

waat ’n geplaar, waat is det raar
’t is te laat, dao in det gaat, dao waas ein koel
de’s waat ik woel
waat is gefiks, is dreej kiër niks
wao môt det haer, det geit te vaer

wae haet die gestriets
wae haet ôs det aangedaon
wae luüt ôs veur paol in d’n ozel staon

Och waat unne kwats, die is verpats
ôs zoèpkoel weg, d’es dieke pech,’t wuürt mich slech
die is geschoep, weej zien betoep
ôs koel keduuk
die koel môt truuk

ôs koel – leep vol - met laeveslös en lol
zoë fijn - beejein- met Jan en alleman
met joeks- plezeer- op tièd ein glaeske beer
zoë waas- ‘t heej - det is- veurbeej

wae haet die gestriets
haet ôs det aangedaon
wae luüt ôs veur paol in d’n ozel staon

* cd 2008: Neet Um aan te Huùre - "Projec Zurtitrie – Zoèpkoel truuk!"


HOME PLAATSNAMENOVERZICHTHOME


EINE ZOMER MET DICH
Tekst: ? - muziek: ?
Zang (*) : Blaauw


Hé wet se nog Patricia
Ik haop neet det se ut vergaete bis
Wie wonderschoeën dae zomer waas
Veur mich ein tièd zonder ein gemis

Al die leeve wäörd die se mich hes toegefluusterd
vanaaf d'n ièrste nach wie weej toen same
zien gevluch in ut duuster

Refrein:
Eine zomer met dich zien
lekker laupe door de stad
same oétgaon ap de Parade
nao minse kieke vanoét ein terras
Eine zomer met dich zien
lekker niks doon want ut is zoeë werm
Onder hónderddoézende sterre
veel ik in slaop in de zomernach in dien erm

Waat waas det toch geneete
twieë maond lang laefde ik in eine roes
Mien energie waas neet te maete
daag en nach waas ik toen van hoès

Al mien vrinde hebbe mich met rös gelaote
ze weite good ut haet gen zin
as ik verleef bin kin se neet met mich praote

As ik oeëts eine wins meug doan
van eine geis oét ein wonderlamp
dan wil ik ieuwig beej dich zien
as in die doézend en eine nach
Of gewoeën maar...

* cd : Blaauw - "Eine zomer met dich"


HOME PLAATSNAMENOVERZICHTHOME


ZOMERAOVEND
Tekst: Paul Nagelmaeker & René Oostdam - muziek: Glenn Corneille & Paul Nagelmaeker
Zang (*) : Neutjesrang & Band

`t Waer is good
de zomeraovend is weer dao
en ik heb dors veur dreej
Ik veul mich good
ik laup michzelf achternao
en zoé kôm ik heej

Ik gaon oét
ik heb weer zin um oét te gaon
zin um te danse
Ik gaon oét
de zôn de zômer en de maon
zin um te danse

De sfeer is good
ik kiék ens heej ik kiék ens dao
ik hald michzelf vreej
Ik veul mich good
ik laup michzelf achternao
en zoé kôm ik heej

Zoé bin ik heej zoé bin ik dao
Ik laup michzelf achternao
Op idder pilske zeg ik jao
Dich bis de moeiste iérlik waor
Zin um te danse

* cd 2001 : Neutjesrang & Band - " Éine waeg " - Marlstone CD 2117


HOME PLAATSNAMENOVERZICHTHOME


ZOMERSPRUUTJE
Tekst: Toos Bos- muziek: Frans Wassen
Zang: Leon Bastiaans

Refrein:
Hallo, hallo mien zomerspruutje
hallo, hallo, dich zónneschien
Ik kös dich op dien snuutje
dich bis mien zunke van de Wien
Dich bis veur mich mien zomerbleumpke
wat zeen ik dich toch gaer
Al schient de zón dan ouk ens neet
bliefs dich ut zunke um mich haer

Op ut Prinsebal dao zoog ik dich
wie ein straolend leech
en ik dach, det huurt beej mich
umdet ik toen de kriebels kreeg

En met de vastelaovend idder jaor
zeg ik zónder spiêt
Luuster good waat ik verklaor
nae ik wil dich gaar neet kwièt


HOME PLAATSNAMENOVERZICHTHOME


ZOMERTIËD
Solo (*) : Hans Mans

Dao schient de zôn op mienen bol, ik wil nao boëte.
Ôs Jackelientje zit al vol met zomersproëte.
Dan bleuije de kaorebloome weer,
en dans al 't schaor weer op en neer.
Nôw huur toch ens aan, ôs Mientje rup al:
Kiëk ens, kiëk ens kiëk ens dao zuuste weer.

Refrein:
Braomele miemere, dreej jônge katte,
mugge die biëte en nieje petatte.
Blauw is d'n hemel en broën is de rök.
morrejen jao waat ein waer,
leet det aan ut zomerwaer,
wuurd det weer op slaag,
zônne straolende zomerdaag.

* lp 1979/1980 : Jocus - " Dao geit-e haer ! " - Discofoon LP 4.7980 15.90


HOME PLAATSNAMENOVERZICHTHOME


ZÓNDER DICH
Tekst: ? - muziek: ?
Zang (*) : Blaauw

De nach is duuster en ik zeen hand mièr veur mien auge.
Ut is kil, d'r id nemus mièr op straot.
Ik bring de nach door met ut speule van alde plate op mien kamer.
Ik zing vervaeld en oèt de maot.

Refrein:
Want ik, ik heb neet waat ik hebbe wil, ik heb noeëts waat ik wil.
Ik heb neet waat ik hebbe wil, ik heb noeëts waat ik wil.

As de zón in de nach, as eine vis op ut druuëge, as ein ster op de grónd.

As de maon euverdaag, as de zieë zónder water, as de man zónder mónd.

De klok, die tik as of ut kwaod is op mich,
as of ut zegge wil: heej jóng haes dich niks baeters te doon ?
Ik kroèp inein, ik wil niks huüre, ik wil niks zeen.
Ik bin gewoeën schouw, d'n tied geit onverbiddelik door.


HOME PLAATSNAMENOVERZICHTHOME


ZOONDAAGSKINDER
Tekst: Wiel Hermans - muziek: Wim Roeffen

Veur eine blauwe maondaag zien weej ein zoondaagskind,
en neme det gelök veur leef.
Dae hilt van doëzend schoëne, die bleuje zônder ind,
is net zoë dök wie weej verleef.

Refrein:
Zeve daag zien weej ein zoondaagskind,
weej, die door 't laeve zien verwind.
Alles mei, zoë gaon weej dök, gewoën op good gelök.

Wae nôw zien neus maar naolöp, dae löp zich neet veurbeej,
en zit auk lekker nörges mei.
Weej zitte heej gebakke, kôm, braoj d'r dich maar beej,
dan is weer alles kook en ei.

As dich gen äörtje riëk bis, verköpse diene praot,
zoë wuurse diene wazel kwiët.
Plezeer, det mak dich riëker, al geit 't mundjesmaot,
de steis dan nörges in 't kriët.

J.Theelen CD 7176


HOME PLAATSNAMENOVERZICHTHOME


'T ZUDE
Tekst: Harry Bordon - muziek: ?

't Zien de buim, 'n kaoreveld, wo ich van druim,
'n baek vertelt wat aan de karresjpaore van 'n paedje
de kleure van de paarse hei,
'n kruuts en dan 't greun in mei
ich bin verleef op dich es op 'n maedje.
Wo daag en nach de mienrouk sjtink
dao lik de plek wao ich aan dink

De bis te sjoeën um waor te zien
es in de gouwe zónnesjien
diene Maas ómzuimp door bosse lik te blinke
dao höb ik aan 'ne hand mit eelt
gehuuld gelachen en gesjpeeld
mien zude, ich zal altied aan dich dinke,
aan dich dinke.

dao wao mien weeg geschómmeld woort
't laevensleech mich óngesjtoord
leet kieke nao de plek wao 'ch bin gebaore
ik waar te klein en wis nog neet
dat elke sjtein dae zoeë mar leet
nog waerde veur mich kreeg in later jaore
Wo langs de waeg 'n beeldje hink
dao lik de plek wao ich aan dink.

De bis te sjoeën um waor te zien
es in de gouwe zónnesjien
diene Maas ómzuimp door bosse lik te blinke
dao höb ik aan 'ne hand mit eelt
gehuuld gelachen en gesjpeeld
mien zude ich zal altied aan dich dinke,
aan dich dinke.

Ach wat ich zing det is veur mich
herinnering, toch höb ich dich
verborge heej van binne mitgedrage
mar wao ich gaon nao dörp of sjtad
es klokke sjlaon dan weit ich dat
in 't zude ouch 'n klökske haet gesjlage.
Wo saoves nog 't ang'lus klink
dao lik de plek wao ich aan dink.

De bis te sjoeën um waor te zien
es in de gouwe zónnesjien
diene Maas ómzuimp door bosse lik te blinke
dao höb ik aan 'ne hand mit eelt
gehuuld gelachen en gesjpeeld
mien zude ich zal altied aan dich dinke,
aan dich dinke.


HOME PLAATSNAMENOVERZICHTHOME


ZUTJES AAN
1988/1989 nr.4: Tekst: Wiel Hermans - muziek: Wim Roeffen
Zang 1 (*) : Joke Theeuwen & Wiel Vestjens
Zang 2 (**) : De Kammeräodjes
Zang 3 (***) : The Rambo's


Als ik weer enne schoek kriég in mien kuute,
kôm ik hiél röstig lanksaam aan op gangk.
Van spooje geit mien linker uurke tuute,
dus zutjes aan, d'n daag dae deurt nog langk.

Refrein:
Laot ... maar lekker gaon ... zoë wie 't geit.
Laeve wie de wind ... mien jeske weijt.
Zutjes in daen toemel meigaon.
Spooje, det is gauw gedaon.

Ik kôm zoë wiét mien veut mich wille drage,
en det is meistal neet zoë wiét e-weg.
't Haet auk genne zin mich op te jage,
ik kôm op mien gemaak auk good terech.

Ik kin neet aan d'n daag van morge dinke.
daen daag haet auk nog noeits aan mich gedach.
Waat kômme môt, det kump, det is 't linke,
dus doot d'r nog maar eine op verdach.

* Dureco MC 905 * Dureco VDCD 904 * Jan Theelen 8076 * Jan Theelen RX *
* Leissel * Neet um a t hure * Rambo's * Rose RCD C11 *
* "Veur de Pap" * Rec Veenda Stemra g.a.1 * Marlstone - "Traot in de goot" *
** cd: De Kammeräodjes - "Veur ôs plezeer"
*** cd 1996: Diverse artiesten - "Veur de pap" - Limbo Music - JLCD 043


HOME PLAATSNAMENOVERZICHTHOME


ZUUS ENS
1984: Tekst: Ad Pollux - muziek: Giel Aerts
Zang (*) : Hay v.d. Ham

Refrein:
Zuus ens, zuus ens, idderein dae is d'r.
Kièk ens, kièk ens, waat ein volle stad.
Uig ens, uig ens, ens zoëvuuël as gister.
Zek mich ens, wao is d'r, wao vindse nog zoëwat ?
En is d'r eine dae d'r nog neet is,
waat meinse gek, dae wet neet waat hae mis.
Zuus ens, zuus ens, idderein dae is d'r.
Ens zoëvuuël as gister, minse waat ein stad.

Kièk dich det gedeuns ens aan, de ganse stad löp vol.
Minse euveral vandaan, de straote die staon vol.
En dan meinde ózze Wum det d'r nemus waas.
Maar dalik kiep de stad nog um en rolle weej in de Maas.

Huuër dich det leweit ens aan, ut kump oet alle heuk.
Joekskepèlle bliève d'r aan, al zien ze haos verkreuk.
En dan meinde ózze Hein, nemus bluuës d'r mei.
Maar dalik plats de stad oèt trein en vleege weej naor de hei.

* 1983 : "Laot gaon dae wage" - discofoon


HOME PLAATSNAMENOVERZICHTHOME


DE ZWUMKLUP
Wäörd & muziek: Wim Janssen
Zang (*) : Hay Peters & Paul Peters

De populaire leeje van de zwumvereiniging,
hebbe iddere maondaagaovund jaorvergadering,
en daor kan noow en dan wie ut is berich.
Neemus boave water komme met ein druug gezich.
neemus boave water komme met ein druug gezich.
En 's morges vruug, dan rup de trainer van die klup:

Refrein:
Jao, det hebse met die slumme, dao kanste good mei zwumme.
Maar op ut druuge klumme, det geit met hand en vuut.
Jao, det hebse met die slumme, dao kanste good mei zwumme.
Maar op ut druuge klumme, det geit met hand en vuut.

En idder jaor, met vastelaovend, guf ut zwummersbal,
waor d'n allerdruugste in ut water valle zal.
Snorkel op, bendje um, badmuts lekker glad,
gaon weej dreej daag puutje baaje in ut pierebad,
gaon weej dreej daag puutje baaje in ut pierebad.
Dan geit ut ,hand in hand, nog lang neet naor de kant.

* cd (1995) : Venloosch Vastelaovesgezelschap Jocus - " Jônk en Ald " - Ben Verdellen Productions - BV-E 1213


HOME PLAATSNAMENOVERZICHTHOME